tataiso mabapi le ho hloaea libaka tse lokeloang ho fuoa...
TRANSCRIPT
![Page 1: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/1.jpg)
1
Morero oa USAID/IUCN oa Paballo ea Tikoloho
Linaheng tse hokahanyoang ke Noka ea Senqu
USAID/IUCN Programme on Applying Ecosystem Approach
in the Orange-Senqu Basin
Tataiso Mabapi Le Ho Hloaea Libaka Tse
Lokeloang Ho Fuoa Maemo A Pele A Ho Baballoa
Setšoantšo se bontšang boemo ba tlokotsi ba libaka ka ho fapana e le karolo ea Moralo oa Paballo ea Tikoloho
![Page 2: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/2.jpg)
SELELEKELA
Ho etsa bonnete ba hore libaka tse lokelang ho fuoa maemo a pele ha ho hloauoa
libaka kapa likhakeletsi tse lokelang ho baballoa tlas’a merero ea ntlafatso e
lokelang ho phethahatsoa ho tsona, ke ntho e ka etsoang ka mekhoa e ‘maloa e
fapaneng. Morerong ona ho sebelisitsoe litšoantšo ka tsela ea Li-‘Mapa e le karolo
ea moralo o bopiloeng ho tataisa paballo ea tikoloho le libaka tsa bohlokoa tse
jereng mehloli ea metsi Lesotho. Li-‘Mapa tsena tse hlahiselitsoeng ke tsa setereke sa
Quthing e leng setereke seo morero o neng o kentsoe tšebetsong libakeng tse ling
tsa setereke seo. Hona ke mohlala oa ho bontša boemo ba tlokots ibotjametseng
libaka ka ho fapana ka hare ho setereke sena, ‘me e le tlokotsi e tlisoang ke
phetoho ea boemo ba leholimo. Ka hona, boemo ba tlokotsi bo bonahalang ka
libaka ho fapana seterekeng sa Quthing, bo sebelisitsoe ho bopa likarolo tse
fapaneng tsa moralo ona e le hona ho bontša ka kotloloho mehato e lokelang ho
nkoa ho latela likarolo tse bopileng Moralo.
Li-‘Mapa tsena li ka tataisa ho etsoa ha meralo paballong ea tikoloho le likhakeletsi
mekhahlelong e fapaneng e leng, Boemong ba Naha, Boemong ba Setereke kapa
Boemong Ba Sekhakeletsi. Hape ho eloe hloko hore taba ena ea ho hlahisa Li-
‘Mapa tse bontšang boemo ba tlokotsi ka hare ho sebaka, ha se hore ke ntho e
lokelang ho ba teng Meralong ea Paballo ea tikoloho ka linako tsohle. Mona ho
mpa ho tataisoa ho hloauoa ha libaka tse lokelang ho fuoa maemo a pele, ‘me
sena se ka etsoa ka mekhoa e mengata ho latela hore na
sepheo sa mantlha ke se fe kapa litjeo li lumela
joang ‘me tlas’a morero o na ho
ile ha khethoa mokhoa oa ho
hlahisa Li’Mapa ho tataisa
lintlha-kholo tse lokelang ho
eloa hloko moralong ona.
1
![Page 3: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/3.jpg)
TSA MANTLHA TSE PHUTHETSOENG KE LI-
‘MAPA TSE BONTŠANG BOEMO BA TLOKOTSI
Ho latela moralo ona, boemo ba tlokotsi bo ka hlalosoa e le boemo boo liphuputso li
fumaneng e le bo bosula bo ka tlisoang ke ho fetoha ha Maemo a Leholimo ‘me bo
ka behang tlokotsing mekhoa ea boipheliso kapa boemo ba sebaka ntlheng ea
tšebeliso ea mobu le tse ling.
TSA MANTLHA TSE PHUTHETSOENG KE LITŠOANTŠO KA LI-‘MAPA TSE BONTŠANG BOEMO
BA TLOKOTSI
Lintlha tse bohlokoa tse hlahlobiloeng ‘me tseo ho talinngoeng boemo ba tlokotsi ho
ipapisitsoe le tsona, tsa ntano bontšoa ka Litšoantšo kapa Li-‘Mapa ke tse latelang:
1. Phokotseho ea mongobo (Pula) le ho eketseha ha menyetla ea Komello
2. Ho eketseha ha menyetla ea Likhohola le sekhahla sa tsona
3. Ho eketseha ha sekhahla sa khoholeho ea mobu ka lebaka la lipula tsa
likhohola
4. Tahlehelo ea lijalo le kotulo e seng ntle masimong ka lebaka la menyetla e
eketsehileng ea ho theoha ha mofutho o hlokoang ke lijalo ka ho fapana
ho tloha ha li jaloa ho fihlela kotulo
Lintlha tsena ha li le tjena li bohlokoa hobane li na le tšusumetso holim’a ho boptjoa
ha meralo e elang hloko ho baballeha ha Tikoloho ho kenyeletsa le Mehloli ea Metsi
le boipheliso ba sechaba ka kakaretso. Tsena tsohle ke lits’ia tsa bohlokoa tsa Meralo
e tiileng ea ntlafatso le paballo ea tikoloho ka ha li sheba tikoloho ka ho pharalla le
ho teba ha lentsoe leo. Tikoloho e phela hantle ha ho ena le khokahano e ntle ea
tse phelang ho eona (Limela; Liphoofolo;Likokoanyana; Mehloli ea Metsi; Motho le
Tlholeho e ngoe e ke keng ea bonoa ka mahlo a nama e teng mobung le sepaka-
pakeng, joalo-joalo).
2
![Page 4: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/4.jpg)
Bolepi bo supa hore ho ka lebelloa liphetoho nakong e tlang tseo e leng hore li ama
bongata ba lipula ka likhoeli ho fapana ‘me le nako eo lipula li tla fumaneha ka
eona e lebeletsoe ho fetoha. Ka kotloloho ho lebeletsoe hore lipula li tla eketseha
nakong ea Selemo le Lehlabula empa ho be le ho qepha ha tsona nakong ea
Mariha
Bolepi bo supang liphetoho maemong a Pula a khoeli le khoeli Seterekeng sa Quthing (2040 – 2060)
Setšoantsong se latelang re bona ka kakaretso, setereke sa Quthing se batla se
pholile nakong ea Lehlabula papisong le libaka tse ling nakong ea ha joale, ‘me
Khoeli ea Pherekhong e ba hangata eona eo mocheso o nyolohelang ho 27C, ha
Mariha a bata ka mocheso oo hangata o lulang ho 15C ka Khoeli tsa bo Phuptjane
le Phupu. Quthing e fumana lipula nakong ea Lehlabula empa mongobo o mong e
ba oa lehloa nakong tsa Mariha.
Ka lehlakore le leng, Lipula li bonahala li fumaneha ka bongata likhoeling tsa ho
tloha Mphalane ho isa Tlhakubele eo ho bonahalang ha joale e le eona khoeli eo
hangata selemong e fumanang pula e kaholimo-limo; ha Khoeli ea Phupu e le eona
e fumanang pula e nyane ho feta likhoeli tsohle tsa Selemo.
Lirekoto tsa nako e fetileng (1970-2001) tse bontšang ho fapana ha Mocheso le Pula ka Likhoeli
3
![Page 5: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/5.jpg)
KAKARETSO EA LINTLHA TSE FUMANEHILENG
HA HO HLAHLOJOA BOEMO BATLOKOTSI
Boemo ba Tlokotsi
mabapi le Likhohola
Ha ho bonahale e ka
taba ea likhohola e tla
ba mpe hakaalo ka
lebaka la hobane
sebaka se na se batla se
phahame, empa le ha ho le
joalo libaka tse tla angoa ke
likhohola ke tse haufi le
linoka tse kholo Bohareng le ka
Bophirima Seterekeng sena.
Boemo ba Tlokotsi mabapi le Leqeme la Pula
Li-‘Mapa li bontša leqeme la pula kapa tlhokahalo
ea mongobo ka kakaretso nakong ea ho
hola ha lijalo le maemo a hlobaetsang a
komello ‘me tsena li bonahala li tla
mpefala libakeng tse Bohareng, Boroa le
Leboea ho setereke sena. Ka hona temo
ea lijalo seterekeng sena e bonahala
e tla ameha haholo kahoo
tlhokahalo ea lijo le tlala li
tla ama boholo ba batho
seterekeng sena.
4
![Page 6: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/6.jpg)
Boemo ba Tlokotsi Mabapi le Khoholeho ea Mobu
Bolepi bo supa ho ena le menyetla e eketsehileng ea lipula
tsa likhohola Seterekeng se na. Se na se hlaka haholo
ha ho bonahala ho tla ba le menyetla
e eketsehileng ea lipula likhoeling tsa
bo Phato, Loetse le Mphalane tseo
e leng hore ke hang ha Mariha a
fihlela pheletsong ‘me joale litlama
tse koahetseng mobu li ntse li
omme ‘me mobu o sa koaeleha
hantle. ‘me se na se
na le menyetla ea
ho akofisa khoholeho
ea mobu.
Boemo ba tlokotsi
mabapi le Tlhahiso ea
lijalo Masimong ho
talinngoe ho
theoha ha Mofutho
o hlokoang ke Lijalo
Li ‘Mapa li bontša ha
libaka tse ka Leboea le
Bophirima tsa Setereke se
na li le tlokotsing e kholo ea
tlhahiso e fokotsehileng ea
lijalo masimong ka lebaka la
ho theoha ha Mofuthu o
hlokoang ke lijalo tse kang poone.
Ka hoo tlhahiso ea Lijo Quthing e
bonahala e le leqemeng
papisong le nakong ea ha joale.
5
![Page 7: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/7.jpg)
6
![Page 8: Tataiso Mabapi Le Ho Hloaea Libaka Tse Lokeloang Ho Fuoa ...inr.org.za/wp-content/uploads/2018/05/Risk-and-Vul-Mapping-Booklet... · phetoho ea boemo ba leholimo. Ka hona, boemo ba](https://reader033.vdocuments.pub/reader033/viewer/2022041422/5e1fae5ca1c53373e201b5a6/html5/thumbnails/8.jpg)
E fetoletsoe Sesothong ke Serumula Development Association, ea hlophisoa ke
Institute of Natural Resources tlas’a Morero o tšehelitsoeng ka lichelete ke USAID oa
ntlafatso ea Tikoloho Linaheng tse hokahanyoang ke Noka ea Senqu. Morero o na o
reretsoe ho baballa tikoloho ka ho matlafatsa khokahano e ntle ea tse phelang
tikolohong, ‘me Lesotho mona o sebetsane le paballo le ntlafatso ea Makhulo le
Mekhoabo HaTlhaku le Ha Kelebone tikolohong ea Mphaki, Seterekeng sa Quthing.
Morero o na o kene tšebetsong ho tloha ka selemo sa 2015 ‘me o fihlela pheletsong
ka Selemo sa 2016. Litšoantšo tse sebelisitsoeng ke tsa Institute of Natural Resources.
Tlhahiso ea sehlahisoa kapa tokomane ena kamoo ho ka bang ka teng, e entsoe
ka tšehetso ea Batho ba Amerika ka USAID. Tse hlahang ho eona ke boikarabello ba
Serumula Development Association le Institute of Natural Resources NPC ‘me ha se
hakaalo hore ke maikutlo a USAID kapa a ‘Muso oa Amerika
This product is made possible by the generous support of the American people through the United
States Agency for International Development (USAID). The contents are the responsibility of Serumula
Development Association and the Institute of Natural Resources NPC and do not necessarily reflect
the views of USAID or the United States Government.