Ilegal Na Sugal Sa Ating Bansa

Iniharap bilang Bahagi sa Pagsasakatuparan ng Kinakailangan sa Filipino IV

Ni:

Inihandog kay:

February 15, 2012

Talaan ng Nilalaman

Kabanata 1

Introduksyon

Pagtukoy sa Problema

Kahalagahan ng Pag-aaral

Saklaw at Limitasyon

Kabanata 2

Metodolohiya

Depinisyon ng Terminilohiya

Kabanata 3

I. Mga dahilan kung bakit nag-jujueteng ang mga tao.

II. Kung bakit hindi mapuksa-puksa ng gobyerno ang jueteng

III. Kung dapat bang gawing legal ang jueteng

IV. Jueteng sa Pilipinas

V. Isyu sa Jueteng

VI. Imbestigasyon sa jueteng

VII. Bakit may jueteng?

VIII. Sino ang mga tumataya sa jueteng?

IX. Bakit walang magawa ang gobyerno natin tungkol sa jueteng?

Kabanata 4

Buod

Konklusyon

Rekomendasyon

Bibliograpi

Introduksyon

Ang jueteng ay hango sa salitang Tsina na nangangahulugang Bulaklak (jue) at Taya

(teng). Ito ay isang illegal na laro gamit ang mga numero. Kahit na ito ay ilegal, itoay popular na

laro. Ito ay nilalaro ng mga mayayaman at mahihirap na tao. Ang jueteng ay walang tax kaya

malaki ang kinikita ng mga jueteng operators. Sinasabing may daya din sa larong ito. Kahit

anong gawin ng gobyerno ay hindi parin nila masugpo-sugpo ang mga pagpapa-jueteng ng mga

tao, at ang kahirapan ay patuloy na lumalaganap sa ating bansa. Subalit sina Juan Ponce Enrile at

Jinggoy Estrada ay nagsabi na ang jueteng ay dapat gawing legal para ang mga profit ay mapunta

sa gobyerno. Subalit ito ay hindi pinaunlakan ng ating pangulo na si Pangulong Aquino at siya

ay gumawa ng plano katulong and Department of Interior and Local Government at ang

Philippine National Police na labanan at tapusin ang jueteng sa Pilipinas

Maraming mga tao ang nalululong sa masamang bisyo na ito mayaman man o mahihirap

subalit hindi natin sila masisisi dahil nga naman sa hirap siguro ng buhay ngayon ay lahat

gagawin nila para umunlad. Ito lang ang nakikitang paraan ng mga tao na lulutas sa kanilang

mga problema dahil narin siguro sa kakulangan ng trabaho sa ating bansa. Hanggang ngayon ang

ilegal na sugal na ito ay laganap parin sa ibat-ibang parte ng Pilipinas. Kung marami sanang mga

trabaho sa ating bansa ay wala sigurong mga ganitong ilegal na sugal. Ang unang rason ng mga

tao kung bakit sila naglalaro ng ilegal na sugal na ito dahil ito lamang daw ang kanilang alam na

paraan para malutas ang mga problema nila sa mga babayarin dahil sa panahon ngayon ay

pahirap na ng pahirap ang buhay ng bawat mamamayang Pilipino at dahil narin sa kakulangan ng

trabaho na dapat ay binibigay ng gobyerno sa mga Pilipinong hirap sa buhay.

Pagtukoy sa Problema

Sa pananaliksik na ito, ang mananaliksik ay gustong masagutan ang mga pangunahing

tanong tungkol sa paksang “JUETENG”.

1. Mga dahilan kung bakit nag-jujueteng ang mga tao.

2. Kung bakit hindi mapuksa-puksa ng gobyerno ang jueteng

3. Kung dapat bang gawing legal ang jueteng

Kahalagahan ng Pag-aaral

Ang aking pag-aaral tungkol sa jueteng ay mahalaga para malaman ng mga tao kung

bakit marami sa ating mga Pilipino ang nahuhumaling at naloloko sa jueteng, kahit alam nilang

ito ay ilegal. Mahalaga ang pananaliksiik na ito upang malaman ang mismong ugat ng pagpapa-

jueteng ng mga tao, at kung bakit nila ito ginagawa. Isa pang kahalagahan ng aking pag-aaral

tungkol sa jueteng ay para malutas na ang problemang ito ng gobyerno. Para malaman ng mga

ahensyang papaano nila ito mapupuksa.

Saklaw at Limitasyon

Ang limitasyon ng pamanahong papel na ito ay hanggang sa isa sa mga ilegal na sugal sa

ating bansa yun ay ang jueteng. Kinakailangang masagutan kung ano ang dahilan bakit

nalululong ang mga tao sa ganitong sugal, kung paano mapupuksa ang sugal na ito at kung dapat

bang gawing legal ang jueteng.

Kabanata 2

Metodolohiya

Ang pag-aaral na ito ay nabuo sa pamamagitan ng pagbabasa ko ng mga libro at mga

datos sa internet na nauukol sa jueteng. Karamihan sa mga mahahalagang impormasyon na

nakuha ko ay mulas sa internet at malimit sa mga babasahing aklat.

Katuturan ng mga Katagang Ginamit

1. Kahirapan ng ating bayan

Karamihan sa ating mga mamamayan ay nag jujueteng o nagpapajueteng dahil sa

kahirapan ng ating bayan. Dahil kung hindi naman mahirap an gating bayan tiyak mayroon

silang marangal at maayos na trabaho at hindi mauuso ang ilegal na sugal na jueteng.

2. Kawalan ng maayos ng maaaring pagkakitaan

Isa pang sanhi ng jueteng ay ang kawalan ng maayos na puwedeng pagkakitaan ng mga

tao, dahil kung mayroon naming maayos at marangal na trabaho na maibibigay sa bawat tao

hindi sana papasok sa mundo ang jueteng.

3. Kawalan ng kooperasyon mula sa iba’t ibang ahensya ng pamahalaan

Ito ang dahilan kung bakit hindi mapuksa-puksa ang jueteng, dahil hindi inaasikaso ng

mga ahensya ang pagtatrabaho nila at ang iba sa kanila ay kasangkot sa jueteng.

4.Matinding kahirapan ng mga Pilipino na sanhi ng kurapsyon sa pamahalaan.

Isa rin ito sa mga dahilan kung bakit pumapasok ang isang tao sa mundo ng jueteng dahil

kung hindi dahil sa korapsyon hindi sila maghhirap.

5. Ang madaling pagkita ng pera sa Jueteng.

Madaling magkapera sa jueteng kaya madaming tao ang nagpapa-jueteng kahit alam

nilang ito ay bawal.

Kabanata 3

Jueteng sa Pilipinas

Mahilig mangarap ang Pilipino. Masarap at libre ito. Wala itong batas na dapat sundin at

wala din itong hangganan. Pwedeng mangarap nang mababa o mataas. Kahit imposibleng bagay

pwedeng pangarapin. Maraming Pilipino ang nangangarap na makaahon sa hirap kaya marami

ang nahuhumaling sa mga larong numero na pinapairal ng swerte o “baka sakali.”

Ang jueteng (kung bigkasin ay hwe-teng) ay isang ilegal na laro gamit ang numero. Ito ay

pabaritong nilalaro sa iba’t ibang parte ng Pilipinas.

Naging kontrobersiyal ang larong jueteng noong 2000 kung saan nasangkot ang

pinakamataas na pinuno ng bansa. Naging napakalaking usapin ang pagiging sangkot ng dating

Pangulong Joseph Estrada sa usaping jueteng payola (pera mula sa jueteng). Itinuro ang dating

pangulo bilang pinakamataas na galamay sa likod ng ilegal na larong jueteng ni Governor Luis

Singson. Nagimbal ang buong Pilipinas at pati na din ang ibang mga bansa sa paglantad ng

balitang ito na humantong sa prosesong impeachment laban sa dating Pangulong Estrada.

Bilang panlaban sa ilegal na jueteng, itinatag ang small town lottery. Halos pareho lamang ang

paraan ng paglaro ng jueteng at small town lottery ngunit tila mahirap sugpuin ang jueteng dahil

patago pa din itong ginagawa sa ilang lalawigan sa Pilipinas.

Ano ba ang jueteng?

Ang salitang “jueteng” ay hango sa salitang Chinese na “hue” na katumbas ng bulaklak (flower)

at “eng” na ibig sabihin ay pagtaya (to bet). Ang jueteng sa Pilipinas ay mula pa noong panahon

ng kolonya ng Espanya.

Ang jueteng ay dumedepende sa dami ng mga tumatayang tao. Simple lamang laruin ang

jueteng. Pipili ka lamang ng dalawang numero mula 1 hanggang 37. Ang larong ito ay mahigpit

na ipinagbabawal ng gobyerno kaya ang pagbola nito ay palihim na ginagawa.

Ang nananalong pares na numero sa jueteng ay binobola, gamit ang maliliit na bolang kahoy

(tinatawag na “bolitas”) na markado ng numerong 1 hanggang 37. Ang bola ay ginagawa ng

isang “bolero” at sinasaksihan ng mga “cabo.” Pagkatapos kalugin ng “bolero” ang bote ay

kumukuha siya ng isang “bolita.” Ang numero sa “bolita” ay sinusulat at ang “bolita” ay

binabalik sa bote. Kinakalog muli ito ng “bolero” at kumukuha ng ikalawang “bolita” at

sinusulat. Ang dalawang magkasunod na numero ng “bolitas” ay ang nagiging panalong

kombinasyon sa bolang iyon. Hindi pare-pareho ang panalo sa jueteng. Nagbabayad and operator

ng P700 hanggang P900 para sa nanalong kombinasyon sa bawat pisong taya. Napag-alaman ko

na ang jueteng sa probinsiya ay ginagawa tatlong beses isang araw. Isa sa umaga, tanghali at

gabi.

Dati daw pwede tumaya sa jueteng sa halagang 25 centavos lamang. Ngunit sa aking

pagtatanong, ang malimit na pinakamababang taya ngayon ay piso. Wala naman daw limitasyon

ang tayang pera. Ang jueteng ay popular sa mga mahihirap at mga “lower-middle class” na

Pilipino.

Terminolohiyang jueteng

Sa aking pagtatanong tungkol sa jueteng, may mga terminolohiya akong natutunan. Ang tawag

sa taong nangangalap ng taya ay “kubrador.” Ang taya naman ay tinatawag na “kubra.”

“Bangka” ang ngalan ng pinagbibigyan ng lahat ng taya sa isang lugar. Ang mga numero naman

na napipisil na lumabas ay “paya.” Ang tawag sa papel na sinusulatan ng mga taya ng isang

kubrador ay “dilito” at “ligaho” naman ang mala-diary na pinagsusulatan ng mga numerong

tumama na. Minsan may pagkakataong magkaparehong numero ang tumatama. Ang tawag sa

parehong numerong lumabas ay “tupyang” o “pares” (halimbawa 23x23).

Ang tumbok ay kapag ang unang numero mo ay tugma sa unang numero na lumabas sa bola,

mananalo ka ng pera base sa iyong taya. Ang sahod ay ang taya sa panghuling numero kung

sakaling nauna ang panghuling numero mo sa kinalabasan ng bola. Saklang ang tawag kapag

tumaya ka ng parehong halaga sa dalawang numero. Ang “alaga” ay ang mga numerong

paboritong tayaan o paulit-ulit na tinatayaan. “Butas” naman ang siyang tawag kapag

kamuntikan nang lumabas ang numero mo ngunit nagkulang o sumobra lamang ito ng isa.

Panaginip at jueteng

May nagkwento sa akin na maari mong gamitin ang panaginip mo sa pagtaya sa jueteng. May

listahan akong nakita na tinatawag na annunsyo. Dito nakasulat ang katumbas na numero ng mga

panaginip. Nakopya ko ang iba sa mga ito.

Mga halimbawa ng katumbas na numero ng mga panaginip:

1 – lalaki, ahas na maliit, lubid

2 – babae, ibon

3 – lumilipad, tatlong sulok

4 – aso, kalaban, baka, kabaong

5 – ahas na malaki, apoy, dugo, kamay

6 – kuwintas, balon ng tubig

7 – itak, baril, gunting

8 – tae, hubad, ginapos

9 – patay, susi, pari

10 – bilog, lasing, putol

Mahaba ang annunsyo dahil hanggang 37 ang listahan. Mula pa daw noong panahon ng

Espanyol ang pagpapakalat ng annunsyo ngunit marami pa din Pilipino ngayon ang naniniwala

dito.

Kampanya kontra jueteng, tuloy sa General Tinio

Masusing binabantayan ng mga awtoridad sa General Tinio ang operasyon ng jueteng at iba pang

anyo ng ilegal na pasugalan sa bayan.

“Yan (jueteng) ang kanser sa society,” ayon kay Mayor Virgilio Bote kasunod ng pagsasabing

maghihirap lang lalo ang mga maralita kung tataya sa jueteng.

Sa pangtangkilik ng mga mahihirap sa jueteng, sinabi ni Mayor Bote na milyon-milyong piso

ang mailalabas sa bayan at hindi na maibabalik para mapakinabangan ng munisipalidad.

Sa impormasyong nakalap ng pamahalaang bayan, walang nangyayaring bolahan sa General

Tinio at maaring sa ibang mga lugar pa ito ginaganap.

Ani Mayor Bote, walang tigil ang ugnayan ng pamahalaang bayan ng General Tinio sa kanilang

mga barangay para hindi makakuha ng simpatya sa mga residente ang mga kubrador ng jueteng.

Sampung mga barangay ang nagpalabas ng sertipikasyon na walang nangungubra ng taya sa

kanilang teritoryo: Sampaguita, Bago, Pulong-Matong, Poblacion East, Poblacion West,

Nazareth, Pedro, Palale, Pias, at Padolina.

Para magkaroon ng pagkakaabalahan ang mga mamamayan, sinabi ni Mayor Bote na sinisikap

nilang lumikha ng mga proyektong magdudulot ng kabuhayan at trabaho sa mga mamamayan

tulad ng pagsasaayos ng kanilang Papaya Mall at ilang gusali ng munisipiyo.

Pinag-aaralan din ng pamahalaang lokal at ng iba pang opisyal ng pamahalaan bayan ng General

Tinio kung paano pasisiglahin ang turismo sa kanilang lugar lalo na't kanilang nasasakupan ang

Minalungao National Park. (WLB/LDRP-PIA Nueva Ecija)

Isyu sa Jueteng

Isa sa mga epistemikong problema ng bansa ay yaong may kinalaman sa diumanong

partisipasyon ng maraming lokal na pamahalaan sa tinaguriang pambansang sugal ng bansa, ang

jueteng. Matatandaan ang maraming isyung kasangkot rito ay mga matataas na opisyal na

sinasabing protektor ng jueteng. Hindi mawawala sa ating alaala ang pagkasangkot ng dating

pangulong Joseph Estrada kung saan tila malaking bato ang ipinukol sa kanya na kagyat na

nagpahina sa kanya bilang isa sa mga pangulo sa kasaysayan ng bansa na nakakuha ng

pinakamataas na boto sa pagkapresidente. Ibig sabihin ang kanyang kasikatan at taglay na

karisma ay pumasok sa puso ng maraming mamamayang Pilipino. Sa kasalukuyan, ang pag-uupo

ni Pangulong Aquino kay dating Naga City Mayor Jesse Robredo ay ikinatuwa ng maraming

tagasuporta ng adbokasiyang kilusan para sa Good Governance o mabuting pamamahala

samantalang ang iba ay naalarma bunga ng rekord ng naturang Mayor sa pagsugpo ng jueteng sa

kanyang lungsod na pinamahalaan. Ang hamon sa pagsugpo nito, bagaman maaaring hindi sapat

ang isang termino sa tuluyang paglusaw o pagsasabatas nito, ay nakapagpa-isip-isip ng malalim

hindi lalong higit sa ahensiya ng pamahalaang nakakasakop dito.

Kapag naging legal ang jueteng

KUNG ano ang illegal at patago iyon ang gustong gawin. Ganyan ang jueteng. At ngayong

marami ang nagsusulong na gawing legal ang jueteng, marami rin naman ang nag-iisip na kapag

na-ging legal ang sugal na ito, isa na namang illegal na sugal ang susulpot at problema na naman

ang kasunod. Mahihirap na mananaya ang muling kakasangkapanin.

Ang mga dahop ang pamumuhay ang nabibiktima ng jueteng. Mula sa taya na P1 nang

mahihirap, mara-ming yumayaman. Sa dami nang tumatayang mahihirap, milyon ito kapag

natipon. Mula sa natipon, dito kinukuha ang pantapal sa mga corrupt na government at police

official.

Yumayaman ang bangkero o namumuhunan sa jueteng dahil dinadaya nila ang lumalabas na

numero. Hindi sila ganoon katanga para patamain nang todo ang nanalong numero. Ang

pinatatama nila ay ang numerong kakaunti ang taya para hindi tumaob ang bangka. Kaya walang

mananaya na nakakadyakpat sa jueteng. Yung mga nananalo ay sapat nang maibili ng ilang

kilong bigas ang napanalunan.

Marami nang masamang nangyari sa Pilipinas dahil sa jueteng. Napatalsik sa puwesto si dating

President Joseph Estrada dahil sa jueteng. Sa panahon ni dating President Gloria Macapagal-

Arroyo ay yumanig din ang Pilipinas dahil sa jueteng. At ngayong si President Aquino na ang

nakaupo ay patuloy din naman ang kontrobersiya sa jueteng. Ilang Cabinet members ni Aquino

ang pinaratangang tumatanggap ng milyong piso mula sa jueteng operators.

Nayayanig na naman ang bansa dahil sa jueteng. Paulit-ulit na lang. Tuwing magpapalit ang

administrasyon ay laging may isyu ang jueteng. Ngayon ay mainit ang pagpupursigi na gawin

nang legal ang jueteng para raw makinabang ang gobyerno. Para wala na raw kontrobersiya.

Sa aming palagay kahit gawin itong legal, patuloy pa rin ang pagkakaroon ng iba pang sugal na

pagkakakitaan ng mga corrupt. Patago pa rin ang gusto nila. Kung alin ang bawal, iyon ang

gagawin. Ipagpatuloy na lang ang kampanya sa jueteng na paghuli kuno at ang imbestigasyon

kuno ng Senado. Mas mabuti na ito kaysa may susulpot na bagong sugal.

Imbestigasyon sa jueteng

Sa kasalukuyan ay nagsasagawa ng imbestigasyon ang blue ribbon committee ng mataas na

kapulungan ng kongreso hinggil sa pagka-kasangkot ng ilang personalidad sa ilegal na su-gal na

jueteng.

Ilan sa mga senador ang nagsasabi na upang matigil ang korupsiyon sa ilegal na sugal na ito ay

dapat gawing legal ang jueteng nang sa gayon ay sa gobyerno na lamang mapupunta ang buwis

na dapat sa bulsa ng ilang personalidad.

Tutol naman dito ang ilang senador dahil ayon sa kanila, kung talagang seryoso ang Philippine

National Police (PNP) na masugpo ang jueteng ay kayang-kaya naman nilang gawin sa

pamamagitan ng paghuli sa operasyon nito.

Maging ang mga gobernador at mayor na may hawak sa isang lugar o probinsiya ay kaya rin

umanong ipahinto ang jueteng sa kanilang nasasakupan kung talagang ayaw nila sa sugal.

Ilang presidente na ba ang nagdaan ngunit hindi pa rin nila nasusugpo ang ilegal na sugal na

‘yan? Marami kasi sa mga nakikinabang sa jueteng ay mahihirap nating kababayan lalo na sa

mga lalawigan na walang ibang mapagkunan ng ika-bubuhay ang ating mga kababayan.

Palagi na lamang nauuwi sa wala ang ginagawang imbestigasyon ngunit matapos ang

ginagawang pag-iimbestiga ay muling bumabalik ang sugal na jueteng dahil na rin siguro sa

kagustuhan na rin ng ilang politiko.

Sinasabi pa nga na may mga lugar na ang nagpapatakbo ng sugal na jueteng ay mismong ang

mataas na opisyal ng gobyerno sa isang lalawigan kaya’t patuloy na namamayagpag.

Matatandaan din natin na napatalsik sa posisyon si dating Pangulong Joseph “Erap” Estrada

dahil sa jueteng nang ibulgar ni Chavit Singson ang pagkakasangkot niya sa illegal numbers

game.

Matapos maparusahan ang dating pangulo ay muling bumalik ang sugal at ang sinasabing

nakinabang naman ay ang ibang politiko.

Paano nga ba matutuldukan ng kasalukuyang administrasyon ang problemang ito sa jueteng?

Ano nga ba ang mga dapat gawing hakbang upang tuluyan nang mahinto at matigil na rin ang

pagkakasangkot ng pangalan ng ilang personalidad sa sugal na ito?

Alam nating lahat na seryoso si Pangulong Benigno “Noynoy” Aquino, III na sugpuin ang lahat

ng klase ng korupsiyon sa kanyang administrasyon kaya’t naniniwala tayo na gagawa ng

mabisang solusyon ang pangulo upang tuluyan nang matuldukan ang problemang ito na ilang

dekada na ring paulit-ulit na pinag-uusapan.

Bakit may jueteng?

May jueteng dahil may tumataya dito kahit alam nilang labag sa batas. (Ang daming mga bagay

na illegal sa ating bayan na ginagawang lantaran. Halimbawa ay ang pagbebenta at pagbibili ng

pirated video products, ang hindi paggamit ng seatbelt sa loob ng kotse…)

Sino ang mga tumataya sa jueteng?

Pangunahin sa mga tumataya ay ang mga mahihirap. Sa hanay ng mga mayayaman ay Casino

naman at legal ito. Ngunit ang paboritong sugal ng mga mahihirap ay ilegal. Mahirap intindihin

ang kaisipan na ito. Mayaman, mahirap kapwa nagugumon sa sugal. Ang sinisugal ng mga

mahihirap sa jueteng ay bawas sa kakainin nila, o san ipantutustos sa pag-aaral ng mga anak nila.

Isisnusugal pa rin nila dahil wala silang makitang pag-asa na umangat sila sa buhay kundi ang

posibilidad na manalo ng kahit konti sa sugal. Hindi nila makita na kahit kailan higit na mas

malaki ang pagkatali nila kaysa sa ipapanalo nila. Ngunit tataya pa rin sila. Ang buong buhay ng

mahihirap ay sugal. Dapat tayong mabahala dito.

Bakit walang magawa ang gobyerno natin tungkol sa jueteng?

Dahil tinatangkilik ito ng marami sa mga taong bayan. At dahil malaking bahagi ng kita ng

nagpapa-jueteng ay napupunta sa suhol na ibinibigay nila sa mga dapat na magpatupad ng batas,

ang resulta: hindi naipapatupad ng husto ang batas. Hindi batas ang pagpipgil sa jueteng kundi

konsensya. Antigin ang konsensya ng tumataya, ipakitang hindi ito ang pagmumulan ng pag-asa

nila. Antigin ang konsensya ng mga tumatanggap ng suhol, ipakita kung walang integridad ang

mga opisyales ng bayan, wala ring pag-asa ang bayan. Antigin ang konsensya ng mga jueteng

operators. Ipakita sa kanila na walang kabuluhan ang kayamanang kinikita nila sa jueteng kung

wala din namang kapayapaan ang buhay nila. Nais kon igiit na kapwa minamahal ng Diyos ang

tumataya sa jueteng at nagpapa-jueteng. Ngunit ikinalulungkot ng Diyos ang gawain na ito na

sumisira sa kinabukasan n gating bayan. Marapat na itong itigil. Hindi pangongondena ang

pahayag ko, manapay isang magalang na panawagan.

.

Kabanata 4

Buod

Mainit ngayon ang usapin ng iligal na sugal sa ating bansa. Ito raw ay maihahalintulad sa

isang sakit na hindi mawala-wala. Mapamayaman, mahirap o kahit pa yung mga nasa

kapangyarihan hirap umiwas sa bisyong ito. Nasa kultura na raw kasi nating mga Pilipino ang

pagkahilig sa sugal - ligal man ito o labag sa batas.Pero ang nakakagulat hindi lang pala sa ating

bansa talamak ang problemang ito. Umabot na maging sa ibang bansa at ang operator ng mga

iligal na pasugalan sangkot ang mga Pilipino! Sa Saudi Arabia nakilala namin si "Jun" at "Greg",

Bangkero at Kabo ng "Last Three" ang bersiyon nila ng Jueteng sa Saudi. Kahit na alam nilang

mahigpit ang batas ng Saudi sa sugal hindi pa rin sila nagpapigil. Sa mahigit isang dekada nila sa

kanilang sideline, hindi pa raw sila nahuhuli. Ayon sa kanila dagdag daw ito sa kanilang

kakarampot na kita.

Kalat na raw sa buong Middle East ang operasyon ng Last Three at dahil libo-libo ang tumataya

malaki raw ang nagiging prize money. Pero kahit sina "Jun" at "Greg" hindi tiyak sa kanilang

magiging kapalaran. Gaya kasi ng mga numero na kanilang pinatatayaan. walang katiyakan kung

hanggang kailan papabor sa kanila ang kapalaran.

Sa ating bansang Pilipinas tinangka na ng gobyerno natin na alisin ang jueteng ngunit

hindi nila mapuksa puksa ito. Sabi pa nina Juan Ponce Enrile at Jinggoy Estrada na dapat gawing

legal ang jueteng para ang mga benepisyo nito ay mapunta sa gobyerno. Dalawa pang

gobernador ang sumang-ayon nag awing legal ang jueteng iyon ay sina Ramon Revilla at Gringo

Honassan. Kaya nila gusting maging legal ang jueteng para marami ang makinabang sa perang

kinikita,dahil kapag nagging legal ang jueteng magkakaroon ito ng tax. Ngunit hindi ito

piunlakan ni Pangulong Aquino at siya’y gumawa pa ng plano katulong ang Department of

Interior and Local Government at ang Philippine National Police na labanan at tapusin na ang

jueteng sa Pilipinas. Itinatag ni Pangulong Aquino ang one strike pilocy. Ang one strike pilocy

ay isang batas na kung saan ang pag-alis at pagpalit sa mga lahat ng mga pulis sa mga lugar kung

saan may jueteng ay ipinapatupad.

Sa kasalukuyan ay nagsasagawa ng imbestigasyon ang bule ribbon committee ng mataas

na kaplungan ng kongreso hinggil sa pagkaka sangkot ng ilang personalidad sa ilegal na sugal na

jueteng. Ilan sa mga senador ang nagsasabi na upang matigil ang korupsyon sa ilegal na sugal na

ito ay dapat gawing legal ang jueteng nang sa gayon ay sa gobyerno na lamang mapupunta ang

buwis na dapat sa bulsa ng ilang personalidad.

Tutol naman dito ang ilang senador dahil ayon sa kanila, kung talagang seryoso ang

Philippine National Police (PNP) na masugpo ang jueteng ay kayang-kaya naman nilang gawin

sa pamamagitan ng paghuli sa operasyon nito.

Maging ang mga gobernador at mayor na may hawak sa isang lugar sa probinsya ay kaya

rin umanong ipahinto ang jueteng sa kanilang nasasakupan kung talgang ayaw nila sa sugal.

Ilang president na ba ang nagdaan ngunit hindi pa rin nila nasusugpo ang ilegal na sugal na yan?

Marami kasi sa mga nakikinabang sa jueteng ay mahihirap nating kababayan lalo na sa mga

lalawigan na walang ibang mapagkukunan ng ika-bubuhay an gating mga kababayan. Palagi na

lamang nauuwi saw ala ang ginagawang imbestigasyon ngunit matapos ang ginagawang pag-

iimbestiga ay muing bumabalik ang sugal na jueteng dahil na rin siguro sa kagustuhan ng ilang

tao.

KONKLUSYON

Maraming epekto ang pagjujueteng ng mga tao sa ating gobyerno. May masamang

epekto rin ito sa mga tao.

Maraming dahilan kung bakit nag-jujueteng, nagpapa-jueteng ang mga tao. Ang unang

dahilan ay ang kahirapan sa buhay. Kaya sila nag-jujueteng dahil wala silang mahanap na

trabaho at kung hindi sila magtatrabaho wala silang makakain. Isa lamang ang jueteng sa sanhi

kung bakit maraming Pilipino ang nagtatrabaho sa iligal na samahan.

Nalaman namin na maraming tao ang hindi sumasang-ayon sa pagjujueteng.

REKOMENDASYON

Sa kasong ito aming nirerekomenda na dapat mahigpit na binabantayan ng mga nasa

mataas na pwesto ang mga nangyayari sakanilang bayan,baranggay o komunidad para kung may

nasabing nagjujueteng sakanilang lugar madali itong mawawala at hindi na lalaki ang samahang

iligal na iyon. Dapat ding aksyunan agad ng mga ahensya ang mga issue na naririnig nila para

matapos ito agad.

Bibliograpi

(Erectors Advertising Sign and Amoroto vs. NLRC, G.R. 167218, July 2, 2010)

www.birdbroad.com/.../wing-clipping -victoria-illegal-928397.html?

Images.gotocld.com/…/ droga-at-alak-at-epekto ng-jueteng-sa-performance-at-kahalagahan-ng-

mga-drug-testing-ODY1ODQ.html