TĀHUHUMĀTAURANGA MĀORIMaster of Mātauranga Māori

WWW.WANANGA.COM

It’s time to enrol

0800 WANANGA

WHAREKOKIRI

OUR COURSES

Julie Te Huatahi Black Te Aitanga-a-Māhaki, Tūhoe,

Whānau-a-Apanui, Rongowhakaata

Kia Māori ā tātou mokopuna, that our descendants be distinctively Māori

TĀHUHUMĀTAURANGA MĀORI Master of Mātauranga Māori

Nau mai ki tēnei tohu i whakatūria hei taumata whai i te mātauranga. Kia mahara ake tātou ki ngā whakahau a ngā tūpuna e mea nei, ko te rite o te ara whai i te mātauranga kei te pikinga a Tānenuiarangi rānei, a Tāwhaki rānei, i piki atu ai i ngā rangi-tūhāhā ki te tiki i ngā kete o te wānanga. Kei te Tai Tokerau e rangona ana te kōrero e kīia nei ko ‘Te Ara Tāpokopoko a Tāwhaki’. Arā, he kupu whakarite nā Hone Sadler mō te āhua o te huarahi e riro ai i te tangata tōna mātauranga e mārama ai hoki ia ki ngā āhuatanga o tōna Ao. He uaua tēnei ara. Mā te manawaroa, mā te māia, mā te pūmau ki te huarahi tērā ara e taea ai. Nō reira, kei ngā tauira e whai ana i te mātauranga, kia rite tātou ki tērā tupuna, kia kaha, kia māia, kia manawanui! E whakaputaina ana tēnei wawata i runga i te whakaaro he taonga nui te mātauranga. I taonga ai, kāore nei he tīmatanga o te mātauranga, kāore hoki he mutunga. Nō te mea, e tū ana te mātauranga hei whakaahua, hei whakamārama hoki i te ao me ōna āhuatanga, nō te mea hoki, e tū ana te mātauranga hei tohu mō te ao, kei te ao anō te otinga atu o te mātauranga. E kore rawa e taea te kī, kua ngaro te mātauranga, nō mua rānei i tētahi tau te mātauranga e ora ana, kāore he ora i muri mai! Kao. Ko tā mātou whakatau, tukuna atu te mātauranga i poipoia e ngā tūpuna hei tūrangawaewae, hei whare e taea ai te whakawhānau mārire i te mātauranga hou. Nō reira, koirā te whakaaro nui i te tohu mātauranga nei, arā, tukuna te mātauranga o mua kia moea ngā āhuatanga o ēnei rā kia tupu tonu ai te mātauranga. Kaua e waiho kia memeha, kia kōhatu, kia ngaro noa iho, engari, whakatupungia te rākau nei kia ora tonu ai.

WHAREKOKIRI

OUR COURSES

ENROL NOWE rua ngā tau te roa o tēnei TāhuhuNZQA Taumata 8 me 9E toru-wha ngā rā o ia noho, ako takitahi, mahi ipurangiKi Ōtaki, he utu mō tēnei akorangaPoutū-te-rangi ka tīmataE ono ngā noho i te tau240 ngā whiwhinga

All students need access to a computer, internet and email to study.

Residential noho in Ōtaki include meals, accommodation with access to wifi, a gym, merchandise shop and library.

- C

heck your eligibility - v is it : f e e s f r e e . g ov t.

nz

Disclaimer: Every effort was made to ensure the accuracy of information in this flyer is correct at the time of updating (August 2019). All courses are run subject to student numbers. For the most up-to-date details visit www.wananga.com.

TE TIKANGA WHAKAURU Mā te whakaae ka uru ai te tangata ki tēnei tohu. Nō reira, ki te hiahia koe kia uru koe ki tēnei tohu, tuhia he tono ka tukuna mai ai ki:

Te Kaihautū:Hone.Underwood@twor-otaki.ac.nz

E whai ake nei ngā take kia tuhia i tō tono:

a. Tō ingoa

b. Tō kāinga noho

c. Tō nama waea

d. Tō nama waea whakaahua

e. Tō kāinga-karere-rorohiko

f. Ōu tohu mātauranga1

g. He whakaputanga tautoko nā tō iwi rānei, nā tō hapū rānei, nā tō whānau rānei i tō whai i tēnei tohu

Tuhia hoki ki te reo Māori he whakatakinga i tētahi kaupapa hei rangahau māu. Whakaingoatia hoki he tangata,

ētahi tāngata rānei, hei kaiārahi māu, i tāu rangahautanga i te kaupapa nei. Kia rua mano ngā kupu te roa o

tēnei tuhinga. Mā te tirotiro ki āu tuhituhi ka kitea ai tō mōhio ki ngā tikanga o te reo Māori.

He kupu mō te hunga kāore anō kia whiwhi i te tohu mātauranga

Mehemea kāore nei ō tohu mātauranga i whakawhiwhia e ngā whare wānanga Māori rānei, Pākehā rānei, ka

taea tonutia te tono kia uru mai mehemea kei a koe tonu te reo Māori, e mātau ana hoki koe ki te tuhituhi i te

reo Māori, e hikohiko ana tō ngākau kia tupu tonu tō mōhio ki ngā āhuatanga o te wānanga me te rangahau.

Mehemea e pērā ana koe, tuhia mai anō he karere, ā, me whai tonu i ngā tikanga i runga nei, ka whakatakotongia

ai tō tono kia uru mai. Heoi, kei te Kaiwhakahaere tonu te kupu whakamutunga mō te urunga mai.

Kia tau iho rā ngā manaakitanga o te wāhi ngaro ki a koe.

1 Ehara i te mea ko ngā tohu anahe e whakawhiwhia ana e ngā whare wānanga Pākehā. Engari, ko ngā tohu katoa e whakaatungia ai he mātauranga tō te tangata.

WHAREKOKIRI

OUR COURSES