universiteti i gjakoves - edukimi.uni-gjk.org gashi.pdf · posalindurit është katër herë më i...
TRANSCRIPT
GJAKOVË, 2017
UNIVERSITETI I GJAKOVESFAKULLTETI I EDUKIMIT “FEHMI AGANI”
PROGRAMI FILLOR
PUNIM DIPLOME
Tema: Ligjshmeritë e përgjithshme të zhvillimit fizik, trupormotorik, emocional dhe të folurit
Mentori Kandidatja
Prof.Dr.sc. Behxhet Gaxhiqi Rina Gashi
2
Ky punim diplome u mbrojt me:_________________________________ para Komisionit.
Vlerësues në përbërje :
1.______________________(Kryetari)
2.______________________(Anëtar)
3.______________________(Anëtar)
Komisioni e vlerësoi punimin me notën :______________________
Nënshkrimet e anëtarëve të Komisionit vlerësues:
1.______________________________
2.______________________________
3.______________________________
3
PËRMBAJTA E TEMES
Abstrakt ..................................................................................................................................... 4Hyrje .......................................................................................................................................... 5
Kapitulli I ................................................................................................................................. 61. Zhvillimi trupor ..................................................................................................................... 6
1.1. Gjatësia dhe pesha ........................................................................................................... 71.2. Eshtërat dhe muskujt ....................................................................................................... 81.3. Dhëmbët .......................................................................................................................... 91.4. Proporcionet trupore ...................................................................................................... 101.5. Sistemi nervor ............................................................................................................... 101.6. Gjendrat endokrine ........................................................................................................ 11
Kapitulli II ............................................................................................................................. 152. Zhvillimi motorik ................................................................................................................ 15
2.1. Të ecurit vertikal ........................................................................................................... 152.2. Perdorimi i dorës dhe të rrokurit preciz ........................................................................ 172.3. Dominanca në perdorimin e njerës dorë dhe rrëmaktësia ............................................. 172.4. Të shkruarit ................................................................................................................... 18
Kapitulli III ............................................................................................................................ 193. Zhvillimi i të folurit ............................................................................................................. 19
3.1. Faza paralinguistike ....................................................................................................... 193.2. Faza linguistike ............................................................................................................. 213.3. Çrregullimet e të folurit ................................................................................................. 23
Kapitulli IV ............................................................................................................................ 244. Zhvillimi i emocioneve ....................................................................................................... 24
4.1. Emocionet e të posalindurit ........................................................................................... 254.2. Si zhvillohen emocionet ................................................................................................ 264.3. Emocionet dhe moshat .................................................................................................. 284.4. Mllefi ............................................................................................................................. 294.5. Frika .............................................................................................................................. 304.6. Xhelozia ........................................................................................................................ 314.7. Simpatia ......................................................................................................................... 32
Përfundimi ............................................................................................................................... 34Literatura ................................................................................................................................. 35
4
Abstrakt
Studimi i zhvillimit të fëmijëve ka një rëndësi të veqantë. Qellimi i kësaj teme është: 1.Njohja
me kuptimin e përgjithshëm mbi zhvillimin e fëmijës, 2. Studimi i ndryshimeve të caktuara që
ndodhin në qeniet njerëzore që nga lindja deri në vdekje, 3. Ndryshueshmërinë e fëmijës me
kalimin e kohës. Fëmija zhvillohet si tërësi, pra në të gjitha fushat zhvillimore. Mbivlerësimi
apo nënvlerësimi i cilësdo fushë është gabim sepse fëmija nuk zhvillohet njëherë në aspektin
fizik, pastaj atë emocional, motorik etj. Prandaj, edhe ndarja në mes fushave është kryesisht
formale. Ashtu si zhvillimi i fëmijës është tërësor edhe fushat e veçanta të zhvillimit duhet të
shikohen si pjesë të një tërësie, efikasiteti i të cilave kryesisht varet nga niveli i integrimit në
mes tyre. Standardet e zhvillimit në këtë temë bazë, trajtojnë këto fusha zhvillimi: Zhvillimin
fizik, motorik, emocional, të folurit. Përmbajtja e dokumentit ndihmon për të kuptuar sa më
mirë gatishmërinë e fëmijëve për t’u zhvilluar dhe për të mësuar. Përmes realizimit të kësaj
përmbajtjeje, përmes krijimit të ambientit socioemocional të përshtatshëm, përmes krijimit të
kushteve fizike dhe përmbajtësore për zhvillimin e aktiviteteve të shumëllojshme, përmes
stimulimit të lojës dhe ndërveprimit të fëmijëve, synohet të rritet edhe më tej cilësia e
veprimtarisë edukative pa marrë parasysh se ku realizohet kjo veprimtari, në familje,
institucion parashkollor, qendër me bazë në komunitet, qendër të kujdesit ditor apo
institucione shkollore.
Fjalët ky̩çe: emocionet, të folurit, zhvillimi fizik, zhvillimi motorik, i posalinduri, fëmija.
5
Hyrje
Zhvillimi përfshin ndryshimet në karakteristikat fizike, trupore, motorike, emocionale
dhe të folurit. Zhvillimi fizik dhe motorik përfshijnë zhvillimin e shkathtësive fizike dhe
motorike që fillojnë të paraqiten që në moshën kur fëmijët janë ende në gji ose fëmijë të
vegjël. Zhvillimi emocional ka të bëjë me aspektin se si ndjehet fëmija për vetveten dhe për
botën që e rrethon, si i shpreh ndjenjat, emocionet ndaj vetes dhe të tjerëve. Poashtu përmes
zhvillimit emocional të fëmijës bëhet rritja dhe edukimi i ndjenjës së besimit, miqësisë dhe
bashkëpunimit. Zhvillimi i emocioneve ndikohet nga mjedisi shoqëror dhe mënyra se si
njerëzit u përgjigjen atyre. Të folurit është mjet me anën e të cilit fëmijët vendosin kontakte
sociale. Pos kësaj, ai është edhe mjet i rëndësishëm i të menduarit. I posalinduri nuk është në
gjendje të flasë e as të kuptojë të folurit. Zhvillimi i të folurit rrjedh paralelisht me zhvillimin
e aftësive motorike e intelektuale.
Ndryshimet në zhvillim mund të përshkruhen si sasiore dhe cilësore. Ndryshimet
sasiore përfshijnë ndryshimet fizike që maten lehtë si për shembull, gjatësia, pesha etj.
Ndryshimet cilësore përbëjnë ndryshime më komplekse, si p.sh rritja e fjalorit vihet re përmes
një numri më të madh fjalësh që perdoren nga një fëmijë (sasiore), ndersa zhvillimi i fjalorit
shihet në kompleksitetin e të kuptuarit të rregullave të perdorimit të gjuhës.
Psikologët e zhvillimit ende nuk kanë përcaktuar se në ç’përmasë janë përfshirë në
zhvillimin e sjelljes njerëzore trashegimia dhe sjellja. Maturimi është proces i rritjes i
kontrolluar gjenetikisht, i cili shpie në ndryshime të sjelljes që ndodhin sipas një rregulli të
përcaktuar; në vend të ndryshimeve thjesht sasiore, ai shkakton ndryshime të mëdha në
kapacitetin për të funksionuar ( për shembull zhvillimi fizik i organeve seksuale ndodh
perpara se të bëhet i mundur riprodhimi seksual). Të mesuarit, ndryshimi relativisht i
vazhdueshëm në sjellje që është pasojë e eksperiencës, është një faktor, i cili sipas
psikologëve mendohet që të ketë ndikimin më të madh mbi sjelljen. Kjo ka të bëjë me debatin
e njohur mbi rolin e trashegimisë dhe mjedisit. Për shumë tipare, si gjatësia duket se ndikimi
gjenetik është më i fuqishëm se mjedisi i jashtëm. Për tipare si p.sh ndrojtja duket se mjedisi
ka një rol më të madh. Shumica e studiuesve janë te një mendjeje se maturimi dhe eksperienca
ndërveprojnë për ta përqendruar dhe për t’i dhënë formë zhvillimit.
6
KAPITULLI I
1. Zhvillimi trupor
Zhvillimi trupor është shumë i rëndësishëm. Zhvillimi i sistemit nervor, gjendrave me
tajim të brendshëm, eshtërave, muskujve, ka rëndësi jashtëzakonisht të madhe për jetën
mentale dhe emocionale si dhe për zhvillimin e personalitetit. Sikur te fëmija mos të
zhvilloheshin eshtërat, muskujt, sistemi nervor do të mungonin edhe funksionet psikike, siç
është të folurit, emocionet, kujtesa etj 1.
Se sa është i rëndësishem zhvillimi normal fizik, mund të shihet sidomos në rastet e
zhvillimit të zhdrejtë trupor dhe të defekteve fizike. Mosfunksionimi i rregullt i disa organeve
dhe sëmundjet e fëmijës mund të shkaktojnë prapambeturinë mentale dhe probleme në sjellje.
Për shembull tajimi i pamjaftueshëm i hormonit të gjendrës tiroide në periudhën paranatale
dhe në fëmijërinë e hershme shkakton shfaqjen e kretenizimit d.m.th shfaqjen e defomimeve
fizike dhe prapambeturisë mentale.
1.1. Gjatësia dhe pesha
Gjatë zhvillimit të fëmijës ekzistojnë dy periudha të rritjes së vrullshme: njëra prej
lindjes gjer në gjashtë vjet, e tjetra në periudhën e pubertetit. Vajzat dhe djemtë rriten me
shpejtësi të ndryshme. Zakonisht kur lindin, djemtë janë më të rëndë dhe më të gjatë se sa
vajzat. Ata mbesin të tillë deri në moshën njëmbëdhjetë ose dymbëdhjetë vjeqare. Prej kësaj
moshe deri në moshën trembëdhjetë ose katërmbëdhjetë vjeç, vajzat janë më të gjata dhe më
të rënda se sa djemtë. Afër moshës katërmbëdhjetë vjeqare, si djemtë, ashtu edhe vajzat janë
me gjatësi dhe peshë të njejtë. Pas kësaj periudhe djemtë janë përsëri me të gjatë dhe më të
rëndë se sa vajzat dhe këtë superioritet e mbajnë gjithmonë. Vajzat e arrijnë gjatësinë
maksimale në moshën njëzet vjeqare, kurse djemtë në moshën njëzet e pesë vjeç.
1 Haskoviq, Mujo, Psikologji, Sarajeve/Prishtinë, 2006, fq. 23
7
Mirëpo këto janë vetëm tendenca të përgjithshme në zhvillimin fizik, sepse çdo fëmijë
e ka tempon e vet individual dhe ritmin, i cili është vetëm i tij dhe s’është e thënë që ky ritëm
i tillë të përputhet doemos me tendencat e përgjithshme2.
1.2. Eshtërat dhe muskujt
Eshtërat e fëmijëve janë të vegjël, të butë dhe kërcorë. Gjatë zhvillimit eshtërat rriten,
pjesët kërcore ashtërohen, ndërsa indi ashtëror bëhet më i dendur. Me rastin e lindjes në trupin
e fëmijës ka 270 eshtëra, kurse në moshën katërmbëdhjetëvjeçare 350. Prej kësaj kohe e më
tutje numri i eshtërave zvogëlohet për shkak se disa prej tyre bashkangjiten.
Në moshë të pjekur numri i eshtërave në trupin e njeriut bie në 206. Ashtërimi apo
forcimi i eshtërave, shndërrimi i indit kërcor në atë ashtëror, është proces i gjatë. Te vajzat ky
proces është diqka më i shpejtë se sa te djemtë. Pesha trupore e fëmijës rritet kryesisht me
zhvillimin e indit muskulor dhe atij yndyror. Zhvillimi i indit muskulor është rapid sidomos
në periudhën e pubertetit. Në këtë kohë muskujt zgjaten, trashen, bëhen me të fortë dhe me të
fuqishëm.
Fig 1.1. – Masazha e lehtë e foshnjës
2 Berger S., Kathleen (18 February 2011). The Developing Person Through the Life Span (8th ed.). WorthPublishers. pp. 273–278.
8
1.3. Dhëmbët
3Dhëmbët janë struktura të vogla të bardha ne gojën e njeriut. Dhëmbët e qumështit
fillojnë të dalin zakonisht gjatë periudhës gjashtë deri në tetë muajshe tek foshnjat, ku së pari
dalin dhëmbët e poshtëm prerës gradualisht të tjerë deri në moshën dy vjet e gjysmë. Dhjetë
dalin në nofullën e sipërme dhe dhjetë në nofullën e poshtme, pra në total 20. Dalja e
dhëmbëve mund të shoqërohet me simptoma të caktuara, si dhimbje ose kruarje të mishërave
të dhëmbëve dhe paraqitje të jargëve gjatë kësaj periudhe, temperaturë të lartë dhe të
vazhdueshme. Dhëmbët e qumështit luajnë rol të rëndësishëm në përtypjen e ushqimeve të
forta për femijët dhe në zhvillimin e nofullave. Ata ruajnë vendin për dhëmbët e përhershëm
që dalin më pas, gjithashtu dhëmbët e përparmë ndihmojnë fëmijët në arritjen e shqiptimit sa
me të qartë të tingujve (bashkëtingëlloreve s, f, v, th dhe dh). Dhëmbët e qumështit janë më të
vegjël se të tjerët dhe mes tyre ka hapësira. Dhëmbët “incisivë”(prerës) bien në moshën 6-10
vjeçare, dhëmbët “canine”(të qenit) bien në moshën 8-12 vjeçare, ndërsa para-dhëmballët dhe
dhëmballët bien në moshën 10-12 vjeçare. Kështu 20 dhëmbët e qumështit zëvendësohen
gradualisht me dhëmbë të përhershëm.
Fig 1.2. – Dhëmbët e qumshtit
3 https://sq.wikipedia.org/wiki/Dh%C3%ABmb%C3%ABt_e_njeriut
9
1.4. Proporcionet trupore
Proporcionet e fëmijës në zhvillim ndryshojnë prej proporcioneve të të rriturit. Kur
lind fëmija, kokën e ka të madhe ndersa këmbët e vogla. Koka rritet me të shpejtë edhe pas
lindjes dhe i mbërrin proporcionet maksimale kur fëmija t’i mbushë nëntë ose dhjetë vjet.
Fytyra me rastin e lindjes është e vogël dhe rrumbullake. Hunda është e vogël, nofullat janë të
vogla, sepse mungojnë dhëmbët. Në periudhën e adoleshencës fytyra rritet më shpejt. Kur
lind fëmija, trupi është i gjatë. Në fillim ai rritet vrullshëm. Rritja e tij ngadalësohet në
fëmijërinë e vonë dhe në fillim të periudhës së adoleshencës. Kah fundi i adoleshencës ai
përsëri rritet më të shpejtë. Me rastin e lindjes këmbët janë disproporcionalisht të vogla, kurse
duart në krahasim me to, të gjata. Edhe këmbët, edhe duart pas lindjes rriten me vrull. Në
pubertet dhe në fillim të adoleshencës këmbët dhe duart te djemtë dhe vajzat janë të gjata,
kështu që duket se po u pengojnë gjatë ecjes dhe kur kanë kontakt me objekte. Ky
disproporcion shfaqet për shkak se në këtë periudhë trupi rritet ngadalë.
Ndryshimet fizike gjatë rritjes nuk i vëren vetëm rrethi, por edhe fëmijët. Ato
ndikojnë në sjelljen e djemve dhe të vajzave . Shpeshherë, madje janë burim brengash dhe
problemesh të mëdha në sjelljen e tyre4.
1.5. Sistemi nervor
Sistemi nervor zhvillohet me vrull në periudhën paranatale dhe në fëmijërinë e
hershme, gjer në vitin e gjashtë. Pas kësaj kohe zhvillimi është më i ngadalshëm. Truri i të
posalindurit është katër herë më i lehtë se ai i njeriut të rritur. Numri i qelizave dhe fijeve të
ndryshme në sistemin e tij nervor është i njejtë, sikurse te të rriturit, por në këtë periudhë nuk
ekzistojnë të gjitha funksionet nervore.
Gjer në vitin e gjashtë truri mbërrin përafërsisht 90% të peshës dhe të proporcioneve
të tij përfundimtare. Në vitin e nëntë, ose të dhjetë, truri i fëmijës arrin t’i ketë proporcionet
gati të njejta me ato të trurit të të rriturit. Qelizat dhe fijet nervore zhvillohen edhe më tutje.
Zhvillimi i mëtejshëm i sistemit nervor është i përcjellur më tepër me ndryshime të
brendshme, kështu që nuk mund të matet me peshë dhe madhësi.
4 Berger S., Kathleen (18 February 2011). The Developing Person Through the Life Span (8th ed.). WorthPublishers. pp. 273–278.
10
Fig 1.3. – Fotografi X-Ray e kokës së njeriut
1.6. Gjendrat endokrine
5Gjendrat endokrine quhen ato organe ose grup qelizash, të cilat prodhojnë disa lëndë
organike, me funksion aktiv që marrin pjesë në rregullimin e funksioneve të organizmit.
Gjendrat me sekretim të brendshëm, lëndët e prodhuara prej tyre i derdhin drejtperdrejt në
gjak, në lëngun ideor ose në limfë, ndryshe nga gjendrat me sekretim të jashtëm, të cilat
lëndet e prodhuara prej tyre i derdhin ose në sipërfaqen e trupit ose në hapësirën e organeve të
brendshme, që komunikojnë me mjedisin e jashtëm
5 Elshani, Qazim, Edukimi fizik me metodologji, Prishtinë, 2012, fq.56
11
Gjendrat endokrine janë:
1. Hipofiza është një gjendër e vogël ndryshe quhet edhe ,, motor i fuksionit
endokrin’’. Ka formë të rrumbullakët ose vezake dhe vendoset në bazën e kafkës në të
ashtuquajturën sella turkica të kockës sfenoidale, ku bëhet kryqëzimi i inervimit të të gjithë
organizmit të njeriut, prej të majtës në të djathtë dhe prej të djathtës në të majtë. Në grupin e
parë përfshihen ato hormone, të cilat ndikojnë drejtpërdrejt në rritjen e trupit, në tonusin e
enëve të gjakut, në formimin e urinës në veshkë etj. Në grupin e dytë bëjnë pjesë ato
hormone, të cilat ndikojnë në funksionin e gjëndrave tjera endokrine, dhe nëpermjet tyre në
procese të ndryshme të organizmit.6
2. Epifiza prodhon disa hormone të rendësishme për organizmin e njeriut. Kjo gjendër
ushtron veprim frenues në pjekurinë seksuale si dhe në rritjen e organizmit. Po të ulet
funksioni i kësaj gjendre në moshën fëmijërore, shkaktohet pjekuri seksuale para kohe, dhe
zhvillimi i hershëm i shenjave seksuale sekondare. Epifiza ka lidhje të ngushtë me gjendrën
tiroide, paratiroide, dhe gjendrën mbiveshkore. Funksioni i brendshëm i epifizës vihet re
vetëm në periudhën e fëmijërisë, ndërsa pas moshës 7-8 vjeqare, kjo gjëndër fillon të
atrofizohet. Funksioni endokrin i saj nuk është përcaktuar mirë deri në kohën e sotme dhe në
përgjithësi është pak e studiuar.
3. Gjendra tiroide gjendet në sektorin e qafës dhe është e pasur me enë gjaku. Brenda
një ore në gjëndër qarkullojnë rreth 5 litra gjak, d.m.th. gjithë sasia e gjakut që ka organizmi i
njeriut. Kur ulet funksioni i gjendrës tiroide në moshë të vogël, shkaktohet kretenizëm, që
karakterizohet me prapambetje të zhvillimit fizik(xhuxhët) dhe mendor, deri në idiotizëm.
Ndësa gjatë shtimit të funksionit të gjëndrës tiroide, në organizëm ndodhin ndryshime të një
karakteri tjetër. Në forma shumë të përparuara ajo quhet sëmundja e Bazedovit. Kjo sëmundje
shoqërohet me rënie në peshë, nxitje të sistemit nervor qendror , shpejtim të rrahjeve të
zemrës, të frymëmarrjes, ngritje të temperatures së trupit, etj. Të sëmurët lodhen dhe kanë
ekzoftalmus. Këta persona janë gjithmonë në levizje, dhe emocionohen shpejt etj.
6 Elshani, Qazim, Edukimi fizik me metodologji, Prishtinë, 2012, fq.57
12
4. Gjendrat paratiroide kanë rendësi jetike për organizmin. Njeriu ka 4 gjendra të tilla,
të cilat janë të vendosura prapa gjendres tiroide. Këto gjendra prodhojnë hormonin paratiroid
që merr pjesë në rregullimin e shkëmbimit të kalciumit dhe fosforit, duke mbajtur normal
përqendrimin e tyre në gjak. Ulja e funksionit të kësaj gjendre ulë përmbajtjen e kalciumit në
gjak. Gjatë uljes për një kohë të gjatë të kalciumit në gjak ndodhin ndryshime trofike, si tharja
e lekurës, dobësimi muskulor etj. Në hipërfunksionin e gjendres paratiroide, rritet përqindja e
kalciumit dhe e fosforit në gjak, si pasojë kockat humbasin sasi të konsiderueshme kalciumi,
ato zbuten dhe shtrembërohen.7
5. Timusi është i vendosur në zgavrën e gjoksit dhe funksionon normalisht deri në
periudhën e pjekurisë seksuale. Pas kësaj periudhe pëson zhvillim të kundërt d.m.th. qelizat e
tij zëvendësohen nga indi dhjamor, pakësohen përmasat dhe pesha. Hormoni që prodhohet
prej tij ndihmon në rritjen e organizmit, mbajtjen e aftësisë së muskujve për punë dhe frenon
zhvillimin e gjendrave seksuale.
6. Gjendrat mbiveshkore janë të vendosura në të dy anët e kolonës kurrizore, mbi
polin e sipërm të veshkave. Secila prej tyre përbëhet prej dy shtresash; prej shtresës korikale
dhe shtresës medulare, të cilat ndryshojnë midis tyre si nga ndërtimi ashtu dhe nga
funskionimi. Heqja e gjendrave mbiveshkore shkakton vdekjen. Hormonet që prodhon shtresa
medulare janë: Adrenalina në sasi 80% dhe norepinefrina 20% te cilat pasi bien në gjak
oksidohen shpejt , prandaj veprimi i tyre është i shkurtër. Adrenalina ndikon në organizëm në
menyrë të gjithanshme. Ajo shpejton veprimtarinë dhe shton forcën tkurrëse të zemrës , rritë
ngacmueshmërinë dhe përcjellshmërinë e rritjes në zemër.
7. Gjendra e pankreasit kryen dy funksione në organizëm; 1.Funksion të jashtëm,
sepse qelizat e gjendrave të tij prodhojnë lengun pankreatik të pasur me enzime, i cili derdhet
në zorrën dymbëdhjetë gishtore, duke ndihmuar në tretjen e lëndeve ushqimore. Funksion të
brendshëm sepse prodhon hormonin ‘‘insulinë’’, që derdhet drejtperdrejt në gjak. Insulina
rregullon metabolizmin e organizmit dhe prodhohet nga ishujt e Langerhansit. Gjatë uljes së
funksionit të gjendrës së Pankreasit, te njeriu shfaqet semundja e sheqerit, që karakterizohet
me rritjen e përqindjes së sheqerit në gjak në shifra më të lartë se norma, dhe duke kaluar
pragun renal, në urinë shfaqet glukozë.
7 Elshani, Qazim, Edukimi fizik me metodologji, Prishtinë, 2012, fq.59
13
8. Gjendrat gjinore kanë funksion të dyfishtë në organizëm: 1.Funksion të jashtëm,
sepse prodhojnë qelizat gjinore mashkullore dhe femërore. 2.Funksion të brendshëm, sepse
prodhojnë hormone gjinore, të cilat janë shumë të rendësishme për organizëm. Hormonet
gjinore sigurojnë zhvillimin e pjekurisë seksuale. Sekretimi i brendshëm i gjendrave gjinore,
fillon në moshën 12-14 vjeq për femrat dhe 15-18 vjeq për meshkujt. Në qoftë se bëhet heqja
e gjendrave gjinore para pubertetit nuk zhvillohen organet gjinore dhe njeriu mbetet në
gjendje 8fëmijërore, shenjat gjinore sekondare nuk shfaqen. Ndërsa nëse bëhet heqja e tyre pas
pubertetit, aparati gjinor pjesërisht regreson, kurse shenjat sekondare ruhen deri diku të
pandryshuara. Në organizmin e njeriut, në të njejtën kohë prodhohen të dy llojet e hormoneve
gjinore, por me sasira të ndryshme.
8 Elshani, Qazim, Edukimi fizik me metodologji, Prishtinë, 2012, fq.60
14
KAPITULLI II
2. Zhvillimi motorik
Zhvillimi motorik ka të bëjë me ndryshimet që ndodhin në shkallën e kompleksitetit
në kryerjen e funksioneve të caktuara dhe në fitimin e shkathtësive të caktuara, ku gradualisht
shkohet prej ndryshimeve më të thjeshta nga ndryshimet më komplekse në të nxënit dhe
fitimin e shkathtësive të reja në lëvizjen e trupit, në mbajtjen e drejtpeshimit, në vendosjen e
kontrollit në pjesët e trupit, si dhe në forcimin e koordinimit senzitiv-motorik. Zhvillimi
motorik i balancuar është i lidhur dhe ndikon në mënyrë të drejtpërdrejtë edhe në fushat e
tjera zhvillimore, siç janë: zhvillimi i të folurit, zhvillimi kognitiv, kompetenca sociale dhe
zhvillimi emocional. Për shembull, foshnjet, kur mësojnë të zvarriten ose të ecin, e rrisin
mundësinë e tyre ta hulumtojnë hapësirën, e me atë ta nxisin edhe zhvillimin e tyre kognitiv.
Në saje të zhvillimit motorik, në radhë të parë të ecjes vertikale dhe aftësisë së
perdorimit të dorës me opoziten e gishtit të madh, njeriu është bërë qenie inteligjente dhe ka
krijuar mjete të nderlikuara në të cilat mbështetet civilizimi. Kontrolli dhe shkathtësitë
speciale motorike janë të rendësishme për zhvillimin intelektual, jo vetëm të llojit njerëzor,
por edhe të individit. Të shkruarit për shembull, duhet të përvetësohet, si shkathtësi motorike,
para se të bëhët mjet i domosdoshëm i intelektit.
2.1. Të ecurit vertikal
Lëvizja në hapësirë është faktor i rëndësishëm në zhvillimin mental, social dhe
motorik të fëmijës. Zhagitja dhe të ecurit i ofrojnë fëmijës mundësi të gjithanshme për arritjen
e përvojës së re.
Në procesin e të ngriturit në këmbë tek fëmijët ekziston ky rend, me ç’rast fëmija:
-e ngrit kokën kur është i shtrirë barkas;
-e ngrit kokën dhe gjoksin kur është i shtrirë barkas dhe i mbështetur në bërryla;
15
-ulet në prehër;
-ulet duke u mbajtur me duar për platformë;
-ulet pa ndihmën e askujt dhe pa u mbajtur me duar për platformë,
-qëndron në këmbë me ndihmën e dikujt;
-qëndron në këmbë duke u mbajtur për karrigë;
-ec vetë me ndihmën e ndokujt;
-ngritet vetë në këmbë duke u mbajtur për karrigë;
-qëndron në këmbë pa ndihmën e askujt;
-ec vetë dhe ngrihet vetë në këmbë dhe ec pa ndihmën e askujt,
Procesin e të ngriturit në këmbë e kanë studiuar shumë psikologë, ndër ta A.Gezel
M.Shirli, Sh.Byler, N.Belji. Të gjithë hulumtuesit kanë konstatuar të njëjtin rend në paraqitjen
e formave të veçanta të kontrollit të trupit, mirëpo rezultatet e tyre nuk janë përputhur në
pikëpamje të kohës së paraqitjes së tyre, për shkak të ndryshimeve të dukshme individuale në
zhvillimin motorik të fëmijëve. Megjithatë, tërë ky zhvillim merr fund më së largu kur fëmija
të ketë mbushur një vit e gjysmë.
Shumica e fëmijëve ecin në vitin e dytë. Para se të fillojë të ecë, fëmija herë pas herë
zvarritet. Mirëpo zvarritja nuk i prin ecjes te të gjithë fëmijët. Ka fëmijë të cilët fillojnë të
zvarriten edhe pasi të kenë mësuar të ecin nëse hasin në vështirësi. Zvarritja nuk e ngadalëson
shfaqjen e ecjes vertikale, ajo e zëvendëson atë madje atëherë, kur fëmija ende nuk është në
gjendje të ecë, ose kur frikohet prej ecjes. Kushtet e ambientit nuk kanë ndonjë ndikim serioz
në kohën e ndikimit të ecjes.9
9 Karaj, Theodori, Psikologjia e zhvillimit të fëmijes, Tiranë,2005, fq.96
16
2.2. Perdorimi i dorës dhe të rrokurit preciz
Dora është pjesë shumë e rëndësishme e trupit, sepse përmban shumë organe shqisore.
Me anën e saj fëmija njihet me shumë gjëra të botës që e rrethon. Kur të mësojë të kap
objektet me maje të gishtërinjëve, duke e ndarë gishtin e madh prej gishtit tregues, atëherë
mundësitë e fëmijës për njohjen e objekteve të cilat e rrethojnë rriten edhe më shumë.
Zhvillimi i përdorimit të dorës, mund të ilustrohet me një shembull: para fëmijëve me
mosha të ndryshme, prej 16 gjer 60 javësh vehet kubi, tehu i të cilit është 2.5cm. Fëmijët prej
16 javësh vetëm e vërejnë kubin dhe në të shumtën e rasteve nuk janë në gjendje ta kapin. Kur
fëmija të arrijë për herë të parë ta kap kubin, ai këtë e bën me tërë shuplakën e dorës, duke
mos e ndarë gishtin e madh prej të tjerëve. Me këtë rast shuplaka e dorës e mbulon terësisht
kubin. Në moshë diqka me të vjetër, përafërsisht 32 javësh, fëmija me rastin e të kapurit e
ndan gishtin e madh, kështu që kubi shihet ndërmjet gishtit të madh dhe atij tregues. Kur ta
mbushë një vit, fëmija e kap kubin në menyrë precize, do të thotë me majën e gishtit tregues
dhe gishtit të madh. Ky zhvillim i kontrollit të dorës ia bën të mundshme fëmijës t’i kapë
lodrat e objektet tjera dhe të manipulojë me to.
Kështu fëmija prej 16 javësh mund të luajë me rraketake, kurse prej 20 javësh ta vëjë
objektin prej një dore në tjetrën. Më vonë mund të kryejë veprime edhe më të nderlikuara.
2.3. Dominanca në përdorimin e njërës dorë dhe rrëmaktësia
10Fëmija nga pikëpamja anatomike lind simetrik. Gjatë zhvillimit njëra anë bëhet
dominante përkah fuqia, shkathtësia dhe shpejtësia e kryerjes së disa veprimeve. Te shumica e
njerëzve është dominante ana e djathtë, prandaj te ata në të përdorur dominon dora e djathtë.
Është e vogël përqindja e atyre te të cilët dominon dora e majtë. Me rastin e shfaqjes së
rrëmaktësisë të ndonjë fëmijë, prindërit, edukatorët dhe arsimtarët bijnë zakonisht në dilemë
a të bëjnë presion që ai të orientohet në të përdorurit e dorës së djathtë, apo të frenohen për një
gjë të tillë. Në të parë kjo çeshtje nuk duket e ndërlikuar. Ndërkaq, praktika shkollore si dhe
një numër i madh studimesh në këtë lëmi tregojnë se rrëmaktësia është e lidhur me
çrregullime të mëdha emocionale, me disa forma të të metave në të folur dhe me mossuksesin
10 Juniku, Neki, Kaptina nga psikologjia, Prishtinë, 2005, fq.57
17
në të lexuar. Çrregullimet emocionale paraqiten kryesisht te ata fëmijë te të cilët bëhet presion
që prej perdorimit të vazhdueshëm të dorës së majtë të kalojë në të perdorurit e dorës së
djathtë. Ky presion te ata fëmijë shkakton trazira, pavëndosshmëri. Si duket, trazirat e
vështirësitë shfaqen edhe te ata fëmijë te të cilët nuk është bërë presion që të riorintohen në të
perdorurit e dorës së djathtë. Besohet se kjo rrjedh ngase shumë objekte dhe instrumente janë
përshtatur për dorën e djathtë. Fëmija tek i cili dora e majtë është dominante, e ndien vetën të
veçuar, madje edhe atëherë kur në të nuk bëhet kurrfarë presioni.
Përpjekjet e prindërve, edukatorëve dhe arsimtarëve që të ndikojnë se cilën dorë do ta
përdorë fëmija në pjesën më të madhe të rasteve mbesin pa sukses. Shumë psikologë
mendojnë se riorientimi prej dorës së majtë në të djathtën është praktikisht e parealizushme.
Suksesi mund të arrihet vetëm në ato raste kur dominimi i dorës së majtë nuk është shumë i
madh. Sot edukatorët, arsimtarët dhe prindërit këshillohen që rrëmaktësinë ta pranojnë si gjë
krejtësisht normale, kështu që mos të shkaktojnë çrregullime emocionale në sjelljen e tyre të
cilat paraqiten zakonisht te ata fëmijë te të cilët kjo dukuri është tejet e dukshme11
2.4. Të shkruarit
Fëmija në fillim, kur mëson të shkruajë, lëviz gati me tërë trupin. Ai e lëviz edhe
kokën, edhe qafën, edhe shtatin, madje edhe këmbët. Me përsosjen e të shkruarit levizjet e
panevojshme eliminohen, kurse disa pjesë trupore vetëm bashkëpunojnë në atë mënyrë që të
vëhet në pozitë më të përshtatshme për të përdorurit efikas të dorës dhe të shuplakës së dorës.
Gjer në kohën e nisjes në shkollë, shumica e fëmijëve e arrijnë kontrollin motorik të dorës dhe
të shuplakës së dorës , gjë që e bën të mundshëm mësimin e të shkruarit.
Fig 1.4. – Fëmijët duke shkruar
11 Juniku,Neki, Kaptina nga psikologjia, Prishtinë, 2005, fq.61
18
KAPITULLI III
3. Zhvillimi i të folurit
Të folurit është mjet me anën e të cilit fëmijët vendosin kontakte sociale. Pos kësaj, ai
është edhe mjet i rëndësishëm i të menduarit. I posalinduri nuk është në gjendje të flasë e as të
kuptojë të folurit. Në zhvillimin e të folurit, i cili rrjedh paralelisht me zhvillimin e aftësive
motorike e intelektuale mund të dallojmë dy faza: fazën paralinguistike dhe fazën linguistike.
Faza linguistike fillon me shqiptimin e fjalës së parë, e cila ka ndonjë domethënie apo
kuptim. Pas kësaj fjale kemi pasurimin e vazhdueshëm të fjalorit, të përdorurit e llojeve të
ndryshme të fjalëve si dhe fjalive, të cilat në pikëpamje strukturale bëhen gjithnjë e më të
ndërlikuara.
3.1. Faza paralinguistike
12Me vokalizëm kuptojmë, atëherë kur fëmija lëshon zërin spontanisht. Britma e parë
është forma më e hershme e vokalizmit. Kjo britmë na tregon që organet të cilat e prodhojnë
zërin funksionojnë qysh me rastin e lindjes. Fëmja prodhon zëra edhe kur qan, edhe kur është
i kënaqur. Ndër këto zëra në fillim dominojnë vokalet, për ç’arsye edhe e tërë kjo dukuri
quhet vokalizim. Prej vokalizimit më vonë zhvillohet të folurit. Të rriturit e numrit të zërave,
të cilat i shqiptojnë fëmijët në muajt e parë pas lindjes, quhet ekspansion zëror. Në zhvillimin
e tij të metutjeshëm, nën ndikimin e të mësuarit të gjuhës së bashkësisë në të cilën jeton,
fëmija i dëgjon dhe i përserit zërat që bëjnë në gjuhën e tij amnore. Këta zëra për shkak të
përseritjes së vazhduar përvetësohen, kurse të tjerët, meqë nuk përdoren, humbin
përgjithmonë. Për këto arsye njeriu i rritur nuk është në gjendje t’i prodhojë të gjithë ata zëra
të cilat ka qënë në gjendje t’i shqiptojë si fëmijë. Procesi i humbjes së zërave, të cilat nuk
përdoren në të folur quhet kontraksion zëror.
Para se të kombinohen në fjalë me kuptim, zërat te fëmija pesëmuajsh shfaqen si
grupe vokalesh e konstantesh- në formë të llomotitjes së fëmijës. Fëmija i shqipton nga disa
12 Haskoviq, Mujo, Psikologji , Sarajeve/Prishtinë, 2006, fq. 141
19
gjëra bashkarisht, si p.sh., ,,eda’’, ,,nga’’, ,,bla’’, eng’’ etj. Këto rrokje nuk kanë kurrfarë
domethënie dhe është vështirë të shënohen ose reprodukohen, sepse fëmija shpeshherë i
perdor edhe disa zëra, të cilat nuk ekzistojnë në gjuhë. Duke i shqiptuar këto grupe zërash ,
fëmija në të vërtetë luan. Mirëpo kjo lojë ka rëndësi të madhe për zhvillimin e të folurit dhe
është hap i metutjeshëm në fazën e tij paralinguistike. Në zhvillimin e mëtejshëm të të folurit
kemi dyfishimin e rrokjeve të përmendura, kështu që fëmijët i shqiptojnë ,,ma-ma’’, ,,eda-
eda’’, ,,ba-ba’’. As këto rrokje të dyfishuara nuk kanë domethënie. Fëmija shqipton rrokje
prej muajit të pestë e gjer në fund të muajit të dymbëdhjetë, kur shfaqet fjala e parë. Këto
rrokje të dyfishuara laike shpesh i interpretojnë si fjalë të para. Të shqiptuarit e këtyre
rrokjeve paraqet lojën e fëmijës me organet e të folurit. Fëmija e dëgjon vetën, imiton zërat e
veta dhe në këtë mënyrë argëtohet. Me anën e këtyre rrokjeve ai askujt nuk i komunikon
asgjë, as që kërkon gjë. Në atë çast kur ta shqiptojë fëmija rrokjen e dyfishuar perkitazi me
ndonjë person, objekt, veprim ose disponim, ajo rrokje e dyfishuar fiton njëfarë kuptimi dhe
bëhet fjalë. Krahas me vokalizmin dhe llomotitjen, zhvillohet edhe përceptimi i gjuhës si dhe
të kuptuarit e të folurit të të tjerëve. Gjer në muajin e dytë, fëmija nuk e dallon zërin e njeriut
prej tingujve të tjerë rreth vetes. Rreth moshës gjashtë muaj ai është në gjendje të dallojë tonin
idhnak të zërit të njeriut prej atij përkëdhelës. Kah fundi i vitit të parë fëmija tregon interesim
më të madh për fjalë. Në këtë kohë ai kupton të ndaluarit. Fëmija më parë arrin ta kuptojë të
folurit, se sa ta përdorë atë.
Fëmija i kupton fjalët dhe fjalitë të cilat i shqiptojnë të rriturit, më së pari në bazë të
strukturës se tyre ritmike dhe melodike. Ai reagon, dallon urdhërin edhe atëherë kur ndërrohet
struktura e zërave, kurse ruhet intonacioni i fjalës dhe fjalisë. Psikologu sovjetik F.J. Fraktina
ka bërë këto eksperimente ndër fëmijë. Ai, për shembull, u ka shqiptuar fjalën: ,,kapitan-
kapitan’’(që do të thotë ,,kapiten-kapiten’’) me të njejtin intonacion dhe ritëm me të cilin
shqiptohet ,,lladushki-lladushki’’(,,tapshin-tapshin’’) kështu që fëmijët kanë duartrokitur. Pak
më vonë fëmija i kupton fjalët dhe fjalitë në bazë të perceptimit të strukturës së tyre zërore,
gjë që shihet nga pjesa e dytë e eksperimentit të J.F Fraktinës. Ajo në fillim e ka krijuar
refleksin kushtor të fëmija me një fjalë. Pastaj këtë fjalë e ka zëvendësuar me një fjalë tjetër e
cila ka pasur të njëjtin numër të rrokjeve dhe ka qënë e shqiptuar me të njëjtin intonacion.13
13Haskoviq, Mujo, Psikologji, Sarajeve/Prishtinë, 2006, fq.142
20
3.2. Faza linguistike
14Fjala e parë është grup zëresh, të cilën e shqipton fëmija, por që ka domethënie.
Midis hulumtuesve ekzistojnë mospajtime në përcaktimin e normës së të shfaqurit të fjalës së
parë. Sipas disa psikologëve ajo paraqitet në muajin e njëmbëdhjetë, sipas disa të tjerëve në të
katërmbëdhjetin. Fjala e parë i ka disa karakteristika. Ajo formalisht është një fjalë, por e ka
domëthenien e një fjale të tërë. Kur fëmija thotë p.sh ,,na-na’’, ai me këtë shpreh mendimin e
tërë ,,nënë, më merr’’, ose ,,nënë, jam i uritur’’. Për këtë arsye është gabim që kjo fjalë të
klasifikohet si emër apo si çfarëdo lloji tjetër i fjalëve. Kjo nuk vlen vetëm për fjalën e parë,
por edhe për të tjerat, numri i të cilave bëhet gradualisht gjithnjë më i madh. Fëmija përdor
nganjëherë me domethënie të emrit, kurse emrin si folje. Përveç kësaj që u tha, fjala e parë
shpreh zakonisht ndonjë gjendje emocionale, ndonjë dëshirë, tendencë, nevojë etj.
Në muajin e njëmbëdhjetë fëmijët dinë të përdorin mesatarisht një fjalë. Kur t’i
mbushin një vit i përdorin 3 fjalë. Gjatë vitit të dytë numri i fjalëve që i njeh fëmija, rritet me
vrull. Me mbarimin e vitit të dytë ky numër ngritet ne 272, në vitin e tretë 896 dhe në të
katërtin më se 1500(1540), në të pestin mbi 2000. Këto janë të dhëna të autorëve amerikanë.
Ndërkaq, norma të ngjashme të zhvillimit të të folurit japin edhe psikologët sovjetikë. Sipas
psikologut Ljublinskaja (A.L) fëmija kah fundi i vitit të parë i shqipton disa fjalë, kah fundi i
të dytit 260, ndërsa kah fundi i vitit të tretë prej 800 gjer 1000.( Ndër ne mungojnë studime të
ngjashme me këto, por besohet se tendenca në zhvillimin e të folurit është e ngjashme me të
folurit edhe të fëmijët tonë ).
Në moshën dy vjeqare, më se gjysma e fjalëve, me të cilat disponon fëmija janë emra. Edhe
pse këto fjalë formalisht mund të klasifikohen si emra, ato shpesh në esencë janë folje. Thirrja
e fëmijës ,,nënë’’ mund të thotë ,,Më merr’’, ,,Po frikësohem’’ etj. Përemrat fëmijët dine t’i
përdorin shumë më vonë . Përemri i parë paraqitet kah fundi i vitit të dytë. Me zhvillimin e
fjalorit numri i foljeve rritet, kurse i emrave zvogëlohet.
Kah fundi i vitit të dytë, fëmija është në gjendje t’i kombinojë dy fjalë në një fjali.
Orvatja e parë e fëmijës për ta formuar fjalinë janë zakonisht emri dhe folja (,,Fëmija luan’’’),
ose mbiemri dhe emri (,,Qeni i madh’’). Pastaj së shpejti fëmija përpilon fjali me nga tri fjalë
si ,,Ana, gjuaje topin’’. Në zhvillimin e mëtejshëm, krahas me zgjerimin e fjalorit, rritet edhe
numri i fjalëve, kurse kombinimi i tyre në fjali bëhet gjithnjë e më kompleks.
14 Karaj, Theodori, Psikologjia e zhvillimit të femijes, Tiranë, 2005, fq.92
21
Funksionin e të folurit fëmijëror i pari e studioi psikologu zvicran Zhan Piazhe (J.
Piaget), pas tij edhe psikologu amerikan Doroti Mekarti (D.Mc Carthy). Ata konstatuan se një
pjesë e madhe e asaj që flasin fëmijët e vegjël nuk e ka funksionin e vendosjes së kontaktit me
të tjerët, kështu që të folurit e tillë e kanë quajtur egocentrik. Me të folur egocentrik për
fëmijën nuk është me rëndësi ta degjojë ndokush, ai flet për veten dhe zakonisht flet mbi
vetveten. Gjatë rritjes, të folurit egocentrik zhduket duke i’a lëshuar vendin të folurit të
socializuar. Piazhe vuri re se të folurit egocentrik paraqitet gjer në moshën tri vjeqare 56%,
kurse në moshat e mëvonshme bie në 27%. Pikëpamjet e Piazheut mbi të folurit egocentrik i
kritikojnë disa psikologë sovjetik. Ata konsiderojnë se të folurit egocentrik nuk është funksion
i moshës, siç thotë Piazhe, por varet prej kushteve sociale të jetës. Përkundër Piazheut,
psikologu sovjetik Vigodski pas një vargu eksperimentesh përfundon se të folurit e fëmijëve
që në fillim është i socializuar dhe se të folurit egocentrik shfaqet për shkak të diferencimit të
pamjaftueshëm të të folurit individual. Sipas tij, të folurit egocentrik nuk zhduket, por
shëndërrohet në të folur të brendshëm, bëhet mjet i të menduarit, fiton funksionin e
planifikimit në zgjedhjen e detyrave. Të folurit e socializuar është ai me anën e të cilit fëmija
shkëmben mendimet me të tjerët dhe dëshiron të ndikojë në bashkëbiseduesin.
3.3. Çrregullimet e të folurit
Ekzistojnë shumë shkaqe të çrregullimit të të folurit. Ato nganjëherë janë të natyrës
fizike, por më së shpeshti pasojë socialo-emocionale. Shkaqet fizike janë zakonisht defektet
në organet që marrin pjesë në të folur. Këto janë ,,buza e lepurit’’, dhëmbët e renditur jo si
duhet, qiellëza e ndarë etj. Përveç këtyre, shkaktarë mund të jenë edhe defektet e të dëgjuarit,
për shkak të të cilave fëmija nuk e ndien plotësisht as të folurit e të tjerëve, as të vetin, si dhe
sëmundjet nervore, të cilat e pengojnë kontrollin motorik të organeve të të folurit.
Çrregullimet e të folurit nganjëherë janë pasojë e të mësuarit të gabueshëm, e nganjëherë
shkaktohen nga pengesat socialo-emocionale dhe psikoneurozat. Manifestimet më të shpeshta
të këtyre çrregullimeve janë shqiptimi i zhdrejtë i fjalëve dhe të belbëzuarit. Me rastin e parë
22
kemi të bëjmë me një artikulim te gabueshëm, kurse në të dytin me çrregullimin e ritmit të të
folurit.15Shqiptimi i zhdrejtë i fjalëve nganjëherë është pasojë e të mësuarit të gabueshëm.
Nganjëherë mund të jetë shenjë e prapambeturisë mentale. Nëse këtu kemi të bëjmë me një
shprehi të gabueshme, kjo e metë mund të evitohet relativisht lehtë. Vështirësitë emocionale si
edhe situata e përshtatshme sociale dhe familjare krijojnë një teren të volitshëm për belbëzim
tek fëmijët. Fëmija xheloz si dhe ai ndaj të cilit veprohet në menyrë të vrazhdë mund ta
përvetësojnë këtë të metë në të folur. Prej saj vuajnë fëmijët e frikshëm dhe të pasigurtë. Me
rritjen e fëmijëve, numri i atyre që belbëzojnë zvogëlohet, sepse te shumica e fëmijëve kjo e
metë zhduket pa ndonjë shërim special. Ndërkaq në disa raste shërimi është i nevojshëm. Për
procesin e terapisë rëndësi të posaçme ka ajo se qka mendon vetë fëmija për të metën e tij. Në
shërim duhet të marrin pjesë edhe arsimtarët, edhe prindërit.
15 Karaj, Theodori, Psikologjia e zhvillimit të fëmijes, Tiranë, 2005, fq.96
23
KAPITULLI IV
4. Zhvillimi i emocioneve
Zhvillimi i emocioneve në foshnjëri dhe fëmijëri karakterizohet nga ndryshime
progresive. Fëmijët përjetojnë gëzim të vërtetë (kur janë rreth gjashtë javësh), zemërim (kur
janë rreth katër muajsh), trishtim ( kur janë pesë deri në shtatë muajsh) dhe frikë (kur janë 6
deri në 9 muajsh). Këto emocione bazë të hershme janë tepër të forta, gjë që shpjegon edhe
faktin pse foshnjat dhe fëmijët që ecin shfaqin shpërthime të forta dramatike emocionale. Nga
fundi i vitit të tretë të jetës, emocionet e fëmijëve bëhen shumë të diferencuara si p.sh. gëzimi,
që është një emocion bazë, ndryshon nga kënaqësia dhe joshja16.
Një tjetër karakteristikë e zhvillimit emocional të foshnjave dhe fëmijëve që ecin
është ajo që reagimet e tyre emocionale ndryshojnë shumë shpejt. Për një çast fëmija mund të
bërtasë “Jo!”, ndërsa pas pak, ai qendron i qetë për t’u përkëdhelur në prehrin tuaj. Nuk mund
të ketë ndjenja të drejta dhe të gabuara, të gjitha emocionet luajnë një rol të madh në jetën e
fëmijëve. Emocionet u japin fëmijëve dhe edukatorëve - të dhëna për mirëqenien e tyre.
Ndjenja pozitive, siç janë lumturia dhe besimi, u krijojnë fëmijëve një ndjenjë sigurie.
Ndjenja të tjera krijojnë një gjendje të keqe dhe sinjalizojnë rrezik ose pakënaqësi. Zemërimi i
bën fëmijët të përballen me pengesa. Frika i detyron fëmijët të vetëmbrohen. Afeksioni i
ndihmon fëmijët të kuptojnë se ata janë të dashur, me vlera dhe të aftë. Meqenëse të gjitha
ndjenjat na mësojnë diqka, të rriturit duhet të punojnë bashkë me fëmijët t’i ndihmojnë ata për
t’i kuptuar ndjenjat e tyre, të bëhen më të ndjeshëm ndaj ndjenjave të tjerëve e të gjejnë rrugë
efikase për të përballuar të gjitha emocionet e ndryshme që ata përjetojnë. Kjo përvojë fillon
menjëherë pas lindjes dhe vazhdon gjatë gjithë periudhës parashkollore. Hapat e parë, që
ndërmarrin edukatoret dhe prindërit per të mbeshtetur zhvillimin emocional te fëmijëve, janë
te kuptuarit e menyrës se si dhe kur lindin këto si dhe detyrat emocionale që zënë shumë prej
kohës së tyre.
16 https://psikologjia.it.gg/Emocionet.htm
24
4.1. Emocionet e të posalindurit
17Studimet e para sistematike të emocioneve të të posalindurit janë bërë në dekaden e
dytë të shekullit XX. Këto studime i bëri psikologu i njohur amerikan Xhon Uoston. Ai i ka
vërejtur fëmijët e posalindur dhe ka bërë eksperimente me ta. Në bazë të reagimit të fëmijëve
në disa situata dhe sjelljes së tyre në përgjithësi, Uotsoni konkludoi se te fëmija i posalindur
ekzistojnë tri emocione të lindura: frika, mllefi, dashuria.
Sipas Uotsonit, tingulli i fortë shkakton shfaqjen e frikës, pengimi i lëvizjeve
shkakton mllefin, kurse të përkëdhelurit dashurinë.
Prej njëzet viteve të këtij shekulli e gjër më sot shumë psikologë e kanë shqyrtuar
saktësinë e konstatimeve të tij. Ata i kanë përseritur eksperimentet e Uotsonit. Është parë se
ngacmuesit, të cilët i ka aplikuar Uotsoni nuk kanë shkaktuar gjithmonë dhe te të gjithë
fëmijët e posalindur reaksione, të cilat i ka përshkruar ky shkenctar. Njëri prej këtyre
psikologëve ka konkluduar se emocionet e të posalindurit nuk janë të diferencuara dhe se
fëmija i posalindur nuk ndien as frikë, as mllef, as dashuri. Prej sjelljes së tij, mendon ky
psikolog, mund të konstatojmë vetëm se a ndien fëmija kënaqësi apo pakënaqësi.
Shermani, shkenctar i njohur amerikan, i ka thumbuar fëmijët e posalindur me
gjilperë, ua ka vonuar ushqimin, ua ka heqë platformën në të cilën kanë qënë të shtrirë dhe ua
ka penguar levizjet. Sjelljen e fëmijëve e ka inçizuar me kamerë. Nga filmi më parë i ka heq
pjesët në të cilat shfaqet mënyra e të ngacmuarit, pastaj e ka projektuar para personelit i cili
është kujdes për fëmijët para psikologëve e medicinarëve. Ai ka vepruar edhe në një mënyrë
tjetër; prapa perdes i ka ngacmuar fëmijët në mënyrat e përmendura, kurse vërejtësit i ka
lejuar t’i shikojë vetëm reaksionet. As në eksperimentin e parë, as në të dytin, vërejtësit nuk
kanë mundur të pajtohen se për cilin emocion është fjala të fëmijët, as për atë se me çka është
shkaktuar ndonjë sjellje e caktuar. Vetëm atëherë kur e kanë vërejtur edhe veprimin e
ngacmuesve edhe reaksionet, ata kanë qënë në gjendje t’ia qellojnë se për cilin emocion është
fjala.
Sipas rezultateve të psikologes Katarina Brixhesit(K.Bridges), emocionet e fëmijës
janë të padiferencuara. Fëmija menjëherë pas lindjes gjendet në një gjendje të pacaktuar
17 Karaj, Theodori, Psikologjia e zhvillimit të femijes, Tiranë, 2005, fq.65
25
emocionale, të cilën ajo e quan shqetësim i përgjithshëm.Kjo gjendje zgjat një kohë të
shkurtër prej saj, më vonë, diferencohen gradualisht emocionet e ndryshme.
18Disa psikologë amerikanë, duke qënë të interesuar për emocionet e të posalindurit, e
kanë studiuar reagimin e fëmijës ndaj tingullit të fortë. Që të mund të analizojnë më mirë
reaksionet, ata i kanë inçizuar fëmijët me kamerë, madje në mënyrë të shpejtësuar. Në saje të
kësaj, ata kanë konstatuar se tingulli i fortë shkakton ,,reaksionin e dridhjes’’. Ky reaksion
nuk është emocion, por një lloj gjendje paraemocionale . Kjo nuk duhet të përzihet me frikën.
Psikologët konstatuan se vetëm ky reaksion ka lidhje me ato që më vonë e quajmë reaksione.
Prej tij formohen të gjitha emocionet, jo vetëm frika, por edhe të qeshurit, habia, mllefi etj.
Në bazë të hulumtimeve të përmendura vihet në përfundim se fëmija i posalindur nuk
i ka emocionet e diferencuara dhe se ato zhvillohen më vonë.
4.2. Si zhvillohen emocionet
Emocioni është një shtytje nervore që shkakton një organizëm të veprojë. Të mësuarit
dhe pjekuria në zhvillimin e emocioneve janë komponentë tejet të ndërlikuara, kështu që është
vështirë të caktohet se çka është te emocionet rezultat i pjekurisë dhe çka rezultat i të
mësuarit.
Emocionet të fëmijët paraqiten edhe pa kurrfarë të mësuari. Në moshën prej 6 deri në
8 muaj fëmija fillon të frikohet prej njerëzve të panjohur. Posa të paraqitet personi i panjohur,
fëmija fillon të qajë pështillet për nënën ose për personat e njohur. Kjo frikë shfaqet
papritmas. Psikologët këtë sjellje e sqarojnë me pjekurinë e fëmijës, në të vërtetë e
konsiderojnë si rezultat të rritjes së aftësive të fëmijës për dallimin e ndryshimeve. Fëmija në
moshën e përmendur i dallon njerëzit e huaj prej atyre të shtëpisë, gjë që përpara nuk ka mund
ta bëjë. Ai madje e parandjen rrezikun që mund të paraqesë për të personi i huaj.
Më herët konstatuam se fëmija nuk lind me emocione. Nën ndikimin e pjekurisë ai në
një mënyrë gjithnjë e më të plotë percepton rrethin e vet. Disa objekte, persona, dhe situata,
ndaj të cilëve fëmija më parë ka qënë indiferent, fillojnë t’i nxisin reaksionet e tij emocionale.
Përveç kësaj, ai edhe fillon të reagojë ndaj një numri gjithnjë më të madh ngacmuesish.
18 Karaj, Theodori, Psikologjia e zhvillimit e fëmijës, Tiranë, 2005, fq.66
26
19Sipas Uotsonit emocionet formohen me anën e formës më të thjeshtë të të mësuarit-
me anën e kushtëzimit. Prej veprave të tij është i njohur eksperimenti me një fëmijë, te i cili
Uotsoni në vitin e parë të jetës së tij e ka krijuar frikën me anë të kushtëzimit. Fëmija në fillim
ka pasur frikë prej tingullit të fortë, por jo edhe prej miut. Më vonë te fëmija është krijuar
frika prej miut të bardhë në këtë mënyrë: në çastet kur i është treguar fëmijës miu i bardhë i
madh dhe kur ai është përpjekur ta kap, në afërsi të tij është prodhuar një tingull i fortë.
Fëmija është tronditur dhe ka filluar të qajë. Ky eksperiment është përsëritur disa herë. Fëmija
çdo herë ka filluar të qajë. Në fund, po në këtë mënyrë ka reaguar edhe kur i është paraqitur
vetëm miu i bardhë- pa veprimin e tingullit të fortë përcjellës. Pas këtij eksperimenti është
vënë re se fëmija është frikësuar jo vetëm prej miut të bardhë, por edhe prej çdo gjëje tjetër, e
cila kishte për t’ia kujtuar atë- prej lepurit, qenit, gëzofit, pambukut, leshit, mjekrrës etj.
Në jetën e përditshme kemi mjaft raste te emocioneve, të krijuara me anën e
kushtëzimit. Disa studime tek ne (V.S.Qollanoviq) kanë treguar p.sh., se frika prej mjekut
dhe prej atyre që fëmijës i përkujtojnë mjekun, është emocion që arrihet kryesisht me anën e
kushtëzimit. Të gjithë fëmijët frikohen prej dhembjes. Takimet me mjekun të lidhura me
injeksione që dhëmbin bëjnë që fëmijët me vonë të qajnë vetëm më të parë mjekun - në të
gjithë njerëzit me mantilla të bardhë.
Përveç kushtëzimit, ekzistojnë edhe forma tjera të arritjes së emocioneve si p.sh me
anën e imitimit, ose të të rriturve ose fëmijëve. Është konstatuar se fëmijët frikësohen në
shumë raste prej gjërave të njejta, prej të cilave frikohen edhe prindërit e tyre, madje edhe
atëherë kur, prindërit mundohen ta fshehin atë frikë prej fëmijëve të tyre. Nëse nëna
frikësohet prej bumbullirës, fëmija do të mësojë prej saj të njejtën frikë. Sipas disa
psikologëve, fëmija në muajt e parë i përjeton emocionet e nënës. Ata thonë se fëmija mund ta
refuzojë gjirin për shkak se nëna është nervoze. Madje edhe kur të kalojë në ushqim të
zakonshëm, ai refuzon për të ngrënë kur është në atmosferë nervoze, kurse fëmija ushqehet
mirë kur ta ushqejnë pa nervozitet.
19 Karaj, Theodori, Psikologjia e zhvillimit të fëmijes, Tiranë, 2005, fq.96
27
4.3. Emocionet dhe moshat
Emocionet te të gjithë fëmijët paraqiten sipas një rendi të ngjashëm. Mllefi bie në sy
para emocionit të frikës, xhelozia pas këtyre të dyjave e kështu me radhë . Me kohë reaksionet
emocionale ndryshohen dhe përsosen ; ato bëhen gjithnjë e më të përcaktuara.
Katarina Brixhesi në bazë te hulumtimeve ka konkluduar se për gjendjen efektive pas
lindjes është karakteristik një emocion i padiferencuar- ngashërimi i përgjithshëm. Prej tij
përafërsisht gjer në tre muaj zhvillohen: më së pari shqetësimi, si emocion negativ; pastaj
kënaqësia- si emocion pozitiv. Ndërmjet muajit të tretë dhe të gjashtë, prej trungut negativ
formohen mllefi, neveria dhe frika. Prej muajit të gjashtë e gjer në të dymbëdhjetin prej
trungut pozitiv ndahen entuziazmi dhe simpatia ndaj të rriturve. Prej muajit të dymbëdhjetë e
gjer në të tetëmbëdhjetin zhvillohen simpatia ndaj fëmijëve (prej trungut pozitiv) dhe xhelozia
(prej atij negative), ndërsa prej muajit të tetëmbëdhjetë e gjer në të njëzet e katërtin zhvillohet
gëzimi (prej trungut pozitiv) 20.
Vaji i parë te fëmijët nuk është emocion, por lidhet shpejt me emocionet. Qysh gjatë
vitit të parë fëmijët me anën e këtij reaksioni i shprehin ndjenjat negative sikundër është
mllefi, frika dhe xhelozia. Gjatë zhvillimit ky reaksion ndryshohet, përsoset. Fëmija kah fundi
i muajit të dytë fillon të qajë me lot. Vaji gjthnjë e më tepër diferencohet, kështu që nëna me
pervojë shpesh mund të dijë se a është fëmija i uritur, i frikësuar apo është fjala për diqka
tjetër.
Vaji në muajt e parë është një mjet me anën e të cilit fëmija i pushton të rriturit.
Fëmija mësohet shpejt që me anën e vajit ta tërheqë vëmendjen e të tjerëve ndaj vetës dhe të
arrijë atë që dëshiron. Ai do ta shfrytëzojë atëherë kur e din se ndokush e përjeton, e ndien atë
vaj së bashku me të. Fëmija, kur gjendet vetëm dhe rrëzohet, ai zakonisht ngritet dhe vazhdon
të luajë. Ndërkaq, nëse gjendet aty afër nëna ose ndokush tjetër prej të rriturve që ndien
dhembshuri ndaj tij, ai do t’ia plasë vajit21.
20 Haskoviq, Mujo, Psikologj ,Sarajeve/Prishtinë, 2006, fq 70.21 Liljana Mileva, Kiril Kacarski - Psikologjia, Shkup, 2010, fq. 24
28
4.4. Mllefi
Te fëmijët e vegjël mllefi lind nëse pengohen aktivitetet e tyre, ose nëse nuk u
plotësohen dëshirat. Fjala është për pengimet fizike me rastin e të mbështjellurit, të veshurit,
formimit të shprehisë për tualet etj. Mllefin në këtë moshë e shkaktojnë edhe disa vështirësi
fizike, siç është urrejtja, vetmia, zënia e hundës, pelenat e lagëta etj. Kur të shfaqet ndonjë
pengesë, fëmija reagon me mllef. Sa më i madh të jetë fëmija, aq më i madh është numri i
situatave të cilat e shkaktojnë këtë emocion negativ22.
Bebja e mllefur bërtet, shqelmon, i ndalet fryma, skuqet. Fëmija pak më i madh
përveq këtyre formave, reagon edhe me fjalë- qorton dhe ,,përgjigjet’’. Gjatë rritjes reaksionet
kimike pakësohen, kurse rritet numri i atyre verbale, kështu që në kohën e pjekurisë
reaksionet fizike janë më të rralla. Agresionin e vet fëmija e drejton zakonisht ndaj objekteve
dhe personave, të cilët e shkaktojnë mllefin e tij. Shumë fëmijë qysh në moshë të hershme
fitojnë pervojë se me anë të mllefit mund ta tërheqin vëmendjen e të tjerëve ndaj vetes dhe t’i
realizojnë dëshirat e veta. Ndonjëherë i’a arrijnë qellimin që me sjellje agresive t’ua
imponojnë rrethit pushtetin dhe vullnetin e vet. Mirëpo nëse edukohen si duhet, ata do ta
kuptojnë se të rriturit nuk e durojnë mllefin dhe agresionin, se ata e ndalojnë atë madje dhe e
dënojnë. Në raste të tilla fëmijët zakonisht zgjedhin mjete dhe rrugë të tjera për t’ia dalë me
prindërit e tyre, kështu që heqin dorë prej mllefit dhe agresionit.
Mllefi është emocioni më i shpeshtë në kohën e fëmijërisë. Shpeshtësia e këtij
emocioni është më e madhe te djemtë, se sa te vajzat. Fëmijët janë më të ndjeshëm dhe
ngacmohen më lehtë, kur janë të uritur ose të sëmurë. Shpeshtësia e këtij emocioni varet edhe
prej rregullit shtepiak. Nëse të rriturit lejojnë që fëmija t’ia arrijë qellimet e veta, me sjellje të
quditshme, atëherë manifestimet e mllefit do të jenë më të shpeshta. Me largimin e shkaqeve
te mllefit mund të arrihet që se paku, të zvogëlohet shpeshtësia e shfaqjes së këtij emocioni.
Nëse është e pamundur që të largohet ajo që e shkakton paraqitjen e mllefit, atëherë fëmijëve
duhet t’u tregojmë se manifestimet e vrazhda të mllefit paraqesin një të metë. Edhe kur është i
mllefur fëmija, duhet të sillet siç duhet në pikëpamje sociale, ashtu siç kërkohet, si
parashtrohet në atë rreth.
22 Liljana Mileva, Kiril Kacarski - Psikologjia, Shkup, 2010, fq.26
29
4.5. Frika
Në vitet e para të jetës frikën e shkaktojnë gjërat, personat dhe situatat e panjohura
dhe të jashtëzakonshme. Mirëpo nuk është me rëndësi vetëm se çfarë është shkaktari, por
edhe në ç’mënyrë vepron ai. Ngjarjet dhe situatat e befasishme dhe të papritura janë më të
rëndësishme në të shkaktuarit e frikës. Fëmija frikohet prej çdo gjëje që shfaqet papritmas,
sidomos nëse ka të bëjë me përshtypje të fuqishme, siç janë: tingulli i fortë, të ndezurit dhe të
fikurit e dritës papritmas, ulurima dhe lëvizjet e kafshëve ne kopshtin zoologjik etj.23
Në vitet e para të jetës frika është reaksion ndaj gjërave konkrete dhe personave. Në
moshën 6 vjeqare e më tutje, këtë emocion e shkaktojnë qeniet dhe situatat e trilluara, joreale:
shtriga, gogoli, terri etj. Ndërkaq, pos kësaj, edhe fëmijët, edhe të rriturit mund të frikësohen
prej gjërave dhe situatave te llojllojshme prej gjarpërit, vozitjet në lift, ujit, qenit, vdekjes,
sëmundjes etj.
Nga analiza e formimit të frikës mund të dallojmë se shumë lloje të këtij emocioni
fëmijët i përkujtojnë me anën e të mësuarit. Eksperimenti i Uotsonit tregon se frika mund të
arrihet me anën e kushtëzimit. Mënyra e dytë e arritjes së frikës është bartja e drejtpërdrejtë
nga të tjerët. Mënyra e tretë është e lidhur me përjetime të pakëndshme, siç janë: marrja e
injeksioneve, mbytja në ujë, zjarret, kurse e katërta me disa mënyra të të frikësuarit që i
përdorin disa prindër si mjete edukative.
Për të luftuar kundër frikës përdoren dy lloje metodash- të parat në formë masash
preventive, kurse të dytat zbatohen për shërimin, zhdukjen e frikës, e cila tashmë është
krijuar.
Si masë preventive rekomandohet të larguarit e fëmijës nga situatat, të cilat
shkaktojnë frikën. Pasi që fëmija frikohet prej çdo gjëje të papritur, sa herë që të jetë e
mundur duhet ta përgatisim, kështu që të zvogëlohet efekti negativ i situatave të tilla. Nëse me
të bisedohet para se të dërgohet te mjeku, ai do të fitojë njëfarë sigurie. Para se të niset për
herë të parë në shkollë, fëmijën duhet ta njoftojmë me të gjitha detajet e punës shkollore.
Është me rëndësi që fëmija të mund të mbështetet në nënën në të gjitha çastet e vështira,
sidomos në moshën e tij më të re.
23 Berger S., Kathleen (18 February 2011). The Developing Person Through the Life Span (8th ed.). WorthPublishers. pp. 273–278.
30
Llojet e ndryshme të frikës shfaqen dhe zhduken pa ndonjë shërim të posaqëm. Frika
e fëmijës ndaj shumë situatave, personave dhe objekteve humb krahas me rritjen e përvojës së
tij. Frika nga njerëzit e panjohur p.sh., humb gjatë vitit të dytë. Frika e krijuar përkitazi me
ndonjë përjetim të pakëndshëm zvogëlohet me kalimin e kohës ,nëse ajo ngjarje nuk
përsëritet.
Në luftë kundër frikës nënat zakonisht e bëjnë sqarimin e situatave, të cilat e kanë
shkaktuar frikën si dhe kontaktimin e fëmijëve të frikësuar me atë situatë. Kjo metodë në të
shumtën e rasteve nuk ndihmon, mirëpo më mirë është të përdoret të paktën kjo, se sa mos të
ndërmerret asgjë. Një vogëlush 3 vjeqar (studimi I V.S. Qollanoviqit) nuk është frikësuar më
prej frizerit, pasi që babai i tij ka luajtur me të disa ditë i veshur me mantill të bardhë. Në këtë
rast kemi të bëjmë me lidhjen e të pakëndëshmes me të këndshmen, me procesin e
kushtëzimit, me ç’rast e pakëndshmja humbet nga dominimi i të këndshmes.
Prindërit dhe arsimtarët e përdorin nganjëherë talljen dhe detyrimet e ndryshme fizike
për ta shëruar fëmijën nga frika. Mirëpo këto mjete nuk janë efikase.
4.6. Xhelozia
24Xhelozia është emocioni më i shpeshtë te fëmijët. Qdo fëmijë është i etur për kujdes
dhe dashuri. Sipas disa psikologëve xhelozia ndërmjet vëllëzërve dhe motrave është e
paevitueshme. Shumica e fëmijëve ndodhen nganjëherë në situata të ndryshme, të cilat
shkaktojnë xhelozinë.
Situatat të cilat shkaktojnë xhelozinë përgjithësisht janë të njohura. Si p.sh nëse
ndonjë fëmijë në familje është i sëmurë, fëmijët e tjerë e humbin kujdesin e prindërve me të
cilin janë mësuar. Fëmija mund të preket posaqërisht nëse ndonjë gjë e tij, të cilin ai e don
shumë, i jepet tjeterkujt. Njëra ndër situatat që shkakton më së shpeshti xhelozinë është lindja
e fëmijës tjetër. Shkaku i kësaj xhelozie është drejtimi i tërë kujdesit të nënës ndaj fëmijës së
lindur, kështu që asaj i mbetet pak kohë për t’i kushtuar fëmijës më të madh.
Xhelozia manifestohet në mënyra të ndryshme, me ç’rast fëmija mund të reagojë dy
llojesh: haptazi ose fshehtazi. Reaksion të hapur paraqet sulmi në fëmijët e tjerë , qoftë fizikë
24 https://nehatbe.page.tl/%2AXhelozia-tek-femijet%2A.htm
31
ose verbal, kurse me reaksion të fshehtë kemi të bëjmë atëherë kur fëmija fillon të sillet në
mënyrë jo të rendomtë dhe të padëshirueshme, e cila në fillim duket se nuk ka lidhje me
xhelozinë. Fëmija xheloz fillon të bëlbëzojë, të frikësohet , refuzon për të ngrënë ose shfaq
siptomë të ndonjë semundjeje. Qdo fëmijë e shfaq xhelozinë në mënyrën e vet të posaçme,
varësisht prej asaj se cili reaksion vepron në mënyrë më efikase në personin për kujdesin e të
cilit fëmija ndien nevojë. Të gjitha këto reaksione të xhelozisë janë të pavetëdijshme.
Hulumtuesit kanë vërtetuar së femijët e gjinisë femërore janë më shpesh xhelozë se
ata të gjinisë mashkullore. Shkaku i këtij ndryshimi qëndron në atë se fëmijët mashkullorë
janë me të dëshirueshëm. Shpeshtësia e xhelozisë ndryshon varësisht prej moshe. Ajo për herë
të parë, paraqitet te fëmijët 18muajsh. Fëmijët nën këtë moshë janë aq të vegjël dhe të varur
prej të rriturve, sa që as nuk mund të paramendohet që të lihen pasdore, madje edhe nëse
lindë fëmija tjetër. Ndërmjet vitit të tretë dhe të katërt xhelozia shfaqet më së shpeshti ; më
tutje ajo zvogëlohet me rritjen, ndërsa në periudhën e adoleshencës shpeshtohet përsëri. Për ta
penguar shfaqjen e xhelozisë për shkak të lindjes së fëmijës tjetër , psikologët këshillojnë që
nëna çdo ditë t’ia kushtojë një kohë të caktuar vetëm fëmijës së madh ose prindërit t’u
shmangen krahasimeve dhe konstatimeve në dobi të ndonjërit prej tyre.
4.7. Simpatia
25 Gjatë vitit të parë dhe të dytë të jetës diferencohen emocionet e këndshme:
simpatia,entuziazmi, kënaqësia. Në vitin e parë të jetës fëmijët shfaqin dëshirë që t’i
lazdrojmë dhe t’i duajmë. Ata tregojnë simpati ndaj të rriturve. Në këtë moshë objekt i
simpatisë janë të rriturit, sidomos nëna. Në vitin e dytë lind simpatia ndaj vëllëzërve dhe
motrave, respektivisht ndaj fëmijëve në përgjithësi. Objekt emocionesh të tilla mund të jenë
edhe kafshët, gjësendet dhe lodrat. Në shkallën e mëvonshme të zhvillimit të këtij emocioni
objekt simpatie bëhen më tepër fëmijët e të njejtës moshë e gjini. Në këtë kohë zhvillohen
shoqëria e ngushtë dhe përkushtimi ndaj shokut respektivisht shoqes. Fëmijët e shprehin
dashurinë me përqafime e puthje. Këto manifestime janë sidomos të dallueshme te vajzat. Në
shkallën e tretë në pubertet dhe pas tij, objekt simpatie janë djemtë dhe vajzat e së njejtës
moshë, por të gjinisë së kundërt. Kjo simpati herët ose vonë qon drejt martesës dhe i jep fund
përkushtimit të fëmijës ndaj nënës, babait, shtëpisë prindërore. Njeriu që si fëmijë nuk ka
25 Juniku, Neki, Kaptina nga psikologjia, Prishtinë, 2005, fq.101
32
kapërcyer nepër këto faza mbetet i papjekur në pikëpamje emocionale, i lidhur së tepërmi për
prindërit dhe i paaftë ta krijojë familjen e vet.
26Kënaqësia, gëzimi, entuziazmi paraqiten në vitin e parë të jetës dhe shprehen së pari me
buzëqeshje, e më vonë edhe më të qeshur me zë. Mirëpo në këtë moshë nuk është e lehtë të
bëhet dallimi ndërmjet kënaqësisë, gëzimit dhe entuziazmit.. Si shprehje e gjendjes së
këndshme emocionale, buzëqeshja zhvillohet edhe vetë. Disa fëmijë prej tetë javësh mund të
buzëqeshin kur ta shohin personin tjetër. Buzëqeshja lidhet së shpejti me emocionet e
këndshme. Kur t’i mbushë dymbëdhjetë javë, fëmija mund të qeshë edhe me zë. Si
buzëqeshja, ashtu edhe qeshja me zë shfaqen më shpesh në prezencën e personave tjerë, se sa
kur fëmija është vetëm.
26 Juniku, Neki, Kaptina nga psikologjia, Prishtinë, 2005, fq.102
33
PËRFUNDIMI
Gjatë kujdesit për fëmijët dhe punës me to, është me rëndësi të kuptohet zhvillimi i tyre.
Është e pamundur të mendohet për përmbushjen e nevojave të fëmijëve nëse nuk e dini se çka
pritet prej fëmijëve, fjala bie, në raport me të menduarit, komunikimin, ndjenjat e tyre dhe
aftësitë fizike. Me lindjen e njeriut në fakt ndodhë një ndryshim i jashtëzakonshëm nga dy
qeliza të vogla, siç janë qeliza vezë dhe spermatozoidi, të cilat bashkohen gjatë fekondimit të
tyre, deri në një organizëm të ndërlikuar, siç është bebja pas lindjes. Pastaj, nga një qenie e
pandihmë gjatë lindjes deri në moshën 16-vjeçare fëmija ndryshon në një personalitet të ri
kompleks, i cili i ka të gjitha shkathtësitë e nevojshme themelore për jetë, duke përfshirë të
folurit, vrapimin, shkrimin dhe aftësinë që të mendohet në mënyrë abstrakte. Pesha rritet nga
3 deri në 4 kg, që është gjatë lindjes, deri në peshën mesatare prej 65 kg të një djali apo vajze
të re. Gjatësia, që gjatë lindjes është rreth 35 cm, ndryshon në më shumë se 155 cm. Nga një
bebe relativisht e palëvizshme, fëmija mund të ecë, të kërcejë dhe të ngjitet diku. Nga
pamundësia për të folur, fëmija përvetëson aftësi për të komunikuar. Nga një bebe plotësisht e
varur, fëmija mësohet që vetë të vishet, të ushqehet dhe të mendojë. Nga lëvizjet me hapje të
duarve dhe kapje automatike të gjithë asaj që i jepet në dorë, fëmija mësohet se si ta kapë dhe
përdorë lapsin, e pastaj zhvillohet që të mund të mbajë dhe përdorë stilolaps, kompjuterë dhe
pajisje tjetër teknike. Fëmijët kanë nevojë për mbështetje dhe ndihmë që ashtu të inkurajohet
zhvillimi i tyre në të gjitha fushat që i kemi shqyrtuar. Roli i të rriturve është që t’i mbështesin
fëmijët në zhvillimin e tyre. Kjo mbështetje nuk është e mundur pa një planifikim të
kujdesshëm. Planifikimi i mirë është i bazuar në të kuptuarit të detajuar të nevojave të të
gjithë fëmijëve të përfshirë. Në fund, mbani mend se që të zhvillohen deri në potencialin tij të
plotë, fëmijët kanë nevojë për mbështetje të madhe dhe udhëheqje prej njerëzve të tjerë në
jetët e tyre. Mossuksesi i përmbushjes së të gjitha nevojave të bebes mund të ketë pasoja
serioze ndaj zhvillimit të tij.
34
LITERATURA
- Haskoviq, Mujo, Psikologji, Sarajeve/Prishtinë, 2006
- American Psychiatric Association, (2013). Diagnostic and statistical manual ofmental disorders (5th ed.). Arlington, VA: American Psychiatric Publishing.
- Berger S., Kathleen (18 February 2011). The Developing Person Through theLife Span (8th ed.). Worth Publishers. pp. 273–278.
- Liljana Mileva, Kiril Kacarski - Psikologjia, Shkup, 2010. fq 24
- H. Rot - Psikologjia e përgjithshme, Beograd, 1985.
- Karaj, Theodori, Psikologjia e zhvillimit të fëmijes, Tiranë, 2005
- Elshani, Qazim, Edukimi fizik me metodologji, Prishtinë, 2012