verslag aan donateurs

1

RAILTON GEMEENSKAPSASSESSERING (GAP)

Railton Stigting en

die Universiteit Stellenbosch

NAVORSINGSVERSLAG VIR

DIE RAILTON STIGTING

November 2010

2

Navorsingspan: Sandy Lazarus

1 (Navorsingspan-leier), Tony Naidoo

2 (Navorsingspan Mede-

leier), Grant Demas2, Lorenza Williams

2, Deidre Sauls

3, Fiona Filander

3, Reagan Kamfer

3,

Annuske Klaasin3, Searle Korasie

3, en Jamie-Lee Martin

3, Basil May (Projekbestuurder).

1. Mediese Navorsingsraad/Universiteit van Wes-Kaap; 2. Stellenbosch Universiteit;

3. Railton Gemeenskap/Swellendam

Agter: Grant, Reagan, Sandy, Tony, Searle en Basil

Voor: Jamie-Lee, Deidré, Annuske, Fiona en Lorenza

3

DANKBETUIGING

Eerstens wil ons die Railton Stigting (Nederland), in besonder mnr. Thomas van der Ven, en die

Universiteit Stellenbosch bedank vir hul ruim finansiële ondersteuning tot hierdie projek. Mnr.

Basil May, koördineerder van die GAP projek, word in besonder bedank vir die belangrike rol

wat hy gespeel het om hierdie hele inisiatief “bymekaar te hou”.Die navorsing sou ook nie

moontlik gewees het sonder die deelname van die Railton-inwoners nie, asook die mense van

die verskillende dienssektore wat aan verskeie aktiwiteite binne hierdie projek deelgeneem het.

Ons hoop dat hierdie verslag en ander uitsette vanaf die navorsing verdere ontwikkeling binne

hierdie gemeenskap sal stimuleer en steun.

Ons wil graag die GAP Projek Adviserende Komitee (PAK) vir hul ondersteuning in die

ontwikkeling en implementering van hierdie samewerkende inisiatief bedank.

• Mnr. Basil May (Voorsitter)

• Mnr. Harry Prince (Sekretaris)

• Prof Sandy Lazarus (Navorsingspan leier)

• Prof Tony Naidoo (Mede- Navorsingspan leier)

• Me. Elizabeth Nelson (Verversings-koördineerder)

• Me. Frances Petersen (Bestuurder van die Thusong Sentrum)

• Me. Deidré Sauls (Administratiewe assistent: Navorsingspan)

• Me. Margaret Lotz (Lewens Oriëntering: Swellendam Sekondêre Skool)

• Me. Mary-Anne Juries (Lewens Oriëntering: Bontebok Primêre Skool)

• Mnr. Kosie Sefoor (Gemeenskapsleier)

• Me. Agnes Mbatyaswa (Gemeenskapsleier)

• Mnr. Grant Demas (Stellenbosch Universiteit Navorser)

• Me. Lorenza Williams (Stellenbosch Universiteit Navorser)

• Me. Jamie-Lee Martin (Railton Navorsingspanlid)

Me. Elizabeth Nelson word in besonder bedank dat sy die spyseniering tydens vergaderings en

ander geleenthede gedeon het. Haar onbaatsugtige diens en ondersteuning aan die

navorsingspan word hartlik waardeer.

Ons wil graag ons dank uitspreek aan die Rektor en personeel van die Universiteit Stellenbosch

wat op verskeie maniere tot hierdie projek bygedra het. Veral die volgende mense wat fondse,

hul kennis en vaardighede asook tyd opgeoffer het in hul amptelike, maar ook persoonlike

hoedanighede:

• Prof. Julian Smith (Vise-Rektor: Gemeenskapsinteraksie)

• Prof. Arnold van Zyl (Vise-Rektor: Navorsing)

• Dr. Jerome Slamat (Senior Direkteur: Gemeenskapsinteraksie)

• Prof. Tony Naidoo (Hoof: Sielkunde Departement)

• Me. Inge Scholtz (Prof. van Zyl se assistente)

• Me. Laetitia van der Merwe (Prof. Smith se assistente)

4

• Mev. Cecile Joubert (Prof. Naidoo se assistente)

• Mnr. Howard Gordon (Dr Slamat se assistent)

Die volgende lede van Stellenbosch Universiteit word vir hul direkte bydrae bedank:

• Claudia Alexander en Jamil Khan van die Sielkunde Departement, Universiteit

Stellenbosch, wat die data vanaf die gemeenskapsopname vraelys, vasgelê het.

• Sielkunde Departement, Universiteit Stellenbosch, vir vervoerkoste vir die

navorsingspanlede vanaf die universiteit om vergaderings, opleiding en werkswinkels in

Swellendam by te woon.

• Garth Stephenson van die Geografie Departement, Universiteit Stellenbosch, vir

raadpleging met GIS

ŉ Spesiale woord van dank word uitgespreek aan mnr. Maarten van der Ven, Voorsitter van die

Railton Stigting Raad Swellendam, wat die projek se finansies saam met mnr. Basil May bestuur

het. Saam met hom bedank ons ook die Raad vir die oorsig oor die projek en vir die voorsiening

van ŉ geouditeerde finansiële verslag nadat alle rekeninge vereffen is.

Ons bedank ook vir mnr. Jan Jansen, Burgermeester van Swellendam vir sy onbaatsugtige

ondersteuning aan hierdie projek. Danksy sy intervensie is munisipale fasiliteite soos die

burgermeesters-buitehuis by die munisipale kampterrein en die Thusong sentrum gratis of teen

ŉ nominale fooi gebruik. In hierdie verband wil ons ook eer betuig aan Me. Bernedette Scholtz

(Munisipale Verbinding-offisier), Me. Carmen Cupido (Waarnemende Burgermeesters-

sekretaresse) en Me. Frances Petersen (Bestuurder: Thusong sentrum) wat ons in vele opsigte

bygestaan het.

Ons is baie dankbaar vir SwellendamTV, en Me. Cathy van Eeden in besonder, vir hul

bereidwilligheid om ons navorsingsproses vrywilliglik op te neem en ŉ DVD te skep wat die

sleutelaspekte van die navorsing vasgelê het. Dit is ŉ waardevolle bron vir hierdie proses en

betoon eer aan die mense van Railton.

Ons bedank vir Mnre Japie Kellies (Waarnemende hoof: Swellendam Sekondêre Skool) en

Eugene van Niekerk (Adjunkhoof: Swellendam Sekondêre Skool) vir hul bereidwilligheid om die

navorsingspan toe te laat om die koshuis-saal te gebruik wanneer daar geen ander fasiliteite

binne Railton beskikbaar was nie.

‘n Verdere woord van dank gaan aan Me. Alma Jacobs vir die Afrikaanse vertaling van die

verslag uit die oorspronklike Engelse teks.

En laastens, die inhoud van hierdie verslag is ŉ produk van die kollektiewe werk van die Railton

Navorsingspan. Die span word bedank vir die uitmuntende toewyding en goeie werk gedurende

die GAP proses tydens 2010.

5

INHOUDSOPGAWE

Bladsy nommer

1. INLEIDING EN OORSIG 6

2. RAILTON GESKIEDENIS ONTVOU… 7

3. RAILTON SE GEMEENSKAPSBATES 8

4. PRIORITEIT-BEHOEFTES IN RAILTON 11

5. PRIORITEIT STRATEGIESE AREAS VIR GEMEENSKAPSAKSIE 15

6. KRITIESE ANALISE VAN NAVORSINGSDATA 20

7. AANBEVELINGS 22

8. TEN SLOTTE 25

6

1. INLEIDING EN OORSIG

Hierdie verslag is spesiaal vir die Railton Stigting as een van die vennote van die Railton

Gemeenskapsassessering-projek saamgestel, en bied ŉ opsomming van die navorsingsproses en

resultate wat gedurende 2010 gedoen is. Besonderhede van die proses, sowel as al die

resultate word in die hoof Navorsingsverslag gevind. Die hoofdoel van hierdie verslag aan die

Railton Stigting is om aanbevelings te maak vir aksie oor die volgende vyf jaar.

Hierdie verslag dek die volgende areas:

• Railton geskiedenis ontvou…

• Railton se gemeenskapsbates

• Prioriteit- behoeftes in Railton

• Prioriteit strategiese areas vir gemeenskapsaksie

• Kritiese analise vir navorsingsdata

• Aanbevelings

• Ten laaste, kommentaar

Die navorsingsdoelwitte en -vrae sal eerstens bespreek word, asook ‘n kort opsomming van die

navorsingsproses en –ontwerp, en daarna sal die bogenoemde fokus-areas hanteer word.

Die hoofdoel van die navorsing was om ŉ gemeenskapsassessering in Railton, binne

Swellendam, uit te voer om die gemeenskap en die Railton Stigting by te staan om

prioriteitsareas vir gemeenskapsontwikkeling te identifiseer. Hierdie doel is nagestreef deur die

kartering van gemeenskapsbates (insluitende sterkpunte en hulpbronne), sowel as die

assesseringsproses van prioriteits-behoeftes. Spesifieke navorsingsvrae het die volgende

ingesluit:

• Watter belangrike geskiedkundige gebeure, sowel as inligting moet in ag geneem word

om die sosio- kulturele- ekonomiese konteks van Railton te verstaan?

• Wat is die sterkpunte, bates en hulpbronne wat tans bydra tot

gemeenskapsontwikkeling binne Railton?

• Wat is die waargenome prioriteits-behoeftes met betrekking tot

gemeenskapsontwikkeling binne Railton?

• Op grond van bogenoemde, wat is die prioriteits-strategiese areas vir gemeenskapsaksie

oor die volgende paar jaar, en hoe kan huidige bates en sterkpunte gebruik word om

geïdentifiseerde behoeftes aan te spreek?

Hierdie navorsing is uitgevoer binne ŉ Gemeenskapsgebaseerde Deelnemende Navorsing

(GGDN) benadering. GGDN is ŉ deelnemende benadering tot navorsing wat alle vennote binne

die navorsingsproses insluit en die unieke sterkpunte wat elkeen bring, erken. GGDN begin met

ŉ navorsingsontwerp wat van belang is vir die gemeenskap met die doel om kennis en aksie vir

sosiale verandering bymekaar te bring.

7

Die GAP navorsingspan het bestaan uit elf lede, onder die leiding van mnr. Basil May, Professore

Sandy Lazarus en Tony Naidoo, tesame met twee doktorale studente vanaf Stellenbosch

Universiteit (die ander vennoot in hierdie projek) en ses jongmense van die Railton-

gemeenskap. Die span was getrou aan die GGDN-benadering en het vanaf Februarie tot

November 2010 saamgewerk en hul kennis en vaardighede gedeel. Hierdie samewerking het die

volgende omvat: Hulle het die navorsing saam beplan; dit in die gemeenskap uitgevoer; die

data-analise is saam gedoen; en die span het hul kollektiewe ervaring en insigte gebruik om

aanbevelings vir aksie in die gemeenskap en die Railton Stigting te maak.

Die navorsingsproses het uit die volgende 10 fases bestaan:

1. Voorbereiding

2. Historiese en huidige konteks-analise

3. Werkswinkels vir die kartering van Gemeenskapsbates (met Jeug, Volwassenes,

Oueres, en Dienssektore): 66 deelnemers in totaal

4. Uitvoer van opnames (insluitend jeug en volwassenes vanuit 200 huishoudings,

vanuit alle sones binne Railton)

5. Onderhoude met sleutelinformante (saam met 29 bykomende belanghebbendes)

6. Foto-stories

7. GIS Kartering van Gemeenskapsbates

8. Algehele analise van data (saamvoeging rondom die vier navorsingsdoelstellings)

9. Aanbiedings oor resultate en aanbevelings vir gemeenskap

10. Uitsette (gemeenskap feiteblad, navorsingsverslae en ŉ gemeenskapshandleiding)

Vervolgens word die opsomming van die navorsingsresultate weergegee, en spesifieke

aanbevelings vir die Railton Stigting in terme van aksie vir die volgende vyf jaar.

2. RAILTON GESKIEDENIS ONTVOU…

Die inligting verkry van die oueres (werkswinkels), die jeug (skool-opstelle), onderhoude en

dokumentasie, het die volgende opsomming tot gevolg gehad…

Tussen 1922 en 1925 het ŉ groepie gesinne hulle in die area, nou bekend as Railton,

Swellendam, gevestig. Een van hierdie gesinne was die Bloemfontein’e. Na die nuwe wetgewing

van die 1950’s en die Groepsgebiede wet, is Railton verklaar tot ŉ gebied vir gekleurde mense.

Dit het veroorsaak dat baie mense vanaf die dorp Swellendam na Railton moes verhuis. Die

gemeenskap was ŉ hegte groep vanaf die vroeë 1960’s tot 1980’s en geleenthede soos

konserte, mode-parades, atletiek, trompoppies en saamtrek-byeenkomste, was aan die orde

van die dag. Die gemeenskap het oor die jare gegroei en bestaan tans uit meer as 20 000

inwoners. Die eenheid wat voorheen geheers het, is egter nie meer so sterk nie, aangesien baie

mense Railton verlaat en elders gaan woon het, terwyl ander weer Railton hul nuwe tuiste

gemaak het. Alhoewel die gemeenskap al baie hartseer-insidente beleef het, soos die

busongeluk van 1975 (28 mense is dood) sowel as die huidige dwelmmisbruik en fisiese geweld,

het Railton steeds baie om te vier. Baie ontwikkeling het die afgelope jare plaasgevind: Twee

8

skole is gebou, ŉ dorpsbiblioteek, dagsorgsentrums, ŉ paar kerkgeboue ŉ gemeenskapsaal en

die Thusong-meerdoelige sentrum, om net ŉ paar positiewe bydrae van

gemeenskapsontwikkeling te noem. Baie mense het ook sukses behaal op die gebied van sport,

akademie en die besigheidswêreld. Railton is waarlik ŉ sterk gemeenskap en streef steeds na ŉ

beter lewe vir sy inwoners.

3. RAILTON SE GEMEENSKAPSBATES

Die navorsingsvraag wat hierdie deel van die navorsing gerig het, was: Wat is die sterkpunte,

bates of hulpbronne wat bydra tot gemeenskapsontwikkeling binne Railton? Bates kan

omskryf word as daardie hulpbronne en sterkpunte wat deur die gemeenskapdeelnemers,

binne hul gemeenskap, so geag word. Dit kan fasiliteite, mense, waardes, gedeelde ervarings of

gemeenskapsprosesse, insluit.

Die data-insameling wat met hierdie deel van die navorsing gepaard gegaan het, was

werkswinkels met oueres, jeug, volwassenes en diensverskaffers (66 mense in totaal), vraelyste

aan die gemeenskap (200 huishoudings, jeug en volwassenes vanuit elke deel van Railton), en

onderhoude met 29 sleutelinformante. In totaal het 295 mense van die Railton-gemeenskap hul

sienings oor die navorsingsvraag gedeel.

Die finale proses van triangulering van verskillende data-insamelings metodes, het die volgende

gemeenskapsbates in Railton/Swellendam identifiseer:

Tabel 1: Gemeenskapsbates: Vergelyking van resultate: Verskillende metodes

Kategorieë Spesifieke bates Werkswinkels Vraelyste Onderhoude

Geboue/strukture Gemeenskapsaal

Strate, huise

Sportgronde

Thusong sentrum

√

√

√

√

√

√

√

√

√

√

Gesondheidsdienste Hospitaal √ √ √

Kliniek √ √ √

Mediese hulp √

Menslik sterkpunte Talente √ √ √

Menslike potensiaal √ √ √

Opvoedkundige dienste en

projekte

Skole √ √ √

Volwasse Basiese

Opvoeding en

Onderrig (VBOO)

klasse

√ √ √

9

Buitemuurse

aktiwiteite

√

Kategorieë Spesifieke bates Werkswinkels Vraelyste Onderhoude

Gemeenskapsgroepe en -

organisasies

Gemeenskapsprojekte √ √ √

Love life √ √

Diere Beskermings

Vereniging (DBV)

√ √ √

HIV projek √ √

Organisatoriese

samewerking

√ √

Kulturele en erfenis

projek

√

Openbare werke

programme

√

Slagoffer

ondersteuning

√

Vulindlela projek √

Leierskap, afrigting en

lewensvaardigheid

kursusse

√

Regeringstrukture en –

dienste

Biblioteek √ √ √

SAPD √ √ √

Poskantoor √ √ √

Elektrisiteit √

Weegbrug √ √

Geloofsgebaseerde

organisasies

Kerke √ √ √

Vermaaklikheid Sportsgronde √ √

Dansgroepe √ √

Huis van Kuns √

“Games shop” √

Sport √ √

Natuurlike en geboude

omgewing

Die berg √ √ √

Waterval √

Natuurreservaat

(Bontebok park)

√ √ √

10

Skougronde √ √

Hotel/ B&B’S √ √

Ekonomie/Besigheid/Werk B&B’s/ hotel √ √ √

Winkels √ √ √

Restaurante √ √

Wanneer ons na die gekombineerde data-analise van die verskillende metodes kyk, is dit

duidelik dat die gemeenskap die volgende as die belangrikste bates in Railton sien:

• Geboue/strukture, veral strate, huise en die Thusong gemeenskapsentrum

• Gesondheid, insluitend die hospitaal en kliniek

• Menslike sterkpunte, met die fokus op talente en menslike potensiaal

• Opvoedkundige dienste en projekte, veral skole en volwasse onderrig-klasse

• Gemeenskapsgroepe en -organisasies, sluit verskillende projekte in

• Regeringstrukture en -dienste, veral die biblioteek, SAPD en die poskantoor

• Geloofsgebaseerde organisasies, veral kerkgenootskappe

• Natuurlike en beboude omgewing, veral berg en natuurreservate

• Ekonomie/Besigheid/Werk, veral winkels en plekke vir toeriste (hotelle, B&B’s en

restaurante)

• Vermaaklikheid

Die volgende opsomming van die resultate is by die gemeenskapsvergadering op 24 September

2010 aan die gemeenskap weergegee.

Tabel 2: Opsomming van die resultate: Bates, sterkpunte of hulpbronne in Railton

Bates Genoemde voorbeelde

Geboue/strukture Gemeenskapsaal; Thusong-sentrum;

sportgronde; strate; huise

Gesondheidsdienste Hospitaal; kliniek

Menslike sterkpunte Talente; menslike potensiaal

Opvoedkundige dienste en projekte Skole; Volwasse Basiese Opvoeding en Onderrig

(VBOO) klasse

Gemeenskapsgroepe en -organisasies Diere Beskermings Vereniging; “Love-life”-

projek

Regeringstrukture en -dienste Dorpsbiblioteek; Suid Afrikaanse Polisie Diens

11

4. PRIORITEIT-BEHOEFTES IN RAILTON

Die navorsingsvraag wat hierdie deel van die navorsing gerig het, was: Wat is die

prioriteitsbehoeftes met betrekking tot gemeenskapsontwikkeling in Railton? Die data-

insameling wat met hierdie deel van die navorsing gepaard gegaan het, was werkswinkels met

oueres, jeug, volwassenes en diensverskaffers (66 mense in totaal), vraelyste aan die

gemeenskap (200 huishoudings, jeug en volwassenes vanuit elke deel van Railton), en

onderhoude met 29 sleutelinformante. In totaal het 295 mense vanuit Railton hul sienings oor

die navorsingsvraag gedeel.

Die finale proses van triangulering van die verskillende data-insamelingsmetodes, het die

volgende prioriteitsbehoeftes in Railton/Swellendam identifiseer:

Tabel 3: Prioriteitsbehoeftes in Railton:

Vergelyking van resultate regoor verskillende metodes

Kategorieë Spesifieke

behoeftes

Werkswinkels Vraelyste Onderhoude

Voorsiening van voedsel Kos vir

minderbevoorregte

mense

√ √ √

Sopkombuise √ √ √

Voedingskemas √

Jeug-ontwikkeling Jeugsentrum √ √ √

Jeugprojekte √ √

Opleidings-

geleenthede vir die

jeug

√

(SAPD); poskantoor

Geloofsgebaseerde organisasies Verskillende kerkgenootskappe

Vermaaklikheid Sportgronde; sportklub; dansgroepe

Natuurlike en geboude omgewing Die berg; natuurreservaat (bv. Bontebok park)

Ekonomie/Besigheid/Werk B&B’s; hotel; winkels

12

Kulturele aktiwiteite Moet Railton en

Swellendam se

geskiedenis insluit

√ √ √

Erfenisdag viering √ √


behoeftes


Kulturele aktiwiteite Sport fasiliteite/

kompetisies

√ √

Verskillende

kulture te eer

√

Besighede en werk Werksgeleenthede √ √ √

Voortgesette

landbou

√ √

Geleenthede √ √

Bakkery √ √

Geloof Kerkkore / kerk-

aktiwiteite

√ √ √

Huisbesoeke deur

kerke

√ √

Gesondheidsdienste Gesondheid-

sentrum

√ √ √

Beter samewerking

tussen kliniek

personeel en

samewerking

√ √

Beradingseenheid

en advieskantoor

√ √ √

Professionele hulp √ √

Opvoedkunde en

vaardigheidsontwikkeling

Meer skole in

Railton

√ √ √

Dagsorgsentrums √ √ √

Meer onderwysers √ √ √

13

Tuiswerkhulp- en

toesig

√ √ √

Verdere opleiding √ √

Geleenthede vir

opleiding

√ √ √


behoeftes


Respek vir self en

ander

√ √ √

Werkswinkels oor

ouerskap

√ √ √

Vermaaklikheid Ontspannings-

geriewe

√ √ √

Drama/kuns klubs √ √ √

Musieksentrum/

klasse

√ √ √

Klubs

√ √

Winkelsentrum √ √ √

Speletjies sentrum √ √

Gemeenskapsfasiliteite Swembad √ √ √

Ouetehuis √ √ √

Opgradering /meer

speelgronde

√ √

Bioskoop

√ √

Beter

kommunikasie/

samewerking

tussen organisasies

√ √ √

Aanwending van

die ou

gevangenis/tronk

vir verskeie doel-

eindes

√ √

14

Gemeenskapsinfrastruktuur Meer huise √ √ √

Teerpaaie √ √ √

Goedkoper vervoer √ √

Bruikbare/skoon

toilette

√ √ √


behoeftes


Maatskaplike dienste Beter sorg vir

bejaardes

√ √ √

Beter

polisiedienste

√ √ √

Veiligheid √ √

Rehabilitasie-

sentrum

√ √

Ondersteuning vir

alkoholverslaafdes

√

Morele ontwikkeling Leierskap √ √ √

Respek vir self en

ander

√ √ √

Liefde en vrede √ √

Bemoediging om

drome en

doelwitte na te

streef

√ √ √

ŉ Gevoel van

samehorigheid

(gemeenskap)

√

Die bogenoemde tabel weerspieël die prioriteit-behoeftes wat deur die deelnemers

geïdentifiseer is:

• Besighede en werk, veral werkverskaffing

• Die voorsiening van voedsel, veral aan die minderbevoorregte kinders

• Gemeenskapsinfrastruktuur, byvoorbeeld huise en paaie

• Gesondheidsdienste, insluitend berading

• Maatskaplike dienste, veral alkohol- en dwelmmisbruik

• Polisiedienste om veiligheid te bevorder

• Opvoeding en die ontwikkeling van vaardighede

15

• Jeugontwikkeling, veral ‘n jeug-sentrum

• Gemeenskapsfasiliteite, insluitend ‘n swembad vir Railton en ‘n ouetehuis

• Beter samewerking tussen organisasies

• Geloof/geestelike aktiwiteite

• Kulturele aktiwiteite, wat spesifiek daarop sal fokus om die geskiedenis van Railton te

ontwikkel

• Vermaaklikheid/ontspanningfasiliteite

• Morele ontwikkeling

Die volgende opsomming van die prioriteitsbehoeftes is by die gemeenskapsvergadering op 24

September 2010 aan die gemeenskap weergegee:

Tabel 4: Opsomming van analise oor prioriteit-behoeftes in Railton

Behoeftes Genoemde voorbeelde

Voorsiening van voedsel Voedingskemas en sopkombuise

Jeug-ontwikkeling Jeugsentrum; jeugprojekte; opleidingsgeleenthede vir die

jeug

Kulturele aktiwiteite Moet Railton en Swellendam se geskiedenis insluit

Besighede en werk Werkgeleenthede; winkelsentrum

Geloof Kerkkore; kerk-aktiwiteite

Gesondheidsdienste Gesondheidsentrum; beradingseenheid en advieskantoor

Opvoeding Meer skole en dagsorgsentrums in Railton self; meer

onderwysers

Behoeftes met betrekking tot

die mens

Opleidingsgeleenthede; leierskap en ontwikkeling

Vermaaklikheid Ontspanningsgeriewe; dans-, drama- en kunslesse;

musieksentrum

Gemeenskapsfasiliteite Swembad; ouetehuis; opgradering van sportfasiliteite

Gemeenskapsinfrastruktuur Teerpaaie; meer en beter kwaliteit behuising; gebruik die

ou gevangenis vir verskeie doele (opleidingsentrum)

Maatskaplike dienste Beter polisiedienste; beter sorg vir die oueres; rehabilitasie

(alkohol en dwelms)

Morele ontwikkeling Respek vir self en ander; werkswinkels oor ouerskap;

bemoediging om drome en doelwitte na te streef

5. PRIORITEIT-STRATEGIESE AREAS VIR GEMEENSKAPSAKSIE

Die navorsingsvraag wat hierdie deel van die navorsing gerig het, was: Wat is die prioriteit-

strategiese areas met betrekking tot gemeenskapsaksie in Railton? Die data-insameling wat

met hierdie deel van die navorsing gepaard gegaan het, was werkswinkels met oueres, jeug,

volwassenes en diensverskaffers, vraelyste aan die gemeenskap, en onderhoude met

16

sleutelinformante. Die finale proses van triangulering van verskillende data-insamelings

metodes, het die volgende prioriteit-strategiese areas in Railton/Swellendam identifiseer:

Tabel 5: Prioriteit gemeenskapsaksie: Vergelyking van resultate regoor verskillende metodes

Kategorieë Spesifieke aksies Werkswinkels Vraelyste Onderhoude

Samewerking Verbeter samewerking

tussen

Geloofsgebaseerde

organisasies en skole

√ √

Gebruik Swellendam se

natuurlike hulpbronne

√ √

Geloofgebaseerde

organisasies en kerke

moet saamwerk

√ √

Bevorder samewerking

tussen organisasies

√ √

Fasiliteer integrasie

tussen rasse en sosiale

klasse

√

Bevorder integrasie

tussen skole

√ √

Opvoedkundige- en


Ekologiese skole √ √

Meer en beter

toegeruste skole

√ √ √

Rus die biblioteek toe

en gebruik dit meer

√ √

Kursusse om

vaardighede te

ontwikkel

√ √

Vermaaklikheid en

sportgeriewe

Swembad in Railton √ √ √

Oefensentrum in

Railton (in Thusong)

√ √

Ontspanningsgeriewe/

insluitend “gameshop”

√ √ √

Beter speelparke en

sportgronde

√ √ √

17

Vakansie-oord √ √

Gebruik Thusong meer √ √

Gebruik die natuurlike

omgewing

√ √


Jeug-ontwikkeling Jeugsentrum √ √ √

Geleenthede om die

jeug se talente ten

toon te stel

√ √ √

Beveg tiener-

swangerskap

√ √

Omgee vir die

jeug/kinders

√ √

Jeugprojekte √ √ √

Kulturele aktiwiteite en

fasiliteite

Musiek-, dans en

drama-klasse

√ √ √

Gemeenskapskoor √ √

Ontwikkel klubs en

verenigings

√ √ √

Gesondheidsdienste Opgradering van

hospitaal/kliniek

√ √

Rehabilitasie-sentrum √ √ √

Beter sorg vir oueres

√ √

Holistiese

gesondheidsdienste

√ √ √

Psigo-sosiale dienste

vir families

√ √ √

Regeringsdienste en

maatskaplike

ontwikkeling

Elektrisiteit vir almal √ √ √

Teerpaaie; spoedbulte √ √ √

Verbeter binnelandse

sake- dienste

√ √

18

Ouetehuis in Railton √ √

Kom beloftes na √ √

Opgradering van die

afdraaipadtot Railton

√


Regeringsdienste en

maatskaplike

ontwikkeling

Ontwikkel Railton se

infrastruktuur sodat dit

op dieselfde standaard

as die res van

Swellendam kan wees

√

Besigheidsgeleenthede en

ekonomiese ontwikkeling

Bou ‘n winkelsentrum √ √ √

Skep werkgeleenthede √ √ √

Bakkery √

Fabrieke in

Swellendam

√ √ √

Versekerdheid van

voedsel

Voedingskemas √ √ √

Sopkombuis √

Behuising Toilette binne alle

huise

√ √ √

Maak informele

nedersettings kleiner

√ √

Beter kwaliteit

behuising

√

Morele ontwikkeling Programme wat

waardes soos respek

bevorder

√ √ √

Programme wat

eenheid bevorder

√ √

Deel ouerskap/om vir

die kinders in ons

gemeenskap om te gee

√ √ √

Programme vir morele

ontwikkeling

√ √

19

Gee erkenning aan

rolmodelle in Railton

(Heldesaal in Thusong)

√


Veiligheid en sekuriteit Verbeter

polisiedienste/

polisiestasie in Railton

√ √ √

Los meer misdade op √

Maak sjebeens toe √ √

Veilige paaie √

In die lig van die bogenoemde tabel, is die volgende kern-areas vir gemeenskapsaksie oor die

volgende vyf jaar, geïdentifiseer:

• Verbeterde samewerking tussen groepe en organisasie in Railton/Swellendam

• Opvoedkundige- en vaardigheidsontwikkeling, veral meer en beter toegeruste skole

• Ontspannings-fasiliteite, insluitend ŉ swembad in Railton, asook verskeie ander

ontspannings-fasiliteite en sportgronde

• Jeug-ontwikkeling, veral daarop gefokus om die jonges se talente te ontwikkel, die

ontwikkeling van projekte wat op die jeug fokus, en die skep van ŉ jeugsentrum

• Kulturele aktiwiteite en fasiliteite, insluitend verskeie klubs en verenigings

• Gesondheidsdienste, veral gefokus op holistiese gesondheidsdienste, psigo-sosiale

dienste, en ŉ rehabilitasie sentrum om alkohol- en dwelmmisbruik aan te spreek

• Ander regeringsdienste wat daarop gefokus is om infrastruktuur in Railton te verbeter

• Ekonomiese ontwikkeling, met die doel om werksgeleenthede binne Railton te skep

• Voorsiening van voedsel

• Veiligheid en sekuriteit

• Morele ontwikkeling, gefokus op die bevordering van respek, omgee en kohesie in die

gemeenskap.

Die volgende opsomming van die prioriteit-aksies wat vir die volgende vyf jaar voorgestel word,

is by die gemeenskapsvergadering op 24 September 2010 aan die gemeenskap weergegee:

Tabel 6: Opsomming van analise oor prioriteit gemeenskapaksies in Railton

Aksie Genoemde voorbeelde

Opvoedkundige- en


Meer skole; beter toerusting in skole; kursusse om

vaardighede te ontwikkel

Vermaaklikheid en Swembad in Railton; ontspanningsgeriewe; beter

20

sportgeriewe speelparke en sportgronde

Jeug-ontwikkeling Jeugsentrum; jeug-projekte; geleenthede om die talente

van jonges te ontwikkel en geleenthede vir die talentvolle

jonges om op te tree

Kulturele aktiwiteite en

fasiliteite

Musiek-, dans en drama-klasse; ontwikkel klubs en

verenigings; samewerking tussen kerkgenootskappe

Gesondheidsdienste Rehabilitasie-sentrum (dwelm- en alkohol misbruik;

holistiese gesondheidsdienste

Regeringsdienste en

maatskaplike ontwikkeling

Teerpaaie; spoedbulte bou; elektrisiteit vir almal;

ouetehuis

Besigheidsgeleenthede en

ekonomiese ontwikkeling

Winkelsentrum in Railton; skep werksgeleenthede;

Fabrieke in Swellendam

Voorsiening van voedsel Voedingskemas

Behuising Meer en beter kwaliteit behuising; die vermindering van

informele nedersettings

Morele ontwikkeling Programme wat waardes soos respek en eenheid

bevorder; werkswinkels oor ouerskap

Veiligheid en sekuriteit Satelliet-polisiestasie in Railton

6. KRITIESE ANALISE VAN NAVORSINGSDATA

In ŉ poging om aanbevelings vir die Railton-Stigting te identifiseer, het die GAP navorsingspan ŉ

kritiese analise van die navorsingsdata gedoen om sodoende prioriteite vir die volgende vyf jaar

te identifiseer. Die navorsingspan het daarop gefokus om ‘tussen die lyne te lees’ om

sleutelkwessies uit te lig wat die ‘stemme van Railton’ weergee. Die beginsels van

gemeenskapsontwikkeling en geregtigheid is ook deurgaans in ag geneem. Die volgende

belangrike punte is geïdentifiseer:

• Dit blyk uit die opname dat baie gemeenskapslede voel asof hulle nie ‘raakgesien’ word

nie, veral in terme van basiese infrastruktuur en die lewering van regeringsdienste (bv.

behuising en paaie). Rakende hierdie kwessies beleef die mense van Railton baie

wanhoop en min-agting.

• Dit is duidelik dat werkloosheid en ander kwessies wat met armoede verband hou (soos

honger) uiters belangrike uitdagings binne Railton is. Hierdie armoede kan op verskeie

maniere gesien word, maar is veral sigbaar in die vorm van strukturele geweld. Dit is

21

verstaanbaar dat die aanbevelings sterk op die areas van werkskepping en ander basiese

menslike kwessies fokus.

• Dit het uit die navorsing geblyk dat daar ‘n sielkundige afstand tussen Railton en die res

van Swellendam bestaan. Hierdie skeiding het ‘n historiese basis en word aangevuur

deur rasse-dinamiek, verskille in sosiale klas en politieke verskille. Die oueres het veral

gepraat oor die verwaarlooste sosiale strukture wat deur die gruweldade van apartheid,

soos die groepsverwydering, veroorsaak is, maar ook die onlangse ontwikkeling rondom

die dwelm- en alkoholmisbruik en verhoogde voorkoms van geweld in die gemeenskap.

Baie mense voel dat hierdie kwessies belangrik is en dat hierdie sake aangespreek moet

word.

• Die impak van apartheid het tot groot skade gelei vir die mense van Railton/Swellendam,

veral die menslike siel en die gemeenskap se sosiale strukture, soos belig deur die ouer

geslag van die gemeenskap. Die persoonlike skade sluit in geïnternaliseerde

onderdrukking wat Fanon (1968) verduidelik het as ŉ proses waar mense self die agente

van onderdrukking in hul eie lewe word. Mense wat in onderdrukte gemeenskappe (bv.

Ons apartheid-geskiedenis) gebly het, ervaar baie keer geïnternaliseerde onderdrukking

wat daartoe kan lei dat die persoon destruktief mag optree teenoor homself, sowel as

lede van die familie en gemeenskap. Dit hou in baie gevalle verband met dwelm-

en/alkoholmisbruik, psigiatriese versteurings, geweld en misdaad. Wanneer die konsep

van historiese trauma verstaan word, bied dit ŉ raamwerk om hierdie dinamiek binne en

buite Suid-Afrika te verstaan. Historiese trauma word gedefinieer as kumulatiewe

emosionele en sielkundige wonde wat oor ŉ leeftyd, asook regoor generasies opgedoen

word as gevolg van traumatiese groep-ervarings. Sommige het genoem dat dit belangrik

is om jou koloniale geskiedenis te verstaan, veral die kolonialisering van die lewende

wêreld van mense binne en buite gekolonialiseerde kontekste, veral die geestelike en

sielkundige wond (sielswond) en inter- generasionele trauma wat dit as gevolg gehad het

(Duran en Duran, 1995). Dit is dus noodsaaklik dat die geskiedenis van Railton

gedokumenteer word as deel van die gemeenskap se identiteit.

• In die opname het die deelnemers van die hoofsaaklik informele nedersetting-area in

Railton en waar die meeste IsiXhosa-sprekende bevolking leef, genoem dat hulle

gemarginaliseer voel binne Railton, sowel as die groter Swellendam-omgewing.

• Baie mense in die gemeenskap het genoem dat hulle nie voel dat die bejaardes in die

gemeenskap goed versorg word nie. Om die rede is ’n ouetehuis deur vele mense sterk

aanbeveel.

• Baie deelnemers in hierdie studie het op die jeug gefokus, met spesifieke verwysing na

areas van kwesbaarheid vir negatiewe gedrag te make met die blootstelling aan

dwelmmiddels. Die deelnemers het ook die volgende kwessies uitgelig: ŉ Gebrek aan

alternatiewe maniere “om-te-voel-dat-jy-behoort”; aanbevelings rakende opvoeding en

opleiding om persoonlike gedrag te bevorder; en, die voorsiening van

ontspanningsgeleenthede, insluitend sport.

• Alhoewel die gemeenskapsassessering op Railton gefokus het, is dit duidelik dat

deelnemers voel dat daar baie bates in Swellendam is en dat hierdie bates aan hulle ook

behoort. Daar is egter deelnemers wat voel dat sommige van hierdie bates (bv. die

polisiestasie en winkelsentrum) in Railton self moet wees.

22

• Dit blyk dat die kerk ‘n belangrike rol in die lewens van baie mense in Railton, speel. Dit

is ‘n belangrike hulpbron in die gemeenskap, maar daar bestaan ook uitdagings, veral

met betrekking tot die behoefte van beter samewerking tussen kerkgenootskappe (en

ander geloofgebaseerde organisasies) tot voordeel van die gemeenskap.

• Die rol van gesondheid- en maatskaplike dienste in die ontwikkeling van Railton, is deur

baie deelnemers genoem. Hierdie dienste word as bates in die gemeenskap gesien, maar

verbeterde dienste en verdere ondersteuning is uitgelig.

• Baie deelnemers het die natuurlike omgewing as ‘n belangrike bate gesien. Naas die

natuurskoon van die Railton/ Swellendam-omgewing het die mense van die gemeenskap

ook die geleenthede om die natuur, aarde en hul gemeenskaplike grond te geniet en te

waardeer.

• Ongeag die uitdagings en behoeftes wat in hierdie navorsing geïdentifiseer is, is dit

belangrik om te noem dat die navorsing ook hoop en trots in Railton bevorder het en dat

baie deelnemers hul drome vir die gemeenskap gedeel het.

7. AANBEVELINGS

Die resultate wat in die vorige afdelings genoem is, bied ‘n duidelike beeld van

gemeenskapsaksie in Railton vir die volgende vyf jaar en daarna. Die areas wat geïdentifiseer is,

moet oorweeg en verder ondersoek word deur enigeen wat ‘n bydrae wil lewer tot die

ontwikkeling van Railton.

7.1 Algemene beginsels

Projekte wat geïdentifiseer word vir fisiese, asook ondersteuning in enige ander vorm, moet die

volgende algemene kriteria (sommige of almal) nakom:

• Skep ‘n omgewing waar die ondersteuning van gemeenskapsontwikkeling bevorder

word

• Ondersteun veral leierskap en bestuursontwikkeling van kern-individue en projekte,

asook organisasies wat die gemeenskap dien

• Ondersteun samewerking of relevante organisasies en groepe om verskeie uitdagings

binne die gemeenskap, aan te spreek

• Wees realisties ten opsigte van werklikhede wat in die konteks voorkom

• Bou aspekte in wat die projek oor ‘n lang tydperk volhoubaar sal maak

• Bou voort op bestaande sterkpunte van die gemeenskap - benut die gemeenskapsbates

• Ondersteun bestaande belowende projekte en aktiwiteite

• Ondersteun en ontwikkel werkskepping waar moontlik, hetsy deur indiensneming (waar

dit finansieel moontlik en van toepassing sal wees) en /of die ontwikkeling van

vaardighede wat indiensnemingsmoontlikhede sal verbeter

• Ondersteun betaalde indiensneming van sleutelmense in projekte van die Railton

Stigting om goeie leierskap, bestuur en verantwoording te verseker

23

• Gebruik reeds bekende leiers in die gemeenskap, maar ook belowende talentvolle

mense en leiers om by die Railton Stigting se strukture en projekte betrokke te raak

• Moedig mense aan om vrywillige werk te doen wat onderlinge ondersteuning en omgee

tussen mense bevorder.

7.2 Aanvanklike prioriteit vir aksie (2011 … en verder)

Die eerste prioriteit is om die ontwikkeling van ‘n “gemeenskapsontwikkeling infrastruktuur”

te ondersteun.

• Voorsiening van leierskap en bestuur ontwikkelingsgeleenthede aan lede van die Railton

Stigting.

• Voorsiening van leierskap en bestuursopleiding aan kern-leiers van bestaande projekte

en organisasies (formeel en informeel).

• Bogenoemde opleiding sluit netwerkingsvaardighede in, wat daarop gemik is om

samewerking en algemene uitdagings aan te spreek

• Om voortdurende ondersteuning aan projek- en organisasie leiers te verskaf

• Die skep of ondersteuning van forums of taakspanne om relevante organisasies te help

om saam te werk rondom spesifieke uitdagings in die gemeenskap. ‘n Moontlike

voorbeeld wat genoem kan word is die voorgestelde Geestelike en Geloofbate-Studie

van die Mediese Navorsingsraad/UNISA en Veiligheid en Vrede Bevorderings

Navorsingseenheid. Hierdie instansies wil met Railton onderhandel oor ‘n projek wat

fokus op die geloof- en geestelike bates wat vrede en veiligheid sal bevorder. Hierdie

projek is gemik daarop om veral mans - vir wie die risiko hoër is om oortreders van die

wet, sowel as slagoffers te word -, te ondersteun. Hierdie instansies sal saam met alle

Geloofsgebaseerde organisasies, die polisie en ander relevante regerings- en nie-

regeringsstrukture werk om die uitdaging van veiligheid en vrede aan te spreek.

• Bevordering van vrywillige werk en omgee binne die gemeenskap. Dit word voorgestel

dat die jeug van Railton wat deur die Beursfonds ondersteun word, deel word van ‘n

georganiseerde vrywillige werkprogram, onder die vaandel van die Railton Stigting, wat

hulle sal verbind met ander gemeenskapsprojekte binne Railton. Hul betrokkenheid sal

bepaal word deur die aantal jare wat hulle deur die Stigting ondersteun is.

• Bevorder gemeenskapstrots en genesing: Dit word voorgestel dat die geskiedenis-

projek wat deur die GAP navorsingsproses begin is, voortgesit en verder ontwikkel word.

7.3 Fokusareas vir prioriteitsaksie

Die volgende areas vir prioriteitsaksie is deur die GAP navorsingsproses geïdentifiseer op grond

van die analisering van die gemeenskapsassessering se navosingsresultate. Sommige van hierdie

areas fokus op die bestaande sterkpunte en vermoëns van die gemeenskap.

24

• Ontwikkeling van leierskap: Vir die jeug en gemeenskapsleiers in Railton (sien

bogenoemde).

• Samewerking tussen organisasies: Ondersteun organisasies om saam te werk om

belangrike kwessies aan te spreek (sien bogenoemde).

• Samewerking tussen skole: Ondersteun pogings van verskeie skole binne Railton

/Swellendam om saam te werk – ondersteun jeug-ontwikkeling (sien onder), sowel as

gemeenskapsontwikkeling.

• Jeug-ontwikkeling: Sluit in die ontwikkeling van leierskap, benutting van jongmense se

talente, voorsiening van ontspanning en vermaaklikheid, kulturele aktiwiteite, en sport...

hierdie pogings sal die ontwikkeling van ŉ positiewe selfbeeld van die jongmense in

Railton bevorder en beskerming kan bied teen negatiewe gedrag soos alkohol- en

dwelmmisbruik.

• Opvoeding en ontwikkeling van vaardighede: Voorsien verskeie geleenthede vir

ontwikkeling wat verband hou met leierskap en bestuur (sien bogenoemde), sowel as

werkskeppingsvaardighede.

• Kuns en kultuur: Ondersteun verskeie kulturele aktiwiteite (dans, musiek, kuns, sport,

geskiedenis/erfenis, ens.) ... wat sal help met die ontwikkeling van ŉ positiewe selfbeeld

van die jongmense in Railton, en beskerming kan bied teen negatiewe gedrag. Die

geskiedenisprojek (waarna bo verwys is) kan as só ŉ area gesien word, aangesien dit ŉ

kanaal kan bied vir genesing (veral van die apartheid in die verlede) en

gemeenskapstrots kan bevorder.

• Gesondheid- en maatskaplike ontwikkeling: Om inisiatiewe wat die belangrikste

gesondheid- en maatskaplike ontwikkeling in die gemeenskap aanspreek, te ondersteun,

bv. die verligting van armoede, werkskepping, alkohol- en dwelmmisbruik, sowel as

geweld.

• Infrastruktuur: Om indirek die ontwikkeling van infrastruktuur (bv. behuising en paaie)

binne die gemeenskap waar moontlik te ondersteun.

7.4 Verdere navorsing

Daar is vele navorsingsmoontlikhede wat vanuit hierdie gemeenskapsassessering vloei. Die

volgende voorstelle word gemaak vir beide akademiese en gemeenskapsnavorsers wat graag ‘n

beter verstaan wil bekom en ‘n bydrae wil lewer om die uitdagings aan te spreek en die

positiewe gemeenskapsontwikkeling van Railton/Swellendam te bevorder:

• Die gemeenskapsassesseringproses wat in die Gemeenskapshandleiding - een van die

GAP navorsingsuitsette - bespreek word, kan in ander gemeenskappe binne Suid-Afrika,

maar ook nog verder, uitgevoer word.

• Die GGDN-benadering wat in die GAP navorsing gebruik is, kan as ‘n gemeenskap-

intervensie op sy eie, nagevors word. Dit sluit die kartering van gemeenskapsbates wat

in die proses gebruik is, in. Dit is duidelik uit die literatuur en praktiese ervarings dat

25

hierdie benadering tot navorsing ‘n belangrike verskil kan maak deur die waardes en

beginsels waardeur dit gerig word.

• Die gemeenskapsinteraksie-proses wat tussen Stellenbosch Universiteit en die Railton

Stigting bestaan, kan ondersoek word om vas te stel hoe, en of dit bydra tot positiewe

gemeenskapsontwikkeling.

• Die assesseringsproses, wat op prioriteit- bates en behoeftes gefokus het, kan verder

uitgebrei word deur spesifieke studies wat op verskeie aspekte van Railton/Swellendam

fokus. Dit kan byvoorbeeld op een spesifieke bate (bv. geloof- en geestelike bates) fokus

om ‘n spesifieke uitdaging binne die gemeenskap aan te spreek.

• Die uitdaging van samewerking tussen amptelike en nie-regerings organisasies en ander

groepe wat Railton bedien, is duidelik in hierdie navorsing geïdentifiseer. Studies wat

hierdie dinamiek van samewerking kan ondersoek, word benodig. Indien hierdie studies

‘n “sterkpunte”-benadering sou aanneem, kan dit bydra tot die ontwikkeling en beter

samewerking en koördinering, wat op sy beurt kan veroorsaak dat daar meer effektiewe

intervensies rondom kern-uitdagings van die gemeenskap kan plaasvind.

7.5 Railton Stigting

Ten slotte word die volgende aanbeveling met betrekking tot die prosedures en strukture

van die Railton Stigting in Railton/Swellendam, aangebied:

• Dit word voorgestel dat die basiese beginsels wat aan die begin weergegee is, tesame

met ander beginsels wat reeds deur die Stigting geïdentifiseer is, sal dien as kriteria om

projekte te assesseer wat finansiële of enige ander vorm van ondersteuning, vanaf die

Stigting verlang, asook om nuwe projekte te identifiseer.

• Dit word voorgestel dat finansies so bestuur word dat plaaslike inwoners

indiensgeneem word om projekte wat deur die Stigting ondersteun word, te lei en te

bestuur. Fondse moet ook beskikbaar gestel word sodat kundige/tegniese hulp wat

benodig word om projekte te lei, bekom kan word.

• Dit word voorgestel dat ‘n leierskap en bestuursopleidingsprogram ontwikkel word en

aan die lede van die Railton Stigting, asook mense wat projekte lei, beskikbaar gestel

word om hul vermoëns te bou en om verantwoording binne projekte te bevorder.

• Dit word voorgestel dat ‘n Railton Stigtingskantoor geopen word. Hierdie kantoor kan

dien as ‘n stoorplek vir die toerusting reeds bekom en gebruik deur die lede van die

Railton Stigting. Dit kan ook gebruik word vir alle Stigtings- en projekvergaderings en kan

ook dien as ‘n plek waar die gemeenskap en organisatoriese leiers kan gaan indien hulle

ondersteuning benodig.

• Dit word voorgestel dat die vennootskap tussen die Railton Stigting en Stellenbosch

Universiteit voortgesit word ná die GAP navorsingsproses (Desember 2010 en verder).

26

8. TEN SLOTTE

Ons hoop dat hierdie navorsing bygedra het tot die insig oor sterkpunte en uitdagings van die

Railton-gemeenskap en dat die ‘stem’ van die gemeenskap gehoor is: Deur voorsiening te maak

vir gemeenskapslede om te praat oor wat hulle nodig het en watter aksies geneem kan word

om hul behoeftes aan te spreek.

Indien ons getrou wil bly aan die GGDN-benadering is dit belangrik dat daar ‘n beweging vanaf

data na aksie is. Dit beteken dat die vennote moet verseker dat beide ‘n navorsings- en aksie

opvolg van die GAP navorsingproses gedoen word. Ons hoop dat dit tot positiewe verandering

in die Railton gemeenskap en Swellendam as geheel, sal lei. Ons hoop ook dat dit sal lei tot die

nodige genesing van Railton/Swellendam – van die seer van die verlede sowel as die

voortdurende sosio-ekonomiese uitdagings, en dat ons saam, ‘n gemeenskap sal bou wat

waarlik omgee. Ons kan rolmodelle vir Suid- Afrika word!

Die Railton Stigting het en speel steeds ‘n belangrike rol in hierdie opwindende uitdaging. Die

Stigting voorsien strukture en mense van onmeetbare waarde om effektiewe en aktiewe

ondersteuning aan die gemeenskap te bied. Die Universiteit Stellenbosch het ook onlangs ‘n

belangrike rol in die Railton-gemeenskap gespeel. Ons hoop dat beide vennote betrokke sal bly

(in passie en op ander maniere) in die ontwikkeling van die gemeenskap deur effektiewe

gemeenskapsinteraksie.

20 November 2010

GAP navorsingspan

verslag aan donateurs

Documents