Bingana 16:3

Wegila Nzambi yigima yi wu zola guhanga

ebuna ma plan meyi mu ma ga nunga.

Bingana 17 : 5

Mbi mu seya sukami wuseya Nzambi

Mutu wu na kala yi gieshi mu mwila yi pashi yi hatu

Ma gadidadila

Bingana 18:10

Zina di Fumu Nzambi diena nzu di neni

Mutu Mutu gwa na swamina yigonsa gogu.

Bingana 19:17

Mutu wu na gapila a sukami yima

Ana defisa gwena Fumu Nzambi

Ma ga mu hongulushila mu dangu di pimbu

Yingana 20 : 22 Gia guhosa mbe: mu du ga gudala

Sa mudjima gwena Fumu wu nvula yi nvula, ebuna ma ga gu hulusa. Yingana 22 : 1

Jina di lugumu diyida mishete mi yinvwama mu gineni; mbi hatu ma gu gumbula gwena pimbu yingi guhida mbongu yi wola. Yingana 21:3 Guhangila mambote yi gukala pimbu yi agwenu gu hida pimbu gu mesu ma Fumu wu nvula yi nvula, guhida mi kahilu. Yingana 23 : 17 Gwega lo mudjima weyi mu buga yi hatu masumu kansi wufugu yi wufugu shila Fumu wu nvula yi nvula mudjima. Yingana 24 : 29 Guhosa lo mbe mu gadala gweyi gi ga gusa Nzambi wu ga vuga kanu yi konso mutu mu mutindji wendji.

Yingana 25 : 21 Mbi mbeni weyi mefwa nzala, muwi kadu A di Mbi mefwa puisa yi mema, muwi mema ma gunwa.

Yingana 26 : 20 Mbi kuni mu jiawa, twiya kega mu du jimuga mbi gudena hatu mu gwawa, mavwanga kega mu ma waluga. Yingana 27 : 2 Wega mutu mweka a gushigishi, gudishigisa lo Munzezi a gushigishi, ayi mweni lo shela. Yingana 28 : 25 Mwimi ma gudusanga ma vwanga Kansi mutu wu shila Fumu wu nvula yi nvula mudjima ma ga nunga. Yingana 29 : 14 Mbi Mudimanu ma vugila sukami pandji pimbu pimbu gifumu giendji gigweda gi gakala. Yingana 31 : 30 Gipini gi gu mesu mu gi gada gufuda hatu Mugosuna, Mugosuna ena yo was mudjima gwena Fumu wu nvula yi nvula. Mikunga 23 :1 Malako 1 : 16 - 17 Fumu ena Vungi womi, lo yi gagonda gima lo. Mu gu hida finama yi zanga di mema di Galili, Yesu a dala Simoni yi munawu Andele gumbanga wu gondji mu mema; gisalu giowu gusuwa asha.

Yesu mbe: Dambienu ebuna Mi ga nugidula Asuwi a hatu.

Malako 3 :14 - 15 Yesu a galendigidi a longuki guba yi ziadi, apostolo, mwila yi gu kala yi yendi ebuna m' aduma mu gusamuna ti gukala yi giyeka gi guhanga mpeve jibi. Malako 4 : 35 Wufugu awo, dangu gingweshi di giabwa, Yesu ambila alongugi endji mbe: « dwenu gu shimu di mema. » Malako 5 : 19 Yesu ambila mutu wa gahulushidi mbe: nda gu nzu' ayi, gwena anenu, alombulushilenu yigima yi nuhangilishila Fumu wu nvu na nvu, mutindu wa ngwifila khenda.

Malako 6 : 56 Gosu gihani gi gendanga Yesu, mu dikala dimbu di jigijigi, dimbu di neni mbi lo mu gibanzala eni manu mesa gu mu netila akashi. Ma mu wondjila mbe agami gowu ada gazagu ngendji buna, konso mutu ayo wu mugama magola gwendji. Malako 7 : 20 Yima yi na sumugisa mutu yigada guduga mu mudjima wendji. Malako 8 : 34 - 35 Ebuna, Yesu alendjiga gibuka gi hatu yi a longuki endji mbe: "mbi mutu ma zola gu mu laba, wu feti gu di dada ebuna ma zangula kulunsi yendji, ebuna ma ndaba. Mwila konso mutu wu zola gu hulusa moni wendji, ma ga wubidisa, kansi konso mutu wu bidisa luzingu lwendji mwila yi Ami yi Pandji Yomi ma ga huluga."

Malako 9 : 50 Mongu pimbu wena, kansi mbi mu dibidisa gudwa, ki wulenda gu wongulusa kega gudwa gu mongu? Kalenu yi mongu, ebuna dalanga nenu mu ngemba. Malako 10 : 45 Mwila Muna Mutu a geshidi mwila gu sadisa hatu, lo a geshidi lo mwila hatu gu gumusadisa. A geshidi mwila yi guhana moni wendji mu gu gula hatu engi. Malako 11 : 25 Ebuna, dangu di wena mu mugidji gusambanga, mbi wena yi pandji yi mutu mwifidi khenda mwila mbe Dada wei wena gu wulu ma gwifila khenda. Ma gadula masumu mei. Malako 12 : 29 - 31 O Iselele degidila, Fumu wu nvula yi nvula, Nzambi wedu, Fumu wu nvula yi nvula ena Umoshi. Zolenu Fumu wu nvula yi nvula Nzambi wenu mu mudjima wenu wu nvimba, yi mu moni wenu wu nvimba, mu mabanza menu ma nvimba yi mu ngolu zienu ji gima. Ebuna, yimbadi yena guzola mugwenu ishi gi wu na dizola ayi mweni. Lo gwena yi shigu ji hida aji jiadi mu wuneni lo. Malako 13 : 31 Yesu mbe: "Wulu yi Manu mu ma gabila kansi Pandji yomi lo yi gabila lo."

Malako 13 :33 Gebenu, mogenu, sambenu, mwila lo nwishi lo ufugu wu gwisa gu Fumu Yesu. Malako 13 : 36 Mbi Yesu mesa guhonguluga mu gitulumugila, A gondji gu gushigila wu bida. Yi na gu gwambila, Yi na gwambila mutu mugima: geba! Malako 14 : 7 Yesu mbe: "A sukami ma ga zinga yi enu, ebuna nu fwana gu asadisa konso dangu adio di nu zola. Kansi lo Ami yi ga zinga dimbu dimoshi yi enu dangu digima." Malako 14 : 34 Yesu ambila a longi endji mbe: "Mudjima giswigidila, ntantu pila lo ti lufwa. Salenu aha ebuna sambenu. Yezaya 50 : 4 Fumu wa Fumu wu nvula yi nvula wupa ludimi lu gu longugila mwila yi gwishiya pandji yi gu sadisanga hatu ena midjima gu wulu. Ma gu zangulusanga kela yi kela Ma benda diadu mwila yi gudegidila ishi mutu wa na longa. Yezaya 53 : 4 Gu gigidi, makashi medu A ga dambudidi ebuna A senda ntatu jiedu Mu du gawoshidi mbe Nzambu wu mu wa ndola. Yezaya 55 : 12 E, mu gieshi nu gaduga. Yi ngemba nu gabula gu jinga; mindonda mi neni yi mi djigi djigi mi ga nushila milolu ebuna midondu migima mi mushidu mi ga nubudila miogu. Kolosai 1 : 3 Dangu di gima mu du na donda Nzambi, dangu di du na nusambila. Kolosai 2 : 3 Mwena Yesu mu ga swama yivwama yi mayedi ti ngangu jigima. Kolosai 3 : 17 Konso gima gi wunahanga mu gukala gima gi muganu mbi lo gi gu miogu nu fedji guhanga yi gima mu jina di Fumu wu nvula yi nvula, enu gu hananga madodu gwena Nzambi Dada mu Yesu.

Yerimiya 31 : 34 Mu mafugu ma gumesu, lo mutu a ga longa mugwawu, mbi lo mutu ma longa mu nawu mbe: "Gubula Fumu wu nvula yi nvula" mwila a gima ma ga ngishiya yandjiga hatu pamba ti hatu a neni Fumu wu nvula yi nvula wagula agiogi mbe: Ami mi gefila hatu a midjima mibi khenda ebuna lo yi ga bambuga kega masumo mowu ata fioti lo. Kolosai 4 : 2 - 4 Dihanienu mu yisambu, di gebienu ebuna kalenu yi mudjima wu gudonda. Du sambidienu keka mbe Nzambi a gangudi gielu mwila yi malongi medu mwila mbe du longi gi swegi gi Yesu,gia shila mi niotu. Sambidienu mbe ndongi puelele shela mutindu wi fidji gulongila. Malako 11 : 9 Hatu a ga kedingi gu mesu yi a ga kedingi gu dima gu galu luganga mbe: Hosanna (Hulusa) A godi, A mani nvu, A di ubongu Ayu wesa mu jina di Fumu wu nvula yi nvula. Malako 14 : 28 Yesu mbe: "gudima di guzanguluga gomi mu bafwa, Yi ga hida gu Galili mwila gu nu mena. Yoani 13 : 16 Mu guhasa gu pimbu, lo gwena yi mutu gisalu wu hida ngana fumu wendi mu lugumu lo gwena yi ngenji wu hida fumu wu mudumini . Malako 14 : 31 Petelo ambila Yesu mbe: "Ada agima ma guduna, Ami lo yi ga guduna lo". Yesu a mu hongulushila mbe: "Mwanio - e mu pipa - kogu yi gogula gadi mbala jiadi lo, Ayi mu gatuna mbala ji sadu". Gola, Maitre! Gola, Directeur! Malako 15 : 33 - 34 Gaduga mu midi tii mu 3 heures di gingweshi, pipa yingi yibwila manu ma nvimba. Mu 3 heures di gi ngweshi, Yesu a dila mu zu di gola shela mbe: "Eloi, Eloi lama sabachtani? - Gisongidila mbe, "Dadomi, Dadomi, mwila yigi wuthada. Malako 15 : 43 Yosefu, mutu wu dimbu Adimatea, membre di ginvuga gi a Yuda. Yosefu ma gamenanga gifuma gi Nzambi ebuna Aya mu gigesa gi gima gwena Pilatu mbe A muwi mwila wu Yesu.

Malako 16 : 6 b Yesu wena yi Moni. Gigidi Unzanguluga! Malako 16 : 15 Ebuna Yesu ambila a longugi mbe: Ndenu mu manu magima longenu Sangu ji Pimbu gwena maganda ma gima. Yoani 20 : 21 Yesu ambila Alongugi mbe: "Ngemba yikadi yenu! Mutindu wu gatumini Dada, mutindu wu moshi wowo Ami yi nu duma." Yoani 20 : 31 Ayi yigima yisonama mwila nu gwigidi mbe Yesu ena Fumu (Kristo), ena Muna Nzambi mbi mu mu gwigila, mu kala yi moni mu zina diendi. Yoani 21 : 5 - 6 Yesu a hula A longuki endi mbe: Ana, lo nwena yi gima gu dia lo? Owu mbe: lo ve. Yendi mbe: wumbenu mukonde (filet) wuso wu gidada wanga watu nge nu gami a sha. O mba bukonde mu mema, ebuna lo aga kedi yi ngolu ji gudusa bukonde mu mema mwila a sha a zala paa. Yoani 21 : 19 c "...dangu adidi, Yesu ambila Petelo mbe: 'Ndabi'. " Luka 24 : 45 Ebuna Yesu a gangula butonfu wanga a longuki mbadi mwila yi gwishiya Pandji Nzambi. Luka 24 : 45 Ebuna Yesu a gangula butonfu wanga a longuki mbadi mwila yi gwishiya Pandji Nzambi. Matai 28 : 18 - 20 Yesu ambila a Longuki endji guba yi moshi mbe: "Yi dambula giyega gigima gi gu Wulu yi gi mu Manu. Ebuna dangu di nu gubula gwenda, gidulenu hatu a Membu magima a Longuki Omi, nu a bodjigi mu jina di Dada yi di Mwana yi di Mpeve Longo, ebuna nu a longi gu lenvuga yima yi gima yi ga nwambididi. Ebuna gu gigidi Ami yena yi Enu dangu di gima, ti gu suga suga di dangu. Bisalu 1 : 8 Kansi mu nu ga dambula ngolu ji Mpeve ya Longo ebuna mu nu giduga a temwe Omi gu Yelusalemi, mu Yuda wu nvimba, gu Samalia ti gu suga di Manu.

Bisalu 9 : 15 Fumu wu nvula yi nvula ambila Ananias mbe: "Yinda! Saulu ena mutu womi Yi musola mwila mbe aneti jina diomi gwena a Pagani yenga a Fumu manu ti AshiMi Iseleli. Mi ya mu lesa mu tindu wiki a ga dala pashi mu mwila yi jina diomi". 1 Kolinto 15 : 3 - 4 Paul mbe, " Kristu a ga fidi mwila yi masumu medu ishi gi du na danga mu Masonukwa A mu ziga, gu dima di mafuga masadu Yesu a zanguluga mu lufwa ishi gi du na danga mu masonukw. 1 Kolinto 15 : 14 Mbe Yesu a gondji gu zanguluga mu lufwa lo, malongi medu mambidi gukala ma pamba, lugwigilu lwenu kega lu kalanga lupamba gowu. 1 Kolinto 15 : 40 Gwena yi mila mi wulu ebuna gwena kega yi mila mi manu; mila mi gu wulu mi gu ngenganga mutindu weka mi gu manu kega mi di kela. 1 Kolinto 16 : 13 - 14 Hangamanenu, gamenu lukwigilu, kalenu Hatu a gikesa, gola. Hanga yima yigima yi zola. 2 Kolinto 1 : 3 - 4 Lugumu lukadi lu Nzambi Dada wu Fumu wedu Yesu Kristu, Dada wu Khenda, Nzambi Mubombi wu gada gu du bomba mu pashi jiedu ji gima mwila mbe edu mu du senda ngolu ji du wa Nzambi Mu du ji bombila Hatu a wowu a dala pashi. 2 Kolinto 4 : 16 Giogiogi, lo dwena mudjima gu wulu ve. Ada mwila gu bulu luganga kansi konso wufugu moni wedu wena mbe shela. 2 Kolinto 5 : 7 Du na jinga mu lugwigilu. Lo du na jingila mu yima yi du na dala yi mesu ma gimutu lo. 2 Kolinto 8 : 9 Enu, Nwishi khenda ji Fumu wedu Yesu Kristu ada Yendi aga kedi nvwama, kansi mwila yi Enu A di gidula sukami, mwila mbe mu mbuga yi gi sukami giendi, Enu nu vwami. 2 Kolinto 9 : 8 Nzambi wena yi ngolu ji gu gwifila khenda mwila mbe mu gadji ga pandji jigima, dangu di gima, nu kadi yi yigima yi nwena yo funu mwila mbe mu nu dihana gigola mu gusadisa konso dangu. 2 Corinthians 9 : 15 Madondu gwena Nzambi, mwila yi mabula mendi maneni.

2 Kolinto 11 : 30 Paulu mbe: "mbi Yi feti gu dishigisa, Yi feti gu dishigisa mu mbuga yi gu digulumusa. 2 Kolinto 12 : 9 b Kenda jiomi ji gulungila mwila ngolu jiomi ji gada gu moniga dangu di wena pete-pete. 2 Kolinto 13 14 Wega khenda ji Fumu Yesu Kristu, yanga zola di Nzambi yi gwifangana di Mpeve Longo di kadi yi yenu. Galatia 1 : 3 - 5 Khenda yi ngemba ji Nzambi Dada wedu, Fumu Yesu Kristu jikadi yi enu ( Ma Bundu ma Galatia). Fumu Yesu kristu wu ga dihanini ye mweni mwila yi masumu m' edu, A du wulusa mu mambi ma mafugu ama mebi ishi giena luzolu lu Nzambi Dada wedu. Lugumu lu nvula yi nvula gwena Yendi. Amen Galatia 1:21 Gwena Ami, Kristu ena luzingu lomi ebuna lufwa lwena lufudu lomi. Galatia 2 : 20 Yi ga fwa tunda a kulunsi hama amoshu yanga Yesu, ebuna, lo yi na jinga keka lo, kansi Kristu wu na jinga mu moni womi. Luzingu mu mwila womi, yi na zinga mu lukwikula gwena Muna Nzambi wu ga nzodidi, ebuna A dihana mwila yi ami. Galatia 3 : 13 Kristu wu ga du lagula (gadula, ga du sumba). Gu shinza gu ga waluga. Christu wu ga vwada gu shinza gwedu. A ga soniga mbe: "Konso mutu wa fwa awulu di kulunsi ena mutu wa ga shinza. Galatia 4 : 4 Kansi dangu mu di galungidi, Nzambi a dumisa munendi, wu gadugidi mu vumu di mugosuna, mu dangu di Luwawanu di Tunda mwila yi gu hulusa A wowu ena mu pashi mwila yi mu gu dugidula penza Ana Nzambi. Galatia 5 : 25 Mwila Mpeve Longo wu na du jingisa, pimbu du di hani gwena Mpeve. Galatia 6 : 2 Mbi mu nu nedjisangana gilemu wosa mbe nu nungisa shigu ji Kristu. Efeso 1 : 3 Lugumu gwena Nzambi, Dada wu Fumu Yesu Kristu wu ga du sagumuna gu wulu gu gima yi lusagumunu lugima mu Kristu.

Efeso 2 : 8 - 9 Mu khenda A ga duhulushidi, mu lukwikilu gudi mu ngolu ziedu edu mweni lo, gwena mabula ma Nzambi, lo gwena yi mutu wu fwana gu di shigisa lo. Efeso 3 : 16 Mi na samba mbe mu khenda ziendi ji neni, Nzambi a nu wi ngolu mu lusadisu lu Mpeve yi Longu mu moni wenu. Efeso 4 : 3 Sa ngolu jigima mwila yi gugeba givuga gi Kimpeve mu lusadisu lu ngemba. Efeso 5 : 1 - 2 Labenu, Nzambi mwila nwena Anendi A ga zola gwingi shela ebuna jingenu lujingu lu gu zola ngana mutindu wu moshi ishi Yesu a ga du zodidi ebuna a dihana ishi madiashi ma gisulu gi pimbu, kayilu gwena Nzambi mwila yi edu. Efeso 6 : 18 Sambenu mu buga yi Mpeve Longo dangu di gima; sambenu yisambu yi mutindu yi mutindu, yi gu bondidilanga. Di hanienu mudjima wu nvimba. Sambilenu A Kristu agima. Filipo 1 : 6 Yi gwigididi penza mbe Ayu wu yandjigidi gisalu agi gipimbu mu midjima mienu, ma ga gi laba tii ma ga gimanisa mu wu fugu wu Yesu Kristu. Filipo 2:5 Wega mudjima wenu wufwana ngani mutindu wu moshi yi mudjima wu Kristu Yesu Filipo 3:10 - 11 Ami yi zola gwishiya Kristu ebuna yi ngolu ji ga mu zangulushidi mu lufwa ebuna yi gwishiya pasahi jiendi yi gu giduga ishi Yendi mu lfwa lwendi mwila mbe mi gafwa Yendi ma zangulusa. Filipo 4 : 4 - 7 Kalenu yi gieshi mu Fumu, dangu di gima. Mi go hosulula kega: kalenu yi gieshi! Lesenu mudjima wu pimbu gwena hatu a gima. Fumu finama ena. Gukala mudjima gu wulu mwila ada yi gima gi moshi lo, kanshi mu ga gima ga gima, mu buga yi gusamba ebuna lombilu, yanga madondu, wambila Nzambi zala yenu. Ebuna ngemba yi Nzambi yi hida mayedi magima mu yigeba midjima yi ma banza menu mu Kristu Yesu. Kolosai 1 : 11 Mu ngolu ji lugumu lu Nzambi, kalenu yi ngolu mu luzingu lu gima mwila mbe mu nu vibidila ebuna enu gu gandanga midjima. Kolosai 2 : 6 Ebuna ishi nu ga gumbula Kristu Yesu, Fumu, jingenu yi Yendi.

Kolosai 3 : 17 Konso gima gi nu na hanga gi mu ganu mbi lo gi gu miogu hangenu yigima mu jina di Fumu Yesu wanenu madondu gwena Nzambi Dada. Kolosai 4 : 2 Gandamanenu mu yi sambu, sungiminenu yi midjima mi madondu. 1 Tesalonika 1:2 Mu du na donda Nzambi dangu di gima mwila yi enu, ebuna edu gu nu danganga mu yisambu yedu. 1 Tesalonika 2 : 13 Ebuna du na donda Nzambi dangu di gima mu mwila dangu di nu ga dambu didi panji Nzambi yi nu gefidi mu ganu diedu lo nu ga di dambu didi ishi panji yi Hatu, kansi ishi panji yi gigidi shela, panji Nzambi. Enu nwena ana Nzambi nu ga yi gumbula. 1 Tesalonika 3 : 12 Wega Fumu a nu zadishi yi zola diendi, nu zola ngani, zolenu hatu eka mutindu wu du na nu zola. 1 Tesalonika 4 : 14 Du gwigila mbe Yesu ma gafidi ebuna A zanguluga kega, ebuna Du gwigila mbe Nzambi ma ga zanglusa kega, hama amoshi yi Yesu, A gwigidi awo a gafidi. 2 Tesalonika 1 : 3 Dangu di gima du fweti gu donda Nzambi mwila yi enu, anedu, gi gidi shela mu mwila lugwigilu lwenu mu di na gula gwingi ebuna guzolana gwenu gu luma gigola. 2 Kolosai 2:16-17 Wega Fumu wedu Yesu Kristu Ye Mweni, yanga Nzambi Dada wedu wu ga du zodidi ebuna mu khenda jiendi A du wa gigesa gi nvula yi nvula yi givuvu gi pimbu A nu wi gigesa yi ngolu mu panji yi zu di pimbu.2 Tesalonika 3:1 Mu guwosa gu nsuka, Anedu du sambidienu mbe pandji yi Fumu yi mwangani swalu a gugu ebuna hatu a yi gumbudi ishi gi yi gakedi gwimbu dienu. 1 Timote 1:14 Fumu Yesu Kristu ma ngifi didi khenda jingi a pa lugwigilu yi zola diendi. 1 Timote 2:5

Ngenj ena umoshi a gadji ga hatu yi Nzambi jina diendi Yesu Kristu wu gadihanini mwila yi gu gula hatu

agima, gu gi gidi.

1 Timote 3:1 Dala pandji pandji: Mbi mutu ma vuga mu mudjima wendji a hangidi Nzambi gisalu, gwena pimbu. 1 Timote 4:14 Gwimbila lo mabula ma Nzambi mo ga dambudidi mu ganu di a mbikudi dangu diambuda dibundu diagagushidi miogu. 1 Timote 5:22 Wu digebi 1 Timote 6:8 Mbi dwena yi kadu yi miledi, pimbu buna. 2 Timote 1:3 Mi na hana matondu gwena Nzambi . Mi na mu hangila mutindu wu ga mu hangididi a Kaka jiomi. Mi na nwibuga mu yi sambu mu mwani yi mu pipa. 2 Timote 2:1-3 Tegu mi na hosa mbe nu sambidi, nu lombidi, nu wondjidi, nu hani madondu gwena Nzambi mwila yi hatu agima, a fumu, hatu agima ena yi giyega gineni mwila mbe du jingi mu ngemba, du bwishi midjima, mu gizanbi ti lujidu. Agi giena pimbu yi gieshi gu mesu ma Nzambi, Nvulushi wedu wu na gumbula mbe hatu agina a hulugi ebuna eshiyi malongi ma gigidi. 2 Timote 3:16-17 Pandji Nzambi yigima yena yi Nzambi yina sadisa mu gulonga, mu gu gebisa a gwenu, mu guhangiga yifu, mu gu longa masonga, mwila mbe mutu Nzambi ma hangamana mwila guhang mambote. 2 Timote 4:7 Yi ga nwana nvida yi pimbu, yi ga manisa, yi gedjigina lugwigilu. 2 Timote 4:18 Fumu ma ga gu hulusa mu yigonsa yigima, ebuna ma ga gu dudisa pimbu penza gu gifumu giendji gi gu Wulu. A se lugumu lu nvula yi nvula. Amen. Tite 1:15 Gwena hatu a midjima mi pimbu yima yi gima yena yi gofwa kansi gwena hatu a gima a midjima mibi hatu a na gonda gu gwikila lo gwena ada gima gi gisantu. Mabanza yi midjima miowu miena mi gusumuka. Tito 3:5 Nzambi ma du hulushidi mwila yi khenda jiendi gudi mwila yisalu yedu yi pimbu. Ma du hulusidi mu buga mema. Mpeve Longo wu na duwa ngolu.

Filemoni verset 4-6 Mi na donda Nzambi womi, dangu di gima di na nu bambuga mu yi sambu yomi, mwila mi na gwifwa sangu di lugwigilu lwenu gwena Fumu Yesu yi zola dienu gwena a Santu a gima.Mi na samba mbe nu kadi yi gigesa mu lugwigilu lwenu mwila mbe nwishiyi penza konso gima gi pimbu gi du gwedji muena Kristu. Ebelo 1:1- Mu dangu di tunda Nzambi a ga soludidi yi a kaka jiedu mu muganu di a mbigudi mbala yi mbala, mtindu yi mutindu, kansi mu mafugu amama ma suga, nzambi a na solula yi edu mu muganu di Munendi Mweni nzu yi yima yigima, Yendi Muhangi wu wulu yi manu. Ebelo 2:18 Mwila Yesu ma ga dadidi susudi mu dangu di pugumu, Yesu wu zola gusadisa konso mutu ayo wena mu pugumunu. Ebelo 3:1 Gio gio gi Anedu A santu. Nzambi wu ga nulendjiga. Senu midjima gwena Yesu, Apotre ena kega Nganga Nzambi Muneni wu du na sambila. Ebelo 5:7 5:7 Dangu Yesu dia Ebelo ga kedi mu manu, ma ga sambanga, ebuna ma ga lombanga mu zu di gola ebuna Yendi gu didilanga Ayu wu lenda gu muhulusa mu lufwa, Nzambi ma ga mwifididi mwila Yesu gu digulumusanga.

Ebelo 7:25 Yesu wena yi ngolu mu guhulusa hatu a wowu esa gwena Nzambi mu mbuga ji Yesu, mwila Yesu

Wen

Ebelo 10:24 Du sienu ngolu mu gu hana ngana gikesa mwila du zola nganienu ebuna du hangi ma mbote

Hebrews 11:1 Dangu adi, lugwigilu lwena gu bwisa mudjima mu yima yi wu na banzila lwena gu bwisa mudjima mu yima yi du gond gudala.

Ebelo 12:2 Du shienu mesu gwena Yesu, Mweni lugwigilu lwedu, Muhangingi wu lugwigilu lwedu. Mwila yi gieshi gi mafugu ma gu mesu, A gumbula pashi ji Kulunsi yi wufudu wowu ebuna Yesu wu kala a gidji wuso wu gogu di gidada di Nzambi

Yakobi 1:2

Anedu, mbi pasi ji mutindu yi mutindu mu ji nubwila, ji da dienu ishi gima gi gieshi.

Yakobi 4:7-8 Du di gulumushi gu mesu ma Nzambi. Nwanisenu Satana, ebuna ma nu jina. Finamenu yi Nzambi ebuna ma gwisa finam yi enu. Wofenu miogu, enu hatu a masumu, wofenu midjima mienu, enu hatu a mbidinga mbidinga.

Yakobi 5:13 Gwena yi mutu wena yi pasha mu gaji genu. A samba. Gwena yi mutu wena yi gieshi mu gaji genu. A yimbi miguga mi gu shigishila Yesu.

Petelo 1:15-16 Mutindu wumoshi Nzambi wu ga du lendigidi ena mu gi ngenga (Saint), edu kega du dishi mu gi ngenga (saint). Mwila ma gasonama mbe: "Kalenu mu gi ngenga mwila Ami (Nzambi) mu gi ngenga yena.

1 Petelo 2:9 Kansi enu nwena Hatu a ga sola, a Nganga Nzambi a Fumu, gi ganda gi dikela, Hatu a Nzambi mwila yi guhosa lugumu lu Ayu wu ga nu lendigidi A nudusa mu pipa yingi A nwingisa mu mwani wu shiga.

1 Petelo 4:19 Gio gio gi, Hatu awo a na dala susudi mwila gwena luzolu lu Nzambi a fweti gu dihana nvimba gwena Muhagi wowu wu gigidi ebuna ohu gu hanganga ma mbote

1 Petelo 5:6-7 Di gulumushi gu miogu mi gola mi Nzambi mwila mbe A gu sadishi dangu mu di gulunga. Mu wi gidilu gieyi gigima mwila ma na gu zola.

2 Petelo 1:3 Ngolu ji Nzambi ji ga du wa yima yi dwena yo funu mum lujingu yi mu gi nzambi mu mbuga yi mayedi ma duwa Ayu wu ga du lendigidi mu lusadisu di lugumu yi gi nzambi giendi.

2 Peter 2:1 Mu dangu di tunda ma kedingi yi a mbigudi a magusu mu gadji di dimbu, mu thindu wu ga kal Alongi a magusu mu gadji genu. Mu gishwegi, A gengisa malongi mebi ma na duna Gifumu gi Nzambi wu g'asumbidi, A mana di lendjigila lufwa.

2 Petelo 3:18 Gulenu mu kenda yi mayedi ma Fumu yi Nvulushi Yesu Kristu. Yesu a dambudi lugumudangu adi ti nvula yinvul

1 John 1:5 Dala pandji yi dwefwa gwena Yesu pandji yi du na nwambila: Nzambi ena Mwani lo ena pipa lo ada ga djigi ih.

1 Yoani 2:4 Mutu wu na hosa mbe: "Yishi Nzambi" kansi lo gu lenvuga malongi ena mutu wu magusu, lo ena yi mudjima wu gigidi"

1 Yoani 3:11 Ayi yena Padji yi nugefidi duka mu Luyantigu: Du fedji gu zolangana

John 4:4 Enu, Ana ya zola nwena Ana Nzambi, nu ga nunga gadi mi paganu mwila Ayu wena mu midjima mienu wu hida mu huneni ayo wena mu manu.

Type equation here.

1 Yoani 5:14-15 Gima gi na du wa sanguga (confiance) mu gu wana ngana yi Nzambi: konso gima gi du mu lomba gi gobangana I luzolu lwendi, Nzambi ma dwifila. Ebuna mbi mu dweshiya mbe wu dwifila _ konso gima gi du mu wula _ mu du na gwishiya mbe mu du gudambula yima ayo yi du mulombidi.

2 Yoani verset 6 Ebuna zola diena: mu gulenvuka zu di Nzambi. Mutindu wu gefwidi duga mu luyantiku, zu diendi diena mbe zingenu enu gu zolangana.

Kuzabisa 2:10 b Ganda mudjima, ada ti lufwa, ebuna mi ga guwa pu yi moni.

Kuzabisa 3 :3

Gu Dibundu di Sarde! Wibugenu pandji Nzambi yi nu dambula yi nwefwa; nu yi lenvugidi, yizenu gu honguluga gwena Yesu. Kansi mbi lo nu zanguluga lo, mi gesa ishi mwimbu lo nu geshiya lo mu dangu diki yi ga nwishila

Kuzabisa (Apocalypse) 3:20 Ami yu! Mi na manana gu gielu, mi na konkitila, mbi konso mutu ayo wefwa zu diomi ma nzulula gielu, Mi gengila, ebuna mu dwadia hama hamoshi

Kuzabisa (Apocalypse) 4:11 Wulunga, Fumu Nzambi Wedu, mu gu dambula lugumu, luzitu yi ngolu Mu mwila Ayi Muhangi wu yima yigima, mu luzolu lweyi uhangidi yima yigima yi luzingu lowu lugima.

Kuzabisa (Apocalypse) 6:9 Dangu dia gangula gi niemunu gi tanu yi dala gu mashina ma nkailu mioni mi hatu a wowu a ga fwidi mwila yi pandji ji Nzambi yi gi temwe giowu

Kuzabisa Apocalypse) 7:9 Ebuna yi longulula yi dala gibuga gi Hatu gingi. Ada mutu wumoshi U lenda gu a danga lo ameniga lo Ginvuga gi neni gi Hatu gi dugidi mu manu ma gima, ma ganda magima, Hatu yi ma zu magima. Hatu a gima gu mesu ma gidji gi Dimeme. Miledi mia vada gu ngenganga

Kuzabisa (Apocalypse) 8:3 Wanjo mweka u kedingi yi mbungu gi wola esa a manana gu mesu. A muwa malashi ma nsunga mwila gu vugisa hama moshi ti yisambu yi Asantu agima gu mbugu di wola diena gu ntwala di gidji gi Fumu.

Gola, Maitre! Gola, Directeur! Kuzabisa 9:1 Wanjio u tanu a bula gilolo. Yi (Yoani) dala mbwetete wu moshi a gaduga gu wulu a bwa mu manu. A dambula fungula yi Galunga di a ngulu.

Kuzabisa (Apocalypse) 10:11 Nzambi ambila Yoani mbe: "Wu feti gwambila yinganda yi membu mengi, Hatu engi, mazu mengi yi a Fumu engi pandji yi na gwisa gu mesu"

Kuzabisa (Apocalypse) 11:15b Gifumu gi manu gi soba gigiduga Gifumu gi Fumu wedu yi Yesu wendi ebuna Ma ga yala nvula yi nvula.

Kuzabisa (Apocalypse) 14:13 Ebuna yefwa zu di duga gu wulu mbe: "Soniga : gieshi giena mbi A Kristu mafwa . "E" Mpeve Longo ma nahosa mbe: " Ma ga hululuga mu gisalu giowu gi pasha mwila yisalu yowu yi pimbu mi ga alaba"

Kuzabisa (Apocalypse) 15:3b - 4 Fumu Nzambi Mweni Ngolu, Yisalu Yeyi yena yishiga yena yineni. Mbuga jieyi jiena ji pimbu, jiena ji gigidi Nzambi Ntotila wu Ma Dangu ma gima, Nani wu lenda gugonda gu gwifila, O Fumu, ebuna ma gonda guhana lugumu gu jina dioyi? Ayi gaga wu ga gonda masumu. Yiganda yigima mi yigesa gu gufugimina mwila yisalu Yeyi yi pimbu yi di lesa.

Kuzabisa 16:7 E,Fumu Nzambi Mweni Ngolu, Milonga mi wu gavugidi miena gigidi yi masonga

Kuzabisa 17:14 A Fumu 10 ma ganwanisa Dimeme kansi Dimeme mu di ga nunga nvita mu mwila Dimeme diena Fumu wu a Fumu; Ntotila wu a ntotila - ebuna hatu endi yi a landi endi a gima a gakala yi yendi

Kuzabisa 18:20 Kalenu yi gieshi, kalenu yi gieshi mwila mbanza Babiloni diabwa kalenu yi gieshi, enu a santu yi enu Apotolo yi enu a profeti! Nzambi wu vugila mbanza Babiloni ndola yi fwananga yi mutindu wu Babiloni wa ga nu dadishidi pasha.

Kuzabisa 19:1 Gudima di pandji adi, ye fwa lolu ishi lolu di hatu engi gu wulu mbe: "Alleluiah, guhuluga, kembo yi ngolu jiena ji Nzambi

Kuzabisa 20:14 Nzambi embila lufwa yi galunga (ga angulu) gu zanga di twiya. Adi diena lufwa lumbadi, lufwa mu zanga di twiya.

Kuzabisa 21:5 Ayu waba hashi a gidji gi gifumu mbe: "Ami yi na hanga yima yigima yikadi yimpa!" Ebuna A hosa mbe: " soniga, mwila pandji ayiyi yena yi nfunu, yena pandji pandji.

Kuzabisa 22:17 Mpeve Longo yi Dibundu mbe: Yiza! Wega mutu wu na degidila a hoshi mbe:Yiza! Wega mutu wena yi puisa yi mema eshi; wega mutu ayo wu gumbula, a nwi mema ma moni gu gonda gu futa mbongu.

Kuzabisa 22:20 Wega khenda ji Fumu Yesu ji kadi yi Enu agima.

Luyantiku ( Genese) 1:26 Ebuna Nzambi mbe: Du hangi mutu mu gifwanisu giedu, a du fwanigishi ebuna a yadi a sha mema yi a njila mu wulu, a shidu, manu magima yanga yima yigima yi na shedumuga mu manu.

Luyantiku 2:7 Nzambi a se manu a hanga mutu ebuna a humuna moni mu mazulu ma mutu ebuna mutu a giduga mutu gu humunanga

Luyantiku 3:21 Nzambi a dungila Adamu yi Eva miledi mi pusu ji ashidu. Nzambi a avwajisa.

Luyantiku 4:15 Nzambi ambila Kaini mbe: mutu ayo u ga jiya Kaini, mbala ji sambwadi a ga mu jiya. Nzambi asa Kaini gidimbu mwila mutu mu gugonda gu mu jiya.

Luyantiku 5:1 - 2 Dala gishina gi giganda gi Dada Adamu. Dangu Nzambi dia gahangidi Adamu A ga muhangidi mu gifwanisu gi Nzambi. A gahangidi yala yi mugosuna ebuna A asagumuna. Dangu dia gahangidi, A gawedi jina mbe: "mutu"

Luyantiku 6:18 Nzambi ambila Noa mbe: "Kansi mi ga guwa mutaku (alliance); mu gengila mu masuwa, yi anayi, mugasheyi yi a bokilo eyi.

Luyantiku 7:5 Ebuna Noa alenvuga mu guhanga yima yigima yi ga mwambididi Nzambi.

Luyantiku 9:1-2 Nzambi a sagumuna Noa yi anendi mbe:Budenu, mwanganenu, zadisenu manu. A shidu agima a mu manu ma gabula gu nwifwa woma a jila a mu wulu a gima, yima yi gima yi na digoga mu manu yi asha a gima ena mu mema: yigima yizegama gu miogu mienu.

Luyantiku 10:32 b Yiganda yi hatu a manu magima yi gadugidi gu giganda gi ana Noa.

Luyantiku 11:4 Ebuna Hatu a gima aledjilagana mbe: " yizenu, du didungidi dimbu dineni yi nzu yi dadi gulambulanga wulu, mwila du shigishi jina diedu du gondji gu mwangana wuso yi wuso mu manu magima.

Luyantiku 12:3 Nzambi ambila Dada Abram mbe: "Mi ga sagumana hatu a ga gusagumuna, Mi ga shinza mutu wu ga gushinza Nzambi ma ga sagumuna Maganda ma manu magima mu vumu dieyi.

Luyantiku 13:8 So Abram said to Lot, "Let' s not have any quarreling between you and me, or between your herdsmen and mine for we are brothers.

Luyantiku 14:18-20 Ebuna, Melekizeki, Fumu u Salemi adusa mapa yi magana. A ga kedingi Nganga u Nzambi Mweni Wulu, ebuna A sagumuna Abalami mbe, " Nzambi Mweni Wulu, Muhangi u Wulu ti Manu A sagumuni Abalami. Ebuna lusagumunu gwena Nzambi Mweni Wulu, Yendi wu ga nuwedi a mbeni enu. Ebuna Abalami awa Melekizeki magapu (dimi) ma mabugi magima

Luyantiku 15:1 Gudima di yima ayi yigima, Nzambi ambila Abalami mu ndoshi mbe: "Gwifwa woma lo, Abalami, Ami yena giswaminu gieyi, matabishi mey maneni.

Luyantiku 16:11 Wanjio U Fumu ambila Agar mbe: Mu wa buda mwana yala mu ga muluma jina Yishimedi; mwila mu pashi jeyi jigima, Nzambi wu gwifila .

Luyantiku 17:1 Dangu Abalami a gakedi nvula 99, Nzambi esa gu mwambila mbe: "Ami yena Nzambi Mweni Ngolu Jigima; tambula gu mesu momi, kala mulangi u pembi

Luyantiku 18:14 Keti gwena yi gima gi hida Nzambi mu ngolu? Nvula yi gesa, mu dangu di ga vugidi, Mi ga gwishila kega, ebuna Sara ma ga kala U buda mwana yala.

Luyantiku 19:1 A wanjio mbadi a dula gu dimbu di Sodomu mu gingweshi. Lot a ga kedi A ga kedi a gielu gi dimbu di Sodomu. Dangu Loti dia ga dadidi a wanjio A zanguluga aya gu ayamba (gu gielu di Dimbu) ebuna Loti a di gulumusa mudu gu manu mu gwayamba

Luyantiku 20:17 Abalami alomba mbe Nzambi a gadudi makashi mu mwila wu Fumu Abimeleki, mugashi wendi,yi hatu endi a gisalu ebuna Nzambi efwa yisambu a gashi owu a yandika guvala ana.

Gola, Maitre! Gola, Directeur! Luyantiku (Genese) 21:1-2 Nzambi a sadisa Sala ishi mutindu wa ga shididi. Sala a senda vumu ebuna a vwadila Abalami mwana mu gi mununu giendi ishi gi ga hoshidi Nzambi

Luyantiku 22:13-14 Abalami a zangula mudu a dala kombu u mulumi yibongu yi mwalangana mu mushidu; dangu adidi Abalami aya gu mu gudulula a hana nkayilu a gifulu gi munendi. Abalami a wa jina mbe Nzambi Jireh' Gio gio tii mwanio a gu honsanga mbe: Gu mundonda wu Nzambi, maga hana.

Luyantiku 23:1-2 Sara a ga kedi yi nvula kama maguma madi yi masambwadi. A ga fididi gu Kiliata Alba (Hebron) gu Canana, ebuna Abalami a gu dila Sara.

Luyantiku (Genesis) 24:50-51 Labni yi Bethueli (dada wu Rebeka) mbe: Wala wu Yizaki yi Rebeka wena wu Nzambi; lo du lenda gu ganda mbuga lo. Rebeka yuwu, mu sendi, ndenu a gidugi mugashi wu muna fumu weyi ishi gi zola Nzambi.

Luyantiku 25:7-8 Abalami a gajingidi nvula kama yi maguba masambwadi yi tanu. Ebuna , Abalami a humuna mbala yi suga, ebuna a fwa mu gi mununu gi nvla ji pimbu, a ga jingidi nvula jingi ti adifila, a mu jiga.

Genesis 26:12 Izaki a hanga yilanga, mu nvula yo yoyi, A da yima yingi mu mwila Nzambi a musagumuna gigolo shela. Izaki a vwama, gi nvwama giendi gigula tii giese gi neni

Luyantiku 27:22 Yakobi a finama gwena Dada Yizaki mwila mbe Dad' endji a mu gami mu gwishiya mbi gwena Esau ndji Yakobu wu na gwagula. Yizaki mbe: zu di nagwifwa ishi zu di Yakobi kansi maga mi gu miogu ishi maga ma Esau.

Luyantiku 28:3 Yizaki a sakumuna Yakobi mbe: Nzambi Mweni Ngolu a gu sagumuni u budji A nusadishi tii mu nugagiduga gi ganda gi hatu engi

Luyantiku 29:13-14 Dangu Labani efwa sangu mbe Yakobi mun' endi pangi ena, Laba esa swalu swalu mu gu muyamba, A mu neta gu nzu yendi ebuna Yakobu a mu wa lombulasa. Ebuna Labana a mwambila mbe, "Ayi wena wamimi."

Luyantiku 30:43 Mutindu awu, Yakobu a vwama gigolo shela, ma meme bidiga bidiga, hatu a gisalu a mala yi a gosuna, a kamela yi a punda.

Luyantiku 31:3 Ebuna Nzambi ambila Yakobi, "Honguluga gu manu ma a Dada yi a pangi jieyi Yena hama amoshi yi ayi.

Gola, Maleghi! Gola, Directeur! Luyantiku 32:12 Yakobi mbe:"Ayi Nzambi Mu gahoshidi mbe 'Mi ga guvwamisa ebuna giganda gieyi gi gakala gingi shela ishi zelu zelu di mema.pila yi gu danga lo.

Luyantiku 33:11 Yakobu ambila Esau mbe: Yibela gomi, dambula mabugi meyi, mu mwila Nzambi Mweni Kenda U sadishidi U pedi yigima yi yena yo funu. Mu gi ngolu ngolu gi Yakobi, Esau a dambula mabugi

Luyantiku 34:30 Ebuna Yakobi ambila Simeoni yiLewi mbe, "Nu netila mambi, Yi na moniga ishi mutu wu pasha gu mesu manga ashi Kananayi a Pelizitii eni manu amama. Lo dwena hatu engi mbi ma nwanisa Fami diomi yi ami, ma ga du jiya.

Nzambi ambila Yakobi mbe: "Yena Nzambi Mudingolu; budngenu ebuna kalenu engi. Giganda ebuna mu vumu dieyi mu gaduga Fami di maganda, ebuna a fumu a ga vwaluga mu vumu dieyi."

Luyantiku 36:7 Esau yi Yakobu a ga vwamini gigola shela. Yima yingi a ga kedi yoyi, pila yi gu dunga dimbu dimoshi lo. A ga kedi yi yidwishi (ashidu) yingi.

Luyanttiku 37:26 Yuda ambila an' owu mbe: "Yigi dwase mbi mu du jiya munedu Yozefu ebuna mu du jiga magila mendji?"

Gola, Maitre! Gola, Directeur! Luyantiku (Genese) 38:1-2 Dangu adio, Yuda a shisa a pangi endi ebuna aya gu dikela yi Hirah, mushi Adullam. Gu dimbu adi, Yuda a wanangana yi pini (mwana mugosuna) di moshi jina diendi Shua, mushi Kanana. Yuda a mu mona...

Luyantiku 39:2 Nzambi ma ga kedi yi Yosefu, A musagumuna, a gabidanga mu nzu yi Fumu wendi mushi Engypiti

Luyantiku 40:8 Mutu wu Magana ma Falawo yi mutu wendi wu mapa ambila Yosefu mbe: mutu wu gu du dendudila doshi lo" Ebuna Yosefu mbe: "Mayedi ma gudusadisa mu gudendula ndoshi mena gwena Nzambi ve? Ndombu lusenu.

Luyantiku 41:57 Ebuna membu magima mesa gu Engipiti mwila yi gusumba madia gwena Yosefu mwila nzala yi ga kedi yingi mu manu ma gima.

Yosefu ambila hatu a gisalu mbe: "zadisenu sagi jiowu yi madia hongulusenu mbongu jiowu mu konso sagi, ebuna nu ashidi lusadisu mwila yi mbuga yi dadi..."

Luyantiku 43:16 Dangu Yosefu adala Benyamini, a mbila mutu wendi wu gisalu mbe: "Neta a nzenzi aha gu nzu yomi, jiya shidu wumoshi nu hangigi madia, mu midi du ga dia hama amoshi.

Luyantiku 44:20 Du hongulusa nvutu mbe: Dadedu mununu ena. Ebuna gwena munendi wu yala ' wua gavwadidi mu gimbuda. Yay' endi wu gafwa, ebuna ena ye mweni mu vumu di mendi, ebuna Dada wu ga muzola.

Luyantiku 45:6-7 Nzala yi gengila mu membu Nvula aji jiadi kima, mu nvula ji danu ji gu mesu hatu lo a ga kala yi madia lo. Mu gu hosa gu pimbu, gwena gaga Nzambi U ga tumishidi gu Engipiti mwila yi gu swega moni wenu aha mu manu, ebuna mwila yi gu hulusa mioni mienu mu ngituga muneni shela

Luyantiku 46:2_4 Ebuna mu pipa, Nzambi alendiga Iselele (Yakobu) mu ndoshi mbe, "Yakob !, Yakobu !" Yakobi a gumbula mbe, "Ami yu". Nzambi mbe, "Ami yena Nzambi wu dad' eyi. Gwifwa woma lo mu gwenda gu Engipiti, mwila Mi ga gugwishisa giganda gi neni. Ami Nzambi mi ga gulumuga gu Engipiti yi ayi, ebuna mu guhosa gu pimbu Mi ga guhongulusa kega. Ebuna gogu gu Yozefu shela di ga guganda mesu.

Luyantiku47:11 Dangu adidi, Yozefu awadadendi yi anawu manu ma gukela gu Engipitu ebuna a awa gihani gi gukala jina dio Rameses ish gi gahosidi Falao).

Luyantiku 48:3-4 Yakobu ambila Yozefu mbe: "Nzambi Mweni Ng olu ma ga mbwanini gu dimbu Luz gu manu ma Kanana, ebuna A sagumuna mbe: 'buda, giganda gishi gi neni. Ami Nzambi, Mi ga gugidula giganda gi hatu engi, ebuna Mi ga hana manu amama gimakulu gwena ana ayiyi

Luyantiku 49:8 - 9 Yakobu a sagumuna Yuda mbe:"Yuda, anenu ma ga gushigisa, gogu gweyi gu ga kala mu kota mu a mbenieyi; ana a dada weyi ma gesa gu gufugimina. Ayi wena muna koyi, Mu guzomba wuduga, O munami Yuda. Ishi koyi, mu ga didadulula ebuna mu di zala hashi yishi koshi wu mugosuna - nani wulenda gu mu semisa?

Luyantiku 50:19-21 Yozefu ambila anawu mbe: " Buisenu midjima. Ami Nzambi yena? Enu sogi nu ga ngifidi kansi Nzambi a lumusa jigima pimbu mwila yi gu hulusa mioni mi hatu engi. Giogiogi, bwisenu midjima. Mi gu bula gu nu disa, enu yi ana enu. Ebuna Yozefu a shiamisa anowu ebuna a ambila mu maweshi shela.

1 Yoani 1:9 Mbi mu du funguna masumu medu, Yesu ena kwikama (fidele) yi kieleka (juste) ebuna ma dwifila kenda, ma dofwa ma gadula masumu medu magima

1Yoani 4:4 Enu, Ana Zola, nwena ana Nzambi nu gabedisa a longi a magusu mwila Nzambi Ayu wena mu mdjima wenu wu gahida yigima mu gineni.

2 John v. 6

Ebuna Zola di Nzambi diena mbe luzingu diedu di lenvugidi pandit Nzambi.

3 Yoani verse 2

Anedu, Anedu, Mi na samba mbe nu dadi pimbu yi mwila wu ngolu pandji ji gima jiendi pimbu mutindu moni wenu wena pimbu

3 Yoani verset 11

Munedu, gulaba mambi lo, kansi laba mambote. Konso mutu wu nahanga mambote ena wu Nzambi. Konso mutu wu nahanga mambi lo adala gadi Nzambi lo.

Loma 12:17-18

Gu hongushila mutu wibi lo. Geba, hanga mambote gu mesu ma mutu mugimina.

Mbi pila yena, hanga yigima mu gu jinga mu ngemba yi konso mutu.

1 Petolo 4.15

Mbi hatu ma guduga mu mwila yi jina di Kristu, wena mutu wu lusagumunu mu mwila Mpeve wu lugumu yi wu Nzambi ena yi ayi.

Mikunga (Psaume 146:1-2)

Shigisa Nzambi!

Shigisa Nzambi, ayi moni womi. Mi gabula gushigisa Nzambi mu lujingu lomi lugima; Mi ga bula gushigisa

Nzambi mafuga magima me ga jinga.

Mikunga 147:11

Nzambi uga zola hatu a na mushila mudjima

Hatu a ga sa mudjima wowu mu zola di gigidi di Nzambi.

Mikunga 148:1

Shigisenu Fumu Enu nwena gu ma wulu, Mu shigishenu gu mindonda midadi.

Mikunga 149:1

Aleluya!

Yimbilenu Fumu, kunga yi mpa. Mushigishienu mu ginvuga gi a Longo.

Mikuga 150:2

Shigisenu, Nzambi mwila yanga yisalu yi ngolu.Mushigishenu mu mwila ena Nzambi Muneni shela.

Loma 12:17-18

Gu hongushila mutu wibi lo. Geba, hanga mambote gu mesu ma mutu mugimina.

Mbi pila yena, hanga yigima mu gu jinga mu ngemba yi konso mutu.