yazi amalungelo akho -...

Yazi amalungelo akho

Umhlahlandlela Owenziwe lula Womsebenzi Wezocansi Namalungelo Akho

Know your Rights BOOKLET ZULU 2015.indd 1 2015/02/22 4:31 PM

Yashicilelwa okokuqala Yisikhungo Sezomthetho Wabesifazane ngowezi-2012Amalungelo agodliwe ngabesiKhungo Sezomthetho Wabesifazane

Ixhaswe ngabe-Ford Foundation ne-Open Society Foundation

Sibonga Uphiko Lwezemfundo Nokuqeqesha ne-Black Sash ngokusivumela ukuba sisebenzise ulwazi lwayo oluku-2008 Paralegal Manual.

Isikhungo Sezomthetho Wabesifazane siyawagodla amalungelo aso wonke. Ayikho ingxenye yalesi sishicilelo engakhiqizwa kabusha, igcinwe ohlelweni lokulondoloza lwekhompyutha

noma ithunyelwe ngandlela thile kukhompyutha, ngokwemishini, ikopishwe noma ngayiphi indlela ngaphandle kokuthola imvume kuqala kumshicileli.

Yonke imininingwane, izeluleko kanye/noma imibono yalesi sishicilelo iwuhlobo olwejwaye-lekile okufanele isetshenziswe njengomhlahlandlela nje ojwayelekile kuphela. Abafundi

bayakhuthazwa ukuba bathole izeluleko zangokomthetho noma ukwesekwa ukwengeza kule mininingwane, izeluleko noma imibono equkethwe kulesi sishicilelo.

Isikhungo Sezomthetho Wabesifazane ngeke sithwale cala ngokomthetho ngandlela thile, nganoma yiluphi ulwazi olungashayi khona kanye/ noma olungesilo iqiniso oluqukethwe yilesi sishicilelo yinoma muphi umfundi, umnyango wahulumeni noma umsebenzi kanye/noma ingx-

enye enetshisekelo noma umbambiqhaza.

Akukho mininingwane, zeluleko noma imibono equkethwe kulesi sishicilelo eyizinkomba zesimilo noma imibono yomxhasi, owenze ukubhalwa nokusatshalaliswa kwalesi sishicilelo

kube yimpumelelo, noma ababhodi eyengamele, umqondisi kanye/noma abameli besiKhungo Sezomthetho Wabesifazane.

Icwaningwe yabhalwa ngu-Stacey-Leigh Manoek Ihlelwe ngu-Jennifer Williams no-Pam Sykes

Ukuma nokuKlanywa kwencwadi Daniele MicheliniIphrintwe ngabe Salty Print

Cover photograph © by Ntokozo Yingwana, featuring “Joyce”

Cape Town:7th Floor, Constitution House,

124 Adderley Street, Cape Town 8000Tel: 021 424 5660 · Fax: 021 424 5206

Website: www.wlce.co.za

Johannesburg: 2nd Floor, Braamfontein Centre,

23 Jorissen Street, Braamfontein 2017Tel: 011 339 1099

Website: www.wlce.co.za


OKUQUKETHWE

1. Indlela yokusebenzisa le ncwajana ......................................................................4 Ingeyani le ncwajana? ...................................................................................................... 4 Yini engingayifunda kule ncwajana? ................................................................................ 4 Kubaluleke ngani ukwazi amalungelo ami? ..................................................................... 4

2. Itemu “Osebenza ngocansi” .................................................................................5

3 Amalungelo abasebenzi bezocansi ngokoMthethosisekelo .................................5

4. Imithetho ekhona njengamanje mayelana nomsebenzi wezocansi eNingizimu Afrika ...................................................................................................................8

5. Ukuhlukunyezwa ngamaPhoyisa kanye namaLungelo Akho .............................10 Amalungelo akho uma uboshiwe ................................................................................... 10 Amalungelo akho ngenkathi usavalelwe ........................................................................ 12 Amalungelo akho enkantolo ........................................................................................... 14

6. Umthetho ungakusiza kanjani uma amaphoyisa ehlukumeza amalungelo akho ....................................................................................................................18

Limangalelwa kanjani iphoyisa lomthetho ..................................................................... 19 Pho kwenzekani uma uwesaba amaphoyisa? ................................................................. 20 Udaba lomnyakazo ongayimpumelelo wokuthathelwa kwamaphoyisa izinyathelo

ezinqala .......................................................................................................................... 20

7. Ezabasebenzi namaLungelo akho ......................................................................22 UMthetho Wezimo Zokusebenza Oyisisekelo we-1997 (i-BCEA) ................................... 23 UMthetho Wokuqashwa Ngokulingana we-1998 (i-EEA) .............................................. 23 UMthetho Wezempilo Nokuphepha Emsebenzini we-1993 ........................................... 24 UMthetho Wobudlelwano Nabasebenzi we-1995 (i-LRA) ............................................. 24 Izinqubo zasemsebenzini ezingenabulungiswa.............................................................. 25 Ukuxoshwa emsebenzini ................................................................................................ 26

8. Izisombululo zomthetho ezikhona ngokuxhashazwa kanye nokuxoshwa emsebenzini .......................................................................................................27

Ukubuyisana .................................................................................................................. 27 Ukulanyulwa kwamacala yi-CCMA noma Umkhandlu wokuvumelana .......................... 28 Izinqumo ezenziwa yiNkantolo Yezabasebenzi .............................................................. 32 Umbiko wecala: Phakathi kuka-Kylie neKhomishana yezokuBuyisana i-CCMA kanye

nabanye .......................................................................................................................... 32

9. Okungaxhunyanwa nabo ....................................................................................35


1. INDLELA YOKUSEBENZISA LE NCWAJANAIngeyani le ncwajana?

Bonke abantu banamalungelo afanayo ayisisekelo, ngaphandle kokubhekwa kweminyaka, ubulili, ubulili obuthandwa ngumuntu noma umsebenzi awenzayo. Kodwa ngenxa yokuthi ukusebenza ngocansi akukho emthethweni eNingizimu Afrika, abasebenzi abasebenza ngocansi abaningi abawazi amalungelo abo.

Isikhungo Sezomthetho Wabesifazane sibhale le ncwajana ngenxa yezizathu ezintathu: 1. Ukuveza ukuthi amalungelo abantu abasebenza ngocansi ahlukunyezwa kanjani

ngabasebenzi bahulumeni, amaphoyisa, amakhasimende, abanikazi bezindlu ezingamabhrotheli kanye nabaphathi;

2. Ukuveza ukuthi imithetho ephathelene nemisebenzi yezocansi inemithelela enjani kubantu abasebenza ngocansi; kanye

3. Nokuchaza amalungelo abantu abasebenza ngocansi, nokuthi bangawusebenzisa kanjani umthetho ukuze balwisane nokuhlukunyezwa bakwazi nokuzivikela.

Yini engingayifunda kule ncwajana?

Njengomsebenzi ngocansi, ziningi izindlela zokuphula amalungelo akho njengomuntu. Sebenzisa le ncwajana ukuze: • Ufunde ngamalungelo onawo ngokomthethosisekelo nangokomthetho angakusiza ukuthi

uzivikele angaphulwa amalungelo akho. • Ufunde ukuthi umthetho ungakusiza kanjani uma amalungelo akho njengomuntu ephuliwe. • Usize abanye abasebenza ngocansi ukuthi bafunde ngamalungelo abo ngokomthethosisekelo

nangokomthetho.

Kubaluleke ngani ukwazi amalungelo ami?

Uma uwazi amalungelo akho, ngaleyo ndlela uzokwazi: • Ukwazi indlela elungile abanye okumele bakuphathe ngayo. • Ukwazi uma indlela abakuphatha ngayo abanye ingahambisani nomthetho.• Ukwazi ukuthi umthetho ungakusiza kanjani uma amalungelo akho njengomuntu ephuliwe. • Ukwazi ukuthi ungaya kuphi ukuze usebenzise amalungelo akho uphinde uthole nosizo

kwezomthetho.• Ukuthola ubulungiswa uma amalungelo akho ephuliwe. • Ukuqwashisa umphakathi mayelana nokuphulwa kwamalungelo abantu abasebenza

ngocansi. • Ukufundisa umndeni, abangani kanye namalungu omphakathi wakho mayelana

namalungelo abantu. • Ukulekelela uvimbele ukuthi abanye abasebenza ngocansi bangaphathwa ngendlela

engalungile.

Sebenzisa lezi zithombe njengemihlahlandlela kule ncwadi.Ukuphawula: Uzobona lesi sithombe somsizi eduze nolwazi olubaluleke kakhulu noma ongase uluthole lunzima ukuthi uluqonde.

Izincazelo: Uzobona lesi sithombe sebhalubhu kagesi eduze kwamatemu ezomthetho namagama ongawathola kunzima ukuthi uwaqonde. Uma ubona igama elidwetsheliwe,

kuzoba khona incazelo endaweni eseduze nalo. Uma igama ungalazi, sicela ufunde incazelo.

4


2. ITEMU “OSEBENZA NGOCANSI”Sisebenzisa itemu elithi “osebenza ngocansi” kunaleli elithi “umqwayizi” ukuze sigxile ekutheni lo umsebenzi, nokuthi abasebenza ngocansi nabo banamalungelo afanayo futhi kumele bavikeleke emisebenzini yabo njengabanye abasebenzi. Ukushintsha igama akushintshi ukuthi abantu bacabangani ngabasebenza ngocansi, kodwa kukhombisa inhlonipho kanye nesithunzi kanye namalungelo abantu abathola imali nezinye izinto ezibizayo ngokuthi bakusize ngocansi.

Kwesinye isikhathi sisebenzisa itemu elithi “umqwayizi” ngenxa yokuthi ilona gama elisetshenziswe emithethweni esikhuluma ngayo.

3. AMALUNGELO ABASEBENZI BEZOCANSI NGOKOMTHETHOSISEKELO

UMthethosisekelo waba umthetho ngonyaka wezi-1996 emva kokuthi iNingizimu Afrika ibe yizwe lentando yeningi. Ungumthetho omkhulu ezweni: Lokhu kusho ukuthi namuphi na umthetho oshayisana noMthethosisekelo awusebenzi.

Isahluko sesi-2 soMthethosisekelo siqukethe uMthethosivivinywa wamaLungelo okuyiwo onikeza abantu baseNingizimu Afrika amalungelo abantu ayisisekelo okumele ahlonishwe, avikelwe, akhuthazwe futhi agcwaliswe. Amanye alawa malungelo okuyiwo abalulekile ikakhulukazi kubasebenzi bezocansi yilawa:

Isigaba kuMthethosivivinywa wamaLungelo

Ilungelo Kusho ukuthini lokhu kubasebenzi bocansi?

Se-9 Ukulingana Wonke umuntu uyalingana ngaphambi komthetho futhi unemihlomulo elinganayo nokuvikeleka komthetho.

Abasebenza ngocansi kumele baphathwe ngokulingana. Imithetho ekhona evikela zonke izakhamizi kumele ivikele nabasebenza ngocansi.

Se-10 Isithunzi sobuntu Wonke umuntu unesithunzi futhi unelungelo lokuthi isithunzi sakhe sihlonishwe futhi sivikelwe.

Akekho umuntu noma isikhungo esingakuphuca ukuzihlonipha kwakho ngamazwi noma ngezenzo.

Izincazelo

Izwe lentando yeningi: Izwe elikhululekile nelizimele. INingizimu Afrika yaba izwe lentando yeningi emva kokukhishwa kohlelo lwezikhathi zobandlululo. UMthethosivivinywa wamaLungelo: Isigaba soMthethosisekelo esiqukethe amalungelo abantu. Isikhathi sobandlululo: Uhlelo olwaluhlukanisa abantu ngokobuzwe luphinde luphathe abantu ngokungalingani ngenxa yobuzwe. Amalungelo abantu ayisisekelo: Amalungelo ayisisekelo nabalulekile onawo noma owanikeziwe njengomuntu. Okungasebenzi: okungasebenzi, okuyize ngokomthetho, okungamukelekile, okungekho emthethweniOkuhlonishwayo: Okubalulekile/okwaziswayo Okuvikelekile: okuvikelwe, okugadiwe, akukho okumele kume endleleni yokuphakamisa uMthethosisekelo.Khuthazwa: Phakanyiswa, wesekiwe futhi uyagqugquzelwa. Gcwaliswa: uyalandelelwa futhi kuqaliswe ukusebenza.

5


Se-12 Inkululeko nokuvikelela komuntu Wonke umuntu unelungelo lokukhululeka angahlushwa noma aphathwe ngendlela enonya, engenabo ubuntu noma emehlisa isithunzi.

Angeke uboshwe ngaphandle kwesizathu esiyiso. Angeke uphathwe kambi ngenkathi usavalelwe ngamaphoyisa.

Se-14 Ilungelo lokuba nemfihlo Wonke umuntu unelungelo lokuba nemfihlo.

Unalo ilungelo lokugcina isimo sakho ngeGciwane LesaNdulela-Ngculazi noma INGCULAZI kuwe. Akekho umuntu noma isikhungo esingakuphoqa ukuthi ubatshele isimo sakho noma uhlolelwe Igciwane LesaNdulela-Ngculazi.

Se-16 Ukukhuluma ngokukhululeka Wonke umuntu unelungelo lokukhuluma ngokukhululeka okubandakanya ilungelo lokunika noma ukuthola ulwazi noma imibono.

Unalo ilungelo lokukhuluma ngokukhululeka ubeke imibono yakho ezindabeni inqobo nje uma ingaphathi kambi omunye umuntu.

Se-18 Ukuhlanganyela ngokukhululeka Wonke umuntu unelungelo lokuhlanganyela ngokukhululeka.

Unalo ilungelo lokuhlanganyela namakilabhu, amaqembu noma izinhlangano, futhi angeke uhlukaniswe nabantu ngenkani.

Sama-21 Ukuhamba nokuhlala ngokukhululeka Wonke umuntu unelungelo lokuhamba ngokukhululeka, ahlale noma aphume ezweni ayohlala noma kukuphi lapho ethanda khona ngaphakathi ezweni.

Ungahamba uzungeze izwe ngendlela othanda ngayo, futhi angeke uphoqwe ukuthi uthuthele endaweni ehlukene nomphakathi.

Sama-22 Inkululeko yokuthengisa, ukusebenza kanye nomsebenzi Wonke umuntu unelungelo lokukhetha uhlobo lomsebenzi ngokukhululeka.

Ungazikhethela ukuthi hlobo luni lomsebenzi ofisa ukuwenza.

6


Sama-23 Izindaba zabasebenzi Wonke umuntu unelungelo lokuphathwa ngendlela emsebenzini.

Angeke ucwaswe emsebenzini.

Sama-24 Imvelo Wonke umuntu unelungelo lemvelo engeke ilimaze ezempilo noma inhlalakahle.

Unelungelo lokuhlala endaweni ehlanzekile kanti futhi wonke umuntu kubandakanywa nohulumeni banomsebenzi wokuvikela nokugcinela isizukulwane esizayo imvelo.

Sama-26 Ilungelo lezindlu Wonke umuntu unelungelo lokuthola indlu ekahle. Akekho umuntu ongaxoshwa ekhaya lakhe noma ongabhidlizelwa ikhaya ngaphandle kokuthola isinqumo senkantolo.

Angeke unqatshelwe ukuthola usizo lwezimali noma imalimboleko ukuze uthenge indlu ngenxa yokuthi usebenza ngocansi. Akukho emthethweni ukuxoshwa ekhaya lakho ngenxa yohlobo lomsebenzi olwenzayo.

Sama-27 Ilungelo lokunakekelwa kwezempilo, ukuthola ukudla, amanzi kanye nokuvikeleka kwenhlalakahle Akekho umuntu onganqatshelwa ukwelashwa okuphuthumayo. Wonke umuntu unelungelo lokuthola usizo lokunakekelwa kwezempilo okufana nokunakekelwa kokuzala kanye nemihlomulo yokuvikelela kwenhlalakahle okubandakanya ukusizwa okufanele uma bengakwazi ukuzondla bona nemindeni yabo.

Ezibhedlela noma abelaphi angeke banqabe ukukwelapha.

Sama-29 Ilungelo lokufunda Wonke umuntu unelungelo lemfundo eyisisekelo, okubandakanya imfundo yabadala eyisisekelo.

Isikole angeke sinqabe ukukufundisa noma ukufundisa ingane yakho ngenxa yokuthi usebenza ngocansi.

7


Sama-32 Ukuthola ulwazi Wonke umuntu unelungelo lokuthola ulwazi olugodlwe ngomunye umuntu olungase ludingeke ukuze umuntu akwazi ukusebenzisa noma ukuvikela amalungelo akhe.

Uma uzwa sengathi amalungelo akho aphuliwe ngandlela thize, isibonelo mayelana nenqubomgomo yomsebenzi, ungacela ukubona inqubomgomo bese uphikisana nayo enkantolo. Lokhu kuyinto efanayo nakwezinye izindawo noma izikhungo.

Sama-33 Izenzo zobulungiswa bokuphatha Wonke umuntu onelungelo elithikanyezwe izenzo zokuphatha unelungelo lokunikwa izizathu ezibhaliwe, ezifana nokuthi kungani kuthatha isikhathi ukwenziwa kwezinto.

Uma uzwa sengathi uyanqatshelwa ukuthola usizo ngenxa yezizathu ezingalungile noma ezingenabulungiswa, ungafuna ukuthola izizathu bese unquma ukuthi ufuna ukusiphonsela inselela leso sizathu.

Sama-35 Abantu ababoshiwe, abavalelwe noma abangabasolwa Wonke umuntu ovalelwe kubandakanya neziboshwa ezigwetshiwe zinelungelo lemibandela yokuvalelwa engahambisani nelungelo lakhe lesithunzi

Iziboshwa angeke ziphathwe ngendlela engalungile noma engenasithunzi ngenxa yokuthi zingabasebenzi bocansi.

4. IMITHETHO EKHONA NJENGAMANJE MAYELANA NOMSEBENZI WEZOCANSI ENINGIZIMU AFRIKA Umthetho okhona ukwenza kube yicala ukuya ocansini ukuze uhlomule KANYE nokuhlomulisa ngenxa yokuthola ucansi. Ngakho-ke emsebenzini wocansi bobabili umsebenzi nekhasimende benza ubugebengu ngokomthetho.

Nansi imithetho eqondile ekhuluma ngalokhu:

• Isigaba sama-20(1)(aA) soMthetho wamaCala oCansi wezi-1957 uthi: “Noma yimuphi umuntu ozibandakanya ocansini olungekho emthethweni, noma izenzo ezihlambalazayo , nanoma yimuphi umuntu ukuze ahlomule wenza icala.”

• Isigaba se-11 soMthetho Ochitshiyelwe woMthetho woBugebengu (Amacala ocansi nezindaba ezifana nalezi)

8


wama-32 wezi-2007, uthi: “Umuntu (A) osebenzisa ngokungemthetho nangenhloso umuntu oneminyaka eyi-18 yobudala noma omdala (B), ukuze ahlomule imali noma omunye umklomelo, ukwenzelelwa noma isinxephezelo ku (B) noma komunye umuntu wesithathu (C) —

(a) ngenhloso yokuya ocansini no (B), ngale kokuthi lwenziwe ucansi noma cha; noma (b) ngokuya ocansini no (B), unecala lokuthola ucansi kumuntu oneminyaka eyi-18 yobudala noma omdala.”

UMthetho wamacala ocansi we-1957 nawo awukuvumeli lokhu okulandelayo:-

Ukugcina ibhrotheli; Ukubamba – ngamanye amagama, ukuqasha umuntu ukuze asebenze ngocansi noma asebenze endlini yobufebe; Ukwenza noma ukusiza emsebenzini wocansi, isibonelo lapho ama-ejenti abadayisa ngomzimba enikezela ngabadayisi bomzimba bebe bazi ukuthi bazonika amakhasimende abo ucansi bese bethola imihlomuloUkuziphilisa ngemali yomsebenzi wocansi (lesi sigaba sibhekiswe kwabafunela abanye abaqwayizi). Ukucelela – ngamanye amagama, ukushela abanye ngamagama, izenzo noma iyiphi enye indlela ukuze bakukhokhele ukwenza nabo zinto zocansi. Ukuziveza okungekuhle kanye nokuzihlambalaza emphakathini.

Ukusebenza ngocansi kuyicala ngokwemithetho eminingi yomasipala.

EKapa, kunemithetho kamasipala mayelana nezitaladi, izindawo zomphakathi kanye nokuvinjwa kwenkinga eyaziwa ngokuchitshiyelwa okuhlobene Nemigwaqo, Izindawo zomphakathi kanye nokuVikelwa Kwabayisinengiso, phecelezi i-By-Law relating to Streets, Public Places and the Prevention of Nuisances No. PG6469 ibathola benecala abasebenza ngocansi. Umthetho wesi-2 walo mthetho kamasipala uthi:

“Akukho muntu, ngaphandle koletha ukuthula noma umsebenzi noma umuntu owenza ngokomthetho, ozokwenza lokhu –

(a) uma esendaweni yomphakathi –(i) ozovimba ngenhloso ukuhamba ngokuphepha noma ngokukhululeka komuntu ohamba ngezinyawo noma imoto; noma (ii) Ozothinta ngenhloso noma athintane ngomzimba nomunye umuntu, noma nento yakhe, ngaphandle kwemvume yalowo muntu.”

Izincazelo

Ukuzibandakanya ocansini olungekho emthethweni: Ucansi nomunye umuntu ngaphandle kwabashadikazi /kwendoda nomfazi. Izenzo ezihlambalazayo: izenzo ezingezinhle noma ezinyanyisayo kwabanye abantu Ukuya ocansini: isenzo phakathi kwabantu ababili abadala lapho izitho zabo zangasese zihlangana zijabulisane baze bachame Ukungenwa ngocansi: noma yisiphi isenzo sokungenwa kwesitho socansi noma yiyiphi ingxenye yomzimba, kubandakanya nokungenwa ngento ethile. Ibhrotheli: inoma iyiphi indlu noma indawo egcinelwe noma esetshenziselwa ukwenza umsebenzi wocansi. Ukucelela: ukucela umuntu ukuthi enze isenzo esingekho emthethweni Ukuziveza okungekuhle: icala lokuveza izitho zocansi kumuntu oyedwa noma abaningi endaweni evulekile yomphakathi. Imithetho yoMasipala: imithetho eshaywe idolobha noma umkhandludolobha osebenza kulowo masipala kuphela.

9


Ezinye izingxenye zomthetho zithi:

“akekho umuntu ozozibandakanya ngokocansi endaweni yomphakathi.”

“akukho muntu endaweni yomphakathi, ozocelela noma ahlukumeze omunye umuntu ngenhloso yokuqwayiza noma yokwenza okuphambene nokulunga.”

EGoli, Isigaba se-12 soMgwaqo nemithetho kamasipala exubile sithi:

“Akekho umuntu –(a) ongalala, ahlale, ame, ahlangane nabanye, alinde noma ahambe, noma enze utho, kunoma yimuphi umgwaqo womphakathi ngendlela ezophazamisa ukuhamba kwezimoto; (b) Ozogqubusha noma alibazise endaweni engamamitha angamashumi amabili endawo yokungenela endaweni yomphakathi yokukhonzela ngesikhathi sokukhonza noma ngesikhathi kuhlangenwe endaweni yokukhonzela noma ngesikhathi sokuphuma kwebandla endaweni enjalo ngenhloso yokuphazamisa noma ukucasula umuntu oya khona, ongena khona, noma ophuma endaweni yokukhuleka.”

5. UKUHLUKUNYEZWA NGAMAPHOYISA KANYE NAMALUNGELO AKHO

Abasebenza ngocansi abaningi babike ukuthi bahlukunyezwa amaphoyisa. Okunye ukuphulwa kwamalungelo abantu okungenzeka njengengxenye yalokhu kuhlukunyezwa kubandakanya: • Angaphulwa amalungelo akho njengomuntu oboshiwe. • Amalungelo akho angaphulwa yisimo nendlela ophathwe

ngayo emaphoyiseni ngenkathi uvalelwe.• Ilungelo lakho lokuvela enkantolo lingaphulwa.

Ezigabeni ezimbalwa ezilandelayo sichaza ngokuthi yimaphi amalungelo akho uma uboshiwe, ngenkathi usavaleliwe emaphoyiseni nangenkathi uyovela enkantolo.

AMALUNGELO AKHO UMA UBOSHIWE

Uma amaphoyisa eza kuwe, avumelekile ukukubuza imibuzo. Cela iphoyisa likukhombise ikhadi lalo lokuzazisa. Okwenzeka emva kwalokho kuya ngabo:

10


· Uma benqaba ukukukhombisa amakhadi abo okuzazisa, asikho isidingo sokubanika imininingwane yakho.

· Uma iphoyisa likunika eyalo imininingwane, nawe kumele ulinike amagama akho aphelele nekheli. Uma ungakwenzi lokho, lingakubeka icala.

· Kodwa asikho isidingo sokuthi ukhiphe eminye imininingwane ngaphandle kwaleyo. Kuyilungelo lakho ukusho ukuthi uzoyiphendula eminye imibuzo uma sekukhona ummeli wakho. Amaphoyisa angakucela ngaleso sikhathi ukuthi uye esiteshini samaphoyisa. Asikho isidingo sokuthi uye ngaphandle uma bekubopha.

Iphoyisa lingase lifune ukukusesha. Abayidingi imvume yokukusesha uma:

• Uvuma ukuthi bakuseshe.• Benezizathu ezizwakalayo ezenza bakholwe ukuthi uma

bengalinda ukuthola imvume yokusesha kumantshi, ubufakazi becala olenzile bungase bunyamalale.

• Bekubopha. • Besola ukuthi uphethe izidakamizwa. • Besola ukuthi unolwazi olungabasiza ekuphenyeni icala.

OKUSHIWO UMTHETHOSISEKELO

Isigaba sama-35 soMthethosisekelo sithi:

“Wonke umuntu oboshwe ngenxa yokusolelwa ukwenza icala unelungelo:-a) Lokukhetha ukuthula; b) Lokwaziswa ngokushesha -

(i) ngelungelo lakhe lokukhetha ukuthula; kanye (ii) nomphumela wokungakhethi ukuthula;

c) Lokungaphoqwa ukuthi avume lokhu okungasetshenziswa ngesikhathi secala;

d) Lokulethwa enkantolo ngokushesha kodwa kungadluli – (i) amahora angama-48 emva kokuboshwa; noma (ii) kungapheli usuku lwenkantolo emva kokuphelelwa yisikhathi samahora angama-48, uma amahora angama-48 ephelelwa yisikhathi ngesikhathi okungesona esokuhlala kwenkantolo noma ngosuku okungelona usuku olujwayelekile lwenkantolo;

e) ezovela okokuqala enkantolo emva kokuboshwa, abekwe icala noma aziswe ngezizathu zokuthi kungani eqhubeka nokuvalelwa, noma kungani ekhishwa; futhi

f) akhishwe uma inkantolo ivuma, ngenxa yezimo ezizwakalayo.”

Lokhu kusho ukuthi uma uboshiwe, iphoyisa kumele likutshele ngelungelo lakho lokukhetha ukuthula. Abakwazi

Izincazelo zamagama

Imvume yokushesha: Incwadi ekhishwa abomthetho noma uhulumeni evumela iphoyisa noma omunye umuntu ukuthi akubophe, aseshe emagcekeni akho, noma enze omunye umsebenzi ohambisana nokuphatha ngobulungiswa.

Ilungelo lokukhetha ukuthula: Izinhlelo eziningi zomthetho emhlabeni ziyalazisa leli lungelo. Kusho ukuthi asikho isidingo sokuphendula imibuzo yamaphoyisa, ikakhulukazi uma izimpendulo zakho zizowanika ubufakazi bokuthi ulenzile lelo cala. uma unokungabaza ngisho okuncane, unalo ilungelo lokuxhumana nommeli ngaphambi kokuphendula noma imiphi imibuzo.

Ukuvalelwa: Uma ugcinwe ngokuvalelwa esitokisini samaphoyisa.

Ibheyili: Uma uboshiwe futhi icala lakho lobugebengu lizoqulwa, asikho isidingo sokuthi ulinde kuze kuphele icala. Imantshi ingakhetha ukuthi ikuvumele ukhishwe okwesikhashana emva kokuthi wena noma umngane wakho esekhokhe imali – imantshi ezonquma ukuthi malini leyo mali. Uma usuvela enkantolo, imali yakho izobuya emva kokuphela kwecala. Uma ungezi, inkantolo izoyigcina imali.

Ukuphawula

Kubalulekile ukuthi iphoyisa lingakuseshi ngaphandle uma linezinsolo ezizwakalayo zokuthi wenze ubugebengu. Lokhu kusho ukuthi kumele bakholwe ukuthi banobufakazi obenele obuzokwenza uMvikeli woMphakathi akholwe ukuthi icala kumele liye enkantolo.

Isibonelo, ake sithi iphoyisa lithola ucingo oluthi kugqekeziwe esitolo. Uma lifika esitolo, libone indoda ibaleka nemali. Kulokhu, unazo izinsolo ezizwakalayo zokuthi le ndoda iyona egqekezile futhi lingayibopha ngokomthetho.

11


ukukugcina uvalelwe kuze kudlule amahora angama-48 ngaphandle kokukuyisa enkantolo. iphoyisa lingakukhipha ngebheyili uma umthetho uvuma, yize noma kungaba nemibandela ekukhishweni kwakho.

Ngaphansi kwezimo ezithile ezikhethekile amaphoyisa avumelekile ukuthi alephule ilungelo lakho ngokomthethosisekelo uma ekubopha. Lezi zimo ziveziwe eMthethweni weNqubo yamaCala ye-1977.

Isigaba sama-40(1) salo mthetho sivumela iphoyisa ukuthi limbophe umuntu ngaphandle kwemvume evela enkantolo uma lowo muntu:

• Enze lelo cala phambi kwalo iphoyisa, noma ezama ukulenza;

• Eqile endaweni avalelwe kuyo noma ezama ukweqa; • Enethuluzi angalisebenzisela ukugqekeza indlu noma imoto

kodwa engakwazi ukuchaza ukuthi kungani eliphethe; • Ephethe into okusolwa ukuthi intshontshiwe; • Etholakale ebusuku ezimweni ezinganika iphoyisa izizathu

ezizwakalayo zokusola ukuthi lowo muntu wenze noma uzokwenza ubugebengu;

• Usolwa ngokwenza icala eliphathelene nezidakamizwa noma izikhali;

• Ephazamisa amaphoyisa uma enza umsebenzi wawo; • Esolwa ngokuphula umbandela obekwe yinkantolo

ngenkathi ihlehlisa noma ilengisa isigwebo; • Esolwa ngokuhluleka ukukhokha ngesikhathi inhlawulo

ekhishwe yinkantolo; • Usolwa ngecala lodlame lwasekhaya.

Uma iphoyisa libopha umuntu ngaphandle kwemvume yokumbopha evela enkantolo ngaphansi kwalesi sigaba, umuntu kumele abekwe elilodwa lalawa macala.

Isigaba sama-49 soMthetho weNqubo yoBugebengu siphathelene nokusetshenziswa kwendluzula uma kuboshwa abantu. Amaphoyisa angalusebenzisa lolu hlobo lwendluzula uma kunesidingo futhi kufanele ngokwesimo ukuze bakwazi ukunqanda ukunqaba ukuboshwa noma ukuzama ukuvimbela ukuthi umsolwa angabaleki.

AMALUNGELO AKHO NGENKATHI USAVALELWE ESITOKISINI1. UMthethosisekelo Uma uvalelwe esiteshini samaphoyisa, amalungelo akho avikelwe Isigaba sama-35 (2) soMthethosisekelo. Lesi sigaba sithi:

Ukuphawula

Awunalo ilungelo lokuvele ukhishwe nje ngebheyili. Lokhu kungenzeka “uma umthetho/inkantolo ivuma”. Ngamanye amagama, amaphoyisa nemantshi azobheka izinto eziningi uma enza isinqumo sokuthi azokunika yini ibheyili noma cha. Lezi zinto zibandakanya lokhu: • Ingabe bekuyicala lakho

lokuqala leli? • Ingabe nguwe owondla

umndeni wakho? • Unazo izingane ezincane?• Ungalahlekelwa umsebenzi

wakho uma bekuvalela? Izinkantolo zijwayele ukubeka imibandela ethile uma zikunika ibheyili. Isibonelo, kungase kube nombandela othi akumele usondele eduze kofakazi, noma kumele uye esiteshini samaphoyisa ngezikhathi ezithile.

12


Wonke umuntu ovalelwe, kubandakanywa zonke iziboshwa, unelungelo –

a) Lokwaziswa ngaleso sikhathi ngesizathu sokuvalelwa;

b) Lokukhetha, nokuxhumana, nomsebenzi wezomthetho, kanye nokwaziswa ngaleli lungelo ngaleso sikhathi;

c) Lokuba nomsebenzi wezomthetho ojutshelwe ukubhekana nomuntu ovalelwe akhokhelwe Umbuso, uma kubonakala ukuthi angeke bube khona ubulungiswa, bese aziswa ngalokhu ngaso leso sikhathi;

d) Lokuphonsa inselela ekubeni semthethweni kokuvalelwa komuntu ngaphambi kwenkantolo bese, kuthi uma ukuvalelwa kungekho emthethweni, lowo muntu akhishwe;

e) Le mibandela yokuvalelwa ehambisana nesithunzi somuntu, okubandakanya ukuzivocavoca nokuhlinzekelwa, Umbuso, ngendawo yokuhlala ekahle, ukudla, izincwadi zokufunda kanye nemithi yokwelashwa; kanye

f) Nelokuxhumana, nokuvakashelwa, – (i) oganene naye noma umlingani wakho; (ii) isihlobo osondelene naso; (iii) umeluleki wezenkolo ozikhethele yena; kanye (iv) nomsebenzi wezempilo ozikhethele yena.

Kusho ukuthini lokhu kuwe njengomuntu osebenza ngocansi? · Uma amaphoyisa ekubopha, kumele akuyise esiteshini

samaphoyisa ngokushesha. Akufanele ahambe nawe azulazule isikhathi eside usevenini yawo.

· Uma ufika esiteshini samaphoyisa, iphoyisa kumele likutshele izizathu oboshelwe zona.

· Iphoyisa kumele likuvumele ukhulume nommeli noma umndeni wakho.

· Indawo lapho uzovalelwa khona kumele kube ukuthi ihlanzekile.

· Kumele uthole ukudla okulungile. · Kumele welashwe uma kunesidingo. · Ungacela amaphoyisa akukhulule ngokukuxwayisa

(ngebheyili yamahhala). Lokhu kusho ukuthi amaphoyisa azokunika isaziso sokuvela enkantolo ngosuku olulandelayo.

2. Inqubomgomo yamaPhoyisa nemithetho emile

Umsebenzi wezobuPhoyisa uneNqubomgomo mayelana nokuVimbela ukuhlukunyezwa nendlela yokuphathwa kwabantu uma bevalelwe esiteshini samaPhoyisa

13


aseNingizimu Afrika. Le Nqubomgomo ibeka imihlahlandlela yohlaka okumele lulandelwe oKhomishana beSiteshi kanye nabanye abakhuzi besiteshi ukuze kuvinjwe ukuhlukunyezwa noma ukuphathwa kambi kwabantu abavalelwe. Imihlahlandlela ifaka lezi zinto ezilandelayo:

• Isimo segumbi ozovalelwa kulo;• Amalungelo okuvakashelwa ngokomthetho;• Ukunakekelwa kweqembu elithile labantu; kanye• Nokuhlinzekwa ngezingubo zombhede, ukudla kanye

nezingubo zokugqoka.

Amaphoyisa “anemithetho emile” eyimiyalelo okumele ayilandele ngendlela okumele aphathe ngayo abantu uma bevalelwe. Ehambisana nawe wena njengomsebenzi wocansi yile:

Umthetho omile (G) 341Isigaba se-8(3) sithi uma uboshiwe, amaphoyisa anomsebenzi wokuqinisekisa ukuthi uphephile ngenkathi usavalelwe. Kumele abhale phansi noma yikuphi ukulimala okuthole ngesikhathi uvalelwe ezincwadini zabo, ezibizwa nge-pocket book.

Umthetho omile (G) 349.2 Isigaba sesi-2 somthetho sithi uma ulimele, iphoyisa elikubophile linomsebenzi ngokuboshwa umthetho wokukunakekela kanye nokuqinisekisa ukuthi uthola ukwelashwa. Isigaba sesi-4 sithi iphoyisa kumele libhale phansi encwadi yalo zonke izinto elizenzile ukukutholela usizo lokwelashwa.

Umthetho omile (G) 361Lo mthetho umayelana nezimo zegumbi ovalelwe kulo.

· Igumbi kumele lingene ukukhanya nomoya owanele. · Igumbi kumele lihlanzeke. · Kumele unikwe umatilasi nengubo yokulala

okuhlanzekile.

Amalungelo akho enkantolo

Uma iphoyisa likubeke icala bese kufanele uvele enkantolo, unalawa malungelo alandelayo ngaphansi kwesigaba sama-35 (3) oMthethosisekelo:

“Wonke umsolwa unelungelo lokuqulwa kwecala lakhe kahle, okubandakanya ilungelo –

a) Lokwaziswa ngecala abekwe lona nemininingwane eyanele yokuphendula;

14


b) Lokuthola isikhathi kanye nezinsiza ezanele ukuze alungiselele ukuzivikela;

c) Lokuqulwa kwecala lakhe emphakathini ngaphambi kwenkantolo ejwayelekile;

d) Lokuqala kokuqulwa nokuphethwa kwecala ngesikhathi esikahle ngaphandle kokusilela emuva;

e) Lokuba khona ngelanga lokuqulwa kwecala;f) Lokukhetha, nokumelwa, osebenza ngezomthetho,

kanye nokwaziswa ngaleli lungelo ngaleso sikhathi;g) Lokuba nomsebenzi wezomthetho ojutshelwe

ukubhekana necala lomsolwa akhokhelwe Umbuso, uma kubonakala ukuthi angeke bube khona ubulungiswa, bese aziswa ngalokhu ngaso leso sikhathi;

h) Lokuthi athathwe njengomsulwa, okhetha ukuthula, nokungethuli ubufakazi ngesikhathi secala;

i) Lokuveza nokuphonsa inselelo ebufakazini obethulwayo;

j) Lokungaphoqwa ukuthi anikeze ubufakazi obumcindezelayo;

k) Lokuqulwa kwecala ngolimi oluqondwa umsolwa noma, uma lokho kungeke kwenzeke, lokuthi kube khona utolika ngenkathi kuqulwa icala;

l) Lokugwetshelwa isenzo noma ukungenzi obekungelona icala ngaphansi komthetho kazwelonke noma womhlaba jikele ngesikhathi elenziwe ngaso noma elingenziwanga ngaso;

m) Lokungaquliswa icala ngesenzo noma ngangakwenzanga ngecala lowo muntu ake atholakala engenalo icala kuso noma agwetshelwa lona;

n) Lokuhlomula ekuncishisweni kwesigwebo esibekiwe uma isigwebo esibekiwe sesishintshile phakathi kwesikhathi okwenziwa ngaso icala nesikhathi agwetshwa ngaso; kanye

o) Nelokudlulisa, noma ukubuyekezwa, kwecala enkantolo ephakeme”

Uma uvela okokuqala enkantolo ngecala obekwe lona

Isebenza kanje inqubo yasenkantolo uma uvela okokuqala ngecala obekwe lona:

1. Kukhona Umsebenzi woSizo lwezoMthetho kuzo zonke izinkantolo, ozele uzothatha icala lakho ngaleso sikhathi.

2. Umsebenzi woSizo lwezoMthetho noma ummeli kumele athathe isitatimende kuwe. Bazokutshela ukuthi yiliphi icala obhekene nalo. Bazokubuza ukuthi uyalivuma noma

Ukuphawula

Uma unganelisekile ngoMsebenzi woSizo lwezoMthetho, ungaxhumana neBhodi loSizo lwezoMthetho. Zikhona izinombolo zokuxhumana emuva kwale ncwajana.

15


uyaliphika yini icala; ngamanye amagama, uzothi nginecala noma anginacala?

Ungathi ‘uyalivuma icala’ NGAPHANDLE: · Uma ubenzile ubugebengu becala osolwa ngalo;

FUTHI · Ungeke ukwazi ukuzivikela ngezenzo zakho.

Isibonelo, uma ugwaze umuntu ngoba uzivikela, isizathu esizwakalayo lezo sokuzivikela.

Kumele uthi ‘angilivumi icala’ uma: · Ungabenzanga ubugebengu;

NOMA · Ubenzile ubugebengu, KODWA ubunesizathu esihle

sokubenza. Lesi sizathu yiso ozozivikela ngaso.

3. Umsebenzi woSizo lwezoMthetho uzotshela inkantolo ukuthi uyaliphika noma uyalivuma yini icala bese icala liyaphela noma lihlehliselwe olunye usuku oluzayo.

· Uma ulivuma icala, inkantolo ingawisa isigwebo khona lapho, ngalokho icala ngeke lisahlehliswa.

· Uma ulivuma icala bese inkantolo ingafuni ukukhipha isigwebo ngaleso sikhathi, icala lingahlehliswa.

· Uma uliphika icala, icala lizohlehliswa ukuze Umbuso (umshushisi namaphoyisa) bezoqhubeka nophenyo.

· Uma uke wavela enkantolo ngaphambilini, uma namaphoyisa eseqedile ngophenyo lwawo nommeli wakho enayo ikhophi yedokodo lamaphoyisa, icala lizobe selihlehliselwa ukuthi lizoqulwa.

4. Uma icala lihlehliswa, ungakhishwa ngesixwayiso sokubuye uzovela enkantolo ngosuku olulandelayo ozonikwa lona, noma ungakhishwa ngebheyili.

Uma ufuna ukukhishwa ngebheyili, kuzomele wenze imantshi ikholwe ukuthi: · Angeke ubaleke. · Unekheli elisebenzayo. · Awusiyo ingozi kwabanye abantu. · Angeke ubenze obunye ubugebengu. · Angeke ubasabise ofakazi.

Uma inkantolo inquma ukukunika ibheyili, ungahamba uye ekhaya uma usuyikhokhile imali.

16


UMA ULIPHIKILE ICALA LIBE SELIQHUBEKA NOKUQULWA

Uma Umbuso (amaphoyisa nomshushisi) sebeqedile ukwenza uphenyo, nommeli wakho eselitholile ithuba lokulungiselela, ukuqulwa kwecala kuyaqhubeka. Nakhu okuzokwenzeka:

1. Umbuso wethula uhlangothi lwalo · Umshushisi wethula uhlangothi lombuso kumantshi

ukuze aveze ukuthi unecala. Bajwayele ukubiza ofakazi, abafana nephoyisa elikubophile, ukuze lizokwethula ubufakazi obukucindezelayo.

· Emva kwalokho ummeli wakho uzothola ithuba lokuphonsa imibuzo kofakazi.

· Emva kwalokho, umshushisi usengaphinde abaphonse imibuzo ofakazi. Bese Umbuso uyaliguqisa uhlangothi lwawo.

Ngalesi sikhathi, uma bungekho ubufakazi obenele obukucindezelayo, ummeli wakho angacela ukuthi inkantolo inikhiphe – ngamanye amagama, lichithwe icala. Uma inkantolo ivuma, ungahamba ngokukhululeka. Uma inkantolo ingavumi, icala liyaqhubeka.

2. Ukuzivikela kwakho ecaleni · Manje sekuyisikhathi sommeli wakho sokuthi abeke

olwakho uhlangothi enkantolo. Bangabiza ofakazi, kubandakanywa nawe.

· Emva kwalokho umshushisi uzobe esephonsa ofakazi bakho imibuzo.

· Njengasekuqaleni, ummeli wakho ube esethola ithuba lokuthi aphinde abuze ofakazi benu imibuzo.

3. Amaphuzu aphikisanayo Manje umshushisi nommeli wakho bazothola ithuba lokuthi bagoqe banikeze nezizathu zokuthi kungani imantshi kumele ikuthole unecala noma ikuthole ungenacala.

4. Ukwehlulelwa Kulesi sikhathi imantshi izosho ukuthi inkantolo ikuthole unecala noma ungenacala. Uma utholakale ungenacala, ungaphuma ukhululeke.

5. Ukugwetshwa Uma utholakale unecala, inkantolo kuzomele iwise isigwebo.

· Okokuqala umshushisi uzonikeza izizathu ezimbi enkantolo ezivumelana nesigwebo esithile (Ukunika izizathu ezimbi ukwenza into ibe yimbi ngokudlulele).

Izincazelo

Ukuphonsa imibuzo: Lesi isikhathi lapho umshushisi noma ummeli okumele bebuza ofakazi abeze nabo imibuzo. Inhloso ukuphonsa inselelo kulokhu obekushiwo ufakazi noma ukuthola olunye ulwazi.

17


· Emva kwalokho ummeli wakho uthola ithuba lokunikez izizathu zokuzikhalela ngokuthi kungani kungamele uthole isigwebo esikhulu (ukuzikhalela ukwenza into ibe nobubi obuncane noma ingabi yimbi kakhulu). Lezi zingabandakanya lokhu:

· Uyazisola. · Kukhona okwenzile ukulungisa okubi okwenzile. · Ungaphansi kweminyaka eyi-18 yobudala. · Yicala lakho lokuqala. · Abantu abaningi abathembele kuwe. · Unezinye izinto ezisemahlombe akho/eziwumthwalo

wakho. · Ukuvalelwa ejele akukulungele: Isibonelo, ngenxa

yezempilo kuwe.

6. Ukudlulisa noma UkubuyekezwaUzoba nethuba lokudlulisa noma lokubuyekeza isigwebo. Lokhu kusho ukuthi uzocela inkantolo ephakeme ukuthi ishintshe isinqumo semantshi.

6. UMTHETHO UNGAKUSIZA KANJANI UMA AMAPHOYISA EHLUKUMEZA AMALUNGELO AKHO

Uma uboshiwe, kanti namaphoyisa engafuni ukulandela izinqubo ezifanele esizichaze Kusahluko 5, kunezinto eziningana ongazenza.

• Uma iphoyisa likuphathe kabi noma uvalelwe endlini engcolile, ebandayo noma engaphephile, ungafaka isikhalazo kuMkhuzi Wesiteshi waleso siteshi samaphoyisa.

• Uma Umkhuzi Wesiteshi leso engakusizi, usengafaka isicelo Kuphiko Lwezikhalazo Oluzimele (ICD) noma Ikhomishane Yamalungelo Abantu.

• Uma iphoyisa lenza isenzo sobugebengu kuwena, unelungelo lokumangalela lelo phoyisa. Isibonelo, ubugebengu obungenziwa ngamaphoyisa bubandakanya: · Ukuhlukumeza emzimbeni: Isibonelo angakushaya noma

akufuthe nge-pepper spray. · Ukuhlukumeza ngamazwi: Isibonelo uma bekuchapha

ngamagama amabi. · Ukugwazisa: ekufuna imali noma ukuya nawe ocansini

ukuze akudedele. · Ukuntshontsha: Uma entshontsha impahla yakho.

• Ungaphinda ubize inhlawulo kuNgqongqoshe Wezamaphoyisa ubize amademeshe uma amalungelo akho omthethosisekelo ehlukunyezwa.

18


LIMANGALELWA KANJANI IPHOYISA LOMTHETHO

1. Uma iphoyisa likuhlukumezile ngokushaya noma likunukubeze ngokocansi, qala ngokuya kudokotela. Lokhu kwenzelwa ukuvikela impilo yakho, kanye nokuqoqa ubufakazi. Iya khona ngokushesha ngaphambi kokuba amabala nokulimala kuphele emzimbeni. · Ungakhetha ukuya kudokotela wakho noma udokotela

wahulumeni (obizwa ngodokotela wesifunda). · Uma iphoyisa lomthetho likunukubeze ngokocansi,

isib. Ukudlwengulwa, ungawashi noma ushintshe izingubo zakho. Lokhu kungaphazamisa ubufakazi obungasetshenziswa ukufakazela leso senzo sephoyisa.

2. Qonda ehhovisi lamacala esiteshini samaphoyisa esiseduze nawe uyobeka isikhalazo. Uma uthanda ungahamba nomfundisi, uthisha noma usonhlalakahle ukuze akusize.

· Amaphoyisa azothatha isitatimende kuwena ngamanye amazwi, azobhala phansi lokho okushoyo mayelana necala elenziwe kuwena. Uqaphele kakhulu ukuthi uthini ngoba kufanele ukufungele ukuthi kuyiqiniso.

· Ungasayini isitatimende sakho uma ungeneme ngendlela amaphoyisa abhale ngayo isitatimende leso. Cela ukusishintsha ngaphambi kokuba usayine.

· Akukho sezandleni zamaphoyisa ukusho ukuthi sibucayi ngokwenele ukuba singaphenywa isikhalo sakho. KUFANELE athathe isitatimende kunoma ubani oza esiteshini samaphoyisa ukuzobeka isikhalo.

· Emva kokwenza isikhalazo sakho, cela ikhophi yalokho okubhaliwe ngaphambi kokuhamba ehhovisi lamacala. Unelungelo lokucela ikhophi.

· Thola inombolo yereferensi. Leyo yinombolo yecala yerejista okufanele amaphoyisa agcine irekhodi lawo wonke amacala noma izikhalazo okufanele zigcinwe khona uma zenziwe kuleli hhovisi lamacala. Lobu ubufakazi bakho bokuthi ubike icala. Ireferensi ibizwa ngenombolo ye-OB (Inombolo Yencwadi Yezehlakalo) noma i-VB-nommer (Voorvalleboeknommer).

3. Thola umbiko wezempilo. Uma ulimele futhi udinga ukwelashwa, amaphoyisa azokucela ukuba uthole ifomu eligcwalisiwe lombiko wezempilo. Leli fomu libizwa nge-JSS yombiko wezempilo. Hambisa ifomu kudokotela okulaphile kuqala, bese ulibuyisela ligcwalisiwe ehhovisi lamacala. Kungumqondo omuhle ukugcina ikhophi yakho egcwalisiwe yaleli fomu.

19


4. Landelela inqubekelaphambili. Emva kokwenza isitatimende sakho, amaphoyisa kufanele agcine idokodo lecala bese eliphenya. Gcina inombolo yecala udamane uzobheka ukuthi kuqhubeka kanjani ngecala. Uma ungeneme ngenqubekelaphambili eyenzekayo, ungafaka isikhalazo kuMkhuzi Wesiteshi noma Kuphiko Lwezikhalazo Oluzimele.

PHO KWENZEKANI UMA UWESABA AMAPHOYISA?

Abasebenza ngocansi abaningi bayesaba ukuthi uma bebeka amaphoyisa icala, amaphoyisa azobabangela izinkinga eziningi. Kunezinto abangazenza ukuzivikela kulokho:

· Uma iphoyisa seliboshiwe, ungacela ukuba umshushisi ayiphikise ibheyili. Lokhu kungenxa yokuthi wesaba ukuthi iphoyisa liNgakwesabisa, noma liphazamise ofakazi noma-ke lichithe ubufakazi.

· Uma imantshi inikeza iphoyisa ibheyili, kunemibandela ehambisana nayo. Isibonelo, imantshi ingathi iphoyisa lelo lingakuthinti, futhi lingakwesabisi wena noma abanye ofakazi.

Uma iphoyisa elikhishwe ngebheyili lingazenzi lezi zinto, lapho-ke kufanele ukubike lokhu ngokushesha kulowo mshushisi ophethe icala lakho. Iphoyisa lizobe seliboshelwa ukweqa imibandela yebheyili lihlale esitokisini kuze kuphele icala.

UDABA LOMNYAKAZO OYIMPUMELELO WOKUTHATHELWA KWAMAPHOYISA IZINYATHELO EZINQALA

Ngowezi-2007 abasebenza ngocansi basemgaqweni eKapa bafaka izikhalazo ngokuthi amaphoyisa ayehlala ebabopha, ngisho noma azi amaphoyisa ukuthi ngeke bagwetshwe. Umbutho Ogqugquzela Ukufundiswa Kwabasebenzi ngocansi (SWEAT) wanquma ukukuqeda nya ukuhlukunyezwa kwalolu hlobo.

I-SWEAT yanxusa Inkantolo Ephakeme yaseKapa ukuba ingenelele ikhiphe i-restraining order yokunqanda amaphoyisa ukuba:

• Abophe abasebenzi ngocansi uma ayengenanhloso yokubabeka icala enkantolo.

• Abophe abasebenzi ngocansi ukuze abahlukumeze, abajezise noma abesabise, noma-ke yinoma yisiphi isizathu esingahambisani nomthetho.

Izincazelo

UPhiko LukaZwelonke LokuBoshwa Kwabantu Isigaba 179 Somthethosisekelo weRiphabhulikhi yaseNingizimu Afrika we-108 ngowe-1996, wayalela ukuba kwakhiwe uPhiko LukaZwelonke LokuBoshwa Kwabantu (NPA). I-NPA inamandla okwenza lokhu: Ukuqalisa nokuqhuba inqubo yokushushisa kwezamacala esikhundleni soMbuso, ukubhekelela izinqubo eziqondene namacala obugebengu (kubandakanya ukuphenya) kanjalo nokunqamula inqubo yecala.

20


Amaphoyisa aseKapa kanye NamaPhoyisa Amasipala Wendawo YaseKapa azivikela ngokuthi ukubopha abasebenzi ngocansi kwakuyingxenye yemisebenzi yawo yokuvikela ubugebengu. Aphinde athi kwakuyiphutha LoPhiko LukaZwelonke LokuBoshwa Kwabantu, i-National Prosecuting Authority, uma abantu babengagwetshwa emva kokuvalelwa.

I-SWEAT yaphuma phambili ecaleni. Ngomhlaka 20 kuMbasa wezi-2009, iNkantolo yakhipha umyalelo wokuthi amaphoyisa apheze ukubopha abasebenzi ngocansi nganoma yisiphi isizathu okungesona sokushushisa. Inkantolo yathi ukuphela kwesizathu esizwakalayo sokubabopha ukubaletha phambi kwenkantolo bazobhekana necala. Uma amaphoyisa azi ukuthi awekho amathuba okuba bazobekwa icala, akufanele bavalelwe labo bantu, ngokusemthethweni akufanele ababophe.

Lokhu kusho ukuthi amaphoyisa awavunyelwe ukuhlukumeza abasebenzi bocansi nokubabopha ngenhloso yokubesabisa. Uma amaphoyisa ebopha abasebenzi bocansi, kufanele abe nenhloso yokubayisa phambi kwenkantolo.

Kwabezindaba‘Abasebenzi bocansi baseKapa baphume phambili ecaleni lokumangalela amaphoyisa, SAPA, 2009 04 20 Icashunwe kwi-The Citizen : Isikhalo sakhishwa ngaboMbutho Ogqugquzela Ukufundiswa Kwabasebenzi ngocansi, i-Sweat. Sasibandakanya ama-afidavithi ayi-13 abasebenzi ngocansi noma ababengabasebenzi ngocansi, achaza ngokuphelele lokhu u-Fourie akuchaza ngokuthi “impatho yokuhlukumeza noma engafanele” eyenziwa ngabe-SAPS namaphoyisa omkhandludolobha. UFourie uthe yize noma amaphoyisa eziphikile lezo zinsolo, akazange akuphike ukuthi abasebenzi ngocansi bebevalelwa “ngaphansi kwezimo lapho ababavalelayo bazi kahle kamhlophe ukuthi ngeke bashushiswe “. Amanye ama-afidavithi amaphoyisa abenziwe ngowayengukhomishina wesiteshi sase-Claremont, eyakhombisa ukuthi kubasebenzi ngocansi abayi-106 abavalelwa kulesiya siteshi ngowezi-2006, akekho noyedwa owaboshwa. “Okuhlalukayo ukuthi kubonakala umkhuba kuma-afidavithi abasebenzi ngocansi ukuthi, emva kokuvalelwa kwabo, bagcinwa esitokisini ebusuku bese emva kwalokho bayobingelela iMantshi yeNkantolo ngakusasa ekuseni, nokuyilapho bededelwa khona emva kokugcinwa amahora ambalwa,” kusho Ijaji.”Sekuphawulwe kaningi yizinkantolo zethu ukuthi inhloso yokuvalelwa komuntu ngaphambi kwenkantolo yomthetho, ukuba abhekane nokushushiswa.”

Izincazelo

I-Restraining order: Umyalelo wesikhashana okhishwayo wokuvimbela umuntu ukuba enze okuthile. I-Interdict: Umyalelo wenkantolo ovimbela isenzo esithile.

21


Ukunqoba kwabasebenzi ngocansi okuyingqophamlando , Ngu-Karen Breytenbach , (icashunwe ku-Cape Times, yangomhlaka 20 kuMbasa wezi-2009) Kulokho okuqagulwe njengokunqoba okuyingqophamlando ekulwelweni kwamalungelo abasebenzi ngocansi kanye namanye amaqembu asengcupheni yokuxhashazwa, Inkantolo Ephakeme yaseNtshonalanga Kapa izolo ingenelele yakhipha nencwadi yokunqanda abe-SAPS namaphoyisa omkhandludolobha we-Metropole ukuba bavalele yize bazi kahle ukuthi ngeke babekwe cala noma bashushiswe.

7. EZABASEBENZI NAMALUNGELO AKHO

Uma ungumsebenzi ngocansi osebenza ebhrotheli, kusho ukuthi umnikazi webhrotheli ungumqashi wakho wena ungumsebenzi wakhe. Unamalungelo alinganayo nanoma yimuphi omunye umsebenzi okuthola izimo zokusebenza ezifanele kanye nokuphathwa ngokulunga. Iphuzu lokuthi ukuqwayiza kuphambene nomthetho akuchazi ukuthi abanikazi bamabhrotheli abanayo imithetho yezabasebenzi okufanele bayilandele.

Amalungelo ayisisekelo abasebenzi abekwe acaca kuSigaba 23 soMthethosisekelo. Lapho kuthi:

1. Wonke umuntu unelungelo lokuphathwa ngobulungiswa.2. Wonke umsebenzi unelungelo –

(a) ukwakha nokujoyina inyunyana yezabasebenzi; (b) ukuzibandakanya emsebenzini nasezinhlelweni zezinyunyana zamasebenzi; kanjalo (c) nokuteleka.

Nazi ezinye zezindlela ezijwayelekile zokuphula amalungelo abasebenzi basemabhrotheli:

• Ukuphoqwa ukusebenza amahora amade• Abaqashi baphoqa abasebenzi ukuba bakhokhe izinhlawulo

ezingekho emthethweni• Ukwesabisa ukubadalula ukuthi bangabasebenzi ngocansi• Ukungakwazi ukuzikhethela amakhasimende• Ukuphoqwa ukuhlolela igciwane LeSandulela-Ngculazi• Ukuxoshwa okungenabulungiswa.

AMALUNGELO ABASEBENZI NOMTHETHOAmalungelo akho njengomsebenzi avikelwe yimiThetho emine:

22


1. Umthetho Wezimo Zokusebenza Oyisisekelo we-1997

Umthetho Wezimo Zokusebenza Oyisisekelo ubeka ngokusobala imithetho yezimo zokusebenza. Uma uyimenenja ephezulu,

Amahora• Akufanele usebenze amahora angaphezu kwangama-45

ngesonto ngaphandle uma unikezwa inkokhelo yokusebenza ngaphezu kwesikhathi esifanele.

• Akufanele usebenze amahora angaphezu kwama-3 ngaphezu kwanqunyiwe ngosuku kanye namahora ayi-10 ngesikhathi esinqunyiwe ngesonto.

• Kufanele uthole okungenani amahora ayi-12 ungasebenzi zonke izinsuku.

• Kufanele uthole amahora angama-36 (izinsuku ezimbili nohhafu) ungasebenzi njalo ngesonto. Isonto usuku lokuphumula ngaphandle uma wena nomqashi wakho nivumelene ngokunye.

• Uma usebenza ebusuku, phakathi kwamahora 18:00 kanye no-06:00, umqashi wakho kufanele akukhokhele imadlana NOMA akuhlinzeke ngezokuthutha eziphephile ezizokubeka ekhaya lakho.

• Kufanele uthole ikhefu elilodwa lokudla emva kwamahora amahlanu usebenza, ngaphandle uma amahora omsebenzi eyisithupha ngosuku. Ungavumelana nomqashi wakho ukuba uthathe uhhafu wosuku, kodwa lwesivumelwano kufanele senziwe ngokubhala.

Le mithetho yamahora omsebenzi ayisebenzi uma:• Uyimenenja ephezulu. • Usebenza amahora angaphansi kwama-24 ngenyanga. • Uhola ngaphezu kwezi-R89455 ngonyaka.

Ilivu• Unelungelo lokuthola ilivu yonyaka, eyokugula, eyokuteta

kanye neyokubhekana nezimo zomndeni.

Eminye imithetho• Akekho umuntu ongaphoqwa ukusebenza engathandi. • Akekho umuntu ongaqasha ingane engaphansi kweminyaka

eyi-15 yobudala.

2. UMthetho Wokuqasha Ngokulinganayo we-1998

Lo mthetho uhlose ukwakha isimo sokulingana nesingacwasi emsebenzini. Uthi akekho umuntu ongacwaswa ngenxa yobuhlanga, isimo somshado, ubulili, noma ngenxa yokuthi ekhulelwe.

Izincazelo

Incazelo yomqashi: umuntu, inhlangano noma inkampani enomsebenzi wokuqasha abantu.

23


Umthetho wokuqasha ngokulingana ukubeka kucace ukuthi ukwenza izenzo zokuhlukumeza ngokocansi yisenzo sokucwasa. Uphinde ulawule ukuhlolwa kwezokwelapha, ukuhlolelwa igciwane leSandulela-Ngculazi kanye nokuhlolwa ngokwengqondo.

3. UMthetho Wezempilo Nokuphepha Emsebenzini we-1993

Lo mthetho kuhloswe ngawo ukuqinisekisa ukuthi izimpilo zawo wonke umuntu nokuvikeleka kwabo kuphephile emsebenzini. Kunemihlahlandlela okufanele ilandelwe ngabaqashi, futhi bangahambela izindawo zomsebenzi ezikhathini ngezikhathi ukuqinisekisa ukuthi imithetho iyalandelwa.

Njengomuntu oqashiwe unesibopho sokunakekela impilo yakho nokuphepha kwakho. Kufanele uzinakekele ulandele nezinqubo zakhona, isibonelo amakhondomu.

Yonke indawo yokusebenza kufanele ibe nomele ezokuphepha. Kufanele kubikwe noma yiziphi izimo zokusebenza ezingavikelekile noma izingozi ezehlayo kulo muntu ngokushesha.

4. UMthetho Wobudlelwane Nabasebenzi we-1995

Lo mthetho ulawula ukuthi abaqashi nabasebenzi babo basebenzisana kanjani. Ubhekene namalungelo abasebenzi nabaqashi malungana nobulungiswa, ukuxoxisana kanye nokuxazululwa kwezingxabano namalungelo nezibopho.

I-LRA ibhekelele izinto ezifana nalokhu:

• Amalungelo abasebenzi okusungula nokujoyina inyunyana; • Amalungelo abaqashi okusungula nokujoyina izinhlangano

zabaqashi; • Amalungelo ezinyunyana endaweni yomsebenzi;• Ukuhlanganyela ezingxoxweni;• Izigcawu zezingxoxo nemiKhandlu Yahulumeni; • Ukusungulwa kwezithangami emsebenzini, ezivumela

abasebenzi ukuba bazibandakanye ezinqumweni emsebenzini;

• Yiziphi izinqubo ezilungile nezingalungile; • Izinqubo okufanele zilandelwe ukuze ukuxoshwa kube

ngokunobulungiswa; • Izakhiwo nezinqubo zokusonjululwa kwezinkinga,

kubandakanya Ikhomishana Yokubuyisana; • Isiteleka sasemsebenzini.

Izincazelo yegama

Ukusilela: Xa umntu ethe akayenza into ebemele ukuba uyenzile.

24


Izinqubo zasemsebenzini ezingenabulungiswaUmthetho Wobudlelwane Nabasebenzi awuzivumeli izenzo ezingenabo ubulungiswa emsebenzini. Isenzo esingenabo ubulungiswa yinoma yikuphi ukwenza okungenabulungiswa noma ukuphutha ukwenza okuthile endaweni yomsebenzi, okubandakanya okulandelayo:• Uma umqashi ekhuphula esikhundleni noma ehlisa

esikhundleni noma-ke emisa emsebenzini ngendlela engenabulungiswa;

• Ukuziphatha okungenabulungiswa ngokuhlobene nokuhlinzeka ngokuqeqesha;

• Uma umqashi ebhekene nemihlomulo efana nempesheni, ukuxhaswa ngosizo lwezokwelapha njll ngendlela engenabulungiswa;

• Uma umqashi exosha umsebenzi ngendlela engenabulungiswa; (Leli phuzu lichazwa kabanzi ngezansi);

• Uma umqashi eziba isivumelwano futhi enqabe ukuvumela umsebenzi aphindele emsebenzini;

• Uma umsebenzi othile eceba umqashi ngokwenza okungalungile noma okuphambene nomthetho, bese umqashi eziphindiselela ngokwemuka umsebenzi umhlomulo omfanele.

Uma umqashi enze noma yiziphi izenzo ezibalulwe ngenhla, ungadlulisela udaba kuKhomishani Yezokubuyisana (CCMA) ezinsukwini ezingama-90

UKUXOSHWA KANYE NOMTHETHOYINI UKUXOSHWA?

Ukuxoshwa yilapho umqashi enqamula ukusebenza kobeqashiwe – isibonelo uma umuntu exoshwa noma edilizwa. Ukuxoshwa kungaba nesaziso noma kungabi nasaziso:

• Uma uxoshwa ngaphandle kwesaziso, kufanele ukhokhelwe sonke isikhathi osisebenzile, kanjalo nayo yonke imali yelivu okungenzeka ukuba umqashi ukukweleta yona.

• Uma umqashi etshela umsebenzi ukuba aphume aphele emagcekeni asemsebenzini ngaleso sikhathi, lokho ukuxoshwa okuphuthumayo. Kusafanele ukhokhelwe yonke imali okweletwa yona. Kunezinqubo ezithile umqashi okufanele azilandele uma enza lokho, kungenjalo kungase kungabi nabulungiswa.

Uma uxoshwa futhi ucabanga ukuthi abukho ubulungiswa, ungadlulisela udaba kuKhomishani Wezokubuyisana esikhathini sezinsuku ezingama-90.

Izincazelo

Ukuphutha: Uma umuntu kufanele enze okuthile, kodwa yena angakwenzi.

25


UKUXOSHWA OKUNGENABULUNGISWA

Umthetho Wobudlelwane Nabasebenzi Unemibandela Yokuziphatha Okuhle okufanele umqashi ayilandele. Ubulungiswa banoma yikuphi ukuxosha bunqunywa ngokubuka izinto ezimbili: Ubulungiswa banoma yikuphi ukuxoshwa bunqunywa amaphuzu amabili: ubulungiswa beqiniso kanye nobulungiswa benqubo.

Ubulungiswa beqinisoUkuxoshwa bunobulungiswa beqiniso uma kwenzelwe isizathu esilungile nesifanele. Kunezizathu ezintathu zokuxosha umsebenzi:

• Ukweqiwa komthetho: Uma umsebenzi enze okuthile okubi kakhulu angasolwa ngako (okusho ukuthi kwakungeyona ingozi noma okwenzeke ngephutha).

• Ukungawazi umsebenzi: Umsebenzi engawenzi umsebenzi ngendlela, noma engakwazi ukuqhubeka nomsebenzi ngoba egula noma ekhubazekile.

• Ukuphelelwa umsebenzi noma ukudilizwa: Umqashi enciphisa izindleko ngokudiliza, noma umsebenzi usushintshile kodwa ungamfanele umsebenzi lowo.

Ubulungiswa benquboInqubo yokuxoshwa ngobulungiswa uma umqashi elandele inqubo eyiyo ngaphambi kokuxosha umsebenzi. Umsebenzi kufanele abe nethuba lokubeka olwakhe udaba, noma aphinde aqeqeshwe noma-ke afakwe esikhundleni esehlukile.

Ukuxoshwa okungenabulungiswa ngokwezinquboEzinye izinhlobo zokuxoshwa ngokwenqubo nje azinabo ubulungiswa. Umqashi wakho ngeke akuxoshele lezi zizathu:

• Ube yingxenye yesiteleka esingekho emthethweni.• Unqabile ukwenza umsebenzi obekufanele ngabe

ngokujwayelekile wenziwe ngomunye umuntu osaphumile oye esitelekeni (scabbing);

• Njengendlela yokukuphoqa ukuba ulandele izimfuno;• Ngoba ubuzama ukuqinisekisa ukugcwaliseka kwelungelo

lakho elisemthethweni njengomsebenzi;• Ngoba ukhulelwe;• Ngenxa yobuhlanga, ubulili, ubuzwe noma imvelaphi noma

umphakathi, iminyaka yobudala, ukukhubazeka, inkolo, umbono wezepolitiki, isiko, ulimi, isimo sokushada noma izibopho zomndeni.

• Ubike ubugebengu noma isenzo esingekho emthethweni esenziwe umqashi wakho.

26


YIZIPHI IZINYATHELO EZINGATHATHWA UMA KUBE NOKUXOSHWA OKUNGEKHO EMTHETHWENI?Uma ukholwa ukuthi uxoshwe ngokungekho emthethweni, ungasiphonsela inselele isinqumo sokukuxosha. Isahluko esilandelayo sizobeka ngokusobala zonke izinyathelo ongazithatha ukwenza lokhu.

Uma ukuxoshwa kwakho kutholakala kungenabo ubulungiswa, ungakhokhelwa imali yokukunxephezela. Abantu abenza umsebenzi osemthethweni bangacela ukubuyiselwa emisebenzini yabo kodwa lo mbandela awusebenzi kulabo abenza imisebenzi engekho emthethweni.

Inani lesinxephezelo lingafinyelela emholweni wezinyanga eziyi-12 uma umsebenzi exoshwe ngokungekho emthethweni. Uma ukuxoshwa kwakho kwakuyinqubo engenabulungiswa kungokunye kwalezi zizathu ezisohlwini olungenhla, ungathola umholo wezinyanga ezingama-24.

8. UMTHETHO UNGAKUSIZA KANJANI UMA AMALUNGELO AKHO NJENGOMSEBENZI EHLUKUNYEZIWE

I-CCMA yinhlangano ebhekele ukuxoshwa kwabantu ngokungekho emthethweni, amahora omsebenzi angekho emthethweni kanye nezinye izinqubo ezingenabulungiswa. Uma ukholwa ukuthi uxoshwe ngokungekho emthethweni, le yiyona ndawo ongafaka kuyo isikhalazo. Kufanele wenze umnyakazo ezinsukwini ezingama-30.

I-CCMA izoqala izame uhlelo lokubuyisana phakathi kwakho nomqashi wakho. Uma lokho kungaphumeleli, kuzanywe ukwahlulela noma ukuthatha isinqumo .

UKUBUYISANA

Lidluliselwa kanjani icala e-CCMAUma uphathwe ngendlela engenabulungiswa futhi ufuna ukudlulisela udaba lwakho e-CCMA, lezi yizinyathelo ongazithatha esikhathini sezinsuku ezingama-30:1. Gcwalisa ifomu elibizwa nge-LRA 7.11. Ungathola amakhophi

aleli fomu ehhovisi lezokwelulekwa ngezomthetho eliseduze nawe noma kusizindalwazi soMnyango Wezabasebenzi noma-ke kusizindalwazi sase-CCMA Kunohla lwamahhovisi okweluleka ngezomthetho ngemuva kwale ncwadi.

Izincazelo

Ukuxolelana: I nqubo lapho izinhlangothi zombili ezixabene zifika esivumelwaneni ngokufanele kwenziwe. Uma kuxolelwana i-CCMA isebenza njengomxhumanisi osiza izingxenye zombili zibonisane.

Ukwahlulela : Uma izinhlangothi zombili zingafinyeleli esivumelwaneni, i-CCMA izobukisisa wonke amaphuzu kanye nomthetho bese ithatha isinqumo. Othatha isinqumo izwi lakhe lingelokugcina – ngamanye amazwi, wonke umuntu kufanele alamukele yize noma engavumelani nalo.

Ukuthatha isinqumo : Ezinye izinhlobo ezibucayi zezingxabano zingadluliselwa Enkantolo Yabasebenzi kunokuyiswa e-CCMA uma ukuxolelana kungasebenzi. Inkantolo Yabasebenzi izokwenza isinqumo esingephikiswe.

27


2. Thumela ikhophi yefomu kumqashi ngefeksi, iposi elibhalisiwe noma uzilethele wena mathupha.

3. Thumela ikhophi e-CCMA ngefeksi, iposi elibhalisiwe noma uyilethe wena mathupha. Faka ubufakazi bokuthi uthumele ikhophi kumqashi, isibonelo isiliphu sokuthunyelwa kwefeksi, isiliphu seposi elibhalisiwe, noma i-afidavithi eqinisekisa ukuzifikela mathupha.

“I-Con-arb” yilapho ukubuyisana nokwahlulela kwenzeka ngosuku olulodwa, nekhomishini eyodwa. Uma ungakufuni lokhu, ungasho njalo kufomu.

Kwenzekani uma ngifake isicelo sekudlule isikhathi e-CCMA?Unezinsuku ezingama-30 zokufaka isicelo e-CCMA uma uxoshwe ngokungemthetho, noma izinsuku ezingama-90 uma ube yisisulu senqubo yezabasebenzi engenabulungiswa.

Kodwa uma weqiwe yisikhathi somnqamulajuqu, usengalithola ithuba: Ungafaka isicelo sokuzwelwa, okusho ukuthi ucela i-CCMA ukuba yelule isikhathi somnqamulajuqu. Ungakwenza lokhu kulo ifomu i-LRA 7.11 olisebenzisela ukufaka isicelo, noma i-CCMA ingakucela ukuba ugcwalise ifomu elithile kamuva.

I-CCMA ngeke ivele ikuzwele ngaphandle kokuba wenze okuthile. Kufanele ulethe isizathu esizwakalayo sokufaka isicelo emva kwesikhathi, nokuthi kungani kusabalulekile ukuba ufake isicelo sokuxolelana. Uma ucela uhlelo lokuzwelwa, kufanele ugxile kulezi zinto:

• Singakanani isikhathi esikudlulele: Amasonto, izinyanga noma yizinsukwana nje? Leli yizinga lokudlulelwa yisikhathi kwefomu lakho.

• Mangakanani amathuba okuthi isicelo sakho siphumelele?

Umhlangano wokubuyisana Uma usufake isicelo sokubuyisana ngempumelelo, ikhomishani yakwa-CCMA izohlela indawo nesikhathi, bese ikwazisa wena nomqashi wakho.

Emhlanganweni wokubuyisana, ikhomishani ihlangana nazo zombili izingxenye izame ukuthola isisombululo senkinga esizokwenelisa wonke umuntu. Umhlangano uqhutshwa ngendlela ekhululekile futhi ikhomishani ingahlangana nezingxenye ngokwahlukana noma ndawonye, ngokwezikhathi ezidingekayo. Ikhomishani inelungelo lokuphoqa ukuba umuntu othile athamele umhlangano – okusho ukuthi, icela noma ngubani ongufakazi ukuba azofakaza.

Ikhomishani kufanele izame ukuxazulula ingxabano ezinsukwini ezingama-30. Wena nomqashi wakho nikhululekile ukuvumelana nanoma yisiphi isisombululo.

28


Ekupheleni komhlangano, ikhomishani izokhipha isitifiketi esishoyo ukuthi ingxabano isixazululiwe yini noma cha. Asikho isidingo sokuthi uye wedwa emhlanganweni wokubuyisanaUngakhetha ukumelwa ngumlingani enisebenza naye, ilungu lenyunyana noma ummeli – ngamanye amazwi, laba bantu bangakukhulumela ngesikhathi kuqhubeka umhlangano. Ungaphinda uhambe ne-paralegal (umuntu onolwazi lwezomthetho kodwa ongesiye ummeli). Lo muntu angangakukhulumeli, kodwa angakweluleka ngesikhathi kuqhubeka umhlangano.

Umqashi wakho naye uvumelekile ukumelwa umsebenzi ofana neMenenja Yakwandabazabantu, isikhulu esivela enhlanganweni emele abasebenzi noma ummeli.

Uma icala limayelana nokuxoshwangenxa yokungaziphathi kahle noma ukungabi nolwazi lomsebenzi, akukho mmeli ovunyelwe ngaphandle uma ikhomishani ikuvumele lokho.

Uma abameli bevunyelwe ukuba khona kodwa wena ungenawo amandla okuthola ummeli, ungafaka isicelo sokuhlinzekwa ngosizo lwezomthetho. I-CCMA kufanele ikwazi ukutshela ukuba kwenziwa kanjani lokhu.

Ukubuyisana okuyimpumeleloUma wena nomqashi wakho nifinyelela esivumelwaneni, lapho ukuxolelana kube yimpumelelo futhi udaba luphelela lapho.

Kwenzekani uma isivumelwano sokubuyisana sephulwa?Isivumelwano enifinyelela kuso ngesikhathi sokubuyisana siyisibopho kuwena nomqashi wakho. Uma noma yimuphi wenu ephula isivumelwano, omunye angafaka isicelo Enkantolo Yabasebenzi ukuze isivumelwano senziwe umyalelo wenkantolo.

Nazi izinyathelo ezilandelwayo:

• Thola amafomu okufaka isicelo avela Kumngcinimarekhodi Wenkantolo bese uwagcwalisa.

• Faka ikhophi yesivumelwano kanye ne-afidavithi kuleso sicelo. I-afidavithi kufanele isho ukuthi:

· Ingabe ingxabano yayiswa nini kwezokubuyisana. · Wawunini umhlangano wokubuyisana. · Isivumelwano senziwa nini. · Kwenzekani emva kokwenziwa kwesivumelwano. · Kungenzeka ukuthi zikhona izimpoqo esezenziwe. · Ingabe wena uyigcinile eyakho ingxenye yesivumelwano.

29


• Hambisa isicelo leso kumqashi wakho. Lokhu kusho ukuthi uhambise isicelo ngokusemthethweni ukuze bangashayi sengathi abazi lutho ngaso.

• Faka kufayela isicelo sakho, nobufakazi bokuthi uhambisile isaziso kumqashi wakho, Nomgcinimarekhodi Wenkantolo.

Kungumqondo omuhle ukuthola ukwelulekwa kwezomthetho nosizo ukuze uthathe lezi zinyathelo. Nalu uhla lwezinhlangano ezingasiza emuva kwale ncwajana.

Ukubuyisana okungaphumelelangaUma izingxenye ezimbili zingakwazi ukufinyelela esivumelwaneni, noma umqashi enqaba ukwethamela umhlangano wokubuyisana, ikhomishani izokhipha isitifiketi esichazayo ukuthi udaba alusonjululwanga.

Ungabe-ke usukhetha ukuthumela icala ukuyokwahlulelwa e-CCMA, noma ukulethwa kwesinqumo yiNkantolo Yezabasebenzi. Lezi zinhlobo zamacala zehlulelwa ngabe-CCMA:• Izinqubo zokuphathwa kwabasebenzi ezingenabulungiswa

ezibandakanya ukucwaswa.• Ukuxoshelwa izenzo zokungaziphathi kahle.• Ukuxoshelwa ukungawazi umsebenzi.• Inkokhelo yeminyaka oyisebenzile. • Izingxabano mayelana namalungelo enhlangano

yezinyunyana.• Izinsolo zokudilizwa ngokungenabulungiswa komsebenzi

oyedwa. • Ukwaphulwa kwesivumelwano esihlanganyelwe.

Lezi zinhlobo zamacala zithunyelwa Enkantolo Yabasebenzi ukuze ayokwahlulelwa:

• Izingxabano ezibandakanya ukucwaswa. • Ukudilizwa. • Izinqubo zokuxoshwa ngokungenabulungiswa.

Uma ukuya Enkantolo Yabasebenzi kuzomba eqolo, wena nomqashi wakho ningavumelana ngesahlulelo sase-CCMA esikhundleni sokuya khona.

UkwahlulelaEkwahluleleni kwe-CCMA ikhomishani izokwenza isinqumo esiyisibopho, ngemuva kokuzwa izingxenye zombili.

Uma ukhethe uhlelo “lwe-con-arb”, ukwahlulela kwenzeka ngokushesha emva kwenqubo yokuzama ukubuyisana engaphumelelanga. Uma ukhethe ukuhlukanisa inqubo yokubuyisana nokwahlulela, nakhu okwenzayo:

30


Dlulisela udaba ukuba luyokwahlulelwa1. Gcwalisa ifomu i-LRA 7.143 (litholakala e-CCMA).2. Thumela ikhophi yefomu kumqashi, ngefeksi, iposi

elibhalisiwe noma uziyele mathupha. 3. Thumela ikhophi yefomu olithumele kumqashi, isibonelo

isiliphu sokuthunyelwa kwefeksi, isiliphu seposi elibhalisiwe, noma i-afidavithi eqinisekisa ukuthi uziyele mathupha.

Icala lokwahlulelaI-CCMA izoqoka ikhomishani ezokwahlulela. Icala lokwahlulela liba ngelikhululekile nokho. Emva kobufakazi obuvela ezinhlangothini zombili ngaphansi kokufunga, ikhomishani ingenza isinqumo esisemthethweni nokufanele samukelwe yizingxenye zombili. Uma ikhomishani inquma ukuthi umqashi akenzanga kahle, ikhomishani ingayalela umqashi ukuba athathe izinyathelo zokukhokha isinxephezelo.

Ngubani ongamela abasebenzi nabaqashi ngenqubo yokwahlulela?Ungakhetha ukumelwa ngumlingani enisebenza naye, ilunga lenyunyana noma ummeli – ngamanye amazwi, laba bantu bangakukhulumela ngesikhathi kuqhubeka umhlangano.

Umqashi wakho naye uvumelekile ukumelwa umsebenzi ofana neMenenja Yakwandabazabantu, isikhulu esivela enhlanganweni emele abaqashi noma ummeli.

Uma icala limayelana nokuxoshwa ngenxa yokungaziphathi kahle noma ukungabi nolwazi komsebenzi, akukho mmeli ovunyelwe ngaphandle uma ikhomishani ikuvumele lokho.

Uma abameli bevunyelwe ukuba khona kodwa wena ungenawo amandla okuthola ummeli, ungafaka isicelo sokuhlinzekwa ngosizo lwezomthetho. I-CCMA kufanele ikwazi ukukutshela ukuba kwenziwa kanjani lokhu.

Ukudluliswa KwezahluleloAwukwazi ukudlulisela phambili isinqumo sesahlulelo. Ingxenye ngayinye ingakhetha ukucela ukubukezwa kwesinqumo sesahlulelo, kuphela uma becabanga ukuthi:

• Umahluleli weqe imingcele yamandla akhe. • Kube khona okungahambanga kahle ezinqubweni ezenziwe.• Umahluleli engazange acabange izimo ezihambisana

nomthetho.

Kufanele ucele ukubukezwa kwesinqumo esikhathini esingamasonto ayisi-6 emva kokuthola isahlulelo.

31


ISINQUMO SENKANTOLO YEZABASEBENZIYini isinqumo?Isinqumo yisahlulelo esihlelekile esenziwa yinkantolo esiyisibopho ngokusemthethweni kuzo zonke izingxenye.Izinkantolo zabasebenzi zenziwa ngaphansi koMthetho Wezabasebenzi futhi zincike Enkantolo Ephakeme yesifunda ngasinye. Inkantolo Ephakeme nabameli abanesipiliyoni kwezomthetho kweZabasebenzi. Inkantolo Yezabasebenzi inezinga elifanayo neNkantolo Ephakeme.

Lidluliswa kanjani icala ukuba likhiphe isinqumoUma icala liya Enkantolo Yezabasebenzi ukuze kuphume isahlulelo (isinqumo), shayela Umngcinimarekhodi Wenkantolo Yezabasebenzi yangakini ukuze uthole amafomu afanele. Ijaji lizolalela ubufakazi bese lenza isahlulelo.

Ubani ongamela abasebenzi nabaqashi emacaleni Asenkantolo Yezabasebenzi?Abasebenzi nabaqashi bangamelwa ngummeli. Uma ungakwazi ukufinyelela ummeli, ungafaka isicelo sosizo LwezoMthetho.

Ukudluliswa kwezinqumoUma ingxenye ngayinye ingavumelani nezinqumo zeNkantolo Yabasebenzi, bangasedlulisela Enkantolo Yokudlulisela Amacala Ezabasebenzi.

INDABA EYIMPUMELELO YOMSEBENZI NGOCANSI OWAMANGALELA UMQASHI WAKHE E-CCMAU-Kylie wayengumsebenzi ngocansi endaweni yokubhucwabhucwa kwemizimba. Wayehlala khona endaweni yokusebenzela, nalapho ayesebenza cishe amahora afinyelela kwayi-14 ngosuku, izinsuku zonke zeviki. Ngowezi-2006, umnikazi webhizinisi wamxosha ngaphandle kokuqale amnikeze isaziso wamtshela ukuba aphume aphele endaweni yakhe. U-Kylie wabona ukuthi uxoshwe ngokungekho emthethweni, ngakho-ke ngosizo lwabesiKhungo sezoMthetho sabeSifazane, wanxusa usizo lwabaka-CCMA.

Ekuqaleni abaka-CCMA bathi ngenxa yokuthi umsebenzi wa-Kylie wawungekho emthethweni, i-CCMA yayingenawo amandla okungenelela odabeni lwakhe. Ngamanye amazwi, bathi babengenawo amandla okummela ngenxa yokungabi semthethweni komsebenzi wakhe.

U-Kylie nabesiKhungo sezoMthetho sabeSifazane banxusa iNkantolo yezabaSebenzi ukuba ibukeze leso sinqumo. INkantolo Yezabasebenzi yavumelana nokuthi impela njengoba umsebenzi wa-Kylie ungekho emthethweni, wayengenalo ilungelo lokuvikelwa UMthetho Wezabasebenzi.

32


INkantolo Yezabasebenzi yasebenzisa umgomo wezomthetho othi “ex turpi causa non oritur actio”, ngesiLathini okuchaza ukuthi “akukho mnyakazo oyokwenziwa ngesenzo esingalulile”. Ngamanye amazwi, uma usungene esivumelwaneni esingekho emthethweni, awukwazi ukucela umthetho ukuba ukulekelele lapho isivumelwano sesinqamuka. Isibonelo, ake ucabange nje umasitende eqasha isigelekeqe ukuba sishaye isiqashi esingakhokhile imali yentela. Lokho akukho semthethweni. Uma umasitende engasikhokheli isigelekeqe emva kokuba sesiwenzile umsebenzi, isigelekeqe asikwazi ukumbophisa.

INkantolo Yabasebenzi yakugcizelela ukuthi ngokusho koMthetho Wabasebenzi, uma i-CCMA ithola ukuthi kunomuntu oxoshwe ngendlela engalungile bangaphoqa umqashi ukuba ambuyisele umsebenzi wakhe. Kodwa ayikho inkantolo engaphoqa ukuba umuntu enze into engekho emthethweni – kanti-ke ukuqwayiza akukho emthethweni.

U-Kylie akaphelanga amandla, wadlulisela udaba lwakhe phambili eNkantolo Yokudlulisela Amacala Ezabasebenzi. Wayebeka izizathu ezithi ngaphansi kwesigaba 23 soMthethosisekelo, “wonke umuntu unelungelo lokusebenza ngobulungiswa”. Akusho ukuthi “labo abenza umsebenzi osemthethweni”, kuthi “wonke umuntu”. Waphinda waveza nokuthi inhloso yoMthetho Wezabasebenzi ukuqinisekisa ukuthuthukiswa komnotho kanye nobulungiswa emphakathini wonke. Ukuvikela kwezenzo ezingenabo ubulungiswa kanye nokuhlukumeza kufanele zibaluleke ngaphezu kwemigomo eqinile yomthetho.

INkantolo Yokudluliselwa Kwamacala Ezabasebenzi yavumelana nalokhu. Yathi:• Abasebenzi ngocansi banamalungelo omthethosisekelo

ngokufanayo nabo bonke abantu.• Abantu abaqasha abasebenzi ngocansi kumele

bawahloniphe lawo malungelo.• Izinkantolo azikwazi ukugqugquzela imisebenzi engekho

emthethweni, ngakho azikwazi ukuphoqa umqashi ukuba abuyisele umsebenzi ngocansi oxoshiwe emsebenzini. Kodwa inawo amandla okuphoqa umqashi ukuba anxephezele ngenkokhelo ethile.

• I-CCMA inamandla okwenza izinqumo kulezi zimo.

Kucashunwe ephephandabeniUmsebenzi ngocansi uphume phambili esinqumweni seNkantolo Yokudluliselwa kwamacala kwelokuxoshwa ngokungekho emthethweni – ngu-Ernest Mabuza ngomhlaka 31 kuNhlaba 2010 , i-Business Day – “Esinqumweni esithathwe yiNhloko YamaJaji eNkantolo Yokudluliselwa kwamacala uJaji Raymond Zondo noJaji Achmat Jappie bavumelene, uJaji Dennis Davis wathi isigaba sama-

33


23(1) somthethosisekelo — esihlinzeka ngokuthi wonke umuntu unelungelo lokuphathwa ngobulungiswa emsebenzini — sasenzelwe ukuqinisekisa ukuthi bonke abasebenzi bayahlonishwa futhi indawo yokusebenzela kufanele yakhelwe phezu kwemigomo yobulungiswa emphakathini, ubulungiswa kanye nokuhlonishwa kwawo wonke umuntu.

“Uma inhloso yoMthetho Wezabasebenzi kwakungukufeza le migomo emihle kangaka, ngakho-ke izinkantolo kufanele ziqikelele kakhulu ukuba zivikele abasebenzi ikakhulukazi abazithola besengcupheni yokuxhashazwa kangangokuthi bazithola bebuthakathaka ngokomnotho kanye nasemphakathini uma kuqhathaniswa nabaqashi babo,” kusho u-Davis.”

34


9. OKUNGAXHUNYWANA NABOEMpumalanga Koloni

Yini okudingeka uyenze?

Izinhlangano Imininingwane Yokuxhumana

Faka isikhalazo ngamaphoyisa

IsiKhungo esizimele Sezikhalazo, I-Independent Complaints Directorate

eBhisho 043 706 6500

Thola usizo lwezomthetho IsiKhungo seziNsiza Zezomthetho

116 High Street Grahamstown, 6139046 622 9230

Khuluma nomuntu ukuze akweluleke noma akweseke

I-Life Line

I-SWEAT Helpline

e-East London043 722 2000

e-Port Elizabeth041 585 5581

0800 60 60 60

Thola ukwesekwa emva kokudlwengulwa noma uma umngani noma ilungu lomndeni lidlwenguliwe

I-Rape Crisis e-Motherwell 041 462 2371

Thola ukwesekwa, usizo lwezokwelashwa kanye nosizo lwezomthetho emva kokudlwengulwa

AmaThuthuzela Care Centres

eLibode047 568 6247

eMdantsane043 761 2023

EFreyistata


Inhlangano Imininingwane yokuxhumana


IsiKhungo Esizimele Sezikhalazo

051 406 6800

Thola usizo lwezomthetho Isikhungo Sezinsiza zezomthetho

eMangaung051 447 2136051 447 0902

35


Khuluma nomuntu othile ukuze uthole ukwelulekwa nom aukwesekwa

i-Life Line

I-SWEAT Helpline

057 352 2212

eKopano Service PointCnr Long and Tempest RoadWelkom057 357 2225

0800 60 60 60

Thola ukwesekwa emva kokudlwengulwa


eTshepong051 403 9639

E-GautengYini okudingeka uyenze?



Isikhungo Esizimele Sezikhalazo

Ikhomishani Yamalungelo Abantu

eGoli011 220 1500

011 484 8300

Thola usizo lwezomthetho

Isikhungo Sezinsiza zezomthetho

eGoli7th Floor, Bram Fischer25 Rissik Street011 836 9831

Pretoria5th Floor Centenary BuildingBureau Lane012 323 7673

I-National Prosecuting Authority

i-VGM Building (Corner Westlake & Hartley)123 Westlake AvenueWeavind Park, Silverton012 845 6000

iTshwaranang Legal Advocacy Centre

011 403 4267

Legal Aid Board 086 1053 425

36


Khuluma nomuntu ukuze uthole ukwelulekwa noma ukwesekwa

i-Life Line

i-SWEAT Helpline

eGoli011 728 1347

ePitoli012 342 2222

0800 60 60 60


i-Rape Crisis

Thola ukwesekwa, ukwelashwa nokwelulekwa ngezomthetho emva kokudlwengulwa


eKopanong016 428 5959

eMamelodi011 801 4504

eMasakhane011 933 1206

eNthabiseng011 933 1206

eSinakekelwe011 389 0675

KwaZuluNatali




Isikhungo Sezikhalazo Esizimele

031 310 1300

Thola usizo lwezomthetho Isikhungo Sezinsiza zezomthetho

N240 Diakonia Centre20 Diakonia AvenueDurban 4000031 301 7572031 304 2823

37



Emgungundlovu033 394 4444

eThekwini031 312 2323

0800 60 60 60

Thola ukwesekwa, ukunakekelwa kwezempilo nosizo lwezomthetho emva kokudlwengulwa


Phoenix031 502 2338

Umlazi031 907 8496

Limpopo





015 291 9800


IThohoyandou Victim Empowerment Programme

015 963 1222



I-SWEAT Helpline

eMangkweng015 286 1261

eTshilidzini015 964 3257

0800 60 60 60

38


EMpumalanga





015 291 9800013 754 1000



i-SWEAT Helpline

Kanyamazane013 796 9412

0800 60 60 60

E-Northern Cape

Yini odinga ukuyenza? Inhlangano Imininingwane yokuxhumana



053 807 5100



i-SWEAT Helpline

eGaleshewe053 830 8900

eKakamas054 431 0057

0800 60 60 60

IsiFundazwe saseNorth-West

Yini odinga ukuyenza? Inhlangano Imininingwane yokuxhumana



018 397 2500



i-SWEAT Helpline

eMafikeng018 383 7000

0800 60 60 60

i-Tigane Advice Office 082 477 7182

39


E-Western Cape





021 941 4800

Thola usizo lwezomthetho IsiKhungo Sezinsiza Zezomthetho

54 Shortmarket StreetGreenmarket Place021 481 3000

IsiKhungo Sabesifazane Sezomthetho

021 424 5660


i-Rape Crisis e-Athlone021 684 1180

eKhayelitsha021 361 9228

eGeorge 044 874 5122

e-Observatory021 447 1467

e-Somerset West021 850 4761

24 Hour Line083 484 9409

i-Mosaic e-Wynberg021 761 7585


i-SWEAT

i-SWEAT Helpline

e-Observatory, Cape Town021 448 78750800 60 60 60

iSimelela Centre eKhayelitsha021 361 054324 Hour Toll Free line: 0800 33 01 01

Ama-Thuthuzela Care Centre

eKarl Bremer, Bellville021 918 1321

Manenberg021 691 6194

40


AMANQAKU

41


NOTES

42


yazi amalungelo akho -...

Documents