z p araling panlipunan · 2021. 4. 5. · ay ay “muling pagsilang”. ito ay naganap sa huling...
TRANSCRIPT
0
Republic of the Philippines
Department of Education Regional Office IX, Zamboanga Peninsula
Araling Panlipunan Ikatlong Markahan- Modyul 1:
Panahon ng Kolonyalismo at Imperyalismo sa
Timog at Kanlurang Asya
Zest for Progress
Zeal of Partnership
7
Name of Learner: ___________________________
Grade & Section: ___________________________
Name of School: ___________________________
2
Bumuo sa Pagsusulat ng Modyul
Manunulat: Cashmir B. Moñeza
Jonah Cris C. Basis
Editor: Ariadne M. Sabellano Zarah S. Hilot
Tagasuri: Zarah S. Hilot
Tagaguhit/ Tagakuha ng Larawan: Cashmir B. Moñeza
Tagalapat: Jonah Cris C. Basis
Tagapamahala: Majarani M. Jacinto, EdD, CESO VI OIC, Schools Division Superintendent
Visminda Q. Valde, EdD
OIC, Assisstant Schools Division Superintendent
Ramon M. Salvador, EdD, CESE
OIC, Assisstant Schools Division Superintendent
Juliet A. Magallanes, EdD CID Chief
Florencio R. Caballero, DTE
EPS – LRMDS
Alma L. Carbonilla, EdD
EPS – Araling Panlipunan
3
Alamin
Sa modyul na ito ay inaasahan na matutuhan mo ang mga dahilan,
paraan, at epekto ng kolonyalismo at imperyalismo ng mga bansang Europe sa
Asya partikular sa Timog at Kanlurang Asya. Maaaring nagtataka ka kung bakit maraming Europeong bansa ang nakasakop sa mga bansa sa Asya. Napakalayo
ng Europeo sa mga bansa sa Asya pero nakarating pa rin sila at nanakop pa ng mga teritoryo. Ang pananakop na ito ay nagdudulot ng maraming pagbabago sa
buhay ng mga Asyano – mabuti at hindi mabuting pagbabago.
Tara umpisahan na natin ang inyong gawain. Sa pagkakataong ito ay
simulan mong alamin ang tungkol sa kolonyalismo at imperyalismo sa Kanlurang Asya.
Nasusuri ang mga dahilan, paraan at epekto ng kolonyalismo at
imperyalismo ng mga Kanluranin sa unang yugto (ika-16 at ika-17 siglo)
pagdating nila sa Timog at Kanlurang Asya
Balikan
Gawain 1: Dugtungan Mo! Panuto: Dugtungan ang sumusunod na mga linya. Isulat ang iyong sagot sa sagutang papel.
Aralin 1
Panahon ng Kolonyalismo at
Imperyalismo sa Timog at
Kanlurang Asya
4
5
Tuklasin
Basahin, suriin, at unawain mo ang nilalaman ng teksto tungkol sa Unang
Yugto ng Kolonyalismo at Imperyalismo sa Timog at Kanlurang Asya (Ika- 16
hanggang Ika- 17 Siglo). Pagkatapos mong basahin ay sagutin ang sumusunod na
gawain at mga pamprosesong tanong upang mahasa ang inyong kaisipan.
Ang Kolonyalismo ay nagmula sa salitang Latin na colonus na ang ibig sabihin ay magsasaka. Ito ay isang patakaran ng isang bansa na namamahala ng
mga sinakop upang magamit ang likas na yaman ng mga sinakop para sa sariling interes. Kadalasan ang una nilang ginagawa para maisakatuparan ang kanilang
pagnanais ay pakikipagkaibigan at pakikipagkalakalan. Kapag nakuha na ang loob ng mga nasasakupan ay saka nila isasakatuparan ang kanilang hangarin na
gamitin, pagsamantalahan, at pakinabangan ng husto ang likas na yaman ng
kolonya. Ito ay sa pamamagitan ng pagtatatag ng pamahalaang kolonyal, pagpapataw at pagtatakda ng paniningil ng buwis, at pagsasagawa ng mga batas
na makabubuti sa mga mananakop.
Samantala, ang Imperyalismo ay nagmula sa salitang Latin na imperium na ang ibig sabihin ay command. Isang salitang Latin na nagpasimulang gamitin sa
panahon ng pananakop ng Imperyong Roma. Ang Imperyalismo ay
nangangahulugan ng dominasyon ng isang makapangyarihang nasyon-estado sa aspektong pangpolitika, pangkabuhayan, at kultural na pamumuhay ng mahina at
maliit na nasyon-estado upang maging pandaigdigang makapangyarihan. Ang pagtatag ng maraming kolonya ang magbibigay daan sa pagpapalawak ng mga
nasasakupan upang makapagtatag ng imperyo.
Bago ang pagtuklas at pananakop ay may ugnayan nang nagaganap sa mga Europeo at mga Asyano. Nagsimula ang ugnayang ito sa pamamagitan ng palitan
ng kalakal sa mga Asyano at Europeong mangangalakal. Ang pinakatagpuan nila
ay naganap sa tatlong pangunahing ruta ng kalakalan sa Asya. Una, ang Hilagang Ruta, na nagsisimula sa China at tatawid sa lungsod ng Samarkand at Bokhara.
Pangalawa, ang Gitnang Ruta, na papunta sa baybayin ng Syria at dadaan sa Golpo ng Persia, at ang huli ay ang Timog Ruta na maglalayag mula sa India
babagtasin ang Karagatang Indian hanggang makarating ng Egypt sa pamamagitan ng Red Sea.
Ngunit dumating ang panahon na ang ruta ng kalakalan na nag-uugnay sa mga mangangalakal na Asyano at Europeo ay sinakop ng naghaharing Turkong
Ottoman. Nang sinakop ito ng mga Turkong Ottoman, tanging ang mga Italyanong mangangalakal ang pinayagan na makadaan at makipag-ugnayan sa mga
mangangalakal na Asyano.
6
Mga Dahilan na Nagbunsod sa mga Kanluranin na Magtungo sa Asya
Ang Mga Krusada na naganap mula 1096 hanggang 1273. Ang mga
Krusada ay isang kilusan na inilunsad ng simbahan at ng mga Kristiyanong hari upang mabawi ang banal na lugar, ang Jerusalem sa Israel. Hindi man lubusang
nagtagumpay ang krusadang ito, marami ding mabuting naidulot nito. Nagkaroon ng ugnayan ang mga Europeo sa Silangan at nakilala nila ang mga produkto ng
Silangan tulad ng pampalasa, mamahaling bato, pabango, sedand tela, porselana,
prutas, at iba pa na nakabighani sa mga Europeo.Ang krusada ang nagpasigla ng kalakalan sa pagitan ng Europa at Asya.Naging masigla ang palitan ng kalakalan
kaya maraming Europeo ang nagkainteres na makarating sa Asya.Maraming Europeo ang naghanap ng mga ruta para makarating lang sa Asya. At ito din ang
naging daan para magkainteres ang malalaking bansa sa Europa na sakupin ang ilang lugar o bansa sa Asya.
Ang Paglalakbay ni Marco Polo, isang Italyanong adbenturerong
mangangalakal na taga-Venice. Siya ay nanirahan sa China sa panahon ni Kublai
Khan ng Dinastiyang Yuan nang higit sa halos 11 taon. Sa panahong ito, siya ay nagsilbing tagapayo ni Emperador Kublai Khan.Kinalugdan siya ni Kublai Khan at
siya ay itinalagang maglakbay sa iba’t ibang lugar sa Asya sa ngalan ng Emperador. Nakarating siya sa Tibet, Burma, Laos, Java, Japan, pati na sa Siberia.
Noong 1295 bumalik siya sa Italy at doon inilimbag niya ang aklat na The Travels of Marco Polo (1477). Inilahad niya rito ang mga nakita niyang magagandang
kabihasnan sa mga bansang Asya lalo na sa China, na inilalarawan ang
karangyaan at kayamanan nito. Maraming adbenturerong Europeo ang namangha at nahikayat na makarating at makipagsapalaran sa Asya.
Ang Renaissance na nagpasimula sa Italya na naganap noong 1350. Isa
itong kilusang pilosopikal na makasining at dito binigyang-diin ang pagbabalik-interes sa mga kaalamang klasikal sa Greece at Rome. Napalitan ito ng
makaagham na pag-iisip mula sa mga pamahiin. Masasabing ang pangunahing interes ay labas sa saklaw ng relihiyon. Ito ay salitang Pranses na ang ibig sabihin
ay ay “muling pagsilang”. Ito ay naganap sa huling bahagi ng gitnang panahon at
pagsulong ng makabagong panahon. Matatandaan natin noong gitnang panahon ang Simbahang Kristiyano ang may malakas na impluwensiya sa tao. Nakasentro
ang buhay ng tao sa relihiyon. Ngunit nan gang simbahan lalo na ang pinuno nito, mula Papa, mga Obispo, at kaparian ay nasangkot sa immoral na gawain,
pagpapayaman, at pagmamalupit sa mga taong hindi karelihiyon, nagsimulang magkaroon ng pagbabago sa pananaw at saloobin ang mga tao hinggil sa
katarungan, sariling kaunlaran, at politika. Indibidwalismo ang binigyang-pansin ng Renaissance kaya hindi nakapagtataka na maraming pagbabago ang naganap
sa buhay ng tao.
Sa panahon ng Renaissance ay natuon ang interes ng tao sa istilo at
disenyo, sa pamahalaan, sa edukasyon, sa wastong pag-uugali at sa paggalang ng pagkatao ng isang indibidwal. Nagbukas ng daan sa pagbabago sa larangan ng
kalakalan at negosyo kaya umusbong ang rebolusyong komersyal na nagdulot ng mga pagbabago sa gawang pang-ekonomiya.
Ang Pagbagsak ng Constantinople. (bahagi ng Turkey sa kasalukuyan). Ang Constantinople ay ang Asyanong teritoryo na pinakamalapit sa
Kontinente ng Europa. Ito ang nagsilbing rutang pangkalakalan mula Europa
7
Suriin
Gawain 2: Venn Diagram Panuto: Sa bilang na 1 at 3 ibigay ang katangian ng Kolonyalismo at Imperyalismo. Sa bilang na 2 ibigay ang pagkakatulad ng dalawa. Isulat ito sa sagutang
papel.
patungong India, China at ibang bahagi ng Silangan na napasa kamay ng mga Turkong Muslim noong 1453. Ito rin ang teritoryong madalas daanan noong
panahon ng Krusada. Ang ugnayan ng mga mangangalakal na Asyano at Europeo
ay naputol mula nang masakop ng mga Turkong Muslim ang ruta ng kalakalan.
Dahil dito, napilitang maghanap ng bagong ruta ang mga mangangalakal na Europeo. Pinangunahan ito ng Portugal at sinundan ng mga Spanish, Dutch,
Ingles, at Pranses.
Napakahirap at mapanganib ang paglalayag dahil wala pang maunlad na
gamit sa paglalakbay sa dagat. Noong ika-16 na siglo naimbento ang mas maunlad na kagamitang pandagat. Tulad ng Astrolabe na kung saan ginagamit ito upang
malaman ang oras at latitud samantalang ang Compass ay ginagamit upang malaman ang direksyon ng pupuntahan.
Ang Merkantilismo. Sa Europa umiral ang prinsipyong pang-ekonomiya na kung may maraming ginto at pilak, may pagkakataon na maging mayaman at
makapangyarihan ang isang bansa. Kinailangan ng mga Europeo na makahanap ng mga lugar na mapagkukunan ng likas na yaman at hilaw na sangkap.
Ang panahon ng eksplorasyon ay nag-iwan ng malaking pagbabago sa
pamumuhay ng lipunan at kabihasnan ng mundo. Ang pang-katubigang kalakalan
at panankop ng mga bansang Europeo ay naging daan sa pag-unlad ng ekonomiya ng Europa.
Ang mga dahilan na nagbunsod sa mga Kanluranin na makarating sa Asya
ang naging daan para sumigla ang palitan ng kalakal ng mga Europeo at mga Asyanong mangangalakal at makilala ng mga Kanluranin ang mga likas na yaman,
mga hilaw na materyal na panustos sa industriya.
8
Pamprosesong mga Tanong
Panuto: Sagutin mo ang mga sumusunod na katanungan. Isulat ito sa iyong
sagutang papel.
1. Ano ang kolonyalismo at imperyalismo? 2. Naranasan ba ito ng rehiyon ng Timog at Kanlurang Asya?
3. Paano nakatulong sa mga bansa sa Timog at Kanlurang Asya ang
pananakop ng mga kanluranin? 4. Paano ito nakatulong sa mismong kanluranin na mananakop?
Kolonyalismo Imperyalismo
1 2 3
9
Gawain 3: Tree Diagram Panuto: Isulat ang mga dahilan ng pananakop ng mga Kanluranin sa Asya.
Gawin ito sa iyong sagutang papel.
Pamprosesong mga Tanong
Panuto: Sagutin mo ang mga sumusunod na katanungan. Isulat ito sa iyong sagutang papel.
1. Alin sa mga dahilan sa pagpunta ng mga kanluranin sa Asya ang higit na nakaimpluwensiya sa kanilang desisyon sa
pananakop? 2. Paano tinanggap ng mga bansang Asyano ang mga naganap na
pananakop? 3. Sa iyong palagay, nakabuti ba sa mga bansa sa Asya ang mga
dahilang ito sa pananakop ng mga Kanluranin?
10
Pagyamanin
Gawain 4: Eh, Plus at Minus Na Yan! Panuto: Lagyan ng plus sign (+) kung mabuting epekto at minus sign (-) kung hindi
mabuti ang epekto ng kolonyalismo at imperyalismo sa Asya. Isulat ito sa
inyong sagutang papel.
Timog at Kanlurang Asya
Mabuti Di-mabuti
Pamahalaan
Kabuhayan
Teknolohiya
Lipunan
Edukasyon
Paniniwala
Pagpapahalaga
Sining at Kultura
Isaisip
Gawain 5: Isip-isip! Panuto: Sagutin ang tanong. Isulat ito sa iyong sagutang papel.
1. Paano nabago ang Timog at Kanlurang Asya sa iba’t ibang aspekto?
2. May malaking impluwensiya ba ang naganap na kolonyalismo at imperyalismo sa kalagayang pang-ekonomiya ngayon sa mga bansa sa rehiyon ng Timog at Kanlurang Asya? Paano?
3. Paano nagsilbing hamon sa pamumuhay ng mga bansa sa Timog at Kanlurang Asya ang nakalipas na karanasan sa pananakop?
11
Tayahin
Gawain 6: Boom pa Quiz Panuto: Basahin at unawaing mabuti ang mga sumusunod na tanong na
may kaugnayan sa mga sinaunang kabihasnan sa Asya.Isulat ang
titik na tumutugon sa tamang sagot sa inyong sagutang papel.
1. Ano ang naging epekto ng kolonyalisasyon sa mga rehiyon ng Asya?
A. Naging masidhi ang pagkakaroon ng damdaming nasyonalismo ng mga Asyano upang ibangon ang kaunlaran ng bansa.
B. Naging mapagbigay ang mga Asyano sa naisin ng mga dayuhang
bansa. C. Natutunan ng mga Asyano ang manakop ng ibang lupain.
D. Natutong magtiis ang mga Asyano alang-alang sa kapayapaan.
2. Alin sa mga sumusunod ang naging masamang epekto ng kolonyalismo sa rehiyong Asya?
A. pag-unlad ng kalakalan
B. pagkamulat sa Kanluraning panimula
C. pagkakaroon ng mga kaalyadong bansa D. paggalugad at pakikinabang ng mga Kanluranin sa mga yamang
likas
3. Ang panahon ng Kolonyalismo ng mga Kanluranin ay nagdulot ng iba’t ibang epekto sa mga bansang Asyano. Alin sa mga sumusunod ang hindi
epekto ng pananakop ng mga Kanluranin sa mga bansang Asyano?
A. Nagkaroon ng pag-unlad sa sistema ng transportasyon at komunikasyon na nagdulot nang mabilis pagluwas ng kalakal sa
pandaigdigang pamilihan B. Naturuan ang lahat ng Asyanong pamahalaan ang kanilang mga
sarili sa panahon ng pananakop ng mga Kanluranin. C. Nagkaroon ng paghahalo ng mga lahi dahil sa mga naganap na
kasalang katutubo at dayuhan D. Pangunahing gampanin ng mga bansang Asyano ang tagatanggap
ng mga produktong Kanluranin.
4. Ano ang kahalagahan ng mataas na antas ng edukasyon sa isang bansa?
A. Ito ay nagsisilbing instrumento sa pagsulong ng nasyonalismo at interes ng bansa.
B. Pinagaganda ang imahe ng bansa kapag ito ay may mataas na bahagdan ng edukadong mamamayan.
C. Magandang negosyo ang mga pampribadong paaralan na
napagkukunan ng buwis ng pamahalaan. D. Pinalalaki nito ang opurtunidad ng mga tao na mangibang bansa.
12
5. Ang sumusunod na mga dahilan ang nagbunsod sa mga kanluranin na
magtungo sa Asya, MALIBAN SA
A. Ang Paglalakbay ni Marco Polo C. Ang Imperyalismo B. Ang Pagbagsak ng Constantinople D. Ang Merkantilismo
6. Sa paglaya ng maraming bansa sa Asya ang isa sa pinaka nakatulong
upang makamit ang paglaya ay ang pagkakaroon ng pambansang kamalayan kagaya nang pagtatanggol sa bayan, paghahandog ng sarili
para sa bayan, pag-iisip kung ano ang ikabubuti ng sambahayan ang
konseptong tinutukoy ay
A. Patriotismo B. Kolonyalismo C. Nasyonalismo D. Neokolonyalismo
7.Maraming pagbabago ang naganap sa mga bansang napasailalim sa kapangyarihang kanluranin. Suriin ang tsart sa ibaba na nagpapakita ng
epekto ng kolonyalismo sa isang bansa. Sa iyong palagay, anong aspeto
ang nagbago na ipinapakita ng tsart?
A. edukasyon B. kabuhayan C. lipunan D. pulitika
8. Maraming pagbabago ang dulot ng kolonyalismo at imperyalismong
Kanluranin sa Asya. Isa dito ay ang pagbabago sa kultura na naging dahilan sa kawalan ng tunay na pagkakaisa ng mga mamamayang
Asyano sa kani-kanilang bansa. Makikita na may kaugnayan sa mga
hamon na nararanasan ng mga Asyano sa kasalukuyan. Ano ang nararapat na gawin upang maging bahagi sa paglutas ng nabanggit na
suliranin?
A. Sisihin ang mga Kanluraning bansa na nanakop sa mga bansang Asyano.
A. Tanggihan ang mga turista na mula sa mga bansa na nanakop noon sa Asya.
C. Magsumikap sa pag-aaral upang hindi maging pabigat sa lipunan.
D. Tanggapin ang mga pagbabagong naganap at gamitin para mapaunlad ang bansa.
13
9. Nabuo ang nasyonalismo sa Asya bilang reaksiyon ng mga Asyano sa
kolonyalismo at imperyalismong Kanluranin. May mga gumamit ng civil disobedience, rebolusyon, pagyakap sa ideolohiya, pagtanggap sa mga
pagbabagong dala ng mga dayuhan at pagtatag ng mga makabayang samahan upang ipakita ang damdaming nasyonalismo. Bilang mag-aaral
paano mo maipakikita ang pagmamahal sa bayan sa kasalukuyang panahon?
A. Maging mabuting mag-aaral at makilahok sa mga gawaing
pangkomunidad.
B. Makiisa sa mga samahan na nagsusulong ng pangangalaga sa kalikasan.
C. Mag-aral ng mabuti upang hindi maging pabigat sa lipunang kinabibilangan.
D. Magtayo ng samahan upang pagbayarin ang mga Kanluranin sa kanilang kasalanan.
10. Kung ikaw ay isa sa mga namumuno sa ating bansa at papasok ka sa
mga kasunduan ano ang dapat na isasaisip sa pagsusulong nito?
A. Isusulong ang interes ng ating bansa at babantayan ang ating karapatan.
B. Isusulong ang malayang kalakalan upang umunlad ang ating ekonomiya.
C. Bibigyang pabor ang interes ng ibang bansa upang mapanatili ang
kapayapaan. D. Isusulong ang pag-unlad ng ating bansa kahit maapektuhan ang
ating kapaligiran.
14
Karagdagang Gawain
Gawain 7: Mapa ng Paghahambing at Pagkakaiba
Panuto: Paghahambingin ang mga pangyayari sa Timog at Kanlurang Asya sa panahon ng Kolonyalismo at Imperyalismo. Gawin mo ito sa iyong
sagutang papel.
Pamprosesong mga Tanong
Panuto: Sagutin mo ang mga sumusunod na katanungan. Isulat ito sa iyong
sagutang papel.
1. Sa iyong sariling opinyon, kung walang Kolonyalismo at Imperyalismo may
pagbabago bang magaganap sa isang bansa? Bakit? Ipaliwanag ang iyong sagot.
2. Bilang isang mag-aaral, mahalaga ba ang Kolonyalismo at Imperyalismo sa
isang bansa? Bakit?
Timog Asya Pagkakapareho Kanlurang Asya
15
Sanggunian:
Asya: Pagkakaisa sa Gitna ng Pagkakaiba. Rosemarie C. Blando et.al., pp. 193-
200.
Susi sa Pagwawasto
Tayahin
1.A
2.D
3.B
4.A
5.C
6.C
7.B
8.D
9.A
10.A
Pagyamanin
Guro ang magwawasto
/ Inaasahan ang
magkakaibang mga
sagot
Balikan
Guro ang magwawasto
/ Inaasahan ang
magkakaibang mga sagot
1
Region IX: Zamboanga Peninsula Hymn – Our Eden Land
Here the trees and flowers bloom
Here the breezes gently Blow,
Here the birds sing Merrily,
The liberty forever Stays,
Here the Badjaos roam the seas
Here the Samals live in peace
Here the Tausogs thrive so free
With the Yakans in unity
Gallant men And Ladies fair
Linger with love and care
Golden beams of sunrise and sunset
Are visions you’ll never forget
Oh! That’s Region IX
Hardworking people Abound,
Every valleys and Dale
Zamboangueños, Tagalogs, Bicolanos,
Cebuanos, Ilocanos, Subanons, Boholanos,
Ilongos,
All of them are proud and true
Region IX our Eden Land
Region IX
Our …
Eden...
Land...
The Footprints Prayer Trees by Joyce Kilmer One night I had a dream. I dreamed
that I was walking along the beach
with the LORD.
In the beach, there were two (2) sets
of footprints – one belong to me and
the other to the LORD.
Then, later, after a long walk, I
noticed only one set of footprints.
“And I ask the LORD. Why? Why?
Why did you leave me when I am sad
and helpless?”
And the LORD replied “My son, My
son, I have never left you. There was
only one (1) set of footprints in the
sand, because it was then that I
CARRIED YOU!
I think that I shall never see
A poem lovely as a tree.
A tree whose hungry mouth is prest
Against the earth’s sweet flowing
breast;
A tree that looks at God all day,
And lifts her leafy arms to pray;
A tree that may in Summer wear
A nest of robins in her hair;
Upon whose bosom snow has lain;
Who intimately lives with rain.
Poems are made by fools like me,
But only God can make a tree.