聖歌隊

有一嬰孩降生

1豫備耶和華的路

1豫備耶和華的路

備辦耶和華的路！為著上帝

在沙漠地修平大路。

這些山谷攏欲填到平，眾山欲屈乎低，彎曲之路欲變道路，也坎坷之欲修乎 平，

人欲看見耶和華之榮光的確顯現，這是主耶和華

親嘴所講。

備辦耶和華的路！為著上帝

在沙漠地修平大路！

2 齊來，信主聖徒

2 齊來，信主聖徒

請來，忠信聖徒，快樂得意向前，請來，請恁來歡喜到伯利恆！

來！來朝見主，天頂君王出世！

請來大家敬拜祂，請來大家敬拜祂，請來大家敬拜祂，我主基督！

眾天使當唱歌，當歡喜讚美祂，天頂聖城內面大家當吟詩！

至高之所在， 榮光歸主無離！

請來大家敬拜祂，請來大家敬拜祂，請來大家敬拜祂，我主基督！

救主阮讚美，在這日子出世，耶穌祢名受稱讚

榮光歸祢，

天父之聖子，道成肉體出世！

請來大家敬拜祂，請來大家敬拜祂，請來大家敬拜祂，

我主基督！

（旁白）

以賽亞的言語，親像在清早之日光，互咱心中充滿希望與奇妙

— 就是彌賽亞出世之應允。聖誕節是光明，希望，喜樂

與和平之日子。這款之光明，通過耶穌基督

照光咱之心，也互咱之心換新。

3等候耶和華的人

3等候耶和華的人

安慰我之百姓，講話溫柔，且報伊知，交戰已經盡，

上帝已經赦免伊之罪惡，上帝講：

祂欲親像牧者顧羊群， 將羊羔抱在胸前。

祂欲親像牧者顧羊群，導伊到安歇所在。

凡若等候主之人，欲得著新氣力。

伊欲親像鷹鳥展翅飛高，伊雖然行路跑走不厭倦。

報好消息給錫安者。你當向前爬上高山。祢當盡力出聲，不得驚慌。注神看上帝！

祂欲親像牧者顧羊群，將羊羔抱在胸前。祂欲親像牧者顧羊群，導伊到安靜所在。

凡若等候主之人，欲得著新氣力。

伊欲親像鷹鳥展翅飛高。伊雖然跑走也不厭倦，雖然行也不倦。

(旁白 )

伯利恆、以法他啊，你佇猶大諸個鄉社中做微細者，欲有一個對你遐出來，佇以色列中給我作掌權者；伊的根源對古早，對第一起頭就有。所以，伊欲將以色列人交互對敵，到生產的婦仁人生子。彼時，伊所剩的兄弟欲倒來歸以色列。他欲敧著，倚靠耶和華的權能，

—及伊的上帝 耶和華威嚴的名，來飼伊的羊群。他們要安然居起；伊欲做大，到地的極頭。

4 有一嬰孩為我們而生

4 有一嬰孩為我們而生

行在黑暗中之百姓有看見大光，住於死蔭地之人有光照伊。

聖子為咱今出世，聖子今賞賜互咱，祂之名欲受稱做奇妙全能上帝，永遠不變之天父

和平人君。

聖子為咱今出世，聖子今賞賜互咱，祂之名欲受稱做奇妙全能上帝，永遠不變之天父

和平人君。

祂也欲擔當國政欲擔當國政。祂之國堅固到萬世代。

祂用慈悲公義，和平與寬容，照顧保護咱直到永遠！

聖子為咱今出世，聖子今賞賜互咱，祂之名欲受稱做奇妙全能上帝，永遠不變之天父，

和平人君！

祂也欲擔當國政欲擔當國政，祂之國的確到萬世代。

祂用慈悲公義，和平與寬容，的確保護咱

直到永遠！

聖子為咱今出世，聖子今賞賜互咱，祂之名欲受稱做奇妙全能上帝，永遠不變之天父，

和平人君！

聖子為咱 今出世！

(旁白 )

佇伯利恆有顧羊的人住佇山裡，瞑時 守更顧他們的羊群。 主的天使敧佇

他們的身邊，主的榮光圍纍照他們； 顧羊的大驚。 天使給他們講：莫得

驚！因為我報恁大歡喜的好消息，互 百姓攏有份； 因為今仔日佇大衛的

城，已經為著恁生一個拯救者，就是 主基督。 恁要看見一個嬰仔，用布

包，睏佇槽裡的，此個，就是互恁做記號。

5牧人夜間看守羊群

5牧人夜間看守羊群

牧者冥時顧守羊群，大家坐在野地，

忽然主之天使顯現，榮光燦爛滿天，榮光燦爛滿天。

祂講免驚，因為牧者心神

實在驚慌；

我今報好消息（互恁）

互百姓攏有份， 互百姓攏有份。

恁欲看見，天賜聖嬰，降落地面卑微，

無用美衫卻用布包，今臥在馬槽裡，今臥在馬槽裡。

歡喜，歡喜，歡喜，歡喜，天國君王

今日出世。

（旁白）

在昔上帝差遣天使，報人得救消息。

半冥清靜佇彼所在，天使和聲來吟：

天頂極大慈悲君王，賞賜世人和平。

地上眾人恬靜在聽，天使吟詩無停。

6聖誕頌歌

6聖誕頌歌

聖徒攏當歡喜，同心齊聲吟詩！聽無限祝福快樂；咱救主耶穌出世。主耶穌出世，主耶穌出世！

聖徒攏當歡喜，同心齊聲吟詩！注意阮所報福音：今日聖子有出世，牛羊也來敬拜祂，

因為在馬槽內出世基督今出世，基督今出世！

阮聽天使在吟講，甜蜜歌聲遍平地，大山小嶺今應講，歡喜快樂

齊聲迴。

大榮光歸佇至高上帝！大榮光歸佇至高上帝！請聽天使在吟講，歸榮光佇新生王；

地上和平人受恩，上帝罪人再親近，世間各國當奮起，參加天軍來歡喜，

當與天使鬥聲明，基督降生伯利恆，當聽天使在吟講，歸榮光佇新生王。

平安冥，聖誕冥，真安靜，真光明，光照老母照嬰孩！真溫純又真可愛，上帝賜安眠，上帝賜安眠。

基督今出世， 基督今出世！

（旁白） 全地當向耶和華出歡喜之聲，

恁當用歡喜之心，來服事耶和華。 唱歌來到祂之面前。

恁當知耶和華是上帝；咱是祂創造的，咱也是祂的；

咱是祂的百姓，也是祂草場的羊。當用感謝入祂的門，用讚美入祂的院

； 當感謝祂，讚美祂的名。

因為耶和華是好；祂的慈愛到永遠； 祂的信實到萬世代。

7 普世歡騰

7 普世歡騰

普天同慶！主臨世界，全地迎接君王。大家為主備辦所在，

宇宙萬物尊崇，宇宙萬物尊崇，宇宙萬物尊崇，宇宙，宇宙

萬物尊崇。

普天同慶救主掌權；世人皆當唱歌；

田野江河，平原山嶺，歡喜的聲無息，歡喜，

歡喜的聲無息…

救主管理教示萬類，用道用恩用義；公義和平充滿逐位，仁愛極其齊備…

仁愛，仁愛 極其齊備。

普天同慶！救主降生！

降生！

（旁白） 在起頭有道，道就是上帝。

有真之光來到世間。 祂在世間，世間從祂來創造。

總是世界不識祂。凡若接納祂者，就是信祂之名之人，

祂就賞賜伊有權 成作上帝的子兒。道成肉體，居起於咱中間，有恩典與真理滿滿。又阮曾看見祂的榮光，

親像獨生子 從父所得的榮光。

8 這真光來照在世界

8 這真光來照在世界

在世間之起頭有道，這道與上帝同在。道就是上帝。

在起頭就與上帝同在。（世界從祂創造），

祂是活命。這個活命是人之光。真光欲在黑暗中照光到永遠。

真光已經降臨世間，因為上帝今賜獨生子，互凡若信靠祂之人不沉淪，

反轉會得著永遠活命。

真光欲照在黑暗，真理光明賞賜萬人希望。大歡喜賞賜萬人，

就是救世主主基督。

真光已經降臨世間，道成肉體站在咱中間。

賜和平，佇主所愛之人。

眾天吟講：榮光歸至高之上帝！真光已經降臨世間。

9 有一嬰孩為我們而生

9 有一嬰孩為我們而生

聖子為咱今出世聖子今賞賜互咱，祂之名欲受稱做奇妙全能上帝，永遠不變之天父

和平人君。

祂也欲擔當國政，欲擔當國政。祂之國

堅固到萬世代。

祂用慈悲公義，和平與寬容，照顧保護咱直到永遠！

聖子為咱今出世聖子今賞賜互咱，祂之名欲受稱做奇妙全能上帝，永遠不變之天父

和平人君。

聖子為咱今出世！