bekkjarnámskrá - 4. bekkur 2015-2016 Íslenska - fréttir og ......þekki og geti notað hugtök...
TRANSCRIPT
1
Bekkjarnámskrá - 4. bekkur 2015-2016
Í bekkjarnámskrá 4. bekkjar kemur fram áætlun um það helsta sem farið verður yfir þetta skólaár.
Bekkjarnámsskráin er samin í samræmi við Aðalnámskrá grunnskóla: Almennur hluti 2011, og
greinasvið 2013.
Íslenska
Markmið Smáraskóla er að nemendur:
Lestur
lesi 200 atkvæði á mínútu að vori
auki lestrarhraða sinn
geti valið sér bækur eftir áhugasviði og lesið fjölbreyttan texta.
öðlist meiri færni við lestur á almennum textum, fyrirmælum og geti aflað sér upplýsinga úr
bókum eða af netinu.
efli lesskilning og geti svarað spurningum og dregið ályktanir út frá texta
auki orðaforða og geti lesið úr myndrænu efni, svo sem kvikmyndum fyrir börn,
einföldum skýringarmyndum og kortum
Leiðir: Ætlast er til að nemendur lesi heima 5x í viku a.m.k. 15-20 mín. Í skólanum eru lestrarstundir
og nemendur lesa reglulega fyrir kennara. Nemendur vinna verkefni út frá mismunandi lesefni og þjálfast í að nota orðabækur og önnur uppflettirit.
Námsmat: Nemendur taka raddlestrarpróf þrisvar sinnum á skólaárinu, í byrjun skólaárs, janúar og maí. Í janúar og að vori er gefin umsögn í raddlestri og lagt fyrir lesskilningspróf.
Námsefni: Kóngar í ríki sínu, Lesum saman, Lesum meira saman, Litlu landnemarnir, Lesrún,
Sögusteinn- Sitt af hverju 2 og ýmsar fleiri lestrarbækur við hæfi hvers og eins.
Ritun og skrift
þjálfist í að tjá skoðanir sínar og hugmyndir í rituðu máli
átti sig á að sögur hafa upphaf, miðju og endi
læri að skrifa sögu með einfaldri atburðarás
læri að greina aðalatriði í texta
læri að skrifa áferðarfallega og læsilega tengda skrift
nái góðum skriftarhraða
Leiðir: Nemendur vinna í forskriftarbækur og fjölbreytt ritunarverkefni.
Námsmat: Skriftarbækur eru metnar með tilliti til frágangs og hvort nemendur hafi náð tökum á
skriftinni.
Námsefni: Skrift 4 og Skrift 5. Frá morgni til kvölds.
Málfræði og stafsetning
auki málvitund sína
þekki sérhljóða, samhljóða, samheiti, andheiti, samnöfn og sérnöfn
þjálfist í að búa til samsett orð
þekki muninum á nafnorðum, sagnorðum og lýsingarorðum
átti sig á fallbeygingu nafnorða, eintölu og fleirtölu og læri að greina kyn nafnorða
þekki stigbreytingu lýsingarorða
þekki nútíð og þátíð sagna
2
læri að nota reglur um ng og nk, stóran og lítinn staf, -n og –nn, einfaldan og tvöfaldan
samhljóða, hv- í spurnarorðum og læri nokkur y-orð
geti raðað í stafrófsröð
Leiðir: Nemendur vinna ýmis verkefni til þjálfunar. Þeir fá tækifæri til að beita íslensku á fjölbreyttan
hátt, t.d. með umræðum. Nemendur þjálfa stafsetningu með því að skrifa texta eftir réttum texta og upplestri.
Námsmat: Símat, vinnubækur og kannanir. Stafsetning stakra orða (Aston index fyrir 4. bekk) eftir
upplestri er lagt fyrir í árganginum í september og apríl.
Námsefni: Ritrún 3, Skinna, Lesum saman, Lesum meira saman, Stafsetningaræfingar og annað efni
frá kennara.
Talað mál og framsögn
þjálfist í að tjá sig munnlega, endursegja efni og geti sagt frá eftirminnilegum atburðum
þjálfist í framsögn og rökstuðningi
hafi skýran og áheyrilegan framburð
þjálfist í að lesa, leika eða syngja texta af ýmsum tagi
Leiðir: Nemendur tjá sig fyrir framan kennara og bekkjarfélaga. Þeir kynna verkefni sem þeir hafa
unnið, lesa upphátt og segja frá.
Námsmat: Sjálfsmat og símat samþætt öðrum námsgreinum.
Námsefni: Valdar sögur og ljóð, verkefnavinna nemenda, bekkjarfundir og umræður.
Hlustun og áhorf
● hlusti á fyrirmæli kennara og fari eftir þeim
● geti hlustað af athygli á upplestur og annan flutning
● svari spurningum varðandi efni sem þeir hafa hlustað á
● endursegi efni og taki þátt í umræðum
Leiðir: Nemendur þjálfist í að hlusta m.a. á upplestur úr bókum og frásagnir af ýmsum toga.
Námsmat: Nemendur fá endurgjöf eftir því sem við á. Símat samþætt öðrum námsgreinum.
Hlustunarskilningspróf lagt fyrir í maí.
Námsefni: Upplestur kennara, bekkjarfélaga, af geisladiskum, skólaskemmtanir, leikrit o.fl.
Bókmenntir og ljóð
hlusti á upplestur á sögum og ljóðum, bæði hefðbundnum og óhefðbundnum
lesi mismunandi ljóð og sögur sér til skemmtunar og fróðleiks
læri utanbókar vísur og ljóð
kynnist verkum nokkurra íslenskra rithöfunda
kynnist íslenskum þjóðsögum, ævintýrum, dæmisögum og gamansögum
þekki og geti notað hugtök eins og erindi, persóna, söguhetja, söguþráður, boðskapur og sögulok
taki þátt í leikrænni tjáningu á bókmenntatexta
Leiðir: Nemendur lesa sögur, ljóð, þjóðsögur, ævintýri og efni tengt öðrum námsgreinum. Unnið verður með efnið á mismunandi hátt t.d. í skriflegum verkefnum, frásögnum og leikrænni tjáningu.
Námsmat: Nemendur fá endurgjöf eftir því sem við á. Símat samþætt öðrum námsgreinum,
vinnubók og verkefni metin.
Námsefni: Ljóðsprotar, ýmsar sögur og ljóð valin af kennurum.
3
Læsi Nemendur lesa mismunandi texta og vinna úr þeim.
Sjálfbærni Nemendur læra að taka afstöðu með eða á móti hinum ýmsu álitamálum og ágreiningsefnum bæði með ritun og framsögn.
Heilbrigði og
velferð
Nemendur fá tækifærti til þess að vinna á sínum hraða verkefni við hæfi og efla með
því sjálfsmynd sína.
Lýðræði og
mannréttindi
Nemendur læra að taka meiri ábyrgð á eigin námi og hafa val um ákveðna námsþætti
og efnistök.
Jafnrétti Nemendur vinna saman í hópum og læra að virða skoðanir og sjónarmið annara.
Sköpun Nemendur vinna ýmis verkefni þar sem sköpun er fyrirrúmi, s.s. gerð veggspjalda,
semja ljóð og sögur.
Stærðfræði
Markmið Smáraskóla er að nemendur:
Tölur og algebra
geti lesið, skrifað og borið saman tölur upp í 10.000 og táknað slíkar tölur með peningum
skilji sætisgildið, þ.m.t. gildi tíundu hluta, geti raðað slíkum tugabrotum eftir stærð og staðsett þau á talnalínu
skilji almenn brot sem hluta af heild, þekkja hugtökin teljara og nefnara og geti borið saman einföld brot
geti talið aftur á bak og áfram með því að ,,hoppa á ´´ hverri tölu, 2. hverri, 5., 10., 50., og 100. hverri í hverju hoppi
geti leyst samlagningar- og frádráttardæmi með fjögurra stafa tölum á mismunandi vegu, m.a. með hinni hefðbundnu reikniaðferð
kunni litlu margföldunartöfluna og geti notað hana til að leysa margföldunar- og deilingardæmi
þekki tengsl reikniaðferðanna fjögurra og geti notað þá vitneskju til að leysa dæmi
geti borið saman tölur og stæður með því að nota táknin <,> og =
geti lýst og haldið áfram með talnarunur sem fara stækkandi eða minnkandi
Rúmfræði
þekkji og geti lýst eiginleikum hringja og marghyrninga
geti lýst hornum, bæði sem myndast við skurðpuntk tveggja beinna strika og við snúning og
geti sagt til um stærð réttra horna geta séð hvort mynd er spegilsamhverf og notað speglun til að búa til samhverfa mynd
þekkji, geti búið til, lýst og haldið áfram með einföld mynstur
geti lýst altækri eða afstæðri staðsetningu og hreyfingu í rúðuneti
geti staðsett reiti eða punkta hnitakerfi og reiknað út fjarlægðir út frá ásum
Mælingar
geti áætlað, mælt og borið saman stærðir sem segja til um tíma, lengd, þyngd, flatarmál og rúmmál
Geti notað hentug mælitæki og lesið af mælikvörðum og þekki og geti notað algengar mælieiningar
Lesið tímasetningar og reiknað tímann milli tvegga tímasetninga
Tölfræði og líkindafræði
geti gert einfaldar kannanir og safnað mismunandi upplýsingum/gögnum, flokkað þau, talið
fjöldann í hverjum flokki og sýnt niðurstöður í töflum og súluritum geti notað líkur við einfaldar aðstæður, t.d. þegar teningi er kastað í spilum
4
Læsi Nemendur þekki algeng stærðfræðihugtök og tákn fyrir þau, s.s. meira en, minna en,
jafnt og, samlagningu, frádrátt, margföldun og deilingu og geti lesið og skrifað texta þar sem þau koma fyrir. Nemendur hafi skilning á verðgildi peninga.
Sjálfbærni Nemendur læra að skilja umhverfið sitt út frá forsendum stærðfræðinnar sbr.
peningar, fjarlægðir, hlutföll og geta heimfært stærðfræðina upp á daglegt líf. Safnað og unnið úr gögnum, miðlað upplýsingum um þau m.a. með töflum og myndritum
Heilbrigði og
velferð
Nemendur fá tækifærti til þess að vinna á sínum hraða verkefni við hæfi og efla með
því sjálfsmynd sína. Áttað sig á möguleikum og takmörkunum stærðfræðinnar til að lýsa veruleikanum.
Lýðræði og
mannréttindi
Nemendur læra að taka meiri ábyrgð á eigin námi og hafa val um ákveðna námsþætti
og efnistök.
Jafnrétti Nemendur vinna saman í hópum og læra að virða skoðanir og sjónarmið annara.
Sköpun Nemendur vinna ýmis verkefni þar sem sköpun er fyrirrúmi s.s. búa til ýmis
stærðfræðiform.
Leiðir: Nemendur nálgast námsefnið á mismundandi hátt. Stærðfræðikennslan fer ýmist fram
sem einstaklings-, para- og/eða hópvinna.
Námsmat: Kannanir eftir hvern námsþátt og lokapróf í janúar og maí.
Námsefni: Sproti 4a og 4b nemenda og æfingabók, Við stefnum á margföldun, Við stefnum á deilingu,
Viltu reyna, Verkefni fyrir vasareikni og annað ítarefni frá kennara.
Samfélagsfræði
Markmið Smáraskóla er að nemendur:
þekki til gamalgróinna atvinnuvega landsmanna
þekki valda þætti úr landnámi Íslands
þekki gamla íslenska þjóðhætti
átti sig á hvernig líf manna hefur breyst í aldanna rás
Leiðir: Námsefnið verður unnið á fjölbreyttan hátt, einstaklings- og hópvinna, umræður, myndsköpun, ritun og vettvangsferðir.
Námsmat: Símat, verkefni og vinnubækur, þátttaka og vinnubrögð.
Námsefni: Komdu og skoðaðu landnámið, Litlu landnemarnir, Komdu og skoðaðu íslenska þjóðhætti
Litlu landnemarnir, og ítarefni frá kennara.
5
Læsi Aflað sér og nýt vitneskju um samfélagsmálefni í námsgögnum og miðlum.
Sjálfbærni Nemendur læra að taka afstöðu með eða á móti hinum ýmsu álitamálum og ágreiningsefnum bæði með ritun og framsögn.
Heilbrigði og velferð Sýni frumkvæði og öðlist sterka sjálfsmynd.
Sýni samkennd og góð samskipti sín á milli.
Lýðræði og
mannréttindi
Læri að bera virðingu fyrir öðrum trúarbrögðum.
Jafnrétti Fái þjálfun í að bera virðingu fyrir sjálfum sér og öðrum með því að fást við efni sem tengjast jafnrétti og jafngildi og kjarki til að fylgja sannfæringu
sinni.
Geti sett hugtakið jafnrétti í margbreytilegt samhengi.
Sköpun Leitar lausna við vinnu sína. Beitir ímyndunarafli og fær tækifæri til að tjá
sig á skapandi hátt.
Trúarbragðafræði - siðfræði
Markmið Smáraskóla er að nemendur:
kynnist mismunandi trúarbrögðum og læri að bera virðingu fyrir þeim
efli siðferðislegan og félagslega þroska sinn
kynnist lífi og starfi Jesú
þekki helstu hátíðir kristinnar trúar
Leiðir: Umræður, einstaklings-, para- og hópvinna.
Námsmat: Símat, verkefni og vinnubækur, þátttaka og vinnubrögð.
Námsefni: Trúarbrögðin okkar, Birtan
Náttúrufræði
Markmið Smáraskóla er að nemendur:
þekki ýmis hugtök og heiti í náttúrunni
geri veðurathuganir og læri að þekkja helstu veðurtáknin
kynnist mikilvægi náttúruverndar, sorpflokkun og endurnýtingu
átti sig á hvernig lífríkið breytist eftir árstíðum
fræðist um mismunandi eiginleika efna og efnabreytingar (vatn-gufa)
Leiðir: Námsefnið verður unnið í einstaklings- og hópvinna, umræður, myndsköpun, ritun og vettvangsferðir.
Námsmat: Símat, verkefni og vinnubækur, þátttaka og vinnubrögð.
Námsgögn: Náttúran allan ársins hring, Komdu og skoðaðu hringrásir og ítarefni frá kennara.
6
Læsi Geti lesið einfaldan fræðitexta sér til gagns.
Geti lesið úr myndrænum upplýsingum.
Sjálfbærni Læri um hringrás náttúrunnar.
Læri um mikilvægi endurnýtingar og endurvinnslu.
Heilbrigði og velferð Geri sér grein fyrir mikilvægi hreyfingar, mataræðis og hreinlætis.
Lýðræði og mannréttindi
Þroski með sér virðingu og samkennd gagnvart mönnum, dýrum og umhverfi.
Jafnrétti Fái tækifæri til að þroskast á eigin forsendum og rækta hæfileika sína.
Sköpun Vinni verkefni á fjölbreyttan og skapandi hátt.
Lífsleikni
Markmið Smáraskóla er að nemendur:
þroski með sér jákvætt lífsviðhorf
sýni frumkvæði og öðlist sterka sjálfsmynd
geti greint og lýst ýmsum tilfinningum, t.d. hamingju, gleði, sorg, reiði
skilji að nauðsynlegt er að virða reglur samfélagsins
kunni skil á umferðarreglum fyrir gangandi og hjólandi vegfarendur
fái fræðslu um jafnréttismál
geti leitað eftir upplýsingum og leiðbeiningum til að rata um umhverfi sitt
hafi lært leiðir til að efla samskiptafærni sína enn betur sem felur meðal annars í sér; færni í
samvinnu, að sýna tillitssemi, að bera virðingu fyrir sjálfum sér og öðrum, að setja sig í spor annarra, að hlusta á aðra og sýna kurteisi.
skilji og virði reglur í samskiptum manna, skráðar og óskráðar
Leiðir: Vinabekkir, bekkjarfundir, framsögn, verkefnavinna og almennar umræður.
Námsmat: Þátttaka í kennslustundum, hegðun, framkoma og samskipti í skólanum.
Námsefni: Efni og verkefni tengd Uppeldi til ábyrgðar, lífsgildi og bekkjarsáttmáli, þarfir, reglur og
hlutverk ásamt ítarefni frá kennara.
7
Læsi Lesið og skilið stuttan texta með grunnorðaforða daglegs lífs um efni sem tengist þekktum aðstæðum eða áhugamálum.
Sjálfbærni Skilið það mál sem notað er í kennslustofunni og brugðist við með orðum eða
athöfnum.
Heilbrigði og velferð
Skilið einfalt mál er varðar hann sjálfan og hans nánasta umhverfi þegar talað er skýrt.
Lýðræði og mannréttindi
Tekið þátt í samskiptaleikjum og unnið samtalsæfingar.
Jafnrétti Skipst á upplýsingum og skoðunum við skólasystkini og kennara um efni tengt
náminu.
Sköpun Skrifað einföld skilaboð, smáskilaboð og tölvupóst.
Enska
Markmið Smáraskóla er að nemendur:
skilji það sem fram fer í kennslustofunni á ensku, bæði tal samnemenda og kennara
þjálfist í að vinna markvisst með orðaforða og framburð
fái þjálfun í réttri stafsetningu algengra orða sem koma fyrir í námsefni
skilji einfalda texta, s.s. myndasögur, barnabækur, ævintýri, fræðsluefni fyrir börn í bókum eða á
tölvutæku formi
Geti skrifað stutta texta á ensku
Leiðir: Nemendur vinna ýmis verkefni til þjálfunar úr verkefnabók og fá tækifæri til að nota ensku bæði í rituðu og töluðu máli.
Námsmat: Þátttaka í tímum, vinnubrögð og verkefnabækur.
Námsefni: Work out, Speak out, Rósakot bækur og ítarefni af vef.
Leiklist
Markmið Smáraskóla er að nemendur:
verði öruggari þegar talað er fyrir framan hóp af fólki.
geti beitt ólíkum aðferðum við upplestur mismunandi texta.
geti nýtt sér efni úr ýmsum áttum sem kveikju við sköpun leikins efnis.
geti nýtt sér hugmyndir jafningja og lagt fram sínar eigin í leikrænu ferli og við undirbúning
og sköpun leikþáttar. geti skapað leikþætti í samstarfi við aðra með skýrum persónum, söguþræði og framvindu.
geti nýtt sér leikmuni, búninga, einfaldan sviðsbúnað, spjaldtölvuforrit og aðra tækni til að
styrkja verk sín.
geti tekið tillit til annarra í hópvinnu og sýnt frumkvæði.
Leiðir: Unnið er í 6 vikna lotum í aldursblönduðum hópum úr 4 og 5. bekk. Í hverjum hóp eru um 10 nemendur. Nemendur lesa upp texta og nýta leikræna tjáningu í frásögnum. Nemendur nota m.a.
myndir úr tímaritum og dagblöðum við spuna og til að fá hugmyndir af leiknu efni. Nemendur vinna saman í pörum, litlum hópum og allir hópurinn saman.
Námsmat: Kennari gefur hverjum nemanda umsögn um hans framstöðu. Þeir þættir sem verður
sérstaklega horft til við námsmat í leiklist eru: jákvæðni – viðring – hlustun – sköpun – frumvkæði og samstarf.
8
Tónlistarsmiðja 4.-5. bekkur Markmið í tónlist: er að nemendur geti;
Unnið saman í hóp með samnemendum sínum.
Sungið fjölbreytt sönglög í hóp, íslensk sem og erlend.
Hlusti á tónlist með virkum hætti.
þekki muninn á dúr og moll, geti greint einföld stílbrigði, ólíkan hryn, form og grunnþætti í
tónlist. Tekið þátt í samspili á skólahljóðfærum.
Tekið þátt í að skapa eigið tónverk, hryndæmi og skráð það niður með einhverjum hætti.
Þekki helstu hljóðfæri og hljóðfæraflokka í skólastofunni.
Þjálfist í sviðsframkomu sem hópur og einstaklingar.
Sýnt virkni í tímum.
Námsleiðir: Nemendur eru 3x í viku, tvöfalda tíma í senn, í 6. vikur. Lögð er áhersla á fjölbreytta
tónlistarkennslu og góða virkni í tímum með gleðina í fyrirrúmi. Sungið er mikið með lifandi undirleik í
söngbókum. Farið er í ýmsa tónlistarleiki/verkefni sem þjálfa hlustun, hryn, sköpun, form og frumþætti tónlistar. Nemendur viðhalda þekkingu sinni á umgengni á helstu skólahljóðfærum og bæta við sig
þekkingu í leikni og samspili á þeim. Nemendur þjálfast í að koma fram sem stór hópur, litlir hópar og sem einstaklingar, bæði í sal skólans og fyrir framan samnemendur sínar.
Námsgögn: Skólahljóðfæri, aðrir hljóðgjafar, söngbækur (Syngjandi skóli, Söngvasafn 1 og 2,
Skólasöngvar o.fl.), hlustunarefni, Það var lagið, töfrakassinn, geisladiskar, tónlistarspil, iPadar, tónlistaröpp (GarageBand), Stafspil;uppruni, samspil og kennsla í anda Orff-skólans, vinnublöð og
annað tónlistarefni frá kennara.
Námsmat: Lagt er mat á virkni nemenda í tímum, áhuga, hegðun og umgengni (um stofu, við
nemendur og við hljóðfærin). Lögð er áhersla á símat. Umsögn og bókstafseinkunn er gefin í lok skólaárs. Kennari: Hjördís Eva Ólafsdóttir, tónmenntakennari
Heilbrigði og velferð - Notar áhöld og tæki greinanna - Á góð samskipti við skólafélaga sína - Skilur mikilvægi hreinlætis -
Jafnrétti - Tileinkar sér almenna kurteisi í samskiptum - Fer eftir þeim reglum sem gilda um ábyrga notkun áhalda -
Lýðræði og mannréttindi
- Vinnur að hugmynd til afurðar - Kemur vel fram við aðra og af virðingu - Fær tækifæri til að velja verkefni við hæfi -
Læsi - Les einfaldar leiðbeiningar - Getur notað rétt hugtök greinarinnar -
Sjálfbærni - Gengur vel um skólastofu, tækin og áhöldin - Lærir að nýta vel efniviðinn sem unnið er með -
Sköpun - Fær tækifæri til að virkja sköpunargáfuna - Útfærir verkefni með mismunandi hráefni -
9
Hönnun og smíði
Markmið: Að nemendur;
geti beitt einföldum handverkfærum s.s. hamar, sög, þjöl og raspi, kunni að pússa og vinna efni
undir yfirborðsmeðferð
lögð er áhersla á að nemendur sýni ábyrga umgengni og fari eftir reglum í smíðastofunni
geti rissað upp hugmyndir að verkefnum
þekki ferlið þörf –lausn – afurð.
Leiðir: Stuðlað er að því að nemandi geti hannað og smíðað hlut út frá gefinni forskrift sem byggist á ákveðinni virkni, útliti eða þema, en eigin hönnun eins og frekast er unnt.
Námsgögn: Verkefnablöð, fagbækur, tifsög, handverkfæri og smíðaviður, málning og önnur yfirborðsefni.
Námsmat: Skrifleg umsögn sem byggir á sjálfsmati, mætingu, áhuga, vinnusemi, frumkvæði og hugmyndaauðgi, vandvirkni og vinnubrögðum.
Heilbrigði og velferð - Notar áhöld og tæki greinanna - Á góð samskipti við skólafélaga sína - Skilur mikilvægi hreinlætis
Jafnrétti - Tileinkar sér almenna kurteisi í samskiptum - Fer eftir þeim reglum sem gilda um ábyrga notkun áhalda
Lýðræði og
mannréttindi
- Vinnur að hugmynd til afurðar - Kemur vel fram við aðra og af virðingu - Fær tækifæri til að velja verkefni við hæfi
Læsi - Les einfaldar leiðbeiningar - Getur notað rétt hugtök greinarinnar
Sjálfbærni - Gengur vel um skólastofu, tækin og áhöldin - Lærir að nýta vel efniviðinn sem unnið er með
Sköpun - Fær tækifæri til að virkja sköpunargáfuna - Útfærir verkefni með mismunandi hráefni
Heimilisfræði
Heimilisfræði er verklegt og bóklegt nám. Með heimilisfræði viljum við glæða áhuga nemenda á
næringar- og hollustuháttum í fæðuvali og samstarfi fjölskyldunnar við rekstur heimilisins. Einnig er
lögð áhersla á gildi hollustu og góðs fæðuvals svo og mikilvægi þess að heimilisstörf séu samstarf
allrar fjölskyldunnar. Leitast er við að gera bæði drengi og stúlkur jafnvirk og jafnhæf til heimilisstarfa.
Markmið Smáraskóla er að nemendur;
þekki alla flokka fæðuhringsins
þekki undirstöðuatriði í næringarfræði út frá fæðuhringnum
viti muninn á heimatilbúnum réttum og aðkeyptum
læri að leggja á borð og sitja til borðs
læri að matreiða einfalda rétti og baka
temji sér skipulögð vinnubrögð og góðan frágang
kunni að fara með grænmeti, ávexti og korn
læri að nota rafmagnstæki.
10
Leiðir: Fæðuhringurinn er kynntur og nemendur læra að matreiða hráefni úr mismunandi
fæðuflokkum. Nemendur baka einnig kökur og elda létta rétti. Lögð er áhersla á að þeir vinni
skipulega og gangi frá eftir að matreiðslu lýkur.
Námsmat: Skrifleg umsögn sem byggir á áhuga, samvinnu, hegðun og umgengni.
Námsefni: Hollt og gott, Heimilisfræði fyrir 4. bekk. Fæðuhringurinn og veggspjöld. Vöruumbúðir.
Myndmennt
Markmið Smáraskóla er að:
stuðla að auknum þroska nemenda og þjálfa hug þeirra og hönd til að tjá eigin hugmyndir,
þekkingu og reynslu í margs konar efnivið
efla hugmyndaflug, sköpunarhæfileika, sjálfstraust og sjálfstæði
auka þekkingu nemenda á gildi sköpunar í umhverfi þeirra og menningu fyrr og nú og geti greint á milli mismunandi aðferða við gerð listaverka
nemendur geti skilið mismunandi tilgang myndlistar og hönnunar
auka þekkingu mismunandi mynddæma úr íslenskri listasögu, byggingarlist og listiðnaði með
áherslu á það að list sprettur úr menningarlegu samhengi hvers tíma
stuðla að því að nemendur skynji og skilji boðskap myndmáls í daglegu lífi
stuðla að því að nemendur kynnist fjölbreyttum aðferðum til sköpunar
nemendur geti gengið frá verkefnum, efnum og áhöldum
nemendur noti fjölbreytileg efni, verkfæri og aðferðir við eigin myndsköpun og viti að það er
ekki til einn raunveruleiki eða sannleikur í sköpun listamanna vekja, hlúa að og efla hinn viðkvæma hæfileika hvers og eins í sjálfstæðri sköpun
Leiðir: Nemendur eru í listasmiðju-myndmennt sex vikur í röð, þrjú skipti í viku, einu sinni á
skólaárinu.
Í 4. og 5 bekk læra nemendur að lita með tússlitum, trélitum,vaxlitum og olíukrítum.
Mála með vatnslitum og þekjulitum, klippa og blanda saman aðferðum, móta með leir.
Blandaðir eru litir úr frumlitunum og byggð upp þekking á tólf lita hring-skala með áherslu á litatóna, kalda og heita liti, andstæða liti, ljós og skugga. Íþróttaheimurinn settur í mynd og verður
hluti af vinnumöppu. Helsta viðfangsefnið verður rós, náttúra uppstilling og andlit. Mótuð er skál með því að nota þekkingu á puttaaðferðini og á að breyta tvívíðu formi í þrívítt form. Búin verður
til einþrykk- mynd.
Sérstök áhersla lögð á þekkingu á grunnformin, verkun þeirra í umhverfinu eins og t.d.
Borgarlandslag og speglun. Unnið verður með hugtökin rými, samhverfa, hlutfall og abstrakt í
andlits og línu verkefni. Kúbísma-klumbustíll og Píkassó kynnt. Kynnt og skoðuð verk eftir
Námsgögn:
Kennslubækur um Litafræði .”Myndmennt I og II”og “Heimur Litanna”
ýmsa íslenska listamen.
„Listasaga – Frá hellalist til 1900“
Vefsíður um myndlist (t.d : www.namsgagnastofnun.is/listavefur/index.htm Ljósmyndir, glærur og skyggnur af myndum eftir börn og ýmsa listamenn. Áhöld og efni til
myndgerðar. Sýnishorn af verkum nemenda
Námsmat:
Metið er hvernig nemandinn fylgir fyrirmælum, áhuga og vinnusemi, umgegni um efni og áhöld,
skapandi og hugmyndaríki og verkefnaskil. Umsögn miðast við mjög gott, gott og sæmilegt.
11
Heilbrigði og velferð Nemendur nota áhöld og tæki greinanna Nemendur eiga góð samskipti við skólafélaga sína
Nemendi skilur mikilvægi hreinlætis
Jafnrétti Nemendur tileinka sér almenna kurteisi í samskiptum Nemendur fara eftir þeim reglum sem gilda um ábyrga notkun
áhalda
Lýðræði og mannréttindi
Nemendur vinna að hugmynd til afurðar Nemendur koma vel fram við aðra og af virðingu
Nemendur fá tækifæri til að velja verkefni við hæfi
Læsi Nemendur lesa einfaldar leiðbeiningar Nemendur geta notað rétt hugtök greinarinnar
Sjálfbærni Nemendur ganga vel um skólastofu, tækin og áhöldin
Nemendur læra að nýta vel efniviðinn sem unnið er með
Sköpun Nemendur fá tækifæri til að virkja sköpunargáfuna
Nemendur útfæri verkefni með mismunandi hráefni
Skólaíþróttir
Markmið Smáraskóla er að nemendur;
mæti með íþróttaföt (stuttbuxur og bol)
þjálfist í grófhreyfingum, fínhreyfingum, samsettum hreyfingum og að tengja saman ýmsar gróf-
og fínhreyfingar
taki þátt í og læri leiki sem veita útrás fyrir hreyfiþörf og efla samspil skynjunar
þjálfist í leikæfingum helstu íþróttagreina
taki þátt í leikjum sem efla líkamsþol, kraft, hraða og viðbragð
upplifi gleði og ánægju af þátttöku í leikjum
kynnist viðbrögðum sínum við mismunandi áreynslu
tileinki sér jákvæð samskiptaform eins og hvatningu og hrós
öðlist þekkingu á starfsemi líkamans í tengslum við hreyfingu og ástundun íþrótta
læri heiti helstu líkamsæfinga og heiti yfir helstu hreyfingar
tileinki sér réttar reglur í leikjum og geti skorið úr ágreiningi ef upp kemur
læri að bera virðingu fyrir þörfum annara og mismunandi getu þeirra
fái jákvæða upplifun af íþróttaiðkun utanhúss
læri að taka stöðluð próf til að meta þol, þrek og liðleika.
Leiðir: Með ýmsum leikjum með og án bolta, stöðvaþjálfun, áhaldahringjum, hlaupum.
Námsmat: Gefið er fyrir allan veturinn að vori með staðlaðri umsögn. Virkni, viðhorf og áhugi nemenda í tímum. Samvinna og samskipti við kennara og aðra nemendur. Stundvísi og ástundun (t.d.
að vera með íþróttaföt). Mælingar á þoli, krafti.
Markmið Smáraskóla er að nemendur;
Skólasund 4. stig
þol og þrek með langsundi í bringusundi og skriðsundi
geti synt hjálparlaust
þjálfi flugsundsfótatök
12
æfi stungur og hópleiki
fái þjálfun í að fylgja öryggisatriðum sundstaða.
Leiðir: Með því að synda þær sundaðferðir sem eru til prófs og tækniæfingar tengdar þeim og ýmsum leikjum og æfingum.
Námsmat: 4. sundstig; gefið fyrir lokið/ólokið og stöðluð umsögn um eftirtalda prófþætti; 25 fimm metra bringusund, 12m skólabaksund, 12m skriðsund, 6m baksund, stunga úr kroppstöðu af bakka,
flugsundsfótatök, með eða án hjálpartækja.
Grunnþættir menntunar í skólaíþróttum Grunnþáttur Áhersluþættir í 1-4.bekk
Nemandi:
Læsi Lært að þekkja og tengja saman ýmis form og merki.
Læri að taka stöðluð próf og meta þol
Skilið skipurlagshugtök í skólaíþróttum og farið eftir leikreglum.
Notað einfölld hugtök sem tengjast sundiðkun, íþróttum og líkamlegri
áreynslu.
Sjálfbærni Læri að taka fram áhöld og ganga frá þeim á réttan og öruggan hátt
Mæti með íþróttaföt (stuttbuxur og bol)
Skilið mikilvægi hreinlætis við íþrótta og sundiðkun.
Lýðræði og mannréttindi
Tileinki sér helstu samskiptareglur sem í gildi eru og tileinki sér
samskiptafærni eins og að hlusta, bíða og bregðast við. Farið eftir öryggis-,skipulags- og umgengisreglum sundstaða og
íþróttahúsa og brugðist við óhöppum.
Tileinki sér jákvæð samskiptaform eins og hvatningu og hrós
Læri að bregðast við fyrirmælum og merkjum kennara eins og flautuhljóði
og klappi.
Tileinki sér réttar reglur í leikjum.
Jafnrétti Læri að bera virðingu fyrir þörfum annarra og mismunandi getu þeirra.
Sköpun Læri og tileinki sér skipulagsform eins og röð, lína, hringur, hópur
Þjálfist í æfingum og leikjum sem efla samspil skynjunar og hreyfingar.
Heilbrigði og velferð Þjálfist í ýmsum grunnhreyfingum.
Þjálfist í æfingum sem efla liðleika, líkamsreisn og líkamsstöðu.
Þjálfist í æfingum með ýmis áhöld.
Þjálfast í leikjum og æfingum sem krefjast samvinnu og snertingar.
Taki þátt í leikjum sem veita útrás fyrir hreyfiþörf og stuðla að auknu
líkamsþoli.
Upplifi gleði og ánægju af þátttöku í leikjum.