dan bu - central yma
TRANSCRIPT
YMA DAN BU i
YOUNG MIZO ASSOCIATION
DAN BU( 2015 Revision )
ii YMA DAN BU
YMA Dan Bu
Published by :
Central Young Mizo Association
Copies - 4000
Printed at :
Central YMA Offset Press.
Published by Central Young Mizo Association
Mizoram, Aizawl
YMA DAN BU iii
A CHHUNGA THU AWMTE
Bung Châng Thupui Phek
I. YMA |OBUL -1
1. Pâwl hming
2. A thil tum leh a din chhan
3. A nihna
4. YMA Thuvawn
5. Pâwl chhinchhiahna
6. Registration
7. YMA rawng leh Flag
8. YMA Seal
9. YMA Thuthlung
10. Kaihhruaina
II. PAWL INDIN DAN -5
11. YMA Bulpui (Central YMA)
12. Sub-Headquarters YMA
13. Group YMA
14. Branch YMA
15. Central zawmna fee
16. Branch Annual fee
III. MEMBER NIH DAN -8
17. Member ni theite
18. Member chi hnih an awm ang
19. Membership fee
20. Membership fee pêk dân
21. Member nihna hloh dân
iv YMA DAN BU
Bung Châng Thupui Phek
IV. PAWL HRUAITUTE LEH AN
DINHMUN -10
22. Central YMA hruaitute
23. Hruaitu dangte
24. YMA Office Bearers dinhmun
25. YMA Office Bearers nihna inhnuhdawh dân
V. PAWL HRUAITU THLAN DAN -15
26. Central YMA hruaitu thlan dân
27. Sub-Headquarters YMA hruaitu thlan dân
28. Group YMA hruaitu thlan dân
29. Branch YMA hruaitu thlan dân
30. Charge inhlanna
VI. COMMITTEE HRANG HRANG
LEH AN MAWHPHURHNA -22
31. Central Co-ordination Committee (CCC)
32. Central Executive Committee (CEC)
33. Sub-Headquarters Executive Committee
34. Group Executive Committee
35. Branch Executive Committee
36. Office Bearers Meeting
37. Rorêl thei chin
38. Thurêl nun hun chhûng
39. Member ni sa
40. Joint YMA
VII. CONFERENCE -30
41. General Conference
42. Sub-Headquarters YMA Conference
43. Group YMA Conference
YMA DAN BU v
Bung Châng Thupui Phek
VIII. YMA CHHANG -33
44. YMA Chhang din dân
45. YMA Chhang thiltum
46. Membership fee
47. YMA Chhang hruaitu
48. Pawisa chungchâng
IX PAWL CHHUNG THUBUAI -35
49. 1) Branch thubuai
2) Group thubuai
3) Sub-Headquarters thubuai
4) Central YMA buaina
5) Thubuai dang
X. DAN SIAM LEH DAN
SIAM |HAT CHUNGCHANG -36
50. Dan siam\hat
51. Dan siam \hat rawtna
XI. YMA SUM VAWN DAN -38
52. YMA sum vawn dân
XII. YMA INLEH LEH TIHTAWP -39
53. Pâwl danga YMA inleh
54. YMA tihtâwp
vi YMA DAN BU
YMA DAN BU 1
YOUNG MIZO ASSOCIATION
DAN BU
BUNG I
Y.M.A. |OBUL
1. Pâwl Hming :
Young Mizo Association (Y.M.A.) : June 15, 1935 khân
Young Lushai Association (YLA) tia din a ni a, October
7, 1947 a\ang khân Young Mizo Association (YMA) tia
thlak a lo ni ta.
2. A thil tum leh a dinchhan :
1. Hun âwl hman \hat
2. Zofate hmasâwnna ngaihtuah
3. Kristian nun dân \ha ngaihsân.
3. A nihna:
YMA chu politics rawngkai lo, tlâwmngai pâwl a ni.
4. YMA thuvawn :
YMA chu \anpui ngaite \anpuitu a ni.
5. Pâwl chhinchhiahna :
Rin bial, a laia Meichher alh ‘YMA’, kuta chelh lai lem
chu Pâwl chhinchhiahna a ni. Meichher kuang pathumte
hian YMA thil tum leh dinchhan pathumte a entîr a. Meialh
êng anga a thla sâwmte hian YMA Thuthlung sâwm a
entîr. Ribbon-a YMA tih inziak veilamah Estd. a awm
ang a, a dinglamah 1935 a awm ang.
2 YMA DAN BU
6. Registration:
YMA chu Societies Registration Act 1860 (Act XXI
of 1860 ) and as modified by the Society Registration
(Extension to Mizoram) Act 1976 tlawhchhanin May
14,1977 ah inziahluh a ni a, Regisration No. chu SR. 4
of 1977 a ni. Mizoram chhûngah Sub-Headquarters
YMA, Group YMA leh Branch YMA tân inziahluh
leh hran a ngai tawh lo.
7. YMA rawng leh Flag :
1) Hêng rawng chi thum, a sen, a vâr leh a dum te hi Mizo
rawng neih hmasak ber a nih avângin YMA rawngah thlan
a ni.
2) A RAWNGIN A ENTIR :
A sen hian : YMA chu pâwl lâr tak a ni tih a entîr.
A vâr hian : Pawl thianghlim, mitin huapzo a ni tih
a entîr.
A dum hian : YMA chu mi chanhai, riangvai leh
lusunte \hian a ni tih a entîr.
3) YMA Flag chu hêng rawng chi thum, a chung berah a
sen, a laiah a vâr, a hnuai berah a dum, intiat \hap tûr a ni.
4) FLAG LENZAWNG :
A lian : 6’x 4’
A laihawl : 3’8”x 2’6”
A tê : 3’x 2’
Car Flag : 9”x 6”
YMA DAN BU 3
5) YMA FLAG SIAM DAN :
A vâr lai takah YMA chhinchhiahna (Emblem) a awm
ang a, a dumah hian Central YMA te, Sub-Headquarters
YMA te, Group YMA te leh Branch YMA-ten an hming
an chuantîr ang.
6) Central YMA te, Sub-Headquarters YMA te, Group
YMA te leh Branch YMA-ten YMA Flag tê te, a laihawl
te leh a lian te hi an siam thei ang a, YMA hminga thiltihnaah
an hmang thei ang.
7) Car Flag erawh chu Central YMA, Sub-Headquarters
YMA, Group YMA leh Branch YMA hminga
chhuahnaah hman theih a ni ang.
8. YMA Seal:
YMA Seal rêng rêng chu Central YMA-in a siam tûr a ni.
9. YMA Thuthlung:
1) Mizote hi thlahtu a\anga hnam huaisen, tlâwmngai leh
hawihhâwm kan ni \hîn a, chûng ze mawite chu ka
nunphungah a pâr ve tûr a ni.
2) Hlemhlêtna chi hrang hrang te, ruihtheih thil chi hrang hrang
te hi, YMA nihphung nên a inkalh tlat tih hriain, hêng lakah
hian ka fihlîm tûr a ni.
3) Kan hnam rohlu ber Tlâwmngaihna hi, ka hnam puite leh
hnamdangte mithmuhah, chhuanawm takin ka lantîr ang
a, Mizo hnam zahawmna puanchhuahna atân ka hmang
\hîn tûr a ni.
4) Aia upa zah hi Mizo hnam ze mawi tak a ni a, chuvângin
dinhmun lama hnuaihnung zâwk pawh nise, kei aia upa
zâwk tawh phawt chu zah takin ka en tûr a ni.
4 YMA DAN BU
5) Hnamdangte ka hmusit mai tûr a ni lo va, an ngaihnep
theih zâwngin ka awm tûr a ni hek lo.
6) Mahni intodelh hi zahawmna leh huaisenna a ni tih hriain,
mite bantu ni lo va, mite \anpuitu ni thei tûrin, mahni kein
ka ding thei tûr a ni.
7) Nungcha, thing leh maute hi, mihringten kawng tin renga
kan mamawh a ni tih hriain, theihtawp chhuahin ka humhalh
tûr a ni.
8) Ram rorêltute thawhpui thiam mi, sawisêl mai lova thurâwn
petu nih ka tum tûr a ni a, Sawrkâr tân khua leh tui \ha ka
ni tûr a ni.
9) Mahni \anghma chauh thlir lo vin, midang hmakhua ka
thlir fo a \ûl a, midangte ngaihdân zah a, zawm thiam mi
ka ni tûr a ni.
10) YMA member ka nih avângin, Mizo hnam mawina leh,
YMA thianghlimna puangchhuaktu ni tûrin, ka
nunphungah ka fimkhur reng tûr a ni.
10. Kaihhruaina :
YMA member chuan hetiang hi nih a tum tûr a ni :
1) Mahni inthunun leh invawng fel mi;
2) Chhûngkaw vawng fel mi;
3) Thudik ngaina leh \an tlat mi;
4) Teirei peih mi;
5) Mi hawihhâwm;
6) Mi tlâwmngai leh \angkai;
7) Khawtlâng \hatna ngaihtuah mi;
8) Sakhaw zah thiam mi;
9) Pi leh pute dân \ha venhim tum mi leh;
10) Zû leh ruihtheih thila insûm mi.
YMA DAN BU 5
BUNG II
PAWL INDIN DAN
11. YMA Bulpui ( Central YMA ) :
YMA bulpui chu Central YMA a ni a, a hmunpui chu
Mizoram khawpui Aizâwl a ni.
12. Sub-Headquarters YMA :
Central YMA-in Group YMA eng emaw zât huamin, an
thawhhona leh \anlâkna tichak zâwk tûr leh an sâwt tlânna
tûrin a \ûl a tihna hmunah Sub-Headquarters YMA a din
thei ang.
13. Group YMA :
1) Central Executive Committee-in Branch YMA eng emaw
zât huamin Group YMA a siam thei ang.
2) Group YMA chu hmun hlawm khat, inkalpawhna awlsam
leh a mi chêngte khawsak dân inmil deuh thlîrin a din ang.
3) Group YMA din thar tûr emaw, siam \hat ngai emaw a
awm chuan, Central Executive Committee chu thutâwp
siamtu a ni ang.
4) Sub-Headquarters YMA huam chhûnga Group
YMA din thar tûr leh siam \hat ngai a awm chuan,
Sub-Headquarters Executive Committee-in Central
Executive Committee-ah a thlen ang.
5) Group YMA din thar a nih dâwnin Central Executive
Committee-in Convener a ruat ang a, Convener chuan
Group YMA Conference kovin hruaitu a thlanpui ang.
6 YMA DAN BU
14. Branch YMA :
1) Mizote chênna khawtinah YMA din theih a ni a, Branch
YMA din thar duh chuan anmahni huamtu Group YMA-ah
an dil ang a, Group Executive Committee-in emaw, Group
YMA Conference-in emaw âwm a tihpui chuan Branch
YMA chu din a ni ang.
2) Group YMA awm lohna hmun emaw, Mizoram pâwna
Mizote emaw chuan Branch YMA an din duh chuan,
YMA Dân hnuaiah, Central YMA remtihna an la hmasa
ang.
3) Branch YMA awmsa a\anga indang/in\hen/hmingthlak duh
chuan an awmna Branch Executive Committee-ah an dil/
ngaihtuah tûr a ni ang a, Group YMA awmnaah chuan
Group Executive Committee-in emaw, Group YMA
Conference-in emaw rem a tih chuan Central YMA
remtihnain indantîr \hîn tûr a ni. Sub-Headquarters YMA
huam chhûngah chuan Sub-Headquarters Executive
Committee kaltlangin, Central YMA remtihnain indantîr
\hîn tûr a ni.
4) Branch YMA din thar dil leh indan/in\hen dilten harsatna
an tawh chuan Central Executive Committee-in thutâwp
a nei ang. Sub-Headquarters YMA hnuaia awmte chuan
Sub-Headquarters YMA kaltlangin Central YMA-ah an
thlen \hîn ang.
15. Central YMA zawmna Fee :
Branch YMA ding thar rêng rêngin an din a\anga thla
hnih ral hma ngeiin Central YMA zawmna Fee Rs. 400/-
(chêng zali) pein Central YMA an zawm ang. Central YMA
zawm lo chu Branch YMA an ni lo va, YMA hming an
hmang thei lo vang.
YMA DAN BU 7
16. Branch YMA Annual Fee :
1) Branch YMA tinin Central YMA-ah Branch Annual Fee
Rs. 200/- (chêng zahnih) kumtin April thla ral hma ngeiin
an pe ang.
2) Branch YMA ding thar pawhin Central YMA an zawm
kumin Annual Fee an pe ang.
3) April thla ral hmain Annual Fee hi pêk ngei tûr a ni.
Annual Fee pe lo chuan General Conference-ah rorêl palai
an tîr thei lo ang a, Vote pawh an thlak thei lo vang.
4) Annual Fee pêk rualin Member zât Mipa_____,
Hmeichhia________, Life Member________, pêk luh
tûr a ni.
8 YMA DAN BU
BUNG III
MEMBER NIH DAN
17. Member ni thei te :
1) Mizo tupawh, tleirâwl/râwlthar chin chunglam chu, YMA
thiltum leh dinchhan te, a thuvawn te, a thuthlung leh a
kaihhruaina te anga awm inhuam apiangte.
2) An khawsak dân phung ena Branch Executive
Committee-in YMA member-a a pawm theihte.
18. Member chi hnih an awm ang :
Annual Member leh Life Member te.
19. Membership Fee :
1) Annual Membership Fee Rs. 5/- (chêng ngâ) a ni ang.
Annual Membership Fee chu mahni awmna vênga Branch
YMA-ah ngei pêk tûr a ni.
2) Life Membership Fee chu Rs. 500/- (chêng zangâ) a ni
ang.
20. Membership Fee pêk dân :
1) Annual Membership Fee chu hruaitu tharten an khawn
ang.
2) Branch YMA tinin member hming ziakna Register bu neih
tûr a ni a, member hming ziaknaah chuan Hming, Kum leh
Pa hming ziah tûr a ni.
îâûê
YMA DAN BU 9
3) Life Member nih duh chuan YMA Member-ah kum 5 a
awm hnuah a awmna Branch YMA-ah a dîl ang a, Branch
Executive Committee-in Life Member ni tlâka a hriat
chuan Group YMA-ah a dilpui ang a, Group YMA
Conference-in a remtih chuan Central YMA Office-ah
Life Membership Fee pein Life Member a ni ang.
4) Sub-Headquarters YMA leh Central YMA huam
chhûnga mite chuan an awmna Branch YMA-ah kum 5
member a nih tawh hnuin a dîl ang a, Sub-Headquarters
Executive Committee-in emaw, Central Executive
Committee-in emaw rem a tih hnuah Central YMA
Office-ah Life Membership Fee pein Life Member a ni ang.
21. Member nihna hloh dân :
1) YMA Member, a awmna Branch YMA-in YMA Dân
Bu Bung III chang 17 kalh nia hriat, vawihnih aia
tlem lo insiam\ha tûra a hrilh tawh hnua member ni ve
lo se \ha zawka a ngaihte chu an member nihna a
paihsak thei ang a, a hun rei zâwng te leh \ûl dang chu
Branch YMA-in a rêl ang.
2) YMA Life Member, a chetdân leh nunphung ena YMA
Dan Bu Bung III chang 17-na kalh nia a hriat, an awmna
Branch YMA-ten insiam\ha tûra vawihnih aia tlem lo a
hrilh tawh hnua an Life Member nihna hlihsak \ha zawka
a hriatte chu, Life Member an nihna hlihsak theih an
ni ang. Life Member an nihna hlihsak tûra Branch YMA-
in a rêl thluk tawh chu Group YMA leh Sub-Headquarters
YMA kaltlanga Central YMA-ah thlen a ni ang a, \ûl a tih
chuan Life Member nihna a hlihsak ang.
A nunphung a sim a, Life Member nih a duh leh
hunah chuan Life Member nih dân phung pangngai
engkim zawmin a dîl \ha leh ang.
10 YMA DAN BU
BUNG IV
PAWL HRUAITUTE LEH AN DIN HMUN
22. Central YMA Hruaitute :
Central YMA chuan hetiangin hruaitu a nei ang :
1. President 2. Vice President
3. General Secretary 4. Assistant Secretary
5. Treasurer 6. Finance Secretary
23. Hruaitu Dangte :
Sub-Headquarters YMA, Group YMA leh Branch
YMA chuan hetiangin hruaitu a nei ang :
1. President 2. Vice President
3. Secretary 4. Assistant Secretary
5. Treasurer 6. Finance Secretary
24. YMA Office Bearers dinhmun :
1) Central YMA Office Bearer-te dinhmun leh an
mawhphurhna chu hetiang hi a ni ang :
President : Pâwl hruaitu ber a ni a, Central
Executive Committee-ah te,
Central Co-ordination Committee-
ah te, General Conference leh Cen-
tral YMA hminga thiltih leh
inkhâwm buatsaihah hruaitu a ni ang.
YMA DAN BU 11
Vice President : President thachhang dâwltu a ni a,
a theih ang angin President a puiin,
thurâwn pein a \awiawm ang.
President awm lohvin a ai a awh
\hîn ang.
General Secretary : President râwnin Central Executive
Committee a ko \hin ang. Central
Executive thurêlte, Central YMA
hminga hmalâkna leh bawhzui tûr
dangte bawhzuiin, Central YMA
hmalâkna tihlawhtling tûrin
theihtâwp a chhuah \hîn ang.
Assistant Secretary : General Secretary thachhang
dâwltu a ni a, General Secretary
finchhuahtu leh \awiawmtu a ni.
General Secretary awm lohvin
General Secretary chanvo a la ang.
Treasurer : Central YMA sum him taka
vawngtu a ni. A hnêna sum lût leh
chhuak rêng rêng chu Finance
Secretary kaltlanga tih tûr a ni.
Finance Secretary : Central YMA sum ziaktu a ni a,
pâwl sum lût leh chhuak zawng
zawng fel takin a chhinchhiah ang.
2) Sub-Headquarters YMA leh Group YMA Office
Bearer te dinhmun leh an mawhphurhna \heuhte chu
hetiang hi a ni ang :
12 YMA DAN BU
President : Sub-Headquarters/Group YMA
hruaitu ber a ni a, Sub-Headquar-
ters/Group Executive Committee-
ah te, Sub-Headquarters/Group
YMA Conference leh Sub-Head-
quarters/Group YMA hminga thil
tih leh inkhâwm buatsaihah hruaitu
a ni ang.
Vice President : President thachhang dâwltu a ni
a, a theih angin President a puiin
thurâwn pein a \awiawm ang.
President awm lohvin a ai a awh
\hîn ang.
Secretary : President râwnin Sub-Headquar-
ters/Group Executive Committee
a ko \hin ang. Sub-Headquarters/
Group Executive Committee thurêl
te, Sub-Headquarters/Group
YMA hminga hmalâkna leh
bawhzui tûr dangte bawhzuiin,
Sub-Headquarters/Group YMA
hmalâkna tihlawhtling tûrin
theihtâwp a chhuah \hîn ang.
Assistant Secretary : Secretary thachhang dâwltu a ni
a, Secretary finchhuahtu leh
\awiawmtu a ni. Secretary awm
lohvin Secretary chanvo a la ang.
Treasurer : Sub-Headquarters/Group YMA
sum him taka vawngtu a ni. A
hnêna sum lût leh chhuak rêng
YMA DAN BU 13
rêng chu Finance Secretary
kaltlanga tih tûr a ni.
Finance Secretary : Sub-Headquarters/GroupYMA
sum ziaktu a ni a, pâwl sum lût leh
chhuak zawng zawng fel takin a
chhinchhiah ang.
3) Branch YMA Office Bearers dinhmun :
Branch YMA Office Bearer-te dinhmun leh an
mawhphurhna \heuhte chu hetiang hi a ni ang :
President : Branch YMA hruaitu ber a ni a,
Branch Executive Committee-ah te
Branch YMA hminga thiltih leh
inkhâwm buatsaihah hruaitu a ni ang.
Vice President : President thachhang dâwltu a ni
a, a theih angin President a puiin
thurâwn pein a \awiawm ang.
President awm lohvin a ai a awh
\hîn ang.
Secretary : Branch Executive Committee
thurêlte Branch YMA hminga
hmalâkna leh bawhzui tûr dangte
bawhzuiin, Branch YMA
hmalâkna tihlawhtling tûrin
theihtawp a chhuah \hîn ang.
President râwnin Branch Executive
Committee a ko \hîn ang.
14 YMA DAN BU
Assistant Secretary : Secretary thachhang dâwltu a ni
a, Secretary finchhuahtu leh
\awiawmtu a ni. Secretary awm
lohvin Secretary chanvo a la ang.
Treasurer : Branch YMA sum him taka
vawngtu a ni a. A hnêna sum lût
leh chhuak rêng rêng chu Finance
Secretary kaltlanga tihtûr a ni.
Finance Secretary : Branch YMA sum ziaktu a ni a,
pâwl sum lût leh chhuak zawng
zawng fel takin a chhinchhiah ang.
25. a) Central/Sub-Headquarters/Group/Branch
YMA Office Bearer-te chu MLA/MP/MDC/Councilor/
LC/VC-ah an ding dâwn a nih chuan Nomination an file
hmain, YMA-a an nihna an inhnukdâwk tûr a ni.
b) YMA Hruaitu hlun chawimawina hetiang hian pêk
\hîn a ni ang :
i) Mipa: A zâwna kum 10 (sâwm) chhûng
Central / Sub-Headquarters / Group / Branch
YMA Office Bearer \ang tawh te; a zâwn lo a
nih chuan kum 15 (sâwm leh panga) \ang tawh
te.
ii) Hmeichhia: A zâwna kum 5 (ngâ)
chhûng Central / Sub-Headquarters / Group /
Branch YMA Office Bearer \ang tawh te; a zâwn
lo a nih chuan kum 8 (riat) \ang tawh te.
YMA DAN BU 15
BUNG V
PAWL HRUAITU THLAN DAN
26. Central YMA hruaitu thlan dân :
1) Central YMA Office Bearer-te chu General
Conference-in kum hnih chhûng atân a thlang ang.
2) Central YMA Office Bearer atân chuan Mizoram khawpui
Aizâwl a awm ngei thlan tûr a ni.
3) Central YMA Office Bearer-ah nihna ngai a zâwnin term
hnih bâk chelh theih a ni lo.
4) NOMINATION :
(a) Central Executive Committee-in a \ûl a tih chuan mi 5
(pangâ)aia tam lo a rawt thei ang.
(b) Sub-Headquarters Executive Committee pawhin an duh
chuan mi pathum aia tam lo an rawt thei ang.
(c) Group Executive Committee-in an duh chuan mi pahnih
aia tam lo an rawt thei ang.
(d) Aizâwl khawpui chhûnga Branch YMA-tin Executive
Committee-in Central YMA Office Bearer tûr mi pakhat
a rawt thei ang a, anmahni Branch chhûnga mi kher lo
pawh a rawt thei ang.
(e) Aizâwl khawpui chhûnga Branch YMA awmna a mi, kum
5(pangâ) tal YMA Member ni tawh leh Sub Headquar-
ters / Group / Branch YMA Office Bearer lo ni tawh
rawt tûr a ni.
16 YMA DAN BU
(f) Central YMA Office Bearer atâna rawtte hi anmahni
remtihna an la hmasa tûr a ni.
(g) Rawtte hi an inhnukdawk duh a nih chuan, rawtna thehluh
hun tawp hnu kar khat chhûngin an inhnukdawk tûr a ni.
(h) Rawtte hi Central Executive Committee-in A AW B-a
an hming hmasak dân indawtin a remfel ang, chungho a\ang
chuan Central YMA Office Bearer tûr thlan a ni ang.
5. RETURNING OFFICER :
Central Executive Committee-in Returning Officer leh a
\anpuitu tûr \ûl a tih zât a ruat ang a, chûngte chu rawtte
zinga tel lo an ni tûr a ni.
6. INTHLAN DAN :
(a) A mal mal (post by post) a inthlan a ni ang.
(b) Inthlanna chu Secret ballot-in thlan tûr a ni a, vote hmu sâng
ber chu tlinga puan a ni ang. Vote hmu sâng inang an awm
chuan, a sâng inzâtho a\ang khân thlan \hat leh tûr a ni ang.
(c) Central Executive Committee in a \ul dân a zirin YMA
Office Bearer inthlanna atân ‘Election Manual’ a siam ang.
7. VOTE PE THEI :
(a) Central YMA Office Bearers;
(b) Central Executive Committee Members;
(c) Central YMA Office Bearer lo ni tawh te;
(d) Sub-Headquarters Office Bearers;
(e) Sub-Headquarters Executive Committee Member 10
(sâwm);
YMA DAN BU 17
(f) Group YMA Office Bearers;
(g) Branch YMA-tin a\angin Branch YMA aiawh mi 6
(paruk) zêl, inthlannaa vote nei tûra Branch Executive
Committee-in a ruatte;
(h) Hêng a chunga sawi te zing ami, nihna pakhat aia tam
chelh an awm thei a, chutiang mite chuan vote khat chauh
zêl an nei thei ang.
8. Hun laklawhah Office Bearer hmun ruak a awm chuan,
Central Executive Committee-in an aiawhtu tûr a ruat ang
a, term puitlinga chhiar a ni ang.
27. Sub-Headquarters YMA hruaitu thlan dân :
1) Sub-Headquarters YMA Office Bearer te chu Sub-
Headquarters Conference-in kum hnih chhûng atân a
thlang ang.
2) Sub-Headquarters \huthmun leh Direct-a awp Branch-
ten mi pakhat, Group-in mi pathum, Sub-Headquarters
Executive Committee-in mi 10 aia tam lo a rawt thei ang.
3) Sub-Headquarters YMA Office Bearer-ah nihna ngai a
zâwnin Term hnih bâk chelh theih a ni lo.
4) Sub-Headquarters YMA Office Bearer atân chuan
Sub-Headquarters \huthmun khawpui chhûng a mi ngei
ruat tûr a ni.
5) Sub-Headquarters YMA Office Bearer atâna
rawt te chu kum 5 (ngâ) tal YMA Member ni tawh
leh Central YMA/Sub Headquarters/Group/Branch
YMA Office Bearer lo ni tawh an ni tûr a ni.
18 YMA DAN BU
6) VOTE NEI THEI :
(a) Sub-Headquarters YMA Office Bearer leh Executive
Member te;
(b) Group YMA aiawh mi 6(paruk),
(c) Branch YMA tin a\anga mi 6 (paruk) thlan chhuah te.
7) INTHLAN DAN :
(a) A mal malin emaw, mi 6 (paruk) a rualin emaw thlan a ni ang.
(b) Mi 6 (paruk) thlan chhuah an nih chuan thlantlinten nihna
an invuah ang.
(c) Inthlanna chu Secret Ballot-in thlan a ni ang a, vote hmu
sâng ber chu tlinga puan a ni ang.Vote hmu sâng inang
an awm chuan, a sâng inzâtho a\ang khân thlan \hat leh
tûr a ni ang.
8) Sub-Headquarters Executive Committee-in inthlan buaipui
tûrin Returning Officer leh a \anpuitu \ûl a tih zât a ruat ang.
9) Hun laklawhah Office Bearer hmun ruak a awm chuan
Sub-Headquarters Executive Committee-in an aiawh a
ruat ang a, term puitlinga chhiar a ni ang.
10) Hruaitu thlan tharte chu thlan a\anga thla khat ral hma
ngeiin Central YMA Office-ah hriattîr tûr a ni.
28. Group YMA hruaitu thlan dân :
1) Group YMA Office Bearer te chu Group YMA
Conference-in kum hnih chhûng atân a thlang ang.
YMA DAN BU 19
2) Group YMA Office Bearer-ah nihna ngai a zâwnin term
hnih bâk chelh theih a ni lo.
3) Group Executive Committee-in mi paruk aia tam lo leh
Branch-in mi pathum aia tam lo an rawt thei ang.
4) Group YMA hruaitu thlannaah hian Branch YMA aiawh
mi 10 (sâwm) thlanchhuahte leh Group Executive
Committee Member-ten vote an nei ang.
5) Group Executive Committee-in thlanpuitu atân Returning
Officer leh a \anpuitu \ûl a tih zât a ruat ang.
6) A mal malin emaw, mi 6 (paruk) a rualin emaw thlan
chhuah tûr a ni a, mi 6 (paruk) a ruala thlan an nih chuan
thlantlinten nihna an invuah ang.
7) Inthlanna chu Secret Ballot-in thlan a ni ang a, vote hmu
sâng ber chu tlinga puan a ni ang.Vote hmu sâng inang an
awm chuan, a sâng inzâtho a\ang khân thlan \hat leh tûr a
ni ang.
8) Hun laklawhah Office Bearer hmun ruak a awm chuan
Group Executive Committee-in an aiawh a ruat ang
a, term puitlingah chhiar a ni ang.
9) Group YMA Office Bearer thlan tharte chu thlan a\anga
thla khat ral hma ngeiin, Central YMA Office-ah hriattîr
tûr a ni.
20 YMA DAN BU
29. Branch YMA hruaitu thlan dân :
1) Branch YMA Office Bearer te chu member kalkhâwmin
kum khat atân a thlang ang.
2) Inthlanna chu kum tin January thla ral hmain neih tûr a ni.
3) Inthlan hmain chawlhkâr khat tal member-te hriattîrna
chiang leh fel tak a awm hmasa tûr a ni.
4) Inthlan hmain Branch Executive Committee-in a \ûl a tih
chuan thlan awm mi a rawt (nominate) thei ang a, chutiang
rawt a neih chuan mi 12 (sâwm pahnih) tal rawt tûr a ni.
Inthlannaah member kalten a \ûl an tih chuan mi 3 (pathum)
aia tam lo an rawt belh thei ang.
5) (a) A mal mal (post by post) in emaw, mi 6 (paruk) a rualin
emaw thlan a ni ang.
(b) Mi 6 (paruk) thlan chhuah an nih chuan thlantlinten nihna
an invuah ang.
(c) Secret Ballot-in thlan a ni ang a, vote hmu sâng ber chu
tlinga puan a ni ang.Vote hmu sâng inang an awm chuan,
a sâng inzâtho a\ang khân thlan \hat leh tûr a ni ang.
6) Branch Executive Committee-in thlanpuitu atân
Returning Officer leh a \anpuitu \ûl a tih zât a ruat
ang. Inthlan buaipuitute chu thlan theih a ni lo vang.
7) Branch YMA hruaitu tharte chu April thla ral hmain
Central YMA Office-ah hriattîr tûr a ni.
YMA DAN BU 21
8) Hun laklawhah Office Bearer hmun ruak a awm chuan
Branch Executive Committee zîng a\angin a aiawh tûr ruat
a ni ang a, term puitlinga chhiar a ni ang.
9) Branch YMA Office Bearer atâna rawtte chu kum nga
tal YMA Member lo ni tawh an ni tûr a ni.
10) Branch YMA Office Bearer-ah nihna ngai a zâwnin kum
thum bâk chelh theih a ni lo.
30. Charge inhlanna :
Central YMA, Sub-Headquarters YMA, Group YMA
leh Branch YMA Office Bearer kalchhuak tûrten inthlan
a\anga ni 7 (sarih) ral hma ngeiin charge an hlan tûr a ni.
22 YMA DAN BU
BUNG VI
COMMITTEE HRANG HRANG LEH AN
MAWHPHURHNA
31. Central Co-ordination Committee (CCC) :
1) Central Co-ordination Committee chu YMA General
Conference dawta thuneitu sâng a ni a; YMA Programme
duan chhuah te, General Conference thurêl tûr (Agenda)
thlitfim te, General Conference thurêl bawhzui te chu a
hna a ni ang.
2) |ûl zualah chuan Special Conference a ko thei ang.
3) Kum tin November, April leh September thlaa Nilaini
vawi hnihnaah te an \hu \hîn ang.
4) CENTRAL CO-ORDINATION COMMITTEE
MEMBER TE:
(a) Central YMA Office Bearers;
(b) Central Executive Committee Members;
(c) Sub-Headquarters YMA aiawh 6 (paruk);
(d) Group YMA aiawh 2 (pahnih);
(e) Aizâwl khawpui Branch YMA aiawh pakhat;
32. Central Executive Committee (CEC) :
1) Central Executive Committee chu YMA pumpui
khaikhâwmtu, kaihruaitu leh thawhhona kawnga
mawhphurtu ber a ni.
YMA DAN BU 23
2) A HNA PUAL :
(a) General Conference leh Central Co-ordination
Committee thurêl a bawhzui ang.
(b) YMA Office chu Central Executive Committee-in a
enkawl ang a, hnathawktu lâk leh enkawl pawh a
mawhphurhna a ni ang.
(c) Central Executive Committee chuan kawng hrang hranga
hma a lâknaah \ûl a tih angin kum khat atân Sub-Com-
mittee peng hrang hrang a siam thei ang.
(d) YMA kalphung leh awmdân tûr anga awm lo ni a Central
Executive Committee-in a ngaih Branch YMA, Group
YMA leh Sub-Hqrs. YMA te chu \ûl a tih angin, Central
Executive Committee-in an chungah thutâwp a nei ang.
3) Thla khatah vawi khat tal Central Executive Committee
Meeting an nei tûr a ni. President nên inrâwnin General
Secretary-in a ko \hîn ang.
4) CENTRAL EXECUTIVE COMMITTEE
MEMBER-TE :
(a) Central YMA Office Bearers.
(b) Central YMA Office Bearer-ten Executive Committee
Member 20 (sawmhnih) an ruat te;
(c) Central Executive Committee-in a ruat Sub-Committee
Chairman leh Secretary-te.
(d) Central YMA Office Bearer te, Office Bearer-ten
Executive Committee Member an ruat te, Sub-Commit-
24 YMA DAN BU
tee Chairman leh Secretary te chu a huhova hna an
thawhna leh mawh an phurh tlânnaah ‘Central Executive
Committee’ tih a ni ang.
33. Sub-Headquarters Executive Committee :
1) Sub-Headquarters Executive Committee chuan a huam
chhûnga Group YMA leh Branch YMA-te thawhhona
leh \an lâk dân tûr a ngaihtuah ang.
2) Central Co-ordination Committee leh Central Executive
Committee-in tih tûr chanvo a tuk te chu tihhlawhtlin a
tum tûr a ni.
3) Sub-Headquarters Executive Committee chuan kawng
hrang hranga hma a lâknaah \ûl a tih angin Committee
peng a siam thei ang.
4) Kum tin September thlaah Central YMA-ah report a pe ang.
5) A \ûl angin Sub-Headquarters Executive Committee
neih tûr a ni. President nên inrâwnin Secretary-in a ko
\hîn ang.
6) SUB-HEADQUARTERS EXECUTIVE
COMMITTEE MEMBER TE :
(a) Sub-Headquarters YMA Office Bearers;
(b) Sub-Headquarters YMA Office Bearer-ten mi 10 (sâwm)
an ruat te;
(c) Sub-Headquarters \huthmun President/Branch aiawh mi
1 (pakhat);
YMA DAN BU 25
(d) Sub-Headquarters Executive Committee-in Committee
peng a ruat Chairman leh Secretary te.
7) A \ul angin Sub-Headquarters YMA Co-ordination
Committee (SCC) a din thei ang.
Sub-Headquarters YMA Co-ordination Committee
(SCC) chu Sub-Headquarters Conference dawta thuneitu
sâng a ni a, YMA programme duan te, Sub-Headquar-
ters YMA Conference thurêl tûr (Agenda) thlitfim te,
Sub-Headquarters YMA Conference thurêl bawhzui te
chu a hna a ni ang.
34. Group Executive Committee :
1) Group Executive Committee chuan a huam chhûnga
Branch YMA hrang hrangte thawhhona dân tûr leh hmalâk
dân tûr a ngaihtuah ang a, Branch YMA chak lo deuh an
awm chuan a chakna tûrin kawng a dap pui ang.
2) Central Co-ordination Committee-in emaw, Central
Executive Committee-in emaw, Sub-Headquarters
Executive Committee-in emaw tih tûr a tukte chu
tihhlawhtlin a tum tûr a ni.
3) Kum tin September thlaah Central YMA Office-ah
report a pe ang.
4) Kum khatah vawi hnih tal Group Executive Committee
neih tûr a ni.
26 YMA DAN BU
5) GROUP EXECUTIVE COMMITTEE
MEMBER TE :
(a) Group YMA Office Bearers;
(b) Group YMA Office Bearer-ten \ûl an tih zât Executive
Committee Member an ruatte;
(c) Group YMA Office Bearer te leh Group Committee
Member-te hi a huhova an thawhnaah leh mawh an phurh
tlânnaah chuan ‘Group Executive Committee’ tih a ni ang.
35. Branch Executive Committee :
1) YMA thil tum leh din chhan te, Kaihhruaina leh Thuthlung
tihlawhtling tûrin tih tak zetin hma a la ang.
2) Khawtlâng nun a lo mawi a, hma a sâwn theih nân hma a
la ang a, khawtlâng thenfai leh hmasâwnna lamah a \ûl
angin Sawrkar hmalâkna a \awiawm ang.
3) Mizo tlâwmngaihna chawisâng zêlin, mite zirtîr zêlin, Mizo
khawsak chunga Chhiatni |hatni a, Mizo tlâwmngaihna
hlenchhuak zêl tûrin a kaihruai ang.
4) YMA thawhhona leh inzawmna tinghet tûrin Group,
Sub-Headquarters leh Central YMA-in tihtûr leh chanvo
a tukte tihhlawhtlin a tum ngei tûr a ni.
5) Kohhran, Khawtlâng hruaitu leh tlâwmngai pâwl dangte
lungrual taka thawhpui thiam tûr a ni.
YMA DAN BU 27
6) Branch Executive Committee-in kawng hrang hranga hma
a lâknaah a \ûl a nih chuan Sub-Committee te, Incharge
Secretary te a siam ang.
7) September thlaah Central YMA-ah report a pe ang.
8) Branch YMA-in hmunhma record fel takin a vawng ang
a, Central YMA-ah report a pe ang.
9) Branch Executive Committee Meeting chu thlatin
vawi khat tal neih tûr a ni a, President nên inrâwnin
Secretary-in a ko \hîn ang.
10) BRANCH EXECUTIVE COMMITTEE
MEMBER TE:
(a) Branch YMA Office Bearers;
(b) Branch YMA Office Bearer-ten Executive Committee
Member \ul an tih zât an ruat te;
(c) Branch YMA-in Adviser \ûl a tih zât a ruat te.
11) SECTION YMA :
(a) Branch Executive Committee-in Branch tichak tûra \ûl a
tih chuan Section YMA a siam thei ang. Section siam a
nih chuan hetiang hian hruaitu an awm ang :
1. Leader 2. Assistant Leader
3. Secretary 4. Assistant Secretary
5. Treasurer 6. Finance Secretary
(b) Section YMA chu a dintute hun chhûng zêl atân a ni ang.
28 YMA DAN BU
(c) Section YMA hian a dintute term tawp dâwnah Minute
Bu, pawisa te Branch YMA in a enfel hnuah Branch
YMA-ah a pe lût ang.
(d) Bungrua a nei hrang tûr a ni lo.
(e) Hêng bâkah hian Branch-in tûl a tih chuan Section
Kaihhruaina a siam thei ang.
(f) Hun laklawhah pawh \ûl a tih chuan Branch Executive
Committee-in Section a \hiat thei ang.
12) YMA Chhang din lo chuan YMA thiltum leh a din chhante,
Mizo hnamzia leh nunphung \ha naupangte hnêna zirtîr
kawngah hma a la ang.
36. Office Bearers Meeting :
Thu hmanhmawh bik ngaihtuah tûr te, Executive
Committee thurêl bawhzui tûr an kuta awm ngaihtuah tûr
tein a \ûl hun apiangah Office Bearers Meeting a \hu \hîn
ang. An thurêl leh an bawhzui dân te chu Executive
Committee awm hmasa berah an thlen ang.
37. Rorel thei chin :
Executive Committee Meeting-ah hian Executive
Committee Member hmun thuma \hena hmun khat an kal
chuan rorêl theih a ni ang a; amaherawhchu, Office Bearer 2
(pahnih) tal an tel loh chuan Committee Meeting neih theih a
ni lo vang.
YMA DAN BU 29
38. Thurêl nun hun chhûng :
YMA Committee rêng rêngin term khat chhûnga a thu
pass tawh chu, pass-tuten an hlip a nih loh emaw, hman zui theih
loh a nih bawk si loh emaw, term danga hruaituten an paih emaw
a nih loh chuan, term dangah pawh hman zui zêl tûra ngaih a ni
ang.
39. Member ni sa :
Central Executive Committee, Sub-Headquarters
Executive Committee leh Group Executive Committee Member
te chu an awmna Branch YMA Executive Committee-ah mem-
ber ni sa (Ex-Officio Member) an ni ang.
40. Joint YMA :
Aizâwl khawpui pâwn leh Sub-Hqrs. \huthmun pâwn
lamah chauh Branch YMA pakhat aia tamin, an thawhhona atân
thil \ûl bik a awm a nih chuan Joint YMA an nei thei ang.
Joint YMA chu, Group YMA awmnaah chuan, Group
YMA kaltlangin Central Executive Committee remtihna la
hmasain din theih a ni ang a, anmahni chhûngah kum tin Office
Bearers inthlang/inruatin Executive Committee peng dang dang
pawh a siam thei ang. Joint YMA hnênah chuan Central,
Sub-Headquarters leh Group YMA a\anga thu chhuakte a \ûl
dân a zirin hriattîr \hîn a ni ang. A remchân dân angin mawhphurhna
leh chanvo hrang hrang pêk theih a ni ang a, \ûl bik thilah chuan
tihtûr bik pawh pêk an ni ang a, a \ûl ang zêlin report pawh a pelet
tûr a ni.
30 YMA DAN BU
Joint YMA chhûngah buaina a awm chuan Group YMA-ah
thlen a ni ang a, Sub-Headquarters YMA huam chhûnga Group
YMA-ten an theih bâk chinfel ngai a awm chuan,
Sub-Headquarters YMA-ah an thlen ang. Sub-Headquarters
YMA awm lohna Group YMA-ah erawh chuan Central YMA-ah
an thlen ang.
BUNG VII
CONFERENCE
41. General Conference :
1) YMA General Conference chu kum khat danah neih a ni
ang a, Central Executive Committee-in a ko \hin ang. YMA
General Conference hi YMA thuneitu sâng ber a ni. YMA
General Conference neih loh kum chuan rorêl inkhâwm
neih \hin a ni ang.
2) General Conference-ah hian infuihna lam chi thupui neih
\hin tûr a ni.
3) ROREL LEH ROREL PALAI :
(a) Central YMA Office Bearers;
(b) Central Executive Committee Members;
(c) Central YMA Office Bearer lo ni tawh te;
(d) Sub-Headquarters Office Bearers;
(e) Sub-Headquarters Executive Committee Member 10
(sâwm);
(f) Group YMA aiawh mi 6 (paruk);
(g) Branch YMA aiawh mi 6 (paruk)
YMA DAN BU 31
4) CONFERENCE AGENDA LUH DAN :
(a) Group YMA Conference leh Group Executive
Committee te, Sub-Headquarters YMA Conference leh
Sub-Headquarters Executive Committee te leh Central
Executive Committee a\anga thu lo lûtte chu Central
Co-ordination Committee-in a thlifîm ang a, Central
Co-ordination Committee-in \ûl a tih te Conference
Agenda a ni ang.
(b) Aizâwl khawpui chhûng Branch/Direct-a a awp
Branch YMA-te chuan General Conference Agenda
atân an thlen duhte chu Central Executive Committee-ah
an thlen ang a, Central Executive Committee-in \ûl a
tihte chu Central Co-ordination Committee-ah a thlen
ang.
42. Sub-Headquarters YMA Conference :
1) Sub-Headquarters YMA-a thuneitu sâng ber a ni a,
Sub-Headquarters inrêlbâwl dân ngaihtuahtu a ni.
2) Sub-Headquarters YMA Conference chu kum khat danah
neih tûr a ni. Sub-Headquarters YMA Conference neih
loh kumah rorêl inkhâwm neih tûr a ni.
3) ROREL LEH ROREL PALAI :
Branch YMA tin a\anga Branch YMA aiawh mi 6
(paruk) te, Group Executive Committee Member te,
Sub-Headquarters Executive Committee Member te leh
Sub-HeadquartersYMA hnuaia Committee hrang hrang
Member-ten ro an rêl ang a, chu chu Sub Headquarters
YMA Conference rorêl a ni ang.
32 YMA DAN BU
4) CONFERENCE AGENDA LUH DAN :
1) Agenda chu Group YMA Conference/Executive
Committee-in Sub-Headquarters Executive Committee-ah
a thlen ang a, Sub-Headquarters Executive Committee
pawhin \ûl a tih chuan Agenda a nei thei bawk ang.
2) Sub-Headquarters YMA \huthmun khâwpui chhûng
Branch-ten Agenda tûr hi an thawh thei ang a, Sub-Head-
quarters Executive Committee-in a thlifim leh ang.
43. Group YMA Conference :
1) Kum khat danah Group YMA Conference neih tûr a ni.
Group Conference neih loh kumin Group rorêl a awm
ang.
2) ROREL LEH ROREL PALAI
Group YMA Conference-a rorêl tûrte chu Group
Executive Committee leh Branch Executive Committee
Member-te an ni ang.
3) CONFERENCE AGENDA LUH DAN :
Group YMA Conference Agenda atâna Branch YMA
rawtna te chu Group Executive Committee-ah thlen a ni
ang a, Group Executive Committee pawhin \ûl a tih chuan
Agenda a nei thei bawk ang.
4) Group YMA Conference-ah hian member-ten an sâwtpui
tûr chi thupui, infuihna lam neih tûr a ni ang.
5) Group YMA Conference report leh thurêlte chu Central
YMA Office-ah thehluh tûr a ni a. Sub-Headquarters
YMA DAN BU 33
YMA huam chhûnga Group YMA-te chuan
Sub-Headquarters-ah an thehlût tûr a ni.
BUNG VIII
YMA CHHANG
44. YMA Chhang din dân :
1) Naupang kaihhruai nân Branch YMA-in \ûl a tih chuan
‘YMA Chhang’ a din thei ang.
2) YMA Chhang hi pâwl hrang ni lo vin, Branch YMA hnuaia
naupang kaihhruaina a ni.
3) Kum bithliah awm chuang lo vin, YMA Member la ni rih
lo naupang tân a ni.
45. YMA Chhang thil tum :
1) |anpui ngaite \anpui
2) Mizo tlâwmngaihna chawisân
3) Khua leh tui \ha nih
4) Aia upa zah
5) Zirna ngaihpawimawh.
46. Membership Fee :
Membership Fee Rs. 2/- (Cheng hnih)
34 YMA DAN BU
47. YMA Chhang hruaitu :
Branch YMA-in kum khat \ang tûrin YMA Chhang
ngaihtuah tûr mi pahnih, mipa leh hmeichhia a ruat ang a,
an kaihhruaina hnuaiah kum khat \ang tûrin YMA Chhang
hruaitu a hnuaia mi ang hian an awm ang :
1. Leader 2. Assistant Leader
3. Secretary 4. Assistant Secretary
5. Treasurer 6. Finance Secretary
Hruaitute hi YMA Chhang kalkhâwmin an thlang ang a,
YMA Chhang Member zînga mi ngei thlan tûr a ni.
48. Pawisa chungchâng :
A theih angin a mamawh chu a tuak ve ang a, Branch
Executive Committee remtihnain Branch YMA pawisa a
hmang thei ang.
YMA DAN BU 35
BUNG IX
PAWL CHHUNG THUBUAI
49.
1) BRANCH THUBUAI :
(a) Branch YMA-ah inrem lohna leh hruaitute kara buaina
leh Branch YMA leh Branch YMA inkâra buaina a
awm chuan, Group Executive Committee-in a rêl ang.
Group Executive Committee-in a rêl fel thei lo a nih
chuan, Sub-Headquarters Executive Committee-in emaw,
Central Executive Committee-in emaw a rêl ang.
(b) Group YMA awm lohna hmunah chuan Sub-
Headquarters Executive Committee-in emaw,
Central Executive Committee-in emaw a rêl ang.
2) GROUP THUBUAI :
(a) Group YMA-ah buaina lo awm sela, Sub-Headquar-
ters YMA huam chhûng Group YMA te chu Sub-Head-
quarters Executive Committee-in a rêl ang.
(b) Group YMA dang erawh chu Central Executive
Committee-in a rêl ang.
3) SUB-HEADQUARTERS THUBUAI :
Sub-Headquarters YMA chhûngah buaina lo awm sela,
Central Executive Committee-in a rêl ang.
36 YMA DAN BU
4) CENTRAL YMA BUAINA :
Central YMA-ah buaina a lo awm chuan Central
Co-ordination Committee-in a rêl ang.
5) THUBUAI DANG :
(a) YMA leh Pâwl dang emaw, mimal kârah emaw, thubuai
hlabuai lo awm sela, YMA aiawhin President a ding ang.
(b) A theih hrâm chuan YMA chhûngkaw buaina hi rorêlna
(Court)-a thlen loh tûr a ni.
BUNG X
DAN SIAM LEH DAN SIAM |HAT
CHUNGCHANG
50. Dân siam \hat :
YMA General Conference-in YMA Dânpui (Constitu-
tion) hi a \ûl ang zêlin belh ngai belh a, paih ngai paih a, a thlak
ngai thlak a, a chiang lo lai tichiangin a siam \ha thei ang. Dân siam
\hat hi kum ngâ a ral hma chuan siam \hat loh ni se.
51. Dan siam \hat rawtna :
1) YMA General Conference te, Sub-Headquarters YMA
Conference te, Central Executive Committee leh Central
Co-ordination Committee-ten dân siam \hat \ûl ni a an
hriat lai emaw, paih ngai emaw, siam belh ngai emaw,
tihdanglam ngai emaw awma an hriat chuan, rawtna an
siam thei ang.
YMA DAN BU 37
2) DAN SIAM |HAT ATANA RAWTNA CHU :
(a) Sub-Headquarters YMA leh Group YMA chhûnga
Branch YMA hrang hrangte rawtna chu, Group YMA
leh Sub-Headquarters YMA te pawmpui a nih hnuah
Central Executive Committee-ah thlen tûr a ni.
(b) Aizâwl khawpui chhung Branch YMA leh direct-a awp
Branch YMA te, Group YMA Conference te leh
Sub-Headquarters YMA te chuan an rawtna chu Central
Executive Committee-ah an thlen ang.
(c) Central Executive Commttee-a rawtna lût, Central
Executive Committee pawmpui chinte leh Central
Executive Committee rawtna rêng rêng chu, Central
Co-ordination Committee-ah put luh a ni ang a,
Central Co-ordination Committee-in rem a tih hnuah
General Conference-ah put luh a ni ang.
(d) Dân siam \hat thu chu, General Conference rorel palai
2/3 (hmun thuma \hena hmun hnih)-in rem a tih chuan
General Conference zawh ni a\angin Dân a hman nghal
tûr a ni ang.
YMA Dan bu ennawn rawtna a awmin General Confer-
ence-ah rorel palai 2/3(hmun thuma \hena hmun hnih) in
rem an tih chauhin ennawn theih a ni ang.
38 YMA DAN BU
BUNG XI
YMA SUM VAWN DAN
52.
1) YMA sum chu Finance Secretary kutah a lût hmasa ang
a, Receipt bu-ah a dawng ang a, Account bu-ah a ziah
fel hnuin Treasurer hnênah a hlan ang.
2) YMA sum hmanralna thuneitu chu Executive Committee
a ni ang.
3) YMA pawisa hmanna rêng rêngah hmanral a ni ngei tih
hriatna (Voucher) a tel ngei tûr a ni.
4) YMA sum hi kum tin vawi khat endik (audit) tûr a ni a,
Executive Committee-in a endiktu a ruat ang.
5) YMA sum hi tibo emaw, hmang dik lo emaw chuan a rûl
leh ngei tûr a ni.
6) A theih hrâm chuan YMA sum hi Bank-ah dah tûr a ni a,
Central YMA leh Sub-Headquarters YMA chuan an dah
ngei tûr a ni.
7) Receipt bu leh Voucher-te hi audit hnuah Executive
Committee-in a pawm hma chu tihral theih a ni lo.
8) Central YMA leh Sub-Headquarters YMA
chu Office neia hnathawktu awm a nih avângin
Executive Committee-in Financial Rules an siam
ang.
YMA DAN BU 39
BUNG XII
YMA INLEH LEH TIHTAWP
53. Pâwl danga YMA inleh :
1) Engvâng pawhin Branch YMA pâwl danga a inleh chuan,
YMA pawisa, bungrua leh thil neih dangte Group YMA
Executive kutah a awm ang.
2) Group YMA awm lohnaah chuan Sub-Headquarters
Executive Committee emaw, Central Executive
Committee kutah emaw a awm ang.
54. YMA tihtâwp :
YMA hi tihtâwp tûr a nih ngai chuan, tihtâwp theihna neitu
chu Special Conference a ni ang a, bungraw tih sawn theih
leh tih sawn theih lohte dehral thuah pawh thutâwp a siam
ang.
40 YMA DAN BU