dental health month
DESCRIPTION
SpeechTRANSCRIPT
-
Magandang Umaga sa inyong lahat! Nandito po tayong lahat muli.
Isa sa pinakamahalagang parte ng katawan natin dahil sa madalas natin itong ginagamit ay ang ating
ngipin. Mula sa pagnguya, pagkagat hangang sa pagngiti. Ang kahalagahan nito ay hindi lang nabibilang
sa paggamit natin dito sa ating pagkain kaya kung ating mapapansin ang itsura nito, ang kulay ang
porma at kalagayang pangkalusugan ay ating mabusising pinapahalagahan.
Ang pagpapahalaga sa dental health ng isang indibidual ay pagpapahalagang pangkabuuan. Pag ating
inaalagaan kase ang ating mga ngipin, nangangahulugan nito na iniingatan natin ang ating buong
katawan. Pinipili natin ang ating kinakain, binabantayan natin ang mga bagay na makakasama saatin at
minamatyagan natin ng mabuti ang itsura natin pagkaharap ang ibang tao.
Ang pagdiriwang ng dental health month ay isang importanteng pagtitipon upang magbigay ng pansin
ang bahagi ng katawan na isa sa pinakamadalas nating ginagamit. Dahil ayon sa statistics 1 sa bawat
tatlong mag-aaral ng elementarya ng Pilipinas ay nakaranas ng dental health problem, mula sa
pagkabulok ng ngipin hangang sa pagkakaroon ng mahinang ngipin. Ang pagkakaroon ng problema sa
ngipin mula sa pagkabata ayon sa isang pagaaral ay bumubunga sa sanga sangang problema pagtanda.
Paghina ng resistensya, problema sa puso hangang sa pagkakaroon ng mababang self esteem.
Mahalagang salik ang pangangalaga sa kalusugan ang ating mga ngipin, kaya sa ngalan ng lahat ng
naglilingkod sa bayan aking binibigyan ng malaking suporta ang mga programang pangkalusugan tulad
ng Dental Health month.
Katuwang ng lungsod Quezon, Importante sa aming lingkod niyo ang inyong magagandang ngiti, dahil ito
ay nagsisilbing indikasyon ng magandang kalagayan ng serbisyong pangkalusugan na natatanggap niyo
mula sa ating lungsod. Ating palaganapin ang tamang pangangalaga sa ating mga ngipin, tayo ay
magtulungan na ang bawat isa ay magkakaroon ng maayos na kalusugan, na ang lahat ay makakangiti ng
hindi nahihiya, na ang lahat ay magkaroon ng maayos na kalusugan at self esteem.
Maraming salamat sa inyong lahat! Mabuhay kayo!