e s k w e l a n g p a m ily a c ha pt er g uide - sett i n g u p …€¦ · grade level (current)...

ESKWELANG PAMILYA CHAPTER GUIDE - SETTING UP MY OWN CHAPTER Gabay Para sa Pag-organisa ng Bagong Eskwelang Pamilya Chapter

Welcome to AHA Eskwelang Pamilya!

Magandang araw sa iyo, kaibigan! Welcome sa Eskwelang Pamilya. Sa gabay na ito, ibabahagi namin kung ano ang AHA! Learning Center, Eskwelang Pamilya, mga hakbang sa pagsisimula ng sarili mong Eskwelang Pamilya Chapter, at mga responsibilidad ng Community Manager na mamamahala ng iyong Eskwelang Pamilya Chapter sa iyong lugar. Sa munting gabay na ito, malalaman natin ang mga sumusunod:

● Ano ang AHA! Learning Center? ● Ano ang Eskwelang Pamilya? ● Mga Hakbang sa Pag-organisa ng Bagong Eskwelang Pamilya Chapter

○ Eskwelang Pamilya Chapter at AHA! Learning Center Kasunduan ○ Community Manager Training ○ Pag-organisa ng mga Miyembro (Classroom, Enrollment, Orientation) ○ Eskwelang Pamilya Content (Mga Aralin)

● Gabay para sa Community Manager

○ Eskwelang Pamilya: Mga aralin at Content Calendar ○ Mga Online Classroom at mga panuntunan sa loob ○ Eskwela Pamilya Golden Rules ○ Pamamahala ng Pang-araw-araw na Klase ○ Documentation at weekly meetings

AHA! Learning Center - Eskwelang Pamilya Chapters New Chapter Setup Guide 1

I. Ano ang AHA! Learning Center?

● Ang AHA! Learning Center ay isang libreng after-school learning program para sa mga estudyante ng pampublikong paaralan sa Pilipinas.

● Layunin namin ang bumuo ng mga modelong mag-aaral sa pampublikong paaralan at mga pinuno ng komunidad sa pamamagitan ng aming learning programs sa English, Math , problem-solving skills , at values formation.

● Sa AHA, naniniwala kaming lahat ay may kapasidad na maging mahusay at maging Pilipinong ating pinapangarap -- ang maging pagbabagong ating hinihintay-- kailangan lamang ng ating mga mag-aaral at mga miyembro ng komunidad ang mabigyan ng oportunidad na matuto at maglingkod.

Sa mga oras na ito kung saan tayo ay lubos na hinihikayat na manatili sa ating mga tahanan at kung saan ang pagkakatuto ng ating mga anak ay tila naudlot-- aming ibinabahagi ang AHA ESKWELANG PAMILYA. WELCOME PO SA AHA LEARNING CENTER FAMILY!

I. Ano ang Eskwelang Pamilya?

● Ang Eskwelang Pamilya ay isang home school program na hinihikayat ang gabay at partisipasyon ng magulang o tagapangalaga

● Ito proyekto ng AHA! Learning Center na ikinabunga ng epekto ng COVID sa operasyon ng ating komunidad. Dahil sa lockdown, sa halip na sa loob ng classroom tayo matututo, dadalhin natin ang mga aralin sa Facebook messenger!

● Ito ay text-based at hindi kailangan ng cellular data o magpa-load pa. ● Ang kailangan lang para sumali ay papel, notebook, at cellphone na may

kakayahang magka-Facebook free.

● Layunin ng proyektong ito ang: ○ Tulungan ang mga batang maging produktibo, masaya, at matuto pa rin

kahit na sa panahon ng COVID; ○ Tulungan ang mga nanay at tatay magkaroon ng bonding at learning time

kasama ng kanilang mga anak; ○ Malinawan kung paano maproprotektahan natin ang bawat bata laban sa

COVID sa pisikal na aspeto, at bigyan ng bata ng suporta sa kaniyang mga mental nakakayanan

○ Magkaroon ng lugar online, na puwede nilang puntahan kung nangaingailangan nila ng “safe space”


II. Mga Hakbang sa Pag-organisa ng Bagong Eskwelang Pamilya Chapter

Nais mong magtaguyod ng sarili mong Eskwelang Pamilya Chapter sa iyong komunidad? Mahusay! Simple lang ang mga kailangan nating gawin:

❏ Eskwelang Pamilya Chapter at AHA! Learning Center Memorandum of Agreement (para mapagpatuloy po namin ang pagsend ng mga lesson)

❏ Community Manager Training ng Monday, Wednesday, Friday 2:00-3:00pm ❏ Pag-organisa ng mga Miyembro (Classroom, Enrollment, Orientation) ❏ Eskwelang Pamilya Content (Mga Aralin)

Muli, huwag mag-alala at gagabayan kita, kaibigan!

STEP 1 - Eskwelang Pamilya Chapter at AHA! Learning Center Kasunduan

Ang Eskwelang Pamilya ay libreng ibinabahagi ng AHA! Learning Center sa mga grupong nais magtaguyod ng sarili nilang chapters kapalit lamang ang angkop na dokumentasyon, community manager training, at regular meetings. Sa pagpasok sa kasunduang ito, tayo ay sumasang-ayon sa mga sumusunod: Tungkulin ng AHA! Learning Center ang:

● Magbigay ng training sa naatasang community manager ng bagong Eskwelang Pamilya Chapter.

● Magbigay ng mga araling mabuti sa loob ng sampung (10) linggo kasama ng content calendar.

● Pahintulutan ang bagong chapter na (a) ibahin ang pangalan ng kanilang Eskwelang Pamilya chapter, (b) ibahin ang content ng lessons ayon sa kontekstong angkop sa iyong lugar, at (c) mag-ambag ng content o lessons at best practices

● Gabayan ang community manager sa pamamagitan ng pagtitipon (online) bawat linggo

Tungkulin ng Eskwelang Pamilya Chapter ang:

● Pangunahan ang enrollment sa kanilang chapter sa pamamagitan ng pagsagot ng kanilang mga miyembro sa online enrollment form (na makukuha natin pagkasign up)


● Pag-organisa ng kanilang miyembro sa online classrooms (Facebook messenger groups)

● Pagbigay ng maikling orientation sa bagong miyembro ● Pamamahala ng pang-araw-araw na klase (paghatid ng aralin at pagsagot sa

mga katanungan ng mga estudyante at magulang) ● Makipagtipon kasama ang AHA (online) at magbigay ng dokumentasyon ng mga

aktibidad sa kanilang Eskwelang Pamilya classrooms bawat linggo (screenshots of activity submissions, reactions, and sharing)

Makipag-ugnayan sa AHA! Learning Center para sa pagtakda ng iba pang mga tiyak na detalyeng angkop para sa iyong Eskwelang Pamilya Chapter, at para sa pagpirma ng kasunduan.

STEP 2 - Community Manager Training

Matapos ang kasunduan, kailangang mag-atas ng community manager na mangangasiwa ng pang-araw-araw na operasyon ng iyong Eskwelang Pamilya chapter. Ang community manager mo ay tatanggap ng training mula sa AHA! Learning Center-- ang kagandahan dito, online at magagawa sa ilang oras lamang! Madali lang, hindi ba? Sa training na ito, asahang talakayin ang mga sumusunod:

● Gabay sa mga Aralin ● Tungkulin sa online community (pang-araw-araw na pangangasiwa sa classrooms

at community groups); ● Tungkulin sa AHA! Learning Center (lingguhang pagtitipon at mga dokumentasyon);

at ● Online Class Demo and Observation

Sa susunod na seksyon, may Community Manager Guide, na iyong magiging gabay para sa pamamahala ng online Eskwelang Pamilya community ng iyong chapter at iba pang mga tungkulin.


STEP 3 - Pag-organisa ng mga Miyembro (Classroom, Enrollment, Orientation)

Ngayong handa na ang community manager mo, ihanda naman natin ang iyong mga miyembro. Kailangan lang natin ay: (1) Online Classroom Setup (Facebook messenger group), (2) Enrollment, at (3) Orientation. Madali lang ‘to, kayang-kaya mo! Online Classroom Setup (Facebook messenger group) Simple lang ang pag-setup ng group sa messenger-- magdagdag ka lang ng higit sa limang miyembro sa loob! Huwag kalimutang pangalanan ang group para madaling mahanap ito; maaari rin atasan ng chat group photo ang iyong classroom para mas malinaw! Enrollment Lahat ng Grades 1-10 public school students ay maaaring i-enroll sa Eskwelang Pamilya. Ang enrollment ng bagong miyembro sa iyong chapter ay sa pamamagitan ng online enrollment form sa ibaba. Chapter Member Enrollment Form: (Ibibigay po sa inyo ang chapter enrollment form ng AHA member na nag-imbita sa inyo. Kung hindi ninyo pa nakuha, maaaring mag-email kay [email protected], o [email protected]) Para mas madaling maintindihan, ito ang step-by-step na proseso ng enrollment para sa mga bagong miyembro ng chapter mo. Naghanda kami ng proseso para sa community manager at proseso para sa miyembro-- sana makatulong!

Proseso para sa Community Manager

1. Pasagutan ang online enrollment form sa miyembro at pasalihin sa core EP group sa Facebook, AHA Eskwelang Pamilya Enrollment. para sa mga announcements. Kung walang access ang miyembro sa form, kunin ang mga sumusunod na detalye at personal na ipasok ang miyembro sa database gamit ang online form.

● Pangalan ng Estudyante


mailto:[email protected]

mailto:[email protected]

● Grade Level (current) ● Paaralan (at Lungsod na Kinabibilangan)

● Pangalan ng Magulang o Tagapangalaga ● Facebook account na gagamitin para sa Eskwelang Pamilya

2. Idagdag ang mga miyembro sa online classroom at simulan ang aralin!

Proseso Para sa Bagong Miyembro ng Chapter

1. Sagutan ang online chapter member enrollment form. Kung walang access sa online form, magpalista sa community manager kasama ang mga impormasyon sa ibaba at ang community manager ang magpapasok sa database.

● Pangalan ng Estudyante ● Grade Level (current) ● Paaralan (at Lungsod na Kinabibilangan)

● Pangalan ng Magulang o Tagapangalaga ● Facebook account na gagamitin para sa Eskwelang Pamilya

2. Sumali sa core Eskwelang Pamilya group sa Facebook, AHA Eskwelang

Pamilya Enrollment. Markahang sumasali ka bilang Chapter Member (hindi na kailangan sagutin pa ang ibang tanong)

3. Hintayin ang community manager na isali sa online classroom at simulan ang aralin!

Orientation Para sa Bagong Miyembro Tungkulin ng chapter ang maghatid ng maikling orientation sa kanilang mga bagong miyembro. Maaaring tumukoy sa New Chapter Members Orientation file para rito.


STEP 4 - Eskwelang Pamilya Content (Mga Aralin)

Kasunduan, check! Community Manager training, check! Classroom, Enrollment, at Orientation, check! Kaunti na lang at handa ka na para simulan ang klase sa iyong Eskwelang Pamilya chapter-- ang kulang na lang ay ang mga aralin! Mga Aralin Ang AHA! Learning Center ay magbibigay ng libreng content sa mga sumusunod na aralin o sessions na mabuti sa loob ng sampung (10) linggo, matapos maitaguyod ang kasunduan sa pagitan ng bagong chapter at AHA. Ito ay ihahatid sa porma ng PDF files na maaaring ma-access sa Eskwelang Pamilya Google Drive o direktang ipadala sa email. Ang mga ito ay sasamahan din ng content calendar.

● Bata, may tanong ka ba sa COVID? ● Wellness in times of COVID ● Creative Writing ● Reading Short Stories ● Games

Matapos matanggap ng community manager ang mga aralin, tungkulin niyang ihatid ang mga aralin sa kanilang online classrooms at pamahalaan ang pang-araw-araw na aktibidad dito.

IV. Gabay para sa Community Manager

Sa mga susunod na seksyon ng gabay na ito, tatalakayin natin ang mga detalyeng kailangan natin malaman sa pagpapatakbo ng Eskwelang Pamilya sessions. Madali lang ‘to, kayang-kaya mo!

● Eskwelang Pamilya: Mga Aralin at Content Calendar ● Ang Online Classroom at mga Panuntunan sa Loob ● Eskwelang Pamilya Golden Rules ● Pamamahala ng Pang-araw-araw na Klase ● Documentation and Weekly Meetings


Sa community manager training, mayroon din online class demo at observation upang mapanood nang aktwal ang karaniwang kaganapan sa loob ng Eskwelang Pamilya classes.

Eskwelang Pamilya: Mga Aralin at Content Calendar

Para sa Eskwelang Pamilya chapters, ang AHA! Learning Center ay magbibigay ng libreng content sa mga sumusunod na aralin o sessions na mabuti sa loob ng sampung (10) linggo, matapos maitaguyod ang kasunduan sa pagitan ng bagong chapter at AHA. Inyong desisyon kung paano gagamitin itong mga lessons po na ito. Kayo po ang nakakaalam kung ano lessons ang kailangan ng inyong komunidad. Dahil sa mga issue sa copyright, hindi namin mabigay ang lahat katulad ng Little Prince, ang maari lang naman ishare sa ganitong oras, ay 250 lessons.

● Bata, may tanong ka ba sa COVID? (30 lessons) ● Wellness in times of COVID (30 lessons) ● Creative Writing (30 lessons) ● Reading Short Stories (60 lessons) ● Games (30 lessons) ● Daily Devotional (70- still updating)

Ang ibang lessons na hindi namin sinama ang tagalog version ng “Recipes for Well-being (41 lessons)” na para sa mga volunteers, at ang “Human Rights during the time of Covid” (9 lessons), Ito ay ihahatid sa porma ng PDF files na maaaring ma-access sa AHA Learning Center website. Merong maikling website na may maikling form na kailangang ninyong sagutan. Bibigyan ng AHA Learning Center contact ninyo ang password para madownload ang files. Sinama po namin ang “content calendar template” na magiging gabay ng community manager sa paghatid ng mga aralin-- dito, malalaman kung ano ang mga araling nakatakda para sa tiyak na araw at oras. Kayo po bahala gumawa ng schedule ninyo. Ang content calendar na ibabahagi ng AHA ay maaaring ibahin ng community manager ayon sa naaangkop na mga aralin at schedule para sa kanilang chapter. Makikita sa ibaba ang halimbawa ng content calendar.


Halimbawa ng Content Calendar

Para sa original na AHA Eskwelang Pamilya, na aming ginagawa sa AHA Makati ang mga aralin ay mula Lunes hanggang Linggo, ito ang sample ng schedule po namin..

● Monday-Saturday

○ 9:00 AM - Daily Devotion ○ 10:00 AM - Little Prince/ Games ○ 11:00 AM - Bata, May Tanong ka ba sa COVID-19/ Wellness in the time of

COVID-19 ○ 1:00 PM - Creative Writing/ Reading ○ 3:00 PM - Story Time with Tito J ○ 4:00 PM - Super Nanay and Tatay Kumustahan ○ 4:30-5:30 PM - Online Doctor Consultation

● Sunday

○ Bible Lessons and Sunday Reflections Inuulit ko po, kayo po bahala sa schedule ninyo. Matapos matanggap ng community manager ang mga aralin, tungkulin niyang ihatid ang mga ito sa kanilang online classrooms at pamahalaan ang pang-araw-araw na aktibidad dito. Mahalaga na sumusunod sa karagadang oras ang pagpost ng community manager.

AHA! Learning Center - Eskwelang Pamilya Chapters New Chapter Setup Guide

9

Ang Online Classrooms at mga Panuntunan sa Loob

Ang mga aralin sa Eskwelang Pamilya ay inihahatid araw-araw sa bawat online classroom na nasa porma ng Facebook messenger groups. Sa online classrooms inaasahang magsumite ng mga gawain ang mga estudyante gayun na rin ng kanilang mga katanungan at mga ideya. Sa ibaba ay halimbawa ng online classroom. Mahalaga na gumawa ng isang core group classroom na nandun lahat ng enrollees ninyo para madali lang magka-announcements. Kung maliit kayong grupo (5-50), maaring isang classroom o Facebook messenger lang ang inyong pamamahalaan. Ang bawat miyembro ng komunidad ay hinihikayat din sundin ang mga sumusunod na panuntunan tuwing nasa loob ng online classrooms:

● Maging magalang at mabait

Tratuhin ang lahat nang may paggalang. Ang mga malulusog na debate ay natural, ngunit kinakailangan ang kabaitan.

● Walang hate speech o bullying

Siguraduhin ligtas ang lahat. Ang pambu-bully ng anumang uri ay hindi pinahihintulutan, at ang nagpapahiwatig ng mga puna tungkol sa mga bagay tulad ng lahi, relihiyon, kultura, sekswal na oryentasyon, kasarian o pagkakakilanlan ay hindi papayagan.

● Walang di-kaugnay na promosyon o spam

Hindi pinahihintulutan ang mga di-kaugnay na promosyon, links, at spam. Bawal rin po maglagay ng mga bastos, o adult na jokes, dahil marami pong bata ang nagbabasa ng mga chat natin.

● Igalang ang pagkapribado ng lahat

Ang pagiging bahagi ng pangkat na ito ay nangangailangan ng tiwala sa isa't isa. Ang mga ibinahagi sa grupong ito ay dapat manatili sa grupo.


10

Eskwelang Pamilya Golden Rules

Bukod sa pangkalahatang panuntunan sa loob ng online classrooms, hinihikayat ang bawat tahanang magkaroon ng kanilang Eskwelang Pamilya Golden Rules. Sa AHA! Learning Center, upang maging mabisa ang bawat klase, ang bawat estudyante ay may sinusunod na Golden Rules. Ano ang AHA Golden Rules?

● Sa AHA, ang bawat mag-aaral ay natututunan ang AHA Golden Rules kung saan binubuo nito ang iba’t ibang pangakong ating pinagkakasunduang sundin sa loob at labas ng AHA.

● Mga sample na GOLDEN RULES ng iba’t ibang grupo:

○ Bawal magsalita ng sabay-sabay ○ Gawin ang homework

● Sa Eswkelang Pamilya, bilang ang tahanan ang magsisilbing eskwela sa oras na ito, tanungin din ninyo ang inyong komunidad kung ano ang suhestiyon nila; madalas na sila ang may mga pinakamagandang suhestiyon!

Parent-Child Activity: And Aming Eskwelang Pamilya Golden Rules

● Kasama ng iyong anak, bumuo ng limang (5) pangako na susundin ng parehong magulang at anak sa loob ng mga oras ng Eskwelang Pamilya sessions.

○ Halimbawa ay, “nangangako akong tapusin ang mga activities sa Eskwelang Pamilya” o “nangangako akong ibigay ang aking buong atensyon sa Eskwelang Pamilya.”

● Nanay/ Tatay Tip: Upang hindi makalimutan ang mga napagkasunduang Golden Rules, maaaring isulat ito sa papel at ipaskil o idikit sa parte ng tahanang madaling makita.

Pamamahala ng Pang-araw-araw na Klase

Sa oras ng klase, tungkulin ng community manager ang maging epektibo sa pamamahala; layunin ay mapadali ang karanasan ng bawat estudyante at magulang na kasapi sa online classrooms. Makikita sa ibaba ang ilang halimbawa ng epektibong pag-facilitate ng sessions sa Eskwelang Pamilya-- mayroong (1) pagbabahagi ng daily preview bago magsimula ang araw, (2) paghahatid ng mga aralin at gumagamit ng boses na nakalulugod, (3) pagsagot sa mga isinumite ng mga estudyante at paggabay, at (4) pagpapaalala ng schedule tuwing oras ng break.


Panoorin ang aktwal na kaganapan sa online classroom demo at observation (parte ng community manager training)


12

Documentation and Weekly Meetings

Bilang ulat o rekord ng mga pangyayari sa loob ng Eskwelang Pamilya classrooms, ang community manager ay inaatasang mangolekta ng dokumentasyon ng mga pangyayari sa loob. Simple lang-- ito ay screenshots lamang ng mga sagot, reaksyon, at sharing ng mga estudyante at magulang sa araw-araw; kasama ng maikling debrief. Sa weekly debrief, kailangan lamang iulat-- what worked (best practices), what could work better (for improvement), at mga rekomendasyon. Ang impact na ating sinusukat ay ang (1) engagement ng mga bata sa lesson (2) ang mental at emotional na feedback nila sa mga klase at ang (3) ang kanilang output. Kahit tinatawag natin na “Eskwela” ang proyektong ito, mahalagang maalala natin na maraming pinagdadaanan ang ating mga kasama, at maaring may mga araw na pipiliin nilang huminga. Mahalaga lang na alam ng mga bata ang mga magulang na nariyan ka para sa kanila. Ang mga dokumentasyong ito (screenshots at debrief) ay ibinabahagi sa AHA! Learning Center linggo-linggo sa weekly meetings (Mondays or Wednesdays).

Quick Recap ng Gabay para sa Community Manager

1. Ang mga aralin ay libreng ibabahagi ng AHA! Learning Center-- nasa pormang text

na at handang ihatid sa bawat classroom. 2. Sa content calendar malalaman kung anong aralin ang ihahatid sa tiyak na araw

at oras. Maaaring ibahin ang pagkasunod-sunod ng aralin pati na rin ang schedule (o oras) ayon sa naaangkop para sa chapter.

3. Tungkulin ng community manager ang mapadali ang karanasan ng bawat estudyante at magulang sa loob ng classroom sa pamamagitan ng epektibong pamamahala o pag-facilitate (panoorin ang aktwal na kaganapan sa online classroom demo at observation na parte ng community manager training)

4. Kasama sa tungkulin ng community manager ang dokumentasyon ng mga aktibidad sa Eskwelang Pamilya-- ito ay simpleng screenshots lamang ng mga sagot, reaksyon, at sharing ng mga estudyante at magulang sa araw-araw.

5. Ang mga nakolektang screenshots ay ibabahagi sa AHA! Learning Center bawat linggo; ideyal na ito ay ipasa sa lingguhang pagtitipon (weekly meeting)

6. Ang community manager ay makikipagtipon (online) kasama ang AHA bawat linggo bilang check up at pagbabahagi ng mga concerns, wins, at best practices


13

Pasasalamat

Malaking pasasalamat sa mga bumubuo ng AHA! Learning Center sa

pagbuo ng Eskwelang Pamilya, kabilang sina:

Hamiñia De Leon

April Grace Garcia Robyn Jereza

AJ Lapira Ruth Ann Quema

Beena Khemani Uttam Jhaline Villapando

Jaton Zulueta

Gayun na rin sa aming mga kasangga sa misyong ito kabilang sina

Sabrina Ongkiko at ang Adarna House, na kung wala sila ay hindi makukumpleto ang proyektong ito.

Kung may mga katanungan, huwag mag-atubiling kumunekta sa amin:

Jaton Zulueta Founder and Executive Director [email protected]

AJ Lapira

Assistant Director [email protected]


e s k w e l a n g p a m ily a c ha pt er g uide - sett i n g u p …€¦ · grade level (current)...

Documents