filipino 102

PAMANTASAN NG LUNGSOD NG MUNTINLUPA

Type C, NBP Reservation, Poblacion, Muntinlupa City

College of Arts and Sciences

ANG EPEKTO NG NEO-KOLONYALISMO SA GAWI AT KILOS

NG MGA KABATAANG PILIPINO

Isang pananaliksik na iniharap kay Gng. Jennette Lozano, Bilang bahagi ng

pagtupad sa mga kinakailangan sa pag-aaral ng asignaturang

Pagbasa at Pagsulat tungo sa Pananaliksik

(FILIPINO 102)

Espinar, Dianna Rose P.

Gumarao, Emilyn B.

Nebab, Gerome O.

Perocho, Mary Jane L.

Ursal, Kimberly V.

Velarde, Jasmine B.

Marso 30, 2012




TALAAN NG MGA NILALAMAN

PAMAGAT : ANG EPEKTO NG NEO-KOLONYALISMO SA GAWI AT KILOS

NG MGA KABATAANG PILIPINO

PASASALAMAT …………………………………………………………………. i

PAGHAHANDOG ………………………………………………………………... ii

KABANATA I

Panimula at Sandigan ng Pag-aaral

Rasyunal ……………………………………………………………. 1 - 3

Layunin …………………………………………………………….. 3 - 4

Kahalagahan ng Pag-aaral ………………………………………….. 4 - 5

Saklaw at Delimitasyon ………………………………………….... 5

Pagpapakahulugan sa mga Terminong ginamit …………………… 6

Kaugnay na Literatura …………………………………………...... 7 - 9

Metodolohiya …………………………………………………….... 9 - 10

KABANATA II

Pagtalakay ng mga Suliranin ……………………………………………………. 11 - 20

KABANATA III

Pagbubuod, Konklusyon at Rakomendasyon

Pagbubuod …………………………………………………………. 21

Konklusyon ………………………………………………………… 22 - 23

Rekomendasyon ……………………………………………………. 23 - 24

APENDIKS ………………………………………………………………………... 25 - 26

BIBLIOGRAFI ………………………………………………………………........ 27




PASASALAMAT

Ang mga mananaliksik ay taos pusong nagpapasalamat sa mga tumulong, sumuporta at gumabay

sa paggawa ng tesis na ito.

Una, sa ating Poong maykapal, sa kanyang pagkanlong at pag-gabay. Sa kanyang pagbibigay ng

sapat na katalinuhan at kakayahan, maging sa mga pagpapalang aming natatanggap sa lahat ng oras. Kay

Gng. Jennette Lozano, na aming propesora sa asignaturang ito, sa kanyang walang sawang paggabay,

pagtuturo at pagbibigay suhistyon upang maging tama at maayos ang pananaliksik na aming isinagawa.

Kay Dr. Wendeline Sacramento ang Dekana ng Kagawaran ng Sining at Agham na sumuporta at

sumang-ayon sa suliraning ito.

Para sa aming mga magulang na walang sawang sumuporta sa pinansyal at pagbibigay pangaral

sa amin. Kung hindi po dahil sa inyo ay hindi magiging matagumpay ang pananaliksik na ito, kaya

tanggapin po ninyo an gaming taos pusong pasasalamat.

Mga Mananaliksik.

Dianne

Emzs

Rhome

Emjhay

Khim

Jhazs




PAGHAHANDOG

Inihahandog ko ang tesis na ito sa aking mga kapwa mag-aaral upang magbigay ng karagdagang

kaalaman at inspirasyon sa kanilang pag-aaral.

_________________________________

Diana Rose P. Espinar

Inihahandog ko ang tesis na ito sa mga kapwa ko kabataan upang maipabatid ang napapanahong

paksa kung saan sila ay kasangkot.

________________________________

Emilyn B. Gumarao

Inihahandog ko ang tesis na ito sa Panginoon, sa aking mga magulang at mga kapatid na aking

nagging inspirasyon. Inihahandog ko rin ito sa aking mga guro at mga kaibigan sa kanilang walang

sawang pag-suporta.

_______________________________

Gerome O. Nebab




Inihahandog ko ang tesis na ito sa aking mga ka-grupo, kamag-aral, sa aking mga magulang at

higit sa lahat sa aking sarili.

______________________________

Mary Jane L. Perocho

Inihahandog ko ang tesis na ito sa ating Poong maykapal, sa aking magulang, sa aking mga guro,

mga ka-grupo at kapwa ko kabataan at mga kamag-aaral.

______________________________

Kimberly V. Ursal

Inihahandog ko ang tesis na ito sa aking mga ka-henerasyon upang higit nilang maunawaan ang

salitang “NASYONALISMO” at siyempre handog ko rin ito sa ating Inang Bayan.

______________________________

Jasmine B. Velarde




KABANATA 1

Panimula at Sandigan ng Pag-aaral

1.1 Rasyunal

Ang bansang Pilipinas ay maituturing na mayamang bansa kung ang pagbabatayan ay ang mga

likas-yamang taglay nito. Kung susumahin ang maaaring nakapaloob na yaman sa pitong libo, isang

daan at pitong (7,107) pulo kasama ang malalawak na anyong tubig nito ay mapatutunayang hindi aba

ang bansa. Kung titignan rin ang kultura ng Pilipinas ay sadyang mayaman at makulay ito. Ang mga

bagay na ito marahil ang dahilan kung bakit nagkaroon ng interes ang mga dayuhan na ipaisailalim ang

bansa sa kanilang kapangyarihan. Maraming lahi ng dayuhan ang kabilang sa listahan ng mananakop ng

bansa, kabilang dito ang Estados Unidos, Espanya at Hapon.

Ang panahon ng pagkasailalim ng bansa sa kamay ng mga dayuhan noong mga nagdaang siglo

ay maituturing na kolonyal, o ang pananakop sa aspeto ng paraan ng pamumuno at pagpapaunlad ng

sinasakop na bansa. Sa kasalukuyan, bagama’t itinuturing ng malaya ang bansa ay mayroon pa ring

pananakop ang dito ay nagaganap. Ito ay hindi tuwirang pananakop na tinatawag na neo-kolonyalismo.

Sa pag-aaral ng agham-pampulitika, ang neo-kolonyalismo ay patungkol sa pananatili ng kontrol ng

isang dating kolonyalista. Ito ay sa pamamagitan ng mas malumanay at patagong (subtle) pamamaraan

at pagmamanipula sa isang bansa. Layunin nitong patatagin ang pamumuhunan, pigilin ang pagkamit ng

tunay na kalayaan, at kunin ang mas malaking kita mula sa negosyo. Pinalalakas pa nito ang

imperyalismo sa usaping pang-ekonomiya, pulitika, ideolohiya, at militar na paninindigan ng isang

bansa. Ang mga bansang Estados Unidos at Hapon ay larawan ng neo-kolonyalismo sa mga bansa sa

Asya lalo na sa larangan ng ekonomiya at kultura.




Napakalaki ng epekto ng impluwensiya ng mga dayuhang mananakop sa bansang gaya ng

Pilipinas. Ayon sa ilang mga mananaliksik ay mas nabibigyang pansin ang pag-aaral ng mga bagay mula

sa mga dayuhan. Binigyang diin ito sa pag-aaral ni Boras-Vega (2010), Ang Patakarang Pangwika sa

Pilipinas at mga Pag-aaral Kaugnay Nito, kung saan sinasabing ng dahil sa globalisasyon ay tumataas

ang bilang ng mga bansang nagpapahalaga sa kanilang wika at pagkakakilanlan. Subalit ng dahil sa iba’t

ibang patakaran at tuntunin sa ating bansa ay mas napapahalagahan ang dayuhang wika, ang Ingles, at

kaunting pagpansin naman ang naibibigay sa wikang Filipino. Makikita na sa wika pa lamang ay may

malaking epekto na sa pagkakalianlan ng isang bansa, ano pa kaya kung pati sa pagpili ng mga

produkto ay nabahiran na rin ng maka-dayuhang kaisipan?

Ang kapitalismo ng iba’t ibang produktong dayuhan ay naging laganap lalo pa’t nakasalalay ang

ekonomiya ng bansa sa tulong mula sa mga bansang nagtataglay ng sapat na pinagkukunan. Maging ang

kultura ng mga dayuhan ay madaling naipasok sa industriya ng bansa. At mabilis itong naka-apekto sa

mind setting ng mga Pilipino. Kapansin-pansing sa paglipas ng mga taon mula ng matapos ang

Ikalawang Digmaang Pandaigdig, bagama’t masasabing malaya na ang Pilipinas, ay lukob pa rin ito ng

impluwensiya ng Estados Unidos at Hapon. Napapangibabawan ng mga impluwensiya ng kanilang

bansa ang mga bagay na nagpapakita ng pagkakakilanlan ng bansang Pilipinas. Mas nabigyang pansin

ang mga palabas na gawang dayuhan. Ang mga babasahing gaya ng komiks at mga manga ay mas

tinangkilik. Ang mga awitin mula sa ibang bansa ay mas pinaboran. Maging sa mga ini-idolong artista

ay pumatok ang mga dayuhan. Ayon nga sa libro nina M. N. Francisco and F.M.C. Arriola (1987), “The

History of the Burgis”, nang dahil sa mga impluwensiya ng mga Amerikano ay nagkaroon ng

pagbabago sa pamamaraan ng pagkonsumo ng mga Pilipino, lumaganap ang kolnyal na mentalidad.




Dahil sa impluwensiya ng mga dayuhan sa bansa gaya ng Estados Unidos, Hapon at Korea ay

nagkakroon ng malaking pagbabago sa pamumuhay ng mga kabataang Pilipino. Nagbabago ang

kanilang mga gawi at mga ikinikilos. Kapansin-pansin ang mga pagbabagong naganap sa mga kabataan

ngayon. Una, kakikitaan ang mga kabataan sa kasalukuyan ng pagkahilig sa mga bagay na ‘instant’ gaya

ng pagkain at marami pang iba. Bukod pa rito ay ang nag-iba na rin ang panlasa ng mga kabataan

pagdating sa pagpili ng mga tatangkiliking pelikula, babasahin at mga awitin. Isa pa ay ang pagkahilig

nila sa mga ‘computer games’ at mga ‘social networking sites’, na pansin na pansin kapag bumisita ka

sa mga computer shop. At ito ay maituturing na dahilan kung bakit tila napababayaan na ang mga larong

likhang Pilipino. Maging ang istilo ng pag-aayos at pananamit ng mga kabataan ay nagbago na,

kakikitaan sila ng pakikiuso o pagsabay sa kung ano ang nasa ‘trend’. Dahil dito ay nakabuo ang mga

mananaliksik na magsasagawa ng isang mahusay at maayos na pananaliksik na may paksang “Ang

Epekto ng Neo-kolonyalsmo sa Gawi at Kilos ng mga Kabataang Pilipino”.

1.2 Layunin

Ang pag-aaral na ito ay may layuning malaman ang epekto ng neokolonyalismo sa gawi at kilos

ng mga kabataang Pilipino. Naglalayong sagutin ang mga sumusunod na katanungan.

1. Ano ang demograpikong pagkakakilanlan ng mga respondent?

1.1 Edad

1.2 Kasarian

2. Anu-ano ang mga epekto ng panggagaya ng mga kabataang Pilipino sa kanilang;

2.1 Pananamit

2.2 Wika

2.3 Mga salitang ginagamit

2.4 Tinatangkilik na mga produkto




3. Paano nakakaapekto ang neokolonyalismo sa gawi at kilos ng mga kabataang Pilipino?

3.1 Paggamit ng produkto

3.2 Pagtangkilik ng mga artista at mga mang-aawit

3.3 Pagtangkilik sa mga awit, sayaw at pelikula

3.4 Paraan ng paglilibang

3.5 Paraan ng pagbati

1.3 Kahalagahan ng Pag-aaral

Ang pag-aaral tungkol sa epekto ng neokolonyalismo sa mga kabataang Pilipino ay mahalaga sa

mga:

Mag-aaral

Upang kanilang matukoy at mapagtanto ang mga kaakibat na kilos, gawi, personalidad at pag-

iisip na kanilang nakukuha sa mga impluwensyang dayuhan. Isa pang kadahilanan ay upang

kanila ring malaman ang epekto ng neokolonyalismo sa kultura at pagkakakilanlan ng bansa. Ito

rin ay upang ipabatid ang katuturan ng pagkakaroon ng sariling pagkakakilanlan.

Administrasyon

Upang kanilang mabatid ang suliraning dulot ng impluwensya ng mga dayuhan sa bansa.

Makatutulong rin ito upang kanilang magawan ng karampatang aksyon at pagsu-sulosyon

ang suliraning naidulot ng neokolonyalismo. Ito rin ay upang kanilang bigyang pansin ang

pagpapahalaga sa pagpapalaganap ng kulturang Pilipino sa mga kabataang naakupan nito.




Mga susunod na mananaliksik

Upang sa kanila’y maipabatid na mayroong suliranin na kailangang gawan ng naaayong

pag-kilos. Maaari rin silang mabigyan ng ideya kung ano pa ang mga posibleng pag-aaral na

isagawa na mayroong kaugnayan sa paksa. Ito rin ay upang mapalawak ang posibilidad na

makagawa sila ng kaukulang mga pananaliksik na makatutulong pa sa mga susunod sa

kanila.

1.4 Saklaw at Delimitasyon

Ang pananaliksik na ito ay tungkol sa “Epekto ng Neokolanyalismo sa sa Gawi at Kilos ng mga

Kabataang Pilipino”. Sa pag-aaral na ito ay tutukuyin ang dulot ng impluwensyang dayuhan sa mga

bansang nasasakop nito. Iisa-isahin ang mga panggagaya ng mga kabataan sa impluwensyang dayuhan

sa iba’t-ibang aspeto gaya ng; pananamit, kilos at gawi, istilo ng pag-aayos, mga tinatangkilik na bagay

at iba pang bagay na may kaugnayan dito.

Ang pag-aaral na ito ay naka-pokus sa mga mag-aaral sa Unang Taon mula sa Pamantasan ng

Lungsod ng Muntinlupa na kumukuha ng kursong Sikolohiya. Maaaring sila ay nasa edad labinganim

(16) hanggang labingsiyam (19). Kung saan sa ganitong gulang ay mas higit silang apektado sa pang-

iimpluwensya ng mga dayuhan. Sila ay mas madalas kakitaan ng panggagaya. Sila rin ang mas madaling

ma-engganyo sa mga bagay na nauuso at pinasisikat ng mga dayuhang bansa.

Ang mga mananaliksik ay kumuha ng apatnapung (40) respondente mula sa nabanngit na mga

deskripsyon ng mga taong pokus ng pag-aaral. Ang mga respondente ay kakatawan sa kabuuang bilang

ng mga mag-aaral sa Unang Taon sa kursong Sikolohiya.




1.5 Pagpapakahulugan sa mga Terminong ginamit

Aba – mahirap, pulubi, hikahos.

Epekto – sanhi at bunga ng isang pangyayari sa buhay ng isang tao.

Globalisasyon – ang kaparaanan kung paano nagiging global o pangbuong mundo ang mga lokal o

pampook o kaya pambansang mga gawi o paraan.

Ideolohiya – mga kaisipang nagsisilbing gabay sa pagkilos.

Impeyalismo – isang patakaran o paraan ng pamamahala kung saan ang malalaki o

makapangyarihang mga bansa ang naghahangad upang palawakin ang kanilang kapangyarihan sa

pamamagitan ng pagsakop o paglulunsad ng mga pagtaban o kontrol na pangkabuhayan at

pampulitika sa ibabaw ng ibang mga bansa.

Kapitalismo – isang sistemang pang-ekonomiya na nakabatay sa malayang kalakalan at pagbukas

ng komunikasyon.

Kultura – kabuan ng mga tradisyion paniniwalakaugaliang natutuhan ng tao mula sa kanyang

pakikisalamuha sa pamayanan o sa lipunang kanyang kinabibilangan.

Manga – mga cartoons at komiks mula sa bansang Hapon.

Mind Setting – paniniwala at pagtanggap sa mga bagong pag-uugali, mga pagpipilian at mga

kasangkapan dahil sa mga pinanghahawakang palagay, paraan at notasyon ng isang indibidwal.

Neo-kolonyalismo – di-tuwirang pagkontrol sa isang malayang bansa ng isang makapangyarihang

bansa.

http://tl.wikipedia.org/w/index.php?title=Patakaran&action=edit&redlink=1

http://tl.wikipedia.org/wiki/Mundo

http://tl.wikipedia.org/wiki/Global




1.6 Kaugnay na Literatura

1.6.1 Literaturang Pangbanyaga

Maging sa ibang bansa ay nagging malaking usapin ang paksa tungkol sa neo-

kolonyalismo. Ayon sa ilang mga historyador, na kinabibilangan nila Noam Chomsky at Jean-Paul

Saarte, ang neo-kolonyalismo ay paraan ng ilang mga mangongolonya upang mapalago ang

kanilang negosyo at ito ay sa paraan ng pagpapalaganap ng kanilang kultura, wika at media sa

bansang tinutumbok nito. Kumbaga, ito ang kabuuang resulta ng ekonomikong interes ng mga

dayuhan na nagdudulot ng pagkasira ng sariling kultura ng bansang sakop.

"As long as imperialism exists it will, by definition, exert its domination over other countries. Today that

domination is called neocolonialism."

— Che Guevara, Marxist revolutionary, 1965

Ang paksa ng neo-kolonyalismo ay masusing tinalakay at inilahad sa mga akdang “The

Motorcycle Diaries”, kung saan ito ay naisapelikula noong taong 2004, at “A Small Place” ni

Jamaica Kincaid (1988). Isiniwalat sa akdang “The Motorcycle Diaries” ang talambuhay ng

Marxist na si Ernesto “Che“ Guevarra na nagnais na lakbayin ang Timog Amerika gamit ang isang

motorsiklo. Ang paglalakbay na iyon ay nagdulot ng pagbabago sa kanyang pananaw sa

pakikitungo sa mga mahihirap sa kabila ng pagiging kabilang niya sa medyo naka-aangat na klase.

Sa “A Small Place” naman ay inilahad ng may akda ang kanyang pananaw patungkol sa kanyang

kinalakihang lugar, ang Antigua at naglalaman rin ang akda ng mga katanungang may kaugnayan sa

kung papaanong maaaring maka-apekto sa pananaw ng isang tao ang paglipat sa isang lugar at kung

papaanong na-iimpluwensyahan ng mga dayuhan ang mga lokal sa isang lugar.

http://en.wikipedia.org/wiki/Marxist

http://en.wikipedia.org/wiki/Che_Guevara




1.6.2 Panglokal na Literatura

Ang mga pagbabago sa pamumuhay ng mga Pilipino ay tinalakay sa “The History of the

Burgis” nina Maril N. Francisco at Fe Maria Arriola (GCF Books, 1987). Mayroong porsyon sa

aklat kung saan inilahad ang ilan sa mga sintomas ng pagkakaroon ng kolonyal na mentalidad gaya

ng mg sumusunod:

Ang pagkakaroon ng mga plastik na mansanas, ubas at peras sa mga hapag tuwing

piging.

Pagpapa-retoke o pagpapa-ayos ng ilang parte ng katawan gaya ng ilong at puwet.

Imitasyon ng mga bagay na imported gaya ng mga bag at mga damit.

Pagbibigay paalala sa mga kasambahay na kausapin ang mga bata gamit ang wikang

Ingles.

1.6.3 Kaugnay na Pananaliksik

Sa pag-aaral na “Pagtangkilik ng mga Pilipino sa Korean Trend na Nakakapagpabagsak

ng Ekonomiya ng Bansa” nina Kimberly Ofrecio, Anna Michaela Idio, Ralph Reizon Santisteban,

Ruey Daylenn Inoc, Kayemar Lopez, Larra Monica Ventura ng Unibersidad ng Santo Tomas ay

inilahad na ang mga Pilipino ay likas na mabilis maimpluwensyahan at mahilig makisunod sa uso

kaya ang pagdating ng Korean Trend sa Pilipinas ay mabilis tinangkilik ng mga Pilipino. Ang

bansang Korea, bagamat maliit lamang na bansa ay hindi naman nagpapahuli pagdating sa galing

nila sa pagbuo ng bagong kagamitan mapasa anumang larangan ito. Marami ng mga

establishamento sa Pilipinas na nagpapakilala sa Kultura ng Korea gaya ng mga Korean restaurant

na pumatok sa panlasa ng karamihan sa mga Pilipino. Pati ang pananamit ng mga Koreano ay




naibigan din ng ibang Pilipino at pilit nila itong ginagaya kaya dumadami na din ang mga Korean

Surplus sa bansa na nagtitinda ng mga produkto ng Korea sa murang halaga. Ang Korean hairstyle

ay dinala na din ng mga Koreano sa Pilipinas kaya may mga pagupitan na purong hairstyle lamang

ng mga Koreano ang gupit na pumatok naman lalo na sa mga kabataan. Ang Pilipinas ay isang

tropikal na bansa kaya marami itong mga resort, ngunit hindi nagpatalo ang Korea. Nagtayo din sila

ng resort sa Pilipinas na halintulad sa mga resort sa Korea na tinangkilik din ng mga Pilipino.

Napatunayan ng pananaliksik na ito na sa labis na pagtangkilik ng mga Pilipino sa Korean Trend

kaysa sa sarili nilang produkto ay napataas nito ang ekonomiya ng Pilipinas.Ngunit, dahil sa

sobrang pagtangkilik ng mga Pilipino sa “Korean trend” unti-unti din nitong sinisira ang industriya

ng Pilipinas.

1.7 Metodolohiya

Ang mga mananaliksik ay gumamit ng deskriptibo at analitikong pamamaraan ng pananaliksik.

Ang deskriptibong pamamaraan ay tumutukoy sa pagbibigay ng kahulugan sa mga nakalap na datos sa

estadistikong paraan. Tumutukoy naman ang analitikong pamamaraan sa masusing pagbuo at pag-iisip

ng mga bagay na angkop para sa binubuong tesis, maaaring kumalap ang mga mananaliksik ng

impormasyon gamit ang mga aklat at website bilang suporta sa kanilang mga ideya. Ang mga

pamamaraan na ito ang gagamitin ng mga mananaliksik upang maging batayan sa pagpili ng mga

respondent upang malaman at maintindihan kung may epekto ang neo-kolonyalismo sa mga gawi at

kilos ng mga kabataang Pilipino. Ang napiling anyo ng pananaliksik ay masusing pinag-aralan ng mga

mananaliksik. Sa deskriptibong metodo nakapaloob ang kasalukuyang nangyayari, ang mga

instrumentong gagamitin, at mga paraan ng pagpapanayam at pagtatanong sa taong binibigyan ng talaan




ng mga mananaliksik. Sa paraan ding ito naaangkop ang suliraning pinili ng mga mananaliksik kaya

madaling magamit at maipaliwanag ng maayos.

Ang gagamitin ng mga mananaliksik ay ang pagpapasagot sa mga tagatugon sa isang

palatanungan. Ang pasasagutan ay naglalaman ng sampung (10) katanungan at kasama na rin dito ang

kanilang personal na pagkakakilanlan na kinapapalooban ng mga sumusunod:

Edad

Kasarian

Tirahan

Ang mga nasabing pagkakakilanlan ay magiging patnubay at pagpapatotoo sa ginawang

pananaliksik. Ang mga datos na makukuha sa pangangalap ng datos ay ikaklasipika, itatali at aanalisahin

upang malaman ang kapasidad ng impormasyon.

Sa apatnapung (40) kwestyoneyr na ipinamahagi sa mga mag-aaral sa Unang Taon mula sa

Pamantasan ng Lungsod ng Muntinlupa na kumukuha ng kursong Sikolohiya, lahat ay nakabalik. Ang

kwestyoneyr ay nag-pokus sa mga epekto ng neokolonyalismo sa gawi at kilos ng mga kabataang

Pilipino.




KABANATA II

Pagtalakay ng mga Suliranin

Ang kabanatang ito ay kinapapalooban ng resulta ng mga nakalap na impormasyon sa “Ang

Epekto ng Neo-kolonyalismo sa Gawi at Kilos ng mga Kabataang Pilipino”.

Sa mga sumusunod na pahina ay nakapaloob ang mga tala ng resulta ng kasagutan ng mga

respondente. Ang unang talahanayan ay tungkol sa pansariling pagkakakilanlan ng mga taga-tugon. At

ang mga sumusunod pang talahanayan ay kinapapa-looba na ng mga sagot ng mga taga-tugon sa mga

katanungang hinahain ng mga mananaliksik, kalakip nito ang porsyento ng mga kasagutan. Sa ilalim ng

talahanayan ilalahad ang interpretasyon ng mga kasagutan batay sa nakalap ng mananaliksik.

1. Ano ang demograpikong pagkakakilanlan ng mga respondent?

1) Ayon sa Edad

Edad Bilang Porsyento16 15 37.5%17 14 35%18 8 20%19 3 7.5%

KABUUAN 40 100%TALAHANAYAN 1 Edad ng Respondente

16

17

18

19

0.00% 10.00% 20.00% 30.00% 40.00%

38%

35%

20%

8%

GRAPH 1 Edad ng Respondente

Porsyento

Bilang

EDAD




Ang talahanayang ito ay nagpapakita sa edad ng mga taga-tugon. Makikita na ang may

pinakamataas na bilang na taga-tugon ay edad na 16 na may kabuuang bilang na labinglima (15) o

tatlumpu’t pito at limang bahagdan (37.5%). Ang pangalawa ay edad na 17 na may labing apat na taga-

tugon o tatlumpu’t limang bahagdan (35%). Sinusundan ito ng taga-tugon na may edad na 18, kung saan

ang bilang ay walo (8) o dalawampong bahagdan (20%). Ang pinaka-kaunti ay edad 19 na may bilang

na tatlo (3) o bahagdang pito at lima (7.5%). Sa kabuuan ay may apatnapung (40) taga-tugon.

2) Ayon sa Kasarian

KASARIAN Bilang PorsyentoBabae 25 62.5%Lalaki 15 37.5%

KABUUAN 40 100%TALAHANAYAN 2 Kasarian ng mga Respondente

63%

37%

GRAPH 2 Kasarian ng mga Respondente

Babae Lalaki

Makikita sa talahanayang ito na mas marami ang taga-tugon na babae sa bilang na dalawampu’t

lima o bahagdang animnapu’t dalawa at lima (62.5%). Samantalang ang mga lalaking taga-tugon ay

binubuo ng bilang na labinglima (15) o tatlumpu’t pito at limang bahagdan (37.5%). At ito ang bumubuo

sa apatnapung respondent o isang-daang bahagdan (100%).

2. Ano-ano ang mga epekto ng panggagaya ng mga kabataang Pilipino sa kanilang;




2.1 Pananamit

Katanungan SAGOT BILANG PORSYENTO3) Ang iyo bang pananamit ay batay sa mga

nakikita mong kasuotan sa mga banyagang artista?

OO5 12.5%

HINDI16 40%

MINSAN19 47.5%

TALAHANAYAN 3 Epekto sa Pananamit

0 5 10 15 20 25 30 35 40 45 50

12.5

40

47.5

GRAPH 3 Epekto ng Pananamit

MINSANHINDI

OO

Sa talahanayang ito ay pinapakita na sa apatnapung respondent ay labingsiyam (19) o apatnapu’t

pito at limang (47.5%) bahagdan ang minsang naapektuhan ng ng impluwensya ng mga dayuhan

pagdating sa pananamit. Labinganim (16) naman o apatnapung porsyento (40%) ang nagsasabing hindi

sila naapektuhan. Samantalang lima (5) o labingdalawa at limang bahagdan (12.5%) ang tuwirang

nagsabi na sila ay apektado ng impluwensyang dayuhan pagdating sa kanilang pananamit.

2.2 Wika

Katanungan SAGOT BILANG

PORSYENTO

5) Mas gusto mo ba ang wikang Ingles kaysa

Filipino?

OO2 5%

HINDI20 50%

MINSAN18 45%

10) Mas may interes ka ba sa mga babasahing OO3 7.5%

HINDI18 45%




banyaga kaysa sa mga panulat ng mga Pilipino? MINSAN19 47.5%

TALAHANAYAN 4 Epekto sa Wika

OO HINDI MINSAN0

10

20

30

40

50

60

5

5045

7.5

45 47.5

GRAPH 4 Epekto sa Wika

Tanong 5Tanong 10

Sa talahanayang ito ay makikita na mas mataas ang bilang ng nagsasabing mas gusto pa rin nila

ang wikang atin. Sa unang tanong ay dalawampu (20) ang nagsabing hindi, may katumbas itong

limampung (50) bahagdan. Labingwalo (18) o apatnapu’t limang (45) bahagdan ang nagsabing minsan.

At dalawa (2) o limang (5%) porsyento ang nagsabing oo. Sa ikalawang katanungan ay labingsiyam (19)

o apatnapu’t pito at limang (47.5%) bahagdan ang nagsabing paminsan ay nahihilig sila sa babasahing

Ingles. Labingwalo (18) o apatnapu’t limang (45%) bahagdan ang nagsabing hindi. At tatlo (3) lamang

ang sumagot ng oo, ito ay may katumbas na pito at limang (7.5%) bahagdan.

2.3 Salitang ginagamit sa paggalang


PORSYENTO

7) Ayoko nang gumamit ng po at opo sa

pagsasalita.

OO1 2.5%

HINDI34 85%

MINSAN5 12.5%

TALAHANAYAN 5 Paggamit ng Po at Opo




0 10 20 30 40 50 60 70 80 90

2.5

85

12.5

GRAPH 5 Paggamit ng Po at Opo

MINSANHINDI

OO

Ipinakikita ng talahanayang ito na marami pa rin ang gumagamit ng po at opo na bahagi ng ating

wika at tanda ng paggalang sa mga nakatatanda. Sa bilang na tatlumpo’t apat (34) na nagsabing hindi ay

bumuo ito ng walumpo’t limang (85%) bahagdan. Lima (5) ang nagsasabing minsan ay ayaw nilang

gamitin ang po at opo, ito ay may labingdalawa at limang (12.5%) bahagdan. Isa (1) lamang ang

nagsabing ayaw niya ng gamiitin ang mga ito, dalawa at limang (2.5%) bahagdan ang sakop nito.

2.4 Tinatangkilik na mga produkto


PORSYENTO

8) Mas gusto ko ang mga instant food at pagkaing

banyaga kaysa sa mga lutong pinoy.

OO2 5%

HINDI25 62.5%

MINSAN13 32.5%

TALAHANAYAN 6 Paggamit ng Produkto




0 10 20 30 40 50 60 70

5

62.5

32.5

GRAPH 6 Paggamit ng Produkto

MINSANHINDI

OO

Ayon sa ipinapakita ng talahanayang ito, mas marami pa rin ang mga kabataan na nagsasabi na

mas gusto pa rin nila ang lutong Pinoy sa pagsagot nila ng hindi sa katanungan, binubuo sila ng

animnapu’t dalawa at limang (62.5%) bahagdan o bilang na dalawampu (25). Labingtatlo (13) ang

nagsabi na minsan, katumbas nito ay tatlumpu’t dalawa at limang (32.5%) bahagdan. Dalawa (2) lamang

o limang (5%) porsyento ang mas gusto ang instant food.

3. Paano nakaka-apekto ang neokolonyalismo sa gawi at kilos ng mga kabataang Pilipino?

3.1 Paggamit ng produkto


PORSYENTO

8) Mas gusto ko ang mga instant food at pagkaing

banyaga kaysa sa mga lutong pinoy.

OO2 5%

HINDI25 62.5%

MINSAN13 32.5%

3) Ang iyo bang pananamit ay batay sa mga

nakikita mong kasuotan sa mga banyagang artista?

OO5 12.5%

HINDI16 40%




MINSAN19 47.5%

TALAHANAYAN 7 Epekto sa Paggamit ng mga Produkto

OO HINDI MINSAN0

10203040506070

5

62.5

32.5

12.5

4047.5

GRAPH 7 Epekto ng Paggamit ng Produkto

Tanong 8Tanong 3

Sa talahanayang ito, mas marami ang mga kabataan na nagsasabi na mas gusto pa nila ang lutong

Pinoy sa pagsagot nila ng hindi sa katanungan, binubuo sila ng animnapu’t dalawa at limang (62.5%)

bahagdan o bilang na dalawampu (25). Labingtatlo (13) ang nagsabi na minsan, katumbas nito ay

tatlumpu’t dalawa at limang (32.5%) bahagdan. Dalawa (2) lamang o limang (5%) porsyento ang mas

gusto ang instant food. Ito ay bilang tugon sa unang katanungan.Ang resulta sa ikalawang katanungan ay

nagpapakita na sa apatnapung respondent ay labingsiyam (19) o apatnapu’t pito at limang (47.5%)

bahagdan ang minsang naapektuhan ng ng impluwensya ng mga dayuhan pagdating sa pananamit.

Labinganim (16) naman o apatnapung porsyento (40%) ang nagsasabing hindi sila naapektuhan.

Samantalang lima (5) o labingdalawa at limang bahagdan (12.5%) ang tuwirang nagsabi na sila ay

apektado ng impluwensyang dayuhan pagdating sa kanilang pananamit.

3.2 Pagtangkilik ng mga artista at mga mang-aawit


PORSYENTO

4) Mas iniidolo mo ba ang mga kilalang banyaga

sa larangan ng musika at pag-arte kaysa sa mga

Pilipinong artista?

OO5 12.5%

HINDI15 37.5%

MINSAN20 50%




TALAHANAYAN 8 Epekto sa Pagtangkilik sa mga Artista

0 10 20 30 40 50 60

12.5

37.5

50

GRAPH 8 Epekto sa Pagtangkilik ng mga Artista

MINSANHINDI

OO

Ang talahanayang ito ay nagpapahayag ng minsang mas pagtangkilik ng mga kabataan sa mga

banyagang mga personalidad. Sila ay binubuo ng dalawampu (20) o limampung (50%) bahagdan.

Labinglima (15) o tatlumpu’t pito at limang (37.5%) bahagdan ang nagsabing mas iniidolo nila ang mga

lokal na artista. Lima (5) naman ang nagsabi ng oo, mayroon itong labing dalawa at limang (5%)

bahagdan.

3.3 Pagtangkilik sa mga awit, sayaw at pelikula


PORSYENTO

1) Mas nahuhumaling ka ba sa mga panuoring

banyaga kaysa sa mga palabas na sariling atin?

OO13 32.5%

HINDI5 12.5%




MINSAN22 55%

2) Mas marami ba ang alam mong kantang

banyaga kaysa sa mga orihinal na pinoy na

musika?

OO13 32.5%

HINDI16 40%

MINSAN11 27.5%

TALAHANAYAN 9 Epekto sa Awit, Sayaw at Pelikula

OO HINDI MINSAN0

102030405060

32.5

12.5

55

32.540

27.5

GRAPH 9 Epekto sa Awit, Sayaw at Pelikula

Tanong 1Tanong 2

Ang talahanayan ay nagsasaad ng kung alin ang mas tinatangkilik ng mga kabataan pagdating sa

mga awitin, sayaw at pelikula. Sa unang katanungan ay natukoy na mas marami sa mga kabataan ang

paminsang nahihilig sa pelikulang banyaga. Sa dalawampu’t dalawa (22) nilang bilang ay mayroon

itong limampu’t limang (55%) bahagdan. Labing tatlo (13) ang sumagot ng oo, talumpu’t dalawa at

limang (32.5%) bahagdan ang sakop nito. Lima (5) o labingdalawa at limang bahgdan ang nagsabing

hindi. Ang ikalawang katanungan ay tumutukoy sa mas hilig ng mga kabataan pagdating sa awitin.

Labinganim (16) ang nagsabing mas marami pa rin silang alam na OPM songs sa pagsagot ng hindi,

apatnapung (40%) bahagdan ang katumbas nito. Labingtatlo (13) naman ang sumagot ng oo, talumpu’t

dalawa at limang (32.5%) bahagdan ito. Labingisa (11) o dalawampu’t pio at limang (27.5%) bahagdan

ang sumagot ng minsan.

3.4 Paraan ng paglilibang

Katanungan SAGOT BILAN PORSYENTO




G9) Mas gusto ko ang mga larong banyaga mula sa

computer games kaysa sa mga larong pinoy.

OO9 22.5%

HINDI8 20%

MINSAN23 57.5%

TALAHANAYAN 10 Epekto sa Libangan

0 10 20 30 40 50 60 70

22.5

20

57.5

GRAPH 10 Epekto sa Libangan

MINSANHINDI

OO

Tinutukoy sa talahanayang ito na mas marami ang bilang ng minsang naglilibang sa paglalaro ng

computer games. Dalawampu’t tatlo (23) o Limampu’t pito at limang (57.5%) bahagdan ang sakop nila.

Siyam (9) o dalawampu’t dalawa at limang (22.5%) bahagdan ang nagsabing oo. At walo (8) o

dalawampung (20%) ang sumagot ng hindi.




3.5 Paraan ng pagbati


PORSYENTO

6) Mas gusto ko ang humalik kaysa magmano. OO8 20%

HINDI19 47.5%

MINSAN 13 32.5%TALAHANAYAN 11 Epekto sa Paraan ng Pagbati

0 5 10 15 20 25 30 35 40 45 50

20

47.5

32.5

GRAPH 11 Epekto sa Paraan ng Pagbati

MINSANHINDI

OO

Marami pa rin ang bilang ng sumusunod sa nakasanayang pagmamano. Sa bilang na labingsiyam

(19) o apatnapu’t pito at limang (47.5%) bahagdan na sumagot ng hindi ay mapatutunayan ito.

Sinusundan ang bilang na ito ng mga sumagot ng minsan, sa bilang na labingtatlo (13) o may katumbas

na tatlumpu’t dalawa at limang (32.5%) bahagdan. Walo (8) lamang ang nagsabing oo, mas gusto ng

dalawampung (20%) porsyento ng taga-tugon ang humalik.




KABANATA III

Pagbubuod, Konklusyon at Rekomendasyon

3.1 Buod

Ang pag-aaral na ito ay isinagawa upang malaman ang “ Epekto ng Neokolonyalismo sa Gawi at

Kilos nga mga Kabataang Pilipino”. Layunin ng pag aaral na malaman ang epekto ng Neokolonyalismo

sa; Pananamit, Wika, Mga salitang ginagamit, Tinatangkilik na mga produkto at kung paano

nakakaapekto ang neokolonyalismo sa gawi at kilos ng mga kabataang Pilipino.

Ang mga pananaliksik ay naglalahad ng mga maaaring paraan sa pagpapalaganap ng

nasyonalismo sa mga kabataang Pilipino. Dapat ay mas tangkilikin ang mga bagay na sariling atin o

gawang Pilipino upang mapanatili ang pagkakakilanlan ng bansa.Kailangan ay isa-puso at isa-diwa ang

pagkakaroon ng paggalang at pagmamamahal sa sariling bansa.

Ang suliraning pinag-aaralan ay kinuha sa mga mag-aaral sa Unang Taon mula sa Pamantasan

ng Lungsod ng Muntinlupa na kumukuha ng kursong Sikolohiya. Sila ay nasa edad labinganim (16)

hanggang labingsiyam (19) na kinuha ng mga mananaliksik upang malaman kung paano nakakaapekto

sa mga kabataang Pilipino ang impluwensyang dayuhan. Ginamit sa pagaaral ang pamaraang diskriptib

– analiktik.




3.2 Konklusyon

Ayon sa mga pinagbasihang datos na nakalap, naanalisa at nabigyang interpretasyon ay natatamo

sa mga sumusunod na paliwanag ay porsyento ng kabuuang taga-tugon ay isang daang porsyento

(100%) na may bilang na apatnapu (40). Ang personal na pagkakakilanlan ay nahahati sa dalawa. Una

ay ang edad, ang mga taga-tugon na edad labinganim(16) ay 37.5%. Ang mga nasa edad labingpito (17)

ay 35%, 20% ang edad labingwalo (18) at ang mga nasa edad labingsiyam (19) naman ay may 7.5% na

100% sa kabuuan. Ikalawa ay ang kasariaan ng mga taga-tugon. Ang mga babaeng taga-tugon ay

binubuo ng 62.5%. Samantalang ang mga lalaki naman ay 37.5% at 100% sa kabuuan.

Naapektuhan ang mga kabataang Pilipino sa iba’t- ibang aspeto ng dahil sa impluwensya ng mga

dayuhan, 47.5% ang nagsabing minsang naapektuhan ang kanilang pananamit dahil dito. Malaking

porsyento naman ang nagsasabing mas pinahahalagahan pa rin nila ang wikang Filipino, sila ay binubuo

ng 50% at 47.5% naman ang nagsasabing minsan ay mas nahuhumaling silang basahin ang mga akda ng

dayuhan. At pinatunayan ng 85% na taga-tugon ang pagkakaroon pa rin ng paggalang ng mga kabataang

Pilipino sa mga nakatatanda sa pamamagitan ng wikang kanilang ginagamit. 62.5% ang nagsasabing

mas gusto nila ang lutong Pinoy kaysa sa mga instant.

Ang ikatlong basehan ay kung papaanong nakaapekto ang neokolonyalismo sa gawi at kilos ng

mga taga-tugon. Malaking porsyento ang nagsasabing hindi naapektohan ang pagpili nila ng mga

produktong gagamitn, marami ang nagsasabing mas gusto nila ang sariling atin. Minsan namang

naapektuhan ang isipan ng mga respondent pagdating sa mga tatangkiliking personalidad. Hati naman

ang kanilang pananaw pagdating sa mga tatangkiliking awitin at mga pelikulang panuorin. Malaki rin




ang posibilidad na hindi mabigyang pansin ang mga larong Pinoy dahil sa mga computer games. Subalit

talagang hindi maaalis sa mga kabataang Pilipino ang paggalang sa mga nakatatanda, malaking

porsyento ang nagsabi na mas gusto pa rin nila ang magmano kesa sa impluwensyang dayuhan na

paghalik o pagbeso.

3.3 Rekomendasyon

1. Maaring magsagawa ng iba pang pag-aaral kaugnay ng ginawang pananaliksik.

2. Maaring bigyan daan ang pananaliksik tungkol sa industriya ng kulturang kolonyalismo.

3. Ang susunod na mananaliksik ay maaring palawakin pa ang isinagawang pag-aaral sa antas

naman ng elementarya o sekundarya.

4. Karagdagang pananaliksik kung papaanong mas nahihilig ang mga kabataan sa mga

impluwensyang dayuhan.

5. Nararapat na hikayatin ng mga guro at administrador ang mga mag aaral na matutong

tumangkilik ng sariling atin.

6. Kinakailangang bigyang prayoridad ang pagpapalabas ng mga pelikulang Pilipino kaysa sa mga

gawang dayuhan.

7. Magkaroon ng isang malawakang seminar tungkol sa pagmamahal sa bayan.

8. Hanggat maaari ay nararapat na iwasan ang pagpapalaganap ng mga impluwensya ng mga

dayuhan lalong-lalo na sa mga kabataan.

9. Ipakita sa mga kabataan ang kahalagahan ng pagtangkilik natin sa ating sariling produkto.




10. Magkaroon ng mga programa na tutulong sa mga kabataan upang makilala pa ang mga bagay na

sumi-simbolo sa ating pagkakakilanlan.

11. I-mulat ang mga kabataan sa kulturang pansarili ng bansa.

12. Mga kaukulang aksyon upang maiwasan ang unti-unting paglaho ng mga kinagisnan n gating

mga ninuno.




APENDIKS




Talatanungan para sa Mga Mag-aaral

Epekto ng Neo-Kolonyalismo sa Gawi at Kilos ng mga Kabataang Pilipino

Pangalan (Opsyonal): _____________________________ Kasarian: _______________

Tirahan: ________________________________________ Edad: ___________________

PANUTO: Tsekan ang kahon na tumutugon sa iyong kasagutan para sa mga katanungan.

OO HINDI MINSAN

1) Mas nahuhumaling ka ba sa mga panuoring banyaga kaysa

sa mga palabas na sariling atin?

2) Mas marami ba ang alam mong kantang banyaga kaysa sa

mga orihinal na pinoy na musika?

3) Ang iyo bang pananamit ay batay sa mga nakikita mong

kasuotan sa mga banyagang artista?

4) Mas iniidolo mo ba ang mga kilalang banyaga sa larangan ng

musika at pag-arte kaysa sa mga Pilipinong artista?

5) Mas gusto mo ba ang wikang Ingles kaysa Filipino?

6) Mas gusto ko ang humalik kaysa magmano.

7) Ayoko nang gumamit ng po at opo sa pagsasalita.

8) Mas gusto ko ang mga instant food at pagkaing banyaga

kaysa sa mga lutong pinoy.

9) Mas gusto ko ang mga larong banyaga mula sa computer

games kaysa sa mga larong pinoy.

10) Mas may interes ka ba sa mga babasahing banyaga kaysa

sa mga panulat ng mga Pilipino?




BIBLIOGRAFI

Francisco, Mariel N., and Fe Maria C Arriola. The History of the Burgis. Quezon City [Philippines] : GCF Books, ©1987.

Guevara, Ernesto, and Anne Wright. The Motorcycle Diaries: A Journey Around South America. Melbourne ; New York : Ocean Press ; [Havana, Cuba] : Centro de Estudios Che Guevara, ©2003. (http://en.wikipedia.org/wiki/The_Motorcycle_Diaries_(film))

Kincaid, Jamaica. A Small Place. New York : Farrar, Straus and Giroux, 2000. (http://en.wikipedia.org/wiki/A_Small_Place)

Ofrecio, Kimberly, et al. Pagtangkilik ng mga Pilipino sa Korean Trend na Nakakapagpabagsak ng Ekonomiya ng Bansa. Unibersidad ng Santo Tomas : Kolehiyo ng Komersyo, 2009-2010. (http://impluwensyangkoreano.blogspot.com/)

Vega, Sheilee B. 2010. Ang Wikang Filipino Bilang Wikang Panlahat, Ang Kasaysayan ng Wikang Pambansa Tungo sa Pagpaplanong Pangwika. Komisyon sa Wikang Filipino. (http://www.kwf.gov.ph/wp-content/gallery/Ang%20Patakarang%20Pangwika%20sa%20Pilipinas.pdf)

http://202.91.162.20/barobonhs/makabayan.pdf

http://bayan-natin.blogspot.com/2008/10/neo-colonialism.html

http://en.wikipedia.org/wiki/Neocolonialism

http://e-turo.org/files/Modyul%2010%20-%20Neo-Kolonyalismo%20Ang%20Bagong%20Uri%20o%20Pamamaraang%20Ko.pdf

http://science.jrank.org/pages/10793/Postcolonial-Studies-Decolonization-Postindependence-Neocolonialism.html

http://www.bse.portal.ph/download/EASE%20MODULES/Araling%20Panlipunan/AP%20III/Modyul%2020%20-%20Neo-Kolonyalismo.pdf

http://www.bse.portal.ph/download/EASE%20MODULES/Araling%20Panlipunan/AP%20II/Modyul%2010%20-%20Neo-Kolonyalismo%20Ang%20Bagong%20Uri%20o%20Pamamaraang%20Ko.pdf

http://www.google.com.ph/url?url=http://images.anakbayanhq.multiply.multiplycontent.com/attachment/0/SYSvswoKCsQAABHVHOw1/Historikal%2520na%2520Pagsusuri%2520sa%2520Edukasyong%2520Pilipino.doc%3Fnmid%3D187647123&rct=j&sa=U&ei=FmMxT5r2AqWCmQWTzIDjBQ&ved=0CF4QFjAI&q=epekto+ng+neokolonyalismo+sa+kabataan&usg=AFQjCNHyRlUADY8IKvxfm43qaifZOZ_1Jg

http://www.writework.com/essay/effects-neo-colonialism

http://www.writework.com/essay/effects-neo-colonialism








http://science.jrank.org/pages/10793/Postcolonial-Studies-Decolonization-Postindependence-Neocolonialism.html



http://en.wikipedia.org/wiki/Neocolonialism

http://bayan-natin.blogspot.com/2008/10/neo-colonialism.html

http://202.91.162.20/barobonhs/makabayan.pdf

http://www.kwf.gov.ph/wp-content/gallery/Ang%20Patakarang%20Pangwika%20sa%20Pilipinas.pdf

http://impluwensyangkoreano.blogspot.com/

http://en.wikipedia.org/wiki/A_Small_Place

http://en.wikipedia.org/wiki/The_Motorcycle_Diaries_(film)

http://www.worldcat.org/search?q=au%3AArriola%2C+Fe+Maria+C.&qt=hot_author

filipino 102

Documents

bilang na

sandigan ng

kolonyalismo

kabanata iii

opo sa pagsasalita

sa pag

ang neo

tatlumput