fundisa || nikeza ulwazi || nikeza amandla isiqephu 8 · izimpawu zokutheleleka, uzohlale engazi...

ISIQEPHU 8FUNDISA || NIKEZA ULWAZI || NIKEZA AMANDLA

MAHALA

Agasti: Inyanga Yabesifazane – sibethulela

isigqoko abantu besifazane

Sithi CHA Obisini

Lwebhodlela, sithi YEBO

Ekunceliseni Ibele!

Ezempilo | Health Matters - Edition 8 1

AbezeMpilo kwaZulu Natal bafisa ukubonga bonke abasebenzi bezempilo

besifazane ngokuzimisela kwabo ekunikezeni abantu bakithi usizo

lwezempilo olusezingeni eliphezulu, naphezu kwazo zonke izinselelo

esibhekene nazo. Siyibonga kakhulu imizamo yenu.

Sifisela bonke abesifazane bakwaZulu Natal inyanga yabesimame

ejabulisayo – umoya wenu namandla enu kungumgogodla wesizwe sethu!

Malibongwe igama lamakhosikazi!

Wathint’ abafazi wathint’imbokodo!

Ukulwa Nezifo, Ukulwa Nendlala, Ukunika Ithemba

KuNgqongqoshe Wezempilo KwaZulu Natal UDkt. Sibongiseni Dhlomo

Kophethe UMnyango Wezempilo KwaZulu Natal UDkt Zungu

UDKT. MUSA GUMEDE, IPHINI LOMQONDISI WEDOLOBHA, KWEZEMPILO NAKWEZENHLALO IZINSIZAKALO, KUMASIPALA WASETHEKWINIKule nyanga yokukhumbula abesifazane besifundazwe sethu, uphiko lwezempilo kuMasipala

waseThekwini luthanda ukucela bonke abantu besilisa ukuba baqinisekise abesifazane ukuthi

bayabahlonipha futhi bayababonga. Ukushaya umuntu wesifazane akulona neze uphawu

lobudoda; kuwuphawu lobuthaka endodeni.

Ngempela abesifazane bawumgogodla wesizwe sethu, ikakhulu labo abasebenza

ngokuzikhandla emasimini, ogogo nalabo abangomama abangabodwa okuthi yize bebhekene

nezinselelo baqhubeke beyenza yonke imisebenzi yabo njengabondli bemindeni yabo nanjengabesifazane abasebenzayo.

Lo msebenzi awulula, futhi thina njengesifundazwe sazi kahle ukuthi kuningi okusadingeka kwenziwe ukuze kuthuthukiswe

izimpilo namathuba ezomnotho kubantu besifazane. Sizibophezele ekuqinisekiseni ukuthi abantu besimame bathola

ukuphathwa kahle okubafanele, ikakhulukazi omama nogogo.

Njengoba eThekwini kugujwa inyanga yabesifazane, siyabancoma labo besifazane abanesibindi abaqhubeka bezama ukuba

nempilo engcono naphezu kwezingqinamba. Sincoma bonke abantu besimame, kungakhathaliseki ukuthi bangomama

abasebenza edolobheni noma ogogo abasebenza emasimini… niyisikhuthazo kithi sonke. Siyazi ukuthi ukuthuthuka

kwezomnotho kwabantu besifazane kudingeka kusheshiswe ukuze babe nolwazi oluthe xaxa namandla lapho kwenziwa

izinqumo ekhaya, futhi sizimisele ukuqinisekisa ukuthi lokho kuyenzeka. Sithi niyijabulele inyanga yabesifazane!

Kophethe UMnyango Wezempilo KwaZulu Natal UDkt Sibongile ZunguNjengoba sigubha inyanga yaBesifazane, abeZempilo kwaZulu Natal bathanda ukuthatha

leli thuba bakhumbuze abesifazane ngezinto ezinkulu esiye sazenza eminyakeni edlule.

Njengezwe, sesenze lukhulu ekukhuphuleni abantu besimame babe seqhulwini, ngokubavulela

amathuba, nangokuqinisekisa ukuthi bayamelelwa kuyo yonke imikhakha kahulumeni kanye

nasemphakathini. Kodwa uhambo lwethu alukafiki esiphelweni, kusekuningi okufanele

kwenzelwe abesifazane ikakhulu ekutholeni izinkonzo zezempilo.

Siwumnyango sizimisele ukugxila kakhulu kubantu besifazane nasezinganeni, ekusindiseni

abesifazane abaningi lapho bebeletha, ekwenzeni kube lula ngabesifazane, ikakhulu ababuthaka, abagugile nabakhubazekile

ukuba bathole ukunakekelwa kwezempilo ezindaweni lapho izinto zokuhamba ziseyinkinga khona, ukunikeza izinkonzo

zezempilo ezigxile kakhulu kumama nasenganeni. Singathanda ukukhuthaza abesifazane bakwaZulu Natal ukuba bayithathe

le nselelo futhi babe nolwazi namandla ezinqumweni abazithathayo, ikakhulu ezindabeni zokukhulelwa kanye nezocansi.

Kuyilungelo lenu ukungavumi ukuya ocansini uma lingasetshenziswa ijazi likamkhwenyana, kanti futhi nani ninelungelo

lokukhetha ezindabeni zokuhlelwa komndeni.

Lude ukhalo esesiluhambile, kodwa luselude nakakhulu olusele ekuqinisekiseni ukuthi ukuzidela kwabesifazane abafela

inkululeko yethu akulona ize.

Kini nonke nina besifazane abaqhubekayo beba negalelo ekunakekelweni kwezimpilo esifundazweni – odokotela,

abahlengikazi, abanakekeli bempilo bomphakathi, ababelethisi, ogogo abanakekela abazukulu babo njengoba izingabe zabo

zisuke zingekho ziyofuna amadlelo aluhlazana kwezomnotho, nonke nina besifazane, sinethulela isigqoko futhi siyanibonga

ngemizamo yenu nangothando lwenu ekwenzeni ukuba kube nomahluko.

Mababongwe abantu besifazane, ngoba wathint’ abafazi wathint’ imbokodo!

Umlayezo ovela...

Ezempilo | Health Matters - Edition 82

Liyanda inani logogo eNingizimu Afrika abathatha indima yokuba umzali kubazukulu babo, ngesikhathi abazali babazukulu behamba beya emadolobheni beyofuna umsebenzi. Ngenxa yokungabi nazo izinto eziningi kuhlanganise nokuthi iminyaka isihambile, abaningi bakuthola kunzima kodwa bambalwa abakhonondayo. Phakathi no-Agasti, inyanga yabesifazane, kufanele sicabange ngomthwalo nobunzima iningi logogo abasemakhaya ababhekana nabo bekhulisa izingane zethu.

Izinkinga zempiloUSlindile Mbatha ungomunye wabo.

Ngokweminyaka yakhe bekufanele

ngabe usethatha umhlala phansi.

Kodwa njengoba eneminyaka engu-60,

usanakekela abazukulu bakhe abathathu

ngoba unina walezingane ongayedwa

usebenza ezindlini endaweni eqhele

ngamakhilomitha angu-200 ukusuka

lapha.

“Ngaqala ukubanakekela besebancane.

Ngibenzela konke abakudingayo

futhi lona omncane ucabanga ukuthi

ngingunina,” esho. “Usuku lwami luqala

ngehora lesihlanu ekuseni. Ngivuka

ekuseni ngilungiselele izingane ukuya

esikoleni, ngemva kokuba sebeye

esikoleni ngibamba amatoho, ngithatha

lona omncane uZanele ngihambe naye

ngoba ngeke ngikwazi ukukhokhela

izindleko zenkulisa,” kunezela uSlindile.

Ukuyisa lona omncane emtholampiloLona omncane uZanele sekuyisikhathi

egula futhi uSlindile useqala

ukukhathazeka. Unina walezingane

angakwazi ukuzovakasha kanye kuphela

ngenyanga, nakhona uma ekwazile.

“Kunzima ngami ukuhamba yonke

lendlela ngiya emtholampilo, kodwa

kufanele ngiye. Ukube benginemali

yetekisi bekuzoba lula,” kusho

uGog’uSlindile. Ngeshwa, kufanele

ahambe ibanga elingu-10km ngenxa

kaZanele. Lo gogo oneminyaka engu-

60 uhlushwa umfutho ophezulu wegazi

futhi uzizwa ebuthakathaka lapho etheza

izinkuni zokubasa uma esebuyela

ekhaya. Ukuthwala imithwalo enzima

kwenza isimo sakho sibe sibi kakhulu,

kodwa akukho angakwenza. “Lena

indlela engiphila ngayo kusukela ngaqala

ukunakekela lezi zingane. Othile kufanele

akwenze lokhu, futhi lowo muntu yimina,”

uyanezela.

Ukubasiza ngezinto zesikoleLapho izingane zifika ekhaya zimphathele

izindaba ezimbi. USindi, umzukulu

omdala, ubelwa esikoleni. Kusasa

kufanele ahambe ugogo ayobonana

nothishanhloko. “Iyangikhathaza indlela

aziphatha ngayo. Uhlala elwa angikwazi

ngisho nokumkhuza. Sengimdala

ukuba ngingenza lokho.

Kungenzeka ukuthi lokhu

kubangwa ukuthi

ukhumbula unina

kakhulu,” esho.

Ngemva kokudla

u k u d l a n a

kwantambama

u y a b a s i z a

ngomsebenzi

w e s i k o l e .

“Angitholanga

i m f u n d o

etheni kodwa

angifuni ukuthi

bona ikusasa

labo lifane nelami. Ngizobasiza ngakho

konke engingakwazi ukubasiza ngakho.

Kufanele babe nemfundo engcono,”

kusho uSlindile okhathele.

Izinsuku ezinzima, nobusuku obubandayoNgemva kwehora leshumi ebusuku,

uSlindile uzilungiselela ukuyolala,

ekhathele futhi egula. Indlu yodaka

abahlala kuyo isibanda kakhulu.

Ngesikhathi semvula iyanetha kanti

akekho nomuntu wesilisa ongayilungisa.

“Ngizama kanzima ukusiza indodakazi

yami ngokunakekela lezingane. Oyise

abasisizi nhlobo. Uma ngingabanakekeli,

ngubani ozokwenza lokho? Mhlawumbe

ngolunye usuku bazongondla lapho

sebekhulile,” esho ngethemba.

Ungabathathi kancane abantu asebekhulile, ukuthula kwabo ngesikhathi sobunzima akusho ukuthi abakudingi

ukunakekelwa.

Siyababonga laba abalandelayo ababe neqhaza:

EZempilo E-KZNUphiko LweZempilo KuMasipala WaseThekwini

U-Zohra Mohamed Teke (Umhleli)U-Coliwe ZuluU-Themba MatsengarwodziU-Themba MngomezuluU-Nonhlanhla VeziU-Patricia McCrackenU-Dudley ViallU-Bianca Schmitz (Umthwebuli wezithombe - Cover Pic)

Imibono novo lwakho lwamukelekile, futhi uma kunesisebenzi sezempilo esikuhlabe umxhwele esikusize ngendlela enhle kakhulu sicela usazise futhi sizosiveza! Sithinte kule nombolo ethi 031 562 9803, noma [email protected] noma usibhalele kuleli kheli, P O Box 25439 Gateway 4321.

ILUNGELO LOBUNIKAZI & NOKUKHANGISAKonke okushicilelwe kulo magazini kuyilungelo le-Ezempilo, Health Matters futhi kungase kuphinde kukhiqizwe mahhala ngezinjongo zokufundisa kuphela, uma kutholakale imvume. EZempilo E-KZN, uMasipala WaseThekwini nEzempilo Health Matters abahlangene nganoma iyiphi indlela nabakhangisi abakulo magazini.

OKUPHAKATHI • UKUGXILA ENYANGENI YABESIFAZANE - INDATSHANA KAGOGO

• U-AGASTI: INYANGA YABESIFAZANE - IMPILO YABESIFAZANE

INDABA YOMPHAKATHI

• U-AGASTI: INYANGA YOKUNIKELA NGAMALUNGU OMZIMBA

• UMNKANTSHA: KONKE ODINGA UKUKWAZI

• AGASTI 1-7: ISONTO LOMHLABA WONKE LOKUNCELISA IBELE

• AGASTI 1-7: IVIKI ELIQWASHISA NGOKUGOMA KUZWELONKE

• IZINSUKU ZOKUQWASHISA NGO -AGASTI

• UKUBAMBA IQHAZA EMPHAKATHINI

• AKE SITHI NHLA

Ukugxila Enyangeni YabesifazaneIndatshana kagogo

“Indlela eshesha kunazo zonke yokushintsha umphakathi wukwenza abantu besifazane emhlabeni babe namandla okusebenza”


Uma owesifazane enempilo uba nomfutho kanye namandla okuba ngumama, umondli futhi afeze izindima eziningi emphakathini wakhe nasemndenini. Kaningi abesifazane abazinaki izidingo zempilo yabo ngoba bematasatasa kakhulu benakekela izidingo zabanye.

Kulenyanga ka-Agasti, njengengxenye

yenyanga yabesifazane, kubalulekile

sizikhumbuze ukuthi abesifazane

bawumgogodla wesizwe – hhayi

ngokuba ogogo kuphela, kodwa

nomama nabondli. Impilo yowesifazane

indaba yomphakathi ngoba kaningi

yibona abesifazane abanakekela

izidingo zomkhaya, ngisho noma

esebenza ngaphandle kwekhaya. Kuba

ngabesifazane abagcina ngokunakekela

abasebancane ngesikhathi izingane

zoba zihamba ekhaya ziyofuna

umsebenzi emadolobheni. Kaningi,

impilo yowesifazane ayinakwa – ngisho

nabo abesifazane ngokwabo, kuze

kube yilapho bengasenakubekezela

noma sekwephuze kakhulu. Sidinga

ukushintsha lokhu, sikhuthaze bonke

abesifazane esibaziyo ukuba banakekele

impilo yabo ngoba owesifazane

onempilo wakha umphakathi onempilo.

Njengengxenye yenyanga yabesifazane,

ake sibheke ezinye zezinkinga zempilo

ezithinta abesifazane kakhulu:

UKUNGONDLEKI KAHLEUkungondleki kahle kuyinkinga evamile

futhi ethikameza impilo kubantu

besifazane. Njengomphakathi, kaningi

sibeka izaba zokuthi ‘abesilisa badla

kakhulu’ bese abesifazane banikela

ngokwabo ngenxa yabesilisa endlini.

Ukungadli kahle kumuntu wesifazane

kusho ukuthi lapho esemusha ukhula

kancane kakhulu, abe amathambo

angakhuli kahle futhi aqale ukuhlushwa

impilo ebuthakathaka, kuhlanganise

nokukhathala, ubuthakathaka kanye ne-

anemiya (iphrotheni esegazini). Uma

owesifazane onenkinga yokungondleki

kahle ekhulelwa, kungenzeka abenezimo

ezibucayi zenkinga yokubeletha,

njengokopha kakhulu okungaholela

ekufeni, ukutheleleka ngegciwane, noma

usana oluzalwa luluncane kakhulu.

AMAGCIWANE ATHATHELWANA NGOCANSI NENGCULAZA NEGCIWANE LAYOOwesifazane usengozini enkulu yokuthola

amagciwane athathelwana ngocansi

noma ingculaza negciwane layo ngoba

kaningi abanazwi empilweni yocansi

nempilo kanti abaningi abenqabi ukuya

ocansini ngaphandle kwekhondomu

besaba ukuphatha kabi owesilisa. Uma

isidoda sihlala emzimbeni wowesifazane

amagciwane okungenzeka siwathwele

angangena egazini lakhe, futhi njengoba

kaningi owesifazane engabi nazo

izimpawu zokutheleleka, uzohlale

engazi ukuthi usethelelekile futhi

angakutholi ukwelashwa. Ngaphandle

kokwelashwa, izifo ezithathelwana

ngocansi zingabangela uubuhlungu

obungakhubaza, nesifo esinzima

esiphathelene nonkimfi, ukungazali,

izinkinga ngesikhathi ekhulelwe,

ukukhula kwengozi yomdlavuza

wesibeletho ngisho nokufa.

Ngenxa yalesisizathu, kubalulekile ngowesifazane

ukuba alawule impilo yakhe yocansi – ukuthi cha

ngokuya ocansini ngaphandle kwekhondomu kuyilungelo

lakho, hhayi nje into yomtakabani!

UKUKHULELWA KWENTSHAAmantombazane asemasha angaphezu

kuka-17,000 e-KZN akhulelwa ngonyaka

odlule kuphela. Ezimweni eziningi

amantombazane asemasha ahehwa

izithembiso zemali azoyithola kobaba

abadala ‘o-sugar daddy’ uma eya nabo

ocansini ngaphandle kwekhondomu,

ngemva kwesikhathi bayawalahla uma

esekhulelwe. Umphumela kuba umama

osemncane okufanele anakekele ingane

ongenamfundo etheni nongenakhono

lokuzondla. Ngenxa yalesi sizathu,

uNgqongqoshe Wezempilo

e-KZN uDkt. Sibongiseni Dhlomo

uyakulahla ngempela ukukhulelwa

kwamantombazane asemasha.

“Okokuqala, ukukhulelwa kwabantu

abasebasha kwandisa ingozi yengculaza

negciwane layo futhi kungaholela

nasekufeni kukamama kanye nengane,”

kusho uDkt Dhlomo.

UDLAMEUdlame olubhekiswe kubantu besifazane

inkinga yezempilo, hhayi nje inkinga

yomphakathi. Udlame olubhekiswe

kubantu besifazane lukhinyabeza

indlela acabanga ngayo, imizwa

nempilo yakhe. Abesifazane abaningi

basaphoqelelwa ukuba baye ocansini

noma bahlukunyezwe ophathini babo

uma benqaba. Ukudlwengulwa kaningi

akubikwa. Khuluma futhi ulawule impilo

yakho, ungathuli!

IZINGOZI EMSEBENZINIAbesifazane babhekana nengozi

yezempilo nsuku zonke emsebenzini

abawenzayo. Ekhaya, isifo samaphaphu

ngenxa yentuthu noma ukushiswa

lapho bepheka kuvamile, noma kunjalo

abesifazane bayaqhubeka bemukela

izingozi, ngoba bakhule ngalendlela

bajwayela ukusebenza ngaphansi

kwalezizimo. Ngokwesibonelo, izigidi

zabesifazane zisebenza ngaphandle

kwemizi yabo, kaningi amahora amade

futhi zisebenza kanzima ezindlini. Noma

kunjalo kaningi bayaqhubeka besebenza

kanzima uma befika ekhaya, okuholela

ekusebenzeni ngokuphindwe kabili.

Lokhu kuholela ekukhathaleni bese

kuphakama amathuba okugula.

Zisize futhi usize nabanye abesifazane

ngokulawula impilo yakho nokulalela

umzimba wakho — impilo yakho

ingamandla akho.

“Omama abanempilo bakhulisa izingane ezinempilo. Izingane

ezinempilo zikhula ziqine futhi zifunde kangcono zisize

ekwakheni imiphakathi ephumelelayo. Uhlelo

lwezempilo olunakekela omama nezingane luzonakekela

umphakathi wonke” UNgqongqoshe Wezempilo

uDhlomo

Impilo yabesifazane indaba yomphakathi

AMALUNGELO ABESIFAZANE EZEMPILO NGOKUSHO KWENCWADI YOMTHETHO YABESIFAZANE:

• Kumelwe kunikezwe izinkonzo zokunakekelwa kwempilo ezilinganayo, ezingambi eqolo, okulula ukuzithola nezifanele ezihlangabezana nezidingo zabesifazane, nezibaphatha ngenhlonipho. Abesimame kumelwe benziwe bawazi amalungelo abo maqondana nezinkonzo zezempilo. Izinkonzo zezempilo kumelwe zihlelwe ngendlela yokuthi zihlangabezane nezidingo zabesifazane zempilo kanye nezinto abazidinga kakhulu. Uhulumeni kumelwe anikeze bonke abantu izinkonzo ezisekela ukuphila eziyisisekelo, njengamanzi kanye nemithetho yenhlanzeko nempilo.

• Abesifazane banelungelo lokulawula imizimba yabo, kuhlanganise nelungelo lokunquma ezindabeni zokuzala.

• Abesifazane kufanele bathole ulwazi ukuze bakwazi ukwenza izinqumo ezihlakaniphile ngemizimba yabo. Lolo lwazi luhlanganisa ulwazi mayelana nempilo ehambisana nokuzala, izifo ezithathelwana ngocansi, ingculazi, ukuvimbela inzalo, umdlavuza wesibeletho nomdlavuza wamabele, ukungabi nenzalo, ukunakekelwa kwempilo ngesikhathi ukhulelwe, ngesikhathi ubeletha nangemva kokubeletha.

• Abesilisa nabesifazane kumelwe baluthole mahhala ulwazi nemfundo mayelana nezinkonzo zokunakekelwa kwempilo ephathelene nokuzala.

• Wonke umuntu uyothola ukudla okwanele okunomsoco.

U-AGASTI: INYANGA YABESIFAZANE

“Umuntu wesifazane ufana nezinkambi zetiye, ngeke wazi ukuthi unamandla angakanani kuze kube yilapho umfaka emanzini ashisayo”


Kungani kufanele ngisize?Minyaka yonke izinkulungwane zabantu

baseNingizimu Afrika abahlukahlukene

ngeminyaka nangobuhlanga batholakala

benezifo ezinjenge-Leukaemia noma

ezinye izifo ezihambisana negazi

ezisongela ukuphila. Abangu-75%

kulezi ziguli baneminyaka engaphansi

kuka-25. Okuwukuphela kwethemba

labo ukufakelwa i-stem cell yegazi evela

kumuntu onohlobo lwethishu olufana

lolwabo. Ngaphandle kwaloku kufakelwa,

bayokufa noma ikanjani. Konke

kuxhomeke kubantu abavamile abafana

name nawe abafisa ukunikela NGESIPHO

SOKUPHILA esimangalisayo. Amathuba

okuthola uhlobo olulodwa angu-1 ku-100

000 futhi kungaba nguwe! Kungenzeka

kube nguwe wedwa emhlabeni ongaba

nohlobo olufana nolomuntu odinga usizo

futhi usindise ukuphila kwakhe.

Ngubani onganikela?Noma imuphi umuntu onempilo

oneminyaka ephakathi kwengu-18

nengu-50 anganikela. Sonke sizalwa

“sinohlobo oluthile lwamathishu”

asetshenziselwa ukuhlobanisa

abanikelayo neziguli. Abantu besizwe

noma bohlanga olulodwa banamathuba

amaningi okuba nohlobo olulodwa,

yingakho kubalulekile ukuba wonke

umuntu ukuba azame ukunikela;

ngeke wazi ukuthi ukuphila kukabani

ongakusindisa!

Iyini I-South Africa Bone Marrow Registry?Yinhlangano ebhalisa abantu

abasethubeni lokunikela ngomnkantsha

futhi kakade isinabantu abayizigidi

ezingu-10,6 ababhalisile. Umanje

ungumnikeli, uzobhaliswa bese bezama

ukuhlobanisa ithishu yakho naleyo

eyeziguli ezingazuza.

Kungani abantu bedinga ukufakelwa umnkantsha?Unyaka ngamunye izinkulungwane

zabantu abanesifo esithinta igazi bafika

ezingeni lapho lokhu sekuwukuphela

kwethuba lokwelashwa noma lokusinda.

Ukufakelwa umnkantsha kukusindisa kanjani ukuphila?Umnkantsha wesiguli onesifo ubulawa

ngenhlanganisela yemithi nemisebe

ewushisayo. Kube sekufakelwa ovela

kumuntu onikelayo onempilo ngesirinji

bese ama-stem cell akha igazi aye

ezimbotsheni ezisemathanjeni amakhulu

lapho engena aqala ukukhiqiza igazi

elivamile.

Yini umnkantsha?Lena ithishu engafaniswa nemboni

yokukhiqiza amaseli abomvu athwala

i-oksijini, amaseli amhlophe alwisana

nezifo nama-platelet avimbela ukopha.

Lona onikelayo wenzani?Uma ufaneleka, kuzodingeka ukuba

kuthathwe isampula legazi elincane

elizoyiswa kumalabhorethri akhethekile

ukuze kuhlolwe inhlobo yethishu.

Imiphumela ibe isifakwa kwikhompyutha

yomhlaba wonke yale nhlangano, bese

beqala ukufuna ohlobana nethishu yakho

Ikhona yini imiphumela emibi?Ukufakelwa izitho kwezingane

zandawonye bekulokhu kwenzeka

eminyakeni engaphezu kwe-10;

imiphumela emibi yesikhashana kuba

izimpawu zomkhuhlane noma ubuhlungu

bamathambo obuncane.

U-Agasti: Inyanga Yokunikela Ngamalungu OmzimbaISibhedlela Esikhulu Inkosi Albert Luthuli siqopha umlando!

NgoJuni kulo

nyaka, u-Akhona Xaba

oneminyaka engu-16 ubudala ube

ngowokuqala e-KZN ukuhlinzwa afakelwe

i-stem cell eSibhedlela Esikhulu Inkosi

Albert Luthuli eThekwini. U-Akhona uphethwe

yi-acute myeloid leukemia, okungumdlavuza

wamangqamuzana egazi amhlophe omzimba.

Lamangqamuzana akhiqizwa ingxenye yomzimba

ebizwa ngokuthi umnkantsha elwisana nezifo.

U-Akhona ubedinga othile onganikela

ngomnkantsha ukuze umzimba wakhe

ukhiqize amangqamuzana egazi

avamile. Ngaphandle kwalokho,

ubezofa.

Isimanga size ngodadewabo omncane,

uYoliswa, oye wanquma ngaphandle

kokungabaza, ukunikela ngowakhe

umnkantsha ku-Akhona ukuze

asindise ukuphila kwakhe. Uhlinzwe

ngokuphumelelayo kanti lokho kwenze

u-Akhona waqina wazimisela nakakhulu

ukuba asinde. “UYoliswa ungilethele

ithemba wasindisa ukuphila kwami.

Bengilokhu ngiphuma ngingena

ezibhhedlela lapho ngiqala ukugula ngo-

2008, futhi ubaba washona ngalowo

nyaka. Umama nawo wonke umndeni

wabhekana nosizi olukhulu kanti nami

kwadingeka ngiyeke isikole ngenxa

yokugula. Manje ngiyajabula ukuthi

nginethuba lokusinda,” kuchaza u-Akhona

osemusha. “Angibuzwanga

ubuhlungu. Obekubalulekile

nje ukuhlenga ukuphila

kukadadewethu ngaphezu

kwanoma yini enye,”

kwenezela udadewabo

omncane uYoliswa.

Kudingeka abansundu abengeziwe abazonikela

ngamalungu omzimbaU-Akhona ungomunye wedlanzana

elinenhlanhla. Bashoda kakhulu

abansundu abazonikela ngamalungu

omzimba kuleli zwe, yize bedingeka

kakhulu. Abanikelayo abawuhlanga

olulodwa bahambelana kahle nesidingo

sesiguli esiyilolo hlanga. INingizimu

Afrika idinga okungenani abansundu

abangu-100 000 abazonikela

ukuze kusindiswe ukuphila kwalabo

abahlushwa izifo ezihambisana negazi

njengo-Akhona.

I-sickle cell AnaemiaThatha isibonelo sikaSarah Matondo

Masamba oneminyaka engu-11 ubudala

owazalelwa eCongo ohlala eTranskei.

Kwatholakala ukuthi une-sickle cell

anaemia ngemva kwezinyanga

eziyisikhombisa ezelwe. Lokhu kusho

ukuthi igazi lakhe alithwali i-oksijini

eyanele. Sekuyiminyaka efuna umuntu

ozonikela ngomnkantsha ukuze aphile.

Odadewabo abathathu baye bahlolwa

bonke kodwa ngeshwa akekho onohlobo

olufana nolwakhe. Ithemba lakhe

lokugcina ukuba kuze abanikeli abasha.

Abanikeli basindisa ukuphilaMinyaka yonke izinkulungwane zabantu

baseNingizimu Afrika abahlukahlukene

ngeminyaka nangobuhlanga batholakala

benezimo ezisongela ukuphila.

Abangu-75% kulezi ziguli baneminyaka

engaphansi kuka-25 kanti okuwukuphela

kwethemba labo ukufakelwa i-stem

cell yegazi evela kumuntu onohlobo

lwethishu olufana lolwabo. Ngaphandle

kwaloku kufakelwa, kungenzeka bafe.

Ozonikela akudingeki akhokhe zindleko,

futhi khumbula njalo ukuthi akukho

emthethweni ukuthengisa nganoma iliphi

ilungu lomzimba wakho ngenxa yemali!

Ukuze uthole ukwaziswa okwengeziwe mayelana nokunikela ngelungu lomzimba i-Sunflower Fund kule Nombolo yamahhala 0800 12 10 82

UMNKANTSHA: Konke Odinga Ukukwazi

“Impilo yabesifazane ibonisa izinga lobulungisa kwezenhlalo kanye nesilinganiso sokuhlonishwa kwamalungelo abesifazane emphakathini obuswa ngentando yeningi.” – UNgqongqoshe Wezempilo KwaZulu Natal, u-Dkt Sibongiseni Dhlomo


Ezempilo | Health Matters - Edition 88 Ezempilo | Health Matters - Edition 8 9


Kodwa isandulela-ngculazi nengculazi

yenza abantu bakhathazeka ngesikhathi

bethola okokuqala ukuthi leli gciwane

lingadluliswa ngobisi lwebele. Abanye

babona ukuthi mhlawumbe ubisi

lwebhodlela oluthengwayo luphephe

kakhudlwana futhi baluzama.

Kodwa imiphumela iye yabonisa

ukuthi ibhodlela liyingozi kakhulu.

Abantwana abanesandulela-ngculazi

basemathubeni aphindwe kabili

okushona uma benceliswa ibhodlela,

okungesinye sezizathu esenza

abezeMpilo kwaZulu Natal banquma

ukuyeka ukunikeza zonke izibhedlela

nemitholampilo ubisi lwebhodlela

kusukela enyangeni edlule.

Ekugcineni manje wonke umuntu

useyaqiniseka ukuthi ibele lingcono

kakhulu kungakhathaliseki ukuthi

unesandulela-ngculazi noma cha –

kodwa kumelwe uqikelele ukuthi uncelisa

kanjani uma unesandulela-ngculazi, futhi

ukuze sikusize uqonde, nazi ezinye

iziqondiso ezivela kochwepheshe:

1. Qiniseka ukuthi udla imishanguzo

ye-ARV noma ingane yakho idla

i-nevirapine (khuluma nesisebenzi

sezempilo sangakini ngalokhu).

2. Ezinyangeni eziyisithupha zokuqala,

ingane yakho kumelwe incele ubisi

lwebele – ubisi lwebele kuphela.

3. Ungalingeki ukunika ingane yakho

ijusi ngisho namanzi imbala uma

yomile – yinike ubisi lwebele kuphela

kuze kuphele izinyanga eziyisithupha.

Ubisi lwebele luqukethe amanzi anele

angaqeda ukoma kwengane yakho.

4. Yinike ukudla okuqinile ngemva

kwezinyanga eziyisithupha.

5. Uma ingane uyishiya nomzanyana,

faka ubisi lwakho lwebele ebhodleleni

ukuze umzanyana aluncelise ingane

yakho uma sekufanele incele.

Lungahlala ngaphandle kwefriji

amahora afinyelela kwayisithupha

futhi luphephe.

6. Uma othile ekubuza ukuthi wenzani,

mchazele izizathu ezenza ukuncelisa

ibele kube yindlela engcono kakhulu,

umtshele nokuthi bonke odokotela

nemitholampilo bayakusekela lokhu

kukodwa!

Amanga yinto abantu abayikhuluma

bengenabo ngempela ubufakazi

bokusekela lokho abakushoyo. Njengoba

kule nyanga sigxile obisini lwebele, ake

sibone amanye alawo manga.

AMANGA OKUQALA: “Ubisi lwebele

luyafana nje nobisi lwebhodlela

oluthengwayo – mane ukhethe lokho

okulula kuwe”

IQINISO: Ubisi lwebele luqukethe

izithako ezingaba yikhulu ezingafani nse

nezobisi lwebhodlela oluthengwayo, futhi

yingakho luvame ukubizwa ngokuthi

ukudla kwemvelo okuyisimangaliso.

Lunesithako esisiza umzimba wengane

yakho omncane ukwazi ukugaya

amafutha kanye neprotheni eyakha

umzimba okulula ngesisu sengane

yakho ukuyigaya.

AMANGA ESIBILI: “Ubisi lwami

luwuketshezi kakhulu – kumelwe

ngincelise ingane yami ibhodlela”

IQINISO: Ukholwa noma ungakholwa,

lolo bisi oluwuketshezi kakhulu noma

olungazathi lunamanzi oluphuma

ezinsukwini ezimbalwa zokuqala

ngaphambi kokuba ibele lakho likhiphe

ubisi oluvamile luwubisi olunothe kakhulu

ngoba lunezinye izithako ezivikela

ingane yakho neziqinisa umzimba wayo

emasontweni nasezinyangeni zokuqala

izelwe. Ngakho, wuphawu oluhle lolo,

hhayi olubi, futhi lusho ukuthi kumelwe

uqhubeke. Uma uncelisa ingane yakho

ibele usuke uyisiza kakhulu ngoba

izokhula ibe nomzimba oqinile, iphile

kahle ngokomzwelo, imilise kahle,

ibe nezinsini nemihlathi ekhula kahle,

ivikeleke ezifweni, ubuchopho bukhule

kahle futhi ukuncelisa kwenza nina

nobabili nisondelane kakhulu, into

ongeke uyithole nganoma iyiphi enye

indlela.

AMANGA ESITHATHU: “Ukuncelisa

kunzima kakhulu”

IQINISO: Abanye omama bayesaba

ukuncelisa ngoba bakholelwa ukuthi

kumelwe kuzenzakalele kalula nje futhi

bafuna izinto zivele zihambe kahle

zisuka nje. Kodwa, njengezinto eziningi

ekuphileni, ukuncela nokuncelisa yinto

umama nengane okufanele bayijwayele.

Kubalulekile ukuhlala ukhululeke futhi

wenze ingane yakho ukuba ilibambe

kahle ibele ngomlomo (ingxenye

enkulu yebele emnyama kufanele ibe

semlonyeni wengane) ngoba ukudonsa

kwayo ubisi kusiza umzimba wakho

ukuba wenze olunye ubisi. Uma wesaba

futhi uyibambela kude ingane, izomunca

ingono yakho. Lokho kungakuzwisa

ubuhlungu, kukulimaze futhi kwenze

ingono isikeke. Kusho nokuthi ngeke

wenze ubisi olwanele, ngakho ingane

yakho izolamba futhi ingajabuli. Cela

umngane emphakathini noma othile

esontweni noma emtholampilo ukuba

akusize, luningi usizo, mane ulucele,

awuwedwa.

AMANGA ESINE: “Anginaso isikhathi

sokuncelisa”

IQINISO: Ake ume kancane ucabange

ngesikhathi (nangemali) osichitha

uthenga ubisi lwebhodlela, izitsha

zakhona, usteralayza amabhodlela,

wenza ibhodlela uze ngisho uhlole

ukuthi ukushisa noma ukubanda

kusesilinganisweni esifanele yini ngemva

kokulugcina efrijini. Ubisi lwebele luhlale

lunesilinganiso sokushisa esifanele futhi

ngeke kuthiwe lwenziwe kabi noma

lunamagciwane – ngoba lunazo zonke

izithako ezifanele futhi alunamagciwane,

okuyisizathu esikhulu nakakhulu sokuba

lubizwe ngokuthi yisipho semvelo.

AMANGA 5: “Ngeke ngikhulelwe uma

ngincelisa!”

IQINISO: Abesifazane abaningi

baye bawakholelwa la manga futhi

bazithola sebekhulelwe! Ungalokothi

uzifake kuleso simo ¬– kunalokho

hlela uma ufuna izingane, ucabangele

zona uzicabangele nawe. Khuluma

nesisebenzi sezempilo emtholampilo

wangakini mayelana nokuhlela umndeni

kanye nezindlela zokuvimbela inzalo

ngemva kokubeletha.

IBELE LINGCONO KAKHULU; UNGAVUMELI MUNTU AKUTSHELE

OKUNYE.Agasti 1-7: Isonto lomhlaba wonke lokuncelisa ibele

UBISI LWEBELE: Bhekana Namaqiniso

Kungani kufanele uyeke ubisi lwebhodlela

Ngemva kokukhuthaza ubisi lwebhodlela iminyaka eminingi, manje ochwepheshe sebevumelana

ngokuthi ukunika ingane yakho ubisi lwebhodlela oluthengwayo kubeka impilo yayo engozini.

Ubisi lwebele luqinisa umzimba wengane yakho ukuba ukwazi ukulwa nezifo ngendlela ubisi

lwebhodlela olungasoze lwawuqinisa ngayo. Yingakho izifo ezithathelanayo (njengesifo sohudo

nezifo zesifuba) zibulala izikhathi eziphindwe kayishumi izingane ezincela ibhodlela ukudlula

izingane ezincela ibele – futhi yingakho ochwepheshe bethi ukuncelisa ingane yakho ibele

kuyinto enhle kakhulu ongayenzela ingane yakho esanda kuzalwa.

Nazi izizathu ezine ezinkulu zokuthi kungani kumelwe ucabange ngokuvikela ingane yakho

ngokuyincelisa ibele:

1. ENingizimu Afrika, isifo sohudo sibulala izingane ezingaphansi kweminyaka emihlanu

ezingaba ngu-10 000 ngonyaka – lokho kusho ukuthi kufa izingane ezingu-25 ngosuku. Eziningi

zazo zazincela amabhodlela ayengenziwa ngokuphepha noma engagcinwa ngokuphepha.

2. Kuyinhlolovo eyenziwa emitholampilo yaseNingizimu Afrika yezingane ezisanda kuzalwa,

isilinganiso samabhodlela amabili kwamathathu ayencelwa yizingane atholakala ukuthi

anamagciwane abangela uhudo – nangabulala umntwana.

3. Amafriji, ngisho nawasezibhedlela, awabandi ngokwanele ngaso sonke isikhathi. Ngakho,

amagciwane ayingozi ayakheka obisini lwebhodlela ngisho nangaphambi kokuba luncelwe

yingane.

4. Ukuncelisa ibele kuyimvelo, akubizi mali futhi kunempilo kakhulu. Ubisi lwebhodlela luyabiza,

okuyisizathu esenza umama oyedwa kwabathathu asebenzise ubisi oluncane kodwa lokho

kuyingozi empilweni yengane nasekukhuleni kwayo. Izingane ezincela ubisi lwebele futhi

ezinceliswa kahle zikhula zibe zinde, zibe nempilo, zibe namandla, zihlakaniphe kakhudlwana,

futhi zithole inzuzo enkudlwana uma sezingabantu abadala.

Ungancelisa yini ibele uma unesandulela-ngculazi?SELOKHU kwathi nhlo, ogogo, abahlengikazi nodokotela bebevumelana ngento eyodwa – ukuncelisa ingane ibele kuyinika isiqalo esihle kakhulu ekuphileni. Lokho kungenxa yokuthi wubisi lwebele kuphela olunezithako ezikahle kakhulu ezisiza ingane yakho ukuba ikhule kahle, futhi luqukethe nezinye izithako ezikhethekile ezivikela umzimba wayo omncane.


U-HOD WEZEMPILO E-KZN UDKT SIBONGILE ZUNGUUDkt Zungu usuka ngaphansi kwesisekelo esiqinile ekunakekelweni kwezempilo futhi wakhethwa njengo-HOD ngo-Agasti 2009. Esikhathini esidlule wayesebenza emazingeni ahlukene, kuhlanganise nokuba iBamba leNhloko YoMnyango Wezempilo Nezenhlalakahle eMpumalanga, nePhini loMqondisi-Jikelele, eMnyangweni Wezempilo Nezenhlalakahle eMpumalanga, uMphathi-Jikelele Omkhulu – woPhiko Lwezinsizakalo Zezempilo, kweZempilo e-KZN, uMqondisi Omkhulu, we-Institutional Support Services Centre, Kwezempilo e-KZN. Useke wasebenza nangu-CEO, eSibhedlela saseGa-Rankuwa, waba uNsumpa Omkhulu Kwezokwelapha eSibhedlela saseSebokeng, noNsumpa Kwezokwelapha esibhedlela iCatherine Booth, uMphathi Wesikhashana Kwezokwelapha e-University of Zululand Campus Clinic kanye noMphathi Omkhulu Kwezokwelapha eSibhedlela saseNgwelezane.

Umama U-Prash Padayachee, Oyimenenja-Jikelele: Kuyi- Corporate Governance (Ekulawuleni)

UMama u-Padayachee unolwazi lweminyaka

engaphezu kwengu-36 ekulawuleni nasemisebenzini yobumenenja. Ukholelwa kakhulu ekulawuleni okuhle kanye nasemithethweni ye-Batho Pele. UMama u-Padayachee une-diploma kuyi-Public Administration, isitifiketi kuyi-Public Sector Governance, isitifiketi kuyi-Mentoring nakuyi-Coaching futhi uye walwenza ngokuphelele uhlelo olubizwa ngokuthi yi-Presidential Strategic Leadership and Development Programme.

ULenore Spies, oyiMenenja: Kwezokudla

UNksz. U-Spies wafundela ukuba yi-Dietician (udokotela wezokudla) futhi

usebenza kakhulu ngempilo yomphakathi maqondana noKudla. Wayeyilungu lekomidi elasungulwa ngo-1995 ukuze kube noHlelo Lukazwelonke Lokudla LwaseNingizimu Afrika futhi kamuva lolo hlelo lwamukelwa njengomthetho kaZwelonke ngo-1997. Uyi-Oliver Tambo Fellow futhi unezinye iziqu ekulawulweni kwezinkonzo zempilo.

UMama u-Linda Vorster, oyiMenenja: kwa-Departmental Investigation Services.

UMama u-Vorster wajoy-ina ezeMpilo kwaZulu Natal ngo-1988 futhi

kamuva washintsha umsebenzi wakhe esuka ekubeni umhlengikazi wangena kwa-Labour Relations eHhovisi Elikhulu ngo-1998. Ube nezikhundla eziningana eMnyangweni kusukela kuyi-Transport Investigations, kuyi-Inspectorate, kuyi-Forensic Pathology Services kanye ne-Hospital Policy and Systems Development. Ukholelwa ukuthi amathuba emisebenzi uwathola uma usebenza ngokuzikhandla, uma unamaphupho, uma uzimisele ukush-intsha futhi uvumelana nezimo.

U-Sam Foulkes: Oyibambela Likamenenja, Ehhovisi Lophethe Umnyango

UNksz. uFoul-kes waqala ukuseben-zela iHho-visi Lophethe

UMnyango eneminyaka engu-22.” Ku-sukela ngaleso sikhathi, uye wazikhandla futhi wakhuphukela esikhundleni akuso manje njengoBambele IMenenja eHhovisi Lophethe UMnyango. Ubonga ozakwabo asebenza nabo ngokumkhuthaza ukuba afunde engxenye ukuze athole iziqu ze-Business Management. “Nsuku zonke ngithola ithuba lokufunda futhi ngezinga elincane nami ngibe negalelo ekunakekel-weni kwempilo kangcono emiphakathini yakwaZulu Natal.”

UMama u-Nozi-pho Mthembu, iMenenja: kuyi- Human Resource Strat-egy & Planning (Ukusebenz-elana Nabantu Nokuhlela)

UMama uMthembu

wajoyina uMnyango njengesisebenzi esisekelayo kwezokuphatha, kamuva ngo-1996 wangena kwezokuphatha njen-goMqondisi kanye noyiNhloko eHhovisi likaNgqongqoshe. Uneziqu ze-BA kwezo-kuphatha, iziqu ze-Honours kuyi-Public Administration & Financial Administration, iziqu ze-Masters kuyi-Administration kanye nesitifiketi kuyi-Strategic Management. Njalo nje ubamba iqhaza kumaphrojekthi omphakathi angaphansi kweHhovisi LikaN-dunankulu lapho kusuke kusizwa khona imiphakathi ehluphekayo.

UDk. Thokosani Mhlongo, oyiMenenja: eZinkonzweni Zasesibhedlela

UDkt. Thoko-sani Mhlongo ungudokotela wesifazane osemusha, onomdlandla,

ohlakaniphile nonogqozi, futhi unothando olukhethekile ekuphathweni kwezempilo kanye nolwazi olunzulu ekuLawulweni Kwezinkonzo Zasesibhedlela, ukwakhiwa kwemithetho, ukuqinisekisa ukuthi iyenzi-wa nokubhekelela umsebenzi osezingeni eliphezulu.

IHHOVISI ELIKHULU LEZEMPILO KWAZULU NATAL...Ake wazi abesifazane abathile abasebenza ngokuzikhandla!

U-GT SHAMASE: OPHETHE ESIBHEDLELA I-BENEDICTINE

Nanku umyalezo kaMama uShamame oya kubo bonke abasebenzi basesiBhedlela

i-Benedictine, “ngamunye wenu unendima ebalulekile ekuqinisekiseni impilo yezinga

eliphezulu kubantu bakwaNongoma.”

U-BUYISILE NGESI, OPHETHE ESIBHEDLELA I- MURCHISON

Ngiyajabula ngokuba yingxenye yeQembu Elinqobayo, lelo qembu yisiBhedlela i-Murchison futhi mina nethimba lami

sizosenza sivelele isiBhedlela i-Murchi-son!

U-TINY OLGA KHANYILE, OPHETHE ESIBHEDLELA I-DON MCKENZIE

U-NTOKOZO C MKHIZE: OPHETHE ESIBHEDELA I-DUNSTAN FARRELL

U-SIBONGILE NYAWO, OPHETHE ESIBHEDLELA I-G C CROOKES

UMama uNyawo waqopha umlando ngokuba ngowesifazane wokuqala

ongum-Afrika ukuphatha isibhedlela i-G.J Crookes kusukela ngo-2002!

UMAMA UZUMA: OPHETHE ESIBHEDLELA I-APPELBOSCH

UMAMA U-NTOMBIFIKILE C THEKISO: OPHETHE ESIBHEDLELA I-EAST GRIQUA &

USHER MEMORIAL

U-ZANELE NDWANDWE: OPHETHE ESIBHEDLELA SASE- EDENDALE

U-DAWN LILLIAN LINDA ZUNGU: OPHETHE ISIBHEDLELA I-HLABISA

U-MBALI SIMELANE, OPHETHE ESIBHEDLELA I-ITSHELEJUBA

Waqokwa waba ngokwesifazane wokuqala ongum-Afrika kulesi sibhedlela!

U-BUSISIWE S MDLALOSE, OPHETHE ESIBHEDLELA SAKWADABEKA CHC

Uzichaza ngokuthi ungumuntu onge-buthaka neze nongawamukeli umsebenzi wezinga eliphansi kubasebenzi bakhe

UMAMA U-N P NGCOBO, OPHETHE ESIBHEDLELA I-KOMBE

Sihalalisa Abafazi

“Uma ufundisa umuntu wesifazane usuke ufundisa isizwe … uma ufundisa indoda, usuke ufundisa umuntu oyedwa”


Ulinde izinyanga eziyisishiyagalolunye ulindele usana lakho. Manje isikhathi sokuqinisekisa ukuthi wenza konke ukuze lukhule lunempilo – nokuqinisekisa ukuthi uyalugoma ukuze lumelane namagciwane ayingozi. Imigomo isindisa ukuphila kwezingane eziyizigidigidi emhlabeni kabanzi, kanti kumahhala lapha eNingizimu Afrika kunoma yimuphi umtholampilo, ungaphuthelwa!

Kufuneka ngiyoyigoma nini ingane yami?Lapho izalwa, emavikini ayisi-6, emavikini

ayi-10, emaviki ayi-14, ezinyangeni

eziyisi-9, ezinyangeni eziyi-18,

eminyakeni eyisi-6, eminyakeni eyi-12.

Qiniseka ukuthi ingane yakho igoma

ngesikhathi ukuze imelane nalezifo

eziyisishiyagalombili (umsebenzi

wezempilo wangakini uzokweluleka

ngalokhu): i-TB, uPokisi, i-Diphtheria,

kanye noGonqogonqo, i-Tetanus,

i-Hepatitis B, iSimungumungwane,

i-Rotavirus Gastroenteritis kanye

negciwane le-Pneumococcal

Kungani ingane yami kufanele igome ngesikhathi?Umzimba wengane yakho uya umelana

nezinto ezithile njengoba amasosha

omzimba ekhula. Ngakho-ke uma ingane

yakho isheshe yagonywa, kungenzeka

ingasabeli ngokugcwele njengoba

umzimba wayo usadinga ukukhula.

Qinisekisa ukuthi isuke isithole yonke

imigomo ebalulekile lapho inezinyanga

eziyisi-9, khuluma nomtholampilo wakho

ngalokhu.

Kwenzakani uma ingane yami yeqiwa eminye imigomo? Kuya ngeminyaka yayo nokuthi

yeqiwe yimiphi imigomo. Uma uhlelo

lokugoma lungaqalwanga ngesikhathi

okwakufanele luqalwe ngaso, imigomo

ingaqalwa ngokushesha njengendlela

evamile. Kodwa ngeke igonywe ngeminye

imigomo uma kungasadingeki noma

uma kungenzeka ukuthi ayiphephile

enganeni esikhulile, umtholampilo

wakho uzokweluleka ngalokhu.

Kugonywa kanjani?Kufakwa amaconsi emlonyeni noma

ngomjovo.

Ngazi kanjani ukuthi yikuphi okunikezwayo?Kufanele unikezwe ekhadi elithi

Road-to-Health lengane yakho,

lelo elizosetshenziswa umsebenzi

wezempilo ukuze abhale yonke inhlobo

yomgomo okugonywe ngawo ingane

yakho kanye nosuku. Leli khadi elithi

Road-to-Health yilona rekhodi lokugoma

elisemthethweni elidingekayo lapho

uya emtholampilo, ezibhedlela kanye

nasesikoleni.

Ingabe ukugoma kuphephile?Yebo, akuvamile ukuba nezinkinga

eziyingozi ngenxa yokugoma. Kuvamile

ukuba nemfiva engatheni kanye

nobuhlungu, ikakhulukazi emahoreni

ayisi-6 kuya kwayi-12 ngemva

kwemigomo ethile, kanti eminye

enjengomgomo weSimungumungwane

noma i-MMR ingase ibangele

ukuqubuka kancane. Lena imiphumela

emibi engatheni futhi ingelashwa nge-

Panado uma kudingeka.

Kuthiwani uma ingane yami igula?Uma inomkhuhlane ongatheni,

ukukhwehlela noma imfiva engaphansi

kuka-38 °C, kusafanele iqhubeke igome.

Uma igula kakhulu, thintana nomsebenzi

wezempilo wangakini okunguye

ozonquma. Ngokuvamile izingane

ezigula kancane noma ezingondlekile

kahle kufanele zigonywe ukuze zivikelwe

ezifweni.

Ngine-HIV; ingabe ingane yami kufanele igonywe?Yebo, noma ikanjani ngoba isengozini

enkulu yokutheleleka ngamagciwane

uma ngemva kwesikhathi iba

nengculaza.

Ukugoma kuletha ithemba ezinkulungwaneni zezinsana, izingane kanye nabantu abasha abasindisa ukuphila kwabo ngenxa yokugoma futhi bagweme ukusabalala kokuhlupheka, ukugula kanye nokuphazamiseka okuhambisana nezenhlalo nezomnotho,” – Ungqongqoshe Wezempilo e-KZN uDkt Dhlomo.

U-MARTHA VUKILE, OPHETHE ESIBHEDLELA SASE-NEWCASTLE

UMAMA U-THOLAKELE R ZULU, OPHETHE ESIKHUNGWENI SEZIMPILO SOMPHAKATHI

E-PHOENIX

U-THANDAZILE NTLEKO, OYIMENENJA ESIBHEDLELA I-ST ANDREWS

DR. S.B. KADER, CEO WENTWORTH HOSPITAL

UNKSZ. M.P.THEMBA, OYIMENENJA EHHOVISI LESIFUNDA SEZEMPILO E-MKHANYAKUDE

U-BONGI MTSHALI, OPHETHE ESIBHEDLELA SASE-HILLCREST

“Engiye ngakufeza kube wumphumela wezinselelo nokusebenza nethimba elinamalungu akahle. Ngiyathanda

nokukhuthaza nokufaka abanye ugqozi ukuba nabo bafinyelele imigomo

yabo kanye nemigomo emaqondana nomnyango.”

UMAMA U-DAPHNE MEMELA, IMENENJA YESIFUNDA SAKWAZULU

UMAMA U-N.M. ZUMA – MKHONZA, OYIMENENJA ESIFUNDENI SEZEMPILO

SASEMGUNGUDLOVU

U-NOXOLISA STELLA (GCINA) RADEBE, OYIMENENJA ESIFUNDENI SEZEMPILO

E-SISONKE

U-SIBONGILE DOROTHY DUBE, IMENENJA YESIFUNDA, EHHOVISI LEZEMPILO

LESIFUNDA E-ILEMBE

Agasti 1-7: Iviki Eliqwashisa

Ngokugoma

Kuzwelonke

“Uma nje abantu besifazane besakhungethwe ububha futhi uma nje besabukelwa phansi, amalungelo abantu ngeke abe nesisindo. Uma nje izindlela zokucabanga eziyisidala zisavimbela abesifazane ukuba babe negalelo emphakathini, ingqubekela-phambili izohamba kancane. Uma nje isizwe sisenqaba ukuvumela abantu baso abangaphezu kwesigamu ukuba babe nezindima ezilinganayo, siyohluleka nakanjani” – u-Nelson Mandela


UDkt. Musa Gumede wezeMpilo eThekwini esebenza kanzima engadini!

Ngicela ukuqondisa isikhafu sakho nGqongqoshe!

UNgqogqoshe enikeza izingane ezifunda u-Grade 1 eKhulakahle Primary School ama-track suit angaphezu kwangu-210

UNgqongqoshe efike engalindelwe esiBhedlela saseMadadeni

Inyanga Kazwelonke YabesifazaneWathint’ abafazi wathint’imbokodo!

Mhla ka-9 Agasti 1956, abesifazane

abangu-20 000 bamashela ePitoli

Ezindlini Zombuso bephikisana

nemithetho yobandlululo eyayiphoqelela

abesifazane ukuba baphathe “ipasi”.

Ngemva kokunikezela ngesicelo

sezimfuno zabo, baqala ukucula ingoma

ethi ‘wathint’abafazi, wathint’imbokodo’

osekuyingoma emelela isibindi

namandla abesifazane baseNingizimu

Afrika ekuletheni ushintsho

olunamandla. Ngenxa yalokho, unyaka

ngamunye uSuku Lwabesifazane

lugujwa mhla ka-9 Agasti kukhunjulwa

indima eyadlalwa ngabesifazane

ekulwenisaneni nombuso wobandlululo.

Inyanga Yokunikela Ngamalungu omzimbaAbantu abazonikela ngamalungu

omzimba bayadingeka kakhulu ukuze

kusindiswe ukuphila kwabantu abaningi

abahlushwa izifo ezisongela ukuphila.

Nokho, uhulumeni useqaphelise

abantu ukuba bangakhohliswa ukuba

bathengise ngezitho zabo zomzimba

ngenxa yemali – akukho emthethweni

lokhu. Ukusindisa ukuphila akudingeki

kwenziwe ngendlela engekho

emthethweni, ungawenza umehluko

kulabo abadinga usizo lwakho, khuluma

nomsebenzi wezempilo wangakini

ngokunikela ngelungu lomzimba.

1-5: Iviki le-Rheumatic FeverI-rheumatic fever isifo esiyingozi

kakhulu esivame ukuhlasela izingane

nabantu abasha. Sihlasela izindawo

ezihlukahlukene emzimbeni,

kuhlanganise namajoyinti, inhliziyo,

isikhumba, isimiso sezinzwa kanye

nobuchopho. Ingavela ngemva

kokutheleleka okubi kakhulu nge-strep

throat (uhlobo oluthile lomphimbo

obuhlungu). Alikho ikhambi langempela

lokuyelapha kodwa imithi ingazidambisa

izinhlungu. Ukuze uthole iseluleko

esingcono khuluma nomsebenzi

wezempilo noma thinta abeZempilo

eKZN ku 0800 005133.

1-7: Iviki Likazwelonke LokuncelisaNgemva kweminyaka eminingi ogogo

belokhu beluleka wonke umuntu ukuthi

ubisi lwebele yilona oludl’ubhedu,

ochwepheshe manje bayavumelana

nalokhu! Kuleli viki, ezempilo emhlabeni

wonke zigxile ekukhuthazeni omama

ukuba bancelise abantwana babo

abasanda kuzalwa, ngoba ubisi lwebele

yilona oludl’ubhedu. Lunakho konke

okudingwa usana ukuze luluvikele

ezifweni, kungani kufanele ushintshe

lokho okusebenzayo?

1-7: Iviki Likazwelonke Eliqwashisa NgokugomaImigomo inikeza isivikelo ezifweni eziningi

eziyingozi, futhi eminingi itholakala

mahhala ezibhedlela zikahulumeni

nasemitholampilo. Njengomzali,

kubalulekile ukuqinisekisa ukuthi ugoma

ingane yakho ngoba lokhu kungavimbela

izifo ezisongela ukuphila njengopokisi

kanye nesimungumungwane.

22-28: Iviki Lemithi Yesintu yase-AfrikaUkuthi sifunda okuthile ngemithi

yesimanjemanje akusho ukuthi

akufanele siwazise amasiko nezindlela

zesintu zokwelapha abantu. Leli viki

lihloselwe ukuqwashisa ngokubaluleka

kwendima yabelaphi bendabuko. Nokho

kubalulekile ukukhumbula ukuthi uye

kubelaphi bendabuko abaqashelwa

nguMnyango Wezempilo.

12: Usuku LwabashaUsuku Lwabasha Emhlabeni

lwasungulwa yinhlangano yeZizwe

Ezihlangene mhla ka-12 Agasti 2000.

Inhloso yalolu suku ukuqwashisa ngosuku

lwabasha emhlabeni wonke, indima yabo

nezidingo zabo emphakathini. Luphinde

lusetshenziselwe nokuqokomisa izimo

ezingekho esimweni esihle abasha

abaningi abasebenza ngaphansi kwazo

ngenxa yeminyaka yabo. Emazweni

amaningi, abasha bayaphoqelelwa

ukuba basebenze amahora amaningi

bethola imali encane ukuze bondle

imindeni yabo.

UNgqongqoshe enikeza imishini yesayensi eSekusile High School

UNgqongqoshe uDhlomo enikeza umhlaba wokwakha umtholampilo eZimvwini, eMkhambathini

IZINSUKU ZOKUQWASHISA NGO -AGASTI

UKUBAMBA IQHAZA Emphakathini

AKE SITHI NHLA:

INhloko YoMnyango:

UDkt Sibongile Zungu

“Ukube umhlaba ububuswa abantu besifazane bezingeke zibe khona izimpi… bekuyoba nezizwe ezimbalwa nje ezingakhulumisani”

Abantu abaningi bazomazi uNgqongqoshe Wezempilo e-KZN, uDkt Sibongiseni Dhlomo. Uhlala ele nale, ematasa futhi esemphakathini, kaningi abezindaba bemlandela befuna ukubika ngokuvakasha kwakhe ngakunye ezibhedlela noma emtholampilo. Nokho, iNhloko yoMnyango wakhe (HOD), uDkt Sibongile Zungu, ungumuntu ozithulele, okuchaza khona ukuthi kungani besebenzisana ngokuthula kanje bobabili. Kodwa ungubani

uDkt Zungu, inhloko yomnyango?

Isikhonzi sabantu esizithobile Akasiyo i-HOD ongacabanga ukuthi

uyiyo. Akazikhukhumezi noma azibeke

phezulu, akekho ongathi uyabukisa.

Ulula nje, ngumuntu ozigqokela kahle

ngendlela evamile, kungenzeka

uhlangane naye ezitolo, ngaphandle

kokuba umbukwane. Umane azihlekele,

labo abasebenza eduze naye bayavuma

ukuthi uyisikhuthazo futhi unomoya

omuhle ehhovisi. Nokho uDkt Zungu

uyavuma ukuthi unamahloni okuba

kwabezindaba. Kodwa naphezu kwesimo

sakhe esiphansi, ngumuntu onamandla

emsebenzini – phela wakhethwa

nguNgqongqoshe mathupha, njengoba

ayekade esesikhundleni sokuba iBamba

leNhloko yoMnyango Wezempilo

Nezenhlalakahle eMpumalanga

wayesezoba iNhloko yoMnyango e-KZN.

Owesifazane wesimanjeNjengoba engumama

ongayedwa, uDkt Zungu

akathandi ukukhuluma ngaye,

naphezu kokuba kukhulunywa

ngohambo lakhe aze afike

ezingeni akulo. “Ngifuna ukwahlulelwa

ngokuya ngomsebenzi engiwenzayo,

hhayi ukuthi ngisukaphi noma ngenzeni

ukuze ngifike lapho ngikhona,” esho

ngokuzithoba nangokumomotheka,

ethemba ukuthi akaphoxi muntu.

Umsebenzi wakhe ngeke uhlale

ungaqashelwa. Uye waqashelwa

ngezindondo ezimbalwa – nakuba

ingekho neyodwa kuzo ongayithola

odongeni lwasehhovisi lakhe, olunye

uphawu lwakhe lokuzigcina egxilile futhi

ephansi.

Ungudokotela oqeqeshiweNjengoba engudokotela oqeqeshiwe,

unochungechunge lweziqu eziningi,

kuhlanganise ne-Post Graduate

Diploma eZinhlakeni Zokuphatha

Izinsizakalo Zezempilo kanye ne-

contemporary governance structures,

uDkt Zungu wathola uMklomelo

Wokuthula ka-Martin Luther King

Junior, waba ngumfundi ophuma

phambili onyaka wesibili ezifundweni

ze-Commerce and Administration,

wathola umklomelo wokuba kuBaholi

Abanethonya Abangu-20 embonini

yezempilo eNingizimu Afrika ngo-

2007 futhi ngawo lowo nyaka,

wathola umklomelo wokuqashelwa

njengomunye wabesifazane abaholayo

ekuthuthukisweni Kwesimo sabesifazane

KwaZulu Natal ngeHhovisi lesimo

sabesifazane. Uthole ukuqeqeshwa

nakwamanye amazwe. Lokhu

kuhlanganisa izifundo ngoKuqeqeshwa

nge-HIV/AIDS, ukuthuthukiswa

kwesimo sempilo, ukuphatha izimali

ngendlela esimeme – konke wakuthola

emayunivesithi aseNingizimu Afrika

nawakwamanye amazwe, kuhlanganise

ne-Harvard kanye namaYunivesithi ase-

Australia naseNew Zealand.

Izinselele ZokusebenzaUkuphatha abasebenzi abaningi

akuyona into encane, futhi u-HOD

uvame ukusala ehhovisi ngemva kokuba

abasebenzi sekukade behambile.

Izimpelasonto kaningi uzichitha le

ezindaweni zasemakhaya, esiza labo

abadinga usizo, noma ekhuluma

nabesifazane emiphakathini ngezindaba

zezempilo nezinkinga zomphakathi. Naye

okwamanje uhileleke kumaphrojekthi

okukhulisa umphakathi ezindaweni

eziningana, kuhlanganise nemizi

ephethwe yizingane njengengxenye

yomnikelo wakhe ekuthuthukisweni

izimpilo zabanye.

Naphezu kwakho konke aye wakufinyelela, uhlala ezithobile, into emenza ahluke, futhi mhlawumbe kumenza akwazi ukuhlala egxile kulokho okubaluleke kakhulu – ukuletha insizakalo zezempilo kubobonke e-KZN okuyinto enikeza ithemba, ethuthukisa ukuphila futhi ilwisane nobubha. Owesifazane wesimanje.

fundisa || nikeza ulwazi || nikeza amandla isiqephu 8 · izimpawu zokutheleleka, uzohlale engazi...

Documents