Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

Thlaphal (November) 11, 2019 Thaw|aNNi (moNday)

Hmasawnna Thar Vol - 35/38 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

GAS NEWSKim Joe GasBooking: 20th. August to 16th. Oct., 2019 delivery :11-11-2019 (MOn) Time :9:30AM -12:30PMstOCK : 306 @ Rs. 79619kg & 5 kg available

Agency : SASBooking :20th. Oct., 2019 to 18th. nov., 2019delivery :11-11-2019 (MOn)Time : 9:00AM till stockstOCK : 306 @rate:Rs. 796/-

VANGSEI INDANEK. SalbungBooking: 27-09-2019 to 28-09-2019delivery :11-10-2019 (MOn) Time :10AM -12 noonstOCK :306Commercial refile available

BUNGMUAL INDANE GV Booking: August 3 to 12 (Repeat) Delivery: 11/11/2019 Time: 10am - 12pm Stock: 250 First Come First Serve

Rs. 10,000 an letkirCCpur: Panglian khaw mi hai tui lakna vadung hnar-a Ai manna dinga tur bur a ni le inzawma in-biekremna um dungzuiin thil suksuol tieng hai chun November 9, 2019 khan Panglian Khuo lal In ah ngaidam inhni-a va lutin Vawk an that bakah in-bieknaa lo rel ta angin Rs. 50,000 an chawi chu an inhlan a, sienkhawm Rs. 10,000 an letkir a. Tuta hnung hiengang thil thaw nawk ta ngailo dinga in-tiemkamna neiin, inngaid-amtuona ruoi an kiltlang tiin thu dawngna chun a hril.

Mission khawmpui CCpur: Tuolsung Baptist Mission Committee, EBCC Vengnuam huoihawtnain Nov. 15-17, 2019 inkar sung khin EBCC Veng-nuam, CCPur-ah Tualsung Mission Khawmpui, 2019 hmang an tih. Hi huna hin thuhriltu in Rev. K. Kam-chinkhup, Director of Mis-sions, EBC \hang a tih.

Inban \ul naw nim:AK MirabhaiTh.Joykishan Sangai Festival \hang tum lo

imphal: Patsoi Assem-bly Constituency a Con-gress MLA AK Mirabhai chu Indo-Naga Peace Talk le inzawma Alert Protes-tors han a chengna In, Tabungkhok-a zani hmasa zana an va pan huna chun, Indo-Naga Peace Talk in Manipur a \hendar ding a ni chun MLA a inthawk in-ban \ul naw nim tia hrilin

Protest rally thawhai a lo zawm ve. Manipur-a MLA 60 um hai laia Indo-Naga Peace Talk le inzawma MLA-a inthawka inban dinga hrillang hmasa tak a la nih. Hieng laizing hin San-gai Festival hung um din-gah hin \hang dinga fielna ka hmua chu Indo-Naga Peace Talk le inzawma

hun harsa tak ei tuok lai le nasa taka dodal mek a ni leiin Sangai Festival-ah hin \hang ve nawng ka tih tiin Th.Joykishan chun zanikhan a chengna ina chanchinbumihai an hmu-pui huna a hril. Chun, Indo-Naga Peace Talk le inzawma Special Assembly Session nei \ha a ti thu khawm a hril.

Governor in Shiv Sena hai sawrkar siem dingin a fielCongress le NCP in Sena thlawp an nuom, NDA a inthawk Sena an inhnukdawk a ngai dingmumbai: October 24, 2019 a Mahrashtra As-sembly seats 288 uma in-thlangna result puong a ni hnungah tuchenah sawrkar-na siem thei loa a hnung le, party mala tling rawn tak BJP in sawrkar siem theina ding thlawptu member an nei tlingnaw thu le sawrkar nghet an siem theinaw ding thu Pathienni-a an puong hnungin Maharashtra Governor chun party mala tling rawn tak dawttu Shiv Sena hai chu Pathienni khan sawrkar siem dingin a ko. Hi chungthua hin Shiv Sena chun Thaw\anni (Nov. 11, 2019) zantieng 7:30PM khin sawrkar an siem thei ding le dingnaw an ngirhmun Governor kuomah an intlun ding niin Raj Bhavan thusuok chun a hril. Maharashtra Assem-bly seats 288 a inthlangnaa khan BJP le Shiv Sena hi \hangruol an ni a, BJP in seas 105 an lak a, Shiv Sena in seats 56 an lak a nih. An party pahni inkaw-pin sawrkar an siem thei a, sienkhawm power-sharing

thuah, a bikin Shiv Sena in Chief Minister post an phut leiin an inrem theinaw leia sawrkar siem theilo an nih. Opposition Congress chun seats 44 le NCP in seats 54 an lak bawk a, sawrkar siem theina dinga halfway mark chu 145 a nih. BJP in sawrkar siem ngei tuma Shiv Sena hun kha chen an indawrpui hnungah Power-sharing thuah an inrem thein-aw leiin Pathienni khan sawrkar siem an tumna chu \hulin sawrkar nghet an siem theinaw ding thu an puong ta a nih. Shiv sena chun na-tional election April-May hla khan party pahni han Chief minister insawk le

power sharing thuah 50-50 formula agreement an lo nei niin a hril a, Chief min-ister Fadnavis ruok chun chuongang chu iengkhawm a umnaw thu a hril a nih. Fadnavis hin Zirtawpni khan CM a ninaa inthawk inbanna a lo pek a ta nih. Shiv Sena chun tuta hmaa inthawka kha Maha-rashtra a hin Chief Minister nina chela sawrkar siem ngei an lo tum tah a ni a. Tuta \uma BJP in party mala sawrkarna siem theina an neinaw chu remchanga lain Chief Minister post chang ngei an tum a ni a. Hi thua hin Pathienni khan Uddhav Thackeray chun Sena in Chief Minister a nei ngei ding thu a MLAs hai a hril tiin senior Sena leader

Sanjay Raut chun a hril. BJP state chief Chan-drakant Patil chun sawrkar a siem theinaw thu hrilin, Shiv Sena chun an nuom phawt chun NCP le Con-gress hai le \hangruola sawrkar an siem thei thu a hril. Shiv Sena chun Con-gress le NCP thlawpnain sawrkar an hung siem thei ding a ni a. Hi kawnga hin puotienga inthawk Con-gress le NCP hai chun Sena hi thlawp an nuom niin re-port chun a hril a, amiruok-chu Shiv Sena chun BJP-NDA-a an \hangna an inhnukdawk phawt a ngai ding a nih. NCP leader Nawab Malik chun, November 12, 2019 khin MLAs hai

meeting ko a ni a, Shiv Sena in kan thlawpna a dit chun BJP leh inzawmna an neinaw thu puong an ta, National Democratic Alliance (NDA) a inthawk khawma inhnukdawkin, an ministers hai pop o Union Cabinet-a inthawk an inban bawk ding a nih tiin a hril. NCP hin Congress le \hangruola election a khan ngir a ni a, sienkhawm tuchena hin Shiv Sena a inthawk rawtna an la dawn gnaw a, ieng ieng khawm nisien Shiv Sena thlawp ding le dingnaw thua hin NCP chief Sharad Pawar in a lo hril ta angin Congress le NCP \hangruolin thut-lukna an siem ding a nih. Hieng a ni lei hin Shiv Sena chun BJP ti lo sawrkar siempui thei din-ga number a tling theina umsun chu Congress le NCP \hangruolpui a ni a. Sienkhawm Congress le NCP a \hangruolpui ding chun boruok inlum-let a hung inlumlet thut a ni ngawt naw chun Shiv Sena chu BJP-NDA a in-thawk an hnukdawk phawt a ngai ding a nih.

Missionary Commissioning Service hmang

CCpur: Evangelical As-sembly Church (EAC) chun November 10, 2019 khan Department of Missions & Evangelism hmalakna in Rengkai EAC biekin ah Missionary Commission-ing Service an hmang. Inkhawmna Rev. Laln-gaizuol, Finance Director in an rawi a, Rev. Laldinglien,

Missions Director in Mis-sionary lak thar mi 7 hai an chanchin hrila inhmel-hriettirna a nei a; Rev. Huolthangsei |hiek, Senior Director in Commissioning Service le Missionary hai ta dinga \awng\aipekna hun a hmang a, Rev. Lalkham-lien, Executive Director in Pathienthu a rawngbawlna

a nei. EAC chun Mission rawngbawlna tieng hmal-akna anzau mek a, tuta Mis-sionar lak thar le rawng-bawl \an ding a tirsuok hi field pahni a ding mi 7 an nih a, West Bengal field ah Evan Amos Jogi, Evan Ashok Oraon, Evan Isaac Joshi, Evan Samuel Hansda hai le Manipur field a ding Evan Ingobi, Evan Rahul Singh le Evan Nganba hai an nih. Missionary Commission-ing service inkhawm na a hin EAC Assembly Choir, Reng-kai K|P, Muolvaiphei K|P le Lamka K|P haiin inpakna hlapawl an inhlan bawk niin kohran source in a hril.

Kani Kg. 10 leh an man

imphal: Zani hmasa khan Borajangbi hmuna Police han Lunkim Jangk-holet an ti chu kani Kg. 10 leh an man a, Kumbi Police Station-ah an peklut.

uNlF Chairman rK meghen in-suo; Nia han an \huoi hmang

GuwahaTi: Unit-ed National Liberation Front (UNLF) Chairman R.K.Meghen alias Sanayai-ma (75) chu Guwahati Cen-tral Jail-ah kum 10 zet an tang hnungin November 9, 2019 zan khan an tangna lungina inthawk insuo a ni ta a, sienkhawm National Investigation Agency (NIA) han an \huoi hmang a, a hmun hrietlo na hmunah an sie. R.K.Meghen hi dam le himin a um tiin a ukil chun a hril. A ukil M Gunedhor le a naupa R.K.Chinglen hai chu Assam a Govt. Guest House-a sie an nih tiin ei thu dawngna chun a hril. Ama hi man nawk ni lovin Manipur boruok le inzawmin Union Home Ministry in Manipur-

ah la fe naw sienla a ti leia la cheltang nia hril a nih. Mr Meghen hi a hma chun November 10, 2019 (Pathienni) a kha insuo dinga ti a ni a, sienkhawm insuo dinga ti hma met In-rinni zantieng dar 5:30 khan Guwahati Cenral Jail-a in-thawk a ruk thei ang taka jail-a intahwka insuo niin jail official hai chun an hril. A (Meghen) sunghai hril dan chun Meghen hi Thaw\anni hin Imphal a hung tlung ding le ropui taka lawmlutna lo nei tum niin an hril a, tu-han am lo hmuokna program an siem ti ruok chu hrillang ni nawh. Chu lai zing chun Home Affairs Ministry in Manipur tieng la kir nghal lo dinga thurawn an pek dung-zuia NIA in an \huoihmang

nawk lei hin Manipur a hung kir nghal ding le dingnaw hrietna ei nei nawh. R.K. Meghen hi a hmasa takin September 29, 2010 khan BAangladesh Intelli-gence agents han an \huoih-mang nia hril a ni a. BBC correspondent hlui Subir Bhaumik in Meghan man a ni thu Oct. 13, 2010 nia a lo zieklang hnungin UNLF publicity secretary Ksh Yoi-heiba chun Sheikh Hasina sawrkar chu India sawrkar suklungawi tuma intumin UNLF Chairman umna pu-onglang dingin a phut a. A hnungin NIA chun Bihar-Nepal ramri lai As-sam Police han an man niin a hung puonglang a nih. NIA chun Home Minis-try thupek dungzuiin a case hi September 9, 2010 a in-thawk khan an lak a, India ram dona \hangin under sec-tions 18, 18B and 20 of the UA(P) Act le under section 121 A and 122 of the Indian Penal Code hnuoiah Megh-en hi cadres dang T Herojit, S Rakesh, O Samarjit, W Noren, M Sarat, K Jeeten, S Gune, M Ibohal, Ch Bem-bem Chanu, Landhoni Devi,

O Moniton, N Dilip, L Ja-tishor, M Joy, N Bomi, Y Brajabidhu le A Ibomcha hai leh NIA in case a lo siem khum a nih. Intang dang \henkhat chun bail an ngen a, Megh-en ruok hin chu bail ngen loin Guwahati Central Jail-ah a um char char a nih. Meghen hi an jail-a an tang sung a nungchang \hat (good conduct) leia an tang hun thla 6 a suktawi/ngaid-am a nih. Report in a hril danin jail an tang sung hin jail campus-ah rock garden le coffee bil a siem niin report chun a hril.

Nuhmei ruol speaker in a fein Spl. Assembly ko an ngenNaga Mothers Assn. team Imphal-ah an hung ding

imphal/Kohima: Pa-thienni khan nuhmei tam tak el inhawrkhawmin Manipur Assembly Speaker Yumnam Khemchand ina an fe a, In-do-Naga peace talk chungth-uah special assembly session ko dingin an va ngen. Amiruokchu, speaker Delhi a ch^m zing a ni leiin protestor hai chun an hmu tum tak Speaker an va hmu nawh. Speaker nuhmei Yum-nam Joybala chun protes-

tor hai chu a lo inhmupui a, Manipur mi a ni angin Manipur mipui hai so chu a hrietthiem thu hrilin an nuo-rna khawm chu state sanhim nuomna leia an thaw a ni a hriet thu hai a lo hril pek a, protest chu a thlawp thu hrilin protestor hai kuomah a pasal hung kir ding chu zaidaw thei taka thil\ha a hung hawnkir ring ngeia lo nghak dingin a ngen tawl bawk. A thuhril chungthu

chu nuorna thawtuhaiin an dawnlet a, ngirhmun chu derthawng taka um a nit a leiin hotuhai chun an maw-phurna titak zetin thaw raw hai sen tiin an hril. Nuhmei nuorna thaw-tuhai hi COCOMI back up na a Naga Framework sung thu pholang dinga ngenna a protest hi thaw an nih. Hieng laizing hin Indo-Naga political talks le inzawma Imphal khawpui sunga boruok lum mek le inzawmin Naga Mother’s Association (NMA) mem-bers mi 10 vel November 11, 2019 hin Imphal-ah an hung inzin ding niin thu dawngna chun a hril. NMA team hin Meira Paibis, COCOMI, Kuki le senior journalist \henkhat inhmupuiin Nga peace talks chungchang an hriltlangpui ding niin thu dawngna chun a hril.

Students han “a song for the dying river Tui\ha - Save the river”

CCpur: Nov. 9, 2019 sun khan Happy Heart Junior College, Bethel, Chura-chandpur chun Rising III (The Rock Fest) “A song for the dying river Tui\ha - Save the river” ti Thupui a neiin an Campus ah an huoihawt a, Students le hi huna fekhawm hai an hlim-tlang hle. Hi hun hi Miss Jenny le Sir Richard B. Ngaihte hai pahni’n hnetakin an Host a, Sir VK Pangamte, Dean of Happy Heart Junior College in hun hawng \awng\aina a nei a, Rising III hun hawng-na le thuhrilna Ms Mary Beth Sanate, Co-ordinator RWUS le Sir David Buhril, Principal, Happy Heart Ju-nior College in programme hmang nasan tak a hril zoin (1) Sound factory Band, (2) Lily Ramthar, (3) Lawrinda Varte, (4) Miranda Kimnei-hoi le (5) Richard Ngaihte haia inthawk hla le rimawi hlimum tak tak ngaithlak le Diverse City le Happy Heart School Dance Club haia inthawk lam (dance)

en nuomum le mawi tak el suklanga um en a ni bawk. Ms Mary Beth Sanate le Sir David Buhril chun Students laia an thuhrilna a chun Tui\hapui vadung enkawl \hat a pawimaw zie thu hrilin eini’n a bul ei \an a ngai a nih tia hrilin hi vadunga hmunhnawk le thil pawrche pei ngailo dingin an infui a nih. Hi programme hin Students a sukphurin an hmatieng hringnun ding khawm a siem \hain an ta-dinga hmasawnna a’ntlun thei a, thaw ding chi tak

niin a’nlang, nikum khan kei ngei khawm ruol \huoi-in ka \hang ve a, inhawi ka ti ve hle a nih. Students nuom zawng thaw pui hin an talent kawl hai suktha-fanna nasatakin a pek a, hi ang hun a thawa um hai chu “Part of Education” vawng tho le thil pawimaw tak tak inhrilhrietna hun remchang tak khawm a nih. School/College in hi ang programme an huoi-hawt thei hi inpak an um tak zet a, entawn tlak tak an nih.

- LRS Puruolte

ar han inruithei nuoi 10 manhu an manimphal: Assam Rifles hai chun Khudengthabi Check post, Tengnoupal hmun a check an thawna ah nuoi 10.40 manhu ni ding con-traband packet hni mi pak-hat a inthawk November 8

khan an man niin report in a hril. Routine vehicle check nei a ni hun a Assam Rifles hai hin hi thil hi an man a nih. Drugs an man na tak hi

Bus rawng var registration No. MN 0601BA 0066 neia inthawka an man a nih a nih. Drugs an man na tak bus passenger hi kum 64 mi Mr. Lalkhogou, Chura-chandpur district mi a nih.

Bomb ni lovin thermo-flash a lo nih

imphal: Zani 11:30AM to 12:30PM inkar sung khan Kangla Western Gate le a se vel chu motor inlawn thei lovin Police le Security Forces han an khar. Kangla Western gate lai bomb ang deu hmu a ni leia lampui hi khar a nih. Bomb expert han bomb ni dinga ringhla hi an va en-fel a, bomb ni lovin thermo-flash \ha lo ruok a lo nih. Hi zo hnung hin lampui khara um chu hawng nawk a nih.

NSa in hindu le muslim sakhuo hotuhai an hmupuiNew delhi: Nation-al Security Advisor Ajit Doval chun Supreme Court in Ayodhya ram thubuoi a thutlukna inchik tlak a siem zo le inzawmin Pathi-enni khan Hindu le Muslim sakhuo hotulien hai chu anhmupui tawl niin official thusuok chun a hril. Remna le muongna a um theina dingin sakhuo ho-tuhai chun sawrkar chu an thlawp tlat ding thu an hril niin report chun a hril a. Mi \henkhatin boruok \ha taka a um lai mek suksie tumtu an um anga an hrilna a chun, in-remna le muongna in um tir dingin ngenna an siem a nih. Doval a in a darkar 4 zet meeting an nei zo hnung a joint statement an siemna a

chun, ram sung le ram puo tieng a inthawk anti-nation-al, boruok suksie tum tu an hung um ding thu a chun an chieng thu an hrillang a nih.India ram sung a sakhuo tieng a hotu hai le Hindu

Dharmacharya Sabha le Vishwa Hindu Parishad member hai khawm hi meeting a hin an \hang bawk a nih. Inrinni a court in thut-lukna a siem zo hnung

a iengkhawm buoina a suok nawna chungthu ah fekhawm hai chun sawrkar le mipui hai chu an inpak thu an hril a nih. Hnam tin hai laia in unauna inleng tir a ni theina dingin hi inbiekrawnna hin sakhuo hotulien hai lai in-pawna \halem a siem niin statement chun a hril. Hi taka \hang hai po po chun dan le constitution chu an ringzo hle thu an hril thu statement chun a suklang. Sakhuo hotu fekhawm hai chun Supreme Court thutlukna chu inza dingin thutlukna an siem bakah ram mi hai chun court thut-lukna pawm dingin an ngen a, hnam tin le sakhuo dang >>sunzawmna phek 2-ah

Hmasawnna Thar2 Thlaphal (November) 11, 2019Thaw|aNNi (moNday) arTiCle/healTh & employmeNT NewS

Editorial Boardlalmalsawm sellate: Editor& Publisherroding l. sellate: Jt. Editor Joshua l. Amo: Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNA

Chona hi a \ha le a \ha naw a um hlak. Ei ta dinga pawitawk der lo, ei ta dinga lungsenna ding hriltu le thawtu khawm ni lo, a mi demtu le hrilsetu khawm ni lo, mi um \awk \awk lai insuolpui dingin va cho (chal-lenge) ta ringawt inla, chu chona chu chona \ha le indik ni naw nih. Ruol u deuhai chun ei la hriet seng ring a um a, kum 1970 bawr lai vel khawm khan Chura-chandpur town sunga khawm mi chapo, mi suol, mi um \ha nuom lo, mi pawi tawk le suk buoia harsatna siemtu an um hlak. Khangang mihai khan lamliena fe mi \henkhat sum an hni a, an pek naw chun an cho a, an vuok hlak. Chu lamliena fe hai kha an ni ngeiin an va nek a, ieng dinga i mi nek am a nia tiin an lung an suksen a, insuol an rawt a, mihai an cho lungsen hlak. Khangang chona kha chona \ha lo, chona mawl le \hing a nih. Chona \ha naw hi chi tam tak a um a, a chunga mi hi entirna dinga ei hang hril a nih. Chona \ha le ditum ruok chun thil \ha le thil di-tum tiengpang a kawk hlak. Midanghai \hatna dinga thil \ha thaw hi chona \ha le ditum a nih. Pa \ha le Nu \ha \henkhat bakah mi hausa \henkhat chun mi rethei le mi riengvaihai sawmdawla \hangpuiin mi fel, mi hlawtling le mi puitlingin an siem rawp ta hlak. Khawvelah hin chuongang mi chu hril ding an um nuol a, hienghai lai hin Mother Teresa le Bill Gates hai khawm hi hrilhmai chi an ni nawh. An hringnun mi rimsi le fahra hai ta dingin an inhlan a, an inpumpek tawp el a nih. Bill Gates hi khawvela mi hausa tawntaw a ni lei chauva inlar le hming\ha a ni naw a. HIV/AIDS invawi le mi riengvaihai ta dinga an pumpek leia inlar zuol, hming\ha le khawvel mihai ngaisang hlaw zuol a nih. Khawvel pumpui huop phaka an sin thaw \hat lei hin khawvel mihai ngaisang, ngainat le ngai ropui an nih. Khawvel mihai ta dinga chona \ha le ditum siemtu an ni a, khawvel um sung an chanchin hi re ta ngai naw nih. |hangthar hring le dama la um mekhai hin ei hringnun hi mihai ta dinga chona \ha le ditum pe thei dinga ei hmang nuom a um. Mihai ta dinga chona \ha le ditum pe theitu ei ni phawt chun ei damlai nuna hin hlimna le lawmna ei nei ding a nih ti chu a chieng sa a nih. Mihai ta dinga chona \ha pek theina ding hin hausak dam, var le thiemna insang hai nei kher a ngai naw a, thaw theina zawng ei nei seng a nih. Tulaia \hangthar, a bikin \halaihai ta dinga chona \ha le ditum ei pek theina dinga ditum pakhat chu “Nungchang \ha” hi a nih. Nungchang \ha naw nei ei tam taluo ta leiin ei society hin harsatna nasa tak a siem a, khawt-lang \huoituhai, kohran \huoituhai, ram \huoituhai, hnam \huoituhai, Nu le Pa hai an bei a dawng em em el a nih. Moral reform el chau ni lovin moral reformation ei mamaw a nih. Nungchang \ha hi khawvel mihriem-hai mamaw a nih. Tulai khawvelah chun mitin, a nei le a hau, a nei naw le a rethei hai khawm lekha inchuk seng ei nih. Ei lekha inchukna kawng haia khawm hin mihai ta dinga chona pe theitu ei ni thei. Retheina hi suonlam tling lo a nih ti chu mi rethei tawp khawk mi \henkhatin an prove ta a nih. YouTube en hlakhai chun retheinain a hne lo student iemanizat ei society sungah ngei khawm an um ta ti ei hriet seng ring a um. Mizorama Dr Krista Roluahpuia, Lalchhanzela, Alinery Lianhlawng le a dang dang hai hi Zohnathlak \halaihai ta dinga en-tawntlak le chona \ha le ditum pe theitu mi ropui, mi hlu le mi bik an nih. Manipur le Churachandpur Dis-trict a ngei khawm \halai entawntlak, mi suongum, mi bik le mi hlu, \halaihai ta dinga chona \ha le ditum pe theitu an um nuol a, lawm a um bek bek el a nih. Churachandpur District a saikawt Assembly Constitu-ency sunga Khawpuibung tlangval Dr Rohluahpuia dam hi mi entawntlak tak el, \halaihai entawn dinga \ha hlie hlie, Churachandpur-a \halaihai ta dinga chona petu dinga tling hlie hlie a va ni ngei el. A chanchin hi YouTube-ah hriet thei a nih. Ei hril leh ei hril nawn hlak, Mizorama mi inphal le tiktlai hai hi ngaisang an um takzet el. Tuirial As-sembly Constituency MLA, Pu Andrew H.Thangliana chun, “Kan ram le hnam tan UPSC paltlanga IAS, IPS etc, ni tuma lekha zir, IAS Coaching kal turte in awm a nih chuan \anpui tur che u in ka inhawng reng a ni. Kan ram leh hnam hi chhan a ngai takzet a, chu mi a tana harh thar turin zirlai leh nu leh pate ka sawm takmeu che u a ni,” tiin Mizoram mipuihai hrietah a puonglang a nih. A va ropuiin a va thaw \ha ngei de!. Ama hin tuhin IAS ni tum mi pakhat a lo sponsor ta a nih. A chona siem hi a \ha a, chona \ha le ditum a nih. Manipur Zohnathlak Ministers le MLAs han entawn ve hai sien nuom a um ngei el. Hi chau hi a la ni naw a, Mizorama IAS officer pension ta Pu Michael Lalmanzuala chun, Michael Lalmanzuala Foundation (LMF) an din a, mi rethei, lekha inchukna sunzawmna dinga sum nei nawhai chu a \hangpui ding a nih. Tukhawm hin nunghak mitdel pakhat, IAS ni tum ngei ngei, coaching-a \hanglai mek chu Rs. 50,000/- zetin LMF fe tlang hin \hang-puina a pek der tah. Ama hin LMF bul \anna ding hin cheng nuoi 10 zet bank-ah a sie ta a nih. A ropui hle. India ram hmun hran hrana Zohnathlak chenghai ta ding khawma chona \ha le ditum a tlingzo takzet el a nih.

Chona \ha le ditum

VAWISUN THUPUIFimkhur thei tawpin i lungril chu veng \ha rawh, Chutaka inthawk chun hringna rasuokhai chu a um si a. |awng ki nei hrim ching naw la, Khel hril chu ban dai rawh. -THUVARHAI 4: 23-24

IBPS Specialist Officer Recruitment 2019Institute of Banking Personnel Selection invites application from eligible candidates for its Common Recruitment Process for recruitment of Specialist Officers in participating organizations (CRP SPL-IX).1. post name:- I.T. Officer (Scale-I)

no of posts:- 76 Posts educational Qualification:- a) 4 year Engineering/ Technology Degree in Computer Science/ Computer Applications/ Information Technology/ Electronics/ Electronics & Telecommunications/ Electronics & Communication/ Electronics & Instrumentation OR b) Post Graduate Degree in Electronics/ Electronics & Tele Communication/ Electronics & Communication/ Electronics & Instrumentation/ Computer Science/ Information Technology/ Computer Applications OR Graduate having passed DOEACC ‘B’ level

2. post name:- Agricultural Field Officer (Scale I) no of posts:- 670 Posts educational Qualification:- 4 year Degree (graduation) in Agriculture/ Horticulture/Animal Husbandry/ Veterinary Science/ Dairy Science/ Fishery Science/ Pisciculture/ Agri. Marketing & Cooperation/ Co-operation & Banking/ Agro-Forestry/Forestry/ Agricultural Biotechnology/ Food Science/ Agriculture Business Management/ Food Technology/ Dairy Technology/ Agricultural Engineering/ Sericulture.

3. post name:- Rajbhasha Adhikari (Scale I) no of posts:- 27 Posts educational Qualification:- Post Graduate Degree in Hindi with English as a subject at the degree (graduation) level OR Postgraduate degree in Sanskrit with English and Hindi as subjects at the degree (graduation) level.

4. post name:- Law Officer (Scale I) no of posts:- 60 Posts educational Qualification:- A Bachelor Degree in Law (LLB) and enrolled as an advocate with Bar Council

5. post name:- HR/Personnel Officer (Scale I) no of posts:- 20 Posts educational Qualification:- Graduate and Two Years Full-time Post Graduate degree or Two Years Full-time Post Graduate Diploma in Personnel Management/ Industrial Relations/ HR / HRD/ Social Work / Labour Law.

6. post name:- Marketing Officer (Scale I) no of posts:- 310 Posts educational Qualification:- Graduate and Two Years Full-time MMS (Marketing)/ Two Years Full-time MBA (Marketing)/ Two Years Full-time PGDBA / PGDBM/ PGPM/ PGDM with specialization in Marketing.

Age limit:- 20- 30 years as on 01.11.2019. A candidate must have been born not earlier than 02.11.1989 and no later than 01.11.1999 (both dates inclusive). The upper age limit is relaxable for SC/ ST/ OBC/ PWD candidates as per Govt rules.How to apply:- Interested and eligible candidates who are looking for Banking Jobs can apply online through the official website www.ibps.in from 06.11.2019 to 26.11.2019. No other mode of application will be accepted. Candidates are first required to go to the IBPS’s authorized website www.ibps.in and click on the Home Page to open the link “CRP Specialist Officers” and then click on the option “CLICK HERE TO APPLY ONLINE FOR CRP- Specialist Officers (CRP-SPL-IX)” to open the On-Line Application Form.Application Fee:-1. For SC/ST/PWBD candidates:- Rs. 100/- (inclusive of GST).2. For all others:- Rs. 600 /- (inclusive of GST).3. Application Fees/ Intimation Charges are Payable from 06.11.2019 to 26.11.2019 (only Online payment, both dates inclusive).Important dates for IBps specialist Officer recruitment 20191. Commencement of on-line registration of application06/11/20192. Closure of registration of application 26/11/20193. Closure for editing application details 26/11/20194. Last date for printing your application 11/12/20195. Online Fee Payment 06/11/2019 to 26/11/2019For more details, visit www.ibps.in

Delhi boruok a lan thieng thei nawhNew delhi: National capital Delhi hmuna boruok bal pik tak el um chu Pa-thienni tuk chena khawm khan a lan kieng thei naw a, “poor” category ah a la um a nih. Pathienni zingkar a air quality index (AQI) inkhi-na a chun 281 ah a um niin

Central Pollution Control Board (CPCB) chun a hril. Noida, Greater Noida, Faridabad le Gurgaon a AQI in a khik zat hai chu 302, 297, 251 le 253 a nih. AQI 201 le 300 inkar hi “poor”, 301-400 “very poor” le 401-500 “severe” tiin a buk buk a \he a nih.

NRc state coordinator Prateek Hajela aiawtu dingin Assam civil servant ruot GuwahaTi: Tukum August 31 a final NRC list insuo a um a khan mihriem nuoi 19 hai chu \hangsa lo a maksan an nih. Hi final list siemtu ding a Supreme Court in a ruot, 1995-batch IAS officer, Assam-Meghalaya cadre Hajela in-rawina a buoipui a nih. Prateek Hajela aiaw tu ding hin Hitesh Dev Sarma ruot a nih a. Dev Sharma hin Hajela a sin bangkhai

a sunzawm ta ding a nih. Tuhin final list a \hang ve lo nuoi 19 hai hin For-eign Tribunal a hai ngenna

siemna dingin ni 120 an nei a nih. Tribunal hai thutlukna chu lung awi tawk a um naw a

ni chun, High Court le Su-preme Court an lutpui thei nawk ding a nih. Hajela hi inter-cadre deputation in Madhya Pradesh cadre ah kum 3 sung a um ding niin official source chun a hril a nih. Hi hma met khan Hajela hi an rang thei anga a umna hmun sawn vat dingin Supreme Court khawma thupek a lo siem ta sa a ni bawk a nih.

bru hai \huoikir zawm ni ta naw ni hai – mizoram GuwahaTi: Bru raltlang hai \huoikir mek na sin chu a tawpna a nih a, hieng ang thil hi hmatieng um ta naw nih tiin Inrinni liemtah khan Mizoram sawrkar a inthawk source chun a hril. North Tripura a Bru ralt-lan um mi 4,000 bawr vel hai \huoikirna October 3 a \an lo ni ta chu November 30, 2019 chen a zofel ding a beisei le riruongna um a nih. Zirtawpni a meeting nei a ni hun a chun, tuta \huoi-kirna process fepui mek hi zo a ni hun a chu hieng ang \huoikirna a dang sunzawm nawk ta lo dingin thutlukna

an siem niin source chun a hril. Hi meeting hi Mizoram Chief Minister Zoramthanga in a chair a, Cabinet minis-ter le minister of state hai an \hang a nih. November 30 a zofel ta ding a riruongna um hi Bru hai \huoikirna sin

round 9-na a nih. Reang ti a hriet ni bawk Bru hnam hai hi India ram a scheduled tribe 21 um hai laia \hangve an nih a, Assam, Mizoram le Tripura state a hai indar takin an um ve a nih. Tripura lal sungkuo a mi

Pradyot Deb Barman chun kar liemtah Nilaini khan Bru relief camp-hai chu a kan tawl a, tukhawma Bru hai chu Tripura maksan dingin thawlui thei naw ni hai tiin a hril a nih. Hi hi in ram a nih a, tukhawma hi taka inthawk suokdawk dingin an thawlui thei naw cheu tiin camp a um hai an biekpui hun a chun Deb Barman hin a hril a nih. Tulai hnai el khan cen-tral sawrkar chun Tripura state a Bru raltlan hai camp chu khar niin Bru hai chu Mizoram state a thawnkir an ni ta ding thu chieng takin an hril a nih.

bJp in Jharkhand election a an candidate ding 52 an puongraNChi: Jharkhand Assembly seats 81 uma Election hung um ding le inzawmin BJP chun Pa-thienni khan first list can-didates 52 an puong. Chief Minister le BJP leader Raghubar Das chu Jamshedpur (East) le Jharkhand BJP chief Lakshman Gilua chu Chakradharpur haiah ngir an tih. BJP president JP Nad-da chun, Mr Das leader nina hnuoiah Jharkhand state a chun corruption nasa takin a tlahnuoi a,

state in nasa takin hma a sawn bawk tiin candidate list a a release hunah a hril. Jharkhand Mukti Mor-cha (JMM) le hi election dinga \hangruol Congress khawmin zanikhan list

hmasa tak mi 5 hming an puong a, state party chief Rameshwar Oraon chu Lohardaga constituency a ngir dingin an ruot. Congress le JMM opposition alliance in seat-sharing deal an siem

dungzuiin seats 43 ah JMM in candidate nei an ta, Congress in seats 31, a dang po Rashtriya Janata Dal (RJD) ngir an ta, campaign chu Chief Minister hlui JMM Chief Hemant Soren in inrawi a tih. Opposition chun kum 2014 nekin tuta \um hin thaw \hat lem an in-beisei. Election hmasa khan JMM in seat 19 le Congress in seats 62 an ngirnaah seat 6 chau an lak a, RJD chun seat khat khawm an lak naw a nih.

Inenkawl dingin Nawaz Sharif ramdang a suok phal pek a nih: Foreign ministeriSlamabad: Damnaw leia enkawl mek Prime Minister hlui Nawaz Sharif chu inenkawl dingin ram-danga a suok phal pek a nih tiin Pakistan Foreign min-ister Nawaz Sharif chun Pathienni khan a hril. Mr Sharif hi Pakistan

Prime Minister sin chel sawt tak niin, term 3 Prime Minister a lo chel a, corrup-tion case leia kum 2017 a inthawka kha kum 7 intang dinga Jail-a thun a nih. Thla hmasa khan a Platelets count a tlakhnuoi thut leiin Lahore Jail-a an

tangnaa inthawk Services hospital-ah admit a ni a, sienkhawm \hat tieng a pan theinaw bakah a platelets count a tlahnuoi nawk pei leiin doctor han ramdanga inenkawl dingin an recom-mend a. Chu dungzui chun Nov. 10, 2019 khan inen-

kawl dingin Lodon a pan dinga ti a ni a, sienkhawm legal thil leiin zanikhan Pakistan a la suoksan naw niin thu dawngna chun a hril. Ni tlawmte hnungah Sharif hin inenkawl dinga London a pan ring a nih.

ayodhya thutlukna siemtu Judges 5 hai venghimna sukkhauNew delhi: Ram Jan-mabhoomi-Babri Masjid ram thubuoi chungthua thutlukna siemtu Supreme Court Judges 5 hai veng-himtu tamlem pek an nih tiin Pathienni-a official thu-suok chun a hril. Report in a hril danin Inrinni-a inthawk khan SC judges 5- Chief Justice Ranjan Gogoi, CJI-desig-nate Sharad Arvind Bobde le justices Dhananjaya Y Chandrachud, Ashok Bhushan le S Abdul Nazeer hai chu venghimtu tamlem pek niin a hril a. Vauna le

in\hina an hmu leia veng-himtu pek belsa ruok chu an ni hran naw thu senior official thusuok chun a hril. Security drill, sipai tamlem an chengnain haia sie an ni bakah an In hai panna lampui haia chun barricades sie a nih tiin report chun a hril a. Escort guards ralthuom chawi han an fena haiah judges hai motor hi zui hlak an tih. Hi thil hi fimkhur thua thaw a nih tiin official dang pakhat chun a hril. Hieng laizing hin Su-preme Court Chief Justice

Ranjan Gogoi chu Novem-ber 17, 2019 khin a sina inthawk a pension ta ding a nih. SC chun Ayodhya ram

thubuoi a rel huna khan Hindu hai ram a pek a, Muslim hai chu hmun rem-chang dangah ram acre 5 a lien pek dingin a rel a nih.

NSA in Hindu le Muslim sakhuo hotuhai an hmupuidang hai inkarah remna le muongna, dan kengkawna a um theina dingin sawrkar chu an thlawp thu an puong a nih. Hotuhai chun an lungawi thu hrilin, India mi mil-lion tam tak el sakhuo pahni zuituhai chun mawphurna pawimaw tak el an suklang thu hrilin, court thutlukna an pawm na chungthu ah hi sakhuo zuituhai pahni chungthu chu an hril a. Fekhawm hai po po chun hi hmalakna hi inpakum an ti thu an hril a, hieng ang inbiekrawnna hi sakhuo dang dang hotuhai inkar ah hmatieng peia khawm nei a \ha an ti thu an hrilsa bawk. India mi mimal tin hai himna ngaituo le vengtu sawrkar chu an inpak thu an hril bawk. Buoina siem nuom mi \henkhat an um el thei a, chu-ong ang thil chu a um nawna ding le an hlawtling nawna ding a hi meeting hi nei a nih tiin Swami Parmatmananda Saraswati chun meeting zoin a hril. Remna le muongna a um theina dingin mitinin an hnungzuitu hai kuoma seng ngenna an siem a. Hi digi-tal khawvel a hin India ram sung le puo tieng a inthawk buoina siem nuom tam tak an um a nih. Chuong ang thil a tlung nawna ding le invenglawkna a hi meeting hi nei a nih tiin a hrilsa. Hazrat Khwaja Moinuddin Hasan Chishti shrine, Syed Zainul Abedin Ali Khan hotu lu tak chun hieng ang meeting a um hi lawm ding a nih tiin a hril. Hi meeting kotu NSA Ajit Doval kuomah lawmthu kan hril. Hieng ang hmalakna hi kan thlawp. Hindu le Muslim hai thubuoi tawpna hun chu a tlung tah a, mitinin ram thar bawlna ding le education suk hmasawn le pasietna sukbona dingin \hang seng a hun tah tiin a hril. Swami Chidanand Saraswatiji, Parmarth Niketa, Ri-

shikesh a mi chun ram sung a buoina taphawt felna ding thil chu Constitution ah a um tiin a hril. US a 9/11 chu mipui hai \hedarna ding a tlung a nih, tuta 9/11 (SC thutlukna) hi mipui hmunkhat a sie na ding a nih. Hi meeting hi SC thutlukna ennawnna a nih. Ka hmu dan chun Supreme Court thutlukna chun inang nawna hai a suktawp tah tiin a hril. Ei \awng\ai hmunkhat thei naw el thei, amiruokchu, ram himna ding, humanism, soil, environment himna dingin ei thaw tlang thei tiin a hrilsa. A hma a inthawkin Supreme Court thutlukna chu inzang an tih kan lo ti tah a. A ni a hung tlung chun, ieng ang thu an hrilna a khawm chun a fie vawng a nih. Supreme Court thut-lukna siem hnung a thil tlung thei ding awma hril le ngaia um hai chu thukhel an chang vawng a nih tiin Maulana As-ghar Ali Salafi, President, Markazi Jamiat Ahle Hadees Hind chun a hril. Hindu le Musli pawl haiin ngenna an siem le sawrkar \hang lakna chun ra \ha tak an suo a nih tiin a hril a. Hi meet-ing hi thutlukna siemna ding ni puong a ni hmaa lo riruong lawk a nit ah. Tuhin thutlukna siem zo a ni hnungin a tlung mek tah a, Hindu le Muslim hai hotuhai kuomah remna le muongna a um theina dinga hmalakna ding chu a sukhrat a nih tiin a hrilsa bawk. Yoga guru Ramdev chun, zawna \henkhat um sienla khawm Supreme Court thutlukna chu inza tlatin ram inpum-khatna chu vawng tlat kan tih. Hi thu pawimaw tak hi meet-ing thutlukna laia mi a nih tiin a hril a. Muslim hai po po kuomah temple a dingin kut rawl ding le Hindu hai chu mosque a dingin kut rawl ve dingin ka ngen. Hieng ang hmalakna hi hmatieng ei fepui pei a \ul tiin a hril.

3Thlaphal (November) 11, 2019Thaw|aNNi (moNday) NaTioNal/iNTerNaTioNal & adverTiSemeNT Hmasawnna Thar

laKTawi

Spain ramah pasal le pasal Sex hmangnaa inthawk Dengue natna kaisawng an hmusuokmadrid: Khawsik natna chikhat, ei ni lai khawm hun iemanichena inthawk ei hrietlar em em Dengue natna chu Thokang/|hang\ham a inthawk kaisawng a nih ti chu ei hmu le hriet dan a ni a. Chu lai zing chun khawvela a hmasa takna dingin Spanish health authorities hai chun pasal pakhat chun sex a in-thawk Dengue natna hri a kaisawng ti Zirtawpni khan sukchiengin an puong. Report in a hril danin, Madrid khawpuia cheng pasal kum 41 mi chun pasal tho a kawppui, Cuba hmuna an zin huna Tho-kang se a inthawk Dengue natna kai leh sex an hmang a inthawk Dengue natna a kaisawng ti hmusuok a nih tiin Madrid region a public health department official Susana Jimenez chun a hril.

Dengue natna a kai ti hi September thla khan suk-chieng a ni a, sienkhawm hi natna umna ramdangah an zinsuok si naw leiin doctor hai chun ienglei le khawlaia inthawk a kai-sawng am ti an hriet thei naw a. An suizui peinaah a partner (kawppui) khaw-min ama natna ang tho symptom a nei ti hmusuok a ni a, a chi (sperm) an en-

fel naah Cuba rama Den-gue natna ang char virus an hmusuok a, chu taka inthawk sex an hmangnaa inthawk Dengue virus hi an inkaisawng a nih ti an sukchieng ta a nih. Dengue natna hi viral infection niin, |hang\ham chikhat Aedes Aegypti Mosquito in mihriem a se-a inthawk invawi thei niin, thina thei natna, a ni a, a tlang puiin ram lum

hieng Southeast Asia, Af-rica, Australia, Caribean le South nd Central America haia inzin han an invawi nuom deu. Hi natna nei hai chun khawsik insang, luna, mit bul vel le pangna \hem\huom an nei hlak bakah an inluok hlak bawk a nih. Tuta pasal kum 41 mi in Dengue natna an vawi hmusuoka um hi mihriem in sex hmanga a kaisawng hmusuok hmasa tak a la nih tiin Europrean Centre for Disease Prevention and Control (ECDC) chun a hril a. An hriet chinah pasal le pasal kara sex hmang-naa hi natna kaisawng/in-peksawng hriet hmasa tak a nih tiin an hril. South Korea a chun nuhmei le pasal sex hman-gnaa inthawk Dengue

inkaidar ringhlana chu a um a, sienkhawm tuchen hin sukchiengna a la um hri naw a nih. Dengue natna hi tuchena a enkawlna damdawi hran la um lo a ni leiin khawvela natna \ium pawl laia \hang mek a ni a, sienkhawm in-veng thei a nih. Natna hi ram lum le hmun \awp haia a tam zuol a, khawvel hung lum pei lei hin ei ni lai khawm Dengue natna hi natna inlar pawl tak a hung ni ta pei a nih. Ru inchuktuona hai a sukna hlak leiin Dengue hi “ break-bone fever” ti khawma ko a ni bawk a. Hi natna hi hrat takin an dar pei leiin kum 2080 chena chun khawvel mihriem 60 percent or 6 billion velin hi natna hi an invawi thei ding niin research-ers hai chun tukum kumbul lai khan an lo hril ta a nih.

Taliban command-er a thi: report

loGar: Afghan sipai han Pathienni-a Logar province, Afghanistan-a airstrike an thawnaah Tali-ban Commander Waisud-din a thi niin Ministry of Defence thusuok chun a hril. Waisuddin hi Novem-ber 6, 2019 a Logar prov-ince-a Mohamad Agha district hmuna lambun-naa Afghanistan judges pathum le administrative officer pakhat hai thinaa khan inrawlna neia intum a nih. Taliban ruok chun an commander thi thu hi suk-chiengna an la siem nawh.

Swiss tleirawl thatu President in a ngaidam mipuiin an theida

Colombo: Sri Lanka President Maithripala Sirisena in President a nina tawp ding chawlkar khat vel chau um taaa Swedish tleirawl thattu, thi dinga thiemnaw inchangtira um Jude Jayamaha a ngaidam-na chu Sri Lanka mipuiin hrethiem loin nasa takin an sawisel bakah an lung

a sen hle niin Pathienni-a official thusuok chun a hril. Jude Jayamaha hi sung-kuo hausa le khawsa thei taka inthawka mi niin re-port chun a hril. Jayamaha hin kum 2005 khan Swiss mi Co-lombo hmuna khuol hung inzin Yvonne Jonsson chu insawngsanga an umnaah

an inselbuoi leia a that a ni a, Court in thi dinga thiem-naw an changtir ta hnung a nih. Amiruokchu Jayama-ha hin thla hmasa khan ngaidam dinga ngenna President kuomah a pek a, chu dungzuia President hin a hun bo tawm \epah ngaidamna a pek ta a nih. Jayamaha hi a bul chunk um 12 intang din-ga a chungthu rel a ni a, sienkhawm a hnungin thi dingin thiemnaw an chang a ni a, 2014 khan Sri Lan-ka Suprem Court chun thi dinga thiemnaw inchangtir a nina hi a namnghet nawk a nih.

amnesty in iraq rama thisen insuona suktawp vat a \ul thu an hrilbaGhdad: Amnesty International Middle East and North Africa Direc-tor Heba Morayef chun, Iraq rama thisen insuona le inthatna tlung mek chu ngaipawimaw le an rang thei anga suktawp a pawimaw thu a hril a. Thisen insuonaa maw-phurtu hai chu dan anga rorelna pe dingin ngenna a siem bawk. Corruption a nasa ta-kin a hluor bakah sin van-

gna le mirethei han basic services ham\hatna dawng dang an dawng ding ang an hmunaw leia thla hmasaa inthawka kha anti-govern-

ment protest hi \an a ni a, tuchena hin protestors 260 chuong security forces han ankap hlum ta a nih. Pathienni khawm khan

Baghdad khawpuiah se-curity forces le protestors hai nasa takin an inbeituo a, anti-government pro-testors 6 in thina an tuok bakah midang 100 chuong an hliem. Protestors hai chun Prime Minister Adel Ab-dul-Mahdi sawrkar chu in-ban vawng dingin an ngen a ni a, sienkhawm Prime Minister chu an ban nuom naw a, inban a tumnaw bawk a nih.

Super 30 Founder anand Kumar in dubai a world Tolerance Summit ah thu a hril ding

paTNa: Super 30 indintu inlar tak el sierkawp thiem Anand Kumar chu Novem-ber 13 a Dubai hmun a ni 2 sung aw ding ‘’World Tol-erance Summit’’ hmangna ah thu hril ding a fiel a nih. Hi summit hi UAE Prime Minister le ruler Mohammed bin Rashid Al Maktoum global drive le inzawma International Institute for Tolerance hai hmalakna a nih. Sawrkar rambung \huoituhai, mi pawimaw public le private sector a mi hai, peacekeeping ambas-sador hai le khawvel hmun dang dang a change-maker hai \hangna ding a hi sum-mit a thu hril ding a fiel

ka ni chu ka ta dinga van-gneina le hun \ha tak a nih tiin Mr. Kumar chun Patna hmun a inthawk statement a siem. Ei tulai khawvel hmun inhawi taka siem theina dinga pawimaw tak chu tu-orselna hi a nih. Hi \hang lo hin ei hmasawnna hai a ch^u a, chuong lai zing chun khawtlang chu edu-cated a hung ni hun a har-satna hai inhrietthiem tuona a um hun a chau tuorselna chu a um ding a nih tiin a hril. Khawtlang a inthlak danglamna a um theina dinga education hmangruo a hmanga Super Coaching institute \antu a nina zar a

Anand Kumar hi summit a speaker ding a fiel ve a nih. Mr. Kumar in inchukna hmun a siem a hin, student pasie tak tak hai chu IIT a hai an lut theina dingin coaching a thlawnin a pek hlak a. Hi a thawna zar hin lekha thiem thei mi pasie tak tak a inthawk IIT ni nuom tam tak hlawtlingin an suok ta a nih. Hieng ang hun pawimaw a fiel hi Anand Kumar in a vawikhat dawngna a ni naw a, khawvel inchukna hmun pawimaw le \ha pawl a hri-etlar hieng Harvard, Stan-ford, MIT le hmun dang dang a hai khawm thuhrilna hun hmang ding a fiel a lo ni ta hlak bawk a nih. Hi inkhawmpui a hin mihriem rawng dang dang le hnam dang dang hai chengkhawmna hmun ah tuorselna le inhrietthiem tuona education le knowl-edge-sharing hai chu hman-gruo pawimaw tak nia an intlun thei dan ngaituo a ni ding thu Super 30 founder chun a hril a nih.

President Kovind West Bengal an zin

New delhi: President Ram Nath Kovind chu ni 2 sung cham dingin zanikhan West Bengal a lut. Vawisun hin Shanti Niketan hmun a Visva Bharati University annual convocation ah thuhrilna hun a hmang ding a nih.

Dharmendra Pradhan UAE-ah

New delhi: Petroleum Minister Dharmendra Prad-han chu November 10 a inthawk 12 chen aw ding Ministerial session of Abu Dhabi International Petro-leum Exhibition and Con-ference, hawngna United Arab Emirates a \hang dingin UAE feng a tih. Hi hun a hin Ministerial panel discussion ah a \hang bawk ding a nih. Official le business pa-lai haiin zui an ta, Minister hin UAE tienga a sinthaw chanpui Minister of Energy and Industry, Suhail Mo-hamed Faraj Al Mazrouei chu an hmupui bawk ding a nih. Hi rambung pahni hai hin bilateral hydrocarbon chungthu le steel sector chungthu hai hriltlang an ta. Middle east rambung a steel export an thaw chi ding le ding naw thu hai khawm an entlang bawk ding a nih.

Kahmir a Class 5-9 Exam postpone

SriNaGar: Vawisun a \an ding pawl 5-9 hai an-nual exam paper 2 um chu Kashmir a thuneituhai chun an postpone niin official in Pathienni khan a hril. Director School Educa-tion in a hril dan dungzui chun, Urdu/Hindi le Eng-lish exam hai chu Thaw\anni le Thawleni a exam ding a riruong a ni thu of-ficial spokesperson chun a hril a. Exam hai chu No-vember 26 le November 28, 2019 a hai nei a ni lem ta ding a nih tiin a hril. Official chun hienga exam \hul a nina san hi iengkhawm hril a nei naw a, amiruokchu, Zirtawpni a inthawk hi lai ruom a vur nasataka a tlak leia exam hi \hul a ni ring a nih.

Kharge in Jaipur a Maharashtra congress MLA um hai an hmupui mumbai: Senior Con-gress hotu Mallikarjun Kharge chun Maharashtra state inthlang a MLA th-lang tling thara um, Jaipur hmun a resort a um mek hai chu Maharashtra political buoina chungthu hriltlang pui dingin Pathienni khan an hmupui tawl. Kharge, All India Con-gress Committee (AICC) general secretary hin MLA hai chu Maharashtra buoina chungthu ah party in ieng ang ngirhmun am la sienla \hang a ta ti thu a an ngaidan hai la dingin

hohlim naran in anhmupui tawl niin senior congress hotu Manikrao Thakare chun a hril a. Hi chungthu a par-ty MLA hai ngaidan hi Kharge chun hotulien hai kuomah an tlun ding a nih tiin Thakare chun a hril. Congress senior hotu Ashok Chavan, Prithvi-raj Chavan le Balasaheb Thorat hai \hangsa in Ma-harashtra Congress MLA tling thar 44 hai po chu Congress sawrkarna state Rajasthan hmun ah, Ma-harashtra sawrkar ngir thei

loa um meka an MLA hai tangka a inchawk an ni naw na dingin an inkul pui a nih. Chuong lai zing chun source \henkhatin an hril dan chun Congress MLA 44 hai chun Shiv Sena chu sawrkar siemna kawnga thlawp dingin an remti ta thu hril a ni bawk. Thla liemtah October 21 a seat 288 umna Maha-rashtra Assembly inthlang-na a khan, BJP in seat 105 a chang a, Shiv Sena in 56, NCP in 54 le Congress in 44 an chang tawl a nih.

TmC a to \awk \awk nasan bJp le Congress in an indawnKolKaTa: Supreme Court in Ayodhya chun-gthu a Inrinni a thutlukna lien tak el a siemna le inza-wmin party dang dang le mi pawimaw dang dang hai chun Court thutlukna chu an thlawp thu le thu dang dang hai an hril lai zingin West Bengal state sawrkar-na cheltu Trinamool Con-gress (TMC) hai chu an to \awk \awk a nih. State BJP, CPI(M) le Congress hai khawma Supreme Court order chu reaction an pek seng a nih. TMC party ruling sunga mi hotu, supremo Mamata Banerjee \hangin Ayodhya chungthu a SC thutlukna ah \awng nei an la um naw a nih. TMC a inthawk source

um dan chun, an party hotu-lien haia inthawk hi thut-lukna le inzawmin tukhaw-ma \awng iengkhawm nei lo dingin khapna order khau tak el a um thu hril a nih. Hi chungthu a \awng-bau nei lo ding a hril kan nih. Kan supremo Baner-jee chau chu a \ul a ni leh \awng a ta, annawleh ama in mi dang \awng dinga a ti tak chau an \awng ding a nih tiin a nina suklang nuom lo senior TMC hotu chun a hril. TMC hai to \awk \awk na hin BJP le Congress a inthawk khakna an dawng a nih. BJP state president Dil-ip Ghosh chun hi chungthu ah TMC haiin iengkhawm

an ngir pui ngam nawh. Ram pum huop thil issue a um hun hrim hrim ah TMC hotuhai chu an to \awk \awk a ni naw leh ram ta dinga hmalakna chu an kal ngei ngei. Tuta \um khawm hin a pangngai char a tlung nawk tah tiin a hril. Supreme Court thut-lukna hi an pawm am an kal ti chieng le fie taka hril dingin kan dawn a nih. Ka zawna hi an dawn thei naw ding ti chu ka chieng hle tiin Ghosh chun a hril. Thubuoi a hrietchieng lo thil hai ah TMC chu \awng nei hmasatak a ni zie tiin a nina suklang nuom lo BJP hotu pakhat chun a hril a, anachu, ieng dinga tuhin TMC in \awng a nei naw? tiin indawnna a siem ve a nih.

West Bengal Congress President Somen Mitra chun TMC hai chu a sir lai vela hel hel loin main-stream political party dang haiin an thaw angin hi chungthu ah a ngirhmun fel taka sukfel dingin thurawn a pek. West Bengal Governor Jagdeep Dhankhar chun mipui hai chu inremna le muongna in um tir dingin a fiel tawl. Ram pum huopa mitin lungril latu, Supreme Court in thutlukna a siem thei ta hi ka law tak zet. Hi thutlukna hi a hratlem le mi hneban nei anga ngai ni naw raw sen. Lungril lien tak put a pawm le suk puitling ding a nih tiin <r. Dhankar chun a hril.

Delhi -ah thautui man to, a ni 3 na dingin

petrol 73/litre New delhi: Petrol man 45 pasie-a a kaisang le inza-wmin India capital Delhi a petrol man chu a ni 3-na zani Pathienni chen a khan petrol 1 litre ah 73 chung a zawr a nih. Amiruokchu, Diesel man ruok chu a pangngai zing a nih. Zani Pathienni chen a khan Mumbai, Kolkata le Delhi ah 20 paise/litre le Chennai ah 21 paise/litre in a pung a nih. Indian Oil website dung-zuia Delhi, Kolkata, Mum-bai le Chennai a petrol rate thar hai chu - Rs 73.05/litre, 75.76/litre, Rs 78.72/litre le Rs 75.92/litre an nih. Delhi, Kolkata, Mumbai le Chen-nai a Diesel man hai chu Rs 65.91/litre, Rs 68.32/litre, Rs 69.13/litre le Rs 69.67/litre an nih.

Ayodhya thutlukna siem ding la What-sApp chatting an lo thaw leiin suspend

Jabalpur: Supreme Court in Ayodhya chun-gthu a thutlukna pawimaw tak el Inrinni-a a siem ding le inzawma Madhya Pradesh Jabalpur khawpui a hmun sensitive na a duty police 5 hai chun an duty lai WhatsApp chatting an lo thaw leiin an sin a inthawk

suspend an ni thu Pathienni khan official in a hril. Jabalpur Superinten-dent of Police Amit Singh in a hril dan chun, hi lai biel ah hrillawk um loa enfelna a thaw thut chun hieng po-lice 5 hai hi an duty uksak loa WhatsApp chatting tha-wa an buoi hmu an nih tiin

a hril. Hieng mi 5 hai hi Inrin-ni zan sawt hnung khan an sin a inthawk suspend an ni thu official chun a hril. Ayodhya chungthu a court thutlukna siem a ni ding le inzawm khan Ja-balpur khawpui sung a hin police 2,500 sie lut an nih.

MP a IAS officer hai in hluo man peknaw leh hnawtdawk ni ding a vau bhopal: Madhya Pradesh sawrkar chun state IAS offi-cers association hai chu Posh colony a an in hluo man nuoi 34 chu pek dingin a hril a, pe a ni naw leh hnawtdawk an ni ding thu a hril a nih. PWD a inthawka ex-ecutive engineer in notice an suo ang dungzui chun, 1999 a inthawk khan Char Imli area hmun ah in pahni EN 1/3 le 1/4 hai chu in hluo tir an nih a, amiruokchu, in hluo man hi an la pek naw a nih tiin a hril. Hi notice copy hi state directorate khawm pek an

nih a, in hluo man an la pek naw leia hnawtdawkna sin thaw dingin an hriettir a nih. September 30 chen a khan nuoi 34.56 bat in a um niin notice chun a suklang. IAS association hai chu an bat hi ni 15 sung, thu-suok siem ni October 24 a inthawk tiem \an in pek tlak dinga ti an nih. Sawrkar a mi pawimaw top bureaucrat haiin in hluo man an pek nuom naw ti chu thil ngaimaw um tak a nih a, nina le thuneina hmang-suolna a nih tiin RTI file tu social activist Ajay Dubey

chun a hril. IAS officers’ association President Gauri Singh biek-paw a ni hun a chun hi chun-gthu hi uluk taka ngaiven mek a nih tiin a hril a. Hi hi kan hrietin a hung inlang tah a. Uluk taka hi chungthu hi ngaituo ning a tih. Association chun hi chungthu a hin thutlukna pawimaw tak siem a ni thei-na dingin executive commit-tee ah putlut a ni ding thu Singh, additional chief sec-retary, panchayat and rural development ni bawk chun a hril a nih.

bupawl raw naw tuhai \hangpuina pek ding ChaNdiGarh: Su-preme Court in lo neitu bu-pawl raw naw tuhai kuoma tangka \hangpuina pek an ni ding ti a thutlukna a siem le inzawmin Punjab sawrkar chun remote sens-ing department data hman-

gin lo neitu bupawl raw naw tuhai chu a zawngda-wk ding a nih. Court chun, Punjab, Haryana le Western UP a bupawl raw lo a la um hai chu a sukfel chu kan mawphurna a nih. Hieng

ang bupawl la raw naw tu lo neituhai chu tangka a \hangpuina le bufai non-basmati quintal ah Rs. 100/- in Nilaini a inthawk tiem \anin ni 7 sung state sawrkar in a pek ding a nih tiin a hril a nih.

vur a tla thar nawk leiin Jammu-Srinagar highway-ah motor tam tak an intang

b a N i h a l / J a m m u : Jammu-Srinagar National Highway-a chun vur nasa taka a tla thar nawk leiin lampui a dang bakah Ram-ban district-ah Pathienni zantieng khan mimkei a tlung nawk leiin hawng zo darkar tlawmte hnungin lampui khar nawk a ni a, motor sangtel an intang mek tiin official thusuok

chun a hril. Jammu-Srinagar High-way hi india rama all-weather road niin, Kash-mir le India ram hmun tum tum infepawna lam-pui pawimaw takel a ni a. Darkar 13 zet khar a ni zoin zani zingkar dar 3 a inthawk khan hawng a ni a, sienkhawm vur in lampui a dang bbakah mimkei a

tlung nawk lei hin lampui chu khar nawk nghal a nih. Lampui inthielfaina sin thaw nghal a ni a, siekhawm mimkei tlung hin harsatna a a hung int-lun belesa nawk ta a nih. Mimkei tlungna hmun hi Digdole bul lai a ni a, siem\hat tuma sin tahw mek a nih. Report in a hril danin hi lampuia motor intang mek hi 1,300 chuong niin a hril. Hieng laizing hin Jam-mu region-a Mughal road, Poonch le Rajouri hai le Kashmir-a Shopian district hai infepawna lampui chu a ni 5 na dingin zani chen khan khar a la nih. Vur nasa taka a tlak lei leia lampui hi khar a nih.

KolKaTa: Cyclone Bulbul in Inrinni zantienga inthawk West Bengal le Bangladesh tuipui kam hai nasa taka a nuoi leiin West Bengal a chun mi 8 in thina an tuok bakah nun-dan pangngai nasa takin a sukbuoi pha a. East Mid-napore, South 24-Parganas le North 24-Parganas dis-tricts haia In 7,000 vel a suksiet vawng thingkung 9,000 vel a mutthluk niin district administration han report an peknaah an ziek. Prime Minister Naren-dra Modi le Union Home Minister Amit Shah hai

chun Chief Minister Ms Mamata Banerjee tele-phone in an biek a, a \ul le pawimaw anga West Ben-gal sawrkar \hangpuina an pek ding thu an hril. Sawrkar chun Cyclone

Bulbul leia sietna tlung hai drones hmangin an enfel mek a, district administra-tions hai chun mihriem 1.2 lakh vel harsatna tuortu hai chu shelter centres 315 haiah an sie tiin report chun

a hril. Chief Minister Mamata chun state sawrkarin har-satna tuortu hai a \ul anga \hangpuina pek an ni ding thu a hril. Bengal le Odisha state a hmun tum tum a hin in iemani zat zet cyclone hin a suksie tah a, electric hrui hai suk tanin electric var nawna hmun tam tak a um ta bawk niin report chun a hril. Inrinni khan Kolkata hmun a flight operation chu Cyclone Bulbul leiin darkar 12 sung sukchawl a ni bawk.

Cyclone bulbul leiin wb-ah mi 8 an thi, in 7000 chuong a suksiet; pm in \hangpui a tiem

Hmasawnna Thar4 EntErtainmEnt / SportSThlaphal (November) 11, 2019Thaw|aNNi (moNday)

Octavia Spencer in PGA Vi-sionary Award a dawng ding

New yorK: Actress-producer Octavia Spencer chu January thlaa Produc-ers Guild Awards, 2020 sem hunah Visionary Award inhlan ning a tih tiin PGA chun a puong. Octavia Spencer hi TV, Films le new media produce kawngah soci-ety dawmsangna dinga a thawhlawkna le hmathlir \ha tak a nei hai leia Vi-sionary Award hi inhlan ding a nih. Spencer chun PGA Vi-sionary Award dawng din-

ga thlang a ni chu a ta dinga chawimawina ropui tak a ni thu a hrila, PGA chungah lawmthu a hril. 31st annual Produc-ers Guild Awards hi Jan. 18, 2020 khin Hollywood Palladium, Los Angeles ah sem a ni ding a nih. Tuta hmaa hi award lo dawng ta hai lai- Kenya Barris; Ava DuVernay; Brad Pitt, Dede Gardner and Jeremy Kleiner’s Plan B Entertainment; Chris Me-ledandri; Laura Ziskin; le Jeff Skoll hai an \hang.

Shivaleeka Oberoi chu ‘Khuda Hafiz’ ah Vidyut Jammwal leh an inchang ding

mumbai: A film hmasa tak Yeh Saali Aashiqui re-lease a ni hmain newcomer Shivaleeka Oberoi chun a film pahnina a chang \an nawk der tah. A film pahni-na ding hi romantic thriller Khuda Hafiz niin Vidyut Jammwal leh an inchang ding a nih. Khuga Hafiz hi Faruk Kabir in a direct ding niin, thla hmasa lai khan Uz-bekistan ah shooting \an a nitah. Shivaleeka chun pro-ducer Kumar Magnat in amaah ringzona neia film a

siem pui na thuah lawmthu a hril a, a film hmasa le tekhi in tuta a film pahnina ding hi inanglo takel a ni leiin chona nasa tak a ni thu a hril. Khuda Hafiz a hin Vidyut in a umna chin hriet

loa inhmang a nuhmei a za-wng chanchin a ni a, film a hin Aahana Kumra chu Arab agent angin an chang a nih. November 22, 2019 khin suok hman dinga beisei a nih.

Madame X tour hun darbi a sukhnuk leiin Madonna hek

New yorK: Madonna in Madame X tour con-cert nei hun ding darbi a sukhnuk le inzawmin fans le ticket latu \henkhatin hekna an siem. TMZ in legal docu-ments a hmu dungzui chun concert \an hun darbi 8:30PM a inthawk 10:30PM a sukhnuk a ni lei hin sum tam tak an

inhmang pha nia intumin Florida hmuna ticket hold-ers han Madonna le Live Nation hai chu an hek niin a hril. Legal documents-a an zieklang pei danin Nate Hollander chun December 17, 2019, Madonna in Mi-ami Beach-a concert a nei ding le inzawm hin August thla dai khan ticket a lo

inchawk ta niin a hril a, chu huna concert \an hun ding chu 8:30PM ti a nih tiin a hril. Hekna lekha an ziek pei dan chun, Madonna hin tuor-ah hun a hmang dik ngainaw leiin, concert a \an hun hi darkar 2 hnunga dam a \an rawp hlak a, tuta concert \an hun ding darbi 10:30 PM dinga a hung sawn nawk chu ho a ti thu Nate chun a hril. Madonna hektu chun, concert \an hun sukhnuk lei hin ticket refund dinga a ngenna hnawl pek a ni thu a hril a. Hi thua hin fans lungawi lo midang dang khawm an pun belsa mek a, a representatives hai khawm an biekpaw ta a, sienkhawm tuchena hin dawnna iengkhawm an la hmunaw niin a hril.

12th Seikam Memorial Open Football, 2019Venue: Kholmun ground

FIrst seMIFInAls 11st november, 2019: Fixture

1:30pm- Zoheisa FC v/s Zenhang Lamka YC

Premier League round-up:

Leicester City chun Arsenal hnein pahnina an ni tah KiNG power STa-dium: Inrinni zan khan Leicester City chun an home-ah Jamie Vardy le James Maddison hai goal hmanga Arsenal an hne leiin games 12-ah point 26 an hmu tling ta leiin Man-chester lekhelin table-ah pahnina in an \hang tah. First-half chenah goal a lut naw a, second-half min-ute 68 naah Jamie Vardy chun Leicester City ta dinga goal hmasa a thun a, hi zo minute 75 naah James Mad-dison chun goal khat a hung thun nawk leiin Leicester City chun Arsenal 2-0 in an hne a nih. Leicester City chun next game-ah November 23, 2019 khin Brighton inkhel-pui an ta, Arsenal chun game 12-ah point 17 hmuin

parukna an ni a, next match-ah Southampton mikhuol ve thung a tih. Chun, Chelsea khawmin Inrinni zan khan an home-ah Tammy Abraham (52) le Christian Pulisic (79) hai goal hmangin an mikhuol Crystal Palace an hne leiin games 12 ah point 26 hmu-vein defending champion Man. City an lekhel ve a, pathumna in an \hang.

Man. City hin point 25 a hmu mek a, Pathienni zan khan Liverpool in a mikhuol a, hratna an chang zo chun an ngirhmun pangngai hau nawk thei an tih. Chelsea in Crystal Palace an hne hi Premier League-ah a zawna vawi 6 an hrat vena ani ta a, kum 2016-17 a title an lo lak hnunga dingin a zawna

vawiruk hratna an chang zawm hmasa takna a nih. Next game-ah Novem-ber 23, 2019 khin Chelsea hi Premier League-ah Man. City in mikhuol a ta, Crys-tal Palace chun Liverpool inkhelpui vet hung a tih. Crystal Palace hi game 12 ah point 15 hmua a 10-naa \hang mek an nih. Inrinni zan inkhel dang haiah Burnley FC chun an home-ah Ashley Barnes (11); Chris Wood 944) le Roberto Jimenez Gago (54 Own Goal) hmangin West Ham an hne a, Newcastle chun DeAndre Yedlin (42) le Ciaran Clark (52) hai goal hmangin Bour-nemouth an hne a. Everton chun Southampton 2-1 in an hne a, Tottenham chun an home-ah Sheff United 1-1 in an indrawpui bawk.

Spanish La Liga:

Barcelona in Celta hnein hma an \huoi, Lionel Messi chun hat-trick a siem nawk leiin Ronaldo record an angpui tah

Camp Nou: Spain champion Barcelona chun Pathienni zingkar khan an home-ah Celta Vigo an mikhuol a, Lionel Messi hat-trick le Sergio Bus-quets hai goal hmanga Celta Vigo 4-1 a an hne leiin Barcelona chun game 12-ah point 25 hmuin table-ah hma an \huoi nawk tah. Tuta \uma Lionel Messi in hat-trick a siem hi La Liga –a hat-trick vawi 34 a siemna a nita leiin tuta hmaa Cristiano Ronaldo in La Liga hat-trick siem rawn tak record a lo nei chu a hung inangpui ta a nih. Real Madrid forward hlui Cristiano Ronaldo chu nikum July thlaa in-

thawk khan Serie A club Juventus-ah lo insawn ta sienkhawm an inelna chu a la fe pei. Lionel Messi hin a goal hmasa tak dingin minute 23-naah penalty in Barce-lona ta dingin goal a thun a, hi zo minute 45+1 le 48 haiah goal thun nawkin hat-trick a siem a. Sergio

Busquets chun minute 85 naah Barcelona ta dingin goal a thun ve a nih. Hieng laizing hin Lionel Messi contract nei mek hi 2021 a tawp ta ding a ni a, sienkhawm tuchena Andres Iniesta ang thoa lifetime contact offer pek a ni leiin a nuom chun khel zawm thei a ni a, con-

tract a suksei chu ring a ni a, Camp Nou-a a hmakhuo ding hril thei a ni nawh. Hi lei hin Barcelona chu Mes-si umnaw hnunga dingin an inpuocha \an mek niin report chun a hril. Chun, Inrinni zan khan Real Madrid khawmin a mikhuoltu Eibar 4-0 in an hne leiin game 12 an khel ta haiah point 25 ve tho hmuin table-ah pahnina in an \hang mek a, Barcelona leh an point hmu zat an an-gchar ta a nih. Real Madrid ta dinga goal thuntu hai chu Karim Benzema (17, 29-penalty); Sergio Ramos (20 penalty) le Federico Valverde (61) hai an nih.

France Ligue 1:

Champion PSG chun Brest hnein hrat takin hma a \huoi peipariS: France champion Paris Saint-Germain (PSG) chun Inrinni zan khan D. Maria (39) le M. Icardi (85) hai goal hmanga a mikhuoltu Brest 2-1 a an hne leiin game 13 an khel ta haiah point 30 hmuin

hrat takin hma an \huoi pei. Anni hnaitu tak le pahnina ni mek Angers chun points 21 an hmuta a, an karah point 9 zet a tla ta a nih. Angers hin zani zing-kar khan a mikhuoltu Stade Reims 0-0 in an indrawpui

a nih. Pathienni zingkar match dang haiah Stras-bourg chun an home-ah Nimes 4-1 in an hne a, Lille chun an home-ah Metz 0-0 in an indrawpui a, Monaco in Dijon FC 1-0 in an hne

bawk. Lille hin game 13-ah point 19 hmuin pathumna an ni a, Bordeaux, Stade Reims, Nantes le Mar-seilled han point 19 seng an hmu ta bawk a nih.

Bundesliga:

Bayern Munich chun Dortmund an hne; Lewandowski in goal a la thun zawm pei

muNiCh: Bayern Mu-nich chun Inrinni zingkar khan an home-ah Borussia Dortmund 4-0 zetin an hne a, Robert Lewandowski chun season fe mekah match zat inhmai der loa goal thun a la sunzawm pei. Lewandowski hin goal khat chau khawm ni loin Inrinni zana inkhel huna hin minute 17 le minute 76 na haiah goal hni zet a thun a, European le Bundesliga games 15 haiah inhmai der loin Bayern Munich ta dingin goal a la thun zar zar a, hieng compe-tition pahni haia goal a thun zat chu 22 a tling ta hiel a nih.

Tuta Bundesliga sea-son khat sunga goal thun rawn tak record nei me-ktu chu Gerd Mueller niin, 1971/72 campaign a khan Bayern Munich ta dingin league goals 40 a lo thun a nih. Tuta ang zinga Lewandowski in

match tina goal thun hi a sunzawm pei chun Gerd Mueller record hi a hung khumkhel annawleh a hung inangpui phak ding a nih. Bayern Munich ta din-ga goal thuntu dang hai chu S. Gnabry (47) le M. Hum-mels (80) Own Goal hai an

nih. Bayern chun tuhin game 11 ah point 21 hmuin table-ah pathumna an ni mek a, hma\huoitu Mon-chengladbach leh an karah point khat char a tla a, pahnina RB Leipzig leh an point hmu an zat char ta bawk a nih. Inrinni zan match dang haiah Hoffenheim in a mikhuoltu FC Koln 2-1 in an hne a, RB Leipzig in a mikhuoltu Hertha 4-2 in an hne a, Schalke le Fortuna 3-3 in an indraw a, Union Berlin in Mainz 3-2 in an hne a, Augsburg in Paderborn 1-0 in an hne bawk.

Hannah cockroft in a vawi 5-na dingin World Para-Athlet-ic championship

gold a lak

loNdoN: Britian mi Hannah Cocroft chun Dubai hmuna World Pa-ra-Athletics Champion-ship –ah zani khan a za-wna vawingana dingin T34 100metre title (gold medal) a lak nawk leiin record thar a siem a, a team-mate Kare Adenegan chun Silver Medal a lak. Cockroft hi world champions vawi 11 lo nitah a ni a, 16.77 second in a tlung a, Adenegan hin sec-onds 17.49 hun a lak ve thung a nih. Aadenegarn (18) chun kum 2018 Anniversry Games a khan 16.80 sec-onds record siemin Cock-roft hi a lo hneban ve a nih.

Sparring incident-ah Austra-lian boxer Ritchie a thi

SydNey: WBO welter-weight champion hlui Jeff Horn le rematch nei dinga inpuocha mek Austra-lian middleweight boxer Dwight Ritche (27) chu Inrinni khan Melbourne hmuna Michael Zerefa le sparring session an nei hunah a tlu a, tho nawk ta loin a thi sawng niin Syd-ney Daily Telegraph report chun a hril. Ritchie thi hi Aus-tralian boxing community

chun pawi an ti thu le an sun thu Pathienni khan an puong a. Ritchie thi thu hi a promoter Jake Ellis in Facebook fethlengin suk-chiengna a siem. Ellis chun, Ritchie thi thut chun a suknguiin a \hawng hle thu hrilin a sung le kuo hai a sunpui thu a hril. Ritchie hi “The Fight-ing Cowboy” tia ko a lo ni hlak a, 19-2 record nei a nih.

An hnek nuhnung tak chu August thlaa IBF Australasian super welter-weight title fight-ah Tim Tszyu in unanimous deci-sion-a a lo hneban \um kha a nih. Thla hmasa lai khawm khan American boxer Pat-rick Day chu Chicago hmuna Charles Conwell in a knockout-a a hneban zoin a thluokah hliemna a tuok a, a hnungin a lo thi ta bawk. Day kha inhnek naa hliem leia tukum sunga boxer thi pathumna a nih. July thla khan Argentina mi Hugu Santillan chu San Nicolas le an inhnek zoin a lo thi ta bakah Maryland hmuna inhneknaa hliem leiin Russian fighter Max-im Dadashev a lo thi ta bawk a nih.

Championship finalist hai chau Olympic qualifiers ah direct qualification an hmu ding ti a ni a, hi lei hin box-ing categories tina trials nei a ni ding a nih tiin a hril. Mary Kom (51kg) le Lovlina Borgohain (69 kg) hai \hangin India nuhmei boxer tukawm boxing cat-

egories panga- 51kg, 60kg, 64kg, 69kg le 75kg haia fi-nalist ni phak an um naw a. Mary Kom le Lovlina Bor-gohain hai khawm hi semi-finals-ah an tla leiin bronze medal la ve ve an nih. Olympic qualifiers-ah Mary Kom exempts ding ti thua hin tulai hnai el khan

Olympic Qualifiers: All women trials December 29-30 sung nei dingNew delhi: Kum thar 2020 a Tokyo hmuna Olympic Games hung um ding le inzawma Nuhmei boxer India squads th-langsuokna dinga all-wom-en category trials chu De-cember 29-30, 2019 inkar sung khin nei ning a tih tiin High Performance Director Santiago Nieva chun Inrin-ni khan a hril. Tuta hma khan Boxing Federation of India (BFI) president Ajay Singh chun world champion vawi 6 lo nitah Mary Kom chu trials fethleng hran loa direct-a lak dinga a lo hril lei khan hril neu neu a lo um a, sienkhawm selection bouts a hin Olympic boxing cat-egories 5 haiah trials nei vawng a ni ding thu a hung hril ta leiin Mary Kom chungchanga hrilsep chu a hung tawp ta a nih. Olym-pic qualifiers chu February , 2020 vel khin China rama nei ding a nih. August thlaa BFI ex-ecutive committee thutluk-na \hangsanin Nieva chun, policy dungzuiin World

junior world champion hlui Nikhat Zareen chun sa-wiselna siemin, Mary Kom

khawm trials in hmasawn tir ngei dingin a lo phut ta a nih. Hi thua hin Mary Kom khawmin dawnletna si-emin, Nikhat Zareen chu vawi tam tak a lo hneban tah a ni thu hrilin, inhnek-pui nawk a \inaw thu a lo hril ta a nih. India pasal boxer hai khawm world medal-list Amit Panghal (52kg) le Manish Kaushik (63kg) hai ti lo categories dang 6- (57kg, 69kg, 75kg, 81kg, 91kg, +91kg) hai chu De-cember 27-28, 2019 inkar sunga trials ah an \hang vawng ding a nih.

music video Tlangzarna nei

CCpur: “Vân Angel tiem seng lo” ti hla Pi Florence Vanrammawi First Sin-gle Music Video chu Nov. 10, 2019 zan dar 6:30 PM khan Saidan ICI Biekin ah Tlângzârna nei a nih. Hun Vawngtu’n Tv. Mathew Lalramlien a \hanga, \awng\aina Upa Johnson, Vice Chairman Local Com-mittee in a nei a, Inpâkna Hla Nk. Rebecca Lalengmawi a inthawk ngaithlak a ni zoin Hun Bîk ah Ramlawmsanga Khawlhring, Manager KMT, (Fiel Bîk) le L F Nun-gate, Chairman K|P ha’n hun an hmang a, Hla Tlângzârna Timothy Z Zote, SS-DDC Chairman, (Khuol Bîk) in a nei

a, \awng\aina Upa Chanchinmawi, Vice Chairman K|P in a nei zoin hun hmang zo niin mipui fekhawm ha’n Thingpui dawnt-langna an nei bawk. Artiste Pi Florence Vanrammawi hi hla kungpui (L) Pu Buonglienkung a naunu a nih. Pu Stephen L Songate of Saidan, CC-Pur leh inneiin nau pakhat an nei tah.inlettu : dr. lal denamusic : rodik Keivomrecording : ruolngul’s records

a video link -https://youtu.be/mSQi7r1neuo