ANG KAHALAGAHANNG KOMUNIKASYON SA PAGPAPATATAG NG PAMILYA

Komunikasyon sa Pakikipagkapwa

KOMUNIKASYON

Galing sa salitang latin naCOMMUNIS na nangangahulugang “Common” o karaniwang o pagiging magkatulad.

TATLONG BAHAGI NG

KOMUNIKASYON

1. BERBAL NA KOMUNIKASYON

Gumagamit ng wika, pasulat man o pasalita.

Ayon kay ARGYLE, ito ay ginagamit upang ipaabot ng tagapagsalita ang anumang impormasyon tungkol sa isang bagay na nais niyang ipaalam sa tagapakinig.

2. DI-BERBAL NA KOMUNIKASYON

Ang pakikipag-ugnayan sa iba’t ibang paraan na hindi gumagamit ng salita.

Ito ay maidadaan sa pamamagitan ng mga sumusunod:

A. ANG KATAWAN (KINESICS)

Ano ang maaaring ipakahulugan ng thumbs up gamit ang daliri? Kapag ang isang tao ay hindi mapakali sa upuan at pabalik-balik na naglalakad sa isang lugar. Ano ang nais sabihin ng taong palaging nakatingin sa relo habang may kausap? Ano ang ibig ipakahulugan ng pag-upo ng mag-aaral sa dulo ng kanyang upuan sa oras ng talakayan?

B. ANG MUKHA (FACIAL EXPRESSION)

Naipapakikita rito ang iba’t ibang emosyon ng tao tulad ng pagkatuwa, pagkalungkot, pagkagulat, pagkatakot, pagkagalit at pagkayamot. Ang ekspresyon sa mukha ng tao ay nagpapakilala ng kanyang ugali.Natuklasan sa pag-aaral na higit na naipapakita ang emosyonal na kalagayan ng tao sa kanyang mukha.

C. ANG MATA (EYE CONTACT)

Ang itinuturing na tuwiran at makapangyarihang anyo ng di-berbal na komunikasyon.Sinasabing ang mata ay ang bintana ng ating kaluluwa. Naipapahayag sa pamamagitan nito ang kaisipan at damdamin ng tao.Karaniwang may nais iparating ang titig, sulyap at tingin ng isang tao.

D. ESPASYO O DISTANSYA(PROXEMICS)

Ang itinuturing na pansariling “bula”- ang espasyo na inilalagay sa pagitan ng sarili ng ibang tao Gaano ka kalapit kapag nakikipag-usap ka sa isang tao? Saang bahagi ka ng inyong silid-aralan nakaupo.

E. PAGHAWAK(HAPTICS)

Ang pagdama o paghawak ay nagpapakita ng intensyon o damdamin ng isang tao.Ang mensaheng nais ipabatid sa pamamagitan nito ay nakadepende sa sitwasyon, sa taong sangkot sa komunikayon at sa paraan ng paghawak.

F. PARALANGUAGE

Ang inyong mensahe ba ay tugma sa paraan ng iyong paghahatid nito? Ayon sa pananaliksik, ang paralanguage ay ang mga tunog na di-berbal tulad ng pagtaas at pagbaba ng tinig, bilis at bagal ng pagsasalita na nagpapahiwatig ng emosyon na maaaring husgahan anuman ang nilalaman ng mensahe.Ipinahihiwatig nito na mahalga ang pagiging tugma ng tinig at mensahe.

G. PANANAHIMIK

Ito ay maaaring magkaroon ng positibo o negatibong impluwensya sa proseso ng komunikasyon.Maaari itong magdulot ng tensyon at pagkailang o kaya’y katiwasayan ng sitwasyon.Ang pananahimik ay maaring pagsang-ayon o di-pagsang-ayon.

H. ORAS O PANAHON(CHRONEMICS)

Ang pananaw ng tao tungkol sa oras at kung papaano niya ito ginugugol ay paraan ng komunikasyon.

3. BIRTWAL (VIRTUAL) NA KOMUNIKASYON

Dulot ng makabagong teknolohiya kung saan ang paghahatid ng imporsmasyon o aksyon ay naipahahatid saan mang lokasyon gamit ang information technology.

PAGKAKAUGNAY NG BERBAL AT DI-BERBAL NA

KOMUNIKASYON

1. PAG-UULIT (REPEATING) Ito ay ang paggamit ng kilos-kamay upang patatagin o bigyang diin ang berbal na mensahe.

2. PAGSASALUNGAT (CONFLICTING)

Ang berbal at di-berbal sa magkaparehong interaksyon ay maaaring maghatid ng magkasalungat na mensahe

3. PAGTUTUGMA (COMPLEMENTING)

Magiging angkop ang interpretasyon ng mensahe kapag ang berbal at di-berbal na komunikasyon ay magkatugma. Ang di-berbal na komunikasyon ay ginagamit upang maipaliwanag nang mabuti ang isang berbal na impormasyon.

4. PAGPAPALIT (SUBSTITUTING)

May pagkakataong ang di-berbal na komunikasyon ang ginagamit lamang sa pagpapahayag ng mensahe. Ginagamit ang di-berbal kahit hindi ginagamitan ng berbal na pagpapahayag ng mensahe, subalit kapag hindi naging epektibo ang komunikasyon sa paraang di-berbal, ang berbal ay ginagamit upang ito ay higit na maunawaan.

5. PAGPIPIGIL O PAGKONTROL (REGULATING)

Ang di-berbal na kilos ay maaaring pumigil o kumontrol ng pag-uusap. Halimbawa: Ang paghawak sa braso ng kausap ay nagsasabing mayroon kang nais sabihin kaya’t ikaw muna ang magsasalita. O kaya naman sa gitna ng maingay na klase, ilalagay mo ang iyong hintuturo sa iyong labi upang sila ay tumahimik.

6. PAGBIBIGAY-DIIN O PAGKAKALMA (ACCENTING / MODERATING)

Karaniwang ginagamit ang mga di-berbal na kilos upang bigyang diin o bigyang linaw ang mensahe o maaari rin itong gamitin upang gawing banayad o kalmantehin ang berbal na mensahe. Halimbawa: Ang isang taong berbal na nagbibigkas ng galit ay mabibigyang diin ito sa pamamagitan ng pagkuyom ng kanyang palad o matalim na tingin.

LIMANG ANTAS NG

KOMUNIKASYON

PAKIKIPAG-USAP SA ISANG SIMPLENG KAKILALA

(LEVEL OF ACQUAINTANCE)

Pinakamababaw na uri ng pakikipag- usap ngunit madalas na ginagamit nating Pilipino.

Hindi natin nabibigyan ng malalim na pansin ang tunay na kahulugan nito.

Hindi makabubuti kung ang lahat ng tao ay iyong kakausapin sa ganito lamang na antas.

PAKIKIPAG- USAP UPANG MAGBAHAGI NG MAKATOTO-HANANG IMPORMASYON

(REPORTER’S TALK)

• Ito ay ang pagbabahagi ng impormasyon na tumutugon sa tanong na ANO, SINO, SAAN, KAILAN at iba pa.

• Sa ganitong antas ng komunikasyon, wala tayong ibinabahaging malalim tungkol sa ating sarili at wala tayong hinihingi tungkol sa ating kausap.

• Dito, hindi hinihingi ang opinyon o ng ekspresyon ng damdamin. Hindi ito bumubuo ng intelektwal, emosyonal, ispiritwal, o pisikal na pagkakalapit. (intimacy).

PAKIKIPAG- USAP UPANG MAGBAHAGI NG IDEYA O OPINYON

(INTELLECTUAL TALK)

Sa pagkakataong ito, hindi na lamang mga impormasyon ang ating ibinabahagi kundi nagbabahagi na rin tayo ng ating opinyon, mga pakahulugan o interpretasyon, at mga paghatol (judgements).

Hinahayaan na natin na makita ng tao ang ating iniisip at kung paano pinoproseso ang mga impormasyon na nakakalap nito.

Sa antas na ito, may mga posibilidad na magdulot ng pagsasalungatan, kung kaya nga ang taong nagsasalita ay nagigigng maingat sa salitang bibitawan.

PAKIKIPAG- USAP UPANG MAG- BAHAGI NG SARILING DAMDAMIN (EMOTIONAL TALK)

Sa antas na ito, malaya na na naibabahagi ang iyong sariling damdamin sa iba. Mas mahirap magabahagi ng damdamin kaysa sa iniisip dahil itinunturing natin na ang ating damdaming pribado.

Maituturing na malayo ang agwat nito sa ikatlong antas dahil malalim na bahagi ng ating sarili ang ibinabahagi sa isang tao.

Mas madaling tanggapin ang pagsalungat sa opinyon o ideya ngunit hindi ang damdamin.

Mahalaga ang pagiging maingat sa paggamit ng antas na ito.

Ngunit kapag napagtagumpayan ito, mas malalim na uri ng pakikipag- ugnayan ang maaring mabuo rito.

PAKIKIPAG- USAP UPANG IBAHAGI ANG TOTOONG SARILI NA GINAGABAYAN NG PAGMAMAHAL

(LOVING, GENUINE, TRUTH TALK)

Ito ang pinakamataas na antas na komunikasyon.

Sa pagkakataong ito, ibinabahagi natin sa ibang tao ang ating mga pangangailangan, mga alalahanin, pangarap, takot o pag- asa.

Nasasabi natin ang lahat ng ito nang buong katapatan at wala tayong inhibisyon o pag-aalinlangan.

Sa bahaging ito, mahalaga ang pagtanggap, pag-unawa at paggalang.

Huwag kakaligtaan na mapagatagumpayan lamang ito kung ito ay gagabayan ng tunay na pagmamahal.

MGA HADLANG SA EPEKTIBONGKOMUNIKASYON

1. PAGTANGGI(DENIAL)

May mga pagkakataon na ang tao ay tumatangging ibahagi lalo na yaong mga bagay na hindi tayo komportableng ibahagi sa ating kapwa. Lalo na kung mga bagay na hindi natin masabi nang harapan o kaya naman ay mga bagay na hindi tayo komportableng ipagtapat sa kanila ng harap-harapan.

2. PAGPAPALIT(SUBSTITUTION)

May mga pagkakataon na naibabaling natin sa ibang tao ang mga bagay na hindi natin masabi sa taong nararapat na makatanggap nito. Nakahahadlang ito sa epektibong komunikasyon dahil hindi makatutulong ang pagbaling sa ibang tao upang mabigyang-solusyon ang suliranin.

3. DI-PAGKAKAPAREHO O DI-PAGKAKAANGKOP(INCONGRUENCE)

Nangyayari ito sa mga pagkakataon na ang pasalitang paraan ng komunikasyon ay di tumutugma sa ekspresyon ng mukha, tono ng pananalita, lakas o hina ng boses at iba pa. Ang taong tumatanggap ay magbibigay ng kaniyang sariling interpretasyon sa iyong ipinahihiwatig.

4. PAGBABAWAL(INHIBITION)

May mga pagkakataon, lalo na sa tahanan kung saan pinagbabawalan ang ilang kasapi na magbahagi ng ilan sa kanilang mga ideya at damdamin. Kapag nakasanayan, magiging balakid ito sa ganap na pagiging bukas sa komunikasyon sa loob ng pamilya.