lokaverkefni til bs-prófs í viðskiptafræði vörumerkjastjórnun¶rumerkjastjórnun... ·...
TRANSCRIPT
Lokaverkefni til BS-prófs
í viðskiptafræði
Vörumerkjastjórnun
Ávinningur lítilla og meðalstórra fyrirtækja
Ívar Þorsteinsson
Leiðbeinandi: Dr. Þórhallur Örn Guðlaugsson, dósent Júní 2016
Vörumerkjastjórnun
Ávinningur lítilla og meðalstórra fyrirtækja
Ívar Þorsteinsson
Lokaverkefni til BS-gráðu í viðskiptafræði
Leiðbeinandi: Þórhallur Örn Guðlaugsson, dósent
Viðskiptafræðideild
Félagsvísindasvið Háskóla Íslands
Júní 2016
2
Vörumerkjastjórnun lítilla og meðalstórra fyrirtækja
Ritgerð þessi er 12 eininga lokaverkefni til BS-prófs við
viðskiptafræðideild, Félagsvísindasviði Háskóla Íslands.
© 2016 Ívar Þorsteinsson
Ritgerðina má ekki afrita nema með leyfi höfundar
Prentun: Háskólaprent
Reykjavík, 2016
3
Formáli
Þessi ritgerð er lokaverkefni til BS-gráðu í viðskiptafræði með áherslu á markaðsfræði og
alþjóða viðskipti við Háskóla Íslands. Ritgerðin gildir til 12 ECTS eininga. Leiðbeinandi minn
við smíði ritgerðarinnar var Þórhallur Örn Guðlaugsson, dósent við Viðskiptafræðideild
Háskóla Íslands og kann ég honum bestu þakkir fyrir hjálp og leiðsögn.
Mig langar til að beina þökkum til Þórðar Sverrissonar, aðjúnkts og kennara í Inngangi
að vörumerkjastjórnun fyrir upplífgandi og áhugaverða kennslu í faginu en hann ber
ábyrgð á því að vekja áhuga höfundar á vörumerkjastjórnun og beitingu hennar í
markaðsstarfi. Sérstakar þakkir fær svo eiginkona mín fyrir að styðja dyggilega við bakið
á mér á meðan á skrifum stóð.
Í upphafi ritgerðarsmíðar hóf ég leik teljandi mig nokkuð vel að mér í fræðum þeim er
tengjast vörumerkjastjórnun. Eftir á að hyggja ofmat ég stöðuna því að á þeim tíma sem
skrif þessi tóku, hef ég lært mikið um vörumerkjastjórnun og einstakar víddir hennar. Það
eru mjög margir snertifletir á þessari grein markaðsfræðanna en þeir eru að mínu mati
mikilvægir. Ferlið í heild sinni var áhugavert og skemmtilegt en að sama skapi krefjandi
og stundum lýjandi. Engu að síður tel ég mig reynslunni ríkari og áhugi minn á
vörumerkjastjórnun hefur stóraukist við þessa reynslu.
4
Útdráttur
Flest fyrirtæki þurfa að reiða sig á markaðssetningu í einni eða annarri mynd. Nú á dögum
fer hluti markaðssetningar fram á netinu og eru í boði margar staðlaðar útfærslur af slíkri
vinnu. Fyrirtæki eins og Google, Facebook, Snapchat og fleiri bjóða fyrirækjum staðlaðar
útfærslur af markaðssetningu sem ætlað er að ná til sem flestra og er umræðan um
markaðssetningu að færast meir og meir í átt að þessum lausnum. Lítil fyrirtæki búa
iðulega við krappan kost og því þarf að vanda til verka þegar kemur að markaðsmálum
sem og öðrum þáttum í rekstri þeirra. Vörumerkjastjórnun getur spilað veigamikið
hlutverk innan markaðsstarfs fyrirtækja og hefur talsvert verið ritað um mismunandi
nálganir fyrirtækja á því viðfangsefni. Í flestum tilvikum er umræðan um stórfyrirtæki sem
eru leiðandi í sinni grein. Fyrirtæki eins og Coca Cola, VW, McDonalds, Starbucks og fleiri
eru tíðrædd í þessu samhengi. Minna hefur verið fjallað um með hvaða hætti lítil og
meðalstór fyrirtæki notast við vörumerkjastjórnun í sínu markaðsstarfi og er því ærið
verkefni að skoða þann hluta enda eru langflest fyrirtæki lítil og meðalstór.
Tilgangurinn með þessari ritgerð er því að varpa ljósi á með hvaða hætti lítil og
meðalstór fyrirtæki geta notast við þær aðferðir sem vörumerkjastjórnun hefur að bjóða.
Byrjað er á því því að skoða einstaka þætti vörumerkjastjórnunar og þeir skýrðir með vísan
til dæma þegar færi gefst. Þegar sú umfjöllun tekur enda verða settar upp einfaldar
leiðbeiningar um það með hvaða hætti lítil fyrirtæki geta notast við vörumerkjastjórnun í
markaðsstarfi sínu. Ritgerðin er sett upp í formi fræðilegrar umfjöllunar um helstu þætti
vörumerkjastjórnunar. Að lokinni þeirri umfjöllun er fjallað um með hvaða hætti, lítil og
meðalstór fyrirtæki geta heimfært fræðin um vörumerkjastjórnun á markaðsfærslu sína.
5
Efnisyfirlit
1. Inngangur ......................................................................................................... 7
2 Vörumerkjastjórnun............................................................................................. 9
2.1 Hvað er vörumerki? .................................................................................... 10
2.2 Uppbygging vörumerkis.............................................................................. 11
2.3 Að viðhalda sterku vörumerki .................................................................... 14
2.4 Vörumerkjavirði og vörumerkjaverðmæti ................................................. 16
2.5 Viðskiptavinamiðað vörumerkjavirði ......................................................... 17
2.6 CBBE líkanið ................................................................................................ 17
2.6.1 Vörumerkjavitund ............................................................................... 19
2.6.2 Merking/Skynjun ................................................................................. 20
2.6.3 Viðbrögð.............................................................................................. 21
2.6.4 Samband/tengsl .................................................................................. 21
3 Útvíkkun vörumerkis (Brand extension) ............................................................ 23
4 Miðuð markaðsfærsla ........................................................................................ 25
4.1 Markaðshlutun ........................................................................................... 25
4.2 Markaðsmiðun............................................................................................ 26
4.3 Staðfærsla ................................................................................................... 26
4.3.1 Aðgreining ........................................................................................... 28
4.3.2 Ávinningur ........................................................................................... 28
4.3.3 Blue Ocean .......................................................................................... 29
4.3.4 Vörukort .............................................................................................. 30
4.3.5 Samantekt ........................................................................................... 33
5 Lítil og meðalstór fyrirtæki og vörumerkjastjórnun .......................................... 34
5.1 Í upphafi skyldi endinn skoða ..................................................................... 34
5.2 Vörumerkjastjórnun hjá litlum og meðalstórum fyrirtækjum ................... 35
5.2.1 Fyrstu skrefin....................................................................................... 36
6
5.2.2 Uppbygging vörumerkjavirðis ............................................................. 37
5.2.3 Að staðfæra vörumerkið ..................................................................... 38
5.2.4 Að aðgreina vörumerkið ..................................................................... 40
5.2.5 Internetið og vörumerkjastjórnun ...................................................... 41
5.2.6 Þegar vel tekst til................................................................................. 41
5.2.7 Hvað skal varast .................................................................................. 42
6 Hugleiðingar um vörumerkjastjórnun ............................................................... 44
Heimildaskrá ............................................................................................................ 45
Myndaskrá
Mynd 1:Uppbygging vörumerkis (Johansson og Carlson, 2015) ...................................... 12
Mynd 2: Uppbygging vörumerkis og styrkur vörumerkis (Johansson og Carlson,
2015) ..................................................................................................................... 13
Mynd 3: Ansoff líkanið ...................................................................................................... 14
Mynd 4: CBBE líkanið (Keller, 2013) ................................................................................. 19
Mynd 5: Vörukort 1 fyrir fyrsta Iphone símann (Johansson og Carlson, 2015)................ 31
Mynd 6: Vörukort 2 (Þórhallur Guðlaugsson og Gunnar Magnússon, 2012) ................... 32
7
1. Inngangur
Markaðsfærsla er nauðsynleg flestum fyrirtækjum. Samkeppni er víðast hvar hörð og
fátítt að fyrirtæki eyði hvorki tíma né fjármagni í einhvers konar markaðsstarf.
Vörumerkjastjórnun er einn þáttur innan markaðsfærslu sem hefur skipað sér stóran sess
innan fræðanna og hafa margir fræðimenn á sviði markaðsfræði ljáð viðfangsefninu tíma
sinn (Keller, 2013; Kotler og Armstrong, 2012).
Þessi ritgerð fjallar um vörumerkjastjórnun og hlutverk hennar í stjórnun lítilla og
meðalstórra fyrirtækja. Leitast verður að veita svör við spurningunni:
Hvaða ávinning geta lítil og meðalstór fyrirtæki haft af því að notast við
vörumerkjastjórnun í markaðsstarfi sínu?
Til að svara þessari spurningu voru fræðin að baki vörumerkjastjórnun skoðuð ásamt
dæmum úr atvinnulífinu þar sem bæði vel hefur tekist til og illa. Var notast við
fyrirliggjandi gögn, enda mikið verið ritað um viðfangsefnið og oft einfaldrara og
hraðvirkara að notast við fyrirliggjandi gögn, fremur en að finna til frumgögn (Burns og
Bush, 2014). Að lokum voru tekin saman helstu atriði og sett upp hvaða aðferðir er hægt
að nota við vörumerkjastjórnun hjá litlum og meðalstórum fyrirtækjum.
Tilgangur ritgerðarinnar er að sýna fram á mikilvægi vörumerkjastjórnunar, hvaða hag
lítil og meðalstór fyrirtæki geta haft af því að notast við hana í markaðsstarfi sínu, og með
hvaða hætti þau geta beitt aðferðafræði vörumerkjastjórnunar við markaðsfærslu.
Upphaflega stóð til að halda úti eigindlegri rannsókn sem fólst í að tala við
markaðsstjóra og aðra sem sinna markaðsmálum hjá litlum og meðalstórum fyrirtækjum
með það að markmiði að varpa ljósi á með hvaða hætti þau fyrirtæki væru að notast við
vörumerkjastjórnun í markaðsstarfi sínu. Var hins vegar vikið frá þeirri áætlun eftir að
tekin höfðu verið viðtöl við ein sex fyrirtæki og í ljós kom að einungis eitt þeirra hugðist
notast við vörumerkjastjórnun í einhverri mynd. Ákvað höfundur því að einblína á og
bera kennsl á tiltekin efnisatriði innan vörumerkjastjórnunar og að þeirri umfjöllun
lokinni, að setja upp eins konar praktískar leiðbeiningar, sem aðilar er sinna
markaðsstarfi geta notað til að fá betri sýn á það hvernig vörumerkjastjórnun getur verið
notuð innan fyrirtækja.
8
Höfundur reiknar ekki með að þessi ritgerð verði til þess að umbylta hugmyndum um
vörumerkjastjórnun eða markaðsfærslu á neinn hátt. Einungis er reynt að draga fram
þau helstu atriði um vörumerkjastjórnun sem geta skipt markaðsfólk máli og heimfæra
þau á veruleika sem lítil og meðalstór fyrirtæki standa frammi fyrir.
9
2 Vörumerkjastjórnun
Markaðsstarf fyrirtækja er af öllum stærðum og gerðum. Markaðsfærsla getur falist í því
að örva eftirspurn með vöru eða þjónustu eða að bæta stöðu fyrirtækis á markaði. Það
má einnig lýsa markaðsfærslu sem starfi sem felst í að bera kennsl á og finna leiðir til að
mæta þörfum hjá mönnum og samfélögum (Kotler og Keller, 2012).
Sífellt fleiri fyrirtæki eru að uppgötva það að vörumerki geta talist til verðmætra
eiginleika og eigna. Heimurinn er stöðugt að verða flóknari og einstaklingar þurfa að taka
fleiri og fleiri ákvarðanir og hafa minni tíma til að gera það. Nú á dögum þurfa þeir sem
sinna markaðsmálum að finna leiðir til að skara fram úr í stjórnun vörumerkja sinna.
Vörumerkjastjórnun er í senn hönnun og útfærsla markaðsaðgerða og ferla til að byggja
upp, mæla styrk og þróa vörumerki með það að markmiði að hámarka virði þeirra. (Kotler
og Keller, 2012).
Vörumerkjastjórnun er notuð hjá mörgum fyrirtækjum í daglegu markaðsstarfi þeirra.
Í mörgum tilvikum eru meira að segja grunnreglur vörumerkjastjórnunar notaðar við
stefnumarkandi ákvarðanir fyrirtækja. Það má samt að gera greinarmun á
vörumerkjastjórnun fyrirtækja sem eru lítil og meðalstór og vörumerkjastjórnun
stórfyrirtækja. Lítil fyrirtæki búa oftast nær við annan veruleika en stærri fyrirtæki. Stærri
fyrirtæki geta verið með margfalt meiri veltu og hagnað en þau sem minni eru og geta því
átt auðveldara um vik við að ráðast í kostnaðarsamar markaðsaðgerðir. Minni fyrirtæki
þurfa iðulega að horfa í hverja krónu sem notast er við og því er veruleikinn aðeins annar
þegar minni fyrirtæki takast á hendur að skipuleggja markaðsstarf (Krake, 2005). Það er
þó ekki þar með sagt að verkefnið sé óyfirstíganlegt því eru vafalaust fjölmörg dæmi þess
að lítil og meðalstór fyrirtæki séu með fyrirtaks markaðssetningu og vörumerkjastjórnun.
Það er algengt að sjá í fræðiritum um markaðsfræði og vörumerkjastjónun að
umfjöllunin snýr að stórum hluta um stórfyrirtæki en lítil og meðalstór fyrirtæki hljóta
minni umfjöllun (Spencer og Leila, 2010). Coca Cola, Harley Davidson, Proctor & Gamble,
Virgin og fleiri stór alþjóðleg fyrirtæki hafa stundum verið tekin fyrir og þeirra
vörumerkjastjórnun skoðuð í þaula (Kotler og Keller, 2012). Samkvæmt tölum frá
Hagstofu Íslands, þá voru lítil og meðalstór fyrirtæki stærstur huti allra fyrirtækja á
landinu (Hagstofan, 2005). Það er því ekki úr vegi að skoða það sérstaklega hvort að
10
aðferðirnar sem rætt er um í sambandi við stóru alþjóðlegu fyrirtæki eigi heima í tengslum
við markaðsfærslu minni fyrirtækja.
Þessi ritgerð mun fjalla í stórum dráttum um helstu atriði er varða vörumerkjastjórnun
og verður dregin upp mynd af helstu þáttum sem viðkoma þessari undirgrein
markaðsfræðinnar.
2.1 Hvað er vörumerki?
Hægt er að skilgreina vörumerki á fleiri en einn máta. Samkvæmt American Marketing
Association (2016) er vörumerki skilgreint sem „nafn, hugtak, slagorð, tákn, hönnun eða
sambland af öllu framangreindu, og er ætlað að auðkenna fyrirtæki, vöru eða þjónustu
frá samkeppnisaðilum“ (AMA, 2016). Það má þó einnig styðjast við aðrar skilgreiningar á
hugtakinu. Samkvæmt skilgreiningu Keller (2013) hefur vörumerki hefur verið lýst sem
einhverju sem skapar vitund, orðspor eða vekur athygli á markaði. Vörumerki er oft tengt
nafni vöru eða þjónustu og er varið höfundarrétti. Grönroos (2007) skilgreinir vörumerki
sem ímynd, en ímyndin er svo árangur þeirra samskipta sem hafa átt sér stað milli
viðskiptavina og umsjónaraðila vörumerkisins. Þessi samskipti mynda tiltekið samband
milli vörumerkisins og viðskiptavina þess sem gefa vörumerkinu ákveðna þýðingu í huga
viðskipavina. Skilgreining Aaker (1991) fól svo í sér að vörumerki væri ákveðin þáttur, s.s
nafn eða merki, sem aðgreinir vöru eða þjónustu frá öðrum fyrirtækjum. Vörumerkið vísar
því til framleiðanda eeða eiganda þess, og veitir vernd frá samkeppnisaðilum.
Í grófum dráttum má segja að vörumerki eins og um þau er fjallað í þessari ritgerð
gegni tvennum tilgangi. Annars vegar má miða við skilgreiningu Einkaleyfastofu, sem þó
tengist ekki vörumerkjastjórnun. Í henni felst að aðgreina vöru, þjónustu eða fyrirtæki frá
samkeppnisaðilum sínum út frá lagalegum sjónarmiðum. Þ.e. þegar viðkomandi er varin
höfundar- og eignarétti (Einkaleyfastofa, 2016). Hins vegar má skilgreina vörumerki og
fræðin sem þar liggja að baki sem tól í markaðssetningu. En að baki vörumerkjum getur
legið umfangsmeiri skilgreining skv. Keller (2013). Hann fjallar um að vörumerki sé
eitthvað sem býr í huga viðskiptavinar. Því má lýsa sem eins konar einingu sem
endurspeglar skynjanir og undirmeðvitund í mönnum.
11
Vörumerki geta vakið ýmis hughrif hjá tilteknum markhópum og ekki síður er það
hlutverk markaðstjóra að finna út hvar best er að staðsetja vörumerkið til þess að ná sem
mestum hag fyrir fyrirtækið (Johansson og Carlson, 2015; Ries og Trout, 1986)
2.2 Uppbygging vörumerkis
Það getur falist í hlutverki markaðsstjóra að ákvarða hvernig hann hyggur á uppbyggingu
vörumerkis. Það er hægt að benda á tilteknar leiðir sem hafa verið sannreyndar og hafa
reynst vel í gegnum tíðina.
Vel heppnuð vörumerkjauppbygging felur í sér að nokkur lykilatriði þarf að virða. Það
þarf að skilgreina skýrlega hverjir eru mikilvægustu viðskiptavinirnir. Ekki allir
viðskiptavinir eru jafn dýrmætir vörumerkinu. Þá þarf að setja fjármagn í markaðsaðgerðir
þar sem það er líklegt að skila sem mestum árangri og arðsemi. Það þarf að auki að setja
raunhæf markmið með það að í huga að vörumerkjastjórnun er langtímaverkefni. Að
lokum þá þarf stöðugt að vera vakandi um mælingar á öllum viðeigandi snertiflötum
vörumerkjauppbygginarinnar (Hogan, Almquist og Glynn, 2005)
Ein nálgun við uppbyggingu vörumerkja felur í sér að uppbyggingarferlinu er skipt í þrjá
hluta, vitund um vörumerki, ímynd vörumerkis og persónuleika vörumerkis (Johanson og
Carlson, 2015). Síðari hlutarnir eru byggðir á þeim sem á undan koma. Fyrsti þátturinn,
vitund um vörumerki, felur í sér að vörumerki er komið á framfæri við markhópa eða
tilvonandi viðskiptavini. Á þessu tímabili eru viðskiptavinurinn að kynnast vörumerkinu og
hefja samband sitt við það. Næsta þrep felur í sér að viðskiptavinurinn er að kynnast
vörumerkinu og ímynd vörumerkisins þróast í huga hans. Sambandið er að styrkjast á
grundvelli vel heppnaðrar vitundarvakningar. Þriðja þrepið felur í sér að vörumerkið hefur
þróað með sér persónuleika í huga viðskiptavinar. Í sumum tilvikum er persónuleiki
vörumerkisins svo sterkur að vörumerkið fer að tilheyra viðskiptavininum sem
framlengingu á honum sjálfum (Johansson og Carlson, 2015). Þetta má sjá á mynd sem
sýnir hvernig hægt er að byggja upp vörumerki.
12
Mynd 1:Uppbygging vörumerkis (Johansson og Carlson, 2015)
Myndin sýnir hvernig framangreindir þættir eru tengdir og stuðla að uppbyggingu
vörumerkis í sameiningu. Þegar nýtt vörumerki er byggt upp, þá mun það þróa með sér
vitund meðal viðskiptavina, ímynd og persónuleika. Þessir skref munu verða þess valdandi
að í huga viðskiptavinarins fer vörumerkið að standa fyrir eitthvað meira en einungis vörur
og þjónustu. Það fer að skila eins konar virði til neytenda tengdu því að það dregur úr
praktískri og sálfræðilegri áhættu af notkun vörumerkisins (Johansson og Carlson, 2015).
Framangreind áhætta felur í sér að alltaf þegar vara eða þjónusta er keypt, þá er
ákveðin áhætta fólgin í því að vara sé gölluð eða standi ekki undir væntingum. Þegar sú
áhætta minnkar þá styrkist staða vörumerkisins í huga viðskiptavinarins og hann fer að
líta á vörumerkið sem framlengingu á sjálfum sér (Johansson og Carlson, 2015). Aftur má
sýna fram á hvernig þessi virkni er með myndrænni uppsetningu eins og má sjá hér.
Styrkur
vörumerkis
Tími
Vitund um vörumerki
Persónuleikivörumerkis
Ímynd vörumerkis
13
Mynd 2: Uppbygging vörumerkis og styrkur vörumerkis (Johansson og Carlson, 2015)
Myndin sýnir hvernig vitund um vörumerki rennir stoðum undir það að það getur
dregið úr paktískri áhættu, ímynd vörumerkis styður við það að dragi úr sálfræðilegri
áhættu og persónuleiki vörumerkis er stoð við það að viðskiptavinurinn fari að upplifa
vörumerkið sem hluta af sjálfum sér.
Það hlýtur að vera draumur allra markaðsstjóra að byggja vörumerki upp í slíkar hæðir
að viðskiptavinir fara að samsama sig vörumerkinu og hollusta þeirra felur í sér endurtekin
kaup. Það eru ekki mörg vörumerki sem njóta slíkrar hollustu. Apple er sjálfsagt
nærtækasta dæmið á okkar tímum, þar sem viðskiptavinir eru mjög félaginu og vörum
þess og hefur Apple tekist að staðfæra vörumerki sín einstaklega vel á mörkuðum
(Johansson og Carlson, 2015). Annað dæmi sem mætti benda er er Harley Davidson en
það er þekkt staðreynd að þeir sem eiga slík mótorhjól eru mjög hollir vörumerkinu (Haig,
2004).
Styrkur
vörumerkis
Tími
Vitund um vörumerki
Persónuleikivörumerkis
Ímynd vörumerkisDregur úr praktískri
áhættu
Dregur úr sálfræðilegri áhættu
Framlenging á sjálfi viðskiptavinar
14
2.3 Að viðhalda sterku vörumerki
Þegar vörumerki hafa verið byggð upp og þau náð sterkri stöðu, þarf að huga að því hvaða
leiðir skal velja til að ýmist viðhalda því eða örva vöxt þess enn frekar. Það er því mikilvægt
að velja réttu áætlunina til áframhaldandi starfs í vörumerkjastjórnun.
Ein aðferð til að meta hvaða leið skal taka er líkan sem Igor Ansoff (1957) setti upp þar
sem hægt er að meta leiðir til vaxtar eða styrkingar á starfsemi og hægt er að heimfæra
yfir á vörumerkjastjórnun. Sjá mynd 3 af Ansoff líkaninu.
Mynd 3: Ansoff líkanið
Samkvæmt líkaninu eru 4 aðferðir mögulegar þegar fyrirtæki ætlar sér að auka umfang
starfsemi sinnar og auka dýpt og dekkun vörumerkisins síns. Líkanið býður upp á fjóra
möguleika sem hægt er að nota til að auka vaxtarmöguleika (Richardson og Evans, 2007).
Markaðsáhersla (market penetration) felst í því að fyrirtæki leggur áherslu á að bæta
núverandi vöru eða þjónustu sem boðin er á markaði og allt kapp lagt á að auka
markaðshutdeild hennar. Þegar þessari aðferð er beitt, þá er leitast við að fá núverandi
viðskiptavini til að auka neyslu sína og reynt er að laða nýja viðskiptavini að. Þessi aðferð
hefur verið talin sú áhættuminnsta af þeim fjórum aðferðum sem Ansoff kynnir í líkani
Markaðsáhersla/ Market
Penetration
Núverandi vörur Nýjar vörur
Nýj
ir M
arka
ðir
Nú
vera
nd
i mar
kað
ir
Markaðsþróun / Market
Development
Aðgreining / Diversification
Vöruþróun / Product
Development
15
sínu þar sem að bæði vörur fyrirtækisins og markaðurinn sem það starfar á eru þekkt
(Richardson og Evans, 2007).
Þegar verið er að hanna nýja vöru eða þjónunstu fyrir núverandi markað, er um að
ræða vöruþróun (product development). Hér er t.d. leitast eftir því að bjóða nýja útgáfu
af vöru sem hefur verið í sölu. Þegar þessari aðferð er beitt, er um meiri óvissu að ræða
en þegar um er að ræða markaðsáherslu og því er hún talin áhættumeiri þar sem ný vara
felur í sér meiri óvissu en þekkt vara, þó svo að starfsemin fari fram á þekktum
markaði(Riley, 2012).
Þegar fyrirtæki ákveður að fara með núverandi vöru inn á nýja markaði, er það kallað
markaðsþróun (market development). Í þessu tilviki er farið með vöru sem hefur verið á
núverandi markaði og er hún aðlöguð að nýja markaðinum. Markaðs þróun er talin
áhættumeiri en markaðsáhersla þar sem markaðurinn er óþekktur (Riley, 2012).
Þegar fyrirtæki þróar nýja vöru og býður hana á nýjum markaði, er um að ræða
aðgreiningu (diversification). Þessi aðferð er sú áhættumesta af öllum fjórum þar sem um
er ræða óvissu bæði frá vörunni og frá markaðinum. Það er lykilatriði að skýr markmið
séu til staðar svo að þessi aðferð sé nothæf til vaxtar. Eins og svo oft vill vera með
áhættusamar aðgerðir, þá eru líkur til þess að ef að vel heppnast, geti ávinningur
fyrirtækisins orðið umtalsverður (Riley, 2012).
Þó svo að Ansoff líkanið sé ekki eiginlegt tól í vörumerkjastjórnun þá má notast við það
þegar búið er að byggja upp vörumerki í þannig styrkleika að hægt að fara að leiða hugann
að því hvort eigi að viðhalda stærð þess eða auka umfang þess. Það má til að mynda
notast við markaðsáherslu til að reyna að auka hollustu við vörumerkið. Þá má einnig vísa
til vöruþróunar í samhengi við að nota núverandi vöru til að kynna nýjar vörur undir hatti
sama vörumerkis (úttvíkkun vörumerkis). Einnig má notast við styrk vörumerkisins til að
fara inn á nýja markaði eins og markaðsþróun mælir fyrir um. Að lokum má fara í
aðgreiningu sem myndi fela í sér að mörg vörumerki yrðu rekin undir einum og sama
hattinum. Það felur í sér að vörumerki sem hefur sterka stöðu á markaði, kaupir minni
vörumerki og verður eins konar regnhlífarfyrirtæki. Þetta hafa fyrirtæki eins og Proctor &
Gamble og Volkswagen gert (Johansson og Carlson, 2015).
16
2.4 Vörumerkjavirði og vörumerkjaverðmæti
Það hefur sýnt sig að uppbygging sterkra vörumerkja getur skilað fyrirtækjum margskonar
fjárhagslegum ávinningi og er nú til dags í fyrrirúmi hjá mörgum fyrirtækjum (Kotler og
Keller, 2012).
Vörumerki eru talin sterk ef að þau búa yfir sterkri, jákvæðri og einstakri stöðu í huga
eða minni markhóps (Johansson og Carlson, 2015). Vörumerki eru stundum metin út frá
vörumerkjavirði þeirra (brand equity) en vörumerkjavirði hefur m.a. verið skilgreint sem
þeir jákvæðu og neikvæðu eiginleikar sem ýmist bæta eða draga úr því virði sem
vörumerkið færir viðskiptavinum sínum (Aaker, 1991). Önnur skilgreining felst í því að
vörumerkjavirði er hið viðbætta virði er vörumerki ljáir vöru (Farquhar, 1990). Til
einföldunar má líta á vörumerkjavirði sem þann mátt sem vörumerkið nýtur af
viðskiptavild og hversu þekkt það er á markaði. Þessi máttur nýtist í aukinni sölu og hærri
framlegð en samkeppnisaðilar njóta. Þessu má t.d. lýsa með dæmi. Ef tvær vörur eru
nánast óaðskiljanlegar að öllu leyti nema að annað þeirra er með hátt vörumerkjavirði,
þá eru líkur með því að viðskiptavinurinn kjósi þá vöru sem er með hátt vörumerkjavirði í
huga hans (Johansson og Carlson, 2015). Eitt þekktasta dæmið þar sem hægt er að sýna
fram á vörumerkjavirði er svokölluð Pepsi áskorun sem framkvæmd var á 8. og 9. Áratug
síðustu aldar. Pepsi framkvæmdi þá blind próf (blind test) þar sem fólk smakkaði á Pepsi
annars vegar og Coca Cola hins vegar. Í blindu prófunum þá var mikill meirihluti sem kaus
Pepsi fram yfir Coke. Hins vegar þegar framkvæmd voru samskonar próf, nema að fólk
vissi hvað það var að drekka, þá var mikill meirihluti sem kaus Coca Cola fram yfir Pepsi
(Haig, 2003). Því miður leit Coca Cola framhjá því hversu sterk staða þess var í huga
viðskiptavina þeirra og kynnt nýja vöru, New Coke til sögunnar. Sú ákvörðun átti eftir að
draga dilk á eftir sér þar sem viðskiptavinir fyrirtækisins neituðu að kaupa nýja drykkinn
og Coca Cola þurfti að draga í land og kynna til sögunnar Coca Cola Classic. Þessi
framkvæmd, bæði hjá Coca Cola og Pepsi sýnir hvað vörumerkjavirði í huga viðskiptavina
er dýrmæt fyrirtækjum og eigendum vörumerkja (Keller, 2013). Við þetta má bæta að
neytendur hafa verið taldir reiðubúnir að greiða hærra verð fyrir vörur eða þjónustu hjá
vörumerkjum sem búa yfir háu vörumerkjavirði (Buil, Martinez og Chernatony, 2013).
Á meðan að vörumerkjavirði er huglægur þáttur sem erfitt getur verið að meta til fjár
með beinum hætti, þá hefur það tíðkast hjá fyrirtækjum að gera nákvæmlega það.
17
Vörumerkjavirði þarf að meta út frá sjónarhóli fyrirtækisins og er þá um að ræða
söluverð vörumerkis. Þetta virði er mismikið eftir því hver eigandi vörumerkisins er þar
sem það er munur á milli getu eigenda til að búa til vörumerkjaverðmæti úr
vörumerkjavirði (Raggio, og Leone, 2009).
Þessir tveir þættir, vörumerkjavirði og vörumerkjaverðmæti, eru mælistikur á það
hversu vel hefur til tekist við vörumerkjastjórnun fyrirtækis. Hátt vörumerkjavirði felur í
sér að vörumerkið hefur sterka stöðu í huga viðskiptavinar og skilar sér í lægri sölu- og
markaðskostnaði og aukinni framlegð og hagnaði. Vörumerkjaverðmæti eykst með
aukningu á vörumerkjavirði og ef það er mælt, getur það orðið ein af dýrmætustu eignum
fyrirtækja.
2.5 Viðskiptavinamiðað vörumerkjavirði
David Aaker (1991) skilgreindi viðskiptavinamiðað vörumerkjavirði sem ákveðna
eiginleika, góða og slæma, sem tengdir eru við vörumerki, nafn þess eða auðkenni, sem
ýmist bæta við eða draga frá virðinu sem vörur eða þjónusta fyrirtækis veita
viðskiptavinum þess. Þessi skilgreining gengur út frá því að viðskiptavinur geti notið
ákveðins öryggis í vali sínu á vöru, þ.e. að vörumerki sem hefur hátt vörumerkjavirði í huga
viðskiptavinar, felur í sér ákveðið öryggi fyrir viðskiptavininn og hann getur talið sig treysta
vörumerkinu.
Hugmyndin að baki viðskiptavinamiðuðu vörumerkjavirði er sú að hugtakið er nálgast
frá sjónarhóli viðskiptavinarins hvort sem hann er einstaklingur eða skipulagsheild, og þá
hvort sem hann er núverandi eða tilvonandi viðskiptavinur. Er þá grundvöllur
hugmyndarinnar sá að kraftur vörumerkisins liggi því sem viðskiptavinur hefur heyrt um
vörumerkið, fundið um, séð og heyrt um vörumerkið á ákveðnu tímabili. Með öðrum
öðrum orðum má lýsa því að styrkur vörumerkis liggi í því, hvar vörumerki búi í hugum og
hjörtum viðskiptavina (Keller, 2013). Þessi hugmynd felur í sér að allt starf sem lagt er í og
tengist vörumerkinu, er nálgast út frá upplifun viðskiptavinarins og því sem honum finnst
um vörumerkið.
2.6 CBBE líkanið
Viðskiptavinamiðað vörumerkjavirði gengur út á það að meta vörumerkjavirði út frá
skynjun viðskiptavinarins af vörumerkinu (Shafi og Madhavaiah, 2014). CBBE líkanið
18
(customer based brand equity model) mælir með fjórum skrefum til að byggja upp sterkt
vörumerki: Fyrsta skrefið felst í að skapa vörumerkinu auðkenni (identity). Í því felst að
koma skilaboðum á framfæri til viðskiptavina svo að þeir öðlist vitneskjum um tilvist
vörumerkisins. Annað skrefið felst í að skapa vörumerkinu viðeigandi merkingu (brand
meaning). Það felur í sér að sýna fram á fyrir hvað vörumerkið stendur. Þriðja skrefið felst
í að að vekja jákvæð viðbrögð við vörumerkinu með jákvæðum samskiptum við
viðskiptavini. Fjórða og síðasta skrefið felst svo í að styrkja samband vörumerkisins við
viðskiptavinina og þróa þannig hollustu við vörumerkið (Keller, 2001; Pappu, Quester, og
Cooksey, 2005).
Samkvæmt Keller (2013) er það markmið vörumerkis að komast frá því að skapa
auðkenni, upp í að vera með sterkt samband við viðskiptavini sem eru hollir vörumerkinu.
Æðsta skrefið felur í sér mjög mikla dýpt í samskiptum vörumerkisins við viðskiptavini þess
(resonance). Sú staða getur komið upp þegar allir þættir CBBE líkansins eru til staðar. Með
þessa dýpt í samskiptum geta fyrirtæki átt von á því að viðskiptavinir þess sýni því
einstaklega hátt stig hollustu. Vörumerki sem ná þessari stöðu meðal viðskiptavina sinna
geta átt von á því að uppskera ríkulega, t.d. með því að geta selt vörur sínar á hærra verði
og með því að ná fram aukinni skilvirkni í markaðsstarfi (Keller, 2013). CBBE líkanið sýnir
á myndrænan hátt hvernig sterkt vörumerki er byggt upp og hvaða einstakir þættir það
eru sem skapa vörumerkjavirði sem byggt er á skynjun viðskiptavinarins á eiginleikum
þess eins og sjá má að mynd sem hér er sett fram út frá skilgreiningur Keller.
19
Mynd 4: CBBE líkanið (Keller, 2013)
Líkanið er byggt á fjórum skrefum. Vitund, merkingu, viðbrögð og samband. Þessi
fjögur skref eru í senn hráefni og aðferðir til að ná árangri í að byggja upp traust vörumerki
sem nýtur hollustu viðskiptavina sinna. Þessi skref samanstanda svo af 6 atriðum sem
hvert um sig getur veitt upplýsingar um hvar í uppbyggingarferlinu við erum stödd. Það
er hægt að líta á og skilgreina líkanið með ýmsum hætti. Hér verður leitast við að skýra
þau fjögur skref sem reynt er að klífa með notkun líkansins.
2.6.1 Vörumerkjavitund
Í upphafi þarf að að koma vörumerki á framfæri. Þetta skref felst í að skapa
vörumerkjavitund (salience). Þetta skref felur í sér að komið er á framfæri, hvað
vörumerkið er. Ef að það ætti að mæla árangur af þessum hluta líkansins, þá yrði það gert
með því að finna út hversu útbreidd vörumerkjavitundin er. Er um að ræða vöru eða
þjónustu og er reynt að koma til vitundar neytandans, hvað það er sem vörumerkið
stendur fyrir. Það er mikilvægt koma þeim skilaboðum til neytandans hvað það er sem
vörumerkið gerir. Þessari tegund vitundar má koma á eftir ýmsum kynningarleiðum,
auglýsingum og öðrum herferðum sem afhjúpa vörumerkið sem tiltekna lausn við tilteknu
vandamáli.. Í þessum skilaboðum sem félagið sendir frá sér er hægt að setja fram
20
grundvallar upplýsingar um félagið, vöruna eða vörumerkið, með það að markmiði að
gera vörumerkið eftirminnilegt í huga viðskiptavinar (Johansson og Carlson, 2015).
Við þetta verður þó að bæta að vörumerkjavitund eins og hún er skilgreind í fræðunum
um vörumerkjastjórnun felur í sér meira en það að viðskiptavinur einfaldlega geri sér
grein fyrir tilvist vörumerkisins og geti gert það án þess að á vörumerkið sé minnst
(Romaniuk, 2004). Í þessu felst einnig að skilgreina hvort og þá hvernig viðskiptavinir
tengja ákveðin einkenni vörumerkisins, lógó, liti og nafn þess, við ákveðin hughrif. Að auki
felur þetta í sér að reyna að koma vörumerkinu „efst í huga“ (top-of-mind)
viðskiptavinarins (Keller, 2001; Hakala, Svensson og Vincze, 2012).
Vörumerkjavitund má mæla á tvennan hátt. Annars vegar út frá dýpt (depth)
vörumerkisins og hins vegar út frá breidd (breadth) þess . Dýpt vörumerkis felur í sér
hversu auðveldlega neytendur þekkja eða muna eftir vörumerkinu. Breidd felur í sér þann
fjölda aðstæðna sem neytendur tengja við vörumerkið í tengslum við kaup eða neyslu á
hvers kyns vöru eða þjónustu (Keller, 2013).
2.6.2 Merking/Skynjun
Eins mikilvæg og vörumerkjavitundin er, þá nægir hún ekki ein og sér. Næsta skref felst í
að koma viðskiptavinum í betri skilning um hvaða vörur og þjónustur búa að baki
vörumerkinu og einnig hvaða ímynd það er sem vörumerkið vill halda úti. Á þessi stigi
þróar viðskiptavinurinn með sér betri skilning á þeim tilfinningalegu eiginleikum sem það
hefur í för með sér að versla við vörumerkið. Þetta felur m.a. í sér að með því að versla
við tiltekið vörumerkið, þá minnkar áhætta viðskiptavinarins (Johansson og Carlson)Til að
skýra þetta má segja að fyrirtæki reynir að koma viðskiptavini í það hugarástand að þegar
hann kaupir vörumerki fyrirtækisins, þá á hann að geta treyst því að varan býr yfir
ákveðnum eiginleikum eða gæðum.
Það að þróa merkingu vörumerkising í huga viðskiptavinar og skynjun neytenda á
vörumerkinu, felur í sér myndun á ímynd vörumerkisins. Ímynd vörumerkis er þá það sem
það stendur fyrir í huga viðskiptavinarins (Keller, 2001).
Ímynd vörumerkisins fer nú að þróast, en það gerist bæði í gegnum kynningarherferðir,
auglýsingar, almannatengsl og fleira í þeim dúr, og einnig í gegnum kaup á vörunni
(Johansson og Carlson, 2015).
21
2.6.3 Viðbrögð
Ef að vel hefur tekist til í fyrsta og öðru skrefinu, þá mun það sjást í þriðja skrefinu sem
felst í viðbrögðum viðskiptavinarins. Nú þegar hingað er komið, er viðskiptavinurinn búinn
að kaupa vöruna eða þjónustuna og hann hefur orðið var við kynningar vörumerkisins. Á
þessum tíma sést hversu vel hefur tekist til því að viðskiptavinurinn fer að mynda sér
tiltekna skoðun um vörumerkið og í huga hans fær vörumerkið ákveðinn persónuleika
sem endurspeglar fyrsta og annað skrefið. Ef vel hefur tekist til, verða til jákvæð hughrif í
huga viðskiptavinarins þegar hann sér vörumerkið eða verður var við það. Með jákvæðum
hughrifum, þá fer viðskiptavinurinn að trúa því að það sé honum til hagsbóta að velja
vörumerkið fram yfir önnur (Keller, 2001; Johansson og Carlson, 2015)
2.6.4 Samband/tengsl
Síðasta skrefið í líkani Kellers sýnir fram á þegar samband er komið á milli vörumerkis og
viðskiptavinar. Ef rétt er haldið á spilum, þá geta vörumerki skipað mikilvægan sess í huga
viðskiptavinar og hann sýnir því algera hollustu á tilteknum sviðum. Vörumerkið hefur á
þessum tíma komið sér upp ákveðnum persónuleika sem á vel við viðskiptavininn og í
sumum tilvikum, er vörumerkið orðið að ákveðinni framlengingu á viðskiptavininum
sjálfum (Johansson og Carlson, 2015).
Æðsta staða sem vörumerki getur ætlast til að ná í huga viðskiptavinar er sú sem felur
í sér mikla dýpt. Það felur í sér að viðskiptavinurinn sýnir vörumerkinu mikla hollustu og
lítur á vörumerkið sem part af lífi sínu. Þessari tegund dýptar má skipta í fjóra flokka:
(1)Hollusta í hegðun (behavioral loyalty) felur í sér hversu oft og hve mikið
viðskiptavinurinn kaupir af vöru eða þjónustu. Eftir því sem kaupin verða algengari og
meira er keypt, því betra fyrir hagnað fyrirtækisins. (2) Kaupviðhorf (attitudinal
attachment) er skýringin á því hvers vegna viðskiptavinur kaupir. Ef hann er einungis að
kaupa vörumerkið sökum nauðsynja, þá er dýptin ekki til staðar. Hins vegar ef
viðskiptavinur kýs að kaupa vörumerkið því hann hefur ákveðin persónuleg tengsl við það,
þá má skilgreina það sem dýpt. (3)Samfélagslegi þátturinn (sense of community) felur í
sér að vörumerkið er farið að skipa aukinn sess í huga viðskiptavinar þar sem hann er
farinn að líta á sig sem hluta af samfélagi við aðra sem einnig stunda viðskipti við
vörumerkið. (4) Fjórði og síðasti þátturinn í dýpt á vörumerki er virk þáttaka (active
engagement). Það þýðir að viðskiptavinurinn er reiðubúinn að eyða tíma, orku,
22
fjármunum og öðrum auðlindum í þætti sem tengjast vörumerkinu, umfram það sem felst
einungis í kaupunum á þeim. Þetta gæti t.d. verið að ganga í aðdáendaklúbb, vera á
póstlista eða eiga í einhvers konar samskiptum við aðra viðskiptavini vörumerkisins
(Keller, 2001)
23
3 Útvíkkun vörumerkis (Brand extension)
Útvíkkun vörumerkis (brand extension) felur í sér þegar vörumerki sem þegar er til staðar
er notað til að kynna nýja vöru eða þjónustu í öðrum flokki en upprunalega vörumerkið
(Johansson og Carlson, 2015; Aaker og Keller 1990). Ástæðan fyrir því að fyrirtæki ákveða
að stofna til útvíkkunar á vörumerki er sú að kostnaðarsamt og erfitt getur verið að setja
á laggirnar nýtt vörumerki. Til að sporna við þessum kostnaði, setja stjórnendur fyrirtækis
á laggirnar nýja vöru eða þjónustu, undir nafni eldra vörumerkis. Með því að notast við
núverandi vörumerki og útvíkka það yfir í nýjan vöruflokk, vonast stjórnendu
vörumerkisins til þess að neytendur færi með sér þá þekkingu á vörumerkinu sem hefur
verið byggð upp og þau hughrif sem tekist hefur að skapa yfir á nýju vöruna (Reast, 2005).
Oftast nær eru fyrirtæki að notast við vörumerkjaútvíkkun sem leið til að fara inn á
nýja markaði með hagkvæmum hætti. Kostnaður við kynningu á vörunni og kostnaður við
útgáfu hennar (launch) verður einnig lægri þar sem neytendur þekkja í mörgum tilvikum
vörumerkið (Aaker, 1990). Fjöldamörg fyrirtæki hafa í gegnum tíðina notast við
vörumerkjaútvíkkun til að reyna að notfæra sér styrk eldra vörumerkis. Virgin fyrirtækið
hefur sett á markað vörur og fyrirtæki tengd tónlist, ferðalögum, drykkjum, fjármögnun
og fleira (Virgin, 2016).
Það getur bæði haft í för með sér kosti og galla að víkka út vörumerki. Helstu kostirnir
eru þeir að styrkleiki eldra vörumerkis, getur dregið úr áhættu við að setja á laggirnar nýtt
vörumerki. Að auki getur verið hægt að nýta sér dreifileiðir og markaðssetningu eldra
vörumerkisins. Það er þó ekki gallalaust að víkka út vörumerki. Útvíkkunin dregur úr
sérstöðu eldra vörumerkisins og það getur komið upp sú staða að nýja vörumerkinu er
ekki tekið vel á markaðinum (Johansson og Carlson, 2015).
Það er þess virði að doka við og ganga úr skugga um það hvaða áhrif
vörumerkjaútvíkkun getur haft á ímynd vörumerkisins. Það getur farið svo, að ef ekki er
vel að gætt í vörumerkjaútvíkkun að ímyndin getur „þynnst út“. Það hefur sýnt sig að ef
vörumerki setur á markað vöru eða þjónustu sem er ekki tengd þeim vörum sem
neytendur tengja vörumerkið við, þá hefur það haft neikvæð áhrif á ímynd vörumerkisins .
Þetta er þó ekki algilt en er engu að síðu vísir að því að það þarf að gæta vel að þegar
hugað er að útvíkkun vörumerkis (Ries og Trout, 1986; Martinez og de Chernatony, 2004).
24
Í gegnum tíðina hafa mörg fyrirtæki farið illa á vörumerkjaútvíkkun og miklum
fjármunum hefur verið sóað. Harley Davidson sem er heimsfrægur framleiðandi
mótorhjóla settu á laggirnar ilmvatn sem var afar illa tekið. Heinz kynntu til sögunnar
hreinsiefni sem innihélt edik og náði aldrei vinsældum. Virgin kynnti til sögunnar Virgin
Cola sem náði aldrei þeim hæðum sem til var ætlast og Cosmopolitan, eitt frægasta
tímarit í heimi hóf framleiðslu á Cosmopolitan jógúrt sem voru mikil mistök og komst
aldrei úr startholunum (Haig, 2003).
Það sem þessi dæmi sýna fram á er að þó svo að hægt sé að spara fé á því að nýta sér
styrk eldra vörumerkis við kynningu á nýju, þá getur verið varasamt að fara inn á nýjar
vörulínur með eldra vörumerki þar sem ekki er víst að viðskiptavinir taki vel í það.
Þegar fyrirtæki nær þeirri stöðu á markaði að erfitt er að viðhalda vexti án þess að færa
sig yfir í fleiri vöruflokka en fyrirtækið starfar í, þá er vörumerkjaútvíkkun þó ekki eina
ráðið. Fyrirtæki eins og Mars og Proctor & Gamble eru þekkt fyrir það að kynna til
sögunnar ný vörumerki með góðum árangri (Mars, 2016; Proctor & Gamble, 2016). Í stað
þess að notast við útvíkkun á vörumerkjum sínum, þá er það oft stefnan hjá þeim að
notast við aðferðafræði vörumerkjastjórnunar og koma á markað með vel aðgreind og
skilgreind ný vörumerki.
Að lokum má benda á að samkvæmt Trout og Rivkin (2000) þá getur stefna sem felst í
því að vera með dreift vöruúrval undir sama vörumerkinu, getur valdið erfiðleikum þegar
kemur að því að aðgreina vörumerkið. Ýmis fyrirtæki, s.s. Toys‘r‘us standa nú frammi fyrir
því að vera verslun sem er með allar gerðir leikfanga undir einu þaki, og mæta samkeppni
úr ýmsum áttum frá aðilum sem sérhæfa sig í einni gerð eða einum vöruflokki í
leikföngum.
25
4 Miðuð markaðsfærsla
Staðfærsla er tól í höndum markaðsstjóra og þeirra sem hafa með markaðsstörf fyrirtækja
að gera. Staðfærslan stendur þó ekki ein og sér því að það eru tiltekin atriði sem þarf að
skoða samhliða staðfærslunni. Staðfærsla er til að mynda einn þáttur í miðaðri
markaðsfærslu. Miðuð markaðsfærsla (target marketing) er mikilvæg í nútíma
markaðsstarfi þar sem vitneskja neytenda um vörumerkið og markaðinn getur verið
mismikil. Miðuð markaðsfærsla samanstendur af þremur aðferðum sem beitt er til að
koma vörumerki á ákveðin stað í huga viðskiptavinar. Þessar aðferðir eru markaðshlutun
(segmentation), markaðsmiðun (targeting) og staðfærsla (positioning).
Hugmyndin að baki miðaðri markaðsfærslu er sú að viðskiptavinir og neytendur eru
ekki allir eins. Til þess að fyrirtæki geti hámarkað hag sinn af markaðsfærslu sinni, er því
mikilvægt að greina markaðinn með það að markmiði að finna þá hluta markaðarins sem
mestar líkur eru á því að markaðsaðgerðir skili árangri (Cahill, 1997).
4.1 Markaðshlutun
Heildarmarkaður er samansafn allra raunvörulegra og mögulegra kaupenda sem gætu
haft áhuga á, haft efni á og hafa aðgang að vöru. Markaðshlutun (market segmentation)
snýst um það að skipta þessum heildarmarkaði niður í smærri einingar af einsleitnari
neytendum sem hafa sambærilegar þarfir, sameiginleg einkenni, hegðun og þarfir (Keller,
2013; Wood, 2010, Cahill 1997).
Það eru engin takmörk fyrir því hvernig félag ákveður að nálgast markaðshlutun sína.
Bifvélaverkstæði gæti t.d. hlutað markaðinn niður eftir bifreiðategundum, á meðan að
snyrtivörufyrirtæki myndi fremur velja að skoða markaðinn eftir kyni á ákveðnu aldursbili.
Það er í raun og veru hverju fyrirtæki í sjálfvald sett, með hvaða hætti það gæti ákveðið
að nálgast markaðshlutun sína. Það væri þá að mestu leyti byggt á því á hvaða markaði
fyrirtækið starfar, og hvert fyrirtækið stefnir.
Ástæða fyrir því að þessi leið er valin má að rekja til þess að með því að hluta niður
markaðinn má ná ákveðnum hagsbótum. Með því að hluta markaðinn niður er hægt að
greina þá hluta markaðarins sem eiga ekki við vöruna eða vörumerkið eða eru ónáanlegir
einhverra ástæðna vegna. Þá stuðlar markaðshlutun að því að búnir eru til markhópar
sem hafa sambærilegar þarfir eða hegðun. Þetta verður til þess að markaðsstarf verður
26
skilvirkara og hægt er að nota þessa aðferð til að bera kennsl á tækifæri, ógnanir og unnt
er að forgangsraða markaðsstörfum (Cahill, 1997).
Til einföldunar má líta á markaðshlutun sem aðgerð sem felur í sér að í stað þess að
horfa á markaðinn sem eina heild. Er hann hlutaður niður í smærri einingar, sem byggðar
eru á þeim viðmiðum sem markaðsstjórar setja hverju sinni. T.d. gæti bílaframleiðandi
ákveðið að hluta markaðinn niður eftir aldri, tekjum og landfræðilegri staðsetningu þar
sem hann væri að huga að markaðssetningu pallbíls fyrir landbúnaðinn. Sjónum yrði þá
beint að því að búa til markhóp sem væri t.d. ungir bændur á Norðurlandi sem væru með
tilteknar árstekjur. Með þann markhóp, gæti svo markaðsstarfið falist í því að auglýsa
beint til þessara aðila sem eru innan hópsins.
4.2 Markaðsmiðun
Þegar búið er að skipta markaðinum upp í smærri hópa eftir ýmsum viðmiðum er komið
að því að miða markaðsfærslu að tilteknum hópum innan markaðarins. Þetta er kallað
markaðsmiðun (targeting). Þetta felst því að eftir að markaðurinn hefur verið hlutaður
niður eftir viðmiðum þeim sem félagið telur mikilvægt, þá er metið hvaða hópa er best að
markaðssetja vöruna eða þjónustuna til. Þetta getur verið byggt á ýmsum þáttum, allt
eftir því hvað félagið telur eiga best við hverju sinni. Þessir þættir geta snúið að því að
greina tækifæri á markaði eða finna hluta markaðarins sem eiga vel við vörumerkið
(Wood, 2010; van Raaij og Verhallen).
Í markaðsmiðun felst einnig annað hlutverk sem er ekki síður mikilvægt. Það er
útilokun á þeim hópun sem ekki stendur til að markaðssetja vörumerkið til. Þetta er
lykilþáttur innan markaðsstarfs að greina vel hvaða hópa á að markaðssetja til, en ekki
síður að útiloka þá hópa sem vörumerkið er ekki talið eiga erindi til. Með þessum hætti
er unnt að fá aukna skilvirkni í það markaðsstarf sem fyrir liggur (Wood, 2010).
4.3 Staðfærsla
Staðfærsla (positioning) er hugtak sem hefur verið til síðan Jack Trout og Al Ries settu það
fram í ritgerð sem þeir birtu í tímaritinu Industrial Marketing. Efni þeirrar ritgerðar færðu
þeir síðar í bókarform. Þeir Ries og Trout fjölluðu um auglýsingamarkaðinn eins og hann
birtist þeim sem samansafn af hávaða sem gerði það mjög erfitt fyrir auglýsendur og þá
sem vildu koma vörum sínum í hendur neytenda, að koma sér á framfæri. Á þeim tíma
27
sem bókin var skrifuð töluðu þeir um hversu gríðarmikið magn af upplýsingum, meðal
neytandi innbyrðir á degi hverjum, og því væri svo komið að neytendur væru farnir að
loka á auglýsingar og annað kynningarefni í huga sínum. Því töluðu þeir um að það fælist
ákveðin herkænska í því að í stað þess að reyna að angra neytendur með auglýsingum
sem þeir vildu í raun ekkert vita af, þá væri ráð að reyna að staðsetja vörumerki í huga
viðskipavinar með þeim hætti að þegar á vörumerkið væri minnst, eða neytendur yrðu
varir við auðkenni þess með einhverjum hætti, þá myndi það vekja tiltekin jákvæð hughrif
hjá neytandanum (Ries og Trout, 1986). Síðan þá hefur staðfærsla fest sig í sessi sem ein
af grundvallaraðferðum innan markaðsfræðinnar og tæplega er hægt að finna þann
markaðsstjóra sem a.m.k. þekkir ekki hugtakið.
Í grunninn þá felst staðfærsla í því að aðgreina vörumerkið frá samkeppninni, með
jákvæðum hætti. Vel heppnuð staðfærsla skilar sér í því að vörumerkið er „staðsett“ á
ákveðnum stað í huga viðskiptavinarins (Keegan og Green, 2005). Þegar vel tekst til, þá er
vörumerki „staðsett“ í huga viðskiptavinarins með þeim hætti að styrkleikar þess eru
ofarlega í huga viðskiptavinarins á meðan að veikleikar þess eru það ekki (Johansson og
Carlson, 2015). Kotler og Keller (2012) skilgreina staðfærslu svo með þeim hætti að um
sé að ræða það að stefna vörumerkisins sé á þá leið að það skapi sér ákveðinn stað i huga
viðskiptavinarins til að hámarka mögulegann hag fyrirtækisins.
Þessi hugmynd að staðsetja vörumerki á ákveðnum stað í huga viðskiptavinarins er
dregin af þeirri staðreynd að í nútímasamfélagi, þá eru neytendur kaffærðir í alls konar
skilaboðum alla daga. Því er eina leiðin til að ná almennilega til neytenda, að einfalda þau
skilaboð sem hann er að fá, og gera það á þann hátt að ekki er reynt að ná til allra.
Staðfærsla felur því í sér að senda tilteknum hópi viðskiptavina, tiltekin skilaboð með það
að markmiði að viðskiptavinurinn hugsi til vörumerkisins þegar að ákveðið orð eða hugtak
kemur upp (Ries og Trout, 1986). Þessu til skýringar má nefna dæmi að í huga
viðskiptavinar stendur Volvo fyrir öryggi á sama hátt og Red Bull stendur fyrir orkudrykk.
Staðfærsluhugtakið eins og það er skilgreint í dag, gengur að stórum hluta út á það að
uppfylla þarfir tiltekins hluta af heildarmarkaði betur en samkeppnisaðilar eru að gera.
Þetta snýr að fleiri atriðum en einungis að hafa uppi slagorð og myndefni, heldur snýst
staðfærsla um ferli sem felur í sér aðgreiningu á vörumerki með því að draga fram ákveðin
28
einkenni sem gerir það að þeim möguleika sem neytendur vilja helst kjósa (Akpoyomare,
Adeosun og Ganiyu, 2012).
4.3.1 Aðgreining
Nú á dögum verða neytendur sífellt fyrir áreiti í formi auglýsinga og annarra skilaboða
sem fyrirtæki eru að reyna að koma á framfæri. Þetta þýðir það að ef að vörumerki er ekki
aðgreinanlegt hvert frá samkeppnisaðilum sínum, eru litlar líkur á því að það nái árangri
og nái sterkri stöðu á markaði. Það er því mikilvægt fyrir aðila innan rekstrareininga, hvort
sem þeir tengjast markaðsstarfi eða ekki, að vera vakandi gagnvart mikilvægi þess að
vörur og þjónustur fyrirtækis séu aðgreinanlegar frá samkeppninni (Trout og Rivkin,
2000).
Samkeppnisstaða fyrirtækis veltur að miklu leyti á þáttum sem eru eftirtektarverðir hjá
því (salient attributes). Þessu má skipta í tvennt, annars vegar er um að ræða þá þætti
sem er samrýmanlegir samkeppnisaðilum, þ.e. það sem vörumerki á sameiginlegt með
samkeppninni (points of parity), og hins vegar þáttum sem aðgreinir vörumerkið frá
samkepninni (points of difference) (Johansson og Carlson, 2015).
Þó svo að ekki sé dregið úr mikilvægi þess að vörumerki séu skýrlega aðgreinanleg frá
samkeppnisaðilum sínum, verður einnig að gæta þess að þeir þættir sem eru
samrýmanlegir á markaði, séu skýrir líka. Það verður að gæta þess sérstaklega, áður en
farið er í að aðgreina fyrirtæki á markaði, að gæta þess að þessir, samrýmanlegu þættir
séu til staðar, því það eru þeir sem gefa til kynna að vörumerki býr yfir nauðsynlegum
eiginleikum sem gera það samkeppnishæft til að byrja með (Aaker, 2013). Þegar gengið
hefur verið úr skugga um að félag búi yfir þessum kostum, er fyrst ráðlegt að hefja leik við
aðgreiningu.
4.3.2 Ávinningur
Einn mikilvægur hlekkur við staðfærslu og aðgreiningu á markaði er það sem mætti kalla
virðisboð eða virðistilboð (value proposition). Neytendur þurfa oftar en ekki að taka
ákvörðun um val á milli tiltekinna vara eða þjónustu.Neytendurnir koma til leiks með
ákveðnar væntingar um gæði og eiginleika vara. Sá ávinningur sem neytandi fær fyrir
greiðslu sem hann innir af hendi fyrir vöru eða þjónustu, mætti kalla virði eða verðmæti.
29
Virðistilboð felur því í sér loforð um gærði og eiginleika þess ávinnings sem neytandi fr í
hendur eftir að hafa innt greiðslu af hendi (Kotler og Armstrong, 2012).
Lítil takmörk eru fyrir því hvers gerðar ávinningurinn er. Hann getur falist í loforði um
að bifreið sem neytandi kaupir sé öruggur, að tölvubúnaður sé notendavænn eða að
hráefni sem notað er til framleiðslu sé aflað á heiðarlegan og siðferðilegan máta.
Ennfremur getur falist loforð í því að með kaupum á tiltekinni vöru sé kaupandi að styrkja
ímynd sína út á við, t.d. með kaupum á Mercedes Bens bifreið.
4.3.3 Blue Ocean
Eitt af lykilhlutverkum við staðfærslu og það sem margir markaðsstjórar keppast við að
ná, er svokölluð blue ocean staða. Þegar lagt er í áætlanir sem miða að því að ná blue
ocean stöðu, þá snýr markmiðið að því að losna úr „rauða“ hafinu sem er fullt af
samkeppnisaðilum, og færa sig yfir í „bláa“ hafið þar sem vörumerkið getur setið eitt að
markaðinum (Kim og Mauborgne, 2005).
Þessi nálgun sem felst í að sækjast eftir því að komast inn á svæði á markaði sem felur
í sér að vörumerki er laust við samkeppni, snýst að miklu leyti um það að spyrja ekki
spurningarinnar „hvað er?“, heldur „hvað getur verið?“ Með slíkri nálgun geta fyrirtæki
oft á tíðum búið til sína eigin vöruflokka og náð að vera ráðandi afl þar (Kim og
Mauborgne, 2005). Eitt skýrasta dæmið frá síðari tímum er þegar Apple kynnti til
sögunnar Iphone. Á þeim tíma voru snjallsímar ekki mjög snjallir í raun og erfitt var að
nota þá. Eins og Steve Jobs kynnti Iphone til sögunnar, þá var um að ræða vöru sem bjó
yfir yfirburða tækni, og var mjög notendavænn. Með því að staðsetja sig með þeim hætti,
hefur Iphone náð gríðarsterkri stöðu á snjallsímamarkaðinum (Johansson og Carlson,
2015).
Það eru til fjöldamörg dæmi um vel heppnaðar blue ocean aðgerðir meðal vörumerkja
sem enn þann dag í dag lifa góðu lífi. Það má til að mynda sjá að Apple, sem enn leggur
mikið upp úr að vörur þeirra séu notendavænar, er metið verðmætasta vörumerki heims
hjá Interbrand (2015). Annað dæmi um gríðar vel heppnaða staðfærslu sem fól í sér að
búa nánast til nýjann vöruflokk er Cirque du Soleil. Sirkusinn Cirque du Soleil var stofnaður
1984 og í stað þess að bjóða upp á hefðbundinn sirkus með dýrum og trúðum, var allt
kapp lagt á að setja upp listræna sýningu með loftfimleikamönnum. Yfir 40 milljón manns
30
í yfir 90 löndum hafa séð Cirque du Soleil og er sirkusinn í dag ein stærsta útflutningsvara
Kanada (Kim og Mauborgne, 2005).
Það að ná árangri með notkun blue ocean áætlunar felur í sér fremur róttæka hugmynd
um samkeppni og markaði. Hugmyndin gengur út á það að í stað þess að stunda
samkeppni við önnur fyrirtæki, þá eiga fyrirtæki að hætta að keppa við samkeppnisaðila
sína. Þess í stað ættu fyrirtæki að einbeita sér að því að ímynda sér markað sem þau ein
geta stjórnað og eru ráðandi afl. Samkvæmk hugmynd Kim og Mauborgne (2005), þá eru
tveir markaðir, rauða hafið og bláa hafið. Í rauða hafinu keppa allir við alla á meðan í bláa
hafinu situr vörumerkið eitt að neytendum.
4.3.4 Vörukort
Vörukort (perceptual mapping) eru mjög góð leið til að gera sér grein fyrir hvar vörumerki
er statt á markaði. Kortið er einfalt, með y-ás og x-ás og felur í sér óendanlega möguleika
fyrir markaðsfólk til að staðsetja sig á markaði eftir hvaða mælikvarða sem taldir eru eiga
við. Kortin eru mikið notuð í markaðsrannsóknum enda um þróaða aðferð að ræða sem
getur veitt upplýsingar um hvernig landslagið er á markaðnum (Lilien og Rangaswamy,
2003).
Vörukort eru ekki ný af nálinni. Steve Jobs sýndi m.a. fram á staðfærslu Iphone símans
þegar hann var kynntur til sögunnar og var greinilegt að hann var að mörgu leyti hannaður
með það í huga að falla innan ákveðins svæðis á markaðinum (blue ocean) þar se
samkeppnin var ekki til staðar.
Hér munu fylgja tvær útfærslur af vörukortum þar sem sýnt er fram á fjölbreytileika
þeirra og hvernig þau geta nýst stjórnendum við að skoða markaðsaðstæður og greina
tækifæri á mörkuðum.
31
Mynd 5: Vörukort 1 fyrir fyrsta Iphone símann (Johansson og Carlson, 2015)
Þegar Steve Jobs kynnti Iphone til sögunnar sýndi hann fram á sambærilegt kort og er
hér sýnt að ofanverðu til að sýna fram á yfirburði nýju vörunnar. Það má sjá á þessu korti
að Ihone síminn var staðfærður fjarri allri samkeppni (Johansson og Carlson, 2015). Þetta
er mjög einföld útgáfa af vörukorti þar sem einungis er að finna notendaviðmót eða
„gáfur“ símtækja sem viðmið. Það kort sem hér fylgir er hefðbundnara vörukort þar sem
notast er við fleiri viðmið.
Iphone
Nokia E62
Treo
Moto Q
Cell phones
Hard to use Easy to use
Not so smart
Smart
32
Mynd 6: Vörukort 2 (Þórhallur Guðlaugsson og Gunnar Magnússon, 2012)
Á kortinu má sjá niðurstöðu úr rannsókn á þeim eiginleikum sem þáttakendur töldu að
ættu við um Ísland og aðrar þjóðir í Norðurhöfum. Sjá má að Ísland er talinn öruggur
áfangastaður, vinalegur, gestrisinn og er talinn búa yfir náttúrufegurð. Kortið var unnið úr
upplýsingum sem safnað var frá ferðamönnum sem höfðu heimsótt Ísland og skoðunum
þeirra á landinu og samanburðarlöndunum (Þórhallur Guðlaugsson og Gunnar
Magnússon, 2012).
Eins og sjá má eru lítil takmörk því sett með hvaða hætti staðfærslukort eru sett upp.
Þetta getur því verið mikilvægt tól í markaðssetningu fyrirtækja, því það getur skipt máli
að gera sér grein fyrir hvar fyrirtækið er statt, áður en hrundið er af stað aðgerðum til að
ná tiltekinni stöðu á markaði.
33
4.3.5 Samantekt
Vörumerkjastjórnun og staðfærsla samanstendur af mörgum efnisþáttum sem geta einir
og sér eða margir saman skipað veigamikinn sess í markaðsstarfi fyrirtækja. Það eru til
mýmörg dæmi þess að vörumerkjastjórnun skili fyrirtækjum gríðarmiklum árangri og í
öðrum tilvikum eru vörumerki metin til dýrmætustu eigna fyrirtækja. Mörg þessara
vörumerkja eru metin á hundruði milljóna bandaríkjadala (Interbrand, 2015) og er því
auðvelt að sjá að ef stærri fyrirtæki leggja mikla vinnu í stjórnun vörumerkja sinna, þá ætti
það sama að ganga með smærri fyrirtæki. Það má reikna með að flestöll stórfyrirtæki hafi
byrjað sem lítil fyrirtæki og hafi síðan unnið sig upp í að vera alþjóðleg fyrirtæki með
milljarðaveltu og mjög dýrmæt vörumerki. Fyrirtæki eins og Starbucks og Twitter hófu leik
sem smáfyrirtæki en hafa með elju, athafnasemi og líklega vörumerkjastjórnun í bland,
unnið sig upp í að vera margmilljarða alþjóðlegar einingar með þúsundir manna í vinnu
(Schultz og Gordon, 2012; Stone, 2014). Það má ekki gleyma því að þessi fyrirtæki voru
bæði stofnuð sem smáfyrirtæki og þurftu því að glíma við mörg af sömu viðfangsefnum
og vandamálum sem stofnendur og stjórnendur lítilla og meðalstórra fyrirtækja þurfa að
glíma við í dag. Þó má einnig benda á að mörg af þeim fyrirtækjum sem byrjuðu smátt og
unnu sig upp í að verða risavaxin, stunduðu vafalítið markvissa vörumerkjastjórnun.
34
5 Lítil og meðalstór fyrirtæki og vörumerkjastjórnun
Íslensk fyrirtæki koma í öllum stærðum og gerðum. Þúsundir fyrirtækja starfa á íslenskum
markaði. Það er þó ein athyglisverð staðreynd sem vert er að benda á að samkvæmt tölum
frá 2005, eru ríflega 99% allra fyrirtækja lítil og meðalstór ef gengið er út frá því að stór
fyrirtæki séu þau sem eru með 250 starfsmenn eða fleiri (Hagstofan, 2005).
Það er allur gangur á því hvernig íslensk fyrirtæki kjósa að nálgast markaðsstarf sitt.
Sum þeirra eru með mjög framsækna markaðsfærslu á meðan önnur kjósa að halda
markaðssetningu í lágmarki. Það er ekki umdeilt að á Íslandi hafa mörg fyrirtæki kosið að
notast við staðfærslu og aðrar aðferðir vörumerkjastjórnunar. Það er því ekki tilgangur
þessarar ritgerðar að rannsaka hvort íslensk fyrirtæki eru að notast við þessa gerð
markaðsfærslu. Hins vegar er áhugavert þegar skoðað er hversu mikið hefur verið ritað
um vörumerkjastjórnun, hversu lítið af því hefur verið um lítil og meðalstór fyrirtæki. Hér
verður reynt að kasta fram einfaldri mynd af því, með hvaða hætti lítil og meðalstór
fyrirtæki geta notast við aðferðir vörumerkjastjórnunar til að koma vörum sínu og
þjónustu á framfæri við neytendur.
Hér í framhaldi verður settur upp listi af aðferðum sem markaðsstjórar lítilla og
meðalstórra fyrirtækja geta notast við, til að styrkja vörumerki sinna fyrirtækja. Með það
markmið í huga að hafa ritgerðina nytsamlega verður reynt að fjalla um þau viðfangsefni
sem markaðsstjórar eða aðrir þeir sem hafa með markaðsmál lítilla og meðalstórra
fyrirtækja þurfa að glíma við.
5.1 Í upphafi skyldi endinn skoða
Markaðsstarf gengur að stórum hluta út á það að leita upplýsinga, túlka þær og útbúa efni
sem endurspeglar þær upplýsingar sem safnað var. Markaðsrannsóknir eru mikilvægur
þáttur í öllu markaðsstarfi. Tilgangur þeirra er einmitt að ljá stjórnendum réttar
upplýsingar um málefni er skipta máli svo þeir geti tekið réttar ákvarðanir á grundvelli
þeirra (Burns og Bush, 2000).
Það er hverjum markaðsstjóra hollt að hefja allt markaðsstarf á rannsóknum. Í
framhaldi þess er farið í markaðsáætlanagerð þar sem farið er í gegnum öll þau skref sem
við eiga til að markaðsvinna sé hnitmiðuð og hagkvæm. Markaðsáætlagerð inniheldur sjö
mikilvæg skref: Fyrstu tvö skrefin felast í því að greina fyrirtækið og vörumerkið ásamt því
35
að kanna núverandi aðstæður á markaði. Þetta skref helst í hendur með
markaðsrannsóknum þar sem framkvæmdar eru kannanir og aðrar rannsóknir í takt við
skoðun á innra umhverfi félagsins. Þriðja skrefið felur í sér miðaða markaðsfærslu þar sem
markaðshlutun, markaðsmiðun og staðfærsla eru ákveðnar. Því næst taka við tvö skref
sem fela í sér áætlanagerð á markaðssetningu og að lokum síðustu tvö skrefin sem
innihalda aðferðir við mælingar á árangri markaðsfærslunnar (Wood, 2013).
Öll framangreind skref eru mikilvæg innan markaðsstarfs lítilla fyrirtækja. Þar sem fé
er oft af skornum skammti, þá verða markaðsstjórar að vanda vel til verka og því
mikilvægt að þessum skrefum sé fylgt.
5.2 Vörumerkjastjórnun hjá litlum og meðalstórum fyrirtækjum
Þó svo að vörumerkjastjórnun sé orðin þekkt eining innan markaðsfræðanna, þá hefur
merkilega lítill gaumur verið gefinn því þegar lítil fyrirtæki þurfa að takast á við slík
verkefni Í raun er í fræðiritum oft á tíðum enginn munur gerður á stórfyrirtækjum og
litlum rekstrareiningum. Það þekkja þeir þó sem hafa séð, að mikill munur er á því að vera
með markaðsdeild með tugi fulltrúa og milljónatugi til ráðstöfunar, eða að vera með
nokkra hundruði þúsunda og standa einn í baráttunni (Krake, 2005; Berthon Ewing og
Napoli, 2008; Spence og Leila, 2010).
Þó svo að ekki hafi mikið verið ritað um nálgun lítilla fyrirtækja á vörumerkjastjórnun,
þá var rannsókn um einmitt það framkvæmd af Berthon, Ewing og Napoli (2008).
Niðurstöður þeirra benda til að lítil fyrirtæki hafa getað náð árangri í markaðsstarfi sínu
ef þau leggja áherslu á grundvallaratriði vörumerkjastjórnunar eins og s kilja þarfir
viðskiptavina og skynjanir þeirra á vörumerkinu og að útbúa viðeigandi (relevant)
vörumerki og byggja upp vörumerkið í gegnum tímann.
Þeir sem standa að markaðsstarfi fyrirtækja, hvort sem þau eru stór eða smá standa
frammi fyrir sömu viðfangsefnum. Hvernig kem ég vöru minni á framfæri. Hvernig eyk ég
vitund viðskiptavina um vöru mína? Það er þó áhugavert að velta þeirri spurningu upp
hvort að vörumerkjastjórnun lítilla fyrirtækja sé framkvæmd með sama hætti og hjá þeim
sem stærri eru.
36
5.2.1 Fyrstu skrefin
Þegar fyrirtæki eru sett á laggirnar, þá bíða stofnendum og frumkvöðlum krefjandi
verkefni. Það þarf að setja upp fyrirtækið á löglegan hátt hjá hinu opinbera, oft á tíðum
að þróa vörur, gera viðskiptaáætlanir setja upp gæðastjórnunarkerfi og hvaðeina sem
fellur til eftir því á hvaða vettvangi fyrirtækið starfar (Nýsköpunarmiðstöð Íslands, 2011).
Ef að stofnendur nýrra fyrirtækja og eigendur lítilla og meðalstórra fyrirtækja sem
þegar hafa verið stofnuð hafa hug á því að byggja upp sterkt vörumerki, þá er fyrsta
skrefið í því ferli að setja vörumerkið og vörumerkjastjórnun hátt á forgangslista
fyrirtækisins. Það er mikilvægt að setja tíma í þessa vinnu því að sterkt vörumerki er góð
leið til að aðgreina fyrirtækið frá samkeppninni og ef rétt er að þessu staðið, ýta undir þá
skynjun viðskiptavinarins að um gæða vöru og þjónustu sé að ræða (Krake, 2005)
Það er einnig mikilvægt að ef fyrirtækið er ekki rekið af einyrkja, að einhverjum innan
þess sé úthlutað verkefninu að halda utan um vörumerkjastjórnina. Eins er mikilvægt að
samskipti um vörumerkið fari sem víðast um fyrirtækið og sé ekki einungis haldið á hendi
eins eða fárra aðila. Með þessu verða starfsmenn meðvitaðir um vörumerkið og merkingu
þess í viðskiptum fyrirtækisins á markaði (Krake, 2005).
Það má skoða það hvort sé sterkara, nafn fyrirtækisins eða nafn vörumerkis í eigu
fyrirtækisins. Ef að nafn vörumerkisins býr yfir meiri styrk, þá má skoða hvort að það borgi
sig að breyta nafni fyrirtækisins í nafn vörumerkisins. Þetta eykur þá athygli sem snýr að
vörumerkinu og fyrirtækinu, dregur úr markaðskostnaði og eykur vörumerkjavitund innan
skipulagsheildarinnar. Þá má að sama skapi skoða hvort að ekki borgi sig að skoða
möguleika á að tengja vörumerkið við annað og sterkara vörumerki og byggja á samstarfi
við það. (Krake, 2005).
Það er nauðsynlegt að viðhalda ákveðnum vinnubrögðum við markaðssetningu ef
tilgangurinn er að byggja upp sterk vörumerki. Það verður að hafa áhersluna á einu
vörumerki en ekki mörgum. Ellegar er hætta á því að það fjari undan vörumerkjavitund. Í
markaðssetningu vörumerkisins ætti að leggja áherslu á einn eða tvo lykilþætti sem geta
tuðlað að aðgreiningu vörumerkisins frá samkeppnisaðilum. Merki vörumerkisins ( logo),
umbúðir, merkimiðar og annað ætti allt að vera vel aðgreinanegt frá samkeppnisaðilum
og öðrum merkjum og ganga þarf úr skugga um að nafn vörumerkisins komi fram svo
viðskiptavinir séu ekki í neinum vafa um að um vörumerkið sé að ræða (Krake,2005).
37
Eins og með alla starfsemi fyrirtækja þarf svo að vinna ötul llega og stöðugt að
vörumerkjastjórnun. Það er lykilatriði að halda verkinu til streitu og gefast ekki upp heldur
halda áfram því með tímanum þá fer vörumerkjastjórnunin að skila sínu. Að lokum verður
að benda á, að ef stjórnendur telja sig ekki valda hlutverkinu, þá er kominn tími á að ráða
einhvern utanaðkomandi sem getur tekið verkefnið að sér og skilað skapandi og
hugvitsömum hugmyndum í markaðsstarfið (Krake, 2005).
5.2.2 Uppbygging vörumerkjavirðis
Það að byggja upp sterkt vörumerkjavirði er talið eitt að mikilvægari skrefum í
vörumerkjastjórnun. Þessi uppbygging felur í sér fjögur mikilvæg skref. Í fyrsta lagi þarf að
skapa vitund, í öðru lagi þarf að skapa vörumerkinu merkingu í huga neytenda, í þriðja
lagi þarf að koma á einhverjum viðbrögðum við skilaboð vörumerkisins og að lokum þarf
að byggja upp og hlúa að samskiptum og sambandi sem vörumerkið á við neytendur
(Keller, 2001).
Fyrsta skrefið er þá að skapa vitund. Þetta er hægt að gera með auglýsingum, ýmsum
almannatengslum eða öðrum markaðs- og samskiptaleiðum. Það fer talsvert eftir því á
hvaða markaði fyrirtæki starfar, hvernig það hagar þessum atriðum. Félag sem er
starfrækt á fyrirtækjamarkaði gæti fremur kosið að koma sér á framfæri með beinni
markaðssetningu en í því felst að notast er við beinar samskiptaleiðir við núverandi og
tilvonandi viðskiptavini. Er með þeim hætti reynt að liðka fyrir kaupum beint við þann sem
tekur ákvörðunina um slíkt. Þetta gæti verið í gegnum tölvupóstsamskipti, símleiðis, í
gegnum almennan póst o.fl. (Wood, 2013).
Hvaða boðleið sem valin er, þá er ráðlegt að fyrirtæki nálgist markaðsfærslu sína á
þann hátt að um samskiptamarkaðsfærslu sé að ræða (relationship marketing). Í því felst
í stað þess að nálgast markaðsfærslu á hefðbundinn hátt, þá ættu markaðsstjórar að
reyna að byggja langtíma sambönd við neytendur því með því er hægt að renna stoðum
undir hollustu sem þeir sýna vörumerkinu (Grönroos, 2004).
Með auknum samskiptum og viðskiptum milli vörumerkisins og viðskiptavinar, eykst
þekking viðskiptavinarins á vörumerkinu og ef rétt er á spilum haldið, þá finnur
viðskiptavinurinn fyrir því að áhætta hans af því að eiga viðskipti við vörumerkið minnkar
Skynjun neytanda af vörumerkinu þróast og imynd þess fer að myndast í huga hans
(Johansson, og Carlson, 2015).
38
Ef aðstandendur vörumerkis standa rétt að málum, stunda viðskipti á réttan máta og
viðskiptavinir eru ánægður þá getur vörumerkið fengið góð viðbrögð og neytendur geta
farið að trúa því að það sé þeim til hagsbóta að velja vörumerkið fram yfir samkeppnina
(Johansson og Carlson, 2015). Tengsl geta farið að myndast og vörumerkið getur farið að
skipa sess í lífi viðskiptavinarins. Þetta stig er það sem leitað er eftir. Að vörumerkið sé
orðið hluti af lífi viðskiptavinar og þeir sýna því hollustu og versla endurtekið við það.
Þessi stig uppbyggingar vörumerkis eru mikilvæg. En til þess að markaðsstjóri eða hver
sá sem hefur með uppbyggingu vörumerkis að gera, geri sér grein fyrir því hvar vörumerki
er statt í þessum uppbyggingarfasa, þá verður að reyna halda einhvers konar upplýsingar
yfir það hvar vörumerkið er statt. Aaker (1991) tiltekur fimm atriði sem ýmist leggja saman
við eða draga frá vörumerkjavirði. Þau eru hollusta við vörumerkið, þekking á nafni
vörumerkis (name awareness), skynjuð gæði vörumerkis (perceived quality),
vörumerkjatengsl og önnur verðmæti sem leggja við vörumerkjavirði. Það er hægt að
mæla margt af þessu á einfaldan máta. Til að mynda er hægt að mæla þekkingu á nafni
vörumerkis með einföldum megindlegum könnunum. Þar er t.a.m. hægt að mæla „efst í
huga“ staðsetningu vörumerkis eftir því í hvaða vöruflokki það er (Burns og Bush, 2014).
Hollusta við vörumerkið er eitthvað sem mögulega væri hægt að fá yfirsýn yfir með því að
mæla endurtekin kaup hjá viðskiptavinum, eða hversu oft þeir heimsækja heimasíður
vörumerkja aftur eftir fyrstu heimsókn. Eftir því sem fyrirtæki vex, getur þessi hluti vaxið
með og orðið kostnaðarsamari. Það eru hins vegar alltaf góð vinnubrögð að mæla
markaðsstarf, því að á grundvelli þeirra, er hægt að leggja fram mikilvæg gögn sem skipta
máli og markaðsstjórar og aðrir stjórnendur geta tekið vandaðar og réttar ákvarðanir á
grundvelli þeirra (Burns og Bush, 2014).
5.2.3 Að staðfæra vörumerkið
Það er ekki einungis á færi stórra fyrirtækja að notast við staðfærslu í markaðsstarfi sínu.
Litlum fyrirtækjum er fullkomlega kleift að notast við þessa aðferð enda snýst hún að
mestu um stefnu og kænsku fremur en aðferðir og taktík. Ef miðað er við skrif Ries og
Trout (1986) þá er lítill vafi á mikilvægi þessa þáttar í markaðsfærslu fyrirtækis.
Þegar fyrirtæki eru ný af nálinni, og fjármagn er af skornum skammti þá ætti ekki að
þurfa að ayða miklu púðri í að sannfæra nokkur þann sem kemur að þeim rekstri, að það
að notast við markaðsaðgerðir sem eru hagkvæmar, koma sér vel fyrir fyrirtækið. Með
39
því að notast við þær grundvallarhugmyndir sem felast í staðfærslu þá ætti að vera hægt
að setja á laggirnar heppilegt form markaðsfærslu sem staðsetur vörumerkið á réttum
stað í huga viðskiptavinar. Þetta er einmitt það sem staðfærslan gengur út á. Að í stað
þess fyrir að renna blint í sjóinn, þá er eytt tíma í það að finna út hvar tækifæri liggja á
markaði, t.d. með gerð staðfærslukorta. Ef þetta er gert ætti fyrirtæki að geta gert út á
markaði þar sem það getur mögulega notið þess að vera eitt á hluta markaðar, ellegar
slást um markaðshlutdeild við marga aðila (Johansson og Carlson, 2015).
Sá sem sinnir vörumerkjastjórnun ætti að hugsa mikið um það, með hvaða hætti hann
getur látið sérstaka eiginleika vörumerkisins skína í gegnum markaðsaðgerðir og þá huga
vandlega að markaðssamskiptum við neytendur með það í huga að búa vörumerkinu
réttan stað í huga viðskiptavinar, í stað þess að týnast í frumskógi þeim sem neytendur
búa við í dag (Ries og Trout, 1986).
Nýverið hafa einnig sprottið fram hugleiðingar frá sérfræðingum á sviði
vörumerkjastjórnunar varðandi nálgun á staðfærslu, en það felst í að útbúa einskonar
vöru- eða þjónustuflokk (category) fyrir vörumerkið og koma því þannig fyrir að
vörumerkið sé eitt í vöruflokknum og sitji þannig eitt við borðið til að byrja með, og verði
síðar leiðandi í flokknum ef að aðrir aðilar koma inn í þennan tiltekna flokk. Þessir
„flokkar“ eins og þá mætti kalla, eru þá í raun undirflokkar úr stærri flokkum. Ef þetta er
skýrt með dæmi þá má til að mynda fjalla um bílaiðnaðinn. Þar hafa nokkur fyrirtæki eytt
miklu púðri í að vera leiðandi í ákveðnum undirflokkum í stað þess að reyna að höfða til
allra. Volvo hefur til dæmis markaðssett sig sem bifreiðaframleiðanda sem leggur allt
kapp á öryggi á sama tíma og BMW hefur markaðssett sig sem bifreiðaframleiðanda sem
leggur alla áherslu á aksturseiginleika. Í hugum margra neytenda þá standa Volvo og BMW
einmitt fyrir þessi tvö orð, öryggi og aksturseiginleikar (Ries og Trout, 1986).
Það er ein ákvörðun sem þarf að taka um staðfærslu sem allra fyrst. Það er hvort að
það ætti að staðfæra vöruna eða þjónustuna sem fyrirtækið selur, eða fyrirtækið sjálft.
Það er hægt að staðfæra hvað sem er. Fyrirtæki, vörur, lönd og borgir og einstaklinga.
Nálgunin milli þess að staðfæra fyrirtæki er frábrugðin því að staðfæra vörur. Ef ætlunin
er að staðfæra fyrirtæki, þá er hugmyndin að koma því fyrir á markað sem fyrirtæki sem
er leiðandi í vöruþróun (product leadership), er leiðandi í viðskiptum (business
leadership), eða er leiðandi í tilteknum iðnaði (industry leadership). það getur verið snúið
40
fyrir lítið fyrirtæki að reyna að ná leiðandi stöðu á markaði, sérstaklega ef um er að ræða
markað þar sem fleiri aðilar eru til staðar. Hin aðferðin felur í sér að staðfæra vörur eða
þjónustu. Ef miðað er við þá leið, þá er rökrétt að miða við það að finna staðsetningu á
markaði sem er ýmist ein á báti án samkeppni (blue ocean) eða að finna staðfærslu sem
er klár kostur gegn samkeppninni. Milk Duds sælgætið í Bandaríkjunum staðfærðu sig til
dæmis sem annan kost gegn hefðbundnum súkkululaðistykkjum og náðu góðum árangri.
Ef til stendur að staðfæra þjónustu, þá er munurinn ekki mikill frá því að staðfæra vörur,
aðferðafræðin er þó aðeins frábrugðin. Þegar til stendur að markaðssetja vöru þá snýst
staðfærslan að stærstum hluta um myndefnið, á meðan að staðfærsla á þjónustu snýst
um það sem sagt er, innihaldið í markaðsfærslunni. Það mætti því kjósa annan vettvang
þegar auglýsa á þjónustu, t.d. útvarpsauglýsingar fremur en blaðaauglýsingar (Ries og
Trout, 1986).
Ef að vörumerkjastjórnun fyrirtækis er stillt upp á þann máta að tilgangurinn er að búa
til sérstakan flokk innan annars stærri flokks, þá ætti samkvæmt fræðunum um
staðfærslu, viðkomandi að vera á réttri leið.
5.2.4 Að aðgreina vörumerkið
Eitt af því sem Krake (2005) bendir á er mikilvægi þess að aðgreina vörumerkið frá
samkeppnisaðilum á markaði. Eins og áður hefur komið fram búa vörumerki nánast alltaf
yfir einhverjum eiginleikum sem eru samrýmanleg öðrum vörumerkjum á markaðinum
(Johansson og Carlson, 2015). Það er svo hlutverk markaðsstjóra eða vörumerkjastjóra að
láta þessi atriði sem eru samrýmanleg og láta neytendum í té þá vitneskju að vörumerkið
uppfylli þær lágmarkskröfur sem markaðurinn gerir til vöru eða þjónustu sem fyrirtæki
leggur fram á markað. Að auki er mikilvægt að vörumerkið sýni fram á aðgreinandi þætti
sem búa innan þess, þ.e. þeir eiginleikar sem vörumerkið býr yfir og aðgreinir það frá
samkeppnisaðilum sínum (Johansson og Carlson, 2015).
Aðgreining er mikilvægur hluti staðfærslu. Nú á dögum eru neytendur kaffærðir í alls
kyns markaðsefnis og það kemur úr öllum áttum. Það þarf þó ekki að þýða að fyrirtæki
þurfi að eyða miklu fjármagni í að vera raunvörulega aðgreind eða öðruvísi en
samkeppnin. Í aðgreiningu felst það að neytendur skynji vörumerkið sem aðgreinanlegt
frá samkeppninni (Ries og Trout, 1986). Það sem markaðsstjórar þurfa að vera meðvitaðir
um þegar kemur að aðgreiningu, er það að það verður að aðgreina vörumerkið með
41
þáttum sem skipta máli, eru þýðingarmiklir og viðskiptavinum þykja æskilegir við val á
kaupum á vöru eða þjónustu. Það er hægt að aðgreina sig með verði, t.d. að vera með
lægra verð á sambærilegri vöru. Það er hægt að aðgreina sig með því að bjóða meiri gæði
í vöru og þjónustu en samkeppnin og það er hægt að aðgreina vörumerkið með því að
bjóða betri þjónustu en samkeppnin (Wood, 2013).
5.2.5 Internetið og vörumerkjastjórnun
Með tilkomu Internetsins breyttist allt landslag markaðsfærslu. Markðssamskipti eru í
auknum mæli að færast á netið og þeim fyrirtækjum sem eru með einhvers konar
nærveru á Netinu fjölgar sífellt. Internetið er mjög sérstakur miðill því í honum felst að
hægt er í stórauknum mæli hægt að eiga í samskiptum við neytendur á mjög gagnvirkan
hátt. Þetta felur í sér bæði tækifæri og áskoranir fyrir vörumerkjastjóra því uppbygging
trausts, sem er einn hornsteina vörumerkjastjórnuna, er ekki síður krefjandi þegar
markaðssamskiptin eiga sér stað í gegnum Netið (Ibeh, Luo og Dinnie, 2005).
Með tilkomu og örum vexti samfélagsmiðla hefur landslagið þróast enn frekar. Miðlar
eins og Facebook og Twitter veita fyrirtækjum gríðarlegt tækifæri til að eiga samskipti við
notendur sína, auka vitund um vörumerki sín, styrkja ímynd sína og auka vörumerkjavirði
(Yan, 2011).
Til að ná árangri í vörumerkjastjórnun á samfélagsmiðlum hafa verið einangruð nokkur
atriði sem ættu að skila árangri í starfinu. Það er lykilatriði að láta notendur fá á
tilfinninguna að þeir séu aðilar í samfélagi með vörumerkinu. Einnig er ráðlegt að halda
úti góðum samskiptum við notendur um vörumerkið. Með þeim hætti er hægt að reyna
að hafa stjórn á því hvernig skilaboð þau sem vörumerkið reynir að halda úti, eru túlkuð
og hvernig er farið með þau. Einnig er lykilatriði að vörumerki séu heiðarleg og
hreinskiptin í samskiptum við notendur á samfélagsmiðlum (Yan, 2011).
5.2.6 Þegar vel tekst til
Það er fjöldi fyrirtækja sem hefur í gegnum tíðina notast við aðferðir
vörumerkjastjórnunar og hefur náð gríðarmiklum árangri. Þessi fyrirtæki sem stundum
eiga vörumerki eða eru vörumerki sjálf, geta í mörgum tilvikum rakið velgengni sína beint
til ákvarðana sem tengjast vörumerkjastjórnun (Haig, 2004).
42
David Ogilvy (1983) lýsti vörumerkjum sem persónuleikum. Því sterkari sem
persónuleikinn er, því sterkari er vörumerkið. Í því samhengi lýsti hann Jack Daniels sem
sterkum persónuleika sem væri lykilatriði að baki velgengni drykkjarins. Fyrirtækið rekur
mjög virka markaðssetningu sem byggir mikið á sögu fyrirtækisins og stofnanda þess. Með
því að taka tíman til að gera það, þá hefur Jack Daniels tekist að skapa sér ríkan sess í
hugum margra viðskiptavina (Haig, 2004).
Coca Cola er eitt þekktasta vörumerki í heiminum. Það nýtur slíkrar yfirburðastöðu á
markaðinum að það er enn þekkt sem „the real thing“ (Ries og Trout, 1986). Þrátt fyrir að
hafa tekið kolranga ákvörðun á sínum tíma með því að kynna til leiks nýja útgáfu af Coca
Cola (New Coke), þá tókst þeim að bregðast vel við þeim vanda með því að koma með
Coca Cola Classic á markaðinn (Haig, 2004; Haig 2003). Enn þann dag í dag er Coca Cola
eitt af dýrmætustu vörumerkjum í heimi, þrátt fyrir að hafa misst efsta sæti listans til
tölvu- og tæknifyrirtækja (Interbrand, 2015).
Apple er í dag talið verðmætasta vörumerki í heiminum (Interbrand, 2015). Það má
rekja velgengni félagsins að nokkru leyti til þeirrar hugsunar þeirra að í stað þess að
markaðssetja sig sem betri vöru með hraðari tækjabúnað og betri hugbúnað, þá fór Apple
þá leið að markaðssetja vörur sínar sem öðruvísi í stað þess að segja að þær væru betri
en samkeppnin. Í dag nýtur Apple einstakrar hollustu viðskiptavina sinna og má það
eflaust að stórum hluta rekja til þeirrar aðferðar, að í stað þess að keppa á sama markaði,
þá útbjó Apple markað fyrir sig, þar sem það er ríkjandi afl (Haig, 2004).
5.2.7 Hvað skal varast
Þeir aðilar sem sinna markaðsstörfum hjá fyrirtækjum og öðrum skipulagsheildum sem
þurfa að eiga í samskiptum við viðskiptavini, þurfa að vanda til verka, ellegar er hætta á
því að illa fari. Til eru mörg dæmi þess að markaðsaðgerðir hafa farið illa. Margar þeirra
má rekja til mistaka í vörumerkjastjórnun (Haig, 2003).
Er fyrirtæki vaxa og dafna, er það oft tilhneiging að útvíkka vörumerki til að halda vexti
gangandi. Það eru þó til mörg dæmi þess að ef vörumerkið er útvíkkað inn í vöruflokk sem
tengist ekki upprunalega vöruflokknum, þá getur verið hætta á ferð. Harley Davidson
gerði þessi mistök þegar ákveðið var að setja á markað Harley Davidson rakspíra og
ilmvatn. Fyrirtæki hafði þegar sett á markað ýmsar vörur undir nafni vörumerkisins ,
kveikjara, sokka, boli og annan fatnað. Það vakti hins vegar mjög neikvæð viðbrögð þegar
43
ákveðið var að setja á markað ilmvötn og rakspíra. Þetta þótti notendum vörumerkis ins
of langt gengið. Það er mikilvægt að fæla ekki kjarna notendur vörumerkisins frá og
bregða frá grunngildum vörumerkisins. Ímynd Harley Davidson hefur í gegnum tíðina
byggst á karlmennsku og því voru mikil mistök að setja rakspíra og ilmvötn á markað (Haig,
2003).
Það má ekki líta framhjá því grunngildi í vörumerkjastjórnun að um langtíma verkefni
er að ræða. Vörumerkjastjórnun er ekki aðferð sem hægt er að nota til að bregðast við
vandamálum sem upp koma til þess að snúa við slæmri umfjöllun eða öðru sl íku. Í
vörumerkjastjórnun felast aðferðir sem með tímanum byggja upp virði, bæði hjá
fyrirtækinu og hjá viðskiptavinum þess, sem mögulega gera fyrirtækjum kleift að taka
betur á skammtímavandamálum sem upp koma. Mörg af þekktustu vörumerkjum heims
í dag, fóru hægt af stað, en hafa í dag náð yfirburðastöðu og eru í huga viðskiptavina
almenn orð yfir vöruflokka. Þetta má sjá í Red Bull sem er vinsælasti orkudrykku heims í
dag, og Ipod sem er vinsælasti MP3 spilari heims í dag (Ries og Ries, 2009).
Þetta er fjarri því að vera tæmandi listi um hvað getur illa eða vel farið í
vörumerkjastjórnun. Það er hins vegar góð regla þegar byggja á upp vörumerki að vanda
til verka og kynna sér hvað hefur tekist vel og illa hjá vörumerkjum í gegnum tíðina.
44
6 Hugleiðingar um vörumerkjastjórnun
Hér hefur verið farið yfir mörg álitaefni sem koma til þegar skoða á vörumerki og stjórnun
þeirra. Ekki hefur verið um að ræða tæmandi umfjöllun heldur er fyrst og fremst um að
ræða þau helstu atriði sem til greina koma þegar um vörumerkjastjórnun er að ræða.
Það er til fjöldinn allur af efni um vörumerkjastjórnun. Ritaður hefur verið fjöldi bóka
um efnið, bæði í formi fræðirita og einnig bóka sem sérfræðingar á sviði markaðsfærslu
hafa lagt til umræðunnar. Einnig er fjöldi fræðigreina til um málefnið sem markaðsstjórar
og þeir sem hafa með markaðsmál að gera geta notað til að kynna sér efnið.
Það er mikilvægt að lítil og meðalstór fyrirtæki kynni sér það hvort að borgi sig fyrir
þau að notast við aðferðir vörumerkjastjórnunar í markaðsstarfi sínu. Það eru fjöldamörg
dæmi þess að fyrirtæki hafi náð sterkri stöðu á markaði með notkun framangreindra
aðferða, en að sama skapi eru mýmörg dæmi þess að fyrirtæki hafi farið illa að ráði sínu,
með aðgerðum sem eru óráðleg, sé miðað við grunnreglur vörumerkjastjórnunar.
Ef notast á við vörumerkjastjórnun í markaðsstarfi fyrirtækja, er það ráðlegging
höfundar að skoðað sé vandlega þau helstu atriði sem koma til greina. Uppbygging
vörumerkjavirðis getur verið mikið gæfuspor fyrir fyrirtæki. Eins má benda á að fjölmörg
dæmi eru til um það að miðuð markaðsfærsla geti skilað fyrirtækjum miklum ávinningi,
bæði í formi aukinnar sölu, en einnig að því leyti að kostnaður við að ná í sölu minnkar.
Heilt yfir þá er vörumerkjastjórnun mjög áhrifarík leið til að „fókusa“ fyrirtæki. Aðferðir
eins og aðgreining, staðfærsla og hugleiðingar að baki „blue ocean“ eru allar til þess
fallnar að markaðsáherslur séu þrengdar en dæmin sýna að slíkar aðgerðir sé betur til
þess fallnar að takast fremur en aðgerðir sem snúa að því að ná til sem flestra.
45
Heimildaskrá
Aaker, D. (1990). Brand extensions: The good, the bad, and the ugly. Sloan Management
Review, 31(4), 47-56. Sótt 20. apríl 2016 af:
http://search.proquest.com/docview/224963141?accountid=28822.
Aaker, D. A. (1991). Managing brand equity: Capitalizing on the value of a brand name.
New York: Free Press.
Aaker, D. A. (2013). Points of parity. Prophet. Sótt 18. Mars 2016 af:
https://www.prophet.com/blog/aakeronbrands/128-points-of-parity.
Aaker, D.A. og Keller, K.L. (1990). Consumer evaluations of brand extensions. Journal of
Marketing, 54, 27-41. Sótt 23.03.2016 af:
http://www.jstor.org/stable/1252171?seq=1#page_scan_tab_contents.
Akpoyomare, O. B., Adeosun, L. P. K., og Ganiyu, R. A. (2012). Differentiation and
positioning strategy: A toss of the same coin. International Journal of Management
and Sustainability, 1(2), 53. Sótt 1. maí 2016 af:
http://search.proquest.com/docview/1417749038?accountid=28822
American Marketing Association: Marketing Dictionary. Sótt 19. mars 2016 af:
http://www.marketing-dictionary.org/ama.
Berthon, P., Ewing, M. T., og Napoli, J. (2008). Brand management in small to medium-
sized enterprises. Journal of Small Business Management, 46(1), 27-45. sótt þann 1.
maí 2016 af: http://search.proquest.com/docview/220984915?accountid=28822
Buil, I., Martínez, E., og de Chernatony, L. (2013). The influence of brand equity on
consumer responses. The Journal of Consumer Marketing, 30(1), 62-74. Sótt 1. maí
2016 af: http://dx.doi.org/10.1108/07363761311290849
Burns, A. C., og Bush, R. F. (2000). Marketing research (7. útg.). New Jersey: Prentice Hall.
46
Cahill, D. J. (1997). Target marketing and segmentation: Valid and useful tools for
marketing. Management Decision, 35(1), 10-13. Sótt 1. maí 2016 af:
http://search.proquest.com/docview/212077933?accountid=28822
Einkaleyfastofa. (2016). Almennt um vörumerki. Sótt 29. apríl 2016 af:
http://els.is/almennt-um-vorumerki.
Farquhar, P. H. (1990). Managing brand equity. Journal of Advertising Research, 30(4), 6.
Grönroos, C. (2004). The relationship marketing process: Communication, interaction,
dialogue, value. The Journal of Business & Industrial Marketing, 19(2), 99-113. Sótt
30. apríl af: http://search.proquest.com/docview/222001651?accountid=28822.
Grönroos, C. (2007) Service Management and Marketing: A customer relationship
management approach (3. útg.). West Sussex, England: Wiley.
Hagstofa Íslands. Fjöldi launagreiðenda eftir starfsmannafjölda, landsvæðum og
atvinnugreinum 1998-2005. Sótt 26. apríl 2016 af:
http://px.hagstofa.is/pxis/pxweb/is/Atvinnuvegir/Atvinnuvegir__fyrirtaeki__fjoldi__f
yrirtaeki/FYR01102.px/table/tableViewLayout1/?rxid=e672f291-c9b3-4a8e-97e7-
f8f626e1316c.
Haig, M. (2003). Brand failures: The truth about the 100 biggest branding mistakes of all
time. London: Kogan Page.
Hakala, U., Svensson, J., og Vincze, Z. (2012). Consumer-based brand equity and top-of-
mind awareness: A cross-country analysis. The Journal of Product and Brand
Management, 21(6), 439-451. Sótt 1. maí 2016:
http://dx.doi.org/10.1108/10610421211264928
Hogan, S., Almquist, E. og Glynn S. E., (2005). Brand-building: finding the touchpoints that
count., Journal of Business Strategy, 26(2), 11 – 18. Sótt 1. maí 2016 af:
http://dx.doi.org/10.1108/02756660510586292
Ibeh, K. I. N., Luo, Y., og Dinnie, K. (2005). E-branding strategies of internet companies:
Some preliminary insights from the UK. Journal of Brand Management, 12(5), 355-
47
373. Sótt 1. maí 2016 af:
http://search.proquest.com/docview/232487515?accountid=28822.
Interbrand: Best global brands 2015. Sótt 24. Apríl 2016 af: http://interbrand.com/best-
brands/best-global-brands/2015/ranking/.
Johansson, J. K., og Carlson, K. A. (2015). Contemporary Brand Management. California:
Sage Publishing.
Keegan, W. J., og Green, M. C. (2005). Global marketing. New Jersey: Pearson/Prentice
Hall.
Keller, K. L. (2013). Strategic brand management: Building, measuring, and managing
brand equity. Global edition (4. útg.). Essex: Pearson Education Limited.
Keller, K.L. (2001). Building customer-based brand equity: A blueprint for creating strong
brands. Cambridge: Marketing Science Institute.
Kim, C. W., og Mauborgne, R. (2005). Blue ocean strategy: How to create uncontested
market space and make the competition irrelevant. Boston: Harvard Business and
School Press.
Kotler, P., og Armstrong, G. (2012). Principles of marketing. New Jersey: Prentice Hall.
Kotler, P., og Keller, K. L. (2012). Marketing Management (14. Útg). New Jersey: Prentice
Hall.
Krake, F. B. G. J. M. (2005). Successful brand management in SMEs: A new theory and
practical hints. The Journal of Product and Brand Management, 14(4), 228-238. Sótt
11. febrúar 2016 af:
http://search.proquest.com/docview/220593434?accountid=28822.
Lilien, G.L. og Rangaswamy, A. (2003). Marketing engineering: Computer-assisted
marketing analysis and planning (2. útgáfa). New Jersey: Prentice Hall.
Mars. (2016). Brands. Sótt 5. maí 2016 af: http://www.mars.com/global/brands.aspx
48
Martinez, E., og de Chernatony, L. (2004). The effect of brand extension strategies upon
brand image. The Journal of Consumer Marketing, 21(1), 39-50. Sótt 21. apríl 2016 af:
http://search.proquest.com/docview/220126367?accountid=28822
New York Times. (2015). Digital Ad Spending Expected to Soon Surpass TV. Sótt 1. maí
2016 af: http://www.nytimes.com/2015/12/07/business/media/digital-ad-spending-
expected-to-soon-surpass-tv.html
Nýsköpunarmiðstöð Íslands. (2011). Stofnun fyrirtækja. Sótt 28. apríl 2016 af:
http://verslun.nmi.is/index.php?dispatch=categories.view&category_id=168.
Ogilvy, D. (1983). Ogilvy on advertising. New York: Crown.
Pappu, R., Quester, P. G. og Cooksey, R. W. (2005) Consumer-based brand equity:
improving the measurement – empirical evidence. Journal of Product & Brand
Management. 14(3), 143 – 154. Sótt 1. maí 2016 af:
http://dx.doi.org/10.1108/10610420510601012
Proctor and Gamble. (2016). Our brands: Sótt 5. maí 2016 af:
http://us.pg.com/our_brands.
Raggio, R. D., og Leone, R. P. (2009). Chasing brand value: Fully leveraging brand equity
to maximise brand value. Journal of Brand Management, 16(4), 248-263. sótt 3. maí
2015 af: http://dx.doi.org/10.1057/palgrave.bm.2550142.
Reast, J. D. (2005). Brand trust and brand extension acceptance: The relationship. The
Journal of Product and Brand Management, 14(1), 4-13. Sótt 20. apríl 2016 af:
http://search.proquest.com/docview/220594212?accountid=28822.
Richardson, M. og Evans, C. (2007). Strategy in Action Applying Ansoff‘s Matrix. Manager:
British Journal of Administrative Management,(59), i-iii.
Riley, J. (2012). Ansoff matrix. Tutor2u.net. Sótt 24.apríl 2016. af:
http://www.tutor2u.net/business/strategy/ansoff_matrix.htm.
Ries, A., og Trout, J. (1986). Positioning: The battle for your mind. New York: McGraw-Hill.
49
Ries, A., og Ries, L. (2009). War in the boardroom: Why left-brain management and right-
brain marketing don't see eye-to-eye--and what to do about it. New York, NY: Collins
Business.
Romaniuk, J., og Sharp, B. (2004). Conceptualizing and measuring brand salience.
Marketing Theory, 4(4), 327-342. Sótt 1. maí 2016 af: :10.1177/1470593104047643
Schultz, H., og Gordon, J. (2011). Onward: How Starbucks fought for its life without losing its
soul. New York: Rodale.
Shafi, S. I., og Madhavaiah, C. (2014). Defining customer-based brand equity: An evaluation
of previous studies. Srusti Management Review, 7(2), 34-39. Retrieved from
http://search.proquest.com/docview/1679423663?accountid=28822.
Spence, M., og Leila, H. E. (2010). SME brand building and management: An exploratory
study. European Journal of Marketing, 44(7), 1037-1054. Sótt 7. 5. 2016 af:
http://dx.doi.org/10.1108/03090561011047517.
Stone, B. (2014). Things a little bird told me: Confessions of a creative mind. New York: Grand
Central Publishing.
Trout, J., og Rivkin, S. (2000). Differentiate or die: Survival in our era of killer competition. New
York: Wiley.
van Raaij, W. F., og Verhallen, T. M. M. (1994). Domain-specific market segmentation.
European Journal of Marketing, 28(10), 49. sótt 1. maí 2016 af:
http://search.proquest.com/docview/237019816?accountid=28822.
Virgin. (2016). Find a Virgin company. Sótt 2. maí 2016 af: https://www.virgin.com/company.
Wood, M. B. (2010). Essential guide to marketing planning (3rd ed.). Harlow u.a.: Prentice.
Yan, J. (2011). Social media in branding: Fulfilling a need. Journal of Brand Management.
18(9), 688-696. Sótt 1. maí 2016 af: http://dx.doi.org/10.1057/bm.2011.19.
50
Þórhallur Guðlaugsson og Gunnar Magnússon. (2012). North atlantic island destinations in
tourists' minds. International Journal of Culture, Tourism and Hospitality Research, 6(2),
114-123. Sótt 8. maí 2016 af: http://dx.doi.org/10.1108/17506181211233045