memoria kilÓmetros de solidariedade

MEMORIAKILÓMETROS

DE SOLIDARIEDADE

XVII Edición

Polos Dereitos das nenas e nenos da R.D do Congo

Memoria curso 2020-21

Grazas!

33

«O sorriso de milleiros de nenas e nenos é o premio polo voso esforzo.»

44

DA ACTIVIDADEOS DESTINATARIOS

5

Benquerida comunidade educativa,

Grazas aos valores de superación, responsabilidade, compromiso, profesionalidade... moitos de vós finalizades un curso que nada ten que ver con como o empezastes. Se botades a ollada atrás hai 9 meses, en setembro de 2020, seguro que revivides unha sensación de illamento, incerteza e temor que, probablemente, agora estea superada. Atrás quedan eses medos por descoñecer o futuro e a inseguridade por finalizardes o curso de maneira normal. Pódese dicir ben alto que os centros educativos e sobre todo o profesorado finalizan o curso 2020/2021 con matrícula de honra, algo que fai que toda a sociedade se sinta orgullosa.

Para nós, o máis fermoso é que, entre tanto protocolo sanitario e tanta restrición, lembrastes gardar un espazo para aquela infancia nunha situación asaz difícil e cuxa voz precisa ser escoitada máis ca nunca. Case 900 centros educativos de todo o país comprometéronse para asegurar a supervivencia de milleiros de nenas e nenos na República Democrática do Congo. Algo do que podedes estar orgullosos, porque non foi un curso doado para conseguilo.

Todo o equipo de programas en centros escolares de Save the Children damos as GRAZAS porque nos fixestes crer máis ca nunca na frase da nosa fundadora Eglantyne Jebb: «O imposíbel é aquilo que non intentas». E vós fixestes posible algo que semellaba imposible, mudar o futuro de milleiros de nenas e nenos.

Sodes o motor que fai que o vindeiro curso sigamos a loitar pola infancia con enerxías renovadas.

Grazas a todas e todos,

Sara Adrián, Nieves García e Marisol Paniagua Responsables de Programas en Centros Educativos

GRAZAS POR MUDARDES O FUTURO DE MILLEIROS DE NENAS E NENOS

6

O PROXECTO

6

KILÓMETROS DE SOLIDARIEDADE

Hai 17 anos, un equipo de Save the Children no que estaba Marisol, á que moitos de vós coñecedes, encontrábase nas nosas oficinas dando voltas a un proxecto escolar que fixese chegar a promoción dos Dereitos da infancia ao maior número de nenas e nenos. Un proxecto que transformase a solidariedade en algo divertido e que permitise ao alumnado de calquera colexio do país defender o dereito á supervivencia de nenas e nenos que se encontraban a milleiros de quilómetros das súas casas. Un alumnado que, con só poñer unha zapatillas para correr cos seus compañeiros e gozar dunha xornada especial e solidaria no seu colexio, aprendese valores como a empatía, o compromiso, a axuda ou o servizo, dando voz á infancia máis vulnerable.

Así nacía Kilómetros de Solidariedade, un proxecto no que as nenas e os nenos axudan a outras nenas e nenos.

Como sempre dicimos, Kilómetros de Solidariedade converteuse en algo máis ca unha carreira escolar. Grazas a vós xa é un sinal de identidade na nosa organización. E chegamos ata aquí, ata a maioría de idade desta carreira solidaria.

A pesar do peso da súa historia, cada ano sorprendédesnos, cada curso emocionádesnos, mais este en concreto foi incrible. As circunstancias que vivimos dificultaban máis ca nunca unha celebración e organización dunha carreira nos centros, mais aínda así déstesnos unha lección de creatividade, orixinalidade e adaptación.

Os exemplos que vos traemos apenas son algúns dos que nos fixestes chegar, mais sabemos que son moitos máis.

Grazas por adaptarvos para seguir axudando a infancia!

77

PARTICIPACIÓNNO CURSO 2020-21

centroseducativos885

440.000€recadados

18.758mestres e mestras

209.217alumnos e alumnas

8

ESTAS FORON AS VOSASCARREIRAS E MOBILIZACIÓNS...

8

Escola Tecnos, Terrasa

IES Politécnico, Las Palmas

99

CEIP Adolfo Suárez, Madrid

CEIP Lucero, Valdepeñas

10

...E ALGUNAS EXPERIENCIAS FORON INESQUECIBLES

10

CEIP San Pedro Crisologo, Sevilla

Escola Rosella. Viladecavalls, Barcelona

11

«Nós, como profesores e como mestre de Educación Física que sempre me toca organizar a carreira solidaria, por ver a felicidade das nosas alumnas e alumnos e ser solidarios con outras nenas e nenos deste mundo, faremos o esforzo de celebrala. Esta é a miña oitava carreira en diferentes centros e encántame o proxecto. Con todo, a deste ano foi a máis especial pola localización e situación na que está o planeta. Moitas grazas por todo e a seguir loitando por un mundo máis equilibrado».

Juan Manuel. Profesor de Educación Física Colexio Luís Vives. Larache. Marrocos

11

IES Carles Salvador, Aldaia

Colegio Luis Vives, Larache (Marruecos)

12

5 ANOS DESPOIS, EN @EDUCACIONSAVE XA SODES CASE 2.500 FOLLOWERS!

2.419 seguidores... e sumando!

0

0,5K

1K€

1,5K

2,5K

2K

OUT’20 NOV’20 DEC’20 XAN’21 FEB’21 MAR’21 ABR’21 MAI’21 XUÑ’21

13

Queredes que a vosa carreira chegue a máis xente? Os medios locais poden axudarvos a difundir os vosos quilómetros solidarios!

14

DA VOSA CARREIRAESTE É O PREMIO

O traballo de Save the Children contra a neumonía infantil

As mortes infantís por neumonía concéntranse nos países máis pobres do mundo e son as nenas e os nenos máis vulnerables e excluídos os que máis sofren. As previsión amosan que 6,3 millóns de menores de cinco anos poderían morrer de neumonía entre 2020 e 2030.

Save the Children intervén tamén nestes países para mellorar a nutrición, proporcionar antibióticos e ampliar a cobertura de vacinas. Grazas a todo isto, contribuímos a aumentar o número de mulleres que practica a lactación materna e reducimos o risco de que as nenas e os nenos non superen a neumonía.

Onde traballamos na República Democrática do Congo

Levamos a traballar neste país desde 1994 e hoxe en día chegamos ata o último recanto onde sabemos que hai nenas e nenos en situación de vulnerabilidade. A oficina do país encóntrase en Kinshasa e actualmente traballamos nas provincias de: Nord Kivu, Sud Kivu, Lomami, Kinshasa e Kasaï Central.

O noso traballo sempre ten o apoio das comunidades e asociacións locais interesadas nos nosos proxectos, que son principalmente acompañamento, recuperación da asistencia á escola, apoio sanitario e nutricional e protección contra o abuso e a violencia. Save the Children está a conseguir neste último ano na RDC:

• Protexer 55.238 menores da violencia.• Ofrecer apoio sanitario para 235.297 nenos en tempos de crise

(principalmente pola crise sanitaria do Ébola).• Fornecer atención sanitaria pediátrica para 578.836 nenos acabados de

nacer.• Dar alimento vital para 40.318 nenas a fin de superar a desnutrición.

1.

2.

3.4.

5.

1. Nord Kivu2. Sud Kivu3. Lomami4. Kinshasa5. Kasaï Central

14

15

ÁREAS DE INTERVENCIÓN NA REPÚBLICA DEMOCRÁTICA DO CONGO

SaúdeEstablecemos importantes programas de saúde mediante o acceso a alimentos e bens esenciais, alén de servizos sociais básicos sanitarios para reducir as súas taxas de mortalidade.

Save the Children ten ademais en construción distintos centros de saúde nas provincias nas que traballa. Ten por obxecto atallar as necesidades urxentes de atención médica das nenas e nenos e das súas familias en risco de desnutrición e de sufrir doenzas como a diarrea, o paludismo, así como infeccións respiratorias agudas como a neumonía. Todo isto grazas a servizos curativos, preventivos e de rehabilitación infantil.

EducaciónConseguimos:

• Aumentar o acceso a unha educación básica de calidade na educación primaria en todo o país.• Executar proxectos de formación do profesorado.• Distribuír material escolar.• Construír escolas e crear agrupacións de lecer infantís coas que traballar a motivación para

ir á escola e a importancia dos dereitos da infancia.

Contamos cun proxecto de xénero para garantir que unhas 65.000 nenas asistan á escola e poidan acceder á educación secundaria.

Aos anteriores súmanse os proxectos de Escolas como Zonas de Paz, en Kivu Norte, e Fortalecemento da calidade do ambiente de aprendizaxe e os sistemas educativos, en Kivu do Sur, que dan ás nenas e aos nenos un ambiente seguro e protector así que retornen á escola após a crise da Covid-19. Save the Children anima as escolas estableceren o plan para mellorar as prácticas de hixiene e saneamento.

Resposta humanitariaPor mor do conflito armado que levan sufrindo anos, a RDC ten 5,2 millóns de desprazados internos, uns 1,4 millóns de repatriados e 527.000 refuxiados de países veciños. Cada vez son máis as familias e os nenos desprazados por mor da violencia e os conflitos.

A nosa resposta humanitaria é pedir que se deteña o recrutamento de nenos en grupos armados mediante mecanismos para protexer os nenos que foron recrutados e para que os superviventes da experiencia reciban apoio psicolóxico.

Na RDC traballamos cada día para garantir que os nenos congoleños xa non morran por doenzas evitables, para que teñan a oportunidade de aprender e estean protexidos.

SAVETHECHILDREN.ES

SOBREVIVIRAPRENDERESTAR PROTEXIDO

memoria kilÓmetros de solidariedade

Documents