mo‘oki‘ina ho‘oponopono: ke Ō o ka ‘ike ku‘una...
TRANSCRIPT
MO‘OKI‘INA HO‘OPONOPONO: KE Ō O KA ‘IKE KU‘UNA HAWAI‘I MA KE KULA ‘O NĀWAHĪOKALANI‘ŌPU‘U
HE PEPA KĒIA I HO‘OUNA ‘IA I KA MĀHELE MULIPUKA O KE KULANUI O HAWAI‘I I MEA E HO‘OKŌ ‘IA AI NĀ KOINA O IA
MĀHELE O KE
KĒKELĒ LAE‘ULA
MA KA
HO‘ŌLA ‘ŌLELO A MO‘OMEHEU HAWAI‘I A ‘ŌIWI
KEKEMAPA, MH 2010
Na
Kauanoe P. W. Kamanā
Kōmike Pepa Puka:
Kalena Silva, Luna Kōmike Charles Langlas
Sonia Juvik John Charlot Perry Gilmore
UMI Number: 3438027
All rights reserved
INFORMATION TO ALL USERS The quality of this reproduction is dependent upon the quality of the copy submitted.
In the unlikely event that the author did not send a complete manuscript
and there are missing pages, these will be noted. Also, if material had to be removed, a note will indicate the deletion.
UMI 3438027
Copyright 2011 by ProQuest LLC. All rights reserved. This edition of the work is protected against
unauthorized copying under Title 17, United States Code.
ProQuest LLC 789 East Eisenhower Parkway
P.O. Box 1346 Ann Arbor, MI 48106-1346
ii
Ho‘ola‘a
No ko‘u mau mākua me ko‘u kaikunāne.
iii
Mana‘o Hō‘ulu‘ulu
No loko mai nō o ke aukahi ho‘okumu kula ‘ōlelo Hawai‘i (ho‘ōla ‘ōlelo me
ka mo‘omeheu Hawai‘i) i puka mai ai ka hana ho‘oponopono o Ke Kula ‘O
Nāwahīokalani‘ōpu‘u ma Kea‘au, Hawai‘i. He noi‘i kēia e hō‘oia ana i ka pa‘a o
nā ‘anu‘u ku‘una ‘ano nui o ka hana ho‘oponopono ma ka mo‘oki‘ina
ho‘oponopono o ia kula. Kūkulu ‘ia ia noi‘i ‘ana ma luna o: 1) ka mō‘aukala o ke
kula a me ka ho‘okumu ‘ana i kona mo‘oki‘ina ho‘oponopono; 2) ka wehewehena
no ia mea he ho‘oponopono i hō‘ili‘ili ‘ia mai loko mai nō o a) nā puke kālai‘ike no
ka ho‘oponopono, e) ka waihona kakaha o nā hana ho‘oponopono o ia kula, a
me i) nā mo‘olelo waha no ka ho‘oponopono o loko o ko‘u ‘ohana pono‘ī; 3) ke
kuana‘ike kālaikuhi, he wehewehena a he ki‘ina hana ho‘i e mōakāka ai ia mea
he hana ho‘oponopono no ke kaiāulu ‘ōlelo Hawai‘i, a me 4) ke kālailaina
mo‘omeheu o ka mo‘oki‘ina o ia kula me ke kālele ma luna o ka ho‘ohālikelike a
me ka wehewehe i nā ‘ikepili no ka ho‘oponopono me nā pō‘aiapili i mālama ‘ia e
ka po‘e he Hawai‘i ka hapanui a he Hawai‘i ho‘i ko lākou kuana‘ike ao ma‘amau.
Ho‘ākāka ‘ia: 1) nā ‘anu‘u o ka mo‘oki‘ina ho‘oponopono o
Nāwahīokalani‘ōpu‘u, 2) nā la‘ana o ka hana ho‘oponopono o ia kula, a me 3) ka
papa helu o nā māhele hana i like ma waena o ka ho‘oponopono ku‘una me ko
ke kula. ‘O ka hua nui na‘e o kēia noi‘i, ‘o ia ka ho‘āhuwale a hō‘oia ‘ana i ka loa‘a
o nā loina a me nā ‘anu‘u nui o ka hana ho‘oponopono Hawai‘i ku‘una ma ka
mo‘oki‘ina ho‘oponopono o Ke Kula ‘O Nāwahīokalani‘ōpu‘u.
iv
Abstract
The practice of “ho‘oponopono,” or Hawaiian conflict resolution, at Ke Kula
‘o Nāwahīokalani‘opu‘u school grew out of the grassroots efforts to reestablish
schools through the Hawaiian language. This research examines the elements of
traditional “ho‘oponopono” in the schoolʼs “mo‘oki‘ina ho‘oponopono” conflict
resolution system. This work includes: 1) a historical overview of the school and
the establishment of the “mo‘oki‘ina ho‘oponopono” there; 2) a description of
“ho‘oponopono,” including: a) related academic publications, e) a record of
ho‘oponopono incidences at the school, and i) an oral history of “ho‘oponopono”
in my own family; 3) the theoretical orientation, description, and application of the
“mo‘oki‘ina” as found in specific contexts of use at Nāwahīokalani‘ōpu‘u; and 4) a
cultural analysis of the “mo‘oki‘ina” at the school, with emphasis on comparing
and interpreting data on “ho‘oponopono” in contexts where Hawaiians comprise
the majority of the participants, and Hawaiian language, culture, and beliefs
predominate.
The study produces a detailed description of: 1) the stages of the
“mo‘oki‘ina ho‘oponopono,” 2) examples of the application of “ho‘oponopono” at
the school, and 3) common aspects of traditional conflict resolution as used in
various contexts. The overall outcome of this study shows that the “mo‘oki‘ina
ho‘oponopono” at Ke Kula ‘O Nāwahīokalani‘ōpu‘u reflects the fundamental
principles and contains the essential elements of traditional Hawaiian
“ho‘oponopono.”
v
This study is written in Hawaiian with an English summary included in the
Appendix.
vi
PAPA KUHIKUHI
Hoʻolaʻa ........................................................................................................................................................ii Manaʻo Hōʻuluʻulu ......................................................................................................................................iii Abstract........................................................................................................................................................ iv
HOʻOLAUNA .......................................................................................................................................................1 KA PŌʻAIAPILI MŌʻAUKALA O KA NOIʻI ʻANA .................................................................................................. 3 KE KAHUA O KA NOIʻI MA KĒIA PEPA ..............................................................................................................4 KA WAIWAI O KA NOIʻI MA KĒIA PEPA ............................................................................................................6 KE KAʻINA O NĀ MOKUNA ................................................................................................................................7
MOKUNA ʻEKAHI .............................................................................................................................................9 NO KA MŌʻAUKALA A HIʻOHIʻONA O KE KULA ʻO NĀWAHĪOKALANIʻŌPUʻU ......................9 MOKUNA ʻELUA .............................................................................................................................................29 KA MŌʻAUKALA O KA HOʻOPONOPONO MUA MA NĀWAHĪOKALANIʻŌPUʻU .....................29
2.1 KA ʻOLOKEʻA O NĀ ʻĀNUʻU O KA HANA MA KA HOʻOPONOPONO MUA LOA ..........................................31 2.2 NĀ HANA I ʻIKE ʻIA MA NĀ ʻANUʻU...........................................................................................................32
2.2.1 ʻIke ʻIa ka Pilikia...............................................................................................................................32 2.2.2 Nā Hiʻohiʻona o ka Hoʻokaʻaʻike ......................................................................................................33 2.2.3 Ke Aʻoaʻo i ka Haumāna i Hihia......................................................................................................34 2.2.4 Ka ʻOiaʻiʻo o ka Mihi, ke Kala, me ka Uku Pānaʻi .........................................................................34 2.2.5 Ka Manaʻo Aʻoaʻo o ke Kumu i ko ke Kula .....................................................................................36
2.3 NĀ WEHEWEHENA KUANAʻIKE O NĀ ʻANUʻU PĀKAHI.............................................................................36 2.3.1 Ka ʻIke ʻIa o ka Pilikia......................................................................................................................36 2.3.2 Ka Hoʻokaʻaʻike.................................................................................................................................37 2.3.3 Ke Aʻoaʻo i ka Haumāna ..................................................................................................................39 2.3.4 Ka ʻOiaʻiʻo o ka Mihi, ke Kala, me ka Uku Pānaʻi .........................................................................41 2.3.5 Ka Manaʻo Aʻoaʻo o ke Kumu i ko ke Kula .....................................................................................43
2.4 HOPENA .....................................................................................................................................................44 MOKUNA ʻEKOLU ..........................................................................................................................................46 NĀ PALAPALA KĀLAIʻIKE NO KA HOʻOPONOPONO.......................................................................46
3.1 NĀNĀ I KE KUMU, PUKE 1 ........................................................................................................................47 3.2 THE HAWAIIAN CHURCH OF THE LIVING GOD: AN EPISODE IN THE HAWAIIAN’S QUEST FOR SOCIAL IDENTITY ..........................................................................................................................................................53 3.3 STATUS AND CONFLICT: AN ETHNOGRAPHIC STUDY OF AN INDEPENDENT HAWAIIAN CHURCH ........57
3.3.1 Ka Hoʻohālikelike ʻAna.....................................................................................................................70 MOKUNA ʻEHĀ ................................................................................................................................................74 NO KA HĀNAI ʻIA MA KA ʻOHANA ..........................................................................................................74 MOKUNA ʻELIMA...........................................................................................................................................96 KE KUANAʻIKE NOʻONOʻO A ME KA MOʻOKIʻINA ...........................................................................96
5.1 KE KUMU HONUA MAULI OLA.................................................................................................................96 5.2 KA NUʻUKIA O KE KULA ʻO NĀWAHĪOKALANIʻŌPUʻU: “NO ʻANEʻI KO KĀKOU OLA”........................102 5.3 KA MOʻOKIʻINA .......................................................................................................................................102 5.4 NĀ MOʻOKIʻINA MA NĀWAHĪOKALANIʻŌPUʻU........................................................................................104
5.4.1 Ka Moʻokiʻina Kaʻina Moʻokūʻauhau.............................................................................................104 5.4.2 Moʻokiʻina Piko ...............................................................................................................................106 5.4.3 Ke ʻOki Piko ....................................................................................................................................108
vii
5.4.4 Ka Moʻokiʻina Wehena Makahiki ..................................................................................................110 5.4.5 Moʻokiʻina Hoʻokipa .......................................................................................................................111 5.4.6 Moʻokiʻina ʻUo Mamo.....................................................................................................................113 5.4.7 Moʻokiʻina Hui Kīpaepae ...............................................................................................................116 5.4.8 Moʻokiʻina Pule Nāwahīokalaniʻōpuʻu ..........................................................................................117 5.4.9 Moʻokiʻina Pule Puka Kula ............................................................................................................119 5.3.10 Ka Hoʻokumu Moʻokiʻina .............................................................................................................123
MOKUNA ʻEONO...........................................................................................................................................126 KA MOʻOKIʻINA HOʻOPONOPONO MA NĀWAHĪOKALANIʻŌPUʻU...........................................126
6.1 KE KUANAʻIKE HOʻOHOLO MANAʻO NO KA HANA MOʻOKIʻINA HOʻOPONOPONO................................130 6.1.1 Ka Pilikia ........................................................................................................................................134 6.1.2 Ka ʻOhi ʻIkepili................................................................................................................................135 6.1.3 Ka Hālāwai Kūkā ...........................................................................................................................137 6.1.4 Ka Hana E Hoʻokō ʻIa e ka Lawehala...........................................................................................140 6.1.5 Nā Kulekele Chapter 19 .................................................................................................................141
MOKUNA ʻEHIKU .........................................................................................................................................146 KA ʻOHI ME KE KĀLAILAI ʻIKEPILI.....................................................................................................146
7.1 KA WAIHONA ʻIKEPILI HOʻOPONOPONO.................................................................................................147 7.2 KE KĀLAILAI ʻIKEPILI .............................................................................................................................151 7.3 NĀ PAE ʻIKE NO KA PILIKIA ....................................................................................................................153 7.4 KA MAHIKI ʻANA.....................................................................................................................................155 7.5 KA PALENA PAU O KA MOʻOKIʻINA HOʻOPONOPONO ............................................................................161 7.6 KA LAʻANA ʻOI KELAKELA O KA MOʻOKIʻINA HOʻOPONOPONO............................................................163
MOKUNA ʻEWALU .......................................................................................................................................167 KA HOʻOHANA ʻANA I KA MOʻOKIʻINA HOʻOPONOPONO ..........................................................167
8.1 HE HIHIA O NĀ HAUMĀNA HAKAKĀ ......................................................................................................168 8.1.1 Ka ʻIke ʻIa o ka Pilikia....................................................................................................................168 8.1.2 Nā Hiʻohiʻona o ka Hoʻokaʻaʻike ....................................................................................................169 8.1.3 Ka Hālāwai Kūkā/Hoʻomalu/Mahiki.............................................................................................170 8.1.4 Ka Mihi, ke Kala, ke Aʻoaʻo Laulā a me ka Lūlū Lima/ke Apo Aloha.........................................171 8.1.5 Ka Hana Pānaʻi ..............................................................................................................................171 8.1.6 Chapter 19.......................................................................................................................................171 8.1.7 Aʻoaʻo a Hōʻoia/Pani ......................................................................................................................172
8.2 KE KĀLAILAI ʻANA I KA HIHIA O NĀ HAUMĀNA HAKAKĀ ...................................................................172 8.2.1 Ka ʻIke ʻIa o ka Pilikia....................................................................................................................172 8.2.2 Nā Hiʻohiʻona o ka Hoʻokaʻaʻike ....................................................................................................174 8.2.3 Ka Hālāwai Kūkā/Hoʻomalu/Mahiki.............................................................................................177 8.2.4 Ka Mihi, ke Kala, ke Aʻoaʻo Laulā, a me ka Lūlū Lima/ke Apo Aloha........................................183 8.2.5 Ka Hana Pānaʻi ..............................................................................................................................185 8.2.6 Chapter 19.......................................................................................................................................188 8.2.7 Aʻoaʻo a Hōʻoia/Pani ......................................................................................................................189
MOKUNA ʻEIWA ...........................................................................................................................................191 KE KĀLAILAINA PAEPAE KUʻUNA HOʻOPONOPONO MA NĀWAHĪOKALANIʻŌPUʻU......191 PANINA.............................................................................................................................................................217 PĀKUʻINA ........................................................................................................................................................226
ENGLISH SUMMARY OF “MOʻOKIʻINA HOʻOPONOPONO”: THE CONTINUITY OF TRADITIONAL HAWAIIAN CONFLICT RESOLUTION AT KE KULA ʻO NĀWAHĪOKALANIʻŌPUʻU............................................................226
Chapter One .............................................................................................................................................226 Overview...................................................................................................................................................226
viii
Chapter Two.............................................................................................................................................228 History of the First Incidence of “Hoʻoponopono” at Nāwahī ............................................................228 Chapters Three and Four ........................................................................................................................230 Literature Review on Conflict Resolution & Personal Upbringing .....................................................230 Chapters Five and Six..............................................................................................................................232 The System of Conflict Resolution at Nāwahīokalaniʻōpuʻu .................................................................232 Decision-Making Framework .................................................................................................................234 Chapters Seven and Eight .......................................................................................................................234 Examples of Conflict Resolution at Nāwahīokalaniʻōpuʻu ....................................................................234 Chapter Nine ............................................................................................................................................238 Common Factors Found in Research Data on Traditional ..................................................................238 Conflict Resolution ..................................................................................................................................238
PAPA KŪMOLE..............................................................................................................................................241 NĀ KŪHIA O HOPE ......................................................................................................................................243
ix
Papa Pakuhi
1. Pakuhi 1.1: Nā Makahiki a me nā Hanana Nui i Ho‘okumu ‘Ia ai ‘o Nāwahīokalani‘ōpu‘u ... 12 2. Pakuhi 1.2: Ka Heluna Haumāna ma Nāwahīokalani‘ōpu‘u ................................................... 27 3. Pakuhi 3.1: Nā ‘Anu‘u a Wehewehena o kā Pūku‘i .................................................................. 54 4. Pakuhi 3.2: Nā ‘Anu‘u a Wehewehena o kā Aiona................................................................... 58 5. Pakuhi 3.3: Ka ‘Anu‘u Ho‘oponopono a me ka Wehewehena Pae o kā Peterson ................ 62 6. Pakuhi 3.4: Ka ‘Anu‘u Kumuhana a me ka Wehewehena Pae o kā Peterson....................... 63 7. Pakuhi 3.5: Nā Kumu e ‘Imi ai i ke Kumuhana ......................................................................... 65 8. Pakuhi 3.6: Nā ‘Anu‘u Hana Ho‘oponopono ma nā Palapala ‘Ekolu ...................................... 71 9. Pakuhi 4.1: Ka Hana Mēheuheu Ho‘oponopono o Ko‘u Hānai ‘Ia ‘Ana ................................ 93 10. Pakuhi 4.2: Kuana‘ike ‘Ohana ................................................................................................. 94 11. Pakuhi 5.1: No ke Kū ‘Ana ma ka Piko ...................................................................................107 12. Pakuhi 5.2: Mo‘oki‘ina Piko Kakahiaka ...................................................................................107 13. Pakuhi 5.3: Mo‘oki‘ina Wehena Makahiki ...............................................................................111 14. Pakuhi 5.4: Mo‘oki‘ina Ho‘okipa...............................................................................................112 15. Pakuhi 5.5: Mo‘oki‘ina Hui Kīpaepae ......................................................................................117 16. Pakuhi 5.6: Mo‘oki‘ina Pule Nāwahīokalani‘ōpu‘u..................................................................119 17. Pakuhi 5.7: Mo‘oki‘ina Pule Puka Kula....................................................................................120 18. Pakuhi 6.1: Ka Mo‘oki‘ina Ho‘oponopono ma Nāwahīokalani‘ōpu‘u.....................................129 19. Pakuhi 7.1: Nā La‘ana Ho‘oponopono ma Nāwahīokalani‘ōpu‘u..........................................149 20. Pakuhi 7.2: Nā Hihia i ‘Ike Pinepine ‘Ia ...................................................................................150 21. Pakuhi 7.3: Huinanui ‘Ikepili Pepa ...........................................................................................152 22. Pakuhi 7.4: Nā Pae ‘Ike Hihia ..................................................................................................154 23. Pakuhi 7.5: Hakakā ‘Ohana-La‘ana Mahiki.............................................................................157 24. Pakuhi 7.6: Nā La‘ana Hihia me nā Pae Mahiki .....................................................................157 25. Pakuhi 7.7: Nā La‘ana Hihia me nā ‘Anu‘u Ho‘oponopono....................................................158 26. Pakuhi 7.8: Nā ‘Anu‘u Kō o nā La‘ana Ho‘oponopono...........................................................162 27. Pakuhi 7.9: Ho‘ohālikelike La‘ana............................................................................................163 28. Pakuhi 8.1: Ka La‘ana Hihia: Nā ‘Anu‘u a Wehewehena Mo‘oki‘ina Ho‘oponopono ...........173 29. Pakuhi 9.1: Ka Ho‘ohālilelike ‘ana me kā Nāwahīokalani‘ōpu‘u ...........................................195 30. Pakuhi 9.2: Nā ‘Anu‘u a Pae Ho‘oponopono i kā Pūku‘i me Kā Nāwahīokalani‘ōpu‘u........196 31. Pakuhi 9.3: Nā ‘Anu‘u a Pae Ho‘oponopono I kā Aiona me Peterson me Ko
Nāwahīokalani‘ōpu‘u ................................................................................................................199 32. Pakuhi 9.4: Nā ‘Anu‘u a Pae Ho‘oponopono no Ko‘u Hānai ‘Ia ‘Ana a no ko
Nāwahīokalani‘ōpu‘u ................................................................................................................204 33. Pakuhi 9.5: Nā ‘Ao‘ao Nui i Komo ma nā Pō‘aiapili Ku‘una a Pau........................................209
Ho‘olauna
“Ke kala aku nei au ia oe a pela noho‘i au e kala ia mai ai.”
Nānā I Ke Kumu. Puke 1. ‘Ao‘ao 75.
He hana ku‘una Hawai‘i ka hana ho‘oponopono, a no loko mai nō ia o ka
‘ohana Hawai‘i. Mai ka wā ma mua mai, ua mālama ‘ia nā hana ho‘oponopono
ma waena o ko ka ‘ohana Hawai‘i, akā na‘e, ma ke au manawa, ua lawe a
ho‘ohana pū ‘ia ia mau hana ma waho a‘e o ka pō‘aipili ‘ohana. Ma muli o ke
kama‘āina a me ka mākaukau o kekahi po‘e Hawai‘i i ka hana ho‘oponopono ma
ka ‘ohana, pēlā i hiki ai ke kō ka hana ho‘oponopono ma waho a‘e o ia pō‘aiapili
ma‘amau o ka ‘ohana. Ma ka no‘ono‘o Hawai‘i, nānā nui ‘ia ka lawena hana, ‘o ia
ka mea e hō‘oia‘i‘o ai i ka na‘auao a me ka mākau o ke kanaka ‘imi
ho‘oponopono. Ma ka ‘ohana nō e a‘o mua ai no ke kuana‘ike e hua mai ai ka
lawena kūpono. Wahi a Kahiko, “‘Ike aku, ‘ike mai: kōkua aku, kōkua mai; pēlā
ihola ka nohona ‘ohana.”i A no laila, inā e kia mau i ka mana‘o nui o ka
ho‘oponopono, ‘o ia ho‘i ka ‘imi mau ‘ana o ke kanaka i ka hana pono, a inā ho‘i e
ho‘okō ‘ia ma ka paepae ‘ike ku‘una i a‘o ‘ia ma ka ‘ohana, pēlā e kō maika‘i ai ka
hana ho‘oponopono ma waho a‘e o ka pō‘aiapili ‘ohana.
‘O ka pahuhopu nui o kēia pepa ka hō‘oia ‘ana he hana ku‘una Hawai‘i ka
hana ho‘oponopono ma Ke Kula ‘o Nāwahīokalani‘ōpu‘u, he pō‘aiapili hou ma
waho a‘e o ka ‘ohana Hawai‘i. Ma ka ‘ike ‘ana i ia hana he hana ku‘una Hawai‘i,
2
he hō‘oia pū nō ho‘i ia i ka hiki ke ho‘ohana ‘oia‘i‘o ‘ia ke ki‘ina ku‘una Hawai‘i ma
ka pō‘aiapili kula i kēia au hou. He ho‘oikaika ia ki‘ina hana i ke kuana‘ike Hawai‘i
ma waena o nā haumāna, nā kumu, nā limahana a me nā ‘ohana. He mea nui
kēia ‘oiai ‘a‘ole nō i like ka pa‘a o ka mo‘omeheu Hawai‘i o ka ‘ohana o kēia wā e
like me ko ka wā ma mua. Ma ke au manawa a‘o haumāna, ua lilo kēia hana he
hana mo‘oki‘ina, he ki‘ina hana pa‘amau ho‘i e ho‘oikaika ai i ka ‘ike ku‘una i
waena o ka po‘e ma ke kula. No laila, ho‘ohana ‘ia nō ka hana ho‘oponopono no
ka ho‘oholomua ‘ana i ka papahana kula a no ka ho‘oikaika pū ‘ana i ke
kuana‘ike ku‘una i waena o ko ke kula. ‘O ka mo‘oki‘ina ho‘oponopono kekahi o
nā ki‘ina mea nui e kahukahu ai i ke kuana‘ike kūikawā o ke kula mauli ola
Hawai‘i ‘o Nāwahīokalani‘ōpu‘u.
He mana‘olana ko‘u e lilo kēia hana noi‘i a palapala ‘ana nō ho‘i he hua e
ho‘ākea ai i ke kuana‘ike ho‘ona‘auao e laha nei i kēia wā. ‘Oiai he ki‘ina kēia i
kumu mai i waena o ka Hawai‘i, he waiwai ia ki‘ina no nā haumāna hele kula a no
nā kumu pū ho‘i e ‘imi ana i ka laikini a‘o i ko Hawai‘i nei mai ka pae kula kamali‘i
a hiki loa aku i ka pae kulanui. He ho‘okahi wale nō māhele ka hana
ho‘oponopono o ke a‘o ‘ana. A no laila, he ko‘iko‘i ka hō‘ike mōakāka ‘ana no ka
waiwai o ka hana mo‘omeheu a me ka ‘ike ku‘una Hawai‘i ma ke a‘o ‘ana i ko
Hawai‘i po‘e kānaka. ‘Oiai ‘o Hawai‘i nei kēia, he pōmaika‘i ka loa‘a o ka ho‘oilina
‘ike a na‘auao i waiho ‘ia no nā hanauna hou e ka po‘e o ka wā ma mua. No
kākou ke kuleana o ka ho‘ohana a me ka ho‘oulu hou a‘e i ia ‘ike.
3
Ka Pō‘aiapili Mō‘aukala o ka Noi‘i ‘Ana
Ma muli o ka ho‘okahuli ‘ia o ke aupuni mō‘ī Hawai‘i ma ka makahiki 1893,
ua wāwahi ‘ia ke kūlana mana o ka ‘ōlelo a me ka mo‘omeheu Hawai‘i. Eia na‘e,
ma ka ‘Aha Kumukānāwai o ka makahiki 1978, ua lilo ka ‘ōlelo Hawai‘i ‘o ia
kekahi o nā ‘ōlelo kūhelu ‘elua me ka ‘ōlelo Pelekānia. He ke‘ehina ko‘iko‘i nō ia i
wehe ho‘i i ke ala e ho‘okumu ‘ia ai nā papahana ho‘ōla ‘ōlelo a me ka
mo‘omeheu ma Hawai‘i nei.
Ma nā makahiki ma hope mai, ua ‘imi ‘ia ka ho‘ololi i nā kānāwai
‘āke‘ake‘a, a ua noke aku i ka ho‘okumu i nā papahana kula kaiā‘ōlelo Hawai‘i.
Ua ho‘okumu ‘ia ka papahana ‘Aha Pūnana Leo (‘APL) ma ka makahiki 1983, a
ua ho‘omaka ‘ia akula ho‘i nā kula kamali‘i ‘ōlelo Hawai‘i. He ho‘omaka nō ia i ka
ho‘okumu piha ‘ana i ka ‘ōnaehana papahana ho‘ona‘auao Hawai‘i mai ka pae
kula kamali‘i a hiki i ka pae kulanui. Ua loa‘a mai nei kēia mau hua a pau ma muli
o ka paio like ‘ana me ko ke aupuni a me ko ke kaiaulu no ka pono o ka
pahuhopu nui, ‘o ia ke ola o ka ‘ōlelo a me ka mo‘omeheu. ‘A‘ole na‘e i nui ke
kāko‘o ma ia mau makahiki mua loa no ka malihini a me ka ‘oko‘a ho‘i o ke
kuana‘ike o ka lehulehu. Eia na‘e, ma ke au manawa, ua mohala maila ke
kama‘āina a me ke kāko‘o i ka papahana kaiā‘ōlelo Hawai‘i.
I kēia lā, mau nō ka paio ‘ana no ia ‘ano kula ‘ana a me ka ho‘olaha ‘ana
ho‘i i nā kaiā‘ōlelo Hawai‘i he pō‘aiapili ho‘ona‘auao ma‘amau ma Hawai‘i nei. Inā
nō na‘e i loa‘a ‘ole ka ‘ike wānana ma ke au manawa a me ke kūpa‘a like ma
hope o ke kuana‘ike ku‘una Hawai‘i mai kinohi mai, ‘a‘ole nō i loa‘a ka hua hana i
loa‘a mai i kēia wā.
4
Ke Kahua o ka Noi‘i ma Kēia Pepa
Ma ke au manawa, ua kupu mai nō nā ha‘awina ho‘oponopono. I ka ‘ike
‘ana i ka pilikia ke kupu mai ma ke kula, ua ‘ike wau no ko‘u no‘ono‘o koke i ka
‘ike i a‘o ‘ia ma ka ‘ohana. Ma muli o ka puka o ka hua maika‘i ma ia ki‘ina, ua
ho‘omau i ka ho‘ohana i ko‘u ‘ike pēlā. Pēlā nō i maopopo ai ia‘u ka waiwai o ka
‘ike ku‘una ‘ohana Hawai‘i ma ka papahana ho‘ōla ‘ōlelo a mo‘omeheu Hawai‘i:
Ma ko‘u ‘ike maka ‘ana nō. He kuana‘ike Hawai‘i ke kūkulu ‘ana i ka ‘ike hou ma
luna o ka ‘ike a me ka mākau i loa‘a mai ma ka ‘ohana Hawai‘i. Wahi a Kahiko,
“Mai kāpae i ke a‘o a ka makua, aia he ola ma laila.”ii I ko‘u mana‘o, ‘o ke ola ka
hiki ke ho‘ohana i ia ‘ike ma ke au manawa. Ke ho‘ākea ‘ia ka ‘ike pēlā, e
mōakāka ana ka waiwai a me ka waiwai ‘ole o ka ‘ike hou.
Ma muli o ko‘u kuleana ma ka haku ‘ana i ka mo‘oki‘ina ho‘oponopono a
me ko‘u komo ‘ana ma ka ho‘okumu ‘ana i ke kula, ua mōakāka ka pilina a ka
mo‘oki‘ina ho‘oponopono me ka hana ho‘ōla ‘ōlelo a mo‘omeheu Hawai‘i. Ua
loa‘a mai ka mo‘oki‘ina ma ka ‘imi ‘ana i ka ho‘oponopono pilikia ma ia mau
makahiki. No laila, ua mōakāka ke kumu a me ka pō‘aiapili mō‘aukala i haku ‘ia ai
ka mo‘oki‘ina ho‘oponopono.
I mea e hō‘oia ai i nā ha‘awina ho‘oponopono ma ka ‘ohana ma ka
manawa a‘u i noi‘i ai no kēia pepa, ua kama‘ilio a kālailai au i ia ‘ike me ko‘u
kaikunāne, ‘o Creighton Kahananui Kamanā, ‘oiai he kumuhana kama‘āina iā
māua ka ho‘oponopono ma ka ‘ohana. He pa‘akikī nō ke a‘o ‘ana i ia ‘ano ‘ike ma
kekahi ‘ano ki‘ina hou a‘e, koe ma ka noho pū me ka ‘ohana. Ma ka hana nō e ili
mai ai a e pa‘a ai ka ‘ike ma ka ‘ohana; pēlā nō e ili hou a‘e ai ma luna o nā
5
haumāna ma ke kula ‘ōlelo Hawai‘i. He ki‘ina a‘o ‘ohana ka ‘imi mua ma ka
lawena hana, a e ho‘olauna i ke a‘oa‘o ma o ia lawena hana. A laila, ho‘onui ‘ia
ka ‘ike ma ka launa me ko ke ao ākea. Ua ho‘ohana au i ka ‘ike i loa‘a mai ma ka
‘ohana, a laila ua ho‘ohui pū i ka ‘ike i a‘o ‘ia ma nā waihona kālai‘ike.
Ma luna o ka ‘ike i loa‘a mua, ua hiki ke wae maika‘i i nā palapala noi‘i i
kākau ‘ia no ka hana ho‘oponopono. Ua koho wau i nā palapala kālai‘ike i kālele
ma luna o ke ki‘ina hana na ka po‘e lāhui Hawai‘i. ‘O ka mua ma ka ‘ohana
Hawai‘i, a laila ma nā pō‘aiapili ‘ē a‘e i ‘ākoakoa ai ka po‘e Hawai‘i, ‘oiai ‘o ka ‘ike
ku‘una ka ‘ike waiwai e loa‘a mai ai. Ma waho a‘e o ko‘u hānai ‘ia ‘ana, e kālailai
ana au i ‘ekolu palapala kālai‘ike: 1) Nānā I Ke Kumu na Pūku‘i, Haertig and Lee,
2) The Hawaiian Church of the Living God: An Episode in the Hawaiianʼs Quest
for Social Identity na Darrow L. Aiona, a me 3) Status and Conflict: An
Ethnographic Study of an Independent Hawaiian Church na John Peterson.
‘Oiai ua ho‘okumu ‘ia ka mo‘oki‘ina ho‘oponopono ma
Nāwahīokalani‘ōpu‘u ma ka makahiki 1994-95, a ‘oiai ho‘i he kumu a alaka‘i wau
ma ia kula i ia wā, ua komo kino wau ma ka ho‘okō ‘ana i ia mo‘oki‘ina ma laila, e
like nō me ka ‘ōlelo ku‘una, “Ma ka hana nō ka ‘ike.” Ma ka makahiki 1996, ua
ho‘omaka wau e palapala a ‘ohi i nā kakaha e wehewehe ana no ka hana
ho‘oponopono i nā hihia haumāna i ia wā, a ua mālama i waihona kakaha a hiki i
ke kupulau o ka makahiki 2009. Ua lilo ‘o kēia ka waihona ‘ikepili e hō‘ike ana i
ka mohala ‘ana o ka hana ho‘oponopono ma ia mau makahiki kula. Ma ka nānā
‘ana i ia ‘ikepili i ahuwale ai nā māhele nui o ka mo‘oki‘ina ho‘oponopono, ka
6
pinepine o ka loa‘a a me ka loa‘a ‘ole o nā māhele, a me ka pilina i waena o ia
mau māhele hana.
Ka Waiwai o ka Noi‘i ma Kēia Pepa
He waiwai kēia noi‘i ‘ana no ka papahana ho‘ōla ‘ōlelo me ka mo‘omeheu,
no ka mea he mau ki‘ina e ola ai ka ‘ike ku‘una ma ka ho‘ohana ‘ana. Pēlā nō e
‘ike hou ‘ia ai ka mo‘omeheu a e lohe hou ‘ia ai ho‘i ka ‘ōlelo Hawai‘i ma Hawai‘i
nei. Ma waho a‘e o ka ‘ohana, ‘o ke kula kekahi wahi nui e a‘o ai nā keiki a me nā
‘ōpio no ka ‘ike a me ka na‘auao e pono ai ko lākou wā kanaka makua. He
ko‘iko‘i ka ho‘olauna nui ‘ana i ka ‘ike ku‘una ma ka lawena e pono ai ka piko‘u
Hawai‘i o nā haumāna ma ke kaiāulu kula.
‘O ke ki‘ina noi‘i pū kekahi mea nui no ka papahana ho‘ōla ‘ōlelo me ka
mo‘omeheu. Inā e launa ke ki‘ina noi‘i me ke kuana‘ike ao o ka papahana, e ‘oi
aku ana ka papaha o ka puka mai o ka hua waiwai e pono ai ka ikaika o ka
papahana. He kōkua pū ia ki‘ina i ka papahana kālai‘ike ho‘ona‘auao ku‘una
Hawai‘i ma ke kulanui, ‘oiai he ho‘oulu i ke kuana‘ike ao, a he ha‘awina mākau
a‘o ho‘i na nā haumāna e lilo ana i kumu ma ka papahana. A hiki i kēia manawa,
kālele nā papahana kālai‘ike kulanui i ke kuana‘ike ao ‘Amelika ma‘amau, a he
ho‘ākea kuana‘ike ka nānā ‘ana i ko ka Hawai‘i. He ko‘iko‘i ka ho‘oponopono ‘ana
ma ka ma‘i‘o o ka papahana kulanui i mōakāka a mākaukau nā haumāna kulanui
ke komo maoli ma ka hana ma ke kula ‘ōlelo Hawai‘i a ma nā ‘oihana like ‘ole e
waiho ana i mua o lākou ke puka aku.
7
Ma muli o kēia ‘ano noi‘i ‘ana, e ‘ike ana pehea e ho‘ohana ai i ka hana
ho‘oponopono ma ke ‘ano he hana ku‘una ma ke kula. E ulu ana ke kuana‘ike no
ka waiwai o ka ‘ike ku‘una ma nā hana ma‘amau o kēlā me kēia lā, inā ma ke
kula a i ‘ole paha ma kekahi pō‘aiapili kaiāulu ‘ōlelo Hawai‘i. E a‘o ana pehea e
komo a ‘auamo aku ai i ke kuleana hana ma ka pākahi a ma ke ‘ano he kaiāulu
Hawai‘i. Mana‘olana wau e komo ana ka hoihoi o ka po‘e haumāna, nā kumu a
me nā limahana i ka ‘imi hou a ho‘ohana pū i ka ‘ike mai ka wā ma mua mai no
ka pono o nā hana ma‘amau o kēia wā. Pēlā e mau ai ko Hawai‘i ho‘oilina
makamae no kēia mua aku.
Ke Ka‘ina o nā Mokuna
Wehewehe ka Mokuna ‘Ekahi i ka mō‘aukala a hi‘ohi‘ona o Ke Kula ‘O
Nāwahīokalani‘ōpu‘u. He ho‘olauna i nā hanana nui i wehe i ke ala i ho‘okumu ‘ia
ai ke kula. Hō‘ike ka Mokuna ‘Elua i ka mō‘aukala o ka ho‘oponopono mua ma
Nāwahīokalani‘ōpu‘u, ‘o ka wā ho‘i i ho‘okumu ‘ia ai ka mo‘oki‘ina kūhelu i
ho‘ohana ‘ia ma hope mai. Wehewehe ka Mokuna ‘Ekolu no ‘ekolu palapala
kālai‘ike i ho‘ohana ‘ia no ka noi‘i ho‘oponopono ‘ana. Ho‘olauna ka Mokuna ‘Ehā
i ko‘u hānai ‘ia ‘ana ma ka ‘ohana, a ho‘ākāka ia i ka hana ho‘oponopono a nā
mākua a me ke kuana‘ike ‘ohana ma ka laulā. Wehewehe ka Mokuna ‘Elima i ke
kuana‘ike no‘ono‘o ma ka mo‘oki‘ina. ‘O ia kuana‘ike ke kahua o ka ho‘oholo ‘ana
i ka mana‘o, ma nā hana mea nui o ka mo‘oki‘ina ho‘oponopono. Hō‘ike ka
Mokuna ‘Eono i nā ‘ao‘ao a pau o ka mo‘oki‘ina ho‘oponopono ma
Nāwahīokalani‘ōpu‘u, he ho‘omohala ho‘i i ka ho‘akāka no ia mo‘oki‘ina ma ke
8
kiko‘ī. Helu a kālailai ka Mokuna ‘Ehiku i ka ‘ohi me ke kālailai ‘ikepili mo‘oki‘ina
a‘u i ‘ohi ai ma nā makahiki hana ma ke kula. Wehewehe ka Mokuna ‘Ewalu no
ka ho‘ohana ‘ana i ka mo‘oki‘ina ho‘oponopono me ke kālele ma luna o ho‘okahi
la‘ana i ‘ike ‘ia ai ka ho‘ohana piha ‘ia ‘ana o ia mo‘oki‘ina ma ke kula.
Ho‘ohālikelike a kālailai ka Mokuna ‘Eiwa i ka paepae ku‘una ho‘oponopono ma
Nāwahīokalani‘ōpu‘u me ka mea i ‘ike ‘ia ma kou hānai ‘ia ‘ana a ma nā palapala
kālai‘ike ‘ekolu. ‘O ka hana ho‘ohua nō ho‘i ia i ka ha‘awina nui o kēia noi‘i ‘ana,
he hō‘oia i ka mana‘o he hana ku‘una ka mo‘oki‘ina ho‘oponopono ma Ke Kula ‘O
Nāwahīokalani‘ōpu‘u.
9
Mokuna ‘Ekahi
No ka Mō‘aukala a Hi‘ohi‘ona o Ke Kula ‘O Nāwahīokalani‘ōpu‘u
‘O Ke Kula ‘O Nāwahīokalani‘ōpu‘u ka hua o ke alu like ‘ana o ka po‘e he
nui, a ‘o ka mole kumu i loa‘a ai ia kula i kēia lā, ‘o ia ka piliwi i ka hiki ke loa‘a
hou mai he kula ‘ōlelo Hawai‘i mai ka pae kula ha‘aha‘a a i ka papa 12 ma
Hawai‘i nei. ‘O ka mea nui ‘o ia ka piliwi a me ka ho‘oikaika ma luna o ka ho‘ōla
‘ōlelo me ka mo‘omeheu. Wahi a Pūku‘i, ua kapa ‘ia kēia ki‘ina he kūkulu
kumuhana. ‘O ka ho‘oulu ‘ana ho‘i ia o ka mana o kēlā me kēia kanaka i mea e
alu like ai lākou ma ka no‘ono‘o me ka ‘uhane. A me ke kōkua pū o ke akua, pēlā
e ‘imi ‘ia ai ka ho‘okō pahuhopu nui ke ho‘oholo lōkahi ‘ia i waena o lākou. ‘O Ke
Kula ‘O Nāwahīokalani‘ōpu‘u ka hua o ia ki‘ina hana ku‘una.iii
Ua ho‘omohala ‘ia ia papahana ma luna o ke kahua ‘ike i waele mua ‘ia
no ka pae kula kamali‘i o ka ‘APL. Ma ka nānā ‘ana i ka hana a ka po‘e kahiko a
me ke kālailai pū ‘ana i ka loli o ka nohona ma ke au manawa, ua loa‘a mai nā
ha‘awina ko‘iko‘i e pono ai ka ho‘oholomua i ka papahana kula ‘ōlelo Hawai‘i i
kēia wā. Ua pōmaika‘i ko Hawai‘i i ka na‘auao o ka Hawai‘i o ka wā ma mua, a na
ka po‘e o kēia wā nō e ‘auamo i ka ho‘omau aku no nā hanauna hou. ‘O ia mau
ha‘awina i ‘apo ‘ia ma ka ho‘okumu ‘ana i nā kula Pūnana Leo ka paepae ‘ike i
pa‘a ai ‘o Nāwahiokalani‘ōpu‘u.
10
E kālele ana kēia mokuna e kālele ana ma luna o nā hana ‘ano nui a‘u i
‘ike ai mai ka makahiki 1978, ka wā ho‘i i lilo ai ka ‘ōlelo Hawai‘i he ‘ōlelo kūhelu
o ka moku‘āina nei a hiki mai i kēia manawa. Ma kēlā me kēia ke‘ehina i mua, ua
pa‘a maila nā ha‘awina ‘o ke kūkulu kumuhana a me ka ‘imi paupauaho ‘ole a kō
ka pahuhopu o kēlā ke‘ehina kēia ke‘ehina. He mau hua lanakila e kūkulu hou ‘ia
ai ke kumuhana hou e kia ai. Ma muli o ia mau ha‘awina hana o ia mau makahiki
i kupu mai ai ka hana ho‘oponopono i ‘ike mua ‘ia ma Nāwahīokalani‘ōpu‘u, ‘o ia
ka hua o ka ‘ike a ko ke kula i a‘o ai mai ia mau makahiki mua loa mai nō.
Ma mua o ka ho‘okahuli ‘ia ‘ana o ke aupuni mō‘ī a me ka ho‘ololi ‘ia ‘ana
o nā kānāwai ho‘ona‘auao, ‘o ka ‘ōlelo Hawai‘i ka ‘ōlelo o nā kula o Hawai‘i nei.
Ua ho‘ohana ka po‘e kahiko i ka ‘ike hou i loa‘a mai iā lākou ma ka nānā ‘ana i ka
hana a ka po‘e mikioneli i hō‘ea mai no ka ha‘i ‘euanelio. Ua ‘ike ‘ia ka waiwai o
ka mākau kākau a me ka heluhelu, he mau ‘enehana hou nō ia e pa‘a ai ka ‘ike
Hawai‘i ma kekahi ‘ano i ‘ike ‘ole ‘ia ma mua. He pa‘a nō ho‘i ka mana‘o ma ka
pepa, a ua hiki ke unuhi hou maila ma ka heluhelu ‘ana. He hō‘ailona ka nui o ka
waihona mo‘okalaleo e koe mai nei i ka nui ho‘i o ko lākou ohohia lua ‘ole i ka
‘enehana heluhelu me ke kākau a me ka pa‘a o ka waihona na‘auao Hawai‘i no
ko Hawai‘i po‘e. Ua noke akula ka po‘e i ka ho‘olilo i ia ‘enehana he ki‘ina e pa‘a
ai nā mo‘olelo ku‘una, nā kānāwai o ka ‘āina, ka ‘ike mo‘omeheu a me nā ‘ano
‘ike like ‘ole ‘ē a‘e e mālama aku ai i ka ‘ike a me ka na‘auao o ka lāhui. Ua
ho‘ohana pū i ke kākau a me ka heluhelu no ka ho‘ākea ‘ana i ke kuana‘ike ao o
ko Hawai‘i po‘e. Ua unuhi i nā mo‘olelo ku‘una Pelekānia ma ka ‘ōlelo Hawai‘i. I
11
ia wā, ‘o Hawai‘i kahi ho‘okahi i ho‘āhu nui ‘ia ai ka waihona ‘ike palapala o nā
lāhui ‘ōiwi. Aia ka nui o ia mau palapala ma ka Hale Waihona Palapala Kahiko
ma Honolulu, O‘ahu. He ha‘awina nui iā kākou ia ‘a‘a ‘ana a ka po‘e o ka wā ma
mua. A ma muli o ia ‘a‘a ‘ana a me ka wānana akamai ‘ana no ka mālama i ia
mau palapala waiwai, pēlā i loa‘a mai nei iā kākou ia waihona palapala
mo‘okalaleo i kēia wā. Aia ma lalo iho nei ka Pakuhi 1.1 e hō‘ike ana i nā hanana
nui o ka mō‘aukala i ho‘okumu ‘ia ai Ke Kula ‘O Nāwahīokalani‘ōpu‘u.
Ma hope o ke 80 a ‘oi makahiki, ua ho‘iho‘i ‘ia ka ‘ōlelo Hawai‘i i kona
kūlana kūhelu ma kona ‘āina pono‘ī ‘o Hawai‘i nei. Na ka Pelekikena o ka ‘Aha
Kumukānāwai o ka makahiki 1978, na John Waihe‘e i hāpai i ‘elua koina e ‘ike ‘ia
ma ke Kumukānāwai o ke aupuni Hawai‘i. ‘O ka mua, ‘o ia ka ho‘olilo ‘ana i ka
‘ōlelo Hawai‘i he ‘ōlelo kūhelu o ka moku‘āina ‘o Hawai‘i nei e like ho‘i me ke
kūlana e kū ana no ka ‘ōlelo Pelekānia i ia wā. ‘O ka lua, ‘o ia ka hāpai kūikawā
‘ia o ka ‘ōlelo Hawai‘i he ‘ōlelo e ho‘opaipai kūikawā ‘ia ma Hawai‘i nei. Ua puka
nā koina ‘elua ma ke Kumukānāwai ma ka makahiki 1980. He ke‘ehina kēia mau
kānāwai hou i wehe ai i ka ‘īpuka e ho‘okumu hou a‘e ai i ke kula ‘ōlelo Hawai‘i e
like nō me ka wā o ke aupuni mō‘ī. ‘Akahi a ‘ike ko Hawai‘i a pau i ke kūlana
kūhelu like o ka ‘ōlelo Hawai‘i, ka ‘ōlelo ‘ōiwi ho‘i o ka ‘āina, me ka ‘ōlelo
Pelekānia, he ‘ōlelo lāhui ‘ē no waho mai.
Mai ia manawa, ua lana ka mana‘o o mākou nā kumu a me nā
haumāna ‘ōlelo Hawa‘i‘i i ka hiki ke ho‘oikaika i ka papahana Hawai‘i ma
ka pae kulanui i mea ho‘i e ho‘onui ai i ka heluna kānaka ‘ōlelo Hawai‘i,
12
Pakuhi 1.1
‘oiai ua emi loa nā mānaleo i ia wā. Ma mua o ia wā, ua loa‘a nō ka papa ‘ōlelo
Hawai‘i ma kekahi mau kula ki‘eki‘e a ma ka pae kulanui ma ke ‘ano he papa
‘ōlelo ‘ē ma‘amau. ‘O Ke Kulanui o Hawai‘i ma Mānoa kahi nui o ka papahana
‘ōlelo Hawai‘i i ia wā. Ua loa‘a nā mānaleo i piha he 70 a ‘oi makahiki i launa pū
mai me nā kumu a me nā haumāna kulanui. Nui ka pōmaika‘i o ko ka papahana i
ko ka mānaleo aloha i ka ‘ōlelo a me ke kāko‘o a mana‘olana ma luna o ka
1978
1982
1983
1984
1985
1986
Hilo.
1987
1989
1991
1994 .
1995
1997
1998
Ola.1999
2001
13
papahana ‘ōlelo Hawai‘i ma ke kulanui. Kohu mea, ua pā ko ka mānaleo na‘au,
he aloha ho‘i i ka ‘ike i ka po‘e ‘ōpiopio e ‘i‘ini nei i ke a‘o i ka ‘ōlelo me ka
mo‘omeheu Hawai‘i. He hali‘a pū nō paha no ko lākou wā ‘ōpiopio me ka ‘ohana.
Ua mana‘o mākou, inā nō e ikaika ka papahana ‘ōlelo Hawai‘i ma ke
kulanui, e pi‘i ana ka heluna kānaka ‘ōlelo Hawai‘i. Ma ka ho‘opi‘i ‘ia ‘ana o ka
heluna, he waiwai pū ka ho‘ā‘o i ki‘ina hou e ho‘okumu ai i ke kaia‘ōlelo Hawai‘i
ma ke kulanui. ‘O ia ho‘i, ke hoihoi nā haumāna i ka ‘ōlelo Hawai‘i, ‘a‘ole nō i
pono e ho‘ohana i ka ‘ōlelo Pelekānia. E ho‘olilo ‘ia kēia he wā e ho‘okolohua ai i
ka ho‘ohana piha ‘ana i ka ‘ōlelo ma ka papa a ma ka haku ha‘awina ‘ana.
I ia manawa like nō, e ‘imi ana ke Kauka David Purcell, ke po‘o o ka
Mokuna Humanities o Ke Kulanui o Hawai‘i ma Hilo i kanaka nāna e ho‘okumu i
ka papahana laepua ha‘awina Hawai‘i ma laila. Aia nō māua ‘o ka‘u kāne ‘o
William “Pila” Wilson e hana ana ma Ke Kulanui o Hawai‘i ma Mānoa i ia
manawa, a ua lele aku ‘o Purcell a me kāna wahine i Honolulu no ke kama‘ilio
‘ana no ia kūlana hana ma Hilo. I ka wā o ka Mele Manaka o ia makahiki 1978,
ua ho‘opa‘a ‘o Wilson i hālāwai me Edith Kanaka‘ole e nīnau ai iā ia no ko Wilson
‘auamo ‘ana i kēia kuleana hana ma Ke Kulanui ma Hilo. ‘Oiai ‘o Kanaka‘ole ka
mea i ho‘omohala nui i ka papahana o Ke Kulanui a hiki i ia wā, a ua loa‘a nō
kekahi mau ālaina e ho‘opilikia ana i ka holomua o ka ho‘okumu ‘ana i ka
papahana Laepua Ha‘awina Hawai‘i, he mea nui iā Wilson ka hui kama‘ilio mua
‘ana me Kanaka‘ole. Ua paipai akula ‘o ia iā Wilson e hele mai i ke kulanui, a e
kōkua nō ho‘i, ‘oiai ‘a‘ole nō i lawa nā kumu, a ua pono e kōkua i nā haumāna i
14
loa‘a. ‘O ko Wilson noi akula nō ia i ia kūlana, a ua hai ‘ia ‘o ia he Polopeka
Kāko‘o ma Ke Kulanui o Hawai‘i ma Hilo ma ia makahiki 1978 nō. Ua ne‘e maila
‘o ia mai Honolulu mai a ho‘okahi makahiki ma hope mai, ua ne‘e pū maila wau.
‘O kona kuleana nui i hai ‘ia ai ‘o ia, ‘o ia ka ho‘okumu ‘ana i ka Papahana
Laepua Ha‘awina Hawai‘i. ‘Akahi a pa‘a kūhelu ke kūlana kulanui ma Hilo ma ka
makahiki 1970, a ua kau ka mana‘olana i ka hiki ke kūkulu i papahana kaia‘ōlelo
a mo‘omeheu Hawai‘i ma Hilo. Aia nō ‘o Kanaka‘ole a me kāna mau kaikamāhine
‘elua ‘o Pualani a me Nālani e a‘o ana, a ua komo pū wau ma ke a‘o i ka papa
‘ōlelo Hawai‘i makahiki ‘elua i ia wā kekahi. Ua hana pū ‘o Wilson lāua ‘o
Kanaka‘ole ma ka ho‘oholomua ‘ana i ka papahana a hiki i ko Kanaka‘ole hala
‘ana ma ka hā‘ulelau o ka makahiki 1979.
Ma ka makahiki 1982, ua ho‘okumu ‘ia ka Papahana Laepua Ha‘awina
Hawai‘i ma Ke Kulanui o Hawai‘i ma Hilo, a ua ho‘okumu ‘ia ho‘i ka Māhele
Ha‘awina Hawai‘i i ia wā ho‘okahi. Ua noi wau i kūlana hana ma ia māhele, a ua
hai ‘ia ma ka mahina ‘o Ianuali, makahiki 1980. He wā ulu nō ia no ka Papahana
Ha‘awina Hawai‘i a no ia kulanui hou pū kekahi. Ua kūkulu ‘ia ka papahana ma
luna o ka hana a ka po‘e i hō‘ea mua mai, a ua ho‘omohala ‘ia ma ke kia ma luna
o ka ho‘ōla ‘ōlelo me ka ho‘oikaika kuana‘ike Hawai‘i pū.
Ma ka makahiki 1983, ua ho‘okumu ‘ia ka papahana ‘APL nona ka nu‘ukia,
“E Ola Ka ‘Ōlelo Hawai‘i.” I ia wā, ‘o Larry Kimura ka pelekikena, ‘o Sam No‘eau
Warner ke kākau‘ōlelo, a ‘o Byron “Hōkūlani” Cleeland ka pu‘ukū. ‘O Ileialoha
Beniamina, Wilson, Paul “Koki” Williams a me a‘u nā lālā kāko‘o. Ua ‘imi koke
15
akula i kūlana pā‘oihana ‘auhau ‘ole no ka ‘APL, a ua ho‘oholo like no ka ‘imi mua
‘ana ma ka pae kula kamali‘i, pēlā e ho‘oikaika ai i ka ‘ōlelo a me ka mo‘omeheu
Hawai‘i. E ho‘omaka nō ho‘i i ka wā ‘oi kamali‘i loa o ke keiki, ma kona wā pili loa
i nā mākua, ma kona wahi “pūnana” ho‘i e a‘o ai i kāna ‘ōlelo, ‘o ka ‘ōlelo Hawai‘i.
‘O ia ka wā ho‘okahi i ‘imi pū ai ‘o Ke Kōhanga Reo ma Aotearoa i ia pahuhopu
ho‘okahi no kā lākou ‘ōlelo me ka mo‘omeheu Māori. He ki‘ina ka ho‘okumu kula
kamali‘i ‘ōlelo Hawai‘i e ho‘ohuli ai i ke kuana‘ike i ho‘onāwaliwali loa i ka ‘ōlelo a
me ka mo‘omeheu. He ke‘ehina hou e kanu hou ai i ka hoihoi o ka ‘ohana i ke a‘o
i ka ‘ōlelo Hawai‘i.
I mea e hō‘oia ai i ka ho‘oholomua o ia papahana ‘APL, ua hālāwai ka
papa alaka‘i, a ua ‘ae akula wau i ka ‘auamo i ke kuleana ho‘olālā a ho‘okele i ka
ho‘okumu ‘ana i ke kula Pūnana Leo. No laila, ua ha‘alele wau i ko‘u kūlana ma
ke kulanui ma Hilo ma waena o nā makahiki 1984-1986 i loa‘a ka mea e kālele
ana ma ka wehe ‘ana i ke kula mua. Ma waena o ia mau makahiki, ua hana pū
wau me Hōkūlani Cleeland ma Kaua‘i a me Larry Kimura ma Honolulu ma ka
ho‘okumu ‘ana i nā kula ma Kaua‘i me O‘ahu, a ua hana me ko Hilo po‘e no ko
Hilo kula. Ua lele i waena o nā mokupuni, a ua mālama ‘ia nā hālāwai ho‘onui ‘ike
a me nā papahana haku ha‘awina e pono ai nā kula. Ua ‘imi wau i ka ho‘onui ‘ike
mai nā kula ‘ōlelo Pelekānia ‘oi kelakela ma Hawai‘i i ia wā, a ua ho‘ohana i ia
‘ike no ka pono o ia papahana kula ‘ōlelo Hawai‘i piha, ‘o ka Pūnana Leo. ‘A‘ole
nō i hiki ke hahai wale, akā, ua pono e wae i nā mea nui i pono ai ka laikini kula
kamali‘i o ka moku‘āina a e wae pū ho‘i i nā ‘ao‘ao o ka hana e kāko‘o ana i ke
16
kuana‘ike a‘o Hawai‘i. ‘O ka ho‘oikaika i ka ‘ike ku‘una a me ka ho‘oma‘ama‘a
‘ana i ka mālama mau i ka ‘ōlelo Hawai‘i wale nō, ‘o ia nā ha‘awina nui no ka po‘e
a pau o ka papahana. He mea hou loa ka ho‘ohana ‘ole ‘ana i ka ‘ōlelo
Pelekānia ma waena o mākou, a no ia kumu, ua pono e lula iā mākou iho a ‘ōlelo
Hawai‘i wale nō. He kuleana nui kēia no ka po‘e alaka‘i a me nā limahana e hana
pū ana me nā keiki. Ua lilo ia mau po‘e he mau kumu ho‘ohālike no nā ‘ohana
Pūnana Leo a me nā haumāna kulanui e ‘imi kēkelē ana.
Ua ho‘okumu ‘ia ke kula Pūnana Leo mua loa ma ka makahiki 1984 ma
Kekaha, Kaua‘i, a ua kapa ‘ia ia kula ‘o ka Pūnana Leo o Kekaha. A hiki i kēia lā,
‘a‘ole nō i loa‘a hou kekahi kula Pūnana Leo i pōmaika‘i like i ka nui o nā kumu
mānaleo Hawai‘i. He po‘e kumu ‘ōlelo Hawai‘i Ni‘ihau ia mau mānaleo no ia
kaiāulu nō. Na Hōkūlani Cleeland i komo nui ma ka ho‘okumu ‘ana i ia kula iā ia e
a‘o ana ma Ke Kula Ki‘eki‘e O Kaua‘i. Ma ka hala ‘ana o nā makahiki, ua
kama‘āina nā lālā o ka ‘APL i nā ‘ohana Ni‘ihau, a mai waena mai nō o ia mau
‘ohana i hai ‘ia ai nā kumu mua: ‘o Loke Kalīloa, Elama Kanahele, Pua Lee, a me
Pualei Kaliko.
Ma hope o ia makamua o ka wehena kula ‘ana, ma ka makahiki 1985, ua
ho‘okumu ‘ia ka Pūnana Leo o Hilo, a laila, ka Pūnana Leo o Honolulu ho‘okahi
pule ma hope pono. Ua pōmaika‘i ko Hilo mau ‘ohana i ka loa‘a o Mrs. Helen
Haleola Lee Hong, he mānaleo no Puna, Hawai‘i. Ua hai pū ‘ia nā haumāna
mēkia Ha‘awina Hawai‘i ma Ke Kulanui O Hawai‘i ma Hilo: ‘o Lehua Tan-Anzai,
Hōkūlani Kaikaina, a me Melelani Spencer. ‘O Martha Mānoanoa Lum Ho,
17
Joseph Pu‘ipu‘i Maka‘ai, Elizabeth Makuakāne a me Lilia Hokoana kekahi mau
mānaleo kama‘āina ‘ē a‘e no Hawai‘i mokupuni i komo pū ma ke a‘o ma ia mau
makahiki mua ma ka Pūnana Leo o Hilo.
No loko mai nō o nā mānaleo Ni‘ihau nā kumu kūmau o ka Pūnana Leo o
Honolulu, ‘o Lolena Nicholas, Ulu Chock, a me Ipo Kanahele. Ua komo pū aku
‘elua mānaleo kōkua no ka ‘āina ‘o Kona, ‘o Hi‘ilei Kaina a me Maka‘ai iā ia e
noho ana ma Honolulu. Ua pōmaika‘i nā keiki i ka lohe i ka ‘ōlelo Hawai‘i a ka
mānaleo no loko a no waho ho‘i o Ni‘ihau i ia mau makahiki mua loa o ka
papahana ma ka Pūnana Leo o Honolulu. Na Larry Kimura nō i komo nui ma ka
ho‘okumu ‘ana i ke kula ma Honolulu i ia mau makahiki āna i a‘o ai ma Ke
Kulanui o Hawai‘i ma Mānoa.
I ia mau lā, he mea nui ke komo pū o nā mānaleo me nā haumāna hele
kulanui ma ke a‘o ‘ana i nā kamali‘i a me nā mākua ma ke kula. Ma ka hala ‘ana
o nā makahiki, ua emi ka nui o nā mānaleo no waho o Ni‘ihau, a ua pōmaika‘i ko
ka papahana i ia mau makahiki he pōkole loa a lākou i komo like ai ma ka ho‘oili
‘ike ma luna o nā ‘ohana me nā keiki. Pōmaika‘i pū nō ho‘i ka loa‘a o nā mānaleo
‘ōlelo Hawai‘i Ni‘ihau a hiki loa mai i kēia wā. ‘O ka ho‘olauna ‘ana i nā mānaleo
me nā haumāna hele kulanui kekahi ki‘ina nui e ho‘oikaika ai i ka ‘ōlelo. Ma ia
ki‘ina hana i ulu ai ka mākau a‘o kaila kauhale a me ka mākau a‘o kaila kula
kamali‘i i waena o nā kumu. I kēia lā, ua loa‘a he 11 kula Pūnana Leo ma Hawai‘i
pae‘āina.
18
I ka ulu ‘ana o nā keiki, ua ho‘onui ‘ia ka papahana ma ka Pūnana Leo i
loa‘a nā ha‘awina no nā keiki papa mālaa‘o. Ma ia ho‘ākea ‘ana i ka papahana,
ua ho‘okumu ‘ia Ka Papahana Kaiapuni Hawai‘i ma ka Pūnana Leo O Hilo. Na
Kahikāhealani Wight i ‘auamo i ke a‘o i ka papahana mālaa‘o i ia wā, a ua
ho‘ohana ‘o ia i nā ha‘awina mākau ‘ōlelo Hawai‘i e ho‘okolohua ‘ia ana i ia wā.
Ma ia manawa nō i ho‘omaka ai ka ‘APL e kālailai i ka mālama i ke kūlana
kula kū‘oko‘a, e like ho‘i me ko ke kula kamali‘i ‘o ka Pūnana Leo, a i ‘ole paha i
ka ‘imi i ke ka‘a o kēia Papahana Kaiapuni Hawai‘i ma lalo o ka ‘Oihana
Ho‘ona‘auao. Inā nō e lilo he kula aupuni, ‘a‘ole ana pono nā ‘ohana e uku no ka
hele kula ‘ana, e like ho‘i me ko nā kula ‘ōlelo Pelekānia. He kuleana kīwila nō
ho‘i ia. ‘O ko mākou ho‘oholo akula nō ia i ka mana‘o e ‘imi i ka ‘auamo o ka
‘Oihana Ho‘ona‘auao i ia kuleana kāko‘o i ka ‘ōlelo me ka mo‘omeheu ma ke kula
no ko Hawai‘i a puni. ‘Oiai ua kūhelu like ka ‘ōlelo Hawai‘i a me ka ‘ōlelo
Pelekānia ma Hawai‘i nei i ia wā, pēlā i koho ai nā ‘ohana i ka ‘ōlelo e
ho‘ona‘auao ‘ia ai kā lākou mau kamali‘i. E waiho a‘e i ka mana koho na nā
‘ohana nō e ho‘oholo. Ma ia makahiki mua o ke a‘o mālaa‘o ma ka Pūnana Leo o
Hilo, ua ‘imi ‘ia ka ho‘omau ‘ana o ka papahana ma o ka ‘Oihana Ho‘ona‘auao
moku‘āina.
Ua alu like nā lālā o ka ‘APL a me nā kenekoa kāko‘o o ka ‘aha‘ōlelo ma
ka haku kānāwai a me ka hana ho‘opaipai ma ia mau makahiki mua mai a hiki i
ia wā. A ma ka makahiki 1987, me ke kāko‘o o ka Haku o ke Ke‘ena ‘Oihana
Ho‘ona‘auao o Hawai‘i nei, o Charles Toguchi, a o ka Luna Ho‘omalu o ka Papa
19
Alaka‘i ‘Oihana Ho‘ona‘auao, o Francis McMillan, ua ‘āpono kūhelu ia Papa
Alaka‘i ‘Oihana Ho‘ona‘auao i ka ho‘okumu kūhelu ‘ana i ka Hawaiian Language
Immersion Program. Ua ho‘oholo i ka mālama i ‘elua papahana pailaka ma ‘elua
kula aupuni. Aia kekahi ma Ke Kula Ha‘aha‘a O Keaukaha ma Hilo, Hawai‘i a me
kekahi ma Ke Kula Ha‘aha‘a O Waiau, O‘ahu.
Ua ho‘ohiki ka ‘APL i ka Papa Alaka‘i ‘Oihana Ho‘ona‘auao i ka ‘auamo i
ke kuleana o ka haku ha‘awina me ka ‘imi ‘ana i nā kumu no ia mau kula. No
laila, ua komo kino nā lālā o ka ‘APL, nā hoa kumu ‘ōlelo Hawai‘i, nā ‘ohana, nā
haumāna kulanui, a me nā hoa ‘ōiwi ‘ē a‘e e ho‘ōla ana i ka ‘ōlelo ma ko lākou
‘āina pono‘ī, a alu like ma ka ho‘olako i nā kula hou ‘elua.
Ma ia hā‘ulelau ma hope pono iho o ka ‘āpono ‘ana ma Iulai, ua wehe ‘ia
ka ‘īpuka o ka Papa Kaiapuni o Keaukaha a me ka Papa Kaiapuni o Waiau, he
mau papa i ho‘ohui ‘ia ai ka papa mālaa‘o me ka papa ‘ekahi.
Ma hope o ka ‘imi ikaika ‘ana o ko ka ‘APL, ua ‘āpono ‘ia maila ‘elua kumu,
‘o Puanani Wilhelm no Ke Kula Kaiapuni O Keaukaha a me Alohalani Kaina
(Alohalani Housman i kēia manawa) no Ke Kula Kaiapuni O Waiau. Nui ka
mahalo i nā po‘okumu mua loa i ‘ae mai i ka ho‘ā‘o i ka papahana ma kā lāua
kula i ia wā, iā Richard Seely ho‘i ke po‘okumu ma Keaukaha a iā Diana Oshiro
ke po‘okumu ma Waiau. Pēlā i hiki ai i nā keiki Pūnana Leo ke ho‘omau ma ke
ala ‘imi na‘auao ma o ka ‘ōlelo Hawai‘i.
Nui nā ha‘awina pū‘ika‘ika i ‘ike ‘ia ma ka ulu ‘ana o ka papahana. ‘O ka
‘imi ‘ana i ke kumu a‘o, ka ho‘olako ‘ana i ka ha‘awina, ka ho‘ohuli mana‘o ‘ana,
20
‘o ia nā ha‘awina hana i ‘ike mua ‘ia. ‘O ka ‘ao‘ao hou na‘e o ia wā, ‘o ia ka
ho‘omanawanui a kūpa‘a o ka po‘e ma ka ho‘oikaika papahana, i ke alo nō o ka
‘oko‘a loa o ke kuana‘ike o ko ke kahua kula ‘ōlelo Pelekānia piha. ‘A‘ole ‘o ke
kūpa‘a me ka ho‘omanawanui he mau ‘ao‘ao malihini iā mākou, akā, ‘o ke kupu
nui mai o nā ālaina ma ka ulu ‘ana o ka papahana, ‘o ia nā ha‘awina i ho‘ā‘o nui
mai i ke kūpa‘a o ko ka papahana. Ua pa‘akikī no ka lohe nui ‘ia o ka ‘ōlelo
Pelekānia ma ke kula, a no ka mana‘o o kekahi po‘e ‘ōlelo Pelekānia he waiwai
‘ole ka papahana ‘ōlelo Hawai‘i. Ke no‘ono‘o a‘e i ia mau lā, ua lilo ia mau
ha‘awina pū‘ika‘ika he mau ha‘awina ho‘oikaika no ka lanakila. Inā he keiki, he
‘ohana, a he limahana paha, he hua lanakila nō ia o ka na‘auao i ili i ka po‘e a
pau i kūpa‘a ma hope o ka papahana. Mau nō ka ‘oia‘i‘o o kēia ma ka ‘uhane a
me ke kino kanaka o ko ka papahana a hiki i kēia lā.
Ma ka makahiki 1989, ma hope o ka ‘imi ikaika me ka ho‘okele nui ‘ana o
ke Kia‘āina John Waihe‘e, a o ke Kenekoa Clayton Hee, ma ka ‘aha‘ōlelo, ua
ho‘okumu ‘ia ka Hale Kuamo‘o, he hale ho‘omohala ha‘awina ma ka Māhele
Ha‘awina Hawai‘i ma Hilo. He wahi ho‘olako ia i nā pono ha‘awina e ho‘ohana ‘ia
ma nā kula Pūnana Leo a me nā Kula Kaiapuni a pau o Hawai‘i nei. Na‘u i
‘auamo i ke kuleana alaka‘i mua o ka Hale Kuamo‘o i ia wā. I loko nō o ka loa‘a
‘ole o kekahi lumi pa‘a e hana ai, ua ho‘olālā a ho‘omākaukau i nā papahana
ho‘omohala ha‘awina ma nā holoē ma waho pono o ko mākou mau ke‘ena hana
ma ka hale lumi papa ‘o Kanaka‘ole. I loko nō o ka loa‘a ‘ole o ke kūlana kūhelu,
ua ho‘omaka ‘ē i ka ho‘okō hana pēlā mai mua mai nō, no ke kōkua ma ka
21
ho‘olako pono ha‘awina ma nā kahua kula ‘ōlelo Hawai‘i. He hana ma‘amau nō
ke komo wale ‘ana i ka hana, a laila, ka ‘imi ‘ana aku i ke kūlana kūhelu ma hope.
I ka manawa i pa‘a ai ia kūlana, ua loa‘a he ‘anu‘u hou e pono ai.
Ma ka holo ‘ana o nā makahiki me ka ulu nui ‘ana a‘e o ka heluna
haumāna, ua kupu a‘ela ka nīnūnē ma nā kaiāulu a pau no ka hana e pono ai ka
pi‘i ‘ana a‘e o nā kamali‘i i ka pae kula waena. No laila, ma hope o ke kūkā
kama‘ilio ‘ana o ko ka ‘APL, ua ho‘oholo ihola i ka ‘imi i kahua kula ka‘awale ma
Hilo, ‘a‘ole e hele nā haumāna i kahi ma‘amau i Ke Kula Waena O Hilo. Ua komo
ka hopohopo i ka hiki ke mālama i ka Papahana Kaiapuni Hawai‘i ikaika ma ke
kula waena ‘ōlelo Pelekānia, ‘oiai ‘ewalu wale nō haumāna ma ka papa alaka‘i o
ka papahana, a he 700 ka huinanui o nā haumāna ma ia kula.
Na māua ‘o Nāmaka Rawlins, ka luna ho‘okele o ka ‘APL, i ‘imi i wahi
kūpono no nā haumāna ma nā hale pule, ma ka ‘āina ‘oi‘enehana, a ma nā hale
kahiko i hiki paha ke kūkulu a kāpili hou ‘ia. ‘A‘ole nō na‘e i loa‘a kekahi wahi
kūpono. A laila, ua ho‘oholo ka ‘APL e ho‘opukapuka ma ka ho‘oka‘awale ‘ana i
kālā ho‘olimalima ke‘ena hale ma ka papahele ‘ekolu o kekahi hale pā‘oihana ma
Hilo Kaona. Ua pōmaika‘i i ka loa‘a o ke kālā e ho‘olilo ‘ia e ka ‘APL ma ia
makahiki ko‘iko‘i hou a‘e o ka papahana.
‘O ke kapa inoa ‘ana kekahi kuleana i ‘auamo ma‘amau ‘ia e ke Ke‘ena
‘Oihana Ho‘ona‘auao, akā, ua kāko‘o ikaika mākou i ka mana‘o na Wilson i hāpai
no ka ho‘ohanohano ‘ana iā Iosepa Kaho‘oluhi Nāwahī, he kumu ho‘ohālike
hanohano no Puna i kūpa‘a ma hope o ka lāhui ma ka wā o ke aupuni mō‘ī. Na
22
Larry Kimura i ‘imi i hālāwai me Mrs. Emma Ahuna, ka mo‘opuna a Nāwahī. A ua
hele like akula mākou ‘o Kimura, Wilson, a me Rawlins e noi i ka ho‘ohana i ka
inoa o kona kupuna kāne ‘o ia ka inoa no ia kula hou. Ma hope o ke kama‘ilio
‘ana me kā Mrs. Ahuna mau keiki, ‘a‘ole nō i ‘emo a ‘āpono ha‘aheo mai i ke
kapa ‘ia o ke kula no ka inoa o ko lākou kupuna aloha.
No laila, ma ka makahiki 1994, ua ho‘okumu ‘ia Ke Kula ‘O
Nāwahīokalani‘ōpu‘u. Ua mālama ‘ia he ‘aha‘aina nui ma Hilo Kaona nō, a ua
kono ‘ia nā ‘ahahui Hawai‘i, ko Hilo po‘e hanohano a me nā kāko‘o ‘ē a‘e a pau o
ka ‘ōlelo Hawai‘i o Hilo nei. Ua hū nō ho‘i ke aloha a me ke ohohia o ka po‘e i ia
ahiahi, a ua ‘ike ihola ko laila po‘e a pau, ua hō‘ea akula nō i ka pae puka hou o
ke ala i ka lanakila.
‘Oiai he ‘anu‘u ko‘iko‘i hou a‘e nō ia e pono ai ka pa‘a piha o ka papahana,
ua ho‘oholo māua ‘o Wilson e ha‘alele hou wau i ka‘u hana ma ke kulanui i hiki
ia‘u ke kōkua ma ka ho‘okele ‘ana. No laila, ua ha‘alele ma nā makahiki 1994-
1997 no ka ho‘okele a me ke komo pū ho‘i ma ke a‘o ‘ana i nā haumāna kula
waena. Ua ‘imi a loa‘a maila ka palapala a‘oakumu ‘oihana ho‘ona‘auao ma ka
papahana ‘ōlelo Pelekānia i hiki ia‘u ke a‘o i nā haumāna i ia wā. Ua ‘auamo pū
aku me nā hoa kumu, ‘o Lehua Veincent, Alohalani Housman, a me Māhealani
Jones i ke kuleana a‘o a me ka ho‘omohala papa ha‘awina no nā pae papa 6, 7 a
me ka 8. Ua ‘āpono ‘ia ka ne‘e o nā haumāna, he 36 ka nui, mai Ke Kula
Kaiapuni O Keaukaha a i Ke Kula ‘O Nāwahīokalani‘ōpu‘u i ia makahiki kula
1994-1995. ‘A‘ole nō i komo kino nā haumāna o ka Papahana Kula Kaiapuni ma
23
Ke Kula Waena O Hilo, akā, ua ka‘a ka papahana kūhelu ma lalo o ka malu o Ke
Kula Waena O Hilo i ia wā. Ua lilo ‘o Nāwahīokalani‘ōpu‘u ke ala e kō ai ka
palapala puka kula ki‘eki‘e kaia‘ōlelo Hawai‘i, ‘o Ke Kula Kaiapuni Hawai‘i.
I kēia lā, ua mohala maila Ke Kula ‘O Nāwahīokalani‘ōpu‘u mai ka papa
mālaa‘o a hiki loa aku i ka pae ‘ōpio o ka papa 12. Ua ne‘e aku ka pae kula
waena a me ke kula ki‘eki‘e ma ka makahiki kula 1995-1996, a aia nō ma Kea‘au
mai ia wā mai nō a hiki i kēia manawa.
‘Ekolu makahiki ma hope o ka ho‘okumu ‘ana i Ke Kula ‘O
Nāwahīokalani‘ōpu‘u, ua puka hou maila kekahi hua kānāwai i ‘imi nui ‘ia. Ma ka
makahiki 1997, me ke kōkua nui o ka mea hanohano, o ke Kenekoa Daniel
Inouye, ua kau ka ‘Aha‘ōlelo o ka Moku‘āīna ‘o Hawai‘i he kānāwai e koi ana i ka
ho‘okumu ‘ia o Ke Koleke ‘Ōlelo Hawai‘i ma Ke Kulanui o Hawai‘i ma Hilo. Ua
kapa ‘ia akula ‘o Ka Haka ‘Ula O Ke‘elikōlani, he ho‘ohanohano i ke ali‘i wahine ‘o
Luka Keanolani Kanāhoahoa Ke‘elikōlani no kona ‘ano kūpa‘a loa ma hope o ka
‘ōlelo me ka mo‘omeheu Hawai‘i. A ma ia koleke e ka‘a ai ka papahana mua - a
mulipuka, ka papahana ho‘omākaukau kumu, a me ka papahana kula
ho‘okolohua. Ua ka‘a pū ka Hale Kuamo‘o ma lalo o ke koleke ma ia wā kekahi.
Ua ‘ike ‘ia kēia he ‘ōnaehana ho‘ona‘auao ‘ōlelo Hawai‘i piha e ho‘olako a kōkua
ana i ke kaiāulu ‘ōlelo Hawai‘i mai Hawai‘i a i Ni‘ihau. Ua ho‘omaka e hoihoi pū
mai ko waho po‘e i ia mau lako ha‘awina.
Aia ma ia kānāwai ka ‘ōlelo e ka‘a kūhelu ai Ke Kula ‘O
Nāwahīokalani‘ōpu‘u he kula ho‘okolohua ma lalo o ke koleke, me ka ‘ōlelo pū no
24
ka hiki ke ho‘okumu hou aku i mau kula ho‘okolohua hou a‘e e like me ka mea e
pono ai. Ma ia ‘ōlelo i pa‘a ai ka ‘ōnaehana e ‘auamo like ai ka pae kulanui a me
ka pae ‘oihana ho‘ona‘auao i ke kuleana ho‘ona‘auao kaia‘ōlelo Hawai‘i no nā
haumāna ‘ōlelo Hawai‘i. Ua ho‘i akula wau i ko‘u kūlana ma ke koleke i ia wā,
akā, ua ho‘omau ma ka‘u hana ho‘okele papahana ma Nāwahīokalani‘ōpu‘u mai
ia manawa a hiki i kēia lā. ‘Oiai ‘o Nāwahīokalani‘ōpu‘u ka mua, ua ulu a loa‘a
mai he mau kula ho‘okolohua hou a‘e o ke koleke i kēia wā.
‘O ka puke ‘o Ke Kumu Honua Mauli Ola kekahi hua hana ko‘iko‘i i
palapala ‘ia ma ka makahiki 1998. Ma hope o ka ‘umi a ‘oi makahiki o ka hana
ma ka papahana, ua ho‘ākoakoa mākou he kōmike kūkā i ‘auamo i ke kuleana o
ke kālailai a me ka palapala i ke ki‘ina no‘ono‘o i ho‘okahua ‘ia ai ka papahana
kaia‘ōlelo Hawai‘i ma kona ‘ano nui. ‘O kēia nā inoa o nā lālā o ia kōmike: ‘O
Elizabeth Kauahipaula, Elama Kanahele, Larry Kimura, William Wilson, Kalena
Silva, Makalapua Alencastre, Keiki Kawai‘ae‘a, Kalani Akana a me a‘u. Ua
ho‘oka‘awale i manawa e hui kūkā ai ma kekahi hale ho‘olimalima ma ka Luapele
i Kīlauea, a e ho‘oholo ai me ka mōakāka i ka paepae no‘ono‘o o kā mākou hana
ho‘ona‘auao. ‘O ia ka paepae no‘ono‘o i ho‘okumu ‘ia ai nā kula Pūnana Leo a
me ia mau kahua kula ‘ē a‘e i mohala mai ai ke kula kaiapuni ma ia mau
makahiki ma hope mai. Mai ia wā a hiki i kēia manawa, ho‘ohana nui ‘ia kēia
puke ma nā kahua kula me nā ke‘ena ‘APL, ma Ka Haka ‘Ula ‘O Ke‘elikōlani, a
me nā kula ho‘okolohua o ke koleke pū kekahi. Ua kākau ‘ia he hō‘ulu‘ulu mana‘o
o ka ‘ōlelo Hawai‘i ma ‘ehā ‘ōlelo ‘ē, ‘o ka ‘ōlelo Kepanī, ka ‘ōlelo Palani, ka ‘ōlelo
25
Sepania me ka ‘ōlelo Pelekānia. Ma muli ia mau unuhina o ko mākou ‘i‘ini e
ka‘ana like aku i nā hana kuana‘ike ao Hawai‘i me ko waho po‘e. Pēlā nō paha e
kōkua aku ai i nā lāhui ‘ōiwi e ka‘a ana ma lalo o ka malu o nā aupuni ia mau
‘ōlelo nui, a e ‘imi ana ho‘i i ke ola o kā lākou ‘ōlelo me ka mo‘omeheu. Pēlā nō
ho‘i paha e kāko‘o ai ia mau aupuni nei (‘o ke Kepanī, ka Palani, ka Sepania, a
me nā aupuni ‘ōlelo Pelekānia) i ia mau lāhui ‘ōiwi.
Ma ka makahiki 1999, ua puka ‘elima haumāna, ‘o ia ka papa mua o Ke
Kula ‘O Nāwahīokalani‘ōpu‘u. Ua nui nā kāko‘o, nā kumu, a me nā ‘ohana i komo
a alu like ma ka hana i hua mai ai ia mau lā nui o ka pule puka kula. Mai ka wā i
ho‘omaka ai ke kula ma Hilo Kaona a hiki i kēia wā, ua ka‘a kekahi pae o ka
papahana ma lalo o ka ‘Oihana Ho‘ona‘auao ma o ka papahana Kula Ki‘eki‘e o
Hilo. I ko‘u mana‘o, he hō‘ailona ka puka kula ‘ana i ka puka pū o ka hua o ia
pilina ma waena o nā papahana ho‘ona‘auao aupuni Hawai‘i a me ka papahana
kū‘oko‘a ‘o ka ‘APL. Inā nō e mōakāka ka hopena e ‘imi ‘ia ana, a e hiki ke
‘auamo i ke kuleana e ho‘okō ai i ia hopena, he waiwai loa ka hana pū ‘ana o ke
aupuni a me ka ‘oihana kū‘oko‘a. He pae ana lanakila ‘i‘o nō ia puka kula ‘ana no
ka papahana ho‘ōla ‘ōlelo a no ka ho‘oikaika mo‘omeheu pū nō kekahi.
I ka makahiki 2001, ua lilo ka pae kula ha‘aha‘a o Ke Kula ‘O
Nāwahīokalani‘ōpu‘u he kula ho‘āmana ma lalo o ke aupuni Hawai‘i. ‘Oiai he
mea hou loa ke kula ho‘āmana ma Hawai‘i nei i ia wā, ua lana ka mana‘o e
ho‘olilo i ia aukahi kula ho‘āmana he pōmaika‘i e ho‘oikaika ai i ka papahana ma
Nāwahīokalani‘ōpu‘u, a keu aku no ka loa‘a ‘ole o ke kula ha‘aha‘a ma ia wā. Ua
26
noi a ua ‘āpono ‘ia maila ka ho‘okumu ‘ana i Ke Kula ‘O Nāwahīokalani‘ōpu‘u Iki.
I loko nō o ia nūhou lanakila, ‘o ia mau pa‘akikī nō ka ho‘omākaukau ‘ana i nā
mea kiko‘ī a ko‘iko‘i ho‘i e pono ai ka ho‘omaka ‘ana o nā keiki e kūkali ana mai
ka Pūnana Leo a mai waho pū kekahi. No loko mai nō na‘e o Ke Kula Kaiapuni O
Keaukaha, no Ka ‘Umeke Kā‘eo, ka nui o nā keiki i noi komo ma
Nāwahīokalani‘ōpu‘u Iki. No laila, ma ia makahiki mua, ua nui nā papa i ho‘ohui
‘ia nā pae a i a‘o like ‘ia e mākou. Ua a‘o ‘o Alohalani Housman i ka papa hui pū
‘ia, ‘o ka mālaa‘o, ka ‘ekahi, a me ka ‘elua, a na‘u i a‘o i ka papa hui pū ‘ia, ‘o ka
‘ekolu, ka ‘ehā, a me ka ‘elima. Ma ia makahiki mai, ua a‘o ‘o Kaiolohia Say i ka
papa hui pū ‘ia, ‘o ka mālaa‘o a me ka ‘ekahi, na Alohalani ka papa hui pū ‘ia, ‘o
ka ‘elua a me ka ‘ekolu, a na‘u ka papa hui pū ‘ia, ‘o ka ‘ehā, ka ‘elima, a me ka
‘eono. Pēia nō ka ‘auamo ‘ana i ke kuleana a‘o i hiki ke holomua ka hana. ‘Oiai
‘a‘ole nō i lawa nā kumu, ua ho‘ohui i nā papa, a ua ho‘olālā nā kumu a me nā
kāko‘o kulanui i nā ha‘awina e pono ai ke a‘o ‘ana i nā haumāna. Pēlā i ho‘omaka
ai ka papahana mai kinohi mai nō ma ka pae kula kamali‘i ma ka Pūnana Leo a
ma ke kula kaiapuni nō ho‘i kekahi. Ua ho‘ohana i ka mea i loa‘a, a ua alu like ma
ka ho‘ohua ‘oi kelakela. Ma ka hala ‘ana o nā makahiki ma Ke Kula ‘O
Nāwahīokalani‘ōpu‘u Iki, ua ho‘onui pākahi a‘e i nā ‘anu‘u papa, a ma ka lua o nā
makahiki (2002-2003) o ka papahana kula ho‘āmana, ua pa‘a nā ‘anu‘u papa a
pau mai ka mālaa‘o a hiki i ka papa 12.
Aia ma lalo iho nei ka Pakuhi 1.2 i helu papa ‘ia ai ka heluna haumāna i
loa‘a ma ka ho‘omaka ‘ana ma Hilo Kaona a me ka nui o nā haumāna i loa‘a i
27
kēia makahiki ma ke kula ma Kea‘au. Ua ulu ka nui o nā haumāna, a e puka ana
ka 13 o nā papa i ka makahiki 2011.
Pakuhi 1.2
I kēia manawa, aia ka Pūnana Leo o Hilo ma ke kahua kula ho‘okahi me
Ke Kula ‘O Nāwahīokalani‘ōpu‘u. Ke mālama ‘ia nei ka papahana pae kula
kamali‘i a me ka pae kula hi‘ipēpē e ho‘omaka ai nā pēpē i piha ‘eono pule. No
laila, ua pa‘a ka papahana mai ka pae pēpē a hiki i ke kula ki‘eki‘e ma ka honua
kula ho‘okahi. He la‘ana nui ke aukahi ho‘ōla ‘ōlelo a mo‘omeheu Hawai‘i o ka
‘imi ‘ana i ka pono no ka hanauna hou.
Ma ka nānā ‘ana i ka mō‘aukala, ua ‘ike ‘ia nā ‘anu‘u nui o ka
ho‘oponopono ma ke ‘ano he ki‘ina Hawai‘i. ‘A‘ole nō i ‘imi ‘ia ma ke ‘ano he
‘ōnaehana pa‘a o ka ho‘oponopono i ia wā, akā, ua ho‘oholo ‘ia ka hana ma ke
kuana‘ike e pono ai.
Papa 1994-95 2009-1012 1311 1510 89 158 8 107 14 96 14 135 224 193 172 161 20M 34
papahana
papahana
28
Ma ka Mokuna ‘Elua, wehewehe piha ‘ia ka la‘ana mua loa o ka hana
ho‘oponopono i ‘ike ‘ia ma Nāwahīokalani‘ōpu‘u. ‘O ka maka mua nō ia o ka ulu
o ka ‘ike me ka na‘auao i waena o ko ke kula no ka hana ho‘oponopono. Ma luna
o ia paepae ‘ike i pa‘a ai ka mo‘oki‘ina ho‘oponopono i ho‘ohana ‘ia mai ia wā
mai.
29
Mokuna ‘Elua
Ka Mō‘aukala o ka Ho‘oponopono Mua ma Nāwahīokalani‘ōpu‘u
Ma ka makahiki 1992-1993, ma hope o ka paio nui ‘ana o nā mākua a me
ke kāko‘o pū ‘ana o ke po‘okumu ‘o Mr. Richard Seely, ua ‘āpono ‘ia ka noho ‘ana
o ka papa alaka‘i ma Ke Kula Kaiapuni O Keaukaha no ka papa 7. Pēlā i loa‘a ai
ho‘okahi hou makahiki e ho‘omākaukau ai no ka pae kula waena ‘ōlelo Hawai‘i.
Me ia ana nō e mau ai ka pa‘a o ka pū‘ulu haumāna o ka ho‘omaka loa ‘ana o ka
papahana i ka makahiki 1987. He ko‘iko‘i ka ho‘oholo ‘ia o ia nīnūnē ‘o ka noho
me ka ha‘alele i ‘ole ho‘i e lilo ka mākau ‘ōlelo Hawai‘i o kēia wahi pū‘ulu
haumāna ‘ewalu he mea ‘ole i waena o ke au nui ‘ōlelo Pelekānia e holo ana i
waena o ko Ke Kula Waena O Hilo.
Ma ʻAukake o ka makahiki 1994, ua komo he 36 haumāna o ka papa 6, 7,
8 o ke Kula Kaiapuni O Keaukaha i loko o ka papahana kula o Ke Kula ‘O
Nāwahīokalani‘ōpu‘u. Ua komo ia papa alaka‘i me nā haumāna o ka papa ‘eono
me ka papa ‘ehiku ma ke kahua kula hou o Ke Kula ‘O Nāwahīokalani‘ōpu‘u. Aia
i loko o kēia heluna nā haumāna Pūnana Leo o Hilo i ho‘omau aku i Keaukaha.
‘O kēia nā haumāna o nā papa mua loa o ka papahana kula kaiapuni ma
Keaukaha. Na ka ‘oihana ho‘ona‘auao o ka moku‘āina i ho‘olako mai i ‘ekolu
kūlana kumu a‘o no ia makahiki hou a na ka ‘APL i hai i nā kumu keu i komo pū
aku ma ia wā ko‘iko‘i o ka ho‘omohala papahana kaiapuni Hawai‘i ma Hilo nei.
Ma muli ho‘i o ka loa‘a ‘ole o kahi kūpono e mālama ‘ia ai ka papahana, ua
30
ho‘oholo akula ka ‘APL nāna e ‘auamo piha i ka uku ho‘olimalima ‘ia o kekahi
papahele hale pā‘oihana kahiko ma Hilo Kaona.
Me ia ‘ano alu like ‘ana o ka po‘e i pa‘a ai nā hi‘ohi‘ona nui me ke kiko‘ī o
ka papahana ho‘ona‘auao ma ia kahua kula hou. A ma ka nānā ‘ana i ka po‘e e
alu like ana, kohu mea ua pi‘i a ulu a‘e nō ho‘i ka noke paupauaho ‘ole i ka
ho‘opa‘a ‘ia o ka papahana ‘oi kelakela ma nā ‘ano a pau. Ma muli ho‘i o ka
pōmaika‘i ‘o ka hiki ke ho‘oulu, ho‘ololi a haku hou i ka papahana ma kekahi mau
‘ano i hiki ‘ole ke hana ‘ia ma mua, no laila, ua alu nā limahana a me nā ‘ohana
ma luna o ka ho‘okā‘oi i ka papahana ho‘ona‘auao o ke kula. Inā ua nele ma
kekahi ‘ano, ‘o ka ‘imi koke akula nō ia i ka mea e pono ai ka holomua. ‘A‘ohe
nānā ‘ia o ka mana‘o wāwahi a kānalua paha. Inā ua loa‘a ke kānalua i waena o
nā ‘ohana, ‘a‘ole nō ‘emo a nalowale ia ha‘awina o ka na‘au, ‘oiai ua ‘ikemaka ‘ia
ka holomua o ka hana o kēlā lā kēia lā.
‘O kekahi ki‘ina nui o ka ho‘oikaika papahana, ‘o ia ka haku ‘ia o nā
‘ōnaehana e mālama ‘ia ai nā loina Hawai‘i ma ke ‘ano he hana kūmau o kēlā me
kēia lā. Ho‘ākoakoa ‘ia ka po‘e ma kahi i mana‘o ‘ia he ko‘iko‘i i ka papahana a
komo like ka po‘e ma ka hana. Ma ia ‘ākoakoa ‘ana, ho‘okuleana ‘ia ka po‘e
alaka‘i na lākou e ho‘okele i ka hana ma kekahi ka‘ina i ho‘oholo mua ‘ia i waena
o nā kumu. He mea ma‘amau ka mālama ‘ia o ka wehena lā, he mālama loina
ho‘opono ma nā kula kamali‘i Pūnana Leo a me nā Kula Kaiapuni Hawai‘i a pau o
Hawai‘i nei. A no laila, i nā haumāna ma ke Kula Kaiapuni Hawai‘i o Keaukaha
ma Hilo, ua hele lākou a ma‘a i ka ‘ākoakoa ‘ana i nā kakahiaka a pau ma mua o
31
ka ho‘omaka ‘ana o ke kula. ‘O ia kekahi o nā ‘ākoakoa kūmau o ka lā. No laila,
ua ho‘omau ‘ia akula ia hana ma Ke Kula ‘O Nāwahīokalani‘ōpu‘u. Eia na‘e, ma
muli o ka ‘oko‘a o ka ho‘onohonoho ‘ia o nā lumi me nā holoē nō ho‘i o ia wahi,
ua haku hou ‘ia ke ‘ano o ke komo ‘ana ma ka wehena lā. Ho‘ākoakoa ‘ia ka po‘e
a pau ma ka lumi ‘āmui no ka wehena lā. Ho‘omākaukau nā haumāna ma waho
o ka ‘īpuka o ka lumi a ‘ākoakoa nā kumu ma loko. Pēlā ka hana i nā kakahiaka
a pau a i kekahi lā i kupu mai ai ke kumu e mohala mai ai kekahi ‘ōnaehana hou
loa ma ke kula.
Eia ma lalo iho nei ka hana i ‘ike ‘ia i ia lā ma Nāwahīokalani‘ōpu‘u. ‘O ka
ho‘omaka nō ho‘i ia o ka mo‘oki‘ina ho‘oponopono o Ke Kula ‘O
Nāwahīokalani‘ōpu‘u, ke kumuhana nui o kēia pepa.
2.1 Ka ‘Oloke‘a o nā ‘Ānu‘u o ka Hana ma ka Ho‘oponopono Mua Loa
I. ‘Ike ‘ia ka pilikia e a‘u
II. Nā hi‘ohi‘ona o ka ho‘oka‘a‘ike
a. Ho‘oholo nā kumu i ke kali a kō ka ho‘oponopono, a laila, e
ho‘oka‘a‘ike me ka ‘ohana.
e. Ho‘oka‘a‘ike me ka po‘e i loko o ka hihia
i. A‘oa‘o au i nā haumāna hihia
o. Mihi ka lawehala, kala, a uku pāna‘i
1. Mihi i ko ka hale ‘aila
a. Kala ko ka hale ‘aila
32
e. Noi i hana uku pāna‘i e pono ai
2. Mihi i mua o ko ke kula
a. Kala ko ke kula
e. Noi i hana uku pāna‘i e pono ai
u. A‘oa‘o ke kumu
1. Ho‘oka‘a‘ike me ka ‘ohana o nā haumāna lawehala ma hope
o ke kō o nā pae ho‘oponopono a pau.
2. Hana i uku pāna‘i ma ke kula
2.2 Nā Hana I ‘Ike ‘Ia ma nā ‘Anu‘u
2.2.1 ‘Ike ‘Ia ka Pilikia
Ma ka hola 7:50 o kēlā me kēia kakahiaka, kū lālani nā haumāna ma waho
o ka ‘īpuka ma ka lānai e puni ana ka hale e kali ana i ke komo no ka papahana
wehena lā. Kapa ‘ia kahi e mālama ‘ia ai nei papahana, ‘o ia ka lumi ‘āmui. Aia
ke kula ma ka papahele ‘ekolu, ke ki‘eki‘e loa o ka hale ke‘ena i ho‘olimalima ‘ia
ai nā lumi papa. A ma lalo pono o kahi a nā haumāna e kū lālani ana, he hale
‘aila e ho‘okū lālani ‘ia ana nā ka‘a i lawe ‘ia no ka ho‘oponopono ‘ia. ‘O ka
ma‘amau, ho‘okani ‘ia ka pū ma ka hola 7:50, ‘o ka hō‘ailona nō ia o ka wā e
puka aku ai nā haumāna a e ho‘omākaukau no ke ka‘i ‘ana mai i loko o ka lumi
‘āmui. Kali nā kumu ma loko o ka lumi ‘āmui. Ke maluhia nā haumāna ma waho
ma ka lānai, a laila, wehe ‘ia ka ‘īpuka e kekahi kumu e komo nui mai ai nā
haumāna. I kekahi lā, iā mākou kumu e kali ana ma loko o ka lumi ‘āmui, ua ‘ike
‘ia akula ka lohi o ka ho‘omalu ‘ia iho o nā haumāna. I ia manawa wau i ho‘oholo
33
ai i ka puka koke i waho e ‘imi ai ho‘i i ke kumu o ka lohi. Ia‘u e puka ana i waho,
‘alawa akula wau i kekahi pū‘ulu haumāna e wala‘au ana kekahi me kekahi, a
kohu mea e nānā ana ‘elua o lākou i lalo i nā ka‘a i ho‘okū ‘ia ma ka hale ‘aila ma
ka ‘āpana ‘āina e pili ana. I ia kekona nō, ia‘u e nānā ana iā lāua, ua ho‘oku‘u
kekahi i ka hā‘ae o kona waha a kuha mālie mai kona wahi lehelehe iho a hā‘ule i
lalo loa. ‘O ko‘u kāhea ‘o‘ole‘a koke akula nō ia iā lāua e ho‘i me a‘u i loko o
kekahi o nā lumi papa e kali ai. Ma hope o kēlā,‘a‘ole nō i pono e ho‘omalu hou i
nā haumāna ‘ē a‘e a lālani wale a‘ela nō lākou me ka wikiwiki a komo maila i loko
o ka lumi ‘āmui e kū ai ma ko lākou wahi ka‘ina mo‘okū‘auhau (ke ka‘ina i komo
ai nā keiki ma ka papahana ma ka ho‘ohana ‘ana i ka ‘ōlelo Hawai‘i i kēlā lā kēia
lā) ma nā noho papa lā‘au e waiho ana i laila.
2.2.2 Nā Hi‘ohi‘ona o ka Ho‘oka‘a‘ike
Puana ‘ia ke mele mua a ho‘omaka ‘ia a‘ela ka papahana wehena lā
ma‘amau. Mau nō na‘e ke ka‘awale o nā haumāna ‘elua a me a‘u ma kekahi
lumi. E kama‘ilio ana wau me lāua i ia manawa, a e ho‘olohe ana nō ho‘i i ko lāua
mau mana‘o wehewehe me ka ‘oia‘i‘o. ‘A‘ole ma ke ‘ano he hō‘alo‘alo. I loko nō o
ka wā pōkole loa, ua ‘ike ihola wau, he hō‘ailona maika‘i nō ho‘i kēia mau mana‘o
o ko lāua maopopo no ke kūpono ‘ole o kā lāua hana. I ka lohe ‘ia o ia ‘ano
mana‘o a me ka ‘ike pū ‘ia o ka lawena kino e pono ai, ‘o ko‘u maopopo ihola nō
ia i ka holo maika‘i o ka hana ho‘oponopono. Wehewehe wau no ka hewa o kā
lāua hana me ka hō‘oia pū i ke komo o ka ‘ike e ulu hou ai ko lāua na‘auao no ka
hana pono. E pa‘a ana nō kekahi ha‘awina waiwai iā lāua. Ua ho‘oholo pū i ke
34
kali ‘ana a pau ka ho‘oponopono ‘ana, a laila, e ho‘oka‘a‘ike me ka ‘ohana o nā
haumāna.
2.2.3 Ke A‘oa‘o i ka Haumāna i Hihia
Ua ma‘alahi ke a‘oa‘o ‘ana iā lāua i ia lā. Ma muli o ka ho‘oka‘a‘ike maika‘i
ma waena o mākou, ua ho‘olohe pono lāua i ka wehewehe ‘ana no ka hana
ho‘oponopono e ho‘okō ‘ia a me ke kumu o ka hana pēlā. Ua kūkā mākou no ka
mana‘o e holoi lāua i ke ka‘a i ho‘opilikia ‘ia, ‘o ia ka hana pāna‘i e kō ai ka
ho‘oponopono. Nānā kiko‘ī ‘ia ke kuleana e ‘auamo ‘ia ma mua o ka haku o ka
hale ‘aila, a laila, ma mua o ko ke kula. Hō‘ike pū ‘ia no ka ho‘oka‘a‘ike me ka
‘ohana ma ka hale kekahi.
A no laila, ma hope o ke kūkā ‘ana,‘o ke alaka‘i ‘ia akula nō ia o nā
haumāna e a‘u a i ka hale ‘aila e mihi ai.
2.2.4 Ka ‘Oia‘i‘o o ka Mihi, ke Kala, me ka Uku Pāna‘i
I ka launa ‘ana me ka haku hale ‘aila, ho‘opuka koke akula nā haumāna i
ko lāua mo‘olelo me ka na‘au ha‘aha‘a me ke kūpono ho‘i o ka lawena
ho‘okanaka makua. Ma ia wā nō i ‘ike ai ia haku i ka ‘oiai‘o o ia mihi ‘ana, a ua
ho‘omaka a‘ela i ka mo‘olelo no kona kuleana e uku ‘ia ai ‘o ia. Mōakāka koke
ihola i nā haumāna ka mana‘o nui o ka waiwai kālā, ke kuleana ho‘okō me ka
hilina‘i ‘ia o kēia kanaka e ka mea uku iā ia. ‘O ke ola me ka make nō ia o kāna
pā‘oihana, he kuleana ko‘iko‘i nō ia. Ho‘olohe akula nā haumāna, a laila, hāpai
akula i ka mana‘o e holoi paha i ke ka‘a, he uku pāna‘i nō ia no ka hana hewa a
lāua. Hō‘ole koke maila ka haku iā lāua me ka ho‘opuka no kona mana‘o he lawa
35
loa kēia a‘oa‘o ‘ana iā lāua. E ho‘oku‘u ‘ia, ‘a‘ole nō e hana hou. Nui kona ‘olu‘olu
me ke aloha a pā ka na‘au o nā haumāna i ia ‘ano huhū ‘ole ona. Ua lūlū lima ia
kanaka me nā haumāna. ‘O ka mahalo akula nō ia o mākou, a ho‘i akula i ke
kula. Ua kō kēia pae hana i nā haumāna.
Ma ‘ane‘i kākou e ‘ike ai no ka mihi i mua o ko ke kula. E like ho‘i me ka
hana i ‘ike ‘ia ma ka iho ‘ana i ka hale ‘aila, pēlā nō ma ka ho‘i ‘ana a‘e. Ho‘opuka
au i nā mana‘o paipai iā lāua a hō‘oia no ka hana e ho‘okō ‘ia i mua o ko ke kula.
No laila, i ka hō‘ea o mākou i ka lumi ‘āmui, e noho ana nā haumāna ma
nā lālani mo‘okū‘auhau e like nō me ka mau ke mālama ‘ia ka hana kūhelu ma ia
lumi. Aia pū nā kumu ‘ē a‘e e kali pū ana me ka ho‘omanawanui. I ka ‘ike ‘ia o ka
hō‘ailona o ka mākaukau, ‘o ko mākou komo akula nō ia i ka lumi a ka‘i pololei nā
haumāna ‘elua i mua o ke anaina haumāna e kali ana. Huli maila kekahi ia‘u
kohu mea e hō‘oia ana no ka ho‘omaka, a laila, ua ho‘omaka akula nō. Ho‘opuka
koke ‘ia akula ka mihi e kekahi haumāna, a laila, e kekahi, a wehewehe pū ‘ia e
a‘u ke kumu o ia mihi ‘ana. Ma hope o kēlā, ua hāpai ‘ia e nā haumāna ka hana
pāna‘i i ke kula. ‘O ka ‘ohi‘ohi ‘ōpala a me ka ho‘oma‘ema‘e i ka lua, ‘o ia ana ka
hana. I ka pau pono ‘ana o kā lāua ‘ōlelo, ua ho‘okele au i ka ho‘oulu wale ‘ia o
ka ‘ike ma waena o nā haumāna ‘ē a‘e o ke kula no ke kala ‘ana. A hahai wale ka
po‘e a pau i ia a‘oa‘o ‘ana ma ka ho‘opuka waha ‘ia penei: “‘Ae, ua kala ‘ia.” Pēlā
i a‘oa‘o ‘ia ai nā haumāna a i kala ‘ia a‘e ai nō ho‘i nā haumāna no ka hana hewa.
36
2.2.5 Ka Mana‘o A‘oa‘o o ke Kumu i ko ke Kula
Ma hope o nā hana a pau, ua kū wau i mua o ko ke kula a a‘oa‘o no
nā ha‘awina nui i ‘ike ‘ia. Hō‘ulu‘ulu ‘ia nā mana‘o nui i ‘ike ‘ia mai ka wā i ‘ike ‘ia
ai ka pilikia a hiki loa mai i ia wā e pani ai.
I ia manawa nō i ho‘okumu mua ‘ia ai kēia ki‘ina ho‘oikaika kuana‘ike
ku‘una ‘o ka mo‘oki‘ina ho‘oponopono.
2.3 Nā Wehewehena Kuana‘ike o nā ‘Anu‘u Pākahi
2.3.1 Ka ‘Ike ‘Ia o ka Pilikia
He mākau a he na‘auao ka hiki ke ‘ike i ka pilikia ke kupu mai. Hō‘oia koke
‘ia ka pa‘a a pa‘a ‘ole o ia mākau a na‘auao mo‘omeheu ke hua mai ka ‘ike a ka
maka a me ka lohe a ka pepeiao. Pelā nō ho‘i e ola ai ka mo‘omeheu Hawai‘i,
ma ka hō‘oia‘i‘o a hō‘oia i ka launa o ka lawena me ke kuana‘ike Hawai‘i i kēlā
me kēia lā. Inā ‘a‘ole mōakāka ia kuana‘ike Hawai‘i, he hana nui ka ‘ike ‘ia o nā
hi‘ohi‘ona like ‘ole o ka pono me ka pono ‘ole ke kupu mai. ‘Oiai he nui a lehulehu
ho‘i ia mau hi‘ohi‘ona, he mea nui ka ‘imi mau i ka ho‘oulu mākaukau ma kēia
hana. He makakau ko‘iko‘i kēia no ke kumu kula o ke kula ‘ōlelo Hawai‘i, ‘oiai ‘o
ka ho‘oulu kuana‘ike Hawai‘i ka pahuhopu nui o ka papahana. Ke alu like nā
kumu ma ka hana pū me ka ‘imi mau i ia pahuhopu, ‘o ka ili mōakāka wale nō
koe o ka maopopo i waena o nā haumāna. Ke kupu mai ka pilikia a e ‘ike koke ‘ia
e kekahi kumu a haumāna paha, nui ka papaha o ka holopono o ka mo‘oki‘ina
ho‘oponopono. Inā ‘a‘ohe lōkahi o ka po‘e alaka‘i, ‘o nā kumu nō ho‘i, a malihini
nā haumāna i ia kuana‘ike, he hana nui ana ka ho‘oponopono ‘ana, ‘oiai ho‘oku‘u
37
‘ia nō paha ia ‘ano lawena hemahema ma nā kula kuana‘ike Pelekānia ma‘amau
ma Hawai‘i nei. No laila, he ho‘okumu maoli kēia hana i kekahi hana ‘oko‘a e ‘ike
‘ole ‘ia nei ma nā kula ‘ē a‘e. Ma ka hō‘ike mau ‘ia o ka mālama i ka lawena
kūpono me ka ho‘oponopono ‘ia o ka lawena kūpono ‘ole e ulu ai ka makakau
kuana‘ike Hawai‘i. Ma kēia pō‘aiapili hāiki ma Nāwahīokalani‘ōpu‘u Kaona, ua
‘ikemaka ‘ia ke kuha ma luna o nā ka‘a a me nā mea nāna i hana. No laila, he
pa‘akikī ka hō‘ole ‘ia e ka haumāna. Inā ‘a‘ole nō i ‘ikemaka ‘ia ka hana, kālele ‘ia
nā ‘ao‘ao ‘ē a‘e o ka mākau ‘ike lawena. He kuhi a kālailai ka hana me ka
mana‘olana e puka mai ana ka hua e pono ai ka ho‘oka‘a‘ike maika‘i ke a‘oa‘o i
ka haumāna.
2.3.2 Ka Ho‘oka‘a‘ike
‘O ka ho‘oka‘a‘ike ka mea nui ma ka pae kama‘ilio me nā haumāna i hihia.
Inā malihini ke kumu i ka haumāna, ‘o ka makamua paha ia o ka ho‘okama‘āina. I
loko nō o kēia kama‘āina ‘ole, hiki nō ke holopono ka ho‘oka‘a‘ike ‘ana. Eia na‘e,
‘a‘ole kēia he pō‘aipili ma‘amau ma ke kula ‘ōlelo Hawai‘i, ‘oiai he kaiāulu li‘ili‘i nō
ia a kama‘āina nā ‘ohana, nā haumāna, a me nā kumu kekahi i kekahi. Inā nō
kama‘āina ke kumu i ka haumāna, e kūkulu ‘ia ka ho‘oka‘a‘ike ma luna o ka pilina
i pa‘a mua. I kekahi manawa, holopono ka ho‘oka‘a‘ike a i kekahi manawa, ‘a‘ole.
‘A‘ole ‘o ke kama‘āina wale nō ka mea e puka ai kēia hana. ‘O ka ‘i‘ini nui o ke
kumu i ka hana ho‘opono, kona hā‘awipio ‘ole ma luna o ka ‘ike o ka haumāna a
me ka ‘imi ‘o‘ole‘a i ka lanakila, ‘o ia nā mea e pono ai. Ke ‘ike ka haumāna i kēia
38
no kāna kumu, ‘o kona hilina‘i piha wale ana nō ka hopena. He kuleana nui kēia
na ke kumu e ‘auamo a pāna‘i ka haumāna.
Ma ‘ane‘i hou nō e ‘ike ai i ka mea nui o ka mākau me ka na‘auao o ke
kumu ma ke kuana‘ike Hawai‘i ma ka ho‘okō i ka mo‘oki‘ina ho‘oponopono. He
aha ke ‘ano o ka pilina i pa‘a mua? Ua loa‘a anei ka hilina‘i i waena o lākou, ‘a‘ole
paha? ‘O ka mea nui ka hiki ke ‘imi ‘ia ka ho‘oponopono me ka ‘ae ‘ole i ka
ho‘ohihia hou ‘ia ma ka no‘ono‘o me ka ha‘awina o ka na‘au. Ma keia pō‘aiapili
mua ma Nāwahīokalani‘ōpu‘u Kaona, aia nā haumāna ma ka pae kula waena a
kama‘āina loa nā kumu a me nā haumāna kekahi i kekahi. No laila, nui ka ‘ike o
nā haumāna no ka lawena pono me ka pono ‘ole, eia na‘e, i kekahi manawa,
‘olu‘olu nō kekahi o lākou i ka ‘imi hana me ka hana kolohe. ‘O ka waiho ‘ia o
lākou e launa i waho ma ka lānai, ‘o ia kekahi hō‘ailona o ka hilina‘i ‘ia o ka
haumāna he kanaka makua ke ‘ano. ‘A‘ole pono ka loa‘a mau o ke kumu nāna e
kia‘i iā lākou. I ka nui o ka manawa, ‘a‘ole nō pilikia nā haumāna akā i ia lā na‘e,
ua ‘oko‘a ka hopena. ‘O ka hiki ‘ole paha ke hikaho‘omalu ‘o ia kekahi kumu, a ua
ho‘omaka a‘ela ka po‘e e wala‘au a komo i ka hana e ‘olu‘olu ai ka na‘au. E like
nō me ka lō‘ihi hou a‘e o ka ho‘oku‘u ‘ia, pēlā e ulu ai a helele‘i loa ka hana pono.
Lalau ka no‘ono‘o a pēlā nō ka hana. A ‘o ia lawena a pau, he pono a pono ‘ole
paha, he mau hō‘ailona ia e ho‘ohana ‘ia e ke kumu ke kama‘ilio pū me ka
haumāna.
Ma luna o ia kuana‘ike me ke kama‘āina pū i ka haumāna e a‘oa‘o ai ke
kumu i ka haumāna. Eia hou kākou ke ‘ike hou nei no ka mea nui o ka mākau
39
maka‘ike a ke kumu a me ka mākau unuhi mana‘o e pono ai ka holomua o ka
haumāna. Ke hele a kuluma kēia mākau o ke kumu, pēlā e ulu ai kona na‘auao
ma ia ‘oihana he kumu kula. Kia mau ke kumu ma luna o ka holomua o ka
haumāna me kona ‘ike a na‘auao no kona mana iho. Inā ‘a‘ole lawa ka ‘ike o ke
kumu no nā hi‘ohi‘ona o ia pō‘aiapili, he hana nui ke kōkua i ka haumāna. ‘O
kekahi, ‘o ia ka mālama pū ‘ia o ka mana o ka haumāna me kona ‘ike. He ko‘iko‘i
ka no‘ono‘o ‘ia o ka haumāna he kanaka ‘ike no ka hana pono me ka hana pono
‘ole. Inā ‘a‘ole mōakāka iā ia ka ‘oko‘a, e a‘oa‘o ke kumu iā ia ma ke ‘ano he
ho‘omana‘o, ‘a‘ole ma ke ‘ano he kanaka maopopo ‘ole loa. Loa‘a kona ‘ike, ‘o ka
pilikia na‘e, ‘a‘ole nō paha i pa‘a pono i kekahi manawa. Pēlā ka mana‘o o ke
kumu no kāna haumāna, ‘a‘ole ‘o ia e hana‘ino ‘ia. A pēlā ko ka haumāna mana‘o
no ke kumu, ‘a‘ole e hana‘ino ‘ia ke kumu ma ke ‘ano he kanaka a ma ke ‘ano
ho‘i he ho‘okele o ka ho‘ona‘auao. He pilina ho‘āno kēia kekahi i kekahi, he
pō‘aiapili ko‘iko‘i ho‘i e ho‘opuka ‘oia‘i‘o ‘ia ai ka mana‘o ke ho‘oka‘a‘ike.
2.3.3 Ke A‘oa‘o i ka Haumāna
He ho‘okele ke a‘oa‘o. Ke ‘oia‘i‘o ka pilina a ke kumu me ka haumāna, hiki
i ke kumu ke ho‘omohala i ke kuanaʼike kālailai o ka haumāna. ‘O ka lawena ka
hua o ia ‘ike. Ma laila e hō‘oia ai i ke kuluma me ke kuluma ‘ole o ka hana i ke
kanaka. ‘O ke ki‘ina i ho‘ohana ‘ia ma ia manawa mua o ka ho‘oponopono ma ke
kaona, ‘o ia ka ho‘ono‘ono‘o ‘ana a‘e i ka haumāna. Ho‘ono‘ono‘o ‘ia ka haumāna
ma ka nīnau ‘oko‘a wale ‘ana aku iā ia. Eia na‘e, ua haku ‘ia ka nīnau ma ke ‘ano
he ‘ōhi‘u i ka ‘ikepili ho‘ohihia a loa‘a mai ka ‘oia‘i‘o. Ma kēia ‘ōhi‘u ‘ana na‘e e
40
hō‘ike pū ‘ia ai nō ho‘i ka mālama ‘ia o ka mana kanaka. ‘A‘ole e kula‘i a wāwahi
akā e hāpai a ho‘okele. I loko nō o kēia, he ‘o‘ole‘a nō ke ‘ano o ka nīnau me ka
‘ōlelo a ke kumu. ‘O kā ka haumāna, ‘o ia ka ho‘olohe me ka no‘ono‘o hou, he
nanalu a ulu mai ka mōakāka i loko ona. Pono e hiki iā ia ke ho‘omanawanui a
kāohi i kona mau mana‘o a i ka wā kūpono e ho‘opuka waha ‘ia ai. Na ke kumu
kēlā e maka‘ala aku. I ia wā kūpono e ho‘opuka ‘ia ai ka mana‘o, pono e
ho‘opuka ka haumāna me ka ma‘ema‘e, ‘a‘ole me ke kāpulu me ka no‘ono‘o ‘ole.
‘O ka hō‘ailona ia o ka na‘auao me ke kanaka makua o ia haumāna. Ho‘olohe
piha ke kumu a kālailai pū. Hiki ke ho‘omau me kēia a hō‘ea i kekahi pae ‘ike e
ho‘omau ai i kekahi ‘anu‘u hana hou a‘e. Aia ia kuleana hana i ke kumu, nāna e
ho‘okele a ho‘oholomua a hiki i ka pae hou.
I kekahi manawa, ke ‘olu‘olu ka haumāna, nāna nō e hāpai i ka hana e
ho‘oponopono ai i ka pilikia. I kekahi manawa, ke paipai ke kumu ma ka nīnau,
“He aha ka hana i kēia manawa?” a ma ka pane ‘ana mai, hō‘ike ‘ia mai ka
hā‘ina. Pēlā ka hana a nā haumāna ma Nāwahīokalani‘ōpu‘u Kaona, “E mihi
paha i ka luna o ka hale ‘aila?” a ‘o ke kāko‘o wale nō koe o ke kumu. Ke pono e
ho‘ono‘ono‘o hou a‘e i ka haumāna, na ke kumu e ho‘oholo a hana aku a loa‘a
kekahi mana‘o e pono ai. ‘O ia ka hopena ‘oi kelakela, ‘a‘ole na ke kumu e hāpai.
‘O ka ho‘oulu nō ho‘i ia o ka mana hikaho‘oponopono i loko o ka haumāna. Inā
he hana nui na‘e, na ke kumu nō e kōkua ma ka hāpai i mana‘o a i ‘elua paha
mana‘o i wae ‘ia ai kekahi.
41
No laila, ʻo ke kālailai me ke kaupaona ʻana ka mākau e a‘oa‘o ‘ia ana e ke
kumu. A ma ka ho‘okele ‘ana i ka haumāna e ‘imi i ka hā‘ina ma o ka
ho‘oma‘ama‘a ‘ana i kēia mau mākau ‘o ke kālailai me ke kaupaona, pēlā e ulu ai
ka ‘ike hikaho‘oponopono. Ke kuluma ia ‘ike, lilo ia haumāna he kumu ho‘ohālike
o ke kuana‘ike ho‘opono. Ma ka launa ‘ana me nā hoa, pēlā e ili wale ai ia
kuana‘ike ma luna o ha‘i. Ma ke au o ka manawa, e lilo pū nō kēia ‘ike he waiwai
e a‘oa‘o ‘oko‘a pū ‘ia i waena o nā pōki‘i, he a‘o nō ho‘i i nā keiki i hānau ‘ia ma
hope ona.
No laila, he nui nā ‘ao‘ao o ke a‘oa‘o: 1) ‘o ka lilo ‘ana o ke kanaka he
kumu ho‘ohālike o ka ho‘opono a ma ka nānā me ka ho‘opili wale ‘ana aku nō e
a‘o ai ‘o ha‘i, 2) ‘o ka ho‘ohana ‘ia o ka ‘ōlelo pōkole, he nīnau paha e ho‘oulu ai i
ka ‘ike a ke kumu no ke a‘oa‘o, 3) ‘o ka ho‘olohe, ke kālailai me ka nanalu kekahi
o nā mākau e ho‘oulu ai i ka ‘ike e pono ai ke a‘oa‘o, 4) ‘o ka hiki ke ho‘olauna i
nā mana‘o nōhihi a e unuhi ‘ia he mana‘o nōhie, ‘o ia kekahi mākau e pono ai ke
a‘oa‘o. No laila, ke ho‘ohana ‘ia kēia mau mākau me ka na‘auao, nui ka papaha o
ka ho‘oulu ‘ia o ka haumāna he kanaka makua.
2.3.4 Ka ‘Oia‘i‘o o ka Mihi, ke Kala, me ka Uku Pāna‘i
‘O ka mihi kekahi pae e ho‘okō ‘ia ma ka ho‘oponopono. ‘A‘ole ka
ho‘opuka waha wale ‘ia nō o ka ‘ōlelo he mihi ka hana e pono ai. E like nō me nā
pae ‘ē a‘e o ka ho‘oponopono, e hana ‘ia me ka ‘oia‘i‘o. No laila, inā ua kō ka
hana o nā pae ‘ē a‘e, e ‘oia‘i‘o ana kēia mihi ‘ana. A i mea e hō‘ike ai i ka na‘au
ho‘opono o ke kanaka i hana hewa, e ʻimi ‘o ia i wahi hana pāna‘i, he ho‘iho‘i a
42
kōkua manawale‘a aku i ke kanaka i hana‘ino ‘ia. Pēlā nō i a‘oa‘o ‘ia ai nā
haumāna ma ia lā o ke kuha ‘ana. Ke pau ke a‘oa‘o ‘ana, e komo ma ka pae
ho‘okō. ‘A‘ole nō nui ka ‘ōlelo ‘ana i ia wā, he mau mana‘o paipai pōkole wale nō.
Kūkulu ‘ia kēia ma luna o ka mana‘o kāko‘o a hō‘oia wale nō i ka pa‘a o ka ‘ike a
nā haumāna, ‘oiai ‘a‘ole kūpono ka nīnau mai ia‘u i mua o ka haku o ka hale ‘aila.
Pono e hana ‘ia ma mua ma ke ka‘awale. Ke kū i mua ona, e ho‘opuka mana‘o
me ke kānalua ‘ole.
‘O ia lawena e hō‘ike ana i ka ha‘aha‘a o ka na‘au, ‘o ia kekahi ‘ao‘ao
hō‘oia‘i‘o o ka mihi. Inā he pā‘ani ka haumāna, ‘a‘ole lohe ‘ia ka mana‘o e kūkā ‘ia
ana a e kauka‘i wale na kekahi e ho‘opuka mana‘o, he hana nui ka hilina‘i ‘ia a
‘oia‘i‘o ka mihi ‘ana. Mana‘o paha kekahi po‘e e ho‘oku‘u i ka haumāna, ‘a‘ole
pono e ‘o‘ole‘a ma ka ho‘okele ‘oiai he ‘ōpiopio wale nō. Eia na‘e, ke pa‘a ka ‘ike
‘oi ‘ōpiopio loa a inā ho‘i i ‘ike ‘ia ka hiki ke ho‘okō maika‘i ‘ia ma ia pae makahiki,
e paipai ‘ia ka ho‘okō aku ke o‘o a‘e. Pēlā ka hana i ia lā. Ua ‘ike ‘ia ke ka‘a o ka
‘ike ma waena o nā haumāna me ka haku ma ka hale ‘aila, a ua pa‘a ma ka lūlū
lima ‘ana. He hō‘ailona kēlā o ka ‘oia‘i‘o i hō‘ike ‘ia ma ka lawena a me ka ‘ōlelo a
nā haumāna.
He ‘oko‘a ka mihi ma ke ākea i mua ho‘i o ka po‘e kama‘āina a pau, ‘a‘ole
ma kekahi wahi ka‘awale i waena o kekahi mau po‘e wale nō. ‘Oi aku ka hiki ke
‘ike ‘ia ka ‘oia‘i‘o ma muli o ke kama‘āina o kekahi i kekahi. Mihi akula lāua ma
luna o ka mana‘o minamina i ka ho‘ohilahila ‘ia o ka inoa o ke kula me nā kānaka
‘ē a‘e o ka ‘ohana kula. Nānā ‘ia ka nui po‘e ma o ka hana a ke kanaka ho‘okahi.
43
‘O ia ke kuana‘ike. ‘A‘ole hiki ke ho‘oka‘awale ‘ia ka hana a kekahi kanaka, ‘a‘ole
loa ‘ike ‘ia e ke kaiāulu. Ua a‘o lākou a pau no ke kala ‘ana a no ka ho‘oku‘u i ka
ho‘ohalahala me ka hauwala‘au ke hemahema ka hana a ha‘i. I ia manawa nō i
‘ike maoli ai nā kumu i ka ‘ao‘ao ikaika me ke ‘ano kanaka makua o ka haumāna
‘ōpiopio. He ho‘olana nō ho‘i i ka nani o ka hana a ke kanaka ke ha‘aha‘a kona
na‘au a ke hō‘ike aku i ka hiki iā ia ke ho‘okō i ka hana i mana‘o ‘ia he pa‘akikī
loa.
He mea ma‘amau pū ka ‘imi ‘ia o kekahi hana e ho‘iho‘i ai i ka pono i ka
nui po‘e o ke kula. A pēlā i hāpai ‘ia ai ka mana‘o e ho‘oma‘ema‘e ‘ia ke kahua
kula. Pōmaika‘i ka po‘e a pau i kēia wahi hana a lāua.
He ko‘iko‘i pū ka ho‘opuka waha ‘ia o ke kala ‘ana i waena o ka po‘e. He
kōkua ia i ka po‘e ma ke ‘oki i ka ho‘omauhala i ke kanaka hana hewa. He
ho‘oku‘u, ‘a‘ole e ‘imi mākaia a ho‘opa‘i hou aku. E ho‘oku‘u piha a ‘ae i ke noi
ha‘aha‘a e lohe ‘ia ana, ‘o ia ke pani o ka hihia. ‘Oiai he kanaka ke kanaka, he
waiwai nō ka ho‘omana‘o ‘ana i ke kanaka no kāna ‘ōlelo he kala inā nō e poina
‘ia i kekahi lā.
2.3.5 Ka Mana‘o A‘oa‘o o ke Kumu i ko ke Kula
Ma ‘ane‘i e a‘oa‘o ai ke kumu i ka nui po‘e i ‘ole e hala nā ha‘awina waiwai
i ka‘a i ia lā. He hō‘ulu‘ulu mana‘o e pono ai nā haumāna a me nā kumu. Noho ka
po‘e a pau a ho‘olohe pono, ‘a‘ohe mana‘o hou e hāpai ‘ia, ‘a‘ohe nīnau, ‘o ka
nanalu me ka ‘apo wale i ka mana‘o ho‘oholomua. ‘A‘ole e namunamu,
pekapeka, a ho‘omauhala. A‘oa‘o ‘ia ka po‘e no ka maka‘ala i kēia mau ha‘awina
44
o ka hihia. He mau ha‘awina kēia e pā ai ka po‘e a pau, ‘a‘ole i kēia mau
haumāna wale nō. E wānana i mua, ‘a‘ole e hihia hou.
2.4 Hopena
Wahi a Kahiko, “Ma ka hana ka ‘ike,”iv ke komo i ka hana e komo ana ka
‘ike. Pēlā i a‘o ‘ia ai nā haumāna no ka hana ho‘oponopono ma kēia ka mua o
kona ‘ike ‘ia ma ke Kula ‘O Nāwahīokalani‘ōpu‘u. Ho‘āno ‘ia ka mana ho‘okele o
ke kumu a ho‘āno pū ‘ia ka mana o ka ‘ōpio, he haumāna a‘o. Ke mālama ‘ia ka
mana kanaka, e ulu ka hilina‘i a emi mai nā ‘āke‘ake‘a me nā mana‘o ho‘ohihia a
ho‘olalau i ka ho‘okō i ka pahuhopu e ‘imi ‘ia ana. Ke ‘ike ‘ia kekahi hana kūpono
‘ole, ‘a‘ole e ho‘oku‘u. E ‘imi i ke kōkua ma kekahi ‘ano, he nui a he li‘ili‘i paha. He
‘a‘a kēia i ka ‘imi i ka ‘ikepili e pono ai ke kōkua. Inā like ke kuana‘ike o ka po‘e,
‘a‘ole pono e ‘imi nui i ka ‘ikepili ‘oiai e kōkua mai ana nā kānaka ‘ē a‘e.
Ua kūkulu ‘ia kēia ki‘ina ho‘oponopono ma ko‘u na‘au, a ua mohala ka
hana a me ka mana‘o ma luna o ka ‘ike ku‘una i pa‘a mua ia‘u mai ka wā ma
mua. ‘O ka hāpai ‘ana i ka nu‘ukia, “No ‘Ane‘i Ko Kākou Ola,”v ‘o ia ke ola o ka
‘ōlelo me ka mo‘omeheu a me ka mālama mau i ka ho‘opono ma ka hana ‘imi
na‘auao, ‘o ia ke kahua e kūkulu ‘ia ai ka papahana o kēlā me kēia lā. Ua
ho‘ohana ‘ia ka ‘ike i loa‘a ia‘u i mea ho‘okele i ka papahana a hua mai kēia
mo‘oki‘ina ma ke kula. Ke lōkahi ko ke kula me nā ‘ohana ma luna o kēia
kuana‘ike, e pi‘i ka papaha o ka puka lanakila ma nā ‘ao‘ao a‘o a pau no ka pono
o ka haumāna, ke kumu, me ka ‘ohana.
45
Ma ka holo ‘ana o ka manawa, ua ‘ike ‘ia ka māhuahua a‘e o ke kuana‘ike
Hawai‘i o ko ka papahana, a ‘ike pū ‘ia nō ho‘i ka ulu o ke kūlana kanaka makua
o nā haumāna. Ho‘oikaika ‘ia ka lōkahi o ka po‘e ma hope o kēia hana
ho‘oponopono he hana Hawai‘i, a he hana waiwai e mālama ‘ia. Ma hope o ia lā,
ua lilo kēia he mo‘oki‘ina kūmau i mālama ‘ia i ka wā i kupu mai ai ka pilikia nui.
Aia ma ka Mokuna ‘Ekolu ka wehewehena no nā palapala kālai‘ike i noi‘i
‘ia e a‘u no ka ho‘oponopono. I loko nō o ke kāka‘ikahi o nā palapala kālai‘ike i
pa‘i ‘ia no ia hana, ua pōmaika‘i ka‘u noi‘i ‘ana i ka hua hana a ‘ekolu kānaka i
komo aku i ka pō‘aiapili ho‘oponopono o ka wā ma mua, ‘o Mary Kawena Pūku‘i,
Darrow L. Aiona a me John Peterson.
46
Mokuna ‘Ekolu
Nā Palapala Kālai‘ike no ka Ho‘oponopono He kāka‘ikahi nā palapala kālai‘ike i kākau ‘ia no ka ho‘oponopono.
Ua loa‘a ‘ekolu o ia ‘ano palapala i kākau ‘ia i waena o nā makahiki 1959-1975.
‘O ka waiwai o ia mau palapala, ‘o ia ka wehewehe ‘ana o nā mea kākau no ka
‘ikepili ku‘una i ‘ike maka ‘ia. Ma ka heluhelu ‘ana i kēia mau palapala, ua loa‘a
mai ka ‘ike no nā ‘anu‘u a me ke kuana‘ike o ka hana ho‘oponopono ma ia mau
pō‘aiapili ‘ekolu.
Ma muli o ka ‘oko‘a o ka pō‘aiapili o ia mau noi‘i ‘ana, ua ho‘onohonoho au
i ka ‘ikepili ma luna o ‘ehā aumana‘o i ‘ike ‘ia ma nā palapala ‘ekolu penei: (1) ka
hana ho‘oponopono, (2) ke kuana‘ike kaiāulu, (3) ka ‘ike alaka‘i, a me (4) ke
kuana‘ike ‘ōlelo. Ua wae i ia mau po‘omana‘o no ka nui o ka ‘ikepili i loa‘a mai ma
ia mau palapala, a no ke ko‘iko‘i ho‘i o ia ‘ikepili i ka‘u e noi‘i ana no ka hana
ho‘oponopono. Ua wae i nā mana‘o nui wale nō, ‘a‘ole i helu ‘ia nā mana‘o kiko‘ī
a pau. Ma hope o ka wehewehe ‘ana no ka ‘ikepili i loa‘a ma nā palapala pākahi,
ua ho‘ohālikelike a kālailai ‘ia ka like me ka ‘oko‘a i waena o ia mau palapala
‘ekolu.
Ua ho‘ohana wau i ‘elua hua‘ōlelo ‘ano nui no ka wehewehe ‘ana i ka
mana‘o o nā mea kākau. ‘O ka ‘anu‘u nā māhele hana ‘ano nui o ka hana
ho‘oponopono, a ‘o nā pae hana nā māhele hana e ka‘a ana ma lalo o ka ‘anu‘u.
‘Oiai ua like ke kapa ‘ana o kekahi o nā hua‘ōlelo ma nā palapala ‘ekolu, ‘a‘ole nō
i like loa nā mana‘o. No laila, ua ho‘ohana wau i ia mau hua‘ōlelo ‘elua i mea e
47
hō‘akāka ai i ka mana‘o o nā mea kākau, a i mea ho‘i e ‘ike ai ka mea heluhelu
no ka ‘oko‘a o ka ho‘ohana ‘ia o nā hua‘ōlelo i waena o ia mau palapala.
3.1 Nānā i ke Kumu, Puke 1
‘O ka mua o nā palapala, ‘o ia ka puke ‘o Nānā I Ke Kumu Puke 1 na Mary
Kawena Pūku‘i, E. W. Haertig a me Catherine A. Lee i kākau ma ka makahiki
1972. Ua kākau i ia puke ma lalo o ke Queen Lili‘uokalani Childrensʼ Center (‘o
QLCC), me ka mana‘o e lilo kēia i puke a‘oa‘o na nā limahana ‘oihana kōkua e
‘auamo ana i ke kuleana hana me ka po‘e Hawai‘i. He puke kēia i laha no ka nui
a me ka waiwai o kona ‘ikepili mo‘omeheu Hawai‘i. Ua ‘ohi ‘o Pūku‘i mā i kekahi o
ia mau ‘ikepili mai waena mai o nā ‘ohana Hawai‘i i kipa i QLCC. ‘O ka nui na‘e o
ka ‘ike a me nā mo‘olelo i palapala ‘ia, ua loa‘a mua mai nō ma muli o ka mākau
noi‘i a me ka na‘auao i pa‘a mua iā Pūku‘i, he kupa o ka ‘āina a he loea o ka
mo‘omeheu Hawai‘i. Wahi a Pūku‘i:
Our attempt was not for scholarliness, nor for research in the scientific meaning of the term. Instead, the effort has been to capture the freshness, the intimacy and the ʻalivenessʼ of Hawaiian
ideas put into action. Rather, we hope it is a source book on life as it has been—and often is—still lived.vi
Ua mōakāka ma ia ‘ōlelo puana‘ī a Pūku‘i ka mea nui o ke kōkua ‘ana i ka
po‘e, ‘a‘ole o ka noi‘i kālai‘ike. ‘Oiai ua makemake ‘o Pūku‘i e waiho i kēia ‘ikepili i
mea kōkua i ka po‘e Hawai‘i, a ua nui loa nā kumuhana i hiki ke noi‘i ‘ia, ua
‘aelike i waena o lākou ka Hawaiian Culture Study Committee o QLCC e
ho‘ohana i kēia ki‘ina ma ka wae i nā kumuhana e kālele ‘ia ma ka puke. Aia nā
48
hā‘ina i nā nīnau ma lalo iho nei ka ho‘oholo ‘ana no ke komo a me ke komo ‘ole
o kekahi kumuhana ma ka puke:
1. Has the known, identified concept or custom had some effect on lives of Hawaiians within the last ten years?
2. Have Center clients or associates asked for information or showed concern about this specific topic?
3. Or, has the topic been implicitly referred to in dreams recalled or other communications from the unconscious?
4. Or, has the Hawaiian idea or custom influenced lives and been the subject of concern and inquiry—even though the person concerned no longer recalled the Hawaiian terms that described it?vii
Ma ia mau hā‘ina i ho‘ohua ‘ia mai ai nā kumuhana ko‘iko‘i i pā ai ka po‘e Hawai‘i
o ia wā. Pēlā ho‘i i lilo ai he mau kumuhana nui no nā limahana ‘oihana kōkua
ma QLCC. He ki‘ina waiwai nō ho‘i ia ma ke kōkua koke ‘ana i ka po‘e. ‘O ka
hana ho‘oponopono kekahi o ia mau kumuhana nui i puka mai. ‘Oiai ua
ho‘oka‘awale ‘ia mai ka ‘ao‘ao 60-70 o ka puke no ka wehewehe i ia hana ma ke
‘ano he ‘ōnaehana, ua loa‘a pū ka wehewehena no nā ‘anu‘u a me nā kuleana
kiko‘ī e pono ai ia ‘ōnaehana nui ‘o ka hana ho‘oponopono ma nā ‘ao‘ao 71-90 o
ka puke. A ma ‘ō aku o ia huinanui o nā ‘ao‘ao puke he 30, ua loa‘a pū ka ‘ikepili
waiwai no ka hana ho‘oponopono ma ‘ō a ma ‘ane‘i ma nā ‘ao‘ao ‘ē a‘e ho‘i o ka
puke.
49
Ma ka ‘ohi ‘ana i ia mau ‘ikepili o ka puke, ua ‘ike ‘ia kekahi o nā māhele
ma‘amau o ka hana ho‘oponopono ma ka ‘ohana, ‘o ia ka: (1) Pule Wehe, (2)
Kūkulu Kumuhana, (3) Mahiki, (4) Hikaloi, (5) Mālama i ka ‘Oia‘i‘o, (6) Ho‘omalu,
(7) Ho‘okele Nīnau, (8) Ho‘opuka Waha i ka ‘Oia‘i‘o no ka Hewa, (9) Hana
Pāna‘i, (10) Mihi/Kala, a me ka (11) Pule Ho‘oku‘u. ‘Oiai ua ho‘ohana ‘o Pūku‘i i
nā hua‘ōlelo Pelekānia a me ka Hawai‘i no ia mau hana ho‘oponopono, ua ‘imi
wau i ke kālele ma ka ‘ōlelo Hawai‘i i mea e hō‘ike ai i ka launa o ka mana‘o nui o
ia mau hana. Ma hope o ka Pule Ho‘oku‘u, hō‘oia hou ke alaka‘i i ka Ho‘omalu
ma ka ho‘opuka waha ‘ana no ka hō‘ea i ka pau ‘ana o ka ho‘oponopono.
Ho‘omana‘o ‘o ia no ka ho‘oku‘u ‘ana i ka pilikia, ‘a‘ole e hāpai hou ‘ia. Ua pau a
ua ho‘i hou mai ka maluhia ma waena o ko ka ‘ohana.
‘O ka ho‘oponopono ka hana i hō‘oia i ka maluhia me ka hiki i nā kānaka
ke alu like ma luna o ka hana e pono ai ka ‘ohana me ke kaiāulu. Inā ua kupu
mai ka pilikia, ‘imi ka ‘ohana i ka ho‘oponopono. Inā ‘a‘ole nō i maka‘ala ‘ia nā
pilikia, ua hiki ke ulu a hihia, a ulu pū ka nui o ka po‘e i pā i ia mau pilikia. ‘O ka
mākaukau o ke kuana‘ike no‘ono‘o kekahi koina e pono ai ka ho‘oponopono, e
la‘a me: (1) ke kāko‘o o ka lawehala i ka ‘imi i ka ho‘oponopono, (2) ka ‘ōlelo me
ka ‘oia‘i‘o a me ka ho‘okamani ‘ole, (3) ke kāohi ‘ole i ka ‘ike i mua o ka po‘e, a
me (4) ka pule, ka mihi a me ke kala me ke aloha. ‘A‘ohe lama, no ka mea pā
wale ka na‘au o ke kanaka ke inu lama, a he hana nui ke kia o ka mana‘o ma ka
hana ho‘oponopono. He ho‘opupū a ho‘ohihia hou a‘e nō i ka holomua o ka hana.
Ke ho‘oponopono ‘ia na‘e ka pilikia, ho‘i hou ka mea hewa ma ke ala o ka pono.
50
Pēlā e pa‘a maika‘i hou ai ka pilina a ka mea hewa me ka ‘ohana, a pēlā e
maika‘i hou ai ka pilina a ka ‘ohana me ka ‘aumakua.
‘O ka Moe‘uhane me ka Wehe Paipala kekahi mau hana ku‘una i ‘ike ‘ia
ma nā la‘ana mo‘olelo ho‘oponopono. Na ke alaka‘i i ho‘ohana i kēia mau ki‘ina e
hu‘e ai i nā hō‘ailona ma ka ‘imi ‘ana i ka mole o ka pilikia o ke kanaka. Ma hope
o ka hō‘ea ‘ana o ka po‘e mikioneli, ua ho‘ohana ka Hawai‘i i ka Paipala i mea e
hō‘ike ai i ka mana‘o o ke akua no ka pilikia. Ua wehe wale ‘ia ka Paipala a
heluhelu ‘ia kekahi o nā paukū. Na ke alaka‘i i wehewehe i ka mana‘o o ia paukū
me ka pilina i ka pilikia e mahiki ‘ia ana. Inā nō e moe‘uhane ke kanaka a
wehewehe ‘ia ka mana‘o o ia moe‘uhane, ua hiki pū i ke alaka‘i ke ‘imi hou i
mana‘o ma o ka Wehe Paipala. Ma ka ho‘olauna ‘ana i nā hō‘ailona a pau, ua ‘oi
aku paha ka mōakāka no ka mole o ka pilikia i ke alaka‘i.
Ua kākau ‘ia kekahi mau mana‘o a‘oa‘o no nā limahana o QLCC i mea e
‘ike ai ho‘i i ka waiwai o ka ‘ike Wehe Paipala ma kā lākou hana me ka po‘e
Hawai‘i. ‘Oiai ua hiki i ke kanaka pilikia ke wehe i ka Paipala a kuhi wale aku i
paukū e heluhelu waha ‘ia, ua hiki nō i ka limahana ke a‘o no ia kanaka pilikia ma
ka ho‘olohe ‘ana i kona wehewehe ‘ana no ia paukū. Ma ia wehewehe ‘ana, e
hō‘ike ana i kekahi mau hi‘ohi‘ona o kona no‘ono‘o. No laila, i loko nō o ka pono
koho wale ‘ia o ka paukū, ua loa‘a nō ka ha‘awina ‘ike waiwai ma laila no ia
limahana ke‘ena.
I ka mana‘o o Pūku‘i mā, he kuleana ‘ohana ka hana ho‘oponopono ma ka
mana‘o o ke kaiāulu Hawai‘i. He hana pilikino nō ia i komo ai ke kanaka ma ke
51
kūkā kekahi me kekahi. Ma ia kūkā ‘ana i puka mai ai nā ‘ōlelo e ahuwale ai ka
hana hewa a ke kanaka. Ua ho‘opuka pū ‘ia nā mana‘o e ho‘oku‘u ai i ia hana
hewa, a ke mihi ‘oia‘i‘o ke kanaka, ua pono e kala ‘ia. Wahi a Pūku‘i, ‘oiai he
pilikino loa, ‘a‘ole i ‘ike nui ‘ia ia ho‘oponopono ‘ana ma ke ākea. Inā nō e
ho‘ohana ‘ia ma ke ākea i mua o nā kānaka he nui, ma ka li‘ili‘i loa, ‘o nā ‘anu‘u
nui e pono loa e mālama ‘ia, ‘o ia ka pule ‘ana a me ka ho‘omalu ‘ana i ka po‘e. I
ko‘u mana‘o, ua hiki pū ke mālama i kekahi o nā ‘anu‘u ‘ē a‘e e like ho‘i me ke
Kūkulu Kumuhana a me ka Mihi me ke Kala pū paha ke kūpono ma ke ākea. E
hō‘oia wale mai ana ‘o Pūku‘i no ka mea nui o ka ‘anu‘u Pule a me ka Ho‘omalu,
‘o ia nā hana e mālama ‘ia ma ke ākea.
Ua no‘ono‘o ‘ia ka ho‘oponopono ma ke ‘ano he ho‘okahi ‘ōnaehana i pili
ai nā ‘anu‘u hana kekahi me kekahi. ‘A‘ole i nānā ka‘awale ‘ia kekahi pae hana
kiko‘ī me ka no‘ono‘o ‘ole i ka pili i nā pae hana ‘ē a‘e o ka ‘ōnaehana nui he
ho‘oponopono. I nā manawa a pau, nānā nui ‘ia nā akua (‘o Iehowa a me nā
‘aumākua) no: (1) ka hō‘ike ‘ana i ke ala pono, (2) ke kōkua ma ka ‘imi i ka mole
o ka pilikia, (3) ke ‘oki ‘ana i nā mea ‘ino, a me (4) ke kia‘i a mālama ‘ana i ka
po‘e. A no laila, ua ‘imi ‘ia ka ‘ike mai ia ‘ao‘ao pili ‘uhane ma o ka maka‘ala i nā
hō‘ailona a me nā ‘ouli. Ke mōakāka ia mau hō‘ailona a me nā ‘ōuli i ka mea
alaka‘i, ua hiki nō ho‘i iā ia ke ho‘oholo pehea e ho‘okele ai i ka hana
ho‘oponopono. Ua ho‘oholo pū ke alaka‘i no ka ho‘olauna, ka ho‘omohala, me ka
ho‘oka‘awale paha i nā pae hana ho‘oponopono e like me kona mana‘o he
kūpono. Wahi a Pūku‘i, ‘o ka mea nui ka ho‘olauna ‘ana i nā ‘anu‘u nui o ka
52
‘ōnaehana piha a me ka ‘imi nui ‘ana ma nā pae hihia he mahiki. I ka mana‘o o
Kauka Haertig, ke kauka ho‘oponopono no‘ono‘o o ke kōmike hana, ‘o ka hana
ho‘oponopono Hawai‘i kekahi o nā hana ‘oi kelakela o ia ‘ano a puni ka honua.
He ko‘iko‘i ka ‘ike pehea e no‘ono‘o ‘ia ai ka loa‘a o ka pilikia ma ke
kuana‘ike Hawai‘i. Ua kapa ‘ia ia mea he “Hala,” a no‘ono‘o ‘ia kohu mea he
kaula e pa‘a ai ka mea lawehala, ka luaahi, a me ka hewa i hana ‘ia. He pilina
hukihuki nō ia, a e like nō me ka nui o ka pā o ka na‘au o ke kanaka i ia “Hala,”
pēlā ka hihi o ia mau ha‘awina na‘au kekahi ma luna o kekahi. Ke pi‘i ka huhū, a
puka paha ka ‘ōlelo ho‘omauhala, a ‘imi ‘ia aku ka mākaia, pēlā nō e ulu ai ia
“Hala” me ka hihia pū o nā ha‘awina na‘au. Kohu mea, he kaula nō ia i hihia i ka
nui hīpu‘u e hukihuki ana kekahi ma luna o kekahi a pa‘a loa.
He pili ke kuana‘ike no ka “Hihia” i ka hana e kō ai ka “Mahiki.” Inā nō e
no‘ono‘o ‘ia ka “Hihia” ‘o ia ka hopena o ka nui o ka “Hala,” e ‘imi ‘ia ka “Mahiki”
ma ka wāwahi ‘ana i nā “Hala” pākahi. Ua mahiki ‘ia nā “Hala” pākahi e like me
ka ihi ‘ana i ka ‘ili o ka hua‘ai. ‘Oiai ua pili nā “Hala” kekahi i kekahi, ua pono e
wāwahi ‘ia kekahi me ka maopopo pū i ka pili o ia “Hala” i ho‘okahi a ‘elua hou
a‘e paha mea ʻē a‘e. He ha‘awina nō ho‘i ia maopopo e pono ai ka mea
ho‘oponopono i hiki iā ia ke wānana i ka mahiki pākahi ‘ana.
Ke mālama ‘ia ka ho‘oponopono ma ka ‘ohana, na kekahi kupuna o ka
‘ohana e alaka‘i. Ua ‘imi pū ka po‘e i ke kōkua o ke kahuna lapa‘au no ia hana
kekahi. Aia nō i ka ‘ohana me ka pō‘aiapili i ‘imi ai i ke kanaka nāna e alaka‘i ma
ka ho‘oponopono. He mea ma‘amau ke kama‘āina o ka po‘e kekahi i kekahi. A
53
ua maopopo pū, ke ‘ae ke kanaka e alaka‘i i ka ho‘oponopono, e lilo pū iā ia ka
mana piha o ka ho‘okele ma luna o lākou. He kanaka ‘olu‘olu ‘o ia, a ho‘ohana ‘o
ia i ke ki‘ina nīnau i mea e paipai ai i ka po‘e e ho‘opuka i ka mana‘o me ka
‘oia‘i‘o. Ua hiki pū iā ia ke ho‘okele a mālama i ka maluhia o ke kūkā ‘ana. ‘A‘ole
‘o ia ho‘oku‘u i ka po‘e e hele a hihia i loko o ka ha‘awina o ka na‘au. Ua hō‘oia
mau ‘o ia i kona kuleana ho‘okele ma ke koi i ka po‘e e ‘ōlelo pololei iā ia, ‘a‘ole i
nā kānaka ‘ē a‘e ma ka ho‘oponopono.
‘Oiai ua kākau ‘ia kēia puke ma ka ‘ōlelo Pelekānia, ua nui nā hua‘ōlelo
Hawai‘i i ho‘ohana ‘ia no ka wehewehe ‘ana i nā hana ku‘una ma ka
ho‘oponopono. Ua kūkulu ‘ia ka wehewehe ‘ana no ka ho‘oponopono ma luna o
ka mana‘o o ia mau hua‘ōlelo. Ma muli o kēia, ua ahuwale ka mana‘o he ko‘iko‘i
ka ‘ōlelo Hawai‘i ma ka hana ho‘oponopono. Ua wehewehe kiko‘ī ‘ia ka mana‘o o
nā hua‘ōlelo ‘ano nui, a ua ho‘olauna ‘ia ia mau hua‘ōlelo kekahi me kekahi. Ma
ka hana ‘ana pēlā, ua ‘oi aku ka mōakāka i ka mea heluhelu ke kuana‘ike no ka
ho‘oponopono a me ka hua e ‘imi ‘ia ana ma ia hana. Aia ma lalo iho nei ka
Pakuhi 3.1 e hō‘ike ana i kā Pūku‘i i hō‘akāka ai no nā ‘anu‘u ho‘oponopono a me
ka wehewehena pōkole no ia mau ‘anu‘u.
3.2 The Hawaiian Church of the Living God: An Episode in the Hawaiianʼs Quest for Social Identity
‘O ka lua o nā palapala, ‘o ia ka pepa laeo‘o, ‘o The Hawaiian
Church of the Living God: An Episode in the Hawaiianʼs Quest for Social
Identity na Darrow L. Aiona i kākau ma ka makahiki 1959.
54
Pakuhi 3.1
Ua noi‘i ‘o Aiona ma ka ‘ekalasia o ka hale pule ‘o Ka Mauna O ‘Oliveta ma
Waikāne ma ka mokupuni ‘o O‘ahu, ma muli o kona hānai ‘ia a kama‘āina loa i ia
‘ekalesia. I ia wā o kona noi‘i ‘ana, ua hoihoi ‘o ia i kāna i ‘ike ai no ke aukahi
nativistic e laha ana a puni ke ao (Aiona 1959, 5). A ua kuhi ‘o ia, he aukahi
nativistic nō paha kāna i ‘ike ai ma ka ‘ekalesia ‘o Ka Mauna O ‘Oliveta, he
‘ekalesia o ka Ho‘omana O Ke Akua Ola. Wehewehe ‘o ia i ke aukahi nativistic
me kēia: “One may define a nativistic movement as any conscious organized
attempt on the part of a societyʼs members to revive or perpetuate selected
aspects of its culture.”viii
Wehewehena
Pule Spirtual acknowledgement of traditional gods/Christian gods.
Statement of Problem Clarification of problem to be solved, or potential problem from getting worse.
Setting Problems RightCorrecting each problem at every step of
sessions result.
"Very Spirit of Truth""A quality of absolute truthfulness and
spirit of truth'."
Keeping CalmControling emotions by directing discussion
through leader. "Calming tempers, encouraging self-inquiry into actions,
motives and feelings or simply for rest…."
Questioning by Leader Use of questioning as a way to collect information from involved participants.
Mutual Forgiveness"Honest confession to the gods (or God)…."
Mutual releasing of participants from experienced guilt, grudges and strain.
Restitution Actual restoration of what was lost or arranging such a restoration.
Pule Spirtual acknowledgement of traditional gods/Christian gods.
55
Wahi a Aiona, ‘oiai ua emi ka ikaika o ka mo‘omeheu Hawai‘i i waena o ka
po‘e Hawai‘i, a ua pono ho‘i e ho‘okama‘āina i ka nohona hou o ka lāhui ‘ē, ua
like nō paha ia me nā la‘ana lāhui i ‘ike ‘ia ma ke au nativistic o ia wā. Ua
ho‘ohālikelike i ia kūlana o ka Hawai‘i me ke kūlana o ka po‘e ‘ōiwi ‘ē a‘e i pilikia
pū i nā lāhui ‘Eulopa ho‘okolonaio. No ia kumu ‘o ia i ho‘oholo ai e noi‘i i waena o
kona mau hoahānau nō o ka ‘ekalesia ma Ka Mauna O ‘Oliveta. Eia ma lalo iho
nei kāna pahuhopu no ia noi‘i ‘ana:
The purpose of the present study is to describe and analyse a particular historical manifestation of such a religious nativistic movement in Hawai‘i and to relate it to the body of sociological and anthropological studies and theories about social movements as expressions of social unrest and about the behavior of peoples whose organized folk—or rural—culture suffers the impact of western industrial urban civilization.ix
‘Oiai wehewehe a kālailai ‘o ‘Aiona no ka ‘ekalesia ma Ka Mauna O
‘Oliveta a me ke aukahi nativistic o ia ‘ekalesia ma ka laulā, ua wae wau i nā
māhele o kāna palapala i loa‘a ka ‘ikepili no ka hana ho‘oponopono. I kekahi
manawa, ho‘opuka kiko‘ī ‘o Aiona no ka hana ho‘oponopono ma ke ‘ano he
‘ōnaehana pa‘a. I ka nui na‘e o ka manawa, ‘a‘ole nō i ahuwale loa no ke kau
li‘ili‘i o ka ‘ike ma ‘ō a ma ‘ane‘i ma kāna pepa, ‘a‘ole ho‘i i hō‘ike ‘ia ma ho‘okahi
māhele. Ma ka laulā, ua loa‘a ka hana no nā pilikia i ho‘oponopono wikiwiki ‘ia a
56
no nā pilikia hāko‘iko‘i i ‘imi ai ka mea alaka‘i i nā hana hou a‘e e pono ai ia
ho‘oponopono ‘ana.
Wahi a Aiona, ua pili ka hana ho‘oponopono i ka ho‘ōla ‘ana i ka ma‘i o ke
kanaka. Inā ma‘i ke kanaka ma ke kino a ma ka no‘ono‘o paha, ua mana‘o ko ka
‘ekalesia he hō‘ailona ia ma‘i o kekahi hana hewa. A i mea e ho‘ōla ai i ia ma‘i,
ua pono e ‘imi i ka mole kumu o ia hana hewa ‘ana. ‘A‘ole nō i loa‘a kekahi
kanaka alaka‘i kūmau no kēia hana, akā, ua ‘imi ‘ia ke kanaka kōkua i loa‘a ka
‘ike me ka pilina i ke kanaka i pilikia. Na ia kanaka alaka‘i i ‘auamo i ke kuleana o
ka ‘imi, ka wānana, a me ka wehewehe no nā hō‘ailona e ‘ike ‘ia ma ka hana
ho‘oponopono. ‘O nā kāula nō ia mau alaka‘i i ‘imi ‘ia no ka hana ho‘oponopono. I
ka mana‘o o ka ‘ekalesia, na ke akua nō i ho‘āmana iā ia i mea ho‘ōla a
ho‘oka‘awale ho‘i i nā ha‘awina ālai o ka no‘ono‘o kanaka. Pēlā ‘o ia e ‘imi ai i ka
mole o ka pilikia e ho‘oponopono ‘ia.
‘O nā hana ho‘oponopono ma‘amau i ho‘okō ‘ia e ka mea alaka‘i ke pilikia
kekahi kanaka, ‘o ia ka: (1) Pule, (2) Wehe Paipala, (3) Kū i ke Kumuhana, (4)
Wehewehe Moe‘uhane, a me ka (5) Ho‘okē‘ai. Na ke alaka‘i i ho‘okele i ka
holomua o ka ho‘oponopono ‘ana. Na ka lawehala i wehe i ka Paipala a na ke
alaka‘i i unuhi a wehewehe i ka mana‘o o ka ‘ōlelo Paipala.x Nona pū ke kuleana
o ka hō‘ike i ka lawehala no ka moe‘uhanea me ka ho‘oholo ‘ana no ka ho‘okē‘ai.
‘O ia mau ‘ao‘ao ‘o ka Wehe Paipala, ka Wehewehe Moe‘uhane, a me ka
Ho‘okē‘ai nā ki‘ina e ‘ike ai ke alaka‘i no ka mole kumu o ka pilikia o ke kanaka, a
pēlā nō i ‘ike ai no ka hana e lapa‘au aku ai. ‘Oiai ‘a‘ole nō i helu ‘ia ka Mihi a me
57
ke Kala e like ho‘i me nā ‘anu‘u ‘elima o luna a‘e nei, ua hō‘ike mai nō ‘o Aiona i
ka loa‘a o nā pae hana e hō‘oia‘i‘o ana i ke kala ‘ana a me ka mihi ‘ana i waena o
ka po‘e.
Ua ‘ano like ka pilina i waena o ke alaka‘i a me ke kanaka pilikia me ko ka
‘ohana. He ‘ano pili makua me ke keiki nō ia. I kekahi manawa, ua pilikoko nō
lāua, akā, ‘a‘ole nō i nā manawa a pau. Eia na‘e, ‘o ia nō ke kuana‘ike e pono ai
ka holomua maika‘i o ka hana ho‘oponopono. Pēlā e loa‘a ai ka ho‘āno a me ka
hā‘awipio ‘ole i ‘ike ‘ia ma ka ‘ohana. Ho‘okele ke alaka‘i ma ka pule, ka ho‘olohe,
ke a‘oa‘o, a me ka hana pū aku me ka lawehala, i loa‘a mai ka ‘ike i ke alaka‘i i
hiki iā ia ke ho‘okele a puka ka hana ho‘oponopono. Nona ia kuleana nui. E noke
ana ke alaka‘i i ka ho‘iho‘i i ia kanaka ma ke ala kūpono ma ka ‘imi a me ke ‘oki
‘ana i ka mole o kona pilikia. Aia ma lalo iho nei ka Pakuhi 3.2 e hō‘ike ana i kā
Aiona i ho‘ākāka ai no nā ‘anu‘u ho‘oponopono a me ka wehewehena pōkole no
ia mau ‘anu‘u.
3.3 Status and Conflict: An Ethnographic Study of an Independent Hawaiian Church
‘O ke kolu o nā palapala, ‘o ia ka pepa lae‘ula ‘o Status and Conflict: An
Ethnographic Study of an Independent Hawaiian Church na John Peterson i
kākau ma ka makahiki 1975. Ua noi‘i ‘o ia i ka ‘ekalesia ‘o Ieruselema Pōmaika‘i
ma ka mokupuni ‘o Moloka‘i. He ‘ekalesia nō ia o ka Ho‘omana O Ke Akua Ola.
58
Pakuhi 3.2
Aia ma lalo iho nei ka pahuhopu nui o kā Peterson pepa:
The overall objective of this dissertation, while building on the understanding of previous research, is to consider Hawaiian behavior as a dynamic ongoing process in order to indicate more fully how various aspects of Hawaiian life, behavior and culture
function together.
…there are three other objectives included in this dissertation. First, it seeks to document an organization that has great significance to all Hawaiians, that is, beyond the active or core membership of the
Wehewehena
Pule
Wehe Paipala
mai i ka mole kumu o ka pilikia.
mea e pono
ka mea e pono ai.
59
church. This significance is basically found in the potential services offered by the church through its curing rituals [ho‘oponopono]. Second, the dissertation seeks to outline more fully the ideology of Hawaiians by which they not only define their identity but with which they seek to understand and interact with the world. The final issue to which this dissertation is directed is the general area of problem solving.xi
Wahi a Peterson, ua mālama mua ‘ia ka hana ho‘oponopono ma waena o
ko ka ‘ohana no ka lapa‘au ‘ana i ke kanaka ke ma‘i ma ke kino, ma ka no‘ono‘o,
a ke hana hewa. I ka hala ‘ana o nā makahiki, ua ho‘omaka e ‘ike ‘ia ia hana i
waena o ka ‘ekalesia. ‘O ka mea nui na‘e, ‘o ia ka mākaukau o ka no‘ono‘o o ka
po‘e e komo ana i ka hana ho‘oponopono. Ua kapa ‘ia ke alaka‘i ‘o ia ka Ho‘ōla.
Nāna e hō‘oia i ia mākaukau o ka po‘e a e ho‘okele ho‘i i nā ‘anu‘u hana a me nā
pae hana o ka hana ho‘oponopono. Ua kapa ‘ia ke kanaka e ho‘oponopono ‘ia
kona pilikia ‘o ia ka Nāwaliwali. No ka Ho‘ōla nō ke kuleana ‘o ka ‘imi ‘ana i ke
kumu o ia kūlana nāwaliwali ona.
Ua mana‘o ‘ia he maika‘i ke loa‘a ka pili koko i waena o lāua, ‘oiai he
kōkua ke kama‘āina kekahi i kekahi. ‘Oiai, i ka nui o ka manawa, ‘a‘ole pēlā ka
hopena, ua ‘imi nō i kekahi i kama‘āina i ka Nāwaliwali a i loa‘a ho‘i ka ‘ike no ka
pilikia e ho‘oponopono ‘ia ana.
Mana‘o ka ‘ekalesia, loa‘a ‘elua māhele o ka hana ho‘oponopono: ‘o
kekahi ‘o ia ka ‘anu‘u Ho‘oponopono, a ‘o kekahi ‘o ia ka ‘Anu‘u Kumuhana. ‘O ka
hana ma ka ‘anu‘u Ho‘oponopono ke ki‘ina hana na ka Ho‘ōla e ho‘ohana no ka
60
ho‘oma‘ema‘e i ka ‘ao‘ao pili ‘uhane o ka Nāwaliwali. I ka ho‘okō ‘ana i ia hana,
ua mākaukau ke kuana‘ike no‘ono‘o o ka Nāwaliwali no ka ho‘omau aku i ke
Kumuhana. ‘O ke Kumuhana ke ki‘ina hana na ka Ho‘ōla e ho‘ohana no ka hu‘e
‘ana i ka mole o ka pilikia. I ka manawa e ‘ike ai ka Ho‘ōla i ia mole pilikia, ua hiki
ho‘i iā ia ke ‘imi pono i ka hā‘ina, i ka hana ho‘i e ho‘ōki ai i ka pilikia. Ma muli o
ka ho‘okō a mākaukau o ka Nāwaliwali no ka hana Ho‘oponopono, e hahai ana
nō ‘o ia i ke a‘oa‘o ‘ana a ka Ho‘ōla.
Wahi a Peterson, ‘oiai ua ho‘ā‘o ‘o ia e wehewehe ka‘awale no ka hana
ma ka ‘anu‘u Ho‘oponopono a me ka ‘anu‘u Kumuhana, ‘a‘ole nō i ahuwale ka
‘oko‘a ke komo i ka hana, ‘oiai ma ka ‘ekalesia, ua no‘ono‘o ‘ia ia mau ‘anu‘u
‘elua ma ke ‘ano he ho‘okahi ‘ōnaehana nui. Aia nō a komo maoli i ka hana, a
laila na ka Ho‘ōla e ho‘oholo pehea e ho‘ohana ai i nā pae hana kiko‘ī o ia mau
‘anu‘u hana no ka pono o ka Nāwaliwali.
Ua wehewehe ‘o Peterson no ‘elua ki‘ina o ka ‘anu‘u Ho‘oponopono ma ka
‘ekalesia, ‘o ka informal a me ka formal. No ka pono o kēia pepa noi‘i, ua kapa
wau i ka informal, he ki‘ina meheuheu no kona ‘ano he kupu wale mai, a i ka
formal, he ki‘ina mo‘omēheu pa‘a no ka loa‘a o nā ‘anu‘u a me nā ka‘ina hana i
hahai ‘ia. Aia ma lalo iho nei nā ‘oloke‘a e hō‘ike ana i nā mana‘o nui a me nā
pae hana o ia mau ki‘ina ‘elua o ka ‘anu‘u Ho‘oponopono:
No ke ki‘ina mēheuheu o ka ‘anu‘u Ho‘oponopono
1. Mai waena mai o ka po‘e i ‘ākoakoa no ke kōkua ma ka pilikia, e lilo ke
kuleana alaka‘i i ke kanaka komo nui ma ka ‘ōlelo me ka hana.
61
2. He pahuhopu ma‘amau ka pule ‘ana a me ka ‘imi ‘ana i kōkua no ka
‘ohana i pilikia, aia i ke ‘ano o ka pilikia ke ki‘ina ho‘opuka mana‘o ma ka
pule ‘ana.
3. ‘A‘ole i koi ‘ia kekahi ka‘ina hana me nā pule kiko‘ī.
4. Aia ka holomua o ka hana i ke ‘ano o ka pilikia a me ke ki‘ina hana a nā
kānaka kōkua.
‘O ka hihia launa kanaka ka pilikia ma‘amau i ‘ike ‘ia ma kēia ki‘ina
ho‘oponopono. ‘O ka pahuhopu nui o ia ki‘ina ka wikiwiki o ka ho‘oponopono ‘ana
i ka ha‘awina na‘au e laha ana i waena o ka po‘e. Ke hana koke me ka wikiwiki i
hiki, ‘a‘ole nō paha e laha a māhuahua hou a‘e ia pilikia.
Ua ho‘ohana ‘ia ke ki‘ina mo‘omeheu pa‘a e ka Ho‘ōla no nā pilikia ko‘iko‘i
i pono ai ka ‘imi nui me ke kālailai. Ua ‘oko‘a nā pae hana o ke ki‘ina mo‘omeheu
pa‘a ma muli o ka ‘imi kūhelu ‘ia o ka Ho‘ōla a me ka pa‘a o nā pule a me ke
ka‘ina hana i hiki ke hahai ‘ia. Ma ka li‘ili‘i, ua loa‘a ‘ekolu kānaka ma ia ki‘ina: ‘o
ka Ho‘ōla, ka Nāwaliwali a me ho‘okahi hou a‘e i kono pū ‘ia no kona ‘ike no ka
pilikia. He waiwai ka loa‘a o ke kolu o nā kānaka i mea kōkua i ka Ho‘ōla. I ka nui
o ka manawa, ua komo pū nā kānaka ‘ē a‘e i loa‘a ke kuleana kōkua ma laila.
Ma hope o ke koho ‘ana i Ho‘ōla nāna e alaka‘i i ka hana, ua hahai ‘ia ke
ki‘ina mo‘omeheu pa‘a o ka Ho‘oponopono. Aia ma lalo iho nei ka Pakuhi 3.3 e
hō‘ike ana i nā pae hana o ka ‘anu‘u Ho‘oponopono a me ka wehewehena no ia
mau pae.
62
Inā he kūpono i ka mana‘o o ka Hō‘ola, ua hiki ke noi i ka Nāwaliwali e
Wehe ‘Ōlelo. ‘O ia ho‘i ka wehe ‘ana i ka Paipala me ka heluhelu pū i paukū i
mea kōkua ma ko ka Ho‘ōla ‘imi ‘ana i ka mole
Pakuhi 3.3
pilikia. Ma ka ‘ike o ka Ho‘ōla i ka mana‘o o ia paukū, ‘imi pū aku ‘o ia i ka
ho‘opili i ia mana‘o i ka pilikia o ka Nāwaliwali. Ma ia kālailai ‘ana e mohala iki mai
ai ka mole o ka pilikia. ‘Oiai ua hiki ke ho‘ohana i ka Wehe ‘Ōlelo ma ke ki‘ina
mēheuheu a me ke ki‘ina mo‘omeheu pa‘a, ‘o kahi ma‘amau o ka Wehe ‘Ōlelo,
aia ma ka ‘anu‘u Kumuhana ma ka mo‘omeheu pa‘a.
Wehewehena
Pule
•No ka "Forgiveness, protection and guidance."
mua o ke alo o ke akua.
•"Consecration prayer"
Iehowa.
Pule Mahiki
•"Rebuking prayer"
63
I ka manawa e ho‘oholo ai ka Ho‘ōla i ka mālama Kumuhana, e kālele nui
a‘e ‘o ia ma nā pae hana e ho‘ohua ana i nā hō‘ailona o ka mole o ka pilikia. ‘O
ka ma‘amau, ‘ekolu lā ka lō‘ihi o ia hana. ‘Oiai ua pa‘a ke ka‘ina o nā pae hana,
na ka Ho‘ōla nō e ho‘oholo pehea e kālele ai ma ia mau hana. ‘O ka pule a me ka
ho‘okē‘ai nā hana i kālele ‘ia ma ke Kumuhana. He mau pae hana nō ho‘i i
ho‘oulu ‘ia ma luna o ka hua o ke ki‘ina mēheuheu o ka hana ho‘oponopono.
Aia ma lalo iho nei ka Pakuhi 3.4 e hō‘ike ana i nā pae hana o ka ‘anu‘u
Kumuhana a me ka wehewehena no ia mau pae.
Pakuhi 3.4
‘O kekahi mea nui ma ke Kumuhana ka hu‘e ‘ana i nā mana‘o a pau. Ma
ka hana pū ‘ana o ka Nāwaliwali me ka Ho‘ōla, pēlā e hua mai ai ka hana. Inā nō
e maluhia a ha‘aha‘a ka na‘au o lāua a me nā kānaka ‘ē a‘e e komo ana, ua hiki
Pae Kumuhana Wehewehena
Pule Mihi
Pule Noi
ka hana Kumuhana.
hana hewa a me ka hana e pono ai.
64
ke ho‘okō i nā ha‘awina o ke Kumuhana, ka Pule, ka Moe‘uhane, i ka Wehe
‘Ōlelo a me ka Ho‘okē‘ai. Ua ho‘ohana ‘ia ka Ho‘okē‘ai no ke kia ‘ana o ka
mana‘o o ia kanaka ma luna o ke Kumuhana. He ki‘ina ia e maluhia a ha‘aha‘a ai
ka na‘au i hiki ke pule ma luna o ke Kumuhana. E like nō me ka mau, na ka
Ho‘ōla e ho‘oholo inā ua hu‘e ‘ia nā mea nui a pau. I ka wā e unuhi ai i ka mana‘o
no ka Wehe ‘Ōlelo a me ka Moe‘uhane, he kōkua nō ia Ho‘okē‘ai ‘ana ma ka
ho‘olōkahi ‘ana i ka po‘e. ‘Oiai he mau ki‘ina ka Wehe ‘Ōlelo me ka Moe‘uhane e
ho‘oka‘a‘ike ai ke akua me ke kanaka, he mea nui ka mana‘o o ka Ho‘ōla i nā
hoahānau o ka ‘ekalesia. ‘O ke kama‘ilio me ke alu like ma luna o ka lōkahi o ka
no‘ono‘o a me ka ‘imi a loa‘a ka hopena kūpono, ‘o ia ka hua e maha ai ka na‘au
o ka po‘e. A pēlā e ‘ike ai ka Ho‘ōla no ke pani i nā ‘anu‘u Ho‘oponopono me ke
Kumuhana.
Ua hiki i ke kanaka ke ‘imi i ke Kumuhana no kekahi mau pahuhopu, ‘a‘ole
‘o ka ma‘i o ke kino me ka no‘ono‘o wale nō. Aia ma lalo iho nei ka Pakuhi 3.5 e
ho‘oka‘ina ana i nā pahuhopu a me nā hana e kō ai i ‘imi pinepine ‘ia ai ke
Kumuhana. Ma ka nānā ‘ana i ia pakuhi, ua hiki ke ‘ike i ke ‘ano o ka mākaukau e
pono ai ka hana a ka Ho‘ōla. Wahi a Peterson, ua laha ke kālena o nā Ho‘ōla i
waena o ka ‘ekalesia, a no laila, ua hiki iā lākou ke ‘imi i ka mea nona ke kālena
e pono ai. Ma ke kuana‘ike ao na‘e o ka ‘ekalesia, ‘o ka helu ‘ehā ka mea ko‘iko‘i
e pono e kālele ‘ia. Ma nā la‘ana a pau, na ka Ho‘ōla nō e ho‘oholo pehea e
ho‘ohana ai i nā pule a me ka ho‘okē‘ai a pehea ho‘i e no‘ono‘o ai ka Nāwaliwali i
ia mau hana ke kōkua i kāna e ‘imi ana.
65
Pakuhi 3.5
I ka mana‘o o ka ‘ekalesia, he hana ho‘oluhi ka hana Kumuhana i ka
Nāwaliwali, he ‘ano pōpilikia a he mōlia nō ho‘i kona noke me ka hā‘awipio ‘ole.
No ia kumu i mana‘o ai lākou, he ala ke Kumuhana e pono ai ka mihi. He hō‘ike
ke kō o ia hana i ka mihi ‘oia‘i‘o a ka Nāwaliwali. Ua pono e ‘ike ‘ia ma ka hana a
ke kino a me ka mākaukau ma ka ‘uhane. ‘Oiai ua loa‘a ka pae hana pule mihi
ma ke Kumuhana, he mihi nō ka mana‘o nui o ka ‘anu‘u holo‘oko‘a ‘o ke
Kumuhana. ‘O ka pahuhopu nui ka noke i ka ‘imi i ka mole o ka pilikia i hiki ke kō
ka ha‘awina nui o ka mahiki ‘ana, a ho‘oponopono maika‘i ‘ia ka pilikia. A ‘o ka
ho‘okō ‘ana a ka Nāwaliwali i ka hana i koi ‘ia, ‘o ia ka hō‘ailona ‘oia‘i‘o o ka na‘au
ha‘aha‘a, he kū i ka mihi.
Na ka Ho‘ōla nō e ho‘oholo i ka hola e ho‘omaka a ho‘opau ai ho‘i ka
Nāwaliwali i ka ho‘okē‘ai. Loa‘a pū ka po‘e komo ma ka ho‘okē‘ai ma ke ‘ano he
kōkua a kāko‘o i ka Nāwaliwali. Ua ‘ike ‘ia ka loli o ka no‘ono‘o i waena o ko ka
‘ekalesia no ka lō‘ihi me ka pōkole o nā hola ho‘okē‘ai e pono ai. Wahi a nā
1
2
3
He pilikia paha no ka molaki, ke
4ma ke kino.
Pahuhopu
66
hoahānau ‘elemākule a luāhine, i ka wā ma mua, ua ho‘okē‘ai no ‘ekolu lā piha;
eia na‘e i ia wā hou, ‘a‘ole nō i like ka ikaika me ka hilina‘i o nā hoahānau i ke
akua. A no laila, ua ho‘ēmi ‘ia ka nui o nā hola ho‘okē‘ai ma ka 12 hola o ka
ho‘okahi lā. ‘O ka mea nui ka hiki i ia kanaka ke kia i kona mana‘o ma luna o ka
pahuhopu nui o ke Kumuhana, ‘a‘ole e ‘ae i ke kīkahō ma ia ho‘oikaika ‘ana. Ua
mana‘o ‘ia ka hele ‘ana i ka hana he hana kikahō a ho‘olalau i ka no‘ono‘o o ia
kanaka. He pa‘akikī ka mālama ‘ana i ke kia o ka mana‘o ma ke Kumuhana ke
ha‘alele a ho‘i, pau, ha‘alele nō ho‘i a ho‘i hou. E aho ka ho‘opōkole i nā hola i
‘oia‘i‘o a waiwai ka hua o ka pae hana.
I ko‘u mana‘o, ‘a‘ole i makemake i ka ho‘okō wale aku i nā hola inā ‘a‘ole i
‘oia‘i‘o ka hana. Ua hiki ke no‘ono‘o ‘ia kēia loli he ho‘onāwaliwali, a ua hiki pū ke
no‘ono‘o ‘ia he ho‘oikaika pū. I loko nō o ko lākou maopopo no ia wā, ua ‘ike nō
paha lākou i kekahi mau kumu e ho‘ēmi ai i ka lō‘ihi o ka ho‘okē‘ai. Ua pili nō
paha ia loli o ka no‘ono‘o i ka ‘oko‘a o ka nohona kanaka a me ka no‘ono‘o ‘ana o
ka hanauna hou. Ma muli nō paha o ka ‘oko‘a o ia wā hou, ua ‘imi aku a ho‘oholo
i ka ho‘ēmi i nā hola ho‘okē‘ai, ‘o ia nō ka hana ho‘oikaika e puka ai ma ia ‘anu‘u
Kumuhana.
Ua loa‘a ‘elua ‘ao‘ao o ka Ho‘ōla i mākaukau ma kāna hana: (1) ka hiki ke
launa maika‘i me nā hoahānau o ka ‘ekalesia a me (2) ka loa‘a o ka mākau unuhi
hō‘ailona ma ka wehewehe mana‘o no ka moe‘uhane a me ka Wehe ‘Ōlelo. He
mana ko ka Ho‘ōla no ka hiki iā ia ke kālailai, unuhi, a wehewehe i ia mau
mana‘o.
67
Ua loa‘a kekahi mau ‘ano o ka mea alaka‘i, inā he “Ho‘ōla” a i ‘ole paha he
alaka‘i o kekahi ‘ano ma ka ‘ekalesia. Aia ma lalo iho nei kekahi o ia mau ‘ao‘ao o
ke alaka‘i: (1) hiki ke hana pū me ka po‘e a mālama i ka pilina maika‘i me nā hoa,
(2) ‘a‘ole e ho‘oki‘eki‘e, (3) ho‘omanawanui me ke ‘o‘ole‘a pū, (4) mana‘o‘i‘o me
ka ho‘olana mana‘o, (5) ‘a‘ole e kāohi i ka ‘ike, (6) ho‘oholo mana‘o, (7) na‘auao,
(8) ‘auamo kuleana, (9) ‘a‘ole pī ma ke kōkua ma ka manawa a me ka hana. He
mea ma‘amau ka ho‘okuleana ‘ana o ke alaka‘i i ka po‘e, ‘a‘ole nāna nā hana a
pau.
Ua mālama ka ‘ekalesia i ka papa kūhelu i hō‘ike no ke ka‘ina hana a me
ka mana‘o nui o ka Ho‘oponopono a me ke Kumuhana. ‘O nā kiakona o ka
‘ekalesia ka po‘e komo ma ia papa. Na lākou e a‘o no nā ‘anu‘u hana i hiki ke lilo
i Ho‘ōla a e kōkua ma ka ‘ekalesia. ‘Oiai e a‘o piha ‘ia nā pae hana o ka
Ho‘oponopono a me ke Kumuhana, ‘a‘ole na‘e i hō‘ike pehea e ho‘ohana ai i ia
‘ike ke kupu mai nā pilikia like ‘ole. Na ia Ho‘ōla nō e ho‘oholo pehea e ho‘ohana
ai i kona ‘ike ke komo maoli i ka hana me nā kānaka ma ka Ho‘oponopono me ke
Kumuhana. He la‘ana ke a‘o ‘ana no ka pae hana Wehe ‘Ōlelo. ‘O ka mana‘o nui
o ka paukū Paipala a me nā hō‘ailona no ka ho‘okele ‘ana, ‘o ia nā mea nui i ‘imi
‘ia. ‘A‘ole no i a‘o ‘ia nā kiakona no ka po‘aipili kiko‘ī e ho‘ohana ‘ia ai ka hana
wehe Paipala. Kohu mea ‘o ia ke ki‘ina a‘o ma ia papa, ua hō‘ike no nā ‘anu‘u a
me nā pae hana o ka Ho‘oponopono a me ke Kumuhana, akā, na ka Ho‘ōla nō e
ho‘oholo pehea e ho‘ohana ai i ia ‘ike.
68
Ua kākau ‘o Peterson no ka hiki i ka Ho‘ōla ke ho‘okaualewa i ka ‘ao‘ao
‘uhane me ka ‘ao‘ao kino, he ki‘ina mea nui o ka ‘ekalesia. ‘O ka mākau
ho‘okaualewa ka hiki i ka Ho‘ōla ke ‘ike i ka ‘eko‘a o ka ‘ao‘ao ‘uhane me ka
‘ao‘ao kino, a laila, e ho‘ohana i ia ‘ike ma ka hana ho‘oponopono. ‘A‘ole nō e
nānā i ka pilikia wale nō, akā, e nānā i ke ka‘ina hana i hua mai ai ka pilikia. He
aha nā ha‘awina o ke kino, a he aha ho‘i nā ha‘awina o ka ‘uhane? ‘O ia ‘ano
nīnau ke ala e hua mai ai ka ‘ike e kōkua ai i ka Ho‘ōla. Ua loa‘a kēia kuana‘ike
ma muli o ka ma‘a i ka nānā i ka ‘ikepili ma ke kuana‘ike ho‘okaualewa i ka
maluhia. Inā nō ma ka hana ho‘oponopono ma ka pō‘aiapili hāko‘iko‘i a i ‘ole
paha ma ka hana ma‘amau o kēlā lā kēia lā, he ki‘ina mea nui nō ka
ho‘okaualewa ‘ana i ka ‘ike no ka mālama ‘ana i ka lōkahi o ka ‘ekalesia, a no ka
mālama pū ‘ana ho‘i i ka pilina a ke kino a me ka ‘uhane.
‘O ka mana‘o he Hawai‘i ka ho‘omana Kalikiano, a ‘o ka hana Hawai‘i he
hana na ke Akua i ho‘okele, ‘o ia kekahi mau hua o ka hana ho‘okaualewa a me
ka ho‘olōkahi no ka pono o ka nui po‘e. ‘O kekahi la‘ana ‘o ia ka no‘ono‘o i ka
wehewehe hō‘ailona he ‘ōlelo ia mai ke Akua mai. Inā he moe‘uhane a i ‘ole paha
he paukū i heluhelu ‘ia ma ka Paipala, na ke Akua nō i ho‘ouna mai e ho‘okele i
ka hana a ke kanaka. Ua pa‘a ma ke ‘ano he kuana‘ike Hawai‘i maoli, he hana e
pono ai ka ‘ekalesia holo‘oko‘a.
He mea nui ka hilina‘i i waena o nā po‘e a pau i loko o ka ho‘oponopono
‘ana a i waho pū, ke launa kekahi me kekahi. ‘Oiai, wahi a Peterson, ‘a‘ole nō i
maika‘i ke kuana‘ike o ka Hawai‘i nona iho i ia wā, ua ‘ike pinepine ‘ia ka
69
ho‘āhewa, ka huhū, me ka hilina‘i ‘ole. No ia kumu i lilo ai ka Pule Hāmau he
ki‘ina e noi ai iā Iehowa e ho‘oikaika mai i hiki ho‘i i nā hoahānau ke ho‘okō i kā
lākou e ‘imi ana. Ua mana‘o ‘ia ka Pūle Hāmau he wā ho‘omaluhia, eia na‘e, ua
hiki nō ke lilo i wā e hu‘e ai i ka hihia. He kōkua ia hu‘e ‘ana ke hana ‘ia me ke
aloha a me ka na‘au ha‘aha‘a.
Ua mana‘o ka ‘ekalesia he ‘oko‘a ke kaila alaka‘i a ke kāne a me ka
wahine. Ua nānā ‘ia ke kāne he alaka‘i ma muli o kāna lawena kāne a me kona
na‘auao ma kāna hana. Ua nānā ‘ia ka wahine he alaka‘i ma muli o kāna lawena
wahine a me kona na‘auao ma ka hana me ke kanaka a me ka ho‘olālā i ka hana
e hua mai ai ka pahuhopu. ‘O ka mālama hālāwai kūhelu kekahi o ia ‘ano hana
wali i ka wahine. Inā nō he kāne a i ‘ole paha he wahine, e kōkua ka po‘e e like
me ka mea e pono ai ka ‘ekalesia. He mea nui ka hiki ke ho‘okaualewa i ka pilina
a ke kino a me ka ‘uhane ma nā hana a pau.
Ua minamina ka po‘e i ka ‘ōlelo Hawai‘i ma ka ‘ekalesia, no ka mea ua
no‘ono‘o ‘ia ka ‘ōlelo he pilina me ka po‘e kahiko, a ‘o ia pilina ke ala e na‘auao ai
ke kanaka. No kekahi po‘e, he mea maika‘i ia pilina, a no kekahi, ‘a‘ole no i
makemake ‘ia ma muli nō o ka pilina i ka ho‘omana kahiko, ‘a‘ole ho‘i i ke akua
Kalikiano. I loko nō o ka ‘oko‘a o ia mau no‘ono‘o, ua loa‘a pū ka hiki ke
ho‘okaualewa i ia mau ‘ao‘ao ‘elua. Ma ‘ane‘i e ‘ike hou ai i ka waiwai o ia ki‘ina
ho‘okaualewa no ke kanaka alaka‘i.
Inā nō e no‘ono‘o ‘ia ka hana a nā akua kahiko ‘o ia ka hana a ke akua
Kalikiano, ʻa‘ole nō i loa‘a ka hukihuki ma waena o ia mau no‘ono‘o ‘oko‘a. ‘O ka
70
‘ōlelo Hawai‘i ka ‘ōlelo a Iehowa, a ke heluhelu i ka Paipala, e ho‘ohana ‘ia ana
ka ‘ōlelo Hawai‘i e ke akua no ia ho‘oka‘a‘ike ‘ana. ‘O ka ho‘ohana ‘ana i nā
hua‘ōlelo Hawai‘i ma ka wehewehena ho‘oponopono, ‘o ia kekahi hō‘ailona o ka
mana o ka ‘ōlelo ma ka ‘ekalesia. ‘Oiai ka ‘ōlelo Hawai‘i ka ‘ōlelo kahiko, a ‘o ia
pū ka ‘ōlelo a ke akua e ho‘ohana ana ma nā pae hana ho‘oponopono, ua lōkahi
ka mana‘o o nā hoahānau a pau, ‘o ia ho‘i, ‘a‘ole ka ‘ōlelo Hawai‘i he pilikia. Aia
ho‘i ka ‘ike no ka hana ho‘oponopono ma ka mana‘o o nā hua‘ōlelo no nā ‘anu‘u
me nā pae hana. No ia mau kumu, ua ‘imi kekahi po‘e i ke Kumuhana no ke a‘o
‘ana i ka ‘ōlelo Hawai‘i. Ma kēia mau la‘ana i ‘ike ‘ia ai ka mea nui o ka
ho‘okaualewa ‘ana ma ka ‘ao‘ao ‘uhane a me ka ‘ao‘ao kino pū kekahi.
3.3.1 Ka Ho‘ohālikelike ‘Ana
Ua loa‘a ‘elima ‘anu‘u hana nui i like i waena o nā palapala ‘ekolu e pili
ana no ka hana ho‘oponopono. ‘O ia ka (1) Pule, (2) Kumuhana, (3) Wehe
Paipala/Wehe ‘Ōlelo, (4) Mihi, a me ke (5) Kala. ‘O kēia nā hana i wehewehe a
kālailai nui ‘ia ma nā palapala ‘ekolu, e hō‘ike ana i ke ko‘iko‘i o ia mau hana mai
ka wā i kākau ‘ia ai kā Aiona palapala ma ka makahiki 1959 a i kā Peterson ma
ka makahiki 1975. Aia ma lalo iho nei ka Pakuhi 3.6 e hō‘ike ana i nā ‘anu‘u hana
ho‘oponopono ma nā palapala ‘ekolu.
He hō‘ike ke kiko hō‘oia i nā ‘anu‘u hana ma nā palapala ‘ekolu, a he
hō‘ike ke kiko nīnau i ko‘u kuhi i ka loa‘a o ia mau ‘anu‘u hana ma ia mau
pō‘aiapili. ‘Oiai ua ‘oko‘a ke kālele a me ke kaila o ke kākau ‘ana ma ia mau
71
Pakuhi 3.6
palapala, ‘a‘ole nō i komo ka wehewehena no nā ‘anu‘u i kiko nīnau ‘ia e like me
ka wehewehe piha ‘ana no nā ‘anu‘u i kiko hō‘oia ‘ia. ‘O ka mea nui na‘e no kēia
pepa nei, ‘o ia ka ‘ike i ia mau hana ma kekahi ‘ano ma ka hana ho‘oponopono.
‘A‘ohe palapala i komo ‘ole ai kekahi ‘ano ‘ikepili a la‘ana paha no ia mau hana a
pau.
‘Oiai ua ‘ohi ‘o Aiona me Peterson i kā lāua ‘ikepili ma ‘elua ‘ekalesia
‘oko‘a a ma QLCC i ‘ohi ai ‘o Pūku‘i, ua palapala ia mau mea kākau ma ke ‘ano i
pono ai ma ia mau pō‘aiapili hana. Ma ka laulā, ua launa ka mana‘o o lākou no
ka hana ho‘oponopono. ‘O ka ho‘oponopono ka hana e ho‘opololei ai i ka hana
hewa, a ‘o ke kūkulu kumuhana ka hana e ‘imi ai i ka mole kumu o ka pilikia a
kumumana‘o paha. Ua ‘ike na‘e i ka ‘oko‘a o ka ho‘ohana ‘ia o ia ‘ike ma nā
palapala ‘ekolu. ‘Oiai na Peterson wale nō i hō‘ike no ke a‘o ‘ana ma ka ‘ekalesia
Hana Aiona Peterson1 Pule ✔ ✔ ✔
2 Kumuhana ✔ ✔ ✔
3 ✔ ✔ ✔
4 Mihi ✔ ✔ ✔
5 Kala ✔ ✔ ✔
6 Mahiki ✔ ? ✔
7 ✔ ? ✔
8 ✔ ? ?9 ? ✔ ✔
10 ? ✔ ✔
72
no nā ‘anu‘u hana, a na ka Ho‘ōla e ho‘oholo pehea e ho‘ohana ai i ka ‘ike, ua
loa‘a nō ia ‘ano kuana‘ike ma ko‘u heluhelu ‘ana i nā palapala ‘ē a‘e ‘elua.
No laila, ‘oiai no‘ono‘o ‘ia ka ho‘oponopono no ka wā pilikia i ka nui o ka
manawa, ua ho‘ohana pū ‘ia nō ia hana no nā kumu ko‘iko‘i ‘ē a‘e e like me ka
‘imi i ka na‘auao a me ka hana e ho‘oholomua ai i ka noho ‘ana o ka po‘e. Ke
nānā na‘e i ka nui o nā la‘ana ma kēia mau palapala ‘ekolu, ‘o ka ho‘ōla i ka ma‘i
a me ka ho‘oma‘ema‘e i ka no‘ono‘o a hana a ke kanaka, ‘o ia nā kumu nui ‘elua i
‘imi ai ka po‘e i ka ho‘oponopono me ke kūkulu ‘ana i ke Kumuhana.
Ua loa‘a ‘ewalu pae hana i loko o nā ‘anu‘u na ke alaka‘i e ho‘ohana ma
ka ho‘okele ‘ana i ka hana ho‘oponopono. ‘O ia nō ka: (1) paipai i ka hikaloi, (2)
mālama i ka pilina ‘oia‘i‘o, (3) ho‘okele i ka nīnau me ka pane ‘ana, (4) ho‘okele i
ka hu‘e piha i ka mana‘o, (5) hō‘oia i ka ho‘opuka waha ‘ia o ka mana‘o nui, (6)
ho‘omana‘o i ka po‘e no nā mana‘o i ho‘opuka ‘ia, (7) ho‘olohe me ke kālailai i nā
mea i lohe ‘ia, a me ka (8) wehewehe i nā hō‘ailona a me nā mana‘o nui e
mohala ana. Ua ‘oi aku ka nui o ka mea i ‘ike ‘ia no ia mau pae hana ma nā
palapala a Pūku‘i me Peterson, akā ua lawa ka nui o ka mea i ‘ike ‘ia ma kā
Aiona e kuhi ai i ka like o nā hana ma ke ‘ano nui.
Ma ka Mokuna ‘Ehā, e wehewehe ana no ka ‘ike i loa‘a mai no ka hana
ho‘oponopono ma ko‘u hāna‘i ‘ia ‘ana ma Kalihi, O‘ahu me Kalama‘ula, Moloka‘i.
‘Oiai ma ka ‘ohana nō e pa‘a ai ke kahua ‘ike mo‘omeheu no ka lawena a ke kino
a me ka ha‘awina pū ho‘i o ka pili ‘uhane, he pō‘aiapili mea nui nō ia e hō‘ike ai
73
no ko‘u kuana‘ike ma ka ho‘omohala ‘ana i ka mo‘oki‘ina ho‘oponopono ma
Nāwahīokalani‘ōpu‘u.
74
Mokuna ‘Ehā
No ka Hānai ‘Ia ma ka ‘Ohana Ma muli o ke ‘ano o ka hana ho‘oponopono, he mea ma‘amau ke komo
wale ‘ana mai o ka ‘ike no ia hana ma ke au wale ‘ana o ka manawa me ka launa
like ‘ana o nā kanaka kekahi me kekahi. ‘O ia mau hana ma‘amau o kēlā lā kēia
lā, ‘o ia nā hana mēheuheu i ‘ike pinepine ‘ia i waena o ka po‘e. A ‘o ka ‘ike
mēheuheu ka paepae ‘ike i kūkulu ‘ia ai ka mo‘omeheu. He mea nui ka ‘ike no ka
pilina o ka mēheuheu a me ka mo‘omeheu ma ke kālailai ‘ana i ka ho‘oponopono
ma ka ‘ohana.
I mea e kōkua ai ia‘u ma ka ‘ohi ‘ikepili me ke kālailai ‘ana i ia mau ‘ao‘ao
‘elua ‘o ka mēheuheu a me ka mo‘omeheu, ua hele wau i Maui e hui kama‘ilio ai
me ko‘u kaikunāne ‘o Creighton Kahananui Kamanā. Aia mākou me ka ‘ohana
ma laila mai ka lā 25 a i ka lā 28 o Nowemapa 2009. Ua nānā i nā puke
mo‘okū‘auhau o ka ‘ohana, a ua ho‘opa‘a pū i nā hola kama‘ilio ma ka pahu pa‘i
wikiō. I kekahi manawa, ua komo kekahi o ka ‘ohana ma ke kūkā ‘ana, a ua
hoihoi ke kālailai ‘ana i ke kuana‘ike i liliuewe i waena o nā hanauna ‘ohana.
Ua ho‘oholo māua ‘o ko‘u kaikunāne i ka ho‘omaka i ka ‘ohi ‘ikepili ‘ana
ma ka mo‘olelo no ka ‘ohana ma ka laulā, a laila, e kia ke kūkā kama‘ilio ‘ana ma
luna o ka hana ho‘oponopono. Ua waiwai ka hui kino ‘ana i mea e hō‘oia ai i nā
mo‘olelo a‘u i lohe mua ai, a pēlā i mōakāka ai ka ‘ao‘ao mēheuheu a me ka
mo‘omeheu hana ho‘oponopono ma ka ‘ohana.
75
Eia ma lalo iho nei kahi ‘ike mo‘okū‘auhau no ka ‘ohana a me ko māua
hānai ‘ia ‘ana. Mai luna mai o ia mau ‘ao‘ao mēheuheu i mohala mai ai ko‘u ‘ike
no ka hana ho‘oponopono. Ua lilo nō ho‘i i kahua no‘ono‘o a kālailai no ka‘u mau
hana mai ia wā loa mai.
Ua hānau ‘ia wau ma Kalihi ma ka mokupuni ‘o O‘ahu e ko‘u mau mākua
‘o Paul Kia‘ipō a me Ella Kauanoe Ka‘ai Kamanā. Ua hānau ‘ia lāua ‘elua ma ka
makahiki 1911. He Hawai‘i piha ko‘u makuakāne, a he ‘ekolu hapahā Hawai‘i
ko‘u makuahine. Ua hānau ko lāua mau mākua a pau i ka wā o ke aupuni mō‘ī.
I ka makahiki 1938, ua hānau mai ko‘u kaikunāne, ‘o Creighton. ‘Elua wale
nō māua, a he 13 makahiki ke ka‘awale o ko māua hānau ‘ana. No ia ka‘awale,
kohu mea lā, he huakahi nō ho‘i māua ‘elua. No Kohala, Hawai‘i me Waimea,
Kaua‘i nā kūpuna o ko māua makuakāne, a no Waikīkī me Honolulu nā mākua o
ko māua makuahine. Ua pōmaika‘i ko‘u mau kūpuna ma nā ‘ao‘a‘o ‘elua, no ka
mea, ‘o lākou kekahi o nā ‘ohana mua loa i loa‘a ka ‘āina ho‘opulapula ma
Kalama‘ula ma ka mokupuni ‘o Moloka‘i. Ma laila i hānai ‘ia ai ko‘u makuahine,
akā, ma Honolulu i hānau a hānai ‘ia ai ko‘u makuakāne a hiki i ka wā i ne‘e ai i
Moloka‘i i kona wā ‘ōpiopio. Mai ia manawa a hiki i kēia wā, ‘o Moloka‘i ka ‘āina
aloha a ka ‘ohana. Ua pōmaika‘i nō ho‘i wau i ka hiki ke noho ma kahi kiwikā ma
Honolulu, a ua noho pū ma kahi kua‘āina ma Moloka‘i. Ke ho‘oku‘u ‘ia au mai ke
kula aku no ka wā ho‘omaha, i Moloka‘i aku nō wau i nā manawa a pau.
Ua pili loa mākou ‘o ko‘u mau hoahānau ma ka ‘ao‘ao o ko‘u makuahine, a
‘oiai ‘o māua ‘o ko‘u hoahānau ‘o Kalola nā hānauhope loa ‘elua o ka hanauna,
76
ua ili mai iā māua nā ha‘awina o ke a‘o mai ka hanauna makua a me nā
hoahānau i hānau ‘ia he 20 a ‘oi makahiki ma mua o māua. Ua lawe pū ‘ia māua
me lākou, a ua launa pū me nā ‘elemākule a luāhine o ka ‘ohana ma Moloka‘i.
Ho‘omaopopo wau i ka lawena a ia mau kūpuna me ka mēheuheu o ka noho like
‘ana o ia wā. He mea nui ka ‘auamo i ka hana a me ke ka‘analike kekahi me
kekahi. Ua palekana a ua lako ka noho ‘ana. Nui ka ‘ohana a ua nui pū ka launa
hau‘oli ‘ana o mākou ma laila.
Ua mo‘olelo mai ko‘u kaikunāne no ka hele pū me ko māua
kupunawahine, ‘o Tūtū Kūkeaka, i ka holoholo ma Kapuāiwa, he ulu niu i ka lihi
kai o Kalama‘ula. ‘Oiai he keiki li‘ili‘i wale nō, ‘a‘ole ‘o ia i maopopo no ke aha i
ho‘oku‘u ‘ia ai ka ‘ama‘ama me ka ‘ōpae ke pa‘a i ka ‘upena. Ua ho‘opiha mua
ihola ‘o Tūtū i kāna wahi kini i ka ‘ōpae a ho‘oku‘u i ke koena. Ua wae i ‘elua
paha ‘ama‘ama, ‘o ka nui e pono ai ia lā a ua ho‘oku‘u hou akula i ke koena. He
‘ike mēheuheu nō ia i hō‘oia i ka lako o ka mea‘ai na kekahi kanaka no kekahi lā.
‘O ko‘u makuakāne ka‘u kumu ho‘ohālike no ke kanaka Hawai‘i. He
kanaka lō‘ihi a pūkonakona o kona kino. Nui pū kona aloha i ko‘u makuahine me
ka ‘ohana. ‘A‘ole ‘o ia i ‘ōlelo nui, akā, ua wali iā ia ka mākau ho‘oka‘a‘ike ma
kāna lawena. Nāna nō i a‘o mai iā māua no ka wiwo me ke aloha i ka makuahine.
Ma ia hō‘ike ‘ana no ka ho‘āno i ka makuahine, pēlā i komo ai ko māua ‘ike no ka
ho‘āno i ko māua makuahine a me nā hanauna mākua a me nā kūpuna kekahi.
Ua a‘o pū ‘o ia ia‘u no ka nui o ka ‘ike i loa‘a ma waho o ke a‘o kula ‘ana. Nāna i
hō‘ike mai no ka maka‘ala me ke kālailai i nā mea ahuwale ‘ole i ka maka. Ua a‘o
77
mai ‘o ia no ka wānana ma ka nānā ‘ana i ka pō‘aiapili. Ua mākaukau ‘o ia ma ka
hakuahua ‘ana, ‘o ka hiki ho‘i iā ia ke ‘ike i ho‘okahi mana‘o nui iā ia e kālailai ana
i nā mea ‘oko‘a like ‘ole. I ka wā e ho‘oholo ai i kona mana‘o, e ho‘okō ana nō ‘o
ia ma luna o kona mākau me kona ‘ike. ‘Oiai he kumu ho‘ohālike ‘o ia na māua,
ua nui nā ha‘awina i pa‘a iā māua ma ka nānā a ho‘olohe wale ‘ana iā ia. A ma
ke ‘ano he keiki, no māua nō ke kuleana ‘o ka maka‘ala i ka hana a ka makua.
Ua hala ka makuakāne o ko‘u pāpā iā ia he pēpē wale nō, a ua hānai ‘ia
akula me kona mau kaikua‘ana ‘elua ma Pālama ma Honolulu. Ua pa‘akikī ka
noho ‘ana, a ua ‘o‘ole‘a loa kona makuahine, ‘o Ida
Kūkeakaikawaili‘ulāomānāmekeonekanionōhili Iakona Kamanā. Ma ka papa
‘ewalu, ua ha‘alele ko‘u pāpā i ke kula i hiki ke hana a kōkua i ka ‘ohana. Ua
‘īnea ka noho ‘ana i ia wā.
Ua hānai ‘ia ‘o Tūtū Kūkeaka ma Waimea, Kaua‘i, a ma kona wā ‘ōpiopio,
ua komo ‘o ia i ke a‘o i ka hula ma ka ‘ohana. Ma ka hala na‘e o nā makahiki me
ka ne‘e ‘ana mai laila mai, ua ha‘alele loa i ka hula, a ua komo akula i hoahānau
ma kekahi ‘ekalesia Ho‘omana Na‘auao, ‘o ia ‘o Ke Alaula O Ka Mālamalama.
Aia ia ‘ekalesia ma Honolulu a hiki i kēia lā. Ma hope, ua lilo ‘o Tūtū Kūkeaka i
kahunapule no ia ho‘omana ma kekahi ‘ekalesia o Moloka‘i.
Na ko‘u mau mākua me ko‘u kaikunāne i mo‘olelo mai no ke komo ana ‘o
Tūtū Kūkeaka ma ka hana ho‘oponopono ma Moloka‘i. ‘Oiai ua komo piha ma ka
‘ekalesia Ho‘omana Na‘auao, ua ‘ike pū ‘o ia no ka ‘ao‘ao ho‘omana kahiko e
mālama ‘ia ana ma ke kaiaulu i ia wā. ‘O kona ho‘olauna ‘ana i nā ‘ao‘ao
78
ho‘omana ‘elua ka mākau a na‘auao i pono ai kāna hana ho‘oponopono ke noi ‘ia
kona kōkua.
Ua ‘ike maka ko‘u makuakāne me ko‘u kaikunāne i kā Tūtū Kūkeaka i
hana ai, a ua lohe pepeiao wau no ia mau mo‘olelo mai ko‘u wā li‘ili‘i. Ua pili
kekahi o ia mau mo‘olelo i ka pilikia o ka po‘e i ka hana mālama pū‘olo. ‘O ia ka
mālama ‘ana i kekahi mea, he lā‘au a iwi ‘ohana paha i ho‘omanamana ‘ia a i
ho‘ouna ‘ia ai ka ‘uhane iā ha‘i no ka hana ‘ino a kolohe paha. A i kekahi
manawa, ua lilo ka ‘ohana he luaahi o ia pū‘olo ma muli o ka mālama kūpono ‘ole
‘ia. No ko Tūtū ‘ano he wahine haipule, a no kona noke nui i ka ho‘oka‘awale i nā
mea ‘ino, ua hele nō a kōkua ma ka mahiki ‘ana. He mea ma‘amau ka lawe pū i
kōkua, ‘o ka ma‘amau kekahi o ko‘u mau ‘anakala. Ua hele pū ka mo‘opuna, ‘o
ko‘u kaikunāne ho‘i, i kekahi manawa. He kamali‘i wale nō i ia manawa. I ka wā i
loa‘a ai ko Tūtū mana‘o, ua ho‘ouna i ko‘u ‘anakala e ‘imi i ka pū‘olo ma kahi i
ho‘ohuoi ‘ia. I ka wā i loa‘a ai iā ia, ‘o ka puhi akula nō ia ma ke ahi. Ua
ho‘omana‘o ko‘u kaikunāne i kekahi mahiki ‘ana i lohe ‘ia ai ka leo uē ma ka puhi
‘ana i ka pū‘olo. ‘A‘ole nō i maka‘u a kānalua iki ‘o Tūtū. Ma muli o ia ‘ano ona,
‘a‘ole nō i kānalua nā keiki a me ka po‘e e pili ana. Ua pule a ho‘opuka waha i ka
‘ōlelo mahiki a ‘a‘a loa ‘o ia i ka wāwahi i ka mana o ia ‘uhane ‘ino. ‘O ko Tūtū
ikaika a hilina‘i i ka mana o ke akua, ‘o ia kekahi mau ‘ao‘ao nui o kona kūlana
kanaka. ‘O Tūtū nō ko‘u kumu ho‘ohālike nui no ke alaka‘i me ka ho‘opono.
‘O ko‘u makuahine kekahi kumu ho‘ohālike o ia ‘ano. Ua hānai ‘ia ‘o ia ma
ka ‘ohana i ‘imi nui i ka na‘auao hele kula a i komo piha i ka Ho‘omana Kalawina.
79
‘Eiwa keiki o kona ‘ohana. ‘O ke a‘o kamali‘i a me ke komo piha i ka hana
haipule, ‘o ia kona mau ‘i‘ini nui, he mau pulakaumaka aloha nō ho‘i iā ia. Ua
puka ‘o ia ma ke Kula ‘o Kamehameha ma ka makahiki 1929, a hele akula i ka
“Territorial Normal School.”xii Ua loa‘a pū iā ia he kēkelē laepua ma ka
ho‘ona‘auao ma Ke Kulanui o Hawai‘i-Mānoa. Ua launa kāna i ‘imi ai me ka hana
a ka ‘ohana. He po‘okumu kula ko‘u kupuna kāne, a ua lilo kekahi mau
kaikamāhine o ka ‘ohana he mau kumu kula, a he mau po‘okumu kula kekahi.
I ka wā i loa‘a ai ka pilikia i waena o ka ‘ohana o ko‘u makuahine, nāna nō
i komo a kōkua ma ka ho‘oponopono ‘ana. ‘A‘ole wau i noho me lākou, akā, ua
hiki ke lohe iā lākou e kama‘ilio ana, a e uē ana i kekahi manawa. Ua pili loa
lākou ma ke ‘ano he ‘ohana, a ua hilina‘i nui ‘ia ko‘u makuahine. Ke ho‘opuka ‘o
ia i kona mana‘o, kohu mea ua ho‘olohe ‘ia nō. ‘O kona mākau ho‘olohe aku nō
paha kekahi kumu i ho‘olohe pū mai ai ka po‘e i kona mau mana‘o. ‘A‘ole nō wau
i ‘ike a lohe no ka pi‘i loa o ka huhū, ka hakakā me ka pupuka o ka na‘au a me ka
‘ōlelo ke alaka‘i ‘o ia. Ua loa‘a nō ka hihia ma ka ‘ohana, akā, ‘a‘ole nō i hele a
helele‘i ka pilina a ka po‘e. Mai ka wā ma mua o ko‘u hānau ‘ia ‘ana, no ko‘u
makuahine ia kuleana o ka mālama i ka maluhia o ka ‘ohana.
Ua loa‘a he mau kāhunapule, he mau kiakona, a he mau kumu kula
kāpaki kekahi i waena o ka ‘ohana o ko‘u makuahine. He hana ma‘amau ka pule
ma mua o ka ‘ai ‘ana, ka mālama i ka pule ‘ohana, a me ka pule ma mua o ka
hiamoe ‘ana. Ua mālama mau ‘ia ka pule ‘ohana i ke kakahiaka ma ka wā e ala
ai. ‘O ka pule, ka hīmeni, ka heluhelu ha‘awina haipule, a me ka paukū pa‘ana‘au
80
nā hana kūmau o ka pule ‘ohana. Ke kupu mai ka pilikia, hāpai mau ‘ia ka pule i
ke akua. Ke pōmaika‘i ka ‘ohana ma kekahi ‘ano, ua hāpai ‘ia ka pule kekahi. Ua
lilo ia mau hana mēheuheu he mea nui ma muli o ke alaka‘i kūpa‘a ‘ana o nā
mākua me nā kūpuna ma ka ‘ohana. He mau kumu ho‘ohālike lākou na‘u ma ke
alaka‘i ‘ana, ma ka pili ‘uhane, a me ke kālai‘ike pū.
E like ho‘i me ko‘u makuakāne, ua lilo ko‘u makuahine he kumu ho‘ohālike
na‘u. Ua a‘oa‘o mau ‘o ia ma luna o nā kumu pono ma ka no‘ono‘o ‘ohana, a ma
ia no‘ono‘o i mole ai kona kuana‘ike ao a i ho‘oholo ai ho‘i i kāna mau hana a
pau. Ua no‘ono‘o mau ‘o ia iā ha‘i me ka mana‘o kōkua a mana‘olana i nā
manawa a pau. Nona mai ka ha‘awina ‘o ka ho‘omanawanui me ka hā‘awipio
‘ole. ‘O kona ‘ano ‘imi mau i ka pono a me ka ‘oia‘i‘o, pēia i ho‘omohala ‘ia ai ko‘u
kuana‘ike ao. ‘O kāna ki‘ina hana mau ke kālele ma ka lanakila a me ka ho‘opuka
mana‘o me ka ‘oia‘i‘o a me ke aloha. Ua ‘eleu ‘o ia ma ka wae ‘ana i nā hua‘ōlelo
e pono ai ka ho‘ouka ‘ana i kona mau mana‘o. Nāna i hō‘ike mai no ka mana nui
o ka ‘ōlelo. Ma muli o ia mau mākau a na‘auao ho‘i, ua ‘ike pinepine wau iā ia ma
ka hana ho‘oponopono ‘ana ke kupu mai ka pilikia ma ka ‘ohana, ma ke kula, a
ma ka ‘ekalesia pū kekahi. Ua kauka‘i ‘ia nō ‘o ia ma ia hana.
He kumu kula ko‘u makuahine ma ke kula ha‘aha‘a o ke Kula ‘o
Kamehameha. A ma ka makahiki 1967, ma hope o ke a‘o ‘ana ma laila no 23
makahiki, ua hala ‘o ia. I ia wā, aia au ma ka papa ‘umi. Ua piha he 29 makahiki i
ko‘u kaikunāne i ia wā, he wā ona ma ka ‘Oihana Māka‘i ma Maui. Ua uhi ‘ia mai
mākou i ka lu‘ulu‘u, a ua oki loa ia ha‘awina ma luna o ko‘u makuakāne. Ma ia wā
81
wau i ‘ike maoli ai no nā ha‘awina nui a ko‘u mau mākua i ho‘oili mai ai no ka
mālama ‘ohana. Mai ko‘u wā kamali‘i a hiki i ia wā, ua noke lāua i ka
ho‘omākaukau ia‘u i ‘ike wau no ia mau mea ‘o ka mōlia, ka pili ‘uhane a me ke
aloha ‘ohana. ‘O ka lawa me ka ‘ole, koe aku ia, ua ho‘ohana na‘e wau i ko lāua
‘ike ‘o‘ole‘a i ili ma luna o‘u. A pēlā ho‘i i hiki ai ia‘u ke ‘auamo i ke kuleana hana e
waiho ana i mua o‘u i ia wā. Ma ia manawa nō wau i ‘ike ‘i‘o ai i ka na‘auao o ko‘u
mau mākua.
‘Oiai ma ka ‘ohana wau i ‘ike ai no ka Hawai‘i, he mau Hawai‘i nō ko‘u po‘e
launa nui mai ka wā kamali‘i. Ua pāku‘i ‘ia ia ‘ano i ko‘u hele kula ‘ana, ‘oiai he
haumāna au no ke Kula ‘o Kamehameha mai ka papa mālaa‘o a hiki i ko‘u puka
‘ana mai ke kula ki‘eki‘e. I ko‘u mau lā ma laila, nui nā haumāna i loa‘a nā mākua
Hawai‘i ma nā ‘ao‘ao mākua ‘elua. ‘A‘ole wau i launa nui me ka po‘e koko Hawai‘i
‘ole ma waho o ke kula a komo wau i ke kulanui. Ma laila wau i ‘ike ai no ka launa
‘ana me ke kamakūloko lāhui ‘ē. Ua hoihoi nō ho‘i wau i ka hau‘oli a launa maika‘i
o mākou ma ia mau makahiki hele kulanui.
Nui ka po‘e Hawai‘i i noho ma Kalihi iā mākou ma laila. Inā ua hele i ka
hale o nā hoakaiahome, ua ‘ai pū wau me lākou, a ua ‘ano like ke ‘ano o nā lula
ma ka hale. He mea ma‘amau ka noho pū ‘ana o nā kūpuna, nā mākua, a me nā
keiki ma ka hale ho‘okahi. ‘Oiai ua a‘o ko‘u makuahine ma Kamehameha, a hele
kekahi o nā hoakaiahome i laila, ua kau pū me māua i ke kakahiaka nui a pi‘i a‘e i
ke kula. Ua kōkua mākou kekahi i kekahi.
82
‘O Kawaiaha‘o ka ‘ekalesia o ka ‘ohana ma Honolulu. A ‘oiai he kiakona
ko‘u makuahine ma ia ‘ekalesia, ‘a‘ole nō i hala ho‘okahi Lāpule a lānui ho‘i i ka
hele ‘ole ‘ia o laila. Ma laila wau i papekiko ‘ia ai a i male ai. Ma laila ho‘i i
mālama ai ka ‘ohana i ka ho‘olewa o ko‘u mau mākua. He ‘ohana ke ‘ano o ka
pilina ma ka ‘ekalesia Hawai‘i. Nui ka po‘e Hawai‘i ma Kawaiaha‘o, a ua mālama
‘ia nā papahana e like ho‘i me ka hana ma waena o ko‘u ‘ohana pono‘ī. He hana
like, kāko‘o, a kōkua. Ke kupu mai ka pilikia, ua pule a ‘imi like i ka hana e pono
ai. Ua ‘ike wau no ke komo kauhale i kipa ai ko‘u makuahine me nā kiakona i ka
hale o nā lālā o ka ‘ekalesia no ka pule, ka launa, me ka heluhelu Paipala. Ma ka
‘ekalesia pū wau i a‘o ai no ka mihi a me ke kala ‘ana. Inā e mihi ke kanaka, e
kala ‘ia nō. Ma ka hahai i ke kauoha a ke Akua, pēlā e hō‘ike ai i ka hilina‘i a me
ke aloha i ke Akua. Pēia ihola nō ko‘u mana‘o no ko‘u mau mākua: ma ka hahai
‘ana i ke a‘o a lāua, pēlā au i hō‘ike ai i ko‘u hilina‘i i ko lāua ‘ike no ko‘u pono.
Ua pili wau me kekahi mau hoaaloha ma Kamehameha i like ke ‘ano me
ko‘u. He po‘e haipule ka nui o ko‘u mau hoapili, a ua ‘ano like ke ‘ano o ka hānai
‘ia ‘ana o mākou ma ka hale. He mau Hawai‘i nā mākua ‘elua o lākou a pau. Inā
ua noho pū ma ko ha‘i hale, ua hele like mākou i ka halepule o ia ‘ohana, inā he
Kākōlika, he Molemona, a i ‘ole paha he Kalawina, ‘a‘ole ia he pilikia. ‘Oiai he
kula ho‘omana Kalawina ‘o Kamehameha, ua like loa nō nā papahana pili ‘uhane
me ko ka ‘ekalesia ‘o Kawaiaha‘o.
Ia‘u ma Kamehameha, ho‘omaopopo wau i ke koi ‘ana o ke kumu i ka
haumāna e mihi waha ke hana hewa, akā na‘e ‘a‘ole nō i noi i kekahi e kala aku.
83
Ma laila kekahi ‘oko‘a i ko‘u a‘o ‘ana ma Kawaiaha‘o. Mana‘o wau, ua ho‘oholo
wale ke kumu e like me kona mana‘o he kūpono no ia wā. Ma ke kula ha‘aha‘a,
ua lawa ka mihi waha ‘ana me ka nuku a a‘oa‘o pū a ke kumu. Ma ka nui ‘ana a‘e
o mākou i Kamehameha, ua ho‘opa‘i ‘ia ma ka ho‘ouna i ke ke‘ena po‘okumu, ke
kelepona ‘ana i nā mākua, a me ka ho‘okō i ka hana pāna‘i. ‘Oiai he kula kū‘oko‘a
‘o Kamehameha, ua kīpaku pū ‘ia nā haumāna ke ‘a‘e i nā lula nui o ke kula. Ua
ha‘i ‘ia mai mākou no ka nui o nā haumāna e kūkali ana i ke komo i
Kamehameha. ‘A‘ole nō i pono e ho‘omanawanui i nā keiki pilikia a ho‘olohe ‘ole.
He kuana‘ike ‘oko‘a kēia i ko ka ‘ohana, no ka mea, he hana nui ke ‘oki ‘ia inā he
‘ohana.
No ka ‘āina haole ka nui o ka‘u mau kumu kula, a kāka‘ikahi ka Hawai‘i i
a‘o mai iā mākou. No laila, ua ‘oko‘a ke ‘ano o ka ho‘oka‘a‘ike ‘ana a me ka
ho‘opa‘i ‘ana i nā haumāna. Ua malihini mākou i ia ki‘ina a lākou iā mākou ma ke
kula ha‘aha‘a, akā, ma ka hala ‘ana o nā makahiki, ua hele mākou a kama‘āina
loa ia mau hana. He ki‘ina kuana‘ike ‘Amelika nō ia. ‘Oiai ua loa‘a ka ‘oko‘a o kēlā
me kēia kumu, ua like na‘e lākou ma kekahi mau ‘ano: (1) ua nui ka ‘ōlelo waha
‘ana, a (2) ua pono e nānā pololei iā lākou ma ka maka ke nuku ‘ia. Kohu mea
ma ka ‘ōlelo nui ‘ana, e ‘oi aku ana ka mōakāka o ka mana‘o i ka haumāna, a ke
nānā pololei ma ka maka, he hō‘oia ia i ka ho‘olohe pono ‘ana a ka haumāna. Ua
‘oko‘a ka pilina me lākou, ‘a‘ole nō i like me ka pilina makua ma ka ‘ohana, ‘a‘ole
nō i like me ko nā kumu Hawai‘i. Inā nō na‘e he mea nui, ua ha‘i ‘ia nā mākua, a
ua ho‘oponopono ‘ia nō ma ka hale.
84
Inā ua loa‘a ke kumu Hawai‘i, ua launa nō kona ‘ano me ko ka ‘ohana ma
ka lawena a me ke ‘ano o ka ‘ōlelo kekahi. Ua nui ke aloha, akā, ua nui pū me ke
‘o‘ole‘a ma luna o mākou. Ua hiki ke ‘ike i ka mana‘o o ke kumu ma mua o kona
ho‘opuka ‘ana i kekahi hua‘ōlelo. Ke ho‘opuka ‘ia, e ‘imi ana i ka ‘ōlelo e mōakaka
loa ai kona mana‘o i ka haumāna. ‘O ia mākau ho‘opuka a ho‘opuka ‘ole i ka
‘ōlelo me ka ho‘olauna ‘ana i ke ki‘inaleo, ka ‘ōlelo ‘ole a me ka lawena, ‘o ia ke
‘ano o ka ho‘oka‘a‘ike i a‘o ‘ia ma ka ‘ohana. Ua ‘oko‘a ke ‘ano o ka ho‘āno ‘ia o
nā kumu Hawai‘i, no ka mea, ua ‘ike mākou i ka launa ‘ana o ka mākau a me ka
‘ike o ke kumu me ko ka makua. ‘Imi ke kumu Hawai‘i i ke kama‘āina loa i ka
haumāna, ma waho a‘e o ke a‘o ha‘awina wale nō. No laila, ma muli paha o ia
mau kumu i ‘oi aku ai ka wiwo i ke kumu Hawai‘i. A ke hana kolohe ma ke kula, a
na ke kumu Hawai‘i e ho‘oka‘a‘ike me ka makua, e lohe ‘oko‘a ‘ia ana e ka
makua. Ua loa‘a nō ka hopena ma ka hale inā na ke kumu Hawai‘i a i ‘ole na ke
kumu Hawai‘i ‘ole paha i hō‘ike aku i nā mākua. Eia na‘e, i ko‘u mana‘o, ua ‘oko‘a
ke ‘ano o ka ‘ikepili na nā kumu i hō‘ike aku i nā mākua. ‘O ia ka mea hoihoi no
ka pilina i waena o ke kumu, ka haumāna a me ka makua. Ma hope o nā hana a
pau, ho‘i ka mana i ka makua, na lāua e ho‘oponopono i ka hana a ka haumāna
ma ka hale.
Ua kāko‘o piha ko‘u mau mākua i ko ke kula. ‘A‘ole loa wau i lohe iā lāua e
paio ana me ke kumu no ko‘u pono. Ua kāko‘o piha ‘ia na‘e wau ma ka hale i
puka pono ka‘u hana ma ke kula. I ia mau makahiki kula, ‘o ia ka mana‘o o ko‘u
85
mau mākua, no ka ‘ohana ke kuleana ‘o ka ho‘oulu i ka ‘ike i pa‘a ‘ole ia‘u ma ke
kula.
Ma ke kālailai ‘ana i ko‘u kuana‘ike no‘ono‘o a me ka ho‘oholo mana‘o ho‘i
no ka hana ho‘oponopono, ua loa‘a mai nō ko‘u ‘ike nui mai loko mai o ka ‘ohana.
He mau la‘ana ka mihi ‘ana a me ke kala ‘ana. ‘A‘ole wau ho‘omana‘o i ka mihi
‘ana o ko‘u mau mākua ke ho‘opa‘i ‘ia wau. Pēlā pū ka ho‘omana‘o ‘ana o ko‘u
kaikunāne. ‘A‘ole nō i mihi ko‘u mau mākua, no ka mea ‘a‘ole kā lāua hana
ho‘opa‘i he hana hewa. I ka wā o ka‘u hana pono ‘ole, ua ‘ike wau i ka pā o ko
lāua na‘au i ko‘u kaumaha, he aloha nō paha ia pā o ka na‘au. I kekahi manawa,
ua hō‘ike mai ko‘u makuakāne i kona aloha ma ke pani ‘ana i kekahi o kona mau
maka i mea hō‘aka‘aka ho‘i ia‘u. He hana ma‘amau pū ho‘i ka hele ‘ana mai o
ko‘u makuahine ia‘u no ke kama‘ilio a a‘oa‘o hou i pa‘a maika‘i ia ha‘awina o ka
hana hewa. Wahi a ko‘u kaikunāne, ‘a‘ole nō i loa‘a kekahi hana hō‘aka‘aka ma
hope o kona ho‘opa‘i ‘ia ‘ana. I ko‘u mana‘o, ua pili nō ho‘i ia ‘oko‘a i ko‘u pilina
kaikamahine i kahi Pāpā. Ma ka hala ‘ana o nā makahiki, ua ‘ike wau no ka
mana‘o o ka ho‘i wale ‘ana aku i ka hana ma‘amau ma hope o ka ho‘opa‘i ‘ana.
‘O ka ho‘i ‘ana i ka hana ma‘amau ke pani no ka mihi me ke kala, no ka mea, ua
ho‘oku‘u i ka pilikia, a ‘o ia ka makemake o ka lawehala a me ka mea i hana
hewa ‘ia. Ke pau ka ho‘opa‘i ‘ana, ua ho‘oku‘u pū ‘ia ka huhū. Ma kēia hana wau i
‘ike ai no ka palena ma waena o ka wā pilikia me ka wā pilikia ‘ole. Ke pau ka
ho‘oponopono ‘ana, ‘a‘ole nō e ‘imi a hu‘e hou ‘ia. Ma hope o ka ho‘opa‘i ‘ana, ua
pau ka pilikia. He wikiwiki a ‘o‘ole‘a ka ho‘opa‘i ‘ana. Me ia ‘ano nō ka wikiwiki a
86
me ka ‘eleu e pa‘a ai ka ha‘awina o ka hana pono i ke keiki. Ke hihia hou na‘e i ia
pilikia ho‘okahi ma hope o ia ho‘oponopono ‘ana, e ho‘opa‘i hou ‘ia ana nō. Ma ke
a‘o ‘ana no ka mihi a me ke kala ‘ana ma ke kula me ka hale pule, ua a‘o pū no
ka ‘oko‘a loa o ke kuana‘ike ma ia mau wahi. I kekahi manawa, kohu mea, ua
lawa ka mihi ‘ana ma ka waha. I kekahi wā, ua ho‘okumu ‘ia kekahi mau hana ‘ē
a‘e e hō‘oia‘i‘o ai i ia mihi ‘ana, ‘o ka hana pāna‘i a hana ho‘oluhi a ho‘ohilahila
wale nō paha. ‘A‘ole nō i like ka hana ma ke kula me ko ka hale pule, akā, ua
mōakāka ia‘u ka mea nui o ka ‘oia‘i‘o ke mihi a kala aku i kekahi. Ua ho‘opili wau
a kūkulu i ia mau ‘ike ma ke kula me ka hale pule ma luna o ke kuana‘ike o ka
‘ohana. Ma ka ‘ohana wau i a‘o ai no ka mea nui o ka ‘oia‘i‘o, no ka mea, ua loa‘a
koke ka hopena inā ‘a‘ole i ‘oia‘i‘o ka hana ma ka hale. Ma ka ‘ohana, he mea nui
ka ‘eleu i ke a‘o no ka hana pono. ‘Oiai pēlā i a‘o ‘ia ai māua ‘o ko‘u kaikunāne,
‘a‘ole nō māua i pilikia ma ke kula a me nā wahi ‘ē a‘e ma muli o ke ‘ano o ke a‘o
‘ana ma ka hale.
I ko‘u mana‘o, ma ke kuana‘ike o ka ‘ohana, ‘a‘ohe waiwai o ka mihi waha,
inā ‘a‘ole nō i ‘oia‘i‘o ka mana‘o o ia mihi ‘ana. Aia nō ka ‘oia‘i‘o ma ka lawena a
me ka hana, ‘o ia nā hō‘ailona maoli o ka pa‘a o ka ‘ike iā māua ‘o ko‘u
kaikunāne ke hana hewa. Ma ka hana nō ka ‘ike. Inā ua hana pono, ‘a‘ole pilikia.
Inā ‘a‘ole, ua loa‘a nō ka ho‘opa‘i.
‘O ka hana pāna‘i kekahi hana i loa‘a ‘ole ma ko‘u ‘ohana. I ko‘u mana‘o,
ma muli paha o ka mana‘o, he mea ma‘amau ke kōkua i ka ‘ohana. Ke hana
hewa ke kanaka, ‘o kona ho‘i i ka hana ma‘amau, ‘o ia ka no‘ono‘o hou i ka
87
‘ohana me ka hana pū no ka pono o ka nui. ‘O ia ke kahua ‘ike ma‘amau e ola ai
ka ‘ohana. He mea ho‘ohilahila ‘ohana ke komo ke kanaka ma ka hana pono ‘ole,
‘oiai he wā nō ia e no‘ono‘o ai ke kanaka iā ia iho, ‘o ia ka mea nui. ‘A‘ole
no‘ono‘o ke kanaka hewa i ka nui po‘e, i ka ‘ohana ho‘i. E like nō me ka mea i ‘ike
‘ia ma ka mihi me ke kala, he hoihoi ka ‘ike pū i ka mea nui o ka ho‘i ‘ana i ka
hana pono, ‘o ia ka ho‘i ‘ana i ka hana ma‘amau.
He ki‘ina nohie ka hana ho‘oponopono ma ka ‘ohana, a ua mālama ‘ia nō
me ke ‘o‘ole‘a a me ke aloha pū. Aia ma lalo iho nei ka ‘oloke‘a o ka hana
ho‘oponopono ma ka ‘ohana.
I. Mālama ka ‘ohana i ka hana pono.
II. Ho‘opa‘i ‘ia ke kanaka ke ‘a‘e i ia ‘ike.
III. Na ka makua e ho‘oponopono i ka hana a ke keiki:
a. ma ka lawena
b. ma ka nuku waha
c. ma ka ‘ili
IV. Ho‘i i ka hana ma‘amau, ua pau, ‘a‘ole e hana hou ke keiki.
Ma ka ho‘oponopono ‘ana, ua hiki ke pilikia hou ke keiki ke hana ‘o ia i
kekahi o kēia mau mea: (1) kūpono ‘ole ke ki‘ina leo, (2) kūpono ‘ole ka lawena,
(3) lohe ‘ia ke kani‘uhū, (4) nānā pololei i ka maka o ka makua, (5) ‘ōlelo wale me
ka nīnau ‘ole ‘ia. ‘A‘ole māua i ‘a‘a i ka hana i ka helu (4) me ka (5), ‘oiai ua a‘o
mua, ‘a‘ole ia mau mea he kūpono i ke alo o ka makua.
88
Ua ‘oko‘a ke ‘ano o ka ho‘okele me ke alaka‘i ‘ana o ko‘u makuahine me
ko‘u makuakāne ma ka hale. No laila, ke pilikia māua, ua ‘oko‘a ka ha‘awina i ‘ike
‘ia ke komo ko‘u makuahine a ke komo ho‘i ko‘u makuakāne ma ka
ho‘oponopono. Ho‘okahi wale nō mea i mōakāka iā māua, ‘o ia ka pi‘i o ka huhū
o ko‘u makuakāne inā ‘a‘ole i ho‘āno ‘ia ko‘u makuahine. ‘A‘ole nō ko‘u
makuakāne i ho‘omanawanui i ka ho‘āno ‘ole ‘ia ona kekahi. ‘Elua lula nōhie a
ko‘u makuakāne i a‘o waha ai i ko‘u kaikunāne: mai ho‘opunipuni a mai ‘aihue.
Ma waho o kēlā, ua a‘o mai ma ke komo ‘ana i ka hana. Ke a‘o ‘ia kekahi
ha‘awina o ka hana pono, ua pono e ho‘okō, ‘a‘ole e ‘a‘e i ia ‘ike. Inā nō e ‘a‘e ‘ia,
ua loa‘a i ka ho‘opa‘i.
‘O kekahi ‘ao‘ao hoihoi o ka ho‘oka‘a‘ike ma waena o māua nā keiki, me
ko‘u makuakāne, ‘o ia ka ho‘ohana ‘ana i ka nīnau no ka ‘ohi ‘ikepili me ka
ho‘onanalu nō ho‘i. Aia ma lalo iho nei kekahi la‘ana o ia pō‘aiapili:
I. Pō‘aiapili
a. E kahi ‘umi‘umi ana ko‘u makuakāne ma ke kinika o ka lumi ‘au‘au
b. E kū ana ko‘u makuahine me ko‘u kaikunāne ma ka ‘īpuka o ka
lumi ‘au‘au
II. ‘Ōlelo Ho‘oka‘a‘ike
a. E ho‘ohalahala ana ko‘u makuahine i ko‘u makuakāne no kekahi
hana hemahema āna i hana ai
b. ‘A‘ohe ‘ōlelo a ko‘u makuakāne
89
c. Ma hope o kekahi wā, ua ho‘opuka leo iki ko‘u kaikunāne penei,
“Shut up, Mā, let ʼum go.”
d. Ua nānā ko‘u makuakāne iā ia ma ke aniani kilohi, a iā ia e kāwele
ana i kona maka, ua ho‘opuka penei, “What you said, Boy?” Ua huli
akula me ka hele a kokoke iā lāua.
e. ‘Ōlelo akula ko‘u kaikunāne, “I said, ʻQuiet, Mā.ʼ”
f. Pane akula ko‘u makuakāne, “No, you said, ʻShut upʼ… How old
you?”
g. Pane akula ko‘u kaikunāne, “Sixteen,” a laila ua ho‘oili ko‘u
makuakāne i ka ha‘awina o ka ‘ili ma luna ona.
Ua ‘ike ko‘u makuakāne i ka ‘ōlelo a ko‘u kaikunāne a me ka hā‘ina o kāna
mau nīnau ma mua o kona nīnau ‘ana. Eia na‘e, ua ho‘ohana ‘ia no ka hō‘oia ma
ka ‘ike pehea e pane ai ko‘u kaikunāne. Ma ka ho‘opuka i ko‘u makuakāne i
kekahi ‘ōlelo ‘oko‘a i kāna i lohe ai, ua pi‘i hou a‘e kona huhū no ka ‘oia‘i‘o ‘ole o
ka pane ‘ana a ko‘u kaikunāne. Ua ho‘opuka ko‘u makuakāne i ka ‘ōlelo pololei i
mea e ‘ike ai ko‘u kaikunāne, (1) ua lohe ‘ia nō ka ‘ōlelo mua a ko‘u kaikunāne, a
(2) ua ‘ike ko‘u makuakāne no ka ‘oia‘i‘o ‘ole o ka pane a ko‘u kaikunāne i ka
nīnau. Ma ka nīnau ‘ana o ko‘u makuakāne no ka nui o nā makahiki o ko‘u
kaikunāne, ua makemake e hō‘ike iā ia ‘a‘ole ka ‘ōpio i piha nā makahiki he 16 iā
ia a kanaka ho‘i paha i piha nā makahiki he 35 e ‘ōlelo ana i kona makuahine
pēlā. ‘O ia ka mana‘o o ia nīnau. ‘Oiai he ho‘okahi wale nō la‘ana, ua ‘ike
pinepine ‘ia kēia ki‘ina ho‘oka‘a‘ike ma ka pō‘aiapili ho‘oponopono ma ka ‘ohana.
90
Ua ho‘ohana ‘ia ka nīnau no ka ‘ohi ‘ikepili a no ke a‘oa‘o a ho‘okele pū. Ua
ahuwale ma ia la‘ana ka mana o ka makua ma luna o ke keiki, a me ke ‘ano o ke
kuana‘ike nīnau he mēheuheu ho‘oka‘a‘ike waiwai nō. ‘O ka poina ‘ole ‘ia o nā
hana kiko‘ī o ia mo‘olelo ka hua e hō‘oia ana i ia waiwai iā māua ‘o ko‘u
kaikunāne.
Na ko‘u makuahine i nuku a a‘oa‘o nui me ke pa‘i pū ke pono. Na ko‘u
makuakāne i komo ke huhū a pīhoihoi ko‘u makuahine a i ‘ole paha inā mana‘o
‘o ia ua ‘a‘e wale ‘ia kekahi lula nui. Ho‘omaopopo wau i kekahi wā i huhū ai wau i
ko‘u makuahine, a ua noi ‘o ia ia‘u e hā‘awi iā ia i kekahi pū‘olo li‘ili‘i e waiho ana
ma ka pūne‘e. Ua lālau akula a kuala iā ia. ‘O ke kū maila nō ia o ko‘u
makuakāne, a ‘o ka‘u wale nō i ho‘omana‘o ai, ‘o ia ke kau o nā hōkū ma ko‘u
waihona no‘ono‘o. ‘O ia ho‘okahi ka manawa a‘u i ho‘omaopopo ai no ka ho‘opa‘i
‘ana mai o ko‘u makuakāne ma ka ‘ili. Ua mōakāka, ‘a‘ole nō i pono e hana hou.
‘O ko‘u kaikunāne na‘e ka mea i ‘ike maoli i ia mau ha‘awina o ka ‘ili. ‘O ka
ma‘amau, hahai ko‘u makuahine, a nuku hou mai me ke a‘oa‘o pū no kā māua
hana hewa.
‘A‘ole nō māua i ‘ike i ka hakakā nui ‘ana o ko māua mau mākua. ‘Oiai ua
‘oko‘a ko lāua ‘ano kanaka, ua ‘ike pū lāua no ka launa maika‘i o ia ‘oko‘a. ‘O ia
nō kekahi kumu o ka pa‘a o ko lāua pilina. ‘O ko‘u makuahine ka mea ‘imi mau i
ka na‘auao ma ke kula, ‘a‘ole ‘o ia hā‘awipio, a nui kona mana‘olana me ke kōkua
iā ha‘i. He kanaka ‘olu‘olu ko‘u makuakāne, akā, ke ‘ike i kekahi mea kūpono ‘ole
a i ‘ole paha e ‘imi hana ana kekahi iā ia, ‘a‘ohe ona kānalua i ka ho‘oponopono
91
aku. I ko‘u mana‘o, ua pa‘a ia ‘ao‘ao ona mai kona hānai ‘ia ‘ana ma Pālama. Ua
‘ike pinepine ‘ia ka hakakā a pepehi ma waena o nā ‘auna kanaka no Kaka‘ako,
Pālama me Liliha i ia mau lā, a ‘o ko‘u makuakāne me kona mau kaikua‘ana pū
kekahi i hihia ma ia ‘ano. Eia na‘e, ‘o ka ho‘āno ‘ana o ko‘u makuakāne i kona
makuahine, ‘o ia kekahi ha‘awina āna i ili mai ai ma luna o māua ‘o ko‘u
kaikunāne. He mea nui ko‘u makuahine iā ia a iā māua nō ho‘i kekahi.
Ma muli o kēia ki‘ina ho‘oponopono ma ka hale, ‘a‘ole nō i pono e ‘imi i
kekahi mau ki‘ina ‘ē a‘e ma waho o ka hale. No laila, ‘a‘ole māua ho‘omaopopo i
ka ho‘ohilahila ‘ia o māua e lāua a nuku ho‘opa‘i ‘ia no kekahi hana kūpono ‘ole
ma ke ākea. Inā aia māua me nā hoahānau, ua nuku a pa‘i ‘ia nā hoahānau e nā
‘anakē me nā ‘anakala. ‘A‘ole i ho‘oka‘awale ‘ia no ka ho‘oponopono ma kahi ‘ē.
Ua hana ‘ia i mua o nā ‘ohana a pau, a ua mālama ‘ia mākou he mau keiki na
lākou. Ua a‘o iā mākou ma ka ‘ohana. No māua ‘o ko‘u kaikunāne, ua a‘o mua
ma ka hale me nā mākua, a laila me ka nui ‘ohana.
Inā nō i loa‘a ke kumu e ho‘oponopono ai ma ke ākea, ua ho‘ohana ‘ia ka
lawena ahuwale ‘ole i ko waho po‘e, akā, ua ahuwale loa nō ia māua me nā
hoahānau. Ua ‘ike nō mākou no ka ha‘awina o ka ho‘ohilahila i ka ‘ohana, he
kūpono ‘ole ke launa me ko waho po‘e.xiii Ma ka haka pono wale ‘ana mai a ka
maka, he a‘o mai nō ia hana no ka ho‘oponopono koke aku. A i ‘ole paha inā ua
‘a‘e loa ka hana hemahema, a ua pi‘i mua ka huhū o ka makua, ‘o ka ‘ike akula
nō ia i ka ‘a‘ā a ka maka, ka nuku hāwanawana ma ka pepeiao me ka ‘iniki malū
nō ho‘i ma ka ‘ili. A ke hana mai pēlā, ‘a‘ole nō e hō‘ike ke keiki i kona mana‘o ma
92
ka uē a ma ka ‘ōlelo hou aku. Ke lohe ‘ia ke kani a ka leo keiki, ‘ike hou ‘ia ka
ha‘awina malū ma ka ‘ili me ka ‘ōlelo ‘o‘ole‘a e ho‘ōki. I kekahi manawa, ho‘opuka
‘ia ka nīnau, “Do you want something to cry about?” A i ‘ole paha e pana wikiwiki
mai ma ka waha, ‘a‘ohe ‘ōlelo. Ua like ka mana‘o o ka nīnau me ka pana ‘ana ma
muli o ka wikiwiki i hana ‘ia ai. He ho‘opū‘iwa a ho‘ono‘ono‘o koke nō ho‘i i ke
keiki no kāna e hana ana. ‘O ka hāmau a ke keiki ka hō‘ailona o ka hahai i ke a‘o
a ka makua. ‘A‘ole nō ho‘i kēia he kumu e uē ai ke keiki, no ka mea ua hewa nō,
a e ho‘omana‘o ana ka makua ma ke ‘ano e ho‘ohilahila ‘ole ‘ia ai ka ‘ohana. ‘O
ka mea nui, ‘a‘ole nō i hiki i kekahi ke lohe i ia ho‘oka‘a‘ike ‘ana ma waena o ka
makua me ke keiki. I ko‘u mana‘o, he mau hana kēia e hō‘oia ana i ka mana‘o he
pololei ka pa‘a o ka ha‘awina i ke keiki ma ka hale, ‘a‘ole ma ke ākea e a‘o ai.
Ho‘onalo ka makua i ia ho‘oponopono ‘ana i ‘ole e hilahila ka ‘ohana. Inā, ‘a‘ole ia
mau hana he ho‘ohilahila ‘ohana, e hana wale mai nō paha ka makua me ka
no‘ono‘o ‘ole iā ha‘i. ‘A‘ole nō pēlā. Ua hele a mākaukau māua ‘o ko‘u kaikunāne
ma ka wānana i ka hopena iā māua ma ka hale. ‘Oiai ua loa‘a nō ka ‘ike no ka
ho‘oponopono malū ‘ana mai ma ke ākea, a ua hele a ‘ano ‘eleu māua ma ka
hikaho‘opololei i ka lawena ma mua o ka wā pilikia loa.
I ko‘u kipa ‘ana a me ke kama‘ilio ‘ana o māua ‘o ko‘u kaikunāne no nā
mo‘olelo ‘ohana, ua kama‘ilio kiko‘ī no ka hana ho‘oponopono ma ka ‘ohana. Ua
noho māua he mau hola me ke pa‘i wikiō ‘ana i ia mo‘olelo ‘ana. Ma ko‘u kālailai
‘ana i ia mau mana‘o a pau, ua puka mai kekahi mau mana‘o nui. A ua ‘ike wau i
93
ia manawa no hea mai ko‘u kuana‘ike i kupu a mohala mai ai ka hana
ho‘oponopono ma Nāwahīokalani‘ōpu‘u.
Aia ma lalo iho nei ka Pakuhi 4.1 e helu ana i ka hana mēheuheu
ho‘oponopono o ka wā o ko‘u hānai ‘ia ‘ana. Aia ma ka wehewehena nā mana‘o
hō‘akāka ma ke kiko‘ī.
Pakuhi 4.1
Wehewehena
ia manawa.
said, Boy?"
94
Aia ma lalo iho nei ka Pakuhi 4.2 e helu wale ana i nā mana‘o nui o ke
kuana‘ike ‘ohana a me ka wehewehena e ho‘ākāka ana i ka pilina o kēlā me kēia
mana‘o i ka hana ho‘oponopono ma ka ‘ohana.
Pakuhi 4.2
Wehewehena
1
2
3
4
5
6hana pono.
7 makemake o ka makua.makua.
8
9
10 Wiwo i ka makua.
11
12
13 No ka makua ka mana piha.
95
Nui ko‘u mahalo i nā ha‘awina i ili mai ma luna o‘u ma ko‘u hānai ‘ia ‘ana
ma ka ‘ohana a ma nā wahi alahula iā mākou. ‘O ka ‘ike no ka ho‘oponopono
kekahi o ia mau ha‘awina nui. A ‘oiai ua hala ia mau lā i hope, ‘a‘ole nō i emi mai
ka mea nui o ia ‘ike i loa‘a ia‘u ma ka ‘ohana. ‘O ia ka paepae ‘ike a‘u i ho‘ohana
ai ma ka‘u mau hana mai ia wā mai a hiki i kēia lā.
Ma ka Mokuna ‘Elima, e wehewehe ana no ke kuana‘ike no‘ono‘o no ka
hana mo‘oki‘ina ho‘oponopono ma Nāwahiokalani‘ōpu‘u. E ho‘olauna ana i nā
mana‘o ho‘okahua i ka mo‘oki‘ina a me nā la‘ana nui e ‘ike ‘ia ma ke kula i kēia
wā.
96
Mokuna ‘Elima
Ke Kuana‘ike No‘ono‘o a me ka Mo‘oki‘ina Ua ho‘okumu ‘ia ka ‘ōnaehana ho‘ona‘auao kaia‘ōlelo Hawai‘i no ka
ho‘oulu ‘ana i ke kuana‘ike Hawai‘i, ‘o ia ke kahua ho‘ona‘auao. ‘Oiai he kula ‘o
Nāwahīokalani‘ōpu‘u no ia ‘ōnaehana ho‘ona‘auao kaia‘ōlelo Hawai‘i, alu like nā
haumāna, nā limahana, me nā ‘ohana ma luna o ia kuana‘ike ‘o ka ho‘oulu i
kahua ho‘ona‘auao Hawai‘i. Ho‘olako ‘ia he pō‘aiapili hana ma
Nāwahīokalani‘ōpu‘u e ulu ai ka mākau, ka na‘auao, me ka lawena e pono ai ke
a‘o ‘ana o ka haumāna. E komo like ka hanauna makua a kupuna paha, ‘o nā
kumu, nā limahana me nā mākua mea keiki ma ke kula ma ka hana like no ka
pono o ka haumāna. Ma ka ‘ike ‘ia o ka ‘imi o ka hanauna makua i ka ho‘okō
kuleana, pēlā nō ke kūpa‘a o ka haumāna ma ka ‘imi i ka ho‘okō i kona kuleana
hana he ‘imi mau i ka na‘auao. ‘Ike ‘o ia no ia kuleana i ke komo ʻana o ka ‘ohana
o ka hale me ka ‘ohana o ke kula ma ka ho‘oikaika ma luna o ke kanaka ho‘okahi
no ka pono o ka nui. He ho‘ailona ia o ka ili o ka ‘ike kanaka makua i kēia
haumāna ‘imi na‘auao. ‘O kona lanakila, ‘o ia ka lanakila o ka ‘ohana pono‘ī me
ko ke kula holo‘oko‘a.
5.1 Ke Kumu Honua Mauli Ola
‘O ke Kumu Honua Mauli Olaxiv ke kahua e kūkulu ‘ia ai ka papahana
holo‘oko‘a. ʻO ka mauli o ke kanaka kona waihona ʻuhane i pa‘a ai kona ʻike, ka
na‘auao, a me ke aloha no kona lāhui iho. ‘Ike ‘ia ka mauli o ke kanaka ma o
97
kāna hana me kāna ‘ōlelo. He wehewehena ke Kumu Honua Mauli Ola i nā
hi‘ohi‘ona o ka mauli Hawai‘i. Ma o ia kālaimana‘o e ho‘oulu ‘ia ai ke kuana‘ike
no‘ono‘o i waena o ka po‘e o loko o ka papahana.
He ‘ekolu ‘ao‘ao nui o ke Kumu Honua Mauli Ola.‘O ke kuana‘ike no ka
hua‘ōlelo “piko” ke kumu i kapa ‘ia ai kekahi ‘ao‘ao o ke kālaimana‘o he mau piko,
he mau wahi ho‘i e pili ai ke kanaka i nā mea i waho o kona kino iho. He ‘ekolu
piko o ke kino kanaka. Komo ka ‘ike no ka pili o ke kanaka i ke ao ‘uhane ma o
ka piko ‘ī ma kona po‘o iho, i ke ao kupuna ma o ka piko ‘ō ma kona ‘ōpū iho a i
ke ao holo‘oko‘a ma o ka piko ‘ā ma kona wahi huna iho nō. He ho‘okumu
kuana‘ike ka no‘ono‘o i ka pili o ia mau ao i ke kino pono‘ī o ke kanaka, a he mau
piko ho‘i i pili maoli i ia mau ao. Ma o ka pilina piko ‘ī ka na‘auao no nā mea e ‘ike
‘ia me nā mea e ‘ike ‘ole ‘ia. ‘Oiai loa‘a ka ‘ike i ke kanaka, ‘a‘ole hiki ke ‘ike i nā
mea a pau. Ma o ka pilina piko ‘ō ka na‘auao no nā kānaka i pili mai ma ke koko.
‘O ka ‘ohana ka mole o ka lāhui. Ma o ka pilina piko ‘ā ka na‘auao no ka mea nui
o ka ‘imi i ka ‘ike hou. He kuleana ko ke kanaka, nāna e ‘imi a ho‘ākea i kona ‘ike.
No laila, he ha‘awina kēia e ho‘āhuwale ana i ke kanaka no ka mea nui o kona
pili i ia mau ao ‘o ke ao ‘uhane, ke ao kupuna, a me ke ao pilina hou. Aia i loko o
kēia mau pilina ka ulu o ka mana o ke kanaka.
Na kekahi ‘ao‘ao o ia kālaimana‘o e ho‘oulu ana i ke kuana‘ike no‘ono‘o, ‘o
ia nā honua ‘ekolu e noho ai ke kanaka. Inā ‘a‘ohe honua, ‘a‘ohe nō hiki i ke
kanaka ke ola. ‘O ka mua ka honua ‘iewe, ma ka pū‘ao o ka makuahine. Ma laila
e ho‘omaka ai ke ola o ke kanaka me ka pa‘a o kona kino. Ke hānau, a laila, e
98
kanu ‘ia ka ‘iewe ma ka honua, he ho‘i i ko kākou ‘āina. ‘O ka lua o nā honua ‘o ia
ke kīpuka, kahi e mālama ‘ia ai ke kamali‘i. He wahi palekana a ‘olu‘olu e hānai
‘ia ai a nui. I ia wā e komo pū ai ma ke kolu o nā honua, ‘o ia ke ao holo‘oko‘a. E
lilo ke kino kanaka ‘o ia kona honua e lawe ‘ia ma nā wahi like ‘ole o ke ao. Pa‘a
kona mauli Hawai‘i, he kanaka no kēia ‘āina e ‘imi mau ana i ka ho‘i i ia ‘āina
pono‘ī nō ona. He pilina ko‘iko‘i ka pilina honua mai ka wā ma ka pū‘ao e kauka‘i
piha ana i ka makuahine a i ka honua kīpuka e noho pū ana ma lalo o ke kia‘i
‘ana mai o ka ‘ohana a hiki i ka pae honua ao holo‘oko‘a e puka ai i waho o ka
malu o ka ‘ohana. Ma o kēia kuana‘ike e na‘auao ai ke kanaka no ka mea nui o
ka honua, ka ‘āina me ka pili i ka ‘ohana. He kuana‘ike e pa‘a kino ai ke kanaka
iā Hawai‘i he ‘āina aloha. Pēlā i hiki ai ke puka i waho o Hawai‘i nei me ke
kānalua a hopohopo ‘ole. ‘O Hawai‘i maoli nō ka ‘āina he pili ‘ohana i ke kanaka
Hawai‘i.
‘O nā ‘ao‘ao ‘ehā o ka mauli kekahi māhele nui o ke Kumu Honua Mauli
Ola. ‘O ia ka ‘ao‘ao pili ‘uhane, ka ‘ōlelo Hawai‘i, ka lawena a me ka ‘ike ku‘una.
Hānau ‘ia ke kanaka me ka mana ‘uhane, a he pili ke kanaka i nā mea a
pau ma o ia mana ‘uhane. Kapa ‘ia kēia ‘o ia ka ‘ao‘ao pili ‘uhane o ke kanaka. ‘O
ke po‘o o ke kanaka kahi kapu loa o ke kino. Mai laila aku ka pilina i ke ao akua a
me ke ao ‘uhane.
‘O ka hiki ke oli i mele no nā akua Hawai‘i kahiko iā Kāne me Pele me ka
pule pū i ke akua Kalikiano, he hō‘ailona ia o ka ho‘āno i ke ao akua ma kona
‘ano ku‘una. Pēlā e a‘o ‘ia ai ko Nāwahīokalani‘ōpu‘u. Nānā ‘ia ke ao akua ma ke
99
‘ano he kuana‘ike pili ‘uhane ma Nāwahīokalani‘ōpu‘u, ‘a‘ole ia he kuana‘ike
ho‘omana akua. Na kēlā me kēia ‘ohana e ho‘oholo i ia hana ho‘omana ma ka
hale. Ma ka ho‘āno i ka mo‘okū‘auhau me ke ka‘ina hānau e ‘auamo ‘ia ai ke
kuleana hana. He mana pili ‘uhane kēia pilina i waena o ka po‘e ola me nā
kūpuna i hala i kēlā ao ma ‘ō. Ho‘oulu pū ‘ia ka ho‘āno i ka mana ‘uhane i loa‘a i
ke kanaka, a no laila, ‘a‘ole e hana ‘ino a wāwahi i ia mana. Paipai ‘ia ka mākau
maka‘ala a wānana ke ‘ike ‘ia nā hō‘ailona maika‘i a maika‘i ‘ole o ka hana a ke
kanaka. He mana pili ‘uhane ia ‘ike a me ka hiki ke ho‘oholo i ka hana e pono ai.
Ho‘oulu ‘ia kēia mau ‘ao‘ao o ka pili ‘uhane i waena o ko Nāwahīokalani‘ōpu‘u.
“‘O ka ‘ōlelo ke ka‘ā o ka mauli,”xv a na ka ‘ōlelo nō e ho‘oili i ke kuana‘ike
Hawai‘i mai kekahi hanauna kanaka a i kekahi hanauna aku. Aia i loko o ka ‘ōlelo
ka ‘ike no ka wā ma mua me ke kuana‘ike ho‘i e no‘ono‘o a ho‘oholo ‘ia ai nā
mana‘o nui o kēia au e holo nei. Ma kēia paepae no‘ono‘o e ho‘oholomua ai i ka
hana ko‘iko‘i me ka hana ma‘amau o kēlā me kēia lā. Ulu ka waihona ‘ike ‘ōlelo e
like me ka nui o ka pō‘aiapili e pono ai ka ho‘oka‘a‘ike i waena o nā kānaka.
Mālama ‘ia ka ‘ōlelo Hawai‘i ‘o ia ka ‘ōlelo o ke kula ‘o
Nāwahīokalani‘ōpu‘u, a no ia kumu i ‘imi ikaika ‘ia ai ke kūpa‘a o ka po‘e ma ke
kapu ‘ōlelo Hawai‘i mau. ‘A‘ole e ‘ōlelo Pelekānia inā ‘a‘ole i ho‘oholo ‘ia ka
pō‘aiapili e pono ai. ‘Oiai he ‘ōlelo Pelekānia ka nui o ka po‘e ma ka hale, he mea
nui ka maka‘ala ‘ia o kēia kuana‘ike mālama kapu i waena o ka po‘e i pa‘a pono
ka ‘ōlelo Hawai‘i. ‘A‘ole e helele‘i a komo wale ka namu Pelekānia a ka po‘e. Na
kēlā me kēia e maka‘ala a hō‘oia i ka pa‘a o kēia kuana‘ike i waena o nā alaka‘i,
100
nā kumu, me nā haumāna. Mōakāka kēia i waena o nā mākua me ka ‘ohana, a
kauka‘i ‘ia nō ko lākou kāko‘o i ka mālama kapu ‘o ka ‘ōlelo Hawai‘i mau ma ke
kula. Kauka‘i pū ‘ia ko lākou ‘imi ikaika i ke a‘o me ka ho‘ohana i ka ‘ōlelo Hawai‘i
ma waho o ke kula.
‘O ka lawena a ke kanaka Hawai‘i kekahi hō‘ailona o ka pa‘a o ka mauli iā
ia. Aia ma ka mino‘aka a ka helehelena, ke kuhi a ka lima, ke au a ka wāwae me
ke kūlana o ke kino ke hele i waena o nā hoa kānaka. ‘O ka launa pū me nā hoa
like o ka lawena, ‘o ia kahi ‘olu‘olu e noho ai. Inā pa‘a nā ‘ao‘ao ‘ē a‘e o ka mauli,
e ‘ike ‘oia‘i‘o ‘ia ka lawena Hawai‘i a ke kanaka.
Ma muli o kona ‘ano ahuwale, he hō‘ike ka lawena i ka pumehana a me ka
ikaika o ka mauli Hawai‘i o nā haumāna, nā kumu, nā limahana, me nā ‘ohana
ma ka hale. Ma o ka lawena e ‘ike pū ‘ia ai ka pono me ka pono ‘ole o ka hana.
Inā he pili i ka hana ha‘awina, ‘o ka lawena pono, aia i ka ‘imi ‘ana o ke kumu i ka
hana e pono ai ka holomua o ka haumāna. Inā he pili i ka ‘auamo like ‘ia o ke
kuleana hana, aia ka lawena pono i ke kōkua like ‘ana o nā hoa haumāna a hoa
limahana paha. ‘Oiai komo pū nā mākua me nā kūpuna ma ka hana, e maka‘ala
pū ‘ia ka pono o ka lawena ma ia pō‘aiapili me lākou kekahi. Ke ‘ike ‘ia ka hana e
hau‘oli a ha‘aheo ai ka po‘e, loa‘a pū nā hana e mahalo a ho‘omaika‘i ‘ia ai ka
po‘e. No laila, ‘oiai hō‘ike ahuwale ka lawena i ka ‘ike na‘au me ka ‘ike no‘ono‘o o
ke kanaka, loa‘a pū ka mākau me ka na‘auao o nā hoa kānaka e hua mai ai ka
hana kūpono. Aia pū ma laila ke ola o ka mauli Hawai‘i.
101
Aia ma ka ‘ao‘ao ‘ike ku‘una ka ho‘omau ‘ia ‘ana o ka hana Hawai‘i mai ka
wā ma mua i ho‘oili ‘ia mai ma luna o kākou i kēia wā. ‘O ka hula, ka lā‘au
lapa‘au, ka pule, ka lawai‘a, me nā hana lima like ‘ole, ‘o ia kekahi o ia ‘ano ‘ike.
He ‘ike ku‘una nā loina, a pēlā nō ka lawena a me ka ‘ōlelo e kō ai ia mau loina.
Ma ke komo ‘ana ma ia ‘ano hana e ulu pū ai ke kuana‘ike me ka lawena ‘auamo
kuleana e pono ai ka lāhui.
He hana ku‘una ka mālama ‘ia ‘ana o ke kula kaia‘ōlelo Hawai‘i. ‘O ka
pule, ka hīmeni, ka ho‘āno i ka po‘e hānau mua, ka ha‘i‘ōlelo ho‘okipa, ke komo i
ka hana, me ka ‘auamo kuleana, ‘o ia kekahi o nā hana ku‘una e mālama ‘ia nei
ma Nāwahīokalani‘ōpu‘u. ‘O ka ho‘ohana a ho‘oulu ‘ia ‘ana o ka no‘ono‘o me ka
hana Hawai‘i kekahi ‘ao‘ao ku‘una. ‘O ke ‘ano o ke kūkulu ‘ia ‘ana o ka mana‘o
ha‘i‘ōlelo, ke ki‘ina hana e hō‘olu‘olu ai i ka malihini, me ke ‘ano o ka ‘ōlelo e ulu
ai ka ‘i‘ini o ka haumāna e ho‘opuka i ka mana‘o ‘oia‘i‘o, ‘a‘ole e ho‘opunipuni
mai, he ‘ike ku‘una nō ia mau mea a pau. Mai ka mole mai nō o ke aukahi ho‘ōla
‘ōlelo Hawai‘i a i nā hana ma‘amau a ke kanaka, hiki ke no‘ono‘o ‘ia kēia he ‘ike
ku‘una inā he hana e mau ai ka pumehana o ka mauli, he mauli Hawai‘i.
Ho‘oulu ‘ia ke kuana‘ike no‘ono‘o o ko Nāwahīokalani‘ōpu‘u ma luna o Ke
Kumu Honua Mauli Ola. Aia ia mau ‘ao‘ao a pau o ka mauli i wehewehe ‘ia a‘e
nei ma loko o ke kanaka ho‘okahi. He hana nui ka ho‘oka‘awale ‘ana i ia mau
‘ao‘ao, ‘oiai launa pū nā hi‘ohi‘ona o ka mauli kekahi me kekahi, a ‘ike ‘ia ka
ha‘awina o ia ‘ike ma o ka hana a ke kanaka.
102
5.2 Ka Nu‘ukia o Ke Kula ‘O Nāwahīokalani‘ōpu‘u: “No ‘Ane‘i Ko Kākou Ola”
‘O ka nu‘ukia ka mākia nui e ho‘okumu a ho‘okele ‘ia ai ka papahana o
Nāwahīokalani‘ōpu‘u. Lilo ka mana‘o o ka ‘ōlelo nu‘ukia ‘o ia kekahi ‘ao‘ao o ka
ho‘oikaika kuana‘ike ku‘una. ‘O ka mana‘o o ka hua‘ōlelo nu‘u, ‘o ia ka wēkiu,
kahi ki‘eki‘e loa, a ‘o ka mana‘o o ka hua‘ōlelo kia, ‘o ia ke kau nui o ka mana‘o.
No laila, he hō‘ike mōakāka ka mana‘o o ka hua‘ōlelo nu‘ukia i ka hana e pono ai.
Ma ke kula ‘o Nāwahīokalani‘ōpu‘u, ua lilo ‘o No ‘Ane‘i Ko Kākou Ola,xvi ‘o ia ka
nu‘ukia o ke kula. He ho‘omana‘o ia i ka mea nui o ke kuleana o ka po‘e ma ka
hō‘oia‘i‘o i ka pilina o ke ola o ka mauli Hawai‘i o ke kanaka me ka ‘āina ‘o
Hawai‘i nei, ko kākou ‘āina aloha. Ma ka no‘ono‘o i ka nu‘ukia e hō‘oia ‘ia ai ka
waiwai o ka ‘ōnaehana, ka papahana, me ke ki‘ina hana ke ho‘okumu ‘ia he hana
hou, ke ho‘okō ‘ia ka hana o kēlā lā kēia lā, a ke ho‘ololi ‘ia ka hana no kekahi
kumu. ‘Oiai he mea nui ka loa‘a o ka nu‘ukia me ka ‘ike no kāna pilina i ke kō o
ke kūlana ki‘eki‘e loa no ka papahana, ‘o ka pili o ka mana‘o o ka nu‘ukia me ke
Kumu Honua Mauli Ola, ‘o ia kekahi hi‘ohi‘ona o ke ki‘ina e hō‘ea ai i ia pae
kūlana ki‘eki‘e loa. He hi‘ohi‘ona ho‘okele no‘ono‘o ke kālaimana‘o me ka nu‘ukia.
Ke mōakāka ia hi‘ohi‘ona i ko ke kula, a laila, hiki i ka po‘e ke kia ma luna o nā
hi‘ohi‘ona o ka ho‘oholo mana‘o me ka ho‘okō i ka hana e pono ai.
5.3 Ka Mo‘oki‘ina
‘O ka mo‘oki‘ina kekahi ka‘akālai e ikaika ai ka ho‘ohua ‘ana i ke kuana‘ike
Hawai‘i. He ki‘ina ia e ho‘okō ‘ia ai ka hana ma ke kula. ‘O ia ka pili o nā kānaka
103
ma ka honua ho‘okahi e kia ana ma ka hana e ulu ai a pa‘a ke kuana‘ike ku‘una,
ke kuana‘ike Hawai‘i. Ma ia ki‘ina e ho‘olaha a ho‘okuluma hou ‘ia ai ka lawena
me ka no‘ono‘o Hawai‘i i waena o ka po‘e. ‘Oiai he ‘ano ‘ōnaehana nō ia, he
‘oko‘a nō na‘e ia ma muli o kona waiwai ‘ike ku‘una he Hawai‘i. Loa‘a ke ‘ano o
kona kūkulu ‘ia a ho‘okō ‘ia ‘ana. Ma ka puke wehewehe ‘ōlelo ‘o Mamaka Kaiao,
palapala ‘ia ka mana‘o o ka hua‘ōlelo ʻmo‘oki‘inaʼ no ke ka‘ina hana ma‘amau e
hahai ‘ia.xvii A ma ka nānā pili pono ‘ia ‘ana o ka mana‘o, ‘o ia ka ho‘onoho papa
‘ia ‘ana o kekahi mau ‘onina hana kekahi ma hope o kekahi. He laulā kēia
mana‘o pili pono o ka hua‘ōlelo, ‘a‘ole nō pili i ke kuana‘ike Hawai‘i wale nō. Ma
ko‘u kālailai ‘ana i ka mohala o ka papahana kula kaia‘ōlelo Hawai‘i, ua ‘ō‘ili mai
ka mana‘o i loko o‘u e ho‘ohana ‘ia ia hua‘ōlelo ‘o mo‘oki‘ina no ka hana pa‘amau
e ho‘oikaika ana i ke kuana‘ike Hawai‘i. Pēlā i ho‘okumu ‘ia ai ke ka‘ina hana ‘o
ka mo‘oki‘ina ho‘oponopono ma Nāwahīokalani‘ōpu‘u. ‘Oiai ‘o ka mo‘oki‘ina
ho‘oponopono ho‘okahi wale nō o ka nui mo‘oki‘ina i loa‘a ma ke kula, ua like nō
ia me nā mo‘oki‘ina ‘ē a‘e ma ke ‘ano o kona kūkulu ‘ia a ho‘okō ‘ia ‘ana. I mea e
hō‘ike ai no nā mo‘oki‘ina ma Nāwahīokalani‘ōpu‘u ma ka laulā, e wehewehe ‘ia
ana ia mau mana‘o ma ka nānā ‘ana i kēia mau nīnau ‘ekolu: 1) I mea aha kēia
mo‘oki‘ina? 2) He aha nā hana o kēia mo‘oki‘ina? a 3) Pehea e pili ai ka hana o
kēia mo‘oki‘ina i ka ho‘oulu kuana‘ike Hawai‘i? Aia ma lalo iho nei nā mo‘oki‘ina
‘ano nui i ho‘okumu ‘ia ma Nāwahīokalani‘ōpu‘u, mai ka makahiki 1994 a hiki i
kēia manawa. Ua wae ‘ia kēia mau la‘ana no ka lō‘ihi o ka mālama ‘ia ‘ana me ka
pinepine o ka ho‘ohana ‘ia ma ka makahiki kula.
104
5.4 Nā Mo‘oki‘ina ma Nāwahīokalani‘ōpu‘u
5.4.1 Ka Mo‘oki‘ina Ka‘ina Mo‘okū‘auhau
Ho‘okumu ‘ia ka mo‘oki‘ina ka‘ina mo‘okū‘auhau i mea e ho‘omana‘o ai ka
po‘e i ka ‘ao‘ao pili ‘uhane ma ka lawena a ko Nāwahīokalani‘ōpu‘u. Ho‘opili ko
kākou mo‘okū‘auhau i nā kūpuna o ka wā i hala me nā hoakānaka e ola nei.
Mālama ‘ia ke ka‘ina mo‘okū‘auhau ke ‘ākoakoa kūhelu ka po‘e, a ua hiki nō ke
ho‘ohana ‘ia e like me ka mea e pono ai ka hana a nā kumu. Aia nō ka hopena o
ka ho‘oka‘ina mo‘okū‘auhau i ka po‘e o ke kula e ‘ākoakoa ana. Like ke ki‘ina
hana e pa‘a ai ke ka‘ina mo‘okū‘auhau, akā, ke komo kekahi mau po‘e hou a‘e no
waho mai i waena o ka po‘e ma‘amau, e loli paha ka hopena. Ma kēia mo‘oki‘ina
e ho‘omana‘o ‘ia ai ka po‘e i hala i kēlā ao ma ‘ō. Ke kū ma ke ka‘ina hānau,
ho‘omana‘o ‘ia nā mākua, nā kūpuna me ka po‘e i hala. He kuana‘ike no ka po‘e i
hala, ka po‘e ola a me ka po‘e i hānau ‘ole ‘ia.
Ke kū ma ke ka‘ina mo‘okū‘auhau, ho‘omana‘o ‘ia ka hahai a me ke
alaka‘i, a kahukahu pū ‘ia ke kuana‘ike ‘o ka mālama a me ka maka‘ala. ‘Oiai he
wahi hāiki ka Piko, lālani nā haumāna o ke kula ki‘eki‘e a me ke kula waena i kū
ka po‘e hānau mua i mua o nā pōki‘i. Lālani nā haumāna o ke kula ha‘aha‘a i hiki
i nā hānau mua ke maka‘ala i nā pōki‘i e kū ana i mua o lākou. Pēlā nō ho‘i e ‘ike
‘ia ai ka pilina me ke kuleana e lōkahi ai ke kanaka me kona mau hoa ‘ē a‘e a e
ho‘ālu like ‘ia ai ho‘i ka po‘e ma luna o ka papahana mauli Hawai‘i.
Ma ka lā mua o ke kula, lālani ka po‘e ma ke ka‘ina makahiki i komo mua
ai i ka papahana kaia‘ōlelo Hawai‘i. ‘O ke komo i ka papahana ka ho‘omaka o ka
105
pilina a ka po‘e kekahi me kekahi a me ka no‘ono‘o pū ‘ia ‘ana o ka papahana
kaia‘ōlelo Hawai‘i he honua kīpuka e ho‘ōla ‘ia ai nā hi‘ohi‘ona nui o ka mauli
Hawai‘i. Ma hope o ka pa‘a ma ke ka‘ina makahiki komo papahana, kū ia po‘e
ma ke ka‘ina lā hānau. Me kēia pū e ‘ike ai no ka hānau mua a me nā pōki‘i, he
‘ike nō ho‘i ia e kōkua ana ma ka ‘auamo kuleana i waena o ia mau haumāna.
Ma ke kakahiaka lā hope o ka makahiki kula, mālama ‘ia ka mo‘oki‘ina e
wehe ai i ka lei Piko. A ‘o kekahi hana ma ia mo‘oki‘ina ‘o ia ka hele ‘ana o nā
haumāna o ka Papa 12 a kū i hope o ka lālani kumu. He ho‘okahi hou hō‘ailona e
hō‘oia ana i ka puka ‘ana o lākou. Ma hope o ia lā, e komo lākou ma ke ka‘ina
mo‘okū‘auhau o ka po‘e kumu a me nā limahana o ke kula ke kipa hou aku a i
‘ole paha ke komo pū i ka hana ma ke kahua kula. Inā nō pēlā, e ‘imi ia kanaka i
kona wahi ma ka makahiki i komo ai ma ka papahana, ma ke ka‘ina lā hānau a
me ho‘okahi hou hi‘ohi‘ona o a ho‘oka‘ina ‘ana. I mea e ho‘āno ai i nā kumu i a‘o
iā ia, e ho‘omana‘o i ke kumu mua i a‘o iā ia ma ka makahiki mua āna i komo ai i
ka papahana kaiā‘ōlelo Hawai‘i. E maka‘ala i kona ho‘olālani ‘ana iā ia iho i mua
o ia kumu. E kū hō‘ailona ia kumu no nā kumu a pau i a‘o i ia haumāna. He
ho‘āno i ke kūlana kumu a me ka pilina i ka haumāna.
Pēia ke ka‘ina no nā kumu, nā limahana, a me nā haumāna mai ka
mālaa‘o a hiki i ka papa 12. Ho‘okūkū ‘ia ka po‘e ma ke ka‘ina mo‘okū‘auhau ma
ka lā mua o ka makahiki kula, a mālama ‘ia pēlā a hiki i ka puka ‘ana o ka
haumāna ma ka papa 12.
106
5.4.2 Mo‘oki‘ina Piko
Kapa ‘ia ka mo‘oki‘ina piko no ka mana‘o o ka hua‘ōlelo piko, ‘o ia ka
māhele kino kanaka e pili ai ka pēpē i ka makuahine. Ma ka pō‘aiapili kula ‘o
Nāwahīokalani‘ōpu‘u, kapa ‘ia ka ‘īpuka nui o ke kula ‘o ia ka piko, he hōnuanua
hana kūikawā. ‘O ka hōnuanua kekahi kīpuka hana ma ka honua kula. Lilo ka
piko o ke kula, ‘o ia kahi e ho‘omana‘o ai ka po‘e i ka pili i ka ‘ohana, ka ‘auamo
kuleana, a me ke aloha lāhui. He mo‘oki‘ina ho‘ākoakoa ka mo‘oki‘ina piko e
mālama ‘ia ma ka ho‘omaka ‘ana a me ka pau ‘ana o ka lā. Kū lālani
mo‘okū‘auhau nā kumu, nā haumāna, nā limahana, a me nā kānaka ‘ē a‘e a pau
i loa‘a ma ke kula ma ia mau manawa o ka lā. Kū nā haumāna ma kekahi ‘ao‘ao
a ‘o nā kumu ma kekahi ‘ao‘a‘o.
Aia ma lalo iho nei ka Pakuhi 5.1 e hō‘ike ana no ke kū ‘ana o ka po‘e ma
ka Piko i ke kakahiaka ma Nāwahīokalani‘ōpu‘u. ‘O ia ka wā e komo ai i ka hana.
I ka wā e mālama ‘ia ai ka Piko ‘auinalā, kū nā kumu ma ka ‘ao‘ao hikina a e huli
ke alo o nā haumāna iā lākou. ‘O ia ka wā e ho‘i ai ma hope o ka hana.
Mālama ‘ia ke ka‘ina hana like ma ka hola like i ke kakahiaka me ka
‘auinalā. Aia ma lalo iho nei ka Pakuhi 5.2 e hō‘ike ana i ia ka‘ina hana o ka
Mo‘oki‘ina Piko.
107
Pakuhi 5.1
HIKINA
KOMOHANA
Pakuhi 5.2
PIKO
NĀ HAUMĀNA
NĀWAHĪ NUI
WAHINE
NĀ
HAUMĀNA
NĀWAHĪ
IKI WAHINE
NĀ
HAUMĀNA
NĀWAHĪ
IKI
KĀNE
NĀ HAUMĀNA
NĀWAHĪ NUI KĀNE
NĀ
HO‘OKANI
PŪ
NĀ KUMU/LIMAHANA WAHINE
Nā ‘ohana/Nā Malihini wahine
KA LEI PIKO
NĀ KUMU/LIMAHANA KĀNE Nā ‘ohana/Nā Malihini kāne
Mo‘oki‘ina Piko Kakahiaka
1. Kū Ka‘ina Mo‘okū‘auhau ka po‘e 2. Ho‘okani ‘ia ka Pū 3. Mele Oli Noi Na‘auao: “Ua Ao Hawai‘i” 4. Hīmeni Aloha Lāhui: “Hawai‘i Pono‘ī” 5. Hai‘ōlelo Kumu Kāne: Mana‘o o ka Lā 6. Pule 7. Hīmeni: Koho ‘ia 8. Hai‘ōlelo Kumu Wahine: Mana‘o A‘oa‘o 9. Mele Oli Ku‘una: “Ka Wai a Kāne” 10. Mele Ho‘ohanohano: “Nāwahīokalani‘ōpu‘u” no Joseph
Kaho‘oluhi Nāwahī 11. Mele Oli Noi Komo: “Nihi ka Hele” 12. Mele Oli Kāhea: “Eia Puna Lā” 13. Nā Ho‘olaha 14. Leo Ho‘oku‘u
108
Ho‘okuleana ‘ia ka po‘e alaka‘i ma ke ka‘ina mo‘okū‘auhau e ‘ike ‘ia ai ka
pilina o ka mākau alaka‘i me ka mākau hahai. Ho‘oulu nā hana a pau i ke
kuana‘ike Hawai‘i i waena o ka po‘e. Kū like nā keiki pae mālaa‘o a hiki aku i ka
pae makua me ka mākaukau e komo piha ai i ka hana.
Oli a hīmeni ‘ia nā mele i ulu ka na‘auao me ke aloha ke komo ka mana‘o
o nā hua‘ōlelo ma ka na‘au o ka po‘e. Na nā kumu e hāpai uluwale i ka mana‘o e
‘ike ‘ia ai ke kuleana kāne me ke kuleana wahine i lohe ‘ia ho‘i no ia mea he pono
a he pono ‘ole. Ho‘ohana ‘ia nā hua‘ōlelo, ka lawena, me nā mo‘olelo e mōakāka
ai ka mana‘o nui e hāpai ‘ia. Kūkulu ‘ia ka mana‘o a‘oa‘o ma luna o ka mana‘o nui
o ka lā. Ho‘opili ‘ia ka mana‘o o ka lā me nā hana ma‘amau ma ke kula. Ma o ka
mo‘oki‘ina piko ho‘i e komo kūmau ai ka po‘e o ke kula ma ka hō‘oia i ka no‘ono‘o
me ke kuana‘ike Hawai‘i.
5.4.3 Ke ‘Oki Piko
Kapa ‘ia kēia mo‘oki‘ina no ka hana ‘oki lei piko ma ka lā mua o ke kula, ‘o
ka ho‘omaka nō ia o ka makahiki kula hou i Iulai. Na nā kumu e haku he lei nui e
ho‘okau ‘ia ma luna pono o ka ‘īpuka nui o ke kula ma ia lā mua a e wehe ‘ia ma
ka lā hope o ke kula i Iune. He lei nona nā meakanu e kū hō‘ailona ana no nā
‘ao‘ao like ‘ole o ka hana pono. No ka lā‘ī ka mana‘o o ke ola kino maika‘i, no ka
‘ulu ka mana‘o e ulu ai ka ‘ike me ka na‘auao, no ka liko lehua ka mana‘o o ka
maiau me ka no‘eau, no ka ‘ohe ka mana‘o o ka ho‘oka‘awale ‘ana i nā mea
kikahō a no ke kukui ka mana‘o o ka ‘imi na‘auao, ‘o ia nā meakanu ma‘amau e
‘ohi ‘ia.
109
Ho‘oka‘awale ‘ia nā kuleana hana, a laila, e ho‘i a noho pū ma ka piko e
ho‘okō ai i kēia kuleana haku lei a nā kumu Nāwahīokalani‘ōpu‘u. ‘Ākoakoa
nā kumu a pau ma ka lā ma mua pono o ka lā mua o ke kula a ‘ohi i nā meakanu
ma ka ‘āina nō o Nāwahīokalani‘ōpu‘u. Ma ka ‘imi pū‘ulu ‘ana i ka pa‘a o ka lei
piko, pēlā e hō‘oia ai nā kumu i ko lākou kuleana ma ka ho‘omākaukau me ka
ho‘okō no ka pono o nā haumāna o ke kula, i kēlā lā kēia lā o ka makahiki kula.
He kuleana ko nā kumu ma ka pākahi a ma ka pū‘ulu pū. He mea nui ko lākou
na‘auao ma nā hi‘ohi‘ona a pau o ia mau kuleana kumu ‘elua.
Ua like nō ke ka‘ina hana ma ka lā mua o ke kula me ka hana ma ka piko.
‘O ka ‘oko‘a wale nō, pani ‘ia ka hīmeni, ka mana‘o a‘oa‘o, me ke mele no Kāne
me ka papahana ‘oki piko. Ho‘okuleana ‘ia ka haumāna kāne ma ke ka‘ina
mo‘okū‘auhau nāna e ‘oki i ka lei piko, a na ka lua o nā kāne ma ke ka‘ina e
kōkua ma ka pa‘a i ka papa lā‘au e ‘oki ‘ia ai ka piko o ka lei. Ma hope o ia hana,
ho‘i aku lāua ma ka lālani haumāna, a ho‘omau aku ka mo‘oki‘ina piko ma‘amau.
Ma ka hana ku‘una kahiko, ‘oki ‘ia ka mau‘u e lewa ana i luna o ka ‘īpuka
o ka hale pili hou, ‘o ia ka hana e “hānau” ai ia hale hou. Lawe ‘ia kēia mana‘o
ma Nāwahīokalani‘ōpu‘u a ho‘ohana ‘ia ma o ke ‘oki ‘ia o ka lei piko, he hō‘ailona
o ka ho‘omaka ‘ana o ka papahana makahiki kula hou. Ma ka pau ‘ana o ka
makahiki, wehe ‘ia ka lei a kanu ‘ia ma ka ‘āina ma kekahi wahi i ho‘okapu ‘ia no
ia hana.
110
5.4.4 Ka Mo‘oki‘ina Wehena Makahiki
Kapa ‘ia kēia mo‘oki‘ina no ka wehe ‘ana i ka papahana makahiki kula
hou. ‘Oiai mālama ‘ia nā papahana kaia‘ōlelo Hawai‘i mai ka pae kamali‘i Pūnana
Leo a i ka pae kulanui ma luna o ke kālaimana‘o ho‘okahi ‘o ke Kumu Honua
Mauli Ola, ma laila nō ka pilina e launa like ai i ia wā.
‘Ākoakoa nui ko Nāwahīokalani‘ōpu‘u, ko ka Pūnana Leo o Hilo, ko ke
ke‘ena ‘Aha Pūnana Leo a me nā ‘elele o ke koleke ‘o Ka Haka ‘Ula O
Ke‘elikōlani ma ka hale ha‘uki o ke kula i ke kakahiaka o ka lā mua. Mālama ‘ia
ka mo‘oki‘ina wehena ma hope pono o ka mo‘oki‘ina ‘oki piko. No laila, he
ho‘omau kēia i ka ho‘oikaika i ke kuana‘ike ku‘una ma ka hō‘ike i ka pilina
mo‘okū‘auhau i waena o nā kula me nā ke‘ena hana, ma ke komo o ka po‘e ma
ka ‘auamo kuleana alaka‘i me ke kāko‘o, a ma ka ho‘opuka ‘ana ma ka ha‘i‘ōlelo i
nā mana‘o i loa‘a ka ‘i‘o me ka waiwai i ka po‘e ‘ākoakoa. Ho‘onohonoho ‘ia nā
māhele o ia mo‘oki‘ina ma ke ka‘ina i ho‘okumu ‘ia ai nā papahana pākahi, koho
‘ia nā mele ho‘ohanohano i nā papahana, a ho‘omana‘o a mahalo pū ‘ia ka nui o
ka hana a ka po‘e ma mua i loa‘a mai ai ka pōmaika‘i o kēia wā, he papahana
kula mauli ola Hawai‘i. ‘O kēia mo‘oki‘ina ka wā e a‘oa‘o, ho‘omana‘o, a hō‘oia ai i
ka mea nui o ke alu like mau ‘ana me ke akamai a me ka ‘oia‘i‘o. E like nō me nā
mo‘oki‘ina ‘ē a‘e, ma ka hui kino ‘ana e ulu ai ka mana o ka hana. Aia ma lalo iho
nei ka Pakuhi 5.3 e hō‘ike ana i ka Mo‘oki‘ina Wehena Makahiki.
111
5.4.5 Mo‘oki‘ina Ho‘okipa
Ua kapa ‘ia ka mo‘oki‘ina ho‘okipa no kona mālama ‘ana i ka loina
lokomaika‘i a pāheahea o ke kama‘āina i ka malihini. He ho‘olauna a he
hō‘olu‘olu i ke kanaka ‘akahi a hiki mai i ke kula ‘o Nāwahīokalani‘ōpu‘u. No ke
kama‘āina, e hō‘oia pū ka mo‘oki‘ina ho‘okipa i ka kū‘i‘o o nā loina o ia hana ma o
ka hana ‘ana i ka lei e hā‘awi ‘ia, ka ho‘omākaukau ‘ana i ka ha‘i‘ōlelo ho‘okipa, a
me ke oli a hīmeni ‘ana i nā mele ho‘okipa. Ke lohe ‘ia ka ha‘i‘ōlelo na ke
kama‘āina, lohe ‘ia no ka malihini a me kāna pilina i ko ke kula. Ke lohe ‘ia ka
ha‘i‘ōlelo na ka malihini, lohe kiko‘ī ‘ia no ka malihini a me ke kumu o ka ‘imi ‘ana
i ke kipa mai. I kekahi manawa, loa‘a kekahi mele a hana kūikawā na ka malihini
Pakuhi 5.3
Mo‘oki‘ina Wehena Makahiki
1. Ho‘olauna 2. Ka Haka ‘Ula O Ke‘elikōlani
a. Ha‘i‘ōlelo: Ho‘olauna e. Mele Ho‘ohanohano: “Wahine Lei ‘Ula” no Luka
Keanolani Kanāhoahoa Ke‘elikōlani 3. ‘Aha Pūnana Leo
a. Ha‘i‘ōlelo: Ho‘olauna e. Mele Aloha ‘Ōlelo: “Hele Au i ka Pūnana Leo”
4. Nāwahīokalani‘ōpu‘u Nui a. Ha‘i‘ōlelo: Ho‘olauna e. Mele Nu‘ukia: “No ‘Ane‘i”
5. Nāwahīokalani‘ōpu‘u Iki a. Hai‘ōlelo: Ho‘olauna e. Mele Aloha No Joseph Kaho‘oluhi Nāwahī: Koho ‘ia
6. Nā Hana Ho‘onui ‘ike o ke Kauwela a. Ha‘i‘ōlelo: Ho‘olauna e. Mele: Koho ‘ia
7. Panina a. Ha‘i‘ōlelo: Hō‘ulu‘ulu Mana‘o/Pani e. Pule i. Mele Ho‘ohanohano: “Nani Nāwahīokalani‘ōpu‘u” no
Joseph Kaho‘oluhi Nāwahī 8. Ho‘oku‘u
112
e hana a he mea waiwai ia ‘ao‘ao o ka pāheona e pā ai ka na‘au o ka po‘e
kama‘āina. He mea e ho‘ākea ‘ia ai ke kuana‘ike ao o ko ke kula. Ma o ke kā‘ana
like me ka launa pū ‘ana he kanaka me ke kanaka, ‘o ia ka waiwai o ka
mo‘oki‘ina ho‘okipa he ho‘olauna pū me ka malihini. He ‘ao‘ao ‘oia‘i‘o kēia o ke
kūlana kanaka makua, he hopena kuana‘ike o ka ho‘ona‘auao mauli Hawai‘i.
‘Ākoakoa a ho‘omākaukau ke kula holo‘oko‘a ma ka Piko ma mua o ka hiki
‘ana mai o ka malihini. Ma muli o ke ‘ano o kēia papahana ho‘ōla ‘ōlelo me ka
mo‘omeheu Hawai‘i, ‘o‘ili mai nā malihini i hoihoi i ia papahana mai Hawai‘i nei a
puni ke ao. Ke hō‘ea mai ia mau malihini, hele mua ka ‘elele kama‘āina o ke kula
e launa a wehewehe i ka malihini no ka hana ke ho‘okipa ‘ia ma ka piko. A
mākaukau, lohe ‘ia ka leo kāhea e kono aku ana i ka malihini e komo mai. Aia ma
lalo iho nei ka Pakuhi 5.4 e hō‘ike ana i ka Mo‘oki‘ina Ho‘okipa:
Pakuhi 5.4
Mo‘oki‘ina Ho‘okipa
1. Mele Heahea: “He mai” 2. Ha‘i‘ōlelo Ho‘okipa: Na ka Haumāna Kāne 3. Mele: Koho ‘ia 4. Ha‘i‘ōlelo Ho‘okipa: Na ke Kumu Kāne 5. Mele Ho‘ohanohano: “Nāwahīokalani‘ōpu‘u” no Joseph
Kaho‘oluhi Nāwahī 6. Ha‘i‘ōlelo: Na ka Malihini 7. (Mele/Hīmeni: Na ka Malihini) 8. Mele Noi Komo na ka ‘elele kama‘āina: “Nihi ka Hele” no Ke Kula
‘O Nāwahīokalani‘ōpu‘u [Mālama ‘ia kēia mele inā ‘a‘ole mālama ka malihini i mele noi komo.]
9. Mele Kāhea: “Eia Puna Lā” no Ke Kula ‘O Nāwahīokalani‘ōpu‘u 10. Mele Lei: “Nani Kea‘au” no Ke Kula ‘O Nāwahīokalani‘ōpu‘u 11. Ka‘i a Lūlū Lima Aloha 12. Māka‘ika‘i Kula 13. Launa me ka ‘Ai Mea‘ai Māmā
113
Hīmeni a oli ‘ia nā mele launa o ka mana‘o nui i ka hana i ia wā.
Loa‘a nā mele e kono ana i ka malihini e pili mai, nā mele ho‘ohanohano iā
Nāwahī, nā mele ho‘olana mana‘o, a me nā mele ho‘okipa nui ‘ekolu ‘o ke noi, ke
kāhea, me ke mele lei. ‘O ka hana hope loa ma ka piko, ‘o ia ke ka‘i aloha ‘ana o
ka malihini i ka lālani ‘elele kama‘āina o ke kula. Ma hope o kēia, ha‘alele ka nui
po‘e, a lawe nā haumāna kula ki‘eki‘e i nā malihini i ka māka‘ika‘i kula. Ma ka
māka‘ika‘i ‘ana e ‘ike maka ai ka malihini i nā wahi a‘o, a e hiki ke launa ‘olu‘olu
me ka po‘e ma ka pū‘ulu li‘ili‘i. He wā ka ho‘okipa e ‘auamo ai nā haumāna o nā
pae like ‘ole mai ka mālaa‘o a i ka papa ‘umikūmālua i ke kuleana ha‘i‘ōlelo a
wehewehe no ka hana a lākou ke komo aku ka malihini ma ko lākou wahi hana.
Me kēia e komo nui ai nā haumāna me nā kumu ma ka nīnau me ke kūkā me ka
malihini, a pēlā e komo maoli ai i ka na‘au o ka malihini ka maopopo no ka
papahana mauli Hawai‘i. ‘Oiai noi a ‘āpono mua ‘ia ke kipa ‘ana mai o nā malihini
a pau, kama‘āina lākou i ka nu‘ukia o ke kula, a ‘i‘ini lākou i ke a‘o no ka pono o
kā lākou e hana nei ma ko lākou ‘āina. No laila, he kā‘ana kēia wā ho‘okipa i ka
‘ike i loa‘a ma Nāwahīokalani‘ōpu‘u i mea kōkua i ka laha no ka waiwai o ka
ho‘ōla ‘ōlelo me ka ho‘oikaika mo‘omeheu ‘ōiwi ma nā ‘āina like ‘ole a pau. Pēlā
no nā malihini kāko‘o i ia mau ‘ano hana ma Hawai‘i nei a ma ‘ō aku.
5.4.6 Mo‘oki‘ina ‘Uo Mamo
Ua kapa ‘ia ka mo‘oki‘ina ‘Uo Mamo no ka mana‘o o ka hua‘ōlelo ‘uo, he
pū‘ulu hulu manu i nāki‘i ‘ia me ke olonā i ka wā kahiko i mea e haku ‘ia ai nā
mea hulu makamae e like nō ho‘i me ka ‘ahu‘ula, ka mahiole, me ka lei hulu. He
114
manu ka mamo nona ka hulu melemele i mana‘o ‘ia he ‘oi kelakela, a kapa ‘ia ke
keiki he mamo no kona makamae i ke ola o ka ‘ōlelo me ka mo‘omeheu o ka
lāhui.
I mea e mōakāka ai ka ‘ōnaehana ho‘okele papahana, ho‘ohālikelike ‘ia ka
‘auamo kuleana ‘ana o nā kumu, nā haumāna, me nā mākua me ka ho‘ohui ‘ia
‘ana o nā hulu ma ka ‘uo mamo ku‘una. ‘O ka mo‘oki‘ina ‘Uo Mamo ka hana e
pa‘a ai ia mau pū‘ulu a me ke ‘ano o ka ‘auamo kuleana hana a ia mau po‘e.
Ho‘okahi pū‘ulu ‘uo mamo o kēlā me kēia papa, a ke hui like ia mau pū‘ulu ‘uo
mamo, kapa ‘ia ‘o lākou ka Lei ‘Uo Mamo. Ma o kēia ‘ōnaehana e ho‘oka‘a‘ike a
ho‘oulu ai i ke kuana‘ike alu like i waena o nā hanauna, ‘o ka makua, ka ‘ōpiopio
me ke keiki pū. Maka‘ala ‘ia nā hana e pono ai kēlā me kēia papa me ka no‘ono‘o
pū i ka pō‘aiapili e pono ai ke kula holo‘oko‘a. ‘A‘ole e no‘ono‘o ‘ia kekahi ‘ao‘ao
me ka no‘ono‘o ‘ole ‘ia o kekahi. ‘A‘ohe hana nui pili ‘ole i ka mo‘oki‘ina ‘Uo
Mamo. Inā he hanana kūikawā, he pilikia ma ka papa, he ‘imi kālā, a he kū‘ia
ko‘iko‘i paha, ho‘ohana ‘ia ka mo‘oki‘ina ‘Uo Mamo no ka ho‘oholomua ‘ana i ka
hana. Inā e ho‘okō ‘ia ka hana ma waena o nā haumāna, nā kumu, me nā
mākua, e ‘oi aku ana ka mōakāka o ka hana e pono ai ka pae alaka‘i nui o ke
kula. ‘Oiai ua loa‘a ka luna ho‘okele o ke kula, kauka‘i ‘ia ke kō o ka mo‘oki‘ina he
hana e kahe ai ke ka‘a‘ike, a he kōkua ma ka ho‘oholo mana‘o ‘ana i waena o nā
luna a me ka papa alaka‘i o ke kula.
Ho‘oulu ka mo‘oki‘ina ‘Uo Mamo i ke kuana‘ike Hawai‘i ma ka wae ‘ana i
nā ‘elele. ‘Imi ‘ia ka haumāna i hiki ke launa me nā ‘elele ‘Uo Mamo ‘ē a‘e o ka
115
papa a i hiki ho‘i ke ho‘opuka i kona mana‘o no ka pono o kona mau
hoahaumāna. Kama‘āina loa ‘o ia i nā hoa, a ‘ike pū nō ho‘i i ka makemake nui o
nā mākua me nā kumu.
‘O ka ‘elele haumāna ‘oi kelakela ka mea i hiki ke kālailai i nā mea āna i
‘ike ai me ka pahuhopu e pono ai ka holomua o ka nui po‘e. Ke launa me nā
‘elele ‘uo mamo ‘ē a‘e o ka papa, ‘ike ‘o ia i kona kuleana, a hiki ke ho‘opuka
mana‘o me ka mōakāka me ka na‘auao. I kekahi manawa, ‘o ka haumāna mua
ma ke ka‘ina mo‘okū‘auhau ka ‘elele ‘Uo Mamo, eia na‘e, ‘a‘ole pēlā i nā manawa
a pau. Nānā ‘ia ka haumāna i laha mua kona mākaukau no kēia ‘ano kuleana
hana. Ua hō‘ike ‘o ia ma kāna hana o kēlā me kēia lā, a ‘ike ‘ia kēia i waena o nā
hoahaumāna me nā kumu. He pili kēia kuana‘ike wae i ka mo‘omeheu ku‘una,
‘oiai e nānā mau ‘ia ke kanaka i mana‘o ‘ia he mākaukau no ke kuleana e ‘imi ‘ia
ana, ‘a‘ole ho‘i e koho ‘ia ma ke ka‘ina mo‘okū‘auhau wale nō.
Ma ka ‘ao‘ao o ka ‘elele makua, wae ‘ia ka mea i hiki ke hana pū me nā
‘elele kumu a me ka haumāna. Nāna nō e ho‘oka‘a‘ike me nā hoamākua i ‘ike
lākou no ko lākou kuleana hana e pono ai kā lākou mau keiki a pau me ke kula.
Ma ‘ane‘i pū e ‘ike ‘ia ai ke koho ‘ia o ke kanaka mākaukau ma ka hana. Ua laha
mua ka mākau hana ma muli o ka mō‘aukala i pa‘a i waena o nā hoamākua a me
nā kumu. ‘O ke kanaka ‘eleu ma ka hana, ‘a‘a i ka ho‘okō me ka ho‘onui ‘ike, a
hāpai mau i ka pahuhopu nui o ke kula, ‘o ia ka ‘elele makua ‘oi kelakela e ‘imi
‘ia.
116
I ka ho‘omaka ‘ana o ka makahiki kula, ‘ae like ‘ia na wai e ‘auamo i ke
kuleana kumu ‘uo mamo, a ho‘onohonoho ‘ia ia mau kumu i waena o nā papa
mālaa‘o a i ka 12. Ho‘okahi kumu o kēlā me kēia lumi papa. Ke hālāwai nā kumu
a loa‘a nā nīnūnē e kūkā ‘ia no kekahi haumāna a makua paha, na ia kumu nō e
a‘oa‘o aku i nā luna me nā kumu ‘ē a‘e e like me ka nui o kona ‘ike. Ke ‘auamo ‘ia
ke kuleana ‘o ka maka‘ala, ka ho‘oka‘a‘ike, me ka ho‘oponopono ma o ka
mo‘oki‘ina ‘Uo Mamo, pi‘i a‘e ka papaha o ka holomua o ka papahana nui.
5.4.7 Mo‘oki‘ina Hui Kīpaepae
Kapa ‘ia ka mo‘oki‘ina Hui Kīpaepae no ka mana‘o o ka hua‘ōlelo
kīpaepae he kahua hale e kūkulu ‘ia ai ka hale. He mana‘o kāko‘o a ho‘oikaika
hou i pa‘a maika‘i ka hale. Ho‘ākoakoa ‘ia ka hanauna makua me ka hanauna
kupuna no ka ho‘onui ‘ike ‘ōlelo Hawai‘i, ka hana lima, me ke a‘o no ka papahana
o ke kula a me ke aukahi ho‘ōla ‘ōlelo Hawai‘i. He koina kēia no nā ‘ohana
Pūnana Leo a he paipai ikaika ‘ia nā ‘ohana o Nāwahīokalani‘ōpu‘u e komo nui
mai. Hui nā ‘ohana me nā kumu ma ka Hui Kīpaepae ma ke ahiahi Po‘ahā o kēlā
me kēia pule o ka makahiki kula no ho‘okahi hola me ka hapa. ‘Ākoakoa ka po‘e
a pau ma ka hale ha‘uki o ke kula no ka wehena me ka panina, a ho‘oka‘awale
ma nā lumi papa e like me ka pae a‘o ‘ōlelo e pono ai. Aia ma lalo iho nei ka
Pakuhi 5.5 e hō‘ike ana i ka Mo‘oki‘ina Hui Kīpaepae.
Inā ‘apo ka ‘ohana i ka ‘ike o ke kīpaepae a ma ‘ō aku, e ‘oi aku ana ka
mākaukau ma ke kōkua ‘ana i nā haumāna a ma ka ho‘opuka mana‘o ‘ana no ka
papahana i ko waho po‘e. E ‘oi pū aku ana ka hiki ke kālailai a ho‘oholo mana‘o
117
me ko loko po‘e. Ma ka holo ‘ana o ka manawa, komo ka ‘i‘ini i ka makua e ho‘i i
ke kulanui e a‘o ai. ‘Ike ‘ia nō ka waiwai o ia hana ma muli o ka nui o nā mākua
Pakuhi 5.5
i lilo i kumu a i limahana paha o ka papahana ma muli o ka ulu o ka mākaukau
ma ka ‘ōlelo Hawai‘i. He mea ko‘iko‘i loa ka loa‘a o ka makua na‘auao a
walewaha ma ka ‘ōlelo Hawai‘i. Pēlā e pa‘a ai ke kahua e kū ai ka “hale,” ‘o ka
hō‘ailona ia “hale” o ka papahana mauli Hawai‘i.
5.4.8 Mo‘oki‘ina Pule Nāwahīokalani‘ōpu‘u
Kapa ‘ia ka mo‘oki‘ina Pule Nāwahīokalani‘ōpu‘u ma muli o ka
ho‘oka‘awale ‘ana i pule mai ka Pō‘akahi a i ka Po‘alima nō ho‘i no ka
Mo‘oki‘ina Hui Kīpaepae
1. Wehena a. Ho‘okani ‘ia ka Pū e. Ha‘i‘ōlelo Kumu Kāne: Mana‘o Nui o ke Ahiahi i. Pule o. Mele: Koho ‘ia u. Ha‘i‘ōlelo Kumu Wahine: Mana‘o A‘oa‘o h. Mele/Hīmeni Kula k. Mele Oli Noi Komo: Koho ‘ia l. Mele Oli Kāhea: Koho ‘ia
2. Papa ‘Ōlelo Hawai‘i a. A‘o ‘Ōlelo e. Ho‘oikaika Kuana‘ike Hawai‘i (ke aukahi ho‘ōla ‘ōlelo, a me
ka hana lima) 3. Panina
a. Nā Ho‘olaha e. Ha‘i‘ōlelo Kumu: Mana‘o Hō‘ulu‘ulu i. Pule Ho‘oku‘u o. Mele Pani: Koho ‘ia
4. Ho‘oku‘u
118
ho‘ohanohano ‘ana iā Iosepa Kaho‘oluhi Nāwahī, ke kanaka nona ka inoa o ke
kula.xviii ‘Oiai ua hala ‘o ia ma ka lā 12 o Kepakemapa, 1896, mālama ‘ia kēia
pule kūikawā ma ka ho‘omaka ‘ana o ka makahiki kula i Kepakemapa nō. Ma
hope pono o ka mo‘oki‘ina Piko, ‘ākoakoa ka po‘e a pau ma ka hale ha‘uki o ke
kula no ka papahana. Ho‘okuleana ‘ia nā papa a pau mai ka mālaa‘o a i ka papa
12 e noi‘i a ho‘omākaukau i wahi hō‘ike e ho‘oulu ai i ka na‘auao o ko ke kula no
Nāwahī. Kālele ‘ia ‘elua ‘ao‘ao ma ka noi‘i ‘ana, ‘o ia ka mo‘olelo no kona noho
‘ana a me ka ha‘awina āna i waiho ai he hō‘oilina no nā pua aloha ‘āina e waiho
nei. Aia ma lalo iho nei ka Pakuhi 5.6 e hō‘ike ana i ka Mo‘oki‘ina Pule
Nāwahīokalani‘ōpu‘u.
‘O ka ‘ike mo‘okū‘auhau ka ha‘awina nui o kēia mo‘oki‘ina. Ma ka noi‘i i ko
Nāwahī mo‘olelo me kāna hō‘oilina i waiho mai ai, pēlā e hiki ai ke ho‘ohana i ke
kālaimana‘o me ka nu‘ukia e pono ai ke a‘o i ka papa ha‘awina. Aia nō i ke kumu
ke kālena o ka ho‘olauna ‘ana i ka ma‘i‘o āna e a‘o ai ma ka lumi papa me ka
hana a kēia kanaka he kumu ho‘ohālike ‘o Iosepa Nāwahī. Wae ‘ia kekahi ‘ao‘ao
hoihoi o ko Nāwahī mo‘olelo, a komo nā haumāna ma ka ha‘i‘ōlelo, ka hīmeni, a
hana keaka paha i mea e ho‘āla a paipai ai nō ho‘i i ka ho‘onui ‘ike i waena o ko
ke kula. He pō‘aiapili e ho‘oma‘ama‘a ‘ia ai ka lawena me ka mākau ‘ike
ha‘i‘ōlelo, ke alu like ‘ana ma hope o ka pahuhopu ho‘okahi, me ke kālailai i ka
ho‘okō i ka hana ma ke kūlana ‘oi kelakela i mua o ka po‘e. Ke ka‘awale
nā ‘ohana, hele pū mai lākou no ka nānā ‘ana i ka papahana. ‘A‘ole nō i lō‘ihi ka
119
Pakuhi 5.6
papahana, akā, he wā nō ia e ho‘onui ai nā ‘ohana i ko lākou ‘ike no Nāwahī a e
ulu pū ai ko lākou ha‘aheo i ka hana a kā lākou keiki.
5.4.9 Mo‘oki‘ina Pule Puka Kula
He mo‘oki‘ina nui ākea ka hana o ka pule puka kula. Aia ma ia mo‘oki‘ina
nā hana e pani ai i ka papahana kula ma Nāwahīokalanl‘ōpu‘u.xix Kapa ‘ia kēia
mo‘oki‘ina ma muli o 1) ka puka ‘ana o nā haumāna papa 12, a me 2) ka
ho‘onohonoho ‘ia ‘ana o ka papahana mai ka Po‘akahi a hiki i ka Po‘aono o ia
pule. Aia i loko o kēia mo‘oki‘ina nui ākea kekahi mau mo‘oki‘ina i ho‘onohonoho
‘ia ma ia pule, ‘o nā mo‘oki‘ina pani nō ho‘i kekahi e kālele ana ma luna o nā
Mo‘oki‘ina Pule Nāwahīokalani‘ōpu‘u
1. Wehena a. Ha‘i‘ōlelo Kumu Kāne: Mana‘o Nui o ka Papahana e. Hīmeni Ho‘ohanohano: “Nani Nāwahī” no Joseph
Kaho‘oluhi Nāwahī i. Ha‘i‘ōlelo Kumu Wahine: Mana‘o a‘oa‘o o. Hīmeni Ho‘ohanohano: “Hū Mai Ke Aloha” no Joseph
Kaho‘oluhi Nāwahī 2. Hō‘ike papa
a. Po‘akahi: Papa 12, 11 e. Po‘alua: Papa 10, 9 i. Po‘akolu: Papa 8, 7 o. Po‘ahā: Nāwahī Iki u. Po‘alima: Nā Ha‘awina Nui o ka Pule
Pā‘ina Awakea: Mea‘ai Hawai‘i 3. Panina
a. Ha‘i‘ōlelo: Hō‘ulu‘ulu Mana‘o e. Mele Oli Ho‘ohanohano: “Nāwahīokalani‘ōpu‘u” no
Joseph Kaho‘oluhi Nāwahī
4. Leo Ho‘oku‘u na ke alaka‘i nui o ka papahana
120
ha‘awina ku‘una ko‘iko‘i o ke kula. ‘O ka hua nui o ia pule i ‘imi ‘ia, ‘o ia ka hō‘oia
‘ana i ka mo‘okū‘auhau ho‘ona‘auao kula mauli Hawai‘i a me ka ‘apo ‘ana o nā
haumāna i nā ha‘awina nui i ka panina o nā hana.
Aia ma lalo iho nei ka Pakuhi 5.7 e hō‘ike ana i ka Mo‘oki‘ina Pule Puka
Kula.
Pakuhi 5.7
Komo like nā haumāna a pau o ke kula waena me ke kula ki‘eki‘e, nā
kumu a me nā ‘ohana ma ka ho‘omākaukau ‘ana a me ka ‘auamo ‘ana i nā
kuleana hana a pau e pono ai.
Mo‘oki‘ina Pule Puka Kula
1. Po‘akahi a. Mo‘oki‘ina Ka‘i Mo‘okū‘auhau e. Ahiahi Ho‘olauna Aloha me nā ‘Ohana
2. Po‘alua
a. Mo‘oki‘ina ‘Aha Haipule ma ka Hale Pule ‘o Haili
3. Po‘akolu a. Mo‘oki‘ina ‘Aha Mokuola
4. Po‘ahā
a. Kūkulu a Ho‘omākaukau no ka Po‘aono
5. Po‘alima a. Hō‘aumoe ka Papa 12 me nā Kumu ma
Nāwahīokalani‘ōpu‘u
6. Po‘aono a. Mo‘oki‘ina ‘Aha Ho‘omoloa
121
Ho‘onohonoho ‘ia nā hana o ka pule ma ke ka‘ina e ‘ike ‘ia ai ke kō o kēia
mau mana‘o nui: 1) ka ho‘i hou ‘ana i nā kīpuka ho‘ona‘auao no ka hō‘ike i ka
mahalo me ke aloha, 2) ke komo ma nā kīpuka mo‘okū‘auhau pili ‘uhane ma ka
hale pule Kalikiano ‘o Haili a me ka ‘au a puni ka pōhaku ‘o Mokuola, 3) ke komo
o nā haumāna ma ka ho‘omākaukau me ke a‘oa‘o ‘ia e nā kumu, a 4) ke komo
ma ka ‘aha e nāki‘i ‘ia ai ke kīhei he hana e kū hō‘ailona ana no ka ho‘okō piha
‘ia o ke kuleana ‘imi na‘auao ma ke kula ‘o Nāwahīokalani‘ōpu‘u.
No‘ono‘o ‘ia ke ka‘i mo‘okū‘auhau, ka ‘aha haipule, ka ‘aha mokuola a me
ka ‘aha ho‘omoloa he mau mo‘oki‘ina kūkā‘oko‘axx nō ma muli o ke ‘ano o ka
mālama ‘ia ‘ana o ia mau mo‘oki‘ina. Ma muli o ka pa‘a loa o ke kuana‘ike
mo‘oki‘ina ma waena o ka po‘e, ‘ike ‘ia ka ha‘awina o ia ‘ike ma ka lawena hana a
ka po‘e ke komo i ka hana ma‘amau. ‘A‘ole ma ka mo‘oki‘ina kūhelu wale nō. He
hō‘ailona maika‘i nō ia o ka ili a me ka lilo o ke kuana‘ike mo‘oki‘ina he mea
kuluma i waena o ka po‘e.
He hō‘oia ka mo‘oki‘ina ka‘i mo‘okū‘auhau i ka mahalo i ka mo‘okū‘auhau
ho‘ona‘auao o nā haumāna. Kipa nā kumu me nā haumāna i nā kīpuka
ho‘ona‘auao, i ka honua kula kamali‘i Pūnana Leo, i ke kula ha‘aha‘a ma
Keaukaha, a i ka hale mua o Nāwahīokalani‘ōpu‘u ma Hilo Kaona. Kipa pū lākou
i ka hē o Joseph Kaho‘oluhi Nāwahī ma ka pāilina ‘o Homelani. Ma ia ka‘i ‘ana e
ho‘omana‘o a e mahalo pū ai i nā kumu, nā limahana, me nā hoa haumāna i
kāko‘o iā lākou ma ia mau makahiki kula. Mai loko mai o ia mo‘okū‘auhau i puka
mai ai ka haumāna. ‘O kēia ‘ike mo‘okū‘auhau kekahi hi‘ohi‘ona o kona na‘auao.
122
‘O ka ho‘omākaukau me ke kahukahu i ka ‘ike me ka na‘auao kekahi hana e pili
hou ai nā haumāna o ka papa 12 me nā kumu. He mea nui ia ma mua o ke komo
i ka mo‘oki‘ina ‘Aha Ho‘omoloa, ka hana hope ‘o ke ko‘iko‘i loa o nā mo‘oki‘ina a
pau o ka pule puka kula.
He hō‘oia ka mo‘oki‘ina ‘aha haipule ma ka Hale Pule ‘o Haili i ka
mo‘okū‘auhau pili ‘uhane Kalikiano, ‘oiai ‘o ke Kalawina ka mua o nā ho‘omana
Kalikiano i hō‘ea mai i Hawai‘i ma ka makahiki 1820. ‘O Haili pū nō ka hale pule i
hele ai ‘o Nāwahī mai kona wā kamali‘i mai nō. A pēlā ka mana‘o nui o ka
mo‘oki‘ina ‘Aha Mokuola ma Waiākea kai ma ke awa kū moku o Hilo, he kīpuka
mana pili ‘uhane ia wahi no ka ‘imi i ke ola kino maika‘i o ke kanaka. Mālama ‘ia
nā mele, nā mo‘olelo, me ka ‘au e kō ai ka ‘imi i ka ikaika o ka haumāna.
Ho‘oka‘ina ‘ia nā hana o ka mo‘oki‘ina ‘Aha Ho‘omoloa ma ke ‘ano he pani
no nā hana a pau o ka pule, he hō‘oia ho‘i i nā mana‘o nui ma o nā mele, nā
hula, a me nā ha‘i‘ōlelo, he ho‘ohanohano i ka mo‘okū‘auhau, a he hō‘oia pū nō
ho‘i i ke kuleana nui e ‘auamo ‘ia e ia mau haumāna e puka ana. ‘O ka ho‘omoloa
‘ia ‘ana o ke kīhei ma ka po‘ohiwi o ka haumāna, ‘o ia ka hana e kū hō‘ailona ana
no ka pa‘a pono iā ia o ka ‘ike e ho‘oku‘u a ha‘alele maika‘i ai ‘o ia i kona kūlana
haumāna ma ke kīpuka ho‘ona‘auao ‘o Nāwahīokalani‘ōpu‘u. E mau aku nō
kona ‘imi na‘auao ‘ana ma ka pae hou he kanaka makua. He ha‘awina nui kēia
na nā haumāna, na nā kumu, a na nā ‘ohana nō a pau.
123
He wā hanohano ka wā e mālama ‘ia ai ka mo‘oki‘ina pule puka kula. Nui
ka hana a nui pū ka ha‘aheo me ka lana o ka mana‘o no ka hanauna hou e hāpai
ana i ka ‘ōlelo me ka mo‘omeheu Hawai‘i i luna.
5.3.10 Ka Ho‘okumu Mo‘oki‘ina
He ‘ōnaehana ka mo‘oki‘ina ma Nāwahīokalani‘ōpu‘u. Kūkulu ‘ia nā ‘anu‘u
hana ma kēlā me kēia mo‘oki‘ina ma ke ‘ano e pili ai nā kānaka ma ka honua
ho‘okahi. ‘Imi ‘ia ka ho‘okumu mo‘oki‘ina i mea e ho‘iho‘i hou ‘ia ai ka mākau, ka
na‘auao me ka lawena ku‘una i waena o ka po‘e. Ma ka nānā ‘ana i ka
wehewehena o nā mo‘oki‘ina i helu ‘ia ma luna a‘e nei, hiki ke ‘ike ‘ia nā
hi‘ohi‘ona nui e like ai nā ‘ano a pau: 1) ka pili a nā kānaka, 2) ka ‘ākoakoa ma
kekahi honua kūikawā, a me 3) ke komo ma ka hana kuana‘ike Hawai‘i. ‘Oiai
‘a‘ole nō wau i lohe no kēia mau ‘ano ki‘ina hana ma ka pō‘aiapili kula ma mua, e
nānā ‘ia kēia ‘ōnaehana ma ke ‘ano he kōkua i ka ho‘omohala ‘ana i kekahi mau
hana ‘oko‘a e pono ai ka ‘ike ku‘una Hawai‘i o ka po‘e i kēia mua aku.
‘O ka mana‘o nui o ka pili a kānaka ma kēia pō‘aiapili, ‘o ia ka hiki ke hana
pū ma luna o ka mākau me ka na‘auao i loa‘a i kēlā me kēia kanaka. E pili ka
po‘e ma kekahi ‘ano e hua mai ai ke kālena o kēlā me kēia kanaka e kia like ai ka
po‘e ma luna o kekahi pahuhopu nui i ‘ae like ‘ia i waena o ia mau po‘e. I ka nui o
ka manawa, he pahuhopu nō ia e ho‘oulu ana i ka noho pono ‘ana o ka ‘ohana a
me ka ho‘oikaika ‘ana i ka papahana e pono ai ho‘i ka nui. Ma ka ‘oi kelakela o ka
mālama mo‘oki‘ina, he pahuhopu ia e ‘ume ana i ke komo ‘oia‘i‘o o ka po‘e ma ka
‘auamo kuleana a me ka lana o ka mana‘o. ‘A‘ole e wāwahi i ka holomua a
124
ho‘ohuoi paha i nā hoa limahana. He mea nui pū ma kēia pilina ka hiki ke
wānana a ‘ike i nā hō‘ailona o ka pilikia a me ka loa‘a ho‘i o ka mākau
ho‘oka‘a‘ike a aloha e ho‘oponopono ‘ia ai ia mau pilikia. He mea nui ka hui kino
‘ana o ka po‘e ke mālama ‘ia ka mo‘oki‘ina. Pēlā e mau ai ka maiau me ka lōkahi
o ka hana a ka po‘e.
‘O kekahi mea nui o ka mo‘oki‘ina, ‘o ia kahi e hui ai ka po‘e o ke kula, he
‘āina, he hale, he kū‘ono paha, e mana‘o ‘ia ‘o ia kahi hua nui o ka pahuhopu o ia
mo‘oki‘ina. Ke mālama ‘ia pēia, ‘a‘ole e ʻike wale ʻia nō ka ulu o ka na‘auao o ka
po‘e me ke aloha i ka hopena ho‘okahi, akā, e ulu pū ana ka pilina aloha kekahi i
kekahi a i ia wahi ‘ākoakoa o ka po‘e. Pēlā ke kuana‘ike o kānaka no nā wahi like
‘ole, nā wahi alahula me nā wahi malihini. He kīpuka kahi e mālama ‘ia ai ka
mo‘oki‘ina, he wahi ‘olu‘olu a palekana. Ke ‘olu‘olu ma ia kīpuka, komo pū ke
aloha i ka hana, i nā hoa kānaka a i nā mea ho‘i i loa‘a ma ia wahi. Ma kēia
pō‘aiapili kiko‘ī, ho‘oikaika ka hana mo‘oki‘ina i ka pilina ku‘una ‘o ke aloha ‘āina.
Ke no‘ono‘o ‘ia nā kumu ho‘ohālike hanohano o ka lāhui mai ka wā ma
mua a hiki i kēia manawa, ‘o ko lākou na‘auao me ke kuluma o ka no‘ono‘o ‘imi
ikaika a maka‘u ‘ole i ka hana, ‘o ia ke ‘ano o ke kanaka maoli. No laila, e like me
ka ‘ōlelo ku‘una, “Ma ka hana ka ‘ike,” pēlā nō ma ka mo‘oki‘ina. Ke komo ke
kanaka i ka hana mo‘oki‘ina, ‘ike ‘o ia no nā lauana hana e ho‘āhuwale mai ai i ka
no‘ono‘o ku‘una. Ke nānā ka maka, e hana nō ka lima a pa‘a ka ha‘awina o ia
hana. ‘O ka hō‘ea kino kekahi hō‘ailona o ka ho‘okō. Ke hō‘ea, loa‘a ka po‘e
alaka‘i me ka po‘e hahai. ‘O ka ho‘āno me ka ho‘olohe, a ‘o ka nānā me ka maka
125
‘ike, ‘o ia ke ‘ano o ka no‘ono‘o ke hahai. Inā he alaka‘i, e ho‘opuka ‘ia nā mana‘o
me ka ma‘ema‘e a me ka ‘oia‘i‘o, ‘a‘ole ho‘i me ke kīwala‘ō a no‘ono‘o ‘ole. Inā he
hīmeni a oli paha, e pohā ka leo a e no‘ono‘o ‘ia ka mana‘o o nā hua‘ōlelo. Ke
pule, e hana ‘ia nō me ka ‘oia‘i‘o i lohe ‘ia ka mana‘o pili ‘uhane. E pule a kia like
ka mana‘o o ka po‘e ma luna o ke kumuhana nui e hāpai ‘ia ana. ‘O ka ‘auamo
kuleana me ke kālailai pū i ka ‘ikepili i ka manawa ho‘okahi, ‘o ia ke ‘ano o ke
‘o‘ole‘a e pono ai. Ke ‘imi ‘ia ka hana me kēia, nui ka ulu o ka mākau me ka
na‘auao o ka po‘e. E like nō me nā hana a pau, pono e ho‘omākaukau, e
wānana, a e ho‘okō me ka ikaika a me ke aloha. ‘O ia ka hana e pono ai ke kō o
nā pahuhopu a pau o ke aukahi ho‘ōla ‘ōlelo Hawai‘i.
‘O ka mo‘oki‘ina kekahi ka‘akālai e ulu hou a‘e ai ke kuana‘ike Hawai‘i i
waena o ka po‘e ma Nāwahīokalani‘ōpu‘u, ‘a‘ole no ke kama‘ilio a kūkā wale ‘ia
nō. ‘Oiai he honua kula ‘ōlelo Hawai‘i ‘o Nāwahīokalani‘ōpu‘u, ho‘ohana ‘ia ka wā
ma laila no ka hō‘oia‘i‘o ‘ana i ka mo‘omeheu Hawai‘i. ‘O ka mo‘oki‘ina ka hana e
alu like ai ka po‘e ma luna o ia mo‘omeheu.
Aia ma ka Mokuna ‘Eono ka wehewehena no ka mo‘oki‘ina ho‘oponopono
ma Nāwahīokalani‘ōpu‘u. He kū hō‘ailona ia mo‘oki‘ina i ka mea nui o ka ‘imi
ho‘oponopono ‘ana ke loa‘a ka pilikia ma ke kula. He mākau a he na‘auao ka hua
e ili ma luna o ka po‘e a pau ke komo ma ka mo‘oki‘ina ho‘oponopono. He ‘ike
waiwai ia no ka hana me ko loko a me ko waho pū ho‘i o ka pō‘aiapili kula.
126
Mokuna ‘Eono
Ka Mo‘oki‘ina Ho‘oponopono ma Nāwahīokalani‘ōpu‘u ‘Oiai he kanaka ke kanaka, e puka mai ana nō nā hemahema ke hana pū
kekahi me kekahi. No ia kumu i loa‘a mai ai ka mo‘oki‘ina ho‘oponopono ma
Nāwahīokalani‘ōpu‘u. Ma ke au manawa mai ka lā i haku mua ‘ia ai ma Hilo
Kaona a hiki i kēia manawa, ua ‘ike i ka waiwai o ia ki‘ina ma ka hana me nā
haumāna, nā limahana, a me nā ‘ohana o ke kula.
‘O ka mo‘oki‘ina ho‘oponopono ka ‘ōnaehana hu‘e a mahiki i ka pilikia ke
kupu mai. I ka wā e maopopo ai ke alaka‘i o ka ho‘oponopono i ia mole o ka
pilikia, ua hiki iā ia ke wehewehe a kōkua i ka mea lawehala. Na ke alaka‘i nō e
ho‘okele a e a‘oa‘o ma ka hana ho‘oponopono. Ma ia a‘oa‘o ‘ana a ke alaka‘i a
ma ka ho‘okō ‘ana a ka lawehala i ia a‘oa‘o ‘ana, pēlā e mahiki ai i ka pilikia a e
pani ai i ka ho‘oponopono ‘ana.
Ua like ka mo‘oki‘ina ho‘oponopono me nā mo‘oki‘ina ‘ē a‘e o ke kula no
ka loa‘a o nā māhele hana ‘ano nui, ‘o nā ‘anu‘u a me nā māhele hana e ka‘a ana
ma lalo o ka ‘anu‘u, ‘o nā pae hana. Ho‘okō ‘ia nā ‘anu‘u a me nā pae hana ma
lalo o ka ho‘okele ‘ana a ke alaka‘i, a na ka lawehala a me nā kānaka ‘ē a‘e e
ho‘ākoakoa ‘ia e hahai a ho‘okō. Inā na‘e ua nui ka hihia o nā pilikia like ‘ole, e
mahiki ke alaka‘i i kēlā me kēia pilikia pākahi a pau, a wāwahi pau loa ‘ia ka hihia
nui. Hiki ke lō‘ihi ia ‘ano ho‘oponopono ‘ana, akā, inā ua lōkahi a ikaika ka
no‘ono‘o ‘ana o ka po‘e, e holo pono ana ka hana. Ke ho‘okō maika‘i i ka
mo‘oki‘ina
127
ho‘oponopono, e maluhia hou ana ka nohona o ka po‘e kekahi me kekahi, a laila,
ua hiki nō ho‘i ke ho‘oholomua hou a‘e i ka hana.
No loko mai nō o ka ‘ohana ka loina ho‘oponopono. Ke kupu mai ka hihia i
waena o ka po‘e pilikana ‘ohana, ‘imi koke ‘ia ka hana e ho‘onā ‘ia ai ka pilikia.
‘A‘ole nō i ho‘omanawanui ‘ia ka hihia, no ka mea e māhuahua hou a‘e ana ka
pilikia inā ‘a‘ole e maka‘ala koke ‘ia. Maka‘ala ‘ia nā hō‘ailona e ‘ike ‘ia ai ke kumu
o ka pilikia. He kuana‘ike kēia e pono ai ka ‘ike i ka ha‘awina ‘ino he ma‘i ma luna
o ke kino kanaka e like ho‘i me ka ma‘i. Inā paha he lili, he huhū, a i ‘ole paha he
pepehi, ‘a‘ole e ho‘oku‘u wale ‘ia ke kanaka e lilo he mea ho‘ohihia i ko ka
‘ohana. No ia kumu, pono nā pilikana e ‘imi i ka hana e ho‘ōki a ho‘oka‘awale ‘ia
ai ka pilikia. ‘O ka pa‘a like o ke kuana‘ike ‘ohana ka mea e pono ai ke kō o ka
ho‘oponopono.
Ma ka mo‘okū‘auhau e ‘ike ai ka po‘e na wai e ho‘okele i ka
ho‘oponopono. I ka wā e maopopo ai na wai e alaka‘i, e ‘auamo like ka po‘e a
pau i ke kuleana ‘o ka ‘imi i ka hopena e ulu ai ka pono me ka pilina maika‘i i
waena o ka po‘e. ‘O ka maopopo no ka pono me ka pono ‘ole ka mea e kō ai ka
hana ho‘oponopono. ‘O ka ‘ōlelo me ka ‘oia‘i‘o a me ka hilina‘i o ka na‘au nā
kumu pono e holomua ai ka hana. ‘A‘ole e ‘ae ke alaka‘i i ka ho‘omauhala a me
ka ‘imi mākaia. E ho‘okele ‘o ia me ka ho‘omalu i ka na‘au o ka po‘e a me ke kia
lōkahi o ka mana‘o ma luna o ka ‘imi ‘ana i ka hopena pono. ‘O ka ho‘okolokolo
mole pilikia, ka ‘ōhi‘u, a me ka hu‘e kekahi o nā mākau alaka‘i e ho‘ohua mai ai i
ke kūkā ‘oia‘i‘o ‘ana i waena o ka po‘e hihia. He kālena mālama a he ‘a‘a pū ka
128
hana a ke alaka‘i. ‘O ka ho‘opili a me ka ho‘okaualewa ‘ana i ka mālama a me ka
‘a‘a i ka ‘imi, ‘o ia ke ki‘ina ‘oi kelakela o ka ho‘oponopono. Inā ‘a‘ole nō e ‘imi ‘ia
kēia kūlana maluhia, a ho‘oku‘u ‘ia ke kanaka e hana e like me ka pā o kona
na‘au me ka pi‘i paha o kona huhū, e lilo ana ia kanaka a me nā kānaka ‘ē a‘e he
mau luaahi o ia hihia.
‘Oiai he kanaka ke kanaka, e mau ana nō ka ‘ike ‘ia o ia mau ‘ao‘ao kīna‘u
o ke kanaka. Eia na‘e, ‘a‘ole nō e ‘ae ‘ia ka lilo o ke kanaka ho‘okahi ‘o ia ka mea
nui ma mua o ka nui po‘e. ‘O ka mea ‘āpiki nō na‘e, inā ‘a‘ole nō mākaukau ka
po‘e no ka ho‘oponopono, ‘a‘ole ana hiki ke ho‘okō. Pono e ho‘omanawanui, a
hala ka manawa, a laila paha, ua hiki ke ‘imi hou ma hope. Ma muli o ke
kuana‘ike no loko mai o ka ‘ohana a me ke kuana‘ike no ke alaka‘i ‘ana, pēlā i
kupu mai ai ka mo‘oki‘ina e ho‘ohana ‘ia nei ma ke kula ‘o Nāwahīokalani‘ōpu‘u i
kēia wā. Aia ma lalo iho nei ka Pakuhi 6.1 e hō‘ike ana i nā ‘anu‘u a pae hana a
me ka wehewehena no ka mo‘oki‘ina ho‘oponopono ma Nāwahīokalani‘ōpu‘u.
Aia ma ka Pakuhi 6.1 nā ‘anu‘u a me nā pae nui a pau o ka mo‘oki‘ina. Aia nō
na‘e i ke ko‘iko‘i o ka pilikia, pēlā e ho‘oholo ai ke alaka‘i i nā ‘anu‘u hana e
ho‘okō ‘ia. Ua loa‘a ‘elua kūlana ko‘iko‘i o ka ho‘oponopono. Inā ua lilo ka pilikia
he hana e pā ai ko ke kula ma ka laulā, e ho‘ohana ‘ia nā ‘anu‘u a pae a pau i
helu ‘ia ma luna a‘e nei. Inā nō he pilikia i pā ai kekahi kanaka a pū‘ulu kanaka
paha e kū ka‘awale ana i ko ke kula ma ka laulā, e ho‘ohana ‘ia nā ‘Anu‘u A, E, I
a me ka O e like me ka mea e pono ai. Aia ma nā ‘anu‘u ‘ē a‘e nā hana e koi ana
i ka lawehala e ho‘okō i kona kuleana hana pāna‘i ma ka Piko i mua o ko ke kula,
129
‘a‘ole ma ka hālāwai ka‘awale ma ke ke‘ena wale nō. He hopena nō ia no ka
pilikia ko‘iko‘i.
Pakuhi 6.1
Wehewehena
1. Pule 2. Kumuhana 3. Mahiki
o. Mihi/Kala u. Pule
ka Piko kakahiaka.
L. Chapter 19pono ai ka pilikia.
M. Pani
130
Inā nō he pilikia ko‘iko‘i a ko‘iko‘i ‘ole paha, na ka mea alaka‘i nō e
ho‘oholo pehea e ho‘ohana ai i kēia mau pae hana o nā ‘anu‘u. Aia iā ia ka
ho‘ololi ‘ana ke kālele ma kekahi ‘anu‘u a ho‘oka‘ina hou ‘ana a‘e paha i nā pae
hana. Nāna e ho‘oholo iā ia e ho‘okele ana i ka hana me ka lawehala. ‘O ka mea
nui na‘e, e ho‘okō aku i nā ‘anu‘u a pau e pono ai ka pae ko‘iko‘i o ka pilikia.
6.1 Ke Kuana‘ike Ho‘oholo Mana‘o no ka Hana Mo‘oki‘ina Ho‘oponopono
He kuleana alaka‘i ko‘iko‘i ka ho‘oholo mana‘o ‘ana, ‘oiai ua nui nā
hi‘ohi‘ona o ke kālailai e pono ai ka hana ho‘okahi. I kekahi manawa, he mau
mana‘o ia e pono ai ka hana hikiāpoko a i kekahi manawa no ka
hikiāloa ho‘i. He mākau wānana ka ho‘oholo mana‘o ‘ana ma ka hana
ho‘oponopono. I kekahi manawa, inā ‘a‘ole nō e kālele koke ma ka ho‘oholo
mana‘o ma luna o kekahi pilikia, e nui a‘e ana ka hihia i waena o ka po‘e. E like
me ka nui ‘ana a‘e o ka hihia, pēlā e ‘oi aku ai ka hana ma ka wāwahi ‘ana. No
laila, he mea nui ka maka‘ala i ka wikiwiki a me ka mālie o ka ho‘oholo mana‘o
‘ana. ‘Oiai ‘o ke kūlana maluhia kekahi pahuhopu nui ma ka ho‘oholo mana‘o
‘ana, he mea nui ke kaupaona ‘ana i nā hana e ho‘ohua mai ana i ka hopena
maika‘i, ‘o ia ho‘i ‘o ke kūlana maluhia i waena o ka po‘e. Loa‘a nō ke kuleana
ho‘oholo mana‘o i kēlā me kēia kanaka i ka wā e ‘ike ai i kekahi pilikia. Akā, inā
‘a‘ole nō i hiki i ia po‘e ke ho‘oholomua i ia ho‘oponopono ‘ana, e ho‘i hou ana ia
kuleana i ka po‘e alaka‘i o ke kula.
131
‘Oiai he kuana‘ike Hawai‘i ko ka papahana kula mauli ola o
Nāwahīokalani‘ōpu‘u, ua loa‘a pū nā kulekele aupuni e hahai pū ‘ia. No laila, ua
ho‘olauka‘i ‘ia ia mau kuleana i mea e kō ai nā ‘ao‘ao ‘elua, ma ke kuana‘ike
Hawai‘i a ma nā kulekele aupuni. No ke alaka‘i kula ke kuleana ‘o ka
ho‘okaualewa i nā kulekele aupuni ‘o Chapter 19 (ma lalo o Title 8, Subtitle 2.
Part 1 of the Hawaii Administrative Rules) a me nā ‘anu‘u a pae ku‘una o ka
mo‘oki‘ina ho‘oponopono. Pēlā e ho‘okō piha ai i ka hana ho‘oponopono no nā
hihia ko‘iko‘i o ke kula.
‘Elua alaka‘i nui o ka papahana kula, ‘o Kaleihōkū Kala‘i ma kona kūlana
Hope Po‘okumu a me a‘u ma ko‘u kūlana Po‘okumu. Aia kekahi hapa o ke
kula –– nā papa 9-12 –– ma lalo o ka malu o ke Kula Ki‘eki‘e ‘o Hilo, a ‘o kekahi
hapa –– nā papa M-8 –– he kula ho‘āmana ia. ‘Oiai he kula ho‘okolohua ‘o
Nāwahīokalani‘ōpu‘u ma lalo o Ka Haka ‘Ula O Ke‘elikōlani, ‘auamo wau i ke
kuleana alaka‘i ma ka ho‘okele a ho‘omohala i ka papahana kula mauli ola
Hawai‘i ma Nāwahīokalani‘ōpu‘u. Hana pū māua ‘o Kala‘i ma ko māua kūlana i
kō nā pahuhopu nui o ke kula mauli ola Hawai‘i.
‘O ka ‘ōnaehana ho‘omo‘oki‘ina kekahi kumu i mōakāka ai ka ‘auamo
kuleana ‘ana i waena o nā limahana a me nā haumāna, a keu aku ma ka
mo‘oki‘ina ho‘oponopono. Aia ma ka Mokuna 5 ka wehewehena no nā mo‘oki‘ina
Ka‘ina Mo‘okū‘auhau a me ka ‘Uo Mamo, nā mea ‘elua e hō‘akāka kiko‘ī ai i ka
pilina ‘auamo kuleana i waena o ka po‘e. Ke kupu mai ka pilikia ma ke kula, imi
mua ‘ia ka ho‘oponopono ma luna o ka ‘ike i loa‘a ma ia mau mo‘oki‘ina ‘elua, a
132
laila, inā ‘a‘ole kō, e lawe ‘ia i ke ke‘ena nui o ke kula, a na māua ‘o Kala‘i e komo
ma ka ho‘oponopono ‘ana.
Ma muli o ka mō‘aukala ho‘okumu mo‘oki‘ina ho‘oponopono a me ko‘u
‘auamo kuleana ma ke au manawa, a‘oa‘o wau i ka po‘e o ke kula no ka hana
ho‘oponopono ke kupu mai. E like nō me ka nui o ke komo ma ka hana
ho‘oponopono, pēlā e ulu ai ka mākaukau o nā kānaka ma ke alaka‘i ‘ana i ia
hana, a e ‘ike ai ho‘i no ka waiwai a me ka ‘oia‘i‘o o ia ki‘ina. E komo ia mākau
me ka na‘auao no ka mo‘oki‘ina ho‘oponopono ma muli o ke komo ma ka wā e
kupu mai ai ka hihia, ‘a‘ole ma ke ‘ano he kumuhana kūkā ma hope o ka pau
‘ana. Inā na‘e ‘a‘ohe kuleana e komo piha ai i ka mo‘oki‘ina, e loa‘a ana ka
waiwai o ke kūkā ‘ana ke hālāwai nā kumu ma hope o ka pau ‘ana. ‘Oko‘a ka
ha‘awina e ili ana ma luna o ka po‘e ke komo ma ka ho‘oponopono ‘ana, akā
na‘e, ma ka laulā, e ulu ana nō ka ‘ike o ka po‘e a pau ke ho‘okō maika‘i ‘ia.
‘Auamo ‘oko‘a māua ‘o Kala‘i i ke kuleana ho‘oponopono, na‘u e alaka‘i
ma ka ‘ao‘ao ku‘una Hawai‘i, a nāna e kāko‘o a kōkua ma ka hō‘oia i ka ho‘okō
ma nā kulekele kula aupuni. Inā ‘a‘ole wau ma laila, nāna nō e ho‘okele ma ka
‘ao‘ao ku‘una, a e ho‘okuleana ‘o ia i kekahi nāna e kōkua ma ka ‘ao‘ao kula
aupuni. Ma ka li‘ili‘i, loa‘a māua me ka lawehala, akā, i ka nui o ka manawa loa‘a
pū kekahi po‘e hou a‘e ma ka ho‘oponopono ‘ana. Na māua nō e hō‘oia i ka
ho‘okō piha ‘ia o ka mo‘oki‘ina mai ka ho‘omaka ‘ana a hiki i ka pau loa ‘ana.
‘O kekahi ‘ao‘ao o ke kuana‘ike Hawai‘i e pono ai ka ho‘oponopono, ‘o ia
ke ‘ano o ka ho‘oka‘a‘ike ‘ana i mea e ulu ai ka mōakāka. Ke mōakāka i ka mea
133
alaka‘i, ua hiki iā ia ke ho‘oholo i nā mana‘o e pono ai ka ho‘oponopono ‘ana.
Hō‘ike mai ka ‘ōlelo ku‘una i ka hana e pono ai: “Nānā ka maka, ho‘olohe ka
pepeiao, pa‘a ka waha.”xxi ‘O ka mana‘o nui o ia ‘ōlelo ku‘una, ‘o ia ka waiwai o
ka lonoa maka a lonoa pepeiao a me ke kaohi ‘ana i ka ‘ōlelo waha ke ‘imi ke
kanaka i ka ‘ike. He ‘oko‘a ia kuana‘ike i ke kuana‘ike ‘Amelika ma‘amau e paipai
ana i ka hāpai nīnau a me ke kama‘ilio kālailai i ka wā a‘o. Ma ka no‘ono‘o
Hawai‘i, he kīkahō ia mau hana i ka ‘apo mana‘o me ke a‘o. He kīkahō a
ho‘olalau i ka papahana a ke kanaka a‘o, a he kīkahō a ho‘olalau i ka lohe ‘ia o ia
ha‘awina a‘o. Ke nui ka po‘e kīkahō pēlā, ‘a‘ole ana e ka‘a ka ha‘awina a ka mea
a‘o. ‘A‘ole kūpono ka ‘ae wale ‘ana o ke kanaka a‘o i ke kīkahō mai. Ke ‘ae i ka
hana pēlā, e mana‘o ‘ia ana he kūpono ia hana pololei ‘ole. Loa‘a ka manawa
kūpono no ka nīnau me ke kūkā, ‘a‘ole nō i waena o ke a‘o ‘ana.
‘O ke Kumu Honua Mauli Ola ke kahua o ke kuana‘ike ho‘oholo mana‘o,
no ka mea no loko mai o ia kumu no‘ono‘o ka ‘ōlelo ku‘una e hō‘ike ana no ka
pono me ka pono ‘ole. ‘O ia nā ana ho‘ohālike e loiloi ‘ia ai ka hana a ke kanaka.
Ke kupu mai ka pilikia, na ia mau ana ho‘ohālike e ho‘omana‘o mai i ke kū a kū
‘ole paha o ka lawehala i ia mau ana ho‘ohālike. Aia ma lalo iho nei nā nīnau nui
e kālailai a ho‘oholo mana‘o ‘ia e ka mea alaka‘i ma ka ho‘okō ‘ana i ka
mo‘oki‘ina ho‘oponopono:
1. He aha ka pilikia?
2. He aha ka ‘ikepili waiwai e pono ai?
134
3. ‘O wai ka po‘e e komo ana ma ka hālāwai kūkā?
4. He aha nā mea nui e ho‘omana‘o ai ma ka ho‘okele ‘ana i ka
ho‘oponopono?
5. He aha ka hana ho‘oponopono e ho‘okō ‘ia e ka lawehala?
6.1.1 Ka Pilikia
No kēlā me kēia kanaka ke kuleana ‘o ka ‘ike a me ka ho‘oholo inā ua
loa‘a ka pilikia maoli e nānā wikiwiki ‘ia paha, ‘a‘ole paha. Na nā kumu e
ho‘oponopono i nā pilikia ma‘amau o ka papa, i kekahi manawa na‘e e ki‘i ‘ia wau
a i ‘ole ‘o Kala‘i e kōkua koke aku, a ua hiki ke ho‘i nā kumu i ka hana ma‘amau.
Ma ia mau pō‘aiapili, 1) ua hiki ke a‘oa‘o aku i ke kumu, a nāna e ho‘oponopono,
2) ‘imi ‘ia ke kōkua ma ke kama‘ilio wale ‘ana aku me ke kanaka hihia a i ‘ole 3)
‘imi ‘ia ke kōkua ma o ka mo‘oki‘ina ho‘oponopono piha. ‘O ka mea nui ka ‘ike
koke no ka pilikia ma ke ‘ano nui, a ho‘oholo no ka ho‘omau ‘ana i ka ‘imi i ka
ho‘oponopono e like me nā mana‘o o luna a‘e nei. Ua hiki iā māua ‘o Kala‘i ke
a‘oa‘o i nā kumu ma ka hana ho‘oponopono, no ka mea ua ulu ko māua
kama‘āina i ka mākau o nā kumu ma ka hana ho‘oponopono, a ua loa‘a pū nō
paha ke kama‘āina o māua i ko ke kumu pilina me ka lawehala, inā nō ka
lawehala he kanaka no loko mai nō o ke kula. Inā ‘a‘ole nō launa kūpono ke
kumu me ka lawehala, e kupu mai ana nō paha kekahi pilikia hou a‘e. He mākau
ka hiki ke wānana a ho‘oholo i ka hana e ho‘opau koke ai i ka pilikia, a i kekahi
manawa, ‘o ia ka ‘imi na kekahi e kama‘ilio me ka lawehala a i ‘ole e ‘imi ma ka
hana mo‘oki‘ina ho‘oponopono piha.
135
6.1.2 Ka ‘Ohi ‘Ikepili
Ma kāna puke, Classical Hawaiian Education, wehewehe ‘o John Charlot
no ka mākaukau o ka Hawai‘i ma ka helu papa a ho‘opu‘ulu ‘ana i nā hua‘ōlelo
ma ke ‘ano he ka‘akālai e pa‘ana‘au maika‘i ai ka ‘ike ma ka waihona no‘ono‘o.
Wae‘anona ‘ia ka ma‘i‘o ma ke ‘ano he mau “papa helu hua‘ōlelo” i hiki ke ‘ohi
wikiwiki hou aku ke makemake ‘ia.xxii ‘Oiai ua pili nā mea a pau ma ke kuana‘ike
mo‘okū‘auhau, ua ma‘a ka po‘e kahiko i ka ho‘opa‘ana‘au i ka ‘ike ma luna o ka
pilina i waena o kēlā me kēia mea. I ko‘u mana‘o, ‘o ka hana ho‘oponopono
kekahi pō‘aiapili e ho‘ohana ai i ka waiwai o ia mākau ho‘opa‘ana‘au. ‘O ka helu
‘ana i nā inoa o nā hoahaumāna launa nui a me nā mea pili ‘ole loa paha kekahi
papa helu. ‘O ka helu ‘ana i nā hō‘ailona o ka ‘oia‘i‘o o ka na‘au o ke kanaka a i
‘ole paha ka helu ‘ana i nā hō‘ailona o ka ho‘opunipuni ‘ana, ‘o ia kekahi mau
papa helu. He waiwai ia ‘ike ma ke alaka‘i ‘ana i ka ho‘oponopono. Inā nō i ‘ike
mua ke kanaka i ka pilikia a i ‘ole paha no ke kanaka nāna e alaka‘i i ka Hālāwai
Kūkā, he waiwai ia mākau haku papa helu no ka ho‘ohua ‘ana i ka hana
ho‘oponopono.
Ma ka pō‘aiapili kula, he mākau kuleana alaka‘i ka hiki iā ia ke kūkulu ma
kona na‘au i waihona ‘ike no nā ‘ano mea like ‘ole i mana‘o ‘ia he waiwai no ka
pono o ka lawehala a me ka papahana kula. ‘O ka welo ‘ohana, ka mākau hana,
ke kālena a me ka na‘auao ho‘i o ke kanaka, ‘o ia kekahi mau po‘aiapili e haku ai
i papa helu.
He kōkua ke kuana‘ike mo‘okū‘auhau i ka pilina kanaka i waena o ka po‘e
ma ke kula. He kōkua ia i nā kumu a me nā alaka‘i ma ka haku ‘ana i papa helu e
136
pono ai ka ho‘oponopono ‘ana. He waiwai ia ‘ike no ka ka launa a launa ‘ole paha
o nā haumāna a me nā ‘ohana, ka like a like ‘ole paha o ka ikaika ma ka ‘imi
na‘auao a me ka ‘imi ‘ōlelo Hawai‘i ‘ana pū kekahi. ‘O ka mole mana‘o o ka
wae‘anona ‘ana, ‘o ia ke kōkua ma ka ho‘omana‘o hou ‘ana i ia ‘ike ma ka wā e
pono ai. Ke ulu ka mākau me ka na‘auao o nā kumu me nā alaka‘i ma ka haku
papa helu, ‘a‘ole nō e pono ‘ohi wale i ka ‘ikepili ke kupu mai ka pilikia. He mea
nui ke kama‘āina i ka po‘e, a e maopopo no ka pō‘aiapili a me ka hana kiko‘ī i
‘ike ‘ia ma ia hihia. Mai loko mai nō o ia ‘ano papa helu ka paepae ‘ike e
ho‘ohana ‘ia ma ka hana ho‘oponopono.
‘A‘ole nō i ho‘ohana ‘ia ka mo‘oki‘ina ho‘oponopono piha no nā pilikia like
‘ole a pau e kupu mai ana ma ke kula. Ua ho‘ohana ‘ia no nā hihia ‘ano nui wale
nō. I loko nō o ke ko‘iko‘i ‘ole paha o kekahi hihia, hahai ‘ia nō nā ‘anu‘u o ka
mo‘oki‘ina e like me ka nui e pono ai ia pilikia. ‘Imi like ‘ia ka lōkahi o ka kuana‘ike
ho‘oponopono no nā pilikia a pau, a ma ka hana nō e hele ai a ma‘a nā kumu o
ke kula i ke kālailai me ka ho‘okō i ka mo‘oki‘ina e like me ka mea e pono ai.
Ke komo ma ka hana mo‘oki‘ina ho‘oponopono piha ma ke ke‘ena nui o ke
kula, a laila, e ho‘omaka ma ka wae i nā kānaka nui e kama‘ilio pū ai. No loko
mai o ia mau waihona no‘ono‘o papa helu e ‘ike ai no ia mau kānaka. ‘O ka
pahuhopu nui ka ho‘opuka ‘oia‘i‘o ‘ana mai o ia mau kānaka no ka hihia.
Ho‘ohana wau i ka nīnau e hu‘e ai i ka mana‘o o ke kanaka, ‘a‘ole e kikahō, akā,
e ho‘olohe pono aku i ia mau mana‘o. He launa ia ki‘ina i ka ‘ōlelo ku‘una i
wehewehe ‘ia e Pūku‘i ma luna a‘e nei. Ma ia pae e ‘ike ai no ka‘u pilina a pilina
137
‘ole paha me ia kanaka ma ka hua a hua ‘ole o ia ninaninau ‘ana. Inā paha ua ‘oi
aku ke kūpono na kekahi ka nīnau ‘ana, ‘a‘ole na‘u, pēlā e hana ai. ‘O ka mea
nui, e lohe ‘ia ka ‘oia‘i‘o e like me ka nui i hiki. ‘O ka wae ‘ana i ia kanaka alaka‘i
kekahi ‘ao‘ao o ke ka‘akālai e loa‘a mai ai ka ‘oia‘i‘o. Ma hope o ia ‘ohi, kālailai,
me ke kaupaona ‘ana i ka ‘ikepili i hō‘ike ‘ia mai, e ho‘oholo ‘ia ka hana e hana ai.
Ma ia manawa ana e ‘ike ai no ka po‘e e kono ‘ia e noho pū ma ka hālāwai kūkā,
‘o ia ka po‘e i loa‘a ka ‘ike e pono ai ka ho‘oponopono ‘ana.
6.1.3 Ka Hālāwai Kūkā
‘O ke kanaka i hana ‘ino ‘ia mai me ke kanaka nāna i hana ‘ino aku, ‘o ia
nā kānaka nui e noho pū ma ka Hālāwai Kūkā. I kekahi manawa, noi ‘ia ka po‘e i
maopopo nui no ka hihia e komo pū i hiki ho‘i ke kōkua ma ka hō‘ike mana‘o. Ma
ka li‘ili‘i, noho pū māua ‘o ka Hope Po‘okumu Kala‘i. Na‘u e ho‘okele i ka
ho‘oponopono ‘ana, a nāna e hō‘oia i ka pa‘a o ka ‘ikepili kūhelu ke pono
palapala ‘ia no ke kula. Inā nō na‘e he ko‘iko‘i loa ka pilikia, kelepona ‘ia nā
mākua o nā haumāna e komo pū mai. ‘A‘ole nō nui loa ka po‘e, ‘o ka po‘e wale
nō i ‘ike no ka hihia a i hiki ho‘i ke ho‘opuka mana‘o me ka ‘oia‘i‘o.
Na ke alaka‘i e ho‘okele i ka hana ma ka Hālāwai Kūkā. ‘O ka malama
‘ana i ka maluhia me ka ho‘olōkahi i ke kia nui o ka mana‘o o ka po‘e ma ka
ho‘oponopono, ‘o ia nā pahuhopu nui ma ia ho‘okele ana. Ho‘oholo ‘ia nā hana a
pau ma luna o ia mau pahuhopu. Ma ka pule wehe e noi ai i ke kōkua ma ka
‘ao‘ao pili ‘uhane no ka ho‘okō i ka hana. E ho‘opuka ‘ia ka ‘ōlelo e hō‘akāka ana
no ka pilikia, a e noi ana i ke kōkua ma ka mahiki ‘ana a ma ka ho‘omalu hou
138
‘ana i ka hālāwai ke pi‘i ka huhū a ukiuki paha i waena o ka po‘e. Pau ka pule
‘ana, ho‘omōakāka aku wau i ke kumu o ka hui ‘ana me ka hana e komo ai ka
po‘e. Noi au i ka po‘e e ho‘olohe pono i ka mana‘o o kēlā me kēia kanaka. ‘A‘ohe
nīnau, ‘a‘ohe kūkā. Kālailai a hāpai wau i nā nīnau i mea hua‘i mana‘o a i mea
kōkua pū ma ka ho‘okele ‘ana i ka hana. Ho‘olohe pono ka po‘e a pau ke ‘ōlelo
kekahi. ‘A‘ohe kikahō, ‘a‘ohe nīnau i ia wā. He ‘o‘ole‘a ka ho‘okele ‘ana, akā,
‘a‘ole nō i loa‘a ka ‘ōlelo ho‘oweliweli. Inā lōkahi ka po‘e ma ka hana, ‘a‘ole nō
pa‘akikī ka ho‘okele ‘ana. No ka mea ho‘okele ke kuleana hō‘oia i ka hiki i kēlā
me kēia kanaka ke hō‘ike piha i kona mau mana‘o ‘oia‘i‘o me ke kikahō ‘ole o
kekahi kanaka ma kāna hana. Ke mālama ‘ia ka Hālāwai Kūkā pēlā, ‘oi aku ka
lohe mōakāka ‘ia o nā mana‘o a me ka hiki ke kālailai a ho‘oholo i ka hana e
pono ai.
He mea nui ke ‘ano o nā nīnau ho‘okolokolo e koho ‘ia, ‘oiai ua hiki ke lilo
ka nīnau he ki‘ina kōkua, a ua hiki pū ke lilo he mea ho‘olalau. I ka haku ‘ana i
nīnau kūpono, he mea nui ke kia ‘ana o ke alaka‘i ma luna o ka hua o ka
ho‘oponopono e wānana ‘ia ana, ‘a‘ole i ka ‘imi i ka nui loa o ka ‘ikepili i hiki ke
loa‘a no ka hihia. He ‘oko‘a a waiwai ka mana‘o ‘oia‘i‘o mai nā ‘ano mana‘o like
‘ole e puka mai ma muli o ka paipai hauwala‘au wale nō. Inā e akamai ke kūkā
‘ana a ka ho‘okele a e ‘eleu ka wae ki‘ina e kālele ai ma ia ho‘okele ‘ana, he
kōkua nui ia i ka po‘e ma ka hālāwai. ‘A‘ole pōhihihi a lalau nō ho‘i ka no‘ono‘o.
He hō‘ailona ko‘iko‘i ka ho‘opuka ‘oia‘i‘o o ke kanaka i kona mau mana‘o,
‘o ia ka hō‘ailona o ka hilina‘i piha i ka po‘e i ho‘ākoakoa ‘ia. I ka wā e ho‘opuka ai
139
ke kanaka i kona mana‘o, ua maopopo iā ia e ho‘olohe ‘ia ana i ia wā ‘ānō. I
kekahi manawa, he wā pū nō ia e ho‘āhuwale ‘ia ai kona hemahema iho. He
hō‘ailona holomua, a he pae mana nui ia no ia kanaka a no ka po‘e ho‘olohe
pū kekahi. ‘O kēia kekahi pae nui o ka ho‘oponopono ‘ana, he ho‘omaka ia o ka
ho‘oku‘u i ka hewa me ka pilikia ma ka na‘au o nā kānaka a pau, a keu aku no ka
lawehala.
‘O ka mahiki ‘ana, ‘o ia ka wehe a me ka ho‘oku‘u ‘ana i nā pilikia pākahi a
pau i loa‘a. Ma ka mahiki ‘ana e a‘oa‘o pū ai ke alaka‘i no nā ha‘awina e puka mai
ana i ke kūkā mana‘o ‘ana. He hāpai ‘o ia i ka nīnau, ho‘olohe a kālailai i ka
mana‘o o ka po‘e, a a‘oa‘o aku e like me ka mea e pono ai ka mōakāka o ka
mana‘o nui i waena o ko ka hālāwai. ‘O ka hu‘e mana‘o, ka hāpai nīnau, a me ke
a‘oa‘o ke ki‘ina e mahiki ai i ia mau pilikia, a ma ia mau hana e ho‘āhuwale ai i ka
mole kumu o ia mau pilikia. He kōkua ka maopopo no ka mole kumu o ka pilikia i
ka ho‘oholo ‘ana no ka Hana Pāna‘i ke hiki aku i ia ‘anu‘u hana.
Na ke alaka‘i nō e ho‘oholo i ka wā e pani ai i ka Mahiki, a ho‘omau i ka
‘anu‘u ‘o ka Mihi, ke Kala a me ka Hana Pāna‘i. Ma kēia mau pae, ho‘omaka ka
po‘e e kama‘ilio a kālailai like me ka mana‘o paipai a me ke kāko‘o o ka po‘e, no
ka mea ua hiki i ka po‘e ke ‘ike i ka hua maika‘i o ka ‘imi ho‘oponopono i ahonui
‘ia. ‘A‘ole nō i pono e ho‘oholo no ka Mihi, ke Kala, a me ka Hana Pāna‘i ma ka
Hālāwai Kūkā. Na ke alaka‘i nō e ho‘oholo inā ua lawa kāna i ‘ike ai, a e pani i ka
ho‘oponopono ‘ana ma ka ho‘oku‘u ‘ana i ia hālāwai. ‘O ka mea nui ‘o ia ka hō‘oia
‘ana i ka ho‘okō piha aku i nā ‘anu‘u a pae hana a pau e pono ai. ‘O ia ka wā e
140
mōakāka ai i ka lawehala a me nā kānaka ‘ano nui ‘ē a‘e i komo i ka hana
ho‘oponopono, ua hō‘ea nō i ka hopena o ka ho‘oponopono ‘ana. Inā e loa‘a ana
he hana pāna‘i, na ke alaka‘i nō e ho‘oka‘a‘ike me ka lawehala, a nāna e ho‘okō
me ke kāko‘o o kona ‘ohana me ko ke kula pū kekahi. Inā na‘e ‘a‘ole nō i lawa ka
Hālāwai Kūkā, na ke alaka‘i e ho‘omau i ka ‘imi ho‘oponopono ma nā ‘anu‘u ‘ē
a‘e o ka mo‘oki‘ina a pau piha e like me ka mea e pono ai.
Ma ka pule e ho‘omaka ai i ka Hālāwai Kūkā a ma ka pule nō e ho‘oku‘u ai
i ka hana ho‘oponopono. Na ka mea alaka‘i e ho‘opuka no ka ho‘oikaika ‘ana mai
i nā kānaka i hiki iā lākou ke ho‘okō i nā hana e pono loa ai ka hana
ho‘oponopono.
6.1.4 Ka Hana E Ho‘okō ‘Ia e ka Lawehala
Ho‘oholo ‘ia ka hana pāna‘i e like me ka mea e launa kūpono ana me ke
‘ano o ka pilikia. I kekahi manawa, ‘o ka Hālāwai Kūkā ka hana pāna‘i, a i kekahi
manawa ho‘i, ua pono e ho‘okō i kekahi o nā ‘anu‘u hou a‘e o ka mo‘oki‘ina
ho‘oponopono i hana pāna‘i. Ma ka nānā ‘ana i nā la‘ana ho‘oponopono, ua loa‘a
nō nā hana i lilo i hana pāna‘i kūikawā. Aia ia mau hana ma hope o ka ho‘okō ‘ia
o ka Hālāwai Kūkā, ‘oiai ‘o ia ka pō‘aiapili e ulu hou ai ke kama‘āina o ka mea
alaka‘i i ka lawehala. I kekahi manawa, ho‘opuka ka lawehala i kona mana‘o no
kāna e hana pāna‘i ai, a lilo ia mana‘o he kūpono a kūpono ‘ole paha i ka mana‘o
o ke alaka‘i. Ma ko‘u kuana‘ike, he hō‘ailona maika‘i ka hāpai ‘ana o ka lawehala
pēlā, he hō‘oia‘i‘o no kona ‘imi ‘ana i ka ho‘oponopono. Ma ka nui o nā la‘ana i
loa‘a, he ‘o‘ole‘a ka hana pāna‘i i hāpai ‘ia e ka lawehala. Inā na‘e ua launa nō
141
me ke ko‘iko‘i o ka pilikia, a he kūpono no kona holomua, ua ‘ae ‘ia nō. Ua loa‘a
pū nā hana pāna‘i ‘o‘ole‘a na ke alaka‘i i ho‘oholo, a ua ho‘okō nō ka lawehala.
Ua kānalua a hilahila paha ma ka ho‘omaka ‘ana, akā, i ka ho‘omōakāka ‘ana
aku a mōakāka i ka haumāna ka mana‘o o ia hana pāna‘i, a i ka hō‘oia ‘ana aku i
kona mākau kanaka makua e kō ai ia hana, ua ho‘okō aku nō me ka ma‘ema‘e a
me ke kūpa‘a. Ma laila hou nō ka lawehala e a‘o ai i kekahi mau ha‘awina hou
nona iho a no kona mau hoakula. He mau ha‘awina ia no ka hilina‘i a me ka ‘ike,
ua hiki ke ho‘okō i ka hana i mana‘o ‘ia he pa‘akikī.
6.1.5 Nā Kulekele Chapter 19
A pau ka ‘imi ‘ana i ka ho‘oponopono ma o ke ki‘ina ku‘una o ke kula, loa‘a
pū ka ‘imi ‘ana ma o nā kulekele ho‘okele o ke ke‘ena ‘Oihana Ho‘ona‘auao ma
lalo o nā lula Ho‘okele Moku‘āina ‘o Hawai‘i nei. Ka‘a ma lalo o ia ke‘ena ‘Oihana
Ho‘ona‘auao ke ke‘ena Papahana Kula Aupuni. No loko mai o ia ke‘ena nā lula
ho‘oponopono no ka hana ha‘i kānāwai a ‘a‘e lula a nā haumāna hele kula
aupuni. Aia ia mau lula ho‘oponopono ma ka mokuna 19 o nā kulekele Papahana
Kula Aupuni, a pēlā i kapa ‘ia ai ‘o Chapter 19. Wehewehe piha ia mokuna i ka
loa me ka laulā o ke kahua no‘ono‘o, ka mana‘o o nā hua‘ōlelo ‘oihana a me nā
pō‘aiapili kālailai a ‘imi hopena e pono ai ka ho‘oponopono hihia o ka haumāna o
ke kula aupuni o Hawai‘i nei. Koi ‘ia nā kula aupuni a pau e hahai i nā kulekele o
ka Chapter 19 a me nā lula kiko‘ī o ke kula ke loa‘a ka pilikia ma waena o nā
haumāna ma ke kahua kula. Na nā kumu e haku i nā lula no ka lumi papa, na ke
kula e haku i nā lula nui ma ke kula, a laila, nānā ‘ia ka Chapter 19 no nā mea
142
ko‘iko‘i loa ma ke ‘ano he ha‘i kānāwai a wāwahi nui ma kekahi ‘ano. He ki‘ina
aupuni nō ho‘i kēia e mālama ai i ka palekana, ka pono kaulike o ka ‘imi na‘auao,
a me ka ho‘onui ‘ike o ka haumāna.
Ma ka laulā, launa ka pahuhopu nui o ia mau lula aupuni me ko ka
mo‘oki‘ina ho‘oponopono. Ho‘ohana ‘ia nā ki‘ina ‘elua e like me ka mea e pono ai
ka haumāna me ke kaiāulu kula holo‘oko‘a. Ua ho‘oka‘a ‘ia nō ‘o Chapter 19 i
loko o ka mo‘oki‘ina ho‘oponopono o ke kula. Ho‘ohana mua ‘ia ka hana ku‘una,
a laila, ‘imi ‘ia ka hana kula aupuni. Mai ka ho‘omaka ‘ana o
Nāwahīokalani‘ōpu‘u, pēia ka ho‘okele ‘ia ‘ana o ka hana ho‘oponopono.
Ho‘ohana ‘ia ka ikaika o ka mo‘omeheu Hawai‘i, ‘o ia ka mua; a laila, ho‘olauna
‘ia nā lula o ka ‘ōnaehana aupuni ma ke ‘ano he kāko‘o i ka hana ku‘una Hawai‘i.
Pēlā e ho‘oulu ‘ia ai ke kuana‘ike i loko o ka haumāna me nā limahana, ‘o ka
paepae ku‘una ke kahua no‘ono‘o e nānā ‘ia ai nā lula aupuni no ka
ho‘oponopono ‘ana.
He hana ma‘amau ka ho‘opili ‘ana i ka hana kuana‘ike mo‘oki‘ina me ke
kuana‘ike Chapter 19, kekahi i kekahi, a ua nui nā ‘ao‘ao o ia ho‘opili ‘ana. ‘Oiai
he pahuhopu ka ho‘oulu i ke kuana‘ike Hawai‘i i waena o nā haumāna, he
kuleana ko nā alaka‘i kula ma ka ho‘opili ‘ana i ia mau kuana‘ike ‘elua. Ke hiki ke
wehewehe no ka pilikia a me ka hopena, pēlā e
ho‘okō ai ka haumāna me ka maopopo, ‘a‘ole me ka hahai na‘aupō wale nō.
‘A‘ole nā kumu me nā alaka‘i e hana kohu mīkini ke ‘ano o ka no‘ono‘o. Inā
holopono nā ‘anu‘u hana ho‘oponopono ku‘una, a inā nō e pono e ‘imi ‘ia nā lula
143
aupuni e ho‘oholomua ai i ka hana, ua hiki ke ho‘ākea i ka ‘ike o ka haumāna no
nā hopena e ili ma luna ona. E ‘auamo ‘o ia i kona kuleana ho‘oponopono, ‘a‘ole
‘o ia e huli na kekahi e ‘auamo nona. Inā pa‘a kēia kuana‘ike iā ia, e ulu ana kona
mākaukau he kanaka makua.
‘Oiai na nā kumu a me nā mākua e a‘oa‘o i ka haumāna no ka ho‘okanaka
makua ‘ana, he mea nui ka pa‘a o ke kūlana kanaka makua o ke kumu a me ka
makua, nā kumu ho‘ohālike ho‘i no ka haumāna. Ua loa‘a ka mākau a me ka
na‘auao ma ka ‘ohi ‘ikepili, ke kālailai, a me ke kaupaona ‘ana i nā mana‘o e
ho‘okele ai a puka ka hana pono. Na ke kumu me ka makua e a‘oa‘o i ka
haumāna no ia mākau ‘ike e pono ai ka ho‘oponopono ‘ana. He kuana‘ike ko‘iko‘i
ka ho‘okanaka makua ‘ana ‘oi ‘ōpiopio loa ka haumāna. ‘Oi aku ka holomua o ka
hana ho‘oponopono inā he kanaka makua ke kuana‘ike o ka po‘e.
‘Oiai ‘oko‘a kēlā me kēia kanaka, a ‘oiai ‘o ka mea nui ke kia lōkahi o nā
kumu me nā alaka‘i ma luna o ka ulu o ka haumāna, ‘ike ‘ia ka mōakāka ‘ole o ka
pahuhopu nui i kekahi manawa. ‘O kekahi po‘e, na ka na‘au nō e ho‘okele i ka
hana, a ‘o kekahi, na ka no‘ono‘o kālailai e ho‘okele. I kekahi manawa, launa
maika‘i ka mana‘o nui o ia mau kānaka, akā, i kekahi manawa, ‘a‘ole launa iki, a
lilo aku kēia he pilikia hou a‘e e nānā ‘ia. Inā ‘a‘ole nō e maka‘ala pono aku, hiki
ke hū hewa ka hana ho‘oponopono, ‘a‘ohe holomua. No ia kumu nō wau e
mana‘o nei he mea launa maika‘i ke kuana‘ike ku‘una ‘ohana Hawai‘i ma ka hana
ho‘oponopono. I loko nō o ka nōhihi o kēia hana, ‘imi ‘ia nō ka ikehu e noke ai a
puka ka ho‘oponopono. ‘A‘ole e hā‘awipio a loa‘a ka hua e pono ai. ‘Oiai ua hiki
144
ke loa‘a kēia ‘ano kuana‘ike ma waho o ka ‘ohana, ‘o ka ‘ohana kahi ku‘una e
loa‘a ai ia ‘ano kuana‘ike. Ke puka ‘ole ka ho‘oponopono ma ka ‘ohana, ‘a‘ole
maika‘i ka noho like ‘ana o ka ‘ohana. Ke puka ‘ole ka ho‘oponopono ma ke kula,
‘a‘ole ana e ka‘a ka ha‘awina nui o ia hihia i ka haumāna, a pēlā nō ko ke kula.
‘A‘ole hiki ke ho‘okō i ka pahuhopu nui o ka papahana, ‘o ia ka ho‘ona‘auao, inā
ho‘oku‘u ‘ia ‘a‘ole e ho‘oponopono. Hiki ke ho‘okō ‘ia ke kuleana ho‘oponopono
ma ke kula inā e minamina nā kumu me nā alaka‘i i ka mākau me ka na‘auao o
ka haumāna a me ke kia ma luna o kona mau ‘ao‘ao ikaika. E ‘imi ‘ia pēlā, no ka
mea ‘o ia haumāna ka pulapula e laha hou a‘e ai ke ola o ka mauli Hawai‘i.
No laila, e no‘ono‘o ‘ia ka mo‘oki‘ina ho‘oponopono he ki‘ina e ho‘okele ai i
ka ho‘oulu ‘ia ‘ana o ka haumāna i kona wā pilikia. Ke ho‘ohana ‘ia kēia ki‘ina ma
ke ‘ano he ‘ōnaehana ho‘oulu kuana‘ike ku‘una, e ‘ike pū ‘ia ana nō ka ulu o ia
kuana‘ike ma waena o nā kumu, nā alaka‘i, a me nā limahana ‘ē a‘e o ke kula.
‘Oiai he kumu ho‘ohālike ka hanauna makua no ka hanauna ma lalo ona, he
hō‘oia a he ho‘oikaika pū ka mo‘oki‘ina ho‘oponopono i ka pilina a nā kūlana
hana ma waena o nā hanauna ‘elua. E ‘oi aku ana ka ikaika o ka pilina, ke lōkahi
nō ho‘i ka hana a ko ke kula me ko ka ‘ohana. ‘A‘ole e wāwahi, akā, e kāko‘o
kekahi i kekahi. Ua kūkulu ‘ia ka mo‘oki‘ina ho‘oponopono ma luna o ke kuana‘ike
‘ohana Hawai‘i. Ke kupu mai ka pilikia, ua hiki nō ke ho‘oponopono ‘ia ke ‘imi like
ka po‘e a pau.
Aia ma ka Mokuna ‘Ehiku ke kālailai ‘ana no nā la‘ana mo‘oki‘ina
ho‘oponopono a‘u i ‘ohi ai ma ka‘u hana ma Nāwahīokalani‘ōpu‘u. Mai
145
loko mai nō o ia mau la‘ana i loa‘a mai ai ka mo‘oki‘ina piha e ho‘ohana ‘ia
ana ma ke kula i kēia manawa.
146
Mokuna ‘Ehiku
Ka ‘Ohi Me Ke Kālailai ‘Ikepili Ma ka hala ‘ana o nā makahiki, ua puka mai ka mo‘oki‘ina ho‘oponopono
ma Ke Kula ‘O Nāwahīokalani‘ōpu‘u o ko‘u komo kino ‘ana i ka hana
ho‘oponopono. Ma ko‘u ‘imi ‘ana i ka ‘ikepili e pono ai ia hana, ua komo ma ka
launa kanaka, a ua ho‘omāhuahua i ka mākau nīnau a kūkā e ulu ai ko‘u
maopopo no ka hihia. Ma ia kūkā ‘ana i komo pū ai ka ‘ike i waena o ka po‘e i
nīnau ‘ia no ka hana ho‘oponopono, a pēlā i laha ai maiā lākou aku i waena o nā
hoa. A ma ka holo ‘ana o nā makahiki, ua ulu mai ka lawena me ke kuana‘ike no
nā hana kiko‘ī e pono ai ka mo‘oki‘ina ho‘oponopono. Ma muli o ka ‘ike o ka po‘e
no nā ‘anu‘u hana a me ke komo kino ‘ana ma ka ho‘oponopono, pēlā i puka mai
ai ia mau hana he mo‘oki‘ina. Ua ‘ike ka po‘e no ko lākou kuleana ma ka
ho‘ohua ‘ana i ia hana waiwai. ‘O ia ulu ‘ana o ko‘u ‘ike no ka pilikia me ke kō o
ka hana ho‘oholomua ho‘oponopono, ‘o ia nā hi‘ohi‘ona o ke ana loi e hō‘oia ai i
ka ‘auamo pololei ‘ia o ke alaka‘i ‘ana. ‘O ka ho‘okō ‘ana i ka ho‘oponopono ka
mea e ‘oia‘i‘o ai ka waiwai o ia mo‘oki‘ina a me nā mo‘oki‘ina ‘ē a‘e i waena o ka
po‘e.
Ma ka holo ‘ana o nā makahiki, ua lilo ka ho‘omo‘oki‘ina he hana kūmau
ma muli o ke kō nui o ka ho‘oponopono ‘ana. ‘A‘ole i kō mau, akā, ua kō i ka nui o
ka manawa.
147
Ma kēia mokuna, e kālailai ana au i ka ‘ikepili a‘u i ‘ohi ai. Ma ia kālailai
‘ana e mōakāka mai ai nā hi‘ohi‘ona o ke kuana‘ike i lilo ai ka mo‘oki‘ina
ho‘oponopono he ‘ōnaehana kūmau a waiwai ma ke kula.
7.1 Ka Waihona ‘Ikepili Ho‘oponopono
Ma waena o ke kau kupulau o ka makahiki 1996 me ke kau kupulau o ka
makahiki 2009, ua mālama wau i “Waihona Kakaha Ho‘oponopono” e waiho ‘ia ai
ka‘u mau palapala kakaha me ka ‘ikepili i ‘ohi ‘ia ma ka hana ho‘oponopono ma
ke kula. Waiho ‘ia ia ‘ikepili ma kekahi wahī kūikawā, a ho‘āhu ‘ia ma ka‘u
pākaukau.
Mālama pū ‘ia ma ke ke‘ena kula he waihona ‘oko‘a, he waihona kūhelu
ho‘i no kēlā me kēia haumāna o ke kula. Ho‘okomo ‘ia nā palapala pilikino like
‘ole, he waihona mo‘o‘ikepili ho‘i, e mālama ‘ia ma ke ke‘ena mai ka wā e komo
ai ka haumāna i ke kula a hiki loa i kona puka ‘ana aku ma ka papa 12. Inā
ho‘opa‘i kūhelu ‘ia ka haumāna ma lalo o nā lula o Ke Ke‘ena ‘Oihana
Ho‘ona‘auao, ‘o ka Chapter 19, ua mālama ‘ia ka ‘ikepili ma ia waihona
mo‘o‘ikepili.
Aia i loko o ia “Waihona Kakaha Ho‘oponopono” nā palapala kakaha a‘u i
palapala ai ia‘u e alaka‘i ana i ka mo‘oki‘ina ho‘oponopono ma ke kula. Ua loa‘a
ma ia waihona nā ‘āpana pepa no nā ‘ano ho‘oponopono like ‘ole: nā mea i
palapala ‘ia no ka haumāna ma ka mo‘o‘ikepili kūhelu ma lalo o ka Chapter 19 a
me nā la‘ana i pili ‘ole i ia mau lula. Inā ho‘i i ‘a‘e ‘ole ai ia hihia i nā lula o ka
Chapter 19, ‘a‘ole nō i palapala ‘ia ma ia waihona kūhelu. Eia na‘e, ‘oiai no‘ono‘o
148
‘ia ka ho‘opa‘i Chapter 19 he māhele o ka mo‘oki‘ina ho‘oponopono, ua loa‘a nō
ia ‘ano ‘ikepili ma ka “Waihona Kakaha Ho‘oponopono.”
Kālailai kēia pepa i ka ‘ikepili a‘u i ‘ohi ai ma ia mau makahiki he 13 no ka
pono o ka ho‘okō i ka mo‘oki‘ina ho‘oponopono. ‘A‘ole nō ho‘opuka ‘ia nā inoa o
ka po‘e i komo ma ka mo‘oki‘ina, a ‘a‘ole nō ho‘i hō‘ike ‘ia kekahi ‘ano ‘ikepili
pilikino hou a‘e. ‘O ke kālailai ‘ōnaehana - ke ki‘ina ho‘i i kō ai ka ho‘oponopono -
‘o ia ka mea nui ma kēia pepa nei. ‘Oiai ‘o ka ho‘okō ‘ana, ‘o ia ka pahuhopu nui
o ka ho‘oponopono, aia ma ke ki‘ina ka mo‘omeheu e hō‘oia ‘ia nei ma kēia pepa.
Aia ma ia ki‘ina ka paepae ‘ike i mana‘o ‘ia he ‘ike ku‘una mai ka wā ma mua. E
ho‘ohana ‘ia ka‘u ‘ikepili i mea e ho‘omālamalama ai i ke ala i kō ai ka
ho‘oponopono ma Nāwahīokalani‘ōpu‘u ma ia mau makahiki kula. He kōkua ia
‘ikepili ma ka nanalu i nā hi‘ohi‘ona kiko‘ī i lilo pono ai ka mo‘oki‘ina
ho‘oponopono he hana Hawai‘i waiwai ma Nāwahīokalani‘ōpu‘u.
He 87 ka nui o nā la‘ana i loa‘a ma ka “Waihona Kakaha Ho‘oponopono.”
‘A‘ole ‘o kēia huinanui ka heluna piha o nā ho‘oponopono a pau loa i loa‘a ma ia
mau makahiki, akā, ‘o kēia nā la‘ana i loa‘a ai nā kakaha ma ka‘u waihona
pono‘ī.
Aia ma lalo iho nei ma ka Pakuhi 7.1 nā la‘ana he 87 i loa‘a no ke kau
hā‘ulelau (H) me ke kau kupulau (K) o nā makahiki kula i helu ‘ia.
149
Pakuhi 7.1
Ma ka makahiki kula 1994-95, i ka wā i ho‘omaka ai ke kula, ua loa‘a he
36 haumāna ma ka papa ‘eono, ‘ehiku, me ka ‘ewalu. I ka makahiki kula 1995-
96, i ka ne‘e ‘ana i ke kahua kula hou ma Kea‘au, ua loa‘a ia mau haumāna he
36 no ho‘okahi hou makahiki. Ma waena o ka makahiki 1996 me ke kau kupulau
o ka makahiki 2001, ua pi‘i mālie ka nui o nā haumāna i kēlā me kēia makahiki, a
ua loa‘a ma kahi o ke 60 haumāna mai ka papa ‘ehiku a i ka papa 12.
Ma ke kau hā‘ulelau o ka makahiki 2001, ua ho‘omaka ‘o
Nāwahīokalani‘ōpu‘u Iki, ‘o ke kula ha‘aha‘a mai ka papa mālaa‘o a hiki i ka papa
‘elima. I ia makahiki mai, ua pi‘i nā haumāna a i ka papa ‘eono, a ua pa‘a ka
papahana kula ha‘aha‘a holo‘oko‘a mai ka papa mālaa‘o a i ka papa ‘eono. Ua
Makahiki KulaK96 - K98 4H98 - K99 5H99 - K00 5H00 - K01 6H01 - K02 13H02 - K03 19H03 - K04 15H04 - K05 7H05 - K06 3H06 - K07 4H07 - K08 2H08 - K09 4Huinanui 87
150
loa‘a ma kahi o ke 40 haumāna kula ha‘aha‘a i ia manawa. Ma ke kapa inoa ‘ia ‘o
Nāwahīokalani‘ōpu‘u Iki, ua kapa pū ‘ia ka pae kula ki‘eki‘e, ‘o ia ‘o
Nāwahīokalani‘ōpu‘u Nui. Ma ka makahiki kula 2008-09, ua ka‘a pū ka papa
‘ehiku me ka papa ‘ewalu ma lalo o Nāwahīokalani‘ōpu‘u Iki, a ua ka‘a ka papa
‘eiwa a i ka 12 ma lalo o Nāwahīokalani‘ōpu‘u Nui. Ma ka makahiki kula 2009-10,
ua loa‘a he 161 haumāna ma Nāwahīokalani‘ōpu‘u Iki a he 50 haumāna ma
Nāwahīokalani‘ōpu‘u Nui.
Ma waena o nā makahiki 2001-05, ua a‘o wau i ka papa 3, 4, 5, 6. No ia
kumu paha, ua ‘ohi nui i ka ‘ikepili ma muli o ko‘u hana pū ‘ana me nā haumāna i
nā lā a pau. Pēlā i lako nui ai ka‘u mau pepa ‘ikepili ma ka “Waihona Kakaha
Ho‘oponopono” i ia wā.
Ma nā ‘ikepili kakaha i loa‘a ia‘u, ua hiki ke ho‘opū‘ulu ‘ia ma ‘elima ‘ano
hihia i puka pinepine mai. Aia ma lalo iho nei ma ka Pakuhi 7.2 ia mau hihia
‘elima me ka heluna pinepine i ‘ike ‘ia.
Pakuhi 7.2
Hihia Heluna Pinepine
1keiki.
15
2 13
3 10
4 8
5 8
151
‘Oiai ua helu ‘ia nā hihia i kupu pinepine mai, ‘a‘ole nō i like ka nui o ka
‘ikepili pepa ma‘i‘o i loa‘a no kēlā me kēia la‘ana. I kekahi manawa, loa‘a he wahi
memo pōkole e hō‘ike mai ana no kekahi pilikia i kupu mai a me kā ke kumu i
hana ai no ka ho‘oholomua ‘ana i ka ho‘oponopono i ia pilikia. I kekahi manawa
ho‘i, ua loa‘a nā ‘āpana pepa i kakaha ‘ia ai nā mana‘o holomua ma ka hālāwai
‘ana o nā kumu me ka ‘ohana o kekahi keiki i pilikia. ‘A‘ole na‘e wau i komo ma ia
mau hana ho‘oponopono, inā ua hiki i ke kumu ke alaka‘i.
Ma muli o ia mau kumu, ua nānā hou ‘ia ka waihona ma kekahi ‘ano e wae
‘ia ai nā la‘ana e kālailai ‘ia ma kēia pepa. He kōkua ka loa‘a o ka ‘ikepili pepa no
ke kōkua ma ko‘u ho‘omaopopo ‘ana i nā hi‘ohi‘ona o nā la‘ana pilikia. Pēlā e
lako ai ka ma‘i‘o e kālailai ‘ia ai ka paepae ku‘una o ka mo‘oki‘ina ho‘oponopono.
7.2 Ke Kālailai ‘Ikepili
I mea e ho‘omākaukau ai no ke kālailai ‘ana i ka ‘ikepili i loa‘a, ua
nānā mua i ‘ekolu kumu e wae hou a‘e ai i ia mau la‘ana: (1) ka nui o ke kakaha i
loa‘a, (2) ke ko‘iko‘i o ka hana hewa, a me (3) ka nui o nā ‘anu‘u mo‘oki‘ina i
ho‘okō piha ‘ia. Ma ia wae ‘ana e hu‘e ai i ka ma‘i‘o e ho‘āhuwale ai i ka lauana o
ka paepae ‘ike ku‘una i loa‘a ma ka mo‘oki‘ina ho‘oponopono ma
Nāwahīokalani‘ōpu‘u. Ke ‘ike ‘ia ia lauana e wae ‘ia ho‘okahi he la‘ana e
wehewehe piha ‘ia. ‘A‘ole ‘o ke komo hou i ke kālailai hihia ka mea nui o kēia
kālailai ‘ana.
Ua ho‘oholo wau e ho‘omaka ma luna o ko‘u ‘ike no (1) ka nui o nā ‘ao‘ao
‘ikepili pepa i loa‘a no kēlā me kēia la‘ana; a me (2) ko‘u ho‘omaopopo i ia la‘ana
152
he kumu ho‘ohālike ‘oi kelakela o ka mo‘oki‘ina ho‘oponopono. ‘O ia ho‘i, ua loa‘a
i ia la‘ana he mau hi‘ohi‘ona ki‘ina ho‘okō i nā hana ko‘iko‘i o ka ho‘oponopono.
‘A‘ole ia he mea i ‘ike ma‘amau ‘ia. Mai loko mai o ke 87 pau loa, ua wae ‘ia he
15 la‘ana. ‘Oiai waiwai ka ‘ikepili i loa‘a ma nā la‘ana ‘ē a‘e, ‘a‘ole nō i piha pono
ka ma‘i‘o o nā la‘ana e like me nā mea he 15 i wae ‘ia
Aia ma lalo iho nei ma ka Pakuhi 7.3 ka huina nui o nā ‘ao‘ao pepa ‘ikepili
pau loa a o nā ‘ao‘ao pepa ma‘i‘o ‘ano nui o nā la‘ana 15 pākahi.
Pakuhi 7.3
‘O ko‘u ho‘omaopopo mōakāka no kēia mau la‘ana, ua lilo ia he kōkua ma
ka wae ‘ana. Ua hiki ke ho‘omaopopo ma muli o ka ho‘opili ‘ana i ka ‘ikepili ma
ko‘u waihona no‘ono‘o. Ho‘omana‘o ‘ia kekahi hana ma muli o ka no‘ono‘o ‘ana i
kona pili i kekahi hana ‘ē a‘e. Ke ho‘omaopopo mōakāka ‘ia ka hana, ‘o ia kekahi
hō‘ailona o ke ko‘iko‘i o ia hana. I kekahi manawa, ho‘omaopopo wau i ia la‘ana
no ke ko‘iko‘i o ka hana hewa i ‘ike ‘ia. I kekahi manawa, he ho‘omana‘o no ka
153
nui o ka hana i ‘auamo ‘ia ma ka ho‘oponopono ‘ana, a laila, ua puka a puka ‘ole
paha kekahi. ‘O ka lō‘ihi o ka manawa i ho‘olilo ‘ia a me ke ‘ano o nā ha‘awina i
a‘o ‘ia i waena o ka po‘e, ‘o ia kekahi mau kumu e poina ‘ole ‘ia ai kekahi la‘ana.
Pēlā ihola i wae pū ‘ia nā la‘ana he 15 ma luna o ia mau kuana‘ike.
I kekahi manawa, he pili ko‘u ho‘omaopopo i ka hana a nā kānaka i hihia.
E la‘a ho‘i me ka hiki i ka haumāna ke ho‘opuka piha i kona mana‘o me ka
maka‘u a kānalua ‘ole i ka hopena ‘o‘ole‘a e ili ana ma luna ona. A ma ka ‘ao‘ao o
ka ‘ohana, ‘o ka pū‘iwa me ka pā o ka na‘au o ka makua i ke ‘ano kanaka makua
o kāna keiki. He hō‘ike ka haumāna i ka ikaika o kona kuana‘ike ho‘oponopono a
me kona hilina‘i i ke alaka‘i ‘ia ma ia kuana‘ike ho‘oponopono nō. Ke ho‘opuka ka
haumāna i kona mau mana‘o ‘oia‘i‘o, lana ka mana‘o o ka po‘e a pau. He
ha‘awina ia no ka ‘ohana me ko ke kula. He mau mea kēia i ho‘omana‘o wale ‘ia
e a‘u, ‘a‘ole nō i palapala ‘ia ma ka pepa kakaha. I kekahi manawa, he pili i ko‘u
ho‘omaopopo no ka hiki i ka po‘e ke hō‘ike i ka ‘oia‘i‘o o ka na‘au i loko nō o ka
‘ike he mea ho‘ohilahila a kūpono ‘ole paha ke lohe aku. ‘O ka ‘imi ho‘oponopono
ka mea nui, ‘a‘ole ‘o ka ha‘awina hilahila o ka na‘au o ke kanaka.
7.3 Nā Pae ‘Ike no ka Pilikia
Ma ke kālailai ‘ana i nā la‘ana ho‘oponopono i wae ‘ia, he ‘elua nō ‘ao‘ao e
nānā ‘ia, ‘o nā mea ahuwale i ka nānā wale a ka maka he ‘ike pāpa‘u, a me ka
mole kumu pa‘a i kupu mai ai ia mau mea. Inā nō maopopo ia mau pae ‘ike, ua
hiki ke ho‘okō i ka ho‘oponopono a ‘ike ‘ia ka waiwai piha o ia mo‘oki‘ina.
154
Aia ma lalo iho nei ma ka Pakuhi 7.4 nā pae ‘ike hihia – ‘o ka pāpa‘u me
ka mole kumu – o nā la‘ana 15 pākahi a pau.
Pakuhi 7.4
He kōkua ka mālama ‘ana i ka mo‘oki‘ina ho‘oponopono ma luna o ua mau
pae ‘ike hihia ‘elua nei. Ho‘ohana ‘ia kēia ‘ikepili mai ka ‘anu‘u mua o ka
mo‘oki‘ina ho‘oponopono a hiki i ka mea hope loa. Ma ka holo ‘ana o ka hana
ho‘oponopono, ulu ka mōakāka no ka pololei me ka pololei ‘ole o ia mau pae ‘ike,
pēlā e maopopo mai ai ka hana e ho‘oholomua ai i ka ho‘oponopono ‘ana.
Mole Kumu1
2
3
4
5
6Pahi
7Pahu aku/ pahu mai
8papa hale kula
9Inu lama
10Hihia kumu/makua
11hale
12
13
14Uluhua i ka papahana kula
15
155
7.4 Ka Mahiki ‘Ana
‘O ka mahikixxiii ka ‘īkoi o ka hana ho‘oponopono. ‘O ia ka hana e ‘oki ai i
ka pilikia. Mai ka wā e lohe mua ai no ka pilikia, hiki ke lilo kēlā me kēia hana he
hana e kōkua ai i ka mahiki, a i ‘ole he hana e ho‘onui ana i ka pilikia. Inā
mākaukau ka po‘e alaka‘i, ua hiki nō ke mahiki koke ‘ia nā pilikia ma mua o ka
ho‘ohihia nui ‘ana. Ke nui ka hihia, pono e mahiki ‘ia kēlā me kēia pilikia pākahi a
pau a kō ka ho‘oponopono ‘ana.
Ma ka nānā ‘ana i ka la‘ana ‘ekahi o ka Pakuhi 7.4, ‘o ka hakakā ‘ohana
kekahi la‘ana o ka hihia nui. Ua ‘ike ‘ia ka hakakā ‘ana o ka ‘ohana ma ke kahua
kula e ka po‘e e koe ana ma laila ma hope o ke kula. ‘O ia lawena ka hopena o
ka hihia nui i maka‘ala piha ‘ole ‘ia ma mua. Ua hele ka po‘e mākua a pīhoihoi
ma muli o ka ho‘ohuoi ‘ana i ka hana ‘ino ‘ia o kā lākou mau keiki. ‘Oiai aia hana
pīhoihoi ma hope o ke kula, ‘a‘ole nō i ‘ike koke ‘ia, a pēlā i māhuahua ai ka
hihia. No ia kumu i komo koke ai ka māka‘i, a ua ka‘a akula ma lalo o ia
‘ōnaehana kānāwai aupuni. Ma ia lā mai aku, ua ho‘omaka i ka ‘imi i ka
ho‘oponopono ma ka wā kula, ‘oiai ua pono nā keiki e ho‘i i ke kula, a aia nō
lākou ma ka mole o ia hihia nui. Ma ka hui ‘ana me nā haumāna, nā mākua a me
ka māka‘i i ho‘olālā ‘ia ai nā hālāwai kūkā ‘ana o ka po‘e ma ke kula. Ma ia
pō‘aiapili i mahiki kiko‘ī ai i nā pilikia a i ho‘omaka ai wau e ho‘opili hou i ka po‘e i
hiki ke ho‘i nā haumāna i ka hana. Ua kūkulu i ka mahiki o nā ‘ohana me ka loa‘a
pū o nā keiki e like me ka mea e pono ai. He la‘ana hihia nui kēia ma muli o
‘elima pilikia: (1) ka holoholo ‘ōlelo ‘ana o nā haumāna o ia mau ‘ohana no ko
Nāwahīokalani‘ōpu‘u me ko waho o ia kula, (2) he welo hakakā ko nā ‘ohana, (3)
156
he malihini nā ‘ohana kekahi i kekahi, (4) ka pā o ka na‘au i ka pilina aloha
makua me kāna keiki, a me (5) ka pā o ka na‘au i ka huhū me ka ‘imi mākaia. I
mea e wāwahi ai i ia mau pilikia, ‘imi ‘ia (1) ka ho‘omalu ‘ana i ka po‘e i hiki ke
nanalu no ka hana hewa, (2) ka ho‘oulu i ka ho‘oha‘aha‘a i ka na‘au me ka
hikaloi, (3) ka paipai i ka hilina‘i me ka ho‘opuka mana‘o me ka ‘oia‘i‘o o ka na‘au,
(4) ka ‘i‘ini e mihi, e kala, a e hana pāna‘i, a me (5) ka ho‘i ‘ana o nā haumāna i
ka hana o ke kula me ke kāko‘o o ka ‘ohana.
He mau pahuhopu ia mau mea i ‘imi ‘ia ma ka hālāwai kūkā, akā, ua hiki
ke ho‘omaka koke i ka mahiki mai ka wā i ‘ike mua ‘ia ai ka pilikia. Ke komo wau
ma ke alaka‘i ‘ana i ka hālāwai kūkā, kia ko‘u mana‘o ma ka mahiki i nā pilikia ma
ka ho‘olohe mua ‘ana i ka mana‘o o ka po‘e. Pēlā wau e ‘ike ai no ke kuana‘ike o
ka po‘e me ka ‘ōlelo kūpono e ho‘opuka ‘ia. A laila, ma ka hāpai nīnau e paipai ai
i ka po‘e e kālailai mai i kā lākou hana pono‘ī iho nō.
Aia ma lalo iho nei ma ka Pakuhi 7.5 nā pilikia ‘elima o ia hakakā ‘ohana
me nā nīnau ‘ano nui e mahiki ‘ia ai. I mea e hō‘ike ai i ka nui o ka hana e
ho‘oponopono ai i nā hihia, aia ma lalo iho nei ka Pakuhi 7.6 e hō‘ike ana i nā
Pae Mahiki ‘Ekolu o ka ho‘oponopono ‘ana i nā hihia he 15. ‘O ka helu ‘ekolu ka
‘anu‘u hana nui loa, a ‘o ka ‘ekahi ka ‘anu‘u hana li‘ili‘i loa.
157
Pakuhi 7.5
Pakuhi 7.6
Pilikia
1
2
3 Malihini
4 Aloha keiki Pehea e lilo ai ka mea nani i mea pupuka?
5
158
Inā ‘o ka pae ‘ekolu o ka mahiki kekahi hō‘ailona o ka la‘ana waiwai i
hāpana kālailai, aia i waena o ia mau la‘ana ‘eono o ka pae ‘ekolu (1, 5, 9, 10,
14, 15) ka la‘ana e kālailai kiko‘ī ‘ia. Ua nui nā ‘ao‘ao ‘ikepili pepa no nā helu 1, 5,
me ka 14, he ‘elima na‘e ‘ao‘ao a emi mai no nā helu 9, 10 me ka 15.
I mea e hō‘ike mai ai i kekahi hi‘ohi‘ona hou a‘e e wae like ‘ia ai ka la‘ana
kālailai, ua kākuhi ‘ia ke komo o nā ‘ikepili ‘anu‘u ho‘oponopono ‘eono ‘o ia nā
‘anu‘u like i wehewehe mua ‘ia ma ka mokuna ‘ehā.
Aia ma lalo iho nei ma ka Pakuhi 7.7 nā la‘ana he 15 a pau me nā ‘anu‘u
ho‘oponopono i kō ai kēlā me kēia.
Pakuhi 7.7
✓
❐ Pilikia Mihi/Kala Hana
1 ✓ ✓ ✓ ✓ ? ✓2 ✓ ✓ ✓ ✓ ? ✓3 ✓ ✓ ✓ ✓ ? ✓4 ✓ ✓ ✓ ✓ ? ✓5 ✓ ✓ ✓ ✓ ✓ ✓6 ✓ ✓ ✓ ? ? ❐7 ✓ ✓ ✓ ✓ ✓ ❐8 ✓ ✓ ✓ ✓ ✓ ❐9 ✓ ✓ ✓ ✓ ✓ ✓
10 ✓ ✓ ✓ ❐ ? ❐11 ✓ ✓ ✓ ✓ ✓ ✓12 ✓ ✓ ✓ ✓ ✓ ✓13 ✓ ✓ ✓ ✓ ✓ ✓14 ✓ ✓ ✓ ❐ ? ✓15 ✓ ✓ ✓ ✓ ? ❐
159
Hō‘ike ka pakuhi ma luna a‘e nei ‘o nā ‘anu‘u kō mau i nā la‘ana 15 a pau,
‘o ia ka Pilikia, ka Ho‘oka‘a‘ike, me ka Hālāwai Kūkā. Ma ka ho‘okō ‘ana i nā
‘anu‘u mua ‘elua, pēlā e kūkulu ai i ka paepae ‘ike e ho‘omau a ho‘omau ‘ole ai
paha ma nā ‘anu‘u hou a‘e. He hō‘ailona ko‘iko‘i ka ho‘okō ‘ana i ka ‘anu‘u
Hālāwai Kūkā, ma laila nō i kō a pani ‘ia ai kekahi mau ho‘oponopono.
Ua kō ka ‘anu‘u mihi a me ke kala no ke komo o lāua ma ka hālāwai kūkā
a i ‘ole ma waho ma ka hōnuanua piko o ke kula. Mālama ‘ia ka ‘anu‘u mihi a me
ke kala i mua o ka po‘e a pau o ke kula inā ua mana‘o ‘ia he hihia nui nō ia. Lilo
ka hihia he mea nui inā, (1) ua ‘ike ‘ia ka pilikia ma ke ākea, a i ‘ole (2) ua lilo ia
hihia he ha‘awina ko‘iko‘i e pono ai ke a‘o ‘ia e ko ke kula holo‘oko‘a. Aia ka
ho‘oholo ‘ana e mālama i ka mihi me ke kala i ka hopena o ka hālāwai kūkā a i ka
hōnuanua piko paha i ka wā e hui ai.
Ke pono ‘ole ka mihi a me ke kala, ‘a‘ole pono ka hana pāna‘i no ka pili o
ia hana i ka mihi me ke kala. Ua ‘oi aku ka nui o nā mihi/kala ma mua o ka nui o
nā hana pāna‘i. He pili kēia i ke ‘ano o ka pāna‘i he hana maoli ia, ‘a‘ole he
ho‘opuka waha wale ‘ia o ka ‘ōlelo e like me ka mihi me ke kala. ‘O ka hana nui
na‘e o ka mihi me ke kala, ‘o ia ka maopopo loa ma ka papa na‘au ka mea i
ho‘opuka ‘oia‘i‘o ‘ia ma ka waha. Ke loa‘a ka hana pāna‘i, pono e ho‘okuleana ‘ia
he po‘e ho‘okele a e ho‘oholo ‘ia ka hana kūpono e ho‘okō ‘ia. He mea nui ka ‘ike
pehea e ho‘okō ai i ia hana. Aia ma ia ki‘ina ka ha‘awina nui ‘o ka ho‘okō, ‘a‘ole e
pono ho‘okō wale aku nō me ka hapapū a kāpulu paha. Ma ka nānā ‘ana i nā
la‘ana kiko‘ī i palapala ‘ia, ‘a‘ole nō i loa‘a mau ka ‘ikepili no ka ho‘okō me ka
160
ho‘okō ‘ole ‘ia o ka hana pāna‘i. No laila, he hana nui ka ‘ike piha i ka ‘oia‘i‘o, ‘oiai
he kuhi wale ‘a‘ole i ho‘okō ‘ia inā ‘a‘ohe ‘ikepili pepa. He hō‘ailona nō paha kēia
o ka hemahema o ka mālama i ka hana pāna‘i ma ia mau la‘ana o ka palapala
kūmau ‘ole ‘ia paha. ‘A‘ole i mōakāka.
Ma nā la‘ana i loa‘a ‘ole ka ‘anu‘u mihi a me ke kala, ua ‘ike ‘ia ka papaha
o ka ho‘okō ‘ole ‘ia o ka mo‘oki‘ina ho‘oponopono ma kona ‘ano nui. He hō‘ailona
paha kēia o ke ka‘a ‘ole o ka ha‘awina na‘au, ‘o ia ho‘i ‘o ka ho‘i i ka maluhia a
me ka ukiuki ‘ole o ka na‘au. Pēlā i hiki ‘ole ai i ke kanaka ke ho‘omanawanui, a
‘o ka ha‘alele papahana ka hopena. Ua loa‘a pū ho‘okahi la‘ana i kō ai ka
mo‘oki‘ina ho‘oponopono a i loa‘a ‘ole ka ‘ikepili no ka mihi me ke kala. Ma ke
kālailai ‘ana i ka ‘ikepili pepa o ia la‘ana, ua ‘ike mahu‘i i ke ‘ano na‘au ha‘aha‘a
me ka ‘apomana‘o o ia kanaka no ke ko‘iko‘i o kāna hana hewa. ‘O ke ‘ano o
kona ho‘opuka mana‘o ‘ana a me kona mau mana‘o kanaka makua, ‘o ia kekahi
mau hō‘ailona maika‘i o ke kō i ‘ike ‘ia. Ua ulu ke kuana‘ike o ka haumāna no ka
waiwai o ia ha‘awina. Ma kekahi ‘ano, he maika‘i ia hopena o ka ho‘oponopono i
loko nō o ka loa‘a ‘ole o kona ho‘opuka waha ‘ana i ka mihi me ke kala.
Ma ke a‘oa‘o laulā, ‘a‘ole nō i kō ma nā la‘ana i ho‘oponopono kūloko ‘ia
ma ka hālāwai kūkā a ma ka lumi papa paha. Ma hope o ia ‘ano a‘oa‘o ‘ana,
‘a‘ole pono pū ke a‘oa‘o laulāheEia na‘e, no kekahi hapa o nā la‘ana, ua ho‘okō
‘ia nō ma ka hōnuanua piko i mua o ka po‘e a pau o ke kula.
161
7.5 Ka Palena Pau o ka Mo‘oki‘ina Ho‘oponopono
He waiwai ka mo‘oki‘ina ho‘oponopono no ke kōkua i ka po‘e a pau o ke
kula ke kupu mai ka pilikia, akā, ‘o kekahi mea ko‘iko‘i, ‘o ia ka ‘ike i ka palena
pau o ka ‘imi i nā hā‘ina e pono ai. ‘O ka mea nui ka ho‘i ‘ana o ka haumāna i ka
hana, a pēlā no nā limahana o ke kula. Inā he mau mākua, e ho‘omana‘o ‘ia lāua
no ke kuleana e ‘auamo ‘ia, he kāko‘o i ke keiki, he haumāna ‘imi na‘auao. ‘A‘ole
e ālai i ka ho‘i o ka haumāna i kāna hana ko‘iko‘i, ‘o ka ho‘onui ‘ike ho‘i. Ke
alaka‘i i ka ho‘oponopono, he mea nui ka ‘ike no ka noke i mua me ka ho‘oku‘u
pū i ia noke ‘ana ke hō‘ea i ka pae puka o ka ho‘oponopono. Inā ua maha ka
na‘au o ka po‘e, a ua hiki ke ho‘i i ka hana ma‘amau me ka maluhia, ua kō a lawa
ka ho‘oponopono.
‘A‘ole e ho‘omau i ka ‘imi ma ‘ō aku o ia pae, ‘oiai ke ‘ike ‘ia ka maha o ka
na‘au o ka po‘e, he hō‘ailona ia o ka hiki i ka po‘e ke ho‘oku‘u i nā pilikia pilikino
‘ē a‘e no ka makemake e ho‘i aku i ka hana. ‘O ia ‘i‘ini o ka po‘e ka mea nui. ‘O ia
ka hō‘ailona e hō‘oia mai ana i ka hiki ke ho‘oku‘u ‘ia ka ‘imi ho‘oponopono ‘ana.
I kekahi manawa na‘e, loa‘a ka la‘ana i kō ai ka ho‘oponopono ma ka
laulā, akā, mau ka loa‘a o ke ālaina e ho‘opau piha ‘ole ‘ia ai ka ho‘oponopono
ma ka pō‘aiapili kula. I kekahi manawa, ua pili ia ālaina i ka lawa ‘ole o ka ‘ikepili
pilikia e ho‘oholomua ai. I kekahi manawa, lilo ka pilikia he mea pilikino loa. E
aho ka ho‘oku‘u me ka maluhia, ‘o ia ka hopena kūpono. Ua hiki ke ho‘oholo ‘ia
pēia, inā ‘a‘ole nō ho‘opilikia ia ha‘awina i nā kānaka ‘ē a‘e o ke kula. Kapa wau i
kēia he kō hapa. Ua kō ma ka nui, no ka mea ua ho‘i ka haumāna i ka ‘imi
na‘auao. Eia na‘e, ‘a‘ole ma ke ‘ano he kō piha loa.
162
I kekahi manawa, ho‘oponopono ‘ia kekahi mau pilikia, akā, komo ka
ho‘omauhala me ka huikau o ka no‘ono‘o, a lilo ‘o ia ke kuana‘ike ma nā hana
ma‘amau o ka lā. Inā pēlā ka no‘ono‘o, ‘a‘ole nō ‘emo, helele‘i ka pilina me ko ke
kula, a ha‘alele nō ka ʻohana i ke kula. Kapa wau i kēia, he kō ‘ole o ka
ho‘oponopono, ‘oiai ‘a‘ole ho‘i ka haumāna i ka hana, a lilo ke kānalua o ka
‘ohana ‘o ia ka mea nui. He minamina loa kēia hopena no ka ulu me ka ikaika o
ka papahana.
Aia ma lalo iho nei ma ka Pakuhi 7.8 nā ‘anu‘u kō –– ke kō, ke kō hapa me
ke kō ‘ole –– o ka ho‘oponopono ma nā la‘ana he ‘umikūmālima. Ma ia pakuhi
ho‘okahi ka nui o nā lā i ho‘olilo ‘ia ma luna o ka mo‘oki‘ina ho‘oponopono.
Pakuhi 7.8
Ma ka nānā ‘ana i ka nui o nā lā i ‘imi ai i ka hopena ho‘okō, ua loa‘a ka
pilina ma waena o ka lō‘ihi me ka pōkole o ka manawa i ho‘olilo ‘ia me nā pae kō
a kō ‘ole o ka hana. ‘O nā la‘ana kō ‘ole nā la‘ana nui loa o nā lā ‘imi i ka ho‘okō.
1 ✓ 82 ✓ 23 ✓ 14 ✓ 25 ✓ 26 ✓ 17 ✓ 18 ✓ 19 ✓ 310 ✓
11 ✓ 912 ✓ 313 ✓ 1414 ✓
15 ✓ 3
163
Ua lilo nō ho‘i ia mau pō‘aiapili ‘elua he pulakaumaka i ‘auamo ‘ia ma nā
makahiki lō‘ihi. Ma muli o ka maha ‘ole o ka na‘au o ka makua no ka hana a ke
keiki ma ke kula, ua pono ke kula e noke i ka ho‘oponopono, ‘oiai ‘o ka ho‘i ‘ana o
ka haumāna i ka hana, ‘o ia ka pahuhopu nui. ‘O ka mea ‘apiki o ia mau
pō‘aiapili, ‘a‘ole nō i maha ka na‘au o nā ‘ohana e pono ai ka ho‘i o ka haumāna i
ka hana ma ka lumi papa.
7.6 Ka La‘ana ‘Oi Kelakela o ka Mo‘oki‘ina Ho‘oponopono
I mea ho‘ohālikelike, ua wae ‘ia ‘ekolu la‘ana ma waena o ka 15 i mana‘o
‘ia he maika‘i loa no ke ki‘ina ho‘oponopono, ‘o ia ka ‘elima, ka ‘ekahi, a me ka
‘eiwa. Ua ho‘onohonoho ‘ia ia mau la‘ana ‘ekolu ma ke ka‘ina mai ka ‘elima, ‘o ia
ka la‘ana maika‘i loa a i ka ‘eiwa.
Aia ma lalo iho nei ka Pakuhi 7.9 e ho‘ohālikelike ana i ka ‘ikepili piha no ia
mau la‘ana.
Pakuhi 7.9
‘Oiai ua like nā la‘ana ‘ekolu ma ka Pae Mahiki, nānā pū ‘ia ke ko‘iko‘i o ka
ma‘i‘o i loa‘a ma ka pepa a ma ka ‘ōlelo ma nā ‘Anu‘u Mo‘oki‘ina. Ma ko‘u alaka‘i
Helu Wehewehena Pae Mahiki Huinanui Heluna
nui
5 2 3 11 5 6
1 makua 8 3 8 4 5
9 imu lama 3 3 3 1 6
164
‘ana, ua ‘ohi a kālailai i ia ma‘i‘o a pēlā e wae ai i nā mana‘o nui a e
ho‘okaualewa ai ho‘i i nā mana‘o kū‘ē‘ē. Me ia nō e wānana ai no ka ho‘okele
‘ana i mua a kō ka ho‘oponopono ‘ana.
‘O kekahi mea ko‘iko‘i ke komo ‘ana o ka ‘ohana ma ke kōkua i ka hana
ho‘oponopono. Ma nā la‘ana ‘elima a me ka ‘ekahi, ua hō‘ea kino ka ‘ohana i ke
kula, ‘a‘ole no ke kōkua i ke keiki pono‘ī, akā, ma ke ‘ano he ‘auamo kuleana ma
ka ‘imi i ka ho‘oponopono ‘ana me ka ‘ohana i hana ‘ino ‘ia a me ko ke kula ho‘i
kekahi. Aia ma ka la‘ana ‘elima na‘e ke kumu ho‘ohālike ‘oi kelakela o ka makua
ma ka lawena na‘au ha‘aha‘a a ho‘okipa i kekahi ‘ohana. He ho‘omakalahia ke
‘ano o ka mihi i mea e ho‘oku‘u ai ho‘i i ka hana hewa i waena o nā ‘ohana ‘elua.
He ko‘iko‘i pū ke ‘ano o ke komo ‘ana o nā haumāna ma ka
ho‘oponopono. ‘Oiai ua komo nā haumāna ma nā la‘ana a pau loa, ua ‘ike ‘ia ka
‘oi kelakela o ke kanaka makua o ka haumāna ma ka la‘ana ‘eiwa. Ma ka
ho‘ākoakoa ‘ana i ke kula ki‘eki‘e holo‘oko‘a, ua noi wau i nā haumāna e
ho‘opū‘ulu iā lākou i mea e hō‘ike ai ‘o wai ka po‘e i lawe i ka lama mai ka hale, i
inu i ka lama, i maopopo a ho‘oku‘u wale aku, a i maopopo ‘ole loa no ia hana
hewa. Ma ke kāhea pākahi ‘ana i ia mau pū‘ulu, ua hele wale aku me ka ‘ōlelo
‘ole i kahi i kuhi ‘ia a pau loa nā haumāna a pau i ka hele i ia mau pū‘ulu. I ko nā
hoa haumāna nānā ‘ana kekahi i kekahi, ‘a‘ohe nō nīnau a kānalua. Ma hope o
ia hana, ua ho‘omau aku i ka hui kama‘ilio ma ia mau pū‘ulu. ‘Oiai ua ho‘ā‘o nui
nā kumu i ka ‘imi i ia ‘ike ma kekahi mau ‘ano, ‘o ke noi wale aku ma ke ākea, ‘o
165
ia ke ki‘ina i puka mai ai ka ‘oia‘i‘o. ‘O ia ‘ao‘ao ho‘okanaka makua kekahi lanakila
nui o ka haumāna.
‘Oiai a‘oa‘o ‘ia ka haumāna i nā lā a pau ma ke kula, he pahuhopu
ma‘amau ka ‘imi ‘ana i ka ho‘okanaka makua ‘ana a ka haumāna. A no nā mākua
na‘e, ‘a‘ole nō lohe nui i ke a‘oa‘o i lohe mau ‘ia e nā haumāna, nā kumu a me nā
limahana. No laila, ke hō‘ike mai ka ‘ohana i kekahi lawena a mana‘o ‘oi kelakela
ma ka ‘ao‘ao mauli, he mea nui no ho‘i e mahalo nui ‘ia. ‘A‘ole no ka pono o ka
makua, akā, no nā haumāna a me ke kuana‘ike no ke kūlana makua, he kumu
ho‘ohālike.
‘O ka nui o nā lā kekahi mea nōhihi ke no‘ono‘o a‘e. ‘Oiai e ‘imi ana ka
mea alaka‘i i ka ho‘oponopono pilikia me ka ‘eleu i hiki, aia nō a komo i ka hana,
a laila, e ‘ō‘ili mai ana ka ‘ike no ka nui o ka manawa e pono ai. Ke nānā a‘e i ka
heluna lā ma nā la‘ana, ‘a‘ole hiki ke ‘ike i nā hi‘ohi‘ona o ka hana ho‘oponopono
ma ka nānā wale ‘ana i ia mau heluna. Na ia mau hi‘ohi‘ona hana e ho‘ohua i ka
hopena me ka ‘eleu loa i hiki. A ‘o ia heluna lā ke ana manawa e hō‘ike ana i ka
nui o nā hana i pono ai ka ho‘oponopono ‘ana no ia mau po‘e ma kēlā me kēia
la‘ana.
Ua pa‘a ma ko‘u waihona ho‘omaopopo ka ‘ike no ke ko‘iko‘i o ka ma‘i‘o
ma ka pepa, ma ka ‘ōlelo a me ka lawena a nā kānaka no mau wā o nā la‘ana
hana ho‘oponopono. He nōhihi nō ho‘i ma muli o ke komo aku ma ke ao pili
‘uhane.
166
Ma ka Mokuna ‘Ewalu, e wehewehe piha ‘ia ana ka la‘ana ‘oi kelakela i
wae ‘ia ma kēia mokuna. Ma ke kālailai ‘ana i nā hi‘ohi‘ona ‘ikepili o ia la‘ana, e
‘oi aku ana ka mōakāka o ka ‘ike no nā ‘ānu‘u pākahi a pēlā no ka mo‘oki‘ina nui.
E ho‘ohana ‘ia ia la‘ana ho‘okahi i mea e ho‘oulu ai ke kama‘āina o ka mea
heluhelu i ke kuana‘ike i kūkulu ‘ia ai ka mo‘oki‘ina ho‘oponopono.
167
Mokuna ‘Ewalu
Ka Ho‘ohana ‘Ana i ka Mo‘oki‘ina Ho‘oponopono Ua ne‘e ke kula i Kea‘au ma Puna ma ka makahiki 1994, a ua loa‘a ka
papa ‘ehiku, ‘ewalu, a me ka ‘eiwa i ia wā. Ua komo mai nā haumāna i puka mai
ka papa ‘eono o ke Kula Kaiapuni o Keaukaha ma ka papa ‘ehiku o
Nāwahīokalani‘ōpu‘u. Ma ka holo ‘ana o ka manawa, ua ulu a‘e ke kula ma ka
ho‘okahi papa i kēlā me kēia makahiki a hiki loa aku i ka papa 12. Ma ka
makahiki 2000, ua puka mua akula ‘elua papa, ‘o ko ka 1999 me ka 2000.
‘Oiai he kula ho‘okolohua ‘o Nāwahīokalani‘ōpu‘u, ua ho‘ā‘o nō i ka ‘ae i
kekahi mau haumāna ‘ōlelo Hawai‘i ‘ole ma ke kula. Ua mālama ‘ia ka nīnauele i
ka ‘ohana a i ka haumāna pū kekahi. ‘A‘ole nō i nui nā haumāna i ‘ae ‘ia, akā, ma
ko‘u ho‘omaopopo, ua kālailai nui ‘ia nā pō‘aiapili e ‘ae ‘ia ai ka haumāna. I
kekahi manawa, he ‘ohana ia i loa‘a ka pili i kekahi o nā ‘ohana i komo mua i ke
kula. Ua launa paha ma ka hale pule, ma ke kaiahome, a i ‘ole he ‘ohana
pilikoko. Ua lohe ‘ia ka maika‘i o ka papahana kula, a hoihoi ka ‘ohana i ka lilo o
ke keiki he haumāna ma ke kula. ‘Oiai nīnauele ‘ia ka haumāna a me ka ‘ohana,
ua hiki ke ‘ike no wai ka ‘i‘ini nui no ke komo i ke kula. No ka makua ia hoihoi i ka
nui o ka manawa, akā, ua loa‘a nō ka haumāna i ‘imi i ke komo me ke kāko‘o o
nā mākua. I ka nui o ka manawa, hoihoi ka makua i ka ‘ōlelo Hawai‘i ma muli o
kona mana‘o he Hawai‘i ‘o ia. Ua loa‘a pū he ‘ohana Polenesia i ne‘e mai i Hilo, a
ua lohe no ka ‘ōlelo Hawai‘i ma Nāwahīokalani‘ōpu‘u. Hoihoi loa nā mākua, ‘oiai
he po‘e ‘ōlelo Polenesia lākou ma ka hale. Ua noi pū nā ‘ohana i loa‘a ‘ole ke
168
koko Hawai‘i, akā, ua hānau a hānai ‘ia ma Hawai‘i nei. Inā ua maopopo ka
‘ohana i ka pahuhopu nui o ke kula, a ua ‘ae i ka ‘imi i ke a‘o i ka ‘ōlelo Hawai‘i, ‘o
ia ke ‘ano o ka ‘ohana e ‘ae ‘ia e komo.
No laila, ‘ike ‘ia nō nā haumāna ‘ōlelo Hawai‘i no ke Kula Kaiapuni o
Keaukaha a me kekahi haumāna hou ma ka papa ho‘okahi. ‘O nā haumāna
‘ōlelo Hawai‘i na‘e ka hapanui loa o nā haumāna ma ke kula. Aia ma lalo iho nei
ka wehewehena no kekahi hihia i kupu mai ma ka makahiki kula 2000-01. He
la‘ana ia e hō‘ike ana i ka ho‘opono o ka hana mo‘oki‘ina ho‘oponopono i waena
o nā haumāna, nā kumu a me ka ‘ohana. Ua ho‘ohana wau i mau inoa haku wale
i mālama ‘ia nā inoa maoli o nā kānaka i komo ma ia hihia.
8.1 He Hihia o nā Haumāna Hakakā
8.1.1 Ka ‘Ike ‘Ia o ka Pilikia
Ma ka hola 1:35, iā Nohea, kekahi o nā kumu, e ho‘i ana i kona lumi papa,
ua ‘ike akula ‘o ia i kānaka ma ka lepo, a ma kona nānā ‘ana, kohu mea e hakakā
ana. Aia kēia ma kahi kokoke i ka lumi papa, ma hope pono o ka hale ha‘uki o ke
kula. Hemo ka pale‘ili o kekahi, a ua pa‘a ihola ke kino o kekahi ma lalo ona. Ua
holo akula ‘o Nohea me ke kāhea pū i kōkua i kekahi o nā kumu, iā Kaleo, ma ka
lumi e pili ana. I ke kokoke ‘ana aku o lāua, ua ‘ike ‘ia akula ‘o wai ia mau
haumāna, he mau wāhine kā o ka papa ‘ewalu, ‘o Mahina nō ho‘i a me Kenui. Ua
ho‘oka‘awale ‘ia a‘ela lāua e nā kumu ‘elua, ‘oiai lāua e ho‘ā‘o nui ana e ku‘i aku
kekahi i kekahi. I ka ‘ike ‘ia o ka hakakā ‘ana, ua holo pū akula kekahi o nā
hoapapa, ‘o Kini me Lei‘ala e kōkua aku. Ua lawe aku ‘o Nohea iā Mahina i ke
169
ke‘ena me ka noke pū i ka huhuki aku iā ia, ‘oiai ua pi‘i loa ko Mahina huhū. Ua
hahai akula ‘o Kini a i ka hō‘ea ‘ana i ke ke‘ena, ua ha‘i ‘o Nohea iā Mahina e
noho ma ka lumi kahu ma‘i a e kali ma laila, a ua noho pū ihola ‘o Kini me ia. Ua
hui pū ‘o Kenui me lākou ma ke ke‘ena, a ho‘i akula ‘o Kaleo i kāna hana ma ka
lumi papa. I ka puka ‘ana aku o Nohea ma ke ke‘ena, ua ‘ike ‘o ia i kekahi kumu,
iā Kimo, a ua noi akula iā ia e kōkua ma ka ho‘oponopono ‘ana i kēia hihia. Ua
‘ae akula ‘o ia a komo a‘ela i ke ke‘ena e kama‘ilio pū ai me nā haumāna. Ua
ho‘omau akula ‘o Nohea a hiki i kekahi hale a‘u e noho hālāwai ana,
ho‘omaopopo maila ia‘u no ka hihia, a laila, ua ho‘i akula i kāna hana ma ka lumi
papa.
8.1.2 Nā Hi‘ohi‘ona o ka Ho‘oka‘a‘ike
Ua ha‘alele koke akula wau i ka hālāwai a ho‘i i ke ke‘ena. I ko‘u hō‘ea
‘ana i ka lumi kahu ma‘i, aia ‘o Kimo ma laila me Mahina, Kenui, Kini, a me
Lei‘ala, a ua ki‘i pū ‘ia ‘o Kahaku, ko Kenui kaikunāne ma ka papa ‘ehiku. Ua
maluhia ka lumi, akā, mau nō ka huhū me ka uluhua o Mahina. ‘A‘ohe āna ‘ōlelo,
a ‘o ka noho wale ‘ana nō kāna me ke kulu pū o kona mau waimaka. Ua noi wau
iā Mahina me Kenui e pi‘i i ko‘u ke‘ena no ka hālāwai ‘ana, a ua hō‘ole maila ‘o
Mahina. Hāpai ‘ia e kekahi e mālama i ka hālāwai ma ka lumi kahu ma‘i nō, a
nīnau akula wau iā Mahina inā he kōkua ia mana‘o. Mea mai ‘o ia, ‘a‘ole ia he
mea nui, no laila, ua ho‘oholo ‘ia e mākou a pau e pi‘i i ke ke‘ena e ho‘oponopono
ai. I ia manawa, ua ha‘alele ‘o Kimo a ho‘i i kāna hana.
170
8.1.3 Ka Hālāwai Kūkā/Ho‘omalu/Mahiki
Ua pi‘i a‘e mākou ‘eono i ka lumi hālāwai kūkā e pili pū ana me ko‘u
ke‘ena, ‘o Mahina a me Kenui (nā haumāna hihia ‘elua), ‘o Kini a me Lei‘ala (nā
hoaaloha i ‘ike maka i ka hakakā ‘ana), ‘o Kahaku (ke kaikūnane o Kenui), a me
a‘u. I ka hō‘ea ‘ana i ka lumi hālāwai, ua noho a puni ke pākaukau, a ua
ho‘omaka ma ka pule pōkole. A laila, ua noi au iā lākou a pau e kākau i ko lākou
mo‘olelo no nā mea i maopopo iā lākou. ‘A‘ohe kama‘ilio. Ka‘aka‘ahi ‘ia ka pepa
me ka peni a ua ho‘omaka a‘ela e kākau. I kā lākou mo‘olelo nō a pa‘a ma ka
pepa, a laila, ua noi au iā lākou e heluhelu waha pākahi mai. Ho‘olohe nā
kānaka ‘ē a‘e, ‘a‘ohe ‘ōlelo a kīkahō ke heluhelu ka hoa. Ma hope o ia hana, ua
hāpai wau i ka nīnau: Pehea kākou e ho‘oponopono ai i kēia pilikia? A laila, ua
noi iā lākou e pane waha mai ma ka mana‘o ka‘apuni. ‘O ia ka ho‘opuka mana‘o
‘ana ma ke ka‘ina a ka po‘e i noho ai. He ho‘omaka ma kekahi kanaka, a laila, e
ho‘omau aku ma ke kanaka e noho ana ma kona ‘ao‘ao. E ho‘omau aku pēlā a
ho‘opuka ‘ia ka mana‘o o kēlā me kēīa kanaka. ‘A‘ohe kanaka kikahō a hāpai
mana‘o, inā ‘a‘ole ia ‘o kona wā ho‘opuka mana‘o. Ma hope o ia hana, noi ‘ia
lākou e kākau i ko lākou mana‘o pani no ka ho‘oponopono ‘ana i ia hihia.
Heluhelu ka‘apuni maila lākou i ko lākou mau mana‘o. Hō‘ike akula au iā lākou no
ke kelepona ‘ia o nā mākua o Mahina lāua ‘o Kenui a no lāua mihi ‘ana i mua o
ko ke kula ma ka piko o ke kakahiaka o kekahi lā a‘e. A‘oa‘o ‘ia lāua no ia hana o
ke kakahiaka i hiki aku lāua me ka mākaukau. Ua mihi a kala pū kekahi i kekahi,
a pani ‘ia ka hālāwai kūkā me ka pule ho‘oku‘u.
171
8.1.4 Ka Mihi, ke Kala, ke A‘oa‘o Laulā a me ka Lūlū Lima/ke Apo Aloha
I ia kakahiaka aku, ma ka mo‘oki‘ina piko ma‘amau, ua ho‘opuka pākahi
mai nā kaikamāhine ‘elua i mau mana‘o pōkole, a laila, ua mihi i mua o ko ke
kula. Ua hō‘ea pū ka makuahine o Kenui, a ua mihi pū ‘o ia no ka hana a kāna
kaikamahine. Ho‘olohe ‘ia nā mana‘o a kala ‘ia e ko laila po‘e. I ia manawa wau i
a‘oa‘o ai i ko ke kula no ka ha‘awina nui o ia hihia a me ka mea nui o ka ‘imi i ka
ho‘oponopono ke kupu mai ka pilikia i waena o ka po‘e. I ka pau piha ‘ana o ka
hana ma ka Piko, a laila, ua hele ka po‘e e lūlū lima a apo aloha i ia mau
haumāna ‘elua a me ka makua.
8.1.5 Ka Hana Pāna‘i
Ma hope pono o ia ‘ākoakoa ‘ana ma ka Piko, ua ho‘omaka nā
kaikamāhine ‘elua i ka hana pāna‘i. I loa‘a ke kanaka nāna e maka‘ala i ia hana,
ua ho‘okuleana ‘ia ‘o Nohea, ke kumu nāna i ‘ike mua i ka hakakā ‘ana. Ua
ho‘oholo wau i ka hana lei ‘awapuhi, ‘o ia kā lāua hana pāna‘i. E ‘ohi, kui, wahī, a
lawe i ho‘okahi lei pākahi i ka hale i ‘ālana no kēlā me kēia ‘ohana, he mihi no ka
ho‘ohilahila ‘ana i ka ‘ohana i mua o ko ke kula.
8.1.6 Chapter 19
I ka wā ho‘okahi i holomua ai ia mau hana o ka mo‘oki‘ina ho‘oponopono,
ua ‘imi pū ka Hope Po‘okumu i ka ho‘opa‘i ‘ia o nā haumāna ma lalo o nā lula o
Chapter 19. ‘Oiai, he ‘a‘e lula kula aupuni ka hakakā, ua ‘imi ‘ia ka hopena
kūpono ma ka ‘anu‘u ho‘opa‘i e pono ai ke ka‘a maika‘i o ka ha‘awina ‘ike no nā
haumāna ‘elua.
172
8.1.7 A‘oa‘o a Hō‘oia/Pani
I ka hala ‘ana o nā lā o kekahi pule aku, ua lohe ‘ia no ke kono ‘ana o ka
‘ohana o Kenui i ka ‘ohana o Mahina e hele i ka hale no ka ‘aina ahiahi. Ua hō‘ea
aku nō ka ‘ohana o Mahina, a ua launa like lākou i ia wā. Aia ma lalo iho nei ka
Pakuhi 8.1 e helu ana i nā ‘anu‘u ho‘oponopono a me ka wehewehena no ka
mana‘o o kēlā me kēia ‘anu‘u i kēia la‘ana kiko‘ī.
8.2 Ke Kālailai ‘Ana i ka Hihia o nā Haumāna Hakakā
8.2.1 Ka ‘Ike ‘Ia o ka Pilikia
Ma ka heluhelu ‘ana i kā nā haumāna i palapala ai no ka hihia ma ka hālāwai
kūkā, ua loa‘a mua kekahi mau hō‘ailona o ia pilikia i waena o Mahina me Kenui
ma mua loa o ke kumu ‘ana mai i ia lā. Eia na‘e, ‘a‘ohe kumu i lohe a ‘ike pono i
kekahi hō‘ailona o ka pilikia a hiki i ia lā o ka hakakā. Ma ka hele ‘ana o ke kumu
‘o Nohea mai kekahi lumi papa a i kekahi, ua ‘ike akula i nā haumāna e hakakā
‘ana. ‘Oiai ua ho‘omaka ‘ē ka hakakā ‘ana, ‘o kona holo koke akula nō ia e kāhea
i kekahi kumu, iā Kaleo, e ‘eleu aku lāua ma ke kōkua.
‘O ko Nohea ‘eleu i ka ‘ike i ka hakakā ‘ana a me ko Kaleo lohe ‘ana i ke
kāhea ‘ia e kōkua aku, ‘o ia nā mākau i pono ai ka ‘oni a ke kino e kōkua aku. He
hō‘ailona nō ho‘i kēia o ka pilina maika‘i o nā kumu i ‘ike i ke kuleana e komo
koke a kōkua ke kū mai ka pilikia. ‘A‘ole e no‘ono‘o no kekahi kanaka ia kuleana.
Ma ke kuana‘ike hanauna, he kuleana nui ko ke kumu kula ma luna o ka
haumāna. Ua ‘ano like ia kuleana me ko ka makua, he ho‘okele i ka hana pono
173
Pakuhi 8.1
me ka palekana o ka haumāna. ‘O kekahi mea nui, ‘o ia ka wikiwiki o ke ‘oki ‘ia o
ka pilikia. I kekahi manawa na‘e, inā ‘ike ke kanaka ‘a‘ole paha ‘o ia ka mea
kūpono e kōkua ma muli paha o kekahi ‘ao‘ao nāwaliwali a hemahema paha,
‘a‘ole nō e komo. Ke komo ia ‘ano kanaka, he ho‘onui paha i ka pilikia a
Wehewehena
pahuhopu nui.
ma ka Piko kakahiaka.
Chapter 19
174
ho‘omāhuahua i ka hana e pono e ho‘oponopono ‘ia. No laila, he mea nui ka
hikaloixxiv ‘ana, a me ka loiloi pū ‘ana aku i ka pō‘aiapili me ka mākaukau o nā
hoa kumu i loa‘a i ia wā.
‘O ka ho‘oholo mana‘o kekahi hana ko‘iko‘i e pono ai ka ho‘oholomua i ka
ho‘oponopono pilikia ‘ana. I loko o ka huhū o Mahina, ‘a‘ole i ho‘oku‘u ‘o Nohea iā
ia e hana e like me kona makemake. Ua huki ‘o ia iā Mahina i ke ke‘ena, ma ka
lumi kahu ma‘i e kali ai a ki‘i ‘ia aku nei wau ma kekahi o nā hale kula. ‘Ae pū ‘o
Nohea i kekahi o nā hoapapa e noho pū me Mahina a me Kenui ma ke ‘ano he
kōkua. Noi hou ‘o Nohea i ke kōkua o kekahi kumu, o Kimo, e kali pū ma ke
ke‘ena me nā haumāna, ‘oiai ua ho‘i akula ‘o Kaleo i ka papa. Nui nā mana‘o o
Nohea i ho‘oholo ai, a ‘a‘ole nō i ‘oi aku ka pi‘i o ka huhū o ia mau haumāna. Ua
hō‘oia i ka maka‘ala maika‘i ‘ia ma mua o ko Nohea ha‘alele ‘ana iā lākou. Nāna i
ho‘oholo i ka ‘imi ia‘u i loko nō o ka loa‘a o ka Hope Po‘okumu ma ke ke‘ena i ia
wā. He hō‘ailona kēia o ka mōakāka i waena o nā kumu no ko‘u kuleana ma ke
alaka‘i mo‘oki‘ina ho‘oponopono. Ke komo wau i ka hana, a laila, no‘u ke kuleana
‘o ka ho‘oholo mana‘o a me ka ho‘okō ‘ana i ka mo‘oki‘ina ho‘oponopono. ‘Oiai ‘o
nā kumu me nā limahana nā kānaka ‘ike mua i ka pilikia ke kupu mai, no lākou
ke kuleana nui mua, ‘o ka hana ho‘onā hihia a hō‘ea aku ka haumāna i ke
ke‘ena.
8.2.2 Nā Hi‘ohi‘ona o ka Ho‘oka‘a‘ike
Iā māua ‘o Nohea e ho‘i ana i ke ke‘ena, ua hō‘ike piha mai ia‘u no ka
pō‘aiapili o ka hihia, nā haumāna, a me kāna i hana ai. I ko‘u hō‘ea ‘ana i ke
175
ke‘ena, e uē ana ‘o Mahina, a e noho hāmau ana nā kānaka ‘ē a‘e. Mau nō ka
loa‘a o ke kumu o Kimo ma laila me lākou. Ma ka nānā ‘ana iā lākou, ua
ho‘omaka wau i ke kālailai ‘ana i ia pō‘aiapili. He kanaka kama‘āina loa ‘o Kimo i
ka hana me nā haumāna hihia. He mana‘o maika‘i ko ka hāmau o ka po‘e, a na
Kimo i ho‘okele i ia hopena. ‘Oiai e mau ana nō ka ukiuki i waena o nā haumāna,
ke ho‘opuka kekahi i wahi hua‘ōlelo i mana‘o ‘ia he ‘imi hana, e pi‘i hou a‘e ana
paha ka huhū a e pono ana e ho‘omalu hou aku. Ke noho hāmau, he wā nō ia e
nanalu ai a e no‘ono‘o hou ai i ka hana i ‘ike ‘ia. Ke noho a hāmau ka leo, emi pū
mai ke kikahō ma ka no‘ono‘o me ka hana, ‘oiai ua nui nō na‘e paha nā ‘ano
mana‘o like ‘ole e no‘ono‘o ‘ia ana i ia wā.
Ma ke Kumu Honua Mauli Ola, ua wehewehe ‘ia no ka hiki i ka ‘ōlelo ke
ho‘opunipuni, a pēlā nō inā ‘a‘ole nō loa‘a ka hilina‘i ke ho‘oka‘a‘ike ka po‘e
kekahi i kekahi. ‘Oiai ‘a‘ole i maopopo loa ka ‘oia‘i‘o me ka ‘oia‘i‘o ‘ole o ka ‘ōlelo
ma kēia pō‘aiapili, e aho ka noho hāmau. He waiwai ka pilina kama‘āina i waena
o nā haumāna me nā kumu ma mua o ka wā pilikia, akā, i loko nō o ia kama‘āina,
e aho ka noho hāmau. He kōkua ka mālama i ka hāmau a hiki i ka wā e komo ai
ma ka hālāwai kūkā.
E mau ana nō ka uē huhū ‘ana o Mahina, ‘o ia ho‘okahi wale nō. Ua noi
wau iā lāua ‘o Kenui e pi‘i i ke ke‘ena hālāwai ma ka papahele ‘elua. Ua hō‘ole
maila ‘o Mahina. Ua hāpai kekahi o nā hoa haumāna e mālama i ka hālāwai ma
laila, ma ka lumi kahu ma‘i. I ka nīnau ‘ana iā Mahina no ia mana‘o, wahi āna,
176
‘a‘ole ia he mea nui. Me ia nō i pi‘i aku ai ka po‘e a pau, koe ‘o Kimo i ho‘i akula i
ka hana.
‘O ka ho‘omau ‘ana i ka uē ka hō‘ailona o ka mau o ka pā ikaika o ka
na‘au o ke kanaka. ‘A‘ole ana hiki ke no‘ono‘o me ka mōakāka inā pēlā. ‘O ko
Mahina hō‘ole ‘ana ia‘u kekahi hō‘ailona o ka pilikia o kona na‘au me kona
kuana‘ike no ka pilikia. E kāohi ana ‘o ia i kona mau mana‘o a pau, ‘a‘ole hoihoi i
ke kōkua ‘ia a ‘i‘ini wale ‘o ia i ka no‘ono‘o i kona ‘eha. Eia na‘e ma ka hāpai ‘ana
i ka mālama hālāwai ma ka lumi kahu ma‘i i loko nō o ko‘u ‘ike no ke kūpono ‘ole
o ka noho ma laila, ua hō‘ike mai ‘o ia no ke kū‘ē ‘ole i ka pi‘i i ka lumi hālāwai ma
ka papahele ‘elua. He ke‘ehina nō ia o ke kūkulu hou ‘ana i ka hilina‘i i waena o
māua. Inā na‘e ‘o ia i hō‘ole, e ho‘omau wau i ke a‘oa‘o iā ia no ka no‘ono‘o i nā
haumāna e komo ana i ka lumi kahu ma‘i. ‘A‘ole kūpono o ko mākou loa‘a ma
laila. I ko‘u mana‘o, e ‘ae no ‘o ia i ia manawa, inā ‘a‘ole i ‘ae mua mai. ‘Oiai ua
hiki ke kauoha wale aku iā ia e hele i ka lumi hālāwai, ua ho‘ohana wau i ia pilikia
‘o ka hō‘ole, he mea kōkua ma ka ho‘oulu i ka hilina‘i. He ha‘awina pū ia no nā
hoa haumāna ‘ē a‘e. Ma ka nānā me ka ho‘olohe lākou e a‘o ai no ka hana like
me ka ‘auamo i ke kuleana ho‘oholo mana‘o no ka pono o ka nui po‘e, ‘a‘ole no
ka makemake o ke kanaka ho‘okahi. Ma ko‘u kuleana alaka‘i, he mea nui ka
ho‘oholomua i ka ho‘oka‘a‘ike maika‘i i hiki i nā haumāna ke ho‘oponopono i ko
lākou mau pilikia iho a i hua pono ho‘i ka mo‘oki‘ina holo‘oko‘a i ia wā.
He mea nui ka ‘ike no ka ‘ao‘ao pili ‘uhane ke hana me nā haumāna i ko
lākou wā pilikia. ‘O ka mana‘olana me ka hā‘awipio ‘ole nā ha‘awina nui o ka
177
‘ao‘ao pili ‘uhane e pono ai. Ke ‘ike ka haumāna no ka ha‘awina o ia ‘ao‘ao,
ho‘omaka ‘o ia e piliwi i ka hiki ke puka mai ia hihia aku. ‘O ia kekahi hua nui o ka
ho‘oka‘a‘ike maika‘i ‘ana. Pono e hiki ke ‘ike no ke ‘ano o ka haumāna me kona
pili a pili ‘ole me nā hoa haumāna a me nā kumu. Loa‘a pū ka ‘ike no ka welo
‘ohana, ‘oiai i kekahi manawa, he kōkua ma ka ho‘okele ‘ana i ka hana a ka
haumāna. Ke ho‘oka‘a‘ike me ka haumāna, ho‘ohana ‘ia ka ‘ikepili i ‘ike maka a
lohe pepeiao ‘ia i ia wā o ka hihia. Eia na‘e, ‘o ka mō‘aukala no ia haumāna, ‘o ia
ka ‘ao‘ao ‘ike e no‘ono‘o mua ‘ia, no ka mea e kūkulu ‘ia ke kuana‘ike hou ma
luna o ia paepae ‘ikepili no ka wā ma mua. ‘O ka ho‘opili i ka ‘ike hou me ka
‘ike kahiko, pēlā e ho‘oholo ai i ka hana e pono ai.
Aia ma ka ‘ike no ka mole kumu o ka pilikia ka hiki ke ho‘oka‘a‘ike a
ho‘oholomua i ka hana ho‘oponopono. He mea nui ke kālailai ‘ana a me ka wae
kūpono ‘ia o nā hua‘ōlelo nāna e ho‘omohala i ka mōakāka o ka mana‘o i waena
o ka po‘e. ‘O kēia ka mana o ka ‘ōlelo ke ho‘opuka waha ‘ia. Ma muli o ia mana,
he mea nui ka maka‘ala i ka hana pono, ‘oiai ua hiki i ka ‘ōlelo ke ho‘opunipuni
kekahi.
8.2.3 Ka Hālāwai Kūkā/Ho‘omalu/Mahiki
Ua ho‘omaka ka hālāwai ma ko‘u alaka‘i ‘ana i ka pule. Ma ia pule e
ho‘opuka ‘ia ai nā mana‘o nui o ia hui ‘ana. Ua noi ‘ia ke akua e kōkua mai ma ka
ho‘oikaika a ho‘ona‘auao ‘ana mai iā mākou i hiki ai iā mākou ke kōkua iā mākou
iho. Na ke akua nō e hō‘ike mai i ke ala e hahai ai, a na mākou nō e ‘imi ‘oia‘i‘o
aku i ka hopena e pono ai. Ua hāpai ‘ia nā inoa o nā haumāna e like me ka mea
178
e pono ai ka mōakāka o ka pilikia i hihia ai ka po‘e, a ua hō‘ike pū ‘ia ka hua e
‘imi ‘ia ana. ‘O kekahi mea nui ke ‘oki ‘ia o ke komo ‘ana mai o nā mea kikahō a
kūpono ‘ole ma kā mākou hālāwai. Na ke akua nō e ho‘oka‘awale i ia mau mea a
pau i hiki ke mahiki pau loa ‘ia nā hana hewa a pau. Pau ka pule ‘ana, a laila, ua
ho‘omaka wau e hōʼike no ka pahuhopu nui o ia hui ‘ana. He pili loa ka mana‘o o
ka pule i ia pahuhopu nui ma ke kūkulu ‘ana i kekahi mana‘o ma luna o kekahi.
Ke ho‘opili ‘ia nā mana‘o, ‘oi aku ka mōakāka ke lohe aku, a he hō‘oia pū i ka
mākaukau o ka mea alaka‘i ma ka ho‘opuka mana‘o ‘ana. Ma kēia la‘ana, ‘a‘ole
nō i lō‘ihi ka pule me ka hō‘ike ‘ana i ka mana‘o nui. Ua ho‘okō ‘ia ia māhele
wehena hālāwai, a ua ho‘omau koke aku.
I ia wā, ua pau mua ka uē ‘ana o Mahina, a e kali mai ana nā haumāna e
hō‘ike aku au iā lākou i ka hana e hana ai. Ia‘u e ka‘aka‘ahi ana i wahi pepa me
ka peni, ua noi wau iā lākou e kākau i ko lākou mo‘olelo no ia hihia. Ho‘omana‘o
wau iā lākou no ke kākau ‘ana i ka inoa me ka lā ma luna o ka pepa. ‘A‘ole wau
‘ōlelo nui i ia wā, ‘o ia ka manawa e kākau ai, ‘a‘ohe nīnau. Iā lākou e kākau ana,
e nānā ana wau i kā lākou lawena a e maka‘ala ho‘i ana i ko lākou makemake e
ho‘oka‘a‘ike mai i kekahi mana‘o, ‘a‘ole paha. Ke pau ke kākau ‘ana o kekahi
haumāna, ho‘omanawanui ‘o ia a pau ka hana a nā haumāna a pau. ‘A‘ohe ‘ōlelo
i ia wā.
Ua noi ‘ia lākou e heluhelu waha pākahi mai i kā lākou mo‘olelo. I ka
ho‘opuka waha ‘ana mai o ka haumāna, ua lohe ‘o ia iā ia iho e heluhelu ana i ia
mau mana‘o i mua o ka po‘e, he ho‘opuka nō ia ma ke ākea. ‘A‘ole e palapala
179
wale aku a hā‘awi na kekahi e heluhelu ma hope. He ha‘awina ho‘ā‘o ia ho‘opuka
waha ‘ana i ka mākau me ka na‘auao o ka haumāna ma ke kālailai a ho‘opuka
mana‘o ‘oia‘i‘o. I ia wā nō i lohe pū ai nā haumāna ‘ē a‘e a me a‘u i ia mau
mana‘o. He wā loiloi nō ia, a ma ia loiloi ‘ana i ‘ike ai ka po‘e no ka ‘oia‘i‘o a
‘oia‘i‘o ‘ole paha o kā lākou i palapala ai. Iā lākou e ho‘olohe ana i nā hoa, e loiloi
ana i ka pololei me ka pololei ‘ole o kā lākou i lohe ai, a e hō‘oia ana i ka pololei
me ka pololei ‘ole o kā lākou i palapala ai ma ka pepa. ‘Oiai ‘a‘ole nō i hiki ke
ho‘ololi i ka mea i palapala ‘ia, heluhelu ‘ia nō ka mo‘olelo i pa‘a mua ma ka pepa.
I kekahi manawa, lele ka haumāna i kekahi o nā lālani no ke kānalua i ka
ho‘opuka waha ‘ia o kekahi. ‘A‘ole ia he mea nui, ‘oiai ua ka‘a nō ka ha‘awina
hō‘oia‘i‘o i ia haumāna. Ma ka pau ‘ana, nui ka ha‘awina i a‘o ‘ia me ka‘u ‘ōlelo
‘ole ‘ana iā lākou. Kauka‘i wau ma luna o ia mau ha‘awina no ka mea, i ka wā
kūkā e ho‘opuka mana‘o ai nā haumāna, ua ‘oi loa aku ka papaha o ka ho‘opuka
‘oia‘i‘o ‘ia ‘ana mai o ko lākou mau mana‘o. ‘A‘ole nō i hiki ia‘u ke hō‘oia i nā
mana‘o e holo ana ma ka waihona no‘ono‘o o ia mau haumāna, akā, mana‘o
wau, ua ho‘āla ‘ia nō ko lākou mākau hikaloi ma muli o ia heluhelu ‘ana.
Ma hope o ia heluhelu ‘ana, ua noi ‘ia lākou e ho‘opuka mana‘o no ka
hana e ho‘oponopono ai i ka hihia. Ua wehewehe mua wau, ke ho‘opuka lākou i
ka mana‘o, e ‘ōlelo ana ia‘u wale nō. ‘A‘ole lākou ‘ōlelo kekahi i kekahi, inā ‘a‘ole
wau noi iā lākou e hana pēlā. He ki‘ina ho‘okele kēia e mau ai ka maluhia a e
lohe maika‘i ‘ia ai ka mana‘o. ‘O kekahi ki‘ina ho‘okele ka ho‘opuka mana‘o ma ke
ka‘ina e noho ai nā haumāna, ‘o ia ka mana‘o ka‘apuni. Inā ‘a‘ohe kumu e wae
180
mua ‘ia ai kekahi haumāna ma mua o kekahi, e ho‘omaka wale ma ka haumāna
e noho ana ma ko‘u a‘oa‘o hema, a e ho‘omau a lohe ‘ia ko kēlā me kēia
haumāna. Na ke alaka‘i nō e ho‘oholo i ke ki‘ina hana e pono ai. Inā nō e wae
mua a i ‘ole e ho‘opuka mai ka hema a i ka ‘ākau, he waiwai ka lohe ‘ana i ka
mana‘o o kēlā me kēia kanaka me ke kīkahō ‘ole ‘ia. Ua hiki i ka haumāna ke noi
i ka ho‘ohala ‘ia o kona manawa a ho‘opuka ma hope. I ka nui na‘e o ka manawa,
‘a‘ole lākou noi pēlā. He hō‘ailona ka ho‘ohala ‘ana i ka mākaukau ‘ole o ka
haumāna no kekahi kumu. ‘O ka mea nui na‘e ka hō‘ea ‘ana o ka manawa e lohe
‘ia ai ka mana‘o o nā haumāna a pau.
I kekahi manawa, pono e paipai a kāko‘o i ka haumāna i hiki iā ia ke
ho‘opuka maika‘i i kona mana‘o. E ho‘opuka wau me kēia i kekahi manawa,
“Pehea?” a laila e kali wau i kona pane ‘ana mai, a i ‘ole paha ho‘opuka wau me
kēia, “He aha kāu e no‘ono‘o ana?” a laila e kali hou. ‘O ka mea nui ka
ho‘okama‘ilio ‘ana iā lākou ma kēia wā. ‘A‘ole maika‘i ko‘u ‘ōlelo nui ‘ana i ia wā,
no ka mea he kikahō nō ia ma ko ka haumāna ‘imi ‘ana i ka ho‘opuka i kona
mana‘o. Ke ho‘opuka ‘ia ka mana‘o, he mea nui ka ho‘olohe pono i hiki ia‘u ke:
(1) pane inā he nīnau; (2) hāpai i nīnau, a i ‘ole (3) ho‘oholo i ka ho‘okuleana i
kekahi haumāna nāna e ho‘opuka mana‘o no ke kumuhana e kama‘ilio ‘ia ana i ia
wā. He mau mana‘o kēia e ho‘oholo ‘ia ‘ānō, ke ho‘opuka ka haumāna i kona
mana‘o. Ma ka holo ‘ana o ka manawa, ua hiki ia‘u ke ‘ike i kekahi mau ha‘awina
nui i hiki ke a‘oa‘o ‘ia, akā, pono wau e ho‘oholo i ka manawa kūpono e hana ai
pēlā. Nānā wau i ka lawena a nā haumāna, a ho‘olohe wau i ka ma‘i‘o o kā lākou
181
e ho‘opuka ai. Ma ke kālailai ‘ana i ia mau mea, a laila, hiki ke ho‘oholo no ke
a‘oa‘o ‘ana. Ia‘u e hana ana pēlā, mau nō ko‘u loiloi ‘ana i kā lākou lawena, he
mau hō‘ailona ia o ke komo me ke komo ‘ole o ka ‘ike no ka hihia e kūkā ‘ia ana.
‘A‘ole maika‘i ke a‘oa‘o me ka lō‘ihi. Pono e ho‘olauna mau mai i ka mana‘o o
nā haumāna a e noi paha i kekahi e ho‘opuka mana‘o ma ia wā o ke a‘oa‘o ‘ana.
Eia hou kekahi manawa e ho‘opili ai i nā mana‘o o nā haumāna me ko‘u mau
mana‘o a‘oa‘o. Pēia ke ‘ano o ke kūkulu mana‘o i hiki i nā haumāna ke hahai a
kāko‘o.
Ua noi ‘ia nā haumāna o ia lā e kākau i ko lākou mana‘o pani e pono ai ka
hana o ia lā me ka wānana i ka hana e ho‘omau ai. Ua mālama ‘ia kēia e like nō
me ka hana mua, ‘o ke kākau i ko lākou mo‘olelo no ka hihia. Ua heluhelu
ka‘apuni mai i kā lākou. Ma ka ho‘olohe ‘ana i nā mana‘o, ua ‘ike wau no ka
‘oia‘i‘o o ko lākou mau mana‘o. Ua lohe ‘ia nā mana‘o hikaloi i minamina ai
kekahi no ka ho‘ohenehene ‘ana a me kekahi no ka hiki ‘ole ke ho‘oponopono i
kona mau pilikia iho. Ua lawa kūpono nō a ua hiki ke ‘ike pū i ka maika‘i o
kā lākou lawena.
Ua hō‘ike au i nā haumāna ‘elua, iā Mahina me Kenui, no ke kelepona
‘ana o ke kula i ko lāua mau mākua. Ua a‘oa‘o pū no ko lāua kuleana ma ka
wehewehe ‘oia‘i‘o ‘ana i nā mākua no ka hihia i ‘ike ‘ia. Ma hope o ia a‘oa‘o ‘ana,
ua hilina‘i wale i ka ho‘okō ‘ia me ka maika‘i. Ke lohe mai ka ‘ohana mai, a laila,
‘ike ‘ia ka hua o ia hana a nā haumāna.
182
Ua hō‘ike wau iā Mahina me Kenui no ko lāua kuleana mihi i ko ke kula
ma ka Piko o ia kakahiaka aku. Ho‘omana‘o ‘ia ka mea nui o ka ho‘omākaukau i
nā mana‘o e ho‘opuka ‘ia. Ua a‘oa‘o ‘ia lāua no: (1) ka ho‘onui i ka leo i hiki ke
lohe maika‘i ‘ia, (2) ka wehewehe ‘ana i ke kumu o ke kū ‘ana i mua o ka po‘e, a
me (3) ke noi ‘ana i ke kala ‘ia no ia hana hewa. Ua lilo he manawa pōkole no ka
hō‘oia ‘ana i ka mōakāka iā lāua. I ka pau ‘ana o ia hana, ua hāpai wau i ka
nīnau i mua o Mahina me Kenui penei, “He mana‘o e ho‘opuka ‘ia kekahi i
kekahi?” A laila, ‘o ia ka wā i mihi a kala ai lāua kekahi i kekahi. Ua ‘ike nā hoa
haumāna me ke kaikunāne o Kenui i kēia mihi ‘ana. He ho‘olana kēia i ka mana‘o
o ka po‘e a pau ma laila. Ma hope o ia hana, na‘u i hāpai i ka pule ho‘oku‘u. ‘O nā
mana‘o nui ka mahalo i ke akua no kona kōkua a me ka hāpai pū ‘ana i nā
mana‘o hō‘oia no nā ha‘awina nui i a‘o ‘ia ma ka ho‘oponopono ‘ana. Ua noi pū i
ke akua e ho‘omau i kona kia‘i ‘ana ma luna o nā haumāna, nā kumu, a me ka
‘ohana mai ia wā aku, ‘a‘ohe mea e ho‘ohihia hou mai. Ua pau ka pule ‘ana. Ma
mua o ka ha‘alele ‘ana, ua ho‘omana‘o wau iā lākou, ‘a‘ole nō e hele a wala‘au
kāpulu no kā mākou i hana ai. E mālama ma‘ema‘e mai i ka ‘ōlelo me ka lawena
ke ho‘oku‘u ‘ia e ha‘alele i ka lumi hālāwai. ‘A‘ole e ‘ae i ka po‘e e nīele mai a
hauwala‘au kekahi i kekahi. Ua mōakāka ia mau mana‘o, a ua ho‘oku‘u ‘ia ka
po‘e e kū i luna a ho‘omākaukau i ka ha‘alele. ‘O ka ‘apo kekahi i kekahi, ‘o ia ka
hana hope loa i ‘ike ‘ia.
183
8.2.4 Ka Mihi, ke Kala, ke A‘oa‘o Laulā, a me ka Lūlū Lima/ke Apo Aloha
He mea nui ka ho‘oponopono ‘ana i nā hihia ma mua o ka napo‘o ‘ana o
ka lā, he ho‘opau a ho‘onalo ho‘i i ka pilikia ma ka iho ‘ana o ka lā i ke ahiahi. Ke
pi‘i hou mai ka lā, ua ho‘oku‘u mua ‘ia ka pilikia. He pahuhopu kēia e hō‘eleu ‘ia ai
ka ‘imi ho‘oponopono ‘ana. Ma kēia la‘ana, ua mihi a kala nā haumāna kekahi i
kekahi ma mua o ka napo‘o ‘ana o ka lā. Eia na‘e, ‘o ke kakahiaka o ia lā aku ka
wā a lāua e mihi ai i mua o ke kula. ‘Oiai ua ho‘okō ‘ia ka mihi me ke kala ‘ana i
waena o nā haumāna hihia ‘elua, ua pau mua ka hana nui e ho‘okō mua ‘ia. Ke
mihi i mua o ka po‘e, ‘o ia kekahi pae o ka mahiki ‘ana. Ua mālama ‘ia nō ka mihi
ākea ‘ana i ka wā i ‘ākoakoa ai ko ke kula ma ka papahana Piko o ke kakahiaka.
Ua hō‘ea maila nā haumāna ‘elua i ia kakahiaka me ka mākaukau no ke
kū i mua o ke kula. Ua hō‘ea pū ka makuahine o Kenui, a ua kū ma hope pono o
kahi a nā kumu e kū ana. He hō‘ailona ho‘okanaka makua ko ia mau haumāna
hō‘ea ‘ana i ke kula, ‘oiai ua hiki ke ‘imi i ka noho ma ka hale, ‘a‘ole e kū ma ka
Piko i ia lā. ‘A‘ole na‘e pēlā ka hana a lāua no ko lāua ‘ike ‘o ia kekahi hana e pau
pono ai ka hihia.
Ma ka papahana ma‘amau o ka Piko kakahiaka, ua loa‘a ka wā ma hope o
ka ha‘i‘ōlelo nui me ke mele e kāhea ‘ia ai ka haumāna no ka ho‘opuka mana‘o
‘ana. Pēlā ka hana ma ia kakahiaka. Ma ka nānā a ka maka a me ka ‘ōlelo penei
i kāhea ‘ia ai lāua, “‘Ae, he mana‘o ko kekahi mau haumāna i kēia manawa.” Ua
ha‘alele i ko lāua wahi ma ka lālani mo‘okū‘auhau o ka papa ‘ewalu, a hele maila
i waena o mākou nā kumu wahine me nā kumu kāne e kū ana ma lalo o ka lei
Piko. ‘A‘ole wau ho‘olauna a ‘ōlelo hou i ka lehulehu. Eia na‘e, ‘o ka maka‘ala i nā
184
haumāna ‘elua ka mea nui ia‘u i ia wā. Ua paipai akula ma ka nānā wale ‘ana nō
a ‘ike ihola lāua, ‘o ia ka manawa e ho‘omaka ai i ka ho‘opuka mana‘o. Ua hahai
lāua i ke a‘oa‘o ‘ana a ho‘okō ma‘ema‘e lāua i ia mihi ‘ana.
‘Oiai ua hō‘ea pū mai ka makuahine o Kenui, ua hele ‘o ia a kū like me nā
kaikamāhine ‘elua. Ma hope o ka mihi ‘ana o kāna kaikamahine, ua mihi pū ka
makuahine. Ua ho‘opuka ‘o ia i kona mau mana‘o a‘oa‘o me ka ha‘aha‘a loa o
kona na‘au a me ka helele‘i pū o kona mau waimaka. ‘O ia kekahi la‘ana o ka
mana o ka ‘ōlelo ‘oia‘i‘o. Ma ka hana ‘ana i mua o ka po‘e ma ka Piko, ua lilo
maoli ia ‘ōlelo me ka lawena he ha‘awina ko‘iko‘i no ka po‘e a pau loa. ‘A‘ole e
maka‘u a kānalua i ka ho‘opuka i ka ‘oia‘i‘o, inā he hana ia no ka pono o ka nui
po‘e. He mea nui kēia mākau ho‘oka‘a‘ike ma ka mahiki a me ka ho‘oponopono.
Ua kala koke maila ko ke kula ma ka ‘ōlelo like ‘ana, “Ua kala ‘ia.” A laila,
ua ho‘i lāua i ko lāua wahi ma ka lālani mo‘okū‘auhau, a ho‘i ka makuahine ma
kahi a nā kumu e kū ana. I ia wā au i a‘oa‘o ai no ka ha‘awina nui o ia mea he
ho‘oponopono. He mea nui ka mahalo ‘ana i nā haumāna, ka makuahine, a me
nā kānaka ‘ē a‘e i komo a kōkua ma ia hana. Ke hana pēlā, he ho‘oulu i ke aloha
o ka po‘e i nā haumāna me ka ‘ohana i ka wā pilikia. E mahalo i kona ikaika,
‘a‘ole e wāwahi ma ka loiloi aloha ‘ole aku iā ia. ‘O kēia pū ka manawa e hō‘oia ai
i ka ‘ike no nā kumu ho‘opono i hua mai ma ka hihia. Ua ho‘oha‘aha‘a ia mau
po‘e i ka na‘au i mua o ka po‘e a pau a noi e kala ‘ia no ka hana hewa. He ‘ao‘ao
pa‘akikī nō ia o ke kuleana kanaka makua i hō‘ike ‘ia maila e lākou. Ma hope o ia
mau mana‘o, ua ho‘opuka au no nā hana ma‘amau e hihia ai ke kanaka, inā he
185
haumāna a he kumu paha. He pili ka hihia i ka pā o ka na‘au o ke kanaka i
kekahi hana, a lilo ia ha‘awina o ka na‘au he pilikia. ‘O ka hauwala‘au, ka
holoholo ‘ōlelo kekahi mau hō‘ailona o ka pilikia. Eia na‘e, ‘a‘ole ia ‘o ka mole o
ka pilikia. ‘O ka mole pilikia ka mea i pono e maka‘ala ‘ia. A‘oa‘o ‘ia lākou no ke
kia ma ka ho‘okō ‘oi kelakela ‘ana i kā lākou mau ha‘awina. ‘A‘ole e ‘uha‘uha i nā
makahiki kula, no ka mea, e pau koke ana ia wā. I ka nui o ka manawa, kūkulu
wau i ka mana‘o a‘oa‘o i lohe ‘ia kekahi mana‘o e pono ai nā haumāna e puka
ana i ia makahiki a me nā haumāna kula waena me nā keiki li‘ili‘i. Ma hope o kēlā
e ki‘i wau i mana‘o no nā kumu me nā limahana. Loa‘a nō ka ha‘awina no ka po‘e
a pau. ‘O ia kekahi hua i loa‘a ke mālama ‘ia ka mihi ma ka Piko. ‘A‘ole na ka
po‘e hihia wale nō ka ha‘awina, akā, na ka po‘e a pau. He wā ho‘oulu nō ia i ke
kuana‘ike no ka ‘oia‘i‘o o ka maka‘ala, ka hana pono, a me ke aloha. Ke pa‘a ia
kuana‘ike, ua hiki ke ‘auamo kēlā me kēia kanaka i ‘ākoakoa mai i ia kakahiaka i
kona kuleana ‘o ka ho‘oponopono mau.
I ka wā i ho‘oku‘u ‘ia ai ka po‘e ma ka Piko i ia kakahiaka, ua ‘upu a‘e ke
aloha i ka po‘e hihia i ka pilikia, a keu aku i ka makuahine i kū a ha‘i‘ōlelo i mua o
ko ke kula. Ua aloha aku nā haumāna a me nā kumu ma ka lūlū lima a me ke
apo aloha. Ua kō maika‘i nā pae hana o ia ‘anu‘u.
8.2.5 Ka Hana Pāna‘i
I ka pō ma mua, ua ho‘oholo wau i kekahi hana pāna‘i e pono ai ia hihia.
Ma ka mālama hope o ke kula, he māla e ulu ana kahi kīhāpai pua ‘awapuhi
ke‘oke‘o. E pua nui ana ka ‘awapuhi i ia wā ma ‘Okakopa, a no laila wau i mana‘o
186
ai he kūpono ka hana ‘ana i ka lei. He kūpono ka mana‘o o ka inoa o ia pua, ‘o ia
ka “puhi” ‘ana i nā mana‘o “‘awa‘awa” a pau loa ka hihia.
Ma hope pono o ka mihi ‘ana ma ka Piko, ua ho‘okuleana ‘ia kekahi kumu
e maka‘ala i nā haumāna i ho‘okō ma‘ema‘e ‘ia ka hana. Ua wehewehe wau i nā
haumāna ‘elua i ka hana, ‘oiai ua malihini i ka hana i ka lei ‘awapuhi. Ua
ho‘omana‘o ‘ia lāua no ka mea nui o ka no‘ono‘o me ka ‘ōlelo i nā mana‘o
kūpono, ‘a‘ole i nā mana‘o pono ‘ole ke hana i ka lei. He pili ‘uhane ia kuana‘ike
no ka mālama i nā mana‘o maika‘i i lilo ka lei he hua e kū hō‘ailona ‘oia‘i‘o ana no
ke pani ‘ana i ka ho‘oponopono. Ua mōakāka iā lāua ka mana‘o o ia a‘oa‘o ‘ana i
ia wā.
A laila, ua ho‘omākaukau i kahi hana ma ka hale kilo ma ka māla, a laila,
ua ho‘omaka i ka ‘ohi ‘ana i ka pua. Pau, ho‘omākaukau ‘ia ka pua. Ua ihi pākahi
i ka ‘ili wahī, a laila, ho‘omōhala a ho‘onohonoho ‘ia nā lihilihi i hiki ke humuhumu
pālahalaha ‘ia ka pua. ‘O ka ‘ūpiki ‘ia o ke ‘au ka hana hope a mākaukau ka pua.
Waiho ‘ia a paila mai ka nui e pono ai ka ho‘omaka ‘ana. I kekahi haumāna e
ho‘omākaukau ana i ka pua, e ho‘omākaukau ana kekahi i ke kaula me ka mānai,
a ho‘opulu a ho‘onohonoho i nā pua no ke kui ‘ana. Ua ho‘omaka kekahi
haumāna i ke kui a pa‘a ka lei. A laila, ua kuapo lāua i ke kuleana, a ho‘omaka
akula kekahi i ke kui lei. Ua hana lāua pēlā a pa‘a pono nā lei ‘elua. Ua ‘ohi ‘ia ka
lā‘ī e wahī pū‘olo ‘ia ai nā lei a ho‘oma‘ema‘e ‘ia ko lāua wahi hana ma ka hale
kilo.
187
He kuana‘ike ku‘una ka ho‘iho‘i ‘ana i nā mea i ho‘ohana ‘ia i kahi kūpono,
ka ho‘iho‘i ‘ana i ka ‘ōpala pua ma lalo o ke kumu kukui ma ka māla, me ka
mālama ‘ana i ka lei i pa‘a kona nani no ka wā e hā‘awi ai i ia ‘ālana. Ua hana
lāua a waiho hou ‘ia ka hale kilo e like me ka wā i ho‘omaka ai i ka hana, he
ma‘ema‘e a mākaukau no ka ho‘ohana ‘ia e kekahi, inā ua makemake ‘ia. A pau
ia hana, ua mālama ‘ia nā lei ma ka pahuhau a pau ke kula, a ua ho‘i akula i ka
papa. Ma hope o ke kula, ua ho‘iho‘i aku lāua i nā lei i ka hale i ‘ālana no kā lāua
hana ho‘ohilahila iā lāua iho me ka ‘ohana.
‘O ke kuleana o ke kumu ka maka‘ala i ka ‘eleu me ka ma‘ema‘e o ka
hana a nā haumāna. He pane i ka nīnau a a‘oa‘o hou paha kekahi o kāna mau
hana akā, ‘o ka mea nui ka ho‘okō ‘ana me ka ho‘i ‘ana i ka papa. ‘A‘ole nō i
pono ia kumu e noho pa‘a me lāua, akā, ua pono e maka‘ala aku. ‘O ke kuleana
o nā haumāna ka ho‘okō pū i ka hana lei ‘ana i hiki ke lawe i ‘ālana i ka hale. ‘O
ke kōkua aku, kōkua mai kekahi ha‘awina nui. ‘O ka ‘imi me ka noke i ka hana
kekahi ha‘awina, ‘oiai ua malihini lāua ‘elua i ia ‘ano hana lei ‘ana. He hana
maiau ka hana lei ‘awapuhi no ka nui o ka hana ma ka ho‘omākaukau pua. I
kekahi manawa, pipili loa ka ‘ili wahī a pa‘akikī ka ho‘omohala ‘ana i nā lihilihi.
Ke nahae, ‘a‘ole hiki ke ho‘ohana ‘ia ka pua, no laila, ua ulu ka ho‘omanawanui i
waena o lāua ma ia milimili ‘ana i ka pua. Pēlā nō ke ‘ano ke kui i nā pua ma ka
mānai, ‘oiai pono e ho‘omohala a ho‘onohonoho i nā lihilihi a pili pono i nā pua i
kui mua ‘ia ma ke kaula. Ke huki wale ‘ia ma ke kui ‘ana, moku ke ‘au a helele‘i
ka pua. No laila, ua nui nā hana kiko‘ī o ka maiau e pono ai. A ma muli o ia ki‘ina,
188
ua lilo kēia hana pāna‘i he waiwai loa ma ka ho‘olauna hou ‘ana i ia mau
haumāna kekahi i kekahi, he mau hoa pili ‘oko‘a i ia wā.
8.2.6 Chapter 19
Ma muli o ke ‘ano o kēia hihia haumāna, ua pono e ‘imi pū ‘ia ka hopena
ma o nā lula o Chapter 19. Ua loa‘a ‘ehā ‘anu‘u ho‘opa‘i ma ia ‘ōnaehana a ka‘a
ka hakakā ma ka ‘anu‘u ‘elua o ke ki‘eki‘e. Aia pū ma ia ‘anu‘u ho‘okahi me ka
hakakā, ka huki hewa ‘ia o ke oeoe kīnai ahi, ka pili waiwai, ka ‘imi ho‘onāukiuki
a ho‘okae, ka ‘aihue, a me ka ‘a‘e kapu ‘āina. Na ke kula e ho‘oholo i ka ho‘opa‘i
ma waena o kēia mau koho: (1) e ‘au‘a i ka haumāna e ho‘okō i ka ho‘opa‘i ma
ke kula a e ‘au‘a ‘ole paha a ho‘okō i ka ho‘opa‘i ma ka hale, (2) e ho‘oku‘u koke i
ka haumāna a no ka manawa paha ma muli o ka weliweli o ka pilikia, (3) e kuapo
kula ka haumāna, a i ‘ole (4) e kīpaku aku i ka haumāna. Aia i ke kula ka lō‘ihi
me ka pōkole o ka ho‘opa‘i. ‘Oiai ‘a‘ole wau ho‘ohana i ka ‘ikepili kūhelu ma ke
ke‘ena kula no kēia pepa kauka, ‘a‘ole hiki ia‘u ke hō‘oia i ka hopena i ‘ike ‘ia e
Mahina me Kenui. Eia na‘e, mana‘o wau ‘o ka hana pāna‘i ‘o ka hana lei i hui pū
‘ia me kekahi ‘ano ho‘opa‘i ‘au‘a pōmaika‘i ka hopena i ‘imi ‘ia. ‘O ka mea nui ka
maopopo i nā haumāna no ka pilina o ka kuana‘ike ho‘oponopono i nā lula o
Chapter 19, he ki‘ina e ulu ai ka na‘auao o ka haumāna no ka hana pono. He
mau ki‘ina mo‘omeheu ia, kekahi ma ke kuana‘ike Hawai‘i a ‘o kekahi ma ke
kuana‘ike kānāwai ‘Amelika. Ho‘opili ‘ia nā mea ‘elua, he mo‘oki‘ina
ho‘oponopono ma ke kula.
189
8.2.7 A‘oa‘o a Hō‘oia/Pani
‘O kekahi hō‘ailona nani o ia ho‘oponopono ‘ana ma waena o Mahina me
Kenui, ‘o ia ka lohe no ke kono ‘ana o ka ‘ohana o Kenui i ka ‘ohana o Mahina i
pā‘ina ahiahi ma ko lākou hale. He lawena ‘oia‘i‘o ia hana o ka pa‘a o ke
kuana‘ike ho‘oponopono ma ka ‘ohana o Kenui. ‘O ia wale nō ka lua o nā
makahiki o ko Kenui noho haumāna ‘ana i Nāwahīokalani‘ōpu‘u, akā, he hō‘oia ia
kono ‘ana i ka ma‘a o ia ‘ohana i ka ho‘oponopono ke hana hewa. ‘A‘ole nō i loa‘a
kekahi ‘ohana i hana pēlā mai ia manawa a hiki i kēia lā. Ua loa‘a nō paha ka
mana‘o e hana ai pēlā, akā, ‘o ka ho‘oholo i ka mana‘o a ho‘okō, he ‘oko‘a ia. He
pili ia lawena ‘ohana i ka pahuhopu e ‘imi ‘ia ana ma ke kula. Ma ke kula, e
ho‘oholo ‘ia ka mana‘o ma luna o ke kuana‘ike Kumu Honua Mauli Ola, a laila, e
hō‘ike aku i ia kuana‘ike ma ka lawena. ‘O ia ka hana a ka ‘ohana o Kenui, he
kumu ho‘ohālike maika‘i lākou no nā ‘ohana ‘ē a‘e o ke kula. Ua hō‘ea nō ka
‘ohana o Mahina i ko Kenui hale. He pō‘aiapili ho‘ona‘auao maoli nō kēia no ka
‘ohana o Mahina, ‘oiai ua ho‘omaka ‘o ia ma ke kula kaiapuni ma ke kula
ha‘aha‘a, a ua malihini i ia ‘ohana hou ma Nāwahīokalani‘ōpu‘u. He hō‘ailona ka
‘ae like ‘ana o lākou e launa pū no ka ho‘oku‘u piha ‘ia ‘ana o ka pilikia, ‘a‘ole e
hihia nā ‘ohana. I ka ‘ike ‘ana o nā haumāna i kēia ‘ao‘ao aloha o nā ‘ohana, he
ho‘opa‘a nō ia i pilina hou i waena o lāua. ‘A‘ole nō i lohe hou ‘ia kekahi pilikia i
waena o lāua.
Ma ka Mokuna ‘Eiwa, e kālailai ana i ka paepae ku‘una o ka
ho‘oponopono ma Ke Kula ‘O Nāwahīokalani‘ōpu‘u. Na ia kālailai ‘ana e hō‘oia
190
ai, no loko mai nō o ka mo‘okū‘auhau Hawai‘i ka mo‘oki‘ina ho‘oponopono o ke
kula.
191
Mokuna ‘Eiwa
Ke Kālailaina Paepae Ku‘una Ho‘oponopono ma Nāwahīokalani‘ōpu‘u
He mea nui ka mo‘okū‘auhau i ka Hawai‘i. Aia ma ka mo‘okū‘auhau
Hawai‘i ka ‘ike ku‘una e kūkulu ‘ia ai nā hana mo‘omeheu o ke au hou. ‘O ka
pahuhopu o kēia mokuna ka ho‘ohālikelike a kālailai ‘ana i nā hana
ho‘oponopono ‘ehā o ka wā ma mua i noi‘i ‘ia ma kēia pepa me ka hana
ho‘oponopono ma Nāwahīokalani‘ōpu‘u. A ma ia ho‘ohālikelike a kālailai ‘ana e
‘ike ‘ia ai he mamo Hawai‘i nō ka mo‘oki‘ina ho‘oponopono ma
Nāwahīokalani‘ōpu‘u i kēia wā.
‘O ka noi‘i ‘ana a Pūku‘i ka hana kahiko loa ke ho‘ohālikelike ‘ia me nā
palapala kālai‘ike a Aiona me Peterson. No kona wā i hānau ‘ia ai, no kona hānai
‘ia ‘ana, a no ka nui ho‘i o ka waihona ‘ike e waiho maila ma muli o kāna i mōlia
ai a i noke ai i ka ‘ohi, he hō‘oia ia i kona kuana‘ike he Hawai‘i, kona na‘auao a
me kona mākau noi‘i. He waiwai kona ‘ike no ka mana‘o o ka Hawai‘i no nā akua
kahiko a me ka wā i hō‘ea mai ai ke akua Kalikiano, ‘o Iehowa. Ua ‘oko‘a ke ‘ano
o kā Pūku‘i wehewehena no ka ulu me ka loli o ke kuana‘ike pili ‘uhane mai kā
Aiona me Peterson wehewehe ‘ana. Nui nā hua‘ōlelo Hawai‘i no nā hana ku‘una,
a ua hiki iā ia ke wehewehe ma ke kūkulu a ho‘opili i nā mana‘o kekahi i kekahi a
mōakāka i ka mea heluhelu ke kuana‘ike no‘ono‘o Hawai‘i.
192
No ka hanauna ‘ōpio mai ‘o Aiona me Peterson. Aia ma kā lāua palapala
kālai‘ike nā kuhia i ka hana a Pūku‘i, he hō‘oia i ka waiwai o kāna hana iā lāua.
Ua ho‘ohana ‘o Aiona i ‘elua lola līpine i ‘oki ‘ia e Pūku‘i no ka hana
ho‘oponopono, a e waiho ana ho‘i ma ka Hale Hō‘ike‘ike o Kamehameha ma
Honolulu i ia manawa. ‘Oiai ua pa‘i ‘ia kā Pūku‘i puke ‘o Nānā i ke Kumu, Puke 1
iā ia e noi‘i ana, ua ho‘ohana ‘o Peterson i ia puke a me Place Names of Hawai‘i
ma kāna hana. Ua kālele ‘o Aiona a me Peterson ma luna o ka hana ma ka
‘ekalesia Kalikiano Hawai‘i, a ma ia noi‘i ‘ana ma ia pō‘aiapili i loa‘a ai ka ‘ike no
ka hana ho‘oponopono. Ua launa nō ko lāua mana‘o me ko Pūku‘i no ka hiki i ka
Hawai‘i ke ho‘olauna i ke kuana‘ike Hawai‘i me ko ke Kalikiano me ka pilikia ‘ole,
eia na‘e, ua ‘ike ‘ia nō ka ‘ā‘ume‘ume ‘ana ma waena o ko ka ‘ekalesia no ka ‘ike
Hawai‘i kahiko ma kā Peterson me Aiona noi‘i ‘ana. Ua mau ka loa‘a o ka nui o
nā hua‘ōlelo Hawai‘i ku‘una e wehewehe ana no ka hana ho‘oponopono ma ka
‘ekalesia, akā, no ko lāua kālele ma luna o ka loli o ke au a me nā ha‘awina e ili
ana ma luna o ka po‘e, pēlā i ‘ike ‘ia ai ka lolelua i waena o ko ke ‘ekalesia no nā
mea Hawai‘i a ku‘una i komo ‘ole i loko o kā Pūku‘i.
‘Oiai ma nā palapala ‘ekolu, ua loa‘a ka ‘ikepili no kekahi ‘ano hana pāna‘i
e pono ai ka hana hewa, ua wehewehe ‘o Pūku‘i no ka “restitution” ma ke ‘ano he
‘anu‘u hana o ka hana ho‘oponopono. Ua kālele ‘o Peterson ma nā ‘anu‘u hana
ma ka Ho‘oponopono a me ke Kumuhana, a ua kālele ‘o Aiona ma ka ‘anu‘u
hana ‘o ke Kumuhana. A ma ke Kumuhana i kō ai ka hana ‘ana i ka hana pāna‘i,
e like ho‘i me kā Peterson. Ma kā Aiona me Peterson na ke alaka‘i nō e a‘oa‘o i
193
ka lawehala, a na ka lawehala e ho‘okō e like me ka mea e pono ai. I ka wā e
mihi ai i ke akua, a e hahai ai i ke a‘oa‘o no ka moe‘uhane me ka wehe paipala
‘ana, he ho‘okō nō ia i ka ho‘oponopono ‘ana. Ua hiki pū paha ke no‘ono‘o ‘ia ka
hana pāna‘i a Pūku‘i he hopena ma ia mau ‘ekalesia kekahi, akā, ‘a‘ole nō i helu
‘ia ma Aiona me Peterson pēlā. I ka manawa e kia lōkahi ai ka po‘e ma ke
kumuhana o ka ho‘oponopono, a i ka wā ho‘i e ho‘okō ai ka mea lawehala i ke
a‘oa‘o a ke alaka‘i, a laila, ‘ike ke alaka‘i a pani ‘o ia i ka hana. ‘O ka ho‘okō ‘ana i
ka ‘ōlelo a ke alaka‘i i ia wā o ka ho‘oponopono, ua hiki ke no‘ono‘o ‘ia ia ho‘okō
‘ana, he hana pāna‘i nō ia.
‘O ka‘u wehewehena no ko‘u hānai ‘ia ‘ana ka waihona ‘ike hou loa ke
ho‘ohālikelike ‘ia me ko luna a‘e nei. Ua hānau ‘ia wau ma ka hanauna ‘ōpiopio
mai, akā, ua koho wau i la‘ana ho‘oponopono ‘ohana i ‘ike ‘ia ma ka makahiki
1954, ka wā ho‘i i piha ai he 16 makahiki i ko‘u kaikunāne. No laila, ma kekahi
‘ano, ‘oiai ua kaulapa ka wā o ia la‘ana ‘ohana me ka wā noi‘i a Pūku‘i a me
Aiona ho‘i, ua hoihoi ka launa like o nā mana‘o ma ka ‘ao‘ao hana mēheuheu o
ka ‘ohana a me ka no‘ono‘o Hawai‘i Kalikiano.
‘Oiai ua ‘ohi i ia mau mana‘o ma ka ha‘i mo‘olelo ‘ana no ka hana
ho‘oponopono, ‘o ka hua ho‘i ka hana mēheuheu o ko māua ‘o ko‘u kaikunāne
hānai ‘ia ‘ana. ‘A‘ole i ahuwale nā ‘anu‘u hana e like me nā la‘ana ‘ē a‘e i noi‘i ‘ia
ma kēia pepa. Ma ke kālailai ‘ana na‘e i ia mau hana mēheuheu, ua loa‘a nō ka
launa me ia mau ‘anu‘u ho‘oponopono. ‘O ke kālailai ‘ana i kā Aiona me Peterson
no ka loa‘a o ka hana ho‘oponopono no nā pilikia hāko‘iko‘i a me ka loa‘a o ka
194
hana ke kupu wale mai ka pilikia, ‘o ia kekahi māhele hana i hiki ke noi‘i ‘ia ma ka
pō‘aiapili ‘ohana. Eia na‘e, no ka pono o kēia noi‘i ‘ana, ua ‘imi ‘ia nā ‘ao‘ao
ku‘una o ka hana ho‘oponopono ma ka helu ‘ana i ka hana hāko‘iko‘i a ka hana
‘ekalesia me ko ka ‘ohana.
I mea e hō‘oia ai he hana Hawai‘i ku‘una ka mo‘oki‘ina ho‘oponopono ma
Nāwahīokalani‘ōpu‘u, e kālailai ana i ka like a me ka ‘oko‘a ma waena o nā
la‘ana noi‘i a me ko ke kula. E ho‘ohālikelike ana i nā ‘anu‘u hana ho‘oponopono
ma ke kālailai ‘ana i nā pō‘aiapili noi‘i ma ka nānā ‘ana i: 1) kā Pūku‘i, 2) kā Aiona
me Peterson, a laila, 3) ko ko‘u hāna‘i ‘ia ‘ana. Ma ka ho‘ohālikelike ‘ana i ia mau
pō‘aiapili noi‘i me ko ke kula, e kākuhi ana i mea e hō‘ike ai i ka ‘ikepili me ka
mōakāka.
Aia ma lalo iho nei ka Pakuhi 9.1 e hō‘ike ana i nā pō‘aiapili
ho‘oponopono a Pūku‘i, Aiona, Peterson a me kā ko‘u hānai ‘ia ‘ana ma ke ‘ano
he ho‘ohālikelike me kā Nāwahīokalani‘ōpu‘u. Hō‘ike ‘ia nā ‘anu‘u hana ma ka
huapalapala hua ma‘aka a me nā pae hana ma ka hua helu. ‘Oiai i waena o nā
pō‘aiapili, ua hiki ke mōakāka ke kākuhi ‘ana i nā ‘anu‘u like a ‘oko‘a paha, ua
loa‘a pū ke kaulapa o ka ‘ikepili i mōakāka ‘ole ai ka mana‘o nui. No ia kumu wau
i ho‘ohana ai i ke kahaapo a me ke kahaapo kihikihi no ia mau mana‘o kūikawā.
Ua komo ke kahaapo inā ‘a‘ole ka mea kākau i helu papa i kekahi ‘anu‘u i loa‘a
ma Nāwahīokalani‘ōpu‘u, akā, ua loa‘a na‘e ka mana‘o nui o ia ‘anu‘u ma ka
pō‘aiapili heluhelu o ia palapala kālai‘ike. Ua komo ke kahaapo kihikihi no ka
hō‘akāka pōkole.
195
Aiona Peterson
ma lalo iho nei.) lalo iho nei.) lalo iho nei.]
1. Pule A. Pule A. Pule 1. Pule
3. Pule Mahiki
2. Kumuhana 3. Mahiki
maluhia
E. Statement of Problem E. Kumuhana
1. Pule Mihi 2. Pule Noi
ai, "What you said, Boy?"
you?"
I. Setting Problems Right
I. Wehe paipalaO. Wehewehe
[paipala] U., H., K., L.]
7. Mihi/Kala O. "Very Spirit of Truth" (Mihi/Kala) (Mihi/Kala)
8. Pule U. Keeping Calm (Pule) (Pule)
H. Questioning by LeaderK. Mutual Forgiveness
o lalo nei.]L. Restitution
L. Chapter 19 M. PuleM. Pani (Pani) (Pani)
Aloha)
(Pani)
195
196
E nānā mua i ka pakuhi no nā pō‘aiapili a Puku‘i me ko Nāwahīokalani‘ōpu‘u. Aia
ma lalo iho nei ka Pakuhi 9.2 e helu papa ana i nā ‘anu‘u nui o ka hana
ho‘oponopono a Pūku‘i a me ko Nāwahīokalani‘ōpu‘u.
Pakuhi 9.2
Ma ke kula, he mea nui ka ‘ohi ‘ikepili no ka ‘ike ‘ia o ka pilikia a me ka
ho‘oka‘a‘ike ‘ana ma hope pono o ia ‘ike ‘ana. ‘Oiai ‘a‘ole ke kula he pō‘aiapili
‘ohana, ua nui nā kumuloli e maka‘ala ‘ia ma ka ‘imi ho‘oponopono. Ho‘ohana ‘ia
ma lalo iho nei.]
A. Pule 1. Pule
E. Statement of Problem 2. Kumuhana
I. Setting Problems Right 3. Mahiki
O. "Very Spirit of Truth"
U. Keeping Calm
H. Questioning by Leader
K. Mutual Forgiveness o. Mihi/Kala
u. Pule
L. Restitution
M. Pule
L. Chapter 19
(Pani) M. Pani
197
ka ‘anu‘u hālāwai kūkā ma ke kula, ‘o ia ka hui kino ‘ana o ka po‘e, a ‘o ia pū ka
‘anu‘u e ka‘a ai ka nui o nā pae hana i like loa me kā Pūku‘i ma kāna ki‘ina
ho‘oponopono. Ua ‘oko‘a iki ma ke ‘ano o ka ho‘onohonoho ‘ana i nā pae hana
ma ke kula. Ke nānā a‘e i ka pakuhi, ua hiki ke ‘ike i ka pilina i waena o ka ‘anu‘u
me nā pae hana. Ua helu ‘o Pūku‘i i kāna mau ‘anu‘u, akā, ke heluhelu ‘ia kāna
mau mo‘olelo, ua ‘ike ‘ia ka ‘oko‘a o ka ho‘ohana ‘ia o ia mau ‘anu‘u ke komo ma
ka pō‘aiapili ho‘oponopono. ‘O ka mahiki ka wāwahi ‘ana i kēlā me kēia pilikia, no
laila, ‘o ka mālama ‘ana i ka ‘oia‘i‘o a me ka maluhia ke ki‘ina e pono ai ka
ho‘oka‘a‘ike maika‘i. ‘O ka nīnau a ke alaka‘i a me ka ‘imi ‘ana a me ke a‘oa‘o
‘ana i ka manawa ho‘okahi, ‘o ia ke ki‘ina e loa‘a ai ka ‘ikepili i ka mea alaka‘i. Ua
launa ia mau ki‘ina me kā Pūku‘i. ‘O ia nā mea e kō ai ka Mahiki, ‘o ia kā Pūku‘i
“Setting Things Right.” ‘O ka Mihi a me ke Kala kekahi pae hana o ka hālāwai
kūkā a me ke A‘oa‘o Laulā. Na ke alaka‘i e ho‘oholo no ka mihi ‘ana i mua o ko
ke kula, ‘a‘ole paha. Na ke alaka‘i nō e kālailai a e ho‘oholo i ka hana e pono ai.
No ia kumu wau e mana‘o nei, ‘a‘ole ‘o ke ka‘ina hāiki ka mea nui, akā ‘o ka
ho‘okele a me ka ho‘oholo ‘ana pehea e ho‘ohana ai i nā ‘anu‘u a me nā pae
hana, ‘o ia ka mea nui.
Ua helu ‘o Pūku‘i i ka Restitution he ‘anu‘u e ho‘oholo ai no ka ho‘opau
‘ana i ka pilikia. ‘O ka ho‘oholo ‘ana ka hana e pono ai. Aia ia kuleana i ka mea
alaka‘i. ‘A‘ole nō i like ke ‘ano o ka hana pāna‘i i nā manawa a pau ma ke kula, a
ma ka nānā ‘ana i ka ‘ikepili o nā la‘ana ma laila, na ke alaka‘i nō i ho‘oholo
pehea e ho‘okō ai.
198
He mau hana hō‘oia a ho‘ohua i nā hana e pani ai i ka ho‘oponopono ‘ana.
‘O kekahi mea ‘oko‘a ma Nāwahīokalani‘ōpu‘u mai kā Pūku‘i, ‘o ia ke kū ha‘i‘ōlelo
‘ana me ka mihi o ka lawehala i mua o ka po‘e i waho o ka ‘ohana, ‘o ko ke kula
ho‘i. I ka mana‘o o ke kula, ‘a‘ole kēia he ha‘awina no ka lawehala a me kona
‘ohana wale nō, akā, no ko ke kula kekahi. Pēlā e ulu ai ka pilina i waena o nā
haumāna a me nā ‘ohana o ke kula, he kohu like me ka ‘ohana o ka hale.
‘O ka ‘anu‘u Chapter 19 kekahi ‘anu‘u ‘oko‘a i kā Pūku‘i. I ka mana‘o o ke
kula, ‘oiai he ha‘awina aupuni ia i koi ‘ia mai, he mea nui ka hiki ke ho‘olauna i ia
ha‘awina me ke kuana‘ike Hawai‘i o ke kula. Aia nō kēia i nā alaka‘i e a‘oa‘o ana i
ka lawehala a me kona ‘ohana.
Ua hiki ke no‘ono‘o ‘ia ka mihi ‘ana i mua o ko ke kula a me ka ho‘okō ‘ana
i nā lula Chapter 19 he mau hana pāna‘i, he Restitution e ho‘okō ‘ia e ka
lawehala. A pēlā e kō ai ia ‘anu‘u i kekahi manawa. Na ke alaka‘i nō e ho‘oholo
no ke pani ‘ana, inā nō ma ka ‘ōlelo, “Ua pau,” a i ‘ole paha ma kekahi wahi hana
‘ē a‘e. Ua ‘ike ‘ia kēia ma kekahi o kā Pūku‘i mau mo‘olelo, a ‘o ia ke ‘ano o ka
hana ma Nāwahīokalani‘ōpu‘u ke pani i ka ho‘oponopono.
Aia ma lalo iho nei ka Pakuhi 9.3 e helu papa ana i nā ‘anu‘u nui a me nā
pae o ka hana ho‘oponopono a Aiona me Peterson a me ko
Nāwahīokalani‘ōpu‘u. Ua ho‘onohonoho ‘ia ka ‘anu‘u mo‘oki‘ina kula ma waena o
ko Aiona me Peterson ma ka pakuhi i mea kōkua ma ka hō‘ike i ka launa ‘ana o
nā ‘ōnaehana ‘elua me ko ke kula mo‘oki‘ina. Ua ho‘onohonoho ‘ia nā ‘anu‘u a
me nā pae hana kula e like me ke ‘ano i ‘ike ‘ia ma ka ma‘amau ke ho‘okō ‘ia ka
199
mo‘oki‘ina holo‘oko‘a. Aia nō na‘e i ke alaka‘i ka nui a me ke kāka‘ikahi o ka
‘anu‘u hana e pono ai ka ho‘oponopono ‘ana. Ua loa‘a ‘elima ‘anu‘u nui o kā
Aiona, a ‘elua ‘anu‘u nui o kā Peterson.
Pakuhi 9.3
Ua like kā Aiona, Peterson me ko ke kula no nā ‘anu‘u mua ‘elua ke
ho‘ohālikelike ‘ia. Ua helu lākou i nā ‘anu‘u ho‘oponopono, a ua hāpai pū i mau
la‘ana e hō‘ike ana i ka pō‘aiapili laulā o ia ho‘oponopono ‘ana. Ma ia pō‘aiapili i
loa‘a ai ka ‘ōlelo no ka pilikia kiko‘ī a me ka ho‘oka‘a‘ike ‘ana i waena o ka po‘e
no ia pilikia. No ia kumu i loa‘a ai nā ‘anu‘u mua ‘elua ma ke kahaapo no
Aiona Peterson
ma lalo iho nei.) ma lalo iho nei.)
A. Pule 1. Pule 1. Pule
3. Pule Mahiki
E. Kumuhana 2.Kumuhana 3. Mahiki 1. Pule Mihi
2. Pule Noi
I. Wehe paipala
(Mihi/Kala) o. Mihi/Kala (Mihi/Kala)
(Pule) u. Pule (Pule)
L. Chapter 19(Pani) M. Pani (Pani)
200
kā Peterson me Aiona e like me ka‘u no Pūku‘i. ‘A‘ole ka mea kākau i helu i ia
hana he ‘anu‘u, akā, ua lawa ka ‘ikepili e mana‘o ai wau, ua loa‘a nō.
Ua ho‘onohonoho au i nā ‘anu‘u e like me ke ka‘ina i wehewehe ‘ia ma ka
Mokuna 3 no nā palapala kālai‘ike, ka Mokuna 6 no ka mo‘oki‘ina ho‘oponopono
kula, a e mōakāka ai ka ho‘ohālikelike ‘ana. ‘Oiai ma ka ‘ekalesia Kalikiano
Hawai‘i kā Aiona me Peterson hana noi‘i, ua kālele nui nā ‘ekalesia ma ka ‘ao‘ao
pili ‘uhane i mea lapa‘au i ka ma‘i o ke kino a me ka ho‘oma‘ema‘e i ka no‘ono‘o o
ke kanaka pilikia. ‘O ke kālele nui ma Nāwahīokalani‘ōpu‘u ka ‘imi ‘ana o nā
haumāna i ka na‘auao ma o ke kuana‘ike ku‘una Hawai‘i. I loko nō o ka ‘oko‘a o
ia mau kālele, ua hiki ke ‘ike i ka launa o nā ‘anu‘u hana.
Ua launa nō kā Aiona me Peterson ma ke kālele ma ka pule ‘ana, ke
kūkulu ‘ana i ke kumuhana, a me ke ki‘ina ‘imi hō‘ailona mai ke akua no ka
ho‘oponopono ‘ana. Ke ho‘ohālikelike ‘ia me ko ke kula, aia ia mau mea a pau
ma lalo o ka ‘anu‘u Hālāwai Kūkā, ‘o ka pule ‘ana, ka hāpai ‘ana i ke kumuhana a
me ka mahiki ‘ana ma ka nīnau a me ka hu‘e mana‘o ‘ana. ‘Oiai he ho‘oka‘a‘ike
ka pule i ke akua, ‘a‘ole nō i loa‘a ka wehe paipala, ka wehewehe moe‘uhane a
me ka ho‘okē‘ai ma Nāwahīokalani‘ōpu‘u e like me ko ka ‘ekalesia a Aiona me
Peterson. ‘Oiai ho‘ohana ‘ia ia mau ki‘ina i mea kōkua ma ka ‘imi i mana‘o hou
ma ka ‘ekalesia, ua ho‘ohana ‘ia nō ka pule a me ka nīnau a hu‘e mana‘o ma ka
Hālāwai Kūkā i ki‘ina ‘imi mana‘o hou ma ka la‘ana kula.
He ki‘ina nui ka pule ‘ana ma nā pō‘aiapili ‘ekolu. Ma o ka pule e pai ai i ka
mana‘o noi i ke akua, a he mau mana‘o ho‘olōkahi pū nō ho‘i ia i nā kānaka e
201
ho‘olohe ana. He mea nui ka lōkahi o ka po‘e ma ka ho‘okō kino i ka mana‘o e
pai ana i mua o ke akua. Ma kekahi ‘ano he a‘oa‘o ka pule, a ‘o ka ho‘okō i ka
hana, ‘o ia ka hopena e pono ai ka ho‘oponopono ‘ana. Ma laila kekahi like i
waena o nā pō‘aiapili ‘ekolu o luna a‘e nei. I loko nō o ka nui o nā ‘ano pule like
‘ole ma kekahi la‘ana, a ‘a‘ole nō i like ka nui ma kekahi, ‘o ia mau mole kumu ‘o
ka hāpai mana‘o i mua o ke akua a me ka ho‘olōkahi ‘ana i nā kānaka ma luna o
ka ho‘okō hana ho‘oponopono, ‘o ia nā mea e like ai nā pō‘aiapili ‘ekolu.
‘A‘ole i helu papa ‘o Aiona me Peterson i nā ‘anu‘u O., H., K., a me M. o ka
mo‘oki‘ina kula. Eia na‘e, e like nō me nā ‘anu‘u mua ‘elua, ua ‘ike ‘ia ka mana‘o
nui o ia mau ‘anu‘u ma kā lāua noi‘i ‘ana. No ia kumu i kākau ‘ia ai ka ‘anu‘u
mo‘oki‘ina kula ma ke kahaapo no kā Aiona me Peterson ‘ōnaehana.
‘A‘ole nō i loa‘a ka mana‘o nui o ke A‘oa‘o Laulā i loa‘a ma ke kula, ‘o ia nō
ka hō‘oia i ke ka‘a o ka ha‘awina nui o ka ho‘oponopono ‘ana i mua o ka po‘e a
pau, ‘a‘ole i mua o ka po‘e i pilikia wale nō. ‘O kēia ka hana i mālama ‘ia ma ka
Piko o ke kula i lilo ia pilikia he ha‘awina e na‘auao ai ka po‘e a pau no ko lākou
‘ano iho. Ua ho‘okō ‘ia me ka ‘oia‘i‘o a me ka na‘au ha‘aha‘a. Ua loa‘a na‘e
kekahi like me ko ka ‘ekalesia ma ka mana‘o nui o ke A‘oa‘o Laulā. He mea nui
ka mālama i ka po‘e, ‘a‘ole e hana ‘ino ma ka ho‘olaha wale aku i nā mea pilikino.
‘O ia ke kumu o ka mālama malū ‘ana i ka ‘ikepili no ka ho‘oponopono ma ka
‘ekalesia. Ua like nō ka mana‘o ma ke kula. I ka manawa e hō‘ea aku ai i ka Piko
no ka hō‘ike a ka lawehala i kona mana‘o, ua pau ke a‘oa‘o nui ‘ana iā ia a me ka
‘ohana. Ua hō‘ike mua ‘ia nō ke kāko‘o o ko ke kula ma ka hana ho‘oponopono, a
202
he hō‘oia nō ia i ka ‘oia‘i‘o a me ka holomua o ka hana. I ka manawa e a‘oa‘o
laulā ai ke alaka‘i, ua hele a ma‘a ka po‘e i ka no‘ono‘o iā lākou iho me ka na‘au
ha‘aha‘a, a e no‘ono‘o i ka mea lawehala me ke aloha. ‘Oiai ua kūkulu ‘ia ia
kuana‘ike ma ka mo‘oki‘ina kula, ua like nō i ko ka ‘ekalesia mana‘o nui, ‘o ka
mālama i ke kanaka me ka ho‘oholomua i ka ho‘oponopono ‘ana.
He ‘anu‘u hana ‘oko‘a ka Chapter 19 i pili wale i nā kula ‘oihana
ho‘ona‘auao. ‘A‘ole nō i loa‘a ma ka ‘ekalesia.‘Oiai he pilina mo‘okū‘auhau
‘ekalesia ko Ka Mauna Oliveta a me Ieruselema Pōmaika‘i i ka Ho‘omana o Ke
Akua Ola, a ‘oiai he pilina pū ho‘i i ka ho‘omana makua ‘o ia ka Ho‘omana
Na‘auao, ua loa‘a nō paha kekahi mau mana‘o ho‘okele no ka hana
ho‘oponopono mai ka wā ma mua. Ua kākau ‘o Aiona me Peterson no ka mana‘o
o ka ho‘omana makua no ke kōkua ‘ana i ka lawehala a no nā hana kiko‘ī na ke
alaka‘i e ho‘okō. Eia na‘e, ‘a‘ole nō i like me ka mana kānawai o ka Chapter 19 e
koi ‘ia mai ana ma ke kula. He ‘oko‘a ke kānāwai ma ke kula a me ka pilina
makua ma ka ‘ekalesia. Ua like na‘e ke kula me ka ‘ekalesia ma kekahi ‘ano, ‘o ia
ho‘i ka mana‘o no loko mai nō ka hana ho‘oponopono, ‘a‘ole no waho mai. Inā
pono e ki‘i ‘ia ko waho, he hō‘ailona ia o ka hemahema nui loa.
Ma nā pō‘aiapili ‘ekolu, he mea nui ka mākaukau o ke alaka‘i ma ka
wehewehena no nā mea i ‘ike a lohe ‘ia ma ia mau ki‘ina, ‘oiai nāna nō e ho‘okele
i ka hana. Wahi a Aiona me Peterson, ‘imi ka po‘e pilikia i ke alaka‘i kālena ma ka
hana ho‘oponopono. Inā ‘a‘ole nō mākaukau kekahi alaka‘i, ‘imi hou ‘ia ka mea i
hiki ke kōkua. He kuana‘ike launa kēia me ko Nāwahīokalani‘ōpu‘u. ‘Oiai ua nui
203
nā makahiki i noho ai wau he alaka‘i ma ka hana ho‘oponopono kula, ua ma‘a ko
ke kula i ke ki‘i koke ia‘u no ke kōkua ‘ana. Ma ka hala ‘ana o nā makahiki, a no
ka ho‘okō maika‘i ‘ana i ka mo‘oki‘ina ho‘oponopono, ua ulu ke kuana‘ike a me ka
mākaukau o ka po‘e ma ka ‘auamo i ke kuleana alaka‘i ma mua o ka ‘imi ‘ana
ia‘u no ke kōkua ‘ana. ‘O ia kekahi ‘ao‘ao o ka ho‘okō pono ‘ana i ka mo‘oki‘ina
ho‘oponopono.
Ke komo wau a i ‘ole ka hope po‘okumu ma ka ho‘oponopono ‘ana, he
hō‘ailona ia o ke ko‘iko‘i o ka hana, a i ‘ole o ka hiki ‘ole i ka limahana ke alaka‘i i
ka ho‘oponopono ‘ana ma kekahi ‘ano. No laila, ke ho‘ohālikelike ‘ia me kā Aiona
me Peterson, ua ho‘ōnaehana ‘ia ke alaka‘i ‘ana ma ka mo‘oki‘ina kula. A ma ia
mo‘oki‘ina e ho‘okaualewa ai i ia kuleana alaka‘i e like me ka mea e pono ai. Ma
ka ‘ekalesia, ua ho‘ōnaehana ‘ia nō ke kuleana alaka‘i ma luna nō o ke a‘o o kā
lākou papahana haipule. ‘O ka mea nui o ke alaka‘i ‘ana ke kuana‘ike ku‘una no
ka hiki ke ho‘okaualewa i nā mea ‘ā‘ume‘ume loa, a hua mai ka lōkahi a me ka
maluhia i waena o ka po‘e. ‘O ia ka hana na ke alaka‘i. Aia ma lalo iho nei ka
Pakuhi 9.4 e helu papa ana i ka hana mēheuheu o ko‘u hāna‘i ‘ia ‘ana a me ko
Nāwahīokalani‘ōpu‘u.
Ua loa‘a mai nei ka ‘ikepili ho‘oponopono ‘ohana ma ka palapala ‘ana i nā
hana ho‘oponopono i ho‘omana‘o ‘ia e māua ‘o ko‘u kaikunāne. Ua mo‘olelo a
kālailai pū i nā la‘ana a me ka hana ma‘amau i ‘ike ‘ia ma ia mau makahiki i noho
pū ai ma ka ‘ohana. Ua koho i la‘ana ho‘oponopono i lohe mua ‘ia e a‘u a i hō‘oia
hou ‘ia ho‘i e ko‘u kaikunāne ma ko māua hui ‘ana. Ua koho wau i kēia ma muli
204
Pakuhi 9.4
ka like loa o ko māua ho‘omana‘o ‘ana i ia la‘ana, a no ia kumu i hiki ai iā māua
ke kālailai pū i ka mole mana‘o o nā ‘anu‘u pākahi.
Ma ka nānā ‘ana i kēia la‘ana ‘ohana ma ka pakuhi, ua ‘oko‘a ka
wehewehena ‘anu‘u ke ho‘ohālikelike ‘ia me ko ke kula. ‘Oiai he mau hana
mēheuheu ka hana ‘ohana, a he mo‘oki‘ina ka hana kula, ua ho‘onohonoho wau i
nā ‘anu‘u i hiki i ka mea heluhelu ke ‘ike i ka launa me ka launa ‘ole ke
ho‘ohālikelike ‘ia ka mole mana‘o o nā ‘anu‘u pākahi.
ma lalo iho nei.)
1. Pule
2. Kumuhana
3. Mahiki
E., I., O., U., H., K., L.]
o. Mihi/Kala
u. Pule
L. Chapter 19
M. Pani
205
‘A‘ole nō i loa‘a ka pilikia a hiki i ka wā i lohe ai ko‘u makuakāne i ka ‘ōlelo
hewa a ko‘u kaikunāne, a ua hō‘ike ‘o ia i ko‘u kaikunāne ma ka ‘a‘ā o kona maka
iā ia ma ke aniani kilohi. ‘O ia mau hana ‘elua ka ho‘omaka ‘ana o ka
ho‘oponopono ‘ana ma ia la‘ana. Ma ka hō‘ike ma ka lawena maka i maopopo ai
ko‘u kaikunāne, ‘a‘ole ana e ho‘oku‘u ‘ia kāna hana. ‘O ia nā ‘anu‘u mua ‘elua ma
ke kula, ‘o ka ‘ike ‘ia o ka pilikia a me ka ho‘oka‘a‘ike ‘ana. ‘Oiai ua ‘ike ‘ia nō
paha ka pilikia ma ke kula a ma ka ‘ohana paha, inā ‘a‘ole e ho‘oka‘a‘ike aku ma
kekahi ‘ano, ‘a‘ole ana e ho‘oponopono ‘ia ia pilikia.
Ma hope o ke komo o ka ‘ike o ko‘u makuakāne a me ko‘u kaikunāne no
ka pilikia, ua komo pū ka ‘ike pili ‘uhane a‘u i mana‘o ai he launa me ka ‘anu‘u
Pule ma ke kula. ‘O ka ‘i‘ini i ka loa‘a hou o ka hopena maika‘i, ‘o ke kūlana hana
pono, ‘o ia ‘ume ‘ana ka mana pili ‘uhane e pono ai ia hopena a ka mea alaka‘i e
noke ai. E like nō me ko nā palapala kālai‘ike i ho‘ohālikelike mua ‘ia, aia nō i ke
alaka‘i ka ho‘okele a me ka ho‘oholo mana‘o ‘ana. A ma ka ‘ohana, ‘o ia nā
mākua, ‘o ko‘u makuakāne ho‘i ma kēia la‘ana nei.
Ma ka ho‘ohālikelike ‘ana i nā pae hana o ka Hālāwai Kūkā a me nā ‘anu‘u
hana ma ka ‘ao‘ao no ko‘u hāna‘i ‘ia ‘ana, ua like ka ho‘okele ‘ana na ka mea
alaka‘i, akā, ‘a‘ole nō i like ka lō‘ihi o ka manawa e ka‘a ai ka hana mai kekahi
pae hana a i kekahi aku. Ma nā kekona a minuke wale nō paha ka lō‘ihi a kō ka
hana ma ka hale. Akā, he hālāwai e hui kino ai ka po‘e ma ke kula, a he wā nō ko
ia kama‘ilio a kālailai ‘ana i waena o ka mea alaka‘i me nā kānaka ‘ē a‘e i
ho‘ākoakoa ‘ia.
206
Ma hope pono o ka nānā ‘ana o ko‘u makuakāne i ko‘u kaikunāne, ua ‘ike
‘o ia ma kona na‘au no ka ha‘awina e hiki mai ana. Ua kau ‘ānō nā ha‘awina pili
‘uhane ‘o ka minamina, ka maka‘u a me ka mana‘olana i ka hopena maika‘i. ‘O ia
mana‘olana ka pahuhopu o ka pule ‘ana, a ‘o ka minamina a me ka maka‘u ke
kumu o ka ‘imi ‘ana i ke kōkua ma ka pule ‘ana. ‘A‘ole ko‘u kaikunāne i ho‘opuka
no kona pule ‘ana i ia wā, akā, ‘o kāna e no‘ono‘o ana ka mole i like me ko ka
‘anu‘u Pule ma ka ‘ao‘ao kula. ‘O ka nīnau ‘ana o ko‘u makuakāne, “What you
said, Boy?” he hō‘oia ma ka ‘ōlelo waha i ke kumuhana nui āna e kūkulu ana i
mua o ko‘u kaikunāne. ‘Oiai ua ‘ike mua ko‘u kaikunāne no ia kumuhana, ‘o kona
koho hewa i nā hua‘ōlelo i ho‘opuka hāwanawana ‘ia i ko‘u makuahine, ma ka
ho‘opuka waha nō ko‘u makuakāne i kūkulu ai i ke kumuhana nui e
ho‘oponopono koke ‘ia. ‘O kona hāpai hou ‘ana i nīnau no ka nui o nā makahiki o
ko‘u kaikunāne ka hō‘ailona o ka ho‘oha‘aha‘a hou ‘ana aku iā ia. Ua hiki ho‘i ke
no‘ono‘o i ia mau nīnau ‘elua he ki‘ina mahiki kekahi. Ua mahiki i ka mana‘o he
kuleana ko ke keiki e ‘ōlelo i kona makuahine e like me kona makemake, a ua
mahiki pū ‘ia ka mana‘o ē ua lawa kona o‘o e ho‘opuka ai i kona mana‘o pēlā.
I ia mau kekona pōkole o ka nīnau ‘ana, ka pane ‘ana, ka ho‘olohe ‘ana
me ka ho‘oka‘a ‘ana i ka ‘ike i waena o lāua, ‘o ia ka wā ho‘omanawanui a
‘alo‘ahia ho‘i. ‘A‘ole nō ‘emo ho‘oili koke akula ko‘u makuakāne i ka ha‘awina o ka
‘ili ma luna o ko‘u kaikunāne. Ua launa kēia ha‘awina o ka hale me ka Hana
Pāna‘i ma ke kula e ho‘omanawanui ‘ia a e ho‘okō ‘ia ma muli o ka hana hewa a
ke kanaka. He ha‘awina ‘ili ka ma‘amau ma ka hale inā ‘a‘ole nō i ‘a‘apo ke keiki i
207
ke a‘o no ka hana pono. ‘A‘ole nō loa‘a ia ‘ano ha‘awina ma ke kula. Na ke alaka‘i
o laila e ho‘oholo e like me ka mea e pono ai. E ‘imi ‘ia nā kulekele Chapter 19
ma ke kula inā ua ‘a‘e nā lula kula aupuni. He ki‘ina ka‘awale no ia hopena. Eia
na‘e ma ka hale, aia i ka makua ka mana piha. ‘O kāna e ho‘oholo ai, ‘o ia ke
ki‘ina a me ka hopena.
Ua loa‘a ka mana‘o nui o ke Kumuhana ma ka ‘ohana. ‘A‘ole māua i ‘ike
no ka hua‘ōlelo “kumuhana” ma ka ‘ohana, akā ‘o ke ki‘ina a me ka mole mana‘o
o ke Kumuhana nā mea nui i a‘o ‘ia ma ka ‘ohana. He pili ia ‘ike i ka ho‘āno a me
ka hahai ‘ana i ke a‘o a ka makua. Inā ua hana hewa, ua maopopo, a ke ho‘opa‘i
‘ia nō ho‘i, ua maopopo no ke aha. Ma o ia mau ha‘awina au i ‘ike ai no ka ‘oko‘a
ma waena o ka ‘oia‘i‘o me ka ‘oia‘i‘o ‘ole. He pili ka ‘oia‘i‘o i ka hilina‘i. Ke hilina‘i i
ka makua, e ‘ike ana i ka ‘oia‘i‘o.
Ua like ka ‘ohana a me ke kula ma ke a‘oa‘o a hō‘oia ‘ana i ka ha‘awina a
me ka hō‘ike i ke aloha ma mua o ke pani ‘ana. Na ko‘u makuahine i hele koke a
mālama i ke a‘oa‘o ‘ana i ko‘u kaikunāne. Ua hele pū nō paha ‘o ia e a‘oa‘o i ko‘u
makuakāne kekahi. Ma hope o nā hana a pau, ua ho‘i wale i ka hana ma‘amau.
‘O ia ke pani ‘ana, ‘a‘ohe ‘ōlelo mihi a me ke kala, ‘a‘ole nō i lūlū lima a apo
aloha, ‘a‘ole nō i hāpai hou ‘ia ka pilikia. Ua pau ihola ma laila. ‘O ka ho‘i ‘ana i ka
ma‘amau, ‘o ka hana pono ho‘i, ‘o ia ka pilina aloha e pani ai. ‘O ka ho‘oku‘u piha
me ka hāpai hou ‘ole ‘ia o ka hewa, ‘o ia kekahi ‘ao‘ao o ke aloha. Wahi a ko‘u
kaikunāne, ua ‘ike nō ‘o ia no ka nui o ke aloha o ko‘u mau mākua iā ia. ‘A‘ole ia
mau ‘ano ha‘awina o ka ‘ili he kumu e aloha ‘ole ai i ka makua. Ua ‘ike ‘o ia ma
208
kona na‘au i ke aloha o ko‘u makuakāne iā ia i loko nō o ke ‘o‘ole‘a o ka ha‘awina
‘ili. E ho‘okō ana ka makua i kona kuleana i ulu a nui ke keiki me ka maopopo no
ka hana pono.
Ma ke kula na‘e, ua loa‘a nā ‘anu‘u e ‘ike ‘ia ai ka lūlū lima me ke apo
aloha. Pēlā e hō‘ike ai i ke aloha me ka ho‘oku‘u ‘ana i ka hewa. ‘Oiai ua ‘ano like
ka pilina a ko ke kula me ko ka ‘ohana, ‘a‘ole nō i hiki ke like loa ma nā ‘ano a
pau. He launa ma ia pō‘aiapili kula e hō‘ike ai i ke aloha ma ka lawena kūpono.
‘O ke a‘oa‘o a me ka hō‘oia kekahi mea nui e pono ai no ka nui o ka po‘e ma ia
kaiāulu. Ke mōakāka a ho‘okō kēlā me kēia kanaka i ke kuleana hana, ua hiki i
ke alaka‘i ke pani pono i ka mo‘oki‘ina ho‘oponopono.
Ke Kālailaina Laulā
No loko mai nō o ka ‘ohana Hawai‘i ka hana ho‘oponopono, a ua hō‘oia ‘ia
ia mana‘o ma nā palapala kālai‘ike a pau. He ki‘ina mo‘okū‘auhau Hawai‘i ka
ho‘ohana ‘ana i ka ‘ike i pa‘a mua i ke kanaka a kūkulu hou a‘e ma luna o ia ‘ike i
hua mai ka ‘ike hou. Pēlā i komo ai ka hana ho‘oponopono ma ka ‘ekalesia o ka
Mauna ‘Oliveta a me ko Ieruselema Pōmaika‘i, a ‘o Nāwahīokalani‘ōpu‘u kekahi
pō‘aiapili hou ma waho a‘e o ka ‘ohana e ‘ike ‘ia ai ka hana ho‘oponopono. Aia
ma lalo iho nei ka Pakuhi 9.5 e hō‘ike ana i nā ‘ao‘ao nui o ka hana
ho‘oponopono ke ho‘ohālikelike ‘ia nā la‘ana ku‘una na Pūku‘i, na Aiona me
Peterson a no ko‘u hānai ‘ia ‘ana pū kekahi.
‘Oiai he Hawai‘i ka hapanui o ka po‘e ma nā la‘ana ku‘una i noi‘i ‘ia, he
hō‘oia nō ia no ka hana ho‘oponopono he hana Hawai‘i nō. ‘O ka paepae ku‘una
209
Hawai‘i ke kahua e pono ai ka pa‘a o ka hana ho‘oponopono a ka Hawai‘i a hiki i
kēia wā. Inā ‘a‘ole lōkahi ka po‘e ma ka mālama i ke kuana‘ike e pono ai nā
ha‘awina o ke kino a me ka pili ‘uhane, e moku ana ke ō o ka pilina mauli o ka
po‘e. No laila, ‘o ka ikaika o ka po‘e ma ia kuana‘ike ka mea nui. Pēlā ka pilina
ku‘una ma waena o ko ka ‘ohana. Ma ia kuana‘ike nō e maopopo ai ke kanaka
Pakuhi 9.5
no ka pono me ka pono ‘ole, a pēlā e maopopo ai no ka ‘imi i ka ho‘oponopono
‘ana ke kupu mai ka pilikia.
He Hawai‘i ke kuana‘ike o ka mea nāna e alaka‘i i ka hana ho‘oponopono.
‘O ke alaka‘i mākaukau loa ka mea i hiki ke ‘ike i ka mole o ka pilikia ke kū mai ka
1
2
3
4
5
6
7
8
210
hihia i waena o ka po‘e. Ua hiki ho‘i ke ho‘okele me ke kaupaona a ho‘okaualewa
i kēlā me kēia mana‘o kiko‘ī, ma ke ‘ano e hua hou mai ai ka pilina maluhia o ka
po‘e. Pēlā nō ka ‘ike o ka makua ma ka ‘ohana. He kuana‘ike ku‘una nō ia i pili ai
kēlā me kēia ‘ike kiko‘ī a ma luna o ia ‘ike e ho‘ohana ai ka makua i kāna ki‘ina e
ho‘oponopono ai i ka pilikia.
He pono kona mākaukau ma kāna ki‘ina e ka‘a ai nā ha‘awina
ho‘oponopono. Ho‘okele ke alaka‘i i nā hana a pau me ka na‘au pili ‘uhane a me
ka ho‘omana‘o mau i ka mana o ke Akua. Pēlā i ‘ike nui ‘ia ai ka pule ‘ana ma nā
pō‘aiapili ho‘oponopono, he ho‘oka‘a‘ike nō ia me ke Akua. A ma nā hua‘ōlelo a
me ke ki‘ina ho‘opuka mana‘o e hō‘ike pū ai ke alaka‘i i kona na‘au pili ‘uhane.
Ma ka pō‘aiapili o ko‘u ‘ohana, ua lilo ke ki‘ina ho‘oponopono a ka makua ‘o ia ka
mea kahukahu i ka ‘imi a ka ‘ōpio i ka pule. ‘Oiai ua mālama ‘ia ma kona na‘au,
‘a‘ole ma ke ākea e like me nā pō‘aiapili ‘ē a‘e, he hō‘oia nō ia i ka ‘oia‘i‘o o ka
‘ike pili ‘uhane.
‘O ka pule ke ki‘ina nui e lohe ‘ia ai ke kumuhana nui o ka ho‘oponopono
‘ana. Ma hope o ia pule ‘ana, kahukahu ke alaka‘i i ka holomua o ka papahana
ma ka ho‘ohana ‘ana i kekahi mau hana kiko‘ī. ‘O ka paipai i ka mālama i ka
‘ōlelo ‘oia‘i‘o, ka mālama i ka maluhia a me ka mana‘olana, a me ka hāpai ‘ana i
ka nīnau i mea hu‘e mana‘o. Pēlā ‘o ia e ‘ike ai a e kūkulu ai ho‘i i ke a‘oa‘o ‘ana i
ka lawehala.
‘O ka mahiki ‘ana ka ‘īkoi o ka hana ho‘oponopono. ‘O ia ka pahuhopu nui
ma nā pō‘aiapili a pau, a ho‘ohana ‘ia nā ki‘ina o luna a‘e nei no ka ho‘okō ‘ana i
211
ka mahiki. Aia i ke alaka‘i ke ‘ano o ka ho‘ohana ‘ia ‘ana o ia mau ki‘ina i mahiki
pākahi ‘ia nā pilikia a pau o ka hihia.
‘O ka mihi a me ke kala ‘ana kekahi mau ki‘ina nui, a na ke alaka‘i e
ho‘oholo pehea a i ka wā hea ho‘i e ho‘okō ‘ia ai kēia mau hana. Ua hiki ke
no‘ono‘o ‘ia ka mihi a me ke kala ‘ana he mau ‘ao‘ao o ka mahiki ‘ana i ka pilikia,
‘oiai he hō‘oia‘i‘o nō ho‘i ka mihi a me ke kala ‘ana i ka ho‘oku‘u i ka hewa a me
ka ‘ae pū i ka pili hou kekahi me kekahi.
‘O ka ho‘okō hana pāna‘i kekahi ki‘ina hou a‘e e ho‘okele ‘ia e ka mea
alaka‘i. Aia nō i kona mana‘o no ka hua o ka mahiki ‘ana, a laila, ho‘oholo ‘ia ka
hana e kō ai ka hana pāna‘i. ‘Oiai ‘a‘ole nō i like loa ma nā pō‘aiapili a pau, ua
loa‘a nō ka hana pāna‘i ma kekahi ‘ano.
Inā nō ma ke ke‘ena hana, ma ka ‘ekalesia, ma ka ‘ohana a i ‘ole paha ma
ke kula, hilina‘i ‘ia ke alaka‘i nāna e kōkua ma ka ho‘oponopono ‘ana a kō ka
hana. ‘O ia hilina‘i ka mole o ka pilina i waena o ke alaka‘i me nā kānaka āna e
kōkua ai. Mai loko mai nō o ka ‘ohana ka ‘ike no ka ho‘āno a me ka hilina‘i i ka
mea nāna e alaka‘i, ‘o ka makua ho‘i ia, a nāna e ho‘oholo no ka pono o ka
‘ohana. Ma ia pilina i waena o ka mea alaka‘i a me ka mea hahai, pēlā e kō ai ka
ho‘oponopono ‘ana ma kona ‘ano nui.
Ua loa‘a kēia mau ‘ao‘ao nui a pau ma ka mo‘oki‘ina ho‘oponopono o
Nāwahīokalani‘ōpu‘u. He hō‘oia ia no ka paepae ku‘una Hawai‘i o ka hana
ho‘oponopono ma ke kula, a no ka hiki ke mālama ‘ia i kēia au hou a ma kekahi
wahi hou nō ho‘i ma ke kula. ‘Oiai ua ho‘okumu ‘ia ke Kula ‘o
212
Nāwahīokalani‘ōpu‘u no ka ho‘oikaika ‘ana i ka mo‘omeheu a me ka ‘ōlelo
Hawai‘i, a ‘oiai ho‘i ua ho‘okumu pū ‘ia nā mo‘oki‘ina kula i mea e kō ai ia
ho‘oikaika ‘ana, ua lōkahi nō ko Nāwahīokalani‘ōpu‘u ma hope o ka mo‘oki‘ina
ho‘oponopono he hana Hawai‘i. Ua ulu ka lōkahi ma muli o ka ‘ike maka a komo
kino ‘ana o ko Nāwahīokalani‘ōpu‘u ma ka mo‘oki‘ina ho‘oponopono. Ma ia komo
‘ana i komo pū ai ka na‘auao no kona waiwai a me kāna pilina i nā hana
mo‘oki‘ina ‘ē a‘e a pau o ke kula. ‘Oiai he Hawai‘i ka hapanui o ko ke kula, pēlā i
kama‘āina ai i ka ho‘oponopono he hana Hawai‘i a i hiki ho‘i ke komo me ka
mana‘olana i ke kō maika‘i o ia hana.
Ua loa‘a ka ‘oko‘a o ke ki‘ina e kō ai nā ‘anu‘u Kumuhana, Mahiki, Mihi,
Kala a Hana Pāna‘i ma ka mo‘oki‘ina ho‘oponopono o ke kula. ‘O ke A‘oa‘o Laulā
kekahi o ia mau anu‘u i ‘oko‘a ai ke ki‘ina, a he hana ia i loa‘a ma ke kula, ‘a‘ole
ma nā pō‘aiapili ‘ē a‘e. Ma ka ‘anu‘u A‘oa‘o Laulā e ho‘opuka aku ai ke alaka‘i i ka
ha‘awina nui o nā mana‘o i ho‘opuka ‘ia ma ka Mihi me ke Kala. He wā ia e ‘imi
hou a‘e ai i ke kumuhana nui i kūkulu ‘ia ma ke Kumuhana, a e ho‘opili pū me ka
hua o ka Mihi me ke Kala, ‘akahi a ho‘okō ‘ia. Ma ka lohe ‘ana i ia wehewehena
ma ke ākea, he kōkua nō ho‘i ia i ka wāwahi i ka hihia, ka hua e ‘imi ‘ia e ke
alaka‘i ma ka Mahiki. Ua loa‘a mai ke A‘oa‘o Laulā mai ka makamua ma Hilo
Kaona a hiki i ka hana ma Kea‘au. E a‘o ka po‘e a pau ma ka nānā ‘ana i ka
ha‘awina i ili mai ma luna o ka hana hewa a ha‘i. He ki‘ina ia e hō‘oia ai i ka pilina
kaiāulu a ka po‘e ma ke kula. No ka po‘e a pau ke kuleana o ka mālama i ka
pono ma ke kula. E a‘o kēlā me kēia no ia kuleana ke hana hewa kekahi, ‘a‘ole
213
na‘e ma ke ‘ano he hana ‘ino i ka lawehala, akā, ma ke ‘ano he kāko‘o, a he
ho‘onui ‘ike no ka maka‘ala i ka ‘auamo kuleana ho‘okanakamakua. I mea e ka‘a
ai ia ‘ike i ka lawehala a me nā kānaka a pau, ua loa‘a ke a‘oa‘o laulā ma ke kula.
Ua ‘oko‘a ia hana i ko nā la‘ana pō‘aiapili ‘ē a‘e, ma muli paha o ka mea nui o ka
ho‘onui ‘ike a me ka ho‘ona‘auo ma ka pō‘aiapili kula.
‘O ke kama‘āina o kekahi i kekahi, ‘o ia kekahi kumu e ‘oko‘a ai ke ki‘ina
ho‘oka‘a‘ike i waena o ka po‘e. Inā ua kama‘āina loa ka po‘e kekahi i kekahi, e
like ho‘i me ka pilina i waena o ka ‘ohana, a i ‘ole paha me ka pilina hoahana ke
hana pū no ka manawa lō‘ihi, ulu nō ke kama‘āina. Ma ia pilina e hiki ai ke
wanana i ka mana‘o a i kekahi manawa i ka hana a ha‘i. ‘A‘ole nō i pono e
ho‘opuka waha ‘ia nā mana‘o, ‘a‘ole ho‘i i pono ma ka lawena.
‘Oiai kama‘āina nō paha ka po‘e a pau, he wā e loa‘a ai ka mea malihini
ma kekahi ‘ano. ‘A‘ole mōakāka loa iā ia ka mana‘o i pa‘a i ka nui po‘e e kama‘ilio
ana. Ma ia pō‘aiaipili, e ho‘opuka waha ‘ia nō ka mana‘o a e hō‘ike pū ‘ia ma ka
lawena, ke ani ho‘i a ka lima me ka nānā paha a ka maka i mōakāka ka mana‘o.
‘O ka ho‘āhuwale i ka mana‘o ma ka ho‘opuka waha a i ‘ole paha ma ka lawena
ka hō‘ailona o ke kūlana ‘ike malihini o ia kanaka. ‘O ia kama‘āina me ka malihini
ke kumu e ‘oko‘a ai ke ki‘ina ho‘oka‘a‘ike. Mahalo ‘ia ka ‘a‘apo o ke kanaka ma ka
mākau ‘ike a me ka mākau lohe, pēlā e ulu ai ka na‘auao.xxv Inā pono e ‘ōlelo nui
‘ia, he hō‘ailona ia o ka hemahema o ia kanaka. Wahi a Kahiko, “Moe kokolo ka
uahi o Kula, he hau.”xxvi Mahalo ‘ia ka mio o ka hana ma ke kino a me ka
no‘ono‘o pū. He Hawai‘i ka hiki ke ho‘oka‘a‘ike wale aku a ‘apo koke ‘ia me ka
214
‘ike nui ‘ole ‘ia e ka nui po‘e, ‘a‘ole nō mahalo ‘ia ka ho‘āhuwale ma ka ‘ōlelo nui
me ka ho‘onuinui nō ho‘i ma ka lawena.
‘Oiai he kanaka ke kanaka, ua loa‘a ka wā e kāohi ai a e ho‘āhuwale ai i
ka ha‘awina o ka na‘au. ‘A‘ole nō i ‘oko‘a loa ma waena o nā pō‘aiapili noi‘i, eia
na‘e ua loa‘a kekahi mau ‘oko‘a iki. ‘Oiai he pilina ‘ohana kā ka nui ma kā Pūku‘i
lā‘ana, a ua ‘ano like ia pilina i waena o ko ka pō‘aiapili ‘ekalesia, ua kupu mai nā
la‘ana o ke kāohi a me ka ho‘āhuwale pū ma nā la‘ana mo‘olelo ho‘oponopono a
pau. Ma ko‘u hānai ‘ia ‘ana, ‘a‘ole nō i loa‘a kekahi lawena aloha ahuwale loa ma
hope o ka ho‘oponopono ‘ana. Ua maopopo iā māua ‘o ko‘u kaikunāne no ko
māua aloha nui ‘ia, akā ‘a‘ole ‘o ka wā ho‘opa‘i ka wā i hō‘oia ‘ia ai ia mana‘o ‘o
ke aloha. ‘Oiai he pili ia ‘ike ia‘u pono‘ī me ko‘u kaikunāne, ‘a‘ole na kekahi i
unuhi a wehewehe i ko māua mau mana‘o, he ‘ikepili kiko‘ī loa nō ia no ka mole
o ke kuana‘ike ho‘oponopono ma ko‘u ‘ohana. Aia ka ‘oko‘a ma ke kuana‘ike
pilikino a me ke kuana‘ike wehewehena. ‘Oiai ua ‘ano like ka pilina ma ke kula a
me ka ‘ekalesia me kā ka ‘ohana, ua loa‘a nō kekahi mau ‘oko‘a. Ma
Nāwahīokalani‘ōpu‘u, ua loa‘a ka wā e paipai ai i ka po‘e e apo aloha a e lūlū
lima i mea hō‘oia ma ke ahuwale a me ka mōakāka. Ma muli o ka nui o nā ‘ohana
like ‘ole a me nā kuana‘ike ‘oko‘a i waena o lākou, he kōkua ka ho‘āhuwale
‘oia‘i‘o ‘ana i ia ‘ano lawena ma ka pō‘aiapili kula.
‘O ke kulekele Chapter 19 kekahi mea ‘oko‘a loa ma ka pō‘aiapili kula. He
koina ka hahai ‘ia ‘ana, akā, ua ‘ike ‘ia ka waiwai o ka nānā ‘ana i ka mo‘oki‘ina
ho‘oponopono ma mua o ka hahai ‘ana iā Chapter 19. ‘Oiai he ‘oko‘a loa ka
215
Chapter 19, ua loa‘a nō ke kānāwai ma nā pō‘aiapili like ‘ole a pau. Inā ma ka
hana a Pūku‘i ma QLCC, ma kekahi ‘ekalesia Ho‘omana O Ke Akua Ola a i ‘ole
paha ma ka hale pono‘ī iho nō, ua loa‘a ke kānāwai e hahai ‘ia. Ua haku ‘ia ka
Chapter 19 no ka pō‘aipili pōpilikia o ka haumāna hele kula. Ua ho‘ohana ‘ia ka
mo‘oki‘ina ho‘oponopono ma ke ‘ano he ki‘ina mo‘omeheu Hawai‘i e launa ai me
ka hana a ka ‘ohana Hawai‘i. Ma muli o ka nu‘ukia a me ke kālaimana‘o o
Nāwahīokalani‘ōpu‘u, he waiwai ka loa‘a o ia mo‘oki‘ina i mea a‘oa‘o a
ho‘okama‘āina i nā ‘ohana malihini i ia ‘ano kuana‘ike no ka wā ho‘oponopono i
ka pilikia.
‘O ka hana pāna‘i kekahi ‘ao‘ao hoihoi o ka hana ho‘oponopono. Ua like
ko Nāwahīokalani‘ōpu‘u mo‘oki‘ina me nā la‘ana paepae ku‘una ma ka ho‘okō
hana pāna‘i. Inā nō e mana‘o ke alaka‘i ua hō‘ike ka mea lawehala i ka ‘oia‘i‘o o
kona minamina ma kāna e ho‘okō ai ma ka hana kūmau o ka ho‘oponopono,
‘a‘ole ke alaka‘i e noi ana i hana pāna‘i hou a‘e i waho o ia mau hana nui. Inā nō
e hahai a ho‘okō ka lawehala i ke a‘oa‘o a ke alaka‘i, he ho‘okō nō ia i ka hana
pāna‘i. Inā nō i pono e ‘auamo hou ‘ia kekahi hana pāna‘i keu, aia nō i ke alaka‘i
ka ho‘oholo ‘ana pēlā. Ma nā la‘ana mo‘oki‘ina kula, ua loa‘a ka manawa i lilo ai
ka ho‘okō i ka hālāwai kūkā, ‘o ia ka hana pāna‘i, a i kekahi manawa, ua loa‘a
hou kekahi mau hana ‘ē a‘e e ho‘okō ‘ia.
Ua palapala ‘o Pūku‘i no ka Restitution, a ‘a‘ole ‘o Aiona me Peterson i
hāpai i ia hana ma kā lāua wehewehena. I loko nō o ia ‘oko‘a, aia nō ke kumu
mana‘o o ia hana ma kā lāua mau ‘anu‘u hana ho‘oponopono. Ma ko‘u ‘ohana,
216
he pani ka ho‘i ‘ana i ka hana ma‘amau. ‘A‘ole māua ‘o ko‘u kaikunāne
ho‘omana‘o i ke koi ‘ia e hele a hana i mea kūikawā ma hope o ka ho‘opa‘i ‘ia
‘ana. Ma hope pono iho o ia hana, ua pau ka ho‘oponopono ‘ana. Na ka makua i
ho‘oholo me kēlā ka hopena. No ia kumu wau e mana‘o nei ua like ka hana
pāna‘i ma ke kula i ko nā la‘ana paepae ku‘una. Aia nō i ka ‘ike a ke alaka‘i no ka
‘oia‘i‘o o ka minamina o ka lawehala i kāna i hana ai, a na ia alaka‘i nō e ho‘oholo
i ka ho‘ōki a ho‘omau paha ma ka ho‘oili ha‘awina pāna‘i e pono ai ke pani pono
‘ana.
‘Oiai ‘a‘ole nō i like loa ke ka‘ina hana ma nā pō‘aiapili a pau, ua ahuwale
nō ka nui o ka like ma ka paepae ku‘una i ‘ike ‘ia ma ka mole mana‘o o nā ‘anu‘u
me nā pae hana. Ua pa‘a nō kekahi mau hana ‘anu‘u kiko‘ī ma nā pō‘aiapili a
pau, a ua pa‘a like ke kuana‘ike no ke ko‘iko‘i o ke kuleana alaka‘i. Nāna nō e
ho‘oholo aku pehea e ho‘ohana ai i ia mau hana ‘anu‘u pākahi, a kō piha ka
ho‘oponopono ‘ana.
217
Panina He hana ho‘oponopono ke aukahi ho‘ōla ‘ōlelo me ka mo‘omeheu Hawai‘i,
he ki‘ina e ho‘iho‘i hou ai i ka no‘ono‘o a me ka hana ma luna o nā mea pono. ‘O
ia pono ke kuana‘ike e pa‘a ai ka Hawai‘i he lāhui ola o kēia wā. He kuana‘ike
ku‘una ia i pa‘a i ka Hawai‘i mai ka wā ma mua loa mai. ‘O kā kākou ka
ho‘omana‘o ‘ana i ia ‘ike ku‘una ma kā kākou ‘ōlelo Hawai‘i ‘ana a ma ka hō‘ike
kino ‘ana ho‘i i ia kuana‘ike ku‘una ma ke ‘ano he kumu ho‘ohālike no ka
hanauna hou. Pēlā e alu like ai ma ka ho‘oponopono ‘ana i ke ola hou o ka ‘ōlelo
a me ka mo‘omeheu i kēia au e holo nei.
‘O Ke Kula ‘O Nāwahīokalani‘ōpu‘u ka hua o ke alu like ‘ana o ka po‘e he
nui e noke paupauaho ‘ole ana i ka ho‘ōla i ka ‘ōlelo a me ka mo‘omeheu
makuahine ma Hawai‘i nei. ‘O ka pahuhopu ka ho‘okumu hou ‘ana i papahana
ho‘ona‘auao ma loko o ka ‘ōlelo Hawai‘i piha. Ua kūkulu pākahikahi ‘ia nā papa
mai ka pae mālaa‘o a hiki loa mai i ka papa 12, a ua puka aku ka papa mua ma
ka makahiki 1999. Ma ke au o ka manawa, ua hele au a kama‘āina loa i ka hana
ho‘oponopono ma ke alaka‘i ‘ana i ia hana ma ke kula. ‘Oiai ‘o ka ‘imi i ka pono,
‘o ia ke ala ku‘una e kia mau ai i kēlā me kēia lā, he mea nui ka nānā me ke
kālailai ‘ana i nā mea e mālama a e wāwahi ‘ia paha ke kū mai nā ālaina
holomua. Ua hō‘oia‘i‘o hou ‘ia nō ia kuana‘ike ma ka ‘ike mua ‘ana i nā hana
hemahema i ka‘a ai ka hana ho‘oponopono mua ma Nāwahīokalani‘ōpu‘u. ‘O ia
mau hana ka mo‘oki‘ina ho‘oponopono e ho‘ohana ‘ia ana ma ke kula a hiki i kēia
wā.
218
Wahi a Kahiko, I ka nānā nō a ‘ike, I ka ho‘olohe nō a ho‘omaopopo, I ka
hana nō a ‘ike.xxvii ‘Oiai he kuana‘ike ku‘una nō ia e ho‘oulu ‘ia ana ma ka
papahana kula, ua mohala mai ka mo‘oki‘ina ho‘oponopono ma luna o ia ‘ano
ha‘awina nui. He kuleana ko ke kumu e lilo ana he kumu ho‘ohālike o ia ha‘awina
no‘ono‘o, a ua hiki mai nō ka wā a‘u i ‘ike ai no ka hō‘oia‘i‘o ‘ana i ia ha‘awina. Ma
ka ‘ike ‘ana i nā haumāna ‘elua e hana kūpono ‘ole ana, ua ho‘oholo koke i ka
ho‘oka‘awale ‘ana i manawa e nīnau ai a e ho‘olohe ai ho‘i i ko lāua mana‘o no ia
hana hemahema. Ma hope o ia mau hana, ua ho‘okele aku i ia mau haumāna ma
ka ho‘okō i nā pae hana e ulu ai ko lāua ‘ike no: 1) ka hana hewa a me ka pono,
2) ka mihi a me ke kala, 3) ka hana pāna‘i a me ka no‘ono‘o i nā hoakānaka. He
mau hi‘ohi‘ona nō ia o ka hana ho‘oponopono, he ‘auamo ho‘i i ke kuleana
ho‘okanaka makua.
Ma ke au manawa, ua ho‘omaka wau e kakaha i ka‘u e hana ana ke loa‘a
mai ka pilikia ma ke kula ‘o Nāwahiokalani‘ōpu‘u. He ki‘ina ia e pa‘a ai nā mana‘o
nui ia‘u e ho‘oponopono ana i nā pilikia o ke kula. ‘A‘ole wau i no‘ono‘o i ka noi‘i
‘ana e like me ka‘u e hana nei i kēia manawa. Ua ‘imi wale wau i ki‘ina e kōkua ai
ia‘u ma ka ho‘okele ‘ana. He hō‘oia ia mau kakaha i ka pololei o ko‘u lohe ‘ana a
me ka mōakāka o ko‘u no‘ono‘o i puka pono ho‘i ka hana. Ke hala kekahi
ho‘oponopono ‘ana a kū hou mai ka pilikia na ke kanaka ho‘okahi, he kōkua pū
nā kakaha ma ka ‘imi i ka molekumu o ia lawena hana a ka lawehala. ‘Oiai he
mau mana‘o pōkole ke kakaha, he hō‘ike nō i ke ka‘ina o nā hana a ka lawehala,
a ma laila paha kekahi lauana. I kekahi manawa, ‘o ia lauana nō paha ka
219
mo‘olelo o ka hana e pono e ho‘oponopono ‘ia. ‘O ka ho‘omana‘o pololei ‘ana i ka
hana ka mea nui ke ho‘omaka i ke kālailai ‘ana. He kōkua nui ke kakaha ma ka
ho‘okō ‘ana i ka mo‘oki‘ina, no ka mea, he mea nui ka hiki ke no‘ono‘o i ka
mo‘oki‘ina ma ke ‘ano he kino piha me ka nānā i kēlā me kēia hi‘ohi‘ona i ka
manawa ho‘okahi. He kōkua ke kakaha i ka ho‘omana‘o ‘ana i kekahi o ia mau
hi‘ohi‘ona.
I mea e ho‘oholomua ai i ka hana ho‘oponopono, he ko‘iko‘i ka hiki i ka
mea alaka‘i ke ho‘ohana i kona ‘ike no ka wāwahi i nā hewa, ka mālama i ka
hana pono a nā kānaka a me ka wānana ‘ana i ka ho‘okō i ka ho‘oponopono
piha. Ua ‘oko‘a kēlā me kēia la‘ana ho‘oponopono, akā, ‘o nā mea ‘oi kelakela i
wae ‘ia nā mea i kō ma muli o ke ki‘ina ma ke alaka‘i ‘ana a me ke alu like ‘ana o
ka po‘e ma hope o ia alaka‘i ‘ana.
I ko‘u mana‘o, ua hele au a kama‘āina i ka ho‘okele ‘ana i ia mau hana
ho‘oponopono ma muli o ka ‘ike i pa‘a ma ko‘u hānai ‘ia ‘ana a me ka launa o ia
‘ike i nā pahuhopu ku‘una o ka papahana ho‘ōla ‘ōlelo me ka mo‘omeheu. No
loko mai nō o ka ‘ohana Hawai‘i ka hana ho‘oponopono o ka wā ma mua. ‘Oiai
ua ‘oko‘a ka pō‘aiapili ‘ohana me ka pō‘aiapili kula, ua loa‘a nō ka launa o ka
hana ku‘una a ko ka ‘ohana me ko ka papahana kula ma Nāwahīokalani‘ōpu‘u.
I mea ho‘ākea ma kēia noi‘i ‘ana, ua ‘imi ‘ia he ‘ikepili ku‘una ma nā
palapala kālai‘ike a Mary Kawena Pūku‘i, Darrow L. Aiona a me John A.
Peterson. ‘O ka ‘ikepili o ia mau puke ke kahua i kālailai ‘ia ai ka mo‘oki‘ina
ho‘oponopono o ke kula a i lilo ho‘i he ala e hō‘ike ai he hana ku‘una nō ho‘i ia
220
mo‘oki‘ina o ke kula. ‘Oiai ‘a‘ole ‘o ka hana ho‘oponopono ke kumuhana nui o ia
mau palapala, ua loa‘a nō nā la‘ana i ho‘ohua mai i ka lauana nui o ka hana
ho‘oponopono ku‘una Hawai‘i.
Ua kākau ‘o Pūku‘i i kāna palapala ma kona wā i hana ai ma Queen
Lili‘uokalani Childrenʼs Center, ma hope o kāna hana noi‘i lō‘ihi i nā mea Hawai‘i.
No ka nui o nā makahiki a me ke ko‘iko‘i o kāna mau hana, no Pūku‘i ka ‘oi o ka
mākaukau a me ka na‘auao ma ka mo‘omeheu Hawai‘i. He kupa o ka ‘āina a he
loea ma ka ‘imi a me ka ho‘opa‘a i nā mo‘olelo o ka Hawai‘i o kona wā. Wahi a
Pūku‘i, ‘a‘ole nō ho‘i kāna he hana noi‘i a kālailai ma‘amau. Iā ia ho‘i, ‘a‘ole ka
noi‘i a me ke kālailai ka mea nui, akā, ‘o ka ‘apo ‘ana i nā mana‘o nui a me ka
no‘ono‘o ‘ana o ka Hawai‘i ma ka nānā ‘ana i nā hana ma‘amau o kēlā me kēia
lā. Ua mana‘o ‘o ia he mau la‘ana hō‘oia kāna noi‘i a kālailai no ke ola o ia
mo‘omeheu Hawai‘i ku‘una i laha loa mai ka wā ma mua a hiki mai ho‘i i ia wā o
kāna hana kākau. ‘O ka ‘ekalesia Hawai‘i ke kumuhana nui o kā Aiona me kā
Peterson, a ma ia pō‘aiapili i loa‘a mai ai ka ‘ikepili no ka ho‘oponopono ‘ana. He
mau pō‘aiapili ko‘iko‘i ko nā ‘ekalesia Hawai‘i a me ko Pūku‘i wahi hana ma
QLCC ma muli o ka ‘ākoakoa nui ‘ana o ka Hawai‘i ma ia mau wahi.
Ma ka nānā ‘ana i ia mau palapala kālai‘ike ‘ekolu, ua mōakāka ka mea
nui o ka nānā ‘ana i ka hana ho‘oponopono ma ke ‘ano he māhele hana
ma‘amau o ka Hawai‘i. ‘A‘ole ia he hana ka‘awale, he pili aku nō i nā hana
ma‘amau o ke kaiāulu holo‘oko‘a.
221
‘Oiai ua nui ka ‘ike e loa‘a i ke kanaka ke ‘imi aku, no loko mai nō na‘e o
ka ‘ohana nā ha‘awina nui o ke ola, a ma luna o ia mau ha‘awina e kūkulu ‘ia ai
ka ‘ike hou. Na ko‘u mau mākua i ho‘oili mai i ka ‘ike no ka mea nui o ka
ho‘opono, a ‘o kā lāua ki‘ina ho‘oponopono ka hana i Hawai‘i ai ko‘u kuana‘ike no
ka ho‘oponopono ‘ana. No loko mai nō o ia kuana‘ike i ulu mai ai ko‘u mākaukau
a na‘auao a mohala mai nō ka mo‘oki‘ina kula e kū nei.
He mea nui ka pule ‘ana ma nā la‘ana noi‘i a pau i nānā ‘ia no kēia pepa.
Ma ko‘u hānai ‘ia ‘ana ho‘i kekahi, ua loa‘a ka ‘ike no ka ‘ao‘ao pili ‘uhane a me
ka pule ma loko o ka mo‘oki‘ina ho‘oponopono o Nāwahīokalani‘ōpu‘u. ‘Oiai
‘a‘ole nō i ‘ike ‘ia ka pule ma ka la‘ana ‘ohana e like ho‘i me ka mea i ‘ike ‘ia ma
nā la‘ana noi‘i ‘ē a‘e, ‘o ka ho‘omana‘o ‘ana i ka mea nui o ke akua, ‘o ia ka mea
nui. ‘O ka ho‘oha‘aha‘a i ka na‘au, ka hikaho‘omana‘o i ke kuleana hana a me ka
mana‘olana i ka ‘ike ‘ia o ka hopena maika‘i, ‘o ia kekahi mau ‘ao‘ao o ka ‘ike
pili‘uhane. ‘O ia nā ‘ao‘ao o ka pule waha ‘ana, e like me ko nā la‘ana noi‘i ‘ē a‘e,
a me ka pule ma ka na‘au o ke kanaka e like me ko ka la‘ana hānai ‘ohana o‘u.
Ua pa‘a ia‘u ka ‘ike no ka pule ‘ana ma ka ‘ohana nō, ma ka pule ‘ohana a ma ka
‘ekalesia pū nō ho‘i kekahi.
‘O kekahi ha‘awina nui i a‘o ‘ia ma ka ‘ohana, ‘o ia ka noke i ka mālama i
ka maluhia, a ua loa‘a ka maluhia ke ho‘omanawanui i nā hana ho‘ohuhū a
ho‘onāukiuki. ‘O ka hemahema na‘e o ia ‘ano ho‘omanawanui loa ‘ana, ‘o ia ka
hiki aku i ka palena pau o ka ho‘omanawanui a puka mai ka huhū. Inā e maka‘ala
mau i ia palena pau, ‘a‘ole nō pilikia nui, a ua hiki ke hua mai ka hopena maika‘i.
222
‘O ka hopena maika‘i ka mea nui ma ka hana ho‘oponopono, ka hiki ke mālama i
ka maluhia ma ke kāohi ‘ana i nā ha‘awina ho‘ohemahema o ka na‘au a kō ka
ho‘oponopono ‘ana.
Na ko‘u mau mākua i a‘o mai no ka mākau nīnau, i mea hu‘e i ka ‘ikepili.
Ma kā lāua nīnau mai iā māua ‘o ko‘u kaikunāne ma ka wā ho‘oponopono, pēlā
māua i a‘o ai no ia ki‘ina a i ho‘ohana aku ai i ia ki‘ina ma ke o‘o ‘ana. Ua
ho‘ohana wau i ia ki‘ina ma ke alaka‘i ‘ana i ka Mahiki ma ka ho‘oponopono ‘ana
ma ka ‘ohana a ma ke kula pū kekahi.
He mau kumuho‘ohālike ko‘u mau mākua o ke alaka‘i maika‘i. ‘Oiai ua
‘oko‘a kā lāua ki‘ina alaka‘i kekahi mai kekahi, ua like nō lāua ma ka hō‘ike
mōakāka ‘ana mai i nā hi‘ohi‘ona o ia mākau. He mea nui ka ‘ike a me ka hana
pono; e ‘imi a ho‘okō i ka hana me ka ‘oi kelakela; e kōkua a no‘ono‘o iā ha‘i;
‘a‘ole e hā‘awipio; a e hana me ka no‘ono‘o ‘ole iā ‘oe iho. Inā nō e hemahema
ma ke alaka‘i ‘ana, e ili nō ka hopena o ia hemahema ma luna o ia kanaka
alaka‘i, a nāna nō e ‘auamo i ia hopena. Na lāua i hō‘ike mai no ka mea nui o ka
maka‘ala i nā hō‘ailona o ka pilikia. Pēlā e ho‘ālo ai i ka loa‘a o ka pilikia. ‘O nā
ha‘awina ho‘oponopono ‘ohana ke kahua ‘ike i ulu ai ko māua ‘o ko‘u kaikunāne
mākau alaka‘i ma ke ‘ano laulā.
Ua ulu ka hana ho‘oponopono ma Nāwahīokalani‘ōpu‘u ma ka ho‘ohana
‘ana i ia mau ‘ike a pau. Ua komo pū mai nā kumu ‘ē a‘e i ia mau hana ma Hilo
Kaona. ‘Oiai he mau Hawai‘i ka nui o nā kumu i ia wā, ua komo ma ka hana
ho‘oponopono me ka maopopo no ka waiwai o ia ki‘ina Hawai‘i no nā haumāna,
223
nā ‘ohana a me nā kumu nō ho‘i kekahi. “Ma ka hana ka ‘ike.” Pēlā i pa‘a ai iā
māua ‘o ko‘u kaikunāne ka ‘ike no ka ho‘oponopono, a pēlā i pa‘a ai i nā kumu,
nā haumāna, a me nā ‘ohana mai ia wā mua mai i ‘ike ‘ia ai ka mo‘oki‘ina
ho‘oponopono ma Nāwahīokalani‘ōpu‘u a hiki loa mai i kēia wā.
Ma muli o ka pō‘aiapili kula, ua mohala mai ka mo‘oki‘ina ma kekahi ‘ano i
‘oko‘a i ko ka ‘ohana a i ko kekahi mau pō‘aiapili ‘ē a‘e pū paha kekahi. ‘O ke
A‘oa‘o Laulā a me ka ho‘ohana ‘ana i ka Chapter 19 nā māhele i ‘oko‘a ai ka
mo‘oki‘ina kula. He ki‘ina ke A‘oa‘o Laulā i ka ho‘olaha ‘ana i ka ha‘awina nui i
‘ike ‘ia e ka mea lawehala a me nā kānaka i komo pū mai ma ka ho‘oponopono
‘ana. He ho‘oulu pū ke A‘oa‘o Laulā i ke kuana‘ike o ka hikaloi, ‘a‘ole e
ho‘ohalahala a ho‘oki‘eki‘e ma luna o nā hoa kānaka, inā nō he haumāna a i ‘ole
paha he kumu a limahana paha. ‘O kekahi ‘oko‘a ke koina hahai i nā lula aupuni i
ka Chapter 19 ke loa‘a ka pilikia ma nā kula aupuni a pau, a pēlā i loa‘a ai ia
māhele hana ma ka mo‘oki‘ina kula. Ma waho a‘e o ia mau māhele, ua pa‘a mua
nā ‘anu‘u a me nā pae hana nui nō ho‘i o ka hana ho‘oponopono i ko ke kula
mo‘oki‘ina.
‘Oiai ua kālele kēia pepa ma luna o ka mo‘oki‘ina ho‘oponopono ma
Nāwahīokalani‘ōpu‘u, he pili nō ka hana ho‘oponopono Hawai‘i i nā pō‘aiapili like
‘ole a pau o ka nohona kanaka. Inā nō ma ka ‘ohana, ma kahi ‘oihana, a i ‘ole
paha ma nā wahi ho‘oluana a ho‘ohau‘oli pū kekahi. ‘O ka mālama ‘ana i ka
pono, ‘o ia ka no‘ono‘o me ka hana e maluhia ai ka nohona ‘ohana a me ko ke
kaiāulu. I ka wā ma mua, inā nō i mālama ‘ole ‘ia ka pono, ua mana‘o ‘ia ia hana
224
he ho‘onāukiuki i nā ‘aumākua.xxviii ‘O ka ho‘omaopopo mau i ka pilina a ka hana
a ke kino a me ka ‘ike pili ‘uhane, ‘o ia ia mea he kuana‘ike ku‘una mai ka wā ma
mua. I loko nō o ka loli o ke au, he ko‘iko‘i ka hiki ke ho‘oulu i ia kuana‘ike ma
waho a‘e o ka honua kula i laha aku ma ke kaiāulu. E ho‘omākaukau a e
ho‘okino ‘ia ia mākau a na‘auao ku‘una no nā mamo Hawai‘i a me ko Hawai‘i a
pau.
He kōkua ka ‘imi ‘ana i nā kaiā‘ōlelo Hawai‘i ‘ē a‘e i loa‘a ka po‘e hoihoi i
ka ho‘ohana ‘ana i ka mo‘oki‘ina ho‘oponopono. He hoihoi pū nō ho‘i ka ‘imi ‘ana i
nā pō‘aiapili ‘ē a‘e e mālama ‘ia ai ka hana ma‘amau ma ke kuana‘ike Hawai‘i. He
mea nui ka pa‘a o ke kuana‘ike Hawai‘i a me ka lōkahi i waena o ka po‘e. Akā,
inā ua pa‘a ia mau ‘ao‘ao a me ka mālama ‘ana ma ka ‘ōlelo Hawai‘i kekahi, e ulu
ana ka mole pa‘a o ka hana ho‘oponopono, he ‘ike ku‘una maoli e ola nei i kēia
wā.
He pili pū ka hana ho‘oponopono Hawai‘i i nā lāhui ‘ē i noho ma Hawai‘i
nei no nā hanauna he nui a i lilo ho‘i i po‘e kama‘āina. Ua hele a ma‘a ia mau
kānaka i ka mo‘omeheu ‘ōiwi o Hawai‘i nei. Ua hānai ‘ia kā lākou mau keiki ma
‘ane‘i, a ua male pū i ka Hawai‘i. No ia kumu i ulu ai ka ‘ike a me ke aloha i
nā hana Hawai‘i, a ua komo aku ka ‘ike no nā hana ku‘una Hawai‘i. He waiwai ka
hana ho‘oponopono no ia mau kānaka ma muli o ko lākou kuana‘ike no ka ‘āina
a me ka Hawai‘i.
‘O ka ‘Amelika ka lāhui ‘ē i ho‘oulu nui i kā lākou lawena a me ka
mo‘omeheu ma Hawai‘i nei. Inā nō lākou e ‘apo i ka ‘ike ku‘una no ka hana
225
ho‘oponopono Hawai‘i, e ‘oko‘a nō paha ka hopena e ‘ike ‘ia me ko Hawai‘i po‘e
kama‘āina. ‘O ka hana ho‘oponopono ma Ke Kula ‘O Nāwahiokalani‘ōpu‘u kekahi
hana e hō‘oia‘i‘o ana i ka hua o ka mālama a me ka ‘imi mua ma ka hana ku‘una
ma mua o ka ‘imi ma nā lula aupuni o ka Chapter 19. He kuana‘ike kula Hawai‘i
ma‘amau ka maka‘ala a me ka mālama ‘ana i ka pono i kēlā me kēia lā. A ke
kupu mai ka pilikia, ua ‘imi i ka mo‘oki‘ina ho‘oponopono piha.
Ma ke ‘ano he ki‘ina ho‘oponopono pilikia, he waiwai ka hana
ho‘oponopono Hawai‘i no ko waho po‘e kekahi. ‘Oiai ua loa‘a nō paha ke ki‘ina
mo‘omeheu no ia hana ma nā lāhui like ‘ole, ua loa‘a pū paha ka waiwai o ko ka
Hawai‘i i ko ia mau lāhui. He kōkua ho‘i ko lākou ho‘omana‘o ‘ana i ko lākou hana
ku‘una, e like ho‘i me ko ka Hawai‘i. He hana ho‘i ia e ho‘oulu hou a‘e ana i ia ‘ike
ku‘una makamae ma ke au hou.
226
Pāku‘ina
English Summary of “Mo‘oki‘ina Ho‘oponopono”: The Continuity of Traditional Hawaiian Conflict Resolution At Ke Kula ‘O
Nāwahīokalani‘ōpu‘u By Kauanoe Kamanā
Candidate for the Ph.D. in Hawaiian and Indigenous Language and Culture Revitalization University of Hawai‘i at Hilo
Chapter One
Overview
Over the past 27 years, the Hawaiian revitalization movement has
continued to prove that traditional Hawaiian culture has a distinctive role in
contemporary Hawai‘i. The establishment of Hawaiian medium education in the
private non-profit ‘Aha Pūnana Leo preschools in 1983 and subsequently in the
K-12 public schools in 1987, has provided a vital context where the culture and
language can once again grow and flourish in Hawai‘i. The school has become a
place where families, teachers and staff rally to bring together and strengthen
Hawaiian culture and language as essential elements of daily life in the home
and in the school. They work as a community to provide an educational
experience that is academically sound and grounded within a Hawaiian
worldview. This Hawaiian worldview as described in the Kumu Honua Mauli Ola
227
(KHMO)xxix educational philosophy is the core of Hawaiian medium education at
Ke Kula ‘O Nāwahīokalani‘ōpu‘u (Nāwahī).
The purpose of this paper is to investigate an example of one traditional
practice that is reflective of the KHMO and relevant to the Nāwahī school
experience. This example is conflict resolution or what is more commonly known
in Hawaiian as “ho‘oponopono.” This study seeks to confirm the presence of
essential traditional Hawaiian cultural features within the contemporary process
of “ho‘oponopono” at Nāwahī. “Ho‘oponopono” traditionally embodies a particular
set of processes that convey distinctive Hawaiian perspectives on correct and
incorrect behavior. These processes are ordered and applied through the trusted
leadership of an individual who is well known within a given community and
considered to be skilled and knowledgable in implementing the “ho‘oponopono”
process. Here I examine the adaptation of “ho‘oponopono” to the school context
at Nāwahī with attention to Nāwahīʼs history and aspects of Hawaiian identity
relative to the process of “ho‘oponopono” as practiced in the Hawaiian home and
Hawaiian church.
The overall development of this paper involves: 1) the research and
analysis of “ho‘oponopono” as described in primary written sources and my
personal upbringing, 2) the description of the system of “ho‘oponopono” at
Nāwahī, 3) a review of all recorded examples of “ho‘oponopono” at Nāwahī, 4)
an analysis of selected examples of conflict and stages of resolution, 5) the
presentation of exemplary cases of “ho‘oponopono” at Nāwahī, 6) an analysis of
228
common factors found in traditional “ho‘oponopono” in the family and church, and
finally, 7) a comparison and analysis of common traditional features found in
“ho‘oponopono” as practiced in the family, the church and at Nāwahī.
As director of the laboratory school program of the University of Hawai‘i at
Hiloʼs College of Hawaiian Language, Ka Haka ‘Ula O Ke‘elikōlani, and on-site
director at Nāwahī, my responsibility is to assure that the school culture and
academic curriculum reflect values and principles outlined in the Kumu Honua
Mauli Ola philosophy. This guiding philosophy serves as a grounding influence
that ensures traditional understandings and encourages perseverance and
overall program growth. It also provides a theoretical and practical framework
upon which day to day decision-making and actual application can be carried out.
It also serves as a grounding influence that ensures traditional understandings
and encourages perseverance and overall program growth.
Chapter Two
History of the First Incidence of “Ho‘oponopono” at Nāwahī
In the school year 1984-1985, an initial incident of student misbehavior
prompted systematizing the practice of “ho‘oponopono” at Nāwahī. This incident
expanded the understanding of “ho‘oponopono” at the school and formalized the
participation of individuals as members of the collective Nāwahī school
community. The resulting system of “ho‘oponopono” came to be termed, a
“mo‘oki‘ina ho‘oponopono.” The word “mo‘oki‘ina” is defined as “routine”xxx but it
is used here to describe an approach to strengthening traditional understandings
229
and practices. In this case, those understandings and practices relate to
“ho‘oponopono.” The process involves a set of individuals who work together as
a group in achieving resolution. Like all “mo‘oki‘ina” at Nāwahī, “ho‘oponopono”
is practiced in a designated area. For “ho‘oponopono” the entire school property
is considered that designated area.
The “mo‘oki‘ina ho‘oponopono” came about spontaneously because of an
immediate need to correct inappropriate student behavior. This spontaneous
system became effective because teachers trusted the leadership and were
united in purpose. Students were also knowledgable of and accustomed to
culturally determined consequence despite there being no structured system at
Nāwahī prior to the formulation of the “mo‘oki‘ina ho‘oponopono.” Students,
teachers and families acquired a sense of awareness in terms of “ho‘oponopono”
because of the day-to-day school interaction, which provided on-going
opportunities to practice and learn basic fundamentals of Hawaiian culture and
values.
In order to assure the vitality of culture and language at Nāwahī, it has
been my responsibility to implement and assess systems like the “mo‘oki‘ina
ho‘oponopono” as strategies to actualize and monitor cultural well-being. It is
through vital cultural grounding and community well being that a sound Hawaiian
academic curriculum and pedagogy has developed at the school. Identifying,
managing and addressing problems whether complex or simple, are skills
integral to the revitalization of Hawaiian language and culture as well as to the
230
basic functioning of a school. In the specific context of the “mo‘oki‘ina
ho‘oponopono”, I have assumed the leadership role in resolving major issues of
conflict resolution and through those efforts provide mentorship for teachers,
staff, families and students. These experiences cultivate Hawaiian perspectives
on personal responsibility and its relevance to understanding the importance of
the greater good.
Chapters Three and Four
Literature Review on Conflict Resolution & Personal Upbringing
There are three highly reputable academic studies of traditional Hawaiian
“ho‘oponopono,” written between 1959 and 1975 by scholars who collected and
analyzed data while working among practitioners of “ho‘oponopono.”
Mary Kawena Pūku‘i, a Hawaiian known widely for her perseverance in
documenting the living culture of the Hawaiian people published two volumes of
the book Nānā i ke Kumu,xxxi which describes the essential elements of the
process of “ho‘oponopono.” The contents of this book exhibit the depth of her
knowledge of language and culture and document actual examples of family
“ho‘oponopono” as collected by staff working at the Queen Lili‘uokalani Childrenʼs
Center (‘o QLCC). Pūku‘iʼs intention was to write a book that would become a
useful resource for staff members who would continue to work among Hawaiian
people. This book provides clear examples and native speaker facility in the use
of Hawaiian terminology. Pūku‘iʼs capability in this area sets her work apart, as
231
language roots the process of “ho‘oponopono” within traditional Hawaiian
understandings.
The remaining two resources are doctoral dissertations: 1) The Hawaiian
Church of the Living God: An Episode in the Hawaiianʼs Quest for Social Identity
written by Darrow L. Aiona in 1959, and 2) Status and Conflict: An Ethnographic
Study of an Independent Hawaiian Church written by John Peterson in 1975.
They both include descriptions of “ho‘oponopono” as used in particular Hawaiian
denominations that blend western and precontact native Hawaiian religious
beliefs. Aionaʼs research took place at Ka Mauna O ‘Oliveta Church on O‘ahu
and Petersonʼs at Ieruselema Pomaika‘i Church on Moloka‘i. “Ho‘oponopono”
was not the focus of these two works, but both included substantial data on the
use of “ho‘oponopono” in the church context that proved valuable in my research.
Most of my personal experience with “ho‘oponopono” has come from the
teachings I received in being raised in an immediate and extended family with an
exceptionally strong native Hawaiian identity. In accordance with the traditional
saying, “Ma ka hana ka ‘ike,” ʻone learns by doingʼ, I acquired an inherent
understanding of what is “pono” or “goodness, uprightness, and well-being” and
what is not “pono” through my first hand experience with my family. In November
2009, I spent four days with by brother Creighton interviewing him and recording
our recollections of “ho‘oponopono” in our family. Both our parents were born in
1911, my brother in 1938 and I in 1951. Being raised in a strong Hawaiian family
provided the sound foundation upon which our individual Hawaiian identities were
232
developed. As one of the last in my generation of cousins, I was fortunate to have
older relatives who maintained Hawaiian traditional customs as everyday
behavior. Although my brother and I were 13 years apart, we found that our
parents, aunties and uncles still maintained the same principles of “pono” in
raising the two of us.
Our collection of stories provided basic information that showed cultural
patterns that align with those described in the three studies mentioned above.
Although our family experiences were not formalized in the same way as the
cases of “ho‘oponopono” described by Pūku‘i, Aiona and Peterson, they did show
how our parents fulfilled their distinct roles and values similarly as they utilized
“ho‘oponopono” with my brother and myself. Our parents exercised clear
authority and implemented the process in ordered stages. Ultimately,
accountability, respect and a renewed sense of “pono” were instilled as a result.
Chapters Five and Six
The System of Conflict Resolution at Nāwahīokalani‘ōpu‘u
The process of “ho‘oponopono” originates in the Hawaiian family, and the
historical adaptation to the church context shows that it can be an effective
process used outside the family context as well. The first incidence of
“ho‘oponopono” at Nāwahī in 1994 reflected a family-like relationship between
teachers and students and succeeded in restoring “pono.” It also established the
core features of the “mo‘oki‘ina ho‘oponopono” that has evolved at the school
under my leadership.
233
Table 6.1 below shows the essential and supporting stages of the
“mo‘oki‘ina ho‘oponopono” including interpretive descriptions of each of the
essential stages.
Table 6.1
Process Description
A. Problem is Observed• Any individual who observes an infraction determines an appropriate response. •Observed infractions may be addressed immediately through action and communication.
E. Aspects of Communication
•Determine who else should be involved, student may be taken to the main office.•Teacher/Staff resolve or conflict brought to the attention of the administrators. •Determine whether family is contacted immediately or at completion of the process. •Communicate with those involved in the problem and others as necessary.
I. Discussion Meeting 1. Spirtual Acknowledgement 2. Establishment of Purpose 3. Removal of Layers of Problem a. Maintain Maximum Level of Truth e. Maintain Control of Emotions i. Question/Uncover hidden thoughts/Advise o. Confess/Forgive u. Spiritual Acknowledgment
•Christian prayer requesting help in leadership, in overcoming obstacles in the process, and in strengthening those involved in the conflict resolution process. •Confirm a clear understanding of purpose amongst participants. •Maintain sense of calm in identifying the core of the conflict at hand by addressing and removing individual problems as layers that ultimately reveal the core issue.
O. Restitution•All participants successfully complete the conflict resolution process.•Plan and fulfill an act of restitution as necessary.
U. Advice for Broader Group
•Confirm and advise as to the major outcome learned from the conflict resolution to broaden the school's understanding while at the morning gathering of the entire school (Piko). •Expressions of confession and forgiveness are conveyed at the morning Piko, an understood facet of restitution.
H. Physical Expression of Closure•After dismissal at the Piko, individuals may physically express closure with those who conveyed feelings of confession by offering a handshake or embrace.
K. Advice/Confirmation•Communicate with the offender's family after all stages of the conflict resolution are complete. •Confirm among all involved a clear understanding of any/all unresolved details/activities.
L. Chapter 19
Education's rules of discipline.•Provide information to the student, family and the school community to help participants understand how consequences according to Chapter 19 relate to principals of the school's "mauli ola" system of conflict resolution.
M. Closure•Confirm that people's physical behavior and spiritual understanding support the integrity of the process, thereby signifying closure.
234
Decision-Making Framework
The Kumu Honua Mauli Ola philosophy guides all decision-making at
Nāwahī. The faculty, staff, students and families strive to align day-to-day
instruction and behavior with those philosophical principals. In my leadership role
in conflict resolution, it is my responsibility to utilize particularly Hawaiian skills
and knowledge about the process in order to facilitate my decision-making during
each new episode of conflict. A leaderʼs clear understanding of “pono” facilitates
a positive outcome for each episode of conflict resolution. The prescribed nature
of the process of “ho‘oponopono” at Nāwahī and its flexible control of application
reflects uniquely Hawaiian aspects of decision-making and leadership. The
“mo‘oki‘ina ho‘oponopono” at Nāwahī also incorporates the State of Hawai‘iʼs
disciplinary rules and policies—Chapter 19—as required by law and as
applicable to each incident of conflict resolution. The overall system of conflict
resolution at Nāwahī is founded on the principles of the Kumu Honua Mauli Ola
and strives to perpetuate traditional Hawaiian understandings in the
contemporary context of the State public school system.
Chapters Seven and Eight
Examples of Conflict Resolution at Nāwahīokalani‘ōpu‘u
Between the spring semester 1996 and the fall semester 2009, I kept a
folder of notes that I collected on incidences of “ho‘oponopono” at Nāwahī. I have
notes on 87 examples of “ho‘oponopono” during that period of time.
235
Table 7.1 below shows the 87 examples collected during the fall semester
(F) and the spring semester (Sp) of the corresponding school year.
Table 7.1
The criteria used to analyze the examples were: 1) the amount and quality
of information contained in the notes, 2) the severity of the offense, and 3) the
number of stages completed in the resolution process. After reviewing all 87
examples, all but 15 were eliminated due to the paucity of information contained
in the notes. Those fifteen were individually analyzed using the following criteria:
1) the essential core of information was extracted and compared, 2) a
quantitative rating was established to reflect the severity of the targeted offense,
School YearNumber of Examples
Sp96 - Sp98 4
F98 - Sp99 5
F99 - Sp00 5
F00 - Sp01 6
F01 - Sp02 13
F02 - Sp03 19
F03 - Sp04 15
F04 - Sp05 7
F05 - Sp06 3
F06 - Sp07 4
F07 - Sp08 2
F08 - Sp09 4
Total 87
Examples of Conflict Resolution at
236
and 3) the discrete number of stages was determined for each resolution
process.
Table 7.7 below shows all 15 examples and the corresponding stages of
resolution completed. It is designed to show the presence of patterns indicative of
traditional Hawaiian “ho‘oponopono” at Nāwahī.
Table 7.7
After reviewing all 15 examples, three examples that ranked high in terms of
overall quality as exemplars of the process. Table 7.9 below shows the complete
information on those three exemplars.
! met
" not metRecognizeProblem
ImplementCommunication
Discussion Meeting
Confess/Forgive
RestitutionAdvice at
Piko
1 ! ! ! ! ? !2 ! ! ! ! ? !3 ! ! ! ! ? !4 ! ! ! ! ? !5 ! ! ! ! ! !6 ! ! ! ? ? "7 ! ! ! ! ! "8 ! ! ! ! ! "9 ! ! ! ! ! !
10 ! ! ! " ? "11 ! ! ! ! ! !12 ! ! ! ! ! !13 ! ! ! ! ! !14 ! ! ! " ? !15 ! ! ! ! ? "
Stages of Resolution
Ex
am
ple
s
Examples of Conflict and Stages of Resolution
237
Table 7.9
Of those three, exemplar number five (#5) was selected and described in
further detail. All three exemplars documented student accountability, the unity
and quick response of the faculty and staff and the cooperation and support of
families. However, the factor that sets #5 apart is the way in which one set of
parents chose to show remorse for the actions of their child. After participating
completely in the “mo‘oki‘ina ho‘oponopono” process, they invited the family of
the other student to dinner at their home. This voluntary gesture speaks to a vital
understanding of “ho‘oponopono” within the family, an ideal that continues to be
fostered through the on-going practice of “ho‘oponopono” as a viable way to unite
school and family.
Example Number
DescriptionClosureFulfilled
Length of Process(Days)
Level of Difficulty
Total Pgs.of Data
Total Pgs. of Main
Data
Number of Stages
Completed
5 student fight yes 2 3 11 5 6
1 parent fight yes 8 3 8 4 5
9alcohol
consumptionyes 3 3 3 1 6
Description of Exemplary Conflict ResolutionE
xa
mp
les
238
Chapter Nine
Common Factors Found in Research Data on Traditional
Conflict Resolution
As described by Pūku‘i, Peterson and Aiona, the practice of Hawaiian
“ho‘oponopono” originated within the family, and was subsequently practiced in
other Hawaiian contexts such as the Hawaiian church. There are several
common factors between the use of “ho‘oponopono” in the family and the church.
Table 9.4 below shows those factors found in “ho‘oponopono” as described by
Pūku‘i, Aiona and Peterson as well as those consistent with my personal
upbringing.
As a Hawaiian process, “ho‘oponopono” requires a set of skills and
knowledge in order to successfully unravel problems and regain a state of “pono”
in the minds and hearts of people within a community. The conscious
understanding of Hawaiian thinking and behavior much like that described in the
KHMO, underlies all decision-making and cooperative efforts put forth by
participants. There needs to be a clear sense of what is Hawaiian about
“ho‘oponopono” and how individual roles reflect that sense of understanding.
With such an understanding, individuals are able to work interdependently
whether in a leadership or supportive role and collectively help facilitate an
overall successful outcome.
239
Table 9.4
A key factor of “ho‘oponopono” is a collective sense of spirituality and
trust. The leader uses skills and knowledge in a way that focuses the discussion
on a clear and relevant purpose. The spirit of the discussion is one that
encourages truth and self-control, thereby enabling the leader to pose questions
that are meant to help individuals express themselves more fully. This
information will help the leader unravel problems and provide meaningful advice.
1 All involved see the value of carrying out
2 The majority of all participants are ethnic Hawaiians.
3 appropriate Hawaiian skills and knowledge.
4 Prayer and spiritual connectedness are understood as
5
The leader:•Explains the focus/fundamental purpose
to participants.•Encourages truthfulness
•Encourages self-control and calmness•Uses questioning to bring clarity and to
give advice.
6 Seek ways to unravel problems at both the surface and deep levels.
7 The leader guides participants in the process of confessing and forgiving.
8 The leader guides and assures the fulfillment of restitution as appropriate.
Common Factors Found in Traditional Conflict Resolution
240
At the appropriate time, the leader guides confession, forgiveness and the
fulfillment of restitution as necessary.
The relationship between leader and participants reflects the core values
and principles learned first in the Hawaiian family and practiced in the school
context. The trust among leader and participants encourages interpersonal
respect, accountability, and willingness to cooperate. This relationship facilitates
a successful outcome and is especially crucial when the infraction is serious.
The above factors are found in all of the traditional examples described in
the literature cited, in the example of my personal upbringing and in the system of
conflict resolution at Nāwahī as previously described in Table 6.1 above. Despite
the change of context and variation in time and generation of participants, the
essential elements of traditional Hawaiian “ho‘oponopono” are evident and
vibrant in the “mo‘oki‘ina ho‘oponopono” at Nāwahī.
241
Papa Kūmole Aiona, Darrow. 1959. The Hawaiian Church of the Living God: An Episode in the
Hawaiianʼs Quest for Social Identity. M.A. Thesis, University of Hawaii. Handy, E. S. Craighill, and Mary Kawena Puku‘i. 1998. The Polynesian Family
System in Ka‘u, Hawai‘i. Honolulu, Hawai‘i: Mutual Publishing. Kōmike Hua‘ōlelo: Hale Kuamo‘o and ‘Aha Pūnana Leo. 2003. Māmaka Kaiao: A
Modern Hawaiian Vocabulary. 1996; 1998; 2000 ed. Honolulu: University of Hawai‘i Press.
Peterson, John. 1975. Status & Conflict: An Ethnographic Study of an
Independent Church. Dissertation. University of Hawai‘i. Pukui, Mary Kawena, E. W. Haertig, and Catherine A. Lee. 1972, 1979. Nānā i ke
Kumu: Look to the Source. Vol. 1. Honolulu: Hui Hānai, an auxiliary of the Queen Lili‘uokalani Children's Center, http://hawaiidigitallibrary.org/elib/cgi-bin/library?c=qlcc1&l=en; http://hawaiidigitallibrary.org/elib/cgi-bin/library?c=qlcc2&l=en.
Pukui, Mary Kawena, E. W. Haertig, and Catherine A. Lee. 1972, 1979. Nānā i ke
Kumu: Look to the Source. Vol. 2. Honolulu: Hui Hanai, an auxiliary of the Queen Lili‘uokalani Children's Center, http://hawaiidigitallibrary.org/elib/cgi-bin/library?c=qlcc1&l=en; http://hawaiidigitallibrary.org/elib/cgi-bin/library?c=qlcc2&l=en.
Pukui, Mary Kawena, and Dietrich Varez. 1983. ‘Ōlelo No‘eau: Hawaiian
Proverbs & Poetical Sayings. Bernice P. Bishop Museum Special Publication. Vol. 71. Honolulu, Hawai‘i: Bishop Museum Press.
‘Aha Pūnana Leo, Inc. Ka Haka ‘Ula O Ke‘elikōlani, Ke Kulanui o Hawai‘i ma Hilo. 2009. Kumu Honua Mauli Ola: He Kālaimana‘o Ho‘ona‘auao ‘Ōiwi Hawai‘i A Native Hawaiian Educational Philosophy Statement. Trans. English: William H. Wilson, Ph.D., Kalena Silva, Ph. D., Keiki Kawaia‘e‘a, and Nāmaka Rawlins Japanese: Yumiko Ohara, Ph.D. French: Sylvie Garnero. Spanish: Suzette Ridolfi. Vol. 1.
Charlot, John. 2005. Classical Hawaiian Education: Generations of Hawaiian
Culture; Moses Kuaea Nākuina: Hawaiian Novelist; and Approaches to the
242
Academic Study of Hawaiian Literature and Culture. the Pacific Institute, Brigham Young University-Hawai‘i Campus, Lā‘ie, Hawai‘i, 2005. CD-ROM..
Chapter 19: Student Misconduct, Discipline, School Searches and Seizures,
Reporting Offenses, Police Interviews and Arrests, and Restitution for Vandalism; Hawaii Administrative Rules, Title 8, Department of Education, Subtitle 2, Education, Part 1, Public Schools, Chapter 19; http://lilinote.k12.hi.us/PUBLIC/ADMINR1.NSF/85255a0a0010ae82852555340060479d/4996c004afd7cbaf0a25675f006efbd9?OpenDocument
Sheldon, J. G. M. 1908; 1996. Ka Puke Mo‘olelo o Hon. Iosepa K. Nāwahī,
Editor. J. G. M. Sheldon. Honolulu Bulletin Publishing Company, Ltd.; Hong Kong: Like, E.L.; Prendergast, J.K.
243
Nā Kūhia o Hope i (Handy and Pukui 1998, 183) ii (Handy and Pukui 1998, 194) iii (Pukui, Haertig, and Lee 2001, 1979, 78) iv (Pukui and Varez 1983 #2088, 227) v Ua mohala mai ka nu‘ukia ma ke kula ma Hilo Kaona i mea e ho‘omana‘o ai no ke kuleana o kākou ma ka hāpai mau i ka ‘ōlelo a me ka mo‘omeheu i luna, a me ka ho‘ohana ‘ana i ka ‘ike a me ka na‘auao ma ko kākou ‘āina aloha ‘o Hawai‘i. vi (Pukui, Haertig, and Lee 1972, 1979) vii (Pukui, Haertig, and Lee 1972, 1979) viii (Aiona, Darrow 1959, 1) ix (Aiona, Darrow 1959, 5) x (Aiona, Darrow 1959, 69) xi (Peterson, John 1975, 9-10. Na ka mea kākau i hoʻokomo i ka ʻōlelo ma ke kahaapo kihikihi.) xii ʻO ka “Territorial Normal School” kahi e loaʻa ai ka palapala aʻo no nā kumu ma ka makahiki 1896-1931. xiii (Pukui, Haertig, and Lee 1972, 1979, 54-55) xiv ('Aha Pūnana Leo, Inc. Ka Haka 'Ula O Keʻelikōlani, Ke Kulanui o Hawai'i ma Hilo 2009) xv ‘O kēia ka nu‘ukia o Ka Haka ‘Ula O Ke‘elikōlani, ke Koleke ‘Ōlelo Hawai‘i ma ke Kulanui o Hawai‘i ma Hilo. ‘O ka ‘ōlelo nō ka ma‘awe e pa‘a ai ka mauli o ke kanaka. xvi ʻO kēia ka nuʻukia o Ke Kula ʻO Nāwahīokalaniʻōpuʻu. Ua hoʻoholo i ka hoʻolilo i kēia he paepae kuanaʻike e hoʻomanaʻo ai nā haumāna a me ko ke kula a pau no ka mea nui o ka hoʻi i ko kākou ʻāina ʻo Hawaiʻi nei e kōkua ai i ka ʻohana a me ke kaiāulu no ka pono o nā hanauna hou. xvii (Kōmike Huaʻōlelo: Hale Kuamoʻo and ʻAha Pūnana Leo 2003, 140) xviii (Sheldon 1908; 1996) xix (Pukui, Haertig, and Lee 1972, 1979, 156-157) xx kū‘kā‘oko‘a – ʻO ke kūlana kūʻokoʻa o ke kanaka, ʻaʻohe luna nāna e noho mana ma luna ona. He huaʻōlelo i hōʻike ʻia mai e William Wilson no loko mai o ka moʻolelo ʻo ʻĪwanahō. xxi (Pukui and Varez 1983) xxii (Charlot 2005, 223,232) xxiii mahiki: ‘O ka wehe ‘ia o nā mea ‘ino e hihia ai ka po‘e. xxiv hikaloi: ‘o ka loiloi ‘ana o ke kanaka iā ia iho. xxv (Pukui, Haertig, and Lee 2001, 1979, 48-49) xxvi (Pukui and Varez 1983, #2170) xxvii (Pukui, Haertig, and Lee 1972, 1979, 48) xxviii (Handy and Pukui 1998, 142-143)
244
xxix ('Aha Pūnana Leo, Inc. Ka Haka 'Ula O Ke‘elikōlani, Ke Kulanui o Hawai'i ma Hilo 2009) xxx (Kōmike Hua‘ōlelo: Hale Kuamo‘o and ‘Aha Pūnana Leo 2003) xxxi (Pukui, Haertig, and Lee 1972, 1979)