njohja dhe vetvlerësimi tek adoleshentët
TRANSCRIPT
Si të Sillemi me Adoleshentët 2011
1
ADOLESHENCA
Adoleshenca është periudha jetësore mes fëmijërisë dhe jetës së të rriturit. Nga pikpamja kronologjike,
ajo mund të përfshijë moshat nga 12 deri në 22 vjec, edhe pse është e vështirë të identifikohet
anagrafikisht, për shkak të karakteristikave të shoqërisë në të cilën jetojmë. Në mënyrë pothuajse
ironike mund të përcaktohet fillimi i saj, por jo mbarimi, duke qënë se për arësye të ndryshme sidomos
ekonomike, qëndrimi i “fëmijëve” pranë prindërve zgjatet, dhe në të njëjtën formë dhe varësia ndaj
tyre, dhe finalizimi me hyrjen në boten e të rriturve, bëhet gjithnjë e më i ngadalshëm.. Shpesh herë
janë vetë prindërit që pengojnë rritjen dhe largimin e fëmijëve, të cilët i konsiderojnë përjjetësisht “të
vegjël”.
Adoleshenca, karakterizohet nga një sërë ndryshimesh ne sfera të ndryshme, të cilat përfshijnë të riun
dhe shpesh, shpërbëjnë familjen.
Seksualiteti
Në planin seksual, adoleshenti braktis trupin prej fëmije për një prej të rrituri, duke arritur maturimin
riprodhues. Për disa prej tyre kjo mund të ketë pasoja komplekse sepse i bën të ndjehen të pafuqishëm
përballë “shtrëngatës hormonale”, tipike e kësaj moshe. Në fakt përpjekjet për të kontrolluar impulset
seksuale, krijojnë stres dhe ankth tek adoleshenti. Disa mund të reagojnë duke u përpjekur të fshehin
seksualitetin e tyre, për të zgjatur sa më tepër fëmijërinë, ndërsa të tjerë, në ekstrem, mund të kenë
reagime prej ekzibicionisti, me sjellje dhe veshje prej të “rrituri”, për t’u ndjerë të tillë. Në fakt,
seksualiteti e trëmb dhe njëkohësisht e kuriozon adoleshentin. Komunikimi intim me shokun ose
shoqen e ngushtë shfaqet dhe fizikisht. Të ecurit dorë për dorë, është tipike për vajzat, ndërsa për
djemtë, sjelljet janë më agresive.
Për disa adoleshentë, problemi i seksualitetit është më i theksuar m.q.se, jetojnë me frikën e të qënit
homoseksualë, ose të paaftë për të patur raporte normale. Kjo deri në shfaqjen e figurës së të
dashirit/dashurës, me të cilin/cilën, lindin ndjenjat dhe kontaktet e para, më tepër, për t’i provuar vehtes
aftësitë personale, Për këtë arësye raportet e para janë zhgënjyese, sepse adoleshentët nuk janë akoma
të aftë si emotivisht ashtu dhe fizikisht, për shkak të paqëndrueshmërisë, papjekurisë, etj.
Miqësia
Në këtë periudhë, miqtë janë thelbësorë. Ato nuk janë më shokët e lojës por personat me të cilët
adoleshentët mund të rrëfehen dhe të konfrontohen.Figura e shokut/shoqes së zëmrës fiton një rëndësi
të madhe e cila i jep siguri adoleshentit, si një shembull për t’u imituar, si një model për krijimin e
identitetit personal. Duke qënë tashmë adoleshenti më i clirët në lëvizje, është më i aftë të spostohet
dhe të zgjedhë vetë shoqërinë e cila nuk kufizohet vetëm brënda shokëve të klasës ose fqinjëve, por
Si të Sillemi me Adoleshentët 2011
2
persona që ndeshen në ambiente nga më të ndryshmet. Ekzigjenca për të qënë pjesë e një grupi
bashkëmoshatarësh për të kaluar kohën e lirë, tashmë është primare. Në këtë mënyrë, lindin grupet
informale të cilet dallohen nga ato formale. (klasa, skuadra sportive) sepse nuk menxhohen nga të
rriturit, kështu që zgjaten orët jashtë shtëpisë me miq të qëndrueshëm me të cilët ndahen eksperiencat
dhe suporti.
Të qënët pjesë e një grupi, forcon autostimën me ndjesitë e të qënët të fortë dhe jo vetëm. Të jesh pjesë
e një grupi do të thotë të kesh identitet dhe kuptim si pjestar i tij. Megjithatë, përvec avantazheve të të
qënit pjesë e një grupi ekzistojnë, si për cdo fenomen edhe anët negative, ose anët e “errëta”.
Përkatësia ndaj grupit i bën adoleshentët të ndjehen të mbrojtur dhe për këtë të fuqishëm, faktorë këto
që mund t’i shtyejnë drejt veprimeve në kundërshtim me principet; kjo për të mos kundërshtuar grupin
dhe për të mos ngelur vetëm.
Familja
Ndryshimet adoleshenciale shfaqen në brëndësi të e kontekstit familjar. Adoleshenti, në këtë periudhë,
ka dy eksigjenca në kundërshtim me njëra-tjetrën, nga njëra anë ndjen nevojën për të qënë i mbrojtur
nga familja dhe dëshiron të qëndrojë fëmijë; nga ana tjetër, dëshiron të distancohet dhe të fitojë
autonominë. Familja, duhet të përballojë detyrën e vështirë të vendosjes së ekuilibrit, të negocimit të
distancave interpersonale duke u adaptuar sipas eksigjencave të adoleshentit, gjithnjë duke pyetur
vehten..A jam duke vepruar drejt? Dhe është me të vërtëtë e vështirë, pasi shpesh herë prindërit nuk
dinë se si të sillen, argument ky të cilin do ta diskutojmë më gjërësisht në vijim të kapitullit. M.gj.t.
duke iu rikthyer temës mund të themi se në thelb, prindërit janë të vetëdijshëm që fëmija po rritet, por
akoma nuk duan ta pranojnë. Frika ndaj kërkesave autonome dhe ndryshimi i ndaj një ekuilibri që ka
funksionuar për shumë kohë, mund të jenë disa nga arësyet. Prindi duhet të tregohet aq fleksibëlsa të
mirëpresë kërkesat për mbrojtje dhe autonomi të fëmijës për ta ndihmuar në eksplorimin e
individualitetit pa u ndjerë i vetmuar. Bashkëshortëve tanimë i duhet të bëjnë një “bilanc” të vetvehtes
si prindër, bashkëshortë dhe profesionistë. Adoleshenca e fëmijëve i rikthen prindërit në adoleshencën
e tyre me të gjitha koloritet, ndjenjat dëshirat...gabimet. Sipas disa studimeve, është provuar që
prindërit e një adoleshenti jetojnë një martesë në krizë, subjekt stresi për paaftësinë e të qënit prindër,
kjo edhe për faktin se nuk ndahen me objektivitet detyrat ndërmjet njëri-tjetrit. Nga ana tjetër,
adoleshenti nuk bën dhe aq për të rivendosur harmoninë familjare m.q.se, është gjithnjë në kërkim të
konfliktit dhe vë në diskutim idetë dhe vlerat e prindërve. Këto kontraste, i japin mundësinë
adoleshentit të njohëmë mirë vetvehten, të konfrontojë mendimet e veta dhe të imponojë respektin ndaj
pikpamjeve të tjetrit. Gjithashtu, nëpërmjet konfliktit, adoleshenti, mëson disa aftësi sociale si aftësinë
e të dëgjuarit, komunikimin, negocimin, të cilat do të jenë të domosdoshme për jetën dhe relatat në të
ardhmen.
Identiteti
Adoleshenca pervec ndryshimit të strukturës trupore karakterizohet nga përcaktimi i identitetit.
Dalëngadalë, adoleshenti braktis konceptin mbi vetvehten ndërtuar ngaprindërit për ta zëvendësuar me
vlerësimin e dhënë nga bashkëmoshatarët, për të cilët, janë të rëndësishme, pamja fizike, tërheqja
seksuale, inteligjenca etj. Adoileshenti mund të ndjehet jo shumë i vlerësuar në disa drejtime dhe kjo
mund të krijojë, ankth, frustrim, ose sjellje kompensuese, duke u përpjekur të realizohet në sferat ku
nuk ndjehet i aftë. Shpesh herë, prindërit janë të nxitur për të qënë hiperprotektivë, duke rrezikuar që
adoleshenti të kundërshtojë në mënyrë të tepruar të rriturit. Krijimi i identitetit personal është një
Si të Sillemi me Adoleshentët 2011
3
procedurë që zgjat prej vitesh dhe që ndërtohet përmes eksperimentimit të identifikimit.
Eksperimentimi konsiston në interpretimin e roleve të ndryshme, duke u identifikuar nëpërmjet tyre.
Në të njëjtën kohë duke patur mundësi për të njohur persona të ndryshëm,, adoleshenti mund t’i
observojë, të magjepset dhe t’i imitojë. Eksperimintimi dhe identifikimi mundësojnë një personalitet
me shumë fytyra, të cilat ai mund t’i përdorë suipas ambientit në të cilin ndodhet. P.sh. një djalë që në
shtëpi mund të jetë i edukuar dhe i rezervuar, në shkollë mund të jetë i pa disiplinuar, faktor ky që
shpesh here cudit prindërit. Përmes eksperimentimit dhe identifikimit, adoleshenti mund të njohë
vetvehten, vecmas nga të tjerët; mund të konfrontojë aftësitë dhe limitet personale. Identiteti
përfundimtar është frut i zgjedhjeve dhe sintezave të disa roleve të eksperimentuara të cilat sjellin në
mënyrë të paevitueshme humbjen e shumë mundësive të tjera.
Njohja
Hyrja në botën adoleshenciale, sjell dhe perfeksionimin e aftësive të të arsyetuarit në mënyrë abstrakte,
duke vlerësuar mundësi të ndryshme dhe pasojat e një zgjedhjeje. Këto mundësi janë të pranishme edhe
gjatë zhvillimit të fëmijës, përpara moshës dhjetë vjecare, por pas moshës dymbëdhjetë vjecare, personi
fillon të ndërgjegjësohet për potencialin që zotëron, e vlerëson dhe reflekton mbi të. Kapaciteti për të
reflektuar mbi mendimin personal dhe atë të të tjerëve, i lejon të riut, të marrë në konsideratë mendime
të ndryshme nga të vetat dhe relatat ndryshojnë, duke e kapërcyer fazën egocentrike të periudhës
fëmijërore. Suseset në fushën njohëse, si p.sh rezultatet shkollore, i lejojnë të riut të rrisë
vetëvlerësimin. Aftësia për të menduar sipas Aftësia për të menduar sipas mundësive të ndryshme,
mundëson zhvillimin e pikpamjeve kritike të adoleshentit ndaj realitetit, duke imagjinuar zgjidhje
jetësore idealiste. Shpesh herë, këto mundësi nuk koincidopjnë me projektet e figurave referuese, por
përmes këtyre aftësive të të menduarit zhvillohet individualiteti personal. Të menduarit abstrakt, i jep të
riut mundësinë projektimit të projekteve të ardhshme, dhe marrjen e vendimeve të rëndësishme, sic
janë zgjedhja e shkollës dhe e punës. Maturimi i individit është një proces që zgjat gjithë jetën dhe nuk
përfundon me përfundimin e adoleshencës. Janë eksperienca te përditshme dhe ato të jashtëzakonshmet
të cilat kontribuojnë në zhvillimin afektiv dhe shoqëror. Në fakt bëhet fjalë për një proces të ngadaltë,
mbi të cilin mund të ndalemi dhe të reflektojmë, ndryshe nga adoleshenca, ku ndryshimet janë shumë
dhe ndodhin jashtëzakonisht shpejt.
Seksualiteti
Karakteristika thelbësore e adoleshencës, është transformimi trupor që përfshin kalimin nga trupi i
fëmijës tek i rrituri. Ky transformim, ndryshon raportet me prindërit dhe bashkëmoshatarët e seksit
tjetër. Autoerotizmi, është një tjetër fenomen i kësaj periudhe, i cili kundërshtohet nga shumë
edukatorë, për faktin se rrezikon raportet dyshe, duke krijuar një farë izolimi. Të tjerë e përkrahin, si
një fenomen për t’u siguruar mbi identitetin personal seksual. Ndërsa gjykimi i adoleshentëve, varion
në bazë të vlerave dhe ambientit kulturor në të cilin janë rritur, duke e përcaktuar si akt normal ose
imoral. Ekzigjenca për t’u rritur, përfshin adoleshentët në lidhje sentimentale të cilat janë një mënyrë,
për të plotësuar nevojën për afeksion apo thjesht clirim i energjive. Mënyra për të konsideruar një
raport hetero-seksual, mbi të gjitha, varet nga vlerat që secili i atribuon raportit mashkull-femër.
Akoma, sot, vërehet që adoleshentët kanë akoma një vizion stereotip të seksualitetit, ku djemtë
kërkojnë lidhje jo impenjative, me gratifikim të menjëhershëm ndërsa vajzat lidhje të qëndrueshme
dhe romantike.Megjithtë, shpesh herë, stereotipet, në të vërtetë janë larg realitetit, m.q.se, zgjedhjet e
gjithsecilit, variojnë siopas prespektivës së secilit dhe presionit të moshatatëve. P.sh, shumë
adoleshentë, kanë një hapësirë veprimi të kufizuar, në vecanti vajzat, të cilat për arësye etnie apo
Si të Sillemi me Adoleshentët 2011
4
besimi janë shumë të kontrolluara nga familja. Nga ana tjetër, qëndrojnë adoleshentët që kanë rapote të
parakohshme për shkak të presionit të grupit. Gjithashtu, adoleshentët e sotëm perceptojnë mesazhe
kontradiktore mbi seksin ku; televizioni, publiciteti, shtypi dhe bashkëmoshatarët nxisin permisivitetin,
ndërsa; prindërit dhe edukatorët inkurajojnë kujdesin dhe frenimin. Adoleshenti, tashmë ka arritur
maturimin biologjik por nga pikpamja sociologjike ai konsiderohet akoma një qytetar drejt formimit të
përgjithshëm ( si në planin shkollor, ashtu dhe kur fillon integrimi në punë). Si rrjedhojë, m.gj.se i riu,
edhe pse është i aftë të shprehë seksualitetin e tij, nuk është i gatshëm të përfshihet në një raport
martesor, sepse nuk është i gatshëm për një përgjeqësi të tillë.
Mundësia e zgjedhjes së partnerit në mënyrë të vetëdijshme dhe eksperimentimi i një lidhjeje të
qëndrueshme shfaq një sërë avantazhesh si : afrimitetin me personin e zhgjedhur me të cilin mund të
ndash mendimet, të qënit i mbështetur në castet e vështira dhe i inkurajuar drejt vetëvlerësimit. Mbi të
gjitha, e rëndësishme është, gjetja e ekuilibrit mes ngrohtësisë dhe seksualitetit. Në rastin kur i riu nuk
mund të zgjedhë lirisht por ndjehet i diktuar nga familja, mund të tentojë drejt agresivitetit duke qënë i
paaftë për të marrë përgjegjësi dhe si rrjedhim të mos ndjehet i vlerësuar. Në të kundërt, permisiviteti i
tepruar mund t’i krijojë adoleshentit idenë e partnerit si dicka “njëpërdorimshe” e të pa vlerë që mund
të merret me forcë. Ky lloj vizioni ka si rezultat, sjelljen joshëse të vajzës dhe përgjegjen e
detyrueshme të djalit sipas llogjikës personale. Një tjetër pasojë e dhimbshme gjatë adoleshencës është
dhe zbulimi i homoseksualitetit, i cili sipas vlerave, kulturave apo diagnozave klinike, klasifikohet herë
si sëmundje, herë si zgjedhje personale dhe herë si faktor biologjik. Por pavarësisht nga identiteti, e
rëndësishme është që mbi gjithcka t’i drejtohemi ndjenjës humane dhe të lëmë mënjanë paragjykimet,
në trajtimin e këtyre rasteve
Zhvillimi Fizik
Adoleshenca karakterizohet nga kalimi fiziologjik i fëmijës tek i rrituri.Kjo fazë quhet pubertet,
karakterizohet nga rritje e menjëhershme dhe konseguencat e saj, janë si më poshtë:
- Rritja e gjatësisë; mund të variojë nga shtatë deri në pesëmbëdhjetë centimetër, për djemtë dhe
nga gjashtë deri në njëmbëdhjetë centimetër për vajzat. Gjatësia fillon të rritet nga mosha dhjetë
–gjashtëmbëdhjetë vjec për djemtë dhe nga tetë deri në katërmbëdhjetë për vajzat. Pas
kulminacionit të rritjes, subjektet vazhdojnë të rriten, me ritëm të ngadalësuar deri në moshën
tetëmbëdhjetë vjec.
- Rritja e peshës; manifestohet pas ritjes së staturës dhe në përfundim adoleshenti ka dyfishin e
peshës që kishte në fillim të fazës së rritjes.zhvillimi i muskujve dhe koclave sjell dhe shtimin e
masës së dhjamosur.
- Zhvillimi i organeve gjenitale; tek meshkujt fillon në moshën katëmbëdhjetë deri në
shtatëmbëdhjetë vjec. Tek femrat, zhvillohen organet gjenitale dhe riprodhuese.
- Zhvillimi i karakteristikave seksuale; tek meshkujt konsiston në mbullimin e qimeve në gjithë
trupin, zgjerimin e laringut dhe zgjatjen e kordave vokale me rrjedhojë zbritjen e tingullit te
Si të Sillemi me Adoleshentët 2011
5
zerit deri në një oktavë. Tek femrat karakteristike janë rrumbullakësia e bacinit, rritja e gjoksit,
rrtija e qimeve në zonat pubike e ashelare, etj.
Në vëndet e induatrializuara, është vënë re një përshpejtim i ritmit të zhvillimit të fëmijëve, tek
adoleshentët që në krahasim me shekujt e kaluar. P.sh, gjatësia e adoleshentëve të moshës
gjashtëmbëdhjetë vjec, është dhjetë centimetra më superiore se gjatësia e adoleshentëve të shekullit të
kaluar.Gjithashtu, është vërejtur një zhvillim i parakohshëm seksual në krahasim me vëndët e pa
zhvilluara. Gjithsesi supozohet se ky fenomen nuk do të evulojë pambarimisht, pasi janë verejtur fazat
e ndalimit në Shtetet e Bashkuara dhe Europën Perëndimore.
Influenca Psikollogjike në zhvillimin seksual; Rritja trupore në moshën adoleshenciale nuk
interpretohet nga të gjithë në të njëjtën mënyrë. Një faktor influencues në jetë është momenti në të cilin
ndodh zhvillimi. Subjekte të ndryshëm ndikojnë që zhvillimi të mos ndodhë në të njëjtën mënyrë tek të
gjithë, sepse Brenda grupit ka individë që rriten para kohe në krahasim me të tjerët. Ja disa nga
ndryshimet dhe pasojat:
- Meshkujt janë të vantazhuar nga zhvillimi I parakohshëm, m.q.se kjo I lejon të kenë një
popullaritet më të madh tek bashkëmoshatarët dhe përgjegjësinë e rolit të lidërit, ndërsa një
zhvillim I mëvonshëm sjell pakënaqësi ndaj trupit, më pak besim, më pak popullaritet.
- Femrat janë të zvantazhuara nga puberteti I parakohshëm, sepse duke u ndjerë të rritura,
perceptohen të tilla edhe në grupet e adoleshentëve më të mëdhenj. Si pasojë, vajzat mund të
fitojnë sjellje devijuese ku mungojnë mjetet njohëse për të vlerësuar ssituatat në raport me
vajzat më të rritura. Sipas disa kërkimeve, vajzat me zhvillim të parakohshëm, braktisin
shkollën, konsumojnë alkool ose duhan, më tepër në krahasim me bashkëmoshataret. Kur ato
arrijnë moshën njëaet e pesë vjecare, nuk kanë sjellje devijuese në rapport me vajzat e moshës
së tyre, por përjetojnë pasojat e sjelljeve të tyre të mëparshme, p.sh. janë më pak të shkolluara,
etj.
Procesi I rritjes, djeg shumë energji të cilat mund të përdoreshin në aktivitete të tjera. Rënia e
rendimentit shkollor në këtë periudhë nuk përbën shqetësim, sidomos nëse rritja ndodh gjatë kalimit
nga shkolla tetëvjecare në shkollën e mesme. Kalimi në shkollën e mesme, është në vetvehte një proces
stresues i cili i bashkangjitet procesit të vështirë të rritjes. Nga ana tjetër identiteti përcakton
diskriminimin e detyrave mashkullore dhe femërore, duke përndjekur dëshira dhe aspirata që janë
tipike të gjinisë. Në europën veriorë ku barazia mes burrit dhe gruas është efektive, kjo
domosdo9shmëri është me e vogël. Në kultura të tjera, si e jona, ku barazia gjinore nuk është arritur
akoma, vajzat gëzojnë një gamë të gjërë zgjedhjesh në krahasim me djemtë si p.sh. mund të veshin
veshje mëshkullore, studiojnë, etj. Nga ana e djemve, vërehet një disponibilitet fleksibiliteti ndaj
prerogativave femërore, sic është joshja pasive.
Puberteti përbën një periudhë të vështirë dhe për ta kapërcyer nevojiten mjete njohëse dhe etike, jo
gjithnjë të disponueshme, nëse zhvillimi ndodh në periudhë të parakohshme. Rëndësi të madhe ushtron
ambienti familjar i cili ndihmon adoleshentin të pranojë ndryshimin. Në plan sekondar qëndrojnë
nashkëmoshatarët, burim konfrontimi dhe ndihme për të reaguar sic duhet ndaj provokimeve, si p.sh
përgjegjet ndaj frazave keqëdashëse. Adoleshentët që nuk kanë mundësi rë frekuentojnë
bashkëmoshatatrët, p.sh..për arësye të integrimit në punë, në një botë të rriturish, mund të kenë
vështirësi në periudhën e rritjes.
Si të Sillemi me Adoleshentët 2011
6
Si të Sillemi me Adoleshentët
Adoleshenca fillon në periudhën e pubertëtit, duke vazhduar pak a shumë , deri në moshën 30 vjec.
Adoleshenca është një fenomen social-kulturor më tepër se biologjik. Sjellja psikollogjike
adoleshenciale, qëndron e pa prekur deri në momentin që individi arrin autonominë. Nëse në shoqërinë,
primitive, rritja dhe riprodhimi bazoheshin në faktorë biologjikë, në një shoqëri komplekse si ajo në të
cilën jetojmë sot, ligjet përcaktuese, janë krejt të ndryshme nga ato që dikton natyra. Karakteristikë
kryesore e adoleshentëve, janë ritualet e vecanta, vëndet e takimit, shenjat njohëse ose dalluese. Këto
sjellje, kanë për qëllim ndërtimin e një identiteti personal të sigurt, dhe në të njëjtën kohë të ndryshëm
nga prindërit. Solidariteti mes të rinjve, është zakonisht mjaft i fortë dhe një faktor determinues në
zgjedhjet e tyre. Në të kundërt, nëse këto zgjedhje do të diktoheshin nga familja do të ishin të
dhimbshme, sidomos nëse do të sillnin dhe ndarjen nga mbrojtja e saj. Edhe kur nuk është e
nevojshme, të rinjtë parapëlqejnë klandestinitetin (fshehtësinë), duke u munduar të shprehin vetvehten
në ambiente ku familja nuk ka akses. Kjo hapësirë, e përcaktuar, “private”, i krijon atyre mundësinë të
ridimensionojnë personalitetin e tyre, duke u konfrontuar dhe njëkohësisht mirëkuptuar me njëri-tjetrin.
Mbi të gjitha, nuk ndjehen të paragjykuar nga të rriturit. Në fakt, jo gjithnjë është e thjeshtë për të
rriturin të krijojë një raport sintonie me adoleshentin, dhe nëse i rrituri dëshiron që ky raport të
funksionojë dhe të mos vërë në lëvizje mekanizmat kundërshtues tek adoleshenti, duhet të punojë në
radhë të parë me vetvehten.
Dy nga sjelljet e gabuara më të zakonshme, janë:
Nënvlerësimi i adoleshentit duke e trajtuar si i paaftë, një formë autarktizmi shkaktuar nga
ankthi
Të qënit bashkëpunëtor i adoleshentit. Adoleshenti nuk i do të rriturit që sillen si “fëmijë”, dhe
në përgjithësi, i shikon këto figura si patetike, duke u distancuar prej tyre.
Adoleshenti ka një nevojë jetike për t’u ndjerë normal, si të gjithë bashkëmoshatarët..
Detyrat Kryesore të prindit janë:
1. T’I ndihmojë sa më tepër në shkëputjen prej tyre, duke mos I bërë të ndjehen në faj për këtë
arësye
2. T’I ushqejë sa më tepër siguri vetvehte
3. Dhënia e një informacioni të detajuar, sidomos mbi jetën seksuale
Si të Sillemi me Adoleshentët 2011
7
Ja disa nga teknikat e komunikimit:
1. Arsyetimi dhe qartësia, në mënyrë që adoleshenti të arësyetoje edhe me vetvehten duke u
ridimensionuar me objektivitet. Jo shpesh, adoleshentët japin llogari për veprimet e tyre dhe reflektojnë
mbi pasojat.
2. Zgjidhja e problemeve duke bashkëpunuar. Dhënia e eksperiencës personale duke i ofruar
adoleshentit zgjidhje realiste dhe pragmatike, gjithnjë duke parë brënda vehtes,duke arsyetuar, duke
studiuar ambientin.
3. Ndihma në marrjen e përgjegjësive, duke vënë në praktikë hipotezat më të realizueshme.
Normalisht, është mirë që vëmendja e adoleshentit të tërhiqet me pyetje të tillë si “Ti si mendon se
mund të veprosh?”; “Ku do të arrish me....”, etj.
4. Modestia në vënd të idealizimit të vetvehtes. Adoleshenti mun të kuptojë më mirë vehten nëse do të
gjrjë forcën për të zgjidhur vështirësitë vetë dhe në mënyrë efikase. Është e gabuar t’i imponohemi
atyre si “Modele Përsosmërie”, duke marrë si shembull reagimet tona në situate të caktuara.
5. Rritja e vetëvlerësimit, duke i spjeguar adoleshentit se zgjidhja është tek ai dhe se zotëron aftësitë
për të arritur atë që dëshiron.