pasnaan 6

PASNAAN6MAIKANEM A WORKSHOP DAGITI MANNURAT NGA ILOKANO

SEPTIEMBRE 10-12, 2015

NORTH LUZON PHILIPPINES STATE COLLEGE CANDON CITY, ILOCOS SUR

Septiembre 10, 8:00AM : PANGLUKAT A PROGRAMA

Septiembre 11, 8:00PM : RABII DAGITI FELLOW

Septiembre 12, 8:00AM : PANGRIKEP A PROGRAMA

P

ITI PANAGTITINNULONG TI

DAGITI FELLOW

PPASNAAN6

JIMMY R. AGUSTIN (Daniw a Para Ubbing)Tubo iti Canayun, Abulug, Cagayan. Maysa a maestro iti Ballesteros, Cagayan. Sumagmamano a daniwna a para ubbing ti naipablaaken iti Bannawag.

GYNELLE D. FOLLANTE (Daniw a Para Ubbing)Tubo iti Bidduang, Pamplona, Cagayan. Nagturpos iti Bachelor of Secondary Education–English ken Master of Science in Teaching English iti Cagayan State University, Sanchez Mira, Cagayan. Agdama a mangal-ala iti Doctor of Philosophy in Rhetoric and Linguistics iti St. Paul University, Tuguegarao, City. Mangisursuro ita iti Sanchez Mira School of Arts and Trades, Sanchez Mira, Cagayan. Maysa kadagiti adviser ti The Tradean, ti opisial a pagiwarnak ti pagadalan.

KISSES M. GANAPIN (Daniw a Para Ubbing)Tubo iti Patac, Galimuyod, Ilocos Sur. Madama a mangal-ala iti Bachelor in Secondary Education-Major in Filipino iti North Luzon Philippines State College.

EDMUNDO A. BISQUERA (Daniw)Nalpasna ti Bachelor in Secondary Education (BSE) iti Urdaneta City University ken Doctor of Education (Educational Management) iti Pangasinan State University. Agdama nga Education Program Supervisor iti Urdaneta City Division, Department of Education. Agnaed ken ti pamiliana iti Catablan, Urdaneta City, Pangasinan.

NESTOR GONZALES (Daniw) Taga-16 San Marcos, San Nicolas, Ilocos Norte. Kameng iti grupo a TALDIAP (Timpuyog dagiti Agessem iti Literatura Dagiti Ilokano A Pintek) grupo dagiti agsursurat iti daniw iti radio iti Siudad ti Laoag. Agessem la unay iti Literatura Ilokana. Baro pay.

PPASNAAN6

JOSEPH C. GANABO (Daniw)Tubo iti Sitio Lipit, Calaoa-an, Candon City, Ilocos Sur. Nagturpos iti elementaria iti Ayudante Elementary School ken iti sekundaria iti Candon City Information Technology National High School (CCITNHS). Adda iti maikatlo a tukad ti BSE (Bachelor of Secondary Education Major in Filipino) itit North Luzon Philippines State College (NLPSC).

ALDRINE C. MOLINA (Ababa a Sarita)Agdama a Finance Consultant ti Fundline Finance Corporation-Candon Branch. Nagturpos iti Bachelor of Elementary Education iti North Luzon Philippines State College. Napadayawan maipapan iti literatura iti Kannawidan Festival ti Ilocos Sur, ken Literary Awardee iti nagturposanna a kolehio. Naayat iti literatura aglalo iti Ilokano. Arapaapna ti maipablaak iti uray maysa laeng nga ababa a sarita iti Bannawag.

MARIE ROSE QUITORIANO-RABANG (Ababa a Sarita)Maysa a mannursuro iti College of Public Administration iti University of Northern Philippines, Barangay Tamag, Vigan City. Sigud a Dekana ti College of Arts and Sciences sakbay a nayakar iti College of Public Administration itay Hunio 15, 2015. Literary Editor ti UNP GAD Newsletter ken Editor ti GAD Research Journal. Kameng iti Hunta Direktiba ti Nakem Conferences International, Philippines Chapter manipud iti 2007. Sigud a presidente ti Tawid ti Ilocos Foundation.

DONNA JOY WAGAYEN (Ababa a Sarita)Mangal-ala iti Kinamaestra iti North Luzon Philippines State College. Naipasngay idi maika-13 ti Enero 1988 idi Valenzuela City. Iti edadna 27, naparaburan iti napintas a balasang a pinanagananna iti Alexiz Mia.

JUNE AGSI GAYGAYED (Ababa a Sarita)Numan pay nataenganen iti tawenna a 34, napalalo latta ti ayatna nga agad-adal iti North Luzon Philippines State College iti Siudad ti Candon. Pagaayatna ti agputar iti kanta ken daniw kasta metten ti mangisaknap kadagiti babasaen kadagiti tattao.

DAGITI PANELIST

CLES B. RAMBAUD • JUAN AL. ASUNCION • ROY V. ARAGON • JOEL B. MANUEL • DANIEL L. NESPEROS • JOHN B. BUHAY • ESTELA BISQUERA-GUERRERO • SHERMA E. BENOSA • NEYO MARIO E. VALDEZ • JUNLEY L. LAZAGA

SecretariatDR. FREDDIE PA. MASULI • MERCY VERGARA-YABES • MARINA T. MACABUNGA • ROSELYN C. CAMPANO

KatinnulongDR. JAIME G. RARAS | JUNE GAYGAYED | NLPSC STUDENT GOVERNMENT

Workshop DirectorARIEL S. TABAG

ConsultantARTHUR P. URATA, SR.

PPASNAAN6

Dagiti Opisial ti GUMIL Filipinas (2015-2017)ARTHUR P. URATA, SR. (Presidente) • MARIO T. TEJADA (Bise-Presidente) • ARIEL S. TABAG (Sekretario Heneral) • EDEN C. BULONG (Tesorera) • ESTELA BISQUERA-GUERRERO (Auditor) • NEYO MARIO E. VALDEZ (Para Irakurak) • ELISEO B. CONTILLO (Manarawidwid)

Dagiti Direktor: FREDDIE PA. MASULI • VILMER V. VILORIA • ROY V. ARAGON • AILEEN R. RAMBAUD • ANNA LIZA M. GASPAR • REMY N. ALBANO • VILLAMOR C. VISAYA, JR. • DANILO A. BAUTISTA • (Ret.) JUDGE VIVENCIO S. BACLIG (Ex-Officio Director)

Dagiti Mammagbaga: JUAN S.P. HIDALGO JR. • DIONISIO S. BULONG • JOSE A. BRAGADO • BALDOVINO AB. VALDEZ • MANUEL S. DIAZ • CLES B. RAMBAUD

Dagiti Presidente Dagiti ChapterGUMIL Abra: JOEY GUZMAN GUMIL Athens (inactive)GUMIL Benguet (inactive) GUMIL Cagayan: FREDDIE PA. MASULI *GUMIL Gonzaga: MARIO ASCUETA GUMIL Hawaii (status quo)GUMIL Hawaii Grande (inactive)GUMIL Hong Kong: ANALYN S. DOMINGO GUMIL Greece (inactive)GUMIL Ilocos Norte: ELIZABETH MADARANG-RAQUEL *GUMIL MMSU-CTE: ROMEL CALASAG

GUMIL Ilocos Sur: ARSENIO CORTEZ *GUMIL UNP: WENDELYN CASTAÑEDA GUMIL Isabela: VILLAMOR C. VISAYA, JR. GUMIL La Union: EDDY ALMODOVAR *GUMIL San Fernando City: DJUNA R. ALCANTARA GUMIL Maui: ARNOLD C. BAXA GUMIL Metro Manila: ARIEL S. TABAG GUMIL Nueva Vizcaya (inactive)GUMIL Oahu: RIZAL FERNANDEZ GUMIL Pangasinan: FERNANDO B. SANCHEZ

*sub-chapter

PASNAAN 6Ti Maikanem a Workshop Dagiti Mannurat nga Ilokano

Iti panagtitinnulong ti

GUMIL Filipinas • National Commission for Culture and the Arts • North Luzon Philippines State College-College of Teacher Education

• Bannawag Magazine • LGU Candon City

PROGRAMA DAGITI AKTIBIDAD

UMUNA NGA ALDAW • SEPTIEMBRE 10, 2015

7:30 Panagparehistro Pasnaan Secretariat & NLPSC Student Government and Teacher Education c/o June Gaygayed, SG President and Dr. Jaime G. Raras, Dean

8:00 PANGLUKAT A PROGRAMA Dallot a Kararag: Joel B. Manuel Nailian a Kanta: NLPSC Choir c/o Gary Aldu Tallayo, AB 4 Pol Sci Samiweng ti Candon: Tricia Cavanes, BSE 2 Music Major Pangsarabo a Bitla: Dr. Severino G. Alviento (NLPSC OIC President) Pammaregta a Bitla: Arthur P. Urata, Sr. (GF President) Mensahe: Hon. Ericson G. Singson, M.D. (City Mayor, Candon City) Pabuya: NLPSC Shine Panagyaman ti GUMIL Filipinas iti North Luzon Philippines State College-College of Teacher Education Pannakapadayaw ti Most Outstanding Fellow ti Pasnaan 5 Pannakayam-ammo dagiti panelist ken fellow: Ariel S. Tabag

Mangiturong iti Programa: Freddie Pa. Masuli ken Roselyn C. Campano

8:30 Introduksion iti Ortograpia nga Ilokano: Cles B. Rambaud (Bannawag Editor)

PINNASNAAN9:00 Paraangan ni Angkel Chavit (Daniw a Para Ubbing ni Kaanakan) 10:00 Ti Tudo ken Dagiti Nasileng a Tayls (Sarita ni Damiana)

Mangiwanwan: Ariel S. Tabag

12:00 Pangngaldaw1:00 Lahuy (Daniw ni Euraclido)2:00 Jack En Poy (Daniw a Para Ubbing ni Henya)3:00 Bileg ti Kuarta (Ababa a Sarita ni Bulog)5:00 Ita a Panagtutudo (Daniw ni Umap-apoy)6:00 Ti Mulak a Sua (Daniw a Para Ubbing ni Amor)

PPASNAAN6

Mangiwanwan: Freddie Pa. Masuli

7:00 Pangrabii8:00 Iti Rabii (Daniw ni Thor)Mangiwanwan: Roselyn C. Campano

MAIKADUA NGA ALDAW • SEPTIEMBRE 11, 2015

8:00 Masetas ni Nanang (Daniw a Para Ubbing ni Kaanakan)9:00 Dumadamili (Daniw ni Euraclido)10:00 Sardam (Sarita ni Dama Juana)Mangiwanwan: Marina T. Macabunga ken Mercy Vergara-Yabes

12:00 Pangngaldaw1:00 Aglinnimmengan Tayo (Daniw a Para Ubbing ni Henya)2:00 Kumamakam Ka (Daniw ni Umap-apoy)3:00 Ti Ebidensya (Sarita ni Dabiana)5:00 Payong (Daniw a Para Ubbing ni Amor)6:00 Modelo (Daniw ni Thor)Mangiwanwan: Freddie Pa. Masuli

RABII DAGITI FELLOW8:00 Open Mic

MAIKATLO NGA ALDAW • SEPTIEMBRE 12, 2015

8:00 Panagbibinglay iti Kapanunotan Mainaig iti Pasnaan 6

9:00 PANGRIKEP A PROGRAMA Bitla: Dr. Jaime Raras (Dean, NLPSC College of Teacher Education)

Pannakayawat Dagiti Sertipiko Panagyaman

Mangiturong: Sherma E. Benosa ken Ariel S. Tabag

12:00 Pangngaldaw1:00 Panangdayaw iti Nakaparsuaan2:00 PanagpipinnakadaMangiturong: Mercy Vergara-Yabes

PPASNAAN6

Karigatan ti Mangrugi

NO adda agalek a kas mannurat, isu ti mangirugi.

Iti tunggal kombension ti GUMIL Filipinas, maysa a padpadaanan dagiti mannurat ti pannakaiwayat ti salip iti on-the-spot a panagsurat iti daniw. Maysa kadagiti nangyalat ni Ronnie E. Aguinalo (kakanawanan) iti edision ti nasao a pasalip nga inesponsoran ti Puntanians of Italy iti daytoy kallabes a Dap-ayan 2015.

Ni RONNIE E. AGUINALDOPasnaan 5 Outstanding Fellow

PPASNAAN6

mannurat wenno mannaniw inton maysan a retirado ket agbaaken ti inarna.

Iti biangko, saanko nga inarapaap ti agbalin a mannurat wenno mannaniw. Ketdi, tinarigagayak kalpasan a maguyugoyak nga adda gayam pasetko iti lubong ti kinamannurat. Ket naibagnos daytoy iti panangiruangan ni Manong Ariel S. Tabag ken iti panangbayabay dagiti Mangngaggo (wenno dagiti mannurat iti Cagayan).

Kunak a karigatan ti mangirugi agsipud ta padasko. Kaslaak la idi agiyubon ti panait iti abut ti dagum iti disso a nasipnget. Impagarupko ngamin a no makasuratkan, naan-anaykan a mannurat ngem saan ta kaska gayam buneng a mapitpit a nasayaat ken agdalan nga umuna iti pangasaan tapno nasayaat ti tademna.

Kadagiti immuna a sinuratko, imbilangko idin a naan-anay a sinurat agsipud ta kaaduan kadagidiay ti impadronko kadagiti sinurat a Filipino ngem kalpasan a na-reject, nasaludsodko iti bagik: “Apay? Ania ti biddutna, ti kurangna ta nagkibaltang a naipablaak?”

Kayatko ti marurod ta no am-amirisek dagiti nabasak ket nagsisimple. Iti panagkunak, nakalaklaka! Ngem apay a diak masurotan?

Kadagiti nagkaadu a balakad, napaneknekak ti maysa kadagitoy nga epektibo. Kunada: basa-surat, surat-basa ti nasken nga aramiden ti agtarigagay a mannurat wenno mannaniw. Tinungpalko ngem diak latta nalibtawan ti agipadron kadagiti estilo dagiti idolok agingga a nabusatak ti makaipablaak iti daniw iti Bannawag idi tawen 2009 babaen ti “Kalgaw.”

Ti ammok idi kalpasan ti umuna a daniwko a naipablaak, agbulanosen ti plumak ta masurotak ket ngaruden ti agsurat ti daniw ngem saan ta nabayag sakbay a nasunotan.

Iti damo met a panangabakko iti Ammafla, ti ammok idi kabaelakon ti pumutar iti maipablaak a sarita ngem saan ta kadagiti impatulodko, awan napagasatan a naipablaak. Ania kadi ti kurang?

Imbalakadda manen: “Basa-surat, surat-basa.” Inaramidko ngem saan a basta epektibo daytoy. Kasapulan ti panangimutektek. Kasapulan ti nauneg a panangawat kadagiti napateg nga elemento ti sarita wenno daniw. Saan a basta

nga agkarkararagak a makasuratak koma ti daniw, sarita ken nobela a pumatok iti panagraman dagiti naruay nga agbasbasa. Iti biangko, dagiti agbasbasa ti makaibaga ti pudpudno a kalidad ti maysa a sinurat. Ta an-annuek ti maysa a sinurat no awan makaawat?

Aklonek, iti panangrugik nga agsurat, namunganayak dagiti padasko iti inaldaw. Dagitoy a pasamak ti urnosek a pagbalinen a daniw— daniw kunak idin basta makasuratak ti uppat a linia iti maysa nga istropa nga addaan bilang dagiti silaba ken agpapada dagiti rima, nupay sarindaniw kunada. Ngem dayta a namunganayan ti nangiwardas kaniak tapno masurotak ti kunada a pudno a langa ti daniw.

Wen, kuna dagiti sikolohista wenno Biblikal pay ketdi, a, ti kinamannaniw wenno kinamannurat ti maysa a tao ket kabuybuyognan manipud pannakainawna. Ngem saanak a mamati. No adda man, manmano. Ta no pudno koma daytoy, kalpasan a masursuro ken maawatan ti tao dagiti letra iti lubong, ammonan a maysa a mannurat wenno mannaniw isuna. Ngem saan ta adunto pay laeng a wagas ti daliasatenna sakbay a maduktalanna. Addada pay ketdi, a, santo laeng maammuanna nga adda gayam lugarna iti listaan dagiti

Sadiwa pay laeng kaniak dagiti sardam

agsuratka. Kadagiti inyadalda kaniak a wagas ti panagputar ti sarita, kalakaan a panglakagan ti porma-agdan. Mangrugika iti baba a pangalna ket pangato a pangato agingga a madanon ti makunkuna a climax nga agpatingga met iti paggibusanna. Pinadasko met, wen, epektibo agsipud ta ti maiklima a saritak a nangyaplikarak iti daytoy ket naipablaak iti Bannawag, ti “Idiay Dakkel a Balay” a ti orihinal a paulona ket “Family House.” Iti panangaramatko manen iti panglakagan a porma-agdan kadagiti simmaruno a sinuratko, awan manen ti napagasatan a naipablaak. Kadagitoy a padasko, ania kadi a talaga ti epektibo a panglakagan? Ta no agipadronak, kunada met a duduoganen nga istilo. Masapul kano a padur-asen ti Literatura Ilokana.

Sakbay a nangsuratak manen ti sarita, naipasungalngalakon iti Pasnaan 5 a bigbigek a talaga a nakapandayak kas mannurat. Ditoy, kuna dagiti panelist, masapul kano ni mannurat ti agbalin nga arsagid, managpartuat iti istilo ken wagas ti panagiyablat ken ammona ti sasawenna. Iti daytoy a kinuna dagiti panelist-mi, naamirisko: saankon a pinanunot dagitoy idi rugiak ti agsurat.

Inaramidko dagiti balakad ngem saan latta a kimna. Apay? Dayta ti saludsod a nabayag a minulmolan ti panunotko. Agingga a binasak dagiti sinurat dagiti idolok. Inulit-ulitko. Ngem isu met la nga isu. Napanunotko: agpartuatak met ti bukodko a wagas nga isu ti Porma-Diamond wenno adda pay ketdi nangaramaten a diak nadnadlaw. Ania ti Porma-Diamaond? Para kaniak, ti maysa a sarita wenno daniw, mangrugi iti bassit a banag agingga a lumawa-a-lumawa ti saknarenna ket no madanonnan ‘tay climax, pakeppeten manen ni mannurat agingga iti gibusna.

Iti tulong ni Sir Freddie Pa. Masuli, naaramatko daytoy a sibaballigi iti saritak a “Ti Dangadang ni Lampi Tao” ken “Ti Palali.” Isu a makunak a mas epektibo no addaanka ti bukod a wagas a panglakagan agsipud ta nalaklakam a maawatan ken mayaplikar.

Iti met daniw, sinentruak ti balakad ni Manong Ariel S. Tabag a nasken nga aksion a dagus ti umuna a balikas iti panangirugi nupay agbatay latta daytoy iti nakainsigudan a panagdaniw. Wen, epektibo daytoy kas pammaneknek dagiti limmabon a naipablaakko a daniw. ken impaganetgetna, a, pabaruen met dagiti wagas ti panagiyablat.

Kas mangrugi nga agsurat, naamirisko a nasken nga ammo ti umaddang tapno maliklikan ti pannakaitibkol. Ta no nailaw-ankan, narigaten ti makaalut-ot nga isu metten ti tubeng tapno makaadayoka. Pagarigakon ti padasko, no ngata diak pinaitalali iti klasiko a panagsurat ti sarita ken daniw nalabit nakaadayoak itan. Isu a makunak kadagiti mangrugi, nasken nga ammuenyo ti klasiko ken moderno a panagsurat ti sarita ken daniw tapno al-alistokayo a makasursuro. Ken saanyo met a liplipatan ‘tay kunada a “surat-basa, basa-surat” ta dakkel ti maitulong daytoy. Ken mamatika iti balakad dagiti pagwadan a mannurat.

Laglagipen koma a kanayon a ti pangrugi nga agsurat ket kas met iti panangrugi ti ubing nga umaddang. Masapulna ti mangassibay agingga a masolonan ti magna. Ngem uray pay masolonanton ti magna, masapulna latta ti mamagbaga, ket kasta met ti mannurat.

Ita, agbasaka, agsukimatka, agadalka ken mangrugikan nga agsurat.—P

RONNIE E. AGUINALDO

MOST OUTSTANDING

F E L L O W TI PASNAAN 5

Tubo iti Brgy. Minabel, Puro Camiguin, Calayan, Cagayan. Adda iti maikatlo a tawen iti kurso a a kinamannurso a mangipangpangruna iti Filipino iti Cagayan State University-Sanchez Mira Campus. Kas lider-estudiante, maikadua itan a terminona kas University Student Government Senator iti nasao nga unibersidad. Kas mannurat, nakaipablaaken kadagiti daniw ken ababa a sarita iti Bannawag ken kadagiti libro kas iti Segden, Bullalayaw ken Dagiti Premiado a Sarita, 1997-2014. Nangab-abaken kadagiti salip iti panagsuratan nga intuyang ti GUMIL Ilocos Norte, AMMAFLA, RFAAFIL (agraman ti Readers Choice Award 2015) ken kadagiti pasalip para kadagiti estudiante iti kolehio, Regionwide ken Luzonwide. Associate Editor ti The Touchstone a publikasion ti CSU; sakbayna, namindua a nag-literary editor.

PPASNAAN6

PPASNAAN6

Pakalaglagipan a ladawan ti Umuna a Pasnaan (ngato, kanigid), Maikadua a Pasnaan (ngato, kanawan) ken Maika-3 a Pasnaan (baba). Nairaman iti ladawan ti sumagmamano kadagiti panelist.

PASNAAN 6 iti Ilocos Sur:

Panagsubli ken Panagrubuat Manen

iti Nanipudan

MAIKANEMEN a tawen ti Pasnaan ita nga edision daytoy a literary workshop

para kadagiti agsursurat iti Ilokano a maangay iti Siudad ti Candon, iti North Luzon Philippines State College. Umuna a pannakaangay ti Pasnaan iti Ilocos Sur kalpasan nga immuna a nasangaili daytoy sadiay Currimao, iti Ilocos Norte (uppat a daras), sa sinublat naminsan ti Cagayan, sadiay Gonzaga.

Ni ROY V. ARAGON

Ti Pasnaan 6 ngarud ket maysa met a panagsubli iti probinsia a mabigbig a nangrugianan ti GUMIL, iti Ilocos Sur a nanipudan dagiti gunglo dagiti mannurat nga Ilokano a kas iti Sta. Cruz Writers Guild (nabangon idi 1962) a napagbalin

PPASNAAN6

a Sinait Writers Association (idi 1964) sa idi agangay ket nagbalin a Gunglo dagiti Mannurat iti Iluko (Oktubre 1964), a nagtaudan met ti nabukel a nailian a Gunglo dagiti Mannurat nga Ilokano (1968). Amin kadagitoy a gimong wenno grupo dagiti mannurat idi iti Ilocos Sur ken idi kuan iti entero a Kailokuan ken Kailokanuan iti Filipinas, ti maysa a kangrunaan nga insaysayangkatda idi ket dagiti seminar ken workshop iti panagsurat iti Ilokano a nangtubay ken nangtimon iti adu a mannurat iti Ilokano iti nasuroken a 50 a tawen. Pinulpullo, ginasut pay ketdin, a mannurat ti makuna nga alumnus wenno produkto dagitoy a literary seminar-workshops a naiwaywayat. Isuda dagiti nagbalin a pamuon wenno teddek ti kontemporaneo a Literatura nga Ilokano.

A kas met iti Pasnaan ita iti maikanem a tawenna, agtultuloy ti nairugi a pannakamuli ken pannakatenneb dagiti mannurat, nangruna dagiti agdadamo ken/wenno agtutubo. Iti panagturpos dagiti 10 a napili a fellow ita iti Pasnaan 6, addanton aganay a 60 a mannurat nga alumni daytoy a workshop manipud narugian idi 2010. Kaaduan kadakuada ket tumaytayaktaken iti napilida a lubong ti panagsurat. Nupay makuna nga adda met la iti bukod a panagan-anus ken panagtalek iti bukod a kabaelan ti pannakagun-od iti balligi nangruna iti panagsurat, annugoten dagitoy a mannurat ti naisangsangayan a padasda a nakipasnaan kas maysa a nangtignay ken nangkarit kadakuada nga agputar iti nangatngato pay a nibel wenno agpang ti arte ti panagsurat.

Saanda a napaay ket adu kadakuada ti nag-level up ti panagsuratna ken ti gagemda nga agduktal pay iti sabsabali ken naidumduma a wagas ken panglakagan iti arte ti literatura. Adu a Pasnaan alumni ti nagyalat kadagiti premio ken pammadayaw kadagiti nakisalipanda a salisal ti panagsurat kas iti AMMAFLA, RFAAFIL, ALVIYA, Palanca ken dadduma pay.

I’toy ngarud a panagpapasnaan (panagpanday, panagpitpit, panagmaso, panagtenneb), iti kaadda ita ti Pasnaan iti Ilocos Sur ken iti pay ili/siudad a nakayanakan dagiti adu a natutured a bannuar a mannakidangadang ken nasisiglat a mannurat a lallaki ken babbai, manamnama a maitultuloy ken agtultuloy ti panggep ti GUMIL Filipinas babaen ti Pasnaan a pannakatakuat ken pannakaisuro ken pannakatarabay dagiti sumarsaruno a mannurat a mangsalimetmet ken mangtagiben ken mangpadur-as pay ken mangitandudo iti kabukbukodan a literatura, iti nakayanakan a pagsasao ken iti nakaisigudan a kultura.

Wen, panagsubli daytoy iti nagtaudan tapno suknalan ken bigbigentayo dagiti nangrugian ken nanipudan ket umagsep manen iti bileg ken sirib tapno iti kasta agrubuattayo manen a sitatalek ken sipapati ta adu pay dagiti nasken nga ammuen, awaten, patien ken papanan.—P

Pakalaglagipan a ladawan iti Pasnaan 4 (ngato), ken Pasnaan 5 (baba).

pasnaan 6

Documents