1 | pasundayag

PASUNDAYAG Huning Binisaya Hunyo 1 2012

Mga Awit nga Bisaya sa KBNZ AGM

Mga bang-giitang mga mang-aawit

mopasundayag og mga huning Binisaya sa

umaabot nga Annual General Meeting

(AGM) sa Katilingbang Bisaya sa New

Zealand (KBNZ) Sabado, Hunyo 23, alas

6:30 sa gabii sa Freemans Bay Community

Hall, 52 Hepburn Street, Freemans Bay,

Auckland. Ingon si Ching Mandawe, tsirman sa Cultural Committee, nga upat ka solowista og usa ka

grupo mohalad og awit para sa mga mutambong sa AGM.

Ang mga solowista mao sila si Rusty Socorin, Ronald Bate, Dexter Ycong og Gail Cooke.

Ang KIS, nga gitawag og “New Zealand’s Powerpop Girls”

mokanta sa awit nga “Paglaum”, komposisyon ni Fr Fritz

Malinao nga naglusad sa pagkaartista sa bata pa nga Vina

Morales. Ang KIS mao ang tulo ka dalagita – Kayth Ycong,

Ina Esclamado og Shaine Belleza. Ang tulo dugay na’ng

nagkabarkada tungod sa ilang gugma sa pagkanta og pagsayaw.

Ang KIS nakapasundayag sa ilang gilas sa Labour Weekend

didto sa Hamilton diin sila midaug isip “People’s Choice”

niadtong 2011. Ang mga tulumanon diin sila mingkanta:

Henderson Christmas at the Park, Disco Diskoral, Sinulog

Festival Auckland, OG: Open Gathering, GigAlive, og uban pa.

Paggabuhaton usab ang eleksyon para sa bag-ong mga opisyales

sa KBNZ og duna’y salu-salu diin giawhag ang tanang mga

Bisaya sa pagtambong.

2 | pasundayag

KINI ANG KBNZ

Ang Katilingbang Bisaya sa New Zealand (KBNZ)

maoy kahugpungan sa mga Bisaya nga nagpuyo sa

New Zealand.

Namugna kini sa liderato ni Rosendo “Sendo”

Menchavez, usa sa mga Bisaya nga nag-una ug abot sa

Auckland.

Ang KBNZ nagpasiugda og mga proyekto para sa

mga miembro og para usab sa kinatibuk-an sa

Auckland.

Duna’y mga tigum diin magkita-kita ang mga

Bisaya aron maghudyaka og maglingaw-lingaw.

Ang grupo nagpasundayag og mga sayaw og awit

para pag-ugmad sa kulturang Bisaya, sama sa

pagsaulog sa Philippine Independence Day og sa

Sinulog.

Gani ang KBNZ migawas nga mananaug sa First

Auckland International Carnival diin gipildi ang

ubang mga nanayaw susama sa Brazil, Tsina.

Thailand or uban pa.

Sa panahon diin duna’y panginahanglan, ang

KBNZ mohatag usab og hinabang, susama sa

miaging bagyo Sendong diin, nagpadala kini og

donasyon sa Cagayan de Oro og sa Negros.

Niadtong linog sa Christchurch, naghatag ang mga

meimbro og hinabang sa mga biktima. Gani ang

KBNZ gihatagan og award sa TawagAwit agi’g

pagpasalamat sa suporta sa OG: Open Gathering

nga nagpahalipay sa mga bag-ong abot sa New

Zealand kada Pasko.

Ang organisasyon nagpadayon og kampanya aron

ang mga kadaghanan mga naglitok og Binisaya

magkahiusa sa New Zealand.

3 | pasundayag

PAHIMANGNO

Gikasabutan sa Board of Trustees

sa Katilingbang Bisaya sa New Zealand

nga aron ma-miembro sa asosasyon

ang gikinahanglan lamang mao

ang pagbayad sa Membership Fee

nga $10 sa kausa ra.

Ang maong Membership Fee para sa

lifetime membership.

Salamat.

4 | pasundayag