Pare

NUNATSIAVUTVol. 6, No. 2, Upingasâk 2016

Uigunga kingulliani pâginâmmi....

Unuttuitudlutik nâmmasingiutiKajut upat-tuKattasimalittut tapvani aujami sakKititsi-giamut isumâlotigijaujunik pidjutigijautillugit sukkuinigigajattangit timimmut piujongituk taijaujuk methylmercury kottitauppat Muskrat Fallsimi suliangujumit. Taikkua nâmmasin-giutiKadlutik upattuKattaliaKisimajut tainna prâvinsimi Avatiligijik amma Nungotsitai-ligiaKanimmut Minister Perry Trimper Joni 14-nami angiutiKasimanninganut Nalcor Ikumaligijingita Inulimât Inosingit Ilimanat-tumettitaummangâta Kaujisanimmut Pannai-gutinganik, maligiaKatillugit angiutiKallutik taikkua timimmut piujongitut taijat methyl-mercury pitsatunigijangit angummatippata Inositsiagittotitsijet Canadami maligatsangi-

SULIJUMIk MUSKRAT ÂkKITAULAULLINâmmasingiutiKajut sakKititsijut isumâlotigijaujunik pidjutigijautillugu timimmut piujongituk taijaujuk methylmercury

tigut pitsatunigisongata nukKatitsivinganik ammalu KaujititsigiaKagajappata atusimajut ilimanattumelinninginnik, Nalcor utitti-sipviugutimmik pitaKattisigiaKagajanninga sukkutitausimajunik.

NâmmasingiutiKajut upattusimatil-lugit sângani Minister Trimperiup Happy Valley-Goose Bay-mi suliaKapvingata Joni 17-nami, AngajukKâk Johannes Lampe nalunangitumik misidjisimalauttuk imâk “ulittisigumajut Muskrat Falls konganik Kanullonet angittaulângitut kisiani ilonnatik pijattausimagialet nungutausimalippata.”

Joni 27-nimi, nâmmasingiutiKajut upat-tusimatillugit Valley-mi taijaujumi “Rally in the Valley”, AngajukKâk Lampe ikajutsi-

taulauttuk ukununga Innu Nation Grand Chief Anastasia Qupee amma NunatuKa-vut AngajukKâk Todd Russell aititsidlutik pitsatujumik misidjimik Premier Dwight Ball amma kavamanganut Newfoundland, Labradorilu mânnaujumi pijuKagiaKa-linninganik imâk “Sulijumik Muskrat ÂkKitaulaulli”.

“Mânnaujumi nangiKatigegiaKalik-Kugut, atausiulluta, ammalu uKalluta nipungatuinnaniangilagut pigunnauti-Katitsigiamut atsâtautuinnagiamut ino-gusigijattinik, ilikKusigijattinik ammalu sivunitsagijattinik,” uKalauttuk Angajuk-Kâk Lampe.

NâmmasingiutiKajut upattusimatillu-git Auggos 18-nami – atautsik sânganetil-lugu Minister Trimperiup Happy Valley-Goose Bay-mi amma, kingungani, uvani Route 510 AkKutitsuami taijaujumi Trans Labrador Highway.

akigatotinniKalâkkuk Rigoleti-mi am-malu Nainimi

Harvard Ilinniavitsuangata Kaujisan-

Tagvani IluaniTubâkunik Aulatsiutigigiamut Piusigijaujuk .........................2Unuttunut ikajutsitaunik pitsatunitsamik Kagitaujakkogutittâgiamut .........................3Canadalimâmi NunaKakKâsimajut Ullunga ullusiujut Nain-imi ...............................................................3DHSD sakKititsivut nutâmik Ilagengujunut AtaKatigennimik Suliatsak ..................................................4Labrador Inuttitut Ilinniatitsijet Ilinniatitaunik Suliangujuk ...5NIHB-mit Tusagatsait ..........................................................5Canadalimâmi tugâgutitsak ikajotigijaujuk Inunnut – aulataujuk imminiaKattajunut imminiattailikKulugit .............6

Pâginâ 2 Tugâpvik Nunatsiavut, Vol. 6 No. 2

...uigunga sivungani pâginaup

Tânna Nunatsiavut Tubâkunik Aulatsiutigigiamut Piusi-gijanga pannaigutiKajuk atuttautitsigiamut “Tungujuttanik Ikumanik Ikajutsitaugutitsanik” ukiangulâttumi ilonnanginni tallimani Nunatsiavut nunaliKutinginni, amma HappyValley-Goose Baymi, North West Riverrimi. Tungujuttanik Ikumamik Ikajutsitaugutigijaujut ilangaujuk Tubâkunik Aulatsiutigigiam-ut Piusigijaujuk, tugâgutigijaujuk ikajugiamut inunnik paitsiuti-Kagiamut imminik ilanginnilu ulugianattosongujunut sikarejop isinganit illunginni. Tânna ikajutsitaugutitsak katsungainni-Kattisigiamut immigojunik atiminik allagiamut aittutaulâgami

tungujuttamik ikumalimmik bulbimik iligatsanganik tutsongata Kulânut Kaujimautigijautillugu illungani sikarettuKaKattangin-inganik. NigiukKujauvusi tusattitaugiallagiamut tamatsumunga!

Tânna Nunatsiavut Tubâkunik Aulatsiutigigiamut Piusi-gijanga takunnautiKammijuk sakKititsigiamut kingullianik “NukKaujijuk SâlaKagajattilugu” sâlakkumautigijaujutsamik. IsumaKagutsi ilauKataugiamut tamatsumunga sâlakkumautiju-nut ukiangulâttumi/ukiumilu kamatsiaKujauvusi tamatsumunga tusattisigiallalâmmata nunagijatsini DHSD nunalet suliaKapv-inga.

Tubâkunik Aulatsiutigigiamut Piusigijaujuk

nigisimajanga isumatsasegutiKasimajuk ulittitauppat Muskrat Falls konga pitsatutitsigiallalânninganik pitsatujogittumik taikkua timimmut piujongitut taijat methylmercury Lake Melvillemi, piu-jongitumik sukkuiniKalluni taikkuninga avatimejunik niKitsasiu-Kattatunik ammalu ikajuttaugutitsanik.

Aprel 18, 2016-nami, Nunatsiavut kavamanga sakKititsilauttuk immigojumik Lake Melvillemi Kaujisattilaget Kaujititsiutigisima-janganik – sakKititausimajumik sitamani jârini unuttumaginnik piusiKadlutik takutsautitsilittunik ikKanattumagiujunik Kaujisat-tilaginnut sakKititausimajunik pidjutiKajumik Kanuk taikkua timimmut piujongitut taijat methylmercury katitsuKattamangâta Lake Melville avatinganejuni ammalu Kanuk sukkuiniKagajam-mangât Inunnik tatiKaKattatunik Lake Melvillemi niKitsasiuKatta-giamut ammalu ikajuttaugutitsasiuKattagiamut.

Hontagiallât Labradorimiut Inuit pitâttitaulâttut maligatsatigut pitsatunitsaujunik timimmut piujongitunik taijanik methylmercury tainna Muskrat Falls konga pejaipviusiangipat ilonnanginnik Kijun-nik, uppigannik, pigutsianik ammalu idjunik nunaup Kânganejunik, uKasimajuk taitsumani Harvard Ilinniavitsuap Kaujititsiutingani.

Tainna Kaujititsiutik takutsautitsijuk ulittitauppat Kummuatit-sigajattuk pitsatujummagimmik pijumik inosimmut piujongitumik methylmercury pitagijanganik Muskrat Falls kongata iluani 120 sitontet puttasainagajattunik senagiallâni jârini. Timimmut piujon-

gitumik Methylmercury pitâtitsiKattatut Inunnik iniKajunik Lake Melville mânnaujumi pitsatunitsaujunik Canadamiut ununnigijan-ginni, ammalu sutaijattumik pitsatusigiallagajattuk ulittitaugesi-malippat pejaipviugetsiasimangipat. Rigolettimiut puttunitsamik ilimanattumettitauluattut inosimmut piujongituk methylmercury pitsatunitsamik sukkutitsigunnatuk saniani Inuit iniKajut Upper Lake Melville Kanitangani pititsitillugu tatiKallaginningit nunami-ni-katitsuittaninginnut niKitsanginnik.

Tugâpvik Nunatsiavut, Vol. 6, No. 2 Pâginâ 3

Nunatsiavut kavamanga ikajuttigeKatiKalittuk federallet amma prâvinsiup kavamâginnik, taikkuningalu Mushuau Innu First Nation, Bell Aliant amma Vale piusitigiattautitsigiamut pitsat-unitsaulittilugu sakKijâgettuk Kagitaujakkogutik mânnaujumi atuttauKattatumik Inuit nunalinginnut Rigolet, Makkovik, KipukKak, Hopedale amma Nainimi, taikkualu Innu nunalet Natuashishimi.

kiggatuttik Labradorimi MP Yvonne Jones Kaujijautitsilaut-tuk federallet kavamangata tunisimajanganik suliangujumut Joni 17-nami niuggusimadluni Nainimut amma Natuashish.

Tânna suliangujuk pijagettaupat ikajutsiniKalâttuk kenau-jaliugutigijauKattatunik pigutitsigiamut suliagijauKattatuni niuggutiliginimmut, mikijunik kenaujaliupviKaKattatunut, sanajinut ammalu ujagannianimmut, ammalu pigunnatitsiluni kenaujaliugutigijauKattatunik atuKatausongugiamut silatsuami kenaujaliugusigijauKattatunik ammalu anginitsamik sivumuan-niKasongulillutik ununnisanillu sakKititsisongulillutik.

“Atuttautillugit kenaujatsatâgijausimajut 2016-nami, tainna Canadaup kavamanga piguvalliatitsijuk jârigiallânut ammalu senagiallânut jârinut Kaijunut – piguvalliatitsiKattavugut ilingajunik Kitungatinut ammalu ingutattinut, pitaKasongulâm-mata adluitonitsamik ammalu sivunitsaKanitsamik Canadami. AkKutigijautillugit piguttivalliaKattatavut, pigutitsivalliavugut piunitsanik nunangijaujuni pivitsagijaugajattunik sivumuattisi-

giamut ammalu ikajutsiniKadluta asiangutitsivalliagutitsanginnik sâksini taggami NunaKakKâsimajuit nunalinginni. IkajulâkKugut Labradorimi amma Atlantic Canadamiut kenaujaliugutinginnik pigutitsigiamut, nutângutitsisongugiamut ammalu Kaningitume-junut aullaisonguKattagiamut sakKititsisongulâmmata piujum-maginnik suliatsanik ammalu siammatitsilutik adluitogutitsangin-nik Canadamiut nunagijattini,” uKalauttuk Ms. Jones.

“Nunatsiavut kavamanga piggugutiKajuk ikajuttigeKatau-giamut tamatsumani nigiutsianattumi pigasuagutigijaujumi. Piusitigiatsinik Kagitaujakkogutimmik Nunatsiavuttimi pigun-nautiKattisilâttuk Labradorimiunik Inunnik KaujimaKatigeKa-tiKagiamut ullumiulittuk Kagitaujatigut piusigijauKattatunik. Pimmagittukut pigunnatitsilâttuk inoKatittinik atusongugiamut Kagitaujatigut ikajuttaugutigijausonik ammalu pitaKatitsiluni akKutitsamik Kagitaujatigut kenaujaliugutigijausonik taikkua illusualinni iniKajuit atuinnagitsainaKattatanginnik,” uKalauttuk Nunatsiavut AngajukKânga Johannes Lampe.

Canadaup kavamanga tunitsilâttuk $650,000 akKutigijautil-lugu ACOA’s Innovative Communities Fund amma $650,000 akKutigijautillugu Indigenous amma Northern Affairs Canada taitsumunga suliangujumut. Nunatsiavut kavamanga tunitsitil-lugu $500,000, amma tainna Vale. Taikkua Mushuau Innu First Nation tunitsitillugit $300,000, prâvinsiup kavamanga amma Bell Aliant tunitsitillugit $200,000 atunit.

Unuttunut ikajutsitaunik pitsatunitsamik Kagitaujakkogutittâgiamut

Inosuttuit Rangeret Canadami taijat JCR taijaujumik Ilannângit Sidjait salum-masaisimalauttut upingâmitut aggâni. Katidlugit 21-nait saniKautet, uKu-mainniKajut 4 hontat paunditut, katitsutausimalauttut maggoni ulloni (Joni 30 amma Julai 5). SuliaKattet Inositsiagittotitsigasuannimut amma InoKatigegu-set Pivalliatitaugutinginnut salummasaiKatausimalauttut.

Alianattumaget piniannet atuttaulualauttut Canadalimâmi NunakKakKâsimajut Ullunga ul-lusiuttauniammat Nain-imi ullungani Juni 21.

Silannilulaugaluappat, Kanitangani 165 inuit ilauKataulaukKut sâlakumautilauttunut iKalunnianik, piusituKannik annugâttusimat-lutik piunippâk annugâttusimannipâk, kinangit minguattaunik ammalu allanguattaunillu (aku-niungitumik). Edward Sillit Jr. salaKalauttuk angijualummik iKalulauttaminik 64 centimetres, ukua Annie Lidd, Rene Dicker, Keira Jararuse ammalu Dorothy Ikkusek sâlaKalauttut piunip-pâmik piusituKannik annugâttusimalaummata. Salutijavut ilonnâtik sâlaKalauttut! Nakummek taikkua Canadami ammalu Nukatlet Rangers, ammalu ilonnatik ikajulauttunut akilittutaugatik ikajulaummata. Ammalugiallak, nakummek kiggatuttet Richard Pamak ammalu Sean Lyall kamajiulaummata ullusiujunut, DHSD suliaKat-tingit Nain, ammalu asigiallait ikajulauttunut sivuppiasiasimammat.

Canadalimâmi NunaKakKâsimajut

Ullunga ullusiujut Nain-imi

Pâginâ 4 Tugâpvik Nunatsiavut, Vol. 6 No. 2

Tânna Ilagengujut AtaKatigennimik suliatsak sakKititsivuk ilaget pulâgiaKattatillugit kiggatotimmik taikkununga angajuk-Kânut ammalu ilagengujunut apomautiKattajunut apviaKattaju-nut pivalliagiamut ammalu Kanuittailinnimut. Suliangujutigut, angajukKât, ilaget ataKatigennimut suliaKattingit, ilaKatillugit nunalet katutjiKatigegiallaujunut, suliaKaKatigesongujut Kân-giutigasuallugit tamakkuninga apomautaujunut.

Ilonnatik kiggatuttaujut ilagenoluak akKisuttausimajut amm-alu atuttauluaKattajut ilaget anigganginni, tâvatuak asigiallanik iniKaKattamijut akungani nunalimmi. PitaKagivuk sutaijajunut atuttausonik nunalimmi ilaget atajangit. Tamakkua atuttausot ikajugajattuk ilonnâgut tugâgutinginnik pivalliasimajunut inosit-siagittotigasuannimut ammalu Kanuittailinnimut.

IlauKataujut akilittauKattangitut. Suliagijaujuk kiggatotik ilinganiKaluattuk ilagengujunut ikajuttauluagiaKajunut ammalu akiKalungituk ilagengujunut. AngajukKât imminik uKagajattut ilauKataugumappata suliagijaujumut upvalu asianut uKautaull-uni (ottotigillugu, asianut kiggatuKattajumut). Asianut uKautau-giamut, pitaKavuk atuinnaujumik naittuk Kaujititsiutik alak-kasâjak ataKataummijuk uKautijaugasuajop tatattuganga tainna asia pijagegialinganik

Pigumajaujut suliangujop ilautitsivuk:•KaujimajaukKulugit angajukKângutsiagiamut-sugusingat-alu ilagetsianik : ikajullugit angajukKât sugusinganegala-giamut pivalliasiaKullugu nâmmasiattunik piusiKalluni.

•Pivallialugit AngajukKât Kaujimajanginnik ammalu Ilisi-majangit: sakKitillugit angajukKât Kaujigatsanik pitjutigil-lugu sugusingata pivalliajanginnik, niKitsianik, kamagijaut-

Nunatsiavut AngajukKânga Johannes Lampe amma IlikKusiliginimmut, Nuiggutiliginimmut amma Pinguatiliginimmut Minister Sean Lyall ilauKatiKasimajut kiggatuttimik Labradorimi MP Yvonne Jones asinginnilu, ilauKatautillugit sanajautillugu su-liaKattet, Illusuak IlikKusiliginimmut SuliaKapvingata inigijangani Joni 27-nimi. Ms. Jones Nainimelauttuk Kaujijautitsigiamut federallinit kenaujattâgijausimajunnik Illusuak pijagettaugutitsanginnik, atuinnaugianganut ammataugiamik ukiami 2017-nami.

sianik aniggami atuttausonik, inosiKatsiagiamut ammalu KaujimaKatigetsianik ammalugiallak asigiallanik angajuk-Kât pitjutigiKattajanginnik ilinganiKatsiagajattunut.

•AtaKatigennik ilaget ilauKatauKattagiamut kiggatotigijau-junut ammalu ikajotinnut atuinnaujunut namminik nun-agijanginni: nalunaitsiluni pivitsanik ilingajunut ilagenut sakKivalliaKullugit ikajotitsagijaugiallagajattunut.

•KaujimajaukKulugit ilaget Kanuittailinnimut: sakKititsi-lutik Kaujigatsanik ammalu ikajotitsanut ammalu kati-Kattigillugit ilaget kiggatotiujunut nunagijanginni, ilaget piunitsamik ilauKatausonguKattagiamut ullu tamât apo-mautigiKattajanginnik pigutsaigiamut sugusinik ammalu inolluni inosiKatsialuni piusiKatsialuni.

•Ikajunnik sanagiamut sangijunik nunaliujunik: ikajullugit il-aget ikajuttauvinnogiamut pivalliatitsiKattaniattuk imminik pisongugiamut ammalu imminik pitsiasonguKattagiamut kamagiamut sivinitsangita atugialinginnik. Pivalliatitsimi-juk nunalinnik pannaigutiliugiamut ammalu kiggatusongu-giamut ilagenut.

Kaujigiallagiamut Kaujisapviutausok Ilaget AtaKatigennimik SuliaKattingit:Krista Lane (Hopedale)(709) 933 3450krista.lane@nunatsiavut.com

Jenny Oliver (Nain)(709) 922 2126 jenny.oliver@nunatsiavut.com

DHSD sakKititsivut nutâmik Ilagengujunut AtaKatigennimik Suliatsak

Tugâpvik Nunatsiavut, Vol. 6, No. 2 Pâginâ 5

Tânna IlukKusiligijet SuliaKapvinga ilinniatitsilaummijut kingulliani Labrador Inuttitut Ilinniatitsijet Ilinniatitaunnik Su-liangujumik ullunginni Juni 29 tikillugu Joli 13 iningani Happy Valley Goose Bay. Ilonnatik kitillugit 16 Inuit ilauKataulauttut, ilautillugit ilinniatitsijet pisimajunit ilonnanginnik Nunatsiavut nunanginni ammalu Upper Lake Melville, jariKajunut 20 tikil-lugu 60.

Tânna ilinniatitsijinik tugâgutiKaluattuk tigumiagiamut uKâlasonik Inuttitut ilinniatitausimajunut ammalu atuinnaujunut suliatsagijaugajattunut aulataugajattunullu nunalinni Nunatsia-vummi sivunittini.

Jârini Kângisimalittuni, IlukKusiligijet SuliaKapvinga (Kaujimajaulauttuk Tungâsuk IlukKusiligijet SuliaKapvinga) ilinniagatsanik pivalliatitsijet, ikajuttigetlutik Ilinniatitsijillagik Elizabeth Gatbonton pisimajuk Concordia Ilinniavitsuanganit ammalu Nunatsiavut kavamangata UKattet Allasângutitsijet katimattinginnit (Isumatât), atuinnaguttisilauttut adjigengitunik ilinniagatsanik Inuttitotillugit. Taipsumani ilinniatitauniammata

atulauttut ilinniagatsanik #10: Pilukauset – PijâkKumiungituk. Tânna katingaKatigejut avittaulauttut maggolingatillugit

ammalu Ilinniavigiallamut Taggâni Canadami ailauttut ilinniatit-sigiamut ilinniajunut Inuit Ilinniatitsijiugiamut Ilinniajunut Joli 5 ullunganillu Joli 6 isumagillugu.

Nâjiniammat maggonik wogennik ilinniatitaugemmata, ilin-niajut aittutaulauttut nalunaikkutammik ilauKatausimanninginnut pijagemmata. Tamakkua pijagesimajut ukuangulaukKut:Nancy Ikkusek, Silpa Suarak, Agnes Millie, Augusta Erving, Matilda Nochasak, Tabea Jararuse, Katie Haye, Paul Jararuse, Justine Obed, Martin Obed, Levi Obed, Miriam Lyall, Bertha Holeiter ammalu Dina Obed.

Angijummagimmik nakummejavut IlukKusiligijet Su-liaKapvinga, Ilinniavigiallak Taggâni Canadami – IkKaumau-tigillugu Ilinniavitsuak, Tujummiuvik Hotel North Two, Air Labrador, Nunatsiavut kavamanga, ammalu piluattumik ilinni-atitsijet, Sarah Townley ammalu Sybilla Tuglavina.

Labrador Inuttitut Ilinniatitsijet Ilinniatitaunik Suliangujuk

Nutângutitausimaninga St. John’s-imi Nunakkut Ingiggatitau-gutimmut kântrâttik Tainna taijaujuk St. John’s Native Friend-ship Centre (SJNFC) mânnaKamik tunitsiviusimalauttuk ping-asunut-jârinut kântrâttitaugutimmik pitaKatitsigiamut nunakkut ingiggautijaugutitsanginnik taikani ammalu utittautijaugianginnulu IllusuaKapvingani St. John’siup ilingatillugu Ikajuttaugutilinnut Labrador Inuit Nunamik Satusainnimut AngiKatigegutinganut in-giggaKattatunut taikunga angiggagijanginnit ânniasiuttaugiattudlu-tik. Tânna ammatitaudluni piusigijausimajukkut sakKititausimajuk ammalu tânna kântrâttitaugutik pigiasisimajuk Aprel 1, 2016-nami tikilluni March 31, 2019-namut.

Adjingualimmik NalunaikkutaKagiaKanimmut PikKujaugu-tiKalinninga Tingijokkut Ingiggagiamut kamatsianiKakKujau-vusi pitaKagiamut kavamamit (prâvinsimit ubvalu federallimit) pitâgijausimajumik adjingulimmik nalunaikkutaKagiaKalinnisinik ammalu nallituinnangit suguset 18-nanit jârikKutunitsaujut. Tânna pikKujaugutik malittaugiaKalittuk tingijosongugiamut silatâneju-mut Happy Valley-Goose Bay-mit. KaujimakKujauvusi tingijoligi-jet pikKujaugutiKalinningit federallet kavamangata maligatsangi-tigut kamaKattagiamut nalunaikkutagijaujunik aullavigijaugialiup pângani ilonnanginnut tingijokkogasuajunut 18-nanik jâriKak-Kotunik jârikKutunitsanillu. Adjingualimmik nalunaikkutattâtau-songuvusi nunagijatsini mipvimi kamajimut ubvalu taijaujumi GovernmentServicesCentreoffice,HappyValley-GooseBay-mi.AkilegalâgiaKagajakKusi aulatsiutinut ilingajumik adjingualik nalunaikkutak pijagettaugianganut. Tânna akinga imminik akili-giaKagajattasi ubvalu inosuttop angajukKâgijanganut/paitsijigijan-ganullonet.

Tingijokkut Aullagiamut KaujimatitsigiaKannik Ilonnatik tingijot amma tingijopvimi ikajuttet pikKujiutiKajut tingijogutin-nik tunitsigiamut tingijopvimogiaKajusi atautsimillonet sitontimi sivungani tingijoginiattasi aullavigigialinganit. Taimâk pingikutsi itsivautasi/tingijopvigigialitsilu asianottaugajattut. kamatsiani-KakKujauvusi ilonnanginnik tukisimatsiaKujaudlusi ullunganik ammalu sitontinganik tingijopvigigialitsi. Naluliumagutsi,

NIHB-mit TusagatsaitKaujisakKujauvusi NIHB Ânniasiuttaugiamut Ingiggautiligijet suliaKattinginnit ubvalu tingijopvimi suliaKattinit. Kimattaugajagutsi tingijopvigigialitsinut sulijumik pidjutiKagasi, NIHB atsâtaugajattuk taitsuminga tingijogutimmik ammalu akilitsaliuttaulusi taitsuma akigigiaKasimajanganut.

Kaujisapviusongugiamut KaujimatitsigiaKannik kamatsianiKak-Kujauvusi allaviugiamut tugâpvisi amma Kaujisapviugiamut fonni-taupvigisosi nomaranga(ngit) amma Kagitaujatigut emaillitaugiamut tugâpvisi asiangutitausimammangâta ammalu nutângutitausimam-mangâta Ilaliugutiligijet SuliaKapvingani Nainimi. Nogajagutsi, akuniungikaluappat, KaujititsigiaKavusi tugâpvigilittasinik. Taikkua NIHB-kut ikajuttaugutigiKattatatsi ilangani tatiKagiaKaKattatut inigilittasinik (taikkuanguluat Ânniasiuttaugiamut Ingiggautitsinut ikajuttaugutet). Ilaliugutiligijet SuliaKapvinganut Nainimi fonnigun-naKusi akiKatinnagu uvunga 1-866-922-2942. Ilonnangit sikkitigut akilittaugutet ubvalu utittisipviugutet amma aititauKattaniammijut nutângunippaujumut allaviujop tugâpvinganut piulimatsivimmetitau-jumut Ilaliugutiligijet SuliaKapvingani Nainimi, atuttaungimagitil-lugu allaviujop tugâpvinga allatausimajuk NIHB namminiugiamut tatattugangani.

kigutiligijaugutet kigutiligijaunnimut ikajuttaugutet pitâgijauKat-tatut Nunatsiavuttimi ilonnangit 100 per sintitut akilittausonguKat-tatut ilingajut akilittaugialinnut ammalu ikajuttaugutinnut taitsuma kigutiligijiup pigunnausigijangatut nunagijaujumi taitsuma angutiup ubvalu pisongunnigijangatut ubvalu ilisimannigijangatut atugatsagi-janginnut. kigutiligijaugialet aullatitaugiaKammata kigutiligijaugiam-ut ubvalu takujaugiamut ilisimallagittunut kigutiligijinut sivungagut angiutausimajunut NIHB-mut, kigutiligijaugiattusimajut amiakkun-ganik akilegiaKagajattut NIHB kigutiligijaugutinnut suliagijanganut akilittauKattangitunik.

AtuliaKittitausimajumik Mai 19, 2016-nami, sakKititaujuKasi-malaukKuk kigutiligijaunimmut akigijausonut malittaugialimmik ilingajumik NG-NIHB kigutiligijaugutinnut suliagijanganut akileson-gugiamut 90 per sintitut 2015-nami NL kigutiligijaunimmut Akilegu-tinnut Malittaugialimmut.

Pâginâ 6 Tugâpvik Nunatsiavut, Vol. 6 No. 2

Inuit Tapiriit Kanatami (ITK) sakKititsilaukKuk tânna Canad-alimâmi Inuit ImminiaKattajunut ImminiattailigasuakKulugit Tugâgutitsamik (NISPS) Kuujjuami ullungani Joli 27. Tânna tugâgutik sakKititsiniakKuk unuttumaginnik piniannisanik ammalu atuttaugajattunut kamagigasuallugu puttujumik numa-rangata inogunnaiKattajunut imminiannikut akungani Inunnut. KaujimajaukKujijuk tukisiKatigennimik pitagijanginnik ammalu piKattasimanninganik ullugianattojunut imminiaKattajunut Inuit nunagijanginni ammalu tasiugiattiuvuk maligatsanut nunak-Katigengituni ammalu Canadalimâmi ininginni ilinganiKatsi-aluni takunnâtausimajunut tugâpviKalualluni imminiaKattajunut imminiattailiKullugit.

Ikajugasuallugu atuliaKittisigianga tugâgutigijaugumajumut, Inositsiagittotigasuannimut Canada Kaujititsisimavut $9 million ilinganiattuk Inunnut- ilinganiKaluattunut piunitsautigasuak-Kulugit isumakkut Kanuittailinnimut. Tânna kenaujak ilautit-sivuk najuttigijautsiajut atuttausot pivalliaKullugit isumakkut Kanuittailinnimut kiggatotigatsanik; sakKititsilutik ikajotitsanik ammalu ilinniatausonut taikkununga sugusinut paitsiKattaju-nut pivalliatitsiKattajunullu suliatsanut; ikajullugit kenaujatsait ilinganiattumut Inuit-aulatsitillugit imminiaKattajunut imminiat-tailikKulugit suliagijauniattunut, suliatsanut, ammalu pigumajau-junut aulatautillugit ikajuttigetillugit Inuit ammalu Inositsiagit-totigasuannimut Canadami; ammalu ikajullugit Inuit – aulatsijut aulatsijillaginginnik, ikajupvet, ammalu ilinniagatsanik immin-iaKattajunut imminiattailigekkutinik.

“ImminiaKattajut akungani Inunni Kanimmasiuvuk an-ginitsâlotluni inuliginimmik apomautigijautluni inoKatigijavut-tini nuivalliatuinnasimajuk jârini Kângisimajuni,” uKajuk ITK AnajukKânga Natan Obed. “Tamakkua apomautauluvinijut ilinganiKavut silatânit maligatsanginnit sakKititsijunut uKumai-tsautinik uvagut inoKatittinit iluani inuit sâsimajunut atugunnan-giumattitautlutik pimmagijunut atuttaugiaKasimajunut ammalu ikajotinnik atuinnauKattajunut asinginni Canadami. Tânna NISPS atuttausok tamâneluattuk ikajugiamut nunalinni kig-gatuKattajunut, maligatsaliuKattajunut, ammalu kavamakkunut suliaKaKatigegiamut ikilliumittisigasuagiamut imminiaKatta-junut akungani Inunni adjiginiattaminut upvalu atânellunillonet

Canadalimâmi tugâgutitsak ikajotigijaujuk Inunnut – aulataujuk imminiaKattajunut imminiattailikKulugit

Canadami ilonnâgut.” “Ilitagigumajakka Inuit Tapiriit Kanatami piggagasuam-

mata KaujimajaukKujigiamut pitjutigillugu imminiaKatttajunut Inuit nunalinginni ammalu ikajujavut suliagijanginnik,” uKajuk Honourable Jane Philpott, Ministeri Inositsiagittotigasuannimut. “Uvagut pigumatsiavugut suliaKaKatiKagiamut Inuit sivuk-katinginnik pitjutaujunut ikKanattojunut taikkununga, ilaum-mitillugu asianguKullugu imminiannik tânna angijummagimmik attuijuk Inuit inosuttunginnut, ilagenut ammalu nunalinnut.”

Tânna NISPS, sakKititaunialauttuk Hebronimi tâvatuak not-taulauttuk Kuujjuamut silamut apviataulaummat ammalu tingojot nukKangattitaulaummata, takunnâluattuk sujuKasongummangât ikilliumittisigiamut imminiaKattajut Inuit nunanginni atautsikut sangillivalliaKullugu imminiannik ullugianattunik Inuit nun-agijanginni ikajugajattumik asianongagiamut immigolingajut ammalu ilaget ullugianattumegunnaigiamut. Tânna nalunaittau-luasimajuk tugâgutik ammalu piniannigijangit ITK-kut atuniat-tangit imminiattailititsisongugiamut akungani Inuit ilinganiKavut saksinik sivulliutitauniattunut ilautitsivuk sakKititsilutik inun-negalasongugiamut; piguvalliaKullugit inosiKatsiaKullugit Inuit sugusingit inolitainnasimanniminit; ammalu kamanginnalutik atunginnaKullugit kajusinginnatummilu kamagijaunginnagiamut isumakkut Kanuittailinimmut kiggatotinnik ilinganiattumut Inunnut. ITK Kimiggulangavut Kanuk pivalliamangât tamanna suliagigasuagianganut tamapsuminga Tugâgutimmik maggok jârek Kângisimaligaimmata tamât.

ITK ammalu Inositsiagittotigasuannimut Canada pigumatsia-vut suliaKaKatigegiamut ammalu asinginnilu Inuit sivukatatiuju-nut ammalu prâvinsikkunut ammalu nunaligijet kavamakkungin-nut sakKititsigiamut atuniKatsiatumik, sakKijânginnaniattumik, ammalu ilukKusikkut nâmmasiattumik Kanuittailinikkut suliatsanik ammalu kiggatotigatsanik piunitsautigasuallugit Inuit inosigijangit.

“Sivullivinivut angijongitumik imminiaKattasimajuvinet. Sangijualosimajut uKumaitsalimmata, taimaimmat tamânevugut ullumi,” uKajuk Obed. “SuliaKaKatigegiaKavugut ikajugiamut inunnik inoKatittini piggagasuajunut sangijoniammata ammalu sangijut inosinginni sangijoniammimata.”

‘Amâk ilingajumut IppiniaKatigeKagiamut’ omatsiavuk ammalu Kanuilu-gani Makkovimmi. Tânna suliangujuk ullusiuvuk twenty-nik jârinik tapvani jârimi. Makkovik DHSD sakKititsisimalikKut tamapsuminga sulianguju-mik iluani J.C. Erhardt IkKaumautigillugu Ilinniavingani sitamanik jâriulit-tunik sivuppiasiatlunili. Amâk ilingajumut IppiniaKatigeKagiamut unauvuk takunnâtillugit illinniaviup illugusingani suliagijauKattajuk takutitsivullu angijummagimmik ikilliumittisiKattaninganik Konnimik, ilautitsimijuk pinniaKattanik, taikkununga mikijunik ammalu nukatlinik ilinniavimmeKat-tajunut taimâtsainallu puttusivalliamijuk inunnegalasongugiamut/tannikut pigunnasongugiamut ammalu puttuvalliatlunillu ippiniaKatigeKagiamut. Ommatinganettuk suliangujuk ilinganiKatsiavuk nutagak ammalu angajuk-Kâk ilinniaviup illugusinganoKattajut nainanik takKinik jârimi. Suliangujuk aulagiasilâlimmijuk ukiatsâmi.