Dokle budu gori zvizdeRita Brgić Stokić, Mišanka

Manjadvorci, 2011.

izdavač:

za izdavača: Livio Morosinurednik: Livio Morosinslog i grafička priprema:tisak:

CIPISBN

Dokle budu gori zvizdeRita Brgić Stokić, MišankaManjadvorci, 2011.

NA ŽURU ZGOJENA

Na žuru i palentisan se zgojila,

siromaština je bila.Čokoladu san «čikulada» zvala,a za paštine,nis ni čula, ni znala.Njoke na žlicu smo u nedilju ili

črnega vina za forcu pili.A kad mi je babažavajon prontala,

nego se je činila i štimala.Sve se je čuvalo kako kaplja vode,

aš je u hižah bilo čuda dice.Večer je poli gnjišta pasivala,

a baba nan je štorije povidivala.

VI1.

ZA RITU

Ko me ki pitaja iman »zlatna lita».

U životu san čuda pasala,kako velika,ma i kako mala.

Na česti san se rodila,materi i ocu mir mutila.

Ne daj Bože da san ragač,vrtila bin se po svitu

kako torač.Dicu san zgojila,unuke dobila.

Vrimena sada imani znate ča je najgore ?:

svaku večer spridškatule od televizije

kliman.

TELĆIĆ »BUKALIĆ»

Na selu štalica mala,a u njoj čuda blaga.

Boškarin,kokoš,kravai jeno drago tele milo

kako maloj ,zajno mi je srce steplilo.Z vozo smo u brajde pošli,

na kravah jaram,u mojen oku suza,aš je did za telćića bič uza.u štali je sta,did ga je zva,

Ma van se ni da.Zvala san ga :»Bukalić»,doteka je kako mali tić.

Volila san ga napro,jako,ma nis ni marigala da će mu

život durati maša kratko.Lito i zima su pasali,prikurala san na selo,

da vidin,kako je moj mali.Baba mi ni rekla,

suza za suzon po licu je tekla.Nima više moga «Bukalića»,

nima više moga telćića.

LIBAR

Dica su blago na pašu gonili,da nidan ne vidi

libar za sobon su nosili.Spod smričke su sili

imali navrh blagoi libar štili.

Noge su he zeble,postoli ni bilo,

a u cavatah he viti,vero su delali milo.

Doma kad su se tornali,za školu su se prontali.

Sve bi darovali,za sve znatisamo da svoj libar

nisu tribali skrivati.

GRST SOLI

Meso i jaje,

ča ga kokoš daje, baba mi je rekla

da je u zadrugu tekla. Sve je gambijala da bi za grst soli

fameju kuntentala.

Teško je bilo, slabo se je ilo,

ma je stešo više ljudi

kuntento bilo.

BRAJDE

U polje su hodili

ma su malu marendu nosili. Boraš bilo ni

zato su facoli bili pronti. U facolu

bokun kruha,prst slanine, a na vozu u bisagah vise

bocun bevande i bocun bilice. Imali su muke

aš su orali na ruke. Ni traktor,ni freza

ničesa ni bilo, za brajde su dali srce svoje cilo.

BOŽIĆ

Božić je na vrati

ma nidan ne gre spati. Cilo lito,i veliki i mali

pensaju ča bi kemu darovali. Po starinsku smrička u kantunu kužine,

puna štolveri,balot, a oko nje čuda dičine. Kad san ja kako mala

na Božić pensala kuntenta san bila

kad mi je mati naranču darovala. A danas su u điru

niki gormiti,ninđe i internet. Sve je znopako pošlo

niko drugo vrime je došlo. Kad bin samo mogla svoju dicu

u jedan moj Božić popeljati, naranču njin darovati,

vajka bi njin u pameti bilo kako se nikada živilo.

BRENTA

Kad san vodu stila piti,

u brenti san je morala nositi,

a do šterne čuda hoditi. Nogu za nogon san vukla, da san samo kap prolila

baba bi me stukla. San bila mala,ma

i ja san he fabrikala. Did bi na baladuru sta

uza mi brentu i u hižu je unesa.

VEČERA

Aj,ljudi moji

ku večeru mi je baba prontala! Kapulu na salatu

mi je dala. Mižerija je u svakoj

fameji bila, ma ki je moga znati

da je moja baba po noći suze lila.?

U pijadini ni niš ustalo, a trbuhu je bilo malo.

Aj, nego se je moja baba štimala, da je dobru večeru uparičala.

BURELE

U mojoj Selini za burelati

su svi muškardini. Burele su teške,ma ne za selinarske meštre.

Aj,kako samo zogaju sve od sebe daju. Đino burele hita,

a Jure uzad njega stripa. Z lapižon punte sinjivaju, Selinari vajka dobivaju.

Niki je rabijan,niki se diverti, ma su ben svi u punoj kužini kuntenti.

BRIŠKULA

U podne,

kad su svi tribali spati, moj did je spod ladonje

z kunpanijom harte poša zogati. Špade,kope,dinari

su vikali, kako da su za šolde igrali.

Tonin je stripa kako da ga ki španjulet pita,

Jure je nervož bija aš je gubija.

Šilvano je pak po banku udrija,

a,moj did se je smija, ma,je harte zogati umija.

ŠTORIJA I ŠESTIJA

Ču van štoriju jenu špjegati ča san rivala ušervati i vižitati.

Šestija je u “Postaji”bija ki kod je moga se tamo skrija.

Rišćali su mladi da he nidan viti neće. Koliko suz je tamo palo,

koliko sriće je rivalo, koliko mladih se je peštalo,

i koliko se samo španjuleti pofumalo. Nemoren van povidati jušto sve,

pero,nidan nas ni ulovija ma svima nan je bilo slabo , kada se je španjulet dilija.

Pokle smo sve regulali a samo su repci sve znali i kantali.

SUSEDA

Moja suseda je stara,kroz garmu je gledan,faco na glavi,sić u rukipo korti na vik škiči,a forši je ča i boli.?

Gori, doli, po korti stripljene daj Bože da njoj muž

ča zbori.Lita su duga pasala,

ma ona se nanke mrveni gambijala.

A muž,tako star ča jeda bi se škapula ud nje,

svaki dan,cili životz traktoron biži i

u brajde gre.

MARIJA I TONE

U ranu zoru

peteh kukuriče, Marija već na

Tonu viče. Ma ča Van je zala bo došla?,

nanke na delo još nis pošla.

ROŽA

Roža,Roža draga

ča si i noćas vidila vraga?

Vajka san pensala da ćeš pameti dojti, a ti skrojzi govoriš

da ćeš mladiću pojti. Ma ne znan,ki mladić

bi u svojoj hiži ženu stija

da mu roge nabija?

BARBA

Pravega barbu smo imali,

“Divojka” su ga zvali. Ni niš umija,

ma loštešo nan je svu zemlju i hižu puštija.

Kad je zrman čuja na zemlju se hitija.

Sad za zemlju po sudi gre.

Ma,kalmaj se!!! Je ne dobiješ,ne!!!

JENA PLAVA

Ima jena plava

svakemu je dala. Doma muž i dica,

a na njivi čeka sto mladica.

Delo stoji, muž broji, ona pensa

da se niš ne zna. A malo selo,

vrag uza i delo.

BOŽE

Je bija jedan

Bože. Ma znaš kako je pametan bija!??. Cavate je šija.

Vajka je jenu veću i jenu manju cavatu učinija.

Alora,je štabeja bija!?

JURE KEBA

Barba Jure Keba ni moga znatida će uven svitu

sto svojih lit darovati.U selu se je učinila fešta,poli barbe Jure meštra.

U korti je puno svita bilo,za isti i piti ni falilo.Da će i balun plesati

nidan ni zna,aj ljudi moji!!!

Sve nas je kuntenta.Nikad ga ne pozabimo,aš na njigov rojeni dan

feštu našega sela slavimo.

ČRLJENI LASI

Črljene lase ima

kad je vidin me pasa zima. Kolori su lipi,

ma na njoj stoje kako da su slipi.

FRIZERAJ

U frizeraju

žene čakulaju. Jena šinjora

permanente dela, druga lase pituriva,

a treća za susedu povidiva. He gledan i pensan:

sve bi van lase tribalo ustriči,

i kolore gambijati, pak bi te imale

u svojoj korti ča prati.

1958.LITO

1958.lita

moj utac i mati za novo lito su poli babe i dida

pošli spati. Ma u Dvigrad gradu

su zgubili nadu. Mati mi je zbabna bila,

a za zajti vanka je meni bilo sila.

Na noge su po kročerošu pošli, ma već san bila vanka

kad su oni došli. U Dvigradu gradu

na česti san se rodila, utac mi je reka:

“Ni tvojoj materi ni laka bila”.

MOJ UTAC

Moj utac je u školu z bičikleton hodija, aj nego se je činija. Kumedije je dela više nego po sela.

Mati mu je bila mila, sve ga je puštila.

U školi je napro pravi bija. Mat mu je rekla:

“Rumane moj,za popa ćeš poj”! “Aj majko moja,lipo je sve znati

ma za popa neka gre drugi študijati!”

MOJ DID

Kad san bila mala svega san želila, ma san najrajže

poli dida pršuta ila.

U ranu zoru did je z blagon na pašu poša,

ma je vreda doma doša.

Uza me za ruku, bačin mi je da

i čuda pršuta nariza.

Lita su pasala did mi jako fali,

a zva me je :”Mali”.

MATI

Mati,kako mića besidaa kako velik čuvik

uzad tega imena stoji.

Sve si provala,više slabega,

manje dobrega.Divojka kad si bilai libar si skrivala.Kad si se za moga

oca zakonilačekala si, čekala,

čekala tri duga lita.Moju sestru gojila,

na delo tekla,pode z škrtačon od kršina fregala.

I vajk se upitan:„ Ma kako si vrimena našlaza sve uparičati i prontati,moju seku u zibki zunzati

i ocu leteru napisati?“

MOJOJ DICI

Dico moja,kad san vas rodila

na nebu je najlipča zvizda zasvitlila.

Gojila san vas kako san umila, nego san se štimala i srična bila.

Vajka san pensala da ćete u mojen krilu biti,

ma nis ni marigala da morate svoj život živiti.

Po hrbatu mojen čuda tega je pasalo, ma san stala kuco da se nebi znalo.

Vaš utac mi skrojzi kaživa: “Pušti dicu,neka se ranđaju

ča ti malo sriće daju!!?” Ma ki će jenoj materi špjegati

da su njoj dica uzad tujih vrati!??

BOJŽA POMOĆ

Govore svi:

na dotrinju triba hoditi i Boga moliti.

U crikvi gospodin i cviće, na oltaru gore užgane sviće.

Gledan zgorun ,kad bi me čuja ča pensan:

svoj dici svita bi oca i mater da, za bolest nidan nebi zna.

Na trsi grojza bi bilo, na polju kumpira koliko ti je milo.

U korti svakoj cviće bi reslo, suze bi bile

za nike druge, sriće i zdravlja za dicu,za vas i za sve nas.

LJUBAV ZA SVE

U mojen srcu voganj gori,po cilen me tilu i duši tepli.

Za ljubav iz mojega srca dati,triba napro zameritati.

Svojen čuviku san je darovalai za dicu san je prontala.

Ljubav za unuke ne triba iskati,aš kad oni dojdu

ona he već čeka sprid mojih vrati.Svaki čuvik ljubav u srcu triba imati,

magari jedan kušćić prontati.Za pravega čuvika voliti,

triba anke i patiti.Za sve ljude i Bog će znati

kad će njin vrči sriču sprid vrati.

MOJA RADOST

Oko moje hiže cviće,

a u njoj je sve teplo od sriće.

Pravi muž,prava dica, a zet i nevista u mojen srcu

vajk imaju mista. Tri unuka,

tri zlatne babine grane, kad mi je teško oni mi liče rane.

MOJ ŠPEGALJ

Dva bisera,Dva lipa oka,moj špegalj,

moja dobrota.Tilo zgobečenood dela velika,

ruke meke i trudnei još vajk

vrimena imau krilo da me uzme.

ANĐELIĆ

Na kružeriz svojon dicon stojin.

Kojon česton he uputiti?Da budu ljudi,

da materi i ocu ponos zbudi.

Ujavija mi se anđelić mali:„Drži he čvrsto za ruke

hodi unon čestonkamo te srce vuče.“

Da moran i danasšnjima sve pasati,

anđelića zvatičesta bi bila prečiža

i jušto bin znala kamohe triban popeljati.

LIPOTICA

Angušt je riva i pošla san poli moga mora.

Na teploj škrili ću siditi,pensati...

moju Istru z besidami darovati.

Vira je u meni velika - štufala san se govoriti

da je Istra Merika.Ma sad ću van špjegati, pak pensajte Vi:

Ma kadi je nebo tako vedro, ma kadi je more tako modro

kadi Sunce tepli tako jako,jako kadi zvizde tako svitle

ma kadi Misec pokaživa pute ma kadi bura tako šviće,???

ma kako je lipo naše pramaliće!

Istro moja, lipa, draga vajk ćeš mi u srcu biti

a naše navadbe nikada neću pozabiti.

ISTRO MOJA

Istra,kako lipa besidabrajde zorane,ulike ukopane

modro nan je more,a sve milo cviće nan reste

na vrh Učke gore.Kad kroz Učku pasivaš

srićan si da se u Istru tornivaš.Kad tuji svit moraš pasati

srce ti rove,duša škiči,nebo se nad tobon lomi.

Susedi su me javizalida su tići u mojoj korti

gnizdo uparičali.Na kušinu moja glava leži

srce mi u Istru biži.Ča me je to kapitalo???

Ma tilo mi kanta,moje me srce u Istru tornalo.

PRAMALIĆE

Njive naše, brajde naše, ma ja gledan

ki mi to zgor maše? Ma, to je Sunce,

moje cviće, u naš korat

nosi pramaliće.

ŠEKADA

Kad kaplje morablište

i kad tesuzeu okutište,

babin passprid tebe stoji.

Šekada je rivala,trabakuli se

u portu lelaju.Tremuntana pomalo pasiva,

ribari se prontivajuda u more

mrižuhitaju……..

TEŽAK

Lipa naša črljena zemlja.Težak po njoj

sadi,kopa.preče

te grude velike kako punje.

Pensa da iz njeniknuti

niš neće.

Trudan,svaki dan dela.A za doma dojti

triba pasatipo sela.

HIŽA UD STARINE

U korti stara hiža,ud kamika učinjena,

sva se je zgobilaveć ud vrimena.

Voz na srid korte sam stoji,kako da pasano vrime broji.

Koliko se je duš tu rodilo?Koliko dice zgojilo?

Koliko se je njihpoli gnjišta steplilo?

Kroz vokna je bura puhala,a na gnjištu se je palenta kuhala.Ma ča je tin ljudima forcu davalokad su svega imali tako malo!!??

MERIKA, MERIKA

Jako uzdavni,pokle rata niki je Istrijanima reka,

da he Merika čeka. Čuda je njih

svoju Istru puštilo, a u srcu njin je milo bilo.

Merika,Merika. Grda su bila sva ta lita,

a u duši žalost kad se za Istru pita. I moj barba je poša!

Na kraju života svoga je stija doma dojti,

ma ni riva, je tamo usta.

Merika,Merika.

ANĐELO I MATI

Anđelo ni moga spati,aš je fameji

glad bila sprid vrati. Da bi njin bolje bilo,

brižno tilo,u Meriku se uputilo. Cila fameja se je prontala,

ma mater si reć ni dala. Gremo majko svi

ni Vas nećemo tote puštiti. Hodi sine,hodi,forši će ti bolje biti,

ma ja svoju Istru neću puštiti. Mrve kruha ću isti,kaplje mora ću piti

i zate ću Boga moliti. Na morskoj stini ću siditi,suze roniti.

U tuji svit ste pošli!!! Čekan leteru,čekan vas i dicu, nagrišpana san već sva u licu.

Kad se tornate doma mene za neće biti, ma ključ od hiže ću susedi puštiti.

RAKLJANSKA GROTA

Teško je navigati i matrikul imati.

Na mora velika,kako Merika Rakljanci su hodili, po noći Boga molili,

na svoju grotu da se tornaju, da he čeka žena i mati,

a dica da se u korti igraju. More,more i samo more, a naš Rakalj nazad zove.

Triba se fameji svojoj tornati i svu mižeriju provati.

OD UČKE DO MORA

Kada ljudi kroz našu Učku goru pasivaju,

i kad se zdolun pripeljivaju, ne pensaju kamo su pošli, ma svi znaju da su u raj

zemaljski došli. Na deblima tići kantaju, po kortah se dica igraju, a naokoli ulike cvitaju.

Na polju težak seno prehićiva, a pot ga po tilu umiva.

More se je z nebon ulovilo, Sunce nan je Istru steplilo.

A kad čuješ zvuke miha i roženice,

tribaš stati i zakantati, aš Istra naša je raj, ona je, naša mati.

VRIME

Lita greduja za njima

tečen,po mladosti

prečen.Lice nagrišpano,

svi gremozdolun,malo,

pomalo.

ŠĆAPUN

Šćapun u ruki.Ma kako da ga materi dan

samo ti jedan dan?Ma ča ni meritalai garoful i cvićei pomoć moju

i da njoj moja rukavajka srce tiće?

Ud malega je vajkzuz mene stalaud svih me jevelikega srca

škapulala.Uni dan kad je zgubin,

kad je ne bude,srce će mi umriti,

škopijati,ud žalosti i ud tuge.

BILI PRAH

Bili prah,prodana duša,kupljeno tilo.

Bili prah,Dvi suze bisera u oku.

bili prah,čuda lit

uponoru dinboku.

KUNJADA

Lasi,žuti kako zrilo žito.

Oči,dvi školjke na morskoj šabiji.

Dvi špože, jena žena.Dva sina

ud kamika učinjena.Modro njoj nebo

leteru šalje:„Kamo sad,kako naprid,kako dalje?“

Na mojih je rukahdušu spuštila,

za oprost griha me molila.Sve san zabila,

sve san njoj uprostila,i ča god san imalasve bin bila dala,samo njeju besiduda san rivala čuti:

„Fala ti kunjada,fala.“

MIRJANA

Moje te oči išćuI duša mi ne da mira

Radost si moja bila.

Ja u nebo gledan,A zvizde mi pute kaživajuNa ten putu za h tebi doj

A seko,seko,tornaj se u život moj.!!

KATA

Aj moja Kate,svi mladići sela

su pitali zate. Ma ti si se samo

na jenega namorala, a u glavi nisi niš pensala.

Ste se tribali uženiti, ma nisi znala da ćete sprid ultara puštiti.

Tuga i žalost, kako si samo ruvinala svoju mladost.

Znan da ti je u srcu ustala velika grota,

dani i lita pasivaju,a on ti se još u glavi mota.

Da moreš sve tornati “Ča biš učinila?

Znan: samo sina biš si puštila.

ZA FRANU

Frane u drivenoj postelji

bolan leži,Boga moli da mu zavajka zapre trudne oči.

Na slabo da ne pensa, fameju da škapula.

Lačno dite,lačna mati ma na koja vrata da gredu

pitati isti i spati. Nikada se je za pijat maneštre

po žurnadah hodilo, ma danas ninemu ni

ninega milo. Dani pomalo pasivaju,

jutra i sunce Franu umivaju, još vajka Boga moli

dok bolan u drivenoj postelji leži.

VITURA

Zvizde na nebu svitle,pute mi misec sinjiva,

peteh još spi,a ja se na delo levivan.

Peljen pomalo,vitura je stara.

Srića da kušeljati ne more,ki zna

ča bi mi sve povidala.

Peljen tako, metar po metardoprto vokno,

profumi sela h meni biženiki tići kantaju

po česti mačak plazi,i blago je već na paši.

Kako je lipo biti kuščić tega vrimena.

Ki zna ko ću i ja zduratikako i moja vitura stara

kroz život tako pomalo peljati.!?

JENA MATI

Jena mati,tri dice

puno je srce, a vrime teško je.

Za svoju dicu ča bi sve mati dala:

i srce,i dušu i sriću i radost, samo neka oni

lipo žive svoju mladost.

FAMEJA

U hiži svakoj,smiha triba biti,

cila fameja se moraštimati i voliti.

Da bi dica srićna bila,ne rabe njin šoldi,

samo roditeljska srca cila.Poli vognja ćemo se stepliti,

čakulati i moliti,da nan u srcu bude srića,

dok su dica i velika i mića.Da nan žive lipu mladost,

da nan dadu radost,da skupa poživimo largu starost.

i dok na nebubudu naše zvizde svitlile,

dica će znatida su to njihove: čuvar vile.

MOJEN ČUVIKU

Kako mala,vajk san pensalakega ću voliti?

ki će mi muž biti?Mogla san i moliti,

ma,tebe tako pravega,nis znala da ću dobiti.

Bačin prvi kad si mi da,sva mi se je duša stresla.

Kad ti se ruka po mojen tilu kaliva,srce mi kanta:»Živa san,živa.»

Ti si moja srića,moja mladost,moja starost.Šerija san kad Van rečen:

«Neka i Bog čuje ,neka zna!!Kad bi te tribalo škapulati

i zate umriti da mi nebi bilo ža»:

Pjesnikinja bogobojazno, skromno, po domaću istrijanski, otpočinje svoj plet. Plete ona sve sigurnije kako pojedine verse okonča, ali nikada ne izljeće, nikada da bi punat više uplela, uvjek s mjerom bira taj rikam kojim podastire vlastito viđenje, dojam, ushit; gdjekad i tugu razapinje, baš kao što i ona da nju i ljude u njenu okruženju. Melje i drobi vers po vers, poput života što drobi i melje ljudske sudbine - svaka hiža ima svoj križ i raspelo, predivo je kojim plete, ponajbolji stih, zagonetka, možda utvar, ali suština koja nas drži i propituje: - Jesmo li mi sami, ili jes On koji nas vodi ovom životnom stazom? Golica nas to, ponajprije u bolesti i zlu, tada smo podatni i meki; mjesi nas životno pregnuče bez po muke, sav nauk i spoznaje nam tada nisu dostatne i svakako, valja kriti knjigu i tjerati krave na ispašu; raditi ponajprije, kruh svakdašnji priskrbiti, a tek potom po nauk u školu. Pjesma je životna koju pjeva Rita Brgić Stokić. Udilj, sve to mi znamo, ali hir, radoznalost, neugasiva potreba vi-djeti, opipati, čovjeku je svojstveno, tako i pjesnikinja bilježi goli život, od erotskog naboja do samrtne tuge i straha, pa oslikava i prirodu kao datost, tješiteljicu i krijepiteljicu. Lirski vjenac koji nam je priredila Rita, ne samo što nas jezički bogati već nas i krijepi prepoznanjem vlastita nemira, svrho-vitosti i vlastita kraja. Sve je, ipak, relativno, ali ljubav ostaje: - I kad nas ne bude,dokle budu gori zvizde svitlile,dica će znati ... Ritin uradak je vrijedan po jeziku i sadržaju, bez pompi i čiprija, bez maski i lažnih taloga umetnutih tek poradi udvara čitatelju, iskreno i pošteno na ogled nudi nam svoj život i okruženje, bez ostatka, onakav kakav on i jest.

U Juršići, 2011. Slavko Kalčić