strategjia kombetare per arsimin gjitheperfshires 2004-2015.pdf
TRANSCRIPT
REPUBLIKA E SHQIPËRISË
MINISTRIA E ARSIMIT DHE E SHKENCËS
STRATEGJIA KOMBËTARE E
ZHVILLIMIT TË ARSIMIT
PARAUNIVERSITAR
2004 - 2015
Qershor 2004
Projekti i Bankës Botërore për Arsimin
Kredia e Projektit ”Reforma në Arsim” 3343 -ALB Republika e Shqipërisë PËRMBAJTJA
LISTA E SHKURTIMEVE TË
PËRDORURA..............…………………...…...................................……4
HYRJE..................……………………………………………………………..….…..
...................................5
PJESA A: PRIORITETET PËR ZHVILLIMIN E SEKTORIT TË ARSIMIT
PARAUNIVERSITAR ..….…..8
A.1 QEVERISJA - REFORMIMI DHE FORCIMI I KAPACITETEVE
MENAXHUESE ……………….8 A.1.1 Reformimi i
MASH.....................……………………………………………............................
.......8
A.1.2 Decentralizimi........……………………………………………………….…...
...............................…9
A.1.3Autonomia e shkollave..…………………………………………………….................................
....10
A.1.4 Sistemi i menaxhimit të informacionit në sektorin e arsimit (EMIS) ............................…11
A.1.5 Raportimi dhe sigurimi i
cilësisë........………………………………....................................….12
A.2 PËRMIRËSIMI I CILËSISË SË PROCESIT MËSIMOR
(MËSIMDHËNIE/NXËNIE)..………………………………………………....
.................................14 A.2.1 Zhvillimi i
kurrikulës............……………………………..……………….............................
.......15 Korniza kurrikulare kombëtare
Racionalizimi i lëndëve
Brendia. Integrimi vertikal dhe horizontal Struktura e kurrikulës së arsimit parauniversitar
Zgjedhja e lëndëve nga nxënësit dhe kurrikula gjithpërfshirëse
Kurrikula e arsimit profesional
A.2.2 Zhvillimi i profesionit të
mësimdhënies..………………………….....…..................................17 Parashikim më i mirë i kërkesës për mësues
Forcimi i Qendrës së Trajnimit dhe Kualifikimit për Arsimin
Përmbajtja/procesi i kurrikulës për trajnimin e mësuesve, etj Skema motivuese të punësimit të bazuara në meritat
Shqyrtimi i modeleve të reja dhe alternative të trajnimit të
mësuesve
Sigurimi i cilësisë/regjistrimi i mësuesve Trajnimi i mësuesve gjatë punës dhe rrjetet profesionale
A.2.3 Zhvillimi i teksteve shkollorë
……………………………………………….................................19 Përzgjedhje më e mirë e përmbajtjes dhe strukturës shpjeguese
Koordinimi i kërkesës dhe ofertës për tekstet shkollore
Menaxhimi i kërkesës dhe ofertës për tekstet alternative Privatizimi
Mbulimi i kostos
A.2.4 Burimet alternative të mësimdhënies ………………………………..…..................................21
A.2.5 Provimet dhe
vlerësimet.................................................................................................
..22 Forcimi i kapaciteteve
Monitorimi i cilësisë dhe përdorimi i indikatorëve ndërkombëtarë
Zhvillimi dhe menaxhimi i provimeve kombëtare
A.3 FINANCIMI I ARSIMIT PARAUNIVERSITAR ……......……………...…..................................24
A.3.1 Përbërja e buxhetit të arsimit
……..............………………………….....................................24
A.3.2 Instrumentat dhe proceset për transferimin e fondeve....................................................25
Grantet bllok
Financimi i Pushtetit Vendor
Menaxhimi i shpenzimeve korrente nga MASh Përgjegjshmëria dhe transparenca
Kapaciteti i planifikimit të buxhetit
A.3.3 Rritja e efiçencës në financimin e nënsektorit ….........……………….................................27
Komunikimi dhe shkëmbimi i informacionit
Financimi jo-publik për arsimin Mbledhja e të ardhurave për shkollat
Përjashtimi nga taksat i investimeve në arsim
Rialokimi i fondeve. A.3.4 Programi i investimeve …………….……………………………….…….….................................29
A.3.5 Sistemet e ekspertizës dhe mbështetjes së reformës së
propozuar ………….......................................……..…………………..............................
.......29
A.4 KRIJIMI I KAPACITETEVE DHE ZHVILLIMI I BURIMEVE
NJERËZORE –NDRYSHIMI KONCEPTUAL
….....……………………....................................30
A.4.1 Arsimi si shërbim ndërsektoral ……..........………………..………...….................................30
A.4.2 Racionalizimi i shpërndarjes së shkollave
……………………………....................................31 A.4.3 Inspektimi dhe ndihma
…………........…………..……………………......................................31
A.4.4 Profesionalizimi i mësimdhënies......................................................................................32
A.4.5 Lëndët me zgjedhje dhe specialitetet …….............……………..…......................................32 A.4.6 Zhvillimi i politikave i bazuar në kërkim dhe i orientuar nga të
dhënat.......................................................................33
PJESA B: MATRICA E POLITIKËS: ÇËSHTJET E RËNDËSISHME,
OBJEKTIVAT, PËRFITUESIT, INDIKATORËT MONITO-
RUES DHE AFATET KOHORE …..............................................................................…34
B.1 QEVERISJA - REFORMIMI DHE FORCIMI I KAPACITETIT MENAXHUES
……………….....................................................….….................................
...34
B.2 PËRMIRËSIMI I CILËSISË SË PROCESIT MËSIMOR
(MËSIMDHËNIE/NXËNIE)……………….........................………....…....................................37
B.3 REFORMA FINANCIARE PËR ARSIMIN PARAUNIVERSITAR ………..................................40
B.4 KRIJIMI I KAPACITETEVE DHE ZHVILLIMI I BURIMEVE
NJERËZORE-KALIMI KONCEPTUAL
………….............................…....................................43
LISTA E SHKURTIMEVE TË PËRDORURA
BB Banka Botërore BE Bashkimi Europian
CARDS Asistenca e Komunitetit për Rindërtim, Zhvillim dhe
Stabilizim DAR Drejtoria Arsimore Rajonale
EFA Arsimi për të Gjithë
EMIS Sistemi i Menaxhimit të Informacionit në Arsim GDP Produkti Kombëtar Bruto
IKS Instituti i Kurrikulës dhe Standardeve
ILO Organizata Botërore e Punës
INSTAT Instituti i Statistikave LSMS Studimi Vlerësues i Standardit të Jetesës
MASH Ministria e Arsimit dhe e Shkencës
MBP Menaxhimi në bazë të performancës MPVD Ministria e Pushtetit Vendor dhe Decentralizimit
OECD Organizata për Bashkëpunim Ekonomik dhe Zhvillim
OJF Organizatë Jofitimprurëse PV Pushteti Vendor
QKAVP Qendra Kombëtare Arsimore e Vlerësimit dhe Provimeve
QTKA Qendra e Trajnimit dhe Kualifikimit për Arsimin SAPP Sektori i Analizës së Politikave dhe Planifikimit
SKZHAP Strategjia Kombëtare e Zhvillimit të Arsimit Parauniversitar
SKZHES Strategjia Kombëtare e Zhvillimit Ekonomik e Social
TIK Teknologjia e Informacionit dhe Komunikimit UNICEF Fondi i Kombeve te Bashkuara per Fëmijët
VKM Vendim i Këshillit të Ministrave
ZA Zyrë Arsimore
HYRJE
Qeveria shqiptare dhe organizmat ndërkombëtare prej kohësh kanë
pranuar se reformimi i sistemit arsimor ka rëndësi të madhe në
rritjen e zhvillimit ekonomik dhe social të vendit. Ndaj iniciativa për hartimin dhe zbatimin e strategjisë kombëtare të arsimit
parauniver-sitar është tepër domethënëse në këtë kontekst. Kjo strategji është bazuar në versionin e mëparshëm të projektit të
strategjisë kombëtare, në raportet e Ministrisë së Arsimit dhe Shkencës dhe të qeverisë shqiptare si dhe në raportet e shumta të
konsulentëve vendas dhe të huaj. Për hartimin e saj, MASH është
mbështetur në asistencën e organizmave të rëndësishëm ndërkombëtare, si Banka Botërore.
Strategjia e propozuar synon të jetë dokumenti bazë i një platforme
kombëtare, brenda të cilës të gjitha grupet e interesit mund të japin
kontributin e tyre. Interesimi i medias dhe komunitetit të biznesit për statusin e arsimit është rritur ndjeshëm vitet e fundit. Veç
kësaj, reformat thelbësore të ndërmarra në këtë sektor kanë patur edhe mbështetjen e organizatave jofitimprurëse. Ky draft
konkretizon një nga përpjekjet më të rëndësishme për angazhimin intensiv profesional dhe vendosjen e dialogut gjithpërfshirës, për të
siguruar mirëkuptimin ndërmjet aktorëve të ndryshëm dhe për të
garantuar një sistem arsimor të barabartë, laik e të respektuar në nivel ndërkombëtar. Në tabelën Nr.1 jepet një pasqyrë e aktorëve
kryesorë, nivelit të tyre dhe karakterit të përfshirjes në kuadrin e përgatitjes së draftit të strategjisë kombëtare të arsimit
parauniversitar dhe propozimit të projektit “Arsimi për të Gjithë”
(EFA).
Tabela Nr.1 Aktorët kryesorë Pjesëmarrja/
numri i
veprimtarive
Lloji i
veprim-
tarisë
Rrugët e
informimit
Qeveria Legjislacioni Ministria e Financës Ministri të tjera të linjës Pushteti Vendor (Qark/ Bashki/Komunë
Gjithsej 112 veprimtari 4 3 15 50 40
Takime, tavolina të rrumbullakta, seminare, diskutime
Njoftime publike, lajmet ne TV, raporte, seminare, Konferenca shtypi
OJF
27 veprimtari nga 8 organizata
Takime dhe forume
Raporte, seminare
diskutimesh
Klientë kyç Mësues Drejtorë Administrata Prindër Nxënës
Gjithsej 1335 211 57 32 300 735
Takime, tavolina të rrumbullakta, seminare, diskutime
Takime, tavolina të rrumbullakta, seminare, diskutime, konferenca shtypi
OJF të huaja/partnerë të jashtëm
6 (BB, BE, SOROS, SAVE UK, UNICEF, ILO)
Takime, tavolina të rrumbullakta, seminare, diskutime
Raporte, seminare
Ky dokument strategjik udhëhiqet nga parimet dhe praktikat më të
mira ndërkombëtare të vendeve të OECD, BE apo organizmave të tjera. Ai synon të trajtojë aspekte të gjendjes aktuale dhe të
propozo-jë masat dhe ndërhyrjet e nevojshme për secilën prej
fushave kryesore respektive të mëposhtëme të sektorit të arsimit, duke u përpjekur njëkohësisht të shmangë përshkrimet e
panevojëshme.
Drafti i strategjisë ndahet në dy pjesë, A dhe B. Pjesa A paraqet në
mënyrë të përmbledhur veprimtarinë e deritanishme të MASH në kuadrin e reformimit të sistemit arsimor, evidenton pikat e forta
dhe të dobëta të gjendjes aktuale të shërbimit arsimor, arritjet dhe dobësitë dhe, njëherazi, propozon masat konkrete në kuadrin e
reformimit të sektorit të arsimit.
Kjo pjesë përfshin kapitujt e mëposhtëm:
A1: Qeverisja—reformimi dhe forcimi i kapaciteteve mena-
xhuese A2: Përmirësimi i cilësisë së procesit mësimor
(mësimdhënie/ nxënie)
A3: Krijimi i kapaciteteve dhe zhvillimi i burimeve njerëzore-ndryshim konceptual
A4: Financimi i arsimit parauniversitar
Pjesa B e strategjisë përmbledh veprimtaritë kryesore, objektivat, indikatorët monitorues, rreziqet e supozimet si dhe afatet e
përgjith-shme kohore. Ky informacion është bazuar në përshkrimet
e fushave përkatëse të trajtuara në pjesën A dhe paraqitet në formën e katër matricave të veçanta për secilin komponent. Është e
rëndësishme që leximi i matricave të bëhet në kontekstin e
përshkrimeve të fushave përkatëse, sipas komponentëve. Matricat
lidhin objektivat kryesorë, identifikojnë kufizimet e mundshme në arritjen e objektivave si dhe veprimtaritë e planifikuara për arritjen
e tyre. Ato përmbajnë gjithashtu indikatorët monitorues për vlerësimin e rezultateve si dhe sugjerojnë afate kohore për
realizimin e veprimtarive kryesore. Strategjia e propozuar synon jo vetëm të udhëheqë MASH-in në
realizimin e reformës arsimore, por të shërbejë edhe si një bazë për
hartimin e projekteve të ardhshme në sektorin e arsimit. Ajo do të parashtrojë çështjet e rëndësishme si dhe prioritetet kombëtare për
të gjitha grupet e interesit dhe organizmat ndërkombëtare si Banka Botërore dhe Bashkimi Europian. Hartimi i plan-veprimeve të deta-
juara të kësaj strategjie do të realizohet nëpërmjet bashkëpunimit
të mëtejshëm midis Sektorit të Analizës së Politikave dhe Planifikimit në MASH dhe organizmave përkatëse të huaja, si
Banka Botërore, nëpërmjet asistencës teknike.
A- PRIORITETET PËR ZHVILLIMIN E SEKTORIT TË
ARSIMIT PARAUNIVERSITAR
A1 Qeverisja - Reformimi dhe forcimi i kapaciteteve menaxhuese
Qeveria Shqiptare ka pranuar prej kohësh elemente të inefiçencës
që rezulton nga zbatimi i një modeli menaxhimi ende të
centralizuar në qeverisjen e vendit në përgjithësi dhe në fushën e shërbimeve në veçanti. Në reflektim të këtij fakti, ajo tashmë ka
projektuar dhe ka filluar zbatimin e një reforme të gjerë strukturore dhe funksionale në shërbimet e ndryshme publike. Për këtë qëllim,
Qeveria ka miratuar legjislacionin e nevojshëm që lejon adoptimin dhe zbatimin e një sistemi të decentralizuar menaxhimi. Kështu,
vitet e fundit janë kryer auditime të punës duke i klasifikuar ato në
përputhje me sistemin e ri të pagave. Ndërsa ristrukturimi formal ka shënuar progres të dukshëm në disa sektorë, duke përfshirë
edhe sektorin e arsimit, ritmet e decentralizimit të përgjegjësive dhe të autoritetit vendimmarrës nga niveli qendror drejt atij vendor në
këtë sektor nuk janë të kënaqshme, veçanërisht në arsimin parauniversitar. Kjo politikë mbart implikime të rëndësishme për
MASh, përsa i takon rritjes së cilësisë dhe efiçencës së shërbimit
arsimor. Për të realizuar këtë, MASh ka marrë një sërë masash dhe ka kryer disa ndërhyrje. Transparenca që ka shoqëruar procesin e
vendimmarrjes ka rritur pjesëmarrjen e grupeve të interesit dhe mbështetjen e procesit me konsulencë teknike dhe burime
financiare nga ana e organizmave ndërkombëtare.
A1.1 Reformimi i MASH
Mbështetur në studimet dhe raportet e ekspertëve vendas e të huaj,
qeveria ka miratuar legjislacionin përkatës për ristrukturimin e MASh dhe të institucioneve që varen nga ajo. Këtu futen:
- - Vendimi i Këshillit të Ministrave Nr. 321, datë 09.12.2002 “Për Organikën e Ministrisë së Arsimit dhe Shkencës”;
- - Urdhëri i Kryeministrit Nr.164, datë 12.12.2003 “Për Miratimin e Strukturës së dhe të Organikës së Drejtorive
Arsimore Rajonale (DAR) dhe Zyrave Arsimore (ZA)”;
- - Vendimi i Këshillit të Ministrave Nr. 654, datë 25.09.2003 “Për krijimin e Institutit të Kurrikulave dhe Standardeve (IKS)”;
- - Vendimi i Këshillit të Ministrave Nr. 655, datë 25.09.2003 “Për krijimin e Qendrës së Trajnimit dhe të Kualifikimit për
Arsimin (QTKA);
- - Vendimi i Këshillit të Ministrave Nr. 309, datë 12.05.2001 “Për krijimin e Qendrës Kombëtare Arsimore të Vlerësimit dhe
Provimeve (QKAVP)”.
Aktualisht, MASH është në procesin e hartimit dhe implementimit të masave për zbatimin e akteve ligjore dhe nënligjore të miratuara.
Me mbështetjen e BB, MASh po planifikon të shtrijë reformën e re
të menaxhimit edhe në nivelin e dytë (DAR dhe ZA), që synon stabilizimin dhe funksionimin me efiçencë të plotë të sistemit
menaxhues të performancës në të gjitha shkallët e tij. Kjo ndërhyrje, nëpërmjet rritjes së transparencës për rolet e vendeve të
punës në të gjithë piramidën administrative, do të qartësojë më
mirë detyrat, përgjegjësitë dhe detyrimet reciproke institucionale për secilin vend pune. Kjo do të rrisë shkallën e performancës së
çdo individi të angazhuar në menaxhimin e sistemit. Theksojmë se ndërhyrja do të marrë parasysh veprimet dhe procedurat e
nevojshme për të siguruar dhe ruajtur nivelin minimal të performancës. Sistemi do të sigurojë raportimin dhe auditimin në
disa drejtime, duke rritur në këtë mënyrë transparencën për
veprimtarinë e tij. Ai do të sigurojë krijimin e mekanizmave të brendshëm dhe të jashtëm brenda sistemit të menaxhimit. Në një
periudhë afatshkurtër (5 vjeçare), MASh do të operojë sipas modelit të menaxhimit me bazë perfor-mance, ku do të përcaktohen qartë
rolet dhe përgjegjësitë. Kjo do të realizohet fillimisht me futjen e
sistemeve të reja në nivel qendror dhe më pas në nivel rajonal (drejtoritë arsimore), deri në nivel komune dhe shkolle. Modelet me
bazë performance do të përdoren për të krijuar përgjegjësi individuale më të mëdha për vetëzhvillim dhe novacione. Kjo do të
gjykohet dhe vlerësohet në bazë të prioriteteve të përfshira në
kuadrin kombëtar si dhe në kuadrin e politikës arsimore
parauniversitare.
A.1.2 Decentralizimi
MASh vlerëson dhe pranon programin e Qeverisë për dobitë dhe përfitimet që rrjedhin nga decentralizimi i qeverisjes në sektorin e
arsimit parauniversitar nëpërmjet zgjerimit të pjesëmarrjes dhe
rritjes së efiçencës së grupeve të interesit të përfshira në proces.
Ekzistenca e Ministrisë së Pushtetit Vendor dhe Decentralizimit (MPVD), me detyrat dhe përgjegjësitë e veta në strukturën e
qeverisë, është një mbështetje e rëndësishme për realizimin e procesit të decentralizimit. Në kuadrin e këtij procesi, MASH, në
bashkëpunim me MPVD dhe me mbështetjen e organizmave
ndërkombëtare, ka miratuar një program bashkëpunimi, i cili angazhon të dyja palët në delegimin qarqeve, drejtorive arsimore
rajonale, bashkive, zyrave arsimore, komunave dhe shkollave të autoritetit, përgjegjësive dhe përgjegjshmërisë që u takon atyre për
qeverisjen e arsimit. Me asistencë të BB, MASH-i ka përfunduar
dokumentin përkatës “Për politikat e decentralizimit në sektorin e arsimit parauniversitar në bashkëpunim me Ministrinë e pushtetit
Vendor dhe Decentralizimit dhe me asistencën e Bankës Botërore (Aneks).
Në këtë dokument përshkruhen çështjet qendrore në lidhje me Decentralizimin, përfshirë disa përkufizime, avantazhe dhe
disavantazhe, si dhe kushtet që bëjnë të mundur arritjen e
suksesit. Mekanizmat që veprojnë në nivele të ndryshme të sektorit të arsimit
publik dhe që përfshijnë financimin, aftësimin e mësuesve, fleksibili-tetin e kurrikulave etj., janë komplekse dhe në mjaft raste
shkak-tojnë konfuzion. Për të qartësuar e lehtësuar procesin,
MASH ka formuluar një platformë implementimi, e cila synon:
ndarjen e përgjegjësive funksionale në sektorin e arsimit
ndër-mjet niveleve të qeverisjes, dhe
identifikimin e kushteve për të rritur përgjegjësinë mbi
funk-sionet që priten të decentralizohen, nga niveli qendror në nivel vendor.
Ky proces do të realizohet përmes një balance të kujdesshme ndërmjet centralizmit dhe decentralizmit, shoqëruar me
ndërgjegjësi-min për risqet dhe mundësitë e suksesit. Zbatimi ka
filluar me eksperimentimin pilot me bashkinë e Tiranës dhe
mendohet të realizohet me faza edhe në nivele të tjera vendore.
Periudha e piloti-mit do të shërbejë si periudhë tranzitore dhe qartësimi për vendim-marrje në nivel kombëtar. Ndarja
përfundimtare e përgjegjësive do të varet nga rezultati i pilotimit dhe, brenda vitit 2004, parashikohet amendimi i ligjit për të
zyrtarizuar transferimin e përgjegjësive nga niveli qendror në atë vendor.
A.1.3 Autonomia e shkollave Në një sistem të decentralizuar, shkollave u kërkohet të marrin përgjegjësi të mëdha në planifikimin, menaxhimin dhe përmirësimin cilësor të shërbimeve që ato sigurojnë. Aktualisht, strukturat ekzistuese dhe personeli ekzistues kanë
kapacitete të kufizuara për ta kthyer atë në realitet. Komunitetet lokale dhe prindërit në të kaluarën janë përfshirë shumë pak në planifikimin e veprimtarive shkollore dhe zgjidhjen e probleme eventuale që shoqëronin procesin mësimor, prandaj ata e ndjejnë jo si duhet përgjegjësinë për zhvillimin dhe ruajtjen e cilësisë së shërbimeve që ofrohen nga shkollat. Ekziston nevoja për të zhvilluar kapacitetet në strukturat organizative dhe ato të personelit, në mënyrë që të instalohet kjo performancë në rolin dhe marrëdhëniet e shkollave me komunitetin. Realizimi i këtij hapi përfshin ndryshimin e një pjese të legjislacionit, për të bërë të mundur mbështetjen dhe zbatimin e praktikave dhe procedurave.
Legjislacioni aktual nuk inkurajon dhe nuk mbështet sa duhet
pjesëmarrjen e prindërve apo drejtorëve të shkollave për të marrë iniciativa novatore që lidhen me përmirësimin e kushteve të punës
në shkollat e tyre. Për shembull legjislacioni lidhur me shpërndarjen e të ardhurave të krijuara nga shkollat (VKM Nr. 424,
datë 09.07.1998 “Për krijimin dhe administrimin e të ardhurave që
krijojnë institucionet buxhetore”) nuk i nxit sa duhet shkollat për tu angazhuar në aktivitete që nuk autorizohen direkt nga Ministria
e Arsimit dhe e Shkencës.
MASH, në propozimin e iniciativës EFA (Arsimi për të Gjithë), ka
identifikuar skemat e granteve për shkollat si një nga strategjitë e saj në arritjen e objektivave të EFA-s dhe në krijimin e kapaciteteve
në shkolla dhe në nivel rajonal, që ato të përfshihen në planifikimin e buxhetit etj. Këto kapacitete do të zhvillohen në mënyrë të
vazhdueshme duke kaluar në tre nivelet e arsimit parauniversitar (cikli i ulët, cikli i lartë dhe arsimi i mesëm). Është e gjithëpranuar
se, me gjithë oshilacionet që mund të shoqërojnë procesin, zhvillimi
do të jetë progresiv, bazuar në mbështetjen e vazhduar në 10 vitet e ardhëshme. Mbështetja do të sigurohet edhe duke formuar grupe
shkollash te vogla, që do t’i ndajnë midis tyre aftësitë që të çojnë në
autonomi. Këto shkolla do të shërbejnë gjithashtu për të pilotuar përvojat e reja të tyre, në mënyrë që të testohet modeli i
decentralizimit në arsim.
A.1.4 Sistemi i menaxhimit të informacionit në sekto- rin e arsimit (EMIS)
Baza jo e plotë e të dhënave paraqet pengesa të mëdha në
zhvillimin e politikave dhe procedurave të sakta për përmirësimin e cilësisë dhe efikasitetit të sistemit arsimor parauniversitar. Me
asistencën e BB, në MASH është krijuar Sektori i Analizës së Politikave dhe Planifikimit (SAPP), si njësia kyçe në analizën e të
dhënave dhe të politikave arsimore. Ky sektor, në bashkëpunim me
Drejtorinë e Informacionit dhe Statistikës në MASH, do të vazhdojë të bashkëpu-nojë ngushtësisht me INSTAT, për përcaktimin e
kategorive dhe niveleve të përpunimit të të dhënave që do të grumbullojë sistemi arsimor e më gjerë. Projekti i BB ka
mbështetur gjithashtu zhvillimin e një sistemi EMIS, i cili do të
ndihmojë SAPP në arritjen e detyrave të veta. Kapaciteti i tanishëm i SAPP dhe njerëzit që mbledhin dhe hedhin të dhënat në nivele të
ndryshme të sistemit arsimor diktojnë nevojën për t’i trajnuar tëta specialistë në mënyrë të mjaftueshme që të realizojnë detyrat që
synohet t’u ngarkohen në perspektivë për të mbështetur zhvillimin e politikave, që marrin si pikë referencë këto të dhëna dhe
informacione.
Sistemi EMIS nuk nënkupton vetëm sistemin kompjuterik, por kërkimin konceptual dhe investigimin analitik të të dhënave për
qëllime studimore. Sistemi duhet të fuqizojë njerëzit në nivele të ndryshme në sistem, kapacitetin për të kategorizuar të dhënat
ekonomike, infrastrukturore, sociale (duke përfshirë grupet e
minoritetit) dhe arsimore sipas niveleve: rural, urban dhe qëndror, qarku, bashkie/komune, deri në nivel shkolle.
Njësia e mbledhjes dhe përpunimit të informacionit duhet të fuqizo-het dhe të rritë veprimtarinë e vet në disa drejtime:
informacioni që do të grumbullohet duhet të përfaqësojë
një sistem unik të dhënash përsa i takon nomenklaturës dhe shkallës së përpunimit;
nomenklatura e të dhënave që do të grumbullohen duhet
të jetë pëgjegjësi e MASH, e miratuar në nivelin më të lartë;
vërtetësia dhe plotësimi i informacionit duhet të
konfirmohet edhe nëpërmjet bashkëpunimit (korrespondencë
reciproke) institucional me INSTAT;
informacioni i grumbulluar konsiderohet pronësi
institucionale në shërbim të sistemit.
A.1.5 Raportimi dhe sigurimi i cilësisë
Sigurimi i cilësisë së shërbimeve të ofruara nga MASH dhe DAR
kër-kon një ndryshim filozofik thelbësor që nuk ka të bëjë me bërjen e politikave dhe kontrollin, por me monitorimin, duke pasur
si synim përmirësimin e sistemit dhe të kapaciteteve njerëzore.
Vetëvlerësimi i individit ose strukturave të caktuara të sistemit, është një mjet matës i fuqishëm dhe një procedurë e shpejtë
vlerësimi që duhet të përdoret sa më dendur. Për të arritur besueshmërinë për rezultatet e bazuara në metodën e
vetëvlerësimit, duhet të alternohet monitori-mi periodik i jashtëm me atë të brendshëm. Një monitorim i tillë i koordinuar (i jashtëm
dhe i brendshëm) lejon të bëhet në shkallë kombëtare dhe
ndërkombëtare krahasimi i cilësisë së performancës nga ana e menaxherëve dhe specialistëve të arsimit, administrato-rëve, etj. Ky
sistem i dyfishtë monitorimi do të disponojë dhe shfrytëzojë mënyra të shumta për raportim dhe auditim me qëllim që të rritet
transparenca e procesit dhe besueshmëria e përfundimeve të
arritura. Ai do të shoqërohet nga mekanizma të brendshëm dhe të jashtëm për sigurimin e cilësisë së auditimit, të krijuara brenda
sistemit të menaxhimit.
Monitorimi i brendshëm i performancës së shkollës mundëson ndërmarrjen e veprimeve të efektshme për përmirësime në formën e
asistencës nga njësitë e specializuara lokale dhe kombëtare. Nëse
një shkollë nuk arrin të përmbushë standardet e veta dhe objektivat e arritjeve të nxënësve, të specifikuara dhe të
përcaktuara në planet e veta zhvillimore, atëhere përgjegjësia i mbetet stafit pedagogjik dhe drejtuesve të shkollës. Në raste të tilla,
pushteti vendor, bazuar në përgjegjësitë e transferuara në kuadër
të decentralizimit të sektorit arsimor, mund të kufizojë përgjegjësitë e deleguara te shkolla dhe të shpërndajë bordin e shkollës.
Në zbatim të ideve të parashtruara, zhvillimet aktuale në sistemin e
arsimit parauniversitar përfaqësohen nga organizimi i inspektimit me dy nivele, qendror dhe lokal. Struktura e re është shoqëruar me
përgatitjen e një dokumenti (së bashku me aksesorët përkatës), që
synon instalimin gradual të filozofisë së re të inspektimit. Bazuar në këtë filozofi, është adaptuar edhe sistemi i treguesve të
monitorimit të cilësisë së shërbimit për arsimin parauniversitar. Implementimi i skemës së re të inspektimit ka edhe vështirësi dhe
pengesa të ndryshme, sidomos në kuptimin dhe zbatimin e vetëkontrollit në nivel individual dhe institucional (qark, bashki,
komunë/DAR, ZA, shkollë). (referuar raportit të mbledhjes së
Këshillit të MASH, datë 03.04.2004).
A.2 Përmirësimi i cilësisë së procesit mësimor (mësim-
dhënie/nxënie)
Pas ndryshimit të sistemit politiko – ekonomik rreth 14 vjet më parë, iniciativat qeveritare për zhvillimin social dhe ekonomik
orientuan ndërtimin e shoqërisë demokratike dhe instalimin e
edukatës qyteta-re të bazuar në kërkesat e ekonomisë së tregut.
Strategjia Kombëta-re e Zhvillimit Ekonomik e Social të vendit bazohet në objektivat e përmirësura afatmesme për rritjen
ekonomike, në tablonë e re të varfërisë dhe të problemeve sociale si dhe në strategjitë afatgjata sektorale të adaptuara në mjaft prej
sektorëve strategjikë. Realizimi i këtyre objektivave kërkon në radhë të parë reformimin e sistemit arsimor, për ta përdorur si mbështetje
reale për realizimin e iniciativave qeveritare. Duke qenë se
kurrikula dhe procesi mësimor përfaqësojnë bazën e sistemit arsimor, përmirësimet e sistemit arsimor nisin pikërisht me
rishikimin e kurrikulës dhe modernizimin e procesit mësimor. Kështu, qysh nga viti 1993, kurrikula e arsimit parauniversitar,
procesi i mësimdhënies dhe nxënies kanë qenë dhe janë objekt
ndryshimesh dhe përmirësimesh të vazhdueshme, ndonëse jo pëherë shumë të organizuara dhe të mirëmenduar.
Për të rritur nivelin e arsimimit të qytetarëve, qeveria shqiptare
aktualisht po zbaton një strukturë të re të arsimit parauniversitar. Në strukturën e rishikuar 5+4+3, arsimi i detyrueshëm falas do të
zgjasë 9 vjet (nga 8 vjet që ka qenë deri tani). Zbatimi i strukturës
së mësipërme do ta afrojë sistemin arsimor shqiptar me atë të shumicës së vendeve të tjera të Ballkanit, të BE dhe të vendeve të
OECD.
Tre nivelet e mësipërme (cikli i ulët, cikli i lartë dhe ai i mesëm) nuk
përfshijnë arsimin parashkollor, të cilin Qeveria Shqiptare parashi-kon ta formalizojë në sistemin arsimor rreth vitit 2010, në kuadër
të realizimit të Objektivave të Mijëvjeçarit, të ratifikuara nga qeveria shqiptare.
Niveli bazë i arsimit përqendrohet në shkrim e lexim, matematikë,
njohuri për shoqërinë e shëndetin si dhe në përvetësimin e
njohurive dhe aftësive nga ana e nxënësve, për të qenë pjesë aktive në një shoqëri demokratike të bazuar në njohuritë.
Niveli i arsimit të mesëm do të ndërtohet duke u bazuar në nivelin e
arsimit të detyruar dhe do të zhvillojë njohuritë e nxënësve për
jetën e përditëshme në një ekonomi tregu të një bote demokratike. Në këtë nivel evidentohen dy drejtime. Drejtimi i parë i përgatit
nxënësit për të vazhduar shkollën e lartë, ndërsa drejtimi tjetër i pajis ata me aftësitë e shkathtësitë profesionale të nevojshme, për
tu bërë anëtarë produktivë të shoqërisë, qysh me mbarimin e
shkollës së mesme. Struktura e mësipërme, skema dhe udhëzimet
përkatëse do të zhvillohen më tej, për të marrë më pas miratimin zyrtar. SKA do të sigurojë informacionet e nevojshme në mbështetje
të përshpejtimit të këtij procesi sa më shpejt që të jetë e mundur.
A.2.1 Zhvillimi i kurrikulës
Korniza kurrikulare kombëtare MASh-i ka kryer herë pas here përmirësime të kurrikulës duke
filluar qysh nga viti 1994. Megjithë hapat pozitivë të kryera në disa
drejtime, mbetet ende shumë punë për të konceptuar dhe zhvilluar një kurrikul të kompletuar, veçanërisht për hartimin dhe zbatimin
e kornizës kurrikulare kombëtare dhe të politikave kombëtare, të cilat tashmë janë në proces përpunimi. Duhet theksuar se futja e
Teknologjisë së Informacionit dhe Komunikimit (TIK) në shkolla
nuk po udhëhiqet si duhet nga politika të qarta zbatimi. Ka ardhur koha të zgjidhet përfundimisht dilema: “a do të mbetet TIK si një
lëndë e veçantë në shkolla apo do të integrohet në grup lëndësh të tjera”?
Institucionet e varësisë si IKS1[1], QTKA2[2] dhe QKAVP3[3], që
financohen dhe marrin objektivat kryesore të punës nga MASH,
konsiderohen si ingranazhet e një mekanizmi të vetëm në kontekstin e rritjes dhe përmirësimit të cilësisë së shërbimit
arsimor. Në këto rrethana është urgjente që MASH, krahas monitorimit dhe vlerësimit të punës së kryer, nxjerrjes së
përgjegjësive institucionale në të gjitha nivelet e sistemit dhe përcaktimit të konkluzioneve, të sigurojë kualifikimin e stafeve,
dhe përmirësimin e vazhdueshëm strukturor të sistemit. Kjo do të
rritë më tej përgjegjshmërinë e sistemit në tërësi brenda këtyre njësive. Hartimi dhe implementimi i politikave për raportimin dhe
monitorimin e rezultateve të zhvillimit kurrikular në këto njësi synon ta kthejë zhvillimin e kurrikulave në një profesion
permanent e me kohë të plotë.
Racionalizimi i lëndëve
Sot ndihet nevoja e konceptimit dhe zhvillimit të një modeli
kurrikular të orientuar nga kërkesa dhe të fokusuar në fitimin e njohurive dhe aftësive të nevojshme nga fëmijët, në mënyrë që ata
të ndjehen dhe të veprojnë si qytetarë aktivë të një shoqërie demokratike të bazuar në ekonominë e tregut. Realizimi i kësaj
kërkese dikton kalimin nga metoda ekzistuese me bazë lëndësh, në
atë që bazohet në rezultatet e nxënies4[4], të cilat orientojnë në opsione për lëndë të reja dhe/ose integrimin e lëndëve.
Brendia. Integrimi vertikal dhe horizontal
Një nga shkaqet që favorizon fenomenin e braktisjes së shkollës nga
nxënësit në nivelin parauniversitar është mungesa e interesit të
këtyre të fundit për mësimin5[5]. Prandaj sot ndihet nevoja për të për-shtatur procesin mësimor dhe përmbajtjen ekzistuese
kurrikulare me kërkesat e zhvillimit dhe me aspiratat e nxënësve dhe të prindërve. Zgjidhja e kësaj kontradikte orienton adaptimin e
përvoja-ve të integruara dhe autentike të nxënies, ku të materializohet mundësia e plotësimit të kërkesave të ditës dhe
perspektivës. Integrimi i lëndëve jo vetëm që do ta bëjë procesin e
nxënies më efektiv, por do të ulë edhe numrin e teksteve shkollorë nga një për çdo lëndë në një numër të kufizuar tekstesh, duke
menaxhuar kështu më mirë impaktin e kostos në arsimin parauniversitar.
Krahasuar me treguesit e ngarkesës për vendet e OECD, ngarkesa mësimore aktuale e nxënësve tanë është shumë e lartë. Prandaj
reforma kurrikulare duhet ta trajtojë me përparësi aspektin cilësor të mësimnxënies në raport me atë sasior si dhe t’u sigurojë
nxënësve më shumë kohë, të kultivojë te ata shprehitë eksperimentuese, të rrisë ambicjen për kërkim e të zhvillojë
operacionet mendore të analizës dhe sintezës gjatë procesit
mësimor.
Struktura e kurrikulës së arsimit parauniversitar
Ndryshimi i strukturës së sistemit parauniversitar (5 vite arsimi fi-
llor, 4 arsimi i mesëm i ulët dhe 3 arsimi i mesëm i lartë ) dikton rishikimin e strukturës kurrikulare për të zgjidhur problemet që
shtron koha si dhe për ta afruar atë me vendet e rajonit dhe të BE. Brenda strukturës së propozuar ka lindur nevoja për një integrim
vertikal të koncepteve. Inicimi i praktikës së lëndëve me zgjedhje kërkon të planifikohet në mënyrë të kujdesshme, për të garantuar
zhvillimin gradual të specializimit dhe artikulimit në programet
universitare. Duhet theksuar se hapat e hedhura deri tani në këtë proces janë pozitivë.
Zgjedhja e lëndëve nga nxënësit dhe kurrikula gjithpërfshirëse
Zhvillimet e brendshme dhe kërkesa e afrimit me komunitetin
europian diktojnë nevojën për rritjen e fleksibilitetit në hartimin e
kurrikulës, në mënyrë që shkollat ose niveli lokal ta përshtasin atë, në masën që u lihet në dispozicion, me nevojat dhe kërkesat e
zhvillimit lokal, perspektiv ose të traditës. Politikat që udhëheqin përdorimin e lëndëve me zgjedhje dhe të grup-lëndëve, i shërbejnë
forcimit të këtij fleksibiliteti. Përfshirja e fëmijëve me nevoja të
veçanta (veçanërisht handikapët) në arsimin publik do të nisë që në arsimin parashkollor. Prandaj është e nevojshme që të zhvillohen
dhe të publikohen politikat në mbështetje të barazisë dhe aksesit për arsim. Bordi i shkollës miraton politikën e kurrikulës në nivel
shko-lle, ndërsa pushteti vendor, nëpërmjet aplikimit të grantit në shkolla, ka rastin t’u japë prioritet projekteve kurrikulare të
specifikuara.
Kurrikula e arsimit profesional Zhvillimi i arsimit profesional në nivel të arsimit të mesëm gëzon
aktualisht mbështetjen e programit CARDS. Edhe pse janë hartuar pjesë të kësaj kurrikule, ndihet nevoja për përshtatje të vogla, në
kontekstin e përgjithshëm të rishikimit të kurrikulës së arsimit
bazë.
A.2.2 Zhvillimi i profesionit të mësimdhënies
Parashikim më i mirë i kërkesës për mësues
Periudha 10 – 12 vjeçare e tranzicionit shqiptar është karakterizuar
nga mungesa e dukshme e investimeve sistematike dhe të përqën-druara në drejtim të trajnimit të mësuesve. Universitetet kanë qenë
përgjegjës për sigurimin e trajnimit fillestar të mësuesve, por në 5 vitet e kaluara trajnimi i tyre gjatë punës është realizuar në mënyrë
të pakoordinuar. Agjenci të ndryshme joqeveritare ndërkombëtare janë përfshirë herë pas here në realizimin e trajnimit të mësuesve,
kryesisht të atyre të ciklit të ulët. Por mungesa e një metode
tërësore koherente ka çuar në uljen e cilësisë së mësuesve dhe në rritjen e numërit të atyre të pakualifikuar në shkolla. Me ndihmën
e Bankës Botërore, qeveria shqiptare ka krijuar Qendrën e Trajnimit dhe Kualifikimit për Arsimin. Niveli aktual i lartë i
migrimit të brend-shëm ka bërë që të dhënat nga disa burime
jozyrtare mbi numrin e mësuesve dhe nivelet e trajnimit të mos jenë automatikisht e tërësisht të besueshme.
Forcimi i Qendrës së Trajnimit dhe Kualifikimit për Arsimin
VKM për krijimin e QTKA, mori shkak ndër të tjera edhe nga
mungesa e standardeve të mësuesve, kualifikimeve të tyre,
moduleve të trajnimit, vlerësimit të performancës etj. Pjesë e strategjisë së arsimit është edhe hartimi i udhëzimeve të qarta për
përcaktimin e roleve dhe përgjegjësive të stafit të Qendrës në lidhje me grupet e interesit në nivel rajonal dhe lokal. Po punohet që
shërbimet aktuale që ofron kjo Qendër të dokumentohen dhe të bëhen publike. Termat e reja të referencës për stafin dhe
rekrutimin e stafit do programo-hen dhe formulohen mbi bazën e
meritës.
Përmbajtja/procesi i kurrikulës për trajnimin e mësuesve, etj
Sigurimi i një baze të fortë në arsimimin e mësuesve arrihet nëpër-mjet zhvillimit të kompetencave të detajuara për mësuesit e arsimit
fillor, bazë dhe atij të mesëm. Ndihet nevoja për t’i pasqyruar këto
kompetenca në programet fillestare të udhëhequra nga parimet e procesit të Bolonjës dhe të integrimit të praktikës profesionale si
pjesë integrale e programit. Diskutimet dhe analizat lidhur me strukturën e studimeve për tu diplomuar si mësues (4 vite universi-
tare ose 5 vite universitare plus një çertifikatë arsimimi në mësuesi) kanë filluar dhe do t’u japin përgjigje shumë çështjeve, si psh.: a
duhet të ketë arsimimi i mësuesve të shkollës fillore dhe të mesme
të njëjtën strukturë, kur dihet që mësuesit e nivelit fillor nuk kanë
nevojë për njohuri komplekse lëndësh?, etj. Parimet që udhëheqin
hartimin e programeve trajnuese të mësuesve duhet të hartohen dhe të diskutohen në mënyrë të qartë.
Skema motivuese të punësimit të bazuara në meritat Tërheqja dhe mbajtja në punë e mësuesve cilësorë kërkon që QATK,
në bashkëpunim me MASH, të studiojë skema të reja motivimi, të
cilat bazohen në performancë/meritë dhe jo në aspektin kohor. Veprimi i parë që do ndërmerret është respektimi i profesionit të
mësuesit duke përshtatur pagat e tyre me ato të punonjësve civilë.
Shqyrtimi i modeleve të reja dhe alternative të trajnimit të mësuesve
Përveç skemës bazë të trajnimit, QTKA duhet të shqyrtojë modele
alternative për sigurimin e trajnimit të mësuesve si: modele për
trajnimin e mësuesve në klasa kolektive, modelin e trajnimit të mësuesve të klasave të caktuara, modelin e trajnimit të mësuesve
të lëndëve të veçanta, modelin hibrid, mësimin frontal dhe mësimin në distancë. Për këtë qëllim do të zbatohen modelet e reja dhe
alterna-tive të trajnimit të mësuesve, të cilat zgjerojnë kompetencat e mësuesve për rritjen e efektivitetit të shkollës, afrimin e raportit
mësues-nxënës me mesataren ndërkombëtare dhe rritjen e
efiçencës së sistemit arsimor.
Sigurimi i cilësisë/regjistrimi i mësuesve
Lind nevoja për të zhvilluar procesin e regjistrimit dhe akreditimit të mësuesve si dhe zbatimin e procedurave për monitorim të
vazhdue-shëm. Regjistrimi i mësuesve do të shërbejë si parakusht
për të zënë një vend pune si mësues në Republikë. Procedura e aplikimit për vend pune, e miratimit dhe e zgjidhjes së debateve
duhet të hartohet dhe miratohet formalisht nga qeveria dhe MASh. Kjo duhet të reali-zohet së bashku me reformën e programeve të
trajnimit të mësuesve.
Trainimi i mësuesve gjatë punës dhe rrjetet profesionale
Një nga çështjet më kritike, me të cilat përballet MASH, është
trajnimi i një numri të madh mësuesish të pakualifikuar si dhe i mësuesve të tjerë për të zhvilluar kompetencat e tyre në përdorimin
e metodave të reja të mësimdhënies. Zhvillimi i vazhdueshëm profe-
sional i mësuesve duhet të përputhet me nevojat e tyre. Për këtë arsye duhet të hartohet një program trajnimi i bazuar në parimin e
kërkesës, në përputhje me nevojat, atributet e reja të mësuesve, njohuritë mbi lëndët e reja, modelet e reja të mësimit.
Sigurimi i cilësisë dhe efiçencës së trajnimit të mësueve gjatë punës
kërkon përdorimin e metodave alternative. Për shembull, trajnimi
mund të përfshijë trajnime intensive në bllok, mësimin në distancë, modelin e përzjerë që kombinon mësimin intensiv në fundjavë me
mësimin në distancë. Përveç kësaj, siguruesit e trajnimit të mësuesve në detyrë mund të vijnë nga universitetet, OJF-të,
agjencitë ndërkombëtare apo shoqatat profesionale të mësuesve etj.
Sigurimi i trajnimit profesional të mësuesve në detyrë mund të përfshijë kreditet e marra ndaj kualifikimeve formale në plotësimin
e kritereve për të fituar regjistrimin si mësues. Nevojitet hartimi i udhëzimeve të qarta politike, të cilat duhet të miratohen formalisht
nga MASH në formën e akteve nënligjore.
A.2.3 Zhvillimi i teksteve shkollorë
Tekstet shkollore, meqë kanë rëndësi të veçantë në zhvillimin e procesit mësimdhënies/nxënies në shkollë, kompensojnë
kompeten-cat e kufizuara të mësuesve dhe reflektojnë gjithashtu kuptimin e kufizuar të tyre për objektivat si pjesë të kurrikulave:
mësuesit trajtojnë më shumë përmbajtjen e teksteve shkollorë se sa
objektivat e kurrikulës.
Përzgjedhje më e mirë e përmbajtjes dhe strukturës shpjeguese
Roli i teksteve shkollorë në procesin e mësimdhënies/nxënies është i hapur për debat të mëtejshëm. Me këtë janë të lidhura ngushtë
përmbajtja dhe struktura shpjeguese e librave. Është e nevojshme
të rishikohen dhe të përshtaten proceset e hartimit të teksteve shkollorë dhe modelet e sigurimit të cilësisë me ato të vendeve të
BE dhe me vendet e tjera të zhvilluara. Metoda e deritanishme, ku tekstet shkollorë shkruhen vetëm nga pedagogët e universiteteve,
nuk mund të jetë e efektshme, sikurse e tregon realiteti edhe në vende të zhvilluara. Mësuesit në shkolla duhet të inkurajohen që të
përfshihen në hartimin dhe zhvillimin e teksteve shkollorë.
Gjenera-ta e re e teksteve shkollorë duhet të zbatojë metodat e
mësimdhë-nies/nxënies, të cilat duhet të karakterizohen nga
situata reale të marra nga jeta, të jenë të orientuara nga zbatimet, si dhe të kenë në qendër nxënësin. Ato duhet të inkurajojnë punën
në grup si dhe mendimin e pavarur, krijues dhe kritik. Është e nevojshme që auto-rët e mundshëm të trajnohen për hartimin e
teksteve dhe në trajtimin e supozimeve pedagogjike.
Koordinimi i kërkesës dhe ofertës për tekstet shkollore
Është e nevojshme që të zbatohet një metodë e planifikuar dhe e
koordinuar për hartimin e teksteve shkollorë, veçanërisht tani kur po rishikohet kurrikula e arsimit parauniversitar. Kurrikula e re
mund të ketë një kompozim të ndryshëm të përmbajtjeve dhe tipa lëndësh, ndaj numri i teksteve shkollorë dhe përmbajtja e shumë
prej tyre pritet të jetë me mjaft elementë të rinj. Baza e të dhënave
EMIS do të ndihmojë në planifikimin e kërkesës dhe ofertës së titujve të ndryshëm të teksteve shkollorë. Çdo libër i bazuar në
kurrikulën e vjetër duhet të botohet vetëm në rastet e mungesave të theksuara në tekste, ndaj kjo procedurë duhet të zgjasë të paktën
deri në 3 vjet.
Menaxhimi i kërkesës dhe ofertës për tekstet alternative
Me metodat e mësimnxënies që vënë në qendër nxënësin, tekstet
alternativë marrin rëndësi të madhe. Përzgjedhja e këtyre teksteve do të përfshijë të gjitha grupet e interesit, prindërit, shoqatat
profesio-nale të lëndëve, qeverisjen vendore etj., të cilët, nga ana e
tyre, ushtrojnë presion ndaj autorëve dhe shtëpive botuese. Bashkë me decentralizimin në arsim, personat që janë në kontakte të
ngushta me lëndët dhe mësuesit duhet të menaxhojnë dhe të monitorojnë kërkesën dhe ofertën për tekste.
Privatizimi Me mësues të trajnuar mirë dhe në një kohë që tekstet po bëhen
më pak kritikë në procesin mësimor, për nivele të caktuara dhe
lloje shkollash, zhvillimi dhe furnizimi me tekstet shkollorë duhet t’i kalojë sektorit privat. MASh do të ketë akoma përgjegjësi për
sigurimin e cilësisë, duke bërë rekomandime për tekstet specifikë të klasave të ndryshme. Procesi i përzgjedhjes së teksteve shkollorë
duhet të bëhet mbi bazën e konkurrencës dhe transparencës.
MASh tashmë ka filluar punën në këtë drejtim dhe ka si synim
privatizimin gradual të të gjithë aktivitetit të zhvillimit dhe botimit
të teksteve shkollorë. MASh do të miratojë cilësinë e botimit, hartimin e përmbajtjes instruksionale dhe përshtatshmërinë e
përmbajtjes për klasa të ndryshme. Ajo do të luajë rolin e agjentit të sigurimit të cilësisë dhe jo rolin e një shtëpie botuese.
Mbulimi i kostos
Është cilësuar progresive politika e dhënies së teksteve shkollore në përdorim falas për nxënësit e arsimit të detyruar. Megjithëse kjo
politikë përbën një kosto të lartë për sektorin e arsimit, është e nevojshme që të gjenden mënyra dhe rrugë alternative për
financimin e botimit të këtyre teksteve. MASh, me ndihmën e organizmave ndërkombëtare, do të shqyrtojë opsionet e mundshme.
Kjo është e rëndësishme, pasi futja e metodave të reja mësimore
kërkon një numër të madh burimesh për mbarëvajtjen e procesit mësimor.
A.2.4 Burimet alternative të mësimdhënies
Burimi aktual kryesor i procesit mësimor në arsimin
parauniversitar janë tekstet shkollorë. Kjo ka bërë që mësuesit të japin në mësim vetëm përmbajtjen e teksteve, pa përdorur burime
të tjera alternati-ve. Ndjehet nevoja për futjen graduale të teksteve shtesë dhe librave të tjerë të referencës, duke filluar në këtë mënyrë
me krijimin e bibliotekave në klasa. Përveç kësaj, përdorimi i
teknologjisë së informacionit dhe komunikimit në programet e arsimit parauniversi-tar është shumë i kufizuar. Në shkollat e
mëdha ekziston mundësia e krijimit të bibliotekave me lidhje interneti. Qendra e sapo krijuar e Trajnimit dhe Kualifikimit dhe
Instituti i Kurrikulës dhe Standardeve duhet të gjejnë mënyra për të zhvilluar dhe mbështetur me burime shtesë arsimin
parauniversitar. Ato mund të punojnë dhe të mbështesin mësuesit
në mënyrë që ata të zhvillojnë praktikat më të mira, për të shkëmbyer më pas përvojën me kolegët e tyre në të gjithë vendin.
Ato duhet të angazhohen gjithashtu në kërkimin e vazhduar të informacionit të dobishëm për lëndë të ndryshme, si dhe të krijimit
të CD-ve dhe materialeve të printuar, të cilat mund t’u shpërndahen shkollave që nuk kanë lidhje interneti. Ndërsa rolet e
IKS dhe QTKA janë përcaktuar, do të jetë e nevojshme që ato të
mendojnë për rolet e tyre në një formë të re, në kërkim të
vazhdueshëm të praktikave të reja si dhe të burimeve të
mësimdhënies/nxënies.
A.2.5 Provimet dhe vlerësimet Në kuadrin e reformës në arsim, krijimi i Qendrës Kombëtare
Arsimore e Vlerësimit dhe Provimeve (QKAVP)6[6] dhe i Drejtorisë së
Inspektimit në MASH shënon fillimin e dy reformave të rëndësishme institucionale. Ristrukturimi organizativ duhet të
plotësohet me zhvillimin e burimeve njerëzore për të forcuar kapacitetet monitoruese dhe vlerësuese. Për të rritur efiçencën e
QKAVP duhet të vihet në veprim një sistem i dyfishtë, i cili përfshin monitorimin dhe vlerësimin e brendshëm e të jashtëm (shih
sigurimin e cilësisë te pjesa e qeverisjes).
Forcimi i kapaciteteve
Kapaciteti aktual i QKAVP duket se konsiston vetëm në njohuri
statistike, ndaj ai duhet të zgjerohet duke përfshirë ekspertë në fushën e arsimit, të cilët mund të hartojnë indikatorë rigorozë për
të matur rezultatet e të nxënit. Kjo qendër ka nevojë për pajisje
bashkëkohore për të përmbushur detyrën e vet dhe për të ndërmarrë misionin e përdorimit të indikatorëve kombëtarë dhe
ndërkombëtarë të rezultateve të procesit mësimor.
Monitorimi i cilësisë dhe përdorimi i indikatorëve ndërkombëtarë
Nisur nga fakti që qeveria kërkon të zhvillojë vendin me kapacitete
të afta për ta integruar atë në BE dhe me vendet e tjera fqinje, është tepër e nevojshme që të zhvillohen indikatorët kombëtarë dhe
ndër-kombëtarë si dhe sistemet e monitorimit. QKAVP ka përfituar disa trajnime të financuara nga projekti i BB në arsim, por ka ende
nevojë për krijimin dhe zhvillimin e kapaciteteve. Kështu, ende nuk është arritur të krijohet një sistem korrigjimi dhe klasifikimi i
barazvlefshëm për të krahasuar rezultatet me vende të ndryshme të
rajonit.
Zhvillimi dhe menaxhimi i provimeve kombëtare
Aktualisht publiku ka pak besim në sistemin aktual të provimeve,
prandaj QKAVP ka për detyrë që të kthejë integritetin dhe besimin e publikut në sistemet e provimeve. Kjo qendër duhet të zhvillojë një
sistem transparent, të sigurtë dhe që të mos lejojë daljen e çfarëdo-lloj informacioni që lidhet me provimet. Procesi i zhvillimit dhe
korrigjimit të provimeve duhet të rishikohet në mënyrë të tillë që të eleminohen mundësitë për kopjim. Mësuesit nuk duhet të lejohen
të mbikëqyrin nxënësin e tyre; fletët e provimit duhet të jenë të
koduara në mënyrë të çrregullt dhe jo me etiketa të lexueshme. Të gjitha konfliktet e interesave dhe situatat komprometuese duhet te
eleminohen nga sistemi i menaxhimit të provimit.
QKAVP do të kryejë kërkime dhe do të konsultohet me grupe të ndryshme interesi për të organizuar dhe zhvilluar një provim të
vetëm në klasën e 12. Ky provim duhet të shërbejë si tregues i njo-
hurive të fituara nga nxënësit dhe si një kriter bazë për hyrje në universitet. Metoda e propozuar e grup-lëndëve në kurrikulën e
arsimit të mesëm do të lejojë artikulimin në programet universitare. Si rezultat niveli i arritjeve në provimin e maturës do të përdoret
nga universitetet si kriter edhe për pranimet në universitete.
A3 FINANCIMI I ARSIMIT PARAUNIVERSITAR Duke filluar nga viti 1989, shpenzimet publike për arsimin, si pjesë
e PPB, kanë rënë në mënyrë të vazhdueshme, nga 4% në vitin
1989, në 3% në vitin 2000, 2001, dhe në shifrën 2.9% në vitin 2003. Këta tregues janë më të ulët se mesatarja e vendeve të tjera
të rajonit. Shpenzimet e buxhetit (të shtetit)publik për arsimin për vitin 2003 ishin vetëm 10.3% të shpenzimeve të përgjithshme
publike. Ky tregues, krahasuar me 11.4% për vitin 1995, dhe
11.5% për vitin 1996 nuk dëshmon për rritje. Në programin afatmesëm buxhetor 2004-2006, parashikohet një rritje relativisht
e ulët e shpenzimeve për arsimin që varion nga 2.9% e PPB për 2003, në 3.1% e PPB për vitin 2006, për shkak të rënies së
investimeve të huaja me përfundimin e shumë projekteve në fushën e arsimit.
Pavarësisht se në objektivat e shprehura të SKZHES sektori i arsimit konsiderohet prioritar, ende nuk duket të jetë bërë ndonjë
përpjekje serioze për ta shmangur këtë nivel të financimit për
arsimin. Aspiratat ekonomike dhe sociale, në progres të
vazhdueshëm, kanë diktuar ndryshime të mëdha në sistemin arsimor dhe, nëse ky sektor nuk financohet në mënyrë të
mjaftueshme, shërbimi arsimor rrezikon jo vetëm të përkeqësohet por në raste ekstreme mund dhe të mos sigurohet. Kjo situatë
mund të përshtjellohet më tej gjatë procesit të decentralizmit dhe nga mungesa e qartësisë në transaksionet financiare.
Nga fundi i viteve 90-të, kërkesa për shpenzime kapitale është rritur ndjeshëm për shkak të mungesës së mirëmbajtjes së
vazhdueshme të objekteve shkollore dhe dëmtimit të tyre gjatë periudhës së tranzicionit dhe në krizën e vitit 1997. Aktualisht,
rritja e shpenzimeve kapitale po mbështetet me anë të asistencës së
projekteve ndërkombëtare. Megjithatë, qeveria dhe MASH janë në kërkim të mjeteve alternative që mund të përballohen nga burimet
kombëtare.
A 3.1 Përbërja e buxhetit të arsimit
Modeli i financimit të MASH mbështetet në përdorimin e dy instrumenteve kryesore për menaxhimin e fondeve të saj.
Aktualisht njihen dy lloj shpenzimesh: shpenzimet korrente dhe shpenzimet kapitale. Në vitin 2003 shpenzimet korrente përbënin
82% të shpenzimeve të përgjithshme, ku shpenzimet për pagat dhe sigurimet shoqërore zinin 72%, ndërsa shpenzimet e tjera operative
10%. Shpenzimet operative përfshijnë materialet didaktike, fondet
për bursa, transportin e mësuesve, nxënësve, subvencionin e teksteve shkollore, si dhe mirëmbajtjen e shkollave. Shpenzimet
kapitale përbëjnë 18% të shpenzimeve të përgjithshme, nga të cilat 65% financohen nga buxheti i shtetit dhe 35% financohet nga
donatorët e huaj nëpërmjet organizmave të tillë si BB, OPEC,
SOROS etj. Kontributi financiar i pushtetit vendor për sektorin e arsimit, në praktikën aktuale, nuk i raportohet MASH, çka krijon
një tablo jo të plotë të shpenzimeve për arsimin dhe njëkohësisht sjell shqetësim, nëse kërkojmë të kemi një planifikim arsimor
efiçent dhe të efektshëm.
A 3.2 Instrumentat dhe proceset për transferimin e fondeve
Grantet bllok
Transferimi i fondeve nga buxheti qendror te ai lokal, bëhet
nëpërmjet bllok-granteve që përmbajnë grante të kushtëzuara dhe grante të pakushtëzuara. Grantet e kushtëzuara mbulojnë
shpenzimet korrente dhe ato kapitale për zyrat e administratës, institucionet e varësisë dhe shkollat profesionale, që kanë status
kombëtar. Ato mbulojnë gjithashtu pagat dhe shpenzimet kapitale për arsimin parauniversitar, duke përfshirë edhe arsimin
parashkollor. Bashkitë dhe komunat kryejnë procesin e pagesave
me fondet që delegohen nga MASH. Grantet e pakushtëzuara për arsimin përdoren për shërbime publike (ujë, drita etj.) dhe për
mirëmbajtje. Në këtë bllok-grant, pjesa e MASh nuk ndahet qartë. Edhe pse kohët e fundit është caktuar një formulë, e përcaktuar
nga specialistët e sistemit, për llogaritjen e vlerës së bllok-granteve
që delegohen, përsëri për shumë aktorë të shërbimit arsimor nuk është e qartë si llogariten vlerat e bllok-granteve sipas rajoneve.
Cilido qoftë procesi, duket se sistemi i financimit në arsim nuk i
përgjigjet efektivisht plotësimit të nevojave në ndryshim. Kështu psh., ndërkohë që gama e shërbimeve dhe shpërndarja e burimeve
të financimit në sektorin e arsimit parauniversitar kanë ndryshuar,
shpenzimet e përgjithshme tregojnë se sistemi aktual i financimit nuk po u përgjigjet me të njejtin ritëm zhvillimeve progresive të këti
sektori. Migrimi i brendshëm dhe i jashtëm në rritje i nxënësve që ndjekin shkollën mund të krijojë probleme në sistemin e financimit
në nivel rajonal. Për të kapërcyer këto dukuri, pra, për t’iu
përgjigjur kërkesave në ndryshim si dhe për të siguruar barazinë për nxënësit dhe rajonet, modeli i financimit “për nxënës” (per
capita) që lidhet direkt me shkollat mund të jetë një alternativë e pranueshme për këtë qëllim. Ky model bazohet në numrin aktual të
nxënësve, që përcakton madhësinë e shkollës si dhe gjeografinë e shtrirjes së shërbimeve të nevojshme, në numrin e mësuesve si dhe
në stafin mbështetës dhe jo në sasinë e parave të paracaktuara
sipas praktikave pragmatike e arkaike të përdorura deri më sot.
Financimi i Pushtetit Vendor
Në skemën menaxhuese aktuale të shërbimit arsimor, mirëmbajtja e shkollave është përgjegjësi e pushtetit vendor, që realizohet
nëpër-mjet financimit nga granti i pakushtëzuar (i përfituar nga buxheti i shtetit) dhe/ose kontributi i qeverisjes vendore (i përfituar
nga tak-sat lokale etj). Në praktikën e ndjekur gjer më sot, MASh-it
nuk i raportohet për sasinë e financimit që i akordohet sektorit të arsimit në përgjithësi dhe nënsektorëve të tjerë nga pushteti
vendor. Kësisoj, MASh nuk mer informacionin e mjaftueshëm për sasinë dhe për-gjegjshmërinë e disbursimeve të fondeve nga ana e
pushtetit vendor (shpenzimet që kryhen për mirëmbajtjen e ndërtesave shkollore dhe anekseve ndihmëse), pra as për
financimin e shërbimit arsimor në tërësi. Mungesa e një
informacioni të tillë e pengon seriozisht MASh për hartimin e një planifikimi financiar të besueshëm dhe efektiv.
Menaxhimi i shpenzimeve korrente nga MASh
MASh menaxhon disbursimin e të gjitha shpenzimeve korrente,
d.m.th. shpenzimeve të lidhura me botimin e teksteve shkollore, me
bursat e nxënësve, me materialet didaktike si dhe me tranportin e mësuesve dhe nxënësve. Në dritën e kosto-efektivitetit, mbajtja e
disa shërbimeve në nivel qëndror përbën avantazh, ndërsa transporti i nxënësve dhe mësuesve si dhe bursat mund të
realizohen më mirë nga pushteti lokal. Realizimi i decentralizimit
në sistemin arsimor do të rriste efikasitetin (duke ulur shpenzimet) për këtë shërbim. Megjithatë, planifikimi buxhetor i detajuar është i
nevojshëm për të rritur përgjegjshmërinë ndaj këtyre fondeve në të dyja nivelet, qendror dhe rajonal. Të dyja palët duhet të jenë të afta
të ndajnë kostot për secilin variabël (sipas zërave).
Përgjegjshmëria dhe transparenca
Procedura e transferimit të të gjitha fondeve nga niveli qëndror në
atë rajonal si dhe trajtimi i kontributeve të dhëna nga pushteti vendor duhet të jenë sa më transparente. Përfshirja e zërave të
veçantë në buxhet për të gjitha veprimtaritë kryesore, nëpërmjet financimit qendror dhe rajonal, do të qartësojë një pjesë të konfu-
zionit ekzistues. MASH ka identifikuar 7 programe, që nuk
figurojnë në nivelet e qeverisjes vendore. Prania e zërave të tillë në këto nivele do të sigurojë realizimin e disbursimeve sipas
planifikimit dhe kohës së parashikuar. Por, ajo që është më e rëndësishme, praktika e propozuar do të ndihmojë planifikuesit
financiarë për evidentimin e mungesave dhe shpenzimeve konkrete në nivelet e ndryshme të sistemit.
Kapaciteti i planifikimit të buxhetit
Modeli aktual i ofertës së shërbimeve arsimore reflektohet në
sistemin financues. Një nga kërkesat kryesore të reformimit në skemën e menaxhimit dhe financimit të shërbimit arsimor është
kalimi në modelin e bazuar në kërkesën dhe performancën për menaxhimin dhe financimin e sektorit. Që të arrihet kjo, është e
nevojshme të zhvillohen kapacitetet në korelacion me nivelet e
ndryshme të sistemit financiar, për t’u përfshirë aktivisht në harti-min e planifikimit të detajuar buxhetor dhe në zbatimin e këtij
plani.
A 3.3 Rritja e efiçencës në financimin e nënsektorit
Komunikimi dhe shkëmbimi i informacionit
Informacioni i lidhur me kontributin e pushtetit vendor për sektorin e arsimit duhet t’i vihet në dispozicion MASH, kur kjo e
fundit planifi-kon buxhetin. Ky lloj shkëmbimi i informacionit financiar midis MASH, MF, pushtetit vendor, komunave, bashkive
dhe shkollave ka munguar. Sistemi EMIS i planifikuar për MASh, duhet të organizohet në formë të tillë që të mbledhë dhe të
menaxhojë këtë lloj informacioni. Një grup ekspertësh financiarë
duhet të angazho-hen në përcaktimin e tipit të të dhënave, nivelin e mbledhjes, tipin dhe shkallën e analizës së tyre, gjë që do të forcojë
kapacitetet e MASH në planifikimin dhe menaxhimin e aktiviteteve të veta.