universiteti i gjakovËs - edukimi.uni-gjk.org mulliqi... · më tepër se secili aspekt i...
TRANSCRIPT
UUNNIIVVEERRSSIITTEETTII II GGJJAAKKOOVVËËSS““FFEEHHMMII AAGGAANNII””
FFAAKKUULLTTEETTII II EEDDUUKKIIMMIITT –– GGJJAAKKOOVVËËProgrami: PARASHKOLLOR
PPUUNNIIMM DDIIPPLLOOMMEE
Tema:: RRËËNNDDËËSSIIAA EE KKËËNNDDIITT TTËË GGJJUUHHËËSS NNËË FFOORRMMIIMMIINN EE
PPEERRSSOONNAALLIITTEETTIITT TTËË FFËËMMIIJJËËVVEE NNËË KKOOPPSSHHTT
MMEENNTTOORR:: KKAANNDDIIDDAATTJJAA::Prof. asc.dr.. XXHHEELLAADDIINN ZZYYMMBBEERRAAJJ BBEENNIITTAA MMUULLLLIIQQII
GGJJAAKKOOVVËË,, 22001177
Punim Diplome
2
Përmbajtja
- Abstrakt---------------------------------------------------------------------------------3
- Hyrje ----------------------------------------------------------------------------- ------4
- Loja dhe aftësitë e të lexuarit dhe shkruarit tek fëmijët ------------------- ------6
- Qëllimet e zhvillimit gjuhësor-komunikues dhe strategjitë e të mësuarit------8
- Zhvillimi nëpërmjet simboleve-----------------------------------------------------13
- Gjuha e folur shprehëse--------------------------------------------------------------14
- Qëllimet e zhvillimit matematikor dhe strategjitë e të mësuarit----------------19
- Gjeometria dhe hapësira -------------------------------------------------------------19
- Numrat dhe veprimet -----------------------------------------------------------------20
- Zgjidhin problema të thjeshta duke përdorur numrat ----------------------------21
- Modelet dhe marrëdhëniet -----------------------------------------------------------25
- Përdorin modelet në një mjedis------------------------------------------------------26
- Krijimi i një mjedisi që nxit të menduarit matematikor--------------------------26
- Fusha e shkencës dhe vëzhgimit----------------------------------------------------27
- Shkencat fizike------------------------------------------------------------------------28
- Shkencat e jetës------------------------------------------------------------------------28
- Toka dhe hapësira --------------------------------------------------------------------29
- Përfundim ----------------------------------------------------------------------- ------31
- Literatura -------------------------------------------------------------------------------32
- Jetëshkrimi-----------------------------------------------------------------------------33
Punim Diplome
3
Abstrakt
Është kënaqësi që më në fund kam arritur në këtë pikë të studimeve, dhe të kem
rastin të punoj këtë temë të studimeve përfundimtare..
Duke shfrytëzuar një numër të konsiderueshëm të literaturës dhe materialit të
ndryshëm, arrita të përmbledh disa nga elementet kryesore që duhet të ceken në lidhje me
temën e këtij punimi. Padyshim që në një ndihmesë të madhe kam marrë nga librat e
ndryshëm në lidhje me këtë temë.
E di që ka qenë një punë e vështirë, sidomos të merresh me një fushë të cilën nuk
ke njohuri të duhura. Besoj të kem arritur sadopak qëllimit.
Punim Diplome
4
1. Hyrje
Fëmija gjuhën e mëson jashtëzakonisht shpejt dhe lehtë. Gjuha në mënyrë tejet
dinamike zhvillohet sidomos në pesë vjetët e parë të jetës së çdo individi. Në moshën
katër vjeç fëmija ka, për shembull, një fond prej afro 2.000 fjalësh dhe i zotëron
strukturat elementare gjuhësore. Në moshën parashkollore fëmija ka një fjalor aktiv
(produktiv) prej afro 4.000 fjalësh. Fjalori pasiv (receptiv) i tij është i dyfishtë. Pasuria
leksikore e fëmijës rritet gradualisht.
Shumica e studiuesve përkrahin idenë se vitet prej 0 deri në 5 paraqesin
periudhën më kritike në zhvillimin e aftësive të lexuarit dhe shkruarit tek fëmijët si dhe
aftësitë matematikore. Ne e dimë që fëmijët bëhen të vetëdijshëm për gjuhën gjatë kësaj
kohe dhe i përvetësojnë fjalët shumë shpejt. Gjatë kësaj kohe ne duhet të sigurohemi që
fëmijët sa më tepër të jenë të ekspozuar gjuhës, librave dhe aktiviteteve të tjera
ndërvepruese gjatë kësaj kohe.
Në vendin tonë, me rastin e regjistrimit të fëmijëve në parashkollor, në shumicën e
shkollave nuk ka ndonjë procedurë të mirëfilltë të vlerësimit të fëmijëve, nëse, gjatë
moshës parashkollore kanë arritur të përgatiten qoftë në aspektin social, emocional,
kognitiv apo motorik. Ekziston vetëm kriteri i moshës kronologjike, ku, ligjërisht secili
fëmijë kosovar që ka mbushur 6 vjeç deri në fillim të shtatorit, mund të regjistrohet e të
fillojë klasën e parë. Në vendin tonë, numri i hulumtimeve në lidhje me gatishmërinë e
fëmijëve për shkollë është mjaft i limituar. Mund të thuhet se ndërgjegjësimi i prindërve,
mësuesve, politkëbërësve e komunitetit në përgjithësi, në lidhje me përgatitjen e fëmijëve
për klasë të parë është i një niveli mjaft të ulët, madje mund të jetë edhe i gabuar. Shpesh
ndodhë që në mungesë të informacionit ose të informacionit të gabuar, prindërit vendosin
të dërgojnë fëmijën e tyre në shkollë, sepse ai di të numërojë dhe i njeh disa shkronja.
Duke i krahasuar këto gupe fëmijësh mund të konstatojmë nivelin e gatishmërisë për
shkollë dhe të përcaktojmë formën përshtatshme të edukimit të fëmijëve parashkollor, në
familje, një vit parafillor apo në kopsht. Do të përcaktohet dhe niveli i gatishmërisë për
shkollë duke analizuar edhe ndikimin e faktorëve të tjerë mjedisor, nga të cilët
influencohet kjo gatishmëri, siq janë: niveli i shkollimit të prindërve, vendi ku jetojnë
fëmijët, numri i anëtarëve në familje si dhe rradha e lindjes së fëmijës. Ky studim synon
të ndryshojë qasjen e trajtimit dhe edukimit të fëmjëve gjatë moshës parashkollore, kur
Punim Diplome
5
dihet që kjo është mosha më e rëndësishme kur krijohet baza për sendërtimin e
mëtejshëm të personalitetit.
Sot në vendet e zhvilluara dhe në shumë ambiente të edukimit parashkollorë janë
hartuar kurrikula të veçanta të cilat kanë për qëllim promovimin e aftësive të fëmijëve
parashkollorë për lexim dhe shkrim. Të gjitha këto programe inkorporojnë aktivitete të
ndryshme, lojëra dhe përdorimin e materialeve të ndryshme të cilat ndihmojnë dhe nxisin
zhvillimin e këtyre aftësive.
Sidomos këta faktorë luajnë rol të rëndësishëm:
fëmija që nga lindja ka aftësi gjuhësore,
interaksioni social dhe mjedisi drejtpërdrejt ndikojnë në të mësuarit e gjuhës,
në masë të duhur po ashtu ndikon raporti mes faktorëve gjenetikë e biologjikë,
nga njëra anë, dhe situata individuale e familjare e fëmijës, nga ana tjetër.
Të mësuarit e gjuhës varet prej faktorëve të ndryshëm (si, p.sh., njohja,
interaksioni, motorika, lidhja emocionale etj.). Nëpërmjet kontaktit të fëmijës me individë
dhe me gjësende nga rrethi i drejtpërdrejtë, ai fillon ta zbulojë dhe ta mësojë gjuhën që në
vitet e para të jetës së tij. Kështu fillon të mësuarit e gjuhës: për shembull, thërritja e
prindërve, pyetjet dhe komentet e tyre tashmë nuk paraqesin vetëm “muzikë shoqëruese
dhe përkëdhelëse”, por shndërrohen në fjalë, të cilat përdoren nga personat përreth dhe
kanë domethënie të caktuar.
Institucione parashkollore: mund të përcaktohen objektet apo shtëpitë e
konventuara të cilat janë të ndërtuara në mënyrë speciale për të ofruar programe
parashkollore dhe të cilat plotësojnë nevojat edukative dhe zhvillojnë nevojat e fëmijëve
deri në regjistrimin e tyre në shkollë fillore. Ligji mbi edukimin parashkollor (2006). Në
vendin tonë këto institucione dallohen me dy emërtime sipas moshës së fëmijëve: Çerdhe
për moshën 0-3 vjeç dhe kopshte për moshën 3-6 vjeç.1
1 Zuna- Deva, A. (2003). Edukimi i parashkollorit në familje. Prishtinë, fq.234
Punim Diplome
6
1.1. Loja dhe aftësitë e të lexuarit dhe shkruarit tek fëmijët
Loja në përgjithësi konsiderohet si konteksti edukativ “par excellence” gjatë viteve
parashkollore. Rëndësia e të mësuarit përmes lojës për herë të parë është përmendur nga
edukatori i parë gjerman Fridrih Froebel (1782 – 1852).
Shumë më vonë, Piazhe e ofron një arsyeshmëri nga aspekti psikologjik ndaj kësaj
doktrine, duke argumentuar se eksplorimi aktiv i fëmijëve me shumëllojshmëri të gjerë të
objekteve është një pararendës thelbësor e të kuptuarit të mëvonshëm verbal dhe
kognitiv. Mohimi i mundësive të fëmijëve për lojë mohon edhe mundësitë e tyre për
zhvillim dhe edukim.
Loja përkrah në mënyrë të padiskutueshme qëllimet e të mësuarit duke ofruar
mundësi për zhvillimin e aftësive e të lexuarit, forcimin e shkathtësive të të shkruarit si
dhe të aftësive vetë-rregulluese. Kur loja aplikohet në ambientet akademike fëmijët mund
ta pëlqejnë më tepër procesin e të mësuarit e cila gjë i ndihmon ata të bëhen vetë-drejtues
dhe nxënës të vetë-motivuar. Në përgjithësi loja paraqet një komponentë thelbësore të
procesit të të mësuarit dhe të kuptuarit e rolit të lojës gjatë këtij procesi është e
domosdoshme nga ana e prindërve dhe edukatorëve.2
Në literaturën e sotme loja e fantazuar përmendet nga ana e shumicës së studiuesve
për rëndësinë e saj në procesin e të mësuarit sidomos tek fëmijët parashkollorë.
Loja e fantazuar përfshin forma të ndryshme të aktiviteteve “bëje dhe beso”
përfshirë sjelljet jashtë kontekstit (p.sh kur fëmijët bëjnë sikur hanë duke mos pasur
ushqim), objektet zëvendësuese (p.sh përdorimi i biberonit lodër për të ushqyer kukullën
lodër). Loja e fantazuar përbën 17% të lojës gjatë viteve parashkollore dhe 33% gjatë
lojës në kopsht.
Psikologu Lev Vigotski ka sugjeruar se loja e pretenduar është aktiviteti më
spontan gjatë fëmijërisë gjatë të cilit fëmija funksionin në një nivel më të lartë intelektual
dhe nivel më të lartë të kompetencës në krahasim me të gjitha aktivitetet e tjera të tij.
Gjatë lojës së fantazuar zhvillohen këto aftësi: kujtesa e punës (prej kur fëmija pretendon
të jetë dikush tjetër ai duhet ta mbajë mend rolin dhe të qëndrojë brenda këtij karakteri),
të menduarin fleksibil ( ata duhet t’iu përshtaten vendimeve që fëmijët e tjerë i sjellin
gjatë lojës) dhe kreativitetin. Studiuesit e ndryshëm kanë identifikuar disa prej
2 Karaj, Theodhori (2005): Psikologjia e zhvillimit të fëmijës, Progres, Tiranë, f. 57
Punim Diplome
7
përfitimeve akademike të lojës së fantazuar. Një studim ka vërtetuar se kualiteti i lojës së
fantazuar ka parashikuar aftësitë e hershme të të shkruarit - teoritikisht loja e fantazuar
është një formë e mediave simbolike sikurse është edhe të shkruarit, dhe fëmijët të cilët
arrijnë t’i bartin mendimet dhe ndjenjat në fantazi ata kanë shumë mundësi që në të
ardhmen të jenë më të aftë të bartin këto mendime gjatë të shkruarit. Në mënyrë të njëjtë,
fëmijët të cilët i kuptojnë historitë e ndryshme nga perspektiva e lojës së fantazuar do të
jenë më të aftë të kuptojnë përmbajtjet e historive që iu lexohen atyre.3
Duke e njohur rëndësinë e thelbësore të lojës në zhvillimin e fëmijës ekspertët kanë
dizajnuar kurrikula të cilat përdorin lojën për të nxitur dhe zhvilluar zhvillimin kognitiv
të fëmijëve por edhe për t’iu mësuar atyre aftësitë e të lexuarit dhe shkruarit.
P.sh. Bodrova and Leong’s (2001, 2003) kanë hartuar programin “Mjetet e
Mendjes” një program që e dedikohet klasave parashkollore dhe fëmijëve që ndjekin
kopshtin. Ky program i kushton një rëndësi të veçantë aplikimit të lojërave socio-
dramatike në promovimin e aftësive për të shkruar dhe lexuar duke u mbështetur në
parimet e teorisë së Vigotskit dhe punës së nxënësit të tij Elkonit. Këta klasa përfshijnë
hapësira ku zhvillohen lojërat dramatike dhe ku fëmijët kalojnë një pjesë të mire të kohës
duke u përfshirë në mjaft aktivitete dramatike.
Edukatorët mbështetin lojën e fëmijëve duke iu ndihmuar atyre të krijojnë situate
imagjinare duke iu ofruar materiale skenike dhe duke mundësuar zgjatjen e procesit të
luajtjes së lojës. Fëmijët me përkrahjen e edukatores hartojnë skenarët e lojës në të
shkruar ku përfshijnë temën, rolet si dhe rregullat mbi të cilat bazohet loja.
P.sh edukatori e ndihmon pasurimin e fjalorit me fjalë të reja tek fëmijët atëherë
kur ajo prezanton materialet e skenës p.sh: gjatë luajtjes së lojës “ordinance e mjekut”
mësuesi prezanton stetoskopin apo gjilpërën tek fëmijët). Aftësitë para të shkruarit pastaj
zhvillohen kur fëmijët mundohen të përshkruajnë recetat. Po ashtu edhe aftësitë numerike
zhvillohen gjatë kësaj loje. Aftësitë para-matematikore zhvillohen gjithashtu gjatë
lojërave socio-dramatike (p.sh paraqitja e një tabele matëse për gjatësinë dhe peshën në
zyrën e mjekut).
Një mundësi tjetër e promovimit të aftësive të para për shkrim dhe lexim bëhet
atëherë kur edukatorët kërkojnë nga fëmijët të eksplorojnë ambientin jashtë klasave dhe
3 Mato, Erlehta. (1995), Disa veçori psikologjike dhe sociale të parashkollorit, Tiranë, f. 36
Punim Diplome
8
të shënojnë në tabelë se cilat bimë i kanë vëzhguar jashtë. Ndërsa më vonë ata mund ta
përdorin edhe enciklopedinë me figura të bimëve për t’i identifikuar ato me tej me
fotografi. Ata po ashtu mund të krijojnë lista dhe grafikone për t’i organizuar observimet
e veta të cilat aktivitete njëkohësisht promovojnë shkathtësitë para matematikore.4
Zhvillimi gjuhësor: Deri në moshën pesë vjeçare, shumica e fëmijëve, arrijnë të zotërojnë
tingujt e gjuhës së tyre amtare, por mund të kenë mbetur edhe disa tinguj të pazotëruar
tërësisht.5 Zhvillimi gjuhësor është procesi me të cilin fëmija mund të kuptojë dhe
komunikojë gjuhën gjatë fëmijërisë së hershme. Nga lindja deri në moshën pesë vjeçare,
fëmijët zhvillojnë gjuhën në një ritëm shumë të shpejtë. Fazat e zhvillimit gjuhësor janë
universale për të gjithë njërëzit. Megjithatë, mosha dhe ritmi me të cilin një fëmijë arrin
të mësojë gjuhën dallojnë tek fëmijët.Për këtë, zhvillimi gjuhësor tek një fëmijë duhet të
krahasohet me normat dhe jo me një fëmijë tjetër. Në përgjithësi, vajzat zhvillohen në
aspektin gjuhësor më shpejt se djemtë. Më tepër se secili aspekt i zhvillimit, zhvillimi
gjuhësor reflekton zhvillimin dhe maturimin e trurit. Pas moshës pesë vjeçare bëhet më e
vështirë për shumicën e fëmijëve të mësojnë një gjuhë Encyclopedia of Children’s
Health, (2014).
1.2. Qëllimet e zhvillimit gjuhësor-komunikues dhe strategjitë e tëmësuarit
Fillimi i mësimit të shkronjave dhe i leximit e shkrimit është një hap i madh - ani pse
i fëmijëve të vegjël - drejt së ardhmes për dije e dritë.
Prandaj është detyrë dhe përgjegjësi e të gjithë subjekteve dhe institucioneve
relevante që këtë fillim të njohjes dhe të përvetësimit të shkathtësive akademike,
pavarësisht nga vështirësitë, ta ndërmarrin me kënaqësi të veçantë. Në këtë rrugëtim
drejtë përvetësimit të këtyre shkathtësive mund të arrijmë sukses, në qoftë se të gjithë
faktorët edukativë vetëdijesohen për rëndësinë dhe mënyrën e përgatitjes së fëmijëve për
përvetësimin e parë të shkronjave, të leximit dhe të shkrimit.
Roli i edukimit parashkollor të institucionalizuar në përgatitjen e fëmijëve në
përvetësimin e shkronjave, të leximit dhe të shkrimit duhet kuptuar e shtruar në drejtim të
4 Po aty, f. 375 Woolfolk, A. (2011). Botimi i njëmbëdhjetë. CDE. Tiranë
Punim Diplome
9
përgatitjes së përgjithshme të fëmijës parashkollor, që përshin, ndër të tjera, edukimin në
aspektin senso-motorik, psiko-social e intelektual.6
Përgatitja e parashkollorëve për njohjen dhe mësimin e shkronjave, të leximit dhe të
shkrimit nuk duhet kuptuar si përgatitje e veçantë e “kandidatëve” për shkollë. Një trajtim
i tillë i fëmijës do ta tjetërsonte; do ta shkëpuste atë nga gëzimi dhe përjetimet jetësore
parashkollore. Sot akoma ka qëndrime nga prindër, por edhe nga disa institucione
parashkollore, që synojnë të zbatojnë praktika të mësimit të leximit dhe të shkrimit te
fëmijë parashkollorë me mënyra dhe metoda të njëjta a të ngjashme me ato të të nxënit
tradicional në shkollë.
Këto pikëpamje i kanë rrënjët në: shkallën e pamjaftueshme të ngritjes
psikopedagogjike të familjes, në informimin e papërshtatshëm për metodologjitë e të
nxënit në fëmijërinë e hershme, që nuk merr parasysh karakteristikat e veçanta të
zhvillimit të fëmijës në moshën parashkollore, në komunikimin e pamjaftueshëm dhe në
mosrealizimin e partneritetit midis subjekteve relevante brenda dhe jashtë institucionit
parashkollor për veprimtaritë edukative dhe përmbajtjen e kurrikulës së institucionit
parashkollor etj.
Rolin edukativ të institucionit parashkollor duhet ta vështrojmë në kontekstin e
ndikimeve të përbashkëta e të bashkërenditura në drejtim të realizimit të qëllimeve dhe
objektivave të përcaktuara në kurrikulën e edukimit parashkollor.7
Ndërkaq, sot shtrohet si imperativ që institucionet parashkollore të jenë të hapura dhe
të gatshme që veprimtarinë edukative ta mbështetin mbi parimet pedagogjike, të cilat
krijojnë një klimë të favorshme në shfaqjen dhe manifestimin maksimal të nevojave dhe
interesave njohëse në përgjithësi si dhe të njohjes së shkronjave, të leximit dhe të
shkrimit në veçanti.
Institucioni parashkollor, si shkallë e parë e sistemit unik të arsimit, veprimtarinë e saj
e qendërzon dhe e mbështetë në filozofinë e edukimit me “fëmijën në qendër”, që
afirmon ide të ndryshme nga ato të edukimit tradicional.
6 Mulla, Afërdita (2012), Roli i institucioneve parashkollore në zhvillimin dhe përgatitjen e fëmijërisë sëhershme për përvetësimin e parë të shkronjave, të leximit dhe të shkrimit, Revista “Buletini” nr.12, Tiranë,f. 527 Kurrikula e Edukimit Parashkollor në Kosovë, Prishtinë, 2006.
Punim Diplome
10
Nëpërmjet veprimtarive të organizuara në të gjitha fushat e aktiviteteve të parapara në
kurrikulë, institucioni parashkollor me mjedisin e saj të strukturuar në harmoni me
qëllimet e objektivat konkretë ofron mundësi të shumëfishta për zhvillimin e aftësive të
përgjithshme të fëmijës, të cilat krijojnë kushte të volitshme për përgatitjen dhe
gatishmërinë optimale për mësimin e shkathtësive të leximit e të shkrimit. Aktivitetet, që
po trajtojmë dhe që synojnë realizimin e këtij objektivi konkret, burojnë dhe mbështeten
në kontekstin jetësor të fëmijës në përputhje me përmbushjen dhe inkurajimin e
interesave njohëse për zhvillimin dhe thellimin e njohurive për shkronjat, leximin dhe
shkrimin. Në këtë aspekt fëmijëve nuk duhet imponuar apo ndaluar interesimin që ata
shfaqin për njohjen e shkronjave, leximin dhe shkrimin. Puna për njohjen dhe mësimin e
shkronjave me fëmijët e kësaj moshe nuk nënkupton detyrim programor, sepse kjo është
detyrë e shkollës e jo e institucionit parashkollor. Detyrimet shkaktojnë pasoja të
padëshirueshme, të cilat gjenerojnë çrregullime të natyrave të ndryshme psiko-neurotike.
Puna e tepruar dhe mbingarkesa e fëmijëve të kësaj moshe zvogëlon ose humb besimin e
fëmijëve në mundësitë e përballimit të vështirësive në mësimin e shkronjave, të leximit e
të shkrimit fillestar. Po ashtu, dobëson dhe humb interesat e tyre për vijimin e shkollës e
të mësimit. Prandaj, për t’i parandaluar këto pasoja negative, shtrohet si e domosdoshme
kërkesa e një parapërgatitjeje të përgjithshme, e cila fëmijës i ofron mundësi të
transferimit dhe gjenerimit të shkathtësive në fusha dhe përmbajtje të caktuara.8
Strategjia më e përshtatshme për përgatitjen dhe gatishmërinë e fëmijëve për njohjen
e shkronjave dhe përvetësimin e leximit e të shkrimit është padyshim aktiviteti përmes
lojës, që në këtë rast paraqet një paradigmë për organizimin e aktiviteteve në fushat e
integruara edukative në institucione parashkollore.
Loja në funksion të edukimit për njohjen dhe mësimin e shkathtësive të shkrimit dhe
leximit krijon kushte të volitshme për një përgatitje të natyrshme në përputhje me
karakteristikat e veçanta të zhvillimit psiko-fizik, socioemocional dhe intelektual të
fëmijëve parashkollorë. Mjediset e strukturuara didaktike në fusha të ndryshme edukative
krijojnë rrethana e kushte të favorshme për zhvillimin dhe edukimin e interesave njohëse,
shkathtësive dhe shprehive në këtë moshë.
8 Vasta, Ross & Haith, Marshall M. Scott. Miller: Psikologjia e fëmijës, Tiranë, 2007
Punim Diplome
11
Fushat e ndryshme të aktiviteteve në institucione parashkollore janë të shumta, si:
edukimi fizik e shëndetësor, edukimi gjuhësor, matematik, artistik, njohjes, i vetes dhe i
botës etj.
Nëpërmes aktiviteteve të ndryshme e të llojllojshme në fushën e edukimit fizik e
shëndetësor, fëmijët gjatë ushtrimeve sistematike stërviten për lëvizje të koordinuara të
dorës dhe të syrit, por edhe të gjithë trupit. Këndet e pajisura në mjediset e strukturuara të
institucioneve parashkollore janë mjedise stimuluese për manipulime me mjete e
materiale, si: letra, plastelina, glina, teli i lakueshëm, shkopitë, fara etj. Në këto mjedise
fëmijët jo vetëm që provojnë emocione pozitive, por njëherit ata zhvillojnë dhe ushtrojnë
muskujt e dorës dhe të gishtërinjve.
Lojërat me elemente sportive ndihmojnë gjithashtu zhvillimin e grupeve të ndryshme
të muskujve, si atyre të mëdha ashtu edhe të atyre më të imta, të cilat i aftësojnë fëmijët
për saktësi, për lëvizje të koordinuar e harmonike me ritëm e tempo të caktuar. Puna e
organizuar dhe e përgatitur me mjetet bashkëkohëse, që i ofron mjedisi pozitiv i
institucionit, ndikojnë në krijimin e mundësive të një zhvillimi motorik edhe më
kompleks. Fëmijët aftësohen për aktivitete të vetëdijshme motorike, të cilat me kohë
fitojnë karakter volutiv; përkatësisht, fëmijët aftësohen për krijimin e planit të
paramenduar të punës, nëpërmjet të cilit do t’i renditin e t’i koordinojnë lëvizjet. Këto
aftësi psiko-motore zhvillohen e fuqizohen nëpërmjet organizimit të lojërave funksionale,
të ushtrimeve ritmike dhe të lojërave tematike deri tek ato me elemente sportive etj.9
Hulumtimet kanë treguar se fëmijët me përgatitje të institucionalizuar parashkollore
jo vetëm që i njohin shkronjat më mirë, por edhe manifestojnë shkathtësi gjatë të
shkruarit të shkronjave. (Shih diagramin nr.1.)
9 Mulla, Afërdita, vep.cit., f. 53
Punim Diplome
12
Diagrami nr.1. Njeh dhe di t’i shkruajë shkronjat e shtypit10
Nga paraqitja grafike kuptojmë se fëmijët me përgatitje institucionale parashkollore i
njohin dhe dinë t’i shkruajnë shkronjat në masën 73,1% në krahasim me 37,79% të
fëmijëve, të cilëve iu mungon përgatitja institucionale parashkollore.
Në fushën e zhvillimit gjuhësor-komunikues mësuesit dhe prindërit duhet të punojnë
duke u mbështetur në disa komponentë: zhvillimi nëpërmjet simboleve, gjuha e folur,
gjuha e dëgjuar, gjuha e shkruar, njohuritë rreth librave dhe shenjave, tingulli i gjuhës
dhe strategjitë e të mësuarit. Në faqet e mëposhtme ju do të gjeni procesin e përmbushjes
së standardeve të paraqitur përmes treguesve dhe shembujve, shoqëruar me secilin nga
këta komponentë të përmbajtjes. Së bashku, përmbajtja dhe proceset e treguesve
reflektojnë dimensione të ndryshme të zhvillimit gjuhësor-komunikues për fëmijët e
moshës 4-5 vjeç.
10 Po aty, f. 54
Punim Diplome
13
2. Zhvillimi nëpërmjet simboleve
Prezanton ndjenjat dhe idetë nëpërmjet lojës së pretenduar;
Prezanton ndjenjat dhe idetë nëpërmjet lëvizjeve;
Prezanton ndjenjat dhe idetë nëpërmjet muzikës;
Prezanton ndjenjat dhe idetë nëpërmjet artit dhe ndërtimit.
Prezantojnë idetë dhe ndjenjat në mënyra të larmishme. Arritja i referohet aftësisë së
fëmijëve për të interpretuar, krijuar dhe përdorur simbole në paraqitjen e diçkaje (një
ideje, një ndjenje apo një objekti). Katër janë treguesit e vlerësimit të zhvillimit
nëpërmjet simboleve tek fëmijët:
Zhvillimi matematikor dhe dituritë mbi numrat përfshijnë aftësi të ndryshme, siç
janë: Njohja e numrave dhe emërtimi i tyre, numërimi, korrespondimi një për një, njohja
dhe krijimi i modeleve, formave, si dhe kategorizimi e klasifikimi. Operacionalizimi: Kjo
fushë e zhvillimit është matur përmes treguesve të drejtëpërdrejtë si: numërimi,
identifikimi i numrave, llogaritje me numratore, krahasim i bashkësive, krahasim i
madhësive të trupave, krahasim i lartësisë, gjerësisë, emërtimi i formave gjeometrike etj.
Strategjitë e mësuesit për të promovuar zhvillimin nëpërmjet simboleve
Punim Diplome
14
Të lejojë kohë dhe hapësira të mjaftueshme për të zhvilluar një lojë të thjeshtë.
Të sigurojë objekte teatrale për lojërat me role.
Të tregojë ose aktrojë histori të cilat janë të njohura për fëmijët e grupit, në
mënyrë që fëmijët ta “ritregojnë” vetë historinë.
Të sigurojë kukulla, kafshë pelushi dhe figura njerëzish prej kartoni pranë këndit
të blloqeve.
Të mbajë në kopsht mbetje të lejueshme riciklimi, në mënyrë që fëmijët të
krijojnë vetë mjetet apo objektet teatrale.
Të bashkëngjisë veprimtari lëvizëse në planin dhe veprimtaritë ditore.
Të bashkëngjisë muzikën dhe këngën në planin dhe veprimtaritë ditore.
Të sigurojë vegla dhe instrumente të ndryshme që fëmijët të luajnë.
Të sigurojë materialet me të cilat fëmijët të mund të krijojnë veglat dhe
instrumentet e tyre.
Të luajë lojëra ritmike (p.sh. duke trokitur duart ose duke përplasur këmbët).
T’u krijojë kohë dhe hapësirë të mjaftueshme fëmijëve për të ndërtuar me
materiale të ndryshme si dhe për të bërë punime artistike.
T’i lejojë fëmijët të eksplorojnë dhe krijojnë me materialet artistike si dhe t’i
angazhojë ata në projekte për të hartuar dhe për të finalizuar produkte jo identike.
Të sigurojë një sasi letrash, tabelash, pajisjesh artistike, të cilat të jenë të
mjaftueshme dhe të arritshme për fëmijët.
Të sigurojë një sasi të bollshme lodrash, kubesh etj. në mënyrë që të jetë e
mundur të përdoren nga një numër i madh fëmijësh.
Të sigurojë mjete ndihmëse dhe pajisje që ndihmojnë fëmijët me aftësi të
kufizuara dhe fëmijët e pakicave etnike, të cilët mund të kenë vështirësi në të
kuptuarin e mesazheve lidhur me përfshirjen në aktivitete të ndryshme.11
2.1. Gjuha e folur shprehëse
Është me vlerë të theksohet se gjatë punës sistematike e të përgatitur me qëllim dhe
me objektiva specifikë, fëmijët gradualisht dhe natyrshëm zhvillojnë aftësitë e nevojshme
11 Orhani, Zenel (1999), Psikologjia Kognitive, Shblu, Tiranë, f. 57
Punim Diplome
15
senzo-motore, aftësi këto që kondicionojnë edhe zhvillimin e aftësive të tjera njohëse për
përvetësimin e leximit e shkrimit.
Lojërat sociale, në të cilat zhvillohen bashkëbisedime dhe ndërveprime midis
fëmijëve dhe të rriturve, janë të dobishme jo vetëm për përvetësimin e aftësive të
nevojshme për njohjen e shkronjave, të leximit dhe të shkrimit, por ndihmojnë edhe në
nxitjen dhe motivimin e fëmijës për të zhvilluar aftësitë e komunikimit.
Gjuha orale – Lojërat socio-dramatike ndodhin atëherë kur një grup i fëmijëve
përpiqen të ndajnë rolet dhe të performojnë ngjarje dhe situate të imagjinuara.
Hulumtuesit kanë dokumentuar një ndërlidhje të ngushtë mes këtyre lojërave dhe aftësive
gjuhësore. Edhe lojëra e fantazuar edhe gjuha përmbajnë përfaqësime simbolike. Në
gjuhë tingujt përfaqësojnë objektet, veprimet, qëndrimet dhe situatat. Në lojë fëmijët
përdorin objektet dhe veprimet sikurse edhe gjuhën për të përfaqësuar pamjet e tyre
mentale. Prandaj është edhe mjaft e pranueshme edhe ndërlidhja mes gjuhës dhe lojës.
Bazuar në këtë fakt rezultatet e shumë hulumtimeve flasin se fëmijët të cilët një pjesë të
kohës gjatë qëndrimit në klasat parashkollore e kanë kaluar në aktivitetet sociodramatike
kanë treguar aftësi më të larta gjuhësore në krahasim me fëmijët e tjerë.
Shumë studime kanë vërtetuar se fëmijët me aftësi më pak të zhvilluara për lexim dhe
shkrim kanë qenë fëmijët të cilët kanë ardhur prej familjeve të varfra, fëmijët të racës të
bardhë, fëmijët për të cilët gjuha e institucionit parashkollorë nuk është gjuhë e tyre
primare, fëmijët me dëmtime në shqisat e të dëgjuarit, dhe fëmijët prindërit e të cilëve
nuk e kanë aplikuar të lexuarin së bashku.
Komunikimi verbal hap rrugë për ndërveprime sociale, të cilat krijojnë situata të
favorshme për të edukuar dëgjimin aktiv dhe pranimin e mesazheve në mënyrë të drejtë.
Në këtë drejtim, përzgjedhja e përmbajtjeve në fusha të ndryshme të aktiviteteve, që kanë
për synim zhvillimin e të folurit dhe pasurimin e fjalorit, po ashtu krijojnë rrethana
atraktive për një të nxënë të drejtë të kuptimit të strukturës së tërësishme të fjalisë, fjalës
dhe të shqiptimit të drejtë e të qartë të tingullit. Po për këtë qëllim, e për rastet e
shmangieve më karakteristike nga norma shqiptimore, ndihmojnë veçanërisht lojërat
fonetike si dhe leximi i teksteve të ngjeshura me përdorimin e drejtë të tingujve, të cilët
ushtrojnë shqiptimin e drejtë dhe të normuar të të gjithë tingujve. Kjo është vërtetuar
Punim Diplome
16
edhe nga opinionet e prindërve, mësuesve dhe nga rezultatet e testimit.( Shih diagramin
nr. 2.)12
Teoritë e zhvillimit të fëmijëve ndryshojnë shumë nga qëllimi dhe përmbajtja që
kanë. Kështu, teoria psikoanalitike fokusohet në aspektet emocionale dhe motivuese të
zhvillimit, ndërsa teoritë e të nxënit fokusohen kryesisht në efektet që ka mjedisi në
sjelljen e fëmijës dhe, në veçanti, në atë se si të rriturrit duhet të sillen dhe të kontrollojnë
veprimet e tyre. Teoria e Piazhesë fokusohet në zhvillimin e funksioneve intelektuale: në
zgjidhjen e problemeve dhe formimin e koncepteve. Teoria e përpunimit të informacionit
fokusohet kryesisht në vëmendjen, kujtesën dhe aftësitë për të zgjidhur problemet. Edhe
pse në përmbajtje teoritë nuk ndryshojnë shumë, ato dallohen ndërmjet tyre në
shpjegimin e çështjeve themelore, të natyrës së zhvillimit të fëmijës (Kamani, 2004).
Disa nga teoritë e paraqesin fëmijën krejt pasiv ndaj zhvillimit. Sipas tyre, fëmijët vetëm
kundërveprojnë ndaj stimujve të mjedisit, por nuk inicojnë sjellje të caktuara. Shumë
teoricienë e shikojnë zhvilimin si grumbull të asocimeve të mësuara, që janë rezultat i
mjedisit, stimulit dhe përgjigjes.
Diagrami nr.2. E njohin dhe kuptojnë më mirë tingullin e shkronjës, i shkruajnë dhe i lexojnë më lehtë
fjalët dhe fjalitë
Ndërkaq, recitimet, tregimet, fabulat, gjëegjëzat e ushtruara e të realizuara
sistematikisht në edukimin e institucionalizuar parashkollor, krijojnë kushtet që fëmijët e
kësaj grupmoshe parashkollore të aftësohen për një të shprehur të ndërlidhur e me
12 Mulla, Afërdita vep.cit., f. 55
Punim Diplome
17
shqiptim logjik e të drejtë të fjalës. Recitimet me emocione dhe të përjetuarit e ngjarjeve
gjatë të lexuarit, gjatë rrëfimit të përrallave dhe të tregimeve janë raste të natyrshme e
tejet të përshtatshme për të edukuar fëmijët, në shqiptimin e qartë të tingujve në
strukturën e fjalës. Këto aktivitete ndihmojnë dhe lehtësojnë shmangien e lokalizmave
dhe edukojnë shqiptimin e normuar letrar.
Komunikon në familje dhe është i kuptueshëm nga të tjerët;
Përdor gjuhën për të pretenduar dhe krijuar;
Përgjigjet në bashkëbisedimet dhe diskutimet me të rriturit dhe bashkëmoshatarët;
Përdor fjali të plota, të shkurtra ose me gjatësi mesatare.13
13 Po aty, f. 56
Punim Diplome
18
Përdorin gjuhën për të komunikuar idetë, ndjenjat, pyetjet apo edhe për të zgjidhur
problemet
Arritja i referohet aftësisë së fëmijës për të shprehur veten duke përdorur gjuhën.
Katër treguesit e vlerësimit të gjuhës së folur ekspresive të fëmijëve janë:
Strategjitë e mësuesit për të promovuar gjuhën e folur të fëmijës
Të planifikojë për fëmijët kohën e nevojshme për të realizuar bashkëbisedime
rreth çështjeve të rëndësishme për ta.
Të inkurajojë ndërveprimin me fëmijët përgjatë gjithë ditës.
Të zhvillojë vazhdimisht tema të ndryshme për të inkurajuar pjesëmarrjen gojore
të fëmijëve.
Të organizojë takime në grup për të zgjidhur konfliktet, për të bërë listën e
përgjegjësive, për të votuar etj.
Të shërbejë për fëmijët si shembull për sa u përket formave me të cilat ata duhet
të pyesin dhe të përgjigjen.
Punim Diplome
19
Të lexojë dhe të diskutojë histori në grupe të vogla (2-3 fëmijë për grup).
Të sigurojë mundësi dhe materiale për të prezantuar fjalë të reja të kuptueshme
për fëmijët (p.sh. “Po, kjo është lodër dhe quhet lodër konstruktive”).
Të nxisë fëmijët me aftësi të kufizuara dhe ata të pakicave etnike që, nëse e kanë
të vështirë të përdorin gjuhën e folur, të komunikojnë përmes simboleve,
vizatimeve, gjesteve etj.14
2.2. Qëllimet e zhvillimit matematikor dhe strategjitë e të mësuarit
Në fushën e zhvillimit matematikor, janë gjashtë komponentët lidhur me të cilët
mësuesit dhe prindërit duhet të bashkëveprojnë: numrat dhe veprimet, gjeometria dhe
hapësira, modelet dhe marrëdhëniet, matjet, eksplorimi i të dhënave dhe strategjitë e të
mësuarit. Në faqet e mëposhtme, kemi paraqitur procesin e përmbushjes së standardeve,
përmes treguesve dhe shembujve, shoqëruar me secilin nga këta komponentë të
përmbajtjes. Së bashku, përmbajtja dhe proceset e treguesve reflektojnë dimensione të
ndryshme të zhvillimit matematikor për fëmijët e moshës 4-5 vjeçare.
Numrat dhe veprimet
përdor numrat për të treguar sasitë;
përdor fjalë për të treguar numrin e objekteve;
zgjidh probleme duke përdorur numrat;
përdor treguesit numerikë.
2.3. Gjeometria dhe hapësira
vëzhgon pozicionet dhe vendndodhjet;
eksploron format në një mjedis.
Modelet dhe marrëdhëniet
njeh marrëdhëniet në një mjedis të caktuar;
përdor modelet në një mjedis.
Matjet
14 Vidovic, V. V. (2001). Zhvillimi normal dhe programet e zakonshme të fëmijëve, Tiranë: Shoqata përNdihmë Psikosociale, f. 35
Punim Diplome
20
bën krahasime;
përdor matës.
Investigimi i të dhënave
mbledh, organizon dhe përdor informacionin.
2.4. Numrat dhe veprimet
Përdorin numrat për të treguar sasitë
Arritja i referohet aftësisë së fëmijëve për të kuptuar numrin, i cili përfaqëson një sasi të
caktuar. Tre treguesit kryesorë për të vlerësuar aftësitë e fëmijës në njohjen e numrave
dhe bërjen e veprimeve janë:
Strategjitë e mësuesit për të ndihmuar fëmijët të fitojnë aftësinë e numërimit dhe
të tregojnë sasitë.
Të nxisë fëmijët për të eksperimentuar me numërimin në mënyrë të kuptimshme
për ta;
Të angazhojë fëmijët të këndojnë këngë me numra;
Të lexojë libra të formatit të madh që përmbajnë renditjen e numrave;
Të japë shembuj të numërimit të objekteve ose njerëzve në situata të kuptueshme
për fëmijët (p.sh. të përcaktojë sa fëmijë ndodhen në tryezë ose sa fëmijë kanë
ardhur në kopsht, sa mungojnë etj.);
Të sigurojë sa më shumë mundësi për numërimin e objekteve;
Të japë shembuj të fjalëve që përdoren për numërimin e çdo objekti;
Punim Diplome
21
Të bëjë pyetjen “Sa..?”;
Të tregojë tabelën me numra e cila duhet të jetë vendosur në nivelin e syve të
fëmijëve;
Të organizojë lojëra me numërime.15
2.5. Zgjidhin problema të thjeshta duke përdorur numrat
Arritja i referohet aftësisë së fëmijës për të identifikuar dhe për të zgjidhur
personalisht probleme të kuptueshme nëpërmjet numrave. Katër treguesit kryesorë për të
vlerësuar këtë aftësi të fëmijës janë:
Strategjitë e mësuesit për të ndihmuar fëmijët të zgjidhin problema të thjeshta
duke përdorur numrat
Të përdorë situatat reale gjatë ditës për të nxitur zgjidhjen e problemave me
numra;
15 Vadahi, Fatamir (2002). Pedagogji parashkollore, Camaj-Pipa, Shkodër, f.77
Punim Diplome
22
T’u tregojë fëmijëve një grup të vogël objektesh dhe t’u kërkojë të gjejnë me një
shikim se sa janë gjithsej;
Të pajisë qendrën e matematikës me një llojshmëri lojërash matematikore me
qëllimin që fëmijët të eksplorojnë vetë;
Të angazhojë fëmijët në të gjitha llojet e lojërave matematikore në grup;
Të nxisë fëmijët të organizojnë vetë lojën e tyre.16
Vëzhgojnë pozicionet dhe vendndodhjet
Arritja i referohet zhvillimit të aftësisë së fëmijëve për të kuptuar marrëdhëniet
dhe relacionet ndërmjet objekteve në botën fizike sipas ndërgjegjësimit të tyre hapësinor:
perceptimin se ku ndodhet ai/ajo në lidhje me të tjerët dhe objektet. Tre treguesit kryesorë
të kësaj aftësie janë:
Strategjitë e mësuesit që ndihmojnë fëmijët të hetojnë pozicionet dhe
vendndodhjet.
Të manipulojë me lodra formuese, si p.sh. bashkimi i pjesëzave të një figure etj.,
të pranueshme për moshën e fëmijëve dhe sa më të larmishme;
Të nxisë fëmijët të luajnë me objekte që ndahen dhe bashkohen lehtësisht;
Të pasurojë mjedisin e klasës me një shumëllojshmëri lodrash manipuluese (kuba
me ngjyra dhe forma të ndryshme që bashkohen dhe ndahen lehtë);
16 Po aty, f. 80
Punim Diplome
23
Të sigurojë një hapësirë të mjaftueshme për blloqet e të gjitha formave dhe
madhësive si edhe kohën e duhur që fëmijët të luajnë me to dhe të diskutojnë për
veprimet dhe krijimet e tyre;
Të modelojë fjalorin e fëmijëve duke e shoqëruar me tregimin e pozicionit dhe
vendndodhjes;
Të lexojë me zë të lartë tekste që tregojnë për pozicione dhe vendndodhje dhe që i
angazhojnë fëmijët në bashkëbisedime lidhur me këto koncepte;
Të organizojë fëmijët në lëvizje dhe lojëra që përfshijnë pozicionet dhe
vendndodhjet si për shembull “ku ka fsheh”.17
Vëzhgojnë format në mjedis
Arritja i referohet zhvillimit të aftësisë së fëmijëve për të identifikuar format dhe
madhësitë në një mjedis. Katër treguesit kryesorë për vlerësimin e kësaj aftësie janë si më
poshtë:
17 Mato, Erlehta, Kamani, Pranvera, Sina, Edlira (2010), Një botë për t’u zbuluar, Save the Children,Tiranë, f. 24
Punim Diplome
24
Punim Diplome
25
3. Modelet dhe marrëdhëniet
Njohin marrëdhëniet në një mjedis të caktuar.
Fëmijët kanë një kuriozitet natyral për të eksploruar botën përreth tyre dhe në
hetimet e tyre fillojnë bëhen të gjitha llojet e relacioneve, të cilat janë një reflektim i të
menduarit matematikor. Dy treguesit kryesorë që vlerësojnë aftësinë e fëmijës 4-5 vjeçar
për njohjen e marrëdhënieve në një mjedis të caktuar janë:
Strategjitë e mësuesit që ndihmojnë zhvillimin e njohjes së marrëdhënieve në një
mjedis të caktuar.
Të pasurojë mjedisin me sa më shumë materiale të cilat fëmijët mund t’i
klasifikojnë dhe ndajnë lehtësisht. (Këto mund të jenë produkte komerciale të
riciklueshme ose të gjetura e të mbledhura, si: guriçka, boça pishe, guaska etj.).
T’u krijojë sa më shumë mundësi fëmijëve për të ndarë e klasifikuar objekte dhe
për të bërë koleksione të vogla me to;
Të angazhojë fëmijët sa më shumë në bashkëbisedime se si ndahen dhe
klasifikohen objektet;
Të organizojë lojëra dhe veprimtari të cilat përfshijnë fëmijët në klasifikimin dhe
në identifikimin e modeleve.18
18 Krasniqi, Islam (1997), Mësimi i leximit dhe i shkrimit fillestar, Prishtinë, f. 46.
Punim Diplome
26
3.1. Përdorin modelet në një mjedis
Arritja reflekton në rritjen e aftësisë së fëmijës për të identifikuar modelin. Tre
treguesit kryesorë të vlerësimit të aftësisë së fëmijës për të përdorur modelet janë:
3.2. Krijimi i një mjedisi që nxit të menduarit matematikor
Kur mendojmë krijimin e një mjedisi që mbështet të menduarin matematikor
është e rëndësishme të kujtojmë që matematika zhvillohet dhe zgjerohet edhe nëpërmjet
fushave të tjera kurrikulare. Pikërisht ashtu sikurse gjuha dhe komunikimi që mund të
zhvillohet në shumë qendra aktiviteti, mund të zhvillohet edhe matematika.
Në qendrën e leximit duhet të ketë dhe libra me përmbajtje matematikore. Në
qendrën e shkrimit duhet të përfshihen edhe mjete të thjeshta si vizore, fletore
matematike, peshore, të cilat ngjallin dhe nxisin te fëmijët e vegjël të menduarin
matematikor.
Duhet pasur kujdes që demonstrimi i tabelave me numra dhe figura të ndryshme
të jenë në nivelin e syve të fëmijëve. Shumë i rëndësishëm është dhe pasurimi i klasës me
sa më shumë materiale të ndryshme për fëmijë që të hetojnë dhe të mbështesin të
menduarin dhe zhvillimin matematikor dhe t'i ftojnë ata hap pas hapi në eksplorime dhe
zgjidhjen e problemeve. Qendra e matematikës duhet të ofrojë një shumëllojshmëri
Punim Diplome
27
materialesh dhe lojërash matematikore, p.sh. blloqet u japin mundësi fëmijëve të
zgjerojnë njohuritë e tyre matematikore.
Sigurimi i materialeve bazë (gurë, guaska, boça pishe etj.) shërbejnë që të bëhen
koleksione të vogla, të përdorshme në situata të ndryshme duke marrë parasysh
avantazhin që matematika është e kudondodhur.19
3.3. Fusha e shkencës dhe vëzhgimit
Qëllimet e zhvillimit shkencor dhe strategjitë e të mësuarit
Në fushën e zhvillimit shkencor mësuesit dhe prindërit duhet të dinë se janë katër
komponentë në të cilat duhet të investojnë me fëmijët e tyre: shkenca fizike, shkenca e
jetës, Toka dhe hapësira dhe strategjitë e të mësuarit. Në faqet e mëposhtme ju do të gjeni
procesin e përmbushjes së standardeve, përmes treguesve dhe shembujve, të shoqëruar
me secilin nga këto komponentë të përmbajtjes. Së bashku përmbajtja dhe proceset e
treguesve reflektojnë dimensione të ndryshme të zhvillimit shkencor të fëmijëve.
Shkenca fizike:
Eksploron vetitë fizike të objekteve dhe materialeve;
Heton vetitë fizike të objekteve dhe materialeve;
Zgjidh problema duke përfshirë vetitë fizike të objekteve dhe materialeve;
Prezanton vëzhgimin në forma të ndryshme.
Shkenca e jetës:
Eksploron karakteristikat e gjallesave
Heton karakteristikave e gjallesave
Zgjidh problema lidhur me gjallesat
Prezanton vëzhgimin rreth gjallesave në mënyra të ndryshme
Toka dhe hapësira
Eksploron karakteristikat e tokës dhe të hapësirës
Heton karakteristikat e tokës dhe të hapësirës
Zgjidh problema duke përfshirë tokën dhe hapësirën
Prezanton vëzhgimin rreth tokës dhe hapësirës në mënyra të ndryshme
Strategjitë e të mësuarit
19 Koytak,Necla (2007), Inkubatori i Shoqërisë, Botim i shoqatës kulturore “Gruaja”, f.27
Punim Diplome
28
Tregon kuriozitet për natyrën dhe objektet e saj në mjedise të ndryshme
Ndërmerr iniciativa vëzhgimi dhe zbulimi
Shfaq shpirt veprimi
Tregon dashuri dhe interes për natyrë.20
3.4. Shkencat fizike
Eksplorojnë vetitë fizike të objekteve dhe materialeve
Fëmijët nga natyra janë të interesuar për objektet dhe materialet që i rrethojnë; si
objektet dhe materialet manipulohen dhe ndryshohen. Sapo fëmijët fillojnë të eksplorojnë
këto veti, ata njëkohësisht ndërtojnë edhe njohuritë për shkencën fizike. Tre treguesit
kryesorë për të vlerësuar njohuritë rreth objekteve dhe materialeve janë:
3.5. Shkenca e jetës
Eksplorojnë karakteristikat e gjallesave
Arritja i referohet zhvillimit të fëmijëve në të kuptuarit e ndryshimit midis
gjallesave dhe sendeve, si edhe se si rriten dhe ndryshojnë gjallesat. Dy treguesit kryesorë
të vlerësimit për aftësinë e zbulimit të karakteristikave të gjallesave janë:
20 Nikoliq, Stanisha (2005), Bota e Psikikës Fëmijërore, Furkan ISM, Shkup, f. 67
Punim Diplome
29
3.6. Toka dhe hapësira
Eksplorojnë karakteristikat e tokës dhe të hapësirës
Tre treguesit kryesorë të vlerësimit për këtë aftësi të fëmijëve janë:21
21 Po aty, f. 70
Punim Diplome
30
Krijimi i një mjedisi stimulues për të nxitur të menduarin shkencor.
Një mjedis që u nxit fëmijëve interesin për shkencën, është ai që stimulon
kërkimin dhe eksperimentin. Për fëmijët e vegjël, procesi i të menduarit shkencor fillon
me kuriozitetin dhe pyetjet (pse-të).
Në këndin e shkencës, në klasë,vendosen punime interesante nga bota e natyrës
fizike bashkë me instrumente e mjete shkencore si llupa, matës, vazo të formave të
ndryshme, tuba, rërë, ujë, magnete, bulona, rondele, litarë. Në këtë mënyrë fëmijët duke u
tërhequr nga kurioziteti i japin përgjigje pyetjeve që parashtrojnë duke eksperimentuar e
manipuluar vetë.
Kërkohet sigurimi i materialeve bazë (p.sh. gurë, guaska, boça pishe) për të
ndihmuar fëmijët të vetë eksplorojnë.
Në mënyrë periodike prezantohen mjetet e reja duke zhvendosur ato të
mëparshmet dhe duke rritur në këtë mënyrë interesin e fëmijëve. Një gjë që duhet të
mbahet parasysh është që interesi shkencor i fëmijëve rritet në mënyrë të vazhdueshme
veçanërisht kur njohuritë dhe aftësitë shkencore janë të përfshira edhe në fushat e tjera
kurrikulare. Për shembull, fusha e artit i jep mundësi fëmijëve të eksperimentojnë me
ngjyrat në mënyrë të natyrshme duke pikturuar, duke luajtur me plastelinë, rërë, brumë
(miell+ujë).
Një shumëllojshmëri librash me figura dhe tekste për natyrën, tokën e hapësirën,
botën fizike, të vendosura në qendrën e leximit do të mbështeste fuqishëm të menduarin
shkencor të fëmijëve.
Pajisjet për kërkimin shkencor duhet të jenë sa më të thjeshta që të kuptohen nga
fëmijët: një enë e vogël plastike mund të shërbejë për të bërë eksperimentet me ujë;
materialet bazë dhe të riciklueshëm.22
22 www.psikologjia.com
Punim Diplome
31
Përfundim
Në fund, mund të themi se qytetarë të vlefshëm janë ata, që jo vetëm
bashkëpunojnë dhe e ndërtojnë jetën e tyre në harmoni me rendin shoqëror, por tek të
cilët mund të kesh besim, se do të dinë t’i interpretojnë ndryshimet e situatave me kalimin
e kohës dhe do të marrin vendime të mençura sesi duhet të sillen në këto rrethana, në
përputhje me të mirën e përbashkët. Për më tepër, ata duhet të jenë të gatshëm t’u
përmbahen vendimeve, që kanë marrë për mënyrën sesi jetojnë në bashkësitë e tyre.
Studiuesit thonë se, për t’u bërë qytetarë të vlefshëm, nxënësit duhet të zhvillojnë këto
tipare:
- ndjenjën e vënies së vetes në vendin e tjetrit, që në thelb ka të bëjë me
këndvështrimet: të kuptosh sesi mund t’i përjetojë dikush tjetër ngjarjet dhe, me
kalimin e kohës, të jesh në gjendje të përcaktosh disa synime të përbashkëta me të
tjerët si dhe të punosh me ta për përmbushjen e tyre;
- ndjenjën e efikasitetit, ndjenjën se pjesëmarrja në punët e bashkësisë (klasës,
qytetit, kombit) është e vlefshme, sepse veprimet tona do të sjellin diçka të
vlefshme;
- ndjenjën e lidhjes së jetës vetjake me një tërësi më të madhe: pra ndërgjegjësimi
për vlerat dhe qëllimet e veprimeve tona në një kontekst më të madh se vetja jonë,
qoftë kjo lufta për ruajtjen dhe mbrojtjen e mjedisit, puna për begatinë dhe të
mirën reciproke në bashkësi ose futjen në këtë apo atë kozmologji fetare;
- ndjenjën e integritetit midis bindjeve dhe veprimeve tona: për shembull, në qoftë
se dikush ka bindje të forta, se izolimi i të moshuarve është diçka mizore dhe e
gabuar, atëherë ky person duhet të jetë i gatishëm t’ia kushtojë një pjesë të kohës
së vet shoqërizimit me të moshuarit.
Punim Diplome
32
Bibliografi
- Karaj, Theodhori., (2005), Psikologjia e zhvillimit të fëmijës, Progres, Tiranë.
- Krasniqi, Islam., (1997), Mësimi i leximit dhe i shkrimit fillestar, Prishtinë.
- Kincher, Johni., Psikologji për fëmijët, Logos, Shkup, 2005.
- Koytak, Necla., Inkubatori i Shoqërisë, Botim i shoqatës kulturore,“Gruaja” 2007.
- MASHT, (2006), Kurriikula e Edukimit Parashkollor në Kosovë, Prishtinë.
- Mulla, Afërdita., (2012), Roli i institucioneve parashkollore në zhvillimin dhe
përgatitjen e fëmijërisë së hershme për përvetësimin e parë të shkronjave, të
leximit dhe të shkrimit, Revista “Buletini” nr.12, Tiranë
- Mato, Erlehta, Kamani, Pranvera, Sina, Edlira., (2010), Një botë për t’u zbuluar,
Save the Children, Tiranë.
- Mato, Erlehta., (1995), Disa veçori psikologjike dhe sociale të parashkollorit,
Tiranë.
- Nikoliq, Stanisha., Bota e Psikikës Fëmijërore, Furkan ISM, Shkup, 2005.
- Orhani, Zenel., (1999), Psikologjia Kognitive, Shblu, Tiranë.
- Väestöliitto, Kotipuu. Roli i prindërve në edukimin e fëmijëve, Helsinki, 2003.
- Pettijohn, Terry F., Psikologjia – një hyrje koncize, Dukagjini, Pejë, 1997.
- Vidovic, V. V., Zhvillimi normal dhe programet e zakonshme të fëmijëve,
Shoqata për Ndihmë Psikosociale, Tiranë, 2001.
- Vasta Ross & Haith, Marshall M., Miller Scott., (2007), Psikologjia e fëmijës,
Tiranë.
- Vadahi, Fatmir., Pedagogjia Parashkollor, Camak-Pipa, Shkoder, 2002.
- www.psikologjia.com.
Punim Diplome
33
- Jetëshkrimi
Jam Benita Mulliqi. Kam lindur më 20. 3. 1992, në Pejë. Nga prindërit Daut dhe
Zoje Mulliqi. Shkollën Fillore “Vaso Pash Shkodrani” dhe të Mesmen “Shaban
Spahija” kam të kryer në Pejë.
Në vitin 2012 jam martuar me Visarin, me të cilin kam dy vajza të
mrekullueshme, Suela dhe Ema. Dashurinë që kam për fëmijët, më shtyri të zgjodhi
profesionin e edukatores. Gjatë vitit akademik 2013 – 2014 kam regjistruar Fakultetin e
Edukimit “Fehmi Agani”, në Gjakovë, programi parafillor.
Provimet dhe ligjëratat i kam kryer si studente e rregullt me suksese të
dallueshme. Gjatë kësaj kohe sa kam studiuar kam punuar dhe mbrojtur me suksese të
kënaqshme, shumë punime seminarike dhe profesionale. Idetë dhe praktikat e
mësimdhënies i kam gërshetuar në mësimnxënien praktike.
Falënderoj familjen dhe mësimdhënësit në mbështetje të pakursyer.