valgarður gunnarsson - sögubrot
DESCRIPTION
Myndlistarmaðurinn Valgarður Gunnarsson (1952) snýr nú aftur á sjónarsviðið eftir langt hlé. Verk Valgarðs Gunnarssonar á sýningunni í Eiðisskeri spanna tæpan áratug á ferli hans, hið elsta frá 2004 en flest eru unnin á síðastliðnum tveimur árum. Valgarður hefur þróað með sér sterkan persónulegan myndheim sem byggir annars vegar á vefnaði og hins vegar á saumum.TRANSCRIPT
![Page 1: Valgarður Gunnarsson - Sögubrot](https://reader031.vdocuments.pub/reader031/viewer/2022013106/568bd9ef1a28ab2034a8e707/html5/thumbnails/1.jpg)
Valgarður Gunnarsson Sögubrot
10. október - 8. nóvember 2013
![Page 2: Valgarður Gunnarsson - Sögubrot](https://reader031.vdocuments.pub/reader031/viewer/2022013106/568bd9ef1a28ab2034a8e707/html5/thumbnails/2.jpg)
Myndlistarmaðurinn Valgarður Gunnarsson (1952) snýr nú aftur á sjónarsviðið eftir
langt hlé, en síðasta einkasýning hans var í Stúdíó Stafni veturinn 2009. Valgarður á
langan feril að baki, hefur haldið einkasýningar í stærstu söfnum landsins og tekið þátt
í samsýningum hérlendis og erlendis. Valgarður nam við Myndlista- og handíðaskóla
Íslands árin 1975 – 1979 og frá 1979 – 1981 við myndlistardeild Empire State Col-
lege, State University of New York.
Í því mikla riti Íslensk listasaga segir m.a. um Valgarð „Eftir nám í New York í lok
áttunda áratugarins kynnti Valgarður (1952) verk sín í íslensku listalífi sem hluta af
nýbylgjumálverkinu í byrjun níunda áratugarins. Strax í upphafi einkenndust verk hans
af samspili milli geómetrískra flata og eru eins konar módernískur grunnur fyrir ein-
faldað leiksvið mannsins. Verk hans hafa ávallt haldið þessum einkennum sem bera
með sér skýra fagurfræðilega sýn, fágað handbragð og hárfínt litaval.“
Sögubrot Verk Valgarðs Gunnarssonar á sýningunni í Eiðisskeri spanna tæpan áratug á ferli
hans, hið elsta frá 2004 en flest eru unnin á síðastliðnum tveimur árum. Valgarður
hefur þróað með sér sterkan persónulegan myndheim sem byggir annars vegar á
vefnaði og hins vegar á saumum. Þetta má heita aðalsmerki í myndlist hans. Grunn-
flöturinn í verkum Valgarðs er haganlega ofinn með fíngerðum penslinum í smekklega
samsettum litum á meðan bogadreginn þráðurinn liðast um flötinn og hefur þrætt sig í
gegnum undirlagið. Þó sum verka Valgarðs hafi á sér abstrakt yfirbragð er þar að
finna fígúratívt myndmál. Í fígúratívum verkum listamannsins er myndmál hans einfalt,
látlaust og beinskeytt, sprottið úr farvegi ólíkra og oft tilviljanakenndra hugmynda.
Þannig er sýningin byggð upp af fjölbreyttum hugmyndum og frásögnum án
þematískrar tengingar. Í huga Valgarðs er það handbragðið sem slíkt og beiting
pensilsins sem sker úr um listrænan varanleika verksins, en ekki viðfangsefnið sjálft.
Þannig segir listamaðurinn listaverkið lifa eins lengi og einhver nennir að horfa á það.
Valgarður Gunnarsson
Númer Heit i E fn i Gerð
1. Enn um s inn Olía á s tr iga 2012
2. Pan Olía á s tr iga 2013
3. Mæliker Olía á s tr iga 2013
4. Óskandi Olía á s tr iga 2013
5. Hárprúð Olía á s tr iga 2013
6. Þalamus I I Olía á s tr iga 2004/5
7. Hosur grænar Olía á s tr iga 2013
8. Andvaka Olía á s tr iga 2007
9. Dans? Olía á s tr iga 2013
10. Barnale ikur Olía á s tr iga 2013
11. Beinl ín is Olía á s tr iga 2013
12. Iðr i Olía á s tr iga 2011
13. Les ið Olía á s tr iga 2010
14. Sögumaður Olía á s tr iga 2013
15. Blessaður Olía á s tr iga 2013