Ստեֆան Ցվայգ
DESCRIPTION
Ստեֆան ՑվայգTRANSCRIPT
ՍՏԵՖԱՆ ՑՎԱՅԳ .
ՅՈՒՐԱՀԱՏՈՒԿՍՏԵՂԾԱԳՈՐԾՈՂ , ԱՆՀԱՏ
ՈՒ ՄՏԱԾՈՂ
Ստեֆան Ցվայգը ապրել է գրական մեծահարուստ կյանք և
թողել նույնպիսի գրական ժառանգություն:
Բացառիկորեն մեծ է եղել նրա շփումների ոլորտն իր
նշանավորների հետ. Եվրոպական մի քանի լեզվի
տիրապետող, հումանիտար անբավ գիտելիքների տեր այդ
վերին աստիճանի կիրթ գրողը ծանոթ ու մտերիմ է եղել
Էմիլ Վերհարնի, Ռոմեն Ռոլանի, Մաքսիմ Գորկու, Ֆրանց
Վերֆելի, Օգյուստ Ռոդենի, Անատոլի Լունաչարսկու և
ուրիշների հետ:
Ստեֆան Ցվայգը ծնվել է 1881-ին, Վիեննայում,
գործարանատւրոջ հարուստ ընտանիքում, ստացել
հիմնավոր կրթություն: Իր գրական կոչումն ըմբռնել է
վաղ հասակից, բայց ստեղծագործական նկարագիրը
գտել է տարիներ անց:
1901-ին լույս է տեսել նրա առաջին գիրքը՝
<<Արծաթե լարեր>> բանաստեղծությունների
ժողովվածուն: Հատագայում գրել է նաև դրամաներ,
բայց իր ձիրքի հաստատումը ի վերջո գտել է
արձակում:
Եվրոպայում նրա վերջին բնակավայրը եղել է Զալցբուրգը,
ավստրիական այդ փոքրիկ, չքնաղ քաղաքը, Մոցարտի
հայրենի քաղաքը, որ այսօր այնքան հռչակված է
երաժշտական փառատոներով: 1931-ին Ստեֆան Ցվայգն
այստեղ է դիմավորել իր ծննդյան հիսնամյակը: 1934-ին,
Հիտլերյան բռնակալության հաստատումից անմիջապես
հետո, այստեղից է, իբրև վտարանդի, լքել Եվրոպան և
ապաստան գտել մյուս կիսագնդում՝ Բրազիլիայում, ուր և
ինքնասպան է եղել ութ տարի անց: Իսկ այժմ Զալցբուրգի
փառատոները բացվում են նրա անունը կրող փողոցում:
Ստեֆան Ցվայգը շատ է ճանապարհորդել. Եղել է Ամեիկայում,
Հնդկաստանում, Հնդկաչինում, Սովետական Միությունում,
եվրոպական գրեթե բոլոր երկրներում, իսկ Փարիզը եղել է իր
երկրորդ հայրենիքը: Անցնող տարիները,
ճամփորդությունները, հարստացող կենսափորձը նրա մեջ
ավելի ու ավելի են խորացրել իր վաղեմի դավանանքը՝ իր
<<Հոգու հայրենիք>> Եվրոպայի սերը, եվրոպական
կուլտուրայի պաշտամունքը, այդ կուլտուրայի միասնության
անվերապահ հավատը, մի կուլտուրա, որին նա, իբրև
համոզված եվրոպակենտրոն մտածող, բացառիկ տեղ էր
տալիս մարդկության պատմության և առաջադիմության մեջ:
Եվ հենց այդ հավատի փլուզումն էլ կործանեց նրան: Հիացումն
ու հիասթափությունը ուղիղ համեմատակն են.
Հիասթափությունը լինում է այնքան մեծ, որքան մեծ էր
հիացումը: Այնքան մեծ էր Ցվայգի հիացումն ու հավատը
Եվրոպայի ու նրա կուլտուրայի միասնության հանդեպ, որ
նույն այդ Եվրոպայում ծագած երկրորդ համաշխարհային
պատերազմը՝ այդ միասնության գահավեժ խորտակումը,
չափազանց ծանր նստեց նրա վրա: 1924-ի հունվարին,
բրազիլիական Պետրոպոլիս փոքրիկ քաղաքում, վտարանդի
Ստեֆան Ցվայգը, չդիմանալով իր փայփայած պատրանքներին
գահավեժ խորտակմանը, ինքնասպանություն գործեց իր կնոջ
հետ միասին:
Մահվանից առաջ նա գրել էր մի <<Դեկլարացիա>>, որ
բացատրում է այդ մեծ կյանքի ողբերգական վախճանի
պատճառը. դա ունեցել է ոչ թե անձնական, այլ խորապես
ըմբռնված հասարակական բնույթ, եղել է իր ՝ աշխարհից
կտրված գրողի հոգեկան ու բարյական ճգնաժամի
հետևանքը, իսկ դրա ակունքն այն էր, որ <<իր հոգու
հայրենիք Եվրոպան ոչնչացնում է ինքն իրեն>>:
Ֆրանց Վերֆելը(<<Մուսալեռան քառասուն օրը>> գրքի
հեղինակը)<<Ստեֆան Ցվայգի մահը>> հոդվածում այսպես
է բացատրել հայրենակից գրողի ողբերգությունը. <<Նա մի
մարդ էր, որ մանկական ինքնամոռացմամբ նվիրված էր
մարդասիրության կրոնին, որի շուքի տակ էր հասակ առել:
Նրա գլխավերևը շողում էր իր պատանեության անամպ
երկինքը, միակ երկինքը, որ ճանաչում ու գնահատում էր
լիբերալ լավատեսությունը: Ըստ երևույթին, այդ հոգևոր
երկնքի մռայլումը Ցվայգի համար եղավ մի հարված, որին
նա չկարողացավ դիմանալ…>>:
Մահվանից առաջ Ստեֆան Ցվայգը ավարտել է իր <<Երեկվա
աշխարհը>> գիրքը, իր հրաժեշտի երկը, որ Թոմաս Մանը
համարում էր <<մեծ գիրք>>. դա իր երիտասարդության պայծառ
տարիների մասին, նախապատերազմյան Եվրոպայի, իր
նվիրական մտերմությունների մասին պատմող մի գիրք է՝ լեցուն
հոգեպարար հուշերով և խորունկ դատողություններով, որ այնքան
հստակ ցույց են տալիս հեղինակի հումանիստական
աշխարհահայացքը և այրող ատելությունը իր պաշտելի Եվրոպան
կրակի մատնած ու իրեն 1934-ից ի վեր վտարանդի դարձրած
ֆաշիզմի նկատմամբ:
Նյութը պատրաստեց Հակոբյան Սարգիսը
10-3 ավագ դպրոց-վարժարան