afdeling a: die grondwet van commercia 1. inleiding 1.1 ... · 2. die bestuur van commercia 2.1 die...
TRANSCRIPT
1
AFDELING A: DIE GRONDWET VAN COMMERCIA 1. INLEIDING
1.1 Die missie en visie van Commercia
Commercia het ontstaan in die jaar 1994. Die Vereniging verteenwoordig die
Ekonomiese en Bestuurswetenskappe studente op alle moontlike vlakke op die
basis van die Christelike karakter van die NWU. Deur uitlopende projekte bied
Commercia aan elke B.Comm student die geleentheid om sy/haar intellektuele,
sosiale en geestelike potensiaal optimaal en as gebalanseerde individu te
ontwikkel.
Die missie van die vereniging is as volg:
• Om in die eerste plek die beginsels van die Christelike lewens –en
wêreldbeskouing op die vlak van wetenskapsbeoefening onder die
studente van die Ekonomiese en Bestuur Wetenskappe te bevorder;
• Om probleme en voorstelle van die studente by die departementele,
fakulteits en akademiese raadvergaderings op te neem;
• Om studente van hulp te wees met akademiese probleme,
beursaansoeke, vakansiewerk en enige anderprobleme wat hul mag
ondervind, of om sodanige studente te kanaliseer na persone wat hul
moontlik van hulp kan wees.
• Om sprekers en ander beroepsverwante funksies te reel;
• Om sodanige geleenthede te skep waar B.Comm studente saam kan
verkeer.
Die visie van die vereniging is as volg:
• Proaktiewe dienslewering deur doelgerigte betrokkenheid
2
1.2 Kleure van Commercia:
• Swart simboliseer die professionaliteit waarmee die vereniging se komitee
die mede B.Comm studente hanteer.
• Maroon simboliseer ons verbintenis met die universiteit.
• Lemmetjie Groen simboliseer die entoesiasme waarmee ons na mede
B.Comm studente se belange en versoeke luister.
1.3 Patronaat
• Commercia stel homself onder die patronaat van die Studenteraad van die
NWU ingevolge die Grondwet van die Studenteraad, onder die vaandel van
die SR-Akademiese Raad.
2. DIE BESTUUR VAN COMMERCIA
2.1 Die samestelling van die bestuur
Die bestuur bestaan uit die volgende portefeuljes naamlik:
• Voorsitter
• Ondervoorsitter
• Sekretaresse
• Penningmeester
• SJGD
• Skakeling
• Bemarking
• Akademie
• Sosiaal (2 persone)
• Publikasies
• Borge
3
2.2 Die verkiesing van die bestuur
2.2.1 Die tyd van die verkiesing
Die verkiesing van ‘n nuwe Commercia komitee geskied ‘n week na die
Studenteraad se verkiesing.
2.2.2 Kandidaatvereistes
a. Enige persoon mag genomineer word vir die Commercia-
bestuursverkiesing mits hul aan die volgende vereistes voldoen:
I. Die kandidaat moet ‘n ingeskrewe lid van die ekonomiese en
bestuurswetenskappe fakulteit wees en moet aan die lidmaatskap
vereistes, soos uiteengesit in die Huishoudelike Reglement, voldoen
en so ook sy gelde betaal het ten opsigte van lidmaatskap.
II. Die kanidaat moet die gepaste nominasievorm invul.
III. Alle nominasies moet onderteken word deur die voorsteller, twee
sekondante en genomineerde. Kandidate kan hulself voorstel met
die ondersteuning van sekondante.
IV. Nominasies open twee weke voor die verkiesingsdatum.
V. Die nominasies sluit twee dae voor die verkiesing en moet
ingehandig word by die voorsitter.
VI. Die kandidate moet voor die verkiesingskomitee verskyn vir ‘n
onderhoud. Die verkiesingskomitee het die volmag om na aanleiding
van die onderhoud ‘n kandidaat af te wys vir verkiesing tot die
bestuur.
VII. Saam met die nominasievorm moet daar ook deur die kandidaat ‘n
volledige akademiese rekord en beleidsverklaring ingehandig word.
4
VIII. Twee dae voor die verkiesing word die kandidate se CV’s en
beleidsverklarings gefotostateer en elke lid van die bestaande
komitee ontvang ‘n vorm om dit sorgvuldig deur te gaan.
IX. Nominasies vir die voorsitter: slegs persone wat reeds op die
bestuur vir ‘n volle ampstermyn dien, mag vir die portefeuje voorsitter
staan.
2.2.3 Die wyse van stem
a. Stemming vind plaas per geslote stembrief.
b. Die voorsitter, Commercia se voog, Prof Renier van Rensburg, sowel as
die voog op die UK moet monitor dat die verkiesing regverdig geskied.
2.2.4 Die tel van stemme
a. Alle stembriewe moet deur die voorsitter getel word.
b. Die tel van die stembriewe moet deurlopend deur die voog gemonitor
word en sorg gedra word dat daar nie omgerymdhede voorkom nie.
c. Indien die kandidaat alleen staan vir ‘n portefeulje, moet hy/sy twee
derdes van alle stemme verwerf om wel op die bestuur te dien. Indien dit
nie verwerf word nie, moet die portefeulje weer oopgestel word vir enige
student.
2.2.5 Die bekendmaking van die stemme BELANRIK!! Die verkiesingskomitee mag geen verandering aanbring aan die
uitslae van die verkiesing nie. Die verkiesing van die bestuur moet ten volle
demokraties geskied.
a. Die uitslae van die verkiesing word bekend gemaak op die aand van
die B.Com dinee
5
b. Die uitslae wat die aand voorgehou word is finaal en geen verandering
sal gemaak word nie tensy daar onteensegtlik bewys kan word dat
daar onreëlmatighede plaasgevind het.
c. Indien daar sou bevind word dat daar ongerymdhede plaasgevind het
met die verkiesing, moet die verkiesing herhaal word en moet die
Dekaan van die Ekonomiese wetenskappe ‘n nuwe verkiesingskomitee
aanwys.
2.2.6 Interne Dispuuthantering
a. In alle gevalle moet daar gekyk word of ‘n dispuut wat intern ontstaan, nie
onderling gehanteer kan word nie (nie net dispute wat ontstaan a.g.v. die
verkiesing nie).
b. Indien die dispuut nie intern hanteer kan word nie, moet die hulp van die
Akademiese Raad Voorsitter ingeroep word as fassiliteerder.
c. Indien die proses nie die saak oplos nie, moet die een of albei partye die
ander skriftelike kennisgewing oorhandig aan die ander party dat hul na
die volgende vlak van gesag gaan: die lede moet dit met die Dekaan van
die Ekonomiese Wetenskappe opneem.
2.2.7 Vakturevulling
a. Indien die voorsitter bedank of afgedank word, sal die ondervoorsitter wat
vir die nuwe termyn verkies is die leiding oorneem. Indien die voorsitter
bedank moet die betrokke persoon ‘n skriftelike kennisname indien.
b. Die voorsitter moet ‘n vergadering roep waar al die betrokke bestuurslede
teenwoordig is. Gedurende die vergadering sal die voorsitter sy/haar
omstandighede verduidelik en dan die leiding oorgee aan die
ondervoorsitter.
c. “n Nuwe kandidaat(e) sal vanuit die huidige bestuur genomineer word om
die vakante portefeulje, ondervoorsitter, in te neem. Elke betrokke
6
bestuurslid op die komitee sal een gelyke stem hê. Die stemproses sal op
‘n demokratiese manier hanteer en getel word deur die vorige voorsitter
sowel as die nuut verkose voorsitter. Hier geld al die kanidaatvereistes
sowel as die vereistes vir die verkiesing.
d. Indien ‘n vakture ontstaan anders as voorsitter en ondervoorsitter, moet
die bestuur terugverwys na die verkiesingsuitslae van die vorige
verkiesing om te bepaal wie die persoon is wat die tweede meeste van die
stemme verwerf het vir die spesifieke portefeulje, dus moet al die
aansoeke, suksesvol en onsuksesvol, bewaar word deur die voorsitter.
e. Indien geen eenstemmigheid bereik kan word of 2 kandidate ewe veel
stemme het, het die voorsitter die finale sê.
3. DISSIPLINE EN TUG
3.1 Die samestelling van Commercia se Tugkomitee
Commercia se Tugkomitee bestaan uit die volgende lede:
• Die Commercia Voorsitter
• Die Commercia Onder-voorsitter
• Commercia se Sekretaresse
• Commercia se voog
• Commercia se verteenwoordiger op die Akademiese UK
• Die Sekretaresse het nie stemreg in die verhoor nie, maar is net
daar om die notule en tugboek van die vereniging op datum te
hou.
• Indien die Voorsitter getug word moet die Dekaan die verrigtinge
oorneem en hanteer.
• Indien die Onder-voorsitter getug word, word hy/sy nie vervang
met ander persone nie. Die posisie op die tugkomitee is dan net
vakant, so ook met die sekretaresse.
7
3.2 Die Tugbevoegdhede van die Commercia–Tugkomitee.
a. Die bevoegdhede van die tugkomitee word bepaal deur die voorskrifte van
bylaag D van die Statuut van die Universiteit en die reëls van die
Grondwet en reglement asook die Gedragskode vir B.Comm studente.
3.4.2 Prosedure tydens verhoor
a. Die Voorsitter hanteer die verrigtinge tydens die verhoor.
b. By die aanvang van die verhoor moet die voorsitter toesien dat die
tugkomitee saamgestel is soos in afdeling 3.1.
c. Geen bespreking van die meriete van die saak, geloofwaardigheid van die
getuies en vonnis mag voor die aanvang van die verhoor plaasvind nie.
d. Die aangeklaagde moet in kennis gestel word dat hy homself kan verweer
of van die hulp gebruik kan maak van ‘n verteenwoordiger.
e. Wanneer die aangeklaagde voor die komitee verskyn moet die voorsitter
dit aan die aangeklaagde bekend maak dat die saak nou ondersoek
word tydens die verhoor en moet hy ook die prosedure aan die
aangeklaagde verduidelik.
f. Die klag word deur die Commercia-sekrataresse voorgelees aan die
aangeklaagde. Die aangeklaagde kry nou die geleentheid om die aanklag
te erken/ontken.
g. Vrae mag nou deur die Tugkomitee gevra word ten opsigte van die
uitklaring van moontlike onduidelikhede ten opsigte van die persoon se
ontkenning/erkenning.
h. Indien die aangeklaagde die beweerde oortreding erken, kan die
tugkomitee die aangeklaagde skuldig bevind en ‘n vonnis opgelê word
sonder om getuienis aan te hoor. (Getuienis mag aangehoor word ten
opsigte van die versagting of die bepaling van ‘n geskikte straf.)
8
i. Indien die beskuldigde die bewerings ontken moet die komitee die
getuienis van albei kante aanhoor.
j. Die komitee mag getuies ondervra, kruis ondervrae en ook terugroep vir
ondervraging.
k. Buiten die mondelinge getuienis wat gebruik word, mag daar ook
skriftelike dokumente gebruik word.
l. Die tugkomitee verleen aan die aangeklaagde en sy verteenwoordiger
redelike en billike tyd om getuies te ondervra asook om vrae te stel t.o.v.
dokumentêre bewyse asook reële bewyse.
m. Nadat daar namens die tugkomitee getuig is, kry die aangeklaagde
getuies in sy/haar verweer, met die volgende voorbehoude:
I. Die aangeklaagde moet nie voor sy getuies getuig nie en die
aangeklaagde se getuies nie voor mekaar nie. Indien ‘n persoon
klaar getuig het, mag hy wel die verhoor verder bywoon.
II. Die tugkomitee mag die aangeklaagde en sy getuies ondervra.
n. Nadat die tugkomitee die getuienis namens die aangeklaagde aangehoor
het, mag die tugkomitee van die getuies herroep en ondervra. Die
aangeklaagde mag die getuies kruis ondervra.
o. Hierna moet die voorsitter die aangeklaagde die geleentheid gee om
vertoë te lewer t.o.v. of die klag bewys is of nie.
p. Nadat vertoë gelewer is, moet die Tugkomitee d.m.v. ‘n twee-derde
meerderheid stem bepaal of die aangelaagde skuldig of onskuldig is. Die
aangeklaagde en sy verteenwoordiger mag nie hier teenwoordig wees nie.
q. Die voorsitter maak die bevindinge mondelings bekend aan die
aangeklaagde. Indien skuldig bevind word moet die aangeklaagde tyd
gegee word om getuienis te lewer of om getuies te roep ter straf
versagting.
r. Die tugkomitee neem die bg. getuienis in punt ‘s’ in ag, asook die
getuienis aangaande die akademies en dissiplinêre rekords van die
persoon.
9
s. Die tugkomitee besluit nou in die afwesigheid van die persoon en sy
verteenwoordigers op ‘n gepaste straf.
t. Die voorsitter van die tugkomitee deel die persoon mondelings sy straf
mee of skriftlik en verduidelik aan die persoon hoe daar geappèleer kan
word teen die straf.
3.5 Strawwe
a. Oplegging van enige straf, kombinasie van strawwe of opgeskorte straf
wat opvoedkundig van aard is en binne die Universiteit se institusionele
kultuur regverdigbaar is en onder die omstandighede regverdigbaar is.
b. Berispe sonder om ‘n boete op te lê.
c. Geldboete wat nie meer is as die bedrag wat die Raad voorskryf vir sy
koshuistugsake nie.
d. Beëindiging van die student se lidmaatskap van die vereniging mits:
I. Die Dekaan van die Ekonomiese Wetenskappe Fakulteit deel was
van die tugkomitee OF
II. Die bg. persoon saamgestem het met die straf.
3.6 Die tugboek
a. Die tugboek moet die volgende bevat:
I. Datum en die tyd waarop die verhoor plaasgevind het asook die
name van die Tugkomitee lede.
II. Die volle name en van die aangeklaagde asook sy/haar
studentenommer.
III. ‘n Beskrywing van die aard van die oortreding met die vermelding
van waar, die tyd en datum van die oortreding asook die
aangeklaagde so pleit.
IV. Die name en vanne, asook hul studentenommers van die getuies.
V. Die bevinding van die tugkomitee.
10
VI. Die vonnis wat opgelê is en indien ‘n boete opgelê is, asook die
kwitansienommer t.o.v. betaling daarvan, wat die aangeklaagde
binne sewe dae na strafoplegging aan die Tug-voorsitter moet
toon.
b. Die tugboek moet ter insae altyd by die Commercia-sekretaresse
beskikbaar wees.
b. Die persoon kan vir die doeleindes van die appèl bygestaan word deur
‘n ander persoon.
c. Die prosedure word bepaal deur die tugkomitee.
d. Die Tugkomitee kan suiwer sy beslissing maak op die dokumente wat
ingedien is.
e. Afwesigheid van die aangeklaagde by die verhoor maak nie die
verhoor ongeldig nie.
3.7 Verandering aan die Grondwet van Commercia
a. Indien ‘n lid of lede van die vereniging ‘n verandering wil voorstel aan die
Grondwet van Commercia moet die volgende prosedure gevolg word:
I. Die verandering moet op skrif gestel word.
II. Dit moet sewe dae voor ‘n Commercia-bestuursvergadering ingedien
word.
III. Die Commercia-sekretaresse moet die saak gaan ondersoek
ingevolge die Studenteraad Grondwet.
IV. Indien die veranderinge geen botsings het met die bepalings van die
Studenteraad en Commercia-Grondwet nie, moet dit op ‘n
bestuursvergadering voorgelê word. Indien die bestuur nie ‘n fout
kan vind met die veranderings nie, kan die bestuur stem oor die
aangeleentheid.
11
V. Die bestuur besit stemreg t.o.v. veranderinge aan die Grondwet
omdat hul verteenwoordigend gekies is deur die studente.
VI. Die stemming wat behaal moet word om ‘n verandering geldig te
maak, is ‘n twee-derde meerderheid stem.
VII. Die commercia-voorsitter het nie stemreg nie tensy daar ‘n staking in
stemme is.
VIII. Die hele bestuur moet teenwoordig wees indien daar tot stemming
oorgegaan word.
IX. Indien dit wel gebeur dat ‘n bestuurslid nie die stemming kan bywoon
nie, moet die twee-derde meerderheid daarvolgens aangepas word.
X. Die sekretaresse moet die besluit notuleer en indien die verandering
goedgekeur word, moet hy/sy dit aanbring op die Grondwet.
AFDELING B: DIE HUISHOUDELIKE REGLEMENT
111... DIE PLIGSTAAT VAN DIE COMMERCIA-BESTUUR
1.1 Die Voorsitter
Dit is die pligte van die Voorsitter om:
1. As uitvoerende hoof van die vereniging op te tree.
2. Alle Commercia vergaderings te lei.
3. Sorg te dra dat alle B.Comm studente die gedragskode vir B.Comm
studente nastreef en nakom.
4. As voorsitter van die Commercia-tugkomitee op te tree en ook alle appèl
aansoeke in ontvangs te neem.
5. Die Comercia-verkiesings te reël, koordineër en as voorsitter op te tree
van die verkiesingskomitee.
6. As skakel op te tree tussen Commercia, die Dekaan van die Ekonomiese
wetenskappe, Commercia se voog, en die SR-Akamiese Raad.
12
7. Die voorsitter moet saam met die penningmeester beheer uitoefen oor die
finansies van die vereniging en die maandelikse balansstate kontroleer.
8. Die voorsitter moet ook die grondwet en huishoudelike reglement van
Commercia op ‘n jaarlikse basis hersien.
9. Die voorsitter het die finale sê indien die bestuur nie tot ‘n besluit kan kom
nie.
10. Die weeklikse vergadering gereël deur die Akademiese Raad bywoon en
Commercia daar verteenwoordig.
11. ‘n Beplanningskamp koordineer waar die Commercia komitee beplanning
vir die nuwe termyn doen.
1.2 Die Ondervoorsitter
Dit is die Ondervoorsitter se plig om:
1. Gesamentlik saam met die Voorsitter sorg te dra dat die bestuur hul pligte
uitvoer en samehorigheidsgevoel tussen bestuurslede te bevorder en
instand te hou.
2. Die voorsitter op alle gebiede te ondersteun.
3. Alle Commercia-vergaderings te lei indien die Voorsitter nie teenwoordig
is nie.
4. Beheer uit te oefen oor die klerasie van die bestuur en fakulteitsbaadjies.
5. Vergaderings by te woon wat die voorsitter nie kan bywoon nie.
6. Verantwoordelik vir die instandhouding en opgradering van die kantoor
1.3 Sekretaresse
Dit is die pligte van die Sekretaresse om:
1. Alle administratiewe skakeling tussen Commercia en ander instansies te
beheer.
13
2. Notules van alle vergaderings te hou en beskikbaar te stel aan die res van
die bestuur binne sewe dae na die vergadering.
3. Alle administratiewe aangeleenthede te hanteer bv. die maak van
briefhoofde.
4. Alle bestuurslede te verwittig t.o.v. vergaderings wat gehou, asook
verandering van datums, vier-en-twintig uur voor die tyd.
5. Om te help met die tik van alle verslae en korrespondensie van die
bestuurslede.
6. Bywoning van funksies te koordineër.
7. ‘n Openingslys vir vergaderings opstel.
8. Alle administratiewe rondom enige Commercia-funksie/aksies te koördiner
in samewerking met die onder-voorsitter.
1.4 Penningmeester
Dit is die Penningmeester se plig om:
1. Alle finansiële transaksies namens die vereniging te hanteer.
2. Sorg te dra dat die verskeie portefeuljes binne die raamwerk van die
begroting vir die funksies wat hulle gaan aanbied, bly.
3. Toe te sien dat die finansies verantwoordelik gehanteer word en dat die
boeke van die vereniging op datum is en dat daar geen ongeruimdhede
ontstaan nie.
4. Ten alle tye toe te sien dat daar verantwoording gedoen kan word van alle
geld van Commercia.
5. Maandelikse balansstate aan die Voorsitter voor te lê.
6. Toe te sien dat alle gelde deur die Commercia-rekening gaan.
1.5 SJGD
Dit is die bestuurslid vir Gemeenskapsdiens se plig om:
14
1. Die SJGD-subkomitee te verkies en aan hulle opleiding verskaf (in
samewerking met PUK-SJGD) m.b.t. wat hul funksie binne die raamwerk
van die vereniging is.
2. Alle subkomitee-vergaderings van SJGD te lei.
3. As skakel te dien tussen die SJGD-subkomitee en Commercia-bestuur
4. Alle behoeftige studente te identifiseer in samewerking met Finansiële
Steun Dienste
5. Aan al die behoeftige studente in die B.Com Fakulteit te ondersteun d.m.v
aankoop van handboeke, studiemateriaal ens.
6. Om die Commercia boekwinkel in stand te hou, asook rekord te hou van
alle boeke en skenkings wat inkom, en boeke wat uitgaan.
7. Die boeke se rekords op die rekenaar te sit en dit gereeld op dateer
1.6 Bemarking
Dit is die plig van die Bemarkings- bestuurslid om:
1. Alle bemarking aangeleenthede van Commercia te hanteer. Dit beteken
dat die persoon verantwoordelik is vir die maak en opsit van reklame-
materiaal en die afhaal daarvan.
2. Sorg te dra dat die portefeulje binne die raamwerk van die begroting van
die vereniging bly.
3. Die glaskas in die Ekonomiese Fakulteit in stand te hou met gepaste
inligting, fotos van die komitee en bemarking van aksies asook ‘sterkte
met die eksamen’ en ‘welkom terug boodskappe’.
4. Om beheer te neem van die Commercia fiets wat daagliks op kampus ry
1.7 Akademie
Dit is die Akademie-bestuurslid se plig om:
15
1. Terugvoer aan studente gee oor akademiese aangeleenthede.
2. Aan akademiese presteerders erkenning te gee tydens die Prestige-aand.
Daar moet ook deurlopend aan akademiese presteerders erkenning
gegee word na die afloop van semestertoetse en eksamens m.b.v.
Reklame en die Sekretaresse.
3. Besoeke aan maatskappye te reël vir die bestuurslede.
4. As spreekbuis op te tree vir die nagraadse studente wat hul
verteenwoordig by die dosente en Commercia.
5. Om nagraadse studente te betrek by alle toepaslike Commercia-
aangeleenthede.
6. Saam met die onder-voorsitter industriële toere te reël.
7. Voorgraadse studente bewus maak van projekte en nagraadse studie.
8. Die akademiese klagtevorms op ‘n daaglikse basis SR kantoor toe te vat
1.8 Sosiaal
Dit is die Sosiale-bestuurslede so plig om:
1. Alle sosiale aksies van die vereniging te inisieer en te koordineer.
2. Sorg te dra dat alle aksies binne die raamwerk van die Christelike karakter
van die Universiteit dra 1.9 Publikasies
Dit is die publikasies bestuurslid se plig om:
1. ‘n Eerstejaarsboekie saam te stel wat die telefoon en kantoor nommers
van die dosente van die vier verskillende skole in die Ekonomiese fakulteit
bevat.
2. Die ontwerp en druk van die eerstejaarsboekie.
3. Om ten minste 4 publikasies van die Commercrantjie te publiseer wat
fotos, vakansiewerk en onderhoude bevat.
16
4. Om Commercia se webtuiste te twee-weekliks te hersien en aan te vul
met nodige inligting en fotos sodat die inligiting op datum bly.
1.10 Skakeling
Dit is die skakelings bestuurslid se plig om:
1. Te skakel met die dosente en akademiese raad in verband met ‘n funksie
of aksie wat gehou word.
2. Om verjaardag en gelukwens kaartjies aan die dosente van die
Ekonomiese Wetenskappe uit te deel.
1.11 Borge
Dit is die borge bestuurslid se plig om:
1. Borge te werf vir akademiese en sosiale aangeleenthede van Commercia.
2. “n Professionele borgvoorlegging op te stel volgens die standaard van die
Puk
2. VERGADERINGS
2.1 Bestuursvergaderings
1. Alle bestuurslede moet die vergaderings bywoon.
2. Die tyd en dag van die vergadering word aan die begin van die termyn
bepaal en is ‘n ad-hoc reëling vir die jaar.
3. Indien ‘n lid nie ‘n vergadering kan bywoon nie, moet hy skriftelik
verskoning maak by die Sekretaresse en mondelings by die Voorsitter.
Dit moet egter vier-en-twintig uur voor die vergaderings gedoen word en
aan die Sekretaresse oorhandig word. Dit is die bestuurslid se eie
verantwoordelikheid om uit te vind watter besluite geneem is gedurende
die vergadering.
17
4. Daar moet daarop gelet word dat indien ‘n bestuurslid versuim om
verskoning te maak vir ‘n betrokke aksie of vergadering en afwesig is, kan
hy voor die tugkomitee van Commercia gedaag word en indien ‘n lid
versuim om twee en meer vergaderings by te woon sonder verskoning
kan hy outomaties van sy pligte onthef word. Appèl teen so ‘n vonnis
moet direk aan die Voorsitter gerig word, waar hy/sy dit met die Dekaan
van die Fakulteit en ook Commercia se voog sal bespreek.
5. Die Sektretaresse en die Voorsitter stel saam die agenda van die
vergadering op en die vergadering moet streng daarvolgens geskied. Die
agenda vir die vergadering sluit twee ure voor die vergadering.
6. Daar moet van elke bestuursvergadering notule gehou word, naamlik:
• Getikte notule wat aan al die bestuurslede ge-epos word
7. Die getikte notule van die vergadering moet goedgekeur word deur die
vergadering en moet deur die Voorsitter en die Sekretaresse geteken
word.
8. Die notules moet beskikbaar wees ter insae vir bestuurslede indien daar
na vorige besluite gekyk moet word.
9. Nie notules is amptelik en indien nodig geag kan dit gebruik word in
tugsake as bewyse.
10. Indien ‘n bestuurslid laat is vir ‘n funksie of vergaderings of dit nie bywoon
nie, het die Voorsitter die reg om hom te tug en ‘n geldelike boete uit te
deel. Die bedrae vir so ‘n boete moet aan die begin van die termyn
vasgestel word. Geldelike boetes geld ook indien selfone gedurende
vergaderings lui of daar van kru-taal gebruik gemaak word.
11. ‘n Verteenwoordiger van SAIPA en Excursio moet elke vergadering van
Commercia bywoon.
2.2 Algemene vergaderings
1. Daar moet ten minste een algemene vergadering gehou word per
semester.
18
2. Alle bestuurslede en subkomitee-lede moet teenwoordig wees.
3. Enige B.Comm lid is welkom om die vergaderings by te woon.
4. Daar moet amptelik notule gehou word soos by bestuursvergaderings.
5. Die agenda sluit twee ure voor die vergadering.
6. Die voorsitters van die subkomitees besluit self wanneer hulle sal
vergader. Een vergadering per kwartaal is verpligtend.
2.3 Kantoordiens en die instandhouding van die kantoor
1. Elkeen van die komitee lede doen weekliks kantoordiens, wat bespreek en
beplan word sodra almal hulle klas roosters vir die nuwe jaar het.
2. Kantoor ure geskied vanaf 8h30 tot en met 14h00 en vanaf Maandae tot
Donderdae.
3. As ‘n bestuurslid kantoordiens gedoen het, moet hy/sy die kantoor skoon
en netjies laat.
4. Die telefoon in die kantoor mag nie misbruik word nie, dit mag slegs vir
Commercia verwante aangeleenthede gebruik word.
5. Die lid op diens moet enige B.Comm student van hulp wees en verwys
indien nodig.
6. Indien ‘n bestuurslid nie sou opdaag vir sy/haar kantoordiens nie, sal hulle
‘n skriftelike waarskuwing ontvang.
2.4 Die bekleeing van ‘n posisie as ‘n Commercia bestuurslid
1. ‘n Bestuurslid mag nie met sy/haar Commercia drag rook of drink nie.
2. Die Commercia bestuurslede moet almal hulle formele drag dra op die
ooreengekome dag wat weekliks geskied.
3. Die Commercia bestuurslede moet altyd vriendelik en behulpsaam wees
teenoor ander B.Comm Studente.
4. Indien ‘n B.Comm student alreeds op ‘n Uitvoerende Komitee of ‘n Huis
Komitee dien, sal hul nie toegelaat word om vir Commercia te staan nie.
19
5. Indien hulle vir bv. ‘n Uitvoerende Komitee en Commercia staan en hy/sy
altwee posisies kry, moet die persoon kies tussen die twee posisies, dit is
teen Commercia se Huishoudelike Regelement dat ‘n Commercia
bestuurslid op ‘n HK of UK ook dien.
3. OORDRAGSPROSEDURE NA VERKIESING
1. Na die afloop van die verkiesing moet die nuwe bestuur saam met die
uittredende bestuur ‘n vergadering belê. Dit moet binne twee weke
geskied na die afloop van verkiesing van die nuwe bestuur.
2. Skriftelik portefeuljeverslae: Elke portefeulje draer moet op die
oordragsvergadering ‘n skriftelike portefeulje-verslag aan die betrokke
opvolger oorhandig. Die verslag moet ‘n evaluering van die
werksaamhede bevat en pertinente aanbevelings.
3. Gesag en verantwoordelikheid: Die nuwe bestuur dra die bestuurs
verantwoordelikheid vanaf die oordragsdatum.
20
21