swyddog partneriaethau awdurdodau lleol (hylendid bwyd)...yr asiantaeth safonau bwyd: pecyn ar gyfer...

Swyddog Partneriaethau

Awdurdodau Lleol (Hylendid

Bwyd)

2

Teitl y Swydd Swyddog Partneriaethau Awdurdodau Lleol (Hylendid Bwyd) 2 Rôl: 1 x Parhaol, 1 x Penodiad Cyfnod Penodol (2 flynedd – gyda'r posibilrwydd o fod yn swydd barhaol)

Ystod cyflog £33,625 – £42,031 (Cenedlaethol) Ar gyfer unigolion sy'n newydd i'r Gwasanaeth Sifil, y cyflog dechreuol fydd yr isafswm cyflog ar gyfer y swydd. Fodd bynnag, gellir cytuno ar gyflog cychwynnol uwch yn amodol ar sgiliau a phrofiad. Bydd cyflog Gweision Sifil presennol yn cael ei gyfrifo yn unol â rheolau'r adran ar drosglwyddo/tâl wedi dyrchafiad. Sylwer nad oes cynnydd awtomatig o fewn yr ystod cyflog a hysbysebir. Rydym ni'n adolygu ein cyflog yn flynyddol yn unol â Pholisi Tâl y Gwasanaeth Sifil.

Lleoliad Caerdydd (ynghyd â rhywfaint o weithio gartref) neu yn y Cartref ac yn gallu teithio'n rheolaidd yn unol ag anghenion busnes (ac aros dros nos o bosibl)

Buddion Pensiwn hael, lleiafswm o 25 diwrnod o wyliau blynyddol (yn codi i 30 ar ôl 5 mlynedd), gweithio hyblyg, cynlluniau disgownt a chymhelliant.

3

Yr Asiantaeth Safonau Bwyd: Pecyn ar gyfer Ymgeiswyr

Amdanom ni

Mae'r Asiantaeth Safonau Bwyd (ASB) yng Nghymru wedi ymrwymo i wella diogelwch a safonau bwyd a bwyd anifeiliaid ac i ddiogelu iechyd y boblogaeth mewn perthynas â bwyd. Ei nod yw bod y cyhoedd yng Nghymru yn ymddiried ynddi fel y ffynhonnell fwyaf dibynnol o gyngor a gwybodaeth am fwyd, gan roi blaenoriaeth i fuddiannau defnyddwyr yng Nghymru gydag unrhyw benderfyniadau polisi.

Diolch am eich diddordeb yn y swyddi Swyddogion Partneriaethau Awdurdodau Lleol (Hylendid Bwyd) yn yr ASB yng Nghymru. Rydw i'n chwilio am unigolion proffesiynol ac uchelgeisiol i ymuno â'r tîm.

Rydw i wedi bod yn yr ASB ers dros 5 mlynedd ac wedi mwynhau fy amser yn gweithio i sefydliad blaengar, modern a gwerth chweil. Rwy'n Ymarferydd Iechyd yr Amgylchedd Siartredig ac mae gen i brofiad o weithio mewn amrywiaeth o feysydd iechyd yr amgylchedd mewn llywodraeth leol.

Yn ystod fy nghyfnod yn yr ASB, rydw i wedi bod yn rhan o ystod o brosiectau cyffrous ac wedi elwa o'r cyfleoedd dysgu a datblygu rhagorol sydd ar gael i staff.

Os oes gennych chi'r cymhwyster, y sgiliau a'r profiad ar gyfer

y swydd hon, byddwn i wir yn croesawu'ch cais i ymuno â'm

tîm yn yr ASB. Edrychaf ymlaen at weld eich cais yn dod i law.

Y Tîm

Daniel Morelli Rheolwr y Bartneriaeth ag

Awdurdodau Lleol

Yr Asiantaeth Safonau Bwyd: Pecyn ar gyfer Ymgeiswyr

Yr Asiantaeth Safonau Bwyd: Pecyn ar gyfer Ymgeiswyr

Fel Swyddog Partneriaethau Awdurdodau Lleol, chi fydd y prif bwynt cyswllt rhwng yr ASB a swyddogion awdurdodau lleol yng Nghymru. Mae awdurdodau lleol yn bartneriaid allweddol wrth gyflawni amcanion yr ASB.

Mae partneriaethau Awdurdodau Lleol yn chwarae rhan allweddol wrth ddatblygu a chynnal perthynas waith agos gydag awdurdodau lleol yng Nghymru. Mae hyn yn bwysig er mwyn sicrhau bod gan awdurdodau lleol fynediad parod at gefnogaeth a chyngor mewn perthynas â chyfraith bwyd a bwyd anifeiliaid, Codau Ymarfer Cyfraith Bwyd a Bwyd Anifeiliaid, y Cytundeb Fframwaith a chanllawiau a gyhoeddir yn ganolog. Mae angen perthynas agos hefyd i sicrhau bod datblygiad polisi'r ASB yn cael ei lywio gan brofiad o gyflenwi. Yn gyffredinol, mae gofyn sicrhau cysondeb wrth ddehongli a gweithredu deddfwriaeth ledled Cymru.

Fel Swyddog Partneriaethau Awdurdod Lleol (Hylendid Bwyd), byddwch chi'n gyfrifol am sicrhau bod gan awdurdodau lleol fynediad parod at gefnogaeth a chyngor mewn perthynas â chyfraith bwyd, Cod Ymarfer Cyfraith Bwyd, Cytundeb Fframwaith a chanllawiau a gyhoeddir yn ganolog i sicrhau y caiff gwasanaethau gorfodi cyfraith bwyd eu gweithredu’n effeithiol ac yn seiliedig ar risg. Byddwch chi hefyd yn cyfrannu at ddatblygu a gweithredu mentrau polisi ar draws ystod eang o feysydd gwaith, gan gynnwys rheoli diogelwch bwyd, sefydliadau cymeradwy, hylendid pysgod cregyn, cosbau gorfodi yn ogystal â rhaglenni gwaith allweddol, megis prosiectau a ariennir gan yr ASB ar gyfer awdurdodau lleol sydd wedi'u hanelu at wella cydymffurfiaeth busnesau bwyd.

Yn ogystal â meddu ar gymhwyster proffesiynol a gydnabyddir yn y Cod Ymarfer Cyfraith Bwyd ar gyfer cynnal rheolaethau hylendid bwyd swyddogol, bydd gennych chi ddealltwriaeth gynhwysfawr ac ymarferol o gyfraith bwyd a'r system reoleiddio ar gyfer cyflwyno rheolaethau swyddogol. Bydd angen i chi hefyd fod â sgiliau cyfathrebu rhagorol a phrofiad amlwg o weithio mewn partneriaeth â rhanddeiliaid i gyflawni amcanion busnes. Mae sefydlu a chynnal partneriaethau agos gyda swyddogion awdurdodau lleol yn hanfodol er mwyn cyflawni'r rôl hon yn effeithiol.

Prif gyfrifoldebau'r rôl

• Sefydlu a chynnal perthynas waith agos ac effeithiol gyda swyddogion awdurdodau lleol ar bob lefel i sicrhau bod amcanion cyffredin yn cael eu cyflawni'n gyson ar draws Cymru.

• Rhoi cymorth a chyngor o ddydd i ddydd i awdurdodau lleol ar faterion gorfodi, gan gynnwys dehongli a gweithredu deddfwriaeth, y Cod Ymarfer Cyfraith Bwyd, canllawiau'r Cynllun Sgorio Hylendid Bwyd statudol a chanllawiau eraill a gyhoeddir yn ganolog.

• Cyfrannu at ddatblygu polisi'r ASB gan sicrhau bod buddiannau Cymru yn cael eu hystyried, rhoi mewnbwn i'r Tîm Rheoli Gweithredol a phapurau Bwrdd yr ASB a chymryd rhan yng nghyfarfodydd Pwyllgor Cynghori ar Fwyd Cymru (WFAC), yn ôl yr angen.

• Chwarae rôl allweddol wrth sicrhau y caiff canfyddiadau archwiliadau awdurdodau lleol yr ASB eu gweithredu mewn ffordd gyson, effeithiol, effeithlon a chymesur.

• Cyfrannu at ddatblygu ac adolygu'r Cod Ymarfer Cyfraith Bwyd, canllawiau a gwybodaeth mewn perthynas â bwyd a sicrhau bod polisïau'r ASB sy'n ymwneud â meysydd gwaith perthnasol yn cael eu cyfathrebu'n effeithiol i awdurdodau lleol yng Nghymru.

Yr Asiantaeth Safonau Bwyd: Pecyn ar gyfer Ymgeiswyr

• Cynorthwyo i gydlynu ymweliadau archwilio'r Comisiwn Ewropeaidd a gwledydd eraill â Chymru, gan gysylltu â swyddogion awdurdodau lleol a chydweithwyr yr ASB wrth baratoi ac yn ystod archwiliadau, ac mewn unrhyw weithgarwch dilynol i fynd i'r afael ag unrhyw argymhellion.

• Darparu cymorth gorfodi a chymorth technegol i gydweithwyr mewn ymateb i hysbysiadau o ddigwyddiadau.

• Ymgysylltu â chydweithwyr yn yr ASB a Safonau Bwyd yr Alban a phobl eraill sydd â diddordeb e.e. awdurdodau lleol, y diwydiant, cydweithwyr mewn adrannau llywodraethol eraill i sicrhau bod rheolaethau swyddogol ar fwyd yn effeithiol, yn seiliedig ar risg ac yn gymesur.

• Bod yn gyfoes â datblygiadau deddfwriaethol, technegol a phroffesiynol sy'n berthnasol i fwyd.

• Cyfrannu at baratoi cyflwyniadau a rhoi cyngor i Weinidogion Cymru a phwyllgorau perthnasol Cynulliad Cenedlaethol Cymru ac ymateb i ohebiaeth gan Weinidogion.

• Cyfrannu at anghenion busnes cyffredinol yr ASB yng Nghymru trwy gymryd rhan mewn gweithgorau a chyfarfodydd mewnol ac allanol, rhoi cyflwyniadau i grwpiau a sefydliadau ar bynciau perthnasol yn ôl yr angen, a chynorthwyo i drefnu a chyflwyno seminarau ac arddangosfeydd.

• Rhoi gwybodaeth a chyngor proffesiynol ar faterion sy'n gysylltiedig â bwyd i gydweithwyr yr ASB, awdurdodau lleol, adrannau eraill y llywodraeth a Gweinidogion Cymru.

• Cyfrannu at ddatblygu a gweithredu Cynllun Strategol yr ASB, Cynllun Busnes Lefel Uchel Cymru a'r Cynllun Tîm.

• Goruchwylio a rheoli staff o fewn y tîm sy'n is na gradd SEO.

Nid yw'r rhestr hon yn gynhwysfawr, efallai y bydd gofyn bod yn hyblyg a newid ar gyfer

anghenion busnes.

7 Yr Asiantaeth Safonau Bwyd: Pecyn ar gyfer Ymgeiswyr

Ein pwrpas Rydym ni'n adran annibynnol o'r llywodraeth sy'n gweithio ar draws Cymru, Lloegr a Gogledd Iwerddon i ddiogelu iechyd y cyhoedd a buddiannau ehangach defnyddwyr mewn perthynas â bwyd. Rydym ni’n sicrhau bod bwyd yn ddiogel, ac yn cyd-fynd â’r hyn sydd ar y label. Cliciwch i ddarganfod rhagor am ein strategaeth.

Ein gwerthoedd Cynhyrchodd ein staff chwe gwerth sy'n

cynrychioli pwy ydym ni, sut yr ydym ni'n ymddwyn

a sut yr ydym ni'n trin ei gilydd. Caiff y gwerthoedd

hyn eu cynrychioli gan yr acronym ASPIRE yn Saesneg, fel a ganlyn:

Atebol (Accountable) – Rydym ni'n cymryd cyfrifoldeb am ein gweithredoedd a gallwn

ddwyn ein gilydd i gyfrif

Wedi ein cefnogi (Supported) – Mae gennym ni'r sgiliau, yr adnoddau a'r gefnogaeth i

gyflawni ein rolau yn effeithiol

Proffesiynol (Professional) – Rydym ni'n gymwys ac yn hyderus yn ein gallu i gyflawni'r

safonau proffesiynol uchaf

Arloesol (Innovative) – Rydym ni'n ystwyth, yn ddeinamig ac yn flaengar yn ein hymagwedd

at gyflawni canlyniadau

Gwydn (Resilient) – Rydym ni'n addasu yn gyflym ac yn effeithiol i newidiadau cyflym

Wedi ein grymuso (Empowered) – Gallwn arwain a gwneud penderfyniadau sy'n gwella ein canlyniadau busnes

Cyfleoedd gyrfa Rydym ni'n falch o'n hanes cadarn wrth annog staff i ddatblygu eu gyrfaoedd. Rydym ni'n annog ac yn disgwyl i'n staff ymgymryd â hyfforddiant a datblygu, ac rydym ni’n cynnig cyfleoedd gyrfa rhagorol o fewn yr ASB a rhwydwaith ehangach y Gwasanaeth Sifil.

9 Yr Asiantaeth Safonau Bwyd: Pecyn ar gyfer Ymgeiswyr

Mae angen cyflwyno ceisiadau drwy glicio ar y botwm 'Gwneud cais nawr' (Apply

now) o fewn y brif hysbyseb. Bydd yn eich tywys at y ffurflen gais, lle gallwch chi

nodi'r holl wybodaeth angenrheidiol.

Mae'r swydd wag hon yn defnyddio 'Proffiliau Llwyddiant' y Gwasanaeth Sifil ac fe gewch eich

asesu yn erbyn elfennau Technegol, Profiad ac Ymddygiadau'r Fframwaith.

Meini prawf Manyleb Person a asesir wrth sifftio a chyfweld

Meini prawf a asesir wrth lunio rhestr fer

Yn ystod y cam sifftio, byddwn ni'n llunio rhestr fer yn erbyn y meini prawf hanfodol a nodir isod

ac ar dudalen 10. Gwnewch yn siŵr eich bod yn nodi'n glir (gydag enghreifftiau), o fewn eich

datganiad addasrwydd, sut rydych chi'n bodloni pob un o'r meini prawf. Dylai eich datganiad

addasrwydd (dim mwy na 1200 o eiriau) hefyd fanylu ar yr hyn sy'n eich denu i'r rôl.

Os bydd nifer fawr o geisiadau'n dod i law, efallai y cynhelir sifft gychwynnol gan ddilyn y prif faen

prawf hanfodol a nodir yn unig.

Meini Prawf Hanfodol

Technegol • Cymhwyster proffesiynol cydnabyddedig sy'n bodloni gofynion Cod Ymarfer

Cyfraith Bwyd (Cymru) ar gyfer perfformio rheolaethau swyddogol (prif faen

prawf hanfodol)

Profiad

• Sgiliau cyfathrebu ysgrifenedig a llafar ardderchog, y gallu i gyflwyno syniadau a

gwybodaeth gymhleth yn glir ac yn gryno

Cais Sifft Cyfweliad

• Hanes eich gyrfa

• Cymwysterau

• Datganiad addasrwydd

• Rhoi ymgeiswyr ar restr

fer i'w cyfweld yn erbyn

y meini prawf hanfodol

a dymunol a

hysbysebwyd

• Cyfweliad panel yn asesu

elfennau Technegol ac

Ymddygiad

10 Yr Asiantaeth Safonau Bwyd: Pecyn ar gyfer Ymgeiswyr

• Profiad ymarferol amlwg, a dealltwriaeth gynhwysfawr ogyflwyno hysbysiadau

cyfreithiol, casglu tystiolaeth, paratoi achosion i'w herlyn a chymhwyso

gwybodaeth i gydymffurfio â gofynion Deddf yr Heddlu a Thystiolaeth

Droseddol 1984

• Profiad amlwg o gymryd cyfrifoldeb dros gyflawni canlyniadau o ansawdd uchel

i derfynau amser tynn heb lawer o oruchwyliaeth

• Sgiliau trefnu profedig, gan gynnwys y gallu i flaenoriaethu llwythi gwaith a

chydbwyso gofynion sy'n gwrthdaro i fodloni terfynau amser

• Profiad o weithio mewn partneriaeth ag ystod o randdeiliaid i greu a chynnal

perthynas waith gadarnhaol, broffesiynol lle mae'r ddwy ochr yn ymddiried yn

ei gilydd

Meini Prawf Dymunol

Technegol • Aelodaeth o gorff proffesiynol perthnasol a thystiolaeth o ymrwymiad i

ddatblygiad proffesiynol parhaus

Profiad

• Profiad o orfodi cyfraith hylendid bwyd mewn sefyllfa awdurdod lleol

• Y gallu i gyfathrebu yn Gymraeg, ar lafar ac yn ysgrifenedig

Bydd ymddygiadau ond yn cael eu hasesu yn y cyfweliad – nid oes angen i chi ddarparu

datganiadau Ymddygiad yn eich cais

Asesiad yn y cyfweliad

Gwahoddir ymgeiswyr sydd ar y rhestr fer i gyfweliad. Bydd y broses ddethol olaf yn cynnwys

cyfweliad yn eich asesu yn erbyn yr Ymddygiadau isod ar lefel 3 (SEO) Fframwaith 'Proffil

Llwyddiant' y Gwasanaeth Sifil.

Ymddygiadau

• Gweld y Darlun Cyflawn

• Gwneud Penderfyniadau Effeithiol

• Cyfathrebu a Dylanwadu

• Gweithio Gyda'n Gilydd

• Datblygu Hunan ac Eraill

• Cyflawni'n Brydlon

11 Yr Asiantaeth Safonau Bwyd: Pecyn ar gyfer Ymgeiswyr

Amserlen ddisgwyliedig Dyddiad cau ar gyfer ceisiadau: 26 Chwefror 2019 (23.59)

Sifft: Wedi'i gynllunio ar gyfer 27/28 Chwefror a 1 Mawrth 2019

Cyfweliadau: Wedi'u cynllunio yn ystod yr wythnos sy'n dechrau 11 Mawrth 2019 yng Nghaerdydd.

Ymholiadau Os oes gennych chi unrhyw gwestiynau pellach neu os oes angen eglurhad ar unrhyw bwyntiau,

cysylltwch â:

Daniel Morelli, Rheolwr y Bartneriaeth ag Awdurdodau Lleol, drwy anfon e-bost at:

daniel.morelli@food.gov.uk

neu Sue Milligan, Rheolwr Adnoddau, ar sue.milligan@food.gov.uk

Rhagor o wybodaeth

Mae rhagor o fanylion am yr ASB, a'n gwaith, i'w gweld ar www.food.gov.uk/cy

Gallwch glywed gan ein staff sut beth yw gweithio yn ASB Cymru: Cymraeg | Saesneg

Rhagor o wybodaeth am yr ASB 13

Pan fyddwch chi'n cyflwyno'ch cais ar-lein, byddwch yn cael neges i gadarnhau

hynny. Os na fyddwch chi’n cael y neges hon neu os ydych chi'n cael unrhyw

broblemau wrth gyflwyno'ch cais, anfonwch e-bost at

hr.recruitment.campaigns@food.gov.uk a bydd aelod o'r Tîm Recriwtio yn delio

â'ch ymholiad. Cofiwch gynnwys cyfeirnod a theitl y swydd yn y llinell bwnc.

Os ydych chi'n ymgeisydd sy'n dymuno

gwneud cais o dan ein Cynllun Cyfweliad

Gwarantedig, gwnewch yn siŵr eich bod yn

nodi hyn yn y ffurflen gais. Os bydd angen

unrhyw addasiad arnoch i'ch helpu chi i

gyflwyno eich cais, anfonwch e-bost at

hr.recruitment.campaigns@food.gov.uk a

bydd aelod o'r Tîm Recriwtio

yn delio â'ch cais.

Bydd ymgeiswyr sy'n llwyddo yn y cyfweliad,

fel rhan o'r broses sgrinio cyn cyflogi, yn

destun gwiriad ar y Gronfa Ddata Twyll

Mewnol. Bydd y gwiriad hwn yn rhoi

gwybodaeth am weithwyr sydd wedi'u

diswyddo am droseddau twyll neu

anonestrwydd. Mae'r gwiriad hwn hefyd yn

berthnasol i weithwyr sy'n ymddiswyddo

neu'n gadael fel arall cyn cael eu diswyddo

am dwyll neu anonestrwydd pe bai eu

cyflogaeth wedi parhau. Gwrthodir

cyflogaeth i unrhyw ymgeisydd y mae ei

fanylion yn cael eu cadw ar y Gronfa Ddata

Twyll Mewnol.

Caiff ymgeiswyr llwyddiannus eu dethol i'r

Gwasanaeth Sifil yn ôl teilyngdod, ar sail

cystadleuaeth deg ac agored, fel yr amlinellir

yn Egwyddorion Recriwtio Comisiwn y

Gwasanaeth Sifil.

Os ydych chi o'r farn nad yw'ch cais wedi cael

ei drin yn unol ag Egwyddorion Recriwtio

Comisiwn y Gwasanaeth Sifil a'ch bod am

wneud cwyn, dylech anfon e-bost at Jo

Bushnell, Pennaeth Pobl a Datblygiad,

Asiantaeth Safonau Bwyd drwy:

jo.bushnell@food.gov.uk yn y lle cyntaf. Os

nad ydych chi'n fodlon â'r ymateb a gewch

gan yr Asiantaeth, gallwch gysylltu â

Chomisiwn y Gwasanaeth Sifil.

Gellir dod o hyd i wybodaeth fanylach ar

wefan Comisiwn y Gwasanaeth Sifil.

Rydym ni'n cydymffurfio â'r holl

ddeddfwriaeth berthnasol i ddiogelu data fel

rhan o'n proses recriwtio. Cymerwch gip ar

ein hysbysiad preifatrwydd sy'n rhoi gwybod

i chi pam ein bod ni'n gofyn am ddata

personol yr ymgeisydd, yr hyn yr ydym ni'n ei

wneud ag ef ac am ba hyd yr ydym ni'n

cadw'r wybodaeth.