enska 5. bekkur · leiðir: nemendur vinna verkefni af ýmsu toga t.d. skrifa rétt eftir texta,...
TRANSCRIPT
Námsvísir 2013-2014 5. bekkur
1
ENSKA 5. BEKKUR
Kennarar: Edda Björk Gunnarsdóttir (5. EBG), Katrín Halldórsdóttir (5.
KH) og Kristín Högnadóttir (5. GP).
Tímafjöldi: Þrjár kennslustundir á viku.
Markmið að nemendur:
Skilji einfalt talað mál
Geti talað einfalt mál
Geti lesið og skrifað einfaldan texta
Öðlist áhuga á málinu
Leiðir: Nemendur fást við fjölbreytt verkefni í tengslum við þemu sem
tekin eru fyrir í lotum. Þeir vinna til að mynda ýmis skrifleg verkefni,
þjálfast í hlustun og lestri auk þess að fá mörg tækifæri til að vinna í
hópum jafnt sem einir með tungumálið á fjölbreyttan hátt.
Námsmat: Nemendur fá vitnisburð í nóvember og maí sem
samanstendur af símati sem hefur farið fram yfir önnina m.a.
hópaverkefni, kannanir og vinnublöð.
Námsefni: Kennd í nokkrum mismunandi þemum, þar sem notuð eru
ýmis vinnublöð, verkefni, leikir, söngvar, tölvuverkefni og margt fleira.
Bækurnar Dickory, Dock og Into Hobbies verða einnig notaðar sem
ítarefni.
Námsvísir 2013-2014 5. bekkur
1
HEIMAVINNA 5. BEKKUR
Nemendur eiga að lesa heima 5 sinnum í viku og skrá í kvittanahefti.
Heimavinna er 4 sinnum í viku auk lesturs.
Almennt er ekki heimavinna um helgar – en einstaka nemandi getur
þurft að vinna upp verkefni vikunnar um helgar hafi hann verið í leyfi
eða dregist aftur úr af öðrum ástæðum.
Kennarar birta heimavinnu í Mentor í síðasta lagi á föstudegi fyrir
komandi viku.
Nemendur fá upplýsingar um heimanám hjá kennara og einnig
geta þeir nálgast upplýsingarnar á fjölskylduvef (Mentor) með sínu
aðgangsorði.
Námsvísir 2013-2014 5. bekkur
1
HEIMILISFRÆÐI 5. BEKKUR
Heimilisfræði er verklegt og bóklegt nám. Með henni er glæddur áhugi
nemenda á næringar- og hollustuháttum í fæðuvali og samstarfi
fjölskyldunnar við rekstur heimilisins.
Leitast er við að gera bæði drengi og stúlkur jafnvirk og jafnhæf til
heimilisstarfa.
Kennari: Björk Ólafsdóttir
Tímafjöldi: Heimilisfræði er kennd á námskeiðum. Árganginum er skipt í
sex hópa, sem fá tvisvar sinnum tvær kennslustundir á viku, 11-12 skipti
samtals 22-24 kennslustundir.
Markmið að nemendur ;
Þjálfist að vinna saman og sjálfstætt
Geti unnið og farið eftir venjulegum uppskriftum
Geti notað helstu mælitæki
Þjálfist í að nota eldavél og bakaraofn og
viti um slysahættu því samfara
Treysti sér að taka þátt í störfum heima
Viti að maturinn gegnir mikilvægu hlutverki í
lífinu
Átti sig á að æfingin skapar meistarann
Leiðir: Nemendur læra að matreiða hráefni úr mismunandi
fæðuflokkum. Nemendur læra að nota rafmagnstæki, eldavél, ofn og
rafmagnsþeytara. Þeir baka brauð, kökur og elda létta rétti úr,
grænmeti, ávöxtum, gera súpu frá grunni.
Námsmat: : Verkefni nemenda eru lögð til grundvallar námsmati ásamt
áhuga, sjálfstæði, verklagni, hegðun og vinnusemi. Í lok námskeiðs er
námsmat birt í Mentor undir Námsframvinda.
Námsefni: Gott og gagnlegt fyrir 5. bekk. Næringarefnatöflur og
matvælaumbúðir. Fæðuhringurinn.
Námsvísir 2013-2014 5. bekkur
1
ÍSLENSKA 5. BEKKUR
Tímafjöldi í íslensku: 7,5 stundir á viku.
Kennarar : Edda Björk Gunnarsdóttir, Guðrún Pálsdóttir, Katrín
Halldórsdóttir umsjónarkennarar og sérkennararnir Bergljót
Vilhjálmsdóttir og Gunnhildur Á. Jóhannsdóttir.
Lestur og tjáning
Markmið að nemendur:
Auki leshraða sinn
Geti lesið af öryggi og með viðunandi skilningi
almennan texta
Tileinki sér skýran og áheyrilegan lestur, góðan raddstyrk og áherslur
í tjáningu
Auki lesskilning og hlustunarskilning sinn og orðaforða
Geti komið skoðunum, hugsunum og löngunum til skila á skýru máli
Lesi á hverjum degi
Leiðir: Til þjálfunar í lestri lesa nemendur á hverjum degi heima og skrá í
lestrarhefti. Nemendur lesa bækur/texta í hljóði og upphátt í tímum og
þjálfast í að koma fram, lesa skýrt og áheyrilega. Unnið verður með
gagnvirkan lestur í hópum svo og lesskilningsverkefni. Æskilegt er að
foreldrar örvi börnin í lestri, hvetji þau til að lesa upphátt, hlusti á þau og
ræði efni og innihald texta.
Námsmat: Viðmið árgangs í lestri er 210 atkvæði í desember og 210-220
atkvæði í maí. Nemendur taka raddlestrarpróf þrisvar sinnum á
skólaárinu, í ágúst, október og maí. Þeir sem lesa undir 200 atkvæðum
á mínútu eru auk þess prófaðir í desember og mars. Í nóvember og að
vori er gefin umsögn í raddlestri.
Lesskilningspróf eru lögð fyrir að hausti og vori. Einnig fara allir nemendur
í framsagnarpróf. Þar er lögð áhersla á raddstyrk, áherslutjáningu,
viðeigandi þagnir og skýran framburð. Umsjónarkennari og prófdómari
dæma nemendur. Einnig meta nemendur hvorn annann.
Námsefni: Lestrarbækur að eigin vali, námsbækur, unnið með texta og
orð (Orð af orði).
Bókmenntir og ljóð Markmið að nemendur:
Lesi sögur, ævintýri, þjóðsögur, goðsögur, dæmisögur, skopsögur og
lengri bækur
Kynnist íslenskum bókmenntum og höfundum þeirra
Kynnist sem flestum ljóðaformum og læri að lesa ljóð sér til gagns og
ánægju
Námsvísir 2013-2014 5. bekkur
2
Kynnist ljóðahöfundum og læri valin ljóð
Geti greint persónugervingu og rím í ljóðum
Þjálfist í að semja ljóð
Leiðir: Nemendur lesa sögur eftir valda höfunda og vinna með textann
með ýmsum hætti. Bækurnar, Öðruvísi fjölskylda og Benjamín dúfa
lesnar og unnar samkvæmt heildrænni móðurmálskennsluaðferð.
Nemendur lesa, skrifa og túlka myndræn ljóð eftir valda höfunda og
sum þeirra læra þau utanbókar. Nemendur semja sjálfir ljóð.
Námsmat: Námsmat í nóvember samanstendur af prófi í bókmenntum
og ljóðum (50%), verkefni úr Öðruvísi fjölskyldu (30%), verkefnabók í Mál
til komið (10%) og verkefnabók í Málrækt (10%). Að vori gildir
bókmennta- og ljóðapróf (50%), verkefni úr Benjamín dúfu (30%),
ljóðavinnubók (20%).
Námsefni: Blákápa, verkefnablöð, Öðruvísi fjölskylda, Benjamín dúfa,
Trunt trunt og tröllin, Ljóðspor, Óskasteinn o.fl.
Málrækt Markmið að nemendur:
Þekki sérhljóða og samhljóða
Kunni íslenska stafrófið
Þekki og geti greint nafnorð í: kyn, tölu, tíð, greini, geti fallbeygt þau
og nýtt sér þá þekkingu við stafsetningu
Þekki sérnöfn og samnöfn
Þekki sagnorð og lýsingarorð og helstu einkenni þeirra
Þjálfist í kynbeygingu og stigbreytingu lýsingarorða
Átti sig á muninum á nútíð og þátíð sagna
Vinni með orðtök og málshætti
Vinni með samheiti og andheiti
Leiðir: Nemendur vinna ýmis skrifleg verkefni úr námsbókum sem fela í
sér markmiðin hér að ofan. Einnig vinna nemendur með fjölbreyttum
hætti með texta og orðaforða úr öðru efni t.d. tímaritum, dagblöðum,
greinum af neti og ljóðum. Þeir vinna ýmist einir, í para- eða hópavinnu.
Jafnframt vinna nemendur ýmis gagnvirk verkefni til frekari þjálfunar.
Námsmat: Skrifleg próf í nóvember og maí 100%
Námsefni: Málrækt 1, Skinna grunnbók og verkefnabók II, ljósrit og
ítarefni af ýmsum toga t.d. greinar úr tímaritum, blöðum og af neti.
Einnig verða notuð íslensk málfræðiforrit.
Ritun Markmið að nemendur:
Auki færni sína í ritun
Þjálfist í uppsetningu á texta þ.e. að hafa inngang, meginmál og
lokaorð
Geti greint á milli aðal og aukaatriða
Námsvísir 2013-2014 5. bekkur
3
Þjálfist í markvissum vinnubrögðum við ritun texta af ýmsum toga, s.s.
að gera uppkast, útdrætti, yfirlestur o.fl.
Leiðir: Nemendur vinna ritunarverkefni af ýmsum toga, s.s. frá eigin
brjósti, útdrætti, endursagnir, ljóð o.fl.
Námsmat: Nemendur þjálfist í mati á eigin vinnu. Námsmat kemur fram í
námsframvindu á mentor.
Námsefni: Skinna lesbók, Skinna II verkefnabók, Málrækt 1, Mál til
komið, Mál til komið verkefnabók, forrit og ýmis valin verkefni.
Stafsetning Markmið að nemendur:
Kunni að skrifa stóran og lítinn staf þar sem við á og nota
greinamerki
Kunni að beita reglum um –n og –nn við ritun texta og viti hvenær
skal rita tvöfaldan samhljóða
Kunni ng- og nk- regluna
Kynnist reglum um y/ý/ey, hv og kv
Geti skrifað texta rétt eftir upplestri
Leiðir: Nemendur vinna verkefni af ýmsu toga t.d. skrifa rétt eftir texta,
fylla í eyður, minnisæfingar, sóknarskrift, þjálfunarforrit og verkefni eftir
upplestri.
Námsmat: Prófið Aston Index: stafsetning stakra orða eftir upplestri fyrir
5. bekk er lagt fyrir alla nemendur af umsjónakennara í skólabyrjun.
Nemendur taka próf í stafsetningu í nóvember og maí (75 orða stíll) sem
gildir 50 % og eyðufylling sem gildir 50 %.
Námsefni: Mál til komið, grunnbók, verkefnabók, verkefni við
réttritunarorðabók, tölvuforrit, ítarefni o.fl.
Skrift og frágangur Markmið að nemendur:
Skrifi fallega og læsilega skrift
Hafi jafnan halla, ljúki stöfum og orð sitji á línu
Hafi jafna stærð á skrift sinni og rétt hlutfall milli stafa í orði (hástafa
og lágstafa)
Leiðir: Lögð verður áhersla á fallega skrift og vandaðan frágang í allri
vinnu.
Námsmat: Vinnubækur metnar og skriftaræfingar og matið birt í
Mentor.
Námsefni: Ýmis skriftarverkefni og sérstök áhersla lögð á skrift í ljóðabók.
Námsvísir 2013-2014 5. bekkur
1
ÍÞRÓTTIR OG SUND 5. BEKKUR
Íþróttir
Kennarar: Hrafnhildur Ósk Skúladóttir 5. KH og GP, Hreinn
Októ Karlsson 5. EBG
Tímafjöldi: Tvær kennslustundir á viku.
Markmið að nemendur;
þjálfist í grófhreyfingum og samsettum hreyfingum
þjálfist í undirstöðuatriðum í a.m.k. tveggja hóp- og
einstaklingsíþróttum
taki þátt í ýmsum leikjum og æfingum sem efla þol, kraft, hraða og
viðbragð
taki þátt í æfingum og leikjum í formi stöðvaþjálfunar og
hringþjálfunar
fái jákvæða upplifun með þátttöku í leik, læri að bera virðingu fyrir
þörfum og mismunandi getu félaga sinna
taki þátt í umræðu um gildi íþrótta fyrir sál og líkama og öðlist
þekkingu á starfsemi líkamans í tengslum við hreyfingu og ástundun
íþrótta
taki þátt í umræðu um mikilvægi hreyfingar, hollt mataræði, svefn
og hvíldarþörf
læri að bera virðingu fyrir mismunandi þörfum annarra og
mismunandi getu þeirra
Leiðir: Með ýmsum leikjum með og án bolta, stöðvaþjálfun,
áhaldahringjum, hlaupi og dansi.
Námsmat: Gefið er allan veturinn fyrir hegðun, áhuga, virkni,
samskiptafærni, (huglægt mat) 60 % af annareinkunn. Almennir þættir,
þol, kraftur og færni sem metnir eru á prófi á haustönn og vorönn, 40%
af annareinkunn.
Dans og leiklist (hringekja)
Kennari: Guðrún Pálsdóttir
Tímafjöldi: Árganginum er skipt í sex hópa. Kennt verður á námskeiðum í
og mætir hver hópur einu sinni í viku, fimm til sex 60 mínútna
kennslustundir.
Markmið að nemendur;
þjálfist í að hreyfa sig frjálst og í takt við tónlist
taki þátt í ýmsum leikjum
þjálfist í að læra og flytja stuttan texta
fái jákvæða upplifun með þátttöku í leik og leikriti
Leiðir: Ýmsir leikir með tónlist og dansi. Með samlestri og leiklestri. Leikrit
æft.
Námsmat: Námsmarkmið í námsframvindu í Mentor í lok námskeiðs.
Námsvísir 2013-2014 5. bekkur
2
Sund Kennari: Hreinn Októ Karlsson
Tímafjöldi: Árganginum er skipt í sex hópa. Kennt verður á námskeiðum í
vetur og mætir hver hópur þrisvar í viku. Tvisvar sinnum í 60 mín og einu
sinni í 40 mínútur, samtals 22,5 kennslustundir.
Markmið að nemendur:
geti synt viðstöðulaust 75-100 m bringusund án hjálpar
geti stungið sér af bakka
geti haldið sér á floti með marvaða og synt í fötum
þekki helstu öryggisatriði sundstaða og geti brugðist rétt við ef slys
ber að höndum
Námsmat:
V. sundstig, samræmd markmið í 5. bekk
75 metra bringusund
25 metra skólabaksund
25 metra skriðsund með sundfit
12 metra baksund
stunga af bakka
hlutur sóttur á 1-2 metra dýpi eftir 3 metra kafsund
troða marvaða í 20-30 sekúndur
10 metra flugsundsfótatök með eða án hjálpartækja
sund í fötum
Í lok námskeiðs er námsmat birt í Mentor.is undir Námsframvinda.
Námsvísir 2013-2014 5. bekkur
1
MYNDMENNT 5. BEKKUR
Kennari: Sólrún Guðbjörnsdóttir.
Tímafjöldi: Myndmennt er kennd á námskeiðum. Árganginum skipti í sex
hópa, hver hópur fær tvisvar sinnum tvær kennslustundir á viku, samtals
22 – 24 kennslustundir.
Markmið að nemendur:
Auki þroska sinn, þjálfa hug og hönd, tjá eigin hugmyndir, þekkingu
og reynslu í margskonar efnivið
Efli hugmyndaflug og sköpunarhæfileika
Auki þekkingu á gildi sköpunar í umhverfi og menningu
Skynji og skilji boðskap myndmáls í daglegu lífi
Kynnist fjölbreyttum aðferðum til sköpunar í myndmennt
Leiðir : Ýmis tvívíð og þrívíð verkefni þar sem formfræði, myndbygging,
litafræði, mótun og kynning á list og listmenningu verða tekin fyrir.
Sérstök áhersla verður lögð á litablöndun og notkun ýmsa lita ásamt
flötum og formum. Handverk, listmunir og fjöldaframleiðsla skoðuð og
rædd. Gulliðsnið Leonardo da Vinci rætt og notað til að teikna
mannslíkamann. Endurreisnartíminn kynntur og verk frá því tímabili.
Námsmat: Verkefni nemenda eru lögð til grundvallar námsmati ásamt
áhuga, sjálfstæði, verklagni, hegðun og vinnusemi. Í lok námskeiðs er
námsmat birt í Mentor undir Námsframvinda.
Námsvísir 2013-2014 5. bekkur
1
SAMFÉLAGS- OG NÁTTÚRUGREINAR 5. BEKKUR
Samfélagsgreinar Samfélagsgreinar skiptast í landafræði, sögu, sið- og trúarbragðafræði
og lífsleikni. Þær eru kenndar í lotum yfir skólaárið.
Kennarar: Umsjónarkennarar.
Tímafjöldi: Fimm kennslustundir á viku.
Íslandssaga (haustönn)
Markmið að nemendur:
Þekki helstu þætti í fornsögu norrænna þjóða
Þekki ýmsa þætti víkingatímans
Kunni sögur frá víkingaöld
Hafi nokkra þekkingu á gæðum lands á víkingaöld, enn fremur
trú og siðum, atvinnuháttum og stjórnskipan fyrstu aldir
Íslandsbyggðar
Geti útskýrt ýmis tilefni þess að fólk ferðast og flytur milli staða
Hafa þjálfast í að ræða siðferðileg gildi og álitamál sem lúta að
réttlæti, mannréttindum og jafnrétti
Leiðir: Söguaðferð notuð í grunninn og verkefnum af ýmsum toga bætt
við, skrifleg og verkleg. Vettvangsferðir. Einstaklings, para- og hópvinna.
Námsefni: Stuðst við efni úr ýmsum áttum m.a. bækurnar Leifur heppni,
Víkingaöld (árin 800-1050) og annað ítarefni.
Landafræði Íslands (vorönn)
Markmið að nemendur:
Kunni skil á skiptingu Íslands í landshluta
Þekki valda landfræðilega þætti Íslands
Þekki áttirnar og geti lesið úr þeim á landakorti
Kunni að lesa og túlka kort, loftmyndir og önnur
landfræðileg gögn, hvort sem er í bókum eða tölvum
Geti notað kortabækur, kort og hnattlíkön til upplýsingaöflunar
og hafa skilning á helstu litum, táknum og hugtökum þar að
lútandi
Þekki helstu tákn sem notuð eru í veðurlýsingu
Þekki helstu náttúruauðlindir
Leiðir: Verkefni af ýmsum toga unnin, hugtök rædd, kort skoðuð, lituð
og merkt. Leikir og samvinnuverkefni. Gagnvirk verkefni á vef.
Hópvinna, paravinna og einstaklingsvinna.
Námsefni: Ísland – veröld til að njóta ásamt vinnubók, Líf á landi,
gagnvirk verkefni á vef Hofsstaðaskóla og myndbönd. Ítarefni af ýmsum
toga einkum tengt jarðfræði.
Námsvísir 2013-2014 5. bekkur
2
Siðfræði og trúarbragðafræði (haustönn)
Markmið að nemendur:
Kunni skil á hvernig kristni barst til Íslands og á atburðum tengdum
kristnitökunni árið 1000
Fáist við efni tengt sáttfýsi og fyrirgefningu og gildi þessa í
samskiptum manna á milli
Fræðist um uppruna jólahalds og söguna af heilögum Nikulási
Hafi öðlast góða innsýn í siðgæði og tileinkað sér samskiptareglur
sem byggjast á kærleika, félagslegu réttlæti og umhyggju fyrir
öðrum mönnum, öllu lífi, umhverfi og mannhelgi
Þekki ýmis hugtök sem tengjast kristni og kirkjuhaldi
Þekki boðorðin 10, gullnu regluna, kærleiksboðorðið og valda
grunnþætti í kristinni trú.
Leiðir: Fjölbreyttar kennsluaðferðir verða notaðar sem virkja frumkvæði
nemenda. Umræður og samvinna við verkefnagerð. Nemendur vinna
ýmist skrifleg-, munnleg- eða verkleg verkefni. Horft á kvikmynd um
boðorðin 10 og efni hennar rætt. Fjallað um nokkur hugtök í kristinni trú.
Námsefni: Valin viðfangsefni, stuðst verður að hluta til við bókina Brauð
lífsins, fræðslumyndir, frásagnir og valin verkefni af ýmsum toga.
Lífsleikni Markmið að nemendur:
Auki samskiptahæfni sín á milli , þ.e. hæfni til að setja sig í spor
annarra
Beri virðingu bæði fyrir náunganum og sjálfum sér, öðlist aukna
þekkingu á sjálfum sér, gildi sínu og tilfinningum
Þjálfist í kurteisi og almennum samskiptavenjum
Þekki og skilji mikilvægi leiðarljóss Hofsstaðaskóla
Þjálfist í að beita gagnrýnni hugsun sem neytendur í nútíma
samfélagi
Þjálfist í slysavörnum
Tileinki sér helstu umferðarreglur og þekki helstu umferðarmerki
Leiðir: Nemendur eru þjálfaðir í samskiptum og tjáningu af ýmsum toga
með fjölbreyttum hætti s.s. málfundum, bekkjarfundum, leikjum,
skriflegum verkefnum, hópvinnu, paravinnu, neytendarýni o.fl. Samvera,
nemenda á sal einu sinni í viku.
Námsefni: Á ferð og flugi í umferðinni. Valdar hugmyndir, verkefni og
ýmsar leikjabækur. Unnið með leiðarljós Hofsstaðaskóla.
Námsmat í samfélagsgreinum:
Haustönn: Íslandssaga 100% (safnmappa með verkefnum 40%,
hópastarf 25%, virkni og vinnusemi 10%, gagnvirk könnun úr Leifi
heppna 20% og ritunarverkefni um Ásatrú 5%)
Námsvísir 2013-2014 5. bekkur
3
Vorönn: Landafræði og jarðfræði Íslands 100% (4 gagnvirk próf,15%
hvert, verkefni og vinnubók 40% )
Náttúrugreinar
Kennarar: Umsjónarkennarar
Tímafjöldi: 3,5 kennslustundir í viku
Markmið í náttúrugreinum eru að nemendur:
átti sig á áhrifum tækni og vísinda á líf fólks og umhverfi
nemendur geti framkvæmt og útskýrt einfaldar athuganir
geti sett fram og rætt niðurstöður athugana á skýran og
skipulegan hátt
geti lýst eiginleikum segla og notkun þeirra
lýst kröftum sem hafa áhrif á daglegt líf manna, t.d. núningskraft,
lyftikraft, flotkraft og þyngdarkraft
geti gert grein fyrir notkun manna á auðlindum
nemendur þekki einfaldar vélar, s.s. vogarstöng, skáflöt, trissu, hjól
og ás, fleyg og skrúfu
þekki uppbyggingu tímatals, s.s. gömul mánaðarheiti og heiti
daga
þekki helstu mælieiningar í vegalengd og hraða
viti hvernig hljóð verður til og hvernig það berst
geri sér grein fyrir tengslum lífvera við búsvæði sitt og aðrar lífverur
kynnist og læri að þekkja nokkrar helstu lífverur í lífríki Íslands s.s.
smádýr, plöntur, fugla og gróður
átti sig á mikilvægi góðrar umgengni við náttúruna í stóru og
smáu
Leiðir: Bókin Auðvitað – Á ferð og flugi lesin og verkefni unnin samhliða
henni sem og verklegar æfingar framkvæmdar. Myndbönd skoðuð og
efni af neti.
Námsmat í náttúrufræði: Vinnubók 40%, hópavinna 25%, virkni 10% og
kannanir úr Auðvitað 25%. Vinna með Líf á landi skilar ekki eiginlegu
námsmati heldur mun vinnan samanstanda af hópavinnu og
athugunum í nánasta umhverfi skólans.
Námsefni: Auðvitað – Á ferð og flugi , Líf á landi (valdir kaflar), ítarefni,
myndbönd og vettvangsferðir.
Umhverfismennt Umhverfismennt er tengd ýmsum námsgreinum og einnig er verið að
fást við viðfangsefni hennar í öllu skólastarfi s.s. í mötuneyti, á göngum,
á skólalóð o.s.frv.
Námsvísir 2013-2014 5. bekkur
4
Útikennsla - hringekja Kennari: Edda Björk Gunnarsdóttir
Tímafjöldi: Klukkustund á viku, í 5-6 vikur.
Markmið í útikennslu:
Fylgist vel með í kennslustundum og fer eftir fyrirmælum
Er vinnusöm/samur
Tekur virkan þátt í hópavinnu
Sýnir sjálfstæði og frumkvæði í vinnu
Kann undirstöðuatriði í notkunn áttavita
Kann að lesa einföld kort
Þekkir hugtökin núningur og skáborð
Kann að nota einfaldar lengdarmælingar
Kann að nota einfaldar tímamælingar
Leiðir: Kennslan fer að mestu leiti fram utandyra þar sem verkelgar
æfingar og tilraunir eru framkvæmdar. Því er mikilvægt að nemendur
komi klæddir eftir veðri í þessa tíma.
Námsmat: Á meðan lotunni stendur fer fram símat sem er lagt til
grundvallar námsmati. Í símatinu er áhugi, sjálfstæði, verklagni, hegðun
og vinnusemi metin. Í lok námskeiðs er námsmat birt í Mentor undir
Námsframvinda.
Heimspeki - hringekja Kennari: Guðrún Pálsdóttir
Tímafjöldi: Ein kennslustund á viku, fimm til sex skipti. Kennt á námskeiði.
Markmið að nemendur:
Geti hlustað eftir upplýsingum og rökum í samræðum
Geti gert grein fyrir hugsunum sínum og skoðunum á viðeigandi
hátt
Geti gert sér grein fyrir að iðulega er hægt að komast að fleiri en
einni niðurstöðu við úrlausn verkefna
Geti tekið leiðsögn á jákvæðan hátt
Leiðir: Fjölbreytt verkefni úr kennslubókum. Mikil hópavinna.
Námsefni: Bækurnar Eru allir öðruvísi? (fjölmenning og heimspeki),
Hugrún, sögur og samræðuæfingar (heimspeki með börnum), Leiklist í
kennslu (handbók fyrir kennara).
Námsmat: Námsmarkmið metin í námsframvindu í Mentor í lok
námskeiðs.
Námstækni Kennari: Arndís Harpa Einarsdóttir, námsráðgjafi
Tímafjöldi: Árganginum er skipt upp í 6 hópa og fer hver hópur á
námskeið, eina kennslustund á viku í 5-6 skipti.
Námsvísir 2013-2014 5. bekkur
5
Markmið að nemendur:
Kynnist undirstöðuatriðum í námstækni
Geti notað tæki og aðferðir sem stuðla að betri námsárangri
Geti skipulagt vinnu sína og frítíma og sett sér markmið
Öðlist færni í að meta eigin styrkleika og þróa með sér jákvæðni og
sjálfstæði í námi
Leiðir: Nemendur fást við fjölbreytt verkefni í tengslum við þættina sem
teknir eru fyrir í hverjum tíma. Verkefnin eru munnleg og skrifleg,
einstaklings- og hópverkefni.
Námsefni: Kennsluefni Sigrúnar Ágústsdóttur á www.nams.is og
kennslubókin Náðu tökum á náminu. Auk þess þýtt efni og
verkefnablöð úr bókinni Becoming a master student (D.B.Ellis) ofl.
Kennslubókin Náðu tökum á náminu auk efnis frá námsráðgjöf
Hofsstaðaskóla.
Námsmat: Námsmarkmið metin í námsframvindu í Mentor í lok
námskeiðs.
Námsvísir 2013-2014 5. bekkur
1
SMÍÐI 5. BEKKUR
Kennari: Sædís Arndal.
Tímafjöldi: Smíði er kennd á námskeiðum. Árganginum er skipti í sex
hópa og fær hver hópur tvisvar sinnum tvær kennslustundir á viku,
samtals 11-12 skipti eða 22-24 kennslustundir.
Markmið að nemendur:
Temji sér viðeigandi umgengni og vinnureglur smíðastofunnar
Nái undirstöðuatriðum í hönnun og smíði og noti við það
algengustu handverkfæri
Teikni og vinni með aðstoð kennara verkefni út frá eigin hug-
myndum eins og við verður komið
Eflist í samvinnu
Leiðir: Kennari kynnir nemendum þau handverkfæri í smíðastofunni sem
þeir munu handleika og vinna með. Þeir vinna fjölbreytt verkefni og
nota mismunandi efni. Nemendur vinna teikningar af eigin hugmyndum
og mælingar á viðfangsefnum. Í einu verkefni nota þeir tvær nálalausar
sprautur og fá virkni í hlutinn sem þeir hanna með því að sprauta lofti úr
annarri sprautunni í gegnum slöngu sem tengd er við stútinn á hinni
sprautunni.
Námsmat: Í lok námskeiðs er námsmat birt í Mentor undir Námsfram-
vinda.
NÝSKÖPUN Kennari: Sædís Arndal.
Tímafjöldi: Nýsköpun er kennd á námskeiði. Árganginum er skipti í sex
hópa og fær hver hópur einu sinni eina og hálfa kennslustundir á viku,
5-6 skipti eða 7,5-9 kennslustundir.
Markmið að nemendur:
Geri sér grein fyrir því hvað hugtakið nýsköpun og hönnun þýðir
Verði víðsýnni á form og lögun
Sjái tilgang og virkni hluta og mannvirkja
Geri sér grein fyrir þörfum allt í kringum sig hvað varðar þau sjálf
og aðra
Skrái hugmyndir sýnar í hugmyndabók
Námsvísir 2013-2014 5. bekkur
2
Skoði hluti með gagnrýnum huga og sjái jafnvel aðra lausn, sýn á
hlutunum
Leiðir:
Kynnt er fyrir nemendum hugtakið nýsköpun og hönnun, að því loknu
eru umræður um efnið. Nemendur koma með sína eigin hugmyndir af
hönnun og nýsköpun. Þeir kynna hugmyndir fyrir bekkjarfélögunum og
ef aðrar lausnir af henni koma fram eru þær ræddar. Nemendur búa til
veggspjald, þar sem ferill hugmyndarinnar er sýndur svo sem hvar varð
hugmyndin til, af hverju? Hverjum á hún að þjóna svo og efni og
samsetningar. Nemendur teikna mynd af hugmyndinni og ef tími leyfir
vinna þeir sýnishorn af henni. Allar hugmyndir barnanna eru sendar í
Nýsköpunarkeppni grunnskólabarna auk þess hefur undanfarin á verið
sér keppni í nýsköpun í Hofsstaðaskóla.
Námsmat: Hugmyndir nemenda eru ekki metnar. Allar hugmyndir eru
góðar. Nemendur fá umsögn í lok námskeiðs.
Námsvísir 2013-2014 5. bekkur
1
STÆRÐFRÆÐI 5. BEKKUR
Kennarar: Bergljót Vilhjálmsdóttir, Edda Björk Gunnarsdóttir, Gunnhildur
Á. Jóhannsdóttir, Katrín Halldórsdóttir og Kristrún Sigurðardóttir.
Tímafjöldi: Fimm kennslustundir á viku.
Markmið að nemendur:
Auki skilning sinn, kunnáttu og færni í stærðfræði og að
hún nýtist þeim í daglegu lífi
Þjálfist í þrautalausnum og notkun á vasareikni
Þjálfist í flóknari aðgerðum í samlagningu, frádrætti, margföldun,
deilingu og námundun
Vinni með almenn brot, rúmfræði, jákvæðar og neikvæðar tölur ,
tölfræði, tugabrot, mynstur og mælingar
Leiðir: Nemendum er skipt í 5 færnimiðaða hópa. Með færnimiðaðri
kennslu er komið betur til móts við þarfir og færni hvers og eins
nemanda. Kennarar meta reglulega hvort nemendur eiga að flytjast
milli hópa og er þá tekið tillit til niðurstöðu úr könnunum/prófum svo og
skilningi og vinnusemi nemanda miðað við aðra í hópnum. Nemendur
vinna sjálfstætt, í paravinnu og í hópum. Þeir kynnast vinnubrögðum
eins og að rannsaka, ræða, túlka, vinna hlutbundið, skrá og leysa
þrautir.
Námsmat: Kannanir eru lagðar fyrir nemendur með jöfnu millibili
óundirbúið og gilda þær 30% af annareinkunn á móti prófi í nóvember
og maí sem gildir 60% og áhugi og virkni í tímum (sjálfsmat nemanda og
mat kennara) sem gildir 10%.
Námsefni: Stika 1a og b, nemenda- og æfingahefti, þemahefti, ítarefni
og ýmsar þrautir. Ýmis kennsluforrit og vefir.
Námsvísir 2013-2014 5. bekkur
1
TEXTILMENNT 5. BEKKUR
Kennari: Ester Jónsdóttir.
Tímafjöldi: Textílmennt er kennd á námskeiðum. Árganginum er skipt í
sex hópa, sem fá tvisvar sinnum tvær kennslustundir á viku, 11 – 12 skipti
samtals 22 – 24 kennslustundir.
Markmið að nemendur:
Þjálfi saman hug og hönd og örvi sköpunargleði
Bæti við kunnáttu og þjálfist í prjóni
Þjálfist í vélsaumi
Læri krosssaum
Leiðir:
Unnið er með margvísleg efni með mörgum aðferðum s.s. vélsaum,
útsaum, hönnun og bútasaum. Leitast er við að vinna með þessa
verkþætti í viðfangsefni sem höfða til nemenda. Reynt verður að virkja
hugmyndir nemenda að svo miklu leyti sem því verður við komið.
Námsmat: Verkefni nemenda eru lögð til grundvallar námsmati ásamt
áhuga, sjálfstæði, verklagni, hegðun og vinnusemi. Í lok námskeiðs er
námsmat birt í Mentor undir Námsframvinda.
Námsvísir 2013-2014 5. bekkur
1
TÓNMENNT 5. BEKKUR
Kennari: Unnur Þorgeirsdóttir
Tímafjöldi: Ein kennslustund á viku og 20 mín. á viku í samsöng
Markmið að nemendur:
Vinni með púls, hryn, sterkt, veikt, form, tónblæ, túlkun
Læri um tónlist í Afríku, Austur Asíu og Indíánatónlist. Læri um
íslensk þjóðlög, rímur og þjóðlög.
Semji einföld lög á skólahljóðfæri
Skilji þýðingu tónlistarskráningar og vinni með hana
Flytji tónlist, lög og stef eftir minni, heyrn og nótnatáknum ýmist
raddlega eða á hljóðfæri
Leiðir: Virk hlustun er rauður þráður í náminu. Tónlist framandi
menningar-svæða verður kennd með hlustun og skapandi
hljóðfæravinnu, heimildarvinnu og dansi. Sönglög verða kennd ýmist út
frá texta, laglínu eða hljómfalli.
Námsgögn: Það er gaman að hlusta á framandi tónlist, skólahljóðfæri,
hljóðgjafar, geisladiskar, verkefni á lausum blöðum.
Námsmat: Skráð í námsframvindu í Mentor í lok annar.
Námsvísir 2013-2014 5. bekkur
1
TÖLVU- OG UPPLÝSINGATÆKNI 5. BEKKUR
Með kennslu í upplýsingamennt er lögð áhersla á að kenna nemendum
aðferðir og tækni við öflun, úrvinnslu og miðlun upplýsinga í tengslum
við annað nám.
Tölvur , vélritun og tölvufærni Kennarar: Umsjónarkennarar kenna vikulegan tölvutíma og Anna
Magnea Harðardóttir kennir tölvufærni.
Tímafjöldi: Ein og hálf kennslustund á viku með umsjónarkennara fyrir
hvern bekk. Tölvufærni er kennd á námskeiðum. Árganginum er skipt í
sex hópa og fær hver hópur eina kennslustund á viku, samtals fimm til
sex skipti.
Markmið að nemendur
Fylgist vel með í kennslustundum og fari eftir fyrirmælum
Séu vinnusamir
Gangi vel um og fylgi reglum sem gilda í tölvustofunni
Visti skjöl skipulega (heimasvæði, sameign)
Sæki texta og myndir á netið og visti með skipulögðum hætti
Setji upp fjölbreytt skjöl í ritvinnslu
Þekki og fari eftir vinnureglum sem gilda í tölvupóstsamskiptum
Þekki helstu reglur um örugga netnotkun, netorðin fimm (SAFT)
Lesi skólapóst og sendi póst til kennara og samnemenda
Noti helstu aðgerðir í tölvupóstforriti s.s. senda viðhengi, flokka og
eyða pósti
Búi til einfalda margmiðlunarkynningu með texta, mynd og hljóði
Noti grunnaðgerðir í töflureikni og breyti útliti gagna
Vinni með myndir í myndvinnsluforriti
Sitji rétt við vinnu á lyklaborð og beiti sér rétt
Noti rétta fingrasetningu
Nái hraðaviðmiði sem er 70 slög á mínútu (14 orð)
Leiðir: Nemendur koma ásamt umsjónarkennara í tölvustofu einu sinni í
viku allan veturinn. Í þeim tímum er lögð áhersla á að tengja
tölvunotkunina við annað nám. Unnið í ýmsum þjálfunarforritum,
skoðað vefefni eða unnin ritun sem tengist námsefni vetrarins. Lögð er
áhersla á ritvinnslu og tölvupóst og vinna nemendur markvissar æfingar
í tengslum við þau viðfangsefni. Nemendur vélrita verkefni á ýmsum
þjálfunarvefjum og fá leiðsögn um rétta fingrasetningu. Nemendur hafa
eigin aðgangs- og lykilorði í skólanum. Þeir eiga heimasvæði, netfang
og vefpóst. Kennarar geta pantað fartölvuvagn þegar hentar.
Námsefni: Kennsluforrit, námsvefir, verkefni í ritvinnslu (Word), umbroti
(Publisher) og töflureikni (Excel) af vef Námsgagnstofnunnar, Microsoft
Námsvísir 2013-2014 5. bekkur
2
Web Access- vefpóstur – kennsluhefti (Á vef skólans), Ritfinnur og Typing
Master forritið.
Námsmat: Nemendur taka vélritunarpróf þrisvar sinnum á skólaárinu.
Kennari metur framvindu nemandans eftir hvert próf. Námsmat birtist í
námsframvindu í Mentor undir véritun og tölvur tvisvar á ári í annarlok
en í tölvufærni í lok námskeiðs.
Forritun Kennari:Snædís Kjartansdóttir
Tímafjöldi: Kennt á námskeiði í hringekju þar sem árganginum er skipt
upp í 6 hópa og fer hver hópur í sex sinnum eina og hálfa kennslustund
eða samtals níu kennslustundir.
Markmið að nemendur:
Kunni að vinna með helstu aðgerðir í forritun í Alice 2.3
(eiginleika/properties hluta/objects, viðburði/events, föll/functions)
Kunni að forrita einfalda sögu/leik/myndband í þrívíðu
forritunarumhverfi (Alice)
Kunni að leggja mat á hvað sé skemmtilegt, jákvætt, neikvætt og
hvað betur mætti gera í þeim tölvuleikjum/hugbúnaði sem þau
nota í daglegu lífi
Leiðir:
Nemendur nota þrívíddar forritunarumhverfið Alice (www.alice.org) til
að forrita sögu, tölvuleik og/eða myndband. Stuðst verður við
aðferðafræði Skema (www.skema.is) við kennslu en aðferðafræðin
byggir meðal annars á ómeðvituðum lærdóm í gegnum leik, jákvæðni,
jafningjakennslu, myndrænni framsetningu og tengingu við atvinnulífið.
Námsefni:
Námsefni og verkefni frá Skema (www.skema.is) sem notuð eru á
námskeiðum Skema í tölvuleikjaforritun fyrir 7-10 ára börn.
Námsmat: Í lok námskeiðs er námsmat birt í námsframvindu í Mentor
undir bókasafn.
Hreyfimyndagerð Markmið að nemendur:
Búi til einfalt handrit
Noti helstu aðgerðir í Zu3D forritinu
Séu skipulagðir í vinnubrögðum
Sýni sjálfstæði
Ljúki mynd
Kennari: Halldóra Björk Sigurðardóttir
Tímafjöldi: Kennt á námskeiði í hringekju þar sem árganginum er skipt
upp í 6 hópa og fer hver hópur í sex sinnum eina og hálfa kennslustund
eða samtals níu kennslustundir
Leiðir: Nemendum er skipt í hópa fá þeir kynningu á tækninni sem
notuð er við hreyfimyndagerð og fá að prófa sig áfram. Hver hópur
Námsvísir 2013-2014 5. bekkur
3
semur söguhandrit og kemur með dót að heiman sem til að nota í
myndina. Tekið er upp í forritinu Zu3D og er efnið klippt og hljóðsett.
Fullunnin myndbönd verða birt og krækjur á þau settar í umsagnir í
Námsframvindu.
Námsefni: Forritið Zu3D
Námsmat: Birt í námsframvindu í lok námskeiðs.
Bókasafn Kennari: Gréta Björg Ólafsdóttir , bókasafns- og upplýsingarfræðingur
Tímafjöldi: Námskeið í LV ein kennslustund á viku, í 6 vikur.
Markmið að nemendur:
Geti rætt um netið hvað við gerum og segjum þar
Viti að efni sem tekið er af netinu hefur höfundrétt og við þurfum að
virða hann og vita hvernig á að skrá heimild.
Þekki skipulagið á bókasafni skólans og geti leitað á safninu að
ákveðnu efni
Geti leyst verkefni og getið heimilda hvort sem er úr bók eða af
netinu.
Leiðir: Nemendur fást við fjölbreytt verkefni í tengslum við þættina sem
teknir eru fyrir í hverjum tíma. Verkefnin eru munnleg og skrifleg,
einstaklings- og hópverkefni.
Námsefni: Fengið af netinu frá http://www.saft.is/
Verkefni sem eru bókasafns tengd og voru til á safninu auk efnis frá
kennara.
Námsmat: Í lok námskeiðs er námsmat birt í námsframvindu í Mentor
undir bókasafn.