fosfór og hringrás hans á Íslandi³r... · also natural mychorriza of plants and mushrooms are...
TRANSCRIPT
Fosfór og hringrás hans á Íslandi
Snjólaug Tinna Hansdóttir
Jarðvísindadeild
Háskóli Íslands
2014
Fosfór og hringrás hans á Íslandi
Snjólaug Tinna Hansdóttir
10 eininga ritgerð sem er hluti af
Baccalaureus Scientiarum gráðu í jarðfræði
Leiðbeinendur Kristín Vala Ragnarsdóttir
Utra Mankasingh
Jarðvísindadeild
Verkfræði- og náttúruvísindasvið Háskóli Íslands
Reykjavík, Júní 2014
Fosfór og hringrás hans á Íslandi
10 eininga ritgerð sem er hluti af Baccalaureus Scientiarum gráðu í jarðfræði
Höfundarréttur © 2014 Snjólaug Tinna Hansdóttir
Öll réttindi áskilin
Jarðvísindadeild
Verkfræði- og náttúruvísindasvið
Háskóli Íslands
Sturlugata 7
101 Reykjavík
Sími: 525 4600
Skráningarupplýsingar:
Snjólaug Tinna Hansdóttir, 2014, Fosfór og hringrás hans á Íslandi, BS ritgerð,
Jarðvísindadeild, Háskóli Íslands, 51 bls.
Prentun: Háskólaprent
Reykjavík, maí 2014
Yfirlýsing höfundar
Hér með lýsi ég því yfir að ritgerð þessi er samin af mér og að hún hefur hvorki að hluta né
heild verið lögð fram áður til hærri prófgráðu.
____________________________________
Snjólaug Tinna Hansdóttir
kt. 290891-2569
maí 2014
Útdráttur
Náttúruleg hringrás fosfórs í heiminum og þar með talið á Íslandi hefur verið rofin. Með
aukinni vinnslu á fosfór úr bergi til áburðarframleiðslu, flæðir fosfór á mun meiri hraða til
sjávar en hann gerði í sinni náttúrulegu hringrás. Á Íslandi er fosfór fluttur inn í formi
matvæla, fóðurs og áburðar um 155 tonn árlega. Að auki innihalda kjötvörur, fiskmeti,
ávextir og grænmeti, sem framleitt er og ræktað hérlendis, um 1.355 tonn af fosfór. Það
fosfórmagn sem er útflutt eða er skilað til sjávar er þó 2.269 tonn og því mun meira en allt
það sem innflutt er eða framleitt hér á landi. Eins og fram kemur í ritgerðinni eru ýmsir
möguleikar á að laga núverandi stöðu fosfórhringrásarinnar. Það er nauðsynlegt að bæta
hringrás og endurvinnslu, þar sem ekkert annað efni getur komið í stað fosfórs sem er
nauðsynlegur öllu lífi. Hægt er að minnka það magn skólps sem fer til sjávar með því að
taka upp aðra kosti en vatnssalerni og endurvinna og nýta úrgang sem áburð. Náttúrulegt
samlífi plantna og sveppa er kjörið til að auka fosfórupptöku plantna í stað þess að nota
tilbúinn áburð og auka endurvinnslu á þeim fosfór sem unninn er. Þetta er aðeins hluti af
þeim hugmyndum sem uppi eru til að minnka það magn fosfórs sem fer til spillis í
fosfórhringrásinni. Það eru því ýmsir möguleikar fyrir hendi, við þurfum bara að
framkvæma.
Abstract
The phosphorus cycle has been broken. By mining phosphorus from phosphorus-rich rock
to make fertilizer we have changed the natural phosphorus cycle. Now phosphorus flows
much faster from land to sea. The amount that is imported to Iceland in the form of food
and fertilizer is around 155 tonnes every year. The production of meat, fish, fruit and
vegetables is estimated to be 1.355 tonnes of phosphorus. The amount that is exported as
products and emitted to the sea as waste is 2.269 tonnes. By looking at these numbers we
can see that there is more of phosphorus that is put to sea than is imported and produced in
Iceland. There are many possibilities to help fix the cycle that human kind has opened. It is
important to improve the cycle of phosphorus since there is no replacement for this
essential element for life. It is possible to reduce the amount of sewage that goes to the sea
by using composting toilets and recycle the waste for fertilizer. Also natural mychorriza of
plants and mushrooms are good to increase the phosphorus uptake of plants instead of
using fertilizer. Also it is important to increase recycling of the phosphorus that has already
been mined. The ideas introduced in this paper are only a fraction of the ideas that are
aldready being modified and put into motion. So it is possible to reduce the amount of
phosphorus that goes to waste in the phosphorus cycle, we just have to do it.
v
Efnisyfirlit
Myndir ................................................................................................................................. vi
Töflur .................................................................................................................................. vii
Þakkir ................................................................................................................................ viii
Inngangur ............................................................................................................................. 1
1 Fosfór í náttúrunni .......................................................................................................... 3 1.1 Náttúruleg hringrás .................................................................................................. 3
1.2 Fosfórgeymar náttúrunnar ....................................................................................... 4 1.3 Breytingar frá náttúrulegri hringrás ......................................................................... 6
2 Fosfórnýting lífvera ........................................................................................................ 7 2.1 Nýting plantna ......................................................................................................... 7 2.2 Nýting dýra og manna ............................................................................................. 7
3 Fosfórvinnsla og notkun ................................................................................................. 9 3.1 Vinnsla úr bergi ....................................................................................................... 9 3.2 Vinnsla úr öðru en bergi ........................................................................................ 10
3.3 Áburðarnotkun....................................................................................................... 10 3.3.1 Náttúrulegur áburður .................................................................................... 10
3.3.2 Tilbúinn áburður .......................................................................................... 11 3.4 Úrgangur ................................................................................................................ 11
3.5 Ofauðgun ............................................................................................................... 12
4 Fosfór á Íslandi .............................................................................................................. 15 4.1 Aðferðir við útreikninga ........................................................................................ 15 4.2 Ferli kjötvöru ......................................................................................................... 16
4.3 Ferli fiskmetis ........................................................................................................ 18 4.4 Ferli grænmetis ...................................................................................................... 19 4.5 Hringrás fosfórs á Íslandi ...................................................................................... 20
5 Heimsskortur ................................................................................................................. 23
6 Sjálfbær þróun .............................................................................................................. 27 6.1 Möguleg skref til að loka fosfórhringrásinni ......................................................... 27
7 Niðurstöður .................................................................................................................... 31
Heimildir ............................................................................................................................ 33
Viðauki A ............................................................................................................................ 39
vi
Myndir
Mynd 1 Hringrás fosfórs í náttúrunni (unnið út frá Ruttenberg, 2003). Geymar eru
táknaðir með kassa og númerin merkja hina fjóra aðal ferla
fosfórhringrásarinnar. ......................................................................................... 4
Mynd 2 Myndun apatíts á landgrunni (unnið út frá upplýsingum frá Kristínu Völu
Ragnarsdóttur, 2014). ......................................................................................... 5
Mynd 3 Hlutverk fosfats í erfðaefninu DNA. Kjarnsýrur eru byggðar upp af kirnum
sem innihalda sykru, fosfat og niturbasa (unnið út frá Parker, 2007). ............... 8
Mynd 4 Lífssnauð svæði á jörðinni. Rauðir hringir sýna staðsetningu og stærð
lífssnauðra svæði, svartir punktar sýna hvar lífssnauð svæði hafa verið
uppgötvuð en stærðin er óþekkt (Simmon og Allen, 2010). ............................ 14
Mynd 5 Notkun fosfóráburðar á Íslandi 1977-2012 (Hagstofa Íslands 2013). ................... 15
Mynd 6. Ferli kjötvöru á Íslandi .......................................................................................... 17
Mynd 7 Ferli fiskmetis á Íslandi. ........................................................................................ 19
Mynd 8 Ferli grænmetis á Íslandi. ...................................................................................... 20
Mynd 9 Hringrás fosfórs á Íslandi....................................................................................... 22
Mynd 10 Ferill fosfór framleiðslu (Heimild: Cordell, Dragert and White, 2009) .............. 24
Mynd 11 Hámarksframleiðsla auðlinda a) Upphaflegur Hubbert ferill fyrir olíu
(Sverdrup o.fl., 2012) b) Heimsframleiðsla á fosfat bergi eftir gæðum,
production 1: góð gæði, production 2: miðlungs gæði, production 3: lítil
gæði (Sverdrup o.fl., 2013) c) Magn af plægðum jarðvegi í heiminum
(Sverdrup o.fl., 2013) d) Fiskveiðar í heiminum (Sverdrup o.fl., 2013). ......... 24
Mynd 12 Áburðarverð í Bandaríkjunum 1970-2010. Grænu súlurnar sýna verð fyrir
fosfór áburð (Heimild: United States Department of Agriculture, 2011). ....... 25
vii
Töflur
Tafla 1 Fosfórgeymar jarðarinnar, magn og dvalartími fosfórs í hverjum þeirra.
(Ruttenberg, 2003) (Richey, 1983). .................................................................... 5
Tafla 2 Flæði milli fosfór geyma í náttúrunni (Richey, 1983). ............................................ 6
Tafla 3 Útreikningar fyrir ferli kjötvöru á Íslandi (mælieining: tonn). .............................. 17
Tafla 4 Útreikningar fyrir ferli fiskmetis á Íslandi (mælieining: tonn). ............................. 18
Tafla 5 Útreikningar fyrir ferli grænmetis og ávaxta á Íslandi (mælieining: tonn). ............ 19
Tafla 6 Heildarútreikningar fyrir fosfórhringrás (mælieining: tonn). Neikvæðar
stærðir tákna magn sem tapast úr hringrás á Íslandi. ........................................ 21
Tafla 7 Spár um hvenær skortur á fosfór muni verða, miðað við hlutfall
endurvinnslu.. ................................................................................................... 29
viii
Þakkir
Ég vil þakka leiðbeinendum mínum þeim Kristínu Völu Ragnarsdóttur og Utru
Mankasingh sérstaklega fyrir góða aðstoð í gegnum allt ferlið. Góðar hugmyndir að nálgun
á efninu og aðstoð við grunnskilning á fosfór.
Harald U. Sverdrup fær einnig góðar þakkir fyrir aðstoð við grunnteikningar á hringrás
fosfór og ferli framleiðslu á Íslandi. Það hjálpaði mikið að sjá þetta á myndrænu formi og
jók það skilning á helstu ferlum.
Foreldrar mínir Snjólaug Elín Bjarnadóttir og Hans Kristjánsson eiga líka þakkir skilið
fyrir að halda mér við efnið og lesa yfir síðasta yfirlestur.
Að lokum vil ég þakka Braga Þorsteinssyni fyrir að hafa þolinmæði í að hlusta á mig tala
um fosfór daginn út og inn. Síðast en ekki síst vil ég þakka Lilju Björgu Magnúsdóttur,
Ingibjörgu Kristínu Jónsdóttur, Elínborgu Ellenardóttur og Berglindi Friðriksdóttur sem
gerðu mér þann greiða að lesa yfir ritgerðina og sjá hvort hún væri skiljanleg.°
1
Inngangur
Fosfór er lífsnauðsynlegt frumefni og þar með þurfa allar lífverur fosfór til að lifa. Fosfór
er undirstaðan í landbúnaði heimsins í dag þar sem áburður sem borinn er á
landbúnaðarsvæði inniheldur fosfór. Stærstur hluti áburðarins er unnin úr fosfórríku
setbergi sem myndast hefur á sjávarbotni. Í kjölfar aukinnar fólksfjölgunar hefur
fæðuframleiðsla aukist og þar með nýting á fosfór í landbúnaði. Nú er mannkynið komið á
þann stað að við höfum farið fram yfir hámarksframleiðslu fosfórs og hefur framleiðslan
farið minnkandi eftir að það gerðist. Það kemur sér ekki vel þar sem jarðarbúum fjölgar
með hverju árinu og ef við ætlum að viðhalda fæðuöryggi fyrir allt þetta fólk þurfum við
að breyta lífstíl okkar. Það er mikilvægt því að við þurfum fosfór til að lifa og það er ekkert
annað efni sem getur komið í staðinn fyrir hann. Vegna auðlindaskorts hefur heimsverð á
fosfór hækkað umtalsvert og áburðarnotkun í mörgun löndum minnkað í kjölfarið. Á
meðal þessara landa er Ísland en áburðarnotkun hefur hefur minnkað töluvert frá 1977.
Samkvæmt tölum frá hagstofunni er minnkunin frá um það bil 3500 tonnum af fosfór á ári
og niður í um það bil 1500 tonn árið 2012. Í þessu verkefni er fosfór og sérstaða hans
könnuð til hlítar og hringrás hans í náttúrunni skoðuð. Nýtingu hans er lýst, hvernig hann
er unnin til áburðarnotkunar og áhrif ofnotkunar. Tekin er saman tölfræði um hringrás
fosfórs á Íslandi, þ.e. hvaðan Íslendingar fá sinn fosfór og hvað verður um hann. Til að
skoða hvar fosfór finnst á Íslandi og hvernig hann er nýttur voru gerðir útreikningar út frá
gildum sem til eru um magn framleiðsluvara á Íslandi og meðalmagn fosfórs í ýmis konar
matvöru. Með því að íhuga þessi atriði er hægt að skoða eins konar fosfór hringrás fyrir
Ísland. Þetta eru dæmi um atriði sem þarf að rannsaka og skoða með tilliti til fosfórskorts á
jörðinni og fæðuöryggis framtíðarinnar. Mögulegar lausnir þessu tengt ígrundaðar tengdar
þessu og spurningunni um hvort unnt sé að loka fosfórhringrásinni á Íslandi svarað.
3
1 Fosfór í náttúrunni
Fosfór er frumefni sem hefur sætirstöluna 15 í lotukerfinu og atómmassann 30.97 g/mól.
Fosfór er ólíkt mörgum öðrum frumefnum. Það finnst ekki í náttúrunni sem frjálst efni
heldur aðeins í samböndum við önnur efni, vegna hvarfgirni þess (Ashley, Cordell og
Mavinic, 2011). Fosfór er nauðsynlegt næringarefni fyrir allt líf, tekur þátt í
lífefnafræðilegum efnahvörfum í erfðaefni og orkuflutning í lífverum (Ruttenberg, 2003).
1.1 Náttúruleg hringrás
Hringrás fosfórs á jörðinni hefur fjóra aðal ferla. Í fyrsta lagi er það tektonísk upplyfting og
afhjúpun fosfórríks setbergs fyrir veðrunaröflum. Í öðru lagi er það veðrunaröflin, bæði
aflveðrun og efnaveðrun, sem veðra bergbrot úr bergi og mynda jarðveg. Einnig sjá
veðrunaröflin um að útvega ám fosfór agnir og uppleystan fosfór. Í þriðja lagi er svo um að
ræða flutning fosfórs með vatnsstraumum til stöðuvatna og til sjávar. Síðasti efnisþátturinn
veldur setmyndun á hafsbotni þar sem bæði lífrænt og ólífrænt fosfat er grafið í seti.
Hringrásin byrjar svo að nýju við upplyftingu þessa fosfórríka sets (Ruttenberg, 2003). Á
mynd 1 er náttúruleg hringrás fosfórs með helstu fosfór geymum og ferlum.
Plöntur fá þann fosfór sem þær þurfa úr jarðveginum. Hann kemur að mestu leyti frá bergi
með fosfórríku apatíti ((Ca5(PO4)3)(F,Cl,H)) sem hefur verið lengi að myndast (Ashley o.fl.,
2000). Upphaflega var apatítið leifar vatnalífvera eins og t.d. þörunga, skelja og kóralla.
Leifarnar grófust á sjávarbotni og fluttust til yfirborðs á milljónum ára. Þessi flutningur
varð vegna landriss í kjölfar hreyfinga jarðskorpuflekanna. Eftir að bergið var komið á
uppá yfirborð veðrast það svo niður af vindi og regni (Ashley o.fl., 2011). Fosfór berst
þannig frá veðruðu berginu til áa. Ár eru aðal flutningsleið fosfór frá landi til sjávar.
Efnafræðilegt form fosfórs í ám er svo mismunandi eftir jarðfræði hvers vatnasviðs fyrir
sig, umfangi rofs á undirlag straumsins og eðli árinnar sjálfrar. Vegna mikillar hvarfgirni
fosfór agna er stærstur hluti fosfórs í ám tengdur efnisögnum í vatninu, þ.e. fosfór agnir
verða samloðnar við annars konar agnir í ánum. Aukið magn næringarefna í ám, vötnum
og á strandsvæðum getur leitt til óhóflegrar uppsöfnunar á ljóstillífandi lífmassa og
vistkerfið getur þá breyst í óæskilegt þörungakerfi. Þegar svona óhófleg uppsöfnun verður
örvast virkni í botnseti sem nýtir súrefni sem leiðir stundum til þróunar á súrefnissnauðu
seti og botnvatni (Ruttenberg, 2003).
Þegar út í sjó er komið fylgir hringrás fosfórs öðrum næringarhringrásum eins og
hringrásum kolefnis og köfnunarefnis. Hringrásir næringarefnanna í gegnum ljóstillífun
plöntusvifs leggur grunninn að fæðukeðjum sjávar (Ruttenberg, 2003). Í úthöfunum er
stærstur hluti fosfórs tengdur lífrænum efnum sem eru endurunnin í yfirborðssjó. Lífræna
efnið sekkur svo til botns ásamt rykögnum úr andrúmsloftinu. Botnset sjávar inniheldur
bæði ólífræn og lífræn efni sem hafa verið flutt til sjávar með ám. Eina leiðin fyrir fosfór til
að losna úr sjónum er greftrun með sjávarseti. Það form sem fosfórinn grefst á hefur áhrif á
hversu mikið setið veðrast þegar það kemst upp á yfirborðið við landlyftingu (Ruttenberg,
2003). Með þessi ferli í huga má því segja að hringrás fosfórs á jörðinni er líf-
jarðefnafræðileg hringrás því að bæði lífefnafræðileg og jarðefnafræðileg hvörf og ferli
eiga sér stað innan hennar (Ruttenberg, 2003).
4
Mynd 1 Hringrás fosfórs í náttúrunni (unnið út frá Ruttenberg, 2003). Geymar eru
táknaðir með kassa og númerin merkja hina fjóra aðal ferla fosfórhringrásarinnar.
1.2 Fosfórgeymar náttúrunnar
Þar sem fosfór er mjög hvarfgjarnt efni finnst það ekki eitt og sér heldur aðeins í
efnasamböndum við önnur efni (Ruttenberg, 2003). Eins og nefnt var í síðasta undirkafla
kemur fosfór í hringrásinni frá bergi sem inniheldur þetta mikilvæga frumefni. Bergið
byrjar að myndast sem set á landgrunninu. Apatít verður til þar sem uppstreymi er á
köldum fosfatríkum djúpsjó. Þetta á sér stað þegar vindar blása yfirborðssjó í burtu og
djúpsjór rís upp til að koma í stað hans (NOAA, á.á). Þessi kaldi næringarríki djúpsjór sem
rís upp flæðir svo yfir grunnsævið og mætir hlýju kalsíum ríku árvatni, efnahvörf eiga sér
stað og út fellur apatít (sjá mynd 2). Einnig getur apatít myndast við blöndun kaldra og
hlýrra sjávarstrauma. Fosfórríkar steindir eru torleystar í basísku vatni. Basískt vatn verður
þess vegna oft yfirmettað af kalsíum fosfati sem fellur svo út vatninu þegar til sjávar er
komið. Sjávarlífverur eins og þörungar, svif, skelfiskur og hryggdýr taka svo upp
fosfórblönduð næringarefnin. Stoðgrindur og leifar þessara sjávarlífvera ásamt ólífrænum
apatítútfellingum mynda stór og þykk svæði fosfatssets. Ef uppstreymi djúpsjávar
viðheldur sér geta þessi setlög orðið mjög þykk og víðfeðm. Strandstraumar færa svo setið
til og yfir á dýpri svæði sjávar (Guilberg og Park, 1986). Apatít er aðal fosfórsteindin í
bergi. Það hefur rúma kristalgrind og efnasamsetningin getur því verið breytileg.
Umhverfisaðstæður þurfa að vera sérstakar svo að apatít geti safnast upp. Víðáttumikil
apatítsvæði finnast þó við austurjaðra úthafa þar sem vinddrifið uppstreymi næringarríks
djúpsjávar viðheldur líffræðilegu samfélagi í yfirborðssjó sem síðar sekkur til botns og
myndar botnset (Ruttenberg, 2003).
5
Mynd 2 Myndun apatíts á landgrunni (unnið út frá upplýsingum frá Kristínu Völu
Ragnarsdóttur, 2014).
Eftir að fosfórít bergið kemst uppá yfirborðið vegna tektónískra afla er bergið nýtt í
námuvinnslu fyrir fosfóráburð. Við veðrun bergs leysist apatít upp og plöntur geta þá tekið
upp fosfórinn. Veðrun bergs er því aðal uppruni fosfórs í jarðvegi sem er undirstaða
gróðurs á landi. Fosfór er svo skilað aftur í jarðveginn við rotnun plantna (Ruttenberg,
2003). Lífmassi á landi inniheldur miklu minna magn fosfórs en berg og jarðvegur en
mestan lífmassa er að finna í skógum Norður Ameríku, fyrrum Sovétríkjunum, Suður-
Ameríku og í regnskógum Afríku þar sem mikið er af plöntum. Þrátt fyrir að mikið magn
uppleysts fosfórs sé í sjónum er lítill hluti þess í lífmassa hafsins. Þetta er vegna þess að
stór hluti fosfórsins er fyrir neðan hið virka lag sjávar, þar sem ljóstillífandi lífverur geta
ekki þrifist (Richey, 1983). Hluti fosfór agna í jarðvegi flyst þaðan til straumvatna en
einnig flyst lítill hluti til andrúmsloftsins, með vindi, en þar er dvalartími fosfórs mjög
stuttur. Fosfór hringrásin hefur því ekki mikilvægan gasfasa í andrúmsloftinu líkt og
hringrásir kolefnis og köfnunarefnis hafa (Richey, 1983).
Við athugun á fosfór magni í náttúrulegum geymum voru athugaðar tvær mismunandi
töflur sem gáfu sömu stærðargráður á fosfórmagninu. Meðaltal var tekið á þessum töflum.
Einnig fengust upplýsingar um grófan dvalartíma fosfórs í hverjum þessara geyma frá
Ruttenberg (2003). Það þarf að hafa hugfast að við útreikninga á stærð fosfórgeyma og
flæðis milli þeirra getur verið töluverð óvissa. Upplýsingar um fosfór magn í hinum ýmsu
geymum ásamt dvalartíma má finna í töflu 1.
Tafla 1 Fosfórgeymar jarðarinnar, magn og dvalartími fosfórs í hverjum þeirra.
(Ruttenberg, 2003) (Richey, 1983).
Geymir Magn fosfór (tonn) Dvalartími
Setlög 1,64*1015
42-201 milljón ár
Jarðvegur 2,38*1011
425-2311 ár
Lífmassi á landi 2,70*109 13-48 ár
Yfirborðssjór 0-300 m (uppleystur P) 2,71*109 2,46-4,39 ár
Djúpsjór 300-3300 m (uppleystur P) 8,70*1010
1502 ár
Lífríki í sjó 8,94*107 16-89 dagar
Fosfór sem hægt er að vinna 8,50*107 718-1654 ár
Fosfór í andrúmslofti 2,75*104 80 klst
6
1.3 Breytingar frá náttúrulegri hringrás
Áhrifa manna gætir í hringrás fosfórs á jörðinni í dag. Námuvinnsla á fosfórít bergi til
nýtingar í landbúnaðaráburð hefur aukist til að bregðast við aukinni fæðuþörf jarðarbúa.
Auk þess hefur skógarhögg, aukin ræktun og úrgangur frá þéttbýli og iðnaði allt haft áhrif
á hringrásina með því að auka flutning fosfórs frá geymum á landi til geyma í sjónum.
Vegna þessa flutnings hefur t.d. orðið hækkun á fosfór styrk í ám og hann svo fluttst til
vatna og strandsvæða og valdið ofauðgun (nánar útskýrt í undirkafla 3.5). Aukið rof sem
hefur orðið vegna skógarhöggs og útbreiðslu ræktunarlands hefur aukið styrk svifefna í ám
og þar með aukið flutning á fosfór ögnum. Mannvirki eins og stíflur geta hins vegar
minnkað magn sets í ám og þar með minnkað fosfórflutning til sjávar. En þrátt fyrir minni
flutning er aukið rof fyrir neðan stíflurnar og fosfór í setlögum sem eru föst aftan við stíflur
jafna áhrifin út (Ruttenberg, 2003). Sú langa og hnattræna fæðukeðja sem er við lýði á
jörðinni í dag hefur leitt til þess að á mörgum stöðum fellur fosfór úr keðjunni eða er ekki
nýttur nógu vel. Affall er það mikið í fæðukeðjunni að aðeins einn fimmti alls fosfórs sem
er unninn nær til matarins sem við borðum (Cordell, Drangert og White, 2009).
Afgangurinn glatast, annað hvort til frambúðar eða um stundarsakir, við námuvinnslu,
áburðargerð, áburðargjöf og uppskeru, búfénaðareldi, matvinnslu og sölu. Að lokum einnig
við neyslu og losun (Ashley ofl., 2011). Áður hringlaga sjálfbær hringrás hefur verið
opnuð og fosfórsameindir færast nú í beinni línu, frá námum til sjávar á miklu meiri hraða
en lífefnafræðilegar hringrásir sem taka tugi milljónir ára (Ashley ofl., 2011). Eftir
iðnbyltingu jókst mikið það magn fosfórs sem fluttist frá landi til sjávar. Í töflu 2 má sjá
hvernig flæði milli geyma er í náttúrulegri hringrás fosfórs. Tölurnar segja til um flutning
frá Geymi 1 til Geymis 2.
Tafla 2 Flæði milli fosfór geyma í náttúrunni (Richey, 1983).
Geymir 1 Geymir 2 Flæði (milljón tonn P /ár)
Andrúmsloft Land 3,2
Andrúmsloft Sjór 1,4
Land Andrúmsloft 4,3
Sjór Andrúmsloft 0,3
Uppleyst í sjó Lífmassi í sjó 800
Bergbrot í sjó Set 7,5
Lífmassi á landi Jarðvegur 200
Berg Jarðvegur 14
Jarðvegur Ferskvatn 5,5
Uppleyst í ferskvatni Sjór 2,75
Agnir í ferskvatni Sjór 17
7
2 Fosfórnýting lífvera
Fosfór er mikilvægur fyrir allt líf. Ekkert efni getur komið í stað fosfórs í öllu lífi, þar með
í nytjaplöntum og þar af leiðandi í fæðuframleiðslu heimsins. Fosfór finnst í öllum
lífverum í mismiklu magni. Plöntur og dýr nýta fosfór til ýmissa verka eins og að byggja
upp líkama, framleiða orku og fjölga sér.
2.1 Nýting plantna
Ljóstillífandi lífverur nýta uppleystan fosfór, kolefni og önnur nauðsynleg næringarefni til
að byggja upp vefi (Ruttenberg, 2003). Aðal hlutverk fosfórs í plöntum er sem
byggingarefni í próteinum, ensímum, kjarnsýrum og erfðaefni. Þessi efni eru mikilvæg
vexti plantnanna, til æxlunar og fjölgunar. Fosfór hjálpar til við framleiðslu sykra og
sterkju við ljóstillífun ásamt orkuframleiðslu við öndun (Spectrum Analytic Inc, 2012).
Líffræðileg framleiðsla er háð framboði á fosfór til þeirra lífvera sem mynda grunn
fæðukeðjunnar bæði á landi og í vatni. Plöntur fá þann fosfór sem þær nýta úr
jarðveginum. Til að plöntur geti nýtt hann þarf hann að vera á formi fosfats PO43-
.
(Spectrum Analyctic, 2012). Umbreyting yfir í fosfat verður með jarðefnafræðilegum og
lífefnafræðilegum efnahvörfum á mismunandi stigum fosfór hringrásarinnar (Ruttenberg,
2003). Þó svo að fosfór sé í litlu magni í plöntum er hann þeim nauðsynlegur (Manahan,
1993). Plöntur þurfa fosfór við frumuvöxt, myndun ávaxta og fræja og þroskun þeirra
(Cordell o.fl., 2009). Þar af leiðandi getur fosfórskortur hindrað vöxt þessara mikilvægu
hluta plantnanna og þar með minnkað afrakstur uppskeru (crop yield) (Ashley ofl. 2011). Í
plöntum er fosfór í vaxtarendum greina og róta þar sem frumuskipting á sér stað. Með því
að bera fosfór áburð á jarðveginn eykst þykkt frumuveggja og þar með styrkur plöntustilka.
Sterkari frumuveggir auka einnig það þol sem planta hefur gegn sjúkdómum (Barker,
2010)
2.2 Nýting dýra og manna
Í lífhvelinu fá dýr fosfór úr fæðu sinni; plöntum og dýrum sem eru lægra í fæðukeðjunni.
Dýr og menn geta nýtt bæði lífrænt og ólífrænt form fosfórs. Í líkama fullorðins
einstaklings eru um það bil 0,7 kg af fosfór (Ashley, o.fl., 2011). Stærsti hlutinn finnst í
beinum og tönnum sem hydroxylapatít (Ca5(PO4)3(OH)) (Science Learning Hub, 2010).
Einnig finnst fosfór í frumum og vefjum mannslíkamans, hann hjálpar til við filtrun í
nýrum og gegnir mikilvægu hlutverki í því hvernig líkaminn geymir og nýtir orku (Ehrlich,
2011). Erfðaefni mannsins, DNA (deoxýríbósakjarnsýra) og RNA (ríbósakjarnsýra),
samanstendur af kjarnsýrum sem eru settar saman úr kirnum. Hvert kirni inniheldur svo
sykru (deoxýríbósa í DNA og ríbósa í RNA), fosfat og niturbasa. Fjórar gerðir niturbasa
finnast í DNA; adenín, gúanín, cýtósín og týmín. DNA í mönnum kemur oftast fyrir sem
tvær paraðar keðjur sem passa þannig saman að adenín kirni parast við týmín kirni og
gúanín kirni við cýtósín kirni. Í RNA eru það sömu niturbasar sem byggja upp sameindina
nema í stað týmíns, sem er í DNA, kemur úrasíl (Guðmundur Eggertsson, 2000). Á mynd 3
má sjá DNA sameind. Adenósín þrífosfat eða ATP eru aðalupptök efnaorku í frumum
(Ashley ofl., 2011). Orka myndast við færslu fosfathópa frá orkumyndandi ferlum til
8
orkukrefjandi ferla og við ljóstillífun og frumuöndun (Barker, 2010). Fosfór getur svo
einnig hjálpað til við að minnka verk í vöðvum eftir líkamsrækt og aðstoðar við að
viðhalda jafnvægi og notkun á vítamínum og steinefnum (Ehrlich, 2011). Fosfór tekur þátt
í prótein smíði og er til staðar í kolvetnum, lípíðum og ensímum (Barker, 2010). Ráðlagður
dagskammtur af fosfór fyrir fullorðinn einstakling er 600 mg (Embætti Landlæknis, 2013).
Flestir fá nægt magn fosfór úr fæðunni einna helst úr mjólk, korni og próteinríkum
fæðutegundum eins og kjöti og fiski. Heilsukvillar eins og sykursýki, átröskun og
alkóhólismi geta valdið fosfór falli í líkamanum. Dæmi um einkenni fosfór skorts er minni
matarlyst, óreglulegur andardráttur, beinverkir, stíf liðamót, þreyta og þyngdarbreytingar.
Fosfór skortur hjá börnum getur valdið hægari vexti og hægari beina- og tannþroska.
Algengara er að fólk hafi of mikið fosfór í líkamanum (Ehrlich, 2011). Líkaminn skilar frá
sér umfram fosfór með þvagi og saur (Barker, 2010) og því er of mikill fosfór í líkamanum
oft vegna nýrnasjúkdóma. Einnig getur fosfór safnast upp í líkamanum ef mataræðið er of
fosfórríkt á móti of litlu af kalsíumríku fæði. Þessi tvö efni þurfa að vera í réttum
hlutföllum fyrir heilbrigða beinþéttni og eru góð forvörn gegn beinþynningu. Of mikill
fosfór getur aukið hættu á hjarta- og æðasjúkdómum (Ehrlich, 2011).
Mynd 3 Hlutverk fosfats í erfðaefninu DNA. Kjarnsýrur eru byggðar upp af kirnum sem
innihalda sykru, fosfat og niturbasa (unnið út frá Parker, 2007).
9
3 Fosfórvinnsla og notkun
Fosfór er unninn úr náttúrulegum fosfórgeymum og að mestu leyti notaður í
landbúnaðaráburð. Áður fyrr var einnig mikið magn nýtt í hreinsi- og
þvottaefnaframleiðslu. Það magn hefur verið minnkað í kjölfar vitundavakningar á
ofauðgun í ám, vötnum og strandsjó (Hubbard, 2012). Fosfórríkt efni er af margvíslegum
uppruna og hægt er að vinna það úr náttúrunni á mismunandi vegu (Van Kauwenbergh,
Stewart og Mikkelsen, 2013). Einnig er hægt að nýta fosfór sem aukaefni í eldsneyti, í
sumt plast og í eldvarnarefni (Simandl, Paradis og Fajber, 2012). Árið 2010 var um 20% af
fosfórframleiðslu heimsins úr storkubergi aðallega tengdum innskotum. Um það bil 80% af
framleiðslunni var úr setbergi aðallega af sjávaruppruna (Van Kauwenbergh o.fl., 2013).
Árið 1993 var 5% af heildarmagni fosfórs unnið úr sjávarfuglagúanó en sá forði er
uppurinn í dag. Á þessu má sjá að berg er aðaluppspretta fosfórs til áburðarframleiðslu og
hefur aukist fram til dagsins í dag (Manahan, 1993). Nú á tímum er heimsforði fosfórs um
60 milljarða tonna. Forðinn er skilgreindur þannig að um sé að ræða fosfat berg sem hægt
er að hagnýta með þeirri tækni sem til er. Flestar námurnar eru í Morokkó en þær innihalda
um 75% af fosfór forða heimsins (USGS, 2013).
3.1 Vinnsla úr bergi
Langstærstur hluti fosfórs er unninn úr fosfatríku efnaseti sem myndaðist upphaflega á
sjávarbotni. Fosfatríkt setberg nefnist fosfórít (Ruttenberg, 2003) og er hugtakið notað yfir
bæði óunnið berg og það sem unnið er og nýtt. Fosfatið sem unnið er úr berginu er á formi
apatíts sem er ekki tiltækt fyrir plöntur. Fosfat berg er því oftast meðhöndlað til þess að
breyta apatítinu yfir í fosfat sem er það form sem plöntur geta tekið upp (Spectrum
Analyctic Inc., 2012). Stærstur hluti (um 75%) af því bergi sem er unnið í heiminum fer í
framleiðslu á fosfór sýru sem er mikilvægt skref við áburðargerð. Það berg sem er
eftirsóknarverðast er það sem inniheldur greinilegar fosfat agnir sem hægt er að greina frá
öðrum óþarfa steindum (Van Kauwenbergh o.fl., 2013). Mestur hluti bergs er unnið í
opnum námum á yfirborði þó við sérstakar aðstæður er hágæða fosfat unnið neðanjarðar
(Simandl o.fl., 2012).
Einnig er hægt að fara aðrar leiðir við vinnslu á fosfór úr bergi. Vinnsla á svokölluðu
kvoðubergsfosfati (colloidal rock phosphate) fer fram þegar hluti fosfat námu hefur verið
nýttur eða aðstæður til vinnslu á bergfosfati hafa verið óhagstæðar. Þá hefur frekar verið
horft til vinnslu á kvoðubergsfosfati. Það er eins konar samlímingur fosfatgruggs og leirs
sem myndast þegar bergfosfat er unnið í vatni til að fjarlægja sand og leir. Sandurinn er
skolaður í burt með vatni svo eftir er fosfatgrugg og leir. Fínar fosfat agnirnar límast í
leirinn og nefnist þessi blanda kvoðubergsfosfat eða mjúkt bergfosfat (Barker, 2010).
Superfosfat (Ca(H2PO4)2) er vinsæl gerð fosfóráburðar og er í raun aðaláburðurinn sem er
framleiddur. Framleiðslan fer þannig fram að bergfosfatið er meðhöndlað með sýrum.
Sýrumeðferðin býr til efnasambönd þar sem fosfór er aðgengilegri fyrir plöntur en í
bergfosfati, þó ekki endilega í hærri styrk. Sama gerist í náttúrunni með brennisteinssýru í
súrum jarðvegi og á safnhaugum en þar gengur ferlið mun hægar fyrir sig og er miklu
einfaldara. Þar teldist það til náttúrulegs áburðar en þar sem bergfosfatið er meðhöndlað
efnafræðilega með sýrum er superfosfat ekki talið náttúrulegt (Barker, 2010).
10
3.2 Vinnsla úr öðru en bergi
Fosfór áburður er einnig unninn úr öðru en bergi. Fosfatgjall (basic slag) er hliðarafurð
steypujárns- og stál framleiðslu úr járngrýti þar sem fosfór er til staðar. Þar er fosfórinn
fjarlægður við bræðslu á járninu til að styrkja málmana sem verið er að vinna. Járngrýti og
kalksteinn er svo brætt saman, kalksteinninn hvarfast við fosfórinn og flýtur ofan á
blöndunni vegna léttari eðlismassa. Efnisblandan er svo tekin, kæld og mulin í fínt duft
sem er notað til framleiðslu áburðar. Þessi gjalláburður er alkalískt efni og ef honum er
blandað við lífrænt efni eykst aðgengileiki fosfórsins frá gjallinu sem gerir þessa blöndu að
góðum áburði. Þar sem bein eru byggð af stórum hluta úr apatíti (Rey, Combes, Drouet og
Glimcherer, 2009) er beinmjöl einnig góður áburður. Beinmjöl er framleitt með því að
sjóða hrá bein, frá sláturhúsum, fjarlægja þannig fitur og mala þau svo. Beinmjöl er sett á
jarðveginn en lífrænt efni hjálpar einnig við aðgengileika fosfórsins í mjölinu (Barker,
2010). Sjófuglar éta aðallega fæðu af strand- og sjávasvæðum og því er fugladrit eða gúanó
eins og það er kallað mjög fosfórríkt. Gúanó var nýtt í fosfóráburð og var að mestum hluta
unnið frá eyjum á Kyrrahafi (Guilberg og Park, 1986). Í byrjun 20.aldar var næstum allt
gúanó uppurið og kom framleiðsla superfosfats í stað nýtingu gúanós. Í dag er hægt að
kaupa leðurblökuguanó frá Indónesíu og nýta sem áburð (Archipelago Bat Guano, 2014).
3.3 Áburðarnotkun
Fosfór, ásamt köfnunarefni og kalíum, er eitt af aðal áburðarefnunum í
landbúnaðarframleiðslu í heiminum í dag. Áburður inniheldur efni sem eru notuð til að
bera plöntunæringarefni í jarðveg (Barker, 2010). Algengir skammtar þessara næringarefna á
tún eru rúmlega 100 kg af köfnunarefni, 20-30 kg af fosfór og um það bil 60 kg af kalíum á
hvern hektara (10.000 m2) lands (Ríkarð Brynjólfsson, 2003). Áburður getur verið misgóður
en í 70% tilvika eykst uppskera eftir að jarðvegur er bættur með köfnunarefni en þó aðeins
í um 40-50% tilfella eykst uppskera eftir að fosfór og kalíum er bætt í jarðveginn.
Líffræðileg ferli þarf til að leysa upp næringarefni úr lífrænu efni í jarðveginn (Barker,
2010). Styrkur fosfórs í áburði er allt frá 1% til yfir 50% í formi fosfór pentaoxíðs (P2O5).
Efni sem innihalda minna en 1% P2O5 eru með of lágan styrk til að teljast áburður og ekki
er þess virði að dreifa þeim á jarðveg (Barker, 2010). Hægt er að skipta áburði í tvo flokka
eftir uppruna; náttúrulegan áburð sem er að mestu úr lífrænum úrgangi og tilbúinn áburð
sem unninn og meðhöndlaður með efnum áður en hann er seldur og borinn á jarðveg
(Barker, 2010).
3.3.1 Náttúrulegur áburður
Náttúrulegur áburður eru efni af líffræðilegum eða steindafræðilegum uppruna (Barker,
2010). Sem dæmi um náttúrulegan áburð má nefna hrossatað og kúamykju. Náttúrulegi
fosfórinn í þessum áburði er hluti af stórum sameindum eins og próteinum. Það þarf að
brjóta þessar stóru sameindir niður í einföld fosföt áður svo plöntur geti nýtt næringuna.
Stærstur hluti þessa niðurbrots er framkvæmdur af gerlum og öðrum jarvegslífverum.
Niðurbrotshraða efnasambandanna er aðallega stjórnað af hitastigi og raka jarðvegsins.
Vegna þessa er á því ári sem áburðurinn er borinn á land, lítið af fosfór aðgengilegur um
vor og snemma sumars. Annað vandamál við náttúrulegan fosfór er það að niðurbrotið
heldur áfram um haustið og eftir að uppskerunni hefur verið safnað (Spectrum Analyctic
Inc., 2012). Umfram magn af fosfór eftir að uppskera hefur verið tekin hefur áhrif á magn
ólífræns fosfórs í jarðveginum (Sigurður Þór Guðmundsson, 2007). Þessi seinnitíma fosfór
11
leysni fer í jarðveginn, byggist upp og getur leitt til umhverfisvandamála ef mikil
uppsöfnun verður. Magn fosfórs í taði og mykju er mjög mismunandi, bæði eftir upptökum
og árstíð. Eina leiðin til að vera viss um nákvæmt næringargildi er með greiningu á
rannsóknarstofu (Spectrum Analytic Inc, 2012). Á Íslandi nýta um 3000 bændur með búfé
eigin búfjáráburð á túnin sín. Það er meðal annars gert til þess að spara fjármagn þar sem
aðkeyptur áburður er dýr. Svo eru einnig um 30 bú hérlendis með lífræna vottun sem nota
aðeins lífrænan áburð og þá mest búfjáráburð en tvö bú nýta úrgang frá fiskverkun. Molta
er svo önnur gerð náttúrulegs áburðar sem heimili geta framleitt með því að safna saman
matarleifum og afgöngum og láta rotna í sérstökum tunnum eða ílátum. Þessi gerð áburðar
er oft nýtt í matjurtagarða eða á tún í görðum íbúanna (Ólafur R. Dýrmundsson,
Bændasamtökin, tölvupóstur 5.maí, 2014). Þetta hefur víða gefið góða raun, þar á meðal á
heimili mínu í Garðabæ.
3.3.2 Tilbúinn áburður
Munurinn á náttúrulegum og tilbúnum áburði er ekki þau efni sem eru í áburðinum heldur
með hvaða hraða þau verða tiltæk fyrir plönturnar. Náttúrulegur áburður leysir
næringarefnin frekar hægt og fer það eftir umhverfislegum þáttum eins og jarðvegsraka,
hita og bakteríum í jarðveginum. Hins vegar í tilbúnum áburði leysast efnin fljótt og eru
ekki eins háð umhverfisþáttum öðrum en vatnsforða og jafnvel hitastigi (Barker, 2010). Þó
svo að fosfat úr bergi sé upprunalega náttúrulegt áburðarefni verður það að tilbúnum
áburði eftir að það er meðhöndlað með sýrum. Hreinsun og efnafræðileg ferli auka
venjulega styrk eða leysni næringarefna í áburði (Barker, 2010). Þess vegna eru þessar
aðferðir nýttar við áburðarframleiðslu. Á Íslandi er ekki framleiddur fosfóráburður heldur
er hann keyptur erlendis frá. Meðal fyrirtækja sem flytja inn fosfóráburð eru Fóðurblandan
og Skeljungur. Fosfórinn sem þau flytja til landsins er frá Kólaskaga í Rússlandi og birgjar
í Bretlandi flytja hann inn þaðan til blöndunar áður en hann er sendur til Íslands. Á
Kólaskaga eru mjög stórar apatít námur þar sem fosfór er numinn og síðar unninn með
sýrum. Því er um superfosfat að ræða (nefnt að framan). (Pétur Pétursson, Fóðurblandan
hf., tölvupóstur 28.apríl, 2014). Þessi áburður er með lágu kadmíum magni í samræmi við
íslensk lög (Aron Baldursson, Skeljungur, tölvupóstur 29.apríl, 2014). Kadmíum er
óæskilegur þungamálmur sem finnst í einhverju magni í fosfatbergi og þar með oft í
tilbúnum áburði (Ríkarð Brynjólfsson, 2003). Matvælastofnun hefur eftirlit með þeim
áburði sem seldur er á Íslandi. Árið 2011 voru margar tegundir áburðar sem innihéldu of
mikið magn af þungamálminum kadmíum. Magnið má ekki fara yfir 50 mg/ kg P en árið
2011 var magnið oft tvisvar til þrisvar sinnum of mikið (RÚV, 2012). Eftir að þetta
uppgötvaðist hefur eftirlit verið hert.
3.4 Úrgangur
Það umfram magn af fosfór sem dreift er í formi áburðar og nýtist ekki plöntum telst til
úrgangs ásamt úrgangi frá dýrum og mönnum. Upptökum úrgangsfosfórs, sem finnur sér
leiðir í vötn eða ár, er hægt að skipta í tvo flokka. Í öðrum flokknum eru upptök frá einum
stað sem eru vel afmarkaðir losunarstaðir frá verksmiðjum eða afrennsli fráveitukerfa. Í
hinum flokknum eru útbreidd upptök sem eru meðal annars afrennsli frá dreifbýli og
þéttbýli (Barker, 2010).
Stærstur hluti fosfórlosunar er uppruninn í þéttbýli og losnar fosfórinn sem afrennslisvatn
frá skólpi. Í þessu vatni kemur fosfórinn m.a. frá tilbúnum sápum, þvottaefnum og
12
hreinsiefnum sem innihalda samþjappað fosfat sem myndar límkennda botnfellingu. Þessi
hreinsiefni innihalda 5-50% P2O5 af þyngd sinni. Einnig kemur fosfór í afrennslivatni frá
úrgangi manna. Saur inniheldur um það bil 25% lífrænt efni en afgangurinn er aðallega
vatn. Meðalmanneskja framleiðir um það bil 100g af saur á dag og hann inniheldur um það
bil 0,03% köfnunarefni og 0,005% fosfór. Hins vegar framleiðum við 1200g af þvagi á dag
sem inniheldur 0,5% lífrænt kolefni, 1% köfnunarefni og 0,03% fosfór. Þetta fosfór magn
er fljótt að safnast upp og ef dæmi er tekið framleiðir 100.000 manna byggð, sem er
tæplega íbúafjöldi Reykjavíkurborgar, 36,5 kg af fosfór daglega. Magn skólps er þó
mismunandi eftir árstíðum, tíma dags og hvernig viðrar (Van Loon og Duffy, 2011).
Meðhöndlun úrgangs er nauðsynleg svo fosfórinn renni ekki með afrennslisvatni beint út í
næstu á eða stöðuvatn þar sem hann getur stuðlað að ofauðgun. Þó er alltaf einhver hluti
fosfórsins sem endar í ám og vötnum en hægt væri að stjórna því magni með því að þróa
betri meðhöndlunaraðferðir (Van Loon og Duffy, 2011).
Um 73% skólps á Íslandi er hreinsað. Hreinsun er mismikil eftir þeim svæðum þar sem
skólpi er sleppt út í náttúruna. Til dæmis þarf aðeins eins þreps hreinsun fyrir úrgang sem
sleppa á í strandsjó og árósa. Slík hreinsun felst í að ná burt föstum ögnum með síun eða
fellingu. Skólpi sem er veitt í aðra viðtaka en sjó og árósa þarf að hreinsa með tveggja
þrepa hreinsun þar sem líffræðileg ferli eru notuð til að ná burt uppleystum lífrænum
efnum. Þar sem viðkvæmir viðtakar taka við skólpinu eins og t.d. stöðuvötn þarf eitt
hreinsiþrep í viðbót sem felst í enn meiri minnkun á fosfór, köfnunarefni eða
saurbakteríum. Það efni sem er hreinsað burt er mismunandi eftir viðtaka og fyrir hvaða
efnum hann er viðkvæmur fyrir (Tryggvi Þórðarson, ráðgjafi Umhverfisstofnun,
tölvupóstur 15.maí, 2014). Það sem síað er úr skólpi er svo þvegið þangað til hlutfall
lífræns efnis er minna en 6%. Þá er Sorpu heimilt að taka við því til urðunar þar sem það
nýtist svo til gasgerðar á sama hátt og annar lífrænn úrgangur frá íslenskum heimilum og
fyrirtækjum (Erla Hlín Helgadóttir, Umhverfis-og fræðslufulltrúi hjá Sorpu, tölvupóstur,
16.maí 2014). Fosfórinnihald þéttbýlisskólps er mismunandi eftir því fosfórmagni sem
þéttbýlið leggur til. Á síðustu árum var fosfór innihald seyru mun hærra en það er í dag því
flest hreinsiefni innihéldu fosfór en það er ekki svo í dag. Hins vegar er ennþá einhver hluti
fosfórs sem endar í þéttbýlisskólpi. Þar verður hann raunhæf upptök fosfórs fyrir
þörungavöxt og mengun (Spectrum Analytic Inc, 2012).
3.5 Ofauðgun
Eins og áður sagði er fosfór mjög mikilvægt næringarefni fyrir bæði plöntur og örverur. Þó
svo að næringarefnin séu mikilvæg fyrir plönturnar geta þau þó einnig verið mengandi.
Algengust þessara mengandi næringarefna eru fosfór, köfnunarefni og kalíum. Þessi efni
verða mengunarvaldar þegar mikið magn þeirra safnast upp í vötnum. Þetta getur leitt til
aukinnar frumframleiðni og er þá sagt að vatnið sé ofauðgað. Efnin auka verulega vöxt
þörunga og á meðan á vextinum stendur á sér stað ljóstillífun og framleiðsla á súrefni
(hvarf gengur til hægri). Hins vegar þegar lífverurnar deyja og rotna þarf súrefni við
sundrunina og þá losnar koltvíoxíð út í vatnið og býr til loftfirrðar og frekar súrar aðstæður
(hvarf gengur til vinstri) (Van Loon og Duffy, 2011).
ljóstillífun
CO2 + H2O CH2O + O2
öndun
13
Í ferskvatnskerfum kemur fosfór fyrir sem ólífrænn fosfór, lífrænar fosfór agnir og sem
uppleystur lífrænn fosfór. Vatnsþörungar og plöntur nýta ólífrænt form fosfór sem
næringarefni. Í flestum vötnum og ám er fosfór það næringarefni sem er takmarkandi fyrir
vöxt. Óhóflegt magn fosfórs í ferskvatnskerfum eykur því vöxt plantna og þörunga. Þetta
getur leitt til breytinga á fjölda plantna og dýra og breytingu á tegundum. Dýr stækka,
meiri óróleiki verður í vatninu, meira magn lífræns efnis fellur til botns (dauðar plöntur og
dýr) og tap verður á súrefni í vatninu. Súrefnissnauðar aðstæður vatnakerfa geta leitt til
dauða fiska og annarra vatnadýra. Þegar ekkert súrefni er við botn losnar fosfór, sem áður
var fastur í seti, aftur út í vatnið. Þetta eykur við framleiðslu vatnsins á ný. Sumir þörungar,
sem þrífast vel í vötnum þar sem mikill fosfór er til staðar, framleiða eiturefni sem geta
drepið búfénað og villt dýr sem drekka vatnið (Environment Canada, 2005). Ofauðgun
lýsir sér oft sem dökkgrænn litur þörungablóma eða þykku lagi plantna sem vaxa við
yfirborð grunnra vatna (Van Loon og Duffy, 2011). Mengandi næringarefni koma oft frá
áburði sem er dreift á landbúnaðarsvæði, skólpi frá iðnaði og þéttbýli eða jafnvel úr
frjósömum jarðvegi. Mögulega eru einhvers staðar vötn eða ár á Íslandi þar sem er
ofauðgun en það væri þá aðeins á fáum og mjög afmörkuðum svæðum. Ofauðgun hér á
landi getur orðið við það að næringarefni berast með jarðvegi sem hefur losnað vegna
jarðvegseyðingar (Magnús Óskarsson, 1993). Þetta er sú tegund ofauðgunar sem við
þyrftum að hafa mestar áhyggjur af á Íslandi vegna þess mikla rofs sem hér á sér stað
(Ríkharð Brynjólfsson, 2003). Einnig getur áburður skolast út í ár og vötn en landið er svo
strjálbýlt að ekki er mikil hætta á því að mikið magn næringarefnanna safnist á sama stað.
Frárennsli frá salernum er mest á Reykjavíkursvæðinu en þó er ekki talið að hætta sé á
ofauðgun vegna þess (Magnús Óskarsson, 1993). Skýrsla sem European Environment
Agency gaf út 2013 fjallar um berskjölduð svæði sem eru í áhættuhópi fyrir ofauðgun. Þar
kemur fram spá um hlutfall svæða sem eiga á hættu ofauðgun árið 2020 miðað við
núverandi löggjöf. Á Íslandi eru engin svæði í þessum hópi (European Environment
Agency, 2013).
Þó svo að ofauðgun sé einnig náttúrulegt ferli sem á sér stað á jarðfræðilegum tímaskala
hafa menn áhyggjur af því hversu hratt ferlið gengur fyrir sig vegna umsvifa mannsins.
(Van Loon og Duffy, 2011). Þetta hefur leitt til lífssnauðra svæða á strandsvæðum víða á
jörðinni eins og sést á mynd 4. Sérstaklega má sjá að Eystrasalt og austurströnd
Bandaríkjanna hafa orðið illa úti.
14
Mynd 4 Lífssnauð svæði á jörðinni. Rauðir hringir sýna staðsetningu og stærð lífssnauðra
svæði, svartir punktar sýna hvar lífssnauð svæði hafa verið uppgötvuð en stærðin er óþekkt
(Simmon og Allen, 2010).
15
4 Fosfór á Íslandi
Fosfór er nýttur í landbúnað á Íslandi eins og í flestum öðrum iðnríkjum. Upplýsingar frá
Hagstofunni sýna notkun fosfór áburðar frá 1977 til ársins 2012. Á mynd 5 sést hvernig
notkun hefur minnkað gífurlega, eða um rúmlega 2000 tonn síðan árið 1977. Ekkert
fosfórít berg finnst á Íslandi því landið er að mestu leyti úr storkubergi sem er upprunið í
eldgosum. Þar með er hér engin framleiðsla á tilbúnum fosfór áburði svo Íslendingar þurfa
að flytja inn þann tilbúna fosfór áburð sem þeir nýta í landbúnað.
Mynd 5 Notkun fosfóráburðar á Íslandi 1977-2012 (Hagstofa Íslands 2013).
4.1 Aðferðir við útreikninga
Við útreikninga á fosfórmagni í hinum ýmsu fosfór geymum á Íslandi voru nýttar
upplýsingar frá Hagstofu Íslands. Miðað var við tölur frá árinu 2012 þar sem ekki allir
flokkar voru með nýrri upplýsingar. Þetta var gert til að geta gert sér sem best grein fyrir
hringrás fosfórs á einu ári. Upplýsingar um magn t.d. heildar fiskafla, fiskútflutnings,
innflutts nautakjöts o.s.frv. voru fengnar frá Hagstofu Íslands og svo var meðalmagn fosfór
innihalds fengið úr matvælagagnagrunni hjá Landbúnaðarrannsóknastofnun
Bandaríkjanna. Út frá upplýsingum frá þessum gagnagrunnum var hægt að reikna
heildarfosfór magn einstakra geyma ( sjá má dæmi um útreikninga í viðauka A).
Taka þarf tillit til þess að til einföldunar voru drykkir voru ekki teknir með í útreikninga.
Þetta veldur ákveðinni skekkju í niðurstöðum þar sem mikið magn fosfór er í þvagi sem
skolast til sjávar með skólpi en það vantar þá hluta af þeim matvælum sem framleiða þetta
þvag (drykkirnir).
1000
1500
2000
2500
3000
3500
4000
1977 1982 1987 1992 1997 2002 2007 2012
Mag
n f
osf
ór
Ártal
Notkun fosfóráburðar
Tonn P
16
Til að gera betri grein fyrir hinum ýmsu geymum fosfórs á Íslandi var fosfór uppruna skipt
eftir aðalfæðutegundum sem eru framleidd á Íslandi; kjöti, fiski og grænmeti. Eins og áður
sagði var ákveðið að sleppa drykkjum í útreikningum til einföldunar en það þarf þó að taka
fram að það er líka fosfór í drykkjum eins og mat. Upplýsingar um útflutning og
innflutning kjötvöru, fiskmetis og grænmetis og ávaxta árið 2012 fengust í riti
Hagstofunnar, Landshagir 2013. Þar var skoðaður kaflinn Utanríkisverslun þar sem
innflutningur og útflutningur vöru, eftir vörudeildum staðlaðs flokkunarkerfis
alþjóðaviðskipta 2012 (SITC), er skráður. Upplýsingar um neysluvenjur Íslendinga fengust
frá könnun á matarvenjum Íslendinga 2010-2011. Gert er ráð fyrir í þessari
tölfræðirannsókn að neysluvenjur árið 2012 hafi verið þær sömu en þær hafa haldist
svipaðar síðastliðin ár. Þó var árleg kjötneysla Íslendinga gefin upp í skýrslu Landshaga
sem 80,3 kg/ár og þar með 0,22 kg á dag. Reiknað var með þessum tölum í útreikningum í
kaflanum „Ferli kjötvöru“. Við útreikninga á fosfór magni í úrgangi er miðað við sama
magn og í matvælunum t.d. fyrir fiskiúrgang er miðað við 250 mg P/ 100 g úrgangur
Mannfjöldi á Íslandi var 321.857 manns 1.janúar 2013 og það er mannfjöldinn sem notaður
er við útreikninga á neyslu árið 2012. Útreikningarnir og skýringarmyndir voru gerðar til
að auðvelda skilning á því magni fosfórs sem er gegnum gangandi í matvöru á Íslandi og
hversu mikið tapast með útflutningi eða úrgangi. Einnig þurfti að taka inn í reikninga þann
fjölda ferðamanna sem heimsótti landið árið 2012. Þar bætast við fleiri munnar sem þarf að
fæða og meira magn úrgangs sem tapast úr kerfinu. Árið 2012 heimsóttu 672.900
ferðamenn landið samkvæmt Ferðamálastofu. Dvalarlengd ferðamanna á Íslandi var að
jafnaði 10,2 nætur að sumri til og 6,6 nætur að vetri. Meðallengd dvalar fyrir árið 2012 er
því um það bil 8 nætur (Oddný Þóra Óladóttir, 2013) og því er gert ráð fyrir í útreikningum
7 heilum sólarhringum á Íslandi þar sem íslenskrar matvöru er neytt. Einhver skekkja gæti
þó verið á útreikningum ef ferðamenn sem koma hingað til lands hafa með sér sinn eigin
mat. Í útreikningum er gert ráð fyrir að ferðamenn borði kjöt 4 daga og fisk 3 daga á
meðan á dvöl þeirra stendur ásamt því að neyta grænmetis og ávaxta daglega.
Að lokum er fosfór innihald í flestum þeim áburðartegundum sem fluttar eru til landsins
2-7% P af heildarmassa áburðar og fer það eftir gerð áburðar og fyrir hvers konar ræktun
hann hentar. Ákveðið var að nota meðalgildið 4,5 % P magn við útreikninga á því magni
fosfórs sem flutt er inn til landsins á formi áburðar.
4.2 Ferli kjötvöru
Íslendingar neyta mikið af kjötvörum á ári hverju og mætti segja að kjöt sé uppistaða í
mataræði þjóðarinnar. Á ári hverju borðar hver Íslendingur að meðaltali 80,3 kg af kjöti
eða 0,22 kg á dag. Að meðaltali er magn fosfórs í kjötvöru 200 mg P/100g. Kjötið er
lambakjöt, svínakjöt, nautakjöt, hrossakjöt og alifuglakjöt. Mest er neytt af alifuglakjöti en
minnst af hrossakjöti. Tafla 3 gefur upplýsingar um magn kjötvöru á Íslandi og fosfór
magn.
Búfénaður étur gras og hey í haga sem inniheldur fosfór sem hefur verið tekinn upp úr
jarðveginum. Á mörg tún hefur svo verið dreift innfluttum fosfóráburði til að auka sprettu.
Mestur hluti fosfórsins fer í bein og tennur og losnar því úr kerfinu við slátrun. Með því að
gera ráð fyrir að á 500 kg skepnu sé helmingurinn kjöt (250 kg) (Harald Sverdrup, samtal
10. janúar 2014). Kjötið sem inniheldur þá 0,5 kg af fosfór. Bein innihalda um það bil 17%
17
fosfór af massa sínum og ef 100 kg beinagrind er fargað eru það 17 kg af fosfór sem tapast
(Obrant og Odselius, 1986).
Frá sláturhúsum fer kjötið á almennan markað eða til veitingahúsa. Íslendingar og sumir
ferðamenn kaupa svo sitt kjöt á mörkuðum en margir ferðamenn borða sitt kjöt á
veitingahúsum. Það sem selst svo ekki á markaði og verður útrunnið fer í ruslið. Sama
gerist í heimahúsum. Það sem ekki er borðað fer í ruslatunnuna og það sem borðað er fer í
skólp og þaðan út í sjó. Ferli kjötvöru er sýnt á mynd 6.
Svipað ferli er fyrir það magn villtra dýra sem Íslendingar veiða, fyrir utan vinnslu í
sláturhúsum. Hreindýr, rjúpur, endur, gæsir og svartfuglar er vinsæll kostur á matarborðum
Íslendinga við ýmis tilefni. Tæplega 1000 hreindýr voru veidd árið 2012 ásamt tæplega
200 þúsund fuglum. Ef miðað er við að helmingur af þyngd hreindýra sé kjöt, líkt og hjá
kúm, er um að ræða 65 tonn af kjöti og þar með tæplega 140 kg af fosfór. Sama má gera
ráð fyrir hjá fuglum því að þó svo að bein þeirra séu hol að innan eru þau samt þung
(University of Massachusetts, 2010). Meðalmagn fosfórs í villifuglakjöt er 250 mg P/ 100g
og er því fosfórmagnið um 800 kg af fosfór miðað við rúmlega 300 tonn af fuglakjöti.
Þetta magn er þó það lítið að það breytir litlu við útreikninga.
Á Suðurlandi hefur kjötmjöl verið framleitt til áburðar en takmarkanir eru á notkun þess
vegna sjúkdómahættu. (Ólafur R Dýrmundsson)
Tafla 3 Útreikningar fyrir ferli kjötvöru á Íslandi (mælieining: tonn).
Selt á Íslandi
Útflutt
Innflutt
Neysla á Íslandi
Slátur-
úrgangur
Kjöt 24.775 6101 1289 26.000 19.000
Fosfórmagn 50 12 2,6 54 38
Mynd 6. Ferli kjötvöru á Íslandi
18
4.3 Ferli fiskmetis
Önnur uppistaða í mataræði Íslendinga er fiskur og fiskafurðir. Margar fjölskyldur halda
ennþá fast í þá hefð að borða fisk í kvöldmat tvisvar sinnum í viku. Einnig er heitur matur í
hádeginu í mörgum skólum er fiskur víða á boðstólnum. Yngra fólk neytir þó töluvert
minna magns af fiski en eldra fólk. Fiskur er fosfórrík fæðutegund og í útreikningum var
miðað við 250 mg P/100g. Neysla Íslendinga að meðaltali er 0,046 kg/dag eða tæplega 17
kg á ári.
Fiskur fær fosfór úr fæðu sinni í sjónum. Heildarafli íslenskra togara árið 2012 var um
1.500.000 tonn (Hagstofan, 2013). Stærsti hluti aflans sem er veiddur er verkaður á landi
en hluti á sjó í frystitogurum. Árið 2012 voru 26 frystitogarar skráðir á Íslandi og var
heildarafli þeirra 153.350 tonn af fiski eða 383 tonn af fosfór (Gísli Reynisson, 2013). Um
borð í þess konar togurum er fiskurinn flakaður um borð og stórum hluta úrgangs er kastað
í sjóinn aftur. Undanfarið hefur orðið mikil vitundavakning á verðmætum þessa úrgangs
svo í dag er t.d. roð nýtt í fatnað, skó og veski og lifur soðin niður eða reykt. Mismunandi
er eftir fisktegundum hve mikið magn er hirt og hversu mikið úrgangurinn nýtist (Jón
Ágúst Björnsson, vélstjóri, tölvupóstur 19.maí 2014). Það er því nokkuð magn fosfórs sem
fer beint í sjóinn eða um 192 tonn ef gert er ráð fyrir að helmingur af þyngd fisksins sé
kastað og það þarf því að bæta því við tölur um fiskiúrgang á landi.
Á landi er fiskiúrgangur meðal annars nýttur í fiskimjöl og áburð. Samkvæmt
Umhverfisstofnun hafa 8 fiskimjölsverksmiðjur leyfi til að framleiða fiskimjöl og lýsi úr
fiski og úrgangi. Í starfsleyfum fyrirtækjanna má sjá að þau hafa leyfi til að framleiða
fiskimjöl og lýsi úr fyrirfram ákveðnu magni hráefnis á sólarhring. Ef tekið er meðaltal
þessa magns fæst að fiskimjölsverksmiðjur á Íslandi mega nýta hráefni sem jafngildir
rúmlega 900 tonnum af hráefni. Sem dæmi má nefna fyrirtækið Skinney-Þinganes á Höfn í
Hornafirði sem er með 900 tonna heimild á sólarhring. Árið 2010 framleiddi verksmiðjan
3.005 tonn af fiskimjöli og 1.178 tonn af lýsi (Umhverfisstofnun, á.á). Í 3000 tonnum af
fiskimjöli er hægt að gera ráð fyrir að sé um 7,5 tonn af fosfór. Það breytir þó ekki miklu í
heildarútreikningum við ferli fiskmetis.
Eftir að fiskur er verkaður fer hann á veitingahús eða almennan markað þar sem
Íslendingar og ferðamenn kaupa hann til matar og elda. Hluti fisks á markaði endar í
ruslinu sem og afgangar frá heimilum og veitingahúsum. Eftir að næring hefur verið tekin
úr fisknum endar afgangurinn í salernum landsmanna og flyst svo þaðan út í sjó. Eins og
sjá má í töflu 4 er mjög mikill úrgangur sem kemur frá fiskvinnslu og einnig má sjá ferli
fiskmetis á Íslandi á mynd 7. Við það magn sem veitt er úr sjó bætist við lax sem veiddur
er í ám landsins en árið 2012 voru 105 tonn af laxi veidd samkvæmt tölum frá Hagstofu
Íslands. Þetta magn er þó lítið með tilliti til heildarafla íslenskra fiskveiðiskipa.
Tafla 4 Útreikningar fyrir ferli fiskmetis á Íslandi (mælieining: tonn).
Selt á Íslandi Útflutt Innflutt Neysla á Íslandi Fiski-
úrgangur
Fiskur 519.000 749.000 29.000 5.500 181.000
Fosfórmagn 1298 1873 72 13,6 451
19
Mynd 7 Ferli fiskmetis á Íslandi.
4.4 Ferli grænmetis
Grænmeti og ávextir eru vinsælt meðlæti og millimál. Mismunandi magn fosfór er í
þessum holla kosti en bilið var 8-38 mg P /100g svo ákveðið var að notast við gildið 20 mg
P/100g í útreikningum. Dagskammtur meðal Íslendings er 0,239 kg af grænmeti og
ávöxtum á dag (Hólmfríður Þorgeirsdóttir o.fl., 2012). Gert er ráð fyrir að ferðamenn neyti
sama magns alla þá 7 daga sem þeir dvelja á Íslandi.
Hluti grænmetis á Íslandi er ræktaður í gróðurhúsum. Við ræktun í gróðurhúsum er nýtt
tækni sem nefnist vökvaræktun (hydrophonics). Með þessari tækni eru plöntur ræktaðar í
næringarríkum vökva í stað jarðvegs og er fosfór meðal efna í þessum vökvum (Jones,
2005). Fosfór áburður er borinn á stóran hluta þess jarðvegs sem nýttur er við ræktun
utanhúss til að auka það magn sem fæst við ræktunina. Frá ræktunarstað fer varan í pökkun
þar sem hluti fellur af vegna skemmmda eða annarra ástæðna. Þaðan liggur leiðin á
markaði og veitingahús og á borð landsmanna þar sem alltaf fellur eitthvað af og í
ruslatunnurnar. Að lokum lýkur leiðinni í sjónum. Þó er minna magn af ávöxtum og
grænmeti sem fer í almennt heimilissorp þar sem sumir hafa tekið upp þann sið að safna
lífrænum úrgangi í safnhaug til moltugerðar.
Ekki fundust tölur um selt grænmeti hér á landi svo að gert er ráð fyrir að sá hluti
heildarframleiðslu sem fer ekki í útflutning sé seldur í matvörubúðum landsins. Á töflu 5
má sjá skiptingu heildarframleiðslu grænmetis og ávaxta, innflutning, neyslu og úrgang frá
landbúnaði og görðum ásamt lífrænum matarúrgangi. Til útskýringar má líta á mynd 8.
Tafla 5 Útreikningar fyrir ferli grænmetis og ávaxta á Íslandi (mælieining: tonn).
Heildarframleiðsla
Íslands
Útflutt Innflutt Neysla á Íslandi Úrgangur
Grænmeti
og ávextir
32.800 90 52.400 29.000 5000
Fosfórmagn 6,6 0,018 10,5 5,8 1
20
Mynd 8 Ferli grænmetis á Íslandi.
4.5 Hringrás fosfórs á Íslandi
Ef hugsað er um geymana í fyrsta kafla þá er ekki vinnanlegt magn fosfórs í bergi á
Íslandi. Landið er aðallega úr basísku storkubergi sem nefnist basalt. Það inniheldur um
0,35% af P2O5 í efnasamsetningu sinni en stærsti hlutinn eru sameindir sem innihalda kísil
(SiO2), ál (Al2O3) og járn (FeO) (LeMaitre, 1976). Við efnagreiningu á einu tonni af basalti
væru þá um 3,5 kg P2O5. Lífmassi á landi samanstendur af plöntuflóru landsins og
dýrafánu. Jarðvegurinn á Íslandi er svokallaður Andosoljarðvegur og er álitinn
fosfórsnauður og þarf því að bera á hann mikið magn fosfórs til að ræktun takist (Sigurður
Þór Guðmundsson, 2007). Nokkrir þættir hafa áhrif á jarðveginn hér á landi. Tíð eldvirkni,
kalt úthafsloftslagið sem hér ríkir ásamt mjög virku jarðvegsrofi vegna vinda, vatns og
þyngdarafla (Ólafur Arnalds & Kimble, 2001). Plöntur fá þann fosfór sem þær þurfa úr
jarðveginum. Styrkur fosfórs í jarðvegslausn er vanalega um 0,3 mg/L. Ef styrkurinn er
0,03 mg/L eða lægri getur jarðvegurinn ekki útvegð nægt magn fosfórs til plantna og
einkenni skorts verða sjáanleg (Schørring, 1999; vitnað í grein í Sigurður Þór
Guðmundsson, 2007). Styrkur fosfórs í efstu lögum jarðvegs fylgir því magni áburðar sem
borið er á hann. Eftir því sem neðar dregur minnka áhrif áburðarins (Sigurður Þór
Guðmundsson, 2007). Í niðurstöðum rannsóknar Sigurðar Þórs kom fram að með því að
bera fosfór áburð á jarðveg eykst rúmþyngd jarðvegs vegna aukins niðurbrots á lífrænu
efni. Með því að bera 39 kg af fosfór á hvern hektara lands í yfir 50 ár eykst fosfór mettun
jarðvegs í 27% á efstu 5 cm jarðvegsins. Þetta leiðir til forða af auleysanlegum fosfór eða
yfir 380 kg fosfór á hvern hektara lands (Sigurður Þór Guðmundsson, 2007). Með auknum
ábornum fosfór eykst því auðleystur fosfór.
Búfénaður étur plönturnar og fær þannig sinn skammt af fosfór. Með vinnslu á kjötvöru fer
fosfórinn inná íslenskan markað eða er fluttur út á erlendan markað. Að sama skapi kemur
inn á íslenskan markað erlend matvara og þar með fosfór. Stærstur hluti matvöru á markaði
fer inná heimili þar sem stærstum hluta er neytt en einnig er hluta hent. Á ráðstefnu sem fór
fram á Degi Umhverfisins þann 25.apríl síðastliðinn kom fram að um 1,3 milljón tonn af
mat fara til spillis árlega í heiminum. Í nýlegri breskri rannsókn kemur fram að Bretar
hendi um þriðjungi þeirra matvæla sem þeir framleiða. Hægt er að gera ráð fyrir að það
sama eigi við um Ísland. Vegna lélegra aðferða við uppskeru, geymslu og flutning ásamt
sóun á markaði og hjá neytendum er gert ráð fyrir að 30-50% af öllum matvælum sem
framleidd eru nái aldrei til maga manns. Einnig þarf að taka í reikninginn staðreyndina að
stór hluti lands, orku, áburðar og vatns hafa einnig glatast við framleiðslu matvæla sem svo
21
enda í ruslinu. Til að minnka núverandi magn sóunar þarf að bæta öll ferli í keðju
framleiðslu, dreifingar og geymslu frá framleiðanda/bónda og inn á heimili neytanda (Fox,
2013). Þar sem Íslendingar henda um þriðjungi matvæla (kjötvöru, fiskmetis, ávaxta og
grænmetis) var tekið meðaltal á fosfórmagni þessara vara (150 mg P/ 100g) til að finna
fosfórmagn í úrgangi matvara á heimilum.
Sá hluti fosfórs sem ekki er nýttur í líkamanum losum við okkur við með úrgangi. Fosfór
ferðast þá til sjávar með afrennslisvatni úr salernum landsmanna. Í útreikningum er gert ráð
fyrir að 18.945 börn á aldrinum 0-3 ára noti bleyju, og úrgangur fer þá ekki með
frárennslisvatni út í sjó heldur í almennt heimilissorp. Þá eru eftir 302.912 manns eldri en 3
ára sem nýta sér salerni og skólphreinsikerfi. 143.700 tonn af skólpi fer árlega út í vatn/sjó
eða rúmlega 40 tonn af fosfór. Úrgangur Íslendinga er því rétt rúmlega helmingur af þeim
85 tonnum af fosfór sem flutt eru inn til Íslands í formi kjöts, fisks, grænmetis og ávaxta.
Langflestir ferðamenn eyða gistinóttum sínum á hóteli, gistiheimili eða tjaldstæði. Á öllum
þessum stöðum eru vatnsskólpleiðslur sem leiða skólp út í ár eða sjó. Stærstur hluti
ferðamanna er eldri en 3 ára og gerir því þarfir sínar í salerni. Þetta fosfór magn bætist svo
við heildarmagn fosfórs í úrgangi. Í töflu 6 má sjá magn helstu geyma fosfórhringrásar
Íslands ásamt fosfórmagni þeirra. Það má glöggt sjá að mun meira magn fosfór er útfluttur
eða fer til sjávar sem skólp helduren en er fluttur inn eða framleiddur hér á landi. Mynd 9
sýnir svo einfaldaða mynd þessarar hringrásar.
Tafla 6 Heildarútreikningar fyrir fosfórhringrás (mælieining: tonn). Neikvæðar stærðir
tákna magn sem tapast úr hringrás á Íslandi.
Vara Fosfórmagn
Innfluttur fosfóráburður 1.600 70
Innflutt matvara 82.700 85
Matvöruframleiðsla á Íslandi 576.600 1.355
Útflutt matvara -755.200 -1.885
Úrgangur við vinnslu matvöru
Úrgangur matvöru á heimilum
Skólp manna
-144.400
-20.200
-149.800
-300
-30
-54
Samtals -408.700 -759
22
Mynd 9 Hringrás fosfórs á Íslandi.
23
5 Heimsskortur
Eins og áður sagði er fosfór óendurnýjanleg auðlind og því er svo mikilvægt að endurnýta
það sem við vinnum af honum. Dæmi um aðrar óendurnýjanlegar auðlindir eru olía, kol og
jarðgas. Óendurnýjanlegar auðlindir eru þær sem endurnýja sig ekki sjálfar, nema á
milljónum ára, og klárast því á endanum þegar nýting er miklu meiri en endurnýjun. Við
búum þannig séð á einni endanlegri jörð (Meadows, Meadows, Randers og Behrens,
1972;1992;2004). Skortur á þessum auðlindum getur leitt til hámarksframleiðslu auðlindar
nema gripið sé til kerfisbundinna aðgerða. Hámarksframleiðsla eða betur þekkt sem „peak
production“ er fyrirbæri sem lýsir stöðu auðlinda. Hámark auðlinda gefur til kynna að
auðlindin sem um ræðir fer í gegnum hámark og eftir það minnkar framleiðslan þar til hún
verður óveruleg (Sverdrup, Koca og Ragnarsdóttir, 2013). Margar rannsóknir eru í gangi í
dag þar sem magn þessara auðlinda er skoðað. Niðurstöður þess konar rannsókna eru
mikilvægt verkfæri við mat á endanlegu magni þeirra auðlinda sem eru hagnýttar. Skortur
leiðir til þess að efni og tækni sem styðja nútíma samfélög muni vera ófáanleg fyrir
vöruframleiðslu á heimsvísu (Sverdrup o.fl., 2013). Búinn var til svokallaður „Hubbert
ferill“ sem lýsti og spáði fyrir um líftíma olíulinda. Með því að nota upplýsingar um
námuvinnslu auðlinda var hægt að sjá allar óendurnýjanlegar auðlindir fylgja greinilegu
mynstri Hubbert ferilsins (mynd 11a), þar á meðal fosfór. Yfirfærsla ársframleiðslu yfir á
Hubbert ferilinn gerir svo kleift að reikna út hvenær hámarksframleiðsla (peak) á sér stað
og hvenær skortur fer að segja til sín (Sverdrup o.fl., 2012).
Á mynd 10 má sjá graf fyrir framleiðslu fosfór og hámark hennar kringum 2030 ,eins og
talið var árið 2009 (Cordell o.fl., 2009). Með betri rannsóknum og bættum upplýsingum
hafa verið gerðar nýjar skýrslur og gröf. Eins og sjá má á mynd 11b er nú talið að
hámarksframleiðsla fosfórs hafi verið árið 2000 og eftir það minnkaði framleiðslan. Einnig
má sjá að um árið 2050 er línan alveg orðin bein en hún lýsir snarpri lækkun þangað til
algjör fosfór skortur verður. Eins og áður var nefnt kemur fosfór í jarðvegi frá veðruðu
bergi og þannig fylgir jarðvegur einnig því ferli sem fosfór hefur gengið í gegnum. Þetta
má sjá á mynd 11c þar sem heimsforði plægðs jarðvegs virðist hafa verið í hámarki árið
2005. Þetta þarf að túlka sem mjög ósjálfbært heimsferli og gæti mögulega verið stærsta
ógn við afkomu siðmenningar á jörðinni þar sem jarðvegur myndast mjög hægt, aðeins
nokkra millimetra á 100 árum (Brantley, Goldhaber og Ragnarsdottir, 2007). Ekki er unnt
að bæta fosfór í fæði jarðarbúa með fiskveiðum því eins og sjá má á mynd 11d fylgir
hámark fiskveiða einnig Hubbert ferlinum (Sverdrup o.fl., 2013).
24
Mynd 10 Ferill fosfór framleiðslu (Heimild: Cordell, Dragert and White, 2009).
Mynd 11 Hámarksframleiðsla auðlinda a) Upphaflegur Hubbert ferill fyrir olíu (Sverdrup
o.fl., 2012) b) Heimsframleiðsla á fosfat bergi eftir gæðum, production 1: góð gæði,
production 2: miðlungs gæði, production 3: lítil gæði (Sverdrup o.fl., 2013) c) Magn af
plægðum jarðvegi í heiminum (Sverdrup o.fl., 2013) d) Fiskveiðar í heiminum (Sverdrup
o.fl., 2013).
25
Aukin neysla og fólksfjöldi eru tveir aðal þættirnir sem auka auðlindaeftirspurn í
heiminum. Aukning í fólksfjölda drífur neysluna, gengur á markaði, hækkar verð og eykur
framboð frá framleiðslu til markaðar. Þetta leyfir áframhaldandi neyslu að aukast sem og
aukinni auðlinda notkun. Aukinn hraði á nýtingu auðlinda og þar með aukið magn úrgangs
leiðir til umhverfishnignunar (Ragnarsdóttir, Sverdrup og Koca, 2011; Sverdrup og
Ragnarsdóttir; Sverdrup og Ragnarsdóttir, 2011). Samfara skorti á fosfór í heiminum
hækkar áburðarverð í samanburði. Áburðarverð er reiknað úr frá verði á massa af N, P2O5
eða K2O (Barker, 2010). Eins og sjá má á mynd 12 hefur verð á áburði og þar með einnig
verð á fosfat bergi farið markvisst hækkandi frá 1970 til dagsins í dag. Myndin sýnir
verðaukningu í Bandaríkjunum en fyrir allan heiminn væri myndin mjög svipuð. Grænu
súlurnar sýna fosfóráburð sérstaklega. Sem dæmi má taka að frá júní 2007 til desember
sama ár hækkaði verð á fosfat bergi frá Norður-Afríku úr um það bil 44$ og upp í rúmlega
70$ fyrir tonnið. Milli janúar og júní 2008 var verðið 150-400$/tonn en svo var verð
lækkað 2010 og fékkst þá tonn af fosfat bergi fyrir 105-110$ sem jafngildir í dag um 12
þúsund íslenskum krónum (Van Kauwenbergh o.fl., 2013). Í dag má þó nefna að hjá SS
kostar tonn af áburði, sem inniheldur fosfór, á bilinu 75-112 þúsund krónur en það er
verðlækkun frá árinu áður sem getur (Sláturfélag Suðurlands, 2014). Fleiri
áburðarseljendur fylgdu svo á eftir. Ástæðan fyrir nýlegri verðlækkun er lækkun á hráefni
og styrking íslensku krónunnar (Bændablaðið, 2014).
Mynd 12 Áburðarverð í Bandaríkjunum 1970-2010. Grænu súlurnar sýna verð fyrir fosfór
áburð (Heimild: United States Department of Agriculture, 2011).
27
6 Sjálfbær þróun
IISD (International Institute for Sustainable Development) er alþjóðleg stofnun í Kanada
um sjálfbæra þróun; þeir lýsa hugtakinu svo: Sjálfbær þróun er þróun sem kemur til móts
við þarfir nútímans án þess að stefna í hættu möguleikum komandi kynslóða til að mæta
þeirra eigin þörfum (WCED, 1987).
Lausnir á auknum áhyggjum af umhverfismálum í byrjun sjötta áratugar síðustu aldar voru
svo kallaðar „End of pipe solutions“. Þá voru skólphreinsistöðvar byggðar í stað þess að
afrennsli frá iðnaði væri hleypt út í ár og í staðinn fyrir að hættulegum lofttegundum væri
hleypt út í andrúmsloftið voru byggðar meðferðareiningar. Um 1990 var efnahagslegt gildi
náttúruauðlinda og úrgangs uppgötvað og í kjölfarið fylgdi hreinni framleiðsla og
mengunarvarnir til þess að auka skilvirkni í framleiðsluferlum og þar með minnka notkun á
náttúruauðlindum, myndun úrgangs og gass í andrúmsloftinu. (Sverdrup o.fl., 2013).
Framtíðarframboð á auðlindum er ósjálfbært á meðan auðlindanotkun heldur áfram eins og
hún er í dag (Sverdrup o.fl, 2013). Síðasta áratug hefur aðaláherslan verið á sjálfbæra
neyslu- og framleiðsluhegðun. Í dag þurfum við að spyrja okkur sjálf hvernig við getum
breytt okkar lífstíl til að minnka eftirspurn eftir vörum og hvernig á að draga úr neyslu.
Einnig þurfum við að huga að endurvinnslu og endurnýtingu auðlinda jarðar en
endurvinnsla er leið til að auka magn í hringrásinni án þess þó að tæma náttúruauðlindir.
Þetta gæti að lokum leitt til minnkunar neyslu á auðlindum heimsins, minnkað
umhverfishnignun og leitt okkur öll á veg í átt til sjálfbærni (Sverdrup o.fl., 2013).
Markmiðið með sjálfbærri fosfórnotkun er að vera viss um að allir bændur heimsins hafi
nógu góðan aðgang að fosfór, til að rækta nóg af mat sem fæðir mannfjölda heimsins, og á
meðan draga úr óhagstæðum umhverfis og samfélags áhrifum (Cordell, 2010). Þetta mikla
magn úrgangs getur ekki haldið áfram ef við eigum að ná að mæta framtíð okkar á
sjálfbæran hátt og fullnægja fæðuöryggi þróunarlanda heimsins (Fox, 2013).
6.1 Möguleg skref til að loka fosfórhringrásinni
Í dag getum við ekkert gert í því sem er búið og gert. Hins vegar eru til margar lausnir sem
geta hjálpað til við að loka fosfórhringrásinni. Í þessum kafla verða lagðar til nokkrar
mögulegar lausnir sem geta hjálpað til við lokun hringrásarinnar. Fyrsta skref við lausnum
á vandamálum er vitundavakning. Þegar fólk veit af vandanum er hægt að takast á við
hann. Fyrir marga málma og efni eins og fosfór, sem eru unnin úr jarðskorpunni og af
yfirborði jarðar, tekur endurnýjunarferlið milljónir ára svo þessar auðlindir eru svo til
óendurnýjanlegar (Ragnarsdóttir o.fl., 2011; Ragnarsdóttir o.fl., 2012; Sverdrup og
Ragnarsdóttir, 2011; Sverdrup o.fl., 2013). Þess vegna er nauðsynlegt að vitundavakning
verði á mikilvægi auðlindanna og nauðsyn þess að vinna þær á sjálfbæran hátt. Eins og
fram kemur í Ragnarsdóttir, Sverdrup og Koca (2012) er einungis 16% af fosfór nú í
hringrás á heimsvísu. Þetta hlutfall verður að aukast með aukinni vitundarvakningu um
takmarkaðar auðlindir.
Á Íslandi eru margar leiðir mögulegar til að minnka fosfórnotkun og flæði úrgangs til
sjávar. Við nánari athugun er nú þegar ýmislegt í gangi sem stuðlar að umhverfisvænni og
28
sjálfbærari lifnaðarháttum bæði hér á landi og erlendis. Hér að neðan verða tekin nokkur
dæmi um þær fjölmörgu mögulegu lausnir sem til eru fyrir heimili og landbúnaðarbú.
Heimili geta minnkað það magn skólps sem fer til sjávar með því að taka upp svo kallað
safnhaugssalerni. Grundvallarhugmyndin á bak við þessa gerð salernis er að þvagi og saur
er safnað í stór ílát. Þegar ílátin fyllast er þeim lokað og þau geymd. Göt eru gerð á botn
þeirra svo vökvi getur lekið úr og súrefni hefur greiða leið að innihaldinu. Með tímanum
rotnar svo þessi lífræni úrgangur og myndar moltu (Composting Toilet World, 2010).
Mannaúrgangur er kjörinn sem áburður og er talinn mjög frjósamur og hefur verið nýttur
gegnum aldirnar (Barker, 2010). Annar kostur við safnhaugssalerni er sá að með notkun
þess sparast mikið magn vatns sem annars færi í að sturta niður úrgangnum og leiða út í
sjó. Þannig kemur þessi gerð salerna til móts við aukinn vatnsskort í heiminum. Með
aukinni umhverfisvitund og hönnun í ljósi hennar rísa nú ný hús sem innihalda
safnhaugssalerni í stað vatnssalerna, þau eru einnig að finna í svokölluðum vistbyggðum
þar sem vistvænir kostir eru hafðir í fyrirrúmi.
Sambýli jarðvegssvepps og plönturóta er lausn sem hægt væri að nýta til þess að minnka
það fosfórmagn sem dreift er á landbúnaðartún. Þræðir sveppsins tengjast plönturótunum
og framlengir þær í jarðveginn og niður í bergið fyrir neðan. Þessi rótarframlenging hjálpar
plöntunum við að taka upp næringarefni og flytja þau. Við þetta eykst fosfór upptaka
plantnanna. Sveppurinn fær í staðinn sykrur sem plantan framleiðir (Spectrum Analytic
Inc, 2012). Líffræðingurinn Mohamed Hijri segir, í fyrirlestri, að þessi sveppur sé einföld
lausn á komandi fosfór kreppu. Hann segir að hægt sé að auka það magn fosfór sem fer til
plöntunnar og minnka þar með það sem fer út í jarðveginn og endar í ám og vötnum. Þetta
er lausn sem hefur verið til í langan tíma og er mjög einfalt ferli. Ef sveppurinn er í
jarðveginum er hægt að minnka magn fosfór áburðar um helming eða meira og samt fá
betri uppskeru (Mohamed Hijri, 2013).
Annar möguleiki er að reyna að nýta betur þau matvæli sem við ræktum og kaupum í stað
þess að henda þeim. Í fréttum Ríkissjónvarpsins þann 23. apríl 2014 var frétt um fyrirtækið
Búr ehf. sem flytur inn til landsins og dreifir grænmeti og ávöxtum. Þar kom fram að um
400 tonn af úrgangi koma frá fyrirtækinu á hverju ári. Vegna þess hve dýrt það er að flytja
úrganginn á sorphauga var leitað að betri kosti. Í dag sækir bóndi í nágrenninu grænmeti og
ávexti sem eru komin á tíma og gefur nautgripum. Þeir éta næstum alla afgangana og kjósa
þá frekar en nýtt hey. Þetta er dæmi um vistvæna aðferð við að losna við úrgang og margir
gætu tekið sér þetta til fyrirmyndar (Ríkissjónvarpið, 2014). Einnig er hægt að nýta
matvæli betur. Við framleiðslu mjólkurvara fellur mikið til af mysu (Íslandus, 2013). Mysa
er mjög næringarrík og inniheldur 70mg P/ 100g (Mjólkursamsalan, 2014). Með því að
nýta mysu í stað þess að henda henni er hægt að koma í veg fyrir ofauðgun og önnur
umhverfisvandamál. Miðað við skyrframleiðslu á Íslandi jafngildir mengun frá affallsmysu
mengun frá árlegu heimilisskólpi 100.000 manns. Þetta er aðeins eitt dæmi um hvernig
hægt að er að nýta matvæli betur með því hugsa um umhverfið (Íslandus, 2013).
Nú þegar áburðarframleiðsla úr fosfat bergi hefur minnkað þurfa framleiðendur að leita
annað. Undan ströndum Namibíu er í bígerð fyrsta sjávarfosfat námuvinnslan. Staðbundin
vinnsla á fosfatinu á að hjálpa til við að tryggja landbúnaðarframleiðslu og fæðuöryggi í
Namibíu og nágrannasvæðum (Namibian Marine Phosphate, 2014). Sú staðsetning þar sem
þessi vinnsla er áætluð er þó á ríkum veiðisvæðum í Suður-Atlantshafi og hafa talsmenn
fiskiðnaðar á svæðinu nú þegar lýst yfir áhyggjum af því að námavinnsla geta eyðilagt
29
botnumhverfi svæðisins. Einnig hafa þeir áhyggjur af að það set sem mun myndast vegna
vinnslunnar geti minnkað súrefnismagn í vatninu og útrýmt að stórum hluta stofnum
verðmætra fisktegunda. Auk þess er fólk hrætt við þau hættulegu efni sem fylgja
námuvinnslunni og telja að þau muni hafa áhrif á náttúrulíf svæðisins. Umhverfismat á
umræddum strandsvæðum fer nú fram en áætlanir um vinnslu á þessu svæði nema fimm
milljónum tonna af sjávarfosfati á ári í tuttugu ár. Það er alls ekki sjálfbær vinnsla (World
Future Council, 2014).
Mikilvægur hluti þess að loka fosfór hringrásinni er að endurvinna þann fosfór sem við
vinnum til áburðarnota. Ekkert efni getur komið í stað fosfór og engir aðrir valkostir eru
því til. Mjög lítið magn fosfórs, aðeins um 16%, er endurunnið í dag og sama má segja um
málma sem unnir eru úr jörðu. Það ætti að vera möguleiki að fæða og klæða um það bil
2,5-3 milljarða fólks á jörðinni ef við endurvinnum stærstan hluta auðlindanna. Markmiðið
væri þá um 90-95% endurvinnsla og ætti það að halda nógu miklu af auðlindinni í
hringrásinni ásamt því að huga að breyttum neysluvenjum og þar með minni sóun. Tafla 7
sýnir nýtingu fosfórs og hvernig, með aukinni endurvinnslu, tíminn eykst þangað til
auðlindin verður uppurin (Ragnarsdóttir o.fl., 2012).
Tafla 7 Spár um hvenær skortur á fosfór muni verða, miðað við hlutfall endurvinnslu.
Dálkur 1: Nýting eins oghún er í dag, dálkur 2: 50% endurvinnsla, dálkur 3: 90%
endurvinnsla, dálkur 4: 95% endurvinnsla, dálkur 5: 95% endurvinnsla og 3 milljarðar
manna á jörðinni og að lokum dálkur 6: 95% endurvinnsla og 3 milljarðar manna og
helmingi minni nýting er í dag (Ragnarsdóttir o.fl., 2012).
Efni 1 2 3 4 5 6
Fosfór 160 258 1.303 6.527 15.200 30.460
31
7 Niðurstöður
Umsvif mannanna hafa gert það að verkum að áður sjálfbær hringrás náttúrunnar hefur
verið opnuð. Í stað þess að fosfór ferðist frá landi til sjávar og svo aftur til lands með
upplyftingu á tugum milljónum ára ferðast hann miklu hraðar frá fosfór námum til sjávar
og safnast þar fyrir. Fosfórgeymar jarðarinnar innihalda því mismikið magn og á meðan
það magn sem er í fjöllum er að klárast safnast fosfór fyrir í sjónum og veldur skaðlegum
umhverfisáhrifum. Aukin fosfór vinnsla leiðir að lokum til heimsskorts á fosfór sem mun
þá leiða til fæðuskorts. Það mun leiða til fólksfækkunar vegna hungursneyðar þar sem
enginn staðgengill er fyrir fosfór á jörðinni. Þar sem fosfór er nauðsynlegt næringarefni í
öllum lífverum jarðar er mikilvægt að breyta hugarfari heimsbyggðarinnar sem fyrst svo að
niðurstaðan verði ekki algjör skortur. Með því að skoða eins konar hringrás fosfórs á
Íslandi er hægt að gera sér grein fyrir því hvaðan fosfórinn kemur og hvar hann endar.
Þetta væri svo hægt að yfirfæra á smærri samfélög eða önnur lönd. Þar sem Ísland er lítil
úthafseyja kemur stór hluti okkar matvæla erlendis frá. Einnig þurfum við innfluttan fosfór
til að bera á jarðveg til að auka eigin matvælaframleiðslu. Með útreikningum var fundið út
að stór hluti þess fosfórs sem er á Íslandi endar í sjónum með skólpi. Nemur magn þess
fosfórs sem influttur er hér á landi aðeins um 70% af því magni sem er útflutt eða flokkað
sem úrgangur. Ísland getur því ekki talist sjálfbært hvað varðar nýtingu á þeim fosfór sem
fluttur er inn til landsins þar sem stórum hluta þess er hleypt til sjávar þar sem við getum
ekki nýtt hann aftur. En til þess að halda fosfórnum lengur í hringrásinni á landinu sjálfu
eru ýmsar mögulegar lausnir eins og farið er yfir í undirkafla 6.3 hér að ofan. Má sem
dæmi nefna að nýta matvæli betur, finna aðrar leiðir í landbúnaði og endurvinna meira.
Heimsskortur á fosfór er ekki vandamál sem ein þjóð á að hafa áhyggjur af heldur allar
þjóðir heimsins. Við þurfum að breyta venjum okkar við framleiðslu og nýtingu á fosfór til
að tryggja fæðuöryggi heimsins um komandi framtíð.
Eins og Dennis Meadows vísindamaður og kerfisfræðingur sagði í fyrirlestri 27. nóvember
2013 í Hátíðarsal Háskóla Íslands:
‘‘We develope habits. Most habits work very well but sometimes we need to change habits.
It is not comfortable at first but after a while it is fine.“
Sem á íslensku myndi hljóma ,,Við þróum með okkur venjur. Flestar venjur virka mjög vel
en stundum þurfum við að breyta venjum. Það er ekki þægilegt í fyrstu en eftir nokkurn
tíma er það í lagi.“
33
Heimildir
Agricultural Research Service (2013). National Nutrient Database for Standard Reference.
Skoðað 1.maí 2014 á http://ndb.nal.usda.gov/ndb/search/list
Archipelago Bat Guano (2014). Products. Skoðað 19.maí 2014 á
http://www.archipelagobatguano.com/index.shtml
Ashley, K., Cordell, D. og Mavinic, D. (2011). A brief history of phosphorus: From the
philosopher‘s stone to nutrient recovery and reuse. Chemosphere 84 (6), 727-746.
Barker, A.V. (2010). Science ond Technology of Organic Farming. Florida. CRC Press-
Taylor & Francis Group.
Brantley S.A., Goldhaber M. og Ragnarsdottir K.V. (2007). Crossing disciplines and
scales to understand the critical zone. Elements 3 (5), 307-314.
Bændablaðið (2014). Fóðurblandan lækkar áburðarverð. Skoðað 26. Maí 2014 á
http://www.bbl.is/index.aspx?groupid=38&TabId=46&ModulesTabsId=191&NewsIte
mID=7812
Composting Toilet World (2010). What is a composting toilet? Skoðað 16.maí, 2014 á
http://compostingtoilet.org/
Cordell, D., Drangert, J.O. og White, S. (2009). The story of phosphorus: Global food
security and food for thought. Global Environmental Change 19 (2), 292-305.
Ehrlich, S.D. (2011). Phosphorus. Skoðað 28.apríl 2014 á vef University of Maryland
Medical Center: http://umm.edu/health/medical/altmed/supplement/phosphorus
Hólmfríður Þorgeirsdóttir, Hrund Valgeirsdóttir, Ingibjörg Gunnarsdóttir, Elva Gísladóttir,
Bryndís Elfa Gunnarsdóttir, Inga Þórsdóttir, Jónína Stefánsdóttir og Laufey
Steingrímsdóttir (2012). Hvað borða Íslendingar? Könnun á mataræði Íslendinga 2010-
2011- helstu niðurstöður. Reykjavík. Embætti Landlæknis, Matvælastofnun og
Rannsóknarstofa í næringarfræði við Háskóla Íslands og Landspítala-háskólasjúkrahúss.
Embætti Landlæknis (2013). Ráðlagðir dagskammtar (RDS) af ýmsum steinefnum 2013.
Reykjavík: Embætti Landlæknis.
Environment Canada. (2005). Canadian Water Quality Guidelines- Phosphorus. Ottawa:
National Guidelines and Standards Office, Environment Canada.
European Environment Agency (2013). Exposure of ecosystems to acidification,
eutrophication and ozone (CSI 005). Kaupmannahöfn: European Environment Agency
(EEA).
34
Gísli Reynisson (2013). Frystitogarar árið 2012. Skoðað á 18.maí 2014 á vef Aflafrétta:
http://www.aflafrettir.is/Blog/Cat/2503/
Guðmundur Eggertsson (2000). Hvað er DNA og RNA og hvert er hlutverk þeirra? Skoðað
17.maí 2014 á vef Vísindavefs Háskóla Íslands: http://visindavefur.is/?id=175
Guilberg, J.M. og Park, Jr.C.F (1986). The Geology of Ore deposits. New York: W.H.
Freeman and Company.
Hagstofa Íslands (á.á.) Afli eftir fisktegund, kvótaflokki skipa og veiðarfærum janúar 2000-
2014. Skoðað 26.maí 2014 á
http://www.hagstofa.is/?PageID=2596&src=https://rannsokn.hagstofa.is/pxis/Dialog/var
val.asp?ma=SJA01102%26ti=Afli+eftir+fisktegund%2C+kv%F3taflokki+skipa+og+vei
%F0arf%E6rum+jan%FAar+2000+%2D+apr%EDl+2014%26path=../Database/sjavarut
vegur/afli/%26lang=3%26units=Kg
Hagstofa Íslands (á.á.) Árleg kjötneysla á íbúa frá 1983. Skoðað 26.maí 2014 á
http://www.hagstofa.is/?PageID=2596&src=https://rannsokn.hagstofa.is/pxis/Dialog/var
val.asp?ma=SJA10202%26ti=%C1rleg+kj%F6tneysla+%E1+%EDb%FAa+fr%E1+198
3+++%26path=../Database/sjavarutvegur/landframleidsla/%26lang=3%26units=K%EDl
%F3gramm
Hagstofa Íslands (á.á.) Dýra- og fuglaveiðar eftir tegundum 1995-2012. Skoðað 26.maí
2014 á
http://www.hagstofa.is/?PageID=2596&src=/temp/Dialog/varval.asp?ma=SJA10303%2
6ti=D%FDra%2D+og+fuglavei%F0ar+eftir+tegundum+1995%2D2012+%26path=../Da
tabase/sjavarutvegur/landveidi/%26lang=3%26units=Fj%F6ldi
Hagstofa Íslands (á.á.) Kjötframleiðsla eftir tegundum frá 1983. Skoðað 26.maí 2014 á
http://www.hagstofa.is/?PageID=2596&src=https://rannsokn.hagstofa.is/pxis/Dialog/var
val.asp?ma=SJA10201%26ti=Kj%F6tframlei%F0sla+eftir+tegundum+fr%E1+1983+++
++%26path=../Database/sjavarutvegur/landframleidsla/%26lang=3%26units=Tonn/fj%
F6ldi
Hagstofa Íslands (á.á.) Laxveiði eftir veiðiaðferð 1974-2012. Skoðað 26.maí 2014 á
http://www.hagstofa.is/?PageID=2596&src=/temp/Dialog/varval.asp?ma=SJA10302%2
6ti=Laxvei%F0i+eftir+vei%F0ia%F0fer%F0+1974%2D2012+%26path=../Database/sja
varutvegur/landveidi/%26lang=3%26units=Fj%F6ldi
Hagstofa Íslands (á.á.) Lykiltölur mannfjöldans 1703-2014. Skoðað 26.maí 2014 á
http://www.hagstofa.is/?PageID=2593&src=https://rannsokn.hagstofa.is/pxis/Dialog/var
val.asp?ma=MAN00000%26ti=Lykilt%F6lur+mannfj%F6ldans+1703%2D2014+++++
++%26path=../Database/mannfjoldi/Yfirlit/%26lang=3%26units=Fj%F6ldi
Hagstofa Íslands (á.á.) Magn úrgangs eftir uppruna 1995-2011. Skoðað 26.maí 2014 á
http://www.hagstofa.is/?PageID=621&src=https://rannsokn.hagstofa.is/pxis/Dialog/varv
al.asp?ma=UMH04101%26ti=Magn+%FArgangs+eftir+uppruna+1995%2D2011%26p
ath=../Database/land/urgangur/%26lang=3%26units=1.000%20tonn
Hagstofa Íslands (á.á.) Notkun tilbúins áburðar frá 1977. Skoðað 26.maí 2014 á
http://www.hagstofa.is/?PageID=2596&src=https://rannsokn.hagstofa.is/pxis/Dialog/var
35
val.asp?ma=SJA10001%26ti=Notkun+tilb%FAins+%E1bur%F0ar+fr%E1+1977+%26
path=../Database/sjavarutvegur/landaburdur/%26lang=3%26units=Tonn
Hagstofa Íslands (2013). Landshagir 2013. Reykjavík: Hagstofa Íslands.
Hijri, M. (2013). A simple solution to the coming phosphorus crisis. TED talks. Skoðað
16.maí 2014 á
http://www.ted.com/talks/mohamed_hijri_a_simple_solution_to_the_coming_phosphor
us_crisis
Hubbard, B. (2012). How green is your washing powder? Skoðað 25.maí 2014 á vef
Ecologist:
http://www.theecologist.org/green_green_living/home/1222057/how_green_is_your_w
ashing_powder.html
Institution of Mechanical Engineers (2013). Global food: Waste not, want not. London:
Institution of Mechanical Engineers.
Íslandus (2013). Umhverfismál. Skoðað 16.maí 2014 á:
http://islanduskruss.is/umhverfismal/
Jones Jr., J.B. (2005). Hydroponics. A Practical Guide for the Soilless Grower (2.útg.).
Boca Raton: CRC Press.
LeMaitre, R.W. (1976). The Chemical Variability of some Common Igneous Rocks. Journal
of Petrology 17 (4), 589-598.
Manahan, S.E. (1993). Foundamentals of Environmental Chemistry. Michigan: Lewis
Publishers.
Magnús Óskarsson (1993). Umhverfisvæn jarðarækt. Skoðað 29.apríl 2014 á vef
Rannsóknastofnunar landbúnaðarins:
http://saga.bondi.is/wpp/almhand.nsf/id/0C067389C5C04F8D002564B1003DB630
Meadows, D.H., Meadows, D.L., Randers J. og Behrens, W.W (1972;1992;2004). The
Limits to Growth. New York: New American Library.
Mjólkursamsalan (2014). Mysa 10 lítra brúsi, Næringargildi í 100 grömmum. Skoðað
16.maí 2014 á vef Mjólkursamsölunnar:
http://www.ms.is/Vorur/Idnadarhraefni/Ferskar-mjolkurvorur/700/default.aspx
National Oceanic and Atmospheric Administration (NOAA) (á.á). Upwelling is a process
in which deep, cold water rises toward the surface. Skoðað 25.maí 2014 á vef NOAA:
http://oceanservice.noaa.gov/facts/upwelling.html
Namibian Marine Phosphate (2014). Introducing NMP. Skoðað 17.maí 2014 á vef
Namibian Marine Phosphate: http://www.namphos.com/about/introduction.html
Obrant, K.J. og Odselius, R. (1986). The concentration of calcium and phosphorus in
trabecular bone from the iliac crest. Calcified Tissue International 39, 8-10.
36
Oddný Þóra Óladóttir (2013). Ferðaþjónustu á Íslandi í tölum, apríl 2013. Reykjavík:
Ferðamálastofa.
Ólafur Arnalds og Kimble, J. (2001). Andisols of Deserts in Iceland. Soil Science Society
of America Journal 65, 1778-1786.
Parker, S. (2007). The Human Body Book. Dorling Kindersley Limited. Great Britain.
Ragnarsdóttir, K.V., Sverdrup, H.U. og Koca, D. (2011). Challenging the planetary
boundaries I: Basic principles of an intergrated model for phosphorus supply dynamics
and global population size. Applied Geochemistry, 26, S303-304.
Ragnarsdóttir, K.V., Sverdrup, H.U. og Koca, D. (2012). Assessing Long Term
Sustainability of Global Supply of Natural Resources and Materials. Í Ghenai, C.
(ritstj.), Sustainable Development- Energy, Engineering and Technologies –
Manufacturing and Environment (kafli 5). InTech.
Rey, C., Combes, C., Drouet, C. og Glimcher, M.J. (2009). Bone mineral: update on
chemical composition and structure. Osteoporos Int. 20 (6), 1013-1021.
Richey, J.E. (1983). The Major Biogeochemical Cycles and their Interactions. Í Bolin, B.
og Cook, R.B. (ristj.), SCOPE 21 (13.kafli). Paris: Scientific Committee on Problems of
the Environment (SCOPE).
Ríkharð Brynjólfsson (2003). „Hvað getið þið sagt mér um áburðarmengun?“ Skoðað 29.
Apríl 2014 á Vísindavef Háskóla Íslands http://visindavefur.is/?id=3583
Ríkissjónvarpið (2012). Alltof mikið kadmíum í áburði. Skoðað 24.maí 2014 á:
http://ruv.is/frett/alltof-mikid-kadmium-i-aburdi
Ríkissjónvarpið (2014). Skepnur fóðraðar á ávöxtum og grænmeti. Skoðað 23.apríl 2014 á
http://www.ruv.is/sarpurinn/frettir/23042014/skepnur-fodradar-a-avoxtum-og-graenmeti
Ruttenberg, K.C. (2003). The Global Phosphorus Cycle. Treatise on Geochemistry,
Volume 8: Biogeochemistry, 585-643.
Science Learning Hub (2010). Bone and tooth minerals. Skoðað 23.maí 2014 á
http://www.sciencelearn.org.nz/Contexts/Ceramics/Science-Ideas-and-Concepts/Bone-
and-tooth-minerals
Simandl, G.J., Paradis, S. og Fajber, R. (2012). Sedimentary Phosphate Deposits, Mineral
Deposit Profile F07. Province of British Columbia: British Columbia Geological
Survey.
Schørring, J.K. (1999). Phosphorus Fertilizers and Fertilization. In Plant Nutrition Soil
Fertility Fertilizers and Fertilization. The Royal Veterinary & Agricultural University.
Sigurður Þór Guðmundsson (2007). Phosphorus in Icelandic agriculture soil. MS ritgerð.
Landbúnaðarháskóli Íslands. Hvanneyri.
37
Simmon, R. og Allen, J. (2010). Aquatic Dead Zones. Skoðað 23.maí 2014 á:
http://eoimages.gsfc.nasa.gov/images/imagerecords/44000/44677/dead_zones_lrg.jpg
Sláturfélag Suðurlands (2014). Verðskrá og áburðartegundir 2014. Skoðað 25.maí 2014 á
http://www.yara.is/yara/upload/files/frettir_pdf_skrar/yara_verdskra_og_tegundir_janua
r_2014.pdf
Spectrum Analytic Inc. (2012). Phosphorus (P) Basics. Skoðað 25.maí 2014 á
http://www.spectrumanalytic.com/support/library/ff/P_Basics.htm
Sverdrup, H.U. og Ragnarsdóttir, K.V. (2011). Challenging the planetary boundaries II:
Assessing the sustainable global population and phosphate supply, using a systems
dynamics assessment model. Applied Geochemistry, 26, S307-310.
Sverdrup, H.U., Koca, D. og Kristín Vala Ragnarsdóttir (2013). Peak metals, minerals,
energy, wealth, food and population; urgent policy considerations for a sustainable
society. Journal of Environmental Science and Engineering 2 (4B), 189-222.
Tryggvi Þórðarson (2012). Staða skólpmála á Íslandi. Málþing um lífræna hreinsun skólps
á Íslandi. Reykjavík: Umhverfisstofnun Íslands.
Umhverfisstofnun. (2003). Staða mála hvað varðar hreinsun skólps á Íslandi. Reykjavík:
Umhverfisstofnun Íslands.
Umhverfisstofnun (á.á.) Skinney-Þinganes, Höfn. Skoðað 18.maí 2014 á
http://www.ust.is/einstaklingar/mengandi-starfsemi/fiskimjolsverksmidjur/skinney-
thinganes-hofn/
United States Department of Agriculture (2011). Increase in fertilizer price since 1970.
Skoðað 26.maí 2014 á http://replacefertilizers.com/golf_benefits.html
University of Massachusetts Amherst (2010). Bird bones may be hollow, but they are also
heavy. Skoðað 14.maí 2014 á
http://www.sciencedaily.com/releases/2010/03/100322112103.htm
U.S. Geological Survey (2013). Phosphate Rock. Reston: U.S. Geological Survey.
Van Loon, G.W. og Duffy, S.J. (2011). Environmental chemistry- a global perspective.
New York: Oxford University Press.
Van Kauwenbergh, S.J., Stewart, M. og Mikkelsen, R. (2013). World Reserves of
Phosphate Rock...a Dynamic and Unfolding Story. Better Crops wih Plant Food 97 (3),
18.
World Commission on Evironment and Development (WCED) (1987). Report of the
World Commission on Environment and Development: Our Common Future. New
York: Oxford University Press.
World Future Council (2014). World Future Council warns against marine phosphate
mining. Skoðað 17.maí 2014 á http://www.worldfuturecouncil.org/sandpiper-
project.html
39
Viðauki A
Hér verður tekið dæmi um aðferðir við útreikninga á fosfórmagni. Eins og kom fram í
undirkafla 4.1 var notast við eftirfarandi skýrslur og gagnabanka til að reikna fosfórmagn;
Landshagir 2013 fyrir magn innflutnings og útflutnings, Hvað borða Íslendingar? fyrir
matarvenjur Íslendinga og matvælagagnagrunnur Landbúnaðarrannsóknastofnun
Bandaríkjanna fyrir magn fosfór í matvöru.
Dæmi um fosfórmagn í fiskmeti
Landshagir: 28.772 tonn innflutt
Hagstofa Íslands: Heildarafli 1.500.000
Hvað borða Íslendingar: 0,046 kg/dag eða tæplega 17 kg á ári.
Gagnagrunnur næringarefni: 250mg P/100g
Við vitum að innflutt fiskmeti er tæp 29.000 tonn. Þar sem 250mg af P eru í 100 grömmum
eru 2,5 kg af P í hverju tonni af fisk. Þá er margfaldað 2,5 kg með fjölda tonna (29.000) og
fengið út 72.500 kg eða 72,5 tonn af fosfór.
Hins vegar fyrir heildarafla íslenskra fiskiskipa sem var um 1.500.000 tonn árið 2012 verða
útreikningarnir öðruvísi. Um 153.000 tonn af fiski eru veidd á frystitogurum. Þar má gera
ráð fyrir að um helmingi þyngdarinnar sé hent í sjóinn s.s. hausum og beinum. Þannig að
fosfórmagn í þeim 76.500 tonnum af fiski sem komið er með í land er 2,5 kg P/tonn *
76.500 tonn eða 191.250 kg af P sem jafngildir 191 tonni.
Svo fyrir það magn fosfórs sem er í fiskiúrgangi var ákveðið að nýta einnig sama magn
fosfórs og er í fisknum sjálfum og því er í 180.000 tonnum af fiskiúrgangi um 450 tonn af
fosfór. Ekki er allt þetta magn urðað og eytt heldur er það einnig nýtt í
fiskimjölsframleiðslu o.fl. eins og fram kom að ofan.