guÍa docente · especializadas e apropiadas para a cultura. tamén será idóneo contar con blogs...
TRANSCRIPT
GUÍA DOCENTE
Cibercultura e Redes Sociais
Grao Ciencias da Cultura e Difusión Cultural (Semipresencial)
Coordinadora: Dra. Tania Fernández Lombao
Código da materia: G5101323
Créditos: 6 ECTS
Curso: 2016/2017
Cuadrimestre: Segundo
Área de coñecemento: Comunicación Audiovisual e Publicidade
Departamento: Ciencias da Comunicación
Centro: Facultade de Humanidades de Lugo
2
ÍNDICE
1. DATOS DESCRITIVOS DA MATERIA ............................................................................................................... 3
2. OBXECTIVOS: COMPETENCIAS, DESTREZAS E HABILIDADES QUE DEBE ACADAR O ESTUDANTADO ............. 5
3. DESENVOLVEMENTO DO TEMARIO TEÓRICO E PRÁCTICO............................................................................ 7
4. METODOLOXÍA E RECURSOS NECESARIOS ................................................................................................... 9
5. AVALIACIÓN ............................................................................................................................................... 10
6. BIBLIOGRAFÍA ............................................................................................................................................ 11
ANEXO 1. TEMPORALIZACIÓN DAS ACTIVIDADES DOCENTES ........................................................................ 15
3
1. Datos descritivos da materia
1.1 Características
“Cibercultura e Redes Sociais” é unha materia incluída nos contidos obrigatorios do Grao de
Ciencias da Cultura e Difusión Cultural, que no plan de estudos figura no terceiro curso e que
se imparte no segundo semestre. Contabiliza 6 ECTS no currículo académico do alumnado.
As clases serán impartidas en lingua galega.
O obxectivo prioritario desta materia é que o alumnado afonde na comprensión, análise e
síntese do espazo virtual, as utopías xeradas e as manifestacións da relación entre cultura e
ciberespazo, ademais de afondar nas características dos novos públicos e as redes sociais
como nexos entre os distintos actores do novo escenario.
Distínguense tres ámbitos competencias no desenvolvemento da programación:
Coñecementos e habilidades: O alumnado aprenderá as características da cultura no
ciberespazo, o modo en que se crea e difunde e os elementos que a diferenza do seu
desenvolvemento tradicional. O escenario dixital presenta novidades no que se refire á
recepción dos contidos e ás actitudes dos públicos, que han de ser recoñecidas e
analizadas para comprender todos os eixos que compoñen a cibercultura.
Ferramentas de aprendizaxe: A análise e elaboración de contidos culturais no
ciberespazo, implica interpretar Internet como soporte de cultura e as redes sociais
como plataformas de interacción :
Deseño, elaboración e execución dunha programación cultural e dun
plan de difusión que combine todos os elementos dos que dispón
Internet.
4
Fomento da reflexión crítica arredor das rutinas na programación
cultural para Internet e redes sociais.
Análise das distintas modalidades de participación cidadá no ámbito
cultural grazas as potencialidades de Internet.
Valores e actitudes: O ciberespazo é xa unha realidade consolidada, mais pendente de
estudos sobre os xeitos de funcionamento, os elementos que o compoñen e os
comportamentos dos actores implicados. Por iso, requírese do alumnado mente aberta
para a asimilación das diferentes metodoloxías que se lle farán chegar a través da
bibliografía e que serán indispensables para alcanzar o éxito nas análises.
1.2 Contextualización
Esta materia está situada xusto a continuación de superar a metade dun itinerario de materias
relacionadas coa comunicación, a cultura e os medios. Logo dunha bagaxe de dous anos,
preténdese que o alumnado complemente a súa formación co desenvolvemento da capacidade
para relacionar distinguir a cultura da cibercultura, identificar os elementos que identifican
ambos conceptos, os axentes emisores e receptores de cada unha delas e as redes sociais
como espazo emerxente na creación de novos modelos de comunicación que afectan de cheo
á cultura.
Considérase esencial o coñecemento das páxinas web culturais e as redes sociais (xeralistas e
especializadas) para quen aspira a desenvolver actividades profesionais relacionadas co
mundo da cultura, posto que a difusión pasa, inevitablemente, pola relación dos creadores e
promotores cos medios e xornalistas.
5
2. Obxectivos: Competencias, destrezas e habilidades que debe acadar
o estudantado
2.1 Coñecementos previos recomendables
Non existen prerrequisitos esenciais, fóra dos estritamente normativos. Non obstante, é
conveniente que o alumnado dispoña dun bo coñecemento do ciberespazo, a difusión cultural
e as redes sociais dende as perspectivas do uso persoal e profesional.
Recoméndase que o alumnado teña unha cultura de ferramentas de monitorización de
contidos publicados na rede, axeitados para a análise dende o punto de vista cultural.
Ademais, requírese nocións básicas das redes sociais máis implantadas pero tamén doutras
especializadas e apropiadas para a cultura. Tamén será idóneo contar con blogs de referencia
dende o punto de vista da cultura e das industrias culturais.
O obxectivo é que o estudantado finalice a materia con coñecementos suficientes que lle
permitan entender os procesos de difusión de cultura a través do ciberespazo e
noemadamente as redes sociais.
2.2 Obxectivos da materia
O obxectivo principal da materia é que o alumnado sexa quen de identificar os referentes na
construción da cibercultura actual, ademais de estudar o funcionamento das novas formas de
acceder, apropiarse e transmitir información.
Por outra banda, prevese que o alumnado adquira destrezas á hora de analizar a cultura do
computador, as técnicas e formas de expresión da cibercultura, a súa incidencia social e a súa
relación co mercado. En consecuencia, proporanse e desenvolveranse iniciativas no campo da
cibercultura.
6
Traballarase nas diferenzas existentes no modo de proceder entre as ferramentas tradicionais
e as que están ligadas ás novas tecnoloxías, é dicir, dixitais, blogs e incluso contas de redes
sociais nas que se difunden acontecementos culturais. Neste contexto, dedicarase espazo á
recepción en mobilidade que permiten os multidispositivos.
2.3 Competencias, destrezas e habilidades
Conceptuais:
- O alumnado afondará no concepto da cibercultura.
- O alumnado coñecerá o papel das redes sociais na difusión cultural.
- O alumnado achegarase á figura do Community Manager.
- O alumnado estudará o papel as páxinas webs desenvolven no ámbito da cultura.
- O alumnado coñecerá as novidades de distribución de acontecementos culturais,
dende a difusión tradicional ata a baseada nas multiplataformas, grazas ao
ciberespazo.
- O alumnado identificará as novas fórmulas de marketing asociadas ao
ciberespazo.
- O alumnado indagará nas técnicas de monitorización de contidos.
Procedimentais:
- O alumnado detectará as distintas ferramentas que ofrece o ciberespazo para
difundir e recibir cultura.
- O alumnado analizará as novidades do mercado móbil para a emisión e recepción
de cultura.
- O alumnado desenvolverá a habilidade para estudar casos concretos de difusión
cultural propias do ciberespazo, como por exemplo os documentais interactivos.
- O alumnado debaterá sobre proxectos de difusión cultural no ciberespazo.
7
- O alumnado analizará os resultados da difusión cultural no ciberespazo a partir de
ferramentas de monitorización
- O alumnado proporá proxectos culturais no ciberespazo.
Actitudinais:
- O alumnado avaliará a partir das metodoloxías que lles serán achegadas.
- O alumnado emitirá xuízos sobre cibercultura e as redes sociais.
- O alumnado empregará os coñecementos adquiridos para fomentar o pensamento
crítico.
3. Desenvolvemento do temario teórico e práctico
Os contidos da materia xirarán arredor do estudo e capacitación na cibercultura e as redes
sociais. Trátase dun curso estruturado en catro temas.
Tema 1: Interactividade e hipertexto.
A. A web 2.0. Internet como transformador das relacións sociais. O primeiro
tema será introdutorio da materia para presentar a web 2.0 e a súa evolución
cara á web 3.0 fronte a 1.0. Explicaranse as similitudes e as diferenzas e o
modo en que afecta á cultura.
B. Cibercultura. Tema estritamente teórico no que se presentarán as referencias
mundiais sobre a cibercultura e o hipertexto. Farase chegar ao alumnado
documentación teórica que lle permita afondar no apartado conceptual da
materia.
C. Os cambios nos sistemas de comunicación: do mass media ó social media.
Comunidades e redes sociais. Tema dedicado aos medios de comunicación.
Esta parada ten como obxectivo sentar as características dos medios
tradicionais e as redes sociais para facilitar que o alumnado distinga as
8
mellores estratexias para cada caso de difusión e recepción de contidos
culturais.
Tema 2. Estratexias de comunicación online.
A. Principios básicos do marketing online: obxectivos e estratexias básicas.
Internet e a xeración do ciberespazo trouxeron consigo cambios notables nas
estratexias de marketing. O obxectivo deste tema é achegar ao alumnado a este
concepto e entregarlle as chaves para distinguir as principais estratexias
empregadas a día de hoxe.
B. Ferramentas e formatos do marketing on line. Posicionamiento en
buscadores: SEO e SEM. Afiliación online. Os profesionais da difusión
cultural deben ser quen de escoller as mellores fórmulas para sacar partido no
ciberespazo. Este tema exporalles as ferramentas de marketing, os obxectivos
que se perseguen con cada unha delas e os resultados que se poden acadar. Así
mesmo, exporase o concepto da afiliación online.
C. O community manager: figura e competencias. Novos perfís profesionais.
Todas as estratexias explicadas nos temas anteriores son desenvoltas pola
persoa experta na xestión dos contidos en redes. Neste capítulo identificarase
este axente e as súas funcións.
D. Blogs, microbloggings, medios sociais multimedia e redes sociais.
Presentación dos principais blogs, microblogs e redes sociais. Definición das
súas carácterísticas e utilidade no ámbito da cultura.
E. Xeolocalización. Este tema centrarase no teléfono e os dispositivos móbiles
nas estratexias de comunicación.
9
Tema 3. Investigación e avaliación.
A. Balances e auditorías de comunicación. Unha vez coñecidas as estratexias a
desenvolver no ciberespazo dende o punto de vista da comunicación da cultura
é preciso analizar e comprobar resultados. Neste tema presentaranse
ferramentas para a elaboración de balances e auditorías.
B. ROI e uso de indicadores na planificación. Os informes de impacto. Este tema
ten como obxectivo coñecer os indicadores para planificar estratexias de
comunicación no ciberespazo e as metodoloxías para a elaboración de
informes de impacto.
Tema 4. Estratexias de comunicación online aplicadas á cultura.
A. A cultura tradicional na rede. Este tema céntrase en analizar o modo en que a
a cultura tradicional foi transposta no ciberespazo, é dicir, cales son as
estratexias que os axentes emisores empregan para vehicular os seus contidos
culturais a través da rede.
B. Estratexias de visualización e difusión. Indagar en fórmulas de recente
aplicación propias da cibercultura para a difusión cultural.
4. Metodoloxía e recursos necesarios
Para o desenvolvemento da materia “Cibercultura e redes sociais” na modalidade
semipresencial, o alumnado recibirá unha hora presencial de clase á semana, mentres que o
resto do traballo deberá ser asumido pola súa conta a partir do material entregado polo
profesorado.
10
A distribución do programa será do seguinte xeito:
Trece sesións interactivas dunha de duración. A docente introducirá os temas teóricos
dos que se compón a programación. Ademais, o alumnado exporá de forma breve as
prácticas que se lle requiran para cada un dos apartados da materia.
A docente fará uso da plataforma Campus Virtual para ofrecer ao alumnado o
temario da materia, a raíz dos cales poidan realizar as dez tarefas prácticas que lles
serán requiridas. Así mesmo, engadirase material complementario e casos prácticos
dos contidos traballados na aula.
Elaboración de cinco comentarios críticos sobre textos de referencia.
Elaboración dun traballo individual para a análise dun proceso de difusión dun
acontecemento cultural.
Preparación dunha proposta cultural para o ciberespazo.
Participación nos foros creados no Campus Virtual ou outros espazos.
5. Avaliación
A avaliación será continua e sumará os seguintes ítems:
a. Grao de coñecementos teóricos básicos sobre os temas do curso.
b. Capacidade para reflexionar criticamente sobre a difusión cultural.
c. Capacidade de análise do papel dos actores sociais na construción e difusión deses
contidos.
Os instrumentos de avaliación de contidos e actitudes serán:
a. Exame teórico.
b. Cinco comentarios críticos sobre textos de referencia.
11
c. Participación nas sesións teóricas coa presentación en cada unha delas por parte do
alumnado de exemplos prácticos correspondentes co tema.
d. Un traballo individual para a elaboración dunha estratexia de difusión cultural no
ciberespazo.
e. Un traballo individual dunha proposta culutural para o ciberespazo.
f. Participación nos foros creados para o debate do alumnado.
Para o alumnado de segunda oportunidade, repetidor e con dispensa de asistencia a clase será
avaliado a través dun exame.
6. Bibliografía
Bibliografía básica
BELL, D. J. (2003): Cyberculture: The Key Concepts. Routledge.
CASTELLS, M. (2006): La sociedad red. Alianza Editoria.
LANDOW, G. P. (2009): Hipertexto 3.0. Teoría crítica y nuevos medios en la era de la
globalización. Barcelona: Paidós.
LEMOS, A. (2003): Olhares sobre a cibercultura. Porto Alegre: Sulina.
LÉVY, P. (1999): Cibercultura. São Paulo: Editora 34.
TORTOSA, V. (ed. 2008): Escrituras digitales. Tecnologías de la creación en la era
virtual. Universidad de Alicante, Alicante.
12
Bibliografía complementaria
ACED, C. (2010): Perfiles profesionales 2.0. Barcelona: UOC.
AGUADO, J.M. y MARTÍNEZ, I.J. (2008): Sociedad móvil. Tecnología, identidad y cultura.
Madrid: Biblioteca Nueva.
BERNAL, A. I. (2010): “Influencia de las redes sociales en los medios de comunicación”, en
M. A. Cabrera (Coord.): Evolución tecnológica y cibermedios. (pp. 112-128). Zamora:
Comunicación Social.
CELAYA, J. (2008): La empresa en la web 2.0. El impacto de las redes sociales y las nuevas
formas de comunicación online en la estrategia empresarial. Barcelona: Gestión 2000.
COSTA, D. (2010): “FB: ¿Enemigo de la privacidad?”. En K.-H. J. Kraus, PC Magazine, pp.
18-19. México DF: Televisa Publishing International.
DANS, E. (2010): Todo va a cambiar. Tecnología y evolución: adaptarse o desaparecer.
Barcelona: Deusto.
FISCHER, M. (2007): Website boosting: optimizar los buscadores, usabilidad y Marketing
web. Barcelona: Marcombo.
FUETTERER, S. (2011): MI COMUNIDAD... ¿Me quiere o no me quiere? Social Media y
Web 2.0 para directivos, comunicadores y emprendedores.
http://www.mequierenonomequieren.com/ Creatrive Commons
HEALY, M. (2009): ¿Qué es el branding?. Gustavo Gili: Barcelona.
13
KROEBER, A. L. e PARSONS, T. (1958): “The Concepts of Culture and Social System”,
Sociological Review, 23, 582-3.
LANDOW, G.P. (2009): Hipertexto 3.0 La teoría crítica y los nuevos medios en una época
de globalización. Barcelona: Paidós.
LÓPEZ, X. y OTERO, M. (2005): Las herramientas tecnológicas de la nueva información
periodística. A Coruña: Netbiblo.
LÓPEZ, X. e OTERO, M. (2001). As factorías da sociedade da información: produción de
contidos para Internet. Santiago de Compostela: Edicións Lea.
MCQUAIL, D. y WINDAHL, S. (1997): Modelos para el estudio de la comunicación
colectiva. Navarra: EUNSA.
McQUAIL, D. (1991). Introducción a la teoría de la comunicación de masas. Barcelona:
Paidós.
NIELSEN, J. y LORANGER, H. (2006): Usabilidad. Prioridad en el diseño web. Madrid:
Anaya.
OUTEIRIÑO, M. (2002). “Medios de masas e homoxeneidade cultural”, A trabe de ouro, 51,
35-67.
SERVAES, J. (2010): The New Communications Landscape: Demystifying Media
Globalization. Routledge.
TÚÑEZ, M (2012): Gestión de la Comunicación en las Organizaciones. Zamora/Sevilla:
Editorial Comunicación Social.
14
Anexo 1. Temporalización das actividades docentes
16