hugsaðu málið! - gagnrýnin hugsun og siðfræðiheimspeki, hugmyndum um heimspekikennslu,...
TRANSCRIPT
Hugsaðu málið! Kennsluefni í gagnrýninni hugsun og siðfræði
FYRIR EFSTA STIG GRUNNSKÓLA OG FYRSTA HÆFNIÞREP FRAMHALDSSKÓLA
Elsa Haraldsdóttir
Henry Alexander Henrysson
Page 1 of 61
Hugsaðu málið!: Kennsluefni í gagnrýninni hugsun og siðfræði. Fyrir efsta stig grunnskóla
og fyrsta hæfniþrep framhaldsskóla.
Höfundar: Elsa Haraldsdóttir og Henry Alexander Henrysson, 2015
Gerð kennsluefnisins var styrkt af Þróunarsjóði námsgagna, RANNÍS
Page 2 of 61
Hér er að finna kennsluefni um gagnrýna hugsun og siðfræði. Um er að ræða kennsluefni en ekki
námsefni í þeim skilningi að efnið er ætlað kennurum sem síðan miðla efninu til nemenda með ólíkum
hætti. Kennsluefnið byggist á kverinu Hugleiðingar um gagnrýna hugsun eftir Henry Alexander
Henrysson og Pál Skúlason sem er inngangskver um gildi
og gagnsemi gagnrýninnar hugsunar, fyrir einstaklinginn
og samfélagið. Kverið var m.a. samið með þarfir kennara
í huga í ljósi markmiða aðalnámskrár og almennra
hugmynda um tilgang menntunar, þar sem gagnrýnin
hugsun hefur tiltekið hlutverk. Gerð kennsluefnisins var
styrkt af Þróunarsjóði námsgagna, Rannís.
Fræðilegan bakgrunn kennsluefnisins má finna í
heimspeki, hugmyndum um heimspekikennslu, gagnrýna hugsun og siðfræði, og er viðfangsefnið
sérstaklega valið með tilteknar heimspekilegar spurningar í huga. Viðfangsefnið vísar bæði í efni
ritsins en jafnframt í tiltekin hæfniviðmið eða áhersluþætti í aðalnámskrá grunn- og framhaldsskóla
frá 2011 og 2013. Kennsluefnið er hannað fyrir stig grunnskóla og fyrsta þrep framhaldsskóla.
Kennsluefnið er samansafn sjálfstæðra dæma en hægt er að vinna hvert dæmi fyrir sig og í hvaða
röð sem er. Um er að ræða raunveruleg dæmi, ýmist úr samtímanum eða söguleg, og annaðhvort
eru þau tengd sérstakri námsgrein eða þverfagleg. Þá getur viðfangsefnið verið kunnulegt eða
eitthvað sem þarfnast meiri víðsýni til að skilja. Úrvinnsla þess byggist fyrst og fremst á umræðum og
verkefnum þeim tengdum. Í kennsluefninu er þá að finna umræðupunkta sem ætlað er að draga
fram kjarna verkefnisins en markmiðið er að kennarar hafi einnig nokkuð frjálsar hendur við úrvinnslu
og heimspekilegrar nálgunar á viðfangsefnið. Meginviðfangsefni kennsluefnisins er gagnrýnin
hugsun og siðfræði og þar af leiðandi er rökhugsun og málefnaleg umræða gegnumgangandi
þema við úrvinnslu þess.
Notkun kennsluefnisins byggist þá einnig á því að kennarinn hafi kynnt sér verkefnin vel og
hugmyndina að baki kennslufræði þess. Nánari umfjöllun um kennslufræði kennsluefnisins má finna
hér og almenna umfjöllum um heimspekikennslu má finna hér.
„Markmiðin með þessu kveri eru tvö. Í fyrsta
lagi er því ætlað að vekja fólk til
umhugsunar um mikilvægi gagnrýninnar
hugsunar. … Seinna markmiðið er öllu
metnaðarfyllra en það er að hvetja til
markvissari umræðna um eðli gagnrýninnar
hugsunar og tilgang. Það væri sérstaklega
ánægjulegt ef þetta kver yrði til þess að
ritun kennsluefnis um gagnrýna hugsun fyrir
öll skólastig yrði að veruleika. Þar eru
tækifærin nær óþrjótandi.“ - bls. 5.
Page 3 of 61
Efnisyfirlit
I. Að mynda sér skoðun
II. Andóf og samfélag
III. Dýr og menn
IV. Fordómar og samfélag
V. Fræðsla eða áróður
VI. Hamingja
VII. Hefðir og venjur
VIII. Heimsmynd
IX. Hlutleysi vísinda
X. Hugsunarleysi
XI. Ritskoðun
XII. Rökstudd afstaða
XIII. Sanngirni og rök
XIV. Siðferðileg álitamál
XV. Staðhæfingar
XVI. Trúarbrögð og vísindi
XVII. Trúfrelsi
XVIII. Umburðarlyndi
Page 4 of 61
Gagnrýnin hugsun og siðfræði
Að mynda sér skoðun
Oftar en ekki myndum við okkur skoðun án þess að gera okkur
grein fyrir því á hverju við byggjum hana. Til að mynda er ekki
óalgengt að fólk taki afstöðu til hluta án þess að hafa nægilega
þekkingu á tilteknu atriði til að geta myndað sér réttmæta
skoðun á því. Þegar við myndum okkur skoðun er mikilvægt er
gera sér grein fyrir forsendum skoðana okkar. Sér í lagi ef
afleiðingar skoðunarinnar eru þess eðlis að þær hafa mótandi i
áhrif á lífsskoðanir okkar eða heimsmynd og ekki síður ef þær
hafa bein áhrif á líf þriðja aðila. Þá skiptir máli að gera sér grein
fyrir takmörkum þekkingar sinnar, hvenær fræðileg þekking er
nauðsynleg og jafnvel hvort skynsamlegt sé að taka afstöðu til
tiltekinna hluta yfir höfuð. Það er þá í ljósi þess að ekki er alltaf
hægt að vita nægilega mikið um tiltekinn hlut til þess að geta
tekið afstöðu til þess.
Hér er að finna „video-blogg“ bandarísku unglingstúlkunnar
Marinu. Þar fjallar hún um mikilvægi þess að hafa ígrundað vel það
sem þú ákveður að taka opinbera afstöðu til og, í því samhengi,
að gera sér grein fyrir ábyrgð sinni sem fyrirmyndar í lífi annarra. Í
umfjöllun sinni bendir Marina á dæmi þar sem frægar söng- og
leikkonur hafi tekið það fram í viðtölum að þær væru ekki yfirlýstir
feministar. Það telur Marina í sjálfu sér sjálfsagt mál en það sem hún
gerir athugasemdir við er að í kjölfarið lýsir viðkomandi eigin
hugmyndum um samskipti kynjanna sem reynast oftar en ekki vera
í samræmi við hugmyndafræði feminisma. En af hverju stafar sú
mótsögn sem það felur í sér?
Marina vill ekki meina að vandamálið sé að fleiri ættu að lýsa því
yfir að þeir séu feministar. Vandamálið felist öllu heldur í því að
þegar einstaklingur tigreinir það sérstaklega að hann eða hún sé
ekki feministi en í kjölfarið segist síðan trúa á jafnrétti kynjanna og
að útrýma beri kynjabundnu misrétti (e. sexism). Það geri það að
verkum að fólk sem á þetta hlusti gætu skiliði það sem svo að þessi
atriði feli ekki í sér skilgreininguna á feminisma.
Lykilhugtök
Skoðanamyndun
Ábyrgð
Forsendur
Rök
Hugmyndafræði
Hugtakaskilgreining
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. og III. hluta kversins.
Page 5 of 61
Marina bendir á að þegar fólk hefur ekki nægilega þekkingu á því
sem það tekur afstöðu til og hefur jafnvel fengið upplýsingar um
efnið frá þriðja aðila, og þ.a.l. ekki rannsakað viðfangsefnið sjálfur,
þá hefur það ekki forsendurnar til að taka afstöðu til þess. Sér í lagi
ekki ef um er að ræða opinbera persónu sem á sér marga
aðdáendur, þar á meðal ungar óharðnaðar unglingsstúlkur sem
Marina telur að gætu líklega haft ávinning af því að þekkja
hugmyndafræði feminismans.
Sjá nánar: “Explaining feminism”
Umræðupunktar:
Geta frægir einstaklingar haft áhrif á skoðanir annarra
eingöngu í nafni frægðar sinnar? Ef svo er, hvers vegna?
Hvað þýðir það að vera fyrirmynd? [Hugtakaskilgreining]
Þarf einstaklingur að vita allt um tiltekið atriði til að geta
myndað sér skoðun á því?
Hversu mikla þekkingu á tilteknum hlut/atriði þarf einstaklingur
að búa yfir til að geta myndað sér skoðun á honum eða tekið
afstöðu til hans?
Hvað ákvarðar hversu mikla þekkingu þarf til að mynda sér
skoðun eða taka afstöðu til einhvers?
o Er það ástríða/áhugi einstaklingsins fyrir
hlutnum/atriðinu?
o Er það vægi þess í eigin lífi?
o Er það vægi þess sem skoðunin/afstaðan hefur á líf
(lífsgæði) annarra?
o Er það vægi þess sem skoðunin/afstaðan hefur til
lengri tíma?
Getum við nefnt sambærileg dæmi og Marina fjallar um úr
eigin lífi?
o Hefur einhver einstaklingur haft áhrif á skoðanir okkar
vegna stöðu sinnar (eingöngu)?
Hugtakaskilgreining: Hvað er feminismi?
Ítarefni
Leikkonan Emma Watson er
dæmi um einstakling sem
nýtt hefur sér frægð sína til
að hafa áhrif á samfélagið.
Hér má sjá fyrirlestur sem hún
hélt á þingi Sameinuðu
þjóðanna sem sendiherra
góðgerðamála.
Hér má sjá dæmi um þau
áhrif sem hún hefur haft á
ungt fólk.
Hér má nálgast vefsíðu
átaksins „HeforShe“.
Page 6 of 61
Gagnrýnin hugsun og siðfræði
Andóf og samfélag
Gagnrýnin hugsun er bæði skilgreind sem viðhorf og sem hæfni.
Einstaklingar geta búið yfir viðhorfi gagnrýninnar hugsunar og
talað er um að efla eða kenna gagnrýna hugsun. Hvernig hún
er kennd eða efld er ýmist í samræðu, í menntun og í uppeldi.
Það sama má segja um siðferðilegt innsæi en það er einnig
bundið menntun okkar og uppeldi. Við lærum um og tileinkum
okkur ríkjandi gildi og viðmið í samfélaginu. Þau eru hins vegar
breytileg eftir stað og stund. Það sem áður þótti réttlætanlegt
verður seinna óréttlætanlegt. Hvernig gildin og viðmiðin verða
til má segja að í grunninn séu mótuð af einstaklingunum sjálfum
en þeir sem völdin hafa í samfélaginu geta haft mikil áhrif þar
á. Þegar svo ber undir þá eru það sumir sem synda með
straumnum á meðan aðrir reyna að spyrna á móti ofríki
yfirvalda. Hvað greinir þar á milli er hins vegar ekki einfalt að
segja til um.
Þýskaland í seinni heimstyrjöldinni
Í Þýskalandi í seinni heimstyrjöldinni vildi fámennur hópur
einstaklinga stjórna viðhorfi og hugmyndum samfélagsins í heild
sinni. Ritskoðun hugmynda og siðferðilegra gilda og viðmiða í
samfélaginu teygði anga sína víða. Skólar, fjölmiðlar og
fræðasamfélagið var m.a. undir hæl valdhafanna. Með áróðri og
skoðanakúgun varð með tímanum stór hluti þjóðarinnar hlynntur
þeim viðhorfum sem valdhafarnir boðuðu, hvor sem það var
einlæg sannfæring þeirra eða ekki. Þetta er einföld framsetning á
mjög svo margþættum viðburðum á þessum tíma en
meginútgangspunkturinn er fyrst og fremst í hugmyndunum um
áróð og andóf.
Það að reyna að ná alfarið yfirráðum yfir hugmyndum fólks og
viðhorfi er ekki einfalt mál. Á þeim tímum sem hér um ræðir mátti
finna hóp námsmanna í Munich sem tók sig til og skrifaði og dreifði
ávarpi sem fól í sér gagnrýni á skoðunarkúgun og áróður valdhafa
Lykilhugtök
Ábyrgð
Áróður
Réttindi
Mannréttindi
Sanngirni
Siðferði
Lífsgæði
Sjálfstæð hugsun
Andóf
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. og III. hluta kversins.
Page 7 of 61
og yfirlýsing um það að ekki yrði þaggað niður í þýsku þjóðinni.
Námsmennirnir voru handteknir í kjölfarið og líflátnir.
Í þeirri útgáfu af ávarpinu sem hér er að finna má sjá bresk
inngangsorð að ávarpi stúdentanna þar sem sagt er frá afdrifum
þeirra sem og viðhorfi þeirra sem þá dreifðu því í Bretlandi. Þar á
eftir var að finna ávarpið sjálft en þar kom fram viðhorf
námsmannanna til valdhafa Þýskalands, sýn þeirra á stöðu
þjóðarinnar og von þeirra um bjartari framtíð.
Sjá nánar: „Manifesto of the Munich Students“
Umræðupunktar:
Hvernig er hægt að bera kennsl á hvað sé satt, rétt eða
sanngjarnt og hvað ekki?
Hver ákvarðar það hvað er satt, rétt og sanngjarnt?
Hvað var það sem gerði það að verkum að námsmennirnir í
Munich gagnrýndu samfélagið og stjórn þess?
Hvert er gildi og hlutverk samfélagsins?
Ítarefni
„Bréf frá Blaine.“ Freyja. Ritstj.
Margrét J. Benedictsson. XI
bindi/nr. 10, maí 1909.
Hessel, Stéphane. 2012.
Mótmælið öll! Þýð. Friðrik
Rafnsson. Reykjavík: Skrudda.
Page 8 of 61
Norður Kórea
Umhverfi okkar er sá veruleiki sem við þekkjum. Ef engin leið er til að heimsækja önnur samfélög
eða kynnast þeim með öðrum hætti er þekking okkar bundin við umhverfi okkar eingöngu. Viðmið
okkar og gildi um hvað sé satt, rétt og sanngjarnt mótast af samfélagsskipaninni sem við búum í. Til
eru dæmi þess að samfélög séu undir valdi eins manns eða fámennum hópi manna með miklum
einræðistilburðum. Með tímanum alast þar upp kynslóðir sem þekkja ekkert annað en að lifa í þeim
veruleika. En hvernig berum við kennsl á það að samfélagið sem við lifum í sé ómanneskjulegt,
ósanngjarnt eða óréttlátt, ef við þekkjum ekki annað?
Hér er að finna umfjöllun um unga stúlku sem flúði frá Norður-Kóreu með fjölskyldu sinni. Í umfjöllun
um málið segir amerískur heimspekingur að það sé ekki þjáningin sjálf sem fái fólk til að leggja á
flótta heldur hugmyndin um betra líf sé mögulegt.
Sjá nánar:
• http://www.washingtonpost.com/opinions/yeon-mi-park-the-hopes-of-north-koreas-black-
market-generation/2014/05/25/dcab911c-dc49-11e3-8009-71de85b9c527_story.html
• https://www.youtube.com/watch?v=uDXkdjx7VAE
• http://www.businessinsider.com/yeonmi-park-talks-about-growing-up-in-north-korea-2014-4
• http://www.theguardian.com/world/2014/aug/26/north-korea-defector-titanic
Umræðupunktar
• Hvaðan koma hugmyndir okkar um gott líf?
• Hvað getur þjáning eða áþján gert einstaklingnum?
• Hvernig veit ég hvort lífið sem ég lifi sé gott eða ekki?
• Hvernig veit ég hvort samfélagið sem ég tilheyri sé gott eða ekki?
• Hver stýrir samfélaginu og á hvaða forsendum?
• Hvernig mótum við okkar eigið samfélag?
• Hvað er sjálfstæð hugsun?
• Hvað felst í einræði?
• Hvað felst í lýðræði?
Page 9 of 61
Gagnrýnin hugsun og siðfræði
Dýr og menn
Hvað felst í réttindum, réttlæti og siðferði gagnvart dýrum hefur
lengi verið deilt um. Hvað skuli haft í huga þegar meta á
hagsmuni dýra hefur meðal annars verið til umræðu í tengslum
við ræktun búfjárs, í umgengni okkar við villta dýrastofna sem
og við veiðar af ýmsum toga. Sumir telja að velferð dýra og
réttindi þeirra eigi að meta með sambærilegum hætti og okkar
eigin velferð og réttindi. Aðrir horfa til þess að maðurinn sé hluti
af fæðukeðjunni og í ljósi þess sé hann yfir aðrar lífverur hafin og
lúti ekki sömu lögmálum og þau. Önnur dýr séu manninum
ætluð til matar eða skemmtunar eða megi lifa óáreitt svo lengi
sem þau raski ekki lífi hans. En umræðan er sjaldnast svo einföld
að menn stilli sér upp sitt hvoru megin á viðhorfspólnum.
Umræðan er flókin og margt ber að skoða útfrá líffræðilegu,
siðfræðilegu og samfélagslegu sjónarhorni.
Bandaríska unglingsstúlkan Kendall Jones komst fyrst í kastljós
fjölmiðla eftir að hún birti myndir af sér að nýloknum veiðum í Afríku.
Á myndunum stillti Kendall sér upp brosandi við hlið dýranna og
birti þær svo á facebook síðu sinni þar sem hún var með fjölda
áhangenda. Það að veiðimenn stilli sér upp á mynd með
nýfengna bráð sína er ekki óalgeng sjón en það sem vakti einna
helst viðbrögð gagnrýnenda var sú sýn sem hún varpaði, af
bandarískri unglingstúlku sem virtist lifa við mikil forréttindi, í
vernduðu samfélagi, að hreykja sér af því að hafa drepið villt dýr í
útrýmingahættu.
Kendall virðist lifa öruggu og áhyggjulausu lífi en foreldrar hennar
sáu um að greiða fyrir veiðarnar. Þar er hún langt frá hinni klassísku
ímynd veiðimannsins, bæði af hinum innfædda veiðimanni sem
veiðir sér til matar sem og hinum hvíta ríka miðaldra veiðimanni
sem veiðir sér til ánægju. Það sem vakti einnig reiði margra var að
Kendall ferðast sér til ánægju til Afríku til að veiða villt dýr á afgirtu
svæði þar sem dýrin eru sérstaklega ræktuð til veiðanna.
Lykilhugtök
Siðferði
Siðfræði
Réttlæti
Vald
Hugsunarleysi
Hugrekki
Hugleysi
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í III. hluta kversins.
Page 10 of 61
Veiðarnar kallast „canned hunting“ en með því er átt við að dýrin
eru ræktuð til þess eins að vera veidd af mönnum sem stunda
veiðar af áhugamennsku, sér til skemmtunar, og borga fyrir það
háar fjárupphæðir. Helstu rökin sem færð eru fyrir þessum veiðum
er að samfélag fátækra Afríkubúa hafi fjárhagslegan ávinning af
þeim. Andstæðingar veiðanna halda því hins vegar fram að
einungis mjög fámennur hópur manna græði á þessum viðskiptum
og að þau skili sér ekki til samfélagsins.
Sjá nánar: „Meet Kendall Jones, The Texan Cheerleader Whose
Exotic Animal Hunts Outraged The Internet“
Umræðupunktar
Hvernig eru veiðar almennt réttlættar?
Hver er munurinn á því að veiða sér til matar og því að veiða
sér til ánægju?
Er siðferðilega rétt að ala dýr til þess eins að selja þau til
veiða?
o Hvað ef um er að ræða fisk?
Víkurlax – https://www.facebook.com/Vikurlax
Er siðferðilega réttlætanlegt að drepa dýr sér til skemmtunar
eða ánægju?
Hver er réttur dýra? Er brotið á rétti þeirra þegar þau eru svipt
tilteknum lífsgæðum eða möguleikanum á lífi við hæfi?
Hver er mælikvarðinn á óréttlæti gagnvart dýrum? Er það
líðan þeirra eða okkar eigin?
Er veiðimenn hugrakkir? Eru veiðimenn sem veiða á afgirtum
svæðum („canned hunting“) hugrakkir?
Hvaða rök setur Kendall sjálf fyrir veiðunum?
Er einstaklingur hugrakkur eða fífldjarfur ef hann stofnar lífi sínu
í hættu við veiðar þar sem þær eru frumforsenda
mataröflunar?
Er einstaklingur hugrakkur eða fífldjarfur ef hann stofnar lífi sínu
í hættu við veiðar sér til skemmtunar?
Ítarefni
Hér er að finna umfjöllun um
aðra unga konu sem varð
umdeild í bandarísku
samfélagið eftir að hafa byrt
myndir af sér með dýrum í
útrýmingarhættu með
sambærilegum hætti og
Kendall Jones: „Happy
huntress the next Melissa
Bachman?“
Hér er að finna grein af
breska fréttmiðlinum The
Guardian um „dósaveiðar“
(e. „canned hunting“) þar
sem vilt dýr eru ræktuð til
þess eins að verða bráð
veiðimanna sem borga fyrir
að veiða þau á afgirtu
svæði.
Page 11 of 61
Gagnrýnin hugsun og siðfræði
Fordómar
Hverjar eru forsendur skoðana okkar, hvernig verða fordómar til
og hvernig má bera kennsl á þá? Hver eru tengsl reynslu og
fordóma? Í tilraunum okkar til að skilja reynslu annarra reynum
við að ímynda okkur hvernig eitthvað er, einhver tilfinning, líðan
eða upplifun. Oft er talað um það „að setja sig í spor“ einhvers
sem leið til að átta okkur á eða skilja reynslu annarra. Það getur
hins vegar verið þrautinni þyngra. Sama hversu mikið við
reynum að ímynda okkur hvernig eitthvað er þá jafnast sú
upplifun aldrei á við það að upplifa eitthvað á eigin skinni.
Reynsla dýpkar þannig skilning okkar. Þannig getur verið mikill
munur á því að hafa þekkingu á fordómum og upplifa þá á
eigin skinni. Flestir hafa upplifað fordóma af einhverju tagi á
lífsleiðinni, t.d. fordómum sem byggjast á kyni, aldri, kynþætti,
uppruna eða þjóðerni. Suma þessa þætti er hægt að fela eða
hafa áhrif á en húðlitur er hinsvegar dæmi um eitthvað sem ekki
hægt að breyta auðveldlega.
Blá eða brún augu
Á sjötta og sjöunda áratug 20. aldarinnar átti réttindabarátta
blökkumanna sér stað eða the Civil Rights Movement í Ameríku og
svo víðsvegar í hinum vestræna heimi. Þá gerðist það þann 4. apríl
árið 1968 að einn þekktasti baráttumaður gegn kynþáttamisrétti í
Bandaríkjunum, Martin Luther King, var skotinn til bana. Þann dag sat
Jane Elliot, bandarískur grunnskólakennari, fyrir framan sjónvarpið og
fylgdist með fréttaflutningi af atburðnum. Síðar greindi hún frá því
hvernig hún fylgdist með fréttaþuli, hvítum á hörund, spyrja
blökkumenn spurninga á borð við „hver mun sameina ykkur?“ og
„hver mun hafa stjórn á ykkur?“ Líkt og þeir væru hauslaus her
manna.
Lykilhugtök
Fordómar
Mannréttindi
Reynsla
Þekking
Fáfræði
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. hluta kversins.
Page 12 of 61
Í kjölfarið greindi fréttaþulurinn frá því að þegar þau
hafi misst leiðtoga sinn (John F. Kennedy) þá hafi ekkja
hans, Jacqueline Kennedy, sameinað þjóðina; hver
myndi sameina þá [blökkumenn]? Í þessum orðum
birtist með skýrum hætti hversu djúpur aðskilnaður
blökkumanna og hvítra manna var í Bandaríkjunum
þegar þetta átti sér stað. Jane blöskraði sú framkoma
sem birtist henni á sjónvarpsskjánum en að hennar mati
var hún niðurlægjandi. Ekkert þótti athugavert við það
að spurningar fréttaþulsins fælu í sér niðrandi ummæli
og gerðu lítið úr tilverurétti blökkumanna í bandarísku
samfélagi.
Í skólanum daginn eftir spurði einn nemenda Jane hvers vegna „þessi kóngur“ hefði verið skotinn.
Að tali nemendanna mátti greina að þeir gerðu sér grein fyrir því að ekki væri komið fram við
blökkumenn með sanngjörnum hætti en að þau skildu ekki fyllilega hvað sú framkoma fæli í sér né
ástæður þess að hún ætti sér stað. Jane taldi að hægt væri að fjalla um og greina frá fordómum
og birtingarmynd þeirra í samfélaginu með því að lýsa upplifun og reynslu þeirra sem verða fyrir
fordómum og kynþáttamisrétti, en jafnframt, að skilningur okkar væri afmarkaður við marga ólíka
þætti, bæði líffræðilega og persónubundna.
Jane taldi þar af leiðandi að ekki dygði eingöngu að
ræða málið til að nemendurnir myndu fyllilega skilja
hvers vegna þetta ætti sér stað. Hún taldi að það að
reyna eitthvað á eigin skinni myndi dýpka skilning
þeirra á því að sæta mismunun og óréttlæti vegna
einhvers sem þú hefur enga stjórn á. Ákvað hún því að
endurskapa tiltekna útgáfu af aðskilnaðarstefnunni
sem einkenndi bandarískt samfélag þess tíma meðal
nemendanna með því að setja nemendur í spor
blokkumanna. Hvernig Jane fór að því má sjá í
upptökunni hér fyrir neðan.
Aðferðin sem Jane beitti í tilraun sinni hefur verið gagnrýnd fyrir að vera ómanneskjuleg og truflandi
fyrir sálarlíf þeirra sem taka þátt í henni. Gerðar hafa verið fræðilegar rannsóknir á aðferðinni af
ýmsum háskólum og stofnunum þar sem sjónum var sérstaklega beint á sálrænar afleiðingar
hennar. Rannsóknir sýndu að árangur tilraunarinnar var í meðallagi og að erfitt var að færa
siðferðileg rök fyrir tilrauninni í ljósi þess hvort ávinningurinn gæti vegið þyngra en neikvæðar
sálrænar afleiðingar. Þá var tilraunin árið 1990 skilgreind sem ófullkomin leið til að draga úr
fordómum af Murdoch University í Bandaríkjunum. Óháð kostum eða göllum rannsóknarinnar vekur
hún upp mikilvægar spurningar um fordóma, eðli þeirra og uppruna og hvernig eða hvort sé hægt
að uppræta þá.
Page 13 of 61
Sjá nánar: Upptaka af tilraun Jane Elliot árið 1970,
heimildaþáttur frá 1985
Umræðupunktar:
Er hægt að hafa skiling á einhverju án þess að hafa reynslu
af því?
Þegar tilraunin var gerð í Englandi árið 2009 kom fram að
bera megi kennsl á menningarmun þegar kemur að
kynþáttafordómum og birtingarmynd þeirra. Í Englandi virtist
tíðkast að fordómarnir birtust með mun „lúmskari“ hætti en í
Bandaríkjunum. Fordómafull hegðun sem einn þátttakandi
lýsti í sinn garð birtist oft líkt og hegðunin ætti sér „óvart“
stað. Hvað eru dæmi um áberandi fordómafulla hegðun og
hvað eru dæmi um óáberandi fordómafulla hegðun?
Hvernig verða fordómar til?
Hvað, ef eitthvað, er jákvætt við fordóma?
Er samkennd það sama og samúð? Hvers vegna, hvers
vegna ekki?
Hverju getum við ráðið um okkur sjálf og hverju ekki?
Ítarefni
Jane Elliot segir frá tilrauninni.
Vefsíða um verkefnið
Tilraunin unnin á
bandarískum unglingum
Gagnrýni á aðferðina
Page 14 of 61
Gagnrýnin hugsun og siðfræði
Fræðsla eða áróður
Páll Skúlason heimspekingur er einn þeirra er hefur sett fram þá
hugmynd að skólinn sem menntastofnun eigi að vera
griðastaður fyrir hugann, til að hugsa og menntast. Þannig er
hann sá vettvangur þar sem nemandinn hefur frelsi til og frelsi
frá; frelsi til að hugsa, þroskast og efla hæfni sína, og sömuleiðis
frelsi frá t.d. áreiti trúarbragða, pólitíkur eða annarra
hagsmunaaðila. Í umfjöllun um frelsi er oftar en ekki meiri áhersla
lögð á frelsi til athafna, eða athafnafrelsi. Sem dæmi um það
má nefna að fólk hafi frelsi til að athafna sig, tjá sig, hafa
skoðanir, trúa, mynda sér lífsskoðanir og móta líf sitt með einum
eða öðrum hætti. Tjáningarfrelsi er dæmi um frelsi til einhvers. Í
Bandaríkjunum er oft gripið til þess að vísa í fyrsta atriði
stjórnarskrárinnar sem felur í sér trú og tjáningarfrelsi, sem og frelsi
til að leita réttar síns. En frelsi frá er þó ekki síður skilgreint sem
mikilvægur þáttur frelsis. Sem dæmi um frelsi frá einhverju má
nefna hugmyndina um friðhelgi einkalífsins sem og atriði í
barnasáttmála Sameinuðu þjóðanna þar sem til dæmis er
talað um réttindi barna til að sæta ekki ofbeldi.
Hvernig fræðsla?
Hilmar Hilmarsson, skólastjóri, fjallar um hlutverk skólans í grein sem
birtist í Fréttablaðinu árið 2014, og nefnist „Auðveldasta leiðin er
ekki alltaf sú rétta“. Viðfangsefni greinarinnar er aðgengi hinna
ýmsu hagsmunaaðila að nemendum grunnskóla og hvaða
hlutverk skólar hafa að gegna í að miðla upplýsingum til nemenda
sem snerta ekki skólastarfið sjálft. Í greininni svarar Hilmar gagnrýni
sem hafði átt sér stað nokkru fyrr á sama vettvangi á reglur
Reykjavíkurborgar um auglýsingar í skóla og frístundastarfi.
Gagnrýnin var af hálfu talsmanna íþróttafélaga um möguleika
þeirra til að kynna starf sitt fyrir nemendum grunnskólanna og vildu
þeir meina að dræm þátttaka nemenda í tilteknu íþróttastarfi væri
birtingarmynd þess.
Lykilhugtök
Frelsi
Gildi
Vald
Mannréttindi
Ábyrgð
Forsendur
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. hluta kversins.
Page 15 of 61
Gagnrýni þeirra beindist einnig að því að með þessu væri verið að
halda frá nemendum upplýsingum um atriði sem hefðu mikið gildi
fyrir líf þeirra og myndu efla gæði þess. Í umfjöllun sinni bendir
Hilmar hins vegar á að það sjónarmið liggi að baki reglunum að
óviðeigandi sé að beina auglýsingum að börnum og að „skólakerfi
sem skyldar öll börn til skólagöngu hljóti að ábyrgjast að í skólanum
séu börn óhult fyrir auglýsingum.“ Þetta á ekki eingöngu við um
nemendur en Hilmar bendir á að foreldrar verða jafnframt að geta
treyst því „að þeir séu ekki nýttir til markaðssetningar.“
Í því samhengi bendir hann á það sem er að mörgu leiti kjarni
röksemdanna fyrir reglunum, en það er að það gildir einu „hvort
hið auglýsta getur í einhverjum skilningi talist göfugt eða jákvætt
fyrir þroska barnanna.“ Af þeim orsökum er ekki hægt að mismuna,
ef svo mætti að orði komast, hagsmunaaðilum þegar kemur að
auglýsingum eða kynningarstarfi í skólum. Þannig er það ekki
hlutverk skólanna að taka afstöðu til þess hvort eða hversu göfugt
eða jákvætt tiltekið starf er fyrir þroska barnanna. Að lokum bendir
Hjálmar á að þrátt fyrir að skólinn sé heppilegur vettvangur til að
nálgast börn og unglinga eru margar aðrar leiðir færar.
Auðveldasta leiðin sé alls ekki ávallt sú rétta.
Sjá umfjöllun: „Auðveldasta leiðin er ekki alltaf sú rétta“
Umræðupunktar
Hvernig auglýsingar á að banna eða leyfa í skólum? Hvers
vegna?
Hvað eru hagsmunir?
Er það hlutverk skóla að kynna starf íþróttafélaga?
Er það hlutverk skóla að kynna starf trúfélaga?
Er það hlutverk skóla að bjóða fyrirtækjum að kynna vörur
sínar fyrir börnum og unglingum?
Er það viðeigandi að stjórnmálasamtök fái að heimsækja
skóla og kynna starf sitt og hugmyndafræði?
o Væri hægt að skylda nemendur til að sitja þess
háttar kynningar?
Ítarefni
Hér og hér má finna
umfjöllunina sem Hjálmar
svarar í grein sinni.
Hér er að finna dæmi um
það þegar skólinn verður
skjól til að hugsa og vera til.
Page 16 of 61
Gagnrýnin hugsun og siðfræði
Hamingja
Hugtakið hamingja er eitt þeirra hugtaka sem heimspekingar
hafa fjallað um alla heimspekisöguna. Hugmyndin um
hamingjuna er einnig samofin hugmyndasögu mannsins frá
örófi alda. Allt frá umræðunni um hvað felist í hamingju, hvað
sé hamingja, hvort hún sé möguleg eða einungis tálsýn. Hvað
skilgreinir hamingjuna og hvernig eigi að leita hennar. Einnig má
spyrja sig hvort hún sé meðfædd eða áunninn, hvernig beri að
viðhalda henni eða stuðla að henni. Hamingjan er eitthvað sem
við viljum öll öðlast, við viljum upplifa hana sem oftast og sem
lengst. Hvað hamingjan er er hins vegar ekki einfalt að skýra.
Hver og einn upplifir hamingjuna á ótal vegu og velta má fyrir
sér hvort hamingjan sé fólgin í því sem er eða í viðhorfi
einstaklingsins, sem og því hvort hún sé fólgin í líkamlegum
nautnum eða andlegum gæðum.
Einn af pistlahöfundum danska fréttablaðsins Berlinske, Edith
Thingsrup, tekur þetta viðfangsefni fyrir í einum af pistlum sínum. Í
pistlinum fjallar Edith um hamingjuhugtakið og rétt einstaklingsins til
að leita hamingjunnar. Tilurð pistilsins má finna í ummælum
hagfræðings nokkurs um skyldur stjórnmálamanna til að stuðla að
hamingju allra einstaklinga samfélagsins. Hagfræðingurinn heldur
því fram að það sé hlutverk stjórnmálamanna að stuðla að sem
mestri hamingju í samfélaginu en til að stuðla að því selur hann
bæjarfélögum í Danmörku svokallað „hamingjulíkan“, sem felur í
sér hagfræðilega útreikninga á velferð íbúa samfélagsins. Edith er
þessu ósammála en hún telur að réttur einstaklingsins felist öllu
heldur í því að leita hamingjunnar frekar en að hann eigi rétt á
hamingju. Þannig vill hún frekar að stjórnmálamenn stuðli að því að
samfélagsþegnarnir borgi t.d. lægri skatta svo þeir geti sjálfir
ráðstafað tekjum til að stuðla að hamingju sinni, frekar en að
stjórnendur samfélagsins fái peninga til að stuðla að hamingju
samfélagsins í heild sinni.
Sjá umfjöllun: „Retten til lykke“
Lykilhugtök
Samfélagsleg ábyrgð
Forræðishyggja
Samkennd
Hamingja
Réttlæti
Siðferðileg ákvörðun
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í III. hluta kversins.
Page 17 of 61
Umræðupunktar
Höfum við rétt á hamingju eða réttinn til að leita hamingju?
Getum við ætlast til þess að aðrir stuðli að hamingju okkar
eða er hamingja okkar í okkar eigin höndum, á okkar eigin
ábyrgð?
Hvert er hlutverk samfélagsins, stjórnmálamanna, í þessu
samhengi?
Berum við ábyrgð á hamingju annarra?
o Þarf ég að hafa áhyggjur af því nágranni minn sé
hamingjusamur?
Vil ég að sem flestir í samfélaginu sé hamingjusamir?
o Hefur það ekki áhrif á mína eigin hamingju?
Ítarefni
Hér má finna umfjöllun
Stanford Encyclopedia of
Philosophy um
hamingjuhugtakið.
Page 18 of 61
Gagnrýnin hugsun og siðfræði
Hefðir og venjur
Hér er fjallað um forsendur skoðana og hvernig vani eða hefð
hefur áhrif á það hvernig við myndum okkur skoðun. Það að
eitthvað hafi verið með tilteknum hætti í langan tíma getur verið
sett fram sem réttlæting fyrir áframhaldi þess. Það eitt og sér er
hins vegar í flestum tilfellum hæpin réttlæting eða rök. Aðrir
þættir skipta einnig máli. Sem dæmi má nefna þætti er snúa
að siðferði og samfélagslegri ábyrgð og hvaða áhrif það sem
um ræðir getur haft til framtíðar. Í sumum tilfellum er borið við
að um menningarleg verðmæti sé að ræða en þá þarf einnig
að hafa í huga hvort þau vegi þyngra en aðrir mögulega
neikvæðir þættir.
Nautaat
Nautaat er umdeildur atburður en rökin fyrir því að viðhalda
honum eru oftar en ekki sóttar í hefð eða vana. Hér er að finna
þrjár blaðagreinar sem gefa innsýn inn í deiluna um tilvist nautaats
á Spáni. Greinarnar fjalla allar um það sama en eru ólíkar að lengd
og þyngd í orðanotkun (sú fyrsta einföldust í framsetningu). Kennari
getur því valið eina af inngangsgreininum til að lesa sem hann telur
henta nemendahópnum sem um ræðir.
1. „Nautaati bjargað frá exinni þar sem Spánn skilgreinir
það sem listgrein“
2. „Þrátt fyrir allan ágreining mun þetta nautahlaup ekki
verða það síðasta í Pamplona“
3. „Mun nautaat lifa af í nútíma Spáni?“
Lykilhugtök
Rök
Hefðir og venjur
Forsendur
Siðir
Réttmæti
Siðfræði lífs og dauða
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. og III. hluta kversins.
Page 19 of 61
Umræðupunktar
Í inngangsgreinunum koma fram bæði rök með og á móti nautaati
og nægir að lesa eingöngu inngangsgrein til að fá efni í umræður
um viðfangsefnið. Til að kafa dýpra í viðfangsefnið má hins vegar
fara beint í að lesa II. hluta.
1. Að skoða rökin og fjalla um þau:
a. Helstu rök fyrir nautaati eru…
b. Helstu rök gegn nautaati eru…
Hægt er að skoða rökin (með og á móti) og raða þeim línulega frá
léttvægt til mikilvægt. Markmið umræðunnar er þá að færa rök fyrir
því hvar rökin eru staðsett og velta upp gildi þeirra og réttmæti.
Þetta getur hópurinn gert sameiginlega á töflu eða nokkrir saman í
litlum hópum. Hér má einnig fara á slóð síðunnar sem er að finna í
hluta III og finna fleiri rök með og á móti nautaati.
2. Að fjalla um eigin viðhorf nemenda til nautaats og styðjast við
það sem fram kemur í inngangsgreinunum í umræðunum.
a. Hver er tilgangur nautaats?
b. Er um menningarleg vermæti að ræða?
c. Hvaða afleiðingar hefði það til lengri tíma að banna
nautaat alfarið?
d. Hvaða hagsmunir eru í húfi ef banna ætti nautaat?
e. Hvert er skemmtanagildi nautaats?
3. Að fá nemendur til að taka afstöðu með eða á móti og færa
rök fyrir afstöðu sinni. Hver og einn fyrir sig eða nokkrir saman
í hóp.
a. Ætti að banna nautaat (á heimsvísu)?
b. Er nautaat leyfilegt á Íslandi? Ef ekki, ætti þá að leyfa
það? Hvers vegna/hvers vegna ekki?
c. Er nautaat listgrein?
Ítarefni
Hér má finna slóð á vefsíðu
samtakanna Human Society
International en þar má
jafnframt finna umfjöllun um
nautaat á heimsvísu of
myndbönd af atburðinum.
Page 20 of 61
Rök fyrir réttmæti nautaats
Höfundur greinarinnar „Það besta sem getur gerst fyrir naut er að deyja í nautaati“ telur að í
nautaatinu öðlist nautið æðri tilgang í tilverunni en það hefði geta öðlast með því að lifa
„eingöngu“ sem naut. Greinin var skrifuð stuttu eftir að nautaat var bannað með lögum í
Catalonia héraðinu í Spáni.
Sjá nánar: „Dying in a bullfight is the best thing that can happen to a bull“
Umræðupunktar:
Dragðu saman helstu rök greinahöfundar.
Er nautaat listgrein?
Hvað gefur lífi nauts tilgang?
Hvað gefur lífi mannsins tilgang?
Er menning meira virði en náttúran?
Gerir greinahöfundur lítið úr andstæðingum skoðana sinna? Ef svo, hvernig þá?
Rök með og á móti nautaati
Á vefsíðunni debate.org er að finna spurningar um ýmis álitamál þar sem lesendur síðunnar geta
tekið afstöðu til með eða á móti með því að setja fram rök þess efnis. Þar er því hægt að skoða
ýmisskonar rök með og á móti nautaati sett fram af fjölbreyttum hópi fólks. Hægt er að skoða rökin,
réttmæti þeirra og gildi, og taka fyrir einstaka rök og fjalla um þau sérstaklega.
Sjá nánar: „Is bullfighting an acceptable sport in the modern day?“
Umræðupunktar
Hvernig er hægt að bera kennsl á gild rök?
Geta rök verið gild en samt óréttmæt?
Geta rök verið réttmæt en ógild?
Hvort vegur þyngra gildi eða réttmæti? Er hægt að greina þar í sundur?
Er hægt að finna dæmi um rökvillu í rökum með og/eða á móti (sem finna má á síðunni)?
Page 21 of 61
Gagnrýnin hugsun og siðfræði
Heimsmynd
Ótal þættir í umhverfi okkar eru sérstaklega hannaðir til þess að
hafa áhrif á viðhorf okkar og skoðanir. Auglýsingaheimurinn allur
snýst um það að hafa áhrif á hegðun okkar sem neytendur. Allir
sem hafa hagsmuni af viðhorfi almennings geta freistast til að
hafa áhrif á það. Þar má m.a. nefna stjórnmálamenn,
ríkisstjórnir, trúfélög, fyrirtæki og stofnanir. Með nýrri tækni
byggja þessar tilraunir til áhrifa ekki eingöngu á sálfræði- og
félagsfræðikenningum heldur er hægt að greina hegðun
einstaklinga í gegnum notkun þeirra á ýmsum hugbúnaði og
snjalltækjum. Þannig getur hver og einn ómeðvitað orðið að
tæki í höndum hagsmunaðila. Eigendur hugbúnaðar sem er
notaður af mörgum milljónum manna í heiminum getur þannig
miðlað hegðunarmynstrum og tilteknum viðhorfum einstaklinga
til hagsmunaðila.
Miðlar á borð við Facebook nýta sjálfir tæknina til að hafa áhrif á
upplifun einstaklinga og nota upplýsingar sem þeir fá um
einstaklinginn til að sníða þær upplýsingar sem viðkomandi fær að
áhugasviði hans. En hvað er til í þessu og hver gætu orðið áhrif
þessarar þróunar? Á veftímaritinu Wired er að finna grein undir
heitinu „Ég líkaði við allt sem á sá á facebook í tvo daga“.
Viðfangsefni greinarinnar er tveggja daga tilraun sem
blaðamaðurinn ákvað að framkvæma á facebooksíðu sinni. En
tiltaunin fólst í að „líka við“ allt sem kæmi upp á síðu hans, án
undantekninga. Markmiðið var að athuga hvaða áhrif, ef einhver,
það myndi hafa á efni síðunnar og upplifun hans á því. Strax að
nokkrum klukkustundum liðnum mátti greina nýjar áherslur á vegg
facebook síðunnar. Greina mátti öfgakenndari skoðanir en áður, til
öfga hægri eða öfga vinstri, og meira var um stöðuuppfærslum frá
hugbúnaði en frá raunverulegu fólki, sbr. vinum og fjölskyldu
blaðamannsins.
Lykilhugtök
Hugsunarleysi
Læsi
Hagsmunir
Forsendur
Vald
Þekking
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í I., II., III. og IV. hluta
kversins.
Page 22 of 61
Hugmyndin að tilrauninni varð til í kjölfar hugleiðinga um það að
facebook reyni að stjórna upplifun notenda af síðunni. Sem dæmi
má nefna er að ef notandi skoðar ekki myndir eða „líkar ekki við“
neinar stöðuuppfærslur sem tiltekinn vinur hans á facebook setur
inn þá smá saman hverfur þessi einstaklingur af fréttaveitu
facebook notandans þar sem facebook telur að notandinn hafi
ekki áhuga á þessum tiltekna vini. Þannig „losar“ facebook
notendur við „óþægilega“ upplifun og reynir að stýra því að
facebook notandinn fái aðeins upplýsingar og fréttir af því sem
hann hefur áhuga á – og að upplifun hans af notkun síðunnar verði
einkum ánægjuleg og þannig muni hann heimsækja síðuna sem
oftast.
Sjá nánar: „I Liked Everything I Saw on Facebook for Two Days“
Umræðupunktar
Þegar leitarvélin Google er notuð til að leita að vefsíðum og öðru
efni birtast oftar en ekki auglýsingar frá sambærilegum síðum eða
síðunum sjálfum á facebook veggnum. Hvaða áhrif hefur
samkeyrsla sem þessi á upplifun einstaklingsins á facebook? Hvaða
áhrif hefur samkeyrslan á líf einstaklingsins sem neytenda? Með
tímanum verður veruleikinn eins og hann birtist einstaklingnum meir
og meir sniðin að hans áhugamálum og viðhorfum. Hvaða áhrif
hefur það á gagnrýna hugsun einstaklingsins?
Hvernig hafa Google og Facebook áhrif á það hvernig við
upplifum veruleikann?
Skiptir máli að vita hvernig heimsmynd manns, hugmyndir
manns um lífið og tilveruna, verða til eða mótast?
Hvaða áhrif hefur það á tengsl okkar við raunveruleikann ef
við fáum ritskoðaða mynd af honum sem er hönnuð með
þeim hætti að hún passi sem best við okkar eigin viðhorf og
skoðanir?
Ítarefni
Hér er að finna viðtal við
Baldvin Þór Bergþórsson,
doktorsnema í
stjórnmálafræði, á Rás 2
undir heitinu „Hverju stjórnar
þú á fésbókinni?“
Viðfangsefni viðtalsins er
umrædd grein af
veftímaritinu Wired sem og
doktorsrannsókn Baldvins í
stjórnmálafræði.
Í viðtalinu lýsir hann
niðurstöðum tilraunar
blaðamannsins og skýrir frá
ýmsu þessu tengdu, meðal
annars tengslum Facebook
og stjórnmála.
Page 23 of 61
Gagnrýnin hugsun og siðfræði
Hlutleysi vísinda
Til að vera tekin alvarlega sem fræðimaður á tilteknu sviði þurfa
menn að fylgja vísindalegri aðferðafræði í rannsóknum sínum.
Vísindaleg aðferðafræði krefst hlutleysis af hálfu rannsakanda
gagnvart viðfangsefninu. Fræðimenn mega ekki láta
persónulegar lífsskoðanir sínar hafa áhrif á efnistök og
framsetningu viðfangsefnisins. Í sumum tilvikum er erfitt að vera
fullkomlega hlutlaus en vísindamönnum ber ávallt að hafa
þann þátt í huga við gerð rannsóknarinnar og tilgreina
mögulega hagsmuni sína. Þessi nálgun á ekki eingöngu við um
fræðimenn en margar aðrar starfstéttir þurfa að gæta hlutleysis
og fagmennsku í störfum sínum umfram aðrar sbr. dómara,
lögreglu og blaðamenn. Þegar um áreiðanleika staðhæfinga
er að ræða eru forsendur þeirra lykilatrðið.
Hér er að finna viðtal af bandaríska fréttaþættinum Fox News. Þar
tekur þáttastjórnandinn, Lauren Greene, viðtal við höfund
bókarinnar, Zealot: the lives and times of Jesus of Nazareth.
Höfundurinn, Reza Aslan, er bandarískur fræðimaður og hefur áður
fjallað um trúarbrögð í ræða og riti. Að lokinni kynningu á
viðmælenda sínum og bók hans hefur Lauren viðtalið á eftirfarandi
spurningu: „Þetta er áhugaverð bók, ég vil byrja á því að benda á
að þú ert múslimi, hvers vegna skrifaðir þú bók um upphafsmann
kristni?“
Í viðtalinu bendir Lauren ítrekað á að Reza er múslimi að skrifa um
kristni og að efni bókarinnar hljóti þannig að litast af trúarlegri
afstöðu hans. Svar höfundarins við þessu er að í ljósi þess að hann
skrifi bókina sem fræðimaður á tilteknu sviði þá geri það að verkum
að hans persónulega trú hafi ekki áhrif á efnistök bókarinnar. Sem
fræðimaður beri honum að fylgja tiltekinni aðferðafræði vísinda ef
hann vilji vera tekin alvarlega sem fræðimaður og megi ekki láta
persónulegar lífsskoðanir hafa áhrif á efnistök og framsetningu þess
sem hann fjallar um.
Lykilhugtök
Vísindi
Fagmennska
Áreiðanleiki
Þekking
Hlutlægni/huglægni
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í IV. hluta kversins.
Page 24 of 61
Sjá nánar: Viðtal Fox News við Reza Azland
Umræðupunktar:
• Þáttastjórnandinn gefur í skyn að það sé ekkert að marka
bók höfundarins þar sem hann sé að skrifa um trúarbrögð
sem ekki eru hans eigin. Er mögulegt að markmið
höfundarins hafi verið að fjalla um kristna trú á neikvæðan
hátt þar sem hann er múslimi? – af hverju/af hverju ekki? Ef
við erum tiltekinnar trúar, höfum við þá ekki rétt á að fjalla
um önnur trúarbrögð? Hver er munurinn á því að múslímskur
prestur skrifaði um kristna trú og að múslímskur fræðimaður
skrifaði um kristna trú?
• Svo virðist sem tilgangur viðtalsins hafi verið gera lítið úr
trúverðugleika höfundarins með því að leggja áherslu á að
hann væri Múslimi að skrifa um kristindóminn og Jesús.
Trúverðugleiki einstaklingins er dregin í efa á forsendum trúar
hans. Þá á þeirri forsendu að þar sem hann væri múslimi þá
gæti hann ekki fjallað með hlutlausum hætti um
kristindóminn. Hver er munurinn á trúarbrögðum og
vísindum? Er hægt að vera fullkomlega hlutlaus?
• Þegar við greinum viðfangsefni texta, bókar, skiptir þá máli
hver höfundur hennar er?
• Orðnotkun þáttastjórnenda er önnur en viðmælenda þegar
kemur að umfjöllun um réttmæti höfundar til að skrifa
bókina. Svo virðist sem þáttastjórnandi og viðmælandi hafi í
grundvallaratriðum ólíka sýn eða skilning á hvers eðlis bókin
er, eða markmið höfundar hennar. Kemur einhverstaðar
fram í viðtalinu að Lauren líti svo á að Reza skrifi bókina sem
fræðimaður?
• Fyrir þá er vilja leggja stund á fræðileg vísindi er þetta
áhugavert viðfangsefni. Hvernig get ég látið taka mig
alvarlega sem vísindamann? Hvað gæti komið í veg fyrir að
ég væri tekin alvarlega? Hvað felst í hlutleysi vísinda?
Hlutleysi frá hverju? Það að leggja stund á tiltekna
vísindalega aðferð við að rannsaka viðfangsefni sitt á að
stuðla að því að hægt sé að meta rannsóknina þína út frá
tiltekinni aðferðafræði.
Ítarefni
Hér má finna vefsíðu Reza
Azlan.
Hér má finna umfjöllun um
málefnalegar umræður.
Hér er að finna viðtal af
sjónvarpsstöðinni Fox News
þar sem gagnrýni á viðtalið
er mótmælt.
Page 25 of 61
Þegar Reza skýrir frá hugmyndum sínum
um Jesús þá má sjá að frumforsendan í
umfjöllun hans er að Jesús hafi
raunverulega verið til. Það að skoða
persónuna Jesús út frá þeim heimildum
sem hægt er að finna um hann og þann
tíma sem hann lifði á er áhugavert og
getur varpað ljósi á það hvernig samfélag
okkar hefur t.a.m. þróast. Mögulega mætti
segja að umfjöllun hans sé sambærileg
umfjöllun bókmenntafræðinga um Gunnar
á Hlíðarenda, um samfélagið sem hann lifði í, þar sem heimildirnar væru bæði
Íslendingasögurnar sem og aðrar sagnfræðilegar heimildir. Hvernig getum við vitað hvort
eitthvað hafi átt sér stað eða ekki?
Þar sem Reza er sjálfur trúaður maður má velta því fyrir sér hversu mikið fræðileg umfjöllun
hans byggir á forsendum trúar. Það er að segja að það sem trúarbrögðin halda fram er
óhrekjanlegt en einnig ósannanlegt. Trúarbragðafræði felur þá einnig í sér að fjalla um
trúarbrögð útfrá forsendum trúarbragðanna en ekki að meta sannleiksgildi þeirra. Það er
hlutverk heimspekinnar að fjalla um trúarbrögðin og gildi þeirra. Hvað þýðir það að eitthvað
sé óhrekjanlegt eða ósannanlegt?
Hvernig viðtal
Hér má sjá viðtal við höfundinn, Reza Aslan, þar sem hann er gestur í bandarískum háskóla.
Viðfangsefni viðtalsins er sem fyrr efni bókarinnar en með því að bera viðtölin saman má sjá
hvernig efnisleg umræða stýrist af viðhorfi og hlutleysi spyrilsins. Í viðtalinu má einnig fá skýrari mynd
af bakgrunni Reza sem og viðhorf hans til viðfangsefnisins, eitthvað sem Lauren Green var að leita
eftir.
Sjá nánar: „Inside the Scholars Studio“
Umræðupunktar
• Hversu heppilegt er viðtalsformið sem tíðkast á Fox News, sem og fleiri fréttastöðvum í
heiminum, þar sem viðtalstíminn er knappur og lítill tími til að fjalla efnislega um
viðfangsefnið þótt að yfirskriftin sé sú að fara eigi í saumana á tilteknu efni?
Page 26 of 61
Gagnrýnin hugsun og siðfræði
Hugsunarleysi
Þekkingar- eða hugsunarleysi getur komið í kollinn á fólki og
velta má fyrir sér hvort það sé undir einhverjum kringumstæðum
afsakanlegt. Í sumum tilvikum ber fólk fyrir sig þekkingarleysi en í
sumum tilvikum er ekki endilega um illan ásetning að ræða þó
að þekkingin sé til staðar. Hvers vegna skiptir máli að bera
virðingu fyrir tilteknum stöðum, líkt og kirkjugörðum eða jafnvel
fornminjum? Af hverju er óviðeigandi að taka myndir á safni
Önnu Frank og hvers vegna fer það fyrir brjóstið á mörgum
þegar unglingssúlka tekur brosandi sjálfsmynd af sér fyrir framan
útrýmingarbúðir nasista og birtir hana á samfélagsmiðlum?
Skiptir máli hvað gerðist fyrir mörgum áratugum eða jafnvel
hundruðum árum síðan? Margir tjá tilfinningar sínar á
samfélagsmiðlum með þeim hætti að það sem fyrir mörgum er
talið persónulegt verður aðgengilegt öllum sem það vilja.
Sjálfsmynd í Auschwitz
Sumarið 2014 fór Breanna Mitchell, bandarísk unglinsstúlka, á slóðir
helfararinnar í Auschwitz-útrýmingbúðunum í Þýskalandi. Á meðan
dvölinni stóð tók Breanna sjálfsmynd á símann sinn og birti hana á
samskiptavefnum Twitter. Á myndinni stillti Breanna sér upp
brosandi fyrir framan útrýmingabúðirnar og undir myndina skrifaði
hún: „Sjálfsmynd í Auschwitz-útrýmingbúðunum.“ (e. “Selfie in the
Auschwitz Concentration Camp”). Myndbirtingin vakti gríðarmikla
athygli og var Breanna óspart gagnrýnd fyrir atvikið.
Sjá nánar: „Teen criticized on Twitter for Auschwitz concentration
camp selfie“
„Auschwitz selfie girl defends actions“
Lykilhugtök
Virðingarleysi
Samkennd
Umburðarlyndi
Þekking
Siðfræði
Siðferði
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í III. hluta kversins.
Page 27 of 61
Umræðupunktar
Hvað er „selfie“ – mynd og hverjir taka þannig myndir?
o Hver er tilgangurinn með myndinni?
Getur „selfie“ eða sjálfsmynd verið óviðeigandi í vissum
aðstæðum? Hvernig aðstæður eru það?
Hvað er það sem gerir hana óviðeigandi?
o Virðingarleysi? Er það vanvirðing við það sem átti sér
stað að taka sjálfsmynd af sér á staðnum? Skiptir máli
hvort einstaklingurinn er brosandi eða ekki á myndinni?
o Hugsunarleysi? Er myndin minna óviðeigandi ef maður
gerði það óvart? Það er að segja hafði ekki þekkingu
eða skilning á samhenginu?
Hvað gerðist í útrýmingarbúðunum?
Hvers vegna skiptir máli að einstaklingar beri virðingu fyrir og
hugsi um/taki tillit til þess sem átti sér stað á tilteknum stað?
Hvað er átt við með „óviðeigandi“?
Réttlætir það myndatökuna að helförin og seinni
heimstyrjöldin hafi verið uppáhaldsviðfangsefni Breönnu í
sögu, líkt og hún orðar það sjálf, og að pabbi hennar sem
ætlaði að fara með henni í ferðina lést stuttu fyrr?
Samfélagsmiðlar, virðingarleysi og núið
Höfundur pistilsins, „Brosað fyrir Auschwitz-sjálfsmynd og ákall í hinni
stafrænu víðáttu“, bendir á að freistingin við notkun samfélagsmiðla
er að gera vini okkar að áheyrendum. Þannig geta staður og stund
þar sem það að vera á staðnum og njóta augnabliksins,
upplifunarinnar, er markmið heimsókanarinnar en á sama tíma erum
við upptekin af því að finna „augnablik“ til að varpa út (e.
broadcast) á samfélagsmiðlana.
Sjá nánar: „Smiling for 'Auschwitz selfies,' and crying into the
digital wilderness“
Ítarefni
Hér má finna slóð á vefsíðu
um sjálfsmyndir sem teknar
eru á, er talið er, óviðeigandi
stöðum.
Grein Ólafs Páls Jónssonar
heimspekings, „Hugsandi
manneskjur“, fjallar um
mikilvægi gagnrýninnar
hugsunar og því hvað
hugsunarleysi getur falið í sér í
m.a. sögulegu samhengi. Sjá
nánar: Hugur 23/2011, s: 121-
131.
Hér er að finna grein undir
heitinu „Ætti Auschwitz að
vera vettvangur
sjálfsmynda?“ Þar fjallar
greinarhöfundur um
sjálfsmyndir Ísraelskra
unglinga í Auschwitz þar sem
þeir voru í skólaferðalagi.
Myndirnar voru gagnrýndar
fyrir að vera óviðeigandi og
sýna lítinn skilning á því hvað
átti sér stað í
útrýmingarbúðunum.
Page 28 of 61
Umræðupunktar
Hvers vegna ættum við að tjá sorgir okkar og gleði á samfélagsmiðlum? Hverjum erum við að
tjá sorgir okkar og gleði?
Er stigsmunur á tengslum okkar við fólk? Erum við í samskonar sambandi við alla? Líkt og
fjölskyldu, kunningja og vini?
Hver er munurinn á opinberu lífi og einkalífi?
Er hægt að krefjast afskiptileysis frá einhverju sem þú póstar opinberlega og er öllum
aðgengilegt sem vilja?
Hvað glatast, ef eitthvað, þegar við stillum myndavélinni/myndsímanum upp á milli okkar og
þess sem við erum að upplifa? Hvers virði er upplifunin?
Sjálfsmyndir – sjálfhverfa eða skráning atburða
Höfundur greinarinar, „Hin hliðin á hinni alræmdu „Auscwitz sjálfsmynd““, veltir upp réttmæti
myndatökunnar og dregur fram sjónarmið sem ýmsir félagsfræðingar og fræðingar um
samfélagsmiðla hafa haldið fram en það er að sjálfsmyndir þurfi ekki ávallt að fela í sér
sjálfsupphafningu, líkt og oft er haldið fram, heldur geti þær einnig verið birtingarmynd þess að
einstaklingar hafa tilhneigingu til vilja skrá sögu sína, sbr. „ég var hér“ eða „þetta gerðist“.
Greinahöfundur vill þó meina að það afsaki ekki hversu tillitslaus, óviðeigandi og sjálfshverf
myndartaka Breönnu var. Líkt og að þjáningar milljónir manna væru á einhvern hátt innlimaðar af
hennar eigin persónulegu sögu/upplifun. Þrátt fyrir það gagnrýnir höfundurinn þá tilhneigingu
netmiðla til að nýta sér feilspor unglinga til að auka heimsóknartíðni á síður sínar til þess eins að
græða á því fjárhagslega. Þannig dragi þeir athyglina frá því að ekki er um einangrað tilvik að
ræða heldur að um sé að ræða mjög algengt fyrirbæri sem þarf að ræða og rannsaka.
Sjá nánar: „The other side of the infamous “Auschwitz selfie”
Umræðupunktar
Upplifun Breönnu á heimsókninni var mjög persónuleg. Gat hún álásað fólki fyrir að setja
myndina hennar í annað samhengi en hennar eigin?
Page 29 of 61
Gagnrýnin hugsun og siðfræði
Ritskoðun
Með tímanum getur viðhorf samfélagsins til ýmissa hluta breyst.
Eitt sem áður þótti viðgeigandi verður með tímanum
óviðeigandi og ýmsar ástæður eru fyrir viðhorfsbreytingunum.
Ýmislegt sem áður taldist til afþreyingar getur seinna talist
óviðeigandi vegna boðskaparins sem finna má í efninu. Þar má
meðal annars nefna viðhorf sem finna má í kvikmyndum og
sjónvarpsþáttum en einnig í bókmenntum. Þá standa menn
frammi fyrir því hvort vegi þyngra menningarlegt gildi hlutarins
eða neikvæður boðskapur. Geta fordómafullar skoðanir verið
menningararfur sem ber að varveita? Getur menningarlegt gildi
einhvers vegið þyngra en boðskapurinn sem það boðar?
Tíu litlir negrastrákar
Árið 2007 ákváðu bókaútgáfa að endurútgefa barnabókina Tíu litlir
negrastrákar sem fyrst var gefin út hér á landi árið 1922. Tíu litlir
negrastrákar er heiti á vinsælli barnagælu sem samin var af
bandaríska vísnaskáldinu Septimus Winner og fyrst gefin út árið
1868 undir heitinu Ten Little Niggers. Nokkru síðar var heitinu breytt í
Ten Little Injuns eða Ten Little Indians og textanum sömuleiðis í ljósi
þess hve niðrandi orðið „nigger“ var (og er) í augum þeldökkra
bandaríkjamanna. Endurútgáfa bókarinnar hér á landi sætti
gagnrýni í ljósi þess að það viðhorf til blökkumanna sem bókin gaf
til kynna þótti úrelt og óviðeigandi. Til að mynda ályktaði lýðræðis-
og jafnréttisnefnd Hafnarfjarðar að ráðið harmaði endurútgáfu
bókarinnar og taldi að boðskapur hennar „byggi á fáfræði, úreltri
hugmyndafræði og rasisma sem hafi ekkert uppeldisgildi og eigi
því ekki erindi á borð íslenskra barna í dag.“ Sumir töldu þó að um
menningararf væri að ræða þar sem bókin hefði verið myndskreitt
af virtum íslenskum listamálara og tryggðu sér eintak.
Sjá nánar: „Negrastrákarnir seljast eins og heitar lummur“
Lykilhugtök
Menning
Uppeldi
Bókmenntir
Listrænt gildi
Samfélag
Afstæði
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í III. hluta kversins.
Page 30 of 61
Umræðupunktar:
Hvert er menningarlegt gildi bókarinnar?
Eiga þau viðhorf sem koma fram í bókinni heima á safni?
o Gauti B. Eggertsson. „Einn lítill negrastrákur.“
Fréttablaðið, 31. október 2007
Hvaða erindi á bókin við samtímann?
Er allt leyfilegt í nafni listarinnar?
Er endilega um algildar hugmyndir þess tíma að ræða?
o Myndir Muggs vs. myndir upprunalegu bókarinnar
Á að ritskoða gamlar bækur sem hafa að geyma
fordómafullar skoðanir (sbr. við endurútgáfu þeirra) eða leyfa
þeim að halda sér?
Að horfast í augu við eigin viðhorf og skoðanir. Hversu saklaust
var það samfélag sem ólumst upp í?
o Kristín Loftsdóttir. „Augljósir fordómar um
negrastrákana.“ RÚV, viðtal 21. mars 2012.
Hvaða viðhorf kynnum við fyrir börnunum okkar og hversu
gagnrýnin geta þau verið á réttmæti skoðana / hegðunar?
o „Barnabækur fyrir börn“
Er rétt að hafa umburðarlyndi fyrir fordómum?
o „Tíu litlir negrastrákar í Eymundsson“
Ítarefni
Í Svíþjóð átti sér stað
umræða um hvort klippa
ætti út valda þætti úr
verkum Astrid Lindren sem
taldir voru fordómafullir og
barn síns tíma.
Þar kom meðal annars fram
að markhópur verkanna
væru börn og að það að
klippa út tilgreinda þætti
myndu ekki hafa áhrif á
innihald verksins. Þar að auki
hefði Astrid Lindgren staðið
fyrir allt annað en fordóma.
Sjá umfjöllunina hér
Hér má einnig finna íslenska
umfjöllun um málið:
„Klippa rasismann burt úr Línu
langsokki“
Page 31 of 61
Gagnrýnin hugsun og siðfræði
Rökstudd afstaða
Í umfjöllun um gagnrýna hugsun og rökfræði er auðvelt að tína
til dæmi þar sem einstaklingar hafa, í gegnum söguna, fylkt sér
í tvær fylkingar, með eða á móti, tilteknum atriðum. Sögulega
hafa verið færð rök gegn ýmsu sem þykir jafnvel sjálfsagður
hlutur í dag. Það að skoða rökin sem sett voru gegn einhverju
sem við sjáum ekki ástæðu til að réttlæta í dag getur gefið
innsýn inn í á hvaða hugmyndum það byggist og jafnvel hvers
vegna mikilvægt er að hlúa að halda því í heiðri. Þá getur það
einnig aukið skilning okkar á hvers vegna það taldist ekki
sjálfsagt áður fyrr og í hvaða sögulega samhengi hlutirnir áttu
sér stað. Það að skoða röksemdafærslur eykur skilning okkar á
eðli og einkenni röksemda, hvað beri að varast og hvernig
hægt sé að ræða gildi þeirra með uppbyggilegum hætti.
Röksemdafærslur geta verið af mörgum toga og ein helsta
leiðin til að fjalla um þær er að velta fyrir sér rökvillum og skoða
gildi og réttmæti þeirra röksemda sem settar eru fram.
Röksemdafærsla getur einnig verið rökfræðilega rétt en
réttmæti hennar umdeilanlegt.
Kosningarréttur kvenna
Kosningaréttur kvenna þykir mörgum eflaust sjálfsagt mál í dag.
Staðreyndin er hins vegar sú að það eru rétt um hundrað ár frá því
konur á Íslandi fengu kosningarétt en það er um tæpum 200 árum
eftir að saga kosningaréttar kvenna hófst í Svíþjóð árið 1718. Þá
fengu konur sem greiddu skatta fyrstar kvenna að kjósa á jafnt við
menn. 19. öldin var þó sá tími þar sem mörg ríki fóru að veita
konum kosningarrétt. Kosningaréttur er hins vegar ekki sjálfsagt mál
og enn þann dag í dag finnast ríki þar sem konur hafa
takmarkaðan eða engan rétt til að kjósa, sem dæmi má nefna
Sádí Arabíu og Brunei. Hér verða rökin með og á móti kosningarétti
kvenna skoðuð líkt og þau birtust í kvenfrelsisbaráttunni í
Bandaríkjunum í upphafi 20. aldar.
Lykilhugtök
Mannréttindi
Feminsmi
Réttlæti
Jafnrétti
Röksemdafærslur
Rökvillur
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í I. hluta kversins.
Page 32 of 61
Rök gegn kosningarétti kvenna
Fólki í dag kann að þykja það óhugsandi en til að byrja með var
aðeins um að ræða fámennan hóp kvenna (og karla) sem studdi
tillöguna um kosningarétt kvenna til jafns á við karla. Oftar en ekki
var stór hluti kvenna í samfélaginu á móti kosningarétti fyrir konur.
Hér er að finna grein sem birtist í bandaríska fréttablaðinu The
Atlantic Monthly haustið 1903 eftir Lyman Abbott. Heiti greinarinnar
er „Hvers vegna konur kjósa ekki kosningarrétt kvenna“ og er
markmið hennar að taka upp málstað þeirra kvenna sem eru á móti
kosningarétti kvenna og að útskýra á hvaða rökum það viðhorf
byggist.
Sjá nánar: Abbott, Lyman. 1903. „Why Woman Do Not Wish the
Suffrage.“ The Atlantic Monthly, 3/9/1903. [Volume 92,
No. 551; page 289-296.]
Umræðupunktar
Hvaða, ef einhverjar, rökvillur má finna í greininni?
Í greininni segir Abbot m.a. að trjáhögg og námugröftur sé
ekki kvenmansverk. Í fyrri og seinni heimstyrjöldinni kom það
hins vegar í hlut margra kvenna að sinna karlmannsstörfum
þarf sem mennirnir voru á vígvellinum. Þannig hafði stríðið
áhrif á hugmyndir karla og kvenna um hlutverk þeirra og
getu. Er hægt að nefna fleiri sambærileg dæmi um breytt
viðhorf til getu kvenna?
Ítarefni
Hér að finna slóð á vefsíðu í
tilefni 100 ára afmæli
kosningarréttar kvenna á
Íslandi.
Hér má finna greinna
„Women's suffrage in
Iceland“ af vefsíðunni
Kvennasögusafn.is.
Hér má finna myndband þar
sem leikkonan Emma Watson
talar um feminisma.
Hér má finna grein eftir Þorleif
H. Bjarnason undir heitinu
„Um kosningarrétt kvenna“
frá árinu 1907.
Page 33 of 61
Hér fyrir neðan er að finna dreifirit sem samið var af the Woman Anti-Suffrage samtökunum í New
York í kringum 1916. Þar eru sett fram níu ástæður eða rök fyrir því að konur ættu ekki að fá
kosningarétt og einstaklingar hvattir til að kjósa gegn tillögunni. Hægt er að vinna með rökin á
marga ólíka vegu, sem einstaklingsverkefni eða hópverkefni. Þá er mikilvægt að skoða gildi og
réttmæti þeira röksemda sem settar eru fram og ræða forsendur þeirra og jafnvel sögulegt
samhengi. Hvaða viðhorfum lýsa þau, eru einhver þeirra sem sett eru fram enn þann dag í dag í
sambærilegri mynd?
Hér fyrir neðan má sjá dæmi um verkefni:
A.
i. Veljið eina af ástæðunum sem
settar er fram af samtökunum og
þýðið hana yfir á íslensku.
ii. Takið afstöðu með eða á móti
staðhæfingunni og færið rök fyrir
afstöðunni.
B. Raðið staðhæfingunum eftir
vægi, frá verst til best.
C. Finnið dæmi um mismunandi
rökvillur í þeim staðhæfingum sem
settar eru fram.
D. Finnið dæmi um rök sem enn er
beitt í dag í sambærilegu
samhengi.
E. Er hægt að finna dæmi um rök
sem byggja á ófullnægjandi
forsendum?
F. Hvaða rök eru bestu rökin að
ykkar mati og hvers vegna eru þau
það?
G. Hvers vegna tóku konur
afstöðu gegn kosningaréttinum
á þessum tíma? Gætu konur
verið á móti honum í dag?
Page 34 of 61
Hér er má sjá fleiri veggspjöld sem notuð voru í baráttunni gegn kosningarétti kvenna í upphafi 19.
aldarinnar:
Umræðupunktar
Eru rökin sem sett eru fram í veggspjöldunum
sanngjörn?
Er eitthvað til í því sem fram kemur á veggspjöldunum?
Hvaða ólíku tegundir röksemdafærslna má finna á
veggspjöldunum?
Page 35 of 61
Rök með kosningarétti kvenna
Hér er að finna dæmi um rök sem sett voru
fyrir kosningarétti kvenna á sama tíma. Hvað
má segja um þau rök? Eru þau öll réttmæt og
sanngjörn?
Umræðuspurningar
Um hverskonar röksemdafærslur er að
ræða?
Er hægt að finna betri rök fyrir
kosningarétti kvenna? Ef svo er, hvers
vegna eru þau rök betri? Hvað er það
sem gerir rök gild og réttmæt?
Er hægt að finna dæmi um rök sem
vísa í tilfinningar í þeim staðhæfingum
sem settar eru fram?
Hvað annað var að gerast í heiminum
á þessum tíma sem gæti hafa haft áhrif
á viðhorf til kvenna? Hvers vegna hafði
það áhrif á viðhorf til kvenna?
Hvers vegna voru bæði karlar og konur
með og á móti hugmyndinni um
kosningarétt kvenna en ekki eingöngu
konur með honum og karlar á móti
honum?
Mynd 6: „Við erum tilbúnar til að vinna við hlið ykkar, berjast við hlið ykkar og deyja við hlið ykkar. Leyfið okkur
að kjósa við hlið ykkar.“
Page 36 of 61
Hér er að finna dreifirit sem gefið var út af útgáfufyrirtækinu National Woman Suffragate í New
York. Dreifiritið bar heitið „Hver stendur fyrir hana?“ og eru settar fram fimm spurningar til að draga
fram þá staðreynd að þegar konan brýtur af sér þá er engin annar en hún sjálf sem ber ábyrgð á
verknaðnum. Að lokum er sett fram spurningin „Hvers vegna er það svo að eini staðurinn í
heiminum þar sem karlmaðurinn vill koma fram sem staðgengill konunnar þá er það við
kjörkassann?“
Umræðuspunktar
Hvað kemur fram í staðhæfingunum
sem settar eru fram, eru þær allar
réttmætar?
Hvað segir það um stöðu einstaklingsins í
samfélaginu þegar hann ber eingöngu
ábyrgð á sjálfum sér í tilteknu samhengi en
ekki öllum stundum?
Er jafnrétti á milli einstaklinga þegar
annar einstaklingurinn hefur fleiri
samfélagsleg réttindi umfram hinn?
Hvað þýðir að vera fullgildur meðlimur
samfélagsins?
Er það kostur eða galli að bera ekki alla
ábyrgð á sjáfum sér sem einstaklingur?
Page 37 of 61
Gagnrýnin hugsun og siðfræði
Sanngirni og rök
Það að vera unglingur í heimi fullorðinna er ekki alltaf auðvelt.
Löngunin til að vera tekin alvarlega á jafnt við aðra fullorðna
getur valdið óþreyju þegar viðmótið er ekki í þeim anda.
Unglingurinn getur mætt fordómum vegna ungs aldurs og
fengið það viðmót að viðhorf hans og hugleiðingar eigi ekki
heima í heimi fullorðinna. Í raun er það viðmót hins fullorðna sem
er úrslitakostur um farsæl samskipti en virðing er eitthvað sem
einstaklingar ávinna sér, óháð aldri. Dæmið hér fyrir neðan segir
frá samskiptum unglings og fullorðinna þar sem viðfangsefnið
sjálft hefur mikið vægi. Þar má sjá dæmi þess að á meðan
unglingurinn vandar sig gerist hinn fullorðni sekur um
mælskubrögð og það að tala niður til viðmælenda síns í ljósi
ungs aldurs hans.
Í þættinum The Lang and O’Leary Exchange, af sjónvarpsstöðinni
CBC NEWS, var tekið viðtal við hina14 ára gömul Rachel Parent.
Viðfangsefni viðtalsins er spurningin um réttmæti erfðrarbreyttra
matvæla og réttindi neytenda í því samhengi. Rachel leggst ekki
alfarið gegn erfðabreyttum matvælum en leggur þess þá heldur
áherslu á mikilvægi þess að erfðabreytt matvæli séu merkt til að
tryggja réttindi neytenda til að velja og taka afstöðu til þeirra á
eigin forsendum. Annar þáttastjórnandanna hafði áður fjallað um
erfðabreytt matvæli við fleiri tækifæri og sett fram rök fyrir gildi
þeirra og má því segja að hann sé því ekki fyllilega hlutlaus
gagnvart viðfangsefninu. Viðfangsefnið, erfðabreytt matvæli, er
ekki einfalt enda bæði vísindalegir, siðferðilegir og pólitískir fletir á
viðfangsefninu. Rachel virðist þó ekki eiga í erfiðleikum við að tjá
skoðanir sýnar og virðist leggja sig fram við að halda sig við
viðfangsefnið og færa rök fyrir máli sínu.
Sjá nánar: Viðtal
Lykilhugtök
Málefnalegur
Rökræður
Siðferði
Réttindi
Vísindi
Vald
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. og IV. hluta kversins.
Page 38 of 61
Umræðupunktar
Hvaða mælskubrögð gerist annar þáttastjórnandinn sekur
um?
o Stundum er talað um „að fara í manninn en ekki
málefnið“, hvað er átt við með því?
o Finndu dæmi í viðtalinu þar sem þáttastjórnandi
reynir að gera lítið úr málflutningi Rachel með því að
leggja áherslu á aldur hennar.
o Finndu dæmi í viðtalinu þar sem þáttastjórnandi
reynir að tortryggja Rachel með því að leiða líkur að
því að það sé verið að nota hana, í ljósi þess að hún
sé svo ung og þarf af leiðandi að leiða að því líkur að
hún sé jafnvel barnaleg eða auðtrúa.
o Finndu dæmi þar sem þáttastjórnandi reynir að skipta
um umræðuefni. Hvað kallast það í rökfræði?
o Geturðu fundið fleiri dæmi um mælskubrögð eða
rökvillur?
Gestu þáttarins, Rachel, situr ein á móti tveimur
þáttastjórnendum, hvaða áhrif hefur það á viðtalið, ef
einhver?
o Hefði verið réttara/sanngjarnara ef það hefði
eingöngu verið einn þáttastjórnandi?
o Hefði viðtalið verið betra/verra ef O´Leary hefði einn
séð um að stýra viðtalinu? Hvers vegna?
o Hefði viðtalið verið betra/verra ef Lang hefði ein séð
um að stýra viðtalinu? Hvers vegna?
Hvað felst í því að vera talsmaður einhvers?
Hvernig er hægt að bera kennsl á áróður?
Til kennara
Gott er að kynna viðfangsefni
viðtalsins fyrir nemendum áður
en þeir horfa á myndbandið. Í
viðtalinu er nokkuð um
fræðilega notkun í tengslum við
erfðabreytt matvæli en það er
ekki markmið verkefnisins að
nemendur skilji orð frá orði hvað
er sagt í viðtalinu (nema
samhliða markmiðum t.d.
enskukennslu). Öllu heldur skiptir
máli að bera kennsl á hvernig
viðtalið fer fram, hvernig
viðmælendur svara andmælum
og setja fram röksemdafærslur
sínar. Þá má einnig lesa í
líkamstjáningu og raddbeitingu í
þessu samhengi. Efnislega er
viðtalið þó einnig áhugavert og
er hægt að tengja það við ýmis
hefðbundnari viðfangsefni
kennslu t.d. í líffræði, efnafræði
eða samfélagsfræði. Þá má
velta fyrir sér með ítarlegri hætti
hvað Rachel hefur til síns máls,
ef eitthvað, og hvort þær
skoðanir sem þáttastjórnandinn
setur fram séu réttmætar eða
óréttmætar. Hafa ber í huga að
framsetning
röksemdafærslanna hefur þá
oftar en ekki jafn mikið vægi og
innihald þeirra.
Page 39 of 61
Gagnrýnin hugsun og siðfræði
Siðferðileg álitamál
Í umfjöllun um siðferðileg álitamál er oftar en ekki auðveldast að
bera kennsl á þau í tengslum við heilbrigðismál. Þar má nefna
sem dæmi fóstureyðingar, líknadauða og staðgöngumæðrun.
Hér er fjallað um nokkur dæmi sem upp hafa komið í tengslum
við staðgöngumæðrun og fötluð börn. Velt er upp spurningum
á borð við „Hver eru réttindi barna?“, „Hvað felst í því að vera
foreldri?“ og „Hvenær eru börn börnin manns?“
Staðgöngumæðrun er og hefur verið umdeild þá einna helst í
ljósi réttmæti hennar en þá má velta fyrir sér hvort það sé
siðferðilega rétt að gera allt sem er tæknilega hægt. Þá eru til
dæmi þess að umsýslun með staðgöngumæðrun sé gerð með
ólögmætum hætti og að misnotuð sé bágborin aðstaða
staðgöngumóðurinna. Annar útgangspunktur verkefnisins er
fatlanir en fleiri en eitt dæmanna fjalla um það þegar foreldrar
neita að taka við fötluðu barni frá staðgöngumóðurinni. Velt er
upp spurningum á borð við „hvað það að vera „fullkomin“?“
og „hver er ábyrgð foreldra?“. Hver ber ábyrgð á því að barn
komi í heiminn?
Gammy
Árið 2013 fæddi tælensk staðgöngumóðir tvíbura, dreng og stúlku.
Í kjölfar fæðingarinnar fór af stað atburðárás sem varð til þess að
stúlkan fór með blóðforeldrum sínum til Ástralíu en drengurinn varð
eftir hjá staðgöngumóðurinni í Tælandi. Upphafsaga málsins er sú
að staðgöngumóðirin hafði fengið greitt fyrir það að ganga með
börnin af áströlsku pari á miðjum aldri. Staðgöngumóðirin og
ástralska parið hafði ekki hist fyrr en að fæðingunni lokinni en
umboðsskrifstofa hafði verið milligönguliður fram að því.
Atburðarrásin í kjölfar fæðingarinnar er ekki augljós en
staðgöngumóðirin og ástralska parið sögðu hvort sína söguna.
Greina mátti þó meiri samkvæmni í frásögn staðgöngumóðurinnar
á meðan ástralska parið var margsaga í frásögn sinni.
Lykilhugtök
Mannréttindi
Siðferði
Siðfræði vísinda
Réttindi barnsins
Foreldrahlutverkið
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í III. hluta kversins.
Page 40 of 61
Þegar staðgöngumóðirin, Pattharamon, var gengin fjóra mánuði á
leið kom í ljós að annar tvíburanna var með Downs-heilkennið. Það
fékk hún hins vegar ekki sjálf að vita fyrr en hún var komin sjö
mánuði á leið en þá var hún beðin um af foreldrunum að fara í
fóstureyðingu. Því neitaði Pattharamon af trúarlegum ástæðum.
Samkvæmt frásögn staðgöngurmóðurinnar var í kjölfarið rætt um
að drengurinn yrði settur á fósturheimili fyrir fötluð börn en hún gat
ekki hugsað sér að drengurinn færi á stofnun þar sem enginn
elskaði hann. Pattharamon ákvað þá að taka sjálf drenginn að sér
og ala hann upp sem sitt eigið barn en sjálf átti hún tvö börn fyrir.
Málið kemst í fjölmiðla þegar staðgöngumóðirin leitar aðstoðar þar
sem drengurinn þarf á hjartaðgerð að halda nokkurra mánaða
gamall. Í kjölfarið er reynt að hafa upp á líffræðilegum foreldrum
hans til að fá skýringu þeirra á atburðarrásinni og afdrifum hins
tvíburans. Erfitt reynist að hafa uppi á foreldrunum sem flýja heimili
sitt og neita að tjá sig um málið við fjölmiðla. Félagsmálayfirvöld í
Ástralíu blandast í málið þegar í ljós kemur að faðirinn er dæmdur
barnaníðingur og óttast er um velferð stúlkunnar sem þau héldu
eftir.
Sjá nánar:
Fréttaskýringar af ástralskri sjónvarpsstöð, ABC News:
Paying for parenting
Baby Gammy's biological father revealed as convicted
paedophile, raises surrogacy law questions
Baby Gammy story takes startling turn as extreme options
revealed
Umfjöllun The Guardian
“Baby Gammy: conflicting reports about baby boy
'abandoned' in Thailand”
International surrogacy laws in the spotlight amid row over
baby Gammy
Child abuse convictions of Gammy's father prompt
investigation
Gammy: Australian parents wanted a refund and would
have aborted him
Umræðupunktar:
Málið vekur upp ótal spurningar um staðgöngumæðrun, um
hagsmuni foreldranna, staðgöngumóðrinnar og barnsins.
Ítarefni
Hér má sjá myndasyrpu af
Gammy og
staðgöngumóður hans.
Hér fyrir neðan má finna
umfjöllun af vef innanríkis-
ráðuneytisins um
staðgöngumæðrun:
„Réttarstaða barns við
staðgöngumæðrun – ýmis
álitaefni“
Page 41 of 61
Fullkomin börn: Einum tvíbura haldið, annar skilinn eftir
Í breska fréttamiðlinum The Daily Mail er að finna frásögn af breskum foreldrum sem skildu eftir
fatlað barn hjá staðgöngumóður í Bretlandi en tóku með sér heilbrigðan tvíburabróður stúlkunnar.
Samkvæmt því sem fram kemur í blaðinnu fékk staðgöngumóðirin greitt fyrir þjónustuna og eftir
umfjöllun um mál Gammy ákvað staðgöngumóðirin að koma fram með sögu sína til að sýna fram
að sambærileg mál og Gammys geti, og hafið komið upp, í Bretlandi. Við fæðingu vor börnin tekin
með keisaraskurði og um leið og drengurinn var orðin nógu
hraustur fékk hann að fara heim með blóðforeldrum sínum.
Stúlkan var áfram á spítalanum á meðan fylgst var með
ástandi hennar. Á spítalanum var hún síðan greind með
Congential Myotonic Dystrophy, sjúkdóm sem veldur mikilli
líkamlegri og andlegri fötlun. Þegar staðgöngumóðirin tilkynnti
foreldrum stúlkunnar um ástand hennar neituðu þau að taka
við henni en samkvæmt frásögn staðgöngumóðirinnar
sagðist líffræðileg móðir barnanna ekki vilja grænmeti fyrir
dóttur. Í kjölfarið ákvað staðgöngumóðirin að ala stúlkuna
upp með manni sínum en þau áttu nokkur börn fyrir. Vegna
ástands stúlkunnar hefur fjölskyldan þurft að stækka við sig í
húsnæði og heimilisfaðirinn bætt við sig í vinnu til að standa
undir öllum kostnaði. Þrátt fyrir auknar fjárhagslegar byrðar
segir staðgöngumóðirin að stúlkan sé 100% dóttir hennar og
að hún elski hana jafnmikið og önnur börn sín.
Sjá nánar: “'I don't want a dribbling cabbage for a daughter': What mother told her surrogate
before rejecting disabled baby girl”
Umræðupunktar:
Hvað hefði gerst ef móðirin hefði sjálf eignast tvíburana á spítala, hefði hún þá getað skilið
annan eftir líkt og hún gerði? (ath. í þessu samhengi dæmið hér á eftir)
Hvers vegna ættu foreldrar ekki að vilja fatlað barn?
Hver er mælikvarðinn á fullkomið barn?
Hvað ef það kemur í ljós að barnið sem foreldrarnir héldu eftir er með sjúkdóm af einhverju
tagi, hafa þeir þá rétt á að skila því barni líka? Af hverju ættu þau að halda því barni?
Hver er siðferðileg ábyrgð foreldranna í þessu samhengi?
Page 42 of 61
Breskir foreldrar „skila“ öðrum tvíburanum til yfirvalda
Önnur umfjöllun fréttamiðilsins The Daily Mail fjallar um bresk hjón sem eru amma og afi
tvíburastúlkna sem fæddar voru árið 2004. Samkvæmt frásögn þeirra ákváðu foreldrar stúlknanna
að þeir vildu ekki eiga annan tvíburann þar sem hún væri með Downs heilkennið en í kjölfarið gáfu
þau hana til ættleiðingar. Fólkið bjó í Bandaríkjunum en flaug aftur til Bretlands og afhentu stúlkuna
félagsþjónustunni í Bretlandi. Foreldrarnir eru bæði í háum stöðum og búsett í Bandaríkjunum þar
sem dóttir þeirra gengur í alþjóðlegan einkaskóla. Hinn tvíburinn býr hins vegar í Bretlandi hjá
fósturforeldrum sínum og gengur í almennan skóla. Amman og afinn sem viðtalið er tekið við sjá
eftir barninu og vilja fá að hitta stúlkuna á ný gegn vilja blóðforeldra hennar. Það hefur reynst
ömmunni og afanum erfitt að fá að mynda tengsl við stúlkuna á ný en í umfjölluninni kemur fram
að þau hafi fengið leyfi til að hitta hana einu sinni á ári.
Sjá nánar: “Britain’s Gammy: Grandparents’ grief over Down's syndrome twin who was given up
for adoption – while her sister now attends top private school”
Umræðupunktar:
Er hægt að skila barni líkt og gallaðri vöru?
Hvaða áhrif hefur það á tvíbura, ef einhver, að aðskilja þá?
„Hver á mig? Hvers vegna er ég hér?“
Vorið 2014 komst bandaríski þáttastjórnandinn og leikkonan Sherri Shepherd í fréttirnar þegar hún
og eiginmaður hennar sóttu um skilnað. Ástæða umfjöllunarinnar varð einna helst í ljósi þess að
Sherri og eiginmaður hennar, Lamar Shelly, áttu von á barni sem staðgöngumóðir gékk með fyrir
þau. Staðgöngumóðirin var komin sex mánuði á leið þegar þau sækja um skilnað og veltu
fjölmiðlar því fyrir sér hvaða áhrif það hefði á framtíð barnsins. Þegar Sherri og Lamar ákveða að
þeim langaði að eignast barn saman ákváðu þau að leita til staðgöngumóður. Þegar í ljós kom að
ekki væri hægt að nota egg Sherri keyptu þau gjafaegg. Líffræðilegir foreldrar barnsins eru því
óþekkt kona og Lamar Shelly. Staðgöngumóðirin er þá fjórði aðilinn er kemur að fæðingu barnsins.
Sherri á að hafa sagt á sínum tíma að hún myndi elska barnið sem sitt eigið og að það skiptir ekki
máli hvers egg það er, hún muni strax mynda tengsl við barnið, „það er að vera móðir“. Stuttu eftir
að barnið fæðist, kemur Lamar hins vegar fram í fjölmiðlum og skýrir frá því að Sherri vilji ekkert með
barnið hafa, að hún telji það ekki sitt eigið barn. Þegar hjón skilja en eiga von á barni saman (sem
eiginkonan gengur með) elur konan barnið og foreldrarnir skipta með sér forræði. Í tilviki Sherri og
Lamars er það ekki eins augljóst þar sem Sherri gengur ekki með barnið. Það breytir því þó ekki að
þegar Sherri og Lamar taka þá ákvörðun sem hjón að eignast barn saman er sú ákvörðun ekki
frábrugðin ákvörðun annarra foreldra sem eignast barn saman.
Sjá nánar: Sherri Shepherd’s Estranged Husband Speaks Out About Surrogate Baby Drama
Page 43 of 61
Umræðupunktar:
Hvenær er barn barnið manns?
o Er það ákvörðunin?
o Er það meðgangan?
o Er það líffræðin?
o Eitthvað annað?
Getur maður hætt við að verða foreldri?
En ef ákvörðunin var ekki meðvituð? Hvað um börnin sem óvart verða til. Er hægt að hætta við
að eiga þau? (sbr. Fóstureiðingar)
Til eru dæmi þess að konur komast ekki að því að þær eiga von á sér fyrr en þær eru komnar
fram yfir þann tíma sem fóstureyðingar eru leyfilegar á. Ættu þær að hafa rétt á því að „skila“
barninu þegar það kemur í heiminn?
Um staðgöngumæðrun og réttmæti hennar
Hér er að finna slóð á vefsíðuna debate.org þar sem settar eru fram spurningar um fjölmörg
álitamál og lesendur síðunnar geta tekið afstöðu til. Hér er sett fram spurningin „Eru
staðgöngumæðrun mikilvæg leið fyrir ófrjó pör til að verða foreldrar?“
Sjá nánar: “Surrogate mothers: Is surrogacy an important means to parenthood for infertile
couples?”
Umræðupunktar:
Öll dæmin hér að framan eru dæmi um neikvæðar afleiðingar staðgöngumæðrunar og segja
eflaust meira um fólkið sem að dæmunum standa frekar en tæknina sjálfa. Á að banna
staðgöngumæðrun í ljósi þess að það er til fólk sem misnotar hana og umgengst hana líkt og
verslun og viðskipti?
Getur verið að vandamálið er ekki tæknin sjálf heldur „við“ sem beytum henni. Að vandamálið
liggi í því að við tökum ekki ábyrgð, að við umgöngumst ekki tæknina eða lífið sem hún gefur
af virðingu þar sem við erum sjálfselsk, sjálfhverf og óábyrg?
Page 44 of 61
Gagnrýnin hugsun og siðfræði
Staðhæfingar
Gagnrýnin hugsun felur í sér íhugun, ígrundun og oftar en ekki í
sér ákveðna rannsókn á viðfangsefni. Þess vegna þarfnast hún
tíma. Áhugavert að skoða það hvernig skortur á tíma getur haft
áhrif á það hvernig við myndum okkur skoðun og gæði
skoðana okkar en einnig um það hvernig skoðanir okkar hafa
áhrif á athafnir okkar. Tímaskortur getur gert það að verkum að
við myndum okkur skoðun eða setjum fram staðhæfingu án
þess að ígrunda hana nægilega vel, þ.e.a.s. þannig að við
getum fært sannfærandi rök fyrir henni eða gerum okkur grein
fyrir forsendum hennar. Tímaskortur getur komið til hvort sem er
af nauðsyn, þvingun, eða verið valkvæður. Þannig getur það
orðið af ásetningi, af fljótfærni eða af öðrum hvötum þess sem
á í hlut, að viðkomandi velur, meðvitað eða ómeðvitað, að
íhuga, ígrunda eða rannsaka málið ekki frekar.
Dagana 9. og 10. apríl 2014 bar mikið á fréttaumfjöllun í helstu
fréttamiðlum landsins um meinta innbrotstilraun sorphirðumanns inn
á heimili fyrrum landsliðsmanns í fótbolta. Fréttinn birtist fyrst á
miðvikudagseftirmiðdegi, 9. apríl 2014, á visir.is og var titill hennar
„Sorphirðumenn reyndu að brjótast inn til Heiðars Helgusonar.“
Fréttinni var svo fylgt eftir af blaðamanni Vísis seinna um kvöldið þar
sem fram kom að ekki tókst að varpa nánari mynd af málinu þrátt
fyrir samtal við upplýsingafulltrúa Reykjavíkurborgar. Snemma
morguninn eftir, þann 10. apríl 2014, mætti fjöldi sorphirðumanna á
sorpbílum fyrir framan húsnæði 365 ehf. og mótmæltu
fréttaflutningnum en ekki síður þeim viðbrögðum sem flutningurinn
olli á meðal almennings.
Hér fyrir neðan má rekja sig í gegnum atburðarásina eins og hún
birtist í fjölmiðlum dagana 9. og 10. apríl.
Lykilhugtök
Fagleg vinnubrögð
Siðferði
Siðareglur
Ábyrgð
Orsakasamhengi
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í I. og II. hluta kversins.
Page 45 of 61
Sjá nánar: Fyrsta frétt um málið
„Sorphirðumenn reyndu að brjótast inn til Heiðars Helgusonar“
Önnur frétt
„Segir ólíklegt að um innbrotstilraun hafi verið að ræða“
Gagnrýni Sorphirðumanna
„Við erum algjörlega drepin í þessari frétt“
„Ruslabílar borgarinnar við 365“
„Sorphirðumenn mótmæltu við 365“
„Mér leið eins og glæpamanni“
„Mótmæltu fréttamennskunni“
Viðbrögð fjölmiðilsins
„Yfirlýsing frá fréttastjóra Vísis: Sorphirðumenn Reykjavíkur beðnir afsökunar“
„Vísir biðst afsökunar“
„Aldrei ætlunin að þjófkenna saklaust fólk“
„Leið eins og ótíndum glæpamanni“
„Tekur tíma að læra á tunnurnar“
„Fréttastjóri vísis biðst afsökunar“
Eftirmáli
„Vinnubrögð sorphirðumanna voru með öllu eðlileg“
„Hvorki innbrot né innbrotstilraun“
„Eik biður starfsmennina afsökunar“
Page 46 of 61
Umræðupunktar:
• Hver var ætlan blaðamanns?
Telja má sem svo að þarna hafi kappsamur og jafnvel reynslulaus
blaðamaður hlaupið á sig. Mögulega hafi pressa verið á
blaðamönnum að vera fyrstir með fréttirnar og jafnvel að við fyrstu
sýn hafi verið um „stórfrétt“ að ræða. Í frásögn höfundar facebook
færslunnar, sem fréttin byggðist á, er hins vegar gefið í skyn að
ætlan eða hvatir blaðamanns við skrif fréttarinnar hafi verið
margþættari.
Voru vinnubrögð blaðamanns fagmannleg?
Hverjar eru siðareglur blaðamanna?
Braut blaðamaðurinn af sér?
o Ef ekki, hvers vegna ekki?
o Ef svo, hversu alvarlegt var brot hans?
Hversu áreiðanlegar voru upplýsingarnar sem fréttinn byggði
á?
Var fyrirsögn fréttarinnar „ótímarbær“ líkt og fréttastjóri gaf til
kynna í afsökunarbeiðni blaðsins – eða var hún fyrst og
fremst óviðeigandi?
Hvað má segja um ætlan blaðamannsins af fyrirsögn
fréttarinnar?
Líkt og fréttaflutningur sjálfur af málinu var ámælisverður þá
var sú umfjöllun sem flutningurinn olli ekki síður alvarlegur.
o Hvað má segja um viðbrögð sorphirðumanna?
o Brugðust þeir of harkalega við?
Ítarefni
Umfjöllun Fréttablaðsins
Mun nákvæmari umfjöllun af
innbrotinu var að finna í
Fréttablaðinu þann 10.4.14,
bls. 2. Sjá nánar hér.
Í tilviki umfjöllunarinnar á
visir.is mætti mögulega skrifa
fréttaflutninginn á óvönduð
vinnubrögð blaðamanns eða
fljótfærni.
Við útgáfu prentmiðils er um
nákvæmari yfirlestur að
ræða en við fréttaflutning á
vefmiðlum en þar fyrir utan er
fréttin mun nákvæmari og
sett fram líkt og enginn vafi
sé á að um brot hafi verið að
ræða.
Page 47 of 61
Gagnrýnin hugsun og siðfræði
Trúarbrögð og vísindi
Trúarbrögð og vísindi eru að mati sumra tvær ólíkar leiðir til að
nálgast veruleikann. Þá vilja sumir meina að án hvorugs geti
maðurinn lifað. Hvort þær útiloki hvor aðra eða vinni saman að
einhverju leiti verður ekki svarað með einföldum hætti. Sumir
vilja halda því fram, líkt og í dæminu hér fyrir neðan, að um
jafngilda nálganir á veruleikann sé að ræða og einstaklingurinn
þurfi einfaldlega að velja á milli. Aðrir benda á að vísindin taki
tillit til allra manna óháð trúarbrögðum og séu í eðli sínu algild.
Risaeðlur í Biblíunni
Í fyrirlestrinum „Risaeðlur og Biblían“ reynir dr. Jason Lisle,
stjarneðlisfræðingur, að sýna fram á með rökfræðilegum hætti að
svör við mörgum spurningum um risaeðlurnar megi finna í Biblíunni. Í
kynningunni á fyrirlestrinum kemur m.a. fram eftirfarandi
röksemdafærsla:
Í fyrirlestri sínum leggur Jason vísindi og trúarbrögð að jöfnu með því
að skilgreina þau sem tvö ólík gleraugu til þess að skoða heiminn.
Markmið verkefnisins er að skoða þau rök sem Jason setur fram í
fyrirlestri sínum og greina þau. Hvers eðlis eru rökin og hvert er gildi
þeirra og réttmæti?
Myndbandið hefst á þeim orðum að áhorfendur þess muni
uppgötva það að, ólíkt almennu viðhorfi, þá lifðu risaeðlur ekki á
jörðinni fyrir mörgum miljónum ára heldur voru uppi á sama tíma og
mennirnir.
Lykilhugtök
Vísindi og gervivísindi
Þróunarkenningin
Röksemdarfærslur
Rökvillur
Afstæðishyggja
Trúarbrögð
Kennisetningar
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í I. og IV hluta kversins.
T-rex er landdýr
Landdýr (og maðurinn) voru sköpuð á degi 6
T-rex var skapaður á degi 6
Page 48 of 61
Jason byrjar fyrirlesturinn á að taka fram að fullt af fólki setur
samansemmerki á milli risaeðla og þróunar. Það segir hann vera
vegna þess að í gegnum söguna hafa men notað hugmyndina
um risaeðlur til að færa rök fyrir milljónir ára af þróun. Það sem
Jason vill hins vegar halda fram er að auðvelt er að útskýra tilvist
risaeðla ef útgangspunkturinn er tekinn í Biblíunni. Þær geti í raun
gert það að verkum að fólk líti á Biblíuna sem orð Guðs og að hún
gefi skýra mynd af sögunni.
En þá má velta fyrir sér; hvernig fær maður kenningar um risaeðlur
til að samræmast Biblíunni? Svar Jasons við því er að hans mati
einfalt. Spurningin sjálf felur í sér ranga nálgun á viðfangsefnið. Um
þetta segir hann: „Við byrjum ekki á því sem við teljum vera satt og
rétt og aðlögum það að orði Guðs, alls ekki. Við viljum byrja á orði
Guðs, með Biblíunni, það er forsendan.“
Að lokum tekur hann fram að öll höfum við okkar leið til að skoða
sönnunargögn; „Við getum annaðhvort nálgast veruleikann með
augum þróunarkenningarinnar, m.t.t. milljón ára hægrar þróunnar,
eða við getum nálgast
veruleikann í gegnum
orð Guðs.“
Með þessu stillir Jason
viðfangsefninu þannig
upp að um tvær
jafngildar nálgar sé að
ræða og það sé
einfaldlega okkar að
velja hvora við viljum
nota.
Sjá nánar: Fyrirlestur Jasons Lisle
Framsetning á rökum
Hér er að finna tvær staðhæfingar og þrjár spurningar sem Jason
reynir að svara með þeim hætti að þær styðji við kenningar um að
risaeðlur hafi verið uppi á sama tíma og maðurinn. En sú kenning
styður við þá trú að Guð hafi skapað heiminn og manninn líkt og
Biblían segir til um.
Ítarefni
Almossawi, Ali. 2013. An
illustrated book of bad
arguments. Jasper Collins
Publishers: New York.
Hér má finna umfjöllun um
ólíkar leiðir til að útskýra
þróun mannsins: Alternatives
to evolution theory.
Hér má finna grein um líkindi
dreka og risaeðla og líkurnar
á að um sömu lífveru sé að
ræða út frá sjónarhorni
vísindanna:
Strauss, Bob. „Dinosaurs and
Dragons: Untangling the
Dragon Myth, from Prehistory
to the Modern Era. “ About
Education, about.com.
Page 49 of 61
I. Risaeðlur eru ekki milljón ára gamlar
Þessari staðhæfingu svarar Jason með eftirfarandi hætti:
T-rex er landdýr
Landdýr (og maðurinn) voru sköpuð á degi 6
T-rex var skapaður á degi 6
Þá segir hann að af þessu megi draga þá ályktun að
risaeðlur eru ekki milljón ára gamlar, heldur hafi þær
lifað samhliða manninum.
II. Steingervingar eru ekki milljón ára gamlir
Þessari staðhæfingu svarar Jason á þá leið að „steingervingar geta ekki verið milljón ára gamlir þar
sem dauðinn varð ekki hluti af heiminum fyrr en eftir að Adam hafi syndgað. Þar af leiðandi eru
þeir steingervingar sem við finnum eftir tíma falls Adams.“
„Fólk segir að steingervingar séu milljón ára gamlir en
þeir koma ekki með miða sem stendur á hversu gamlir
þeir eru.“ Þá bendir hann á að fundist hafa
steingervingar með lífefnum og vef sem væru
„svampkenndir og mjúkir, ekki milljón ára gamlir. Alls ekki
68 milljón ára gamlir, langt í frá.“ Jason tekur fram að
þeir væri miklu nýlegri og að þessi dæmi samræmist því
sem Biblían kenni.
III. Hvað um tennurnar í T-rex?
Hér veltir Jason því fyrir sér hvernig útlit risaeðlunnar samræmist því að hún hafi lifiað samtímis
manninum, og þá því hvernig hann hafi átt að geta lifað af innan um risaeðlur. Við því segir hann
að T-rex var plöntuæta og að sönnunina fyrir því megi finna í Biblíunni. „Fyrsta risaeðlan mundi hafa
étið plöntur þar sem öll dýr voru upphaflega plöntuætur. Hann gæti ekki hafa borðað kjöt þar sem
að þegar þú étur kjöt þá étur þú dauða hluti og það var enginn dauði fyrir synd Adams. Þar af
leiðandi hafa þau að sjálfsögðu borðað plöntur upphaflega.“ Þá veltir Jason fram þeirri spurning
hvers vegna tennur risaeðlunnar séu svo beittar þá bendir hann á að þær séu „fullkomlega
hannaðar til að éta plöntur“ og að það séu „sumar plöntur sem þarfnist beittra tanna til að éta.“
Sjá nánar rannsóknina sem Jason vísar til:
Mary H. Schweitzer, Jennifer L. Wittmeyer,
John R. Horner and Jan K. Toporski. „Soft-
Tissue Vessels and Cellular Preservation in
Tyrannosaurus rex.” Science, árg. 307, tlb.
5717, bls. 1952-1955.
eða
“Geologists Find First Clue To Tyrannosaurus
Rex Gender In Bone Tissue.” Science Daily, 3.
júní 2015.
Page 50 of 61
IV. Hvers vegna er ekki hægt að finna orðið „risaeðla“ í Biblíunni?
Þó Jason vísi í Biblíuna til að færa rök fyrir máli sínu
þá er orðið risaeðla ekki að finna í Biblíunni. Ef að
risaeðlur hafi átt að vera skapaðar af Guði og lifa
samhliða mönnum, hvers vegna er þá ekki fjallað
um þær í Biblíunni? Þessu svarar Jason á þá leið að
orðið sé nýtt og „ekki nógu gamalt til að vera fundið
í Bilblíunni.“ Þar sé þó hægt að finna „lýsingar af
dýrum, drekum, sem mætti vísa til sem risaeðla.“
V. Voru risaeðlur í örkinni hans Nóa?
Ef risaeðlur voru uppi á tímum fyrstu mannana voru þá risaeðlur í örkinni hans Nóa? En Nói tók í skip
sitt tvö dýr af öllum þeim dýrum sem Guð hafi skapað til að bjarga þeim frá syndaflóðinu.
Gagnrýnendur kenningarinnar hafa bent á að miðað við stærð þeirra þá væru engar líkur á að
risaeðlurnar hafi komist fyrir í örkinni. Þessu svarar Jason á þá leið að jú, risaeðlurnar hafi verið um
borð í örkinni hans Nóa en eingöngu þær litlu, þ.e.a.s. ungarnir.
Umræðupunktar
• Hvaða þýðingu hefur „ hver og einn hefur rétt á eigin skoðun“ (e. „everyone is entitled to
their opinion“)? (sbr. trúfrelsi).
• Í verkefninu má finna mynd sem hefur að geyma tvo menn sem ræða saman um veruleikann
út frá tveimur ólíkum sjónarhornum. Hvað felur það í sér?
• Hvað einkennir kenningar í vísindum annars vegar og kenningar trúarbragða hins vegar?
• Hvernig getur reynsla (eða skortur á reynslu) verið rök? Sbr. það að sköpunarsinnar afneiti
þróunarkenningunni vegna þess að enginn hefur séð þetta gerast.
• Hvað felst í óhlutdrægni vísinda?
Page 51 of 61
Einföld rök gegn þróunarkenningunni
Hér er að finna tvö dæmi um rök gegn þróunarkenningunni. Í fyrra dæminu reynir viðkomandi að
afsanna þróunarkenningu Darwins með því að sýna fram á að líf geti ekki orðið til úr engu. Sem rök
fyrir því bendir hann á að hversu oft sem við opnum krukku af hnetusmjöri þá hefur ekki í neinu tilfelli
kveiknað líf í krukkunni af sjálfu sér. Í seinna dæminu reynir viðkomandi að sýna fram á að
þróunarkenningin eigi ekki við rök að styðjast með því að benda á hvernig banani er fullkomlega
hannaður fyrir manninn til að opna hann og borða.
Sjá nánar: „The peanutbutter argument“
„The banana argument“
Umræðupunktar
• Hvernig rök eru það sem sett eru fram í myndböndunum tveimur?
• Er auðvelt að hrekja rökin? Hvers vegna/hvers vegna ekki?
Page 52 of 61
Gagnrýnin hugsun og siðfræði
Trúfrelsi
Þegar fylgja á lögum eða beita þeim fyrir dómstólum skiptir
skilningur eða túlkun á lögunum öllu máli. Lög eru sjaldnast
einföld í framsetningu þó að það sé markmiðið en í þeim má
finna hugtök og orðnotkun sem túlka má á ólíka vegu. Tilgangur
löggjafar er að skilgreina hvað sé rétt og hvað sé rangt í ljósi
hvers viðfangsefnis fyrir sig. Lög gera ekki allt að viðfangsefni
sínu en það er fátt sem ekki er hægt að finna einhvern
lagabókstaf um. Þar sem lögunum sleppir er oft vísað til
siðareglna eða samfélagslegra gilda og viðmiða. Löggjöf er
jafnframt vandmeðfarin. Það getur jafnvel tekið langan tíma til
að fá lög samþykkt og það getur verið hægara en sagt að fella
lög úr gildi. Stundum þykir nauðsynlegt að breyta lögum,
orðalagi þeirra, til að þau falli betur að breyttu viðhorfi
samfélagsins eða vegna þess að þau þvælast fyrir eða stangast
á við önnur lög. Stundum verður það hins vegar svo að
veruleikinn er látinn aðlagast lagabókstafnum. Þá er horft til
laganna sem forsenda þess sem er frekar en að horfa til
foresenda laganna og þeirra heimspekilegu spurninga sem þar
liggja að baki.
Hobby Lobby er bandarískt fyrirtæki sem selur hannyrða- og
föndurvörur og var stofnað árið 1972. Fyrirtækið, sem er
fjölskyldufyrirtæki, starfrækir 584 verslanir víðsvegar um bandaríkin.
Eigendur þess eru mjög opinskáir með það að markmið þeirra sé
að reka fyrirtækið í anda kristilegra gilda. Á vefsíðu verslunarinnar
kemur m.a. fram að þau leitist við að heiðra Drottinn í öllu sem þau
gera með því að reka fyrirtækið á þann hátt sem samræmist
meginreglum Biblíunnar. Árið 2012 úrskurðaði hæstiréttur
Bandaríkjanna að Hobby Lobby væri heimilt að fara á svið við
heilbrigðislöggjöf Bandaríkjanna í ljósi þess að hún stangaðist á við
trúarskoðanir þeirra. Þetta var í fyrsta skipti sem hæstiréttur
úrskurðaði að fyrirtæki hefði rétt á trúfrelsi jafnt á við einstaklinga.
Lykilhugtök
Trúfrelsi
Siðferði
Vald
Kynjamisrétti
Réttlæti
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í IV. hluta kversins.
Page 53 of 61
The Affordable Care Act lögin voru samþykkt árið 2010. Lögin fjalla
um heilbrigðisþjónustu í Bandaríkjunum og er markmið þeirra að
auka aðgengi almennings að henni. Samkvæmt lögunum var
Hobby Lobby gert að útvega starfsmönnum sínum getnaðarvarnir,
ef þeir óskuðu eftir því, sem hluta af heilbrigðisþjónustu fyrirtækisins.
Eigendur Hobby Lobby, Green fjölskyldan, vildi hins vegar ekki
útvega allar þær tegundir getnaðarvarna sem þeim bar skylda til
þar sem að hluti þeirra gekk gegn trúarskoðunum þeirra. Töldu þau
að lögin gerðu það að verkum að þau þyrftu að velja á milli þess
að fylgja lögum Guðs og lögum ríkisins en þau töldu að þau gætu
ekki gengið gegn lögum trúar sinnar. Fóru þau því með málið fyrir
dómstóla þar sem hæstiréttur úrskurðaði þeim í hag á þeim
forsendum að trúfrelsi þeirra væri stjórnarskrárbundinn réttur þeirra
sem ekki væri hægt að hnika frá. Fjölskyldan fagnaði dómnum og
sagði að með honum hefði trúfrelsi verið staðfest sem ein af
grunnstoðum samfélagsins og væri sigur fyrir alla þá sem kysu að
lifa samkvæmt trú sinni.
Sjá nánar:
„What Does The Hobby Lobby Supreme Court Ruling Mean?”
Umræðupunktar
Hvað felst í trúfrelsi?
Hafa fyrirtæki sömu réttindi og einstaklingar?
Geta fyrirtæki neitað að fylgja lögum, sem ríkið setur, í nafni
trúar „sinnar“?
Geta fyrirtæki verið trúuð?
Green fjöskyldan er ekki tilbúin til að fylgja lögum ríkisins ef
þau stangast á við lög trúar þeirra. Lög trúarinnar verða
þannig ofar lögum ríkisins. Þá fagna þau trúfrelsi sem einu af
grunnréttindum samfélagsins. Ef önnur fyrirtæki, annarrar
trúar, velja að fylgja frekar lögum trúar sinnar getur það haft
áhrif á þeirra rekstur/líf. Hver á þá að dæma þar á milli og á
hvaða forsendum?
Ítarefni
Hér má finna frekari
upplýsingar um Affordable
care act.
Hér má finna nánari umfjöllun
um hugtakið „corporate
personhood“.
Hér er að finna brot úr
fréttaskýringaþætti af
bandarísku sjónvarpsstöðinni
Fox News. Viðmælendur
þáttarins eru
útvarpsþáttastjórnandinn
Dana Loesch, og fyrrverandi
forseti alþjóðasamtaka
kvenna, National
Organisation for Women,
Patricia Ireland.
Page 54 of 61
Geta fyrirtæki haft sömu réttindi
og einstaklingar?
Í Bandaríkjunum er til hugtak í lögum sem
kallast „corporate personhood“ en það
felur í sér að fyrirtæki hafi sömu réttindi og
einstaklingar líkt og í máli Hobby Lobby.
Hugtakið verður til við túlkun á bandarísku
stjórnarskránni í málum fyrirtækja en þá er
lögunum beitt með þeim hætti að þó að
orðalagið gefi það ekki til kynna þá megi
segja sem svo að það sem þar komi fram
eigi jafnt við einstaklinga og fyrirtæki.
Orðnotkunin við gerð laganna gerir það
að verkum að hægt er að túlka þau með
þeim hætti ef viljinn er fyrir hendi. Þeir sem
styðja hugmyndina um „corporate personhood“ horfa hins vegar fram hjá spurningunni hvort
hægt sé, eða rétt sé, að skilgreina fyrirtæki með sama hætti og einstaklinga og hvaða siðferðilegu
spurningar það felur í sér. Í stað þess er farið beint í að færa rök fyrir því hvers vegna það er
mikilvægt að fyrirtæki séu skilgreind sem fólk í ljósi laganna.
Sjá nánar:
Eric Williamson. „In Wake of Wall
Street Protests, Professors
Illuminate ‘Corporate
Personhood’“. UVA Lawier,
haust 2011.
Umræðupunktar
• Þurfa fyrirtæki sérstaklega
að hafa skilgreint málfrelsi?
• Hvað gerist þegar við
persónugerum fyrirtæki?
• Eru lög ávallt gild
forsenda? Sbr. „það
stendur í lögunum að ...“
Geta lög orðið úreld?
Page 55 of 61
Um trúfrelsi
Lög í Bandaríkjunum eru með þeim hætti að markmið
þeirra er að gæta trúfrelsis einstaklingsins en ekki að
vernda trúarbrögðin sjálf. Þannig er tilgangur þeirra að
vernda frelsi einstaklingsins til að trúa, hverju því sem hann
kýs, en ekki að gæta hagsmuna trúarbragðanna sjálfra.
Sjá nánar:
„When Does The US Legally Recognize A Religion?“
og „3 Examples Of 'Religious Freedom' That Come With A
Side Of 'Are You Kidding Me?!'“
Umræðupunktar
• Hvort vegur þyngra lög einstakra trúarbragða eða lög ríksisins?
• Hvor lögin hafa víðari skýrskotun? Á hverju byggja lögin?
Viðbrögð Hobby Lobby við niðurstöðu dómsins
Hér er að finna viðtal við lögfræðing Hobby Lobby, Lori Windham. Þar segir hún niðurstöðu dómsins
vera merki um það að „fjölskyldur gefi ekki frá sér stjórnarskrár bundinn rétt sinn til trúfrelsis þrátt fyrir
að þau stofni fjölskyldufyrirtæki.“ Með lögunum hafi ríkistjórnin þvingað eigendur Hobby Lobby að
gera eitthvað sem gengur gegn trú þeirra og þess vegna hafi þau neyðst til að fara með málið fyrir
dómstóla. Þau hafi ávallt reynt að reka fyrirtækið í samræmi við trú sína, til dæmis með því að
borga starfsmönnum sínum tvöföld lágmarkslaun og gefa þeim frí á sunnudögum. Fyrir þá sem
benda á það að með því að neita starfsmönnum um tilteknar
getnaðarvarnir sé Hobby Lobby að ganga inn á svið einkalífs
starfsmanna sinna svarar Lori því til að Hobby Lobby myndi
gjarnan vilja hafa ekkert um þetta að segja en með því að
neyða Hobby Lobby til að taka þátt í að niðurgreiða þessa
hluti, þrátt fyrir að það brjóti gegn trú þeirra, hafi ríkisstjórnin
þvingað fyrirtækið til þess.
Sjá nánar: „Hobby Lobby responds to Supreme Court win“
Umræðupunktar
• Hvort vegur þyngra; réttindi Hobby Lobby til trúfrelsis eða starfsmanna fyrirtækisins til
heilbrigðisþjónustu samkvæmt lögum?
Page 56 of 61
Gagnrýnin hugsun og siðfræði
Umburðarlyndi Þetta verkefni hefur að geyma fjögur ólík viðfangsefni er fjalla um
umburðarlyndi á einn eða annan hátt.
Hvað felst í því að bera virðingu fyrir skoðunum annarra og því
að búa yfir umburðalyndi? Á það alltaf við og á öllum stundum?
Velta má fyrir sér hvert gildi málfrelsi einstaklingins er á kostnað
frelsis einstaklingsins til að lifa lífi laust við fordóma. Hver er
ábyrgð einstaklingsins í þessu samhengi. Er til að mynda
nauðsynlegt að mótmæla ef sagður er brandari sem felur í
fordóma í einkasamkvæmi eða á vinnustað? En ef við verðum
vitni af því þegar einstaklingur verður fyrir fordómum
opinberlega? Hvaða máli skipta lög og reglur í þessu
samhengi? Geta lög stuðlað að fordómum eða viðhaldið
þeim? Hvað er siðferðileg ábyrgð einstaklingsins í þessu
samhengi? Hvað felst í góðu samfélagi og hvernig stuðlum við
að því?
Umburðarlyndi fyrir fordómum
Er rétt að umbera fordóma t.d. ömmu sinnar og afa af því að þau
eru „af annari kynslóð“? Er hægt að afsaka fordómafullar skoðanir
sökum aldurs? Hvað með sökum fáfræði eða vanþekkingar? Má
halda því fram að fordómafullar skoðanir séu undir engum
kringumstæðum afsakanlegar? Á vefsíðunni Wikihow er að finna
samantekt á því hvernig best sé að umbera fordóma ömmu og
afa, gefið að þau séu fordómafull. Í samantektinni er gefið í skyn
að í ljósi þess að amma og afi séu gömul þá sé engin tilgangur
með því að rökræða við þau um fordómafullar skoðanir þeirra.
Betra sé að finna leiðir til að horfa framhjá þeim eða leiða þá hjá
sér.
Sjá nánar: „How to tolerate your grandparent‘s prejudices“
Lykilhugtök
Lífsskoðanir
Siðferði
Verðmæti
Siðaboð
Mannréttindi
Málfrelsi
Kverið
Nánari umfjöllun um
fræðilegan bakgrunn
viðfangsefnisins má finna í
kverinu Hugleiðingar um
gagnrýna hugsun: gildi
hennar og gagnsemi eftir
Henry Alexander Henrysson
og Pál Skúlason,
Háskólaútgáfan, 2014.
Umfjöllun sem tengist þessu
viðfangsefni sérstaklega má
finna í II. og III. hluta kversins.
Page 57 of 61
Umræðupunktar:
Hafa eldri borgara rétt á því að vera fordómafullir sökum
aldurs?
Hver er munurinn á umburðalyndi gagnvart einhverju og
samþykki fyrir einhverju?
Er hægt að umbera hvað sem er?
Ef ég elst upp á tíma þar sem tilteknir fordómar eru
ásættanlegir réttlætir það að ég hafi þessa fordóma allt
mitt líf?
o Hvað má segja um: „samfélagið breytist og mennirnir
með“ í þessu samhengi?
Er í lagi að horfa framhjá fordómum þegar þeir snerta mann
ekki persónulega (og jafnvel engan annan viðstaddan)?
„Félagsfræðileg tilraun“ um kynþáttamisrétti
Í bandaríska sjónvarpsþættinum What would you do? má finna
dæmi um viðbrögð fólks við fordómum í garð annarra en þeirra
sjálfra. Í þættinum eru sviðsett samskipti á milli afgreiðslumanns í
verslun sem er múslimi og viðskiptavinar, bandarísks ungs manns,
en bæði afgreiðslumaðurinn og viðskiptavinurinn eru leikarar. Aðrir
viðskiptavinir vita ekki að um leikin þátt er að ræða en markmið
þáttarins er að fjalla um viðbrögð þeirra við því sem fram fer.
Samskiptin hefjast á því að viðskiptavinurinn neitar afgreiðslu frá
afgreiðslumanninum og biður um að einhver annar starfsmaður
afgreiði sig. Þá sakar hann afgreiðslumanninn um að vera
hryðjuverkamann og hafa tekið þátt á árásinni á Tvíburaturnana
2001 en einnig að hann og aðrir viðskiptavinir séu þau betri en
hann þar sem þau séu Ameríkanar. Viðbrögð annarra
viðskiptavina eru með ýmsum hætti en áður en þeir yfirgefa
staðinn kemur þáttastjórnandi fram og tilkynnir þeim að um leikin
þátt hafi verið að ræða og ræðir viðbrögð þeirra.
Sjá nánar: „A Boy Makes Anti-Muslim Comments In Front Of
An American Soldier. The Soldier's Reply:
Priceless.” Upworthy.
Ítarefni
Hér má finna umfjöllun um
það sem nefnt er Paradox of
tolerance.
Heimspekingurinn John
Locke fjallaðu um
umburðarlyndi og fordóma í
grein frá 1689. Sjá nánar:John
Locke.,1689, A letter
concerning toleration.
Ítarlega umfjöllun Stanford
Encyclopaedia of Philosophy
um tjáningarfrelsi má nálgast
hér.
Page 58 of 61
Umræðupunktar
• Hvað felst í trúfrelsi?
• Var hegðun unga mannsins
óviðeigandi?
• Hvað má segja um viðhorf hermannsins?
• Hver er skilgreining hermannsins á
trúfrelsi?
• Hvernig hefðir þú brugðist við?
• Gæti þetta hafa átt sér stað í verslun á Íslandi?
• Hvenær er rétt að hafa umburðarlyndi fyrir skoðunum annarra?
Kynþáttafordómar og tjáningarfrelsi
Á vefsíðunni Upworthy er að finna brot úr uppstandi ástralsks uppistandara. Þar gagnrýnir hann
tjáningarfrelsisrök fordómafullra einstaklinga. Þau rök felast jafnan í því að bera fyrir sig tjáningarfrelsi
þegar skoðanir þeirra eru gagnrýndar fyrir að vera fordómafullar. Um þær mundir sem uppistandið
átti sér stað var verið að ræða breytingar á svokölluðum „Racial Discrimination Act“ lögum á
ástralska þinginu. Það eru lög er fjalla um misrétti á grundvelli kynþáttar, litarháttar, uppruna,
þjóðerni eða sem innflytjanda. Talsmenn lagabreytinganna höfðu það yfirlýsta markmið að stuðla
að jafnvægi á milli tjáningarfrelsis (e. freedom of speech) og réttarins til að lifa lífi laust við fordóma.
Það fólst í því að fella úr gildi greinar úr lögunum er varða skilgreiningar á misrétti eða „einfalda“
þær. Forsvarsmaður breytinganna, George Brandis, þáverandi dómsmálaráðherra Ástralíu, tók fram
í umræðum um á þinginu að „fólk hefur rétt á því að vera „bigots“ (fordómafull), þú veist. Í frjálsu
landi hefur fólk rétt á því að segja hluti sem öðrum geta þótt
óviðeigandi, móðgandi eða „bigoted“.“ Þá vildi hann
meina að tilgangur laganna væri að gæta þess að ekki
mætti „særa tilfinningar annarra“. Sumir studdu
breytingartillöguna en meirihluti Ástrala mótmæltu þeim og
var fjölda undirskrifta safnað til að mótmæla aðgerðinni. Í
ágúst 2014 tilkynnti forsætisráðherra Ástralíu, en hann var
einnig stuðningsmaður tillögunnar, að tillagan um
breytingar á lögunum yrði tekin af borðinu til að stuðla að
einingu meðal íbúa landsins.
Sjá uppistandið: „He Was Sick Of Racists Crying ‘Free Speech,’ So He Grabbed A Mic And Free
Speech'd Right Back.“ Upworthy.
Page 59 of 61
Umræðupunktar
• Hvort vegur þyngra, tjáningarfrelsi eða jafnrétti?
• Má segja hvað sem er í nafni tjáningarfrelsis?
• Hver er munurinn á frelsi til og frelsi undan í þessu
samhengi?
• Ætti að banna fólki að tjá fordómafullar skoðanir sínar
opinberlega?
• Hvað gerir fordómafullar skoðanir fordómafullar?
Misrétti á grundvelli útlits og lífsskoðana
Danski stjórnmálamaðurinn Ole Birk Olesen fjallar um misrétti á grundvelli útlits og lífsskoðana í grein
undir heitinu „Þeir sem ráðast ekki í vinnu“. Greinin birtist í danska fjölmiðlinum Berlinske en þar lýsir
Ole Birk þeirri skoðun sinni að einstaklingar sem leggja sig ekki fram við að falla að þeirri
samfélagshugmynd um hvað telst hefðbundið eða eðlilegt ættu ekki að fá atvinnuleysisbætur og
aðrar tryggingar tengdar því þar sem atvinnuleysi þeirra er að mestu leiti þeim sjálfum að kenna á
grundvelli útlits þeirra og lífsskoðana.
Sjá umfjöllun: Olesen, Ole Birk. „De uansættelige – ansigtstatoveringer, rygmærker og
niqaber“ Berlinske, 24. september 2014
Umræðupunktar
• Má samkvæmt lögum mismuna einstaklingum á grundvelli útlits og lífsskoðana?
• Hver er birtingarmynd mismununar/fordóma á grundvelli útlits?
• Hver er birtingarmynd mismununar/fordóma á grundvelli lífskoðana?
• Hvað gerist ef einstaklingur með tattúverað andlit
vinnur sem gjaldkeri í banka?
• Hvaða afleiðingar gæti það haft að ráða einstakling
með tattúverað andlit og hringi nefi og eyrum sem
kennara í grunnskóla?
• Hver skilgreinir hvað sé ásættanlegt í útliti og hegðun?
• Hver ræður því hvernig við lítum út? Hvernig við
klippum á okkur hárið, klæðum okkur osfrv.?
Brot úr ummæli
dómsmálaráðherrans:
„Fólk hefur rétt á að vera
fordómafullt, þú veist. Í frjálsu
landi hefur fólk rétt á að segja
hluti sem öðrum þykja
óviðeigandi, móðgandi eða
fordómafullir.“ – sjá ummælin
í heild sinni hér.
Page 60 of 61