KADA SILOPAK-BUNGKARAN KADA

Laki-Laki: Undedek ba’ba pentallun ( 3x ) Tabe’ Bungkarankan Ba’ba Manikmi.

Wanita : Mindaki’ Undedek Ba’ba, Untumbek Pessurrukanki’.Denraka Tindo Maelomi, Barri’ Mamma’ Madatunmi?

Mirampo Untumpu Eranki,Ullese Pelloanki?

Laki-Laki: Damisangakan Tominda, Butung Tobu’tu Pumala, Rampokan Situru’ Ada’, Naria Sukaran Aluk. Unnula’ Rampoan Pangngan, Tetena Rampanan

Kapa’.

Wanita : Iole’ Kesusi to Tu Kadanmi, Baenan Bisaranmi. Ba’ba Tibungka’ Melambi’, Inaya Ma’ Bannang Pute. Na Kadang Randan Mali’mi, Na Ria Sukaran Aluk... Dadi Tama Mokomi Mai...... (pintu dibuka).

Laki-Laki: Kurre Sumanga’na Inaya Malambu’, Saba’ Parayanna

To Ba’teng Madatu. Umbami Simbolong Manik, Umbami Lokkon Loe

Rara’ Tu Labayu Sielle’na, Ia Dodo Sangkalamma’na.

Wanita : Eeeee...Sa’buran Gayang, Pandin Na Passakke Puang Ma’kampamo Simbolong Manik, Ma’tayanmo Lokkon Loe

Rara’. Tama Mokomi Sitiro Lindo, Mati’ Situ’turan Rupa. Ammi Manda’ Sitoe Lima,Sideken Lengo-Lengo. Manda’ Lan Tananan Dapo’, Rapa’ Lan Rampanan Kapa’.. ....Tama Marampa’ Mokomi... (masuk kamar pengantin).

Laki-Laki: Kurre..Kurre...Kurre Sumanga’.