kantoor van die hoof: onderwys - western cape · in die week wat voorlê, sal die klem val op die...
TRANSCRIPT
Kantoor van die Hoof: Onderwys
Laer Parlementstraat, Kaapstad, 8001 Privaatsak X9114, Kaapstad, 8000
Tel.: +27 21 467 9280 Indiensnemings- en salarisnavrae: 0861 92 33 22
Veilige Skole: 0800 45 46 47 www.westerncape.gov.za
Verwysing: COVID-19/202020523
Navrae: BK Schreuder
Geagte Prinsipale, Skoolbestuurspanne en onderwysers van alle openbare skole
(Vir inligting: Beheerliggame)
(Vir inligting: Onafhanklike skole)
Verdere riglyne vir die beheer van COVID-19 in openbare skole
Ek wil prinsipale en skoolbestuurspanne (SBS’e) bedank vir die werk wat die afgelope week
verrig is ter voorbereiding van skoolterreine en om gereed te wees vir die terugkeer van alle
onderwysers op Maandag, 25 Mei 2020.
Dankie dat daar begin is met die deeglike reiniging van skole en die noodsaaklike
beplanning wat gedoen moes word: beplanning vir die daaglikse sifting van alle personeel,
beplanning vir die oriëntering van personeel op hulle eerste dag terug by die skool,
beplanning vir die stigting van gesondheids- en veiligheidskomitees (as deel van die SBS) en
beplanning vir sosiale afstand van leerders en die uiteindelike planne vir wanneer skole nie
meer leerders met sosiale afstand kan tegemoetkom nie.
In die week wat voorlê, sal die klem val op die regmaak van die skool vir die terugkeer van
leerders in graad 12 en 7 op 01 Junie 2020: planne vir die daaglikse sifting van leerders,
oriëntering van leerders oor Covid-19 en nuwe gedragspatrone en ritmes, lesse om
verantwoordelikheid vir hulle eie veiligheid te aanvaar, en finale voorbereiding vir die
lewering van die kurrikulum vanaf 01 Junie 2020.
Ter voorbereiding van die veilige terugkeer van onderwysers en leerders, het skole verslag
gedoen dat meer as 80% van hulle skoonmaakmiddels teen 18 Mei 2020 ontvang het. Die
aflewering van temperatuurskandeerders en maskers vir alle personeel is gister afgehandel.
Die enkele skole wat nie beskikbaar was om die aflewerings van maskers en skandeerders te
ontvang nie, moet onmiddellik met hulle distrikskantore in aanraking kom.
Die eerste besendings bykomende middels (reinigers, bleikmiddels) is by die meeste skole
afgelewer en dit sal voortduur. Genoeg maskers vir graad 12- en 7-leerders sal skole teen
Woensdag, 27 Mei 2020, bereik. Maskers vir die res van die leerders sal vanaf die eerste week
in Junie volg.
2
Dit is absoluut noodsaaklik dat prinsipale aanspreeklikheid vir die gereedheid en veiligheid
van skole aanvaar. Ek wil prinsipale en SBS’e bedank dat hulle hierdie belangrike
verantwoordelikheid aangegryp het. Die manier waarop skole gelei en bestuur word, sal
noodsaaklikerwys anders wees as voor COVID-19 en ek kan nie genoeg beklemtoon hoe
belangrik die voortgesette gesondheids- en veiligheidsvoorsorgmaatreëls in onderwysers en
leerders se belang elke dag is nie.
Wes-Kaap Onderwysdepartement (WKOD) se riglyne
Ter ondersteuning van die enorme taak wat prinsipale en SBS’e het om te lei, beplan en voor
te berei vir die veilige terugkeer van leerders, het ons reeds die eerste vyf riglyne in ʼn reeks
riglyne uitgestuur en ons het ook die dokumente wat ons tot dusver van die Departement
van Basiese Onderwys (DBO) ontvang het, uitgestuur.
Die eerste stel WKOD-riglyne, A−E, oor hoe om Covid -19 in u skool te beheer, is op Sondag,
17 Mei 2020 aan u gestuur.
Die volgende riglyne word vir u aandag by hierdie brief aangeheg:
• F – WKOD-riglyn: Skoolvoeding
• G – WKOD-riglyn: Psigososiale ondersteuning
• I – WKOD-riglyn: Beheer van leerders met onderliggende komorbiditeite
• J – WKOD-riglyn: Veiligheid van leerders wat van die leerdervervoerskema gebruik maak
• K − WKOD-riglyn: Beheer van veiligheid in koshuise gedurende COVID-19
• L − WKOD-riglyn: Beheer van COVID-19-gevalle in skole
• M − WKOD-riglyn: Rolle en verantwoordelikhede van skoolbestuurspanne
Daarbenewens het die WKOD ook die volgende opgestel:
• H – WKOD-riglyn: Beheer van veiligheid van personeel met onderliggende komorbiditeite
Ons is huiwerig om hierdie riglyn tot dusver uit te gee aangesien ons wag op eenvormige
standpunte van die DBO oor hierdie kwessie.
Die WKOD is ook tans besig om riglyne vir die hantering van die kurrikulum op te stel:
• N – WKOD-riglyn: Hantering van die kurrikulum
Riglyne H en N sal so gou as moontlik uitgestuur word.
3
Dit is absoluut noodsaaklik dat alle prinsipale, SBS’e, onderwysers en nie-onderrig personeel
die riglyndokumente deeglik bestudeer en daarvolgens optree. Dit is ter wille van almal se
veiligheid belangrik dat almal kennis dra van die inhoud van hierdie riglyne. As daar voorts
enige teenstrydighede tussen die WKOD-riglyne en die DBO-riglyne is, moet die WKOD-
riglyne aanvaar word totdat verdere duidelikheid gegee word.
Ons maak verskoning vir die tyd wat dit neem om die vertaalde weergawes van hierdie
dokumente uit te stuur weens die groot hoeveelheid werk wat dit verg en die druk spertye
wat betrokke is. Ons sal die vertaalde dokumente stuur sodra dit voltooi is.
Ek kan ongelukkig geen duidelikheid gee oor wanneer die volgende grade gaan terugkeer
nie. Ons wag op die besluit van die DBO. Die WKO het kommer uitgespreek oor die laat
terugkeer van die grondslagfase, aangesien hierdie grondslag vir leer van kardinale belang
is vir leervaardighede in die jare wat voorlê. Ons vertrou dat ons insette hieroor oorweeg sal
word.
Onderwysers met komorbiditeite: Tussentydse maatreëls
Ek is bewus dat onderwysers met onderliggende komorbiditeite bekommerd is om Maandag
terug te keer skool toe terwyl daar op nasionale leiding vanaf die DBO gewag word.
Hierdie aangeleentheid is weer met die provinsiale onderwyservakbonde in ons gereelde
vergadering vanoggend bespreek. Ons is in ooreenstemming dat ons ʼn weg behoort te vind
waarop onderwysers met komorbiditeite voordelig kan voortgaan met hulle werk onder
veiliger omstandighede, soos om van die huis af te werk.
Aangesien baie onderwysers in hierdie bootjie reeds mediese verslae oor hulle geskiedenis
aan hulle prinsipale voorgelê het, het die WKOD besluit om hierdie onderwysers toe te laat
om nie Maandag, 25 Mei 2020, terug te keer skool toe nie, in afwagting op verdere
samesprekings met die DBO. Ons sal graag onderwysers in hierdie bootjie hierdie week wil
inlig oor die WKOD se prosesse voordat leerders begin terugkeer skool toe.
Intussen versoek ons dat onderwysers met komorbiditeite ʼn aansoek om ʼn konssessie by hulle
prinsipale indien, saam met ʼn volledige verslag oor hulle mediese geskiedenis van hulle
mediese praktisyn, asook ʼn plan oor hoe hulle voorstel dat hulle van die huis af kan werk.
Hierdie verslae en planne moet so gou as moontlik ingedien word, maar voor of op
Woensdag, 27 Mei 2020 (selfs al is die mediese verslag nog agterstallig). Prinsipale moet
hierdie dokumente met ʼn aanbeveling teen Donderdag, 28 Mei 2020, aan die
distriksdirekteur stuur vir WKOD-oorweging, tesame met ʼn plan van hoe die skool sodanige
gevalle om van die huis af te werk, gaan hanteer.
Ons hoop van harte dat ons hierdie proses so gou as moontlik kan afhandel.
4
Begroting
Ons is deeglik bewus dat alle skole in die toekoms onder druk en finansiële beperkings gaan
wees. Gevolglik sal SBS’e nou ʼn belangrike rol moet speel wat betref die herprioritisering van
die skool se begroting. Dit is ook belangrik dat skole moet toesien dat befondsing vir die
aanvulling van bruikbare reinigers, ontsmettingsmiddels, en skoonmaakmiddels opsy gesit
word op ʼn voortdurende manier soos die middels wat deur die WKOD in besendings voorsien
word, uitgeput raak.
Wenk
Alhoewel ons probeer om klein houers vir handreinigers te verkry, is dit bykans onmoontlik om
dit tans in groot maat aan te koop. Maar ʼn prinsipaal het onlangs met ʼn briljante idee
vorendag gekom: hy het sy ouers gevra om alle leë spuitbottels te versamel en dit skool toe
te bring wanneer leerders terugkeer om in die tussentyd te help met die oorplaas van
handreinigers.
Beleide oor hare en skoolklere
Daar was ʼn openbare debatvoering oor die beleid oor hare en die feit dat leerders nie ʼn
haarkapper of barbier kon besoek het nie weens die COVID-19-beperkings. Alhoewel ons
begrip het vir die dissiplinêre prosedures wat gehandhaaf moet word, wil ek ʼn beroep op
skole doen om redelik te wees gedurende hierdie tydperk en gevalle waar leerders se hare
nie aan die haarbeleidsvereistes voldoen nie, tegemoet te kom.
Daarbenewens, aangesien die WKOD twee gratis maskers per leerder voorsien, kan ouers
nie gedwing word om maskers van skole te koop nie, al is dit in die skool se kleure en het
handelsembleme. Ons vra weer vir ʼn redelike benadering van skole wat vereis dat ʼn leerder
ʼn besondere kleur dra.
Ek wil alle prinsipale, SBS’e en nie-onderrig personeel wat so hard werk om hulle skole
Maandag gereed te kry vir onderwysers en op 01 Junie 2020 vir leerders bedank. Ek ontvang
wonderlike terugvoering oor die inisiatief wat baie van julle aan die dag lê om veiligheid en
sosiale afstand te verseker.
Die uwe
BK SCHREUDER
HOOF: ONDERWYS
DATUM: 2020-05-23
F – WKOD-riglyn:
Skoolvoeding
Tak: Inrigtingsontwikkeling
en -koördinering F - WKOD- riglyn:
Skoolvoeding
F - WKOD-riglyn Datum: 20 Mei 2020 Hersiening soos en
wanneer benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-20
F: WKOD-riglyn: Skoolvoeding 2
F - WKOD- RIGLYN: SKOOLVOEDING
1. Doel
1.1 Die Wes-Kaap Onderwysdepartement (WKOD) voed gewoonlik deur middel
van die Nasionale Skoolvoedingsprogram (NSVP) ongeveer 285 406 leerders
daagliks wanneer die skool aan die gang is.
1.2 Die WKOD het besluit om tydens die inperkingstydperk voort te gaan om
leerders te voed totdat skole weer ten volle oopgestel is.
2. Vereistes
2.1 Weens Covid-19, die belangrikheid van veiligheid en om die verspreiding van
die virus te beperk, maak ons staat op die goeie samewerking van prinsipale,
personeel, voedselvrywilligers en die hele gemeenskap. Gevolglik sal almal
moet help met die nakoming van die fundamenteelste veiligheids- en
sekuriteitsmaatreëls wat ons op die pad vorentoe kan voorsien, met in
agneming van die buitengewone omstandighede
2.2 In die tussentyd sal skole leerders wat reeds klasse bywoon voed, asook leerders
wat nog nie teruggekeer het skool toe nie maar wat in die gemeenskap woon
(soos in die inperkingstydperk plaasgevind het). Die protokol vir skoolvoeding
wat vroeër uitgereik is, bevat reeds toepaslike veiligheidsinligting wat gevolg
moet word. (Standaardbedryfsprosedures No: 1/2020 – Standaardbedryfs-
prosedures vir prinsipale om te help met die voeding van kwesbare leerders
wat gedurende die inperkingstydperk van die Nasionale
Skoolvoedingsprogram (NSVP) afhanklik is).
2.3 Leerders wat nog nie teruggekeer het skool toe nie moet afsonderlik gevoed
word van leerders wat reeds klasse bywoon.
2.4 Skole moet voedingstye versprei onder die onderskeie groepe wat gevoed
moet word om samedromming te vermy en sosiale afstand te handhaaf.
2.5 Leerders wat daagliks skool toe kom om gevoed te word moenie met leerders
wat reeds klasse bywoon, meng nie.
2.6 Slegs leerders wat onder die skoolvoedingsprogram gevoed mag word, mag
gevoed word, en niemand anders nie. Lede van die gemeenskap wat
toegang tot kos wil hê, hou ʼn risiko in. Die beheerliggaam/gemeenskapsleiers
mag in hierdie verband help.
3. Verantwoordelikhede van die prinsipaal/skool
3.1 Leerders wat skool bywoon:
3.1.1 Maak seker dat die lokale/klaskamers wat gebruik word aan die vereiste
veiligheidstandaarde voldoen.
3.1.2 Ontsmet en beveilig die gebiede/oppervlaktes wat gebruik gaan word.
F: WKOD-riglyn: Skoolvoeding 3
3.1.3 Lig ouers/leerders oor maaltydreëlings in en hoe belangrik die handhawing van
sosiale afstand is.
3.1.4 Voorkom lang toue en samedrommings. Versprei die voedingstye indien
moontlik.
3.2 Leerders wat nie skool bywoon nie:
3.2.1 Leerders wat van buite af vir kos kom, moet gesif word.
3.2.2 Leerders moet houers bring om kos te kry.
3.2.3 Kos moet op ʼn veilige plek aan leerders gelewer word.
3.2.4 Sien toe dat skole se NSVP-begunstigdes eerste gevoed word.
3.2.5 Leerders van ander skole in die gebied moet gevoed word as hulle vir voeding
aanmeld en indien die skool genoeg kos het. Hierdie bykomende getalle moet
by die distrikskantoor aangemeld word.
3.2.6 Sodra hulle hulle kos ontvang het, moet hulle die skool op ordelike wyse verlaat
en aangemoedig word om reguit huis toe te gaan.
3.2.7 Die protokol vir skoolvoeding gedurende inperking geld steeds.
3.2.8 Bywoningsregisters moet gehou word van leerders wat toegang tot die
voedingskemas het.
3.2.9 Slegs leerders wat die skool bywoon, mag by die skool eet. Ander leerders wat
nog nie klasonderrig en leer ontvang nie, behoort nie by die skool te eet nie.
3.2.10 Maak alle vrywillige voedselhanteerders touwys oor die COVID-19-
veiligheidsregulasies.
4. Veiligheidsmaatreëls tydens voedingsessies (Skole met NSVP)
4.1 Vrywillige voedselhanteerders moet hulle hande deeglik was voordat voedsel
voorberei word: gesigmaskers, weggooibare handskoene en weggooibare
plastiek voorskote moet gedra word om die oordra van druppeltjies te
verhoed.
4.2 Diegene wat kos voorberei en/of bedien moenie gesels, skree of oor kos lag
nie tensy hulle ʼn gesigmasker dra.
4.3 Alle oppervlaktes moet daagliks met ontsmettingskoonmaakmiddels (natrium
hipochloriet 0,5% [biocide-sakkies] of ʼn bleikmiddelmengsel van 250 ml
bleikmiddel met 5 liter water) skoongemaak word (voor en na maaltye).
4.4 Maak die kombuis/oppervlakte en alle gereedskap waarmee kos voorberei
word skoon voordat daar met die voorbereiding daarvan begin word.
4.5 Beoefen sosiale afstand. Leerders moet toustaan met spasies van 1.5 m tussen
mekaar.
4.6 Reël dat daar genoeg toesig by die hekke is en laat ʼn beheerbare getal
leerders by die skool op ʼn slag in. Ouers/beheerliggame kan versoek word om
te help.
4.7 Personeel moet hulle hande gereeld met seep en water was, of vir ten minste
20 sekondes lank.
4.8 Personeel moet veiligheidsmaatreëls wat hoes/nies betref, toepas.
F: WKOD-riglyn: Skoolvoeding 4
4.9 Emmers water en seep kan by die ingangshekke geplaas word waar leerders
gevra kan word om hulle hande te was. Skole kan ook handreinigers vir hierdie
doel aankoop.
4.10 As hulle klaar bedien is, moet leerders gewys word om na die uitgang te
beweeg.
4.11 Versprei voedingstye sodat leerders wat die skool bywoon afsonderlik gevoed
word. Leerders in grade wat nog nie ingefaseer is nie, moenie met ander
leerders meng nie en moet die skoolterrein verlaat.
4.12 Maak alle gereedskap en potte aan die einde van die voedingsessie skoon.
Ontsmet die voedingsplek/kombuis deeglik.
4.13 Alle werksoppervlaktes moet gesteriliseer word met ʼn skoonmaakmiddel wat ʼn
hoë bleikmiddelinhoud bevat.
G – WKOD-riglyn: Psigososiale ondersteuning
Tak: Inrigtingsontwikkeling en
-koördinering G - WKOD-riglyn:
Psigososiale ondersteuning
G - WKOD-riglyn Uitgereik:
20 Mei 2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-20
G - WKOD-riglyn: Psigososiale ondersteuning 1
G: WKOD-riglyn: Psigososiale ondersteuning
1. Doel:
1.1 Die volgende dokument verduidelik die verskeidenheid dienste en
ondersteuningsmaatreëls wat die WKOD se psigososiale ondersteuningsdienste
bied.
2. Vermoëns van die Wes-Kaap Onderwysdepartement
2.1 Psigososiale ondersteuningspersoneel:
• Distriksielkundiges/-beraders
• Distriksmaatskaplike werkers
• Distrikshulp-maatskaplike werkers
• Versorgings- en ondersteuningsassistente/leerderondersteuningsassistente in
skole met hoë risiko (MIV & TB Lewensvaardigheidsprogram)
• Sielkundiges en beraders by spesiale skole
Die WKOD het bestaande vennootskappe met die Departement van
Gesondheid en Maatskaplike Ontwikkeling onder beskerming van die
Geïntegreerde Skoolgesondheidsprogram.
2.2 Werknemergesondheid en welstand:
2.2.1 Die provinsie het ʼn werknemergesondheids- en welstandsdiens wat deur
Metropolitan Health voorsien word.
2.2.2 Die diens is beskikbaar aan alle WKOD-werknemers en hulle onmiddellike
gesinslede. Dit bied ondersteuning vir verskeie kwessies, vanaf uitdagings in
gesinsverband, finansiële raad, verhoudings, mediese raad en uitdagings in
werksverband. Hierdie dienste is aangepas om stres, angs en gesondheid
gedurende die huidige krisis te help beheer.
2.2.3 Werknemers kan in aanraking kom met die WHWP by hulle tolvrynommer:
08001110011 om ʼn vertroulike gesprek met een van hulle beraders te hê.
2.2.4 Werknemers kan ook ʼn “Bel my asseblief”-boodskap aan *134*664*38# stuur of ʼn
e-pos na [email protected].
2.2.5 Verdere inligting kan bekom word via die WKOD se WHWP-webportaal by:
https://wcedonline.westerncape.gov.za/employee-health-and-wellness-
programme.
G - WKOD-riglyn: Psigososiale ondersteuning 2
2.3 Psigososiale ondersteuningsdienste
2.3.1 Psigososiale ondersteuningsdienste sal op die volgende ondersteuningsaspekte
gebaseer word:
2.3.2 Uitgebreide (hele skool) opbou van vermoëns wat betref onderwyser en leerder
se geestesgesondheidskennis/welstandbewuswording/praktyke/intervensies.
2.3.3 Klaskamerpraktyke wat fokus om skoolgemeenskappe ingeligte hou oor trouma
en opbou van geharde praktyke vir emosionele en sensoriese
regulering/selfbestuur bv. asemhalingsoefeninge, progressiewe ontspanning,
oplettendheid, beweging, dans, kuns, drama, naskoolse programme, ens.
2.3.4 Individuele en groepspsigososiale steun.
2.3.5 Psigososiale ondersteuningspersoneel sluit maatskaplike werkers, sielkundiges,
beraders, hulp-maatskaplike werkers, en versorgings- en ondersteuningsassis-tente
in.
3. Rolle en verantwoordelikhede
3.1 Die rol van die provinsiaalgebaseerde ondersteuningspan
3.1.1 Verskaf psigososiale steun aan die agt distrikte.
3.1.2 Monitor en identifiseer tendense oor psigososiale ondersteuningsbehoeftes en die
impak van intervensies.
3.1.3 Werk saam met Kurrikulum, Bestuur en Beheer (ingeslote Veilige Skole), ander
regeringsdepartemente, NRO’s, universiteite, ens.
3.2 Die rolle van distriksgebaseerde en kringgebaseerde ondersteuningspanne
(DGOS’e en KGOS’e)
3.2.1 DGOS’e/KGOS’e: Distriksielkundiges en maatskaplike werkers werk saam met
skoolgebaseerde beraders, sielkundiges, verpleegsters, inklusiewe onderwys-
uitreikspanne, MIV-programversorgings- en ondersteuningsassistente en hulp-
maatskaplike werkers, Bestuur en Beheer (ingeslote Veilige Skole-koördineerders
en Skoolverrykingskoördineerders), ander staatsdepartemente en NRO’s om skole
(onderwysers/leerders) wat deur die COVID-19-pandemie geraak is, te
ondersteun.
3.2.2 DGOS’e/DBS’e, in samewerking met die Werknemergesondheids- en
Welstandsprogram, reël vir ondersteuning aan distrikte asook skoolpersoneel, bv.
personeelondervragingsessies.
3.2.3 DGOS’e/KGOS’e gee leiding en steun aan skole.
3.2.4 Leerders se aankomsaktiwiteite.
3.2.5 Grondlyn psigososiale klaskameropname moet gedoen word.
G - WKOD-riglyn: Psigososiale ondersteuning 3
3.2.6 Psigososiale ondersteuning sal op verwysings via die ondersteuningsroete en
terugvoering van die skole gebaseer word.
3.2.7 Ondersteuning aan skole deur die DGOS’e en KGOS’e moet geprioritiseer word
volgens vlak van ondersteuning wat verlang word.
3.2.8 Psigososiale ondersteuningspersoneel kan volgens die terugvoering van skole
individuele en groepsondersteuningsessies/inligting/raad/opbou van vermoëns
bied volgens die vlak en aard van die behoefte.
3.2.9 Trouma-ingeligte-/Geharde skole (TIGS)-intervensies sal by die kwesbaarste skole
en gemeenskappe geprioritiseer word.
3.2.10 KGOS’e moet met SGOS’e/SBS’e/beheerliggame in verbinding tree om die
voorsiening van psigososiale ondersteuning deur die ondersteuningsroete te
fasiliteer.
3.2.11 DGOS’e moet samewerking en gesprekke met ander komponente op distriksvlak
aanwakker vir ʼn verenigde benadering.
• Kurrikulum: Skakel met Lewensoriëntering, ens. se vakadviseurs om COVID-19-
bewusmaking, oorsake, behandeling, higiëne, welstandpraktyke, ens. in te
bring in Lewensoriënteringslesse en ander lesvakke.
• Bestuur en Beheer: Kringbestuurders moet skole ondersteun met fundamentele
funksionaliteit oor ondersteuningstrukture, ens.
3.2.12 Veilige Skole: Skakel met Veilige Skole-koördineerders oor programme wat hulle
het en wat bygevoeg kan word by post-COVID-19-psigososiale ondersteuning.
3.2.13 MIV/VIGS: Skakel met versorgings- en ondersteuningskoördineerders oor
ondersteuningsprogramme wat bygevoeg kan word by post-COVID-19-
psigososiale ondersteuning.
3.2.14 Skoolverryking: Werk met skoolverrykingsamptenare saam wat betref COVID-19-
verwante skoolverrykingsprogramme.
4. Kontakte vir distrikshoof van inklusiewe en gespesialiseerde leerder- en
opvoederondersteuning
Distrik Hoof van GLOO Kontaknommer
Eden & Sentrale Karoo R Jacobs 044 803 8351
Kaapse Wynland S Swart 023 348 4658
Overberg A Crous 028 214 7399
Weskus A Arendse 021 860 1209
Metro- Sentraal E Hassen 021 514 6700
Metro- Suid G de Klerk 021 370 2090
Metro-Oos O Rustin 021 900 7187
Metro-Noord C Petersen 21 938 3063
G - WKOD-riglyn: Psigososiale ondersteuning 4
5. Vloeidiagram vir psigososiale ondersteuning
Tak: Inrigtingsontwikkeling en
-koördinering
I – WKOD Riglyn:
Hantering van leerders met komorbiditeite
I – WKOD Riglyn Uitgereik:
23 Mei 2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 23 Mei 2020
I – WKOD Riglyn:
Hantering van leerders met
komorbiditeite
I – WKOD Riglyn: Hantering van leerders met onderliggende komorbiditeite 1
I – WKOD RIGLYN: HANTERING VAN LEERDERS MET KOMORBIDITEITE
1. Doel
1.1. Om leiding aan prinsipale en skoolbestuurspanne (SBSe) van die Wes-Kaap
Onderwysdepartement te bied oor hoe om leerders met komorbiditeite te
hanteer.
2. Omskrywing van komorbiditeite
2.1. Daar is baie omskrywings van komorbiditeite. Vir die doel van hierdie riglyn
word ʼn komorbiditeit beskou as ʼn chroniese gesondheidstoestand of ʼn
meewerkende siekte wat saam met die impak van Covid-19-voorkoms, die
siekte kan vererger.
3. Stappe wat geneem moet word
3.1. Skole moet alle leerders met komorbiditeite identifiseer. (Sien asseblief Bylae I
(A)).
3.2. Prinsipale moet aan die ouers van sulke leerders skryf (sien asseblief Bylae I (B))
en hulle die opsie bied om vir die volgende paar maande toesig te hou oor hul
kinders se tuisleer totdat die pandemie afneem.
3.3. Indien ouers nie tot hierdie verantwoordelikheid instem nie, moet die leerders
terugkeer skool toe.
3.4. Indien ouers die aanbod aanvaar om oor tuisleer toesig te hou, moet hulle die
aangehegte aanvaardingsvorm (Bylae I (C)) onderteken en na die skool
terugstuur vir rekordhouding.
4. Verantwoordelikhede van ouers
4.1. Ouers van kinders met komorbiditeite moet instem om toesig te hou oor die
daaglikse leer van hul kinders tuis, insluitend die daaglikse werk en
werkopdragte, en die aanvaardingsvorm (Bylaag I (C)) onderteken.
4.2. Ouers moet verseker dat daar ʼn bevorderlike leeromgewing vir die leerders tuis
is. Dit sal leerruimte, hulpbronne, ens. insluit.
4.3. Ouers moet verseker dat alle werk en werkopdragte, soos deur die skool
verlang, by die skool afgehaal en afgelewer word.
5. Verantwoordelikhede van die skool
5.1. Onderwysers moet daagliks of weekliks werk vir sulke leerders voorberei en dit
aan die ouers – leerder beskikbaar stel.
5.2. Onderwysers moet die werk of werkopdragte ontvang, dit nasien en aan die
leerder terugstuur.
I – WKOD Riglyn: Hantering van leerders met onderliggende komorbiditeite 2
5.3. Onderwysers moet met die ouers skakel om reëlings vir die nodige assesserings
te tref.
5.4. Die skole en ouers sal in kennis gestel word wanneer hierdie konsessie tot ʼn
einde moet kom.
Annexure I (A)
LEARNER RISK FACTORS FOR SEVERE COVID-19: COMORBIDITIES
Interim indicators (pending DBE confirmation)
The list of Comorbidities, Risk Factors and Definitions are:
Risk Factor Detail Definition
Cardiovascular
Disease
Moderate/ Severe Hypertension Moderate hypertension: systolic
BP 160-179mmHg and/or diastolic
BP 100-109 mmHg.
Severe hypertension: systolic BP
≥180 mmHg and/or diastolic BP
≥110 mmHg.
Congestive cardiac failure or other
serious cardiovascular disease
Confirmed clinical diagnosis of
congestive cardiac failure or
other serious cardiovascular
disease
Cerebrovascular disease, including
stroke and transient ischaemic
attack
Confirmed clinical diagnosis of
cerebrovascular disease.
Respiratory Disease Pulmonary Tuberculosis – untreated
or in early treatment
People who have not completed
the intensive phase or first two
months of treatment in line with
the National Department of
Health Standard Treatment
Guidelines.
Moderate to severe asthma Asthma which requires treatment
with high dose inhaled
corticosteroids plus a second
controller (and/or systemic
corticosteroids) to prevent it from
becoming ‘uncontrolled’ or
which remains ‘uncontrolled’
despite this therapy.
Chronic Obstructive Pulmonary
Disease (COPD)
Confirmed clinical diagnosis of
COPD
Learner risk factors for severe Covid-19: Comorbidities 2
Risk Factor Detail Definition
Other severe chronic lung
pathology, including cystic fibrosis
and bronchiectasis
Confirmed clinical diagnosis –
irrespective of severity.
Kidney Disease Chronic Kidney Disease eGFR < 45
Pregnancy Third trimester pregnancy Estimated to be further than
week 27 of pregnancy
Immunosuppression Poorly controlled type II Diabetes
Mellitus
HBA1c ≥7.5% within last 6 months
Cancer undergoing active
treatment
Currently undergoing
chemotherapy and/or
radiotherapy
Human Immunodeficiency Virus
with advanced immunosuppression
HIV positive persons with CD4
count <200 cells/mm3 who are
ART-naïve or who initiated ART
within last 3 months
Chronic immunosuppressant use Chronic use of ccorticosteroids of
>20mg prednisone per day or
equivalent, methotrexate,
biologicals or other
immunosuppressants.
Transplant On chronic immunosuppressants
Primary
Immunodeficiencies
Diagnosed Primary
Immunodeficiency
On chronic immuno-globulin
treatment.
Metabolic
syndrome
Severe obesity Body mass index (MBI) of 40 and
higher
Bylae I (B)
Geagte _____________________________________________(Ouer/Voog)
Hantering van leerders met komorbiditeite
Daar is baie omskrywings van komorbiditeite. Vir ons doeleindes word ʼn komorbiditeit
beskou as ʼn chroniese gesondheidstoestand of ʼn meewerkende siekte wat saam met
die impak van Covid-19-voorkoms, die siekte kan vererger.
Ons is bewus dat u kind met ʼn bestaande komorbiditeit gediagnoseer mag wees.
Indien wel, en in die belange van u kind se veiligheid, bied hierdie brief aan u as
ouer/voog van ʼn leerder met ʼn ernstige komorbiditeit, die opsie om u kind tuis te hou
as ʼn toegewing en toesig te hou oor sy/haar tuisleer vir die volgende rukkie totdat die
pandemie afneem.
As u van hierdie konsessie gebruik wil maak, moet u asseblief die volgende doen:
1. Voltooi die aangehegte vorm (Bylae I (C)).
2. Verskaf ʼn mediese verslag van die mediese praktisyn wat na hulle toestand
omsien oor die geskiedenis van die toestand.
Benewens die verskaffing van bogenoemde dokumente, moet ouers/voogde instem
tot die volgende:
1. Ouers moet toesien dat daar ʼn bevorderlike leeromgewing vir die leerder tuis is.
Dit sal leerruimte, hulpbronne, ens. insluit.
2. Aanvaar verantwoordelikheid vir die daaglikse toesig oor die tuisonderrig van
hulle kinders, ingeslote die daaglikse werk en assesserings.
3. Aanvaar verantwoordelikheid om toe te sien dat hulle ingelig is oor watter werk
geleer moet word en watter werk daagliks voltooi moet word.
4. Ouers moet toesien dat alle werk en werkopdragte by die skool afgehaal en
afgelewer word, soos deur die skool verlang word.
Dis belangrik dat ouers die verantwoordelikheid vir die daaglikse leer van hulle kind
aanvaar.
As u kind reeds ʼn ingeskryfde leerder van die skool is en gereelde insette en
ondersteuning van hulle onderwysers ontvang, bly u as die ouer/voog
verantwoordelik vir die voortgesette betaling van skoolgeld.
As u as ʼn ouer/voog van ʼn leerder met ʼn komorbiditeit nie hierdie konsessie en die
gepaardgaande verantwoordelikhede kan aanvaar nie, moet u kind voortgaan om
skool by te woon.
Ons sien uit na u antwoord en bevestig ons toewyding aan voortgesette
ondersteuning in u kind se beste belange.
Die uwe
Prinsipaal:
Skool:
Datum:
Bylae I (C)
Beste Prinsipaal
AANVAARDINGSVORM: LEERDERS MET KOMORBIDITEITE
Ek, ____________________________________________(Naam van ouer/voog),
ouer/voog van _______________________________________________________ (Naam van
leerder)
van _________________________________________________ (Skool se naam) aanvaar
hiermee die toegewing wat aangebied word om my kind tuis te hou weens hul
huidige mediese toestand, soos uiteengesit in die aangehegte bewys deur hul
mediese praktisyn, en toesig te hou oor sy/haar onderrig terwyl die Covid-19-
beperkings geld.
Komorbiditeit-toestand:
_____________________________________________________________
Hiermee aanvaar ek die verantwoordelikhede, soos uiteengesit in u brief, om toesig
te hou oor my kind se onderrig tuis.
Ek sal ook aan die versoeke betreffende die afhandeling van assesserings en ander
vereistes voldoen.
Handtekening: ___________________________
Datum: _______________________________
J – WKOD-riglyn:
Veiligheid van leerders wat van
die leerdervervoerskema gebruik
maak
Tak: Inrigtingsontwikkeling en
-koördinering
J: WKOD-riglyn:
Veiligheid van leerders wat van die
leerdervervoerskema gebruik maak
J: WKOD-riglyn Uitgereik: 20 Mei
2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-20
J: WKOD-riglyn: Veiligheid van leerders wat van die leerdervervoerskema
gebruik maak 1
J: WKOD-RIGLYN: VEILIGHEID VAN LEERDERS WAT VAN DIE LEERDERVERVOERSKEMA
GEBRUIK MAAK
1. Doel
1.1. Om prinsipale en SBS’e te adviseer oor wat van hulle verwag word om die
veiligheid van leerders wat van die leerdervervoerskema gebruik maak, te
verseker.
2. Regulasies
2.1. Alle pendelaarvervoerdienste, ingeslote passassiersbusdienste, taxidienste en
privaat motors wat leerders skool toe vervoer, moet voldoen aan die regulasies
wat uitgereik is kragtens die Wet op Rampbestuur, 2002 (Wet 57 van 2002) en
aan alle direktiewe wat in die skedule uiteengesit is om die verspreiding van
COVID-19 aan te spreek en te verhoed.
3. Aflaai en oplaai van leerders by skole
3.1. Alle leerders moet toesien dat hulle fisieke afstandsmaatreëls handhaaf terwyl
hulle op vervoer wag.
3.2. Alle leerders moet altyd ʼn masker dra.
3.3. Leerders moet toesien dat hulle hulle hande was voordat hulle die huis
verlaat/of by die skool.
3.4. Slegs leerders wat op die leerdervervoerskema geregistreer is, mag van die
vervoer gebruik maak.
4. Dravermoë
4.1. Die dravermoë moet voldoen aan die regulasies oor die versekering van fisieke
afstand in ooreenstemming met Staatskoerant No. 43272 van 04 Mei 2020.
4.2. Voertuie se dravermoë is tans 70%.
5. Voorsiening van verbeterde toegang en higiëne, ontsmettingsbeheer op
leerdervervoer
5.1. Alle bestuurders moet handreinigers of ander higiënehouers verskaf om hulle
hande te reinig sodra die leerders en volwasse toesighouers die voertuig
betree.
5.2. Alle bestuurders moet toesien dat openbare vervoer se voertuie ontsmet word
voordat leerders opgelaai word en nadat hulle afgelaai is.
J: WKOD-riglyn: Veiligheid van leerders wat van die leerdervervoerskema
gebruik maak 2
5.3. Bestuurders moet toesien dat die deur- en vensterhandvatsels, arm- en
handleunings en vensters waarteen leerders leun van alle leerders se voertuie
waarmee hulle vervoer word, ontsmet is voordat leerders op- en afgelaai word.
5.4. Bestuurders moet toesien dat alle leerdervervoer skoon en netjies is.
5.5. Alle bestuurders en leerders moet maskers dra.
6. Rolle en verantwoordelikhede van prinsipaal en SBS
6.1. Alle leerdervervoer, ingeslote dié in privaat besit of gereëlde vervoer, is
onderworpe aan die heersende regulasies tensy dit vir leerdervervoer in die
besonder gewysig is.
6.2. Prinsipale of ʼn aangewese amptenaar moet nakoming gereeld kontroleer.
6.3. Prinsipale of ʼn aangewese amptenaar moet nakoming kontroleer wanneer
busse leerders af-/oplaai.
6.4. Enige oortredings moet onmiddellik by die distrik aangemeld word.
K – WKOD-riglyn:
Beheer van veiligheid by koshuise
gedurende Covid-19
Tak: Inrigtingsontwikkeling en
-koördinering
WKOD-riglyn:
Bylae K: Beheer van veiligheid by koshuise
gedurende Covid-19
Bylae K: WKOD-riglyn Uitgereik: 22 Mei
2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-22
K: WKOD-riglyn: Beheer van veiligheid by koshuise gedurende Covid-19 1
K: WKOD-RIGLYN: BEHEER VAN VEILIGHEID BY KOSHUISE GEDURENDE COVID-19
1. Doel
Hierdie riglyne is bedoel om skole en koshuisbestuur voor te berei vir die terugkeer
van leerders na koshuise toe en hoe om die koshuisomgewing gedurende Covid-
19 te beheer.
2. Voorbereiding vir die terugkeer van leerders na die koshuis
2.1 Koshuise moet skoongemaak word voordat leerders terugkeer. Kyk asseblief Bylae
E – WKOD-riglyn: Die skoonmaak van skole en handhawing van higiëne.
2.2 Kamers moet voorberei word, met inagneming van fisieke afstandsmaatreëls.
2.3 Kamers wat uitsluitlik vir slaap bedoel is, moet voorberei word. Maak seker dat
beddens in kamers ten minste 2 meter van mekaar af staan.
2.4 Handreiniger of vloeibare seep om hande mee te was, moet ten alle tye aan
leerders vir gebruik beskikbaar gestel word.
2.5 Maak seker dat daar geriewe by die koshuis is waar ʼn leerder of
koshuispersoneellid afgesonder kan word, indien nodig.
2.6 Daar moet gereël word vir geskikte plek(ke) vir leerders om onder toesig te studeer
of huiswerk te doen sodat sosiale afstand gehandhaaf kan word.
2.7 Beplan roosters vir die gebruik van badkamergeriewe in die oggend en aand.
2.8 Reël verspreide etenstye vir leerders om opeenhoping in die eetkamergeriewe te
voorkom. Oorweging moet gegee word aan getalle en sitplekreëlings terwyl daar
geëet word.
2.9 In die aanvanklike terugkeerfases van leerders na die koshuis toe, kan daar in ag
geneem word dat dit nodig is om kamers toe te wys sodat leerders so veel as
moontlik van mekaar geskei word.
3. Wanneer leerders terugkeer
3.1. Alle leerders en koshuispersoneel moet gesif word met hulle aankoms by die
koshuis. (Kyk asseblief Bylae D – WKOD-riglyn: Sifting van personeel en leerders.)
3.2. Koshuispersoneel moet elke oggend gesif word.
3.3. Alle inligting wat deur sifting ingesamel word, moet aangeteken word.
3.4. Sifting by koshuise is afsonderlik van sifting by die skool, d.w.s., koshuisleerders moet
ook elke oggend gesif word as hulle skool toe gaan.
3.5. Leerders moet oor gesondheid en veiligheid in die koshuis gedurende die
pandemie georiënteer word. (Kyk asseblief Bylae C – WKOD-riglyn: Oriëntering van
personeel en leerders.)
3.6. Leerders by koshuise moet ten alle tye ʼn veilige afstand van mekaar af handhaaf.
3.7. Leerders moenie ander kamers besoek nie.
3.8. Leerders moenie in groepe in kamers bymekaarkom nie.
K: WKOD-riglyn: Beheer van veiligheid by koshuise gedurende Covid-19 2
3.9. Leerders moet onder toesig studeer of huiswerk doen, in ʼn geskikte omgewing wat
fisieke afstand handhaaf.
3.10. Leerders moet voldoen aan die roosters wat voorberei is vir die gebruik van
badkamergeriewe in die oggend en aand.
3.11. Leerders moet voldoen aan verspreide etenstye.
3.12. Leerders hoef nie maskers binne die koshuis te dra nie, maar moet dit dra as hulle
die koshuis verlaat.
3.13. Leerders moet geleer word hoe om hulle maskers te was en daarna te kyk. Indien
moontlik, moet koshuisleerders ʼn derde masker hê wat gebruik kan word.
3.14. Leerders moenie mekaar se maskers dra nie.
3.15. Personeel wat nie in die koshuis woon nie, moet elke dag met hul aankoms gesif
word en ten alle tye maskers dra.
3.16. Kombuispersoneel moet persoonlike beskermingstoerusting dra as hulle kos
voorberei en leerders kos gee.
3.17. Leerders en personeel moet handdrukke, omhelsings en direkte aanraking vermy.
3.18. Indien ʼn leerder of personeellid siek word, moet die skool die riglyne in Bylae
L – WKOD-riglyn: Beheer van Covid-19-gevalle in skole volg.
3.19. Die prinsipaal moet onmiddellik ingelig word as ʼn leerder, opvoeder of
koshuispersoneellid in direkte aanraking met ʼn bevestigde Covid-19-geval was, of
as hulle met Covid-19 gediagnoseer is.
3.20. As leerders oor naweke by die huis was, moet hulle met hul terugkoms gesif word.
4. As daar ʼn vermoedelik Covid-19-geval in die koshuis is
4.1. Indien ʼn koshuisleerder simptome van Covid-19 toon, moet die leerder afgesonder
word totdat hulle opgelaai of huis toe geneem kan word.
4.2. Ouers/voogde van die leerder moet onmiddellik in kennis gestel word.
4.3. Wanneer die leerder opgelaai word, moet die ouer inligting ontvang oor wat om
te doen as ʼn leerder simptome van Covid-19 toon.
5. As daar ʼn bevestigde geval van Covid-19 in die koshuis is
5.1. Die prinsipaal moet onmiddellik alle bevestigde gevalle by die
kringbestuurder/distriksdirekteur aanmeld, asook inligting oor die geval, soos:
• Wanneer laas was die leerder by die skool of in die koshuis?
• Met wie het hulle ʼn kamer gedeel?
• Met wie was hulle in direkte aanraking?
• En met wie was hulle in terloopse aanraking?
5.2. ʼn Assessering van die koshuis sal deur die Departement onderneem word in
samewerking met die prinsipaal en die Departement van Gesondheid. Die skool
sal van raad bedien word oor stappe wat gedoen moet word. Dit mag die
volgende insluit:
K: WKOD-riglyn: Beheer van veiligheid by koshuise gedurende Covid-19 3
• Leerders (of party leerders) mag in die koshuis vir ʼn tydperk van tot 14 dae
afgesonder word.
• Dele van die koshuis mag gesluit en ontsmet word.
• Die koshuis mag gesluit en ontsmet word, waarná dit mag heropen.
5.3. Onthou dat slegs die Hoof van die Departement by magte is om die sluiting van ʼn
onderwysinrigting te magtig, Die Hoof van die Departement sal deur die
Departement van Gesondheid geadviseer word.
L – WKOD-riglyn:
Beheer van COVID-19-gevalle in
skole
Tak: Inrigtingsontwikkeling en
-koördinering
L – WKOD-riglyn:
Beheer van COVID-19-gevalle in skole
L – WKOD-riglyn Uitgereik:
22 Mei 2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-22
L – WKOD-riglyn: Beheer van Covid-19-gevalle in skole 1
L – WKOD-RIGLYN: BEHEER VAN COVID-19-GEVALLE IN SKOLE
1. Doel
1.1 Om prinsipale en skoolbestuurspanne te adviseer oor hoe om bevestigde of
vermoedelike COVID-19-gevalle in skole te beheer.
2. Voortgesette prosedures en voorbereidings
2.1 Alle leerders, opvoeders en nie-onderrig personeel moet daagliks gesif word
volgens die Wes-Kaap Onderwysdepartement (WKOD) se riglyne.
2.2 ʼn Siekeboeg moet voorberei word om leerders of personeellede tydelik af te
sonder indien ʼn leerder of personeellid simptome van COVID-19 toon.
2.3 Inligting oor om met wie as naasbestaande in verbinding te tree indien ʼn leerder
of personeellid blyk COVID-19-simptome te hê, moet maklik aan alle leerders
en personeellede vrygestel kan word.
2.4 Inligting oor wat om te doen indien iemand simptome toon, moet maklik
vrygestel kan word en aan die leerder, hulle ouers of personeellid gegee kan
word (neem asseblief kennis van die pamflet: Behandeling van
https://wcedonline.westerncape.gov.za/back-school-covid-19-resources-
schools).
2.5 Indien ʼn klas, gedeelte van ʼn skool, of skool ontsmetting verg, moet die skool
met die distrik skakel wat die noodsaaklikheid daarvan sal bevestig en toesien
dat die dienste verkry word.
3. Stappe wat gedoen moet word as ʼn leerder siek blyk te wees of simptome wat
met COVID-19 gepaard gaan, toon
3.1 Die volgende is van toepassing as daar vermoed word dat ʼn leerder siek is of
simptome soos ʼn voortdurende droë hoes, hoë koors, respiratoriese ongemak
of kortasemheid, seer keel, ens. by die skool toon:
3.1.1 Alle leerders moet daagliks gesif word.
3.1.2 Die siekeboeg moet voorberei word om leerder(s) tydelik af te sonder.
3.1.3 Indien ʼn leerder COVID-19-simptome toon, moet die leerder afgesonder word
en hy/sy moet weg van ander leerders of personeel gehou word totdat hulle
gehaal en huis toe geneem kan word.
L – WKOD-riglyn: Beheer van Covid-19-gevalle in skole 2
3.1.4 Die ouers/voog van die leerder moet onmiddellik in kennis gestel word en gevra
word om die leerder te kom haal.
3.1.5 Wanneer die leerder gehaal word, moet die ouer ingelig word oor wat daar
gedoen moet word en met wie in aanraking gekom moet word wanneer ʼn
leerder COVID-19-simptome toon.
4. Stappe wat gedoen moet word wanneer ʼn COVID-19-geval by ʼn leerder
bevestig is
4.1 Die prinsipaal moet onmiddellik alle bevestigde gevalle by die
kringbestuurder/distriksdirekteur aanmeld, asook inligting oor die geval gee,
soos:
• wanneer laas die leerder by die skool was;
• met wir hulle in direkte aanraking was; en
• met wie hulle vlugtig in aanraking was.
4.2 Die prinsipaal en distriksamptenare sal die geval assesseer en die
distriksamptenare sal die stappe wat gedoen moet word, bevestig.
4.3 Die Departement van Gesondheid sal verantwoordelik wees vir die
identifisering van mense met wie die leerder in aanraking was en sal die WKOD
adviseer oor enige verdere stappe wat gedoen moet word of
voorsorgmaatreëls wat getref moet word.
4.4 In die meeste gevalle sal dit nie nodig wees om die skool of inrigting te sluit nie.
4.5 Let op dat slegs die Hoof van die Departement die sluiting van ʼn
opvoedkundige inrigting kan magtig. Die Hoof van die Departement sal deur
die distrik ingelig word en sal optree volgens die raad van die Departement van
Gesondheid.
5. Stappe wat gedoen moet word wanneer ʼn leerder aan ʼn moontlike geval van
COVID-19 blootgestel was
5.1 As ʼn leerder in aanraking met ʼn vermoedelike geval was, is geen beperkings-
of spesiale beheermaatreëls nodig nie terwyl daar gewag word op
laboratoriumtoetse vir COVID-19.
5.2 Dis nie nodig om die skool te sluit of ander leerders of personeel huis toe te stuur
nie.
5.3 Die skool moet voortgaan om aan alle COVID-19-vereistes te voldoen.
L – WKOD-riglyn: Beheer van Covid-19-gevalle in skole 3
5.4 Dus hoef personeellede geen stappe te doen voordat die uitkoms van die
toetsuitslae nie bekend is nie.
6. Stappe wat gedoen moet word as ʼn leerder blootgestel is aan ʼn bevestigde
geval van COVID-19
6.1 Enigiemand wat in noue aanraking met ʼn bevestigde geval van COVID-19 was,
moet geïdentifiseer word en versoek word om vir 14 dae tuis te bly vanaf die
datum van blootstelling om vir simptome te monitor. Hulle mag nie skool
bywoon nie. (Noue of direkte aanraking, bv. ʼn handdruk of omhelsing. Om
bloot in die kamer sonder enige direkte aanraking te wees, word as terloopse
aanraking sonder enige risiko beskou.)
6.2 Alle terloopse aanrakingsgevalle (geen direkte fisieke aanraking nie) moet
voortgaan om die skool by te woon.
6.3 Indien die leerder wat in noue aanraking was enige simptome toon terwyl hulle
by die huis is, kan die Wes-Kaapse Regering of die Nasionale Instituut vir
Oordraagbare Siektes se kitslynnommers geskakel word vir mediese hulp en
verdere toetsing.
6.4 Leerders wat nie in noue aanraking van ʼn bevestigde geval was nie, moet skool
bywoon.
6.5 Leerders wat in aanraking was met ʼn gesonde persoon van ʼn bevestigde geval
moet skool bywoon.
7. Stappe wat gedoen moet word as ʼn personeellid positief getoets is vir COVID-
19
7.1 Die personeellid wat positief vir COVID-19 getoets is, moet om siekteverlof
aansoek doen.
7.2 Alle personeellede en leerders wat in noue aanraking met die besmette person
was, moet in selfafsondering vir ʼn maksimum van 14 dae sedert die laaste
aanraking gaan.
7.3 Alle personeellede wat in selfafsondering moet gaan, moet om spesiale verlof
aansoek doen.
7.4 Daar moet ʼn lys van sodanige personeellede gehou word en by die betrokke
distrikskantoor ingedien word.
7.5 Die distrikskantoor moet skriftelike bewyse hou en dit by Hoofkantoor se
Mensbestuurpraktyke-afdeling indien.
L – WKOD-riglyn: Beheer van Covid-19-gevalle in skole 4
7.6 Die reininging/ontsmetting van die besmette gebied moet verrig word soos in
(2.5) beskryf.
7.7 Daar moet in aanraking gebly word met sodanige personeellid of leerder om
hulle te monitor en evalueer.
8. ʼn Personeellid wat in aanraking met ʼn bevestigde geval van COVID-19 was
8.1 Alle personeellede wat in noue aanraking met die besmette person was, moet
tuis vir ʼn maksimum van 14 dae vanaf die laaste aanraking in selfafsondering
bly. (Direkte aanraking, bv. ʼn handdruk of omhelsing. Om bloot in die kamer te
wees sonder enige aanraking, word as terloopse aanraking met geen risiko
beskou.)
8.2 Personeellede wat hulleself moet afsonder, moet om spesiale verlof aansoek
doen.
8.3 Die prinsipaal moet toesien dat die werksgebied van mense wat hulle self moet
afsonder deeglik gereinig word.
8.4 Daar moet in aanraking gebly word met sodanige personeellid om hulle te
monitor en evalueer.
8.5 Die name van die personeellede moet aangeteken word by die skool en ʼn
afskrif moet by die distrikskantoor ingedien word.
8.6 Die distrikskantoor moet hierdie inligting by Hoofkantoor indien.
9. ʼn Personeellid was blootgestel aan ʼn moontlike (onbevestigde) COVID-19-
geval
9.1 Indien ʼn personeellid in aanraking was met ʼn onbevestigde geval, word geen
beperkings of spesiale beheermaatreëls vereis terwyl daar gewag word op
laboratoriumtoetsuitslae nie.
9.2 Die personeellid moet voortgaan om te werk.
9.3 Die skool moet voortgaan om aan alle COVID-19-vereistes te voldoen.
9.4 Daar is dus geen stappe wat personeellede hoef te doen voordat die uitslag
van die toets bekend is nie.
9.5 As die uitslag positief is, moet maatreëls wat in afdeling 8 voorgeskryf is,
toegepas word.
L – WKOD-riglyn: Beheer van Covid-19-gevalle in skole 5
10. ʼn Personeellid of leerder vertoon simptome wat met COVID-19 gepaard gaan
terwyl hulle by die skool is
10.1 Sonder die personeellid of leerder tydelik af in ʼn siekeboeg of kamer wat vir
tydelike afsondering uitgewys is.
10.2 Adviseer die personeellid om huis toe te gaan en tree in verbinding met die
leerder se ouers/voog.
10.3 Adviseer die personeellid of die leerder se ouers/voog om die kitslynnommers
te skakel.
11. ʼn Personeellid weier om vir diens aan te meld as gevolg van vrees vir die
besmetting met COVID-19
11.1 Weiering om vir diens aan te meld kom daarop neer dat sodanige afwesigheid
onwettig is en sal hanteer word ingevolge die huidige dissiplinêre prosedures.
11.2 Gewone verlofbedeling is van toepassing, tensy anders aangedui word deur
enige COVID-19-regulasies wat gedurende die pandemie uitgevaardig mag
word.
12. Plaasvervangers vir opvoeders wat siek geword het
12.1 Sodra dit bevestig is dat ʼn opvoeder siek geword het weens COVID-19, moet
die skool aansoek doen om ʼn plaasvervanger.
12.2 Die skool moet ook aansoek om ʼn plaasvervanger doen as ʼn opvoeder afwesig
is van die werk as gevolg van die 14 dae-tydperk van selfafsondering.
12.3 Plaasvervangers sal oorweeg word as dit bekostig kan word.
12.4 Skole kan die gebruik van vrywilligers om sifting te doen, oorweeg indien dit
nodig word.
13. Beheer en monitor van afwesigheid
13.1 Bywoningsregisters moet daagliks voltooi word soos wat die norm vir
onderwysers, nie-onderrig personeel en leerders is. Dit is ʼn gewone WKOD-
vereiste, maar ook ʼn COVID-19-vereiste om met nasporing te help.
13.2 Identifiseer kritieke werksfunksies en poste by die skool en beplan paslik vir ander
geskikte gekwalifiseerde personeel by die skool om die gapings te vul wat mag
ontstaan weens COVID-19-gevolge.
L – WKOD-riglyn: Beheer van Covid-19-gevalle in skole 6
14. Indien skole gesluit is, moet die volgende oorweeg word om voort te gaan met
leer en onderrig
14.1 Alle leerder- en ouerinligting, ingeslote digitale kontakinligting moet, waar
moontlik, bygewerk wees en maklik aan betrokke personeellede vrygestel kan
word.
14.2 Leermateriaal moet ter enige tyd vir ʼn tydperk van vier weke vooruit voorberei
word ingeval ʼn skool moet sluit as gevolg van waarskuwingsvlakbeperkings of
ander faktore.
14.3 Gaan voort om leermaterial vir leerders te ontwikkel as die skool gesluit is.
14.4 Maak gebruik van die lesse wat deur die Algemene Onderwys-en-opleiding
en/of Verdere Onderwys en Opleiding se kurrikulumdirektorate veskaf word.
14.5 Moedig aanlyn leer via die WKOD se e-Portaal aan.
14.6 Verskaf inligting aan ouers oor lesse op die radio, televisie en die
telematikaprogram.
14.7 Verseker deurlopende onderwys:
• hersien deurlopende planne vir onderrig en leer; en
• stel e-leerplanne in, ingeslote digitale en afstandsopsies waar moontlik en
toepaslik.
14.8 Indien nodig, bepaal, in oorleg met skooldistriksamptenare of ander toepaslike
staats- of plaaslike vennote:
• hoe om opvoeders op te lei in die oorskakeling van persoonlike na aanlyn
lesse;
• hoe om tegniese kwessies uit te sorteer wanneer daar beperkte IT-
ondersteuning en personeel is;
• hoe om toepaslike volwassetoesig aan te moedig terwyl leerders
afstandsonderrigbenaderings gebruik; en
• hoe om leerders se moontlike gebrek aan toegang tot rekenaars en die
internet tuis te hanteer.
14.9 Konsolideer ʼn lys van beskikbare, geskikte hulpbronne vanaf die radio, televisie
en ander mediaplatforms en stel dit aan leerders en ouers vry.
14.10 Verseker deurlopende maaltydprogramme, indien van toepassing.
M – WKOD-riglyn:
Rolle en verantwoordelikhede van
beheerliggame
Tak: Inrigtingsontwikkeling en
-koördinering
WKOD-riglyn:
Bylae M: Rolle en verantwoordelikhede van
beheerliggame
Bylae M – WKOD-riglyn Uitgereik: 23 Mei 2020 Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-23
M – WKOD-riglyne: Rolle en verantwoordelikhede van beheerliggame 2
M – WKOD-RIGLYN: ROLLE EN VERANTWOORDELIKHEDE VAN BEHEERLIGGAME
1. Doel
Die volgende dokument skets die verskillende rolle en verantwoordelikhede van
beheerliggaamlede om die beheer van Covid-19 te ondersteun.
2. Rolle van beheerliggame
2.1. Die regulasies oor die Covid-19-pandemie doen geen afbreuk aan die rolle en
verantwoordelikhede van beheerliggame soos deur die Suid-Afrikaanse
Skolewet (SASW) bepaal nie.
2.2. Die beheerliggaam moet voortgaan om toe te sien dat dit aan sy funksie
voldoen soos verklaar in artikel 20(1)(e) van die SASW, nl. “die prinsipaal,
opvoeders en ander personeel van die skool ondersteun in die verrigting van
hulle professionele werksaamhede”.
2.3. Die Covid-19-pandemie verg dat beheerliggame die skoolbestuur ondersteun
om te voldoen aan die gesondheids- en veiligheidsvereistes van die
skoolgemeenskap.
3. Stappe wat gedoen moet word
3.1. Om ʼn Covid-19-komitee op die been te bring wat ʼn plan moet opstel in
samewerking met die prinsipaal en skoolbestuurspan (SBS) binne die nasionale
regulasies. Hierdie gesondheids- en veiligheidskomitee kan moontlik ʼn
uitbreiding van die skoolveiligheidskomitee wees.
3.2. Ondersteun die skoolbestuur met die implementering van die gesondheids- en
veiligheidsprotokols. Dit sluit toegang tot die skoolterrein in, die siftingsplan en
die hersiene skoolplan (watter leerders skool toe gekom het, wanneer hulle
gekom het en roosterbeplanning).
3.3. Om die oriënteringsprogram van leerders en kommunikasie met ouers te
ondersteun.
3.4. Herprioritisering van begrotings, met inagneming van:
3.4.1. Besparings wat plaasgevind het omdat die skool vanaf 20 Maart 2020 gesluit
was – byvoorbeeld: instandhouding, water en elektrisiteit, telefoon, reis,
buitemuurse aktiwiteite en kansellasies van projekte.
3.4.2. Inkomstetekorte uit skoolgeld-insamelings.
3.4.3. Bykomende uitgawes wat kan voortspruit uit die versekering dat skole in die
volgende paar maande funksioneer, veral wat betref veiligheid en sekuriteit
(ingeslote die bewaring van persoonlike veiligheidstoerusting),
kurrikulumlewering en, waar nodig, bykomende personeel.
M – WKOD-riglyne: Rolle en verantwoordelikhede van beheerliggame 3
3.5 Hanteer personeelkwessies wat mag voortspruit uit verminderde inkomste en
die betaling van beheerliggaamwerknemers.
3.6 Hanteer personeelkwessies wat mag voortspruit uit personeel-afwesigheid.
3.7 Handel die 2021-toelatingsproses af.
3.8 Hanteer kontrakte met diensverskaffers as gevolg van die kansellering van
buitemuurse aktiwiteite.
3.9 Versoek ʼn aksieplan van die prinsipaal oor die implementering van die riglyne
en maandelikse verslae oor implementering en risiko’s.
3.10 Keur veranderinge aan skooltye goed, waar van toepassing, en maak seker dat
dit voldoen aan enige toepaslike indiensnemingsvoorwaardes van personeel
(SASW, artikel 20(1)(f)).
3.11 Kommunikeer met ouers oor wat van hulle verwag word ten opsigte van
skoolgeldbetaling.
3.12 Maak besluite oor hoe om niebetaling van skoolgeld te hanteer.
3.13 Besluit oor hoe om ouers wat die skool wil besoek, te hanteer.
3.14 Keur addendums of uitbreidings aan bestaande beleide oor hoe om Covid-19
te hanteer, goed. Byvoorbeeld: Die veiligheidsbeleid, die gedragskode,
bepaling van beleid oor betaling van skoolpersoneel wat afwesig is weens
komorbiditeite, of enige ander beleide wat Covid-19-addendums benodig.
Erkennings:
Hierdie riglyn is saamgestel met die vriendelike samewerking van die Stigting vir Beheerliggame
(GBF) en die Federasie van Beheerliggame van Suid-Afrikaanse Skole (Fedsas).
N – WKOD-riglyn:
Hantering van die kurrikulum
Tak: Inrigtingsontwikkeling en -
koördinering
N – WKOD-riglyn:
Hantering van die kurrikulum
N – WKOD-riglyn Uitgereik:
27 Mei 2020
Hersiening soos en wanneer
benodig word
Goedgekeur deur die Hoof van die Departement:
_____________________________
BK Schreuder
Datum: 2020-05-27
N – WKOD-riglyn: Hantering van die kurrikulum 1
N – WKOD-RIGLYN: HANTERING VAN DIE KURRIKULUM
1. Doel
Die doel van hierdie riglyn is om kurrikulum- en assesseringsleiding te gee oor
hoe om met die aangepaste kurrikulum vir graad 7 en 12 te werk.
2. Ondersteuning deur die Wes-Kaap Onderwysdepartement (WKOD) tydens
die inperkingstydperk
2.1 Alhoewel die aanvanklike doel van die ondersteuning aan die begin van die
inperking was om leermateriaal te verskaf wat leerders kan help om aan te
hou leer, het dit vinnig verander in ʼn onderwyser-en-leerderonderneming.
2.2 Die doel was om onderrig en leer in elke vak en elke graad te ondersteun,
gebaseer op die onderrig- en assesseringsplanne wat aan onderwysers aan
die begin van die 2020-skooljaar uitgereik is.
2.3 Die ondersteuningsinisiatiewe is ontwikkel om Algemene Onderwys en
Opleiding (AOO) en Verder Onderwys en Opleiding (VOO) se
kurrikulumlewering mootlik te maak en dit is versterk deur ʼn professionele
onderwyserontwikkelingsdimensie wat gefokus het op:
• hulp aan onderwysers met afstandsonderrig; en
• hulp aan leerders om óf met hulp van ander mense tuis te leer (meestal
laerskoolgrade), óf selfgerig te leer (meestal hoërskoolgrade).
2.4 Bylae A som die ondersteuning wat aangebied is en steeds beskikbaar is op.
Onderwysers word aangeraai om toegang te kry tot die webwerfadresse wat
aangehaal word vir toegang tot ʼn groot getal kurrikulummateriaal en
professionele onderwyserontwikkelingsaanbiedinge.
2.5 ʼn Reeks radio- en televisielesse wat geïntegreer kan word is ook beskikbaar ter
ondersteuning van onderrig en leer. Amptenare en onderwysers van die
WKOD dra gereeld tot hierdie produksies by.
3. Die terugkeer van graad 7- en 12-leerders
3.1 Gedurende Kwartaal 1 van die 2020-skooljaar het onderrig en
skoolgebaseerde assesserings (SGA) plaasgevind volgens die leiding wat in
die onderrig- en assesseringsplanne gegee is
(https://wcedeportal.co.za/eresource/88496).
3.2 Nadat bykans agt skoolweke verlore gegaan het as gevolg van die inperking,
moes die Departement van Basiese Onderwys (DBO) die kurrikulum- en SBA-
N – WKOD-riglyn: Hantering van die kurrikulum 2
vereistes aanpas om by die hersiene skoolkalender vir graad R tot 11 aan te
pas. Die graad 12-kurrikulum het onveranderd gebly.
3.3 Die KABV-kurrikulum is verminder na beheerbare kerninhoud (kyk Bylae B) en
dit sluit die vaardighede, kennis, ingesteldhede en waardes per vak per
graad in sodat:
3.3.1. dit wat onderrig moet word en dit wat geassesseer moet word duidelik
gemaak is en in ooreenstemming is met die hersiene skoolkalender;
3.3.2. deeglike beplanning gedoen is en doeltreffende onderrigstrategieë gebruik is
om te verseker dat diep en betekenisvolle leer plaasvind;
3.3.3. die vakleerbaan vir leerders gehandhaaf word, sonder om hulle oorgang
tussen grade te kompromitteer; en,
3.3.4. leerders en onderwysers nie onder onnodige druk geplaas word om te poog
om die volledige kurrikulum te voltooi nie, maar belangrike leer kan baasraak
in die oorblywende beskikbare tyd.
3.4 SGA’s sal ook aangepas word. Die DBO sal duidelikheid gee oor die getal
SGA-take wat vereis sal word. Die gebruik van ander assesseringsvorms word
aangemoedig en die klem sal eerder op assessering VIR leer (formatiewe) as
op VAN leer (summatiewe) val.
3.5 Die hersiene leer- en assesseringsvereistes sal aan alle skole gebied word via
geskrewe en aanlyn kommunikasie vir elke vak soos die verskillende grade
infaseer word. Die veranderings word verduidelik in ʼn PowerPoint-aanbieding,
wat na onderwysers deurgestuur sal word.
3.6 Daar sal geen Junie-eksamens wees nie. Die graad 12-proefeksamen behoort
egter soos in die verlede afgelê te word, met vraestelle wat deur onderwysers
op skoolvlak opgestel en gemodereer word.
4. Nuwe maniere van onderrig, assessering en leer
4.1 Sterk onderrigsleierskap deur die skoolbestuurspan (SBS) word verlang om toe
te sien dat daar doeltreffende beplanning en voorbereiding is vir die nuwe
manier van onderrig, assessering en leer. Die volgende oorwegings is van
belang:
4.1.1 Hoe om te verseker dat daar voldoen word aan die sosiale afstandsvereistes
(kyk Bylae C) waar onderrig of assessering plaasvind.
4.1.2 Hoe om onderrig en SGA’s oor die aangepaste kurrikulum nou so goed as
moontlik te beplan vir leerders by die skool asook leerders tuis.
4.1.3 Hoe om WKOD-kurrikulumondersteuning (wat op die WKOD se e-Portaal en
deur vakadviseurs voorsien word) te gebruik om beplanning en onderrig te
verbeter.
N – WKOD-riglyn: Hantering van die kurrikulum 3
4.1.4 Watter onderrigmetodes (behalwe persoonlike onderrig by die skool) word
benodig om aan die leerbehoeftes van alle leerders te voldoen, bv. gedrukte
materiaal, WhatsApp-platforms en digitale platforms.
4.1.5 Hoe om te verseker dat alle leerders optimale toegang het tot die
leermetodes wat gebruik word.
4.1.6 Of leerders assesseringstake by die skool en tuis kan voltooi en of dit die
leerder help om die verband tussen wat hulle geleer het en die wêreld
daarbuite te sien.
4.1.7 Of elke leerder hulle eie vakhandboek en/of werkboeke het (dit is ʼn
noodsaaklike vereiste).
4.1.8 Watter professionele onderwyserontwikkelingsgeleenthede beskikbaar is ter
ondersteuning van onderwysers in hulle doeltreffende hantering van die
nuwe onderrigwerklikhede.
4.1.9 Hoe ons saam met ander skole kan werk of saam ons hulpbronne kan deel.
4.2 Ter ondersteuning van die beplanningsprosesse op skoolvlak, het ons op een
bladsy die belangrikste aspekte vasgelê wat onderwysers nodig het om te
oorweeg wanneer hulle terugkeer. Dit is ʼn eenvoudige poging om die
terugkeer van onderwysers in konteks te plaas, maar ook ʼn “dinkgids” wat
belangrike pedagogiese vrae opper waaroor gedink moet word wanneer
onderwysers begin met beplanning (kyk Bylae D). Ons kom voor ʼn
veranderde opvoedkundige arena te staan en dit sal nuwe denk- en
doenwyses verg.
5. Belangrike inligting waarvan graad 7-onderwysers kennis moet dra
5.1 As skole nie Kwartaal 1 se SGA’s voltooi het nie, moet dit afgehandel word en
op SOBIS aangeteken word.
5.2 Besonderhede oor die planne vir die moderering van SGA’s, minipraktiese
assesseringstake (PAT’s) en praktiese eksamens sal verskaf word. Prinsipale
moet egter toesien dat die pre- en postmoderering van alle SGA’s uitgevoer
word.
5.3 Lesse vir Kwartale 3 en 4 sal beskikbaar gestel word en sal in Engels, Afrikaans
en Xhosa ontwikkel word.
5.4 ʼn AOO-hulpbronpakket vir onderwys- en kurrikulumontwikkeling – Graad 9 sal
ook beskikbaar wees om leerders te help. Dit sal video’s en aktiwiteite in alle
vakke in Engels, Afrikaans en Xhosa insluit.
6. Belangrike inligting waarvan graad 12-onderwysers kennis moet dra
N – WKOD-riglyn: Hantering van die kurrikulum 4
6.1 Alhoewel die graad 12-kurrikulum nie gesnoei is nie, is sekere toegewings en
veranderings aan SGA’s gemaak. Die veranderings aan vereistes vir
mondelinge en praktiese eksamens is per vak in besonderhede uiteengesit.
6.2 Lesse wat op die aangepaste kurrikulum gebaseer is, sal vir Kwartaal 3 en 4 in
Engels en Afrikaans ontwikkel word. Weeklikse lesse vir Kwartaal 2 is op die
WKOD se e-Portaal beskikbaar.
6.3 As skole nie Kwartaal 1 se SGA’s voltooi het nie, moet dit afgehandel word en
op SOBIS teen 15 Junie 2020 aangeteken word.
6.4 Besonderhede oor die planne vir die moderering van SGA’s, PAT’s en
mondelinge eksamens sal verskaf word. Prinsipale moet egter toesien dat die
pre- en postmoderering van alle SGA’s uitgevoer word.
6.5 Die finale eksamenrooster sal hersien word en besonderhede daaroor
oorgedra word sodra dit afgehandel is.
7. Ondersteuning en ontwikkeling van onderwysers
7.1 Toegang kan verkry word tot ʼn omvattende kieslys van aanlyn kursusse wat
deur die Direktorate AOO, VOO, Kaapse onderrig- en leierskapinstituut (KOLI),
e-Leer en Inklusiewe Onderwys ontwikkel is, en dit kan deur onderwysers vir
hulle persoonlike en professionele behoeftes gebruik word.
7.2 Hierdie kursusse dek areas wat met die kurrikulum, (Grondslag-, Intermediêre
en Senior fases, asook VOO), inklusiewe onderwys, IKT-integrasie, skoolbestuur
en leierskap, ens. verband hou. Verdere inligting oor hierdie professionele
onderwyserontwikkelingsgeleenthede sal aan skole oorgedra word (kyk Bylae
A).
8. Digitale hulpbronne
ʼn Uitgebreide reeks hulpbronne is op die WKOD se e-Portaal beskikbaar en
daar is gereelde bywerkings (kyk Bylae A). Ingeslote by hierdie aanbiedings
onder “Teacher Side-kick” is ʼn digitale leer-noodinhoudspakket vir
onderwysers (Emergency content pack for teachers) om afstandsonderrig- en
leerpraktyke te versterk (kyk Bylae A).
9. DBO se aangepaste kurrikulum
9.1 Die proses om die kurrikulum aan te pas wat op die hersiene skoolkalender
gebaseer is, is afgehandel. Kyk asseblief na die volgende skakel van die DBO-
webwerf waar al die toepaslike dokumente verkry kan word:
https://www.education.gov.za/Home/RecoveryPlan2020.aspx.
N – WKOD-riglyn: Hantering van die kurrikulum 5
9.2 Dit sluit die 2020 DBO-omsendbrief S2 van 23 Mei 2020 in, waarin die proses
verduidelik word, asook die beginsels wat die besnoeiing en herorganisasie
van die kurrikulum ondersteun het.
9.3 Die tabel hieronder bied ʼn opsomming van die dokumente wat vir graad 7 en
12 gevind kan word.
9.4 Die dokumente vir ander grade, asook riglyne oor SGA’s, sal later aan skole
verskaf word.
Graad Dokument se naam
1 12 Nasionale jaarplanne vir onderrig (Inhoudsvakke)
2 12 Nasionale jaarplanne vir onderrig (Tale)
3 10–12 Nasionale faseplan vir inhoud (Inhoudsvakke)
4 10–12 Nasionale faseplan vir inhoud (Huistale)
5 10–12 Nasionale faseplan vir inhoud (Eerste Addisionele Tale)
6 10–12 Nasionale faseplan vir inhoud (Tweede Addisionele Tale)
1 7 Nasionale jaarplanne vir onderrig (Inhoudsvakke)
2 7 Nasionale jaarplanne vir onderrig (Tale)
3 7–9 Nasionale faseplan vir inhoud (Inhoudsvakke)
4 7–9 Nasionale faseplan vir inhoud (Huistale)
5 7–9 Nasionale faseplan vir inhoud (Eerste Addisionele Tale)
N – WKOD-riglyn: Hantering van die kurrikulum 6
Bylae A
Fokus Inisiatief Ondersteuningsmikpunt Webskakel
AOO 1 bladsy vir elke vak Hersiening en leerondersteuning vir
onderwysers, ouers en leerders terwyl
graad R–9-werk wat in Kwartaal 1
gedoen is, gekonsolideer word
https://wcedeportal.co.za/eresource/90931
DBO-werkboeke vir
Taal en WIskunde
Hersiening en voorbereiding van werk
wat in Kwartaal 2 gedoen moet word
https://www.education.gov.za/Curriculum/
LearningandTeachingSupportMaterials(LTSM)/
Workbooks.aspx
Weeklikse lesse Lesse wat die kerninhoud van en
vaardighede in vakke vir leerders
vasvang, is ontwikkel en per e-pos en
WhatsApp aan alle skole via
distrikskantore versprei
Graad R–3:
https://wcedeportal.co.za/eresource/92236
https://wcedeportal.co.za/eresource/93061
https://wcedeportal.co.za/node/94156
https://wcedeportal.co.za/eresource/101201
Graad 4–6:
https://wcedeportal.co.za/eresource/92191
https://wcedeportal.co.za/eresource/93051
https://wcedeportal.co.za/eresource/94176
https://wcedeportal.co.za/eresource/102396
https://wcedeportal.co.za/eresource/105001
Graad 7–9:
https://wcedeportal.co.za/eresource/92186
https://wcedeportal.co.za/eresource/93046
https://wcedeportal.co.za/eresource/97196
https://wcedeportal.co.za/eresource/102416
https://wcedeportal.co.za/eresource/105031
Gehaltelees tuis Ouerondersteuning met lees as daaglikse
aktiwiteit
https://wcedeportal.co.za/partners/#103111
N – WKOD-riglyn: Hantering van die kurrikulum 7
Fokus Inisiatief Ondersteuningsmikpunt Webskakel
VOO 1 bladsy vir elke vak Hersiening en leerondersteuning vir
onderwysers, ouers en leerders terwyl
graad 10–12-werk wat in Kwartaal 1
gedoen is, gekonsolideer word
https://wcedeportal.co.za/eresource/88506
Graad 12-leer- en
onderrigmateriaal
Hersiening vir matrikulante in gekose
vakke
https://wcedeportal.co.za/eresource/90261
Telematikalesse
Regstreekse telematika-uitsendings van
die onderrig van gekose vakke of die
gebruik van voorafopgeneemde lesse
https://schools.sun.ac.za/login/index.php
Weeklikse lesse Lesse wat die kerninhoud van en
vaardighede in vakke vir leerders
vasvang, is ontwikkel en per e-pos en
WhatsApp aan alle skole via
distrikskantore versprei
Graad 10–12:
https://wcedeportal.co.za/eresource/92511 (W1)
https://wcedeportal.co.za/eresource/93481 (W2)
https://wcedeportal.co.za/eresource/94171 (W3)
https://wcedeportal.co.za/eresource/99256 (W4)
Graad 10:
https://wcedeportal.co.za/eresource/105831
https://wcedeportal.co.za/eresource/106171
Graad 11:
https://wcedeportal.co.za/eresource/99321
https://wcedeportal.co.za/eresource/106196
Graad 12:
https://wcedeportal.co.za/eresource/105841
https://wcedeportal.co.za/eresource/106206
N – WKOD-riglyn: Hantering van die kurrikulum 8
Fokus Inisiatief Ondersteuningsmikpunt Webskakel
e-Leer
&
KOLI
Professionele
onderwyserontwikkeling
Uitgebreide kieslys van professionele
aanlyn ontwikkelingskursusse wat oor ʼn
verskeidenheid onderwerpe beskikbaar
is.
e-Leerriglyndokument om prinsipale en
onderwysers te help met
afstandsonderrig en -leer.
https://wcedeportal.co.za
https://wcedctli.co.za/
https://wcedeteacher.wixsite.com/eteacher
https://wcedeteacher.wixsite.com/covid19/free-courses
WKOD se e-
Portaal
Ander aanlyn
ondersteuningsplatforms
WKOD se e-Portaal https://wcedeportal.co.za
KOLI by WKOD https://wcedctli.co.za/
WKOD aanlyn https://wcedonline.westerncape.gov.za/
WKOD Moodle Site https://wcedelearn.westerncape.gov.za/
WKOD COVID-19-inligting https://wcedeteacher.wixsite.com/covid19
WKOD-kodering https://wcedeteacher.wixsite.com/coding/what-is-coding
WKOD-e-Onderwyser https://wcedeteacher.wixsite.com/eteacher
WKOD-middelpunte https://wcedeteacher.wixsite.com/hubs
WKOD se IKT-aanvaardingstrategie https://wcedeteacher.wixsite.com/adoption-online
N – WKOD-riglyn: Hantering van die kurrikulum 9
Bylae B
ʼn Voorbeeld van ʼn hersiene onderrigplan vir Tegnologie in graad 7:
(https://www.education.gov.za/Home/RecoveryPlan2020.aspx)
Week KABV-
onderwerp
Inhoud, konsepte en vaardighede Hulpbronne
Tegnologie Senior Fase: COVID-19-onderrigplan (Hersiene ATP) Graad 7
Hersiene Kwartaal 2-inhoud
Week 1 Strukture • Omskrywing en doel van strukture om toe te maak, beskerm, ondersteun, oorbrug.
• Klassifikasie van strukture: natuurlik en mensgemaak.
• Soorte strukture: Dop, raam, solied – leerders voltooi ʼn werkblad.
Handboeke
Siyavula-werkboek
Werkblaaie
Gepaste
hulpbronne
Week 2 • Ondersoek: ʼn selfoontoring – ʼn raamstruktuur.
• Gevallestudie: ondersoek bestaande torings wat deur triangulering versterk is, ingeslote
torings, windmeule en mynskagtorings.
Handboeke
Siyavula-werkboek
Gepaste
hulpbronne
Week 3 • Evalueer: werkblad oor die voordele en nadele van telefoonstelsels
Landlyn teenoor selfoon. Leerders voltooi ʼn tabel.
Handboeke
Siyavula-werkboek
Gepaste
hulpbronne
Week 4 Aksienavorsing: om materiaal/strukture te versterk
• Praktiese aktiwiteit 1 – Versterk ʼn strukturele materiaal met pypwerk – indiwiduele aktiwiteit
• Praktiese aktiwiteit 2 – Versterk ʼn strukturele materiaal met vouing – indiwiduele aktiwiteit
• Praktiese aktiwiteit 3 – Versterk ʼn raamstruktuur deur triangulering – indiwiduele aktiwiteit
Handboeke
Siyavula-werkboek
Werkblaaie
Gepaste
hulpbronne
N – WKOD-riglyn: Hantering van die kurrikulum 10
ʼn Voorbeeld van ʼn hersiene onderrigplan vir Rekenaartoepassingstegnologie in graad 12
Kwartaal 3
(37 dae) 03–14 Augustus 17 Augustus–01 September 02–23 September
KABV-
onderwerp Inligtingsbestuur en PAT Inhoud met gebruik van gevallestudies Proefeksamen
Konsepte,
vaardighede
en waardes
Praktiese assesseringstaak: Versterk
vaardighede vir inligtingsbestuur.
Gebruik inligting en data wat
versamel is. Verwerking en
analisering.
Reproduseer en skep dokumente wat teks, grafika en
data insluit. Manipuleer grafika en teks in
dokumente. Gebruik geïntegreerde sagteware om
dokumente vir spesifieke doeleindes te skep en
ontwerp. Pas algemene beginsels van uitleg en
ontwerp toe op ʼn dokumentproses. Beklemtoon
inligting deur tegnieke soos plasing en kleur te
gebruik. Skep dokumente deur pasgemaakte
template. Gebruik die media, visuele geletterdheids-
en tegnologiese vaardighede om produkte te skep
wat begrip uitdruk.
Identifiseer algemene apparatuurkonfigurasie:
Verstaan rekenaars en hulle gebruike. Maak beter
koopbesluite, interpreteer advertensies en vorm
menings oor gehalte en bruikbaarheid by die
aankoop van toerusting en sagteware. Weet hoe om
gewone rekenaarprobleme op te los en hanteer
uitdagings wat te vore kom as gevolg van die
gebruik van rekenaars. Weet hoe om die internet en
e-pos te gebruik. Toepaslike
gebruikstoepassingspakette.
Maak ingeligte besluite en keuses oor wannneer
kommunikasietoestelle en kommunikasiemetodes
gekies word vir ʼn gegewe scenario. Weet hoe om
jouself teen aanlyn gevare te beskerm. Verstaan
tegnologiese konsepte, stelsels en werksaamhede en
Kognitiewe vlakke:
Laerorde – 30%
Middelorde – 40%
Hoërorde – 30%
Praktiese vraestel
(V1)
Teorievraestel
(V2)
3 uur 3 uur
180 punte 150 punte
7 vrae:
V 1–2:
Woordverwerking
V 3 –4: Sigbladsy
V 5: Databasis
V 6: HTML
V 7: Integrasie
10 vrae:
Afdeling A:
V 1–3
(25 punte)
Afdeling B:
V 4–8
(75 punte)
Afdeling C:
Geïntegreerde
scenario
(50 punte)
N – WKOD-riglyn: Hantering van die kurrikulum 11
hoe dit effektief, doeltreffend en akkuraat werk.
Weet wanneer om op te gradeer, wanneer om
nuwe toerusting of sagteware te koop en hoe om
ingeligte besluite te maak.
Vereiste
voorafkennis
UItbreiding en bevordering van
inhoud wat in vorige kwartaal gedek
is, Graad 10 en 11.
UItbreiding en bevordering van inhoud wat in vorige
kwartaal gedek is, Graad 10 en 11.
Hulpbronne
(buiten
handboek) om
leer te versterk
Rekenaar met gepaste
sagtewaretoepassing en apparatuur.
Internet. Skyfieaanbiedings.
Dataprojektor. PAT-rubriek en
leerderkontroleringslys.
Rekenaar met gepaste sagtewaretoepassing en
apparatuur. Internet. Skyfieaanbiedings.
Dataprojektor. Video’s
Informele
assessering,
remediëring
Google-vasvrae, Kahoot!,
waarneming, kompetisies,
portuurassessering, uitgebreide
geleenthede/aktiwiteite, ens.
Google-vasvrae, Kahoot!, waarneming, kompetisies,
portuurassessering, uitgebreide
geleenthede/aktiwiteite, ens.
SGA (formele
assessering)
Praktiese assesseringstaak:
Fases 1 (hersien), 2 (hersien) en 3
(finaal)
Assesseringstaak 5: Voorlopige
eksamen
N – WKOD-riglyn: Hantering van die kurrikulum 12
Bylae C
Sosiale afstand tydens onderrig en leer
1. Sosiale afstand
1.1 Sosiale afstand as ʼn lewenswyse/bedryf verg betekenisvolle beperkte
persoonlike interaksie met alle mense gedurende skoolure op die skoolterrein.
Om dit te kan doen, moet personeel sowel as leerders onderrig word oor
Covid-19, hoe dit versprei en die nodige maatreëls om die impak daarvan te
verminder.
1.2 Die maatreëls wat in die klaskamer getref word, moet deel van ʼn inklusiewe
strategie wees om te verseker dat gesondheids- en veiligheidsrisiko’s vir almal
op die skoolterrein verminder word. Die WKOD-riglyne vir die werksaamhede
van openbare skole tydens die Covid-19-ramptoestand verduidelik die
nodige veiligheidsvereistes.
2. Planne vir ʼn veilige onderrig en leeromgewing
2.1 Algemene vereistes
2.1.1 Almal wat ʼn onderrigruimte betree (klaskamer, laboratorium, tegniese
werksgebied, rekenaarkamer of skoolsaal) moet ʼn masker dra.
2.1.2 Die getal persone wat in ʼn onderrigruimte toegelaat word, moet bepaal word
deur die vereiste om 1.5 m tussen mense te handhaaf.
• Leerders se lessenaars moet ten minste 1 meter van mekaar af staan –
sal voorafgaande sitplekreëlings benodig.
• Lessenaars moet in rye gerangskik word, met die lessenaars wat met
hulle gesigte vorentoe staan om persoonlike kontak tussen leerders te
verminder.
• Laat daar slegs een leerder by elke lessenaar sit, waar moontlik, en laat
daardie leerder weer toe om die volgende dag by dieselfde lessenaar
te sit.
• Maak vensters en deure so veel as moontlik oop om te verseker dat
daar baie vars lug in die lokaal kom.
• Dis noodsaaklik dat daar eerbiedige betrokkenheid tussen onderwyser
en leerder en tussen leerders self moet wees vir produktiewe onderrig en
leer om plaas te vind.
• Plaas waar moontlik ʼn handreinigingsplek by die ingang van die
onderrigruimte en sien toe dat elkeen wat by die klaskamer inkom of
uitgaan hulle hande ontsmet.
• Gebruik die eerste vyf minute van elke dag om leerders te herinner aan
hoe belangrik dit is om die “goue reëls” te beoefen sodat die
verspreiding van die virus voorkom kan word.
N – WKOD-riglyn: Hantering van die kurrikulum 13
• Reageer met die nodige sensitiwiteit op enige vrae wat leerders mag
hê.
2.2 Planne vir onderrig
2.2.1 Prinsipale en SBS’e moet hulle bestuurs- en kontroleringsplan uitwerk om te
verseker dat daar voldoen word aan die vereiste sosiale afstand tydens
onderrig/assessering.
2.2.2 Duidelik moet gegee word oor:
• die rooster vir die graad(grade) wat sal terugkeer skool toe;
• die getal leerders wat in klasgroepe toegelaat sal word;
• of daar ʼn “botallige”-klas vir sekere graadvakke sal wees, en watter
ander ruimte gebruik gaan word;
• wie mede-onderrig in die “botallige”-klas sal gee of die leer gaan
behartig;
• professionele ontwikkeling om mede-onderrig of die behartiging
daarvan mootlik te maak; en
• wie verantwoordelikheid sal aanvaar vir administratiewe en
assesseringspligte in die “botallige”-klas.
2.2.3 Spesiale sorg moet getref word as onderwysers persoonlike kontak met
leerders het tydens onderrig- en assesseringsprosesse – vermy aanraking.
2.2.4 Herorganiseer lesplanne en aktiwiteite om die deel van boeke/materiaal en
die aangee van voorwerpe tussen mekaar te verminder.
2.2.5 Leerders moenie voorwerpe soos penne, liniale, sakrekenaars, ens. met
mekaar deel nie.
2.2.6 Onderwysers sowel as leerders sal verantwoordelikheid moet aanvaar vir die
reiniging van onderrig- en leermiddels.
2.2.7 Onderwysers moet verkieslik tussen klasse vir lesse beweeg eerder as wat daar
van leerders verwag word om in die skool rond te beweeg na verskillende
klasse toe.
2.2.8 Kommunikasie aan ouers/voogde moet die planne wat gemaak is om aan
sosiale afstand te voldoen insluit, asook die strategieë wat geïmplementeer
sal word om die risiko van Covid-19-blootstelling by die skool te verminder. Dit
moet ook toegee dat strategieë moontlik kan verander as die vlak van
gemeenskapsoordrag sodanig vergroot het dat die skoolprogram
onderbreek moet word.
2.2.9 Prinsipale moet toesien dat daar onmiddellik opgetree word om ʼn
onderwyser te vervang wanneer daardie onderwyser of vrywilliger siek word.
2.2.10 Wanneer onderrig- en leeraktwiteite buite die klaskamer plaasvind, moet
leerders aangemoedig word om uit te sprei.
2.2.11 Spoor leerder- en personeelafwesigheid na om tendense wat aangemeld
moet word, te identifiseer.
N – WKOD-riglyn: Hantering van die kurrikulum 14
3. Oorwegings wanneer toetse/eksamens afgelê of ʼn PAT gedoen word
3.1 Elke leerder moet altyd ʼn masker dra.
3.2 Maak seker dat daar genoeg handontsmettingshouers regdeur die lokaal is.
3.3 As daar genoeg ruimte is, rangskik sitplekke op so ʼn manier dat leerders ten
minste 1,5 meter van mekaar af sit.
3.4 Nadat assessering plaasgevind het, behou die name en
kontakbesonderhede van alle leerders vir ten minste een maand. Dit sal
openbare gesondheidsowerhede help om mense wat moontlik aan Covid-19
blootgestel kon wees, na te spoor, indien een of meer deelnemers kort na die
assessering siek raak.
N – WKOD-riglyn: Hantering van die kurrikulum 15
Bylae D
Oorwegings vir die beplanning van onderrig vir die res van die 2020-skooljaar