kostanj 17

Evo što smo dobili elektronskom poštom: „Pred dosta let va školu „Pehlin“ hodila san ja, va nju su hodili i moj otac i moji barbi dva, moja hćer, a sada hodi i moj sin. Jako san kod roditelj bila kuntenta ča su moja deca bila člani čakavske grupi na koj bi našu domaću besedu oćutili i pišuć i povedajuć. Domaću besedu ne trebe i ne sme se pozabit aš ona je del našega živjenja, naše kulturne baštine. Va temu su mnogi školani škole „Pehlin“ letima bili jako uspješni i svojmi radi puno nagradi dobili. Čuda su let kod škola bili del manifestacije i natječaja „Čakavčići pul Ronjgi“. Ovo školsko leto dece ni ponujena čakavska grupa pa se kod rodirelj pitan ča se j dogodilo, va čemu je problem?“ „Jako san se veselel početku školi, svojmi prijateli i čakavskoj grupe čigov san član od prvega razreda. Na samen početke san doznal da ovo školsko leto neće bit čakavske grupi pa san se rastužil. Neće više bit okupjanja nas ki štimamo domaći zajik, neće bit zadovojneh đaki kada ti se rad najde va nove knjigi od Čakavčić, a ča me još više pogaja, neće bit ni onega velega gušta kad javno pred semi pročitaš svoj rad na lepem i velen ČA i dobiješ nagradu. Mislin da to ni va rede!“Što se to događa u školi Pehlin? Pred samo nekoliko mjeseci promocija onako lijepe slikovnice o Mistražu, a od ove školske godine – niti čakavska grupa. Neznam koji je razlog da škola nije odlučila organizirati rad čakavske

grupe. Moguće je da za to postoje i neke objektivne okolnosti, ali rješenje svakako valja pronaći, pa ako treba i uz našu pomoć. Zapravo je vođenje jedne takve grupe najmanje što bi škola koja djeluje na čakavskom govornom području trebala učiniti. U nekim drugim školama radi se i daleko više. Evo u školi na Turniću, dakle iz naselja za koje možda mislimo da je manje „domaće“ od Pehlina, odlučili su napraviti čakavski rječnik. Na svojoj web stranici kažu ovako: “Potaknuti potrebom da očuvamo čakavštinu u svoj svojoj raznolikosti i bogatstvu odlučili smo na poseban način i mi dati svoj doprinos promidžbi čakavštine. Pred vama je čakavski rječnik u nastajanju, a njegovi tvorci ste upravo vi – učenici, učitelji, roditelji i svi ljubitelji čakavske besede. Ovim putem vas pozivamo da obogatite ovaj rječnik onim izrazima i riječima koje ste čuli u vlastitim domovima, od roditelja, nonića, baka i djedova. Zajednički se prisjetimo riječi, predmeta i jednog sasvim drugačijeg načina života koji polako pada u zaborav. Kontaktirati nas možete na [email protected].”Možda treba napomenuti i ovo: Čakavska grupa nije samo mogućnost da učenici koji kod kuće govore čakavski njeguju lokalne kulturnu baštinu i pišu radove na čakavskom, već i prilika da se s čakavskim govorom susretnu i druga djeca koja dolaze iz obitelji u kojima se čakavski ne govori, a rastu i živjet će okružena čakavskim govorom i kulturnim nasljeđem. Zapravo, od škole i očekujemo da nauči djecu ono što nemogu naučiti kod kuće. Uostalom, svi volimo reći - krepat ma ne molat - pravo po domaći.Stojte mi dobro ! Gordan Srok

KREPAT MA NE MOLAT

2

Dragica Stanić, ale kako ju mi domaći zovemo Zvezdana je od ovega školskega leta va penzije, ma ne va mirovine. Ča bi reć da ne miruje. Otkad je pred dosti let počela delat z dečinun, već od početka jih je počela vadit domaćemu zajiku, vadit jih da smeju, da moru i da je lepo kad govore domaći, da jih ni sran pred drugun dečinun ka su od ća prišla i ka su njin se uževala smet da kako to govore. Trebalo bi čuda stranic za napisat koliko je Zvezdana z svojun dečinun dobila nagrada na državneh školskeh natjecanjeh, i ne samo z domaćun, leh i z onun drugun dečinun kemi ni domaći prvi zajik. Ma za takovo delo i takovi rezultati trebe nekoliko uvjeti – neki se moru navadit, a z nekemi se, bome moraš i rodit. Prvi uvjet je, naravno, da finiš školi za učiteljicu, drugi je da voliš dečinu, a treti, najvažneji da voliš svoj domaći kraj i zajik kega se ovdeka govori. To Zvezdana se ima. Su jubav i znanje ku je ona dečine sa ova leta davala čuda puti dobije nazada od te iste dečine, aš se poštovanje i prijatelstvo pul dečine more jedino tako i zaslužit. Z velen delon i z velun jubavun za su dečinu otkudar god ona prišla. Za kraj svojga profesionalnega dela va škole, Zvezdana je ovo leta storila, kako ona reče, svoje životno djelo – Čakavčicu – početnicu z slikami za vadit naš hrvaski domaći kastavski književni zajik. To je prva knjiga takove sorti, pak ne samo Zvezdana, lego si mi i domaći oni va prosvjete smo jako ponosi na knjigu, a i na Zvezdanu.Za ov naš Kostanj smo se malo šnjun pogovorili od tega.Zač trebe vadit domaći zajik? Ka je svrha tega domaćega? Ča ni sejeno kako se govori, samo da se razumemo!

Kad ti to pripada ovemu kraju. Ovo je del ovega živjenja ovdeka i ta zajik

Intervju DRAGICA STANIĆ

ZVEZDANA

ima karakter ovega našega kraja. Ča je onako trdo kot kamik, kot da udriješ z kamikon po kamike. Jušto tako.Čuda dečine je prišlo hnan z drugeh kraji z svojen zajikon i kultrun, zač jih trebe vadit i njih domaći?Zato, aš kad bin ja prišla va Francusku, ja bin se vadila francuski i bin se prilagodila njin. To je samo znak poštovanja spram kraja i judi kamo prideš.Kad te je ćapala ta jubav za domaći zajik?Odvavek. Od početka kad san počela delat va škole. Onda smo si bili va škole za to. Nisan bila sama va ten. Najprej je kolegica Vojka imela zavičajnu grupu, ona je jako sposobna za takovo delo z

3

dečinun, a ja san onda zela čakavski i tako se je počelo z dečinun delat priredbi, recitacije i se drugo. I šnjimi san imela veli uspjehi.Pa je ča ostalo toj dečine ku si vadila domaći?Ostalo je samopoštovanje,

samopuzdanje, aš su znali komunicirat. San bila storila jenu anketa z decun i roditelji i si su rekli da su zadovoljnji. Dečina su bila slobodneja, ni jih bilo sran stat pred nekega, govorit i ćakulat z drugemi.Kako ti je palo napamet storit Čakavčicu? Palo mi je napamet kad san videla da se

manje dece govori domaći i da se manje razumeju ta zajik. I ono malo dečine ka su govorila tako, su lih stali va kantunić i med sobun govorili. Ma pokla su mi počela i skoro sa dečina od ća hodit va čakavsku grupu. Pokla dve leta se

su ta dečina razumela. Kad san njin va razrede čitala legendi, se je manje i manje bilo zdignjeneh ruk od dečine ka nisu razumela neke besedi.A najlepče je kad te na Lidrane na državnen literarnen natjecanje pred semi prozovu kot najboju.I oni ki su va žirije, profesori, pjesniki i drugi su od naše dečine čuda našeh besed navadili.Ti fale dečina sad kad si va penzije?A daju. Tako mi je srce zaigralo kad san nekidan pred školun videla oni prvašići, a ona dečina z petega razreda kad su me videli, sa su hmane pritekla. Ni straha da će dečina svoju učiteljicu pozabit. I ona najmanja i ona ka su ki zna pred koliko let školu finila. A ni straha da će i Zvezdana va penzije mirovat. Već zmišja kako bi va vrtiće dečinu vadila domaćemu.I ni straha, dokla je Zvezdani, njije dečine i još čuda učiteljic i seh oneh ki vole domaći zajik, a i onisteh našeh noveh domaćeh, da će se ta naš domaći zajik zatrt. Branko Jani Kukurin

4

Ove je godine muška klapa Kastav ostvarila još jedan veliki međunarodni uspjeh. Na 11. Međunarodnom natjecanju zborova THE SINGING WORDS koje je od 31. srpnja do 05. kolovoza 2015. održano u St. Petersburgu (Rusija) osvojila je 1. nagradu u kategoriji Folklor. Gospodin Saša Matovina, inače umjetnički voditelj klape nam je ispričao: „ Na Festival i Natjecanje klapa je otišla na poziv direktorice Elene Bizine, a poziv je došao zahvaljujući čitavom nizu nagrada i uspjeha ostvarenih u zemlji i na brojnim inozemnim gostovanjima tijekom dvadeset trogodišnjeg djelovanja. Ovu vrijednu nagradu Klapa je ostvarila izvevši dvanaestominutni, klasični, klapski repertoar: Loza u škripu (Rajimir Kraljević), ‘Vo je naša zemja (Mojimir Ćaćija) i Šijavica (Dušan Šarac). Zahvaljujući ostvarenoj pobjedi u spomenutoj natjecateljskoj kategoriji, muškoj klapi Kastav pripala je i čast nastupiti u velikom finalu za Grand prix Festivala u kojem su nastupili pobjednici svih 10 kategorija u kojima se odvijalo natjecanje. Ovaj nastup, koji je održan 05. kolovoza u koncertnoj dvorani State Academic Kapella, Klapa je posvetila istarskoj ljestvici, dakle folkloru Istre i Hrvatskog primorja izvevši skladbu Bilo vavek veselo Ivana Matetića – Ronjgova. Klapa je ostvarila još jedan vrlo vrijedan rezultat

osvojivši 2. nagradu u natjecateljskoj kategoriji Vokalni ansambli, gdje je izvela dvanaestominutni repertoar klasičnog karaktera sa skladbama za muške komorne sastave: Oče naš (Ljubo Stipišić), Sedem si rož porezala mi (Zorko Prelovec) i U boj, u boj (Ivan pl. Zajc). Pored uspješnih natjecateljskih nastupa, muška klapa Kastav je održala i dva cjelovečernja koncerta u St. Petersburgu i to 02. kolovoza u Ruskom

Međunarodni uspjeh

KLAPA KASTAV U ST. PETERSBURGUetnografskom muzeju te 03. kolovoza u evanđelističko – luteranskoj crkvi sv. Marije. Također je 31. srpnja nastupila na svečanoj ceremoniji otvaranja Festivala, koja je održana u katedrali sv. Petra i Pavla te na svečanosti njegovog zatvaranja 05. kolovoza u već spomenutoj State Academic Kapella. „Klapa Kastav osnovana je u lipnju 1992. godine, a tijekom dugogodišnjeg djelovanja postajala je sve ozbiljniji ansambl. Iako je njen rad započeo spontanim međusobnim susretima nekoliko zaljubljenika u a cappella muziciranje te u brojne ljepote grada Kastva, izrasla je u klapu koja pred sebe postavlja uvijek nove glazbene izazove. Rad Klape ispunjen je brojnim nastupima, koncertima te priznanjima i nagradama u zemlji i inozemstvu. Klapa Kastav pored brojnih nastupa i koncerata diljem domovine bilježi i brojna inozemna gostovanja u Argentini, Austriji, Brazilu, Italiji, Južnoj Koreji, Mađarskoj, Malti, Meksiku, Njemačkoj, Poljskoj, Sjedinjenim Američkim Državama, Sloveniji, Srbiji i Španjolskoj. Do sada je objavila četiri CD-a i jedan DVD. Što reći za kraj. Budimo ponosni da u našem okruženju postoje vrijedni i uspješni ljudi koji svojim radom, entuzijazmom i spontanošću doprinose da ljudi širom svijeta upoznaju našu tradiciju i kulturnu baštinu Jasenka Travalja

5

Putovali smo i proteklog ljeta....

Iva Buškulić i Nikola Babić bili su na maturalnom u Grčkoj, a Nikola je još stigao do Pariza i Strasbourga

Planinari PD Tuhobić penjali su se na Piz Boa u Dolomitima i na vrh Triglava, a PD Viškovo na Mojstrovku

Studenti su kolovoz proveli na razmjeni, Nino Zahirović u Valenciji, a Dorian Srok u St. Petersburgu i Moskvi

Klapa Kastav pjevala je u St.Petersburgu, a Limena glazba Marinići svirala i razgledala Ston, Dubrovnik i Sarajevo

Doris Saršon je obišla Bugarsku i Rumunjsku, prešla preko Karpata i slikala se ispred “Kuće naroda” u Bukureštu

6

Dani Matejne su za nami, a mi smo za vas poćakulali z prven viškovsken načelnikom i osnivačen Matejne, Borison Detanon, ki se celi život bavi informatikun, razvojen poduzetništva i gospodarstva.1993. leta gospodin Detan je postal prvi načelnik Općine Viškovo, kada je dobil zadatak da sastavi prvo poglavarstvo. Naglašeno je bilo da će poduzetništvo i gospodarstvo bit najvažneja tema z kun će se bavit. Kako su potla Domovinskega rata, vele firme počele propadat, odluka je pala na to da se pomore juden ki ostaju bez dela. Tako se j’ javila ideja da zaživeje obrt i gospodarstvo -resurs našega kraja, i da se otpru vlastiti obrti i firme. Čitajuć knjigu od I. Jardasa, Detan je našal na štoriju kako su nekada za vreme Matejne okol crekve judi prodavali svoji proizvodi: krampi, koši, sekirice… Va toj štorije je našal inspiraciju, ćapal se dela i tako je održana prva Matejna 1993. leta, na koj se j’ slavilo ono malo obrta ča ga je va to vreme postojalo. Judi pamte i štimaju prve dve Matejne aš se j’ osin miće izložbe domaćeh proizvodi va Dome na Viškove, održala modna revija pred crekvun, va jenen lokale su čakavski pjesnici čitali svoje pjesme, održane su slikarske i foto izložbe, Limena glazba Marinići je otprla Matejnu, a va restorane “Mladeneka” je nastupila Mirjana Bobuš. Važno je reć da je održan i prvi Stručni skup na temu

“Općina Viškovo jučer-danas-sutra” z poznatemi stručemi judi. Štampana je i knjižica tega skupa. Gospodin Detan je na Skupe po prvi put održal predavanje o strategije razvoja poduzeništva Općine Viškovo z temun „Općina Viškovo kao poslovni sustav“ va ken se j’ obrazlagala ideja o odgovornosti lokalne zajednice za razvoj poduzetništva. Koncept sustavnega razvoja poduzetništva va lokalnoj zajednice objavljen je1995. va knjige “Stvaranje stabilnog, prilagodljivog, i životno sposobnog Hrvatskog gospodarstva” va izdanje Hrvatskega društva za sustave i Hrvatske akademije tehničkeh znanosti. Z navedenega se more zakjučit da poduzetnički razvoj Općine Viškovo ni bil stihijski već je imel svoju stručnu podlogu. Detan ističe da se j’ vodila borba okol osnovne ideje, odnosno okol prve i osnovne zadaće lokalne samouprave - da se bori za standard i kvalitetu živjenja svojeh judi, ča se jedino more delat jačanjen i stvaranjen uvjeta za razvoj gospodarstva. “Resor gospodarstva va lokalnoj zajednice je najavažneji i tu se mora vavek nać čovek z idejun i vizijun”, tvrdi Detan. Va koncepcije Matejne daval se j’ naglasak na kulturna i sportska društva ka su imela na prveh Matejnah svoji štandi na Brege okol crkve, kade su se družili z judi, prodavali pijaču i hranu i na ta način skupili neš soldi za svoj rad.

Boris Detan, prvi viškovski načelnik i osnivač MatejneKAKO J’ NASTALA MATEJNA

Va to vreme je va Općine Viškovo bilo četrdesetak firmi i obrti zajno z butigun Brodokomec, Poštun i Metalografičken kombinatom. “Ni bilo ni jedne banke. Bili smo pravo prigradsko selo”, sjetno se domišja Detan.Detan smatra najvećin poduzetnikon našega kraja Ivana Matetića Ronjgovega ki je jedini uspjel zabilježit istarsku ljestvicu ku su kašneje umjetnici jednostavno mogli reproducirat.Matejna, ka je bila zamišjena kot poduzetnički projekt, danas je malo skrenula, tvrdi Detan, z obziron da su se na današnjeh Matejnah našli ringešpili i štandi ki ne spadaju va prvobitno zamišjen koncept, aš ne predstavjaju kulturu živjenja i zajedništva našega kraja.Po njegoven mišjenje bi rabilo osmislet dve Matejni - jenu ka će isključivo slavit poduzetništvo, a drugu ka bi okupjala šire mase.. . Tatjana Udović

7

Za Matejnu su svi čuli. Ova viškovska manifestacija, koja se slavi 21. rujna, ime je dobila po zaštitniku župe i mjesta, Svetom Mateju. Od lokalne proslave, u 23 godine postojanja razvila se u regionalno događanje na kojem sve udruge s područja Općine Viškovo predstavljaju svoje programe, a večeri su rezervirane za zabavu i nastupe najpoznatijih hrvatskih estradnih zvijezda. Ovaj najveći viškovski

blagdan na taj način okuplja veliki broj posjetitelja iz susjednih općina, gradova i županija.Ove godine održan je 1. Poduzetnički dan na Viškovu u šatoru na parkiralištu Milihovo. U četvrtak, 17. rujna 2015. godine posjetitelji i poduzetnici imali su priliku poslušati korisna predavanja i prezentacije, ali i dobiti potrebne informacije na brojnim info štandovima. Poduzetnički dan organiziran je na

inicijativu Općine Viškovo koja je htjela dodatno promovirati svoje poduzetnike i ponuditi lokalnim posjetiteljima dodatni program. Turistička zajednica općine Viškovo imala je dobar odaziv na predavanje o mogućnostima turizma u Viškovu te posljedično i mnogo upita zaintersiranih za bavljenje privatnim iznajmljivanjem (kako postati iznajmljivač, koje korake treba poduzeti, mogući poticaji i kreditiranje

projekta). Ovaj program nastao je na ideji prve izložbe poduzetništva i obrta, organizirane davne 1993. godine pod nazivom „Ča je delal i ča dela naš čovek“.

Dvadeset i treća po redu Matejna održala se od 12. - 21.09.2015., te je u tih 10 dana ponuđen velik izbor kulturnih i sportskih programa i zabave. Također je održana i 34. Matinjada pul Ronjgi. Raznoliki program privukao je dnevno

oko 6000 tisuća posjetitelja i sudionika, dok je tijekom večernjih koncerata šator pohodilo nekoliko tisuća posjetitelja više. Direktorica Turističke zajednice općine Viškovo, Marina Jurić, zadovoljna je odazivom posjetitelja, kvalitetnim i raznovrsnim programom. Posebno se zahvalila DVD Halubjan, policiji i zaštitarima koji su osigurali da i ovogodišnja manifestacija prođe bez

problema i incidenata, te sponzorima, donatorima i pokroviteljima, posebno generalnom sponzoru Slatinskoj banci i zlatnom Parkovi plus d.o.o. zahvaljujući čijoj potpori se i ove godine uspješno održala tradicionalna manifestacija Matejna i na taj način obilježio najveći viškovski blagdan. Iva Čehić fotogra� je: FOTO MATEJ

matejna 2015

Rekli su nan pred neko leto da j kriza. I da j tako po celoj Evrope. Fabrike su delavci poslale doma, čuda judi j ostalo brez soldi i na čudu ča će i kako zaslužit za familju prehranit. Ma ta Evropa je pred par let nekako prišla nase, a mi nikako pa boh. Vrata od evropskeh fabrik ponovo su otprta i zovu delavci da pridu delat. I tako j ponovo prišlo vreme kad naši judi gredu va tujinu, trbuhon za kruhon. Čula san povedat ženske kako su njin muži šli va Njemačku još prvo leh je Evropa odlučila da naši judi moru pul njih delat. Ma da van pravo rečen, ni me to preveć tikalo. Va našoj kuće se j malo pas stisnul za škujicu-dve, kako j to bilo moderno reć na početku krize, ma je sejeno nekako šlo naprvo. Dok jedan dan ni i nas tokala ta vražja „odluka o otkazu ugovora o radu“... i ča sada? Čovek va nevoje ili posvema propade ili komać onda zivuče vanka sebe se ono ča ume i ča ni ni znal da va njemu leži, a se da bi se domislel seh mogućeh i nemogućeh modi kako va kuću prnest ki dinar, kako decu nahranit, obuć i obut, kako familju održat na živote. Spametin se kad san mića bila, pa kad san ki zna zač užala past i kot saki otrok počela plakat, vavek su mi govorili „No, no, ala fermaj plakat, tr ti si vela divojčica, lepo se stani i hod’ pomalo naprvo!“, pa bin dobila bušić na mesto kamo san se udrila i se j bilo dobro. Tako nekako j bilo i ovaj put kad nas je tisti otkaz trefil kot kakov veli kamičina. Lepo san se stala, jušto kako su me moji stari navadili, otresla prah ki j ostal od onega kamičine i storila prvi korak. Zivukla san zi sebe su svoju dobru voju i na obraz zakolala smeh i šla naprvo. Zajno ću van reć da mi sadahna opće ni žal! Morda niman napiturani nohti i postoli na visoku petu, ma zadovojna dojden doma. Sebe san rešila, sad je on na rede. On da bi, kot i čuda muškeh, proval vane delo nać, aš da j plaća fanj boja i ne bi rabilo čuda vremena da se posvema refamo. Nekada san na to grdo gjedala, ma ovaj put san rekla „Ala daj! Provaj!“ i skupa šnjin na internete šla delo iskat i molbe pošijat. Ha, morda će i mane tako malo lagje bit, pa ću imet

lazno za počinut.Jedan dan, malo pred obedon, zazvonil je mobitel. „Halo, guten tag!“ – zija Švabo aš je signal na ćeš-nećeš pa se ča čuješ je na prekidi. Ma to j za ponemet, dava nan broj kamo se rabi javit, a pol broji ne čuješ. Na ku stran se obrnut da se signal ne zgubi? Teci van, teci nutra, teci va vrt, kad najboji signal je – va kundote. No, nekako se i to rešilo, naćakulali su se njih dva kot da se sto let poznevaju i za saki slučaj još će se ča j važno poslat na mail. Hm, to bi reć da će najboje bit i laptop va kundot zet, morda bi i signal od interneta tamo boji bil. Niš danas više brez tega interneta čovek ne more odbavit. Malo pomalo primaknul se j dan za partit ća. Su robu san mu oprala, speglala i lepo složila da mu Švabo ne bi rekal da mu zmašćen dohaja. Napohala san mu mesa i naložila sendvići kot da va celoj Njemačkoj ni nigdere niš za pojisti al popit. I kad san se parićala ča san mislela, ne bi bili dosti četiri kuferi za to spravit. „Ženska Božja, ča će mi tuliko stomanji? Tr magar tamo se more jeftino kupit ako bi baš jako rabilo!“ – pa znima vanka pol tega ča san narivala va kufer. No, i to smo jedva nekako rešili. Ostalo j samo još videt kamo gre. Takali smo internet, otprli Dojče ban i va čas nan je hitilo vanka celi plan od domi, tu z Pehina, do dela. Se j pisalo, kuliko minuti hodeć, kuliko ur se vozit z jednen vlakon, kamo i kako presest na drugi vlak, kuliko z kurijerun i va ken smere...i se zajeno na karte moreš videt i na satelitske snimke nać kuću va koj će spat i fabriku va koj će delat.

Bušić, dva, okol srca stišće, suzica beži, ma ne pustin videt da mi j teško. Otpravnik je već pokazal da mora poć va svoj vagon aš je vreme za partencu. Lokomotiva j zafikala, a ja san ostala mašuć. Bela udovica, rekla bi moja nona. Ona j imela sreću da ni morala svojga muža va svet otpravjat, ma njeji stareji su se sakuda po svete raseli. Muški su šli ća, ženske su ostajale doma decu zdigat i ki zna kad bi opeta muža videle. Pisali su si, ako su umeli, i slike va pisma stavjali, ma pismon je rabilo dugo dokla bi prišla tamo kamo su pošijana. Neki se nikad više va živote nisu našli...va misleh me j prekinul mobitel. On zove! „Čuj, si ti peglu distakala kad si mi brageše speglala?“ Za Majku Božju, pa još ni do Šapjan ni došal! Ča takove su sad moderne bele udovice? Avamane, hodi ča delat, dosti je ćakule! Sandra Žinić

Ćakulona

BELA UDOVICA

11

Nisan ni mislela da ću doživet va sadašnje vreme ono o čemu mi j’ biž nona povedala. Ženila se j’ jena malica, naša Pehinarka za domaćega mladića. Oba dva po sen sega moderni, pa san zustala inkantana kad san čula da će bit ženidba po starinsku. Šesni su, bez pirsingi po zajike al nose, vlaseh normalneh, a ne kod da su zadeli va pitura al pali va kravji drek. Od domi su navajni da cene i vrednuju ono ča su nan pustili naši stari i neće pustit da se naše navade zataru. Hvala bogu da j’ još takoveh. Svoju mamu i tatu ne zovu stari i stara¸ on je zvončar i ne misli da j’ to “glupo i bez veze”, a ona ne posluša ni pank ni rap, raje zakantaju z Koktelsi i klapami, a potresujka je zakon. Srhi su seh pasali kad je va dugoj beloj veštaje pred kastafskun crekvun zasopla flautu z muzikanti marinićeve muzike.Da se bude kako rabi zasluga je i njiheh starejeh. Za saki takov pir su divojka a napošno mama od nje glavne meštrice, aš frajar kod frajar po mušku ne bacila. Mala je prišla i rekla da će se ženit i onda je počelo...... Matere se va glave smutilo - ča i od kuda počet.Vele glave su se dogovorile - da će bivat pul njega, da ce storit večeru za rod i seh ki su njin dragi, a bilo bi dobro da se na vreme zna koliko će prit judi, aš se mora rezervirat oštarija kade će bit večera. I za sopci se mora na vreme znat aš ni lahko nać oneh ki sopu ono ča j’ prilično. A torta to j’ pak štorija zase. Mlada je odredila va koj boje ce se bit -

svetlo lila. Kumon se j’ zajeno reklo da znaju ča jih čeka.Oci su počeli belit da j’ se čisto. Oko kući su se sadile rožice i tamo kade nikad nisu, se mora bit kako treba da ki nebi ča rekal. Mat i mala su počele hodit po butegah iskat veštaju i kupovat dotu. Na lancuneh štikat monogrami, šit merlići po kušinelnicah. Kupilo se j’ sakoliko veleh i mićeh šugamani, krp za pošadu,

krpatur debeli, pa jedan tanji za tepleje vreme, ponjave i kušini da se ima i ako neki pride, šliferi, stolnjaki, a bez bele koperti ni moglo pasat. Se se j’ slagalo po dužinu i povezalo z kurdelicami lila i beleh, tako lepo složeno stalo je va kamare va ku su judi prihajali z regali i hvalili lepu dotu.Mama j’ sama spekla dvajset i sedan orehnjač, prijateljice od nje i susede su pekle kolači i torti aš judi prihajaju z

Naše navadeŽENIDBA SE PARIĆUJE

dari celu šetemanu prej lego se dota ća nese. Pirni kolači, mići kolačići i tortu za večeru su naručili. Pasalo je okole sto kil slašćic. Saki ki je prnesal regal dobil je pirni kolač i pušpići.Četrtkon se nosi dota, frajar je hvečeru prišal svojmi prijatelji i muzikun. Soplo se j’ i kantalo do kasno po noće, a kako neće kad su ih dočekali muzikanti z muziki. Auti su tulili celi put da si znaju da gre dota, naši judi zajeno reču: “četrtak je, dota se nosi”. Pul mladića se šaraj nastavi, a oženjene ženske slažu dotu i njihu kamaru. Obeševaju nove koltrine i posteju, a to znači storit sakakove fraškade da njin ni lahko prit do posteji za poć spat. Zašile su skupa lancuni za štramac mej su nahitale riži a na štramac su nakidale staru šparužinu. Va karmare su posložile dotu al su mej nahitale stiropora po vrhe su stavile seno i pilotinu da kad se j’ armar otprl se to popada. Potloh su pak vas pod prekrile z plastičnemi žmujići va keh je bila voda, jedino su se mogla otpret vrata. Se je rabilo to očistit da bi se moglo poć spat. Kluč od vrat su njin dali na večere.Prišla je i subota. Pred kućun veli stol

a na njemu sega ča poželet moreš. Ženske teču jena gore druga dole, špoža i kuma va kamare povedaju, smeju se i obučevaju, a onda počnu prihajat judi, prišal je i budući. Soplo se i kantalo, a onda je od gore na vrata prišla lepa špoža, nasmehnjena i va belen, muzika je utihnula, a mame su suze kapale, magari ni to otela. Gorana Bratuša

12

Vreme potla leta i veleh teplin – jesen – kako bi se danaska reklo a nekada o pod zime, za čuda je judi najlepči del leta, vreme za počet parićevat okruti, čistit konobe, obelit ih z japnon, se storit kako bi grozje prišlo va čiste i urejene konobe. Grozje je zorilo, mladice su se prignjevale od veleh i zdraveh grozdić, a judi su bili kuntenti i čekali bendimu za počet trgat. Neki je imel malo više, neki malo manje grozja, kako je ki nastal ruže, aš dobro okopane, pognojene i obrezane kako j treba, davale su vavek više roda.Na Pehine, pred čuda let, kad se još nisu počele prodavat parcele za kuće delat, skoro je saka kuća imela par redi ruž, a ako niš drugo onda magar brajdu pred kućun s ke se je grozje pobralo i vino storilo, toliko da podura do Božića. Bilo je i familij, najviše pul Hosti neč pul Mihovilić i pul Pletenac ke su imele i par tisuć ruž i vina za prodavat, najviše oštaron. Na Pehine, za pravo, ni bilo takoveh vinari kako pul Srdoč, Marković, Turne pa naprvo do Rubeš, kade je bilo najviše ruž va Kastafšćine i od kud je belica došla se do Bečkega dvora. Grozje se pobiralo jako skrbno, saku bobicu ka je bila potloh moralo se pobrat a užal je paron reć juden ki su pobirali neka fiču da ne bi grozje jili. Pobrano grozje hitalo se va veli maštel a mastilo se skoro sagdere z nogami aš je malo ki imel torkul, a ako se ne varan na Pehine ih ni ni bilo. Spametin se, imel san morda 13, 14 let kad je prišal red name da mastin grozje.Ha, bil san najvažneji va konobe, va kratkeh bragešicah, sel san na rub maštela a va lagamane san opral noge sapunon a potla su mi jih ziprali z mrzlun vodun. Onda san se obrnul,

stavil noge va grozje i počel mastit. Kad se već storilo čuda juhe, zarival se va mast napošni špikasti košić, s kega se odnimala juha i levala va drugi maštel, ki je već bil parićan, na gredah, va ken će kuhat mlado vino. Mastilo se čuda vremena, da se saka bobica zmasti, a kad je to finilo onda se vas mast ki je ostal, hitil va maštel za vret.

Trebe reć da su judi jako pazili na svoji mašteli i bačve da njin budu čiste, da njin lepo diše a za to je trebalo čuda dela. Ako je ku dugu trebalo promenit, novi paver stavit a onda zacelit. Ki ni znal to sam storit zval je Arneštota bačvara s Turkovega da se na vreme bude parićano. Užalo se, potla ča su mašteli i bačve zaceljeni, storit brombul od majčine dušice i per od vinuke i smokav i onako vrel let va bačvu i začepit. Kad se brombul ohladil, zilel se ća a bačvu još jedanput, dvaput opjahnut z mrzlun vodun. Ako je ka bačva bila malo sumnjiva, stavilo se va nju zapaljenu traku od sumpora da ubije se ča je nevajato.Tako parićane, čekale su otakalnicu i mlado vino. Ni to šlo kako danas, aš su judi užali pustit da njin vre pod dropami šest, sedan dan, ki put i više a onda su šli otakat.Otakalnica je pak bila

najveća fešta za parona. Malo put i malo ki je sam otakal aš je užanca bila da i susedi i prijateli pridu na mlado vino. Za pojist ni bilo velega parićevana, ma slaneh rib, kuhanega kumpira i tako ča se moralo imet kako bi mlado boje teklo, a i pomoglo se paronu, neki je sići držal, neki lakomicu da se nebi ni kap prolela, neki je kuraja daval i

škerceval a na kraju, kad su se okruti oprali i spravili bilo je vremena i za zakantat.Otakalnica je bila kruna dela okol ruž ko je duralo skoro celo leto: okapat, rezat, sumporat, parićevat vidrijol i japno za špricat, znimat vinuku ka je skrivala grozdići od sunca i čuvat i bat se da kakova grašica ne pride.Mlado vino je okol Martinje trebalo pretočit, mut z dna zilet va drope za rakiju, dobro

opet bačvu oprat i vino vrnut nazad va bačvu. Neki okol Martinje već skoro nisu imeli ča pretočit pak ni bilo ni potrebe ni ča za krstit.Užanca da se mlado vino krsti va vino, da ti „svečani čin“ odbavi Sveti Martin i njegovi ministranti prišla je va naš kraj pred malo, trejsetak let nazada ma ni nan bilo ni tu užancu zet kot svoju.Za kraj ću Van povedet, ma ni ni štorija ni škerac već prava istina, kako je finila Martinja va jenen halubajsken sele. Ben, va jenoj konobe ostala je jena bačvica mladega vina od 50-60 litar za pretočit. Paronu su prišli četiri prijateli, susedi pa se počelo pretakat i pit. Kad su već popili skoro pol onda su prijeli bačvicu v ruke i drito počeli va grlo točit. Vino se so popilo tu večer a paronu je ostalo da bačvicu dobro opere i spravi. Živili! Miljenko Valenčić - Bačurkin

Otakalnica

ŠTAJON OD MLADEGA VINA

13

Mej dva svecka rata va našeh krajeh su se dosti zidale peći za peć kruh. Ni moralo bit, ma obišno su butigeri imeli i peknjicu. Zvali su pećara da njin ozida peć. Ozidalo se je od šamotneh opuk, tako da je dno bilo na drito a štuk na tondo na ken su bili dušniki. Najveće peći su najedanput mogle speć 70 kil kruha.H večeru je pek zamel kvas va kopanje i pustil ga zdigat par ur. Šal je još ča postorit i večer se j’ vrnul va peknjicu. Najprvo je snetil peć, a kako je trebalo čuda ognja, netilo se je z manjemi cepanicami. Onda je šal mesit. Va kopanju al kaselu je prosel cvet, dodal vodu , soli i zdignjeni kvas. Mesil je na ruke i to je bilo teško delo aš se j’ mesilo čuda testa najedanputa. Z matafuni ga j’ mlatil pa obrnjal. Čelo je imel povezano s kakovun presvijenun krpun da mu pot ne kapje. Kad se j’ testo počelo svetit, bilo je omešeno. Od testa je špatulun odrezal po dve balote i stavil na pezu da budu jednake. Onda je te balote mesil najedanputa, sakun ruku jenu. Tako je storil dve pinke. Pinke je stavjal na tavolac na ken je bil rastegnjen uski, dugi lancunić. Mej sake dve pinke je lancunić bil nazdignjen da se ne takuju. Pazil je da spečena pinka ima se okole koricu. Kad je nasložil pun tavolac pinak, omočil je pinelić va cukaranu vodu i š njin pasal po pinkah, da imaju lepču boju. Tavolaci z pinkami je slagal va stalažu i pustil da se kruh gotovi. Onda je šal mesit novu turu i sprotu netil oganj. Pekle su se tri ture. Zadnja je morala bit gotova okol jedanajste ure.Peć je bila dosti tepla da kad si na oprta vrata stavil pero od jesena, ono se j’ skrčilo i osušilo. Ma pek je i na kože oćutil pravu teplinu. Zgora vrat al na vrateh je bila portelica ku se j’ opiralo za peć rashladit al za posvetit za videt

ako je kruh spečen. Kad je videl da je peć dosti tepla, strgujun je pobral lagnjice (žeravicu) va škovaceru. Z mokrun vrećun je dobro opral opuke (dno od peći) da kruh stavja na čisto. Za kruh stavjat va peć imel je podugastu drvenu lopatu z dugen manigon. Kruh se j’ pekal otprilike uru vremena. Kad je kruh bil spečen oprlo se j’ dušniki i para je sunula vanka. Kako ni bilo struje, se je delal z lampun na petrojo a kašneje z lampun na krbit.Kad je zadnja tura bila spečena, trebalo je se očistit i parićat za jutra. Najprvo je ća nesal popel, onda je opral peć i parićal novi kupčić trešćic s kemi će jutra snetit, nanesal je i blizu peći složil drva s kemi će netit. Opral je kopanju i stol na ken je mesil i potloh požulil. Najzad je trebalo nanest vode va kotal i kabal, prnest vreće z cveton. Vaveki je cvet celi dan bil va peknjice da bu mjačan za mesit. Lancunići su se promenjevali na tri-četiri dni.Kad se j’ kruh prodavalo, pezalo se je aš je moral imet kilo. Ako je bilo manje butiger je dodal landicu. Peki su znali od koliko testa treba delat pinke aš spečen kruh je gubil na peze dokla se

To je bilo teško delo

PEK I PEKNJICA

j’ studil. Nekad je cvet bil suši a nekad umidneji pak su znali od koliko testa delat pinke. Pekle su se i manje pinke, ručice, kajzerice, o Božiće pogače, za Vazan pogače i šišeri. Za decu je užal od tanke pinčice storit uzlić i to su zvali tičić. Za pogače stavjat va peć imel je kvadratu lopatu, a još veću za stavit peć ženidbeni kolač.Pekovo delo je duralo od večer do polna-ure drugi dan, dokla je se parićal za večer. Šal je va kuću malo odspat ma ne previše aš je trebalo poć va grunat al nakosit za blago al blago uredit i va drva je trebalo poć, o mladen lete se j’ kopalo. Se neš je postoril da bi h večeru arival poć kvas zamest.To su s početka bili peki ki su se prinavadili na to delo. Neki su šli drugemo pomoć da bi se navadili. Negdere su ženske pekle za se kruh pa su pekle i za susedi. Tako je delala Ida va Kastve pa pokle ozidanu peć. Zovemo je Idičina peknjica.Peći su se zidale sakudar od opuk, kamika al jila (ilovače). Bile su vanjske al va kuće. Ondašnji kruh al pogače bile su mehke i friške nekoliko dan. Jadranka Cetina

14

Bi reć konoba kot konoba, kako i se drugo, saka ima svoj karakter, dih i se ono ča ju čini, kako bi se reklo po hrvaski jedinstvenun. Ova, konoba za ov broj Kostanja, je zaspraven neš posebe. Ale, na prvi pogled, niš posebe. Pred kućun, moderno urejenun igrala su se lepa troja dečina i zajeno kad smo prišli su zvali svojga tatu Alvina Lučića ki nas je pejal va jenu miću, škuru konobicu. Va njoj su bile dve tri bačvi od prokroma za vino – tr to je glavno va konobe, i jena prava pravcata peć za kruh ale kako bimo mi rekli peknjica, va koj se i danaska more kruha speć. A spravan je tami i jedan škaf, ale korito od kamika. Po strane su bile neke škancije z kapulun i z sen onen čemu je va konobe mesto. Govori nan Alvin kako mu je nono povedal da se je tamo nekada kruh pekal za celo selo, i kad ja staru kuću predeleval, je pustil se onako kako je bilo. Kuća je na modernu storena ma na osnove stare. Živjenje gre napreda, ne more se baš onako po starinsku živet, ma se ne sme ni ono star ozapustit, ale, nedajboh, zatrt. To ča smo jeno kvarat ure nutre stali, malo

se i porivevali, ni nan pačilo pokusit ki žmuj dobrega mladega u oneh bačav. Ki već danas bacela z staremi, drvenemi bačvami. A i oganj je gorel va škuje od starinske peći pak ni baš bilo škuro. No, ki bi rekal da se tako, va na prvi pogled moderneh kućah najde peć za kruh,

Kastafske konobe

KONOBA I PEKNJICA PUL GLOBIĆ

čovek kad pred ten stoji, domišja se seh teh ruk od svojni ke su kruh mesile, va peć stavjale i z peći ga pečenega znimali. Kako se uževa reć: „Kruh naš sakidajni!“. Pul peći bila je položena i drvena lopata za kruh, dečina su se šnjin veselo igrala ni ne znajuć da su, takov manig od lopati nekada držale ruki od njiheh prekononoti i prekonon. Tako je to lepo bilo videt, kako ta dečina, i ne znajuć nastavjaju plemenito delo od oneh svojeh starejeh keh ni ne poznaju. Ma s tun peknjicun su š njim i povezani. Čoveku se začas pričini, da nas baš neće to moderno vreme seh požerat, da će neš i ostat. Će valda još ki put dobar domaći kruh, od domaćega cveta zadišet va toj konobe, da nan lagje skroz grlo dobro belo domaćo teče. Aš ni dobro pit na prazan želudac.Na kraje se more reć, kuliko god ta konobica skromno zgjeda, i va njoj je sačuvan lepi del naše domaće, halubajske, kastafske, primorske povijesti! Ona je zaspraven neš posebe! Branko Jani Kukurin

15

Pehinari,alaj ste na bregutu pul vas se…

Dragi moji !Evo mane opet da Van neš poveden o temu kako se na Pehinu živelo pred šezdesetak let. Opet san spomenul breg a Pehin da je vas va rebre pa san otel neš povedet o jednen najstarejen delu te rebre.Sadahna je na Veleh stenah, Hostov breg. Taj je najnoveji, a ovaj naš stari se zove Androv. Pa da van poveden neš o temu bregu.Prvo od Nadalićineh ki su na pehinarskoj ceste, a va kuće je nekad bil macel, put desno va breg gre. Tu su si Androvi storili kuće svoje. Na vrhu tega brega je pred više od stotinu let Andre Rubeša bival na svojoj starine. Breg je bil Androv a si oni ki su tu va familije bivali su bili Androvi. Androv rod je velik, fanj ih je va familije bilo pa su se po svetu razmilili.

Tu su baš na bregu pred teh šezdesetak let o keh van povedan ostale tri familije.Na starine familija – Stane Androve (hćer od Andreta)Nova kuća familija - Jožića Androvega (sin od Pepića, Andretovega brata).Nova kuća familija- Mimice Grbac Androve (hćer od Pepića).Si Androvi su bili jako vredni judi a pred drugi rat njin je za zeta prišal, moren reć najvredneji, Milo Grbac ki se oženil za Mimicu kćer od Pepeta Androvega. Zdola kuće od oca Pepeta, samo na drugu stranu ceste su Grbci ozidali svoju kuću. Živjenje ni bilo lahko, ma se delalo i z malen bilo zadovojno a delalo se čuda, fanj. Dragi moji sada san došal do tega ča san van otel povedet.

Po Pehinu se još vavek poveda, kako je ozvanjala pjesma

z Androvega brega.Pokle teškega dela i muke,

kad bi se oprale ruke, vavek se zakantalo.

I to tako lepo da bi se ozvanjalo.

ĐIR - ANDROV BREGGlasi zibrani jedan drugega prati,

ne z pjesmun stat. Tako kantat je rabilo znat.

Glas do glasa i armuniku je čut,pasalo je vreme ne da se vrnut.

Finili su kopat,likuf su storili.

Takovi su judi va familije Grbacna ten bregu bili.

A po celen Pehinu od vremena tega,još juden va misleh ozvanja pjesma z Androvega brega.

Fali, fali, fali…

Napošno nisan otel spomenut imena od seh Androveh aš bin morda kega spustil pa bi mi bilo žal kako i nekemu z Androvega roda. Od teh trih kuć sada je na Androven bregu ki je postal ulica 59 kućnega broja. Kako je već „praksa“ na Pehinu med temi kućami ni zbrojen i Dečji vrtić Mavrica ki je na Androven bregu, a ima adresu od Mihovilić. Ča reć sad, za mislet se dat. Mali Kosićev

kostanj 17

Documents