laerskool panoramadie vlakte onder en die see pryk pragtig panorama wat koers en rigting gee. hy is...
TRANSCRIPT
INHOUD
1. SKOOLWAPEN EN -LEUSE 1.1 PANORAMA 1.2 SIMBOLIEK VAN SKOOLKLEURE EN -WAPEN 2. SKOOLLIED 3. PANORAMA’S CALL 4. SKOOLBELEID 4.1 VISIE 4.2 MISSIE 4.3 SKOOLREëLS 4.3.1 SKOOLKURRIKULUM 4.3.2 VOORKOMS VAN LEERDERS 4.3.3 OPTREDE EN GEDRAG VAN LEERDERS 4.3.4 STRAF 5. SKOOLTYE 6. VOORSKRIFTE VIR SKOOLDRAG: 6.1 ALGEMEEN 6.1.1 DOGTERS: WINTERDRAG 6.1.2 DOGTERS: SOMERDRAG 6.1.3 DOGTERS: SPORTDRAG 6.1.4 ANDER 6.1.5 SEUNS: WINTERDRAG 6.1.6 SEUNS: SOMERDRAG 6.1.7 SEUNS: SPORTDRAG 6.1.8 ANDER 6.2 LEWERANSIERS 6.3 KLEREWINKEL 7. BUITE-KURRIKULêRE AKTIWITEITE 7.1 SPORT 7.2 KULTUREEL; MUSIEK, DIDAKTIES, REMEDIëRING, SKOOLBIBLIOTEEK 8. SKOOLGELDE 8.1 SKOOLFONDS 8.2 MUSIEKGELDE 9.3 LEERONDERSTEUNING 9. OUERBETROKKENHEID 10. OUERAANDE 11. NASORG 12. VOORSORG 13. PRE-PRIMêR 14. TOELATING TOT GRAAD 1 15. ONS WAARDES
LAERSKOOL PANORAMA
1.1 BETEKENIS
Panorama beteken: 'n wye uitsig; 'n onbelemmerde uitsig na alle kante toe; 'n vergesig;
'n onbeperkte visie.
Panorama verwoord ons ideaal om kinders te help om bo hul eie beperkings en die
probleme van die tyd uit te styg en hulle met idealisme te besiel sodat hulle met geloof
en kennis die toekoms tegemoet kan gaan.
1.2 SIMBOLIEK VAN DIE SKOOLKLEURE EN -WAPEN
Die drie amptelike kleure groen, rooi en wit, het elkeen sy besondere simboliek.
Groen dui op jeugdigheid, groei en die vitaliteit wat so kenmerkend is van jong kinders.
Rooi impliseer inspanning, arbeidsaamheid en vlytigheid ten einde kennis te ontsluit.
Wit simboliseer die reinheid en suiwerheid om tot geloof te kom.
Die rooi sleutel simboliseer die ontsluiting van kennis en die wit sleutel dui op die verwerwing van geloof.
Die gebruik van wit op die rooi en rooi op die wit beklemtoon die interaksie en
die onafskeibaarheid van KENNIS en GELOOF en die begeerte om GELOOF te verkry
deur KENNIS.
2. SKOOLLIED : AGTERGROND
In die skoollied word ons leuse Geloof en Kennis, ons afhanklikheid van God, ons trots
en trou aan ons skool verwoord.
Die woorde is geskryf deur mnr. A.S. Christensen (die eerste skoolhoof) en die musiekberyming is gedoen deur mnr. Dirkie de Villiers. Die musiek is in Julie 1980 by sy strandhuis te Kenton-on-Sea in die Oos-Kaap geskryf.
SKOOLLIED
Dig teen die Tygerberg geleë die vlakte onder en die see
Pryk pragtig Panorama wat koers en rigting gee.
Hy is ons trots, ons hoogste trou,
ons drang om sterk te strewe; Geloof en Kennis is ons deel,
die sleutel tot ons lewe.
Ons doel, ons taak in God se Hand staan hy, 'n sieraad in ons land: Die Laerskool Panorama (2x)
staan hy 'n sieraad in ons land: Die Laerskool Panorama!
SCHOOL SONG
Standing steadfast, sturdy as the mountain,
With the plains below and the sea; Our stately Panorama
Projects security.
It is our pride, our highest faith Our urge for strength to strive;
All Faith and Knowledge we proclaim The key to all our lives.
Our aim, our task as in God's Hand
We are outstanding in our land: Our pride, our Panorama (2x)
We are outstanding in our land: Our Primary Panorama!
3. TEMALIED : PANORAMA’S CALL
Come the day and come the hour Come the power and the glory
We have come to answer Our school’s call
The very best school in town
Panorama, Panorama Together standing tall Shoulder to shoulder
We'll answer Panorama’s call
From the mighty Atlantic Ocean From the rugged hills of Cape Town
From the Welgelegen And Tygerberg
The very best school in town
Panorama, Panorama Together standing tall Shoulder to shoulder
We'll answer Panorama’s call
Hearts of steel And heads unbowing
Vowing never to be broken We will fight, until
We can fight no more The very best school in town
Panorama, Panorama Together standing tall Shoulder to shoulder
We'll answer Panorama’s call
4. SKOOLBELEID
Die LAERSKOOL PANORAMA strewe daarna om sy opvoedingstaak,
gebaseer op waardegedrewe norme en in ooreenstemming met die
kultuurwaardes van die gemeenskap, uit te voer.
Dit is ons doelstelling om elke kind te help om sy volle potensiaal te ontgin
deur verantwoordelike onderrig en die kweek van gesonde gesindhede
ten opsigte van wellewendheid, verantwoordelikheid, netheid, pligsbesef,
selfdissipline en selftrots.
4.1 VISIE
By Laerskool Panorama streef ons daarna om:
* onderwys van progressiewe hoë gehalte te lewer aan al ons leerders
* ons personeel, ouers en leerders se talente en bekwaamhede te ontwikkel
en maksimaal te benut
* deur die gemeenskap te betrek, by te dra tot die uitbou van elkeen se
demokratiese reg
* te waak teen onregverdige diskriminasie ten opsigte van seksisme en
rassisme
* ‘n verskeidenheid van kulture, take en regte van die leerders, personeel en
ouers te beskerm
* in samewerking met die Staat, die verantwoordelikheid t.o.v. die
finansiering, organisasie en beheer van die opvoedingsproses te aanvaar
* by te dra tot die daarstelling van eenvormige norme en standaarde vir die
opvoeding van ons land se jeug.
Ons sal strewe om alles in bogenoemde genoem op waardegedrewe
norme en standaarde te grond.
4.2 MISSIE
By die LAERSKOOL PANORAMA is dit ons erns om:
* die leerder as MIDDELPUNT van die waardegedrewe onderwys en
opvoeding te plaas;
* die leerder se volle potensiaal te ontwikkel deur EFFEKTIEWE
ONDERRIG;
* die leerder te laat werk en skep om sy UNIEKE VERMOËNS in alle fasette
van menswees te ontwikkel;
* gesonde INTER-, OUER-, LEERDER-, EN OPVOEDERVERHOUDINGE
te kweek;
* die kind te lei tot SELFDISSIPLINE deur gesag en dissipline in die skool,
tuis en in die gemeenskap te aanvaar;
* by die kind 'n POSITIEWE SELFBEELD te ontwikkel deur liefde en leiding
van die opvoeders;
* die kind te lei tot SELFRESPEK en om BEGRIP en RESPEK vir elke
mede- Suid-Afrikaner aan te kweek, sodat ons gelukkig kan saamleef.
Met ons oë gerig op God en ons visiere gestel op die toekoms, wil ons elke
skooldag met 'n glimlag nader.
4.3 SKOOLREëLS
4.3.1 SKOOLKURRIKULUM
* 'n Leerder moet aan die opvoedingsprogramme deelneem soos deur die
onderwyshoof goedgekeur, tensy vrystelling deur die onderwyshoof
verleen is.
* Wanneer 'n leerder vrywillig by 'n ko-kurrikulêre skoolbedrywigheid
aangesluit het, moet die verpligtinge en verantwoordelikhede in verband
daarmee stiptelik nagekom word.
* Leerders mag geen fasiliteite en toerusting van die skool buite skoolure
sonder die toestemming van die skoolhoof gebruik nie en mag nie buite
skoolure die skoolterrein sonder verlof van die skoolhoof betree nie.
4.3.2 VOORKOMS VAN LEERDERS
Die persoonlike voorkoms en drag van 'n leerder moet aan die norme,
soos deur die Beheerliggaam as verteenwoordigers van die gemeenskap
vasgestel, voldoen.
4.3.3 OPTREDE EN GEDRAG VAN LEERDERS
* Leerders moet die skool stiptelik volgens die vasgestelde skoolure
bywoon. In geval van afwesigheid moet die ouer die rede skriftelik of
d.m.v. 'n telefoonoproep aan die opvoeder verstrek.
* 'n Leerder mag nie gedurende skoolure sonder die skoolhoof se verlof uit
'n klas afwesig wees of die skoolterrein verlaat nie. Die skoolhoof sal
slegs toestemming verleen, indien hy 'n skriftelike versoek van die ouer
ontvang.
* Terwyl 'n leerder onder die skool se toesig is, moet hy/sy te alle tye
medeleerders se liggaamlike en geestelike welsyn , skoolrëels en
opvoeders respekteer.
* ONS SKOOL IS ONS TROTS! Skooleiendom en die eiendom van ander
persone moet te alle tye gerespekteer word.
* Leerders moet te alle tye eerbied en respek teenoor die Republiek van
SuidAfrika se nasionale simbole en die skool se simbole en kodes
openbaar.
* Die Laerskool Panorama is 'n Openbare skool.
4.3.4 STRAF
* Alle vorme van straf sal te alle tye opvoedkundig verantwoordbaar wees.
* Geen vorm van lyfstraf word toegelaat nie.
* Indien straf toegepas moet word, verwag ons die ondersteuning van ons
ouers. Indien u nie saamstem met die straf wat deur die skool, toegepas
word nie, skakel asseblief die betrokke opvoeder of skoolhoof.
(Verwys na die Gedragskode van Leerders)
5. SKOOLTYE
Dwarsdeur die jaar:
Maandae tot Donderdae 07:45 tot 12:30 (Gr. R)
07:45 tot 13:05 (Gr. 1 tot Gr. 2)
07:45 tot 14:20 (Gr. 3 tot Gr. 7)
Graad 1 tot 7 Vrydae 07:45 tot 12:35
6. VOORSKRIFTE VIR SKOOLDRAG : LAERSKOOL PANORAMA
Goedgekeur deur die Beheerliggaam.
Meeste van die klere is by die klerewinkel beskikbaar.
6.1 ALGEMEEN:
6.1.1 DOGTERS : WINTERDRAG
JURK: Groen skooljurk.
HEMP: Wit, langmouhemp, altyd gedra met skooldas.
DAS: Groen Panorama das met wit en rooi strepe.
SOKKIES: Bottelgroen knie-lengte sokkies met skoolkleure saam met
skoolrokke (soos vir seuns.) Grys skoolsokkies mag onder
grys langbroeke gedra word. Swart lang dik sykouse mag
ook by die rok gedra word.
TRUI: 'n Bottelgroen V-nek trui, met die skoolwapen op, is vir alle
dogters 'n nie-verpligte skooldrag-item. (Indien gedra, mag
slegs hierdie trui gedra word.) Geen hand- of
masjiengebreide truie nie.
SKOENE: 'n Swart skoolskoen met 'n smal band oor die voetbrug en
gespe is dwarsdeur die jaar verpligtend. Geen sandale of
modeskoene word toegelaat nie. Swart skool
toerygskoene soos vir seuns mag gedra word.
LANG GRYS BROEKE: Dogters mag lang grys broeke dra. Dit kan by die
klerewinkel bestel word. Geen ander styl of materiaal word
toegelaat nie.
AMIGO WINDJEKKER: Opsioneel. By klerewinkel beskikbaar op
bestelling. As 'n windjekker gedra word, moet 'n trui
onderaan aangetrek wees (d.w.s. die windjekker vervang
nie die trui nie.) Die windjekker moet die skoolwapen ophê.
Geen ander groen windjekker mag gedra word nie.
6.1.2 DOGTERS : SOMERDRAG
JURK: Groen skooljurk.
HEMP: Kortmou, wit met oopslaan-kraag (Die kraag word bo-oor
die baadjie gevou, indien laasgenoemde gedra word en die
kortmouhemp word sonder 'n das gedra).
KOUSE: Wit, enkellengte (nie tuisgebrei of gehekel).
TRUI: Nie verpligtend, maar indien gedra, dieselfde as vir die
winter.
SKOENE: Dieselfde dwarsdeur die jaar.
6.1.3 DOGTERS : SPORTDRAG ( Beskikbaar by klerewinkel)
L.O. KLERE:
Broek: Voorgeskrewe bottelgroen broek.
Hemp: Die voorgeskrewe hemp met
"PANORAMA" daarop gedruk vir L.O. en
alle sport. L.O.-klere is verpligtend van
Graad 1 tot Graad 7. Volledige sweetpakke
moet oor die L.O.-klere gedra word.
Indien dit warm is, mag slegs die L.O.-klere
gedra word.
ATLETIEK: Voorgeskrewe atletiekfrokkie.
NETBAL: Voorgeskrewe bottelgroen-rompie met voorgeskrewe
hemp.
TENNIS: Wit rompie en voorgeskrewe wit hemp met "PANORAMA"
logo, wit sokkies en wit tekkies.
HOKKIE: Voorgeskrewe bottelgroen rompie. Voorgeskrewe hemp
met "Panorama" logo. Tekkies of hokkiestewels.
Voorgeskrewe groen hokkiesokkies vir spanne.
Mondskerm word aanbeveel.
SWEETPAK: Slegs die voorgeskrewe Panorama sweetpak is
aanvaarbaar. Mag gedra word op dae wanneer die
leerder se sport ‘n wedstryd speel. Provinsiale sweetpakke
mag by saalbyeenkomste gedra word. Volledige
sweetpakke mag ook op LO-dae gedra word met
sporttekkies en nie helderkleurige modetekkies nie.
SPORTSAK: Slegs die voorgeskrewe Panorama sportsak mag gebruik
word.
6.1.4 ANDER
BROEKIE: Bottelgroen broekie word met alle skooldrag gedra. (GEEN
wit of veelkleurige broekies nie.)
HARE: Hare moet te alle tye netjies versorg en onopgesmuk wees.
Vaste golwing van hare word nie toegelaat nie.
Hare mag nie gekleur of gebleik word nie. Sodra hare
skouerlengte bereik het, moet hare in 'n poniestert of twee
bokstertjies vasgemaak óf gevleg word. Kort "bob" hare
wat in die gesig en oë hang, moet weggesteek word. Geen
ekstreme haarstyle soos “undercut”, “dreadlocks” en
inskeer van strepe op die kop nie, of enige haarstyle wat sal
afbreek doen aan die eenvormigheid , netheid en dissipline
van die skool nie. Haarbande ("alice bands") mag gedra
word. Slegs bottelgroen, swart of skilpadbruin word
toegelaat. Nie rooi, wit of liggroen nie. Silwer- of
groenkleurige, driehoekige knippies, asook gly- en
skuifknippies in bottelgroen, bruin en swart is toelaatbaar,
maar geen ornamentele knippies mag gedra word nie.
Slegs bottelgroen linte, bolletjies of handdoekrekkies mag
gedra word. Laprekkies ("scrunchies") word toegelaat, mits
dit dieselfde kleur groen as die trui se groen is en nie breër
as 3 cm is nie.
JUWELE: Juwele is onvanpas by skooldrag. Geen mode-horlosies,
kettinkies, armbande of ringe mag gedra word nie. Geen
neusringe, tongringe, naeltjieringe, tatoeërmerke of
"stickers" word toegelaat nie. Geen graffiti word op die
liggaam toegelaat nie. Geen plastiekbandjies word
toegelaat nie, slegs Medic Alert bande. Onaanvaarbare
juweliersware sal afgeneem word en in die kluis in ‘n
koevert gehou word tot aan die einde van die kwartaal.
OORBELLE: Slegs heel klein goue of silwer knoppies (3mm in deursnee)
of ringetjies (1cm) ("sleepers") mag gedra word in gevalle
waar 'n dogter gaatjies in haar ore het. Geen versierde
oorbelle nie. Geen twee of meer gaatjies met oorbelle per
oor nie. Die oorbel word slegs in die onderste oorlel van die
oor gedra. Geen vreemde voorwerpe in die oor om gaatjies
oop te hou nie.
BAADJIES: Dit word gedra deur Gr. 6 en 7 –leerders. Verpligtend. By
klerewinkel beskikbaar op bestelling.
LAPELWAPENS: Slegs wapens wat goedgekeur is, mag op die baadjie
gedra word.
SERPE: Slegs voorgeskrewe bottelgroen serpe mag gedra word.
Beskikbaar by klerewinkel. Geen swart, wit of ander serpe
nie.
MUSSE: Word nie toegelaat nadat die skool begin het nie. Slegs
bottelgroen word toegelaat.
GRIMERING: Geen grimering word saam met die amptelike skooldrag of
spandrag gedra nie.
NAELS: Dit moet te alle tye kort en skoon wees. Naels mag nie
langer as die vingerpunte wees nie. Geen naellak.
KOUGOM: Die kou van kougom word nie in die skool toegelaat nie.
REëNJASSE: Helder, sigbare (bv. oranje) reënjasse word aanbeveel.
AMIGO WINDJEKKER: Opsioneel. By klerewinkel beskikbaar op
bestelling.
Slegs voorgeskrewe windjekker mag gedra word. Geen
ander windjekkers mag gedra word nie.Die windjekker moet
die skoolwapen op hê.
SKOOLTASSE: Slegs die goedgekeurde Panorama-tasse mag gebruik
word. Skooltasse is by die klerewinkel beskikbaar.
Formele skooldrag is volledige winteruitrusting en word gedra tydens
openbare optredes of soos deur die skoolhoof bepaal.
Alle kledingstukke moet duidelik gemerk wees, sowel as enige ander
artikel wat by die skool gebruik word.
6.1.5 SEUNS : WINTERDRAG
BROEK: Gewone grys kort- of langbroek. ‘n Swart gordel moet by
die broek gedra word.
HEMP: Wit langmouhemp, altyd gedra met 'n skooldas.
DAS: Groen das met wit en rooi strepe.
KOUSE: Bottelgroen knie-lengte kouse met skoolkleure, dwarsdeur
die jaar. Grys kouse moet onder ‘n grys langbroek gedra
word, maar nie by die kortbroek nie.
TRUI: 'n Bottelgroen V-nek trui, met die skoolwapen op, is vir alle
seuns 'n nie-verpligte skooldrag-item. (Indien gedra, mag
slegs hierdie trui gedra word). Geen hand- of
masjiengebreide truie nie.
OORTREKTRUI: 'n Bottelgroen V-nek trui, met die skoolwapen op, is vir
alle seuns opsioneel.
SKOENE: Swart, toerygskoene.
6.1.6 SEUNS : SOMERDRAG
BROEK: Grys kortbroek. Die dra van 'n langbroek gedurende die
somermaande is opsioneel. ‘n Swart gordel moet gedra
word.
HEMP: Kortmou, wit somerhemp met oopslaankraag. (Die kraag
word bo-oor die baadjie gevou indien laasgenoemde gedra
word en die kortmouhemp word sonder 'n das gedra).
TRUI: Nie verpligtend. Soos vir die winter.
KOUSE EN SKOENE: Soos vir die winter.
6.1.7 SEUNS : SPORTDRAG (Beskikbaar by klerewinkel)
L.O. KLERE:
Broek Voorgeskrewe bottelgroen broek.
Hemp Die voorgeskrewe wit hemp met
"PANORAMA" daarop gedruk vir L.O. en
alle sporte, behalwe rugby. L.O.-klere is
verpligtend van Graad 1 tot Graad 7.
Volledige sweetpakke moet oor die L.O.-
klere gedra word.
Indien dit warm is, mag slegs die L.O.-klere
gedra word.
ATLETIEK: Voorgeskrewe atletiekfrokkie .
RUGBY: Voorgeskrewe bottelgroen broek met Panorama rugbytrui.
Verpligtend vanaf O.7.
KRIEKET: Wit kortbroek, wit voorgeskrewe hemp met Panorama
skoolwapen, skoolkouse, wit tekkies.
TENNIS: Soos vir krieket, maar kort, wit sokkies.
HOKKIE: Voorgeskrewe bottelgroen broek met voorgeskrewe hemp.
Tekkies of hokkiestewels. Voorgeskrewe groen
hokkiesokkies vir spanne. Mondskerm word aanbeveel.
SWEETPAK: Slegs die voorgeskrewe Panorama sweetpak is
aanvaarbaar. Volledige sweetpakke mag gedra word op
dae wat die leerder se sport wedstryd speel.
Provinsiale sweetpakke mag tydens saalbyeenkomste
gedra word. Volledige sweetpakke mag ook op LO-dae
gedra word met sporttekkies en nie helderkleurige
modetekkies nie.
SPORTSAK: Slegs die voorgeskrewe Panorama sportsak mag vir
sportgeleenthede en uitstappies gebruik word.
6.1.8 ANDER:
HARE: Moet te alle tye kort geknip en netjies versorg wees (bv. Die
kuif mag nie die wenkbroue raak nie, hare mag nie oor die
ore groei nie en hare mag nie die kraag van diue hemp
raak nie). Geen modetrante sal toegelaat word nie. Geen
bleik of kleur van hare nie. Hare mag nie gegolf word nie.
Geen ekstreme modesnitte sal toegelaat word nie bv. ‘n
“step”, ‘English cut”, geskeerde strepe, “punk”, “dreadlocks”
of enige ander haarstyle wat afbreek sal doen aan die
eenvormigheid, netheid, en dissipline van die skool nie.
JUWELE: Slegs funksionele en nie-ornamentele horlosies is
toelaatbaar. Geen neusringe, oorringe, tongringe,
hangertjies of armbande nie. Geen plastiekbandjies word
toegelaat nie, slegs Medic alert bande. Geen tatoeëring,
graffiti of “stickers” word op die liggaam toegelaat nie.
Onaanvaarbare juwele sal ingeneem word en in die kluis in
‘n koevert tot aan die einde van die kwartaal gehou word.
BAADJIES: Dit word gedra deur Gr. 6 en 7 –leerders. Verpligtend. By
klerewinkel beskikbaar op bestelling.
LAPELWAPENS: Slegs wapens wat goedgekeur is, mag op die baadjie
gedra word.
SERPE: Slegs voorgeskrewe bottelgroen serpe mag gedra word.
Beskikbaar by die klerewinkel. Geen swart, wit of ander
kleur serpe sal toegelaat word nie.
MUSSE: Word nie toegelaat nadat die skool begin het nie. Slegs
bottelgroen musse mag voor skool gedra word.
NAELS: Moet te alle tye kort en skoon wees. Naels mag nie langer
as die vingers wees nie.
KOUGOM: Die kou van kougom word nie in die skool toegelaat nie.
REëNJASSE: Helder, sigbare (bv. oranje) reënjasse word aanbeveel.
AMIGO WINDJEKKER: Opsioneel. Slegs die groen windjekker met die
skoowapen op, is aanvaarbaar. By klerewinkel
beskikbaar op bestelling.
SKOOLTASSE: Slegs die aanbevole Panorama-tasse mag gebruik word.
Skooltas is by klerewinkel beskikbaar.
Formele skooldrag is volledige winteruitrusting en word gedra tydens
openbare optredes of soos deur die skoolhoof bepaal.
Alle kledingstukke moet duidelik gemerk wees, sowel as enige ander
artikel wat by die skool gebruik word.
Indien borge gevind kan word, sal die eerste spanne van al die
sportsoorte toegelaat word om sportdrag soos wat deur die afrigters
ontwerp en deur die Beheerliggaam goedgekeur is, te dra.
Indien enige ander spanne geborg sou word, sal die borg se naam op die
skool se bestaande uitrusting aangebring word.
6.2 LEWERANSIERS VAN SKOOLDRAG:
Wit hemde en grys broeke vir seuns kan by enige leweransier gekoop
word. Grys broeke vir dogters en ander voorgeskrewe artikels is by die
skool se klerewinkel beskikbaar.
6.3 KLEREWINKEL: (Op skoolperseel)
Bedryfsure: By sekretaresse, op die D6 óf teen die bord by klerewinkel
beskikbaar.
Die winkel hou 'n voorraad van nie-standaard items van die skooldrag aan.
(Navrae : Tel. 558 7337)
Indien daar enigsins van die Dragkode van Laerskool Panorama afgewyk
moet word, moet daar ‘n skriftelike versoek aan die Skool Beheerliggaam
gerig word, wat op hul beurt die meriete van die versoek sal ondersoek en
daarna terugvoering sal gee.
Tweedehandse skooldrag word ook verkoop.
7. BUITE-KURRIKULêRE AKTIWITEITE
Om die kind in sy totaliteit op te voed, wil ons alle leerders sterk
aanmoedig om aan ten minste een wintersportsoort en een
somersportsoort wat deur die skool aangebied word, deel te neem en
ook aktief by kulturele aktiwiteite in te skakel. Ouers word dus versoek om
saam met hulle kinders 'n gebalanseerde buitemuurse program saam te
stel.
'n Buitemuurse program word aan die begin van die kwartaal op die D 6
geplaas vir die ouers. Dié program bevat alle inligting soos oefendae,
oefentye, afrigters, ensovoorts.
Die volgende ko-kurrikulêre aktiwiteite word aangebied.
7.1 SPORT
EERSTE EN VIERDE KWARTAAL
Mini-krieket - seuns (o.7, o.8 en o.9)
Atletiek - seuns en dogters (o.7 tot o.13)
Krieket - seuns (o.10; o.11 en o.13)
Tennis - seuns en dogters (o.8 – o.13)
Landloop - seuns en dogters o.9; o.11; o.13)
Skaak - seuns en dogters (Gr. 3 – 7)
TWEEDE EN DERDE KWARTAAL
Rugby - seuns (o.10 tot o.13)
Mini-rugby - seuns (o.7; o.8 en o/9)
Netbal - dogters (o.10; o.11; o.12; o.13)
Mini-netbal - dogters (o.7; o.8; o.9)
Landloop - seuns en dogters (o.9; o.11; o.13)
Hokkie - seuns en dogters (o.11 tot o. 13)
Mini-hokkie - seuns en dogters (o.7; o.8; o.9; o.10)
Skaak - seuns en dogters (Gr. 3 tot gr. 7)
*Swem, ballet en karate word na skoolure deur professionele persone
aangebied. Meer inligting kan by die skool verkry word.
7.2 KULTUREEL
Kuns - seuns en dogters (gr. 1 tot gr. 7)
Junior Koor - seuns en dogters (gr. 2 en gr. 3)
Senior Koor - seuns en dogters (gr. 4 tot gr. 7)
Spraak en drama - seuns en dogters (gr. 1 tot gr. 7)
Jnr Orff Orkes - seuns en dogters (gr. 2 en 3)
Snr Orff Orkes - seuns en dogters (gr. 4 tot gr. 7)
Ensemble - seuns en dogters (gr. 4 tot gr. 7)
7.3 SKOOLBIBLIOTEEK
Die skool beskik oor 'n goed toegeruste biblioteek. Leerders word
toegelaat om tydens pouses, voor en na skool boeke uit te neem. Die
biblioteek is elke middag van Maandag tot Donderdag ‘n uur na skool oop.
8. SKOOLGELDE:
8.1 SKOOLGELDE
Skoolgelde word jaarliks deur die Finansiële Komitee van die
Beheerliggaam bepaal. Dit moet dan deur die Beheerliggaam en die
ouers tydens die Begrotingsvergadering in die vierde kwartaal,
goedgekeur word. Verdere inligting hieroor kan by die skool verkry word.
8.2 MUSIEKGELDE
Leerders wat belangstel om musiek te neem, word getoets en volgens
meriete op 'n waglys geplaas. Skriftelike kennisgewing van een kwartaal
word vereis wanneer 'n leerder nie verdere onderrig wil ontvang nie.
8.3 REMEDIëRING
Daar is twee private remediërende opvoeders, arbeidsterapeute en
spraakterapeute beskikbaar. Tariewe is op aanvraag beskikbaar.
9. OUERBETROKKENHEID
Die ouer en die opvoeder vorm saam 'n belangrike vennootskap in die
opvoedingsproses van hul kinders. Gereelde skakeling tussen ouers en
opvoeders word dus sterk aangemoedig.
10. OUERAANDE
Oueraande word op 'n gereelde basis deur die loop van die jaar
aangebied.
Tydens hierdie byeenkomste word algemene sake rakende die skool
bespreek. Sprekers word ook soms genooi om ouers toe te spreek
aangaande opvoedingsaangeleenthede.
Individuele onderhoude met die opvoeders word elke kwartaal gereël.
Ouers sal daaroor ingelig word. Maak asseblief van hierdie geleentheid
gebruik om u kind/ers se vordering te bespreek.
Komitees waar ouers betrokke kan raak:
- Klasverteenwoordigers
- OOV
- Beheerliggaam
11. NASORG
Die skool beskik oor ‘n goed toegeruste nasorgfasiliteit met beperkte inname. Daar moet dus betyds aansoek gedoen word indien u belangstel.
12. PRE-PRIMêR
Skooltye: 07:45 – 12:30
Hekke open om 07:30 Tans nie verpligtend, maar word sterk aanbeveel. Geen vryskelding van skoolfooie aangesien alle personeel en leermiddele uit eie fondse gefinansier moet word. Slegs leerders wat voor 30 Junie van die betrokke jaar 5 word of gedurende die jaar 6 word, sal oorweeg word. Leerders wat in sy/haar Graad R-jaar 6 word, sal voorkeur geniet.
13. TOELATING TOT GRAAD 1
Voorkeur word gegee aan leerders wat skoolpligtig is, m.a.w.
leerders wat in hul graad 1 jaar, 7 word.
Verwys na die Toelatingsbeleid van Laerskool Panorama.