mae coleg sir gâr yn goleg addysg bellach mawr · cyfle i ymgymryd ag ymchwiliad unigol. mae’r...

Mae Coleg Sir Gâr yn goleg addysg bellach mawr a leolir ar sawl campws. Mae ganddo tua 10,000 o ddysgwyr gyda rhyw 3,000 ohonynt yn llawn amser a 7,000 yn rhan-amser. Ceir tua 1000 o ddysgwyr addysg uwch yn y Coleg.

Lleolir y Coleg yn Ne-orllewin Cymru ac mae ganddo bum prif gampws yn Llanelli (Y Graig), Caerfyrddin (Pibwrlwyd a Ffynnon Job), Rhydaman a Llandeilo (Y Gelli Aur). Mae’r campysau’n amrywio o ran eu maint a’u natur ac mae’r rhan fwyaf ohonynt yn cynnig amrywiaeth o bynciau.

Mae gan y Coleg ystod gynhwysfawr ac eang o raglenni addysg a hyfforddiant academaidd a galwedigaethol. Mae’r rhain yn amrywio o lefel cyn mynediad i lefel ôl-raddedig, gan ddarparu gwasanaeth i’r gymuned ddysgu gyfan. Mae’n cynnig addysg bellach, dysgu oedolion yn y gymuned, addysg uwch a phrentisiaethau dysgu yn y gweithle. Mae’r Coleg hefyd yn darparu ar gyfer nifer fawr o ddisgyblion ysgol 14-16 oed sy’n mynychu’r Coleg neu sy’n cael eu dysgu gan staff y Coleg yn eu hysgolion.

Mae Coleg Sir Gâr yn rhan o Grŵp Prifysgol Cymru: Y Drindod Dewi Sant - Prifysgol Sector Deuol yn ne-orllewin Cymru. Mae’r Grŵp yn cynnig ystod o lwybrau integredig ôl 16 oed ac mae wedi cyflwyno newid trawsnewidiol ar gyfer y rhanbarth.

Mae gan y Coleg drosiant blynyddol o £32m ac mae’n cyflogi tua 850 o staff. Mae tua 450 o’r staff hyn yn ymwneud yn uniongyrchol ag addysgu ac mae 400 ohonynt yn gweithio mewn swyddogaethau cynnal a gweinyddol.

Mae ein cenhadaeth sef ‘bod yn rhagorol - y Coleg dewisol’ yn rhoi neges gref i’n cwsmeriaid posibl ynghylch y safonau yr ydym wedi’u gosod a’r hyn yr ydym yn disgwyl i’n dysgwyr anelu ato. Mae codi uchelgeisiau ein dysgwyr a sicrhau eu bod yn symud ymlaen i swyddi ac i addysg ar lefel uwch yn flaenoriaeth allweddol. Mae cyflawni canlyniadau a safonau cyson uchel mewn dysgu ac addysgu yn hanfodol ar gyfer eu llwyddiant hwythau a’n llwyddiant ni. Mae’r Coleg newydd dderbyn Gwobr Dysgu ac Addysgu Colegau Cymru ac mae’n ymdrechu i sicrhau fod y dysgu a’r addysgu bob amser yn ysbrydoledig, yn bleserus ac o’r safon uchaf oll.

Mae gofalu am ein dysgwyr a’u diogelu hefyd yn bwysig iawn i ni ac mae’r Coleg wedi ennill sawl gwobr genedlaethol yn y maes hwn o’i waith. Mae parch, ymwybyddiaeth o amrywiaeth a gweithredu cydraddoldeb i bawb yn hanfodol i’r modd y mae’r Coleg yn gweithio ar bob lefel.

Y dysgwyr yw ffocws ein coleg ac rydym yn gweithio’n galed i sicrhau eu bod yn llwyddiannus. Ceir llawer o gyfleoedd iddynt ddatblygu eu sgiliau academaidd, eu sgiliau galwedigaethol a’u

cyflogadwyedd trwy ystod o brosiectau a gweithgareddau yn y Coleg. Mae nifer o bartneriaethau ag ysgolion, sefydliadau addysg uwch, diwydiant a chyrff sector cyhoeddus eraill yn Sir Gaerfyrddin a thu hwnt yn darparu gweithgareddau ychwanegu gwerth arwyddocaol i gyfoethogi eu profiad dysgu. Mae’r ffaith fod gan ddysgwyr lais cryf o yn y modd y dylai’r Coleg ddatblygu yn y dyfodol yn arwyddocaol.

Mae’r dyfodol yn gyffrous a gobeithiwn y byddwch yn ymuno â ni i wneud y Coleg hwn yn lle bywiog, pleserus ac ardderchog i ddysgu a gweithio ynddo.

Barry LilesPrifathro

Page 1Tudalen 2

Tudalen 3

Rhaglenni Dysgu

O fis Medi 2014, bydd dysgwyr mewn addysg ôl-16 ar draws Cymru yn astudio rhaglen ddysgu yn hytrach na phrif gymhwyster yn unig. Ceir pum prif elfen mewn rhaglen ddysgu: • Craidd• Nod Prif Gymhwyster (Prif Gwrs)• Cymwysterau Cymuned, Dysgwr, Diwydiant,

Ffocws• Dysgu nad yw’n cael ei achredu• Profiad gwaith neu Addysg Gysylltiedig â Gwaith

Bydd y rhaglenni dysgu yn unigol i bob dysgwr. Yn ychwanegol i’w prif gwrs, mae angen i ddysgwyr fod yn disgwyl cyflawni cymwysterau eraill sy’n berthnasol i’w datblygiad personol a’u dilyniant. Gall y rhain gynnwys TGAU Mathemateg, TGAU Saesneg a/neu TGAU Cymraeg.

Esbonio’r Cymwysterau

Lefelau’r cymwysterau Yn gyffredinol, mae nifer o wahanol gymwysterau academaidd a galwedigaethol ar gael o Lefel Mynediad i Lefel 3. Mae’r rhain yn amrywio o’r cymwysterau mwy traddodiadol sef TGAU, Safon Uwch a BTEC i gymwysterau’n gysylltiedig â phynciau mwy arbenigol ac NVQs yn y gweithle sy’n seiliedig i raddau mwy ar gymhwysedd.

Lefel MynediadCyrsiau sylfaenol yw’r rhain sy’n helpu i adeiladu hyder, gwybodaeth, dealltwriaeth a sgiliau a byddant o gymorth i wella eich sgiliau Saesneg a Mathemateg.

Lefel 1Cyrsiau rhagarweiniol yw’r rhain sy’n datblygu eich sgiliau a’ch dealltwriaeth o bwnc, diwydiant neu faes gwaith. Mewn rhai meysydd megis adeiladu bydd angen i chi ddechrau ar lefel 1 beth bynnag yw eich canlyniadau TGAU neu Safon Uwch blaenorol.

Lefel 2Mae cyrsiau ar y lefel hon yn adeiladu ar eich gwybodaeth a’ch sgiliau. Maent yn rhoi gwybodaeth, dealltwriaeth a sgiliau da i chi mewn pwnc neu ddiwydiant.

Lefel 3Mae’r cyrsiau uwch hyn yn rhoi gwybodaeth, dealltwriaeth a sgiliau manwl i chi mewn pwnc neu gwrs diwydiant galwedigaethol. Mae cyrsiau Lefel 3 wedi’u cynllunio i’ch galluogi i symud ymlaen i brifysgol neu i swydd.

Mae’r Rhaglen Sylfaen mewn Celf a Dylunio a leolir ar Gampws Ffynnon Job ar lefel 4. Mae’r lefel hon ar lefel debyg i flwyddyn gyntaf rhaglen Gradd mewn Prifysgol.

Bagloriaeth CymruMae dysgwyr yn astudio Bagloriaeth Cymru ar lefel Sylfaen (lefel 1), Canolradd (lefel 2) ac Uwch (lefel 3). Yn ystod yr astudiaethau hyn maent yn datblygu eu gwybodaeth a’u gwerthfawrogiad o bynciau megis addysg bersonol a chymdeithasol, Cymru, Ewrop a’r Byd ac Addysg Gysylltiedig â Gwaith. Bydd y dysgwyr hefyd yn datblygu Sgiliau Hanfodol ar gyfer bywyd a gwaith ac yn cael cyfle i ymgymryd ag ymchwiliad unigol. Mae’r cymhwyster yn canolbwyntio ar ddatblygu sgiliau unigol a datblygiad personol mewn meysydd yn gysylltiedig â menter, gwleidyddiaeth a materion cyfoes.

Ar Lefel Uwch (lefel 3), caiff y Fagloriaeth ei graddio ac mae rhestr gynyddol o Brifysgolion yn rhoi gwerth arni ac yn ei derbyn.

Mae’r Fagloriaeth Ôl-16 hefyd ar gael yn y gyfres hon o gymwysterau. Mae’r cymhwyster hwn yn wahanol i’r Fagloriaeth Sylfaen, Canolradd ac Uwch gan ei fod ar gael i ddysgwyr dros 16 oed yn unig. Mae’n canolbwyntio ar ddatblygiad personol pellach a sgiliau cyflogadwyedd.

Cymwysterau Sgiliau Hanfodol Cymru (SHC)Mae’r Coleg yn ymrwymedig i ddarparu cyfleoedd i ddysgwyr ddatblygu eu sgiliau bywyd ymhellach (yn enwedig mewn llythrennedd a rhifedd) i’w cynorthwyo i symud ymlaen i lefelau uwch o ddysgu, i swyddi neu i hunangyflogaeth.

Ceir cymwysterau Sgiliau Hanfodol Cymru (SHC) mewn Cyfathrebu, Cymhwyso Rhif a Thechnoleg Gwybodaeth a Chyfathrebu (TGCh) ac maent ar gael o Lefel Mynediad i Lefel 3.

Page 1Tudalen 4

Tudalen 5

Mae gan y Coleg enw ardderchog am ansawdd ac ystod y gefnogaeth a gynigir i fyfyrwyr. Mae gan yr uned Cefnogi Dysgwyr dîm o staff ymrwymedig a chymwys i helpu myfyrwyr i gael y gorau posibl o’u hamser yn y coleg.

Cyngor GyrfaolMae cyngor gyrfaol annibynnol a diduedd ar gael ar bob un o’n campysau a gall eich helpu i wneud y dewis iawn o wrth benderfynu ynghylch eich cam nesaf mewn addysg neu gyflogaeth. Mae gennym dîm o ymgynghorwyr cyfeillgar a fydd yn gallu eich arwain drwy’r penderfyniadau y gall fod angen i chi eu gwneud, a’ch helpu gyda thasgau megis ysgrifennu CV, llenwi Ffurflenni Cais, paratoi ar gyfer cyfweliadau neu wneud cais i Brifysgol. Ffoniwch 01554 748112.

Swyddogion Cyswllt a ChefnogiMae nifer o wahanol ddyfarndaliadau, cronfeydd a grantiau ar gael yn y coleg, gan gynnwys ysgoloriaethau. Mae ein tîm cefnogi myfyrwyr ar gael i’ch helpu, gan gynnig cyngor ac arweiniad ynghylch y cyllid sydd ar gael i’ch helpu i reoli eich arian. Mae ein swyddogion cymorth ariannol yn cynnig gwasanaeth cyfeillgar ac anffurfiol, gan helpu gyda chostau gofal plant yn ogystal â

materion lles personol a llety ar gyfer myfyrwyr. Cysylltwch â: Debbie Williams (Y Graig) 01554 748036; Jamie Davies (Rhydaman a’r Gelli Aur) 01554 748305; Filipe Nunes (Pibwrlwyd a Ffynnon Job) 01554 748070.

Manylion Cyswllt DefnyddiolCyllid Myfyrwyr Cymru 0845 602 8845www.cyllidmyfyrwyrcymru.co.ukOs hoffech gael cyngor pellach ynghylch y cyllid sydd ar gael, cysylltwch â’n hymgynghorwyr cyllid: 01554 748036 / 748305 / 748070.

CynghoriMae’r coleg yn cyflogi tîm o gynghorwyr cymwys a phrofiadol sy’n cynnig gwasanaeth cyfrinachol i fyfyrwyr ar bob campws. Gall cynghori roi amser i chi drafod unrhyw beth a allai fod yn eich poeni a gall eich helpu i archwilio’ch meddyliau a’ch teimladau mewn sefyllfa lle na chewch eich barnu. Ni chewch eich barnu, ac ni fydd unrhyw un yn dweud wrthych beth i’w wneud, ond byddwch yn cael cefnogaeth wrth i chi ddod o hyd i’ch atebion eich hun a’ch annog i drafod eich problemau mewn sefyllfa anffurfiol. Mae’r gwasanaeth hwn ar gael yn rhad ac am ddim i bob myfyriwr 01554 748112.

Mentoriaid Cefnogi DysgwyrMae gan y Coleg dîm o Fentoriaid sy’n gallu cynnig cefnogaeth 1:1 i ddysgwyr o’r amser pryd y gwneir cais i’r coleg, drwy’r cyfnod pontio rhwng yr ysgol a’r coleg, a thra byddwch yn astudio ar y cwrs o’ch dewis. Mae’r Mentoriaid ar gael ar bob campws ac maent yn helpu myfyrwyr gyda materion megis meithrin hyder, problemau personol, rheoli ymddygiad, ac ati. Os ydych o’r farn y gall y gwasanaeth hwn eich helpu i ddechrau yn y coleg yna cysylltwch â Matthew Morgan 01554 748096 neu * [email protected]

Canolfannau Dysgu a LlyfrgelloeddCeir canolfannau dysgu ar bedwar o’n campysau sef y Graig, Pibwrlwyd, Rhydaman a’r Gelli Aur, ac maent i gyd yn agored i’w defnyddio gan unrhyw un o’n myfyrwyr. Mae pob un ohonynt yn cynnig ystod eang o adnoddau aml-gyfrwng ac ar-lein yn ogystal â llyfrau, papurau newydd, fideos, cylchgronau a chyfnodolion. Os yw’r deunydd y mae ei angen arnoch ar gampws arall, mae gennym system fenthyca ryng-lyfrgellol i sicrhau eich bod yn gallu cael gafael ar yr adnodd hwnnw.

Cefnogi Dysgwyr

Undeb y MyfyrwyrRydym yn sylweddoli ei bod hi’n bwysig eich bod, fel rhan o’ch profiad coleg cyflawn, yn mwynhau eich bywyd cymdeithasol ac yn cymryd rhan mewn digwyddiadau llawn hwyl. Bydd ein Swyddogion Cyswllt a Chefnogi yn eich helpu i gwrdd â phobl newydd a datblygu gweithgareddau allgyrsiol, a bod yn rhan o fywyd cymdeithasol y coleg yn gyffredinol. Mae Undeb y Myfyrwyr yn sefydliad a gaiff ei redeg gan fyfyrwyr, ac fel myfyriwr cofrestredig yn y coleg rydych yn gymwys yn awtomatig i wneud cais am gerdyn NUS.

Cymorth i Fyfyrwyr ag Anawsterau Dysgu, Anableddau ac Anawsterau Iechyd Meddwl Mae’r Tîm Cymorth Dysgu yn y coleg yn darparu ystod eang o gymorth dynol a thechnegol ar gyfer yr holl fyfyrwyr y mae angen help arnynt, p’un a yw hyn o ganlyniad i anhawster dysgu (ee. Dyslecsia, Dyspracsia); anabledd corfforol (e.e. arthritis); nam synhwyraidd (golwg neu glyw); anhawster iechyd meddwl (e.e. iselder ysbryd); neu unrhyw broblem arall sydd, yn y tymor hir, yn effeithio’n ddrwg ar eu gallu i astudio.

Bydd yr holl fyfyrwyr llawn amser yn cael archwiliad ac asesiad cynhwysfawr pan fyddant yn dechrau ar eu cwrs er mwyn canfod eu

hanghenion. Mae Cymorth Dysgu ar gael ar bob un o’r pum campws i unrhyw fyfyriwr y mae angen help arno gyda gwaith cwrs ac aseiniadau. Cynigir y gwasanaeth mewn amryw o wahanol ffurfiau, gan gynnwys cymorth unigol, gwaith grŵp a dysgu mewn tîm. Gall myfyrwyr alw heibio, cael sesiwn wedi’i hamserlennu neu wneud apwyntiadau wythnosol. Mae gwasanaeth dwyieithog ar gael. Mae gan y tîm hefyd nifer sylweddol o gynorthwywyr cymorth dysgu a helpwyr anfeddygol, sy’n cynorthwyo’r myfyrwyr ar sail 1-1 neu mewn grwpiau bach o fewn amgylchedd yr ystafell ddosbarth. Daw cymorth technegol ar ffurf recordwyr digidol a gliniaduron, gyda meddalwedd arbenigol. Mae’r rhain ar gael i’w benthyg i fyfyrwyr addysg bellach. Caiff myfyrwyr sy’n astudio ar lefel Addysg Uwch eu cynorthwyo i wneud cais am Lwfans i Fyfyrwyr Anabl, sy’n helpu i ariannu cyfarpar technegol a chymorth.

Os hoffech wybod mwy am y gwasanaethau a gynigir gan yr uned Cefnogi Dysgwyr, cysylltwch â ni ar 01554 748112 neu * [email protected]

Cludiant y ColegMae’r Coleg yn darparu cludiant ar gyfer myfyrwyr llawn amser sy’n byw ar un o lwybrau cludiant y coleg o fewn Sir Gaerfyrddin. Am ragor o wybodaeth cysylltwch â’r adran gludiant 01554 748025.

Dwyieithrwydd Mae’r coleg yn cefnogi ac yn annog myfyrwyr sydd am astudio trwy gyfrwng y Gymraeg ac yn ddwyieithog. Mae’r coleg yn rhedeg nifer o gyrsiau cyfrwng Cymraeg ac mae hefyd yn cefnogi darpariaeth ddwyieithog.

Mae gan bob myfyriwr yr hawl i gael ei asesu yn y Gymraeg, p’un a yw ei diwtor yn siarad Cymraeg ai peidio.

Am fwy o wybodaeth am gyfleoedd Cymraeg neu ddwyieithog yn eich ardal, gofynnwch i’ch tiwtor neu anfonwch e-bost i [email protected]

Page 1Tudalen 6

Tudalen 7

Gall dechrau ar raglen ddysgu newydd fod yn anodd i rai dysgwyr ac yn yr un modd gall fod yn adeg ansicr i rieni / gwarcheidwaid.

Mae staff y coleg, yn ystod nosweithiau agored, mewn cyfweliadau ac adeg cofrestru, yn ymdrechu i sicrhau bod dysgwyr newydd yn cael eu hysbrydoli, eu bod yn teimlo’n gartrefol ac yn gysurus, eu bod yn cael eu gwerthfawrogi a’u bod yn llwyr ymwybodol o’r ystod o gyfleoedd sydd ar gael o fewn y coleg.

Partneriaeth Rhieni / Gwarcheidwaid Coleg Sir Gâr

Mae’r bartneriaeth hanfodol hon yn darparu cymorth cyflawn i ddysgwyr gan hwyluso:

• cyfathrebu rheolaidd ac effeithiol

• trafodaeth agored a gonest

• adolygiad parhaus a phroses gosod targedau

• cydnabod cyflawniad a rhoi cymorth ac arweiniad ar gyfer eu dyheadau yn y dyfodol

Er mwyn i’r bartneriaeth fod yn llwyddiannus bydd Coleg Sir Gâr yn:• Cysylltu â chydweithwyr yn yr ysgolion

uwchradd ble bynnag y bydd hynny’n bosibl i

gael gwybodaeth gefnogol gadarnhaol a fydd o gymorth i’r broses bontio

• Sicrhau bod y broses bontio mor ddidrafferth â phosibl i ddysgwyr a rhieni

• Trefnu bod pob dysgwr yn ymgymryd â rhaglen gynefino er mwyn iddo/iddi ddod yn gyfarwydd â’r rhaglen ddysgu a ddewiswyd a’r Coleg cyfan

• Ymdrechu i ddarparu amgylchedd dysgu 21ain ganrif gyda chyfleusterau ac adnoddau o safon ddiwydiannol

• Trefnu cyfle yn ystod y tymor astudio cyntaf i rieni/gwarcheidwaid gael gwybodaeth gyfredol ynghylch rhaglen y maes dysgu ee. Cadarnhau’r modiwlau a astudiwyd, dyddiadau lleoliad gwaith, matrics aseiniadau, dyddiadau arholiadau, rhaglen waith sydd ei hangen y tu allan i’r ystafell ddosbarth, ac ati

• Cynnig lefel uchel o gymorth o ddydd i ddydd i ddysgwyr a rhieni drwy gydol y cwrs cyfan

• Gweithredu system cymorth tiwtorial personol ac o ansawdd uchel, a gaiff ei harwain gan diwtoriaid personol a thiwtoriaid cwrs ac sy’n darparu arweiniad, cymorth, anogaeth a chyfleoedd cynllunio dilyniant i bob dysgwr

• Rhoi manylion cyswllt arweinydd y cwrs / y tiwtor personol i rieni/gwarcheidwaid, gan sicrhau mai nhw yw’r brif bobl gyswllt er mwyn i

rieni allu cadw mewn cysylltiad â’r coleg• Monitro presenoldeb dyddiol a lefelau

prydlondeb gan roi gwybod yn gynnar i ddysgwyr a rhieni/gwarcheidwaid os yw presenoldeb dysgwyr a’u lefelau cyflawniad yn peri achos pryder.

• Anfon adroddiadau ffurfiol rheolaidd ac estyn gwahoddiadau i rieni/gwarcheidwaid ddod i gwrdd â staff y pwnc a staff tiwtorial i adolygu perfformiad a gosod targedau cynnydd.

Cyfraniad y Rhiant/Gwarcheidwad i’r bartneriaeth:• A wnewch chi fynd gyda’ch mab/merch i

Nosweithiau Agored y Coleg fel eich bod chi hefyd yn dod yn gyfarwydd â’r Rhaglen Dysgu ddewisol ac wrth wneud hynny byddwch chi mewn gwell sefyllfa i gefnogi’r broses ddysgu gartref

• A wnewch chi ofyn am wybodaeth gan eich mab / merch ynghylch y gweithgareddau y buon nhw yn eu gwneud yn ystod y cyfnod Cynefino

• Ar ôl derbyn gwybodaeth yn nhymor un am y Rhaglen Dysgu cyfredol, a wnewch chi ofyn i arweinwyr cwrs/tiwtoriaid personol/dysgwyr os ydych yn ansicr ynghylch unrhyw beth neu os oes angen gwybodaeth ychwanegol arnoch

Gwybodaeth i Rieni / Gwarcheidwaid

• A wnewch chi fonitro presenoldeb a phrydlondeb yn ofalus a chysylltu â thiwtoriaid cwrs/tiwtoriaid personol os oes gennych unrhyw bryderon ynghylch y rhain ac yn wir unrhyw beth a allai fod yn effeithio’n negyddol ar ddysgu. Gallwch fod yn dawel eich meddwl y bydd yr arweinwyr cwrs/tiwtoriaid personol yn cysylltu â chi ar unwaith yn yr un modd pe bai ganddynt bryderon

• Byddwch yn gefnogol o gwmpas y cyfnodau hynny sy’n gallu bod yn anodd adeg arholiadau mewnol ac allanol a dyddiadau cyflwyno aseiniadau

• Gwnewch nodyn o’r nosweithiau ymgynghori â rhieni ar ddechrau’r flwyddyn academaidd ac ar ôl derbyn adroddiadau’r Coleg. A wnewch chi wneud pob ymdrech i ddod i’r cyfleoedd ymgynghori pwysig hyn fel rhan o’r bartneriaeth

• Mae croeso i chi gysylltu â thiwtoriaid cwrs / personol os bydd angen gwybodaeth neu gyngor arnoch neu os ydych yn dymuno trafod cynnydd y dysgwr yn ystod y cyfnod adrodd interim

• Yn olaf, ni ddylech golli nosweithiau gwobrwyo’r Rhaglenni Dysgu gan eu bod yn gyfle i gydnabod taith lwyddiannus pob un o’r dysgwyr. Dyma gam olaf y bartneriaeth rhwng y coleg a’r Rhiant / Gwarcheidwad pryd y caiff y dysgwr a’r tîm cefnogi, gartref ac yn y coleg, gyda’i gilydd gydnabod a dathlu llwyddiant y bartneriaeth trwy gyflawniad y dysgwr.

Sut i wneud cais

Cam 1 - YmchwiliwchYmchwiliwch i’r holl gyrsiau/pynciau ac ystyriwch nhw’n ofalus o safbwynt eich diddordeb personol eich hun a’ch dyheadau posibl am yrfa.

• Ewch i Wefan y Coleg a phorwch trwy’r prosbectws

• Siaradwch â Staff yr Ysgol ac Ymgynghorwyr Gyrfaoedd

• Ewch i holl Nosweithiau Agored y Coleg i siarad â staff a myfyrwyr

• Cadwch lygad ar agor am Staff y Coleg a’r Llysgenhadon Myfyrwyr pan fyddant yn ymweld ag ysgolion, a manteisiwch ar y cyfle i siarad â’r myfyrwyr am eu profiadau

• Ffoniwch y Coleg a gofynnwch am gyngor a gwybodaeth. Bydd Staff y Coleg yn falch o gael trefnu i gwrdd â chi.

Cam 2 - Gwnewch gaisLlenwch ffurflen gais ar-lein ar www.colegsirgar.ac.uk Mae copïau papur hefyd ar gael.

Cam 3 - Gwahoddiad i gyfweliadCaiff cyfweliadau eu trefnu rhwng mis Hydref a mis Gorffennaf gydag arweinwyr cwrs ac arweinwyr pwnc.

Cam 4 - CynnigByddwch yn cael gwybod p’un a ydych wedi cael cynnig lle ar y cwrs o’ch dewis. Gall y cynnig hwn fod yn ddiamod os ydych eisoes yn meddu ar y gofynion mynediad neu gall fod yn amodol ar eich bod yn cyflawni eich TGAU neu ganlyniadau eraill.

Cam 5 - CofrestruBydd pecyn gwybodaeth cofrestru yn cael ei anfon atoch yn cynnwys gwybodaeth berthnasol megis cludiant, cymorth ariannol posibl a chadarnhau’r diwrnodau cofrestru.

Sut i wybod mwyBeth am ddod i wybod mwy amdanom a gweld beth arall sydd gennym i’w gynnig i chi? Ceir amlinelliad o’r cyrsiau yn y Prosbectws ac mae’r wybodaeth lawn ar gael i’w gweld ar ein gwefan.

Nosweithiau Agored: Nos Fercher 8 Hydref 2014Nos Iau 27 Tachwedd 2014 Nos Fawrth 3 Chwefror 2015Nos Lun 29 Mehefin 2015 5 - 7.30pm, pob campws.

Mae’r wybodaeth yn y prosbectws hwn yn gywir adeg ei gyhoeddi.

Page 1Tudalen 8

ACE - Rhagoriaeth Academaidd a DiwylliannolNod y RhaglenACE yw enw rhaglen “galluog a thalentog” Coleg Sir Gâr ar gyfer dysgwyr Safon Uwch. Ei nod yw herio a gwella ein dysgwyr mwyaf galluog i sicrhau eu bod yn cyrraedd eu potensial llawn. Yng Ngholeg Sir Gâr rydym yn sylweddoli bod angen rhaglenni pwrpasol ar yr unigolion hyn sydd wedi’u teilwra ar eu cyfer i helpu i’w cyfeirio tuag at eu prifysgol/gyrfa ddewisol, ac i’r perwyl hwn bydd gan bob dysgwr ei gynllun gweithredu unigol ei hun i’w helpu i gyflawni ei nodau.

Mae gan dîm staff Safon Uwch Coleg Sir Gâr nifer o flynyddoedd o brofiad o weithio gyda rhai o’r prifysgolion gorau yn y wlad a adwaenir fel Prifysgolion Grŵp Russell. Maent wedi gweithio i gynhyrchu rhaglen sydd wedi’i chynllunio i gyfoethogi ac ymestyn dysg ein myfyrwyr mwyaf galluog.

Gofynion mynediad:O leiaf 7 gradd A mewn pynciau TGAU ‘llawn’ penodol. Bydd unigolion sy’n dangos cryfderau arbennig mewn pynciau penodol hefyd yn cael eu gwahodd i fod yn rhan o’r rhaglen.

Ein Cynnig:Caiff dysgwyr ar ein rhaglen ACE eu rhoi yn un o’n grwpiau tiwtor ACE cyn gynted ag y byddant yn dechrau yng Ngholeg Sir Gâr. Byddant yn cael cynllun gweithredu unigol sydd wedi’i gynllunio i herio ac ymestyn eu dysg. Byddant yn cymryd rhan mewn sesiynau gyda’n harbenigwr Rhydychen a Chaergrawnt, Dr Jonathan Padley, a fydd yn helpu i’w tywys, eu paratoi a’u cynorthwyo yn y broses hon, yn ogystal â chael cymorth unigol gan ein staff pynciau arbenigol.

Gweithgareddau’r rhaglenBydd ein dysgwyr ACE yn cael cyfle i gael mynediad i’r ystod ganlynol o weithgareddau. Bydd rhai ohonynt yn rhan o’u cynnig cwricwlwm; bydd eraill yn cael eu rhedeg fel gweithdai/dosbarthiadau meistr a fydd yn cael eu trefnu ar gyfer y nos.• Grwpiau Tiwtorial arbenigol ar gyfer Meddygaeth,

Milfeddygaeth, Deintyddiaeth, Mathemateg, Gwyddoniaeth, Y Gyfraith ac Ieithoedd Tramor Modern

• Sgyrsiau arbenigol ar yrfaoedd gan siaradwyr o brifysgolion• Sgyrsiau pynciau arbenigol gan siaradwyr o brifysgolion• Ysgoloriaethau Llysgennad a bwrsariaethau cysylltiol • Paratoi ac Ymarfer ar gyfer Cyfweliad Prifysgol• Paratoi/Tiwtorialau ar gyfer Arholiadau Mynediad

i Brifysgol - e.e. UKCAT - meddygaeth, BMAT - meddygaeth yn Rhydychen, LNAT (Y Gyfraith), PAT (Ffiseg), STEP (Mathemateg), MLAT (Ieithoedd

Tramor Modern) a HAT (Hanes)

• Cymorth i drefnu cyfleoedd lleoliad gwaith mewn Meddygaeth, Y Gyfraith, Deintyddiaeth, Gwyddor Filfeddygol, Y Cyfryngau, Newyddiaduraeth, Fferylliaeth, Cyfrifeg, Offthalmeg, ac ati

• Ystod eang o Weithgareddau Cefnogi gan gynnwys: Cystadlaethau Dadlau Cenedlaethol, Cystadlaethau World Skills, Gwyddor Amgylcheddol, Cynhadledd Model y Cenhedloedd Unedig a Chystadleuaeth Beirianneg Big Bang

• Diwrnod Agored Prifysgol Rhydychen - ymweliad dros nos• Cymorth i wneud cais ar gyfer Ysgol Haf Ymddiriedolaeth

Sutton a Chynllun Cysgodi Caergrawnt

Tudalen 9Gallwch gael llawer mwy o wybodaeth ar: www.colegsirgar.ac.uk

Tudalen 10 Gallwch gael llawer mwy o wybodaeth ar: www.colegsirgar.ac.uk

SAFON UWCHTeitl Campws Hyd Gofynion Mynediad

Gwyddoniaeth Gymhwysol (Diploma Atodol) Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Celf, Crefft a Dylunio Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg a TGAU Celf Gradd C.

Bioleg Y Graig 2 Flynedd 6 TGAU Graddau A* - C yn cynnwys Cymraeg / Saesneg a Mathemateg. TGAU Mathemateg a Saesneg Gradd B, Gwyddoniaeth Dyfarniad Dwbl (Papur Haen Uwch yn unig) Graddau B B.

Astudiaethau Busnes Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Cemeg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.Mathemateg Gradd B, Gwyddoniaeth Dyfarniad Dwbl (Papur Haen Uwch yn unig) Graddau B B.

Cyfrifiadura Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Dawns (Lefel UG) Y Graig Blwyddyn 6 TGAU Graddau A* - C yn cynnwys Cymraeg / Saesneg neu Fathemateg.

Dylunio a Thechnoleg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Drama Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Saesneg Iaith a Llenyddiaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Saesneg Llenyddiaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Celfyddyd Gain Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg a TGAU Celf Gradd B.

Ffrangeg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg a TGAU Ffrangeg Gradd B.

Mathemateg Bellach Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Mathemateg Gradd A.

Daearyddiaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Daeareg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Llywodraeth a Gwleidyddiaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Graffeg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg a TGAU mewn Celf neu Graffeg Gradd C.

Iechyd a Gofal Cymdeithasol Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Hanes Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg a TGAU Saesneg Gradd B.


SAFON UWCHTeitl Campws Hyd Gofynion Mynediad

Bioleg Ddynol Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Mathemateg a Saesneg Gradd B, TGAU Gwyddoniaeth Dyfarniad Dwbl (Papur Haen Uwch yn unig) Graddau B B.

TGCh Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Y Gyfraith Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Mathemateg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. Mathemateg Haen Uwch, TGAU Mathemateg Gradd B.

Astudiaethau Cyfryngau Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B neu Astudiaethau Cyfryngau Gradd C.

Cerddoriaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Cerddoriaeth Gradd C.

Ffotograffiaeth Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Celf/Graffeg Gradd C.

Addysg Gorfforol Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Ffiseg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.TGAU Mathemateg (Haen Uwch) Gradd B, TGAU Gwyddoniaeth a Gwyddoniaeth Ychwanegol Graddau B a B.

Seicoleg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Mathemateg, Saesneg a Gwyddoniaeth Gradd C neu uwch.

Astudiaethau Crefyddol Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Cymdeithaseg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Saesneg Gradd B.

Sbaeneg Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Sbaeneg Gradd B.

Tecstilau Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Celf / Tecstilau Gradd C.

Cymraeg (2il Iaith) Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg. TGAU Cymraeg Gradd C.

Datblygiad y Byd Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

Bagloriaeth Cymru Y Graig 2 Flynedd 6 TGAU Graddau A* - C yn cynnwys Cymraeg / Saesneg neu Fathemateg.

MyNEDIAD I ADDySG UWCHTeitl Campws Hyd Gofynion Mynediad

Celf a Dylunio Ffynnon Job Blwyddyn Nid oes angen cymwysterau ffurfiol ond mae mynediad yn amodol ar gyfweliad.

Gofal Iechyd Y Graig Pibwrlwyd

Blwyddyn Er nad oes gofynion mynediad ffurfiol, rhaid i’r holl ymgeiswyr ddangos bod eu sgiliau Mathemateg, Gwyddoniaeth a Saesneg Iaith ar Lefel 2 (e.e. Graddau TGAU A*-C neu gyfwerth).

Y Dyniaethau a Gwyddor Gymdeithasol Y Graig Caerfyrddin (PCYDDS) (yn ddibynnol ar y galw)

Blwyddyn Er nad oes gofynion mynediad ffurfiol, rhaid i’r holl ymgeiswyr ddangos bod eu sgiliau Mathemateg a Saesneg Iaith ar Lefel 2 (e.e. Graddau TGAU A*-C neu gyfwerth).

Gwyddoniaeth Y Graig Blwyddyn Er nad oes gofynion mynediad ffurfiol, rhaid i’r holl ymgeiswyr ddangos bod eu sgiliau Mathemateg, Gwyddoniaeth a Saesneg ar Lefel 2 (e.e. Graddau TGAU A*-C neu gyfwerth).



CELF A DyLUNIOTeitl Campws Hyd Gofynion Mynediad

Celf a Dylunio L1 Y Graig Blwyddyn Mae dangos eich bod yn addas mewn cyfweliad a detholiad o waith celf, dylunio neu grefft yn hanfodol.

Celf a Dylunio L2 Y Graig Blwyddyn 4 TGAU gradd D neu uwch neu gymhwyster galwedigaethol L1 mewn Celf a Dylunio (Teilyngdod neu radd uwch).

Celf a Dylunio L3 Y Graig 1 neu 2 Flynedd 5 TGAU gradd C neu uwch, yn cynnwys Mathemateg a Saesneg (neu ailsefyll yn ystod y cwrs).

Mynediad i AU: Celf a Dylunio L3 Ffynnon Job Blwyddyn Nid oes angen cymwysterau ffurfiol ond mae mynediad yn amodol ar gyfweliad.

Ffasiwn L3 Ffynnon Job 2 Flynedd 5 TGAU gradd C neu uwch, yn cynnwys Mathemateg a Saesneg (neu ailsefyll yn ystod y cwrs).

Diploma Sylfaen mewn Celf a Dylunio L3/4 Ffynnon Job Blwyddyn 1 Safon Uwch a 5 TGAU gradd C neu uwch, yn cynnwys Mathemateg a Saesneg (neu ailsefyll yn ystod y cwrs).

PEIRIANNEG FODUROLTeitl Campws Hyd Gofynion Mynediad

Cynnal ac Atgyweirio Cerbydau L1 Pibwrlwyd Blwyddyn Prawf Tueddfryd neu TGAU A-G Saesneg, Mathemateg

Cynnal ac Atgyweirio Cerbydau L2 Pibwrlwyd Blwyddyn Cynnal ac Atgyweirio Cerbydau L2

Cynnal Cerbydau L2 (Estynedig) Pibwrlwyd 1 o 2 Flynedd TGAU Mathemateg, Saesneg a Gwyddoniaeth A-C

Cynnal ac Atgyweirio Cerbydau L3 Pibwrlwyd Blwyddyn Cwblhau VRQ Lefel 2 mewn Peirianneg Fodurol

Cynnal Cerbydau L3 (Estynedig) Pibwrlwyd 2 o 2 Flynedd Cwblhau Diploma Estynedig Lefel 2 mewn Peirianneg Fodurol


yR AMGyLCHEDD ADEILEDIGTeitl Campws Hyd Gofynion Mynediad

Bricwaith Sylfaenol Rhydaman Blwyddyn Diddordeb mewn gweithio fel briciwr.

Gosod Brics L1 Rhydaman Blwyddyn Diddordeb mewn gweithio fel briciwr; cwblhau’r cymhwyster sylfaenol yn llwyddiannus; gallu sylfaenol mewn llythrennedd a rhifedd.

Gosod Brics L2 Rhydaman Blwyddyn Cwblhau cymhwyster lefel 1 yn llwyddiannus; gallu canolig mewn llythrennedd a rhifedd.

Technoleg Adeiladu L3 Rhydaman 2 Flynedd 4 TGAU graddau A i C yn cynnwys Mathemateg a Chymraeg/Saesneg.

Cynllunio Mewnol L3 Rhydaman 2 Flynedd Cymwysterau perthnasol ar Lefel 2.

Gosod Trydanol L1 Rhydaman Blwyddyn Diddordeb mewn gweithio fel trydanwr; 4 TGAU graddau A i D yn cynnwys Mathemateg a Chymraeg/Saesneg.

Gosod Trydanol L2 Rhydaman Blwyddyn Cwblhau cymhwyster lefel 1 yn llwyddiannus; 4 TGAU graddau A i C yn cynnwys Mathemateg a Chymraeg/Saesneg.

Gosod Trydanol L3 Rhydaman 2 Flynedd Cwblhau cymhwyster lefel 2 yn llwyddiannus; 4 TGAU graddau A i C yn cynnwys Mathemateg a Chymraeg/Saesneg.

Peintio ac Addurno Sylfaenol Rhydaman Blwyddyn Diddordeb mewn gweithio fel peintiwr/addurnwr.

Peintio ac Addurno L1 Rhydaman Blwyddyn Diddordeb mewn gweithio fel peintiwr/addurnwr; cwblhau cymhwyster sylfaenol yn llwyddiannus; Gallu sylfaenol mewn llythrennedd a rhifedd.

Peintio ac Addurno L2 Rhydaman Blwyddyn Cwblhau cymhwyster lefel 1 yn llwyddiannus; gallu canolig mewn llythrennedd a rhifedd.

Plastro Sylfaenol Rhydaman Blwyddyn Diddordeb mewn gweithio fel plastrwr.

Plastro L1 Rhydaman Blwyddyn Diddordeb mewn gweithio fel plastrwr; cwblhau cymhwyster sylfaenol yn llwyddiannus; Gallu sylfaenol mewn llythrennedd a rhifedd.

Plastro L2 Rhydaman Blwyddyn Cwblhau cymhwyster lefel 1 yn llwyddiannus; gallu canolig mewn llythrennedd a rhifedd.

Gwaith Plymwr L1 Rhydaman Blwyddyn Diddordeb mewn gweithio fel plymwr; gallu canolig mewn llythrennedd a rhifedd.

Gwaith Plymwr L2 Rhydaman Blwyddyn Cwblhau cymhwyster lefel 1 yn llwyddiannus; diddordeb mewn gweithio fel plymwr; 4 TGAU graddau A i D yn cynnwys Mathemateg a Chymraeg/Saesneg.

Gwaith Plymwr L3 Rhydaman 2 Flynedd Cwblhau cymhwyster lefel 2 yn llwyddiannus; 4 TGAU graddau A i C yn cynnwys Mathemateg a Chymraeg/Saesneg.

Gwaith Saer Sylfaenol Rhydaman Blwyddyn Diddordeb mewn gweithio fel saer coed; 4 TGAU graddau A i C yn cynnwys Mathemateg a Chymraeg/Saesneg.

Gwaith Saer ac Asiedydd L1 Rhydaman Blwyddyn Diddordeb mewn gweithio fel saer coed; cwblhau cymhwyster sylfaenol yn llwyddiannus; Gallu sylfaenol mewn llythrennedd a rhifedd.

Gwaith Saer L2 Rhydaman Blwyddyn Cwblhau cymhwyster lefel 1 yn llwyddiannus; gallu canolig mewn llythrennedd a rhifedd.


BUSNES Teitl Campws Hyd Gofynion Mynediad

Adwerthu a Gweinyddu Busnes L1 Pibwrlwyd Blwyddyn Dangos addasrwydd mewn cyfweliad.

Cyfrifeg gyda Busnes L2/3 Y Graig 2 Flynedd 4 TGAU graddau A-C neu gyfwerth.

Gweinyddu Busnes L2 Pibwrlwyd Blwyddyn 3 TGAU graddau D neu uwch neu gyfwerth.

Gweinyddu Busnes L3 Pibwrlwyd Blwyddyn Cymwysterau Lefel 2 mewn gweinyddiaeth neu gyfwerth. Gellir derbyn myfyrwyr hŷn gyda phrofiad diwydiannol perthnasol.

Busnes L2 Y Graig Blwyddyn 3 TGAU graddau D neu uwch neu gyfwerth.

Busnes L3 Y Graig 2 Flynedd 4 TGAU graddau A-C neu gyfwerth.

Menter L3 Y Graig 2 Flynedd 4 TGAU graddau A-C neu gyfwerth.

GOFAL A GOFAL PLANTTeitl Campws Hyd Gofynion Mynediad

Gofal a Gofal Plant L1 Y Graig Blwyddyn Does dim cymwysterau ffurfiol, mae angen sgiliau Llythrennedd a Rhifedd.

Gofal a Gofal Plant L1 Rhydaman Blwyddyn Does dim cymwysterau ffurfiol, mae angen sgiliau Llythrennedd a Rhifedd.

Iechyd a Gofal Cymdeithasol L2 Y Graig Blwyddyn 2 TGAU graddau C.

Iechyd a Gofal Cymdeithasol L3 - Blwyddyn 1af Y Graig Blwyddyn 6 TGAU graddau C yn cynnwys Mathemateg a Saesneg neu gofrestru ar raglen ailsefyll.

Iechyd a Gofal Cymdeithasol L3 - 2il Flynedd Y Graig Blwyddyn Cwblhau Blwyddyn 1 yn llwyddiannus ac yn briodol.

Gofal Plant L2 Rhydaman Blwyddyn 2 TGAU graddau C.

Gofal Plant L3 Rhydaman 2 Flynedd 5 TGAU graddau C yn cynnwys Mathemateg a Saesneg neu gofrestru ar raglen ailsefyll.


ARLWyO A LLETyGARWCHTeitl Campws Hyd Gofynion Mynediad

Coginio Proffesiynol a Gweini Bwyd L1 Pibwrlwyd Blwyddyn 3 TGAU graddau A-C.

Coginio Proffesiynol a Gweini Bwyd L2 Pibwrlwyd Blwyddyn Cyflawni lefel 1 Coginio Proffesiynol a Gweini Bwyd neu 3 TGAU graddau A-C gyda phrofiad diwydiannol perthnasol.

CyFRIFIADURATeitl Campws Hyd Gofynion Mynediad

Cyfrifiadura a TG L2 Y Graig Blwyddyn O leiaf 4 TGAU graddau D-E neu gyfwerth.

Cyfrifiadura a TG L3 Y Graig 2 Flynedd O leiaf 5 TGAU graddau A*-C neu gyfwerth.

Cyfryngau Rhyngweithiol Creadigol L2 Y Graig Blwyddyn O leiaf 4 TGAU graddau D-E neu gyfwerth.

Cyfryngau Rhyngweithiol Creadigol L3 Y Graig Blwyddyn Cyfryngau Rhyngweithiol lefel 2 neu o leiaf 4 TGAU graddau A* - C.

DIWyDIANNAU CREADIGOLTeitl Campws Hyd Gofynion Mynediad

Celfyddydau Perfformio L2 Y Graig Blwyddyn 2 TGAU graddau A*- C ynghyd â chlyweliad.

Celfyddydau Perfformio L3 Y Graig 2 Flynedd 5 TGAU graddau A*- C yn cynnwys Cymraeg/Saesneg.

Dawns L3 Y Graig 2 Flynedd 5 TGAU graddau A*- C yn cynnwys Cymraeg/Saesneg.

Technoleg Cerdd L2 Y Graig Blwyddyn 2 TGAU graddau A*- C.

Technoleg Cerdd L3 Y Graig 2 Flynedd 5 TGAU graddau A*- C yn cynnwys Cymraeg/Saesneg.

Cynhyrchu yn y Cyfryngau Creadigol L2 Y Graig Blwyddyn 2 TGAU graddau A*- C.

Cynhyrchu yn y Cyfryngau Creadigol L3 Y Graig 2 Flynedd 5 TGAU graddau A*- C yn cynnwys Cymraeg/Saesneg.

Celfyddydau Cynhyrchu L3 Y Graig 2 Flynedd 5 TGAU graddau A*- C yn cynnwys Cymraeg/Saesneg.


PEIRIANNEGTeitl Campws Hyd Gofynion Mynediad

Peirianneg Gyffredinol L1 Y Graig Blwyddyn O leiaf 4 TGAU graddau F-G neu gyfwerth.

Peirianneg Gyffredinol L2 Y Graig Blwyddyn O leiaf 4 TGAU graddau D-G, gydag o leiaf graddau D mewn Mathemateg a Saesneg, neu gyfwerth.

Gweithrediadau Peirianneg L2 Y Graig Blwyddyn O leiaf Tystysgrif Estynedig BTEC Lefel 2 mewn Peirianneg ynghyd â 4 TGAU, graddau D-E gydag o leiaf graddau D mewn Mathemateg a Saesneg.

Peirianneg Fecanyddol L3 Y Graig 2 Flynedd O leiaf 4 TGAU graddau A*-C (yn cynnwys Mathemateg a Saesneg) neu gyfwerth.

Peirianneg Drydanol/Electronig L3 Y Graig 2 Flynedd O leiaf 4 TGAU graddau A*-C (yn cynnwys Mathemateg haen uwch a Saesneg) neu gyfwerth.

Ffabrigo a Weldio L2 Y Graig Blwyddyn O leiaf 3 TGAU graddau A*-D (yn cynnwys Saesneg / Cymraeg Iaith 1af a Gwyddoniaeth, gyda Mathemateg gradd C neu uwch) neu gyfwerth.

Ffabrigo a Weldio L3 Y Graig Blwyddyn O leiaf Tystysgrif City and Guilds Lefel 2 mewn Peirianneg neu gyfwerth.

Peirianneg Drydanol/Electronig - Rhaglen Uwch L3 Y Graig 2 Flynedd O leiaf 5 TGAU graddau A*-C (yn cynnwys Mathemateg haen uwch a Saesneg) neu gyfwerth.

Peirianneg Fecanyddol - Rhaglen Uwch L3 Y Graig 2 Flynedd O leiaf 5 TGAU graddau A*-C (yn cynnwys Mathemateg a Saesneg) neu gyfwerth.

LEFEL MyNEDIADTeitl Campws Hyd Gofynion Mynediad

Camau i Lwyddiant Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.

Cyflwyniad i Goleg LPE Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.

Cynnydd Personol LE1 Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.

Sgiliau ar gyfer Annibyniaeth a Gwaith LE2 Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.

Sgiliau ar gyfer Gwaith LE3 Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.

Datblygiad Personol a Chymdeithasol E3 / L1 Rhydaman Blwyddyn Ddim yn berthnasol. Penderfynir ar y lefel trwy asesiadau LSP a diagnostig.


SyLFAEN LEFEL 1Teitl Campws Hyd Gofynion Mynediad

Cyn Sylfaen Y Graig Blwyddyn O leiaf lefel mynediad 2 mewn llythrennedd a rhifedd.

Dyfarniad Sylfaen L1 Y Graig Blwyddyn 2 TGAU ar unrhyw radd neu 1 TGAU ac wedi cwblhau’r cwrs Cyn Sylfaen neu gwrs lefel 1 arall.

TRIN GWALLT, HARDDWCH A THERAPÏAU CyFLENWOLTeitl Campws Hyd Gofynion Mynediad

Trin Gwallt L1 Y Graig Blwyddyn Dangos addasrwydd mewn cyfweliad.

Trin Gwallt L1 Pibwrlwyd Blwyddyn Dangos addasrwydd mewn cyfweliad.

Trin Gwallt L2 Y Graig Blwyddyn Cwblhau NVQ lefel 1 mewn trin gwallt neu dystysgrif trin gwallt ar lefel 2 a phrofiad perthnasol.

Trin Gwallt L2 Pibwrlwyd Blwyddyn Cwblhau NVQ lefel 1 mewn trin gwallt neu dystysgrif trin gwallt ar lefel 2 a phrofiad perthnasol.

Trin Gwallt L3 Y Graig Blwyddyn Cwblhau NVQ lefel 2 mewn trin gwallt.

Trin Gwallt L3 Pibwrlwyd Blwyddyn Cwblhau NVQ lefel 2 mewn trin gwallt.

Therapi Harddwch L1 Y Graig Blwyddyn Dangos addasrwydd mewn cyfweliad.

Therapi Harddwch L1 Pibwrlwyd Blwyddyn Dangos addasrwydd mewn cyfweliad.

Therapi Harddwch L2 Y Graig Blwyddyn Cwblhau NVQ lefel 1 mewn Therapi Harddwch neu 3 TGAU gradd D neu uwch.

Therapi Harddwch L2 Pibwrlwyd Blwyddyn Cwblhau NVQ lefel 1 mewn Therapi Harddwch neu 3 TGAU gradd D neu uwch.

Therapi Harddwch L3 Y Graig Blwyddyn Cwblhau NVQ/VRQ lefel 2 mewn Therapi Harddwch.

Therapi Cyflenwol L3 Y Graig Blwyddyn Dangos addasrwydd mewn cyfweliad, 17 oed neu hŷn gyda 3 TGAU gradd D neu uwch.

Gwasanaethau Ewinedd L2 Pibwrlwyd Blwyddyn Cwblhau NVQ lefel 1 mewn Therapi Harddwch neu 3 TGAU gradd D neu uwch.


ASTUDIAETHAU AR DIRTeitl Campws Hyd Gofynion Mynediad

Amaethyddiaeth L1 Y Gelli Aur Blwyddyn Does dim gofynion mynediad ffurfiol ar gyfer y cymhwyster hwn.

Amaethyddiaeth L2 Y Gelli Aur Blwyddyn yn llawn amser neu 2 Flynedd yn rhan-amser

Cymhwyster Lefel 1 neu 2 TGAU.

Amaethyddiaeth L3 Y Gelli Aur 1 neu 2 Flynedd Pedwar TGAU A* - C neu gymhwyster Lefel 2 mewn pwnc perthnasol.

Peirianneg Amaethyddol L1 Y Gelli Aur Blwyddyn Does dim gofynion mynediad ffurfiol ar gyfer y cymhwyster hwn.

Peirianneg Amaethyddol L2 Y Gelli Aur Blwyddyn yn llawn amser neu 2 Flynedd yn rhan-amser

Cymhwyster Lefel 1 neu 2 TGAU.

Peirianneg Amaethyddol L3 Y Gelli Aur 1 neu 2 Flynedd 5 TGAU graddau A* - C yn cynnwys Mathemateg neu gymhwyster Lefel 2 mewn pwnc perthnasol.

Astudiaethau Anifeiliaid L1 Pibwrlwyd Blwyddyn Does dim gofynion mynediad ffurfiol ar gyfer y cymhwyster hwn.

Gofal Anifeiliaid L2 Pibwrlwyd Blwyddyn Cymhwyster Lefel 1 neu 2 TGAU.

Rheolaeth Anifeiliaid L3 Pibwrlwyd 1 neu 2 Flynedd Pedwar TGAU A* - C neu gymhwyster Lefel 2 mewn pwnc perthnasol.

Rheolaeth Cefn Gwlad L3 Y Gelli Aur 1 neu 2 Flynedd Pedwar TGAU A* - C neu gymhwyster Lefel 2 mewn pwnc perthnasol.

Gofal Ceffylau L2 Pibwrlwyd Blwyddyn Cymhwyster Lefel 1 neu 2 TGAU.

Rheolaeth Ceffylau L3 Pibwrlwyd 1 neu 2 Flynedd Pedwar TGAU A* - C neu gymhwyster Lefel 2 mewn pwnc perthnasol.

y GWASANAETHAU CyHOEDDUSTeitl Campws Hyd Gofynion Mynediad

Gwasanaethau Cyhoeddus L1 Y Graig Blwyddyn 2 TGAU graddau D - G.

Gwasanaethau Cyhoeddus L2 Y Graig Blwyddyn 2 TGAU graddau A*- C.

Gwasanaethau Cyhoeddus L3 Y Graig 1 neu 2 Flynedd 5 TGAU graddau A*- C. yn cynnwys Cymraeg/Saesneg neu Fathemateg.

CHWARAEON, TEITHIO A THWRISTIAETH AC ADDySG AWyR AGOREDTeitl Campws Hyd Gofynion Mynediad

Chwaraeon L1 Y Graig Blwyddyn Does dim gofynion mynediad ffurfiol ar gyfer y cymhwyster hwn.

Chwaraeon L2 Y Graig Blwyddyn 2 TGAU graddau A*-C.

Gwyddor Chwaraeon L3 Y Graig 2 Flynedd 5 TGAU graddau A*-C yn cynnwys Cymraeg/Saesneg a / neu Fathemateg a / neu Wyddoniaeth (Dyfarniad dwbl).

Datblygiad Chwaraeon L3 Y Graig 2 Flynedd 5 TGAU graddau A*-C yn cynnwys Cymraeg/Saesneg a / neu Fathemateg.

Teithio a Thwristiaeth L2 Y Graig Blwyddyn 2 TGAU graddau A*-C.

Teithio a Thwristiaeth L3 Y Graig 2 Flynedd 5 TGAU graddau A*-C.

Antur Awyr Agored L3 Y Graig 2 Flynedd 5 TGAU graddau A*-C (Cymraeg/Saesneg fyddai orau).



Rhaglenni dysgu sy’n eich galluogi i ddysgu wrth ennill cyflog yw prentisiaethau. Rhaid i chi fod yn gyflogedig i gael mynediad i brentisiaeth, er mae’n bosibl y gallai’r Coleg eich helpu i ddod o hyd i swydd brentisiaeth wag. Mae prentisiaethau’n rhoi cyfle i chi weithio i gyflogwr go iawn, ennill cyflog go iawn a chael cymhwyster go iawn wrth ennill profiad a sgiliau gwerthfawr ar gyfer y gweithle. Manteision allweddol Prentisiaeth: • Ennill cyflog (Rhaid i bob prentis dderbyn yr isafswm

cyflog cenedlaethol priodol)• Cael eich talu yn ystod gwyliau• Derbyn hyfforddiant • Ennill cymwysterau (Rhaid i bob Prentisiaeth fod o leiaf 12

mis o ran hyd a dylai arwain ar gymhwyster cenedlaethol) • Dysgu sgiliau penodol i’r swydd

Ar ôl gorffen, bydd y rhan fwyaf o brentisiaid (85%) yn parhau mewn cyflogaeth, gyda dwy ran o dair ohonynt (64%) yn aros gyda’r un cyflogwr. Roedd traean (32%) o’r holl gyn-brentisiaid wedi cael dyrchafiad o fewn 12 mis i orffen, ac o’r rheiny oedd mewn gwaith, roedd tri chwarter (75%) yn nodi eu bod wedi derbyn mwy o gyfrifoldeb yn eu swyddi. Mae cyflogwyr o’r farn bod prentisiaid cymwys 15% yn fwy cyflogadwy na’r rheiny â chymwysterau eraill.

Prentisiaeth Sylfaen - Lefel 2 (cyfwerth â phump TGAU, graddau A-C) Gall unrhyw un dros oed gadael ysgol ddechrau Prentisiaeth Sylfaen. Nid oes unrhyw gymwysterau mynediad a bennir o flaen llaw, ond bydd angen i weithwyr fod â sgiliau darllen, ysgrifennu a rhifo sylfaenol. Bydd angen iddynt hefyd fod yn frwdfrydig ac yn ymrwymedig o fewn

eu maes galwedigaethol gan ddangos awydd i ddysgu a datblygu ochr yn ochr ag anghenion y busnes. Bydd y prif gymhwyster/gymwysterau a gyflawnir ar Lefel Ganolradd 2, fel arfer dros gyfnod o 18 - 24 mis a hynny trwy gyfleoedd rhyddhau am y dydd i’r coleg, ochr yn ochr â gweithgareddau yn y gweithle gyda chymorth staff y coleg, yn dibynnu ar y llwybr galwedigaethol a ddewisir.

Prentisiaeth - Lefel 3 (cyfwerth â dau bas Safon Uwch) Mae’r rhaglen Brentisiaeth yn rhaglen dysgu a datblygiad ar Lefel 3 sy’n ddelfrydol ar gyfer gweithwyr cyflogedig sydd ag elfen o gyfrifoldeb o fewn rôl eu swydd, neu sy’n ymgeisio am gyfrifoldeb o’r fath. Weithiau gall dysgwyr ymuno â Phrentisiaeth Lefel 3 yn syth pan fyddant yn gadael yr ysgol. Fel arall gallant symud ymlaen o’r rhaglen Prentisiaeth Sylfaen Lefel 2 neu efallai bydd cyfle i weithiwr cyflogedig ymuno â rhaglen Brentisiaeth Lefel 3 i barhau i ddatblygu ei sgiliau o fewn ei swydd bresennol.

Gallai rhaglen hyfforddi’r Brentisiaeth gymryd rhwng 18 mis a 2 flynedd, yn dibynnu ar y llwybr galwedigaethol a rolau swydd y gweithiwr. Mae’n cynnwys fframwaith o ddeilliannau a gyflawnir trwy gyfleoedd rhyddhau am y dydd i’r coleg, ochr yn ochr â gweithgareddau yn y gweithle gyda chymorth staff y coleg, yn dibynnu ar y llwybr galwedigaethol a ddewisir.

Prentisiaethau Uwch - Lefel 4Mae Prentisiaethau Uwch yn rhaglenni lefel prifysgol (Lefel 4) ar gyfer gweithwyr proffesiynol sydd am ddatblygu sgiliau uwch yn y gweithle.

Bydd angen i weithwyr cyflogedig fod yn 18 oed neu’n hŷn ac yn gweithio mewn swydd oruchwyliol neu swydd reoli. Byddant yn ennill cymhwyster galwedigaethol Lefel 4 a fydd felly’n galluogi dysgwyr i symud ymlaen drwy astudio’n rhan-amser, gan weithio ar yr un pryd, yr holl ffordd hyd at Radd neu Radd Sylfaen.

PRENTISIAETHAU

Pwnc CampwsCyfrifeg PibwrwlydAmaethyddiaeth Y Gelli AurY Diwydiant Modurol PibwrlwydHarddwch Y Graig a PhibwrlwydBusnes a Gweinyddiaeth Y Graig a PhibwrlwydArlwyo a Lletygarwch PibwrlwydAdeiladu RhydamanGweithrediadau Lleoliad Diwylliannol a Threftadaeth

Y Graig

Gwasanaeth Cwsmer Y GraigGosod Trydanol RhydamanPeirianneg Y GraigCeffylau PibwrlwydFfasiwn a Thecstilau Ffynnon JobTrin Gwallt Y Graig a PhibwrlwydIechyd a Gofal Cymdeithasol Y Graig Cynnal Priffyrdd RhydamanTechnoleg Gwybodaeth Y GraigPeirianneg Gwasanaethau ar Dir Y Gelli AurRheolaeth PibwrlwydGwaith Plymwr RhydamanWeldio a Ffabrigo Y Graig


Nod Hyfforddeiaeth yw rhoi i bobl ifanc y sgiliau sydd eu hangen arnynt i symud ymlaen naill ai i brentisiaeth, addysg bellach neu i fyd gwaith. Mae’r rhaglen Hyfforddeiaethau yn cynnig hyfforddiant pwrpasol a chyfleoedd profiad gwaith i baratoi pobl ifanc ar gyfer byd gwaith neu ddysgu pellach.

Cynigir Hyfforddeiaethau ar dair lefel wahanol i sicrhau eu bod yn canolbwyntio ar ofynion yr unigolyn, a’u bwriad yw cefnogi’r unigolyn a’i annog i symud ymlaen. Dyma’r lefelau:

Cam YmgysylltuMae’r Rhaglen hon ar gyfer y dysgwyr hynny nad ydynt yn siŵr beth maent am wneud fel gyrfa a/neu sydd â rhwystrau penodol sydd yn eu hatal rhag mynd ati’n syth i weithio neu ddilyn ffurf eraill o ddysgu. Bydd y rhaglenni’n cynnwys cwrs ysgogol, lleoliad gwaith a hyfforddiant yn y Coleg i gael y dysgwr yn barod ar gyfer byd gwaith a/neu symud ymlaen i ddysgu pellach. Bydd yr hyfforddiant yn cynnwys Sgiliau Hanfodol, adeiladu hyder a sgiliau chwilio am waith. Mae’r coleg yn talu Lwfans Hyfforddi o £30 yr wythnos i ddysgwyr am fod yn bresennol am 21 awr yr wythnos.

Caiff lleoliadau gwaith neu sesiynau rhagflas eu trefnu gan y Coleg i helpu’r dysgwyr gyda’u rhaglen a bydd y Coleg yn cynnig yr holl gefnogaeth, cymorth mentora ac arweiniad sydd eu hangen ar y dysgwyr er mwyn symud ymlaen i Gymhwyster Lefel 1.

Hyfforddeiaethau - Lefel 1Mae’r Rhaglen hon ar gyfer dysgwyr sydd eisoes yn gwybod pa yrfa y byddent yn hoffi ei dilyn ac sy’n barod i hyfforddi ar y lefel hon neu sydd wedi symud ymlaen yn naturiol o’r opsiwn ymgysylltu. Bydd y llwybr hwn hefyd yn cynnwys lleoliadau gwaith gyda chyflogwyr a hyfforddiant yn y Coleg yn arwain at NVQ Lefel 1 ym maes dewisol y dysgwr. Bydd y dysgwyr yn derbyn £50 yr wythnos (Lwfans Hyfforddi) a delir gan y Coleg. Bydd lleoliadau gwaith yn cael eu trefnu gan y Coleg fel rhan o’r cwrs.

Pont i Fyd GwaithMae’r Rhaglen hon yn unig ar gyfer pobl ifanc sy’n barod ar gyfer gwaith llawn amser, sydd wedi cwblhau’r opsiwn lefel 1 ac sydd yn dal i fod yn gymwys ar gyfer Hyfforddeiaeth. Mae’r gwaith dysgu wedi’i alinio â’r fframwaith prentisiaeth ym maes galwedigaethol dewisol y dysgwr, a bydd y dysgwr yn mynychu’r coleg ar un diwrnod yr wythnos i ddilyn y Fframwaith Lefel 2 a bydd mewn lleoliad gwaith am 4 diwrnod.

Caiff y cyflogwr ei annog i gynnig gwaith i’r dysgwr unwaith y mae’r dysgwr wedi cwblhau 10 wythnos o’i raglen.

HyfforddEiAEtHAu (Rhaglen Cyn Prentisiaeth)

Teitl Campws

Gosod Brics Rhydaman

Gweinyddu Busnes Pibwrlwyd

Gwaith Saer Rhydaman

Arlwyo Pibwrlwyd

Adeiladu Rhydaman

Gwasanaeth Cwsmer Pibwrlwyd

Peirianneg Y Graig

Trin Gwallt Pibwrlwyd a’r Graig

Cerbydau Modur Pibwrlwyd

Peintio ac Addurno Rhydaman

Plastro Rhydaman

Adwerthu Pibwrlwyd

Weldio Y Graig

mae coleg sir gâr yn goleg addysg bellach mawr · cyfle i ymgymryd ag ymchwiliad unigol. mae’r...

Documents