nissedal kommune - webhotel3.gisline.no

Nissedal kommune

Planomtale

Reguleringsplan

for

Langmoen motorsportsenter Nissedal kommune

Godkjent i Nissedal kommunestyre sak 057/15, 10.09.15 Planid: 2015002

2 /13

Reguleringsplan Langmoen motorsportsenter

Tittel

Reguleringsplan for del av Gaukåsen gnr. 45 bnr. 14

Prosjekt Nr.

5015

Prosjektnamn

Langmoen motorsportssenter

Sider

13

Prosjekttype

Reguleringsplan - motorsport

Dato

02.06.2015

Prosjektansvarleg

Sveinung Seljås

Oppdragsgjevar

Nissedal kommune

Samandrag

Planen gjeld detaljregulering av ein del av gnr. 45 bnr. 14 – Gaukåsen. Grunneigar er Hege Lindsholm. Området er lagt ut til byggeområde – idrettsanlegg framtidig, her motorsport, i gjeldende arealdel av kommuneplanen for Nissedal. Det er sett krav om godkjent reguleringsplan før området kan utviklast i samsvar med vedteke arealføremål. Kommunen har her utarbeidd eit forslag til slik reguleringsplan. Planområdet ligg på Langmoen, like ved rv41 og fylkesgrensa mot Aust-Agder. Området ligg i sørenden av ei større samanhengande lausmasseavsetjing (elveavsetjing), der geologi, topografi og vegetasjon er nær einsarta. Planprosessen har ikkje avdekt arealbrukskonfliktar for den planlagde bruken av området for tema som kulturminne, biologisk mangfald, landbruk, friluftsliv eller samfunnstryggleik. Planføremålet legg derimot opp til aktivitetar som vil gje negative verknader på nærområda utanfor planområdet. Dette gjeld i fyrste rekke støyforureining. Reguleringsforslaget har som førermål å legge til rette for ei framtidig utvikling av området brukt som motorsportssenter. Dette har høg prioritet som eit aktivitetsfremjande tiltak særleg for ungdom. Samstundes er det gjennom reguleringsføresegnene søkt å avbøte ulempene av tiltaket. Dette kjem til uttrykt både som krav om fysiske tiltak for støyreduksjon, og som tidsavgrensingar for når området kan brukast.

3 /13


Innhald

1 BAKGRUNN .............................................................................................................................4

2 PLANPROSESS OG MEDVERKNAD .....................................................................................5

2.1 Planvarsel..................................................................................................................................5 2.2 Gjennomførte undersøkingar ....................................................................................................5 2.3 Innkomne førehandsmerknader ................................................................................................5 2.4 Møte med partar i saka .............................................................................................................6 2.5 Bruk av samanliknbare planar...................................................................................................7

3 PLANOMTALE .........................................................................................................................8

3.1 Kartgrunnlag ..............................................................................................................................8 3.2 Generelt om arealet ..................................................................................................................8

Landskap ...................................................................................................................................8

Vegetasjon ................................................................................................................................8

Grunntilhøve ..............................................................................................................................8

Naturverdiar/ biologisk mangfald ..............................................................................................9

Dyreliv .......................................................................................................................................9

Friluftsliv ....................................................................................................................................9

Jord- og skogbruk .....................................................................................................................9

Kulturminne ...............................................................................................................................9

Eksisterande bygningar .............................................................................................................9

4 PLANLØYSINGAR, VURDERINGAR ................................................................................... 10

4.1 Utbyggingsomfang ................................................................................................................. 10 4.2 Landskapsverknadene ........................................................................................................... 10 4.3 Klubbhus ................................................................................................................................ 10 4.4 Parkering ................................................................................................................................ 10 4.5 Vegar ...................................................................................................................................... 10 4.6 Avkøyring - frisiktssoner ......................................................................................................... 10 4.7 Støyvoll ................................................................................................................................... 11 4.8 Tekniske anlegg ..................................................................................................................... 11 4.9 Omsynssone støy .................................................................................................................. 11 4.10 Omsynet til born og unge ....................................................................................................... 12 4.11 Særleg vudrering etter Naturmangfallslova §§ 8 og 12 ......................................................... 12 4.12 Samfunnstryggleik og beredskap ........................................................................................... 12

4 /13


1 BAKGRUNN

På ein del av eigedomen Gaukåsen, gnr 45 bnr. 14, blei det ved rulleringa av kommuneplanens arealdel i 2014 lagt inn eit område for framtidig idrettsanlegg – motorsportssenter (pbl §11-7 2.ledd nr 1). Området, ca 150 dekar, ligg på Langmoen vest for rv41 like nord for fylkesgrensa mot Aust-Agder, sjå kartutsnittet under.

Utsnitt av arealdelen for Nissedal

I planføresegn 2.6 i kommuneplanen blei det sett krav om reguleringsplan (detaljregulering) før utbygging her kan finne stad. Nissedal formannskap vedtok 21.08.14 (sak 101/14) å starte planprosessen med å utarbeide ein slik plan. Vilkåra som blei sett for å gjennomføre prosessen, var at det blei lagt fram ein langsiktig leigeavtale mellom grunneigar (Hege Lindsholm) og Åmli og Nissedal motorklubb, og at plankostnadene, medrekna ei kostnadsdeling mellom Nissedal og Åmli blei avklara i dei respektive budsjettprosessane for 2015 i dei to kommunane.

Desse vilkåra blei innfridde. Partane fekk hausten 2014 i stand ein avtale om leige av aktuell grunn i 30 år, frå 01.01.2015, sjå vedlegg. Nissedal kommunestyre avsette i budsjettet for 2015 netto kr 90 000 til planarbeidet, og etter søknad er det løyvd ein tilsvarande sum frå Åmli kommune.

Nissedal kommune v/plankontoret har tatt på seg arbeidet med å framstille reguleringsplanen.

5 /13


2 PLANPROSESS OG MEDVERKNAD

2.1 Planvarsel

Varsel om oppstart av planarbeidet blei annonsert på kommunens heimeside og i VTB og Åmliavisa, og sendt lokale og regionale sektorstyresmakter, samt naboar ( i avstand 0-2,5 km, ca 40 stk) i januar 2015. Fristen for å kome med innspel/ merknader til planarbeidet blei sett til 01.03.15.

2.2 Gjennomførte undersøkingar

Kulturminneregistrering På bestilling frå Nissedal kommune utførte Telemark fylkeskommune, team kulturminnevern, arkeologisk registrering av området i tidsromet 14.08.-20.08.2014. Det blei ikkje påvist automatisk freda kulturminne i planområdet. Det blei heller ikkje påvist nyare tids kulturminne. Rapporten ligg som vedlegg her.

Støyberekningar Vinteren 2015 engasjerte Nissedal kommune firmaet Sinus AS for å gjere vurderingar av støy frå eit framtidig motorsportssenter på Langmoen. Det blei bedt om vurderingar av støy frå seks ulike aktivitetar; bilcross, gocart, ATV, snøskuter, motorcross og modellbilbane. Vurderingane er samla i ein rapport med tilhøyrande støysonekart for kvar av dei seks nemnde aktivitetane. Karta syner at eitt av bustadhusa, Ekra g/bnr 29/4 i Åmli kommune, blir liggande innanfor nedre gul sone for støy for to av aktivitetane, motorcross og bilcross. Ekra er eit småbruk som i dag blir nytta som fritidsbustad. Rapporten konkluderer med at det bør gjennomførast støyreduserande tiltak for denne buplassen. Rapporten ligg som vedlegg her.

2.3 Innkomne førehandsmerknader (sjå vedlegg)

Agder Energi Nett AS melder at tiltaket ikkje kjem i konflikt med AE Netts anlegg. Skal det førast fram straum til planområdet, vil kostnadene kunne bli betydelege. Kommentar: Innspelet er tatt til vitande. Frå motorsportsklubben har det kome tilbakemeldingar om at ny kontakt med AE Nett gir håp om anleggskostnader for straumframføring innom rammer som kubben kan bere. Telemark Fylkeskommune skriv at det er gjennomført ei arkeologisk registrering av planområdet utan at det er gjort funn. Fylkeskommunen ber om at kravet om arbeidsstans og varsling ved eventuelle funn, jf.kulturminnelova §8 2.ledd, blir innarbeidd i planføresegnene. Strandsoner er verdifulle fellesareal, og det blir bedt om at det blir lagt opp ein god buffer til vassdrag. Kommentar: Det er tatt omsyn til desse innspela i plankartet (50 m brei sone mot vassdrag) og i planføresegnene (§ 2.3). Johanne Vejrup, eigar av nabotomt 45/146, protesterer mot motorsportssenter-planane. Som eigar av tidlegare Gaukås stasjon er ho etter eige utsegn, alt påført store ulemper, helsemessig og økonomisk frå naboskapen med renovasjonsselskapet IATAs avfalls- og slamdeponi, utan nokon form for erstatning frå Nissedal kommune. Då stasjonsbygningen brann ned, blei forsikringssummen ikkje reinvestert i nytt bygg her, ut frå kor usikker situasjonen då og i framtida såg ut til å bli med omsyn til luktplage. Vejrup kan difor ikkje godta ny etablering som ytterlegare forringar tomta som bustadtomt. Skal ho haldast skadeslaus, krev ho eigedomen 45/146 innløyst for kr 250 000.

6 /13


Kommentar: Tomta til Vejrup er ikkje ein del av planområdet. Avstanden mellom yttergrense av planområdet og tomta er derimot under 40 m, men der rv41 ligg mellom. Det blir ikkje tilrådd å innleie forhandlingar om innløysing av-, eller erstatning for tomta nå. Ved ei eventuell plangodkjenning, vil Vejrup kunne setje fram krav om erstatning etter pbl §15-3. Summen kr 250 000 må likevel seiast å vere for høg. Eigar har sjølv avskrive arealet som byggegrunn for bustad. Det må og leggast til at Vejrup har mottatt ei eingongserstatning frå IATA IKS for luktproblema, fastsett etter rettsforlik. I tillegg er arealet mellom IATA og motorsportssenteret i kommuneplanen avsett til kommunalteknisk område, naturbasert reinseanlegg med biodammar. Ei erstatning/innløysing vil difor måtte ha fleire årsaksgrunnar. Tomta ligg i raud støysone for både bilcross og motorcross.

Fylkesmannen i Telemark viser til arealdelen i kommuneplanen der området er lagt ut til motorsportsaktivititetar. Den varsla utbygginga er såleis i samsvar med overordna plan. Fylkesmannen ber om at det blir gjort ei vurdering av planforslaget i høve til §§8-12 i naturmangfaldlova. Støyproblematikken må avklarast gjennom faglege støyberekningar og kartfesting av støysoner. Det blir og bedt om ei vurdering av kva potensiell lukt frå avfallsanlegget på Langmoen kan ha å seie for den tenkte etableringa. Elles ventar Fylkesmannen at planforslaget vurderer landskapsverknadene av tiltaket og at samfunnstryggleik og beredskap blir avklara i ei enkel risiko- og sårbarhetsanalyse. Kommentar: Planforslaget har tatt til drøfting dei tema Fylkesmannen ber om. Eksternt firma har utarbeidd rapport med støyberekningar og tilhøyrande støysonekart. For dei andre tema er omtalen utarbeidd i eigenregi, på bakgrunn av lokalkunnskap og nett/ litteratursøk om emna. Statens vegvesen føreslår ei samlokalisering av avkøyringane frå rv41 for eksisterande avkøyring til IATA og til det framtidige motorsportssenteret i ei felles avkøyring om lag der det i dag ligg ei driftsavkøyring til eksisterande mindre grustak. Vegvesenet minner og om at byggegrensa på 50 m mor rv41 må haldast. Kommentar: Dagens avkøyring til IATA er klart uheldig. Det er ikkje tvil om at ei samlokalisering vil vere ønskeleg ut frå eit trafikksikringsperspektiv. Ei ny avkøyring på strekninga sør for Gaukås stasjon, bør likevel ikkje problematiserast for mykje. Her vil sikttilhøva bli særs gode. At ei ny avkøyring gir utfordringar med tanke på forbikøyringar, er nok rett, men vegstrekninga Haugsjåsund – Øy av rv41 er ikkje kjent for å mangle forbikøyringsmogleghetar. Det avgjerande for at ei samlokalisering ikkje kan la seg gjennomføre, og som vegvesenet venteleg ikkje har fanga opp, er den framtidige bruken av dette mellomarealet. Dette området er undersøkt og funne svært veleigna som utbyggingsareal for eit naturbasert reinseanlegg med biodammar. Vegbygging til IATAs anlegg over dette området vil lett kunne øydelegge/forstyrre desse planane. NVE har som innspel lagt ved ei generell sjekkliste ved utarbeiding av reguleringsplan – for tema innanfor NVEs forvaltingsområde. Kommentar: Sjekklista er brukt, og dei tema som her er aktuelle, er omtala i planforslaget.

2.4 Møte med partar i saka

Åmli og Nissedal motorklubb 24.04. hadde kommunen eit møte med representantar for Åmli og Nissedal motorklubb. Før møtet hadde klubben sendt inn ei illustrasjonsskisse (vedlagt) som syner korleis området er tekt utnytta. Skissa er lagt til grunn ved føremålsavgrensingane i plankartet. Motorklubben fekk utlevert støysonekarta. I drøftingane kom det fram at klubben ønskjer minst mogeleg restriksjonar for tidsrom området kan brukast, men heller vil prioritere støyskjermande tiltak som støyvollar/gjerde etc.

7 /13


Lilly og Per Strand, eigar av småbruket Ekra g/bnr 29/4 i Åmli Kommunen hadde møte med Lilly og Per Strand 06.05., med etterfylgjande synfaring. Framlagt støykart syner at huset på småbruket blir liggande i nedre gul støysone både for bilcross og motorcross. ( I miljøverndepartementets Retningslinjer for behandling av støy i arealplanlegging, T-1442 er denne sona definert som ei vurderingssone der nye bygg kan oppførast dersom det kan dokumenterast at avbøtande tiltak gir tilfredsstillande støytilhøve.) Eigarane var opptatt av at det blei stilt plankrav om at slike tiltak blir gjennomført. Men slike avbøtande tiltak måtte ikkje bare avgrensast til fysiske støyhinder. Like viktig vil det vere å få på plass bindande føresegner som avgrensar tidsromet området kan brukast.

2.5 Bruk av samanliknbare planar

Det er gjort ein del nettsøk for eventuelt å hente ut tips frå tilsvarande planprosessar/ vedtak i andre kommunar. Bybergsanden motorcrossbane i Sola kommune, sist revidert plan i 2014, Jomås motorcrossbane i Froland kommune og Rugsland motorsportssenter i Birkenes kommune kan nemnast særskild i høve til utforming av reguleringsføresegnene.

Flyfoto over planområdet

8 /13


3 PLANOMTALE

3.1 Kartgrunnlag

Det ligg føre digitale data frå fkb-geovekstkartlegging med høgdekote generert frå laserdata, ekv. 1 m for området. Dette er nytta som kartgrunnlag.

3.2 Generelt om arealet

Landskap

Planområdet er del av ei større elvegrusavsetjing på austsida av Nidelva, i sørenden av denne. Terrenget her er tilnærma flatt, men med ei svak helling frå nord mot sør/vest, frå kote 167 moh til kote 162 moh. Avgrensinga i vest og sør går mot markerte forsenkingar langs Nidelva og Sandbekk, ca 10 m, medan avgrensinga i aust mot rv41 og i nord mot område for infiltrasjon, ligg på same terrengnivå.

Vegetasjon

Området har einsarta furuskog på middels bonitet. Mesteparten av skogen er avverka for 5-10 år sidan. Her står det igjen frøtre. I det nord/austre hjørnet står det eit furubestand av yngre produksjonsskog. Botnsjiktet er i dag dominert av reinlav og tytebærlyng, innblanda tuver av røsslyng. Det er ikkje feltsjikt i nokon av skogsuksessjonane.

Grunntilhøve

Grunnen i planområdet består av grus, sand og siltmasser. Grunnboringar like nord for området har synt lausmassedjupn på meir enn 25 m. Heilt nordvest i planområdet kjem grunnfjellet opp i dagen (Knivstekollen).

9 /13


Naturverdiar/ biologisk mangfald

Søk på Miljødirektoratets nettstad naturbase.no gir ikkje treff på registreringar innan verneområde, naturtypar, MIS eller sjeldne eller truga artar, (men på framande artar, lupin).

Dyreliv

Det ligg ikkje føre kjende registreringar av viltinteresser i området.

Friluftsliv

Det er ikkje registrert organisert friluftslivsaktivitetar i planområdet. Om hausten er området derimot jamt besøkt av tytebærplukkarar. Det er lett tilkomst, lett terreng for rørslehemma og eldre, og etter hogst har nok også bærmengda auka.

Jord- og skogbruk

I all hovudsak er skogen i planområdet avverka. I tråd med reguleringsføremåla, vil også mesteparten av den skogen som står igjen, måtte fjernast. Det vil oppstå eit økonomisk tap ved at avverkinga her vil skje på skog som ikkje er hogstmogen, men kvantum og areal er avgrensa. Arealet er i DMK registrert som dyrkingsjord, sjølvdrenerande. Svakt næringsinnhald, tynt humus/jordlag, tørkesvakt og frostlendt tilseier at arealet har liten alternativ verdi som nytt jordbruksareal.

Kulturminne

Det er ikkje gjort funn av automatisk freda kulturminne, heller ikkje nyare tids kulturminne. Området har neppe i historisk tid hatt menneskeleg aktivitetar ut over hausting av bær og avvirking av skog.

Eksisterande bygningar

Det er ikkje, og har heller ikkje, så langt ein kjenner til, vore bygningar i planområdet.

10 /13


4 PLANLØYSINGAR, VURDERINGAR

4.1 Utbyggingsomfang

På eit overordna nivå (kommuneplan) er området funne interessant og veleigna for planføremålet. I den vurderinga blei det vesentleg vektlagt at området ikkje hadde nær busetjing av noko omfang, og at det i området alt var etablert verksemd (IATA) og planlagt etablert verksemd (kommunalt naturbasert reinseanlegg med biodammar frå avløpsnett for store delar av Nissedal kommune) som gjorde området mindre eigna for ny bustadbygging. Eitt av høyringsinnspela går på at den innbyrdes naboskapen mellom motorsportssenteret og dei kommunaltekniske anlegga også kan by på utfordringar. Det er kjent at det i periodar har vore luktproblem knytt til avfallsanlegget, særleg frå drifta av biogassanlegget (metan). Dette ser nå ut til å vere løyst. Opne slamlaguner vil normalt bare gje luktspreiing ved omrøring eller rask tilførsel av slam. Dette bør kunne avpassast til tider der motorsportssenteret har få eller ingen brukarar/ publikum. Den vedlagte illustrasjonsskissa syner ei kompakt utbygging med ei høg utnyttingsgrad. Utbygginga vil likevel kunne skje etappevis. Det vil vere ein fordel, både med tanke på driftsøkonomien til klubben, men og med tanke på å trekke erfaringar frå redusert driftsomfang.

4.2 Landskapsverknadene

Tiltaket blir liggande i eit stort ope landskapsrom, i botnen av dette. Avstanden frå planområdet på ca 160 moh og til der terrenget stig til høger opp mot 500 moh er i aust-vest retning 0,4-1,5 km og i nord-sør retning 1,5-2,5 km. Tiltaket vil difor ikkje kunne gje silhuett-verknader, og vil bare vere synleg frå høgareliggande terreng på lang avstand. På nær avstand vil landskapsverknadene bli lite synlege, og dette vil forsterkast av rask vegetasjons-etablering. Planlagt støyvoll mot rv41 vil til dømes etter få år ha tett furuforynging, jf. bilda som syner kor villig furua spirer på denne marktypen.

4.3 Klubbhus

I samsvar med illustrasjonsskissa er det i plankartet sett av eit område til framtidig klubbhus. Arealet som er avsett er ca 1 dekar. Planen har ingen føresegner for utforminga av dette bygget. Ut frå at det ikkje vil ha naboar som kan seiast å bli direkte rørd av tiltaket, vil dei generelle lovkrava i plan-og bygningslovas kap. 29, Krav til tiltak, gje tilstrekkeleg styring med estetisk utforming og tekniske krav til bygget.

4.4 Parkering

Illustrasjonsskissa syner eit parkeringsareal på 3,5 dekar. I plankartet er dette noko utvida slik at arealet til parkering ikkje er 20 m, men 30 m breitt. Eit slikt parkeringsareal-behov vil bare oppstå ved større publikumstilstellingar. Behovet er difor usikkert. Det vil likevel vere rett å avsette eit betydeleg areal til parkering. Etter ein faktor med 20 m2 pr plass, gir det planavsette arealet plass til i overkant av 250 personbilar.

4.5 Vegar

Det er planlagt tilkomstveg frå rv41 og inn til parkeringsplassen og til området for klubbhus. Dimensjonerande vegbreidde er 5,0 m. Avkøyringskurvene mot riksvegen er planlagt med radius 15,0 m. Terrenget er sjølvdrenerande slik at det ikkje er behov for å leie grøftevatn ut av området.

4.6 Avkøyring - frisiktssoner

Planforslaget inneheld ei ny avkøyring frå riksvegen (rv41). Denne er lagt heilt nord i planområdet, i direkte tilknyting til parkeringsarealet, publikumsområdet og klubbhuset. Dagens driftsavkøyrsel ca 200 m sør for den nye, blir stengt. Det nye avkøyringspunktet har

11 /13


fri sikt i begge retningar over ei strekning på ca 400 m. Det er regulert inn siktsoner på 6x115 meter.

Ved avkøyringa, sett nordover Ved avkøyringa, sett sørover

4.7 Støyvoll

Langs rv41 i heile planens utstrekning vil det bli bygd ein støyvoll. Arealet som er avsett har ei breidde på 20 m. Det er ikkje fastsett kor høg denne vollen skal vere, men ut frå tilgangen til lausmasser, vil det ikkje vere unaturleg å tenke seg ein 2 m høg voll. Vollen bør ikkje ha brattare skråning enn 1:2 for å få til ei god re-vegetering, og toppen bør planerast av i ei tilnærma 1 m brei flate. Breidda i botnen vil då bli minimum 9,0 m. På strekninga lengst sør i planområdet kan det bli aktuelt å bygge eit tett plankegjerde på toppen av støyvollen, som ekstra støyskjerming mot småbruket Ekra. Alternativt kan ei slik støyskjerming i form av eit tett plankegjerde bli sett opp på grunn til g/bnr 45/14 nærare eigedomsgrensa mot Ekra. Det kan ikkje takast stilling til desse alternativa før det er gjort ei ny fagleg vurdering av tiltaka. Ei slik fagleg vurdering ligg inne som rekkefylgjekrav i planføresegnene.

4.8 Tekniske anlegg

Det er ønske om høg sanitærteknisk standard, vatn og avløp, og straum til planområdet (klubbhuset). Alt av leidningsnett skal leggjast i bakken. Det er likevel avsett eit mindre areal ved klubbhuset som areal for teknisk infrastruktur (renovasjon, straum, vatn, avløp).

4.9 Omsynssone støy

Heile planområdet ligg i omsynssone støy. Planen legg difor sterke avgrensingar på kva arealet her kan nyttast til. Også område utanfor planavgrensinga blir liggande i omsynssoner for støy. Ved rullering av kommuneplanen, vil desse omsynssonene bli synt i plankartet.

4.10 Omsynet til born og unge

Det er ikkje kjent at området tidlegare har vore i bruk av born og unge. Bornas representant i plansaker har gitt positiv uttale til forslaget om eit motorsportssenter her. Politisk har det vore

12 /13


brei semje om at ei tilrettelegging for aktivitetar retta mot eit mindre organisert segment av ungdomsgruppa skal prioriterast. Dette gjeld både for Nissedal og Åmli kommunar. Responsen på forslaget om motorsportsanlegg har synt at det er ein betydeleg interesse i den aktuelle aldersgruppa for å kome i gang, men at dette som venta ikkje har ført til eit tilsvarande engasjement i den meir formelle planprosessen.

4.11 Særleg vurdering etter Naturmangfallslova §§ 8 til 12.

Planforslaget er i samsvar med overordna plan, Planen kjem ikkje i konflikt med viktige vilt, fisk, botaniske eller geologiske interesser. Desse søka har ikkje avdekka funn som vil kome i konflikt med dei føreslegne arealføremåla. § 8. Kunnskapsgrunnlaget. Sjølv om det ikkje er gjort ei biologisk-mangfaldundersøking spesifikt for dette planområdet, er den generelle kunnskapen om den naturtypen området representerer godt kjent. Dette gjeld både med tanke på artsmangfaldet og den økologiske tilstanden. Dette, halde opp mot manglande funn i dei nemnde databasane, leier til konklusjonen om at kunnskapsgrunnlaget om området er tilfredsstillande. § 9. Føre – var – prinsippet. Kommunen meiner å ha eit såpass godt bilde av tiltaket, med dei fylgjer dette får, at ”føre - var – prinsippet” ikkje er ei aktuell problemstilling. § 10. Økosystem – samla belastning. Planområdet utgjer ein mindre del av eit større, samanhengande økosystem. Tilsvarande økosystem finnast langs Nidelva både nord og sør for Langmoen. Sett på bakgrunn av dette blir skadeverknadene av ei omregulering avgrensa. Arealbruken vil og i stor grad vere reversibel. § 11. Kostnader ved ”ytre” miljøtiltak må berast av utbyggjar. Dersom det oppstår situasjonar som krev ”ytre” tiltak for å hindre eller avgrense skade på naturmangfaldet skal utbyggjar i prinsippet ta kostnadene med desse. Det er i reguleringsplanen lagt opp til at det ikkje skal oppstå noko som krev slike avbøtande tiltak. § 12. Miljøforsvarlege driftsteknikkar og metodar. Det er lagt opp til fellesanlegg for handtering av avløpsvatn og avfall. Ved byggeløyve for eit eventuelt verkstadbygg, vil det t.d. bli stilt krav om oljeavskiljar. Ut over dette vil drifta av motorsportssenteret gje utfordringar med omsyn til punktutslepp av drivstoff, olje og frostvæske m.m., samt plast og metallavfall frå køyretøy. Nærleiken til IATAs avfallsdeponi og spesialavfallsmottak, legg til rette for at dette kan handterast forsvarleg.

4.12 Samfunnstryggleik og beredskap

Nettsidene nve.atlas viser at området korkje er flaum- eller skredutsett eller utsett for annan naturfare. Området er ikkje undersøkt for radon, men etter TEK10 er det krav om avbøtande tiltak (radonsperre, lufting m.m.) for alle nye bygg der det ikkje er dokumentert at radonstrålinga frå grunnen ligg under fastsette grenseverdiar. Det er ikkje andre naturgitte tilhøve/ tilhøve med omgjevnaden som er ein risiko for samfunnstryggleiken. Planforslaget vil gje ny avkøyring til rv41. Området er oversiktleg. Tiltaket kan ikkje føre til redusert samfunnstryggleik utover kva trafikkauken av tiltaket elles vil tilseie. Motorsport vil vere ein risikosport. Faren for ulykker med skade på materiell så vel som person er til stades. For å få bruksløyve, må området oppfylle alle offentlege krav til sikringstiltak. Dette vil bli fylgd opp i byggesaka, men blir her lagt til grunn for konklusjonen om at samfunnstryggleiken er ivaretatt. God og nok opplæring vil vere førebyggande, lett tilgang til fyrstehjelpsutstyr og redningsutstyr vil kunne avgrense skadene av ei ulykke.

13 /13


Sjekkliste - Risiko og sårbarhetsundersøking

Emne Tilhøve eller uønska hending Vurdering

Nei Ja/ merknad

Naturgitte tilhøve

Er området utsett for snø- eller steinskred? X

Er området utsett for flom i elv/bekk, medrekna lukka bekk? X

Er det radon i grunnen? Ikkje undersøkt.

TEK10-krav om byggtekniske tiltak

Infrastruktur Vil utilsikta/ ukontrollerte hendingar som kan inntreffe på nærliggande transportårer, utgjere ein risiko for området?

X Låg trafikk-mengde. Oversiktleg, rett vegstrekning

Vil utilsikta/ukontrollerte hendingar som kan inntreffe i nærliggande verksemder (industriføretak etc.), utgjere ein risiko for området?

X Uaktuelt

Dersom det går høgspentliner ved/gjennom området:

påverkast området av magnetisk felt frå elektrisk liner?

X Planområdet har ikkje høgspentline

Tidlegare bruk

Er det mistanke om forureining i grunnen frå tidlegare verksemder?

X

Omgjevnader Er det regulerte vassmagasin i nærleiken, med spesiell fare for usikker is?

X

Er det naturlege terrengformer som utgjer særleg fare (stup e.l.)?

X

Anna X

nissedal kommune - webhotel3.gisline.no

Documents