punim diplome - edukimi.uni-gjk.org duzhmani.pdf · mosha e tokës është përcaktuar nga matja e...
TRANSCRIPT
Universiteti i Gjakovës “Fehmi Agani“
Fakulteti I Edukimit
Programi: Parashkollor
PUNIM DIPLOME
Tema:Toka dhe ndotësit e tij
Mentori: Kandidati/ja:
Prof.ass.Dr. Skender Beqa Besarta Duzhmani
Gjakovë, 2018
2
Përmbajtja
MIRËNJOHJE.................................................................................................................................................3
ABSTRAKT.....................................................................................................................................................4
HYRJE............................................................................................................................................................5
1. TOKA.........................................................................................................................................................6
1.1 Ndërtimi i brendshëm i Tokës....................................................................................................7
1.1.1 Ndërtimi i brendshëm i Tokës........................................................................................8
1.2Përbërja e tokës..........................................................................................................................9
2.PROBLEMET DHE KËRCENIMET NDAJ TOKËS.........................................................................................10
2.1 Degradimi i tokës....................................................................................................................10
2.2 Ndotja e tokës..........................................................................................................................11
2.3 Pasojat nga ndotja e tokës.......................................................................................................12
3. SFIDAT MJEDISORE GLOBALE.................................................................................................................13
4. PRESIONET NË MJEDIS...........................................................................................................................14
4.1 Mbetjet urbane të ngurta........................................................................................................15
4.2 Mbetjet industriale..................................................................................................................16
4.3Kimikatet ..................................................................................................................................17
5. METODA E MENJANIMIT TË MBETURINAVE.........................................................................................18
6. SITUATA MJEDISORE NË KOSOVË..........................................................................................................19
6.1 Zonat e mbrojtjes të natyrës në Kosovë................................................................................20
6.2 Rezervatet strikte të natyrës....................................................................................................21
6.3 Parqet kombëtare....................................................................................................................21
6.4 Monumentet e natyrës............................................................................................................22
PLANI I ORËS MËSIMORE……………………………………………………...…………………….……………….………………………23
PËRFUNDIMI…………………………………………………………………………………………………………..…..…..……………………25
LITERATURA……………………………………………………………………..………………………………………………………….……….26
3
Mirënjohje dhe Falenderime
Për të realizuar këtë temë diplome kam gjetur suport dhe mbështetje nga njerëz që dëshiroj t’ju
shpreh mirënjohen time të përzemërt. Së pari dua të falenderoj profesorin e nderuar
Prof.dr.ass Skender Beqa I cili më ofroi një mbështetje të madhe profesionale me orientime,
sugjerime dhe këshilla të herëpasherëshme duke më lehtësuar peshën e punës.
Falenderoj veçanërisht miket e mija të cilat më stimuluan për të vazhduar deri në finalizimin e
këtij proçesi të gjatë.
Për ta mbyllur dua të falenderoj përsonin më të veçantë Nënën time që gjendet gjithmonë
pranë meje dhe është mbështetja ime më e madhe
Përgjithmonë mirënjohëse!!
4
Abstrakt
Mjedisi në një farë mënyre përfaqëson vetë njeriun. Ai pasqyron jetën e njeriut si një liber i
hapur. Mjedisi është gjysma e jetës sonë në momentin që lind e deri kur vdes njerëzit janë në
kontakt të pandërprerë me mjedisin. Ne nga ai marrim të gjitha elementet e nevojshme për jetën.
Natyra na ka falur një të mirë të jashtëzakonshme. Mjedisi do të thotë rrethinë. Toka, uji, ajri,
bimët, kafshët, hedhurinave të ngurta dhe gjëra të tjera që janë përreth na përbëjnë mjedisin tonë.
Njeriu dhe mjedisi janë të ndërthurura ngushtë me njëra-tjetrën, për të ruajtur ekuilibrin në
natyrë. Në mënyrë të ngjashme shkencëtarët socialë referohen mjedisin social, kulturor,
ekonomik dhe organizativ. Prandaj mjedisi mund të përkufizohet si "shuma e të gjitha faktorëve
social, kulturor, ekonomik, biologjik, fizik dhe kimik që rrethojnë 'njeriu' për të dhënë mbrojtjen
e nevojshme të tij". Dy llojet e mjedisit që mund të vijnë të gjithë. Njëra është mjedisi natyror i
ajrit, ujit, mbeturinave të ngurta, zhurmat, rrezatimi, toka, druri, kafshë të egra dhe hapësirë të
jetesës etj e dyta është njeriu mjedisi që merret me mjedisin e punës, strehimin, teknologji,
estetikë, transportit , shërbimet komunale, shlyerja, urbanizimi dhe kështu me radhë. Kështu,
njeriu është vendosur si një pjesë e rëndësishme e ekosistemit globale, e cila varet nga ai sa ai
varet nga kjo. Prandaj, ekziston një lidhje e ngushtë midis njeriut dhe mjedisit. Si cdo gjë tjetër të
mirë ne ia kuptojme rëndesine vetëm në castin kur e humbasin. E njëjta gjë po ndodh edhe me
mjedisin. Pak e nga pak mjedisi po shkatërrohet dhe nuk po i plotëson të tëra nevojat tona. Në të
ardhmen nuk do të mund të plotësoje pothuajse asnjë nga këto nevoja.
Fjalët kyçe: toka, mjedisi,njeriu, ndotja e tokës, shëndeti etj.
5
Hyrje
Toka ku ne jetojme dhe zhvillojm veprimtaritë tona është mjaft e rëndesishme. Pa të nuk mund të
ketë jetë ashtu si dhe uji. Toka është e rrezikuar nga ndotja. Të njëjtët faktorë që ndotin ujin e
ajrin e ndotin edhe tokën. Nga ana tjeter toka është e rrezikuar edhe nga humbja e shtresës së
sipërme që përdoret prej njeriut për zhvillimin e bujqësise, blegtorisë.
Humbja e saj vjen nga fenomeni I shpyllëzimit, erozionit, ndryshimit të temperaturave etj. Jo të
gjithë njerëzit e insitucionet veprojne njëlloj ndaj mjedisit. Disa zhvillojn veprimtari mbrojtëse
ndërsa të tjerë e shfrytëzojn në menyrat me barbare. Ruajtja dhe kujdesi për mjedisin nuk është
vetëm një detyrim shoqëror, por mbi të gjitha është dhe një përgjegjësi individuale. Mjedisi është
i të gjithëve dhe të gjithë duhet ta mbrojn. Shoqëria si në vendin tone ashtu edhe në mbarë botën
po përballet me problem të mëdha që lidhen me mjedisin si: ndotja, prishja e ekuilibrave të
ekosistemeve, shfrytezimi pa kriter I burimeve natyrore etj. Ndotja e mjedisit: është futja e
drejtpërdrejtë ose e tërthortë e lëndeve, vibracioneve, energjisë, nxehtësise, rrezatimit, zhurmave
të cilat e ndryshojn cilësine e mjedisit e të jetës.
Kujdesi për mjedisin jetësor është mision i pakthyeshëm, I çdo banori në planetin tokë. Bëhet e
qartë se natyra për çdo ditë na dërgon sinjale për rrezikun që na kanoset nga shfrytzimi I gabuar I
mjedisit jetësor.
Njeriu si qenie më e zhvilluar jetësore vazhdimisht kërkonin ndryshime, punë më të lehtë dhe një
jetë më të mirë. Kështu, me anë të arritjeve të tij gjatë gjithë jetës në fushën e modernizimit të
teknikës dhe teknologjisë, pothuajse ka harruar të veproj në parandalimin ndotjes mjedisore, të
cilat efekte tashmë janë duke paguar brezat e sotëm. Duke iu nënshtruar rrezikimit të shëndetit të
tij nga llojet e ndryshme të ndotjes si të ujit, ajrit, ushqimit, etj.
Ndotjet shtesë dhe shkatrrimet të shkaktura nga luftërat dhe stuhitë të cilat lënë prapa pasoja
shkatërrimtare si për botën bimore dhe shtazore. Duhet të besojmë se nuk ka shëndet të mirë pa
ujë të pastër, ajër të pastër dhe ushqim të shëndetshëm.
„Për në natyrën e vërtetë të gjërave, në qoftë se ne me të drejtë i konsiderojmë, çdo pemë e gjelbër është
shumë më e shkëlqyer se sa nëse do të ishte bërë prej ari dhe argjendi“ (Martin Luther)
6
1. Toka
Toka është planeti i tretë i sistemit tonë diellor. Toka është rreth 4.57 miliardë vjet e vjetër, dhe i
vetmi planet në sistemin tonë diellor ku është zhvilluar jeta. Toka ka vetëm një satelit
natyror: Hënën. Toka peshon 6.000 miliard ton dhe është afër 40.000km rreth ekuatorit. Edhe
mosha e tokës është përcaktuar nga matja e moshës së njeriut prej këtyre meteorëve, të cilët sipas
supozimit janë pjesë e sistemit diellor dhe kanë të njëjtën moshë me tokën.
Aristoteli me zënien e hënës në të pa një hark dhe mendoi dhe tha se toka ka forme të
rrumbullaket mirëpo i pari që e vërtetoi se toka është e rrumbullaket ishte Fernando Magelani i
cili udhëtoi me anije rreth tokës. Toka ka formë elipsoide. Si pasojë e rrotullimit të tokës rreth
boshtit të vet Toka është deformuar ashtu që në dy polet e saj është e shtypur dhe ka marrë
formën e një elipsoidi i tillë që rrafshi që e pret Tokën sipas paraleleve pret një rreth ndërsa
rrafshi që e pret sipas meridianëve pret një elipsë.
Forma elipsoide e tokës është marr nga dy polet e saj Veriu dhe Jugu sepse forca e gravitetit që e
kishte zbuluar shkencëtari anglez Isaac Neëton ushtrohen në të dy polet pra forca gravitacionale
e veriut kundërvepron me forcën e gravitetit të jugut ose anasjelltas për këtë arsye toka nuk ka
formë plotesisht rrethore por elipsoide. Madhësia e tokës është rreth 510.000.000 km² dhe 370
milion km² (71%) prej tyre janë të mbuluara me ujë kurse 150 milion km² (29%) janë të
mbuluara me tokë. Rrethi i ekuatorit të tokës është pak më i madh se 40.000 km. Rrezja
ekuatoriale është 6.378 km kurse ajo polare 6.357 km.
Forma më e saktë e Tokës është apioide (në formë dardhe), me ndihmën e satelitëve artificialë
dhe të atyre gjeodetë është konstatuar se shtypshmëria në pole nuk është e njëjtë. Është
konstatuar se gjysmëboshtet polarë nuk e kanë gjatësinë e njëjtë. Sipas këtyre të dhënave, forma
e vërtetë e Tokës i ngjanë dardhës (apioide) ose formës së zemrës (kardioide).
Toka rrotullohet rreth boshtit të vet dhe rreth diellit. Rrotullimi rreth boshtit të vet që sjell
ndryshimin e ditës dhe të natës quhet Rotacion. Rrotullimi rreth Diellit quhet Revolucioni si
pasojë kemi ndërrimin e stinëve të vitit. Rruga të cilën e përshkon toka quhet Orbit.
7
1.1 Ndërtimi i brendshëm i Tokës
➢ Korja e Tokës ose Litosfera
➢ Mbështjellsi i bërthamës (ose mantia, manteli)
➢ Bërthama e Tokës.
8
Korja e Tokës ose Litosfera
Litosfera (Korja e Tokës, greq. litos -shkëmb) paraqet mbështjellësin e jashtëm të ngurtë me
trashësi mesatare afro 70 km. Shprehja “kore” ka burimin nga hipoteza kozmogjene e disa
mendimtarëve sipas të cilëve Toka është krijuar nga një materie e zjarrtë, me ftohjen e së cilës u
formua shtresa e ngurtë. Dallohen dy tipa të Korës së Tokës: tipi kontinental dhe oqeanik.
Korja kontinentale ndërtohet nga tri sfera:
• sedimentare
• granite
• bazike.
Ndërsa ajo oqeanike ndërtohet nga:
• sedimentare
• llavat jastekore
• dajkat paralele
• gabrot masive
Mbështjellsi i Bërthamës
Shtrihet ndërmjet korës se tokës e bërthamës , quhet ndryshe edhe "Mantia", që në greqisht do të
thotë veshje e jashtme. Prej litosferës e ndan shtresa "Moho", në të cilën rritet dendësia e
materies, temperatura dhe shtypja atmosferike.
Mbeshtjëllsi i bërthames ose mantia është rreth 2919;km e trashë dhe përbëhet nga elementet
silici dhe magnezi dhe e quajmë gjeosfera SIMA.
Në mbështjëllsin e bërthames gjendet nënshtresa e quajtur astenosfer që është labile dhe
mendohet se nga këtu e kanë prejardhjen termetet dhe vullkanet. Ai gjendet nën koren e tokës
dhe është i përberë kryesisht nga shkembinj të ngurtë, shkembinjë të shkrirë ose magme.
Bërthama e Tokës
Shtrihet në brendësië e Tokës, që fillon në thellësi 2900 km më një rreze 3500 km. Sypozohet se
bërthama përbëhet nga dy pjesë, nga bërthama e brendshme dhe bërthama e jashtme. Gjetja
për temperaturen e Tokës në thellësi të saj gjendet me formulen (t-temperatura) (h-lartesia ne m)
t=1:3 h+a
9
1.2 Përbërja e tokës
Toka është një sistem kompleks, ku ndodhin proceset vendimtare biologjike, kimike dhe
gjeologjike. Përberësit e tokës janë: materiet minerale, materiet e vdekura organike, ajri, uji,
rrënjet dhe edafoni.
Materiet minerale- gjenden në tokë në formë të grimcave (thërrmijave) me madhësi të
ndryshme. Fraksionet më të vogla përbejn mineralet koloide të silikateve, aluminit dhe
hekurit. Koloidet e tokës e absorbojn O2, ujin dhe nutrientet dhe kështu krijojn habitate për
mikroorganizmat e tokës.
Materiet organike- krijohen nga mbetjet e pjesëve të vdekura të bimëve, shtazëve dhe
mikroorganizmave që dekomozohen në tokë. Ky përbehet nga proceset mikrobiologjike dhe
fizio-kimike që në fund prodhojn humusin që është pjesërisht në gjendje koloidale. Humusi
favorizon rritjen e bimëve të larta për shkak të aftësive për absorbimin e ujit si dhe
absorbimin dhe shkëmbimin e materieve minerale.
Tretesirat ujore e tokës- përbëhet nga uji me materiet minerale dhe organike të tretura në të
dhe në të gjitha gazet. Uji mbahet në tokë përmes forcave kapilareve.
Ajri i tokes- përben ajrin i cili në tokë mbush hapësirat e lira ndërmjet grimcave të ngurta të
dheut. Gazet më te shpeshta jane: N2, O2 dhe CO2. Ajri i dheut zakonisht është i ngopur më
avull uji dhe përmban 10herë më shumë CO2 sesa ajri i atmosferës.
Edafoni- të gjithë organizmat e gjallë që jetojn në dhe e krijojn edafonin dhe atë e përbejn:
bakteriet, algat njëqëlizore, kërpurdhat, bimët vaskulare dhe shtazët. Më një fjalë edafoni e
përben biodiversitetin e dheut. Në sipërfaqen e 30cm të një hektari tokë, mesatarisht gjenden
25ton organzima që jetojn në dhe. Dallojm makro, mezo dhe mikrobotën. Mikrobiota nuk
shihen me sy dhe janë: virus, baktere, prozota kërpudha dhe alga njëqelizore. Mezobiota janë
me madhësi 0.2-2mm ku bëjne pjesë nematodet, morrat e bimëve, shumëkendshit, insektet pa
krahë etj. Makrobiota janë me madhësi 2mm: krimbat e dheut, insektet, urithët, brejtësit etj.
10
2. Problemet dhe kërcenimet ndaj tokës
2.1 Degradimi i tokës
Degradimi i tokës përfshin humbjen fizike të tokës (erozioni) si dhe zvogëlimin e kualitetit të
shtresës së epërme të saj të shoqëruar me zvoglimin e nutrientëve dhe kontaminimin. Kjo ka për
pasojë ndikimin në kualitetin e tokës bujqësore, implikmet për mjedisin urban dhe vërshimet.
Shkaqet kryesore të degradimit të tokës janë: mbikullotja me 35%, shpyllëzimi me 30%,
aktivitetet bujqësore me 28% etj.
Erozioni i tokës- është proces që ka të bejë me heqjen dhe zhvendosjen e materialeve të tokës
nga agjentë siq janë ujërat dhe erërat. Erozioni i tokës mund të përshpejtohet edhe nga aktivitetet
njerëzore që e ekspozojnë tokën ndaj ndikimit të shiut apo të erës apo që rrisin shpejtësin ose
sasin e rrjedhjeve të reshjeve në humbjen e produktivitetit të tokës dhe rrethinen ku ndodh.
Mirëpo pasojat mund të vërehen edhe shum larg vendit ku ndodh . Ku dheu i eroduar bllokon
rrjedhat ujore dhe rrit rrezikun nga vërshimet. Erozioni zakonisht ndikon ne prodhimin e të
korrave duke zvogëluar thellësin e rrënjeve, duke levizur ushqimin e bimëve, nganjëherë duke
crrenjosur bimë dhe pemë
Acidifikimi i tokës-është një proces që është i rënduar së fundmi nga aktivitetet njerëzore përmes
shkarkimeve të përbërsve të sulfurit dhe azotit nga djegia e lëndeve fosile dhe nga proceset
industriale. Ndikimi kryesor i acidifikimit në mjedis është kullimi i lëndeve përbërse në sipërfaqe
të tokës dhe në ujërat nëntokësore, aktivitetet i mikrobeve e posaqërisht i zbërthyesve të
ekosistemit zvogëlohet e me këtë edhe dekompozimi dhe krijimi i nutrientëve kjo ndikon në
rritjen e bimëve.
Ngjeshja- shkaktohet nga efektet përsëritëse dhe grumbulluese të makinerive të rënda në të
njëjtin vend të tokës ose nga shkelja e tokës nga bagëtit kur ajo është në gjendje të lagur. Një
tjetër efekt i ngjeshjes së tokës është rritja e sasisë së ujit që rrjedh në sipërfaqe, pasi nën efektin
e ngjeshjes kullon gjithënje e më pak ujë për në brendësi të tokës. Kjo rrit rrezikun e erozionit
ujor dhe qon në humbjen e shtresës së punueshme dhe të lëndëve ushqyese.
11
2.2 Ndotja e tokës
Definohet si futje në përbërjen e saj të komponimeve të qëndrueshme organike, kimikateve,
kripërave, materialeve radioaktive ose agjentëve biologjike që kanë efekte të dëmshme për rritjen
e bimëve ose shëndetin e kafshëve. Ndodh zakonisht gjatë tërmeteve, rrëshqitjeve të tokës,
uraganeve dhe vërshimeve. Format më të shpeshta të ndotjes së tokës janë: ndotja me metale të
rënda, pesticide dhe ndotësit organik, ndotja me nitratë e fosfate dhe ndotja me lëndë radioaktive.
➢ Ndotja me metale të rënda- metalet e rënda janë të pranishme në tokë dhe në
koncentrime të vogla nuk janë toksike, madje disa prej tyre edhe kërkohen në sasira të
vogla nga bimët. Burimet e ndotje së tokës me metale të rënda janë të ndryshme: nga
depozimet atmosferikë, deponimi i mbeturinave si dhe aplikimet drejtpërsëdrejti në tokë
permes plehërimit dhe përdorimit të pesticideve.
➢ Ndotja me pesticide dhe nodëtesit organik- pesticidet janë substanca ose përzirje
substancash që gjatë përdorimit në bujqësi për të mbrojtur prodhimet dhe për të siguruar
cilësi më të mirë, e ndotin tokën drejtpërdrejt duke ndikuar në organizmat e që banojn në
të. Pesticide mund të jenë substanca kimike , agjentë biologjike (baketerie, virus) ose
mikrobial dhe dezinfektues që përdoren kundër dëmueseve. Grupet kryesore të
pesticideve janë: fungicidet që përdoren për luftimin e kërpuradhe: herbicidet që përdoren
kundër bimëve të këqija: insekticidet që përdoren kundër insekteve dhe rodenticidet për
kontrollimin e brejtësve.
➢ Ndotja me nitrate dhe fosfate- azoti dhe fosfori janë elemente thelbësore apo
makroelemente për të gjitha format e jetës janë të lidhura me sistemin e tokës dhe
organizmat ushqyëse. Pavarësisht se janë elemente të rëndësishme ushqimi për bimët
përdorimi i tepruar i tyre mund të qojë në ngopjen e tokës me azot dhe fosfat dhe si
pasojë rrjedh ndotja e ujërave nëntokësore.
➢ Fosfori grumbullohet në shtresën e sipërme të tokës në zonat me densitet të lartë të jetës
së gjallë. Në tokat e ngopura fosfori me densitet të lartë sidomos në tokat që kanë ujëra
nëntokësorë përqëndrimi i fosforit kalon në shtresën e sipërme të ujërave nëntokësore dhe
në ujërat sipërfaqësore duke e quar në eutrifikim.
➢ Azoti problemi i ndotjes së nitratit njihet në mbarë botën dhe zakonisht është i lidhur me
praktikat e forta bujqësore. Praktikat e mira zvogëlojnë problemin e ndotjes me nitratë
dhe fosfate
12
2.3 Pasojat nga ndotja e tokës
Ndotja e tokës paraqet një rrezik të madh për shëndetin e njërezve për ekosistemet dhe
ekonomin.
Efektet në shëndet- vërehen përmes kontaktit direkt të njeriut me ndotësit e tokës (shtëpitë,
parqët, shkollat etj) pasojat varen nga ekspozimi në ndotje, llojin e ndotësve, rrugën e helmimit
dhe ndjeshmërinë e organizmit. Kështu shumë pesticide kanë efekte kanceregjone por edhe
incidence të lartë të dëmtimit të mëlqise. Plumbi pb tregon rrezikshmërin tek fëmijet e vegjël
duke shkaktuar dëmtime në zhvillimin e trurit.
Efektet në ekosistem- ndotësit e tokës kanë pasoja edhe në ekosistem. Ka ndryshime radikale
kimike që vijnë nga prezenca e ndotësve të tokës madje edhe në përqëndrime shumë të vogla për
speciet e ekosistemit. Këto ndryshime manifestohen në ndryshimet metabolike në organizëm që
jetojnë në ekosisitemin tokësorë. Një rast i tillë është kur koncetrimet e dikoro-difentil-
trikloretanit DDT (e cila përdoret si insekticid por tek shpendët shkakton dobësimin e gëzhojës
së vezëve) mund të qojnë tek rritja e shkallës së vdekshmërisë së shpendëve e madje edhe
zhdukjen e llojeve
Efektet në ekonomi- zakonisht reflektohen në tokat bujqësore që i nënshtrohen në ndotje.
Ndotësit zakonisht ndërhyjnë në metabolizimin ë bimëve duke shkaktuar zvogëlimin e të
ardhurave bujqësore.
13
3. Sfidat mjedisore globale
Ndotja e mjedisit është dukuri që e shoqëron njeriun që nga paraqitja e tij në natyrë mirpo nivelet
e saj kanë ardhur duke u rritur gradualisht me zhvillimin e njerëzimit. Sot janë një numër
qështjesh që lidhen me ndotjen e mjedisit e që kanë marrë përmasa globale si : ngrohja globale
dhe ndryshimet klimatike, acidifikimi, varfërimi i shtresës së ozonit, ndotja e detrave dhe
oqeaneve, ndotjet ndërkufitare të ajrit, ujit, tokës, humbja e diversitetit etj.
4.1 Ngrohja globale dhe ndryshimet klimatike
Ngrohja globale i referohet rritjes së temperaturës në planetin Tokë në një periudhë të caktuar.
Një tjetër kuptim i ngrohjes globale është ai i një hipoteze sipas të cilës ngrohja e Tokës vjen si
pasojë e përdorimit nga njeriu të lëndëve fosile. Ndryshimet klimatike në Tokë kanë ndodhur me
cikle të caktuara gjatë gjithë historisë së planetit, përfshirë ardhjen dhe largimin e akullnajave në
epokat e akullta përkatëse.
Ngrohja globale shkaktohet nga gazet e dëmshëm si dyoksidi i karbonit i cili shkaktohet nga
makinat, fabrikat etj. Ky gaz formon një shtresë në atmosferë e cila lejon deportimin e rrezeve të
diellit në tokë por nuk lejon daljen e tyre mbi sipërfaqen e tokës. Kjo gjë shkakton ngrohje të
menjëhershme të tokës duke shkrirë akullnajat ku jetojnë gjallesa si arinjtë polar, pinguinët, fokat
14
4. Presionet në mjedis
Njeriu përmes aktiviteteve të tijë qoftë individuale apo shoqëore shkakton ndërhyrje në mjedis.
Mbeturina është sasia e mbetur nga diçka (nga ndonjë gjësend) e që nuk ka ndonjë vlerë të
caktuar. Mbeturinat zakonisht krijohen gjatë përpunimit dhe transformimit të materieve dhe
formave të energjisë. Në jetën e përditshme dallohen dy lloj mbeturinash ato industriale dhe të
punishteve. Mbeturinat mund të shkaktojnë dëme në shëndetin dhe jetën e njerëzve nëpërmjet
krijimit të nxitësve të sëmundjeve. Era dhe pamja ndikojnë jo vetëm në tokë por edhe në ambient
në përgjithësi, në ajër e ujë. Sasia mesatare e mbeturina për kokë të njeriut brenda një viti fitohet
kur të merret sasia e përgjithshme e mbeturinave e shprehur në kubik metër për numrin e
përgjithshëm të banorëve.
15
4. 1 Mbetjet urbane të ngurta
Mbeten një problem serioz dhe si të tilla duhet të menaxhohen në mënyren e duhur. Sipas
Organizates Botërore të Shëndetit (ËHO), termi “mbetje e ngurtë” aplikohet për materialet e
hedhura dhe të padëshiruara të cilat vijn nga banesat, bizneset, fshirja e rrugeve si dhe aktiviteti
agrar. Prodhimi i mbetjeve rritet me rritjen e popullsise dhe zhvillimin ekonomik. Një menaxhim
jo i duhur i mbetjeve të ngurta urbane përben një rrezik si për shëndetin e njerëzve ashtu edhe për
mjedisin.
Kur është fjala për strukturen e mbeturinave të ngurta urbane duhet theksuar që pjesën më të
madhe të tyre e përfaqësojnë mbeturinat e djegshme të amvisërisë dhe të ushqimit. Pjesën tjetër
të tyre e përfaqësojn komponentët e padjegshme të mbeturinave të tipit të qelqeve, metalve dhe
hirit. Në kuader të kësaj pjese më të madhe të mbeturinave e përfaqësojnë mbeturinat e letrës si
gazetat dhe letra e ambalazheve.
16
4.2 Mbetjet industriale
Janë shumë të rrezikshme. Ato janë të llojeve të ndryshme të ngurta dhe të lëngta mund të
përmendim depozimet në afërsi të minierave të kromit, të bakrit dhe të hekur-nikelit në afërsi të
minierave të plumbit dhe zinkut të qymyrit mbetjet e industris se metalurgjisë etj.
Letra konsiderohet gjithnjë e më shumë si komponente kryesore e mbeturinave komunale, gjë që
është kushtëzuar me „revulucion ambalazhik“ bashkëkohor. Problem në vete janë edhe konservat
e ndryshme prej lamarine të cilat në kohën bashkëkohore të të ushqyerit me ushqim të
konservuar janë në përdorim gjithnjë më të madh. Problem të veqant në kuadër të rezistëncës së
madhe ndaj korozionit është faktikisht e pakufishme.
17
4.3 Kimikatet
Përbëhen nga pleherat kimike që janë përdorur mbi sasin e lejuar për të rritur në mënyrë
artificiale prodhimin bujqësor e njëjta gjë mund të thuhet edhe për pesticidet. Një pjesë e vogël e
këtyre kimikateve depozitohen në tokë merret nga bimët dhe depozihet në farën ose frytin e tyre
këto duke u përdoru si ushqim nga njeriu dëmtojn shëndetin e tyre
Gjithashtu është mbeturina e qelqit si material i pazbërthyshëm në formë të shisheve, kavanozeve
etj. Vështirësi të veqant paraqesin sepse ato paraprakisht duhet të thehet e grimcohet, gjë që
është moment mjaft i rrezikshëm për punëtorët në pikpamje të lëndimit të tyre.
Problem në vete janë edhe karoseritë e automobilave të vjetër dhe të prishur ku kanë një kosto të
lartë të riciklimit ndaj mendohen vetëm dy zgjidhje në drejtim të transportimit të karoserive të
shtypura me anë të presave ose në drejtim të konstruimit të makinave të posaqme „gëllitëse“ te
cilat do ta grimconin në copëza të metalit.
Poashtu është edhe grumbullimi i gomave të automobilave ku llogaritet se në SHBA brenda një
viti hudhen rreth 100milion goma automobilash. Eliminimi i tyre nëpërmjet djegies shkurton
ndotjen e ajrit.
18
5. Metoda e menjanimit të mbeturinave
Mbrojtja e mjedisit është praktikë e mbrojtjes së mjedisit, në nivel individual, të organizatave ose
të qeverisë, në dobi të mjedisit natyror dhe të qenieve njerëzore. Mbrojtja e mjedisit nga
aktivitete të ndryshme të njeriut është e nevojshme. Megjithate tashme dihet se menaxhimi i
duhur i mbetjeve mbron shëndetin e njerëzve dhe mjedisin, ndihmon në mbrojtjen e burimeve
natyrore dhe ndikon drejtëpërdrejtë në ndryshimet klimaterike. Mbetjet e ngurta mund të
menaxhohen nga një seri aktivitetesh që përfshijn: parandalimin e mbetjeve, riciklimin,
kompostimin, kontrollin e zjarreve apo landfill-et. Sipas rregulloreve të mbrojtjes së mjedisit,
ndërtimi i landfill-eve përcaktohen në dy faza; planifikim dhe funksionim.
Mënyra më e mirë për të parandaluar ndotjen e tokës është përmes menaxhimit të mbeturinave
në mënyrë adekuate, shfrytëzimit të tokës në mënyrë adekuate dhe praktikave adekuate
bujqësore.
19
6. Situata mjedisore në Kosovë
Shftytëzimit të resurseve bazë natyrore siq janë derivatet fosile: nafta, qymyri, resurseve të drurit
etj. Trendet e rritjes të zonave urbane dhe përdorimi gjithnjë e më i madh i materieve sintetike.
Ndër burimet kryesore të ndotjes sot në botë janë: Industria, transporti, bujqësia, aktivitetet e
njeriut, mbeturinat etj. Banorët e Kosovës kërcënohen nga mjedisi i ndotur jetësor i cili po
ndikon në rritjen e numrit të sëmurëve nga mushkëritë dhe sëmundjet tjera respiratore e madje
edhe shkakton vdekjen e njerëzve. Në raportet e këtyre mekanizmave, Kosova ishte renditur në
nivelin më të ulët të standardeve mjedisore në Ballkanin Perëndimore dhe në Evropë.
“Ambienti në Kosovë është shumë i ndotur sidomos në Obiliq nga Termocentralet dhe nga
mbeturinat që hidhen vend e pa vend. E gjithë kjo po shkakton rrezik për shëndetin. Ndotja e
mjedisit në Kosovë, përveç që shkaktohet nga kompanitë e mëdha të industrisë së rëndë, vjen
edhe nga numri i madh i veturave. Në Kosovë llogaritet të jenë afër 385 mijë vetura, ku
mesatarja e vjetërsisë së tyre që qarkullojnë në Kosovë është 18 vite. Nga ndërmarrjet të cilat
gjenden në Kosovë, për kah mbetjet industriale prijnë kompleksi metalurgjik “Trepça”, që
gjendet në Mitrovicë.
20
6.1 Zonat e mbrojtura të natyrës në Kosovë
Zonat e mbrojtura të natyrës sipas këtij Ligji
klasifikohen në 7 kategori: rezervati strikt i natyrës,
parku kombëtar, zona e veçantë e mbrojtur, parku i
natyrës, monumenti i natyrës, peizazhi i mbrojtur dhe
monumenti i arkitekturës së parkut duke mbuluar një
sipërfaqe prej 118.913,95 ha (10.9% e sipërfaqes të
Kosovës).
Në kuadër të këtyre zonave hyjnë:
Rezervate Strikte të Natyrës (“Bifurkacioni i lumit Nerodime”, “Rezervati i Arnenit”, “Maja e
Ropsit”, “Rusenica”, “Kamilja”, etj),
Parqe Kombëtare (PK “Sharri”, PK “Bjeshkët e Nemuna”),
99 Monumente të Natyrës (“Burimi i Drinit të Bardhë
me Shpellën e Radavcit”, “Shpella e Gadimës”, “Ujvarat
e Mirushës”, “Gryka e Rugovës”, “Kanioni i Drinit të
Bardhë te Ura e Fshajtë”, “Trungu i Rrapit në Marash”
etj),
Park Regjional i Natyrës (“Gërmia”), peizazhe të
Mbrojtura (“Shkugëza” dhe “Pishat e Deçanit”)
Sipërfaqen më të madhe të zonave të mbrojtura e përbëjnë
Parqet Kombëtare: “Bjeshkët e Nemuna” dhe “Sharri”.
21
6.2 Rezervatet strikte të natyrës
Rezervati strikt i natyrës është zonë e tokës ose ujit e pandryshuar ose shumë pak e ndryshuar
dhe është i dedikuar ekskluzivisht për ruajtjen e natyrës
Në Kosovë ekzistojnë 11 rezervate të natyrës me sipërfaqe të përgjithshme prej 847 ha ose
0.68 % e sipërfaqes së përgjithshme të Kosovës.
Prej tyre 4 rezervateve gjenden në brendësi të Parkut Kombëtar “Sharri” (Maja e Arnenit,
Rusenica, Pisha e Madhe dhe Oshlaku), 4 gjenden në Parkun Kombëtar “Bjeshkët e Nemuna”
(Kozhnjeri, Gubavci, Malet e Prilepit dhe Maja e Ropsit) si dhe 3 rezervate tjera (Bifurkacioni i
lumit Nerodime, kodrina e Kamiljes dhe Gazimestani).
6.3 Parqet kombëtare
Parku kombëtar është zonë e gjerë e tokës dhe/ose ujit, me vlera të jashtëzakonshme dhe të
shumëllojshme natyrore, përfshin një ose më shumë ekosisteme natyrore të ruajtura ose pak të
ndryshuara dhe kryesisht dedikohet për ruajtjen e vlerave burimore të natyrës.
Në parkun kombëtar lejohen veprimtaritë hoteliere – turistike dhe rekreative të cilat janë në
funksion të vizitave, arsimimit, të nevojave shëndetësore – rekreative dhe turistike, bujqësia
ekstensive tradicionale, peshkataria nëse nuk rrezikohet ekzistenca e llojeve dhe baraspesha
natyrore në pajtim me Ligjin e natyrës dhe planin e menaxhimit.
Në Kosovë ekzistojnë dy Parqe Kombëtare të shpallura nga Kuvendi i Kosovës: PK “Sharri” me
sipërfaqe 53 469 ha dhe PK “Bjeshkët e Nemuna” me 62.488 ha. Parqet kombëtare përfshijnë
gjithsej 115.957 ha.
22
6.4 Monumentet e natyrës
Monumenti i natyrës është pjesë ose tërësi e pjesëve të pandryshuara të natyrës së gjallë ose të
vdekur i cili ka vlerë ekologjike, shkencore, estetike ose kulturo-historike dhe/ose vlera turistike.
Monumenti i natyrës mundet me qenë gjeologjik - paleontologjik, mineralogjik, hidrologjik,
strukturë gjeologjike, sediment etj, gjeomorfologjik - shpella, humnera, muret shkëmbore,
hidrologjik - burime, ujë rrjedhë, ujëvarë, liqe, botanik - ekzemplarë të rrallë ose të rëndësishëm
të botës bimore për një lokalitet, lokalitet i vogël botanik ose zoologjik i rëndësishëm për vlerat e
tij shkencore.
Monumentet e Natyrës për nga numri zënë vendin e parë me 99 sosh, ndërsa për nga sipërfaqja
vendin e dytë me 5.971.95 ha. Prej tyre 2 Monumente janë të Rëndësisë së Veçantë, (Ujëvarat e
Mirushës dhe Shpella e Gadimes), 66 të karakterit botanik, 17 hidrologjik, 7 gjeomorfologjik, 9
speologjik.
Monumentet e natyrës në të cilat ka pas ndikime më të mëdha gjatë këtyre tri viteve të fundit
janë: Shpella e Gadimes, Ujëvarat e Mirushës, Gryka e Rugovës, Burimi i Drinit të Bardhë me
Shpellën e Radavcit, etj.
23
Plani i orës mesimore –
-Aspektet e përgjithshme të planit te orës mësimore:
• Fusha kurrikulare: Shkencat e Natyrës.
• Lënda: Njeriu dhe natyra
• Shkalla e kurrikulës: 1
• Klasa: Përgaditore
• Rrezultati i të nxënit të temës: Kurreshtja për hulumtimin e botës së gjallë dhe jo të gjallë në
natyrë
• Rrezultatet e të nxënit për kompetencat kryesore të shkallës: I.7 ; II.6 ; V.2 .
• Rrezultatet e fushës së kurrikulës: 1.1 ; 2.1 .
-Aspektet specifike të planit të orës mësimore:
• Njesia mësimore: Rëndësia e tokës për jetën tonë
• Fjalët kyqe: tokë, lule, dhe
• Rrezultatet e të nxënit të lëndës: kupton rëndësinë e tokës
• Kriteret e suksesit: identifikon disa nga ndotësit e tokës
• Burimet, mjetet e konkretizimit dhe materialet mësimore: lule dhe vazo
• Lidhja me lëndët tjera mësimore dhe/apo me çështjet ndërkurrikulare dhe situata
jetësore: Matematikë, Edukatë fiurative, Gjuhë amtare
-Përshkrimi i metodoligjisë dhe veprimtaritë e punës me nxënës gjatë orës mësimore:
➢ Evokimi - Pas rutinave ditore: kalendarit, gjimnastikës së mengjesit përmes
bashkëbisedimit, përmes tenikës stuhi mendimesh gjithnjë përmes pyetjeve të hapura
bëhet rikujtimi nga ana e nxënësit i njohurive të mëparshme që kanë lidhje me temën e
mësimit,me qëllim që ato të shërbejnë si një bazë për t’i lidhur me njohuritë e reja në
procesin e të nxënit.
24
➢ Realizimi – është faza në të cilën nxënësi bie në kontakt me njohuritë e reja,dhe e cila
duhet konsideruar kryesore gjatë procesit të të nxënit. Pas informacioneve që fëmijet
kanë marr për tokën ata së bashku me edukatoren dalin në oborr ku secili prej tyre e ka
nga një vazo të vogel dhe i mbjellin lulet po në ato vazo të cilat fillimisht i mbushim me
dhe pastaj bëjmë mbjelljen e luleve.
➢ Reflektimi - Gjatë kësaj faze, nxënësit konsolidojnë të nxënit ose informacionin e ri.
Ata shprehin me fjaltë e tyre informacionin e ri, shkëmbejnë fuqishëm ide në mes vete,
dhe përmes mendimit kritik ata japin mendime të ndryshme se pse është i rëndësishem
toka dhe si vjen deri të ndotja e toka.
• Vlerësimi i nxënësve: vëzhgim, vlerësim i vazhdueshëm
25
Përfundim
Në këtë punim jam munduar të prezantoj një pasqyrë të shkurtër mbi rëndësinë e tokës për jetën
tonë, për disa nga shkaktarët kryesor të ndotjës së ajrit, për llojet e ndotjës së ajrit, për efeket e tij
në në shëndetin e njeriut dhe për masat që janë ndërmarrë për parandalimin e ndotjës së tij.
Ndotja është degradimi i një ekosistemi nga futja e substancave ose rrezatimeve që ndryshojnë
shumë ose më pak funksionimin e tij me të cilën po përballemi dita ditës edhe më shumë. Është
duke shkaktuar keqësim dhe madje edhe helmim të mjedisit duke paraqitur një kërcënim serioz
për shëndetin e njeriut, për bimët dhe kafshët.
E vetmja mënyrë për të ulur nivelin e ndotjes është vetëdija shoqërore ngase njeriu është faktori
primar për degradiimin e tokës.
26
LITERATURA
-Njeriu dhe Medisi Jetësor ; autor: Dr.sc Zeqir Veselaj : Prishtinë, 2014
- Ndotja dhe Mbrojtja e Ambientit Jetësor ; autor : Dervish Rozhaja, Miodrag Jablanoviq : Enti i Teksteve
dhe i Mjeteve Mësimore i Krahinës Socialiste Autonome të Kosovës : Prishtinë, 1983
Burime nga interneti
https://sq.ëikipedia.org/ëiki/Pyjet_e_Kosov%C3%ABs
https://sq.ëikipedia.org/ëiki/Zonat_e_mbrojtura_t%C3%AB_natyr%C3%ABs_n%C3%AB_Kosov%C3%
AB
http://pikaegjelbert.blogspot.com/2014/05/mjedisi-dhe-njeriu.html
https://sq.ëikipedia.org/ëiki/Ndotja
https://sq.ëikipedia.org/ëiki/Shtresa_e_ozonit
https://sq.ëikipedia.org/ëiki/Ndryshimet_klimatike