RAFAELEN AJEAK

RAFAELEK JOOSTAILU DENDA BAT ZUEN. DENETARIK SALTZEN ZUEN DENDA HARTAN: PANPINAK ETA BALOIAK, KANIKAK ETA PARTXISAK, BIZIKLETAK ETA BIDEOJOAK, PATINAK ETA KROMOAK…

- ETA ATXIS HAUTSAK?- BAITA ERE.- ETA ZIBAK?- NOSKI!- ETA ARRANTZARA JOATEKO TRAMANKULUAK?

DENETARIK SALTZEN ZUEN RAFAELEK BERE DENDAN, DENETARIK: AMUAK ARRANTZARAKO ETA ERAZTUNAK, IPUINAK, UZTAIAK…

RAFAELEK URTE ASKO ZITUEN. AUSKALO ZENBAT! BEGI BAT BOROBIL-BOROBILA ZUEN, ETA BIRBIL-BIRIBILA BESTEA. SUDURRA, BERRIZ, ZAPAL-ZAPALA, PLANTXA BATEZ LISATUA BEZALA.

MOTZEAN ESATEKO, JENDE GUZTIA BEZALAKOA ZEN RAFAEL.

BAINA BAZUEN INORK SUFRITU EZIN ZION AKATS BAT. NORBAITEK A BATEZ HASITAKO GAUZA BAT ESKATZEN BAZION, DOMINISTIKU EGITEN ZUEN RAFAELEK.

- AMU BAT ARRANTZARAKO, MESEDEZ, RAFAEL.- ATXIIIAS! ATXIIIAS!

E BATEZ HASTEN ZEN GAUZA BAT ESKATZEN BAZIOTEN, EZTUL EGITEN ZUEN RAFAELEK.

- ERAZTUN BAT, MESEDEZ, RAFAEL.- EJEM! EJEM!

I BATEZ HASTEN ZEN GAUZA BAT ESKATZEN BAZIOTEN, IRRINTZI EGITEN ZUEN:

- IPUIN BAT, FABOREZ, RAFAEL.- IJIJIIIII! IJIJIIIII!

O BATEZ HASTEN ZEN TRASTE BAT ESKATZEN BAZIOTEN, ORRO EGITEN ZUEN.

- ORRAZI BAT, ARREN, RAFAEL.- OUGRRR! OUGRRR!

U BATEZ HASTEN ZEN JOSTAILU BAT ESKATZEN BAZIOTEN, NEGAR EGITEN ZUEN.

- UZTAI BAT, OTOI, RAFAEL.

- UAUUU!, UAUUU!- ETA KONTSONANTEZ HASTEN DIREN JOSTAILUAK EDO GAUZAK

ESKATZEN ZIZKIOTENEAN?- ORDUAN EZ ZITZAION EZERTXO ERE GERTATZEN.

BAINA HERRI HARTAKO JENDEARI EZ ZITZAIZKION DOMINISTIKUAK, EZTULAK, IRRINTZIAK, ORROAK ETA NEGARRAK BATERE ATSEGIN, ETA, HORREGATIK, BOKALEZ HASITAKO JOSTAILUAK ETA GAUZAK ALDERANTZIZ ESKATZEN ZITUEN JENDEAK. ETA RAFAELEK ONGI ULERTZEN ZUEN ESKATZEN ZIOTEN GUZTIA.

- RAFAEL, MESEDEZ, NUTZARE POLIT BAT NAHIKO NUKE.

ETA RAFAELEK URREZKOA ZIRUDIEN ERAZTUN DISTIRATSU BAT ATERATZEN ZUEN MAHAIKO KAXOI BATETIK.

- RAFAEL, NIUPI BAT, FABOREZ.

ETA RAFAELEK IPUIN BAT ATERATZEN ZUEN LIBURUTEGITIK.

BAINA BISTAN DENEZ, JENDEARI ASKO KOSTATZEN ZITZAION HITZAK ALDERANTZIZ ESATEA. ETA ZERBAIT ASMATU BEHARRA ZUTELA PENTSATU ZUTEN.

- ETA ISPILU BAT JARRIKO BAGENU AURREAN? HITZAK ALDERANTZIZ IKUSTEN DIRA ISPILUETAN – ESAN ZUEN ENKARNI IZENA ZUEN NESKA BATEK.

- BAINA, ENKARNI, AHOZ ESATEN DIREN HITZAK EZ DIRA ISPILUETAN IKUSTEN.

MILA KONPONBIDE EMAN ETA MILA KONPONBIDE BAZTERTU ZITUZTEN RAFAELEN DENDAKO EROSLEEK. INOR BERTARA EZ JOATEA ERE PENTSATU ZUTEN, BAINA OSO JATORRA ETA SINPATIKOA ZEN RAFAEL, ETA INORK BAINO MERKEAGO SALTZEN ZITUEN JOSTAILUAK ETA GAUZAK. ETA NOIZEAN BEHIN KANIKAK ERREGALATZEN ZITUEN, GAINERA.

- ETA BA AL DAKIZU ZER EGIN ZUTEN NESKA-MUTIKO HAIEK? EZETZ ASMATU!

- JOSTAILURIK EZ ESKATU.

- EZ, EZ!

- DENDARA JOAN ETA NORBERAK HARTZEN ZITUEN JOSTAILUAK.

- EZ, EZ, EZ ETA EZ!

- ZER EGIN ZUTEN BA?

- EZERTXO ERE EZ. GAUZAK BEHAR DIREN BEZALA ESKATZEN ZITUZTEN HANDIK AURRERA, ETA RAFAELEN DOMINISTIKUAK, EZTULAK, IRRINTZIAK, ORROAK ETA NEGARRAK PAZIENTZIAZ JASATEN ZITUEN. HAIN ZEN ZINTZOA RAFAEL! HAIN ZEN PONPOXOA!

- ETA HORI AL DA DENA?

- BAI NOSKI! ZEUK ERE EGITEN DUZU DOMINISTIKU, ETA EZTULA, ETA ORRO, ETA IRRINTZI, ETA NEGAR ETA NIK EZ DIZUT ERRIETARIK EGITEN HORREGATIK.

- NOLA EZETZ? ORRO EDO IRRINTZI EGITEN DUDANEAN, GOXOA JARTZEN ZARA, BA!

- TIRA, BATZUETAN DENOK GALTZEN DITUGU NERBIOAK. ETA, GAINERA, ZU EZ ZARA RAFAEL, ZU NIRE BIHOTZEKO MELOKOTOI TXIKIA ZARA, MAITEA.

- EDERKI. HURRENGOAN HASERRETZEN ZARENEAN, HORIXE GOGORARAZIKO DIZUT, AMA.

GALDERAK ERANTZUN:

-NOR DA RAFAEL?

_______________________________________________________________________-ZEIN DA RAFAELEN LANBIDEA?

______________________________________________________________________

-ZER SALTZEN DU RAFAELEK?

-ZER GERTATZEN ZAIO RAFAELI, BOKALEZ HASITAKO GAUZAK -------ESKATZERAKOAN?

______________________________________________________________________

-A BOKALEZ:

-E BOKALEZ:

-I BOKALEZ:

-O BOKALEZ:

-U BOKALEZ:

______________________________________________________________________