shërbimi civil në administratën publike dhe domosdoshmëria e
TRANSCRIPT
UNIVERSITETI “ALEKSANDËR MOISIU” DURRËS FAKULTETI I SHKENCAVE POLITIKE - JURIDIKE
MASTER SHKENCOR
DEGA: ADMINISTRIM FINANCIAR
“SHËRBIMI CIVIL NË ADMINISTRATËN PUBLIKE DHE
DOMOSDOSHMËRIA E MODERNIZIMIT TË TIJ NË
REPUBLIKËN E SHQIPËRISË”
PUNOI: PRANOI:
Jonida ELEZI Prof. Dr. Mit’hat MEMA
Durrës, 2013
kopje
1
MIRËNJOHJE
Falenderoj Universitetin "Aleksandër Moisiu" Durrës, që krijoi mundësinë e studimeve
pasuniversitare, Master i Nivelit të dytë, dega Administrim Financiar, pranë Fakultetit të
Shkencave Politike-Juridike, duke mbushur një boshllëk të specializimit në këtë fushë, si
domosdoshmëri për krijimin e një formati bashkëkohor dhe njëherazi ngritjen e
kapaciteteve të Administratës Publike në Shqipëri.
Një falenderim të veçantë për stafin e pedagogëve, intelektualë të zotë dhe specialistë
shumë të aftë në Shqipëri, për përpjekjet e tyre për krijimin dhe përvetësimin e
koncepteve shkencore në lëndët përkatëse. Jo vetëm lektorë, por edhe bashkëpunëtorë me
studentët duke vënë në dispozicion gjithë aftësitë e tyre personale, të cilat më kanë
shërbyer në krijimin e mundësive të reja dhe në trajtimin e kësaj teme.
Falenderoj udhëheqësin shkencor Prof. Dr. Mit’hat Mema për drejtimin dhe
bashkëpunimin në realizimin e temës.
Falenderoj Msc. Gentiana Kraja, për dashamirësinë e treguar, orientimet e dhëna
materialet e bollshme për trajtimin e kësaj teme.
Një falenderim i veçantë për stafin e Fakultetit të Studimeve të Integruara me Praktikën,
Durrës, ku unë punoj që nga marsi 2011, për bashkëpunimin e ngushtë dhe mbështetjen e
dhënë, si për kryerjen e këtij specializimi si dhe për dokumentacionin e nevojshëm të
vënë në dispozicion për realizimin e kësaj teme.
Falenderoj familjen time për inkurajimin dhe mbështetjen pa kufi që më kanë dhënë gjatë
kësaj periudhe dhe gjatë gjithë jetës sime.
kopje
2
ABSTRAKTI
Administrata publike është një tërësi njerëzish, proçesesh dhe kompetencash në të cilën
realizohen funksionet publike nëpërmjet sigurimit të kuadrit rregullator dhe mbikqyrjes
së zbatimit të tij, garantimit të standarteve dhe lëvrimit të shërbimeve dhe të mirave
publike. Në realizimin e këtij roli, zhvillimi i burimeve njerëzore, rritja e kapaciteteve të
nëpunësve civilë, njohja e tyre me metodat, teknikat dhe proçeset e administrimit dhe
menaxhimit modern mbetet e një rëndësie vendimtare në çdo administratë publike dhe
përbën në të njëjtën kohë një kusht paraprak për një qeverisje demokratike dhe efiçiente.
Qeveria Shqiptare ka ndërmarrë një reformë shumëplanëshe për modernizimin e
administratës publike, e cila në mënyrë të përmbledhur, reformën në shërbimin civil,
thjeshtëzimin e proçedurave administrative për afrimin e administratës drejt qytetarit,
rishikimin e funksioneve të shtetit dhe rritjen e efiçiencës së brëndshme në veprimtarinë e
administratës publike. Në këtë kuadër reforma në shërbimin civil ka një rol parësor pasi
burimet njerëzore jo vetëm janë një nga faktorët bazë të ekzistencës së çdo organizate por
për më tepër janë dhe një nga inspiruesit dhe “krijuesit” e faktorëve të tjerë, ndaj dhe
kujdesi dhe investimet në burimet njerëzore duhet të përbëjë, dhe në fakt përbën, çështje
prioritare të politikave reformuese.
Krijimi i një shërbimi civil të qëndrueshëm, të motivuar dhe mbi të gjitha professional
dhe të aftë për t’u bërë ballë sfidave zhvilluese dhe integruese të vendit është në qëndër të
axhendës së reformës në administratën publike dhe mund të sigurohet nëpërmjet një
ndërhyrje shumëplanëshe që kombinon në mënyrë llogjike rekrutimin bazuar në meritat
profesionale dhe intelektuale, garantimin e të drejtave, stabilitetit dhe motivimit të
nëpunësve civilë si dhe përmirësimin e përhershëm dhe të vazhdueshëm të kapaciteteve
njerëzore.
kopje
3
Përmbajtja e lëndës
HYRJE 1
Kapitulli I. Parime Europiane për Administratën Publike 3
1.1 Standarte dhe Kushte të ngjashme të Sherbimit Civil 3
1.2 Menaxhimi i Sherbimit Civil ne kontekstin e "Administrim nepermjet Ligjit" 5
1.2.1 Menaxhere Publike Profesionale 5
1.2.2 Menaxhimi Homogjen i Sherbimit Civil 7
1.2.3 Nepunesit Civilë jo vetëm Punonjes Shteterore 7
Kapitulli II. Sherbimi Civil ne Republiken e Shqiperise 9
2.1 Ligji Per Statusin e Nepunesit Civil, Qellimi dhe Objekti i tij 9
2.2 Perkufizimet dhe fusha e veprimit 10
2.3 Parimet e Sherbimit Civil 10
2.4 Administrimi i Sherbimit Civil 11
2.4.1 Keshilli i Ministrave dhe Komisioni i Sherbimit Civil 11
2.4.2 Institucionet e administrates qendrore dhe Institucionet e Pavarura 12
2.4.3 Klasifikimi i nepunesve civile 12
2.4.4 Kerkesat e pergjithshme per pranimin ne Sherbimin Civil 13
2.5 Problemet kryesore qe kane dale gjate zbatimit te ligjit "Statusi i Nepunesit
Civil", te konstatuara nga institucioni iAvokatit te Popullit 15
2.6 Procesi i rekrutimit te nepunesit civil 19
2.6.1 Disa procedura te perdorura dhe te garantaura nga ligji nr 8549 , dt
11.11.1999 " Statusi i Nenpunesit Civil" 20
2.7 Roli dhe pergjegjesia e institucioneve te administrates vendor per zbatimin e
ligjit "Statusi i Nepunesit Civil" ne lidhje me masat disiplinore, pezullimin,
ristrukturimin, lirimin nga sherbimi civil si dhe problemet e hasura ne
praktiken e KSHC 25
2.7.1 Roli dhe pergjegjesia e institucioneve te administrates vendore ne
manaxhimin e sherbimit civil 25
2.7.2 Llojet e masave disiplinore 26
2.7.3 Ankimi ne KSHC 29
2.7.4 Vendimi KSHC 29
2.7.5 Pezullimi 29
2.7.6 Mbyllja dhe ristrukturimi i institucionit 30
2.7.7 Lirimi nga sherbimi civil 31
kopje
4
Kapitulli III. Sherbimi Civil ne kendveshtrimin e strategjise ndersektoriale te
reformes ne Administraten Publike ne kuader te strategjise kombetare per
zhvillim dhe integrim
33
3.1 Parimet haze te Sherbimit Civil 33
3.1.1 Karakteristikat thelbesore te sistemit 33
3.1.2 Shtrirja vertikale 34
3.1.3 Shtrirja horizontale 34
3.2 Menaxhimi i burimeve njerezore 34
3.2.1 Rekrutimi 34
3.2.2 Ngritja ne detyre 36
3.2.3 Vleresimi i performances individuale 36
3.2.4 Sistemi i trajnimit 37
3.2.5 Pagat 37
3.3 Organizimi funksional dhe strukturor i administrates publike 37
3.3.1 Ne nivel qendror 37
3.3.2 Ne nivel qendror dhe qarku/vendor 38
3.4 Procedurat dhe proceset thelbesore te vendim-marrjes dhe kryerjes se
sherbimeve ne administraten publike 39
3.5 Vizioni, prioritetet dhe qellimet strategjike 39
3.5.1 Parimet baze te modelit te Sherbimit Civil 40
3.5.2 Menaxhimi i burimeve njerezore 41
3.5.3 Organizimi funksional dhe strukturor i administrates publike 42
3.5.4 Permiresimi i procedurave dhe mjeteve te vendim-manjes dhe kryerjes se
sherbimeve ne administraten publike 43
3.6 Politikat dhe permiresimet operative 43
3.6.1 Parimet baze te modelit te Sherbimit Civil 43
3.6.2 Menaxhimi i burimeve njerezore 44
3.6.3 Organizimi funksional dhe strukturor i administrates publike 46
3.6.4 Permiresimi i procedurave dhe mjeteve te vendim-manjes dhe kryerjes se
sherbimeve ne administraten publike 47
PËRFUNDIMET 48
BIBLIOGRAFIA 54
kopje
5
Lista e shkurtimeve te perdorura
AP Administrata Publike
DAP Departamenti i Administrates Publike
ITAP Instituti i Trajnimit te Administrates Publike
KM Keshilli i Ministrave
KSHC Komisioni i Sherbimit Civil
LSHC Ligji i Sherbimit Civil
SHC Sherbimi Civil
BE Bashkimi Europian
kopje
6
HYRJE
Koncepti modern i administratës publike krijon një nocion të delegimit hierarkik të
pushtetevete të shtetit tek individët që operojnë brënda sistemit publik. Këta individë,
nëpunësit civilë, rrjedhimisht nuk janë vetëm punonjës shtetërorë por gjithashtu, në një
masë të madhë, mbajtës të fuqive të shtetit.
Ndarja ndërmjet politikës dhe administratës përmban supozimin bazë që, brenda fushës
publike, ka dy pjesë kryesore, të cilat megjithëse kanë ndërvarësi të ngushtë, janë të
ndryshme në natyre, bazohen mbi logjika të ndryshme dhe kanë burime të ndryshme
legjitimiteti.
Politika bazohet tek besimi publik i shprehur në zgjedhje të lira politike dhe i konfirmuar
mbas çdo mandati politik. Administrata bazohet tek merita dhe aftësitë profesionale të
nëpunësve civile, verifikohen në konkurrencë të lirë për hyrje në shërbimin civil, në
përputhje me termat sipas ligjit.
Shërbimi civil duhet formuar si institucion që kërkon nga anëtarët e tij një shkallë
specifike profesionalizmi dhe integriteti si dhe njohuri të mira të së drejtës administrative
dhe kushtetuese. Nëpunësit civilë duhet të jenë subjekt i një sërë kushtesh ligjore që i
aftëson ata të kryejnë funksionet dhe kompetencat e tyre efektivisht në një mënyrë të
ligjshme dhe të përshtatshme, në të gjitha sferat e administratës publike.
Nëpunësit civilë duhet të jenë subjekt i një sërë kushtesh ligjore që i aftëson ata të kryejnë
funksionet dhe kompetencat e tyre efektivisht në një mënyrë të ligjshme dhe të
përshtatshme, në të gjitha sferat e administratës publike. Këto kushte ligjore kanë
kryesisht të bëjnë me të drejtat dhe detyrimet, qëndrueshmërinë profesionale, mbrojtjen
nga cënimet politike dhe nga ndërhyrja e lobeve, nivele të përshtatshme pagese në
mënyrë që të reduktohet mundësia e korrupsionit, masa disiplinore dhe përzgjedhje
bazuar në meritë.
Ky punim strukturohet në tre kapituj.
Kapitulli i parë "PARIME EUROPIANE PËR ADMINISTRATËN PUBLIKE"
Tashmë është bërë i njohur fakti që Republika e Shqipërisë ka firmosur marrëveshjen e
Stabilizim-Asoicimit dhe është vend aplikant për t'u bërë shtet anëtar i Bashkimit
Europian.
Vendet kandidate kanë nevojë të zhvillojnë administratat e tyre për të arritur nivelin e
besueshmërisë së Hapësirës Administrative Europiane dhe një prag të pranueshëm të
parimeve të përbashkëta, procedurave dhe marrëveshjeve strukturore administrative.
Vendet kandidate duhet të arrijnë një standart minimal cilësie dhe besueshmërie të
administratës publike. Në këtë kapitull synohet të përcaktohen dhe të jepen kritere për t'i
dhënë drejtim reformës së administratës publike në vendet kandidate për anëtare në
Bashkimin Europian.
kopje
7
Kapitulli i dytë "SHËRBIMI CIVIL NË REPUBLIKËN E SHQIPËRISË"
Në këtë kapitull trajtohet gjërësisht gjendja e shërbimit civil në vendin tonë, kushtet dhe
domosdoshmëria e shërbimit civil në administratën publike, aktet ligjore dhe nënligjore
që rregullojnë marrëdhëniet juridike dhe administrative dhe veçanërisht ligjin nr. 8549,
datë 11.11.1999, "Statusi i nëpunësit civil". Qëllimi i këtij ligji është përcaktimi i
rregullave të njëjta për kushtet dhe procedurat e pranimit në shërbimin civil, për mënyrën
e fillimit dhe mbarimit të marrëdhënieve të punës, për zhvillimin e karrierës, për
garantimin e të drejtave dhe përcaktimin e detyrimeve të nëpunësve civile, me synim
krijimin e një shërbimi civil të qëndrueshëm, profesional dhe eficient.
Kapitulli i tretë “SHËRBIMI CIVIL NE KËNDVËSHTRIMIN E STRATEGJISË
NDËRSEKTORIALE TË REFORMËS NË ADMINISTRATËN PUBLIKE NË
KUADËR TË STRATEGJISË KOMBËTARE PËR ZHVILLIM DHE INTEGRIM PËR
PERIUDHËN 2009-2013”
Në këtë kapitull në pjesën e parë është trajtuar një përshkrim përmbledhës i situatës
aktuale lidhur me përbërësit kryesorë të reformës në administratën publike shqiptare, siç
janë parimet bazë të shërbimit civil, menaxhimi tërësor i burimeve njerëzore, organizimi
funksional dhe strukturor i administratës publike, si dhe procedurat dhe proceset
thelbësore të vendim-marrjes dhe kryerjes së shërbimeve në administratën publike.
kopje
8
KAPITULLI I
PARIME EUROPIANE PËR ADMINISTRATËN PUBLIKE
1.1 Standarte dhe kushte të ngjashme të Shërbimit Civil.
Roli kryesor i shtetit modern në një ekonomi tregu demokratike është të sigurojë kushte
dhe standarte të drejta dhe të barabarta si bazë për jetën e përditshme dhe aktivitetet
ekonomike të individëve dhe enteve ligjore. Mekanizmi bazë që përdoret nga shteti është
ligji. Kalimi dhe zbatimi i ligjeve të parlamentit, legjislacionit të deleguar dhe ligjeve
plotësuese, monitorimi i pasojave të tyre dhe mundësimi i mekanizmave për korrektim
dhe dëmshpërblim, janë detyra të rëndësishme të një shteti modern.
Roli parësor i shtetit në fushën e punësimit është rrjedhimisht të rregullojë marrëdhëniet
themelore ndërmjet punëdhënësve dhe punonjësve. Shteti duhet të vendosë standarte
minimale për të krijuar kushte pune të drejta për të gjithë punonjësit, si dhe të përcaktojë
të drejta dhe detyrime minimale për të dyja palët në një marrëdhënie pune.
Shteti ka gjithashtu edhe rolin e punëdhënësit. Në këtë rol të dytë, shteti është përgjegjës
për sigurimin e performancës efiçente, profesionale dhe të paanëshme të administratës
publike. Kjo përgjegjësi drejtuese krijon nevojën për rregulla specifike që qeverisin
punonjësit shtetërorë: politika menaxhimi për stafin dhe karrierën dhe sisteme
menaxhuese për përzgjedhjen, rekrutimin, ngritjen në detyrë dhe shpërblimin, të cilat
synojnë të garantojnë homogjenitetin dhe cilesinë e larte të stafit dhe arritjeve të tij në të
gjitha degët dhe nivelet e shtetit.
Një shërbim civil modern dhe kushtetues në një demokraci shihet si i mundshëm vetëm
kur plotësohen një sërë kushtesh:
• Ndarje ndërmjet sferës publike dhe sferës private.
• Ndarja ndërmjet politikës dhe administratës.
• Zhvillimi i përgjegjshmërisë individuale të nëpunësve civilë duke anashkaluar
proceset e mëparshme kolegjiale të vendim-marrjes.
• Mbrojte të punës, qëndrueshmëri dhe nivel pagese të mjaftueshme dhe të drejta
e detyra të përcaktuara qartë për nëpunësit civilë.
• Rekrutim dhe ngritje në detyrë bazuar në meritë.
Të gjitha këto kushte kontribuojnë, në një masë të madhe, në përcaktimin e natyrës dhe
vlerave të një shërbimi civil modern dhe profesional.
Ndryshimi midis sferave publike dhe private është aq i vjetër sa dhe ndryshimi midis
shtetit dhe shoqërisë. Ai nënkupton njohjen që ekziston në një fushë ku interesi publik
duhet të mbizotërojë dhe që ky interes publik duhet të jetë i lirë nga ndërhyrja e
kopje
9
interesave privatë individualë. Përdorimi i përgjegjshmërisë individuale personale për
vendimet e marra dhe veprimet e kryera nënkupton që përgjegjësitë dhe kompetencat
brenda administratës publike janë të përcaktuara qartë.
Sfera e administratës shërbehet nga nëpunësit civilë. Në përcaktimin e shërbimeve të tyre
civile, Shtetet Anëtare të BE-së kanë përshtatur përqasje të ndryshme, zakonisht të
rrjedhura nga historia e shtetit përkatës dhe të modifikuara në kohë. Disa shtete, si
Franca, Irlanda, Hollanda, Spanja dhe Suedia kanë shërbime civile që përfshijnë çdo
punonjës shtetëror sepse konsiderohet që çdonjëri prej tyre është pjesë e makinerisë
ekzekutive të shtetit (koncepti i gjërë i shërbimit civil). Vende të tjera si Austria,
Gjermani, Mbreteria e Bashkuar dhe me së fundmi Danimarka dhe Italia kanë kufizuar
përmasën e konceptit të shërbimit civil në të ashtëquajturën "administrata publike baze",
që do të thotë ato funksione që vetëm shteti ka legjitimitet të kryejë sipas një kuptimi të
përbashkët politik konvencional. Në rastin e dytë, nëpunës civilë (përmasë e kufizuar e
konceptit të shërbimit civil) janë vetëm profesionistët e menaxhimit dhe administatës
publike dhe profesionistët që mbajnë fuqi të shtetit (p.sh. policia, dogana, etj).
Ndërmjet vendeve të Europës Qëndrore dhe Lindore, Hungaria dhe Polonia po aplikojnë
këtë koncept të kufizuar të shërbimit civil ndërsa Lituania po parasheh të vërë në
funksionim një mënyrë të konceptit të gjerë.
Kur koncepti ka përmasë të kufizuar aplikimi, nëpunësit civilë janë, të paktën, ata që
besohen me autoritet publik dhe kompetenca ligjore për të ushtruar fuqitë publike dhe për
të propozuar politika publike dhe instrumente rregullatore ose për të dhënë këshilla mbi
to. I përcaktuar në këtë mënyrë, shërbimi civil është pjesë e fuqisë së shtetit, është i
integruar në sferën publike dhe është formuar në përputhje me Anetare te BE, edhe ne
ato ku perdoret koncepti i kufizuar i sherbimit civil, disa doktrina baze te se drejtes
administrative dhe kushtetuese jane shtrire tek punonjes te shtetit qe nuk jane nepunes
civile, si psh. kekesa e rekrutimit bazuar ne merite. Kjo synon, te theksoje legjitimitetitin
e sistemit te punesimit publik ne teresi.
Nëpunësit civilë duhet të jenë subjekt i një sërë kushtesh ligjore që i aftëson ata të kryejnë
funksionet dhe kompetencat e tyre efektivisht në një mënyrë të ligjshme dhe të
përshtatshme, në të gjitha sferat e administratës publike. Këto kushte ligjore kanë
kryesisht të bëjnë me të drejtat dhe detyrimet, qëndrueshmërinë profesionale, mbrojtjen
nga cënimet politike dhe nga ndërhyrja e lobeve, nivele të përshtatshme pagese në
mënyrë që të reduktohet mundësia e korrupsionit, masa disiplinore dhe përzgjedhje
bazuar në meritë. Rekrutimi i bazuar në meritë dhe ngritja në detyrë do të thotë
përzgjedhje e kandidatëve më të përshtatshëm për shërbimin civil dhe parandalimi i
patronazhit dhe favorizimit të miqve në stafin e administratës publike.
Siç është shprehur më parë, shteti është përgjegjës për një administratë publike
profesionale, të paanëshme dhe eficiente që zbaton ligjin. Ky rol nuk është vetëm
rregullator po është gjithashtu edhe menaxherial. Shteti duhet të garantojë një cilësi të
caktuar të stafit të tij dhe standarte të kualitetit të barabartë në të gjitha sferat e
administratës publike. Në këtë kuptim, një shërbim civil i hartuar mirë nga ana ligjore
dhe sistem i menaxhuar e aftëson shtetin të arrijë standarte të përshtatshme të
kopje
10
profesionalizimit, qëndrueshmërisë, vazhdimësisë dhe kualitetit të shërbimeve publike në
çdo pjesë të administratës publike.
Ka disa arsye pse të punësuarit e shtetit nuk duhet të konsiderohen vetëm si punonjës
shtetërore. Nëpunësit e shtetit duhet të arrijnë një sërë qëllimesh, që janë të ndryshme nga
ato në marrëdhëniet e zakonshme të punës. Ndër këto qëllime, mund të përmenden si:
• Të krijohen mekanizma kontrolli dhe përgjegjshmërie për të shmangur abuzimin
e fuqive publike dhe keqmenaxhimin e burimeve publike.
• T'i jepet legjitimitet administratës publike në sytë e qytetarëve dhe
taksapaguesve për të ndërtuar konfidencë në administratë dhe tek shteti në tërësi.
• Të dallohet sa më shumë një sferë publike e politikave nga një sferë publike e
administratës
• Të krijojë vazhdimësi profesionale në administratën publike dhe të nxisë një
model të caktuar sjelljeje në të gjitha pjesët e administratës, duke e bërë atë të
parashikueshme.
• Të tërheqë kandidatët më të mirë egzistues në vend për shërbimin civil dhe t'i
mbajë ata nëpërmjet prospektit të arsyeshëm të zhvillimit të karrierës dhe
vetëkënaqësisë personale.
Këto objektiva janë thelbësore për ligjet mbi shërbimin civil. Një panoramë e status quo-
së në vendet e Europës perëndimore ofron një pasqyrë të zgjidhjeve, d.m.th. modele të
ndryshme, të përshtatura për të lehtësuar arritjen e këtyre objektivave.
Në disa Shtete Anëtare të BE-së, shumica e punonjësve shtetërore kanë statusin e
nëpunësit civil. Kjo do të thotë që ata qeverisen nga një ligj i shërbimit civil dhe
legjislacioni i tij dytësor, dhe jo nga kodet e përgjithshme të punës që vendosin standarte
minimale për marrëdhëniet kontraktuale ndërmjet punëmarrësve dhe punëdhënësve në
sektorin privat. Kjo ndodh në Belgjikë, Francë, Greqi, Irlandë, Hollandë, Portugali dhe
Spanjë. Në shtete të tjera, vetëm një pjesë e punonjësve të përhershëm shtetërorë kanë
statusin e nëpunësit civil. Ata që nuk janë nëpunës civilë shihen thjesht si praktikues të
një profesioni në sektorin publik të ekonomisë, ose brenda shërbimeve publike që
financohen nga buxheti i shtetit.
1.2 Menaxhimi i Shërbimit Civil në kontekstin e "Administrimit nëpërmjet Ligjit"
1.2.1 Menaxherë Publikë Profesionalë
Shtetet e Europës Perëndimore e kanë pranuar prej një kohe të gjatë faktin që standartet e
menaxhimit dhe performanca e menaxherëve publikë janë kritike për suksesin si të
performancës së përgjithshme të administratës publike ashtu edhe për përpjekjet për
reformë të administratës.
kopje
11
Përmirësimi i performancës së administratës publike nënkupton kërkimin e standarteve
më të mira të efiçencës dhe efektivitetit në rendin e ligjit. Kjo zakonisht kërkon delegimin
dhe decentralizimin e përgjegjësive në favor të menaxherëve publike. Në një situatë të
tillë, cilësia e menaxherëve publikë të veshur me këto fuqi publike, mbart një rëndësi të
lartë. Për më tepër, kur hartimi i politikave kombëtare bëhet gjithmonë e më kompleks
dhe gjithmonë e më i ekspozuar ndaj koordinimit ndërkombëtar, siç është rasti i Shteteve
Anëtare të BE, bëhet akoma më e dukshme nevoja për menaxherë publikë të nivelit të
lartë, me perspektiva të gjera dhe aftësi të koordinojnë punën e tyre si me institucione
kombëtare ashtu dhe me ato ndërkombëtare.
Franca me sistemin e saj të karrierës, ka tradicionalisht grupe të përcaktuar të zyrtarëve të
lartë. Individët në majë të karrierës së tyre, menaxhohen nga lart dhe asistohen në
zhvillimin e karrierës nëpërmjet trajnimit dhe lëvizjes. Shteti ka një grup individësh të
aftë nga i cili mund të zgjedhë kur një pozicion i lartë duhet të plotësohet. Shtete të tjera
po vendosin grupe të ngjashme të përcaktuara menaxherësh të nivelit të lartë që zgjidhen,
emërohen, trajnohen dhe menaxhohen nga lart.
Hollanda me administratën e saj të decentralizuar, po zhvillon një Shërbim Publik të
Lartë që fokusohet mbi zhvillimin profesional të menaxherëve dhe përmirësimin e
kapaciteteve koordinuese. Hugaria, Lituania dhe Polonia janë shembuj të vendeve që tani
po zbatojnë reforma që kanë të bëjnë me menaxherë të lartë, megjithëse me përqasje
shumë të ndryshme.
Në sistemet e mëparshme administrative të Europës Qëndrore dhe Lindore nuk kishtë
njohje të një profesioni të përbashkët të administrimit shtetëror. Çdo punë brenda
administratës shtetërore shihej si një punë specialisti në institucionin punëdhënës me ura
të kufizuara karriere në institucione të tjera, dhe pa kritere të qarta profesionale të
vlefshme diku tjeter në administratën shtetërore. Lëvizja ndërmjet institucioneve të
ndryshme nuk inkurajohej dhe ishte e rrallë.
Nga ana tjetër, fakti që koordinimi ndërmjet politikave dhe institucioneve bëhej brenda
strukturës së partisë politike nënkuptonte që nuk kishte nevojë për menaxherë me një
perspektive më të gjerë sesa fusha e tyre teknike. Lloji i pozicioneve të përhershme
menaxhuese që vërehet në nivele të larta tek shërbimet civile Perëndimore ishte, dhe
është ende, në shumicën e vendeve të Europës Qëndrore dhe Lindore privilegj i klasës
politike. Menaxherët e zgjedhur apolitikisht ishin, dhe në shumë raste janë ende,
specialistë kompetentë në fushën e tyre të ekspertizës që japin kontribute teknike por
rrallëherë siguronin menaxhim dhe koordinim.
Reformat e shërbimit civil në vendet e Europës Qëndrore dhe Lindore duhet të synojnë
gjithashtu në krijimin e profesionit të menaxherit publik brenda shërbimit civil. Kjo
mbart veprime në disa sfera: trajnimi i menaxherëve; paraqitja e rregulloreve, përcaktimi
i detyrave, përgjegjësive dhe të drejtat përkatëse të stafit, me fjalë të tjera një rregullore
specifike për shërbimin civil; përmirësimi i menaxhimit të personelit dhe standarteve të
menaxhimit; dhe mbi të gjitha krijimi i një kuadri administrativ në të cilin zyrtarët dhe
menaxherët publikë të kryejnë funksionet e tyre në një mënyrë profesionale, të
paanëshme, transparente dhe të kontrollueshme.
kopje
12
1.2.2 Menaxhimi Homogjen i Shërbimit Civil
Një problem i trashëguar nga strukturat e kaluara administrative të vendeve të Europës
Qëndrore dhe Lindore është mungesa e koordinimit dhe mungesa e standarteve të
përbashkëta për menaxhimin e personelit në administratën publike. Ky fragmentim duhet
të riparohet dhe menaxhimi i personelit duhet të harmonizohet brenda administratës
publike që të sigurohet arritja dhe mbajtja e një niveli të pranueshëm të standarteve të
shërbimit civil.
Për ta bërë këtë, shërbimi civil duhet të shihet si një funksion menaxhimi brënda
administratës publike. Ky funksion i përbashkët synon të sigurojë që kushtet ligjore bazë,
si rekrutimi dhe ngritja në detyrë të bazuar në meritë, pagesë e drejtë dhe të drejta dhe
detyra të barabarta, të shpërndahen, të kuptohen dhe të mbështeten në mënyrë homogjene
në tërësinë e administratës publike. Ky funksion kërkon një lloj kapaciteti qëndror për
menaxhimin e shërbimit civil.
Në një sërë nga vendet e Europës Perëndimore, si Franca, Portugalia dhe Spanja, aspektet
e përgjithshme të menaxhimit të shërbimit civil janë ngarkuar mbi një ministri specifike
të administratës publike ose shërbimit civil. Ky menaxhim zakonisht nënkupton
përgatitjen e projekt ligjeve dhe rregulloreve për shërbimin civil, organizimin ose
monitorimin e rekrutimit, koordinimin e menaxhimit të burimeve njerëzore, negocimin
me sindikatat e shërbimit civil në emër të shtetit, dhe organizimin e menaxhimin e
aktiviteteve trajnuese të përgjithshme apo specifike nëpërmjet institucioneve të caktuara
si shkolla apo institute të administratës publike.
Në vende të tjera si Austria, Belgjika, Gjermania, Irlanda dhe Hollanda, këtë rol të
menaxhimit të shërbimit civil e luan Ministria e Financës ose Ministria e Punëve të
Brendshme. Në Itali dhe Suedi, është krijuar një agjensi e posaçme për të negociuar me
sindikatat e shërbimit civil në emër të shtetit, agjensive dhe pushtetit vendor gjithashtu.
Përgjegjësitë dhe karakteri institucional i një kapaciteti të tillë menaxhimi të shërbimit
civil duhet të përcaktohen gjithashtu edhe në një ligj të shërbimit civil. Mund të jetë një
njësi që përgatit vendime për Kryeministrin ose për Këshillin e Ministrave. Mund të jetë
një ministri e posaçme, ose mund të jetë një institucion i veçantë që raporton tek
Kryeministri. E rëndësishme është që ky kapacitet qëndror të vishet me pushtet të
mjaftueshëm për të menaxhuar efektivisht horizontalisht administratën publike.
1.2.3 Nëpunësi Civilë jo vetëm Punonjës Shtetërorë
Nëpunësit civilë janë subjekt i parimeve ligjore dhe rregullave të detyrueshme që rrjedhin
nga vendosja e tyre specifike në strukturën hierarkike të shtetit. Kjo vendosje i jep formë
një profesioni që merret me të drejtat themelore të qytetarëve. Rregulloret e shërbimit
civil nuk rregullojnë vetëm marrëdhëniet e punës ndërmjet punëdhënësit dhe
punëmarrësit të tij, siç bën kodi i punës. Rregulloret e shërbimit civil synojnë, nga njëra
anë, të mbrojnë nëpunësit civilë në kryerjen e rolit të tyre shumë të posaçëm në shoqëritë
demokratike, dhe nga ana tjeter, të forcojnë standartet profesionale me anë të çështjeve
kopje
13
delikate me të cilat merren nëpunësit civilë. Nëpunësit civilë janë aktorë në sferën
publike të shoqërisë, sferë që ndodhet në fushën e së drejtës publike.
Rrjedhimisht, është e drejta publike, dhe jo kodi i zakonshëm i punës, që duhet të
rregullojë delegimin e pushtetit për të marrë vendime në emër të shtetit, përgjegjshmërinë
e nëpunësve profesionalë të shtetit dhe mekanizmat për kontrollin e ekzekutimit të
pushteteve publike. Ndryshe nga kushtet e punës, këto çështje nuk mund të përcaktohen
në baza individuale dhe kontraktuale.
kopje
14
KAPITULLI II
SHËRBIMI CIVIL NË REPUBLIKËN E SHQIPËRISË
Kushtetuta e Republikës së Shqipërisë në nenin 107 parashikon se "nëpunësit publikë”
zbatojnë ligjin dhe janë në shërbim të popullit. Nëpunësit në administratën publike
caktohen me konkurs. Sot në vendin tonë ekziston një numër i madh aktesh ligjore dhe
nënligjore mbi bazën e të cilave është ngritur dhe funksionon Shërbimi Civil në Shqipëri.
Përgjithësisht kuadri ligjor ekzistues ka marrë parasysh eksperiencën e disa vendeve të
Bashkimit Europian të cilët e kanë kufizuar përmasën e konceptit të shërbimit civil në të
ashtëquajturën "administrata publike bazë", që do të thotë ato funksione që vetëm shteti
ka legjitimitet të kryejë sipas një kuptimi të përbashkët politik konvencional.
Kur koncepti ka përmasë të kufizuar aplikimi, nëpunësit civilë janë, të paktën, ata që
besohen me autoritet publik dhe kompetenca ligjore për të ushtruar fuqitë publike dhe për
të propozuar politika publike dhe instrumente rregullatore ose për të dhënë këshilla mbi
to. I përcaktuar në këtë mënyrë, Shërbimi Civil është pjesë e fuqisë së shtetit dhe është i
integruar në sferën publike. Në Republikën e Shqipërisë përdoret koncepti i kufizuar i
Shërbimit Civil.
2.1 Ligji Për Statusin e Nëpunësit Civil, Qëllimi dhe Objekti i tij
Ligji i parë për shërbimin civil në Republikën e Shqipërisë është Ligji Nr.8095, datë
21.03.1996, "Për shërbimin civil në Republikën e Shqipërisë". Megjithëse mund të themi
se ky ligj ishte një arritje, nisur nga detyrat e reja të cilat dolën për Shqipërinë lidhur me
procesin e integrimit të Shqipërisë në strukturat Euro-Atlantike, u shfaq kërkesa e një
reforme në fushën e administratës publike me qëllim krijimin e një administrate të
qëndrueshme dhe ngritjen e një shërbimi civil mbi bazën e meritave dhe profesionalizmit.
Ligji Nr. 8549, datë 11.11. 1999, "Statusi i nëpunësit civil" krijoi një sistem të përzier
(miks) të shërbimit civil, i mbështetur kryesisht tek pozicioni (posti), duke e kombinuar
atë edhe me disa elementë të sistemit të karrierës. Karakteri dominues i sistemit të
pozicioneve vërehet në elementë të tillë si kriteret e rekrutimit, ngritja në detyrë, lëvizja
paralele etj. Fryma e ligjit të sipërpërmendur ka synuar krijimin e një sistemi kryesisht të
hapur të Shërbimit Civil, duke krijuar njëkohësisht premisa edhe për mobilitet të
brendshëm dhe karrierë.
Qëllimi i këtij ligji është përcaktimi i rregullave të njëjta për kushtet dhe procedurat e
pranimit në shërbimin civil, për mënyrën e fillimit dhe mbarimit të marrëdhënieve të
punës, për zhvillimin e karrierës, për garantimin e të drejtave dhe përcaktimin e
detyrimeve të nëpunësve civile, me synim krijimin e një shërbimi civil të qëndrueshëm,
profesional dhe eficient.
kopje
15
2. 2 Përkufizimet dhe fusha e veprimit
"Nëpunësit Civilë" në kuptim të këtij ligji janë ata nëpunës të institucioneve të
administratës publike të nivelit qëndror apo vendor, të cilët ushtrojnë autoritetin publik,
në detyra të natyrës drejtuese, organizuese, mbikqyrëse apo ekzekutuese.
"Institucionet e administratës publike të nivelit qëndor apo vendor" në kuptim të këtij
ligji janë: Administrata e Kuvendit, Administrata e Presidentit, Aparati i Këshillit të
Ministrave, Ministritë, Institucionet qëndrore të pavarura, Bashkitë dhe Qarqet.
Me "institucionet e administratës qendrore" në kuptim të këtij ligji, do t'i referohemi
aparatit të Këshillit të Ministrave dhe ministrive.
Me "institucione të pavarura" në kuptim të këtij ligji, do t'i referohemi institucioneve
qëndrore të pavarura, Administratës së Kuvendit, Administratës së Presidentit, Bashkive
dhe Qarqeve.
Me "epror direkt" në kuptim të këtij ligji, do t'i referohemi: drejtorit të drejtorisë për
klasat nga shef sektori deri specialist, sekretarit të përgjithshëm për klasat nga drejtor
departamenti, deri në drejtor drejtorie dhe titullarit ose organit drejtues të institucionit për
sekretarin e përgjithshëm.
2.3 Parimet e Shërbimit Civil
Sherbimi Civil është i ndërtuar dhe vepron mbi bazën e parimeve të profesionalizmit, të
pavarësisë dhe integritetit, të paanësisë politike, të transparencës, të shërbimit ndaj
publikut, të vazhdimësisë së karrierës, të përgjegjësisë dhe korrektësisë në zbatimin e
legjislacionit në fuqi.
Parimet e organizimit dhe të veprimatarisë së shërbimit civil përcaktohen nga natyra e
shtetit si dhe nga qëllimet dhe detyrat që ka ai shtet në çdo fazë të zhvillimit të shoqërisë
në të cilën ai vepron.
Ligjvënësi ka parashikuar në Ligjin për " Statusin e nëpunësit civil" parimet kryesore mbi
të cilat mbështetet shërbimi civil.
a) Parimi i profesionalizmit;
b) Parimi i pavarsisë, integritetit dhe paanësisë politike;
c) Parimi i transparencës;
d) Parimi i shërbimit ndaj publikut;
e) Parimi i vazhdimësisë së karrierës;
f) Parimi i përgjegjësisë;
g) Parimi i korrektësisë në zbatimin e legjislacionit.
kopje
16
Disa nga këto parime janë parime të përgjithshme, për të gjithë administratën publike
shqiptare si p.sh. parimi i transaparencës, parimi i përgjegjësisë apo parimi i shërbimit
ndaj publikut. Kurse parimet e tjera janë specifike për shërbimin civil në përgjithësi dhe
nëpunësit civilë në veçanti.
2.4 Administrimi i Shërbimit Civil
2.4.1 Këshilli i Ministrave dhe Komisioni i Shërbimit Civil
Këshilli i Ministrave është organi kryesor i administrimit të shërbimit civil. Ai përcakton
drejtimet kryesore shtetërore në shërbimin civil, kontrollon zbatimin e këtyre politikave
dhe i raporton Kuvendit të Shqipërisë të paktën një herë në vit për gjëndjen në shërbimin
civil.
Këshilli i Ministrave nxjerr aktet nënligjore për zbatim të këtij ligji, në përputhje me
parimet e përgjithshme të përcaktuara në të dhe mbikqyr zbatimin e këtij ligji dhe të
akteve nënligjore në institucionet e administratës qëndrore pa ndërhyrë në përgjegjësitë e
Komisionit të Shërbimit Civil. Ai gjithashtu nxjerr udhëzime për negocimin e kushteve të
punës me sindikatat apo përfaqësuesit e nëpunësve civilë në institucionet e administratës
qëndrore në varësi të tij. Këshilli i Ministrave ka krijuar Departamentin e Administratës
Publike.
Komisioni i Shërbimit Civil është institucion i krijuar në bazë të ligjit nr. 8549 datë
11.11.1999 “Statusi i nëpunësit civil” .Në reformimin e shërbimit civil dhe burimeve
njerëzore, rëndësi e veçantë i është kushtuar ngritjes dhe funksionimit të Komisionit të
Shërbimit Civil si një institucion i pavarur, i cili shërben si organi që garanton procedura
transparente të rekrutimit të punonjësve. Mënyra e konceptimit të Komisionit të
Shërbimit Civil duke filluar nga mënyra e seleksionimit të anëtarëve të këtij Komisioni,
kohëzgjatja e mandatit, kompetencat për mbikqyrjen e tij ( nga Parlamenti ), miratimi i
pagave si dhe vetë ndodhja e tij në një ndërtesë të veçantë e bëjnë këtë komision një
institucion plotësisht të pavarur jashtë çdo ndikimi politik të pushteteve të ndryshme. Ky
komision është shumë i rëndësishëm pasi do të shërbeje si një element transparence me
përgjegjshmëri dhe drejtësi në drejtimin e shërbimit civil. Është për tu mbështetur fakti që
sigurohet një mandat qarkullues prej 7 e ½ vjetësh për pjesëtarët e Komisionit.
Ekzistenca e mundësive të tilla ka të paktën tre përfitime themelore.
Pjestarët e Komisionit do të kenë një kohë mjaft të gjatë të sigurojnë një
pavarësi të arsyeshme.
Koha e pjesëtarëve të Komisionit është sidoqoftë me një zgjatje të
përcaktuar që në një mënyrë eviton riskun e humbjes së përgjegjësisë së
komisionerëve.
Qarkullimi i një komisioneri çdo një vit e gjysëm do të sigurojë
vazhdimësi dhe stabilitet në përbërjen e Komisionit, duke siguruar në këtë
mënyrë një funksionim sa më normal dhe me sa më pak risk që mund të
vijë si rezultat i ndryshimit të qeverisë.
kopje
17
2.4.2 Institucionet e administratës qëndrore dhe Institucionet e Pavarura
Institucionet e administratës qëndrore përgjigjen për administrimin e shërbimit civil në
varësi të tyre dhe kanë këto kompetenca:
a) T'i paraqesin Departamentit të Administratës Publike, kërkesat për plotësimin e
vendeve të lira dhe ngritje në detyrë.
b) Të zgjedhin si nëpunës civil, një nga tre kandidatët e propozuar nga komitetet ad
hoc.
c) Të plotësojnë vendet e lira në institucion nëpërrnjet transferimeve të brendëshme
me karakter të përkohshëm.
d) Të përcaktojnë kritere të veçanta për vlerësimin e rezultateve të punës në
përputhje me kuadrin ligjor në fuqi dhe të bëjnë çdo vit vlerësimin e rezultateve
individuale në punë.
e) Të marrin vendime në fund të periudhës së provës në përputhje me këtë ligj dhe
aktet nënligjore të nxjerra në bazë dhe për zbatim të tij.
f) Të hartojnë dhe të zbatojnë masa të veçanta për rritjen e efektivitetit dhe
eficiençës në punë në institucionin e tyre.
g) Të hartojnë dhe të zbatojnë veprimtari trajnimi të veçanta për nëpunësit e tyre, në
përputhje me politikat dhe programet e përgjithshme të trajnimit, të miratuara nga
Këshilli i Ministrave.
Institucionet e pavarura janë përgjegjëse për adrninistrimin e shërbimit civil të tyre.
Këto institucione krijojnë departamentet e tyre të personelit për administrimin e shërbimit
civil dhe kanë këto kompetenca:
a) Të plotësojnë pozicionet e lira në institucion nëpërrnjet transferimeve të
brendëshme me karakter të përkohshëm.
b) Të përcaktojnë kritere të veçanta për vlerësimin e rezultateve të punës në
përputhje me kuadrin ligjor dhe të bëjnë çdo vit vlerësimin e rezultateve
individuale në punë.
c) Të marrin vendime në fund të periudhës së provës.
d) Të hartojnë dhe të zbatojnë masa të veçanta për rritjen e efektivitetit dhe
efiçiencës në punë të nëpunësve të tyre civilë.
e) Të hartojnë dhe të zbatojnë veprimtari trajnimi të veçanta për nëpunësit e tyre
civil.
f) Të emërojnë komitetet ad-hoc për pranimin, ngritjen në detyrë dhe lëvizjen
paralele.
g) Të zgjedhin si nëpunës civilë, një nga tre kandidatët e propozuar nga komitetet
ad-hoc.
2.4.3 Klasifikimi i nëpunësve civilë
Klasat e nëpunësve civile janë:
1. Nëpunës të nivelit të lartë drejtues
2. Nëpunës të nivelit të mesëm drejtues
kopje
18
3. Nëpunës të nivelit të ulët drejtues
4. Nëpunës civilë të nivelit ekzistues
Nëpunës civile të nivelit të lartë drejtues konsiderohen këto pozicione:
a) Sekretar i Përgjithshëm
b) Drejtor Departamenti
c) Drejtor Drejtorie e Përgjithshme
d) Pozicionet e barazvlefshme me tre të parat në institucionet e administratës publike
qëndrore apo vendore.
Nëpunës Civilë të nivelit të mesëm drejtues konsiderohen këto pozicione:
a) Drejtor Drejtorie
b) Pozicionet e barazvlefshme me to.
Nëpunës Civilë të nivelit të ulët drejtues konsiderohen këto pozicione:
a) Shef Sektori, b) Shef zyre, c) Pozicionet e barazvlefshme me to
Nëpunës Civilë të nivelit ekzekutues konsiderohen specialistët.
Këshilli i Ministrave dhe institucionet e pavarura bëjnë klasifikime ose caktojnë nivele të
ndryshme brenda secilës klasë, përkatësisht në insitucionet e administratës qëndrore ose
në institucionet e pavarura përkatëse.
2.4.4 Kërkesat e përgjithshme për pranimin në Shërbimin Civil
Mund të pranohen në shërbimin civil personat të cilët plotësojnë këto kërkesa të
përgjithshme:
b) Të jenë shtetas shqiptar.
c) Të kenë zotësi të plotë për të vepruar.
d) Të përmbushin kërkesat ligjore për nivelin arsimor dhe të zotërojnë aftësitë e
nevojshme profesionale për vendin përkatës të punës.
e) Të jenë në kushte shëndetesore të mira për të kryer detyrat përkatëse.
f) Të mos jenë të dënuar me vendim të formës së prerë të gjykatës për kryerjen e një
krimi.
g) Të mos jetë marrë ndaj tyre masa disiplinore e largimit nga shërbimi civil për
shkak të një shkelje të rëndë disiplinore.
Pranimi
Pranimi në shërbimin civil kryhet nëpërmjet konkurimit të hapur, bazuar në meritat.
Në administratën qëndrore shpallja e konkurimit bëhet nga Departamenti i Administratës
Publike, me kërkesën e institucionit përkatës. Në institucionet e pavarura shpallja bëhet
nga departamentet e personelit. Shpallja botohet në dy gazetat me qarkullim më të madh
të paktën 30 ditë para datës së caktuar për konkurimin.
kopje
19
Shpallja për konkurim përmban një listë të kërkesave të përgjithshme dhe të veçanta që
duhet të plotësojnë kandidatët dhe të fushave në të cilat do të zhvillohet konkurimi, të
përcaktuara nga Departamenti i Administratës Publike në bashkëpunim me institucionin
propozues të administratës qëndrore dhe nga departamentet e personelit për institucionet
e pavarura. Konkurimi zhvillohet në tri faza:
a) Në fazën e parë bëhet përzgjedhja e kandidatëve për t'iu nënshtruar testimit dhe
konsiston në verifikimin nëse kandidatët plotësojnë kërkesat e përgjithshme dhe të
veçanta të përcaktuara në shpalljen për konkurim. Vetëm kandidatët që plotësojnë këto
kërkesa, do të pranohen për t'iu nënshtruar fazës së testimit. Kjo fazë zhvillohet nga
Departamenti i Administratës Publike për institucionet e administratës qëndrore dhe nga
departamentet e personelit për institucionet e pavarura.
b) Në fazën e dytë zhvillohet testimi. Për zhvillimin e kësaj faze Departamenti i
Administratës Publike për institucionet e adminisatratës qëndrore dhe departamentet e
personelit në institucionet e pavarura krijojnë komitete të veçanta ad-hoc. Këto komitete
përbëhen prej pesë anëtarësh: një përfaqësues nga Departamenti i Administratës Publike
për institucionet qëndrore ose një përfaqësues i departamentit të personelit për
institucionet e pavarura; dy përfaqësues të institucionit të administratës publike qëndrore
apo vendore që kanë kërkuar plotësimin e vendit të lirë; dy profesorë nga fakulteti apo
katedra sipas fushës në të cilën do të zhvillohet testimi ose dy specialistë të njohur nga
fusha përkatëse. Komiteti ad-hoc do të hartojë një listë me tre kandidatët me rezultate më
të larta duke u bazuar kryesisht në rezultatet e testimeve, por edhe në kualifikimet,
përvojën profesionale, publikimet shkencore dhe aftesitë e veçanta të kandidatëve.
Rezultatet e testimeve do të përbëjnë 70% të pikëve totale të vlerësimit, ndërsa
kualifikimet, përvoja profesionale, publikimet shkencore dhe aftësitë e veçanta të
kandidatëve do të përbëjnë 30% të pikëve.
c) Në fazën e tretë bëhet vlerësimi përfundimtar i kandidatëve. Në këtë fazë, eprori direkt
nën varësinë e të cilit nëpunësi do të punojë zgjedh një nga tre kandidatët e propozuar nga
komitetet ad-hoc.
Ankesat për zhvillimin dhe rezultatin e konkurimit paraqiten në Komisionin e Shërbimit
Civil, brenda 30 ditëve pune nga botimi i rezultateve të konkurimit në dy gazetat me
qarkullim më të madh. Nëse një ankesë rezulton e drejte, ankuesi do t'i propozohet
institucioneve për vendin më të parë të lirë të së njëjtës kategori dhe nivel që ai ka
aplikuar.
Marrdhëniet juridike të nëpunësit civil fillojnë me aktin e emërimit në shërbimin civil dhe
janë pa afat. Akti i emërimit firmoset nga Departamenti i Administratës Publike për
institucionet e administratës qëndrore dhe nga departamentet e personelit për institucionet
e pavarura pasi kalon afati për paraqitjen e ankesave.
Periudha e provës
Nëpunësi civil i nënshtrohet një periudhe prove që zgjat një vit nga data e aktit të
emërimit. Gjatë kësaj periudhe ai është nën kujdesin e një nëpunësi të vjetër dhe
kopje
20
vlerësohet nga eprori më i afërt i tij. Veprimtaritë e trajnimit të përgjithshëm dhe të
veçantë janë të detyrueshme për nëpunësit civilë në periudhë prove.
Në fund të periudhës së provës, eprori direkt vendos:
a) konfirmimin si nëpunës civil;
b) zgjatjen e periudhës së provës një herë të vetme, deri në 6 muaj të tjerë;
c) largimin nga shërbimi civil dhe kthimin në pozicionin e mëparshëm;
Vendimi i eprorit direkt bazohet në çdo rast në vlerësimin e rezultateve individuale në
punë.
Nëpunësi mund të ankohet në Komisionin e Shërbimit Civil, brenda 30 ditëve pune nga
komunikimi i vendimit.
Në rastin e largimit nga shërbimi civil, personi përkatës gëzon të drejtat e nëpunësit civil
vetëm për periudhën e kohës së provës.
Ngritja në detyrë dhe lëvizja paralele
Përpara se të fillojë proçedura e pranimit në shërbimin civil, vendi i lirë u ofrohet
nëpunësve civilë ekzistues nëpërmjet proçedurave të lëvizjes paralele dhe më pas
nëqoftëse vendi i lirë nuk plotësohet nëpërmjet proçedurave të ngritjes në detyrë fillojnë
proçedurat e tjera për plotësimin e vendit vakant.
Lëvizja paralele është kalimi i nëpunësit civil në një vend tjetër të të njëjtit nivel apo
klasë, në të njëjtin institucion ose në një institucion tjetër të administratës publike
qëndrore apo vendore.
2.5 Problemet kryesore që kanë dalë gjatë zbatimit të ligjit "Statusi i Nëpunësit
Civil", të konstatuara nga institucioni i Avokatit të Popullit
Marrdhëniet e punës së nëpunësve civilë në të gjithë institucionet e administratës publike
qëndrore dhe vendore si dhe në institucionet e pavarura, rregullohen me ligjin "Statusi i
Nëpunësit Civil".
Nga ankesat që janë adresuar në institucionin e Avokatit të Popullit, nga njësitë e
administratës vendore, arrihet në konkluzionin se ka një shkallë më të ulët njohjeje,
implementimi dhe zbatimi të Ligjit Nr.8549, datë 11.11.1999 "Statusi i Nëpunësit Civil",
se sa në administratën qëndrore.
Aktet ligjore dhe nënligjore, të cilat rregollojnë administrimin e shërbimit civil,
përgjithësisht disponohen nga njësitë administrative vendore, këshilla qarku e bashki, por
njohja e tyre është e kufizuar vetëm tek nëpunësit e ngarkuar me menaxhimin e burimeve
njerëzore, ku edhe këto të fundit , në mjaft raste nuk kanë njohuri e koncepte të qarta e të
sakta për probleme të veçanta.
kopje
21
Në shumicën e rasteve të largimeve nga puna në njësitë vendore kjo masë është motivuar
me nenet 44 pika "f" e 60 pika" dh " të Ligjit Nr.8652, datë 31.07.2000 "Për organizimin
dhe funksionimin e qeverisjes vendore" ku i jepet e drejta kryetarit të bashkisë apo
kryetarit të këshillit të qarkut për emërim dhe shkarkim të punonjësve të tjerë jo drejtues
të strukturave të bashkisë apo personelit të administratës së këshillit të qarkut.
Por, në të dyja rastet vetë ligjvënësi ka vënë kufizimin përveç kur parashikohet ndryshe
në Ligjin Nr. 8549, datë 11.11.1999 "Statusi i Nëpunësit Civil" për këtë të drejtë të
kryetarit të bashkisë apo të kryetarit të këshillit të qarkut. Por ky kufizim ligjor i
kompetencës është shkelur, dhe me të drejtë KSHC i ka konsideruar aktet administrative
të tyre të paligjshme , të nxjerra jashtë kompetencave dhe në kundërshtim me proçedurat
ligjore të parashikuara për shërbimin civil.
Zbatimi i një praktike të tillë ka cënuar krijimin e një administrate publike vendore të
qëndrueshme, apolitike dhe të aftë të kryejë misionin e saj ligjor.
Këshillat bashkiakë dhe këshillat e qarqeve kanë të drejtën e miratimit të strukturave
organizative të bashkive dhe këshillit të qarkut përkatësisht në bazë të neneve 32 gërma"
ç" dhe 54 gërma "ç" të Ligjit Nr.8652, datë 31.07.2000 "Për organizimin dhe
funksionimin e qeverisjes vendore" , ristrukturime të cilat në mjaft raste kanë sjellë
largime të pa motivuara nga puna të nëpunësve civilë në kundërshtim me dispozitat e
ligjit.
Nga ankesat e shqyrtuara janë konstatuar shkelje të rënda të Ligjit Nr. 8549, datë
11.11.1999 " Statusi i Nëpunësit Civil" në rekrutimet e nëpunësve civilë, duke kryer
emërimet nga kryetarët e këshillit të qarkut apo bashkive, pa u zhvilluar proçedurat e
konkurimit të hapur.
Shkeljet e proçedurave ligjore për pranimin në shërbimin civil janë një dukuri e
përgjithshme negative në njësitë e pushtetit qëndror dhe atë vendor( këshilla qarku dhe
bashki), gjë e cila ka cënuar rëndë ligjin, parimet e shërbimit civil dhe ka dëmtuar
krijimin e një shërbimi civil të qëndrueshëm profesional dhe efiçient. Janë konstatuar se
në proçedurat ligjore për rekrutime nëpërmjet konkurimit, ka mangësi dhe të meta në
praktikat e zbatuara. Në zbatim të ligjit "Statusi i Nëpunësit Civil" janë vërejtur
parregullsi në nxjerrjen e akteve të konfirmimit si nëpunës civilë në fund të periudhës së
provës, apo janë bërë konfirmime për punonjës, të cilët kanë patur statusin e nëpunësit
civil, pasi ishin punësuar pa ju nënshtruar proçedurave të konkurimit të hapur.
Nga shqyrtimi i këtyre ankesave janë konstatuar mangësi edhe në drejtim të pranimit në
shërbimin civil në administratën publike, i cili në disa raste bëhet duke aplikuar emërime
me kontrata, veprime të cilat janë në kundërshtim me ligjin dhe cënon parimet e barazisë
dhe transparencës, mbi bazën e të cilit është ndërtuar dhe funksionon shërbimi civil.
Aplikimi i kontratave të përkohshme të punës, është një dukuri prezente negative, që flet
për subjektivizëm, nepotizëm dhe interesa të ngushta, të padrejta e personale të drejtuesve
të institucioneve, administrata e të cilëve përfshihet në shërbimin civil.
Kontratat e përkohshme, të cilat në disa raste kanë qenë për vite, janë përdorur në
institucionet e administratës qëndrore për plotësimin e vendeve të lira deri në zhvillimin e
kopje
22
proçedurave të konkurimit si edhe për zëvendësimin e nëpunësve civilë, të cilët
mungojnë për periudha relativisht të gjata.
Marrja në punë në shërbimin civil me kontratë të përkohshme, është një mënyrë e
menaxhimit të burimeve njerëzore e pambështetur në ligj, e cila nuk i shërben
funksionimit normal të ligjit të shërbimit civil, pra nga ana tjetër këta nëpunës nuk
gëzojnë statusin e nëpunësit civil.
Për vendet e lira të shërbimit civil, të administratës qëndrore, duhen të zbatohen kërkesat
e nenit 9 pika"c" e Ligjit Nr.8549, datë 11.11.1999 " Statusi i Nëpunësit Civil" , ku
përcaktohet e drejta e institucionit të administratës qëndrore të plotësojë vendet e lira
nëpërmjet transferimeve të brendshme me karakter të përkohshëm.
Nga ana tjetër DAP, mban " listën e pritjes së nëpunësve civilë", ku përfshihen nëpunësit
civilë që gëzojnë statusin e nëpunësit civil, që nuk punojnë efektivisht në një pozicion të
shërbimit civil për arsye objektive (ristrukturime, ndryshime të kërkesave të vendit të
punës). Këta nëpunës gëzojnë të drejtën e pagës për një vit deri në emërimin në një vend
të lirë të shërbimit civil dhe pikërisht këta duhet të aktivizohen në këto vende të lira të
përkohshme.
Por kjo mundësi ligjore (lista e pritjes) duhet të zbatohet nga DAP. Por që është
konstatuar se nuk është efiçiente, pasi vendet e nëpunësve të cilët ndjekin proçeset
gjyqësore për rifitimin e të drejtave të tyre, zihen menjëhere, fillimisht me nëpunës me
kontratë dhe më pas duke iu nënshtruar konkurimeve formale. Koordinimi i punës midis
DAP dhe drejtorive të personelit të institucioneve të administratës qëndrore, jo vetëm do
të sigurojë një funksionim normal të shërbimit civil, por do të ulë shpenzimet e tepërta që
rrjedhin nga detyrimi për nëpunësit civilë të listës së pritjes.
Pra si konkluzion, vetë ligjvënësi ka përcaktuar rregulla të qarta në pranimet në shërbimin
civil nëpërmjet proçedurës së konkurimit të hapur, bazuar në merita dhe në asnjë rast apo
asnjë arsye nuk lejon pranime në këtë shërbim në asnjë formë apo mënyrë tjetër, qoftë kjo
edhe kontratë e përkohshme.
Kjo praktikë e paligjshme e pranimit në shërbimin civil me kontratë të përkohshme, ka
sjellë në shumë raste moszhvillimin e konkurimit, pasi proçedura e tij është konsideruar
si e paragjykuar dhe kandidatët eventualë janë tërhequr nga konkurimi, zhvillimin e një
proçedure formale të konkurimit, e lidhur me personin e punësuar me kontratë të
përkohshme; uljen e cilësisë së konkurimit si rrjedhojë e paragjykimit të fituesit dhe të
mënyrës së konkurencës reale të kandidatëve të konkurimit.
Gjithashtu, kjo formë e paligjshme ka një ndikim të përgjithshëm negativ në uljen e
aplikimeve për pranimin në shërbimin civil dhe nga tregu i punës të shërbimit civil nuk
tërhiqen më të mirët, më të aftët. Ndoshta edhe në vetë ligjin "Statusi i Nëpunësit Civil",
ka vend për përmirësim duke patur parasysh vetë problemet e shfaqura gjatë
implementimit të tij në praktikë, si p.sh ulja e afateve të ankimit ndaj vendimeve të
KSHC nga 30 ditë pune në 15 ditë nga komunikimi i tyre, përcaktimi ligjor i detyrimit
për zbatimin me përpikmëri dhe në mënyrë sistematike të listës së pritjes, duke ngarkuar
përgjegjësit edhe me penalitete kur konstatohen shkelje flagrante të saj, ngritje në detyrë
kopje
23
e nëpunësve civilë, si shprehje reale e zhvillimit të karrierës duhet të bëhet me konkurim
të posaçëm vetëm me dokumente (dosje); pas realizimit të një afati të përcaktuar kohor
nga ligji dhe vlerësimeve të rezultateve në punë dhe ky kalim të jetë gradual, duke u
bazuar në klasat e kategoritë e nëpunësit civil. Kjo do t'i shërbejë, jo vetëm zhvillimit të
karrierës, por edhe qëndrueshmërisë, efiçiencës së administratës publike.
Problemi i mosekzekutimit të vendimeve të KSHC ka qenë objekt shqyrtimi i shumë
ankesave që i janë drejtuar Zyrës së Avokatit të Popullit, sikurse ka qenë dhe
mosekzekutimi i vendimeve gjyqësore në tërësi. Në lidhje me këto mosveprime, ndoshta
është e nevojshme të parashikohen sanksione dhe penalitete në drejtim të institucioneve
të administratës publike qëndrore dhe vendore, të cilat nuk zbatojnë vendimet e KSHC,
duke shmangur praktikat e gabuara të ndjekura nga këto organe, që në shumë raste u
mungon vullneti dhe mirëkuptimi për përmbushjen e këtij detyrimi sa ligjor aq dhe
kushtetues.
Ankesat e shumta për largimin nga shërbimi civil, kanë qenë të lidhura me ndryshimet e
shpeshta të strukturës së ministrive dhe ky fenomen ndodh sidomos me ndryshimet e
titullarëve, të cilët janë funksionarë politikë. Këto ndryshime në më të shumtën e rasteve
janë të pashoqëruara me ndryshime të përshkrimeve të vendeve të punës në shërbimin
civil.
Ndryshimet e shpeshta të strukturës dhe organigramës së institucionit të administratës
qëndrore janë bërë burime mosmarreveshjes për pozicionin e ri të nëpunësit. Kjo ka
krijuar vështirësi në konceptimin e shkakut të këtij ndryshimi strukturor, duke cënuar
qëndrueshmërinë dhe efektivitetin e shërbimit civil.
Nga ana tjetër, këto ndryshime shoqërohen edhe me një kosto financiare, sepse një pjesë
e nëpunësve nuk sistemohen në punë dhe kalojnë në listën e pritjes, duke gëzuar në bazë
të nenit 23 të ligjit "Statusi i Nëpunësit Civil" të drejtat e vendit të mëparshëm të punës
dhe në mënyrë të veçantë pagën deri në një vit.
Theksojmë se e drejta për ristrukturime të institucioneve të shërbimit civil duhet kuptuar
dhe konceptuar në mënyrë të pandarë me detyrimin për kryerjen e një studimi shkencor,
financiar, real dhe transparent të nevojave konkrete, të cilat sjellin domosdoshmërisht
kryerjen e ndryshimeve të plota apo të pjesshme në strukturë e organigramë.
Çdo ndryshim i pabazuar dhe i pastudiuar, i mbështetur vetëm në të drejtën për
ristrukturimin, është me pasoja të rënda për vetë shërbimin civil, pasi cënon
qëndrueshmërinë, profesionalizmin dhe efiçiencen e tij dhe është me pasoja financiare
dhe sociale.
Qeveria, e cila ka të drejtën ligjore të miratimit për ristrukturime të plota apo të pjesshme
në institucionet e administratës publike të nivelit qëndror, këshillave të qarqeve dhe të
bashkive si edhe drejtuesit e institucioneve të pavarura kushtetuse e të tjera, ku
administrata e tyre është pjesë e shërbimit civil, duhet të tregohen shumë të matur, të
kujdesshëm dhe kërkues ndaj propozimeve të paraqitura për ndryshime në strukturë dhe
organigramë të këtyre institucioneve, me qëllim që këto ndryshime të kenë rol pozitiv në
menaxhimin e burimeve njerëzore dhe në ngritjen e kapaciteteve profesionale të
kopje
24
nëpunësve civilë, duke i shërbyer më mirë publikut dhe duke i ngarkuar taksapaguesit
shqiptar me një kosto sa më të ulët.
Administrata shtetërore përgjithësisht përfshihet në shkallë të gjërë në fushatën elektorale
të partive politike. Në këtë përfundim ka dalë Grupi Shqiptar i të Drejtave të Njeriut, i cili
ka publikuar një studim mbi rolin e politikës dhe administratës shtetërore ndaj
punonjësve gjatë fushatave elektorale financuar nga Ambasada Gjermane. Për të dalë në
këtë përfundim janë bërë 420 intervista, në nëntë qytete kryesore të vendit. Konkretisht
45 % e të intervistuarve janë shprehur se kanë pasur presion politik gjatë fushatës
elektorale. Ndërkohë numri më i madh i punonjësve të administratës lëvizin nga vendi i
punës në varësi të forcës politike që drejton atë institucion. Kështu 26.5% e të
intervistuarve janë shprehur se kanë qëndruar në një vend pune nga 1 deri në 3 vjet, çka
përkon edhe me ndryshimet politike në dikastere, ndërkohë që vetëm 11.3% kanë
qëndruar në të njëjtin pozicion 4 vjet. Sipas dëshmive që kanë dhënë punonjësit e
administratës, 23.4% e tyre janë shprehur se kanë marrë urdhër nga titullari i institucionit
për të dalë në mitingje. Të intervistuarit për daljen në tubime, 30 % e të intervistuarve
janë shprehur se kanë dalë jashtë vullnetit të tyre, ndërsa 68.5 % i janë bashkuar një force
politike me vullnetin e tyre. Ndërkohë 18.5 % e të intervistuarve kanë deklaruar se
punojnë në institucione, ndërkohë që 53 % kanë deklaruar se janë të angazhuar në
veprimtari politike. Këto janë konkluzione tepër kritike. Dhe në këtë pikë duhet theksuar
me forcë: kritika nuk i drejtohet vetëm një partie të veçantë, por të gjithë pushtetarëve në
nivel lokal dhe kombëtar.
Konsolidimi i vazhdueshëm i shërbimit civil dhe reformimi i administratës publike,
shtrojnë si detyrë parësore rritjen e nivelit të mbikqyrjes së menaxhimit të shërbimit civil
në të gjitha nivelet institucionale, ku ai zhvillohet.
Sundimi i ligjit do të thotë rregull dhe stabilitet. Ky parim duhet të implementohet në çdo
hallkë të shtetit, si simbol i demokracisë moderne dhe si një sfidë për kompletimin e
sistemit të ri ligjor e administrativ, brënda proçesit të integrimit në Europën e Bashkuar.
2.6 Proçesi i rekrutimit të nëpunësit civil
Një shërbim civil, sistemi i rekrutimit dhe ngritjes në detyrë të së cilit bazohet kryesisht
mbi patronazhin politik ose favorizimin e miqve, është më i predispozuar të shkatërrojë
integritetin profesional se sa një sistem i bazuar në meritë. Një shërbim civil ku nëpunësit
civilë kanë një statut specifik që rregullon të drejtat e tyre për ngritje në karrierë, vendos
në mënyrë të qartë të drejtat dhe detyrimet e tyre duke i dhënë një nivel të ardhurash të
ndershëm dhe proporcional të shprehur hapur dhe të rregulluar mirë, dhe kërkesa
disiplinore të sakta, i bën nëpunësit civilë më pak të ndjeshëm ndaj korrupsionit,
detyrimit me forcë dhe mburrjes dhe si rrjedhojë kontribuon në mënyrë vendimtare drejt
vlerës së integritetit profesional.
kopje
25
2.6.1 Disa proçedura të përdorura dhe të garantaura nga Ligji Nr 8549 ,datë
11.11.1999 "Statusi i Nënpunësit Civil"
Pranimi në shërbimin civil:
- Procedura e pranimit
- Periudha e provës
- Lëvizja paralele dhe ngritja në detyrë
Të drejtat dhe detyrat e nëpunësit civil
Vlerësimi i arritjeve vjetore individuale të nëpunësit civil
Disa përkufizime të nevojshme
Nëpunës civil në kuptim të Ligjit Nr 8549, datë 11.11.1999," Statusi i Nëpunësit
Civil " janë ata nëpunës të institucioneve të administratës publike të nivelit
qëndror apo vendor, të cilët ushtrojnë autoritet publik, në detyra të natyrës
drejtuese, organizuese, mbikqyrëse apo ekzekutuese.
Institucionet e pavarura do t'i referohemi institucioneve qëndrore të pavarura
përfshirë dhe administratën e bashkive dhe qarqeve.
Epror direkt është drejtori i drejtorisë për klasat e përgjegjës sektori deri në
specialist dhe titullar ose drejtues institucioni për nivelin e drejtor drejtorie apo
drejtor departamenti.
Pranimi në shërbimin civil
Parimet kryesore të pranimit në shërbimin civil
-Parimi i barazisë së shanseve të barabarta për tu pranuar në shërbimin civil
-Parimi pranimit në bazë të meritave aftësive profesionale.
Katër fazat kryesore të proçesit të pranimit në shërbimin civil:
Faza përgatitore
Verifikimi paraprak
Testimi nga komiteti ad-hoc
Përzgjedhja përfundimtare nga eprori direkt.
Faza përgatitore
Konstatimi apo planifikimi i vendit vakant
Publikimi i shpalljes së vendit e cila përmban:
- Një përshkrim të shkurtër të vendit të punës
- Kushtet e pranimit në shërbimin civil
- Kriteret e përgjithshme dhe kriteret e veçanta që duhet të plotësojnë kandidatët
- Dokumentat të cilat duhet të paraqiten, afati dhe vendi ku do të paraqiten këto
dokumenta
- Data dhe vendi i shpalljes së rezultateve të verifikimit
- Fusha e testimit
kopje
26
Verifikimi paraprak
Kryhet nga Departamenti /Drejtoria /Sektori /Zyra e Burimeve Njerëzore
Konsiston në verifikimin e kandidatëve në se ata i plotësojnë kërkesat e
përgjithshme dhe të veçanta të përcaktuara në shpalljen për konkurim
Përgatitet lista me emrat e kandidatëve
Lista përmban:
1. Emrat e personave të cilët hyjnë në testim
2. Emrat e atyre të cilët nuk plotësojnë kriteret
3. Kriteret të cilat nuk plotësohen
4. Ditën dhe vendin ku do të kryhet testimi
5. Afati i ankimit për rezultatet e verifikimit paraprak si dhe organin kompetent për
zgjidhjen e ankesës
Testimi
Kryhet nga njësia kompetente e cila është komiteti ad-hoc
Komiteti përbëhet prej 5 anëtarësh:
-Një përfaqësues i departamentit të personelit për institucionet e pavaruara
-Dy përfaqësues të institucionit të administratës publike qëndrore apo vendore që
kanë kërkuar plotësimin e vendit të lirë
-Dy pedagogë nga fakulteti apo katedra sipas fushës në të cilën do të zhvillohet
testimi ose dy specialistë të njohur nga fushat përkatëse
Vlerësimi i kandidatëve bëhet në bazë të testimit me shkrim dhe me gojë.
Testimi me shkrim përmban një numër pikësh të grumbulluara që janë 70 pikë. Fushat e
testimit mund t'i ndajmë në:
Njohuri mbi fushën e specialitetit dhe kërkesave të veçanta të përcaktuara në
vendin e lirë të publikuar
Njohuri mbi kushtetutën dhe legjislacionin në fuqi
Testimi me gojë:
10 pikë i jepen kandidatit për përvojën në punë dhe kualifikimet afatshkurtra;
12 pikë për diplomën master;
8 pikë për aftësitë e veçanta personale;
Kandidatët me gradë shkencore "Doktor shkencave" vlerësohen me pikët maksimale të
testimit me gojë.
Komiteti ad-hoc mbi bazën e rezultateve, harton një listë me 3 kandidatët më të mirë,
listë e cila i paraqitet eprorit direkt.
Përzgjedhja përfundimtare bëhet nga eprori direkt.
kopje
27
Këtë fazë mund ta ndajmë në dy momente:
1. Vendimi i eprorit direkt dhe:
2. Emërimi
Ky proçes zgjat rreth dy muaj që nga moment i kërkesës për plotësimin e vendit vakant.
Vendimi i eprorit direkt
Eprori direkt në vartësinë e të cilit nënpunësi do të punojë, zgjedh një nga tre kandidatët e
propozuar nga komiteti ad-hoc, dhe brenda 3 ditëve merr vendimin i cili duhet të jetë i
argumentuar.
Nënpunësi i përzgjedhur do të jetë nënpunësi civil i përzgjedhur në një mënyrë të
përshtatshrne ndërmjet tre më të mirëve.
Emërimi
Departamenti/Drejtoria/Sektori apo Zyra e Burimeve Njerëzore, përgatit aktin e emërimit
i cili firmoset nga titullari i institucionit në institucionet e pushtetit vendor. Marrëdhëniet
juridike të nëpunësit civil fillojnë me aktin e emërimit në shërbimin civil dhe janë pa afat.
Të gjithë kandidatët mund të ankohen në KSHC lidhur me të gjitha fazat e proçedurës të
zhvillimit të konkurimit dhe të përzgjedhjes.
Diskrecioni i eprorit direkt.
Periudha e proves
Periudha e provës zgjat një vit. Gjatë kësaj periudhe nëpunësi i ri është gjithmonë
nën kujdesin e një nëpunësi më të vjetër dhe vlerësohet nga eprori më i afërt i tij.
Nëpunësi i nënshtrohet trajnimeve të detyrueshme dhe trajnimeve të veçanta
lidhur me vendin e tij të punës.
Në përfundim të periudhës së provës eprori direkt vendos:
a) Konfirmimin si nëpunës civil
b) Zgjatjen e periudhës së provës deri në 6 muaj, por vetëm një herë të
vetme.
c) Largimin nga shërbimi civil dhe kthimin në vendin e mëparshëm të punës.
Në të gjitha këto raste vendimi i eprorit direkt, bazohet mbi vlerësimin e rezultatave
individuale si dhe duhet të jetë i motivuar.
E drejta e akimimit është e garantuar, sanksionuar kjo me ligjin "Statusi i Nëpunësit
Civil", jo vetëm për vlerësimin e rezultateve individuale por edhe për çdo rast ku
nëpunësi vlerëson se i janë shkelur të drejtat e tij.
Lëvizja paralele dhe ngritja në detyrë
Çfarë është lëvizja paralele?
kopje
28
Kalimi i një nëpunësi civil nga një pozicion pune në një tjetër në të njëjtin
institucion apo në një institucion tjetër të administratës qëndrore apo vendore.
Kjo kryhet nëpërmjet proçedurave të lëvizjes paralele apo ngritjes në detyrë.
Por si realizohet kjo?
Proçedura është e njëjtë me atë të pranimit në shërbimin civil.
Vendi i shpallur më parë i ofrohet një nëpunësi egzistues.
Eprori direkt sipas klasës zgjedh midis kandidatëve të paraqitur bazuar në
kualifikimet, përvojën aftësitë si dhe rezultatet individuale.
Konkurim me dosje bazuar në merita.
Qëllimi i kësaj proçedure është të garantohet parimi i vazhdimësisë së karrierës.
Vlerësimi i rezultateve individuale në punë.
Periudha e vlerësimit është një vit kalendarik.
Kjo periudhë bazohet në arritjen e objektivave për çdo vend pune sipas
përshkrimit të vendit të punës.
Vlerësimi është detyra dhe përgjegjësia e eprorit të drejtpërdrejt.
Detyrat e nepunesit civil
- Të njohin, të respektojnë, të zbatojnë dhe të veprojnë në përputhje me
Kushtetutën, Kodin e Proçedurave Administrative dhe akte të tjera ligjore dhe
nënligjore.
- Të sigurojnë për publikun e gjërë, palët e interesuara dhe institucionet publike,
informacionin e kërkuar, me përjashtim të rasteve kur ky informacion është sekret
shtetëror, konfidencial ose për përdorim të brendshëm në përputhje me ligjet dhe
aktet e tjera nënligjore.
- Të respektojnë orarin e punës dhe t'a shfrytëzojnë atë vetëm për kryerjen e
detyrave të tyre. Orari dhe kohëzgjatja e punës përcaktohet me VKM për
nëpunësit civil në institucionet e administratës qëndrore dhe me akte normative të
oganeve të pushtetit vendor për nëpunësit civil në administratën vendore.
- Të përmirësojnë aftësitë e tyre profesionale dhe të marin pjesë në veprimtaritë
trajnuese për këtë qëllim.
- Të mos kërkojnë apo pranojnë asnjë përfitim moral apo material, për kryerjen e
detyrave, me përjashtim të pagës dhe shpërblimeve të tjera përcaktuar sipas nenit
18 të ligjit Statusi i Nëpunësit Civil.
- Të mos kryejnë punë apo veprimtari të cilat paraqesin konflikt interesash me
detyrën e tyre zyrtare, duhet të informojnë institucionin ku punojnë.
- Të mos përdorin pronën shtetërore për përfitime private.
- Të mbajnë përgjegjësi të plotë për ligjshmërinë e veprimeve të tyre, gjatë kryerjes
së detyrës dhe kur nuk janë të bindur për ligjshmërinë e urdhrave dhe vendimeve
që zbatojnë duhet të informojnë menjëherë organet ose nivelet urdhërdhënëse si
dhe organet ose nivelet eprore të këtyre të fundit. Nëpunësi civil nuk është i
detyruar të zbatojë një urdhër të paligjshëm.
- Të mos bëjë grevë.
kopje
29
- Të mos sillen në kundërshtim me rregullat e etikës.
Mos respektimi i detyrimeve të përcaktuara më sipër sjell largimin nga shërbimi civil, në
se provohen dhe gjithmonë vetëm nëpërmjet proçedurave përkatëse disiplinore.
Të drejtat e nëpunësit civil
- Të kenë një punë të garantuar në shërbimin civil, në përputhje me dispozitat e
ligjit Statusi i Nëpunësit Civil.
- Të ngrihen në detyrë dhe të lëvizin në pozicione pune paralele, në përputhje me
nenin 15 të këtij ligji.
- Të mbrohen nga shteti në kryerjen e detyrave të tyre.
- Të punojnë e të ushtrojnë veprimtari të tjera të ligjshme jashtë detyrës dhe kohës
së punës, nëse një gjë e tillë nuk paraqet konflikt iteresash me detyrën e tyre
zyrtare dhe nuk i pengon ata në ushtrimin e saj.
- Të formojnë dhe të jenë anëtar të sindikatave ose shoqatave profesionale.
Rregullat për ushtrimin e veprimtarisë sindikale të nëpunësve civil rregullohen me
ligj të veçantë.
- Të marin pjesë nëpërmjet sindikatave ose përfaqësusve të tyre në proçesin e
marrjes së vendimeve lidhur me kushtet e punës.
- Të jenë anëtarë të partive politike, por jo në organet qëndrore ekzekutive.
- Të marin një leje vjetore të pagueshme dhe leje të tjera në rastet sipas dhe
kushteve të përcaktuara nga Këshilli i Ministrave, të përfitojnë trajtim shëndetësor
për vete apo për pjesëtarët e familjes që kanë në ngarkim në përputhje me
dispozitat ligjore të marin shpërblime shtesë dhe tu paguhen shpenzimet sipas
kriterit dhe masës së parashikuar nga Këshilli Ministrave për punë jashtë orarit
dhe udhëtime pune.
- Me leje dhe autorizim të Ministrisë së Punëve të Jashtme, titullarit të institucionit
dhe të drejtorit të personelit të punojnë për organizata ndërkombëtare, në të cilat
Shqipëria është anëtare, ose për qeveri të huaja, kur kjo është në interes të
Republikës së Shqipërisë. Me mbarimin e këtij angazhimi nëpunësi kthehet në të
njëjtën punë apo në një vend të barazvlefshëm me të.
- Të trajnohen në lidhje me punën, në mënyrë periodike dhe të paguar nga shteti.
Kur nëpunësit civil i mohohen apo i shkelen të drejtat e garantuara në këtë ligj mund të
ankohet me shkrim në Komisionin e Shërbimit Civil.
Të metat dhe mangësitë e vërejtura nga Komisioni i Shërbimit Civil
Në pjesën më të madhe të institucioneve vendore janë kryer emërime jashtë këtyre
proçedurave, në kundërshtim me kërkesat e ligjit Statusi i Nëpunësit Civil.
Në rastet e verifikuara nga KSHC nuk ka një numër të madh të konkurentëve
pjesëmarrës për vendet e shpallura vakante.
Nuk njihen mirë proçedurat e parashikuara nga ligji Statusi i Nëpunësit Civil.
Për shkak të mungesës së fondeve dhe mos planifikimit të tyre është anashkaluar
proçedura e rekrutimit (publikimit) sipas ligjit Statusi i Nëpunësit Civil.
Për shkak të ndryshimit të strukturave vit për vit nga institucionet e pushtetit
vendor, mungesa e planifikimit të ndryshimeve strukturore pa patur një strategji të
kopje
30
përcaktuar qartë ka sjellë rritjen e faturës financiare për përballimin e
konkurimeve të reja.
Përmirësimet
Duhet:
Zbatimin e Ligjit Nr.8549, datë 11.11.1999 "Statusi i Nëpunësit Civil" të
respektojmë me korrektësi kërkesat e nenit 13 të këtij ligji dhe VKM Nr 231, datë
11.05.2000 "Për pranimin në shërbimin civil dhe periudhën e provës, si dhe aktet
e tjera nënligjore në fuqi.
Të gjithë institucionet që kanë kryer emërime jashtë këtyre proçedurave, të shfuqizojnë
kontratat dhe aktet e emërimit të kryera në kundërshtim me kërkesat e ligjit.
Të parashikohen fonde në buxhetin e institucionit për shpalljet e vendeve vakante sipas
parashikmimit të kryer nga Drejtoria e Burimeve Njerëzore.
Ndërprerjen e kontratave të punës për pozicionet e shërbimit civil dhe plotësimin
e vendeve sipas proçedurës së mësipërme apo kur është urgjent dhe i
domosdoshëm nëpërmjet transferimeve të brendshme me karakter të përkohshëm
siç parashikon neni 9/c dhe 10/a të Ligjit Nr.8549, datë 11.11.1999 "Statusi i
Nëpunësit civil".
Të tregohet kujdes dhe të ogranizohet puna, si nga ana e njësisë së personelit, që
të rritet numri i konkurentëve për një vend pune duke mos lejuar zhvillimin e tyre
me një numër minimal konkurentësh. Kjo do të arrihet nëse tek konkurentët
krijohet bindja se vendi i punës realisht nuk është i zënë paraprakisht. Pra rritja e
besueshmërisë së konkurentëve për vendin që konkurojnë.
Njësitë e administrimit të burimeve njerëzore të administratës vendore dhe institucioneve
të pavaruara, kërkojnë, që para se të fillojnë proçedurat e konkurimit, të bëjnë të gjitha
përpjekjet për plotësimin e vendeve të lira të punës, nga nëpunës të rregjistruar në listat e
pritjes, të krijuara nga procesi i ristrukturimit ose të aplikohet lëvizja paralele dhe ngritja
në detyrë brënda institucionit.
2.7 Roli dhe përgjegjësia e institucioneve të administratës vendore për zbatimin e
ligjit "Statusi i Nëpunësit Civil" në lidhje me masat disiplinore, pezullimin,
ristrukturimin, lirimin nga shërbimi civil si dhe problemet e hasura në praktikën e
KSHC.
2.7.1 Roli dhe përgjegjësia e institucioneve të administratës vendore në manaxhimin
e shërbimit civil.
Roli i njësive të personelit në institucionet e administratës vendore merr një rëndësi të
veçantë në lidhje me manaxhimin dhe administrimin e shërbimit civil. Kjo për faktin se
këto struktura janë përgjegjëse për të gjitha ato proçedura të cilat në institucionet e
kopje
31
administratës qëndrore i kryen një strukturë e posaçme që është Departamenti i
Administratës Publike.
Këto kushte, institucionet e administratës vendore, nëpërmjet njësive të tyre të personelit
i duhet të bëjnë në mënyrë individuale përgjithësimin dhe unifikimin e praktikave si dhe
hartimin e metodologjisë për administrimin dhe menaxhimin në mënyrë efikase të
shërbimit civil e më konkretisht të burimeve njerëzore në dispozicion të tyre. Për këtë
arsye duke njohur problematikën e njësive të pushtetit vendor, si rezultat i një pune disa
vjeçare në organet e pushtetit vendor, do të japim disa orientime në lidhje me zbatimin në
praktikë të këtij ligji, të praktikave që do të trajtohen në vijim.
Çfarë synon dhe çfarë kërkohet me përcaktimin e proçedurës në momentin e aplikimit të
praktikave të ristrukturimit, lirimit nga shërbimi civil dhe dhënies së masave disiplinore?
Përcaktimi i kufijve proçedurial dhe garantues, me qëllim shmangien e tendecës së
punëdhënësit për të shpërdoruar të drejtën e ristrukturimit, lirimit nga shërbimi civil si
dhe për të dhënë masa disiplinore ndaj punëmarrësit. Kjo proçedurë është një nga
elementët më të rëndësishëm të tërësisë së normave juridike që parashikon të drejtat dhe
detyrat e nëpunësit civil.
Ligji parashikon nevojën e respektimit të kërkesave garantuese proçeduriale në lidhje me
ristrukturimin, lirimin nga shërbimi civil dhe marrjen e masave disiplinore.
Çfarë është masa disiplinore?
Një mjet në duart e punëdhënësit për të administruar në mënyrë më të mirë të mundshme
burimet e organizatës.Ky mjet shërben për t'a bërë organizatën, sa më të orientuar në
realizimin e objektivave të caktuara dhe si një kundërpeshë e të drejtave të fituara nga
nëpunësi civil, si një roje e standarteve që punëdhënësi pret të zbatohen nga këta nëpunës.
2.7.2 Llojet e masave disiplinore
- Vërejtje me shkrim (shlyhet pas një viti)
- Vërejtje me paralajmërim (nuk shënohet në dosjen e personelit)
Kjo masë ka për qëllim:
- Këshillimin dhe paralajmërimin e nëpunësit për masa të tjera disiplinore, më të
rënda. Kjo masë disiplinore nuk shënohet në dosjen vetjake të nëpunësit. Në rast
përsëritje të shkeljes disiplinore, masat e tjera shënohen në dosjen vetjake të
nëpunësit, sëbashku me një kopje të vendimit përkatës.
- Pezullimi nga e drejta e ngritjes në detyrë, për një periudhë deri në dy vjet (vetëm
një here) ( shlyhet pas 3 vjetësh).
- Kalimi në një detyrë të një niveli apo klase më të ulët për një periudhë nga 30 ditë
deri në 1 vit (vetëm një herë) ( shlyhet pas 3 vjetësh)
- Largimi nga shërbimi civil.
Cilat veprime apo mosveprime konsiderohen si shkelje disiplinore në kuptim të ligjit?
kopje
32
- Mosrespektimi i përsëritur i kohës dhe i orarit të punës.
- Moskryetja e detyrave, apo mosrespektimi i përsëritur, i afateve të caktuara për
kryerjen e detyrave.
- Sjellja e parregullt, gjatë kohës së punës, me eprorët, kolegët, me vartësit dhe me
publikun.
- Dëmtimi i pronës shtetërore, përdorimi i saj jashtë përcaktimit zyrtar, krijimi pa
shkaqe të pranueshme i mundësisë për dëmtim apo këqpërdorim të pronës
shtetërore.
- Kryerja, brenda apo jashtë kohës së punës, të veprimeve që cënojnë figurën e
nëpunësit civil, institucionin apo shërbimin civil në tërësi.
- Kryerja e punëve apo veprimtarive, të cilat cënojnë interesat e detyrës zyrtare ose
që pengojnë përmbushjen e saj.
- Shkelja e rregullave të etikës në shërbimin civil.
- Moszbatimi i dispozitave ligjore në përmbushjen e detyrave funksionale.
- Shkelja e rregullave të etikës në shërbimin civil.
- Moszbatimi i dispozitave ligjore në përmbushjen e detyrave funksionale.
- Shkelja e rregullave të përcaktuara për ruajtjen e sekretit shtetëror apo të
mirëbesimit për të dhënat, e renditura si të tilla.
- Shprehja e mendimeve apo kryerja e veprimtarive publike me karakter partiak në
rolin e nëpunësit civil gjatë orarit të punës.
- Mosrespektimi i detyrave të tjera, të parashikuara në nenin 19 të Ligjit Nr. 8549,
datë 11.11.1999 "Për Statusin e Nëpunësit Civil".
Proçedurat gjatë një ecurie disiplinore janë:
- Përcaktimi i kufijve proçedurial dhe garantues, me qëllim shmangien e tendencës
së punëdhënësit për të shpërdoruar të drejtën që ka për të marrë një masë
disiplinore. Pjesa më e prekshme dhe më e ndjeshme e marrdhënieve të punës.
- Garantimi i të drejtës për t'u dëgjuar nga eprori direkt, (i drejtëpërdrejtë), për t'u
mbrotjur dhe për t'u ankuar.
Fillimi i ecurisë disiplinore
Ecuria disiplinore fillohet nga eprori i drejtëpërdrejtë me vetëveprim të tij apo me kërkesë
drejtuar atij nga çdo organ apo person i interesuar.
Në rastin e Administratës Vendore, është specifike se në çdo rast, eprori drejtëpërdrejtë
është titullari i institucionit, kryetari i këshillit të qarkut apo i bashkisë.
Kërkesa për ecurinë disiplinore duhet të plotësohet në këtë mënyrë:
- Të jetë me shkrim,
- Të identifikojë nëpunësin civil që pretendohet të ketë kryer shkeljen disiplinore,
- Të përcaktojë veprimin konkret që pretendohet se përbën shkelje disiplinore dhe
rrethanat e kryerjes së thyerjes disiplinore.
Zhvillimi i ecurisë disiplinore
Eprori direkt njofton me shkrim nëpunësin civil:
kopje
33
- Për të drejtën që ai ka të dëgjohet, vetë, apo me përfaqësues ligjorë dhe për të
paraqitur dëshmitarë.
- Për datën kur do të shqyrtohet shkelja e pretenduar. Kjo datë nuk mund të
caktohet më vonë se 8 ditë nga marrja e njoftimit. Nëse çmohet e arsyeshme
eprori mund të ftojë dëshmitarë për të sjellë fakte rreth çështjes së caktuar.
Nëpunësi dhe përfaqësuesi i tij kanë të drejtë të jenë të pranishëm, në momentin
kur dëshmitarët sjellin fakte dhe t'i pyesin ata, për faktet e sjella prej tyre.
Çfarë vlerësohet për masën displinore?
- Shkaqet dhe rëndësia e shkeljes disiplinore,
- Shkalla e fajësisë,
- Rrethanat në të cilat është kryer shkelja,
- Pasojat e shkeljes,
- Rezultatet e vlerësimit individual,
- Sjellja e përgjithshme në kryerjen e detyrave,
- Nëse ka marrë masa disiplinore të mëparshme, të cilat nuk janë shlyer në kushtet
e nenit 25, të Ligjit Nr.8549 datë 11.11.1999 "Për Statusin e Nëpunësit Civil".
Në përfundim të një ecurie disiplinore eprori i drejtëpërdrejtë vlerëson:
- Bindjen e brëndshme, nëse masa disiplinore është e nevojsme dhe nëse po, a është
në përputhje me shkeljen disiplinore, pra a ka bërë zgjedhjen e duhur.
Pas kësaj eprori i drejtëpërdrejtë vendos:
- Marrjen e një mase disiplinore, kur vëren se ka patur shkelje disiplinore.
- Ndërprerjen e ecurisë disiplinore, në rastet kur vëren se nuk ka shkelje disiplinore,
siç ishte menduar ose sugjeruar me shkrim;
- Vendos nëse veprimi i shqyrtuar nuk përbën shkelje;
- Vendos nëse veprimi nuk ka qenë ose nuk është kryer nga nëpunësi përkatës.
Procedura e marrjes së masës disiplinore përfundon me një vendim të arsyetuar të
kryetarit të bashkisë/këshillit të qarkut.
Vendimi duhet të përmbajë:
- Organin që e ka marrë vendimin,
- Identifikimin e nëpunësit ndaj të cilit është marrë masa,
- Masën e marrë,
- Shkeljen faktike,
- Bazën ligjore,
- Arsyetimin e vendimit dhe shpjegimin e fakteve që janë bërë shkas për marrjen e
masës,
- Datën e hyrjes në fuqi të vendimit,
- Të drejtën për t'u ankuar, afatin dhe organin që duhet t'i drejtohet për zgjidhjen e
ankesës, nëpunësi ndaj të cilit është marrë masa.
kopje
34
Një kopje e këtij vendimi i dorëzohet nëpunësit dhe një kopje Deparatamentit/ Drejtorisë/
Sektorit/ Zyrës së personelit brenda 4 ditëve.
2.7.3 Ankimimi në KSHC
Ankimimi në KSHC paraqitet në formë shkresore dhe duhet të përmbajë këto të dhëna:
- emrin dhe adresën e ankuesit;
- vendimin që kundërshtohet (dy kopje të tij);
- bazën ligjore të ankimimit;
- provat shkresore dhe çdo dokument tjetër që vlerësohet i rëndësishëm nga ankuesi
për argumentimin e ankesës.
Afati i paraqitjes së ankesave në KSHC:
Ankesat kundër vendimeve të marra nga organet kompetente, për të gjitha rastet e lirimit
nga shërbimi civil, duhet t'i drejtohen Komisionit të Shërbimit Civil, brënda 30 ditëve
punë nga komunikimi i vendimit.
2.7.4 Vendimi KSHC
Pas shqyrtimit të ankesës Komisioni i Shërbimit Civil vendos:
- Pranimin e ankesës, shfuqizimin e vendimit të eprorit të drejtpërdrejtë,
- Rrëzimin e ankesës,
- Ndryshimin e masës displinore në një masë më të lehtë apo më të rëndë,
- Pushimin e shqyrtimit.
2.7.5 Pezullimi
Instituti i pezullimit është ndërprerja e përkohshme e marrëdhënieve ligjore për periudhën
sa zgjat arsyeja e ndërprerjes. Në mbarim të kësaj periudhe, nëpunësi civil rimerr vendin
e tij të punës në shërbimin civil, me përjashtim të rastit kur dënohet me heqje lirie.
Kur aplikohet pezullimi?
- Kur ndaj nëpunësit civil fillon ndjekja penale për shkak të detyrës.
- Kur ndaj tij merren masa provizore për krime të rënda, deri në marrjen e një
vendimi përfundimtar;
- Gjatë periudhës së thirrjes nën armë
- Gjatë periudhës në të cilën ushtron një funksion politik sipas dispozitave në fuqi.
kopje
35
- Për periudha studimi më shumë se 6 muaj, të ndërmarra me nismën e vet
nëpunësit, por në lidhje me profesionin që ai ushtron.
Si rregullohet marrëdhënia financiare gjatë dhe pas rënies së shkakut të pezullimit?
Gjatë periudhës së pezullimit nëpunësi nuk paguhet. Kur pushohet çështja penale ose kur
deklarohet i pafajshëm me vendim gjyqësor të formës së prerë, nëpunësit i jepet paga
bazë që nga momenti i pezullimit.
Periudha e kohës së pezullimit llogaritet si vjetërsi në shërbimin civil.
2.7.6 Mbyllja dhe ristrukturimi i institucionit
Një institucion mund të mbyllet apo të ristrukturohet në përmbushje të politikave
shtetërore. Në rastet e mbylljes së institucionit nëpunësi civil lirohet (largohet) nga
shërbimi civil, pasi vendi i tij deklarohet i tepërt.
Në rastet e ristrukturimit, kur vendi është deklaruar i tepërt, nëpunësit civil mund ti:
a) Ofrohet një pozicion tjetër brënda të njëjtit përshkrim pune,
b) Ofrohet një pozicion më i ulët (nëse nëpunësi pranon),
c) Të kalojë në listë pritje duke gëzuar të drejtat e vendit të punës për një vit derisa
t'i ofrohet një vend tjetër,
d) Në rast se nëpunësi civil refuzon të pranojë vendin e ofruar, ai humbet të drejtat
që i takojnë si nëpunës civil.
Ndodhemi në kushtet e ndryshimit të kërkesave të vendit të punës kur:
- Ka ndryshim të përshkrimit të punës,
Në këtë rast:
- Nëpunësit civil i lihen 6 muaj kohë për t'u përshtatur.
- Nëpunësi civil i nënshtrohet veprimtarisë së trajnimit.
Nëse në përfundim të periudhës së përcaktuar, konstatohen papërshtatshmëri, atëherë
nëpunësi trajtohet sipas nenit 23/2 te ligjit. Ky proçes zakonisht shoqëron një moment
ristrukturimi në institucion.
Momenti i ristrukturimit nuk duhet të konsiderohet:
- Një ndryshim emrash të drejtorive apo sektorëve ekzistues,
- Ndryshim i kriterit arsimor, pa analizuar nevojën e këtij ndryshimi,
- Shkurtim i pozicionit që ka lidhje me një emër konkret,
- Ngritje e nivelit të pozicionit për efekt page, etj.
kopje
36
Ristrukturimi është i domosdoshëm kur:
- Ka lindur një nevojë konkrete për të rregulluar ecurinë e punës në institucion, e
cila materializohet me një studim konkret.
- Proçesi udhëhiqet nga njësia e personelit dhe paraprihet nga hartimi përshkrimeve
të reja të punës për pozicionet që mendohen të nevojshme për t'u krijuar.
Çfarë është e domosdoshme të bëhet në lidhje me reformimin e strukturave aktuale të
bashkive dhe qarqeve?
- Hartimi i strukturave të reja në përputhje me ligjin për shërbimin civil.
- Përcaktimi në strukturë i pozicioneve që përfshihen në shërbimin civil.
- Përfshirja në strukturën e institucionit e të gjitha pozicioneve të punës që
atashohen si funksione të deleguara prej pushtetit qendror.
Si duhet të përcaktohen pozicionet që përfshihen në shërbimin civil?
Të mbahen parasysh përcaktimet e nenit 3 dhe përkufizimet e pikës 1 të nenit 2 të Ligjit
"Statusi i Nëpunësit Civil" si dhe nenit 11 të këtij ligji.
Në kuptim të këtij ligji janë:
1. Nëpunësit e administratës qëndrore e vendore,
2. Ushtrojnë autoritet publik,
3. Kanë detyra të natyrës drejtuese organizuese, mbikqyrëse apo ekzekutuese sipas
nenit 11 të këtij ligji.
2.7.7 Lirimi nga shërbimi civil
Nëpunësit civil lirohen nga shërbimi civil për këto arsye:
- Kur japin dorëheqjen;
- Kur mbushin moshën e pensionit;
- Kur bëhen të paaftë përgjithmonë për të kryer detyrat e tyre zyrtare, për shkak të
kushteve shëndetësore;
- Kur dënohen me vendim të formës së prerë të gjykatës dhe me heqje lirie;
- Kur konkludohet paaftësia për të kryer detyrat e tyre, të paktën, pas dy
vlerësimeve negative të njëpasnjëshme të rezultateve në punë;
- Në rastin e mbylljes së institucionit,
- Kur konstatohet papërshtashmëria me vendin e ri të punës;
kopje
37
- Kur merret ndaj tyre masa disiplinore e "Largimit nga shërbimi civil", nga organi
kompetent sipas proçedurave të parashikuara në nenin 25 të këtij ligji.
Dorëheqja:
Afati i dorëheqjes bëhet me njoftimin e menjëhershëm, miratimi i saj nga titullari është
10 deri 45 në ditë. Dorëheqja paraqitet me shkrim tek eprori dhe vihet në dijeni drejtoria
e personelit.
Paaftësia përfundimtare:
Paaftësia përfundimtare vjen si rezultat kur nëpunësi civil për shkak të gjëndjes
shëndetësore nuk mund të kryej detyrat funksionale të tij. Kjo paaftësi e nëpunësit civil
përcaktohet nga drejtoria e personelit në bazë të çertifikatës së gjëndjes shëndetësore.
Proçedurat që duhet të ndiqen për sistemimin e punonjësve gjatë një proçesi
ristrukturiumi të institucionit:
Vendimi për kalim në listë pritje merret nga Titullari i institucionit dhe mbështetet në
krahasimin e përshkrimit të punës së mëparshme me përshkrimin e vendeve të reja të
krijuara apo të mbetura, si dhe vlerësimet e rezultateve individuale në punë të dy viteve të
fundit.
Nëpunësit me përshkrim të njëjtë apo të ngjashëm me përshkrimin e vendeve të reja të
krijuara apo të mbetura dhe të ristrukturuara dhe që kanë vlerësim të mirë për 2 vitet e
fundit, do të mbahen në punë në kufirin e numrit të përgjithshëm të vendeve të miratuara.
Departamenti/Drejtoria/Sektori/Personeli, rregjistron nëpunësit në pritje dhe në rastin më
të parë të një vendi vakant, nëse kandidati plotëson kërkesat e veçanta për vendin e lirë,
kryen proçedurat për emërimin e tij pa konkurim.
Lista e pritjes, sipas ligjit është pa afat dhe për efekte financiare është përcaktuar afati 1
vjeçar.
Lirimi për paaftësi:
Menjëherë pas dhënies së vlerësimit të dytë negativë propozohet lirimi nga detyra i
nëpunësit civil.Kjo proçedurë është e ndryshme nga ajo e largimit nga shërbimi civil për
shkak të një mase disiplinore.
Në këtë rast, menjëhere pas dhënies së vlerësimit të dytë negativë, eprori që ka bërë
vlerësimin i propozon njësisë së personelit largimin nga shërbimi civil për nëpunësin
përkatës. Vendimi nga njësia e personelit merret brenda 10 ditëve pune.
kopje
38
KAPITULLI III
SHËRBIMI CIVIL NË KËNDVËSHTRIMIN E STRATEGJISË
NDËRSEKTORIALE TË REFORMËS NË ADMINISTRATËN PUBLIKE NË
KUADËR TË STRATEGJISË KOMBËTARE PËR ZHVILLIM DHE INTEGRIM
Më poshtë vijon një përshkrim përmbledhës i situatës aktuale lidhur me përbërësit
kryesore të reformës në administratën publike shqiptare, siç janë parimet bazë të
shërbimit civil, menaxhimi tërësor i burimeve njerëzore, organizimi funksional dhe
strukturor i administratës publike, si dhe proçedurat dhe proçeset thelbësore të vendim-
marrjës dhe kryerjes së shërbimeve në administratën publike.
3.1 Parimet bazë të Shërbimit Civil
3.1.1 Karakteristikat thelbësore të sistemit
Ligji Nr.8549, datë 11.11. 1999, "Statusi i nëpunësit civil" krijoi një sistem të përzier
(miks) të shërbimit civil, i mbështetur kryesisht tek pozicioni (posti), duke e kombinuar
atë edhe me disa elementë të sistemit të karrierës. Karakteri dominues i sistemit të
pozicioneve vërehet në elementë të tillë si kriteret e rekrutimit, ngritja në detyrë, lëvizja
paralele etj.
Fryma e ligjit të sipërpërmendur ka synuar krijimin e një sistemi kryesisht të hapur të
SHC, duke krijuar njëkohësisht premisa edhe për mobilitet të brendshëm dhe karrierë.
Treguesit e viteve të fundit lidhur me ngritjet në detyrë dhe lëvizjet paralele dëshmojnë,
megjithatë, se në praktikë kemi të bëjmë me një sistem thuajse tërësisht të hapur për
konkurrimin nga jashtë, përfshirë dhe veçanërisht pozicionet më të larta drejtuese të SHC
(sekretari i përgjithshëm, drejtori i përgjithshëm dhe drejtori i drejtorisë në ministri).
Rekrutimet për pjesën më të madhe të këtyre pozicioneve janë realizuar nëpërmjet
proçedurave të konkurimit të hapur për kandidatë të jashtëm por pa përjashtuar
konkurimin edhe të nëpunësve aktualë civilë.
Avantazhi kryesor i kësaj situate ka qenë tërheqja drejt SHC e individëve të kualifikuar
(të diplomuar nga universitete të huaja apo me përvoja pozitive në sektorin privat), që
nuk kanë qenë më parë pjesë e administratës publike. Disavantazhi i kësaj hapjeje lidhet
me faktin se ajo mund të shkaktojë rënie të motivimit tek punonjësit aktuale të SHC, të
cilët do të donin të shihnin më shumë elementë të karrierës në sistem.
Dukuria e mësipërme është kryesisht pasojë e lidhjes së fortë me pozicionin (e vendosjes
së tij në qendër të sistemit), gjë që e bën mjaft të ngurtë mobilitetin e brendshëm
horizontal dhe vertikal dhe mjaft të justifikuar hapjen, duke patur potencialisht ndikim
mbi motivimin e nëpunësve civilë. Nga ana tjetër, ekzistojnë gjithashtu disa probleme që
kanë të bëjnë me qartësinë ligjore dhe faktorë frenues që janë pjesë e sistemit (p.sh.
periudha 1 vjeçare e provës edhe në rastin e lëvizjes paralele në pozicione të ngjashme).
kopje
39
3.1.2 Shtrirja vertikale
Shtrilja vertikale e fushës së veprimit të ligjit të Shërbimit Civil nis, sipas një skeme
hierarkie, nga pozicioni i sekretarit të përgjithshëm të ministrisë dhe shkon deri tek niveli
i specialistit. Në praktikën e deritanishme vihet re, një konsolidim i kënaqshëm në nivelet
e ulëta dhe të mesme (tregues i pranueshëm qarkullimi), ndërsa për nivelin e lartë të
Shërbimit Civil treguesi i qarkullimit ka qenë i lartë, gjë që tregon për faktin se këto
pozicione janë disi më të ekspozuara ndaj ndryshimeve të mundshme politike apo edhe
ndaj raporteve personale epror-vartës pavarësisht nga motivimi i drejtë apo abuziv i këtij
qarkullimi.
3.1.3 Shtrirja horizontale
Shtrirja horizontale e fushës së veprimit të ligjit të Shërbimit Civil është e kufizuar në
disa institucione (Këshilli i Ministrave, ministri, institucionet e pavarura, bashki, qarqe
etj). Numri i nëpunësve të institucioneve të mësipërme, që janë përfshirë deri më tani në
statusin e nëpunësit civil është rreth 4 mijë vetë. Nga këto nëpunës civilë në Këshillin e
Ministrave dhe ministritë e linjës janë rreth 1400 nëpunës civilë duke përbërë vetëm 1/3 e
totalit.
Statusi i disa kategorive të tjera nëpunësish, të institucioneve të tilla si tatime, dogana,
polici, diplomaci etj, rregullohen me ligjet përkatëse, të cilat në thelb përmbajnë disa
elementë të ngjashëm ose të përafërta me ato të statusit të nëpunësit civil. Statusi i pjesës
tjetër të punonjësve të administratës publike (arsimi, shëndetësia etj), përfshirë
administratën dhe punonjësit e degëve të ministrive në rrethe dhe/ose qarqe e që përbëjnë
dhe numrin më të madh të punonjësve në këtë sektor, bazohet thjesht në Kodin e Punës.
3.2 Menaxhimi i burimeve njerëzore
Në këtë seksion do të paraqitet gjëndja aktuale e aktivitetit të menaxhimit të burimeve
njerëzore, duke u ndalur në elementët e saj më thelbësorë të tillë si rekrutimi, ngritja në
detyrë, lëvizja paralele, vlerësimi i përformancës individuale, proçedurat disiplinore dhe
sistemi i trajnimit.
3.2.1 Rekrutimi
Rekrutimi në Shërbimin Civil bazohet në konkurimin për çdo pozicion dhe është i hapur
për kandidatë të jashtëm (nëse nuk është plotësuar numri 4 i kandidatëve të brendshëm).
Testimi kryhet nga një komision ad-hoc. Eprori i drejtpërdrejtë përzgjedh si fitues një nga
tre kandidaturat e seleksionuara nga komisioni. I përzgjedhuri kalon nëpërmjet një
periudhe 1-vjeçare prove, përpara se të konfirmohet si nëpunës civil në pozicionin
përkatës.
kopje
40
Në proçesin e përzgjedhjes, vlerësimi i CV-së zë 26% të pikëve të konkursit (plus 4% nga
intervista me gojë), kundrejt 70% të pikëve në testimin me shkrim. Testi me shkrim është
përcaktues në përzgjedhjen nga komiteti ad-hoc.
Në vitet e para të zbatimit të këtij proçesi rekrutimi, vërehej një numër relativisht i vogël
konkurentësh për çdo pozicion, më pas ky numër është rritur gradualisht. Në dy vitet e
fundit, megjithatë, mund të konstatohet një rënie e numrit mesatar të kandidatëve që
konkurojnë për një pozicion, sidomos në nivelet e larta të Shërbimit Civil.
Shkaku kryesor për këtë gjëndje mund të kërkohet në shtimin relativ të numrit të
kontratave paraprake (të përkohshme) që pasuan edhe një fazë ristrukturimi të thelle të të
gjitha ministrive, të cilat mund të perceptohen si paracaktim lidhur me rekrutimin në një
pozicion të caktuar dhe rrjedhimisht konkurset mund të paragjykohen nga kandidatët
potenciale. Kontratat paraprake, nga ana tjetër, përbëjnë një mjet mjaft elastik rekrutimi
dhe përdorimi i tyre në mënyrë të kufizuar e në masën e duhur siguron burimet e kërkuara
njerëzore në momente nevojash emergjente etj. Duket se përdorimi i kontratave
paraprake nuk është bërë në mënyrë të balancuar dhe nuk ka marrë sa duhet në
konsideratë efektin kontrovers të këtij instrumenti.
Konsiderohet se konkurimet janë përgjithësisht objektive, por mënyra e vlerësimit në to
priret drejt testimeve shabllon dhe teorike, përdoren metoda skematike, që vlerësojnë më
shumë informacionin e memorizuar, në dëm të vlerësimit të aftësive analitike, formimit,
potencialit krijues apo personalitetit. Si rregull, konkurrimi ka qenë i hapur për kandidatët
e jashtëm, në të gjitha nivelet.
Rekrutimi është një proçes i ngadaltë dhe me kosto relativisht të lartë, pasi zbatohet
veçmas për çdo pozicion pavarësisht nga niveli apo ngjashmëritë e detyrave mes
pozicioneve.
Rritja e cilësisë së nëpunësve civilë nëpërmjet proçesit të rekrutimit
Përsa i përket pranimit në Shërbimin Civil, një rëndësi të veçantë ka patur tërheqja në
administratën publike e kapaciteteve të shkolluara jashtë vendit dhe sidomos atyre me
kualifikime pasuniversitare (të tipit master, apo doktoratura dhe tituj shkencorë), gjë që
është mundësuar nga natyra e hapur e sistemit të Shërbimit Civil.
Në këtë drejtim, u ndryshua sistemi i vlerësimit me pikë të kandidatëve gjatë rekrutimit
duke iu dhënë një vlerësim shtesë të veçantë kandidatëve me master dhe doktoraturë. Kjo
masë u parapri nga një fushatë intensive për inforrnimin e kandidatëve lidhur me këtë
sistem vlerësimi. Për më tepër, ministritë e linjës janë udhëzuar, që në proçesin e
përzgjedhjes së kandidatit fitues nga treshja e kualifikuar, t'u jepet prioritet kandidatëve,
të cilët kanë mbaruar studimet e larta në shkollat jashtë vendit. Në kuadër të miratimit të
vendimeve të Këshillit të Ministrave, në fushën e pagave, nëpunësve civilë me
kualifikime pasuniversitare, grada e tituj shkencorë, u është njohur e drejta e përfitimit të
një shtese për kualifikimin përkatës, gjithmonë, nëse ky kualifikim është në përputhje me
përshkrimin e punës së nëpunësit.
kopje
41
3.2.2 Ngritja në detyrë
Mundësia për ngritje në detyrë krijohet në rastet kur paraqiten katër konkurues të
brendshëm (nëpunës aktualë) për një pozicion. Nëse kushti i mësipërm nuk plotësohet,
konkurimi për atë pozicion hapet për kandidatët e jashtëm. Në praktikë, ngritja në detyrë
ka ndodhur në një përqindje mjaft të vogël rastesh. Ekzistojnë, megjithatë, disa paqartësi
lidhur me ndryshimin e pozicionit (avancim) brenda një niveli (p.sh. të lartë) nëse kjo
përbën ngritje në detyrë apo lëvizje paralele, gjë që vështirëson pasqyrimin real të këtij
treguesi.
Avantazhi kryesor i kësaj dukurie është se konkurimi publik ka promovuar tërheqjen e
kandidatëve të aftë nga jashtë administratës, gjë që krijon mundësinë e sjelljes së
njohurive dhe metodave të reja të punës nga ata kandidatë që kanë studiuar jashtë vendit
apo nga ata që vijnë prej sektorit privat. Disavantazhi, nga ana tjetër, ka të bëjë me
praninë e një kostoje oportune në lidhje me sigurinë e karrierës, që mund të motivonte më
mirë nëpunësit e brendshëm civilë.
3.2.3 Vlerësimi i performancës individuale
Vlerësimi i performancës individuale të nëpunësve civilë kryhet një herë në vit,
megjithatë së fundmi kjo është modifikuar, duke vendosur periudha 6-mujore vlerësimi.
Vërehet, se teorikisht ekziston një lidhje mes pozicionit, përshkrimit të punës,
detyrave/objektivave dhe vlerësimit. Sistemi i vlerësimit është i shkallëzuar, me kritere
vlerësimi nga 1-4 ku njëshi është vlerësimi më pozitiv, e pastaj shkon duke zbritur deri te
katra (vlerësimi negativ).
Statistikat vjetore të vlerësimit të performancës demonstrojnë deviacione të forta në favor
të vlerësimit me 1 (shumë mirë) dhe 2 (mirë). Kjo mendohet se vjen për shkak të
konformizmit në vlerësim, në kushtet e njësive shumë të vogla administrative (pak
punonjës të familjarizuar mes tyre), si dhe mungesës së njohurive dhe aftësive për të
vlerësuar apo për të caktuar detyra të matshme (nga ana e eprorëve). Edhe lidhja e këtij
vlerësimi me një shpërblim të diferencuar në pagë sipas notës vlerësuese nuk ka
ndihmuar në forcimin e objektivitetit të vlerësimit ndërsa lidhja e dobët e rezultateve të
vlerësimit me shanset për karrierë demotivojnë kryerjen e një vlerësimi serioz dhe
objektiv.
Ecuria e proçesit të vlerësimit të rezultateve vjetore vazhdon të mbetet problematike.
Numri i nëpunësve që përfshihen si vlerësues të vartësve të tyre është i madh dhe kjo rrit
mundësinë e inkoherencës horizontale në vlerësim. Nga ana tjetër kapacitetet dhe
njohuritë për metodat e vlerësimit janë mjaft të dobëta dhe trajnimet në këtë fushë kanë
qënë mjaft të kufizuara. Situata vështirësohet edhe si rezultat i veprimit të faktorëve të
tjerë jashtë vlerësimit si: ndryshimet e shpeshta dhe/ose të thella strukturore dhe të
përshkrimit të punës, ndryshimet në stafet etj.
kopje
42
3.2.4 Sistemi i trajnimit
Kërkesa për trajnim konsiston kryesisht në një trajnim të detyruar gjatë kohës së provës të
nëpunësit civil, që pasohet edhe nga testimi përkatës; si dhe trajnime të tjera sipas
kërkesave të agjensive përkatëse shtetërore e që merren parasysh në vlerësimin e nevoja
për trajnim që ITAP kryen periodikisht. Si rregull, nuk kërkohen testime në përfundim të
kryerjes së trajnimit. Gatishmëria e nëpunësve civilë për t'u trajnuar vërehet të jetë e
dobët, kjo ndoshta pasi mungon një lidhje e qartë e proçesit të trajnimit me pagën dhe
karrierën, si dhe për arsye të ekzistencës së një mentaliteti jobashkëkohor tek nëpunësit
dhe eprorët e tyre direkt lidhur me vlerat e trajnimeve.
Nuk konstatohet detyrimi për trajnime, si kusht për të avancuar në karrierë, si dhe nuk
vërehet ndonjë lidhje konkrete mes trajnimit, testimeve periodike dhe performancës së
nëpunësve civilë. Bonuset (shpërblimet shtesë) konstatohen të akordohen vetëm për
kualifikime, por jo për trajnime.
3.2.5 Pagat
Reforma në fushën e pagave, ka pasur si objektiva kryesorë të saj:
- Krijimin e një sistemi unik të pagave dhe shpërblimeve në administratën publike,
nëpërmjet shtrirjes së sistemit të parimeve dhe treguesve të pagave të nëpunësve
civilë, në të gjitha institucionet e administratës publike;
- Rregullimi i situatës së pagave, shpërblimeve dhe strukturave, për institucionet e
pavarura (miratimi nga KM i vendimit për dërgimin në Kuvendin e Shqipërisë të
projektligjeve përkatëse). Ndërkaq parimi "për përgjegjësi të njëjtë pagë e
barabartë" ka gjetur një zbatim më harmonik brenda sferës së ndikimit të Këshillit
të Ministrave dhe deri diku në bashki dhe qarqe. Ndërkaq sistemi i pagave në të
ashtuquajturat "Institucione të Pavarura" është më i deformuar për shkak se atyre
iu është njohur e drejta që pagat të përcaktohen sipas ligjeve përkatëse organike
dhe jo sipas një sistemi të integruar.
3.3 Organizimi funksional dhe strukturor i administratës publike
3.3.1 Në nivel qëndror
Në aparatin e nivelit ministerial konstatojmë aktualisht katër ndarje të mëdha të punës,
ato vijnë më tepër si rrjedhojë e natyrës së punës, se sa nga fusha e veprimtarisë:
1. Zhvillimi i politikave
2. Ofrimi direkt i shërbimeve për publikun dhe institucioneve të tjera (nëse ka
shërbime direkte)
3. Kryerja e aktivitetit rregullator (inspektim, liçensim etj.)
4. Realizimi i shërbimeve të brëndshme (mbështetëse)
kopje
43
Përgjithësisht vërehet një delegim tepër i kufizuar në vendim-marrje brënda
institucioneve. Komunikimi ndërmjet njësive brënda një ministrie rezulton relativisht i
vështirë, duke penguar shpesh proçeset e konsultimit dhe vështirësuar koordinimin e
veprimeve. Këto vështirësi konstatohet se shtohen edhe më tepër në rastin e komunikimit
ndërministror.
Në zbatim të programit të qeverisë, si dhe të detyrave të përcaktuara për Departamentin e
Administratës Publike:
- Përfundoi proçesi i rishikimit funksional dhe strukturor për të gjitha ministritë e
linjës;
- Në zbatim të vendimeve përkatëse të pagave, filloi proçesi i rishikimit funksional
dhe strukturor, për institucionet në varësi të Këshillit të Ministrave/Kryeministrit
dhe ministrive të linjës.
Pavarësisht arritjeve të mësipërme, gjatë proçesit të rishikimit të strukturave, u vunë re
edhe një sërë problemesh dhe konkretisht:
- Ministritë nuk kishin një koncept të qartë, se çfarë synonin të arrinin, kur
propozonin ndryshimin e strukturës;
- Sa më sipër, solli si pasojë ndryshimin shumë të shpeshtë të strukturave, me
intervale shumë të shkurtra mes këtyre ndryshimeve, duke krijuar një
paqëndrueshmëri strukturore e reflektuar më pas, edhe në përshtatjen me detyrat e
reja të nëpunësve dhe me uljen praktike të volumit dhe nivelit cilësor të punës;
- Gjithashtu, pati një deformim të tipologjisë së institucioneve dhe nuk u respektua
parimi i ndërtimit të strukturës së institucioneve, sipas sistemit piramidal, me bazë
të gjërë të njësive përbërëse të strukturave të institucioneve (numër i vogël
vartësish për një epror).
3.3.2 Në nivel qëndror dhe qarku/vendor
Pjesa më e madhe e ministrive kanë njësi territoriale (organizim territorial), si rregull në
rrethe e qarqe. Ky organizim territorial nuk është uniform, edhe për shkak të veçorive të
aktivitetit. Prefektura ka funksionin e koordinimit të shërbimeve të decentralizuara, por
kjo është më tepër kompetencë teorike pasi në praktikë njësitë territoriale të ministrive
janë shumë më fortë të lidhura me ministritë përkatëse. Njësitë territoriale kanë kryesisht
funksione të kryerjes direkte të shërbimeve dhe funksione inspektuese e liçensuese.
Disa nga ministritë kanë kryer apo kanë në proçes riorganizimin e njësive në territor, në
disa të tjera kjo është e pamundur. Problemi kryesor ka të bëjë me faktin se këto njësi
janë të vogla për funksione të fragmentuara, qoftë edhe të së njëjtës ministri, koordinimi i
tyre është i vështirë dhe çdo degë ka njësitë e veta mbështetëse, duke çuar në shfrytëzim
jo optimal të burimeve.
Ristrukturimi territorial i ministrive ka tentuar të ndjekë dhe të pasqyrojë edhe ecurinë e
reformës së decentralizimit. Gjithsesi nuk mund të thuhet se dy proçeset kanë qenë
kopje
44
mjaftushmërisht komplementare mes tyre dhe për pasojë vërehen personel dhe kosto
shtesë me role të mbivendosura.
3.4 Proçedurat dhe proçeset thelbësore të vendim-marrjes dhe kryerjes së
shërbimeve në administratën publike
Në sistemin e rishikimit administrativ konstatohet defiçencë lidhur me proçesin e ankimit
pasi pothuajse të gjitha aktet nxirren nga titullari. Një tjetër problem ka të bëjë me faktin
se vendimet normative të bashkive, degëve të ministrive etj. janë mjaft të vështira për t'u
gjendur. Për më tepër, praktika tregon se haset në rezistencë kur tentohet të realizohet
forma elektronike e komunikimit ndërmjet institucioneve.
Proçeset administrative përfshijnë aktualisht një gamë të gjërë aktivitetesh, të tilla si:
- zhvillimi i politikave
- transparenca
- koherenca
- përfshirja e grupeve të interesit
- one stop shop
- pranimi i heshtur
- ankimi administrativ
- ankimi në gjykatë i akteve administrative
- publikimi i vendimeve
- vënia në dijeni e palëve etj.
Shkalla e cilësisë së realizimit në praktikë të këtyre parimeve të rëndësishme
proçeduriale, me gjithë përmirësimet lë mjaft vend për të dëshiruar. Në fakt, gjatë viteve
janë eksperimentuar me sukses në disa raste thjeshtëzime proçeduriale, modeli one-stop-
shop, pranimi i heshtur, delegimi poshtë, zbatimi i teknologjisë moderne, gjithsesi këto
përbëjnë vetëm një bazë të mirë modelesh dhe jo një ndryshim masiv të proçeseve
administrative.
3.5 Vizioni, prioritetet dhe qëllimet strategjike
Vizioni strategjik për administratën publike është:
Një administratë e qëndrueshme e profesionale që rinovohet nëpërmjet konkurimit të
ndershëm dhe që krijon mundësi për karrierë.
Një administratë e mirë organizuar e tillë që të mund të përballojë detyrat në një sistem
me shtet të vogël por efektiv që mbështetet në decentralizim dhe dekoncentrim.
Një administratë që bazohet në proçese vendimarrëse, transparente, përfshirëse dhe e
përgjegjshme ndaj publikut.
kopje
45
Ky vizion përcakton edhe prioritetet bazë të përmirësimeve strategjike dhe operative të
sistemit të administratës publike në tre drejtime thelbësore:
a. modifikime dhe përmirësime në sistemin e shërbimit civil dhe në përgjithësi të
menaxhimit të burimve njerëzore
b. modifikime në sistemin organizativ dhe funksional të organeve dhe strukturave
të administratës publike
c. modifikime dhe përmirësime në proçedurat dhe mjetet që përcaktojnë cilësinë e
vendimmarrjes dhe kryerjes së shërbimeve në administratën publike.
3.5.1 Parimet bazë të modelit të Shërbimit Civil
Karakteristikat thelbësore të sistemit
Thelbi i sistemit do të mbetet pozicioni, por duke e pasuruar me më shumë elementë të
sistemit të karrierës, si dhe duke likujduar faktorët frenues ndaj rritjes së mobilitetit të
brëndshëm horizontal dhe vertikal.
Shtrirja vertikale
Vlerësohet si mjaft pozitive shtrirja aktuale vertikale e fushës sipas LSHC dhe
rekomandohet që kjo shtrirje duhet ruajtur qoftë për kufirin e sipërm si edhe për atë të
poshtëm, respektivisht Sekretari i Përgjithshëm dhe specialisti.
Shtrirja horizontale
Sugjerohet një shtrirje e fushës së veprimit të LSHC në disa institucione të mëdha
qëndrore si dhe në degët e ministrive, institucionet e varësisë dhe komuna etj. Parimet
thelbësore të rekrutimit, performancës, karrierës, trajnimit dhe garancive të LSHC duhet
të përhapen sa më shumë në administratën publike. Një zgjerim i tillë do të rriste numrin
e punonjësve të SHC në rreth 3-fishin e numrit aktual. Ndaj gjithashtu konsiderohet si
shumë e rëndësishme që kjo shtrirje të bëhet graduale, e lidhur fortësisht me ecurinë e
rishikimit funksional dhe strukturor të instutucioneve të administratës publike si dhe duke
marrë parasysh veçantitë e kategorive të caktuara të këtyre institucioneve (psh.
institucionet e vogla në territore të tilla si komuna e bashki përkundrejt ministrive).
Nëpunësit e shërbimeve publike si arsimi, shëndetësia, tatime/dogana, rendi publik,
mbrojtja, diplomacia etj duhet të kenë status të veçantë për shkak të veçantisë së tyre por
gjithsesi duke përmirësuar elementët bazë të konkurueshmërisë, karrierës, vlerësimit të
performancës etj. në lidhje me grupe të tilla të nëpunësve civilë.
kopje
46
3.5.2 Menaxhimi i burimeve njerëzore
Rekrutimi
Nuk sugjerohen ndryshime thelbësore të parimeve bazë të proçedurës së përzgjedhjes.
Parimi i konkurueshmërisë së hapur dhe objektivitetit duhet të ruhet dhe forcohet; nga
ana tjetër, mënyra e vlerësimit të kandidatëve do të bëhet më profesionale duke synuar
vlerësimin e aftësive. Rekrutimi në grup i konkurentëve, bazuar në nevojat e parashikuara
duhet të përbëjë mënyrën kryesore të rekrutimit në nivelin e specialistëve.
Ngritja në detyrë
Nuk propozohet ndonjë ndryshim i rëndësisë strategjike lidhur me këtë aspekt. Sistemi
aktual, bazuar në konkurencën dhe meritat vlerësohet pozitivisht, por duhet stimuluar
zbatimi më i mirë në praktikë. Sugjerohet që niveli i lartë drejtues që përfshin Sekretarët
e Përgjithshëm dhe Drejtorët e Përgjithshëm të organizohet dhe menaxhohet në përputhje
me modelin e "Segnior Civil Servant", me tiparet e një korpusi.
Lëvizja paralele
Lëvizja paralele dhe mobiliteti në përgjithësi konsiderohet i dobishëm dhe duhet nxitur në
nivele shumë më të larta qoftë si mënyrë e plotësimit të vendeve të lira ashtu edhe në
formën e re të programuar me qëllim pasurimin e eksperiencës së nëpunësve civilë. Ky
është një nga parimet e shprehura dobët në sistemin aktual dhe synohet që mobiliteti i
brëndshëm të forcohet. Suksesi në këtë pikë do të ndihmonte drejtpërdrejt në
konsolidimin e SHC. Një mobilitet më i lartë kërkon gjithashtu rishikim të kritereve dhe
proçedurave të hartuara për këtë qëllim.
Vlerësimi i performancës individuale
Sugjerohet që sistemit të sotëm t'i shtohet edhe kriteri i kombinimit të vlerësimit të
performancës individuale me atë të strukturës përkatëse; përdorimi i metodës së
vetëvlerësimit si dhe të ketë gjithashtu vlerësim për eprorin dhe kolegun.
Proçedurat disiplinore
Shumëfishimi i numrit të nëpunësve civilë për shkak të zgjerimit horizontal dhe
shpërndarja territoriale e tyre mund të kërkojë rishikimin e shpëmdarjes së kompetencave
të sotme të menaxhimit të burimive njerëzore dhe të ankimee (roli dhe/ose mjetet e DAP,
KSHC).
Sistemi i trajnimit dhe shkollimit
Ky sistem duhet të synojë në analizimin sa më të saktë të nevojave për trajnim dhe
ofrimin e trajnimeve në nivele bashkëkohore. Krahas trajnimeve masive, duhen krijuar
më tepër programe specifike trajnimesh që iu përgjigjen nevojave të veçanta dhe
dinamikës së problematikave të SHC si dhe të përdoren një numër i kufizuar
testimesh/trajnimesh të detyrueshme e periodike. Ndërkaq duhet përmirësuar sistemi për
nxitje të vullnetit individual dhe institucional për t'u trajnuar. Gjithashtu, me synimin e
krijimit të një administrate të aftë profesionalisht, një vëmëndje e veçantë do t'i kushtohet
kopje
47
tërheqjes së individëve me shkollimin më të mirë dhe eksperiencën më të pasur në
administrimin publik nëpërmjet mjeteve të përshtatshme për "rifitimin e trurit". Në këtë
kuadër do të konsiderohet ngritja e Shkollës së Administratës Publike.
3.5.3 Organizimi funksional dhe strukturor i administratës publike
Në nivel qëndror
Vizioni dhe synimet strategjike.
Ndërsa është bërë një rishikim funksional i administratës shtetërore qëndrore mbi
organizimin e saj nevojitet një rishikim funksional i njësive apo agjensive të varësisë me
apo pa status juridik. Një rishikim i kornizës ligjore mbi organizimin dhe funksionimin e
administratës shtetërore duhet të jetë përfundimi i këtyre ushtrimeve riorganizuese dhe
strukturuese në mënyrë që të vendosin rregulla të qarta në krijimin e agjensive, nxitjes së
koordinimit të brëndshëm dhe efiçencës, dhe mbajtjes së linjave të qarta të përgjegjësive
ndërmjet organeve administrative shtetërore.
Efiçienca duhet të nxitet, ndër të tjera, nëpërmjet një rregulloreje më të mirë dhe
përdorimit të delegimit të brëndshëm hierarkik të kompetencave administrative e politikë-
bërëse dhe lehtësimin e komunikimit dhe bashkëpunimit brenda dhe ndër institucional.
Njësitë organizative bazë brënda institucioneve të mëdha (si psh. brënda ministrive)
duhet të pajisen me përgjegjësi të mjaftueshme për të vetëvepruar.
Filozofia e rishikimit funksional duhet të transmetohet edhe në institucionet e varësisë.
Është e nevojshme të synohet drejt shkrirjes apo bashkimit të institucioneve të varësisë sa
herë që kjo do të ishte e dobishme. Ndërkohë, rishikimi funksional-strukturor duhet të
ketë edhe synime të tjera, si p.sh. racionalizimi i përdorimit të burimeve, krijimi i
strukturave të përshtatshme duke marrë parasysh mënyrat e reja të menaxhimit në
sektorin privat apo edhe përdorimin e metodave të kontraktimit të subjekteve private
nëpërmjet formave konçensionare.
Në nivel rajonal/vendor
Paralelisht me decentralizimin e funksioneve, të kombinuar me delegimin e vendim-
marrjes dhe përdorimin e teknologjive të reja, synohet një tkurrje graduale e degëve në
territor. Shumë nga njësitë territoriale do të riorganizohen, për të kryer funksione të
përbashkëta, duke racionalizuar edhe realizimin e shërbimeve të veta mbështetëse. Në
proçesin e riorganizimit duhet të mbahen parasysh papajtueshmëritë e mundshme
ndërmjet funksioneve të ndryshme.
kopje
48
3.5.4 Përmirësimi i proçedurave dhe mjeteve të vendim-marrjes dhe kryerjes së
shërbimeve në administratën publike
Në këtë drejtim ka nevojë të nxitet më tej:
- transparenca në vendimmarrjen normative dhe administrative,
- zgjerimi i konsultimit publik dhe i pjesëmarrjes së publikut në vendimmarrjen për
politikat,
- lehtësimi i përmbushjes së detyrimeve administrative nga qytetarët (one-stop
shop, miratimi në heshtje),
- akses më të mirë në informacionin publik dhe në aktet administrative,
- përmirësimi i proçedurave të ankimit administrativ brënda administratës dhe më
tej në gjykatat administrative,
- përdorimi masiv i teknologjisë moderne të informacionit dhe publikimi elektronik
zyrtar i vendimeve administrative.
3.6 Politikat dhe përmirësimet operative
3.6.1 Parimet bazë të modelit të Shërbimit Civil
Karakteristikat thelbësore të sistemit
Rishikimi i disa elementëve të sistemit të bazuar tek pozicioni, të cilat pengojnë
mobilitetin dhe rrisin kostot e menaxhimit. Vlerësohet se për një numër më të madh
pozicionesh të të njëjtit nivel kërkesat e vendit të punës janë mjaftueshmërisht homogjene
dhe mundësitë e lëvizjes horizontale janë të mëdha. Sugjerohet krijimi i grupeve të
pozicioneve me karakteristika të ngjashme në të cilin mund të mbështetet koncepti i
rekrutimit në grup dhe lëvizja e lirë horizontale pa periudhë prove.
Shtrirja vertikale
Bazuar në modelin e korpusit të zyrtarëve të nivelit të lartë (Segnior Civil Servant) që
përfshin Sekretarët e Përgjithshëm dhe Drejtorët e Përgjithshëm, nëpunësit me këtë status
lëvizin lirisht në çdo pozicion në institucione të ndryshme.
Shtrirja horizontale
Rritja e parashikuar e numrit të punonjësve të SHC do të kërkonte një rishikim të
proçedurave të menaxhimit të SHC, që aktualisht i ushtron DAP-i.
Ky ndryshim i pritshëm duhet bazuar në parimet e thjeshtimit, dekoncentrimit dhe
delegimit, por duke ruajtur një sistem mbikëqyrje, që siguron standarde të përafërta të
implementimit të LSHC.
Rritja e pritshme e numrit të punonjësve të SHC mund të kërkojë edhe një modifikim të
rolit të DAP-it dhe KSHC-së ose, në alternativë, një rritje të numrit të punonjësve të
kopje
49
administratës së tyre. Roli i KSHC-së duhet parë edhe në raport me krijimin e gjykatave
administrative.
Shembulli i propozuar për menaxhimin e SHC në komunat dhe bashkitë e vogla që
bazohet tek parimet bazë por që iu përshtatet rrethanave specifike përbën një përqasje të
mundshme.
3.6.2 Menaxhimi i burimeve njerëzore
Rekrutimi
Në varësi të rritjes së numrit të nëpunësve civilë dhe nevojës. së reduktimit të kostove
bashkëshoqëruese, propozohen disa përmirësime si më poshtë:
- Kritere dhe proçedura më të thjeshtuara për kategori të nëpunësve në agjensitë
territoriale dhe ato të bashkive/komunave/qarqeve/prefekturave.
- Përdorimi i proçeseve të rekrutimit në grup për pozicione të ngjashme. Në nivelin
e specialistit, rekrutimi në grup bëhet bazuar në nevojat e pritshme dhe kandidatët
e suksesshëm përbëjnë një listë nga ku mund të zgjidhen për t'u emëruar në
institucione të ndryshme në momentin e krijimit të një vendi të lirë. Rekrutimi rast
për rast për specialistët mund të përdoret për pozicione që kërkojnë specialitete të
veçanta. Në nivelin e lartë drejtues (korpusi) rekrutimi bëhet gjithashtu në grup
bazuar në nevojat. Në dy nivelet ndërmjetëse rekrutimi bëhet rast për rast bazuar
në vende të lira aktuale dhe sa herë që jepet mundësia dhe ka kuptim mund të
përdoret edhe rekrutimi për më shumë se një pozicion të lirë.
- Përmirësimi i metodave të testimit, duke synuar drejt atyre që vlerësojnë
formimin, personalitetin, aftësitë krijuese dhe mundësinë e zhvillimit të
kandidatëve.
- Eliminimi i përdorimit të kontratave paraprake. Përdorimi i tyre të lejohet vetëm
në situata emergjence të justifikuara dhe plotësisht të kontrolluara e me një
përgjigje tepër të ulët në raport me numrin e punonjësve të një institucioni. Edhe
në këto raste, punonjësi i rekrutuar me kontratë paraprake nuk duhet të ketë të
drejtë të konkurojë për të njëjtin pozicion.
- Pesha e eksperiencës në punë duhet të rritet gjithnjë e më shumë në vlerësimin e
kandidatëve që konkurojnë në pozicione gjithnjë e më të larta në administratën
publike.
- Intervista nga eprori duhet të dokumentohet, regjistrimi apo dokumetat të ruhen.
Ngritja në detyrë
Performanca individuale duhet të jetë faktor i rëndësishëm përcaktues në proçedurat e
ngritjes në detyrë dhe lëvizjes paralele.
Kriteri i vlerësimit të përvojës dhe performancës në ngritjen në detyrë duhet të rishikohet
duke dhënë një avantazh objektiv kandidatit të brëndshëm kur ata konkurojnë me një
kandidat të jashtëm (në kushte të tjera të njëjta). Rritja e peshës së eksperiencës në punë
është vetiu një mënyrë zgjidhjeje edhe për këtë synim.
kopje
50
Lëvizja paralele
Sugjerohet të hiqet periudha e provës për lëvizjet paralele në pozicione të ngjashme, pasi
kandidatët që vijnë nga rradhët e administratës nuk kanë nevojë të rivihen në periudhë
prove për këto pozicione. Sugjerohet që në rastet e plotësimit të vendeve të lira nëpërmjet
lëvizjes paralele t'i krijohet një avantazh përkundrejt kandidatëve të jashtëm. Gjithashtu të
fillojë përdorimi i rotacionit brënda nën/niveleve që nuk krijojnë efekte në pagë.
Rotacioni duhet të bazohet në një progam konkret dhe i bazuar në argumentimin për
arritjen e synimeve të diversifikimit të eksperiencës së nëpunësve. Në rastin e nëpunësve
të nivelit të lartë (korpus) lëvizja horizontale e tyre në pozicione brënda korpusit duhet të
jetë sa më e lirshme.
Vlerësimi i performancës individuale
Futja e më shumë kritereve në vlerësim, si dhe një lidhje më e fortë e vlerësimit pozitiv
me karrierën. Përdorimi i shpërblimeve financiare duhet të kufizohet në nivel (5-7 % të
pagës vjetore). Pagesa që lidhet me performancën nga eksperienca ndërkombëtare
sugjerohet se nuk funksionon në SHC. Ajo mund të funksionojë në disa shërbime publike
por kjo është një përjashtim, jo rregull.
Proçedurat disiplinore
Ulja në detyrë të zëvendësohet me ulje në pagë, të kufizohet e drejta e vendimmarrjes, të
shihet mundësia e marrjes në patronazh.
Sistemi i trajnimit dhe shkollimit
- Trajnimet e detyrueshme (me testime) duhet të shtohen në llojshmëri.
- Çdo nivel drejtues të ketë një minimum ditësh trajnimi me module të caktuara, të
lidhura në nivelin dhe pozicionin.
- Të ketë trajnime të detyrueshme (me testime) kur kemi të bëjmë me ndryshime
substanciale në ligje, politika etj.
- Përveç buxhetit të ITAP, duhet që çdo agjenci të planifikojë si zë më vete
shpenzime për trajnime specifike të stafeve të saj, për t'u bërë më e përgjegjshme.
- Duhen sugjeruar nivele të përshtatshme për trajnimin në raport me shpenzimet e
personelit.
- Rekomandohet 3.2.1 për rritjen e peshës së eskperiencës në rekrutim, do të bëjë
që për kandidimin në pozicionet e larta të rritet automatikisht edhe vlera e
trajnimeve dhe lidhjen e tyre me karrierën.
- Mund të rishikohet sistemi i pagave, për ta pasuruar atë me përbërës që lidhen me
trajnimet e detyrueshme por gjithsesi kjo është një politikë për t'u studiuar edhe
më thellë për avantazhet dhe dizavantzhet e saj.
- Mund të konsiderohet një sistem periodik i testimit të njohurive (përsëri në
ngjashmëri me sferën e arsimit) e që lidhet me pagën, megjithëse ka argumenta
kundër tij.
- ITAP mund të eksplorojë segmente të tjera për trajnim, si p.sh: persona të
interesuar për t'u rekrutuar në administratën publike, persona që punojnë për
sektorin privat, por për çështje/fusha të bashkëpunimit dhe lidhjes me
kopje
51
administratën publike. Këto trajnime sugjerohet të ofrohen kundrejt një pagese.
Deri në fund të vitit 2013, krjimi dhe vënia në funksionim e Shkollës së
Administrats Publike.
3.6.3 Organizimi funksional dhe strukturor i administratës publike
Në nivel qëndror
Marrëdhëniet mes institucioneve.
Marrëdhëniet mes institucioneve dhe koordinimi horizontal është i nevojshëm të nxitet
dhe një autonomi më e madhe dhe e rregulluar mund t'u jepet departamenteve të
ministrive se sa ajo aktualja.
Ka vend për të rishqyrtuar raportet e ministrive me agjencitë përkatëse në pikëpamjen e
vendim-marrjes, buxhetimit, financimit, menaxhimit të burimeve njerëzore, etj.
Institucionet e varësisë duhet të kenë lidhje funksionale (nëpërmjet proçeseve të sakta)
drejtpërdrejtë me drejtoritë përkatëse të ministrive në mënyrë që të nxisin efiçiencën dhe
përgjegjësinë.
T'i jepet liri veprimi, vertikalisht, si dhe horizontalisht, këtyre njësive të ofrimit të
shërbimeve apo në formulimin e politikave.
Nëse ka institucione të varësisë, ato duhet të jenë kryesisht një funksionale dhe të
specializohen në një drejtim të caktuar.
Marrëdhëniet ndër-institucionale
Ka një nevojë të madhe për të përmirësuar dhe ushqyer bashkëpunimin horizontal dhe
koordinimin ndërmjet institucioneve publike. Bashkëpunimi dhe koordinimi nuk duhet të
jenë vetëm lart-poshtë por edhe paralele. Njësitë organizative në një ministri (agjencitë)
duhet të komunikojnë më mirë dhe më lehtë dhe të koordinohen me njësi të ngjashme ose
plotësuese në ministri (agjenci) të tjera.
Për këtë arsye, më tepër delegim dhe autonomi duhet t'u jepet njësive organizative dhe
njësive të varura në çdo ministri (agjenci).
Në mënyrë të veçantë, njësitë e politikë-bërjes në ministri duhet të mbështeten në
përmirësimin e bashkëveprimit horizontal me njësi të ngjashme në ministri të tjera dhe
me organizata të grupeve të interesit në proçesin e politikë-bërjes. Për këtë arsye,
nevojitet t'u kalohet më tepër autonomi nëpërmjet delegimit dhe rregulloreve.
Për këtë arsye, nevojitet të vendoset një kornizë ligjore e përmirësuar e organizimit dhe
funksionimit të administratës publike. Ajo duhet të rregullojë aspektet operative dhe
gjithashtu parimet organizative dhe funksionale, kufizimet dhe mekanizmat. Ajo duhet të
synojë drejt qartësimit të detyrimeve mes organeve të ndryshme administrative, në
kopje
52
veçanti mes ministrive si organe ose agjenci administrative qeveritare më të larta të
ashtëquajtura autonome të pavarura.
Kërkesat e një shteti demokratik duhet të garantohen nga një ligj i tillë, duhet të jepet
qartë përgjegjësia e institucioneve publike, profesionalizmi i stafit, parashikueshmëria e
aksioneve të tyre dhe vendimeve, saktësia në shpërndarjen e fondeve publike,
transparencë financiare, lehtësi në rishikim gjyqësor dhe një transparencë organizative e
nevojshme për qytetarët për të kuptuar më mirë administratën. Këto kërkesa duhet të
lidhen me nevojën për të pasur standarte të pranueshme dhe efektivitetit të administratës
publike të drejtuar nga rregulla të sakta proçedurale. Një ekuilibër duhet vendosur mes
kërkesës për përgjegjësi publike dhe transparencës dhe kërkesave të një menaxhimi
efiçient të shërbimeve publike.
Në nivel rajonal/vendor
Degët e institucioneve qëndrore në territor do të duhet të kalojnë në një vlerësim të
funksioneve, roleve dhe relacioneve të tyre me qëndrën e institucionit. Dekoncentrimi më
i plotë i kompetencave dhe forcimi institucional i tyre mund të kombinohet edhe me një
organizim rajonal në nivel prefekture. Gjithashtu ka vend për të forcuar rolin koordinues
dhe mbikqyrës të prefektit mbi këto degë. Nga ana tjetër roli, funksionet dhe prezenca e
degëve territoriale të institucioneve qëndrore duhet kombinuar në mënyrë komplementare
me reformën e decentralizimit si dhe me përdorimin e teknologjisë së informacionit.
3.6.4 Përmirësimi i proçedurave dhe mjeteve të vendim-marrjes dhe kryerjes së
shërbimeve në administratën publike
Vazhdimi i reformës së thjeshtëzimit të proçedurave administrative për lejet dhe licencat.
Krijimi i regjistrit elektronik të vendimeve administrative.
Përmirësimi proçedurial i proçesit të bërjes së politikave dhe akteve normative duke e
pasuruar me elementët e analizës së opsioneve dhe me përfshirjen e grupeve të interesit.
Rishikim i ligjit të vitit 1999 mbi Proçedurat Administrative në mënyrë që bën
vendimmarrjen administrative më transparente, të shpejtë dhe përgjegjëse duke ruajtur në
të njëjtën kohë interesat dhe të drejtat e palëve të interesuara dhe në mënyrë që të
përshtatet me përmirësimet e lartpërmendura.
Zgjerimi i hapësirës për rishikimin e brëndshëm të akteve administrative dhe ankimit si
pasojë e delegimit e vendim-marrjes sa më poshtë.
Përgatitja e një ligji mbi konfliktet administrative në mënyrë që të vendoset një rishikim
gjyqësor i saktë mbi vendimet administrative dhe krijimi i një sistemi me dy instanca të
gjykatave administrative.
Sundimi i ligjit do të thotë rregull dhe stabilitet. Ky parim duhet të implementohet në çdo
hallkë të shtetit, si simbol i demokracisë moderne dhe si një sfidë për kompletimin e
sistemit të ri ligjor e administrativ, brënda proçesit të integrimit në Europën e Bashkuar.
kopje
53
PËRFUNDIMET
Duke e studiuar me vëmëndje të tre kapitujt, çështjet dhe nënçështjet që trajtohen në
material do të dalim në disa përfundime të rëndësishme, të cilat nëse do t'u shërbenin
sado pak nëpunësve civilë, drejtorive të burimeve njerëzore si dhe gjithë të tjerëve të
interesuar për një mirëfunksionim të administratës publike do t'a konsideronim këtë temë
si një arritje modeste në vendosjen e standarteve në shërbimin civil në Shqipëri.
Sa kemi përmëndur në material, jemi munduar të përcjellim një reflektim mbi ndërthurjen
e parimeve të së drejtës administrative dhe standarteve të shërbimit civil. Në të njëjtën
kohë, është synuar të tregojmë se si standartet dhe parimet krijojnë një kuptim të
përbashkët që, kryesisht nëpërmjet Gjykatës Europiane të Drejtësisë, është shpërndarë
gjërësisht në hapësirën administrative Europiane që po shfaqet edhe në vendin tonë. E
drejta administrative buron nga marrëveshjet kushtetuese që janë të rrënjosura thellë në
vlerat kulturore, sociale dhe politike të përmbajtura në doktrinat e demokracisë. Shërbimi
civil është një nga elementët kryesorë të administratës publike; por meqënëse është kaq
kryesor, shpesh administrata publike dhe shërbimi civil konsiderohen si sinonime.
Kjo rrjedhon në tre vërejtje kryesore mbyllëse: së pari, vlerat e shërbimit civil janë
ligjërisht të detyrueshme; së dyti, rregullimi i shërbimit civil shkon përtej rregullimit të
marrëdhënieve të punës ndërmjet shtetit dhe punonjësve të tij, ka të bëjë me rregullimin e
njërit nga pushtet e shtetit në një sens të gjërë. Së treti, parimet e së drejtës administrative
frymëzojnë vendim-marrjen e menaxherëve publikë dhe modelojnë sjelljen e shërbimit
civil në tërësi. Po kështu, këto parime përbëjnë pikat e referencës kundrejt të cilave
vendosen standarte të pranueshme për shërbimet civile dhe administratat publike në
Shtetet Anëtare të BE-së, si dhe në institucionet e BE-së.
Shërbimi civil është i kufizuar nga parimet e ngulitura si në marrëveshjet kushtetuese
ashtu edhe në të drejtën administrative. Nga kjo pikëpamje, mund të thuhet se vlerat e
shërbimit civil janë vlera ligjore. Vlerat ligjore nuk janë njëlloj me vlerat etike, edhe se
kanë mbivendosje të gjërë. Vlerat etike janë udhëzime për veprim dhe shkelja e tyre
meriton qortim social. Vlerat ligjore, kur shkelen, kanë pasoja ligjore nëpërmjet masave
disiplinore të ligjit të shërbimit civil. Nëpunësit civilë janë të kufizuar nga parimet
administrative të vendosura në legjislacion.
Shërbimi civil është pjesë e fuqisë së shtetit, është i integruar në sferën publike dhe është
formuar në përputhje me marrëveshjet e së drejtës administrative dhe kushtetutese.
Shërbimi civil duhet të shihet si një funksion menaxhimi brënda administratës publike.
Ky funksion i përbashkët synon të sigurojë që parimet e së drejtës administrative dhe
kushtet ligjore bazë, si rekrutimi dhe ngritja në detyrë të bazuar në meritë, pagesë e drejtë
dhe të drejta dhe detyra të barabarta, të shpërndahen, të kuptohen dhe të mbështeten në
mënyrë homogjene në tërësinë e administratës publike.
Një shërbim civil modern dhe kushtetues në një demokraci shihet si i mundshëm vetëm
kur plotësohen një sërë kushtesh:
Ndarje ndërmjet sferës publike dhe sferës private.
Ndarja ndërmjet politikës dhe administratës.
kopje
54
Zhvillimii i përgjegjshmërisë individuale të nëpunësve civilë duke anashkaluar
proçeset e mëparshme kolegjiale të vendim-marrjes. Kjo kërkon menaxherë
publikë të mirëarsimuar dhe të aftë.
Mbrojte të punës, qëndrueshmëri dhe nivel pagese të mjaftueshme dhe të drejta e
detyra të përcaktuara qartë për nëpunësit civilë.
Rekrutim dhe ngritje në detyrë bazuar në meritë.
Të gjitha këto kushte kontribuojnë, në një masë të madhe, në përcaktimin e natyrës dhe
vlerave të një shërbimi civil modern dhe profesional.
Kushtetuta e Republikës së Shqipërisë në nenin 107 parashikon se "nëpunësit publikë
zbatojnë ligjin dhe janë në shërbim të popullit. Nëpunësit në administratën publike
caktohen me konkurs. Garancitë e qëndrimit në detyrë dhe trajtimi ligjor i nëpunësve
publikë rregullohet me ligj". Sot në vendin tonë ekziston një numër i madh aktesh ligjore
dhe nënligjore mbi bazën e të cilave është ngritur dhe funksionon Shërbimi Civil në
Shqipëri. Përgjithësisht kuadri ligjor ekzistues ka marrë parasysh eksperiencën e disa
vendeve të Bashkimit Europian të cilët e kanë kufizuar përmasën e konceptit të shërbimit
civil në të ashtëquajturën "administrata publike bazë"
Ligji Nr. 8549, datë 11.11. 1999, "Statusi i nëpunësit civil" krijoi një sistem të përzier
(miks) të shërbimit civil, i mbështetur kryesisht tek pozicioni (posti), duke e kombinuar
atë edhe me disa elementë të sistemit të karrierës. Karakteri dominues i sistemit të
pozicioneve vërehet në elementë të tillë si kriteret e rekrutimit, ngritja në detyrë, lëvizja
paralele etj.
Ky ligj përcakton skemën e administrimit të shërbimit civil, si dhe rregullon marrëdhëniet
juridike, ndërmjet nëpunësve civilë dhe institucioneve të administratës publike të nivelit
qëndror apo vendor. Në mbështetje të këtij ligji krijohet Komisioni i Shërbimit Civil.
I veshur me tiparet e një organi administrativ, të pavarur dhe të ngarkuar me zgjidhjen e
ankimeve ndaj vendimeve lidhur me nëpunësin civil, Komisioni i Shërbimit Civil ka
tiparet e një arbitri administrativ, apo të një trupe (organi) me funksion dhe kompetenca
pothuajse gjyqësore.
Ky ligj ka mangësi se nuk parashikon se kush do ti ekzekutojë forcërisht vendimet e
KSHC-së nëse organet nuk pranojnë ti ekzekutojnë, sepse këto vendime nuk janë titull
ekzekutiv.
Pranimi në shërbimin civil kryhet nëpërmjet konkurimit të hapur, bazuar në meritat.
Në administratën qëndrore shpallja e konkurimit bëhet nga Departamenti i Administratës
Publike, me kërkesën e institucionit përkatës. Në institucionet e pavarura shpallja bëhet
nga departamentet e personelit. Shpallja botohet në dy gazetat me qarkullim më të madh
të paktën 30 ditë para datës së caktuar për konkurimin.
Marrëdheniet e punës së nëpunësve civilë në të gjithë institucionet e administratës
publike qëndrore dhe vendore si dhe në institucionet e pavarura, rregullohen me
ligjin"Statusi i Nëpunësit Civil".
kopje
55
Shpesh vihen re shkelje të proçedurave ligjore për pranimin në shërbimin civil të cilat
janë një dukuri e përgjithshme negative në njësitë e pushtetit qëndror dhe atë vendor
(këshilla qarku dhe bashki), gjë e cila ka cënuar rëndë ligjin, parimet e shërbimit civil dhe
ka dëmtuar krijimin e një shërbimi civil të qëndrueshëm profesional dhe efiçient.
Ligjvënësi ka përcaktuar rregulla të qarta në pranimet në shërbimin civil nëpërmjet
proçedurës së konkurimit të hapur, bazuar në merita dhe në asnjë rast apo asnjë arsye nuk
lejon pranime në këtë shërbim në asnjë formë apo mënyrë tjetër, qoftë kjo edhe kontratë e
përkohshme.
Kjo praktikë e paligjshme e pranimit në shërbimin civil me kontratë të përkohshme, ka
sjellë në shumë raste moszhvillimin e konkurimit, pasi proçedura e tij është konsideruar
si e paragjykuar dhe kandidatët eventuale janë tërhequr nga konkurimi, zhvillimin e një
proçedure formale të konkurimit, e lidhur me personin e punësuar me kontratë të
përkohshme; uljen e cilësisë së konkurimit si rrjedhojë e paragjykimit të fituesit dhe të
mënyrës së konkurencës reale të kandidatëve të konkurimit.
Gjithashtu, kjo formë e paligjshme ka një ndikim të përgjithshëm negativ në uljen e
aplikimeve për pranimin në shërbimin civil dhe nga tregu i punës të shërbimit civil nuk
tërhiqen më të mirët, më të aftët. Ndoshta edhe në vetë ligjin "Statusi i Nëpunësit Civil",
ka vend për përmirësim duke patur parasysh vetë problemet e shfaqura gjatë
implementimit të tij në praktikë, si p.sh ulja e afateve të ankimit ndaj vendimeve të
KSHC-së nga 30 ditë pune në 15 ditë nga komunikimi i tyre, përcaktimi ligjor i detyrimit
për zbatimin me përpikmëri dhe në mënyrë sistematike të listës së pritjes, duke ngarkuar
përgjegjësit edhe me penalitete kur konstatohen shkelje flagrante të saj , ngritje në detyrë
e nëpunësve civilë.
Ndryshimet e shpeshta të strukturës dhe organigramës së institucionit të administratës
qëndrore janë bërë burime mosmarreveshjes për pozicionin e ri të nëpunësit.civil. Kjo ka
krijuar vështirësi në konceptimin e shkakut të këtij ndryshimi strukturor, duke cënuar
qëndrueshmërinë dhe efektivitetin e shërbimit civil.
Nga ana tjetër, këto ndryshime shoqërohen edhe me një kosto financiare, sepse një pjesë
e nëpunësve nuk sistemohen në punë dhe kalojnë në listën e pritjes, duke gëzuar në bazë
të nenit 23 të ligjit "Statusi i Nëpunësit Civil" të drejtat e vendit të mëparshëm të punës
dhe në mënyrë të veçantë pagën deri në një vit.
Theksojmë se e drejta për ristrukturime të institucioneve të shërbimit civil duhet kuptuar
dhe konceptuar në mënyrë të pandarë me detyrimin për kryerjen e një studimi shkencor,
financiar, real dhe transparent të nevojave konkrete, të cilat sjellin domosdoshmërisht
kryerjen e ndryshimeve të plota apo të pjesshme në strukturë e organigramë.
Çdo ndryshim i pabazuar dhe i pastudiuar, i mbështetur vetëm në të drejtën për
ristrukturimin, është me pasoja të rënda për vetë shërbimin civil, pasi cënon
qëndrueshmërinë, profesionalizmin dhe efiçiencën e tij dhe është me pasoja financiare
dhe sociale.
kopje
56
Konsolidimi i vazhdueshëm i shërbimit civil dhe reformimi i administratës publike,
shtrojnë si detyrë parësore rritjen e nivelit të mbikqyrjes së menaxhimit të shërbimit civil
në të gjitha nivelet institucionale, ku ai zhvillohet.
Sundimi i ligjit do të thotë rregull dhe stabilitet. Ky parim duhet të implementohet në çdo
hallkë të shtetit, si simbol i demokracisë moderne dhe si një sfidë për kompletimin e
sistemit të ri ligjor e administrativ, brënda proçesit të integrimit në Europën e Bashkuar.
Ecuria e proçesit të vlerësimit të rezultateve vjetore të nëpunësit civil vazhdon të mbetet
problematike. Numri i nëpunësve që përfshihen si vlerësues të vartësve të tyre është i
madh dhe kjo rrit mundësinë e inkoherencës horizontale në vlerësim. Nga ana tjetër
kapacitetet dhe njohuritë për metodat e vlerësimit janë mjaft të dobëta dhe trajnimet në
këtë fushë kanë qënë mjaft të kufizuara. Situata vështirësohet edhe si rezultat i veprimit të
faktorëve të tjerë jashtë vlerësimit si: ndryshimet e shpeshta dhe/ose të thella strukturorë
dhe të përshkrimit të punës, ndryshimet në stafet etj.
Konstatohet se numri i masave disiplinore, në praktikë, është vogël. Vërehet, nga ana
tjetër, një shpërndarje jouniformë e tyre, historikisht një numër relativisht më i madh
masash disiplinore është dhënë në momente ndryshimesh politike.
Ligji është relativisht i paqartë lidhur me zbatimin e masës së uljes në detyrë, kur në një
institucion (ku është dhënë një masë e tillë) nuk ekzistojnë vënde pune të një kategorie
më të ulët. Në këto raste, një masë e tillë rezulton e pazbatueshme apo të paktën
problematike.
Aktualisht konstatohet prodhim intensiv politikash, por proçesi i politikë-bërjes nevojitet
të hapet, harmonizohet dhe modernizohet më tej. Në varësi të ministrive, ndodhen
institucione me funksione të ndryshme (kërkimore-shkencore, agjenci të koordinimit, të
ofrimit të shërbimeve, inspektorate etj), por shumë nga këto institucione kanë funksione
të përziera (mikse). Mendohet se natyra e agjencive në varësi duhet të jetë e dominuar
nga një lloj funksioni. Ka vend gjithashtu për shkrirje shërbimesh dhe organizime më të
mëdha.
Vizioni strategjik për administratën publike është:
Një administratë e qëndrueshme e profesionale që rinovohet nëpërmjet konkurimit të
ndershëm dhe që krijon mundësi për karrierë.
Një administratë e mirë organizuar e tillë që të mund të përballojë detyrat në një sistem
me shtet të vogël por efektiv që mbështetet në decentralizim dhe dekoncentrim.
Një administratë që bazohet në proçese vendimarrëse, transparente, përfshirëse dhe e
përgjegjshme ndaj publikut.
Ky vizion përcakton edhe prioritetet bazë të përmirësimeve strategjike dhe operative të
sistemit të administratës publike në tre drejtime thelbësore:
a. modifikime dhe përmirësime në sistemin e shërbimit civil dhe në përgjithësi të
menaxhimit të burimive njerëzore
kopje
57
b. modifikime në sistemin organizativ dhe funksional të organeve dhe strukturave të
administratës publike
c. modifikime dhe përmirësime në proçedurat dhe mjetet që përcaktojnë cilësinë e
vendimmarrjes dhe kryerjes së shërbimeve në administratën publike.
Sugjerohet një shtrirje e fushës së veprimit të LSHC në disa institucione të mëdha
qëndrore si dhe në degët e ministrive, institucionet e varësisë dhe komuna etj. Parimet
thelbësore të rekrutimit, performancës, karrierës, trajtimit dhe garancive të LSHC duhet
të përhapen sa më shumë në administratën publike. Një zgjerim i tillë do të rriste numrin
e punonjësve të SHC në rreth 3-fishi i numrit aktual. Ndaj gjithashtu konsiderohet si
shumë e rëndësishme që kjo shtrirje të bëhet graduale, e lidhur fortësisht me ecurinë e
rishikimit funksional dhe strukturor të instutucioneve të administratës publike si dhe duke
marrë parasysh veçantitë e kategorive të caktuara të këtyre institucioneve (psh.
institucionet e vogla në territore të tilla si komuna e bashki përkundrejt ministrive).
Sistemi i trajnimit dhe shkollimit
Ky sistem duhet të synojë në analizimin sa më të saktë të nevojave për trajnim dhe
ofrimin e trajnimeve në nivele bashkëkohore. Krahas trajnimeve masive, duhen krijuar
më tepër programe specifike trajnimesh që iu përgjigjen nevojave të veçanta dhe
dinamikës së problematikave të SHC si dhe të përdoren një numër i kufizuar
testimesh/trajnimesh të detyrueshme e periodike. Ndërkaq duhet përmirësuar sistemi për
nxitje të vullnetit individual dhe institucional për t'u trajnuar.
Gjithashtu, me synimin e krijimit të një administrate të aftë profesionalisht, një vëmendje
e veçantë duhet t'i kushtohet tërheqjes së individëve me shkollimin më të mirë dhe
eksperiencën më të pasur në administrimin publik nëpërmjet mjeteve të përshtatshme për
"rifitimin e trurit". Në këtë kuadër do të konsiderohet ngritja e Shkollës së Administratës
Publike.
Rritja e parashikuar e numrit të punonjësve të SHC do të kërkonte një rishikim të
proçedurave të menaxhimit të SHC, që aktualisht i ushtron DAP-i.
- Ky ndryshim i pritshëm duhet bazuar në parimet e thjeshtimit, dekoncentrimit dhe
delegimit, por duke ruajtur një sistem mbikqyrje, që siguron standarte të përafërta
të implementimit të LSHC.
- Rritja e pritshme e numrit të punonjësve të SHC mund të kërkojë edhe një
modifikim të rolit të DAP-it dhe KSHC-së ose, në alternativë, një rritje të numrit
të punonjësve të administratës së tyre. Roli i KSHC-së duhet parë edhe në raport
me krijimin e gjykatave administrative.
- Trajnimet e detyrueshme (me testime) duhet të shtohen në llojshmëri.
- Çdo nivel drejtues të ketë një minimum ditësh trajnimi me module të caktuara, të
lidhura në nivelin dhe pozicionin.
- Të ketë trajnime të detyrueshme (me testime) kur kemi të bëjmë me ndryshime
substanciale në ligje, politika etj.
kopje
58
Marrëdhëniet ndër-institucionale
Ka një nevojë të madhe për të përmirësuar dhe ushqyer bashkëpunimin horizontal dhe
koordinimin ndërmjet institucioneve publike. Bashkëpunimi dhe koordinimi nuk duhet të
jenë vetëm lart-poshtë por edhe paralele. Njësitë organizative në një ministri (agjencitë)
duhet të komunikojnë më mirë dhe më lehtë dhe të koordinohen me njësi të ngjashme ose
plotësuese në ministri (agjenci) të tjera.
Për këtë arsye, më tepër delegim dhe autonomi duhet t'u jepet njësive organizative dhe
njësive të varura në çdo ministri (agjenci).
Në mënyrë të veçantë, njësitë e politikë-bërjes në ministri duhet të mbështeten në
përmirësimin e bashkëveprimit horizontal me njësi të ngjashme në ministri të tjera dhe
me organizata të grupeve të interesit në proçesin e politikë-bërjes. Për këtë arsye,
nevojitet t'u kalohet më tepër autonomi nëpërmjet delegimit dhe rregulloreve.
Për këto arsye, nevojitet të vendoset një kornizë ligjore e përmirësuar e organizimit dhe
funksionimit të administratës publike. Ajo duhet të rregullojë aspektet operative dhe
gjithashtu parimet organizative dhe funksionale, kufizimet dhe mekanizmat. Ajo duhet të
synojë drejt qartësimit të detyrimeve mes organeve të ndryshme administrative, në
veçanti mes ministrive si organe ose agjenci administrative qeveritare më të larta të
ashtëquajtura autonome/të pavarura.
Kërkesat e një shteti demokratik duhet të garantohen nga një ligj i tillë që: duhet të jepet
qartë përgjegjësia e institucioneve publike, profesionalizmi i stafit, parashikueshmëria e
aksioneve të tyre dhe vendimeve, saktësia në shpërndarjen e fondeve publike,
transparencë financiare, lehtësi në rishikim gjyqësor dhe një transparencë organizative e
nevojshme për qytetarët për të kuptuar më mirë administratën. Këto kërkesa duhet të
lidhen me nevojën për të pasur standarde të pranueshme dhe efektivitetit të administratës
publike të drejtuar nga rregulla të sakta proçeduriale.
kopje
59
BIBLIOGRAFIA
Ligji Nr.8549, datë 11.11.1999 "Statusi nëpunësit Civil' www.qpz.gov.al
Ligji Nr.9131, datë 08.09.2003 "Për rregulloren e etikës në administratën publike"
www.qpz.gov.al
Rregullore e Kontrollit të Shërbimit Civil
SIGMA - Mbështetje për Përmirësimin e Qeverisjes dhe Menaxhimit në Vendet e
Europës Qëndrore dhe Lindore
Strategjia ndërsektoriale e reformës në Administratën Publike në kuadër të strategjisë
kombëtare për zhvillim dhe integrim 2009- 2013. www.qpz.gov.al
Udhëzim Nr.1, datë 13.06.2000 "Për Strukturën e Renditjes të Punëve në Shërbimin
Civil, Metodologjinë Përkatëse dhe Përshkrimin Përgjithësues të Rolit të Sekretarit të
Përgjithshëm në këtë Shërbim" i Këshillit të Ministrave. www.qpz.gov.al
Udhëzim Nr.2, datë 07.07.2000 "Për Sistemin e Vlerësimit të Arritjeve Vjetore
Individuale të Nëpunësve Civil" i Këshillit të Ministrave. www.qpz.gov.al
Udhëzim Nr.5, datë 19.12.2007 "Për disa ndryshime në udhëzimin Nr.2 datë 07.07.2000
të Këshillit të Ministrave "Për sistemin e vlerësimit të arritjeve vjetore individuate të
nëpunësve civilë'. i Këshillit të Ministrave. www.qpz.gov.al
Udhëzim Nr.6, datë 19.12.2007 "Për disa ndryshime në udhëzimin Nr.1 ,datë 13.06.2000
të Këshillit të Ministrave "Për strukturën e renditjes së punëve në Shërbimin Civil,
metodologjisë përkatëse dhe përshkrimit përgjithësues të rolit të sekretarit të
përgjithshëm në këtë shërbim". www.qpz.gov.al
Vendim Nr.221, datë 16.5.2002 "Për disa shtesa dhe ndryshime në Vendimin Nr.231,
datë 11.5.2000 të Këshillit të Ministrave" Për pranimin në Shërbimin Civil dhe periudhën
e provës", i ndryshuar me Vendimin Nr.196, datë 06.04.2001 të Këshillit të Ministrave".
www.qpz.gov.al
Vendim Nr.231, datë 11.05.2000 "Për Pranimin në Shërbimin Civil dhe Periudhën e
Provës" i Këshillit të Ministrave (i Ndryshuar). www.qpz.gov.al
Vendim Nr.306, datë 13.06.2000 "Për Disiplinën në Shërbimin Civil" i Këshillit të
Ministrave. www.qpz.gov.al
Vendim Nr.315, datë 23.06.2000 "Për Krijimin dhe Funksionimin e Institutit të Trajnimit
të Administratës Publike dhe Trajnimin e Nëpunësit Civil" i Këshillit të Ministrave (i
ndryshuar). www.qpz.gov.al
Vendim Nr.325, datë 21.02.2003 "Për Pozicionin, Detyrat dhe Përgjegjësitë e Sekretarit
të Përgjithshëm në Ministri" i Këshillit të Ministrave. www.qpz.gov.al
kopje
60
Vendim Nr.342, datë 14.07.2000 "Për Lëvizjen Paralele dhe Ngritjen në Detyrë të
Nëpunësit Civil" i Këshillit të Ministrave. www.qpz.gov.al
Vendim Nr.355, datë 07.07.2000 "Për Organizimin e Dosjes për Rregjistrin e Personelit"
i Këshillit të Ministrave. www.qpz.gov.al
Vendim Nr.360, datë 14.07.2000 "Për lirimin nga Shërbimi Civil" i Këshillit të
Ministrave. www.qpz.gov.al
Vendim Nr.838, datë 13.12.2006 "Për një ndryshim në Vendimin Nr.231, datë
11.05.2000 të Këshillit të Ministrave "Për pranimin në Shërbimin Civil dhe periudhën e
provës", të ndryshuar". www.qpz.gov.al
VKM Nr.173, datë 07.03.2003 "Për Emërimin, Lirimin ose Shkarkimin nga Detyra të
Drejtuesve të Institucioneve në Varësi të Këshillit të Ministrave, Kryeministrit, ose të
Ministrit" i Këshillit të Ministrave. www.qpz.gov.al
kopje