€¦ · web view · 2018-01-30нь: Хөдөлмөрийг оновчтой зохион...

ЭРҮҮЛ МЭНДИЙН ГАЗРЫН ХӨДӨЛМӨРИЙН ДОТООД ЖУРАМ

Нэг.Нийтлэг үндэслэл

1.1.Эрүүл мэндийн газрын дотоод журам нь Хөдөлмөрийн тухай хууль болон бусад хууль, тэдгээрт нийцүүлэн гаргасан журам, зааварт үндэслэн хөдөлмөр зохион байгуулан, ажил олгогч болон ажилтны эрх үүрэг, хариуцлагад тусгасан эрх зүйн баримт бичиг мөн.

1.2.Хөдөлмөрийн дотоод журмын зорилго нь: Хөдөлмөрийг оновчтой зохион байгуулах, ажлын цагийн хуваарилалтыг зөв тогтоож, үр бүтээлтэй ажиллах, дотоод хяналтыг сайжруулах, ажилтны нийгмийн асуудлыг шийдвэрлэх, хөдөлмөрийн сахилгыг бэхжүүлэхэд оршино.

1.3.Дотоод журмаар дараах харилцааг зохицуулна. Үүнд:

- Хөдөлмөрийн удирдлага, зохион байгуулалт- Байгууллагын дотоод үйл ажиллагаа- Хөдөлмөр зохион байгуулалт- Хүний нөөцийн менежмент

1.4.Энэ журмаар зохицуулагдаагүй аливаа асуудлыг хуульд нийцүүлэн баталсан Эрүүл мэндийн байгууллагын удирдлагын гаргасан шийдвэрээр зохицуулана. Журмын хэрэгжилтэнд Дээд шатны удирдах албан тушаалтан хяналт тавина.

Үйлчлэх хүрээ

1.5 Эрүүл мэндийн газрын удирдах ажилтан, эмч, эмнэлгийн мэргэжилтэн, ажилчид, Эрүүл мэндийн байгууллагууд

Хоёр.Хөдөлмөрийн удирдлага

2.1. Эрхэм зорилго: Эрүүл мэндийн тусламж үйлчилгээнд орчин үеийн дэвшилтэт технологийг нэвтрүүлж, эмч мэргэжилтний ур чадварын хөгжлийг дэмжиж, хүн амд ээлтэй, тэгш, тусламж үйлчилгээг хүргэхэд оршино.

2.1.1. Зорилго: “Алсын хараатай” ажиллана. Эрүүл мэндийн салбарын

ажилчид нь байгууллагын алсын хараа, зорилго, үндсэн зарчимуудыг баримталж, мөрдөж ажиллана.

-“Шударга ажил олгогч” байх- Ажилтнуудын хөдөлмөр эрхлэлттэй холбоотой бодлого хэрэгжүүлэхдээ Монгол Улсын Хөдөлмөрийн тухай хуулийг дагаж мөрдөнө.

-“Ижил тэгш” байдлыг эрхэмлэнэ- Ажилтнуудын хөдөлмөр эрхлэлтэй холбоотой эдлэх эрх, тэтгэлэг, урамшуулалд ижил тэгш байдлаар хамрагдах зарчмыг баримтлана.

-“Гүйцэтгэл”-д тохирсон үнэлгээгээр үнэлэх- Хөдөлмөр эрхлэлттэй холбоотой бүх асуудал нь /үндсэн цалингийн шатлал, нэмэгдэлүүд, ажилтны

ÄÀÐÕÀÍ-ÓÓË ÀÉÌÃÈÉÍ ÝÐ¯¯Ë ÌÝÍÄÈÉÍ ÁÀÉÃÓÓËËÀÃÓÓÄÛÍ ÕªÄªËÌªÐÈÉÍ ÄÎÒÎÎÄ ÆÓÐÀÌ

гэрээний хугацаа, албан тушаал дэвших г.м/ хувь хүний ажлын гүйцэтгэлтэй шууд уялдана .

-“Нээлттэй” байх- байгууллагын үйл ажиллагаа болон ажилтны эрх ашигтай холбоотой салбарын удирдлагын шийдвэр, үйл ажиллагааны үр дүн, тайлан мэдээ нь нийт ажилтнуудад нээлттэй, эрүүл мэндийн салбарын үйл ажиллагаа иргэд үйлчлүүлэгчид ил тод байна.

- “Нууцлалыг хадгалах” – ажилтны тухай хувь хүний мэдээ материал, хувь хүний цалин хөлс, байгууллагын нууцын зэрэглэлтэй мэдээллийг зөвхөн эрх бүхий хүний зөвшөөрөлтөй нийтэд мэдээлнэ.

- “Өөрчлөлт шинэчлэлийг” манлайлах- салбарын болон хүний нөөцийн хөгжилд тулгуурлан орчин үеийн шинжлэх ухааны хөгжлийн чиг хандлага, судалгаа нотолгоонд суурилан, техник, технологийн шинэчлэлийг нэвтрүүлэх замаар ажилтнуудын сэтгэлгээ, арга барилд дэвшил гарган, иргэдэд үзүүлэх тусламж үйлчилгээг тасралтгүй сайжруулна.

2.2. Зохион байгуулалт, үйл ажиллагаа

2.2.1. Эрүүл мэндийн газар нь УИХ, Засгийн газар болон эрүүл мэндийн асуудал эрхэлсэн төрийн захиргааны төв болон нутгийн захиргааны байгууллагаас баталсан эрүүл мэндийн талаарх бодлого, суурь эрхзүйн бусад актыг хэрэгжүүлэх Нийгмийн эрүүл мэндийн болон эмнэлгийн тусламж үйлчилгээний чанар хүртээмжийг сайжруулах ажлыг харъяа эмнэлэг, урьдчилан сэргийлэх байгууллагуудад зохион байгуулах, дэмжлэгт хяналт тавих салбар хоорондын уялдаа холбоог нь зохицуулах үүрэг бүхий орон нутгийн захиргааны хэрэгжүүлэгч агентлагын эрх үүрэгтэйгээр ажиллана.

2.2.2. Эрүүл мэндийн газар нь хүн амын эрүүл мэндийг хамгаалах, дэмжих талаар гарсан Монгол улсын хууль тогтоомж, дүрэм заавар, стандарт, удирдамж, аймгийн Засаг даргын мөрийн хөтөлбөрт эрүүл мэндийн талаар тусгагдсан заалтыг үйл ажиллагааныхаа үндсэн чиглэл болгон тавьж, аймгийнхаа эрүүл мэндийн байгууллагуудыг мэргэжлийн удирдлага, зохион байгуулалт, үйл ажиллагааны нэгдсэн бодлого, чиглэлээр ханган зохицуулалт хийн ажиллана.

2.2.3.Эрүүл мэндийн газрын дэргэд дараах зөвлөлүүд ажиллана. ЭМГ-ын даргын зөвлөл Эрүүл мэндийн чанарын хяналтын салбар зөвлөл Эх, хүүхдийн эндэгдэл, оношийн зөрүү, технологийн болон

мэргэжлийн алдаа зөрчлийг хэлэлцэх комисс Эрүүл мэндийн газрын дэргэдэх эмнэлгийн мэргэжилтний Ёс зүйн

салбар хороо Хүний эрхийг хамгаалах болон жендерийн тэгш байдлыг хангах

комисс

Çºâõºí ÄÓÀéìãèéí ÝÌÑàëáàðûí àæèëòíóóäàä


Авилга болон гэмт хэрэгтэй тэмцэх орон тооны бус салбар зөвлөл

Үйлдвэрлэлийн осол, мэргэжлээс шалтгаалсан өвчин, хурц хордлогыг судлан бүртгэх комисс

2.2.4. Эрүүл мэндийн байгууллагуудын дүрэм, зохион байгуулалтын ерөнхий бүтэц, орон тоо, хүний болон санхүүгийн зохистой хуваарилалтыг Эрүүл мэндийн тухай хуулийн 11 дүгээр зүйлийн 11.1.3-т заасны дагуу Аймгийн засаг даргын захирамжийг үндэслэн Эрүүл мэндийн газрын даргын тушаалаар томилж, чөлөөлнө.

2.3. Удирдлага ба манлайлал

2.3.1 Эрүүл мэндийн байгууллагуудын бүх шатны удирдлагын үүргийг анхан, дунд, дээд шатны удирдах ажилтнууд гүйцэтгэнэ.

2.3.2. Анхан шатны удирдах ажилтнуудад аймгийн нэгдсэн эмнэлгийн тасаг, нэгжийн дарга, эрхлэгч нар харьяалагдана.

2.3.3. Дунд шатны удирдах ажилтанд нэгдсэн эмнэлгийн дарга, өрх, сумын эрүүл мэндийн төвийн дарга нар, ЭМГ-ын хэлтэс,төвийн дарга нар, салбарын хэмжээнд бодлого хариуцсан мэргэжилтэнүүд, Хүний нөөцийн менежер, эмчилгээ эрхэлсэн орлогч дарга харьяалагдана.

2.3.3. Дээд шатны удирдах ажилтанд- ЭМГазрын дарга харьяалагдана.

2.3.4. Эрүүл мэндийн байгууллагуудын бүх шатны удирдах ажилтан дараах чадварыг эзэмших шаардлагатай. Үүнд:

- Удирдахуйн ухааны зохих түвшингийн мэдлэгтэй байх, нэр хүндтэй манлайлагч байх,

-Хариуцсан ажлынхаа чиглэлээр асуудлыг зохих шатанд оновчтой, түргэн шуурхай шийдвэрлэх чадвартай байх

-Эмчилгээ үйлчилгээний тасралтгүй, яаралтай байдлыг ханган ажиллахад мэдээлэл, зохицуулалт, шуурхай байдлыг ханган ажиллах

-Хариуцсан ажлынхаа чиглэлээр шинээр гарч байгаа технологи, дүрэм журам, сайн туршлагыг дэмжин хэрэгжүүлэх

-Хариуцсан ажлын чиглэлээр эрүүл мэндийн болон бусад байгууллагыг татан оролцуулах ажлын зохион байгуулах

-Тухайн мэргэжлийнхээ талаар бусдад зөвлөгөө өгөх чадвартай байх- Өөрийгөө удирдах, хөгжүүлэх 2.3.5 Удирдах ажилтны бусдаас ялгарах онцлог чанар:

- Өөртөө итгэлтэй байх, - Хүмүүстэй харилцах харилцааны өндөр ур чадвартай байх, - Цагийн зохион байгуулалт сайтай, үр бүтээлтэй ашиглах чадвартай байх, - Санал шүүмжлэл хүлээн авч, ажилдаа зөв тусгаж хэрэгжүүлдэг байх,



- Ажилтандаа санаа тавьж урам зориг өгч чаддаг байх, тэдний хувийн

нууцыг найдвартай хадгалах чадвартай байх, - Ажлын төлөө гэсэн чин хүсэл эрмэлзэлтэй байх, - Шийдэмгий, мэдрэмжтэй, зарчимч байх

2.3.6. Аливаа шатны удирдах ажилтныг томилохдоо дээрхи ур чадвар, онцлог чанарыг харгалзан үзнэ.

2.3.7. Удирдах ажилтан хууль зөрчсөн, ёс зүйн алдаа гаргасан , тохиолдолд дутагдалыг арилгуулах талаар сургалтанд хамруулах, албан тушаалыг бууруулах, ажлаас чөлөөлөх, дахин давтан гаргавал удирдах ажилд томилохгүй байх зарчмыг баримтлана.

2.3.8. Эрүүл мэндийн байгууллагуудын удирдлагуудаас хамт олны дунд чөлөөт ярилцлага зохион байгуулах, санал хүсэлтийг ил тод, нээлттэй байдлаар хүлээн авах зэргээр тэдний санал хүсэлтийг сонсож, үйл ажиллагаандаа тусган, үр дүнг тооцдог байх. .

2.3.9. Ажилчид удирдах албан тушаалтантай шууд харьцана.

Гурав.Дотоод үйл ажиллагаа

3.1. Байгууллагын төлөвлөгөө, тайлан түүнд тавих хяналт3.1.1 Эрүүл мэндийн байгууллагууд нь үйл ажиллагаагаа жилээр төлөвлөж

явуулна.3.1.2 Стратеги төлөвлөгөөг эрүүл мэндийн байгууллагын бүх шатанд

хэлэлцэн аймгийн Засаг даргаар, харьяа байгууллагууд, эрүүл мэндийн газрын хэлтэс, алба, төвийн стратеги төлөвлөгөөг эрүүл мэндийн газрын даргаар, тасаг нэгжүүдийн үйл ажиллагааны төлөвлөгөөг тухайн байгууллагын даргаар батлуулан, үйл ажиллагаандаа мөрдлөг болгон ажиллана.

3.1.3 Төлөвлөгөөнд эрүүл мэндийн байгууллагуудын зорилтыг тухайн жилд хэрэгжүүлэхтэй холбогдсон арга хэмжээнүүдийг үндсэн чиглэлээр тусгаж, эрүүл мэндийн газрын даргын зөвлөлөөр хэлэлцүүлэн, ЭМГ-ын дарга батлана.

3.1.4 Монгол улсын 2011оны 311 дүгээр тогтоолын дагуу Эрүүл мэндийн байгууллагуудад дотоод хяналт, шалгалтыг хэрэгжүүлэх журмыг ЭМГ-ын даргын зөвлөлөөр хэлэлцүүлэн Аймгийн засаг даргаар, Нэгдсэн эмнэлэг, өрх сумын эрүүл мэндийн төв, Халдварт өвчин тандалт сэргийлэлтийн алба, Нийгмийн эрүүл мэндийн төвийн дотоод хяналтын журмыг Эрүүл мэндийн газрын даргаар тус тус батлуулна.



3.1.5 Эрүүл мэндийн байгууллагуудад холбогдох мэдээ тайланг тогтоосон хугацаанд нь долоо хоног, сар, улирал, хагас бүтэн жилээр

Эрүүл мэндийн газрын зохих нэгж, албан тушаалтанд гаргаж өгнө.

3.2 Дотоод ажлын зохион байгуулалт

3.2.1 Эрүүл мэндийн газрын даргын зөвлөлийн хурлыг улиралд 1-ээс доошгүй удаа хуралдуулах ба шаардлагатай үед хугацаа харгалзахгүй хуралдана.

3.2.2Байгууллагын дарга, салбарын мэргэжилтнүүдийн шуурхай зөвлөгөөнийг долоо хоног бүрийн Даваа гарагт, сар бүрийн эхний долоо хоногт сумын эрүүл мэндийн төвийн дарга нарыг оролцуулан өргөтгөсөн байдлаар зохион байгуулж, удирдлагаас өгсөн үүрэг дааргаварын биелэлт, явцын талаар ярилцаж цаашид хийх ажлыг товлоно.

3.3 Тамга тэмдэг, албан хэрэг хөтлөлт

3.3.1 Эрүүл мэндийн газрын тамга тэмдгийг ЭМГ-ын дарга, хэлтэс, төвийн тамга тэмдгийг хэлтэс, төвийн дарга.Нэгдсэн эмнэлгийн тамга, тэмдгийг Нэгдсэн эмнэлгийн ерөнхий эмч, Поликлиникийн тасгийн тамга, тэмдгийг тасгийн эрхлэгч.Өрх, сумдын тамга, тэмдгийг өрх, сумын дарга нар барина. 3.3.2. ЭМГ-ын дарга, аймгийн нэгдсэн эмнэлгийн ерөнхий эмч, өрх сумдын эмнэлэгийн даргын эзгүй үед түүний итгэмжлэлээр тамга тэмдэг хадгалах, хүлээлцэх, бүртгэл хөтлөхийг байгууллагын бичиг хэргийн ажилтан тусгай тэмдэглэл хөтлөн хариуцна . Тамгыг тусгай сейфэнд хадгалана.

3.3.3 Архивын ерөнхий газрын даргын 2009 оны 68 дугаар тогтоолоор батлагдсан “Албан хэрэг хөтлөлтийн үндсэн заавар”, 2001 оны 41-р тогтоолоор батлагдсан “Тамга тэмдэг, баталгааны тэмдэг, хэвлэмэл хуудас хийлгэх, хэрэглэх заавар” болон баримт бичгийн стандартыг үндэслэн албан хэрэг хөтлөнө.

3.3.4 Албан хэрэг хөтлөлт хариуцсан ажилтан, архив албан хэрэг хөтлөх талаар гаргасан дүрэм, журам, зааврын дагуу байгууллагын албан хэргийг үнэн зөв, эмх цэгцтэй эрхлэн хөтөлж явуулах үүрэгтэй.

3.3.5 Хүний нөөцийн менежер нь албан ажлын хүрээнд шаардлагатай мэдээ, баримт бусад зүйлийг шаардан гаргуулах, баримт бичгийн бүрдэл, стандарт шаардлагын дагуу боловсруулагдсан эсэхэд хяналт тавина.

3.3.6 Эрүүл мэндийн яамны мэдээлэлийн нэгдсэн цахим сүлжээгээр мэдээ мэдээлэлийг цаг алдалгүй хүлээн авч, салбар нэгжүүлийг мэдээлэлээр хангаж, эргэн мэдээллэхийг тухайн хариуцсан албан тушаалтан хяналт тавих

3.3.7 Аймгийн нэгдсэн эмнэлэг, өрх, сумын эрүүл мэндийн төвийн дарга нь эрх хэмжээнийхээ хүрээнд зохион байгуулалт, захирамжлалын баримт бичгийг



гаргана. Баримт бичгийн үндэслэл, нотолгоо, агуулга, найруулга сайтай, товч тодорхой, үг үсгийн алдаагүй зөв бичих дүрмийн дагуу бичигдсэн

байна.

3.3.8 Бичиг хэргийн ажилтан нийт баримт бичгийн эргэлтийн хэмжээг дараах байдлаар жилийн эцэст хуудасны тоогоор гаргаж, хууль тогтоомжийн дагуу архивын нэгж үүсгэн архивт хадгална. Үүнд:

- Даргын тушаал- Гадагш явуулсан бичиг- Ирсэн бичиг /Ерөнхийлөгчийн зарлиг, МУЗГ-ын тогтоол, ЭМС-ын тушаал, ЗД-ын захирамж/- Төлөвлөгөө тайлан, протокол- өргөдөл гомдол-1А,Б,В үзлгийн маягт, өвчний карт/Эрүүл мэндийн сайдын 2013 оны 450 тоот тушаал-13 А,Б/өвчтөн илгээх хуудас/

3.3.9 Баримт бичгийг цахим хэлбэрээр боловсруулан эрх бүхий албан тушаалтнаар хянуулж, батлуулсаны дараа хэвлэмэл, хуудас авч хэвлэнэ баримт бичийн нэг хувийг байгууллагад хадгална.

3.3.10. Байгууллагын албан хэргийн хэвлэмэл хуудсыг хэрэглэх хадгалах, хамгаалах, бичиг баримтыг боловсруулах, албан хэрэг хөтлөх, хувилах, олшруулах, архивын нэгж болгох, тэдгээрийг албажуулах үйл ажиллагааг холбогдох хууль тогтоомжийн дагуу эрхлэн явуулахыг байгууллагын бичиг хэрэг болон архивын ажилтан хариуцна.

3.3.11 Бичиг хэргийн ажилтан ирсэн,явуулах баримт бичгийг хүлээн авч, бүрдлийг шалгах, бүртгэх, дугтуйлах, хаяглах, илгээх ажлыг хариуцан гүйцэтгэнэ.Явуулах баримт бичгийн утга агуулга, хэл найруулга, бүрдлийг боловсруулан, хянасан ажилтан хариуцана.

3.4. Албан тушаалтныг орлох, хавсран ажиллах

3.4.1 Даргын эзгүйд ажил үүргийг хэлтсийн даргад тушаалаар орлуулах ба тушаалд орлон гүйцэтгэгчийн эрх хэмжээг тодорхой заана.

3.4.2 Даргын эзгүйд түүний ажил үүргийг орлон гүйцэтгэгч нь -Эмнэлэг үйлчилээний хэвийн үйл ажиллагааг тасралтгүй хангах үйл ажиллагааг хэрэгжүүлж, шаардлагтай арга хэмжээг авч ажиллах 3.4.3 Орлон гүйцэтгэгч нь дараахи асуудлаар шийдвэр гаргахыг хориглоно.Үүнд:

- Санхүүгийн баримт бичигт нэгдүгээр гарын үсэг зурах - Байгууллагын бүтэц зохион байгуулалтанд өөрчлөлт оруулах, хүний нөөц шилжих хөдөлгөөнтэй холбоотой тушаал гаргах



- Дотоод, гадаад хамтын ажиллагааны асуудлаар шийдвэр гаргах - Батлагдсан дүрэм, журамд өөрчлөлт оруулах

- Батлан даалт гаргах-Хөдөлмөрийн гэрээг захиргааны санаачлагаар цуцлах-Санхүү эд хөрөнгөтөй холбоотой тушаал, шийдвэр гаргах

3.4.4 Эрүүл мэндийн газрын дарга түр эзгүй байх тохиолдолд орлон гүйцэтгэх албан тушаалтныг аймгийн Засаг даргад, Эрүүл мэндийн байгуулагуудын дунд шатны удирдлагууд түр эзгүй байх тохиолдолд орлон гүйцэтгэх албан тушаалтаныг эрүүл мэндийн газрын даргад албан ёсоор мэдэгдэж, гүйцэтгэх ажлын удирдамжийг танилцуулан, орлон гүйцэтгэх албан тушаалтанд хүлээлгэн өгнө.

3.4.5 Эзгүй байгаа албан тушаалтны ажил үүргийг орлон гүйцэтгэсэн ажилтан орлон ажиллах хугацаандаа тухайн албан тушаалын үүрэгт ажлыг хөдөлмөрийн гэрээ, ажлын байрны тодорхойлолтд заасны дагуу бүрэн хариуцаж гүйцэтгэнэ.

3.4.6 Дарга, мэргэжилтнүүд болон бусад ажилчид мэргэжил дээшлүүлэх сургалт, семинарт хамрагдах, эмчлүүлэх, албан томилолтоор гадаад, дотоод ажиллах, хувийн шалтгаанаар чөлөө авах үед ажил үүргийг түр орлуулан гүйцэтгүүлэх ба орлон ажилласан ажилтанд нэмэгдэл хөлсийг энэ журамд заасны дагуу олгоно.

3.5. Албан томилолт

3.5.1 Ажилтныг өглөө ажилд ирэх, орой буцаж харих бололцоогүй газарт зохих удирдамж, шийдвэрийн дагуу тодорхой хугацаагаар томилон ажиллуулах ба энэ нөхцөлд албан томилолтын зардал олгоно.

Томилолтын зардалд унаа, байр, хоол, шаардлагатай гэж үзвэл холбооны зардал, хотын доторх унааны зардал орно. Томилолтын хуудас, тушаалд томилолтын хугацаа, гүйцэтгэх ажлын товч утга, тээврийн хэрэгсэлийн төрөл зэргийг заана.

3.5.2 Гадаад томилолтын байр, хотын доторхи тээврийн зардлыг тухайн улс орны амьжиргааны түвшинг харгалзан, орон нутагт ажиллах зардлыг төрийн захиргааны төв байгууллагаас гаргасан журам жишгийг баримтлан эрх бүхий албан тушаалтны шийдвэр, батлагдсан зардлын төсвийг үндэслэн урьдчилгаагаар олгож, албан томилолтын үүрэгт ажлыг гүйцэтгэж ирснээс хойш ажлын 3 өдөрт багтаан тооцоо хийнэ.

3.5.3 Гадаадад томилолтоор ажилласан ажилтан ажлынхаа үр дүнг ЭМГ-ын зөвлөлд илтгэж тайлагнана.

3.6 Өмч хөрөнгийн хадгалалт, хамгаалалт , ашиглалт



3.6.1 Эрүүл мэндийн байгууллагууд нь өмч хөрөнгийг хадгалах, хамгаалах, хэмнэлттэй зарцуулах, үргүй зардал гарахаас сэргийлэх

зорилгоор өөрийн байгууллагын эд хөрөнгийн агуулахын журам, эд хөрөнгийн тооллого хийх, тооцоо бодох журам, эд хариуцагчийн дүрэм зэргийг боловсруулж мөрдөнө.

3.6.2 Санхүүгийн болон эд хариуцагч, ханган нийлүүлэгчийн ажилд хариуцлага алдаж, өмч хөрөнгө ашигласан, алдаж үрэгдүүлсэн, дутаасан зөрчил гаргасан ажилтныг дахин ижил төрлийн ажлын байранд ажлуулахыг хориглоно.

3.6.3 Байгууллагад ашиглагддаг техник, тоног төхөөрөмж, комьпютер, багаж хэрэгсэлийн ашиглалтын болон аюулгүй ажиллагааны зааврын дагуу зөв ашиглах, эвдрэл гэмтлийн оношлогоо, шаардагдах сэлбэг хэрэгсэл, түүний зарцуулалт, программ хангамж, дагалдах хэрэгсэлүүдийг тодорхойлох засвар үйлчилгээ хийх, хяналт тавих асуудлыг тоног төхөөрөмжийн инженер, хөдөлмөр аюулгүй байдал, эрүүл ахуйн хариуцсан мэргэжилтэн хариуцана.

3.6.4 Ажилтан техник хэрэгсэлийг зөвхөн албан ажлын зориулалтаар ашиглах ба бусдад шилжүүлэх, ашиглуулах, ажлын байрнаас зөвшөөрөлгүй авч гарах, гадны байгууллагын захиалгат ажил гүйцэтгэх, сүлжээний программ, хангамжийг өөрчлөх засварлахыг хориглоно.

3.6.5 Техник тоног төхөөрөмжийг өөрийн буруугаас эвдэж гэмтээсэн, алдаж үрэгдүүлсэн бол гарсан хохиролын хэмжээгээр хариуцсан ажилтнаар тухайн үеийн зах зээлийн үнийг баримтлан төлүүлж, холбогдох байгууллагад хандан шийдвэрлүүлнэ.

Дөрөв.Хөдөлмөр зохион байгуулалт

4.1. Ажил, амралтын цаг

4.1.1 Ажилтны долоо хоногийн ажлын цаг нь 40, ердийн ажлын өдрийн үргэлжлэх хугацаа 8 цаг, хэвийн бус нөхцөлд ажилладаг ажилтан бүр 7 хоногийн 30 цаг, ажлын цагийн үргэлжлэл 6 цаг байна.

4.1.2.Ажиллах, үдийн цайны цагийн хуваарийг үйл ажиллагааны онцлогийн харгалзан үргэлжлэх хугацаа нэг цаг байна.

4.1.3 Ажилтан эрх бүхий албан тушаалтаны зөвшөөрөлгүй ажлын байраа орхин явахыг хориглоно. Ажлын байр орхин явснаас үүдэн гарсан хохирлыг холбогдох хууль тогтоомжоор шийдвэрлэнэ.

4.1.4.Ажилтан нь өдөр бүр ажилдаа цагтаа ирж үүрэгт ажлаа ажлын байрны тодорхойлолт, хавсарсан үүргийн дагуу гүйцэтгэж ажлын байраа цагтаа орхин явах ёстой. Хөдөлмөрийн хуульд тусгайлан заасан заалтуудаас бусад нөхцөлд илүү цагаар ажилласны хөлсийг ажилтанд олгохгүй



4.1.5. Ажилтан Хөдөлмөрийн тухай хуулийн 79 дүгээр зүйлийн 79.1 заасны дагуу олгогдсон ээлжийн амралтыг биеэр эдэлнэ. Ажлын

зайлшгүй шалтгааны улмаас амралтыг биеэр эдлүүлээгүй тохиолдолд үндсэн цалингийн 50 хувиар тооцож мөнгөн урамшуулал олгохоос гадна нөхөн амруулна.

4.2. Чөлөө олгох журам

4.2.1. Цалинтай болон цалингүй чөлөөг байгууллагын даргад өргөдөл гарган өгч хүний нөөцийн менежерт өргөдөл, холбогдох бичиг баримт нь бүртгэгдсэнээр чөлөөг хүчинтэйд тооцно. Онцгой шаардлага гарсан тохиолдолд утсаар болон амаар байгууллагын дарга, хүний нөөцийн менежерт мэдэгдэж, холбогдох баримтыг ажилдаа эргэж орсон даруйдаа бүрдүүлэн өгч болно.

4.2.2. Ажилтанд захиргааны чөлөөг дараах журмаар олгоно.

а/ Хэлтэс, төвийн дарга нэг өдрийн чөлөөг олгох эрхтэй.

б/ 3-аас дээш хоногийн чөлөөг хэлтэс, төвийн даргын саналыг үндэслэн газрын даргын шийдвэрээр олгоно.

4.2.3. Байгууллагын үндсэн ажилтан гачигдлын болон хувийн цалинтай чөлөөг ажлын өдрөөр тооцож доор заасан хугацаагаар авах эрхтэй. Үүнд:

а) Эцэг, эх, хадам, төрсөн ах, дүү, хань, эсвэл өөрийн хүүхэд нас барсан тохиолдолд 7 хоног /Дарханаас 500 км-ээс хол бол ажлын 10 хоног/

б) Эцэг, эх, хадам, хань, эсвэл өөрийн хүүхэд аюулт өвчнөөр өвчилсөн бол 5 хоног

в) Өөрийн хүүхэд гэрлэж байгаа бол 3 хоног г) Ажилтан өөрөө гэрлэсэн тохиолдолд гэрлэлтээ батлуулах өдөр эсвэл

батлуулсанаас хойш 1 сарын дотор ажлын 3 хоногийн чөлөө авах эрхтэй. д) Ажлын зайлшгүй шаардлагаар мэргэжилтнүүдэд тухайн мэргэжлийн

эрэлт хэрэгцээ, төсөв санхүүгийн боломж, сургалтын хугацаанаас шалтгаалан 60-100 хүртэлх хувиар цалинтай чөлөө олгоно.

4.2.4. Жирэмсэн эмэгтэйчүүд төрөхийн өмнөх чөлөө авахаас 1 сарын өмнө байгууллагын захиргаандаа чөлөө хүссэн өргөдөл гаргаж өгнө. Хүүхэдээ асрах чөлөө авсан эмэгтэйчүүд ажилдаа эргэн орохоос 2-с доошгүй сарын өмнө энэ талаар байгууллагын захиргаанд өөрийн биеэр мэдэгдэнэ.

4.2.5. Ажилтны эхнэр нь амаржснаас хойш 1 сарын дотор багтаан ажлын 5 хоногийн цалинтай чөлөөг ажилтан авах эрхтэй.

4.3 Цалин хөлс, нэмэгдэл, мөнгөн урамшуулал



4.3.1 Цалин хөлсний бүрэлдэхүүнд үндсэн цалин, нэмэгдэл хөлс урамшуулал, нийгэм ахуйн хөнгөлөлт багтана. Ажилтны цалинг

сар бүрд 2 хувааж тогтсон хугацаанд олгоно.

4.3.2 .Эрүүл мэндийн салбарт ажиллаж буй эмнэлгийн мэргэжилтний үндсэн цалингийн ангилал зэрэглэлийг Монгол улсын Засгийн газрын тогтоолын дагуу ТҮЭМ-ийн сүлжээгээр, эмнэлгийн бус мэргэжилтэй ажилтны үндсэн цалингийн ангилал зэрэглэлийг ТҮ-ийн сүлжээгээр тогтооно. |өрхийн эмнэлэгт хамаарахгүй

4.3.3. Цалингийн шатлалыг сонгохдоо ажилтны тухайн албан тушаалд ажилласан жил, үр дүн, оруулсан хувь нэмэр, чадвар, идэвхи санаачлага, ёс зүйг голлон анхаарна.

4.3.4. Байгууллагын төсөв санхүүгийн боломжоос шалтгаалан дараах нэмэгдлүүдийг олгож болно.

4.3.5. Ур чадварын нэмэгдэл хөлсийн улирал, хагас бүтэн жилийн ажлын үзүүлэлтийг байгууллагын доторхи хяналт шинжилгээ үнэлгээний хэлтсийн дүнг үндэслэн ажилтнуудад олгоно.

Засгийн газрын 150 дугаар тогтоолд заасны дагуу сарын ур чадварын нэмэгдлийг үндсэн цалингийн 10-15% хүртэлх хувиар олгоно.

Төсвийн тухай хуулийн 46 дугаар зүйл, Засгийн газрын 96 дугаар тогтоолд заасны дагуу ажилтны ажлын гүйцэтгэлийг нь үнэлэн үр дүнгийн урамшуулалыг хагас, бүтэн жилээр тооцон үндсэн цалингийн 25-45%- иар тооцон тус тус олгоно.

Мэргэжлийн ахлах зэрэгтэй ажилтануудад сар бүрийн үндсэн цалингийн 10% иар

Мэргэжлийн тэргүүлэх зэрэгтэй ажилтнуудад сар бүрийн үндсэн цалингийн 15%иар

Мэргэжлийн зөвлөх зэрэгтэй ажилтнуудад сар бүрийн үндсэн цалингийн 20% иар

Клиникийн профессор- сар бүр үндсэн цалингийн 5% иар Эрдмийн зэрэг Ph.D.болон Sc.D.-сар бүрийн үндсэн цалингийн 15-

20% иар

4.3.6. Хариуцсан ажлын цар хүрээ, хариуцлагын ялгаатай үнэлэмжийг бий болгох үндсэн дээр хариуцлагын нэмэгдэл олгоно. Үүнд:

-Журмын 2.3.2-д заасан ажилтнуудад сар бүр үндсэн цалингийн 10-20 хүртэл хувиар. -2.3.3-д заасан ажилтанд цалин хөлс, нэмэгдэлүүдийг аймгийн Засаг даргын шийдвэрээр олгоно



4.3.7. Эрүүл мэндийн сайдын тушаалаар батлагдсан орон тооны бүтцийн хүрээнд өөр ажил албан тушаал хавсран гүйцэтгэж

байгаа тохиолдолд хавсран ажилласаны нэмэгдэлийг үндсэн цалингийн 40 хүртэлх % -иар олгож болно.

4.3.8. ЭМГ-ын харъяа байгууллагуудын менежерүүдийн ур чадварын нэмэгдэлийг ЭМГ-ийн хяналт шинжилгээ үнэлгээ болон бүтээгдэхүүн нийлүүлэлтийн гэрээний биелэлт дээр үндэслэн ЭМГ-ын даргын тушаалаар олгоно.

4.3.9. Ажилтныг илүү цагаар, долоо хоногийн амралтын болон нийтээр амрах баяр ёслолын өдрөөр ажиллуулаад нөхөн амруулаагүй бол цалин хөлсийг 2 дахин нэмэгдүүлэн олгоно.

4.3.10 Монгол улсын хөдөлмөрийн тухай хуулийн 54 дүгээр зүйлийн 54.1 заасны дагуу шөнийн ээлжинд ажилласан ажилтанд үндсэн цалингийн 10 хувиар тооцож нэмэгдэл олгоно.

4.3.11. Ажилтнаас үл хамаарах шалтгаанаар гарсан сул зогсолтын хугацаанд ажилтныг өөр ажилд шилжүүлэх боломжгүй бол уг ажилтанд үндсэн цалийнгийн 70 хувиар олгох ба хөдөлмөрийн хөлсний доод хэмжээнээс доогуур байж болохгүй.

4.3.12.Хөдөлмөрийн хэвийн бус нөхцөлд ажилладаг ажиллагсдад сар бүр олгох мөнгийг хамтын гэрээнд заасны дагуу олгоно.

4.3.13.Байгууллагын тасаг, нэгжийн эрхлэгч, ахлах сувилагч нарт сар бүр олгох мөнгийг хамтын гэрээгээр зохицуулана.

4.3.14. Бүтээгдэхүүн нийлүүлэлтийг Үр дүнгийн гэрээгээр хүлээсэн үүргээ “А” үнэлгээтэй биелүүлсэн удидах ажилтнууд болон бусад ажилтнуудад 50-100% цалинтай тэнцэх хэмжээний мөнгөн урамшуулал олгохоос гадна байгууллагын зардлаар гадаадад аялах, сурах эрхээр шагнаж урамшуулна.

4.5. Дараах шалтгааны улмаас ажилтны цалингаас суутгал авах эрхтэй:

4.4.1. Орлогын татвар болон Монгол Улсын хууль тогтоомжуудын дагуу цалингаас хууль ёсоор заавал суутгах суутгалууд болон ажиллагсдын зөвшөөрсний дагуу ҮЭ-ийн гишүүний татвар.

4.4.2 Байгууллагад эргэн төлөгдөх ёстой ажил, томилолт, аялалын урьдчилгаа болон ажилтанд олгосон аливаа бусад төлбөрүүд

4.4.3. Төлүүлэх тухай ажил олгогчийн шийдвэр гарсан тохиолдолд ажилтны буруутай үйлдлээс шууд хамааралтайгаар эвдэрч, гэмтсэн буруу ашигласан буюу



алдагдсан аливаа эд зүйл, тоног төхөөрөмжийн төлбөр, зардлыг хохиролыг нөхөн төлүүлэхдээ цалингаас суутгал тооцно.

4.4.4. Туршилтын хугацаанд ажиллаж байгаа ажилтан болон эзгүй байгаа ажилтны оронд түр хугацаагаар ажиллаж буй ажилтнуудад 4.3.5 дахь заалт үйлчлэхгүй.

Тав. Хүний нөөцийн менежмент

5.1 Хөдөлмөрийн гэрээ

5.1.1.Салбарын хэмжээнд хугацаатай ба хугацаагүй гэсэн 2 төрлийн хөдөлмөрийн гэрээ байгуулна. Үүнд:

5.1.2. Байнгын ажлын байранд хугацаагүй гэрээ байгуулна. Талууд харилцан тохиролцсоны үндсэн дээр байнгын ажлын байранд хугацаатай гэрээ байгуулж болно. Гэрээний хугацаа нь 1-3 жил байна.

5.1.3. Ажлын ачаалалын нэмэгдсэн үед, улирлын чанартай ажил, чөлөө авсан ажилтны оронд ажиллаж байгаа ажилтантай хугацаатай гэрээг байгуулна. Хугацаатай гэрээг 1 удаа сунгана. Сунгахдаа анхны байгуулсан гэрээнээс илүү хугацаагаар сунгахыг хориглоно

5.1.4. Онц шаардлагатай, дутагдалтай мэргэжлийн ажилтан болон онцгой өндөр ур чадвар шаардсан албан тушаалд Хөдөлмөрийн тухай хуулийн дагуу өөр газар ажиллаж буй ажилтантай хөлсөөр ажиллах болон контрактын гэрээ байгуулан ажиллуулж болно.

5.1.5. Хөдөлмөрийн гэрээг бичгээр байгуулж гэрээний нэг хувийг ажилтанд өгнө.Үлдэх хувийг ажилтны хувийн хэрэгт хийнэ.

5.1.6. Салбарын болон байгууллагын хэрэгцээнээс хамаарч ажилтан аймгийн эрүүл мэндийн системийн хэмжээнд ижил зэрэглэлийн албан тушаал дээр нэг байгууллагаас нөгөөрүү харилцан зөвшилцсөний үндсэн дээр шилжиж, шилжүүлэн ажиллуулж болно

5.1.7. Эрүүл мэндийн байгууллагын нэг нэгжид нэг гэр бүлийн гишүүдийг (эцэг, эх, эхнэр нөхөр, ах, эгч, дүү, хүү, охин, ач, зээ, эмээ, өвөө, хадмууд, гэр бүлийн дагавар гишүүд г.м) ашиг сонирхлын зөрчилдөөн, байгууллагын үйл ажиллагаанд гажуудал үүсч болзошгүй тул нэг нь нөгөөгөөс хамаарал бүхий, хөрөнгө мөнгө захиран зарцуулах албан тушаалд хамт ажиллахыг хориглоно.

5.1.8 Хөдөлмөрийн гэрээнд ёс зүйн шалгуур үзүүлэлтийг тусган, тухайн ажилтанг цалингийн шатлал ахиулах, албан тушаал дээшлүүлэх, шагнал урамшилд тодорхойлох, зэрэг горилох зэргийг харгалзан үзнэ.Төрийн болон бусад шагналд ажилласан жил, мэрэгжлийн ур чадвар ёс зүй, ажлын үр дүнг харгалзан үзнэ.



5.1.9 Адил төрлийн үйл ажиллагааг явуулдаг өмчийн бусад төрөл, хэлбэрийн өмчлөгчтөй эрхэлж байгаа албан тушаалаар

ажлын цагаар ажиллахаар зэрэгцэн гэрээ буюу контракт байгуулахыг хориглоно.

5.2 Ажилтныг ажилд авах

5.2.1. Эрүүл мэндийн салбар нь эрдэнэт хүний амь настай холбоотой онцгой салбарын хувьд ажилтан сонгон авах нь чухал ач холбогдолтой зохион байгуулалтын үйл явц юм. Байгууллагын гол зарчим бол тухайн ажил үүргийг гүйцэтгэхэд шаардагдах ур чадвартай, шилдэг хүмүүсийг өөртөө татах, нээлттэй бөгөөд шударга зарчмаар сонгон шалгаруулалт хийж, сонгогдсон хүнийг чадваржуулан төлөвшүүлэхэд чиглэгдэнэ.

5.2.1. Шинэ ажлын байранд сонгон шалгаруулалтаар, бусад ажлын байранд нөөцөөс ажилтан авах тохиолдолд дараах зарчмыг баримтлана.

5.2.2. Тухайн ажлын байр нь жилийн санхүүгийн төлөвлөгөө болон жилийн төсөвт тусгагдсан байх шаардлагатай. Энэ нь одоо байгаа болон шинээр бий болох нэмэлт ажлын байрны аль алинд хамаарах бөгөөд байгууллагын удирдах ажилтнууд төлөвлөж жил бүр батлуулна.

5.2.3. Ажлын байрыг орон нутгийн мэдээллийн хэрэгслээр 3 хоног 3-5 удаагийн давтамжтайгаар зарлах, хүний нөөцийн мэдээллийн санд бүртгэх асуудлыг байгууллагын хүний нөөц менежер хариуцаж, сонгон шалгаруулалтыг тусгай томилогдсон комисс явуулна. Комисс нь 3-5 хүний бүрэлдэхүүнтэй байх бөгөөд байгууллагын дарга, хүний нөөцийн менежер тухайн сонгон шалгаруулж буй ажлын байртай шууд харьялалтай нэгжийн дарга, эрүүл мэндийн газрын холбогдох мэргэжилтэнг байлцуулна.

5.2.3. ЭМГ-ын болон тухайн байгууллагын хүний нөөцийн мэдээллийн санд нөөцөнд бүртгэгдсэн, тухайн ажлын байранд тохирсон нэр дэвшигч хангалттай байгаа тохиолдолд ажлын байрыг зарлалгүйгээр ажлын байранд тохирсон ажилтанг дотроосоо санал болгож, дээд шатны удирдлагадаа танилцуулан шаардлагад нийцсэн хамгийн сайн горилогчийн ур чадвар дээр үндэслэн шийдвэр гаргана.

5.2.4. Ажилд орох хүмүүс дараахь материалыг бүрдүүлнэ. Үүнд:

Хувийн өргөдөл Иргэний үнэмлэх ЭМД, НД-ын дэвтэр Мэргэжлийн үнэмлэх, диплом, лиценз Курс, сургуульд суралцсан үнэмлэх, диплом, сертификат Эрүүл мэндийн хуудас ТАХ-н биеийн байцаалт Хуучин ажиллаж байсан ажлын газрын тодорхойлолт



Цагдаагийн газрын тодорхойлолт

5.3.Ажилд дадлагажуулах, сургах, бэлтгэх

5.3.1 Шалгаруулалт болон ярилцлагад тэнцэж ажилд орох болзол хангасан иргэнтэй Монгол улсын Хөдөлмөрийн тухай хуулийн 24-р зүйлд заасны дагуу ажил олгогч нь харилцан тохиролцон “ Хөдөлмөрийн гэрээ байгуулах, үлгэрчилсэн маягт”-ыг үндэслэн бичгээр гэрээ байгуулна. Хөдөлмөрийн гэрээг туршилтаар ажиллахад 3 сар байна. Тухайн ажлын байр цаашид хэвээр хадгалагдах хэрэгцээтэй болон ажлын гүйцэтгэл хангалттай гэж үзвэл цаашид гэрээг сунгана.

5.3.2. Байгууллагын хүний нөөцийн ажилтан нь ажилд орсон ажилтанд үнэмлэх олгож, хувийн хэрэг нээн ажилтны талаар мэдээллийг авч хадгалан, өөрчлөлт орсон тухай бүрт тэмдэглэж байна. Хувийн хэрэгт ажилтны анкет, диплом, сертификат, эзэмшсэн мэргэжлийн үнэмлэхний хуулбар, ажил байдлын тодорхойлолт зэрэг баримтууд хадгалагдана.

5.3.3. Ажилтны хувийн хэрэг нь нууцын зэрэглэлтэй материал тул баталгаатай газар хадгалж бусдад удирдах ажилтны зөвшөөрөлгүйгээр танилцуулахыг хориглоно.

5.3.4. Байгууллагын хүний нөөцийн ажилтан нь ажилтныг ажилд авсаны дараа доорх үүргийг гүйцэтгэнэ.

- Хөдөлмөрийн гэрээ байгуулсан ажилтанд байгууллагыйн эрхэм зорилго, зорилт, үйл ажиллагаандаа мөрдлөг болгодог хууль тогтоомж, байгууллагын хөдөлмөрийн дотоод журам, ажлын байрны тодорхойлолт, шууд харьяалах удирдах ажилтан, Эрүүл мэндийн байгууллагын тухай тайлбарлан таниулж ажилтнаар гарын үсэг зуруулна.

Шинээр орсон ажилтныг хамт олонд нь танилцуулна. Бүх төрлийн шаардлагтай дархлаажуулалтанд хамруулна Ажлын байранд шаардлагтай хэрэгслээр хангах

5.3.5 Ажилтанг ажлыг байранд нь, шавилан, дагалдан, орон нутгийн болон Улаан баатарын ижил төстөй эрүүл мэндийн байгууллагад туршлага судлуулах хэлбэрээр дадлагжуулан сургаж болно.

Зургаа.Ажилтнуудын нийгмийн баталгаа

6.1. Ажлаас халагдсаны тэтгэмж

а) Хөдөлмөрийн тухай хуулийн 37.1.6, 40.1.1, 40.1.2, 40.1.3-т заасан үндэслэлээр ажлаас халагдсан ажилтанд 1 ба түүнээс дээш сарын дундаж цалин хөлстэй тэнцэх хэмжээний тэтгэмж олгоно.



6.2. Буцалтгүй тусламж

1.Ажилтан болон түүний ар гэрт гачигдал, бэрхшээл тохиолдох үед дараах буцалтгүй тусламжийг хамтын гэрээнд зааснаар үзүүлнэ. Үүнд: 6.2.1 Ажилтан өөрөө нас барсан тохиолдолд түүний ар гэрт 6.2.2 Ажилтны төрсөн эцэг эх, гэр бүлийн хүн, төрсөн үрчилсэн хүүхэд нас

барсан тохиолдол 6.2.3 Ажилтны төрсөн ах эгч, дүү нас барсан тохиолдолд 6.2.4 Ажилтан хүнд өвчний улмаас ажлаас түр чөлөөлөгдөн, удаан хугацаагаа эмчлүүлэх зайлшгүй шаардлагатай тохиолдолд баримт бичгийг үндэслэн

6.3. Тэтгэмж

6.3.1 Монгол Улсын Эрүүл мэндийн тухай хуульд заасан бүх тэтгэлэг тэтгэмжийг ажилтнуудад шалгуур нөхцөл нь бүрдсэн тохиолдолд олгоно.6.3.2 Хөдөлмөрийн тухай хуулийн 40 дүгээр зүйлийн 40.1 заасны дагуу байгууллагын төсөв санхүүгийн боломжоос шалтгаалан Эрүүл мэндийн салбарт ажиллагсад тэтгэвэр тогтоолгох эрх нь нээгдсэн 10-аас дээш жил тус байгууллагад үр бүтээлтэй ажиллсан ажилтнуудад 1-3 сарын үндсэн цалинтай тэнцэх мөнгөн тэтгэмжийг тэтгэвэрт гарахад нь ажиллаж байгаа байгууллагаас нь олгохыг зөвшөөрнө.6.3.3 Сумын эрүүл мэндийн төвд ажиллаж буй эрүүл мэндийн ажилтанд газар эзэмшүүлэх, малжуулах, байр сууцны асуудал зэрэг нийгмийн асуудлуудыг нь ажил олгогч сумын иргэдийн хурал, удирдлагатай хамтран шийдвэрлэхэд бүхий л хуулийн хүрээн дэхь дэмжлэгийг үзүүлнэ.

6.4. Хөнгөлөлт

6.4.1 Хөдөлмөрийн тухай хуулийн 18 дугаар зүйлийн 18.1 заасны дагуу ажиллагсдад сар бүр унаа хоолны зардалд зориулж олговор олгоно. Энэ нөхөн олговорыг байгууллагын төсөв санхүүгийн байдлыг харгалзан нэмэгдүүлж болно.

6.4.2 Томилолтоор албан үүрэг гүйцэтгэх үед тэр өдрийн унаа, хоолны мөнгө давхар олгогдохгүй.

6.5.Шагнал, урамшуулал

6.5.1 Хөдөлмөрлөж эрхэлсэн ажилдаа өндөр амжилт гаргасан ажилчдыг дор дурдсан хэлбэрээр шагнана. Үүнд:

- Төрийн болон ЭМЯ-ны, аймаг сумын Засаг даргын шагналд нэрийг нь дэвшүүлэх:



- Төрийн одон медаль хүртсэн ажилтанд цалингийн хувиар урамшуулна.

- Оны шилдэгүүдийг номинациар шалгаруулж, ажилтны зургийг хүндэт самбарт байршуулж алдаршуулна. -Харъяа байгууллага бүр Хүндэт самбар ажиллуулж ажил үйлсээрээ бусдыгаа манлайлан ажилласан ажилтнуудын зураг, товч мэдээллийг байрлуулж нийтэд сурталчилна.-Эмчилгээ, үйлчилгээний стандартыг чанд сахин, үйлчлүүлэгчид эмнэлгийн

тусламж үйлчилгээг чанартай, хүртээмжтэй, шуурхай хүргэж буй эрүүл мэндийн ажилтанд улирал бүр эрүүл мэндийн газрын даргын баталсан шалгуур, квотын дагуу Чанарын зөвлөлийн хурлаар хэлэлцэн, ЭМГ-ын даргын тушаалаар Чанар 1,2,3 тэмдгээр шагнаж, цалингийн 5-15 % -ийн урамшуулал олгоно.

-Хүн ардын эрүүл мэндийн сахин хамгаалах нэр төртөй үүрэг хариуцлага, ёс зүйтээгээр биелүүлж буй эрүүл мэндийн ажилтанд жилд нэг удаа эмнэлгийн ажилчидын баярыг тохиолдуулан батлагдсан квотын дагуу Ёс зүйч эрүүл мэндийн ажилтан тэмдгээр шагнаж, үндсэн цалингийн 50-100% тэнцэх урамшууллыг олгоно.

-Эрүүл мэндийн газрын “Хүндэт дэвтэрт” эрүүл мэндийн салбарт тогтвортой үр бүтээлтэй ажиллаж Монгол улсын төрийн шагнал хүртсэн, онцгой гавьяа байгуулсан хүмүүсийн нэрийг бичиж, дурсгалын гэрчилгээ батламж олгоно.

-Ажилтан төрийн одон медалиар шагнагдсан тохиолдолд төсвийн боломжоос шалтгаалан цалингийн хувиар шагнаж урамшуулна.

-Төрийн шагнал, Эрүүл мэндийн яамны шагнал, аймгийн шагналд нэр дэвшигчийн материал эрүүл мэндийн газраар дамжин , Эрүүл мэндийн газрын зөвлөлийн хурлаар хэлэлцүүлэгдэж, холбогдох дээд шатны байгууллагад уламжлагдана.

Долоо.Хөдөлмөрийн сахилга

7.1. Цаг ашиглалт

7.1.1 Ажилтнуудын ажлын цаг ашиглалт, түүнд тавих хяналт, сахилга дэг журмыг сайжруулах, хөдөлмөрийн дотоод журмыг чанд дагаж мөрдөх, хөдөлмөрийн хөлсийг ажилласан цаг, хөдөлмөрийн үр бүтээлд тохируулан олгоход хэлтэс, байгууллагын удирдлагууд анхаарч ажиллана.

7.1.2 Ажилтан ажилд ирэх, завсарлах, завсарлаад ирэх, ажлын цагаар гадагш явах, буцаж ирэх, ажил тарах бүрт хяналт тавьж ажиллана.

7.1.3 Ажилтан хүндэтгэн үзэх шалтгаанаар ажилдаа ирэх боломжгүй болсон тохиолдолд 1–ээс доошгүй хоногийн өмнө удирдлагад мэдэгдэнэ.

7.1.4 Хөдөлмөрийн дотоод журмаар тогтоосон ажлын цаг дууссанаас хойш ажиллах шаардлагатай үед удирдах албан тушаалтанд мэдэгдэх



7.1.5 Ажилтны ажлын цагт эмнэлэг хөдөлмөрийн магадлах комиссын шийдвэр гарсан тохиолдолд зохицуулалт хийнэ.

7.1.6 Дараах тохиолдолд ажил тасалсанд тооцно.

- 2 цагаас дээш хугацаагаар шалтгаангүйгээр ажлын байрыг орхигдуулсан нөхцөлд тухайн өдрийн ажил

- Ээлжийн амралтын хугацааг хүндэтгэн үзэх шалтгаангүйгээр / нотлох баримтгүй / хэтрүүлсэн

- Хүндэтгэн үзэх шалтгаанаар ажилд ирээгүй тухайгаа 1 хоногийн дотор мэдэгдэх үүргээ биелүүлээгүй

- Албан ёсоор чөлөө аваагүй ажил орхисон, ажилд ирээгүй - Графикт ажлын хуваарыг удирдлагад мэдэгдэлгүй өөрчилсөн бол

7.2. Ажлын цагийн тооцоо

7.2.1.Хүний нөөцийн менежер цалин олгохоос 2-3 хоногийн өмнө ажилчдын цагийн тооцоог “Цагийн тодорхойлолтын хуудас”-аар дараах байдлаар гаргана. Үүнд:

- Ажиллавал зохих хоног- Ажилласан хоног- Хасагдах хоног- Илүү цаг

7.2.2 Ажилтан ажлын цагаас 15 минутаас дээш хугацаагаар хоцорсон тохиолдол бүрийг нэмж нэгтгэн 6 цагаас дээш бол ажлын нэг өдрийг ажил тасалсанаар тооцно. Ажилтан эмнэлэгт эмчлүүлсэн, өвчтөн асарсан зэрэг хүндэтгэн үзэх шалтгааны нотлох баримтыг “Цагийн тодорхойлолтын хуудаст” хавсаргана. Цагийн тодорхойлолтыг хүний нөөцийн менежер хянана.

7.2.3 Цагийн бүртгэлийг үндэслэн цалин хөлсний тооцооны нябо нь ажил тасалсан буюу чөлөөний хугацааг хүндэтгэн үзэх шалтгаангүйгээр хэтрүүлсэн ажилтны ажиллаагүй цаг, ажлаас хожимдсоныг нэгтгэн тооцсоноос хасагдаж буй өдөрт оногдох хөлсийг түүний хөдөлмөрийн хөлснөөс хасч тооцно.

7.2.4 Хөдөлмөрийн тухай хуулийн 103 дугаар зүйлийн 103.1 заасны дагуу амрах хооллох нийтийн завсарлагаас гадна хүүхдээ хөхүүлэх асрахад зориулан 6 сар хүртэлх хүүхэдтэй буюу нэг нас хүртэлх ихэр хүүхэдтэй эхэд хоёр цагийн завсарлага, 6 сараас нэг хүртэлх насны, түүнчлэн нэг нас хүрсэн боловч эмнэлгийн дүгнэлтээр зайлшгүй асаргаа шаардагдах хүүхэдтэй эх, ганц бие эцэгт нэг цагийн завсарлага олгох бөгөөд уг цагийг ажилласан цагт оруулан тооцно.



7.2.5 Хүндэтгэн үзэх шалтгаангүйгээр 3-аас дээш өдөр ажил тасалсан, эсвэл ажлаас хожимдсон цагийг нэгтгэн үзэхэд сард 3 ажлын

өдөр болбол Хөдөлмөрийн тухай Хуулийн 131.3-д зааснаар ажлаас халах арга хэмжээ авна. Харин хүндэтгэн үзэх шалтгаанаар ажилдаа удаа дараа ирээгүй, эсвэл энэхүү хугацаанд холбогдох ажилтанд мэдэгдээгүй бол урамшуулалт цалин олгогдохгүй

7.2.6 Ажилтан ажлын цаг ашиглалтын бүртгэл, тайлангийн талаар гомдлоо хүний нөөцөөр шийдвэрлүүлнэ.

7.3 Хориглох зүйл

7.3.1 Ажилтан хөдөлмөрийн гэрээгээр хүлээсэн үүргээ гүйцэтгэх явцад дараах үйлдэл хийхийг хориглоно. Үүнд:

- Ажлын байранд тамхи татах, ажлын цагаар согтууруулах ундаа хэрэглэх, хэрэглсэн үедээ ажлын байранд нэвтрэх,

- Ажлын байранд бусадтай маргах, хамт ажиллаж буй ажилтан болон үйлчлүүлэгчдийг сэтгэл зүйн хувьд дарамтлах, тэдэнтэй маргах, хэл амаар доромжлох, үйлчилгээний дарааллыг алдагдуулах, чирэгдүүлэх

- Удирдлагаас өгсөн үүрэг даалгаварыг гүйцэтгэхгүй буюу гүйцэтгэхээс татгалзах, байгууллагаас зохион байгуулж буй олон нийтийн ажилд идвхи санаачлага гаргахгүй байх, ажлаас хоцрох ажил таслах.

- Хариуцуулсан эд хөрөнгө, тоног төхөөрөмж, багаж хэрэгслийг зөвшөөрөлгүй хувьдаа ашиглах, гадагш гаргах үрэгдүүлэх, хэвийн ажиллах боломжгүй болгох, засвар үйлчилгээ хийгээгүйгээс гэмтэл саатал, осол гаргах аюулгүй ажиллагааны заавар зөрчих

- Албан үүрэгтэйгээ холбоогүй асуудлаар төлөөлөн шийдвэр гаргах, бусдад мэдээлэл, ярилцлага өгөх, албаны мэдээллийг хувийн ашиг сонирхлын үүднээс ашиглах эмнэлгийн мэргэжилтэний ёс зүйн хэм хэмжээг зөрчих тохиолдолд

- Хууль бус ажил хаялт болон байгууллагын хэвийн үйл ажиллагааг алдагдуулахад чиглэсэн бусад арга хэмжээг төлөвлөх, зохион байгуулах, тэдгээрт оролцох

- Байгууллага болон ажилтны хувийн нууцыг задруулах

7.3.2 Хөдөлмөрийн гэрээгээр хүлээсэн үүргээ гүйцэтгэх явцад байгууллагын дотоод журам зөрчсөн эмч, эмнэлгийн ажиллагсадыг ёс зүйн зөрчил гаргасан гэж үзэж эмнэлгийн мэргэжилтэний ёс зүйн салбар хорооны хурлаар оруулна.



7.4 Сахилгын шийтгэл оногдуулах

7.4.1 Хөдөлмөрлөх үүргээ гүйцэтгэх явцдаа хөдөлмөрийн дотоод журам, хөдөлмөрийн гэрээгээ зөрчсөн ажилтанд хөдөлмөрийн тухай хуулийн 131 дүгээр зүйлийн 131.1 зааснаар сахилгын шийтгэл оногдуулна.

- Хууль тогтоомж болон эмнэлгийн мэргэжилтний ёс зүйн дүрмийн үндэслэн шийтгэл оногдуулна.

-Оногдуулах шийтгэлийн хэлбэр нь гаргасан зөрчлийн шинж байдалд тохирсон байх

- Шийтгэлийг оногдуулахдаа ажилтны гэм буруу, сахилгын зөрчлийн шинж чанар, үр дагаварыг харгалзах

Сахилгын ноцтой зөрчилд дараахь зүйлүүд хамаарна. Үүнд:

-Ажлын болон ажлын бус цагаар согтуугаар ажлын байранд нэвтрэх, согтуу хүн нэвтрүүлэх, хариуцуулсан эд хөрөнгө, тоног төхөөрөмж, багаж хэрэгслийг зөвшөөрөлгүй хувьдаа ашиглах, гадагш гаргах үрэгдүүлэх,

- Хүндэтгэн үзэх шалтгаангүйгээр 3-аас дээш өдөр ажил таслах

- Ямар хэлбэрийн шийтгэл оногдуулсанаа ажилтанд мэдэгдэж, энэ тухай тушаалын хуулбарыг өгөх

7.4.2 Сахилгын шийтгэлийн хүчинтэй хугацаанд тухайн ажилтанд аливаа нэмэгдэл, шагнал урамшууллыг олгохгүй

7.4.3 Сахилгын шийтгэл оногдуулах үндэслэлийг заавал шалган тогтоож энэ тухай баримтыг үндэслэн зөрчил гаргасан ажилтанд урьдчилан танилцуулсан байна. Зөрчил гаргасан ажилтан уг баримт материалтай танилцаад нэмэлт тайлбар хийх, дараагийн шатлалд гомдлоо тавьж болно.

7.4.4 Сахилгын шийтгэл оногдуулах тухай хэлтэс, байгууллагын дарга, хүний нөөцийн менежерийн санал болон холбогдох нотлох баримтыг хянан үзэж, эрх бүхий албан тушаалтан / дарга / Хөдөлмөрийн тухай хуулийн 131 дүгээр зүйлийг үндэслэн тушаал гаргана.

.

7.5. Эд хөрөнгийн хариуцлага

7.5.1 Ажилтан хөдөлмөрлөх үүргээ биелүүлэх явцдаа өөрийн буруугаас байгуулагад хохирол учруулсан бол Хөдөлмөрийн тухай хуулийн 133-р зүйл, 135-р



зүйлд заасны дагуу эд хөрөнгийн хязгаарлагдмал болон бүрэн хариуцлагыг хүлээлгэнэ.

7.6. Хөдөлмөрийн гэрээ цуцлах, холбогдох тооцоо хийх

7.6.1 Хөдөлмөрийн гэрээг Хөдөлмөрийн тухай хуулийн 37, 40-р зүйлд зааснаас гадна дараах үндэслэлээр дуусгавар болгоно. Үүнд:

- Туршилтын хугацаанд ажлын шаардлага хангаагүй

7.6.2 Ажлын онцлогийг харгалзан дараах үйлдлүүдийг ноцтой зөрчилд тооцон ажил олгогчийн санаачилгаар хөдөлмөрийн гэрээг цуцална. Үүнд:

Ажлын байранд ажлын цагаар архи, согтууруулах ундаа хэрэглэсэн нь нотлогдсон

Байгууллагын тамга тэмдэг, албан бичгийн бланкийг хувьдаа ашигласан болон байгууллагын нэрийг ашиглан өөр бусад байгууллага, хүмүүсийг хуурч мэхэлсэн, байгууллага болон ажилтныг залилан мэхэлсэн, байгууллага хамт олон, ажилтны хувийн нууцыг бусдад дэлгэсэн , худалдсан, хэвлэл мэдээллий хэрэгсэлээр цацсан:

Хүндэтгэх шалтгаангүйгээр дараалан 3-аас дээш хоногоор ажлаа орхисон, дахин давтан бүтэн өдрөөр тасалсан / чөлөөтэй,өвчтэй, амралт дууссанаас хойш, захиргаанд албан ёсоор мэдэгдээгүй бол энэ хугацаа хамрагдана.

Бусдаас авлига, хээл хахууль авсан:

7.6.3 Хөдөлмөрийн тухай хуулийн 40-р зүйлийн 40.1.7, 37-р зүйлийн 37.1.5, 37-р зүйлийн 37.1.7-д зааснаас бусад үндэслэлээр ажил олгогчийн санаачлагаар хөдөлмөрийн гэрээг цуцлахдаа нэг сарын өмнө бичгээр мэдэгдэж, гарын үсэг зуруулна:

7.6.4 Хөдөлмөрийн гэрээг цуцлахдаа хэлтэс, албан дарга,хүний нөөцийн менежерийн саналыг үндэслэн байгууллагын даргын тушаалаар шийдвэрлэнэ. Тушаалд хөдөлмөрийн гэрээ цуцлах үндэслэл, ажил хүлээлцэх хугацаа, ээлжийн амралтын тооцоо хийсэн хугацаагаар ажлаас халсан эцсийн өдрийг тогтоох, тэтгэмж олгохоор бол түүнийг дурдсан байвал зохино.

7.6.5.Байгууллага ажилтантай байгуулсан хөдөлмөрийн гэрээг цуцлахдаа ажил хүлээлцэх хугацааг тогтоож, ажил хүлээлцэх комиссыг томилно.

7. 7.Хөдөлмөрийн маргаан зохицуулах

7.7.1.Эрүүл мэндийн байгууллагын хөдөлмөрийн хамтын болон ганцаарчилсан маргаан таслах орон тооны комисс ажиллана.



7.7.2 Хөдөлмөрийн маргаан таслах комисс нь дараах бүрэлдэхүүнтэй байна. Үүнд:

- Үйлдвэрчний эвлэлийн байгууллагын төлөөлөгчид, эсвэл хамт олноос сонгогдсон төлөөлөгч /3 хүн /

- Дарга- Хуулийн мэргэжилтэн -Хүний нөөцийн мененжер

7.7.3 Хөдөлмөрийн маргаан таслах комисс нь Хөдөлмөрийн хууль тогтоомж болон дүрмийнхээ дагуу үйл ажиллагаа явуулна.

Найм.Ажил олгогчийн хүлээх үүрэг, эдлэх эрх8.1 Монгол улсын Хөдөлмөрийн тухай хуульд заасан эрхээ эдэлж үүргээ

хэрэгжүүлнэ

8.2. Захиргаа нь хамт олны саналыг авч хөдөлмөрийн дотоод журмыг хууль тогтоомжид нийцүүлэн батлан мөрдөн ажиллана.

8.3. Ажилтнаас хөдөлмөрийн гэрээгээр хүлээсэн үүргээ биелүүлэхийг шаардах, хуульд заасан хариуцлагыг хүлээлгэх эрхтэй

8.4. Захиргаа нь ажилтны хөдөлмөрийг оновчтой зохион байгуулах, ажлын цагийн ашиглалт, үр ашгийг дээшлүүлэх арга хэмжээ авна.

8.5. Хөдөлмөрийн гэрээгээр хүлээсэн үүргээ чанд биелүүлэх үүрэгтэй

8.6. Ажилтны санал хүсэлтийг үндэслэн эрхлэж байгаа ажлынх нь чиглэлээр мэргэжил олгох, дээшлүүлэх сургалтанд хамруулах, шаардлагатай гэж үзвэл тэтгэмж олгох, хөнгөлөлт үзүүлэх, сургалтын төлбөрийг хариуцах талаар дотоод журмыг үндэслэн шийдвэрлэнэ.

8.7. Хөдөлмөрийн хөлсний зохион байгуулалтыг боловсронгуй болгож, цалин хөлсний санг зөв зохицуулан, хөдөлмөрийн цалин хөлсийг сард хоёр удаа тавьж олгоно.

8.8. Жил бүрийн 2- дугаар сард багтаан бүтээгдэхүүн нийлүүлэлтийн гэрээг 8.9 Ажлын болон санхүү ёс суртахууны ноцтой дутагдал гаргаж байгаагүй ажилтнуудад цалингийн урьдчилгаа зээл болон орон сууцны, бизнесийн бусад зээлийг байгууллагын харилцагч банкнаас авахад дэмжлэг үзүүлнэ

Ес. Ажилтны эрх, үүрэг



9.1 Ажилчид нь ажиллах нөхцөлөөр хангагдах, тогтоосон хөдөлмөрийн хөлсийг хугацаанд нь авах, хөдөлмөрийн хууль тогтоомжид заасан дагуу

амрах, тэтгэвэр авах буюу бусад хөнгөлөлт авах эрхтэй

9.2 Эрүүл мэндийн байгууллагын үйл ажиллагааны үр дүн арга барилыг сайжруулахад чиглэсэн шинэ санаа дэвшүүлэх, санаачилга гаргах, боловсрол мэдлэг мэргэжлээ дээшлүүлэх, санал хүсэлт тавьж шийдвэрлүүлэх, эрхэлсэн ажил мэргэжлийн чиглэлтэй холбоотой асуудлыг хэлэлцэхэд оролцох, санал хүсэлтээ илэрхийлэх

9.3 Хамт олны хурал зөвөлгөөнд оролцож ажил сайжруулах, дутагдал зөрчлийг арилгуулах талаар санал шүүмжлэл гаргах эрхтэй

9.4 Өөрийн үйл ажиллагаанд шууд холбогдолгүй буюу аюулгүй ажиллах нөхцөл бүрдээгүй ажлын байранд ажил үүрэг гүйцэтгэх, үүрэг даалгавар хүлээн авахаас татгалзах

9.5 Хөдөлмөрийн гэрээ, албан тушаалын заавар, ажлын байрны тодорхойлолтын дагуу хийгдэж байгаа ажилтай нь холбогдуулан удирдлагаас өгсөн үүрэг даалгаварыг хугацаанд нь чанартай хийж гүйцэтгэх

9.6 Хөдөлмөрийн дотоод журам, техник тоног төхөөрөмжүүдийн ашиглалт аюулгүй ажиллагааны дүрэм, заавруудын шаардлагыг чанд сахин биелүүлэх

9.7 Эмнэлгийн мэргэжилтний ёс зүйн хэм хэмжээг сахин биелүүлж, хүнлэг энэрэнгүй үзлийг эрхэмлэн, үнэнчээр хөдөлмөрлөж, хуулиар тогтоогдсон нууцыг хадгална.

9.8. Ажилтан өөрийн ажлын байрны нөхцөлийг сайжруулах, эрүүл ахуй, аюулгүй байдлыг хангахыг ажил олгогчоос шаардах

9.9. Өөрийн ажлыг бодитойгоор үнэлэх, үнэлүүлэх, гүйцэтгэлийн үнэлгээний үр дүнг тайлбарлуулах, эрх тэгш шударга байхыг шаардах

Энэ журмыг батлагдсан өдрөөс эхлэн дагаж мөрдөнө.


€¦ · web view · 2018-01-30нь: Хөдөлмөрийг оновчтой зохион...

Documents