Петр Захаров. Вож выж: Стихи, поэмы, переводы
DESCRIPTION
Удмурт литератураез тодӥсьѐслы Пѐтр Захаровлэн нимыз выль ӧвӧл ни, лыдӟисьес сое тодо 1987 арысен «Кенеш» журналын, «Советской Удмуртия» газетын печатласькем кылбуръѐсызъя. Но солэн нимыз калыклы тодмо луиз 1990 арысен «Инвожо» журналын ужаны кутскемез публицистической ужъѐсызъя, мукет кылъѐсысь берыктэмъѐсызъя но аслаз кылбур бичетъѐсыныз. 1993 арын солэн «Эбга» трагедиез СССР – ысь драматургъѐслэн семинаразы нырысетӥ инты басьтӥз. Удмурт театр та пьесан Финляндие но ӧтчамын вал. Вылӥ верам ужъѐсыз понна, озьы ик «Инӟарекъян» «Одӥг пол гинэ» коллективTRANSCRIPT
1
Петр Захаров
_____________________________
ВОЖ ВЫЖ
Кылбуръёс
Ижевск
2001
2
Издание осуществлено при содействии
Главного федерального инспектора
по Удмуртской Республике
Чикурова Сергея Витальевича,
За что автор сердечно благодарит его.
Захаров П. М.
Вож выж: Стихи, поэмы, переводы. – Ижевск, Изд- во ИжГТУ, 2001. – 272 с.
Удмурт литератураез тодӥсьѐслы Пѐтр Захаровлэн нимыз выль ӧвӧл ни, лыдӟисьес
сое тодо 1987 арысен «Кенеш» журналын, «Советской Удмуртия» газетын печатласькем
кылбуръѐсызъя. Но солэн нимыз калыклы тодмо луиз 1990 арысен «Инвожо» журналын
ужаны кутскемез публицистической ужъѐсызъя, мукет кылъѐсысь берыктэмъѐсызъя но
аслаз кылбур бичетъѐсыныз. 1993 арын солэн «Эбга» трагедиез СССР – ысь
драматургъѐслэн семинаразы нырысетӥ инты басьтӥз. Удмурт театр та пьесан
Финляндие но ӧтчамын вал. Вылӥ верам ужъѐсыз понна, озьы ик «Инӟарекъян» «Одӥг
пол гинэ» коллективной сборникъѐсы пыриськеменыз Петр Захаров 1997 арын Россиысь
писательѐслэн Союзазы кутэмын. 2000 арын «Удмуртия» книгапоттонни солэсь «Эбга»
нимо книгазэ печатлаз.
Таяз сборнике авторлэн дас вить ар ӵоже гожъям кылбуръѐсыз, поэмаосыз,
берыктэм ужъѐсыз пыризы.
© Захаров П. М. , 2001
© Ар – Серги, предисловие. 2001
© Издательство ИжГТУ, 2001
3
Гажано лыдӟись эше!
Тани тынад кияд шаерысьтымы валтӥсь кылбурчиос пӧлысь огезлэн -
Петр Захоровлэн выль книгаез. Оскы, та книга доры авторлэн сюресэз капчиен
ӧз сѐтскы. Нош Петр Захаров ӧз дырты. ӟеч шофер сямен со азьпаласьтыз выль
сюрессэ тупен – тупен чаклаз, рос – прос эскериз. Собере гинэ поэтической руль
вылаз юн – юн понӥз киоссэ. Иське азьлань.
Маин мон ӵошатысал Пѐтр Захаровлэсь кылбуръѐссэ? Пуктэ ай син азяды
акшанэз, котырын ю – шепъѐс сюрелало, нош соос вылын капчиѐмыса но
секытомыса лэйкало бысы тӧлъѐс. Ыркыт бусы тӧлъѐсын ӵошатысал мон
эшелэсь кылбуръѐссэ. Кык бадӟым валанъѐс – адями но инкуазь, адями но калык
висъѐсын лэйкало ыркыт тӧлъѐс кадь Петр Захаровлэн кылбуръѐсыз. Поэт
нокинэ но номырлы но уг дышеты. Со ас дунне валанзэ артысь адямилы маде.
Со бордын ик солэн сюлэм ошмесэзлэн синмыз но, кужмыз но. Поэт шуэ кадь:
«Эше, тани мон мае туннэ тодӥ. Пуксьы вӧзам кенешом.»
Петр Захаровлэн кылбуръѐсаз сюлэм йыггетэм кадь улонлэн ӧрыз
шӧдӥське - кытӥ либытак, кытӥ шурын куашетыса. Солэн тыбыр сьӧраз кылемын
ни кылбур устолыклы дышетскон аръѐс, шуныт тодэ ваѐнъѐсын гинэ кылизы на
эшъѐсызлэн - Михаил Федотовлэн но Владимир Романовлэн индылонъѐссы.
Табере со чылкак огназ, кылбур дуннелы ваче син. Но автор та ӧрын ассэ
вуын чорыг кадь шӧдэ – оске ас кужымезлы. Со оскон но мугтэк ӧвӧл.
Петр Захаров вордскиз 1961 арын 26 январе бускель Татарстанысь Кукмор
ѐросысь Вуж Кня – Юмья гуртын. Школаез быдтэм бераз техника бордын ужаз.
Собере - армиын вал. Погонъѐссэ куштыса мытэм ужаз берытскиз. Руль сьӧры
пуксьыса Сибиретӥ трос сюрэсъѐсты ортчиз. Вуиз Удмуртие татын но тямыс ар
пала водитель луыса ужаз. Со сяна пӧртэм специальностьѐслы дышыса вуиз на.
Но адӟон со адӟон ни, дыр, - улон шоры учкыса,гожтоно чуръѐссэ вордылыса,
сюлмаз – йыраз мукетыз йыгаськыны кутскиз ни солэн та вие. Ачиз улон, лэся,
сое быдэсак гожъяськон ӧре выжытӥз. Озьы сое ӧтѐ «Ленинец» газетэ, дыр
ортчыса «Инвожо» журналэ. Та вискын со, куинь нылпиоссэ ке но будэтэ ни,
УдГУ – ын вылӥ дышетскем басьтэ.
4
Али Петр Захаров ужа «Инвожо» журналлэн валтӥсь редакторез луыса.
Тӥни тазьы вакчияк гожтыны луысал Россиысь писательѐслэн Союззылэн
ѐзчиезлэсь Петр Захаровлэсь биографизэ.
Нош шуо ук – одӥг шапыкъя океанлэсь но пуштроссэ валаны луэ. Иське,
та книга Петр Захаровлэн лул зарезьысьтыз мед луоз одӥгез шапыкез. Нош
зарезь туж бадӟым. Нош зарезь туж паськыт. Шаллась тулкымъѐсыныз
ярдуръѐсы шуккиськылыса, со ялан ас дораз ӧте.
Вячеслав Ар - Серги
5
БЕРЫТСКОН
6
ОДӥГ ШОРЫСЬ – ОГ ШОРЫ
Толалтэысь му пилемъѐс
Толалтэеез вунэтыса
Гудыръязы чагыр инме,
Сьӧд ньӧлъѐсын чилекъяса.
Сьӧд ньӧлъѐсын бышкиз пеймыт
Югыт луллэн югыт сюлмаз.
Улӥсезлы вал кӧшкемыт,
Нош мар-о вылӥсез малпаз?
Нош мар-о малпалоз на йог,
Со кортӵогъѐс вылын кӧлэ,
Мар-о солы венен кортӵог –
Со тыл вылын но эктылэ.
Югыт шоры мертам синъѐс
Котьку ӝуась эгыр кадесь.
Югыт шоры мертам кылъѐс
Котьку сьӧдэсь луо, лекесь.
Пеймыт одӥг я ог шоры
Котырласянь мерттаськемын.
Соин ик со югыт шоры
Вень йылъѐсын йылсаськемын.
Югыт ноку уз лу венѐ,
Югыт шуныт гинэ пазьгоз.
Югыт котьку котырланѐ,
Со бус сямен гинэ васькоз.
7
Васькоз, шунтоз но вешалоз,
Югытэныз эгесалоз.
Соин ик одӥг-ог дыре
Инбам уг зор, музъем зоре.
8
ВЫЛОН
Со кошкиз толэзе лѐгыса,
Шлѐп усиз но кысӥз сигарет.
Валантэм малпанзэ ас азяз вӧлдыса,
Кышномурт паньгам гу кадь кылиз.
Со сэрен
Со дугдӥз но лэсьтӥз выль горшок,
Тупатӥз ву виян дырдызэ.
Собере выль кортӵог кутыса,
Азьпала сыналтӥз йырсизэ.
И сое адӟизы классикъѐс…
классикъѐс…
классикъес…
Со сэрен
Со ӧз ву вуоно вакытаз,
Ву васькиз улланьысь выллане,
Ву вылын гожтэмын вал экстаз,
Дӥнь вылысь донгыса гыр пине.
9
ОГ ШОРЫЫСЬ – ОГ ШОРЫТЭМЭ
Мон – огшоры
Яке огшорытэм
Гожтэт гинэ, кудӥз гожъя.
Монэ сииз валантэмез гожтэт.
Лулы? Кылиз-а со?
Рифмаосын, букваосын мар ке ӧске.
Кыӵе ке шыд пурты гурӟытылэ
Кыӵе ке валантэм суредъѐсты.
Йыры – жуг- жаг куян.
Отын кылле кыӵе ке сифилитиклэн усем нырыз,
Чырсам презерватив но кубиста кочан.
Кыӵе ке но майтал
Краска банкаосын валче.
Синмы – кык телевизоръѐс,
Сизьым тямыс программаысь гожъѐс но титръѐс.
10
ОГ ШОРЫТЭМЫН
Со лангаез, дыр, котькуд куаралэн,
Бушам бекче кадь ик визьтэм, дыр, со.
Ваньзэ сое, мае пельыз кылэ,
Малы ке но каре со полэсо.
Шокче ке тӧл Эбек кваккетонэн –
“Квак!” со кеське, трос пол питыртыса.
Эбек уллѐ сыӵе мусо куанэ,
Шуныт кырӟанэзлэсь поромыса.
Вань ѐросэз басьтэ ни кваккетон,
Со кесяське ачиз но жуммыса,
Вулэн вылаз ыстэм из пальпотон,
“Ву табанянь” сямен кошке кваккетыса.
Луэ, лэся, кыксэ ик ӵош луэ –
Со кваккетэ но пальпотэ утыр.
Бекче кадь питыра ни мур гуэ
Солэн лулыз, солэн сюлмыз-кӧтыз.
Соин валче питра жуммем шаер –
Буш бекчеяз урмем кадь гудыръя:
Эктэ- кырӟа на со али вие,
Ланга гинэ бӧрдон пыр серекъя.
Ланга гинэ лоба лултэм гуын,
Ланга гинэ шедьтэ на кутӥськон.
Лоба Ланга, нош со Ланга сьӧрын
Малы ке но лоба на “Ошиськон”.
11
“ОШИСЬКОН”
Тыл, кӧня азьын тыл!
Кӧня сюсьтылъѐс ӝуатэмын!
Лулэз чылкытатон но кыдатон инты,
Марлэсь- о мон таӵе кышкатскемын?
Мынам киям секыт пистолетэ,
Чиньы но дышемын ыбылыны.
Котькуд патрон сюлэм кадь ик тодэ,
Кытчы рифмаоссэ пуктылыны.
Нош пуля – со кыллэсь но шузигес,
Кытчы ысто, отчы ик со пуксе.
Но кыл сямен ик со лэсьтэ эгес,
Куке кин ке пространствоысь усе.
Кудӥз- о бен тросгес сьӧлык лэсьтэ:
Та пистолет яке капчи тылы?
Кудӥз тросгес эгес тулкымъятэ
Чылкыт кагаз кадяз дунне вылын?
Мон виылӥ... Нош мар понна меда?
Кин-о мыным сѐтӥз сыӵе дӥсьтон?
Кышкан?
Яке ни пирамидаез лэсьтон понна,
Кин ке сѐтӥз мыным сыӵе усьтон?
12
Мон виылӥ.
Мынам пыды виресь.
Улам сисьмем, кынмем но шунытэсь шӧйѐс.
Озьы ӧй луысал ке, луысал зарезь
Яке пӧсь луоен гинэ тулкымъяськись лудъѐс.
Вир вылысь храм ке зарезьысь потон,
Нош пуляен шудон – со амалэз ни ке солэн,
Кыӵе кыл кутэмез потоз
Виылӥсез азьын виылӥсьлэн?
13
МУНЬЫЛОН АЗЬЫСЬ КЫЗЛЭН УЙВӧ ТЭЗ
Уй, уй…
У-ю-юй…
Ой, ой…
О-ѐ-ѐй…
У, у, а, а, а-я-яй…
А? Мар?
У-юй…
У-ю-юй…
Ненормально та…
А? Мар?
А кин сое тодэ, кин сое мертта?!
(А…а, а…А)
А-я-яй… А-я-яй… А-я-яй…
О, о, о, о!
Овӧл,
Мон уг тодӥськы!
Мон уг тодӥськы, малы та…
Уй, уй…
У-ю-юй…
Ой, ой…
О-ѐ-ѐй…
14
ОГ ШОРЫ НЬЫЛОН АЗЬЫН
Синучконын уг адскы ымнырыд –
Возьматӥсез бер пулэныз ик ӵош
Ишкалтэмын но сиемын дырен;
Вуж рамаез гинэ, ньыль сэрего кунгож,
Кык палъѐслы люке пӧсь омырез.
Тон учкиськод пушла палэз шоры.
Отын вуж кенослэн пасез тюа.
Отӥ пыре югыт, кудӥз сьӧры
Сьӧд виштые кадь ик ыше сюлэм юан
Но тон пушкын тиккетӥсез дырыд.
Кошкисьтэмез ӧвӧл, ваньмыз кошке.
Пумыз но кутсконэз но пуш палан.
Нош кутсконэз ке пумыныз кутске,
Малы кулэ на возьматӥсь пияла?..
(Ас ымнырыд ӧвӧл тынад куке?..)
15
КУЛОН
Тӥни – тӧдьы дӥсен но кусоен... Кыӵе мусо...
Ха-ха-ха-ха! Бакча сульдэр!
Кулон шат со?!
Кулон адӟиськытэк пеляд шока,
Уйвӧтысьтыд поттэ,
пӧсятыса кезьыт вуэн.
Пыдтӥд кыска
муньылонэз выжон выж улысен.
Со сюлэмад сӥныръѐстэ сыске,
Визнан пукы сямен вирсэръѐстӥд ветлэ,
Пиньдэ оген-оген ишке.
Тынад синъѐсыныд укмысэтӥ этажысен
Асфальт вылэ учке
Яке
Трамвай питыранъѐс улэ лек мерттаське.
Сьӧд дыльдыен тыосысьтыд тэтча,
Бергась тӥрен, бергась пуртэн тынад сюрес азяд кугӟа.
Вуэ выись сӥсъет кадь со пушкад пыра-пота.
Вань ӧсъѐстэ тодэ,
Котькуд вамышъѐстэ шӧдэ.
Уйвӧтъѐстэ но тынэсьтыд со тонэн ӵош вӧта.
Тынад ньылонэныд юэ, кыске –
Нылмуртъѐсын со вераське
тынад ымдуреныд, мугореныд...
Кырӟа, рифмаосын ӧске
тынад макмыреныд...
ӧвӧл,
кулон висѐн ӧвӧл,
ӧвӧл со кыӵе ке пуэт,
Кулон – поэт.
16
ИЗ ПАЛЬПОТОН
Прозаик пычкиське –
Соин нуйтӥськыны кутске гозы.
Нош гозы кал музъем борды ке йӧтӥське –
Кыӵесаське.
Прозаик ошиське аслаз гозы пумаз.
Поэт ноку уг пычкиськы,
Поэт кырӟа гинэ. Проза борды ке кырмиське,
Шуэ: “Мон Ош иське”.
Соин ик проза но поэт сьӧры калъяськыса,
Ӟеч уробо кадь кырӟаны кутске.
Соин ик, мар шуод, поэт со – эт!
Прозаик – ик гинэ.
Кытын конфет лэсьтэ поэт,
Прозаик – ... гинэ...
17
ЙЫР КЕ ЙЫР...
“Тон нош ик-а дунне кылдытӥськод?” –
Ватскем черед улӟе ни ас пушкад.
Лушкаськись мурт кадь нош куалектӥськод,
Уд валаськы, кинлэсь мазэ лушкад.
Бездыт дунне бышкись тӧлъѐсыныз
Куштэм кучапиез кадь вузытэ.
Лушкаськисьлэн дӥсьтӥсь пыдъѐсыныз
Тон лыдъяськод котькуд вамышъѐстэ.
Вамыш азьын ай лѐгымтэ вамыш,
Дӥсьтон азьын ай дӥсьтӥсьтэм дӥсьтон,
Оскон мынэ сюрес кадь кырыж-марыж,
Ӵышкем берпал кадь ик мыня со – Дыр быдтон.
Озьы ик со мыня но ворекъя,
Мыскыллянлэн ӧвӧл йылыз-пумыз –
Востэм сюлмыд кунян кадь куалекъя,
Ӧвӧл на ай солэн Ошпи сюрыз.
Нош малпанэз ни вань – йылсо сюраз
Мынясь Дыр быдтонэз изьятыны.
Улон ик шонтӥське кадь ас ӧраз,
Пушкад Ошед кутске ке бурсыны.
18
ПЫД КЕ ПЫД...
Усид ке, усь ни тон, иське –
Усьтон... озьы со шедьтӥське –
Луид ке мес ни, лу тон Мес,
Месӥз ке Ош, луод Ошмес...
19
УЙ
Коӵышлэн кадь вож ӝуа синмы,
Мон уй пеймытын но адӟисько.
Сылӥсько Кизилиѐ Инмын,
Кинлы ке – вина, дыр, юисько...
Тодӥсько мон со “святойѐстэс”-
Кураськись дӥсен соос ветло,
Мерттало ӧвӧл сьӧлыкъѐстэс,
Соослы йыбыртъясьѐс медло.
Нош тӥ учке меӵак синмазы,
Лякытэсь меда со Кый синъѐс?
Кӧня пиостэс ни сыскизы
Со визьмо, чебер вераськисьѐс...
Ваньмыз вузамын но басьтэмын,-
Сыӵеесть тӥляд “святойѐсты”,-
Ошмесъѐс горд сюй кадь куасьтэмын,
Пыкмемын котькуд святой Ин Ты.
Ошмесо,- шуо,- ке но шаер,
Зол кырӟась,- шуо,- ке но калык,
Вож синмам бышка езо кенер.
Тӥр борды кырмиськытэ сьӧлык.
20
ТӤРЛЭН ЧИЛЕКТОНЭЗ
Вуи, лэся, аслам ни вадесам:
Инсьӧр гинэ йырме ни Эгеса.
Усьтӥськыло ворсам катанчиос,
Ымныръѐссэс вошто тодмо лулъѐс.
Ымныръѐссы сьӧрысь ымныръѐссы
Уг верасько ини чечыяса.
Малпан сьӧры ватэм малпанъѐссы
Мызьѐс кадь ӝутӥсько тяпыльскыса.
Юнме уг шуо, дыр: “Бака сӥтьѐс”.
Юрӟым со ты дуре васькылыны:
Пелез ик урмыто кваккетонъѐс,
Уд валаськы кытчы палэнскыны.
Кошкем потэ Быдӟым Оше доры –
Отын эшъѐс учко, дыр, валаса.
Но, шӧдӥсько ӧз вуы на дыры,
Ай кыданы кулэ на пуртэсам.
Курбон Тылэз кулэ на возьыны-
Медаз кысы Тэльмы шорысь Югыт.
Ошпиослы кулэ бурсылыны-
Мед лыктозы Югыт доры йыгмыт.
21
Сьӧд Кыйѐсты но лѐганы кулэ-
Соос эбекъяло ук Тыосты,
Соос кыско “йӧлзэс” “скалъѐсмылэсь”,
“Йӧлтэк” кельто будӥсь Ошпиосты.
Мон Ар малай – Арча гурезь вӧзысь!-
Мынам пересьѐсы Кыйкарбамын
Со Кыйѐсты огпол ӝуатӥзы
Вӧсь вераса гомӟем Курбон Тылын.
Мон Ар малай – Арча музъем вылысь
Вӧсясьѐслэн вирзы пушкам бызе!
Дырыз вуоз, султо мон Вӧсь кылын
Сьӧд кыйѐсты ӵушкась Горд Ош азе.
Усьтоз мыным Тылысь Со Книгазэ,
Шуоз: “Я, чирды, чирды, ожгарчи.”
Куштоз соку Инсьӧр но Эгессэ,
Курбон Тылэ сылмо соку ачим.
22
ВОЖ ТЫЛЛЭН КЫРӞАНЭЗ
Чалмытске, мон лыктӥ вераны.
Пӧлады мон уг ӝега кема.
Мон лыктӥ нылкышно пиостэс ӵушканы-
Мед ӝутскоз мон сьӧры воргорон арама.
Воргорон – со ожчи, эрико кылбурчи.
Нылкышно нош – солы шутэтскон сѐтыны.
Нош тӥляд кышномурт – кылбурчи но ожчи
Тушмонлэн гаремаз евнухъѐс дасяны.
Воргорон тӥ дорын нуны штань миське,
Кышномурт тӥр кутэ бугроос ӵыпыны.
Пи нуны нылкышно школаын дышетске
Берпалзэ сопала-тапала нуллыны.
Сыӵезэ ик адӟе нылкышно лул-сюлэм —
Сыӵезэ ик ӝутэ но каре кизили.
Нош тушмон мыняса киоссэ чапкылэ:
Зол пиштэ нылкышно берпало кузьыли.
23
ИНӞАРЕКЪЯН
Ноку-ноку эн кышка юаны,
Выны.
Юан – со Ю сямен Юа.
Ялан кышкад ке юаны,
Астэ пумиталоз
Юан.
24
ПАЛАШЕН ШОНАСЬКЫНЫ
ДЫШЕТОН ГУР
Нош тон...
Нош тон уд юаськы, малы
Гожъяськыса
Быриз ини
Калыд...
Ӵемысь, шӧдске,
куашкатъяськод
Калдэ,
Кудӥз сьӧрысь ӵужез гинэ
Палдэ.
Бур кыл – со Кат,
Атай Вожлэн кылыз.
Куаш каронын
Катэз ик куртчыло.
Куашкатъяське ни
Пудолэн палыз,
Инлэсь думем Калзэ ке
Пертчыло.
Бен, Куаш – ӧвӧл со
Лыз Инбам Эрик.
Мон шуысал сое:
“ӵужзэ Вожмась Гуаш”,
“Шузи чорыгъѐслы буям курик”, —
Бигер сямен ке,—
“Гу ньылон со” —
“Аш”.
25
Нош Ку но Гу
ӧвӧл ук пӧртэмесь:
Гуысь потон одӥг гинэ со –
“Уг!”
Гожъяськисьѐс,
Тӥ ваньды пӧртэмесь:
Тӥ П но Сьӧрысь
ӧд потэ ук.
Шуг потыны,
Но Шуг – ачиз Юрт тӥсь.
Гожъяськонын ватӥськемын
Яськон.
Гожъяськисез кутэ ачиз
Ку тӥсь.
Бен, гожъяськон –
Сыӵе со “бурдъяськон”.
Гожен гожъя
Ачиз гинэ гожмась.
Потӥд ке мур Гуысь –
Эгесалоз.
Атай
Ожмаськрнэн гинэ
Вожма.
Яськид ке весь –
Кыӵес гинэ Алоз.
26
КИЕЗ-ПЫДЭЗ ОЖТӤРЛЫКЛЫ
БЕРЫКТОН ГУР
Тон дасяськид-а, ӵуж?
ӵужез ӝоген кысоз –
ӵуж дуннелэн
ӵужмем сӧзэз улын
Окыт но зын.
Мыным кулэ
секыт эрик но тӧл,
Уз лу мыным выжы
ӵужез озын.
ӵужез мыным ӧй вал,
Уг вала мон ӵужзэ –
Зарни вуам ке но, ӧвӧл кулэ.
ӵужез вужмем буѐл,
ӵужаз адӟон кысэ,
Сялай мон со нѐрись
ӵуж гуръѐсты вылэ.
ӵуж бусылы – ӵужез ӵӧкись-сюрло.
ӵуж пиналлы – ӵужмем кизилиос.
ӵуж дуннелы ӵужез шунды медло,
Вожез сое тупез сямен ӵыжоз.
Вожез улэп, Вожез котьку егит.
Вожез кужмо, Вожез уг пересьмы.
Вожез – со мон, Вожез – Ожчи атай,
Ми Вож шорын Соин сылӥськомы.
27
Тон дасяськид-а, ӵуж?
ӵужез кысӥз ини.
Нош тыл югыт, ачид тон тодӥськод,
Кысэм сюлмысь аръѐс пыртӥ лыктэ...
Вожвыл ни Вож луиз,
Отын гомӟиз Вожез,
Кудзэ ачиз Гомер
Нырысетӥ чур кутсконаз пыртэ.
28
ОЖ БУСЫ ВЫЛЭ СУЛТОН
Ош ӧй вал тон ноку, ӵуж ведӥн,
Вал но Скал луылӥд, соиз зэм.
Мон Ужпи, мон Ошпи – Вож ведӥн,
Ош уз сѐты ӵужлы Вожпизэ.
Ош – Инбам, Лулбубы, Вожатай.
Ли – сюрес, Вожлуллэн пукыӵез.
Бубы Ли Тупала ке пота,
Ошиське Мумылэн Мукыӵез.
Мумылэн Мукыӵез – Мумыкор –
Ин Ошез, пе, сюртӥз кутӥсько.
Монгетэ, мугетэ Скалкуко,
Мон, шуэ, дуннеын Утӥсько.
Ош ӧй вал тон ноку, ӵуж ведӥн-
Ож лудын Вож гинэ тылӝуа.
Син вӧзы потэмез тон Йыды...
Нош Йыды жуг-жаген ӵош ӝуа.
Дӥнь йылын Вож Пинал – Ин Кузѐ.
Тон Кыӵес но уд лу, Штаникал.
Инвисэз эгеса Лычсузѐн...
Ош бурсӥз ке, бӧксод гинэ, Скал...
29
ОЖТӤРЛЫК ШЕРОН ГУРЪЁС
1
ӵуж кылбурчи, мон тодӥсько тонэ,
Уд люкаськы тон сюлэмад вӧсьсэ.
Ачид нош утчаськод эзылонэз –
Адӟымтэзэ но лыч сузьытӥсьсэ.
Поэзия – со тон понна уар...
Паськыт тыбыр вылаз ворттылыны...
Но тод огзэ: уз кыткиськы тулпар
Тыныд кичабонъѐс октылыны.
Ноку ӧй вал со пудолэн палыз –
Поэзия уз кыӵеса ассэ.
Поэзия – со котьку Вож но Лыз,
Ожгар кадь со люка Ожчиоссэ.
Поэзия гажа Кыл кутонэз –
Лызэз яратыса ожмаськонэз.
Гажа визьлобанлэсь вожэктэмзэ,
Тодмотэмез азьын кышкамтэзэ.
Поэзия – со котьку Вож Нуны.
Яратӥсько соин мон шудыны.
Туннэ но со тани пельпум вылам
ӵуж кылбурчи кадь нюласа шула...
30
2
Тон шуод: “Малы мынам йырам ӧз лыкты со?”
Тон шуод: “Тӥни кыӵе капчи но огшоры вылэм...”
Иське, тон копак кышномурт тусо,
Нош кышномурт йырвизь вожъяськыса улэ.
Бен, Вож яськон ӵужзэ уз кары вож,
Лыз буѐлозь уг сузьы бурдтэм визь.
Лыз буѐллы гумыльсконо чалош,
Кытын улон чик умойзэ уг сӥзь.
Лыз- вож мугор люка сюлэм Вӧсез.
Нош сюлэм Вӧсь ӧвӧл со – Ноны Тысь.
Со сюлэмлэн ӟырдыт Вож Эктӥсез –
Пӧсь яратон отысь потэ, отысь.
Соин ик тон нэнӥеныд эн изь,
Ческыт йӧлэн лулдэ уд кары Вож.
Вож маськыса но мурт сьӧры эн бизь,
Маськись муртлы уз адӟиськы Ин Вож.
Ингож сьӧры пото визьлобанэн.
Усто ожчи гинэ бурдъя Атай визьзэ.
Усто ожчи тодмотэмтӥз мынэ,
Уг лѐга со тодмо сюресъѐссэ.
Тодмо сюрес тодмо ни со, тодмо.
Отын уг кытко ни визь лобанэз.
Отын визь лобанэз пыдтӥз думо,
Отын бурдтэм йырвизь гинэ куанэ.
Усто ожчи оске кужымезлы –
31
Вань улэпсэ сюлмысь со яратэ.
Солэн Вӧсез тырме дауръѐслы,
Нош Вӧсь котьку куандырыса потэ...
3
Ку ярато?
Куке Вӧсьсэс ог- огзылы потто.
Ку эзыло?
Куке Вӧсьсэс ог – огзылэсь ньыло.
32
ОЖ БЕРВЫЛ ЯРАОСЫ ЗЫРАН БАЛЬЗАМ
Омлы но Атае усьтӥз Катсэ.
Тӥ учке ай электротыл шоры –
ӵуж лампочка ке будэтэ ватсэ,
Лыз-вож буѐл пазьге ни син шоры.
Со вожъяськон синдэс озьы сыске –
Вож лампочка яркыт мыня, яркыт.
Токлэсь вӧсьсе уга со зол кыске,
Соин ик со ӟырдыт ӝуа, ӟырдыт.
Таиз ӟырдыт ракета кадь вырӟе –
“ӝуаз” – шуиськоды кадь тӥ, месъѐс.
Бен, тӥ вӧзын мамык гинэ пурӟе,
Инмын усьтӥськыло ке Ин ӧсъѐс...
Бен, тӥ понна Вож ӝуасез мултэс,
Тӥ дышемын ӝужмыт шыртылъѐслы-
Соос уг бергато счѐтчикъѐстэс
Юзмыт омыр вуттӥсь ыртӥлъѐслы.
Котькуд пасьын тӥни соос – ӝужак,-
Унябейѐс кадь йыръѐссэс ӝуто.
Нош унябей сыӵе но со жуг-жаг –
Тыбыр улад но потосэн потоз.
Потоз но кыскалтоз каллен гинэ...
Нош учкиськод но – уть ай... убоед...
Вань убоед вылын ини куанэ
Дауръѐсын улӥсь унябеед...
33
КАМИКАДЗЕ
ӵуж луиз – бурдъѐссэ вӧлъяз...
Тӧдектӥз – лобыштӥз... тӧлъя...
Берпумзэ Ас Инбам гураз
Эрказмиз ук... сыӵе но поръяз...
Мазэ ке мон валай меда?
Мазэ ке мон шӧдӥ меда?
Мон пушкын вордӥськиз курдан,
Мон пушкын вордӥськиз чидан...
– Унябей! – мон солы вази...
Со учкиз но шуиз: “Шузи...”
– Мон вуэм ни, – шуиз,- кидыс –
Кидысо кидыслэн удыз.
Уката но пумиз курдан,
Уката но пумиз чидан.
“Унябей” нош учкиз шудо:
–Тон,– шуиз, – мон сьӧрысь бурдо!
– Унябей! – мон кеськи сюлмысь.
– Унябей! – мон вази кужмысь.
– Унябей! – гудыртӥз ланга, –
Тон адӟид, тон ачид – дага.
Купырски но уси – катӥ.
Дагаяз витьымтэ кайгу.
ӟардыса кадь шайгу пыртӥ
Кисьтӥськиз кайгырись айгур.
34
“Вож луиз”, – мон валай соку,
Нош кынмиз ук, кырмиз йырку:
ӵуж-ӵужак шулдырскиз гуждор,
Быдэсак со луиз “бурдо”.
Чипыос “Унябей” кадь кутско,
Бурдъѐссэс вӧлъяса ӝутско.
Валатэк со ӧз лэсьты, ӧз,
Со пӧяз – ворсаськиз ни Ин ӧс.
Со пӧяз атаез понна,
ӵуж ӧз лу, ӵужмаськиз гинэ.
Вож бурдо со понна огназ
ӵуж пӧлысь ыбиськиз Инэ.
35
“УНЯБЕЙ”
Гладиатор, удмурт выж вылын
Чолак одӥгнам мон сылӥсько.
Синъѐсам мертам ѐлт тылъѐсын
Мон шоры пеймытӥсен учко.
Чили-валь адӟо жадем синъѐс,
Жаль-жаль вияло синвуосы.
— Ул на тон, — шуылӥзы эшъѐс,
Пурт вылам юри тэтчыкузы.
Шулало, ланга нуллэ нимме –
Йыр понна тыро ни, дыр, йырдон.
Тодӥсько, ӝоген егит эшме
Та калык ик мон вылэ поттоз.
Но уг луы ноку мон Партчась,
Вож эше но луыса уз ву –
Мон ачим пуртэз йылэ тэтчо,
Мед солы чылкыт усѐз Инву.
36
АЗЁ-БЕРО КЫЛ
Потты, потты Вождэ ӵужанай,
Вож буѐл – со мынам Эгесэ.
Ымнырад ке кылдӥз льӧль ӵукна,
Вож шунды ӝутӥськоз Инвисэ.
Потты, потты Вождэ, ӵужанай,
Вож буѐл – со нуны кадь шудӥсь.
Ымнырын ке гома льӧль ӵукна,
Вож пушнер но уг луы сутӥсь.
Потты, потты Вождэ, ӵужанай,
Вож буѐл зоринча кадь пуштэ!
Ымнырын ке уг лу льӧль ӵукна,
ӵуж шунды кадь улон ӵужектэ...
37
ГУМЫЛЬСКОН
38
КУИНЕТӤ СИНЭЗ УСЬТОН
Бышкалты, кортӵог.
Копырты, копар.
Цыпа, пазьгы ӝог,
Вӧлдӥськы, кос пар.
Эй, веник, веник,
Веньдыты, Вени!
Ой-ѐ-ѐ-ѐ-ѐй,
Ё-к-л-м-н!
Бышкалты на, ях!
Копырты на, ай!
Цыпа, Цыпа, ах!
Чида, ар малай!
Я! я-я-я-яй!
Ё! Ё-ѐ-ѐ-ѐй!
Ё-к-л-мо-нэ!
Ё-к-л-мо-нэ!
Бышка, бышка на!
Тышка, тышкалты!
Пазьгы, пазьгы на,
Сюлэмы-кӧты!
Мон уртчо, ортчо
Тон понна, Мунчо!
Ё-к-л-м-н!
Ё-к-л-м-н!
39
ЭРКЫНАЕЗ УСЬТОН
Куатетӥ ползэ шуккиз уйшор,
Югдытӥз вань вӧлдэтэз льӧль бус.
Мумыняк усиз пӧсь мумыкор,
Гылӟыны кутскиз йырысь картуз.
Шайгуысь киос кадь усьтӥсько,
Кымалско инме вӧлдэт пулъѐс.
Со пулъѐс вылын эктын кутско
Крезьѐсын шудӥсь шуралиос.
Тылпуэн гомӟем бусъѐс пыртӥ
“Там-таля!” гурзэс соос мыто.
Кыдѐкысь тодмо суредъѐсты
Дауръѐс мынам азям потто.
Синъѐсам гомӟо уралиос,
– Там-таля! –ини кесяськисько.
– Ха! – серекъяло шуралиос.
– Ха! – ачим но мон серекъясько.
Лобӟиськом вакыт пужъѐс пыртӥ.
Тани со исамтэез нюлэс.
Кышкатъя шузи маймылъѐсты,
Мон улын гырдалляса толэс.
Азьпалан – нылъѐс! Паськыт шурын
Ву зорен соос шопыльясько.
6егаса улод, пе, ярдурын –
Ми соос улэ зымылӥськом!
40
Вияк! вазьылэ нюлэс котыр,
Инбаме лобӟо вуюисьѐс.
Куалекъя, шудэ нуны вылтыр,
О, быжтэм быжо шуралиос!
Куать пала ик нош шукке уйшор.
Мумыняк ӝутске мумыкоре.
Тон ачид быдэс кобы кагор,
Вӧлдэттэм черко ненег дыре.
41
МЕДИТАЦИЯ
Ойдо васьком Шакайошмес нѐже,
Сыӵе небыт отын нордӥ турын.
Отын али сяськаяське гужем,
Ойдо ум сылэлэ сюрес дурын.
Ойдо пыром отчы пыдлоязгес,
Бадьѐс сьӧры, ӝужыт турын пӧлы.
Отын омыр
салкым но ческытгес,
Отын поръя яратонлэн лулыз.
Ойдо пуксѐм. Тӥни чагыр сяська.
Тӥни мушъѐс инмын но лобало.
Тон кылзы ай, кызьы гужем шока.
Тӥни тюрагайѐс но кырӟало.
Ойдо учком...
тазьы...
гаӵолскыса...
Адӟид-а, тӥни со кыӵе вылын...
Тӥни, бурдъѐсыныз лопыръяса,
Со мисьтаське шунды тылсиосын...
Ойдо, ойдо...
Эн кышка тон солэсь...
Уз лека со,
мӧльдэ гинэ басьтоз...
Сяська ке ватӥськиз пичи мушлэсь,
Кызьы-о улонмы азьланьтӥськоз?..
42
ЭРИКТЭМ ЯРАТОН
Льӧльмытскем инбамын ворекъя пӧсь шунды,
Вуэм ныл кадь мусо мынекъя!
Эркиясь луд тӧлэз-а шӧдэ сюлэмды –
Эх, кыӵе валантэм пирсэкъя.
Тулкымен-тулкымен погыльске вож турын,
Вань омыр пороме со зынын.
Мугорысь сылал ву дэрем пыр ик потэ –
Пӧсятэ, пӧсятэ, пӧсятэ!
Сяськаос кадь пурӟо дӥсьѐссы нылъѐслэн,
Гужемен шокало гадьѐссы.
Жадѐнэз но, лэся, валатэк соослэн,
Ужало небытэсь киоссы.
Вож турын вешаса йӧтскылэ пыдъѐсы,
Салкымзэ вӧлдыса со выдэ.
Тодмотэм шудбурен пачылме сюлэмзы –
Пӧсятэ, пӧсятэ, пӧсятэ!
Дэремзэ куштӥллям кужмоесь гурт пиос,
Пыласько кадь ыркыт омырен.
Жин! вазѐ, кырӟало чилекъясь кусоос,
Гурт мылкыд ӝуатске шудбурен.
Шильыртӥсь ю пушкын вазьылэ бӧдѐно,
Мугорзы ик, лэся, ӵыжектэ...
Эх, шудэ, жингыртэ тюрагай лыз инмын –
Пӧсятэ, пӧсятэ, пӧсятэ!
43
УЙСЫОС
Вӧлдӥськиз ке Шуре Тӧдьы Бус,
Льӧль Шунды ке ышиз Акшанэ –
Куалектэ ни тӧдьы-тӧдьы бус,
Дыректэ дырекъясь чиданэ.
Шӧдӥсько, гажанэ сениказ
Валиськиз, валиськиз ни, вылды.
Нош туннэ сениказ со огназ...
Мон сярысь малпаське ни, вылды.
Малпаське, малпаське, кызьы мон
Лушкаськись кадь усьто капказэ,
Собере портмаськись кадь сылмо
Выжыкыл кадь мусо лапасэ.
Малпаське но, кышка мугорыз
Салкымак йӧтӥськись тушаклэсь.
Куалектэ, дыр, котькуд куаралэсь
Чидатэк ӝугиськись сюлэмыз.
Эх, кыӵе бусасько та уйѐс!
Мед адӟоз ни, адӟоз ке Инмар...
Мед луоз ни, луоз ке котьмар...
Ми гинэ шат таӵе сьӧлыкос?..
44
ДЕМОКРАТИЯ НО ЭРКЫНАЙ
Кыр пӧйшур кадь эрико мынэ,
Синъѐсаз ветло гудыриос.
Сюресын ми кыкнамы гинэ,
Кин меда нырысь ини вазѐз?
Мынӥськом,
ортчиз одӥг иськем.
Тыбырын кузьылиос экто.
Учкисько мон со шоры лушкем –
Ах! – таид вазиз ке – меӵкытоз!
Нош ик пельпумме выретӥсько,
Кыскисько быдэс гадям омыр.
– Тон, нылок, кытчы-о?.. – юасько –
Ялан кышкаса-а мыномы?..
– Кыдѐке, – шуэ. – Уг кышкаськы...
Мон тонэ умой-умой тодско...
– Мон, иське, малы уг тодӥськы? –
Матэгес солы кариськисько.
Пальпотэ, учке синкаш ултӥз...
Юзырак луэ сюлмы-кӧты –
Вамышъя аргамаклэсь етӥз –
Уг, тонэ туннэ уг њыгырты.
Туж кема утчай ни мон тонэ,
Кыр пӧйшур выллем эрикозэ.
Палэнтӥз ке весяклы монэ,
Кин сѐтоз мыным гудыризэ?
45
ВЫЛЛАСЯНЬ
Сяська садэ выллем туннэ
Гудӟаз ӟольгырипи сюлэм.
Сяська мынам яратонэ,
Нош сяськаос пумтэм-йылтэм.
Тани кыньыртылэ кечсин,
Сыӵе ӝужыт, мусо шока.
Нош италмас, таиз, мискинь,
Котькуд вамышелэсь кышка.
Нош отӥяз лымыгырлы
Возьдаськыса выллем сылэ.
Мынам тудӟем мылкыдэлы
Таӵеосыз но туж кулэ.
Уг вошъяськы ини синмез,
Котыр ческыт ымдуръѐссы.
Куддэс быръѐ меда, куддэс,
Эх, сяськаос, сяськаосы?..
46
ПУШЛАСЯНЬ
Чагыр бус лӧсъяськыса пуксе,
Выль кырӟан ваське жингыраса,
Мон султӥ выль сюресэ азе,
Выль сямен кошко чильпыраса.
Вань-а тон, ӧвӧл-а тон, Инмар?
Вань ке, басьты, тани со лулы...
Вань малпанъѐсы мынам – синмам,
Вань малпанъѐсы – лысвуослы.
Мон октӥ, октӥ быдэс гужем,
Котькуд Сяськалы йыбыртъяса.
Мон сӥсъяй, сӥсъяй векчи пужен,
Чылкытсэ гинэ кельтылыса.
Инӟыез кадь одӥген-кыкен
Октылӥ пыдло сюлэм вӧзам.
Пукылӥ огнам ӟенеликен.
Сюр-толэзь улын викышъяса.
Вань-а тон, ӧвӧл-а тон, Инмар?
Вань ке, басьты, тани со лулы...
Вань малпанъѐсы мынам – синмам,
Вань малпанъѐсы – лысвуослы.
47
НЫРЫСЕТӤ УЧКОН
Тырмоз, тырмоз! Йыромыны капчи,
Дырыз дырья ӧд кары ке: “Ап-чи!”
Нош пауза бадӟым яке пичи,
Я кузь, бездыт, яке узыр, вакчи.
Бен, пауза
Кык-куинь пумо.
Огез вуза
Ческыт улмо,
Кудӥз шуак
Возьдаськытэ,
Адӟид ке тон
Шыр гольыктэ,
Йыбыртскытэ,
Йыбыртскытэ,
Быдтэ ни со
Воргорондэ.
Бен, пауза
ӧвӧл со – “Вис”,
Пысы пуме
Кудӥз вуттӥз.
48
КЫКЕТӤ УЧКОН
Мон шуо, тупал пи:
“Т” куара – со тупик.
“Т” куара люкаське,
Пинь борды тыкиське.
Пельѐстӥд со нырысь
Жуг-жагдэ пезьгытэ,
Собере гадь пушкад
Кортӵогзэ бышкалтэ.
“Т” куара, со кугӟа.
“Т” куара, со пуштэ.
Пушкысьтыд со утча
Воргорон кужымдэ.
“Т” – со тон, воргорон.
“Т” – ӧвӧл со бырон.
“Т” сьӧрын – паськыт ӧр.
“Т” – ачиз Быдӟым Тӧр.
49
КУИНЕТӤ УЧКОН
ТТТТТ
ТТТТТТТ
ТТТТТТ
ТТТТТТ
ТТТТТТ
ТТТТТТ
ТТТТТТ
ТТТТТТ
ТТТТТТ
ТТТТ ТТТТТТТТ ТТТТ
ТТТТТТТТТТТТТТТТТТТ
ТТТТТТТТТТТТТТТТТТ
ДАНО МЕД ЛУОД!
50
КИКЫ
1
Нюлэс дурын кикы силе,
Ачид но со кадь силиськод –
Я мар тыныд эшшо кыле,
Кикы сямен ке улӥськод?
Кикы сямен ке будӥськод
Пурысь ӟольгыриос пӧлын,
Кикы сямен ке кырӟаськод
Аслыд гинэ тодмо кылын...
2
“Ку” каре, “ку”, кикы сильыку.
“Ку ” каре, “ку”, огнам кыльыку.
“Ку” – со пежъян кадь сюлмын гугетэ.
“Ку” – со визьян кадь лыктэ пумитэ.
“Ку” каре, “ку”, атас чоръяку.
“Ку” каре, “ку”, сюрес сыръяку.
“Ку”- со андан кадь кынме но шуна.
“Ку”- со ужпи кадь шона но шона.
“Ку” каре, “ку”, сюлэм ӵогъяку.
“Ку” каре, “ку”, нылэз веръяку.
“Ку” – со дунне кадь пумтэм но йыло.
“Ку” ке улӥз на, ачим но уло.
51
“ПУ-ПУ”
СИЗЬЛЫ СИЗЬЫМ СӤЗЁН
1
Алангасар Сизез кутӥз, Пужыменыз ик ӵош
Сое со ас дораз ваиз, озьы-а, Быдӟым Ош?
Нош анаез зар бӧрдыса шуиз: “ӧвӧл со Сизь,
Со – адями... Со асьмеды воштоз та дуннеысь...”
Туннэ мон Сизь ӧвӧл ини, Пужыменым ик ӵош
Монэ нокин дораз уз ну, озьы-а, Быдӟым Ош?
Нокин уз шу зар бӧрдыса: “Пие, ӧвӧл со Сизь,
Со – адями... Со асьмеды воштоз та дуннеысь...”
Туннэ ӧвӧл ни Пужыме, туннэ киям Куро,
Вань шаере, вань улонэ пыдтӥм кыскись нюро.
Мон выисько, мон ышисько... Куроеным ик ӵош
Удмурт кылме но нюлыштод, озьы-а, Быдӟым Ош?
2
Винт.
Винтик но тик.
Ку.
Ку но ась.
Кин-о со – куась?
Мар со – ась?
Азь?
Тодонмы но куась,
Валанмы но куась –
Урод туннэ куазь,
52
Кезьыт шокче азь...
Тӧл...
Ваньмыз тӧл...
Козыръѐс ӧвӧл –
Куштэмлы быдэ мась,
Кошкыны но вазь.
3
Азяд сылэ ни син учкон.
Кык синъѐсыд астэ учко...
Адскон куке но вал – Аськон.
Синмо луон вал – Синмаськон.
Адскон – маськон кадь ик Аськон,
Кудзэ быдтӥз кукейяськон.
Кукейскыса нош Инъяськон
Ноку ӧй вал со – Синмаськон.
Умой маке та синучкон –
Кык синъѐсыд астэ учко.
Кык синъѐсад ик малпаськон,
Соос одӥг кадь малпасько:
Азьвыл Яськон
Азвылъяське.
Азьвыл Аськон
Азьвылаське.
Синмась Ачиз но, бен, Аське,
Нылыз, пиез ке синмаське.
53
4
Шаер – со Шай.
Р – Кур Адӟон.
АЕ – вые Е.
Мынам алфавитам – одӥг гинэ куара.
Со – А.
А-ен кутске юан, А-ен ик со быре,
Соос куспы ке Р пыре.
Соку ЛУЭ: шаер ара шае.
Кельше мыным АРА.
Мерттэт кадь со кык чашаос вискын.
Солэн юрттэмезъя одӥг глагол
Кык существительнойѐсты поттэ:
Улон – Кулон.
Кытысь- о К?
Со кыл пуме гинэ чеберскыса пуксе:
АРА – АРАК.
(Бускель шуэ на: “КАР но РАК”.)
Бен, А – со А.
Р – синучкон.
Р – куараме – Ку Араме – ку аралоз?
Синучконме ке мон ыштӥ – Р- ме:
Соку мон АР но РА уг луы ни.
Соку луо мон – А...—
Со Руна Пус, кудӥз ултӥ уг яра потыны.
(Бускель шуэ: “Но ваньмы ведь отысь отӥ...”
Бускель шузи. Со – РА.)
Р куараме ке мон ышт3:
Шаер – Шае...
54
5
...Пумиськимы...
Но асьмеос пумиськимы
Пӧяськонэз вӧлдӥсь юртлэн азяз... з-з-з...
Азяз –
Кар! Кар! Кар-р-р-р! – вырӟо сьӧд кырныжъѐс...
Ижкар – адямиос ке но ветло, со буш,
буш-ш-ш...
...Соиз пересь карга... пу гырлызэ кока...
Чума... Ч... Ч...
– Пу-пу! -- таиз вамыш...
– Пу-пу! -- таиз но...
-- Пу-пу! -- таиз но...
...ӟечбур, шае...
Мон мурт, лэся, татын –
Удмурт...
Уд морт...
Морт...
ӟеч натюрморт –
Киросъѐсыд гинэ тынад ялан будо,
Толэзьѐсыд кадь ик... ик...
Ик – со пик –
Тупик...
Ту пик.
Пу...
...Пумиськимы...
– Пу-пу! – таиз мынам сылэмылэн...
– Пу-пу!- таиз тынадэзлэн...
-- Пу-пу! -- таиз но...
-- Пу-пу! -- таиз но...
...Пӧяськонэз вӧлдӥсь юртлэн азяз уг лу вераськыны...
55
Синмад но учкыны уг лу...
Кылбур но лыдњыны...
Уг лу...
Но мон адӟи –
кулэ ук луыны озьы...
ӵош асьмеос со юрт азе вуим...
пумиськонмы сярысь вераськытэк...
Тон – улӥысь, мон – вылӥысь...
Тон ӝужытгес, мон лапеггес...
эс...
Сыӵе со Дунне ӧс –
Мерттэт –
тэт на тэт...
пумиськонмы сярысь ке но
вераськытэк...
Вераськытэк ке но,
Кыкмы ик ӵош ог- огместы адӟим...
Тон пальпотӥд мыным,
Мыным! – адӟи.
Малы ке шуоно,
Азяз вал со,
Азяз! З-з-з...
Азяз...
6
Лыпус кутске сылон интыысен,
пространстволы ужа витез палдур.
(Ньылез палдур – со сӧриськем йырлы
яке бурдтэк кылем куакаослы).
Нош лыдпусъѐс кутско ке пушкысен,
шуак потэ куатетӥз но дур.
56
Татын сылӥз кызьпу,
мунчо,
куинь яблокпу,
бугро.
Отын – тыпы,
ведра,
куинь пыдо ӝок,
эгыр тырон,
татын ик – сыномем кортӵог,
велосипед педаль,
тӥяськем руль,
пуклѐ,
горшок,
кык куака кар – куасьмем кызын,
ӟичыослэн гузы
но вож - вож ӵашетӥсь пужым.
Али кыӵе ке – “Пу!” куара...—
Пространство серекъя тон пушкысен...
Озьы калейдоскоп но вералля,
бергатъяськод ке но сое тон выльысен...
Туннэ будэ сяртчы,
кирень,
куинь сутэрпу,
ошмес потэ,
Кылле мопед,
кык ӟенелик,
пырдэм стакан,
ӝутске бадяр – американской клѐн,
Шобыртӥське парник,
йӧгу, вить уморто.
Нош вуоно аре, выны шуэ, кешыр мертто
яке арендае сѐто ог-куинь арлы,
57
кылле на йыръемлы,
вить комак быж,
скаллэн сюрыз но мажеслэн пиньыз.
Пространство со уг чида предметэз –
Чернов-а тон,
Захаров-а,
а коть тон
Ар-Серги,
серекъяськод-а тон,
кесяськиськод-а тон,
уг лэзьы со ассэ паньгатыны,
вить паласен нюртэ тонэ вить палдурез,
куатетӥез вылӥысен-
кык пельѐстӥд ӝутэ,
Москва курантъѐсты возьматыса,
мукет пространствое сэрпалтыны.
Лыдпус кутске сылон интыысен,
куке кытын ке но кин ке
яке мар ке сылэ...
7
Нош урамын – толэзь, кынмысь пуны...
Нош урамын – кылӥськисьтэм вузон...
Сое луэ синтэк но валаны,
Со нимаське вакчи гинэ: “Улон”.
Сазѐ ни тон. Быдэс чильпыраськод.
Нош чильпыран – со син азьысь ышон.
Пиала кадь тон... омыр кадь луиськод,
Кутске ни ке ӧвӧлэдлы дышон.
58
Йырвизь но чильпыра сыӵе дыръя:
“Тон ӵушемын! ” – пежъян кадь бышкалтэ.
Ярам ай, ӵукнаяз атас чоръя –
“Улэп на тон, ” – шуэ кадь,
буйгатэ.
59
МУРГЕТОН
Басылмем лул-сюлэм тыл вылэ учкылэ.
Тыл ньылон – тыл нюлон – гурласа ик кырӟа.
Гур вылын коӵыше оломарзэ нюлэ...
Тыл шӧдон милемды басылтэ-а, герӟа?
Ульчаын жобаськон-пелляськон вакытэ
Мынам пель, паллянэз, малы ке но лыдэ...
Нош коӵыш та дыръя туж луэ мылкыдо,
Шайтанъѐс-а солэсь весь озьы лыдыто?..
Тыл вылын улӥськом, тыл вылын шокаськом –
Тыл ньылон (тыл нюлон) гурласа ик кырӟа –
Шайтанзэ но тани кык сямен валаськом,
Тыл шӧдон милемды басылтэ-а, герӟа?..
60
ГЕРӞЕТ
1
Сьӧд ӵукна ик ветлэ ни “коӵо”,
Мар меда со маде ни туннэ?
Ойдо мед, куӵолэсь но куӵо
Мед кароз со котьку но монэ.
Коӵотэк мон асме тодмамысь
Дугдысал ни: улон воштӥське –
Синучкон пуктӥсько ке, отысь
Весь кин ке тодмотэм мурт учке.
2
Тырмоз, тырмоз...
Ойдо “коӵо” кадь ик
Рифмаостэк но ритмтэк азьланьтомы мугзэ.
“Коӵо” вала мар верамзэ. Нош асьмеос
“Ветлэ коӵо” вылэ
ньыль мултэс кыл вуим ни ватсаны.
Вылаз ик “коӵомы” – “ветлэ” –
зарезьчиос кадь ик,
кызьы мон валасько,
вань вапумъѐс но дауръѐс пыртӥ.
Кин со “коӵо”? Мар со сыӵе?
“Ме, ме!” – шуэ ке но “козѐл”,
“Шуш кечтака” шуом ини удмурт кылын,
“Коӵо куӵо, коӵо куӵо, коӵолэсь но куӵо дэреме” чуръѐс пӧлын
Маиз ке вань ини.
Дэрем, конешно со ӧвӧл – штани...
Штани татын ке луысал, синмын золгес
“кучырмысал”,
61
мукет сямен ке верано,
“куӵер-воӵер” адӟын мон кутскысал.
Соин ик “дэреме” татын золгес,
Ас интыяз кортӵог кадь со татын пуке.
Йырез сыналтыса ке лыдӟоно,
“Коӵо” татын “дэрем” кадь ик “куӵо”, о-ведь,
Солэн татын “кучез” вань – киросэз.
Озьы бере, “Коӵо” – со киростэ нуллэ,
Со суреда тонэ палэнысен. Венен сӥньыс сямен
Ымныръѐстэ, дауръѐстэ огазея, герӟа.
Озьы ке но,
“Коӵо” – одӥг гинэ кучо дэрем,
Удмурт дэрем трослы, пе, куӵогес, шуэ, кырӟан.
Соин ик эн кушты тон дэремдэ удмурт.
Та герӟетын вань кык бирӟет:
Тон “Коӵолэн” дэременыз – улод,
Удмурт дэременыд – вылод.
62
“ЧОРЫГ КУТОН” КЫРӞАН
Улӥ-вылӥ мон...
Кулэ-а со сярысь?
Улын но вылын но вал мон
Чарлан кадь выльысь но выльысь.
“Черлан кадь” зэмгес луысал,
Мыным нош кыкез ик одӥг –
Черлан но Чарлан луысал,
Улзэ но вылзэ ке тодӥд...
Улын пыкмем ты но – зарезь,
Улын курыт ву но – сиѐн.
Вылын – серекъясь йӧ гурезь,
Вылын – кӧшкемыт лычсузѐн.
Улын но вылын но мӧзмон.
Кыказ ик нуллӥз – лул эрик.
Улаз но вылаз но – висѐн,
Улаз но вылаз но – курик.
Улӥ но вылӥ, вылӥ но улӥ...
Вылын но улӥ, улын но вылӥ...
Улын но, вылын но трос пол кулылӥ,
Улын но, вылын но трос пол вордскылӥ.
Кулон-а, улон-а – одӥг со, черлан...
Вылын Ин нюлон, улын Му нюлон...
Чарлан но черла, Черлан но чарла –
Вылын но улын но одӥг кадь ньылон.
63
Уло но, выло но, дыр, мон,
Кулэ на меда со сярысь?
Улаз но вылаз но ай мон
Вуо на выльысь но выльысь...
64
САЙКАНЪЁС
1
Туннэ но легезьпу улысь вырӟи –
Киос но ӵабъямын, ымныр но... ӵабъямын...
Но со понна мон шаерме адӟи –
Мукет дыръя адӟод, пе, ай кытын...
Учыраськиз ук... Ваньзэ адӟиськиз...
Вайяк вайяськемын вал Руна Пус...
Чорыг быжъѐс сямен со жугиськиз,
Мурт шаерысь муртэ куандырыкуз...
– Эх, ять, ѐк-ке-лэ-ме-нэ-хе... –
Вази мон, верало вал: “Эн иса” –
ӟардон тусбуй шуак луиз мукет,
Пурӟиз ук легезьпу ӵушъялскыса.
Мон бышкамын ни шиосын уно,
Мар ӵабышъяз ке, вӧсь шат со мыным?
Но со понна, ог секундлы ке но,
Возьдаськонзэ вуи мон адӟыны.
Эх, легезьпу, бышкись езо кенер,
Сяська зыныд- а кудӟытэ монэ –
Уг луы ветлэме мынам шонер,
Куке вирме лулыд тынад нонэ.
Мон кудӟисько вирме сѐтылыкум,
Нош винаен сазѐмисько гинэ.
65
Соин ик мон шуо: “Мерси боку...
Таӵе мынам реверансэ туннэ”.
...Шуид ке шу, коть пальккы дэриен,
Мон ноку но йырме уг кары кур –
Мыным мусо потоз гудыриед,
Сыӵе вал мон йӧлдэ но ноныку...
2
Мыным тямыс арес вал. Велосипедэн
Зорлэсь мон пегӟисько вал куасьмем сирпу вӧзтӥ.
Шӧдтэк шорысь монэ, секыт шуккет музэн,
Котмем возьѐс вылэ тулкым питыратӥз.
Эх, гудыртӥз! Пельѐс жангыразы. Каллен
Усьтӥ мон синъѐсме – жуась сирпу кыклы
Вайяськемын; азьтӥм, улэп нечы выллем,
Тыл шар шуак лобӟиз но – берытскиз ӵынлы...
Паймеменым мон йӧ кадь кынмемын вал,
Но-
Пушкам араз, гомӟиз вожпотонлэн тылыз:
Со, витьымтэ шорысь усем тыл шар- куно,
Пегӟон азяз сэзъяз пичи мыжыкеныз.
Мон синйылтӥ солэсь пальпотонзэ,
Гольык макесъѐссэ но адӟыса вуи.
Синъѐсысьтыз улэп тылгизьызэ, выросъѐссэ
Ог секундскын сюлэм пушкам юи.
ӧй тыры мон солэсь. Дунне мӧзмыт кылиз.
Учки сирпу шоры, отын но тыл кысӥз.
66
ӟукыртыса, лэся, со сирпулэн пасяз
Быдэс улонэлы сюлмы монэ кесяз…
3
Мон утчасько созэ мурдалаез,
Кытчы ӵужез уг пыры Вож шӧлкын.
ӵужез майтал пельтэт гинэ куае –
Майталӟем ву возѐн вышкы пушкын.
Мон яратӥ мукет пельтэтъѐстэс,
Хаям музэн вож дуннеез валай:
Мыйыкеным ӵужи кабакъѐстэс,
Соин ик вышкыос мышкын кӧлай.
Гырлыосын но пӧртэм гимнъѐсын
Со вышкыос монэ сайкатъязы.
Луо вал чорыглэн кадь синъѐсы
Флагъѐс но киросъѐс ӝутъякузы.
Ма, адӟылэм но чик мынам ӧз пот,
Мон зымылӥ эке арлыдъѐсам:
Отын но вал Вышкы - калейдоскоп –
Вавилон башня кадь (уйвӧтъѐсам).
Пырай мон со пушкы, сэрттӥ – валай,
Сялӟи но сэрпалтӥ пушнер пушкы.
Туннэ но мон сыӵе ик ар малай –
Мынам вӧзам ӵуш-паш карись вышкы.
Ӝоген вуттоз маял чечы вузэ,
Шат ӵошатод тазэ майтал вуэн,
Кудӥз бӧрсьы кӧтыд гинэ вузэ
Толэзь шоры вузӥсь кион музэн.
67
Мон утчасько созэ мурдалаез,
Кудаз тонэ визьмыд понна жуго,
Кудаз улон ас ыль няньзэ лае,
Кудаз улон ачиз кадь зэмлыко
4
Инты ӧй шедьты мон дорам –
Пуны но кар аслыз шедьтэ.
Кезьыт изись Ижкар урам –
Со вал но вань мынам юртэ.
Ӵын пыр учкись синъѐсыным
Утчай мон кыӵе ке юрттэт,
Но нокин но ӧз шу мыным:
– Кыӵе кайгу тонэ нюртэ?
Мон усьтӥськи писэй пилы,
Со жаг куян пӧлы гуштӥз.
Милям висись синъѐсмылы
Кин ке одӥг манет куштӥз...
5
Огез шуэ: “Мон – Миклухо-Маклай...”
Огез шуэ: “Пиез, дыр, мон Гердлэн...”
Огез шуэ: “Мон дуннез валай...”
Огез шуэ: “Тӥ кылзэ ай, ветлэ...”
Огез вера зугыр куалекъяса.
Кыкетӥез возьма ни черодзэ.
Куинетӥез, шуак кымалтыса,
Выллань ӝутэ сюрмем пӧлы пумзэ.
68
Огез шуэ: “Эшъѐс, эшъѐс, эшъѐс,
Тӥ кылзэ ай монэ, мусоосы,
Ведь асьмеос шудо адямиос –
Сярысьтымы бӧрысь вераськозы!”
– Шонер вера! – шуэ куиньметӥез.
– Шонер! Шонер! – вазе ӝӧк улысь йыр.
– Шонер, – синвуаське куатетӥез, –
Та вераськон ноку но, дыр, уз быр...
6
Кырныж луи ни, тодматски Шаен,
Ӵемысь пуксьылӥсько Пужым вае.
Куд-ог дыръя, ӧвӧл ке но мылкыд,
Ӟечыратэ монэ лэйкась вакыт.
Сюдэ но со, секта но со, Шайвыл –
Куяськисьѐс но киськасьѐс но вань.
Мон кадъѐслэсь ни номыр но уз йыл,
Сии ке но мылес дур табанянь.
Йылсаськемын ни дунее мынам,
Бырйиськонэ но Йылпумзэ поттӥз:
Быръем эшъѐс кыллѐ пыдъѐс улам –
Кыксэс ик “6” лыдпус татчы вуттӥз.
7
Някырскы мон вӧзы, кызьпу вай,
Сѐт бордад лякыны ымнырме.
69
Тон доры ке коже сюрес вай,
Со ӧвӧл, дыр, юнме.
Мон мӧзми небытлэсь, югытлэсь-
Озьыгес ни кырӟаз Насими:
“Мон,- шуиз со,- мӧзми эшъѐслэсь,
Мон визьмо эшъѐслэсь туж мӧзми”.
Някырскы мон вӧзы, кызьпу вай,
Сѐт мыным ортчемзэ малпаны.
Вай мыным, азьлозэ ик тон вай
Выль сямен син азе пуктыны.
Тодӥськод на, эшъѐс пукизы,
Тон улын эшъѐссэс малпаса.
Мон сямен ик соос юизы,
Тон шоры малы ке учкыса.
Някырскы мон вӧзы, кызьпу вай,
Вай ненег зынъѐстэ шокышто,
Вай йырме, жамдэлы ке но вай,
Вай йырме тонэдыд мон вошто...
70
КАРАМЗИНЛЫ
1
Шуо: гожъяськоно «ментально»
Но со укыр «сентиментально»
2
Шкап лесьтыса пуктӥ.
Тӥрен ке но лэсьтӥ,
Чебер адске.
Нош собере
Сапегъѐсме кышъяй.
Нош собере –
Нылписолэсь сапегъѐссэс.
Нош собере
Электросчетчиклэн паллян палаз
Усьто поттӥ но ез отчы донги,
А то укыр со кошкемыт берга вал.
Нош собере…
Бен, мар – о ватонэз на,
Пуки,
Так огшоры малпаськыса.
71
КЫМАЛСКОН
72
СОЛЭН БУС СУЛЬДЭРЕЗ
(Михайловналы)
Тодскод на ай лобась муртэз
Липет йылын кудӥз улэ?
(Тыбыр сьӧраз весь шалтыртэ,
Шузи шалтырмаез солэн).
Тодскод, тодскод, со пырылэ,
Чайдэ-мардэ весь курылэ.
Пуке со тюрк кадь мыняса,
Пӧсь чаедлэсь шульыкмыса.
Шультыр юземезлы быдэ
Кӧт-сюлэмыз кошке рае,
Кытын азяз ишак кылдэ
Но кӧшкемыт кеське: “Е-е!”
Эшшо золгес шульыкмыса,
Со нош ик мыньпотэ тыныд.
Ачид но тон пальышаса,
Нош лыктӥськод пӧсь чаеныд...
Но вань уга шалтырмаез
Липет йылын улӥсь муртлэн,
Со нош ик кымалске уе –
Бус пӧлазы ульчаослэн.
73
СОЛЭН ЗЭМОС СУЛЬДЭРЕЗ
1
Ӟукыр вазе шальтрам уробое,
Питыранэз сюрес кожысь пота.
Кызьы меда уд адӟиськы сое,
Кызьы меда сюлмыд сое чида?
Огпол ке но, шуныт пальпотыса,
Пӧсь тулкымдэ шокчид ке сюлэмам,
Шудбур пӧлы тонэ выйытысал,
Кема витем яратонэ мынам...
Кема витем яратонэ мынам...
Шуныт омыр туга йырсиосме,
Йыры берга шузи поромонэн.
Курыт мӧзмон сюпсе висись лулме,
Кытын-о тон мынам яратонэ?
Тани выльысь дунне тулкымъяське,
Сюлмам нош ик вордске выль осконэ.
Выль осконэн лулы шукыяське,
Эн, улонэ, эн кышкаты монэ.
Огпол ке но, шуныт пальпотыса,
Пӧсь тулкымдэ шокчид ке сюлэмам,
Шудбур пӧлы тонэ выйытысал,
Кема витем яратонэ мынам...
Кема витем яратонэ мынам...
74
2
Кузь сюрес мынэ, мынэ
Я выллань, яке уллань;
Сопала я тапала
Кузь сюрес мынэ, мынэ.
Ӵукналы быдэ шунды
Бусыос сьӧрысь потэ,
Я гурезь сьӧрысь потэ
Ӵукналы быдэ шунды.
Выль нунал но выль сюрес,
Выль сюрес но выль нунал.
Кузь сюрес вылын пинал
Питырес, дыр, питырес.
Питырске шунды колӟо-
Питырес бусъѐс вырӟо.
Питырес сюрес вылтӥ
Питыра питрес колӟо.
Туннэзэ но со кудӟоз,
Туннэзэ но со небӟоз –
Палдурес сюресъѐстӥ
Туннэзэ но со ортчоз.
3
Уй ортчыса выльысь вордске нунал,
Шунды зоръѐс мӧля вылам экто.
Сюлэмыным ке мон пичи пинал,
Малы ялан визь донганы туртто?
75
Кенӟалилы ке мон шумпотӥсько,
Шаян тӧллы йыбыртӥсько ке мон,
Курытэныз ке курытсэ небӟытӥсько,
Сыӵе ни- а луи сюлмаськымон?
Аслам тэле пӧлы йыромыса,
Шуралиен ке тыл вӧзын эктӥ,
Кинлэсь ке шат ческыт умзэ исай,
Кинлы ке изьыны шат люкетӥ?
4
Синъѐс мынам пружинаен –
Кулэ ке, тэтчыса пото.
Мыйыкъѐсы мулиналэсь:
Ӵужо-вожо, лызо-гордо.
Пыдъѐс но страуслэн кадесь:
Мон балерина, мон эктӥсь.
Ме, куштэ шляпаям азвесь,
Туннэ мон семяме сюдӥсь.
Туннэ мон клоун, маскарчи.
Синву фонтан кадь пызгиське.
Туннэ но стаканэн куртчи –
Ваньмыз ӵыжа но пӧзьтӥське.
Ваньмыз ӵыжа та улонын –
Астральной бус гинэ вӧлске.
Сюлэм вылын но лул вылын
Нокин уг шуы тымиське.
76
5
(Люкинлы)
Туннэ ӵемысь, эше, вераськисько мон асэным.
Кышкыт мыным таӵе пичи, шузи удмурт калыкеным –
Кыедын вордски, кыедын улӥ,
кыедын ик мон быро.
Ма нѐжто мон та дуннее солы гинэ вордӥськемын,
Ма нѐжто мон макня, кыӵе ке огшоры куро?
Ведь жаг пӧлын но луылэ огез ке но таза чебер
ю-тысь
Ведь кыӵе ке шӧтэм, юрӟым нумыр но бубылияське.
Уг ватӥськы, потӥ мон ӟигартэм, бездыт удмурт гуртысь,
Но ведь мыным но та дунне бугрес но туж паськыт адске?!
Ведь мон но шокасько мукетъѐсыз кадь ик быдэс гадь тыр,
Мынам но вань синмы, пельы, визьмы, веран кылы;
Мыным но туж ӵемысь татын луэ курыт яке шулдыр,
Ведь мон но, мон но оскисько аслам быдӟым, узыр улонэлы.
Ма нѐжто ваньмыз буш,
ма нѐжто куштэмын мон огшоры?
Малы соку шузимыса ик мон лыдӟи
Та дуннелэсь визьмо книгаоссэ?
Малы искусствоез валай, малы мынам йыры
Кылбур чуре пужъятыны дышиз чебер малпанъѐссэ?
Малы-о музаос, иське, монэ мылкыдазы,
Малы-о эзьгурез пичиысен ик шӧдыны кутскиз сюлмы,
Малы ӧй люка мон зарни, малы ӧй луы
Коньдонэн узыр,
Ведь ваньзылы кадь ик
77
мыным но ваньӧсъѐс вал усьтэмын?
Нош мон пельпум вылам ӝутӥ инбамлэсьсэ:
Киям кутӥ тылы, пыдам кутъѐс кутчай;
Лекась кылын ӵушкалляса кырсьсэ,
Мон чылкытэз но зэмлыкез утчай.
Малы но кинлы мон быдтӥ дырме,
Кинлы кырӟай мон, кинлы мон гожъяй,
Малы тулкымъѐслы пумит уяй,
Кинлы но мар понна курбон сѐтӥ асме?
Кышкыт мыным, сыӵе кышкыт мыным,
Кышкыт таӵе пичи шузи калыкеным –
Пуксѐн пала кутски ини питырскыны,
Нош нокинэн мыным вераськыны.
6
Кыйлэн вылаз ӝуась тылсиосын
Со мон азьын эктӥз гольык но буш.
Мон та ӝытэ юи выль ӟучъѐсын,
Соин ик эктонэз солэн вал – уж.
Со аслэсьтыз пичи дырзэ кырӟаз,
Офелия кадь ик шузимыса.
Мынам йырам малы ке но гудӟаз
Курбон изъѐс вӧзын сылӥсь Исак.
Кык мертэтъѐс вӧзын ми сылӥмы –
Сьӧр йырвизьлэн пилетъѐсыз вылын.
Со пилетъѐс виске ми лэсьтӥмы
Кыӵе ке но выжъѐс ог- огмылы.
78
Но выжъѐсты уг возѐ вал кылъѐс,
Сьӧр визь зарезь укыр вал тулкымо.
Пыр адӟиськись пияла кадь борддоръѐс
Таӵе дыръя синучконлы пӧрмо.
“Исаак, Исаак, Исаак!”— со кесяськиз.
“Офелия!”— вузӥз кӧшкем куара.
Кызьы та кык дунне валчеяськиз –
Созэ мыным нокин уз ни вера.
Сое мон вакытъѐс вискысь тодмай,
Со но монэ озьы ик ӝог тодмаз.
Нош куке мон ваньзэ сое валай,
Ӧй вал ни со та нылмуртлэн пушказ...
Но нылашлэн синмаз вал синкыли,
Со мон шоры учке вал паймыса.
Со мон сямен ик валатэк кылиз:
Кин вал Офелия но кин Исак...
7
Советской урамын вань пиртэшез.
Солэн пытсаз кылле ӵоксэт …
… Автобусэ пуктӥ вал мон эшез,
Кымалтэммы бӧрсьы быдэн кыксэ.
Эше кошкиз но мон ӧй адӟы ни
Со дырысен улэп пельпумъѐссэ:
Мыным, лэся, кельтӥз со кырӟаны
Кезьыт визьлэсь тодэ ваѐнѐссэ.
Пиртэш вылтӥ котькуд ӵуклы быдэ
79
Кужмысь вамыштӥсько мон уж дорам:
Пиньтэм карга сямен ик серектэ
Эше бӧрсьы бездыт кылем урам.
8
(Державинлы)
Уг шӧдӥськы ни музъемез,
Уг валаськы ни кайгуэз –
Мон бубыли, майтал шукы,
Чильпыраны кутскиз пушкы.
Кинлы, дыр, вань, кинлы ӧвӧл –
Ас вакытаз ветлӥсь ыртӧл...
Нош мугоры бен, мугоры,
Напчем омыр со огшоры.
Со быдэсак ачиз крезьгур,
Ачиз ошмес, ачиз ик шур,
Зарезь но бус, кужмо тулкым
Шудэд но кайгуэд пушкын.
Ачиз инмар, ачиз ишан,
Ачиз кӧтӝож, ачиз вешан –
Пӧяськонэн суро зэмлык,
Кудӥз уг сѐты буйганлык.
9
“Но со ӧвӧл –
Тыр пальккаськись шудбур.
Шӧдске, ачид ик тон сое,
Шапыкъѐсын, шапыкъѐсын кылдытъяса,
80
Лянэсъѐсад октылӥськод,
Адӟиськисьтэм вуоноысь
Кинэ ке но ачид кадьзэ буйгатыны.
Соин ик вала тон,
Быръем сюрес ке бур,
Котькуд вамыш ке йыг пуксе,
Тани тазьы музъем вылэз тулкымъяса,
Тон шӧдӥськод,
Пичи шапык – со чик но ни пичи ӧвӧл!” --
Шуиз мыным Сильтӧл,
Вань кужмысьтыз
Гурезь изъѐс вылэ сэрпалтыса...
10
Тани со мон – аслым гинэ тодмо,
Кинлы кулэ мон тани таӵеен –
Пияла кадь огшоры учкись синмо,
Кудӥз уез сура нуназеен.
Кин мон сыӵе – кин ке но, дыр, тодэ,
Ачим нош мон жади ни юаны.
Кытын ке но улэ веднась нодэ,
Кудӥз монэ косэ на улыны...
11
Лекма гинэ пияла кадь ялтыра,
Сыӵе кезьыт эзель гинэ учкоз на.
Солэн галясь, гылыт меӵ ярдураз
Эше монэ шумпотыса уг возьма...
81
Гудыриос вадьсам шальтырало:
Бечораос бекчеоссэс жуго, дыр.
Мӧля вылам тӥрзэ шере кулон,
Нош сюлэмы ӝожтӥськыны уг тоды.
Кураськыны ӧз дышеты Кылчин,
Пыдес вылэ но султыны юрӟым ик.
Милям Вӧсьмы луид тон, Интылси,
Соин шайтан 6 лыдпуссэ вурӟиз ни.
Шайтан уг вера кызьы шудэмзэ,
3 вылэ 3, оло нош, ватсалоз ай –
Вурӟоз кыкетӥзэ 6 - сэ,
Быдэс шай тыр соку серекъялоз ай.
Я, мар-о бен, витѐд ни, мар карод.
Уйѐс кузесь, Лекма но син азьын ай –
Мон кырӟало, вуиз ке но черод,
Мон кырӟало ӟеч сюрелась узьым кадь!
Ми кисьмаськом, йӧ пилемъѐс пӧлын
Гудыриос сюлмез ик зуркато ке.
Ми кисьмаськом, ӵашъем тылъѐс улын
Инкӧльыос йыр вадьсамы пушто ке.
Ми юнмаськом, кӧльы ке ранӟытъя,
Висис ь яраосмес йӧзор сюпсе ке.
Ми юнмаськом, сюлэм ке викышъя,
Курыт вумы чарка пытсын пӧзе ке.
Эн дышетэ! Жагмес адӟиськоды...
Шур Валъѐсты серметаны луэ шат?
Эн жалялэ, уг лу ке жалямды –
Сое нокин дырыз дыръя ӧз веша.
82
12
Люкасько мон выльысь сьӧд кужым,
Лек йырвизь тӧлпери кадь вузэ –
Чида, вить ай сое тон ӧжыт,
Возьматоз со зэмос ымнырзэ.
Куалектэ нуны лул, черектэ:
Югытсэ тэльмырись синъѐсаз
Кышканэз, осконэз, дыр, кылдэ –
Нош сое выль нунал люкмеса.
Ӝугиськон ортчемын. Сьӧд кужым
Лѐгамын, вормемын, дуремын.
Нош сюлэм пальпотон кырыжамын,
Нош сюлэм пальпотон уремын...
Возьматоз со зэмос ымнырзэ,
Чида, вить ай сое тон ӧжыт!
Лек йырвизь тӧлпери кадь вузэ,
Люкасько мон выльысь сьӧд кужым.
13
Небӟем но тӧрнамын музъем.
Пыкмем тыысь паке конял.
Пелля усыкмытӥсь зынэн
Сись пинь кадь мычиськем лӥял.
Инбам, оло, макмыраса
Урам кышно кадь лошъяське.
Лул-вирсэрез сӥсъялтыса,
Сьӧд нюр пыдсы толэзь ваське.
83
Йырси улын ялан кынтэ,
Луоз меда талэн пумыз?
Векчи кыӵес кадь кекатэ
Оло инвис, оло сюмыс...
84
КУРЕГЪЁСЛЫ КЫРӞАН
Соослы бен шырчик но бурдо.
Соослы со кырӟась но лобась.
Но, эшъѐс, мон уг луы шудо,
Кырӟаны усьтӥзы ке но пась.
Зэм соиз, шырчик кар – вылӥын, –
Укнотӥ но луэ адӟыны.
Пуны кар кадь уг сыл пыд улын,
Пыд уз сузь шырчиклы ӵыжыны.
Ведь шырчик Кышномурт палдурысь...
Кырӟанэз но солэн – “чик-чирик...”
Куриды ке кутскоз со выльысь:
– Чик-чирик! Чик-чирик! Чик-чирик!
Нош пуны – Воргорон быремысь,
Азь пиньзэ поттыса ыргетэ.
Со уз дугды ноку Утэмысь –
Тушмонзэ со котьку но шӧдэ.
Соослы нош кулэ шат Утон –
Кышномурт яратоз шат рискез?
Эрикен шокаса пальпотон
Кышномурт кадьѐслы бышкись ез.
Шӧдӥсез пыд улын – Ах, умой! –
Утонзэ но возе жильы пум.
Кырӟасез пель вадьсын – Ах, умой! –
Со уз кошкы, коть дум, коть эн дум.
85
Быркытлэн омырез – кезьыт тӧл!
Валалоз шат сое курег сиг?
Кырӟан пась... мон понна со ӧвӧл,
Мед отын кырӟалоз ни шырчик.
86
МЕТАМОРФОЗАОС
1
Шуисько – ура, ура, ура!
Кырыжак луэ пальпотонэ –
Куатетӥ арзэ ни чебера
Урамысь пуны кадь улонэ.
Мон но воргорон кадь сялӟисько ни
Ымысьтым курыт тамак ӵынме.
Бускеле сямен ик лыдъясько ни
Губиме, парсьме, курегъѐсме.
Лыдъясько но шуак дугдӥсько:
Нокин но уг учкы-а шорам?..
Ку-о тон сыӵе луид... сукос? –
Нош ик вужеры улӟе сьӧрам.
Пырисько артанаос пӧлы,
Бур киы ас ватоссэ шедьтэ...
Тау шуисько Инмарелы,
Вужеры но мон кадь кымалтэ...
Собере, толэзь ӝутскем бере,
Лыдӟисько ни “Анжеликаез”.
Бускеле но уй сьӧрын горе:
“От, собака, ӟеч книга таез...”.
87
2
Мунчоям кортӵог шукки но
Мучоло отчы оши.
Собере эшшо шукки но
Кобыме оши.
Собере эшшо шукки но –
Нош ик мучоло оши.
Собере эшшо шукки но –
Нош ик кобыме оши.
Собере эшшо шукки но...
ӧй ни шедьты ошыны...
– Эй, – кеськи бускелелы мон. –
Вай, мардэ ке ошыны.
Бускеле лыктӥз, учкиз но –
Мольк-мольк кутскиз учкыны.
Туж кема учкиз-учкиз но
Кутскиз ужме данъяны...
Нош ик мон кортӵог шукки но
Картуззэ солэсь оши.
Собере эшшо шукки но,
“Дэремед чебер”, – шуи.
Бускеле тӥрме адӟиз но
ӝогак дэремзэ куштӥз.
Шунытак со пальыштӥз но,
“Туж чебер адске”, – шуиз.
Мон но шуныт пальыштӥ но
Нош ик выль кортӵог шукки.
Бускель пала учкалтӥ но
Тӧл гинэ отысь адӟи.
Потыса берзэ учки ай,
88
Эх, ӵуше ук ас дораз.
Туж солы уже кельшиз, дыр,
Кортӵогме, дыр, гад, лушказ...
3
Ӧраз ик мынӥськод...
Ӧраз,
Кин ке но ошиське мумыкораз.
Кин ке пуны кадь куаньгетэ.
Кин ке бака сямен кырӟа –
Кин ке но из солы утча.
Ӧраз ик мынӥськод...
Ӧраз.
Тани КАМАЗ дыректыса
Сюрес азьдэ ӵокса.
Нэчы сямен пезьдэ йырыд –
Четан йылэ кугӟа, серекъяса.
Нокин уг лык... ӧвӧл калык...
Кезьыт луэ мышкыт – кышкыт!
Вожомыса, вань кужмысьтыд тон ӵыжиськод йырдэ...
Ӧраз ик мынӥськод,ӧраз!
Визьмын адӟонэдлэн сьӧраз.
Йырдэ тупез кадь ӵыжаса,
Астэ ачид серекъяса...
Зэмзэ но кӧшкемыт –
Аслад ук со йырыд,
Чарка кымалтэмез бере,
Тамак куре.
Ярам коть тамакез сюре
Та уйшоре...
89
4
Буйган понна кошке ваньӝуасез,
Лул, жаг куян кадь, паксаське ӵукнаозьлы.
Нош ӵукнаяз чебер лымы усе...
Мон нош ик паймисько солы.
Пислэг тэтча лымы вылын...
Лулы...
5
Лултэм но кадь, луло но кадь ӧвӧл.
Тѐпак кысӥз берпуметӥ малпан.
Кыӵе умой, мон вань но мон ӧвӧл,
Мон вань но мон ӧвӧл та тупалан.
Ӧвӧл кӧтӝож, ӧвӧл вожъяськонэ.
Вожпотонэ ӧвӧл, ӧвӧл шумпотонэ.
Тӧлӟем унябейлы, дыр, кельшисько али,
Кезьыт серектӥсько: -- Адӟом али...
Адӟом али, адӟом!
Учком на кӧня ке,
Учком та дуннелэсь пальышамзэ.
Кытчы кошкод талэсь но кыдѐке,
Кытчы кошкод талэсь кыдѐкезэ?..
Вань маиз ке та куинетӥ синлэн...
Кулэ ке – вань, мултэс ке нош – ӧвӧл...
Вамышъяськод шайвыл кузѐ музэн,
Жалясьѐслэн чик кулэзы ӧвӧл.
90
6
Янгыш, дыр, мон, ачим ик, дыр, янгыш –
Улон ачиз луоз шат янгышо?
Вордски но, дыр, та дуннее янгыш,
Янгыш ик, дыр, куке-соку ышо.
Янгыш, дыр, мон, ачим гинэ янгыш,
Янгыш, дыр, яратӥ, кузпалляськи –
Семья но кылдытӥ, дыр, мон янгыш,
Янгыш, дыр, улыны мон дасяськи.
Янгыш, дыр мон, котыр ласянь янгыш,
Эшъѐс но, дыр, янгыш бырйи аслым –
Янгыш мынам, янгыш котькуд вамыш,
Котьку янгыш мон та дунне вылын.
Ваньмыз янгыш, ваньмыз йырин-чукин –
Гожтэм кань мыдланес вамышъясько.
Нуллэ монэ дунне чукин-бекин,
Кытчы тазьы, кытчы мон лобисько?
Янгыш, вылды, янгыш мон ӝутӥськи,
Но буръѐсме эн тӥя тон, Инбам –
Берпум янгышеным ке пумиськи,
Мон вань янгышъѐсме нуо с ьӧрам.
7
Сюлэмме уг кыскы ни вырйыл,
Шунды си уг шунты ни лулме,
Кураськись кадь урдӥсько умйыл
Зубектын кутскем чиньыосме.
91
Сылӥсько выльдэм черксы азьын,
Осконэ ке но аслам ӧвӧл,
Мугорме сӥсъя ке но кезьыт,
Пель сьӧрам вузэ ке но сильтӧл.
Сылӥсько ӧжыт возьдаськыса,
Ымдурам – шузи серектонэ.
Сылӥсько асме мон исаса,
Вань на ай мынам пальпотонэ.
Гоп пытсын но чебера улон,
Гоп пытсын но со ик сьӧлыкъѐс,
Гоп пытсын но ялан кырӟало
Мон кадь тунсыко адямиос.
Ма, медаз сѐтэ ортчылӥсьѐс,
Ма, медаз учке кырӟась шоры.
Ортчозы нуналъѐсын аръѐс,
Мон шуо: ӧй сылы огшоры...
8
Мылме - кыдме бубылияй,
Штани – кутме пилемалтӥ -
Тӧлатӥсько ни, ар малай,
Бубыльяськись ульчаетӥ.
Кинлы улон, кинлы тюрьма,
Кинлы кыкез ик ог порма.
Мылкыд ныгыль но питырес –
Йыр кудые кадь бабылес.
Ымдур кудые «Беломорен»шудэ,
Киос штани кисыосам.
Уӵыяське ворпо шудэ
92
«Быдэнъяськем» ни синъѐсам.
- Хе-хе! - чечѐтка эктӥсько,
Макесъѐсам чабкылыса.
Вань тодмоос палэнтӥсько,
Тодмо мугъѐс шедьтылыса.
93
ЛУЛЪЯСЬКОН
94
* * *
- Тон кин? – шуиз чупаськеммы бере...
– Нош тон? – юай пальпотыса. Нош со,
Выльысь ӟыгырскеммы бере,
“Тынад!” шуиз но дуннеез ӵоксаз.
95
* * *
Тынад монэн тодматскемед потэ вал,
Ымныр шорам потэ вал учкемед.
Оло мынам вакчи тон уйвӧтэ вал,
Оло тон вал лулэз кыскись сумед?
Кытысь- о тон, кескич синмо нылаш?
Бусьтыр улон но сомында уз сѐты –
Йырме ке ӟыгыртӥд тон ал вылад,
Ыбем бурдо кадь тон возы усѐ, дыр.
Но усеме озьы мынам уг поты:
Выльысь адӟи ортчем сюресъѐсме –
Отын шокай вал мон быдэс тӧлпо тыр,
Тӧлъѐс отын ӧз кышкатэ лулме.
Ог пол учкид но шуак возьдаськид тон,
Малпанъѐсме тон мынэсьтым валад - а?
Кужмо тулкым кадь чиль- чиль пазьгиськид тон...
Инмын- а мон, оло нош, ал вылад- а?..
96
* * *
Юанэдлы юан гинэ сѐто,
Ответ туннэ эн куры мынэсьтым.
– Кытысь меда таӵе усид ай тон? –
Мон ялан юасько на аслэсьтым.
Ах, кыӵе тон мусо пальпотӥськод –
Ой, кыӵе тон кескич гочатыны!
Лулы кышкатскымон бадӟымасько –
Тонэ, ӟырдыт лулэз, ӟыгыртыны.
Тон юаськод: туж зол-а ярато,
Туж зол гудыръято-а мон инмез?
Юанэдлы юан гинэ сѐто –
Мынам азям туннэ валантэмез.
Синъѐс азям пушто кизилиос,
Вань дуннеысь слонъѐс бурсо гадям.
Тынад ымдуръѐсад – ӵашйись тылъѐс,
Бурсӥсь Адам – мынам вирсэръѐсам.
97
* * *
Адӟылӥ вал, синъѐсыд тынад
Ас пушкад ӵемгес бусаськыло.
Шӧдӥсько, со ваньмыз мон понна,
Мон понна соос сюлмаськыло.
Кылзы ай, юг ошмесэ мынам,
Кушты ни монэ сюлэмысьтыд.
Ноку но эн бӧрды мон понна,
Ярадэ эн гожма аслэсьтыд.
Огшоры мон ульчаысь шпана —
Вамышлы быдэ вузаськисько .
Инмарез эн куры мон понна,
Тон соку ачид сьӧлыкаськод.
Номыре ӧвӧл кылы сяна,
Кылыным гинэ кузьмаськисько.
Сюсьтылдэ пуктӥд ке мон понна,
Оло нош, соку ни визьмасько...
98
* * *
Тодскод на ай, отын...
куро люкын...
Ай тон соку чупрес гинэ егит вал,
Чагыр кизилиос кырмышъяку,
Тынад векчи резинкаед чигиз вал...
Бамдуръъѐсыд ӟардон кадь льӧлязы.
Кускад но вал векчи гинэ льӧль гож.
Толэзь сиос пеймытазы ке но,
Инкуазьлэсьсэ возьматӥзы киос...
Эшшо оглань та дуннеез усьтон
Тынад синмад ӝожо но шудбуро вал.
Ӵук лысвулэсь но ай чылкыт вал тон,
Толэзь гинэ соку ай кык сюро вал...
99
* * *
Бусы вылысь ӧз тӧлӟы на лысву,
Сайказ инбам, сайказ ини музъем.
Пичи гинэ, векчи гинэ кызьпу
Ӟардон пала назильскыса султэм.
Ӟыгыртыны вайям со вайѐссэ,
Шокче инме уйвӧт омыреныз.
Вера, лэся, нылмурт мылкыдъѐссэ
Вань бусые югдӥсь чебереныз.
Учке ӟардон, учке льӧлектыса,
Югак гомӟо лысву инӟыосыз.
Нош кин меда кӧлӥз мынам вӧзам,
Кинлэн турын вылын пытьыосыз?..
100
* * *
Ӟольгыри со ӟольгыри,
Мар солы: тари-а, рис-а...
А вот мон тонэ бырйи
Выль кылбур понна, Лариса.
Ӟольгыри со так гинэ,
Так гинэ тари но, рис но.
Но уг бырйиськы тонэ
Так гинэ туннэ, Ларис, мон.
Выль кылбур со выль мылкыд,
Кудӥз огшоры уг иса.
Мар валэктонэз тыныд,
Валаськод ук тон, Лариса.
Вера, кин монэ возьма:
Вож Пужым-а, Кипарис-а?
Вож Пужым – кезьыт инмар...
Кипарис нош?..
А?.. Лариса?..
101
* * *
Тон мынам!
Мед луод тон мынам шаерам.
Шаерам!
Уг, уг поты огнам уяме зарезям.
Тон мынам! Кылӥськод -а, мынам!
Тон мынам тӧлпое,
Осконэ тон мынам.
Тон мынам шудтэме,
Шудое тон мынам.
102
* * *
Тон акшанысь потӥд – сьӧд йырсиѐ...
– Крон! Крон! – вазиз пельѐс сьӧрам кырныж...
Кырныж малпаз, дыр: мон тонэ... сиѐ...
Нош мон номыр ӧй вуы малпаны...
Кырныж соку адӟиз, дыр, синъѐсме –
Ведь син, шуо, котьку зэмзэ вера –
Нош мар со верасал отчы Инме,
Адӟиз ке, кызьы тон учкид шорам?..
103
* * *
Малы толэзь мыным, малы инбам?
Тон учкиськод ке шонерак синмам,
Кыскем пукыӵ кадь дыректэ лулы,
Пилиськыса бурдо уллѐослы.
Малы толэзь мыным, малы инбам?
Тон учкиськод ке шонерак синмам,
Писпуосын мычиськылэ пучы,
Чашйись тылэз мон пазясько, уӵы.
Малы толэзь мыным, малы инбам?
Тон учкиськод ке шонерак синмам,
Вань дуннеез мон дась сэзъялтыны,
Лулме тыныд мон дась ишкалтыны.
Малы толэзь мыным, малы инбам,
Тон учкиськод ке шонерак синмам?
104
* * *
Яке тулкымо, яке тулкымтэм,
Яке вуберган зӥр-зӥр бергатэ,
Яке мон кыло, яке мон кылтэм,
Тон ке сылӥськод монэным артэ.
Тон ке сылӥськод монэным артэ,
Кык дунне вискы сюлэмы дугдэ –
Одӥгез кынтэ, одӥгез шунтэ,
Тон ке сылӥськод монэным артэ.
105
* * *
Мон кышасько, шуид тон, мынэсьтым...
Нош мон ачим шайгу пытсы пыри кадь...
Кин со?.. озьы учкиз синъѐсысьтыд?..
Мон шальтырай... пияк! кеськись чипы кадь...
Со тон ӧй вал ни, кинэ адӟылӥ:
Со усьтӥськиз нуны кадь ик – быдэс!—
Мон бусылэсь, дыр, куаразэ кылӥ,
Кытын кисьма кинлэн ке но шудэз.
106
* * *
Бурдо тыло
Тылобурдо
Кырӟа сьӧд бадьпуос пӧлын...
Мон ваньзылэсь туннэ шудо
Та сьӧлыко дунне вылын.
Инбам чагыр но лараси,
Омыр йырез бекыртымон.
Гурезь сьӧрысь шаян тылси,
Тынад коӵышпиед-а мон?
ӟыгырскисько писпу борды,
Кенӟалиез кышкатыса.
– Кыӵе улон туннэ шулдыр! –
Дунне шуэ котыресак.
Ӧвӧл, ӧвӧл, ӧвӧл, ӧвӧл!
Гожлэн азяз ӧвӧл тӧдьы!
Тӥя сое, ворме, тӥя
Тынад ымдуръѐсыд кадь ик
Али гинэ кисьмам чия...
107
* * *
Мон чеберез валай, кудӥз понна
Мон чыртыме но вандыны сѐто –
Ноку-ноку ӧз ке но лу мынам,
Мон со сярысь кулытозям чирдо.
Шудо ни мон солэн югытэныз –
“О, эшъѐсы уг пот ни кулэме,
Улэм потэ туннэ кадь ваненыз –
Выльысь потэ мынам малпаськеме,
Тэльмыреме потэ, курадӟеме,—
Ваньзэ, мае ӧй веръя но веръяй,
Ваньзэ ваньзэ потэ на адӟеме;
Мон тодӥсько, ведь шумпотон но ай
Луоз отын сюлмаськонъѐс вискын, —
Я эзьгурен асме мон кудӟыто,
Я синвуме пызьыр гинэ потто
Чебер пӧяськонэз лыдӟон куспын,
Яке, бен, бен, кин-о созэ тодэ,
Улон котьку со йӧспӧртэм шудэ,
Пуксѐн пала питырсконэ азям,
Оло, ай шокыштоз со удалтон –
Келясь пальпотонэн воректыса ,
Бӧрсям огпол учкоз на яратон.”
108
* * *
Кабакулын, кызьпуосы улын
Кызьпу куаръѐс каллен шильыртыло.
Мынам азям ненег буѐлъѐсын
Тынад выросъѐсыд воректыло.
Мӧзьмыт мыным, мӧзьмыт ке но, умой –
Мынам пушкам туннэ сыӵе югыт –
Быдэс нунал туннэ ни узырмо,
Муспотонэ, тынад буѐлъѐсыд.
Тонэн гинэ, тонэн гинэ туннэ
Ваньмыз мынам пушкам пачылмемын.
Та уй пеймыт нюртэ ке но монэ,
Сыӵе шуныт, сыӵе капчи мыным.
109
* * *
Шокчиз ке тӧл шуныт палдурысен.
Лымы кадь куаш! усѐ липет вылысь.
Озьы, кызьы шуак тодэ усе
Чик витьымтэ но малпамтэ шорысь...
Лымы кадь куаш усѐ но шунало,
Буслы пӧрмо, каллен эзылыса.
Ыртӧл кадь йырсидэ маялляло,
Тулыз зынъѐс пӧлын секытаса.
Сяська-а дыректоз, лысву-а чилектоз,
Котмем возьѐс-а шуак адскозы –
Мынам лулы нош ик ӟечырскылоз
Тодмо но яратӥсь куараосын.
Тынад ненег, шуныт синкылиед
Бамтӥд гылӟоз, ӟардон кадь ӝуаса.
Пыд улысьтыд шузи кузьылиен
Басьто мон синвудэ ...
чуп карыса...
110
* * *
Ветлом али,
ветлом ай асьмеос ӵошен
Пичи гинэ,
капчи гинэ пыжен –
Тулкымъѐсты полысалом каллен
Малпаськытэк пеллясь ыртӧл выллем.
Нош вӧзамы уй сюресчи – толэзь
Тулкым вылын ассэ нуныялоз:
Дунне гурез шӧдӥсь уӵыослэсь
Мылкыдъѐссэс эшшо но бурдъялоз.
Соку кыштыр ӝутскоз уй катанчи,
Пыжмы купанчаос доры дугдоз –
Мылкыдъѐсмес ӟечыратоз Чупчи,
Нош Вукузѐ...
тулкымъѐсмес лыдӟоз...
111
* * *
Тонэ сюлмы каре мытын,
Нош тон сыӵе но кыдѐкын.
Отын тон – уйвӧтась гуртын,
Мӧзмыт пиштӥсь укно дурын.
Мӧзмыт пиштӥсь укно дурын
Чылкыт ни вожектэ турын.
Чылкыт со вожектэ турын
Мӧзмыт пиштӥсь укно дурын.
Монэ веша со, либатэ,
Азьланезлы оскон сѐтэ.
Нош сюлэмы бӧрдэ, бӧрдэ,
Уд лу тон монэным артэ.
Зарезь вӧзам мон сылӥсько,
Ачим сое тулкымъясько.
Мӧзмыт со тулкымъѐс ӝутско,
Тынад синъѐсыныд учко.
112
* * *
Шуо: нырысь суредано.
Но мон уг суреда тонэ –
Сотэк но тон мыным дуно,
Одӥг гинэ шумпотонэ.
Шуо: буѐлъѐссэ но ай
Син кудӟымон пыӵатоно.
Но мон тонэ уг чеберъя –
Сотэк но тон мыным дуно.
Шуо: мылкыд но, пе, кулэ,
Мед вырӟытоз, пе, сюлэмез.
Тонэн мон пырисько тылэ,
Малы юнме кыл быдтонэз?
Шуо: крезьгур но мед шӧдскоз.
Мед куанозы, — шуо, — пельѐс.
Крезьгур ачиз ик вордӥськоз,
Пумиськимы ке асьмеос.
Визьлы, — шуо ай, — сѐтоно
Чорыг сямен пальккаськыны.
Но визь сярысь шат малпано,
Тонэ кылдэ ке адӟыны?
113
* * *
Аръѐс ортчо но йыр – а пороме,
Ӧвӧлтэмзэ но вань карем потэ.
Нылмурт тӥни пуксем бусы пуме,
Синвуоссэ со мынэсьтым ватэ.
Лӧбак гинэ ӝутэ йырсиоссэ -
Тылгизьыос воректыло отын,
Шузи сюлмы солэсь малпанъѐссэ
Малы ке но аслыз каре матын.
Ай дас тямыс но вылымтэ солы,
Чупрес нырыз сыӵе но йӧспӧртэм.
Мон оскисько бездэм шудбурелы,
Нош со, шудо, ассэ малпа шудтэм.
Чебер ай тон ичи йырвизьмыныд,
Отын ик шудбуред тынад, нылок.
Тон быгатод на нош – нош паймыны,
Ай кӧня пол шудо воректылод!
Чуръѐс вискысь астэ но адӟыса,
Кескич пепертылод ымдуръѐсты.
Нош мон эшшо но, дыр, шузимыса,
Весь утчало ӧвӧл малпанъѐстэ.
114
ВИЗЬКЫЛ
Ой, шузие, ой, визьтэме мынам,
Ноку но визьмо эн луы, ява.
Йырсидэ но мон понна эн сына,
Кельшины туртто тыныд уг яра.
Тон эн вера, номыр но эн вера
Шокчылы эшшо но шузигем.
Умойтэм – а со яке чебер – а –
Ачизъя ик радъялоз сюлэм.
Сюлэмлы чебер кылъѐс кулэ шат?
Сюлэмлы тон мед луод визьтэм.
Сюлэмез вераськонэн уд веша,
Сюлэмлэн яратонэз кылтэм.
115
ШЕПЪЯСЬКОН
116
ЛУЛ ТУЛКЫМЪЁС
Тулыс гудыри,
Тон эн шуд монэн,
Сюлэмы ӝожен
Курисько тонэ.
Гудыръя, ойдо,
Мукетгес палан –
Мон гондыр кудо
Медло тапалан.
Кудоед шудоз
Гондырез ванен,
Со тонэ удоз
Чечыен, нянен.
Со луоз выныд
Но эшед матысь,
Кузпалъѐс тыныд
Со быръѐз татысь.
Тупала, эше,
Ай вазьгес отчы.
Ай инвис гожед
Адӟиське лэчыт.
Ай инвисанэд –
Сьӧд бергась кусо –
Эгеса монэ
Мусолэсь мусо.
Эгеса монэ
Инвисо Монэд.
Эгесо Монэд
Инвиса монэ.
Кинлы ке йылсо,
117
Кинлы ке мусо
Эгесо монэн
Инвисо монэ.
Гудыри, эше,
Валаськод ук тон,
Сюлэмы ӝожен
Шудӥсько ук мон.
Сюлэмы ӝожен
Курисько, лэся,
Та тулысэныд
Монэ эн кеся.
118
ПУШТРОСЭЗ
Гажано лыдӟись эше! .................................................................................... 3
БЕРЫТСКОН
Одӥг шорысь - ог шоры вылон ................................................................. 8
Ог шорысь- ог шорытэм .................................................................................. 9
Ог шорытэм ................................................................................................. 10
"Ошиськон" .................................................................................................. 11
Муньылон азьысь кызлэн уйвӧтэз .................................................................. 13
Ог шоры ньылон азьын ................................................................................. 14
Кулон .......................................................................................................... 15
Из пальпотон ............................................................................................... 16
Йыр ке йыр... ................................................................................................ 17
Пыд ке пыд... ............................................................................................... 18
Уй ............................................................................................................... 19
Тӥрлэн чилектонэз ........................................................................................ 20
Вож тыллэн кырӟанэз .................................................................................... 22
Ин ӟарекъян ................................................................................................. 23
Палашен шонаськыны .................................................................................. 24
Дышетон гур ................................................................................................ 24
Киез - пыдэз ожтӥрлыклы .............................................................................. 26
Берыктон дыр .............................................................................................. 26
Ожбусы вылэ султон .................................................................................... 28
Ожтирлык шерон гуръѐс ............................................................................... 29
Ож бервыл яраосы зыран бальзам ............................................................... 32
Камикадзе ................................................................................................... 33
119
"Унябей" ...................................................................................................... 35
Азѐ - беро кыл .............................................................................................. 36
ГУМЫЛЬСКОН
Куинетӥ синэз усьтон ................................................................................... 38
Эркынаез усьтон .......................................................................................... 39
Медитация ................................................................................................... 41
Эриктэм яратон ............................................................................................ 42
Уйсыос ........................................................................................................ 43
Демократия но эркынай ................................................................................ 44
Вылласянь ................................................................................................... 45
Пушласянь .................................................................................................. 46
Нырысетӥ учкон ........................................................................................... 47
Кыкетӥ учкон ................................................................................................ 48
Куинетӥ учкон .............................................................................................. 49
"Пу - пу" сизьлы сизьым сизен ....................................................................... 51
Мургетон ..................................................................................................... 59
Герӟет ......................................................................................................... 60
"Чорыг кутон" кырӟан .................................................................................... 62
Сайканъѐс ................................................................................................... 64
Карамзинлы ................................................................................................. 70
КЫМАЛСКОН
Солэн бус сульдэрз ...................................................................................... 72
Солэн зэмос сульдэрез ................................................................................ 73
Курегъѐслы кырӟан ....................................................................................... 84
Метаморфозаос ........................................................................................... 86
ЛУЛЪЯСЬКОН
Тон кин? – шуиз чупаськеммы бере... ............................................................. 94
Тынад монэн тодматскемед потэ вал ........................................................... 95
120
Юанэдлы юан гинэ сѐто.............................................................................. 96
Адӟылӥ вал, синъѐсыд тынад ........................................................................ 97
Тодскод на ай, отынкуро люкын... ................................................................ 98
Бусы вылысь ӧз тӧлӟы на лысву ................................................................... 99
Ӟольгыри со ӟольгыри ................................................................................. 100
Тон мынам! ................................................................................................ 101
Тон акшанысь потӥд – сьӧд йырсиѐ... ........................................................... 102
Малы толэзь мыным, малы инбам? ............................................................. 103
Яке тулкымо, яке тулкымтэм ........................................................................ 104
Мон кышасько, шуид тон, мынэсьтым... ........................................................ 105
Бурдо тыло ................................................................................................ 106
Мон чеберез валай, кудӥз понна .................................................................. 107
Кабакулын, кызьпуосы улын ...................................................................... 108
Шокчиз ке тӧл шуныт палдурысен. ............................................................... 109
Ветлом али ветлом ай асьмеос ӵошен……………………………………………….110
Тонэ сюлмы каре мытын ............................................................................ 111
Шуо: нырысь суредано. ............................................................................... 112
Аръѐс ортчо но йыр – а пороме .................................................................. 113
Визькыл ..................................................................................................... 114
ШЕПЪЯСЬКОН
Лул тулкымъѐс .......................................................................................... 116