heimurinn er fullur af litlum heimum mismunandi notkun ......heimurinn er fullur af litlum heimum...
TRANSCRIPT
Heimurinn er fullur af litlum heimum
- Mismunandi notkun tengslaneta íslenskra stjórnenda með annarsvegar
erlenda reynslu og hins vegar eingöngu innlenda reynslu
Erla Hjördís Gunnarsdóttir
MS ritgerð Stjórnun og stefnumótun
Viðskiptafræðideild
Febrúar 2016
2
MS ritgerð í Stjórnun og stefnumótun
Heimurinn er fullur af litlum heimum
- Mismunandi notkun tengslaneta íslenskra stjórnenda með annarsvegar
erlenda reynslu og hins vegar eingöngu innlenda reynslu
Erla Hjördís Gunnarsdóttir
Lokaverkefni til MS-gráðu í viðskiptafræði
Leiðbeinandi: Magnús Þór Torfason lektor
Viðskiptafræðideild
Félagsvísindasvið Háskóla Íslands
Febrúar 2016
3
Heimurinn er fullur af litlum heimum.
Ritgerð þessi er 30 eininga lokaverkefni til MS prófs við Viðskiptafræðideild,
Félagsvísindasvið Háskóla Íslands.
© 2016 Erla Hjördís Gunnarsdóttir
Ritgerðina má ekki afrita nema með leyfi höfundar.
Prentun: Háskólaprent
Reykjavík, 2016
4
Útdráttur
Tengslanet er mikilvægt tæki fyrir stjórnendur í atvinnulífinu sem getur, sé það rétt
notað, skapað þeim forskot og ávinning í starfi. Það er mismunandi hvernig fólk nýtir og
notar tengslanet sín og meðal annars hefur verið sýnt fram á að kynin nota þau á ólíkan
hátt. Í þessari ritgerð verður varpað fram niðurstöðum úr rannsókn á því hvernig
stjórnendur nota tengslanet, hugsanlega á ólíkan hátt, eftir reynslu og eins eftir mun á
kynjum. Félagsleg tengslanetagreining (e. social network analysis) er tiltölulega ung
fræðigrein og hefur lítið verið nýtt á Íslandi. Kraftur tengslaneta felst í því hvern maður
þekkir og eru árangursríkar skipulagsheildir og samfélög í æ ríkara mæli að horfa til
krafta öflugra tengslaneta og áhrifa þeirra. Gert er grein fyrir félagslegri
tengslanetagreiningu (e. social network analysis), veikum og sterkum tengingum (e. weak
ties and strong ties) ásamt holrýmum (e. structural holes) sem eru notuð til útskýringar á
tengslanetum. Tengslanet snúast að mestu um að ná samkeppnisforskoti sem
einstaklingur og fyrir sína skipulagsheild með því að hafa betra aðgengi að upplýsingum
sem er forsenda þess að aðilar geti tekið ákvarðanir. Rannsóknin, sem þessi samantekt
byggir á, er eigindleg og byggir á eigindlegum viðtölum. Leitast var svara við því
hvernig íslenskir stjórnendur, með erlenda starfs- eða námsreynslu annars vegar, og
einungis innlenda starfs- eða námsreynslu hins vegar, nýta tengslanet sín, byggja þau upp
og hafa ávinning af þeim. Niðurstöður benda til að stjórnendur með erlenda reynslu nýti
sér tengslanet á annan hátt heldur en stjórnendur með innlenda reynslu, það er, út frá
hugmyndalegu sjónarmiði á meðan innlendu stjórnendurnir sjá hag sinn í notkun
tengslaneta út frá aðgengi að upplýsingum. Þegar fjallað er um hugmyndalegt sjónarmið
á það ekki endilega við að fá nýjar hugmyndir heldur til að fá viðurkenningu á ákveðnum
sjónarmiðum. Aðgengi að upplýsingum snýr að því forskoti sem viðkomandi hefur þegar
hann hefur gott aðgengi að upplýsingum. Konur virðast treysta sínum tengiliðum betur
en karlmenn og þá sérstaklega konur með erlenda reynslu. Einnig bendir ýmislegt til þess
að stjórnendur með erlenda reynslu séu duglegri en aðrir hópar við að byggja upp
tengslanet sitt með markvissum hætti.
5
Abstract
Social network is an important tool for managers in the economy which can, if it is used
correctly, create advantage and benefits in their jobs. It is diverse how people employ and
use their social network and it has been demonstrated that men and women use it in
different ways. In this thesis the results will be lined up from the research on how
managers use social networks, potentially in a different way due to their experience. It
will also show the differences in using social networks between men and women. Social
network analysis is a relatively young discipline and has not been used much in Iceland.
The power of social networks refers to the circle one knows. Succesful businesses are
looking more to the power of intensive social networks and the effects they have. Social
network analysis, weak and strong ties and structural holes, among other things are used
to explain social networks. The role of social networks is mostly to gain competitive
advantage as an individual and for the relevant business by having better access to
information which is a premise for partners to make decisions. The research, which is the
foundation for this summary, took place with qualitative interviews where the researcher
looked for answers about how Icelandic supervisors with foreign job- or education
experience in contrast with same national experience use their social networks, how they
build them up and gain benefits from them. The outcome shows that managers with
foreign experience use social networks in a different way then managers with the same
national experience, that is, more idea-based network while the managers with national
experience use it to get better access to information. When discussing idea-based network
it is not necessary about getting new ideas but to gain approval for certain views. Access
to information is about the advantage which one gains when he or she has good access to
information. Women seem to trust their contacts better then men and especially women
with experience from abroad. The research indicates that managers with foreign
experience are more efficient than other colleagues building up their social networks.
6
Formáli
Ritgerð þessi er lokaverkefni til meistaraprófs í Stjórnun og stefnumótun við
viðskiptafræðideild Háskóla Íslands og er vægi hennar 30 einingar (ECTS). Leiðbeinandi
er Magnús Þór Torfason lektor og færi ég honum bestu þakkir fyrir að hafa kynnt mig
fyrir tengslanetum í upphafi námsins ásamt góðri leiðsögn við vinnslu rannsóknarinnar.
Fjölskyldu minni verð ég að þakka af einlægni fyrir þolinmæðina og skilninginn á þeim
tíma sem ég stundaði meistaranámið og vann þetta meistaraverkefni. Kann ég Guðbjörgu
Helgu Jóhannesdóttur og Katrínu Maríu Andrésdóttur einnig bestu þakkir fyrir að drífa
mig áfram og vera góðir vegvísar á þessari leið að settu takmarki ásamt því að taka að sér
yfirlestur og koma með gagnrýnar athugasemdir. Systur minni, Önnu Sigríði
Gunnarsdóttur þakka ég einnig fyrir prófarkalestur og glöggt auga ásamt Guðrúnu Björk
Kristjánsdóttur. Kennurum og samnemendum úr náminu þakka ég kærlega fyrir alla
tímana, vangavelturnar og þá víðsýni sem hlaust af samskiptum við þá. Viðmælendur
mínir fá sérstakar þakkir fyrir að hafa gefið mér af tíma sínum til að tala við mig og lýsa
fyrir mér upplifunum sínum á viðfangsefninu, án þeirra hefði rannsóknin aldrei orðið að
veruleika.
Ålvik í Noregi, 25. nóvember 2015
Erla Hjördís Gunnarsdóttir
7
Efnisyfirlit
Útdráttur .......................................................................................................................... 4
Abstract ........................................................................................................................... 5
Formáli ............................................................................................................................ 6
Efnisyfirlit ....................................................................................................................... 7
Myndaskrá ....................................................................................................................... 8
Töfluskrá ......................................................................................................................... 8
1 Inngangur …………………………………………………………………………...9
2 Fræðilegt yfirlit ........................................................................................................ 11
2.1 Uppbygging tengslaneta ................................................................................... 11
2.2 Mikilvægir eiginleikar tengslaneta, holrými og traust ...................................... 15
2.3 Notkun tengslaneta í viðskiptasamhengi .......................................................... 18
2.4 Tengslanet í mismunandi menningarheimum ................................................... 22
2.5 Félagsleg tengslanet .......................................................................................... 24
2.6 Tengslanet og Ísland ......................................................................................... 27
3 Rannsóknaraðferð .................................................................................................... 29
3.1 Val á rannsóknarvettvangi ................................................................................ 29
3.2 Val á viðmælendum .......................................................................................... 30
3.3 Framkvæmd viðtala .......................................................................................... 31
3.4 Greiningarferlið ................................................................................................ 32
4 Niðurstöður .............................................................................................................. 37
4.1 Fjórir lykilþættir ................................................................................................ 37
4.2 Notkun og uppbygging tengslaneta .................................................................. 38
4.3 Aðgengi að upplýsingum .................................................................................. 43
4.4 Sterkar sem veikar tengingar hjálpa .................................................................. 47
4.5 Traust er lykilatriði ........................................................................................... 50
4.6 Ytra umhverfið og ákvarðanataka ..................................................................... 54
4.7 Samfélagsmiðlar og erlend tengsl ..................................................................... 56
5 Umræða og samantekt.............................................................................................. 61
Heimildaskrá ................................................................................................................. 66
Viðaukar ........................................................................................................................ 69
Viðauki 1 – Viðtalsrammi ............................................................................................. 69
Viðauki 2 – Kynningarbréf til viðmælenda .................................................................. 70
Viðauki 3 – Lykilatriði (Lykilatriði og Lýsing, 20 atriði) ............................................ 71
Viðauki 4 - Hugtakalisti ................................................................................................ 75
8
Myndaskrá
Mynd 1: Átta manngerðir Mayer, Davis og Schoorman .............................................. 13
Mynd 2: Veik tengsl og sterk tengsl (e. weak ties and strong ties) ............................. 16
Mynd 3: Holrými tengslaneta (e. structural holes) ....................................................... 17
Mynd 4: Sýnishorn af tengslaneti meðalmanneskju ..................................................... 20
Mynd 5: Félagsleg tengslanetagreining (e. social network analysis) ........................... 25
Töfluskrá
Tafla 1: Lýsing á viðmælendum rannsóknarinnar .... Error! Bookmark not defined.34
Tafla 2: Byggja upp tengslanet markvisst eða ómarkvisst ........................................... 41
Tafla 3: Nýta tengslanet til að fá hugmyndir eða aðgengi að upplýsingum ................. 46
Tafla 4: Yfirlit yfir traust til tengiliða og ekki traust eða hlutleysi ............................... 52
9
1 Inngangur
Tengslanet eru einn af þeim lykilþáttum sem þátttakendur úti í atvinnulífinu verða að
hafa yfir að ráða ef þeir ætla að njóta velgengni í starfi. Starfsmaður með gott og öflugt
tengslanet hefur samkeppnisforskot á mörgum sviðum, svo sem þegar kemur að því að
viðra hugmyndir á ólíkum stöðum, afla sér upplýsinga þar sem fram koma ólík sjónarmið
og getur þess vegna haft forskot til ákvarðanatöku. Tengslanet sameinar fólk og getur þar
af leiðandi leitt af sér aukið og betra samstarf milli aðila, eflt samstöðu þess og þekkingu.
Þrátt fyrir að tengslanet hafi verið til lengur en elstu menn muna þá eru fræðin um
tengslanet tiltölulega ung grein. Tengingar og samskipti fólks í tengslaneti mætti útskýra
sem punkta sem tengjast saman í netum, stundum mörgum og mynda eins konar
netakerfi. Þannig er hægt að líta á gott, virkt og öflugt tengslanet sem verðmæta auðlind
hvers og eins einstaklings en ekki síður fyrir skipulagsheildir.
Tilgangur með rannsókninni var að kanna hvernig íslenskir stjórnendur í
fjármálageiranum nýta tengslanet sín eftir því hvort þeir hafa erlenda starfs- eða
námsreynslu eða eingöngu innlenda reynslu. Þessi þáttur hafði ekki verið rannsakaður
áður á Íslandi og því ný nálgun í rannsóknum á notkun stjórnenda á tengslanetum
hérlendis.
Í rannsókninni var horft til þriggja meginþátta, það voru bakgrunnur viðmælenda
og reynsla, hvort munur væri á notkun tengslaneta milli kynja og hvernig stjórnendur í
fjármálageiranum nýta tengslanet sín. Á Íslandi hefur áður verið kannað hvernig munur
kemur fram hjá kynjum varðandi notkun tengslaneta en ekki hefur verið rannsakað
hvernig stjórnendur í fjármálageiranum nýta, þróa og nota sín tengslanet. Það viðmið sem
vó þyngst í rannsókninni var að kanna hvort munur væri á reynslu viðmælenda og því
hvernig þeir nýta tengslanet sín.
Rannsóknarverkefninu er skipt upp í nokkra kafla. Í fyrsta kafla á eftir inngangi er
fræðilegur kafli þar sem leitast er við að útskýra tengslanetafræðin. Þar að auki er horft til
mikilvægi tengslaneta og mismunandi þátta innan þeirra sem hafa áhrif á dínamík í
hverju neti fyrir sig. Einnig er fjallað um tengslanet í ólíkum menningarheimum og
ákveðnu viðskiptasamhengi ásamt því að farið er yfir rannsóknir sem framkvæmdar hafa
verið á Íslandi er lúta að tengslanetum.
Í seinni hluta verkefnisins er rannsókn sem byggir á eigindlegri rannsóknaraðferð
þar sem niðurstöður úr hálfopnum viðtölum við tólf stjórnendur í fjármálageiranum eru
10
settar fram og greindar. Með rannsókninni var leitast við að fá fram niðurstöður við
rannsóknarspurningunni:
Nýta íslenskir millistjórnendur tengslanet á ólíkan hátt eftir því hvort þeir hafa reynslu
af því að stunda nám og vinnu erlendis eða hafa eingöngu reynslu hérlendis frá? Er
munur á hvernig kynin byggja upp og nýta sér tengslanet sín?
Niðurstaða úr rannsóknarþætti verkefnisins verður tekin saman í umræðu- og
samantektarhluta þess þar sem upplifun og reynsla viðmælenda á notkun þeirra,
uppbyggingu og þróun á tengslanetum er skilgreind. Þar að auki verða niðurstöður teknar
saman og settar fram.
Ákveðnar vísbendingar eru um, út frá niðurstöðum rannsóknarinnar, að viðmælendur
með erlenda reynslu nýti sér tengslanet sín á annan hátt heldur en viðmælendur eingöngu
með innlenda reynslu. Einnig benda niðurstöður til þess að viðmælendur með erlenda
reynslu séu meðvitaðri um að byggja upp tengslanet sín á markvissari hátt heldur en aðrir
hópar.
11
2 Fræðilegt yfirlit
Markmið verkefnisins er að kanna hvernig íslenskir millistjórnendur nýta sér tengslanet í
sínum störfum, hvernig þeir byggja það upp og hvort þeir beiti kerfisbundinni styrkingu á
því eða stækkun. Einnig er kannað hvernig þessir sömu stjórnendur nýta tengsl sín í
gegnum tölvupóstsamskipti og samfélagsmiðla, hvort þeir hafi nýtt sér tengslanet sitt til
áhrifa í starfi og hvernig þeir upplifa að samstarfsfélagar þeirra nýti sér tengslanet sín í
starfi.
Í rannsókninni eru bornir saman tveir hópar, annars vegar þeir sem hafa eingöngu
innlenda starfs- eða námsreynslu og hins vegar þeir sem hafa erlenda starfs- og
námsreynslu. Kannað er hvort munur sé á notkun tengslaneta hjá þessum hópum. Í
rannsókninni var helmingur þátttakenda konur og hinn helmingurinn karlmenn þar sem
helmingur kvennanna hafði einungis innlenda reynslu og hinn erlenda. Sama skipting var
á karlmönnum varðandi reynslu.
Í næstu köflum verður kafað dýpra í fyrri rannsóknir á tengslanetum, eiginleikum
þeirra og hvernig þau eru byggð upp. Þar að auki verður horft til tengslaneta í
mismunandi menningarheimum, tengslanet í viðskiptalegu samhengi og farið yfir sumar
af þeim rannsóknum sem framkvæmdar hafa verið á Íslandi sem tengist málefninu.
Markmið með köflunum er að gefa betri sýn á hvað hugtakið tengslanet er og hvernig
þessi rannsókn kemur með nýtt sjónarhorn inn í málaflokkinn út frá fyrri rannsóknum hér
heima og erlendis.
2.1 Uppbygging tengslaneta
Það er mismunandi hvernig fólk byggir upp tengslanet sitt og nýtir það í einkalífi eða
vegna starfs og fer það jafnan eftir manngerð hvers og eins hvernig því er háttað. Einnig
fer það oft á tíðum eftir eðli vinnu hvers og eins hvernig einstaklingar nýta sér og þróa
með sér tengslanet í sinni skipulagsheild. Þar að auki er mismunandi eftir einstaklingum
og jafnvel kynjum hvort tengslanetin eru byggð upp á markvissan hátt eða ekki.
Tengslanet hafa verið til frá örófi alda en hagnýting þeirra hefur breyst í tímans
rás samhliða þróun mannsins. Í dag er þekkt að athafnafólk í atvinnulífinu og víðar nýti
12
sér tengslanet til að auka samkeppnishæfni sína og þar með samkeppnisforskot sinna
skipulagsheilda og til að byggja upp ný tækifæri.
Upplýsingar flæða eftir óformlegum leiðum í starfi skipulagsheilda í gegnum
tengslanet og eru mikilvægur þáttur í skipulagi fyrirtækja. Ef tengslanetið er þéttriðið þá
flæða upplýsingar hraðar en ef tengslanetið er lausriðið þá flæða þær hægar. Munur er á
hvernig einstaklingar innan ólíkra menningarsamfélaga nýta sér tengslanet. Reynsla er
einnig þáttur sem hefur áhrif á nýtingu tengslaneta. Enn fremur er munur á kynjum
hvernig þau upplifa tilgang með notkun sinni á tengslanetum.
Hvaða þýðingu hefur tengslanetið fyrir stefnu og uppbyggingu
skipulagsheildarinnar, hvaðan koma áhrifin og hvað gerist þegar ágreiningur kemur upp?
Hvaða aðilar tengjast og hafa mikilvæga þýðingu innan skipulagsheildarinnar? Hvar
koma jákvæð áhrif fram í samskiptum og gjörðum starfsmanna? Hvernig nýta starfsmenn
tengslanet til að öðlast aðgang að upplýsingum, auðlindum og fleiru? Hefur það áhrif á
niðurstöðu í ákveðnum málum hvernig starfsmenn nýta sér tengslanet?
Það eru jafnan þrír áhersluþættir sem horft er til þegar tengslanet eru skoðuð og
þeir eru:
Tengslanet hafa áhrif á útkomu lykilþátta í aðgerðum fólks. Svo sem aðgengi að
upplýsingum, að afla hugmyndum fylgis og flýta fyrir ákvarðanatöku svo dæmi
séu tekin.
Eðli úrræða sem fæst með tengslanetum hefur áhrif á grunnstöðu fólks. Með
grunnstöðu er átt við félagslega hæfni og tengingar/samband við aðra í svipaðri
félagslegri stöðu.
Eðli úrræða sem fæst með tengslanetum hefur áhrif á styrk tengsla (Lin, 2001).
Meðlimir ólíkra menningarsvæða eru mismunandi eftir þéttleika vinnu þeirra og
vináttu, það er, hversu mikilli vináttu þeir deila í vinnunni. Atferli þeirra á vinnustað
fjallar um hvert lykilhlutverk þeirra er í tilfinningalegum tengslum og hvort fólkið sem
það sækir upplýsingar hjá sé einnig það sem veitir huggun og tilfinningalegan stuðning.
Þetta fer eftir styrkleika tengslanna, líftíma þeirra og hvort samböndum tengslanetanna sé
beint upp á við, til hliðar eða niður á við (Thompson, 2012).
Stjórnendur í efstu stöðum skipurits leita eftir aðstoð hjá nokkrum manngerðum
fólks, eða átta manngerðum. Þessar átta manngerðir hafa mismunandi mikið af getu,
13
heiðarleika og velvilja. (Sjá mynd 1). Manngerðirnar má skýra sem stjörnuleikmanninn,
stranga sannleiks-leikmanninn, siðferðilega áttavitann, áreiðanlega félagann, hliðholla
stuðningsmanninn, samningsaðilann og klappstýruna. Stjórnendur sem eru klókir vita
hvaða stuðning hver og ein af þessum manngerðum getur gefið af sér. Manngerðir sem
hægt er að treysta á bæta ákvarðanatökuna, afla fleiri úrræða og draga úr streitu (Mayer,
Davis og Schoorman, 1995).
Mynd 1: Átta manngerðir fólks. Samkvæmt Mayer, Davis og Schoorman leita stjórnendur í æðstu stöðum
eftir aðstoð hjá átta manngerðum fólks sem hafa mismunandi mikið af getu, heiðarleika og
velvilja (1995).
McGrath og Zell rannsökuðu stuðningstengslanet fimmtíu háttsettra
framkvæmdastjóra í Fortune, 50 tæknifyrirtækjum sem eru á Forbes-listanum. Þær
14
studdust við fyrri rannsóknir Mayer og könnuðu hvernig leiðtogar mátu virði tengslaneta
og kortlögðu við hverja stjórnendur höfðu samráð, eftir eðli erinda sem þeir eiga hverju
sinni. Þátttakendur héldu dagbók yfir allt fólk sem það sótti mismunandi ráð hjá, tóku
fram landfræðilega staðsetningu þess, samstarf innan sömu atvinnugreinar,
innbyrðisstöðu, staðsetningu í framboðskeðjunni og mat á áreiðanleika tengiliðsins.
Rannsóknin sýndi að háttsettir leiðtogar hafa mikla trú á virði tengslaneta bæði til að
fylgjast náið með þróun greinarinnar og sem leið til að bæta þekkingu. Einnig kom fram
að traust er lykilatriði hjá framkvæmdastjórum. Efstu stjórnendur hugsa taktískt um
hvernig ráð þeir vilja sækja hjá hvaða manngerð með lágmarksáhættu að leiðarljósi. Að
sama skapi finna stjórnendur það oftast út að eftir því sem þeir klifra metorðastigann
hærra því fækkar í tengslaneti þeirra af fólki sem það virkilega treystir (McGrath og Zell,
2009).
Mikilvægi tengslaneta felst ekki hvað síst í því að með þeim er hægt að hafa áhrif
á annað fólk og þegar stjórnendur átta sig á tengslanetum innan sinna skipulagsheilda þá
hefur það áhrif á hvernig fólk vinnur innan þeirra. Tengslanet gegna tvíþættu hlutverki,
það er, til að ná í upplýsingar sem geta nýst og einnig til að hafa áhrif og afla stuðnings
við verkefni, ákvarðanir, stefnu, fjárveitingar o.fl. Uppbygging tengslaneta skiptir
gríðarlega miklu máli í þessu sambandi. Aðili sem veit hvernig hann á að byggja upp sitt
tengslanet til að öðlast frekari tækifæri veit hverja hann vill mynda sterk tengsl við og
vinnur markvisst að því.
Hagfræðingurinn Malcolm Gladwell kom fram með hugmyndina um „lögmálið
um hina fáu“ þar sem hann fullyrðir að árangur verði fyrst og fremst til vegna þátttöku
fólks sem sé gætt sjaldgæfum félagslegum gjöfum. Gladwell kallar þessa meginreglu
„80/20“ sem er hugmyndin um að í kringum 80% af vinnunni sé framkvæmd af 20%
þeirra sem taka þátt í henni. Þessu fólki lýsir hann sem tengjendur, það er, fólk í
samfélagi sem þekkir ákveðið mengi fólks og hefur öflugt tengslanet. Þetta fólk hefur
bæði ríkjandi sterk og veik tengsl og þannig þekkir það fólk á ólíkum sviðum
þjóðfélagsins. Þetta eru manneskjur, að mati Malcolm, sem eru gæddar þeim einstaka
hæfileika að geta fært heiminn saman með tengingum sínum. Það sem einkennir þetta
fólk er ákveðinn persónuleiki sem nær að samhæfa forvitni, sjálfsöryggi, félagsfærni og
orku til að mynda ný tengslanet og halda í þau (Gladwell, 2000).
Það sem skiptir ekki eingöngu máli er hvað þú veist heldur hverja þú þekkir. Þrjár
víddir tengslaneta sem eru gagnlegar við félagsgreiningu eru þéttleiki, nálgun og
15
miðlægni, (e. density, approach and centralization). Þéttleiki tengslaneta vísar til
víðfeðmi tenginga milli fólks og er mælt með því að bera saman heildarfjölda tenginga
sem eru til staðar til mögulegs fjölda sem myndi eiga sér stað ef allir í tengslanetinu væru
tengdir við hver annan. Nálgun vísar til tilvistar á mynstrum milli tveggja manneskja
sama í hvaða fjarlægð tengingin er. Manneskjur geta verið staðsettar með mörgum
milliliðum sem geta óbeint verið tengdir við hver annan. Miðlægni manneskju í
tengslaneti er ákvörðuð af tveimur þáttum:
1) Heildarfjarlægð frá aðalmanneskju til allra í tengslanetinu.
2) Heildarfjöldi í tengslanetinu sem aðalmanneskjan getur náð sambandi við.
Því fleiri manneskjur sem hægt er að ná til, því minni er samanlögð fjarlægð til þeirra og
því hærri er miðlægnin til aðalmanneskjunnar (Aldrich og Zimmer, 1990).
Eftir að hafa kynnt rannsóknina í inngangi verkefnisins er farið yfir uppbyggingu
tengslaneta og mikilvægi þeirra ásamt því að gera grein fyrir tengslanetum í alþjóðlegu
umhverfi. Einnig er farið yfir stöðu rannsókna á tengslanetum á Íslandi. Því næst er farið
yfir rannsóknaraðferð verkefnisins, val á þátttakendum, greiningarferlið og að endingu er
komið að niðurstöðukaflanum. Nýnæmi verkefnisins er að ekki hefur áður verið kannað á
Íslandi hvort reynsla fólks, með tilliti til tímabundinnar búsetu erlendis vegna náms eða
starfs, samanborið við búsetu einungis hér á landi hafi áhrif á hvernig það byggir upp og
nýtir tengslanet sín.
2.2 Mikilvægir eiginleikar tengslaneta, holrými og traust
Undanfarin ár og áratugi hefur sífellt færst í aukana hérlendis að stofnaðir eru
hagsmunahópar, efnt er til klasasamstarfs til að tengja saman ólíka aðila innan sömu
greinar og komið er á tengslanetahópum til dæmis til að virkja konur úti í atvinnulífinu.
Allar þessar framansögðu aðgerðir snúa að því að tengja saman leikendur, jafnt nátengda
sem fjartengda til að efla samstarf og mögulega til að ná samkeppnisforskoti á
einhverjum sviðum.
16
Tengslanet eru besta leiðin til að vera virkur í tengslum, njóta hugsanlega
ávinnings af þeim og til að bæta við nýjum tengslum. Það er ríkjandi hugmynd í
tengslanetafræðunum að flokka megi tengsl undir veik tengsl og sterk tengsl. Þegar aðilar
búa yfir sterkum tengslum er upplýsingaflæði í gegnum þá reglulegra og betra en ella.
Það stuðlar frekar að trausti og getur flýtt fyrir samkomulagi því fólk á oft í samskiptum.
Upplýsingar þessara aðila geta oft verið einsleitar en traustar. Þegar aðili býr yfir veikum
tengslum þá hefur sá hinn sami jafnan yfir nýjum og fjölbreyttum upplýsingum að dreifa,
veiku tengslin styðja frekar við nýsköpun en upplýsingaflæðið er óreglulegt (Granovetter,
1973). Sjá mynd 2.
Mynd 2: Sterk tengsl og veik tengsl.Myndin sýnir hvernig veik tengsl og sterk tengsl milli fólks geta virkað.
Þannig sýnir brotalínan veik tengsl og óbrotin lína sterk tengsl.
Þar að auki er talað um holrými (e. structural holes) í tengslanetum sem snýr að
því hvort tengiliðir manneskju þekki hver annan í gegnum hana. (Sjá mynd 3). Síðan eru
til opin tengsl þar sem aðilar búa til ný tengsl upp úr þurru og þekkja þar af leiðandi
marga aðskilda hópa en einnig lokuð tengsl þar sem vinir viðkomandi þekkja flestir hver
annan. Hér geta verið sterk tengsl þar sem fólk sýnir stuðning, samstöðu og traust sín í
milli. Fólki líður oft mjög vel í lokuðum tengslum. Það er mjög gott að vera með lokaða
hópa í tengslaneti og einnig tengsl þar sem fólk þekkist ekki. Það byggir oft á tíðum á
stöðugleika, áreiðanleika og getur leitt til árangursríkrar samþættingar við ýmis verkefni
(Greve, Rowley og Shipilov, 2014).
17
Mynd 3: Holrými. Hér má sjá hvernig holrými (e. structural hole) í tengslanetum myndast þar sem tveir
aðskildir hópar tengjast ekki innbyrðis þrátt fyrir að þeir tengist sama aðila.
Allir eiga sér einhvers konar tengslanet og þegar kemur að starfsfólki
skipulagsheilda þá getur það skipt máli hvernig tengslanet þeirra er uppbyggt og hvar
tengiliðir eru staðsettir í tengslanetinu. Það getur skapað þeim samkeppnisforskot og
starfsfólkið fengið hærri ávöxtun á fjárfestingu vegna þessa forskots. Uppbygging
tengslaneta er ekki notuð til að spá fyrir um viðmót eða hegðun heldur til að spá fyrir um
líkindi milli viðmóts og hegðunar (Burt, 1992).
Það er áskorun að fá fólk til að tala við einhvern fyrir utan félagslegt tengslanet
þess. Rannsókn, sem Ingram og Morris framkvæmdu árið 2007, sýndi að fólk blandar
ekki eins mikið geði við hvað annað eins og talið var áður, þegar vitað er fyrirfram um
tilgang þeirrar athafnar. Traust sem byggist á áhrifum (e. affect based) er ríkt hjá fólki
sem er með þétt tengslanet og hjá þeim sem veita félagslegan stuðning. Skilvitlegt (e.
cognitive) traust er hins vegar ríkara hjá þeim sem gegna lykilhlutverki á mörkuðum
(Ingram og Morris, 2007).
Traust byggt á skilviti hefur virðingu sem lykilhlutverk á meðan traust byggt á
áhrifum snýr að samúð, sambandi og afhjúpun. Þessar tvær tegundir trausts geta leitt til
mismunandi niðurstaðna í ákveðnum málum (Levin og Cross, 2004; McAllister, 1995;
Ng og Chua, 2006). Þannig lýsa Rempel, Holmes og Zanna því að skilvitlegt traust komi
frá hausnum (e. „from the head“), það er, útkoma sem byggist á sönnun þeirrar hæfni og
18
áreiðanleika annars aðila sem síðan byggist á upplýsingum um hegðun hans undir
ákveðnum kringumstæðum. Traust byggt á áhrifum kemur frá hjartanu (e. „from the
heart“), og eru tengsl sem verða til vegna eigin tilfinninga og skilningar á tilfinningum og
hvötum annars aðila. Hér sýna einstaklingar umhyggju fyrir velferð félaga sinna og trúa á
innri dyggð slíkra sambanda (Rempel, Holmes, & Zanna, 1985).
Þegar uppbygging skipulagsheilda þróast yfir í að verða flöt og mörk skipulags
breytileg verður hið fagmannlega tengslanet stjórnenda jafnvel enn mikilvægara en áður.
Í niðurstöðum rannsóknar Chua, Ingram og Morris á stjórnendum í MBA-námi við stóran
háskóla í Bandaríkjunum kom í ljós að stjórnendur treysta meðlimum í sínu tengslaneti á
ólíkan hátt eftir því hvernig þeir tengjast þeim. Kemur sá munur í ljós með því hvaða
tegund trausts fæst með mismunandi tengingum. Stjórnendur hafa meira traust til
meðlima sinna tengslaneta sem byggist á áhrifum og eru vinir þeirra, hafa veitt leiðsögn
vegna frama eða eru þétt tengdir þeim í tengslanetinu. Traust byggt á skilviti er ríkara hjá
þeim sem veita hugmyndaráðgjöf, fjárhagslega ráðgjöf eða leiðbeiningar vegna frama.
Hér hafa jákvæðar tengingar engin áhrif en neikvæðar tengingar draga úr þessari tegund
trausts (Chua, Ingram og Morris, 2008).
Í þessari rannsókn var meðal annars leitast við að kanna hvort viðmælendur beiti
kerfisbundinni styrkingu eða stækkun á sínu tengslaneti. Einnig hvort þeir væru yfir
höfuð meðvitaðir um notkun sína á tengslanetum og hvaða ávinningur gæti hlotist af því.
Hér á landi hefur notkun stjórnenda á tengslanetum í fjármálageiranum ekki áður verið
rannsakað. Traust og orðspor var öllum viðmælendum mjög hugleikið en misjafnt var
hvort viðmælendur treystu öllum í sínu tengslaneti eða ekki.
2.3 Notkun tengslaneta í viðskiptasamhengi
Samskipti í gegnum tölvur og samskiptamiðla eru daglegt brauð í lífi og starfi fólks í dag
og þar er starfsfólk í fjármálageiranum ekki undanskilið. Þó að tölvupósturinn og hin
ýmsu samskiptaforrit séu mikið notuð í starfi fólks í dag eru hin félagslegu „maður á
mann“ samskipti enn gríðarlega mikilvæg og kom það glögglega fram í viðtölum við
viðmælendur rannsóknarinnar.
19
Forsenda félagslegs auðs (e. social capital) er að félagslegt tengslanet hefur virði
og sú tilhneiging sem verður til í þessum tengslanetum að fólk geri hluti fyrir hvað
annað. Hér eru hagsmunir á ferð sem flæða saman í gegnum traust, gagnkvæmni,
upplýsingar og samvinnu. Það er í gegnum sambönd við félaga, vini og viðskiptavini sem
tækifæri kemur til að breyta fjárhagslegum auði (e. economic capital) og mennskum auði
(e. human capital) í hagnað. Félagslegur auður hefur úrslitaáhrif þegar kemur að
samkeppnisárangri og er úrræði sem tengiliður hefur og notar til að byggja upp tengiliði í
sínu tengslaneti. Fyrsta stigið, það er, fjárhagslegur auður, lýsir sér í því við hverja þú
byggir upp tengsl og það seinna, mennskur auður lýsir sér í hvernig þú nærð í
viðkomandi (Burt, 1992).
Þegar fólk þarfnast aðstoðar, eins og til dæmis upplýsinga eða úrræða, snúa þeir
sér oft strax að félagslega tengslaneti sínu. Þegar sú aðstoð býðst ekki notar fólk oft veik
tengsl eins og samband við kunningja eða ókunnuga. Gallinn á aðstoð í gegnum veik
tengsl er sá að upplýsingagjöfin eða aðstoðin gæti dregist eða verið lakari af gæðum. Í
hefðbundnum skipulagsheildum eru félagsleg tengslanet ákvörðuð af því hver ræðir við
hvern en í mörgum nútímaskipulagsheildum eru félagsleg tengslanet ákvörðuð af því
hver hefur samskipti við hvern í gegnum tæknina. Fólk sem er á jaðrinum og hefur
rafræn samskipti verður samþættara fyrirtæki sínu. Rafræn samskipti auka úrræði fólks
sem hefur tengslanet af lakari gæðum en geta líka dregið úr hefðbundnum samskiptum
hjá þeim (Eveland og Bikson, 1988).
Sumar skipulagsheildir, sérstaklega alþjóðlegar og í tækni- og
fjarskiptageiranum, reiða sig á tölvupóstsamskipti þar sem algengt er að starfsmenn
treysti á samskipti og aðstoð sem krefst ekki líkamlegrar nándar við samskiptaaðilann.
Hvatningin til að eyða tíma í að aðstoða einhvern sem er að kljást við vandamál og er
staðsettur í öðrum hluta heimsins er mjög lítil. Starfsmenn skipulagsheilda kjósa
venjulega að þiggja aðstoð í gegnum sterk tengsl við samstarfsmenn sína sem þróast í
gegnum nálægð við einstaklinginn og þekkingu (Thompson, 2012).
Rannsókn Robin Dunbar, mannfræðings við Oxford University, sýndi fram á,
fyrir nokkrum árum, að hinn vitsmunalegi kraftur heilans takmarkaði stærð á tengslaneti
sem nokkur einstaklingur af nokkurri tegund gæti þróað með sér. Hann framreiknaði eftir
stærð heila og tengslanetum apa og ályktaði sem svo að stærð á heila mannfólks gæti
leyft tengslanet upp að 150 manneskjum. Þessi kenning er þekkt sem númer Dunbars
20
(e. Dunbar number). McGee, Thomas og Wilson fjalla um númer Dunbars í bók sinni
Strategy: Analysis and Practice í samhengi við þá kjarnaþætti sem þarf til í hverri
skipulagsheild til þess að starfsmenn taki rétta stefnu og að ákvarðanatakan verði
árangursrík. Einn af þeim kjarnaþáttum eru tengsl starfsmanna jafnt innan sem utan
skipulagsheildarinnar og ekki hvað síst hvernig þeir nýta þau, þróa og nota (McGee,
Thomas og Wilson, 2010). Sjá hugmynd að tengslaneti meðalmanneskju í mynd 4.
Mynd 4: Tengslanet meðalmanneskju. Myndin bregður upp sýnishorni af því hvernig tengslanet
meðalmanneskju getur litið út.
Breytingar í viðskiptaheiminum munu ekki hægja á sér á næstu árum. Þvert á
móti er sennilegt að samkeppni í flestum greinum muni auka hraðann á næstu áratugum.
Skipulagsheildir um allan heim og starfsmenn þeirra munu kynnast jafnvel enn meiri
áskorunum og dásamlegum tækifærum sem eru drifin áfram af alþjóðavæðingu hagkerfa
ásamt tengdum stefnum sem snúa að tækni og félagslegum þáttum. Í hröðum heimi eru
tengsl og teymisvinna gríðarlega hjálpleg tæki nánast öllum stundum (Kotter, 1996).
21
Í gegnum vef tengslaneta í viðskiptaheiminum er ógerlegt að upplifa ekki
afleiðingar af samskiptum við aðra. Félagsleg tengslanet þýða að þó að ákveðnir
einstaklingar í skipulagsheildum hafi samskipti getur verið að þeir muni aldrei aftur hafa
samskipti og jafnvel aldrei sjá hver annan aftur. Skipulagsheildir þeirra munu mögulega
hafa samskipti aftur eða aðrir í félagsnetinu þeirra munu læra af samskiptunum, sem
getur haft áhrif á eðli samskipta skipulagsheildanna í framtíðinni (Thompson, 2012).
Af framansögðu má því sjá að starfsmenn skipulagsheilda í fjármálageiranum sem
og annarra skipulagsheilda þurfa góð tengsl og gott og öflugt tengslanet til að ná forskoti
og framúrskarandi árangri í sínu starfi. Þegar talað er um forskot er einn af mikilvægustu
þáttunum að hafa aðgengi að upplýsingum, jafnvel fyrr en keppinautarnir og hafa þannig
aðrar forsendur til að ljúka málum og ná góðum samningum. Það getur bæði gerst í
gegnum persónuleg tengsl eða í gegnum tæknina sem er orðinn ríkjandi þáttur við dagleg
störf flestra vinnandi starfsmanna í dag. Stöðugar tækninýjungar verða án efa um ókomna
framtíð en koma þó aldrei í stað líkamlegs atgervis og þeirrar nándar sem mannleg
samskipti gefa. Hér spilar tölvupósturinn og notkun samfélagsmiðla stórt hlutverk þar
sem bæði tólin geta gefið óskýra mynd af því hvar mörk einkalífs og vinnu liggja en eru
jafnframt afbragðs verkfæri til að styrkja og viðhalda tengslanetum.
Mikilvægi tengslaneta eru því gríðarleg jafnt hér á landi sem erlendis.
Fjármálageirinn er ekki undanskilinn og er mikilvægt fyrir starfsmenn innan hans að
huga að sínum fjárhagslega auði, það er, hvaða manneskjur það byggir upp tengsl við,
sem snýr síðan aftur að félagslega auðinum og því að ná samkeppnisárangri í gegnum
þessa þætti. Í þessari rannsókn er kannað hvaða sýn viðmælendur hafa á trausti, virðingu,
samskiptum og orðspori í sínu starfi. Einnig er kannað hvort þeir beri fullt traust til allra í
sínu tengslaneti og hvernig þeir upplifa að samstarfsfélagar nýta tengslanet sín innan og
utan skipulagsheildarinnar.
22
2.4 Tengslanet í mismunandi menningarheimum
Samskiptin og hvernig þau fara fram, líkt og fjallað var um í kaflanum hér á undan, eru
lykillinn að árangri. Þannig skiptir orðspor starfsmanna og skipulagsheilda einnig
gríðarlega miklu máli ásamt trausti sem er einn af lykilþáttum allra sterkra og góðra
tengslaneta í atvinnulífinu.
Tengslanet snúast að miklu leyti um traust og í ljósi þess er áhugavert að skoða
hvernig hin kínversku guanxi-tengslanet virka. Þau hafa aðallega verið skoðuð af
amerískum rannsakendum út frá því hversu ólík þau eru amerískum tengslanetum.
Guanxi-tengslanet snúast um djúpt traust sem byggist upp á mörgum árum, jafnvel
áratugum. Í Kína eru mörg hagkerfi í þróun og í viðskiptum er andrúmsloftið litað af
vantrausti. Vegna þessa byggja Kínverjar upp trauststengslanet sem byggjast á
fjölskyldutengslum og hafa gert í áraraðir. Utanaðkomandi aðilum finnst nánast
ómögulegt að komast inn í þessi tengslanet nema þeir hafi dvalið í Kína um langt skeið
(Rein, 2010).
Fjölskyldan hefur forgang í kínverskri menningu og táknar hún oft á tíðum eins
konar skjöld yfir sambönd við aðra í lífinu, jafnt fagleg sambönd sem viðskiptasambönd.
Traust á annarri manneskju er háð því hvernig hann eða hún tengist innan tengslanetsins.
Þannig rækta kínverskir stjórnendur tengsl sín ekki endilega við þann sem hefur réttu
reynsluna eða bestu úrræðin heldur við þá sem eru tengdir ákveðnum einstaklingi sem
þeir þekkja. Þeir líta svo á að fólkið sem hefur tenginguna við lykilmanneskjuna geti
stækkað virðið óbeint með tengingunni sem þeir hafa við þá manneskju (Chua, R., Y.,
J, Morris, M., W, Ingram, P., 2009).
Guanxi þýðir tengingar og/eða samband og er nauðsynlegt að mati Kínverja til að
geta klárað fjölbreytt verkefni sem viðkoma félagslegu og daglegu lífi ásamt
samfélagslegum þáttum. Það þarf stöðugt að framleiða guanxi, rækta og viðhalda, hvort
sem er til dæmis í persónulegum tilgangi eða viðskiptalegum. Guanxi snýst alltaf um að
vera hluti af hópnum og að njóta ávinnings vegna þess. Þetta er kerfi gjafa og greiða þar
sem skuldbinding og skuldsetning er framleiðsluvaran og engin tímamörk eru á því
hvenær borgað skal tilbaka. Því má segja að þetta sé eins konar gjafahagkerfi sem er við
lýði í Kína sem hefur sérstaka siði, helgiathafnir og reglur sem þarf að framfylgja (Gold,
Guthrie og Wank, 2002).
23
Rannsókn Chua, Morris og Ingram (2009) sem birtist í Journal of International
Business Studies sýndi fram á að munur var á kínverskum og amerískum stjórnendum
þegar kom að trausti í faglegu tengslaneti þeirra. Þannig var traust byggt á áhrifum og
vitsmunum meira ríkjandi hjá kínversku stjórnendunum en þeim amerísku. Að sama
skapi voru áhrif frá vinum sterkari þáttur hjá þeim amerísku (Chua, Morris og Ingram,
2009).
Kerfi Kínverjanna virðist vera um margt ólíkt því sem við þekkjum hérlendis frá
enda er stærð lands og markaða ekki saman að líkja. Allt bendir til að á Íslandi séu áhrif
frá Bandaríkjunum meira ríkjandi, það er, að treysta þeim sem eru næstir manni í
tengslanetinu.
Kraftur tengslaneta felst í því hverja þú þekkir. Hin félagslegu tengsl eru
krafturinn sem ákvarða hvaða aðgang framkvæmdastjórar hafa að öðru fólki fyrir innan
og fyrir utan skipulagsheildina. Félagslegu tengslin eru virðið sem kemur frá hverjum og
einum en snúast einnig um hvenær og hvernig fólk samstillir sig í gegnum mismunandi
tengiliði innan og utan skipulagsheilda (Burt, 1997).
Það kemur því ekki á óvart að niðurstaða Bertrand, Luttmer og Mullainathan
(1998) í rannsókn sinni á áhrifum tengslaneta og menningu velferðarsamfélaga í
Bandaríkjunum sýndi að fólk hefur tilhneigingu til að vera í sambandi við aðra sem hafa
sama móðurmál og þeir sjálfir. Þannig er fólk sem á heima á svæðum þar sem margir
hafa sama móðurmálið með fleiri tengiliði í kringum sig og þar af leiðandi með stærra
tengslanet og eru líklegri til að verða fyrir áhrifum af þeim sem hafa sama móðurmál
(Bertrand, Luttmer og Mullainathan, 1998).
Mikilvægi tengslaneta er þáttur sem árangursríkar skipulagsheildir og samfélög
gera sér í æ ríkari mæli grein fyrir. Litið er svo á að efnahagsleg virkni og velgengni sé
virkjuð og viðhaldið með félagslegum tengingum og að gott tengslanet starfsmanna
auðveldi aðgang að mikilvægum auðlindum og upplýsingum (Porter, 2008).
Samfélag okkar er agnarsmátt á heimsmælikvarða og því væri áhugavert að bera
það saman við önnur stærri menningarsvæði þegar kemur að notkun tengslaneta. Það
mætti leiða að því líkum, vegna smæðar samfélagsins, að á Íslandi sé almennt sterkt
tengslanet, það er að segja, allsstaðar má finna tengingar milli fólks. Þannig er heimurinn
hérlendis lítill og enn minni innan ákveðinna atvinnugreina þar sem mikilvægt er fyrir
starfsmenn að hafa tengingar út í sem flesta anga innan sinnar greinar en einnig utan
hennar.
24
2.5 Félagsleg tengslanet
Tengslanet og notkun fólks á þeim hafa lítið verið könnuð á Íslandi. Þetta er þó verkfæri
sem er gríðarlega mikilvægt í daglegum athöfnum fólks en líklega að sama skapi
vanmetið eða réttara sagt áhrifum þeirra hefur ekki verið veitt nægileg eftirtekt í tímans
rás. Í fjármálageiranum, sem og í öðrum geirum er gríðarlega mikilvægt fyrir starfsmenn
að halda viðskiptatengslum og samskiptum gangandi til að ná og halda forskoti.
Félagsleg tengslanet eru uppbyggð með sviðsmyndum félagslegra þátttakenda
eins og einstaklinga eða skipulagsheilda og tengslum þeirra á milli. Til að rannsaka þessi
tengsl hafa fræðimenn stuðst við félagslega tengslanetagreiningu (e. social network
analysis) til að greina félagsleg tengslanet. Með henni er teiknuð upp skýringarmynd þar
sem punktar eða hnútar merkja einstakling eða skipulagsheild og línur þeirra á milli tákna
tengslin. Tengslin geta verið af mismunandi toga milli aðila innan tengslanetsins og því
getur verið nytsamlegt að teikna upp skýringarmynd til að átta sig betur á tengslunum.
(Sjá mynd 5).
Félagsleg tengslanetagreining er notuð á ýmsum fræðasviðum og er í dag
lykiltækni í nútíma félagsfræði. Uppruna aðferðarinnar má rekja aftur til
félagsfræðinganna Georg Simmel og Émile Durkheim sem skrifuðu um mikilvægi þess
að rannsaka mynstur sambanda sem tengdu saman félagslega þátttakendur (Simmel,
1950, Durkheim, 1997).
25
Mynd 5: Félagsleg tengslanetagreining. Myndin sýnir einfalda mynd af félagslegri tengslanetagreiningu.
Kenningar um tengslanet skera sig að nokkru frá hefðbundnum félagsfræðilegum
kenningum þar sem í þeim síðarnefndu er gert ráð fyrir að persónuleiki fólks skipti máli
varðandi tengslamyndun eins og hvort það sé vinalegt eða ekki, búi yfir góðri greind eða
lakari greind. Ný nálgun kemur fram með kenningum um tengslanet þar sem talið er að
eiginleiki einstaklinga skipti minna máli heldur en samband þeirra og tengsl við aðra
innan tengslanetsins. Þannig er til dæmis talið að möguleiki einstaklinga til að hafa áhrif
á eigin velgengni hvíli að miklu leyti á því hvernig tengslanetið þeirra er byggt upp. Þó
hefur verið sýnt fram á að eiginleikar skipta máli við tengslamyndun en áhrif þeirra á
aðrar útkomur, eins og til dæmis laun, er í gegnum áhrif þeirra í tengslaneti.
Fólk þróar með sér sambönd við aðra einstaklinga sem er líkt því sjálfu. Þannig
myndar efnað fólk tengsl við aðra efnaða einstaklinga og menntað fólk við aðra sér um
líka. Ástæðurnar fyrir þessu eru þær að fólk með svipaðan félagslegan bakgrunn eyðir
tíma sínum á svipuðum stöðum. Sambönd þróast og fólk með félagslega svipaðan
26
bakgrunn hefur meira af sameiginlegum áhugamálum og samböndum er þannig
viðhaldið. Einstaklingar eru ákaflega egósentrískir að því leyti að þeir finna og laðast að
fólki sem er með svipaðan smekk og stíl og þeir sjálfir (Burt, 1992).
Aðalmarkmið félagsfræðinga hefur í lengri tíma verið að sýna fram á að
uppbygging tengslaneta hefur afleiðingar fyrir hegðun og útkomu. Starfsemi sumra
skipulagsheilda byggir á að stjórna óvissu og gott dæmi um slíkt eru bankar. Starfsfólk í
bönkum starfar við óvissu jafnvel daglega og ein leið til að stjórna henni er að ráðfæra
sig við félaga sína.
Rannsókn á starfsfólki sem gegndi starfi sölumanna í leiðandi fjölþjóðlegum
viðskiptabanka sem hefur um 1.400 viðskiptavini og þar af margir stórir, ásamt
fjölþjóðlegum fyrirtækjum, leiddi í ljós, að í starfi þeirra er hægt að tala um tvenns konar
tengslanet sem það styðst við. Annars vegar er það upplýsingatengslanet sem eru
félagslegar tengingar til að tryggja sér upplýsingar en einnig samþykkistengslanet sem
starfsfólkið notar til að afla sér samþykkis og stuðnings á ákveðnum viðskiptum.
Rannsóknin sýndi einnig að við aðstæður sem lituðust af mikilli efnahagslegri óvissu
voru starfsmenn bankans líklegri til að ráðfæra sig við félaga sem þeir höfðu sterk tengsl
við til að nálgast upplýsingar og fá stuðning. Þessi aðgerð gerði starfsmönnunum erfiðara
fyrir að njóta árangurs og skapa þær aðstæður að erfiðara verður fyrir þá að klára
viðskipti. Niðurstaða rannsóknarinnar sýndi einnig að tengslanet sem eru dreifð og þar
sem allir innan þess njóta ekki samþykkis innbyrðis stuðlar að árangursríkri lokun á
viðskiptum. Þetta sýnir hvernig veikleiki sterkra tengsla getur komið fram og hver
styrkur veikra tengsla getur verið mikill en einnig hvernig félagsleg eðlishvöt getur farið
á skjön við bestu hagsmuni hverju sinni (Mizruchi og Stearns, 2001).
Viðmælendur rannsóknarinnar voru sammála um að þeir sækja sér ráð og
upplýsingar hjá þeim sem þeir treysta, jafnan hjá vini innan skipulagsheildarinnar eða hjá
aðila sem þeir treysta innan sömu greinar eða jafnvel á öðrum vettvangi. Í flestöllum
tilfellum er þetta liður í að fá inn fleiri en eitt sjónarhorn í tilteknum málaflokki og til að
auðvelda þannig ákvarðanatöku. Þar að auki var viðmælendunum annt um að eiga góð og
traust samskipti við samstarfsfólk sitt, jafnt innan sömu deildar en einnig innan
stoðdeilda.
27
2.6 Tengslanet og Ísland
Á alheimsmælikvarða er Ísland lítið samfélag í samanburði við mörg önnur
menningarsamfélög. Rannsóknir á tengslanetum hafa aðeins verið framkvæmdar að litlu
leyti á Íslandi en mun meira víða erlendis. Þrátt fyrir það er áhugavert að rannsaka
þennan þátt hérlendis, sérstaklega vegna smæðar samfélagsins. Einnig er athyglisvert að
rannsaka hvort munur er á því hvernig Íslendingar nýta tengslanet sín í samanburði við
íbúa annarra menningarsvæða. Því þótti rannsakanda áhugavert að kanna hérlendis
hvernig Íslendingar nýta sín tengslanet, byggja þau upp og þróa og var sérstaklega horft
til fjármálageirans þar sem þessi þáttur hefur ekki áður verið kannaður þar.
Lítið hefur verið kannað á Íslandi hvernig stjórnendur í fyrirtækjum nýta sér
tengslanet í störfum sínum en þó skrifaði Birgir Hrafn Birgisson BA-ritgerð, árið 2010,
um tengslanet í viðskiptum og Valgerður Jóhannesdóttir skrifaði ári áður meistararitgerð
um tengslanet kvenna í atvinnulífinu. Birgir komst meðal annars að því að viðmælendur
hans töldu marga kosti við það að hafa yfir skipulögðum tengslanetum að ráða og að
tengsl þeirra voru til bóta fyrir þau fyrirtæki sem þau starfa hjá. Einnig komst hann að því
að karlmenn nota tengslanet á skilvirkari hátt en konur (Birgisson, 2010). Í ritgerð
Valgerðar komu þær niðurstöður fram að konur telja það gefa þeim meiri stuðning, það
veiti styrk og þær séu betur upplýstari með því að hafa yfir tengslanetum að ráða. Einnig
fannst viðmælendum Valgerðar það auka sýnileika kvenna að vera þátttakendur í
tengslanetum kvenna í atvinnulífinu (Valgerður Jóhannesdóttir, 2009).
Í ritrýndri grein Þórs Sigfússonar, sem kom út í Þjóðarspeglinum árið 2010, koma
fram upplýsingar um ákveðnar breytingar á notkun tengslaneta hjá frumkvöðlum á
alþjóðamarkaði í hátækni-hugbúnaðarfyrirtækjum. Hann komst að því að veik tengsl hafa
stærra hlutverki að gegna nú en áður, aðallega vegna nýrrar samskiptatækni á vefnum.
Þannig geta tengslanet á vefnum skapað tækifæri til að stækka veiku tengslin enn frekar
sem eru mikilvæg við þróun alþjóðlegra fyrirtækja (Þór Sigfússon, 2010).
Árið 2011 kom út fræðigreinin undir heitinu Viðbrögð tengslanets við gagnrýni á
fjármálastöðugleika Íslands í veftímaritinu Stjórnmál og stjórnsýsla. Þar birta Þröstur
Olaf Sigurjónsson, David Schwartzkopf og Auður Arna Arnardóttir niðurstöðu
rannsóknar sinnar á notkun félagsnetafræða til að skýra út þau viðbrögð sem urðu við
gagnrýni á stöðugleika íslensku bankanna árið 2006 og gerðu gagnrýnendum og
almenningi illa kleift að fá raunsanna mynd á stöðu íslensku bankanna. Þannig sýnir
28
tengslanetagreining rannsóknarinnar hvernig ábyrgir aðilar innan fjármálakerfisins
vörðust gagnrýni sem kom fram í skýrslu Danske Bank og hvernig flókið og þétt net
aðila varð til (Þröstur Olaf Sigurjónsson, Schwartzkopf og Auður Arna Arnardóttir,
2011).
Þó að lítið hafi verið rannsakað á Íslandi hvernig viðskiptasamböndum er háttað
og hvernig fólk í atvinnulífinu nýtir sín tengslanet þá kom í ljós árið 2014 í rannsókn
Þórðar Bergssonar og Arnars Boða Harðarsonar að viðskiptasambönd og tengsl við
önnur fyrirtæki og stofnanir sé grundvöllur fyrir rekstri og nýsköpun hjá íslenskum
líftæknifyrirtækjum. Þar kom einnig fram að langtímaviðskiptasambönd, sem byggð eru
á persónulegum tengslum, séu mun æskilegri en skammtímaviðskiptasambönd. Með
tengslanetum reyna fyrirtæki að tryggja hagsmuni sína og tengsl við erlenda aðila er
lykilþáttur í starfsemi þeirra (Þórður Bergsson og Arnar Boði Harðarson, 2014).
Í rannsókn Valgerðar sem komið var að fyrr í ritgerðinni kannaði hún hlut kvenna
í stjórnunarstöðum í atvinnulífinu. Einnig horfði hún til hvernig þær nýta tengslanet sín
og hvaða ávinning þær hafa af því að búa yfir öflugum tengslanetum. Hún kannaði hvort
tengslanetið geti hjálpað þeim við að ná lengra og hærra í stjórnunarstöðum og jafnvel til
að öðlast sæti í stjórnum fyrirtækja (Valgerður Jóhannesdóttir, 2009).
Í þessari rannsókn er örlítið annað sjónarhorn tekið fyrir varðandi mun á kynjum
og notkun þeirra á tengslanetum. Þar sem rannsakandi ákvað að hafa jöfn kynjahlutföll
þegar kom að viðmælendum leiddi úrvinnslan til þess að bæði var kannaður munur
annars vegar á viðmælendum með erlenda reynslu og hins vegar viðmælendum einungis
með innlenda reynslu ásamt mun á því hvernig kynin byggja upp og þróa sitt tengslanet.
Ekki hefur áður verið rannsakað á Íslandi hvernig stjórnendur í
fjármálastofnunum nota tengslanet sín í störfum og hvort að reynsla þeirra, það er að
segja, erlend eða einungis innlend hefur áhrif á hvernig þeir nýta tengslanet sín. Þó ber að
nefna að áður hefur verið farið nálægt þessum efnisflokkum eins og sjá má hér að ofan
með rannsóknum á tengslanetum í viðskiptalífinu og tengslanet kvenna í atvinnulífinu.
Nýnæmi þessarar rannsóknar er fyrst og fremst samanburður á notkun tengslaneta með
tilliti til reynslu og því hvort kynin noti þau á ólíkan hátt. Það sem einnig telst til nýrrar
nálgunar á þessari rannsókn er að starfsmenn fjármálageirans á Íslandi eru viðmælendur
sem starfa í fjölmennum skipulagsheildum við stóra atvinnugrein á Íslandi sem hefur
starfsemi á alþjóða vettvangi.
29
Rannsóknarspurning:
Nýta íslenskir millistjórnendur tengslanet á ólíkan hátt eftir því hvort þeir hafa reynslu af
því að stunda nám og vinnu erlendis eða hafa eingöngu reynslu hérlendis frá? Er munur
á hvernig kynin byggja upp og nýta sér tengslanet sín?
Líkt og fjallað hefur verið um í fræðilega hluta þessarar ritgerðar þurfa starfsmenn
skipulagsheilda að hafa góð tengsl og gott og öflugt tengslanet til að ná forskoti og
framúrskarandi árangri í starfi. Forskotið getur falist í upplýsingum en undirstaða góðra
tengsla er alltaf traust. Því eru það ekki einungis tengsl innan tengslanetsins sem skipta
máli heldur einnig dínamík innan þess og hvernig aðilar byggja upp sín tengslanet. Þar
skiptir síðan höfuðmáli eiginleiki hvers og eins einstaklings og það menningarsamfélag
sem um ræðir hverju sinni.
Dregin verður saman niðurstaða úr rannsóknarþætti verkefnisins í umræðuhluta
þess sem hefur það markmið að gera því skil hvernig stjórnendur með erlenda náms- eða
starfsreynslu samanborið við stjórnendur eingöngu með innlenda reynslu byggja upp og
nýta sér tengslanet sín. Þar að auki er kannað hvort munur sé á hvernig kynin nýta sér
tengslanet sín og þróa þau.
3 Rannsóknaraðferð
3.1 Val á rannsóknarvettvangi
Rannsakandi ákvað að rannsaka notkun tengslaneta hjá stjórnendum í fjármálageiranum
og réð tilviljun þar för, það er að segja, ekki lá ákveðin ástæða að baki því að rannsakandi
ákvað að rannsaka fjármálageirann sérstaklega. Fjármálageirinn hefur ekki verið
rannsakaður á Íslandi en skiptir miklu máli í íslensku atvinnu- og þjóðlífi. Þar að auki er
starfandi þar fólk með ólíkan bakgrunn, það er, bæði með erlenda reynslu og eingöngu
innlenda reynslu. Þetta var því aðlaðandi vettvangur til að leita svara við
30
rannsóknarspurningunni. Það sem vakti þó áhuga hjá rannsakanda var að ekki hefur
fjármálageirinn verið rannsakaður með þessu sjónarmiði áður, það er að segja, út frá
notkun tengslaneta hjá starfsmönnum innan hans.
Frá byrjun var rannsakandi ákveðinn að kanna tengslanetanotkun stjórnenda á
Íslandi og eftir umræður og ráðgjöf við leiðbeinanda varð úr að rannsaka hvort munur
væri á tengslanetanotkun stjórnenda með mismunandi reynslu, það er, annars vegar
erlenda reynslu og hins vegar einungis innlenda reynslu.
3.2 Val á viðmælendum
Rannsakandi hefur reynslu úr fjölmiðlaumhverfinu og var því viðfangsefnið og val á
þátttakendum í rannsókninni ný reynsla fyrir honum. Viðtöl við viðmælendur voru tekin
á tímabilinu apríl til júlí 2015. Öll viðtölin voru tekin á vinnutíma og á vinnustöðum
viðmælenda. Gagnagreining fór fram samhliða og gagnaöflun fyrir ritgerðina. Reynt var
að beita tilviljanakenndu vali á viðmælendum en yfirmenn yfir hverri deild völdu þá
viðmælendur sem pössuðu inn í lýsingu rannsakanda og hafði rannsakandi engin tengsl
við viðmælendur. Rannsakandi nýtti sér þó tengslanet sitt til þess að fá upplýsingar um
tengiliði væntanlegra viðmælenda innan stóru bankanna þriggja. Allir viðmælendur sem
rætt var við störfuðu innan sams konar deildar innan bankanna.
Sú hugmynd að falast eftir viðmælendum í stóru bönkunum þremur helgaðist af
því að fá að komast nær inn í hugarheim fólks úr viðskiptalífinu um viðfangsefnið, sem
var notkun á tengslanetum og uppbyggingu þeirra. Einnig spilaði inn í að fá fram sýn
viðmælendanna á notkun samskiptamiðla og hvernig þeir upplifa umhverfið nú varðandi
samskipti og tengsl, nokkrum árum eftir efnahagshrunið 2008 og hvernig það var fyrir
þann tíma. Allir viðmælendur höfðu gengið í gegnum efnahagshrunið á sínum
vinnustöðum og var á tíðum samanburðurinn þeim hugleikinn. Rannsókninni var þó fyrst
og fremst ætlað að varpa ljósi á hvort munur væri á kynjum hvernig þau nota og upplifa
tengslanet og eins hvort munur sé á viðfangsefninu eftir því hvort viðmælendur hafi
starfað eða lært erlendis eða eingöngu hér á landi.
Viðmælendur voru af báðum kynjum, sex konur og sex karlar, helmingur kvenna
með erlenda reynslu og helmingur eingöngu með innlenda reynslu. Sama hlutfall
varðandi reynslu var að finna hjá körlunum. Meðalaldur viðmælenda var 42 ár og
meðalstarfsaldur var 11 ár.
31
Í rannsókninni eru niðurstöður úr viðtölum við 12 íslenska stjórnendur greindar,
sex karlmenn og sex konur. Viðmælendur í rannsókninni starfa hjá
eignastýringardeildum þriggja stóru viðskiptabankanna, það er Landsbankans,
Íslandsbanka og Arion banka og voru valdir af handahófi. Helmingur kvennanna og
karlanna hefur stundað nám eða starfað erlendis og hinn helmingurinn hefur eingöngu
stundað nám og starfað hérlendis. Viðmælendur voru á ólíkum aldri og höfðu misjafna
reynslu úr viðskiptalífinu og mislangan starfsferil. Þeir voru allir í stjórnunarstöðum á
sínum vinnustöðum.
Í töflu 1 má sjá hvar rannsakandi lýsir hverjum og einum viðmælanda eftir að
hafa tekið viðtölin við þá og greint hvert og eitt viðtal. Til að ekki sé hægt að rekja
viðfangsefnin kemur ekki fram hjá hvaða fyrirtæki þau starfa, staða þeirra eða aldur. Röð
þeirra í töflunni er tilviljanakennd og því er ekki hægt að rekja í hvaða röð viðtölin við
þau voru tekin.
3.3 Framkvæmd viðtala
Viðtölin gengu í heildina mjög vel fyrir sig, öll voru þau tekin á heimavelli
viðmælendanna þar sem rannsakanda var í öllum tilfellum vel tekið. Allir viðmælendur
gáfu sér góðan tíma til að fara yfir viðtölin og svöruðu skilmerkilega og sýndu
viðfangsefninu mikinn áhuga. Rannsakandi nýtti sér reynslu sína úr fjölmiðlaheiminum
og var meðvitaður um að hafa andrúmsloftið þægilegt og að leyfa hverju og einu viðtali
að ganga í góðu samhengi þar sem viðmælendur höfðu gott rými til að koma sínum
sjónarmiðum á framfæri.
Viðtölin voru tekin á vinnustöðum viðmælenda, í fundarherbergjum og á
vinnutíma. Viðtalsramminn var saminn í samvinnu við leiðbeinanda rannsóknarinnar.
Það sem helst var leitast svara við var hvernig viðmælendur nýttu tengslanet í sínum
störfum, hvernig þeir byggðu þau upp, hvaða þýðingu traust hefði fyrir þá, hvort þeir
nýttu sér tengslanet sín til áhrifa í starfi, hvar bestu tækifærin lægju í tengslanetum,
notkun samfélagsmiðla og hvort þeir nýttu tengslanet sín á annan hátt við erlenda aðila
en innlenda. Viðtalsrammann má sjá í heild sinni í viðauka 1. Stuðst var við opnar
viðtalsspurningar og var form viðtalanna hálfopið.
32
Rannsakandi studdist við spurningalista (sjá viðauka 1) sem innihélt 10 opnar
spurningar. Viðmælendur fengu spurningarnar ekki fyrirfram, einungis fyrirmæli um að
rannsóknin snéri að tengslanetum og notkun þeirra. Rannsakandi undirbjó öll viðtölin á
sama hátt, það er, með því að fara vel yfir spurningarnar og hafa þær útprentaðar á blaði
til stuðnings í sjálfu viðtalinu.
3.4 Greiningarferlið
Sá skilningur og það innsæi sem fæst út úr rannsókninni á fyrst og fremst upptök sín í
gögnunum og sýnir vel hvernig eigindleg gögn geta verið grunnur að nýjum hugmyndum
og túlkunum og gefa tækifæri á að uppgötva áður óþekkta þætti (2001, Esterberg).
Megintilgangurinn með rannókninni var að skilja hvernig fólk færir rök fyrir lífi sínu og
reynslu (2009, Merriam). Rannsakandi ákvað, með því að nota eigindlega
rannsóknaraðferð í stað megindlegrar, að nálgast viðfangsefnið með dýpri hætti og
styðjast við túlkunarfræði. Í þessari ritgerð er reynt eftir bestu getu að lýsa veruleika
viðmælenda eins og hann kom þeim fyrir sjónir á hlutlægan hátt. Rannsakandi leggur
ekki mat á upplifun viðmælenda, heldur reynir eingöngu að greina upplýsingarnar í
greiningarkafla skýrslunnar til að komast á dýptina og til að geta túlkað þær upplýsingar
sem viðmælendur létu honum í té. Unnið var út frá opnum viðtalsspurningum sem voru
sveigjanlegar og tóku stundum breytingum eftir því hvernig viðtölin þróuðust og unnið
var út frá hálfopnum viðtölum.
Kannað var, með eigindlegri aðferðafræði, hvort íslenskir stjórnendur séu
meðvitaðir um notkun tengslaneta og hvernig þeir nýta þau í starfi. Þessir þættir voru
fléttaðir saman við helstu kenningar á sviði tengslaneta. Spurningum er velt upp um
hvaða þýðingu tengslanet hafa fyrir íslenska stjórnendur og hvort þeir nýti sér þau til
verðmætasköpunar.
Í rannsókninni ákvað rannsakandi að greina gögnin út frá fyrirbærafræði þar sem
áherslan er á reynsluna sjálfa og hvernig upplifun er umbreytt í vitund (2009, Merriam).
Sumir fræðimenn fullyrða að fyrirbærafræðin sé vísindaleg í breiðum skilningi þess orðs
vegna þess að hún er kerfisbundin, greinargóð, sjálfsgagnrýnin og huglæg rannsókn
viðfangsefna hennar skipta máli, það er, persónuleg reynsla fólks (1990, Manen).
Fyrirbærin eru skoðuð á opinn hátt þar sem margræðni er talin nauðsynleg og áhugi á
33
persónum er eitt af lykilatriðum fyrirbærafræðinnar. Nokkrir fræðimenn hafa skipt henni
í þrjá þætti, það er lýsing (e. description), samþætting (e. reduction) og túlkun (e.
interpretation). Við úrvinnslu gagna er hvert viðtal greint út frá mikilvægum lykilþáttum,
sem rannsakandi má ekki stjórna, heldur lýsa upplifun viðmælenda og eru dregin saman í
lokin og niðurstöður skráðar.
Í greiningarferlinu voru fræðin höfð til hliðsjónar allan tímann. Gagnagreining og
úrvinnsla á þeim ásamt fræðilegum hluta verksins var unnið samhliða í vinnsluferlinu.
Við afritun viðtalanna og fyrsta lestur var kappkostað að greina að auki hvort munur væri
á kynjunum varðandi notkun tengslaneta en einnig hvort munur sæist á notkun þeirra hjá
þeim sem höfðu reynslu erlendis frá eða eingöngu hérlendis frá.
Eftir að hafa afritað öll viðtölin hófst hin eiginlega greiningarvinna þar sem hin
afrituðu viðtöl voru tekin og byrjað var að gaumgæfa textann. Rannsakandi skildi eftir
það efni sem talið var óþarft til að fá grundvallaruppbyggingu á upplifuninni. Því næst, í
samþættingarferlinu, var fyrsta viðtalið lesið vel yfir aftur og voru orð og orðasambönd
eða aðrar upplýsingar sem rannsakandi taldi mikilvægt fyrir upplifun þátttakenda
undirstrikuð og að lokum voru fyrstu lykilatriðin sett í sviga og lituð með mismunandi
litum í skjalinu.
Sami háttur var hafður á með hin viðtölin og voru þau síðan öll lesin yfir aftur. Í
seinni lestrinum komu upp nokkrir nýir lykilþættir sem voru mjög sterkir og aðrir þurftu
að víkja fyrir vikið. Í þriðju endurlesningunni, þar sem notast var við frjálsa
hugmyndaflugið, það er, þar sem þættir í upplifun þátttakenda voru endurspeglaðir með
því að bera saman og finna andstæður, fann rannsakandi út hvaða lykilþáttum væri
nauðsynlegt að vinna út frá. Eftir þetta ferli voru nokkrir flokkar eða kóðar sem voru
lýsandi fyrir upplifun viðmælendanna. Þetta voru traust, lykilfólk, árangurssækni og
markmið, brautargengi hugmynda, ákvarðanataka, aðgengi að upplýsingum og tengingar.
Fjórir lykilþættir sem voru mest lýsandi fyrir upplifun viðmælandanna voru tengingar,
traust, ákvarðanataka og aðgengi að upplýsingum. Flokkana má sjá í heild sinni í viðauka
þrjú.
Allur yfirlestur viðtalanna, greiningarvinna, vinna við flokkun og ákvörðun á
lykilþáttum var gerð í tölvu og notaðar sérstakar litamerkingar til að skilgreina hvern
flokk fyrir sig. Fljótlega komu ákveðnir aðalflokkar í ljós við vinnslu viðtalanna og
bættust nokkrir við eftir yfirlestur allra viðtalanna. Samtals urðu flokkarnir 25 úr
34
viðtölunum 12. Eftir að hafa greint viðtölin á þennan hátt kom í ljós mynstur sem er
undirstaða þeirrar niðurstöðu sem sett er fram í þessari ritgerð.
Tafla 1: Lýsing á viðmælendum rannsóknarinnar
Viðmælandi
kyn og reynsla
Lýsing
Viðmælandi A
kk. með erlenda reynslu
Var mjög vel undirbúinn fyrir viðtalið og
var áhugasamur og opinn fyrir
viðfangsefninu. Hafði mikla og góða
reynslu af störfum erlendis frá og var með
stórt tengslanet í kringum sig, jafnt á
vinnustað sem í einkalífi.
Viðmælandi B
kk. með innlenda reynslu
Mætti of seint í viðtalið og var ekki
undirbúinn. Var nokkuð áhugasamur en
viðurkenndi að hann gæti hafa verið
duglegri að hugsa um viðtalið fyrirfram og
setja sig í „stellingar“ fyrir það. Var þar af
leiðandi nokkuð áhugalaus en skilaði
nokkrum áhugaverðum atriðum inn í
rannsóknina.
Viðmælandi C
kk. með innlenda reynslu
Var þægilegur í viðtalinu og svaraði
skilmerkilega því sem rætt var um. Hafði
nokkuð sterkar skoðanir á málefninu og
hafði kynnst því af eigin raun í gegnum
nám.
35
Viðmælandi D
kvk. með innlenda reynslu
Talaði tæpitungulaust og var mjög
áhugasöm um viðfangsefnið og hafði
sterkar skoðanir á notkun þess og
mikilvægi þegar kom að vinnu. Hafði
einnig gott tengslanet utan vinnu og vann
markvisst í því að byggja það upp og
styrkja eftir því sem tími gafst til.
Viðmælandi E
kvk. með erlenda reynslu
Var nokkuð tilbaka í viðtalinu og varkár í
svörum og því rann samtalið ekki eins vel
og hefði getað. Hafði þó áhuga á málefninu
en viðtalið litaðist af varfærninni.
Viðmælandi F
kk. með erlenda reynslu
Var mjög móttækilegur fyrir viðtalinu og
áhugasamur. Hafði mikla og góða reynslu
úr íslensku atvinnulífi og var vel tengdur
inn í það. Var rökfastur í svörum og
ábyrgðarfullur.
Viðmælandi G
kk. með innlenda reynslu
Hafði góða starfsreynslu úr bankageiranum
og hafði gegnt ábyrgðarstöðu í fjölmörg ár.
Skildi mikilvægi tengslaneta og lagði sig
fram um að viðhalda þeim og styrkja sem
kæmi starfinu til góða en þar fyrir utan
hafði viðmælandinn engan ofuráhuga á
tengslanetum almennt.
Viðmælandi H
kvk. með erlenda reynslu
Var mjög jákvæð og opin fyrir viðtalinu og
viðfangsefninu. Fór að hluta til fram á
glettnislegum nótum þar sem viðmælandi
var mjög lifandi í tilsvörum og litaði þau af
kímni á stundum.
36
Viðmælandi I
kvk. með innlenda reynslu
Var mjög móttækileg fyrir viðfangsefninu
og sýndi því mikinn áhuga. Hafði ákveðnar
skoðanir á viðfangsefninu en viðurkenndi
þó að hefði mátt virkja sjálfa sig betur
þegar að því kæmi bæði varðandi vinnu og
einkalíf.
Viðmælandi J
kvk. með innlenda reynslu
Virtist áhugalaus í fyrstu en léttist þegar á
leið viðtalið. Var stutt í tilsvörum og
virkaði eins og væri í tímaþröng. Viðtalið
gekk þó ágætlega og út úr því komu
áhugaverð tilsvör fyrir rannsóknina.
Viðmælandi K
kk. með erlenda reynslu
Var áhugasamur og jákvæður. Viðmælandi
var með mikla reynslu úr sinni
atvinnugrein og með stórt tengslanet í
kringum sig. Hafði mikinn áhuga á
viðfangsefninu og var með sterkar
skoðanir.
Viðmælandi L
kvk. með erlenda reynslu
Var mjög þægileg í viðtalinu, áhugasöm
um viðfangsefnið og sýndi verkefninu í
heild mikinn áhuga. Fagnaði rannsókninni
og hlakkaði til að sjá niðurstöður úr henni.
37
4 Niðurstöður
4.1 Fjórir lykilþættir
Rannsakandi dró saman fjóra lykilþætti úr viðtölunum sem komu úr frásögnum
viðmælenda og tengdust tengslanetum beint. Margir fleiri áhugaverðir þættir komu fram í
viðtölunum sem tengjast tengslanetum beint og óbeint en ógerlegt væri að greina alla þá
þætti í hörgul. Aðaláherslan varð því á að bera saman hópana tvo sem tóku þátt í
rannsókninni, það er, þá sem höfðu starfað eða numið erlendis og þá sem höfðu eingöngu
reynsluna hérlendis frá. Við úrvinnslu og birtingu niðurstaðna er einnig horft til munar á
svörum og viðhorfum viðmælenda eftir kynjum.
Niðurstöðukaflarnir beindu óumdeilanlega sjónum sínum að þeim lykilþáttum
sem úr viðtölunum komu og að þeim þáttum sem rannsakanda fannst hvað mest
áhugaverðir. Lykilþættirnir voru í fyrsta lagi: Aðgengi að upplýsingum, í öðru lagi:
Tengingar, í þriðja lagi: Traust og í fjórða lagi: Uppbygging tengslaneta. Því er fjallað
um notkun og uppbyggingu viðmælenda á sínum tengslanetum og á hvaða hátt þeir voru
helst að nýta sér tengslanetin í sínum störfum. Eins er komið inn á það hvort
viðmælendur beiti kerfisbundinni styrkingu og stækkun á sínu tengslaneti. Aðgengi að
upplýsingum var einn af þeim lykilþáttum sem komu fram í svörum viðmælenda og því
er það veigamikill kafli ásamt uppbyggingu tengslaneta, tengingum, sterkum og veikum,
sem meirihluti viðmælenda var sammála um að væri stór þáttur í þeirra starfi. Traust var
einnig lykilþáttur hjá viðmælendum ásamt orðspori, virðingu og góðum mannlegum
samskiptum. Allir ofansagðir þættir skiluðu betri tengingum út í ytra umhverfið og
stuðluðu að því að ákvarðanataka varð oft á tíðum markvissari, einfaldari og
árangursríkari. Einnig fléttast inn í niðurstöðukaflann hvernig viðmælendur þróa
tengslanet sín í gegnum tölvupóstsamskipti og samfélagsmiðla ásamt tengslum við
erlenda aðila vegna vinnu og hvernig sú tengslamyndun fari hugsanlega fram á annan
hátt heldur en við innlenda aðila.
38
4.2 Notkun og uppbygging tengslaneta
Allir viðmælendur voru sammála um að þeir nýti sér tengslanet í störfum sínum en
mismunandi var á hvern hátt þeir gerðu það. Það sást ekki kynjamunur í svörun en
viðmælendur með erlenda reynslu höfðu opnara viðhorf til þessa og svöruðu þessu til á
ígrundaðri og víðsýnni hátt heldur en viðmælendur einvörðungu með innlenda reynslu.
Þannig svaraði karlmaður með erlenda reynslu þessu til:
„... ég hef mikla starfsreynslu úr alþjóðlegu umhverfi.
Tengslanet eru bæði út á við og inn á við og á fjölmennum
vinnustað er inn á við mikilvægt. Það getur margt gerst í
óformlega spjallinu og það að langt sé á milli manna getur
komið í veg fyrir alls konar samskipti sem myndu annars
verða ef hægt væri að standa upp og ganga yfir í næsta
herbergi. Landfræðilegur aðskilnaður truflar þótt þú sért
með síma og tölvur.“ (A)
Þannig getur tengslanetið verið litað af bæði sterkum tengingum og veikum
tengingum og voru allir viðmælendur á einu máli um að starf þeirra fjallaði að mestu
leyti um góð mannleg samskipti við viðskiptavini, tengingar og að sverma fyrir nýjum
tækifærum. Karlmaður með innlenda reynslu komst svo að orði:
„Starfið fjallar að miklu leyti um að grípa upplýsingar héðan
og þaðan og koma þeim í einhvern farveg. Þetta snýst um
ákvarðanatöku og þá skiptir bakgrunnur fólks oft á tíðum
ekki meginmáli heldur hvernig hópar innan deilda eru
samsettir. Annars byggi ég ekki upp tengslanetið mitt
meðvitað. Maður þarf að passa sig á því hvernig maður
hagar sér og maður þarf að vera heill í því sem maður er að
gera því annars bitnar það fljótt á öllu, þar á meðal
tengslanetinu.“ (G)
39
Sumir viðmælendur byggðu sitt tengslanet upp meðvitað en aðrir ómeðvitað.
Þannig varð karlkynsviðmælanda með erlenda reynslu á orði að hann væri eins og;
„mannlegt fjöltengi á svo mörgum sviðum“ og átti þá við þá reynslu sem hann hefði
öðlast á mörgum árum í fjármálageiranum. Annar viðmælandi, karlmaður, með erlenda
reynslu, lýsti sinni uppbyggingu á tengslaneti á þennan hátt:
„... ég hugsa þessi samskipti líka til að nýta ráð og til að fá
hugmyndir. Ég reyni að læra af reynslu annarra og að
byggja upp almenn samskipti. Það hjálpar að fá aðgang að
upplýsingum frá fólki í þessum geira. Ég hef verið lengi í
þessu starfi og það hefur verið kjörinn vettvangur að nýta sér
networking á þeim tíma sem ég hef nýtt mér að einhverju
leyti.“ (F)
Það var áberandi að kvenkyns viðmælendur sögðu gjarnan í viðtölunum
að það hefði legið í dvala hjá þeim að byggja upp sitt tengslanet og að þetta
væri atriði sem þær ættu að fara að velta fyrir sér og efla. Einnig kom fram í
svörum þeirra að tengslanetaheimurinn væri meira karllægur heldur en
kvenlægur og það útskýrðist af því að konur hefðu skemmri stjórnunarreynslu
heldur en karlmenn. Stjórnunarstörfunum fylgdi oft meira félagslíf utan
vinnutíma og fleiri fundir við ólíka aðila og eftirsækni eftir nýjum tengingum
og viðskiptasamböndum. Þannig lýsti kvenkyns viðmælandi með innlenda
reynslu sinni upplifun:
„Ég hef töluvert verið að nota fagsamtök og hef reynt að
byggja upp tengslanet í kringum það. Ég fór fyrir nokkrum
árum í nám og það varð gríðarlega mikil stækkun á mínu
tengslaneti við að fara í það, bæði gagnvart nemendum og
kennurum. Það er tvíþætt hvers vegna ég sæki í fagsamtökin,
bæði til að sækja áhugaverða fyrirlestra og umræður en ekki
síður til að stækka tengslanetið. Þar eru oft samankomnir
aðilar með svipuð áhugamál og það er eitthvað sem ég horfi
mikið til. Þetta er góður vettvangur.“ (D)
40
Tengslanet kvenna er áhrifavaldur þess að konur eiga auðveldara með að ná
árangri í atvinnulífinu en þær eiga greiðari leið til áhrifa með þessum tengslum og það er
frekar hlustað á þær úti í þjóðfélaginu. Í rannsókn Valgerðar Jóhannesdóttur, sem gefin
var út undir heitinu Dropinn holar steininn, árið 2009, kom í ljós að tengslanet kvenna
færir þeim stuðning, fræðslu og upplýsingar. Rannsakandi tók viðtöl við virkar konur
sem eru stjórnendur stórra fyrirtækja, stjórnarmenn eða stýra eigin fyrirtækjum.
Félagsskapur tengslaneta er þeim öllum mikilvægur enda flestar miklar félagsverur og
veitir félagsskapurinn þeim aukið sjálfstraust og vellíðan. Upplifun kvennanna var að
margar þeirra hefðu þurft að leggja mikið á sig til að ná sínum markmiðum og það veitti
þeim innblástur að hitta konur úr ólíkum atvinnugreinum. Sammerkt var með konunum
að þær telja sig þurfa að leggja meiri áherslu á að hvetja aðrar konur en þær hafa gert.
Konur hafa aðra reynslu og sýn en karlar og endurspeglast hún í öðrum áherslum í
stjórnun fyrirtækja. Rannsóknir sýna að fyrirtæki sem leggja meira upp úr kynjajafnvægi
stjórnenda og stjórnarmanna sýna betri fjárhagslegri afkomu auk þess sem þau öðlast
jákvæðari ímynd í samfélaginu (Jóhannesdóttir, 2009).
Tengsl innan vinnustaðarins og við stoðdeildir voru ekki síður mikilvægur þáttur í
svörum viðmælenda eins og tengsl úti í atvinnulífinu og við fjölskyldu og vini.
Innanhússtengsl gerðu það oft að verkum að upplýsingar fóru hraðar sína boðleið sem gat
leitt til upplýstrar og vel ígrundaðrar ákvarðanatöku þar sem fleiri en ein sýn kom að
borðinu. Kona með innlenda reynslu sagði svo frá:
„... ég nýti tengslanetið mitt til að afla viðskiptavina og til að
koma þjónustunni og vörunni sem við höfum að bjóða á
framfæri. Innanhússtengslanet er ekki síður mikilvægt, að
kunna að þekkja fólk til að leita samstarfs með, það er mjög
mikilvægt. Persónulega er ég mikið í samskiptum við fólk úr
öðrum deildum en það mætti skerpa á því, eða ég mætti vera
duglegri við að byggja tengslanetið upp á markvissari hátt
og að vera sýnilegri til dæmis á ýmsum ráðstefnum og opnum
fundum sem eru haldnir.“ (J)
41
Það var samdóma álit viðmælanda að tengslanet væri ekki byggt upp á neinum
hraða, það væri eins og einn kvenmaður með innlenda reynslu komst að orði;
„Eins og að byggja upp vináttu og traust, það þarf að
vinna fyrir því og rækta það.“ (I)
Fjórir af tólf viðmælendum sögðust byggja upp tengslanet sitt markvisst og
meðvitað. Tvær konur og tveir karlmenn voru í þeim hópi og af þeim voru þrír með
erlenda reynslu, tveir karlmenn og ein kona. Tvær konur með innlenda reynslu og tvær
konur með erlenda reynslu sögðust ekki þróa tengslanet sitt markvisst en þrír karlmenn
með innlenda reynslu og einn með erlenda reynslu voru á sama máli. Sjá nánar á
skýringarmynd í töflu 2 hér að neðan.
Tafla 2: Markviss eða ómarkviss þróun tengslaneta. Taflan sýnir hvernig svör
viðmælenda skiptust þegar kom að því að þróa tengslanet sín markvisst eða
ómarkvisst.
Markviss eða ómarkviss þróun tengslaneta
Markviss og meðvituð
þróun
Ekki markviss og
meðvituð þróun
Erlend reynsla Tveir karlmenn
Ein kona
Einn karlmaður
Tvær konur
Ekki erlend reynsla Enginn karlmaður
Ein kona
Þrír karlmenn
Tvær konur
42
Þegar kom að þessari upplifun má því sjá að viðmælendur voru í meirihluta sem
sögðust ekki byggja upp tengslanet sitt markvisst og ívið fleiri með innlenda reynslu voru
á þessu máli. Kvenkyns viðmælandi með erlenda reynslu lýsti því svo:
„Fyrir mig persónulega er ég ekki að byggja upp
tengslanetið meðvitað. Ég nota það fyrir vinnuna. Við notum
mjög mikið tengslanet hér innan skipulagsheildarinnar og
það er mjög meðvitað í samskiptum meðal fólks hér að nýta
tengsl hvert annars.“ (E)
Viðskiptanet skipulagsheildarinnar var öllum viðmælendum mjög mikilvægt. Þar
voru flestallir sem hugsuðu til innlendra viðskiptasambanda og þar geta oft á tíðum
smátengingar hjálpað til ásamt sameiginlegum tengingum hvort sem er í gegnum vini eða
kunningja og fjölskyldumeðlimi. Þessa skoðun hafði karlmaður með erlenda reynslu á
málefninu:
„... ég er alltaf að reyna að stækka tengslanetið mitt, ég
hugsa það mjög meðvitað. Hluti af því hvernig við getum
verið að stækka netið okkar er til dæmis með því að fara á
ráðstefnur, sumar mæti ég á aftur og aftur þar sem sumt fólk
kemur alltaf á sama staðinn. Heimurinn er fullur af litlum
heimum og maður nær smá tengingu við einhverja og smám
saman stækkar netið. Einnig nýti ég oft grunn í neti til að
stækka það en í gegnum þetta lærði ég að vera meðvitaður
um hvernig ég þurfti að koma mér fyrir erlendis og var fljótt
mikil meðvitund fyrir mikilvægi tengslaneta.“ (A)
Jafnræði var milli kynja um meðvitund þess að byggja upp sitt tengslanet en
karlmenn voru áberandi skilmerkari í tilsvörum um hvaða leiðir væru góðar til þess að
byggja þau upp. Þannig komu hugmyndir frá karlmönnum með erlenda reynslu að sækja
reglulega viðburði, funda þvert á deildir, fara með mismunandi fólki í mat, skrifa greinar
á almennum vettvangi og svo framvegis. Á sama tíma útskýrðu konur með erlenda
43
reynslu það jafnan á þann hátt að þær leituðu ekki beint eftir því að byggja það upp, „er
ekki skipulögð í því, það kemur af sjálfu sér og þetta er ekki mjög persónulegt hjá mér“.
Svipaða sögu mátti heyra hjá viðmælendum með innlenda reynslu. Þannig voru fimm af
sex konum á sama máli um að þær mættu vera duglegri við þessa hugsun og framkvæmd
og að þær væru ekki nógu góðar við að gera þetta kerfisbundið eins og karlmenn. Einnig
höfðu nokkrar á orði að þær þyrftu að bæta sig í þessum þætti og að þær gerðu sér grein
fyrir því. Eftirtektarvert var að viðmælendur með erlenda reynslu voru með mun opnara
viðhorf og úthugsaðra heldur en þeir sem voru eingöngu með innlenda reynslu. Inn í það
blandaðist einnig að viðmælendur með erlenda reynslu töldu sig upp til hópa hafa betra
og öflugra tengslanet erlendis heldur en þeir sem höfðu innlenda reynslu.
4.3 Aðgengi að upplýsingum
Þegar viðmælendur voru spurðir að því hvaða ávinningur væri fyrir þá að búa yfir
tengslaneti kom oftar en ekki fyrir að kostur þess væri betra aðgengi að upplýsingum.
Hér voru tvær konur, með innlenda reynslu, sem var umhugað um upplýsingaflæðið. Þrír
karlmenn með innlenda reynslu ræddu mikilvægi upplýsinga og einn karlmaður með
erlenda reynslu. Einnig kom fram að með góðu tengslaneti sem væri virkjað ynni
viðkomandi af meiri nákvæmni og á faglegri nótum en að sama skapi væri hann með
opinn huga til að liðka fyrir samskiptum. Allir þessir þættir hjálpuðu síðan til við að
þróast og þroskast í starfi og að afla nýrra viðskiptavina. Þannig komst kvenkyns
viðmælandi að orði sem hafði innlenda reynslu:
„... ætli ávinningurinn felist ekki í því að maður nær að vinna
vinnuna af meiri hraða og nákvæmni og faglegar. Þetta er
eins og mörg tannhjól og tengslanetin eru bara eitt af
tannhjólunum. Til þess að eitt snúist þurfa hin að snúast
með.“ (I)
Annar kvenkyns viðmælandi með erlenda reynslu taldi það mikilvægt fyrir sig
sem stjórnanda að fá hugmyndir með notkun tengslanetsins og bætti við:
44
„Tengslanetið er gríðarlega mikilvægt í því ferli ákvarðana
sem maður tekur daglega. Sem stjórnandi er mikilvægt að
vera með tengslanet til að heyra hvernig aðrir eru að vinna
og til að fá hugmyndir að nýjum verkfærum og tólum.“ (L)
Segja má að viðmælendur hafi allir verið á sama máli um að ávinningurinn fælist
ekki hvað síst í því að hafa betra aðgengi að viðskiptavinum til að selja þá vöru sem þeir
höfðu upp á að bjóða. Samhliða því var viðmælendum hugleikið að tengslanetin inn á
við, það er að segja, innan þess fyrirtækis sem þeir störfuðu hjá væri einnig gríðarlega
mikilvægt og þá sérstaklega við stoðdeildir. Þannig komst einn kvenmaður að orði með
erlenda reynslu:
„Það er klárlega auðveldara að stækka reksturinn ef maður
býr yfir tengslaneti. Það er mikið flæði af
viðskiptahugmyndum sem fara hér í gegn hjá okkur og það er
mikill ávinningur fyrir viðskiptavini okkar af því hversu vel
tengd við erum. Fyrst og fremst eru allir að hugsa um
reksturinn og hvernig sé hægt að nýta góða eiginleika og
áunnin tæki til að sinna sínu starfi sem best. Þess vegna er
líka mjög mikilvægt að vera vel tengdur hér innanhúss.“ (E)
Annar viðmælandi, karlmaður, sem hefur erlenda reynslu hafði frá
svipaðri upplifun að segja:
„... og ég reyni alltaf að koma fagmannlega fram til að skapa
gott orðspor. Það er mjög mikilvægt að byggja upp traust,
virðingu og góð samskipti til þess að geta selt þá vöru sem
við höfum upp á að bjóða. Ávinningur af tengslanetunum er
einnig sá að maður fær hugmyndir af samskiptum við annað
fólk og góð ráð og þannig getur maður lært af reynslu
annarra. Almennt fær maður einnig aukið aðgengi að
upplýsingum sem er mjög mikilvægt.“ (F)
45
Viðmælendur með innlenda reynslu sögðu ýmist að kostirnir við að hafa
tengslanet væru að það gerði þeim kleift að heyra fleiri skoðanir sem kæmu til góða í
starfinu eða að með því væri auðveldara að ná inn nýjum viðskiptavinum. Þannig komst
einn karlmaður að orði:
„Það er bara aðgengi að upplýsingum og mismunandi
skoðunum. Það er mikilvægt að hafa tengslanetið nógu öflugt
og nógu stórt þannig að hópurinn sem maður er í sambandi
við sé ekki of einsleitur. Mér finnst mikilvægt að vera með
breiðan sjóndeildarhring og að vera líka með netið út fyrir
fjármálageirann.“ (C)
Samskipti milli sviða innan hvers fyrirtækis var viðmælendum tíðrætt
um og mikilvægi þess að þau væru náin og innileg, það er, lituðust af trausti og
virðingu. Með því að kynnast nýju fólki fengu nokkrir viðmælendanna einnig
tækifæri á að stækka sitt tengslanet sem styrkti þá í átt til þess að taka við
nýjum áskorunum og að þroskast og þróast í starfi. Karlmaður sem hefur
innlenda reynslu lýsti kostunum svo:
„... það er gott að þekkja fólk og það er mikilvægt að vera í
góðu sambandi helst við sem flesta. Tækifæri opnast oft á
tíðum vegna þess að það er haft samband út af einhverju.
Það hefur enginn rétt fyrir sér og því er mikilvægt að geta
viðrað við aðra það sem maður er að hugsa. Þannig fær
maður upplýsingar og sjónarmið sem geta hjálpað manni við
að sjá hluti út frá fleiri en einni hlið.“ (G)
Allar upplifanir viðmælenda hnigu þó í sömu átt að því að góð tengsl, þar sem
gagnkvæm virðing væri til staðar, liðki fyrir samskiptum og auðveldaði á þann hátt að
miðla málum og koma þeim áfram. Einnig væri kosturinn sá að viðkomandi væri mun
betur inni í málum líðandi stundar en ella. Ekki var að finna marktækan mun á kynjunum
46
eða þeim sem höfðu erlenda eða eingöngu innlenda reynslu þegar kom að mikilvægi
tengslaneta og ávinningi af því að búa yfir slíku.
Það sem var þó eftirtektarvert var að fjórir af viðmælendum með erlenda reynslu,
tveir karlmenn og tvær konur ræddu oftar en einu sinni um mikilvægi hugmynda og
hvernig þær gætu kviknað innan tengslanetsins á meðan hugtakið bar aðeins einu sinni á
góma hjá karlkyns viðmælanda með innlenda reynslu. Fimm viðmælendum af sex með
innlenda reynslu var tíðrætt um að tengslanetið skipti máli þegar kom að upplýsingum og
upplýsingagjöf, hvort sem var að fá áreiðanlegar upplýsingar, hafa tækifæri á að sækjast
eftir upplýsingum eða til að fiska eftir viðkvæmum upplýsingum. Allir karlmenn með
innlenda reynslu ræddu um mikilvægi upplýsinga á meðan tvær af þremur konum með
innlenda reynslu gerðu slíkt hið sama. Sjá skýringarmynd í töflu 3 hér að neðan.
Tafla 3: Notkun hugmynda eða upplýsinga í tengslanetum. Skýringarmyndin sýnir
mun á notkun tengslaneta vegna hugmynda annars vegar og upplýsinga hins vegar
eftir kynjum og reynslu.
Notkun hugmynda eða upplýsinga í tengslanetum
Notkun hugmynda Notkun upplýsinga
Erlend reynsla Tveir karlmenn
Tvær konur
Enginn karlmaður
Engin kona
Ekki erlend reynsla Einn karlmaður
Fjórar konur
Sex karlmenn
Tvær konur
47
4.4 Sterkar sem veikar tengingar hjálpa
Viðmælendum í rannsókninni var tíðrætt um hvað tengingar skiptu miklu máli í þeirra
störfum og hversu mikla þýðingu það hefði fyrir tengslanet þeirra. Þá lögðu nokkrir
þeirra sérstaka áherslu á að hafa góðar tengingar jafnt inn á við, innan fyrirtækisins, sem
og út á við, til viðskiptavina og hugsanlegra nýrra viðskiptavina. Þessar sömu tengingar
hjálpuðu einnig gríðarlega til við aðgengi að upplýsingum sem gátu síðan flýtt fyrir
faglegri ákvarðanatöku. Þannig komst einn karlkynsviðmælandi með erlenda reynslu að
orði:
„Mér finnst sennilega mikilvægast fyrir mig að hitta fólk til
þess að heyra hvað er að gerast annars staðar og til að
breikka sjónarhornið. Hugmyndir kvikna í samtölum og með
því að hitta þá sem eru nánir mér og einnig þeir sem eru ekki
nánir mér, þá getur það leitt til þess að ég fæ hugmyndir og
get veitt öðrum innblástur þannig að menn gefi af sér í báðar
áttir. Það er komið ákveðið trúnaðarsamband með tengingu
sem er faglegt og þar sem ég get hjálpað til. Þá treystir til
dæmis viðkomandi mér til að koma fram með hugmyndir og
segja frá þeim. Þetta ferli geri ég mjög meðvitað. Þegar
maður er að vinna með viðskiptavini getur það líka búið til
tengingu fyrir mann sjálfan jafnvel sem starfsmann á öðrum
vettvangi sem getur líka verið jákvætt.“ (A)
Það var einnig áhugavert að heyra hjá viðmælendum að veikar tengingar eru ekki
síður mikilvægar en þær sterku. Þannig báru vina- og kunningjatengsl á góma í
samtölunum og jafnvel gamlir vinnufélagar sem leitað var til vegna aðgengis að
upplýsingum og til að kanna stöðu á markaði og úti í atvinnulífinu. Viðmælandi,
kvenkyns, með innlenda reynslu lagði sérstaka áherslu á tengingar inn í stoðdeildir og
mikilvægi þeirra:
48
„... það er mjög misjafnt hverju við erum að vinna að hverju
sinni en samt sem áður keyrum við á tengslanetinu þegar við
erum að spá í viðskiptavini. Þetta gerum við alltaf. Ef það
eru tengingar þá nýtum við þær frekar en hitt en
viðskiptavinahópurinn okkar er mjög fjölbreyttur. Síðan eru
heilmikil tengsl hér hjá okkur inn í stoðdeildir sem skiptir
mjög miklu máli í flestöllum verkefnum sem við fáumst við.“
(J)
Einnig bentu þrír viðmælendur, tvær konur og einn karlmaður, á þann ávinning
sem það er fyrir viðskiptavini að geta leitað til starfsfólks innan fyrirtækjanna sem hefur
góðar tengingar. Ein konan hafði innlenda reynslu og hin erlenda reynslu en
karlmaðurinn hafði erlenda reynslu. Þetta, samhliða góðri tengingu inni á vinnustaðnum,
eru allt leiðir til að ná farsælum viðskiptasamböndum sem geta enst lengi með góðri
eftirfylgni, góðum tengingum og hæfni í mannlegum samskiptum. Karlmaður með
erlenda reynslu lýsti því svo:
„Tengingar gefa manni allt í þessu starfi og eiga að
gera það að verkum að það fer ekkert framhjá manni. Þetta
að vera inni í flæði fjárfestingakosta og að vera með yfirsýn
yfir allt það sem er í boði er mjög mikilvægt. Þegar félög og
fyrirtæki eru til dæmis í fjárhagslegri endurskipulagningu
eða þegar verið er að loka útboði þá sér maður oft hvar
áherslur manna liggja og maður getur jafnvel fyllt upp í með
sínum tengingum.“ (K)
Allir þessir ofansögðu þættir snúa að því að byggja upp þau almennu samskipti
sem eru stór hluti starfsins. Þessu tengdu komst annar karlmaður með erlenda reynslu svo
að orði:
49
„Það skiptir miklu máli í okkar starfi að vinna nýja
viðskiptavini. Ef það er til dæmis einhver snerting eða
einhver hiti þá er vænlegra til árangurs að vera með tengilið
í útibúi til að koma á tengingu. Þar er traust á milli aðila og
líklegra að það gangi eftir heldur en að fá kalt símtal frá
einhverjum sem þú hefur aldrei hitt áður eða talað við. Það
er líka áhugavert að skoða hverjir eru í kringum núverandi
viðskiptavini því það geta legið tækifæri í tengslum við þá,
hvort sem það er fjölskyldu- eða vinnutengt. Mér finnst
mikilvægt að starfsfólk okkar sé meðvitað um þennan þátt því
þarna er hægt að búa til tengingar. Ef maður getur einhvers
staðar fundið sameiginlega tengingu þá getur hún skilað inn
jákvæðum þáttum til okkar.“ (A)
Einn af viðmælendunum hafði nýlega skipt um starfsvettvang og var það
hugleikið að hafa haft með sér í farteskinu tengingar frá fyrri vinnuveitanda sem hefðu
mjög fljótt komið sér vel í nýja starfinu. Kvenmaður með erlenda reynslu lýsti því svo:
„... þegar ég kom hingað lét ég alla vita af því og ýmist
hringdi eða sendi tölvupóst til að tilkynna að ég væri búin að
færa mig. Í kjölfarið bauð ég öllum á fund til að kynna þá
þjónustu sem í boði væri á nýja staðnum og ég fékk góða
endurgjöf á það. Ef ég er að ná inn nýjum viðskiptavinum þá
býð ég þeim gjarnan á vinnustaðinn í mat og úr því verður
oft þægilegt spjall og nýjar tengingar. Ég nota markvisst
nafnspjöldin mín og tek alltaf ef mér býðst á móti. Þá skrifa
ég aftan á þau dagsetningu til að rifja upp og er alltaf með
eftirfylgni í huga til að halda í þau tengsl sem hafa
myndast.“ (H)
Það er því ljóst að allar tengingar hjálpa og starfsmenn verða að vera vakandi fyrir
þeim og jafnvel að virkja hugmyndaflugið til að komast að þeim til að nýta þær í þágu
starfsins. Allir viðmælendur áttu það sammerkt að telja það fyrir víst að þeir og nánustu
50
samstarfsmenn þeirra héldu ekki sínum tengslum eingöngu fyrir sig. Það væri hluti af
starfinu að hafa opinn huga fyrir sínum tengslum og ábendingum sem kæmu inn á þeirra
borð til þess að hámarka þann hagnað sem þau gætu náð fyrir skipulagsheildina.
Marktækur munur var á upplifunum kynjanna varðandi tengingar og var karlmönnunum
tíðræðara um að koma þessum þætti að en konunum. Þegar tengingar báru á góma hjá
konunum snéru þær því frekar að persónulegum upplifunum á meðan karlarnir töluðu
meira út frá viðskiptalegum sjónarmiðum. Ekki var marktækur munur í svörum á því
hvort viðmælendur höfðu erlenda reynslu eða eingöngu innlenda reynslu.
4.5 Traust er lykilatriði
Viðmælendum var traustið í starfi sínu hugleikið og lögðu allir mikla áherslu á það, hvort
sem þeir höfðu eingöngu innlenda reynslu eða erlenda eða af hvaða kyni þeir voru. Allir
viðmælendur höfðu gengið í gegnum tímabilið í kringum efnahagshrunið og bar það
jafnan á góma þegar traustið, virðingin, samskiptin og orðspor bar á góma. Voru þeir allir
sammála um að á löngu tímabili eftir fjármálakrísuna árið 2008 hefði það einkennst af
því að endurheimta aftur traustið á sumum vígstöðvum. Þannig lýsti karlkyns viðmælandi
með innlenda reynslu sinni upplifun:
„Mitt hlutverk byggist á trausti og útfrá starfinu sem ég er í,
sem er í raun þjónustustarf þarf að vera algjört traust til
staðar, það er lykilatriði. Ég hef verið í þessu starfi í sjö ár
og maður er búinn að fara í ákveðinn ólgusjó með ákveðinn
hóp fólks á þessu tímabili.“ (B)
51
Að sama skapi hafði kvenkyns viðmælandi með erlenda reynslu þetta um traust
og orðspor að segja:
„... þetta hefur allt að segja. Það er að segja að það sé
gagnkvæmt traust og virðing til staðar milli aðila og að ég
sem starfsmaður gæti í sífellu orðspor bankans. Fólk er ekki
alveg fyllilega búið að jafna sig eftir efnahagshrunið en
traustið er að koma til baka.“ (E)
Rannsóknir á trausti hafa sýnt að á því eru nokkrar hliðar svo sem hvort aðilar sjá
sér hag í því að treysta öðrum og hvaða ástæðu þeir hafa til að treysta öðrum. Lykill að
góðri samvinnu kemur oft í gegnum traust milli aðila. Þannig getur traust komið fram
vegna tilfinningalegrar reynslu milli fólks eða vegna sönnunar annars aðilans á hæfni og
áreiðanleika hins aðilans (Butler,1991; Cook & Wall, 1980; Zucker, 1986).
„Traustið er mikilvægast í starfseminni“, hafði einn viðmælandi að orði og bætti
því jafnframt við að undanfarin ár væri búið að vinna markvisst í því að byggja upp traust
jafnt innan sem utan fyrirtækisins. Karlmaður með innlenda reynslu útskýrði mál sitt á
þennan hátt:
„Það var mikið vantraust í kerfinu og er enn þá og er einnig
hjá mér. En til að mynda hjá okkur þá misstum við enga
viðskiptavini í hruninu og meðaávöxtunin var jákvæð árið
2008. Hrunið kom og það var óhjákvæmilega tjón við það, en
það hefur óvíða komið skárr út en hjá okkur, einingin er
meira en tvöfalt stærri en fyrir hrun til að mynda. Það finnst
mér vera besti mælikvarðinn á að viðskiptavinirnir treysta
okkur og hafa ekki farið með fjármuni sína í burtu. Við fáum
mikla endurgjöf frá viðskiptavinunum sem er okkur
mikilvægt.“ (G)
52
Í framhaldi af umræðum um traust, virðingu, samskipti og orðspor kannaði
rannsakandi hvort viðmælendurnir treystu öllum í sínu tengslaneti. Sumum fannst erfitt
að svara því til en flestir voru á einu máli um að það gerðu þeir ekki, það færi í raun eftir
því hversu sterk eða veik tengsl þeir hefðu við aðila í sínu tengslaneti. Þannig sögðust
fjórir viðmælendur eingöngu með innlenda reynslu ekki hafa fullt traust til allra í sínu
tengslaneti, tvær konur og tveir karlmenn. Ein kona og einn karlmaður eingöngu með
innlenda reynslu voru hlutlaus þegar kom að þessu atriði og áttu erfitt með að svara
spurningunni. Einn karlmaður með erlenda reynslu svaraði því til „já og nei“ um hvort
hann treysti öllum í tengslanetinu. Þrjár konur með erlenda reynslu sögðust treysta öllum
í sínu tengslaneti á meðan tveir karlmenn með erlenda reynslu treystu ekki öllum sínum
tengiliðum. Sjá skýringarmynd í töflu 4 hér að neðan.
Tafla 4: Traust í tengslanetum. Í töflunni er dregin upp mynd af því hverjir bera
fullt traust til sinna tengiliða, hverjir bera ekki fullt traust til þeirra og síðan þeir
sem eru hlutlausir.
Traust í tengslanetum
Fullt traust til
tengiliða
Ekki fullt traust til
tengiliða
Hlutlaus
Erlend reynsla Þrjár konur
Enginn karlmaður
Tveir karlmenn
Engin kona
Einn karlmaður
Engin kona
Ekki erlend reynsla Enginn karlmaður
Engin kona
Tveir karlmenn
Tvær konur
Einn karlmaður
Ein kona
53
Karlmaður með erlenda reynslu lýsti sinni upplifun af því hvort hann bæri traust
til allra í sínu tengslaneti þannig:
„... ég treysti ekki öllum í mínu tengslaneti og ber ekki fullt
traust til samkeppnisaðila minna. Þetta er ákveðin
leikjafræði „kiss and tell“, til dæmis þegar maður sér
tækifæri í ákveðnu félagi og er búinn að taka ákveðna stöðu
þá vill maður að fleiri sjái sama tækifæri þegar maður er
búinn að ná því sjálfur þannig að þetta fer eiginlega bara
hringinn. Ef þetta er alvöru tækifæri og menn sjá það þá
munu þeir elta og meta þá hvort búið er að frysta allt inni
eða ekki.“ (K)
Það var eftirtektarvert að karlkyns viðmælendum var þetta atriði meira hugleikið
heldur en kvenkyns viðmælendum, það er kvenkyns viðmælendur voru frekar stuttar í
spunann þegar að þessu kom á meðan karlkyns viðmælendur áttu það frekar til að útskýra
svör sín á ígrundaðri hátt. Einn karlkyns viðmælandi með innlenda reynslu sagði svo frá:
„Sumum treysti ég alveg en þetta er misjafnt og maður túlkar
misjafnlega það sem kemur frá misjöfnum aðilum. Síðan
lærir maður inn á fólk og áttar sig á hverju maður getur
spurt að og hverju ekki. Innan fyrirtækisins hef ég tengingar
inn í flesta anga þess og hef því breitt net. Það er mikill
kostur að vera með sem flestar snertingar og skilja hvernig
þetta fúnkerar, það er, boðleiðirnar og flæðið og hverjir
skipta máli.“(C)
Það var því sammerkt með viðmælendum að mannorð í viðskiptum
væri allt og að traustið væri lykilatriði í öllum þeirra störfum. Það var þó
áberandi að kvenkyns viðmælendur voru stuttar í svörum þegar kom að því að
treysta öllum í tengslanetinu en hér má sjá dæmi um nokkur af þeim svörum
sem komu frá þeim:
54
„... það er gott fólk upp til hópa sem ég er í samskiptum við.“
(H)
„Ég er heppin að ég er að vinna með góðu fólki hér og þá
sækist maður meira í þá sem maður ber fullt traust til.“ (D)
„Ég treysti öllum í mínu nánasta tengslaneti en hvort ég
treysti einhverjum úr menntó er annað mál.“(E)
Ekki virtist skipta máli hvort viðmælendur höfðu eingöngu innlenda reynslu eða
erlenda að upplifun þeirra á trausti, virðingu, samskiptum og orðspori var sú sama. Þegar
kom að trausti á aðilum innan tengslanetsins var greinilegur munur á upplifunum
karlmanna og kvenmanna og því greinilegt að karlmenn í rannsókninni höfðu mun
sterkari skoðanir á þeim lið en konurnar og virtust hafa greiðari svör á höndum og
ígrundaðri en þær. Fleiri konur en karlar virtust bera traust til sinna tengiliða eða þrjár
konur með erlenda reynslu á meðan enginn karlmaður sagðist treysta öllum fullkomlega í
sínu tengslaneti. Niðurstaðan er því sú að munur er á kynjunum hvernig þau upplifa
traust innan síns tengslanets.
4.6 Ytra umhverfið og ákvarðanataka
Í gegnum viðtalsferlið var viðmælendum tíðrætt um sjálfa ákvarðanatökuna í einstökum
málum, skrefið að henni, það er undirbúningsvinnuna og þær upplýsingar sem fást á
ýmsum vígstöðvum, hvort sem það er innan eða utan fyrirtækisins á leiðinni að sjálfri
ákvarðanatökunni. Hér var einnig komið inn á það atriði hvernig viðmælendur upplifðu
samstarfsfélaga sína og það tengslanet sem þeir höfðu, jafnt innan sem utan fyrirtækisins.
Karlmaður með innlenda reynslu komst svo að orði:
55
„Ég held að flestir [samstarfsmenn] passi það að vera mjög
virkir að hitta aðra. Það er svo mikilvægt að hafa tilfinningu
fyrir ytra umhverfinu í ákvarðanatökunni. Það þarf að fá sem
flestar skoðanir og viðhorf fram.“ (C)
Karlkyns viðmælandi með erlenda reynslu hafði þessa skoðun:
„... menn hafa spýst í allar áttir, sérstaklega eftir hrunið. En
í þessum bankabransa þá þarftu að þekkja vel þarfirnar og
það þarf að vera mikið traust áður en að ákvarðanatöku
kemur. Maður reynir að hitta ákveðna aðila ef einhver
herferð er í gangi innan fyrirtækisins, á föstum fundum eða í
hádeginu eða eitthvað slíkt. Þetta gerir maður til að fá
jákvætt goodwill, það er ekkert sem heitir ókeypis
hádegisverður, ef þú skilur hvað ég meina. Þessi miðlun er
svolítið karllægur heimur og ég held að þessi tengslaheimur
sé það líka.“ (K)
Fram kom í svörum viðmælenda að starfsmenn sem þeir ynnu með
væru jafn ólíkir og fólk er flest. Sumir væru mjög duglegir að halda í
viðskiptatengsl í stað þess að sækja ný á meðan aðrir væru sterkir í að sækja ný
en jafnframt að viðhalda gömlum tengslum. Þannig lýsti kvenkyns viðmælandi
með erlenda reynslu sinni upplifun:
„... sko, það eru mjög margir sem eru að hugsa um þetta,
margir sem hugsa þetta miklu meira markvisst en ég sem eru
raunverulega að byggja upp tengslanet til að geta tekið skref
fram á við gagnvart vinnunni. Maður gerir ekkert á Íslandi
nema að þekkja einhvern, þannig eru tengslin sennilega
meira persónuleg en fagleg hér á landi. Það á ekkert að fara
leynt með það að tengjast fólki og hafa áhuga á að nýta sér
tækifærin þegar þau berast, síðan er spurning hvenær þú
56
gerir það. Þú vilt ekki að þú fáir starf af því að þú þekkir
einhvern, það verður að vera faglegur grunnur.“ (L)
Sumir viðmælendur höfðu lítið velt þessum þætti fyrir sér, það er varðandi
samstarfsfélagana og hversu vel tengdir þeir væru og öflugir í undirbúningsferlinu að
sjálfri ákvarðanatökunni. Þannig hafði einn viðmælandi upplifað að horfa upp á nýjan
starfsmann með ekkert tengslanet þegar hann kom inn til fyrirtækisins og var þá í
vondum málum frá fyrsta degi. Viðmælandi, karlkyns, með innlenda reynslu sagði svo
frá sinni reynslu:
„Það eru sumir sem hafa gríðarlegt tengslanet en geta ekki
nýtt sér það í vinnunni. Það er til dæmis tengslanet í kringum
ákveðna viðburði og skemmtanir en það er ekki nægt traust í
gangi. Ég hef séð aðila sem eru gríðarlega vel tengdir en
þeir ná ekki frama í starfi.“(B)
Það er mikilvægt að styrkja sambandið við viðskiptavininn á einhvern
hátt en það er mismunandi eftir starfsmönnum hversu duglegir þeir eru við það.
Einnig er þeim mikilvægt að nýta hverja þá tengingu sem fyrirfinnst til að ná
hugsanlega til nýrra viðskiptavina. Margt af þessu gerist ómeðvitað og annað
meðvitað en tengslin geta alltaf verið mikilvæg við ákvarðanatöku og
undanfara hennar. Þá er líka gríðarlega mikilvægt að traust á milli aðila sé til
staðar. Ekki var munur á kynjum varðandi ákvarðanatöku eða hvernig þau
upplifðu að samstarfsfélagar nýttu sér tengslanet sín innan og utan
fyrirtækisins. Að auki var ekki hægt að greina mun á skoðunum viðmælenda
hvort sem þeir höfðu reynslu erlendis frá eða eingöngu innlendis frá.
4.7 Samfélagsmiðlar og erlend tengsl
Það var áhugavert að sjá þegar unnið var úr viðtölunum hversu veigalitlir
samfélagsmiðlar voru hjá nánast öllum viðmælendum. Þannig voru ellefu
viðmælendur af tólf á Facebook og aðeins einn af þeim tiltölulega virkur þar
57
inni. Einn karlmaður með innlenda reynslu var ekki á Facebook. Af tólf
viðmælendum voru tíu skráðir á LinkedIn, meira af skyldurækni heldur en af
einskærum áhuga. Ein kona og einn karlmaður með erlenda reynslu voru ekki á
LinkedIn. Hér má sjá nokkrar útskýringar viðmælenda með innlenda reynslu
fyrir notkun sinni á samfélagsmiðlum:
„Ég er ekki á samfélagsmiðlunum, ég er inni á LinkedIn og
Facebook en sinni því ekki.“(G)
„... ég pósta bara af og til inn á Facebook, er meira eins og
gluggagægir þar. Er einnig á LinkedIn en meira þar inni
formsins vegna.“ (J)
„Ég nota ekki samskiptamiðla, ég tók þá ákvörðun þegar
þetta var komið á mikið skrið að ég hafði ekki áhuga á þessu.
Það eru ofboðslega margir í kringum mig á þessu, ég vil
frekar vera meira í persónulegum samskiptum.“(B)
„... Facebook er orðið mikið samskiptatæki og ég nota það
rosalega mikið, sérstaklega persónulega. Þar fara öll
samskipti fram og tekur oft við af símtölum. Þetta er líka
orðin góð fréttaveita.“ (C)
Svipaða sögu var að segja hjá viðmælendum með erlenda reynslu,
flestir voru óvirkir á samfélagsmiðlum eða hreint ekki búnir að tileinka sér þá
tækni og voru ýmsar ástæður fyrir því. Þannig sögðu nokkrir þeirra frá:
„... ég er á LinkedIn en ekki með virkni en passa að hafa mitt
í lagi þar. Ég pósta aldrei neinu á Facebook. Ég nota það
síðarnefnda aðallega til að vera í grúppum.“ (A)
„Hef aðeins verið að heyra af LinkedIn, ég er ekki þar inni á
skrá en á dagskránni að skoða það. Ég er sæmilega virkur
58
notandi á Facebook en set ekki mikið inn, ég nota það
aðallega til að fylgjast með öðrum og tek ekki mikið þátt í
skoðanaskiptum.“ (F)
„Ég er á Facebook og set like og myndir af því sem ég er að
gera nokkuð oft. Ég er á leiðinni á LinkedIn, mér finnst það
ofboðslega sniðugt og það er alveg á planinu.“ (H)
Þetta er áhugavert að skoða í samhengi við niðurstöður rannsóknar sem Jóhanna
Gunnlaugsdóttir gaf út árið 2013 um samfélagsmiðlanotkun vegna einkaerinda í
fyrirtækjum. Í rannsókn hennar kom fram að stjórnendur og sérfræðingar voru jákvæðari
en mannauðsstjórar og almennir starfsmenn í garð persónulegrar samfélagsmiðlanotkunar
á vinnutíma. Í þremur af fimm fyrirtækjum þar sem viðtöl rannsakanda fóru fram kom í
ljós að opið var fyrir aðgang að samfélagsmiðlum og að notkun þessara miðla færðist
sífellt í aukana í viðskiptalegum tilgangi. Facebook var algengasti samfélagsmiðillinn og
tæplega helmingur starfsfólks, eða 49%, nýtti sér notkun samfélagsmiðla á vinnutíma og
varði töluverðum tíma vinnuvikunnar í að sinna einkamálum á samfélagsmiðlum, eða allt
upp í fjórar klukkustundir eða meira á viku. Það sem var einnig áhugavert við rannsókn
Jóhönnu var að hjá þeim fyrirtækjum þar sem starfsfólki var leyft að hafa aðgang að
samfélagsmiðlum á vinnutíma kom í ljós að konur upplifðu frekar takmarkaðan aðgang
að samfélagsmiðlum til einkanota eða 59% á móti 72% karla. Einnig var áhugavert við
rannsókn Jóhönnu að svo virtist að eftir því sem starfsmenn klifu hærra upp
metorðastigann, því meiri tíma eyddu þeir á samfélagsmiðlum á vinnutíma. Ungir karlar,
frekar en konur, vörðu meiri tíma til einkanota á samfélagsmiðlum á vinnutíma (Jóhanna
Gunnlaugsdóttir, 2013).
Einn viðmælandi með erlenda reynslu var ekki virkur samfélagsmiðlanotandi en
var skráður á LinkedIn og Facebook og notaði það í hófi, var meira skoðandi heldur en
að leggja eitthvað til málanna. Hann minntist á að LinkedIn væri mikilvægt til að halda í
gömlu erlendu tengingarnar þó að hann nýtti þær ekki markvisst í dag en þá gæti komið
að því síðar að taka upp þráðinn.
Þegar kom að erlendu samskiptunum og mun á þeim og samskiptum við innlenda
aðila áttu flestir viðmælendur það sammerkt að vera í litlum sem engum samskiptum við
erlenda aðila frá efnahagshruni og þá sérstaklega vegna gjaldeyrishafta. Það var áberandi
59
í svörum viðmælenda að þeir sem voru eingöngu með innlenda reynslu höfðu minni
erlend samskipti og þar af leiðandi tengslanet erlendis á meðan viðmælendur með erlenda
reynslu voru í litlum erlendum samskiptum í dag vegna vinnu en bjuggu að erlendu
tengslaneti frá fyrri tímum sem gat verið að nýtast þeim jafnvel í vinnu í dag. Þannig
komust viðmælendur með erlenda reynslu að orði, annars vegar karlmaður (A) og hins
vegar kvenmaður (H):
„... mér finnst samskiptin við erlenda aðila ekkert endilega
vera öðruvísi, samskiptin skipta alltaf öllu máli í því sem
maður er að gera. Maður þarf að hitta fólk en tölvupóstur
getur hjálpað til og viðhaldið tengslum og tengslaneti en
maður getur ekki stækkað netið með því. Tæknin kemur
aldrei í veg fyrir samskiptin.“ (A)
„Það er meira virði í samskiptum og sambandi við innlenda
aðila því Ísland er svo lítið samfélag og ef maður vinnur gott
verk þá getur það hjálpað en ef þú ert með erlenda tengingu
þá er það meira bara úti í hinum stóra heimi þar sem hvert
samband er meira eins og eyðieyja. Ég fæ meira út úr
íslenska tengslanetinu.“ (H)
Einnig var kannað hvort samskipti við erlenda aðila eða innlenda væru
á einhvern hátt ólík eða hvort tengslin væru eins. Viðmælendur með innlenda
reynslu svöruðu því svo til, C er karlmaður og J er kvenmaður:
„Mér finnst samskiptin öðruvísi. Þau eru persónulegri við
innlenda aðila en ég hef aldrei náð persónulegum tengingum
við erlenda aðila, það er einhvern veginn meiri fjarlægð og
meiri varkárni í kringum þá, ég veit ekki af hverju, ég upplifi
það bara þannig.“ (C)
„... ég er mjög lítið í erlendum samskiptum því umhverfið er
þannig núna. Þetta var meira fyrir hrun og mér finnst
60
tengslin við erlendu aðilana vera öðruvísi, maður notar
meira tölvupóstinn í samskiptum við þá og allt verður
formlegra. Mér finnst erlendir aðilar vera skipulagðari að
taka upp þráðinn og halda honum.“ (J)
Viðmælendur voru sammála um að tengslin við erlenda aðila væru
yfirleitt formlegri heldur en við innlenda aðila og að þau gætu ekki varað
jafnlengi eins og við innlenda aðila. Tíu af tólf viðmælendum voru ekki í
neinum erlendum samskiptum í tengslum við vinnu eftir efnahagshrun. Ekki
var munur í svörum á milli kynja eða því hvort viðmælendur höfðu innlenda
eða erlenda reynslu í því hvernig þeir upplifðu tengsl við erlenda aðila
samanborið við innlenda aðila. Þó var marktækur munur á því að viðmælendur
með erlenda reynslu höfðu ríkulegra erlent tengslanet vegna reynslu sinnar af
því að hafa verið í námi eða unnið tímabundið erlendis.
61
5 Umræða og samantekt
Markmið með rannsókninni var að kanna tengslanetanotkun stjórnenda á Íslandi, það er
að segja millistjórnenda sem starfa í stóru viðskiptabönkunum þremur. Kannað var með
hvaða hætti 12 íslenskir millistjórnendur nýta, byggja upp og þróa tengslanet sín og
hvernig tengslanet þeirra geta komið þeim til góða við störf sín. Með viðtölum við sex
karlkyns stjórnendur og sex kvenkyns stjórnendur sem starfa í eignastýringardeildum
Íslandsbanka, Landsbankans og Arion banka og hafa ýmist starfs- eða námsreynslu
erlendis frá eða eingöngu innlendis frá, var leitast við að svara eftirfarandi
rannsóknarspurningu:
Nýta íslenskir millistjórnendur tengslanet á ólíkan hátt eftir því hvort þeir hafa reynslu af
því að stunda nám og vinnu erlendis eða hafa eingöngu reynslu hérlendis frá? Er munur
á hvernig kynin byggja upp og nýta sér tengslanet sín?
Rannsókninni var ætlað að varpa ljósi á hvort reynsla hefði áhrif á notkun
stjórnenda á tengslanetum og einnig hvort munur væri á hvernig kynin byggja upp og
þróa sín tengslanet. Helstu annmarkar á rannsókninni eru þeir að erfitt er að alhæfa út frá
henni um hvernig stjórnendur á Íslandi almennt nýta tengslanet sín í starfi. Hins vegar
gefur hún ákveðna mynd af því hvernig reynsla getur haft áhrif og hvernig kynin hugsa
um þennan þátt á ólíkan hátt. Rannsakandi lagði af stað í upphafi með 11
viðtalsspurningar en notaðist eingöngu við 10 þeirra. Sú spurning eða sá þáttur sem ekki
varð með í lokavinnsluferlinu sneri að því að viðmælendur áttu að svara því til hverjir af
þeirra tengiliðum innan tengslanetsins þekktu hver annan. Hér áttu viðmælendur að fylla
út eyðublað og merkja með tölustöfum á skalanum 1–10 fimm tengiliði sína á
vinnustaðnum og tengsl þeirra á milli. Rannsakandi beygði þó fljótt af þessari leið þar
sem viðmælendum fannst þetta þungt í vöfum og því fannst honum þessi tilraun missa
marks. Þó skal tekið fram að þessi þáttur er mjög áhugaverður og út úr honum gætu
komið niðurstöður sem varpa öðru ljósi á notkun tengslaneta hjá stjórnendum en áður
hefur verið sýnt fram á. Því er þetta einn liður sem gæti átt heima í frekari rannsóknum á
tengslanetum á Íslandi.
62
Niðurstöður rannsóknarinnar benda til að stjórnendur með erlenda reynslu noti
tengslanet sín á annan hátt en stjórnendur með innlenda reynslu. Viðmælendur með
erlenda reynslu höfðu opnara viðhorf til tengslaneta á þann hátt að víla ekki fyrir sér að
leita til fleiri aðila en í nánasta tengslaneti, að halda í tengsl og þróa þau þar sem litið var
á þennan þátt sem ævilangt verkefni. Viðmælendur með erlenda reynslu virðast líta á
mikilvægi tengslaneta á annan hátt en viðmælendur eingöngu með innlenda reynslu að
því leyti að þeim finnst forskotið felast í hugmyndalegum ávinningi, hvernig
hugmyndirnar gætu kviknað og orðið að einhverju stærra og meira innan tengslanetsins.
Þessi niðurstaða átti bæði við hjá karlmönnum og kvenmönnum með erlenda reynslu.
Þegar kom að viðmælendum með innlenda reynslu sáu þeir hag sinn í því að eiga gott
tengslanet vegna betra aðgengis að upplýsingum til að ná forskoti í starfi og við
ákvarðanatöku sem um leið jók samkeppnishæfni þeirra. Allir karlmenn með innlenda
reynslu lögðu áherslu á þennan þátt og tvær af þremur konum með innlenda reynslu.
Niðurstöður benda einnig til þess að tengslanetaheimurinn sé meira karllægur
heldur en kvenlægur vegna þess að konur hafa skemmri stjórnunarreynslu heldur en
karlmenn. Það kom einnig í ljós að kvenkyns viðmælendurnir voru ekki jafn duglegir að
byggja upp sitt tengslanet og að viðhalda því, þetta væri hlutur sem hefði legið í dvala en
að þetta væri umhugsunarvert að fara að velta fyrir sér og efla þennan þátt. Þrátt fyrir
þetta voru aðeins fjórir viðmælendur af tólf sem sögðust byggja markvisst og meðvitað
upp sitt tengslanet, þar af voru tvær konur og tveir karlmenn en af þeim voru þrír með
erlenda reynslu. Þannig voru viðmælendur með erlenda reynslu í meirihluta þegar kom
að þessum þætti.
Þar að auki kom fram að karlmenn höfðu ákveðnari hugmyndir um hvernig það
væri árangursríkt að byggja upp sín tengslanet og voru karlmenn með erlenda reynslu
með skýr svör í þeim efnum, svo sem að vera duglegur að sýna sig og sjá aðra, sækja
fundi og viðburði, kynnast fólki úr öðrum deildum bankans o.s.frv. Konur með erlenda
reynslu voru óákveðnari í tilsvörum og leituðu gjarnan ekkert sérstaklega eftir því að
byggja upp sitt tengslanet. Meirihluti kvenna með innlenda reynslu útskýrðu þetta á
svipaðan hátt, að þær væru ekki nógu góðar við að byggja upp tengslanet sín á
kerfisbundinn hátt en flestar gerðu sér grein fyrir því og töldu sig þurfa að bæta sig þegar
að þessum þætti kom. Eftirtektarvert var að viðmælendur með erlenda reynslu voru með
mun opnara viðhorf og úthugsaðra heldur en þeir með innlenda reynslu. Inn í það
63
blandaðist einnig að viðmælendur með erlenda reynslu töldu sig upp til hópa hafa betra
og öflugra tengslanet erlendis heldur en þeir sem höfðu eingöngu innlenda reynslu.
Þær vangaveltur um hvort að tengingar hjálpa þá áttu allir viðmælendur það
sammerkt að telja það fyrir víst að þeir og nánustu samstarfsmenn þeirra héldu ekki
sínum tengslum eingöngu fyrir sig. Marktækur munur var á upplifunum kynjanna
varðandi tengingar og var karlmönnunum tíðræðara um að koma þessum þætti að en
konunum. Þegar tengingar bar á góma hjá konunum sneru þær því frekar að
persónulegum upplifunum á meðan karlarnir töluðu meira út frá viðskiptalegum
sjónarmiðum. Ekki var marktækur munur í svörum á því hvort viðmælendur höfðu
erlenda reynslu eða innlenda reynslu.
Flestir viðmælendur voru á einu máli um að þeir treystu ekki öllum í sínu
tengslaneti. Fjórir viðmælendur með innlenda reynslu höfðu ekki fullt traust til allra í
sínu tengslaneti, tvær konur og tveir karlmenn. Ein kona og einn karlmaður með innlenda
reynslu voru hlutlaus þegar kom að þessu atriði og áttu erfitt með að svara spurningunni.
Einn karlmaður með erlenda reynslu svaraði því til „já og nei“ um hvort hann treysti
öllum í tengslanetinu. Þrjár konur með erlenda reynslu sögðust treysta öllum í sínu
tengslaneti á meðan tveir karlmenn með erlenda reynslu treystu ekki öllum sínum
tengiliðum. Það var eftirtektarvert að karlkyns viðmælendum var þetta atriði meira
hugleikið heldur en kvenkyns viðmælendum, það er kvenkyns viðmælendur voru frekar
stuttar í spunann þegar að þessu kom á meðan karlkyns viðmælendur áttu það frekar til
að útskýra svör sín á ígrundaðri hátt. Fleiri konur en karlar virtust bera traust til sinna
tengiliða, eða þrjár konur með erlenda reynslu á meðan enginn karlmaður sagðist treysta
öllum fullkomlega í sínu tengslaneti. Niðurstaðan er því sú að munur er á kynjunum
hvernig þau upplifa traust innan síns tengslanets.
Rannsóknin sýnir einnig að samfélagsmiðlar virðast gegna litlu hlutverki hjá
nánast öllum viðmælendum. Þannig voru ellefu viðmælendur af tólf á Facebook og
aðeins einn af þeim tiltölulega virkur þar inni. Einn karlmaður með innlenda reynslu var
ekki á Facebook. Af tólf viðmælendum voru tíu skráðir á LinkedIn, meira af skyldurækni
heldur en af einskærum áhuga. Ein kona og einn karlmaður með erlenda reynslu voru
ekki á LinkedIn.
Viðmælendur voru sammála um að tengslin við erlenda aðila væru yfirleitt
formlegri heldur en við innlenda aðila og að þau gætu ekki varað jafnlengi eins og við
innlenda aðila. Tíu af tólf viðmælendum voru ekki í neinum erlendum samskiptum í
64
tengslum við vinnu eftir efnahagshrun. Ekki var munur í svörum á milli kynja eða því
hvort viðmælendur höfðu innlenda eða erlenda reynslu um það hvernig þeir upplifðu
tengsl við erlenda aðila samanborið við innlenda aðila. Þó var marktækur munur á því að
viðmælendur með erlenda reynslu höfðu ríkulegra erlent tengslanet vegna reynslu sinnar
af því að hafa verið í námi eða unnið tímabundið erlendis.
Af ofansögðu má því draga þá ályktun að viðmælendur með erlenda reynslu
virðast hugsa um tengslanet á annan hátt en viðmælendur eingöngu með innlenda
reynslu, það er að segja, út frá hugmyndalegu sjónarmiði, á meðan hinn hópurinn lítur
meira á það sem upplýsingatengt hlutverk að eiga gott tengslanet. Einnig má lesa út úr
niðurstöðunum að karlmenn með erlenda reynslu eru duglegri en aðrir hópar við að
byggja upp tengslanet á markvissan hátt. Karlmenn með erlenda reynslu voru einnig
skýrari í því en aðrir hópar hvernig væri árangurríkast að byggja upp sín tengslanet.
Þegar kom að tengingum var marktækur munur á upplifunum kynjanna þar sem
karlmenn nefndu þennan þátt talsvert oftar heldur en konurnar en ekki var marktækur
munur á því hvort viðmælendur höfðu erlenda reynslu eða innlenda reynslu. Munur er á
kynjunum þegar kemur að trausti á tengiliðum og voru konur með erlenda reynslu í
meirihluta þeirra sem báru traust til sinna tengiliða. Notkun samfélagsmiðla gegnir litlu
hlutverki hjá meirihluta viðmælenda og virtist ekki vera kynjamunur þar á eða að reynsla
skipti máli. Ekki var munur í svörum á milli kynja eða því hvort viðmælendur höfðu
eingöngu innlenda eða erlenda reynslu í því hvernig þeir upplifðu tengsl við erlenda aðila
samanborið við innlenda aðila.
Rannsóknin hafði ákveðnar takmarkanir og snýr það helst að stærð úrtaksins sem
við átti. Stærsta takmörkunin er sú að alls staðar þar sem bornir voru saman hópar er
einungis um vísbendingar að ræða þar sem úrtakið var ekki nógu stórt til að vera
tölfræðilega marktækt. Þrátt fyrir takmarkanir gefur rannsóknin ákveðnar upplýsingar um
hvernig stjórnendur í fjármálageiranum, með ólíka reynslu, nýta tengslanet sín. Þar að
auki sýna niðurstöðurnar einnig hvernig kynin nýta tengslanet sín á mismunandi hátt.
Rannsóknin er einn liður í því að kanna notkun tengslaneta á Íslandi og hvernig
stjórnendur í atvinnulífinu nýta sér þau í sínu starfi. Tengslanetin ná yfir víðfemt svið og
þar sem þau hafa tiltölulega lítið verið könnuð á Íslandi eru enn margir óplægðir akrar
við að rannsaka þróun þeirra, notkun og breytingar í tímans rás. Í framhaldi af þessari
rannsókn væri áhugavert að kanna frekar og bera saman notkun fólks sem sér annars
vegar ávinning út úr tengslanetum út frá hugmyndalegum sjónarmiðum og hins vegar út
65
frá hagnýtingu upplýsinga. Einnig væri áhugavert að kanna frekar traust í tengslanetum
og hvort að togstreita myndist ef fólk þarf að velja á milli aðila innan tengslanetsins.
Tengingar og notkun þeirra innanhúss á vinnustöðum er einnig áhugavert rannsóknarefni
og gæti gefið skýrari mynd af því hverjir eru mikilvægastir í tengslanetinu á
vinnustöðum.
Rannsakandi gæti borið upp fleiri uppástungur að rannsóknarefnum enda
viðfangsefnið áhugavert og hefur upp á marga möguleika að bjóða. Kaus rannsakandi að
nota tilvitnun úr einu viðtalinu sem titil á ritgerðinni: „Heimurinn er fullur af litlum
heimum og maður nær smá tengingu við einhverja og smám saman stækkar netið“. Þetta
fannst rannsakanda lýsandi fyrir það hvað tengslanet eru í raun og veru, tengingar við
fólk úr mismunandi áttum, sem allt myndar, með samböndum sínum, litla heima úti í
hinum stóra heimi.
66
Heimildaskrá
Aldrich, H., Zimmer, C. (1990). Entrepreneurship Through Social Networks. California
Management Review.
Bertrand, M., Luttmer, E.,F.P, Mullainathan, S. (1998). Network effects and welfare
cultures. NBER Working paper series.
Birgir H. Birgisson. (2010). Tengslanet í viðskiptum. Háskóli Íslands.
Burt, R.S. (1992). Structural Holes. The Social Structure of Competition. Harvard
University Press.
Burt, R.S. (1997). The contingent value of social capital. Administrative Science
Quarterly.
Butler, J. K. (1991). Toward understanding and measuringconditions of trust: Evolution
of a conditions of trust inventory. Journal of Management.
Chua, R.Y.J., Ingram, P., og Morris, M.W. (2008). From the head and the heart: Locating
cognition- and affect-based trust in managers´professional networks. Academy of
Management Journal.
Chua, R., Y., J, Morris, M., W, Ingram, P. (2009). Guanxi vs networking: Distinctive
configurations of affect- and cognition-based trust in the networks of Chinese vs
American managers. Journal of International Business Studies
Cook, J., & Wall, T. (1980). New work attitude measures of trust,organizational
commitment and personal need nonfulfillment. Journal of Occupational Psychology.
Durkheim, E. (1997). The Division of Labor in Society. New York: Free Press.
Esterberg, K.G. (2001). Qualitative Methods in Social Research. McGraw Hill.
Eveland, J. D., & Bikson, T. K. (1988). Work group structures and computer support: A
field experiment. ACM Transactions on Office Information Systems.
67
Gladwell, M. (2000). The Tipping Point (dynamics of social groups) – The Law of the
Few. Little Brown.
Gold, T., Guthrie, D., Wank, D. (2002). Connections in China. Institutions, Culture, and
the Changing Nature of Guanxi. Cambridge University Press.
Granovetter, M., S. (1973). The Strength of Weak Ties. American Journal of Sociology.
Greve, H., Rowley, R., Shipilov, A. (2014). Network Advantage: How to Unlock Value
From Your Alliances and Partnerships. Jossey Bass.
Ingram, P., & Morris, M. W. (2007). Do people mix at mixers? Structure, homophily,
and the „life of the party“. Administrative Science Quarterely.
Jóhanna Gunnlaugsdóttir. (2013). Samfélagsmiðlanotkun vegna einkaerinda í
skipulagsheildum. Viðskiptafræðistofnun Háskóla Íslands.
Kotter, John. P. (1996). Leading Change. Harvard Business Review Press.
Lin, N. (2001). Social Capital, theory and research. Transaction Publishers.
Levin, D. Z., & Cross, R. (2004). The strength of weak ties you can trust: The mediating
role of trust in effective knowledge transfer. Management Science.
Manen, M.V. (1990). Researching lived experience. Human Science for an Action
Sensitive Pedagogy. State University of New York Press.
Mayer, Roger. C., Davis, James. H., Schoorman, F. D. (1995). An Integrative Model Of
Organizational Trust. Academy of Management.
McAllister, D. J. (1995). Affect- and cognition-based trust as foundations for
interpersonal cooperation in organizations. Academy of Management Journal.
McGee, John, Thomas., Howard, Wilson., David. (2010). Strategy, analysis and
practice. McGraw - Hill Education.
McGrath, Cathleen., Zell, Deone. (2009). Profiles of Trust: Who to Turn To, And for
What. MIT Sloan Management Review.
68
Merriam, S.B. (2009). Qualitative research. A Guide to Design and Implementation.
Jossey Bass.
Mizruchi, Mark, S. og Stearns, Linda, B. (2001). Getting Deals Done: The Use of Social
Networks in Bank Decision-Making.American Sociological Review.
Ng, K.Y., og Chua, R.Y. J. (2006). Do I contribute more when I trust more? Differential
effects of cognition- and affect-based trust. Management and OrganizationReview.
Porter, M., E. (2008). On Competition. Harvard Business Review.
Rein, S. (2010). How not to run a business in China. Business Week.
Rempel, J. K., Holmes, J. G., og Zanna, M. D. (1985). Trust in close relationships.
Journal of Personality and SocialPsychology.
Simmel, G. (1950). The Sociology of Georg Simmel. New York: Free Press.
Thompson, Leigh. L. (2012). The Mind and Heart of the Negotiatior. Pearson.
Valgerður Jóhannesdóttir. (2009). Tengslanet kvenna í atvinnulífinu. Dropinn holar
steininn. Háskóli Íslands.
Þór Sigfússon. (2010). How do international entreprenurial firms shape their network
relationships using the web? Háskóli Íslands.
Þórður Bergsson og Arnar B. Harðarson. (2014). Myndun viðskiptasambanda og
tengslaneta hjá íslenskum líftæknifyrirtækjum. Háskólinn í Reykjavík.
Þröstur Sigurjónsson, Schwartzkopf D., Auður Arna Arnardóttir. (2011). Viðbrögð
tengslanets við gagnrýni á fjármálastöðugleika Íslands. Stjórnmál og stjórnsýsla.
Zucker, L. G. (1986). Production of trust: Institutional sources ofeconomic structure. In
B. M. Staw & L. L. Cummings (Eds). Research in organizational behavior.
69
Viðaukar
Viðauki 1 – Viðtalsrammi
Spurningar til viðmælenda í rannsókninni:
1. Nýtir þú þér tengslanet í störfum þínum? Ef svo er, á hvaða hátt?
2. Hvernig byggir þú upp þitt tengslanet?
3. Hvaða þýðingu hefur traust, samskipti og orðspor í þínu starfi? Treystir þú öllum í
þínu tengslaneti?
4. Nýtir þú þér tengslanet jafnt í vinnu sem/og í einkalífi?
5. Stækkar þú, viðheldur og þróar tengslanet þitt í gegnum tölvupóstsamskipti? Hversu
mikilvæg eru tölvupóstsamskipti í þínu starfi?
6. Nýtir þú þér tengslanet þín til áhrifa í starfi?
7. Hvar liggja bestu tækifærin í tengslanetum að þínu mati?
8. Nýtir þú þér tengslanet þitt á annan hátt við erlenda aðila en innlenda?
9. Er ávinningur fyrir þig, í þínu starfi að búa yfir tengslaneti?
10. Hverjir af þínum tengiliðum (það er innan tengslanetsins), þekkja hver annan? (Fylla
út eyðublað.)
11. Hvernig upplifir þú að samstarfsfélagar þínir nýta sér tengslanet innan og utan
fyrirtækisins?
70
Viðauki 2 – Kynningarbréf til viðmælenda
Efni: Beiðni um viðtal v/meistaraverkefnis um tengslanet við viðskiptafræðideild HÍ
Sæl/l [nafn]
Ég er meistaranemi í Stjórnun og stefnumótun við Viðskiptafræðideild HÍ og er að vinna
að meistaraverkefni mínu um tengslanet.
Verkefnið mitt fjallar um það hvernig íslenskir millistjórnendur nýta tengslanet sín og
hvort marktækur munur sé á því hvort þeir hafa reynslu af því að starfa og/eða stunda
nám erlendis eða hvort þeir hafi eingöngu sams konar reynslu hérlendis frá.
Í rannsókninni tek ég viðtöl við 12 millistjórnendur í stóru bönkunum þremur sem starfa
allir við sömu eða svipaða deild og þú og sinna þar af leiðandi svipuðum störfum. Val á
vinnustöðum og viðmælendum er algjörlega tilviljanakennt og minni ég á að fyllstu
nafnleyndar og trúnaðar verður gætt og því ómögulegt að rekja viðtalið til viðkomandi. Í
rannsókninni eru 6 konur viðmælendur og 6 karlmenn viðmælendur. Helmingur hvors
kyns hefur reynslu af því að starfa og/eða stunda nám erlendis frá á meðan hinn hefur
sams konar reynslu hérlendis frá.
Hvert viðtal tekur að hámarki klukkustund og verður tekið upp til að nota við afritun við
úrvinnslu gagnanna. Með von um jákvæð viðbrögð.
Með bestu kveðju,
Erla
Erla Hjördís Gunnarsdóttir
Meistaranemi í Stjórnun og stefnumótun
Viðskiptafræðideild Háskóla Íslands
Netfang: [email protected]
Farsími: 694-4420
71
Viðauki 3 – Lykilatriði (Lykilatriði og Lýsing, 20 atriði)
Lykilatriði Lýsing
1. Traust Traust og trúverðugleiki er mikilvægt og á
því byggist orðsporið. Ef þessir þættir eru í
lagi þá fleytir það manni yfirleitt langt
áfram því heimurinn á Íslandi er lítill. Það
þýðir allt að vera rúinn trausti og það
vantar svakalega inn í samfélagið.
2. Lykilfólk Það eru vissar týpur sem eru virkilega
góðar í að vera lykilfólk á hverjum stað og
maður skynjar fljótt hvaða týpur þetta eru.
Kemur fólki oft langt. Maður velur þá sem
maður spyr til að fá upplýsingar til að hafa
áhrif á verkefnið. Maður sér hér á
vinnustaðnum hverjir eru með stærsta
formlega og síðan óformlega tengslanetið.
3. Ná árangri og markmiðum Reynir að komast í viðskiptasambönd til að
ná sínum markmiðum og árangri fyrir
heildina. Auðveldara ef maður hefur
einhverjar tengingar því þá er líklegra til
árangurs.
4. Brautargengi hugmynda Mikilvægt að hafa góðan aðgang að
stoðdeild til að vinna fyrir sig og að vera
ekki of ágengur við samstarfsfólk.
Tengslanet geta hjálpað til við að ná
hugmynd sinni alla leið. Þarf að sjá
heildina, ekki bara þetta eina verkefni sem
maður sjálfur hefur hagsmuni af.
5. Ákvarðanataka Með því að vera með gott tengslanet getur
maður unnið vinnuna markvissara og
72
klárað vinnuna hraðar. Maður veit hvert
maður á að leita til að fá ráð og
upplýsingar og með því er auðveldara að
taka ákvörðun.
6. Aðgengi að upplýsingum Einn af þeim ávinningum við að hafa gott
tengslanet er að það getur og veitir þér
yfirleitt alltaf betra aðgengi að
upplýsingum. Við það getur maður unnið
hraðar og faglegar og þú getur haft
eitthvað extra fram að færa.
7. Tengingar Allar tengingar hjálpa, hvort sem það er
að ná tengingu við nýja viðskiptavini eða
að ná til dæmis sameiginlegum tengingum
á fundum. Það er ávinningur fyrir
viðskiptavini ef starfsfólkið hefur góðar
tengingar. Mikilvægt að vera vel tengdur
inni á vinnustaðnum.
8. Tengslanet Eru áunnin yfir tíma bæði meðvitað og
ómeðvitað. Gott að hafa þau nógu öflug og
nógu stór með breiðum hópi fólks.
Tengslanet eru eins og kónguló með vef
sinn, ef þú vinnur vinnuna vel getur það
gefið þér mikið til baka.
9. Viðskiptavinir Viðskiptavinirnir eru hjartað í starfseminni
því án þeirra væri ekki grundvöllur fyrir
rekstrareiningu. Hafa alltaf í huga hvað er
best fyrir viðskiptavininn og hvað er best
fyrir fyrirtækið.
10. Fjárfestingar Lykillinn í starfinu er að meta fjárfestingar
og fjárfestingakosti, að kaupa og selja eða
að halda. Einnig að mynda
fjárfestingastefnu fyrir mismunandi aðila.
Margir óhefðbundnir fjárfestingakostir.
73
Starfið fjallar um að vera tímabundinn
gæslumaður fjár sem annar á og því þarf
að passa að fara með það sem slíkt.
11. Facebook Er virkur notandi, geri like og set inn
myndir af því sem ég er að gera. Ég er á
Facebook aðallega til að vera í grúppum
en pósta aldrei neinu þar inni. Er sæmilega
virkur notandi á Facebook, set ekki mikið
inn og tek lítið þátt í skoðanaskiptum en
nota aðallega til að fylgjast með öðrum.
12. LinkedIn Nota ekki mikið samfélagsmiðla til að nota
tengslanet, er á LinkedIn meira af
skyldurækni en annað. Ég nota ekki
samfélagsmiðla, tók þá ákvörðun einn
daginn. Er aðeins á LinkedIn, bara til að
vera með ferilskrána mína þar inni. Er á
leiðinni inn á LinkedIn, finnst það
ofboðslega sniðugt.
13. Mannorð - orðsporsáhætta Reynir að byggja upp góð samskipti og
koma vel fram út á við. Það skiptir öllu
máli að orðsporið sé gott og að heilindi
milli manna séu alltaf til staðar. Ég er
alltaf með minn trúverðugleika og mitt
orðspor undir.
14. Áhugi á fólki Ef maður ætlar að vera góður varðandi
tengslanetin þá verður maður að hafa
raunverulegan áhuga á fólki. Það er hægt
að læra þetta en sumir hafa þetta meira í
sér en aðrir.
74
15. Erlend samskipti Tengslanetið úti er lítið, sérstaklega eftir
efnahagshrunið. Er mjög lítið í erlendum
samskiptum og á því ekkert tengslanet
erlendis. Formlegri samskipti við erlenda
aðila og tölvupóstur meira notaður.
16. Væntingastjórnun Helmingur af starfinu snýst um að fylgjast
með og meta þjóðfélagsandann og að finna
þær væntingar sem eru úti á markaði. Sný
mér til fólks sem ég get fengið heilbrigð
svör frá, svo það snýst að einhverju leyti
um væntingastjórnun.
17. Mannleg samskipti Fólk er missterkt í mannlegum samskiptum
og tengingum. Þar er allur skalinn, þú
gerir ekkert á Íslandi nema að þekkja
einhvern persónulega.
18. Einsleitni Ætti að setja sér markið svolítið hátt og
kynnast sem flestum á sem flestum stöðum
og passa þannig að tengslanetið verði ekki
of einsleitt. Maður ætti klárlega að horfa á
sem flesta geira til að hafa fjölbreyttan hóp
í kringum sig.
19. Stoðdeildir Mikil samkennd og samband við
stoðdeildir og það er gott fyrir
viðskiptavininn að sterkur hópur hjálpist
að. Mikilvægt að hafa góðan aðgang að
stoðdeildum til að vinna fyrir sig en þarf
að passa að vera ekki of ágengur.
20. Gjaldeyrishöft Vegna gjaldeyrishafta eru ekki samskipti
við erlenda aðila í dag. Þannig eru
aðstæður á Íslandi í dag. Gerði
gjaldeyrissamninga áður en það dó með
hruninu.
75
Viðauki 4 - Hugtakalisti
Hugtak Lýsing
Tengslanetagreining – e. Social
network analysis
Mynstur rannsakaðra sambanda sem
tengja saman félagslega þátttakendur.
Holrými – e. Structural holes Snýst um hvort tengiliðir manneskju
þekki hver annan í gegnum hana.
Veik tengsl – e. Weak ties Þegar aðili býr yfir eiginleikum veikra
tengsla þá hefur sá hinn sami jafnan yfir
nýjum og fjölbreyttum upplýsingum til að
dreifa, veiku tengslin styðja frekar við
nýsköpun en upplýsingaflæðið er
óreglulegt.
Sterk tengsl – e. Strong ties Þegar aðilar búa yfir eiginleikum sterkra
tengsla er upplýsingaflæði í gegnum þá
reglulegra og betra en ella, það stuðlar
frekar að trausti, það getur flýtt fyrir
samkomulagi því fólk á oft samskipti og
upplýsingar þessara aðila geta oft verið
einsleitar en traustar.
Opin tengsl – e. Open network Aðilar búa til ný tengsl upp úr þurru og
þekkja þar af leiðandi marga aðskilda
hópa.
Lokuð tengsl – e. Closed network Þar sem vinir viðkomandi þekkja flestir
hver annan. Hér geta verið sterk tengsl þar
sem fólk sýnir stuðning, samstöðu og traust
sín í milli. Fólki líður oft mjög vel í
lokuðum tengslum.
76
Tenglar – e. Network contacts Fólk í samfélagi sem þekkir stóran hluta
fólks og hefur öflugt tengslanet. Þetta fólk
hefur bæði ríkjandi sterk og veik tengsl og
þannig þekkir það fólk á ólíkum sviðum
þjóðfélagsins. Þetta eru manneskjur, sem
eru gæddar þeim einstaka hæfileika að geta
fært heiminn saman með tengingum sínum.
Félagsauður – e. Social capital Þýðir að félagslegt tengslanet hefur
virði og að í þeim geri fólk hluti fyrir hvað
annað. Hér eru hagsmunir á ferð sem flæða
saman í gegnum traust, gagnkvæmni,
upplýsingar og samvinnu.
3
4
5