qƏrbİ kaspİ - wcu.edu.azwcu.edu.az/upload/image/library/siyasi dərgidir.pdfavropaya...
TRANSCRIPT
![Page 1: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/1.jpg)
QƏRBİ KASPİ UNİVERSİTETİ
TƏTBİQİ POLİTOLOGİYA MƏRKƏZİ
QƏRBİ KASPİ Siyasi dərgi
![Page 2: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/2.jpg)
BAKI
Fevral, 2018
Redaktor: Elxan Şahinoğlu - Tətbiqi Politologiya Mərkəzinin rəhbəri
Korrektor: Afət Quliyeva - “Atlas” Araşdırmalar Mərkəzinin analitik bülleteninin
redaktoru
Redaksiya
heyəti:
Turan Rzayev - bakalavr, Tətbiqi Politologiya Mərkəzinin eksperti
Yadigar Nağıyev - bakalavr, Tətbiqi Politologiya Mərkəzinin eksperti
Ağa Zeynalov - bakalavr, Tətbiqi Politologiya Mərkəzinin eksperti
Sevda Məmmədova - bakalavr, Tətbiqi Politologiya Mərkəzinin
eksperti
Qadir Kazımov - bakalavr, Tətbiqi Politologiya Mərkəzinin eksperti
İlqar Vəlizadə - politoloq, “Cənubi Qafqaz” politoloqlar klubunun
rəhbəri
Elnur Eltürk - politoloq, AMEA Mərkəzi Elmi Kitabxanasında
Sərbəst İnformasiya Resurslar şöbəsinin və “Vikipediya-
Azərbaycan”ın rəhbəri
©Qərbi Kaspi Universiteti, 2018
![Page 3: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/3.jpg)
XƏZƏRİN STATUSU 2018-Cİ İLDƏ MÜƏYYƏNLƏŞƏCƏKMİ?
Ramiyyə MƏMMƏDOVA,
Qərbi Kaspi Universitetinin Siyasi və İctimai Elmlər fakültəsinin
dekan müavini
SSRİ 1991-ci ildə dağıldıqdan sonra ən problemli məsələlərdən biri də Xəzərin
statusuyla bağlı idi. Əvvəllər Xəzərin statusu iki sahilyanı dövlət – SSRİ və İran
arasında müəyyənləşmişdi. Ancaq SSRİ-nin dağılmasıyla Xəzəryani dövlətlərin sayı 5-
ə çatdı: Azərbaycan, Rusiya, Qazaxıstan, Türkmənistan və İran. Ona görə də Xəzərin
statusu mövzusu yenidən aktuallaşdı və danışıqlar məhz bu ölkələr arasında aparılmağa
başladı.
Xəzərin statusuyla bağlı 1990-cı illərin əvvəllərində aparılan danışıqlar çox ağır
gedirdi. İran SSRİ ilə imzaladığı müqavilələrdən fərqli olaraq, Xəzərdə daha böyük
paya iddiasını irəli sürdü. Türkmənistan da Azərbaycanın hələ SSRİ illərində kəşf etdiyi
neft yataqlarının mübahisəli ərazilərə düşdüyünü iddia edirdi. Söhbət Azərbaycan
neftçilərinin kəşf etdiyi “Kəpəz” yatağından gedir, Türkmənistan isə həmin yatağı
“Sərdar” adlandırır. Azərbaycan sonrakı illərdə bu mübahisəyə son qoymaq üçün
“Kəpəz” yatağını Türkmənistanla birgə işlətməyi təklif etdi.
Azərbaycanın mərhum prezidenti Heydər Əliyev 1994-cü ildə Qərbin böyük neft
şirkətləri ilə “Əsrin müqaviləsi”ni imzalamağa müvəffəq oldu. Bu, Azərbaycanın
böyük uğuru idi. Çünki Xəzərin statusuyla bağlı Rusiyanın Azərbaycana iradları
olmasa da, Moskvadakı siyasi mərkəzlər Bakının Qərbin iri neft şirkətləri ilə imzaladığı
sazişdən narahat idilər. Ancaq ulu öndərin müdrik siyasəti nəticəsində saziş imzalandı
və həmin sazişdə hətta Rusiyanın neft şirkətinin də payı oldu. Bu pay Moskvanın
etirazlarını azaltmağa imkan verdi. Sazişdə İran şirkətinin də iştirakı təmin edilmişdi
ki, eyni zamanda bu, Tehranın da “neft müqaviləsinə” qarşı müqavimətini zəiflətməli
idi.
![Page 4: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/4.jpg)
“Neft müqavilələri” əsasında çalışmalar başladı, Azərbaycanın gəlirləri artdı.
Buna rəğmən, Xəzərin statusu müəyyənləşmədi. Danışıqlar bugünə qədər uzanıb.
Nəhayət, ötən ilin dekabr ayında elan olundu ki, sahilyanı ölkələr danışıqların finişinə
yaxınlaşıblar. Sahilyanı ölkələrin xarici işlər nazirləri 2017-ci ilin dekabrında
Moskvada Xəzərin statusuyla bağlı müzakirələri davam etdirdilər. Müzakirələrin
nəticəsi olaraq Rusiyanın xarici işlər naziri Sergey Lavrov dedi ki, 20 illlik çalışmalar
yekunlaşmaq üzrədir və Xəzərin Konvensiyasının il ərzində imzalanması perspektivi
yüksəkdir. Sənəd Xəzəryanı ölkələrin dövlət başçılarının 5-ci Sammitində
Qazaxıstanda imzalanacaq. Dəqiq tarix hələ müəyyənləşməyib.
Nazirlərin razılaşdırdıqları Konvensiyanın mətni dövlət başçılarına təqdim
ediləcək. Böyük ehtimalla sahil ölkələrinin prezidentləri sənədi dəstəkləyəcəklər.
Bundan sonra Konvensiyanın təsdiqi ilə bağlı prezidentlərin Qazaxıstanda yekun
sammiti keçiriləcək. Moskvadakı müzakirələrin yekunu olaraq Xəzərdə insidentlərin
araşdırılmasına dair razılaşma da əldə olundu.
Moskvadakı qərarlardan biri də gələn il Xəzər dənizində Xəzəryanı ölkələrin birgə
təlimlərinin keçirilməsinin planlaşdırılmasıdır. Sergey Lavrovun da sözlərinə görə,
Xəzər boyunca müdafiə sahəsində əməkdaşlıq yüksək səviyyədədir. Rusiyanın xarici
![Page 5: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/5.jpg)
işlər naziri buna misal olaraq, 2017-ci ildə Xəzəryanı ölkələrin silahlı qüvvələri
gəmilərinin bir-birinə dostyana səfərlərini göstərib.
Bu sualın aktuallığı artıb: Həqiqətən, 20 illik danışıqların nəticəsi olaraq Xəzərin
statusu 2018-ci ildə müəyyənləşəcəkmi?
Sahilyanı ölkələr keçmiş illərdə də Xəzərin statusuyla bağlı saziş imzalamağa
yaxın olublar. Ancaq hər dəfə “kiçik detallar” statusun müəyyənləşməsinə imkan
verməyib. İran Xəzərin 5 bərabər hissəyə bölünməsini istəyir. Bu, beynəlxalq dəniz
hüququna uyğun deyil. Dəniz sərhədləri orta nöqtədən hesablanır. Buna baxmayaraq,
əgər SSRİ-nin vaxtında İran Xəzər dənizində cəmi 14 faiz paya malik idisə, SSRİ
dağılandan sonra 20 faiz paya iddia etdi. Heç bir Xəzəryanı ölkə İranın bu mövqeyini
qəbul edə bilməzdi. Ona görə də bir başqa aktual sual budur: “İran iddiasından geri
çəkilibmi?” Çünki İran əvvəlkitək Xəzərin bərabər hissələrə bölünməsini tələb edərsə,
statusu müəyyənləşdirəcək Konvensiyanı imzalamaq mümkün olmayacaq. Yox, əgər
İran iddiasından geri çəkilibsə, onda Tehran bunun qarşılığında hansısa tələbinin yerinə
yetirilməsinə çalışıb.
Bu hansı tələb ola bilər?
İran Xəzərə sahili olmayan ölkələrin Xəzər dənizində varlığının əleyhinə çıxır.
Görünür, Tehran Azərbaycan və Qazaxıstanın Qərb ölkələri ilə əməkdaşlığından
ehtiyat edir. ABŞ Azərbaycana bir neçə hərbi kater verib. Ancaq ABŞ Xəzərdə aktiv
hərbi varlığa maraq göstərmir. Ona görə də əslində Tehranın narahatlığı üçün əsas
yoxdur. Bundan başqa, Azərbaycan və Qazaxıstan da ABŞ-ın Xəzərdə xüsusi fəallığına
şərait yaratmazlar. Bu, Astana və Bakıya ona görə lazım deyil ki, İran və Rusiya ilə
münasibətlərdə yersiz problem yaşamasınlar.
Rusiyanın da Xəzərin statusunu müəyyənləşdirəcək Konvensiya ilə bağlı öz
maraqları var. Rusiya da İran kimi üçüncü ölkələrin Xəzərdə hərbi varlığının
əleyhinədir. Bundan başqa, Rusiya Xəzərin dibi ilə boru xəttinin çəkilməsini istəmir.
Rusiya Türkmənistan qazının Xəzər dənizinin dibi ilə Azərbaycan və buradan da
Avropaya daşınmasına imkan vermək istəmir. Konvensiyada bu layihəyə mane olacaq
![Page 6: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/6.jpg)
hər hansı maddənin varlığı istisna deyil. Türkmənistan qazının Azərbaycan üzərindən
Avropaya daşınmasını daha çox Avropa İttifaqı və Türkiyə istəyir. Yəni bu məsələ
Azərbaycan üçün aktual deyil. Əlbəttə, Azərbaycan Türkmənistan qazının öz
ərazisindən Türkiyəyə, oradan da Avropaya daşınmasında maraqlı olardı. Bu həm
Azərbaycanın gəlirlərini, həm də bölgədəki rolunu artırardı. Ancaq Azərbaycan üçün
hazırda ən vacib məqam öz qazını Türkiyəyə və Avropaya daşımaqdır.
Rusiyanın Azərbaycan və Qazaxıstanla müqaviləsi var. Bu müqaviləyə görə, 3
dövlət arasında Xəzərdə sərhədlər müəyyənləşdirilib. Rusiya Xəzərdə Azərbaycan və
Qazaxıstana aid heç bir neft və qaz yatağına iddia etmir. Rusiyadan fərqli olaraq, qeyd
etdiyimiz kimi, Azərbaycanın Türkmənistan və İranla yataq problemi var.
Türkmənistan Xəzərdə Azərbaycana aid “Kəpəz” yatağına iddia etdiyi kimi, İran da
Azərbaycana aid “İnam” yatağında çalışmalara başlamağa imkan vermir. Konvensiya
bu məsələyə də aydınlıq gətirməlidir. Mümkündür ki, mübahisəli yataqların birgə
işlənməsiylə bağlı razılaşma əldə olunsun.
Xəzərin statusuyla bağlı Azərbaycanı təmsil edən xarici işlər nazirinin müavini
Xələf Xələfovun sözlərindən belə anlaşıldı ki, Konvensiyanın təsdiqi Azərbaycanın
Xəzərdə Türkmənistanla və İranla sərhəd mübahisələrinə son qoymur. Xələf Xələfovun
“İran və Türkmənistanla razılaşma əldə etmək üçün danışıqlara davam edəcəyik və öz
sazişlərimizi hazırlayacağıq” sözləri də bundan xəbər verir. Azərbaycan Xəzərdə
Rusiya və Qazaxıstanla sərhədini müəyyənləşdirib və ikili müqavilələr mövcuddur.
Əgər Konvensiya sahil ölkələrinin tamamı arasında sərhədi müəyyənləşdirmirsə,
“Xəzərin statusu müəyyənləşdi” fikrini səsləndirmək hələ çox tezdir.
Ən başlıcası, bu Konvensiya Azərbaycanın və İranla dəniz sərhədinin
müəyyənləşməsinə şərait yaratmır. Bu o deməkdir ki, Bakı və Tehran Konvensiyanı
imzaladıqdan sonra öz aralarında da sərhədi müəyyənləşdirən ikitərəfli saziş
imzalamalıdırlar. Necə ki, eyni saziş Azərbaycanla Rusiya və Qazaxıstan arasında var.
Ancaq Bakı ilə Tehran arasında yaxın müddətdə dənizdə sərhəd sazişinin imzalanacağı
![Page 7: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/7.jpg)
problematikdir. Sadəcə, Azərbaycanla İran arasında artan iqtisadi əməkdaşlıq, birgə
regional layihələr Xəzərin statusuyla bağlı iki dövlət arasındakı danışıqlarda gərginliyi
azaltmalıdır.
ATƏT-İN YENİ SƏDRİ OLAN İTALİYADAN DAĞLIQ QARABAĞ
MÜNAQİŞƏSİNİN HƏLLİNDƏ GÖZLƏNTİLƏRİMİZ...
Turan RZAYEV,
Qərbi Kaspi Universitetinin Siyasi və İctimai Elmlər fakültəsinin 4-cü kurs
tələbəsi
Azərbaycan – İtaliya əlaqələri olduqca sağlam təməllərə dayanır. Bakıdan 55
kilometr məsafədə yerləşən Qobustan ərazisindəki qayalar üzərindəki qədim latın
yazıları Roma imperiyası legionlarının hələ uzaq keçmişdə Azərbaycan ərazisində
olduqlarını sübut edir.
Orta əsrlərdə İtaliyadan Azərbaycana çoxlu sayda səyyahlar gəlmişlər. Onların
arasında Marko Polonu xüsusilə qeyd etmək olar. XVI-XVIII əsrlərdə Səfəvilər dövləti
ilə Venesiya Respublikası arasında intensiv diplomatik və iqtisadi əlaqələr mövcud
olub. 1549-cu ildə Romada Nəsrəddin Tusinin "Təhriri-öqlidis" ("Evklid Başlanğıcının
təfsiri")" əsərinin latın dilində tərcüməsi çap edilib.
1918-1920-ci illərdə Azərbaycan Demokratik Respublikası ilə İtaliya arasında
diplomatik münasibətlər mövcud olub və İtaliya Bakıda konsulluğunu açıb.
Siyasi əlaqələr: 1 yanvar 1992-ci il tarixdə İtaliya Azərbaycanın müstəqilliyini
tanıyıb. İki dövlət arasında diplomatik münasibətlər 8 may 1992-ci ildə yaradılıb.
İtaliya Cənubi Qafqaz respublikalarındakı ilk səfirliyini 1997-ci ildə Azərbaycanda
açıb. Azərbaycanın İtaliyadakı səfirliyi isə 2003-cü ildən fəaliyyət göstərir.
![Page 8: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/8.jpg)
Ermənistan – Azərbaycan Dağlıq Qarabağ münaqişəsinin sülh yolu ilə həlli üçün
1992-ci ilin martında yaradılmış ATƏT-in Minsk qrupunun ilk sədri italyan olub.
25-28 sentyabr 1997-ci il tarixdə Prezident Heydər Əliyevin İtaliyaya ilk rəsmi
səfəri dövlətlər arasında bütün sahələrdə münasibətlərin inkişaf etdirilməsi üçün
əhəmiyyətli addım olub. Həmin səfər zamanı Heydər Əliyev İtaliyanın prezidenti, baş
naziri və digər hakimiyyət nümayəndələri ilə görüşüb. Onlar Azərbaycan Prezidenti ilə
söhbət zamanı Dağlıq Qarabağ münaqişəsinin sülh yolu ilə ədalətli həllinə və
Azərbaycanın ərazi bütövlüyünün təmin edilməsinə tərəfdar olduqlarını bildiriblər.
1998-2003-cü illərdə İtaliyanın müxtəlif dövlət orqanlarının təmsilçiləri
Azərbaycana səfər ediblər. Tərəflər arasında aparılan danışıqlar və müzakirələr
nəticəsində bir çox sahələrdə tərəfdaşlıq məqsədilə müqavilələr bağlanıb.
24-26 fevral 2005-ci il tarixdə İtaliyanın prezidenti Adzelyo Çampinin dəvəti ilə
Prezident İlham Əliyev İtaliyada rəsmi səfərdə olub. Adzelyo Çampi İlham Əliyevlə
görüşündə Dağlıq Qarabağ münaqişəsinə toxunaraq, vaxtilə İtaliyanın da belə
problemlə qarşılaşdığını və bu təcrübədən istifadə edərək, Azərbaycana kömək
göstərməyə hazır olduqlarını bildirib. ATƏT-in Minsk qrupunun vasitəçilik səylərinin
hələ bir nəticə vermədiyini xatırladan Prezident Adzelyo Çampi bildirib ki, İtaliya
Minsk qrupunun fəaliyyətinin gücləndirilməsi üçün köməyini əsirgəməyəcəkdir.
Prezident İlham Əliyev Ermənistanın Azərbaycana qarşı hərbi təcavüzünün ağır
nəticələrindən, münaqişənin ATƏT-in Minsk qrupu çərçivəsində sülh yolu ilə aradan
qaldırılması sahəsində aparılan danışıqlardan bəhs edib, problemin beynəlxalq hüquq
normaları əsasında həll edilməsinin vacibliyini vurğulayıb.
Azərbaycan Prezidenti İlham Əliyev daha sonra 25-26 noyabr 2008-ci il tarixdə
İtaliyanın Baş naziri Silvio Berluskoninin dəvəti ilə İtaliyada növbəti rəsmi səfərdə
olub. Səfər çərçivəsində Prezident Silvio Berluskoni və digər dövlət rəsmiləri ilə
görüşüb. Görüşlərdə İtaliya – Azərbaycan əməkdaşlığının perspektivləri müzakirə
edilib. İlham Əliyev İtaliyanın "Rai international" telekanalına müsahibə verib, Dağlıq
![Page 9: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/9.jpg)
Qarabağ münaqişəsindən və Azərbaycanın Avropanın enerji təhlükəsizliyi siyasətində
rolundan danışıb.
İqtisadi münasibətlər: Azərbaycandan xam neft və neft məhsullarının ixracının
istiqamətləndiyi əsas ölkə kimi İtaliya ölkəmizin ən iri ticarət partnyoruna çevrilib. İki
ölkə arasında ticarət dövriyyəsinin əsasını Azərbaycanın ixracatı təşkil edir. Statistik
məlumatlara əsasən, 2003-cü ildən bəri Azərbaycan ixracatının 51,9%-i İtaliyaya
istiqamətlənib. İtaliyadan Azərbaycana isə daha çox neft sektoru üçün borular, tütün,
dəri məmulatlar, mebel ixrac edilir.
İtaliyanın işgüzar dairələri Azərbaycanda böyük məbləğdə sərmayələr qoyur,
həyata keçirilən bir sıra beynəlxalq əhəmiyyətli layihələrdə iştirak edirlər.
Heydər Əliyevin İtaliyaya ilk rəsmi səfəri iqtisadi münasibətlərin inkişafında
xüsusi rol oynayıb. Bu səfər nəticəsində bağlanan "İqtisadi əməkdaşlıq haqqında Birgə
Bəyanat", "İnvestisiyaların qorunması və həvəsləndirilməsi haqqında müqavilə" iki
ölkə arasında iqtisadi münasibətlərin inkişafında xüsusi rol oynayıb. Səfər zamanı bu
![Page 10: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/10.jpg)
sazişlərdən başqa, Azərbaycan Dövlət Neft Şirkəti və İtaliyanın "Eni-Acip" şirkəti
arasında "Kürdaşı" blokunun kəşfiyyatı, işlənməsi və hasilatın pay bölgüsü haqqında"
sazişin əsas kommersiya prinsipləri və müddəaları barədə sənəd imzalanıb.
24-25 noyabr 2004-cü il tarixdə İtaliya xarici işlər nazirinin müavini M.Boniver
Azərbaycanda səfərdə olub. 25 noyabr 2004-cü il tarixdə "Azərbaycan Respublikası və
İtaliya Respublikası arasında iqtisadi münasibətlər üzrə Məşvərət Forumu haqqında
birgə Bəyannamə" imzalanıb.
8 fevral 2007-ci il tarixdə İtaliyanın Avropa siyasəti və beynəlxalq ticarət üzrə
nazirinin müavini Milos Budin Bakıda səfərdə olub. Səfər zamanı Xarici İşlər və
İqtisadi İnkişaf nazirliklərində, Milli Bank, eləcə də kommersiya banklarında iki ölkə
arasında iqtisadi münasibətlərin daha da inkişaf etdirilməsi üçün bir sıra məsələlərə dair
müzakirələr keçirilib. İlham Əliyev Milos Budinlə görüşündə bildirib ki, Azərbaycan
iqtisadiyyatı dünyada ən yüksək sürətlə inkişaf edir və burada böyük investisiyalar tələb
edən layihələr həyata keçirilir. Miloş Budin isə öz növbəsində Azərbaycanın regionda
və beynəlxalq siyasətdə gündən günə artan rolunun İtaliya şirkətlərinin Azərbaycana
olan marağını artırdığını bildirib.
11-22 dekabr 2007-ci il tarixdə İtaliyanın iqtisadi inkisaf naziri Pierluici Bersani
Azərbaycanda səfərdə olub. Səfər zamanı Pierluici Bersani Azərbaycan
Respublikasının Prezidenti İlham Əliyev, energetika və sənaye naziri və iqtisadi inkisaf
naziri ilə görüşüb. Səfər nəticəsində iqtisadi inkişaf nazirləri "Azərbaycan və İtaliya
arasında təbii qaz sektorunda əməkdaşlığa dair" saziş imzalayıblar.
Mədəni əlaqələr: Azərbaycan və İtaliya arasında mədəni əlaqələrin böyük tarixi
var. XIX əsrin sonu – XX əsrin əvvəllərində Bakıda italyan arxitektorları tərəfindən
müxtəlif binalar tikilib. Dante və Petrarkinin əsərləri Azərbaycan dilinə tərcümə
edilərək kütləvi sayda nəşr olunub. Məşhur azərbaycanlı müğənnilər – Şövkət
Məmmədova, Bülbül, Müslüm Maqomayev, Azər Zeynalov opera ifaçılığı sənətinin
əsaslarına İtaliyada yiyələniblər.
![Page 11: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/11.jpg)
Heydər Əliyevin ilk rəsmi səfəri zamanı – 25 sentyabr 1997-ci ildə Romada
Azərbaycan Respublikası və İtaliya Respublikası hökumətləri arasında mədəniyyət,
elm və texnologiya sahəsində Birgə Bəyannamə, 1 iyun 2002-ci il tarixində isə Bakıda
Azərbaycan Respublikası və İtaliya Respublikası hökumətləri arasında "Mədəniyyət,
elm və texnologiya sahəsində əməkdaşlıq haqqında" saziş imzalanıb.
19 dekabr 2006-cı il tarixində Azərbaycan Respublikasının İtaliyadakı səfirliyi
Roma şəhər meriyasının patronajlığı, İtaliya Respublikası Xarici İşlər Nazirliyi və
"Associazione II Tempietto" təşkilatının əməkdaşlığı ilə Romanın məşhur "Sala
Umberto" teatrında Azərbaycan incəsənət ustalarının konsertini təşkil edib.
11 dekabr 2006-cı il tarixində İtaliyanın Peruca şəhərindəki Əcnəbilər
Universitetində Azərbaycan Respublikasının İtaliyadakı səfirliyi və İtaliya –
Azərbaycan Dostluq Assosiasiyası tərəfindən Dünya Azərbaycanlılarının Həmrəylik
Gününə həsr edilmiş "Azərbaycan – İpək Yolu üzərində Qədim Torpaq" adlı tədbir
keçirilib.
İtaliya Azərbaycana ən çox humanitar yardım göstərən dövlətlər sırasındadır.
Azərbaycanla İtaliya arasında 1 iyun 2005-ci il tarixində imzalanmış “Humanitar
yardım göstərilməsinə dair” saziş Azərbaycanda məskunlaşmış qaçqın və məcburi
köçkünlərin çətin vəziyyətinin yüngülləşdirilməsinə yönəldilib. Bundan əlavə, İtaliya
hökuməti Azərbaycanda fəaliyyət göstərən bir sıra tibbi-sosial yönümlü müəssisələrə
yardım göstərib.
ATƏT-in sədrliyi artıq İtaliyaya keçib. Təbii olaraq Azərbaycan ictimaiyyətində
belə bir sual yaranıb: İtaliyadan nəsə gözləmək olarmı? İtaliyanın sədrliyi müddətində
bizi nə gözləyir? Bunun Dağlıq Qarabağ münaqişəsinin həllinə təsiri olacaqmı?
Hələ 2017-ci ildə Azərbaycan xarici işlər naziri Elmar Məmmədyarov İtaliyaya
səfəri zamanı ATƏT-də dövr başçısı olacaq İtaliyanın Dağlıq Qarabağ probleminin
həlli üçün mümkün olanı edəcəyinə inancını dilə gətirmişdi. Bir necə gün öncə isə
İtaliya ilə Azərbaycan arasında diplomatik əlaqələrin qurulmasının 25-ci ildönümü
münasibətilə bu ölkəyə rəsmi səfərdə olan Məmmədyarov İtaliyadakı həmkarı ilə
![Page 12: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/12.jpg)
görüşdü. İki nazirin görüşündə siyasət, iqtisadiyyat, elm, mədəniyyət və texnologiya
sahələrində əlaqələr, “Trans-Adriatik” (TAP) təbii qaz boru kəməri layihəsi, beynəlxalq
məsələlər və Azərbaycan – AB əlaqələri müzakirə edildi. Görüşdən sonra açıqlama
verən ev sahibi nazir Ancelino Alfano Azərbaycanla İtaliyanın ikitərəfli əlaqələrinin
son dərəcə yaxşı olduğunu ifadə edərək, "İtaliya təbii qaz və neft kimi xam maddələrdə
Bakının ənənəvi müştərisi mövqeyindədir" cümləsini işlətdi və Türkiyə – Yunanıstan
sərhədindən İtaliyaya çatacaq TAP-ın əhəmiyyətindən danışdı.
Azərbaycanın xarici işlər naziri Məmmədyarov Dağlıq Qarabağ məsələsinin həlli
mövzusuna toxunaraq, “İtaliya 2018-ci ildə ATƏT-ə sədrliyi dövründə Dağlıq Qarabağ
probleminin həlli üçün mümkün olan nə isə onu edəcək” ifadəsini dilə gətirdi.
Rəsmilərin görüşü zamanı tərəflərin bir-birinə isti münasibətlərindən görünür ki, rəsmi
Bakının İtaliyanın ATƏT-ə sədrliyindən gözləntiləri var.
Buna baxmayaraq, İtaliyanın Dağlıq Qarabağ münaqişəsinin həllində önəmli
addımlar atacağına ehtiyatla yanaşıram. İlk öncə, İtaliyanın xarici siyasətdəki nüfuzuna
baxsaq görərik ki, bu ölkə nə Avropa İttifaqında, nə də dünya siyasətində önəmli söz
sahibidir. İstər birinci, istərsə də ikinci dünya muharibələrindən sonra İtaliya dünya
siyasətində önəmli heç nə ilə yadda qalmayıb. Ehtimal ki, Dağlıq Qarabağ
münaqişəsinin həllində də İtaliya önəmli addımlarla yadda qalmayacaq. Bu gün
İtaliyada erməni lobbisi Fransadakı qədər güclü olmasa da önəmli rola malikdir. Son
illərdə erməni lobbisinin artan fəaliyyəti nəticəsində Avropa İttifaqında 40-dan çox
şəhər və vilayət bu günə qədər sözdə soyqırımı tanıyıb. Digər ölkələrdə də erməni
lobbisinin uğurları var. Bu ölkələr Fransa, İtaliya, İngiltərə, Yunanıstan, Belçika,
Hollandiya, İsveç, Livan, Rusiya, Kipr, Kanada və Argentinadır.
İtaliyanın “erməni soyqırımını” tanıması onun ATƏT-də fəaliyyəti dövründə
münaqisənin həllində Azərbaycanın xeyrinə heç də səsləndirdikləri kimi ciddi bir
addım atacağına dəlalət etmir. Ancaq bu o demək deyil ki, İtaliya tərəfsizliyini pozacaq
və Azərbaycanın maraqlarını nəzərə almayacaq. İtaliya ATƏT sədri kimi bütün
tərəflərdən eyni məsafədə dayanacaq. Əslində İtaliyanın özü separatizmin əleyhinə
![Page 13: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/13.jpg)
olmalıdır. Çünki bu ölkənin özü də eyni problemdən əziyyət çəkir. İtaliyanın
Lombardiya və Venetsiya vilayətlərində muxtariyyət istəkləri illərdir səsləndirilir.
Bundan başqa, İtaliyanın şimalı da əlavə səlahiyyətlər istəyir və kasıb cənubu
dolandırmaq istəmir. Bu baxımdan məntiqlə İtaliya separatizmlə mübarizə aparan
Azərbaycanı daha yaxşı anlamalıdır. Ancaq Romanın Dağlıq Qarabağdakı erməni
separatizmini ortadan qaldıracağını gözləmək əbəsdir. Ortada Rusiya var. Bu ölkə
işğalçı Ermənistanı himayə edir. Kreml başqa bir dövlətin Dağlıq Qarabağ
münaqişəsiylə məşğul olmasını istəmir. İtaliya Dağlıq Qarabağ münaqişəsində
mümkün fəallığa görə Rusiya ilə üz-üzə gəlmək istəmir. Digər tərəfdən, Avropa
dövlətləri içərisində Rusiyaya yaxın olanı da elə İtaliyadır. Məhz bu ölkə Krımın
işğalına görə Rusiyaya qarşı tətbiq edilən sanksiyaların ortadan qaldırılmasını istəyir.
TÜRKİYƏ BÖLGƏNİN ƏSAS AKTORUNA ÇEVRİLİB
Yadigar NAĞIYEV,
Qərbi Kaspi Universitetinin Siyasi və İctimai Elmlər fakültəsinin
3-cü kurs tələbəsi
Son dövrlərdə dünyada yaranan problemlərin, amerikalı alim Samuel
Hantinqtonun “Sivilizasiyaların Toqquşması” əsərində qeyd etdiyi kimi, dinlərarası və
etniklərarası münaqişə olduğunu az-çox görürük. Bəs bu halın açıq-aydın göründüyü
halda niyə İslam dünyası bu qədər passivdir, hadisələrə ciddi reaksiya verə bilmir?
Bir qədər tarixə nəzərə yetirməyə ehtiyac var. Hər birimiz Səlahəttin Əyyubini və
onun səlibçilərlə uzun müddətli mübarizəsini, bu yürüşlərin nə üçün və nə səbəbə
olduğunuda bilirik. Rəsmi olaraq Qüds şəhərinin xristianlar üçün xüsusi məkan olduğu
vurğulansa da səlibçilərin fərqli məqsədləri olub:
- Ərazilərin müdafiəsini zəiflətmək;
- Gələcəkdə liman şəhərlər vasitəsi ilə ticarət karvanlarını öz əllərinə
keçirmək.
![Page 14: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/14.jpg)
Bunu həyata keçirmək üçün sadəcə onlara teologiya lazım idi. Ancaq hər qarətçi
yürüşlərdə məğlub olur və hər səfərdə hücumları daha da gücləndirirdilər. Əslində bu
fikir də səhvdir. Səlibçilər əslində heç də məğlub olmurdu, çünki hər hücumlarında
onlar yeni-yeni müdafiə məlumatları əldə edir və əraziyə sivil formada öz agentlərini
salırdılar. Məhz bunlar gələcəkdə bu ərazinin zəifləməsinə və yeni dinlərarası
konfliktlərin yaranmasına səbəb olacaqdı.
Daha sonralar bu ərazilərin idarəçiliyi Osmanlı imperiyasının əlinə keçdi. Osmanlı
işğal etdiyi ərazilərdə həqiqətən də güclü multikultural siyasət aparırdı. İstər xristianlar,
istərsə də yəhudilər Osmanlı sultanlarına sadiqlik göstərirdilər. Çünki sultanlar onların
iqtisadiyyat işlərini və həyat səviyyələrini müdafiə edib, dəstəkləyirdi. Xüsusilə II
Əbdülhəmid dövrü öz rəngarəngliyi ilə seçilirdi.
Ancaq bu, hər bəlanın bitdiyi demək deyldi. Britaniya krallığı öz müstəmləkəçilik
siyasətini davam etdirir, xristian və yəhudi icmalarını pulla ələ alırdı. Krallıq
Osmanlının İraq, Suriya və Misirdə neft quyularını istismar etməsini əngəlləmək
istəyirdi. Əgər bu hal əngəllənməmiş olsaydı, o zaman Osmanlı imperiyası maliyyə
böhranından çıxar və inflyasiya səviyyəsini bərpa edərdi. Bu isə heç bir Avropa
dövlətinin marağında deyldi. Hətta yəhudilərin fikir lideri Theodor Herzl II
Əbdülhəmidə Osmanlı imperiyasının bütün borclarını bağlayacağı təqdirdə, Fələstin
torpaqlarının yəhudilərə verilməsini təklif etmişdi. Ancaq Osmanlı sultanı bu təklifi
rədd etmişdi.
II Əbdülhəmid devrildikdən sonra zəifləyən sistem və başlayan I Dünya
müharibəsi Osmanlı imperiyasını param-parça etdi. Parçalanan torpaqlarda isə yeni və
zəif dövlətlər yarandı. 1919-1922-ci illərdə Türkiyədə Qurtuluş müharibəsi bitdikdən
sonra Mustafa Kamal tərəfindən 1923-cü ildə Türkiyə Cümhuriyyəti elan edildi.
Türkiyə ilə yanaşı, digər yeni yaranan dövlətlərdən bəziləri azadlıq əldə etsə də,
əksəriyyəti müstəmləkəçilik siyasətinin təsirində idi.
II Dünya müharibəsinin baş verməsi ilə I Dünya müharibəsində yeni yaranan
dövlətlər ya gücləndi, ya da parçalanaraq bir neçə dövlətin yaranmasına səbəb oldu.
![Page 15: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/15.jpg)
1945-ci ildə BMT-nin yaranması ilə dövlətlər arasında əlaqələr qurularaq müharibə
riski sıfıra endirilməli idi. Bu dövrdən etibarən yaranan ikiqütblü sistem dünya
dövlətlərini iki yerə ayırdı, regionda qarşıdurmalar daha da şiddətləndi. Bu
qarşıdurmalar daha çox dini və ya etnik zəmində baş verirdi ki, bu prosesə dövlətlər
qoşula bilmirdi. Ən çox problem özünü müsəlman dövlətlərində göstərirdi. Bundan da
bəzi xristian dövlətləri öz məqsədləri üçün istifadə edirdilər.
1990-cı illərin əvvəllərində SSRİ süqut etdi. Bu illərdə Türkiyədə də hökumət
böhranı yaşanırdı. Türkiyə bu böhrandan hakimiyyət dəyişikliyi ilə çıxa bildi. Ədalət
və İnkişaf Partiyası digər partiyalardan çox fərqlənirdi. İslam dininin güclənməsi və
müsəlman ölkələrinin sıx inteqrasiyasını qarşılarına məqsəd qoymuşdular. Siyasi
yasağı olan Rəcəb Tayyip Ərdoğan partiyasının başında olsa da, Konstitusiya
qaydalarına əsasən prezident seçilə bilməzdi və buna görə də uzun illər baş nazir kimi
fəaliyyət göstərdi. Nəhayət, 2014-cü ildə Türkiyə Respublikasının prezidenti seçildi.
Yenidənqurmalarla iqtisadiyyatını gücləndirən və öz istehsalı olan silahlarla hərbi
müdafiəsini formalaşdıran Türkiyə regionda hərbi cəhətdən güclü aktor olmağa başladı.
Dini fərqliliyi, qarşısına qoyduğu İslam dövlətlərinin birliyi və İslam dövlətlərinə
dəstək məqsədi həqiqətən də Türkiyəni dini cəhətdən ön plana çıxardı. Türkiyə həm
dövlətin daxilindəki terror birləşmələri ilə mübarizə aparır, həm də bölgədəki mövcud
terror birləşmələrinə ağır zərbələr endirir.
![Page 16: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/16.jpg)
Türkiyə Suriyadakı münaqişəyə ilk əvvəl neytral yanaşırdı. Sonralar sərhədyanı
bölgələrdə təhlükənin artdığını görərək, koalisiya qüvvələri ilə birgə DAEŞ əleyhinə
əməliyyatlara başladı. Beləliklə, Türkiyə Suriya məsələsində aktiv aktora çevrildi.
Ankara Şimali İraqda kürdlərin referendum qərarını da neytrallaşdırmağa müvəffəq
oldu. Əks halda, bu referendum bölgədə dağıdıcı xüsusiyyətə malik olacaqdı.
Ankaranın Qüdslə bağlı fəallığı da zərurətdən irəli gəlirdi. 5 dekabr 2017-ci il
tarixində ABŞ prezidenti Donald Trampın Qüds şəhərini İsrailin paytaxtı kimi tanıması
və Amerika səfirliyinin buraya köçürülməsi müsəlman dövlətləri üçün xaosdan başqa
heç nə deyldi. Ancaq bütün bunlar bir günün içində alınan qərarlar və çıxışlar deyildi.
Hiss olunurdu ki, Vaşinqton öncə bəzi ərəb dövlətləri ilə məsləhətləşmələr aparıb.
Məsələn, Qüdsün İsrailin paytaxtı elan olunmasına Misir, Səudiyyə Ərəbistanı və
Birləşmiş Ərəb Əmirliklərindən kəskin reaksiyalar eşidilmədi. Bu dövlətlərin liderləri
İslam Əməkdaşlıq Təşkilatının İstanbulda keçirilən zirvə toplantısına da qatılmadılar.
Türkiyə ənənəvi olaraq İslam dünyasını birləşdirmək və həmrəylik yaratmaq üçün
fəaliyyətini genişləndirdi, dövlətləri bir araya toplayıb Fələstinə həmrəylik nümayiş
etdirdi. Buna baxmayaraq, İslam aləmində həmrəyliyə nail olmağa hələ çox var.
![Page 17: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/17.jpg)
Həmrəylik nümunəsini Türkiyə göstərir və buna görə də Türkiyə hazırda İslam
aləminin əsas həmrəylik qalasına çevrilib.
Bu arada, Ankara Avropa istiqamətində də fəallaşıb. Buna misal olaraq, Türkiyə
prezidentinin bu il yanvarın 5-də Fransaya rəsmi səfərini göstərə bilərik. Prezidentlər
Parisdə ikitərəfli münasibətləri müzakirə etdilər. Görüşdə müzakirə olunan mövzular
içərisində Türkiyənin Avropa Birliyinə üzvlüyünə əngəllər və regiondakı terrora qarşı
birgə mübarizə də var idi.
Görüşdə Rəcəb Tayyip Ərdoğana ünvanlanan suallar sərtliyi ilə seçilirdi. Fransa
prezidenti Emmanuel Makron mətbuat konfransında bunları dedi: “Dialoqumuz davam
edir. Türkiyə ilə terrorla mübarizədə nümunə ola biləcək əməkdaşlığımız var.
Terrorizmlə birlikdə mübarizə aparmağa davam edəcəyik. Bunu güclü dairələr
çərçivəsində edəcəyik. Raketdən müdafiə razılaşması imzaladıq. İmzaladığımız təyyarə
satışı ilə bağlı razılaşma da əhəmiyyətlidir. Sinop nüvə stansiyasından, Yaxın Şərqdən
danışdıq. Fələstin məsələsində mövqelərimiz oxşardır. Qüds hər iki dövlətin paytaxtı
olmalıdır. Biz PKK-ya qarşı mübarizə aparırıq, PKK terror təşkilatıdır. Biz DAEŞ və
digər təşkilatlarla mübarizə aparmağa davam edəcəyik. DAEŞ-dən sonra Suriyada sülh
və sabitlik təmin edilməlidir. Suriya yol xəritəsində birlikdə çalışmaq istəyirik”.
Fikrimcə, bu çıxışı ilə Makron ilk olaraq, Ərdoğanın gözündə güvənilə biləcək
prezident imici yaratmaq istəyirdi. Makron açıq şəkildə PKK-nı terror təşkilatı
adlandıraraq ona qarşı Türkiyəylə birgə mübarizə aparmaq istədiyini qeyd etdi.
Bununla yanaşı, Fransanın Türkiyə kimi Suriyadakı problemlərin həllində maraqlı
olduğunu gördük.
Fransa hazırda Türkiyənin Avropa Birliyinə üzvlüyünə real baxmır. Bunu
Makronun suallara cavabından da aydınlaşdırmaq olardı. Buna baxmayaraq, Paris
Türkiyənin Avropa Birliyi ilə sıx dialoqunun davamında maraqlıdır. Digər tərəfdən,
Makron Fransa – Türkiyə iqtisadi əlaqələrinin inkişafında maraqlıdır. İki dövlət
arasındakı əlaqələrin tarixi 500 ildir və bu əlaqələri qorumaq lazımdır. Türkiyənin özü
![Page 18: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/18.jpg)
də Fransa ilə əlaqələrdə problem yaşamaq istəmir. Çünki Türkiyə ilə AB ölkələri
arasında əlaqələr çox yaxşı deyl. Türkiyə prezidenti iki ölkə arasındakı ticarət
mübadiləsinin həcmini 20 milyard avroya çatdırmağı hədəf qoyub. Bu baxımdan “Türk
Hava Yolları” ilə “Airbus” arasındakı razılaşma çox əhəmiyyətlidir.
Rəcəb Tayyip Ərdoğanın Avropa Birliyi ilə yanaşması qətidir: “Təəssüf ki, 54
ildir bizi qapıda gözlətdirirlər. Fransa AB-nin əhəmiyyətli nümayəndəsidir. Türkiyə
kimi başqa bir ölkə AB içində yoxdur. Avropa Birliyinin Türkiyəyə qarşı tələbləri daim
artır. Bu, ədalətli yanaşma deyil”.
Fikrimcə, Ərdoğan Avropa Birliyi ilə Türkiyə arasında qırılma nöqtəsini iqtisadi
müqavilələrlə stabilləşdirmək istəyir. Fransa isə, sadəcə, bu oyunun ilk oyunçusudur.
Paris də siyasətdə fərqli baxışları arxa plana alaraq, Türkiyə ilə iqtisadi münasibətləri
inkişaf etdirməkdə maraqlıdır.
![Page 19: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/19.jpg)
AZƏRBAYCANIN İŞĞAL ALTINDAKI TORPAQLARI
İSTƏNİLƏN YOLLA GERİ QAYTARMAQ HÜQUQU VAR
Sevda MƏMMƏDOVA,
Qərbi Kaspi Universitetinin Siyasi və İctimai Elmlər fakültəsinin
3-cü kurs tələbəsi
Azərbaycanın 20 faiz ərazisi – Dağlıq Qarabağ və ona bitişik 7 rayon 25 ildən
artıqdır Ermənistanın işğal altındadır. İşğal nəticəsində 1 milyondan çox qaçqınımız
var. Aydındır ki, Azərbaycan hakimiyyəti və cəmiyyəti bu vəziyyətlə heç bir zaman
razılaşmayacaq və vəziyyəti köklü surətdə dəyişmək üçün bütün alətlərdən istifadə edib
və edəcək. Beynəlxalq hüquq normalarına əsasən, Azərbaycan nəinki özünü müdafiə
etmək, eyni zamanda işğal edilmiş ərazilərini azad etmək hüququna sahibdir.
Əslində işğal altında olan əraziləri Ermənistan kimi zəif bir dövlətdən geri
qaytarmaq Azərbaycan kimi inkişaf etməkdə olan dövlət üçün heç də çətin məsələ
deyildir ki, aprel döyüşləri bunun bariz nümunəsidir. Ancaq nəzərə almaq lazımdır ki,
Ermənistan aysberqin sadəcə görünən hissəsidir və nə qədər rəsmi qəbul edilməmiş olsa
da, onun arxasında SSRİ kimi bir imperiyanın varisi olan Rusiya dayanır. Və hələ 1991-
1993- cü illərdə bu münaqişə başlayan zaman Ermənistan Rusiya ordusunun yardımı
ilə bu əraziləri ələ keçirib. Rusiya Ermənistan vasitəsilə və Dağlıq Qarabağ separatçıları
üzərindən bir növ Azərbaycana təsir etmək imkanı qazanır ki, bu səbəbdən də
Ermənistanı “agent” dövlət adlandırmaq mümkündür.
Geniş çərçivədə nəzər saldıqda görə bilərik ki, istər Rusiya, istərsə də digər
hegemonluğa namizəd dövlətlərin Dağlıq Qarabağ münaqişəsinin həllində heç bir
marağı yoxdur. Münaqişənin həll olunmaması Rusiyanın bölgədə təsir gücünün
zəifləməsi deməkdir. Bu da Kremlin maraqlarına cavab vermir. Rusiyadakı müəyyən
mərkəzlər imperiya düşüncəsindən qurtulmayıblar. Buna görə də həmin mərkəzlər
Azərbaycanın Ermənistan üzərində hərbi qələbəsində maraqlı deyil.
![Page 20: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/20.jpg)
Bir müddət öncə Rusiyanın Azərbaycandakı səfiri Vladimir Doroxin geri çağırıldı
və onun yerinə Georgi Zuyev adında diplomat təyin olunmalı idi. Moskvanın müxtəlif
ölkələrdə separatizmi dəstəkləyən Zuyevi Bakıya səfir təyin etməkdə məqsədi
Azərbaycanda daha sərt siyasət yürütmək istəyi ilə bağlı idi. Rəsmi Bakı obyektiv
səbəblərdən bu təyinata etiraz etdi. Rusiyanın təzyiq imkanları nə qədər geniş olsa da,
rəsmi Bakının mövqeyini nəzərə almaq məcburiyyətində qaldı. Geri çağırılan səfir
Vladimir Doroxinin yaydığı müraciətdə belə bir abzas diqqəti çəkirdi: “Rusiya və
Azərbaycan miqyas, mentalitet və mədəniyyət baxımından müxtəlif ölkələrdir. Bir sıra
məsələlərdə biz fərqli siyasi maraqlara malikik”.
Burada səfir bir növ sətiraltı geri çağırılmanın səbəbini izah etmiş və güclü təsir
yarada biləcək səfirin göndərilməsi fikrinin mövcudluğunu bildirmişdir. Ancaq səfir
təyinatı qərarını Moskva versə də, kimlik məsələsində Bakının təsdiqi lazımdır.
Digər həmsədr ölkə – Fransanın Azərbaycandakı səfiri Aurelia Buşez Fransanın
ATƏT-in Minsk qrupunun həmsədr ölkəsi olduğunu xatırladıb: "Fransa digər həmsədr
ölkələrlə birlikdə münaqişənin danışıqlar yolu ilə həlli və davamlı sülhün əldə olunması
istiqamətində bundan sonra da işləyəcək". ATƏT-də həmsədrlik institutu 1998-ci ildə
![Page 21: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/21.jpg)
yaradılıb və ABŞ, Fransa, Rusiya həmsədr ölkələr kimi çıxış etməsinə baxmayaq,
münaqişənin həllində heç bir ciddi addım atılmayıb. Bundan əlavə, Fransa “erməni
soyqırımını” tanıyan dövlətdir. Belə olduğu halda nə Rusiyanın, nə də Fransanın Dağlıq
Qarabağ münaqişəsinin Azərbaycanın xeyrinə həll olunmasına tərəfdar olduğunu görə
bilərik. ABŞ isə hər zamankı kimi dünya üzərində hegemonluq istəyini əldən
verməyərək bu məsələni də nəzarətində saxlayır.
Dağlıq Qarabağ münaqişəsinin Azərbaycanın xeyrinə həllində daha çox Türkiyə
maraqlıdır. Əslində burada Rusiya ilə Türkiyənin maraqları toqquşmaqdadır. Bölgənin
enerji resursları və boru xətləri Türkiyəyə uzanır. Demək, Ankaranın fəallığı tək elə bu
səbəbdən başa düşüləndir. Ancaq Ərdoğan da münaqişənin həllində Rusiyanın geniş
imkanlarını bu sözlərlə etiraf edir: “Dağlıq Qarabağ münaqişəsinin həlli Putindən
asılıdır”.
Bəli, münaqişənin həlli Rusiyadan çox asılıdır. Ancaq Rusiya hərəkət
etməyəcəksə, bu o demək deyil ki, Azərbaycan hərəkətsiz qalmalıdır. Azərbaycan öz
hərbi gücünü gün-gündən artırmaqdadır və bu amil Ermənistana təzyiqin artırılmasını
şərtləndirir. Ermənistan silahlı qüvvələrinin keçirdiyi təlimlər isə demək olar ki,
müdafiə xarakteri daşımaqdadır. Məqsəd mövcud status-kvonu qorumaqdır.
Ermənistan hər hansı hərəkətə kecmək üçün özbaşına qərar verə bilməyəcək, asılı
olduğu Rusiyanın əmrləri ilə hərəkət edəcək. Ancaq Azərbaycan heç kimdən əmr
almadan da hərəkət edə bilər.
![Page 22: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/22.jpg)
UKRAYNA SƏFİRİ: “DAĞLIQ QARABAĞ MÜNAQİŞƏSİ
AZƏRBAYCANIN ƏRAZİ BÜTÖVLÜYÜ ÇƏRÇİVƏSİNDƏ HƏLL
OLUNMALIDIR”
2017-ci il noyabrın 24-də Qərbi Kaspi Universitetində Ukraynanın
Azərbaycandakı səfiri Aleksandr Mişşenko ilə görüş keçirildi.
Universitetin Tətbiqi Politologiya Mərkəzinin rəhbəri Elxan Şahinoğlu Mərkəzdə
tələbələrin iştirakı ilə aparılan ənənəvi tədqiqatlarda bu həftə Ukrayna – Azərbaycan
münasibətlərinin nəzərdən keçirildiyini diqqətə çatdırdı və Ukrayna səfiri ilə görüşün
politologiya ixtisası üzrə təhsil alan tələbələr üçün əhəmiyyətini qeyd etdi.
![Page 23: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/23.jpg)
Səfir Aleksandr Mişşenko iki ölkə arasında əlaqələrin tarixi barədə danışdı,
Ukrayna-Azərbaycan münasibətlərinin bugünkü vəziyyətini şərh etdi. Bildirildi ki, bu
gün bu əlaqələr sürətlə inkişaf edir və regional miqyasda olduqca mühüm, strateji
əhəmiyyət kəsb edir. Bir gün öncə iki ölkənin dövlət başçılarının görüşünü xatırladan
səfir Mişşenko qeyd etdi ki, siyasi məsələlərdə bir-birinə daim dəstək verən Azərbaycan
və Ukrayna həm də iqtisadi tərəfdaşdır: "Azərbaycanın Ukraynaya ixracatı artırması
iqtisadi əməkdaşlığın daha bir yaxşı göstəricisidir” – deyə səfir bildirdi.
Dağlıq Qarabağ münaqişəsi ilə bağlı Ukraynanın Azərbaycanın ərazi bütövlüyünü
dəstəklədiyini xatırladan qonaq vurğuladı ki, bu cür konfliktlər beynəlxalq hüquq
normaları əsasında – dövlətlərin ərazi bütövlüyü çərçivəsində həllini tapmalıdır.
Daha sonra səfir tələbələri maraqlandıran sualları cavablandırdı, onlarla fikir
mübadiləsi apardı.
![Page 24: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/24.jpg)
SEPARATÇILIĞA KƏNAR DƏSTƏK OLMAZSA, MÜNAQİŞƏLƏR
TEZ HƏLL OLUNAR
Ukrayna ordusunun yaranmasının 26 illiyi ilə bağlı dekabrın 6-da Bakıda “Hyatt
Recency” otelində tədbir təşkil olundu. Tədbirə müxtəlif ölkələrin səfirləri, diplomatlar,
hərbi attaşelər və siyasi ekspertlər dəvətli idi. Tədbirdə Qərb Kaspi Universitetinin
politologiya müəllimi, universitetin nəzdində fəaliyyət göstərən Tətbiqi Politologiya
Mərkəzinin rəhbəri, siyasi analitik Elxan Şahinoğlu və universitetin fəal tələbələri də
iştirak etdilər.
![Page 25: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/25.jpg)
Tədbirdə ilk çıxış edən Ukraynanın Azərbaycandakı səfiri Aleksandr Mişşenko
ölkəsinin bu illərdə üzləşdiyi çətinliklərdən danışdı. Ukrayna torpaqlarının bir
hissəsinin işğal olunduğunu vurğulayan səfir ölkəsinin ordu quruculuğuna böyük
maliyyə ayırmaq məcburiyyətində qaldığını söylədi.
Aleksandr Mişşenko Ukrayna ilə Azərbaycan arasındakı müttəfiqlik
münasibətlərinin inkişaf etdiyini bu sözlərlə anlatdı: “Azərbaycan torpaqları işğal
edildikdə Kiyev Azərbaycan torpaqlarının bütövlüyünə dəstk verdi, ancaq biz özümüz
eyni bəla ilə üzləşməyənədək faciənin miqyasını anlamırdıq”.
Tədbirdə çıxış edən Qərbi Kaspi Universitetinin Tətbiqi Politologiya Mərkəzinin
rəhbəri Elxan Şahinoğlu separatçılığın təbiətcə oxşar olduğunu bildirdi: “Separatçılığa
kənar dəstək olmasa, münaqişələri qısa müddətdə həll etmək olar. Azərbaycan və
Ukrayna torpaqlarının işğalı ilə bağlı oxşarlıqlar çoxdur. Sizdə də, bizdə də separatçılıq
kənardan qidalanır”.
Elxan Şahinoğlu onu da xatırlatdı ki, dünyada separatçıların keçirdikləri
“müstəqillik referendumları” beynəlxalq aləmdə dəstək qazanmır və buna misal olaraq
Şimali İraq və Kataloniyada keçirilən referendumları göstərdi: “Nə Şimali İraq, nə də
Kataloniyanın separatçı rəhbərləri keçirdikləri referendumlara hüquqi don geyindirə
bilmədilər, heç bir dövlət onları tanımadı, əksinə, İspaniya ilə İraqın ərazi bütövlüyü
dəstəkləndi. İspaniyanın və İraqın ərazi bütövlüyünü dəstəkləyən böyük dövlətlər
Azərbaycanın da ərazi bütövlüyünü sözdə və əməldə dəstəkləməli, separatizmi
pisləməlidirlər. Biz beynəlxalq aləmdən separatizmə eyni münasibət bəsləməsini
gözləyirik”.
Tədbirin ikinci hissəsində Qərb Kaspi Universitetinin tələbələri müzakirələrdə
aktiv iştirak etdilər, beynəlxalq mövzularda fikirlərini bildirdilər.
![Page 26: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/26.jpg)
QARABAĞ MÜNAQİŞƏSİNİN HƏLLİNDƏ İSLAM AMİLİ
Elxan ŞAHİNOĞLU,
Siyasi analitik, Qərbi Kaspi Universitetinin Tətbiqi Politologiya Mərkəzinin
rəhbəri
Azərbaycan coğrafi mövqeyinə görə Qərblə Şərq arasında körpü rolunu oynayır.
Azərbaycan Qərbin siyasi, iqtisadi və hərbi təşkilatları ilə sıx əməkdaşlıq etdiyi kimi
İslam aləmini əhatə edən qurumlarda da fəallığını azaltmır. Azərbaycanın İslam
aləminin fəal üzvü olduğunu 2017-ci ildəki iki təşəbbüsü də sübut edir. 2017-ci il
Azərbaycanda “İslam Həmrəyliyi ili” idi. Eyni zamanda, 2017-ci ildə Azərbaycanda IV
İslam Həmrəyliyi oyunları keçirildi.
Azərbaycan İslam Əməkdaşlıq Təşkilatının (İƏT) üzvüdür və bu təşkilat işğal
altındakı torpaqların qeyd-şərtsiz azad olunması məsələsində hər zaman Azərbaycana
dəstək verir. 2017-ci il sentyabrın 10-da Astanada İslam Əməkdaşlıq Təşkilatının elm
və texnologiya üzrə birinci sammiti keçirildi. Azərbaycan prezidenti İlham Əliyev
sammit çərçivəsində “XXI əsrdə elmin cəmiyyətə artan təsiri” mövzusundakı çıxışında
belə bir cümlə işlətdi: “Azərbaycanda məscidlərimizi dağıdan Ermənistan müsəlman
ölkələrinin dostu ola bilməz”. İlham Əliyev bu cümləsiylə bütün müsəlman ölkələrin
Dağlıq Qarabağ münaqişəsinin həlli məsələsində Azərbaycanın mövqeyini
dəstəkləməsini istədiyinə eyham vurdu. Ancaq reallıq bir qədər fərqlidir.
![Page 27: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/27.jpg)
Əlbəttə, İslam Əməkdaşlıq Təşkilatının zirvə toplantılarında Dağlıq Qarabağ
münaqişəsiylə bağlı qətnamələr qəbul edilir. Bundan başqa, ötən il İslam Əməkdaşlıq
Təşkilatının Türkiyədə keçirilmiş zirvə görüşündə Ermənistanın Azərbaycana qarsı
təcavüzü ilə əlaqədar Təmas qrupu yaradıldı.
Təəssüf ki, İslam Əməkdaşlıq Təşkilatının qətnamələri BMT qətnamələri kimi
kağız üzərində qalıb. Ayrıca, təşkilat çərçivəsində təsis edilən təmas qrupunun
fəaliyyəti haqqında da konkret fikir söyləmək çətindir. Bu da ondan irəli gəlir ki,
təşkilat Azərbaycanın haqlı mövqeyi dəstəkləsə də, quruma ayrı-ayrı üzv dövlətlərin
Cənubi Qafqazdakı proseslərə fərqli baxışları var və bu baxışlar heç də hər zaman
Ermənistanın işğalçı siyasətinin pislənməsi anlamına gəlmir.
Onu da nəzərə almaq lazımdır ki, İslam aləmi özü də yekcins deyil, müxtəlif
ölkələr arasında müxtəlif ixtilaflar var və bu ixtilaflar yaxşı halda maraq mübarizəsinə,
pis halda isə müharibələrə gətirib çıxarır. Həmrəyliyin zəifliyi ilə bağlı son nümunəyə
də müraciət edə bilərik. Myanmarda ordu və polis terrorçularla mübarizə adı altında
yerli müsəlman əhalisinə divan tutur. Kəndlər yandırılır, günahsız insanlar qətlə
yetirilir, yüzminlərlə müsəlman Banqladeşə qaçır. Bu qətliam İslam aləminin müzakirə
mövzusuna çevrildimi? Təəssüf ki, yox. Türkiyə, İran, Azərbaycan və bir neçə dövlət
bu məsələyə diqqət yetirdi, Banqladeşdəki qaçqınlara humanitar yardım göndərdilər.
Vəssəlam. Ona görə də Azərbaycanla İslam dünyası arasındakı münasibətlər mövzusu
haqqında fikir yürüdərkən, müsəlman aləminə aid ölkələrin və bu ətrafdakı siyasi
blokların ayrı-ayrılıqda Dağlıq Qarabağ münaqişəsinin həllinə baxışlarını analiz
etməyə ehtiyac var.
Suriya münaqişəsinin həlliylə bağlı Türkiyə – Rusiya – İran formatı uğurlu alındı.
2017-ci ilin dekabr ayında Türkiyə – Rusiya – İran formatı Moskvada ilk toplantısını
keçirdi. Bu, Suriya böhranı başlayandan bu yana Türkiyə, Rusiya və İran xarici işlər və
müdafiə nazirlərinin ilk birgə görüşü idi. Rusiya və Türkiyə, o cümlədən İran Suriyada
münaqişənin həlli məqsədilə əsas tərəfdaşlara çevriliblər və ortada praktik müsbət
nəticələr var.
![Page 28: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/28.jpg)
Gələcəkdə bu üçlü formatın Dağlıq Qarabağ münaqişəsinin həllində də
fəallaşmasını gözləmək olarmı?
Türkiyəli rəsmilər rusiyalı həmkarları ilə görüşlərində Qarabağ münaqişəsinin
həlli vacibliyindən də danışırlar. Ancaq hələ ki, konkret nəticə yoxdur. Yeni formatın
Dağlıq Qarabağ münaqişəsinin həllində ən böyük uğuru “mərhələli həll” planını
Ermənistan hakimiyyətinə qəbul etdirməsi ola bilər. Bunun qarşılığında isə Azərbaycan
və Türkiyə Ermənistanla münasibətləri normallaşdıracaqlarını, regional layihələrdə
Ermənistanın iştirakına şərait yaradacaqlarını vəd edə bilərlər. Görünür, atılacaq
addımlar Rusiya və İranın da regional maraqlarına cavab verməlidir ki, həm Moskva,
həm də Tehran Ermənistan hakimiyyətini “mərhələli həll” planına məcbur etsinlər.
2017-ci ilin əvvəlində Pakistan mətbuatında Azərbaycanın İslam Hərbi Alyansına
daxil olmaq barədə qərar qəbul etdiyinə dair xəbər yayıldı. Xəbərdə deyilirdi ki,
bununla yeni alyansa üzv olan dövlətlərin sayı 42-yə çatıb. Ancaq Azərbaycan rəsmiləri
bu xəbərləri təkzib etdilər. Buna baxmayaraq, 2017-ci il ərzində koalisiya haqqında
xəbərlər səngimədi. Koalisiyanın hərbi qərargahının Səudiyyə Ərəbistanının Ər-Riyad
şəhərində yerləşdirilməsinin nəzərdə tutulduğu və bu qərargahın terrora qarşı birgə
mübarizəni koordinasiya edəcəyinin planlaşdırıldığı bildirilirdi.
Azərbaycanın İslam Hərbi Alyansına üzvlüyünə 3 amil mane olur.
![Page 29: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/29.jpg)
Birinci amil Rusiyanın reaksiyasıdır. Rusiya NATO-nun Şərqə doğru
genişlənməsinin əleyhinə olduğu kimi, cənub cinahında da yeni hərbi koalisiyanın
formalaşmasında maraqlı deyil. Digər tərəfdən, yeni koalisiyada Rusiyanın müsəlman
aləmindəki iki əsas tərəfdaşı – İran və Suriya yer almayıb. Tam əksinə, yeni
koalisiyanın əsas rəqibləri məhz bu iki ölkə sayıla bilər.
İkinci amil İrandır. Tehran da ilk gündən İslam Hərbi Alyansına üzvlük təklifini
rədd edib. Səudiyyə Ərəbistanı İranın regional rəqibidir və ona görə də Tehran
qərargahı Ər-Riyadda yerləşəcək hərbi alyansa üzvlüyü heç bir halda qəbul etməyəcək.
Üçüncü amil isə rəsmi Bakının həyata keçirdiyi balanslaşdırılmış xarici
siyasətdir. Azərbaycan nə Rusiyanın lider olduğu Kollektiv Təhlükəsizlik Müqaviləsi
Təşkilatının üzvüdür, nə də ona rəbiq olan NATO-ya üzvlüyə çan atır.
Hadisələrin sonrakı inkişafı İslam Hərbi Alyansını ümumiyyətlə gündəlikdən
çıxartdı. 2017-ci il ərzində Səudiyyə Ərəbistanı ilə Qətər arasında yaranan ixtilaf bu iki
ölkənin bir-birlərini terrorçulara dəstək verməkdə ittiham etməsi və diplomatik
münasibətləri kəsməsi yaxın perspektivdə İslam Hərbi Alyansının reallaşmasının
mümkün olmayacağını göstərdi. Bu durum Azərbaycanı quruma üzv olub-olmamaq
kimi çətin dilemmadan xilas etdi.
2017-ci il fevralın 1-də İranın müdafiə naziri Hüseyn Dehqanın dəvəti ilə
Ermənistanın müdafiə naziri Viqen Sərkisyan İrana rəsmi səfər etdi. Görüşdə müdafiə
nazirləri iki ölkə arasındakı hərbi əməkdaşlıqla yanaşı, Dağlıq Qarabağ münaqişəsinin
həlli yollarını da müzakirə etdilər.
İranla Ermənistan arasında hərbi əməkdaşlığın hansı zərurətdən yarandığını
söyləmək çətindir.
Birincisi, Ermənistanın kifayət qədər maliyyəsi yoxdur ki, İrandan silah ala bilsin.
Bütün lazımi silahları Ermənistana Rusiya pulsuz verir.
![Page 30: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/30.jpg)
İkincisi, İran Dağlıq Qarabağ münaqişəsinin həllində vasitəçi ölkələrdən biri deyil
ki, Tehranla münaqişənin həlli barədə geniş fikir mübadiləsinə ehtiyac olsun.
Açıq demək lazımdır ki, İranla Ermənistan arasındakı əlaqələr Azərbaycanda haqlı
olaraq narahatlıqla qarşılanır. Doğrudur, Azərbaycan heç bir dövlətin daxili işlərinə
qarışmır, ancaq məsələn, iranlı rəsmilərə və din xadimlərinə gəldikdə onlar
Azərbaycanın İsraillə münasibətlərinə yenidən baxmasını istəyirlər, hətta deyirlər ki,
Azərbaycan heç bir halda İsraildə səfirlik açmamalıdır. Halbuki, Azərbaycan İsraildən
aldığı müasir silahlar hesabına işğalçıya ağır zərbələr endirir. Ancaq Azərbaycan eyni
həssaslığı Tehranın göstərməsini istəyəndə iranlı rəsmilər və din xadiləri deyirlər ki,
Ermənistan İrana qonşudur və bu dövlətlə münasibətləri olmalıdır.
Azərbaycan İranın Ermənistanla təmaslarına o halda normal yanaşardı ki, İran
rəsmiləri Dağlıq Qarabağda girov saxlanılan iki azərbaycanlının geri qaytarılması
vacibliyini Ermənistan rəsmilərinin diqqətinə çatdırar və ya onlara deyərdilər ki, Dağlıq
Qarabağ ətrafındakı rayonların boşaldılması sülhə aparan yoldur.
İranın Ermənistanla sıx təmaslarına baxmayaraq, Bakı Tehranla əməkdaşlığını
azaltmayacaq. Ermənistan hakimiyyəti çox istəyir ki, İranla Azərbaycan arasında
gərginlik olsun. Ona görə də rəsmi Bakı İrəvanın bu tələsinə düşməməlidir.
Azərbaycanla İran arasında konkret iqtisadi layihələr var. Azərbaycan uzun illərdən
sonra Təbrizdə konsulluğun açılmasına nail oldu, iki dövləti birləşdirən dəmiryolu
xəttinin istifadəyə verilməsinə az qalıb, İran Bakı ətrafında bir neçə zavod tikəcək. Bu
səbəblərdən Azərbaycan İranla əməkdaşlığı azaltmamalıdır.
Bu il Türkiyə ilə Azərbaycan arasında da xeyli birgə hərbi təlimlər keçirildi.
Türkiyə Azərbaycanın strateji müttəfiqidir. Son illər bu müttəfiqlik daha da artıb və iki
ölkə arasındakı münasibətlər tarixinin qızıl dövrünü yaşayır. Siyasi təmaslar yüksək
səviyyədədir, Türkiyənin Azərbaycana, Azərbaycanın isə Türkiyəyə on milyardlarla
dollar yatırımları var. Bakı – Tiflis – Ceyhan və Bakı – Tiflis – Ərzurum boru xətləri
layihələrinə bu il biri də əlavə olunacaq: Bakı – Tiflis – Qars dəmiryolu. Növbədə isə
TAP və TANAP qaz boru xətlərinin tikintisidir. Türkiyə Azərbaycanla hərbi
![Page 31: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/31.jpg)
əməkdaşlığın miqyasını da genişləndirir. İl ərzində iki ölkə arasında 3-4 birgə hərbi
təlimlər keçirilir.
Azərbaycanla Ermənistan arasında gərginliyin artması, cəbhə bölgəsindəki
mövcud vəziyyət Ankaranı da narahat edir. Ankara həmişə olduğu kimi Ermənistandan
Azərbaycanın işğal altındakı torpaqlarını boşaltmasını tələb edir.
Türkiyə Ermənistanın cəbhə bölgəsindəki təxribatlarına seyrçi qalmır, Ankaradan
ard-arda açıqlamalar səslənir. Cəbhə bölgəsində vəziyyət gərginləşən kimi
Azərbaycanın siyasi dairələrində ənənəvi suala gündəmə gəlir: Azərbaycanla Türkiyə
arasında mövcud hərbi əməkdaşlığı daha yüksək səviyyəyə qaldırmağa ehtiyac varmı?
Çünki Ermənistan Rusiyanın hərbi dəstəyinə arxayındırsa, Azərbaycanın Türkiyənin
hərbi dəstəyinə ehtiyacı yarana bilər. Bu mənada mümkün variantlardan biri Türkiyənin
Naxçıvanda hərbi bazasını rəsmiləşdirməsidir. Əgər Türkiyə keçmiş SSRİ ilə 1921-ci
ildə imzaladığı Qars müqaviləsinə görə Naxçıvanın təhlükəsizliyinə cavabdehdirsə,
bunun real olaraq həyata keçirilməsi də mümkündür.
Azərbaycan müstəqil dövlətdir və Bakı Ankara ilə hərbi baza məsələsində
razılaşsa, heç bir dövlət bu prosesə mane ola bilməz. Ermənistanın və onun tərəfdaşı
Rusiyanın etirazları məntiqsiz olacaq. Bakının həm Moskvaya, həm də İrəvana
ünvanlayacağı məntiqi sual belə olacaq: Rusiya Ermənistanda hərbi bazalarını
yerləşdirə bilirsə və bu dövlətin təhlükəsizliyini təminatı altına alırsa, niyə Türkiyə ilə
Azərbaycan eyni işi görə bilməzlər?
Bu suala nə Kremlin, nə də İrəvanın məntiqi cavabı ola bilər. Ona görə Türkiyənin
Azərbaycan ərazisində hərbi baza yaratması ideyası aktuallaşa bilər. Məsələ
burasındadır ki, Azərbaycan ordusu Dağlıq Qarabağ istiqamətində uğur qazanarsa,
Ermənistan hakimiyyəti Naxçıvan istiqamətində hərbi əməliyyatlar həyata keçirə bilər.
Türkiyə – Azərbaycan hərbi birliyinin rəsmiləşdirilməsi Ermənistan ətrafındakı
halqanın daralmasına səbəb olacaq. Azərbaycan ordusu Ermənistan ərazisinə hücum
etmir, özünə aid Dağlıq Qarabağı və ətraf rayonları işğalçılardan azad etmək istəyir.
Buna heç Rusiya da qarışa bilmir. Çünki Rusiya Ermənistanın təhlükəsizliyinin
![Page 32: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/32.jpg)
təminatçısıdır, Dağlıq Qarabağın yox. Eyni saziş Azərbaycanla Türkiyə arasında
imzalanarsa, bu, Türkiyənin Dağlıq Qarabağ üzərindəki təhlükəsizliyinə də təminatçı
anlamına gələcək. Bundan sonra Ankaranın hansı addımlar atacağı indidən bəlli olmasa
da, aydındır ki, Ermənistan qarşısında Azərbaycan – Türkiyə hərbi ittifaqını görəcək.
İslam aləmində Qarabağ məsələsinə Türkiyədən fərqli münasibət göstərən
dövlətlər də var. Pakistanın paytaxtı İslamabadda İqtisadi Əməkdaşlıq Təşkilatının
(ECO) 13-cü sammitində maraqlı hadisə baş verdi. Gözlənilmədiyi halda Qırğızıstan
qəbul edilmiş bəyanatın siyasi müddəalarına qoşulmadı. Bu, rəsmi Bakı üçün sürpriz
qərar oldu. Çünki bəyanatda ECO məkanında münaqişələrin mövcudluğu iqtisadi
inkişafı və əməkdaşlığı əngəllədiyi yazılırdı. Bundan əlavə, bəyanatda inkişaf, sülh və
təhlükəsizliyin regionda davamlı çiçəklənmə və sabitliklə birbaşa bağlı olduğu qeyd
olunurdu.
Bu ifadələrdə yeni heç nə yoxdur. Bəyanatda qeyd edilən ifadələr iqtisadi inkişaf
və regional əməkdaşlığın sülh və təhlükəsizliklə üzvü bağlılığı bütün beynəlxalq
ictimaiyyət tərəfindən qəbul edilən prinsipdir və bu, BMT-nin Davamlı İnkişaf
Konsepsiyasının təməlini təşkil edir. Digər tərəfdən, ECO ölkələri bəyanatdakı bu
ifadələrlə Azərbaycanın ərazi bütövlüyünə hörmət ifadə edirdilər. Ona görə də
Qırğızıstanın mövqeyi qətiyyən başadüşülən deyildi. Axı bu səsverməyə qədər Bişkək
də hər zaman Azərbaycanın ərazi bütövlüyünə dəstək verib.
Qırğızıstanın bu mövqeyi Ermənistanda yüksək qiymətləndirildi. Təsadüfi deyil
ki, ECO sammitindən sonra Ermənistanın baş naziri Karen Karapetyan Bişkəkə səfər
etdi. Qırğızıstanın Ermənistanla elə bir iqtisadi əlaqələri və ya ortaq layihələri də
yoxdur. Əksinə, Qırğızıstan Azərbaycanla iqtisadi əlaqələrin və ortaq layihələrin
reallaşmasına ümid edirdi. Ancaq son hadisədən sonra rəsmi Bakının Qırğızıstanla
iqtisadi əlaqələrə maraq göstərəcəyini söyləmək problematikdir. Təsadüfi deyil ki,
Azərbaycan XİN və prezidentin xarici siyasət məsələləri üzrə müşaviri Qırğızıstanın
mövqeyini tənqid edən açıqlamalar səsləndirdilər.
Niyə Qırğızıstan Azərbaycanın xeyrinə səs vermədi?
![Page 33: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/33.jpg)
Görünür, Qırğızıstan Rusiya və Ermənistanla birgə Avrasiya İqtisadi Birliyində, o
cümlədən Kollektiv Təhlükəsizlik Müqaviləsi Təşkilatında yer aldığı üçün İrəvana
dəstək verir. Qazaxıstan və Belarus da eyni qurumların üzvüdür. Ancaq hər ikisi
Azərbaycanın ərazi bütövlüyünü dəstəkləyir və Ermənistanın siyasətindən narazıdır.
Bişkəkin İrəvana dəstəyi onu Bakıdan uzaqlaşdırır. Ümid edək ki, Qırğızıstanın yeni
prezidenti Azərbaycanın ərazi bütövlüyü mövzusuna daha həssas yanaşacaq.
Qazaxıstan prezidenti Nursultan Nazarbayev 2017-ci il aprelin 2-3-də
Azərbaycanda rəsmi səfərdə oldu. Səfər çərçivəsində iki ölkə arasında müxtəlif
əməkdaşlıq sazişləri imzalandı. Nursultan Nazarbayev Bakıda veridiyi açıqlamalarda
Azərbaycanın ərazi bütövlüyünü dəstəklədiyini bir daha vurğuladı. Qazaxıstan
prezidenti münaqişənin həllində BMT qətnamələrinin əsas götürülməsi vacibliyini
bildirdi. Bu mənada Bakı ilə Astananın mövqeləri üst-üstə düşür. Azərbaycan da illərdir
Qarabağ münaqişəsinin həllində BMT-nin 1990-cı illərin əvvəllərində qəbul edilən 4
qətnamənin yerinə yetirilməsinin əsas götürülməsini tələb edir. Qazaxıstan hazırda
BMT-nin qeyri-daimi üzvüdür. Doğrudur, Qazaxıstanın Dağlıq Qarabağ münaqişəsinin
həllindəki imkanları geniş deyil. Qazaxıstan ATƏT sədri olduğu dövrdə də
münaqişənin həllini sürətləndirə bilmədi. Ancaq rəsmi Bakı üçün başqa amil vacibdir.
Qazaxıstan və Ermənistan Kollektiv Təhlükəsizlik Müqaviləsi Təşkilatının, o cümlədən
Avrasiya İqtisadi Birliyinin üzvüdür və hər iki təşkilatda Astana Azərbaycanın ərazi
bütövlüyünü əsas götürərək, İrəvanın Azərbaycan əleyhinə fəaliyyətinə imkan vermir.
Bu, rəsmi Bakı üçün çox dəyərlidir.
Azərbaycana dəstək verən ölkələr arasında Pakistanın və Səudiyyə Ərəbistanının
da adını çəkmək lazımdır. Hər ikisi ərazi bütövlüyü məsələsində Azərbaycana
birmənalı dəstək verir və işğal faktına görə Ermənistanla diplomatik münasibətlər
qurmayıblar. Hətta rəsmi İrəvan müxtəlif dövlətlərin vasitəçililyi ilə bir neçə dəfə Ər-
Riyadla əlaqə qurmaq istəsə də hər dəfə rədd cavabı alıb. Təsadüfi deyil ki, Səudiyyə
Ərəbistanı Qətərlə diplomatik münasibətlərə son verdikdən bir neçə gün sonra
Ermənistanın xarici işlər naziri Edvard Nalbandyan Doxaya səfər etdi və bununla
![Page 34: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/34.jpg)
İrəvanın kimin tərəfində olduğunu göstərdi. Doğrusu, Qətər hakimiyyətinin mövcud
gərgin vəziyyətdə Ermənistanın xarici işlər nazirini Doxaya dəvət etməsinin səbəbi
aydın olmadı. Qətərin Cənubi Qafqaz bölgəsində əsas iqtisadi tərəfdaşı Azərbaycandır.
Bunu nəzərə alaraq Qətər Qırğızıstanın səhvini təkrarlamamalıdır.
Azərbaycan prezidenti İlham Əliyev 2017-ci ildə Səudiyyə Ərəbistanı ilə yanaşı
Pakistanda da oldu. Pakistan Azərbaycana hər cür hərbi dəstək verməyə hazırdır.
Pakistan ən müasir silahlarını, hərbi təyyarələrini Azərbaycana satacaq. Eyni zamanda
Azərbaycan da Pakistanın problemlərinə diqqətlə yanaşır. Heydər Əliyev Fondunun
xətti ilə Pakistanda zəlzələdən zərər çəkən insanlara humanitar yardımların
çatdırılmasını və bu ölkədə inşa etdiyi məktəbləri xatırlatmaq kifayətdir.
Beləliklə, Dağlıq Qarabağ münaqişəsinin Azərbaycanın ərazi bütövlüyü
çərçivəsində həllində dəstək verən əsas ölkələr İslam ölkələridir. Ancaq münaqişənin
həllində vasitəçi ölkələr arasında İslam ölkəsi yoxdur. Digər tərəfdən, İslam aləmində
həmrəylik də yoxdur. Bu mənada Qarabağ məsələsində İslam aləminin tamamının
fəallaşacağını söyləmək mümkün deyil.
PETR VAQNER: “ÇEXLƏRİN AZƏRBAYCANA GƏLMƏLƏRİNİN
MARAQLI TARİXÇƏSİ VAR”
![Page 35: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/35.jpg)
Petr Vaqneri təxminən 3 ildir tanıyıram, Çexiyanın Azərbaycandakı səfirinin
müşaviridir. Bu 3 ildə demək olar ki, ən azı ayda bir dəfə görüşür və müxtəlif
mövzularda fikir mübadiləsi aparırıq. İxtisasca tarixçidir, Çexiyada siyasi mövzuları
əhatə edən dərginin baş redaktoru olub, Rusiya və Ukraynada çalışıb və ətraf bölgə
haqqında kifayət qədər bilgilidir. Ona görə söhbətimiz hər dəfə alınır, üstəgəl, bir neçə
il əvvəl mənə söylədi ki, Çexiya – Azərbaycan münasibətlərinin tarixi köklərini
araşdırmaq istəyir. Petr bu araşdırmalarda çox irəli getdi və müxtəlif ölkələrin
arxivlərindən o qədər sənəd əldə etdi ki, sonda bu haqda kitab yazmaq qərarına gəldi.
Elə universitetimizin tələbələriylə birgə Petri səfirlikdə ziyarət edərkən söhbətimizə bu
mövzudan – kitabdan başladıq:
- Petr, necə oldu ki, kitab yazmaq qərarına gəldiniz?
- Adətən, harasa işləməyə getməzdən öncə ölkələrimiz arasındakı tarixi əlaqələri,
həmin ərazilərdə çexlərin yaşayıb-yaşamadığını araşdırmağa başlayıram. Bu ənənəni
Azərbaycana ilk gəldiyim gündən də pozmadım.
![Page 36: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/36.jpg)
- Azərbaycandakı araşdırmalarınız zamanı nələr əldə etdiniz?
- Mənə maraqlı idi ki, Çexiyadan bu qədər uzaqda olan Azərbaycanda çexlər
yaşayıbmı? Çünki bilirdim ki, çexlər Gürcüstanda, Rusiyada, Ukraynada yaşayıblar.
Araşdırmalara başladıqda öncə heç nə əldə edə bilmədim. Sizin tarixçilərdən soruşanda
deyirdilər ki, burada almanlar, estonlar yaşayıb, ancaq çexlər olmayıb. Buna
baxmayaraq, çox araşdırdım və ilk izləri aşkarladım. İlk öncə Çexiya Xarici İşlər
Nazirliyinin arxivindən Çexiyadakı cəmiyyətin ötən əsrin əvvəllərində Bakıya
göndərdiyi məktubu üzə çıxartdım. Ötən əsrin əvvəllərində Bakıda Çexiyanın Qırmızı
Xaç Komitəsinin nümayəndələri fəaliyyət göstəriblər. Sonrakı fakt da maraqlı idi.
Birinci Dünya müharibəsində çar Rusiyasının əsir götürdükləri hərbçilərin bir qismi
Nargin adasında saxlanılırdı. Əsirlər içərisində çexlər də olub və Çexiya Qırmızı Xaç
Komitəsinin nümayəndələri onlara yardım etməyə çalışıblar. Bolşeviklər Azərbaycanı
işğal etdikdən sonra Bakıda yaşayan bir qrup çex evlərinə dönmək istəyib. Halbuki,
Cümhuriyyət dövründə çexlərin Bakıda heç bir problemi olmayıb, rahat yaşayıblar.
Ancaq bolşeviklərin işğalından sonra onların həyatı faciəvi olub, bəziləri geri qayıda
bilməyib, intihar edənlər də olub. Mən Çexiyaya gedib çıxan azərbaycanlılar barədə də
maraqlanmışam. Ötən əsrin əvvəllərində Bakı – Tiflis dəmiryolu olmadığı üçün
Azərbaycandan Çexiyaya getmək imkanları məhdud idi. Maraqlıdır ki, dəmiryolu
tikiləndən sonra Azərbaycandan Çexiyaya 3 günə gedib çatmaq olurdu. Hazırda
Praqadan Bakıya gəlmək üçün cəmi 10-12 saat lazımdır. Təyyarələr vasitəsilə isə
zaman daha da qısalıb. Praqa ötən əsrin əvvəllərində Rusiyadan qaçan mühacirləri daha
çox qəbul edirdi. Araşdırmalar zamanı onların arasında azərbaycanlıların olmadığı
qənaətinə gəldim.
- Sizcə, bu nədən irəli gəlirdi?
- Görünür, azərbaycanlılar Praqanı o qədər dost mühiti olan məkan kimi qəbul
etmirdilər. Azərbaycanlılar bolşevik işğalından sonra daha çox Fransaya və
Almaniyaya köçürdülər.
![Page 37: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/37.jpg)
- Eşitdiyimə görə, Cümhuriyyətimizin qurucularından olan Məmməd Əmin
Rəsulzadə ilə bağlı maraqlı fakta rast gəlmisiniz...
- Bəli, araşdırmalar zamanı Məmməd Əmin Rəsulzadə ilə bağlı maraqlı fakta rast
gəldim. Rəsulzadənin “Panturanizm” əsərini oxuduqda onun 19-cu əsrdə Çexiyada
yaşamış iki mütəfəkkirdən gətirdiyi sitatlara rastladım. Bunlardan biri Qavrilçik idi.
Məsələ burasındadır ki, Qavrilçik çex dilindən başqa heç bir dildə əsər yazmayıb,
əsərləri başqa dilə də tərcümə olmayıb. Belə çıxırdı ki, Rəsulzadə Qavrilçikin əsərini
orijinaldan oxuyub? Ancaq bunun üçün Rəsulzadə çex dilini bilməli idi. Digər tərəfdən,
Məmməd Əmin Rəsulzadə Avropanın bir çox ölkəsində olsa da, Praqada heç zaman
olmayıb. Mən bunu dəqiq bilirəm. Görünür, Rəsulzadə Qavrilçikin əsərləri barədə
hansısa başqa mənbədən məlumat əldə edib. Ancaq onun hansı mənbə olduğu mənə
məlum deyil.
- Bəs ilk azərbaycanlılar Çexiyaya necə gedib çıxıb?
- İkinci Dünya müharibəsi zamanı Çexiya ərazisindəki partizan dəstələri
sıralarında təxminən 20 nəfər azərbaycanlı da olub. Onlar əsirlikdən qaçaraq
Çexiyadakı partizanlara qoşulublar. Həmin azərbaycanlılardan göstərdikləri
qəhrəmanlıqlara görə medal və müxtəlif mükafatlar alanlar, döyüşlərdə
qəhrəmancasına həlak olanlar da var.
- Müharibədən sonra Çexiyada qalan azərbaycanlı olubmu?
- Bildiyimizə görə, hamısı geri qayıdıb. Hətta məndə 60-cı illərdə çəkilmiş
fotoşəkil var. Bizim hərbi attaşemiz Moskvadan Bakıya gəlib, həmin azərbaycanlılarla
görüşərək onlara partizan bayrağını təqdim edib. SSRİ dövründə də Çexiya ilə
Azərbaycan arasında əlaqələr olub. O zamanlar Çexoslovakiya maşınqayırma sənayesi
ilə məşhur idi. Həmin sənayenin istehsal etdiyi dəzgahlar Azərbaycan SSRİ-yə də
gətirilirdi. Çexiyadan Azərbaycana ilk rəsmi səfər 1956-cı ildə baş tutub. Bu, o zamankı
![Page 38: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/38.jpg)
parlament nümayəndələrimizin səfəri olub. Bundan sonra müxtəlif səviyyəli səfərlər
olub. Ancaq çox maraqlıdır ki, Azərbaycan SSRİ-dən Çexiyaya cavab səfərləri
olmayıb. Görünür, Moskva buna imkan verməyib.
- Ola bilsin, o zamanlar SSRİ respublikaları arasında bölgü olub.
Xatirimdədir ki, Azərbaycandan Bolqarıstana və Polşaya gedirdilər. Bəlkə
Çexiyaya da başqa respublikalardan gedənlər olub...
- Ola bilər. Ancaq diplomatiyada belə bir qayda var – cavab səfəri. Məsələn, əgər
Praqadan nümayəndələr burada 5 dəfə olubsa, Bakıdan bir dəfə də Çexiyaya səfər təşkil
olunmayıb. Bu, yaxşı hal deyildi.
- Moskva imkan verməyib...
- Şübhəsiz.
- Yadımdadır ki, çex pivə istehsalçısının Bakıdakı sərgüzəştləri barədə mənə
danışmışdınız...
- Bu çox maraqlı hadisədir. Həmin şəxs Azərbaycana 19-cu əsrin əvvəllərində, çar
Rusiyası dövründə gəlib. Bakıda pivə istehsalının əsasını qoyub. Çex pivəsi dünyada
məşhurdur. Demək, həmin çex Bakıda Cümhuriyyət dövründə də fəaliyyət göstərib.
Bolşeviklər Bakını işğal etdikdən sonra onun fabrikini əlindən alıblar. Çarəsiz qalaraq
vətəninə geri dönmək istəyir, ancaq bolşeviklər onu bir müddət bu imkandan məhrum
ediblər. Buradakı arxivlərin birində həmin çexin belə bir məktubuna rast gəldim. O,
Azərbaycandakı bolşeviklərin rəhbərliyinə məktubunda yazırdı: “Azərbaycanda pivə
istehsalı qadağan olunduğuna görə, Bakıda qalmağı məqsədəuyğun hesab etmirəm.
Xahiş edirəm, məni evə buraxın”. Ancaq 6 aydan sonra ona geri qayıtmağa icazə
veriblər...
Misal üçün, neft sahəsində işləyən çex mühəndisi bolşeviklərin işğalından sonra
iki il də Bakıda işləməyə məcbur etdilər, çünki başqa mütəxəssisləri yox idi. Sonda
![Page 39: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/39.jpg)
çexlərə evlərinə dönməyə icazə verirdilər, ancaq Bakıda qazandıqları bütün əmlak və
qazancları əllərindən alınırdı. Bakıdakı çexlərdən yalnız biri – Vatsek bolşeviklərlə
əməkdaşlıq edib, hətta Azərbaycanda yüksək vəzifə tutub. Səbəbi o idi ki, Vatsek
Stalinin Bakıdakı quldur dəstəsinin üzvü olub, birlikdə bankları yarıblar və Stalin
bolşeviklərin lideri olduqdan sonra çex dostunu unutmayıb, onu müxtəlif vəzifələrə
irəli sürüb. Məsələn, arxivdən Vatsekin adına belə bir sənəd tapdım: “Yoldaş Stalin
dalımca gəldi və dedi ki, ona 600 rubl lazımdır. O illərdə bu, böyük pul idi. Mən dedim
ki, 10 dəqiqə gözləsin və ona 800 publ gətirdim”.
Stalin belə bir şəxsi unudardımı? Vatsek memuarlarında yazırdı ki, yoldaş Stalini
növbəti sürgünə yollayanda görüb ki, onun paltosu çox pisdir, qaçıb ona kürk
alıb.Vatsek tək-tük şəxslərdən idi ki, sonrakı illərdə də Stalinə “Sən” deyə müraciət
edirdi. 1930-cu illərdə Vatsek Tiflisə köçür və dəmiryolu prokuroru vəzifəsinə təyin
olunur. O həm də üç çağırış SSRİ-nin deputatı olub.
![Page 40: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/40.jpg)
Maraqlısı budur ki, keçmiş Çexoslovakiyada Kommunist Partiyasının hakimiyyəti
dövründə Vatsek haqqında heç kim heç nə bilməyib. Məsələn, SSRİ illərində
Azərbaycan tarixçilərindən biri Praqaya gələrək “məşhur çex kommunisti” haqqında
kitab yazmaq istədiyini deyib. Praqada kiminlə görüşübsə, ona eyni sualı verib: “Vatsek
kimdir?” Azərbaycanlı tarixçi hər dəfə bu sualı təəccüblə qarşılayıb. Məsələ
burasındadır ki, Vatsek SSRİ kommunistləri arasında tanınan şəxs idi, ancaq vətənində
onu kimsə tanımırdı. Çünki Vatsek çex olsa da, 19-cu əsrin sonlarında Vyanada anadan
olub və gənclik yaşlarında atası ilə birgə Bakıya gəlib.
- Petr, başqa hansı maraqlı tapıntılarınız var?
- Ötən əsrin əvvəllərində Rusiyaya musiqi turnesinə gələn çexlərin bir qismi
Bakıda da konsert verirmişlər. Hələ 1900-cü ildə, çar dövründə dünyaca məşhur çex
kvarteti Bakıda olub. Dəmiryolunun olmadığı həmin dövrdə onların buraya necə
gəlməsi maraq doğurur. Bu məsələni çox araşdırdım və məlum oldu ki, məşhur rus
müğənnisi Fyodor Şalyapin Peterburqda konsert verərkən bir konsertdən 2000 rubl əldə
edirmiş. Tiflisdən Bakıya gələn orta səviyyəli müğənni isə həmin dövrdə Bakıda hər
konsertində 16 min rubl alırmış. Fərqi gördünüzmü? Demək, Bakı musiqiçilər üçün
gəlirli şəhər sayılırdı. Çexiyadan Bakıya çox sayda jurnalist, turist də gəlib. 19-cu əsrin
sonu – 20-ci illərin əvvəlində çex müəlliflərin Bakıda baş verənlər haqda yazılmış 3
romanı, 1 hekayəsi var. Həmin əsərlərdə Bakı küçələri dəqiqliklə təsvir olunub. Məşhur
şair Mirzə Şəfi Vazehin əsərlərinin bir qismi 1876-cı ildə çex dilinə tərcümə edilib.
Başqa bir maraqlı fakt haqqında danışmaq istəyirəm. Deməli, Çexiyada Ledniça adlı
məşhur qəsr var. 19-cu əsrin ikinci yarısında qəsrdə yenidənqurma işləri aparılanda bu
qəsrin sahibi orada minarə tikməyə icazə verib. Bağçada gözəl minarə tikilib. Ora
gələnlərə divarlardakı yazılar göstərilərək izah edilib ki, baxın, bu, məşhur ərəb
yazılarıdır, Qurandan hissələrdir. Bir müddət sonra həmin qəsrə təsadüfən azərbaycanlı
şərqşünas gəlib. O həmin yazılara baxaraq deyib ki, bu ərəb dilində deyil, Azərbaycan
dilindədir, yazılar isə Qurandan ayələr deyil, sadəcə, Azərbaycan atalar sözləridir
(gülür).
![Page 41: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/41.jpg)
- Kitabı nə zaman bitirmək fikrindəsiniz?
- Bu il Azərbaycan Demokratik Respublikasının, eləcə də Çexiya Respublikasının
100 illik yubileylərini qeyd edəcəyik. Buna görə də iyun ayında kitabın təqdimatını
keçirməyi planlaşdırıram. Kitab üç dildə – Azərbaycan, çex və ingilis dillərində olacaq.
Bu kitabda Nizami Gəncəvi haqqında da yazmışam. Dahi Nizami Azərbaycan – Çexiya
əlaqələrində böyük yer tutur. Çünki Nizami Gəncəvinin yaradıcılığının bir hissəsi ilk
dəfə çex alimləri tərəfindən alman dilinə tərcümə edilib. Bizdə Nizami Gəncəvinin
əlyazmaları var. Bu, hələ müharibəyə qədərki dövrdə olub. Hətta 2-ci Dünya
müharibəsi dövründə bizim ən yaxşı şairlərimiz “Yeddi gözəl”i çex dilinə tərcümə
ediblər. Onlardan biri hətta Nobel mükafatı laureatı olub. “Əli və Nino” əsəri
Azərbycanca dərc edilməmişdən qabaq çex dilində 1938-ci ildə nəşr edilib.
M.F.Axundov adına Azərbaycan Milli Kitabxanasında Çexiyada olan əsərlərin
kataloqu yaradılır. Keçən il Azərbaycan şərqşünaslarından ibarət qrup Praqanın Milli
Kitabxanasında olub. Onlar orada olan bütün əlyazmaları görüb, müəllifləri
dəqiqləşdiriblər. Kitabda 1991-ci ildən sonrakı dövrdə müstəqil Azərbaycanla Çexiya
arasındakı diplomatik əlaqələr də yer alacaq. Bu ölkələr bir-birini tanısa da
təmaslarımız 2000-ci illərdən sonra intensivləşib.
- Petr, Siz tarixçi olmaqla yanaşı, həm də peşəkar diplomatsınız. Ona görə də
bu sualım ikitərəfli əlaqələrə aiddir. Azərbaycanın Avropa İttifaqının 9 dövləti ilə,
o cümlədən Çexiya ilə strateji sazişi var. İki ölkə arasındakı siyasi və iqtisadi
münasibətlərin hazırki səviyyəsini necə qiymətləndirirsiniz?
- Çexiya Azərbaycanla diplomatik əlaqələri bərpa edəndə burada Qarabağ
uğrunda müharibə gedirdi. Yəni əlaqələr hələ inkişaf etməmişdi, baş qarışıq idi.
Sonralar biz Azərbaycandan neft almağa başlayanda əlaqələrdə sürətli inkişaf dövrünə
qədəm qoyduq. İstifadə etdiyimiz neftin üçdə bir hissəsi Azərbaycan neftidir. Biz bilirik
![Page 42: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/42.jpg)
ki, Azərbaycan etibarlı tərəfdaşdır. Bizim əlaqələrimizdə heç vaxt anlaşılmazlıqlar
olmayıb. İndi TAP-ın tikintisinin bitməsini, Azərbaycan qazının Avropaya gəlməsini
gözləyirik. Onun bir hissəsi bizə çata bilər. Bu, bizim üçün çox mühümdür. Enerji
təhlükəsizliyini təmin etmək bizə çox vacibdir. Azərbaycan şirkətləri bizə çox kömək
edir. Bu əməkdaşlıq həm də parlamentlər səviyyəsində inkişaf edir. Deputatlarımız
arasında gözəl dostluq əlaqələri var. Çexiyaya gələn azərbaycanlı turistlərin sayı hər il
artır. Çexiyada xeyli azərbaycanlı tələbə də təhsil alır. Çexiyada tələbələr üçün müxtəlif
proqramlar var. Əgər xarici tələbə universitetə qəbul imtahanını çex dilində verməyə
qadirdirsə, onu universitetə qəbul edirlər və o bizim tələbələr kimi pulsuz təhsil alır.
Amma bunun üçün çex dilini yüksək səviyyədə bilmək lazımdır. Daxili İşlər
Nazirliyinin statistikasına görə, Çexiyada hazırda 900 azərbaycanlı yaşayır. Beləliklə,
əlaqələrin inkişaf dövrünü yaşadığını məmnuniyyətlə vurğulamalıyam.
- Petr, müsahibəyə və Qərbi Kaspi Universitetinin bir qrup tələbəsini qəbul
edib onlara yazdığınız kitab və ikitərəfli əlaqələr haqqında dəyərli məlumatlar
verdiyinizə görə Sizə təşəkkür edirəm.
Elxan ŞAHİNOĞLU
![Page 43: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/43.jpg)
HƏRBİ BAXIMDAN AZƏRBAYCANLA ERMƏNİSTAN
ARASINDAKI ÖNƏMLİ FƏRQLƏR...
Qadir KAZIMOV,
Qərbi Kaspi Universitetinin Siyasi və İctimai Elmlər fakültəsinin
2-ci kurs tələbəsi
Dağlıq Qarabağ ətrafındakı danışıqlar prosesi 26 ildən artıq müddətdə heç bir
nəticə vermir. Ona görə də problemin güc yolu ilə həlli məsələsi yenidən aktuallaşır.
Bu amili Azərbaycanla Ermənistanın müdafiə xərclərini artırması dinamikası da
göstərir.
![Page 44: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/44.jpg)
2016-cı ilin “aprel döyüşləri” Ermənistan cəmiyyətini yuxudan ayıltdı.
Azərbaycan ordusunun qısa zaman ərzində Ermənistan ordusunun keçilməz
adlandırdığı “Ohanyan xətti”ni (Ermənistanın keçmiş müdafiə naziri Seyran Ohanyanın
cəbhənin ön və arxa xəttində qurduğu müdafiə və istehkam sistemlərinə verilmiş ad)
yarıb keçməsi Ermənistan hakimiyyəti üçün hərtərəfli dərs oldu. Təsadüfi deyl ki,
Ermənistan hakimiyyəti artıq ölkə büdcəsinin 20 faizindən bir qədər çox hissəsini hərbi
sahəyə ayırır. Ermənistanın maliyyə naziri Vardan Aramyanın təqdim etdiyi 2018-ci il
üçün dövlət büdcəsi layihəsində Ermənistan ordusuna ayrılacaq vəsaitin artırılmasıda
qarşı tərəfin bu sahədə mövqeyini əks etdirir. İqtisadi problemlərinə baxmayaraq, 2016-
cı ilin ikinci yarısında Ermənistanın Rusiyadan aldığı 200 milyonluq kreditin də hərbi
sektora ayrılması bu fikrin təsdiqidir. Ermənistan müqavilə çərçivəsində Rusiyadan
“Smerç” reaktiv yaylım atəşi sistemləri və onun sursatlarını, “Igla-S” zenit-raket
sistemləri, “Avtobaza-M” yerüstü radiotexniki kəşfiyyat kompleksi, “TOS-1A” ağır
odatanları,“9M113M” idarəolunan raketləri, “RPG-26”qumbaraatanları, Draqunov
![Page 45: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/45.jpg)
snayper tüfəngi, “Tiqr”zirehli avtomobilləri, mühəndis və rabitə vasitələri alacağını
bəyan etmişdir.
Məlumat üçün bildirək ki, “Smerç” sistemi dördoxlu MAZ-543M (kütləsi 43,7
ton, maksimal sürəti 69 km/saat) yük avtomobilinin üzərində yerləşdirilmiş 300 mm
çaplı 12 boru paketindən ibarətdir. Bu sistem bütün raketləri 38 saniyəyə ata bilir.
Tərkibində dörd "Smerç" sistemi olan batereya 48 ədəd raketlə 90 km məsafədəki
təxminən sahəsi 800x800 m olan ərazini məhv edə bilir və istifadə edildiyi halda Gəncə
kimi şəhərdə belə böyük dağıntılara səbəb ola bilər . Habelə 2016-cı il sentyabrın 21-
də müstəqilliyin 25 illiyi münasibətilə İrəvanda keçirilən hərbi paradda sadalanan
silahlarla birlikdə atış məsafəsi 280-300 km olan "İsgəndər-E" raket kompleksinin
nümayiş etdirilməsi Azərbaycanda adekvat addımlar atmağa məcbur etdi. Qarşı tərəfdə
"İsgəndər-E" kimi taktiki-ballistik raket sisteminin olması Azərbaycan üçün təhdid
sayılır.
Azərbaycan buna cavab olaraq İsraildən son dövrlərin ən güclü hava hücumundan
müdafiə sistemlərindən olan “İron Dome” sisteminin alınacağını bildirdi. Bundan
başqa, Azərbaycanın müdafiə naziri, general-polkovnik Zakir Həsənovun 2017-ci ilin
oktyabr ayında Belarusa səfəri zamanı 200 km mənzilə sahib “Polonez” reaktiv-yaylım
atəşi sistemlərinin alınacağı ilə bağlı gələn xəbərlər və nazirin şəxsən həmin sistemlərlə
maraqlanması erməni mediasında böyük narahatlıqla qarşılandı. Bu, Azərbaycanın
Rusiyaya verdiyi kiçik mesaj kimi də başa düşülə bilər. Rusiyanın Ermənistana silah
peşkəş etməsi bölgədə qüvvələr nisbətini dəyişmək iqtidarında deyil. Azərbaycan bir
çox ölkədən, o cümlədən Rusiyadan müasir silah və hərbi texnika alır və alacaq. Buna
baxmayaraq, Rusiya hərbi balansın Azərbaycanın lehinə dəyişməsindən narahatdır.
Rusiya Dağlıq Qarabağ problemini inhisarda saxlamağa çalışır. Digər tərəfdən, Rusiya
Ermənistan üzərində nəzarətini də azaltmır. Ermənistanın Avropa İttifaqı ilə imzaladığı
saziş də Rusiyanın icazəsi ilə baş tutub. Ancaq bölgədə müharibənin baş verməsi
halında nə Rusiya, nə də Avropa Ermənistanı tam qoruya bilər.
![Page 46: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/46.jpg)
Azərbaycan rəsmilərinin dəfələrlə hərbi gücdən istifadəyə dair verdiyi bəyanatlar
da bu fikri təsdiq edir . Bu baxımdan Azərbaycanın silahlı qüvvələrinin separatçılara
qarşı hər hansı müdaxiləsinin nə ilə nəticələnəcəyi ətrafında da müzakirələr səngimir.
Aprel döyüşlərindən sonra bəzi erməni rəsmiləri müsahibələrində Azərbaycanın hərbi
üstünlüyünü qəbul etsələr də, ehtimal edilən müharibənin guya Azərbaycana baha başa
gələcəyini vurğulayırlar . Bəs erməniləri bu qədər iddialı danışmağa nə vadar edir?
Onlar nəyə güvənirlər?
Söhbət vurulacaq zərbədən gedirsə, artıq burda tank, zirehli maşınlar kimi amilləri
arxa plana salmaq, diqqəti ballistik raketlərə, reaktiv yaylım atəş sistemlərinə
yönəltmək lazımdır . Məhz erməni hakimiyyəti də bu fikrin təsdiqi kimi Azərbaycanı
arsenallarında olan ballistik raketlər və reaktiv yaylım atəş sistemləri ilə hədələməyə
çalışır. Ermənistan tərəfi aprel döyüşlərindən əvvəl hər nə qədər bu sistemlərə ciddi
önəm verməsə də, coğrafi üstünlüklərinə və tank qoşunlarına arxalansa da, döyüşlər
zamanı Azərbaycanın İsraildən aldığı “Spike” sistemi ilə erməni tanklarını yerlə bir
etməsindən və müdafiə xəttini yarmasından sonra orduda dəyişiklik etmək
məcburiyyəti haqqında düşünür. Fikrimin təsdiqi kimi deyə bilərəm ki , döyüşlər
zamanı Azərbaycanın əlində olan və nəinki qondarma dövlətin, hətta Ermənistanın
istənilən nöqtəsini yerlə bir edəcək silahlar Azərbaycan silahlı qüvvələrinin arsenalında
var idisə, erməni tərəfində belə sistemlər mövcud deyildi . Erməni tərəfi o ərəfədə təkcə
XX əsrin 60-cı illərinə aid olan “Scud-B” ballistik raketinə sahib idi və maye yanacaqla
işləyən bu raketlərin havaya qalxması belə sual altında idi . Havaya qalxsa belə
asanlıqla Azərbaycan sistemləri tərəfindən vurulacağı şübhə doğurmurdu. Bundan
əlavə, düşmən tərəfin arsenalında olan “OTR-21 Tochka” sistemi də o qədər effektiv
deyildi. Döyüşlərdən sonrakı dövrə nəzər salsaq görərik ki , Ermənistanın Rusiyadan
200 milyonluq kredit çərçivəsində aldığı və hərbi paradda nümayiş etdirdiyi “Smerç”
reaktiv yaylım atəşi sistemləri , “TOS-1A” ağır odatanları və "İsgəndər-E" taktiki-
ballistik raketləri məhz bu geriliyin aradan qaldırılmasına yönəlmiş addım kimi qeyd
edilə bilər. Ermənistanın adıçəkilən sistemlərə sahib olduğunu nəzərə alsaq, bu
![Page 47: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/47.jpg)
təhdidlərə ciddi yanaşmaq məcburiyyətindəyik. Azərbaycan Hava Hücumundan
Müdafiə qoşunları hər nə qədər güclü olsa da, sözügedən yüksək dəqiqliyə və böyük
dağıdıcı gücə malik raketlərin neytrallaşdırılması istiqamətində çalışmalarını davam
etdirir. Buna misal olaraq Azərbaycanla İsrail arasında aparılan danışıqları göstərmək
olar. Azərbaycanın İsraildən aldığı və ya ala biləcəyi “İron Dome” sistemi Ermənistanın
hücum imkanlarını məhdudlaşdıracaq.
Belə olan halda Ermənistan təxribata əl ataraq Azərbaycanı yenə hədələyə
bilərmi? Ermənistanın Azərbaycanla müharibə aparmaq üçün resursları kifayət
edəcəkmi? Təbii ki, yox . Hadisələri düzgün analiz etsək, erməni rəsmilərinin
müsahibələrinə diqqətlə baxsaq görərik ki, Ermənistan silahlı qüvvələrinin keçirdiyi
təlimlərin böyük əksəriyyəti sırf “Azərbaycan silahlı qüvvələrinin hücumundan
müdafiə olunmaq” mövzusundadır. Məqsəd mövcud status-kvonu qorumaqdır.
Ermənistan cəbhədə təxribat törətmək və ya lokal toqquşmlara başlamaq üçün
təkbaşına qərar verməyəcək, asılı olduğu Rusiyanın əmri ilə hərəkət edəcək.
VASİTƏÇİLƏRƏ İNAM AZDIR
![Page 48: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/48.jpg)
Qərbi Kaspi Universitetinin Tətbiqi Politologiya Mərkəzi 2017-ci ilin dekabr
ayında Dağlıq Qarabağ mövzusunda 500 respondent arasında sorğu keçirib. Sorğuda
iştirak edənlərin təxminən üçdəbir hissəsini Qərbi Kaspi Universitetinin tələbələri təşkil
edib.
Sorğunun ilk “2018-ci ildə sülh danışıqlarından irəliləyiş gözləyirsinizmi”
sualına respondentlərin 94 faizi “xeyr”, 6 faizi “bəli” cavabı verib.
Bu nəticə vətəndaşların sülh danışıqlarına inamının ilbəil azaldığını göstərir.
2017-ci ildə bütün səviyyəli danışıqların nəticəsiz qalması da bunun əyani sübutudur.
“2018-ci ildə müharibə başlaya bilərmi” sualına respondentlərin 80%-i
“müharibə mümkündür”, 15%-i “müharibə ehtimalı azdır” cavabını verib. Cəmi 5%
suala cavab verməkdə çətinlik çəkib.
“Həmsədrlərin 2017-ci ildəki fəaliyyətini necə qiymətləndirirsiniz” sualına
respondentlərin cavabları belə olub: “Pis” – 57 %, “Çox pis” – 38%” və “Normal” –
5%.
![Page 49: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/49.jpg)
Bu suala verilən cavab göstərir ki, Azərbaycan vətəndaşlarının həmsədrlərin
fəaliyyətinə inamı qalmayıb. Bu da səbəbsiz deyil. Həmsədrlər münaqişənin həlli, o
cümlədən Dağlıq Qarabağ ətrafındakı rayonların boşaldılması üçün səy göstərmir,
işğalçı ilə işğala məruz qalan arasında bərabərlik işarəsi qoyurlar.
“Münaqişənin ədalətli həllini hansı amil sürətləndirəcək” sualına verilən
cavablar bunlardır: “Azərbaycan güc tətbiq edəcəyi halda” (65%), “Ermənistan
“mərhələli həll” planını qəbul edəcəyi halda” (13%)“ və “Rusiya Ermənistana təzyiq
edəcəyi halda” (22%).
Bu cavablardan gəlinən qənaət isə odur ki, vətəndaşların az hissəsi kənar təzyiq
olmadan Ermənistanın “mərhələli həll” planını qəbul edəcəyini düşünür. Böyük
əksəriyyət bunun üçün Ermənistan hakimiyyətinə təzyiqin artırılması qənaətindədir.
![Page 50: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/50.jpg)
TƏTBİQİ POLİTOLOGİYA MƏRKƏZİNDƏ ƏNƏNƏVİ DƏYİRMİ
MASADA QARABAĞ MÜZAKİRƏ OLUNDU
Qərbi Kaspi Universitetində 8 dekabr 2017-ci ildə Dağlıq Qarabağ münaqişəsi ilə
bağlı dəyirmi masa keçirildi. Universitetin Tətbiqi Politologiya Mərkəzinin
təşkilatçılığı ilə “Dağlıq Qarabağ: münaqişənin həlli yolları və mövcud reallıq”
mövzusunda keçirilən dəyirmi masada universitetin müəllimi, politoloq Elxan
Şahinoğlunun və beynəlxalq münasibətlər fakültəsində təhsil təhsil alan tələbələr
iştirak etdilər.
Müzakirədə “Hazırkı şərtlər daxilində münaqişənin sülh yolu ilə həlli realdırmı?”,
“Həmsədr dövlətlər – Rusiya, ABŞ və Fransa münaqişənin həllini sürətləndirmək üçün
nə etməlidirlər?”, “Rusiya niyə münaqişənin həllində maraqlı deyil?”, “Türkiyənin
![Page 51: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/51.jpg)
münaqişənin həllindəki fəallığını necə qiymətləndirmək olar?”, “İşğalçı dövlətə qarşı
hansı siyasət aparılmalıdır?” sualları ətrafında fikir mübadiləsi aparılıb.
Elxan Şahinoğlu ATƏT-in Nazirlər Şurasının və xarici işlər nazirlərinin dünən
keçirilən toplantısına toxunaraq bildirdi ki, bu toplantıda həmsədr ölkələrin nazirləri
ortaq bəyanatla çıxış etdilər. “Həmişəki kimi onlar üç maddəni sadaladılar: güc tətbiq
etməmək, ərazi bütövlüyü və xalqların öz müqəddəratını təyin etmək hüququ. Məhz
burada 2-ci və 3-cü maddə münaqişənin həllinə imkan vermir. Biz 2-ci maddəni əsas
götürürük, qarşı tərəf isə 3-cü maddəni. Dövlət başçısı İlham Əliyevin də bir fikri var
ki, ermənilər artıq bir dəfə öz müqəddəratlarını təyin ediblər və Ermənistan adında
dövlət yaradıblar, ikinci erməni dövlətinin Azərbaycan torpaqlarında yaradılmasına
imkan verməyəcəyik. Şimali İraq və İspaniyada da baş verənlərə nəzər salaq. Əgər
müqəddəratını təyin etmək hüququ varsa, nə üçün beynəlxalq aləm kürdlərin və
katalonların “müstəqilliyi”ni tanımadı. Deməli, öz müqəddəratını təyin etmək hüququ
da əslində tanınmır. Biz də tələb edirik ki, İraqın, İspaniyanın ərazi bütövlüyünü
dəstəklədikləri kimi Azərbaycana da eyni münasibət göstərilsin. Ancaq görürük ki,
məsələ uzanır”,- deyə politoloq bildirdi.
Müzakirələrdə münaqişənin həlli variantları, perspektivləri nəzərdən keçirilib,
tələbələr öz fikir və mülahizələrini bölüşüblər.
Murad MƏMMƏDLİ,
“Ekspress” qəzeti
![Page 52: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/52.jpg)
QƏRBİ KASPİ UNİVERSİTETİNDƏ DAĞLIQ QARABAĞ
MÜNAQİŞƏSİ İLƏ BAĞLI İLİN YEKUNLARI MÜZAKİRƏ OLUNUB
Qərbi Kaspi Universitetinin Tətbiqi Politologiya Mərkəzinin "Dağlıq Qarabağ
münaqişəsi: ilin yekunları" mövzusunda hesabatının təqdimatı və mətbuat konfransı
keçirilib.
Modern.az xəbər verir ki, mərkəzin rəhbəri, politoloq Elxan Şahinoğlu Tətbiqi
Politologiya Mərkəzinin 3 aylıq fəaliyyəti barədə məlumat verib, tələbələrin artıq siyasi
təhlilçi kimi analitik materiallar hazırladığını, mətbuatda ekspert qismində çıxış etdiyini
diqqətə çatdırıb.
![Page 53: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/53.jpg)
Dağlıq Qarabağ münaqişəsinin həlli ilə bağlı 2017-ci ildə aparılan danışıqları şərh
edən E.Şahinoğlu bildirib ki, 2017-ci il cəbhədə və danışıqlar masasında dinamik il
kimi xarakterizə oluna bilər: “Baxmayaraq ki, danışıqlar nəticəsiz qalıb və yorucu
müharibə vəziyyəti davam edir. Ermənistan bu müharibədən daha tez yorulmalıdır,
çünki dövlət getdikcə zəifləyir, xalq dözülməz halda yaşayır. Ermənistan gənci
başqasına aid olan torpaq uğrunda ölmək istəmir. Ancaq Ermənistan hakimiyyəti hər
vəchlə danışıqları uzatmağa çalışır”.
Politoloq bildirib ki, 2018-ci ildə Rusiya, Azərbaycan və Ermənistanda seçki ili
olsa da, münaqişənin qısa zamanda həllində daha çox maraqlı olan tərəf kimi rəsmi
Bakının danışıqların aktiv şəkildə davam etdirilməsinə səy göstərəcəyini
proqnozlaşdırmaq olar.
Daha sonra tələbə-ekspertlər münaqişə və onun ətrafında aparılan danışıqlardakı
son vəziyyət, münaqişənin həlli perspektivləri ilə bağlı fikirlərini bildiriblər.
Mərkəzin ekspertləri jurnalistlərin suallarını cavablandırıb, mövzu ətrafında fikir
mübadiləsi aparılıb.
Tədbirdə Tətbiqi Politologiya Mərkəzinin “Qarabağ: 2016/2017” adlı analitik
nəşri də təqdim olunub.
![Page 54: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/54.jpg)
KİBERTƏHLÜKƏSİZLİK VƏ AZƏRBAYCAN
Əsmər ALLAHVERDİYEVA,
Siyasi və İctimai Elmlər fakültəsinin beynəlxalq münasibətlər və diplomatiya
üzrə magistri
İdarəetmədə informasiya kommunikasiya texnologiyalarının geniş tətbiqi müasir
dünyada effektiv və sürətli idarəetmənin yeganə yolu kimi qəbul edilir. Planetimizdə
bütün qabaqcıl infrastruktur və istehsal-xidmət sahələri informasiya texnologiyaları
vasitəsilə idarə olunur və bu tendensiya daha da artır. Hətta artıq müasir döyüş
texnologiyalarını belə, İKT-siz təsəvvür etmək döyüşdə uduzmağa bərabər ölçülür.
Müasir dövrdə informasiya kommunikasiya texnologiyalarının inkişafı
kibercinayətkarlığın meydana gəlməsinə və gündən günə artmasına gətirib
çıxarmışdır. Birləşmiş Millətlər Təşkilatının hesabatında hər il 1,5 milyondan çox
insanın internet vasitəsilə edilən cinayətlərin qurbanı olduğu və kibercinayət
xarakterli fəaliyyət nəticəsində dəymiş ümumi ziyanın 1 milyard ABŞ dolları təşkil
etdiyi bildirilir.
Kibercinayətkarların əsas hədəfi energetika sahəsi, enerji infrastrukturu olur ki, bu
da narahatlıq doğurur, çünki Azərbaycan adıçəkilən sahədə iri layihələr reallaşdıran
ölkələrdən biridir. Davamlı və innovativ iqtisadiyyatın qurulması kursunu götürmüş
Azərbaycan, şübhəsiz ki, cinayətkarların hədəfinə çevriləcək. Buna görə də bütün
![Page 55: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/55.jpg)
əhəmiyyətli sahələrdə kibertəhlükəsizliyi təmin etmək lazımdır, bu məqsədlə
kibercasusluğun qarşısını almaq üçün xüsusi addımlar atılmalıdır. Bu istiqamətdə az iş
görülməyib, lakin Azərbaycanın təmsil olunduğu layihələrin strateji əhəmiyyətini
nəzərə alsaq, kibertəhlükəsizlik tədbirləri qaçılmaz olacaq və onlar ən yüksək
səviyyədə reallaşdırılmalıdır.
Dayanıqlı və innovativ iqtisadiyyat qurmağı hədəfləyən respublikamız təbii olaraq
kiberorduların hücumlarının hədəfi olacaqdır. Bu baxımdan Azərbaycanda bütün
mühüm sahələrdə kibertəhlükəsizliyin təmin edilməsi, elektron kəşfiyyatın, elektron
əks-kəşfiyyatın, kiberhücumların dəf edilməsi yönündə xüsusi tədbirlərin görülməsinə
böyük ehtiyac yaranmaqdadır. Bu istiqamətdə bir çox addımlar atılmışdır. Bununla
belə, ölkənin sürətlə ən yeni layihələrə daxil olması və bu layihələrin strateji əhəmiyyət
kəsb etməsi paralel olaraq kibertəhlükəsizliyin də təmin edilməsini “A” səviyyəsinə
qaldırmağı qaçılmaz edəcək.
Beynəlxalq Telekommunikasiya Şurası (ITU) 2017-ci il üzrə Qlobal
kibertəhlükəsizlik indeksini açıqlayıb.
![Page 56: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/56.jpg)
İndeks ITU-nun üzvü olan ölkələrin kibertəhlükəsizliyə məruz qalma səviyyəsini
özündə əks etdirir. 193 ölkəni özündə birləşdirən indeks qanunvericilik bazasını,
texniki məlumatlar, təşkilati məsələlər, kooperasiya kimi məsələləri əhatə edir.
Azərbaycan indeksdə 48-ci yeri (0.559 bal) tutub. Qonşularımıza gəlincə, Gürcüstan 8-
ci, Rusiya 10-cu, Türkiyə 43-cü yeri tutub. Ermənistan isə siyahının autsayderlərindədir
– 111-ci yer.
İnformasiya ehtiyatlarının qorunması, kibertəhdidlərin qarşısının alınması və dəf
edilməsi üzrə Rabitə və Yüksək Texnologiyalar Nazirliyi yanında Elektron
Təhlükəsizlik Mərkəzinin, həmçinin Xüsusi Dövlət Mühafizə Xidmətinin Xüsusi
Rabitə və İnformasiya Təhlükəsizliyi Dövlət Agentliyinin fəaliyyəti böyük əhəmiyyətə
malikdir.
Ölkəmizdə getdikcə artmaqda olan internet istifadəçilərinin sayının hazırda 80
faizə çatdığı, milli internet resurslarının, Azərbaycandilli kontentin inkişaf etdirilməsi
üzrə işlərin aparıldığı indiki məqamda məlumatların təhlükəsizliyinin təmin edilməsi,
kənardan daxil olan kibertəhdidlərin qarşısının alınması, məlumatlar bazasının
müdafiəsinin ən yüksək səviyyədə təşkili məsələləri böyük DATA mərkəzlərinə
ehtiyacı ortaya çıxarır. Bu baxımdan beynəlxalq təcrübə əsasında ölkəmizdə ən müasir
DATA mərkəzlərinin qurulması istiqamətində intensiv əlaqələr yaradılmışdır.
Azərbaycanda strateji əhəmiyyətli layihələrin reallaşdırılması ilə birlikdə
kibertəhlükəsizlik tədbirlərini də gücləndirmək lazımdır. Bu zaman təbii olaraq
informasiya-kommunikasiya texnologiyalarının tətbiqi zonalarının və şəbəkəsinin
təhlükəsizliyi ön plana çıxır, çünki bu halda rəqibin İKT sisteminə daxil olmaq artıq
onun tam iflic olmasına qədər gətirib çıxara bilir: "Bu məqsədlə artıq bir çox dövlətlər
digər ölkələrin gizli məlumatlarını əldə etmək üçün geniş kiberhücumlar təşkil edir və
həmin ölkələrdə kiberhücumlar vasitəsilə xaosların yaranması ehtimallarını öyrənirlər.
Və təbii olaraq özünümüdafiə tədbirləri də görürlər. Məsələn, artıq Çində 50000
insandan ibarət kiberordu formalaşdırılıb. Rusiyada 12000 nəfərdən ibarət xüsusi
ixtisaslaşdırılmış mərkəz fəaliyyət göstərir. Avropa ölkələrində də xüsusi ordu hissələri
![Page 57: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/57.jpg)
və mərkəzlər mövcuddur. Kiber hücumlar vasitəsilə mühüm dövlət təsisatlarının
(nəqliyyat, avia, pilotsuz uçan aparatlar, sərhəd-buraxılış, viza və s.) fəaliyyətini iflic
etmək və ya digər istiqamətə yönəltmək, bank sistemini iflic etmək mümkündür".
Kibercinayətkarlığın artması bütün dünyada dövlət idarəçiliyi, bank, nəqliyyat,
milli təhlükəsizik və digər sistemlərin təkmilləşdirilməsini, kibermüdafiə
tədbirlərinin genişləndirilməsini aktual edir. 2012-ci ildə NATO-nun Çikaqoda
keçirilən sammitində qəbul olunmuş yekun bəyannamədə də kiberhücumların
kəmiyyət və keyfiyyətinin artması faktları bir daha qeyd olunmuş və Alyansa üzv
dövlətlərinin ayrı-ayrılıqda, həmçinin beynəlxalq təşkilatlarla (BMT, Avropa
İttifaqı, Avropa Şurası və digərləri) birlikdə vahid kibermüdafiənin təşkilinin
vacibliyi vurğulanmışdır. Artıq ABŞ, Rusiya, Çin, İngiltərə, Fransa, Almaniya və
bir sıra başqa inkişaf etmiş dövlətlər öz xüsusi kiberqoşunlarını yaradıblar. Bu
dövlətlər əsas məqsədlərinin öz şəbəkələrini müdafiə etmək olduğunu bildirsələr də,
burada hücum əməliyyatlarının aparılması da nəzərdə tutulur.
Ölkəmizdə informasiya kommunikasiyası texnologiyalarının (İKT) geniş
tətbiqi bu sahədə davamlı kibertəhlükəsizlik tədbirlərinin həyata keçirilməsini
gündəmə gətirmişdir. Xüsusən Dağlıq Qarabağ probleminin mövcudluğu bizi bu
məsələ ətrafında daha ciddi tədbirlər görməyə sövq edir. İstənilən situasiyanın,
xüsusilə də hərbi münaqişə vəziyyətinin qalibi statusuna yüksəlmək üçün
informasiya məkanında son dərəcə tədbirli, çevik, ağıllı, məsuliyyətli və peşəkar
olmaq lazımdır.
Müasir dövrdə medianın ən mühüm funksiyalarından biri də milli maraqları hər
şeydən üstün tutmaq, vətəndaşları, cəmiyyəti vahid məqsəd uğrunda səfərbər etməkdir.
Vətənpərvərlik, milli dövlətçiliyə sədaqət, milli maraqlar uğrunda prinsipiallıq KİV-
lərin fəaliyyətinin başlıca prinsiplərini təşkil etməlidir. KİV-lər cəmiyyətdə, xüsusilə
gənc nəsil arasında Vətənə sevgi hissləri, insanlara mənəvi saflıq aşılamalı, onlarda əsl
vətəndaşlıq mövqeyinin formalaşmasına dəyərli töhfəsini verməlidir. Biz ərazi
münaqişəsini yaşayan bir dövlət olaraq bunun nə dərəcədə əhəmiyyət kəsb etdiyini dərk
![Page 58: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/58.jpg)
etməliyik. Və bütün bunlar kibertəhlükəsizlik məsələlərinə ciddi önəm verilməsini
xüsusi faktor kimi önə çıxarılmasını bir daha göstərir.
Bu sahədə hüquqi bazanın formalaşdırılması istiqamətində Azərbaycan
beynəlxalq konvensiya və proqramlara qoşulmuş, daxili qanunvericilik bazasını
daha da təkmilləşdirmişdir. Belə ki, Azərbaycan 2008-ci ildə Avropa Şurasının
"Kibercinayətkarlıq haqqında'' Konvensiyasını imzalamışdır (2010-cu ildə
ratifikasiya etmişdir). ATƏT çərçivəsində Azərbaycan ATƏT Daimi Şurasının 1039
saylı, "İnformasiya və kommunikasiya texnologiyalarından istifadə ilə bağlı münaqişə
risklərinin azaldılması sahəsində etimad quruculuğu tədbirlərinin hazırlanması" adlı
qərarı əsasında təsis edilmiş işçi qrupun işində fəal iştirak edir. İşci qrup tərəfindən
hazırlanan və ATƏT-in Nazirlər Şurasının 2013-cü ildə Kiyevdə qəbul etdiyi 1106 saylı
qərarın mətninin hazırlanmasında Azərbaycan nümayəndə heyəti fəal iştirak etmişdir.
Avropa Şurası çərçivəsində kibercinayətkarlığa qarşı mübarizə daha çox
Azərbaycanın aidiyyatı dövlət qurumlarının kibercinayətkarlığa qarşı mübarizə
sahəsində imkanlarının təkmilləşdirilməsi ilə əlaqədar layihələrin həyata keçirilməsi ilə
bağlı olmuşdur. Avropa İttifaqının maliyyə dəstəyi və Avropa Şurasının icraçılığı ilə
hazırda 2 əsas layihə həyata keçirilir: "Cybercrime@EAPII" və
"Cybercrime@EAPIII". Qeyd olunan layihələr Şərq Tərəfdaşlığı regionuna daxil olan
dövlətlər üçün həyata keçirilir.
BMT çərçivəsində kibercinayətkarlığa qarşı mübarizədə Azərbaycan BMT Baş
Assambleyası tərəfindən qəbul edilən bütün qətnamələrə həmmüəllif qismində
qoşulmuşdur. Respublikada informasiya proseslərinin mühafizəsi, sabitliyi və
fasiləsizliyi, dövlət orqanlarının informasiya ehtiyatlarının qorunması, bu sahədə
təhdidlərin qarşısının alınması, təhlili və qabaqlanması üçün dövlət və qeyri-dövlət
informasiya infrastrukturu subyektlərinin, onların istifadəçilərinin fəaliyyətinin
əlaqələndirilməsi, kibertəhlükəsizlik sahəsində risklərin qiymətləndirilməsi və idarə
olunması, ümummilli hazırlığın və maarifləndirmənin təmin edilməsi məqsədilə 26
sentyabr 2012-ci il tarixində "İnformasiya təhlükəsizliyi sahəsində fəaliyyətin
təkmilləşdirilməsi tədbirləri haqqında'' Azərbaycan Respublikası Prezidenti
![Page 59: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/59.jpg)
tərəfindən Fərman imzalanmışdır. Fərmana əsasən, Azərbaycan Respublikası Xüsusi
Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət
Agentliyi və Azərbaycan Respublikası Rabitə və Yüksək Texnologiyalar Nazirliyi
yanında əlaqələndirici qurum olan Elektron Təhlükəsizlik Mərkəzi yaradılmışdır.
Bu gün kibertəhlükəsizlik, onlayn təhlükəsizlik, şəbəkələrin etibarlılığı üçün
həlledici təminat məsələləri ən mühüm prioritet istiqamətlərdən biri kimi
dəyərləndirilir. Bu sahədə effektiv beynəlxalq əməkdaşlıq, çoxtərəfli dialoqun
nailiyyəti, uğurlu qərarların qəbulu və bu qərarların həyata keçirilməsi məqsədilə
hər il regional və qlobal səviyyədə dövlət, qeyri-dövlət və beynəlxalq qurumlar
tərəfindən müxtəlif tədbirlər həyata keçirilir.
Kibertəhlükəsizlik tədbirləri sırasında İKT istifadəçilərinin maarifləndirilməsi
də mühüm əhəmiyyət kəsb edir. Bu baxımdan, 30 may 2013-cü ildə "Azərbaycanda
kibertəhlükəsizlik'' mövzusunda keçirilmiş dəyirmi masa, NATO Azərbaycan
Beynəlxalq Məktəbinin təqdimatında "Kibertəhlükəsizlik: mövcüd vəziyyət və
mühafizə vasitələri'', "İnformasiya təhlükəsiziliyi'', "Fərdi məlumatların
mühafizəsi'' mövzularında keçirilmiş seminarlar, 2013-cü ildə Bakıda keçirilmiş
Təhlükəsizlik Şurasının "Qərarların qəbulunda və siyasətin həyata keçirilməsində
gənclərin iştirakı'' konfransı, hər il keçirilən və Xəzər regionunun aparıcı İKT
forumuna çevrilmiş "Azərbaycan Beynəlxalq Telekommunikasiya və İnformasiya
Texnologiyaları'' (Bakutel) sərgi və konfranslarını göstərmək olar.
Yeri gəlmişkən, onu da qeyd etmək lazımdır ki, yaxın dövr ərzində Azərbaycan
Rabitə və Yüksək Texnologiyalar Nazirliyi (RYTN) yanında Elektron Təhlükəsizlik
Mərkəzi kibertəhlükəsizlik sahəsində fəaliyyət göstərən "First'' beynəlxalq
təşkilatına tamhüquqlu üzv seçilib. Bu da öz növbəsində ölkədə bu sahədə dövlət
tərəfindən aparılan siyasətin beynəlxalq arenada da davam etdirilməsinə imkan
yaratmaqla yanaşı, ən son yeniliklər, insidentlər, təhlükələrdən mühafizə yolları və
əlaqəli məsələlərlə bağlı ideyaları, təcrübələri öyrənmək və paylaşmaq üçün zəmin
təşkil edəcəkdir.
![Page 60: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/60.jpg)
Son illərdə təkcə Azərbaycanda deyil, bütün dünyada kibercinayətkarlıqla
mübarizə ən aktual məsələlərdən biridir. İldən-ilə internet istifadəçilərinin sayı artır və
bununla bağlı kibertəhdidlərin də miqyası artır. Son məlumatlara görə, dünyada il
ərzində 500 milyondan çox adam bu cür təhdidlərin qurbanına çevrilir. Azərbaycan bu
sahədə Avropa Konvensiyasına qoşulandan sonra həm qanunvericiliyimiz, həm də real
təcrübə demək olar ki, beynəlxalq standartlara uyğunlaşdırılır. Eyni zamanda,
“Azərbaycan 2020: gələcəyə baxış” İnkişaf Konsepsiyasında da ölkəmizdə
kibertəhlükəsizlik sahəsində ciddi tədbirlərin görülməsi, bu sahədə maarifləndirmə
işinin aparılması qarşıda duran mühüm vəzifələr kimi müəyyən edilmişdir.
ЦЕНТРАЛЬНАЯ АЗИЯ КОНСОЛИДИРУЕТСЯ И ИЩЕТ
НОВУЮ ПОВЕСТКУ ВЗАИМОДЕЙСТВИЯ
Ильгар ВЕЛИЗАДЕ,
Политолог, руководитель Клуба политологов «Южный Кавказ»
В последнее время внимание все большего числа наблюдателей
приковывается к региону Центральной Азии. При этом чаще замечаешь, что
![Page 61: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/61.jpg)
политические события, протекающие в обширном регионе — от Каспия на западе
до Алтайских гор на востоке и от Урала на севере до Гиндукуша на юге — так
или иначе завязаны на Узбекистане.
Конференция "Центральная Азия: одно прошлое и общее будущее,
сотрудничество ради устойчивого развития и взаимного процветания",
состоявшаяся в прошлом году в Самарканде, является ярким тому
подтверждением.
Впервые в мероприятии приняли участие министры иностранных дел семи
стран Центральной Азии и Среднего Востока, заявив о желании сотрудничать во
имя определенных целей: достижения безопасности путем тесного
взаимодействия этих государств, опираясь прежде всего на собственную
ресурсную базу.
Было также достигнуто понимание в вопросах согласования и сопряжения
целей устойчивого развития всех стран, учитывая особенности каждой,
обозначено стремление решать все вопросы, в том числе вопрос водопользования
на основе интересов каждого участника, но с учетом общих долгосрочных целей.
Ко всему прочему, решено превратить регион в транспортный хаб,
аккумулирующий новые технологии и инвестиции; и наконец, создать
консультативный орган, состоящий из глав государств, который бы нивелировал
неизбежные противоречия и определял текущие приоритеты.
В зале форума не нашлось ни одного человека, который представил бы иное
видение перспектив взаимодействия. Наиболее примечательным и центральным
событием форума стало выступление президента Узбекистана Шовката
Мирзиеева, определившего шесть приоритетных задач, стоящих перед регионом,
что одновременно можно рассматривать в качестве "дорожной карты" для
узбекской внешней политики на обозримую перспективу.
По словам узбекского президента, реализации вышеназванных задач могла
бы способствовать организация регулярных консультативных встреч глав
![Page 62: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/62.jpg)
государств Центральной Азии. Примечательно, что на инициативу президента
Узбекистана провести встречу президентов пяти государств региона первым
откликнулся министр иностранных дел Казахстана Абдрахманов, который
передал встречное предложение казахстанского лидера провести встречу в
Астане накануне Новруза в 2018 году.
В целом надо отметить, что конференция, оказалась и на редкость
откровенной площадкой, где очень разные участники делились своим видением
развития региона на ближайшую перспективу с учетом тех реалий и трендов,
которые формировались в его пределах в последние десятилетия.
Общий вывод, который напрашивается сам собой, заключается в том, что
конкурентная борьба за усиление своего влияния в регионе, ведущаяся на
протяжении двух последних десятилетий, продолжится и в будущем между
Китаем, ЕС, Россией, США и менее крупными региональными силами —
Турцией, Ираном, Кореей, Пакистаном, Индией.
Но эта конкуренция может послужить во благо, а не во вред, если страны-
участницы смогут направить ее в созидательное русло, выработать общие
подходы, которые позволят внешним игрокам реализовывать комплексный
подход и отходить от практики селективных действий, приводящих в конечном
итоге к сталкиванию интересов стран Центральной Азии друг с другом.
Обращают на себя внимание подходы самих участников мероприятия к
перспективам взаимодействия в рамках Центральноазиатского региона.
Так, по мнению директора Центра Евразии имени Дину Патрисиу
Атлантического совета Джон Эдварда Хербста, в течении 25 лет обстановка в
регионе была хорошей. Это то, что никогда не комментируется. Четверть века
здесь в основном царили стабильность и мир. Это успех, который не полностью
признан. Да — была гражданская война в Таджикистане, но в 1997 году она была
довольно успешно закончена.
![Page 63: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/63.jpg)
Частично данную проблему удалось решить при помощи соседей: в этом
процессе сыграли положительную роль Россия, Узбекистан и Иран. Также правда
и то, что в регионе существовала проблема терроризма. И несмотря на
нестабильность на юге — не только в Афганистане, но и в Пакистане — здесь
есть мир и более или менее безопасно. Конечно, терроризм из Афганистана
может перекинуться в этот регион, поскольку "Талибан" становится сильнее. Как
это будет влиять на регион, пока трудно сказать.
По мнению же Верховного представителя Евросоюза по иностранным делам
и политике безопасности Федерики Могерини, для которой Самаркандская
встреча стала третьим мероприятием подобного рода, в последние годы она
имела возможность наблюдать тенденцию к интеграции в регионе.
По ее словам, это весьма позитивное явление, благодаря которому вопросы,
по природе своей не разрешимые странами в одиночку (например, управление
приграничными водными ресурсами) или более успешно решаемые на уровне
региона, чем в отдельных странах (к примеру, противодействие терроризму и
радикализации), все чаще решаются инновационными методами и совместными
усилиями. Могерини заверила, что Европейский союз готов способствовать
процессу региональной интеграции и проведению обсуждений для поиска общих
решений.
А по мнению заместителя министра иностранных дел РФ Александра
Панкина, в целях укрепления заслона распространению международного
терроризма, противодействия наркотрафику в общем регионе (а Россия — сосед
Центральной Азии) есть необходимость совершенствования существующих
механизмов обеспечения контртеррористической защищенности. В том числе (в
рамках) ОДКБ, РАТС ШОС и АТЦ СНГ.
Важно отметить, что Азербайджан неоднократно упоминался в
выступлениях участников в контексте развития связей стран региона с
![Page 64: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/64.jpg)
сопредельными государствами, а также в контексте развития системы
транзитного сообщения.
Азербайджан рассматривается в качестве важного партнера и в решении
вопросов безопасности, в частности, в рамках прикаспийского сотрудничества.
Что отрадно, если учесть, что взаимозависимость разных стран и регионов
способствует их интеграции и повышению потенциала сотрудничества для
устойчивого развития обществ, что и было конечной целью конференции в
Самарканде.
DAĞLIQ QARABAĞ MÜNAQİŞƏSİNƏ DAİR 2 İLLİK HESABAT
TƏQDİM OLUNDU
Qərbi Kaspi Universitetində Tətbiqi Politologiya Mərkəzi tərəfindən
hazırlanan “Dağlıq Qarabağ münaqişəsinə dair 2016-2017-ci illəri əhatə edən
hesabat” kitabçasının təqdimatı olub. Universitetdə baş tutan təqdimat tədbirində
Tətbiqi Politologiya Mərkəzinin rəhbəri, politoloq Elxan Şahinoğlu, mərkəzin
üzvü olan gənc politoloqlar və media nümayəndələri iştirak ediblər.
![Page 65: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/65.jpg)
Musavat.com xəbər verir ki, tədbir Dağlıq Qarabağ uğrunda şəhid olmuş
vətəndaşlarımızın xatirəsinin bir dəqiqəlik sükutla yad edilməsi ilə başladı. Daha sonra
çıxış edən politoloq Elxan Şahinoğlu ilk olaraq yeni yaranmış Tətbiqi Politologiya
Mərkəzi haqqında məlumat verdi.
O bildirdi ki, Qərb Universitetinin nəzdində yaradılan bu mərkəz artıq 3 aya
yaxındır ki, fəaliyyət göstərir: “Mərkəzin iki laboratoriyası var. Onlardan biri
Qarabağ, digəri isə multikulturalizm laboratoriyasıdır. Qarabağ laboratoriyasının və
ümumən mərkəzin rəhbəri mənəm. Çalışmamız müxtəlif istiqamətlərdədir. Daha çox
Qarabağ münaqişəsinin həllinin monitorinqini aparıb, danışıqları izləyirik.
Tələbələrimiz də bu istiqamətdə çox fəallaşıblar və artıq mediada da yazıları dərc
olunur. İnanıram ki, bu tələbələr qarşıdakı illərdə politoloq kimi yetişəcəklər. Tədbirə
gəlincə qeyd edim ki, hər il çalışırıq ki, Qarabağla bağlı ilin yekunlarını hazırlayaq.
Artıq bu, 10 ildir ki, davam edir. Kitabçalarımızda informatik hissə ilə yanaşı, analitik
hissə də yer alır. Bu il qərara gəldik ki, ənənəvi tədbirimizi Tətbiqi Politologiya
Mərkəzimizdə keçirək. Bundan əlavə, 500 respondent arasında Qarabağla bağlı sorğu
da keçirdik ki, onun da nəticələri bu kitabçada əks olunub”.
![Page 66: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/66.jpg)
E.Şahinoğlu yada salıb ki, 2017-ci il Rusiyanın xarici işlər naziri Sergey
Lavrovun mətbuat konfransı ilə başladı: “Belə bir cümlə işlətdi ki, Qarabağ
Azərbaycanın daxili işi deyil. Mesajı belə oxumaq lazım idi ki, məsələni hərb yolu ilə
həll etmək istəyiriksə, bu qərarı biz verə bilmərik. Dərhal da Azərbaycanın xarici işlər
naziri Elmar Məmmədyarov cavab verdi ki, əslində Rusiyanın əlində böyük imkanlar
var və istəsə bu münaqişənin həllini sürətləndirə bilər. Deməli, problem istəklə bağlıdır.
Daha sonra isə Ermənistanda dırnaqarası referendum keçirildi və prezidentin
səlahiyyətləri artırıldı. Bu barədə də kitabçada geniş analiz var. Ermənistan
hakimiyyətində də müəyyən dəyişikliklər oldu. Bu da əslində 2016-cı ilin hadisələri ilə
bağlı idi. Çünki aprel döyüşləri Ermənistan ordusunda olan acınacaqlı halı ortaya
çıxardı. Əsas hadisələrdən biri də Türkiyə və Rusiya prezidentlərinin görüşü idi.
Türkiyə prezidenti Rəcəb Tayyib Ərdoğan da bildirdi ki, Qarabağ məsələsi ilə
bağlı Putinlə görüşü zamanı danışırlar. Çox təəssüf ki, qarşı tərəfdən buna böyük maraq
görmədik. Ərdoğan da bildirdi ki, Putinlə bu məsələ barəsində danışdıq və o,
münaqişənin həllində ümidli olmadığını söylədi. Bu da yenə onu göstərir ki, Rusiya
münaqişənin həllində maraqlı deyil. Yekun olaraq 2017-ci ildə Qarabağ münaqişəsinin
həlli baxımından itirilmiş ildir. 2018-ci ildən də böyük gözləntilərim yoxdur”.
Daha sonra isə mərkəzin gənc politoloqları çıxış edərək, fikirlərini bildirdilər.
4-cü kurs tələbəsi Eltur Qasımov söylədi ki, əslində Dağlıq Qarabağ problemi
göründüyündən qəlizdir: “Kiçik ərazi kimi düşünülə bilər. Ancaq nəzərə alaq ki,
Azərbaycan geosiyasi sendviç kimidir. İri dövlətlərin arasında qalıb. Müharibə təkcə
cəbhədə deyil. Təhsildən başlayaraq, sosial şəbəkələrdəki davranışımıza qədər diqqətli
və hazır olmalıyıq”.
E.Şahinoğlu da E.Qasımovun fikirlərini dəstəkləyərək söylədi ki, biz hər
baxımdan düşməndən bir addım öndə durmalıyıq: “1990-cı illərdə biz informasiya
blokadasındaydıq. Azərbaycanın mövqeyi heç yerdə nəzərə alınmırdı. Ancaq bu gün
artıq informasiya blokadasını yara bilmişik və tələbələrimiz müxtəlif ölkələrdə çıxışlar
edə bilirlər. Ancaq görəcəyimiz çox iş var”.
![Page 67: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/67.jpg)
4-cü kurs tələbəsi, gənc politoloq Ağa Zeynalov da çıxış edərək bildirdi ki,
Qarabağ münaqişəsi bizim üçün günbəgün qəlizləşir: “Rusiya məsələnin həllində
istəkli deyil. Bu yaxınlarda olan danışıqlarda üç maddəlik məsələ vardı ki, orada da
maddələr bir-biri ilə ziddiyyət təşkil edirdi. Buradan da görünür ki, Rusiya münaqişənin
həllində maraqlı deyil. Prosesin Kremldən idarə olunması da danılmaz faktdır”.
Çıxış edən mərkəzin üzvü Turan Rzayev bildirdi ki, Azərbaycanın bölgədə
güc sahibi olmasından ehtiyat edirlər: “Ona görə də münaqişənin həllində maraqlı
deyillər. Bu dövlətləri inandırmalıyıq ki, Azərbaycan əksinə, onlar üçün güclü tərəfdaş
ola bilər. Bu həm iqtisadi, həm də siyasi sahədə belədir. Eyni zamanda Azərbaycan da
daha güclü müttəfiqlər axtarmalıdır. Məsələnin həllində Rusiya əsas fiqurdur və
çalışmalıyıq Rusiyanı başa salaq ki, biz onlara Ermənistandan daha faydalıyıq”.
E.Şahinoğlu da bildirib ki, Rusiyanın mövqeyi bizi narahat etsə də, onlarla
işləmək lazımdır: “Müsbət haldır ki, artıq Rusiyada Maksim Şevçenko kimi ekspertlər
bildirirlər ki, Qarabağ Azərbaycanındır. Bu fikri orada daha da gücləndirməliyik”.
Mərkəzin xanım ekspertlərindən olan Sevda Məmmədova da çıxış edərək
söylədi ki, ABŞ da münaqişənin həllinə maraq göstərmir: “İstər Barak Obama,
istərsə də Tramp münaqişəni dillərinə gətirmədilər. Hər halda böyük dövlətlərin
təzyiqləri olmasa, münaqişənin sülh yolu ilə həlli məsələsi çətin olacaq”.
Daha sonra Tətbiqi Politologiya Mərkəzinin digər üzvləri də fikirlər
söylədilər. Sonda isə tədbirdə iştirak edən jurnalistlər politoloq Elxan Şahinoğluna öz
suallarını ünvanladılar.
ERMƏNİSTANDA SEÇKİ BAZARLIĞINA START VERİLDİ
Zeynalabid ƏMRƏLİYEV,
Qərbi Kaspi Universitetinin Siyasi və İctimai Elmlər fakültəsinin
1-ci kurs tələbəsi
![Page 68: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/68.jpg)
Ermənistanda hazırda əsas sual budur: parlament respublikasının ilk prezidenti
kim olacaq?
2018-ci il Ermənistanda secki ili kimi yadda qalacaq. İsğalçı dövlətin prezidenti
Serj Sarkisyanın hakimiyyət müddəti basa çatdığı üçün ölkə özünə yeni prezident
seçməlidir. Bundan başqa, baş nazir postu uğrunda da mübarizə gedəcək. Çünki növbəti
baş nazirin statusu prezidentin statusundan yüksək olacaq. Serj Sərkisyan da ona çalışır
ki, prezident kürsüsünü öz adamına ötürüb baş nazir kreslosuna yiyələnsin.
Hakim Respublikaçılar Partiyasının prezidentliyə namizədi bu ölkənin Böyük
Britaniyadakı fövqəladə və səlahiyyətli səfiri, keçmiş baş nazir Armen Sarkisyan
olacaq. Ancaq Armen Sarkisyan bu haqda açıqlama verməkdən hələ ki, boyun qaçırır.
Aydındır ki, prezidenti bu dəfə əvvəlkindən fərqli olaraq xalq deyil, parlament seçəcək.
Sarkisyan prezident seçkilərinə ənənəvi ortağı Daşnaksütyun Partiyası ilə gedir.
![Page 69: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/69.jpg)
Buna baxmayaraq, iki partiyanın səsi Armen Sarkisyanın birinci turda qələbə
çalması üçün yetərli olmayacaq. Çünki birinci turda qalib gəlmək üçün 79 səs tələb
olunur, iki partiyanın ortaq səsi isə 65 edir. Qeyd edim ki, seçki prosesi fevralın 18-dən
martın 10-a qədər davam edə bilər. Belə olanda ehtimal ki, Armen Sarkisyan ikinci
turda seçiləcək . İkinci tur isə martın 2-də keçiriləcək.
Serj Sarkisyan məsələni birinci turda həll etmək üçün səylərini artırıb və müxalif
Tsarukyan Bloku ilə razılaşmaga çalışır. Ancaq bu blok son qərarını verməyib və
Armen Sarkisyanın özü ilə görüşmək istəyir. Bu haqda açıqlamanı blokun üzvü Nariya
Zöhrabyan “Azadlıq” radiosunun Ermənistan bürosuna müsahibəsində bildirib. Onun
ardınca daşnakların lideri Armen Rüstəmyan da son qərarlarını vermədiklərini, Armen
Sarkisyanla görüşmək istədiklərini bildirib. Sarkisyanın dəstək almaq istədiyi digər
müxalifət franksiyasi olan Yelk Bloku isə bu təklifdən imtina edərək seçkilərə öz
namizədi ilə qatılacagını bildirib. Ancaq Yelk Blokunun seçkilərə öz namizədi ilə
qatılması çətin görünür. Çünki bunun üçün ən azı 27 deputatın imzası tələb olunur. Yelk
Bloku isə parlamentdə bu qədər mandata sahib deyil. Yelk dəstək ücün Tsarukyan
Blokuna müraciət etsə də, sonuncu bundan qəti imtina edib.
Bəzi məlumatlara görə, hakim partiya müxalifətdən lazımi dəstəyi görməsə,
seçkilərə B variantı ilə gedəcək. B variantının isə seçkiyə basqa namizədlə getmək
oldugu və bu namizədin hakim partiyanın parlament franksiyasının rəhbəri Viqran
Baqdasaryan oldugu bildirilir. Hər halda, artıq seçkiyə 1 ay qalmasına baxmayaraq, nə
hakimiyyət, nə də müxalifət yekdil qərara gələ bilmir. Görünən odur ki, Ermənistanda
hələ siyasi bazarlıqlar davam edəcək.
TƏTBİQİ POLİTOLOGİYA MƏRKƏZİNİN EKSPERTLƏRİNİN
FİKİRLƏRİ DİNLƏNİLDİ
“1905.az” portalında 31 yanvar 2018-ci ildə Qərbi Kaspi Universitetinin
nəzdində fəaliyyət göstərən Tətbiqi Politologiya Mərkəzinin rəhbəri Elxan Şahinoğlu
![Page 70: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/70.jpg)
və mərkəzin ekspertlərinin iştirakı ilə Türkiyənin Suriya ərazisində həyata keçirdiyi
“Zeytun budağı” əməliyyatını müzakirə etdik.
Elxan Şahinoğlu Tətbiqi Politologiya Mərkəzinin fəaliyyəti ilə bağlı məlumat
verdi. Bildirdi ki, mərkəzdə politologiyanın daha çox praktik tərəfi ilə məşğul olmağa
üstünlük verilib və son 2 ayda çox sayda tələbə bu prosesə qoşulub. Onlar
diskussiyalarda həvəslə iştirak edirlər və ötən dövrdə xeyli yazıları dərc olunub.
E.Şahinoğlu bildirdi ki, görüşdə iştirak edən tələbələr də mərkəzin aparıcı
ekspertləridir. Yuxarı kurs tələbələridir, elə bu gün müzakirə ediləcək mövzu ilə də
bağlı son dövrlərdə 10-dək yazıları dərc olunub.
Saytın rəhbəri Fuad Babayev qonaqları salamlayaraq “Zeytun budağı”
əməliyyatının Türkiyənin dövlət maraqlarından qaynaqlandığını qeyd etdi və
iştirakçıların bu əməliyyatla bağlı fikirləri ilə maraqlandı.
![Page 71: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/71.jpg)
Yadigar Nağıyev bildirdi ki, bu əməliyyatı Türkiyə Suriya xalqının rifahı naminə
keçirir. Vaxtilə Suriya öz ərazisində təyyarələr və ağır texnikalarla öz vətəndaşlarına
qarşı hərbi əməliyyatlar keçirirdi. Türkiyə isə Suriya ərazisindəki əməliyyatları elə bir
həssaslıqla keçirir ki, dinc insanlar arasında demək olar ki, heç bir itki yoxdur.
Qadir Kazımov qeyd etdi ki, bu əməliyyatda Türkiyənin beynəlxalq aləmdəki
imici daha önəmlidir.
Fuad Babayev vəziyyətin bu həddə gəlib çatmasının səbəbləri ilə bağlı
iştirakçıların fikirlərini soruşdu.
Tural Rzayev Türkiyədə iqtidarın son illərdə çox gücləndiyini nəzərə çatdırdı və
qeyd etdi ki, bu gün bölgədə hər mənada müstəqil siyasət yeridən bir Türkiyə var. O,
Türkiyənin öz ərazisində PKK-ya güclü zərbələr vurduqca, bu terrorçu təşkilatın
üzvlərinin Şimali İraq və Suriya ərazisində cəmləşdiyini bildirdi.
Elxan Şahinoğlu söylədi ki, iki ökə arasında münasibətlər əvvəllər normal olub:
“Vətəndaş müharibəsi, qırğınlar başlayandan sonra münasibətlər gərginləşdi. Qeyd
etmək lazımdır ki, terror Suriya ərazisinə dərhal hakim olmadı. Vətəndaş müharibəsi
başlayanda DAEŞ münbit vəziyyətdən istifadə edərək İraqdan Suriyaya keçdi”.
Türkiyənin Suriyada apardığı əməliyyatlar haqqında da danışan Elxan Şahinoğlu
bildirdi: “Türkiyədəki uğursuz hərbi çevrilişdən sonra ordunun nüfuzuna ciddi xələl
gəlmişdi. Bu əməliyyatla ordunun əvvəlki nüfuzu bərpa olundu. Lakin ciddi diplomatik
uğuru da qeyd etməyə bilmərəm. Əməliyyat başlanandan sonrakı dəqiqələrdə Moskva
və Tehranla təmaslar quruldu. Beləcə, Moskvadan Əsədə tövsiyə edildi ki, çox da ciddi
reaksiya verməsin. Heç bir ölkə PKK-ya görə Türkiyə ilə düşmən olmaq istəmir.
Əməliyyat Türkiyənin təhlükəsizliyi baxımından vacibdir, amma gələcəkdə narazı
dövlətlərin artacağı da istisna edilmir. Məncə, Türkiyə bundan özünü qorumalıdır”.
Müzakirələrdə daha sonra Türkiyə – Suriya, Türkiyə – ABŞ və digər məsələlərlə
bağlı fikir mübadiləsi aparıldı.
![Page 72: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/72.jpg)
Gündüz Nəsibov,
1905.az
20 YANVAR FACİƏDİR, YOXSA XALQIN QƏHRƏMANLIQ
SALNAMƏSİ?
![Page 73: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/73.jpg)
20 yanvar hadisələrinin üstündən 28 il keçdikdən sonra da bu sualı yenə özümə
verirəm: 20 yanvar baş verməyə bilərdimi?
Bu suala illərdir cavab axtarmağa çalışıram. Həmin günu və ona aparan yolu
saatbasaat xatırlayıram. 19 yaşım var idi. Bakı Dövlət Universitetinin tələbəsi idim.
Üstündən illər keçikdən sonra bu qənaətə gəlirəm ki, Moskva bütün hallarda bizi
cəzalandırmağı düşünürdü, düyməyə artıq basılmışdı, yanvarın 20-də olmasa da,
hansısa başqa gün sovet qoşunları Azərbaycana kütləvi surətdə daxil olmalıydı. Çünki
bundan əvvəl SSRİ-nin belə “təcrübəsi” olmuşdu.
Stalindən sonra hakimiyyətə Nikita Xruşşov gəldi və respessiya siyasətinə son
qoyuldu. Düşünülürdü ki, insanlar artıq qorxmadan rahat yaşamağa başlayacaq və
fikirlərini gizlətmədən söyləmək imkanına malik olacaqlar. Ancaq elə ilk imkanda
bunun belə olmadığı aydınlaşdı. Macarıstan 1956-cı ildə SSRİ-nin məcburi
himayəsindən azad olub öz yolu ilə getmək istədi. Stalin 3 il əvvəl ölsə də, onun siyasəti
sağ idi və SSRİ qoşunları Macarıstana daxil olaraq insanların seçiminə mane oldu, bu
ölkəni qətllər hesabına növbəti dəfə işğal etdilər. Eyni hadisə 1968-ci ildə Praqada baş
verdi. SSRİ-də elan olunan “yenidənqurma” siyasəti də heç nəyi dəyişmədi, 1986-cı
ildə Qazaxıstanda, 1989-cu ildə isə Gürcüstanda insanların üzərlərinə tanklar
göndərildi, qətllər törədildi.
O zaman səhv düşünürdük. Elə bilirdik ki, bu qədər qətliam törədən bir ölkə, bir
mərkəz – Moskva yaxşı dərs alıb, Tbilisi hadisələrinin təsiri altında humanistləşib və
bu səhvini bir daha təkrarlamaz. Ancaq Tbilisi hadisələrinin heç bir ili tamam olmadan
Bakıda qan tökdülər və Tbilisidə baş verənlərin fonunda Azərbaycandakı qətliam daha
geniş miqyas aldı. SSRİ rəhbərliyi eyni qətliamı bir az kiçik miqyasda Riqada törətdi.
Deməli, imperiya islah olunmamışdı. Yəni qan tökmək, millətlərin oyanışını boğmaq
SSRİ-nin imperiya xislətində var idi. Ona görə də sadaladıqlarımızın fonunda 20 yanvar
hadisələrinin baş verməyəcəyini ehtimal etmək çətindir. Azərbaycan xalqı oyanmışdı.
Erməni separatizmi və azərbaycanlıların Ermənistandan və Dağlıq Qarabağdan
qovulması olmasaydı, biz müstəqllik uğrunda daha fərqli mübarizə aparar, bəlkə də
![Page 74: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/74.jpg)
toqquşma ehtimalı risqini azaltmağa çalışardıq. Ancaq erməni separatizminin fəaliyyəti
bu risqi azaltmağa imkan vermədi.
20 yanvar hadisələrindən təxminən 3 il əvvəl Dağlıq Qarabağda separatizm baş
qaldırmışdı. Xankəndidə (keçmiş adı Stepanakert) mitinqlər başlamışdı. Bu, biz
azərbaycanlıların alışmadığı durum idi. Birincisi, Dağlıq Qarabağda yaşayan
ermənilərin böyük hüquqları var idi, istədikləri kimi yaşayırdılar, Ermənistana gedib
təhsil alır və müxtəlif peşələrdə çalışırdılar. Ancaq beyinlər artıq zəhərlənmişdi.
Separatizmə hazırlıq illər öncə başlamışdı, sadəcə, bizim bundan xəbərimiz yox
idi, xəbəri olanların çaldıqları həyəcan təbilinə isə diqqət yetirən az idi. Beləcə,
təxribatlar başladı, Dağlıq Qarabağda ərazilər tutulmağa başladı, azərbaycanlıları həm
Ermənistandan, həm də tədricən Dağlıq Qarabağdan sıxışdırıb çıxarmağa başladılar.
Bütün bunlar Azərbaycanın o zamankı hakimiyyətinin gözü qarşısında baş verir və heç
bir tədbir görülmürdü. Moskva da susurdu, faktiki bizim əsəblərimizlə oynayırdılar.
SSRİ-nin rəhbəri Mixail Qorbaçovun erməni müşaviri Aqanbekyan hələ o illərdə
Fransanın “Humanite” qəzetinə verdiyi müsahibədə açıq deyirdi ki, Dağlıq Qarabağ
![Page 75: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/75.jpg)
Ermənistana verilməlidir. Yəni faktiki Azərbaycana və azərbaycanlılara qarşı güclü bir
tələ qurulmuş və bizə qarşı planı hazırlayanların içərisində 4 qüvvə var idi.
Birinci qüvvə Dağlıq Qarabağdakı gizli separatçı qruplar idi, hansılar ki, sonrakı
dövrdə açıq fəaliyyətə başladılar.
İkinci qrupda Ermənistandakı müxtəlif qüvvələr yer almışdı.
Üçüncü qüvvə dünyadakı erməni lobbisi idi.
Dördüncü qüvvə isə SSRİ hakimiyyətində erməni separatizminə dəstək verənlər
idi. Onlar Qorbaçovun ətrafında yer almışdılar. 20 yanvar hadisələrini törədənlərin və
planlayanların başında məhz 4-cü qrupda yer alan şəxslər dayanırdı.
Yüzminlərlə insan “Azadlıq” meydanında Dağlıq Qarabağdakı separatizmə,
Ermənistanda və Dağlıq Qarabağda yaşayan azərbaycanlıların qətliamına etiraz edirdi.
Elə günlər oldu ki, meydanda 800 minə yaxın insan toplaşdı. Bu gedişat Moskvanı
narahat etməyə bilməzdi. Azərbaycan addım-addım müstəqilliyə doğru gedirdi.
Moskva bu prosesin qarşısını almağa artıq qərar vermişdi. Sadəcə, bəhanəyə və
təxribata ehtiyacı var idi. SSRİ-nin Təhlükəsizlik Nazirliyi olan “KGB” iş başında idi,
qoşunların Bakıya girişi üçün təxribatlar planlayır və onları reallaşdırdı.
SSRİ hakimiyyəti separatizmə başlayan, Ermənistandan və Dağlıq Qarabağda
azərbaycanlıları sıxışdıran və əlləri qana batan separatçıları neytrallaşdırmaq əvəzinə
buna etiraz edən Azərbaycan xalqını cəzalandırmağı qərara aldı və 20 yanvar baş verdi.
“Bu hadisə baş verməyə bilərdimi” sualına bir daha qayıdarkən mənim cavabım
belədir: Ola bilsin yanvarın 20-də olmayacaqdı, ancaq Moskva düyməyə basmışdı və
bizi həmin ilin bir başqa tarixində cəzalandıracaqdılar.
Bu hadisələrin üstündən 28 il keçdikdən sonra bir başqa sual da düşündürücüdür:
20 yanvar faciə idi, yoxsa qəhrəmanlıq salnaməsi? Fərqli fikirlər var. Mənim qənaətim
qətidir: 20 yanvar Azərbaycan xalqının qəhrəmanlıq salnaməsiydi.
20 yanvar imperiyanın qırılma nöqtəsinə çevrildi. Həmin gün xeyli şəhid verdik,
eyni zamanda mətinləşdik və müstəqilliyimizin alternativinin olmadığını dərk etdik.
![Page 76: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/76.jpg)
Əlbəttə, özlüyündə faciədir, yüzlərlə vətəndaşımızı itirdik. Ancaq qəhrəmanlıq
nümunəsi göstərildi və bütün dünya anladı ki, Azərbaycan və azərbaycanlılar
müstəqilliyə can atırlar və dünyanın ən qaniçən imperiyası belə bizləri saxlamaq
gücündə deyil. Elə də oldu, bir il sonra imperiya çökdü və Azərbaycan müstəqilliyinə
qovuşdu.
20 yanvar baş verəndə Azərbaycan tamamilə informasiya blokadasında idi. SSRİ
birinci və sonuncu prezidenti Mixail Qorbaçova Qərbdə, o cümlədən ABŞ-da
inanırdılar. Çox qəribə situasiya yaranmışdı. SSRİ xalqları Qorbaçova nifrət edir,
xaricdə isə ona böyük simpatiya var idi. Görünür, Qərbə Qorbaçov kimisi sərf edirdi.
Çünki Mixail Qorbaçov SSRİ-nin müxtəlif şəhərlərində törətdiyi qətliamlarla SSRİ-nin
süqutunu yaxınlaşdırırdı. Qərbə də elə bu lazım idi. Qərb 20 yanvar hadisələrinə qanı
tökən Mixail Qorbaçovun prizmasından baxır, onun saxta versiyasına inanırdı, hətta
Qərb mətbuatında SSRİ qoşunlarının Azərbaycanda İslam radikalları ilə savaşdığına
dair yalan xəbərlər yayılırdı. Halbuki, qətlə yetirilən vətəndaşlarımız arasında bütün
millətlərin nümayəndələri, o cümlədən ruslar, yəhudilər və digər millətlərin
nümayəndələri var idi və biz onlarla fəxr edirik.
Buna baxmayaraq, informasiya blokadası güclü idi, Qərb Moskvaya və erməni
lobbisinə inanırdı. Bircə Türkiyə Moskvanın saxta xəbərlərinə inanmamış, o ağır
günlərdə hələ SSRİ-nin tərkibində olan Azərbaycana və azərbaycanlılara inanmış,
İstanbul və digər şəhərlərdə 20 yanvar hadisələrinə etiraz mitinqləri düzənləmiş,
Azərbaycandakı qardaşlarını dəstəkləmişdilər.
İnformasiya blokadasının yarılmasında mərhum dövlət başçısı Heydər Əliyevin
mühüm rolu oldu. O bu hadisələrdən bir neçə il əvvəl SSRİ rəhbərliyindən
uzaqlaşdırılmışdı, Moskvadakı evində yaşayırdı. Ancaq bütün təhlükələrə baxmayaraq,
qətliamı törədən şəhərdən – Moskvadan SSRİ-ni ittiham etdi, azərbaycanlıları qətlə
yetirdiyini gur səslə dünyaya çatdırdı. O zaman Azərbaycan müstəqil deyildi,
Moskvada Azərbaycanın səfirliyi yox idi, sadəcə nümayəndəlik fəaliyyət göstərirdi.
Heydər Əliyev həmin nümayəndəliyə gələrək dünya media təmsilçiləri qarşısında çıxış
![Page 77: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/77.jpg)
etdi, onların suallarına cavab verdi və qətliamın əsl üzünü açdı. SSRİ-nin hələ qılıncının
kəsərli olduğu günlərdə ulu öndər sovet hərbi birliklərinin Azərbaycan xalqını
cəzalandırmasına etiraz etdi və bununla Kremlə meydan suladı. Həmin an ulu öndər
şəxsi təhlükəsizliyini əsla düşünmür, xalqının yanında olduğunu və onu dəstəklədiyini
nümayiş etdirirdi. Bu, informasiya blokadasının yarılmasında vacib addım idi.
İndi, hadisələrin üstündən 28 il keçdikdən sonra informasiya blokadasını yarmışıq,
dünya bizim də səsimizi eşidir, əgər əvvəllər ancaq Qərb ölkələrinin bəzi parlamentləri
saxta “erməni soyqırımını” tanıyırdılarsa, indi Xocalı soyqırımını da tanıyır və erməni
separatçılarının Xocalıda soyqırım törətdiyini etiraf edirlər.
Beləliklə, 20 yanvar SSRİ-nin dağılmasını və Azərbaycanın müstəqilliyini
sürətləndirdi. Ancaq təəssüf ki, 20 yanvar hadisələrini doğuran səbəb – erməni
separatizmi və işğalı hələ ortadan qaldırılmayıb. İnşallah, bir gün torpaqlarımızı da
tamamən azad edib “Şəhidlər Xiyabanı”nda uyuyan soydaşlarımızın ruhunu şad edərik.
Elxan Quliyev
![Page 78: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/78.jpg)
XOCALI: HEÇ KİM VƏ HEÇ NƏ UNUDULMUR!
Dərgimizin nəşr edilməsi Xocalı soyqırımının qeyd edildiyi günlərə təsadüf
etdiyindən sonuncu materialımızı məhz bu mövzuyla bitirmək qərarına gəldik. Əlbəttə,
geniş məqalə yazıb baş verənləri bir daha xatırlamaq olardı. Ancaq biz fərqli qərar
verdik, sual-cavab formasına üstünlük verdik ki, nələrin və necə baş verdiyini, hansı
reaksiyalar verildiyini heç zaman unutmayaq.
Xocalı soyqırımı nə zaman baş verib?
![Page 79: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/79.jpg)
1992-ci il fevralın 25-dən 26-na keçən gecə Ermənistan silahlı qüvvələri Rusiyanın
366-cı motoatıcı alayının iştirakı ilə Xocalıda soyqırım törədib, mülki əhalinin əksər
hissəsi vəhşicəsinə qətlə yetirilib.
Soyqırımda nə qədər azərbaycanlı qətlə yetirilib?
Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla,
613 Xocalı sakini qətlə yetirilib, 8 ailə tamamilə məhv edilib, 25 uşaq hər iki
valideynini, 130 uşaq valideynlərindən birini itirib. Düşmən gülləsindən 76-sı uşaq
olmaqla, 487 nəfər yaralanıb. 1275 nəfər əsir götürülüb. Girov götürülənlərdən 150
nəfərinin, o cümlədən 68 qadın və 26 uşağın taleyi bu günədək məlum deyil.
İnsanları necə qətlə yetiriblər?
Dörd gün ərzində Xocalı istiqamətindən yaxınlıqdakı Ağdam rayonuna təxminən
200 cəsəd gətirilib. Onlarla cəsədin üzərində işgəncə əlamətləri olub. Ağdamda tibbi
qatarda işləyən həkimlər azı dörd cəsədin başının dərisinin soyulduğunu və bir cəsədin
başının kəsildiyini qeydə alıb. Ağdamda 181 meyidin (130 kişi, 51 qadın, o cümlədən
13 uşaq) məhkəmə-tibbi ekspertizası aparılıb; ekspertlərin gəldiyi nəticələrə görə, 151
nəfər güllə yarasından, 20 nəfər mərmi yaralarından, 10 nəfər isə küt alətlə yetirilən
zərbədən dünyasını dəyişib.
Xocalı soyqırımının şahidləri nə deyirdilər?
Tərəvəz mağazasında işləmiş 33 yaşlı Nigar Əzizovanın "Helsinki Watch"-a
dediklərindən:
“Mən ortada idim və irəlidə olan insanların əksəriyyəti öldürülmüşdü.
Naxçıvanikdə (Xocalı yaxınlığındakı kənd) bu insanların irəlidən öldürüldüyünü
gördük. Onlar qışqıraraq ölürdülər. Onları üzlərindən tanıyırdım. Onların üzərindən
keçdikdə üzlərini görürdüm. Uşaqlar görməsin deyə onların gözlərini bağlayırdıq”.
Sonradan əsir götürülən gənc azərbaycanlı qadının "Helsinki Watch"-a
dediklərindən:
![Page 80: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/80.jpg)
“Ora şumlanmış sahə idi. Biz oraya yaxınlaşdıq və onların atəş açmağa
başladığını gördük. Bu sahədə altmışa qədər ölmüş insan gördüm. Mənimlə birlikdə
qaçanlar yıxılaraq ölürdülər”.
Xocalı soyqırımının şahidi olmuş 50 yaşlı Baloğlan Allahyarovun dediklərindən:
“Naxçıvanikə səhər saat 8:00-da çatdıq və onlar atəş açan zaman bir sahənin
ortasında idik. Onlar yalnız bir istiqamətdən – meşədən atəş açırdılar. Sonra biz bu
sahədən həyat yoldaşımın və baldızımın öldürüldüyü dərəyə doğru qaçdıq. Onlar
təxminən iyirmi metr məsafədən öldürülmüşdü. Baldızım üç yerdən vurulmuşdu – baş,
qarın və ayaq nahiyəsindən. Həyat yoldaşıma arxadan atəş açılmışdı. Ermənilər
onların üzüklərini götürmüşdülər”.
Xocalı sakinlərinin əmlakları necə ələ keçirildi?
Qətliamdan qaçmağa müvəffəq olan Xocalı sakinləri hətta zəruri əşyalarını belə
götürə bilməmişdilər. Erməni silahlı qüvvələrinin Xocalıdan çıxardıqları sakinlərə heç
olmasa əşyalarının bir hissəsini götürməyə imkan verilmədi. Rusiyanın “Memorial”
insan haqları təşkilatının müşahidəçiləri şəhərdə azğın, heç nə ilə qarşısı alınmayan
soyğunçuluğun şahidi olmuşdular. Şəhərdə qalan əmlak Xankəndi və yaxınlıqdakı
yaşayış məntəqələrinin əhalisi tərəfindən daşınırdı. Çox evlərin darvazalarında onların
yeni sahiblərinin adları yazılmışdı. Dağlıq Qarabağ separatçılarının rəhbərlərinin
qərarına əsasən, ehtiyacı olan ermənilər Xocalıdakı evlərə köçürülür və bunun üçün
onlara nömrələr verilirdi.
Dövlət başçıları soyqırım haqqında nə deyiblər, hansı qərarlar veriblər?
1993-cü ildə Azərbaycanın mərhum prezidenti Heydər Əliyevin təşəbbüsü ilə
fevralın 26-sı Xocalı soyqırımı günü kimi qəbul edildi. Heydər Əliyevin 25 fevral
1997-ci il tarixli qərarına əsasən, hər il fevral ayının 26-da saat 17.00-da Azərbaycan
Respublikasının ərazisində Xocalı soyqırımı qurbanlarının xatirəsinə ehtiram əlaməti
olaraq, bir dəqiqəlik sükut elan olunur. Heydər Əliyev Xocalı soyqırımının onuncu
![Page 81: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/81.jpg)
ildönümü ilə əlaqədar Azərbaycan xalqına 2002-ci il 25 fevral tarixli müraciətində qeyd
edirdi:
“Xocalı şəhidlərinin ruhu qarşısında bizim vətəndaşlıq və insanlıq borcumuzdur.
Digər tərəfdən, faciənin əsl beynəlxalq hüquqi-siyasi qiymət alması, onun
ideoloqlarının, təşkilatçılarının və icraçılarının layiqincə cəzalandırılması bütövlükdə
insanlığa qarşı yönəlmiş belə qəddar aktların gələcəkdə təkrarlanmaması üçün mühüm
şərtdir”.
Azərbaycan prezidenti İlham Əliyev 2014-cü ildə Xocalı soyqırımı haqqında
bunları qeyd edib:
“Xocalı faciəsi iki yüz ilə yaxın bir müddət ərzində erməni millətçilərinin və
onların havadarlarının xalqımıza qarşı apardığı etnik təmizləmə və soyqırımı
siyasətinin davamı və qanlı səhifəsi idi”.
Xocalı soyqırımı ilə bağlı yürüş nə zaman keçirilib?
2017-ci ildə Bakının “Azadlıq” meydanından Xətai rayonunda ucaldılmış “Ana
Harayı” abidəsinə doğru hərəkətə başlayan yürüşdə 40 mindən çox insan iştirak edib.
Xocalı soyqırımını hansı dövlətlərin parlamentləri tanıyıb?
Azərbaycandan başqa, Xocalını tam səviyyədə qətliam kimi Pakistan və Sudan
tanıyıb. Faciəni parlament səviyyəsində qətliam kimi Meksika, Kolumbiya, Bosniya
və Herseqovina, Çexiya, Cibuti, Peru, Honduras, Panama, İordaniya, Rumıniya və
Şotlandiya tanıyıb. İndiyədək ABŞ-ın 22 ştatı Xocalı qətliamını tanıyan sənəd qəbul
edib.
XOCALI SOYQIRIMININ QURBANLARI AZƏRBAYCANLILARIN
VƏ İNANIRIQ Kİ, HƏM DƏ BƏŞƏRİYYƏTİN XATİRƏSİNDƏ
YAYAŞIR VƏ DAİMA YAŞAYACAQDIR! QƏTLİAMI
![Page 82: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/82.jpg)
PLANLAŞDIRANLAR VƏ HƏYATA KEÇİRƏNLƏR İSƏ ƏDALƏT
MƏHKƏMƏSİ QARŞISINDA CAVAB VERƏCƏKLƏR!
HEÇ KİM VƏ HEÇ NƏ UNUDULMUR!
MÜNDƏRİCAT
1. Ramiyyə MƏMMƏDOVA,
Qərbi Kaspi Universitetinin Siyasi və İctimai Elmlər fakültəsinin
dekan müavini
XƏZƏRİN STATUSU 2018-Cİ İLDƏ MÜƏYYƏNLƏŞƏCƏKMİ?....
3
2. Turan RZAYEV,
Qərbi Kaspi Universitetinin Siyasi və İctimai Elmlər fakültəsinin
4-cü kurs tələbəsi
ATƏT-İN YENİ SƏDRİ OLAN İTALİYADAN DAĞLIQ
QARABAĞ MÜNAQİŞƏSİNİN HƏLLİNDƏ
GÖZLƏNTİLƏRİMİZ.............................................................................
7
3. Yadigar NAĞIYEV,
Qərbi Kaspi Universitetinin Siyasi və İctimai Elmlər fakültəsinin
3-cü kurs tələbəsi
TÜRKİYƏ BÖLGƏNİN ƏSAS AKTORUNA ÇEVRİLİB....
13
4. Sevda MƏMMƏDOVA,
Qərbi Kaspi Universitetinin Siyasi və İctimai Elmlər fakültəsinin
3-cü kurs tələbəsi
![Page 83: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/83.jpg)
AZƏRBAYCANIN İŞĞAL ALTINDAKI TORPAQLARI
İSTƏNİLƏN YOLLA GERİ QAYTARMAQ HÜQUQU VAR............
18
5. UKRAYNA SƏFİRİ: “DAĞLIQ QARABAĞ MÜNAQİŞƏSİ
AZƏRBAYCANIN ƏRAZİ BÜTÖVLÜYÜ ÇƏRÇİVƏSİNDƏ HƏLL
OLUNMALIDIR”.........................................................................
21
6. SEPARATÇILIĞA KƏNAR DƏSTƏK OLMAZSA,
MÜNAQİŞƏLƏR TEZ HƏLL OLUNAR..............................................
23
7. Elxan ŞAHİNOĞLU,
Siyasi analitik, Qərbi Kaspi Universitetinin Tətbiqi Politologiya
Mərkəzinin rəhbəri
QARABAĞ MÜNAQİŞƏSİNİN HƏLLİNDƏ İSLAM AMİLİ............
25
8. PETR VAQNER: “ÇEXLƏRİN AZƏRBAYCANA
GƏLMƏLƏRİNİN MARAQLI TARİXÇƏSİ VAR”............................
33
9. Qadir KAZIMOV,
Qərbi Kaspi Universitetinin Siyasi və İctimai Elmlər fakültəsinin
2-ci kurs tələbəsi
HƏRBİ BAXIMDAN AZƏRBAYCANLA ERMƏNİSTAN
ARASINDAKI ÖNƏMLİ FƏRQLƏR.....................................................
41
10. VASİTƏÇİLƏRƏ İNAM AZDIR............................................................ 45
11. TƏTBİQİ POLİTOLOGİYA MƏRKƏZİNDƏ ƏNƏNƏVİ
DƏYİRMİ MASADA QARABAĞ MÜZAKİRƏ OLUNDU.................
47
12. QƏRBİ KASPİ UNİVERSİTETİNDƏ DAĞLIQ QARABAĞ
MÜNAQİŞƏSİ İLƏ BAĞLI İLİN YEKUNLARI MÜZAKİRƏ
OLUNUB....................................................................................................
49
13. Əsmər ALLAHVERDİYEVA,
Siyasi və İctimai Elmlər fakültəsinin beynəlxalq münasibətlər və
diplomatiya üzrə magistri
KİBERTƏHLÜKƏSİZLİK VƏ AZƏRBAYCAN..................................
51
14. Ильгар ВЕЛИЗАДЕ,
Политолог, руководитель Клуба политологов «Южный Кавказ»
![Page 84: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/84.jpg)
ЦЕНТРАЛЬНАЯ АЗИЯ КОНСОЛИДИРУЕТСЯ И ИЩЕТ
НОВУЮ ПОВЕСТКУ ВЗАИМОДЕЙСТВИЯ....................................
57
15. DAĞLIQ QARABAĞ MÜNAQİŞƏSİNƏ DAİR 2 İLLİK HESABAT
TƏQDİM OLUNDU..................................................................................
61
16. Zeynalabid ƏMRƏLİYEV,
Qərbi Kaspi Universitetinin Siyasi və İctimai Elmlər fakültəsinin
1-ci kurs tələbəsi
ERMƏNİSTANDA SEÇKİ BAZARLIĞINA START VERİLDİ.........
64
17. TƏTBİQİ POLİTOLOGİYA MƏRKƏZİNİN EKSPERTLƏRİNİN
FİKİRLƏRİ DİNLƏNİLDİ......................................................................
66
18. 20 YANVAR FACİƏDİR, YOXSA XALQIN QƏHRƏMANLIQ
SALNAMƏSİ?............................................................................................
69
19. XOCALI: HEÇ KİM VƏ HEÇ NƏ UNUDULMUR!............................. 74
![Page 85: QƏRBİ KASPİ - wcu.edu.azwcu.edu.az/upload/Image/library/siyasi dərgidir.pdfAvropaya daúınmasını daha çox Avropa İttifaqı və Türkiyə istəyir. Yəni bu məsələ Azərbaycan](https://reader034.vdocuments.pub/reader034/viewer/2022042303/5ece2949f6bb9c0f49301d50/html5/thumbnails/85.jpg)
Çapa imzalanıb: 21.02.18. Format 70х100 1/16. F.ç.v. 5. Sifariş 02
Ofset çap üsulu. Tiraj 200 nüsxə.
Qərbi Kaspi Universitetinin Poliqrafiya mərkəzi