universiteti i gjakovËs“fehmi agani” loshaj.pdf6 falËnderime Ҫdo rrugë ka dhe peripecitë e...
TRANSCRIPT
UNIVERSITETI I GJAKOVËS“FEHMI AGANI”
FAKULTETI I EDUKIMIT - PROGRAMI FILLOR
PUNIM DIPLOME
TEMA: SI ARSIMOHEN NXËNËSIT E VERBËR PËRMES
SHKRIMIT TË BRAJIT
Udhëheqësi shkencor: Kandidatja:
Prof. Ass. Dr. Ruzhdi Kadrija Arta Loshaj
Gjakovë, 2019
2
Ky punim diplome u mbajt me datë: ________________
para Komisionit Vlerësues në përbërje:
1. ___________________________ Kryetar
2. ___________________________ Mentor
3. ___________________________ Anëtar
Komisioni vlerësues e vlerësoi punimin me notën:________( )
3
Dedikuar Një dhuratë që zgjatë përgjithmonë….
Familjes….
4
5
PËRMBAJTJA FALËNDERIME ........................................................................................................................... 6
ABSTRAKT .............................................................................................................................. 7
HYRJE....................................................................................................................................... 8
KAPITULLI I ................................................................................................................................ 9
1.Qëllimi i hulumtimit ............................................................................................................ 9
1.1.Hipoteza themelore ..................................................................................................... 9
KAPITULLI II ............................................................................................................................... 9
2.Shkrimi i Brajit .................................................................................................................... 9
2.1.Si u zhvillua shkrimi i Brajit ........................................................................................ 10
2.2.Si shkruhet Braji ......................................................................................................... 11
2.3.Braji dhe rëndësia e tij në jetën e të verbërve .......................................................... 12
3.Alfabeti dhe struktura e shkronjave ................................................................................. 13
3.1.Struktura e disa shenjave të pikësimit ...................................................................... 13
3.2.Thyesat ...................................................................................................................... 14
KAPITULLI III ............................................................................................................................ 15
4.Historiku ........................................................................................................................... 15
KAPITULLI IV ............................................................................................................................ 18
5.Tretmani pedagogjik i personave me dëmtime në të parë .............................................. 18
6.Strategjitë e të shkruarit në Braj ...................................................................................... 19
6.1.Të lexuarit në shkrimin e Brajit.................................................................................. 21
6.2.Strategjitë e të lexuarit nga nxënësit me të pamur të pjesërishëm .......................... 21
6.3.Strategjitë e mësimdhënies për nxënësit me dëmtime në të parë ........................... 23
7.Teknologjia informative për të verbër ............................................................................. 24
PËRFUNDIM .......................................................................................................................... 24
LITERATURA ........................................................................................................................ 26
SHTOJCË ................................................................................................................................ 27
AUTOBIOGRAFIA ................................................................................................................ 32
6
FALËNDERIME
Ҫ do rrugë ka dhe peripecitë e saja, sikur edhe kjo, momente që të bëjnë të dyshosh
veten, por çelësi i suksesit është gjithmonë kujtimi se e nesërmja ekziston dhe ky nuk
është fundi. Prandaj, edhe këto katër vite kishin vështirësitë e veta, por pa personat që
të japin përkrahjen e nevojshme sikurisht që do të ishin të vështira.
Andaj, sot u jam shumë falënderuese.
Faleminderoj të gjithë stafin universitarë për punën e tyre të palodhshme për këto kater
vitet e mia studentore. Faleminderit tëgjithë profosorët të cilët kanë përcjellur punën
time nga fillimi duke më dhënë kurajo dhe mbështetjen e nevojshme që një studenti i
nevojitet.
Falënderoj shoqërinë që kanë sjellë momente kënaqësie, duke bërë këtë rrugëtim edhe
më tërheqës dhe të paharrueshëm.
Dëshiroj,në fund, të shpreh një mirënjohje të thellë për familjen time, përkrahjes më të
madhe të cilës i detyrohem pafundësisht për finalizimin me sukses të këtij rrugëtimi.
Faleminderit të gjithëve….
7
ABSTRAKT
Ky punim është një hulumtim literature, respektivisht një hulumtim i bazuar mbi fakte
dhe përfundime të nxjerra nga autorë të ndryshëm të cilët kanë studiuar mënyrat më të
përshtatshme të qasjes së përsonave të verbër në arsim dhe në të gjitha fushat e tjera të
jetës. Gjatë këtij punimi do të mundohem të shpjegojë se si arsimohen nxënësit e verbër
përmes shkrimit të Brajit, vështirësitë që ata hasin në përdorimin e metodave ndryshe
arsimore në krahasim më shkollat normale. Gjatë këtij punimi do të shpjegohet sesi u
themelua shkrimi i Brajit, si u zhvillua shkrimi i Brajit dhe si shkruhet ai. Do të tregohet
rëndësia e tij, në jetën e të verbërve, duke shqyrtuar alfabetin dhe strukturën e
shkronjave, numrave dhe shenjave të pikësimit. Rëndësi i kushtohet edhe historikut në
të cilin është përfshirë evulimi i këtij shkrimi nëpër botë dhe vend. Në shtjellimin e
kësaj teme do të kuptohet se të jetosh i verbër është sfidë. Por, kjo sfidë është edhe më
e madhe kur pjesëtarëve të kësaj kategorie të shoqërisë u mungojnë kushtet elementare
për jetë. Një nga kushtet e domosdoshme, konsiderohet edhe shkollimi sa më afër
familjes, për shkak të nevojës që kanë këta persona për ndihmë dhe përkrahje të
vazhdueshme.
Fjalët kyçe: shkrimi i Brajit, arsimimi, fëmijët, vështirësitë, verbëria, sfida, etj.
8
HYRJE
Gjuha si fenomen shoqëror që shërben si mjet komunikimi midis njerëzve, ka histori të
lashtë sa edhe shoqëria njerëzore. Për shumë shekuj gjuha si mjet komunimkimi është
manifestuar vetëm përmes të folurit. Prandaj, gjuha dhe të folurit qëndrojnë në lidhje të
ngushtë dialektike të kushtëzimit reciprok, pa gjuhë nuk mund të ketë të folur, sikurse
që edhe pa të folur nuk do të kishte gjuhë. Në etapa të mëvonshme të historisë së
zhvillimit të shoqërisë njerëzore, njerëzit filluan të përdorin shenja të ndryshme grafike
me karakter simbolik për të komunikuar, me qëllim që të realizojnë komunikimin pa të
folur në distanca të ndryshme kohore e hapsinore. Kështu, forma më e hershme e
komunikimit me shkrim është bërë përmes të ashtuquajturit shkrimi “piktografik”, që
simbolizonte fjalën si emërtim të objektit, por me to mund të pasqyroheshin vetëm
objekte konkrete por jo edhe idetë abstrakte. Mbi bazën e këtij shkrimi më vonë lindi
shkrimi “ideografik” i cili shënonte një hap më përpara në historinë e shkrimit meqë
kishte një shkallë më të lartë abstraksioni dhe shprehte idenë e jo drejtpërdrejt objektin.
Me zgjerimin e abstraksionit u zhvillua shkrimi “hieroglif” të cilin në lashtësi e
përdornin popujt e ndryshëm të Azisë. Një lloj shkrimi i lashtë, që gjithashtu doli nga
shkrimi hieroglif, është i njohur me emrin shkrimi pykor (kuneiform) të cilin e kanë
përdorur egjiptasit e vjetër.
Rezultatin më të madh në fushën e përdorimit të shkrimit, bashkë me këtë edhe të dijes
njerëzore, njerëzimi e arriti me zbulimin e shkrimit që njihet me emrin shkrimi fonetik.
Ky lloj shkrimi, është forma më e përsosur e shkrimi të gjuhës sepse secili tingull me
vlerë gjuhësore i përgjigjet simboli grafik i caktuar.
Zbulimi dhe zhvillimi i shkrimit alfabetik i hapi horizonte të pakufijshme mendjes dhe
natyrës krijuese të qenies njerëzore. Mirëpo, i gjithë ky zbulim i dedikohet vetëm
njerëzve të cilëve natyra u fali gjitha të mirat. Ekziston edhe një shtresë tjetër e
shoqërisë njerëzore për të cilën gjatë histories është bërë shumë pak e ata janë njerëzit
me nevoja të veçanta. Për njerëzit me dëmtime në të folur përdoret gjuha e interpretimit,
ndërsa për njerëzit me dëmtime në të pare është menduar shumë vonë sepse shoqëria
pothuajse i kishte injoruar tërësisht derisa ata luftuan vetvetiu për të siguruar mënyrën
e komunikimit në mes veti si dhe me anëtarë të tjerë të shoqërisë, duke krijuar shkrimin
e Brajit i cila kaloi nëpër faza të ndryshme të zhvillimit deri në përsosshmëri, me anë
të të cilit personat e verbër mund të konsiderohen si anëtarë të barabartë të shoqërisë
dhe të njihen në të gjitha sferat e jetës duke i inkorpuruar denjësisht për të dhënë
kontribut në zhvillimin e mëtutjeshëm të tyre.
Në këtë punim do të përpiqem të jap shpjegime rreth shpikjes, zhvillimit dhe
normalizimit të shkrimit të Brajit ,si formë unike në botën e komunikimit të njerëzve
me dëmtime në të parë.
9
KAPITULLI I
1.Qëllimi i hulumtimit
Përzgjedhja ime për hartimin e temës në Braj është një interesim i posaçëm, kam
shfrytëzuar literaturë të viteve të fundit.
Personat respektivisht nxënësit e verbër dhe me dëmtime në të parë, që kam hasur gjatë
praktikes nëpër shkolla, kanë lënë një interesim të madh, duke ndjerë edhe si obligim
moral, jo vetëm i imi por i secilit, të japim kontributin tonë për aq sa mundemi të jemi
krahë edhe ndihmë e këtyre personave që të jenë pjesë e shoqërisë sonë. Secili nga ne
karakterizohet me diçka të veçantë, qoftë ajo nevojë ose edhe privilegj.
Ata dijnë të mendojnë dhe të krijojnë poashtu si edhe ne, dijnë të shkruajnë edhe të
lexojnë,qoftë ajo që dallon nga të shkruarit e zakonshëm, andaj përkrahja dhe gjithë
përfshirja e personave të verbër në shoqërinë tonë do të jetë një avancim shtesë i yni.
Të integrosh një të verbër në shoqëri do të thotë të respektosh vetveten.(Zabeli,
"Nxënësit me nevoja të veçanta", 2001)
Një e drejtë themelore është e drejta për arsim. Këtë të drejtë duhet ta gëzojnë të gjithë
fëmijët pa dallime race, feje, gjinie, a të diversiteteve eventuale që mund t’i ketë, d.m.th.
pa marrë parasysh dëmtimet fizike, të jetë i verbër ose dëmtim tjetër.
1.1.Hipoteza themelore
Duke pasur parasysh temën e hulumtimit me një bazë të veçantë jam fokusuar në dy
hipoteza themelore:
H1 – Si duket shkrimi i Brajit sot tek personat e verbër?
H2 – Teknologjia informative, qasja e personave të verbër në kompjuter – Braj display.
KAPITULLI II
2.Shkrimi i Brajit
10
Themeluesi i shkrimit unik për të verbër është francezi Luj Braj. Braj u lind më 4 janar
1809 në një qytezë të quajtur Kuvre. Babai i Lujit, Simoni me profesion ishte saraç dhe
ishte një njeri i nderuar dhe punëtor. Luji duke lozur me thikën e babait, që i nevojitej
për punë, e lendoi njërin sy. Luj kishte vetëm tri vjet kur u lëndua. Më pas me një
infektim të syrit të shëndoshë, Luj Braj, do të humb tërësisht të pamurit (verbohet).
Dy vitet e para të mësimit i mori në nje shkollë të fashtit ku kishte lindur, së bashku me
moshatarët e tij që kishin shikim normal. Që herët ai po kuptonte vështirësitë dhe
barrierat, barrier këto të cilat sa vinin edhe bëheshin më të pakapërcyeshme.
Në moshën dhjetë vjeçare ai pati vërtet fat pasi u dërgua të studionte në një nga shkollat
e para në botë për fëmijët e verbër. Sikundër në të gjitha shkollat e asaj epoke edhe kjo
e fundit kishte disiplin të egër dhe shpesh të papërballueshme, por megjithatë fëmijëve
të verbër aty ju mësuan aftësitë praktike shumë të nevojshme për ta si: rregullimi i
karrigeve etj., në mënyrë të tillë që edhe kur këta fëmijë të largoheshin prej shkollës
mund të siguronin një mënyrë jetese për veten. Luj Braj vazhdoi studimet në
institucionin nacional për të verbër në Paris. Ishte një nxënës i shkëlqyer. I shkonin për
shtati të gjitha lëndët.
Në vitin 1821 një ushtar me emrin Charles Barbier, vizitoi shkollën ku studionte Luj.
Ai kishte marr me vete një sistem shkrimi me 12 pika të cilën e kishte shpikur vet dhe
e kishte quajtur “shkrimi i natës”. Ky shkrim përdorej nga ushtarët në luftë me qellim
të transmetonin instruksione njeri-tjetrit pa u vënë re.(Mulliqi, 2008)
Në këtë kohë kur Braj ishte mësues, në institut përdorej si alfabet për të verbër, alfabeti
BABIES, jo shumë adekuat ( ishte i vështirë për përdorim ) kishte në përbërje 12 pika.
Luj Braj si matematikant i mirë këtë alfabet së pari e reduktoj në 8 pika e më vonë në 6
pika. Braj ka llogaritur që më kombinimin e këtyre pikave do të fitohen 63 shenja të
kombinuara që do të mjaftojnë për krijimin e alfabetit për të verbër. Luj Braj në vitin
1825 e përfundoi (e përsosi) alfabetin 6 pikësh, ku dy vite më pas 1827 u shtyp libri i
parë në alfabetin e Brajit me titull “Historia e Francës”.
Sot alfabeti i Brajit është unik në botë më plotësime gramatikorete shenja përkatëse
kombëtare. Alfabeti i Brajit në gjuhën shqipe është unifikuar në vitin 1965 nga autorët:
Tajar Hatipi dhe Faik Halili. Alfabeti i unifikuar përdoret edhe sot në shkollat për
nxënës të verbër.
2.1.Si u zhvillua shkrimi i Brajit
Menjëherë pas kësaj, Louise Braille, e kuptoi se sai vlefshëm do të ishte për të verbërit
një sistem i ngjajshëm i përbërë nga pika në reliev.
Kështu, pas shumë përpjekjesh dhe eksperimentesh për një kohë të gjatë në të kuptuar
këtë sistem, ai arriti të gjente sistemin ideal prej 6 pikave që përdoret edhe sot në mbarë
botën prej personave të verbër.
11
Louise Braille vazhdoj punën e tij kërkimore për vite me radhë deri sa arriti të zhvillonte
edhe kode për matematikën apo muzikën.
Në këtë mënyrë, në vitin 1827 u botua edhe libri i parë me shkrimin special të Brajit.
Pavarësisht punës voluminoze të bërë, sistemi i ri i shpikur nga Braji nuk i dha
menjëherë frytet e veta për arsye se shumë njerëz normal ishin skpetik duke filluar që
nga mësuesit të cilët duhet të mësonin nxënësit e tyre të verbër. Fatmirësisht shkrimi i
Brajit filloi të pushtohej fshehtas prej fëmijëve dhe qytetareve të tjerë të verbër të cilët
gjithnjë e më shumë po inkurajoheshin për të lëxuar dhe kuptuar literaturë.
Përfundimisht, duke kuptuar rëndësinë dhe pavarësinë që jep shkrimi dhe leximi
individual, shkrimi Braj u pushtua nga të gjithë të verbërit.(Mulliqi, 2008)
Louise Braille, u bë mësues në shkollen ku ai kishte qenë nxënës, që për fat të keq në
vitin 1852 vdes në moshën 43 vjeçare nga tuberkulozi, pa mundur të shihte adaptimin
dhe përhapjen në të gjithë botën të sistemit të tij 6 pikësh.
Tashmë qysh prej vitit 1952, në Francë ai është nderuar duke i ngritur një përmendore
si dhe duke e zhvendosur varrin e tij në Panteon (shtëpia e heronjëve francez).
2.2.Si shkruhet Braji
Braji është një sistem gjatë pikësh i ideuar si në fushën e dominosë.
Kombinimi i pikëve me njëra – tjetrën i korrespodon shkronjave të alfabetit, numrave,
shenjave të pikëzimit dhe gjithçka tjetër që lidhet me shkrimin e rrafshët.
Pikat mbrenda një qelize vendosën në pozicione plotësisht të përcaktuara.
Emërtimi i secilës pike nis nga lart në kolonën e majtë, vijon vertikalisht poshtë dhe më
pas kalohet në kolonen e djathë përsëri në drejtim vertikalisht poshtë.
Secilës pikë i korrespodojnë për emertim numrat 1-6. Më konkretisht kolonës së parë i
përkasin pikat 1,2,3; ndërsa kolonës së dytë 4,5,6.(Arhiva e shkollës për të verbër).
12
Duke i kombinuar ato në të gjitha mënyrat e mundshme në numër dhe vendndodhje, në
sistemin shqip të Brajit, përfitohen së bashku me qelizën boshe, gjashtëdhjetë e katër
modele ose kombinacione plotësisht të përcaktuara (nga të cilat 1 model bosh, 6 modele
1 pikësh, 15 modele 2 pikësh, 20 modele 3 pikësh, 15 modele 4 pikësh, 6 modele 5
pikësh, dhe 1 model 6 pikësh).
2.3.Braji dhe rëndësia e tij në jetën e të verbërve
Shkrimi Braj është një sistem pikësh në reliev që përdoret nga persona me mungesë të
theksuar shikimi për të shkruar dhe lexuar. Baza e Brajit është një qelizë drejtkëndore.
Brenda qelizës mund të realizohen gjatë pika të pozicionuara në dy kolonat vertikale
me nga tre pika secila, lartësia e pikave është afërsisht 0.02 inch ose 0,05 mm, ndërsa
largësia ndërmjet qendrave të bazave të dy pikave më të afërta në drejtim horizontal
ose vertikal është 2.5 mm. Pikat brenda një qelize vendosen në pozicione plotësisht të
përcaktuara. Duke i kombinuar ato në të gjitha mënyrat e mundëshme në numër dhe
vendndodhje përfitohen së bashku me qelizën boshe gjashtëdhjetë e katër modele ose
kombinacione plotësisht të përcaktuara.
Për qëllime reference në përshkrimin e strukturave në këtë material pikat emërtohen në
kolonën e parë nga lart -poshtë 1,2,3; në kolonën ë dytë, gjithashtu nga lart-poshtë 4,5,6.
Ky sistem (sistemi i Brailit) është rezultat i mundit, mençurisë dhe fantazisë së Luis
Brailit. Ai me punën e tij ndryshoi përfundimisht metodën e të shkruarit dhe të lexuarit
të të verbërve.
13
3.Alfabeti dhe struktura e shkronjave
Shkrimi shqip në gjuhën e pikave është përgatitur nga Dilaver Zgjani dhe Liri Kamberi
bazuar në shkrimin francez të Luis Brajlit. Ky shkrim është miratuar nga Ministria e
Arsimit në vitin 1963 si alfabet zyrtar i të verbërve në Shqipëri. Më poshtë paraqitenen
në mënyrë të shkurtër strukturat e disa shembujve dhe nëpërmjet dy shembujve tregohet
si kërkohet të kuptohen dhe lexohen ato.(Osmani, 1983)
3.1.Struktura e disa shenjave të pikësimit
Pikë (2,5,6), Presje (2), Pikëpresje (2,3), Pikëpyetje (2,6), Pikëçuditësja (2,3,5), Dy pika
(2,5), Vizëlidhëse ose ndarëse (3,6), Apostrof (3), Thonjëzat në hapje (2,3,6), në
mbyllje (3,5,6), Parantezë në hapje (1,2,5,6), në mbyllje (2,3,5,6), Kllapat e vogla (2,6),
në hapje dhe në mbyllje (3,5).
Germat kapitale paraprihen me shenjën (4,6), shkronjat e vogëla paraqiten me shenjën
(4,5,6). Kur duam të theksojmë një pjesë te fjalisë, një thënie, një shprehje, pikëzim e
fusim ndërmjet shenjave në hapje (1,2,3,6; 3,6; 3,6;) në mbyllje (3,6; 3,6; 3,4,5,6)
sikurse shihet në alfabet.
1 – Shkronjat e përbëra dh, gj, ll, nj, rr, sh, th, xh, zh, janë paraqitur me një karakter të
vetëm secila. Kjo është për arsye se :
a) Mollëza e gishtit e ka më të lehtë të mbulojë dhe të përceptojë simbolin e
përbërë, prej një karakteri të vetëm se sa në rastin kur ai është i përbërë prej dy
karakteresh.
b) Kursehet energji, kohë, letër d.m.th. ulet kostoja e prodhimit të librave me
masën 20%.
c) Librat me peshë dhe vëllim më te vogël janë më të lehta në përdorim.
d) Kërkohet një hapësirë më e vogël në biblioteka për ruajtjen e tyre.
Qëllimi i kësaj ndërhyrjeje nuk ka qenë i motivuar nga dëshira për të përsosur shkrimin
shqip të Brajit, por ka ardhur si rrjedhojë e paaftësisë për të zgjidhur një problem teknik.
Struktura e shenjave që përdoren në matematikë:
Numrat në Brail formohen nga dhjetë shkronja: a, b, c, d, e, f, g, h, i, j, duke i shtuar
përpara një shenjë special që quhet shenja e numërit (prefiksi) dhe formohet nga pikat
(3,4,5,6).
14
Shembuj:
Numri 4 shkruhet: në qelizën e parë shenja e numërit ose prefiksi. Në qelizën e dytë
shkruhet shkronja d me pikat 1,4,5.
Numri 27 shkruhet: në qelizën e parë shenja e numërit. Në qelizën e dytë janë shkronja
b me pikat 1,2 dhe në qelizën e tretë shkronja g me pikat 1,2,4,5.(Mulliqi, 2008)
3.2.Thyesat
Disa thyesa mund të shkruhen, duke zhvendosur numëruesin një pikë më poshtë, ndërsa
emëruesi mbetet në pozicionin normal.
Shembull: 5 thye për 6 (5\6) në qelizën e parë shenja e numërit, në qelizën e dytë pikat
2,6 dhe në qelizën e tretë pika 2,4. Thyesat tek të cilat numëruesi dhe emëruesi ose njëri
prej tyre paraqitet në formen e një shprehjeje shkruhet: numeruesi futet ndërmjet
shenjave 1,2,4,6 dhe 1,3,4,5 ndërsa emëruesi futet ndërmjet shenjave 1,2,3,4 dhe
1,4,5,6.(Arhiva e shkollës për të verbër)
Vija thyesore
Disa shembuj:
15
KAPITULLI III
4.Historiku
Megjithëse përdorimi i shkrimit të Brajit në botë i ka fillesat e tij në shekullin XIX në
Shqipëri ai fillojë të përdorej shumë vonë. Për herë të parë sipas të dhënave jo zyrtare
filloj të përdorej në mënyrë sporadike në vitin 1941. Ky shkrim u soll nga një student
shqiptar i verbër që kish mbaruar studimet e larta për piano në Athinë. Nga viti 1941
nëpërmjet një kursi privat filluan të mësojnë, të shkruajnë e të lexojnë në Braj dy të
verbër në qytetin e Korçës, Regjep Zëmblaku dhe Petrit Koprencka. Gjatë viteve të 50-
ta u rrit relativisht numëri i të verbërve që përdorinin Brajin. Në vitin 1959 një ish
student shqiptar në Moskë, Faslli Luarasi, solli makinën e parë daktilografike të Brajit
për Petrit Koprenckën (i verbër). Po gjatë këtyre viteve u sollen disa pllaka shkrimi dhe
biza nga inxhinier Cefo Fico.(Konferenca ndërkombëtare mbi Tifologjinë, 2007)
Me vendimin numër 64 në prill të vitit 1963 të Qeverisë Socialiste të Shqipërisë u hap
për herë të parë në Shqipëri Instituti për fëmijët shurdhmemecë dhe të verbër. Pas daljes
së këtij vendimi u bë e mundur hapja e këtij instituti në nëntor të po këtij viti. Me një
makinë të thjeshtë daktilografike Braji u përgatitën abetarja dhe arithmetika të cilat u
ilustruan edhe me figura.
Nëse do të kalonim në një këndvështrim të ri, jo vetëm teknik, por me problem më
konkrete lidhur me domosdoshmërin e përdorimit dhe përhapjes së Brajit në Shqipëri
vihet re që kurba e këtij zhvillimi në periudha të ndryshme kohore ka pasur lëkundje.
Qysh nga ngritja e institutit të të verbërve deri në fund të viteve ’80-ta të Brajit, është
përqëndruar vetem brenda kornizës së këtij instituti, por është përdorur në raste të
veçanta edhe për letërkëmbime, mësimin e gjuhëve të huaja dhe shënime nga nxënësit
e verbër që vazhdonin shkollat e mesme të larta. Braji me kalimin e kohës u bë pjesëe
domosdoshme e jetës dhe integrimit të të verbërve në shoqëri.
Braji përveç të tjerave pati një rol të rëndësishëm në edukimin dhe punësimin e këtyre
personave në profesione, institucione të ndryshme me një përhapje të gjerë në Tiranë,
Durrës, Lezhë, Vlorë, Elbasan, Kavajë etj. Integrimi i këtyre personave pati një
influencë në ndryshimin e opinionit mbarëshoqëror për verbërinë.
Deri në vitet e 90-ta shumë nxënës nga shkolla e të verbërve vazhduan arsimin e mesëm
dhe të lartë dhe dolën mësues, jurist, muzikantë të talentuar.
Pas viteve të 90-ta, me ndryshimet sociale-ekonomike e politike, jo vetëm Braji por
edhe vet të verbërit u lanë në harresë nga politika shtetërore. Shumë persona të verbër
gjatë kësaj periudhe humben vendet e punës, dhe për pasojë edhe interesin e tyre për
t’u arsimuar.
16
Për më tepër pati një rënie të theksuar të cilësisë së mësimëdhënies në shkolla shkak i
së cilës ishte mungesa e teksteve dhe bazës material didaktike. Si pasojë e kësaj situate,
pati prindër që hezitonin t’i arsimonin fëmijët e tyre në këtë institut deri në largimin
përfundimtar të tyre. Kjo gjendje nuk ndryshoj edhe pas ngritjes pranë këtij instituti të
linjës së prodhimit të teksteve në Braj, në vitin 1996, pikërisht për kapërcimin e kësaj
situate.
Shoqata e të verbërve të Shqipërisë gjatë gjithë kësaj periudhe kishte në fokusin e vet
përhapjen e Brajit dhe arsiminin e të verbërve në vend. Me përpjekjet e veta herë pas
here ka siguruar bazen teknike për shkrimin Braj si pllaka, biza, letër etj. Por mbulimi
i nevojave ishte ende i pjesshëm. Vetem me ngritjen e linjës se prodhimit të materialeve
të Brajit në vitin 2002, nga Qendra Kombëtare e Rehabilitimit të të Verbërve, Shoqata
e të Verbërve është në gjendje t’u përgjigjet kërkesave për material të tilla. Natyrisht
realizimi i këtyre nevojave kërkon fonde të konsiderueshme, te cilat lipset të
planifikohen nga isntitucionet përkatëse.
Në kuadër të përpjekjeve për përhapjen e Brajit në Shqipëri, QKRV përgatiti
alfabetarën, si tekst bazë për mësimin e shkrimit dhe leximit të gjuhës shqipe në Braj.
Përdorimi i Brajit mbete i një rëndësie jetike për personat e verbër. Për këtë komunitet
është domosdoshmëri përdorimi i tij në aktivitete praktike të jetës së tyre të përditshme.
Ҫ do njeri ka nevojë të mbajë shënime, numra të telefonit, krijime letrare artisitke, të
identifikojë ushqimet në guzhinë, të mësojë përdorimin e elektroshtëpiakeve, të
identifikojë ngjyrat e veshjeve etj.Të gjitha këto veprime bëhen lehtësisht të
realizueshme nga personat e verbër më ndihmën e përdorimit të Brajit.
Me gjithë evulimin e teknologjive moderne dhe ndikimin e tyre në jetën profesionale e
praktike të personave të verbër, me kalimin e kohës nuk e kanë zbehur aspak rëndësin
e Brajit dhe përdorimin e tij. Të gjitha këto pajisje jo vetëm bazohen te Brajit, por në
shumë raste i referohen në mënyrë të pashmangshme atij. P.sh. kompjuterët modernë
për të verbër, që ekzistojnë sot, ekranet e tyre shkrues i kanë në Brail.(Zabeli, Edukimi
special , 2016)
Ҫ do i verbër mund të shkruaj në një tastierë normale, por e kontrollon fjalën e shkruar
në një ekran me shkronjat e Brajit.
Braji ashtu si shkrim i zakonshëm, ndihmonë zhvillimin dhe evulimin e shpirtit kulturor
të të verbërve.
Pra, roli i Brajit nuk është zbehur, ai po përjeton një epok të vrullshme ndryshimesh,
përpunimesh dhe zhvillimesh por kurrsesi nuk do ta pranonte zhdukjen. Nese do të
duhej që nga shkollat normale të hiqej shkrimi dhe në to të zhvillohej mësimi nëpërmjet
të dëgjuarit apo të hiqeshin librat e të zëvëndësoheshin me kompjuterët atëherë mund
të thoshin se edhe Brajit i ka ardhur koha të dilte nga “moda” d.m.th. të hidhej në arkivat
bibliotekare dhe të fillonim të shkruanim si dikur pa pasur dhe një shkrim për të verbër
ose ndryshe Braj.
17
Por përderisa shkrimi normal do të jetë i pranishëm dhe derisa shkenca e teknologjia
modern të mos jetë në gjendje të gjejë një zgjidhje për t’u kthyer dritën e humbur
njerëzve të verbër, Braji dhe rëndësia e tij nuk do të jenë kurrë të zbehur në vizionin e
jetës për të verbër. Si thotë një fjalë latine: “Verbam Volant scriptum immanent”.
(“Fjala fluturon e shkuara mbetet”).
Shkronjat e gjuhës shqipe në Braj
18
KAPITULLI IV
5.Tretmani pedagogjik i personave me dëmtime në të parë
Pedagogjia e personave të verbër dhe me dëmtime në të pare është disiplinë shkencore
e përfaqësuar nga pedagogjia e përgjithshme. Specifikat speciale të pedagogjisë
speciale bazohen në metodat, mjetet, principet, qëllimet e organizimit, edukimit dhe
arsimimit të fëmijëve të verbër dhe me dëmtime në të parë. Historikisht kujdesi ndaj
personave të verbër dhe në dëmtime në të parë ka kaluar nëpër disa faza
zhvillimore.("Doracak për punë me nxënësit me nevoja të veçanta arsimore", 2014)
Në aspektin e ligjshmërisë mbi mbrojtjen dhe kujdesin ndaj personave me dëmtime në
të parë e hasim në skemat e “HAMORABIEVIT” 2000 vjet p.e.r, ku kemi më së 215
paraqitje ligjore mbi mbrojtjen e personave me dëmtime në të parë. Ku thuhet se mjeku
gjatë kontrollimit dhe operacionit në sy po që se e dëmton syrin e pacientit nga
pakujdesia, atij do t’i këputet dora. Indusët me librat e tyre medicinal: Karaka dhe
Suskuta përshkruajnë operimet që bëheshin në sy për të hequr gjësende që e lëndonte
syrin me mjete të caktuara të kohës.
Në Papirusin e vjetër të Ebersonit në Egjipt kryesisht flitet për sëmundjet e syve në
mënyrë empirike. Në Egjipt shumë herët ekzistonte një klinikë oftamologjike që
merreshin me operacionet për shërimin e sëmundjeve aktuale që shfaqeshin në atë kohë
natyrisht sipas mundësive teknike që kishin. Në epoken e sundimit Romak punonin
kirurg ushtarak që operonin sytë e ushtarëve që plagoseshin në luftë. Edhe Hipokrati
thekson (merret) me sëmundjet e syvë si: kallja, skuqja e syve, amblipia, sëmundjet që
shfaqn në pjesën e brendshme të syrit, ndërsa retina nuk ndryshon. Të gjitha këto të
arritura të hershme në kujdesin ndaj shëndetit të njeriut e sidomos ndaj organit më vital
të njeriut “syrit” nga aspekti i personaliteti kemi shumë pak shënime se sa ka ndikuar
me çrregullime e aktivitete të përditshme të personave që kanë pasur këto dëmtime.
Përpos aspektit medicinal në Evropë në vendet e zhvilluara filluan të hapen shkollat
special për të verbër me nxënës në shkurtpamësi që fëmijët e tillë të mos mbesin të
paarsimuar.
Shkolla e parë special u hap në Paris me 1874, u quajt shkolla për nxënës të verbër
“VALENTIN AJ” pas kësaj shkolla të këtij lloji filluan të hapen edhe në Gjermani,
Angli dhe në vendet e tjera që fëmijet me dëmtime në të parë të arsimoheshin sikurse
nxënësit e rregullt. Por që në start linden probleme se çfarë shkrimi do të përdorinin,
cilat metoda, me një fjalë se çfarë qasje të kenë ndaj këtyre nxënësve.
Deri në këtë kohë në Francë përdorej alfabeti i Barbiejes i cili bazohej në shkrimin
linear prej 18 pikash ku me kombinimin e këtyre pikave jepnin simbole të të shkruarit.
“VALENTIN AJ”- e bëri një thjeshtësim të shkrimit të të verbërve nga 18 pika i
reduktoi në 6 në 12 pika, ndërsa për nxënësit me dëmtime të mesme (shkurtpamësi,
19
largepamësi) është zhvilluar një debat i gjërë në atë kohë rreth vijueshmërisë së mësimit
të nxënësve me shkurtpamësi. Kështu që pas 100 vjetësh rreth kësaj problematike Dr.
Herman Cohr, publikoi një punim shkencor rreth kësaj problematike i bazuar në sistem
të aspektit oftomologjik, pedagogjik, psikologjik është i pa pranueshëm andaj filluan të
hapen shkolla të veçanta për nxënës me dëmtime të mesme (shkurtpamësi,
largepamesi).
Si shkollë e parë për nxënës me shkurtpamësi u hap në Angli, Londër mandej në
Gjermani e Francë ku në këto shkolla klasat kishin nga 14 nxënës dhe si kriter i
regjistrimit merrej mosha (e njëjtë) niveli i dëmtimit, aspekti social.(Mulliqi, 2008)
6.Strategjitë e të shkruarit në Braj
Përgatitja për fillimin e të shkruarit në shkrimin e Brajit:
Njohja me gjatëpikëshin,
Ushtrimi i shqisave të gishtërinjëve për prekje në pikat e shkrimit gjashtë pikësh,
Ushtrimi i drejtvendosjes së duarve në makinën e shkrimit,
Njohja me makinën e shkrimit në Braj (pjesët e makinës),
Njohja me letrën për shkrimin me alfabetin e Brajit,
20
Njohja me tabelën për shkrimin e Brajit,
Njohja me lakuesin për shkrim në tabelë.
Fillimi i të shkruarit nga ana e fëmijëve të verbër (nxënësve) në përdorimin e shkrimit
të Brajit duhet që më parë të kaloj nëpër këto faza:
a) Faza e identifikimit të fëmijës
b) Faza e përgatitjës së fëmijës për ushtrime të qëndrueshmërisë – lëvizshmërisë
së duarve
c) Faza e të ushtruarit të përceptimit të objekteve – identifikimit
Faza e identifikimit është me rëndësi sepse më lehtë do të punohet me fëmijë në moshë
sa më të re. Rëndësi të veçantë duhet dhënë bashkëpunimit me prindër dhe natyrisht
nën përkujdesjen e ekspertëve të fillohet me rehabilitimin dhe përkujdesjen që fëmiu i
verbër të përgatitet për aktivitetet e përgatitjes së të shkruarit me përdorimin e shkrimit
të Brajit. Në këtë fazë duhet përfshirë fëmijët e verbër të moshës gjatë vjeçare.
Edhe faza e përgatitjes fizike është një komponent me rëndësi sepse duket që fëmijët e
verbër janë mjaft pasiv në lëmin e edukatës fizike dhe forcimi i muskujve të duarve do
t’u mundësojë që më lehtë ta përdorin makinën për shkrim në shkrimin e Brajit dhe
tabelën me lakues që shërben për të shkruar, zëvendëson lapsin në letrën speciale të
bardhë të vendosur në makinë apo tabelë.
Faza me rëndësi të mobilitetit të fëmijës për përgatitje për fillimin e të shkruarit është
zgjerimi i horizontit të njohurive të botës që rrethon fëmijën e verbër. Këtë duhet ta
arrijmë me mjete konkrete duke i vënë afër fëmijës që t’i prekë.
Këtë mund ta arrijë me anë të kreativitetit, lojrave, shoqërimit me fëmijë të tjerë duke
pasur parasysh që të mos kalojë në monotoni tek fëmija i verbër. Fazë me rëndësi është
që pos këtyre aktiviteteve të zhvilluara më lartë, tani fëmiun e verbër ta njohim më
alfabetin e gjuhës shqipe, me numrin e zanoreve dhe të bashkëtingëlloreve që ka gjuha
shqipe.
Është me rëndësi që nxënësi të dijë të manipulojë me makinën e Brajit duke përdorur
të dy duart (gishtërinjët e duarve) për t’i shtypur pjesët speciale të zgjatur metalike me
makinë që në letër fomojnë pikat të cilat më pas do të lexohën nga nxënësit e verbër.
Të ushtrohen nxënësit që me anën e majtë me dorën e majtë me gishtërinjët 2,3,4 dhe
me anën e djathtë me dorën e djathtë me gishtërinjët 2,3,4 të vendosur në pjesën e
zgjatur metalike duke filluar nga ana e majtë dhe vazhdon në anën e djathtë duke i
kombinuar shtypjet me gishtërinjë, të fillojmë shkronjat në letrën e bardhë të vendosur
në makinë më parë. Së pari duke e shkruar secilën shkronjë veç e veç e më pastaj duke
21
shkruar rrokje si: ab, ba, ed, ok, etj. dhe duke i ilustruar me shembuj nga jeta e
përditshme si: ba-bi, në-na, to-pi etj.(Mulliqi, 2008)
Makina e shkrimit të Bajt
Duke vazhduar me fjalë dhe lidhjen e fjalëve në fjali. Shumicës së fëmijëve u duket e
rëndë të mbajnë në mendë se si duket një shkronjë dhe nuk janë në gjendje që të dhënë
numrat e shkronjave. Duhet që fëmijët të ndihmohen që të shkruajnë tekstin vet. Është
evidente që fëmijët më lehtë shkruajnë se sa lexojnë në shkrimin e Brajit.
6.1.Të lexuarit në shkrimin e Brajit
Disa nga strategjitë e të lexuarit:
A është të lexuarit e rrjedhshëm?
A kthehet nxënësi prapë në tekst?
Sa është shpejtësia e leximit?
Sa e kupton nxënësi atë se çka ka lexuar?
Sa gishta i përdor nxënësi gjatë leximit?
A lexon më shumë me dorën e majtë apo me të djathtën?
Sa mirë mund t’i gjejë fargmentet specifike në tekst?
Përdorimi i indekseve – kërkimi i faqeve?
Kërkimi i faqes në libër?
6.2.Strategjitë e të lexuarit nga nxënësit me të pamur të pjesërishëm
22
Madhësia e përshtatshme e shkronjave,
Përdorimi i mjeteve zmadhuese,
Kërkimi i paragrafeve special në faqe,
Përdorimi i indekseve,
Kërkimi i faqes së librit,
Kontrastet – ngjyrat.
Të lexuarit e teksteve në libra me shkronjat e Brajit nga ana e nxënësve të verbër që nga
mosha e hershme është një proces mjaft i vështirë dhe kompleks. Për t’i mësuar nxënësit
e verbër që të lexojnë sa më lehtë dhe saktë një tekst të shkruar nga vetë nxënësit, duhet
që më parë me nxënës të bëhen këto përgaditje:
1. Ushtrime në të përceptuarit e gjashtë pikëshit e gishtërinjët e duarve,
2. Drejtvendosja e duarve mbi teksitn e shkruar,
3. Perceptimi i pozicioneve (formave) të gjashtë pikëshit në anën e majtë 1,2,3 dhe
në të djathtë 4,5,6,
4. Motivimi i fëmijës për punë në të mësuarit për të lexuar,
5. Bashkëpunimi me prindër dhe njohja e prindërve me strukturen e gjashtë
pikëshit,
6. Përdorimi i mjeteve tifloteknike qe ndihmojnë për të mësuar që nxënësit të
aftësohen që të lëxojnë më lehtë,
7. Përgatitja fizike (aspaketi motorik) të avancohet,
8. Ushtrime të planifikuara të kombinuara shkrim – lexim.(Mulliqi, 2008)
Nga përvoja dhe studimet e bëra me nxënës të verbër të moshës së hershme lidhur me
procesin e të shkruarit dhe të lexuarit, rezulton që nxënësit e verbër me lehtë mësojnë
të shkruajnë sesa të lëxojnë.
Mirëpo duhet pasur kujdes që nxënësit e verbër gjatë të mësuarit të të shkruarit mos të
mësojnë kombinimin e gjatëpikëshit pa logjikë (përmendësh) sepse kur të fillojnë të
23
lexojnë shkronjat e shkruara më parë do t’i ngatërrojnë. Nxënësit duhet mësuar që të
shkruajnë me dy duar dhe atë nga ana e majtë në të djathtë.
Në fillim nxënësve të verbër duhet dhënë si detyrë që t’i lexojnë shkonjat një nga një,
duke u perceptuar format dhe pozicionin e pikave. Procesi i të lexuarit është siç thamë
më i kopleksuar sesa shkrimi andaj nga ana e mësuesëve duhet pasur durim gjersa
nxënësit e verbër të mësojnë të lëxojnë të pavarur tekstet e shkruara. Është më rëndësi
të ceket që nxënësit që kanë lindur të verbër më lehtë do të mësojnë të lëxojnë sesa
fëmijët qe janë verbëruar më vonë. Porcesi i të mësuarit dhe të lëxuarit duhet të
vazhdojë pas fillimit të mësimit të shkronjave veç e veç e duke vazhduar me shkrimin
e rrojkjeve, me ilustrim verbal, me gjësendet që i rrethojnë nxënësit në ambientin ku
jetojmë si: ba-ba, lu-le, to-pi etj.
Kujdes duhet pasur që të mos kalohen shkronjat pa u kuptuar dhe lexuar nga nxënësit e
verbër me logjik sepse kur të thellohemi në të lexuarit e teksteve më me shumë
përmbajtje nxënësit nuk do të jenë në gjendje te lexojnë me logjik.
Andaj është detyrë e mësuesve, prindërve dhe të gjithë atyre që punojnë më nxënësit e
verbër të kenë mirëkuptim, durim dhe padyshim rezultatet nuk do të mungojnë.
6.3.Strategjitë e mësimdhënies për nxënësit me dëmtime në të parë
Jepni informacione të qarta dhe precise,
Përdorni nje diapason të qasjeve të mësimdhënies të cilat mësojnë kushtet për
stilet e ndryshme të mësimit,
Përdorni një diapason të materialeve mësimore,
Verbalizoni në atë se çfarë jeni duke shkruar në dërrasë,
Ndërroni në mënyrë alternative aktivitetet e leximit dhe shkrimit,
Ndërroni në mënyrë alternative aktivitetet nga afër dhe nga larg,
Vendosni dërrasën në forma të qarta me kontrastë të mirë,
Siguroni fletëpunët me shkronja me madhësi përkatëse për çdo nxënës,
Lejoni nxënësit ta parashikojnë dhe/ose të pas shikojnë,
Siguroni nevoja auditore, taktike dhe të lëvizjes,
Përkrahni rolet e pavarësisë dhe të udhëheqjes,
Planifikoni që më parë se i gjithë materiali është i zmadhuar apo i përkthyer në
alfabet të Brajit dhe është në dispozicion për të gjithë nxënësit,
Siguroni kohë shtesë për nxënësit që përdorin Brajin,
Zhvilloni një hapësirë për depozitimin që lehtë identifikohet (me emërtime në
shkrimin e Brajit, me ngjyra kontraste) ,
Bëhu konsistent për depozitimin në klasë,
24
Apliko të njejtat rregullat për sjellje dhe aftësi sociale si për nxënësit e rregullt.
7.Teknologjia informative për të verbër
Me zhvillimin e teknologjisë bashkëkohore shkrimi i Brajit në informatikë zë vend
shumë të rëndësishëm në përdorimin e kompjuterëve tek personat e verbër. Duke filluar
nga vitet e 80-ta, për herë të parë Braji në teknologjinë informative është përdorë tek
lexuesit e teksteve (optakoni) dhe në shtypjen e teksteve në Braj janë përdorur softveret
e Vin Brajit ku çdo gjuhë në këta softver e ka verzionin e vet të Vin Brajit. Me
avancimin e teknologjisë informative dhe me punimin e softverëve akustik dhe të Brajit
çdo gjuhë me karakteristikat e veta e ka formuluar tabelën kompjuterike te Brajit. Është
karakteristik që në kuadër të këtyre tabelave të Brajit bëhet përcjellja dhe lëvizja e
katrorëve të Brajit në monitor Braji (Braj display). Me anë të këtyre monitorëve të
Brajit, personi i verbër sot është i pavarur në përdorimin e kompjuterëve.("Doracak për
punë me nxënësit me nevoja të veçanta arsimore", 2014)
Kompjuter dhe Printer Braji
PËRFUNDIM
25
Duke marrë parasysh gjitha të dhënat e përfshira në këtë punim dhe në hulumtimet e
bëra kam arritur të njoh një anë tjetër të mënyrës së edukimit dhe arsimit në kuadër të
këtij sistemi.
Gjithmonë ekziston një mundësi edhe pse pak ndryshe apo vështirë e arritshme, sikur
metoda e përpilimit të një shkrimi për të verbër, një mënyrë e cila mundëson që edhe
ky grup shoqërorë të ketë qasjen e nevojshme arsimore për mundësi më të mira jetese.
Sytë japin 90% të informacionit, duke mos pasur mundësi të shfrytëzimit të tyre ata
humbasin momente nga më thelbësore dhe nuk ndjejnë kënaqesitë që sjellin ngjyrat dhe
çdo gjë që vijnë me to. Por mëgjithatë ajo çka vërehet është se këta e kuptojnë që jane
të kufizuar në një aspekt por kanë të gjitha aftësitë tjëra të cilat janë të gatshme t’i
përdorin dhe t’i përmirësojnë.
Ka shumë pengesa që këta hasin, një prej tyre me të cilën përballen çdo ditë është se si
shikohen nga të tjerët, si përsona të pafat që nuk mund të zhvillojnë jetë normale me
këtë shoqëri, por megjithatë nuk ka paafatësi më të madhe sesa paaftësia për të parë një
personë si diçka më shumë.
Punimi është lekturuar nga:
Venis Gecaj
26
LITERATURA
Arhiva e shkollës për të verbër. Pejë.
Grup autoresh. (2014). "Doracak për punë me nxënësit me nevoja të veçanta arsimore".
Shkup.
Konferenca ndërkombëtare mbi Tifologjinë. (2007). Shqipëri.
Mulliqi, S. (2008). “Fëmijët me nevoja të veçanta në institucionet parashkollore dhe në".
Prishtinë.
Rruga 30 vjecare e punes mesimore- educative me nxenesit e verber dhe rezultatet e saj.
Institutit I Nxenesve qe nuk shikojne.
Shemsedini Ardita & Arifi Suzana,2014,"Motivimi dhe vlerësimi i nxënësve me nevoja të
veçanta"
Strategjia Kombetare e Personave me aftesi te kufizuar, (punesimi, formimi professional,
arsimimi).
Osmani, S. (1983). Fjalor i Pedagogjisë. Tiranë.
Doracaku i Kompanisë Baum
Zabeli, N. (2001). "Nxënësit me nevoja të veçanta". Prishtinë.Druck Art.
Ligj 8098 “Per statusin e te verberve”, dt 18.3.1996.
Zabeli, N. (2016). Edukimi special . Gjakovë.
Zabeli, N. (2010). Edukimi Inkluziv. Prishtinë.
27
SHTOJCË
28
29
30
31
https://www.google.com/search?biw=1440&bih=740&tbm=isch&sa=1&ei=VpobXfWoCLmp
1fAPn_WxkAM&q=maschine+of+braille&oq=maschine+of+braille&gs_l=img.3...52685.67416
..67526...0.0..0.160.1795.17j3......0....1..gws-wiz-
img.....0..35i39j0j0i5i30j0i8i30j0i8i10i30.ge5u6K8kELA#imgdii=f4xrKjHbkJu05M:&imgrc=qyQ
4jwQDpBoysM:
32
AUTOBIOGRAFIA
Unë jam Arta Loshaj, e lindur me 10.04.1996 në fshatin Carrabregu i Epërm - Deçan.
Shkollën fillore e kam përfunduar në SHMU “Lidhja e Prizrenit”, Carrabreg - Deçan.
Më pas kam vazhduar shkollimin në gjimnazin “Vëllezërit Frashëri’’ – Deçan, në
drejtimin Shkencat Natyrore të cilin e përfundova me sukses të shkëlqyeshëm.
Duke qenë se shkolla të ofron mësime të mëdha, mua më dha pasionin që të jem një
mësuese e ardhshme. Për të realizuar këtë ëndërr të madhe i fillova studimet në
Universitetin e Gjakovës “ Fehmi Agani “, në Fakultetin e Edukimit - Programi Fillor.
Tani pas 4 viteve po shkruaj autobiografinë time për punimin tim të diplomës, e cila
është shumë afër për realizimin e ëndrrës sime me titullin “ Mësuese”.
“Mësuesi është përhapësi i dritës” - Luigj Gurakuqi