viðhorf og upplifun notenda joy... · 2018-10-15 · 4.3 viðhorf notenda til starfsemi...
TRANSCRIPT
Stuðningurinn heim – Uppeldisráðgjöf
Viðhorf og upplifun notenda
Marta Joy Hermannsdóttir
Lokaverkefni til MA-gráðu í félagsráðgjöf til starfsréttinda Háskóli Íslands
Félagsvísindasvið
Stuðningurinn heim - Uppeldisráðgjöf
Viðhorf og upplifun notenda
Marta Joy Hermannsdóttir
2510853669
Lokaverkefni til MA-gráðu í félagsráðgjöf til starfsréttinda
Leiðbeinandi: Sigurveig H. Sigurðardóttir
Félagsráðgjafardeild
Félagsvísindasvið Háskóla Íslands
Desember 2012
Ritgerð þessi er lokaverkefni til MA-gráðu í félagsráðgjöf og er óheimilt að afrita ritgerðina á nokkurn hátt nema með leyfi rétthafa. © Marta Joy Hermannsdóttir 2012 Prentun: Háskólaprent Reykjavík, Ísland 2012
i
Útdráttur
Markmið rannsóknarinnar er að kanna upplifanir og viðhorf foreldra sem hafa
þegið þjónustu frá Stuðningnum heim – uppeldisráðgjöf, ásamt því að kanna hve
þekkt úrræðið er, hvort þjónustan skilar árangri og hvort foreldrar nýta til
frambúðar það sem þeir læra. Tilgangur þjónustunnar er að veita foreldrum
stuðning og uppeldisráðgjöf á heimilum sínum með það að markmiði að bæta
uppeldisaðstæður og sporna við vistun barna á stofnunum. Leitað er eftir viðhorfi
og upplifun notenda og starfsmanna og því tekin viðtöl við þessa tvo hópa.
Niðurstöður sýna að lítil þekking er meðal þátttakenda á þjónustunni áður en
félagsráðgjafar á þjónustumiðstöðvum kynna úrræðið fyrir notendum. Almennt
viðhorf notenda er að þeir eru ánægðir með þjónustuna sem Stuðningurinn heim
veitir. Fjölskyldur sem upplifa árangur af starfinu nota enn það sem þær lærðu í
úrræðinu. Helsti árangurinn af starfinu er breytt afstaða til foreldrahlutverksins.
Foreldrar telja sig öruggari og búa yfir auknum styrk til að takast á við aðstæður
sem skapast heima fyrir. Þátttakendur höfðu hugmyndir um hvernig bæta mætti
úrræðið en þær fólust helst í því að lengja stuðningstímabilið, auka eftirfylgni og fá
stuðning fyrir systkini á heimilinu svo eitthvað sé nefnt. Starfsmenn eru ánægðir
með þjónustuna sem þeir veita en eru ósáttir við breytingar sem urðu á skipulagi
starfsins 2012. Rannsókn þessi er fyrst til að skrásetja sögu úrræðisins og skilgreina
af hverju boðið er upp á slíka þjónustu á Íslandi.
Lykilorð: Stuðningurinn heim, stuðningsúrræði, uppeldisráðgjöf og félagsráðgjöf.
ii
Abstract
The aim of this study is to explore the experience and attitude of parents who have
received parenting advice from Stuðningurinn heim which is a service carried out in
the home. The study also explores the knowledge that people have about the
service, if the service is effective and whether the parents continue to use what
they have learned. The objective is to provide parents with support and parenting
advice in their homes, with the aim to improve parenting skills and prevent
children being institutuionalized. The research explores the views and experiences
of users of this service and also of the service providers. Results show that among
the participants there was insufficient knowledge of this service until they were
informed of it by the social workers. The general attitude of users is that they are
happy with the service provided in the home. Families who benefit from this
service still use what they have learned. The main results are that parents become
better and more confident in their parenting skills. The parents believe they are
secure and have greater strength to deal with situations that arise at home.
Participants came up with ideas as to how to improve the service. The ideas were,
for example, to extend the support period, increase follow-up and offer support to
siblings at home. Service providers are satisfied with the service they provide but
dissatisfied with the changes and decentralisation of the work in 2012. This study
is the first to document the history of this service and to identify why such services
are provided in Iceland.
Keywords: Home support, parenting advice and social work.
iii
Formáli
Ritgerð þessi er lokaverkefni í meistaranámi til starfsréttinda í félagsráðgjöf við
Háskóla Íslands. Verkefnið var unnið haustið 2012 og telst 30 ECTS einingar. Ég vil
færa leiðbeinanda mínum Sigurveigu H. Sigurðardóttur sérstakar þakkir fyrir góða
samvinnu, uppbyggilegar ábendingar og góða leiðsögn. Aðalbjörg Valberg,
forstöðukona Stuðningsins heim var tengiliður minn að þátttakendum og vil ég
þakka henni fyrir gott samstarf.
Ég þakka öllum viðmælendum fyrir þátttöku í rannsókninni en án þeirra hefði
ritgerðin ekki orðið að veruleika. Öllum þeim sem gáfu tíma sinn til að lesa yfir
ritgerðina vil ég færa þakkir: Pétur Gordon Hermannsson, Gunnur Ýr Gunnarsdóttir
og Jón Oddur Halldórsson. Foreldrar mínir fá einnig þakkir fyrir þýðingu, þau
Priscilla Bjarnason og Hermann Bjarnason. Að lokum fær eiginmaður minn Atli
Andrésson, sonur okkar Sæþór Jökull Atlason, fjölskylda mín, vinir og
samnemendur sérstakar þakkir fyrir ómetanlegan stuðning, þolinmæði og
hvatningu við skrif þessarar ritgerðar.
iv
Efnisyfirlit
1 Inngangur ................................................................................................. 1
2 Fræðileg umfjöllun .................................................................................... 4
2.1 Stefna og löggjöf sem styður barnafjölskyldur ............................................. 4
2.1.1 Barnasáttmálinn ......................................................................................... 5
2.1.2 Fyrsta stigs forvörn ..................................................................................... 5
2.1.3 Annars og þriðja stigs forvörn .................................................................... 5
2.1.4 Hliðverðir .................................................................................................... 6
2.1.5 Yfirvöld og foreldrar ................................................................................... 7
2.2 Stuðningurinn heim ...................................................................................... 8
2.2.1 Stuðningurinn heim – uppeldisráðgjöf ....................................................... 8
2.2.2 Saga Stuðningsins heim ............................................................................ 11
2.2.3 Lausnamiðuð hugmyndafræði ................................................................. 15
2.2.4 Niðurstöður þjónustumats 2009-2011 ..................................................... 17
2.2.5 Önnur úrræði sem eru notuð samhliða Stuðningnum heim .................... 20
2.2.6 Stuðningur á heimili sem miðar að uppeldisráðgjöf ................................ 22
2.2.7 Breytingar á skipulagi Stuðningsins heim árið 2012 ................................ 23
2.3 Heimsóknir sem þjónustuúrræði ................................................................ 25
2.3.1 Saga heimsókna til þjónustuþega............................................................. 25
2.3.2 Hlutverk starfsmanna inni á heimilum skjólstæðinga .............................. 27
2.4 Fjölskyldan .................................................................................................. 30
2.4.1 Kerfiskenning ............................................................................................ 30
2.4.2 Foreldrar, fjölskylda og barn .................................................................... 32
2.5 Rannsóknir .................................................................................................. 35
2.5.1 Íslenskar rannsóknir ................................................................................. 35
2.5.2 Erlendar rannsóknir .................................................................................. 38
3 Aðferð .................................................................................................... 40
3.1 Rökstuðningur fyrir vali aðferðar ............................................................... 40
3.2 Rannsóknarspurningar ............................................................................... 40
3.3 Eigindleg rannsóknaraðferð ....................................................................... 41
3.3.1 Viðtöl ........................................................................................................ 41
3.3.2 Viðtalsvísir ................................................................................................ 42
3.3.3 Réttmæti og áreiðanleiki rannsóknar ....................................................... 43
3.4 Úrtak ........................................................................................................... 44
v
3.5 Gagnaöflun ................................................................................................. 45
3.6 Úrvinnsla gagna .......................................................................................... 45
3.7 Siðferðilegir þættir ..................................................................................... 46
3.8 Takmarkanir rannsóknarinnar .................................................................... 47
3.9 Þátttakendur ............................................................................................... 48
4 Niðurstöður ............................................................................................ 50
4.1 Fyrstu hugmyndir að úrræðinu Stuðningurinn heim ................................. 50
4.2 Uppeldisráðgjöf á heimilum notenda ......................................................... 52
4.3 Viðhorf notenda til starfsemi Stuðningsins heim ....................................... 54
4.4 Hugmyndir notenda að úrbótum ............................................................... 61
4.5 Viðhorf starfsmanna til starfsemi Stuðningsins heim ................................ 65
4.6 Viðhorf til og upplifanir af skipulagsbreytingum árið 2012 ........................ 69
5 Umræður ................................................................................................ 73
5.1 Stuðningurinn heim: Forvarnarúrræði ....................................................... 73
5.2 Fyrstu hugmyndir að úrræðinu Stuðningurinn heim ................................. 74
5.3 Uppeldisráðgjöf á heimilum notenda ......................................................... 75
5.4 Viðhorf notenda til starfsemi Stuðningsins heim ....................................... 76
5.5 Hugmyndir notenda að úrbótum ............................................................... 79
5.6 Viðhorf starfsmanna til starfsemi Stuðningsins heim ................................ 80
5.7 Viðhorf til og upplifanir af skipulagsbreytingum árið 2012 ........................ 81
6 Lokaorð .................................................................................................. 83
Heimildir ......................................................................................................... 85
7 Fylgiskjal A: Leyfi Velferðarsvið Reykjavíkurborgar .................................. 91
8 Fylgiskjal B: Viðtalsvísir: Notendur Stuðningsins heim ............................. 92
9 Fylgiskjal C: Viðtalsvísir: Starfsmenn Stuðningsins heim ........................... 94
10 Fylgiskjal D: Kynningarbréf ...................................................................... 96
11 Fylgiskjal E: Upplýst samþykki ................................................................. 98
1
1 Inngangur
Foreldrahlutverkið er án efa eitt mikilvægasta hlutverk sem foreldrar taka að sér
á lífsleiðinni. Flestir foreldrar vilja standa sig og veita börnum sínum gott uppeldi
en allir foreldrar geta lent í því að þykja uppeldið krefjandi og vita ekki hvernig á
að takast á við aðstæður. Í sumum tilfellum geta erfiðleikar orðið foreldrum um
megn þar sem þeir vita ekki hvernig á að takast á við vandamálið. Það getur verið
erfitt að viðurkenna að upplifunin af foreldrahlutverkinu sé krefjandi og
sömuleiðis að þiggja aðstoð þegar hún býðst. Það sem skiptir mestu máli er að til
sé þjónusta sem aðstoðar foreldra og fjölskyldur við að takast á við
uppeldistengd vandamál. Í Reykjavík er til slíkt úrræði sem hefur vinnuheitið
Stuðningurinn heim – Uppeldisráðgjöf. Starfið gengur út á að starfsmaður með
menntun á sviði uppeldisfræða fer inn á heimili fjölskyldna og hjálpar þeim að ná
þeim markmiðum sem þau hafa sett, en ritgerð þessi fjallar um könnun á
upplifun þeirra sem hafa þegið Stuðninginn heim.
Aðdragandi rannsóknarinnar er sá að velferðarsvið Reykjavíkurborgar
lagði fram ósk um að MA-nemi í félagsráðgjöf tæki að sér að rannsaka úrræðið
Stuðningurinn heim. Rannsakandi hafði aldrei heyrt um úrræðið og þótti efnið
áhugavert. Það getur talist kostur að hafa enga þekkingu á úrræðinu þar sem
rannsakandi hefur enga fyrirfram mótaða hugmynd um Stuðninginn heim sem
geta litað niðurstöður rannsóknarinnar. Sjálfur er rannsakandi foreldri og skilur
að uppeldið getur verið krefjandi og að foreldrar geti þurft aðstoð við að takast á
við erfiðleika tengda uppeldishlutverkinu.
Rannsókn þessi hefur bæði þekkingarlegt og hagnýtt gildi. Þekkingarlegt
gildi rannsóknarinnar er að kanna viðhorf og upplifun þeirra sem hafa nýtt sér
Stuðninginn heim og hvort það nýtist þeim enn í dag sem þeir lærðu í úrræðinu.
Með því að leitast eftir sjónahorni notenda er hægt að athuga hvort notendur
telja árangur af starfinu. Ásamt því verður notendum þjónustunnar gefið
tækifæri á að koma með hugmyndir um hvernig hægt væri að bæta þjónustuna.
Hagnýtt gildi rannsóknarinnar er að afla upplýsinga fyrir stjórnendur Stuðningsins
heim og velferðarsvið Reykjavíkurborgar þar sem hægt verður að nýta
2
niðurstöður rannsóknarinnar til áframhaldandi þróunar á úrræðinu. Leitast er við
að svara eftirfarandi rannsóknarspurningum:
1. Hvað vissu notendur um Stuðninginn heim áður en þeir fengu
þjónustuna?
2. Hvert er viðhorf notenda til og upplifun af þjónustunni Stuðningurinn
heim?
a. Nýta foreldrar enn í dag það sem þeir lærðu af Stuðningnum
heim?
3. Telja notendur að hægt sé að bæta þjónustuna?
4. Hvaða viðhorf hafa starfsmenn Stuðningsins heim til vinnu sinnar?
Ritgerðin er byggð upp á sex meginköflum sem eru inngangur, fræðileg
umfjöllun, aðferð, niðurstöður, umræður og lokaorð.
Að loknum almennum inngangi er fræðileg umfjöllun. Í kaflanum er fjallað
um áhrif stjórnvalda til að veita barnafjölskyldum þjónustu í landinu. Hvaða
ákvarðanir hafa verið teknar af stjórnvöldum sem gera það að verkum að hægt sé
að bjóða slíka þjónusta. Úrræðið Stuðningurinn heim er skoðað, skipulag starfsins
og saga úrræðisins rakin. Fjallað er um hugmyndafræði úrræðisins, niðurstöður
þjónustukannana og önnur úrræði sem reglulega eru notuð samhliða
Stuðningnum heim. Rakin verður saga heimsókna til notenda sem eru notaðar í
þeim tilgangi að veita þjónustu og hvernig starfsstétt félagsráðgjafa hefur orðið
fyrir áhrifum frá þeirri nálgun. Kerfiskenning er einnig skilgreind. Þar kemur fram
að einstaklingar innan sama kerfis verða fyrir áhrifum hver frá öðrum. Hvernig
viðhorf og upplifanir foreldra til foreldrahlutverksins hafa áhrif á uppeldið sem
þau veita. Að lokum eru skoðaðar bæði niðurstöður íslenskra og erlendra
rannsókna á sambærilegum úrræðum og farið yfir árangurinn af því að veita
foreldrum stuðning við uppeldishlutverkið inni á heimilum þeirra.
Að lokinni fræðilegri umfjöllun er fjallað um aðferð rannsóknarinnar. Í
þeim kafla er greint frá rannsóknarspurningum, rökstuðningi fyrir vali á
rannsóknaraðferð og úrtaki. Rannsóknaraðferðin er útskýrð og hvernig sú aðferð
er notuð við þessa rannsókn. Réttmæti og áreiðanleiki rannsóknaraðferðarinnar
er jafnframt skýrt. Einnig verður fjallað um gagnaöflun, úrvinnslu gagna,
3
siðferðislega þætti og takmarkanir rannsóknarinnar. Að lokum eru þátttakendur
rannsóknarinnar kynntir.
Fjórði kafli er tileinkaður niðurstöðum rannsóknarinnar. Niðurstöðurnar
eru birtar í formi þema sem leitast við að svara rannsóknarspurningunum. Þar
koma fram upplifanir og viðhorf notenda og starfsmanna Stuðningsins heim.
Fimmti kafli er umræðukafli þar sem rannsakandi setur niðurstöðurnar úr
fjórða kafla í samhengi við fræðilega umfjöllun sem kom fram í kafla tvö.
Rannsakandi svarar rannsóknarspurningum og tengir þær við niðurstöður og
fræðilega umfjöllun.
Sjötti og síðasti kafli ritgerðarinnar eru lokaorð. Þar verður
rannsóknarspurningunum svarað í stuttu máli og þar fær rannsakandinn að leggja
mat á eigin vinnu, taka fram styrkleika og veikleika ásamt því að fjalla um
hugmyndir að frekari rannsóknum.
Í lokin eru heimildaskrá og fylgiskjöl rannsóknarinnar. Í fylgiskjölum er
leyfisbréf velferðarsviðs Reykjavíkurborgar, tveir viðtalsvísar sem notaðir voru
sem leiðarvísar í viðtölum við viðmælendur, einn fyrir starfsmenn og annar fyrir
notendur Stuðningsins heim. Að lokum er kynningarbréf sem notendur í úrtaki
fengu ásamt upplýstu samþykki.
4
2 Fræðileg umfjöllun
2.1 Stefna og löggjöf sem styður barnafjölskyldur
Hér verður leitast við að skoða hvernig löggjöf og stefna yfirvalda hefur áhrif á þá
þjónustu sem barnafjölskyldum er veitt. Fjallað verður um þær ákvarðanir sem
yfirvöld ríkisins hafa tekið til að hún standi til boða. Til að hægt sé að veita
barnafjölskyldum stuðning inni á heimili þurfa að vera til skilgreind lög og stefna
yfirvalda sem kveða á um slíkt. Álitamál er hins vegar hvort ríkisstjórn hafi vald
og/eða beri skyldu til að veita þjónustu. Þótt ríkisstjórn hafi valdið er ekki víst að
hún telji sig bera skyldu til að sinna því hlutverki. Samkvæmt Thompson (2009) er
vald eitthvað sem er veitt einstaklingi eða stofnun til að inna af hendi þjónustu.
Valdið veitir leyfi til þess en þeim sem veitt er valdið ber ekki skylda til að
framfylgja því sem leyfið kveður á um. Ef ríkisstjórn er hins vegar skyldug til að
veita þjónustu verður hún að standa við þau lög og veita hana. Samningur
Sameinuðu þjóðanna um réttindi barnsins, eða Barnasáttmálinn eins og hann er
oft kallaður er gott dæmi um slíka löggjöf. Fram kemur að þær ríkisstjórnir sem
skrifa undir sáttmálann verði að kanna mál barns ef fram kemur grunur að þörf
sé á að vernda það frá skaða (Thompson, 2009).
Bæði hérlendis og úti í heimi hafa stofnanir verið starfandi með það að
markmiði að gæta hagsmuna barna sem ekki geta dvalist á heimilum sínum eða
hjá fjölskyldu af einhverri ástæðu. Niðurstöður rannsókna hafa hins vegar sýnt þá
skaðsemi sem barnið getur orðið fyrir við að dveljast á stofnun. Nú telja
fræðimenn að það sé réttur barna að fá að alast upp með fjölskyldu sinni,
hagsmunum þeirra sé best varið þar og aukin áhersla er lögð á að halda
fjölskyldum saman. Stofnanir eru enn til víðsvegar, þá sérstaklega í löndum þar
sem stjórnvöld hafa ekki nægilega góða stefnu í þessum efnum og þjónustu
skortir sem hefur það að markmiði að gæta hagsmuna barna (Dunn, Jarger og
Webb, 2007).
5
2.1.1 Barnasáttmálinn
Barnasáttmáli Sameinuðu þjóðanna var undirritaður af Íslands hálfu árið 1990 og
síðan fullgiltur árið 1992. Þann 27. nóvember 1992 öðlaðist Barnasáttmálinn gildi
á Íslandi (Barnasáttmáli Sameinuðu þjóðanna, e.d.). Fullgilding Barnasáttmálans
felur í sér að Ísland er skuldbundið til að virða og uppfylla ákvæði samningsins.
Íslensk löggjöf ætti því að vera í samræmi við Barnasáttmálann. Með undirskrift
er ríki að viðurkenna að börn þarfnist sérstakrar verndar. Hverjum sem kemur að
málefnum barna er skylt að gera það sem í hans valdi stendur til að framfylgja
samningnum. Hvort sem barn er búsett hjá foreldrum, öðrum ættingjum, í fóstri
eða á stofnunum þarf velferðarþjónustan að hafa forvarnarstefnur með það að
markmiði að gæta hagsmuna barna og vernda þau frá skaða (Bragi
Guðbrandsson, 2004). Fjallað er um að forvarnarstig sem þurfa að vera til staðar
svo hægt sé að vernda börn innan samfélagsins.
2.1.2 Fyrsta stigs forvörn
Fyrsta stigs forvörn eru stefna og áætlanir sem hafa það að markmiði að koma í
veg fyrir að barn hljóti skaða. Slík stefna og áætlanir sem snerta fjölskyldur eru
undirstaða velferðarkerfisins, þar sem markmiðið er að tryggja einstaklingum
grundvallarlífsskilyrði. Til að einstaklingur öðlist grundvallarlífsskilyrði þarf hann
að hafa heilbrigðisþjónustu, húsnæði, félagslegt öryggi og menntun. Skortur á
einhverjum af þessum þáttum mun valda skaða hjá fjölskyldunni og börnum sem
þar búa. Geti fjölskylda ekki séð sér fyrir einhverju af því sem skilgreint er sem
grundvallarlífsskilyrði, skal vera til staðar þjónusta sem miðar að því að aðstoða
hana. Slíkar forvarnir sem snúa að barnafjölskyldum eru til dæmis barnabætur,
fjárhagsaðstoð og fæðingarorlof (Bragi Guðbrandsson, 2004). Fjölskyldustefna
þarf að byggjast á réttindum einstaklingsins en það þýðir að hver einstaklingur á
rétt á félagslegu öryggi og þarf slíkt viðhorf að vera á öllum stigum samfélagsins
(Bragi Guðbrandsson, 2004).
2.1.3 Annars og þriðja stigs forvörn
Erfitt getur reynst að greina mun á annars og þriðja stigs forvörn. Skilgreiningin er
hins vegar sú að annars stigs forvörn eru áætlanir og úrræði sem leitast við að
greina snemma áhættuþætti eða erfiðleika og takmarka afleiðingar af því sem
6
þegar hefur orðið. Markmiðið með þriðja stigs forvörn er að koma í veg fyrir
áframhaldandi skaða (Bragi Guðbrandsson, 2004). Í allri Evrópu má finna
þjónustu sem flokkast undir annars stigs forvarnir þar sem gripið er inn í ef barn
verður fyrir skaða. Í ríkjum þar sem slíkar forvarnir eru við lýði þarf að vera
starfandi stofnun á vegum yfirvalda sem sér um að grípa inn í og bjóða viðeigandi
þjónustu (Bragi Guðbrandsson, 2004)
Stefnur og starfshættir eru afar misjafnir eftir þeim forsendum sem stofnun
vinnur eftir. Fræðimenn hafa fjallað um þá mótsagnakenndu starfshætti sem eiga
sér stað eftir því hvort verið er að bjóða fjölskyldu upp á stuðning eða að bjarga
barni úr óviðunandi aðstæðum. Í aðstæðum þar sem unnið er að því að styðja
fjölskyldur er áherslan lögð á að styrkja fjölskyldueininguna til að ná fram betri
virkni svo barn/börn alist upp við betri uppeldisaðstæður. Í tilfellum sem þessum
eru markmið stofnana að vinna í samstarfi með foreldrum og hjálpa þeim að
finna lausnir á eigin vandamálum. Í sumum málum telst vandamálið hins vegar
svo alvarlegt að heilsa og velferð barns/barna er í hættu ef yfirvöld eyða tíma við
að komast að samkomulagi við foreldra. Í slíkum málum þarf að kanna aðstæður,
framfylgja lögum, en það er málsmeðferð með það að markmiði að bjarga barni
úr aðstæðum sem teljast hættulegar. Bæði sjónarhornin koma fram í öllum
ríkjum en Bandaríkin aðhyllast frekar að bjarga barni úr aðstæðum á meðan
Norðurlöndin og aðrar Evrópuþjóðir leggja meiri áherslu að ná samvinnu við
foreldra (Bragi Guðbrandsson, 2004).
2.1.4 Hliðverðir
Án áhrifamikilla forvarnaraðgerða og úrræða er ólíklegt að árangur náist í
málefnum barna sem búa við bágar aðstæður. Nauðsynlegt er að einhver starfi
sem hliðvörður (e. gatekeeper) sem skoðar hvert mál þar sem markmiðið er að
finna úrræði og aðstoða skjólstæðing við að fá þá þjónustu sem hentar honum.
Þetta veldur einnig því að úrræðin nýtast betur. Hliðverðir skulu starfa eftir
góðum siðareglum, hafa þekkingu á aðstæðum fjölskyldna og upplýsa þær um
möguleika á þjónustuúrræðum þegar þörf þykir. Barnaverndarnefndir og
sveitarfélög eiga að hafa til umráða úrræði og þjónustu til að aðstoða fjölskyldur
sem eiga erfitt með barnauppeldið með það að markmiði að valdefla og virkja
7
foreldrana til að takast á við vandamál sín. Aðeins þegar búið er að reyna allt og
hlutlaus nefnd dæmir að barn teljist enn í hættu skal það tekið af foreldrum
sínum (Bragi Guðbrandsson, 2004).
Meðal annarra má flokka félagsráðgjafa á þjónustumiðstöðum sem
hliðverði að stuðningsúrræðum eins og Stuðningurinn heim, en úrræðið er
aðeins í boði ef félagsráðgjafar eða starfsmenn barnaverndar bjóða notendum og
sækja um þjónustuna fyrir hönd þeirra (Aðalbjörg Valberg munnleg heimild, 6.
september 2012). Samkvæmt 2. gr siðareglna Félagsráðgjafafélags Íslands segir
að félagsráðgjöfum beri skylda til að upplýsa skjólstæðing um réttindi sín ásamt
því að veita honum þekkingu um úrræði og möguleika til stuðnings
(Félagsráðgjafafélag Íslands, e.d.). Samkvæmt því ber félagsráðgjöfum að kynna
úrræðið fyrir skjólstæðingum ef þeir uppfylla kröfurnar sem þarf til að fá
Stuðninginn heim.
2.1.5 Yfirvöld og foreldrar
Í tilfellum þegar yfirvöld þurfa að hafa afskipti af fjölskyldu getur hlutverk
foreldra verið óljóst. Foreldrar geta bæði lent í því að vera í samvinnu við yfirvöld
eða að vera útilokuð frá málefnum barna sinna. Nú er viðhorfið að nauðsynlegt
sé að vinna í samstarfi við foreldra til að gæta öryggis barna. Fagmenn eru á
þeirri skoðun að fjölskyldan er sérfræðingurinn í sínum eigin málum. Einnig hafa
börn betri upplifun af þjónustu ef foreldrar eru virkir þátttakendur í lífi þeirra á
meðan á þjónustu stendur (Bragi Guðbrandsson, 2004).
8
2.2 Stuðningurinn heim
Hér verður fjallað um þjónustuúrræðið Stuðningurinn heim – uppeldisráðgjöf
ásamt skipulagi og markmiðum starfsins. Úrræðið verður skoðað í sögulegu ljósi,
það er hvernig og af hverju úrræðið kom til sögunnar. Fjallað verður um þá
hugmyndafræði sem úrræðið starfar eftir og niðurstöður úr þjónustumatskönnun
Stuðningsins heim frá árunum 2009-2011. Önnur úrræði eru reglulega notuð
samhliða Stuðningnum heim og verður þjónusta þessara úrræða skoðuð. Einnig
eru sambærileg úrræði í Reykjavík sem miða að því að styrkja foreldra í
uppeldishlutverkinu. Stuðningurinn heim er fyrir fjölskyldur sem eru búsettar í
Reykjavík en aðeins verður fjallað um sambærileg úrræði sem í boði eru í því
sveitarfélagi sem um ræðir þrátt fyrir að hægt sé að finna fleiri úrræði á
landsvísu.
2.2.1 Stuðningurinn heim – uppeldisráðgjöf
Stuðningurinn heim - uppeldisráðgjöf er skammtímaúrræði sem hefur verið
starfandi frá árinu 2001 og heyrir undir velferðarsvið Reykjavíkurborgar.
Markmið starfseminnar er „að leiðbeina fjölskyldum við uppeldi og umönnun
barna sinna og styrkja þær í foreldrahlutverkinu“ (Cynthia L. Jeans og Sveindís A.
Jóhannsdóttir, 2003, bls 5). Starfsmaður með þekkingu í uppeldisfræðum fer inn
á heimili fjölskyldna og aðstoðar þær við að ná tilsettum markmiðum. Þjónustan
stendur fjölskyldum til boða í sex til átta vikur þar sem starfsmaður heimsækir
hverja fjölskyldu tvisvar í viku og tekur hver heimsókn um það bil eina og hálfa til
tvær klukkustundir. Vinnutími starfsmanna miðast við þarfir hverrar fjölskyldu og
getur heimsóknin átt sér stað á bilinu frá klukkan átta að morgni fram til klukkan
níu á kvöldin (Aðalbjörg Valberg munnleg heimild, 6. september 2012; Cynthia L.
Jeans og Sveindís A. Jóhannsdóttir, 2003).
Við stofnun fékk úrræðið nafnið Stuðningurinn heim. Stuttu eftir að
úrræðið tók til starfa kröfðust starfsmenn að nafninu yrði breytt í Stuðningurinn
heim - Uppeldisráðgjöf. Ástæðan fyrir breytingunni er að notendur misskildu
reglulega útá hvað þjónustan gekk. Misskilningurinn fólst í því að mörgum þótti
nafnið Stuðningurinn heim vísa til þjónustu á borð við heimilisþrif,
matarsendingar og fleira í þá átt. Með því að bæta orðinu uppeldisráðgjöf í
9
titilinn var markmiðið að gefa skýrt til kynna um hvernig starfsemi væri að ræða
(Aðalbjörg Valberg munnleg heimild, 6. september 2012).
Úrræðið Stuðningurinn heim starfar undir velferðarsviði Reykjavíkurborgar
og „vinnur samkvæmt lögum nr. 40/1991 um félagsþjónustu sveitarfélaga,
barnalögum nr. 20/1992, lögum nr. 59/1992 um málefni fatlaðra og
barnaverndarlögum nr. 80/2002“ (Cynthia L. Jeans og Sveindís A. Jóhannsdóttir,
2003).
Þær kröfur sem settar eru fram af velferðarsviði til notkunar á þjónustunni
eru að fjölskyldur séu búsettar í Reykjavík, sýni vilja um samvinnu, séu ekki í
neyslu og að félagsráðgjafi þjónustumiðstöðvar mæli með Stuðningnum heim
fyrir tiltekna fjölskyldu. Aðeins félagsráðgjafar á þjónustumiðstöð og barnavernd
Reykjavíkurborgar geta sótt um úrræðið fyrir hönd fjölskyldu (Aðalbjörg Valberg
munnleg heimild, 6. september 2012; Cynthia L. Jeans og Sveindís A.
Jóhannsdóttir, 2003). Á árunum 2009-2011 var starfandi inntökuteymi sem sá um
umsóknir í öll úrræði á vegum velferðarsviðs Reykjavíkurborgar. Hlutverk
inntökuteymisins var að ákveða hvort úrræði eins og Stuðningurinn heim hentaði
þeim fjölskyldum sem sóttu um. Hlutverk þess var einnig forgangsröðun umsókna
og að benda á önnur úrræði ef þau voru talin henta betur (Aðalbjörg Valberg
munnleg heimild, 6. september 2012).
2.2.1.1 Skipulag og starfsemi
Byrjað er á að bjóða foreldrum á kynningarfund þar sem þeir hitta félagsráðgjafa
og að minnsta kosti tvo starfsmenn Stuðningsins heim. Sá starfsmaður sem
kemur til með að vinna með fjölskyldunni mætir á fyrsta fundinn svo foreldrar og
starfsmaður fá tækifæri til að hittast fyrir fyrstu heimsóknina. Tilgangur
kynningarfundarins er að starfsmenn og fjölskyldur fari saman yfir þau markmið
sem foreldrarnir vilja ná á næstu sex til átta vikum. Þegar starfsmaður og
foreldrar hafa sammælst um markmiðin er fyrsta heimsóknin á heimili
fjölskyldunnar skipulögð. Starfsmenn Stuðningsins heim vinna eftir þeirri
vinnureglu að tveir starfsmenn mæti á kynningarfundinn og í fyrstu heimsókn.
Einn starfsmaður í fullri vinnu ber ábyrgð á fimm fjölskyldum í senn og vinnur í
flestum tilfellum einn með hverri fjölskyldu á því tímabili sem stuðningurinn er
10
veittur. Starfsmenn hafa öryggi af því að hafa annan starfsmann með sér í fyrstu
heimsókn því mikil óvissa ríkir oft varðandi það á hverju er von. Það er helst
hugsað sem stuðningur starfsmanns að hafa annan með sér, ef mál fjölskyldu eru
talin flókin eða fjölskyldumeðlimir margir. Sumar fjölskyldur þurfa mikla aðstoð
og getur þá starfsmaður leitað til þess starfsmanns sem mætti með honum í
fyrstu heimsókn til að veita fjölskyldunni frekari stuðning. Einnig getur það gefið
foreldrum aukið öryggi að fá tvo starfsmenn Stuðningsins heim ef skyldi koma
upp sú staða að annar starfsmaðurinn forfallist. Í slíkum tilfellum getur hinn
starfsmaðurinn tekið við málinu þótt slíkt gerist afar sjaldan. Hugsunin með að
hafa tvo starfsmenn er sú að ekki verði afturför í starfi með fjölskyldu þó að
starfsmaður forfallist eða skipta þurfi alfarið um starfsmann. Í fæstum tilfellum
kemur upp sú staða að auka starfsmaðurinn þurfi að koma inn í málið en hann er
aðallega hugsaður sem öryggisventill, bæði fyrirfjölskyldu og starfsmann (Cynthia
L. Jeans og Sveindís A. Jóhannsdóttir, 2003).
Stöðufundur er haldinn fjórum vikum eftir að starfið með hverri fjölskyldu
er hafið. Markmið fundarins er að foreldrar, starfsmenn og félagsráðgjafi geti
komið saman og farið yfir starfið síðastliðnar fjórar vikur. Á fundinum fá allir að
tjá sig um hvernig þeim finnst starfið ganga. Fjallað er um hvort vinna
fjölskyldunnar stefni að því að ná tilsettum markmiðum, hvort einhverjum
markmiðum hafi verið náð og/eða hvort vinna þurfi að nýjum markmiðum.
Stöðufundurinn er einnig notaður til að tala við þá foreldra sem ekki hafa nýtt sér
þjónustuna. Foreldrum sem ítrekað afboða og/eða eru ekki heima þegar
starfsmaður mætir heim til þeirra er boðið að hætta þátttöku og sækja um aftur
þegar þeir eru tilbúnir að þiggja þjónustuna. Samkvæmt Aðalbjörgu Valberg gera
flestir foreldrar sér grein fyrir því að þeir þurfi á stuðningi að halda og nýta sér því
allan þann stuðning sem í boði er (Aðalbjörg Valberg munnleg heimild, 6.
september 2012).
Eins og áður hefur komið fram býður Stuðningurinn heim foreldrum upp á
stuðning í heimahúsi í sex til átta vikur. Flestir fjölskyldur klára tímabilið en það
getur verið misjafnt hvenær fjölskyldur útskrifast úr úrræðinu. Útskrift úr
úrræðinu fer oft eftir því hvenær fólk nær markmiðum sínum. Fjölskyldur glíma
við mismunandi erfiðleika og því næst mismikill árangur á sex til átta vikum.
11
Áður en fjölskyldur eru útskrifaðar úr úrræðinu er staða þeirra endurmetin og
ákvörðun tekin með þeim um hvort þær þurfi á frekari eða annarskonar stuðningi
að halda, eins og tilsjón. Þjónustan var hugsuð þannig að Stuðningurinn heim
næði fram einhverjum breytingum og síðan tæki tilsjón við til að viðhalda þeim
árangri sem náðst hefði. Almennt geta fjölskyldur hætt í úrræðinu hvenær sem er
á tímabilinu, nema í barnaverndarmálum þar sem sterk krafa er gerð um að
foreldrar ljúki úrræðinu. Ef starfsmenn úrræðisins eru á þeirri skoðun að aukinn
stuðningur muni gagnast fjölskyldu eða sérstakar aðstæður eru uppi er hægt að
framlengja tímabil Stuðningsins heim. Fjölskyldum sem eru tilbúnar að ljúka
úrræðinu er stundum boðin eftirfylgni þar sem starfsmaður heimsækir þær einu
sinni í mánuði í allt að þrjá mánuði eða þeim er boðið að hringja ef eitthvað
kemur upp á. Fjölskyldur sem hafa náð árangri og eru enn óvissar um að geta
tekist á við aðstæður sínar án stuðnings finna mikið öryggi í eftirfylgninni
(Aðalbjörg Valberg munnleg heimild, 6. september 2012).
2.2.2 Saga Stuðningsins heim
Þjónustuúrræðið Stuðningurinn heim – uppeldisráðgjöf hóf starfsemi í Reykjavík
1. júní árið 2001. Aðalbjörg Valberg hefur verið forstöðukona úrræðisins frá
stofnun þess. Lítið hefur verið skrifað um sögu úrræðisins og hvernig það kom til.
Tekið var upplýsingaviðtal við Aðalbjörgu Valberg með það að markmiði að
skrásetja sögu þess.
2.2.2.1 Fyrir tíð Stuðningsins heim
Fyrir stofnun úrræðisins Stuðningsins heim voru starfandi tvö vistheimili í
Reykjavík fyrir börn frá fæðingu til tólf ára aldurs. Vistheimilin voru á
Laugarásvegi 39 og Hraunbergi 15. Aðalbjörg Valberg starfaði sem forstöðukona
vistheimilisins í Hraunbergi. Bæði þessi heimili eru enn starfandi en ekki í sömu
mynd og áður (Aðalbjörg Valberg munnleg heimild, 6. september 2012).
Fyrir tíð Stuðningsins heim voru forsendur fyrir dvöl barna á
vistheimilunum fjölbreyttar. Málin töldust misalvarleg, frá þungum
barnaverndarmálum og yfir í mál þar sem foreldrar þurftu frekari stuðning í
uppeldishlutverkinu. Eitt af hlutverkum vistheimilanna var að styðja foreldra og
kenna þeim nýja færni í barnauppeldi. Til að slíkur stuðningur gæti átt sér stað
12
þurftu börn að dvelja á vistheimilinu og foreldrar að mæta og vinna í samvinnu
með starfsfólki vistheimilisins. Starfsmenn vistheimilanna sáu að í mörgum
tilfellum var dvöl barnanna á vistheimilunum nauðsynleg en í öðrum málum var
hægt að flokka vandamál fjölskyldunnar sem væg. Hvort sem mál barnanna þóttu
alvarleg eða væg þótti flestum börnum erfitt að vera aðskilin frá foreldrum
sínum. Reglulega kom upp í umræðum stafsmanna að gott væri ef stofnað yrði til
úrræðis sem hægt væri að nota í vægari málum og koma þannig í veg fyrir vistun
barna. Með því að koma í veg fyrir vistun í vægari málum mætti komast hjá þeim
aðskilnað barna og foreldra sem verður við innlögn. Starfsmenn fundu fyrir þeirri
röskun sem varð á heimilislífi fjölskyldna þegar börn dvöldust á vistheimilinu.
Misjafnt var eftir málum hversu mikið foreldrar máttu umgangast börnin sín á
meðan á dvöl þeirra stóð. Í sumum tilfellum var krafa um að foreldrar væru allan
sinn frítíma með barninu á vistheimilinu. Margir foreldrar voru í vinnu og komu
þá fyrir og/eða eftir vinnu. Ástæða þess að foreldrar voru fengnir til að vera með
börnum sínum á vistheimilinu var sú að þá var hægt að nota tímann til að kenna
foreldrunum að taka á ýmsu sem var ábótavant heima fyrir. Markmiðið var að
kenna foreldrunum hvernig þeir gætu bætt ástandið heima og veita þeim
leiðsögn um þætti tengda uppeldi og heimilishaldi. Foreldrar fengu mikinn
stuðning frá starfsmönnum á meðan á dvöl barnanna stóð og í mörgum málum
náðist mikill árangur. Hins vegar var það reynsla starfsmanna að þessi árangur
hélt ekki alltaf til lengri tíma og hættan var sú að foreldrar færu aftur í sama far
þegar heim var komið. Þrátt fyrir vilja foreldra til að ná árangri var eins og þeir
ættu erfitt með að yfirfæra það sem þeir lærðu á vistheimilinu heim til sín. Í
mörgum tilfellum greindu foreldrar sjálfir frá því að þeir ættu erfitt með að nota
það sem þeir lærðu. Erfiðast fannst foreldrum að hafa ekki þann stuðning heima
sem þeir höfðu fengið á vistheimilinu og fannst þeim erfitt að hafa þolinmæði til
að breyta því sem þurfti. Í þeim tilfellum sem foreldrar óskuðu eftir
áframhaldandi stuðningi var ákveðið með samþykki starfsmanna að prófa að
fylgja fjölskyldunni eftir á heimili hennar. Starfsmaður sem bar ábyrgð á
fjölskyldu meðan barn dvaldist á vistheimilinu fór heim til barnsins einu sinni til
tvisvar í viku til að viðhalda þeim árangri sem náðist á vistheimilinu. Foreldrar
voru ánægðir með eftirfylgnina og áttu í kjölfarið auðveldara með að viðhalda því
13
sem þeir höfðu lært. Sú reynsla varð til þess að hugmynd varð til meðal
starfsmanna sem sneri að því að ekki hefðu allar fjölskyldurnar þurft að koma inn
á vistheimilið ef til væri þjónusta sem færi heim til fólks. Foreldrum þótti oft á
tíðum erfitt að barn þyrfti að fara í skammtímadvöl á vistheimili, sérstaklega í
eins litlu samfélagi og Reykjavík. Margir foreldrar fundu fyrir stimplun og upplifðu
skömm yfir því að barn þeirra hefði þurft að dveljast á vistheimili. Einnig voru
foreldrar hræddir um að barnið yrði tekið af þeim í lengri eða skemmri tíma. Ótti
foreldranna við að missa barn/börnin sín var alltaf til staðar og gat komið í veg
fyrir gott samstarf við starfsmenn vistheimilisins. Þótt margir foreldrar vildu ná
fram breytingum var grundvallarástæða vistunarinnar sú að fá foreldra til að læra
nýja færni við umönnun barna sinna. Foreldrar gátu því verið samvinnuþýðir
eingöngu til að fá barn/börn sín aftur heim og engin leið var að vita hvort árangur
héldist eftir að heim var komið. Dvöl barnanna á vistheimilunum var oft
þvingunarúrræði og getur þvingunin verið ein ástæðan fyrir því að stundum
reyndist erfitt að vinna í samstarfi við foreldra. Aðalbjörg Valberg telur að
foreldrar séu líklegri til að ná árangri þegar þeir sjálfir leita eftir aðstoðinni og eru
tilbúnir að leggja á sig vinnu til að ná fram breytingum innan fjölskyldunnar
(Aðalbjörg Valberg munnleg heimild, 6. september 2012).
2.2.2.2 Breyttar áherslur í þjónustu
Haustið 2000 urðu breytingar á starfsemi og skipulagi félagsþjónustunnar í
Reykjavík. Skipulagsbreytingarnar fólust í því að ábyrgð og meðferð
barnaverndarmála fluttist frá félagsþjónustu Reykjavíkur til skrifstofu
barnaverndar Reykjavíkur (Guðný Hildur Magnúsdóttir, 2002). Breytingarnar fólu
í sér að meiri áhersla var lögð á stuðningsvinnu og fyrirbyggjandi vinnu með
barnafjölskyldum í Reykjavík. Í kjölfarið var ákveðið að leggja niður annað
vistheimilið (Hraunberg 15) en eitt af markmiðum þeirrar ákvörðunar var að
forvarnarúrræði ættu að koma í staðinn fyrir þjónustu vistheimilisins og draga
ætti úr stofnanavistun barna. Þróa ætti stuðningsúrræði fyrir barnafjölskyldur þar
sem stuðningurinn yrði færður heim til fjölskyldna og unnið með þeim í þeirra
umhverfi. Starfshópur var skipaður sem átti að vinna að tillögum að slíku
stuðningsúrræði fyrir barnafjölskyldur í vanda. Niðurstöður starfshópsins voru
14
þær að úrræði sem fékk heitið Stuðningurinn heim ætti að „gera greiningu á þörf
fyrir stuðningi og kennslu, veita stuðning, hvatningu og kennslu til fjölskyldna og
veita almenna eftirfylgni í þeim málum sem þörf er á. Starfsmenn Stuðningsins
heim verða ávallt tímabundið inni í málefnum fjölskyldunnar og ef þörf er á
frekari stuðningi þá taki tilsjónarmenn við“ (Aðalbjörg Valberg o.fl., 2004, bls 3).
Markmiðið með Stuðningnum heim var að bæta uppeldisskilyrði barna og styrkja
foreldra í uppeldishlutverkinu með því að kenna þeim og styðja inn á heimilinu.
Vonast var til að vinnan hefði forvarnargildi þar sem starfsmenn myndu vinna
með foreldrum í von um að draga úr innlögnum barna á vistheimili (Aðalbjörg
Valberg munnleg heimild, 6. september 2012).
Þann 1. júní 2001 tók Stuðningurinn heim til starfa þar sem ætlunin var að
prófa að nálgast foreldra á þeirra forsendum. Helstu áhyggjur starfshópsins við
stofnun úrræðisins voru þær að foreldrar myndu ekki þiggja slíkan stuðning án
þvingunar. Starfshópurinn taldi Stuðninginn heim mikið inngrip og áhyggjur voru
uppi um að foreldrar væru ekki tilbúnir að fá ókunnuga manneskju inn á heimili
sitt til að fá aðstoð við uppeldishlutverkið. Starfsmenn Stuðningsins heim gerðu
sér grein fyrir því að ekki væri hægt að nálgast foreldrana með sama hætti og
hafði verið gert á vistheimilunum. Nú var meiri áhersla lögð á samvinnu með
foreldrum og unnið á þeirra forsendum. Fyrsta umsókn um úrræðið barst 15.
október 2001 en árið 2002 bárust samtals 272 umsóknir og 80 fjölskyldur luku
úrræðinu (Velferðasvið Reykjavíkurborgar, e.d.). Það kom starfsmönnum helst á
óvart hversu viljugar fjölskyldur voru að taka á móti og vinna með þeim. Var það
mat starfsmannanna að foreldrar væru fljótari að tileinka sér nýja færni í
heimahúsi en á vistheimilunum. Foreldrar voru einnig öruggari heima og líklegri
til að ná árangri (Aðalbjörg Valberg munnleg heimild, 6. september 2012). Nú
hefur úrræðið Stuðningurinn heim verið starfandi síðan 2001 en á tímabilinu
2001-2011 hafa 1033 fjölskyldur lokið úrræðinu (Velferðarsvið
Reykjavíkurborgar, e.d.).
15
2.2.3 Lausnamiðuð hugmyndafræði
Ákvörðun var tekin um áramótin 2002-2003 um að Stuðningurinn heim skyldi
starfa eftir lausnamiðaðri hugmyndafræði (e. Solution-Focused brief therapy)
(Cynthia L. Jeans og Sveindís A. Jóhannsdóttir, 2003). Áður en sú ákvörðun var
tekin kom í ljós að starfmenn Stuðningsins heim höfðu unnið í sambærilegum
anda og lausnamiðuð hugmyndafræði. Í kjölfarið var ákvörðun tekin um að unnið
yrði eftir þeirri hugmyndafræði þar sem hún var talin passa vel inn í markmið og
starfsemi úrræðisins (Aðalbjörg Valberg munnleg heimild, 6. september 2012).
Lausnamiðuð hugmyndafræði er nálgun sem hefur notið mikilla vinsælda
meðal þeirra fagstétta sem vinna með fólki. Frumkvöðull hugmyndafræðinnar var
Steve de Shazer en hann varð fyrir áhrifum kenninga Bateson‘s um samskipti og
hugmynda Milton Erickson sem fjalla um að ná fram breytingum. Insoo Berg átti
einnig stóran þátt í að þróa hugmyndafræðina. Berg ferðaðist um allan heim og
kenndi meðferðaraðilum hugmyndafræðina ásamt því að skrifa fjölda af bókum
og yfirfæra hugmyndafræðina á ný vandamál (Nichols, 2010).
Lausnamiðuð hugmyndafræði er róttæk nálgun í meðferð þar sem ekki er
talin þörf á að þekkja vandamálið til að bæta líðan skjólstæðings. Áhersla er lögð
á að hjálpa skjólstæðingunum að finna lausnir á eigin vandamálum.
Hugmyndafræðin byggist á því að ástæðan fyrir því að fólk nær ekki að vinna í
eigin vandamálum sé viðvarandi neikvætt hugarfar. Viðkomandi sér vandamálið
sem síendurtekið og gleymir þeim skiptum þar sem hann hefur náð tökum á
vandamálinu. Fjallað er um undantekningarnar þegar skjólstæðingur nær að
takast á við vandamálið. Áherslan er lögð á að finna undantekningarnar, því í
undantekningunum liggur lausn vandans. Með því að kenna fólki að tala og hugsa
jákvætt um aðstæður sínar fer það að sjá hlutina í nýju ljósi og er því líklegra til
að komast að eigin lausnum (Nichols, 2010).
Í rannsókn Gingerich og Eisengart (2000) var gerð samantekt á rannsóknum
sem skoðuðu árangur lausnamiðaðrar hugmyndafræði í meðferðarvinnu. Í ljós
kom að þeir sem fengu lausnamiðaða meðferð höfðu það mun betra en þeir sem
höfðu ekki fengið neina meðferð og þeir sem höfðu fengið lágmarks þjónustu á
vegum stofnana. Hins vegar fjölluðu rannsóknirnar ekki um aðrar
meðferðarnálganir og er því ekki vitað hvort lausnamiðuð hugmyndafræði virkar
16
betur en aðrar nálganir (Gingerich og Eisengart, 2000). Í greininni „Hvað virkar?“
segja frumkvöðlar nálgunarinnar, Shazer og Berg (1997) að þau vilji bara vita
hvort nálgunin skili einhverjum árangri hjá fólki en hafi ekki áhuga að vita hvort
hún virkar betur eða verr en aðrar meðferðarnálganir.
Lausnamiðuð nálgun er notuð við ýmsar aðstæður. Aðferðin er til að
mynda vinsæl meðal fjölskyldna sem búa við einhvers konar vandamál.
Rannsóknir á notkun lausnamiðaðrar nálgunar með foreldrum leiddu í ljós að
árangur varð á sviðum eins og bættri sjálfsmynd í foreldrahlutverkinu, betri
samskiptum og samkennd og í aukinni færni við að setja mörk (Gingerich og
Eisengart, 2000). Corcoran og Stephenson (2000) skoðuðu hvort lausnamiðuð
nálgun skilaði árangri hjá börnum með hegðunarvandamál. Með hugtakinu
hegðunarvandamál er átt við börn sem hafa fengið greiningu á borð við
hegðunarraskanir, námsraskanir, geðræn vandkvæði, athyglisbrest og ofvirkni.
Foreldrar barna sem luku meðferð sáu mikla framför í hegðun barna sinna að
lokinni meðferð.
Þrátt fyrir vinsældir hugmyndafræðinnar í meðferðarvinnu hefur hún verið
gagnrýnd. Fræðimenn vilja meina að lausnamiðuð nálgun horfi á aðstæður fólks
með of einföldum hætti, bæði séu aðferðirnar of einfaldar og gert sé ráð fyrir að
allir séu viljugir til að fá lausn á eigin vandamálum. Einnig er talið að ekki séu til
staðar nægar rannsóknir sem styðji að um góða meðferðarnálgun sé að ræða
(Stalker, Levene og Coady, 1990). Í rannsókn Mckergow og Korman (2009) svara
þeir niðurstöðum Stalker o.fl. (1990). Þar er sagt að ef aðferðirnar sem notaðar
eru í lausnamiðaðri nálgun eru skoðaðar út frá heildinni í samhengi við
hefðbundnar meðferðarnálganir virðast þær oft og tíðum kjánalegar. Hins vegar
sé það öll hugmyndafræðin sem skilar árangri í meðferðavinnu en ekki ákveðin
atriði. Oft skilar það sem meðferðaraðili gerir ekki meiri árangri en það sem aðrar
meðferðarnálganir leggja áherslu á að gera. Nokkur atriði sem meðferðaraðilar
lausnamiðaðrar nálgunar gera ekki er að grafast fyrir um hvað er að, finna
útskýringu á því af hverju það veldur vandamáli, spyrja skjólstæðing hvað komi í
veg fyrir að hann nái árangri og að halda því fram að hið ósagða sé merkilegra en
það sem skjólstæðingur segir. Meðferðaraðilar eyða ekki tíma í að grafast fyrir
um fyrri vandamál heldur hlusta eftir markmiðum sem skjólstæðingurinn vill ná
17
og vinna að því að ná þeim. Þeir sem aðhyllast þessa hugmyndafræði eru á því að
aðrar meðferðarnálganir virðast flækja líf viðkomandi og þar af leiðandi sé
erfiðara að komast að lausn vanda viðkomandi. Markmiðið er að gera meira á
styttri tíma en aðrar meðferðarnálganir. Til að svara niðurstöðum Stalker o.fl.
(1990) um að ekki séu til nægar rannsóknir sem sýna góðan árangur
aðferðarinnar vísa Mckergow og Korman (2009) í rannsókn Macdonald sem
skoðaði árangur lausnamiðaðrar nálgunar. Niðurstöður í 25
samanburðarrannsóknum sýndu að í 18 tilfellum var mestur árangur fenginn
með lausnamiðaðri meðferð. Í meira en 2800 málum þar sem lausnamiðuð
nálgun var notuð kom einnig fram að árangur næst í fleiri en 60% tilfella
(Mckergow og Korman, 2009).
2.2.4 Niðurstöður þjónustumats 2009-2011
Velferðarsvið Reykjavíkur hefur lagt fyrir notendur úrræðisins Stuðningurinn
heim matsblöð þar sem þeim gefst tækifæri til að koma skoðunum sínum um
úrræðið á framfæri. Þjónustumatið byggir á ellefu spurningum sem eru:
1. Hver ákvað að þú fengir Stuðninginn heim?
2. Hvernig var að fá starfsmann Stuðningsins heim inn á heimilið?
3. Hver ákvað hvað var gert í heimsóknum starfsmanns Stuðningsins heim?
4. Hvernig kom starfsmaður Stuðningsins heim fram við þig?
5. Hversu margar vikur hefðir þú viljað fá Stuðninginn heim?
6. Hversu oft í viku hefðir þú viljað fá Stuðninginn heim?
7. Hversu lengi hefðir þú viljað að starfsmaðurinn væri í heimsókn?
8. Gengur uppeldið í heildina litið betur eftir að hafa fengið Stuðninginn
heim?
9. Hversu oft hefur þú nýtt þér úrræðið Stuðningurinn heim?
10. Hefur þú nýtt þér önnur úrræði eða námskeið í sambandi við
uppeldismál?
11. Hvaða önnur úrræði eða námskeið hefurðu nýtt þér?
Rannsakandi skoðaði niðurstöður þjónustumats frá árunum 2009–2011.
Matsblaðið var lagt fyrir mismunandi fjölda notenda þjónustunnar Stuðningsins
heim á árunum 2009-2011. Árið 2009 svöruðu 51 einstaklingar matsblaðinu
18
(Velferðarsvið Reykjavíkurborgar, 2009) en 103 luku úrræðinu sama ár
(Velferðarsvið Reykjavíkurborgar, e.d.). Næstum helmingur notenda svaraði
matsblaðinu árið 2009. Árið 2010 svöruðu 22 notendur matsblaðinu á tímabilinu
janúar–maí 2010 (Velferðarsvið Reykjavíkurborgar, 2010b) en 117 fjölskyldur
luku úrræðinu árið 2010 (Velferðarsvið Reykjavíkurborgar, e.d.). Aðeins er hægt
að skoða þær upplýsingar fyrir árið 2010. Engar upplýsingar finnast um þau
matsblöð sem lögð voru fyrir á tímabilinu júní-desember 2010 og er því ekki hægt
að fjalla um þær niðurstöður. Árið 2011 luku 47 einstaklingar úrræðinu
Stuðningurinn heim (Velferðarsvið Reykjavíkurborgar, e.d.). Búið var að vinna úr
upplýsingum matsblaðanna sem lögð voru fyrir tímabilið janúar–maí en
niðurstöðurnar eru óljósar og því ónothæfar. Ekki finnast töluleg gögn sem lýsa
tímabilinu og er því ekki hægt að styðjast við niðurstöður tímabilsins janúar-maí
2011. Fyrir árið 2011 verður aðeins stuðst við svör 15 einstaklinga sem svöruðu
þjónustumatinu á tímabilinu júní–desember 2011 (Velferðarsvið
Reykjavíkurborgar, 2011b).
Matskönnunin inniheldur ellefu opnar og lokaðar spurningar ásamt
nokkrum undirspurningum. Fjallað verður ítarlega um fjórar spurningar sem
snerta þessa rannsókn sérstaklega. Þær spurningar eru: hvernig var að fá
starfsmann Stuðningsins heim inn á heimilið, hvernig kom starfsmaður
Stuðningsins heim fram við þig, hversu margar vikur hefðir þú viljað fá
Stuðninginn heim og gengur uppeldið í heildina litið betur eftir að hafa fengið
Stuðninginn heim? Niðurstöður hverrar spurningar verða birtar í formi taflna
ásamt umfjöllun um niðurstöðurnar.
Tafla 1. Viðhorf notenda við því að fá starfsmann Stuðningsins heim
inn á heimilið
Hvernig var að fá starfsmann Stuðningsins heim inn á heimilið?
2009 2010 2011 Alls
Hentaði vel að fá starfsmann inn á
heimilið 50 22 15 87 Vildi frekar hitta starfsmann utan
heimilis 1 0 0 1
Alls
51 22 15 88
19
Fram kemur í töflu 1 að allir nema einn sem tóku þátt í þjónustukönnuninni á
árunum 2009-2011 töldu það henta að fá starfsmann inn á heimilið. Með
spurningu tvö fylgdi undirspurning en þar var spurt: hvers vegna hafi hentað eða
ekki hentað að fá starfsmanninn inn á heimilið. Notendur svöruðu meðal annars:
„Vegna þess að vandamálið var inni á heimilinu“, „erum þá í okkar eigin
umhverfi“, „vegna þess að þá veit starfsmaðurinn betur hvað er í gangi og getur
ráðlagt betur“.
Tafla 2. Viðhorf notenda til framkomu starfsmanna Stuðningsins heim
Hvernig kom starfsmaður Stuðningsins heim fram við þig?
2009 2010 2011 Alls
Mjög vel 46 22 15 83
Frekar vel 5 0 0 5
Alls 51 22 15 88
Í töflu 2 eru aðeins birtir svarmöguleikar sem notendur svöruðu þrátt fyrir að
fleiri svarmöguleikar hafi staðið notendum til boða. Fram kemur að allir töldu
starfsmanninn hafa komið vel fram við sig meðan starfinu stóð. Mikil ánægja er
meðal notenda Stuðningsins heim með starfsfólkið sem þar starfar.
Tafla 3. Viðhorf notenda til tímalengdar úrræðisins
Hversu margar vikur hefðirðu viljað fá Stuðninginn heim?
2009 2010 2011 Alls
4 vikur eða minna 6 1 2 9
4 til 8 vikur 19 7 4 30
8 til 12 vikur 12 8 6 26
12 vikur eða meira 13 6 1 20
Alls 50 22 13 85
Tafla 3 sýnir að notendur vilja Stuðninginn heim í lengri tíma en vanalega er
veittur. Stuðningurinn heim stendur flestum til boða í sex til átta vikur. Þrír sem
svöruðu matsblaðinu tóku ekki afstöðu til spurningarinnar.
20
Tafla 4. Viðhorf notenda til þess hvort uppeldið gengur betur eftir að hafa
fengið Stuðninginn heim
Gengur uppeldið í heildina litið betur eftir að hafa fengið Stuðninginn heim?
2009 2010 2011 Alls
Miklu betur 27 13 8 48
Dálítið betur 18 9 5 32
Finn engan mun 2 0 1 3
Alls 47 22 14 83
Tafla 4 sýnir að nánast allir sem taka afstöðu til spurningarinnar greina frá því að
árangur sé af starfinu Stuðningurinn heim. Áttatíu einstaklingar telja að uppeldið
gangi miklu betur eða dálítið betur að loknu úrræðinu. Þrír telja sig ekki hafa
fundið neinn mun á uppeldinu fyrir og eftir Stuðninginn heim. Fimm einstaklingar
tóku ekki afstöðu til spurningarinnar. Ljóst er að flestir telja árangur af starfinu.
Undirspurning var við þessa spurningu þar sem notendur áttu að skilgreina hvað
gengi betur eftir Stuðninginn heim. Svör voru meðal annars: „Ég er ákveðnari,
rólegri og hef fleiri aðferðir við uppeldið“, „gott að fá staðfestingu á að maður er
að gera góða hluti“, „gott að fá hvatningu“ og „fékk góða punkta í sambandið við
uppeldið“.
Ljóst er samkvæmt þessum niðurstöðum að foreldrar eru almennt mjög
ánægðir með þjónustu Stuðningsins heim. Flestir telja að árangur sé af úrræðinu
eða telja að uppeldið gangi betur eftir þjónustuna. Notendur eru mjög ánægðir
með starfsmanninn og telja flestir að hann hafi komið annað hvort mjög eða
frekar vel fram við sig. Þjónustukönnunin sýndi einnig að margir notendur vilja að
Stuðningurinn heim sé í boði lengur en sex til átta vikur.
2.2.5 Önnur úrræði sem eru notuð samhliða Stuðningnum heim
Úrræðið Stuðningurinn heim er oft unnið samhliða öðrum úrræðum. Ef bæði
fjölskylda og starfsfólk Stuðningsins heim eru á þeirri skoðun að fjölskyldan muni
njóta góðs af auknum stuðningi er henni ráðlagt að þiggja önnur úrræði sem í
boði eru. Úrræði sem oft eru notuð samhliða Stuðningnum heim eru tilsjón,
persónulegur ráðgjafi og stuðningsfjölskylda (Cynthia L. Jeans og Sveindís A.
Jóhannsdóttir, 2003). Samkvæmt 24 gr. barnaverndarlaga nr. 80/2002 er fjallað
21
um úrræði sem veitt eru með samþykki foreldra. Úrræðin sem fjallað er um í 24
gr. barnaverndarlaga eru: að aðstoða foreldra í uppeldishlutverkinu og bæta
uppeldisaðstæður barna, að barni sé veittur stuðningur eða meðferð þegar við á
og að við ákveðnar aðstæður skuli barni eða fjölskyldu vera úthlutað
tilsjónarmanni, persónulegum ráðgjafa eða stuðningsfjölskyldu. Þegar sótt er um
slík stuðningsúrræði þarf að koma fram í áætlun hvert markmiðið með
afskiptinum sé og hvernig stuðningnum eigi að vera háttað. Stuðningstími á
úrræðunum tilsjón og persónulegur ráðgjafi er misjafn, alveg frá nokkrum dögum
upp í nokkur ár. Margar fjölskyldur glíma við fjölþættan vanda sem hefur staðið
yfir í langan tíma og má gera ráð fyrir að þær fjölskyldur geti þurft á langtíma
stuðningi að halda. Á tímabilinu sem fjölskylda þiggur þjónustuna skal meta
árangur hennar út frá barninu sem stutt er og fjölskyldu þess (Barnaverndarstofa,
e.d.b).
2.2.5.1 Tilsjón
Tilsjón er eitt af þeim úrræðum sem eru notuð samhliða Stuðningnum heim en
samkvæmt 22 gr. reglugerðar 652/2004 er átt við að tilsjón sé: „einstaklingur
sem er fenginn á vegum barnaverndarnefndar fyrst og fremst til að aðstoða
foreldra við að sinna forsjár- og uppeldisskyldum sínum svo sem best hentar hag
og þörfum barns“. Engar kröfur eru um menntun tilsjónarmanna en reynt er að
ráða einstaklinga sem hafa reynslu af því að starfa með börnum og foreldrum.
Mikilvægt er að tilsjónamaður búi yfir góðri færni til að hlusta, veita leiðbeiningar
og miðla þekkingu. Tilsjónarmaður á ekki alltaf að vera utanaðkomandi aðili en
stundum er talið betra ef tilsjónamaður er tengdur fjölskyldunni á einhvern hátt
(Barnaverndastofa, e.d.b).
2.2.5.2 Persónulegur ráðgjafi
Persónulegur ráðgjafi er stuðningsúrræði sem ætlað er að styrkja barn. Þess er
krafist að samband barns og persónulegs ráðgjafa byggi á gagnkvæmu trausti og
virðingu. Samkvæmt 23. gr. reglugerðar 652/2004 er persónulegur ráðgjafi:
„einstaklingur sem fenginn er á vegum barnaverndarnefndar fyrst og fremst til að
veita barni ráðgjöf og leiðbeiningar í þeim tilgangi að styrkja það félagslega og
tilfinningalega svo sem í sambandi við tómstundir, menntun og vinnu“. Starf
22
þeirra sem vinna sem persónulegir ráðgjafar snýr fyrst og fremst að barninu.
Persónulegur ráðgjafi þarf að læra að þekkja áhugamál barnsins og taka þátt í
þeim og geta hlustað á viðhorf þess og sjónarhorn. Barnið skal vera virkur
þátttakandi í að setja markmið, koma með hugmyndir um þætti sem það vill
breyta og hvernig sé hægt að ná fram þeim breytingum (Barnaverndarstofa,
e.d.b).
2.2.5.3 Stuðningsfjölskyldur
Fjallað er um stuðningsfjölskyldur í 26. gr. reglugerðar 652/2004 um úrræði á
ábyrgð sveitarfélaga samkvæmt ákvæðum barnaverndarlaga. Þar er
stuðningsfjölskylda skilgreind sem: „aðili sem er fenginn á vegum
barnaverndarnefndar fyrst og fremst til að taka á móti barni, eða í sumum
tilvikum barni og foreldrum, á einkaheimili í því skyni meðal annars að tryggja
öryggi barnsins, létta álagi af því og fjölskyldu þess og leiðbeina foreldrum og
styðja þá í uppeldishlutverkinu“ (26. gr. reglugerð 652/2004). Einnig er heimilt að
vista barn hjá stuðningsfjölskyldu í allt að sjö daga samfellt. Stuðningsfjölskylda
er ólík tilsjón og persónulegum ráðgjafa að því leyti að gildistími leyfisins er til
eins árs í senn. Þær fjölskyldur sem gerast stuðningsfjölskyldur þurfa að vera
tilbúnar að taka barn og í sumum tilfellum einnig foreldri inn á heimili sitt. Eins og
með önnur stuðningsúrræði þurfa allir sem koma að máli fjölskyldu að vera
upplýstir um markmiðin sem eru sett í upphafi starfsins. Til að starfið nái árangri
þarf stuðningsfjölskylda að mynda náin tengsl við barnið og oft einnig foreldra
þess (Barnaverndarstofa, e.d.b).
2.2.6 Stuðningur á heimili sem miðar að uppeldisráðgjöf
Stuðningurinn heim er fyrsta úrræði sinnar tegundar hérlendis. Áður en úrræðið
varð til var ekkert annað skammtímaúrræði inni á heimilinu sem miðaði að því að
styðja foreldra í uppeldishlutverkinu. Úrræðið Stuðningurinn heim er ekki byggt á
erlendri fyrirmynd heldur er þjónustan sprottin af hugmyndum starfshóps sem
kom saman árið 2000. Starfshópurinn taldi mikilvægt að vinna með fjölskyldum á
heimilum þeirra og að nálgunin væri góð fyrir foreldra sem væru viljugir til að
þiggja stuðninginn þar sem viljinn gerði foreldra líklegri til að ná árangri
(Aðalbjörg Valberg munnleg heimild, 6. september 2012). Stuðningurinn heim er
23
aðeins í boði fyrir foreldra sem eru búsettir í Reykjavík og því verða aðeins
skoðuð þau úrræði sem foreldrar í Reykjavík geta nýtt sér. Í boði eru sambærileg
úrræði, eins og Greining og uppeldisráðgjöf heim og Ráðgjafinn heim sem
einhverjir notendur Stuðningsins heim hafa einnig nýtt sér.
2.2.6.1 Greining og uppeldisráðgjöf heim
Annað úrræði sem er á vegum Barnaverndarnefndar heitir Greining og
uppeldisráðgjöf heim og var stofnað haustið 2008. Úrræðið er einungis fyrir
barnavernd Reykjavíkur og er markmið starfsins að greina uppeldisvanda hjá
fjölskyldum ásamt að veita þeim aukinn stuðning á heimilum þeirra. Úrræðið
stendur fjölskyldum til boða frá fæðingu barns til tólf ára aldurs. Aðferðir sem
stuðst er við í úrræðinu byggja á uppeldisbók Edward Christophersen og Susan L.
Mortweed. Einnig er beitt aðferðum sem hafa lengi verið notaðar við greiningar
og kennsluvistun á vistheimilum barna. Hugmyndafræði úrræðisins er að draga
úr vistun barna utan heimilis (Barnaverndarstofa, e.d. a).
2.2.6.2 Ráðgjafinn heim
Ráðgjafinn heim er tímabundið þróunarverkefni í Reykjavík. Starfið gengur út á
að starfsmaður með menntun á sviði uppeldisfræða sem hefur þekkingu á ADHD
fer inn á heimili fjölskyldna þar sem grunur leikur á að barn sé með ADHD eða ef
barn hefur fengið slíka greiningu. Markmið starfsins er að hjálpa foreldrum að
vinna með krefjandi hegðun barna sinna í raunaðstæðum. Reynt er að draga úr
hegðunarvanda barna og styrkja jákvæða hegðun. Þjónustan er hönnuð í kringum
þarfir hverrar fjölskyldu, auk þess sem áhersla er lögð á samráð við aðra aðila
sem tengjast barni og fjölskyldu, svo sem skóla, heilsugæslu og fleira
(Velferðarsvið Reykjavíkurborgar, 2010a).
2.2.7 Breytingar á skipulagi Stuðningsins heim árið 2012
Breytingar hafa orðið á skipulagi þjónustuúrræða í Reykjavík árið 2012. Í skýrslu
Velferðarsviðs Reykjavíkurborgar 2011 kemur fram að megináhersla
velferðarráðs 2011 sé meðal annars að færa þjónustuna nær notandanum. Með
því er átt við að þjónustan á að vera aðgengileg notandanum á einfaldan hátt
óháð því hvar hann er búsettur í Reykjavík. Með því að færa öll þjónustuúrræði
24
inn á þjónustumiðstöðvarnar verður lögð áhersla á aukna samvinnu innan
hverfisins við stofnanir og samtök. Markmiðið með breytingunum er „að bæta
lífsgæði og nýta betur mannauð, fjármagn og fjárfestingu til hagsbóta fyrir íbúa.“
(Velferðasvið Reykjavíkurborgar, 2011a).
Rannsakandi tók viðtal við Stefaníu Sörheller verkefnastjóra
velferðarsviðs með það að markmiði að skilja breytingarnar sem urðu á
þjónustuúrræðinu Stuðningnum heim. Í mars 2012 færðist starfsemi Stuðningsins
heim inn á allar þjónustumiðstöðvar, en fyrir breytingarnar höfðu starfsmenn
unnið miðlægt og sá hópurinn um að þjónusta barnafjölskyldur í Reykjavíkur.
Markmið breytinganna var að þjónustuúrræði Reykjavíkurborgar ætti að standa
fjölskyldum til boða í því hverfi sem þær eru búsettar. Til að koma í veg fyrir
ósamræmi í þjónustu liggur fyrir kröfulýsing sem allir starfsmenn Stuðningsins
heim vinna eftir. Í kröfulýsingunni má finna almennar kröfur sem velferðarsvið
setur fram til að samræma þjónustuna milli þjónustumiðstöðva. Úrræði eins og
Stuðningurinn heim starfar eftir sömu hugmyndafræði eins og hefur verið gert
síðustu ár og markhópurinn er sá sami, nema unnið er frá öðrum stað. Fyrst og
fremst urðu breytingar á ytra skipulagi starfsins. Breytingarnar fólust í því að
aukin samvinna yrði milli annarra þjónustuúrræða og má þar nefna tilsjón,
liðveislu, persónulegan ráðgjafa og foreldrafærni- og uppeldisnámskeið sem
standa foreldrum til boða á þjónustumiðstöðvum svo eitthvað sé nefnt. Talið var
að þjónustan yrði enn öflugri ef þjónustuúrræði á vegum Reykjavíkurborgar
mætti finna inni á hverri þjónustumiðstöð auk þess sem það átti að auðvelda og
efla þverfaglegt samstarf milli ráðgjafa og auka samvinnu milli þjónustuúrræða.
Sem dæmi nefnir Stefanía að Stuðningurinn heim sé skammtímaúrræði en oft er
þörf á frekari þjónustu sem tekur við af úrræðinu. Markmiðið með því að veita
alla þjónustu á sömu þjónustumiðstöð getur auðveldað leiðina að öðrum
úrræðum, eins og tilsjón. Starfsmaður Stuðningsins heim og tilsjónarmaður geta
til dæmis unnið saman í einhvern tíma. Starfsmaður Stuðningsins heim getur
komið tilsjónarmanni inn í málið og því brúað bilið á milli úrræða. Með aukinni
samvinnu er hægt að draga úr líkum á að fjölskyldur þurfi að bíða lengi eftir
úrræðum eða þjónustu. Markmið breytinganna er að bæta þjónustu við
25
barnafjölskyldur í Reykjavík og gera hana skilvirkari (Stefanía Sörheller munnleg
heimild, 31. október 2012).
2.3 Heimsóknir sem þjónustuúrræði
Hér verður fjallað um heimsóknir sem þjónustuúrræði. Skoðaðar verða
heimsóknir til þjónustuþega í sögulegu ljósi og hvernig nálgunin tengist uppruna
starfsstéttar félagsráðgjafa. Einnig verður fjallað um hlutverk þeirra sem veita
þjónustu inni á heimilum og þætti sem þeir þurfa sérstaklega að hafa í huga við
slíkar aðstæður.
2.3.1 Saga heimsókna til þjónustuþega
Á seinni hluta síðustu aldar varð stefnubreyting í umönnun barna hjá
stjórnvöldum vestrænna ríkja. Dregið var jafnt og þétt úr stofnanavistun barna
þar sem upplýsingar komu fram um þær skaðlegu afleiðingar sem stofnanavist
kynni að hafa á börn. Niðurstöður ýmissa rannsókna bentu til þess að börn yrðu
fyrir skaða eins og seinkuðum þroska við aðskilnað frá foreldrum. Slíkar
niðurstöður urðu til þess að stjórnvöld reyna að halda fjölskyldum saman með
því að hanna forvarnir til að hægt sé að koma í veg fyrir aðskilnað barns frá
foreldri (Tolfree, 1995).
Þrátt fyrir slíkar stefnubreytingar er þjónusta á heimilum ekki nýtt
fyrirbæri. Í grein Beder (1998) The home visit, Revisited rekur hún sögu
félagsráðgjafa og heimsóknir sem þjónustuúrræði, þar sem kemur fram að lengi
hefur tíðkast að veita einstaklingsmiðaða þjónustu á einkaheimilum. Fyrstu
upplýsingar um þjónustu í heimahúsum má rekja til áranna þegar starfsgrein
félagsráðgjafa var enn í mótun. Samtökin Charity Organization Societies (COS)
eru stofnuð um 1870 í Bandaríkjunum og byggðist starf COS á vinnuframlagi
sjálfboðaliða. Stuðningurinn var í formi félagsskapar þar sem markmið
heimsókna sjálfboðaliðanna var að nálgast einstaklingana, kanna aðstæður þeirra
og bjóða þeim stuðning. Starfsemin spratt upp um öll Bandaríkin og var starfandi
í 92 borgum. Ekki voru til staðar nógu margir sjálfboðaliðar (sem voru í flestum
tilfellum konur) sem gátu gefið frítíma sinn til að anna eftirspurn eftir þjónustu
og út frá því urðu til starfandi félagsráðgjafar. Nokkrum árum síðar hóf Mary
Richmond störf innan COS samtakanna en hún hefur verið talin frumkvöðull
26
félagsráðgjafarinnar. Hún gjörbreytti hlutverki þeirra sem fóru í heimsóknir til
þjónustuþega. Starf þeirra sem heimsóttu þjónustuþega breyttist frá vingjarnlegri
heimsókn í meðvitað og uppbyggilegt starf. Áhersla var lögð á að safna gögnum
um einstaklinginn á markvissan hátt til að geta sett upplýsingarnar í stærra
samhengi. Greiningin sem varð til úr upplýsingaöfluninni var notuð til finna leiðir
til að virkja einstaklinginn í sínu umhverfi. Mary Richmond sá ágóða af því að
vinna slíka vinnu, bæði fyrir starfsmanninn og skjólstæðinginn. Áhersla var lögð á
að þekkja skjólstæðinginn og nærfjölskyldu hans og reyna að skilja félagslega-,
fjárhagslega- og menningarlega stöðu hans. Þættir sem þessir eru skoðaðir ásamt
því hvernig þeir hafa áhrif á líf skjólstæðingsins. COS lagði grunninn að þeirri hefð
að nálgast skjólstæðinga á heimilum sínum. Árið 1898 færðust heimsóknir til
skjólstæðinga inn í heilbrigðiskerfið þegar Emerson hannaði úrræði þar sem
læknar fóru heim til sjúklinga. Úrræðið var byggt á þeirri hugmynd að læknar
gætu betur skilið heilsufar skjólstæðingsins ef þeir hefðu þekkingu á félagsstöðu
hans. Hugmyndafræðin sem byggði á því hversu mikil áhrif félagsstaða
einstaklings hefði á heilsufar varð til þess að fyrsti félagsráðgjafinn var ráðinn á
sjúkrastofnun árið 1905. Í kringum 1950 voru heimsóknir til skjólstæðinga
notaðar til að nálgast hópa sem þótti fyrir tíð heimsókna erfitt að nálgast.
Heimsóknir af þessu tagi þóttu betri kostur þar sem starfið fór fram á heimilum
viðkomandi. Paterson og Cyr komust að þeirri niðurstöðu að heimilið hefði
styrkjandi áhrif á myndun tengsla milli skjólstæðings og starfsmanns auk þess
sem betri og áreiðanlegri upplýsingar fengust inni á heimilinu en hefðu fengist í
viðtali undir öðrum kringumstæðum (Beder, 1998). Í kringum 1960 var farið að
nota heimsóknir á vegum velferðarþjónustunnar til að kanna aðstæður barna í
barnaverndarmálum þar sem grunur lék á ofbeldi gagnvart barni. Árið 1974 varð
til úrræði í Bandaríkjunum sem fékk nafnið Homebuilders. Hlutverk úrræðisins
var að koma inn á heimili fjölskyldna og veita stuðning í von um að koma í veg
fyrir að aðskilja þyrfti foreldra og barn/börn. Homebuilders fóru inn á heimili
fjölskyldna sem félagsþjónustan skilgreindi sem of erfið til að hefðbundin
stuðningsúrræði á vegum félagsþjónustunnar gætu tekist á við þau. Börn á
slíkum heimilum töldust vera í hættu og miklar líkur voru á að yfirvöld þyrftu að
fjarlægja barnið af heimilinu ef engar breytingar yrðu innan fjölskyldunnar.
27
Fenginn var starfsmaður til að vinna með fjölskyldu inni á heimilinu. Fjölskyldan
hafði aðgang að starfsmanni á öllum tímum sólarhringsins í sex vikur. Öll
þjónusta var færð inn á heimili fjölskyldunnar. Markmiðið með þessu var að veita
fjölskyldunni einstaklingsbundna þjónustu og stuðning til að vinna úr sínum
málum. Ef fjölskyldan hafði ekki náð viðunandi árangri á sex vikum var staða
hennar endurmetin. Ef heilsa barns var talin í hættu var barnið fjarlægt af
heimilinu. Hombuildersúrræðið er enn starfandi víðsvegar um Bandaríkin. Um
1970 urðu í kjölfarið til fjölmörg þjónustuúrræði sem miða að því að styrkja fólk í
sínu eigin umhverfi. Einnig hafa orðið stefnubreytingar þar sem áhersla er lögð á
að styrkja fjölskyldur, bæta foreldrahæfni og vernda börn með því að veita
fjölskyldum aukinn stuðning. Aðrir kostir sem fylgja þeirri nálgun að vinna með
skjólstæðingum í heimahúsi eru að starfsmaður öðlast betri skilning á vanda og
aðstæðum viðkomandi og er því líklegri til að geta veitt betri þjónustu (Beder,
1998).
2.3.2 Hlutverk starfsmanna inni á heimilum skjólstæðinga
Starf inni á heimilum skjólstæðinga byggir á því að umhverfið á heimilinu hafi
áhrif á hvernig starf er unnið með fjölskyldunni sem þar býr. Starfsmenn þurfa að
hafa þekkingu og búa yfir tækni til að takast á við aðstæður sem upp geta komið í
starfi á heimilum skjólstæðinga. Hugað er að öryggi þeirra, mörkum, trúnaði og
siðferði sem upp kemur í starfi á heimilum skjólstæðinga. Þrátt fyrir klemmur
sem starfsmenn geta upplifað á heimilum skjólstæðinga veita slíkar heimsóknir
tækifæri til að skoða veruleika viðkomandi með því að verða vitni að
samskiptum, aðstæðum og siðum á heimilinu. Í kjölfarið er ekki jafn mikil þörf á
spurningum um aðstæður og samskipti þar sem starfsmaður verður vitni að því
frá fyrstu hendi (Allen og Tracy, 2008; Beder, 1998; Kadushin og Kadushin (1997).
2.3.2.1 Viðbrögð og viðhorf
Starfsmenn sem starfa inni á heimilum skjólstæðinga þurfa að huga að þáttum
sem aðrir starfsmenn stofnana velta ekki eins mikið fyrir sér. Í fyrsta lagi þarf
starfsmaður að vera meðvitaður um skoðanir sínar og viðbrögð. Hann þarf að
gera sér grein fyrir því að hann er að fara inn á heimili skjólstæðinga og þar með
inn í einkalíf þeirra (Allen og Tracy, 2008). Kadushin og Kadushin (1997) nefna að
28
heimsóknir starfsmanna hafa ávallt í för með sér einhvers konar röskun á
heimilishögum og hefðum fjölskyldunnar. Þótt skjólstæðingur sé ánægður með
að fá starfsmann inn á heimili sitt fylgir því alltaf einhver kvíði (Beder, 1998).
Starfsmaður þarf góða þekkingu á viðtalstækni og þarf að sýna mikinn
sveigjanleika í starfi til að hafa stjórn á aðstæðum sem geta skapast á heimilum
fólks (Allen og Tracy, 2008).
2.3.2.2 Að setja mörk
Eitt af því sem getur reynst starfsmönnum erfitt er að setja skjólstæðingunum
mörk. Þar sem heimsóknir fara fram á heimilum þeirra þarf starfsmaður að gera
sér grein fyrir því að á einhverjum tímapunkti taki hann þátt í fjölskyldulífinu
(Beder, 1998). Erfiðara er að setja skýr mörk um hlutverk skjólstæðings og
hlutverk starfsmanns. Umhverfi starfsins gerir það að verkum að minna
valdaójafnvægi er milli starfsmanns og skjólstæðings en tíðkast þegar starf er
unnið á stofnun eða skrifstofu félagsráðgjafa. Þar af leiðandi eru auknar líkur á að
bæði starfsmaður og skjólstæðingur fari yfir fagleg mörk þegar starfað er inni á
heimilum (Allen og Tracy, 2008).
2.3.2.3 Handleiðsla
Upplýsingar sem koma fram í heimsóknum geta verið yfirþyrmandi fyrir
starfsmenn. Hægt er að undirbúa sig með því að gera sér grein fyrir að farið sé
inn á heimili þar sem ákveðnar aðstæður hafa verið til staðar í einhvern tíma.
Einnig þurfa starfsmenn að vera viðbúnir að takast á við erfiðar aðstæður sem
geta haft áhrif á tilfinningalíf þeirra sjálfra. Mikilvægt er að starfsmenn leiti sér
aðstoðar á borð við handleiðslu til að vinna úr þeim tilfinningum sem þeir upplifa
vegna heimsókna á heimili skjólstæðinga (Beder, 1998).
2.3.2.4 Trúnaður
Starfsmenn sem starfa inni á heimilum fólks þurfa að vera vakandi fyrir mikilvægi
þess að halda trúnað. Starfsmanni ber siðferðileg skylda til að halda trúnað við
skjólstæðing sinn og upplýsingar sem koma fram í viðtali skulu ekki gerðar
opinberar. Þjónustuþegi er mun líklegri til að treysta starfsmanni og deila með
29
honum aðstæðum og upplifunum úr lífi sínu þegar trúnaður er til staðar
(Kadushin og Kadushin, 1997).
2.3.2.5 Siðferðisklemma
Hlutverk þeirra sem starfa inni á heimilum fólks getur verið tvíþætt. Í fyrsta lagi
að veita stuðning og ná markmiðum en hins vegar getur hlutverk þeirra verið að
kanna aðstæður þær sem fjölskyldan býr við. Tortryggni foreldra gagnvart
starfsmanni getur valdið því að erfitt getur verið að mynda tengsl við fjölskyldu
meðan starfsmaður er í því hlutverki að afla upplýsinga um skjólstæðinginn,
samskipti og aðstæður (Allen og Tracy, 2008).
2.3.2.6 Starfsánægja
Á síðustu árum hefur verið aukin áhersla á það meðal yfirmanna að kanna
starfsánægju starfsmanna sinna. Ómar H. Kristmundsson (1999) greinir frá
þremur ástæðum sem snúa að því af hverju nú sé hugað að starfsánægju
starfsmanna. Í fyrsta lagi er yfirmönnum annt um líðan og velferð starfsmanna, í
öðru lagi hefur starfsánægja áhrif á árangur í starfi þar sem óánægja getur valdið
verri þjónustu, minni afköstum og aukinni starfsmannaveltu. Og í þriðja lagi getur
óánægja í starfi verið vegna hnökra í stjórnun eða óviðunandi vinnuaðstæðna en
þá er átt við mikið vinnuálag, léleg laun eða langan vinnutíma. Að starfa inni á
heimilum þjónustuþega getur verið erfitt og jafnvel yfirþyrmandi (Beder, 1998).
Egan og Kadushin (2004) leituðust við að skoða starfsánægju félagsráðgjafa sem
starfa á heimilum fólks. Fyrri rannsóknir sýna að starfsánægja virðist tengjast
þremur þáttum. Í fyrsta lagi eru tengsl milli fjármagns til þjónustu og
starfsánægju, í öðru lagi tengist starfsánægja því þegar lausn finnst á málum þar
sem ágreiningur skapast og loks tengist starfsánægja því þegar starfsmaður
upplifir stuðning yfirmanna sinna. Niðurstöður leiddu í ljós að jafnvel þótt
umrætt starf sé mjög erfitt er starfánægja í því fólgin þegar yfirmenn eru
hjálpsamir við að leysa úr ágreiningi, finna lausn á erfiðleikum og veita
starfsmönnum stuðning (Egan og Kadushin, 2004).
30
2.4 Fjölskyldan
Í þessum kafla verða skoðaðir þættir sem hafa mest áhrif á þroska barns, hvernig
samskipti milli umhverfisþátta og kerfa hafa áhrif á einstaklinginn og fjallað
verður um hvernig viðhorf og afstaða foreldris til uppeldishlutverksins hefur áhrif
á þroska og færni barns í framtíðinni.
2.4.1 Kerfiskenning
Lengi hefur verið reynt að svara spurningunni um það hvaða þættir vegi þyngst í
þroska barns. Deilur hafa lengi verið uppi meðal fagaðila um það hvort erfðir eða
umhverfi séu frekar mótandi þættir í þroska barna. Margir fræðimenn taka ekki
afstöðu heldur telja að bæði erfðir og umhverfi barna hafi áhrif á og móti þroska
þeirra. G. Stanley Hall trúði því að þroski barna færi eftir innbyggðri
þroskaáætlun hjá börnunum og hægt væri að sjá út frá almennum reglum (e.
norms) að á ákveðnu aldurskeiði næðist ákveðið þroskastig. Að auki taldi hann að
umhverfið hefði meiri áhrif á barnið en innbyggða þroskaáætlunin (Bee og Boyd,
2010).
Ef það er rétt hjá G. Stanley Hall að umhverfið sé mikilvægur áhrifavaldur í
þroska barna vaknar sú spurning hvaða umhverfisþáttur það sé sem hefur mest
áhrif á líf einstaklingsins? Sigrún Júlíusdóttir (2001, bls. 153) greinir frá því að
„fjölskyldan er og verður mikilvægasta einingin fyrir tengslamyndun og
heilbrigðan tilfinningaþroska“. Til að skýra hvernig fjölskyldan hefur áhrif á líf
barna á uppvaxtarárunum er hægt að styðjast við kerfiskenninguna (e. systems
theory). Kerfiskenningin er kenning innan félagsráðgjafarinnar sem kom fram á
áttunda áratug síðustu aldar og varð til eftir að kenning innan líffræðinnar var
yfirfærð á félagslega kerfið. Von Bertalanffy er frumkvöðull kenningarinnar en
hann taldi allar lífverur vera kerfi sem ættu sín undirkerfi ásamt því að tilheyra
stærra kerfi. Upphaflega fjallaði kenningin um líffræðilega þætti, en innan
félagslega kerfisins fjallar kerfiskenningin um að einstaklingur tilheyri hópum,
eins og til dæmis fjölskyldu og hvernig fjölskyldan tilheyrir og tengist öðrum
kerfum (Payne, 2005). Kerfiskenning Bertalanffy gaf félagsráðgjöfum ramma til
að skoða áhrif og afleiðingar mismunandi þátta í lífi einstaklings. Einstaklingurinn
er ekki skoðaður út frá eigin áhrifum heldur er áhersla lögð á utanaðkomandi
31
félagslega þætti og samspil þeirra. Allir þættir eins og gagnvirkni, framkvæmd og
uppbygging mynstra sem myndast í félagslega heiminum eru mikilvægir í lífi fólks
og aðstæðurnar sjálfar verður að skoða sem heild innan kerfiskenningarinnar. Til
að öðlast skilning á erfiðleikum sem snúa að félagsvirkni einhvers er ekki nóg að
meta þann aðila og aðstæður hans, heldur þarf félagsráðgjafi að skilja flókið
samspilið milli einstaklingsins og þeirra félagslegu og líffræðilegu kerfa sem hann
tilheyrir. Einnig þarf að skilja hvaða merkingu og upplifanir viðkomandi tengir við
þessi kerfi (Andreae, 1996).
2.4.1.1 Fjölskyldukerfiskenning
Eins og önnur kerfi fjallar kerfiskenningin einnig um fjölskyldukerfið. Til að skilja
betur fjölskyldukerfið þarf að skilgreina hugtakið fjölskylda. Hugmyndir um það
hvað telst vera fjölskylda hafa tekið breytingum á síðustu áratugum og til eru
margar skilgreiningar á því hvað fjölskylda sé. Sigrún Júlíusdóttir segir:
„Fjölskyldan er hópur einstaklinga sem á sameiginlegt heimili þar sem þeir deila
tómstundum, hvíld, tilfinningum, efnahag, ábyrgð og verkefnum. Meðlimir eru
oftast fullorðnar manneskjur af báðum kynjum eða einstaklingar ásamt barni eða
börnum (þeirra). Þau eru skuldbundin hvort öðru í siðferðislegri, gagnkvæmri
hollustu“ (Sigrún Júlíusdóttir, 2001, bls 140). Hvernig sem fjölskyldan er
uppbyggð hafa fjölskyldumeðlimir ákveðnu hlutverki að gegna gagnvart þeim
sem henni tilheyra. Yfirleitt hjálpa fjölskyldueiningar hvor annarri og innan
hennar gefast tækifæri til að tjá sig og upplifa félagslegar aðstæður.
Fjölskyldumeðlimir deila björgum ásamt því að veita vernd og öryggi þeim sem
fjölskyldunni tilheyra. Fjölskyldan flokkast sem undirkerfi sem tilheyrir
samfélaginu. Hér verður fjallað um eftirfarandi atriði sem eiga við
fjölskyldukerfið. Heildin hefur meira vægi en einstaklingarnir innan
fjölskyldunnar. Ef einhverjar breytingar eru gerðar á hluta fjölskyldukerfisins má
ætla að breytingar komi einnig fram á öðrum stað innan kerfisins. Fjölskyldur
breytast með tímanum, einstaklingar innan fjölskyldu taka að sér mismunandi
hlutverk innan hennar á lífsleiðinni. Fjölskyldan flokkast sem opið kerfi þar sem
fjölskyldumeðlimir eiga í samskiptum og við aðra utan þessarar einingar. Engar
tvær fjölskyldur eru eins og mjög breytilegt er hversu nánar og opnar fjölskyldur
32
eru. Aðstæður eins og umhverfi er stór áhrifavaldur og getur haft áhrif á það hve
opnir og nánir meðlimir fjölskyldunnar eru. Truflun hjá einstaklingi innan
fjölskyldunnar má oft greina innan tilfinningakerfis fjölskyldunnar. Í starfi með
fjölskyldum þurfa fagaðilar að líta framhjá persónuleika hvers einstaklings og
veita því mun meiri athygli hvernig fjölskyldan virkar sem heild (Andreae, 1996).
2.4.2 Foreldrar, fjölskylda og barn
Börn eru félagsverur og eru þátttakendur í umhverfi sínu alveg frá fæðingu. Þeir
sem standa börnum næst eru í flestum tilfellum foreldrar þeirra og fjölskylda.
Börnin hafa áhrif á fjölskyldu sína alveg eins og fjölskyldan hefur áhrif á barnið.
Samskiptin sem barnið lærir af foreldrum og fjölskyldu vega þungt í þroska þess
og færni í framtíðinni (Belsky, Lerner og Spanier, 1984). Bornstein og Bradley
greina frá því að einn helsti áhrifaþáttur í vexti og þroska barns telst vera hvernig
foreldrar takast á við foreldrahlutverkið (Respler-Herman, Mowder, Yasik og
Shamah, 2011).
Mowder fjallar um að foreldrahlutverkið lærist í æsku þar sem foreldrar
nota aðferðir foreldra sinna sem fyrirmynd í uppeldi á eigin barni. Viðhorf og
ákvarðanir eru áhrifavaldar á það hvort barn fái gott eða slæmt uppeldi þar sem
foreldrar bregðast við barni sínu í samræmi við viðhorf sitt til barnauppeldis.
Mowder skilgreinir hvert hlutverk foreldra er. Þar kemur fram að
foreldrahlutverkið eigi að ná yfir sex víddir sem eru: að mynda tengsl, veita aga,
miðla þekkingu, huga að almennu heilsufari, vernda barnið gegn hættu, bregðast
við þegar leitað er til foreldranna og koma fram við barnið af tilfinninganæmi.
Mikilvægi og áherslur á þáttunum breytist eftir aldri og þroskastigi barns
(Respler-Herman o.fl., 2011).
2.4.2.1 Tengsl
John Bowlby var fyrstur til að vekja athygli á mikilvægi tengsla barna og
umönnunaraðila. Bowlby greinir frá því að tengslamyndun sé börnum eðlislæg og
nauðsynleg til að tryggja öryggi þeirra. Hann taldi að börn sem mynduðu tengsl
við umönnunaraðila væru líklegri til lifa af hættur úr umhverfinu vegna þess að
umönnunaraðili væri líklegri til að vernda barnið (Nichols, 2010). Það sem barnið
lærir á fyrstu æviárum varðandi tengsl er talið mikilvægt þar sem það mótar eða
33
setur hömlur á eiginleika barns til að mynda tengsl seinna á lífsleiðinni.
Rannsóknir á tengslum hafa leitt í ljós að tengsl hafa áhrif á uppeldi og þroska
ungbarna og hegðun þeirra í framtíðinni (Belsky o.fl., 1984). Bowlby greinir frá
því að þá umönnun og umhyggju sem er barni nauðsynleg megi helst finna innan
eigin fjölskyldu en erfiðara er fyrir barn að fá þessar þarfir uppfylltar utan
fjölskyldunnar. Fjölskyldan er mikilvægasta einingin sem barn tilheyrir. Bowlby
nefnir jafnframt að börn sem alast upp á lélegum heimilum eru líklegri til að
dafna þar en á góðri stofnun, þar sem stofnunin getur ekki komið í stað
fjölskyldunnar. Aðeins í þeim tilfellum þar sem foreldrar hafa afneitað barni sínu
telst fjölskyldan ekki vera besta umhverfi fyrir barn (Bowlby, 1952). Niðurstöður
rannsókna sýndu einnig afleiðingar þess ef barn er aðskilið frá móður. Barnið var
talið fara í gegnum nokkur stig eða mótmæli gegn aðskilnaðinum, örvæntingu og
að lokum tengslarof (Nichols, 2010). Barn sem elst upp á slæmu heimili er líklegt
til að neita að yfirgefa foreldri sem er jafnvel talið óhæft vegna þess hversu
mikilvæg tengslin við viðkomandi einstakling eru barninu (Bowlby, 1952).
2.4.2.2 Framkoma foreldris við barn
Framkoma foreldris gagnvart barni á uppvaxtarárunum skilur eftir sig djúpstæð
og varanleg áhrif á tilfinningalíf barns (Belsky o.fl., 1984: Goleman, 2000).
Framkoma foreldris getur verið allt frá hörðum aga, skeytingaleysi gagnvart
tilfinningum, upplifun og reynslu barns til nærgætni, skilnings og hlýju. Börn læra
tilfinningaleg samskipti af foreldrum sínum eða umönnunaraðila. Í ljós hefur
komið að foreldrar sem eiga góð tilfinningasamskipti og gæddir eru
tilfinningagreind eru líklegri til að geta stutt barn sitt í gegnum tilfinningasveiflur.
Til að skilgreina tilfinningageind notar Peter Salovey grunnskilgreiningu Howard
Gardners um persónugreindarþætti sem flokkast í fimm meginsvið. Samkvæmt
þeirri skilgreiningu hefur sá sem flokkast með tilfinningagreind eftirfarandi
eiginleika: að kunna skil á eigin tilfinningum, hafa stjórn á þeim, nota tilfinningar
til að hvetja sig áfram, búa yfir næmi til að geta lesið tilfinningar annarra og geta
ráðið við að vera í nánum samböndum en þau fela í sér áhrif á tilfinningar
annarra (Goleman, 2000).
34
Þrír þættir eru algengir í fari foreldra sem eiga erfitt með að tjá tilfinningar
sínar og eru þeir eftirfarandi: 1) Skeytingarleysi gagnvart barni og tilfinningum
þess. Í stað þess að bregðast við tilfinningalegu uppnámi barns með nærgætni
lítur foreldri á uppnám barnsins sem smámuni eða ónæði og viðbrögð
foreldranna eru að bíða þar til tilfinningalegt uppnám barnsins líður hjá. 2) Mikið
afskiptaleysi eru viðbrögð foreldra sem veita barninu athygli þegar það kemst í
uppnám en skipta sér ekki af því hvernig barnið bregst við ákveðnum aðstæðum.
Slíkir foreldrar leitast ekki við að kenna börnum sínum önnur tilfinningaleg
viðbrögð sem taka mið af aðstæðum. Foreldrarnir reyna eftir bestu getu að lægja
tilfinningalega uppnám barnsins. 3) Að bregðast við tilfinningum barns með
fyrirlitningu. Slíkir foreldrar bregðast harkalega við barni sínu með því að lýsa yfir
vanþóknun, gagnrýni og jafnvel hörðum refsingum ef barnið kemst í
tilfinningalegt uppnám (Goleman, 2000).
Þar sem markmið Stuðningsins heim er að styrkja foreldra í
uppeldishlutverkinu er mikilvægt að skilja áhrifin sem framkoma foreldris og
fjölskyldu gagnvart barni í æsku hafa á þroska þess og framtíðareiginleika. Eitt
markmiða starfsins er að kenna foreldrum betri leiðir til að eiga samskipti við
börnin sín og styrkja með því foreldra sem eiga erfitt í foreldrahlutverkinu. Eins
og fram hefur komið getur slíkt inngrip takmarkað þann skaða sem börn hafa
orðið fyrir, bætt uppeldisaðstæður þeirra og gefið þeim betri
framtíðarmöguleika.
35
2.5 Rannsóknir
Hér verður fjallað um niðurstöður íslenskra og erlendra rannsókna sem leitast við
að skoða árangur úrræða sem hjálpa foreldrum í heimahúsum með
uppeldishlutverkið. Skoðuð verður íslensk rannsókn sem fjallar um vilja foreldra
til að fá aukinn stuðning og árangur úrræða á höfuðborgarsvæðinu sem styðja við
foreldra í barnauppeldi.
2.5.1 Íslenskar rannsóknir
2.5.1.1 Stuðningur við foreldra í foreldrahlutverkinu
Komið hefur fram að Stuðningurinn heim er fyrsta skammtímaúrræði hérlendis
sem veitir þjónustu á heimilum fólks með það að markmiði að styðja foreldra í
uppeldishlutverkinu. Ein af kröfum Reykjavíkurborgar er að foreldrar vilji þiggja
þennan stuðning ásamt því að vera tilbúnir til að vinna í samstarfi við starfsmenn
Stuðningsins heim (Aðalbjörg Valberg, munnleg heimild, 6. september 2012). Í
rannsókn Birnu Maríu Svanbjörnsdóttir (2005) til M-Ed gráðu í
menntunarfræðum við Háskólann á Akureyri skoðaði hún hvort foreldrar vildu
almennt stuðning í foreldrahlutverkinu. Þátttakendur rannsóknarinnar voru 180
foreldrar sem áttu börn á aldrinum fjögurra til tólf ára og voru búsett í einu hverfi
á Akureyri. Niðurstaða rannsóknarinnar leiddi í ljós að 70% svarenda vildu frekari
stuðning í foreldrahlutverkinu með einum eða öðrum hætti. Þeir foreldrar sem
töldu sig færa í foreldrahlutverkinu óskuðu síður eftir stuðningi. Birna María
dregur þá ályktun að foreldrar taki hlutverk sitt alvarlega og að almennt sé vilji
fyrir því að fá aðstoð í foreldrahlutverkinu og jafnframt að foreldrar myndu þiggja
aðstoð ef hún stæði þeim til boða (Birna María Svanbjörnsdóttir, 2007).
2.5.1.2 Stuðningurinn heim – Þróun nýs úrræðis í félagsþjónustu
Sumarið 2003 var styrkur veittur frá Nýsköpunarsjóði námsmanna til að gera
úttekt á úrræðinu Stuðningurinn heim. Rannsakendur voru Cynthia Lisa Jeans og
Sveindís Anna Jóhannesdóttir og unnið var úr fyrirliggjandi gögnum og viðtöl
tekin við notendur og starfsmenn úrræðisins. Einnig var send út póstkönnun til
tilvísunaraðila sem voru í flestum tilfellum ráðgjafar á þjónustumiðstöðum.
Niðurstöður rannsóknarinnar leiddu ljós að þjónustan skilaði góðum árangri að
36
sögn notenda, starfsmanna og tilvísunaraðila. Jafnframt komu fram ábendingar
um hvernig hægt væri að bæta þjónustuna. Notendur vildu aukinn sveigjanleika
varðandi tímalengd þjónustunnar, markvissari og aðgengilegri eftirfylgni, meiri
samfellu milli stuðningsúrræða svo ekki kæmi til þess að notandi þyrfti að bíða
eftir stuðningsúrræðinu sem taka ætti við af Stuðningnum heim. Ráðgjafar
óskuðu eftir markvissari greinargerð að loknu úrræðinu. Ráðgjafar nefndu einnig
að notendur hefðu sjaldnast frumkvæði að því að óska eftir þjónustunni og að
úrræðið hentaði verr þungum barnaverndarmálum (Cynthia L. Jeans og Sveindís
A. Jóhannsdóttir, 2003).
Í byrjun árs 2007 gerði félagsvísindastofnun Háskóla Íslands
þjónustukönnun á úrræðinu Stuðningurinn heim fyrir Reykjavíkurborg.
Framkvæmd var símakönnun þar sem niðurstöðurnar byggðust á svörum 30 af 35
fjölskyldna sem fengu Stuðninginn heim á árinu 2006 og var svarhlutfall því 86%.
Niðurstöður sýndu að 80% svöruðu því að þjónustan í heildina hefði verið mjög
eða frekar góð en aðeins 6% töldu þjónustuna frekar slæma. Með tilliti til reynslu
af starfsmanni sögðu 94% að viðmót starfsmanna hefði verið mjög eða frekar
gott en 7% töldu að viðmótið hefði verið hvorki gott né slæmt. 90% svarenda
voru á þeirri skoðun að þjónustan hefði nýst þeim mjög eða frekar vel, 6%
svöruðu að úrræðið hefði nýst þeim mjög eða frekar illa og 3% töldu þjónustuna
hvorki hafi nýst þeim vel eða illa. Við spurningunni um það hvort foreldrar teldu
sig færari við uppeldishlutverkið svöruðu 85% því að þau væru heldur eða mun
færari en 15% töldu sig ekki færari í hlutverkinu. Eins og fram kemur er mikil
ánægja meðal notenda þjónustunnar þar sem þeir telja úrræðið nýtast og
aðstoða þau við að bæta sig í foreldrahlutverkinu (Andrea G. Dofradóttir, Ragna
Benedikta Garðarsdóttir og Friðrik H. Jónsson, 2007).
2.5.1.3 Tilsjón í barnaverndarmálum
Úrræðin Stuðningurinn heim og Tilsjón skila að mörgu leyti sambærilegu starfi.
Bæði úrræðin veita einstaklingsmiðaða þjónustu á heimilum og hjálpa foreldrum
með forsjár- og uppeldisskyldur sínar. Meginmunurinn á úrræðunum er
tímalengd þeirra og menntun starfsfólksins. Í rannsókn Maríu Gunnarsdóttur
(2011) til MA-gráðu í félagsráðgjöf við Háskóla Íslands var fjallað um
37
stuðningsúrræðið Tilsjón í barnaverndarmálum. Niðurstöðurnar voru að
Tilsjónarúrræðið var helst notað til að veita uppeldisráðgjöf, skipuleggja daglegt
líf á heimilinu, veita persónulegan stuðning við móður og hafa eftirlit með
heimilinu. Notendur voru helst fjölskyldur sem höfðu verið tilkynntar til
barnaverndarnefnda vegna vanrækslu, þá einkum vanrækslu varðandi umsjón og
eftirlit og vegna tilfinningalegrar vanrækslu. Einnig var úrræðinu beitt vegna
áhættuhegðunar barns, sérstaklega þegar fram komu erfiðleikar í skóla. Sjaldnast
er veitt tilsjón í málum þar sem grunur leikur á eða vitað er um að barn hafi
upplifað líkamlega vanrækslu, líkamlegt eða kynferðislegt ofbeldi og í málum þar
sem heilsa og líf ófædds barns telst í hættu. Tilgangur rannsóknarinnar var meðal
annars að fá reynslu fagfólks og skjólstæðinga af úrræðinu. Niðurstöðurnar voru
að helsti kostur úrræðisins er að þjónustan fer fram á heimili fjölskyldunnar.
Ókostir úrræðisins eru lítið eftirlit með starfi tilsjónarmanna og takmarkaðir
verkferlar. Einnig var enginn sýnilegur yfirmaður úrræðisins og því lítið skipulag.
Félagsráðgjafar voru á því að auka þyrfti faglega menntun tilsjónarmanna svo
þeir gætu öðlast betri færni í að takast á við aðstæður sem ólíkar fjölskyldur
glíma við. Annar ókostur er að tilsjónarmenn þurfa meiri handleiðslu vegna
starfsins. Þrátt fyrir marga vankanta á úrræðinu sýndu niðurstöður
rannsóknarinnar að þátttakendur hefðu trú á þjónustunni (María Gunnarsdóttir,
2011).
2.5.1.4 Greining og uppeldisráðgjöf heim
Auður Ósk Guðmundsdóttir og Helena Unnarsdóttir (2009) fjölluðu um
innleiðingu nýs úrræðis á vegum velferðarsviðs Reykjavíkurborgar í MA-ritgerð
sinni í félagsráðgjöf. Úrræðið er hannað fyrir barnafjölskyldur sem eru með mál
hjá barnavernd Reykjavíkur. Markmiðið er að styrkja fjölskyldur á heimavelli í von
um að draga úr stofnanavistun. Niðurstöður rannsóknarinnar voru að fjölskyldum
leið almennt betur með stöðu sína eftir þátttöku í úrræðinu. Ráðgjafarnir töldu
að foreldrarnir ættu erfitt með að tileinka sér leiðsögn til að bæta
uppeldisskilyrði barna. Upphafsmarkmiðum sem fjölskylda og ráðgjafi unnu að
virtist ekki vera nægjanlega vel framfylgt, en markmiðin eiga að vera ofarlega í
huga starfsfólks meðan á starfinu stendur. Niðurstöður sýna að krafa eigi að vera
38
um menntun starfsfólks því aukin þekking eykur gæði þjónustunnar. Úrræðið
virðist henta verr fjölskyldum með geðræna erfiðleika og þroskaskerðingu eins og
það er framkvæmt í dag. Rannsakendur telja styrkleika úrræðisins liggja í
sveigjanleika sem mögulegur er innan starfsins þar sem starfsmenn geta lagað
þjónustuna að þörfum hverrar fjölskyldu og að starfið fari fram á heimavelli
(Auður Ósk Guðmundsdóttir og Helena Unnarsdóttir, 2009).
2.5.2 Erlendar rannsóknir
Breyttar áherslur í þjónustu hafa orðið til þess að fleiri þjónustuúrræði miða að
því að styrkja fjölskyldur á heimilum sínum. Upplifun margra fagmanna er að
fjölskyldur séu afslappaðri í eigin umhverfi og því líklegri til að læra af
fagmönnum og tileinka sér nýjar aðferðir í uppeldishlutverkinu í ljósi þess að ekki
er þörf að færa þekkingu inn á heimilið, þar sem kennslan átti sér stað á
heimavígstöðvum (Berry, Charlson og Dawson, 2003). Þjónusta erlendis sem
miðar að því að fara heim til foreldra og aðstoða þá við uppeldishlutverkið beinist
oftast að því að þjónusta ákveðna hópa. Slíkir hópar geta verið: foreldrar sem
hafa verið í neyslu (Gruber, Fleetwood og Herring, 2001), seinfærir foreldrar
(Young og Hawkins, 2006), foreldrar með geðræn vandamál (Brunette,
Richardson, White, Bemis og Eelkema, 2004), foreldrar sem eiga börn með
hegðunarvanda (Timmer, Zebell, Culver, og Urquiza, 2012), foreldrar sem teljast í
áhættuhópi hvað varðar vanrækslu eða beitingu ofbeldis við uppeldi (Berry o.fl.,
2003; Cullen, Ownbey og Ownbey, 2010; LeCroy og Krysik, 2011).
Í rannsókn Al o.fl. (2012) var skoðaður árangur af tuttugu mismunandi
forvarnarúrræðum sem höfðu það að markmiði að koma í veg fyrir innlögn barna
á stofnanir. Úrræðin sem fóru fram á heimilum fjölskyldna áttu að leysa kreppu
innan fjölskyldu, bæta virkni hennar og hjálpa fjölskyldunni að nýta sér
félagslegar bjargir í umhverfi sínu. Niðurstöðurnar leiddu í ljós að hnitmiðuð
forvarnarúrræði gátu gefið ágætan eða góðan árangur í að bæta virkni fjölskyldu
en almennt komu úrræðin ekki í veg fyrir innlögn barna á stofnanir. Úrræðin
komu í veg fyrir innlögn barna á stofnun hjá fjölskyldum sem glímdu við fjölþætt
vandamál. Hins vegar kom í ljós að forvarnarúrræði komu ekki í veg fyrir innlögn
barna á stofnun ef börnin upplifðu vanrækslu og ofbeldi á heimilinu. Höfundar
39
rannsóknarinnar komust að því að forvarnarúrræði hentuðu verr eldri börnum
því svo virðist sem stuðningurinn hafi oft komið of seint fyrir fjölskylduna.
Erfiðara væri að takast á við vandamál sem hefðu fengið að viðgangast í fjölda
ára. Það skiptir því máli hvenær forvarnarúrræðin koma inn í
fjölskylduaðstæðurnar. Talið er að besti árangur af forvarnarúrræðum náist
þegar unnið er með vandamál sem ekki hefur fengið að magnast upp í langan
tíma innan fjölskyldu (Al o.fl., 2012).
Málafjöldi starfsmanna sem starfa með fjölskyldum hefur einnig áhrif á það
hvort úrræðin komu í veg fyrir innlögn barna á stofnanir. Því fleiri málum sem
starfsmaður sinnir, því verri virðist þjónustan við hverja fjölskyldu. Verri þjónusta
veldur því að minni árangur næst með fjölskyldu og börn eru líklegri til að þurfa
að dveljast á stofnun. Færri mál gáfu félagsráðgjöfum meiri tíma með hverri
fjölskyldu þar sem stuðningurinn og þjónustan varð í kjölfarið öflugri og líklegra
varð að komast mætti hjá stofnunarvist (Al o.fl., 2012).
Rannsóknin fjallaði einnig um hvort tímalengd úrræða hefði áhrif á árangur
þeirra. Í ljós kom að betri árangur varð af þeim úrræðum sem veittu stuðning í
lengri tíma. Lengri úrræði virtust líklegri til að koma í veg fyrir og/eða takmarka
fjölþættan vanda fjölskyldunnar og einnig að draga úr vanrækslu gagnvart
börnum (Al o.fl., 2012).
Rannsakendur benda að lokum á að forvarnarúrræði beri árangur hjá
fjölskyldum sem glíma við fjölþættan vanda og eru þessar fjölskyldur líklegastar
til að fá boð um slíka þjónustu. Áhersla er lögð á að endanleg markmið úrræðis
eigi ekki aðeins að vera að koma í veg fyrir innlagnir barna á stofnanir, heldur að
skoða hver málslok. Meiri ávinningur sé í því að tryggja öryggi barna og bæta
virkni fjölskyldumeðlima (Al o.fl., 2012).
Þjónustuhópur Stuðningsins heim er gríðarlega fjölbreyttur og hafa
starfsmenn úrræðisins á einhverjum tímapunkti unnið með stórum hluta þeirra
hópa sem taldir voru upp hér að ofan. Þótt Stuðningurinn heim sinni samskonar
hópum eru áherslur á úrræðin sem talin voru hér upp ólíkar í tímalengd og
nálgun. Það sem öll þessi úrræði eiga sameiginlegt er að vinna með foreldrum í
heimahúsum og styrkja þau í uppeldishlutverkinu.
40
3 Aðferð
Rannsókn þessi leitast við að skoða viðhorf og upplifun þeirra sem þáðu þjónustu
Stuðningsins heim á árunum 2009-2011. Hér verður fjallað um þær aðferðir sem
beitt var í þessari rannsókn.
3.1 Rökstuðningur fyrir vali aðferðar
Rannsóknir í félagsvísindum eru leið til að fá svör við spurningum og læra
eitthvað nýtt um hinn félagslega heim. Hægt er að beita hugmyndafræði
megindlegra og eigindlegra rannsóknaraðferða til að nálgast nýja þekkingu
(Neuman, 2005). Þar sem rannsókn þessi leitast við að skoða viðhorf og upplifun
notenda af þjónustuúrræðinu Stuðningurinn heim var tekin ákvörðun um að gera
eigindlega rannsókn. Markmið eigindlegra rannsókna er að skoða þá upplifun og
þann skilning sem einstaklingur hefur á félagslegri upplifun (Esterberg, 2002). Sú
aðferð er í samræmi við það sem starfsmenn úrræðisins vilja vita, eins og hvað
hjálpi notendum í raun, hvort sú þekking sem myndast meðan á úrræðinu
stendur nýtist til frambúðar og hvernig bæta megi þjónustuna. Ákveðið var að
skoða reynslu þeirra sem nýttu sér úrræðið á síðustu þremur árum, 2009-2011.
Ástæðan fyrir því að þessi ár voru valin er að rannsakandi vildi ekki að of langt
væri liðið frá því viðmælendur þáðu þjónustuna. Hugmyndin var að viðmælendur
gætu rifjað upp reynslu sína og viðhorf til þjónustunnar og var það ástæðan fyrir
því að síðustu þrjú ár úrræðisins voru skoðuð.
3.2 Rannsóknarspurningar
1. Hvað vissu notendur um Stuðninginn heim áður en þeir fengu
þjónustuna?
2. Hvert er viðhorf notenda til og upplifun af þjónustunni Stuðningurinn
heim?
a. Nýta foreldrar enn í dag það sem þeir lærðu af Stuðningnum
heim?
3. Telja notendur að hægt sé að bæta þjónustuna?
4. Hvaða viðhorf hafa starfsmenn Stuðningsins heim til vinnu sinnar?
41
3.3 Eigindleg rannsóknaraðferð
Sá sem framkvæmir eigindlegar rannsóknir leitast við að skilja heim þátttakenda
ásamt því að öðlast þann skilning sem þátttakendur hafa á eigin upplifun
(Esterberg, 2002; Kvale og Brinkman, 2009). Eigindleg gögn geta verið í ýmsu
formi eins og texta, skrifuðum orðum, setningum eða táknum sem leitast við að
skýra upplifun og hegðun fólks í ákveðnum aðstæðum (Neuman, 2006).
Rannsakandi sem framkvæmir eigindlega rannsókn þarf að vera vakandi fyrir
eigin viðhorfi og skoðunum. Hann þarf að vera heiðarlegur gagnvart þeim
upplýsingum sem safnast þar sem hann er aðalverkfæri rannsóknarinnar. Með
því er átt við að hann er sá sem safnar gögnum, túlkar þau og leggur fram
niðurstöður út frá sinni túlkun. Þar af leiðandi þarf rannsakandi að vera hlutlaus,
mæta þátttakendum með opnum huga og hafa ekki fyrirfram ákveðnar
hugmyndir um þátttakendur eða þær upplýsingar sem verða til við gagnaöflun
(Esterberg, 2002; Kvale og Brinkmann, 2009). Félagslegar rannsóknir byggjast á
því að búa til tilgátu og sannreyna hana. Í eigindlegum rannsóknum er unnið eftir
aðleiðslu en með því er átt við að niðurstöður rannsóknarinnar leiði að einhverri
kenningu. Kenning verður til úr þeim niðurstöðum sem rannsakandi hefur aflað
sér á vettvangi. Aðferðin leitast við að finna þemu í gögnunum sem aflað er. Til
eru margar aðferðir sem falla undir eigindlegar rannsóknir (Esterberg, 2002).
Fjallað verður um viðtalsrannsókn þar sem sú nálgun var notuð við framkvæmd
þessarar rannsóknar.
3.3.1 Viðtöl
Viðtalsrannsókn er ein tegund eigindlegra rannsókna þar sem markmiðið er að
afla nákvæmra upplýsinga frá annarri manneskju (Esterberg, 2002). Hæfileiki
rannsakanda til að taka viðtal skiptir sköpum í viðtalsrannsókn. Viðtöl byggjast á
samskiptum tveggja einstaklinga og nauðsynlegt er að rannsakandi búi yfir góðri
færni í mannlegum samskiptum. Hæfur rannsakandi nær að mynda traust við
viðmælanda, getur verið hlutlaus, sýnir virka hlustun, skilning og virðingu fyrir því
sem viðmælandinn hefur að segja. Án þessara hæfileika er ólíklegt að
rannsakandi fái fram þær upplýsingar sem hann leitar eftir (Esterberg, 2002;
Kvale og Brinkmann, 2009).
42
Rannsakandi tók einstaklingsviðtöl við viðmælendur en margir kostir fylgja
þeirri nálgun. Slík nálgun gerir rannsakanda kleift að fá mikið af upplýsingum á
stuttum tíma, ekki aðeins frásögn heldur einnig líkamstjáningu viðmælanda.
Rannsakanda gefst tækifæri til að spyrja frekar og kafa dýpra í ákveðin
umræðuefni. Eigindlegar rannsóknir leitast ekki við að alhæfa niðurstöður á
stærra þýði eða að komast að algildum sannleika, heldur upplifun og reynslu
viðmælenda (Neuman, 2006).
Við framkvæmd rannsóknarinnar voru notuð óstöðluð einstaklingsviðtöl (e.
unstructured, in-depth). Eins og aðrar eigindlegar aðferðir reynir þessi aðferð að
skilja reynslu viðmælenda með þeirra eigin orðum. Umræðuefnið er fyrirfram
ákveðið, en ekki það sem kemur fram í viðtölunum. Nálgunin er persónuleg og
krefst þess að rannsakandi sýni viðmælanda virðingu og skilning. Rannsakandinn
ákveður fyrirfram spurningar sem hann vill bera upp. Spurningarnar eru opnar og
gefa viðmælanda tækifæri til að tjá reynslu sína og upplifanir með eigin orðum en
með því er rannsakandi að reyna að skilja upplifun þeirra (Helga Jónsdóttir, 2003;
Kvale, 1996; Kvale og Brinkmann, 2009).
3.3.2 Viðtalsvísir
Viðtalsvísar eru fyrirfram ákveðnar spurningar sem rannsakandi hefur undirbúið
með það að markmiði að svara rannsóknarspurningum. Viðtalsvísir er notaður
sem leiðarvísir fyrir rannsakanda til að halda sig við efnið. Rannsakandi er ekki
skyldugur til að spyrja allra spurninganna í viðtalsvísinum og getur valið að spyrja
annarra spurninga eða fylgja frásögn viðmælanda. Þótt slíkt viðtal geti minnt á
almennt spjall er undirbúningurinn fyrir viðtalið frábrugðinn því sem gerist í
almennum samskiptum (Helga Jónsdóttir, 2003; Silverman, 2010).
Viðtalsvísir þessara rannsókna byggir á spurningum sem leituðust við að
svara rannsóknarspurningum rannsóknarinnar. Við hönnun viðtalsvísisins var
fengið leyfi höfunda til að nota viðtalsvísi rannsóknarinnar Stuðningurinn heim –
þróun nýs úrræðis eftir Cynthiu L. Jeans og Sveindísi A. Jóhannsdóttur (2003) til
samanburðar. Ástæðan fyrir því er að rannsakanda þótti áhugavert að skoða
hvort munur væri á niðurstöðum milli rannsókna. Rannsakandi bætti við nýjum
spurningum með það að markmiði að dýpka rannsóknarefnið.
43
3.3.3 Réttmæti og áreiðanleiki rannsóknar
Við val á aðferð þarf að huga að kostum og göllum þeirrar aðferðar og
áreiðanleika og réttmæti/trúverðugleika rannsóknaraðferðarinnar. Með
áreiðanleika er átt við að mælitæki aðferðarinnar mæli hið sama við
endurtekningar og með réttmæti er átt við að rannsakandinn mæli það sem átti
að mæla en ekki eitthvað annað (Kristján Kristjánsson, 2003).
„Hvort sem rannsóknin er megindleg eða eigindleg, þarf hún að hlíta
ákveðnum lögmálum til að hægt sé að halda því fram að það sem fram kom hafi
verið brot af sannleikanum“ (Sigurlína Davíðsdóttir, 2003, bls 232).
Rannsakandinn þarf að vera meðvitaður um þætti sem geta ógnað réttmæti og
trúverðugleika rannsóknarinnar. Hægt er að takmarka þá ógn ef rannsakandi
tileinkar sér viðleitni til aukinna gæða gagnasöfnunar, gagnagreiningar og
framsetningu niðurstaðna (Sigurlín Davíðsdóttir, 2003).
Sigríður Halldórsdóttir (2003) fjallar um hugmyndir Lincolns og Guba um
fjóra þætti sem geta dregið úr trúverðugleika og réttmæti rannsókna. Þættir sem
geta ógnað réttmæti eru í fyrsta lagi þegar rannsakandi telur sig hafa rannsakað
viðfangsefnið nægilega en í raun hefði þurft að bæta við fleiri viðmælendum eða
tala betur við þá sem búið var að ræða við. Í öðru lagi þegar skekkja er í úrtaki.
Skekkja verður til þegar rannsakandinn vandar sig ekki nægilega við val á
viðmælendum og úrtakið verður í kjölfarið einsleitt. Mikilvægt er að breidd sé í
úrtakinu til að fá heildarmynd af fyrirbærinu sem verið er að rannsaka. Þriðji
þátturinn sem getur ógnað réttmæti er þegar rannsakandinn er of nálægur eða
tengdur viðfangsefninu sem verið er að skoða. Í þeim tilfellum þegar
rannsakandinn er of nálægur viðfangsefninu hverfur honum hið svokallaða
„gagnrýna auga“ sem hefur áhrif á niðurstöður rannsóknarinnar. Viðhorf
viðmælenda getur litað rannsóknina og það getur átt sér stað þegar
rannsakandinn hefur djúpa samúð með viðmælendum. Að síðustu geta ótímabær
rannsóknarlok haft áhrif á trúverðugleika og réttmæti rannsóknarinnar. Í slíkum
tilfellum gefur rannsakandinn sér ekki nægan tíma til gagnagreiningar og
niðurstöður verða í kjölfarið ekki trúverðugar og dregur það úr réttmæti
rannsóknarinnar (Sigríður Halldórsdóttir, 2003). Ekki er nóg að rannsakandinn
44
tryggi réttmæti rannsóknar heldur þarf einnig að huga að áreiðanleika
aðferðarinnar.
Mikil áhersla er lögð á að mælitæki megindlegra rannsókna séu áreiðanleg.
Í þeim rannsóknum er beitt ýmsum aðferðum til að fá fram áreiðanleg mælitæki.
Með eigindlegri rannsókn er hins vegar erfiðara að tryggja áreiðanleika
mælitækjanna þar sem ekki er gert ráð fyrir að hægt sé að endurtaka
raunveruleikann öðru sinni. Mælikvarði á gæðum eigindlegra rannsókna er hvort
hægt sé að staðfesta niðurstöðurnar með öðrum hætti en stuðst var við í
rannsókninni. Einnig er rökstutt að erfitt sé að falsa niðurstöður eigindlegrar
rannsóknar þar sem gagnamagn er gríðarlegt og nær ómögulegt að láta fölsuðu
gögnin stemma við niðurstöðurnar. Lincoln og Guba komust að þeirri niðurstöðu
að ef trúverðugleiki næðist við framkvæmd eigindlegrar rannsóknar væri það
vísbending um að rannsóknin væri þar af leiðandi traust (Sigurlína Davíðsdóttir,
2003).
3.4 Úrtak
Þátttakendur rannsóknarinnar voru valdir með markmiðsúrtaki (e. purposive
sampling). Úrtaksaðferðin gengur út á að rannsakandi þarf að velja þátttakendur
sem geta gefið besta innsýn inn í viðfangsefnið sem rannsakandi vill skoða.
Þátttakendur eru valdir vegna eiginleika sem þeir búa yfir, hvort sem það er
ákveðin þekking og/eða reynsla (Yegidis og Weinbach, 2009). Markmið
rannsóknarinnar er að leita eftir viðhorfi og upplifun notenda úrræðisins
Stuðningsins heim. Settur var tímarammi þannig að þátttakendur þurftu að hafa
lokið úrræðinu á árunum 2009-2011 og uppfylltu allir notendur sem útskrifuðust
á þessum árum kröfu um þátttöku. Til að fá dreifingu viðmælenda völdu
starfsmenn Stuðningsins heim tvo þátttakendur sem útskrifuðust á hverju ári á
tímabilinu 2009-2011. Leitað var eftir sex til níu viðmælendum til að taka þátt í
rannsókn. Til að nálgast þessa viðmælendur voru sextíu einstaklingar valdir af
handahófi sem útskrifast höfðu á árunum 2009-2011 og þeim sent kynningarbréf
um rannsóknina (sjá fylgiskjal D). Starfsmenn Stuðningsins heim hringdu og
ítrekuðu rannsóknina við þá sem fengu kynningarbréfið. Haft var samband við
45
einstaklinga í úrtakinu þar til viðmælendur voru orðnir að minnsta kosti sex, tveir
útskrifaðir af hverju ári.
3.5 Gagnaöflun
Framkvæmd rannsóknarvinnu hófst í september 2012 og lauk í nóvember sama
ár. Upphaflega var ákveðið að tala við tvo til þrjá starfsmenn og sex til níu
notendur þjónustunnar. Auðveldlega gekk að nálgast og tala við starfsmenn en
tekin voru samtals tvö viðtöl. Tuttugu kynningarbréf voru send á hvert
útskriftaráranna, þar sem fólk gat kynnt sér markmið rannsóknarinnar og því var
boðið að gerast þátttakendur. Þrjú þessara bréfa voru endursend þar sem ekki
fundust ný heimilisföng viðtakenda. Þátttakendur þurftu að hafa samband við
rannsakanda og bjóða sig fram til að gerast þátttakendur í rannsókninni.
Rannsakandi taldi ólíklegt að fá þátttakendur eingöngu með þessum hætti og því
var ákveðið var að bjóða upp á happdrættisvinning fyrir þátttakendur. Þann 1.
desember 2012 dró starfsmaður velferðarsviðs einn þátttakanda af handahófi út
og fékk hann í verðlaun tíu þúsund króna gjafabréf í Kringlunni. Upplýsingar um
happdrættið komu fram í kynningarbréfi sem foreldrar fengu sent heim. Þrátt
fyrir vinninginn bauð aðeins einn einstaklingur sig fram til að taka þátt í
rannsókninni. Tekin var sú ákvörðun að senda ekki út fleiri bréf, en starfsmenn
Stuðningsins heim hringdu í þá sem höfðu fengið kynningarbréf og ítrekuðu hvort
þeir vildu taka þátt. Að lokum fengust alls sjö foreldrar til þátttöku en þeir luku
allir úrræðinu Stuðningurinn heim á árunum 2009-2011. Þar af útskrifuðust tveir
viðmælendur 2009, tveir 2010 og loks þrír 2011.
3.6 Úrvinnsla gagna
Rannsakandi fékk leyfi þátttakenda til að hljóðrita viðtölin. Viðtölin voru öll
afrituð nákvæmlega frá orði til orðs til að takmarka upplýsingatap við afritun. Að
lokinni afritun voru gögnin greind en þar var notuð opin kóðun (e. open coding).
Rannsakandi sem notast við opna kóðun skoðar gögnin sín ítarlega með það að
markmiði að skilja upplýsingarnar. Við opna kóðun flokkar rannsakandinn
upplýsingarnar í þemu sem notuð eru í niðurstöðum rannsóknarinnar (Yegidis og
Weinbach, 2009).
46
Rannsakandi hafði ekki fyrirfram kenningu á meðan gagnasöfnun stóð.
Viðtölin leiddu rannsakanda að nýjum upplýsingum sem komu ítrekað fram í
viðtölunum. Með nýjum upplýsingum urðu einnig til nýjar spurningar í viðtalsvísi
til að samræma þær upplýsingar sem komu fram í viðtölunum. Við greiningu
gagna urðu til nokkur þemu sem fjallað verður um í niðurstöðukaflanum.
3.7 Siðferðilegir þættir
Rannsakandi sem notast við eigindlegar rannsóknaraðferðir þarf að huga að
siðferðilegum álitamálum sem kunna að koma upp við framkvæmd rannsóknar.
Þátttakendur þessarar rannsóknar voru starfsmenn og notendur þjónustunnar
Stuðningsins heim. Það getur verið viðkvæmt fyrir foreldra að viðurkenna
erfiðleika við barnauppeldi auk þess sem ásamt utanaðkomandi erfiðleikar geta
haft áhrif á foreldrahæfni viðkomandi. Sú skrá sem inniheldur upplýsingar um
notendur Stuðningsins heim, eins og símanúmer og heimilisföng, er flokkuð sem
persónuupplýsingar samkvæmt 2. gr laga um persónuvernd og meðferð
persónuupplýsinga nr. 77/2000. Samkvæmt 33. gr sama lagabálks má
rannsakandi ekki hafa aðgang að slíkum upplýsingum nema með leyfi
Persónuverndar. Rannsakandi starfaði í samvinnu við velferðarsvið
Reykjavíkurborgar og Aðalbjörgu Valberg, forstöðukonu Stuðningsins heim.
Starfsmenn Stuðningsins heim fengu leyfi velferðarsviðs til að nálgast upplýsingar
um notendur þjónustunnar. Voru þeir í því hlutverki að nálgast þátttakendur í
rannsókninni. Í þessu tilfelli var nóg fyrir rannsakanda að tilkynna rannsókn til
Persónuverndar. Eitt af skilyrðum Persónuverndar var að rannsakandi fengi
þátttakendur í rannsókn til að skrifa undir upplýst samþykki. Aðferðin er leið
rannsakanda til að greina þátttakendum rannsóknarinnar frá áformum sínum og
greina frá því með heiðarlegum hætti hvert hlutverk og réttindi þátttakenda er
(Sigurður Kristinsson, 2003). Rannsakandi bað alla þátttakendur að lesa og skrifa
undir upplýst samþykki (sjá fylgiskjal E) áður en viðtölin áttu sér stað.
Rannsakandi notaði happdrætti í þeirri von að auka líkur á að
einstaklingar í úrtaki vildu taka þátt í rannsókn. Í grein Head (2009) eru
vangaveltur um siðferðileg álitamál sem felast í því að greiða fyrir þátttöku í
rannsókn. Höfundur greinarinnar heldur því fram að með því að fá greitt fyrir
47
þátttöku í rannsókn sé þátttakandi raunverulega ekki sjálfboðaliði heldur hafi
hann aðra ástæðu til að koma sínu sjónarhorni á framfæri. Greiðslan getur einnig
haft áhrif á gæði frásagnar þátttakanda. Rannsakandi mat áhættuna við að hafa
happdrætti í rannsókn sinni litla miðað við þá hættu að fá ekki viðmælendur.
Happdrættið hafði ekki tilætluð áhrif og enginn viðmælenda greindi frá því að
ástæðan fyrir þátttöku sinni væri að eiga möguleika á happdrættisvinningnum.
3.8 Takmarkanir rannsóknarinnar
Eigindlegri rannsóknaraðferð var beitt við framkvæmd þessarar rannsóknar.
Rannsóknaraðferðin getur talist takmörkun þar sem ekki er hægt að alhæfa að
niðurstöðurnar endurspegli upplifun þýðisins (Kvale, 1996), eða allra þeirra sem
hafa lokið Stuðningnum heim. Niðurstöður þessarar rannsóknar eru byggðar á
svörum tveggja starfsmanna og sjö notenda úrræðisins. Niðurstöðurnar
endurspegla aðeins upplifun þeirra sem rannsakandi tók viðtal við. Mögulegt er
að fjölbreyttari gögn hefðu fengist ef viðmælendur rannsóknarinnar hefðu verið
fleiri. Önnur takmörkun felst í áreiðanleika eigindlegrar rannsóknar en „ekki er
hægt að endurtaka raunveruleikann á sama hátt í annað sinn“ (Sigurlína
Davíðsdóttir, 2003, bls 233). Ef endurtaka ætti rannsóknina væri mögulegt að
rannsakandi kæmist að annarri niðurstöðu. Esterberg (2002) fjallar um að
rannsakandinn sé aðalverkfæri rannsóknarinnar þar sem hann tekur viðtölin við
viðmælendur, túlkar gögnin og dregur af gögnunum niðurstöður. Þrátt fyrir að
rannsakandi skuli vera hlutlaus í rannsóknarvinnu eru áhrif rannsakanda mikil
þegar beitt er eigindlegum aðferðum. Rannsakandi reyndi eftir bestu getu að
vera hlutlaus en hætta er á að viðhorf hans liti niðurstöðurnar. Rannsakendur eru
ólíkir og nálgunin því ólík við framkvæmd rannsókna. Ætla má að önnur
niðurstaða fengist ef rannsóknin yrði framkvæmd á ný af öðrum rannsakanda.
Rannsakandi valdi ekki úrtakið heldur starfsmenn, sem völdu þátttakendur
af handahófi. Hægt er að telja það ókost að rannsakandi skyldi ekki sjá um að
velja þátttakendur í rannsóknina. Engin leið er heldur til að vita hvort þeir sem
töldu sig ná litlum árangri af starfinu voru ólíklegri til að gerast þátttakendur, en
rannsakandi getur aðeins stuðst við viðhorf og upplifun þeirra sem tóku þátt í
rannsókninni.
48
3.9 Þátttakendur
Hér verður greint frá þátttakendum rannsóknarinnar. Gerð verður stutt lýsing á
hverjum fyrir sig og nöfnum notenda breytt. Rannsakandi tók samtals átta viðtöl,
þar af tvö viðtöl við starfsmenn Stuðningsins heim og sex viðtöl við notendur
þjónustunnar og þar af var eitt viðtalið við hjón. Þar sem verið er að skoða
reynslu þeirra sem hafa nýtt sér úrræðið á árunum 2009-2011 var ákveðið að
finna tvo viðmælendur sem útskrifuðust á hverju ári fyrir sig. Viðmælendur höfðu
mismunandi sögur að segja þar sem fjölskylduaðstæður voru ólíkar og því
mismunandi hverskonar þjónusta hver fjölskylda fékk. Bæði starfsmönnum og
notendum var boðin nafnleynd. Ástæðan fyrir því er að þátttakendur eru líklegri
til að greina frá raunverulegri upplifun ef þau vita að upplýsingarnar eru ekki
rekjanlegar til þeirra.
3.9.1.1 Starfsmaður 1
Hefur margra ára starfsreynslu hjá Reykjavíkurborg og hefur starfað með fjölda
barna og fjölskyldna í gegnum árin. Hann er með háskólamenntun sem veitir
honum þekkingu í uppeldisfræðum ásamt því að hafa sótt fjölda námskeiða sem
snerta hans starfssvið.
3.9.1.2 Starfsmaður 2
Hefur eins og starfsmaður 1 margra ára reynslu í starfi með börnum og
fjölskyldum þeirra. Einnig hefur starfsmaðurinn háskólamenntun á sviði
uppeldisfræða ásamt því að hafa sótt fjölda námskeiða á starfstímabilinu.
3.9.1.3 Viðmælandi 1: Þórhildur Bjarnadóttir
Hafði nýtt sér Stuðninginn heim tvisvar en hún er 41 árs, einstæð móðir með tvö
börn. Hún á átta ára strák og ellefu ára stelpu. Hún þurfti aðstoð vegna
hegðunarerfiðleika barna sinna sem hún rekur til margra ára reynslu barnanna af
því að búa við heimilisofbeldi.
3.9.1.4 Viðmælandi 2: Guðrún Geirsdóttir
Hefur nýtt sér Stuðninginn heim tvisvar til að fá almenna uppeldisráðgjöf. Hún er
41 árs, einstæð og á fjögur börn. Hún hefur einnig nýtt sér önnur
stuðningsúrræði sem hafa komið til vegna samstarfs við barnavernd.
49
3.9.1.5 Viðmælandi 3: Friðrik Einarsson
Friðrik er 37 ára og kvæntur Maríu Jónsdóttur. Hann hefur nýtt sér úrræðið oftar
en einu sinni til að fá aðstoð við að annast barnið sitt sem er með einhverfu.
3.9.1.6 Viðmælandi 4: María Jónsdóttir
Er 39 ára gömul og á eitt barn en hún og Friðrik maður hennar, glímdu við
erfiðleika í uppeldishlutverkinu. Erfiðleikarnir voru vegna kunnáttuleysis í því að
ala upp barn með greinda einhverfu.
3.9.1.7 Viðmælandi 5: Elsa Gunnarsdóttir
Er 42 ára einstæð móðir. Hún á tvö börn, 10 ára stelpu og 14 ára strák en hún
fékk Stuðninginn heim ásamt manni sínum til að samræma uppeldisaðferðir.
3.9.1.8 Viðmælandi 6: Ólöf Kjartansdóttir
Er 39 ára, einstæð móðir og á tvo stráka á aldrinum 9 og 15 ára. Hún fékk
Stuðninginn heim til að takast á við hegðunarerfiðleika barns sem hefur verið
greint með ADHD og mótþróaþrjóskuröskun.
3.9.1.9 Viðmælandi 7: Gyða Árnadóttir
Er einstæð móðir og á fjögur börn en tvö þeirra eru uppkomin. Hún er með tvö
börn á heimili, 14 ára stelpu og 16 ára strák. Hún fékk Stuðninginn heim til að fá
aðstoð vegna hegðunarerfiðleika sem mátti rekja til greiningu barns með ADHD
og áráttu og þráhyggju. Einnig glímir hún sjálf við heilsufarserfiðleika sem hafa
valdið því að hún getur ekki unnið.
50
4 Niðurstöður
Í þessum kafla verður fjallað um helstu niðurstöður rannsóknarinnar.
Niðurstöðurnar birtast sem sex þemu eða kaflar sem verða gerð ítarleg skil.
Þemun urðu til við greiningu viðtalanna og notaðar verða bæði beinar og óbeinar
tilvitnanir til að lesandi fái skilning á viðhorfi og upplifun notenda og starfsmanna
af úrræðinu Stuðningurinn heim. Þemun sem fjallað verður um eru:
1. Fyrstu hugmyndir að úrræðinu Stuðningurinn heim.
2. Uppeldisráðgjöf á heimilum notenda.
3. Viðhorf notenda til starfsemi Stuðningsins heim.
4. Hugmyndir notenda að úrbótum.
5. Viðhorf starfsmanna til starfsemi Stuðningsins heim.
6. Viðhorf til og upplifanir af skipulagsbreytingum árið 2012.
4.1 Fyrstu hugmyndir að úrræðinu Stuðningurinn heim
4.1.1.1 Hvar heyrðu notendur fyrst af starfsemi Stuðningsins heim?
Stuðningurinn heim hefur verið starfandi síðan 2001 og áhugavert er að vita hvar
viðmælendur heyrðu fyrst af úrræðinu. Allir viðmælendur nefna að starfsemi
Stuðningsins heim hafi verið kynnt af félagsráðgjafa á þjónustumiðstöð og var
það í gegnum félagsráðgjafa sem þeim var boðin þjónustan. Aðeins einn
viðmælandi hafði heyrt um úrræðið frá vinkonu sinni áður en félagsráðgjafi
kynnti starfið. Í öllum tilfellum var það félagsráðgjafinn sem bauð foreldrum
úrræðið að fyrra bragði. Í einu tilfelli fóru foreldrar til félagsráðgjafa til þess eins
að finna þjónustu sem nýst gæti í uppeldishlutverkinu:
„Við leituðum eftir úrræði, hjá félagsþjónustunni, hjá félagsráðgjafa og okkur var bent á að það sem heitir Stuðningurinn heim og þannig bar það að, út af erfiðleikum hérna heima sem eru bara..., sem við stóðum bara gapandi yfir og gátum ekkert gert og gátum ekki ráðið við."
4.1.1.2 Hver voru fyrstu viðbrögð notenda við Stuðningnum heim þegar þeim var kynnt starfsemi þess?
Misjafnt var eftir viðmælendum hvað þeim þótti um úrræðið eftir að hafa fengið
kynningu á því hjá félagsráðgjafa. Nokkrir viðmælendur voru fyrst óöruggir eftir
að hafa heyrt um starfsemi úrræðisins, en helstu áhyggjur voru að þurfa að
51
hleypa ókunnugri manneskju inn á heimilið. Fyrri reynsla af þjónustuúrræðum á
vegum félagsþjónustunnar og barnaverndar virtist einnig hafa áhrif á hvað þeim
fannst um úrræðið við fyrstu kynni. Sumir tóku strax vel í úrræðið eins og
Þórhildur:
„Það hljómaði bara mjög vel að fá reynda manneskju sem veit hvað hún er að gera og hún hefur lent í allskonar með börn, til að koma heim til mín og þú veist ...með hin börnin, að sjá stöðuna og veita mér ráðleggingar og líka styrk, þú veist... fá stuðning, það sem maður er að gera rétt og ráðleggingar í því sem maður var að gera vitlaust.“
Öðrum þótti erfitt að opna heimili sitt fyrir ókunnugri manneskju en vissu að þau
þurftu einhverja aðstoð eins og María greinir frá:
„Mér fannst það svolítið beggja blands, að hún væri alltaf að koma inn á heimilið, ókunnug manneskja, það var svolítið svona sem kom manni í opna skjöldu en svo kynntist maður viðkomandi og það var ekkert einasta mál. Sko, við urðum að gera eitthvað, eina sem okkur datt í hug, þetta stóð til boða og við ákváðum að prófa.“
Elsa Gunnarsdóttir var á sama máli
„Mér fannst þetta svolítið svona að ég væri að opna heimilið mitt, væri svolítið persónulegt, það væri allt opið, það væri ekki neitt svona... æææ... ég veit ekki hvernig ég á að orða það, svona innrás á mitt persónulega svið.“
Þeir viðmælendur sem höfðu slæma fyrri reynslu af þjónustuúrræðum
félagsþjónustunnar og afskiptum barnaverndar voru ekki ánægðir þegar þeim var
fyrst kynnt úrræðið. Guðrún hafði slæma reynslu af barnavernd og var því ekki
hlynnt því að þiggja þjónustuúrræðið í upphafi: „Fyrst var ég ógeðslega á móti því
en af því ég hef svo góðan félagsráðgjafa fór ég og rabbaði við hana.“ Upplifun
Guðrúnar mátti rekja til þess að hún hafði áhyggjur af að starfsmenn
Stuðningsins heim hefðu það í hyggju að taka börnin af henni. Eftir að hafa
ráðfært sig við félagsráðgjafann sinn sem hún treysti, ákvað hún að þiggja
þjónustuna. Gyða hafði einnig slæma reynslu af fyrri úrræðum og var á því að
úrræðið myndi ekki skila neinum árangri. Ástæðan er sú að reynsla hennar var að
ekkert úrræði hefði getað aðstoðað hana við að takast á við hegðunarerfiðleika
barnsins síns sem er með ADHD-greiningu.
52
4.1.1.3 Hvaða væntingar höfðu notendur til þjónustunnar?
Næstum allir viðmælendur höfðu þær væntingar að starfsmaður Stuðningsins
heim gæti hjálpað þeim að takast á við erfiðleika sem þeir glímdu við inni á
heimilinu og tengdust ástæðunni þess að foreldrarnir fengu Stuðninginn heim.
Þrátt fyrir að foreldrarnir væru upphaflega ekki jákvæðir fyrir því að fá
Stuðninginn heim höfðu þeir samt sem áður þær væntingar að starfsmaðurinn
gæti veitt þeim aðstoð í uppeldishlutverkinu. Sumir foreldrarnir voru orðnir
örvæntingafullir vegna heimilisaðstæðna og í kjölfarið höfðu þeir miklar
væntingar til þess að starfsmaðurinn gæti bjargað heimilinu. Hjónin Friðrik og
María greindu frá sinni upplifun. María segir; „ég bjóst við kraftaverki sko, allt
yrði flott.“ Upplifun Friðriks var; „maður prófaði bara eitthvað, ég vissi bara að
við þurftum að fá aðstoð, ég meina af hverju ekki að prófa hlutina í staðinn fyrir
að hafna þeim?“ Væntingar Gyðu voru „ég ætlaði bara athuga hvort þetta myndi
eitthvað bjarga mér og heimilinu.“ Í tilfelli Elsu lágu væntingarnar meira í því að
Stuðningurinn heim myndi virkja manninn hennar „ég hafði þær væntingar að
náttúrulega... að hann tæki þátt í þessu og að einhver annar myndi segja honum
að þetta væri ekki rétt, leiða honum fyrir sjónir að þetta væru hlutir sem væru
ekki inn á venjulegu heimili.“ Elsa rakti erfiðleikana á heimilinu til þeirra hörðu
uppeldisaðferða sem maður hennar beitti í uppeldi barna þeirra. Markmiðið var
að starfsmaðurinn gæti komið inn á heimilið og rofið þann samskiptavítahring
sem hefði myndast.
Hvort sem foreldrar voru jákvæðir eða neikvæðir gagnvart starfsemi
Stuðningsins heim við fyrstu kynningu hjá félagsráðgjafa höfðu allir viðmælendur
einhverjar væntingar um að starfsemin gæti hjálpað þeim að takast á við
erfiðleika sem þeir glímdu við.
4.2 Uppeldisráðgjöf á heimilum notenda
4.2.1.1 Hver var upplifun notenda af því að fá starfsmann inn á heimili sitt?
Heimilið er einkavígi þeirra sem þar búa og þarf starfsmaður sem starfar með
fjölskyldum á heimavelli að velta fyrir sér hvernig hann nálgast heimilisfólk.
Nálgast þarf skjólstæðingana með öðrum hætti en félagsráðgjafar myndu gera
innan stofnana (Allen og Tracy, 2008). Heimsóknir starfsmanna valda ávallt
53
einhverskonar röskun á heimilislífi og siðum fjölskyldna (Kadushin og Kadushin,
1997). Leitað var eftir því hvernig viðmælendum þótti að fá starfsmann
Stuðningsins heim inn á heimilið meðan starfið stóð yfir.
Þórhildur hefur mjög góða upplifun af því að fá starfsmann Stuðningsins
heim inn á heimilið sitt:
„Ég meina, hún kemur bara inn á heimilið og er bara gestur og fær kaffi og situr hjá mér í eldhúsinu og spjallar, börnin þvælast um og droppa inn og heilsa upp á hana og hún spjallar við þau og bara rosalega vinalegt og heimilislegt einhvern veginn, og ekkert sem þau finna fyrir.“
Bæði Ólöf og Guðrún lýsa því hvað þeim þótti gott að hafa fengið starfsmanninn
inn á heimilið sitt. Að sögn Guðrúnar hafði viðvera starfsmannsins engin áhrif og
taldi hún heimsóknina ekki valda neinni röskun á heimilinu: „skiptir mig engu
máli, þau hefðu geta komið tíu, mér var alveg sama.“
Þótt Elsa hefði sóst eftir að fá einhvern heim til að hjálpa þeim hjónum að
samhæfa uppeldisaðferðir var maðurinn hennar ekki eins jákvæður með að fá
starfsmann inn á heimili sitt. Elsa hafði þetta að segja:
„Að honum hafi fundist þetta vera innrás á heimili sitt og að utanaðkomandi fólk væri að koma inn til sín og segja sér hvernig ætti að gera hlutina, þetta var bara svona. Því hann er alltaf sko svo flottur út á við en svo þegar reynir á það kemur allt í ljós.“
Gyðu fannst einnig erfitt að opna heimilið sitt fyrir starfsmanninum: „Mér fannst
það ógurlega erfitt, mér finnst mjög erfitt að vera með fólk inn á gafli hjá mér í
sambandi við hann, ég er ekki sátt, mér líður bara ekki vel með þetta.“ En þegar
hún var spurð hvort það myndi henta henni betur að hitta starfsmann
Stuðningsins heim við aðrar aðstæður svaraði hún: „Já, kannski, en heimilið er
mjög þægilegt því að ég er frjálsari, ég bara nenni þessu ekki, það er komin svo
mikil uppgjöf, ég er orðin svo þreytt að ég nenni ekki að berjast í kerfinu meir.“
Neikvæðni hennar gagnvart því að fá starfsmann heim mátti rekja til áralangrar
reynslu hennar af samstarfi við félagsþjónustuna sem hafði gert hana neikvæða í
garð þeirra úrræða sem félagsþjónustan bauð upp á.
Þótt einhverjir viðmælendur hefðu í upphafi verið óöruggir gagnvart því
að fá starfsmann inn á heimili sitt voru allir viðmælendur þeirrar skoðunar að
54
heimilið væri gott umhverfi til að vinna að markmiðum sem tengjast
uppeldishlutverkinu.
4.3 Viðhorf notenda til starfsemi Stuðningsins heim
4.3.1.1 Hvað í starfsemi Stuðningsins heim skilaði ekki árangri?
Ólöf og Gyða áttu það sameiginlegt að eiga börn með ADHD-greiningu.
Mæðurnar töldu erfiðleikana á heimilinu vera vegna hegðunarerfiðleika sem
mátti rekja til ADHD-greiningarinnar. Hvorug taldi Stuðninginn heim hafa skilað
þeim árangri sem þær vonuðust eftir. Báðar vildu að unnið yrði markvisst starf
með börnunum, en upplifðu að þjónustan hefði snúið meira að þeim. Þær nefndu
að þeim hefði þótt gott að fá einhvern til að tala við en hefðu þurft meiri hjálp í
því að takast á við hegðunarerfiðleika barnsins. Ólöf fjallar um reynslu sína:
„Ég hélt að þetta myndi meira tengjast honum, fylgst yrði með honum og eitthvað svoleiðis en þetta var ekki þannig, þetta var miklu meira að hún (starfsmaðurinn) kom og talaði við mig, strákurinn þurfti ekki einu sinni að vera alltaf heima, þetta var kannski einhver hálftími og hann sýnir ekki allar sínar hliðar á hálftíma.“
Starfsmaður setti upp umbunarkerfi fyrir Ólöfu sem henni fannst ekki skila
nægilegum árangri. Ólöf telur einnig að starfsmaðurinn hafi ekki fengið tækifæri
til að sjá réttar hliðar barnsins meðan á Stuðningnum heim stóð og getur það
verið ein ástæða þess að unnið var ekki meira með barninu. Eftir Stuðninginn
heim hefur hún fengið úrræðið Ráðgjafinn heim sem er fyrir börn með ADHD og
telur hún það úrræði henta sinni fjölskyldu betur. Hins vegar skilaði
Stuðningurinn heim einhverjum árangri þar sem viðhorf Ólafar til úrræðisins er:
„Það breyttist ekki, það var bara eins, en mér fannst voða gott að tala við hana (starfsmanninn) svo ég vissi líka að núna er þetta að koma, ég er byrjuð að tala við einhvern og þetta væri komið í ferli og það var verið að skoða þetta og þá líður manni betur.“
Gyða var viss um að Stuðningurinn heim myndi ekki skila neinum árangri og telur
sig hafa þurft að bíða of lengi eftir stuðningsúrræði og að vandamálið sé orðið of
stórt til að takast á við það. Að hennar mati nýttist úrræðið ekki þar sem engar
breytingar urðu að loknu úrræðinu:
55
„Mér fannst ekkert nýtast nema ég fékk tækifæri til að tala og blása, þá leið mér svolítið betur því ég fékk að tala við hana, mér fannst eins og þetta væri stuðningur fyrir mig, ekki fyrir hann. Ég þarf ofboðslegan stuðning en það er ekkert að ske og er búin að berjast við þetta kerfi í öll þessi ár, alveg frá því að hann var í 7 ára bekk. Svo fór hann á BUGL (barna- og unglinga geðdeild Landspítalans), ég er búin að vera berjast ein í öll þessi ár, en ekkert skeður.“
Gyða fékk ekki Stuðninginn heim í sex til átta vikur eins og hinir viðmælendurnir
heldur telur hún að stuðningnum hafi lokið eftir um tvær vikur. Hún kannast
heldur ekki við að hafa farið á kynningarfund né lokafund og segir að starfið hafi
bara hætt einn daginn. Hún hafi beðið starfsmanninn um að útbúa umbunarkerfi
og dagsskipulag sem hún gæti farið eftir en það varð aldrei neitt úr því. Gyða
hefur miklar áhyggjur af framtíðinni og að barn hennar eigi eftir að leiðast inn á
ranga braut í lífinu „vandamálin lagast ekki, svona börn lenda oft í rugli.“ Þótt
henni hafi ekki þótt Stuðningurinn heim skila árangri fyrir sig og fjölskyldu sína
myndi hún samt sem áður þiggja úrræðið á ný ef það stæði henni til boða.
Þeir viðmælendur sem töldu ekki árangur af starfinu áttu báðir börn með
ADHD-greiningu og erfiðleikarnir sem foreldrarnir glímdu við tengdust greiningu
barnanna. Foreldrarnir áttu það sameiginlegt að telja starfið hafa snúið meira að
þeim en að því að vinna markvisst starf með börnunum til að takmarka
hegðunarerfiðleika þeirra.
4.3.1.2 Viðhorf notenda til starfsmanna Stuðningsins heim
Hvort sem úrræðið skilaði þeim árangri sem viðmælendur vonuðust eftir eða
ekki, voru allir mjög ánægðir með þann starfsmann sem kom inn á heimilið og
veitti þeim stuðning. Allir viðmælendur nefndu að þeim hefði þótt gott að tala við
starfsmanninn og fá tækifæri að tjá líðan sína. Traust myndaðist milli allra
viðmælenda og starfsmanna. Þórhildur var fyrst óörugg með að fá einhvern inn á
heimilið sitt:
„Maður er að hleypa einhverjum inn á heimilið og hann fær að sjá hlutina eins og þeir eru, maður var ekkert að skrúbba allt þegar hún kom. Manni, maður hafði pínu áhyggjur ef hún væri dónaleg eða eitthvað svoleiðis en það voru alveg ástæðulausar áhyggjur.“
56
En eftir að hafa fengið starfsmanninn var upplifun hennar þessi:
„Er ofboðslega ánægð með konurnar sem starfa þarna sem ég er búin að hitta og hvað þær virðast vinna þetta frá hjartanu og eru sko fyrst og fremst að hugsa um hag barnanna. En mér finnst líka... hérna, þú veist, ég finn hvað það er mikilvægt að hugsa um uppalandann og að hugsað er líka um okkar hagsmuni, það koma saman mínir hagsmunir og barnanna [...] Mér fannst hún æði, bara alveg frábær. Ég hugsaði að það getur engin önnur verið eins frábær og hún. Þær eru örugglega allar frábærar en ég hafði verið mjög heppin.“
Þórhildur upplifði öryggi í því að einhver kæmi reglulega inn á heimilið svo hægt
væri að ræða saman og fara yfir stöðu heimilisins. Hún upplifði að enginn í
hennar nánasta umhverfi hefði reynslu af eða skilning á þeim erfiðleikum sem
hún glímdi við og þess vegna væri mikilvægt að hún gæti rætt við starfsmann
Stuðningsins heim. Það var ekki aðeins Þórhildur sem var ánægð með
starfsmanninn sem kom inn á heimilið, heldur einnig börn hennar.
„Þeim fannst hún mjög fín og þegar ég lét vita að hún væri að koma var ekkert andvarp, vesen eða kvart eða kvein þegar hún var að koma. Þau spjölluðu við hana, meira að segja eftir að hún var hætt lenti ég í veseni með strákinn og þurfti að hringja í hana og hún bara talaði við hann í síma, eða meira segja kom hún eitt skipti til þess eins að tala við hann og svona og það var svona til að veita mér stuðning og líka til að veita honum styrk.“
Friðrik og María glímdu við erfiðleika sem rekja mátti til einhverfugreiningar
barns. Þau voru mjög ánægð með starfsmanninn sem kom inn á heimili þeirra.
Starfsmaðurinn var eldri kona og lýstu þau hjónin henni sem „amma tvö.“ Það
sem þeim þótti mikilvægast er hversu vel barnið þeirra tengdist starfsmanninum
en einhverf börn eru ólíkleg til að tengjast ókunnugum. „Hann (barnið þeirra) var
eins og guð hjá henni, það var bara aðdáun og hann rosa hrifinn af henni og til
dæmis knúsaði hann hana sem gerist aldrei þar sem hann er fælinn, sem gefur til
kynna hvernig karakter þessi starfsmaður er.“
Elsu fannst einnig mjög gott að fá starfsmanninn heim til sín: „Hún var
eiginlega bara orðin ein af okkur, hún var mjög yndisleg þessi kona [...] Hún var
aldrei að flýta sér, það fannst mér áberandi að hún væri ekki að flýta sér eða fara
eitthvað annað og eins og hún hefði allan tímann.“ Framkoma starfsmannsins
57
varð til þess að Elsu þóttu heimsóknirnar afslappaðar en hún var mjög ánægð
með starfsmanninn sem vann með hennar fjölskyldu.
Í þeim tilfellum þar sem viðmælendum þótti úrræðið ekki skila tilsettum
árangri leist þeim samt sem áður vel á starfsmanninn. Þótt Ólöfu og Gyðu þætti
ekki vera árangur af starfinu fyrir fjölskylduna fannst þeim mjög gott að tala við
starfsmanninn. Þær fengu tækifæri að opna sig og tjá áhyggjur sínar. Ólöf nefnir:
„mér bara fannst hún rosa fín, svona eldri kona sem var voða gott að tala við,
mér fannst að ég gæti tjáð mig um hlutina við hana, hún var ekkert að dæma mig
eða þannig.“
Ljóst er hversu mikilvægt viðmót starfsmanna er, því þótt viðmælendum
þætti starfið ekki skila árangri voru þeir samt sem áður þakklátir fyrir að fá
tækifæri til að deila áhyggjum sínum með starfsmanninum.
4.3.1.3 Hvað í starfi Stuðningsins heim skilar árangri?
Viðmælendur glímdu við ólíkar aðstæður og það var því ólík þjónusta sem hver
fjölskylda fékk. Aðstæður innan hverrar fjölskyldu fyrir sig hafa áhrif á það hvaða
starf er unnið með fjölskyldunni. Hér verður fjallað um þau atriði sem
viðmælendum þóttu skila árangri að starfinu loknu. Fimm viðmælendur voru
ánægðir með starfið og töldu að þeir hefðu lært eitthvað sem hjálpaði þeim til að
ná þeim markmiðum sem þeir höfðu sett sér. Tveir þeirra greina frá því að
erfiðleikarnir sem þeir glímdu við hefðu verið þess eðlis að þeir gátu ekki leitað til
nærfjölskyldu né vina eftir leiðbeiningum. Einstaklingar í nærumhverfi þessara
fjölskyldna höfðu aldrei tekist á við sambærilega erfiðleika sem varð til þess að
foreldrarnir upplifðu að þeir hefðu engan til að leita til. Þórhildur greinir frá:
„Ég meina, ég er ein hérna á heimilinu og er að lenda í allskonar aðstæðum sem ég hef aldrei lent í áður, og fólk í kring um mig hefur sjálft ekki lent í og fólk er gapandi og alveg... sorry, ég veit ekki hvað þú átt að gera. Það er ofboðslega gott og ómetanlegt að hafa manneskju sem hefur reynslu og hefur lent í þessu áður sem segir manni að þetta er rétt hjá þér, haltu þessu áfram eða ekki gera þetta því þetta hefur þessi áhrif, gerðu frekar svona.“
Friðrik og María eiga barn með einhverfu. Þau greina frá því hvað það skipti þau
miklu máli að fá leiðbeiningar þar sem þau höfðu enga þekkingu í því að annast
barn með einhverfu áður en barnið þeirra greindist.
58
María greinir frá: „Mér fannst bara frábært að fá einhverjar ábendingar því
maður var í þeim aðstæðum að fá barnið í hendurnar og það er greint með
einhverfu og maður er alveg... hvað er það?“ Vandræði þeirra tengdust
matartímum, svefnvenjum, hegðunarvanda og klósettferðum barnsins. Eftir að
hafa leitað til aðstandenda sem gátu ekki hjálpað þeim, leituðu þau til
félagsráðgjafa þar sem þeim var boðinn Stuðningurinn heim. María talaði um að
hún hefði vonast eftir kraftaverki við að fá Stuðninginn heim, og þegar
rannsakandi spurði hvort að væntingarnar hafi staðist svaraði hún:
„Uhh JÁ! Við því, þetta var mikil vinna og á þeim tíma að leggja í þetta, þetta var risastórt fjall, bara sagan um skessuna og Búkollu. Svo hætti barnið á bleyju, svefninn og hegðunarvandinn og maturinn lagaðist og allt sem fylgdi því, notar gaffal, biður um meira og ekki öskur.“
Starfsmaðurinn kenndi foreldrunum tækni til að takast á við erfiðleikana sem þau
bjuggu við ásamt því að búa til rútínu sem foreldrarnir gátu farið eftir.
Foreldrarnir nota dags daglega það sem þau lærðu þótt bakslög eigi sér stað í
framförum, en unnið er í mikilli samvinnu við skólann til að halda þeim árangri
sem hefur náðst. Árangurinn sem náðist hefur bætt líf fjölskyldunnar þar sem
hún telur sig öruggari og hefur þekkingu til að takast á við aðstæður sem kunna
að koma upp.
Guðrún þurfti einnig aðstoð við að setja upp rútínu fyrir börnin. Nokkur ár
eru liðin frá því hún fékk Stuðninginn heim og sér hún enn til þess að rútínan
haldist. Rútínan snýr að svefntíma, mataræði og matartíma. Einnig lærði hún að
hrósa börnunum og nota umbunarkerfi. Guðrúnu fannst „gott að fá einhverja
konu sem gat leiðbeint manni.“
Elsa og maður hennar fengu Stuðninginn heim til að fá aðstoð við að
samræma uppeldisaðferðir þeirra hjóna. Hún segir að úrræðið hafi verið
lokatilraun hennar til að bjarga hjónabandinu þar sem henni þótti maður hennar
of grófur við að aga börnin. Þótt hann hafi samþykkt að fá Stuðninginn heim var
hann aldrei viðstaddur þegar starfsmaðurinn kom á heimilið. Elsa skildi síðar við
mann sinn en segir að þótt hún hafi ekki náð markmiðinu telji hún sig hafa lært
margt sem hún notar enn í dag. Samskipti hennar við börnin sín voru brotin og
glímdi hún við hegðunarerfiðleika eldra barnsins. Stuðningurinn heim hjálpaði
59
Elsu að bæta samskiptin og hún fór að horfa gagnrýnið á eigin aðstæður. „Þetta
bara gerði mér rosa gott á þessum tíma og opnaði í raun augu mín.“ Með því á
Elsa við að hún gerði sér grein fyrir því meðan á starfinu stóð að hún bjó ekki við
eðlilegar heimilisaðstæður og að hún gæti ekki breytt manninum sínum þegar
hann sjálfur vildi ekki ná fram neinum breytingum. Elsa greinir frá því hvernig
samskiptin voru áður hún fékk Stuðninginn heim. „Ég hafði ekki næga tækni og
þeim (börnunum) fannst eins og ég væri að gera það fyrir pabba þeirra, þau
treystu mér ekki og héldu að ég segði honum allt sem þau sögðu mér.“ Elsa telur
starfsmanninn hafa náð til barnanna og gert þeim grein fyrir því að þau gætu
treyst mömmu sinni. „Hún kenndi mér að ná til þeirra, þú veist að ég væri ekki
Grýla og hvernig þau geta talað við mig.“
Helsti árangurinn að mati Elsu er:
„Að við hérna tölum meira saman, þetta er ekki bara svona að ég er mamman og þau börnin og þau eiga að hlýða öllu sem ég segi. Þau hafa skoðanir [...] En þau eru orðin miklu meira afslöppuð eftir að við fluttum frá honum en hún (starfsmaðurinn) kenndi okkur að hafa eðlileg samskipti, það er, ég og börnin.“
Elsa telur sig búa enn að þeim árangri sem náðist með úrræðinu Stuðningurinn
heim. Bætt samskipti hafa orðið til þess að hegðunarerfiðleikar barnsins séu ekki
eins áberandi og þau voru fyrir stuðninginn.
Þórhildur glímdi við hegðunarerfiðleika hjá barni sínu sem hún vildi rekja til
upplifunar barnanna af því að hafa alist upp við heimilisofbeldi. Þórhildur segir að
með Stuðningnum heim hafi hún getað kennt börnum sínum margt:
„Mér fannst eins og ég gæti sýnt þeim það í verki, svona gerir maður þegar eitthvað er að, maður fer ekki og lokar sig af, en það var oft viðkvæmt með pabba þeirra þegar hann var hérna að það mátti aldrei fara út fyrir heimilið og leita aðstoðar, þetta var bara okkar einkamál sem engum kom við, þau eru mjög föst í þessu og hafa verið mjög föst lengi, ég vil sýna þeim að hitt er betra [...] Að þau læri að maður á ekki að berja, að ef eitthvað er að eða vandamál sem er að skapa einhverja vanlíðan, að maður á að leita til einhvers sem maður getur leitað til og rætt við og fengið aðstoð. Ég er svolítið mikið að reyna að kenna þeim þetta.“
Stuðningurinn heim hefur kennt fjölskyldunni að eiga góð samskipti auk þess að
kenna Þórhildi hvernig hún á að takast á við aðstæður þegar barnið hennar beitir
60
ofbeldi í reiðiköstum. Langt er liðið frá því að barnið beitti ofbeldi síðast og rekur
Þórhildur árangurinn til þess hve vel hún er fær um að takast á við aðstæðurnar
eftir Stuðninginn heim.
Margt af því sem foreldrarnir lærðu meðan á starfinu stóð nýtist enn í
dag. Þótt langt sé liðið frá því að foreldrar fengu Stuðninginn heim nota þau þá
tækni og þær aðferðir sem starfsmennirnir kenndu þeim.
4.3.1.4 Helsti árangur af starfsemi Stuðningsins heim: Breytt viðhorf til foreldrahlutverksins
Foreldrar sem töldu að Stuðningurinn heim hefði gagnast þeim nefndu að starfið
hafi ekki aðeins hjálpað þeim að vinna að ákveðnum markmiðum heldur upplifðu
þau breytt viðhorf til foreldrahlutverksins. Hegðunarvandi og erfiðleikar á
heimilinu í fortíðinni höfðu þau áhrif að foreldrarnir upplifðu að þau stæðu sig
ekki og í sumum tilfellum töldu þau sig óhæfa foreldra. Þórhildur sagði að hún
hefði haft mjög brotna sjálfsmynd eftir margra ára sambúð með ofbeldismanni:
„Já, ég náttúrulega fékk klárlega þá mynd af sálfri mér að ég væri betri móðir en ég hafði haldið og hérna... og náttúrulega hafði fyrrverandi gert rosalega mikið af því að draga mig niður og gera lítið úr mér, þú ert óhæf móður, þú ert léleg móðir, ert ekki að sinna þessu nógu vel, allt þetta sest í hausinn á mér og maður er fullur af efasemdum, hún (starfsmaðurinn) reif sjálfsmyndina upp.“
Starfsmaðurinn gerði Þórhildi ljóst að hún gerði margt mjög gott og veitti henni
leiðbeiningar í aðstæðum sem hún var óörugg í. Þórhildur telur sig hafa lært
margt af starfsmanninum: „Þú veist, þessi yfirvegun sem hún (starfsmaðurinn)
sýnir: örugg, rosalega ófeimin við aðstæðurnar, það sat alveg eftir hjá mér og ég
pikkaði það svolítið upp hjá henni.“ Stuðningurinn heim hjálpaði Þórhildi við að
öðlast aukinn styrk og öryggi í foreldrahlutverkinu sem hafði áhrif á það hvernig
hún tókst á við aðstæður sem upp komu inni á heimilinu:
„Ég var komin með meiri styrk og betri tækni þannig að ég var farin að bregðast miklu réttar við aðstæðum og farin að geta tekið á þeim á allt annan hátt, sem hefur betri afleiðingar seinna meir fyrir mig og barnið.“
Friðrik og María höfðu sætt mikilli gagnrýni á uppeldisaðferðir sínar frá fjölskyldu
og vinum. Aðstandendur höfðu ekki þekkingu á einhverfu en komu samt með
ítrekaðar ábendingar um hvernig þau ættu að haga hlutunum og koma fram við
61
barnið. Ábendingarnar skiluðu sjaldnast árangri þar sem barnið brást öðruvísi við
en önnur börn við sömu aðstæður. Friðrik greinir frá: „Við héldum að við værum
að gera allt vitlaust, værum óhæfir foreldrar.“ Þá bætir María við:
„Þetta er bara satt, þegar við sóttum um Stuðninginn heim þá vorum við eiginlega bara tilneydd til þess vegna þess að fjölskylduaðstæður voru þannig að það kemur gagnrýni hér og þar frá... já, stundum fer það eftir aðstæðum. Sjálfsmyndin breyttist eftir að hafa fengið staðfestingu um að við værum að gera eitthvað rétt og að geta hætt að hlusta á gagnrýni og geta hlustað á eigin innri rödd.“
Guðrún greinir frá því að hún sé mun öruggari eftir að hafa fengið leiðbeiningar
starfsmanns Stuðningsins heim og betur í stakk búin til að takast á við aðstæður
sem skapast á heimilinu. Elsa segir frá því að hún hafi öðlast aukið öryggi og það
hafi verið eitt það helsta sem hún græddi á Stuðningnum heim. Við spurningum
þar sem spurt var um árangurinn af starfinu svöruðu fimm „aukið öryggi í
foreldrahlutverkinu.“ Þar sem foreldrarnir glímdu við ýmsa erfiðleika á heimilinu
varð það til þess að þau fóru að líta á sig sem vanhæfa foreldra sem stæðu sig
ekki í foreldrahlutverkinu. Stuðningurinn heim styrkti foreldra og bætti samhliða
sjálfsmyndina sem gerði foreldrum betur kleift að takast á við aðstæður sem
komu upp á heimilinu.
4.4 Hugmyndir notenda að úrbótum
Viðmælendur voru spurðir hvort þeir hefðu einhverjar hugmyndir að úrbótum
eða því hvernig hægt væri að bæta þjónustuna. Hér verður fjallað um þær
tillögur sem viðmælendur komu með.
4.4.1.1 Stuðningurinn heim í lengri tíma
Í flestum tilfellum nefndu viðmælendur að þeir hefðu viljað fá Stuðninginn heim í
lengri tíma en þeir fengu. Elsa útskýrir af hverju hún hefði viljað lengri tíma:
„Ég var rosalega ánægð með þetta, nema ég hefði viljað þetta aðeins lengra og kannski aðeins fleiri skipti en að öðru leyti bara einhvern veginn... þegar maður er á annað borð kominn af stað og búinn að opna heimili sitt, maður er farinn af stað inn í eitthvað svona þá hefði ég viljað hafa þetta aðeins lengur. Fórum kannski aðeins of hægt af stað og þegar maður er byrjaður og er farinn að sjá að maður gat treyst henni (starfsmanninum) var þetta að verða búið.“
62
Foreldrar töldu að lengri tími myndi skila auknum árangri þar sem mörgum þótti
úrræðið líða of hratt. Þeir sem nefndu að þeir hefðu viljað lengri stuðning báðu
starfsmanninn þó ekki um framlengingu á starfinu og getur það verið ein ástæða
þess að það stóð þeim ekki til boða. Einn viðmælandi fékk stuðninginn heim í 16
vikur (tvöfalt tímabil), en í því tilfelli var það álit bæði foreldra og starfmanns að
frekari stuðning þyrfti til að ná þeim markmiðum sem unnið var að.
4.4.1.2 Eftirfylgni og símabakvakt
Notendum Stuðningsins heim er stundum boðin eftirfylgni þegar talin er þörf á
frekari stuðningi eða foreldrar sækjast sérstaklega eftir því. Eftirfylgni felst í því
að starfsmaður heimsækir fjölskyldu einu sinni í mánuði næstu þrjá mánuði með
það að markmiði að viðhalda þeim árangri sem fjölskyldan hefur náð. Einnig
hefur foreldrum verið boðið að hafa samband símleiðis ef eitthvað kemur upp á
að loknu úrræðinu (Aðalbjörg Valberg, munnleg heimild, 6. september 2012).
Nokkrir viðmælendur nefndu að það ætti að vera aukin eftirfylgni og hefðu þegið
slíkt ef það hefði staðið þeim til boða. Þórhildi var boðið að hafa samband við
starfsmann að loknu úrræðinu en starfsmaður hafði ekki alltaf tök á að svara
henni. Þórhildi fannst vanta aðeins upp á þann hluta þjónustunnar þar sem
óþægilegt er að geta ekki fengið að tala við starfsmanninn þegar aðstæðurnar
blasa við og hún þarf nauðsynlega á leiðbeiningum og stuðningi að halda. Hún
telur að aukning við þennan hluta þjónustunnar myndi hjálpa fleirum sem nýta
sér úrræðið:
„Kannski kona að fá Stuðninginn heim og búin að fá starfsmann heim sem heldur í hendina á þér og hún er svo allt í einu farin og maður stendur einn og þá yrði rosa gott ef aðstæður koma upp aftur og maður þarf að tækla þetta einn og ég lenti í því nokkrum sinnum „shit, hvað á ég að gera?“ Ég vil frekar gera rétt og þá er gott að geta hringt og gott að fá leiðbeiningar sem fyrst á meðan maður er í ástandinu. Heimilið í einhverju fokki á meðan þangað til að ég er búin að fá leiðbeiningar um hvað er best fyrir mig að gera. Svona tilfelli koma upp, þá varð maður pínu stressuð og í lausu lofti þangað til að maður var búinn að fá leiðbeiningar og stuðning, eins og: Er ég að gera rétt?“
Þórhildur stingur upp á símabakvakt þar sem hægt væri að hafa samband ef
notendur þjónustunnar lenda í erfiðleikum eftir að Stuðningnum heim lýkur.
63
Leggur hún til að starfsmaður þurfi að svara símtalinu innan ákveðins tímaramma
svo aðstæðurnar séu ekki yfirstaðnar þegar svarað er því mikilvægt sé að fá
stuðning sem fyrst.
4.4.1.3 Þjónustan sýnilegri
Friðrik og María voru mjög sátt við þjónustuna að því frátöldu að þeim fannst hún
ekki nógu sýnileg. Þau áttu í miklum erfiðleikum heima fyrir og leituðu eftir
aðstoð en fundu ekkert fyrr en félagsráðgjafinn þeirra benti þeim á úrræðið.
Guðrún tekur í sama streng og er hissa á að hafa ekki verið boðið úrræðið fyrr.
Hún hefur lengi átt í erfiðleikum og barnavernd hefur þurft að hafa afskipti af
börnum hennar í gegnum árin. Barnavernd hefur ekki þurft að hafa afskipti síðan
hún fékk Stuðninginn heim í seinna skiptið og þar af leiðandi hefði hún viljað fá
Stuðninginn heim fyrr.
4.4.1.4 Unnið með öðrum börnum á heimilinu
Gyða og Ólöf sem báðar eiga börn með ADHD segja systkini þessara barna líða
fyrir það að búa á heimili þar sem búi barn með slíka greiningu. Samskipti milli
systkinanna eru erfið og starfsmaðurinn virtist ekki huga að því. Ólöf nefnir: „mér
finnst það voða skrítið, það er ekki talað við hann, hann er alveg út úr einhvern
veginn, af því það er ekkert vandamál á honum, þá gleymist hann.“ Ólöf, sem
hefur einnig þegið úrræðið Ráðgjafinn heim segir að í hvorugu þessara úrræða
hafi verið hugað að hinu barninu á heimilinu. Gyða tekur undir það og segir
ástandið vera sérstaklega alvarlegt þar sem ofbeldi sé algengt milli barnanna og
geti hún ekki skilið þau eftir ein heima. Barnið með ADHD-greininguna stjórnar
heimilinu og öll athyglin beinist að því. Mikilvægt sé að hugað sé að hinu barninu
þrátt fyrir að ekkert vandamál sé þar á ferð.
4.4.1.5 Áhrif og reynsla af barnavernd á það hvort fjölskyldur þiggja þjónustuna
Tveir viðmælendur sögðu frá því hvernig neikvæð reynsla af eða neikvætt viðhorf
til barnaverndar geti orðið til þess að foreldrar séu ólíklegri til að þiggja
Stuðninginn heim. Guðrún segir: „sko ég og Stuðningurinn heim unnum vel
saman en þegar úrræðið er samblandað við barnavernd þiggur fólk ekki alltaf
úrræðið.“ Þórhildur telur að gera þurfi foreldrum ljóst að starfsmaður
64
Stuðningsins heim muni ekki dæma heldur styðja. Þessar upplýsingar þurfi að
koma skýrt fram þegar úrræðið er kynnt fólki. Sérstaklega þurfi að leggja áherslu
á út á hvað starfið gengur þegar úrræðið er kynnt foreldrum sem barnavernd
hefur þurft að hafa afskipti af. Slíkar upplýsingar geti orðið til þess að fleiri
fjölskyldur sem þurfa á aðstoð að halda nýti sér úrræðið.
4.4.1.6 Stuðningurinn heim og þjónusta fyrir börn sem búa við heimilisofbeldi
Þórhildur leggur áherslu á að takmarka skaðann sem fjölskylda verður fyrir vegna
heimilisofbeldis og vill finna nýjar leiðir til að stöðva ofbeldi. Reynsla hennar
veldur því að hún gerir sér grein fyrir afleiðingum heimilisofbeldis á alla
fjölskylduna. Einnig telur hún að börn sem verða vitni að heimilisofbeldi séu
líklegri til að beita ofbeldi á fullorðinsárunum:
„Ég meina, eins og í dag, allir þessi ofbeldismenn sem eru að ganga um og valda öllum þessum einstaklingum ama og tjóni, hvaðan koma þeir? Þú veist, hvaðan eru þeir sprottnir, hvar læra þeir þetta? Þetta er eitthvað sem þeir hafa flestir upplifað sjálfir, erfiðleikar á heimili og aldrei er neitt gripið inn í, svo koma þeir út í þjóðfélagið hálfveikir.“
Þórhildur telur mikilvægt að gripið sé fyrr inn í aðstæðurnar og vill hún að það sé
gert í gegnum tilraunaverkefni á vegum Barnaverndarstofu sem heitir Þjónusta
fyrir börn sem búa við heimilisofbeldi. Þórhildur frétti af úrræðinu þegar hún
heyrði viðtal við Braga Guðbrandsson forstöðumanns Barnaverndastofu.
Þjónustan er í samvinnu við lögreglu og gengur út á að reyndur félagsráðgjafi
mætir með lögreglu inn á heimili þegar borist hefur tilkynning um heimilisofbeldi
þar sem barn/börn eru búsett. Markmiðið er að huga að líðan barnanna og
upplifun þeirra af atburðinum og bjóða upp á frekari stuðning ef þörf er á
(Barnaverndarstofa, 2011). Þórhildur veltir því fyrir sér hvort staða hennar væri
öðruvísi ef hún hefði fengið fyrr stuðning:
„Kannski væri staðan öðruvísi, ef ég hefði fengið öðruvísi stuðning, hefði fengið hann fyrr og það hefði verið tekið öðruvísi eða markvissar á málinu. Mér þætti gaman að sjá hvort þessi tvö úrræði myndu virka vel saman, að láta starfsmann sem kemur inn á heimilið og sér að barni líður illa og hvað er svo gert, þurfa þau ekki stuðning inn á heimilið? Kannski mamman, pabbinn að fá Stuðninginn heim, allavega sá sem er beitir ofbeldi, að hann fái tiltal, þarf ekki að segja hvað hans hegðun, hvaða áhrif hegðunin hans hefur á börnin
65
fyrst og fremst? Og aðilinn sem verður fyrir ofbeldinu þarf að fá stuðning og upplýsingar og hvernig hann getur komið sér út úr aðstæðunum ef hann vill það.“
Þórhildur telur að fórnarlömb heimilisofbeldis þurfi mikinn stuðning til að rjúfa
þann vítahring sem myndast í sambandi við ofbeldismann. Með því að bjóða upp
á Stuðninginn heim er verið að gefa fórnarlambinu tækifæri, annað hvort til að
losa sig úr aðstæðunum eða að foreldrar í sameiningu komist að einhverri lausn.
4.5 Viðhorf starfsmanna til starfsemi Stuðningsins heim
4.5.1.1 Við hvaða aðstæður finnst starfsmönnum skemmtilegast að starfa?
Starfsmennirnir voru á því að þeim þætti gagnast best og skemmtilegast að vinna
í málum þar sem markmiðin væru skýr, þar sem notuð væri bein uppeldisráðgjöf.
„Það er náttúrulega þegar það kemur að algjörri ráðgjöf, svona uppeldisráðgjöf, kenna hvernig á að tala við börn, hrósa, jákvæð styrking og svoleiðis, þetta er það sem er einna skemmtilegast og manni finnst besti árangurinn og nýtast lang best og það er kannski eitthvað sem maður heldur að muni halda áfram.“
Með beinni uppeldisráðgjöf eiga starfsmenn við þegar þeir fá að kenna foreldrum
skref fyrir skref hvernig á að haga hlutum. Dæmi um það er þegar starfsmenn
koma auga á vandamál sem foreldrar hafa ekki náð að finna lausn á. Kennslan
felst í því að hjálpa foreldrunum að leysa úr vandamálinu.
Öðrum starfsmanni þótti einnig mikilvægt að geta kennt foreldrum að
njóta tímans með barni/börnum.
„Líka finnst mér stundum að fá fólk til að slaka pínu á í uppeldinu... ekki slaka á Í! uppeldinu heldur að það slaki pínu á, að himinn og haf eru ekki að farast þó þú gerir einhverja vitleysu. Það er mikill árangur ef það er gaman að uppeldinu, það er gaman að vera með börnunum, það er stuttur tími meðan þau eru lítil og maður getur eitthvað stjórnað og maður á að njóta tímans og vera pínu slakur.“
Ein ástæða þess að starfsmönnum finnst skemmtilegast að vinna slíka vinnu er
að árangurinn verður sýnilegur meðan starfið er í gangi og þeir fá þá upplifun að
sú vinna sem er unnin hjálpi fjölskyldunni.
66
4.5.1.2 Hvaða þætti telja starfsmenn mikilvæga í fari foreldra til að árangur náist?
Það fyrsta sem starfsmennirnir nefna er að foreldrar þurfa að gera sér grein fyrir
að vinnan til að ná fram breytingum er undir þeim komin og þeir þurfa að vera
tilbúnir að vinna að þeim breytingum. Hlutverk starfsmannanna er að styðja
fjölskylduna og hjálpa henni að finna leiðir til að ná þeim breytingum sem sóst er
eftir. Ekki gera allir foreldrar sér grein fyrir þeirri vinnu sem þeir þurfa að leggja á
sig til að ná fram breytingum. Einn starfsmaður hefur reynslu af því að starfa með
slíkum fjölskyldum:
„Stundum heldur fólk að við séum komin til að gera eitthvað fyrir fjölskylduna, það áttar sig kannski ekki á því að vinnan byggir á þeim en ekki mér, en jú ég aðstoða við að ná settum markmiðum en þau þurfa að vinna vinnuna. Stundum hugsa ég að foreldrar haldi að ég sé með töfrasprota sem ég nota til að laga allt. Stundum er eins og þau séu ekki tilbúin í alla þá vinnu sem þarf að fara í gegnum til að eitthvað breytist.“
Aðrir eiginleikar sem starfsmenn telja mikilvæga í fari foreldra er að þeir geti
verið samkvæmir sjálfum sér og sett skýr mörk. Séu foreldrar í sambúð er
mikilvægt að þeir séu sammála í uppeldinu og sendi ekki barni/börnum
misvísandi skilaboð. Starfsmennirnir vinna einnig með einstæðum foreldrum en
þar er mikilvægt að foreldri geti staðið við ákvörðun sína í stað þess að láta ávallt
undan barninu. Einnig telja starfsmenn að þeir einstaklingar sem leita sjálfir eftir
úrræðinu séu líklegri til að hafa vilja og þolinmæði til að ná fram þeim
breytingum sem óskað er eftir og einnig þeir foreldrar sem eru hreinskilnir og
láta starfsmann vita ef þjónustan hentar ekki. Mikilvægt er að gera starfsmanni
viðvart ef þjónustan hentar ekki svo hægt sé að reyna nýja nálgun. Góð samskipti
og samstarf er undirstaða þess að mögulegt sé að veita góða þjónustu.
Þótt starfsmenn Stuðningsins heim nefni þessa þætti sem góða eiginleika í
fari foreldra eru slíkir eiginleikar ekki alltaf mælikvarði á það hvort árangur náist
með fjölskyldu. Starfsmaður greinir frá: „Þegar maður vinnur með fólk... fólk er
svo margslungið, engir tveir eru eins og það er erfitt að segja að þetta nýtist
þessum rosa vel en alls ekki þessum. Maður veit bara ekki hvernig þetta nýtist
hverjum.“
67
4.5.1.3 Hvaða aðstæður telja starfsmenn erfiðast að vinna með?
Hér á undan voru taldir upp þættir sem starfsmönnum þóttu mikilvægir í fari
foreldra til að ná árangri en sömuleiðis voru starfsmennirnir spurðir um hvaða
þætti þeim þætti erfitt að vinna með. Báðir nefndu að erfitt geti verið að vinna
með fólki með geðsjúkdóma. Á heimilum þar sem erfiðleikar eru til staðar getur
verið erfitt fyrir starfsmann að greina hvort erfiðleikarnir séu vegna vandamála í
uppeldinu eða geðrænna erfiðleika barns og/eða foreldris. Erfitt getur verið að
virkja foreldra með geðsjúkdóma og getur tekið langan tíma að ná fram
breytingum. Annar starfsmaður nefndi að hrósa þurfi þessum foreldrum
sérstaklega:
„Maður byrjar á að hrósa fyrir eitthvað sem er gott, byrjar að reyna að fara þá leiðina og smám saman er kannski... þú veist, þá fer fólkið að draga frá og maður sér að það lifnar yfir fólkinu en fólk er líka svo einmana og það kemur kannski enginn og svo eftir þessar átta vikur er ég voða hrædd um að þessi hópur detti aftur niður.“
Starfsmaðurinn sem nefndi að honum þætti erfitt að vinna með fólki með
geðsjúkdóma hefur sérstakar áhyggjur að sá árangur sem næst meðan á starfinu
stendur haldist ekki þegar starfinu er lokið. Starfsmaðurinn telur mikilvægt að
annað úrræði, eins og tilsjón, taki við af Stuðningnum heim þar sem tilsjón ætti
að hjálpa einstaklingum að viðhalda þeim árangri sem hefur verið náð með
Stuðningnum heim.
Á síðustu árum hefur umsóknum frá foreldrum af erlendum uppruna
fjölgað (Aðalbjörg Valberg, munnleg heimild, 6. september 2012). Annar
starfsmaðurinn nefndi hve erfitt honum þætti að vinna með fjölskyldum af
erlendum uppruna og þá helst vegna tungumálaörðugleika.
„Mér finnst erfitt að vinna með túlk eða þriðja aðila, ég veit aldrei hvort að... stundum eru svo ólíkar mállýskur að túlkur á erfitt með að skilja þann sem hann er að túlka fyrir og svo er þetta svo viðkvæmt samfélag. Lítið samfélag og fólk vill ekki túlk því þau vilja ekki þekkja þann sem túlkar. Mér finnst alltaf erfitt að vinna með túlk, mér finnst betra ef fólk kann pínulitla ensku eða íslensku og frekar að reyna að gera sig skiljanlega þannig en að hafa alltaf túlkinn með sér. En túlkurinn er alltaf með á fundi svo þetta komist til skila en þá segir stundum fólk að það skilji en það kannski skilur ekki neitt, en það er oft erfitt.“
68
Einnig nefnir starfsmaður að honum finnist erfiðara að setja þessum
einstaklingum mörk. Fólk af erlendum uppruna eigi það oftar til að líta á
starfsmanninn sem persónulegan vin og setja hann í erfiða stöðu með því til
dæmis að bjóða honum ítrekað í mat svo eitthvað sé nefnt. Starfsmanni finnst
vandasamt að vera í þeirri aðstöðu, þar sem hann vill ekki móðga með því að
hafna boðinu. Erfiðara sé að mynda skýr vinnuhlutverk starfsmanns og
skjólstæðings. Einnig getur verið vandasamt að vinna þegar starfsmaður og
fjölskylda hafa mismunandi afstöðu til uppeldishlutverksins sem má rekja til
menningarmismunar. Þar sem fjölskyldurnar þurfa að vilja ná fram breytingum
getur reynst erfitt að fá foreldra til að breyta um uppeldisaðferð ef þeir telja
aðferðina eðlilega þar sem hún er viðurkennd innan þeirra menningar.
Annar starfsmaður nefnir að ástæðan fyrir því að honum þyki erfitt að
vinna með foreldrum og/eða börnum með geðsjúkdóma og fjölskyldum af
erlendum uppruna sé vegna þess að hann hafi ekki næga þekkingu á þessum
hópum.
4.5.1.4 Hver er upplifun starfsmanna af að starfa með notendum á heimilum þeirra?
Komið hefur fram að sumum viðmælendum þótti erfitt að fá ókunnugan
einstakling inn á heimilið sitt en í ljós kom að starfsmönnunum gat einnig þótt
erfitt að fara í fyrstu heimsókn til notenda. Ástæðan fyrir því að starfsmönnum
þótti erfitt að fara í fyrstu heimsókn er óvissan sem ríkir við það að fara inn í
óþekktar aðstæður. Þótt starfsmaður hafi hitt foreldra og fengið ákveðna mynd
af stöðu heimilisins getur margt komið í ljós. Starfsmenn upplifa mikið öryggi í því
að fara tveir saman í fyrstu heimsókn, en slíkt er vinnuregla starfsmanna
Stuðningsins heim.
Upplifun starfsmanns við að fara í fyrstu heimsókn:
„Það er svolítið misjafnt því heimilin eru voða misjöfn, en yfirleitt ágætis tilfinning. Ég var bara voða kvíðin í fyrstu þegar maður vissi ekki út í hvað maður var að fara, við förum alltaf tvær í fyrstu heimsókn. Það er voða gott að hafa einhvern annan með sér því maður veit ekki við hverju er að búast eða alltaf pínu kvíði í minni í fyrstu skiptin en þegar maður fer síðan næsta skipti þá yfirleitt verður þetta eðlilegt og gengur vel.“
69
Hinn starfsmaðurinn lýsti svipaðri upplifun af því að fara í fyrstu heimsókn til
notenda:
„Mér finnst alltaf erfitt að fara inn í fyrsta skipti, mér finnst það alltaf pínu erfitt. Svo þegar frá líður þá finnst mér voða fínt að fara inn til þeirra, þá er það allt annað. Það er líka bara... eða flestir eru svo jákvæðir og eru hérna... vilja fá mann og sumir bíða eftir því að einhver komi.“
Þótt kvíði geri vart við sig í fyrstu heimsókn hverfa slíkar tilfinningar þegar líður á
starfið. Starfsmennirnir voru báðir spurðir hvort þeim þætti vanta meiri
upplýsingar fyrir fyrstu heimsóknina og hvaða upplýsingar þeir vildu helst fá.
Starfsmennirnir voru mjög sáttir við þær upplýsingar sem þeir fengu og telja
kynningarfundinn nauðsynlegan til að fá upplýsingar um og frá notandann. Staða
og aðstæður notenda skýrist oft með heimsóknum og foreldrar eru oft ekki
tilbúnir að deila ýmsu með starfsmönnum fyrr en tengsl hafa skapast. Því telja
starfsmennirnir nóg fyrirfram að hafa grunnupplýsingar þar sem mikið af
upplýsingum komi fram meðan á starfinu stendur.
4.6 Viðhorf til og upplifanir af skipulagsbreytingum árið 2012
Í mars 2012 urðu breytingar sem fólu í sér að starfsmenn Stuðningsins heim
dreifðust á allar þjónustumiðstöðvar Reykjavíkur. Fyrir breytingarnar höfðu
starfsmennirnir unnið sem hópur og voru í daglegum samskiptum innbyrðis.
Vikulegir samráðsfundir voru haldnir þar sem starfsmennirnir fengu að fara yfir
mál sín og fá ráðleggingar og stuðning frá samstarfsaðilum. Breytingarnar hafa
valdið því að þessi daglegu samskipti starfsmanna hafa rofnað þar sem unnið er á
mismunandi vinnustöðum. Í viðtalsvísinum var spurt um hvort starfsmennirnir
fengju reglulega handleiðslu. Í ljós kom að starfsmenn höfðu lítið þegið
handleiðslu eftir bankahrunið 2008 en í stað þess leita þeir til annarra
samstarfsaðila eftir stuðningi. Reynsla starfsmannanna af hópnum: „Það er eins
og handleiðsla að fá að hitta hópinn, við handleiddum bara hvor aðra, ef maður
lenti í einhverju þá fékk maður strax stuðning, speglun og aðstoðina sem maður
þurfti.“ Báðir starfsmennirnir nefndu hve mikilvægt væri að geta leitað til annarra
sem vinna sambærilega vinnu. Þótt starfsmennirnir segðu gott samstarfsfólk á
þjónustumiðstöðvunum þá fannst þeim erfitt að leita til þeirra þar sem unninn
væri mismunandi vinnutími og samstarfsfólkið hefði ekki endilega þekkingu á því
70
að starfa með á heimilum þjónustuþega. Tilsjónarmenn vinna hvað líkast
starfsmönnum Stuðningsins heim en starfsmennirnir töldu starfshætti ólíka í
þessum tveimur úrræðum.
„Mér finnst betra að sækja stuðninginn til þeirra en eitthvað annað og hérna... og ég þarf eiginlega alltaf, ef ég lendi í einhverju, þá vil ég geta talað um það strax en ekki að bíða eftir að geta hitt á einhvern og þá er ég kannski búin að fara í eina heimsókn í viðbót og sjálf kannski búin að vinna, eða of langt liðið til að reyna að fá hjálp.“
Starfsmönnunum þykir erfitt að hafa ekki stuðninginn frá hópnum sem hafði
verið fyrir breytingarnar. „Þetta er bara orðin mjög einmanaleg vinna.“ Fyrir
breytingarnar hafði starfið verið með öðrum hætti:
„Við byrjuðum á hverjum degi á að ræða hvað hefði gerst í heimsóknum, einhver lenti í einhverju, það var rætt og svo bara búið. Það er það sem mér finnst vanta rosalega mikið núna, að hafa þennan hóp í kring um mig á hverjum degi sem maður gat leitað í, gat leitað eins og ég geri þetta svona, það er gott að fá þessa speglun.“
Starfsmennirnir vonast til að starfið muni lagast með tímanum en á þessum
tímapunkti sjá þeir ekki hvernig það muni gerast. Hópurinn hittist nú
hálfsmánaðarlega og eru starfsmenn sammála um að það komi ekki í stað
stuðningsins sem var áður: „Maður hefur ekki lengur þetta bakland.“
Stuðningurinn frá hópnum er ekki það eina sem starfsmennirnir sakna frá
starfinu fyrir breytingar 2012. Starfsmennirnir fjölluðu um að sérfræðingar hefðu
myndast innan hópsins í ákveðnum málaflokkum eftir áhugasviði
starfsmannanna. Reynt var að fela starfsmönnunum þau mál sem voru innan
þeirra áhuga- og fagsviðs ef viðkomandi var laus. Sérfræðingar mynduðust á
sviðum eins og að starfa með ungbörnum, unglingum, börnum með ADHD,
einhverfu, fjölskyldum af erlendum uppruna svo eitthvað sé nefnt. Annar
starfsmaður greinir frá: „Ef komu upp þannig mál þá fengu þær þau mál og allir
fengu að njóta sín svolítið í sínum málum.“ Starfsmönnunum þótti gaman að
vinna með þessum hætti. „Þá líður fólki betur í starfi og það blómstrar í starfi.“
Nú er ekki í boði fyrir starfsmennina að velja þau mál sem þeim finnst áhugaverð
eða skemmtileg heldur verða þeir að taka öll mál sem berast á þá
þjónustumiðstöð sem þeir vinna á.
71
Einn viðmælandi fékk Stuðninginn heim aftur eftir breytingarnar 2012 og
gat ekki fengið starfsmanninn sem hann hafi unnið með þar sem sá starfaði í
öðru hverfi:
„Mér fannst það bara súrt, af því maður hafi þekkt hana (starfsmanninn) frá fyrri kynnum, ég meina áður og maður var í ferli með henni á þessum tíma og við þekktum hana og hún þekkti okkur og þekkti barnið og það skiptir okkur miklu máli að þekkja inn á barnið.“
Viðmælandi sagði að erfitt væri að hefja ferlið upp á nýtt í stað þess að geta
unnið í framhaldi af þeirri vinnu sem hefði náðst með fyrri starfsmanni
Stuðningsins heim. Allir viðmælendur voru spurðir hvort þeir myndu vilja fá sama
starfmanninn aftur ef til þess kæmi að þau þyrftu aftur á Stuðningnum heim að
halda. Viðmælendurnir töldu mikilvægt að fá sama starfsmanninn aftur í stað
þess að opna heimilið fyrir nýjum starfsmanni: Elsa lýsir því þannig: „Já það
skiptir miklu máli, því ég náði tengslum við hana, og já, mér finnst það skipta
miklu máli að það sé ekki einhver nýr og hún hafði vitað af þessum aðstæðum og
þannig.“
Starfsmaður ræddi um ástæðurnar fyrir breytingunum: „Tilgangurinn með
breytingunum var að Stuðningurinn heim á að vera inni á þjónustumiðstöð. Það á
allt, allt sem maður þarf, stuðningur og ráðgjöf á að vera inni á þjónustumiðstöð
í hverju hverfi.“ Starfsmennirnir eiga að þjónusta hverfin sem þeir starfa í. Annar
starfsmaðurinn nefndi það sem galla að hafa einn starfsmann sem þjónustaði
sama hverfi/hverfin til lengri tíma.
„Þá vita allir hver ég er, ég er að fara í sömu stigaganga. Fólk veit hvað ég er að gera. Mér finnst ómögulegt að vera að fara á sama stað, það er kannski bara eitthvað í mér, mér finnst eins og aðrir eigi ekki að vita að þau (fjölskyldan) séu að fá Stuðninginn heim, en svo... af hverju má fólk ekki vita? En núna verður maður bara í þessu sama hverfi.“
Starfsmaðurinn telur að fjölskyldan eigi að ráða hvort hún tilkynnir öðrum að hún
hafi fengið Stuðninginn heim en nágrannar eigi ekki að komast að því með því að
sjá starfsmanninn koma af heimilinu.
Einn starfsmaður nefndi áhyggjur af framtíð starfsins eftir breytingarnar:
„Breytingin er ekki góð ef það á að viðhalda þessari þekkingu þegar við erum ein í
hverju horni. Þá er enginn annar, og er ég svo hrædd um að þessi þekking týnist.“
72
Starfsmennirnir telja styrk úrræðisins hafa falist í hópnum þar sem metnaður var
til að efla starfið og læra hvert af öðru.
„Ég er svo hrædd um að það verði þannig, af því það er bara ein manneskja á hverri stöð að vinna og það erum ekki við sem vorum alltaf að vinna saman og vinna að því hvernig væri hægt að bæta og efla starfið. Hvað getum við gert? Alltaf að reyna að bæta, en ef maður er einn gerir maður þetta ekki eins mikið. En við vorum svo sterk þegar við vorum hópur, líka betra að aðlaga nýjan starfsmann, hann á eftir að aðlagast betur í starfi við að koma inn í hóp. Þá hefði hann komið með eitthvað nýtt en hefði líka fengið þetta gamla og séð hvernig við vorum að vinna. Ég er hrædd um að vinnan eins og hún er í dag verði ekki eins sterk.“
Breytingarnar tóku gildi í mars 2012 en eins og staðan er í dag hafa
starfsmennirnir áhyggjur af framtíð Stuðningsins heim. Starf þeirra hefur tekið
miklum breytingum og sakna þau helst þessara daglegu samskipta við aðra
starfsmenn úrræðisins. Starfsmennirnir vonast eftir því að viðhorf þeirra til
breytinganna eigi eftir að lagast með tímanum en sjá ekki fram á það vegna
þeirrar óvissu sem breytingunum fylgir.
73
5 Umræður
Markmið rannsóknarinnar er að kanna upplifun og viðhorf notenda til úrræðisins
Stuðningurinn heim. Einnig voru tekin viðtöl við tvo starfsmenn Stuðningsins
heim til að fá þeirra viðhorf til úrræðisins. Með því að leita eftir sjónarhorni
þessara einstaklinga má hugsanlega meta árangur úrræðisins og kanna áhrifin
sem þjónustan hefur á fjölskyldur.
Viðkvæmt getur verið fyrir foreldra að viðurkenna að þeir hafi þurft aðstoð
við foreldrahlutverkið. Rannsakandi hafði áhyggjur af að foreldrum þætti erfitt að
segja frá upplifun sinni en raunin var hins vegar önnur. Foreldrarnir voru mjög
opnir í viðtölum og svöruðu öllum spurningum rannsakanda. Foreldrarnir lýstu
reynslu sinni en reynsla þeirra af úrræðinu var mismunandi þar sem hver
fjölskylda vinnur að sínum markmiðum og þær fá því ólíka eða
einstaklingsbundna þjónustu. Í umræðukaflanum verður fjallað um hvert þema
fyrir sig í samhengi við rannsóknarspurningarnar og fræðilega umfjöllun sem kom
fram í kafla tvö.
5.1 Stuðningurinn heim: Forvarnarúrræði
Fram hefur komið mikilvægi þess að til séu forvarnaraðgerðir eða þjónusta til að
styrkja foreldra. Slíkar aðgerðir eru líklegar til að árangur náist í málefnum barna
sem búa við bágar aðstæður. Rannsakandi telur þjónustuúrræðið Stuðningurinn
heim falla undir skilgreiningu annars stigs forvarnir en fram hefur komið að
markmið úrræðisins er að styrkja foreldra í uppeldishlutverkinu með það að
markmiði að bæta uppeldisaðstæður barna en annars stigs forvarnir eru áætlanir
og úrræði sem grípa inn í aðstæður til að takmarka afleiðingar sem hafa þegar
orðið. Fyrir tíð Stuðningsins heim þurftu börn að dveljast á vistheimilum ef
uppeldisaðferðum var ábótavant og mikil röskun varð á lífi fjölskyldna á meðan
stofnanavist stóð. Úrræðið hefur komið í veg fyrir að fjölskyldur hafi þurft að
upplifa aðskilnað þar sem markmið þjónustunnar er að halda fjölskyldunum
saman. Fram hefur komið að með því að nálgast foreldra á þeirra forsendum og á
heimilum þeirra séu meiri líkur á að árangur náist með þjónustunni. Einnig eru
börn mun sáttari við þjónustuna þegar yfirvöld þurfa að grípa inn í
74
fjölskylduaðstæður ef foreldrar eru samvinnuþýðir þátttakendur. Bowlby (1952)
fjallar um hve miklu máli tengsl skipta fyrir börn. Þótt yfirvöld meti aðstæður svo
að foreldrahæfni sé ábótavant skiptir það börn sköpum að fá að umgangast
foreldra sína. Börn upplifa mikla röskun við að vera aðskilin frá foreldrum sínum.
Fjallað hefur verið um að börn sem alist upp á slæmu heimili dafni betur en á
góðri stofnun. Mikilvægt er því að bæta uppeldisaðstæður barna inni á heimilinu
í samvinnu við foreldra þar sem stofnanir er ekki lengur taldar betri kostur fyrir
börn. Nálgun Stuðningsins heim hentar betur en úrræði sem voru til fyrir stofnun
þess þar sem hún gætir hagsmuna bæði foreldra og barna.
5.2 Fyrstu hugmyndir að úrræðinu Stuðningurinn heim
Þar sem úrræði eða þjónusta er í boði er einnig nauðsynlegt að einhver starfi sem
hliðvörður (e. gatekeeper) að slíkum úrræðum. Félagsráðgjafar á
þjónustumiðstöðvum í Reykjavík starfa í hlutverki hliðvarða þar sem algengasta
leiðin til að fá Stuðninginn heim er sú að félagsráðgjafi sæki um fyrir hönd
fjölskyldunnar. Fæstir viðmælendur höfðu vitneskju um úrræðið fyrir kynningu
félagsráðgjafa. Ljóst er að það getur farið eftir félagsráðgjafa hvenær fjölskyldu er
boðið úrræðið. Með því að færa Stuðninginn heim út á allar þjónustumiðstöðvar
eins og gert var með breytingunum 2012 verður úrræðið sýnilegra fyrir bæði
félagsráðgjafa og skjólstæðinga. Vonast er til að ef úrræðið er sýnilegra að
líklegra sé að foreldrar geta fengið þjónustuna fyrr og áður en vandamálin verða
langvarandi. Nokkrir viðmælendur voru hissa á að þeim hafi ekki verið boðið
úrræðið fyrr og töldu félagsráðgjafa hafa vitað af vandamálum fjölskyldunnar um
lengri tíma. Félagsráðgjafar þurfa að fylgja siðareglum stéttarinnar þar sem segir
að þeir skuli upplýsa skjólstæðinga um réttindi sín ásamt því að veita þeim
fræðslu um úrræði (Félagsráðgjafafélag Íslands, e.d.). Félagsráðgjafar skulu afla
upplýsinga um aðstæður fjölskyldna sem leita til þeirra. Ef fjölskyldur glíma við
erfiðleika í uppeldishlutverkinu sem falla undir viðeigandi skilgreiningu til að geta
fengið Stuðninginn heim, ber félagsráðgjöfum að upplýsa foreldra um úrræðið.
Eins og viðmælendur greindu frá höfðu þeir ekki vitneskju um úrræðið og hefðu
trúlega þegið það fyrr hefði þeim staðið það til boða. Mikilvægt er að
félagsráðgjafar bjóði fjölskyldum úrræðið fyrr frekar en seinna, en rannsóknir
75
sýna að forvarnarúrræði henta betur ef unnið er með skammvinn vandamál en
langvarandi (Al o.fl., 2012).
Leitast var við að kanna hvað viðmælendur vissu um Stuðninginn heim áður
en þeim var boðin þjónustan. Ljóst er að viðmælendur vissu fátt eitt áður en
félagsráðgjafi á þjónustumiðstöð kynnti úrræðið. Þótt Stuðningurinn heim hafi
verið starfandi í meira en áratug veit almenningur enn lítið um starfsemina að
mati viðmælenda rannsóknarinnar. Velta má fyrir sér hvort úrræðið þurfi að vera
sýnilegra almenningi. Ef til vill glíma einhverjir foreldrar í Reykjavík við erfiðleika
en leita sér ekki hjálpar þar sem þeir vita ekki um möguleg þjónustuúrræði.
Allir viðmælendur höfðu einhverjar væntingar til Stuðningsins heim og
vonuðust til að þjónustan gæti aðstoðað við að takast á við erfiðleika við
uppeldishlutverkið. Hins vegar var afar misjafnt hvað viðmælendum þótti um
Stuðninginn heim við fyrstu kynningu félagsráðgjafa. Reynsla viðmælenda af
barnavernd og öðrum úrræðum gat litað viðhorf þeirra til úrræðisins.
Viðmælendur segja að ef notendur hafi slæma reynslu, þurfi félagsráðgjafar
sérstaklega að taka fram hvert hlutverk og markmið þjónustunnar er.
Viðmælendur töldu að þeir sem áttu neikvæða reynslu væru ólíklegri til að þiggja
þjónustuna. Ef til vill þiggur sá hópur sem mest þarf á þjónustunni að halda hana
ekki vegna tortryggni til tilgangsins. Viðmælendur töldu að félagsráðgjafi ætti að
leggja áherslu á að draga úr slíkum áhyggjum foreldra. Viðmælendur töldu að þá
myndu væntanlega fleiri nýta sér þjónustuna. Kynning félagsráðgjafa hefur áhrif
á hvort fjölskylda þiggur þjónustuna eða ekki.
5.3 Uppeldisráðgjöf á heimilum notenda
Stuðningsþjónusta inni á heimilum notenda er ekki nýtt fyrirbæri, heldur er hægt
að rekja þjónustuna til þess tíma er starfstétt félagsráðgjafa varð til. Starfsmenn
sem starfa inni á heimilum skjólstæðinga þurfa að temja sér nýja nálgun þar sem
huga þarf að öðrum þáttum þegar starfað er með fjölskyldum á heimavelli. Gæta
þarf þess að mæta fjölskyldumeðlimum á þeirra forsendum ásamt því að huga að
öryggi, mörkum, trúnaði og siðferði og öðrum atriðum sem kunna að koma upp.
Starfsmaður þarf að gera sér grein fyrir eigin viðhorfi og skoðunum þar sem
ákveðnar skoðanir geta komið í veg fyrir að traust skapist milli starfsmanns og
76
fjölskyldu (Allen og Tracy, 2008). Einnig þarf starfsmaður að gera sér grein fyrir
því að fjölskylduaðstæður eru öðruvísi en undir eðlilegum kringumstæðum þar
sem viðvera hans veldur einhverri röskun á heimili (Kadushin og Kadushin, 1997).
Eðlilegt er að fjölskylda upplifi kvíða við að bjóða starfsmanni inn á heimili sitt.
Starfsmenn Stuðningsins heim greindu frá að þeir hefðu upplifað kvíða við að
fara inn í ókunnugar aðstæður og notendur kviðu því að fá ókunnuga manneskju
heim til sín. Hins vegar var reynslan sú eftir að notendur og starfsmenn höfðu
kynnst, að báðum aðilum þótti heimilið þægilegt umhverfi til að veita og þiggja
stuðning við uppeldishlutverkið. Niðurstaða þjónustukönnunar á árunum 2009-
2011 sýnir að foreldrar telja heimilið gott umhverfi til að fá aðstoð. Þar kom
einnig fram að heimilið er gott umhverfi því þar á vandamálið gjarnan upptök sín.
Starfsmönnum þykir einnig gott að starfa inni á heimilinu þar sem þeir fá
tækifæri að sjá fjölskylduna í raunaðstæðum. Bæði íslenskar og erlendar
rannsóknir sýna árangur af því að starfa á heimilum fjölskyldna með það að
markmiði að bæta uppeldisfærni foreldra. Niðurstaða Berry o.fl. (2003) sýnir að
foreldrar eru almennt afslappaðri í eigin umhverfi og líklegri að tileinka sér nýjar
aðferðir í uppeldishlutverkinu. Heimilið hentar hins vegar ekki alltaf. Niðurstaða
Al o.fl. (2012) sýnir að forvarnarúrræði komu ekki í veg fyrir innlögn barna á
stofnanir ef börnin bjuggu við vanrækslu og ofbeldi. Þessar niðurstöður eru
sambærilegar við niðurstöður Cynthia L. Jeans og Sveindísar A. Jóhannsdóttur
(2003) þar sem Stuðningurinn heim er ekki talinn henta í þungum
barnaverndarmálum. Í vægari málum þar sem foreldrar þurfa aukinn stuðning
virðist heimilið vera gott umhverfi fyrir foreldra, börn og starfsmenn.
5.4 Viðhorf notenda til starfsemi Stuðningsins heim
Allir viðmælendur greindu frá því að Stuðningurinn heim hafi skilað einhverjum
árangri þótt árangurinn hafi ekki alltaf verið sá sami og upphaflegar væntingar.
Fimm viðmælendur greindu frá því að Stuðningurinn heim hafi skilað miklum
árangri fyrir þá og þeirra fjölskyldur. Árangurinn var í takt við þau markmið sem
fjölskyldan hafði sett sér í upphafi. Starfsmenn Stuðningsins heim höfðu mikinn
áhuga að vita hvort foreldrar notuðu enn það sem þeir hefðu lært en ein
rannsóknarspurningin leitaðist við að svara því. Allir foreldrar sem sögðu að
77
árangur hefði verið af úrræðinu náðu einnig þeim markmiðum sem unnið var að
og nota foreldrarnir enn það sem þeir lærðu meðan á úrræðinu stóð. Það sem
foreldrarnir lærðu gat snúið að bættum samskiptum við fjölskyldumeðlimi, að
hrósa, nota umbunarkerfi, fylgja rútínu og að takast á við hegðunarvanda barna
svo eitthvað sé nefnt. Þótt það hafi skipt foreldra miklu máli að öðlast nýja
þekkingu við barnauppeldið töldu foreldrar að þeir hefðu fengið eitthvað mun
mikilvægara úr starfinu.
Foreldrar sem töldu Stuðninginn heim hafa skilað árangri áttu það
sameiginlegt að vera öruggari í foreldrahlutverkinu að loknu úrræðinu.
Erfiðleikarnir sem þeir höfðu glímt við urðu þess valdandi að foreldrarnir litu á sig
sem óhæfa foreldra sem gætu ekki sinnt uppeldishlutverkinu. Það sem skiptir
foreldrana mestu máli er breytt viðhorf til foreldrahlutverkisins. Aukið öryggi og
bætt sjálfsímynd þeirra gerir þeim betur kleift að takast á við aðstæður sem
myndast inn á heimilinu. Einn stærsti áhrifaþátturinn í vexti og þroska barns telst
vera hvernig foreldrar takast á við foreldrahlutverkið (Respler-Herman o.fl.,
2011) og jafnframt getur framkoma foreldra við börn sín haft varanleg áhrif á
tilfinningalíf barnanna (Goleman, 2000). Þegar foreldrar fá staðfestingu á því
sem þeir gera rétt og ábendingar um hvernig þeir geti bætt sig og brugðist betur
við aðstæðum hefur það áhrif á hvernig komið er fram við barn/börn. Í
fjölskyldukerfiskenningunni er fjallað um að séu einhverjar breytingar gerðar á
hluta fjölskyldukerfisins megi ætla að breytingar komi fram á öðrum stað innan
kerfisins (Andreae, 1996). Aukið öryggi í foreldrahlutverkinu ásamt betri
samskiptum við börnin hafa þau áhrif að þau finna einnig fyrir þeim góðu
breytingum sem hafa orðið innan fjölskyldunnar. Foreldrarnir búa að því enn í
dag að hafa fengið Stuðninginn heim þar sem þeir lærðu nýja tækni ásamt því að
öðlast aukinn styrk, öryggi og bætta sjálfsmynd í foreldrahlutverkinu.
Allir notendur sem rannsakandi talaði við greindu frá því hversu vel þeim
leist á starfsmenn Stuðningsins heim. Traust myndaðist milli allra notenda og
starfsmanna. Þótt ekki þætti öllum notendum Stuðningurinn heim skila þeim
árangri sem þeir höfðu vonast eftir þótti þeim mjög gott að tala við
starfsmennina og veittu þeir þeim mikinn stuðning meðan á starfinu stóð.
Viðmælendur upplifðu starfsmenn einlæga í starfi og að starfsmenn sýndu
78
viðhorfi þeirra og áhyggjum áhuga. Framkoma starfsmanna vegur þungt í viðhorfi
viðmælenda til starfsins. Ljóst er að árangur úrræðisins má rekja til þeirrar
þjónustu sem starfsmenn veita. Starfsmennirnir fengu ýmis heiti í viðtölum við
rannsakanda, eins og „amma tvö og draumadís“ svo eitthvað sé nefnt.
Viðmælendur hrósuðu starfsmönnum ítrekað og töldu þá hafa unnið gott starf.
Eitt foreldri gengur svo langt að segja að starfsmaðurinn hafi unnið kraftaverk á
sínu heimili.
Þeir viðmælendur sem töldu að Stuðningurinn heim hefði ekki skilað
tilsettum árangri áttu börn með ADHD. Foreldrarnir vonuðust eftir markvissara
starfi með börnunum en upplifðu að þjónustan hefði snúið að foreldrunum. Þótt
gott væri að tala við starfsmanninn hjálpaði það ekki til að takast á við vandann á
heimilinu. Einn viðmælandi hafði eftir Stuðninginn heim fengið þjónustuna
Ráðgjafinn heim og taldi þá þjónustu hafa skilað sér meiri árangri. Viðmælendur
nefndu að ef til vill hafi starfsmaðurinn ekki haft næga þekkingu á því hvernig
ætti að takast á við hegðunarerfiðleika barna með ADHD. Spyrja má hvort
Ráðgjafinn heim henti betur fjölskyldum sem glíma við ADHD þar sem starfið
gengur út á að aðstoða fjölskyldur sem glíma við hegðunarvanda sem má rekja til
slíkrar greiningar.
Rannsókn þessi leitaðist eftir því að skoða viðhorf og upplifanir notenda.
Niðurstöður sýna að almennt er viðhorf og upplifun notenda af Stuðningnum
heim mjög gott. Þátttakendur voru sérstaklega ánægðir með starfsmennina og
töldu allir viðmælendur að starfið hefði skilað einhverjum árangri þótt
upphaflegu markmiðin hafi ekki alltaf náðst. Árangurinn er að mati viðmælanda
misjafn þar sem einhverjir líktu honum við kraftarverk á meðan annar nefndi að
eini árangurinn hafi verið að ræða við starfsmann. Sá viðmælandi sem var hvað
neikvæðastur gagnvart Stuðningnum heim greindi frá því að hann myndi þiggja
úrræðið ef það byðist honum aftur. Viðhorf notenda er slíkt að jafnvel þótt
úrræðið hafi ekki skilað tilsettum árangri myndu notendur samt sem áður þiggja
úrræðið á ný.
79
5.5 Hugmyndir notenda að úrbótum
Allir viðmælendur voru spurðir hvernig hægt væri að bæta þjónustuna. Hér
verður fjallað um helstu hugmyndir notenda.
Oftast svöruðu viðmælendur því að betra væri ef Stuðningurinn heim
hefði staðið í lengri tíma. Sumir nefndu að loksins þegar þeir voru farnir að sjá
árangur og traust hafði skapast var komið að lokum úrræðisins. Þessar
niðurstöður samræmast niðurstöðum Cynthia L. Jeans og Sveindísar A.
Jóhannsdóttir (2003) og þjónustukönnun velferðarsviðs þar sem greint er frá því
að notendur vilji að Stuðningurinn heim standi lengur en sex til átta vikur. En
niðurstöður erlendra rannsókna sýna einnig að betri árangur er af langtíma
forvarnarúrræðum (Al o.fl., 2012). Spyrja má hvort Stuðningurinn heim myndi
skila betri árangri ef hann stæði lengur. Starfsmenn greindu frá því að í sumum
tilfellum sé foreldrum boðinn lengri stuðningur en þessar hefðbundnu sex til átta
vikur. Aukinn stuðningur er boðinn þegar foreldrar sækjast sérstaklega eftir því
og starfsmenn telja að fjölskylda muni njóta góðs af auknum stuðningi.
Viðmælendur nefndu að öflugri eftirfylgni og/eða símabakvakt myndi
bæta þjónustuna. Aukin eftirfylgni teldist góð viðbót við þjónustuna og umskiptin
yrðu minni fyrir notandann þegar Stuðningum heim lýkur. Notandinn fyndi fyrir
auknu öryggi þar sem hann fengi tækifæri að standa á eigin fótum en gæti samt
sem áður leitað til starfsmanns. Engum viðmælenda í rannsókninni var boðin
þessi þjónusta. Að mati viðmælenda væri símabakvakt einnig góð leið til að bæta
þjónustuna. Þá væri hægt að hafa samband við starfsmann þegar foreldri er í
erfiðum aðstæðum og þarf aðstoð við að leysa úr vanda. Starfsmenn sögðust
reglulega bjóða notendum að hafa samband við sig eftir að úrræðinu er lokið en
misjafnt er hvort foreldrar nýti sér það.
Fram kom að viðmælendur hefðu viljað að þjónustan miðaði einnig að því
að bæta samskipti systkina. Þeir þátttakendur sem hefðu viljað aukinn stuðning
fyrir systkini voru foreldrar barna með ADHD. Foreldrarnir töldu alla starfsemi og
stuðning sem kom inn á heimilið hafa miðað að því að aðstoða barnið með
ADHD-greininguna og samskipti þess við foreldra. Reynsla þessara viðmælenda
sé hins vegar sú að systkini þessara barna líði fyrir það að búa á heimili með barni
með slíka greiningu og þarf þjónustan einnig að snúa að þeim börnum. Einnig
80
þarf að bæta samskipti systkina á heimilinu en ekki aðeins samskipti foreldra og
barns.
Einn viðmælandi sem hafði þolað heimilisofbeldi bar fram áhugaverða
hugmynd um hvernig auka mætti þjónustu við barnafjölskyldur sem búa við
heimilisofbeldi. Viðmælandi vildi að Stuðningurinn heim færi í samstarf við
úrræði Barnaverndarstofu sem gengur út á að félagsráðgjafi fer heim með
lögreglu þegar borist hefur tilkynning um heimilisofbeldi á heimili þar sem barn
er búsett. Hlutverk félagsráðgjafa er að huga að barninu og líðan þess.
Viðmælandi taldi að konur í ofbeldissamböndum þyrftu meiri stuðning til að
vinna í sambandinu eða að losa sig úr því. Með því að bjóða þessum foreldrum
Stuðninginn heim væri verið að gefa konum tækifæri til að þiggja aðstoð sem
þeim býðst, í staðinn fyrir að þurfa sjálfar að leita eftir hjálpinni. Með því að
bjóða slíkum fjölskyldum Stuðninginn heim mætti grípa fyrr inn í aðstæður og
brjóta þann vítahring sem myndast í lífi fórnalamba heimilisofbeldis. Þjónustan
gæti mögulega komið í veg fyrir eða takmarkað þann skaða sem börn verða fyrir
við að búa á heimili þar sem heimilisofbeldi er til staðar.
5.6 Viðhorf starfsmanna til starfsemi Stuðningsins heim
Rannsakandi leitaði eftir sjónarhorni starfsmanna á úrræðinu. Þeir voru meðal
annars spurðir með hvaða þætti í fari foreldra væri best að vinna. Starfsmennirnir
sögðu erfitt að alhæfa um slíkt þar sem notendur væru ólíkir. Þótt foreldri búi yfir
öllum eiginleikum til að ná árangri getur viðkomandi samt sem áður ekki alltaf
nýtt sér úrræðið sem skyldi. En nauðsynlegt er að foreldrar séu tilbúnir til að ná
fram einhverjum breytingum og gera sér grein fyrir þeirri vinnu sem þeir þurfa að
leggja á sig til að ná þeim markmiðum sem hafa verið sett. Það teljast góðir
eiginleikar í fari foreldra að vera samkvæmur sjálfum sér og geta sett skýr mörk.
Slíkir eiginleikar geta aukið líkur á að árangur náist.
Starfsmönnum þykir skemmtilegast að vinna með beina uppeldisráðgjöf.
Þar fá foreldrar beina kennslu í því hvernig á að takast á við ákveðnar aðstæður
sem hafa verið erfiðar á heimilinu. Líklegast er að starfsmönnunum þyki slík vinna
skemmtilegust vegna þess að þeir sjá árangur af vinnu sinni meðan á starfinu
stendur. Erfiðast þótti báðum starfsmönnum að vinna með geðræn vandamál.
81
Einn starfsmaður greindi frá því að þessar fjölskyldur þurfa oft á tíðum frekari
stuðning og leggur til að úrræði eins og tilsjón þurfi að taka við þegar
Stuðningnum heim líkur. Slíkt gæti komið í veg fyrir að árangurinn sem næst með
Stuðningnum heim tapist ekki. Annar starfsmaðurinn nefndi að honum þætti
erfitt að vinna með foreldrum af erlendum uppruna. Tungumálaörðugleikar valdi
því að erfitt sé að vinna við slíkar aðstæður þar sem starfsmaðurinn getur ekki
verið viss um að foreldrar hafi skilið þær leiðbeiningar sem hann veitti. Til að
bæta þjónustuna er hugsanlega hægt að leita til starfsmanna og kanna hvaða
málaflokka þeim þykir erfiðast að vinna með. Hægt yrði að veita
starfsmönnunum aukna fræðslu svo þeir séu betur undirbúnir og geti veitt betri
þjónustu í þeim málaflokkum sem þeim þóttu áður erfiðir.
5.7 Viðhorf til og upplifanir af skipulagsbreytingum árið 2012
Þjónusta fyrir barnafjölskyldur í Reykjavík tók breytingum fyrri hluta ársins 2012.
Markmið breytinganna var að gera þjónustuúrræði aðgengilegri fyrir notendur
með því að færa öll þjónustuúrræði á þjónustumiðstöðvar Reykjavíkur. Lögð var
til að aukin samvinna yrði milli úrræða, stofnana og samtaka (Velferðasvið
Reykjavíkurborgar, 2011a).
Breytingar voru eingöngu gerðar á ytra skipulagi Stuðningsins heim en
breytingarnar eru umdeildar meðal starfsmanna. Til að tryggja samræmi í
þjónustu þjónustumiðstöðva hefur verið tekin til notkunar kröfulýsing sem
starfsmenn þurfa að framfylgja. Meðal annars kemur fram krafa um reglulegar
úttektir á vegum velferðarsviðs Reykjavíkurborgar. Úttektir gera velferðarsviði
kleift að kanna árangur af úrræðinu með því að leita meðal annars eftir viðhorfi
og upplifun notenda þjónustunnar. Það hefur verið gert síðustu ár með
þjónustumatskönnun en rannsakandi telur upplýsingum úr þeim gögnum
verulega ábótavant, sérstaklega árin 2010-2011. Vonast er til að úttektin bæti
þjónustukannanir síðustu ára en mikilvægt er að kanna árangur starfandi
þjónustuúrræða. Slíkar upplýsingar geta leitt í ljós þætti sem þarf að bæta til að
hægt sé að veita betri þjónustu.
Starfsmenn skilja markmiðin með breytingunum en þeir starfsmenn sem
rannsakandi tók viðtal við sjá marga vankanta á nýju breytingunum.
82
Starfsmennirnir upplifa minni stuðning og einn starfsmaður nefndi að vinnan
væri nú orðin einmanaleg. Starfsmenn sakna þess að geta ekki leitað í jafn
miklum mæli í gamla starfshópinn sinn en þeir höfðu mikinn styrk og stuðning
hver af öðrum. Starfsmenn telja mikilvægt að þeir geti leitað til annarra
starfsmanna sem vinna sömu vinnu eða til annarra starfsmanna Stuðningsins
heim. Starfsmennirnir hittast nú hálfsmánaðarlega en það kemur ekki í stað þess
stuðnings sem þeir höfðu fyrir breytingarnar. Starfsmenn gátu áður skipt á milli
sín málaflokkum eftir áhugasviði og telja starfsmenn að þeir hafi betur fengið að
njóta sín í starfi með því fyrirkomulagi. Nú er ekkert svigrúm til að velja ákveðin
mál heldur þarf starfsmaður að taka að sér öll mál sem berast frá því hverfi sem
hann starfar í. Með því að einn starfsmaður starfi fast í sama hverfi verður hann
einnig sýnilegri. Áhyggjur eru af því að líklegra sé að íbúar í hverfinu þekki hann
og viti í hvaða erindagjörðum starfsmaður er þegar hann fer í heimsókn til
barnafjölskyldna. Á síðustu árum hafa starfsmenn unnið saman að því að þróa og
bæta þjónustuna. Einn starfsmaður hefur miklar áhyggjur af því að minni þróun
verði á þjónustunni og að starfið eins og það er unnið í dag muni staðna þar sem
minni samvinna sé milli starfsmanna.
Breytingarnar geta einnig valdið fyrri notendum óþægindum þar sem ekki
er alltaf hægt að fá þann starfsmann sem þeir höfðu fyrir breytingar. Nú geta
notendur aðeins fengið þann starfsmann sem starfar í þeirra hverfi. Foreldrar
sem fá Stuðninginn heim aftur eftir breytingarnar telja að þeir séu að byrja
starfið upp á nýtt í staðinn fyrir að geta unnið út frá þeim punkti sem þeir fengu
Stuðninginn heim síðast.
Eins og fram hefur komið eru breytingarnar umdeildar og þarf velferðarsvið
að huga að líðan og ánægju starfsmanna í starfi og kanna hvernig hægt sé að
bæta líðan þeirra eftir breytingarnar. Huga þarf sérstaklega að starfsmönnunum
til að þeir geti veitt þá þjónustu sem áður var í boði. Niðurstöður hafa sýnt hversu
ánægðir notendur eru með framkomu og framlag starfsmanna. Ljóst er að
árangur af Stuðningnum heim veltur mjög á því hvernig notendum líst á
starfsmanninn. Gæta þarf sérstaklega að því að bæta líðan starfsmannanna þar
sem vanlíðan í starfi getur mögulega komið niður á notendum og þjónustu
Stuðningsins heim í framtíðinni.
83
6 Lokaorð
Mikilvægt er að til séu forvarnarúrræði fyrir barnafjölskyldur sem hafa það að
markmiði að grípa snemma inn í aðstæður til að bæta uppeldisaðstæður barna.
Með því að bæta uppeldisskilyrði barna er mögulega hægt að koma í veg fyrir
langvarandi vanda hjá börnum og fjölskyldum þeirra. Einnig geta bættar
uppeldisaðstæður komið í veg fyrir innlögn barna á stofnanir og má því koma í
veg fyrir þá röskun sem fjölskyldur upplifa við slíkar aðstæður.
Niðurstöður rannsóknarinnar sýndu að viðmælendur vissu fátt eitt um
Stuðninginn heim áður en félagsráðgjafi kynnti þeim úrræðið. Ef til vill veit
almenningur lítið um úrræðið og þarf þá að bæta upplýsingagjöf svo fjölskyldur
sem glíma við vanda geti leitað sér fyrr aðstoðar. Niðurstöður sýna einnig að
almennt eru viðmælendur ánægðir með þjónustuna, telja árangur af úrræðinu og
greina frá jákvæðri reynslu við að fá starfsmann úrræðisins heim til sín. Eins og
aðrar rannsóknir sýna virðist heimilið vera gott umhverfi fyrir foreldra til að fá
stuðning við barnauppeldi. Þeir foreldrar sem náðu markmiðum sínum nota enn
og búa að þeim lærdómi sem þeir öðluðust. Það sem skipti mestu máli er bætt
sjálfsmynd í foreldrahlutverkinu. Bætt sjálfsmynd og aukið öryggi hefur þau áhrif
að foreldrar telja sig færari til að takast á við aðstæður sem koma upp á
heimilinu. Börn búa að því að foreldrar þeirra eru öruggari með hlutverk sitt
innan heimilisins. Notendur lögðu fram nokkrar hugmyndir um hvernig bæta
mætti þjónustuna. Helstu hugmyndir voru að þjónustan stæði lengur en þessar
hefðbundnu sex til átta vikur, eftirfylgni yrði aukin og áhersla lögð á samskipti
systkina svo eitthvað sé nefnt. Starfsmönnum þykir gott að starfa með foreldrum
á heimilum sínum en eru ósáttir við breytingarnar sem urðu á starfinu árið 2012.
Starfsmenn upplifa minni stuðning í starfi þar sem þeir hafa ekki þessi daglegu
samskipti við aðra starfsmenn Stuðningsins heim sem voru fyrir breytingarnar.
Rannsóknin býr yfir bæði styrkleikum og veikleikum. Veikleikarnir eru
helst fjöldi viðmælenda og niðurstöðurnar endurspegla eingöngu upplifun þeirra
sem tóku þátt í rannsókninni. Vera kann að þeir sem hafa neikvæða upplifun af
úrræðinu séu ólíklegri til að taka þátt í rannsókn og geta niðurstöðurnar þar af
leiðandi verið skekktar. Styrkleikar rannsóknarinnar eru að hún leitast við að
skoða árangur af starfandi þjónustu með það að markmiði að bæta hana. Annar
84
styrkleiki getur talist að niðurstöðurnar samræmast niðurstöðum eldri rannsókna
en talið er að slíkt sé mælikvarði á góðri eigindlegri rannsókn. Einnig telst það
styrkleiki að rannsókn þessi er fyrst til að skrásetja sögu úrræðisins, skoða
aðdraganda þess og hvernig það kom til. Í framhald af þessari rannsókn þarf að
huga að áhrifum þeirra breytinga sem gerðar voru árið 2012 á starfsemi
Stuðningsins heim. Kanna þarf viðhorf og upplifun notenda og starfsmanna af
úrræðinu til að meta hvort breytingarnar skili tilsettum árangri og bættri
þjónustu.
_________________________
Marta Joy Hermannsdóttir
85
Heimildir
Aðalbjörg Valberg, Guðrún Marinósdóttir, Guðrún Reykdal, Helgi Viborg, Margrét
Petersen og Stefanía Sörheller. (2004). [Stuðningurinn heim: Skýrsla
vinnuhóps 23. nóvember 2004]. Óútgefin gögn.
Al, C. M. W., Stams, G. J. J. M., Bek, M. S., Damen, W. M., Asscher, J. J. og van der
Laan, P. H. (2012). A meta-analysis of intensive family preservation
programs: Placement prevention and improvement of family functioning
[rafræn útgáfa]. Children and Youth Services Review, 34, 1472-1479.
Allen, S. F. og Tracy, E. M. (2008). Developing student knowledge and skills for
home-besed social work practice. Journal of Social Work Education, 44(1),
125-143.
Andrea G. Dofradóttir, Ragna Benedikta Garðarsdóttir og Friðrik H. Jónsson.
(2007, janúar). Stuðningurinn heim: Þjónustukönnun fyrir
Reykjavíkurborg. Sótt 15. júní 2012 af
http://www.reykjavik.is/Portaldata/1/Resources/velferdarsvid/rannsokni
r_kannanir/Stu_ningurinn_heim_-_Sk_rsla_2006.pdf.
Andreae, D. (1996). Systems theory and social work treatment. Í F. J. Turner
(ritstjóri), Social work treatment (4. Útgáfa). (bls. 601-616). New York: The
Free Press.
Auður Ósk Guðmundsdóttir og Helena Unnarsdóttir (2009). Laugarásvegur:
Greining og uppeldisráðgjöf. Í Halldór Sig. Guðmundsson og Silja Bára
Ómarsdóttir (ritstjórar). Rannsóknir í félagsvísindum X.
Félagsráðgjafardeild og stjórnmálafræðideild (bls 31-40). Reykjavík:
Félagsvísindastofnun Háskóla Íslands.
Barnalög nr. 20/1992.
Barnasáttmáli Sameinuðu þjóðanna. (e.d.). Barnasáttmálinn – heildar texti. Sótt
6. október 2012 af
http://www.barnasattmali.is/barnasattmalinn/barnasattmalinnheildartex
ti.html.
Barnaverndarlög nr. 80/2002.
Barnaverndarstofa. (2011). Þjónusta fyrir börn sem búa við heimilisofbeldi. Sótt
27. október 2012 af http://bvs.is/?s=9&m=&id=383.
86
Barnaverndarstofa. (e.d.a). Greining og uppeldisráðgjöf heim. Sótt 15. september
2012 af http://www.bvs.is/?s=9&id=267&m=.
Barnaverndarstofa. (e.d.b). 13. Kafli. Stuðningsúrræði. Sótt 15. september 2012
af http://bvs.is/?ser=288&m=1.
Beder, J. (1998). The home visit, revisited. Families in Society, 79(5), 514–522.
Bee, H. og Boyd, D. (2010). The developing child (12. útgáfa). Boston: Pearson.
Belsky, J., Lerner, R., M. og Spanier, G. (1984). The child in the family. New York:
Random House.
Berry, M. Charlson, R. og Dawson, K. (2003). Promising practices in
understanding and treating child neglect [rafræn útgáfa]. Child and Family
Social Work, 8, 13-24.
Birna María Svanbjörnsdóttir. (2007). Foreldrar og líðan barna: Vilja foreldrar
stuðning í foreldrahlutverkinu? Óbirt MA-ritgerð: Háskólinn á Akureyri,
kennaradeild.
Bowlby, J. (1952). Maternal care and mental health. Geneva: World health
organization.
Bragi Guðbrandsson (2004). Children in institutions: prevention and alternative
care. Sótt 3. september 2012 af
http://www.crin.org/docs/resources/treaties/crc.40/GDD_2005_CE_Child
ren_Institutions.pdf.
Brunette, M. F., Richardson, F., White, L., Bemis, G. og Eelkema, R. E. (2004).
Integrated family treatment for parents with severe psychiatric
disabilities [rafræn útgáfa]. Psychiatric rehabilitation journal, 28(2), 177-
180.
Corcoran, J. og Stephenson, M. (2000). The effectiveness of solution – focused
therapy with child behavior problems: A preliminary report [rafræn
útgáfa]. Families in Society, 81(5), 468-474.
Cullen, J. P., Ownbey, J. B. og Ownbey, M. A. (2010). The effects of the healthy
families America home visitation program on parenting attitudes and
practices and child social and emotional competence [rafræn útgáfa].
Child and Adolescent Social Work Journal, 27, 335-354.
87
Cynthia Lisa Jeans og Sveindís Anna Jóhannsdóttir (2003, september).
Stuðningurinn heim – þróun nýs úrræðis í félagsþjónustu. Sótt 15. júní
2012 af
http://www.reykjavik.is/Portaldata/1/Resources/skjol/svid/velferdarsvid/
utgefid_efni/skyrslur_kannanir/nyskopunarsjodsverkefni/Studningurinn_
heim(1).pdf.
Dunn, A., Jarger, E. og Webb, D. (2007). A last resort – the growing concern about
children in residential care. Sótt 3. nóvember 2012 af
http://resourcecentre.savethechildren.se/content/library/documents/las
t-resort-growing-concern-about-children-residential-care.
Egan, M. og Kadushin, G. (2004). Job satisfacation of home health social workers
in the enviroment of cost containment. Health and social work, 29(4),
287-296.
Esterberg, K. G. (2002). Qualitative methods in social research. New York:
McGraw-Hill Companies.
Félagsráðgjafafélag Íslands. (e.d.). Siðareglur félagsráðgjafa. Sótt 11. nóvember
2012 af
http://www.felagsradgjof.is/index.php?option=content&task=view&id=8
&Itemid=31.
Gingerich, W. J. og Eisengart, S. (2000). Solution – focused brief therapy: A
review of the outcome research [rafræn útgáfa]. Family Process, 39(4),
477-498.
Goleman, D. (2000). Tilfinningagreind (Áslaug Ragnars þýddi). Reykjavík: Iðunn.
Gruber, K. J., Fleetwood, T. W. og Herring, M. W. (2001). In-Home continuing
care services for substance – affected families: The bridges program
[rafræn útgáfa]. Social Work, 46(3), 267-277.
Guðný Hildur Magnúsdóttir (2002). Úttekt á barnavernd Reykjavikur: Úttekt á
skipulagsbreytingum sem urðu í barnavernd og félagsþjónustu í Reykjavík
með stofnun barnaverndar Reykjavíkur haustið 2000. Reykjavík:
Félagsþjónustan í Reykjavík.
Head, E. (2009). The ethics and implications of paying participants in qualiative
research. International Journal of Social Research Methodology, 12(4),
335-344.
88
Helga Jónsdóttir. (2003). Viðtöl sem gagnasöfnunaraðferð. Í Sigríður
Halldórsdóttir og Kristján Kristjánsson (ritstjórar), Handbók: Í
aðferðafræði og rannsóknum í heilbrigðisvísindum (bls, 67-84). Akureyri:
Háskólinn á Akureyri.
Kadushin, A. og Kadushin, G. (1997). The social work interview (4. útgáfa). New
York: Columbia University Press.
Kristján Kristjánsson. (2003). Hugtakagreining. Í Sigríður Halldórsdóttir og Kristján
Kristjánsson (ritstjórar), Handbók: Í aðferðafræði og rannsóknum í
heilbrigðisvísindum (bls, 201-217). Akureyri: Háskólinn á Akureyri.
Kvale, S. (1996). Interviews: An introduction to qualitative research interviewing.
California: Sage Publications.
Kvale, S. og Brinkmann, S. (2009). Interviews – learning the craft of qualitative
research interviews (2. útgáfa). California: Sage Publications.
LeCroy, C. W. og Krysik, J. (2011). Randomized trial of the healthy families
Arizona home visiting program [rafræn útgáfa]. Children and Youth
Services Review, 33, 1761-1766.
Lög um félagsþjónustu sveitarfélaga nr. 40/1991.
Lög um málefni fatlaðs fólks nr. 59/1992.
Lög um persónuvernd og meðferð persónuupplýsinga nr. 77/2000.
María Gunnarsdóttir. (2011). Stuðningsúrræðið tilsjón í barnaverndarmálum.
Óbirt MA-ritgerð: Háskóli Íslands, Félagsráðgjafardeild.
Mckergow, M. og Korman, H. (2009). Inbetween – neither inside nor outside: The
radical simplicity of solution – focused brief therapy [rafræn útgáfa].
Journal of Systemic Therapies, 28(2), 34-49.
Neuman, W. L. (2006). Social research methods (6. útgáfa). Boston: Pearson
Education Inc.
Nichols, M.P. (2010). Family therapy: Concepts and methods (9. útgáfa). Boston:
Pearson.
Ómar H. Kristmundsson. (1999, september). Starfsumhverfi ríkisstarfsmanna við
aldahvörf. Sótt 11. nóvember 2012 af
http://www.fjarmalaraduneyti.is/media/Utgefin_rit/starfsumhverfi-1.pdf.
89
Payne, M. (2005). Modern social work theory (3. útgáfa). London: Palgrave
macmillan.
Reglugerð um úrræði á ábyrgð sveitarfélaga samkvæmt ákvæðum
barnaverndarlaga nr. 652/2004.
Respler-Herman, M., Mowder, B. A., Yasik, A. E. og Shamah, R. (2012). Parenting
beliefs, parental stress and social support relationships [rafræn útgáfa].
Journal of Child and Family Studies, 21, 190-198.
Shazer, S. D. og Berg, I. K. (1997). What works? Remarks on research aspects and
solution – focused brief therapy [rafræn útgáfa]. Journal of Family
therapy, 19, 121-124.
Sigríður Halldórsdóttir. (2003). Vancouver-skólinn í fyrirbærafræði. Í Sigríður
Halldórsdóttir og Kristján Kristjánsson (ritstjórar), Handbók: Í
aðferðafræði og rannsóknum í heilbrigðisvísindum (bls, 249-265).
Akureyri: Háskólinn á Akureyri.
Sigrún Júlíusdóttir (2001). Fjölskyldur við aldahvörf. Reykjavík: Háskólaútgáfan.
Sigurður Kristinsson. (2003). Siðfræði rannsókna og siðanefndir. Í Sigríður
Halldórsdóttir og Kristján Kristjánsson (ritstjórar), Handbók: Í
aðferðafræði og rannsóknum í heilbrigðisvísindum (bls, 161-179).
Akureyri: Háskólinn á Akureyri.
Sigurlína Davíðsdóttir. (2003). Eigindlegar eða megindlegar rannsóknaraðferðir? Í
Sigríður Halldórsdóttir og Kristján Kristjánsson (ritstjórar), Handbók: Í
aðferðafræði og rannsóknum í heilbrigðisvísindum (bls, 219-235).
Akureyri: Háskólinn á Akureyri.
Silverman, D. (2010). Doing qualitative research (3. útgáfa). Thousand Oaks: Sage
Publications.
Stalker, C. A., Levene, J. E. og Coady, N. F. (1990). Solution – focused brief
therapy – one model fits all? [rafræn útgáfa]. Families in Society, 80(5),
468-477.
Thompson, N. (2009). Understanding social work (3. útgáfa). London: Palgrave
macmillan.
Timmer, S. G., Zebell, N. M., Culver, M. A. og Urquiza, A. J. (2010). Efficacy of
adjunct in-home coaching to improve outcomes in parent-child
90
interaction therapy [rafræn útgáfa]. Research on Social Work Practice,
20(1), 36-45.
Tolfree, D. (1995) Roofs and roots: The care of separated children in the
developing world. Sótt 20. september af
http://www.crin.org/docs/roofs%20and%20roots.%20%20the%20care%2
0of%20separated%20children%20in%20the%20deve.pdf.
Velferðarsvið Reykjavíkurborgar. (2009). [Stuðningurinn heim: Niðurstöður
þjónustumats]. Óútgefin gögn.
Velferðarsvið Reykjavíkurborgar. (2010a). Ársskýrsla: Velferðarsvið
Reykjavíkurborgar 2010. Sótt 25. september 2012 af
http://reykjavik.is/Portaldata/1/Resources/velferdarsvi_-
nytt/arsskyrslur/Velferdarsvid-arssk-2010_efnisyf.pdf.
Velferðarsvið Reykjavíkurborgar. (2010b). [Stuðningurinn heim: Niðurstöður
þjónustumats]. Óútgefin gögn.
Velferðarsvið Reykjavíkurborgar. (2011a). Starfs- og fjárhagsáætlun 2011. Sótt
27. október 2012 af
http://reykjavik.is/Portaldata/1/Resources/velferdarsvi_-
nytt/lokadrogstarfs2511.pdf.
Velferðarsvið Reykjavíkurborgar. (2011b). [Stuðningurinn heim: Niðurstöður
þjónustumats]. Óútgefin gögn.
Velferðarsvið Reykjavíkurborgar. (e.d.). [Fjöldi notenda Stuðningsins heim á
árunum 2001-2011]. Óútgefin gögn.
Yegidis, B. L. og Weinbach, R. W. (2009). Research methods for social workers (6.
útgáfa). Boston: Pearson Education Inc.
Young, S. og Hawkins, T. (2006). Special parenting and the combined skills model
[rafræn útgáfa]. Journal of Applied Research in intellectual Disabilities, 19,
346-355.
91
7 Fylgiskjal A: Leyfi Velferðarsvið Reykjavíkurborgar
92
8 Fylgiskjal B: Viðtalsvísir: Notendur Stuðningsins heim
Bakrunnur
1. Aldur, sambúðarstaða, fjöldi barna?
2. Hvaða ár laukstu úrræðinu Stuðningurinn heim?
a. Hefur þú nýtt þér úrræðið oftar en einu sinni?
3. Hvað var barnið eða börnin þín gömul þú fékkst Stuðninginn heim?
Kynning og val á úrræðinu
4. Hver og hvernig var þér kynnt úrræðið í upphafi?
a. Hafðirðu heyrt um það áður?
5. Hvað fannst þér um úrræðið fyrst þegar þú heyrðir um starfsemi þess?
6. Voru þér kynnt önnur úrræði eða möguleikar samhliða?
a. Fékkstu aðra þjónustu samhliða Stuðningnum heim?
7. Hvað fékk þig til að velja Stuðninginn heim?
a. Mótaðist valið af þrýstingi frá utan að komandi aðilum?
8. Hvaða væntingar hafðirðu í upphafi til Stuðningsins heim?
9. Varstu vel upplýst/ur um hvers konar starf er unnið í Stuðningnum heim?
Barnavernd
10. Hefur þú þurft að vinna með barnavernd?
a. Ef svo er var það á undan stuðningum heim? Samhliða? Eða eftir?
Starfsmenn Stuðningsins heim
11. Hvernig leist þér á starfsmanninn/starfsmennina sem komu inn á heimili þitt?
a. Skapaðist traust til starfsmanns Stuðningsins heim?
b. Hvernig upplifðu aðrir á heimilinu samstarfið við starfsmann Stuðningsins heim?
12. Hvernig var þér tekið af starfsmönnum Stuðningsins heim?
13. Var þér gefið tækifæri til að koma þínum sjónarmiðum á framfæri á meðan þú fékkst Stuðninginn heim?
a. Var tekið mark á þínum sjónarmiðum?
Að upplýsa aðra um Stuðninginn heim
14. Hvernig útskýrðirðu fyrir barni eða börnum starfsemi Stuðningsins heim?
a. Hver voru viðbrögð barnanna?
b. Vissi stórfjölskyldan að þú fengir Stuðninginn heim?
c. Sagðirðu öðrum frá því að þú fengir þessa þjónustu?
93
Markmið
15. Hver setti markmiðin sem unnið var að í Stuðningnum heim?
16. Voru markmið þín með Stuðningnum heim skýr frá upphafi?
a. Breyttust þau þegar leið á starfið?
b. Ef svo er, hvernig breyttust þau og af hverju?
17. Náðir þú þeim markmiðum sem unnið var að?
a. Ef ekki, af hverju var markmiðunum ekki náð?
b. Hefði verið hægt að gera eitthvað annað til að tryggja að markmiðunum hefði verið náð?
Tímalengd úrræðisins
18. Finnst þér tímabilið sem þú fékkst stuðninginn nýtast vel?
a. Hefðirðu viljað nýta það öðruvísi?
19. Fannst þér 6-8 vikur hæfilegur tími?
a. Var tímalengd hverrar heimsóknar hæfileg?
20. Varstu sátt/ur þegar stuðningnum lauk?
21. Var þér boðin eftirfylgni að loknu tímabilsins?
a. Ef svo er, nýttirðu þér það og hversu lengi var eftirfylgnin?
Viðhorf og upplifanir á starfinu
22. Var aðstoðin í samræmi við væntingar þínar?
23. Fannst þér árangur af Stuðningnum heim fyrir þig eða þína fjölskyldu?
24. Hvernig finnst þér Stuðningurinn heim hafa nýst þegar til lengri tíma er litið?
a. Hvað nýttist best af því sem þú lærðir á Stuðningum heim?
b. Notar þú enn í dag það sem þú lærðir í úrræðinu, voru einhverjar breytingar til frambúðar?
c. Hvað nýtist best?
d. Er eitthvað sem nýttist illa sem þú lærðir í úrræðinu?
25. Hefði verið hægt að gera eitthvað til að bæta þjónustuna?
26. Er eitthvað sem þú hefðir viljað hafa öðruvísi? Hvað?
27. En svona að lokum er eitthvað sem þú vilt koma á framfæri?
94
9 Fylgiskjal C: Viðtalsvísir: Starfsmenn Stuðningsins heim
Bakgrunnur
1. Menntun og starfsaldur í úrræðinu
Að starfa í úrræðinu
2. Hver er þín upplifun af því að fara á heimili annarra og veita stuðning?
3. Hvernig finnst þér að fara í fyrstu heimsókn hjá fjölskyldu?
a. Finnst þér þú hafa fengið nægilegar upplýsingar um fjölskylduna?
b. Ef ekki, væri hægt að gera eitthvað öðruvísi til að tryggja betri upplýsingar?
Að vinna með markmiðin
4. Hver ákveður hvað skal gera til að ná markmiðunum? Búa til leiðir eða verkefni til að ná settum markmiðum?
5. Haldast markmiðin út tímabilið eða breytast þau þegar líður á vinnuna?
6. Hefur komið upp sú staða að þú eða fjölskylda hefur verið ósammála upphaflegu markmiðunum?
a. Ef svo er, hvernig hefur verið leyst úr því?
Starfið sjálft
7. Hvað af því sem þú gerir nýtist best inn á heimilinu?
8. Hver finnst þér vera mesti árangurinn af starfinu inn á heimilinu?
9. Hvað finnst þér um tímaþáttinn? Þarf hann að vera lengri eða mætti hafa þetta styttra?
10. Ertu sátt/ur við það hvernig lokin eru þegar þegar Stuðningurinn heim hættir?
a. Ef ekki, hvernig myndirðu vilja sjá þetta öðruvísi?
Hugmyndafræði úrræðisins
11. Hvað fannst þér með lausnamiðaða hugmyndafræði, hvernig nýtist hún, hvað finnst þér nýtast best úr þeirri hugmyndafræði?
a. Er eitthvað sem þér finnst nýtast lítið úr þessari hugmyndafræði?
12. Ffyrir hvaða hópa telur þú að þessi þjónusta nýtist best?
a. Er einhver hópur sem erfitt er að vinna með og úrræðið nýtist ekki sem skildi?
b. Ef svo er, hvernig væri hægt að vinna með þeim hópi öðruvísi?
Að vinna með foreldrum
13. Finnst þér foreldrar gera sér grein hvað felst í því að ná þeim markmiðum sem hafa verið sett?
95
14. Hvaða þætti í fari foreldra telur þú mikilvæga til að ná árangri?
15. Finnst þér foreldrar skilja í hverju starf þitt felst?
16. Hvernig er að setja fagleg mörk við skjólstæðinga þegar þið vinnið inni á heimili þeirra?
a. Hvernig er tekið á máli þegar skjólstæðingur fer yfir fagleg mörk?
Upplifun starfsmanna á vinnu sinni
17. Finnst þér vera gerðar raunhæfar kröfur og væntingar til þín sem starfsmanns?
18. Telur þú mikið álag á starfsmönnum stuðningsins heim?
19. Finnst þér þú fá nægilegan faglegan stuðning?
a. Færðu handleiðslu? Hvað heldur þú að þú sækir að meðaltali handleiðslu oft?
20. Hvert leitar þú þegar erfið mál koma upp?
21. Færðu tækifæri til að fara á námskeið og nýta þér endurmenntun?
a. Hvað finnst þér hafa nýst best af því sem þú hefur sótt?
22. Finnst þér tilkynningaskyldan valda togstreitu í starfinu?
23. Hvernig finnst þér samvinna við aðrar stofnanir og aðra fagaðila ganga?
a. Vita aðrar stofnanir hvað felst í starfinu Stuðningurinn heim?
b. Eitthvað sem mætti breyta eða bæta?
24. Er eitthvað sem þú ert ósammála og myndir vilja breyta innan úrræðisins Stuðningurinn heim?
25. Og að lokum, er eitthvað sem þú vilt koma á framfæri?
96
10 Fylgiskjal D: Kynningarbréf
Stuðningurinn heim: Afdrif og viðhorf
Ágæti viðtakandi.
Marta J. Hermannsdóttir heiti ég og er meistaranemi á 5. ári í félagsráðgjöf við
Háskóla Íslands. Hluti námsins er rannsóknarverkefni sem ég er að vinna í
samvinnu við velferðarsvið Reykjavíkurborgar. Heiti rannsóknarverkefnisins er
"Stuðningurinn heim – afdrif þeirra sem útskrifuðust úr úrræðinu á árunum 2009
- 2011“. Sigurveig H. Sigurðardóttir dósent við félagsráðgjafardeild Háskóla
Íslands er leiðbeinandi og ábyrgðarmaður rannsóknarinnar.
Markmið rannsóknarinnar er að svara því hver séu afdrif þeirra foreldra sem
fengu Stuðninginn heim og kanna hvort eitthvað mætti betur fara varðandi
úrræðið. Mikilvægt er að fá sjónarhorn þeirra sem notað hafa þjónustuna og
vonast er til að niðurstöður rannsóknarinnar geti gefið vísbendingar um hvernig
hægt er að veita enn betri þjónustu í framtíðinni.
Ég leita til þín með ósk um að þú gefir kost á þér til þátttöku í rannsókninni.
Rannsakandi mun taka eitt viðtal við hvern þátttakanda og er áætlað að viðtalið
taki ekki klukkustund. Viðtölin verða tekin á tímabilinu 17. september og 15.
október 2012. Tímasetning og staðsetning viðtalanna verður samkomulag milli
rannsakanda og þátttakenda. Ef þú ert tilbúin/n til að taka þátt í rannsókninni,
vinsamlegast hafðu samband í síma 823-5456 eða með tölvupósti á netfangið
Vert er að taka fram að kynnisbréf þetta er sent út á vegum velferðarsviðs
Reykjavíkurborgar og hefur rannsakandi ekki fengið upplýsingar um þá
einstaklinga sem lokið hafa úrræðinu. Gætt verður fyllsta trúnaðar og gengið úr
skugga um að upplýsingar sem koma fram í viðtölum séu á engan hátt
rekjanlegar til þátttakenda. Ef einhverjar spurningar vakna um rannsóknina má
hafa samband við rannsakanda í síma eða með tölvupósti. Einnig má hafa
samband við ábyrgðarmann rannsóknarinnar rafrænt á netfangið [email protected].
97
Þátttakendur rannsóknarinnar eiga kost á því að vinna 10 þús. kr. gjafabréf í
Kringlunni og verður einn vinningshafi dreginn út 1. desember 2012.
Með von um góðar viðtökur,
Marta J. Hermannsdóttir S: 823-5456 E-mail: [email protected]
98
11 Fylgiskjal E: Upplýst samþykki
Upplýst samþykki fyrir þátttöku í rannsókn
Rannsókn á afdrifum og viðhorfi þeirra sem lokið hafa úrræðinu Stuðningurinn heim á árunum 2009-2011
Ábyrgðarmaður rannsóknarinnar og leiðbeinandi rannsóknaraðila er Sigurveig H.
Sigurðardóttir, dósent við félagsráðgjafardeild Háskóla Íslands. Rannsóknaraðili
er Marta J. Hermannsdóttir, meistaranemi í félagsráðgjöf til starfsréttinda við
Háskóla Íslands. Rannsókn þessi er unnin í samstarfi við velferðarsvið
Reykjavíkurborgar. Vakni einhverjar spurningar er varða rannsóknina má hafa
samband við rannsóknaraðila á póstfangið: [email protected] eða í síma: 823-5456 eða
við ábyrgðarmann rannsóknarinnar á póstfangið: [email protected] eða í síma: 525-
5222.
Tilgangur og markmið rannsóknarinnar er að kanna afdrif og viðhorf fjölskyldna
sem hafa nýtt sér úrræðið Stuðningurinn heim á árunum 2009-2011.
Þátttakendur buðust til að taka þátt í rannsókninni eftir að hafa fengið
kynningarbréf um rannsóknina sem var sent af velferðarsviði Reykjavíkurborgar. Í
þessum hluta rannsóknarinnar er leitast eftir að taka viðtöl við foreldra sem hafa
nýtt sér úrræðið Stuðningurinn heim. Eitt viðtal verður tekið við hvern
þátttakanda og áætlað er að hvert viðtal taki um eina klukkustund. Viðtölin fara
fram þar sem þátttakandi óskar, t.d. í heimahúsi eða í þjónustumiðstöð
Breiðholts. Í öðrum hlutum rannsóknarinnar verða tekin viðtöl við starfsfólk
Stuðningsins heim og fyrirliggjandi gögn sem eru í vörslu velferðarsviðs
Reykjavíkurborgar verða skoðuð. Fyrirliggjandi gögn eru nafnlaus matsblöð sem
þátttakendur úrræðisins hafa fyllt út. Einnig verða fengnar tölulegar upplýsingar
um þá sem nýttu sér úrræðið á árunum 2009-2011.
Viðtölin við þátttakendur verða hljóðrituð og afrituð af rannsakanda til að
auðvelda gagnaúrvinnslu. Einungis rannsóknaraðili hefur aðgang að viðtölunum
en ef þörf þykir getur rannsóknaraðili leitað til ábyrgðarmanns á
rannsóknartímabilinu. Gögnin verða dulkóðuð svo ekki verði mögulegt að rekja
viðtölin aftur til þátttakenda. Að rannsókn lokinni verður öllum gögnum
viðtalanna eytt. Í lokaskýrslu rannsóknarinnar verður fjallað um meginþemu sem
99
komu fram í rannsókninni og vísað í viðtölin eins og við á. Engin atriði sem koma
fram í lokaskýrslunni verða rekjanleg til þátttakenda.
Viðtölin verða tekin á tímabilinu 17. september – 15. október 2012.
Rannsóknarlok eru áætluð í desember 2012. Lokaskýrsla rannsóknarinnar verður
birt á Skemmunni (skemman.is) og eitt eintak verður aðgengilegt á
Landsbókasafni Íslands.
Þátttakendum er frjálst á öllum stigum rannsóknarinnar að hætta þátttöku án
frekari eftirmála. Ekki verður greitt fyrir þátttöku en einn heppinn þátttakandi
vinnur 10 þúsund króna gjafabréf í Kringlunni. Vinningshafinn verður dregin út af
starfsmanni Reykjavíkurborgar þann 1. desember 2012.
Mér hefur verið kynnt þessi rannsókn og er ljóst að markmið hennar er að skapa
þekkingu um þá sem hafa nýtt sér úrræðið Stuðningurinn heim á árunum 2009-
2011. Með undirskrift minni samþykki ég þátttöku í rannsókn þessari og er mér
ljóst í hverju þátttaka mín felst. Ég geri mér grein fyrir því að ég get dregið
samþykki mitt til baka á hvaða stigi rannsóknarinnar sem er. Ég
undirrituð/undirritaður lýsi hér með yfir samþykki mínu til þátttöku í þeirri
rannsókn sem um ræðir.
__________________________________________________
Dagsetning og undirskrift þátttakanda
______________________________ ______________________________
Undirskrift rannsóknaraðila, Undirskrift ábyrgðaraðila,
Marta J. Hermannsdóttir Sigurveig H. Sigurðardóttir